................ PASALṬHA THANGLUAIA (213) ...............
.
.
Arin loh leh a beisei loh lu tuk maia ṭhawngtu a neih a vang in, nula pawm sawntum tu Tlangval chu a phuchiang kher mai, an val upa Chalthanga leh midangte chu an rawnlet leh emaw a ti hial hman a, mahse chu aw lo chhuahna lam an hawinak chuan a thawhuai mai a, a hmalawk ah chuan Chalthanga an val upa nilo in, a la hmuhngai miah loh rawlthar hmel an hmuchu, a thinlunga hlauhna awm te chu kiang huai huai hian chu Tlangval chuan a hrehial a ni, a beisei miahloh an hmuhtak ah chuan chu Tlangval chuan a hma a rawlthar dingchu ngamtak mai hian, nang naupang kha khawilam a mi nge i nih? helai hmun ah hian eng ti tura lokal nge i nih? tiin an zawt a, rawlthar chuan a mah thu zawt tu chu chiang taka en chung chuan, helai hmunhi hlatak a ṭanga rawnpan ka ni, Suakliana chuan Kaivela leh a fate run in, sal tam tak a man a, chung a salman te lakir leh tur chuan hmunhl tak a ṭanga lo kal ka ni tiin an chhang a
.
Chupa chuan a hma a ding rawlthar chu nuih pah chuan, Tlangval naupang chhia mai ila nih kha, Suakliana leh a Pasalṭha te kalh zawnga awm hlauh awm zia i hrelo em ni? i la relo ngei ang maw? Suakliana leh a Pasalṭha te kawngdal zawnga i awm chuan karlo ah an pawt sawmngei ang che, i lu kha la in kawtchhuah Bung kung ah khai in an nuih sawh ngei ang che, chu vangin Suakliana kawngdal zawnga awm chu thihna a ni, Tlangval i thiltih hi chiang tak in i ngaihtuah hmasalo a ni, tun ah hian kan hrilh teh ang che, rangtak in helaihmun a ṭang hian kirleh nal nal rawh an ti a, mahse chu rawlthar chuan a hma a ding thusawi chu hrelo ang mai hian, ka tih turhi ka hrechianga, tuman ka tihtur hi mindang theilo ang tiin hmalam chu an rawnpan nghal a, Suakliana Tlangval chuan, nang naupang i ṭawng huai salh salh hlemai, kei Suakliana Tlangval Kuhsata, ral hma a zam ngailo, i duh tak tak a nih chuan ka chemsen hi lodan hantum chhinta che tiin, Kuhsata chuan a chempui chu han phawrh chhuak in, Sangluaia lam ah chuan an penchhuak venghal a
.
Sangluaia pawh in a tihtur chu hria in, chu salho vengtu a tana an dahchu a that a nih loh chuan, a mihruai duhte chu a hruaikir theidawnlo tihchu chiang tak in a hria a ni, Kuhsata chuan thinrim tak mai hian, nang naupang hian ai a upa zahna chhete mah i neilo a ni maw? keimah hian ai a upa zahdan chu ka zirtir ang che tiin, Sangluaia lam ah chuan a chempui lek chhuak chung chuan an rawntlan a, chu takchu Sangluaia chuan rilru fim taka lo thlirkar in, Kuhsata chuan Sangluaia bul a rawnthleng dawnṭep tih ah chuan a chempui chu an lek sang a, Kuhsat'an Sangluaia chu sah tuma a chempui a vaidawn tih ah chuan, Sangluaia chu a dinglamsir ah chuan an herzueh a, Kuhsata chuan na taka a chempui chu rawnvai thawfua in, Sangluaia chu a rawn ṭhelhfua mai a, Sangluaia chuan chulai hmun ah chuan hun a ngah dawnlo tih hria in, Kuhsata rawnhawi lehtur tak maichu a bek veilam ah chuan Sangluaia chuan, na tak mai chuan an losat chawrh mai a, Kuhsata chu a her sawk mai a, a bek veilam kak duai a ṭang chuan thisen chu rawnchik chhuak nghal ṭhawt ṭhawt in, chulai hmun leichar ah chuan a tlusawp ta rup mai a
.
Sangluaia chuan rangtak chuan Chhingi lamchu pan nghal in, Chhingi chau mureng maichu duat taka pawm kang in, chulai hmun a ṭang chuan a kalna hnu ah chuan let leh hret in, chulai mual remlai ah chuan an mut tir a, midang te pawh chu Chhingi a dahna lam ah chuan dahvek in, he tia a buailai hian Lianpua'an Sangluaia um zuitura a tirh Tlangval pahnihte pawh in, Sangluaia awmna chu an rawnthleng vechiah a, Sangluaia chuan a ṭhiante pahnih hnen ah chuan, Chalthanga leh a naute khan helaia an salman an hnutchhiah tak te hi an rawnlam lehvat ka ring a, chu vangin nang ni chu rawn awm langsuh u, Silai nen khan lo biru ula, ka laka Silai hman tumtu te lak ah minlo vengdawn nia an ti a, Sangluaia ṭhiante pahnih chuan, Sangluai i rorel danchu i tan chuana hlauhawm dawn a ni, keini hi i bulah hian lo awmve mai ila a ṭha zawk dawnlo em ni? an hanti a, Sangluaia chuan ka bula awmtur chuan ka duh lutuk che u a lawm, mahse kan pathuma min hmuh chuan minzuam dawnlo a, keimah chauha min hmuh chuan Chalthanga leh a hote chuan minzuam hledawn a, chu takmai chu ka tanpawh a awlsam phah dawn a ni an ti a
.
Sangluaia ṭhiante pawh in an ṭhianpa thusawi danchu hrethiam in, hrehru tak chung chuan, ni e i tih dan dan ni rawhse, i duh ang chuan keini chu kanlo biru ang a, i duh dan ang ngei in chet lak kan tum ang e an hanti a, Sangluaia chuan bihruk na tur hmunrem laite chu kawh hmuh in, a ṭhiante bul ah chuan, ngun tak in lo en ula, ka laka Silai hman tum an awm a nih chuan, sawi nawn ngailo in inrawn thalṭhuai mai dawn nia tiin, Chalthanga te ho rawnkalna turlam ah chuan a kal lehta a, Sangluaia chuan a rin ang ngei chuan Chalthanga leh Tlangval sawm dawnlai maichu, an salman te lak tum chuan an rawn langta ngei mai le, Chalthanga leh a nauten an salman an hnutchhiah na an rawnthlen chuan, tumah hmuhtur an rawn neitalo chu Chalthanga leh a naute chu an hawihai khawp mai, Kuhsata thi, thisen nen a in chianpiah nuaih mai an han hmuh phei chuan, an thinchu a rim em em mai a
.
Chalthanga chuan thinrim tak chung chuan a hmalam chu an en phei a, an hmalawk an kalnatur ah chuan an mahni hnung chhawn zawng mihring lo dinghi a va hmuta a, Chalthanga chuan thinrim tak chung hian, khalaia dingkha tunge i nih? helamhi lo hawila tunge i hming hansawi teh tiin an au a, rawlthar chuan Chalthanga te lamchu hawi in, fiah kak mai hian, enge in duha? enga tan nge mintih? an ti a, Chalthanga chuan, helai hmun ah hian kan salman sawmrual zet kan hnutchhiah a, chung mite vengtur chuan hei Kuhsata hi kan hnutchhiah bawk a ni, a ni hi hei thi in kan rawnhmu a, tin khang kan salman te kha helai hmun ah hian hmuhtur an awm tawhlo a, chu vangin heng thilthleng zawng zawng hi a chhan helaia i awm a vang hian i hretur a ni an ti a, Sangluaia chuan, helai hmun ah hian rawnkal chhan ka nei a, helai hmuna ka rawnkalna chhan chu, Suakliana val upa Chalthanga salmante hruaikir leh tura rawnkal ka ni, ka tihturhi khirh viau mahse hlawhchham ka tumlo a ni an ti a
.
Chu ṭawngkam chuan Chalthanga leh a naute thinlung chu a kheita zarmai le, val upa Chalthanga chuan thinrim tak mai hian, nang naupang hi tunge i nih? ka thiltih ah hian ilo in rawlhve a maw? he thila in rawlh vetur hian khawilam a ṭanga lo kalnge i nih? ka thusawihi ṭha taka minchhan loh chuan tuna i din na hmun ah khan ka thatnghal ang che tiin an vau nghal a, rawlthar chu a hmelmate hmachhawn zawng taka dingrem in, he thil ah hian thuk tak in ka in rawlhve a ni, pawi sawilo nu nau tam tak that a, pitar putar te dimna nei miahlo a an nun na lak sak tu te hi ka hmelma lianber an ni an ti a, Chalthanga chuan i ṭawng tam mah mah a ni, nang anga naupang chaltlai hi kala hmulo a ni, tunge i nih chu i sawiduh lo a ni maithei e, mahse ka hma ah hian tunge i nih chu i inzep reithei ngut ang maw? a tawp nan kan zawt leh teh ang che, khawnge helai hmuna hmeichhe ho zawng zawng kha? ka salmante an ni a, khangho kha ilo kir tir a nih vaih chuan i nun na khan i rulhngei a ngai ang an ti a
.
He tihlai hian Chalthanga te hnunglam a ṭang chuan Tlangval upa lamdeuh pahnih hi rawnlang hlawl in pakhat chuan, u Chalthang enge buaina kan neita em ni? in va rei em em ve tihpah chuan Chalthanga te hmalam chu an pahnih chuan an hanthlir a, Chalthanga te hmalawka rawlthar ding chuan an mit chu hmundang hawithei lek lo chuan a lata nghal in, pakhat chuan a ṭhianteho hriat tawk lek chuan, heichu Sangluaia a ni an tisap mai a, chu ṭawngkam chuan Chalthanga leh a naute thinlung chu a barakhaih chiang khawp mai, mak tih hmeltak mai hian an hmalawka rawlthar dingchu thlirṭhap in, Chalthanga chuan, Kaihnun i thilsawi kha i chiang chiah a maw? an ti a, Kaihnuna chuan, u Chalthang ka kut zungchal ka hriatchian ang hian ka hrechiang a ni, he rawlthar hi in hmuh ang hian, rawlthar naran mai mai a nilo tih hi in hmuthiam lo em ni, he rawlthar hi khawthlang lam Lal ropui tak Thangluaia fapa, a pang zawk Sangluaia a nih hi an ti a
.
Chu veleh Chalthanga chuan, Tlangval i awmna a ṭangkhan tawlhkir ang che, Lal Thangluaia te nen hian buaina neih kan duhlo a, tin Lal fapa i nih ang in i chung ah hian zah ngaihna kan lantir ang a, helai hmun a ṭang hian tawlhkir rawh khai an ti a, Sangluaia pawh in, buaina in duhloh ang bawk hian in mirun te pawh khan buaina an duhlo a sin, mahse khang mite chinga in chetdan zawng zawng te kha han chhui kir teh u, khang nu naute leh, pitar putar in thah kha duhtawk lo in, mi tam tak sal a tan in hruai lehnghal a, khangmi sal a tana in hruai zawng zawng te kha hruaikir lehtura rawnkal ka ni, khang mite kha ka hruai kir thei dawnlo a nih chuan helai hmunhi ka tawlh liamsan dawnlo a, hei ai a thuihi ka rawnlut ngei ang an tive ngat mai a, Kaihnuna chuan val upa Chalthanga hnen ah chuan, u Chalthang he thilah hian kei mahni ngawt chuan thu tlukna kansiam theilo ang, kan Lal hnen kan thlenvat tur a ni ang tiin thurawn an pe a, mahse Chalthanga chapona rilru lo chhuak chuan, Suakliana val upa kani a, a tan sal tam tak ka man in ka hruai a, ka thiltih zawng zawng kha holam taka liamtir mai mai ka phalhlei nem, chu vangin helai hmun a ṭanghian ka salman te kha ka hruaihaw ngeitur a ni an ti a, Kaihnuna rawn kalpui, a ṭhianpa Satliana chuan, u Chalthang Kaihnuna sawikha a dik a ni, vawiin ah hian kan buailoh na tur ah buaina kan tawk thei a ni, chu vangin tuna kan thuleh hlate hi kan Lal kan hrilh ngeitur a ni an rawnti ve a
.
Mahse Chalthanga chuan a Lal tana a thiltih zawng zawng, chu ti maia thawk lehkhata eng mahlo maia an changmai turchu ngai ngamlo in, Lal duhsak na a dawn tur zawng zawng te dawnglo a, an khualehtui chhunga mipuite hmuhlaia Lal duhsak na leh, chawi mawina a dawn tur zawng zawng te dawng dawnlo anga an ngaih tuah chuan, Chalthanga rilrua chapona liantak awm chuan a thinlung chu rawnti sak in, Satlian Kaihnuna nen khan ngawi rawh u, ka thiltih zawng zawng kha kan Lal tana ti vek ka ni a, eng vangmah in ka salmante kha ka chhuahkir leh theilo a ni, chu vangin Tlangval nang pawh helai hmun a ṭang hian mintawlh kir san rawh, anih loh chuan Thangluaia fapa pawh nila i luhi kala duhmai ang an ti a, Satliana bawk chu rawn in rawlh leh in, u Chalthang nguntak in ngaihtuah chiang rawh, vawiin ah hian Sangluaia hi i lo that theipawh a ni thei e, mahse Thangluaia chuan a fapa chu Suakliana ten an that a ni tih a hriat hun hun ah chuan, khawchhak lamhi a Pasalṭha rualte nen chuan an rawnpan tawhngei dawn a, chung Pasalṭha huaisen leh ralrel thiam tak tak te lo dangtur chuan harsatna nasa tak kan tawk dawn a ni, Thangluaia ralchu lo dang zolo ta i la, i khualehtui, i nupui fanau te hlimtaka an khawsak na tluchhe tur chu i ngai ngam dawn em ni? chutih hun ah chuan vawiin a i thiltih hi inchhir tak in i hrechhuak vawng vawng a nga, mahse Sebo hnua Se kawngkhar chuan awmzia a neitawh dawnlo silo, chu vangin tun ah hian nguntak in i in ngaihtuah a ngai a ni an ti a
.
Chu tianga an hantih chuan Chalthanga rilru chu hneh a hnek in, a ti khuah tawlh tawlh mai a, Chalthanga chuan a naute pahnih hnen ah chuan, a tawk tawh e, kei Chalthanga, Suakliana val upa hian thu tlukna ka siamtawh chu ka sawh sawn tawhlo ang, eng vangmah in he rawlthar lak ah hian Chalthanga hi a tlawmlo ang an ti a, Sangluaia lamchu hawileh in, nangpawh khan hre rawh, ka naute i laka an rilru nem ang kha kani velo a nia aw, tuna i awmna hmun a ṭang khan tawlhkir rawh, a nih loh chuan helaihmun ah ngei hian ilu kha kala ngei ang an ti leh a, mahse a hmalawka rawlthar ding chuan tawlhsawn san chu a tumhmel loh khawp mai, rawlthar chuan Chalthanga chu en vang vang in, kapa rualchu i ni e, mahse vawiin ah hian i salman zawng zawng te hruailet leh tura rawnthawk chhuak kanih a vangin, kut ruak ngawt chuan ka kirleh theilo a ni, chu vangin helaihmun a ṭang hian kut ruak chuan ka tawlh let theilo ang, in salmante chu ṭhatak in ka kut ah hian rawnhlan ula, kan karthu chu helaihmun ah hiana tawpnghal ang an tive a
.
Chalthanga thinrim chuan Sangluaia chu rawnmelh in, naupang tufa pawh ni rawh, Thangluaia fapa pawh ni rawh, helai hmun ah hian i tih loh tawptur i rawnti a ni tihpah chuan a chempui chu a rawnlek chhuak ta a, Sangluaia lam ah chuan rang taka dawkphei nghalin, a chempui chuan Sangluaia chu sah hlumngei tum chuan an vaithlawk pawp mai a, mahse Chalthanga chuan a hma a rawlthar chu a hlauhawm zialeh, ral hmachhawn a thiamzia chu a hrechiang lo a ni, Chalthang'an Sangluaia lama chempui nen rang tak maia a rawn dawkphei zawk maichu ngun taka lo en kalin, Sangluaia pawh in a veilama herzawk pah chuan a chempui ah laichu an phawrh venghal a, Chalthanga chempui chuan Sangluaia chu rawnṭhelh thuak in, a rawnher remleh hmachiah chuan Sangluaia chuan, natak mai chuan Chalthanga tukhum dinglam hret ah chuan an sah sak chawrh mai a, Chalthanga chu awp nghalrawp in, lei ah chuan a tlubawk thlawrh mai a, in ti pachang tak in thawhleh hram hantum mahse Chalthanga chu thochhuak tur reng a awmta lo, he tihlai tak mai hian Lianpuia te pawh Thangluaia te nen chuan Sangluaia te in beihna hmunchu an rawn thlengve chiah maibawk a, Satliana leh Kaihnuna chuan chulai hmuna an mahni Tlangval te hnen ah chuan, tun ah chuan tih theih engmah kan neitawh lo, a rangthei ang bera khawlam panvat kan ngai a ni tiin, khawlam pan chuan an tlanta nghal a
.
Suakliana pawh a khawnbawl sawm chuang zet te nen chuan a in chhung ah chuan ti ti ham ham in, ram mu a an chhuahna hmuna an hlawhtlin na chu hlim taka lawm in, an nui ham ham mai hlawm a, sal leh hmei an ngah dantur te chu sawiho in an hlimtlang hle a ni, he tihlai hian Suakliana chuan Lal Kaikhama nupui chu Lal nupui a nih na ang in, tlanlet a phalsak tur thuchu a khawnbawlte hma ah chuan a sawi lang lang mai a, mahse miṭhenkhat te ka a ṭanga a hriatdan in, Kaikhama fanu chu hmelṭha tak mai a awm a, chu nula chu a val upa Chalthanga chuan a rawn mantel thute chu hreve vek in, Suakliana hian chu nula chu a nghah ber ni in, hmuh pawh a chak tawh hle a ni, Suakliana hian hmei tam tak a nei a, a hmeite zinga a duh tawh loh chu midang, a khualehtui chhunga mite hnen ah sal a tan a pe chhawng leh ṭhin a ni, he tiang reng reng a Suakliana leh a khawnbawlte hi khawsa ṭhin an nih a vangin, tuna hmeichhe tam tak an rawn manpawh hi Suakliana leh a khawnbawlte chu an hlimin an lawmhle a, sal leh hmeih neih uar khua an nih a vangin Lal leh Lal mualkil te chu an val upa Chalthanga chung ah chuan an lawmhle a ni
.
Mahse Suakliana leh a khawnbawlte hian sal leh hmei lam ringawt an ngaihtuah a vang in, an chunga chhiatna lo thlengthei thil awm chu an ngaihtuah tel lo a ni, chu khuachu hlimtlang in lawmtlang hle mahse lung ngaihna chhum chhahtak mai chuan chu khawchung ah chuan thla rawnzar in, thihna leh mang an na nasa tak mai chuan a pan maksi a, Suakliana leh a khualehtui te chuan, an Pasalṭha te ram mu hlawhtling taka rawn kirleh te chu lawm in, lo hlimpui viau mahse an hriat loh lehlam a ṭang chuan thihna rapthlak tak mai chuan a rawnpan maksi a, chu lung ngaihna chhum rawn in zarpharh mek chu tumah reng chuan hrelo chuan, chu khawtlang chu an Pasalṭha te hlawhtlin na ah chuan an hlim in, tumai pawh chu Khiang Thing rahtla keh ang mai chuan an khisang vek mai a ni, Suakliana leh a khawnbawlte pawh Lal in chhung seiraih mai ah chuan ṭhukhawm laih in, an ti ti pawh an hlimtlang in, an ṭawng lang lang maihlawm a, khawnbawlmin Saikhama chuan ring leng lawng tak mai hian, kan Lal Suakliana hi a ropui in, Lal dangte nen chuan tehkhin chi rual a nilo e, a khualehtui chhunga Pasalṭha te leh, Tlangval rual ralhrat tak tak te hi Lal Suakliana hmelmate tan chuan ṭahna tham an tlingsi a, Van hnuai Lal hei zawng zawng zing ah hian, kan Lal Suakliana ang renga Lal ṭha leh khualehtui hmangaihtu Lal hi awmve tak maw? tiin a chapo puihle mai a
.
Ni pawh in tlak lamhnaih tawh in a dulruih tawh mai a, Suakliana in chhung ah chuan hlimtak maia an ti ti laih laih lai chuan, khaw kawtchhuah lam ah thung chuan Tlangval pahnih hi khawchhung lampan chuan hman hmawh em em mai hian an rawntlan hlawk hlawk mai a, chu tiang tak maia hman hmawhchu khaw mipui te pawh chuan, thil fello a awm a nih ringin, chung Tlangval pahnih Lal in lampan mek te chu an rawnzui hum hum mai a, chung Tlangval pahnihte chuan Lal in chu chuangkai nghalin, hman hmawh tak mai hian in chhung ah chuan a lut ta nghal a, khawnbawlmin Saikhama chuan chung Tlangval pahnih te chu lo chiau au vat in, Satkhama hnen ah chuan, Satkham eng thilnge nita in va hman hmawh hmel vele? thildik lo a awmta em ni? tiin an zawt a, Satkhama chuan kapu ni e hei thu hman hmawhthlak tak leh, thu dengkhawng tak mai kan rawnkeng a ni an ti a, Suakliana chuan, Satkham chu eng thuber mawni a? hansawita che u, engmah peh hello khan han sawiteh u khai an ti a, Satkhama chuan aw han then kharh kharh pah chuan, kapu vawiin ah hian kan hmelma ten min rawnpan mek a, Thangluaia leh a Pasalṭha rualte chuan kan khawdai maihi an rawn thleng tawh a ni an tih chuan, Lal Suakliana leh a khawnbawl hote chu an ṭhuthmun a ṭang chuan an rawnding suau mai a
.
Khawnbawlmin Saikhama chuan, Satkham fiamthu i rawh thawhnge? min rawn rumṭhaih i tum zawk? an ti changfak mai a, Satkhama chuan kapu rawnfiam che u ka tumlo a, rawn rumṭhaih che u pawh ka tumlo, Thangluaia chuan Kaivela leh a fate kan run kha an lo hria a, sal tam tak kan man a vangin, chung kan salmante hruaikir leh tum chuan tun ah hian kan khawdai lawk ah sawn min rawnhnaih chilh tawh a ni an ti leh a, chu tahzet chuan Satkhama thusawi chu awiloh theih loh a ni ta, Suakliana chuan khawnge val upa Chalthanga hi? tiin an zawt a, Satkhama chuan kapu kan val upa Chalthanga chu Thangluaia fapa Sangluaia nen an thu a in hmulo a, kan val upa chu theihtawp in keini pawh hian kan khap a ni, Thangluaia leh a hote chuan kan salman te hi hruailet an duh a, chu tiang a nih chuan kei nin kan Lal hnenthlen ila in biakrem dan a awm ang kan ti a, mahse kan val upa Chalthanga chuan luh lul chhuah lui in, Sangluaia chu a hmachhawn ta a ni, an in hmachhawn na ah chuan a vanduai zawk ah ṭangin, a nun na chu a hloh ta a ni, chu tihlai tak chuan Thangluaia leh a Pasalṭha rualte pawh in chulai hmunchu rawnthleng vechiah in, keiniho chuan khawdai lam kan chuh a, keini hi kan Lal hnena thu thlentur in kan rawntlang ta a ni an ti a
.
Suakliana chuan khawnbawlmin Saikhama hnen ah chuan, Aithangi pa kan Tlangval te thusawi hi a tak tak a nih chuan eng tianga ro hanrel chinge mawni dawn le? Thangluaia chu kanlo dang dawng nge ni ang a? remna kanlo zawnpui maidawn an ti a, Saikhama chu a ngawi vang vang mai a, nakin deuh ah chuan, Lalpa Thangluaia leh a Pasalṭha rualte hi kan dangzo dawnlo a, chu vangin ṭha taka remna lo siampui maihi a ṭhazawk in ka hria a ni an ti a, Suakliana chuan a khawnbawlmin thurawn chu an ngaihtuah chiang vang vang a, a Pasalṭha rualten hah thikula an sual chhuah an salman te, chu timaia hanpek kirleh ngawt maichu a hreh hlemai a, Thangluaia a nih a vanga a khualehtui chhung ngeia a hnuaia kunchu a hreh in, Suakliana thinlung ah chuan tlawmhreh na liantak a awm a ni, a khawnbawlte hma ah chuan, Thangluaia a nih avang ringawt in kan hlausa dawnbik em ni? he kan khualehtui chhung ah ngeihian Lal dangchu remna kanlo zawnpui ang a maw? Lal tan chuan zaka kun ngawih ngawih na tham a nih hi, mahse ka khawnbawl ten ka rilru ang hi minput puive loh chuan keihi Thangluaia hma ah chuan ka kun hmasaber ang e, tlawmtura minduh phawt chuan Thangluaia hma ah chuan ka bawk ngei ang, mahse he khaw Lal hi Thangluaia hma ah chuan a tlawm dawnlo a, he khaw Lal khawnbawlte zawkhi a ni Thangluaia hma ah chuan tlawm zawk dawn ni, chu vangin keihi mindem theilo ang an ti hmiah mai a
.
Khawnbawlmin Saikhama chuan, Lalpa kan khualehtui chhunga buaina awmhi i duh loh ka rinvang zawk a ni e, chu tianga nangber in Thangluaia ral chu lo dan i duh a nihte chuan, keini i khawnbawlte hian i kaihza chu kanveng thei a lawm, Tlangaupa rang tak in au nghal la, Pasalṭha te leh Tlangval rual zawng zawng raldo tur in rawn chhuak khawm nghal rawhse, tin Satkham tun ah khan chhuak nghal ula, Tlangval sawmrual hruai in kal khan zawng zawng veng nghalvek rawh u khai, Thangluaia chu khua ah hian a rawnlut tur a nilo ang an ti a, Tlangaupa pawh rang taka tlanchhuak nghal in, Satkhama te ṭhiandun pawhchu rang tak chuan an chhuak ta nghal a, Tlangaupa chuan Pasalṭha te leh, Tlangval rualte chu an ralbeihna thuam nena, rang taka Lal tualzawl lampan tur chuan an au khawmta a, Suakliana khuate chuan ral an hnai a ni tih hria in, mitin maichu an buaita nuaih nuaih mai a, nu tam tak in an fate khawlai lengte chu au nghal in, rawlthar rualte leh, tleirawl rualte chuan mahni in lamchu an panta sung sung mai a, ṭhenkhat in ral an hnai e, ral an hnai e, mipa zawng zawng khaw chhantura rawn chhuah vek tur tiin an au lauh lauh bawk a, Suakliana khuachu an buai nuaih nuaih khawp mai, Pasalṭha te leh Tlangval rualte pawh an ral beihna hmanrua te rawnlek chhuak in, Lal tualzawl lamchu an rawnpan sung sung maibawk a, Tlangval ṭhenkhat te chu ralveng tura kalnghal in, chu khawluh khan lamchu an pan zung zung maibawk a, he tia an buai nuaih nuaih laihian Satkhama te ṭhiandun chuan an Lal thu tlukna siamchu pawi an tih thuchu sawive mek in, Kaihnuna chuan kan Lal khan Thangluaia hma a tlawmnih kha a hreh em a ni, Thangluaia te ang Lal ropui leh, Pasalṭha raldo thiam tam tak nei lodan tumchu a sawtlo khawp ang le, kan val upa minkai hruaitu ber Chalthanga lah kan chantawh si a, keichu Thangluaia hi thinrima lo dantum chi ah ka ngailo, ṭha taka lo dawn sawn a, remna losiampui tum hram hram hi a funthlak zawk in ka hria an ti a, Satkhama pawh chuan, ṭhianpa i ngaihdan chu ka ngaihdan chiah a ni e, Thangluaia lo dantum hian a mah kanti thinrim mai mai dawn a, kan tih thinrim chuan kan chunga thlenglo tur tam tak a thlenphah thei a ni, kan Lal khan Thangluaia hlauhawm zia hi a hrephalo a ni an ti a
.
