CHAPTER 15
- images (13)-1.jpg (28.85 KiB) Viewed 3229 times
Ni e ka naupan lai he khawvel niloa ka awmlai kha ka la hre ruai ruai thei chauh a ni . Ka hmaiah a rawn beng thuai “ I va zaklo ve a ,Thanchhunga khan min hmangaih tih i hria em?" a tihchuan ka nuih sang “ A hmangaih tak tak lo che a niang,hmangaih che chu nise ka nu khawih a tum nang" ka tihchuan “ Nang sal mai mai lehnghalin khatiang khan min be ngam a maw " a rawn tihchuan en karin “Ka khua leh tui te an rawn chet hunah meuh chuan he sal mai mai i tih hi,i hrechiang khawp ang . Keihian ka duh thu avang chauha i fapa hi rawn zui ka ni .
Ka duh chuan tunah pawh hian ka chhuak thei tih hre rawh " ka tih fak ah chuan min rawn nam thlu thuaiin a fapa naupang zawk chu enin “ Mutpui rawh,he hmeichhia hian a zahawmna kawl a phulo ve " a tihchuan a fapa naupang zawk chuan min rawn pan ,ka lo sual let nghal vat,mahse a u leh a pa atanga pasaltha thlah a ni bawk a ,mipa tha chu rei ka hneh theilo “ Ka duh lo ,ka duh lo " tiin ka tal “ Ranga min pui rawh" tiin ka au tuar tuar ,a tawp duh silo . Khaw mipui pawna an thawm leh min puih an tum loh thu ka hriat meuh chuan ka hlauthawng zual.
“ Zirlian i pa thattu fanu kha chhan kan tumlo e ,kan hmuh lai ngei hian tizawk teh " tlangval ho chuan an rawn ti lung lung . Chu veleh Zirliana chuan min pu chhuak lawpin luhkaah chuan min sual chhunzawm ka tal ve ngat ngat ka kawrfual chu a hlim chho “Sanglian min pui rawh ,khawiah nge i awm" tiin ka au,mipui lah an lo nui dur dur ,meichhemin min thlir thup . Ka zawi takzet tawh,tha ka nei tawh lo ,ka mittui a luang zung zung “ Ranga" ka phun sep sep,thawk leh khatah min delh tupa chu a kang awk “ Ka u" tiin a mengkawk .
Mipui lah chuan phun mur mur in an en ,Sangliana chuan min rawn panin ka thawmhnaw chu a siam tha mawlh mawlh “ Ka u engvanga min rawn dang nge inih?" a nau chuan a tileh ,rum zeta a nau lam chu enin ” Hmeichhe duhlo chung sual tur hian ka zirtir ngai che em,mipa chuan hmeichhia te an humin an hlutna an hria ,an zah bawk. Tin he hmeichhia hi ka phalna tello in tumah in inkhawih tawh tur a nilo,a khawih tu chuan min hmachhawn zel a ngai ang . Pasaltha chuan nunau leh chak lo zawkte a humhim zawk thin ,an zahawmna tibawrhbang tu nilo in .
Ka nau ini hi ka zak hluah hluah,ka nu nangpawh i hmeichhiat pui ngei an suallai ilo thlir mai mai a maw? Tun atang chuan a ni hi ka bulah a cheng tawh ang. Chhuah ka tum sa hrim hrima,Zirliana nen hian in hma chu sat kaw ve tawh rawh u ,he in chang tur zawk ini a ka nu leh he in hi i kutah a awm tih hria la ,tin Ngurnunmawii chauh lo pawh hmeichhe dang chungah hleilenna i lek leh tawh tur a nilo. He khua hian inkhaw hming chhiatna tur chu in duh in ka ringlo,ka lo venhim ve thin na ang pawhin tumahin sal an ni emaw ,hmeithai fa an nihna angin tumah hmusit leh tawh suh ang cheu. Lalpa min lo hrethiam rawh.
Ani hi chu sal tura ka hruai a nilo,a chhungte pawh an rawn lan vat ka ring,in khaw ai a leta lian an ni tih hria ula,inveng thei hle mah ila a chan chhe zawk kan ni thei tih hriat a tha . Ani hi kan tina a nihchuan nu nau,tar chaklo te pawh hian an tuar vek ang ,ka kal phawt a nge " tiin keichu min pawm kang nawlh. Mipui mak ti phun mur mur te chu engah mah ngailo in a neksawn a min kalpui miah miah,a hmel chu thlaeng thlarah chuan ka en reng ,ka kut chuan ka ban de de ,a thaw hrawk mai ” Ranga " tisepin ka muhil nghal riai riai.
