PASALTHA SANGLIANA(NGURLIANPUIA S2) CHAPTER -18(LAST) BY MAWITEI BAWITLUNG

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
mawitei bawihtlung
Posts: 754
Joined: November 18th, 2020, 12:53 pm

PASALTHA SANGLIANA(NGURLIANPUIA S2) CHAPTER -18(LAST) BY MAWITEI BAWITLUNG

Unread post by mawitei bawihtlung » September 30th, 2022, 9:07 pm

PASALTHA SANGLIANA (NGURLIANPUIA S2)



CHAPTER 18


SANGLIANA POV....




THLA 2 HNU AH







“ U Sangte" ka melh nghal hrawk “ Khatiang khan min ko tawh suh" he hming hi chuan Ngurnunmawii baklohin min ko thianglo “ Tinge a ni pawhin pasal a nei tawh ang innei ve mai ang"atihchuan ka beng tlu lo chauh,Ngurnunmawii ten kan khua an run tih ka hriat khan ka thinrim a ,chutih rual erawhin ka va hmu vat theilo kha ka inthiam lo bawk ,ka nu leh ka nau pawh an him tih ka hriat hnu phei kha chuan a laka ka awmdan avanga va hmuh ka chaka ,mahse ka ngam silo .









Pasal a nei tawh ang tih ka ring si a ,mahse vawiin ni hian vawikhat tal chu a khua a va kal leh ka duh a ni ,insiamin ka thianpa Chhunga nen chuan an khawlam kan pan ,kalkawngah chuan thil tam tak ka ngaihtuah,kan nunhlui keimi ka ni chung pawha min hmangaihtu hmeichhia kha ,an khawchhung kan lut ,tleirawl kan hmuh chu pawt dingin “ Mama in Lalfanu Ngurnunmawii khan pasal a nei tawh em?" Chhunga chuan a zawt ,chu tleirawl chuan min rawn en in “ Ih..ih..lalfanu Nguri chu a thi tawh a lawm,a nau mipa leh an naupang ber hmeichhia thlahnih mi chiah an awm tawh" a tihchuan ka nghing dawt.










“ I thusawi chu a dik chiah maw " tiin ka hnaih ruak “ Aw ka nuten an sawi danin chaw pawh a ei duh lo a ,a mipa hmangaih nghak turin pialral a lawi a ti an ti lawm " atihleh chuan rang zetin lal in lam ka pan,luh dil hmasa lo in lal inchhungah chuan ka tlan lut “ Thudik a ni em ? Nge khawmi te hian dawt min hrilh,Ngurnunmawi khawnge i awm " tiin ka au tuar,naute chu ka au thawm avangin a rawn tap,A nu chuan min rawn en in “ I tlai tawh,ka fanu kha vawikhat tal rawn hmu la chuan a la dam ve tur ,nitin khan chaw pawh ei duh lo in ilo let leh ring in a nghak che a sin.










Engvanga tlai khawhnu a rawn zawng leh si nge inih" arawn tihchuan chhuatah chuan ka thu thla hnawk “ U Sangte ka hmangaih che " min tihlai khan keichuan ka hnena a hun hman tlem tur ngaihtuahlo in huatna nen ka lo enkawl a nih kha “ A thlan ka hmu duh" ka tihchuan a nau chuan min hruai,a thlan ka hmuha a kawr hak thin ngei ka hmuh chuan insum theilo in ka tap hawk “ Ngurte" tiin a kawr chu ka pawm “ Ka tihpalh lo zin chhuahsan lo che in in khuaah khan lo zui nghal che ila tunah hian ka kiangah ila awm ve ang tiraw ,Ngurnunmawi lo kalsan lo che in kha ka taksa hmasa zawk kha nei tluan tling thei ila hetianga i awm a ngai lo tur " ka chem chu ka phawrh a .











Ka nghawngah ka intin ran “ Ka hmangaih i mal biklo ang,kan pahnih in le " tiin ka nghawng zai tumin chuan ka kut ka tiche ,Chhunga chuan min rawn bawh tlu rawh,ka nghawng erawh a hliam hman tho “ Engthil nge i tih le ? Nangmah in tihnat i tum a maw" a nau pawh chuan a rawn ti hlak “ Ka thih hmasak khan a nipawhin min zui a hreh hleinem,engtin nge ka tello a ka dah ngawt ang ni " tiin ka nui suk,an lu thing in min kalsawn pui ,keipawh chu in tihnat ka tum tawh biklo ,ka vak kual a ,tual a chaina hmun chu ka fang a ni ber . Min tawn hma kha chuan hmeichhe hlim thei tak leh harh vang tak a ni thin a nihkha .












