KA PASALTHA NGURLIANPUIA CHAPTER 12 By Mawitei bawitlung

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
mawitei bawihtlung
Posts: 753
Joined: November 18th, 2020, 12:53 pm

KA PASALTHA NGURLIANPUIA CHAPTER 12 By Mawitei bawitlung

Unread post by mawitei bawihtlung » September 10th, 2022, 8:58 pm

KA PASALTHA NGURLIANPUIA







CHAPTER 12




3 YEARS LATER .






“ Anu " ka fanu rawn tlan ter ter chu ka lo pawm vat,kum hnih a ni ve tawh a ,Ngurlianpuia lak atanga ka kum thum awmbona a ni ta bawk,ka fanu a pa mitmeng chhun zet hian min tingai vawng vawng zel,ka hriat chhuah reng phah ,ka nu leh ka pa pawhin an duatin a pa min zawt ngailo a ,tufa nge tih an ngaihven lo nilo in ka tuar hnem zia hria in min zawt duhlo a nimah zawk ,ka ngai ngawih ngawiha ,vawikhat tal hmuh leh ka chak mahse ani chuan natna bak min pe silo ,min thah a duh. Ni e ka dam ve a duh hleinem.








“ Chhuan nuthlawi " “ Remhmelchhia " ka lo ti hlur ,hepa min fiam peih lutuk hi chu duhtawka sawi sak ania ka chak ni,ka tan a tangkai em em a ,engkimah ka tana awm bawk ni e kan in ngaizawng ,amah hian tam takah Ngurlianpuia a ang ,mahse an mizia erawh a hrang hlak thung. “ Khawi maw ka fanu chu " tiin bawihtei chu a rawn pawm a ,bawihtei pawhin a lo ban vat an in awm tam bawka ,miin a pa dik tak emaw an tih phah fo bawk . Rema lah hian “ Ka fa a ni reng alawm" a timai zel ,a fa tak ang chiah in a en a ,a chhan hle bawk .










Chuvang chuan bawihtei pawh hi a sual phah viau ,ka hmuiah a rawn fawp zauh a ,ka lo melh rum vak “ Innei ve tawh mai ang enge i la nghah,bawihi ka kum a naupang tawh lo tih i hria tiraw " a tihchuan ka bu nghat “ Mahse Rem hmalam pan tur hian ka la in peih tak tak lo in ka hria,ka tum a sin mahse a har em a ni. A ni kha lo hmangaih hman lo ila ka ti " tiin ka mittui luang chu ka hru zauh “ Bawihte apu te hnenah lo va kal rawh le ,Anu hi kan bia a nge " tiin bawihtei chu a tirsawn a ,a chhuah rualin min rawn pawm vat.









“ Ka hrethiam che ka nghak leh thei che alawm,ka lo nawr mah mah che pawh a niang ,bawihi ka tihpalh mahse khapa kha hre reng tawh lo la ka duh,ka awm tawha tun atang chuan keimah lo ngaihtuah theilo lekin ka siam ang che " tiin a nui suk a ,ka lo nuih ve hak hepa hi engah nge ka neih mai loh ang ni . Ka tan engpawh a huam a mi hmaah min zahpui hek lo ,ka tan chuan ka engkim a ni tawh. Ngurlianpuia kha chuan natna chiah min pek laiin Remsangzuala hi chuan hlimna hlir min la pe thung “ Ka nei ang che " ka tihtak sepah chuan mak tizetin min rawn en .










“ Bawihi ka nghak thei che ka tihkha " a tihchuan ka lu thingin “ Piangnawn leh pawh ni ila nang anga min ngaihsak tu hi an awm dawn chuang lo tih ka hria ,ka tana mipa tha em em hi engtin nge ka hnar phal ang " tiin ka nuih var var a ,a hmela hlimna chu ka hmuh hmaih lo,ka hmuiah a rawn fawp a,ka lo chhanglet vat ,“ Anu ,pate " ka fanu aw rawn ri a vang chuan kan tawp vat “ Api,a pu a nu leh a pate a an inbawh a nia" tihri avang chuan ka zak lutuk chu Rema ban ka hmer tawng tawng,ka fanu tawng thiam hma lutuk hi chuan min tizak reng dawn chu a nih hi .










Rema chuan min kaiin room atanga kan chhuah chuan ka pa leh ka nu chuan min lo fiam zuk zuk leh nghal ,Rema lah a uang chi ani bawk nen a lo fiam let kan vaiin kan nui ta dar dar ,palai rawn tirh a tum thu a sawi chuan ka nu leh pa pawhin an phur pui viau ,Ka fanu Ngurnunmawii pawh in a kut alo beng ve nasa hle ,Rema haw hnu chuan ka nu leh pa chuan neih ka duh reng em tihchu min zawt a ,ka duhthu ka sawi chuan an lungawi hmel viau “ Ni e keini pawhin bawihtei pa tihloh ah chuan Rema ai a i tana tha tur hi kan hre bik lo ,a fela hna tha tak a nei bawk a.