SANGLIANA POV ....
In luah hran ka tum tawh hrim hrim a ka inthar ka sak zawh hlimah chuan ka luhpui,luahluh mai ka tum tawh avangin ka mamawh tur ka chhawp sa vek a,ka awmah beiim tui zet hian a muhil sak sak;he hmeichhia hi haw viau siin ka hlat thei silo ,Ranga ti a min koh hian eng emaw ka lung phu ti rang tu a awm thin . Ka manglamah a aw hi ka hre fo a ,mahse atak ah ka la hriat awm ka hre bawk silo . Nu leh pa tam tak ten an fanu te pasalah min awtin an fanu te fuih tawk an awm chungin tu hmeichhia mah ka ngaihsak theilo. Min dang tu a awm tlat thin,khumah chuan mutin mei chhemin ka thu chhuak a .
Vaibel chu zu in ka ngaihtuah vang vang,engvanga haw tura ka tihlaia haw duhlo a min zui nge a nih ang ,a tawngvai leh thin . Thawk leh khatah a rawn au tuar tuar ,rang zetin a lamah ka tlan phei “ I tha em?" ka tihchuan mitmeng hlauhnaa khatin min rawn en “ Min tihchhiat a tum,Ranga min chhan rawh . Min hmangaih kha ,khapa kha min laktir suh" tiin ka awmah a hmai a phum,ka kuah ringawt . Hnem ngaihna ka hrelo ,ngawi reng chuan ka kuah ringawt.
Ka nu leh ka nau chungah ka lawm lo hle bawk,a rawn dak chhuak chuan ka hmai a rawn khawih leh ,engvanga henu hian min hnaih duh tlat nge a nih ang . Ka nunrawn avang leh a tul changa hmeichhia pawh ka thah thin a vanga mi hlauhrawn ka ni a ,mahse he hmeichhia hian min hlau ang pawhin a awm der silo . A mitmeng mawi zet chuan min en reng,ka hmelma ani tih hrelo ila chuan kei ngei pawh hian ka duhin ka hmeichhe hmeltha tih awm chhun a ni. A chanchin ka lo hre ve fo a ,khawdang lalfapa te pawhin an be fo tih ka hria .
Ka hmuiah a rawn fawh chuan ka mengkawk “ Ranga a rei tawh e ,kum khat chhung ka lo nghak tawh che a sin;tinge min hriat theih miah loh ,hetiang ai chuan lo thi ta emaw Keimi kha nireng mahla pawi ka tilo " tiin a phun sep sep “ Chutiang mi ka ni ngailo ang,ka thih i duh a maw? Phiangsen chuan" tiin awmsawn ka tum,a thusawi hi pakhat mah ka ring lo ve ,min hmangaih ang maw? Huh teuhlo min that tura a ruahmanna a ni angem tihpawh a hriatloh “ Sanglian,i thih ka duh a nilo,min rinloh chuan ka engkim hi la rawh ka pe ang che .
Ka hmangaihna che i ringhlel a nihchuan min fiah ta che " tiin ka hmaah a rawn ding chhuak ,a thawmhnaw a hlih chuan ka mengkawk,a thawmhnaw hak hi a danglamin keini hak ang thin a ni hauh lo bawk. A taksa ngo zet chu thimthamah pawh chuan a ngo puak,min rawn hnaih “ Ka mipa hmangaih tak chuan maw ? A neitu tur dik tak hnena hlan turin min hrilh thin a ,chu a neitu tur diktak chu a mah tho a ni tih a hre miahlo,Sanglian min hre tawh lo tih ka hria,ka demlo che ,mahse min la hrechhuak ngei dawn a ni .
Ka Ranga ngei kha i nih zia ka chiang a ni " tiin min rawn hnaih sauh,ka thawk ranga ka mamawhna chhuak chu ka hai heklo “ In ha rawh " tiin insum hram hram ka tum “ Aih nilo nang hmangaih lo che leh thah duh ang che a min puh kha ka duhlo ,ka hmangaihna che chu i fiah ngam dawn lo em ni? Ka thianghlimna hi ka hmangaih miahlo in min laksak ai chuan nangmah ngei hian la zawk rawh" tiin ka hmuiah a rawn fawp ,ka taksa chu a chul kual . Hetiang chuan reiloteah ka insum theihna ka hlauh dawn tih ka hria .
