PASALTHA SANGLIANA(NGURLIANPUIA S2) CHAPTER -17 BY MAWITEI BAWITLUNG

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
mawitei bawihtlung
Posts: 753
Joined: November 18th, 2020, 12:53 pm

PASALTHA SANGLIANA(NGURLIANPUIA S2) CHAPTER -17 BY MAWITEI BAWITLUNG

Unread post by mawitei bawihtlung » September 29th, 2022, 7:28 pm

PASALTHA SANGLIANA (NGURLIANPUIA S2)









CHAPTER 17




mg_4985.jpg
mg_4985.jpg (37.58 KiB) Viewed 3080 times
“ Nula kan rawn rim thei angem?" tihri rawn chhuah avang chuan chhanloh theihloh le ,an len theih thu in ka chhang a ,Sangliana lah a la rawn haw silo . Mipa pahnih an rawn lut a ,an rawn ri lut nghal bawrh bawrh mai ; “ Kan khua a hmelthata thang hat ,Pasaltha Sangliana ven tlat an tih luai luai sakhmel hmuh chakin kan rawn lawi ve rawih a nih hi,i hmeltha hle tak mai a ,keihi khawnbawl fapa Duhkima ka ni a ,ka thianpa hi upa min fapa Thangzama a nih hi " an nihna chhuan hmel tak hian a rawn ti a ,ka ngeih zawng chi an niin ka ring lo .










Min rawn hnaih ang surh surh leh nghal “ Kan pasaltha chuan hmeltha a lo hre em a nih hi? Keini te hian lo hmu hmasa che ila ni tur ,kan kiangah awm la i nun pawh a nuam zawk tur ania " Duhkima zawk bawk chuan a rawn ti leh,ka puan hmawr deh tumin a kut a rawn phar du du a ,ka lo herh sak chu a rak tuar ,pakhat in min rawn khawih ve leh a tum chu ka lo tlawh awk “ Nang hmeichhia " tiin min khawih an tuma,tho chhuakin ka bei let nghal . Kan thawm ri ah chuan thenawm khawveng te an rawn tlan khawm.










Sangliana rawn tlan ka hmuh chuan pan vatin a awmah hmai ka phum nghal chat “ I tha em?" a tihchuan ka bu nghat nghat “ Nang pasaltha satliah ve mai khan min lo dang hauh suh,Khanu kha ka kutah rawn hlan rawh " Duhkima chuan a rawn ti pung pung,Sangliana chu ka melh chho kar ,ka samah chulin “ Rawn lak chu tum la,kei pasaltha satliah hian ka theihna chu ka lo en tir ang che . Ka awmloh lai remchanga la a ka hmeichhia lo khawih tum tu chuan min hmachhawn ngam dawn em " a ti fiah kalh,a aw chu ring lo mahse a rumin a ngaithla tu tan chuan a fiah hle ang le










“ Enge thleng"an lalpa chu a khawnbawl upa te ho nen an rawn kal ,Sangliana ban chu ka hmer nghet sauh “ Tunge khawnbawl upa fa zah miahlo a lo khawih tu chu ' Lalpa chuan a rawn ti tuar ,tlangval pakhat chuan thil awmzia a lo sawi a “ Lalpa ka fapa kut thlak tu hmeichhia chu a lu tan ngei nise ka duh a ni" upa min tih hriat tak chuan Lalpa en chung chuan a ti a ,ka hlauthawng hle “ Nilo e ka awm chhung chuan intina hauh lo ang,khawih hmasak tum tu te chu Duhkima leh Thangzama hi an ni a ,Ngurnunmawii hian thiamlohna a nei hauhlo " Sangliana chuan a ti dam thlap.












A taksa insanmar danah erawh a thinrim hle tih a hriat “ Sanglian,an ni hi khawnbawl upa fa te an ni tih i hria ang tiraw? Ka khua chu ilo venghim thin a nimai thei ,mahse khanu tan zawnga thusawi kha ka duh hauhlo ,tlangval te u henu hi lalmualah rawn hruai chho rawh u " a tihchuan Sangliana chuan a chem chu a phawrha chung ho chu a hmachhawn nghal “ U Sangte keimah vangin i nat ka rem tilo " tiin ka chem chu phawrhin keimah leh keimah intihnat ka tum . Chuveleh an tawp dial “ Lo ngaithla rawh u,keihi ka thi a nihchuan ka khua leh tui te hian tumah an zuah lo ang cheu,ka pa pasaltha ngah zia inhria in ka ring.












