KA PASALTHA NGURLIANPUIA CHAPTER 11 By Mawitei bawitlung

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
mawitei bawihtlung
Posts: 753
Joined: November 18th, 2020, 12:53 pm

KA PASALTHA NGURLIANPUIA CHAPTER 11 By Mawitei bawitlung

Unread post by mawitei bawihtlung » August 14th, 2022, 9:33 pm

KA PASALTHA NGURLIANPUIA





CHAPTER 11



Ani theilo ang he khawvel mi hi ka nilo a ,engtin nge khapa kha ka hmangaih theih ringawt ang ni. Mahse ka thinlung hian a hriat chian hmel ropui si,Ngurlianpuia chu ka en a hliam chu ka tuam mial mial,a ni hi a lawm ka hmangaih tiin ka inhrilh mawlh mawlh ,zanlamah chuan lal inhnung lamah ka chhuak a ,ka lungphu dup dup ah chuan eng emaw thleng dawn anga hriatna ka nei ,chutah thim kar atang chuan tu emaw hian min rawn pawt .









Ka au theihloh nan ka ka a hup bawk ,“ Keimah Mawite " Thanchhunga aw a ni ,ka chungah hian enge thleng ,ka taksa chu a chul heuh heuh ka thawk danglam chu ka hre chiang hle “Thanchhung nangmah maw " ka ti ha ,a hmalama min din tirin ram lamah chuan min kalpui “ Ka ngai tawh lutuk che ,min zui haw rawh i fa nen hian ka enkawl ang cheu " a tihchuan ka ngaihtuahna a buai map,chutah ka hmui ah a rawn fawp ,namsawn tur ka ni mahse ka fawp let a nihchu,ka taksa hi ka control thei lo ,ka kuah a awm chu ka chul .







A rum hawk hawk mai ,leiah chuan min bawhtlu in a puanbih a phelh mawlh mawlh “ Lalchhuanmawi " tih rawn rik rual chuan ka harh zawk ,mei eng kara midang lo ding leh rapthlak min tih hmel zet ka hmuh rual chuan ka harh chhuak kawk ,enge thleng hepa nen hian enge kan tih “ Tunge i nih?" Tiin ka chunga bawk pa chu ka en ,chutah ka harh chhuak zawk kan awmdan chu a rawn lang zut zut ,lalpa kha kha ka ni thei dawn em ni “ Man ula he pa hi tunah la la a lu tan rawh u ,chuan he uire nu pawh hi chhun hlum tur ani ang" Lalpa chuan thinrim hmel zet in min en .







Ngurlianpuia ngawi reng leh thinrim hmel zeta a awm chu ka hmu,kei hi ka chungah enge thleng “ Lalfanu ka lakah i inphal em em a tunah i hlau leh si a maw?" ti a nui sung chu ka en ,ka tho chhuak “ Ngurlianpui eng..engmah ka hrelo tak tak,hepa hi tunge a nih ka hremiahlo " ka tibah nawk nawk ,engtin nge khatiang thil ka tih theih ? Ngurlianpuia lah chuan ka khawih tumna kut chu alo vai per nawlh “ Uirenu " tiin a nersawk,Sawmtei pawhin min huat hmel zet in min en keihian ka chunga thleng kha ka hre hauh lo.






Lal mual lam pan chuan min hnuk dawr dawr ,Lalpa sawi ang ngeiin Thanchhunga chu a lu tan ani a ,kei erawh khawvar ve ah chhun hlum ka ni dawn . Chu thu chu ka bengah a ri tluk tluk ,mipui rawn pungkhawm zelin thil awmzia an hriat chuan keichu min thah chakna in an khat ,Kawlliani pawh chutia buaina ka tawh ve leh chuan Ngurlianpuia hnem turin Ngurlianpuia bulah chuan a awm nghal ,ka pasal chuan ka sawi tur te chu a ngaithla duh hauh silo,khua chu a rawn var .






Kei min chhun hlum hun nghakin mipui chu Lal mualah an rawn pungkhawm mup mup,min en duh miahlo tu Ngurlianpuia chu ka melh ran “ He khawvel ka rawn kal khan ka duh miahlo in buaina ka tawng nghala ,mipa ka ngaihsak ngailohna kha ka piansualna emaw tiin ka lo ngai fo thin. Ngurlianpui nang ka tawng ta che a ,mahse tunah chuan ka chunga thil thleng pawh ka sawina ngaithla duhlo in nunrawng takin kei leh i fa thihna chu i enliam dawn a maw? Ka sawi fo tawh kha .






