KA PASALTHA NGURLIANPUIA CHAPTER 9 By Mawitei bawitlung

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
mawitei bawihtlung
Posts: 753
Joined: November 18th, 2020, 12:53 pm

KA PASALTHA NGURLIANPUIA CHAPTER 9 By Mawitei bawitlung

Unread post by mawitei bawihtlung » August 3rd, 2022, 7:59 pm

KA PASALTHA NGURLIANPUIA






CHAPTER 9






Lal muala mipui lam hut hut chu kalsanin lungpui lian zet khawdaia awm ah chuan ka thu,vanlam enin thla leh arsi te chu ka thlir reng . Engtikah emaw helai hmun hi ka la chhuahsan ngei dawn tih ka hria ,chung ka ngaihtuah ringawt pawhin ka tah a chhuak tun,keihian Ngurlianpuia hi ka hmangaih tak zet tawh tih ka hria ,ka kalsan theiin ka ringlo ,nilo ka duhlo hrim hrim zawk .







“ Chhuante hetah animaw ilo awm? Tinge nangmah chauh a i awm thin" tih rawn chhuakah chuan hnunglam melhin Ngurlianpuia thla eng hnuaia a ruangam lian zet langa alo ding chu ka nuihsak “ Lo kal rawh ,van khi a nalh em a ka lo thlir mai mai a nih hi " ka tihchuan lungah chuan a rawn lawn ve nghal,ka hmuiah a rawn fawp nghal chat ,zu a in ve ani ngei ang ,aka ah chuan a nam deuh chak chak mai ,thaw ham hamin ka awmsawn,ka chalah a chal rawn nghatin a ni pawh a thaw ham ham mai .








“ Naktuk ah ka Patea te khuaah ka zin chhuak dawn a ,"a tihchuan ka en ha ,a ni pawhin tak ngurin min en ve bawk “ I awm rei dawn em "ka tihchuan “ Buaina an tawka ka puih an ngai a ni ,ka la hre mai theilo " a tihchuan ka kal ve duh thu ka sawi nghal vat,a ni erawhin a phallo nghal viau ,mahse hmanlai pasaltha te chu an chanchin ka hriat danah khawdanga an kal reng rengin hmeichhia in an bawr reng a ,an larna a vang ngawt pawhin hmeichhia an lakah an inphal nghal thlap thei an tih hi pasaltha chanchin ka ngaihthlak atangin ka hre ve vek.








Ngurlianpuia hian a tihduh ring lo mah ila hmeichhia in an bawrh reng chuan tih vel ka ngaihtuah zawng ringawt pawhin ka thik sa “ Aih ka lo kal ve duh,insual ka thiam ve tho tih i hriat kha ,hetah keimah chiahin ka awm duhlo" ka tileh,ka ti tak tak bawk tumah hriat ka la neilo in ka la nello,Sawmtei lah in lamah a awm hman reng bik bawk silo “ I tan a himlo ,ka thusawi zawm rawh,hmeichhia chu inah lo awm ula a tawk ,mi te ngaihdan tur che ngaihtuahlo in awm reng suh.






Thangzaui pawh hi en rawh lalfanu ve tho ani. Anni hi en tawn la hmeichhe nihdan zir rawh,I awmna hmasa nen a inang lo tih hre ve ta che ,thu min hnial tam lutuk hian buaina min thlen tih i hria em" a tihtak hrawih ah chuan ip chawihin ka en “Thangzaui nen min tehkhin suh" ka ti ve that “ Ka tehkhin loh che in Lalfanu inih angin midang te zah turin awm ve ta che ,ka nau te hi en rawh,tha tak in thu an zawm mai ,nang inih avang hian tinge thu hrilh i har em em ,I pa leh i nu ang chiah ini ,midangte er ran " a tih kher chu ka la na hle .








“ Nangpawh hian min la haw reng tiraw? Min lo ngainep ngawih ngawih a ,ka....ka..thianghlimna " tiin tah chhuak teuh chungin ka en “ Anihchuan i duhthusam hmeichhia chu nei ta che ! Ka lo kal ve duhthu ka sawi avang maiin khati khan i tawng a maw? Ngurlianpui mipa rilru tha takah ka lo ngai che a ,mahse nang hian min huatna a la reh lo tiraw? A ni em min hrilh rawh min la hua ani tiraw ,I hmangaih thah saktu fanu hi min hua a dik em min hrilh rawh " ka ti chiam “ I ti dik e ,Liantei ka ngaihtuah chhuah apiangin ka fa la ngaihtuah tel a sin.







Kha i pa phiangsen khan phakar chhuah lo se chuan ala dam anga ,ka kiangah hlim takin a awm tawh ang" a tihchuan rilru na lutukin ka tap chhuak ,min hmangaih ve emaw ka ti a sin,mahse tinge hetianga min tih “ Anihchuan ka kal bo khan tinge min lo zawn " ka tisep,ka tawng ring thei tawh lo “ Ka hmelma fanu hi tha taka ka kal bo tir in phuba lak man a awm nang " a tihchuan ka insum hmanlo a hmaiah ka beng sawk,mittui tla zung zungin Lal in lam panin ka tlan.








