Pasaltha Thangluaia By Mazira Tochhawng Mipa 1 - 237

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

Re: Pasaltha Thangluaia By Mazira Tochhawng Mipa 1 - 189

Unread post by Ngaia » May 21st, 2018, 9:32 pm

.................. PASALṬHA THANGLUAIA (189) .............
.
.
Chhingi awm aṭanga thisen rawn chhuak bawrh bawrh an hmuh chuan Sangluaia chuan a Diar chu pawtthla nghalin Chhingi awm, thisen rawn chhuahna chu an hupsak nghal a, a beng a a aw mawitak chamreng maileh, a thinlung chhungril taka a hmuh chak ngawih ngawih mai thi chhawnga a awm an hmuh meuh chuan chu rawlthar thinrimna chu rawnsang zualin bing deuh mup mup hian a in hrehial a ni, rangtak chuan Chhingi chu zo taka pawm nawlh in Tlang chhip lamah chuan a chhoh puita nghal a
.
Tlang chhip a han chuan chhuah pui chuan Lal fapa, Chhingi u Dangvela pawh in a theih ang ang chuan lobawih sawmnghalin hmunrem laiah chuan an hanmut tir a, Dangvela hnenah chuan khawnge helaia i nau kut thlaktu te kha? an ti a, Dangvela chuan lo chhangvat in, helai khama i tlanliam rualkhan kawrruam lampan sawn pathum chu an tlanchheta a nih kha tiin a lo chhangvat a, Sangluaia chuan a hmelmate tlanliamna lamchu ngun taka thlirin a thinrimna chu danrual a ni lo, a Chempui chu nghet taka hum chunga rawnding chhuak in khawikip mah in thlengbik lawng nge, in thiltihrah chu inseng ngeitur a ni ti a ṭawng chhuakin Dangvela hnenah chuan, ti khan lo awmla ka rawnkir lehvat ang tiin a hmelmate tlanliamna ruam lamah chuan atlan liamveta nghal a
.
Dangvela chuan Sangluaia tlanliamchu thlirzui in mihringhi kan lova in thlauthei tak em, Thangluaia fapa awm reng ilo ni e, nang ang mihuaisenhi kan khualehtui hian kan lova ma mawh tak em, Doruma laka dikna tungding tur hian nang ang mihuaisen leh i pa anga Lal khualehtui hmangaihtu, hmeithai fahrahte leh chanhaite hmangaihtu hi kan ma mawh ngawih ngawih a ni tisap in rawlthar Sangluaia chu a thlirliam vawng vawng mai a, thalhtute aṭanga ralhrat leh ramvachal thlah aṭanga rawnchawr chhuak rawlthar Sangluaia chu thlunphelh ang par par maihian ngawpui hnuaiah chuan a hmelmate hnuchhui chuan aduk par par mai a, a rilru leh a thinlung zawng zawng a avawikhat nan a alo tawn hmangaihna, chu hmangaihna ngeiin a helai hmun rawnhruai thlengleh tu, chu a thinlung hmangaihna neitu hmel duhawm em em mai thichhawnga awm hmeldanglap mai kha a mit thla ah chuan chamreng in, chu hliampui tawrhna chuan chu rawlthar thinlung chu nasa taka sawi danglamin, rawlthar thisen ah chuan phuba lak chakna chuan rawnchiah in hmalam pan chuan atlanduk pur pur mai a ni
.
Engmah hlauh a neilo a, Chenrang a ni emaw, ral an ni emaw, Sapui hliam a ni emaw a thinlung chuan hlauhna chhete mah neilo in a hmalawka ral tlanchhiate chu hmuhngei tum chuan chak tak in chulai ngawpui chhung chu a paltlang pur pur mai a ni, hmuanda awmzet hnu an chhui chuan a hriatna chak tak mai chuan ral chu an hnaitawh a ni tihchu a hretheita, chu a hriatna chak tak mai chuan a hmalawkah chuan ral an awm tawh tih hriat tir in fimkhur pawh a fimkhurta khawp mai, mahse thlahtu aṭanga michung nungbik, mi na zawngte tluk loh leh mi vantlang chunglam, a lo duang chhuaktu Khuanu pawhin mi zawng zawng te khumtura a lo duan chhuah ni a mawi rawlthar Sangluaia chu ramhnuai ngawpui chhungah chuan tuma tlukrual a ni lo
.
Apa ai maha thawmdim thiam emaw tihtur khawp in ramhnuai ah chuan a chetla thiam in thawm a dimthiam a, apa ang tho a Vahrit leh ram Ar ramtlalai pawh maithei a nih avangin tumatluk rual a nilo a ni, hmuanda awmvel an chhuileh hnu chuan a thinlunga a hriatna mak tak in a ahriat ang chiah chuan mualdung pheiduai maiah chuan a hmelmate chu a nang ching ta, thawm neilo chuan an hnungah chuan zuiphei zelin, chung mite chuan mual er lai an lawndawn tih ah chuan an hnunglawk aṭang chuan dingrawh u an ti thut mai a, chung mite zinga pakhat pheichu chiang tak chuan a phu zawk nghe nghe a ni
.
Chungho an rawnhawi kim tih chuan an zinga pakhat chuan a Silai keichu rawnlek chhuak nghalin rawlthar chu rawnkah an tum a, mahse chupa in a Silai a hmehper hma chuan chu rawlthar chu danrualloh khawpa rangin, chupa a mah rawntintu lamah chuan a dawkphei zawk mai a, Silai lektu bul a va thlenrual chuan chupa nghawng chu a in chhawk nghal zawk mai a, pahnihte chuan an chempui chu rawnchuhve nghalin, mahse chet an lakve hmachuan rawlthar Maubul chang ken chu a phe zawk zawk mai a, chungmi te pahnih chuan an hrawkchu hup in rawlthar chu maktih hmeltak chuan melh ṭawk ṭawk in, an kut kar aṭang chuan thisen tharlam tak maichu arawn hnam chhuak zawih zawih mai a, hrehtak chung chuantlu in an leng awrh awrh mai a, an pathum chuan an hliamtuarlo chuan an hnukchu a chat ta hlawm a
.
Sangluaia chuan Silai chu la in rangtak chuan Chhingi te unau awmna lamah chuan alet ta nghal a, Chhingi te unau a kalsan na hmun a va thlen leh chuan Pasalṭha Denga leh aṭhiante pawh chulai hmunah chuan an lo awm tawh a, tin Kaikhama khualehtui te pawh Tlangval rualte rawnthlengve bawk in chulai hmunah chuan an lo ṭhahnem khawp mai, Sangluaia an hanhmuh chuan Denga chuan thilawm dante an zawt zung zung a, Sangluaia pawhin engkim a felvek thu in an Pasalṭha zawhna chu an chhanga, Chhingi chan chinchu zawtve vat in Denga chuan, Chhingi hliamhi a na khawp mai a, mahse ṭha taka en kawl chuan a nun na hi chu hloh lo turah kan in ngai, Silaimu khan pawi lotuk khawihlo in a tlang a nih hmel a, mahse thisen a hloh hnem avangin eng emaw chen chu nikhaw hrelo in a awm ang an ti a, Sangluaia chuan chungthu an hriat chuan a thinlung pik lutuk chu zanghuai hian hriatna a nei a, Chhingi chu han bawihsawm in a ṭul ang ang a en kawlduh viau mahse chung mi tamtak karah chuan a rembik lo a ni
.
Sangluaia chuan Denga hnenah chuan engtin nge helai hmunhi in rawn thlen theih? tiin an zawt a, nia thil awmdan kan hriat rual rual khan kan rawn um zuinghal che a, Kaikhama khua kanrawnluh khan Lal in ah kanlut nghal a, Lal in chhungah chuan i chan chin leh, Lal fanu leh a u, Lal fapa chan chinhi minlo hrilhnghal a ni, an nipawh hian Lal fanu ṭhian nu Dothangi hnen aṭangin i chan chin, Lal fapa leh a nau Chhingi mantu te i umzui thu hi an hria a, keini pawh in ka sawiang khan i chan chinhi kan hriat veleh in hnu rawnchhui in helai hmunhi kan rawn thlengve chiah a ni tiin an chhang a, Val upa ṭhenkhat chuan Sangluaia chu an rawn chibai nak nak maia, ṭhenkhat chuan i huaisen vang liau liau in kan Lal fanu chu thihna aṭangin i chhanhim tawh a, tin hei tunah lah an unau in i huaisen vang liau liau in an nun na chu i chhanhim sak leh a ni, kan Lal Kaikhama chu i chungah hian alawm em em dawn a, chu tihrual chuan keini Kaikhama khualehtui te pawh hi in ṭhianho leh i chungah hian kan lawm tak zet zet a ni tiin an chibai nak nak mai a
.
He tihlai hian Lal Kaikhama fapa Dangvela chuan theileh theilo hian Sangluaia te ṭhianho dinkhawmna laichu rawnpan in midang chuan an lovuan in an rawn kalpui a, Kaihnuna chuan an ṭhianho chu lawmthu chu rawnhrilh in Sangluaia hnenah pawh chuan lawmthu an sawinghal a, tin Pasalṭha Denga hnenah pawh chuan an ṭhianho chuan an khuachu la chhuahsan lo a zan hnihthum veltal la champui tur chuan an ngen nghal a, Denga pawhin Lal fapa sawmna chu hnialhar a ti khawp mai, mahse Denga chuan Lal fapa hnenah chuan, nia hei keini chu ram chhuak satliah mai kan ni a, hei zan nga ngawt mai chu kan thangta a ni a, chhungte ngaihtuah pawh kan hlawh tawh ngei ang, mahse khuate han thleng ila Lal thuleh hlate han ngaichang phawt ila, tin kei mahni ringawt chuan inthla kan muanzo dawnlo a, mahse i pa Lal thu tlukna ang ang kan pawm angaidawn a, kei mahni avanga in thlamuan phahdawn a nihphawt chuan in beisei ang em chuan chamreipui theilo che u mah ila hun e ngemaw chen chu kan chamchilh theiturah che u in ngai ang tiin an chhang a, Hlangte an peih hnu chuan chulai hmun chhuahsan tur chuan an in buatsaiha Chhingi zawn chuan chulai hmunchu an chhuah santa a, Sangluaia chuan a thinlung chuan Chhingi chu theihtawp chhuaha han bawihsawm pawh duhve viau mahse midang hmaizahna avangin a la rawlthar bawk nen in thlahrungru tak chuan Hlang hnunglam ah chuan a kalve a ni
.
Kaikhama Val upate chuan lamkal in tirin rawlthar chak vak deuh pahnih chu an tir a, he mini tlailam zanriah ei hunvelah hian Dangvela te chuan khuachu an lut a, mipui tam tak chuan lo hmuakin an Lal fanu chu an lainatzia en tir nan mipui zingah chuan tumah ṭawng chhuak awmlo in an ngawi nghuai mai a ni, Chhingi chu Lal in chhungah chuan zawnlut nghalin a unau te leh a nu leh pa te chuan an zuilut nghal a, tin khawnbawlte leh Val upa tam tak te pawh in an zuilutve nghal a ni, Lalnu leh a fanu te chuan an nau Chhingi thi chhawnga mureng chu lainat taka mittui nen thlirin an kun ngawih ngawih mai a, he tihlaivek hian Lal fapa Dangvela chuan thilawmzia leh an thiltawn danvel chu Val upate hnenah chuan losawi in an ngawiṭhap mai hlawm a, Sangluai'an arawn chhandan zawng zawng te chu hmaihnei miahlo chuan in chhunga awm zawng zawng te hriattur chuan an sawi a, Lal fapa thusawi chuan Lal Kaikhama leh Lal inchhunga awmte Beng chu averh zar zar khawp mai
.
Tin Lal fapa Dangvela chuan Denga leh a naute chuan kan Lal in rem a tih chuan hunrei vaklo an champui theihtur thuchu a pa melh pah chuan an sawichhun zawmleh nghal a, chu thu chuan in chhunga awmte chu a ti hlim khawp mai, Lal chuan vawihnih ngawt a fate nun na chhanhim tawhtu chu a khua ah chuan chamtir a phalngei pawh an ringtlat hlawm a ni, karlo ah chuan Lal Kaikhama pawh rawnṭawng chhuak in, in chhunga awmte hnenah chuan ti hian an ti a, heile kan dinhmun chu sawi nawn ngailo in kan hrevek e, tuna ka fanu dinhmunhi ka sawi dawnlo a, keini khuahi Doruma awp khuate kan ni a, Doruma hnena chhiah chhung kan ni e, minawptu Doruma lunghi a awi dawnlo tihchu kan hreṭheuh awm e, a hmasa khan a makpa lu chu lak a lo nitawh a, tun ah a Pasalṭha lu chu lak a nilehta bawk a, heng zawng zawng ah hian Doruma chu alungnilo nasa dawn a ni, eng pawh nise kan hmabak chu ka thusawi aṭang khan alang vek a, kan khualṭhate hian min chamchilh theite a nih ngai chuan chu chu kan duhthusam a ni an ti a
.
Kaikhama chuan sawi chhunzawm zel in, Lal ka aṭanga chhuakah chuan a mawilo pawh in ti maithei e, mahse kan khaw dinhmun in hrevek a, Lal dang awpleh an chhiah lakna kan nih ziapawh zeprualloh in in hrevek a ni, Doruma lak aṭanghian talchhuak tur chuan tun dinhmunah chuan kan huaisen na leh kan chakna hian a latlinlo a, kan Tlangval rualte hian Pasalṭha huaisen kaih hruaina kan ma mawh a ni ti ila kan sawisual tam awmlo e, ka fapa sawiang khan tuna Lal ropui Thangluaia Pasalṭha te hian minpui theite a nihngai chuan kei ni hian an hnunghi theihtawp chhuah in kan zui angai dawn a ni, chu tiangnilo a kan hnungtawlh sanlehsi chuan hmelmate kutah an ni hi kan barhlek dawn a ni, chu vangin Val upate u kan zawt teh ang che u, kan khawnbawlte pawh kan zawt teh ang che u, an ni hian theihtawp chhuahin minpuih duhta se an hnunghi kan huaisen na zawng zawng nen hian kan zuingam dawn em? kan nun na thap hian an ni hnunghi kanzui ngam tak tak dawn em, a ṭul a nih phawt chuan ka khualehtui tan chuan kei in Lal hian ka nun na hi ka hlan hmasa ber ang an ti a
.
Chu Lal ṭawngkam chuan inchhunga khawnbawlte leh Val upa rual awmte thinglung chu a hneh khawp mai, khawnbawl min chu rawnding chhuak nghalin, kei khawnbawl min Lurhthanga fapa Laithanga hian kan Lal thusawi kha ka thlawp a, kan khualehtui tan chuan ka nun na hi ka hlan hmasa ber ang an rawntive nghal a, chu tahzet chuan Val upa rualho chu an ṭhuthmun aṭang chuan rawnding chhuak hlawm in, tin khawnbawlho pawh rawnding chhuakve nghalbawk in an Lal thusawichu an thlawpzia en tir nan an ban dinglam ṭheuhchu an rawnphar chhuak ta a, chu veleh Lal chuan Tlangaupa hnenah chuan tinah Tlangval rual zawng zawng au khawmla, tin rawlthar rual zawng zawng pawh tunah Lal tualzawlah kal khawmvek turin au khawm ang che tiin Tlangau chu an tir a, Tlangau pawh in Lal thupek ang chuan in chu chhuahsan nghalin a au kualta nghal a, Lal Kaikhama chuan Denga leh a naute awmna lamchu pan in Denga hnenah chuan, kan Tlangval rualte leh kan rawlthar rualte hi fuihna thu nangmah ngei hian sawiang che, Lal ropui Thangluaia Pasalṭha huaisente in nih zia hi khua a mipui zawng zawng te hian an hrevek tawhche u a, chu vangin in fuihna chu kan Tlangval rualte hian an pawm in an zawm em em ang, nang mahni avang hian khualehtui chhanduhna thinlung pawh hi an nei in an pu em em ang an ti a
.
Denga chuan Lalpa i rilru turchu ka hrethiam khawp mai, tin i khualehtui pawh hi kan thrihtawpa ṭanpui che u pawh kan duh, mahse thil pakhat min hriatpui tur che in ka duh che a ni, tunah hian keini chu ramchhuak satliah mai mai kan ni a, tin tunah hian kan riahbuk ah chuan kan naute pali ngawt an la awm a, tin an zinga pakhat pheichu harhpawh la harh chhuaklo in Buk chhungah kan rawn kalsan a ni, in khua puih che u kan hrehvang nilo in hetah hian kan chambang ringawt chuan kan riahbuk lama kan naute an hrilh hai lutuk dawn a, tin kan nau damlo kha en kawldan pawh an thiamlo ang, chu vangin tu emaw berhi kan riahbuk lam pan chuan kan kir leh angai dawn a ni an ti a, Kaikhama pawh in Denga te chan chin an hriat chuan an nau damlo chu pawi a tihpui khawp mai a, Lal chuan Denga hnenah chuan tiang hian thurawn insiamteh ang, in riahbuk lamah chuan in nau pakhat nen Tlangval sawmvel tir in va kalta se, in nau damlo pawhchu khawchhung lamhi rawnpan pui nita se a ṭhazawk mailawng maw? mahse chu chu in thu thu ni se an ti a, Denga chuan Lal thurawn chu han ngaihtuah vang vang in, Lalpa i thurawn ang chu ni rawhse, ramchhuak kan nih angin sarep a hmingin tlem a zawngte kan neive a, kan naute pahnih hian va hruaise i thurawn ang chuan ni rawhse an ti a, Lal Kaikhama pawhin Tlangval sawm chuang zet chu khawmtir in Denga te riahbuk lamah chuan an tirliamta hlawm a
.
Hemi zan thimhlim hian Denga te riahbuk lama an nau damlo chu rawn zawnhawin an rawn inphur chhuak vek hlawm a, Lal chuan an mitirhte an rawn hawnhnu thimhlim bawrah chuan mipa Tlangval rual zawng zawng chu Lal tualzawl ah chuan kokhawm vekin fuihna thusawitur chuan Pasalṭha Denga chu an sawm a, Denga chuan Tlangval rual huaisen tak tak te u tunah hian in zalen na chu rahbetsak in ni a, Doruma hian ṭhangkhat lianzet a awp tawh che u avangin tuna ṭhangthar rualte pheihi chuan in nihna leh in zalen na pawh hi in hmang thiam tawhlo a sin, in ramchhungah ngei hian Doruma chuan in thil ṭha ṭha te, in Sial ṭha ṭha te leh in neih rohlu ṭha ṭha te rawn chhuh ṭhinche u in arawk mek zelche u a nih hi, in Pasalṭha huaisen turte sal atan hruaizel in, in nu in pa, in unau tam tak tihlum tawhin sal atan tam tak a hruaisak tawh che u a, heng zawng zawng hi tuna ṭhangthar te hi chuan a tur rengah ngai che u in , lung nihloh leh thinrim na chang pawh hreloin in thlir liam satliah mai mai tawh a nih hi, heng in hmusitna zawng zawng te leh mihring sal atan in hruaibo reng maihi in chunga thleng rengtur a ni bik reng reng hlei nem, Tlangpui khaw Tlangval rualte u khawnge in huaisen na leh in tlawmngaihna zawng zawng kha khawnge a awm zawh tak le? misal leh mibawih ni tur reng hian em ni in rilru a lo pian chhuah bik? zalenna in hmalawka awm chu hnawlin in thlahte, in tu in fa te miten duh duh a an kaihphar theihtur leh, an duh duh a an tih hluma, an duh duh a sal a tana mana an hruaikawi theihtur in em ni in hrin chhuah ang? i nupui i fanu i monu an duh duh a an hmei a tana an pawh pharkha i phalreng dawn em ni?
.
Ni lul lo e, heihi inram a ni a, heihi in khualehtui ngei a ni e, i in chhung lumah chuan i ṭhenawmpa rorelsak i duh a ngem? patung chuan ka in chhungluma ka ṭhenawmpa ro minrawn relsak chu tuman kan mawlhlo ang le, chu tiang chiah chuan i ramchhung, i in chhunglum ngeia Lal hran rorelsak rengchu dawhthei takin ilo thlirliam mai mai dawn em ni ang? i nupui i fanu i monu duh duh a hmei atan an pawhphar rengchu patlinga pumpa chuan i Tapchhak lum aṭangin i thlirliam mai mai ang maw? Tlangvalte u i farnu i unau nu, i lawmnu chu khawdang mipa ten hmei a tana an pawt phar mai mai laikha i thlirliam mai mai reng ang maw? ni lul lo e, i farnu i unau te, i nuleh pate in chhungkua hlimtak leh thlamuang taka awm induh chuan Tlangpui khaw valrualte u rawnpen chhuakta che u, keihi in Lal ka nilo a, Lal ropui Thangluaia Pasalṭha pakhatve mai ka ni e, a Pasalṭha pakhatve maileh a fapa huaisen Sangluaia chuan in khualehtui tan luchhum banchhum pawh huama nangmahni nghaisa ṭhintu te hma a an din ngamlai hian, nangni Tlangval huaisen rualte chuan in chhungkaw tan leh, in khualehtui in Lal tanhian in rawnpen chhuak ngamlo ang maw? chu zawhna zet chuan Tlangval rulte thinlung chu rawn chawktho in Tlangval rualte thinrim thawmchu chulai velah chuan a ri ta hulh hulh mai le
.
Lal Kaikhama chuan Tlangval rualte chu hankhap dai in, ti hian thu an sawive a, Tlangval rual huaisen te u, Doruma chu englai pawha rawn thawkthei reng a ni e, he khualehtui muan na leh himna chu nangni ṭhalai huaisente kut ah hian a in nghat a ni, heihi in nu leh pa te, in u in nau, nang mahni in chhungkua te tualchai na leh in lawmnu teh hlim taka in hnung an zuina in khualehtui ngei a nih hi, kha lehchen kha Doruma chuan kan u, kan nau, kan nu leh pa te minlak sak ṭhin maw? kan hmangaih kan lawmnu te ngei min chhuhsak ṭhin in meikhup in kan la tlanchhe ṭhin maw? tun ah chuan kei in Lal Kaikhama hian khangthil zawng zawng kha hreawmti tak in ka thlirliamfo tawhlo ang, Doruma Pasalṭha rualte chu rawn thawk chhuak ang hmiang, in khualehtui hi haldarhvek tur hian rawn thawk chhuak ang hmiang, chung Pasalṭha rualte chuan an duh duh rawntih tumang hmiang, mahse heihi hretawh rawh se, kei Kaikhama ruang chunghi min paltlang a nih loh chuan chungmite chuan an duh duh hi in khualehtui ah hian an rawnti tawhtur a ni lo
.
Doruma chuan in khualehtui rawn haldarhtur hian a khawnbawlte nen chuan Beng sik in ruahman na an siamngei ang le, Tlangval huaisen rualte u Dorum'an kan khualehtui tih chimit tura a Pasalṭha rualte a rawntirh chu kan lo Uipui tuilian thlirleh veng veng maidawn em ni le? teuhlo mai, Doruma Pasalṭha rualte chu rawn thawk ang hmiang, kei hian chung Pasalṭha rualte chu ka Chenrang nen, ka ral lulak chem nen a ni ka lo hmachhawn dawn, a ṭul a nih chuan keihi he khualehtui tan hian ka nun na ka hlan ngei ang, nangni Tlangval huaisen rualte u in tuallen na khualehtui chhantur hian ke rawnpen chhuaka, ka bula thingam tunge awm che u le? chu an Lal zawha chuan Tlangval rual pung khawmte thinglung chu Fei zumtaka chuntlang ang maia chhun tlangin, an Lal zawhna chu chhangin, keimah keimah tiin an au rualta dual dual mai a, Tlangval rual in hlawm khawm thinrim ri chu Chappui kang in mankai ang mai chuan a ri ta hem hem mai le
.
Pawnlam thawmchu ṭhaviau mahse in chhung lamah thung chuan lung ngaihna in thla a zar a tih loh theih loh thung a, Lal fanu Chhingi chu a nu leh laina hnaivaite chuan an bial laih laih maia, mihring rilru aṭang chuan mihring changleh tura rin na chu a bo hneh khawp mai, Silai kahna aṭanga thisen chu la rawnchhuak rengin chu thisen rawn hnamreng maichu Bawlpu ho chuan dantum in an buaipui ngar ngar mai a, Bawlpu chuan hmun hlatak aṭanga rawnzawn haw a nih avangin thisen hi chhuak hnem lo thei a ni lo, heihi theih tawpa kan danloh chuan a nun na hian a tuar thei a ni an ti a, Bawlpu sawiang chuan Chhingi tleirawl hmelṭha tak mai chuan thisen a hloh hnem tawh avang chuan a hlemte chu danglap tawh in tumah chuan a dam khaw chhuah leh chu an ring tawhlo a ni, mihring dinhmun aṭang chuan a thaw chauh an en tawh a, chu Lal in chhung boruak chu a rit khawp mai, vawilehkhat ah chuan Chhingi chu a awm sep lawp lawp chuan arawn thaw kawk kawk mai a, thawk a lak zawng chuan a hrawk chhung chu ri bawrh bawrh in a awm chhungah chuan thisen khar rawn chhuak theilo chuan a hnawh a ni, thawk lehkhat ah chuan Chhingi chu zawi hnawk in a thawchu a buaita nghal a, amar chauh chu en in a banrek ah pawh chuan amar hmuhtur a awm ta lo
.
Lal fanu hmelṭha leh duh awm, khawtlang leh mite ngainat Kaichhingi chu thichhawng chuan amar chauh en in laina hnaivaite chuan an hualta ṭaih mai, in chhung aṭang chuan ṭap thawm chu rawn chhuak in an rita luih luih mai, Lal in chhung meuh aṭanga ṭap thawm arawn chhuah takah chuan Tlangval rualte leh, khawtlang nuleh pate chu Lal in lampan chuan an rawntlan khawm hum hum mai a, an Lal fanu zaidam leh hmelṭha tak mai, khawtlang mi zawng zawng te ngainat rawn chu ti maia a thi chhawnga a awm chuan mite rilru chu hneh in an lainat em em mai a, hetihlai hian Lal in seiraih mai hnung lamah thung chuan rawlthar pakha hian rilru baihvai rutak mai hian Lal in chhunglam chan chin chu hreawmti rutak chung chuan a lo bengvar ve reng mai bawk a, in chhung aṭanga ṭap thawm arawn chhuah tak ah phei chuan a thinlung chu sahal in awm ngaihna pawh a hrelo a ni, a awm dan aṭang chuan a ṭhiante chuan an hrethiam ang tih a hlauve nen, a tan chuan awmdan thiampawh a harsa khawp ang le, chu Lal in chhunga hliamtuar nula hmelṭha tak mai chu ngaihsak loh han tumlui mahse a rilru leh a thinlung chuan khawdang reng reng a hawi theilo a ni, hmeichhe tam tak a lo hmuve tawha, mahse tuna a hmeichhe hmuh Chhingi anga a thinlung luahtuhi vawikhat mah a la hmulo a ni, chhingi hliamtawrh chhante an ngaih tuah neuh neuh a, a rilru chuan dingtaka ngaihtuah chhun zawmin tunge Doruma chu? Lal Kaikhama awptu Lal Doruma chu khawihmuna Lal nge a nih? eng vanga Doruma chuan Kaikhama hi la rawn awp zelnge a nih? Doruma avang hian Kaikhama te hian eng hreawm na zo zainge an tawrh tawh ang? Zrawlthar thinlungah chuan thinrimna chuan hmun arawnchang lianta khawp mai le, chhingi hliampui tawrh chhanpawh hi a bulber chu Doruma bultumvek mawlo ni? rawlthar thinlungah chuan, Dorum i thiltih hi a mah mah ta, pawi sawilo nun na hi engzat nge ilak tawh le? eng Lal pawh ni rawh, khawi khaw hmuna ṭhu pawh nirawh, i thiltih manchu hmuin thihna kut vawt chuan a la rawn tuamve dawnche a ni an ti a, he tihlai hian Chhingpuii chu rawn ṭawngvai in, a ni kha, a ni kha a him em? kha Tlangval kha a rawnti chhuak niah niah mai a
.
.
DUHTAWK LEHRIH PHAWT ANG U AW
REMCHAN VE LEH KAN CHHUN ZAWMLEH DAWN NIA
.
Hman hmawhloin minlo nghak hram hram ṭhindawn nia
.
[Lalzirliana Tochhawng] [Champhai Tlangsam]