Ka hmangaih che Thanchhunga laka ka awmdan kha ka duh vang reng a nilo tih hi hre reng ang che. Min ringlo a min lo hmangaih ve ngai miahlo tih ka hre bawk ,Sawmte nangpawh ka thianah ka lo ngai che a ,mahse phatsantu zawk chu inlo nih hi,le min that ru le ka in peih tawh e " tiin mitchhingin ka nuisang ,mipui phun mur mur karah chuan Lalpa chuan min thahna tur thu chu a pe chhuak ta ,ka nui sak ka khawvelah ka let leh thei maithei a sin.






Helai hmuna ka thi a nihchuan Ranga khan ka let leh tur thu a sawi tak kha ,mahse ka naute hi ,ka naute hi ka ngaihtuah ber ,nuisang siin ka mittui a luang ngiai ngiai ,thawk leh khatah Laltualah chuan thil ri dawt ka hria ,ka hawi chhuak min chhun hlum tum tupa chu a che lo ,ngawi rengin ka bul chu ka en ,ka hawi chhuak chu hmeichhe hmeltha zet hian min lo nuih sen sen ,Ranga chu rawn lang ve nghalin a lu thing but but in mihringah a inlet ruai ruai .







“ Nangni Dohmun khuate u tunge ka nih in hre hauh lo ang,keihi Lasi te Lalnu Chawngtinleri ka ni e ,tin he khawvela Chhuantei dah lut tu hi ka ni bawk ,in rinna diklo a vangin a ni chu thah intum tih ka hriat hian ka ngawi reng theilo a ni " tiin a sawi dap dap,chutah dawi ka nihthu vel a sawi chuan mipui chu an meng kawk kawk hlawm ,Ranga chu ka bulah rawn kalin min kaitho “ Chhuante " Ngurlianpuia chu ka en vang vang,tunah chuan ka tello in a hlim tih ka hria a ,ka nui sak.







“ Chhuante i duh apiang min dil la ,I khawvela let i duh anih pawhin keihian ka hruai let ngei ang che " Lasi lalnu chuan a rawn ti leh . Ngurlianpuia mangang hmel chu ka en vang vang “ I hria em Ngurlianpui ,ka sawi kha tlem talin lo ngaithla duh ni la hetiang hun hi kan thleng ngaiin ka ring lo . Kan fa hi chu rawn ngaihtuah duh reng reng suh,ka khawvelah chuan he khawvel aia thil tha tak tak hmangin ka vur dawn a ni . Hei hi kan inhmuh tawpna ni rawh se .







Dam takin lo awm la ,nupui dang neiin i vangkhua hi venghimtu lo ni zel ang che. " Tiin Ranga chu ka en a “ Min lo puihna zawng zawngah ka lawm e aw ,tunah chuan ka let leh hunah pawh ka rawm hre reng ang che ,nun hman dan pawh a hma ai zawngin ka thiam tawh a ,ka lawm e " tiin Lasi en chuan “ Khawngaihin ka let duh" ka tihchuan a bu nghat,a kut tiche zeuhin ka hma maiah chuan a rawn eng pup “ Tahsawn lutla i awmna ngaiah chuan i let thei ang" a tisep ,ka nuih sen sen .






“ Chhuante kal suh,min kalsan suh khawngaihin " Ngurlianpuia chuan a rawn tinghal chul,Sawmtei pawh a rawn au ve bawk ,mipui leh Lalpa te Ngurlianpuia leh an vangkhua hlim taka ka lo khawsak ve na thin hmun chu ka thlir kual,ka nui seih “ Ka theihnghilh dawn che em tihchu ka hrelo Ngurlianpui ,mahse tum erawh chu ka tum dawn a ni ,dam takin mangtha " tiin ka nuih sen sen ,a na hmel chu en loh hram ka duh ,ka inher san a ,eng zet chhungah chuan ka lut nghal riai riai.







