KA PASALTHA NGURLIANPUIA CHAPTER 10(ZAWMNA) By Mawitei bawitlung

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
mawitei bawihtlung
Posts: 754
Joined: November 18th, 2020, 12:53 pm

KA PASALTHA NGURLIANPUIA CHAPTER 10(ZAWMNA) By Mawitei bawitlung

Unread post by mawitei bawihtlung » August 7th, 2022, 8:11 pm

KA PASALTHA NGURLIANPUIA






CHAPTER 10



Zan te chu a kiangah ngei ka mu leh thei a ,ka hlim veng veng mai . Nupa kan ni tawh a ,kawng tam takah khaw mipui hmaah pawh inthup a ngai tawh heklo ang . A awmah chuan lu nghatin ka bei kak,kawr a zen zenin ha ve heklo a taksa lum thur thur chu ka ngheng talh talh ,midang an riak chhuak vek a ,kan pahnih chiahin kan awm ran ,zan a rei a ka chungah a rawn bawk ta run mai ,keipawhin ka thawmhnaw pangngai dahtha in an hunlaia thawmhnaw ang puan chu ka awm chinah ka bilh tat .







Ka puan chu phelh riai riaiin a insiam rema keipawhin ka lo pui bawk,a thim vek bawk nen ka nuih aza ru hle ,chutah kan inneih zan hlimawm hmang tura a rawn luh tak riai riaiah chuan rum hakin ka lo kuah bet ,a taksa thawmhnaw awm lo leh ka hnute khuh tu awmlo chu a innawk kual ,ka thaw halh halh ,hetianga min siam thei tu chu Ngurlianpuia chauh hi a ni. Ka kuah nghet sauh sauh,a sam bawk te chu ka tham leh vak zel ,a rum nghut nghut a,a tawpah a khur ta ngawt ngawt a .






Thaw halh halhin ka bulah a rawn mu thla a “ Ka ta liau liau leh ka nupui ini ta " a tihsup chuan ka nui ver ver ,inneihna chu a tuklam thlengin kan hmanga ,infiamna a awm bawk ,Ngurlianpuia pawh a inelna apiangah a lang pha zat zat. Ka chhuang ngawih ngawih ka pasaltha hi ,mipa diktak anihzia a in ngaihtlawm thiam danah te chuan ka hmuh belh zel “ A fa i pai vang mai hian ka bansan dawn hauhlo ania" Thangzaui chu ka en “ Tumaw i bansan loh anga"Sawmtei rawn tawng avang chuan Thangzaui chu a meng kawk.








Midang kan bul hnaiah an awm lo emaw tiin rawn sawi a tum a ni ngei awm si a ,“ Sawm,i hriat ang kha a ni miahlo ania " a tihchuan Sawmi chuan a melh hrawk “ Ka pa " tiin Sawmtei chu Lalpa lamah a kal a,Thangzaui hlau hmel chu ka nuihsak “ I zahtheihloh luatah i pa ngei zakin a awm dawn a nihsaw ,anihphawt ka pasalin min ko tlat mai " tiin mipui kar atanga Ngurlianpuia min rawn kohna lamah chuan ka kal a ,tui chu ka tulh vat ,mipui ho chu an lo au dur dur.






Lalpa leh Thangzaui pa chu lal inchhung lamah an inzui lut tih ka hmu thei . Ngurlianpuia chuan nuisangin midang chu a enkual ,a hmelah pawh a hlim tak tak a ni tih a lang ,zanlam thlengin hun hlimawm tak kan hmang ho a ,hmanlai inneihna lo ropui zia leh tunlaia kan inneihna tam tak hian an tluklo tih ka hmu in ka hre thei ,Ngurlianpuia pasalthatna chuan khual khua thleng a lo than mawizia ka hriat belh sauh,ka luh hlima mi nunrawng tak emaw ka lo tihkha mi fel leh rilru tha tak alo ni zawk reng si .