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 24th, 2018, 9:22 pm

................ PASALṬHA THANGLUAIA (190) ..............
.
.
Rawlthar thinlunga thinrimna liantak mai rawn piang chhuak chu a tawrh hleh awm khawp ang le, Tlangpui khaw val upa te chuan hma hruaiin Doruma lak aṭanga ralven hna chu an ṭanta nghal a, ralven na hmun zawng zawng ah chuan Tlangval pali ṭheuh in dah in, chung Tlangvalte chuan ralven na hmunnga chu pali ṭheuh in an luah a ni, Denga te ho pawh chuan an ralven bukte chu en falsak vekin ral an lo hnaih huna in hrilh hriatdan tur te pawh an in hrilh hrenghal vek a, Sangluaia pawh in Lal in bula khawsak reng chu thawven thlak loh ti in a ṭhiante chu a pawh ve a, he tih hunlai velhi chaw chhun fak hunvel bawrni in, Sangluaia te ho hi an Pasalṭha Denga te nen hianralven buk tlawhpah hian daihnaite an hrutkual pah a ni
.
Denga te hi Tlangpui val upa rualte leh Tlangval sawmhnih rualvel hian an zui bawk a, he tia daihnai an hrutkual laihian zinglama Sangluaia te ṭhinadun in an tlanpelh Doruma hote ṭhenkhat chuan Tlangpui khawdai hi an rawnlutve mek bawk a, kawtchhuah ah chuan in tawkin Tlangpui val upa chuan ṭhatak hian khawilam nge pan in tumzel dawn? tiin an zawt a, chungho hruai tupa, an Pasalṭha chuan Kaikhama khua ah hian kan ṭhiante fintura rawnkal kan ni a, tin Kaikhama hian kan Lal Doruma lung a tih awiloh avangin a khualehtui hi halral tura rawnthawk chhuak kan ni, chu ka thusawi chu in hrechiang tawk ang chu maw? tin kan ṭhiante chu hmuhngei kan duhbawk a ni, hei eng thilnge in tih? in va inzui nasa ve, minlo hmuak turin kan ṭhiante chuan an hrilh che u em ni? an ti zui a
.
Chuve leh Denga chu rawn in rawlh nghalin in ṭhiante chu kan hmungei mai, mahse kan Lal Kaikhama thuleh hlate an ngaihchan duhloh avangin Doruma khawlam pan in an chhuak lehta a nih kha, an hnu in chhui chuan an ruangchu in hmungei ang an ti luingat mai a, an rinloh tak maia Doruma hote chuan thu an hriat tak avang chuan an thinchu a rimta khawp mai, an Pasalṭha chuan in thusawi chu in hrechiang a maw? Lal Doruma kalhngam khawpin thu tlukna in siam a maw? in tuhrah chu hmu mawlh rawh u tihpah chuan a Chempui chu rawnlek chhuakin Denga leh a hote chu arawn bawhphei ta nghal a, a hote pawh in an Pasalṭha tihang chuan an ral lu lak chem chu rawnlek chhuakin an Pasalṭha hnung chu an rawnzuive nghal a, hlauh awm pawh an hlauh awm na ngiang e, an chet danvel aṭang chuan raldo thiamtak pawh an ni ngei hlawm ang, mahse an hma a rawlthar leh Pasalṭha dingchu an hre chiang bik lo a ni
.
Sanghleia chu rawn dawk chhuak zawkin chu Doruma Pasalṭha hma ah chuan fei khawhbur ang chat hrim hian arawn dingchat mai a, chu Pasalṭha chuan chu tiang reng reng a mihring ṭuanṭha chu a la hmungailo a ni, mak pawh a ti khawp mai, mahse Pasalṭha huaisen ti a an khaw mite ngaihsan a nih avang chuan a hma a rawnding rawlthar hma ah chuan a thiltih tumchu chawlh san mai mai a tumlobur a ni, chu Pasalṭha rawntlan lak lawh chuan a hma lawka rawlthar dingchu sah chhawk hmawk mai tum chuan a chempui chu an rawnvai a, mahse chu rawlthar ṭuanṭha em em mai chu a dinglamah chuan persawn pah in na tak mai chuan asang zawng chuan an zuang dawk zawk mai a, chupa chuan a tum aṭhelh tih an hriat chuan rang taka rawnleh hawinghalin in siamrem nghal an tum a, mahse chu Pasalṭha chuan a dam chhung atan a ngamloh rawlthar a tawng ta, rawlthar a sang zawnga zuang dawk zawk mai rawntla thla leh chuan Maubul chang zum hriam lutuk maichu rawnvai dawk zawk in, chupa nghawng veilam chu na tak hian a thlernghal duai mai a
.
He tihlai hian Denga hote leh Doruma Pasalṭha naute ho pawh chulai kawtchhuah ah chuan nasa tak chuan an lo in pawmchilh mek bawk a, Doruma Pasalṭha chu a nghawnga hliam na tak a tawrh avang chuan painawk in, a chak na zawng zawng sawm khawmin dinmarleh an tum hram hram a, a dingmar rawlthar awmna lam an hawileh chiah chu Maubul hriambawk chu chak taka rawn thlawk leh fua in chupa hrawk chu chu Maubul chang chuan arawn tai thler hrawih mai a, chutah zet chuan Doruma Pasalṭha pawh chuan a tuarta lo, a hrawk aṭanga thisen chhuak zawih zawih chung chuan a ṭhibgṭhi hnawk mai a, a mah tlawmtu rawltharte chu melh ṭawk ṭawk chuan bawk thlawp chuan a tluta a, Pasalṭha Denga leh a naute pawh in Doruma Tlangvalte chu lo um darh mek in, sawmvel bawr ngawtmai chu an tlanchhia a, chung tlanchhiate chu um zuilo chuan an mi that te ruang chu hmunkhat ah chuan an dah khawm a, Denga chuan Doruma hote chu vawithum ngawt mai nghaisak ni in an tlawmhawta a, lehpek ah chuan Doruma hi arawn thawkrip tawh khawp ang, vawiina kan thiltih avang hian kan lungmuangin kan in thlahdah maitur a nilo, kan fimkhur phah zawk tur a ni tiin a naute chu an fuih a
.
Hliamte an awmleh awmloh te an in fiah hnu chuan an zinga Tlangval pahnihte chu hliam na lutuk lo an lo nei a, chung hliamte an tuamfel hnu chuan val upa pakhat chuan zawite hian a val upa pui hnenah chuan, kha rawlthar chet dankha ilo hmuve hman em? mihring pang ngaichu a nive si a maw? Thangluaia vanglai an sawi nen hian intawngta se tu zawk nge dingchang ang? hmuh a van chak awm tak em, he tiang leka rawlthar la nisi hian khatiang Pasalṭha hmaah khan zamna chhe te pawh neilo khan huaisen tak in a hmachhawn ngam a nia, mihringhi kan lova in thlau tak en an ti a, a mizawhpa pawh chuan, ilo hmuve hman zawk a ni maw? Sialrang chuan Sialrang bawk a hring ṭhin a, Sunhlu kungah theidang a rah ngaibawk lo a ni, Lal ropui Pasalṭha huaisen ral rel thiam Thangluaia chuan Pasalṭha huaisen ralhrat khawkheng a hring chhuak a nih hi, kha tianga che thei kha chu mihring damlai ah hian an awm theih ka lo ring ngailo a sin, mahse ka mitngei hian ka hmusi a maw an ti a, pakhat chuan, kha Doruma Pasalṭha ngeikha a ni kan Pasalṭha Vungtawia hman kuma min thahsak tu kha, kan Lal tualzawl ngeiah a lu a lak nghe nghe kha, tunah chuan a chan tawk hmuin mual aliamve ta a nih kha pakhat chuan an lo ti ve leh a
.
Denga chuan a naute hnenah chuan, khaile kan mithahte hi an lu kan lavek tur a ni ang, kawtchhuah ah hian kan tar ang a, Doruma mileh sate hian rawnhmu ngeirawh se, Lal Kaikhama leh a Pasalṭha rualte hian Doruma hi kan hlaulo a ni tih hi rawnhre mawlh rawhse an ti a, Denga sawiang chuan an mithah lu chu la vek in kawtchhuaha Vangkung liantak ah chuan mihring lu sawm chuanglai mai chu an tar ta fur mai a, val upa zinga a hnarkaitu ber chuan Denga hnenah chuan, nang nin min kaih hruai chhunghi chuan Doruma lakah hian kan hnung tawlh ngailo ang, kan Pasalṭha te min thahsak zel avang hian Lal Kaikhama leh a khualehtui te tan hian huaisen han chhuah ngaihna a awmlo a ni, min rawn tunhnu aṭang hian Pasalṭha leh mi huaisen te lu hi sawm chuang ngawt min lak sak tawh a, kan tan chuan ṭanlo khawhve ngaihna a awmlo a ni, tin keini ai in an lianzawk in an ṭhahnem zawksi a, kan tan chuan chet lakve ngaihna a awmlo a ni an ti a, Denga chuan kei mahni avang hian in chak a nilo a, nangmahni a huaisen na awm kha nghet tak in vawng nung u la, tin in Tlangval rualte nen hian nghet tak in ṭangrualzel ang che u tiin an chhang a
.
Kawtchhuaha thil thleng chu khawchhung lam mite chuan hria in kawtchhuah lamah chuan an rawntlan khawm nasa mai a, Lal Beng pawh thleng tawh in, Lal Kaikhama rilru ah chuan chu tianga Doruma naute um darha an awm avang chuan a rilru chu a zanghuai mai a, Doruma awp behna hnuai aṭanga talchhuah an duh a nih chuan theihtawpa Dorumaleh a nauter rawnkal chu lo um ṭiauzel a ngai a ni, Lal in chhungchu Chhingi hliampui tawrhna chuan boruak ti nuamlo viau mahse Pasalṭha Denga leh a naute chetdan chuan Lal leh khawnbawlte pawh a ti hlimkhawp mai, Denga leh a naute pawh khawchhungah chuan rawnlut tawhin mipui chuan an lo lawm khawp mai a, khawchhung lama Tlangval rualte leh val upa rualte chu rawnpung khawm in nasa zawka ralven dan turte chu an sawitlang nghal a, khaw mipui zinga ṭhenkhat te chuan hlauhthawn na liantak nei in, Doruma chu nasa zawka arwn thawhleh mai hlau an ṭhahnem hle a, chu an hlauhthawn na chu Denga pawh chuan paih bosak a duh a ni, khawlai mipui punkhawm tamna ah chuan ti hian an ti a, mipui te u in hlauhtawn ruk hi ka hria a ni, vawiina kan thiltih avang khan Doruma rawnthawk lehtur in ngai ngamlo a ni tih ka hria e, hun khaleh chen Doruma awpna hnuaia in lo khawsak tawh avangin in thinlung hian in hlau in, in thisen hian Doruma hlauh na chu a ṭhan hnantawh a ni e, kei hian hlausuh u ka ti ngawt theilo a, mahse thil pakhat kan sawiteh ang
.
Pasalṭha chuan Sakawlh a hmachhawn dawn chuan a hriatna zawng zawngte, a huaisen na zawng zawng te leh a fimkhurna zawng zawng te sawmkhawm in Sakawlh chu a hmachhawn ṭhin a ni, nangni pawh in in hriatna zawng zawng te, in huaisen na zawng zawng te leh in theihna zawng zawng sawm khawmhian Doruma leh a hote hi in hnehthei a ni, nangmahni a in huansen na te hi in han chhuah ngamloh chuan eng tik hunah mah Doruma awpna hnuai aṭang hian in talchhuak ngailo ang, heihi in khua, in ram a ni a, mahni khualehtui hmangaihna chang hrelo a, mahni khualehtui hum halh na chang hrelo chu mi dawizep tawp khawk a ni ṭhin, mahni in chhungkhura ro rel ngamlo leh nupui fanau ngamlo pa in chhungchu hmeichhe ro relna in ni in, hmeichhe rorel na in chhung khur reng reng chu a felhlel ṭhin, chu tiangbawk in i khualehtui hmangaihna i neih loh chuan i khualehtui chu Laldang kut ah awm in, i fapa, i fanu, i nupui, i farnu te chu nang mah ni awptu Lal chuan a duh hun hun ah hmei atan emaw, sal atan hruaisak hunche a nei ṭhin ang, chu tih hunah meuh chan ṭanpui tu ngai in i kun ang a, mahse chu tih hunah chuan tumah ṭanpuitu in hmungailo ang, mahse i khualehtui i hmangaiha in theihna leh in huaisen na zawng zawng sawm khawma chung mite inlo dolet a nih chuan chung mite chuan vawikhat mah hmusit lo che u in an diriam ngailo ang che u, tunah hian Doruma hote chu an rawn thawk ngei ang, chung mite lak ah chuan kan huaisen te, kan theihna zawng zawng te sawm khawma ṭangho in kan huaisen na kan lan tir tur a ni, kan ṭangrual a nih chuan vawiin ah pawh Doruma mite mi tamtak kan umlet a ni lawm ni? chu vangin thinlung hmunkhat pu in huaisen tak in kan ṭangrual ang a, Doruma leh a hote chu kan umlet in kan hnehtur a ni an ti a, Denga thusawi chu chulaia mipui pungkhawmte chuan dik an ti in an thinlung pawh nasa tak in huaisen na a awm phah a ni
.
Khua a lo tlaia zanriah te an han eifel meuh chuan Tlangval rual ṭhenkhat te pawh relven na lampan in an chhuak a, ralven na lama kallote pawh in ralring reng chungin an lawmnu te in lamah chuan an chuangkai sang sang mai bawk a, hemi zan hian Tlangpui khua in tinte ti ti chu a in ang deuh vek mai a, chu khua a in tinte chuan mipakhat chan chin an sawi a ni, chu mipakhat a chan chin an sawichu tu dang nilo in, chumi ni chawhnu lam in beihna a rawlthar Sangluaia chan chin chu a ni, a chetdan zawng zawng kha mit a hmutu an ṭhathnem avangin an sawiduh em em mai a, in pakhat ah chuan Tlangval pakhat, Zawlbuk pawha Tlangval ten a thuleh hla an ngaih chanber chuan ti hian an sawi a, kha rawlthar kha Lal Thangluaia fapa a ni a, kha tiang khawpa mihring ṭuantha kha ka la hmu ngailo a, kan upa ten Thangluaia chu a fapa Sangluaia ai in a zam aṭha an ti in, ral relpawh a thiam zawk an a ni a, ramhnuaia Vahrit leh Ramar tla laite pawh a manthei tih khawpa thawmdim thiam an ti a, a fapa pawh khatiang khawpa ṭuanṭha leh zamṭha kha a ni a, Thangluaia chu eng tiang khawpa zamṭha leh ṭuanrang nidawn maw? mahse kei chuan ka mit ngeia ka hmuh a nih avangin Thangluaia fapa Sangluaia hian ralbeih a thiam zawk ka ring a ni, vawiin Doruma Pasalṭha a hmachhawn dan ka hmuh khan kei zawng Sangluaia tluka mihring huaisen leh zamṭha hi an awm theih ka ringlo an ti a, midang lengve Tlangval paruk lai te chu lengve in, chung zinga pakhat chuan, kan pi leh pute chuan Thangluaia huaisen zia te leh, a zamṭhat zia te, ral rel a thiam ziate hi an sawi chamchi ṭhin a, mahse kei chuan Sangluaia hi tuman an tluk ka ringlo, tuna Lurhthanga sawiang khan Sangluaia ral hmachhawn lai kha ka mitngei hian ka hmuve a, khatiang khan a ni maw mihringhi an lo zamṭhat theih? kei zawng Sangluaia han khingpha turhi ka hmuta lo, a chan chinhi kan lo ralhriatve chauh a ni a, mahse mit ngeia han hmuh chuan hansawi mai hian a hrilfiah theilo a ni anlo ti ve a
