NGURLIANA Ch~4(Zawmna) By Humming Moon

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Lalmeiji Hriatpuii
Posts: 63
Joined: September 9th, 2022, 8:51 pm

NGURLIANA Ch~4(Zawmna) By Humming Moon

Unread post by Lalmeiji Hriatpuii » October 3rd, 2022, 3:30 pm

A chhan ka hriat miah loh in lunglenna in min chen chilh zui tlat a Ngurliana hi ka duh tak tak in ka hria,mahse ani chuan a lak a ka rilru ang hi ka lak ah a pu ve lo tih ka hrechiang si,chu chuan ka thaw a ti pik ani.A lian in a hmeltha em em a,a tawng luam lo na in a thusawi pakhat lek pawn kawchhung thleng a fan rawih rawih thei hial ania,chuti khawp a tha chuan duh leh beisei tu pawh a ngah dawn tih ka hria,kei mi taksa a lut ve mai mai hi chuan beisei lo ila a tha zawk ang.







"Mawii...i la lut nange?" ka hawi zawk a Thangkhuma nen lo ding ran in ka lam an rawn pan a ka bul ah rawn thu in "I lungleng tak em ni?" min en run run a a tih chuan "Leng ve e" ka lo ti let







"Tu tak chu ngai che ni maw??Lawmpa te hi i lo nei a ni lo maw?" Thangkhuma'n a lo tih chuan ka nui hawk a "Lawmpa chu ka nei lo a mahse tu emaw vei deuh chu ka nei" ka ti leh a Ngurliana lo rum nghut chu ka en vat "Zan a rei tawh va lut rawh" a lo ti hluk "E....naupang emaw min tia mi ka duh hun hun ah ka lut ve ang chu" ka lo ti let hlar "Lut mai mai teh...pawn thaw ah i awm rei tawh i dam lo leh ange" dam dup a a tih tak ah chuan keipawh ka lut ve nghal mai.Min ngaihtuah tih ka hriat chuan min ti hlim kher lehnghal nui var var in ka mu a,mitchhing in duhthu ka sam kual a,reilo te ah ka muhil nghal mai bawk.







Zingkar ah tho in tui um nen tuikhur lam ka pan a,he khua ka kal atang a tui ka chawi vawikhat na tur ania,tlem in ka zak deuh Ngurliana rawn haw lam nen kan in tawk a ka tuium la a aman chawi a tum chu ka lo phal bik lo,"Ka chawi duh alawm..mipa i nia i tan a mawilo hmeichhia awm reng lai lehnghal in,min tih zah i tum ami" tiin ka lo tang ve tlat a "A tha lawm" ti a kal a tum chu ka lo pawt bet leh rih "Ka zak deuh a min kalpui tho la..tukin chiah" ngen tak te a ka ngen hnu ah kan pahnih chuan kan kal rual a tuikhur ah chuan an lo awm nual tawh nghe nghe kan kal dun an hmuh chuan an lo hawi phawk deuh a,hmeichhe thenkhat min ngaithei vak lo tih hriat lutuk a min melh tu te chu ka hmu lo der hmak bawk.








Kan let lam chuan ka be bawrh bawrh a min han chhang tawi thei em em khawp a,min chhang dawnlo emaw tih hnu ah bung deuh deuh in min chhang ve leh tho zel.In kan thlen chuan u Zikpuii'n ei a lo rel tawh a pui zung zung in buh deng turin ka chhuah san leh a,u Ngurkima leh Ngurliana te rawn chhuak chuan min rawn pui nghal bawk.







Hemi te chhungkua hi mak ka tih zawng tak an ni Mipa hna leh hmeichhe hna an thliar lo lutuk te,an in ngeih em em mai a,Lal nupa lah hmanlai chanchin a Lal leh lalnu te ang an ni lo lutuk te chuan ka mak tihna an ti zual.Engkim mai hi ka hriat thin ang kha a nilo fai deuh vek.







