NGURLIANA(TIME TREE S2) Ch~2 By Humming Moon

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Lalmeiji Hriatpuii
Posts: 63
Joined: September 9th, 2022, 8:51 pm

NGURLIANA(TIME TREE S2) Ch~2 By Humming Moon

Unread post by Lalmeiji Hriatpuii » September 24th, 2022, 9:36 pm

Khawchhung kan luh chuan dar 3 vel a nih tawh ka ring, khawsik ser ser leh ka dár hliam na ut ut chu tawrh a har tan khawp mai.Lal In ah min luh pui in amah bawk chu bawlpu ko in tur in a chhuak leh nghal a Lal In a lo awm khawnbawl upa ho leh Lal nupa te chuan mak ti leh hamhaih zet a min en reng lai chuan thlam a mi te ho kha an lo thleng ve chiah bawk.


Reilo te ah Bawlpu leh min paw tu kha rawn in zui lut in bawlpu in "A ruh a khawih pawi lo hlauh e,silai mu hi ka la chhuak ang a reilo te ah a dam mai ang" a tih chuan hahdam huai hmel an pu hlawm a. "Nula...khawi khaw tui liak nge i nih le,hlau miah suh aw he khua ah hian i him ang tih ka tiam a che,kei hi Ngurdawla Tlangnuam khaw Lal ka ni,ka zawhna chu min han chhang ta che" dam dup a a tih chuan ka thla a muang sawt nia.




"Mawite tiin min ko thei ang,ka chanchin hi a thui viau a sawi tur a tam khawp mai" tiin ka nui lui sak a,thlam a hmeichhe lo awm khan min rawn hnaih ruak ruak in "Mawitei maw i nih,enge i hming pum" a rawn ti khawl mai





"Lalvulmawii" ka lo tih chuan thaw halh in





"Helai ami hi i nilo" a ti leh a "Ni nang mi taksa ah ka lut alawm mawle" ka tih chuan phawk lutuk in minlo en ha mai




"Putar pakhat hun kawngka vengtu in ti in i thlahtu lak a ka thutiam vangin i nun thar ka pe che min tia,ka hriat hnuhnung ber chuan hospital ah pumpui cancer vang in ka thi a,ka men leh chuan Hreivung khaw Lalfanu taksa ah ka lo awm daih a" ka tih chuan




"Ralbilha a nih chu keipawh a ni puihna vang khan alawm helai ah hian ka awm,ka khawvel atang a lo kal ve i ni chu ka va lawm tak.." tiin a nui var var reuh a a hmeltha em em mai lehnghal.Lal chu rawn tawng chhuak ve leh in "Hreivung khua...ka va hrechhuak teuh em aw..." ti in a dak ual ual a a khabe chu tuai hauh hauh in "Aw...ka hrechhuak e Hreivung khua anih chuan i pa chu Hrangvunga a ni ngat ang ka ti" a rawn ti chhuak hluai a "A ni alawm" tiin ka lo chhang ve vat bawk.Kan chanchin vel ka sawi chuan a bu nghut nghut a,min run tu te kha Mimbung khua an ni ngei em tih ka chiang si lo nen bakah han tih theih vak a awm dawn chuang lo bawk a ti in ka hriat loh thu in ka chhang ve tawp a.





Ngaihthat loh hmel fahran a min en lai chuan "Lalpa ka sawi tawh ang khan he taksa hi ka taksa ani lo ka thi a ka thlarau chu he Lalfanu taksa ah hian a lut ani" hmeichhia khan thil a hrilhfiah tak ah chuan an hmel a ngaihthat loh na pawh a bo ve nghal mai bawk.




"Zikpuii ka nia nang ai chuan ka upa ang a,u zikpui tiin min ko mai dawn nia,chuan hei hi ka pasal Ngurkima anih hi tiin a bul a lo ding hmeltha zet chu a kawk zauh a" nui var var in minlo chibai a "chuan hei hi a nau Ngurliana anih hi" tiin min paw tu pa kha a kawk leh a ka lo nuih var var chu min lo melh rulh duh chauh nia mawle Lal leh Lalnu te chu min hmelhriat ti zel in "hei hi Thangkhuma a nih hi" ti in pakhat chu a kawk leh zauh a min nuih var var in mit mi siai khum zuk lehnghal.




U Zikpuii chuan min be siam siam in ka khawvel hlui a thil awm dan leh eng kum nge kan hman tawh tih angreng vel chu zawhna a ngah nasa mai a,keiin ka hriat ang ang ka lo hrilh bawk a a fel in a tawng duh sia ka ngaina nghal em em tawp ani mai.




Ka khawsik a zia awm bawk nen pawn lam ah chuan tei harh mai mai tum in ka chhuak a Lal In sir a nihawi lo par ka hmuh chuan mak ka han ti viau dawn na a,u Zikpuii'n "Ka phun an nih kha Pu Ralbilha kha ka thlai chi te min pe let tur in ka dil pek a" a tih tak ah chuan mawi ti zet in ka thlir ve ta reng a,he lai ka thlen tirh khan ka lo hawi chiang lo mai mai a Lal in chu a danglam hle ani tih ka hmu nghal.





Lal In sir ah chuan chuktuah huan zau fahran hi awm a,antam leh thlai dang dang chu a tlar tlar hian an awm vek a,phel sep in uluk tak hian an hung chhuak vek bawk.Lal In bang ah chuan mau tawi te te a tan bun ah pangpar uluk tak a enkawl tih hriat reng reng hian a lo in khawi fir fer a,hnáng in bang ah chuan an phuar bet ni in ka hria,kawt ah chuan thingkung a ding luah a,ka en vung vung chu "Tlaizawng kung a nih kha,Wild Himalayan Cherry Blossoms ti pawh in an sawi thin,i hria em aw..a par mai nilo a rah pawh hi a ei theih a a thur deuh tih mai loh chu.Sauce siam nan te pawn a hman theih asin nakinah ka la zirtir dawn che nia" a rawn tih chuan ka ngaisang nghal kher mai.




"A par a ei theih a maw" ka tih chuan "Theih ee i hre nange.." rawn kun hniam in "Heta ka kal tirh hian Lal tlawn nan a par hmang hian zu ka um alawm" a ti sa sa a.





Mi in a awm thang tih tak ah eirawngbawl ka hna a ni bawk a nuam ka tih zawng tak a lo ni bawk nen ka khaw hmasa ai thlawt chuan siam tur a tam dawn bawk a bakah u Zikpuii chuan kan khawvel ah chuan Chef anih thu a sawi chuan min ti phur nghal ngang mai.





Thil eng eng emaw sawi a kan titi dun bawrh bawrh lai chuan "Ziki i nihawi chu ei a la hun lo ami" rawn ti thum dut avang chuan ka hawi zawk a Ngurliana kha ka hnung lawk ah a lo ding run mai.




"Hun lo hun lo chutia ei nghal mai chi pawh a la nilo,a la par ve tan chauh khu khumi khu a vuai ang a,a hnah a ro vek hun ah a chi chu a lak theih chauh alawm a chi chu alawm i ei dawn" u Zikpuii'n a tih chuan "Dam rei a va ngai dawn" tiin a lut zui nulh a.




"U Zikpui khapa kha khatiang reng khan a nelawm loh ami" ka ti chu "A lai khaw lo mai mai anih kha,hmelhriat loh bulah hi chuan a inla thutak ve a maw nakin lawk ah chuan a chut zia i hre mai ang" tiin a nui pat pat mai.




LIKE LEH COMMENT MIN PEK SAK LEH THEUH ULA AW🙏😘



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)