.
Chu tihlai chuan an len na putar upa tawh tak maichu rawnṭawng chhuak ve in, vala te u in hmuh leh hriat in sawia ni a hnialrual in nilo e, Pasalṭha pafa chan chin sawiin in ti ti a ni a, thil pakhat kan hrilh mai mai teh ang che u, khaw pakhat ah hian Pasalṭha huaisen leh sakap theitak maihi a awm a, chu Pasalṭha chu khawchungah pawh khawsa tamlo in, chu khawmite phei chuan Khuavang Pasalṭha an ti hialṭhin a ni, chu Pasalṭha chuan sa pela aram chhuah changte hian zanriak Buhfai pawh keng ngailo in Hapta khat chhungte hi ngawpui hnuaiah chuan hun a hmang ṭhin a, chu tianga ahun hman hmasak berah phei chuan an khawmite chuan a bota ah ngai in khawtlang chuan zawnpawh an zawnghial a ni, mahse chu tianga vawihnih vawithum an awm tak ah chuan khawtualmi te pawh in ngaiah nei in an zawngta ngailo a, chu Pasalṭha pa chuan ṭumkhat chu a fapa chu tianga a awmbo fo maichu a chhana zawt ta a, mahse chu Pasalṭha chuan a pa zawhna chu chhan harsa a ti khawp mai, mahse pa te zawhna chu chhan loh ngamchi a ni silo, ti hian a chhangta a, kapa thil zawng zawng hi ka sawivek a rem kherlo a ni, mahse min zawhna chhan nan chuan, ram hnuaia ka thangbo hian ka ṭhian nu nen kan in kawmṭhin tiin a pa chu a chhangta a, chu tianga a pa zawhna a chhan tak ah chuan a pa pawh chuan zawhbelh lehchiah ngailo chuan a ngawihsan ta a ni
.
Taṭang chuan chu Pasalṭha chu Khuavang te Pasalṭha tiin an sawitaber ṭhina an khuate chuan, an khua ah chuan ral an rawnluh pawh in chu Pasalṭha chuan hliam pakhat pawh neilo in ral ho chu a lo tudai ṭhin a ni, Khuavang venhim Pasalṭha ti in thanpawh a thang chak em em mai a, mi pahnih thumten thah tuma an beihrawn pawh in an that theilo in, chung a beihrawntu te chu a thatvek ṭhin, chu tiangkhawpa Pasalṭha huaisen leh ral relthiam chu a Lal pawh chuan a chhuangin chapo pawh a chapo pui khawp mai, he tihlai hian khawthlanglam ah chuan rawlthar huaisen leh ralhrat tak mai chan chin chuan khawdang pawh arawn deng chhuak chak ve khawp mai, chu Khuavangte Pasalṭha an tihmai, ramhnuai ah pawh Haptakhat chhung chhung thangbo ṭhin chuan chan chin rawn neilian chhozel in, a hmelmate chuan a hming an hriat ringawt pawh in hlauin an khur ṭhin a, chungte avang chuan an mahni awptu Lal Tawivunga pawhchu a rawn chapo in, Lal dang runte pawh a Pasalṭha avang chuan a chingṭan ta a, mahse khawthlanglam ah khuan na china ka sawi, rawltharte mai huansen leh ralhrat tak mai te khaw Lal pawichu Tawivunga chuan a sawita tlat mai, Tawivunga chuan a Pasalṭha hneh theihloh avang chuan khawdang Lal, a khualehtui terpha awm deuhte chu runzelin a chapo em em mai a, mahse he khawthlanglam Lal a tih thinur zet hi chuan Lal dang a ang tlat lo mai
.
Chu Tawivung'an a tih thinur Lal chu rawnthawk chhuak in, an Pasalṭha rawltharte ho chuan Tawivunga khua chu an rawn pan a, mahse Tawivunga chuan a Pasalṭha chu a hriat chian em avang chuan a khaw runtum Lal rawnthawk chhuak pawhchu eng teh ualah a ngailo a ni, Tawivunga ralten a khua an rawnluh chuan nasa taka in beihna chu a thlengta a, he tia an in phek beihna karah hian Tawivunga Pasalṭha, Khuavangte Pasalṭha an tihmai leh, an mahni rawnluh chilhtu te Pasalṭha la rawlthar tak maichu an in hmachhawn fuhta hlauh mai a, Tlangval rualte pawh in khawdang hawitheilo in, an Pasalṭha te awmna lam ve ve ah chuan in hmachhawn in an dingta khup mai, Tawivunga pawh in rilru hlimtak chung chuan Pasalṭha pahnihte in hmachhawn chu a lo thlirve a, a Pasalṭha chu tumah hnehtu leh hliamtu pawh an la awmloh avangin hemi ṭumpawh hian chapo rutak chung chuan a lo thlirve a ni, chung Pasalṭha pahnihte chu an han in beita a, beih pawh an in beitawk ngiang mai, mahse Khuavang Pasalṭha chuan Pasalṭha rawlthar zawk chu zamṭhat ah chuan a khanlo deuh a ni, an han in beihtirh chuan rawlthar zawk chu a naupan na alang mai ang a tih hlauhawm khawp in Tawivunga Pasalṭha chuan a uap hneh a, mahse hmuamda awm zet an in beih hnuah chuan tuma hnehtheih loh an tih, Khuavangte Pasalṭha an tihchu khawthlanglam Pasalṭha rawlthar chuan mipui beisei miahloh chuan a lu chu a lak sak ta a ni, chu Pasalṭha rawlthar te maichu tunge a nih rindan in nei em? tiin an zawt a, a in leng Tlangvalho chuan rin ngaihna pawh an hrelo, chu tianga Khuavangte venhim meuh hnehthei tu chu rindan pawh an thiamlo a ni, chu putar chuan Tlangvalte hnenah chuan rindan in thiamloh chuan kan hrilh ang che u, Tawivunga tih thinrim Lal kha Lalbula ni in, kha Pasalṭha rawltharte kha Lalbula Pasalṭha huaisen Thangluaia ngeihi a ni e, keipawh hian kha in beikha a hmunah ka mit ngei hian ka hmuve a ni, Sangluaia chuan a pa Thangluaia chu a tluk in ring maw? kei chuan khatiang Pasalṭha kha Sangluaia hian a hmachhawna a hneh hma chuan a pa hi tluk in ka sawive ngailo ang an ti a, Tlangval ṭhenkhat chu an ip chawih chawih mai a, putar chuan Thangluaia huaisen zia leh ralhrat khawkheng a nih zia hi indam chhung hian in hrezo ngailo ang an la ti zui a, Tlangvalte chu an zah em avang chuan an len na aṭang chuan ai a upa zahna lantir in ngawireng chuan an chhuak ta a ni
.
Khua a lo var chuan Tlangval rualte chuan Doruma leh a hote an rawn thawh thut pawha hriatmai theihtur in ti in ralven na lamchu siambelh tur in ruahman na an hansiam a, val upate pawh in Tlangvalte rawtna chu hmalak pui in chu mini chuan kawngṭum dang, Tlangpui khaw rawnluhna kawng zawng zawng chu pin veka, kawngṭum chu pahnih chauh hawngtur chuan thawh chhuah an tum a, val upate chuan tukṭhuan ei khama Lal tualzawla in nghah khawm tiin tukṭhuan ei tur chuan an in hawrkhawm chu an ṭinta hlawm a, tukṭhuante an han ei kham chuan Tlangval rualte leh val upa rualte chu rawn chhuak khawmleh vet in Lal tualzawlah chuan an ri luih luih mai a, hetia Tlangval rualte leh val upa te ralven na turlam buaipui tuma an buai luih luih lai hian, Lal in chhungah thung chuan lung ngaihna chhumdum chhahtak mai chuan thlazar zelin Chhingi ṭawngvai chu thawk lehkhat ah chuan reh hmakin a marchu an hmuta manglo leh ta tlat mai
.
Bawlpu chuan theihtawp chhuah chuan an buaipui vat vat a, mahse Lal fanu chuan ṭhatlam ai chuan zual lamchu a pan zelmai si, Chhingi awma Silai mu luhna lai aṭang chuan thisen chu rawn chhuak leh in Bawlpu chuan chu thisen rawn chuak chu theih tawpa dantum chuan an bei leh a, mahse a hliamchu a nat em avang chuan thisen rawn chhuak chu chu ti mai maia dan theih a nilo a ni, khawnbawl min chuan chhingi banrek ah chuan a mar chu an zawng ngar ngar a, mahse Chhingi banrek ah chuan mar reng reng hmuhtur a awm tawh lo, zah pawh dawnlo chuan Chhingi zak hnuai leh a nghawngah chuan marphu chu ang zawng leh a, van neihthlak tak chuan Chhingi zakhnuaiah chuan mar laphu feih feih chu hmuhtur a la awm hlauh a ni
.
He tihlai hian Sangluaia chuan tlawmleh zahpawh dawn zolo chuan hreh ngawih ngawih chung chuan Denga nen chuan Kaikhama in chhungah chuan an hanlutve a, Lal Kaikhama nupui Chawnpuii chuan lo hmuin Denga hnenah chuan ṭap chung chuan, kha rawlthar kha a ni maw Lal leh a chhungte ral laka chhan himtu kha? ka fapa leh ka fanu ralho hruai pawh min lak kirsak tu Lal Thangluaia fapa chu, kan chunga i thiltih ropui tak hi keini chhungkua hian englai mah hian kan theihnghilh ngai tawhlo ang, mahse en teh vala ka fanu hi chuan mihring hantling leh theise ka vanti em, he khaw Lal chhungkaw tan leh ka fate tana i in pek na ropui tak avang ringawt pawh hian ka fanu hian mihringhi tlingleh se ka vanti em, ka fanu in nangmah ngeihi a ni kha Tlangval kha a him em arawn tih kha ti in Sangluaia chu a ṭah khum hawm hawm mai a
.
Lal in chhung chu Lal fanu meuh thi chhawnga a awm avang chuan tumah chu in chhunga awmte chuan kalzai an rel theilo a ni, Chhinga chu thawk lehkhat ah chuan rawn thaw huam huam in a awm chu a sep kang dawrh dawrh mai a, he tihlai hian Lal Kaikhama chuan Sangluaia hnenah chuan,Tlangval nangmah vang liau liau in ka fate damin ka hmuleh thei a, hei tunah i hmuh ang hian ka fanu pangber chuan hliampui tuarin arum mek a ni a, mihring lo tling zolo pawh nise nangmah avang liau liau in ka in chhungah ngei a ruang kan zalhthei a ni a, chu vangin ka ngen na chehi min hnialsuh ang che, ka in chhungah hian a hnuk a chatdawn a nihpawh in, a hnuk chah hmangei hian a mah hi hmuvela ka ti a ni, khawngaih in ka fanu bulah sawn vawikhat chiah va ṭhuve teh tiin an ngen a
.
Denga pawh chuan Lal hi i chungah hian alawm em em a, chu vangin a ngen na che kha va ti hlawhtling hram ta che, nangmaha i hreh a nihpawh in ka hruai ang che tiin Denga chuan Sangluaia chu a banah chuan kaiin Lal in chhung seiraih mai tawp lama Chhingi hliam tuar mureng an bial laih mai lamchu a pan puita a, Sangluaia chuan hreh hle mahse a thinlung zawng zawng luahtu Lal fanu hmelṭha leh nuhnep mai chu a hmu chak ngawih ngawih a ni, Chhingi an mutna an va thlen chuan Denga leh Sangluaia chu ṭhenkhat chun an lo kian a, Sangluai'an Chhingi an hmu chiah maichu, chu rawlthar thinlung chu ban lehlam sahthlak hlawk ai pawh chuan arawn na nghal a ni, Chhingi hmel tharsar mai, Ainawn par vullai ang maia a hmelduh awm chu thisen a hloh hnem tawh avang chuan a lovar in a dangbai tawh mai a
.
Eng laipawha a hmel hlimserh ṭhinkha tunah chuan hliampui a tawrh avanga nikhaw hrelo in a chulriai tawh mai a ni, a mah hmangaih ngawih ngawih tu tan chuan, chu tleirawl khawngaih thlak awm tak mai hmel dangbem mai hmel han hmuh chu a va na vawng vawng dawntak em, Sangluaia zahna zawng zawng chu a hmangaih ngawih ngawih hliampui tawrh na avang chuan lakbo ang hmiaha awm in a bulah chuan an ṭhingṭhi thla riai riai mai a, a chalah chuan dawmsak in zawisap hian i hliam chu a na ti raw? i khualehtuia nangmah ngainatu vagtal pawh hian i hliamhi tuar chhuak ang che aw, ka rawntlai hret a ni ti raw? ka rawntlai avang khan min ngaidam hram rawh aw, Chhingi mit aṭang chuan mittui a rawn hnamta, chu mittui rawn hnam chuan rawlthar thinlung chu chemte zumtak chhun ang maia rawn chhun na in, a mit ah chuan thinrimna hlauhawm tak maichu arawn lang chhuak ta, rawlthar chuan zawisap hian, heng thil zawng zawnga a bultum tu chu Doruma maw? rawlthar chu zawimuanga rawnding chhuak in a mit menga thinrimna liantak rawnlang chhuak chu chulai in chhunga awmte chuan an hmuh hmaih mawlh lo
.
A Chenrang chu humin Lal in chhungah chuan zawimuanga pawnlam pan in Leihkapui ah chuan an dinga, aw ringtak chu chhuah in, Dorum nangmah avang hian pawisawilo ten an tuar tam ta, tunah chuan i thiltih ṭhin zawng zawng hi rulhlet i nitawh ang, heihi lo hria ang che, Keipui hliam chuan a hliamtu lakah chetsual nawn atum tawh ngailo, i thiltih avanga mitam tak thinlung i hliam avangin, chung an thinlung i hliamte chuan tun aṭang chuan i laka hliam nawntum tawhlo in an sa sehtur an rawn zawng tawh ang, chu rawlthar thinrim chu Leihkapui aṭang chuan chhuk in, Keipui in a sa sehtur a uma a tlandawk pur pur ang mai hian, chu rawlthar chu danrual loh chuan Doruma khaw lampan chuan a tlandawk ta pur pur mai le
.
.
DUHTAWK LEH RIHPHAWT ANG U AW
REMCHAN VE LEH KAN CHHUN ZAWMLEH DAWN NIA
.
Hman hmawhlo in minlo nghak hram hram ṭhindawnnia
.
.
[Lalzirliana Tochhawg] [Champhai Tlangsam]

