NGURLIANA(TIME TREE S2) Ch~3 By Humming Moon

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Lalmeiji Hriatpuii
Posts: 63
Joined: September 9th, 2022, 8:51 pm

NGURLIANA(TIME TREE S2) Ch~3 By Humming Moon

Unread post by Lalmeiji Hriatpuii » September 26th, 2022, 9:00 pm

In chhung a lut ei a rel zung zung a,kei chu ka dar hliam vang in ka duh ang pawn ka che ve theilo,ka inthlahrung lo puih ve phet ka tum chu min hau leh hlak hlak thin a.An ei rel na thuk chu hlum hmang a siam ni in kan lo hriat ve dan a a hniam ang kha a nilo a,a káng in an siam hlauh mai.A piah deuh ah Mizo thuk kan tih ang kha chu a awm tho bawk a,chu chu mei ai na leh sa rep nan an hmang thung.Inchhung a lut lo tur in mei khu chhuah na tur pawh an dah thlap a.




Lal In chhung pawh chu a danglam hle a,ka hawi kual lai chuan "Ka chei a nih kha,pin dan a awm lo lutuk ka duh lo in ka ti danglam kual a" a tih chuan tha ka lo ti em em ringawt.A in ping dang thliah thliah a Lal nupa pindan piah hla ve deuh ah an nupa pindan a awm a,chuan a dang pakhat a awm leh bawk a chu tah chuan kei ka awm thung.Ka thlen hlim khan hawi kual a chik nachang ka lo hre lo mai mai a,engkim chu a ni thlap a,a mawi in a hnum hlarh hlawm mai.




"Naktuk chu lo ah kan kal dawn a,i la dam chiah silo a i lo kal ve thei lo ang a.." u Zikpuii'n a tih chuan keimah a in a lo awm teh tlawng chu ka chak vak lo "Ka tha alawm ka lo kal ve ang buaipui ka ngai lo ang" ka lo ti vat a "Zikpui...ril a va tam ta ve mawle.." Lal in a rawn ti lung lung chu "A ril hi a tam thei ania..ka awm atang hi chuan chaw ei a nghakhlel thei lutuk" min melh ralh pah in a nui sang a "Kan in peih tep e..i pumpui hi a lian lutuk" a ti lang lang a mipa nui huk huk ri in a zawm nghal bawk.An chhungkua chu an in ngeih hmel em em mai a,engkim ah Zikpui an ti tuah hum reng hlawm mai lehnghal.




Thing keuh dawp thawm rawn chhuak in a hnu lawk ahU Ngurkima leh Ngurliana kha an rawn lut a "Ziki ka ril a tam ania zanriah i peih tawh em" a aw chhuak han nem loh zia mai chu "Peih tep lo nghak lawk rawh" ti in a lo chhang zui ve mai bawk a an pa erawh a lo nuih sang thung an hmeltha dun sia an inhmeh ngei mai.Nupa inngeih tak an ni tih a chiang reng.He hmun a ka tawn hi ka lo hriat dan thin nen chuan in per san tak ani.




Zanriah ei lai chuan "Mawite i lo inthlahrung ange inthlahrunna tur a awm reng reng lo ania aw...ti hian kan fanu i ni mai a,nang in i duh chhung chuan he in hi i in a ni tih hre reng ang che"Lal chuan a ti dam dup a kei chu ka lo bu nghat thung "Hei i u Zikpuii pawh hi ramhnuai ah Ngurliana leh Thangkhuma te'n an chhar ania" a tih lai chuan ka bul a thu chu a nui huk a,u zikpuii chuan "Han sawi vaih teh ka hlap zawt ang che" buhtlei a tin uaih chung in a lo melh ram ram mai.