Thangluaia te pawh Suakliana khawdai lawk ah chuan awm khawm hmurin, ṭhenkhat chuan Chalthanga sal mante chau tawh tak maichu , chaw leh tui te pe in an bawihsawm hlawm a, Sangluaia pawh in a tumber hlawh tlinga, Chhingi damtak maia an hmuleh chu a lawm em em mai a, Chhingi pawh rawnharh tawh in, dam taka chhanhim an ni tihte an han hriat chuan an lawm em em mai a, mahse Chhingi te chu lawmviau mahse an lawm a la kim tak tak lo a ni, Chalthanga te khan sal tamzawk chu khawchhung an luhpui hman a vangin, chung zingah chuan Chhingi nu, Lal Kaikhama nupui pawh a telve a ni, Sangluaia chuan Chhingi lamchu pan in, i ṭha em? tiin an zawt a, Chhingi pawh in a hmangaih bermai an hmuchu lawm em em in zawisap hian, ka ṭha e, engmah na ka neilo e, mahse kanu te hi khawnge an awmve tiin an zawt a, Sangluaia chuan Chhingi rilru turchu hrethiam in, lung ngai reng reng suh, i nu leh midangte chu damtak in an mahni mantu te lak a ṭang chuan kanla let em em ang an ti a, Chhingi thinlung pawh a lawm in, Sangluaia thusawi chuan a thlamuan hneh khawp mai, zak chung chung chuan Chhingi chuan Sangluaia chu an melh ralh ralh mai a, Sangluaia hriat tawk lek tur chuan, i thusawi chu ka ringtlat a nia, nangmah vang hian ka thinlung pawh hi a hlimkhawp mai, zawhtur che tam tak ka nei a sin, mahse tun ah chuan ni rihlo rawh se, tiin Sangluaia chu an melhpah hnap mai a, mipa tan chuan Chhingi hmelhlim tak mai han hmuh a, a mit meng mawitak maia an melh hnapmai chu tawrh har tak a ni ngei ang le, Sangluaia pawh chuan hankuah vawng vawng a, a hmangaih thu zawng zawng chu han hrilhvek maichu duh hle mahse, mitam tak karah chuan thiltih chi a nilo tih hria in, Chhingi mit meng mawitak en vawng vawng pah chuan, helai hmun ah hian minlo nghak reng dawn nia an tive sap a, Chhingi pawh chuan, kalo nghak reng ang che, fimkhur ang che aw, helai hmun ah hian dam taka i lo let loh lo a nih chuan, ka tan chuan damve renghi awm zia a awmlo ang a ti niah niah mai a, Sangluaia chuan Chhingi i tan hian ka rawnlet leh em em ang, i nu leh midangte hruai in ka rawnlet leh ngei ang tiin an in thlahta a
.
Thangluaia pawh in Chhingi lamchu rawnpan in, a ṭhat leh ṭhat loh thute chu an rawn zawt a, Chhing'in Thangluaia an hmuchu, mahni pa hmu ang maia a thinlung chu lawm in, a thiam ang tawk te te chuan Thangluaia hnen ah chuan lawmthu an sawi a, Thangluaia pawh in Chhingi chu hnen mawlh mawlh pah in, lung ngai reng reng suh aw, i nu pawh damtak in kanla kir em em ang, helai hmun ah hian kan val upa ṭhenkhat te nen hian minlo nghak ula, khawthim hmachuan kan rawnkir hmantawh kherlo ang, mahse helai hmun ah hian minlo nghak char char dawn nia tiin a kalsan ta a, khawnbawlmin Thawmvela chuan Pasalṭha te leh, Tlangval rualte hnen ah chuan fuihna thu tawite an sawi a, vawiin ah hian hnungtawlh mai mai tura helaihmun hi pan kan nilo, ṭanpui ngaite ṭanpui tura helaihmun hi thleng kan ni a, kan tihtur chu hrilh nawn ngailo in chiang tak in kan hriatvek kha, Lal ropui Thangluaia hi ralhma ah hian vawikhat mah a la tawlh ngailo a, vawiin ni ah hian kan Lal hnunghi zuive kanduh a nih chuan, kan Lal hi kan en tawntur a ni, a huaisen na te leh, ṭanpui ngaite ṭanpui tura a hnung tawlh ngailoh ang hian keini pawh hian, kan tihtur ah hian hnung tawlhmiah lo in kan Lal hnunghi kan zuitur a ni ang, ring leng lawng tak mai hian, vawiin ah hian kan Lal hnung zuitura pen chhuak ngamlo kan awm em? kan awm a nih chuan rawnpen chhuak ula, helai hmun ah hian minlo nghak dawn nia an ti a, mahse tumah chuan Thawmvela zawhna chu an rawn chhanglo a ni
.
Thawmvela bawk chuan, a nih leh vawiin ah hian kan Lal Thangluaia kaihza veng tura penchhuak ngam kan awm em le? chu zawhna chuan Pasalṭha te leh Tlangval rualte thinlung chu a cho phur nasa khawp mai, Lal leh an khualehtui tan chuan an nun na pawh hlandawn mahse an ngamzia lantir nan chuan, an kut dinglam chu sang tak ah chuan an rawnphar chhuak dual dual mai a, Thawmvela chuan tun ah hian Suakliana khuachu kan luh chhuah dawn a, kawnglak ah pawh minlo lambun thei a ni, fimkhur taka kalin hmunthum a ṭangin Suakliana khuachu kan lut ang, chhimlam a ṭangin Pasalṭha Denga hoten khua an rawnlut ang a, hmar lam a ṭang vethung in kan val upa Kapzinga hoten Suakliana khua chu an rawnlut dawn bawk a ni, kan Lal leh a hote chuan tuna kan awmna a ṭang hian Suakliana khuachu an lutve thung dawn a, khua kan luh hun ah hian nu naute leh pitar putar te, hmeichhia te chung ah kut kan lek tur a nilo a, mahse mintih nat an tum a nih chuan kanlo in vengtur a ni ang, heng ka sawite hian minthah tuma kan laka hmanrua an lo lek a nih chuan, kan theih ang ang in kan in thiarfihlim san ang a, mahse kan in thiarfihlim san senglo a nih chuan ral kan sawngbawl anga sawngbawl tur a ni ang, awle Denga hote leh, val upa Kapzinga ho turte tun ah in semdarh zung zung ila, khawthim hmangeia Suakliana khua chu kan luh hman a ngai a ni an ti a, ti chuan Pasalṭha rualte pawh hmunthum ah chuan in semdarh in, Tlangval te pawh hmunthum ah in semdarhve bawk in, Suakliana khawlam pan chuan an chhuak ta a
.
Sangluaia chu val upa Kapzinga ho ah chuan kalin, hmarlam a ṭang chuan Suakliana khua chu an panta a, Thangluaia leh a hote hian Suakliana khuahi an hnaihtawh a vangin, khawchhung lut tur hian reipawh kal a ngailo a, mahse an rin ang chiah chuan khawdai ah chuan Suakliana Tlangval ralvenga awmte chu an hmuta a, chung ralveng te chu pali lai an nih a vangin, chung miten thawm an chhuah lohna tur chuan hup thiam an ngaidawn a ni, Thangluaia chuan tihdantur a rilru chuan an dap vang vang mai a, na kin ah chuan Pasalṭha pahnih leh, Lianpuia leh Thawmvela te chu han ko chhuak in, ralveng ho awmna lamchu an panta a, heng ralveng hote hi pali lai an nih a vang hian, khawchhung lama an ṭhiante puntura tumah tlanchhuah tirloh chu a harsa dawna, mahse khawchhung lama chan chin hrilh hmanlo tura hupvek chu an tum a ni, ralveng hopawh rilru nuamlo rutak chung chuan an ralven na buk ah chuan an ṭhufar mai hlawm a, Thangluaia ralchu heng ralveng ho hian an hlauru ve vek a ni, tin Thangluaia te hian an rawn hnaihtawh tih an hriat a vang in ralveng nihpawh chu an hlauru khawp mai, an zinga pakhat chuan a ṭhiante hnen ah chuan, Thangluaia ralhi rawn lian tak tak nita se, kan Lal hian kanlo dan theih hi a ring reng reng a mawnle? a unau te lah punkhawm turin ni hnihthum laimai thang a ngai bawk si, keini maihi chuan kan danzawh ka ringlo a ni, mi tamtak sawi kan hretawh a, Thangluaia ralte chu dan an harzia leh, ralrel an thiamzia te tlangkam a ṭang in kan hretam tawh a, chung chu dahṭhata ila, Pasalṭha rual leh Tlangval rual a ngahzia pawh kan hretam a ni, a Pasalṭha te chu sawiloh, keini zawng zawng hian a Tlangval rualte pawh kanzat dawn a mawn le an ti a, chungho zinga a upa ber chuan a dik khawp mai, tun ṭuma kan Lal thutlukna siamhi a dik hleldeuh chu a ni tiin an lo tuihnih ve a, hetia an ti ti laihian an thlang lawk ah chuan putar chautak, khawlam rawnpan thawmchu an hreta a, ralvengho zinga a upa ber chuan, tu pu ngemaw ni dawnle aw? a thawm a ṭang chuan a chauhle a nih hmel, khawchhung lama haw vat vat tur in kan puihvat a ngai a nih khu, tiin a naute pahnih chu chu putar ṭanpui tur chuan a tir thlata a
.
Putar thawm awmna awmvel an zuk thlen chuan pakhat chuan, kapu khawnge i awm le, hei nangmah ṭanpui turche a lo kal kan nih hi an ti a, kawng a ṭanga hlamli awmvel kawngsir ah chuan putar chu a heiha dap dap mai a, chulam chu Tlangval pahnih chuan pan nghal in, putar awmna an va thleng dawntih ah chuan, hnimpik kar a ṭang chuan Pasalṭha thahrui ngah tak maite chuan an ka rawnhup thut in, chempui hriamtak maichuan an hrawk chu an rawnzai ta bawrh bawrh mai a, Suakliana Tlangval pahnihte tan chuan chet lak hman ngaihna a awmlo a, an ṭhiante au turpawh in an aw rawltak ngialpawh an chhuah hmanlo a ni, ralven buka Tlangval pahnih awmte chuan putar ṭanpui tura an ṭhiante pahnih kalchu an lo ngaichang vereng bawk a, an reideuh tak ah chuan pakhat chuan han au in, in va rei em em ve lo chho tawh rawh u an ti a, an ṭhiante pahnih kal liamna lam ringawt chu thlir in, an hnunglam a ṭang chuan an rinloh leh an beisei miahloh chuan, in ṭhiante khachu an rawnkir tawhlo ang, khulai hmun ah khan thah an nitawh e an rawnti thut mai a, chu mite pahnih chuan an hnunglam an han hawinak chuan, Silai cheng kausa pali ngawt mai chuan an lo tinreng mai a, chu mite tan chuan chet lak ngaihna a awm talo a ni, Thawmvela chuan tlanchhiat in tum a nihvaih chuan Silai muhi in taksa ah khan a lutngei ang, kah in duhlo a nih chuan helam ah hian ngawireng in rawnphei rawh u an ti a, a kawhmawr chang zawk tan chuan luh lul chhuahchi a nilo tihchu chiang taka hre ve ve in, Thawmvela sawi ang chuan chung mite pahnih chu an rawnphei ta nghal a, an hruihmul chhahsa chuan nghet taka phuwr nghalin, midang awmna lam ah chuan Pasalṭha pahnihte chuan an hruaita nghal a
.
Chulai kalkhan ah chuan Thangluaia leh a hote chu rang taka lutnghal in, kawtchhuah an vathlen hian Suakliana Tlangval rualte pawh an lo inring khawp mai, chulai hmun a ṭang chuan ral an rawnlut tih hre kherlo mahse, ralho chu englai pawha rawnlut theireng an nih a vangin, Suakliana Tlangval rualte chu ral hmachhawn rengthei tur chuan an lo in ralring a ni, Suakliana hote chuan Thangluaia te an rawnhmuh veleh chuan ring taka au in, ral an rawnlute ti in an au nghal chiam chiam mai a, Silai chu puak nghal ṭhuai ṭhuai in, Suakliana Tlangval zinga pali ngawt maichu an din na hmun ah chuan an let tawp tawp mai a, Thangluaia leh a naute chu rang taka tlandarh nghalin, Suakliana hote chuan kahpawh an rawnkap fuh hmanlo a ni, Suakliana Pasalṭha te leh Tlangval rualte chuan an Silai zen thunsa chu ren na chang hrelo in, Thangluaia te lamhawi zawnga kap ṭhuai ṭhuai in, tumah fuh tak tak nei silo chuan karlo ah chuan an Silai chu an kap ruak ta hlawm a, an Silai an kapruak tih velah chuan Thangluaia hote chu an bihruk na hmun a ṭang chuan rawnchhuak hlawm in, Suakliana hote chu an rawnthal ta tawp tawp mai a, Suakliana hote chu tlandarh chum chum in an au chel chul mai a, chu tak maichu Thangluaia te chuan umzui nghal in tam tak an that reng a, he tihlaivek hian chhimleh hmar a ṭang chuan Denga leh, val upa Kapzinga hote chuan Suakliana khua chu rawn luhchilh venghal in, Silai chu a puak ṭhuai ṭhuai in, Suakliana khua chu in dona tualah chuan a chang zota, hmuntin hmuntang ah chuan nu nau an ṭe chel chul mai a, Silai ri thawm zualpui chu rehtawh in, khawlai ah chuan thisen chu a luangta ngei nguai mai a, naupang hlau ṭapthawm chu hmuntin ah chuan ri chel chul in, khawlai ah chuan hliampui tuar Tlangvala pumpa rum vawng vawng thawmchu hmuntin ah chuan hriat tur a awm bawk a
.
Suakliana hote chuan ṭanlo khawhve viau mahse, Thangluaia leh a raldo thiam rualte chu lo dan ngaihna a awmlo a ni, Suakliana chuan an chan a chau tih an hriat chuan, a khawnbawlte hnen ah chuan, khaile helai hmunhi chhuahsan kan ngai e, a chan chau zawk ni chunga Thangluaia hmuh hi ka duhlo a ni, chu vangin tun ah hian kan relhru nghaltur a ni an ti a, ti chuan Suakliana leh a khawnbawlte chuan Thangluaia ral lo lianchu an tawlhbo santa a, khawlai ah chuan ruang chu a let pheng phung mai a, chung ruang karah chuan hliamna tak tak tuarte chu ṭanpui tu au in an letve pheng phung mai bawk a, Suakliana hote chu tamtak thi in, tam tak chu an tlanchhe bawk a, indo na an rehmeuh chuan khawlai velchu thisen thangrim chuan a chiah hnehngei mai, hmeichhe tam tak in an pasal te leh, an fate khawlaia bawihsawm tu neilo a let rengte chu rawn bawihsawm hlawm in, nu ṭhenkhat te chu chu indona hmuna an pasalthita te chu rawnṭah hawm hawm in, an theih ang ang chuan an pasalte ruang chu an han bawihsawm a, ṭhenkhat lah in Thangluaia ralchu la hlau in, an bihrukna hmun a ṭanga la rawnchhuak ngamlo te an awm bawk a, Suakliana khuachu an buai nuaih nuaih khawp mai, Thangluaia te chuan chulai hmun ah chuan reitak awmchi a nilo tih hria in, an salman an dahna chu khawlaia hmeichhe awmte hnen ah chuan an hanzawt a, ching hmeichhia te chuan hlau chung chung a an salman an dahna chu kawh hmuh in, Thangluaia leh a hote hnen ah chuan khawngaih dil in, sal a tana hruaivelo tur chuan khawngaih an handil a
.
Thangluaia leh a hote chuan chung hmeichhia te hnen ah chuan, tumah hi sal a tan kan hruai dawnlo che u a ni, in Lal hian a sal mante hi ṭhatak in minpe letmai niseng chuan, tuna kan buaina leh, tuna thihna thleng zawng zawng hi a thlenglo tur a nia, mahse in Lal chuan keini hi kanduh hre rengin minlo danglui a ni a, chu vangin he khua ah hian thisen a luanphah ta a nih hi an hanti a, Thangluaia te chuan Chalthanga salman ta an dahna an han hmuh chuan, rang taka an salman an khung khawmna kawngka chu hawng nghalin, chu in chhung ah chuan hmeichhia hlirmai chu an lo khung khawm ṭeuh mai a, Kaikhama nupui chuan Thangluaia an hmuh chuan lawm a vanga ṭapchung chuan an rawnpan hnai a, Thangluaia pawh in chung hmeichhe ho rilru turchu dawnpui in, tumah kha insum duh reng reng suh u, in lungte a chhia a nih chuan ṭap hawm hawm rawh u, helai hmun ah hian rei kan awm dawnlo a, nang mahni rawnla tura helai hmunhi rawnthleng kan ni a, in ṭhatlang em? tiin zawhna an pe a, Kaikhama nupui chuan, helai hmun thlengte chu kan ṭhatlang e, mahse kawng lak ah khan nula sawmrual velchu an chauh a vangin hnutchhiah an ni a, chung zing ah chuan ka fanu pawh a telve a ni an rawnti a, Thangluaia chuan helaia awmte in ṭhat tlanchuan midang chu ngaihtuah duh reng reng suh u, tun ah hian chung nula te chu kan val upa ten ṭhatak in an en kawlmek e an ti a, hmeichhe ho chuan Thangluaia ṭawngkam damthlarh mai an han hriat chuan, an rilru hah na te, an mang an na zawng zawng te chu lak kiansak ang veka an rilru hah na te chu kiang in, Thangluaia hnen ah chuan lawmthu an sawi mawlh mawlh maihlawm a, kawng laka an hnutchhiah tihloh ah chuan, hmeichhe zing ah hian nula sawmvel bawrlai awm in, pawmlai nei fa neitawh chu sawmthum chuang zet chulai in ah chuan an hnawh khawm a ni, Thangluaia chuan khaile helai hmuna awm rengthei kan nih loh a vangin kan kal chhuah a ngai a, kan ṭhiante awmna lam i panvat ang u khai tiin, Thangluaia hote zinga nun na chan pahnih chu Hlanga zawn in, khawdai lamchu an panta hlawm a
.
Chalthanga salman te zawng zawng chu a bo a bang awmlo a hruikir lehvek in, Thangluaia te chuan Kaikhama khua chu an hruaithleng lehta a, an mahni khua ngei an hanlut lehchu hlimin lawmviau mahse, tam tak tan chuan an lung ngaihna tizual tu leh, an ṭahna ti tamtu mai a nita si a, ṭhenkhat chuan chhungte tumah neilo in an hmeithai a ngaita a, rawlthar rualte leh, tleirawl rualte chuan an nu leh pa te chan in, chhungte belhtur pawh an nei mu mal ta silo, naupang ṭhenkhat te lah ralho in an chhungte an thahsak vek a vangin, chung naupang te chuan tumah en kawltu tur neilo leh, tuamlum tu turpawh neilo in, fahrah kan ni tihreng hrelo chuan an lumve nawk nawk maisi a, nu tamtak in an pasalte an chan a vangin chu khua ah chuan mipa puitling an tamlo hle a, chu khua Kaikhama khua te hmabak chu a thimhle a ni, Thangluaia chuan ral beihna hmuna nun na chanta Tlangval pahnihte chu, Tlangval ṭhenkhat te hnen ah chuan khawlam ah hawntir in, a tam zawk chu Kaikhama khua a la awm tur chuan an ti a, Kaikhama hian Tlangval leh val upa tamtak a chan a vangin, a khua ah hian mipa an tamlo hle a, Tlangval te pawh han chhiara sawmhnih rualvel chauh awm in, nupui neilai pawh chu tiangzat vel chauh chu mipa an awm bawk a, chu vangin Thangluaia chuan Kaikhama khua chu an luah khawptur in dinsak phawt a, chumi hnua khawlam pan chauh chu a ti a ni, Lal in turpawh a thar hlaka sa in, Zawlbuk turpawh a thar hlak in an sa bawk a, chung bak ah chuan chen na neilo te tana an sak tharchu sawm chuang zet neibawk in, Kaikhama khuate chuan luahtur in te an neive ta a, Lal Kaikhama chu sawiloh, chu khaw mipui te chu Thangluaia leh a hote chung ah chuan an lawm em em mai a, an chubga an thiltih sak chu an damchhung chuan an theih nghilh tawh dawnlo a ni
.
Kaikhama pawh a lawm thiam in, Thangluaia leh a hote lak ah chuan thinlung tak tak in a lawm a, a khualehtui khawram ni maitur kha Thangluaia vang liau liau a dinthar ni leh in, Thangluaia ten a khua an chhauhsan dawn zanpawh hian an ti ti nasa hlemai a, Kaikhama chuan ka chunga i thiltih hi kadam chhung hian ka rulseng dawnlo che a, mahse ma mawhna te minla neive ngai a nih chuan englai pawh in ka awm reng ang, tin ka fate hi ma mawhna te i neive a nih chuan engmah rawn sawihreh suh la, an tih theih zawngleh, an ṭangkai vena ah chuan nang mahni puive tur hian englai pawh in kan dingreng ang an ti a, Thangluaia pawh in Kaikhama hnen ah chuan, mihringte chu in ma mawh tawn reng a lawm kan nih, vawiin ah hian pui theiche in ka awm zawk pawh a ni maithei, na kin ah chuan keini pawh hian i puihna dilhian kanla rawnkal lo ang tih hi a sawi theih hleih nem, chu vangin lawmthu sawi a ngai reng reng lo, kan tihve theih tawk ah kan puive maiche a nih hi tiin mutur in an in mangṭha ta a, hemi tuk hian Thangluaia te chu zingtak ah chuan tho in, an khawlam pantur chuan chhuah an tum a, meichher eng nen chuan Kaikhama tualzawl ah chuan in nghak khawm in, he tia an in nghah khawmlai hian, Kaikhama leh a nupui fanau te pawh in, Thangluaia te chu thlahtur in tualzawl chu an rawnpan vemek bawk a, Kaikhama hian fapa pathum leh fanu pakhat nei in, Suakliana ten an rawn run ṭumkhan tumah an in hloh velo a, Zawlbuka Tlangval riak zawng zawng te pawh rawntho chhuak vek in, Lal tualzawl ah chuan an chhuak khawm hlawm a, Chhingi pawh a nu bulah chuan ding in, Sangluaia hawtur chu ui tak chung chuan a thlir ngawih ngawih mai a, an thinlung in pawh tawh tak maichu ṭhenhrana awmleh dawn in, an pahnih chuan in kalsan lehchu an hreh ngawih ngawih a ni, in duh em em in, in ngaitawn viau mahse mite hriatthiam loh tur chuan awm hram hram an tum a, mite mit hmuh ah chuan in ngaizawng anga lan loh hram hram chu an tum a ni, Sangluaia te chuan khuachu chhuahsan an ngaih tawh a vang chuan, in ngai in in thlahlel ngawih ngawih mahse, in thlir ru vawng vawng chung chuan an in ṭhenta a, Thangluaia te chu khawkar ah chuan zanhnih riak in, tlailam ah chuan khua chu an lut ta a
.
Thangluaia ten khua an luh a ṭanga ni ngana ah chuan, mikhual pakhat hi an nei nawlh mai a, chu an mikhual chu Thangluaia khua kaltlang tur ni in, mahse Thangluaia nu tana thuchah a ken a vangin Thangluaia khua ah hian a rawnpeng a ni, chupa chuan pi Satpuii hnen ah chuan, i pa unau te chu Nikawlha khua ah awm hmun an bengbel a, i patea fapa chu Nikawlha khawnbawlmin ni in, i la damthu hi a hria a, hmuhche a chak in rawnkal theih hi a duh hlemai a, mahse karte a hlat tham a vang leh, Nikawlha khua ah chuan eng kima Lal Nikawlha kut leh ke a nih a vangin a chhuak theilo a, kanhma kar lo awm tur ah hian i patea lung chu phun a tum a, tah chuan i hmel hmuhchu beisei ngamlo in, a tu te hmelchu hmuhve ngei a beisei a ni, he thuhi hrilh ngei ngei turche in min chah mawlh mawlh mai a, min chah ang ngei in hei i hnen ka rawnthleng a nih hi an ti a, mikhualpa in chu tiangthu an sawitak ah chuan pi Satpuii lungte chu a leng rum rum mai a, a patea fapa chu hmuhve a chak ngawih ngawih mai a, Satpuii hi a pa khan a boralsan hma em a vangin a pa unau te pawh hriat mu mal a neilo kha a ni a, tuna a patea fapa pawhchu vawikhat mah la hmulo in, hmuhve pawh a chak ngawih ngawih a ni, mahse Nikawlha khua chu a hlat em a vangin hmeichhe tan chuan kal mai mai nachi pawh a nilo a ni, mikhualpa pawh chuan ka hman hmawh khawp mai a, chu vangin eng pawh nise khuahi ka chhuahsan leh phawt mai ang e an ti a, tuk ṭhuan ei tur chuan hanchelh tumviau mahse, mikhualpa chu a hman hmawh em a vang in a kalta a, Thangluaia te pawh chuan tuk ṭhuanchu en nghal in, tuk ṭhuan an ei lai chuan Thangluaia chuan, kanu kha mikhualpa sawi ang khan Nikawlha khua ah chuan putea kanlo neireng a ni maw? vawikhat mah i sawingai silo a an ti a, Satpuii pawh chuan ka fapa a ni khawp mai, i pu te unau hi tumah kala hmulo a, tin i pu khan min boralsan hma em em mai a, chhialeh ṭha ka hriathma tak tak khan min boralsan a ni, chu vangin kapa te unau ho kha an awmna a hlanen tumah hriat ka neilo a, chu vang a ni i pu te unau chan chin hi ka sawi ngailoh ni, kanu khan a sawidan chuan i pa hian unau tumah a neilo a tiin min hriltawh a, mahse kapa a boral khan kanu khan kapa in unau te a neih thu kha min hrilh lehta a, mahse hmeithai mai kanlo nih tak ah chuan kapa unau te chu tumah kan tlawh theita lo a ni, kapa khan Tlanglo khua a rawnluh khan, khawi a ṭanga lo kalnge a nih kha a sawiduh miahlo a, kha vang khan kanu nen khan kapa chhung te kha zawn chhuah ngaihna a awmlo a ni
.
Mahse hei rinphak miahloh in kapa unau te chuan minlo hre reng mai a ni a, min rawn sawmna pawh hi thei ila chuan tih hlawhtlin sak theih ka duh khawp mai, mahse Nikawlha khuachu an sawidan in a hlatham em mai a, keini hmeichhe upa tawhlam tan chuan han kalve duh mah ila tih ngaihna a awmlo a nih hi an ti a, Sangluaia chuan kapi ka putea chu hmuhve ka van chak em, nang i kaltheih lo a nih chuan i kal ai ka hankal maidawn em ni ang? an lo ti a, Satpuii chuan a tupa chu en vat in, Sangluai rem i vahan hretak em, nia keichu kalchi ka ni tawhlo chu a nih hi, i putea te chu tuman kanla hmu silo a nang tal i hankal maidawn em ni ang le? i nu leh pa ten rem an tihphawt chuan nang hankal maita che an ti a, Sangluaia pawh in pute a te an nei tih an hriat thar chuan a rilru chu a phur hle mai a, a pa Thangluaia pawh in chu tianga putea an neih thu an hriat chuan a hlimve em em mai a, a fapa Sangluaia pawh chuan hanhmu vese a duhpui a ni, Sangluaia nu Sangtei pawh in a fate chuan pute a an nei tih an hriat chuan a nipawh a hlim khawp mai, a fapa in hmuh a chak pawh chu hrethiam em em in, kalpawh han kalin an putea chu hanhmu ngeise a duhpui a ni, Satpuii hnen ah chuan kanu ka faten chu tianga putea an nei a nih phawt chuan han tlawh chhuak ngei ngei rawhse, kei nin ka tlawh chhuah loh in upa tawhlam tan chuan in tlawh chhuah mai mai te a harsat hi an rawnti a, Sangluaia pawh a chhung ten Nikawlha khua ah chuan kal an phalsak a vang chuan lawm em em in, chu mini tuk ṭhuan en khama kalnghal maichu a tumta nghal a, Thangluaia pawh in a fapa hnen ah chuan mikhua a awm dantur te han hrilhnawn leh in, tuk ṭhuan ei kham ah chuan Sangluai chu, Nikawlha khua a a putea tlawhtur chuan a kal chhuak ta a
.