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 28th, 2018, 10:36 pm

................... PASALṬHA THANGLUAIA (191) ...............
.
.
Sangluaia tlanchuak chu Lal in chhunga awmte chuan thlirzui vawng vawng in Kaikhama chuan Tlangua pa hnenah chuan, a rangthei ang berin val upa rualte leh Tlangval rualte au khawmnghal rawh, kha rawlthar hnungkha kan zuingei angai a ni an ti a, tin Sangluaia tlanliam chu a ṭhiante pahnih, Hrangmana leh Hrangchhuma chuan umzui nghalin, Denga pawh chu a tlanliamve nghal a, rawlthar thinrim chu ngawpui chhungah chuan a duk chak par par khawp mai, Denga chuan karlo ah chuan Hrangmana te chu um pha in Denga chuan hma an hruainghal a
.
Sangluaia rilru ah chuan eng dang reng reng a lut thei lo, Doruma suah sualna avanga pawi sawilo tam tak in an tuarchu hmuh hreawm a ti a ni, chu rawlthar chu a pa ang rilru pu a nih avangin ṭanpui ngaite ṭanpui tur chuan englaipawh in a nun chu i inpeih at reng a ni, Denga chuan Sangluaia chu um phak han duhviau mahse Hrangmana leh Hrangchhuma te tlansan an ngaih dawn avang chuan an ni pahnih tlansan ai chuan tiin Hrangmana te pahnih hmalam hlamnga awm velah chuan an tlan hmasa a, Sangluaia chu faldeuh mahse a hnuhma aṭang chuan an tlanlai bahlah miahlo in an um par par thei a ni
.
Hmuada awm velzet an in um hnu chuan Tlang mualdung in khamphei pur mai hmawrchu an va chuang chhuak nawlh mai a, chulai mualtawpa Sangluaia lo dingreng maichu an va nang chingta nawlh mai a, Hrangmana chuan Sangluai mite pawh nghahve tur che alawm, mahni in Doruma ralchu i bei in i hneh theidawn em ni? an ti nghal bawrh bawrh mai a, mahse Sanghleia chuan chhang miahlo in a thlirna lamchu ngun tak chuan a thlir reng mai a, Hrangmana bawk chuan Sangluaia dingreng chu, Sangluai kalta che i hlauleh deuhsi em ni? khawi kei man hmachu kan hruaidawn em ni? an ti fiamthu deuh hlut a, Sangluaia chuan a mah en miahlo chuan rawn chhang in, a ni teh dawn tak e a, nangah chuan hmahruai in Doruma ralte chu lo hma chhawnta che tiin Hrangmana chu an piah muala ralho Kaikhama khawlam pana an rawnkal duah duah chu an kawh hmuh a
.
Chungho Hrangman'an an hmuh meuh chuan chek ta tlawk tlawk mai le, Denga hnenah chuan, sawng ral zo zaisaw kan lo dangthei ang maw? keini ang Tlangval awm nem tan chuan Kaikhama leh a khualehtui hi chhuahsan mai a finthlak ang a? a hmingin Tlangvalte kan nive a tu lehfa te neihve kan chak ve tho a sin, thlah nei miahlo a famkhua lawihi ka thil hretber a nia sin an ti a, Hrangchhuma chuan lo chhangvat in, Hrangman ral hosawn Kaikhama khua an rawnluh hardeuh nan khulai ruamah khuan nangmah in ilo dawngsawng dawn nia, i lawmnu Manthangi hnenah chuan Pasalṭha chuan a nun a hlanta a nih kha kan rawnti mai dawn nia an lo ti fiamthu a
.
Sangluaia pawh in lehlam hawia nuih pah chuan, i Manthangi par vullai chu valdang tawnah a vuldawnta a nih hi an lo ti fiam ve a, Hrangmana chuan a ṭhiante hnenah chuan, chu tiang a nih dawn chuan mahni khualehtui tan pawh nilo a ral hmachhawn ai chuan kei zawng ka lo in thiarfihlim ang e, Chhuma i Thanghnemi chu a bahsam vawithum ka chulhnu ah i huaisen zia thu hi ka rawnhrilh dawn nia an ti ve a, Denga chu rawn ṭawng chhuak ve in, Hrangman kan pahnih in ralho khu kan lo dang khawmuang dawn nia, Sangluaia hi kan Lal fapa a nia, tin Hrangchhuma hian kan ṭhianpa Dohranga damlo kha nang ai in en kawldan a thiam zawk a, nangleh keihi he laia awm rau rau ah hian kan pawi mawhlo ber, chu vangin nangleh kei hian ralho chu kan lo dang khawtlai dawn nia an ti a
.
Sangluaia leh Hrangchhuma chuan Denga thusawi avanga Hrangmana mit mengchu lo melh ru in leh lam hawiin an nuita char char mai a, Hrangmana chuan a ṭhiante chuan an nuih a ni tih an hriat chuan thinrim ṭun hian, khawlam pan in ka haw dawn, in duhleh Doruma ralho chu lo hmachhawn mawlh rawh u an ti a, chu veleh tumah insum thei tawhlo chuan Denga ho chuan an nuita char char mai a, Hrangmana thinrim ti tauchu an piahdeuh ah chuan phei in, min tihdan kha ka lungawi lo, in ṭhianpa hi ral kut ah boralse min ti, let tak tak ngam silo chuan ka letsan daih maitur che u a nia, tiin a vai thuak thuak mai a, Sangluaia chuan chulai hmunah chuan nuih liam mai mai a hun tawhlo tih hria in, khai kan fiamthu mai mai a nih kha, a hmuipui pu ber i awmloh chuan eng tin nge kan lawmnu te kan hmachhawn ngam ang? lo kalteh ro in relṭha tawh teh ang u khai an ti a, Hrangmana thinrim lak lawh chu piah deuh ah chuan a in sawh sawh mai a
.
Denga pawh in, lo kalrawh khai han fiamthu hlut te hi a nawmdan te a dangve a kan fiamthu a nih kha an lo ti ve a, Hrangmana pawh lunghnur ṭeuh chung chuan a ṭhiante awmna hmunah chuan arawn pheive leh ta a, Sangluaia chuan Denga hnenah chuan, u Deng e nge i ngaihdan le? kan mi hmuh ho kha Dorua Pasalṭha rulte an nih ngei a rin awma, a nih chuan tuna kan awmna mual rawnthleng tur hian chawhnu lam an duh in ka ring a, kei hian ralho kha kanlo thli thlai ang a, in pathum hian khua ah chuan kir leh ula thileng kim hrilh in val upa te leh Tlangval rualte kha hma in lova lak puidawn em ni ang? an ti a
.
Denga chuan Sangluaia rem ruatna chu hnialin, theih chu nise ka venhimna hnuaia awm tur zawk a sin i nih, chu vangin in ṭhian thum hian va kir zawk rawh u khai, a ṭul ang ang in keichu ka rawn awm ang tiin an hniala, Sangluaia chuan u Deng i rawtna chu ka hrethiam alawm, mahse nanchu val upa zawk i ni a, khawchhung Tlangvalte pawh in val upa thu chu keini thuleh hlate ai chuan an zah zawk ngei ang, chu vangin khua ah chuan ro relsak tur in i let zawk hi kei chuan ṭha ka ti zawk a ni an ti ve leh a, Hrangmana chu rawn inrawlhve in, Sangluaia sawikha a dik a ni, val upa thu chu keini ngawt ai chuan an zah in an zawm dawn zawk a, chu vangin Sangluaia rawtna ang chuan u Denga hi khua ah chuan a let tur a nitin keini ṭhian thumhi chu helai hmunah hian kan lo awm ang an rawnti ve a
.
Denga chuan han hnialviau mahse khua a Tlangval kauhruai tur chuan an turluih tlat avang chuan Denga chuan let maichu a hrehta lo a, mahse Sangluaia chuan a ṭhiante pahnih pawh chu khawchhunga a ṭul ang ang ti a Denga puitur chuan a tih luihtlat avang chuan Denga leh Hrangana, Hrangchhuma te chuan khawchhung lam chu pan in an let ta nghal a, Sangluaia chuan a rilru chuan Chhingi chu a ngaihtuah khawp mai, mahse an hmalawk ah chuan ral an awm tawh avang chuan Chhingi a ngaih tuahna chu dah ṭha in a hmalama ral ho lo chhaih khawtlai dantur chu a ngaih tuahta zawk a, a Silai chu ngun taka en fiah in Hruihmul chu seitak an chhat a, ralho lo kalna tur ni a a rin chhak Lung in tawksir rup karah chuan Silai chu rem taka dah in, a Silai hmeh perna chu a Hruihmul chhah chuang nghet tak chuan an phuar a, Silai cheng chu kausa a dah in Hrui chu a pawh chet zeuh chuan Silai chu a puak ṭhuaidawn a ni
.
Hruichu hmuh mai mai theihloh tur chuan hnahro tla chuan khuh vek in, chulai mual per leh lamah chuan Hrui hmawrchu an dah a, Maubul chang chu sawm veltur chu la in hlamnga dan zela Lungpui phen ah chuan pakhat te te chuan a dah bawk a, a thiltih ho chu uluk taka a ṭhat leh ṭhat loh chu en kualleh vek in, a duh thusam zan an nih hlawm avangin hmun remlai ah chuan a ṭhutsan ta a, hmuamda awm velzet a ṭhut hnu chuan a Beng hriatna chak tak mai chuan thawm a hreta, a minghahte ngei chu an nih ringin Sangluaia pawh a ṭhuthmun aṭang chuan rawntho chhuak in chungho lo kalna tur lan theihna ah chuan in ralring tak mai chuan a lo ṭhuta vang mai le
.
Thawmchu rawn hnaizelin ṭawng thawmchu hriatpawh a hriat theih ta, ngun taka an thusawi chu lo ngaithla in chungho chuan an thusawi aṭang chuan Kaikhama khuachu luhngei an tum a ni tih chu a hriat theih a, tin val upa ṭhenkhat thinrim dan aṭang chuan Lal Kaikhama lak ah chuan phuba lak ngei chu an tum a ni, val upa pakhat chuan keichu ka ngaihdan kha ka la sawh sawn chuang lo, Kaikhama hi ṭha taka biaka in remna siampui maihi ṭha ka la ti tho mai, tunah hian kan Pasalṭha te Kaikhama khaw lak ah hian kan hloh nualtawh a, in hloh belhzel thei kan nih avangin ṭha taka in remna neihpui maihi ṭha ka la ti ber an ti lang lang a
.
Pakhat aw thumdeuh hian rawn chhang in, Lal Doruma hian heileh chenhi Kaikhama hi a awp bet tawh a, tun hnaia kan Pasalṭha te lu kan hloh avang hian Doruma chuan Kaikhama hi ngamlo zawk ang maia remna siampui chu a duh ka ringlo, a makpa lu te a lo hloh zel nen Lal Doruma hian Kaikhama lak ah hian remna siampui hi englai mah in a duhngai dawnlo a ni, khawnbawlte hnenah pawh Doruma chuan Kaikhama khua chu hal darhvek tur in hrilh rawh u a tih kha tiin an lo chhang a, val upa ho zinga a khaipa ber chuan, chu tiang eng mah tunah sawi sawi a hun lo, Lal thupek ang in hei Kaikhama khua runtur in kan chhuah tawh hi, kan fimkhur pawh angai tawh a nia, hei Kaikhama ram chhung ah kan chuang tawh a, khua pawh a hlatawh lo a nia, in tihtur chauh ah in rilru pe rawh u an ti a
.
Pakhat chuan Tungherhi pa Kaikhama chuan rawlthar huaisen tak Pasalṭha a nei an tia ni lawm ni? chu rawlthar lak ah chuan a ni lawmni kan Pasalṭha te pawh in an lu an hloh? an ti a, an hruai tupa val upa chuan Kaikhama mi lehsa a ni chiah a mawn le? Tlangval ṭhenkhat sawidan kha chuan Kaikhama mi lehsa pawh ni in an sawi chiah loh kha mawle an ti a, an hnung deuha val upa pakhat chuan in thusawi chu keipawh ka lo ngaihtuah laimek a ni a, hmanzn khan kan kawmchhak Tlangval pakhat chu Kaikhama khua aṭanga rawn umhaw a ni a, chu Tlangval sawidan chuan chu rawlthar in sawi zam ṭhat zia leh ralbeih a thiam zia chu mihring damlaite bula sawi mai mai chi a ni lo, in hmuve a nih loh chuan dawtsawi ah min ngaidawn a ni, sawi ringawt chuan mihring damlai ah chu tiang em em an awm theilo in ti ang, a chetdan kha sawi chuan thilsawi uar ah min ngai ang a, dawt sawiah min ngai ang a ti miau mai an ti a
.
Tungherhi pa chuan chu Tlangval chu tunah hian kan zingah hian a telve em? an ti a, chupa chuan tello ang, vawiin a chhuak zingah hi chuan a telve lo tiin a chhang a, an hruai tupa val upa Tungherhi pa chuan, a nih chu Tlangval chuan chu rawlthar chu Kaikhama milehsa a nih leh nih loh a hrelo em ni? an ti a, chupa chuan thil kan hanzawh pawh in dawt sawiah min ngai ang tiin a sawiṭha duhlo riau a, mahse a sawidan kha chuan Kaikhama milehsa a nilo tiin ka hria, ṭhenkhat chuan Lal Thangluaia fapa ti a an sawiruk ka hria an ti a, chu thu chuan Tungherhi pa kal laichu a ti ding chiang kher mai le, chu val upa chu meng deuh hruchung chuan, tuna i thusawi kha i chiang em? chu thuchu tunge sawi i hriat? chu thusawi i hriat te chu tunah kan zingah hian an awmve em? an ti a, chu thusawtu val upa chuan awmve e, kan hnung deuhah sawn an rawn kalve alawm an ti a
.
Tungherhi pa chuan a hmingchu zawt in, chupa chuan a hmingchu an sawi a, Tungherhi pa val upa chuan ruam hmunrem laiah chuan Tlangval rualte chu chawlhpui in Tlangval Suakhranga in awm em? in awm chuan lo chhuak ula biak lawk che u ka duh a ni an ti a, Suakhranga pawh chuan heta hi ka awm e, awle kapu ka rawnkal nghale an ti a, val upa bul arawn thlen chuan Suakhranga chuan kapu e nge ni ta? tiin an zawt a, chu val upa chuan Suakhrang hman ni lawk khan Kaikama khua ah in va kal a ni maw? tah chuan rawlthar pakhat in kan Pasalṭha lu pawh kha a la ti raw? kha rawlthar kha a chan chin hrechiang deuhche in an sawiche a, i hrechiang reng nge thubelh chiandawl loh? tiin an zawt a
.
Suakhranga chuan kapu ni e kha rawlthar khan kan pasalṭha lu kha a la ngei a ni, hansawi phawng ila, khatia kan tlanchhiat khan ka tlanhrang deuh a, ka tlan na lamah chuan pitar pakhat Thing ṭangro kuai ka hmu hlauh mai a, kha rawlthar kha a huaisen in a zam a ṭhat em avangin tunge a nih ka zawt ngei alawm, Tungherhi pa chuan, a nih chuan chu rawlthar chu Kaikhama khawmi a nilo em ni? tin khawilam aṭanga rawnlut nge a nih? chulai tak chu a ni hriat ka duh an ti a, Suakhranga chuan kapu pitar sawi maikha a nia ka hriat ve, mite hnena hansawi chhuah tlak em em ni in ka hrelo a, mahse min zawhtak ah chuan kan sawi mai ang e
.
Pitar chuan vala tuna mihzawh rawlthar chuan kan Lal fanu pawh Doruma Pasalṭhate lak aṭangin a chhanhim a, kan khua hi a huaisen na avang liau liau in min chhanhim a sin tiin min chhanga, kei chuan kapi a nih leh in khualehtui mi reng em ni a nih? tiin ka zawt leh a, a ni chuan nilo e, hman ni lawk khan a ṭhiante pathum nen khua ah hian an rawnlut a, chung a ṭhiante zinga upa ber Pasalṭha chu Lal Thangluaia Pasalṭha Denga an ti a, tin rawlthar huaisen tak maichu Lal Thangluaia fapa pang zawk Sangluaia tiin an sawi tiin minchhanga an ti a, Tungherhi pa chuan Suakhrang i thusawi chu a dik ngei ang maw? nge chu pitar chuan dawt a hrilhzawk che? pitar chuan i sawidan in misawi a hriat chhawn ni in i sawi a, khua ah chuan dawt dawt an sawi em dawn a mawnle? an ti a, Suakhranga pawh chuan, kapu pitar minhrilh bak chu engmah hriat ka neibik lo tiin an chhang a
.
Tungherhi pa chuan Thangluaia fapa a nih chuan kei chuan chu rawlthar chu ka hmachhawn theilo ang a ti ta mai a, a mah bawk chuan mahse eng kim keimah hian ka chian vek ang, chu rawlthar chu Thangluaia fapa nilo in thulengvak mai mai pawh a ni thei e, chu rawlthar chu hriatchian ngei ka ngai a ni ti a ding chhuak in kal lehnghal tur chuan a naute chu an hrilh a, mahse chu tihlai chuan Tlangval rualho hnunglam aṭang chuan val upa Tungherhi chu an rawnko ta a, a rawnko tu Tlangval nen chuan in befalin, hmuamda awmvel zet an in biak hnu chuan an pahnih chuan Tlangval rualho awm na ah chuan an rawnkir lehta a, Tungherhi pa chuan eng pawh nise hei kan Lal chuan thuleh hlahran a rawn nei tlat mai, vawiin hian Kaikhama khua chu lutlo in khaw lamah kan kir leh a ngai a ni tiin an sawi a, Tlangval rualte pawh an val upa thusawi chu sawi nawn ngailo chuan ṭhataka zawm in khaw lamah chuan an let lehta hlawm a
.
Sangluaia pawh chuan an thusawi chu hrevek lo mahse eng eng emaw an sawichu a hrethei a, an val upa in Thangluaia fapa a nih chuan kei chuan ka hmachhawn theilo ang an tih te chu hria in chu thu chuan a rilru aluah hneh khawp mai, a rilru chuan kha thu khan kawh eng emaw chu a nei a ni? eng emaw tak chu awmlo se val upa meuh in a hote hnenah khatiang thu kha a sawilanglo tawp ang, kha tiang thusawi kha val upa tan chuan zahthlak tawp a ni si, chu vangin khapa kha eng emaw tak chu a ni a ti rilru neuh neuh mai a, an laina hnaite hanti dawnse a pa hian Tlanglo khua a an pu tih lohchu laina hnai an neih asawi ngaisi lo, a pi Satpuii lam nise hmeithai fanu mai a ni a, a pi lah chuan pianpui a neih awm reng reng an sawi ngai si lo, Sangluaia rilru chu a buairu khawp mai
.
Tin eng thu nge ni ang hei lehchen raldo tura thlengtawh Doruma chuan a Tlangval rualte leh a Pasalṭha rualte a rawnkoh kir vek na chhan? eng thuvang nge ni ang? tih chu Sangluaia hriat chak berchu a ni ta, an ralho an let leh vek avang chuan Sangluaia pawh in thuhriat chak tam tak nei mahse khaw lama kirve laimai chu ṭha zawka a hriatavang chuan a Silai te chu la in khawlam pan chuan a kalta a, khua a va thlen hian Denga nen chan in hmunghalin, Denga hnenah chuan ralho chu an let leh vek thute hrilh in, tin Tungherhi pa thusawite chu an hrilh a, Denga pawh chuan mak a ti khawp mai, hmelma hma chhawn tura thawk chhuak in Thangluaia fapa a nih chuan ka hma chhawn theilo naute bula han tihchu Denga pawh chuan mak a ti rilru ve khawp mai
.
Sangluaia chuana ṭhiante bulah chuan Lal Kaikhama fanu chu e nge a an tihchu hreh chung chung chuan an zawt a, an nipawh in chan chin an hriat tamloh thu leh, a ni tela hniam lam a pan hret hret tih an sawi an hriat thu chuan an chhanga, Sangluaia chuan Chhingi a ngaihsak thu hi a ṭhiante hian hrelo a duh avangin theih tawpin a in thupve hram hram a ni, a thu hriat te chuan a thinlung chu dengna viau mahse a hmelah chuan tihlanloh hram hram a tum a, a thinlung in Chhingi a ngaihsak a ni tih hi hrelo hrim hrim hlawmse a duh a ni, Sangluaia chuan a rilru kaptu pakhat, Doruma val upa thu leh, Doruma chuan eng vanga a raldo rualte chu ko kirleh vek nge tih a hriat chakna chuan ur tlu in, chumi tuk chuan Hrangmana nen chuan Doruma khawlam pan chuan an chhuak a
.
Rawlthar chak vak lai a ni bawka miten khawkar zanhnih an riahlai hian Sangluaia leh Hrangmana hian khaw karah chuan zankhat chauh riak in, a tuk chawhnu herah chuan Doruma khua te rambawh, Lo an neihna hmunchu an thleng hlawl mai a, Ni a sa in chhawlte a halbawk nen Thlam pakhat chu pan in tah chuan an lutve rawih mai a, Thlam chhungah chuan nu upa lamtawh leh a fanu ni awm tak nula hi hawtur chuan an lo in puahchah mek a, Sangluaia te an han hmuh chuan hlaudeuh in an kimki dak mai a, Sangluaia chuan kapi hlauhtur kan nilo e, ral kan ni lo, kan rawn kalna a hlat tham deuh avangin kan rawn chawllut mai a ni e an ti a, chu tiang ṭawngkam avang chuan chu mite nufa pawhchu a hma ai chuan an hlauhna chu a reh a
.
Sangluaia chuan kapi thil zawhlawk che ka duh a, khawngaih in i hriat zawngte a nih chuan minhrilh ta che ang ti a, chu nu pawh chuan minzawt ta che, ka hriat zawngte a nih chuan ka hrilhdawn che nia an ti a, Sangluaia chuan kapi in khaw val upa tungherhi pa an tih kha Lal Doruma khaw chhuak pang ngaihi em ni? Doruma khua a piang a nih leh nih loh hi min hrilh thei em an ti a, chu nu chu an ngawi vang vang a, a ni chu in tlawhduh em ni? i thilmin zawhchu ka hrechiang miahlo mai, keini hi Doruma khua ah hian kan awmna a la reilo zawk a, kan luhve hi chuan Tungherhi pa te hi chu an awm dawitawh, Doruma khua kan luh hi chuan a ni hian minlo buaipui bera, a tlawmngai in a felkhawp a sin an ti a
.
Sangluaia chuan kapi chu tiang chu a ni maw? a nih leh tunlai hian in khaw Lal hian leido a nei em le? in khua rawnluh hi kan chak em em a, mahse leido neilai in nih chuan kan rawnlut ngam awm silo an ti a, chu nu chuan, vala a ni khawp mai ti raw? ṭhenkhat sawidan chuan kan Lal Doruma leh a u chuan khawthlang lamah daih raldo tura chhuah an tumthu an sawi in ka hria a, mahse chiang chiah chuan ka hrelo a, chu an Lal dorawn an tumchu khawthlang lamah chuan Lal ropui tak tiin an sawi an ti a, chu nu thu sawi chuan Sangluaia rilru chu chu a kapta khawpmai le, han zawt nawn leh in, kapi chu in Lal unau te dorawn tumchu khawthlang lam Lal maw ni? an ti a
.
Chu nu chuan aw ni e aw ni e, khawthlang Lal ah chuan a ropui in a khua pawh alian a, an sawidan ka hriat chuan, chu khaw Pasalṭhate chu an vah chhuah laite a ni awm e, chu laichu remchangah lak an tum a ni an ti a, Sangluaia rilru ah chuan hlauhthawn na liantak maichu arawn lut ta, zawtleh hram in, kapi in Lal ten run an tum khuachu, an khawhming emaw, chu khaw Lal hming an sawichu i hrelo maw? an ti leh hram a, chunu chuan vala i thilmin zawhchu ka hrechiang miahlo mai, keini hmeithai daikilkara mite chu tu man engmah minhrilhve duh hlei nem, mi ti ti ka hriatve mai mai dan chuan, khawthlanglama an rum tum chu Thangluaia an ti a ni
.
Tunlai hian tlangkam aṭang chuan Thangluaia chu damlohna avangin thihngam khawp in a khumbet mek a ni awm a, tin a Pasalṭha ten an Lal damlo hremiahlo in an ramchhuah san mek a ni awm a, chu chu rem changah chuh an tum a ni an ti a, Sangluaia leh Hrangman'an chu thu an han hrait chuan hlauhthawhna liantak chu an thinlungah chuan rawnlut nghalin, Sangluaia chuan kapi chu chu an sawi i hrechiang maw? in khua ah chuan an sawingei a maw? an ti nawn leh hram a, chunu fanu chuan lo chhangin, keipawh in ka hria alawm Tlangvalho sawi, nizan hmasa a kan in a rawn chuang kaiten an sawi a, ni minkhan kan khuate chuan Lal Dothanga khua an pan a, Dothanga hi kan Lal u naupa ni in, vawiin hian Lal Dothanga khua aṭang chuan khawthlang Lal Thangluaia khua chu an pan ang tiin arawn sawita vek mai a
.
Chu nula thusawi chuan Thlam chhunga mipa awmte thinlung chu adeng na salh salh kher mai le, Sangluaia chu rawnding chhuak in kapi kan lawme tiin Thlam chhung aṭanga chhuak nghalin, Dorum ka la rawn zawng chhuak ang che, chu tih hunah chuan i thiltih man zawng zawng hi i hmu mawlh ang an ti a, chu rawlthar chuan kapa ka ngaihtuah lohvang che in min ngaidam ang che aw, chu rawlthar chuan a ral lu lak chem chu rawnlek chhuak in, i khualehtui do tuma ke pen chhuak chuan thihna a hmachhawn tih in hremawlh rawhse, kapa lo ṭang fan fan rawh aw tiin Keipui in a sa sehtur a uma a tlandawk pur pur ang mai chuan, chu rawlthar thinlungna chu dan rualloh chuan a pa chhan tur chuan ngawpui chhung dairuih maiah chuan a tlandawk ta pur pur mai le
.
.
DUHTAWK RIHPHAWT ANG U AW
REMCHAN VE LEH KAN CHHUN ZAWMLEH DAWN NIA
.
Hman hmawhlo in minlo nghak hram hram ṭhindawn nia
.
.
[Lalzirliana Tochhawng] [Champhai Tlangsam]