Tho thurh in "Ka hmu hmasa ber"a ti sup a "Ngurlulian han kam tam vaih teh i inchhir ang" a ti zui hlak hlak chu a chhungte an lo nui tha mai.Zanriah ei kham ah a chhuak daih a a hnu lawk ah Thangkhuma nen an rawn lawr leh vat thung u Zikpuii min sawm vang chuan pawnah an bulah ka va chhuak ve a,thu tlar thap in Thangkhuma titi kan ngaithla a ni be




Ngurliana chu ka mitmei ru lo thei lo mahse a ni chu min ngaihsak ve awm pawh in zu awm miah lo a,u Zikpuii'n min biak chang a ka chhan bak ka tawng ve meuh lo a,nula rim tur a an kal lo chu mak ka ti ngei mai a chhan chu Lalfapa satliah pawh nilo Pasaltha khual kai ngat a ni a,a pian a dik in a hmeltha em em bawk.An khaw nula ho chuan an atchilh ngawih ngawih dawn tih a chiang nge ni a khaw dangah ngaihzawng a nei zawk ni.





"Mawite naktuk kan feh na ah rawn kal ve ta che" Thangkhuma chhan tum a ka ang zuau tawh chu "A tullo a dar saw a la dam lo" lo ti bung nghut tu chu ka melh a min lo melh reng vang chuan engtin emaw tak hian ka zám riau lehnghal





"Ka tha alawm na lutuk pawh a nilo a,mahni a awm te chu ka peih bik hleinem" ka ti chu rum nghut in





"Puak haw an ngai leh teh keichuan ka paw tawh hauhlo ang che" min melh ngur ngur a a tih chuan ka ngei deuh tlat "Ka ngai hauh lo ang" tiin ka melh let ram ram a.





Zawlbuk lam a an chhuk hnu ah keini pawh kan lut ve nghal mai a,u Ngurkima zawlbuk kai pawh a rawn haw ve chiah bawk a,ka mu chu a ni nghal deuh mai.Eng eng emaw suangtuah kual vel in ka muhil zui ve mai bawk a,mu rei thang ka ni bawk a helai a ka awm atang hian zing tin hma tawk a vawk ngek thawm in min ti harh ziah hi thinrim tun in ka thawh chhuah phah ziah.




In phih fai in u Zikpuii ei rel chu ka theih ang tawk tawk in ka lo pui ve a,ka dár na pawh nimin lam ai chuan zia tawh tak ani.Tukthuan te ei zung zung in feh tur a ka insiam ve chu "Kha..Mawite feh i tun ve te hi a ni lo maw..i insiam ve a ka hriat chu le" Lal in a rawn tih chuan "Nia...in a lo awm bik ka peihlo a ka kal ve dawn" ka ti mai a "Ka pa rawn kal ve rawh se engmah hahthlak thawh tur a awm chuang lo" u Zikpuii'n a lo tih tak ah chuan kan in zui chhuak hlawm a.





Kawtchhuah ah Thangkhuma'n min lo nghak in chawfun phurh chu hmeichhe hna ti in ka em ah a rawn dah lut a,ka lo nuih var var lai chuan "Kha ka ta pawh hi" tiin Ngurliana chuan a rawn dah deuh chawrh a ka dak awrh mai.Rum lutuk a a lam ka melh chuan ka hmai si tep khawp a hnai ah minlo melh kur a, "Awi...ka nu a hmel len zia hi" ka rak tuar chu an lo nui huk mai,rei chawl tawh lo chuan kan kal nghal a.Lo thlen hma in Ngurliana te thian dun chuan Thang en tur in min pen san a,keini erawh kan tlang thung.





"U Zikpui ngatan nge nihawi hi lo ah te i chin vak a??" hawi ruai ruai pah a ka ti chu "Aw..tel siam nan helai ah chuan tel hi a vang alawm" a lo ti mai a,a hmun deuh thaw a an awm chu a mawi tak zet.Thlai chi hrang hrang a ching a fel fai tak in an in tlar thap mai lehnghal a "Saw lai ah sawn pá va pawt ang u aw...fanghma te kan lo dawn nia thei chi kha ka lo lei lo lutuk a Ralbilha lah khan helai ka kal hma a ka bag a awm ho chiah mi rawn pe bawk sia nilo se chu thei pawh kan ngah viau thei tur ania" tiin a phun nang nang a




"Che zung zung teh u,kan haw tlai lutuk chuan a tha lo ang" u Ngurkima'n a lo tih ve sek vang chuan kan pá pawh chu duhtawk in thlam lam kan pan a Ngurliana te pahnih pawh an lo awm tawh a sava lian deuh de thut mai thlam chhuat a an dah chu thut hnaih in "a va mawi ve a hmul hi ka duh ania" ka tih chu "In vuah i tum ami" nui suk chung a Ngurliana'n a lo ti chu a nui hmel tha lutuk avang chuan ka melh vung vung mai.