Mipui zi hut hut karah chuan inzep in lalinah chuan ka lut “ Chhuante khawiah nge ilo awm daih a " Sawmtei chuan a rawn ti ,nuihluiin “ Sawtah thla ka thlir e ka tia,Sawm ka mu mai dawn aw ka chau riau" ka tihchuan a nipawhin min hniallo in muturin min hrilh,zingah Ngurlianpuia te chu tlangval rual nen an chhuak ka hmu lo a ,an chhuahlai pawhin ka mului tlat,zankhua in ka tap a ka mit a bui luk bawk .







Nitin lo ah Sawmtei zuiin ka feh ve tawh a ,buh hring dup te chuan min tihlim ve hle ,fanghma leh vaimim te chu lo in ka rak ve chul,Ngurlianpuia lakah pawh ka ngaihtuahna a hruai sawn ve deuh,Ani pawh ninga lai a cham tawh chanchin hriat tur a awm lo a ,tumah zawh ka tum lo ,heti hian ka let hun hma ka awm anga ka let hun ah chuan a ni theihnghilh tumin ka bei bawk ang . Ka theihnghilh thei ngei tur a ni . Chaw ka ei that duhloh avangin Lalpa leh Sawmtei chuan min ngaihtuah hle ,ka dawldangin keimah ngei pawh ka zawi ngiai reng.









Ni ruk a tlin meuh chuan ka tho peih tawh lo ,chaw ei luih ka tum apiangin ka luak zel mai si ,lal inpawnah chhuakin “ Ranga " tiin ka phun sep ,a rawn lan rualin ka bulah a rawn bawk thurh “ Ka thi dawn em ni?" ka tihchuan a lu a thing nu nu ,chutah mihringah chuan rawn chang leh in ka bulah chuan a thu ran “ Ka pu hi a rilru a buai hle tih hriat pui rawh diktak chuan Liantei pawh kha i awmna khawvel atanga ka hruai luh a ni ,tunah hian i awmna khawvelah khan a awm mek.








Ani chu he khawvel a mi tur anilo nangpawh mahse,ka pu hian a mamawh che ani,i awmdanah hian naupai i niin ka hria ,ka pu pawh a awmdan atang hian a nuhah a nih hmel,I tan a rinawmlo ngailo ang tih hria la ,dawhtheihna nen dawm ang che. A hmangaih che tih ka hria ,ka pu tana mi tha lo tur anih avangin Liantei pawh kha dahkir ka ni " a tihchuan Ranga chu mak ti lutukin ka en “ Anihchuan engkim kha nangma ruahmanna maw?" tiin ka en ,a bu nghut .







“ Ka tihpalh ka pu huat tura ka dah che kha ka tum biklo mahse ka pu in a hmuh theihnan che chuan khatiang kha tih a ngai si " a tihchuan ka ngaithiam viau “ Anih Ngurlianpuia hian min hmangaih ve takzet maw?" Ka tihchuan nui sakin a bu leh “ Ka kal phawt ange ,Chaw kha ei lui hram hram la ,naupai ila na dawn a nihkha " a tihchuan ka pum ka chul zauh,mu turin inchhung lamah ka lut a ,ka muhil zui nghal riai riai “ Ka pa chaw a ei duhlo a " tihri ah chuan ka meng siar siar,mahse ka lu rit luk avang chuan ka mit ka chhing leh .







“ Tinge hetianga ilo awm ,min lo hmuah pawh i tum lo amaw?" tihri chu hre mah ila ka mengchhuak peih thlawt lo “ Chhuante min en teh " tiin ka chalah a chal a rawn nghat,ka mittui a luang ngiai ngiai “ Ka tihpalh khatianga ka tawngkhum avang che khan ka tihpalh " tiin a phun sup sup ,ka la meng duh chuang lo . Ka mittui luang chu a hru ,min pawm tho in khumpui lam atang chuan min kalchhuahpui tih ka hria “ Ka lo haw ve a min hmu duh lo char char dawn em ni,ka thil hawn che pawh i en duhlo maw?" tiin ka biangah a dawm a .








“ Mate chaw eilo siam rawh " tiin Sawmtei chu a be nghal vat “ Bawiha intih thiamlohna in nei em ni? " Lalpa in a tihchuan Ngurlianpuia chuan thil awmzia a hrilh a ,lalpa chuan a zilh ve mawlh mawlh “ Chaw ei ang aw ,Chhuante min en teh ,i tello in ka awm theilo tih i hriatkha" a tihchuan ka tap chhuak hlawp hlawp ,a awmah hmai phumin lungrun zetin ka tap chhuak ,tunge inchhungah awm ve tih ka ngaihtuah lo . Ka rilru natna zawng zawng ka mittui hmanga tlen fai ka duh ,Ngurlianpuia chuan ka chalah a fawp vang vang .