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 31st, 2018, 8:45 pm

................. PASALṬHA THANGLUAIA (192) ...............
.
.
Thlam chhunga awm nu chuan, kan Tlangvalte pahnih chet dan chu a va mak em? chhawlhal rilṭam in emaw an rawnluh ka ti a, an huanthu kan sawita em ni le, pakhat phei khachu a hmelṭha in rawltharte mah nise a huaisen hmelsi a, eng vanga kha tianga tlanchhuak leh thut mainge maw an nih le? nge kan nufa hian an duh loh zawng kanlo sawizawk le? Kungi keini pawh tirawh khawtlai hmain i hawteh ang a fanu hnenah chuan an ti a, Kungi pawh chuan, kanu kha rawlthar mit mengkha i lo hmu em, a hmelṭhat mai piahlama a mit menga thinrimna lo lang chhuak khan a hmelṭhat na kha a belhzual khawp mai an ti a, a nu chuan mai mai ṭhin a che, kha tiang sawikha i zak lawmni? tupawh nise khatiang khan vawikhat mah ka hriat tur in sawitawh reng reng suh tiin hawtur chuan Thlam chu an chhuah san ta a
.
Dingtak maia hmalam chauh thlirtu rawlthar pawh chuan hmalam thlirin chak tak mai chuan ngawpui chhung rehruih mai hnuaiah chuan a tlan zel a, thui tawk fang an tlanhnu chuan a hnunga rawn tlanve a ṭhianpa Hrangmana chu lo nghak in, Hrangman'an Sangluaia bul arawn thlen chuan ti hian an ti a, Hrangman helai hmunhi Kaikhama khawlam peng a ni a, keichu kan khawlam pan in ka kalnghal dawn a, nangin Kaikhama khua chu lut in kan Pasalṭha Denga hnenah khan engkim i hrilhvek dawn nia, tin Lal Kaikhama kha englai mah in in thlahdah ngaisuh se, heng Doruma ralte hi beidawnga an letvaih chuan Kaikhama hi an run hawduh ngei ang, he thu hi denga hnenah khan sawi theihnghilh reng reng suh ang che
.
Tin nangpawh muang changlo la, khawhnih ṭangrual chu hlauhawm tham an nih avangin keipawh in hman hmawhtak in khua ka pan dawn a, a theih ang a rangin khuachu in rawnpan nghaldawn nia an ti a, Hrangmana pawh in Sangluaia thilsawi awm zia zawng zawng chu manthiam in a inpui chu an zen a, Bapui chhum chhun chawtura an ah chu rawn phawrh in a ṭhianpa hnenah chuan kha la rawh khai, kei chu ka kalna tur a thuitawh lo a, nangchu thuitak la kaltur i nih kha ti in Sangluaia chu an pe a, Sangluaia pawh in hnial khawmuanglo in Bapui chhum chu la in, a nih Hrangman ka kalsan phawt ang che ti in ngawpui daileh thimkhup hnuai ah chuan a herliam ta a
.
Khua pawh in thimlam a hnaih ta, Ni pawh khawthlang lam kawlkil ah chuan tlak tum in a sen rum tawh mai a, Suk chen pawh awm tawhlo chuan a sen rum tawh a ni, chu rawlthar rilru ah chuan a pa ngaih tuahna chu a lian em em mai a, a rilru chuan kha mite sawi ang tak tak a a pa chu thihngam khawpa damlo a nih tak tak chuan a kalbo san chu a in thiamlo rilru khawp mai, mahse an ram chhuah dawnkhan a pa khachu hriselṭha tak ni in a kalsan kha a ni a, tun ah nisarih emaw vel an thangbo san tawh a ni a, hemi chhunga thihngam khawpa damlo chhia a nih chuan chhan ṭhatak a awm a nih a ring a ni, thuitak an kal leh hnu chuan Ni pawh kawlah liamin, khua pawhin thimlam a pan ta
.
Ngawpui chhung thimruih tawh hnuaiah chuan chu rawlthar chuan hmalam pan zelin a tlan duk pur pur mai a, ruamrai dup mai chu pawh hlawlin chulai hmunah chuan an ding a, zan lama kalzel tur chuan meichher tam zawk a ma mawh dawntih hria in chulai hmunah chuan khawthim chhah tak tak hma chuan meichher tur chu an siambelh zung zung a, ngawpui chhung Thing sang tak tak lera Sava te chuan riahna tur zawngin an chiar nak nak maihlawm a, Vahrit Ramar te leh Varung te pawh in riahna tur zawngin an thlawkri phur phur hlawm a, chu ngawpui hnuaia rawlthar pawh chuan zan lama hmantur meichher chu siam belh sauh sauh in a rilru pawh a hman hmawh khawp mai, mahse a pa hnen aṭanga vawitam a hriat tawh, hman hmawh avangin thil kan ti buan buan tur a ni lo, kan hman hmawh poh leh kan rilru a fim in kan fimkhur zawk tur a ni tih chu a thinlung chuan avawng nung reng a ni
.
Sava te chiar nak nak hnuaiah chuan Sangluaia pawh in meichher chu a duh ang a siam zawh chuan a Bapui ah chu kawrte tui awmna bulah chuan in hnawhpuar nan an ei sawk sawk a, a in ei puarnalh hnu chuan kal lehnghal tur chuan an in buatsaih a, a meichher pakhat chu chhikai in chulai ruam chhuah san chuan a kal chhuak ta nghal a, khua a thimtawh avangin chak taka kal theih a ni tawh lo, chu rawlthar tan chuan chunglai ramchu a vawikhat kalna a nih avangin ngawpui chhung khawthim hnuaiah chuan kawngbo pawh a awldawn a ni, chu chu a mah pawh in hria in hman hmawh lutuk lo in meichher eng ah chuan ngawpui chhung thimrup hnuaiah chuan a kal zel a, chhimlam thlang zawng chuan kal zelin an khua chu a hnaih hret hret zel a, khawkar chu zan hnihthum riaka kalngai ni mahse chu rawlthar chuan a kal chu chawlh san mai mai a tumlo a ni
.
Thuitak a kalhnu chuan Tlanglian tak mai pakhat chu chuang chhuak nawlh in, Tlang sanglam pan chuan an lawnchho a, hmuamda awmvel zet alawn hnu chuan Tlang chhip chu thlengin a meichher chuan chulai Tlang chhip chu an fang kual zung zung a, khawthlang lam ni awma a hriatna lamah chuan chhuk in ruam rehruih mai chu a lut ta, chu ruamchu mi nazawng tlawh pawh ngamloh ni in tlawh pawhtu pawh an awm ngailo a ni, Sangluaia chuan chu ruam an luh chuan, chulai ruam rim thang nghur maite, a phaw vuaka a bo ruak lum hulh hulh si, mahse hanbelh chiana vawt sung sung ang a langsi chu hrethiam in an ding deuh a, hlauh vanga ding nilo in, chulai ruam rimthang nghur mai chu tawrh a har em avangin let leh mai turnge tiin a in ngaihtuah buaive a ni
.
Mahse lehleh hun chhung chuan hun tam tak a duh dawn avangin chulai ruam chu paltlang mai chu a thlangta zawk a, hmalam pana penkhat an penleh tih chuan a hriatna chak tak mai chuan chulai ngawpui chhung nghawr der der chu hria in, ngawpui chhung ril lam hla taka aw lianpui mai rum chhur chhur pawh chu a hrethei a ni, mahse chu rawlthar huaisen tak mai chuan chung zawng zawng chu hremah se, chu zanthim chhah leh ngawpui chhung thim chhah tak te chuan hlauhna leh thlabarna chhete mah neihtir lo chuan hmalam chauh ngaihtuah in ngawpui chhungril lam pan chuan a penlut zel a
.
Chu ruam chhung chu lutril tulh tulh in a hma lawk lawk ah chuan thawm mak tak tak maichu a hrechho ta mawlh mawlh mai a, a hnunglamah chuan zuitu awm ni awm tak hian naupang phun ser ser thawm chuan zuireng bawk in, a sir a ding leh vei, a meichher en phak loh chin ah chuan pi tar ni awm taka kal kun, Sam hreubum maihi tianghawl ni awm tak hian kal a awm bawk a, a hmalam ah chuan Thing lian pui pui tlu thawm ni awm tak hi tluri ruah ruah reng in, eng emaw chang chuan chung Thing tlute chuan arawn delh dawn emaw tihtur ni awm tak hian a lam hawite chuan arawnri ruah ruah ṭhin a, mahse chung thawm zawng zawng hualvel karah chuan chu rawlthar chuan hlauhna chhe te mah neilo chuan hmalam chu a pan zel a, chung thawm mak pui pui leh rapthlak tak tak chuan hualvel mahse chu rawlthar chuan a hmalam chu dingtaka en chuan tuma tihbuai theih loh chuan a kalzel a ni
.
Zankhua ṭhaka a kalhnu chuan Tlang lian vaklo chu thlengin, chu Tlang chhipah chuan an chuang chhuak a, Thing liantak pakhat ah chuan lawn in khawchin chu an thlir vang vang a, a kalna chu dik khat mahse chhimlam hawi zawng chuan a kalthui mah mah tihchu hria in, chu Tlang aṭang chuan thuitak khawthlang zawnga chhuk pah chuan hmar lamah chuan an let pah a, zinglam tuk ṭhuan ei hunvel bawrah chuan a Bapui chhum hminsa a pai chu tuk ṭhuana ringleh in, kawrte tui ah te chuan an in sildai pah a, chawlrei hman a nilo tih hria in chulai hmunchu chhuahsan leh nghalin, khawen lai chuan a thuithei angber kala, a thuithei angber thlen hman chu a duh a ni
.
Hrangmana pawh Sangluaia nen an in ṭhenhnu khan a chak theiang ber chuan Kaikhama khawlam chu a pan vang vang mai a, thimhlim bawrah chuan Sangluaia nen an riahna hmunchu thlengin, tah chuan zanriah a tan Bapui chhum chu ringin, chulai hmunah chuan chumi zanchu a hmangve a, a tuk varṭian ah chuan chhuak lehnghalin khawthim hmahret chuan Kaikhama khuachu a lut a, Hrangmana rawnkir lehchu Denga te chuan ralkhat aṭang chuan lohmu in, Hrangmana chu a mah chauh a nihtak avang chuan Denga chuan thil fello a awm tih hria in a nau Hrangchhuma hnenah chuan kalchhuak theitur in lo in peih ang che an ti nghal a
.
Hrangmana arawn thlen chuan Denga chuan lo Bengvar nghalin Hrangmana pawh in Denga chu thil awm zia zawng zawng hrilhnghalin an pahnih chuan Lal Kaikhama in lamchu an panta nghal a, Kaikhama chuan Denga te an hmuh chuan, e khai lo ṭhu rawh u khai, Hrangman Sangluaia nen khan Doruma khawlam pan khan in chhuak a ni lawm ni? lah hei nangmah chauh a ka hmuh che, e nge thilawm zia le? eng thilnge thlengta le khai? an ti a, Denga chuan ni e Lalpa hei Hrangmana a mah chauha arawnlet leh avanga rawn chuang kai kan ni, thu lawm awmloh deuh mai kan neia, i hnen rawnthlen loh a han kalmai kan hreh avangin kan rawnleng lut a ni e an ti a
.
Kaikhama chuan eng thunge ni ta ngai le? nangni meuhin chu tiang thute in han sawitak le? an ti a, Denga chuan thilawm dan zawng zawng chu Lal leh a khawnbawlte chu hrilhvek in, in chhunga awmte chuan an ngaithla ṭhap mai a, Deng'an Sangluaia chah ang zawng zawng a sawizawh hnu chuan, nangni pawh kan Lal fapa Sangluaia duh dan chuan fimkhur hlerawh u, Doruma te unau hi tuna an thiltum ah hian an hlawhtlin kher aringlo a, an thinrim hian in khawlamhi an rawn chilnghek mai ang tih a hlauh thawnpui che u a ni, kan Lal dinhmun a ṭhalo nen eng pawh nise zan in la la hian khuahi kan chhuahsan a ngai a ni, eng pawh nise Lalpa min hriat thiam rih kan ngai a ni tiin Denga chuan Lal Kaikhama chu an thlah nghal a
.
Lal Kaikhama pawhin a ni teh tak e a, keini chu ngaihtuah kan ngai reng reng hleinem, hei vawitam min ṭanpui tawh in, nang mahni avang hian tunah pawh hei zalen tak in kan awm a, in chungah hian lawmthu sawi mawlh mawlh tur a sin kan nih, in Lal fapa Sangluaia chungah khan lawmthu min rawn sawisak mawlh mawlh la, tin hei nangleh i naute chungah pawh hian lawmthu kan sawi mawlh mawlh a nia, helai hmun in rawnthlen a piang hian Tlangpui khuate tan hian kan khualṭha in ni reng tawh ang, in Lal Thangluaia pawh chu Tlangpui Lal Kaikham'an duhsak na min rawnhlan rawn min rawntih sak dawn nia an ti leh a, Denga pawh in Lalpa tehreng mai, kan Lal pawh in hmuhve che a chak khawp in ka ring, a nih leh kan kalphawt ang e tiin Denga te chu an chhuak ta a
.
Hrangmana leh Hrangchhuma te chuan an ṭhianpa damlo te awmna lamchu pan nghalin, chumi zan la la a an chhuahtur thuchu an hrilh nghal a, Denga pawh in a naute awmna chu rawn pawh tawh in ro chu an han rel zung zung a, an damlo pawh a ṭhat tawh avangin chumi zan la la chuan khua chu chhuah sana, an khawlam pan nghalchu an duh hlawm a ni, ralin run tuma an khua an panlaia an ni Tlangpui khua a lo tawlh mai mai chu tumah chuan an duhlo a, ralho in an khua an thlenhma ngei chuan khua chu thlen hman hram an duh a ni, Denga pawh a thinrim in a Lal Thangluaia lak ah chuan a in thlahrung khawp mai, an kalsan dawna hrisel ṭhatak si, tuna thihngam khawpa a damlo an hanti chu hriat thiam a har a ti in, a Lal lakah chuan a in thlahrung khawp mai
.
Denga te chuan an Sa kahsa an rep zawng zawng chu Tlangpui Lal leh hmeithai sa lave theilo te hnenah chuan sem vek in an kal kawng chawhmeh tur chauh an la a, hman hmawh taka khaw pantur an nih avangin chung Sarep zawng zawng chu tumah chuan hawn an tumduh lo a ni, an Lal thichhawnga a lumlaia Sarep lo buaipui tu nih chu tumah chuan an duhlo a ni, an Sarep chu a ṭhathnem tham avangin chu khua a Lal bakah chuan chu khua a hmeithai sa la theilo te chu vawihnih khat ei ṭheuh chuan an semdaih vek a, chung zawng zawng te an tih zawh hnu chuan Denga leh a naute panga chuan Kaikhama khua, Tlangpui khua chu an chhuah san ta hlawm a
.
Sangluaia pawh in an khua chu hnaihthla zelin khawthim hmadeuh hian an khawram chin chu a lut ta hlawl mai a, chulai Khaupui hmun an tih ah chuan Ni tlak hmadeuh hian ralho hnu hmachu a hmuta ṭeuh mai a, an riahbuk sualna leh an chet tlatna velchu hmuhtur a ṭha hnem khawp mai, chutia ralho hnuhma a thlirkual lai chuan a chhak deuh aṭang chuan, nangkha Doruma khaw rawlthar i ni em? tih zawhna chu a dawng nawlh mai a, Sangluaia chuan chung mite zawhna chu kamkhat pawh in a chhang lo, a rindan chuan Doruma unaupa khua, Dothanga Pasalṭha te an nih a ring a, chupa chuan Doruma rawlthar i nih chuan i rawn khawmuang deuh a ni maw? sawlai piahdeuh Tlang liamah sawn riahbuk sual an ti a, helai aṭang hian Thangluaia khuahi a la hlat thamdeuh avangin sawlai Tlang liamah sawn riahbuk suala, Thangluaia khua chu varṭiana luhchilh an ti a ni an ti a
.
Mahse chu rawlthar thinlung chu chupa thusawi chuan fei zumtak chhun tlangzawk ang maia rawn chhun na in, chulai ngawpui chhung khawk rum rum chuan aw rawlring tak maichu an chhuah a, kapa hmingkha i ka bawlh hlawh lutuk khan sawi tawh suh, i damchhung hian Lal ropui Thangluaia hminghi i lam lehtawh ngailo ang, a na rana Lal ropui Thangluaia hminglam kha a hmelmate tan chuan thihna a sin an ti khawk rum rum mai a, chu veleh chung mipathum te zinga pakhat chuan a Chenrang chu chuh nghalin, rawlthar chu tin nghalin a lek kawh dawn chiah tih chuan, chupa lamah chuan Mau bul chang hriam tak mai tawng chen vela seichu, chu rawlthar kut aṭang chuan rang lutuk chuan rawnthlawk chhuak nghalin chupa hrawk ah chuan a burta ngur mai a
.
Chupa na ti lutuk chuan a Silai chu thlauh tawp in a hrawka Mau zum hriam lutuk lutchu vuan nghalin a ṭhingṭhi rawp mai a, midang pahnihte chuan an Chempui chu chuhve nghalin an theih ang a rang chuan chet an hanla ve a, mahse thlahtu aṭanga in rochun, mihring zamṭha leh ṭuanrang bik an hma a rawlthar chu an khanlo khawp mai, mipahnih ten an Chempui an chuh a, an intepui an zenhman tih chuan an hma a rawlthar dingchu rawtak mai hian chu mite lampan chuan a dawk pheizawk mai a, chu rawlthar Chempui vai thlawk chuan a mah hnaihtu zawk nghawng chu chhawk hmawk in, rawlthar chuan atum afuh tih a hriatrual chuan kun hniam nghalin, pakhat chuan a Chempui chuan a rawn vaiṭhelh fua mai a
.
Rawlthar chu rang lutuka in leh hawinghalin a mah rawnsah tum tu chu sah zui an tumnghal a, mahse chupa chu a ṭuan a lo ṭha in ral beih a lo thiamve khawp mai, chupa chu ring taka rawn au chhuak in, kei mikawlh leh sakawlh hma a zam ngailo, Dothanga Pasalṭha ralhrat khawkheng Sathuaia ka ni ngai e, ka hma a chhuak chu an len leh an tlu liana, an tet leh an tlute ang, nang naupang ai a upate zah tura zilh hauhtu che an awmlo a ni maw? tu maw i pa hming chu? Thangluaia chu i pa maw ni a? Lal fingtak an tia nilawm ni? i pa chuan rawlthar zilh hauhtu tur val upa a neilo em ni? i pa nen chuan in lu hi ka la ang a, naupang ho lawmah in kawtchhuah ah ngei chuan ka tar ang an ti khur khur mai a
.
Mahse chu vauna avang chuan chu rawlthar chuan a mit vawikhat pawh khap lo in, a kut zungṭang seithlarh mai pawh chu chhete mah in a khur chhin lo, a hma lawka a hmelmapa mit tak chu ngun taka en kalin in ringtak chuan a ding kak hah mai a, chu a hmelmapa chuan ringtak mai hian, naupang mi zahna chhete mah i nei na nge? helai hmunah hian kan that nghal law law teh ang che tihpah chuan rawlthar awmna lamah chuan arawn zuang dawk phei zawk mai a, mahse in ring taka lo ding rawlthar chuan chupa Chempui rawnvai chu ngun taka lo en in, chupa Chempui chuan a rawnsah phak lohnatur chuan an tawlh sawnhret a
.
Chupa chuan a Chempui chu arawn vainat em avangin, a Chempui vai zawng chuan a taksa chu a in thehsawn deuh dawrh mai a, rawlthar chuan chupa Chempui vai in thehdeuh dawrh, in siamrem leh hma chuan rang lutuk chuan chupa lamah chuan zuang dawk pheive nghaldawrh in, chupa rawn hawileh chiah maichu bek dinglam kehsawk khawp chuan an sat ṭhuai mai a, chupa lu ruhchu ri rawpin a hliam kak aṭang chuan thisen tharlam tak mai chu arawn chik chhuak ṭhawt ṭhawt mai a, chupa chuan rawlthar chu mak tih hmeltaka melh reng chung chuan ṭhingṭhi rawpin a tlu bawk khup thlawrh mai a, karlo ah chuan chat thlazui nghalin rawlthar chuan a lu chu an tansak nghal a, chupa lubung chu a kut dinglam chuan lek kangin ringtak maihian, kapa i lamhawia nangmah thah tuma ke pentu chuan heng ai a nasa hian thihna an hma chhawn ang tiin ralho awmna lamah chuan a tlan lehta nghal a
.
.
DUHTAWK LEH RIHPHAWT ANG U AW
REMCHAN VE LEH KAN CHHUN ZAWMLEH DAWN NIA
.
Hman hmawhlo in minlo nghak hram hram ṭhindawn nia
.
.
[Lalzirliana Tochhawng] [Champhai Tlangsam]