Kei hi ka thi a nih vaih chuan an en liam dawn lo cheu a ,khawiah pawh awm ula an umzui zel ang cheu,zaninah hian khawnbawl fate an nihna avang maiin mipui te hian hmeichhe chunga an tihtum hi kan thlir liam thei a maw? He khaw mipui te hian dikna awmzia in hre lo in mi chanhai leh mi awmtheilo chhungkua te hi in rap bet zel thin em ni? A neinungte chiah hi em ni in dahsan,kei Dohmun Lal Ngurlianpuia fanu hian hei hi ka hrilh a che u ,kei leh ka hmangaih chunga kut inthlak a nihchuan nuamsa in in awm ngailo vang" ka ti tuar .











Mipui chu an ngawi nghal duak mai “ Man ta che u" lalpa in a tih leh pawh chuan an ngawi thap,chutah Val upa ni ngei tur chuan “ Lalpa kan pasaltha hi kan hrechiang theuh,keini chuan kan khua humhima,ral laka min chhan tu leh ral hmatawnga tang thin hi beih kan tum tawh love ,a dik zawk chu kan hre vek. I duh thlang rawh he mite hi an phu tawk hremna pek nge i khua leh tui chan "a tihchuan lalpa chu a ngawi ta reng ,chutah lungawilo tih hriat taka lal in lam a pan nul nul hnu chuan midang pawh an tin phak phak .










Duhkima chuan rum zeta min rawn en in “ Eng emaw chu ka la ti khawp ang" tiin a thianpa nen chuan an kalsawn a ,Sangliana chuan inchhung lamah min kai lut “ Khatiang khan ti tawh suh ang che" atihchuan ka hmui ka pet “ Teuhlo ka ti zel ang. Nangmah chauha pialral i kai ai chuan i ruala ka nunna thlah pawh ka thlang zawk " ka tihchuan min fawp chawt . Ka chhang let lo phallo ,khum lamah min pawm pheiin min mutthla a ,ka melh let kar . A puan ven phelhin ka kawr fual chu a hlim chho riai riai,ka khur der der ,mi ngaihah chuan nupa ang kan ni tawh miau a ,keipawhin ka pasal angah ka pawm a ni.











Inneihna ropui tak ka beisei chuang lo,ka tan chuan ka pasaltha hi a awm chuan a tawk a ni. Ka hmui ah chuan a fawp leh chat,ka kekawrte chu a phelh a ,ka thaw ham ham,a hmai pa zet leh a awm serah chuan ka thai riak riak,a pasaltha nihzia lannan a a taksa ser thluah hi keichuan pa ka tizawk ,ka taksa a a rawn luh chuan ka rum kawk,ka mit chhingin ka inpet fan fan . A chawl deuh dat,Ranga sawi ang ngeiin ka thianghlimna chu ka kawppui tur dik tak a ma hnenah bawk ka hlan tih ka hriatna chuan na ka tuarna karah hlimna min pe thung si .










“ Ka hmangaih che " ka tihrualin chet a lak zawm a ,keipawhin na ka hre tawh biklo,ka thiam ang tawkin ka lo dep let ve hle,a ni pawh a rum ta huk huk a ,a che na zual sauh,a nghawngah kuahin ka hmai ka phum vang vang,kan zo tur intham khawm chu kan inhriat sak ve ve bawk . A thil chu a rawn len belh tual tuala,ka taksa chu a ti tawt vekin ka hria ,rum hawk hawkin ka chungah a bawk thlawp . Thaw ham hamin ka lo kuah bet “ Ka tina che em" a tihchuan lu thingin a awmah hmai ka phum,ka mittui chu ka lawm vang zawk a ni ,“ Min kalsan suh aw " tiin ka melh kar ,ka sira rawn mut thlak pah chuan min kuah bet ran.











“ Ka kalsan ngailo ang che " a tihchuan ka thaw huai ,a kut chu humin ka mit ka chhing “ Naktukah ka zin chhuah angai dawn si a ,in khuaah lawmpa hian lo va thlah che sela ka rawn kal vat ang " a tih chuan ka en vat “ Enge i tih dawn " tiin ka tho chhuak “ Khualpang zin satliah angin khua ka fang duh mawle,ka rawn let ve leh i pasal nitur in ka rawn kir ang" a tihtakah chuan thaw huaiin a sam zial chu ka khawih ”Rei suh aw,ka lo nghak reng dawn che ania" tiin ka sawi sap,a tuklamah chuan kan khawlam panin mipa pahnih in min thlah a , Ani erawh athianpa in zui a duh tlat avangin an inzui a











Kan inthen dawn chuan ka en vang vang,lo kir tawh lo tur ang maiin ka ngai leh nghal ,kan khua kan lut dawn a ralveng an lo indah thlap ,ka hmel an hmuh rual erawhin an awmsawn vat,khawchhung kan lut ,min lo hmu apiangin min zui dul dul a “ Nu ,pa " tiin ka au vak . Lal in lam atang chuan thawm a rawn awm a,reiloteah ka pa leh ka nu bakah ka nau pawh tiamin an rawn chhuak,an hnungah upa ho in an rawn zui bawk a,ka pi leh pute pawh an rawn chhuak,min hmu chu lawm tih hriat takin min rawn pawm nghal chuk chuk .