.
DUHTAWK RIHPHAWT ANG U AW
REMCHAN HUN AH KAN CHHUN ZAWMLEH DAWN NIA
.
Hman hmawhlo in minlo nghak hram hram ṭhindawn nia
.
.
[Lalzirliana Tochhawng] [Champhai Tlangsam]
Pasaltha Thangluaia By Mazira Tochhawng Mipa 1 - 237
................ PASALṬHA THANGLUAIA (214) ...............
.
.
Sangluaia kalchhuak ta chuan chhim chhaklam chu pan vang vang in, a kalna turhi a thui thamhle mai a, Tlangval chak vak deuhtan pawh nili lai kal a ni nghe nghe a ni, tin a vawikhat kalna tur a nih a vangin, Sangluaia tan chuan kawng an hrilhchawp chu zawnpah zel a ngaih dawn a vang in, kawng hresa ang maia kal zung zung theih a ni dawnlo a ni, tin a han kalna tur khua leh, chu khua a awm a putea chu han zawn chawpa, han hmelhriat chawptur a ni bawk nen, Sangluaia, rawlthar vemai tan chuan huphurh ru awm vetak chu a ni, chawhma ṭhak a kalhnu chuan, an mahni ramchin pawh peltawh in, chhim chhak zawng chuan a her hret hret zel a, Khawzau khua, Nikawlha Lal na khua hi, khawchhak lamtak nilo in, chhimlam her hreta awm a ni a, chhim han tihdawna khawchhak kawk hretbawksi a ni, tlangkam a ṭanga an hriatdan in, Khawzau khua hi an lian ang rengkhawp mai a, in ah pawh han in chhiar in, zathum chuang hret an ti a ni, tin Khawzau khuahi an hrisel tlangin, a chhunga mihring chengte pawh an liantlang khawp mai tih a ni a, nula Tlangval pawh, han chenbeh deuh tumah hmuhtur an awmlo an ti a ni, an sawidan zelah phei chuan, an Tui tlan a ṭha a, awrpuar reng reng tumah hmuhtur an awmlo an tilehzel a ni, mitam tak chuan Khawzau khaw hrisel danhi Thangluaia khua nen hian an tehkhin fo ṭhin a, mihring vantlang lendan ah pawh hian an tehkhin foṭhin a ni
.
Mahse Thangluaia te hian Khawzau khuahi chu hreve ṭhin mahse, Nikawlha khua ah hian an laina hnaite tumah an awm an hrengailo a, mahse an putea chuan thuleh hlate a rawn neihtak ah chuan, Nikawlha khua ah chuan laina hnaitak an neih thuhi an hreta chauh a ni, Sangluaia pawh in chhunlai te an rawn nihtak ah chuan, chhun chawfak tum in luite lam a panta a, a hmalawka kawrte pakhat chupan in, chu kawrte Tui chu a kut dinglam chuan han thalin, an in khawlh khawlh mai a, a duhtawk a in hnu ah chuan a taksa te chu hansildai sawng sawng in, reilote chu an ṭha hah dam a, chu mihnu ah chuan a chawfun te chu phawrh in, a nu in sarep sawh a funtir nen chuan chhun chawchu puartak chuan a ei ta a, chawte an fak kham chuan, kalna tur thuitak a neih hria in, muang chang lutuk lo chuan kalzai a rel lehta a, thuitak an kalleh hnu ah chuan, Sangluaia chuan a hriatngailoh ramchu a daive ṭanta, ngawpui chhah tak tak chhung ah chuan han hawikual in, chung ngawpui chhunga kawr khawk rawk tak tak karah te chuan, a Silai nen chuan vak kual theuh theuh in, Lungpui lian tak tak chung ah te chuan an perkai theuh theuh mai a, chu rawlthar chevel chu lo hmutu chu awm ngatseng zawng, mit khap lek lo in an thlirduh ngei ang le, a pian in khalthlizaih maite, a balbul liantap meileh, a kawng fekrat mai te, a dar pharh hlaidarh maite leh, a malpui vawnglah maite, a mit meng mawitak maite leh a hmelṭha tak maite nen chuan, kawrte kam khawkrawk tak tak kara, hnehsawh tak maia an vak kual theuh theuh chu hmuhnawm a tling a ni
.
Sangluaia chuan kawrte kamchu hrutchho zelin, chu rawlthar ral relthiam tak mai, Vahrit te leh, Ramar tlalai pawh man nalh nalh thei khawpa ngawpui chhunga thawmdim thiam chuan, tlai a lo nih chuan Kawrte kama Vahrit te leh, Ramar riak turte chu vehchho pah in, zanriah chawhmeh a tan tiin Vahrit pakhat riaktur chu an man a, chhak deuh kawrte kam remlai ah chuan riahbuk sual nghalin, zanriah turchu an buaipui nghal a, zanriah te an ei felmeuh chuan khuapawh thimtawh in, Leihrik te pawh an rawnhram ṭanta thliah thliah mai, meipui chu chhep eng hluah in, meipui eng karah chuan a mah chauha ṭhuin, eng eng emaw ngaihtuah chuan a rilru chu a vakthui khawp mai, kawngthui tak kaltur a lanih a vangin reitak pawh menglo in, chhun lama a kalchau vebawk nen mutzai chu a relta a, chu ngawpui chhung thim chhahtak karah chuan mahni chauha mu in, zan hramchi chi hrang hrang te chuan, chu rawlthar khawharna chu hriatthiam puive ni awm hlawmtak in, an thiamna leh an aw mawina te chu rawn chhuah hlawm in, zanthim chhah tak kar ah chuan an hram chiah chiah mai a, kang kang Sava pawh in a aw mawina te rawn chhuah in, Sangluaia buk bula kawrte mawnglam deuh ah chuan a hram lauh lauh mai a, Vabak hramte leh, Leihrik hramri te chuan Sangluaia chu rawn awi mutchhuak in, karlo ah chuan a mutchhuak chuan rawn zem chiai chiai in, tui tak chuan a muhilta bawrh bawrh mai a
.
Lal in seiraih mai ah chuan Lal Nikawlha leh a khawnbawlte chuan, an hmalawka an Lal mualkil, an upa Rokhara Lung tun tur chung chang chu sawiho in, an ti ti nak nak mai a, Nikawlha khawnbawlmin, Dohranga chuan a khawnbawl puite leh, an Lal Nikawlha hnen ah chuan, hei kapa Lung tun tur chung chang ah hian, khawtlang kan tibuai dawn hlemai a, a Lung tur chung chang ah pawh, kan tih theih bak bak hei minlak sak a, kan Lal leh, ka khawnbawl puite chung ah hian lawmthu kansawi a ni, nang ni theihtawp minchhuah puia, in rorelna hnuaia awmhi a nuam in, a thlamuan thlak hliah hliah a ni tiin an sawi a, Lal Nikawlha chu rawn inrawlh vat in, Dohrang in thlahrun a ngai hleinem mawle, ka khawnbawlmin i ni a, i pa lah kapa khawnbawlmin a ni a, i pa Lung chu a ṭha theiang ber kan tungtur a lawm, kan khualehtui ṭhanduan na chhanber pawh, kapa khawnbawlmin Rokhara vang a ni a, ipa hi kan khualehtui tan hian thaleh zung seng tamber ti ila kan daw awmlo e, chu vangin ipa hian chawimawina Lung lianṭha tak chu a phu hliah hliah a ni, chutih kar ah chuan, hei ka khawnbawlte hian an Beng te hi lo chhu ngawng deuhse, nanglah ka khualehtui tana ṭangkai tak i ni a, ipa ang bawkin he khualehtui tan hian i ṭangkai in, i tello chuan rorelna pawh kan kalpui hleitheilo chu a nihber hi, he khawtlang tan hian nangni pafa tluka ṭangkaihi an awm chuang ne maw? an ti a
.
Nikawlha khawnbawl dangte pawh in, an Lal thusawi chu a dik a ni tih hria in, a nikhawp mai pu Dohrang, kan Lal sawiang khan, kan khawtlang hian nangni ang rorel thiamleh, paṭha tak mai kan nei che u hi kan chhuang tak zet zet che u a, in rorelna hnuaia hetianga thlamuang taka kan khawsa thei hi, he khawtlang hian a chhuang tak zet zet che u a sin an rawnti hlawm a, Dohranga chuan, khaih khaih khaih, keini teh lul te chu tianga faktur kan ni hleinem mawle, rorel thiamtak Lal feltak kan nei a, a ni hnuai ah hian eng kimhi tluangvek zelin, a rorelna hnuaia khawtlang kan kunhi a nuam in, a hlimawm a ni an tive a, Nikawlha chuan, Dohrang kanthu danga lai chuan, hmankuma ipa te upaber Hrangmana, Tlanglo khua min pansan tu kha enge a chan chin nita zel le? kapa te khan a chan chinkha an sawi ṭhin a, damṭha in nge a la awm a, a boral vata? tiin an zawt a, Dohranga chuan, a ni khawp mai, kha kapa Hrangmana kha kapa ten an sawidan chuan, Tlanglo khua a pan a ṭang khan vawikhat mah Khawzau khuahi a rawntlawh lehtawhlo an ti a, khual a ṭanga kan hriatdan chuan, Tlanglo khua ah chuan nupui neive in, fanu pakhat a nei an ti a, a fanu chu Satpuii ni in, hunlo tak ah a boralsan ni awm tak a ni, kapa chuan chu tianga mahni ute nupui leh a fanu chu buaipui tum in, Tlanglo khuachu pan a tum a, chutia buaipui tuma zinchhuah a tumlai chuan, khual ṭhenkhat ten kapa hrangmana nupui chu a boral thu an rawn sawita a, a fanu chuan Tlanglo khaw Pasalṭha pasala a neih thute chu kan han hrechhun zawmleh a, kapa lah damlohna khan tlak buak veleh in, khami kum khan kan tlawhthei talo a ni
.
An chan chin kan hriat hnu hnung bersh chuan, kapa Hrangmana fanu chuan pasal nei in, chu a pasal nen chuan fapa pakhat an neive a, mahse a pasal chuan boralsan leh in, chumi hnulawk ah chuan kapa Hrangmana fanu leh a fapa chu Tlanglo khua a ṭang chuan an hnawhchhuah thu kan hreta a, khang hunlai khan Tlanglo khua kan hriat ang ang te kan hanzawt a, kapa Hrangmana fanu leh a fapa kalna chu tuman an hretalo a, keini tan khual khua an ni nen tih ngaihna kan hretalo a ni, tun thleng hian kapa Hrangmana fanu, ka unau nu te chan chin chu kan hretalo a ni an ti a, Nikawlha chuan, a nihtak chu mawle, Tlanglo khuate chuan chu tiang hmeithai nufa te chu eng vanga hnawtchhuak mainge maw an nihdawnle aw? hmeithaite kan hmusit lutuk hi chu a dik lo a ni, hmeithai leh fahrah te kan hmusit em em a, hmeithai fapa leh patung fapa thiltih in ang rengkha, patung fa kan hmumawi bik a, hmeithai fa thiltih chu tuman kan lawmpui ngailo a ni, heng zawng zawng ah hian keinipawh hi nasa taka insiam ṭhat kan ngai a ni, ka khualehtui chhunga hmeithei te leh, fahrah riangvai te hi duat taka en kantum tawh tur a ni, a nih chuan Dohrang i pa Hrangmana fate chu tunthleng hian an chen na in hretalo a ni maw? anti a, Dohranga chuan Lalpa ni e, ka sawi ang khan vawiin nithleng hian ka papuia fanu leh, a fapa chan chin reng reng chu hriat kan neitalo a nih hi tiin an chhang a, khua pawh a tlailamta bawka khawnbawl hote chuan, heile zanriah ei te a hunta e, eng pawh nise zanriah ei tur in i ṭinphawt ang u hmiang, zanin lamte hmadeuh zawk in helam ah chuankai kan tumleh zawk dawn nia an hanti a, ti chuan khawnbawlho chu zanriah ei tur chuan an ṭinta hlawm a
.
Dohranga pawh an inlan pan nghalin, in an thlen chuan a fate chuan, kapa vawiin tlaichu i varawn hawhma ve? zandang anglo taka i rawnhaw hmave teh tlata? an lo ti a, Dohrata pawh in, nia zanin chu zanriah te ei hma ila, hmadeuh in Lal inlam ah kan chuangkai leh ang chu kanti hlawm a nih kha an ti a, Dohranga hian fa sawmpakhat lai mai a nei a, a upa lamah hian fapa pasarih ngawt nei in, a naupang lam pathumhi hmeichhia ni in, an teber pheihi chu an tarlamfa ni in, a la naupang in, duatpawh an duat tlangkhawp mai, Dohranga fate hi an hmelṭha hlawm em em mai a, lenpawh an lian hlawm a ni, tin Khawzau khuate hi an nula Tlangval hi hrisel khua tih tak ah, an lianhlawm in, an hmelte a ṭhahlawm khawp mai a, an nulate pawh thingtlang hlothlo ni awmlo tak in an no surmai hlawm a ni, Dohranga fate upalam paruk hian nupui fanau an neitawh a, an mipa naupang berhian nupui la neilo in, an hmeichhe pathum zinga a upa pahnihte hian pasal an neive tawhbawk a ni, hemi tlaihian Dohranga nupui chuan a fanu hnen ah chuan, Zuali ipa in zanriah eihma a tih kha, rawngte kha hanbawl thuai thuai la, i u pawh a lohawhma ka ring, a lo thlen veleh zanriah kan ei dawn nia an ti a, Zuali pawh in a nu thusawi chu hria in, awle kanu hei chaw pawh ka chhum tawha, hmatak ah kan ei dawn nia tiin rawngchu an bawl thuai thuai a, hmuanda awmvel ah chuan Dohranga fapa lo lama chawhmeh zawnga chhuak pawhchu lo thlengve hlawl in, a chawhmeh rawnphurh te chu an lo lak thlak sak sawk sawk mai a, Dohranga chuan a fapa hnen ah chuan, Khama lo lamchu enge a an? Buhte a hminṭha em? Sa te a chhuak em? tiin an zawt a, Khama chuan a pa zawhna chu chhang in
.
Kapa kumin chu Buh hminpawh a ṭhatlang viauin ka hria, kanlo khu vaukil lama awm tihtak ah, tun ah chuan engmah in Buh khu an la khawihlo chu a ni a, mahse vau velah khuan Nghalrual hnuchu kahmu nual mai, khung Nghalrualte khuan an khawih ang tihchu a hlauhawm a ni, kan thudang a lai chuan, kanrawnhaw kawng, Khuailui kalvel ah khuan Keipui hnulian tak tak mai hmuhtur a awm thluah mai, pakhat chauh a nih hmelloh a, hmeichhia pheichu an mahni chauh chuan fehchhuah tirchi pawh an nilo in ka hria an ti a, Dohranga chuan, a nih takchu mawle, Tlangau kalo hrilh ang a, fimkhur tur in au rawhse an ti a, hemitlai hian Dohranga te chhung chuan zanriah chu hma taka ei in, Dohranga pawh Lal Nikawlha in lampan chuan a chhuakta nghal a, Lal in a va thlen chuan khawnbawl dangte pawh lo chuangkai tawh in, an lo ti ti nak nak mai a, kumin Buh hminte chu kumdang an Buh hminte ai a a ṭhat thute chu an losawi nak nak maihlawm a, Nikawlha pawh in, kumin chu kumdang kan khumdawn a niang nge, Buh leh Bal hlawk kum a nihdawn hi tiin a hlim surh surh khawp mai, Dohranga pawh in a fapa thusawi, Khuailui kama Sapui hnu an hmuhdante chu Lal leh midang hnen ah chuan sawiin, Lalpa fimkhur a ngaia, tawhsual kan tawh loh nan tlangau tirhmai hi a ṭha in ka hria an ti a, Nikawlha leh midangte pawh in, chu tiang a nih chuan fimkhur a ngaihle a nih chu, kan Tlangau hian au vat rawhse an hanti a, he tihlai hian Nikawlha fanu, a pangbar chu Dohranga bulah chuan lo kalin, kapa Hrang Zuali a hmantawh a ngem? zan in chu lengah kava sawmteh ang an ti a, Dohranga pawh in, Nikung a hmantawh ang, va sawmrawh khai, zanlam ah chuan tihtur a awm hleinem tiin an chhang a, Lal Nikawlha hian fapa pali leh, fanu pathum a nei a, a upa lam hmeichhe pahnih hian pasal an neitawh a, mipa pathum hian nupui fanau an neitawh bawk a ni
.
Tuna Dohrang'an Nikung ti a a koh kha, a naupang berni in, Dohranga fanu Zuali nen hian an in rualtawk viau a ni, Nikungi te hi kum sawmpariat velni vetawh in, nula feltak an nichho ṭanve tawh a, Nikawlha khua ah hian Nikungi leh Zuali hi an felmai bak ah, an hmelṭha ti a mite sawitam ber an ni a, Tlangval heltu pawh an ṭhahnem khawp mai, Tlangaupa chuan Lal Nikawlha thlathum zuchu Rappui chungsang a ṭang chuan chawithla in, chu zubilh chu a changṭha tawh bawka, an ti ti a tui ṭankhawp mai, khuachu rawnthim chhah chho in, Zawlbuk lama Tlangvalte pawh in an lawmnu te in lamchu an panṭan tawh a, chu tihlai chuan chhimveng lama in tawpber hnuaia Vawkpui liantak maichu a ṭeta ruai ruai mai le, chu veleh Tlangval te chu rawn au nghalin, sa a tlae, sa a tlae ti a rawn au in, Tlangval leh val upa te chuan meichher an rawnhum chhuak a, ṭhenkgat in Silai rawnhum chhuak in, ṭhenkhat thung chuan fei zumṭha tak tak te chu an rawnhum chhuak bawk a, chhimveng lam ah chuan tlankhawm nghal hum hum in, val upa te chuan rawlthar deuhte hnen ah chuan, fimkhur rawh u aw, a hlauhawm a nia tiin an rawn au lawm lawm bawk a, chhimveng in hmawrber hnuaia vawkpui ṭe ruai ruai maichu hnuktu a awm tih hriat tak maihian, thlanglam kawrte ruamlam ah chuan a ṭe thla ruai ruai mai a, thawk lehkhat ah chuan kawrte bawrvel ah chuan rithum dup in, vawkpui ṭe ruai ruai laichu a tawpta hmak mai a
.
Kawzau val upa Kapliana chuan rawlthar ho hnen ah chuan, khawimaw kawng minlo kianteh u khai, Sapui hnuhma a nih leh nih kanlo chian a nge tiin an rawnphei a, a hnung ah chuan Khawzau khaw Pasalṭha Tlangthanga leh a naute chuan an rawnzui a, in hnuai ah chuanlut in, hnuhma velte chu an hanbik kualnghal zung zung in, val upa Kapliana chuan Tlangthanga hnen ah chuan, Sapui hnuhma ngeichu a nih hi, tiin meichher eng nen chuan Sapui in Vawkpui a hnuh thlakna lamchu an chhuithlata a, hnu an hanchhui chuan Tlangthanga chuan hmahruai in, an thlang kawrte lampan chuan an chhuk ta a, an pan kawrte hi Ngaului ni in, helui kamhi zawl zim te te awm in, chung zawlchu Di hmunvek a ni thung a, Sapui'in Vawk a hnuh thlakna velchu a pethla hen hun mai a, Pasalṭha lo tanpawh han haichi zia zang a nilo a ni, kawrte Ngaului an zunthlen thlak chuan a boruak chu a dangta zarmai le, Sapui uap chu natak a ni tihchu Tlangthanga leh a naute chuan an hrethiam nghal a ni, thawm danglam hrelo mahse chu Sapui hu hangchu boruak ah chuan zam in, chung boruaka zamte chuan Tlangthanga naute tiril ah chuan fan in, an hlauhna a vang chuan an khur ru der der mai a, Sapui huhang chuan chulai Ngaului chu a fan chhuak hneh khawp mai, Tlangthanga chuan a naute hnen ah chuan, tuman hlau reng reng suh u, mahse kan fimkhur a ngai ang, khaweng a nilo a, meichher eng chauh a nih a vangin chetsual palh a hlauhawm a nia an ti a, a naute hopawh chuan fimkhur theihtawp chuan an Pasalṭha hnungchu an zuive zel a
.
He tihlaivek hian val upa ṭhankhat te leh, Pasalṭha ṭhenkhat te chuan Tlangthanga leh a naute hnung chu rawnzui venghal in, kawrte ruamlam ah chuan meichher nen chuan an rawnchhuk vemek bawk a, Tlangthanga ten Ngaului chhung an zuk thleng chiahtih chuan Tlangthanga hlauhawm a hnaizual a ni tihchu a hreve chawp chilh nghal a, chulai luite kama Vawk latu hnuchu, Sapui hnulian deuh deuh pahnih chuan a rawnfin a ni tihchu an hmu a, vawk latu hnuchu Sapui danghnu in a rawnfin tih an hmuh chuan, a naute hnen ah chuan rang tak in hnung tawlh rawh u an ti a, Tlangthanga naute pawhchu rang taka hnungtawlh nghalin, zanthim a ni nen, luite chu a nalbawk nen, Tlangthanga naute zinga pakhat chu a tluta hlauh mai le, Tlangthanga Silai chu chulai Ngaului khawk rum rum chuan an puak a, mahse meichher eng ah chuan Pasalṭha Tlangthanga chuan Keipui chu a tumna ah a kapfuh ta tlatlo mai le, rang lutuka Keipui chu hmalam ah chuan rawndawk pheinghal in, Silaimu chuan a beng dinglam hnuaichu rawnthawi thi ser ser in, chulai ruam ah chuan Keipui thinrim thawmchu a ringta hum hum khawp mai, Tlangthanga pawh a theih anga ranga tawlh let nghal in, lui laia a nautlu chu an tawlhsan deuh a, chulai tak maichuan Keipui pakhat chu khawilam a ṭanga rawnkalnge tih hriatloh hian, lui laia Tlangthanga nau tlusual palhchu a ring ah chuan Keipui chuan avrawnla lawp mai a, chupa chu rak ṭhawt in, chawpleh chilh chuan ka chhawntur awmlo nghalin a thizui tanghal a, Keipui chuan Mihring meuh an rawnlak tak ah chuan an hlauhawm ziachu hairual a nita lo, val upa te chuan rorel nghal zung zung in, a nih nih kan nitawh a, zanin lama beihchhun zawmchu nun na in hloh leh an hlauh a vangin, chumi zan chuan Keipui hnuchhui chu kiansan maichu ṭhazawk in an hreta a, mihring meuh sehtawh mahse, nun na in chanbelh theih thil a nih a vangin, zana beihchu val upa te chuan ṭhalo tiin, kiansan rihmai chu an ti tluta a ni
.
Zingkhua a lovar chuan Tlangval rualte leh, val upa rualte chu in hmukhawm in, vawk ruang chu hmuh in ringtawh lo mahse, mihring ruangtal chu lak theih in beisei in thawh chhuah lehchu an relta a, khawchhung lamchu a faivek a vangin, Ngaului thlachu a lang thlavek mai a, val upa te leh, Tlangval rualte chuan Keipui in vawk a hnuhthlak na in hnuai a ṭang chuan an thlirthla ṭhup mai a, Pasalṭha Tlangthanga chuan, eng pawh nise hma ka hruai a nga, ka hnung hlamli awmvel ah midangin min rawnzui rawhse an ti a, Keipui hi a hlauhawm zualna chhan chu, pakhat mai nilo in, pahnih pathumlai ni in an hria a, chu vangin fimkhur a ngai in, hlauhawm pawh a hlauhawm a ni, Tlangthanga chuan a sawi ang chuan hmahruai in, a hnung hlamli bawrvel ah chuan Pasalṭha dang paruk lai chuan an zui a, chumi hnungleh ah chuan val upa ṭhenkhat leh, Tlangval rualte chuan an rawnzui bawk a, an Sapui beihna hmunhi a lantheih vek a vangin, mipui lampawh an rawnpung khawm chak khawp mai, Keipui in vawk a lakna in bulvel a ṭang chuan mipui chuan an thlirṭhup mai a, Tlangthang'an kawrte kamzawl an zuk thlenthlak chuan, chu Ngaului zawlvel khawi emawlai ah chuan Keipui hi a rum chhur chhur mai a, Tlangthanga chu fimkhur taka luite lamchu pan phei in, an tumber chu mihring ruang chu lak an tum a ni, zan lama a kah hliam Keipui chu a hlauhawm falbik dawntih hria in, muang chang chuan Di hmunkar ah chuan, luite lamchu a hnaih pheizel a, a hnung hlamli vela Pasalṭha te pawh in rawnzui vezel in, luite lamchu an hnaih phei hriau hriau mai a
.
Tlangthanga chuan kawrte chu a thlengta, a hnung a mite pawh in muang changa rawnzui zelin, kawrte chhung chu an rawnlut veta hlawl mai le, kawrte hi puitling dung chenvel tura thuk a ni in, Tlangthanga chuan Keipui in mihring a hnuhna lam, kawrte hnarlam chu hlamnga bawrvel turhi a zawhchho hman, chu tihlai chuan thawk lehkhat ah chuan, chulai Ngaului ruam khawk rum rum khawp chuan Keipui chu a rawn hahum ta dum mai a, khawchhung lam a ṭanga mihring lo thlirtu te pawh an ip chawih chawih thei a ni, Tlangthanga hnunglama awm ten Keipui hahum na lamchu rang taka hawirual nghal hlawm in, Silai chu a puak ta ṭhuai ṭhuai mai a, mahse hlauthawng leh, hmanhmawh taka Silai chu hmetpuak an nih a vang chuan, chung Pasalṭha hote chuan an tumchu an fuhmeuh talo, chu tak maichu a pawita a ni, chung Pasalṭha hochu ranglutuk chuan Ngaului lung kar ah chuan an bawk lutnghal in, Keipui hliam thinrim chu a rawndawk chho puat tawh maisi a, Tlangthanga Silai chu han puak ṭhuai mahse, chu Silaimu chuan Keipui hliam thinrim chu a darah rawn thawithi sawk in, Keipui tan chuan pawi a khawih thamtalo a ni, Tlangthanga hmalam ah chuan Keipui pakhat chu kawrte ah chuan rawn zuangthla in, a hnunglam ah pakhat, a kah hliamchu thinrim tak maihian a awm bawk, a hnunglama Pasalṭha awmho tanpawh chet lak ngaihna a awmta lo, an Silai an kap ruak vek tawh a, Tlangthanga chu Keipui pahnihte chuan kawrte chhung ah chuan an dangchep chu a nita dermai le
.
Khawchhung lam a ṭanga lo thlirtu te pawh, an Pasalṭha Tlangthanga chu a thingei dawn a ni tihchu an hmuvek a ni, Tlangthanga chhungte phei chuan en pawh an en ngamlo hial a ni, val upa pakhat phei chuan, Tlangthang Nikawlha Pasalṭha i nih kha zamhlek suh tiin an rawn au a, mahse Tlangthanga tan chuan chet ngaihna a awmlo a ni, Keipui pahnih in kawrte ruam chhunga an hualbeh tlat a vangin a tan chuan chet hanlak theih a ni tawhlo a ni, mipui chuan mangleh hlauthawng tak chunga an thlirlai chuan, khawilam a ṭanga rawnlang nge tihpawh hriat loh rawlthar hmelṭha tak maichu, Tlangthanga leh Keipui in kar ah chuan, hlauhna leh zamna chhete mah neilo chuan a rawnding kak ta vahmai le, a mit meng chuan na taka Keipui chu melh in, a kut dinglam chuan a ral lulak chemchu nghet taka hum in, a kut veilam chuan Maubul changhriam tak maichu ruh taka humbawk in, Khawzau khaw Passlṭha hnen ah chuan, kawrte a ṭang hian chhuak rawh an ti a, Khawzau khaw Pasalṭha chu a lo hamhaih vebawk nen, chu rawlthar sawiang chuan kawrte a ṭang chuan hman hmawh tak chuan a chhuak ta nghal a, he tihlai hian khua a ṭanga lo thlirtu val upa pakhat chuan rawn au in, kha rawlthar kha tunge a nih? khalai hmun hlauhawm lutuk ah khan, eng vanga luzuara rawnlut ngamnge a ni? a, a deuh em ni an rawnti a, mahse mipui lam a ṭang chuan, putar pakhat hian, khu rawlthar khu a van huaisen em, mahni nun na hlutmiah lo a, hmun hlauhawm tak ah pawh a nun na chanhuama, ṭhiante tan a rawn inpe ngamkhu kan pileh pute nun dan dik tak a nih khu, mi a nilo in, kan pileh pute nun zemawi tak a rawn pholang zawk a nih khu, khu tianga rawlthar huaisen khu khawlam mi nge maw a nih le? an lo vethung a, mipui chuan chu rawlthar chu makti tak leh, ngaisang em em chuan an thlirṭhup mai a
.