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 11th, 2018, 8:18 pm

............... PASALṬHA THANGLUAIA (193) ............
.
.
............................ RECAP .............................
.
Chupa lu bung chu a kut dinglama sang taka leh chhuak in ringtak chuan a au chhuak a, kapa i lam hawia nangmah thah tuma kepen chuan heng ai a nasa thihna an hma chhawn ang tiin ralho awmna lam ah chuan a tlanphei ta nghal a
.
.
Khaupui Tlang an tihmai Sangluai'an a thlenphei chuan khuachu a thimṭan tawh a, chumi Khaupui Tlang let liam ah chuan hmelmaho chuan riahbuk an sual a ni, ngawpui chhung chu a thim khup tawh avangin rawlthar pawh chuan fimkhur a ngaihle a ni tih hriain meichher pawh a chhi ngamlo a ni, chung hmelma ho riahbuk bula meichher chhit chu thiltih chi a nilo a, a ruk a rala hmelma ho chu a tamthei ang ber thah a duh a ni, chu Khaupui Tlang chuan hnuai zawk ah chuan Sangluaia chu lawn liamin fimkhur tak chuan a thlang ruama hmelmate riahbuk chu a pan thla ṭanta a
.
Doruma leh a unaupa Dothanga te pahnih khaw ṭangrual te chu an ṭhahnem tham khawp mai a, an khaw run tumte tan chuan an ṭhathnem avangin zamna tham rum rum a ni, Sangluaia pawhin fimkhur tak chung chuan a hmelmate in kulh na chu hnaih thlazelin ngawpui chhung thimrup mai hnuai ah chuan a hmelmate chu a hnaih thla hriau hriau mai a, Doruma leh Dothanga hote chu Khaupui ruam thuk laia in kulh an nih avangin rin ai chuan Sangluaia pawh chuan a hmelmate in kulh na chu a thlengthla har a ni
.
Fimkhur taka reife a chhuk thlak hnu chuan Sangluaia pawh chuan an meipui chheh eng chu a hmuthei ta, ralveng an in dah dawntih hria in chu rawlthar chuan tihdantur ngaih tuah chuan an ding vang vang a, chhak lam a ṭanga kallo in an riahbuk bul kawrte mawng lam a ṭanga chulai hmun luh chu ṭhazawk dawna a hriat avangin Sangluaia chu a dinglam ah chuan a herliamta nghal a, helai Khaupui ruama kawrte hi a len thamdeuh avangin furlai phei chuan kanhar khawpin tuihi a tam ṭhin a, mahse ṭhal tui tlemlai te a ni bawka Sangluaia chuan awlsam taka luichu kan theih a ring a ni
.
Lui a zuk thlen chuan tui chu a rin ang chuan harsatna awmlo chuan a kanta nghal a, a mah leh a hmelma te hi Thangluaia ramchhunga awm ni tawh mahse an karah chuan Khaupui lui an tihchu a tlazep ta a, tin helai hmun aṭang hian khuatak hi a la hlat tham deuh avangin Sangluaia rilru pawh a la muang deuh a ni, a Silai chu hman mai theih tur chuan an siam rem a, tin ralbeih nan a a hmanthiam em em mai Maubul chang zum hriam tawn em em mai pawhchu pathum laimai chu hman mai theih tur chuan an siam remnghal bawk a, lui kam lehlam aṭang chuan a piah lawka a hmelmate riahbuk chu an thlir vang vang a, zanchu a reilam tawh bawka chungho chu an kalchau bawk nen, tin chulai hmunah chuan tibuaitu an neih ringloin an thlamuang in an chaukhat nen an mu hma hlawm khawp mai
.
Ngawpui chhung thimchhah tak hnuai ah chuan an meipui chheh chu a thiruap tawh mai a, chulai ngawpui chhung thimrup mai hnuaiah chuan Doruma leh a nau Dothanga hote chuan thihna in thla a zara, thihna chuan arawn panmek a ni tihreng hrelo chuan an kalchau chu an mu hnar bawrh bawrh mai a, chulai ngawpui lah chuan an chunga thihna lo thlengtur chu lo hriat puive ni awm tak maihian thawm danglam hriat tur awmlo chuan a reh vung vung mai a, a tirte a ṭanga lo duangtu khuanu lo duan, leihrik hram te leh, hladeuha Vabak hram te, tin ralkhat hladeuha Chingpirinu hramte tih loh chu chulai ngawpui chhungah chuan thawm danglam hriat tur reng reng a awmlo a ni, rawlthar pawh chuan a thil tihtur chu hria in fimkhur tak chung chuan a hmelmate riahbuk lam chu a pan ṭanta a
.
Doruma val upa Kaihranga chu rawnharh in a mutna aṭang chuan thawh chhuh an tum a, a taksa chu eng emaw vawt thlur khawn uiah hian a tuama hria in an en chiang a, a thilhmuh chuan a bara khaih chiangve ngang maile, rang lutuka tho chhuan nghalin an riahbuk chu an hawikual nghal zung zung a, a taksa chu thisen khawn khang uaih tawh chuan lo tuamin, a bulvela a ṭhiante muveho chuan lu reng reng an lo neitawh hlawmlo a, hamhaih taka buk pawh lamah chuan tlanchhuak nghalin an hawikual a, buk pawnlam leh meipui an chhehna velah chuan Tlangval lu bung chu hmuhtur a lo awm thleh thluah mai a
.
Kaihranga chuan ringtak mai chuan hengthilhi tu tihnge a nih? rawntho chhuak hlawmteh u tiin a au vak vak mai a, an ṭhathnem tham avangin riahbuk pawh ṭhahnem thamtak an sual a ni a, midang an rawn thovete chuan zanlama thilthleng an han hmuh chuan mak an tihlawm khawp mai, tu tu nge kimlo tih an han in en fiah zung zung chuan sawmhnih chuang laimaihi an lo kimlo a, chung zingah chuan an Lal Dothanga fapa lu a awm velo tihchu an hrechhuak nghal bawk a, Kaihranga leh a naute chu an hrilh hai in an chunga thilthleng chu mak an ti hlawm khawp mai, meipui an chhehna zawlah chuan an buk lamhawi chuan Tlangval lu hi sawmvel bawrhi an riahbuk lamhawi hian a lo in hungtlar tuar mai a, Kaihranga chuan chung lubung an riahbuk lamhawia in dahtlar an hmuh chuan an chunga hetiang ti tuhi an hmelma, an ralngei a ni tihchu chiang tak in a hrenghal a ni
.
Kaihranga chuan a naute ho hnenah chuan in Silai ṭheuh zawng nghalrawh u an ti a, mahse tumah chuan an Silai chu hmu zolo in hmuhtur reng reng a awmlo a ni, Silai chu sawiloh ṭhenkhat phei chuan an chempui te leh an ralbeihna Fei te pawh an hmu zolo a ni, Tlangvalte chuan zankhat thilthua heng zawng zawng ti theihi mihring thiltih a nih an ring theilo a, an rindan chuan an chungah hian khuanu a lung awilo anga, an chunga phuba lak nan khuanu chuan hetiang hian an muthilh hlan in a loti a nih an ring a, mahse val upa zinga an hruaitupa ber Kaihranga chuan an chunga hengthil ti tu hi mihring thiltih ngei a ni tihchu chiang tak in a hria a ni
.
Val upa ho chuan rorel nghalin Tualziki pa chuan, kei zawng kan chunga hetiang thil thlenghi mak kati a, khuanu hi kanti lungnilo in ka ngai a ni an ti a, Satliana chu rawn in rawlhve nghalin, Tualziki pa kam chhuak kha ka ṭawmpui zawng tak a ni a, zankhat thilthua kan chunga thilthleng hi a rapthlak deuh a ni, mihring thiltih nithei in kei chuan ka hretheilo a ni tiin anlo tuihnih nghal a, Kaihranga chu rawn ṭawng chhuak ve in, kan chunga tiang ti tu hi mihring thiltih ngei a ni e, khuanu thiltih nilo in kan hmelma tu emaw thiltih ngei a ni e, in hmuh ang hian hei kan meipui chhehna ngeiah hian kan Tlangval a that te lu chu kan riahbuk lamhawia dahvek an ni a, heng thahte lu hi kan riahbuk lamhawia dah an nihchhan chu in hriatvek kha, mahse heti zo zai ah hian kan chunga hetiang ti tu hmu emaw, a thawmhria pakhat pawh kan awmlo hi thilmak zawk chu a ni, kan Tlangval sawmhnih chuang lu a la a, tin kan Silai, kan chempui, kan ral beihna Fei te, henghi tam tak minlak sak a ni a, tin kan Silai pheichu hei minchhuh vek a ni a, heng zawng zawng hi enga tinge heng zawng zawng te hian kan hriatloh? an ti a
.
Val upa zinga pakhat chuan, heitak hi a ni keipawh in mak ka tih ni, heileh chenhi kalo damve tawh in raldo na ah pawh hian kahun hi kalo hmang hnemve tawh a, mahse nizan ang thil thlengkha ka vawikhat tawn na a ni, tin mihring zingah hian zankhat thilthua ralho laka khatiang thilti theikha tumah hi an awm ka ring ngailo, tiang khawpa ṭhahnemhi kan ni a, kan muthilh laipawh nise thawm emaw, tu emaw chuan kanlo hmuin a thawmtal pawh kan hretur a ni, mihring thiltih a nih chuan kan bula mute lu a rawnlak pawh kan hrelo tihna a ni a, mahni bula mute an rawn that laipawh hrelotur khawpa mihring thawmdim thiamleh chak hi an awm theih ka ringlo a ni, mahse kan val upa Kaihranga sawiang khan, kan meipui chhehna hmuna kan Tlangval te lu a dah dan ah sawn mihring thiltih ngei chu a ni si an ti a
.
Tualziki pa chuan zankhat thilthu ah kan Tlangval te lu sawmhnih chuang minlak sak a, kan ralbeihna hmanrua zawng zawng min khawmsak bawk a, kan meipui chhehna hmun ngeiah kan ral chuan a hmelmate a ngamzia leh rumṭhaih nan kan Tlangval te lu chu a lo dahtlar a, hetiang ti thei mihringhi tunge nita ang? Thangluaia hanti dawn ila a ni lahchu a vanglai a peltawh in, tunah phei chuan thihngam khawpin a khumbet an ti bawk si, a fapa Sangluaia tidawn ila Kaikhama khua Tlangpui lamah a awm bawksi, tin Thangluaia Pasalṭha te hanti dawn ila a in nghahna ber Denga an tihlah Tlangpui lamah Sangluaia te nen an awm bawk si, Thangluaia Pasalṭha te hian kan thiltumhi anlo hria anga nizan lamkhan min rawnluh chilhta em ni ang? kan thiltih tumhi lo hria in minrawn luhchilh ni tase eng vanga min thatlo a kan ralbeihna hmanrua minchhuh vek ngeni ang?
.
Kapṭhuamipa an tih chu rawn in rawlhve in, Tualziki pa i thusawi khan ka beng a verh zarmai a, Thangluaia Pasalṭha ten min rawn luh chilh nita se? eng vanga min thatlo a kan ralbeihna hmanrua min chhuhnge an nih ang tihlai khan ngaihtuah na min neihthui tir khawp mai, hetianga kan chunga rawnche te hi Thangluaia Pasalṭha rualte an nih tak tak a nih ngaichuan nizan khan minthah duhlohna chhantur chu thilpakhat chiah awmin ka hria, nizan khan min thahvek tumta se an thawmhria khan harh kan awm ngei ngei dawn a, kan harh a nih chuan kan ṭhathnem zawk avangin an tawlh a ngaidawn tihkha chiangtak in an hresa a, chuvangin a ruk theiang ber in kan muthilh hlankhan an rawnche a ni, tin kan hmanrua min khawmsak na chhanbera ka hriatdan chuan keiniho hi khawi emaw laia minlo lambun an tumni berin hriatna ka nei a ni, kan hmanrua min chhuha, keini hmanrua neitalo chu duhtawk in khawi emawlai ah minlo changin minlo kap hrepthei dawn a ni, chu vangin a rangthei ang bera helaihmunhi kan chhuahsan a ngai a ni an rawnti a
.
Kaihranga pawh muhil harh hlawlang maia rawn harh in a ni teh dawntak e, helai hmunhi a rangthei ang bera kan chhuahsan nghal a ngai e, kan naute luhi khawm ila helai hmunhi kan chhuahsan nghaltur a ni ang ti a thupe in an in siamta nghal char char mai a, zan lama thite lu chu khawm zung zung in a rangthei ang bera chulai hmunchu chhuahsan an tum a, tamtak rilru chu a na hlawm khawp mai, heileh chenhi an thlentawh laia an ṭhiante phuba pawhla lo a kirsan lehmai chu ngaithiamlo tak tak pawh an awm nuk mai a, mahse an ralbeihna hmanrua zawng zawng an hloh tawh a vangin hmelmate lak ah chuan tih theih an nei hlawmlo a ni, karlo ah chuan in siamzo hlawmin chulai hmun chhuahsan tur chuan an in puah chahnghal a, an zinga Tlangval pakhat chuan val upa te hnenah chuan, kan Lal Dothanga fapa lu kan hloh a ni a, hetiang maia kirsan hi chu kan Lal hian a ngaithiamlo ang a? an ti a, Kaihranga chuan tunah chuan tih theih kan rihlo a nih hi, kan tan hunṭha a rawnher chhuak lehngei ang, kan Lal fapa phuba chu kanla lehngei ang tiin Tlangval chu an hnem a, ti chuan chulai Khaupui ruamchu an chhuah santa a
.
Chulai Khaupui ruam chu ṭhahnem tak tana chhuahsan tur chuan hmunrem a awmloh avangin Kaihranga chuan chulai ruam an luh lama an kalna bawk ah chuan a naute chu a letpui leh a, Khaupui Tlanghi chuanhnuai zawk a awm a vangin chulai chuan hnuaizawk chu pawh chhotur in an panchho zel a, chuanhnuai zawk an chuan chhuah chhoh dawn chuan an chhak ah chuan Tlangval pakhat dinghi an hanhmu a, Kaihranga leh a hote chuan ngaihṭha vaklo chung chuan Tlangval lodin na lamchu an panchho zel a, an kalnatur kawng a nih avangin Kaihranga leh a naute chuan han hel leh kherchu an tlawmlak avangin chu Tlangval lo din na chu an hnaih chho zel a, Khaupui Tlang chuanhnuai zawk an chuang chhuak chho tih chuan Tlangval lo ding pawh chu chiang tak chuan an hmuthei ta