A tuklamah chuan khual khua atanga rawn kal te chu hlim takin kan thlah liam a ,Lalina kan let leh chuan Thangzaui te pawh Khuangpui lal bel turin an lo insiam mek,a nu leh apa chuan an fanu nungchang avang chuan thupha an chawi mawlh mawlh bawk . Kei erawhin engmah ka sawilo ,huatzuina pawh ka nei chuang lo hmanlaia mipa hmeltha leh pasaltha ho to zia leh an lar zia ka hria a ,tunlaia milar ho ang chiah hian an than a thui bawk.







Ngurlianpuia ka tawng hi ka vanneih zia ka hrechiang,tun ang lai hunah pawh awmse hmeichhia ten kan mipa duhzawng tur tak ani bawk . Chhun lamah chuan lo kan turin kan kal a,hlo thlawh chawlh lai a ni nen thlai vel veh kan tum ani ber,Ngurlianpuia thianpa Thuama leh Sawmtei pawh an tel ve bawk ,kan pali chuan titi pahin kan nui leh hak thin . Sawmtei leh Thuama pawh an inchhawm hnak hnak,Thuama pawh tlangval naran a nilo nen an inhmeh viau mai .








Lo kan thlenga buh hring dup khup chen chen nitawh ho kara kala ,thlifim rawn thaw leh thlam hmuh te chuan ngaihtuahna a tikal thui vawng vawng,kan tunlai hunah chuan boruak thiang tha tak hip tur avang tawhin khua lah a lum em em tawha ,buh hmun te hi lo nei mi tan lo chuan hmuh mai mai theih a ni tawh hek lo ,thereng hram te ,vaua koro rual hram te chuan an tinuam zual,fanghma chu lo in ka ei mial mial.







Naupai lai chuan thlai hrisel eite hi a tha tih ka hria a ,ei ka lo thei sa nen hetiang reng chuan ka thau tual tualin ka ring . Thlamah chuan kan thu thlan dai a ,keipawh ka fimkhur ve hle,thingpuite lumin kan in hnu chuan thlai rah te chu kan veh kual ,Ngurlianpuia leh Thuama erawh vau a an thangkam an en thung. Sawmtei nen chuan kan ti ti mawlh mawlh“ Thuama nen hian inneih intum em? "Ka tihchuan ngawi datin a nuisak “ Kan tum dan chu a nia lawm,ka u nen hian fate han nei phawt ula kan tia.





Awi enteh maw ,Thuama hi ka han hrechiang telh telh a ,a in ngaihtlawmna te midang tana a inpekna te hian min hneh tulh tulh " tiin a nui har har a ,thlai veh zawh rualin vau lam kawrah chuan inchiah dai turin Ngurlianpuia te awmna lam kan pan,Kan thlen ruala Sawmtei nen kan thil hmuh avang chuan au vakin kan mit kan hup nghal ,Thuama chu ruak vekin a lo awm a ,Ngurlianpuia lah Thuama puan bih keng chungin lungpui chung velah chuan a lo per kai zung zung .








Thuama chuan inhup pahin alo um bawk “ Ngurhnap min pe vat rawh " tiin a au tuar tuar a ,an inpek rual chuan Thuama chuan Ngurlianpuia chu a melh rawm rawm ,Sawmtei nen chuan engmah sawilo in kan nui nghal uar uar,mipa pahnih pawh an nui ve leh ta tawp a ,vau tui tlingah chuan inchiahin kan infiama ,kei erawh chesual lo turin ka fimkhur viau ,nau ka pai tawh bawk nen hoteah ka intina palh thei miau si a .








Ngurlianpuia chuan bil rah vel chu min lawhin ka ei leh nghal teuh,ei in lam chu ka ngaihtuah awm loh khawp ,chakai leh an thanga an awm vahrit sa vel nen chuan thlam lam panin kan let leh a ,
“ Ngurlianpui " ka tihchuan min rawn en vut “ Ka ek a chhuak " Thuama te hriat hlau tak chuan ka tisep ,a ni erawh a nuih a zat hmel viau “ I ei i tuar nange " a tihchuan ka melh ram ram .