Rawlthar hmalama Keipui hliam thinrim chu an awp hniamsut mai a, rangtak mai chuan rawn dawk chhuak zawk in, a hmalawka rawlthar dingchu sehtum chuan an rawnzuan a, mahse chu rawlthar huaisen, thlahtu a ṭanga hlauh neilo thisena rawn chawr chhuak chu, chu ti mai mai a Keipui hliamte seh hlum theih a nilo, Keipui rawn zuangchu chhete maha hlauhna neilo a lo en kar in, rang tak mai chuan an lo kunhniam san a, Keipui chuan rawn zuah ṭhelhfua in, Keipui'in rawlthar an zuan ṭhelhchu mipui lam hlauthawng chu an lo ṭe dual mai a, rawlthar chu rang taka ding chhuaka in leh hawinghal in, Keipui rawnher lehtur chu rang lutuk chuan an hnaihchilh nghal a, Keipui hnaih chilh chu, Pasalṭha tam tak tihngam loh a nih a vangin mipui lamchu an lo ip chawih chawih mai a, Keipui rawn insiam remleh hmachuan rawlthar chuan, awm hmun ah chuan Keipui chu a Beng chilhin an sat chawrh mai a, rang taka tawlhsawn sanleh nghalin, a beng chuan thawmdang a hriat a vangin, rang lutuk chuan an leh hawinghal a, a lo thlirtu mipui lampawh chu lo ṭe dualin, rawlthar hnung lama Keipui chuan seh tumin a rawnpan a ni, Keipui chu awphniam sut in, rangtak chuan an rawn zuang chhuak zawk mai a, rawlthar pawh Keipui rawn zuan ruala zuang chhuak dawk zawk in, an zuansan laitak mai chuan in tawng in, rawlthar chuan a chempui chu natak chuan an vaipawp mai a, Keipui Beng veilam chilh chuan sat richawk in, Keipui chu kawrte ah chuan a tlari chawrh mai a, a hnung lama a sah hliam Kaipui chu, rawlthar sah hliam a vanga a mit veilam chhuakpur chung chuan rawlthar chu an rawnpan leh a, chu Keipui mit lehlam tlapur chuan rawn zuanleh in, rawlthar pawh chu natak chuan an zuang chhuak veleh a, chu rawlthar chu Keipui ai a zuangsang zawk in, a sah na ngai ah chuan natak chuan an sat nawnleh ngheng mai a, chu Keipui tawrhchhel tak pawh chuan, chu rawlthar kut thlakna tak sah chu a tuarta bik lo a ni, kawrte ah chuan tlari chawrh in awmze neilo chuan a talta fuat fuat mai a
.
A hnung lamchu rang taka hawileh nghalin, Keipui pakhat chuan hmai veilam thler hnuang chung chuan a rawnpan chharh chharh maia, rawlthar pawh in a mah rawnpan tuchu hlauhna chhete mah nei miahlo chuan lo en kar in, Keipui chuan rawn zuanluh tumin an awphniam leh a, rawlthar chuan Keipui rawnzuan chhuah leh hmachu chuh in, rang lutuk chuan hnaihchilh thut in, Keipui rawn zuang chhuak turchu an sat leh ngheng mai a, Keipui na tuarchu chulai kawrte ruam khawk rum rum chuan an rum a, rawlthar a tina hamtuma a rawnding chu rawlthar kut veilam chu a phevuai mai a, Keipui hrawk ah tak chuan Maubul chang hriam lutuk maichu lut hrawih in, rawlthar chuan an sawh luhbelh nghalsawk mai a, Keipui hrawk a ṭang chuan thisen chu rawn chik chhuak hrawih hrawih in, chu Keipui dingur maichu a zalta raih raih mai a, rawlthar Beng chuan hlauhawm dangchu a hriatbelh leh in, thawm a hriatna lamchu rangtak chuan an hawinghal a, chulai Ngaului hnarlam a ṭang chuan Keipui lianmang kheng maihi rawlthar lampan chuan a rawnkal zar zar mai a, khua a ṭanga lo thlirtu val upa pakhat chuan, Tlangval huaisen in hlaulo mahla, kha Sairal khachu tawlhsawn san rawh, mihringte thahchi pawh a nih loh kha an rawnti a, mahse chu rawlthar chuan chu Sairal lianzet maichu tawlhsawn san reng a tumlo bur a ni, chung Sairal ho chu an len em a vangin, kan pileh pute pawh in, a lu ringawt pawh Arbawm tiat an tihchi ngeikha a ni, chu Sairal lianzet maichuan rawlthar chu a panzel a vangin, mipui hlauthawng chu an thaw dep dep tawh mai a, mahse chu rawlthar thinlung ah chuan hlauhna chhete mah in hmunchanglo in, chu Sairal a mah rawnpantu chu a mit chuan ngun taka a mit ah tak chuan lo en kal in, hlamli vela rawlthar awmna a la rawnthlenglo tih ah chuan, rawlthar chuan a Maubul chang hriamtak, Keipui thisen kaizul maichuan lo kawk in, fiahkak maihian tahkhan dingrawh anlo ti charh mai a
.
Chu Sairal chuan a hmalawka rawlthar huaisen tak mit mengchu hmu in, mei vial ngul ngul chung chuan a dingta chut mai a, a hmalawka rawlthar, Kawlkei pianruala he lei eng rawnhmu vetu mit leh, a thinlung huaisen na chu rawnhmu in, chu Sairal pawh chuan chu rawlthar chu a tawnlui ngamlo a ni, rawlthar chuan hmalama pen pah in, tihnat che ka duhlo a nia, min nawrlui a nih chuan ka thathreh miahlo che a nia tiin an hnaih pah a, chu Sairal lianzet maichuan rawlthar biakna chu hrethiamve ni awm tak in, hreh hmeltak chung chuan a hnung tawlhta hrut hrut mai a, rawlthar chuan Sairal mit taka eng kalchung chuan changfak maihian, helaihmun a ṭang hian kalbo rawh, helai ah hian rante leh mihring sehtur hian rawnkal tawhsuh an ti a, Sairal chuan rawlthar ṭawngkam chu hrethiam ni awm tak chuan kawrte a ṭanga zuang chhuak in, ngawpui chhung lamchu a panta a, Sairal an tawlhliam tak ah chuan mipui chu an au hum hum mai a, Tlangthanga leh a nau Pasalṭha rualte chuan, chu rawlthar chu mak an tih em a vang chuan kaho hian an thlir hlawm a, biak nachang pawh hrelo chuan mak tiin an thlir tlawk tlawk mai a ni, val upa te an rawnthlen meuh chuan Tlangthanga leh a naute pawh pang ngai taka rawnharh in, an mahni rawnchhan tu rawlthar chu an chibai nak nak maihlawm a, mipui lampawh chulai kawrte ruam ah chuan rawn tlanthla hlawm in, rawlthar chu an rawn chibai nasa mai a, mipui zinga awm, kawr ruama rawn tlathla velo putar te leh, nu nau te chuan rawlthar chu tunge tih an in rinsiak nasa mai a, khawilam a ṭanga lo kalnge a nih ang a, tunge a chhungte ni ang? Putar pakhat chuan, khu Tlangval zetchu a va ropui em, khu ngeikhu a ni Pasalṭha huaisen diktak maichu, mahni nun na hlutmiahlo a, ṭhiante tana huaisen taka beingam kha a ni kan pileh puten Pasalṭha huaisen anlo tih ṭhinchu an ti a, chu putar chuan taite lo hawteh, nang ang reng reng huaisen hi kala hmu ngailo, chu vangin ka thlathum zu ngeikha ka khawn dawnche a ni, kha tianga Sairal hnawtbo theikha ka vawikjat hmuhna a ni an ti a
.
Mipui au dur dur an hriatkhan Lal Nikawlha chuan, ka Pasalṭha Tlangthanga chuan kan Keipui sualte chu a hnehta a ni maw? tiin an ti ti sar sar mai a, he tihlai hian Tlangaupa chu thaw huam huam chungin Lal in chu a rawnthleng vechiah bawk a, Nikawlha chuan Tlangaupa hnen ah chuan, ka Pasalṭha Tlangthanga chu huaisen chawimawina nopui ka hlen ngei ang, a mah vanghian kan khualehtui hi kan ralmuan phah hliah hliah si a, ka Pasalṭha Tlangthanga chu nakin ah rawnhruai ang che, vawiin a a thiltih hi a ropui em a vangin, huaisen chawimawina nopui ka hlandawn a ni an ti a, Tlangaupa chuan Lalpa mihuaisen te huaisen nopui i hlandawn a nih chuan, i Pasalṭha Tlangthanga chuan huaisen nopui chu a dawm theih ka ringlo a ni, kha rawlthar kha a mak a ni, a huaisen danchu sawiloh, Keipui pahnih chemtum nen a thahbak ah, Sairal lian lutuk maikha a hnawtbo thei a ni, thaw hlawp hlawp chung chuan an ti a, Nikawlha leh a khawnbawlte chh hawiphawk deuh hru hian, Nikawlha chuan, Tlangaupa chu eng thilnge i sawichu a awm zia? mipakhat in chemtum nen Keipui pahnih a that i tihna em ni? chu tiang ti theitura huaisen chu ka khualehtui ah hian anlo awm a ni maw? chu chu tunge a hmingni a? an ti a, Tlangaupa chuan, Lalpa chemtum nen Keipui pahnih a thatmai a ni hleinem, a pathumna tur Sairal lianzet maichu a hauzam ṭhak thei a sin an ti a, mahse Nikawlha leh a khawnbawlte chuan Tlangaupa thusawi chu an awi puilo khawp mai, a tir ah takphei chuan Tlangaupa thusawi chu an nuihzat sak a ni, Nikawlha chuan, Tlangaupa thil i hresual a nih chu, tuman Sairal te an hauzam ngailo tiin an nuih a, mahse he tihlai tak hian a fapa naupang berchu in chhung ah chuan rawnlut nawlh in, chu Nikawlha fapa chuan a pate hnen ah chuan, kapa kha mikhualpa kha mi mak tak a ni, chemtum nen Keipui pahnih a thah bak ah, Sairal liantak maichu a melhzam ṭhak a sin, khatianga mihring huaisen leh insual thiamkha kala hmungailo a ni, mak tak a ni, a mak tih mailoh chu sawidan pawh ka hrelo a rawnti bawrh bawrh mai a, chu tahzet chuan Tlangaupa thusawi chu Lal Nikawlha leh a khawnbawlte tan chuan awiloh theih a nita lo
.
Nikawlha chuan ka fapa tuna i thurawn sawikha tak tak em ni? chu khual chuan ka Pasalṭha Tlangthanga chu engmahlo mai ah a rawnchhuah em ni? chupa chu khawilam minge a nih a, tu khualehtuia awm nge a nih reng reng? an ti a, Nikawlha fapa chuan, kapa chupa hantih chi ah ka ngailo, a mah kha rawlthar mai a lani a, a ni kha awmlo seng zawng kan Pasalṭha Tlangthanga chuan i kohna chhangtur a awm tawhlo ngei ang, kan Pasalṭha te lak ah chuan Satel leh Keipui ang hlauh hlauh an ni, tunge a hming a sawilo a, khawilam a ṭanga lo kalnge a nih a sawihek lo, kan Pasalṭhate leh mipui chuan kan thlir tlawk tlawk mai a ni, a mah kha miṭawng tlemtak ni in, kan val upa te hnen ah chuan, Nikawlha khua ah hian, ka putea te rawn zawngchhuak tura lo kal kani tiin a hrilh a, chu bakchu eng dangvak a sawilo an ti a, chu veleh Nikawlha leh a khawnbawlte chuan chu rawlthar thusawi chu an Beng khawnta khawp mai, chu rawlthar in a putea a rawn zawnchu tunge ni ang ti a in zawt he haw in, an bangbo hlawm khawp mai, chu tihlai chuan Nikawlha fapa upa berchu rawnhaw veleh in, kapa kan khual rawlthar chuan i Pasalṭha te chu ngawireng in a awmtir a ni ber mai, kha tiang em em a mihring ṭuanṭha kha khawiah mah kala hmungailo a ni, kha rawlthar kha rawn thlenglo chu ni ngetseng zawng kan Pasalṭha te kha chuan lam an thailo vai vai khawp ang le, vawiin ni hian an dam hmelhmuh tur an awm tawhlo tawp ang le, khatiang tak maia insual thiamleh, huaisen kha tufa tak ni ang maw? an ti a, Nikawlha chuan, chu rawlthar chu tunge a nih hriatngei ka duh a nia, tin tufa nge a nih a? khawilam a ṭanga lo kalnge a nih hriatvat ka duh a ni an ti a
.
Nikawlha fapa upaber Lalkawlha chuan, kapa Keipui ruang pahnih kha an rawnla chhodawn a, tin Tlangval Sukpuia ruang pawh tun ah hian inlam an panpui mek e, karlo ah chu rawlthar leh Keipui ruangte chu helai hmunhi an rawnthlen ang an ti a, Khawzau khua ah chuan rawlthar chan chinchu an sawi luih luih mai a, nula lamlah in rawlthar chan chin chu an sawi luih luih maibawk a, Tlangval te leh paho chuan a Keipui beihdan chan chinchu an ti ti tuiber ni in, khatianga mihring zamṭha leh huaisen, hlauhawm hmachhawn thiamkha an la hmuh ngailoh thu chu sawihlawm in, Sangluaia chan chin chu an sawi luih luih mai a ni, rawlthar chan chin sawitu te zing ah hian, Sangluaia putea fanu Zuali leh, an Lal fanu Nikungi pawh an bangbik lo a ni, Zuali hian a pa tupa a ni tih reng reng a hrelo a, chu rawlthar huaisen leh hmelṭha tak mai chan chin chu tumai pawh chuan an sawi huai huai mai a ni, Zuali leh Nikungi pawh in chu rawlthar huaisen tak mai chan chin chu sawi nuamti em em in, chu khua a nula a mah la hmulote pawh in, a huaisen dante an hansawi chuan an ngaizawng nghal ngawih ngawih mai a ni, Lal Nikawlha in ah chuan Keipui pahnih ruangte chu Tlangval ho chuan rawnzawn thlengta a in, khaw mipui te chuan an bial luih luih mai a, nula te leh nuho te pawh rawn pungkhawm in, chu Keipui pahnih that tu rawlthar hmelṭha tak maichu hmeichheho chuan Keipui ai a hmuduh zawk in, Sangluaia lak ah chuan hmeichheho mit chu a fuṭhup mai a ni
.
Lal Nikawlha leh a khawnbawlte chu Leihkapui ah chuan rawn chuang chhuak in, a tualzawla Keipui pahnih Hlang chunga an dah din uaih maichu an en a, chu Keipui lian zet zet pahnih, chemtum nen ringawta that theitu chu mi huaisen chung chuang leh, Pasalṭha zamṭha tak an nih ngeichu a ring nghal a, heng Keipui lian tak tak pahnihten an beihrawn chung pawha, an pahniha that theitu mipa chu chawimawina nopui hlan ngei a duh bawk a ni, he tihlai hian in chhunglam a ṭang chuan Nikawlha fanu, Nikungi leh a ṭhian nu Zuali te chuan, kawtzawla Keipui pahnih that tu Tlangval rawlthar chu mit khap lek lo hian an lo thlir tlawk tlawk mai a, Zuali hian a Tlangval duh em em chu a ni tupa a ni tih han hrengat seng zawng, a zak lutuk hi hawipawh mipui kar ah chuan a hawichhuak ngamlo ngei ang le, Nikawlha chuan tualzawla val upa pakhat hnen ah chuan, khaile hei khualṭha kan nei a ni awm a, heng Keipui chimawm tak tak pahnih that tu hi tunge a nih minhan hrilhteh u le? an ti a, chu veleh Pasalṭha Tlangthanga chuan mikhual rawlthar chu chhuang tak maihian Lal Nikawlha hma ah chuan rawnkai chhuak in, Tlangthanga chuan, kapu he rawlthar ngeihi a ni e heng Keipui chimawm tak tak te that tu chu an ti a, Nikawlha chuan chu rawlthar lamchu en vang vang in, Tlangval tunge i nih a? khawilam a ṭanga lo kalnge i nih le? ka khualehtui ah hian eng ti tura lo lutnge i nih? an ti a, rawlthar chuan Lal Nikawlha chu en vang vang in, kapu i khualehtui ah hian, ka putea te chhung kua an awm tih kalo hria a, ka putea te chhung kuachu rawn zawng chhuak tura lo kal ka ni an ti a
.
.
DUHTAWK LEHRIH PHAWT ANG U AW
REMCHAN VELEH KAN CHHUN ZAWMLEH DAWN NIA
.
Hmam hmawhlo in minlo nghak hram hram ṭhindawn nia
.
.
[Lalzirliana Tochhawng] [Champhai Tlangsam]
.
.
Sangluaia kalchhuak ta chuan chhim chhaklam chu pan vang vang in, a kalna turhi a thui thamhle mai a, Tlangval chak vak deuhtan pawh nili lai kal a ni nghe nghe a ni, tin a vawikhat kalna tur a nih a vangin, Sangluaia tan chuan kawng an hrilhchawp chu zawnpah zel a ngaih dawn a vang in, kawng hresa ang maia kal zung zung theih a ni dawnlo a ni, tin a han kalna tur khua leh, chu khua a awm a putea chu han zawn chawpa, han hmelhriat chawptur a ni bawk nen, Sangluaia, rawlthar vemai tan chuan huphurh ru awm vetak chu a ni, chawhma ṭhak a kalhnu chuan, an mahni ramchin pawh peltawh in, chhim chhak zawng chuan a her hret hret zel a, Khawzau khua, Nikawlha Lal na khua hi, khawchhak lamtak nilo in, chhimlam her hreta awm a ni a, chhim han tihdawna khawchhak kawk hretbawksi a ni, tlangkam a ṭanga an hriatdan in, Khawzau khua hi an lian ang rengkhawp mai a, in ah pawh han in chhiar in, zathum chuang hret an ti a ni, tin Khawzau khuahi an hrisel tlangin, a chhunga mihring chengte pawh an liantlang khawp mai tih a ni a, nula Tlangval pawh, han chenbeh deuh tumah hmuhtur an awmlo an ti a ni, an sawidan zelah phei chuan, an Tui tlan a ṭha a, awrpuar reng reng tumah hmuhtur an awmlo an tilehzel a ni, mitam tak chuan Khawzau khaw hrisel danhi Thangluaia khua nen hian an tehkhin fo ṭhin a, mihring vantlang lendan ah pawh hian an tehkhin foṭhin a ni
.
Mahse Thangluaia te hian Khawzau khuahi chu hreve ṭhin mahse, Nikawlha khua ah hian an laina hnaite tumah an awm an hrengailo a, mahse an putea chuan thuleh hlate a rawn neihtak ah chuan, Nikawlha khua ah chuan laina hnaitak an neih thuhi an hreta chauh a ni, Sangluaia pawh in chhunlai te an rawn nihtak ah chuan, chhun chawfak tum in luite lam a panta a, a hmalawka kawrte pakhat chupan in, chu kawrte Tui chu a kut dinglam chuan han thalin, an in khawlh khawlh mai a, a duhtawk a in hnu ah chuan a taksa te chu hansildai sawng sawng in, reilote chu an ṭha hah dam a, chu mihnu ah chuan a chawfun te chu phawrh in, a nu in sarep sawh a funtir nen chuan chhun chawchu puartak chuan a ei ta a, chawte an fak kham chuan, kalna tur thuitak a neih hria in, muang chang lutuk lo chuan kalzai a rel lehta a, thuitak an kalleh hnu ah chuan, Sangluaia chuan a hriatngailoh ramchu a daive ṭanta, ngawpui chhah tak tak chhung ah chuan han hawikual in, chung ngawpui chhunga kawr khawk rawk tak tak karah te chuan, a Silai nen chuan vak kual theuh theuh in, Lungpui lian tak tak chung ah te chuan an perkai theuh theuh mai a, chu rawlthar chevel chu lo hmutu chu awm ngatseng zawng, mit khap lek lo in an thlirduh ngei ang le, a pian in khalthlizaih maite, a balbul liantap meileh, a kawng fekrat mai te, a dar pharh hlaidarh maite leh, a malpui vawnglah maite, a mit meng mawitak maite leh a hmelṭha tak maite nen chuan, kawrte kam khawkrawk tak tak kara, hnehsawh tak maia an vak kual theuh theuh chu hmuhnawm a tling a ni
.
Sangluaia chuan kawrte kamchu hrutchho zelin, chu rawlthar ral relthiam tak mai, Vahrit te leh, Ramar tlalai pawh man nalh nalh thei khawpa ngawpui chhunga thawmdim thiam chuan, tlai a lo nih chuan Kawrte kama Vahrit te leh, Ramar riak turte chu vehchho pah in, zanriah chawhmeh a tan tiin Vahrit pakhat riaktur chu an man a, chhak deuh kawrte kam remlai ah chuan riahbuk sual nghalin, zanriah turchu an buaipui nghal a, zanriah te an ei felmeuh chuan khuapawh thimtawh in, Leihrik te pawh an rawnhram ṭanta thliah thliah mai, meipui chu chhep eng hluah in, meipui eng karah chuan a mah chauha ṭhuin, eng eng emaw ngaihtuah chuan a rilru chu a vakthui khawp mai, kawngthui tak kaltur a lanih a vangin reitak pawh menglo in, chhun lama a kalchau vebawk nen mutzai chu a relta a, chu ngawpui chhung thim chhahtak karah chuan mahni chauha mu in, zan hramchi chi hrang hrang te chuan, chu rawlthar khawharna chu hriatthiam puive ni awm hlawmtak in, an thiamna leh an aw mawina te chu rawn chhuah hlawm in, zanthim chhah tak kar ah chuan an hram chiah chiah mai a, kang kang Sava pawh in a aw mawina te rawn chhuah in, Sangluaia buk bula kawrte mawnglam deuh ah chuan a hram lauh lauh mai a, Vabak hramte leh, Leihrik hramri te chuan Sangluaia chu rawn awi mutchhuak in, karlo ah chuan a mutchhuak chuan rawn zem chiai chiai in, tui tak chuan a muhilta bawrh bawrh mai a
.
Lal in seiraih mai ah chuan Lal Nikawlha leh a khawnbawlte chuan, an hmalawka an Lal mualkil, an upa Rokhara Lung tun tur chung chang chu sawiho in, an ti ti nak nak mai a, Nikawlha khawnbawlmin, Dohranga chuan a khawnbawl puite leh, an Lal Nikawlha hnen ah chuan, hei kapa Lung tun tur chung chang ah hian, khawtlang kan tibuai dawn hlemai a, a Lung tur chung chang ah pawh, kan tih theih bak bak hei minlak sak a, kan Lal leh, ka khawnbawl puite chung ah hian lawmthu kansawi a ni, nang ni theihtawp minchhuah puia, in rorelna hnuaia awmhi a nuam in, a thlamuan thlak hliah hliah a ni tiin an sawi a, Lal Nikawlha chu rawn inrawlh vat in, Dohrang in thlahrun a ngai hleinem mawle, ka khawnbawlmin i ni a, i pa lah kapa khawnbawlmin a ni a, i pa Lung chu a ṭha theiang ber kan tungtur a lawm, kan khualehtui ṭhanduan na chhanber pawh, kapa khawnbawlmin Rokhara vang a ni a, ipa hi kan khualehtui tan hian thaleh zung seng tamber ti ila kan daw awmlo e, chu vangin ipa hian chawimawina Lung lianṭha tak chu a phu hliah hliah a ni, chutih kar ah chuan, hei ka khawnbawlte hian an Beng te hi lo chhu ngawng deuhse, nanglah ka khualehtui tana ṭangkai tak i ni a, ipa ang bawkin he khualehtui tan hian i ṭangkai in, i tello chuan rorelna pawh kan kalpui hleitheilo chu a nihber hi, he khawtlang tan hian nangni pafa tluka ṭangkaihi an awm chuang ne maw? an ti a
.
Nikawlha khawnbawl dangte pawh in, an Lal thusawi chu a dik a ni tih hria in, a nikhawp mai pu Dohrang, kan Lal sawiang khan, kan khawtlang hian nangni ang rorel thiamleh, paṭha tak mai kan nei che u hi kan chhuang tak zet zet che u a, in rorelna hnuaia hetianga thlamuang taka kan khawsa thei hi, he khawtlang hian a chhuang tak zet zet che u a sin an rawnti hlawm a, Dohranga chuan, khaih khaih khaih, keini teh lul te chu tianga faktur kan ni hleinem mawle, rorel thiamtak Lal feltak kan nei a, a ni hnuai ah hian eng kimhi tluangvek zelin, a rorelna hnuaia khawtlang kan kunhi a nuam in, a hlimawm a ni an tive a, Nikawlha chuan, Dohrang kanthu danga lai chuan, hmankuma ipa te upaber Hrangmana, Tlanglo khua min pansan tu kha enge a chan chin nita zel le? kapa te khan a chan chinkha an sawi ṭhin a, damṭha in nge a la awm a, a boral vata? tiin an zawt a, Dohranga chuan, a ni khawp mai, kha kapa Hrangmana kha kapa ten an sawidan chuan, Tlanglo khua a pan a ṭang khan vawikhat mah Khawzau khuahi a rawntlawh lehtawhlo an ti a, khual a ṭanga kan hriatdan chuan, Tlanglo khua ah chuan nupui neive in, fanu pakhat a nei an ti a, a fanu chu Satpuii ni in, hunlo tak ah a boralsan ni awm tak a ni, kapa chuan chu tianga mahni ute nupui leh a fanu chu buaipui tum in, Tlanglo khuachu pan a tum a, chutia buaipui tuma zinchhuah a tumlai chuan, khual ṭhenkhat ten kapa hrangmana nupui chu a boral thu an rawn sawita a, a fanu chuan Tlanglo khaw Pasalṭha pasala a neih thute chu kan han hrechhun zawmleh a, kapa lah damlohna khan tlak buak veleh in, khami kum khan kan tlawhthei talo a ni
.
