NGURLIANA Ch~5 By Humming Moon

[Lalmeiji Hriatpuii]

A thing vuak tliah ther sung mai chu paih in min rawn pan hnai a a mitmeng mawlh chu zan thla eng hnuaiah ka hmu chiang chu ka khur zawih zawih mai,mu leh mal pawh nei lo in ka vai ruai ruai tawh "Ngurlian..min ti na suh" ka ti tham tiak a ani erawh ka thusawi chu hria ang pawn a lang lo.Min melh ding ngur a "Min ti na suh khawngaih in" ka mittui a luang nghal zawih zawih.








"Eng vang a min peh hel reng nge i nih?" a tawngkam chhuak reng reng chu a rum in a nelawm loh takzet ka hlauhna te'n min la kian san lo bawk nen chhang lo in ka ngawi reng a "Sawi ta che" a tih chuan ka phu zawk "Ka pehhel lo che" harsa tak in ka ti chhuak thei hram "Anih chuan engvang a zanlai thleng leng nge i nih?I mitmeng a thikna hmu thiam lo khawp a mawl ah mi ngai em ni?" a tih chuan ka lo melh mawl tawp "Eng thik na maw?i suangtuahna anih chu" ka lo ti let chu za lo tih hriat zet hian a nui huah huah a "Mawite..min bum lo ang.Min han hrilh teh min duh em ni?" a tih chuan ka zak kher mai a








"Duh mai mai lo,enge maw ka duh ang che a i ngaih tlat le?" ka tih chuan min hnaih thut in pawisak neih loh hmel zet a min en in "Nangmah vang hian ka buai vek tawh anih hi,dawt chu min hrilh buai suh" tiin min rawn fawp thut a,ka lo dawh mawl tawp ringawt mahse zei fahran a a lei a chet kual chuan chhang let in kan duhthawh dun viau mai.Ka hnute a tham chuan ka lo thaw halh a,ka puan bih lai chu pawt thla in a puan a hlip ve nghal bawk,ka kap kar ah in thawlh in ka taksa chhung a a lut tan chiah chu ka mittui a hnam sawk a,ka hmui ka pet fan fan ka bul hnai a hnim te chu ka tham tawn tawn a an bung rem rum hial in ka ring.









"A na ami?" a tih chuan ka lo bu nghat nghat a, zawi zawi a a kawng ti che in a uar tawlh tawlh a,a na lutuk pawh a zia deuh, a rum hawk rual in ka taksa chungah a bawk thlawp a.Rawn dak chhuak in min fawp a,a nui suk ri in a zawm nghal.







Tho chhuak in ka puan ka bih tha nghal sawk sawk a,min en leh vung vung thin chuan ka awm a ti nuam ta chiah lo "Khatin mi en vung vung suh " ka ti hlak chu a nui mai a "Ka ei loh nan che a ka in sum nasat zia hi hria la chuan min hlau ang" a ti chu ka lo nuih mai thung.








"Min ei tep kha khatin mi an fawp ngailo nakinah ka la zirtir ang che" tiin ka nuih zui san san a "Tunah hian engkim hre vek law law rawh" a tih chuan ka hrethiam lo kher mai.A inthing nur nur a Sakei lian zet ah a chang ta daih mai chu che chang lek lo in ka thlir mawl tawp.Min rawn pan hnai chu ka lo tawlh hnung rak rak a in thing leh in Ngurliana ah a rawn chang leh chu "Keimi" ka lo ti hap.








"Ni e..Keimi chu ka nia lawm" a tih chuan ka hlauh vang chuan ka khabe te chu a in khawng dat dat a, rei ngial ka melh ngawt ngawt lai chu harhchhuak thut in ka hlauhna ai in ka khawngaihna a nasa tawh zawk.Hei leh chen hi a inthup dawn chu a ni sia,mi satliah mai nilo in Lalfapa ngat a la ni zui mipui in hria se an chhungkaw chung a thil thleng tur chu a rapthlak takzet "Min hlau em?" a tih chuan "Aw" ka lo ti let a,ka hlau tak tak miau a ni. "Anih min duhna kha i la nei em?" A ti leh a "A pangai reng" ka ti leh mai "Keimi hi i pawm thei tak tak meuh ang maw?" Rinhlelh hmel fe a a tih chuan








"Mi taksa chhung a lut thlarau hi i pawm thei zawk em?" Tiin ka lo zawt let ve thung a min rawn pan hnai in ka mit ah tak min en chung in "Ka hmangaih che,mahse i rim danglam tak hi chu tawrh a har khawp mai ka tan a damna dam vawng vawng na tur khawp hial in i rim hian min hip " a tih chuan ka lawm dawn nge ka lungngai dawn pawh ka hrelo.








