PASALTHA SANGLIANA(NGURLIANPUIA S2) CHAPTER -16 BY MAWITEI BAWITLUNG

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
mawitei bawihtlung
Posts: 754
Joined: November 18th, 2020, 12:53 pm

PASALTHA SANGLIANA(NGURLIANPUIA S2) CHAPTER -16 BY MAWITEI BAWITLUNG

Unread post by mawitei bawihtlung » September 27th, 2022, 7:44 pm

PASALTHA SANGLIANA (NGURLIANPUIA S2)








CHAPTER 16.


mizo-art.jpg



Kawtchhuah lamah chuan kan inzui thla hnak hnak,min be lo a min en zui heklo,ka kutna hil duak chuan mak min tih tir ,ka en ka en ringawt . Kawtchhuahah chuan feh chhuak tur an lo awm a,keini pahnih inzui chu min lo en thap hlawm. Chutah anau leh min puih tumlo a min lo en tu te ka hmuh rualin Sangliana phenah ka biru nghal vat,min lo namsawn miahlo . He khaw mite hi ka tih riau tawh ,ka tha a khur der der thei “ Kha pasaltha chu enge in tih dawn a " Val upa ni ngei tur chuan Sangliana enchung chuan a zawt a “ Ram ka fang mai mai dawn em ni ka ti deuh,kan kal phawt ange.










Tikhan lo awm rawh u " tiin a kal zui,a kutah rang zetin ka vuan,heng mite hi ka ngaina lo takzet ,ka kut ana bawk si min khawih leh an tum chuan ka inveng thei hauh lo ang “ Hlau suh. Hlauh tur a awm lo " atihchuan ka en kiau ringawt,mahni khua leh tui nilo ah ka awm a ka thla a muang thei lo hrim hrim ,lo che pa ve viau thin mah ila ral ramah meuh chuan hmeichhia ka nihna leh keimah chauha tang ka ni nen ka hlau,ka thla amuang theilo tih a hria nge a kut hlai hlup chuan min vuan let,ka phu zawk kha chu ka beisei loh lam daih a ni.










Hmeichhe ho phun ser ser leh ngei hmel deuh deuha min enna chu ka hmuh hmaihlo,khua kan luh ni a arkeziak lo hlan tu nu phei kha chuan min that duh tur hmel a pu ,ka en kar ka nuihsak . Sangliana hnungah chuan ka zui zel,a dar hlaihlup te ,a kawng fek rat leh a dul phiar fat te chu ka en dauh dauh,fehkawng zau laiah chuan a sirah ka kal ve zel ,ka kut pawh a la thlah miah lo. Tinge min hauh tawh miahloh le ,a nungchang hi a inthlak thut nge pawh ka hrelo ,kawng chunga Bîl rah hmin tuar ka hmuh rualin ding chatin ka en chho dauh dauh .









Sangliana chuan ka enna lam chu enin min rawn en leh “ I ei chak em ni?" a tihchuan ka bu nghat,nizan ka awmdan avang khan ka la zak reng. Chutih rualin a insum theihna khan Ranga min hriat chhuah tir thung a ,ka hlim sawt bawk. Atan chuan ui ka neilo reng a ni,Bîl kungah chuan a lawn a ,a rawn thlak hmasak apiang chu ka lo chhar khawm zel a ,a rawn chhuk chu lei thlen dawnah a rawn zuang thla thut,ka lo phu nasa lutuk chuan a banah pawtin kan let dun tawp,kan hmui a la indai zui ,ka mengkawk a ni pawh a ni ve tho ,mahse awmsawn a tum miahlo,a hmui chu a ti che .











Ka khur dar dar ,Ranga a ni tih ka chiang tawlh tawlh,a nghawngah kuahin ka fawp let ve ,kan awmna hnim chungah chuan kan la bawk ta reng ,ka kawrfual tet atanga ka mal langlai a khawih chuan ka khur der der ,pasaltha te to zia leh duh duh in an neih theih lohzia ka hria ,a chhan chu nu nau leh khaw venghim tu ber an niin,Khaw tinah pasaltha chu an larin an mahni pasalthat pui ngei hnehtu phei chu khaw tin in an hlauin nula leh Lalfanu te chenin pasal atan an duh ber tih ka hre ve vek ,“ Ranga" ka mitah tak min melh ta chat .











“ Ranga kha chu min ti tawh suh,Sanglian tihkha ka duh zawk e ,kal tawh ang midang in min rawn hmu palh ange" tiin min kaitho a ,a pangngai bikloh zia a puan ven chhana lang chu ka hailo,ka khur der der . “ Khawnge kan kal dawn ,kan feh dawn lo mi " ka tihchuan min rawn melhin kawng chu pensanin ramhnuaiah a lut a“ Ramri perh tar vel en turin Lalpa in min ti a,enfiah ka duh ,i khua leh tui te khan rei tak kan kawl che an rem tihauh lo ang " a tihchuan ka nuih ringawt “ Ka nu leh pa khan min rawn zawng mai lo ang,a chhanchu tu bula awm nge ka nih tih an hria a lawm" tiin a kalchak lutuk chu ka um ve zel.












Pheikhawk bunlo ila chuan ka ke a pilh phung tawhin ka ring,ka nu khawvel atanga kan thil lakluh lo tangkai zia ka hriat phah . Min chhang tawhlo in ngaw chhahna lam chu kan panzel,luitea tui chu in in kan chawl zawk tihloh chu kan kal leh nghal ,ram ri chin kan thlen chuan ni a vanlaizawl ruih tawh. Lungpui chungah thu in Sangliana che kual leh hnu hma a awm leh awm loh a en chu ka lo thlir reng ,ka kut pharin ka lo tiche kual mai mai a ,a hmai chu ka kut hmawrah chuan dahin ka hmet chhin,ka nui ver ver reng mai .