An chan chin kan hriat hnu hnung bersh chuan, kapa Hrangmana fanu chuan pasal nei in, chu a pasal nen chuan fapa pakhat an neive a, mahse a pasal chuan boralsan leh in, chumi hnulawk ah chuan kapa Hrangmana fanu leh a fapa chu Tlanglo khua a ṭang chuan an hnawhchhuah thu kan hreta a, khang hunlai khan Tlanglo khua kan hriat ang ang te kan hanzawt a, kapa Hrangmana fanu leh a fapa kalna chu tuman an hretalo a, keini tan khual khua an ni nen tih ngaihna kan hretalo a ni, tun thleng hian kapa Hrangmana fanu, ka unau nu te chan chin chu kan hretalo a ni an ti a, Nikawlha chuan, a nihtak chu mawle, Tlanglo khuate chuan chu tiang hmeithai nufa te chu eng vanga hnawtchhuak mainge maw an nihdawnle aw? hmeithaite kan hmusit lutuk hi chu a dik lo a ni, hmeithai leh fahrah te kan hmusit em em a, hmeithai fapa leh patung fapa thiltih in ang rengkha, patung fa kan hmumawi bik a, hmeithai fa thiltih chu tuman kan lawmpui ngailo a ni, heng zawng zawng ah hian keinipawh hi nasa taka insiam ṭhat kan ngai a ni, ka khualehtui chhunga hmeithei te leh, fahrah riangvai te hi duat taka en kantum tawh tur a ni, a nih chuan Dohrang i pa Hrangmana fate chu tunthleng hian an chen na in hretalo a ni maw? anti a, Dohranga chuan Lalpa ni e, ka sawi ang khan vawiin nithleng hian ka papuia fanu leh, a fapa chan chin reng reng chu hriat kan neitalo a nih hi tiin an chhang a, khua pawh a tlailamta bawka khawnbawl hote chuan, heile zanriah ei te a hunta e, eng pawh nise zanriah ei tur in i ṭinphawt ang u hmiang, zanin lamte hmadeuh zawk in helam ah chuankai kan tumleh zawk dawn nia an hanti a, ti chuan khawnbawlho chu zanriah ei tur chuan an ṭinta hlawm a
.
Dohranga pawh an inlan pan nghalin, in an thlen chuan a fate chuan, kapa vawiin tlaichu i varawn hawhma ve? zandang anglo taka i rawnhaw hmave teh tlata? an lo ti a, Dohrata pawh in, nia zanin chu zanriah te ei hma ila, hmadeuh in Lal inlam ah kan chuangkai leh ang chu kanti hlawm a nih kha an ti a, Dohranga hian fa sawmpakhat lai mai a nei a, a upa lamah hian fapa pasarih ngawt nei in, a naupang lam pathumhi hmeichhia ni in, an teber pheihi chu an tarlamfa ni in, a la naupang in, duatpawh an duat tlangkhawp mai, Dohranga fate hi an hmelṭha hlawm em em mai a, lenpawh an lian hlawm a ni, tin Khawzau khuate hi an nula Tlangval hi hrisel khua tih tak ah, an lianhlawm in, an hmelte a ṭhahlawm khawp mai a, an nulate pawh thingtlang hlothlo ni awmlo tak in an no surmai hlawm a ni, Dohranga fate upalam paruk hian nupui fanau an neitawh a, an mipa naupang berhian nupui la neilo in, an hmeichhe pathum zinga a upa pahnihte hian pasal an neive tawhbawk a ni, hemi tlaihian Dohranga nupui chuan a fanu hnen ah chuan, Zuali ipa in zanriah eihma a tih kha, rawngte kha hanbawl thuai thuai la, i u pawh a lohawhma ka ring, a lo thlen veleh zanriah kan ei dawn nia an ti a, Zuali pawh in a nu thusawi chu hria in, awle kanu hei chaw pawh ka chhum tawha, hmatak ah kan ei dawn nia tiin rawngchu an bawl thuai thuai a, hmuanda awmvel ah chuan Dohranga fapa lo lama chawhmeh zawnga chhuak pawhchu lo thlengve hlawl in, a chawhmeh rawnphurh te chu an lo lak thlak sak sawk sawk mai a, Dohranga chuan a fapa hnen ah chuan, Khama lo lamchu enge a an? Buhte a hminṭha em? Sa te a chhuak em? tiin an zawt a, Khama chuan a pa zawhna chu chhang in
.
Kapa kumin chu Buh hminpawh a ṭhatlang viauin ka hria, kanlo khu vaukil lama awm tihtak ah, tun ah chuan engmah in Buh khu an la khawihlo chu a ni a, mahse vau velah khuan Nghalrual hnuchu kahmu nual mai, khung Nghalrualte khuan an khawih ang tihchu a hlauhawm a ni, kan thudang a lai chuan, kanrawnhaw kawng, Khuailui kalvel ah khuan Keipui hnulian tak tak mai hmuhtur a awm thluah mai, pakhat chauh a nih hmelloh a, hmeichhia pheichu an mahni chauh chuan fehchhuah tirchi pawh an nilo in ka hria an ti a, Dohranga chuan, a nih takchu mawle, Tlangau kalo hrilh ang a, fimkhur tur in au rawhse an ti a, hemitlai hian Dohranga te chhung chuan zanriah chu hma taka ei in, Dohranga pawh Lal Nikawlha in lampan chuan a chhuakta nghal a, Lal in a va thlen chuan khawnbawl dangte pawh lo chuangkai tawh in, an lo ti ti nak nak mai a, kumin Buh hminte chu kumdang an Buh hminte ai a a ṭhat thute chu an losawi nak nak maihlawm a, Nikawlha pawh in, kumin chu kumdang kan khumdawn a niang nge, Buh leh Bal hlawk kum a nihdawn hi tiin a hlim surh surh khawp mai, Dohranga pawh in a fapa thusawi, Khuailui kama Sapui hnu an hmuhdante chu Lal leh midang hnen ah chuan sawiin, Lalpa fimkhur a ngaia, tawhsual kan tawh loh nan tlangau tirhmai hi a ṭha in ka hria an ti a, Nikawlha leh midangte pawh in, chu tiang a nih chuan fimkhur a ngaihle a nih chu, kan Tlangau hian au vat rawhse an hanti a, he tihlai hian Nikawlha fanu, a pangbar chu Dohranga bulah chuan lo kalin, kapa Hrang Zuali a hmantawh a ngem? zan in chu lengah kava sawmteh ang an ti a, Dohranga pawh in, Nikung a hmantawh ang, va sawmrawh khai, zanlam ah chuan tihtur a awm hleinem tiin an chhang a, Lal Nikawlha hian fapa pali leh, fanu pathum a nei a, a upa lam hmeichhe pahnih hian pasal an neitawh a, mipa pathum hian nupui fanau an neitawh bawk a ni
.
Tuna Dohrang'an Nikung ti a a koh kha, a naupang berni in, Dohranga fanu Zuali nen hian an in rualtawk viau a ni, Nikungi te hi kum sawmpariat velni vetawh in, nula feltak an nichho ṭanve tawh a, Nikawlha khua ah hian Nikungi leh Zuali hi an felmai bak ah, an hmelṭha ti a mite sawitam ber an ni a, Tlangval heltu pawh an ṭhahnem khawp mai, Tlangaupa chuan Lal Nikawlha thlathum zuchu Rappui chungsang a ṭang chuan chawithla in, chu zubilh chu a changṭha tawh bawka, an ti ti a tui ṭankhawp mai, khuachu rawnthim chhah chho in, Zawlbuk lama Tlangvalte pawh in an lawmnu te in lamchu an panṭan tawh a, chu tihlai chuan chhimveng lama in tawpber hnuaia Vawkpui liantak maichu a ṭeta ruai ruai mai le, chu veleh Tlangval te chu rawn au nghalin, sa a tlae, sa a tlae ti a rawn au in, Tlangval leh val upa te chuan meichher an rawnhum chhuak a, ṭhenkgat in Silai rawnhum chhuak in, ṭhenkhat thung chuan fei zumṭha tak tak te chu an rawnhum chhuak bawk a, chhimveng lam ah chuan tlankhawm nghal hum hum in, val upa te chuan rawlthar deuhte hnen ah chuan, fimkhur rawh u aw, a hlauhawm a nia tiin an rawn au lawm lawm bawk a, chhimveng in hmawrber hnuaia vawkpui ṭe ruai ruai maichu hnuktu a awm tih hriat tak maihian, thlanglam kawrte ruamlam ah chuan a ṭe thla ruai ruai mai a, thawk lehkhat ah chuan kawrte bawrvel ah chuan rithum dup in, vawkpui ṭe ruai ruai laichu a tawpta hmak mai a
.
Kawzau val upa Kapliana chuan rawlthar ho hnen ah chuan, khawimaw kawng minlo kianteh u khai, Sapui hnuhma a nih leh nih kanlo chian a nge tiin an rawnphei a, a hnung ah chuan Khawzau khaw Pasalṭha Tlangthanga leh a naute chuan an rawnzui a, in hnuai ah chuanlut in, hnuhma velte chu an hanbik kualnghal zung zung in, val upa Kapliana chuan Tlangthanga hnen ah chuan, Sapui hnuhma ngeichu a nih hi, tiin meichher eng nen chuan Sapui in Vawkpui a hnuh thlakna lamchu an chhuithlata a, hnu an hanchhui chuan Tlangthanga chuan hmahruai in, an thlang kawrte lampan chuan an chhuk ta a, an pan kawrte hi Ngaului ni in, helui kamhi zawl zim te te awm in, chung zawlchu Di hmunvek a ni thung a, Sapui'in Vawk a hnuh thlakna velchu a pethla hen hun mai a, Pasalṭha lo tanpawh han haichi zia zang a nilo a ni, kawrte Ngaului an zunthlen thlak chuan a boruak chu a dangta zarmai le, Sapui uap chu natak a ni tihchu Tlangthanga leh a naute chuan an hrethiam nghal a ni, thawm danglam hrelo mahse chu Sapui hu hangchu boruak ah chuan zam in, chung boruaka zamte chuan Tlangthanga naute tiril ah chuan fan in, an hlauhna a vang chuan an khur ru der der mai a, Sapui huhang chuan chulai Ngaului chu a fan chhuak hneh khawp mai, Tlangthanga chuan a naute hnen ah chuan, tuman hlau reng reng suh u, mahse kan fimkhur a ngai ang, khaweng a nilo a, meichher eng chauh a nih a vangin chetsual palh a hlauhawm a nia an ti a, a naute hopawh chuan fimkhur theihtawp chuan an Pasalṭha hnungchu an zuive zel a
.
He tihlaivek hian val upa ṭhankhat te leh, Pasalṭha ṭhenkhat te chuan Tlangthanga leh a naute hnung chu rawnzui venghal in, kawrte ruamlam ah chuan meichher nen chuan an rawnchhuk vemek bawk a, Tlangthanga ten Ngaului chhung an zuk thleng chiahtih chuan Tlangthanga hlauhawm a hnaizual a ni tihchu a hreve chawp chilh nghal a, chulai luite kama Vawk latu hnuchu, Sapui hnulian deuh deuh pahnih chuan a rawnfin a ni tihchu an hmu a, vawk latu hnuchu Sapui danghnu in a rawnfin tih an hmuh chuan, a naute hnen ah chuan rang tak in hnung tawlh rawh u an ti a, Tlangthanga naute pawhchu rang taka hnungtawlh nghalin, zanthim a ni nen, luite chu a nalbawk nen, Tlangthanga naute zinga pakhat chu a tluta hlauh mai le, Tlangthanga Silai chu chulai Ngaului khawk rum rum chuan an puak a, mahse meichher eng ah chuan Pasalṭha Tlangthanga chuan Keipui chu a tumna ah a kapfuh ta tlatlo mai le, rang lutuka Keipui chu hmalam ah chuan rawndawk pheinghal in, Silaimu chuan a beng dinglam hnuaichu rawnthawi thi ser ser in, chulai ruam ah chuan Keipui thinrim thawmchu a ringta hum hum khawp mai, Tlangthanga pawh a theih anga ranga tawlh let nghal in, lui laia a nautlu chu an tawlhsan deuh a, chulai tak maichuan Keipui pakhat chu khawilam a ṭanga rawnkalnge tih hriatloh hian, lui laia Tlangthanga nau tlusual palhchu a ring ah chuan Keipui chuan avrawnla lawp mai a, chupa chu rak ṭhawt in, chawpleh chilh chuan ka chhawntur awmlo nghalin a thizui tanghal a, Keipui chuan Mihring meuh an rawnlak tak ah chuan an hlauhawm ziachu hairual a nita lo, val upa te chuan rorel nghal zung zung in, a nih nih kan nitawh a, zanin lama beihchhun zawmchu nun na in hloh leh an hlauh a vangin, chumi zan chuan Keipui hnuchhui chu kiansan maichu ṭhazawk in an hreta a, mihring meuh sehtawh mahse, nun na in chanbelh theih thil a nih a vangin, zana beihchu val upa te chuan ṭhalo tiin, kiansan rihmai chu an ti tluta a ni
.
Zingkhua a lovar chuan Tlangval rualte leh, val upa rualte chu in hmukhawm in, vawk ruang chu hmuh in ringtawh lo mahse, mihring ruangtal chu lak theih in beisei in thawh chhuah lehchu an relta a, khawchhung lamchu a faivek a vangin, Ngaului thlachu a lang thlavek mai a, val upa te leh, Tlangval rualte chuan Keipui in vawk a hnuhthlak na in hnuai a ṭang chuan an thlirthla ṭhup mai a, Pasalṭha Tlangthanga chuan, eng pawh nise hma ka hruai a nga, ka hnung hlamli awmvel ah midangin min rawnzui rawhse an ti a, Keipui hi a hlauhawm zualna chhan chu, pakhat mai nilo in, pahnih pathumlai ni in an hria a, chu vangin fimkhur a ngai in, hlauhawm pawh a hlauhawm a ni, Tlangthanga chuan a sawi ang chuan hmahruai in, a hnung hlamli bawrvel ah chuan Pasalṭha dang paruk lai chuan an zui a, chumi hnungleh ah chuan val upa ṭhenkhat leh, Tlangval rualte chuan an rawnzui bawk a, an Sapui beihna hmunhi a lantheih vek a vangin, mipui lampawh an rawnpung khawm chak khawp mai, Keipui in vawk a lakna in bulvel a ṭang chuan mipui chuan an thlirṭhup mai a, Tlangthang'an kawrte kamzawl an zuk thlenthlak chuan, chu Ngaului zawlvel khawi emawlai ah chuan Keipui hi a rum chhur chhur mai a, Tlangthanga chu fimkhur taka luite lamchu pan phei in, an tumber chu mihring ruang chu lak an tum a ni, zan lama a kah hliam Keipui chu a hlauhawm falbik dawntih hria in, muang chang chuan Di hmunkar ah chuan, luite lamchu a hnaih pheizel a, a hnung hlamli vela Pasalṭha te pawh in rawnzui vezel in, luite lamchu an hnaih phei hriau hriau mai a
.
Tlangthanga chuan kawrte chu a thlengta, a hnung a mite pawh in muang changa rawnzui zelin, kawrte chhung chu an rawnlut veta hlawl mai le, kawrte hi puitling dung chenvel tura thuk a ni in, Tlangthanga chuan Keipui in mihring a hnuhna lam, kawrte hnarlam chu hlamnga bawrvel turhi a zawhchho hman, chu tihlai chuan thawk lehkhat ah chuan, chulai Ngaului ruam khawk rum rum khawp chuan Keipui chu a rawn hahum ta dum mai a, khawchhung lam a ṭanga mihring lo thlirtu te pawh an ip chawih chawih thei a ni, Tlangthanga hnunglama awm ten Keipui hahum na lamchu rang taka hawirual nghal hlawm in, Silai chu a puak ta ṭhuai ṭhuai mai a, mahse hlauthawng leh, hmanhmawh taka Silai chu hmetpuak an nih a vang chuan, chung Pasalṭha hote chuan an tumchu an fuhmeuh talo, chu tak maichu a pawita a ni, chung Pasalṭha hochu ranglutuk chuan Ngaului lung kar ah chuan an bawk lutnghal in, Keipui hliam thinrim chu a rawndawk chho puat tawh maisi a, Tlangthanga Silai chu han puak ṭhuai mahse, chu Silaimu chuan Keipui hliam thinrim chu a darah rawn thawithi sawk in, Keipui tan chuan pawi a khawih thamtalo a ni, Tlangthanga hmalam ah chuan Keipui pakhat chu kawrte ah chuan rawn zuangthla in, a hnunglam ah pakhat, a kah hliamchu thinrim tak maihian a awm bawk, a hnunglama Pasalṭha awmho tanpawh chet lak ngaihna a awmta lo, an Silai an kap ruak vek tawh a, Tlangthanga chu Keipui pahnihte chuan kawrte chhung ah chuan an dangchep chu a nita dermai le
.
Khawchhung lam a ṭanga lo thlirtu te pawh, an Pasalṭha Tlangthanga chu a thingei dawn a ni tihchu an hmuvek a ni, Tlangthanga chhungte phei chuan en pawh an en ngamlo hial a ni, val upa pakhat phei chuan, Tlangthang Nikawlha Pasalṭha i nih kha zamhlek suh tiin an rawn au a, mahse Tlangthanga tan chuan chet ngaihna a awmlo a ni, Keipui pahnih in kawrte ruam chhunga an hualbeh tlat a vangin a tan chuan chet hanlak theih a ni tawhlo a ni, mipui chuan mangleh hlauthawng tak chunga an thlirlai chuan, khawilam a ṭanga rawnlang nge tihpawh hriat loh rawlthar hmelṭha tak maichu, Tlangthanga leh Keipui in kar ah chuan, hlauhna leh zamna chhete mah neilo chuan a rawnding kak ta vahmai le, a mit meng chuan na taka Keipui chu melh in, a kut dinglam chuan a ral lulak chemchu nghet taka hum in, a kut veilam chuan Maubul changhriam tak maichu ruh taka humbawk in, Khawzau khaw Passlṭha hnen ah chuan, kawrte a ṭang hian chhuak rawh an ti a, Khawzau khaw Pasalṭha chu a lo hamhaih vebawk nen, chu rawlthar sawiang chuan kawrte a ṭang chuan hman hmawh tak chuan a chhuak ta nghal a, he tihlai hian khua a ṭanga lo thlirtu val upa pakhat chuan rawn au in, kha rawlthar kha tunge a nih? khalai hmun hlauhawm lutuk ah khan, eng vanga luzuara rawnlut ngamnge a ni? a, a deuh em ni an rawnti a, mahse mipui lam a ṭang chuan, putar pakhat hian, khu rawlthar khu a van huaisen em, mahni nun na hlutmiah lo a, hmun hlauhawm tak ah pawh a nun na chanhuama, ṭhiante tan a rawn inpe ngamkhu kan pileh pute nun dan dik tak a nih khu, mi a nilo in, kan pileh pute nun zemawi tak a rawn pholang zawk a nih khu, khu tianga rawlthar huaisen khu khawlam mi nge maw a nih le? an lo vethung a, mipui chuan chu rawlthar chu makti tak leh, ngaisang em em chuan an thlirṭhup mai a
.
Rawlthar hmalama Keipui hliam thinrim chu an awp hniamsut mai a, rangtak mai chuan rawn dawk chhuak zawk in, a hmalawka rawlthar dingchu sehtum chuan an rawnzuan a, mahse chu rawlthar huaisen, thlahtu a ṭanga hlauh neilo thisena rawn chawr chhuak chu, chu ti mai mai a Keipui hliamte seh hlum theih a nilo, Keipui rawn zuangchu chhete maha hlauhna neilo a lo en kar in, rang tak mai chuan an lo kunhniam san a, Keipui chuan rawn zuah ṭhelhfua in, Keipui'in rawlthar an zuan ṭhelhchu mipui lam hlauthawng chu an lo ṭe dual mai a, rawlthar chu rang taka ding chhuaka in leh hawinghal in, Keipui rawnher lehtur chu rang lutuk chuan an hnaihchilh nghal a, Keipui hnaih chilh chu, Pasalṭha tam tak tihngam loh a nih a vangin mipui lamchu an lo ip chawih chawih mai a, Keipui rawn insiam remleh hmachuan rawlthar chuan, awm hmun ah chuan Keipui chu a Beng chilhin an sat chawrh mai a, rang taka tawlhsawn sanleh nghalin, a beng chuan thawmdang a hriat a vangin, rang lutuk chuan an leh hawinghal a, a lo thlirtu mipui lampawh chu lo ṭe dualin, rawlthar hnung lama Keipui chuan seh tumin a rawnpan a ni, Keipui chu awphniam sut in, rangtak chuan an rawn zuang chhuak zawk mai a, rawlthar pawh Keipui rawn zuan ruala zuang chhuak dawk zawk in, an zuansan laitak mai chuan in tawng in, rawlthar chuan a chempui chu natak chuan an vaipawp mai a, Keipui Beng veilam chilh chuan sat richawk in, Keipui chu kawrte ah chuan a tlari chawrh mai a, a hnung lama a sah hliam Kaipui chu, rawlthar sah hliam a vanga a mit veilam chhuakpur chung chuan rawlthar chu an rawnpan leh a, chu Keipui mit lehlam tlapur chuan rawn zuanleh in, rawlthar pawh chu natak chuan an zuang chhuak veleh a, chu rawlthar chu Keipui ai a zuangsang zawk in, a sah na ngai ah chuan natak chuan an sat nawnleh ngheng mai a, chu Keipui tawrhchhel tak pawh chuan, chu rawlthar kut thlakna tak sah chu a tuarta bik lo a ni, kawrte ah chuan tlari chawrh in awmze neilo chuan a talta fuat fuat mai a
.
A hnung lamchu rang taka hawileh nghalin, Keipui pakhat chuan hmai veilam thler hnuang chung chuan a rawnpan chharh chharh maia, rawlthar pawh in a mah rawnpan tuchu hlauhna chhete mah nei miahlo chuan lo en kar in, Keipui chuan rawn zuanluh tumin an awphniam leh a, rawlthar chuan Keipui rawnzuan chhuah leh hmachu chuh in, rang lutuk chuan hnaihchilh thut in, Keipui rawn zuang chhuak turchu an sat leh ngheng mai a, Keipui na tuarchu chulai kawrte ruam khawk rum rum chuan an rum a, rawlthar a tina hamtuma a rawnding chu rawlthar kut veilam chu a phevuai mai a, Keipui hrawk ah tak chuan Maubul chang hriam lutuk maichu lut hrawih in, rawlthar chuan an sawh luhbelh nghalsawk mai a, Keipui hrawk a ṭang chuan thisen chu rawn chik chhuak hrawih hrawih in, chu Keipui dingur maichu a zalta raih raih mai a, rawlthar Beng chuan hlauhawm dangchu a hriatbelh leh in, thawm a hriatna lamchu rangtak chuan an hawinghal a, chulai Ngaului hnarlam a ṭang chuan Keipui lianmang kheng maihi rawlthar lampan chuan a rawnkal zar zar mai a, khua a ṭanga lo thlirtu val upa pakhat chuan, Tlangval huaisen in hlaulo mahla, kha Sairal khachu tawlhsawn san rawh, mihringte thahchi pawh a nih loh kha an rawnti a, mahse chu rawlthar chuan chu Sairal lianzet maichu tawlhsawn san reng a tumlo bur a ni, chung Sairal ho chu an len em a vangin, kan pileh pute pawh in, a lu ringawt pawh Arbawm tiat an tihchi ngeikha a ni, chu Sairal lianzet maichuan rawlthar chu a panzel a vangin, mipui hlauthawng chu an thaw dep dep tawh mai a, mahse chu rawlthar thinlung ah chuan hlauhna chhete mah in hmunchanglo in, chu Sairal a mah rawnpantu chu a mit chuan ngun taka a mit ah tak chuan lo en kal in, hlamli vela rawlthar awmna a la rawnthlenglo tih ah chuan, rawlthar chuan a Maubul chang hriamtak, Keipui thisen kaizul maichuan lo kawk in, fiahkak maihian tahkhan dingrawh anlo ti charh mai a
.
Chu Sairal chuan a hmalawka rawlthar huaisen tak mit mengchu hmu in, mei vial ngul ngul chung chuan a dingta chut mai a, a hmalawka rawlthar, Kawlkei pianruala he lei eng rawnhmu vetu mit leh, a thinlung huaisen na chu rawnhmu in, chu Sairal pawh chuan chu rawlthar chu a tawnlui ngamlo a ni, rawlthar chuan hmalama pen pah in, tihnat che ka duhlo a nia, min nawrlui a nih chuan ka thathreh miahlo che a nia tiin an hnaih pah a, chu Sairal lianzet maichuan rawlthar biakna chu hrethiamve ni awm tak in, hreh hmeltak chung chuan a hnung tawlhta hrut hrut mai a, rawlthar chuan Sairal mit taka eng kalchung chuan changfak maihian, helaihmun a ṭang hian kalbo rawh, helai ah hian rante leh mihring sehtur hian rawnkal tawhsuh an ti a, Sairal chuan rawlthar ṭawngkam chu hrethiam ni awm tak chuan kawrte a ṭanga zuang chhuak in, ngawpui chhung lamchu a panta a, Sairal an tawlhliam tak ah chuan mipui chu an au hum hum mai a, Tlangthanga leh a nau Pasalṭha rualte chuan, chu rawlthar chu mak an tih em a vang chuan kaho hian an thlir hlawm a, biak nachang pawh hrelo chuan mak tiin an thlir tlawk tlawk mai a ni, val upa te an rawnthlen meuh chuan Tlangthanga leh a naute pawh pang ngai taka rawnharh in, an mahni rawnchhan tu rawlthar chu an chibai nak nak maihlawm a, mipui lampawh chulai kawrte ruam ah chuan rawn tlanthla hlawm in, rawlthar chu an rawn chibai nasa mai a, mipui zinga awm, kawr ruama rawn tlathla velo putar te leh, nu nau te chuan rawlthar chu tunge tih an in rinsiak nasa mai a, khawilam a ṭanga lo kalnge a nih ang a, tunge a chhungte ni ang? Putar pakhat chuan, khu Tlangval zetchu a va ropui em, khu ngeikhu a ni Pasalṭha huaisen diktak maichu, mahni nun na hlutmiahlo a, ṭhiante tana huaisen taka beingam kha a ni kan pileh puten Pasalṭha huaisen anlo tih ṭhinchu an ti a, chu putar chuan taite lo hawteh, nang ang reng reng huaisen hi kala hmu ngailo, chu vangin ka thlathum zu ngeikha ka khawn dawnche a ni, kha tianga Sairal hnawtbo theikha ka vawikjat hmuhna a ni an ti a
.
Mipui au dur dur an hriatkhan Lal Nikawlha chuan, ka Pasalṭha Tlangthanga chuan kan Keipui sualte chu a hnehta a ni maw? tiin an ti ti sar sar mai a, he tihlai hian Tlangaupa chu thaw huam huam chungin Lal in chu a rawnthleng vechiah bawk a, Nikawlha chuan Tlangaupa hnen ah chuan, ka Pasalṭha Tlangthanga chu huaisen chawimawina nopui ka hlen ngei ang, a mah vanghian kan khualehtui hi kan ralmuan phah hliah hliah si a, ka Pasalṭha Tlangthanga chu nakin ah rawnhruai ang che, vawiin a a thiltih hi a ropui em a vangin, huaisen chawimawina nopui ka hlandawn a ni an ti a, Tlangaupa chuan Lalpa mihuaisen te huaisen nopui i hlandawn a nih chuan, i Pasalṭha Tlangthanga chuan huaisen nopui chu a dawm theih ka ringlo a ni, kha rawlthar kha a mak a ni, a huaisen danchu sawiloh, Keipui pahnih chemtum nen a thahbak ah, Sairal lian lutuk maikha a hnawtbo thei a ni, thaw hlawp hlawp chung chuan an ti a, Nikawlha leh a khawnbawlte chh hawiphawk deuh hru hian, Nikawlha chuan, Tlangaupa chu eng thilnge i sawichu a awm zia? mipakhat in chemtum nen Keipui pahnih a that i tihna em ni? chu tiang ti theitura huaisen chu ka khualehtui ah hian anlo awm a ni maw? chu chu tunge a hmingni a? an ti a, Tlangaupa chuan, Lalpa chemtum nen Keipui pahnih a thatmai a ni hleinem, a pathumna tur Sairal lianzet maichu a hauzam ṭhak thei a sin an ti a, mahse Nikawlha leh a khawnbawlte chuan Tlangaupa thusawi chu an awi puilo khawp mai, a tir ah takphei chuan Tlangaupa thusawi chu an nuihzat sak a ni, Nikawlha chuan, Tlangaupa thil i hresual a nih chu, tuman Sairal te an hauzam ngailo tiin an nuih a, mahse he tihlai tak hian a fapa naupang berchu in chhung ah chuan rawnlut nawlh in, chu Nikawlha fapa chuan a pate hnen ah chuan, kapa kha mikhualpa kha mi mak tak a ni, chemtum nen Keipui pahnih a thah bak ah, Sairal liantak maichu a melhzam ṭhak a sin, khatianga mihring huaisen leh insual thiamkha kala hmungailo a ni, mak tak a ni, a mak tih mailoh chu sawidan pawh ka hrelo a rawnti bawrh bawrh mai a, chu tahzet chuan Tlangaupa thusawi chu Lal Nikawlha leh a khawnbawlte tan chuan awiloh theih a nita lo
.