Tunah erawh kei min tawn a vangin heleiah a awm tawh mawlh silo ,kan nun liam ta a kan inhmuhna fo ka theihnghilh hnu pawha ka manglama ka hmuh fo thin hmunah chuan ka kal,thli thaw chu dawngin lungpui chungah chuan ka thu,chang tumin ka tihfo thin rimawi chu ka ti ri chhuak,pialral atangin a rawn ngaithla ngei awm si a ,chulai hmunah chuan ka thu ta reng. Hnah leh thingkung thli in a chhem avanga til leh insawi dulh dulh chu ka thlir reng “ Ngurnunmawi ,hlimna ka pe ve theilo che chu a nih hi tiraw .









I mittui ti tla tu bak ka ni ve lo a nih hi ,ka tello a tlei theilo hmeichhia chu na takin ka hliam a ,chumai duhtawk lo in min hmangaihna chu nunrawnna in ka thungrul si che a ,ka thusawi ngaithla thei tawhlo tura kal i thlang hi ka thiam lo lo che . Ka thusawi ka tih puitlin theihloh pawh nang chuan hlim em em in i nuihpui thin a nihkha " lungchungah chuan ka mu hnawk ,khua thim mahse chulai hmun chu kalsan tumna ka neilo ,mittui tla in ka awm reng . Thing kar atanga arsi leh thla lang chu thlirin ka mu reng ,“ Ka ngai che Ngurnunmawi,hmuh leh che ka chak tih i hria ang tiraw " ka thusawi hre tawh dawn lo mahse ka tawng lai ka chawl lo a arsi chu amah ah ka chan a ni ber .











Nitina min tibuai tu leh thil ho tak tak min zawh nuam ti em em i kha ka ngai a ni,khawchhunga ka luh leh chuan ka thianpa lo vei thuak thuak ka hmu nghal “ Eng nge i tih em em ,ka ngaihtuah che tih i hrelo em ni " tiin min rawn pan,ka nuih ringawt Lal inah kan lut a ,Ngurtei nau hmeichhia chu ka ban,a u ang chiah a ni. Sam dum hlap leh mitmeng fiah kak chu,min en kar ,a nu in ka kuta a hlan rualin ka pawm nghal vat ,ka kut tang chelhin min la melh kiau zui a . Ka nuih suk “ Tunge a hming ni a " tiin ka zawt .











“ Thantluangi a nihkha a nu in a phuah a nia,an khawvel a a thiannu hming pu a a phuah a nihkha " a tihchuan ka bu nghat “ I u ang maia hmeltha leh nunmawi rawn ni ang che . He lusei tlang tin a nula hmeltha tiin lo thang la ,i u nunmawina leh felna ang rawn nei ang che " tiin a nu kutah chuan ka hlan leh . An inchhung chu ka en vang vang,he in atang ngei hian a nihkha mana ka hnen a ka hruai tak.







Thla a vei leh meuh chuan keipawh ramhnuai lama hringnun hmang tur leh Ngurnunmawii sulhnu chhui tumin Dohmun khaw ram chhungah chuan ka vak kual,a sa lak apianga ka put tura dah a min auh thin lai te kha mitthla ah a rawn lang uar uar,a sakhi kahna hmun a ka kal chu thal rawn thlawk fua avang chuan rang zetin ka bawk a . Mahse ka dar erawh a tai thi hman tho mai,ka silai cheng chu kau in thal rawn chhuahna lam chu ka tin ran “ Tunge inih aruka min bei lovin min rawn hmachhawn ta che " ti in ka en ran .








Mahse hmeichhe rawn chhuak avang chuan ka silai chu ka dahthla rawk




NGURNUNMAWII POV.....





mizo_girl_big_070.jpg
mizo_girl_big_070.jpg (35.74 KiB) Viewed 3792 times
Ka nu leh pa remruatna in thi angin ka thanga ,tlang hrang hrang lalfapa te pawhin min ui thu an chhak chhuak tih ka hria ,mahse chu chu ka duh dan reng a ni. Ramhnuaiah ka chenga ,Lasi thiante nena hun hman chu ka nuam tih ber ani . An ni hian min fuihlo se ka damchhuak kher lovang,nitin infiamin kan nui ho a ,zanah pukah keimaha riah ai min riahpui thin. Sangliana(Ranga ) laka ka hmangaihna erawh ala ngai reng thung. Nupui a la neilo tihte chenin ka lasi puiten min hrilh.









Kha a hmeichhe rawn hruai kha a nupui a nihloh chuan a lawmnu tal a nih ka ring. Nitin Ranga a nihlaia kan sulhnu tlawh loh lai ka neilo a,ka tlawh kual ziah thin. Ka sakhi kahna ,kan in fawh hmasak berna hmuna ka kallai chuan thawm ka hria ,nilo tumahin min hmu tur a nilo. Min hmu a nihchuan ka la dam tih mipui in an hria anga chu chuan indo na a chawk chhuak ngei bawk ang. Lalfapa ho in min neih tumin kan khua hial run an tum tih ka hriat avanga thi anga thang leh nungchan zir tur a lasi te bula awm ka ni .