“ Ranga ka hmangaih che " a rawn ti leh tiau,a mittui a luang tle sar sar ,mei eng in a chhun a hmeltha zetah chuan lungngaihna leh natna ka hmuhsak thei ,insum zo tawh lo in khumah chuan ka kuai mu,a chungah bawkin ka en ran ka taksa sa pup pup leh ka mipatna tho tual tual pawh ka hailo “ Ka theilo " tiin a sirah ka let thla ,insum tumin ka thaw kawk kawk ,hmeichhe mangang rilru buailai ka mutpui theilo bawk . Reiloteah inherin a muhil,tinge henu hi ka thil neih hlu tak ang maia ka hriat .
Ka hmaa mipa keimah ang chiah chiah,pasaltha tih hriat tak leh sakei vun a inthuam chu ka en reng“ Pasaltha Sanglian,ka taksa luaha enkawltu nihna ka pek che kha i bula hmeichhe awm mek ka hmangaih tan khan hlan ang che . I venhima i enkawl turin i kutah ka dah tih hre reng rawh, tihnat ka phallo tih hria la ,kha hmeichhe mittui kha i ti tla leh tawh tur a nilo . A ni kha ka hmeichhe hmangaih ber a ni a ,a kiangah awm ve thei ka nilo a ,ka taksa ka pek che kha amah hmangaih leh venhim nan hmang ang che .
Tin a khua leh tui te saw i hmelma angin en ngai suh ang che nang leh kei thichhawnga kan awmlaia dam leh theihna pe tu che an ni zawk a sin. I theihna kha midang te rikrap nan leh chaklo zawkte tih natnan hmang ngai suh. Keichuan ka lo tihlimin ka lo tinui thin,vawikhat pawh a mittui a tlak ka phal heklo ,aiawh tu dinhmun ka pek che vawng nung la ,kha hmeichhia kha min lo enkawl sak ang che. Hlimna famkim ka pek hman loh pe tu nila,i tan a ni ai tha kha an awm ngailo ang " tiin ka biak ve hman hma chuan a bo a ,ka harh chhunzawm nghal.
Kha pa kha ka taksa peng maw a nih? Eng tin nge a nih theih,khaw var tur in tham kara buh lo deng mek ka hmuh chuan luhka atang chuan ka en reng,nizana a ngui hmel kha a bo tawh nangin kun chal chungin buh chu a deng,henu hi maw ka venhima ka hmangaih tur chu,a hmel leh chezia ka en reng,min sual ngam danah khan hmeichhe pangngai mai mai a nilo tih pawh ka hria .
END OF SANGLIANA POV....
Min en reng a vang chuan ka zam hle ,ka buh den chu la chhuakin ka thlei a ,ka bulah chuan kam thuahin a lo awm ve reng,meihawlin ha kan nawy a ,a fai tha duh phian . Kan inah kha chuan awm ila ha nawhna in ka nawt ngei ang. Ka nu leh pa khan min pe ziah zel si a ,inchhung lamah chuan ka lut,min lo zui ve zel bawk si. Mak ti lutuk in ka en chho ha ,thuk mei chhem ka tum chu ka thiam miahlo,ram vah ka peih em avang khan eirawng pawh ka bawl thiam em em lo kha a ni si a ,ngawi rengin a meitalh lung chu rawn la in mei chu amah chuan a chhem a mizia inthlak thut chu ka hrethiam lo hle .
“ Ih U Sangte chawhmeh tur kan neilo a " ka tihchuan min rawn en vutin ka mitah a melh,ka en rei ngamlo ka hawisawn vat,nizana ka awmdan ka ngaihtuah leta ka zak hluah hluah. A hmeichhia zawk inphal takin ka awm a nia ,chupawh a nau in min khawih chhiat tep hnu ah leh nghal . Hmeichhe mualpho awlzia leh nun chep bik zia ka hai biklo bawk nen ka zak hi a ni tawp . A chhuak vut a ,mau thei chuan chaw ka lo chhum vat vat,ka nu leh ka pa te ka ngai hle .
Min rawn zuilo tura ka tihna teh kha hrethiam tak ang maw ? He khua pawh hi khawlian ve tak in zathum nufa zet tur an ni tih ka hria ,chutia ka lo in ngaihtuah lai chuan Sangliana chu a rawn lut, sarep a rawn pawm tun “ Hei lo chhum rawh " a tihchuan bel chu ka buaipui vat vat . Rawng kan bawl zawh a chaw ka eikham meuh chuan ka thaw hle hle tawh mai . Sangliana vahchhuah tum chu zuive ka tum tlat avangin a thinrim leh tawh a ,a kal hmawk hmawk mai .
A hnungah ka zui ve det det ,ram lam pan chuan kan inzui a midang chuan min en duh leh hle tawh ,nizana thil thleng avang pawh khan sawi tur an hre teuhin ka ring.
(Comment leh like taima ve ang aw )