Nikawlha chuan ka fapa tuna i thurawn sawikha tak tak em ni? chu khual chuan ka Pasalṭha Tlangthanga chu engmahlo mai ah a rawnchhuah em ni? chupa chu khawilam minge a nih a, tu khualehtuia awm nge a nih reng reng? an ti a, Nikawlha fapa chuan, kapa chupa hantih chi ah ka ngailo, a mah kha rawlthar mai a lani a, a ni kha awmlo seng zawng kan Pasalṭha Tlangthanga chuan i kohna chhangtur a awm tawhlo ngei ang, kan Pasalṭha te lak ah chuan Satel leh Keipui ang hlauh hlauh an ni, tunge a hming a sawilo a, khawilam a ṭanga lo kalnge a nih a sawihek lo, kan Pasalṭhate leh mipui chuan kan thlir tlawk tlawk mai a ni, a mah kha miṭawng tlemtak ni in, kan val upa te hnen ah chuan, Nikawlha khua ah hian, ka putea te rawn zawngchhuak tura lo kal kani tiin a hrilh a, chu bakchu eng dangvak a sawilo an ti a, chu veleh Nikawlha leh a khawnbawlte chuan chu rawlthar thusawi chu an Beng khawnta khawp mai, chu rawlthar in a putea a rawn zawnchu tunge ni ang ti a in zawt he haw in, an bangbo hlawm khawp mai, chu tihlai chuan Nikawlha fapa upa berchu rawnhaw veleh in, kapa kan khual rawlthar chuan i Pasalṭha te chu ngawireng in a awmtir a ni ber mai, kha tiang em em a mihring ṭuanṭha kha khawiah mah kala hmungailo a ni, kha rawlthar kha rawn thlenglo chu ni ngetseng zawng kan Pasalṭha te kha chuan lam an thailo vai vai khawp ang le, vawiin ni hian an dam hmelhmuh tur an awm tawhlo tawp ang le, khatiang tak maia insual thiamleh, huaisen kha tufa tak ni ang maw? an ti a, Nikawlha chuan, chu rawlthar chu tunge a nih hriatngei ka duh a nia, tin tufa nge a nih a? khawilam a ṭanga lo kalnge a nih hriatvat ka duh a ni an ti a
.
Nikawlha fapa upaber Lalkawlha chuan, kapa Keipui ruang pahnih kha an rawnla chhodawn a, tin Tlangval Sukpuia ruang pawh tun ah hian inlam an panpui mek e, karlo ah chu rawlthar leh Keipui ruangte chu helai hmunhi an rawnthlen ang an ti a, Khawzau khua ah chuan rawlthar chan chinchu an sawi luih luih mai a, nula lamlah in rawlthar chan chin chu an sawi luih luih maibawk a, Tlangval te leh paho chuan a Keipui beihdan chan chinchu an ti ti tuiber ni in, khatianga mihring zamṭha leh huaisen, hlauhawm hmachhawn thiamkha an la hmuh ngailoh thu chu sawihlawm in, Sangluaia chan chin chu an sawi luih luih mai a ni, rawlthar chan chin sawitu te zing ah hian, Sangluaia putea fanu Zuali leh, an Lal fanu Nikungi pawh an bangbik lo a ni, Zuali hian a pa tupa a ni tih reng reng a hrelo a, chu rawlthar huaisen leh hmelṭha tak mai chan chin chu tumai pawh chuan an sawi huai huai mai a ni, Zuali leh Nikungi pawh in chu rawlthar huaisen tak mai chan chin chu sawi nuamti em em in, chu khua a nula a mah la hmulote pawh in, a huaisen dante an hansawi chuan an ngaizawng nghal ngawih ngawih mai a ni, Lal Nikawlha in ah chuan Keipui pahnih ruangte chu Tlangval ho chuan rawnzawn thlengta a in, khaw mipui te chuan an bial luih luih mai a, nula te leh nuho te pawh rawn pungkhawm in, chu Keipui pahnih that tu rawlthar hmelṭha tak maichu hmeichheho chuan Keipui ai a hmuduh zawk in, Sangluaia lak ah chuan hmeichheho mit chu a fuṭhup mai a ni
.
Lal Nikawlha leh a khawnbawlte chu Leihkapui ah chuan rawn chuang chhuak in, a tualzawla Keipui pahnih Hlang chunga an dah din uaih maichu an en a, chu Keipui lian zet zet pahnih, chemtum nen ringawta that theitu chu mi huaisen chung chuang leh, Pasalṭha zamṭha tak an nih ngeichu a ring nghal a, heng Keipui lian tak tak pahnihten an beihrawn chung pawha, an pahniha that theitu mipa chu chawimawina nopui hlan ngei a duh bawk a ni, he tihlai hian in chhunglam a ṭang chuan Nikawlha fanu, Nikungi leh a ṭhian nu Zuali te chuan, kawtzawla Keipui pahnih that tu Tlangval rawlthar chu mit khap lek lo hian an lo thlir tlawk tlawk mai a, Zuali hian a Tlangval duh em em chu a ni tupa a ni tih han hrengat seng zawng, a zak lutuk hi hawipawh mipui kar ah chuan a hawichhuak ngamlo ngei ang le, Nikawlha chuan tualzawla val upa pakhat hnen ah chuan, khaile hei khualṭha kan nei a ni awm a, heng Keipui chimawm tak tak pahnih that tu hi tunge a nih minhan hrilhteh u le? an ti a, chu veleh Pasalṭha Tlangthanga chuan mikhual rawlthar chu chhuang tak maihian Lal Nikawlha hma ah chuan rawnkai chhuak in, Tlangthanga chuan, kapu he rawlthar ngeihi a ni e heng Keipui chimawm tak tak te that tu chu an ti a, Nikawlha chuan chu rawlthar lamchu en vang vang in, Tlangval tunge i nih a? khawilam a ṭanga lo kalnge i nih le? ka khualehtui ah hian eng ti tura lo lutnge i nih? an ti a, rawlthar chuan Lal Nikawlha chu en vang vang in, kapu i khualehtui ah hian, ka putea te chhung kua an awm tih kalo hria a, ka putea te chhung kuachu rawn zawng chhuak tura lo kal ka ni an ti a
.
.
DUHTAWK LEHRIH PHAWT ANG U AW
REMCHAN VELEH KAN CHHUN ZAWMLEH DAWN NIA
.
Hmam hmawhlo in minlo nghak hram hram ṭhindawn nia
.
.
[Lalzirliana Tochhawng] [Champhai Tlangsam]
| Link: | |
| BBcode: | |
| HTML: | |
| Hide post links |
............... PASALṬHA THANGLUAIA (215) ...............
.
.
Khawzau khuate chu rawlthar thusawi chuan a ti zauthau in, chu rawlthar duhawm leh huaisen chhungte nih chak chuan, Khawzau khaw mipui te chu an so bulh bulh a ni ber mai, a nilah taka, he tianga huaisen leh Tlangval hmelṭha tak in, a chhungte a rawn zawng a ni a, he rawlthar chhungte tan hi chuan Khawzau khua ah chuan hawilen na tham a tlingreng a ni, Nikawlha chuan, Tlangval a nih chuan i pu hmingchu i hria ang maw? he khua ah hian a awm tih i hrechiang a maw? tin tunge i hmingni a, eng tin nge kan koh dawn che? tiin an zawtleh a, rawlthar chuan, kapu ka hrechiang e, hmunhla tak a ṭangin kapu zawng chhuak tur hian ka rawnkal a, keihi Sangluai tiin minko ṭhin a, kapa chu Thangluaia a ni an ti a, chu thuzet chuan Khawzau khaw mipuite chu a barakhaih chianghle mai, Lal Thangluaia chan chin chu an lo hreveṭhin teh meuh mai, Thangluaia Lalbula Pasalṭha huaisen, tuna Lal ropui tak rawn nita, mi chanhaite leh, hnuchham te hmangaih ṭhintu Lal ropui tiin Khawzau khuate hian Thangluaia chan chin chu an hreṭhin a ni, tin a fapa rawlthar Sangluaia chan chin pawh hi tlangkam a ṭang chuan lo hreve ṭhin in, rawlthar huaisen tak ni in, a pa ang bawka ralbeih thiam leh, ralrel thiamtak a ni a, thinrim taka a au chhuah tawh chuan, Sairal te hian an ṭanpui ṭhin a, Kawlkei pianruala piang chhuak ni in, ral a hmachhawn pawh in, a hawina lam a piangchu a kaw duak duak ṭhin a ni, tiin Sangluaia chan chinhi an hria a ni
.
Khawzau khuate chuan rawlthar chu makti tak chuan an en ṭhup mai a, Sangluaia chan chin chu an lo hriatve ṭhin a vangin, mipui rilru ah chuan zawhna tam tak awm in, heihi maw Lal ropui Thangluaia fapa huaisen chu? heihi maw Sangluaia ralhrat khawkheng an tihchu, Keipui a hmachhawn dan hmutu zawng zawng chuan, Sangluaia chu ni awm reng a ni e, a chan chin an sawidan nen pawh a inzul zuithlap a ni, mahse Khawzau khua ah hian tunge a pu chu nita ang? chu zawhna chu mipui te hriat chakber a ni, Lal tualzawl kilkhat ah hian upa ho, putar tawh ho hi an ṭhukhawm laih mai a, chumi zinga pakhat chuan a ṭhiante hnen ah chuan, han thlirchiang teh u khai, he rawlthar pian in khaithlizaih mai hi, a pa Thangluaia chu Pasalṭha huaisen em em mai a ni a, ral hmachhawn kawng ah pawh nise tuma tlukrual a nilo, vawiin a he rawlthar chetdan kha kan hmuve ṭheuh awm e, tlangkam ti ti a ṭang chuan, a fapa Sangluaia an tih hian a pa chu kawngtam tak ah a la khanlo hle an ti a, he rawlthar duhawmtak mai hian a pa vanglai a la tluk lo a nihngai chuan, Thangluaia vanglai chu eng tiang tak ni ang maw? an ti a, putar pakhat thung chuan, he rawlthar hi hanbel chiang teh u khai, a pian in khaithlizaih mai a ṭang leh, vawiin a chetdan a ṭang khan kanhmuvek ngei ang, a hmelma niha hmachhawn ai chuan, kawlkil tawp thlenga tlanchhiat pawh keizawng ka nap e an ti a, he tihlai hian Lal Nikawlha bawk chuan, Sangluai Lal Thangluaia fapa maw i nih le? he khualehtui hian Lal ropui Thangluaia fapa chu kanlo lawm a che, Sangluai ka khua ah hian tunge i pu chu nita ang? i pu hmungchu i hrengei ang tiraw? an ti a, Sangluaia chuan, Lalpa kapu hming chu ka hria a lawm, Khawzau khaw mipuite chu an rehṭhup mai le, Lal Thangluaia fapa pu nihchu chak vek in, Sangluaia kam chhuak ngaichang chuan Lal tualzawla mipui pungkhawm te chu an reh ṭhup mai a ni
.
Sangluaia chuan damthlarh mai hian, Lalpa kapu hming chu Rokhara a ni a, a fapa Lal Nikawlha khawnbawlmin hmingchu Dohranga a ni e an ti a, chu veleh rang lutuk in Dohranga chu Leihkapui a ṭang chuan rawntlan thla in, Sangluaia chu rawn pawm chung chung in, ka tupa maw i nih le? ka vanchhuang tak che em an ti a, Khawzau khaw mipui pungkhawm hma ah chuan, heihi ka tupa a nih hi, heihi Lal Thangluaia fapa huaisen Sangluaia, ka tupa a nih hi tiin chhuangtak mai chuan mipui hma ah chuan Sangluaia hming chu an lam a, ka tupa keihi Rokhara fapa Dohranga ngeichu kani e, ti a in hmelhriat tir in, chulai vela a fate awmho chu an ko chhuak hlawm a, Dohranga fate pawh in an u naupa chu chhuang leh ngaisang tak chuan an rawn chibai hlawm a, tin Lal in chhung lama nula pahnih, Zuali leh Nikungi pawh in lo thlirve reng in, an Tlangval lo ngaihzawn ruk em em maichu Zuali u naupa tur a loni reng maisi a, Zuali pheichu a zakru khawp mai, a Tlangval lo duhruk ngawih ngawih maichu a u naupa a lo nisi a, midang chuan a rilru chu rawnhrengat seng zawng a tan chuan khawhawi ngaihna a awm dawnlo a ni, Dohranga chuan Lal Nikawlha hnen ah chuan, engpawh nise Lalpa ka tupa hi ka in lam ah kan hruai hawng phawt a nge, hei tukṭhuan ei te pawh a hundawn tawh a, kannu pawh in a hmuchak tawh ang e an ti a, Nikawlha pawh in, Dohrang i tupa chu ka chhuang khawp mai, tukṭhuan ei kham lam ah te ilo lenpui dawn nia tiin an in thlahta a, in chhung lama a fanu Zuali chu hanko in, lo chhuk tawh rawh khai, hei u naupa thar i nei a, tukṭhuan ei te pawh a huntawh e, i hawng tawh teh ang khai an ti a, Zuali chu zak ruhle mahse a pa kohna a vang chuan in a ṭang chuan rawn chhuak in, Nikungi pawh in a ṭhian nu chu Luhkapui thleng an rawn thlah a, Sangluaia pawh in chu mite ṭhiandun an hmuh chuan, nula hmelṭha leh feltak an ni tih hrenghal in, an bula awm pawh a nawm viau a ring a ni
.
Dohranga chuan a in a panpah chuan a nui var var mai a, midang te chuan, e pu Do i tupa chu a chhuan awm hlemai an loti hlawm a, Dohranga pawh in a tupa chu chhuang taka nuih var var pah chuan, Lal ropui Thangluaia fapa duatlai ngat a nih hi khai, ka tupa hmelṭha tak leh huaisen tak mai hi ka chhuang teh a nia tiin an chhang hlawm a, in an hanthlen chuan, kawngka an luh hma a ṭang chuan ring leng lawng hian Dohranga chuan, nu i hei Lal ropui Thangluaia fapa huaisen Sangluaia ka tupa chu in ka rawnluh puidawn e, tukṭhuan kha ilo peihtawh em? an ti ngat mai a, Dohranga nupui Chhunthangi chuan, pa a i tupa tharchu duhsak na nen kawngka a hi kalo hmuak e, kan tupa tharchu duhsakna nen he inchhunga lo lut tur hian kalo hmuak a, kan inchhunga chengte hi a chhungte kan ni a, kan ei leh kan barangte barve a, a inchhunga lo lut tur in kan tupa tharchu khawinge kanlo chibai a nge tiin, inchhung ah chuan Chhunthangi chuan Sangluaia chu a kailut ta a, Dohranga fate pawh chuan rawnzui lutve vek hlawm in, hlimpawh an hlimtlang dar dar khawp mai, khaw khatpa tan chuan Lal ropui leh hmingthang, Thangluaia fapa huaisen tupa thar ni tura, mahni inchhunga han kaihluh ngatmai chu a ropui in inchhuan na tham a tling reng bawk a ni, Dohranga chuan eng dang sawilo chuan a fate sawmpakhat laimai chu a upatdan in dawt te te chuan Sangluaia chu an hmelhriat tir a, Sangluaia chuan chibai diat diat in, a tawp bera Zuali an chibai chu, Sangluaia chuan Zuali chu a zam nasa tihchu a kut a van a ṭang chuan a hrethei a ni, an in chibai laihian Zuali hian Sangluaia mit chu en pawh a en ngamlo a, Sangluaia hian Zuali chu a zak tih hrethiam in, a lak ah chuan a tlangnel theih nan tiin, Zuali nang nge upa ang keimah aw? tiin an zawt zaih mai a, Dohranga chuan a ni teh tak e a, Zuali i u naupa zawhna chu han chhangta che an ti a, Zuali pawh tlema a zahna chu zia awm deuh in, kum sawmpariat ka hmang ṭanve tiin an chhanga, Sangluaia chuan fiamthu hian, ka chhangrual velchauh i nih chu an ti a, Zuali chuan Sangluaia chu rawnmelh zauh in, ka awibik lo, kei ai in i upa bik lotawp ang an rawnti a, Sangluaia chuan minbiak i hreh hmel em a kan fiamche a nih kha tizauh in, keipawh kum sawmpariatna ka hmangve ṭan mek e tiin ṭhatak chuan an hrilh leh a
.
Chu tianga an han inbiak tak ah chuan Zuali pawhchu Sangluaia lak ah chuan tlangnel veta deuh in Zuali pawh chuan, nang ai in ka upa deuh zawka, min u dawn nia an tive zauh mai a, Sangluaia chuan a nih leh u Zual tiin an ko zauhmai a, Zuali chuan min u suh, u ka duhlo an tileh a, Sangluaia chuan min u rawh i tisia i duhleh bawk silo, eng tin nge ka koh tak ang che? an ti a, Zuali zak chu sen ṭan ṭan in, kapa u ka duhlo a nia a ti ta daih mai a, Dohranga pawh in, Zuali i u naupa koh danche chu i duhvak na nge? u kha i duh deuh khan ka hria a, i duhleh silo a nih chuan in hming khan in ko ve ve mairawh u aw an ti a, Dohranga chuan, ka tupa eng pawh nise tuk ṭhuante han ei phawt ila, tukṭhuan ei khamhian kan Lal Nikawlha inlam ah kan lengphei ang chu, tin hei i pu Rokhara lungpawh kan hmalawk hian kan tungdawn a, ilo kal remchang nen, i pu Rokhara lungtun thleng i chamve a ni ang chu, Sangluaia chuan Nikawlha khua ah chuan inpu a awm a, a hming chu Rokhara ni in, a lungpawh an tunghnai tih sawitu kha an ngaihtuah chhuak thut a, khapa khan engtin nge Dohranga te hian Thangluaia te hi hresa ang khan a rawn sawi mai le? a pu Dokhara ṭawngkam a ṭang hi chuan, Dokhara te hian Sangluaia te hi an hrelo hrim hrim a ni, tukṭhuan tur an siamzawh chuan Dohranga chuan, ka tupa khaile kabul ah hian rawnṭhu la, tuk kinzing chu puartak in chaw i hanei teh ang u khai an ti a, Sangluaia pawh in a pu sawiang chuan, a pu bulah chuan ṭhu in tukṭhuan chu a ei veta a, Sangluaia rilru chu a nawmloh em a vangin a pu hnen ah chuan, kapu kapi Satpuii kha i hreve reng reng em, kapa nu a ni a, kapi pa te lamhi tumah hriat ka neilo a sin an ti a, Dohranga chuan phurtak mai chuan, ka tupa nia ka hrilhvek ang che ka ti a, mahse hei minzawh tak ah chuan katum ai a hmain kan hrilh ang che tiin, chawbar pah chuan a ṭhut hmunchu a remṭha surh surh mai a
.
Dohranga chuan ka tupa i pi Satpuii pa kha, kapa te u nau zinga a upa ber a ni a, kapa Rokhara hi a pangber a ni thung a, an u nau hi pakua ni in, tun ah chuan an boralvek tawh a ni, i pu Rokhara hian nikum lamkhan mual min liamsan a, a ni hi kan hriat theihchin ah chuan i pu te u nau zing ah chuan a damrei ber ni in kan hria, kan hriat theihchin ah chuan, i pi Satpuii pa khan kan pianve hmadaih tawh khan Tlanglo khua a pan a, tah chuan nupui nei in fa pakhat an nei a, chu a fanu chu tuna i pi Satpuii khu a ni, vawitam rawntlawh chhuah che u kan tumṭhin a, mahse kei mahni lamte kan remchanglo ṭhin nen, hansawita phawng ila, i pi Satpuii chu a nu leh pa ten an han boralsan khan rawntlawh kan hantum leh a, mahse kan chhungkua ah eng eng buaina emaw in mintlak buak a vangin i pi chu kan tlawh theitalo a ni, hun an liama i pi chu kapa khan rawntlawh turin minti leh a, mahse khualthu thang a ṭangin i pi kha a fapa nen Tlanglo khuate khan an hnawt chhuak tih thawm kan hrelehta a, kan theihtawp in an kalna lam kan hanzawt kuala, mahse tumah khan i pi te panlam kha minhrilh theitalo a ni, an kalna chin kan hriat tak loh a vangin kan tan chuan han zawn chhuah ngaihna a awmta lo a ni, ka tupa ka mawh phurhna ka hlenloh a vangin min ngaihdam pawh ka ngai hial a ni an tizui a, Sangluaia chuan, kapu engmah thiamlohna i nei reng reng lo a nia, helaia ka rawn kalna chhanhi kan sawive a nga, kanhmakar lawk khan tuk khatchu mikhual pakhat hi kan in ah hian a rawnlut nawlh mai a, chu kan mikhual chuan kanu hnen ah chuan, i pa u naupa lung an tung dawna, a hmingchu Rokhara ni in, i patea fapa Dohranga chuan nangni pawh hi i patea lungtun na ah chuan kalve turin a hrilh che u a sin tiin kanu chu a hrilh a, kanu chuan kawngthui kalthei kani tawhlo a, keimah hi kaltur chuan kapa nen minti ta a, kawng rawn zawng chawp in hei tunhi ka rawnthlengta a ni an ti a, Dohranga chuan a ni tak maw, ka tupa tunge chu tiangthu chu hrilhna chang che u hria le aw? ka lawm hlemai chutiang thu an lo hrilhche u hi an ti a, Sangluaia chuan, kapu chuthu minhrilh tu chu, Kaitawna a ni a, kal ngei ngei tur in minti a ni an ti a
.
Dohranga chuan, ka tupa a nih tak chu mawle aw, Kaitawna chuan kanhma lawk khan minrawn tlawh a, tah chuan kapa lung tun kan tumthu pawh ka hrilh a, a ni pawh kha i remchan chuan lo telve ngei ngei rawh ka tih nghe nghe kha mawle, tin kanhnung deuha a lo kalkhan, kapa tu unau chan chinhi minzawt vak mai a, a lo hetih dawn a vanghi a nih hi kan chhung kaw in thlanchhawn dan kha minlo zawhvak ni, ka tupa a ṭha e, Kaitawna bengvar a zar ah hei tupa duhawm tak ka neiche tih ka hria a, Kaitawna chu ka hmuhleh hmasak ber ah lawmthu hrilh mawlh mawlh ka ngai a nih chu an ti a, tukṭhuan te an han ei felmeuh chuan Ni pawh a tlangsang tawh khawp mai a, he tihlai hian Dohranga fapa, u patawh lam fate chu in chhung ah chuan rawntlan lut in, an pu Dohranga hnen ah chuan, a pu khawihi nge Lal tualzawla Keipui pahnih thahtu chu? miin i pu te in ah an awm, Tlangval huaisen leh chak tak an ti a, hmuhve kan chaka kan rawnkal an hanti a, Dohranga pawh in a tu te hnen ah chuan a tupa tharchu han kawh hmuh in, hei hi in u a nih hi, Lal tualzawla Keipui pahnih te sathlum tu chu a nih hi an ti a, naupang hopawh chuan Sangluaia chu han chibai in, naupang zinga pakhat chuan u Sangluai miin i hminghi an sawi luih luih a sin, Keipui kan en na ah pawh, Sangluaia chu a huaisen a, chak pawh a chak bawk a, a zam a ṭha lutuk, Lal fapa a ni a a hmelṭha lutuk nula ho in an ti an ti a, chu naupang thusawi chuan Zuali Beng chu loverh zar in, nula dangten chu tianga an losawi ringawt pawh chu lothik ru nghalin, mahse an in ngaihtuah chiang a, a pa tupa a nih a vangin a tan chuan lo beisei chi a nilo tihchu hrechhuak leh in, a rilru chu a mah chauh chuan hreru kiau in, zahpawh a zakru em em a ni, Sangluaia chuan naupang hnen ah chuan, miin an sawive mai mai a nih chu, hei min hmuh vek hi, ka huaisenlo a, chak pawh ka chak miah loh hi, mite chuan an sawive mai mai a nih chu, awi duh reng reng suh u an ti a
.
Dohranga chuan khaile ka tupa Lal in lamchu i in peihtawh chuan kanpan phawt dawn em ni? kan Lal Nikawlha khan kawmche a chak hmelriau in ka hria a, i pa chan chinte pawh zawhche a duh ngei ka ring a ni, helaia i rawnlan hmapawh khan, Thangluaia hi Lal en tawltlak tak a nih thu kha a sawi ri tlat mai a, chu vangin in khawlam chan chin chu a zawhche ka ring a ni, i pa Thangluaia hansawi tak ah chuan, kani Satpuii te pawh chu hmuhve ka van chak tak em, i pa Thangluaia ngeipawh chu hmuhve ka chak khawp mai ti a ti ti bawrh bawrh in, Dohranga leh Sangluaia chuan Lal in lamchu an panta a, kawngka a ṭang chuan Zuali leh a nu chuan thlirzui vawng vawng in, Chhunthangi chuan, Zuali i u naupa tharchu a felhmel hlemai, tin Thangluaia chan chin chu tam tak kan hretawh a, a khualehtui chhunga mi harsate leh, fahrah chanhai riangvaite hmangaih tu a ni a, chu vangin he i u naupa tharpawh hian a pa ziachu a la khawp ang, tin a mah kha han en maikhan a rilru a ṭha in, a nun kha a ngil a ni tihkha a hmelah khan a hriat hliah hliah mai a, Tlangval pian nalh thlarhmai leh, hmelṭha leh huaisen tak mai a ni a, kan khua ah pawh hian a to khatviau ang le, nang pawh hi i khawsak dan a ṭang hian, i u naupa thar lak ah hian i rilru i seng a ni tih ka hria a, fimkhur ang che, i u naupa a ni a, ṭhatak in kawmla, a in thlahrun theihna ang tur reng reng in ṭawngkam i hmangtur a nilo ang, duat tak in en kawl la, i u naupa a nih bak ah, Lal ropui tak fapa a nih hi theih nghilh ngaisuh ang che an ti a, Zuali pawh chuan a nu thusawi chu dik a tiin, a u naupa lozin chi duak taka a lo en kawl a ngai a ni tih hria in, a lo duhruk na zawng zawng te chu dah ṭhata, u nau pianpui ang chiaha lo mikhual tur chuan a rilru chu an siamṭha sauh sauh a, Chhunthangi bawk chuan, Zuali mualpho na hi hote a ni a, i u naupa hi ka sawi ang khan i awmdan a ṭang hian i rilru hian a duh a ni tih ka hria a, khang i rilru putdan zawng zawng kha dahbo vek la, u naupa chhuan awm tak i neih hi mite zah kaitur in ṭhatak in he khualehtui i nih ang hian kaihruai ang che, ka sawiuar vang nilo se, kan khaw nula zawng zawng te hian an ngaizawng dawntih ka hrenghal a, mi huaisen Pasalṭha chu hmeichhiate hian kan ngaisang in, kan ngaizawng ru ṭhup ṭhin a, chu vangin kan khaw nula te pawh hian he tianga Tlangval huaisen leh, hmelṭha hi chu an ngaizawng furdawn a ni, chu vangin hengkar ah hian nang pawh fimkhur leh, rilru neitak in awm ang che an ti a
.