” Bawihte ilo kir leh ta maw" an tihchuan ka bu nghat,inchhung lamah inzui lutin min thlahtu te pawh chu an ko lut ve bawk a ,thil awmdan ka sawi chuan ka chhungte pawh an hlim tih a hriat “ Nu ka lo nghak dawn a ni ,alo kir leh hunah chuan hetah a cheng ve duh ngei bawkin ka ring" tiin ka nu dul lian zet chu ka en ,ka nau tur pawh a piang tep tawhin ka ring . Ka pa chuan ka thlahualna nipah fawmin ruai a tuklamah a buatsaih a ,min thlahtute pawh an la awm ve reng .










Nitin Sangliana lo let hun chu ka lo nghak thin a ,mahse a reh rei vung vung hle ,khual titi atang erawhin a chanchin ka hre ve thin. Khaw hrang hrangah a hming a chher belh zel tihpawh ka hria ,pawih ho a nawr pui thin tih te chenin ,thla hial a vei ah pawh a rawn lan loh avang chuan ka ngui nghiai tawh. Tumkhat chu kan khua ah mikhual kan nei a ,an thusawi chuan ka beng a verh zar mai “ In misawi chu Sangliana ngei maw" ka pa te thu ngaichang lo chuan ka tawng chhuak,ni e ka awih theilo a ni “ Ni e Tlangnuam Lalfanu nen hian a hma atangin an lo inhmel duh tawh a ,keini pawh hi Tlangnuam khua leh tui ngei kan ni a .










Kan rawn kal lai kha chuan Lalpa ho khan inneih an sawi ri ngei a ni " an tihchuan insum hmanlo in khum pui lamah ka tlan lut ,ka tap nghal hlawp hlawp,ka nu chuan ka nau pawm chungin min rawn hnem mawlh mawlh “ Nu ka lo nghak tih a hre reng awm si a ,engtin nge a tih theih zawk ,a rawn let hma ngei a a khua saw run turin ka pa tirawh . Keihian phuba ka la duh,nu " tiin ka tap,hun a liam a ,ka pu ka pa pa zawk chuan min kalsan ve leh kan inchhungah chuan hlim ri a chhuak ngai ta meuhlo,Sangliana te khua run tur chuan an chhuak a ,kal ve duh viau mah ila ka pa in a rem ti tlat silo.











Inah awmin keimaha inkawm ka hrat hle ,Ranga kha ka ngai a ni. A ni chuan min tina ve ngai silo a ,nithum hnuah kawtchhuah lamah Hla do chham thawm a rawn chhuak a ,ka chhungte ho chu an chhuak nghal vek “ Phuba chu ka la ta,rawn er let i tum a nihchuan nang leh keia tawpna a ni ang " tiin ka thal chu ka melh vang vang,ralbeih ka zir nasa a ,a hma ai ka thiam leh zual bawk . Engkim hi Sangliana vang vek a ni ,lal tualah chuan an au dur dur reng a ,sal erawh neih kan rem tihloh avangin tumahin sal an rawn kai hawng lo thung .










Rallu lamin nihnih hun kan hmang a ,ni a liam leh meuh chuan Hriangtlang atangin palai hmel kan hmu a ,ka hnar duh ta lo ,an Lalfapa hi a hmeltha in tlangval fel leh a khua leh tuite fak rawn a ni tih ka hria ,khawdang Lalte pawhin an fanu te rim turin an sawm fo tihpawh,a rawn kal tel ve avang chuan kan in nel zual,ka chanchin ka pa ten an hrilh vek chung pawhin min iaina a neihloh thu sawiin palai a rawn tir reng kha a ni bawk a ,kan pahnih in luhkaah kan inkawm a ,fiamthu a duh bawk nen kan nui dun hak hak,keipawhin ka nel viau mai .










“ Kan inneih hunah chuan ka duat dawn che sia i pangchang awm" a tihchuan a sekah chumin kan nui dun ar ar ,mahse kawtchhuah lam atanga lal in rawn pan mek te ka hmuh avang chuan nui tawp chatin inchhung lamah U Kunga chu ka luhpui vat “ Dohmun Lalpa kan lo lut thei angem " tiri chu ka hria,ka pa chuan min melh vat,engmah ka sawiloh avang chuan a koh luh tir a ,Sangliana rawn lut chuan kei leh u Kunga chu min en nghal ngar “ Enge nita ka khua leh tuiah in rawn tih leh ni " ka pa chuan dam dap si leh khauh far hian a ti a .