A awm ah bei in a kawngah kut ka suih a,minlo kuah let vat in ka sam a chul hliau hliau a "Ngatinge nichin khan khati vak vak a i chet a?" ti a in la hrang hlek in a chet na chu ka en kual kher a "Ka thluak i ti buai,i rim hian min ti á lo chauh a,seh ngei che hi ka duh mahse nang ka hmangaihna vang che a tih nat che ka hlauh luat ah khati khan ka che ta mai ani" ka lo nui var var a "Sakei chungah ka la chuang ngai miahlo" ka tih chuan min nam bu lawp mai "I rih tehlul nen ka phur peih awzawng lo che" a ti leh chu kan nui zui hawk hawk a.A inlak puithu ve viau pawh hian a zia tak tak hi chu a thup thei ngang thin lo.









"Ngaihzawng engzat chiah nge i neih a?Ngurlerha a ti che nia u Zikpuii'n" ka ti chu a lo chek tlak tlak "Zikbuli mai mai chu sawi loh loh a lo sawi leh ani maw...Chutia ngaihzawng bik ka neilo ka rim kual" a ti nghut a "Ka ta bik i ni tawh tih hria la,rim kual kha a rem tawh lo ang" ka ti chu min thlek vut in "Ka theilo ang an lungleng lutuk dawn" zu han ti a mawle..









"E...i va han zahpuiawm e aw..nang hi ven i ngai dawn anih hi" ka ti chu a phuh thawt a "A tlai tawh" tiin min pawt tho lawp a min kal pui nghal dawr dawr mi dim na hi a neilo reng reng.In kan thlen chuan a lo tlai tawh khawp mai khua a var hnai tih hriat zet in van chu a eng uarh tawh a,mut ka kham lo ngei dawn e.A mut na tur ka phah sak a a inthawlh rual in ka thu hniam a a hmui ah fawp zeuh in zawi te hian "Muttui aw" ka ti chu a lai nge min tin zuai zuai a,nuihza in sum zet in ka mutna tur lam ka pan ve nghal a.








Phak chel chual a ka tho chhuak chu u Zikpuii'n min lo en vang vang a,midang an la tho chhuak ve lem lo bawk a a bul ka thlen rual in "Nizan i va rawn haw tlai ve..Khawnge i kal a?" Min melh kar a a tih chuan ka sawi fai ta leng mai "A va han mak ve.." a ti hliai chu "Engmaw mak" ka lo ti let vat "Engmah nilo e.." a ti leh daih lawi a,ngaihtha lo zet a ka awm chuan a awm a ti nuam chiah lo ani ngei ang "Ngurliana hian nupui neih leh fa neih a tum lo a,chuvang in hmeichhia a khawih ngai loh tur thu a sawi a" a tih chuan ka lo thaw huai









"A hrilh ve che em?" ka tih chuan mit zim san in min melh a "I hria tiraw?" kan ti rual thawt ka bu nghat chu nui var var in "A hmangaih che anih chu" a ti liam puat a Lalnu thawm a rawn awm tak avangin thil dang kan sawi daih a.Zan lam a thil thleng vang chuan ka sil them thum a,ka kap bawr lah chu a kham na ut ut mai lehnghal mut ka lo kham lo ve bawk nen ka vawiin hun zet chu a ninawm dawn riau hian ka hria.