.
An hmalawka Tlangval dingchu en mai chuan a la upalo tihchu chiang tak chuan a hriat theih a, han en chuan a la rawlthar khawp mai, mahse mihring mite chik mi chuan chu rawlthar chu namnul mai mai chi a nilo tihchu chiang tak in an hrethei ngei ang le, a pian in khaithlizaih maite, a balbul in vuah nghet charh maileh a nghawng chawmbat maite, a malpui vawnglah maileh a kawngfek rat maite han hmuh chuan chu rawlther chu mihring chak tak a ni tihchu hairual loh in a hriat hliah hliah a ni, chu rawlthar hma ah chuan Doruma leh a nau Dothanga Pasalṭha te leh a val upa rualte chu an dingṭhap mai a, chungho rual chuan chu Tlangval lo dingin a kut dinglama a thilken an hmuh chuan Kaihranga leh a naute thinchu a rim kher mai le, Kaihranga chuan fiah kak maihian, Tlangval tunge i nih a? khawilam minge i nih le? an ti a
.
Mahse an hma a rawlthar ding chuan a en ngaichu chiang taka en in Kaihranga zawhna chu hria awm pawh in a langlo a ni, Kaihranga bawk chuan Tlangval vawikhat ka zawt nawnleh ang che, tunge i nih a? khawilam minge i nih? an ti leh a, chu rawlthar chu zawimuanga Kaihranga lamchu rawnmelh in aw damthlarh leh fiah kak mai hian, kapa khualehtui beihtuma a mah thahtum tu te reng reng chuan keihi minpal tlang phawt a ngai ang a, tin chungmite chuan he Tlangval chan anghi an changzel ang tiin a kut dinglama lubung a khaichu sangtak ah chuan an lek chhuak a, chu lubung chu Lal Dothanga fapa lubungni in Dothanga khualehtui te chu an thinrim khawp mai, Dothanga Pasalṭha pakhat chu rawnṭawng chhuak in, nang kha tumaw i nih? Thangluaia fapa an tihchu maw i nih? ka ral lu lak chemchu han hum ila chuan i lu kha Bung kunga tar tur in i nghawng kha katan ngei ang an rawnti a, chuve leh rawlthar chu kunhniam in a din na bula chempui chu la in chupa awmna lamah chuan an thehphei a, chu rawlthar chuan aw zaidam thlarh fiah kak mai hian, tuna i thusawi kha hanti ta che, kalu chu rawnla rawh khai, i thusawi kha rawntih ngei hantum ta che tiin Dothanga fapa lu a khaichu Kaihranga te awmna lam ah chuan thehphei lawp in chu rawlthar chu in ringtak chuan a ding kak ta hah maile
.
Dothanga Pasalṭha chuan rawlthar in an lama chempui a thehphei chu muang charha chhar in, nanghi a nimaw kan zanmut hlana minlo suamtu chu, i thiltih manchu hmuin i thive khawp ang tihpah chuan rawlthar lamah chuan chak tak mai chuan an rawntlan phei puatmai a, thlahtu a ṭanga mihring ṭuantha leh huaisen rawlthar chu chuti mai mai a thah theih a nilo a ni, chupa a hmelmapa chuan thahngei tumin chak tak chuan rawnpan mahse, chu rawlthar chuan hlauhna leh zamna chhete mah neilo chuan a Mit mudum fiah kak mai chuan lo en kalin, chupa in hlamkhat vela a awmna a la rawn thlenglo tih chuan chupa chuan a chempui ken chuan sah hlumngei tumin a chempui chu an rawnvai ta ngei mai le
.
Mahse hlauhna hi enge ni? ti khawpa mihring huaisen rawlthar chuan a hmelmapa chet lak danchu chiang taka lo en kar in, a chempui rawnvai chu rang lutuka lo er a lobum in a rawnsah ṭhelhfua mai a, chupa chu rawntlana rawlthar chu rawnsah chhumhmawk tum a ni bawka a rawn in theh pheina khawp mai, a tum a ṭhelhtak ah chuan a ban a rawnvaina bawk nen a taksa chu hmalam ah chuan a in thehphei dawrh mai a, rawlthar pawh chu chempui chuan ṭhelhfua in a er pawhchu rangtak chuan a dingchhuak nghal a, rawlthar er ding chhuak lehchu rang taka ṭhuhniam leh nghalin,a hmelmapa in a sah ṭhelh rawnhawi let leh chiah mai chu a dinglama rang taka herkual nghalin a chempui chu an vaipawp mai a, a hmelmapa rawnher leh chiah dulchu thlernghal duai in, a dulthler a ṭang chuan a ril chu a rawn pawt chhuak nghalzawih zawih mai a, chupa chuan a dul thlerduai leh a ril rawn pawt chhuak chu a theih ang ang a hup in a ṭhingṭhi rawp mai a, rawlthar chempui chu rawn in vaikual lehpawp in chupa nghawng chu a in chhawk ṭhawt mai a, rawlthar chuan a hmelmapa chempui thlauh chu chhar nghalin midangho din na lamah chuan thehphei in fiahkak aw dam thlarhsi hian, in tumchu rawnti lehrawh u khai an ti lehnghal a
.
Kaihranga leh a naute chuan chu rawlthar chetdan an hmuh chuan malkhaia hmakhalh mai mai theih a ni dawnlo tih hria in Kaihranga chuan chempui chu chharin, khaile Doruma leh Dothanga Tlangval leh Pasalṭha rual huaisente u in hma a in hmelmapa pakhat dinghi in in danbeh tir rengdawn em ni? saw rawlthar saw hlauin Doruma Pasalṭha rualte in hnungtawlh ang maw? khawnge Doruma Pasalṭha huaisente kha in awm zawhtak le? khawnge Doruma Tlangval tlawmngai leh huaisente kha in awm zawhtak? tiin an au a, chu veleh Pasalṭha rualte leh Tlangval rualte chu rawn thawk chhuak in, chempui neilo te chuan thingro bungte chu rawnchuh in rawlthar awm na lampan chuan an rawntlanta hum hum mai a, rawlthar awmna an rawnthleng dawntih chuan Silai chu a rawn puak ta ṭhuai ṭhuai mai a, rawlthar din na chhak Khaupui Tlang lam a ṭang chuan Tlangval rualte chu rawntlan vein chulai Khaupui Tlang chuan hnuai ah chuan in pawmchilh in an in phek beihta mup mup mai a, Thangluaia Pasalṭha rualte leh Tlangval rualte chuan an rawn hneh salh salh khawp mai, tin Doruma leh Dohranga hote chu hmanrua neilo zawk an nih avang chuan karlo ah chuan an thi ta ṭeuhmai a, hmuamda awmvel zet an han inbei tihphei chuan an thizo dawnta mai a, an Val upa Kaihranga chuan a naute chu au in, in theih ang ang in in thiarfihlim rawh u khai, helai hmuna kan boral vek hi a dik lo tiin a au tuar tuar mai a
.
Kaihranga naute chu a thei thei tlandarh in, an sahimna zawng chuan an tlandarh sung sung mai a, Kaihranga naute chu hmunthuma ṭhena hmunkhat chauh chuan chulai Khaupui Tlang chuanhnuai chu an tlansan thei a ni, chulai hmunah chuan hliampui tuara chiau vawng vawng thawmchu a khat hneh em em mai a, thisen a chhuah hnem avangin a thang nghur mai bawk a, Thawmvela chuan khaile keini hi hliante kan awm em? tin nun na chante pawh kan awm theia han in bihchiang teh ang ule an ti a, Tlangval rualte chuan thi emaw hliam emaw an awmleh awmloh chu in en fiah zung zung in, nun na chantak chu tumah anlo awmlo a, mahse hliamchu paruk lai an awm a ni, Thawmvela chuan Sangluaia hnen ah chuan, Sangluai a huntak ah ilo thleng a ni, nangmah vang liau liau in ral lak ah kanhim e, hliamte kha han in bawihsawm ula tunah chuan khawlam i pantawh ang u khai, tin heng hmelmaho te hian min rawnti buaitawhlo ang, kalsan ila an nipawh hi rawn in buaipui rawhse tiin khawlam chu an panta nghal a
.
Lal Thangluaia in chhungah chuan khawnbawlte leh val upa rualte chu an awm ṭhup mai a, Sangluaia pawh in a pa damṭha taka an hmuchu a lawm em em mai a, Sangluaia chuan kapa natak tuarin an sawiche a, mahse hei ka damtak in kahmu che a ka lawm khawp mai an ti a, Thangluaia pawh in a fapa thusawi chu hrethiam in, Sangluai in ramchhuah ni tuk khan ka khua a nuamlo deuh mai mai a lawm, inva ramchhuah na lamte in hlawhtling zawk em? khawnge i ṭhiante leh Denga hi? tiin an zawt a, Sangluaia chuan an ramchhuah dan zawng zawng chu sawivek in, Lal Kaikhama puih a ngaih avanga an puihdan zawng zawng te, tin Doruma leh Dothanga ten an khaw runtuma an rawnpan dante, tin Denga leh midangte chu tunah khawlam an rawnpan dante chu a pa a hrilhvek a, Thawmvela chuan Sangluaia thusawilai chu lopawt chat in, tuk kinzing khawvar hmakhan Sangluaia hi ka in ah a rawnlut nawlh mai a, Doruma leh Dothanga ten kan ramchina ah in khuarin zing taka minluh chilh an tumthu min rawnhrilh a, chuthu min hrilhzawh chuan keichu chulampan chuan ka chhuak lehnghal dawna, Khaupui Tlang chuanhnuai ah khan kan in hmudawn nia tiin min chhuahsan lehnghal a ni, a ni hian khatiang thu kha minrawn hrilhlo seng chuan tunah hi chuan kan buaikhawp angle tiin Sangluaia chu chhuangtak chuan an melhpah a
.
Lianpuia pawhin Sangluaia te unau chu chhuang taka en in, tunah chuan in unau hian kan khualehtui in nghahna in nita, in unau tello chuan he khualehtui hi khawram ang mai kan ni tawh e an ti a, Thangluaia chuan Lianpui chu tiang a ni ngailo, he khualehtui dintheih na chhan chu nangmahni ka khawnbawlte leh he khawmipui te ṭhatvang chauh hi a nia lawm, Satbula te unau hichu nangmahni leh mipuite hnunga kalve chauh alawm annih, kan thudang a lai chuan Doruma chuan a thiltih hi a la bansanlo a ni maw? hetiang a nih chuan an chunga zahngaihna kan lantir renghi kan tihtawpve mai a ngaitawh dawn a ni, kan hmelmaten kan hnunglama min um zuireng laia keini lo ngawih rengpawh hi tawk chin a awmtur a ni, kha leh chen kha an chungah zahngai in ngawih kan chuh a, rawlrala minbeih laipawh in ngawih kan chuh renga, mahse tunah chuan ka ngawireng tawhlo ang, kanPasalṭha Denga te rawnlet hun ah Doruma te chung changhi kan ngaihtuah ṭhadawn nia an ti a
.
Chumi tuk chuan Denga te pawh chuan damṭha tak in khua chu an rawnlutve a, ni hnihthum an liam chuan Thangluaia te pawh in Doruma leh a nau Dothanga te runtum chuan an in puah chah nghal a, zankhat chu Sangluaia mutui laichu zanlai ah chuan a rawnharh zawk mai a, muthilh lehmai tumin an maimit chhinga, mahse muhil lehmai theilo chuan a harh tulh tulh mai a, zinglam khawvar Ar a rawn khuan chuan chhingve leh sek in mumang mak tak mai a neizui nghal a, a mumang ah chuan Tlang dungsei deuh maiah chuan a lo dingreng mai a, chu Tlang dungsei tak hmawr leh lamchu chhumdum chhahtak mai hian lobawh luk in Khawpuite chu a ri dur dur mai a, kawlte chu nasa taka phe eng zawr zawr in Ṭek te chu a tlari dum dum mai a, chu Chhumdum chuan a awmna lamchu rawn hnaih hret hret in a awmna chu a rawnthleng ṭep tawh a, Sangluaia chuan chulai chu kalsan a tuma a in herlai chuan nula aw nalhtak mai a lo hriat ṭhintawh ngei mai chuan chau tih hriat ngawih ngawih maihian, Sangluai minkal sandawn em ni? he buaina chhumdum a ṭanghian minhruai chhuak dawnlo em ni? an rawnti a, chu aw chuan Sangluaia rawlthar huaisen thinlung chu a rawn deng hneh kher maile, chu tihlai chuan chhumdum karah chuan nula hmelṭha em em mai Chhingi hmelchu chauleh thlabar tih hriat ngawih ngawih hian a rawnlang a
.
Chu veleh Sangluaia chuan Chhingi chu chhantum chuan chhumdum lamchu pan nghalin an ban nghal a, mahse Sangluai' an Chhingi a banrual chuan Thli na tak maihi rawnthaw nghal vuk vuk in Sangluaia chu chu Thli chuan a rawnlen pai nawk nawk mai a, Sangluaia chuan theih tawpa ban in Chhingi chu chhan an tuma, Chhingi pawhin Sangluaia chu rawnban ṭawk ṭawk in Sangluai mn chhan hram rawh a rawnti ṭawk ṭawk mai a, Thli chu rawn na tulh tulh in chu Thli chuan Chhingi chu chhumdum nen chuan zawi muang chuan khawchhak lamah chuan a lenchho ta a, Chhingi biangah chuan mittui rawnluang zawih zawih in chhumdum chuan Chhingi chu a khuhbo zota a, Sangluaia chuan umzui an tuma mahse eng thil emaw ni hian a dangtlat mai a, Sangluaia chuan theih tawpin Chhingi chu hanko mahse chhawntu a awmta lo, a beidawng chuan Thli in Chhingi a len chhoh na lamchu thlirzui vawng vawng in, Chhingi khawihmun ah pawh awm rawh ka rawn zawng chhuak ang che tiin chulai hmunchu kalsan an tum a, chu tihlai chuan Chhingi aw ngei chuan Sangluai chhan tlak kala awm a sin, kalo nghak reng ang che aw tiin a aw chu boruak ah chuan a thamral raih raih mai a
.
DUHTAWK RIHPHAWT ANG U AW REMCHAN VELEH KAN CHHUN ZAWMLEH DAWN NIA
.
Hman hmawhlo in minlo nghak hram hram ṭhindawn nia
.
.
[Lalzirliana Tochhawng][Champhai Tlangsam]