Reiloteah kan khaw pasaltha te chu lal inah chuan an rawn chuang kai “ Eng nilo ve ,i fanu in pasal a nei dawn tih kan lo hria a ,kan rawn kal mai mai a ni e " a thianpa bawk chuan a rawn ti a ,vawikhat te mah Sangliana chu ka melh lo,u Kunga nen chuan kan in chelh ran ringawt “ In khua leh tui phuba rawn lak tum in ni zawk lo maw " ka pa in atihleh chuan Sangliana chu a inseh ruh nghal tun “ Nilo ve ,hmeichhe laktlak loh zet leh rilru nghet lo zet rawn en tura rawn kal mai kan ni e" a tihchuan pasaltha Kapphunga te chu an ter nghal phat ,keipawhin Sangliana min tihdan kher kher chu ka haw hle .











Amah hi a ni lawm ni nupui neih tum hmasa chu “ Aw chutiang a lo nimaw,keipawhin ka fanu hi mipa lelo zet leh pasaltha rinawmlo tak laka hlan ka phal bik hleinem" ka pa bawk chuan a tileh “ A tawk enge in rawn tih dawn ka khua leh tuiah hian engmah tih tur in nei lo chhuak rawh u " ka ti tuar ,Sangliana chuan min rawn melh chat nilo he mitmeng hi Ranga thi turin min en na mitmeng chiah chiah kha a ni “ Engvanga min lo nghak lo nge inih" a tihchuan ka nui hak “ Nghak lo maw ? Engtin nge chu thu chu ila sawi ngam zawk ,nitin khan ilo haw hun kha ka nghak zawk a sin. I hria em .










I rawn kir hun nghakin leikapui atang hian ka lo thlir thin che ,mahse engmah i rawn sawi lo va ,a tawpa kan hriat chhun chu Tlangnuam lalfanu laka palai i tirh thu chauh a ni . Min rawn puh ringawt suh engkim hi i thiamloh a ni ,chhuak nghal rawh u " ka tihleh chuan ngawi rengin a tho chhuak ,thinrim mitmenga min en in “ I inchhir loh ngei ka beisei" tiin pangpar nalh zet ka hriat than tak mai chu a rawn theh thla . Nilo Ranga min lawhsak thin ngei kha a ni,a vangin a awmna hmun pawh a pilril thei hle tih min hrilh a nihkha ,chutah Sangliana chu sakeiah ngei changin lalin atang chuan a tlanchhuak.









Harh chhuakin ka um nghal “ Ranga Ranga " ka au lawm lawm,nilo engkim a hre tawh. Mahse min kalsan ,min kalsan si ,ka tap chhuak hawm hawm ,ka pi leh ka nu chuan min rawn kuah tho vat. A pangpar min vawmnana ahman chu chharin ka awmah ka pawm bet ,ka mittui a tla zung zung bawk “ Nu ka zui angai,khang mikhualte thusawi kha a diklo pawh a ni thei " ka tihchuan an lu an bu nghat ,ka thal leh chem te nen chuan ka umzui vat .








Ramngaw ah chuan ka zawng kual,a tawpah lungpui hmunah ka hmu,mahse amah chiahin a awm lo,hmeichhe pakhat hi a lo pawm bet a ,induh hmel zetin an lo in en . Hei hi a ni ngei ang mikhual ten an sawi kha “ Ranga " ka phun ri chu hria in an rawn hawi phei ,mittui nen ka lo en chu min nuih a nihchu,a hmeichhia chu kaiin ka hmuh lai ngei chuan a hmangaih thu a hrilh a nihchu,leiah chuan ka thu thla hnawk . Min kalsan hnu pawhin ka la thu reng, khaw mipui ten min hruai haw lai te chuan ka vai riai .










Chumi ni atang chuan chaw pawh ka ei duh talo ,Kunga nen pawh kan in nei heklo ,a ni telin ka cher tual tual,chaw min ei luih tir an tum pawhin ka lem thei der silo . Khum ah ka awm reng a ,ka nu chuan tap chungin chaw tlem tal eiturin min ngen thin . Mahse a har si “Ranga Hrangchhuana kha chuan Chawngmawii kha pialralah a nghak hmasa a ,keini ah erawh chuan keimah in ka lo nghak hmasa ang che " ka phun chhuak sep sep a . Ka zawi ta lutuk chu a chhan ka hrechiang si,kha ka tello a tlei thei tello khan ka tlei ve theilo tih hi.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)