Tukthuan bar zawh ah Ngurliana te unau chu ram lamah an in zui liam a,u Zikpuii nen a huan thlo in kan buai chawhma va thak mai.Eng eng emaw sawi in kan nui dun ham ham a,thlai chungchang te chu min hrilh teuh bawk a,a bul a awm hi a nuam ka ti takzet bawk.







Inchhung kan luh hnu rei vak lo ah Lal in a luh dil thawm a rawn awm a,mikhual tlangval pahnih leh putar Khawnbawl upa ni awm tak an rawn in zui lut a,ka lo en reng a.Chu putar chu a rawn luh tirh atang in a hawi kual ruai a tlangval pahnih te pawh Lal In chhung danglam zet chuan a hawi tir hra hra mai.A mit len ruai ruai chu kan zawn ah tak a tawp chat a,kei in ka lo en kal thung nui vur vur in a hawi sawn thuai a Lalpa te nen chuan an ti ti ho a Ngurliana leh Thangkhuma beisei a rawn kal an ni.






Keini chu awm ve reng lo in ka pindan ah kan lut daih a kan ngaihdan ve te chu kan sawi dun ve sep sep a an tawng kan hriat phak miau loh vang in u zikpuii puan tah na ah kan in sawn hnai a,an tawng pawh a hriat theih deuh tawh.






An sawi hmang ah chuan an khawngaihthlak khawp mai Sakei chuan Pitar leh naupang a lo seh sak tawh a,vawk leh se pa tuai a lo lak sak tawh bawk.Pasaltha tih tham an neih loh bak ah an neih ve chhun lah thing tlu in a delh na a bawksawp reng a ni awm a,an mangan dan tur ka ngaihtuah a ka khawngaih ve takzet.






Lal in chaw chhum kep tur a min tih chuan ka lo bu nghat a,mikhual tlangval te chuan min en vung vung mai,he ka taksa awmna hi a hmeltha em bawk a a awm ve tho,ka lo nuih let var var a an lai deuh nge ni an kun zui daih mai.






Rawng kan bawl lai chuan Ngurliana te unau pawh an lo haw ve tawh a,ngawi reng in an in dah fel sawk sawk a Lal in a koh chuan an va thu phei ve bawk.Mikhual te'n an kal chhan an sawi nawn leh a tanpui hram tur in an ngen zui a "Ka pa in rem a tih
chuan kan lo kal em em ang" a ti dam vei dup a,ka lo ner sak chu min rawn melh rulh a ka lo chhiat khum nghek chu min melh dur khuih khuih mai.







An kal tur thu a chian hnu ah "lo va kal hmasa ula lawmpa nen kan rawn zui dawn ang che u,lo lamah hna tul lai ani a kan zo zet phawt ange" a ti chu ka lo ngei leh em em tawh mi'n mangang in an rawn pun a a lo in la ve tlat chu ka ngei zawng tak.






Thing seng tur a kan chhuah chuan u zikpuii bulah ka phun bal bal a "An pahnih chauh in an kal chak zawk dawn alawm...an thlen khalh zawk ang mawle" a tih chuan ka lo awih lo nasa mai ni hnih a kal hma te va thlen khalh thu awm lo hrim hrim."Vanbawng chu khawi ah nge a awm a,ni nga kal lai kha an ti sia a va hlat hmel ve" ti a ka zawhna chu "hla ve viau e..he ta tang a chhim lam ah sawn a ni in ka hria".



ZAWMNA



Ka hawi kual vel a mit in a tlin tawk chu thing leh tlang hring dup a ni mai a,mahse enge maw tak hian lung a len veng veng mai.Inchhung ah lut in ei rel ka pui a,ka puihna chu a mamawh vak lo bawk a a chet ka ti buai zawk tlat a ka hriat vang in ka kal sawn a,tih tur ka hrelo lutuk chu ka vei thuak thuak a la kaih ka thiam der lo a,puan ka tah thiam bawk silo tih tur thlawt ka hrelo ani.Tukverh ah chuan dak in ka zai rat rat a,upa pakhat chuan "Mawite i zaithiam mange ka ti...hawh teh lo kal tawh" a tih chuan ka hawi zawk mai,ka zai zawi viau khan ka hre sia "Ni e mawle...Mawii han zai tak teh" Lal in a rawn tih leh tak ah chuan chheih pui theih tur a ka hriat hla chu ka sa a,an lo rui phual tawh nge mawni an han lam tui em em khawp a Lal nu kai chhuak in an chheih map map hlawm mai.