A ngaihsakna che hi kan hai bik lo a ,in duh phawt chuan kan hnar reng reng lo a nia " an tihchuan ka lo bu nghat,ka phur lo em em hran lo ni e nuthlawi ka ni chung a min pawm tu hi ka tan a thatlohna sawi tur ka hrelo ,beisei ang ngeiin zanlamah palai kan hmu nghal reng a,dan khatna tlin tawh heklo insawi rema in lama in kutsuih mai kan pawm tlang a ,keipawh ka thiante pathum nen inneih thuam en turin kan chhuak a ,haw lama mipa hnung lam ka hmuh chuan ka ding chawt. Ka lung a phu dawt dawt,a sam a tan tawi a tshirt leh jeans kekawr a hak chuan a taksa lian zet chu a tichiang leh zual.










Rawn hawi miahlo mahse tunge a nih ka hre chiang lutuk,a bulah chuan hmeichhe pakhat a awm bawk. A rawn hawi rualin kan in melh duh na chat “ Awi mipa chhelo lutuk ka hmu a nia " Riatruati chuan a rawn tinghal chul “ Khawi maw" Hming leh Thani pawhin an tive leh ,Ngurlianpuia lam chu kan pali in kan hawi thap,mahse kan en chhan erawh a inang lo “ Awi a hmelthat zia saw ka mipa hmuh tawh ah a la hmeltha ber " Thani chuan a ti ,kei erawh ka mittui a hnai leh kuar ,kan nunhlui pangchang taka ka awm thin laia min kuahtu hmel chuan min ti lungchhe leh vek.











“ Chhuante tinge awi enga tinge " Hmingi chuan a rawn tichul,Ngurlianpuia chuan min rawn pan chhet chhet ,kalsawn ka duh mahse ka ke hian zung a kaih ta emaw tih tur in ka kalsawn thei der silo “ Kan lam a rawn pan a nia aw " Ruatruati chuan a rawn ti,harh chhuak zawkin tlan chhiat tumin ka in her thui ka tlan hma in ka hnung lam atanga min pawt bet tu leh a lama min kuai her tu avang chuan ka kut tumin hnek ka tum,mahse min lo dang lehnghal ,ka hmuiah a rawn fawp a ,kawngkal ho in min enna te chu hre awm pawhin a awm duh lo .










Ka namsawn “ Min khawih tawh suh " tiin ka mittui ka hru “ Chhuante lo hruai tur che in a sin ka lo kal " a tihchuan ka inseh ruh teuh “ Tunah maw? Enteh i zak ve miahlo em ni ? Keiin ka hmangaih em em lai che a min thah duhtu hi ka zui leh ang che maw? A teuhlo lutuk! Tunah chuan min hmangaih tak tu pasalah ka nei dawn a ,nang nilo in a nichuan ka nat a phal ve lo ,min rawn hmuh pawh tum tawh suh " ka ti tawn tawn ,ka kalsan nghal bawk ka natna te kha ka theihnghilh mai mai tawh lo ang “ Zanah ka lo u ang cheu ka fanu nen" a rawn tih leh chuan ka kut ka hum ruh teuh.









“ A tum pawh tum buai suh nang nen khan inzawmna neih ka duh leh tawh lo " ka ti that ,ka thianten min rawn zui rualin ka kal nghal hlawk hlawk “ Chhuan kha kha em ni i hmangaih chu" Ruatruati chuan a rawn ti a ,ka bu nghat “ Awi a van mak engtin nge hetah a rawn kal theih " Hmingi zawk chuan a rawn ti ,keipawhin ka hre bik lo “ Awi keichu a pa ka ti e,a hmeltha si inneih puiah min sawm se chu ka yes nghal ang" Thani bawk chuan a rawn ti leh,Hmingi leh Ruatruati chuan an beng nghal chawrh ,min rawn enin ka hmel a hmuh vang nge a inthiam loh hmel hle .










“ Sorry mahse ka hmuh dan ka sawi mai a nia tiru kal ang u,mopa turin inah a lo nghak leh kur tawh ang che " an tihchuan keipawh nu nghatin kan in lam pan chuan kan inzui a ,ka awm erawh a nuam thei meuh tawh lo . Ngurlianpuia thusawi ringawt kha ka bengah a ri tluk tluk,ni e ka la hmangaih reng,ka ta nilo tur a ka ngaihtuah ringawt pawhin ka na ,a inthuamna te kha a inhmeh hle a nihkha . Rema pawh chuan ka awmdan a lo hmuhin eng emaw tak ka tawng tih a lo hrethiam vat reng a ,bawihtei chu ka pawm vang vang,apa he laiah a awm tih hria se engtin tak awm ang maw?.