“ Min zui peihloh leh keimah in ka kal mai ang " tiin vau lam bawk chu ka pan leh “ Chhuante min lo nghak la ,thinrim ringawt thin lo la ,ka fiam che a nihkha "a tihchuan ka tum bur ,vauah chuan ka inthiar a niin ka chhak deuhah min lo nghak bawk ,vanduai thlak takin ka kua a thalo a ,a ri phawrh phawrh mai ,Zak viau mah ila ka pasal anihna avang leh Ngurlianpuia a nihna avangin zaklo ang tak chuan ka e zel ,a taksa khur leh dawt thin ah chuan nuih a insum tih ka hria ,ka zawh rualin alam panin ka chho .







“ Kal ang nui reng suh ka hrevek ania,kan fa vang vek hi" tiin ka lehpel a la nui dawt dawt reng lehnghal.

sang.jpg
ZAWMNA






Kan hmalama thawm a awm chuan Ngurlianpuia chuan min dinpui chawt,amah chuan chian nghal in chutah rul lian zet hi a rawn lang hlawl ka au chul mai “ Ngurlianpui eng rul nge ka duh miahlo a nia aw " ti tungin ka zuang tawr tawr ,thah a tum tih ka hriat rualin “ That suh,kan naute pai laiin mipa in khatiang rul lam chi reng reng kha a that tur a nilo " tiin ka au chul,a tawpah rul chu a tlengsawn hram,thaw ham hamin Ngurlianpuia chu ka pan “ I awrawl a ring lutuka rite zawng zawngin i au ri an hre vek dawn a nihkha " tiin a nui suk.








Thuama leh Sawmtei pawh hmanhmawh hmel zetin an rawn phei a “ Lawmpa enge thlenga " tiin an rawn phei buan buan ” Eng nilo e rul hlai kan hmu a ,Chhuantei hian a hlau mawle " tiin a khi suk suk a ,an ni pawh thaw huaiin thlam lam pan chuan kan inzui phei dial ,ka chau hma lutuk chu a mak ,thlamah chuan ka mu duai,ka thaw hle hle “ Ilo feh ve duh anihkha ,inah awm hahdam mai mai la a tha tur " Ngurlianpuia tawng pawh ngaihsak lo in chunglam ka melh .







Ka pum chu ka chul heuh heuh,ka nui leh ver ver zel “ Buh hi hmuh ve reng ka chak a lawm,an vui hun a an awmtan dan te pawh ka mit ngei hian ka hmu ve duh a lawm ,Sawm fanghma hmin kha kan lo tiraw " ka tinghal zat,aw min pawh rualin tho tharhin fanghma chu eiturin ka bawl mawlh mawlh ,Chi chu telhin ka keng chhuak,hmanlaiah chuan hmehhan tihvel te awm ve heklo ,chi pawh hi mi naran mai tan chuan neih a har hle bawk ,chi khur an nei a chu ta mi chu an ring mai thin,tun lai anga duh hun huna lei tur a awm ve meuh lo.









Fanghma hmin ei chungin Ngurlianpuia darah chuan ka lu ka nghat,Sawmtei leh Thuama pawh kut in khal sakin an thu ve ran,thian leh unau ang vek kan nibawka ,kan in thup lem lo . Keimahni zawngin kan awm bawk nen inhre tawn ve ve ta chu Ngurlianpuia pawhin khap a tumlo,vau lam ena a hmeltha leh pa hrak,mitmeng rum lam lek lek,a hnar ngul nalh zet nen a hawi vauh vauh chu ka en reng. Tunlai mipa eitur tha tinreng ei a ,hna thawk lo a awm awl mai mai ngo hluak mai ai chuan he hnathawh hreh neilo ,a nisa do ngun avanga vun uk khak ,chhungte thawh chhuah ring lo a ama kut ngeia thawk.