Anilahin ka thil tih a hre der silo,ka lam a rawn hawi chuan rangzetin ka kut ka la thla nghal . Bîl chu ka ei nghal zeuh,a rei hnu chuan ka bulah a lo thu ve a ,ka thil ei lai chu ngawi rengin a rawn ei ve mual mual,“ U Sangte " ka tihchuan min rawn en vut ,kan bul vela Chêpa leh koro rual rawn tla leh thin chu kan en pah ,hetia u Sangte ti a koh hi nuam ka ti “ Min la hua em?" ka tihchuan a ngawi vung vung chutah “ Ka hrelo " a rawn ti bung nghut mai ,thaw ham hamin a dar ka nghen sak a “ I lak a ka awmdan a vang hian hmeichhe buanchaklo angah min ngai pawh ni la ka dem lo che ,mahse i tana ka lo inpek tawhna leh ka hmangaihna che hi ka thlak danglam theih a ni silo va .










Min ngainep viau a nih pawhin ka thiam lo che a nia ,ka duh ber chu i bula awm leh i kianga thlamuang taka awm hi a ni . U Sangte min la hriat chhuah ve ngei ka beisei tlat a ni " ka tihchuan min chhanglo,min namsawn pawh a tum chuang lo ,kawr lam chu a melh tlawk tlawk ringawt “ Ka tihpalh " tisepin awmsawn in ka inher a ,ka hnung lam atang chuan min rawn kuahin ka darah a khabe a rawn nghat. Ka phu zawk mai , ka dulah chuan a kut chuan a kuah,a awm ruak kang chu ka ngheng hnai talh talh “ Tuchiah nge i nih? Engvanga hlat thei miahlo che nge ka nih hi ka hre lo .









Ngurnunmawi nang hi ka tan hian eng chiah nge i nih" tiin a phun sup sup ,a lamah ka inher ,mittui tling pam chung in a nghawngah chuan ka hmai ka nawr,chutah chuan reife kan awm hnu ah khua a tlai tak em avang chuan kan haw a,kalkawng velah chuan kan chaw hmeh tur sa therhlo ilo vel a zawng pah,khua a thim tan tawh nen vahrit vel pawh an awm tawhin ka ring,ka kut anat avangin engmah lah chu ka tithei ve der silo, ka thal lah inah a awm daih bawk . Sawi ang ngeiin vahrit zan riak tur a kan piah tlang pawng hmuna riah tum chu an nupa in mau zum hmanga siam chuan a khawh tla











A chevel chu thim ruan tawh karah chuan ka hmu thei vek bawk. A rawn phei rualin ka lo pan vat ,abanah ka lo kai nghal vat,a ippui ah chuan an pahnihin a khung a ,meichher tur zawng pahin kan kal zel,a tawpah kan chhaka mau ro chu la in a vaw phawrh pawrh a ,a pawr tha ta maw tihah chuan a hal nghal,kawng pawh a hmuh theih ta . A kut kaichung zelin ka zui,sapui laka kan him theih ngei ka beisei ,a kut lehlama a mei ken nen chuan min kai bawk nen ka hlim veng veng ,thim karah chuan ka nui var var reng mai ,ka mipa hmangaih ber hian min ti hlim ngawih ngawih.










“U Sangte kan luhtanna peng kha kan thleng tep tawh angem " ka tihchuan a bu nghat “ Zawlbuk i riak daih dawn sia, keimahin em ni ka awm dawn " ka tihchuan min rawn melh vut “ Ka sawi mai mai a nihkha keimah te a awm ka hrehlo a nia " tiin ka riat zui niah niah ,dik tak chuan ka hlau lam pawh nilo in min haw tu an tam sia ka mut chhunga min thah daih ka hlau ,kawng peng chu kan chhuak hlawl,ka thaw huai mai . Reilote kan chawl a , ka lam a rawn hawi chuan sawi duh anei tih ka hria, mahse sawi mai theilo tih hriat takin a ngawi leh lawk thin.










A kutah vuanin ka en kar ”Min lo melh tawh suh; engmah min tisawi theilo " a tihchuan rang zetin ka hawisawn,ka nuih a za ru viau . A thusawi chuan ka en avangin a zam ani tih min rintir mai “ Ranga i tihfo chu zana ka manga rawn inlan fo hi a ni angem ? Kei hi i Ranga sawi chu ka ni chiah em" a tihchuan mit chhingin thawk ka la , chutah ”Ka thilsawi tur hi i awih lo mai thei, mahse ka sawi tho ang" ka tihchuan a bu nghut,Ranga nena kan intawn dan leh ka nu leh pa nena an chanchinte,lasi te thusawi chu ka hrilh ve par par ” Chu chu a ni nang ka hnaihna chhan che chu,Ranga kha chu mipa hlim thei tak leh fiamthu duh tak a ni a .










Tuna i mizia nen chuan a ni mizia kha chu a inpersan nalh a sin,mahse nangmah ve ve inihna a vang pawhin engkim hi ka tuar hian" ka tihchuan a awmah min kuah bei thlawp,keipawh chu hahdam zetin ka thaw chhuak suai suai,tunah hian ka ranga kha a lo kir tan mek tih ka hria,in kan thlenga vahrit chu puahin kan chhum nghal,chaw eikham rualin zawlbuk lam a pan a ,a lo kir leh tur thu a sawi bawk . Zantir lam hi chu kai ngei ngei a ngai bawk nen ka dang duh lo,dan a nimiau si a .



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)