Dohranga leh Sangluaia pawh Lal Nikawlha in chu an va thlengta a, khawnbawl dangte pawh lo kimṭhap tawh in, Dohrangate pahnih an han hmuchu lawm pawh an lo lawmthiam khawp mai, Nikawlha chuan a khawnbawlmin te putu hnen ah chuan, e khai inlo thlengta a maw? lo ṭhurawh u khai tiin ṭhut hmunte a lo kawh hmuh zung zung mai a, he tihlai hian Lal fanu Nikungi pawh in kilkhat a ṭang chuan Sangluaia, mipa a hmuh tawh a zawnga a thinlung luahtu bermai chu a lo thlirve ngawih ngawih mai a, Sangluaia chuan a mit meichu a hrethiam ang tih hlautak chung chuan, kilkhat a ṭang chuan a lo thlirve ngawih ngawih mai a ni, Nikawlha chuan Tlangaupa hnen ah chuan, khaile ei kan khualṭha a lo thlentak hi, Tlangaupa Rappui chungsanga ka thlathum zu belkha han chawithla rawh khai, zanriah ei kham chauh mah ila, chaw kawng leh zupui kawng chu a dang ngai e, Lal ropui tak Thangluaia fapa hi khuleh chen a ṭanga lo kal a ni a, a chhawlte pawh a hal tawhviau tawh ang an ti a, Tlangaupa pawh in Nikawlha sawi ang chuan phur taka ti nghal in, Rappui chungsanga Lal zubilh ṭhatak maichu a chawithla ta a, Nikawlha pawh in Sangluaia hnen ah chuan, Sangluai helai hmuna i rawn kalna chhan hi keileh ka khawnbawlte hi chuan hrelo a tam zawk kanlani ngei ang a, eng ti tura Khawzau khuahi lo lutchiah nge maw i nih le? tiin an zawt a, Sangluaia pawh in aw hanthen kharh pah in, Lalpa kalo kalchhan tak chu, kapu Rokhara lungphun na hmangtura lo kal kani e an ti a, Nikawlha chuan a ni maw? Rokhara kha kapa khawnbawlmin a ni a, kan khualehtui hian kan ṭangkai pui in, kawng engkim ah kan chhawr ṭangkai em em a ni, mifing leh rorel thiam thlah chhungkua a ṭanga lo chawr chhuak i ni a, nang pawh i ṭawngkam a felfai in, mi chhan khan i thiam khawp mai an ti a, Sangluaia chuan, Lalpa i mifak ang kha ni ila a va lawm awm dawn ve, kapu teho hi chu rng kawng ah mah ka tluk lo a ni tiin Lal chu an chhang a
.
Nikawlha chuan, findan hi kawngkhat chauh a awmlo a, mi ṭhenkhat chu mahni tana fingthiam em em mai an ni a, mi ṭhenkhat lehchu mite sawisel thiam zawnga fing em em mai an awm bawk a, ṭhenkhat lehthung chu rorel thiam zawnga fingtak an awm bawk a, chung zawng zawng hmakhalh chuan nangchu i huaisen in, i chan chin kanlo hriatdan ah, ralrel thiamleh ralbeih thiamtak i ni a, mi huaisen ralrel thiamtak mihring chu mifing lo an awm hleinem, Sangluai i chan chinhi tam tak kanlo hreve ṭhin a sin, i pu Dohranga ngei ngei pawh hian a tupa i nih a hriathma kha chuan, i chan chinhi ka in chhung ngeiah hian vawitam a sawiṭhin a sin, i pa chan chinte hi sawi nuam a tiin, keini hote hian Thangluaia chu kan ngaisanga, fahrah riangvai te Pasalṭha Thangluaia chu hmuhtu nih ringawt pawh kan in chhuang a sin, Lal fingleh ropui tak chuan fapa huaisen leh ralrel thiam, fapa fingleh ralbeih thiamtak mai a neiche a, i nih na chu vawiin zinga Keipui i beihdan a ṭang khan a langreng a ni, huaisen ringawt tan chuan Keipui pakhat khachu thah maitheih a ni maithei a ni e, mahse mifing leh huaisenlo tan chuan Keipui pahnih kha thah theih a nilo a ni, Sangluai vawiin ah hian ka chhuang khawp mai che, tuna ka rilru ah hi chuan i pa pawh in keiai hi chuan a chhuan bik che ka ringlo a ni, chu vangin ka thlathum zupawh hi ka chawimawi nan che, helaia awm zawng zawng ai hian i khawn hmasa dawn a ni, tiin Tlangaupa hnen ah chuan zu belchu Sangluaia hnen ah chuan petur in an ti a, Sangluaia pawh in Nikawlha thuchu hnialhran tumlo chuan, zu khawnna Dawnfian chu la in, an khawnta khalh khalh mai a, tam tak fawp chhuak lo in Sangluaia chuan Dawnfian chu midang a peta a, Nikawlha hnen ah chuan, kapu i khualehtuia duhsakna minlo hlan a vang hian ka lawm e, kan khua ka thlenleh hun ah chuan vawiina ka thiltih hi kapa bulah chhuang tak in ka sawingei ang an ti a, Nikawlha chuan, Sangluai chawimawi tlak mi huaisen i nih a vangin, vawiin ah hian ka khawnbawlte hma ah hian ka chawimawi che a ni an ti a, Sangluaia pu Dohranga pawh a hlimkhawp mai, a tupa chu tiang khawpa an Lal in an chawimawi chu hmuh nuam a tiin, Nikawlha thusawi pawhchu ngaihthlak nuam a ti a ni, Nikawlha bawk chuan, Sangluai i pa chan chinhi zawhche a rem em? tiin an zawt leh a, Sangluaia chuan, kapu engmah remlohna a awm hleinem tiin an lo chhang venghal a, Nikawlha chuan a nih leh minlo ninglo la, i pa chan chinhi tlem kan zawt teh ang che
.
Hei khualthu thanga ṭanga kanlo hriatdan chuan i pa Thangluaia hi, a khualehtui ah hian hmeithai, chanhai te leh riangvai fahrahte hi tam tak an awm an ti a, heng mite hi Thangluaia chuan hmangaih takin a en kawlṭhin an ti a, tin khawdanga khawsak harsa deuh a hmuhte hi an duh chuan a khualehtui chhunga en kawltur in a hruailut ṭhin tih thawmte hi kan hreṭhin a, hengthu hi thu thang mai mai nge ni a, i pa chan chin minten an sawihi a dik in, chung vanlai tlate chu hmangaihtak in a tuamhlawm ṭhin a mi? tiin an zawt a, Sangluaia chuan, kapu mite chuan kapa chan chin chu an sawiuar mah mah a nih chu, ni e kan khualehtui chhunga hmeithaite leh, chanhai riangvai te chu hmangaihbik nilo in, ang khatvek in kan in en a ni, kapa chuan chung mite chu a hmangaih bik lo a, a khualehtui chhunga a mah beltu te chu angkhat vek in min hmangaih a ni, mahse kapa chuan chung mite chu hmuhsit emaw, en dawng emaw reng reng a phallo a ni, hmeithai pawh nise, riangvai fahrah pawh nise, dinhmun in thlauh vang maia in en hran reng reng a duhlo a ni, patung leh hmeithai kha angkhat vek in kapa chuan min hmangaih tlanga, chu vangin a khualehtui chhunga chengte chuan an Lal thuchu awi in, mihring tumah in hmusit bik lo in, angkhat vek in kan in hmangaih tlang a ni tiin an chhang a, Nikawlha chuan a nih leh khawhrana hmeithai emaw, fahrah te emaw, riangvai te emaw chu, a khualehtui chhunga in benbel an duh a nih chuan a hruaiṭhin em ni? tiin an zawt leh a, Sangluaia chuan kapu ni e, chu tiangmi an awm a nih chuan kapa chuan chung mite chu hmun hledeuh pawh nise, a khualehtuia an khawsak a harsat loh phah dawnvang nilo in, hmuhsita an awmbik kha duhlo in a khualehtui ah chuan a hruailut ṭhin a ni an ti a, Nikawlha bawk chuan, a nih leh in khualehtui chhunga hmeithai leh pachhiate chu, kum tawp Buh luchuh ten in tuamhlawm ṭhin em ni? an tileh a, Sangluaia chuan ni e, hmeithai leh Pachhia te, tin fahrah te chu lovah a ṭangin mi tlawmngai ten lotur te an vahsak in, hloh thlawh a lo hunte hian nula Tlangval te hian hlote an thlawh sak ṭhin a, chung hlo thlawhsak ngaite chu kan val upa ten ngaihven in, nula Tlangval te chu za chuang chuang in an thawk chhuak ṭhin a, chung nula Tlangval thawk chhuak te chu kan val upa ten kaihruai in, lo khatchu vawikhat ah tuamchhuak vek ṭhin in, nikhat ah lo eng emaw zat an thlawh sak ṭhin a ni
.
Tin Buh luchuh a lo hunte hian nula Tlangval te bawk chuan puih ngaite chu puiṭhin in, khawtlang in chung Buh senga puih ngaite Buh sengtur chuan kan thawk chhuak ṭhin a ni, kapa hian a khualehtui chhunga mite chu tumah hmangaih bik a neilo a, a mah beltu zawng zawng te chu angkhat vek in min en ṭhin a ni tiin Nikawlha zawhna chu an chhanga, Nikawlha chu a ngawi vang vang mai a, na kindeuh ah chuan, Sangluai i pa rorel danchu ka ngaihsan zawng tak a ni, chu tianga a khualehtui chhunga ro an relchu en tawn tlak tak a vani em, mahni khualehtui chhunga hmeithai te leh pachhia te khaiding ṭhintu, Lal rorel danchu en tawntlak tak a nih chu, tin tumah hmangaih bik neilo a, a khualehtui chhunga mite angkhat veka en theitu Lal chu a ropui a ni, keini pawh kumin a ṭang chuan Lal ropui tak Thangluaia rorel danchu en tawn in, ṭanpui ngaite in ṭanpui tawn i la, puih ngei in puitawn in, dawmngai kan in dawmkang tawn a nga, chu chu kan pileh pute a ṭanga kan rochun thilṭha, rohlu tak a nisi a, kan pileh pute khan heng in hmangaihna hi chhawm nunga, vawng nungtlat tur in minduh si a, ṭhangthar zawk kan nih a vang hian eng vangin nge kan pileh pute nunze mawitak kha kan hloh kher ang, keini ṭhangthar te hian vawiin ni a ṭanghian i vawng nung tharleh teh ang u khai an ti a, Nikawlha khawnbawlte pawh in an Lal ngaihdan chu ṭha ti tlangin, Dohranga pawh in, chu tianga kan Lal in i tih chuan keini chuan kan pawm nghal a ni, chu tiang khawtlang kan nei a nih ngat chuan kan khawtlang chu a nuam in, mite awh kanva ni dawn em tiin anlo tuihnih ve a, khawnbawl dangte pawh in, Lalpa i rilru a i ngaihtuah na chu a hlimawm in a ṭha hlemai, ni e Lal Thangluaia chu tun dinhmun ah chuan tluk mah ila, kumte an lovei ang a, kumhnih thumte an liam meuh chuan khawtlang in hmangaih tak kan ni ngei ang tiin an rawn sawihlawm a, Nikawlha pawh in, Sangluai in khawtlang in kaih hruaina en tawnpawh minti a ni maithei e, mahse khawtlang tanleh, kei mahni mihringte tana thilṭha a nih chuan, thilṭha chu kan senglut in, kan nun hian chu thilṭha chu mi tihdan a nihpawh in kan vawngṭha tlat tur a ni, khawtlang insiam ṭhat nan Lal Thangluaia khawtlang en kaldan ang chuan keini pawh hian kanti vetur a ni an ti a, Nikawlha thusawi chu a khawnbawlte pawh chuan an pawmpui khawp mai, Sangluaia hnen ah chuan Nikawlha chuan, Sangluai ka zawhna te ṭhatak in minchhanga i chung ah ka lawm lu tuk a nia, kan bula awmte pawh i ningviau tawh thei a, saw ka fanu Nikungi pawh a awm saw, in in rual khawp in ka ring e, va in kawmtawh u khai an ti a, Sangluaia pawh in Nikawlha hnena lawmthu a sawi zawh hnu in, Nikungi lamchu a panta a
.
Sangluai'an Nikungi lam an panchu, Nikungi chu a lo zak rilru khawp mai a, a chhanchu Nikungi hian Sangluaia hi a hmuhtirh a ṭangkhan a mipa duhzawng tak mai a ni a, a thinlung chuan a duh em a vangin Nikungi hian Sangluaia hi a zah ngawih ngawih a ni, Sangluaia chuan, Nikung hei nangmah kawmtur in ka rawnphei a nia, minlo kawmduh ang chu tiraw? an ti a, Nikungi chu a zah em a vangavSangluaia chu en ngamlo in, kundeuh chung chuan aw chu an thian kharh a, zawideuh sap hian, keini angte min kawmduh zawk dawn em ni? an tisap a, Khawzau nula te hi an hleitling in, an hmelte pawh a ṭha hlawm em em mai a, heng Khawzau nula ho zing ah hian, Lal Nikawlha fanu Nikungi leh, a ṭhian nu Dohranga fanu Zuali hi a hmelṭha zualpawl an ni a, mahse an la naupan deuh a vangin zah pawh an la zak zumdeuh a ni, Sangluaia chuan Nikungi hnen ah chuan, keini khual satliah te hi minlo kawmduh zawk ang maw? khawtual Tlangval pawite hi kanlo sawireng ang tihchu ka hlaukhawp mai, ti fiamthu chung chuan Nikungi bulah chuan ṭhuthmun an rem a, Nikungi chuan chu tiang hlauhthawn tur engmah a awmhlei nem, keini ve mai mai hi minkawm veduh a nih chuan a lawm awm a nih chu tiin Nikungi chu hnuailam melh chung chuan a sen deuh ṭan ṭan mai a, Sangluaia chuan Nikungi ziachu a chik rukhawp mai a, Lal fanu dangte chu an nihna an chhuan pui a, hmelṭha deuhte pheichu in duhlarh in, Tlangval na zawngte hian biak pawh an be ngamlo ṭhin a ni, mahse Nikungi hi chu chutiang mi a nih hmelloh tlat mai, a nun a nem hmel em em a, tin Lal fanu a nihna pawhchu chapo puihmel miahloh in, a in ngaihtlawm hmelhle a ni, Sangluaia chuan Nikungi chu a ṭawngtamlo a ni tih hria in, hei in khuahi a nawm hmelriau in ka hria a ni, nula te in hleitling in, in hmelte a ṭha hlawmsi a, chamve rengmai a chak awm dawn khawp mai an ti a, Nikungi chuan in thlahrung rutak chung chuan, Sangluai kei ai a i upat vak bik ka ringlo a, chu vangin ka u lo dawnlo che a nia, keini khuate chu kan hmelṭha reng reng lo, Lal Thangluaia khua chu nula Tlangval an hmelṭha an ti a, misawihi a dik dawn a nih hi an ti hram a, Sangluaia chuan, enge mite sawichu a dik na turchhan nile? kan hmelṭha reng reng lo, hei nangmahni khaw nula te hi a nih hi hmekṭha zawk le, khawlaia ka hmuhte ho pawh kha hleitling tak tak leh, hmelṭha tak tak hlir an ni hlawm a ni an ti a
.
Nikungi chuan keini khuate chuan in khuate chu kan tluk teuhlo maiche u, keini ang mai mai bem lih leih leh, a hminga nula ve satliah mai mai kan nih hi, Lal Thangluaia khuachu nula Tlangval hmelṭhatna khua tiin kan hria a ni, chu vangin keini chuan kan tluk dawnlo che u an tileh a, Sangluaia chuan, Nikung i in ngaitlawm in, Lal fanu ni awm tak pawh i ni e, nang anga Lal fanu hmelṭha leh in ngaitlawmhi tumah kala hmulo a ni, i nun hi en tawntlak tak a nih hi an ti a, Nikungi chu a zah a vanga sen awp awp chungin an thawhalh a, a huaisen na zawng zawng sawmkhawm in, Sangluai ka lawme, a dera minfak na pawh nise, keini angte hmelṭha leh fel min tihna ṭawngkam kha ka lawm lutuk a nia, tiin zawisap hian a sawi bah niah niah mai a, hemi ni hian Sangluaia chu Nikungi bulah chuan awm nileng in, Nikungi nen chuan nelpawh an in nel nghal em em mai a, zanriah ei hmadeuh ah chuan a pu Dohranga chuan, ka tupa khaile hawzai kan reltawh dawn mi? zanriah ei te pawh a hun hnaita e an rawnti a, Sangluaia pawh in a pu thusawi chu ngaipawi mawh in, awle kapu, i tih dan dan a ni mai an ti a, Nikungi chuan Sangluaia te putu chu zanriah ei ah chuan an sawm a, mahse Dohranga chuan, ni rihlo e, hei a lacham dawn chauh a lawm, Nikung i ngai pawimawh tak tak a nih chuan chaw ei a in sawmna nikhua chu a latlai hleinem, vawiin tlaichu kan han haw rih phawt ang e tiin inlam pantur chuan an dingta uaih mai a, Nikawlha chuan Dohranga thusawi chu lo chhangin, e he tianga Tlangval huaisen chaw ei puite chu kan chak lutuk a lawm, ni e tukdang ah chaw ei turin kanla sawm dawn nia an ti a, Nikungi pawh in Sangluaia te thlahtura dingve in, Sangluaia te putu chu kawng ka thleng thlah in, kawngka a ṭang chuan a thlirzui vawng vawng mai a, a rilru chuan, Sangluai ka rilru leh, ka thinlung zawng zawng i luahzo dawn a nih hi, nang chuan eng a tanmah minti ve awm silo, tiin a thlirliamta a, khawnbawl dangte pawh zanriah ei tura ṭin hlawm in, Nikawlha chuan a khawnbawlte chu chaw eitui u tiin a thlah liamta hlawm a, Nikawlha chuan a fanu hnen ah chuan, Nikung kha Tlangval kha Thangluaia fapa awm reng a nih khale, a ṭawngkamte kha a felfai thlarh mai a, tin chapo na pakhat mah a neilo nen, en tawntlak tak a nihkha le an ti a, Nikungi pawh in, kapa a felkhawp mai, Lal ropui tak fapa nisi kha, i sawi ang khan a chapo miahlo a, a ṭawngkam kha a felfai in, a damthlarh mai a ni an tive a, Nikungi thinlung ah chuan chumi tlai a ṭang chuan eng dangmah in hmun a chang theilo a ni
.
Dohranga te chuan zanriah an ei laichuan Zuali chuan, Sangluai vawiin a in len na te chu an felem? kan Lal fanu chu a felbawk em? tiin an zawt a, Sangluaia chuan Zuali melh zeuh pah chuan, in Lal te chhungkua chu an felkhawp mai, in Lal fanu Nikungi anga nula felhi kala hmungailo tihpah chuan Zuali chu an melh zeuh a, Zuali pawh in Sangluaia chu rawn melhzeuh in, ka ṭhian nu a nih sawh, a felin a hmelte a ṭha a sin, monu a tan kanhual maidawn a mi? an ti fiamthu a, Zuali hian hengthu hi hansawi mahse, a ṭhian nu Zuali chu a thinlung tak chuan a thikru em em mai a, mahse Sangluaia hi a u naupa a nih a vangin a thikna chu engmah tihlan a tumlo a, mahni u naupa te lo thikchu dik pawh a ti biklo a, mahse Sangluaia hi a hmuhtirh a ṭang khan a duh em a vangin, a thinlung ah chuan thikna awm chu a paihbo maithei bik lo a ni, Zual'in monu a tan kan hualmai dawn em ni? an tih fiamchu an nui tlang dar dar mai a, mahse Dohranga chu nuive satliah a nilo tawp mai, rawn ṭawnghlut in, ka tupa kan Lal fanu Nikungi saw Zuali sawi ang khan, nula felleh hmelṭha tak mai a ni a, theihchu nise monu a tan chuan ka awt ngawt a sin, mahse Tlangval in ni a, in nupui turchu nangmahni duh zawng ngei a nitur a ni an ti a, an hlimtlang dar dar khawp mai, zanriah te an han ei kham meuh chuan khuapawh in thimlam a panta, Dohranga fapa a pangber chuan, Sangluai nula rimte i peihve a ngem? tiin an zawt a, Sangluaia chuan, ka u han lenkualve te pawh a chak awm khawp mai, mahse ka rawnkalna a thui thamdeuh a, zanin lamchu muthma pawh pawi ka tilo, zandang ah nula rim chuan kanla chhuak dawn nia an ti a, Zuali chu rawn in rawlhve vat in, ka u engtin nge nula dang ten a rilru an luah ang? vawiin lamah kan khaw nula hmelṭha nileng in a ṭhutchilh a ni a, rilru dang a put theih i ring em ni? an loti fiamthu hlut a, Sangluaia chuan Zuali i ṭawng danhi i chim awm dawn riau mai, nang pawh zanin lamchu rilru dang i pubik lo tawp ang le, tu te emaw lokal hun i rilru in ilo nghakve ngar ngar ang tih ka hria a ni an tive a, an nui tlang dar dar mai a, chu tihlai chuan Zuali te upa ber fapa kumli milek chuan, kan in ah chuan Tawitaw veng Tlangval an lo leng ṭhin, chhun ah pawh khan i nitei zan ah kan rawnrim dawn losawi rawh an ti a, mahse ka sawi theihnghilh daih an rawnti a, chu veleh Sangluaia chuan, chu zawng in ah pawh hian hah chawlh handuh mah ila, mite tana hnawk sak kan ni mai mai dawn a nih chu an ti a, Zuali zak bawksi tih ngaihna hrelo chuan, Sangluaia chu rawn chum taih taih in, nangmah vang a nih kha sawi loh loh tur an sawiphah, mikhualpa hawleh nghal rawh an rawnti a, Sangluaia chuan Zuali hnen ah chuan, ka u, ka u, min ngaidam rawh, chung engmah ka hrehlei nem tiin ngaihdam an dilder a, in chhunga awmho chu an nui ham ham mai a, Sangluaia chuan Zual'in minhnawt chhuak bawka Zawlbuk lam kanpan phawt mai ang e, Zawlbuk a ṭangin thlen in turchu ka zawngleh mai ang tifiamthu hlut in, in chu a chhuah santa a
.
Sangluaia chuan zawlbuk lam pan nghalin, Zawlbuk a thlen chuan Zawlbuk chhung ah chuan lutnghal in, Tlangval pawh an lo tam tawh ang reng khawp mai, Sangluai'an Zawlbuk chhung an luh chuan Zawlbuk chhunga Tlangval awmho te chu an ngawiṭhup mai a, Zawlbuk riak zinga a upaber chuan a kut rawnphar chhuak in Sangluaia chu chibai an buk a, chupa Aithanga chuan Zawlbuk chhunga Tlangvalte hian kanlo lawmche a ni, Lal ropui tak Thangluaia fapa Sangluaia, i chung ah hian kanlawm tak zet zet a ni, kan khaw harsatna tawhchu, mahni nun na pawh hlut zolo in kan hma ah i rawnding a, nun na tam tak kan chan theihna turah nang chuan awlsam tak in kan buaina i rawnching fela, Khawzau Tlangvalte hi i chung ah hian kan lawmtak zet zet a ni e an ti a, Sangluaia pawh in chu tianga an lo lawmchu, Tlangval ho hnen ah chuan lawmthu hrilhve nghalin, in hmuṭhang hlawm ang mai chuan an in kawmta bawrh bawrh hlawm a, Tlangval ṭhenkhat Zawlbuk ah chuan rawn thlenbelh zelin, ṭhenkhat nula rim in an chhuak zelbawk a, Aithanga chuan Tlangvalho hnen ah chuan, heile kan hriat ṭheuh ang in, hei Sangluaia, khawthlang lama Lal ropui tak Thangluaia fapa Sangluaia chu kan zingah a rawntelve hlawlmai a, ka sawitawh ang khan Sangluaia hian kan Pasalṭha te nun na chu chhanhim in, kjang Keipui pahnih te kha a that ta a ni a, khatiang khawpa kan tana inpe leh, a nun na pawh hlutmiahlo a kanhma a rawnding in, kan tan a rawn inpe a niber a, chu vangin zanin hian kan khualhi kan chai hah tur a nilo ang, tin ka sawiang khan, Lal ropui tak Thangluaia fapa a ni a, keini Tlangval satliah ang mai mai a nilo a ni, kan khua ah hian nuamti taka a awmve theih nan keini Tlangval te hian zalen na kanpe tur a ni tiin an sawi a, ti chuan Tlangval tamtak chu nula rimtura chhuak in, Aithanga te ṭhiandun pawh in Sangluaia chu nula rimpui ah an hansawm a, Sangluaia pawh in Zawlbuka lo ṭhut reng ai chuan tiin Aithanga te ṭhiandun chu a zuive ta a, Aithanga chuan a ṭhianpa hnen ah chuan, tlakmual lama nula feltak, Neihkungi kha kan rim maidawn em ni ang? a hmelpawh a ṭha a felpawh a felkhawp kha an ti a, Aithanga ṭhianpa pawh in, upa zawk in i rawnte chuan ka hnial hauh hleinem, Sangluai nang enge i ngaihdan le? tuk kinzinga rawnlut vechauh i ni a, nula han hriatpawh ila nei hman ka ringlo a, Neihkungi chu kan rim maidawn em ni, a hmelpawh a ṭha in, felpawh a felkhawp mai an ti a, Sangluaia pawh in, ni e in sawiang khan tumah hriatpawh ka neivelo a, ṭha in tih tih kha a ni mai an tive a, Aithanga chuan a nih leh Neihkungi chu i rimve phawt teh ang u, mahse inleng a ngahleh viau maithei a ni an ti a, Aithanga ṭhianpa chuan, inleng a lo ngahdeuh a nihpawh in, kan ṭhathnem belhdeuh mai dawnlawm, nula chu tu ta mah nilo in rimtheih vek an ni a, Sava thlawk laichu a perhthla thei thei neih a nih ṭhin kha, nula pawh rimtu ngah mahse, a perh thla thei thei ta tur tho an ni e tiin, Neihkungi te in lampan chuan an pathum chuan an kalta a
.
Aithanga te chuan Neihkungi te inbul an zuk thlen chuan thawmchu an hrenghal a, Neihkungi chuan inleng a ngah tih hriat tak maihian an ri luih luih mai a, Aithanga chuan hmahruai kawngka ah chuan, a lo len theihem? an ti a, Neihkungi chuan, aw theih e, lo lut rawh u tiin an lo chhawn a, in lengchu an ṭha hnem khawp mai a, Neihkungi pa hi, Khawzau khaw Pasalṭha Tlangthanga a ni a, in chu Pasalṭha in tih tak ah seideuh raih ni in, Tapchhak mei eng bula ṭhulo chu in hriatpawh a hartham a ni, Aithanga chu hanlut in, Tapchhak lam ah chuan ṭhutna a awm tawhloh a vangin, in chhunga Tapchhak lo lamchu an pan nghal a, Aithanga chu a ṭhiante chuan zuilitve nghalin, Sangluaia chu a hnung berah chuan an lut a, a thimdeuh rup a vangin Neihkungi in lengte chuan lut tharte chu tu te nge an nih tih anlo ngaihtuah hranlo nen, Tapchhak lama meituah chu a remdeuh a vangin a thimdeuh rupmai a, a thimrup a vang chuan Neihkungi in lengte chuan Sangluaia chu tunge a nih tihchu an hrelo a ni, Neihkungi pawh in Aithanga chu hria in, u Aithang a rem lai lai ah khan ṭhuthmun lorem vem rawh u, keini in ang ah te in rawn chuangkai veduh a ni maw? khawilam thlichhia in nge maw rawnchhem lutve nawlh che u le? tiin an fiam a, chu tihlai chuan Tapchhak lama Tlangval ṭhute chuan, u Aithang helam ah hian loṭhu rawh u, hei kam ṭhutna ah hian rawnṭhu rawh u khai, keini chu kanlutna a reitawh a lawm tiin an rawntho chhuak nghal a, Aithanga chuan thawh a ngai reng reng lo, nula rimṭheuh kan ni a, ṭhutna in ken a ngai reng reng lo an ti a, mahse chung Tlangval te chuan, kan val u ten ṭhutna in neih loh laia, keini a naupang zawk ṭhuthmun kanlo remhi a dik lo a ni, nula rimṭheuh pawh ni ila, val u te chu nula rimna ah pawh kan zahtur che u a ni, chu vangin loṭhu rawh u tiin Aithanga te awmna lam ah chuan an rawnphei hlawm a, Aithanga chuan, Khawzau Tlangval te nge nge in felṭhin e, a nih in sawn poh ang uhmiang tiin Sangluaia te chu a in sawnpui ta a, Tapchhak eng lama an han ṭhut chuan Sangluaia hmelpawh a lang chiangta khawp mai, Tlangval ho chuan Sangluaia chu an en duhta khawp mai, Neihkung'in Sangluaia an hmuchu a phudeuh zawk mai a, Aithanga hnen ah chuan, in nauhi tuk kinzinga Tlangval kha tiraw tiin an zawt phawng mai a, Aithanga chuan muangraih hian aw ni e, tuk kinzinga Keipui pahnih ngawt chempui leh Maubul hriam ringawta that tu kha a nih hi an ti a, chu ṭawngkam chuan chu in chhung chu a dengchhuak hneh kher mai, Neihkungi chuan Sangluaia chu en nghalin, sawihun a nih leh nih lohpawh ka hrelo, mahse a remchang si a, kan in a in lo lenhi ka ringphalo a ni, kapa nun na kha nangmah vang liau liau a him a ni a, i chung ah hian lawmthu sawitur kan ngah khawp mai, i ching ah hian kan lawmkhawp mai, kapa chu Tlangthanga a ni a, eng tin nge kan koh ang che tiin an zawt nghal a, Aithanga bawk chuan Neihkungi chu lo chhangin, Sangluaia a ni a, Sangluai kanti mai a, midang kohdan a nih kan han ringri ngawt a tiin an lo chhang a, Sangluaia pawh in, ni e Sangluai tiin minko ṭhin a ni, engmah lawmthu sawi a ngai reng reng lo, keikha awmlo mah ila ipa khan khang Keipui te khachu a that vek ngei ang, engmah lawmthu sawi a ngailo an ti a, Neihkungi chuan i chung ah hian kan lawm em em a, i chan chinhi kapa hian a sawining theilo a ni, kapa chu sawiloh, tuna hei rawnlengte pawh hian in rawnluh hmakha chuan i chan chin hlirhi a ni an sawini tiin a pa khum lam a michu an ko a
.