A kut hraw hrup leh thap hrak zah pui lo tu hi keichuan tlangval ngo puak ai chuan ka thlang zawk “ Ngurlianpui i van lo hmeltha em em " ka tichhuak phawng chu phu zawkin phawk zetin min rawn en ,a lai tih hriat takin a hawisawn leh vut “ Chhuante sawi duh suh,amah avangin khawdang lalfanu pawh tun thlenga pasal la neilo an awm tih khual pang zin atangin kan hre ngun mawlh mawlh khawp a sin " tiin Sawmtei chu a nui har har ,Ngurlianpuia leh Thuama pawh in en in an nui ringawt .







“ Lawmpa ka farnu hi i hmangaih takzet em?" Ngurlianpuia chuan Thuama enchungin thutak zet hian a tichhuak a ,keini pawhin kan lo en kar “ Thiana min hrechiang ber tu ini a ,i farnu hi keichuan ka phulo hle tih ka hria a ,mahse ka hmangaih hle a ni,a tan chuan thih pawh ngai mahse ka thi mai ang " Thuama pawh chuan a lo tive bawk ” Ka ring ang che " Ngurlianpuia pawh chuan nui vur vur chungin a tichhuak ve hlut “ Ka la khamlo e " kan fanghma eina en chuan ka phun nang nang “ Ngurlianpui sakhi sa kah hlim ngei a hring ngat a chhumin phuihnam nen ka eichak lutuk" ka ti leh nghal zat.







“ Lawmpa chu kan monu thar chuan ei chak a va ngah ve " Thuam an a rawn tih chuan ka melh nghek “ Ka duhleh ka eichak ang chu,nangpawh keimah ang hi nila i chak ve tho ang" ka tihchuan an nui thaw hlawm lehnghal “ Anihchuan ka ramvah ngei a ngai dawn a nihchu,vauah sawn sih lian vaklo a awm a ,ka va chan mai angai ang,in lo han haw thei mai ang chu tiraw?" a tihchuan “ Angai lehlo ka sawi mai mai a lawm,haw rual ka duh Ngurlianpui ka ngaih hi a tha thei miahlo ka hlauthawng zel " ka tihchuan min en thap








“ Ka sawi awmzia chu thil tha lo thleng ang tur tlat hian ka hre thin. Chuvang chuan sarep kan la neih teuh tho kha ,ka thusawi kha chu ka sawi tur hrelo tawng ve mai mai a nihkha " ka tileh zat,ka benga thu rawn ri erawh ka sawichhuak duh em lo,Ranga hian thil thalo a thleng thei tih min rawn hrilh miau ,rindan rengin khawchhung kan luh hma chuan silai puak ri thuai thuai kan hre nghal zat ,Ngurlianpuia leh Thuama chuan Sawmtei nen hnim buk karah min bihruk tir vat. “ Hetah hian lo awm ula,lo chhuak hauh suh ang cheu " Ngurlianpuia chuan a tisup.







Kal mai an tum chu Ngurlianpuia kut chu ka vuan vat “ Fimkhur rawh aw ,fimkhur hle ang cheu hetah kan lo nghak reng dawn cheu ania" tiin mittui tling pamin ka en ,min kuah in ka chalah a fawh zauh hnu ah an hriam nen chuan khawchhung lam panin hmanhmawh zetin an kal nghal,Sawmtei nen chuan inkuah chialin kan thu ran ,ka hlauthawng hle engkhua nge an nih ang tih ka ngaihtuah ,silai chu a puak ulh ulh renga Ngurlianpuia ka ngaihtuah lutuk chu ka awm hle hle thei tawhlo .






Thawm chu a reh ta duk “ Sawm ka awm mai mai thei tawh lo ka kal dawn " tiin ka tlanchhuak,Lal mual lam ka thlen chuan Ngurlianpuia leh mipa pakhat lo inhmachhawn hi ka hmu nghal,Ngurlianpuia lah chu a hliam tih ka hmu thei,mipui chuan an lo thlir thup “ Tute nge in nih Ngurlianpui i tha em?" tiin Ngurlianpuia chu ka pan “ Chhuante rawn hnai suh" alo ti hrawk ka ding leh dat “ Lalfanu nangmah chhanchhuak tur che in kan lo kal a nih hi min la hria em ? Keimah Thanchhunga kha " Ngurlianpuia hmachhawn pa chuan a rawn ti a .