Chuveleh ka awmna chu inthlak in motor kawngah ka lo awm reng,ka pum pawh a puar ngaiin a la puar bawk ,ka chul heuh heuh ,motor rawn tlan chu ka phar a ,a kalna lam tur ka zawh chuan a sawi hlauh ,Champhai ka tualchaina hmun ngei lam pan chuan ka haw ve ta ,model lam pawh tihzawm ka tum tawh lo, restaurant ka nei tho a kei leh ka fa hi min chawm zo em em dawn a ,chubakah ka pawisa khawlsa pawhin rei tak chu min daih dawn tho.







In ka thleng chu ka thiante mak tihmel ka hmu nghal “ Awi Lalchhuanmawi i bo hlen dawn maw kan titawh a sin,thla 9 chhung i bo tih i hria em" ka thiantha ber chuan a rawn ti ,ka nuih sen sen ka pum puar lah an hmuhchuan zawhna in an khat nghal ,mahse engmah ka la sawi thei rihlo ,inchhungah kan inzui lut ka let leh an lawm zia an sawi chamchi bawk ,ka restaurant pawh an pathumin an lo enkawl a nih hmel,khatia shooting tura ka kal kha ka bo vang vang avangin min lo zawng nasa viau a ni awm a .







Ka thawhna te phone in ka kir thu an hrilha ,ka ban thu ka sawi tir nghal bawk “ Engtin maw nau kha i pai ,tu fa nge " an tihchuan an awihloh tur thu ka hrilh chuan an awih tur thu in min hnial ve tang tang a ,a tawpah ka thil tawn ka sawi chuan ka ang phuau in an la awm zui “ Ka sawi reng kha min awihlo ang,mahse tak tak ani" ka tihchuan Ruatruati chuan “ Anih Ngurlianpuia chu i kalsan lai chuan engtin nge a awm ,awi ka khawngaih reuh e " a rawn ti a ,ka nui sak.






Ka mitthlaah kal lo tura min ngen lawm lawm tu hmel leh ka hmangaih hmel kha a rawn lang “ A tana tha tur zawk a lawm,ka awm loh chuan buaina pawh a nei tawh lo ang ,tikhan hlim takin awm zawk turin ka kalsan mai a ni " tisepin ka pum chu ka chul heuh heuh “ He ka hriatrengna tur min hnutchhiah erawh hi chuan min tihlim tho ,min ringlo kha ka thiamlo chuang lo an ni hunah chuan thil chhui thiam tak te Pathian rinna te kha an nei ve miaulo " ka tihzawm an bu nghat nghat mai .






Ni e hmalam ka pan dawn a ni,a ni theihnghilh tum khan ka pen dawn a ni ,a dam dawn em tihchu hrelo mah ila engtikah emaw chuan he ka thinlung na pawh hi ala dam ve mahna .





NGURLIANPUIA POV ...







“ U kan tihsual chu kan tuar dun ta a nih hi ,Chhuantei hmela min huatna kha ka hmuh hmaihlo,unau ang maia min en tu kha ka lo ringchhe lutuk ani" ka nau tawng chu hre awm pawhin ka awm lo . Ka melh ngai ka melh ngut ngut ,aw rawl ring zet leh harh em em ,ka hmangaih nibawk kha tunah chuan a awm ve tawhlo ,a rawn kir tawh lo bawk ang tih hi ka hrechiang ani,Ranga kalsawn tur chu ka en “ Chhuantei awmnaah chuan min dah thei ve mai lo em ni?" Ka tihchuan a ngawi vang vang.







“ Tunah rihchuan i hmuhloh a tha zawk e ,a ngaidam thei che in ka ring lo bawk ka pu,ka kal phawt ange,I duh thu in i kaltir a a thihna thu hial pawh kha eng atan mah i ngailo anihkha ,khangah te khan ringin venghim la chu Chhuantei pawh kha a la awm ngei ang "tiin ramhnuai lam pan chuan a tlan bo zui,ka pa inthiamlo pawh chuan ngaihdam min dil mawlh mawlh.






Mahse ka demlo,kei ngei pawhin an thah dawn thleng khan ka dang lo a nihkha ,inchhung lamah chuan muangchangin ka lut,ni e ka thil tihsual hi ka tuar ngei tur ani. Mahse engtikah emaw chuan ka hmangaih leh ka fa kha ka hruai let leh ngei ang ,he khawvelah ngei hian.



(LE S1 ANG CHU KAN ZO PHAWT A S2 KAN ZAWM LEH HUN TUR KA HRELO AW ,HETAH THO HUAN KAN ZAWM ANG)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)