Sakhi sa chhum tui u Zikpuii'n min pe a "Hei in rawh i tan a tha ania i chau lutuk te kha a zia deuh ang,helai ah chuan dam lo te an nih ngawt loh chuan chhun a mut hi a zahthlak sia,dam lo der tawp mai rawh" a ti a lo ban vat in ka in khalh khalh zawh chuan ka harh ve hawk chuan ka hria ka thil in vang chuan tukthuan pawh ka bar peihlo a,ka damlo tiin a sawi a mu tur in min ti nghal bawk ka mutna ka pan tur chu Ngurliana pui chuan ngaihtuah hmel fe hian minlo en vung vung a,hmu lo der hmak in chauh hmel fe hian ka kal zui dem dem chu ka nuih a za ru ngang mai.









ka mutthilh dawn siar suar a Ngurliana rawn lut in ka natna chu min rawn zawt ta reng a,ka lo sawi chuan "Ka dim lo mah mah che em mawni dawn le...Zikbuli khan kan khawvel ah chuan mipa che dim lo deuh deuh hi hmeichhia in an duh zawk a tih vang in ka che vak vak a" a tih chuan ka nui hak a min melh vut chu "Chutia na chhia ka nilo ania,mut ka kham lo a ka mut theih nan lem kan chang hlek alawm" ka lo ti let a "Tenawm dun lutuk" tiin a chhuak daih lehnghal.








Chhun pum mai a ka mut tak ah chuan ka harh ta vawk mai,tho chhuak in midang te pawh tum a ka phei chu Lal leh Khawnbawl te chuan min lo be luam a dam leh thuai turin duhsak na te chu min hlan tak deuh deuh.U Zikpuii nen inbual tur in tuikhur kan pan a,kan thlen chuan tu vak mah an lo awmlo eng eng emaw sawi in kan ti ti barh barh a "Kha putar te kha zawh duh ka ngah tehreng nen vawikhat chiah ka pui thei ang che a tul tawp ah lo chuan min ko suh a tia,ka thih tep vangin ka ko tawh sia" ka ti niah niah a








"Eng thil ber nge zawh i duh a?" a tih chuan "Ka hma hun" tiin ka lo chhang var a nui mai a engmah a sawi zui hran lo.Tlai a Ngurkima te unau lo haw chuan iptepui ah u zikpuii nihawi a chi ro thut tawh chu an rawn ak haw teuh a "Kha Ziki a ei theih tawh kha han siam teh" Ngurliana'n a ti chu ka lo nui hak min rawn melh vut in "Enge nuihzatthlak" a ti bul hmuk a ka nui lai chu ka tawp riai riai.He mihring ze mak lutuk hi ka hrethiam thei dawn lo anih hi a chang in min duat em em a a hnu lawk ah min vin leh khur khur a.









"Chutia siam chi pawh a ni lo,kha ti khan a kawr kha kheh la a chhung a awm kha ei rawh" tih pah in a mal thlak sa chu a pe a "Engtia kheh chi nge?" tiin a thlek kual vei ngial reuh lehnghal "Khawi ka lo tih pui ang che" ka tih chuan min rawn pe vat a ka lo kheh sak a ei chu "A va ho tham ve,khawmaw a lian deuh han zawng teh a te lutuk a ei tham pawh a ni hleinem maw" tiin a thut chilh a a khelh nghal mual mual









"I ei hnem tawh a tawk kal teh" pakhat in a lo tih lai in "An uikawm viau ngailo ka rawn ah haw anih hi" tiin a lo chhawn dut dut a,midang ho chuan kan lo nuih tha hlawm.An in hnial a a hnu lawk ah an nui leh thin a chang leh an in tin zuau zuau a "Tel siamna tur anih hi khatin lo ei zung zung suh a chhuak tlem lutuk ang" a tih chuan "Siam lo mai rawh ti hian a tui zawk daih" a lo ti thung.








"Seng an hun tawh anih hi naktukah kan zuk phur dawn nia a rit lo bawk a bawm rang in a phurh theih ang Thangkhuma hi lo hrilh ang che aw Ngurlian keini'n Chawngpuii sawm ila kum leh ami tur a a chi dah that te pawh kan ngai ang,mahse uluk chu a ngai dawn khawp mai" Ngurliana melh zauh pah chuan a tia a ni erawh in a lo ngaihsak teh chiam lo "Thangkhuma ka zuk hrilh ve teh ang khawmaw Ziki pakhat kha ka keng nghal law law ange" tiin a la mal loh chu a lek lawrh a a chhuak vang vang.








U Zikpuii'n Lal leh Khawnbawl te hma ah chhawp in an chip laih laih a an hlim pui dar dar phian lehnghal.Keini pawh Lalnu ho in kan ei ve a,readymade kha chu a al deuh a mahse tun a kan ei erawh a hang dap a a tui em em thung seh zawng a a rawn hmui chek chek chuan a tih tui belh in ka hria.