Tumahin a hun hma in min hmu theilo,thawm rawn chhuahna lamah chuan thal ka thlah a ,a fuhlo a ni ngei ang na tuar thawm ka hre hauh lo . Pan hnaih tuma ka veh lai tak chuan ka mipa aw hriat than em em mai ri a rawn chhuak a ,chu chuan min tiharh zawk,thla thum lek mah nise ka tan chuan kum thum ang mai a ni thung si . Ka chhuak min hmuh rual chiahin a mi tinna silai chu a dahthla ,“ Ngurte" min rawn hnaih ruak,a mitmenga mak tihna leh lawmna chu ka hmuh hmaih lo chiang hle .









Ka taksa chu a kuah bet thlawp,ka ham haih engvanga helaia awm nge a nih ang?“ I la dam amaw? Ka ngaihtuahna leh mitthla mai a ni lo tiraw" tiin chiang zetin min en ,ka taksa te chu a enkual thul . Engtin nge min rawn hmuh theih,kalsawn tumin ka che mahse min man nghet lutuk tlat “ Min thlah rawh ka kal a hun" ka tisep,hetianga a bula ka awm leh reng chuan thil thalo zawk pawh a thleng thei “ Ka thlah lo ang che khawiah mah ka tello in i kal lovang" a tihchuan ka thaw hak .









“ Mipui hmaah ka inlan theilo,nangpawh in keiai i thlan nu kha va pan rawh " ka tihchuan a lu a thing leh “ Helai hmunah hian cheng hlen turin a sin ka rawn kal,ka thih hun nghak turin a sin he hmun hi ka rawn pan" a tihchuan ka ang pam,ka en reng “Min zui theilo ang let rawh " tiin inherin ka chhenna lam ka pan nghal min rawn zui zel chu hawi letin ka melh kar“Min rawn zui tawh suh ka tihchu" ti deuh thatin ka kal leh. Ka puk ka thlen rualin ka sahmim chu ka dahthla nghal hnak ,puk chung atanga tui rawn khawh thla ah chuan ka inbual nghal.










Ka sira thawm ka hriat chuan ka en ,Sangliana lo ding reng ka hmuh chuan ka au tuar,min lo la zui reng a nimaw “Enge i la rawn tih " ti thatin lung chunga ka puan dah chu panin inkhuh pah chuan tui atanga chhuakin pukah chuan ka thu lut “Ngurnunmawi min ngaidam rawh " ti a ka hma a rawn thing thi chu ka en reng “ Enge i hriata " tiin tun thawh mai ka tum,ka thei der lo “ Sanglian enge i hriat ka tihchu "ka tileh “ Min ngaidam rawh,i kiangah min chentir rawh. I tello chuan ka awm theilo,nilo ka dam theilo ang,thil kan tisual ve ve tih ka hria.









Mahse khawngaihin i hlatah min dah tawh suh. Ka thi thei mai ang" thingthi a kun chung meuha min ngen tu chu a tlawm lutuk lai hmel ka hmuh meuh chuan ka mittui bawk a chhuak leh “ Ranga ka haw ngai reng reng lo che ka Ranga kha ila ni reng a sin " tiin ka tap,min rawn enin ka mittui tla a hmuh rualin min pawm vawng vawng.









Hun a liam a keini pawh ramhnuai ah chuan tuma tihbuai lohin kan cheng dun a ,ka chhungte chuan a khat tawkin kan mamawh tur an rawn dah thin . Midangte tihbuai phakloha kan pahniha awm chu a nuam kan ti ve ve tih a hriat,ka pum puar ak tawh chu zantin pawm chungin a muhil thin. Hmelma leh min tina thei sa lakah kan him nan nitin puk bul leh a chheh vel a fanga ,kan tana thalo tur chu a hnawt bo thin. Lo in tina tawn mah ila kan inhmangaih miau avangin kan in ngaidam tawn a .









Chu ramhnuai chu kan tan khawvel a ni. Engtikah emaw chuan hringmite khua ah kan la lut ve leh mahna mahse tunah rih chuan he ramhnuai hi kan tan malsawmna a ni a ,inhriat thiamna min pe tu a ni bawk . Zantin midang dipdap ngai tawhlo in ka bulah a mu a ,nitin ka kut kaiin hmun kan fang thin , ka tan chuan hei hi a tawk a ni . Kan chhungkua a kan him tih hriatna hian nakin zelah pawh kan fate tana hmun nuam a nih ngei ka beisei,ka pasaltha chuan englai pawhin min venghim thin si a .



A TAWP TA ...


LE ZAN 18 ZET KAN ZIAH HNUAH A TAWPNA KAN KHAR VE THEI TA E ,MUTTUI VEK U❤️❤️)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)