Zan lam a zawm ah ti in an lam chu an duhtawk a Ngurliana lo ding peu ul leh min lo melh run mai chu tim dai in ka en a,ngawi reng in min kal pel a mak deuh in ka rilru a na deuh tlat anih chu,min biak ve tal ka lo ring a,a chang leh ka lakah a fel em em a a hnu lawk ah min huat na nei ang mai in a awm leh a,a mizia hi hriatthiam har ka ti ngawih ngawih.







Zanriah ei lai pawh chuan ka mitmei ru zauh zauh a,vawikhat te mah min melh ve eih lo,ka rilru ang hi a pu ve miahlo tih ka chiang chung pawh in a lakah hian enge maw ka la beisei ni..Zanriah kan ei kham a upa ho an rawn chuankai leh takah chuan lam an han rawt tha leh a,keichu min zai tir leh in an tui ta deuh aniang chu belpui nen tualzawl ah an chheih dap dap mai,khaw mipui te'n rawn zawm ve zel in a tawp ah phei chuan khaw pum mai in an lam a ni tawh.








U Zikpuii nen ding dun in lam ho chu kan thlir a,kan nui ve var var mai,ka bul ami chu a pasal in lam pui turin a rawn pawt chhuak a,ka lo au vak vak an hmeltha dun bawk a an lamthiam dun si an inhmeh lutuk takzet.Thangkhuma'n min rawn pawh chhuah ve ngawt a tum chu ka lo tang nasa mai ka lam thiam lo,mualpho ka duh lo anih chuan ka tan tlat a ngai chupa lah chu mi pawh chhuah ngei a tum ruh bawk si "Thangkhawvel kal teh ka lam thiamlo" ka tih hrawk tak ah chuan a kal zui nul nul a mi thenkhat chuan min lo en deuh thap mai lehnghal.








Zawl zau lai a lam dun te ka hmuh chuan ka mang duk in ka hria Ngurliana leh hmeichhe pakhat in duh hmel lutuk a lo chheih kual vel te chu ka ner khum sak a,a hmeichhia lah chu a hmeltha em em mai lehnghal chu te hlei hlei chuan ka thin a ti rim.Ka lo melh nasa deuh nge ni "I meng rum mah mah" u zikpuii'n ka beng bul a a rawn tih chuan ka insiamtha vat a he lai a ka awm reng chuan ka tawt up up reng dawn in ka hria "Khutah ka zuk leng lawk teh ang" tiin ka kal nghal nal nal.








"Mawii...khawnge kal i tum a??" Thangkhuma rawn au lang lang chu hre mah ila ka chhang peih thlawt lo tumah tak hi chuan ka duh tawk a sawisak tur awm se ka ti,min ti thinrim tu te hi awm se insual pui hrep ka duh.Kal na tur em em ka hria pawh a nilo ka kal ve mawp mawp tawp veng hmawr deuh a Pi Zaliani te inah chuan ka lut tawl a "Ka pi in awm em?ka lo leng dawn" ka ti lut lang lang a "Awm tehreng mai Mawite lo leng rawh" a fanu Chawngpuii min lo chhan na lam ka hawi chu a lo nui sang a







"Naktuk enge i tih dawn??Thingphur ila" ka ti deuh tawl a,sawi tur ka van ve bawk ani "Kan phur dawn nia" a lo ti tha ve mai bawk.Rei deuh ka leng a,leng hawn ar a khuan pawh chuan ka la awm lui ngar ngar Ngurliana zawlbuk kai hma a haw chu ka tum lo.Ka duh tawk ka nghah hnu ah "Chawngpui ka chho teh ang naktuk chu aw lo thulh miah suh" tih leh thawh ka rual a,thlah ka ngai em ti a min zawhna chu ka ngaih loh leh ka hlauh loh thu a chhang in ka mangtha zui a.