Chhun chaw kan ei lai chuan ka zak thar riau a Ngurliana mit a lan mawi loh chu ka hlau a ni ber mai,chaw pawh chu ka ei hnem ngam lo,min melh tlat a hriatna ka nei chhen bawk si kei hian hepa hi ka star chiang lutuk.




"Haw tawh ila" u Zikpuii'n a rawn tih chuan ka em la vat in thlai rah kan lawh ho chu phurh ka tum a ka khung mawlh mawlh lai chuan ka em chu rawn chawi lawk in a iptepui ah a bun lut hmak a "I dar kha i hliam belh chuan buaina kan ngah mai mai" tiin a ip a la a,a chhuak zui nulh chu ka hawi lawl lawl mai "A duat che anih kha" u Zikpuii'n a lo tih chuan tul lo lutuk in ka lai ringawt nia.





Em ruak phurh tawp ai ah mai tai pakhat leh fanghma pahnih teh tlawng min phurh tir a,a nuam duh vak lo viau na in Ngurliana khan phurh ve vak a phal lo miau a,eng eng emaw ngaihtuah a ka kal nui var var chu zawi te hian




"A va nuam awm vur vur ve" he nu hi a nghal dawn riau mai "Ngurliana hi nula han tih lawm vel a thiam riau mai" a ti leh zat chu an pa chuan "Kan khaw nula hmeltha ho hi tih lungawi loh a neih awm pawh ka hrelo" a lo ti let zat a "Tuikhur ah an in melh no lo nasa thin viau asin"a lo ti let ve leh khauh a,an thusawi ngaihsak lo ang tak a lang si in ka ngaihven ru viau lawi a.Ka beng hawlh zawng tak sawi lah chu an thiam nupa em em mai lehnghal.




In kan thlen chuan u Zikpuii chu a che nghal char char a ka theih tawp a lo pui ve in kan ti ti dun bawrh bawrh a,helai a a awm tirh chanchin vel a sawi chuan ka nuih a ti za ngang mai Ngurliana chungchang a sawi chuan nuam ka lo ti ve em em zel a,zawhna ka lo siam zeuh zeuh bawk "Mawite...Ngurliana hi i ngaihven tih ka hria mahse fimkhur rawh aw Pasaltha ani a he hun a an hlut zia hi i rin phak bak ani ang,i rilru nat na tur insiam loh hram i tum dawn nia" a tih chuan ka lo bu nghat a.





Zan thla eng chu thlir in ka hun liam tawh hriatreng tlak loh zet ngaihtuah let a ka lo thut veng veng lai chuan "Enge i tih a" tih ri lo chhuah na ka hawi chu Ngurliana lo ding luah ka hmu chu ka phu zawk tep ani "I hmuh ang hian thla eng ka lawm" ka tih chuan nui suk in ka bul ah a rawn thu thla a "I chhungte i ngai ami" ti a min zawhna chuan inthiam loh na min pe ka nu leh pa te kha a tak nilo mah se ka tan an tha em em a,ka nun nan min tlanchhuah tir bawk.




An thih leh dam ka hre miahlo na in an thih ngei ka ring,chuti chung chuan vawikhatmah ka lo ngaihtuah ngai miahlo chu mawl ka in ti "Umm" ti in ka chhang liam puat a engmah sawi tawh lo in a tho thurh a a kal liam hnu chuan zawi te in "Nangpawh ka ngaihtuah che" ka ti zui sep a.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)