“ Tinge ka awm ve loh i duh kha ,Ngurlianpui kei ka kal anga Liantei lo kir se a tha zawk ang ,ka let anga keichuan ka tuar chhuak thei mai ang. Kumkhua in keichu ka bo tawh bawk ang" ka tihchuan min kuahna a tinghet sauh “ Ka phallo ,ka tello a awm turin ka phal lo che ,Liantei ka duh lo,nangmah Lalchhuanmawii hi ka bulah awm reng turin ka duh che. I hria em ,Liantei chu ka hmangaih thin ,mahse nang ka nei tawh che,ani chu rawn kir leh thei dawn ang pawh nise nang i awm ve loh dawn ai chuan ani chu rawn kir lo mahse pawi ka tilo " a tisup sup.










Ka en chho kiau “ Ngurlianpui nau ka paiin ka hria " ka tihchuan inchhunga awm ve dang ho an rawn thum huk,chuveleh ka thilsawi avang chuan ka zak hle ,Ngurlianpuia chuan min kuah nghet sauhin “ Naute chu him taka alo pian theih nan ka enkawl ngei ang che. Le tap tawh suh le ,ka tawngkhum dan che kha a mawilo tih ka hria ,vawikhat mah khatiang in ka tawngkhum leh tawh lo ang che,kan inneih vat a ngai a nihchu " tiin hlim tih hriat tak hian a mit chu a eng nghal sar ,Chaw chu min ei tirin apa nen an titi avang chuan khum lamah min hruai leh .








Sawmtei chuan min rawn pan,Thangzaui erawh a hmelah mak a ti tih a la hriat “ Awi Nitei ka ni tawh dawn awi a nuam e " Sawmi chuan a rawn tichul,ka lo nuih ringawt ,Ngurlianpuia pawh rawn let leh tawhin ka bulah a awm ve reng,an ral beih dan vel a sawi lai chu ngun zetin ka lo ngaithla,a hlauhawm dan vel a sawi chuan ka lo ip chawih chawih thei , phone vela mi inthat lai ka hmuh mah khan rapthlak ka ti ania ,chutia atak ngeia ka awm ve leh ka hre ve chu a hlauhawm dan a dang “ Khatia ka tihloh che kha chuan rawn kal luih ngei i tum dawn si a " a tihchuan ka en ran.







Ka rilru a na tha leh “ Ka hua che " ka tisep ,khatianga min tivak kher kha ka hua a ni “ Ka tihpalh min haw mahla ka hmangaih che ,nupuiah ka nei ngei bawk ang che " a tihchuan chhang tawhlo in ka mit ka chhing daih,mahse ka hnial em em lo ,keipawhin a nupui ka nihchuan midang lakah pawh chan ka hlau tawh lo deuh ang chu.






Inneihna hmang turin hmun hrang hrangin Ngurlianpuia lo puih tawh khua te leh an Lalte an rawn kal khawm a ,lal ringawt pawh an tam hle reng a ,pasaltha pawh chutibawk,Khua ah chuan mipui an insul pel zut zut ,kan inneih ni chu ropui zetin kan hmang,tunlai ang nilo mahse ropui ka tiin tunlai anga kan inneih dan ai a ropui ka ti zawk . Min hmu a piang lahin ka hmelthat thu an sawi cham chi hlawm a ,Ngurlianpuia vanneih theih bik zia sawi tawk lah banglo.







Ka hmel en tur ringawta Lal in rawn kai lah bo lo ,ruaitheh te chuan kan ri mup mup hlawm a ,Ngurlianpuia nen chuan ruai theh zawhah khaw lu tlangah kalin an khua Dohmun chu kan thlir thla dun a ,ka kutah kaiin phul cham diaiah chuan min thut thlak pui a ,nui sen senin a dar ngheng chuan ka thu ,“ Ka nupui leh ka ta liau liau ini tawh " a tihchuan enzawkin “ Ka beisei phak bak a ni,mi nunrawng tak emaw ka lo ti thin che a,mahse i khaw puih ho lal meuh ka hmuh takah chuan pasaltha dik tak inih zia ka hmuh belh zawk si " tisapin ka mit ka chhing









Ka nui ver ver bawk ,he hun hi bo theilo se ka ti a ni . Ngurlianpuia kiangah hian awm reng ka duh,khua a kan let leh pawhin an lo la chai mup mup,Thuama leh Sawmi lam dun ka en chuan ka nui sak ,a hmel hlim sarah chuan Thuama chu a duh hle tih a hriat theih Ngurlianpuia chu kheuh zauhin a nau leh a thianpa lam dun chu ka en tir ,a khi ve suk mai “ Makpa atan ka iai hauhlo mai " tiin inchhungah chuan min luhpui daih.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)