Khaw mipui te chu an mu tawh tih hriat zet in thawm a reh deuh thiap tawh a,ka chhuah hnu deuh atang khan min zui tu awm ang hian ka hre tlat a,ka hawi let a ka hawi kual ngial pawn hmuh ka nei silo.Ka ngaihbel anih ring in kal leh tum a ka pen chiah chu engemaw ka su chawrh a ka kat nawk mai lehnghal."Hmeichhe len hun ania mi?" ti thum bul bul chung a minlo dawm tu chu Ngurliana a ni tih ka hriat chuan ka kut a dawmna chu ka phih sawk a "I lo buai ve na tur a nih loh chu" tih leh kal ka rual nghal.








Ka hnung lam atang a mi phih let nawk in khaw hmawr lam min pan pui zel chu ka hlauthawng takzet zu rim a la na huam zui a "min thah a tum ani ngei ngei ang" ka rilru chu a hah takzet ka theihtawp in ka tang ve tang tang a,engahmah a ngailo tih hriat zet in a pen ngai in a pen pawk pawk reng.Han au vak ila khawpum titi ka ni nghal mai dawn si,lungdawh kan pelh meuh chuan ka hlauhna leh manganna chu a in zat thuak tawh ngei ang...feh kawng lo lam a min pen pui in ramhnuai lam min pan pui ani,ka dang a ro huam a "Ngurlian min thlah rawh" hrelo ang hmak in zu han awm a "Hmela min thlah rawh ka ti" a la ngawi ngul reng "Zawnga Hmelchhepa Ngurlerh" ka au khum tawn tawn a







Rawn leh hawi vut in "I hmui kha i chip loh chuan tih dan ka hria ania" tih zawng sawi in min phih leh nghal dawrh a,a mitmeng kha ka rap lutuk ka hmul thi an ding sung sung thei hial alawm mawle...ka tawng ngam tawhlo hrim hrim.Ding thut in min pu lawk a a kal leh nul nul chu a hnungah ka theih tawp in ka chum vak vak,ka mawng ah beng thuk in "Awm hle hle rawh" a ti nghut a,min dah thlak rual rual in ka melh nghal rawn rawm a "Nang hmelchhepa enge tih i tum a??helai ramhnuai ah hian min thah i tum amaw?i eng pawi nge ka sawi a heti em em a min huat a?" ka tawng tawp lam phei chu ka duh ang pawn a ring tawhlo.









"Tunge ka that dawn che ti a?" dam ruih a a tih pawh chuan "Min thah duh lo ni la helai ah enge min hruai?Ohhhh nilo i hmeichhe khawsak pui thin te ang ah khan min ngai em ni?Nang mi tenawm ka mutpui hauhlo ang che mipa ah pawh ka ngai hleinem che...." A mitmeng inthlak nghal vek in min rawn pan hnai a







"Engmaw i sawi kha?Mipa ah min ngailo amaw?Nang hian engtin maw min lo hmuh a hmeichhia engzat nge ka khawsak pui i hriat?" ka tawng hnem mah mah tih ka hria mahse a tlai tawh lutuk ka ngawi reng a,ngaitheilo zet in ka dar tawn tawn ah tham in a hmer nghek a









"Min chhang teh Mipa ah min ngailo amaw?" ka thin in a tuar ngang lo heti em em a min thinrim khum tur hi a ni reng reng lo






"Ngai teuh nang.." a nui hawk a a nui ri chu a ngeiawm kher lehnghal.A bul a thing té deuh leh lung awm chu a phawk a a vawm darh nuaih tawh,kei ka lo rak chel chul thing lian deuh hlek chu phawi in a bul a thing lian pui mai vuak nan chuan a hmang a,ka khur zawih zawih in ka tawm chawih chawih mai chutah lei chu a vaw dup dup a,ka hrawk a na vek ka luak a chhuak hlui mai bawk.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)