A pa a hmuh chak zia ka hria ,a sawi ve renga mahse dawt hmangin kan in thlem lungawi leh mai zel kha a nia ,Chaw eilai te chuan ka tawng vak lo hrim hrim “ Bawihi tinge i va ngawi chawi ve ,engkim a tha maw?" nute nge nge hi chuan fate awmdan a tang hian engkim an lo hria a nih hi,“ Nu,pa ka hmu a " tiin Ngurlianpuia chanchin chu ka sawi a ,an ni pawh an hamhaih hle tih a hriat “ I chiang maw ? Engtin nge a rawn kal theih " an tihchuan ka hriat bikloh thu in ka chhang ,ni e ka hrelo engtin nge ka khawvelah a rawn kal ve theih ,Rangan a pui a ni ngei ang.











Reilo teah kan kawngka chu an rawn kik a ,ka nu chuan a pan vat ,Rema a nih ka ring deuh “ Hi heihi Lalchhuanmawii te in a ni em?" tih rik rualin ka meng phawk vak, a rawn kal tak tak a maw? Kawngka lam chu ka melh,Ngurlianpuia rawn lut mek nen chuan kan inmelh chat ,ka nu nen chuan an rawn inzui a ,Ngurlianpuia erawhin ka mal chunga thu a fanu ringawt chu a en ,ka fanu pawhin a pa chu a en ve ngar bawk “Tunge i nih le tlangval " ka pa chuan a lo ti vat ,ngawi renga sofa ah thu in ka pa chu a melh a“In fanu hian kan chanchin a hrilh tawh ngei cheu ka ringa.










Ngurlianpuia ka ni e ka pu ,rem i tihchuan i fanu leh i tunu hi ka bula hruai ka duh a ni " a ti nghet charh ,ka pa leh ka nu chu an mengkawk mai “Ni e i chanchin chu kan hreve a lawm,ka fanu chunga in chetdan te pawh ,engvanga hruai duh nge i nih? Tunah chuan pasal a nei tawh dawn a ,a rem tawhin ka ring lo " ka pa chuan a tileh charh charh a “Ka hria alawm mahse keipawh hian a ni hi chan ka tum bik lo tih hria ula ka duh,ka hmangaih a ni,kan fanu pawh " atihleh chuan ka lo inrawlh vat .











“Duh tawk rawh i lemchan hi ka hne min hmangaih ngailo min hmangaih chu nila min ring ang ,mahse nang chuan kei mai nilo i fa ngei nena kan thi tur min enliam atang khan min hmangaih loh zia i ti lang tawh a nilawm ni ,ka fanu hi i fa ang chuan sawilo mai teh aw " ka ti that ,ka haw lutuk leh ka thinrim lutuk chu ka sa pup pup “Ka ti ngei ang ,ka bula awm i duhlo a nihchuan pa ka nihna angin ka fa chu ka enkawl ngei ang . Court a kal i tum a nihchuan pasal neih lai renga pasal dang neih tum tiin nangmah zawk i mualpho thei tih i hriat kha " a rawn tileh.










Ka thinrim zual sauh,ka nu leh pa pawh an ngawi reng “Nang hian thu i neilo ,ka fanu hi min laksak i tum a nihchuan nang leh keia nun zawk zawk hi a tawp ang" ka tihrak ,a hmel a danglam zawk “Ka duh ber chu in nufaa neih cheu a ni. Ka sawi tawh kha keilo i neilo ang ,Ngurlianpui i tan chauh i tih thin kha dawt i sawite a nihloh chuan,ka kal phawt ange,ka neih leh theih nan che anihchuan engpawh ka ti ang " tiin a fanu chu a rawn pan.










Ka lo pawm bet nghal vat “ Bawihte apa hi i kuah dawn lo em ni?" a rawn tihchuan ka fanu lah chuan “ Apa maw ? Apa anihchu Anu" tiin ka kuahna atanga talchhuakin a pa chu apawm ,ka lo inseh ruh vak ringawt “ Apa tinge anu nen in inneih loh,Anu in pasal a nei dawn a sin,patea chuan min duat lutuk " atihchuan ka hmui ka lo pet fan fan tawh ,hetiang tak hian ka fanu hian a pa a ngaina nghal chu ania ,Ngurlianpuia chuan a taksa lianpuiah chuan lang thei lo khawpin a fanu chu a pawm bet a .








“ Apa khan a nu leh nangmah zawn nan khan hrehawm tam tak a tuar hmasak a ngai a ,chuvang a lawm a nu nen ka bulah in awm vat ang tih ka tiam a che " tiin a fanu chalah chuan a fawp vang vang “ Apa nitin lo kal rawh aw ,keipawhin a nu leh a patea inneih kha ka phal lo " alo ti ve nghal. Hetiang khawpa ka fanu in a pa a duh a nihchuan ka lak atangin a la bo mai ang ” Bawihte mu tawh ang,a haw a hun tawh " tiin room lamah ka kal pui hlawk hlawk a.




(ZAWM LEH TUR )



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)