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 14th, 2018, 9:09 pm

................. PASALṬHA THANGLUAIA (194) ...............
.
.
Lal in chhung ah chuan Lal Thangluaia leh a khawnbawl te chu Tap lam ah chuan an ṭhu khawm ṭaih mai a, Lianpuia chuan Lalpa hei kan thudang a lai chuan Doruma khua beih tuma thu tluk na kan siamkha nizan kan ngaihtuah chianga, kan khawdin hmun hian a zir tawhlo riau maia hriatna ka nei a,, furpui kan hmachhawn dawn a ni a, Ṭo hawhun laia hmunhla tak maia raldo a thawh chhuah chu thiltih chi ber ah kei chuan ka ngailo deuh a ni an ti a, Thawmvela chuan lo tuihnih ve nghal in, i val upa te leh, i Pasalṭha rualte hian an ṭih ka tihna lam nilo se, Lianpuia sawiang khan Ṭo thawhlaia hmun hlatak a reldo a chhuah hi thilṭha ber a ni a ngem tihchu keipawh ka ngaih tuah na ah a liankhawp mai an lo tive nghal a
.
Bulthanga pawh in Thawmvela leh Lianpuia thusawi chu lo tuihnih in, Lalpa i khawnbawl minte hian thudik tak an sawi a ni, kawnga Ṭo thawk ten min nuai a nih chuan kan tumram pawh thleng zolo hian rampa laileng ah kan buaithei a ni tiin an rawn tuihnih ve nghal a, Lal Thangluaia pawh in a ni teh dawn tak e, Doruma khuahi a hlatham in kawnglak ah zan hnihthum riah a ngai ngei dawnsi a, Lianpuia melh pah chuan, Laikhama pa nge nge ngaihdan ṭha tak i rawn thawh chhuak ṭhina kan khualehtui pawh hi ngiltak in a kalphah ṭhin e an ti a, Lianpuia chuan khaih khaih Lalpa keite chu i khawnbawl zinga a kil sira lo ṭhuve mai mai kanih hi, nizan mut hmuna kan ngaih tuah thut khan Ṭo Thla kan chuang kai tawh tih kan hrechhuak thut a nia, Lal fingleh belhtlak kan nei che hi kei ni i khualehtui te hian kan chhuangin kan ngaihlu khawp che a sin an tive a, chumi zanchu Lal in chhungah chuan Lal Thangluaia leh a khawnbawl te chuan hun nuam tak hmangin, zanrei lamah chuan mutur in mahni in lam ṭheuh pan in an ṭindarh ta hlawm a
.
Khuanun hunleh nite a kal dantur a lo duanlawk ang thlap chuan chumi tuk pawh chuan khua var tur in khawchhak lam a ṭang chuan kawl chu a rawn eng leh ṭan dawn det det tawh a, khawvar Ar chu rawn khuang chiah chiah in, chhim lam Arpa khuang leh, Hmar lam Arpa khuangte chu an in chhawn zut mai a, hmuamda awm vel hun an kal leh tih chuan khawchhak lam a ṭanga Ni rawn chhuah tum chuan kawlkil chu a rawn chhun eng ṭan det det tawh a, pi tar pu tar tho hmadeuh te chuan thawhzai relin Mei nun tum chuan Tapchhak lam an pan hlawm a, reilo te ah chuan kawlpawh rawn eng ṭan in khaw var Ar khuangte chuan naupang mutui laite chu rawn kaitho in mahni in chhung ah chuan an rita laih laih hlawm a, nu leh pa te pawh rawntho chhuak ṭan hlawm in chhun lama an hnathawh tur te rilru a hre reng chung chuan an rawn in phih harh mawlh mawlh hlawm a
.
Nula te pawh in an tihtur hria in an zingtho an in phih harh hnu chuan an tihtur ah chuan ti rawh ti a in hrilh nawn ngailo chuan, Rap chunga Buh hak chu chawithla in Sum hmunlam chu an pan nghal a, Ni chu la rawn chhuak chiah lo mahse khua a en vek tawh a vangin Nula Buh deng thawmchu vengtin ah chuan a ri dup dup hlawm a, Save te pawh in zing khawvar chu lawm in dai hnai te te ah chuan hram in, Thing sang pui pui lerah te chuan chiar nak nak in hlimtak chuan an rive chel chul mai a, naupang te pawh tual lai ah te chuan rawn chhuak in hlimtak chuan an ṭhiante nena in fiamin an ri chel chul mai a, tlema u deuhte chuan daihnaia an Thangkam te en tur chuan in siamin Kherhpui nen chuan an in ak chhuak ve mek bawk a, Hmeichhe tleirawl rualte pawh in Tuikhur lam pana Tuium khirh phurin, zing Tui fim hmasa ka changlo ang tih hlau in an tlan sawk sawk mai a, he tia mitin deuhthaw an buailai hian veng mawng lama patung pakhat, Satkhama fapa kum sawm pathum velbawr pawh in an chulram kawng kama a Sakhi Thang a kam chu en tur in a in puah chah ve mek a
.
Satkhama chuan a fapa hnen ah chuan, Saitawn rawn hlawhtlin ngei tumla, i rawn hlawhtling talo a nih leh chulrama Bawkbawn leh Samṭawk te kha rawn en hawla, i hlawhtling ta hlauh a nihngai chuan chulram chu kalkher pawh a ngailo ang an ti a, a fapa pawh chuan a pa thusawi chu hre ran in, kapa i sawiang chuan ka rawnti dawn nia, ka hlawhtling lo a nih chuan kan chulram mawnga kawrte ah khan Chakai khawrhte ka duh a, ka rawnhaw hardeuh ang ti in Saitawna chuan a chhungte chu chah in, Bapui chhum chu chhun chaw a tan tiin ak in chulram lam pan tur chuan a chhuak ta nghal a, la naupang hle mahse Saitawna hi a ramva chal dawn khawp mai a, Beai leh Sahdal thangte kamṭhin in awh pawh a awk thei khawp mai a, Satkhama te chhungkua hian a fapa Saitawna chawhmeh lak hi ei pawh an ei hnem tawh khawp mai, Sakhi te hi chu la awk chiahlo mahse Sakhi ai a te deuhte hi chu a awk fo tawh a, Thangkam ramvah te hi nuam a ti em em ṭhin a ni, kawlah chuan Ni chu rawn chhuak in chu khua, Thangluaia khua chu zing Ni chhuak eng mawi tak mai chuan a rawn chhun eng no nghulh mai a, chu khua a chengte pawh chu an hlimin mahni tihtur ah chuan tumah in tirh ngailo in an ti sang sang mai a, mahse chu khuachu hlimtlang in in lungrual viau mahse khuanu relchhiat chu an pumpelh thei chuang bik lo a ni
.
Ni chu rawn sangzel in tuk ṭhuan ei pawh a hunchho dawnhnai tawh a, he tihlai hian daihnai deuha Thangkam te pawh rawn haw ṭantawh in, ṭhenkhat chuan Sakhi tuai an rawn pawhaw nawlh nawlh mai a, ṭhenkhat in Sakuh rawn ak haw an awm bawk, Sanghal tuaideuh rawn zawn haw nawlh nawlh pawh hmuhtur an awm a, chutia hlimtak leh lawm taka mahni in lam an pan laih laih lai chuan khawthlang lam hlatak kawlkil ah chuan Chhum dum hi tuk dang anglo tak maihian hmuh tur a awm a, tuk ṭhuan ei a hun chuan khuachu reh deuh ṭhap in, chhung tin te chuan tuk ṭhuan an ei hlawm a, khua pawh tuk ṭhuan ei lai chuan a reh khawp mai, Thangluaia pawh in tuk ṭhuan chu puar taka ei in a Leihkapui ah chuan tuk ṭhuan ei kham chuan an chuang chhuak a, khawthlang lam an thlirnak chuan a tira chhumdum te reuhte kha rawn in zarpharh in, van boruak sangtak ah chuan khawchhak lampan chuan a rawn inzial chhu mup mup mai a, a rilru chuan ka ṭhianpa Lianpuia khan a sawidik chiah anih hi, Ṭo thawk rampalai lenga tawrh ngawtchu a tihchi loh a ni ti rilru chunga in chhungah chuan lut in a nupui Sangtei hnenah chuan, thilrep phote i nei em? i neih chuan seng rawh Ṭo a rawn thawk dawna in sengfel a ngai e an ti a, Sangtei chuan engmah pho chhuah ka neilo tiin an pa chu a lo chhanga
.
Sangluaia te unau pawh in chumi ni chuan an khawral ngawpui dumdur mai, Khuavang chawi Tlang an tih lama ram chhuah tumin an lo in ruahman a, mahse Thangluaia chuan a fapa te pahnih hnen ah chuan, Satbul Sangluaia nen khan lo hnaiteh u khai an ti a, Satbula te unau pawh a pa koh ang chuan a bulah chuan an ṭhuphei nghal a, Thangluaia chuan a fate hnen ah chuan, hei vawi in chu kan khua hian a zirloh hmel khawp mai a, in ram chhuah tumhi ṭhulh mairawh u, tuk kinzing ka thawh a ṭang khan ka rilru a nuamlo riau rengmai a, kan khawtlang hian enge kan tawh dawnchu ka sawithei hauh lo, mahse eng thil emaw min mawlhtu liantak a awm a ni, tin hei Chhum rawn awmdan a ṭang hian Ṭo rawn thawh a tum ni in ka hria a, vawi in hi chuan chhuak lo mairawh u khai an ti a, Satbula chuan kapa rem i tihloh te chuan kan ramchhuah tur chu kan ṭhulh mai ang nge, nia hei khuate hi a nawm hmel loh khawp mai a, tawhsual tawh palh te pawh a hlauh awm e, kapa rem i tih loh chuan kan ṭhulh mai ang e tiin an chhang a, Sangluaia pawh in kapa i thu thu ni rawhse, ka ṭhiante pawh kan ṭhulh thu hi hrilh tur in kan hrilh nghal ang e, kawtchhuah a in nghah ah kan ti hlawmsi a, eng mah hrelo hian minlo nghak reng ang e ti in chhuah an tumnghal a, Thangluaia pawh in nia in hrilh hriat vat a ngai ang, Sangluai i ṭhiante chu va hrilh hlawm la, mahse hei Ṭo rawn thawk tur hian in te a nuai chhe theia, ṭanpui ngaite puivat thei tur in englai pawh in in ring reng ang che u an ti a, Sangluaia pawh in awle kapa tiin in chu a chhuah san ta nghal a
.
Sangluai'an pawn an chhuah chuan khua chu rawn thawh nat a tumhle a hriatna a nei a, a pa thusawi kha hrezui in, eng emaw min mawlhtu a awm a ni a tih kha hre rengin kan khua hian chhiatna kan hmachhawn dawn em ni ang? ti in a rilru chuan a in zawt nasa mai a, eng eng emaw ngaih tuah chunga kal a ni bawka a ṭhianpa in, Hrangmana te in chu karlo ah chuan a thleng nghal a, kawngka an luh chuan Hrangmana pawh chu lo awm in Sangluaia a lo hmuh chuan, e Sangluai lo lut rawh khai, hei rawnkal kalo tum deuha mahse i rawnkal tak ah chuan hei kan ramchhuah tumna khuahi ti hi a ni a, ṭhulh mai chi nge mawnle aw? kan ṭhian dangte hian e nge an ngaihdan ni ang aw? an ti a, Sangluaia chuan nia hei hansawi pawh thilnuam vak a nilo a, kapa in ṭhulh tur in minti a in lak ah pawh a in thlahrun awm duh khawp mai an ti a, Hrangmana chuan khaih khaih in thlahrun na tur a awmlo, nia kan Lal chuan a ti dik chiah a nih chu, tiang khua a chhuah luih hi chu a dik lo a ni, midang hrilh tur in kan chhuak maidawn em ni an ti a, Sangluaia pawh chuan nia kan ṭhiante danghi kan hrilh loh chuan minlo nghak palh ang e tiin an ṭhiante dang hrilhtur chuan an chhuak ta nghal a
.
Khua chu rawndur khuih khuih in Chhumdum chhah pui pui maichu a rawn inzial chho tup tup mai a, Thli te chu rawn thaw vuk vuk in Khawpui te chu a rawnri ta dur dur mai a, tuk ṭhuan ei kham bawrah chuan khua chu thimkhup in chhung tin te chuan an fate chu ko hawin an ri teng tung mai a, Thli te chu rawn na telh telh in Kawlte chu a phe eng ta zawr zawr mai a, zing Ni chhuak eng mawitak lawma khawhlim em em kha tunah chuan chhung tinte chu thehmeh ang hrimin an reh ṭhap tawh mai, Thli chu rawn na tulh tulh in in te chu a rawn chhem nghing ta sawk sawk mai a, naupang te chuan zahngai zahngai tiin an nu leh pa te bulah chuan an ṭhufar mai hlawm a, Ruah fang lian pui pui chu rawntla phuar phuar in Ṭek te chu a thlri ṭhuai ṭhuai mai a, Thli chuan in te chu a tlumai ang tih hlauh awm khawpa rawn chhem nghing sawk sawk in a na tulh tulh emaw tihtur chuan a tleh hum hum mai a, hun eng emaw chen Thli an tleh vuk vuk hnu chuan Ruah tla phuar phuar rengchu tam em em mai chuan a sur ta char char mai a, Ruah sur chuan hun reitak awh in chhun chawfak dawn ah chuan a tam zualpui chu a han ta a, Sangluaia chu a ṭhiante nen chuan in a ṭanga lo chhuak in, khawchhung ah chuan Thli tleh khan in tih chhiat a neih tak in ti in khaw chhung ah chuan an kal kual hlawm a, Thli kha na viau mahse in tak chu lenchhiat neilo in, veng mawng lama hmeithai pakhat in chu a chung a lo len hawk ṭhen a, Ruah te an hanfel chuan val upa te chuan ro han rel zung zung in, chu hmeithai in chung hawk chu Ni tlak hma a siamleh nghal ṭha a an hriat avang chuan Lal hnen thlen vat tur chuan val upa ṭhenkhat chuan Lal in lamchu an pan nghal a, Thangluaia pawh in val upa te rawtna chulo pawmpui in Tlangau chu tir chhuak nghalin ṭhalai rual te chu an au khawm nghal a
.
Nula Tlangval te chu rawn chhuak khawm nghalin val upa te chuan tih tur lo hrilh zung zung in, nula leh mipa ṭhenkhat chu Di sat tur chuan an chhuak nghal a, val upa ten nula leh Tlangval te hnena chumi khami chu tirawh an tih te chu tumah chuan tih hreh reng reng neilo in, mahni hma a tlachu tha tho em em chuan an ti theizel a, ramhnuaia kalngai pawh nise tumah chuan ka peihlo tih awmlo in val upa ten an tih tura an ruatsak chu ti theilo nih an duhlo zawk a ni, chu tiang mite ṭanpui ngai an awmlaia nula emaw, Tlangval emaw damṭhasi chhuak velo nihchu zahthlak tak a ni a, chu tiang mite ṭanpui ngai an awm laia chhuak velo te chu val upa te chuan an zilhṭhin a ni, zilh nihchu ṭhalai nihlai chuan a zahthlak hle a, khawchhung ah mite en dawng nihpawh an hlawh ṭhin a ni, nula Tlangval thatchhe deuhte chuan nupui pasal zawng kawng ah pawh mite iai an hlawh em em ṭhin a, nu leh pa ten monu thatchhe deuh emaw, makpa thatchhe deuh neih chu tuman an duh ngailo a ni, chutia val upa ten an tihtur ṭheuh an hrilh chuan ṭhenkhatin in chu lo singsa in an buai nghal char char mai a, karlo ah chuan Di sat ho pawh lo thleng leh nghalin chu hmeithai in chu Ni tlak felhma chuan an peihfel leh hman vek a ni, an han ṭindarh felmeuh chuan Ni pawh kawl kilah chuan tlak tum in a senrum tawh mai a, he tihlai hian vengmawng lama awmve tho Zamana fapa kum riatmi velchu a zing Thang en ala hawloh thu chu an sawiduh khawp mai a, Tlangval rualte chuan zawn nghalmai an han rawt thut thut a,mahse val upa te chuan lo khap in, Lal hnen ah engmah an la sawilo a, Lal thu chhuak a nih loh chuan khawtlanga zawn hantih pawh val upa te chuan rem an ti rihlo a ni
.
Ni an tlak fel meuh chuan Zamana te chhung kaw mang ang chuan khawtlang tihbuai hreh hle mahse Lal hnena an fapa chan chin chu thlen an rawt ta a, hreh tak chung chuan Zamana chuan Lak hnen ah chuan a fapa zing chhuak tun thlenga a la rawnkir loh thu chu a hrilhta a, Thangluaia chuan a khualehtui chuan eng emaw tawk dawna hriatna a neih kha hre chhuak zawk in, Zamana hnen ah chuan damthlarh mai hian, a ni maw naupang chu a va ngaihtuah awm ve aw, e nga tinge hmadeuh te khan minhrilh loh le, khatiang khawpa Ruahpui van awn sur hnuai ah khan i fapa chu ngaih tuahvat a ngai a nih chu ti in Tlangau chu a tir chhuak ta nghal a, Tlangau chuan veng hrang hrang ah chuan Zamana fapa zawn a ngaih thuchu au kualin, tunah Tlangval zawng zawng leh val upa rual zawng zawng Lal in lampana kal khawm nghaltur an ti a, val upa te leh Tlangval rualte chu lo in ringru sa an nih a vangin a hrehmasa a piang chu Lal in lampan chuan an tlan nghal a, val upa rualte leh Tlangval rualho an rawn thleng kim tih chuan Thangluaia chuan thil awm dan zawng zawng chu sawivek in a tawp khar nan, tun ang hun khirh ah hian a ni lawmni kan pi leh pute tlawmngaihna kha kan lan tir dawn? kan pa, kan nu, kan unau te, kan ṭhenawm ten ṭanpui an ngaihlai hian huaisen tak in ke kan pen chhuak ngam dawnlawm ni? he tlawmngaihna hi a ni lawmni kan pi leh pute lovawn nun reng ṭhin kha, Tlangval rualte u Zamana fapatan hian a sur a sa, a thim avar hnuai ah hian in ke in pen chhuak dawn lawm ni? an ti a, Tlangval rualte chuan an Lal zawhna chu chhang in, Lalpa keimah ka kal chhuak nghale ti in an au ṭhup ṭhup mai a
.
Hetih lai velhian hian khua chu a la lung awilo tih hriat tak maihian rawn thawleh tum in Khawpui chu a ri kal ruih ruih reng mai a, val upa ten kaldan tur te relin khua chu rawn thawk thut theireng a nih a vangin Meichher pawh tam tak siam phawt nise an hanti a, Ruah in dai a nan huh vek a vangin mahni in ṭheuh ah Meichher siamtur chuan an han hawleh rih a, an rawn chhuah khawmleh meuh chuan khuapawh hniam viau tawh in, Kawlchu a phe eng zawr zawr mai a, val upa zinga pakhat chuan Khawpui ri chu han ngai chang vang vang in a ṭhiante hnen ah chuan, in chik ve em Khawpuiri chu? Khawpuiri satliah a ni hauh lo mai, Rial rumri a ni a rik dan chu an ti a, mi dangte pawh chuan a ni khawp mai, kan khaw awmdan hian ngaih a ti ṭhalo khawp mai tiin an lo chhawn a, Lal in chhung ah pawh chuan Lal Thangluaia ngaih chu a ngam theilo a ni, Khawpuiri kal ruih ruih mai te chuan a ngaih ti ṭhalo in, chu Rial rum chuan ngaih tih ṭhat loh na liantak a neih tir a ni, val upa te kaih hruaina chuan Tlangval rualte chuan Zamana fapa zawngtur chuan Vangpui mual lamchu zanthim leh Ruah maltla fuap fuap karah chuan an panta a, Zamana fapa hi Vangpui mual lama Thang kam a nih a vangin chulam pan phawt maichu ṭhabera an hriat a vangin chulam chu zawngtur te chuan an panve rawih phawt a ni, hetih laivek hian Satkhama te in chhung ah chuan Satkhama nupui leh a fate chu rilru nuamlo rutak chuan an ṭhuran mai a, a nih na tak ah chuan Satkhama pawh hi a ngaih a ngam zan bik lo a ni, an fapa Saitawna Sakhi Thang en tura zing chhuak chu tun khawthim thleng pawha a la rawnkir bik loh a leh, chawhma lama Ṭo nasa taka a rawn thawh a vang khan ngaih ngam zan in Satkhama te chhung kuahi an awm bik lo ani, Zamana fapa chan chin an han hriatve phei kha chuan an rilru chu a nuamlo em em mai a, Satkhama nupui chuan Lal hnena hrilh ve mai duhviau mahse a Pasal ber in hrilh rihlo e, a rawn haw ve mai ang a tih tlat a vangin tu khaw hriatpui loh in rilru hreawm tak in an awm a ni
.
He mizan zan khua hian Tlangval rualte chuan Zamana fapa chu Vangpui mual leh a chheh velchu an dap a, mahse chuti maia hmuhtur a awmloh a vang chuan a tuk zing tuk ṭhuan ei hma deuh ah chuan val upa te chuan Vangpui ruanah chuan ro relṭha in, hei tun thlengin eng mah chan chin hriat tur leh hnuhma hmuh tur pawh a awmlo a ni a, eng mah ei tur ak chhuak lo kan ni deuh vek dawn a, chu vangin kan rilṭama kan chauh tak tak hma hian khawlama Chawfun khawn tura lamkal in tirh maihi a ṭha a ni tiin ro an rel a, khawlama Chawfun khawn tura kaltur chuan Tlangval sawmhnih rualvel thlang chhuak in chungho chuan khawlam chu anpanta nghal a, hetia Vangpui ruama an awm khawmlai tak Chawfun khawn turho an kal liamhnu, midang kaldarh leh hma hian an thlang ruam, an awmna a ṭanga finghnih awmvel ah chuan thawk lehkhat ah Keipui a rawn rumta hum hum mai a, Keipui rumchu Nghalchang thinrim hawk dawt dawt thawm chuan rawnzuive nghalbawk in Zamana fapa zawngtu te ho awm khawmna lam ah chuan thawm chu a rawn ri chho rum rum mai a, Keipui chu an thawm ah chuan Pakhat mai an nilo tihchu chiang tak chuan a hriat theih a, kawr ruam a ni bawka Keipui thawm leh Nghalchang thinrim thawm chu a ringin a khawk ṭhaduh rum rum khawp mai
.
Keipui chu an thawmah chuan pahnih chiang tak in an ni tihchu a hriat theih a, an awm khawmna lam chu rawn hnaih chho zelin, chung Tlangval rualho awmna thlang lawk kawi kawrte ruam ah chuan thawmchu a rawnri rum rum mai a, Tlangval rual leh val upa rualte chu zan ruahsur kara chhuak an nih a vanginn tumah Silai keng an awmlo a, Keipui pahnih leh Nghalchang te chu an rawn hnaih tawhem a vang chuan an thawmchu a ring rum rum khawp mai a, Tlangval ho zinga rawlthar deuhte phei chu hlauru tak chung chuan an hawitang deuh hrutawh maile, thlahtu a ṭanga a rochun mite ai a hriatna chak leh huaisen Sangluaia chuan chung Keipui leh Nghalchang thinrim ri rum rum karah chuan thawm danglam a hreta tlat maile, rang lutuka a iptepui a ṭanga a chempui chu phawrh chhuak nghalin a rawn zuang dawk chhuak zawk mai le, chung Keipui leh Nghalchang thinrim thawm karah chuan naupang hlau thlabar ṭap thawm a hria a ni, vawileh khat ah chuan naupang chu hlautih hriat tak maihian a rawn ṭe chhuak vak mai a, naupang rawnṭe rualhian Sangluaia pawh in thawm awmna lampan tum chuan ke a pen chhuah venghal a, mahse an zinga val upa chuan Sangluaia chu, Sangluai ti a rawn au ṭhawt in a hlauh awm lutuk an rawn ti a, mahse chu rawlthar chuan khulai ah khuan naupang hlauleh thlabar tak chuan chhantu ngai in min au a sin, khung Keipui leh Nghalchang a vang khuan ka tumhi ka ṭhulh tur a nilo, khulaia naupang mang ang thlabar khuan chhantu ngaia min auh lai hian keini hian khung Sakawlh a vang khuan kan hnungtawlh san ang maw? ni lul lo e tiin Z chu rawlthar Sangluaia chuan Keipui leh Nghalchang thinrim rik rum rum na lamchu a pan ta nghal a
.
.
DUHTAWK RIHPHAWT ANG U AW
REMCHAN VE LEH KAN CHHUN ZAWMLEH DAWN NIA
.
Hman hmawhlo in minlo nghak hram hram ṭhindawn nia
.
.
[Lalzirliana Tochhawng] [Champhai Tlangsam]

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)