Ka hre hauh lo “ Engvanga min chhanchhuah tum nge in nih,chhan ka ngai reng reng lo inbeihna kha titawp rawh u " ka ti tuar ,mak tizeta min en tu te ho chu ka hmu ve reng “ Lalfanu i pa thattu leh i khua leh tui timit tu hi i chhan a maw" Thanchhunga inti chuan a rawn tileh,Ngurlianpuia chu panin a hmaah tak ka ding “ Kha thil a tihchhan kha in hria a nilawm ni,ka pa in a hmeichhe hmangaih ber leh a fa a thahsak anihkha ,keichuan ka dem reng reng lo ,nangni pawh a dinhmunah hian ding ula in ni ve tho ang .






Tin he khuaah hian ka hlima ka thla a muang bawk . Ka hmelma emaw intih khaw Lalfapa hi ka pasal a ni Thanchhung ka tan inbeihna ah chuan ka lawm lutuk,mahse keihian Ngurlianpuia hi ka hmangaih a ni,keimah mai a vangin tu nunna mah hi lak ni tawh lo se ka duh. Thisen a chhuak hnem tawh mah mah a ni ,duhtawk tawh teh u,pawisawi lo ten an tuar a ,mi tam tak fahrah leh hmeithai in an awm phah tih in hre vek a ni lawm ni . Indona hian eng rah tha mah a chhuah lo .





In run leh indo hi bansan tawh hram teh u ,he kan ram ah hian in lungrual taka kan chen loh zawngin Tiau ral pasaltha te nuih tiza tu mai leh an zuam tur khawpa tlem kan nipalh zawk ange tihte ngaihtuah ve ta che u " tiin ka au tuar ,thawm chu a reh duk bawk . A tawpah Thanchhunga chuan min rawn pan hnai a ,Ngurlianpuia chuan a hnungah min dah vat“ Min lo dang suh lalfapa ,kan lalfanu hi mangtha ka tum mai chauh ani " tiin keichu min en .







Ka lo buk tak nghatah chuan Ngurlianpuia chu a awmsawn a “ I lo danglam ta hle mai Lalfanu,kei ngei pawh min theihnghilh thei amaw ? A tha e hlim takin awm rawh " rilru nat hmel zet hian min en reng,hepa hi inzawmna ka siam pui em ni ang “ Tunge inih" ka tihchuan a hote zinga pakhat chuan “ Lalfanu a nikha i mipa hmangaih thin a nihkha " an tihchuan phawk zetin Thanchhunga chu ka en,a ni erawh rilru nat hmel takin a hawisawn .







A hote lamah chuan penin “ Kal ang u ,tihtur kan nei tawh lo e ,kan chhanchhuah tum hi a hlim tih kan hria a lawm" a tihchuan midang chuan an zui “ Thanchhunga maw " tisepin amah chu ka ko ,rawn hawi letin min en vang vang “ Mangtha le Mawite " tiin a kal zui nghal vawk vawk,ka rilru a nuam theilo ,khapa kha ka ngaihzawng thin maw? Keihi kha khaw lal fanu chu ka lo ni tak tak aniang tihchu ka ngaihtuah ve ta.






Ngurlianpuia chuan ka kutah a rawn chelh “ I tha em " a tihchuan bu nghatin “ Lut ang i hliam kha tuam angai anihkha " ka tihchuan min zui ve mai,khang ho khan khaw bei lo in lal in chiah an lo tum tih ka hrethiam mai . Thanchhunga ,chu hming chu ka thinlungah a ri tluk tluk enge a awmzia ni ang,keihian khapa kha ka lo hmangaih thin reng em ni? Ka thinlung lah chuan a hriatchian hmel nasa si.


(Muttui u)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)