Neihkungi chuan, kapa lo tho teh khai, hei i Tlangval sawireng maikha kan in ah a rawn chuangkai hlauh mai an ti a, Tlangthanga chu rang taka rawntho chhuak nghalin, Sangluaia te ṭhutna lamchu an rawnpan nghal a, Sangluaia an hmuh chuan, Tlangval keini in ah te i rawn chuangkai veduh a ni maw? Lal ropui tak fapa huaisen chu keini in ah teh lul te i rawn chuangkai veduh hi ka lawmhle mai, Tlangval nangmah vang liau liau a nungdama awm ka lani a, i chung ah hian ka lawmzia ka lantirve nan kan chawhi vawikhat tal minkil puive tur in ka duhche a ni, a tui emaw tuilo emaw, vawikhat tal chu remchan veleh ka rawn sawm ang che, eng mah thildang tihsak theihche kan neilo a, mahse in khua i kirleh hmangei hian chawhlui minkil puivetur in ka duhche a ni an ti a, Sangluaia pawh in, kapu kei teh lul chaweia min sawmve duhte a nih chuan ka hnial miahlo ang, mahse ka thiltih kha hraitreng tlak a nih loh kha, khalai ah khan tupawh awmse, nangmah ṭanpui tur khan an rawnpen chhuak em em ang, chu vangin ka tih theihtawk ka rawn tive mai a nih kha, khang a vang khan chaweia minsawm nachhan tur a awmlo a, kei teh lul chawei ah te minsawm duh a vangin ka lawm lutuk e tiin an chhang a, Tlangthanga chuan, Tlangval Lal Thangluaia fapa awmreng pawh i ni e, chanhai leh riangvai te hmangaihtu Lal Thangluaia chuan fapa veltak leh huaisen tak a neiche a nih hi, hetiang ang fapa hi chuan a nu leh pa a chawimawi a ni, Tlangval i in ngaitlawm in i nun a ṭhahle mai an ti a, a in chhunga tlangval dangte hnen ah chuan, Khawzau khaw Tlangval felte u, Lal Thangluaia fapa ṭawngkam kha in hria em le, Lal ropui tak fapa nisi chapo na ṭawngkam tel miahlo kha inlo hreve em? kan khaw ṭhenawm Lal Sakunga fapa nen chuan teh khinchi a nilo a ni an ti a, Tlangval ho hnen ah chuan eng eng emaw sawi in, Sangluaia chu Tlangthanga chuan an chibai a, Tlangval ho hnen ah chuan, hlimtak khan ti ti leh rawh u khai, keichu nak tuk lam zing chhuah ka duh a vangin ka mu mai a nge tiin khum lamchu a panleh ta a, Aithanga chuan fiamthu hian, Sangluai pu Tlangthanga chuan kha chawei pui ah a sawmche a ni a, an sawm rau rau che a nih chuan, i duh duh chawhmeh i siamtir dawn nia, Neihkungi lah nula chawhmeh siamthiam a ni bawksi an tiin an ti ti hluaimai a, Tlangval hopawh Aithanga ti ti ngaithla chuan an ngawiṭhap mai a, eng eng emaw sawia an ti ti laih laih hnuchuan zante pawh a reilamta a, in lengte pawh in ṭinlam pan ṭanta in, Sangluaia te pawh chuan ṭinzai an relve ta a, Zawlbuk an va thlenleh hnu chuan Aithanga chuan, zan inchu tumah beng chhenglo in, Lal Thangluaia fapa Sangluaia chunga kan lawmzia en tir nan, zanin hian tumah bengchheng lo in, kan murual ṭhap dawn nia an ti a, val upa Aithanga sawi ang chuan, Zawlbuk chhung ah chuan tumah bengchheng awmlo in an murualta hlawm a, Sangluaia muchu muhil mailo in, an nula rimna a, Neihkungi pa in, Sakunga fapa a tih kha a thinlung ah chuan a chamreng mai a, kha Lal fapa kha eng vanga tehkhin nge a nih ang? chung ngaihtuah neuh neuh chung chuan Sangluaia pawhchu a muhil veta a
.
Sangluaia chu Zingtak Ni chhuah hmachuan tho in, a putea fapa nen chuan in lamchu an pandun ta a, a putea fapa Rokhara chuan, Sangluai tuk kinzing chu daiah ka Sakhi Thangkam en tura chhuah ka tum a, ilo kalve duh a ngem? tiin an zawt a, Sangluaia pawh in kalve a duhthu a chhangin, daihnaia Sakhi thangkam en tur chuan an chhuak dunta a, Sangluaia rilru ah chuan, zanlama Tlangthang'an Sakunga fapa a sawikha a rilru ah chuan a chamtlat mai a, a putea fapa a u chu Sakunga fapa chung chang chu zawh an tuma, mahse chu tihlai chuan Rokhara chuan, Sangluai helai maihi Sakhi thang ka kamna mualchu a ni a, he mualdung thla ah hian Thang hnih ka kama, a piah mual ah sawn pahnih bawk ka kam a ni tiin, Rokhara Sakhi Thang chu an en ta hlawm a, mahse Thang chuan pakhat mah awk lo in, Rokhara chuan Thanghi kasut maidawn a mawni, henglai mual Thangkam hi ka tluanpuilo a nih ka ring, hmundang ah chuan ka awk vetheu viau a, mahse helai mual ah kher kher hi chuan awh ni hmelreng a awm theilo a nih hi an ti a, Sangluaia chuan, ka u i beidawng hmalu tuk a ni ang e, Thangchu sut duh rihsuh, awh hun ilanei em em ang, nghah peihte hi a ngaive a nia an ti a, Rokhara chuan a nih leh i tih chuan ka sutlo mai ang, mahse daivelhi kan theuṭha deuh a nge tiin daivel chu an theuṭha nghal a, Sangluaia pawh in, ka u helai mualruam velhi kan vak mai mai chhin teh ang, dai i theu chhung khan kan vak anga, ka rawnkir lehvat dawn nia an ti a, Rokhara pawh in, e ivah peih phawt chuan zuk vak rawh khai, mahse Sahnu chu hmuhtur a vang maithei a nia an ti a, Sangluaia pawh in chulai mual mawng ruam lamchu a panta nghal a, ruam an zuk thlen chuan Sahnu velte an melh nghal a, a u Rokhara sawiang chuan Sahnu tharchu hmuhtur a vang khawp mai, mahse Sangluaia chuan beidawng duhlo chuan thlangdeuh hlek chu an zuk hrut thla a, a van neih a siam in a zawhthlak kawrte kam ah chuan Sakhi hnu thardeuh maihi a hmuta a, Sangluaia chuan chu Sakhi hnuthar tak maichu umzui nghalin, chulai ruam pharh zautak maichu kalpel in, chu ruam rawnfintu mual pakhat ah chuan a Sakhi hnuchhui chu an chhui kai a, chu mualchu mualpharh deuh duaimai ni in, Sakhi hnupawh chuan mualdung zawhlo in, chu mualsir lama kawrte kamchu a hrut tih hriat tak maihian a hnu pawh a chiardup mai a, Sakhi hnu awmna kawrte chu thuivak lo zawhchho in, chhak deuha Sakhi chalṭha tak mai tlachu a hmuta a, fimkhur tak chuan Sangluaia Sakhi chu veh chho in, a duhtawka hnai ah chuan ṭanhmun siam in, kawrte kama chhehrawp pakhat ṭanchhan chuan a Silai chu an lek chhuak a, u luk taka a Silai chu tin vang vang in, chulai kawrte ruam khawk rum rum khawp chuan a Silai chu an hmetpuak ta ṭhuai mai a
.
Chu Sakhi chalchu a zuang zawk mai a, lei a thlenleh rual chuan chhak lamah chuan tlanchho lehnghalin, thui tlanlo chuan a awpta rawp mai a, Sangluaia pawh in a Silai mute chu rang taka thunleh nghalin, Sakhi tlan na lamchu a panta nghal a, a kahna a ṭang chuan thuipawh Sakhi hnuchu chhuilo in, chhak lawk ah chuan a Sakhi kah lo tlureng chu a hmuta a, Sangluaia chuan Sakhi chu han pawbahlat nawlh in, a u Rokhara awmna lamchu a panta nghal i, Rokhara pawh in a Thangdai chu lo theu zotawh in, Sangluaia chu an lo nghak a, Silai ri an hriat khan a nau Sangluaia Silai ri ngeini a hria in, a rilru pawh a lo phur khawp mai, a beisei leh a lorin ang ngei chuan a lampan chuan Sanglauia chuan, Sakhi paw chunga a rawnchho chu a hmuta a, Rokhara rilru chu a phur khawp mai, Ssngluai'an a awmna a rawnthlen veleh chuan, Sangluai helai hmun ah hian Sakhi kaphi an vang viau ṭhin a sin, kan Passlṭha te ngei ngei pawh hian daihnai ah pawh, henglai ah hi chuan Sakhi hi kahtur an van khawp a sun, i rawnkap hlauh chu a van neihthlak hlemai, Sakhi chek tuitak kan hawp theidawn a nih hi tiin, phurtak chuan Sangluaia Sakhi puak chu lak thlak sak in, a mah chuan hanpua in inlam chu an panta nghal a, chhuak zingviau mahse an hawlam hichuan Nipawh a rawn chhuak sangtawh khawp mai, Rokhara te chuan phur taka in lampan in, khua an hanluh chuan khuachu a reh riaua hriatna an nei a, khawlai ah chuan naupang hmuhtur an vang em em mai a, tin nu emaw, nula Tlangval pawh nise hmuhtur an vang a ni, inlam an pan na kawng ah chuan putar pakhat hi an tawk hlawlmai a, Rokhara chuan, kapu engti ziange khuahi a va reh en em ve mawle? enge khua ah hian dik lo a awm emni? tiin an zawt a, chu putar chuan, Tlangval te u engmah in hreve na nge? Lal Sakunga fapa leh a hote khua ah hian an rawnlut a, kan Lal hnen ah chhiah dilin, nula an duhzawng lak tel an tum a ni, mipui zawng zawng Lal tualzawl lam ah an fuankhawm a lawm tiin an hrilh a, chu veleh Rokhara chuan, Sakunga fapa te hichu ka vahan ningtak em, an unau an rualsi a, an duh duh hian minrawn chawk kawiṭhin hi a niber mai an ti a, Sangluaia chuan chungthu an hriat chuan, ka u nizan kan nula rimna ah pawh Zawlbuka val upa khan Sakunga fapa chu a sawilang zeuhmai a, tuk kinzing thlengkhan ka rilru ah a awm a, Sakunga fapa chan chin chu hanzawh che ka duh a, mahse ka zawthman talo che a ni, chung mite chu e nga tinge in nin viau a? tiin an zawt a, Rokhara chuan, Sangluai an chan chinhi sawitur tam tak a awm a, nakin ah kala hrilhvek ang che, tun ah chuan in kan thlenphawt a ngai a ni tiin inlam chu dingtak chuan an pan vang vang mai a, in anva thlen chuan Rokhara hlimna zawng zawng chu a tawpchiang khawp mai, an in chhung ah chuan a nu leh, a u nupui te chu anlo ṭap laih laih mai a, Rokhara chuan thilawm dante zawtnghal in a nu chuan, Rokhar i nau Zuali chu Sakunga fapa ten an khua ah a hmei a tan hruai an tum a ni, Sakunga fapa chu a dangtur in keini chu sawiloh, Khawzau khua te hian an chung ah engmah kan ti thei silo an ti a, Sangluaia chuan, kapi chung mite chu tuman an dang ngamlo em ni? chu tiangin an duh duh hmei a tana hruaitheihna an nei em ni? an ti a, Rokhara chuan Sangluai nangchu lo in rawl vehsuh, ka nau mah nila Sakunga fate hi an hlauhawm lutuk, tumah thah hreh an neilo a, Lal chhungkua an nihna hi tuman kan khing ngamlo a ni, Zuali ka van lainat tak che em an ti vawng vawng mai a, Sangluaia chuan, Zuali chu kapu fanu a ni a, ka u naunu a ni bawk, chu tiang mai mai a an ni hruai mai mai theih a nilo tiin, a Silai chu la in inchhung a ṭang chuan a chhuak ta nghal a
.
Lal tualzawlah chuan mipui chu an pungkhawm hnem khawp mai, Sakunga fapa Kalthanga chuan mipui hnen ah chuan, nangni hian kapa hnen ah chhiah hi in chhung rengtur a ni a, chumi in tihduh loh chuan tumah hi kan tihlum hreh reng reng lo che u a ni, keihi Sakunga fapa upabar kani a, ka tihchu kapa thupek a ni, chu vangin vawiin ah hian in nula pahnih hi kan hruaihaw dawna, kei Sakunga fapa Kalthanga thiltih hi mindi dalngam in awm em? ka thiltih hi dik lo ti a min sawisel tur in awm em? tiin mipui hnen ah chuan zawhna an siam a, mipui zingah chuan tumah reng chuan chhang ngam an awmlo a ni, mipui chu ngawiṭhup in, Kalthanga chuan chapo tak maihian, Lal Nikawlh i mipui zingah hian tuman ka thiltih hi ṭha tilo an awmlo e, vawiin hian kan chhuahsan lehnghal dawnche u a, chhiah minpek turchu i mipui te hnen ah hian ilo puangzar dawn nia, kan hman hmawh a vangin tun ah chuan kan kalsan phawt ang che u tiin nula pahnih, Zuali leh Kungpuii chu hruaitum in an han hnuk a, nula pahnihte chuan an hreh em a vanga ṭap zawih zawih in, kanu kapa minchhan hram rawh u tiin an au lawm lawm mai a, mahse Kalthanga naute chuan hnuk lui in, Kalthanga chuan Zuali kal duhlo chu a chhipsama ṭhamin, vintak maihian kalrawh, ṭang ṭang mahla i kal tho tho ang tiin a chhipsam ah chuan an ṭham a, chu tihlaitak mai chuan aw damthlarh mai, mahse chu aw chuan thihna a paitel a ni tih hriat tak mai hian, nula kha thlah la, i kuthmawr pawh khan khawih tawhsuh an rawnti damthlarh mai a, Khawzau khuate chuan Sakunga fate thiltih do daltu hi an la hriat ngailoh a vangin, chu aw lo chhuahna lamchu maktih hmeltak maihian an hawinghal ṭhup mai a, Kalthanga meuh pawh in a thiltih rawn dodal ngam an awmchu makti in, chu aw lo chhuahna lamchu rangtak chuan an hawive nghal a, an piahdeuh ah chuan Tlangval la naupang hmeltak, pian nalh thlarh maichu an mahni chu ding taka lo en hian a lo dingvang mai a, rangtak leh vintak maihian Kalthanga chuan, nangkha tunge i nih? an ti tuarh mai a, Zuali nu chu mangleh hlauthawng taka Sangluaia bulah chuan rawnding in, Sangluai nangchu in rawlhve suh, i tawrh ai chuan i u naunu sawn chheltak in tuar zawk rawhse an rawnti a, Zuali nu in Sangluai ti a a rawnko khan Kalthanga leh a hote rilru chu a rawnsawi nghing hneh kher mai le
.
.
DUHTAWK RIHPHAWT ANG U AW
REMCHAN VELEH KAN CHHUN ZAWMLEH DAWN NIA
.
Hman hmawhlo in minlo nghak hram hram ṭhindawn nia
.
.
[Lalzirliana Tochhawng] [Champhai Tlangsam]
.
.
Khawzau khuate chu rawlthar thusawi chuan a ti zauthau in, chu rawlthar duhawm leh huaisen chhungte nih chak chuan, Khawzau khaw mipui te chu an so bulh bulh a ni ber mai, a nilah taka, he tianga huaisen leh Tlangval hmelṭha tak in, a chhungte a rawn zawng a ni a, he rawlthar chhungte tan hi chuan Khawzau khua ah chuan hawilen na tham a tlingreng a ni, Nikawlha chuan, Tlangval a nih chuan i pu hmingchu i hria ang maw? he khua ah hian a awm tih i hrechiang a maw? tin tunge i hmingni a, eng tin nge kan koh dawn che? tiin an zawtleh a, rawlthar chuan, kapu ka hrechiang e, hmunhla tak a ṭangin kapu zawng chhuak tur hian ka rawnkal a, keihi Sangluai tiin minko ṭhin a, kapa chu Thangluaia a ni an ti a, chu thuzet chuan Khawzau khaw mipuite chu a barakhaih chianghle mai, Lal Thangluaia chan chin chu an lo hreveṭhin teh meuh mai, Thangluaia Lalbula Pasalṭha huaisen, tuna Lal ropui tak rawn nita, mi chanhaite leh, hnuchham te hmangaih ṭhintu Lal ropui tiin Khawzau khuate hian Thangluaia chan chin chu an hreṭhin a ni, tin a fapa rawlthar Sangluaia chan chin pawh hi tlangkam a ṭang chuan lo hreve ṭhin in, rawlthar huaisen tak ni in, a pa ang bawka ralbeih thiam leh, ralrel thiamtak a ni a, thinrim taka a au chhuah tawh chuan, Sairal te hian an ṭanpui ṭhin a, Kawlkei pianruala piang chhuak ni in, ral a hmachhawn pawh in, a hawina lam a piangchu a kaw duak duak ṭhin a ni, tiin Sangluaia chan chinhi an hria a ni
.
Khawzau khuate chuan rawlthar chu makti tak chuan an en ṭhup mai a, Sangluaia chan chin chu an lo hriatve ṭhin a vangin, mipui rilru ah chuan zawhna tam tak awm in, heihi maw Lal ropui Thangluaia fapa huaisen chu? heihi maw Sangluaia ralhrat khawkheng an tihchu, Keipui a hmachhawn dan hmutu zawng zawng chuan, Sangluaia chu ni awm reng a ni e, a chan chin an sawidan nen pawh a inzul zuithlap a ni, mahse Khawzau khua ah hian tunge a pu chu nita ang? chu zawhna chu mipui te hriat chakber a ni, Lal tualzawl kilkhat ah hian upa ho, putar tawh ho hi an ṭhukhawm laih mai a, chumi zinga pakhat chuan a ṭhiante hnen ah chuan, han thlirchiang teh u khai, he rawlthar pian in khaithlizaih mai hi, a pa Thangluaia chu Pasalṭha huaisen em em mai a ni a, ral hmachhawn kawng ah pawh nise tuma tlukrual a nilo, vawiin a he rawlthar chetdan kha kan hmuve ṭheuh awm e, tlangkam ti ti a ṭang chuan, a fapa Sangluaia an tih hian a pa chu kawngtam tak ah a la khanlo hle an ti a, he rawlthar duhawmtak mai hian a pa vanglai a la tluk lo a nihngai chuan, Thangluaia vanglai chu eng tiang tak ni ang maw? an ti a, putar pakhat thung chuan, he rawlthar hi hanbel chiang teh u khai, a pian in khaithlizaih mai a ṭang leh, vawiin a chetdan a ṭang khan kanhmuvek ngei ang, a hmelma niha hmachhawn ai chuan, kawlkil tawp thlenga tlanchhiat pawh keizawng ka nap e an ti a, he tihlai hian Lal Nikawlha bawk chuan, Sangluai Lal Thangluaia fapa maw i nih le? he khualehtui hian Lal ropui Thangluaia fapa chu kanlo lawm a che, Sangluai ka khua ah hian tunge i pu chu nita ang? i pu hmungchu i hrengei ang tiraw? an ti a, Sangluaia chuan, Lalpa kapu hming chu ka hria a lawm, Khawzau khaw mipuite chu an rehṭhup mai le, Lal Thangluaia fapa pu nihchu chak vek in, Sangluaia kam chhuak ngaichang chuan Lal tualzawla mipui pungkhawm te chu an reh ṭhup mai a ni
.
Sangluaia chuan damthlarh mai hian, Lalpa kapu hming chu Rokhara a ni a, a fapa Lal Nikawlha khawnbawlmin hmingchu Dohranga a ni e an ti a, chu veleh rang lutuk in Dohranga chu Leihkapui a ṭang chuan rawntlan thla in, Sangluaia chu rawn pawm chung chung in, ka tupa maw i nih le? ka vanchhuang tak che em an ti a, Khawzau khaw mipui pungkhawm hma ah chuan, heihi ka tupa a nih hi, heihi Lal Thangluaia fapa huaisen Sangluaia, ka tupa a nih hi tiin chhuangtak mai chuan mipui hma ah chuan Sangluaia hming chu an lam a, ka tupa keihi Rokhara fapa Dohranga ngeichu kani e, ti a in hmelhriat tir in, chulai vela a fate awmho chu an ko chhuak hlawm a, Dohranga fate pawh in an u naupa chu chhuang leh ngaisang tak chuan an rawn chibai hlawm a, tin Lal in chhung lama nula pahnih, Zuali leh Nikungi pawh in lo thlirve reng in, an Tlangval lo ngaihzawn ruk em em maichu Zuali u naupa tur a loni reng maisi a, Zuali pheichu a zakru khawp mai, a Tlangval lo duhruk ngawih ngawih maichu a u naupa a lo nisi a, midang chuan a rilru chu rawnhrengat seng zawng a tan chuan khawhawi ngaihna a awm dawnlo a ni, Dohranga chuan Lal Nikawlha hnen ah chuan, engpawh nise Lalpa ka tupa hi ka in lam ah kan hruai hawng phawt a nge, hei tukṭhuan ei te pawh a hundawn tawh a, kannu pawh in a hmuchak tawh ang e an ti a, Nikawlha pawh in, Dohrang i tupa chu ka chhuang khawp mai, tukṭhuan ei kham lam ah te ilo lenpui dawn nia tiin an in thlahta a, in chhung lama a fanu Zuali chu hanko in, lo chhuk tawh rawh khai, hei u naupa thar i nei a, tukṭhuan ei te pawh a huntawh e, i hawng tawh teh ang khai an ti a, Zuali chu zak ruhle mahse a pa kohna a vang chuan in a ṭang chuan rawn chhuak in, Nikungi pawh in a ṭhian nu chu Luhkapui thleng an rawn thlah a, Sangluaia pawh in chu mite ṭhiandun an hmuh chuan, nula hmelṭha leh feltak an ni tih hrenghal in, an bula awm pawh a nawm viau a ring a ni
.
Dohranga chuan a in a panpah chuan a nui var var mai a, midang te chuan, e pu Do i tupa chu a chhuan awm hlemai an loti hlawm a, Dohranga pawh in a tupa chu chhuang taka nuih var var pah chuan, Lal ropui Thangluaia fapa duatlai ngat a nih hi khai, ka tupa hmelṭha tak leh huaisen tak mai hi ka chhuang teh a nia tiin an chhang hlawm a, in an hanthlen chuan, kawngka an luh hma a ṭang chuan ring leng lawng hian Dohranga chuan, nu i hei Lal ropui Thangluaia fapa huaisen Sangluaia ka tupa chu in ka rawnluh puidawn e, tukṭhuan kha ilo peihtawh em? an ti ngat mai a, Dohranga nupui Chhunthangi chuan, pa a i tupa tharchu duhsak na nen kawngka a hi kalo hmuak e, kan tupa tharchu duhsakna nen he inchhunga lo lut tur hian kalo hmuak a, kan inchhunga chengte hi a chhungte kan ni a, kan ei leh kan barangte barve a, a inchhunga lo lut tur in kan tupa tharchu khawinge kanlo chibai a nge tiin, inchhung ah chuan Chhunthangi chuan Sangluaia chu a kailut ta a, Dohranga fate pawh chuan rawnzui lutve vek hlawm in, hlimpawh an hlimtlang dar dar khawp mai, khaw khatpa tan chuan Lal ropui leh hmingthang, Thangluaia fapa huaisen tupa thar ni tura, mahni inchhunga han kaihluh ngatmai chu a ropui in inchhuan na tham a tling reng bawk a ni, Dohranga chuan eng dang sawilo chuan a fate sawmpakhat laimai chu a upatdan in dawt te te chuan Sangluaia chu an hmelhriat tir a, Sangluaia chuan chibai diat diat in, a tawp bera Zuali an chibai chu, Sangluaia chuan Zuali chu a zam nasa tihchu a kut a van a ṭang chuan a hrethei a ni, an in chibai laihian Zuali hian Sangluaia mit chu en pawh a en ngamlo a, Sangluaia hian Zuali chu a zak tih hrethiam in, a lak ah chuan a tlangnel theih nan tiin, Zuali nang nge upa ang keimah aw? tiin an zawt zaih mai a, Dohranga chuan a ni teh tak e a, Zuali i u naupa zawhna chu han chhangta che an ti a, Zuali pawh tlema a zahna chu zia awm deuh in, kum sawmpariat ka hmang ṭanve tiin an chhanga, Sangluaia chuan fiamthu hian, ka chhangrual velchauh i nih chu an ti a, Zuali chuan Sangluaia chu rawnmelh zauh in, ka awibik lo, kei ai in i upa bik lotawp ang an rawnti a, Sangluaia chuan minbiak i hreh hmel em a kan fiamche a nih kha tizauh in, keipawh kum sawmpariatna ka hmangve ṭan mek e tiin ṭhatak chuan an hrilh leh a
.
Chu tianga an han inbiak tak ah chuan Zuali pawhchu Sangluaia lak ah chuan tlangnel veta deuh in Zuali pawh chuan, nang ai in ka upa deuh zawka, min u dawn nia an tive zauh mai a, Sangluaia chuan a nih leh u Zual tiin an ko zauhmai a, Zuali chuan min u suh, u ka duhlo an tileh a, Sangluaia chuan min u rawh i tisia i duhleh bawk silo, eng tin nge ka koh tak ang che? an ti a, Zuali zak chu sen ṭan ṭan in, kapa u ka duhlo a nia a ti ta daih mai a, Dohranga pawh in, Zuali i u naupa koh danche chu i duhvak na nge? u kha i duh deuh khan ka hria a, i duhleh silo a nih chuan in hming khan in ko ve ve mairawh u aw an ti a, Dohranga chuan, ka tupa eng pawh nise tuk ṭhuante han ei phawt ila, tukṭhuan ei khamhian kan Lal Nikawlha inlam ah kan lengphei ang chu, tin hei i pu Rokhara lungpawh kan hmalawk hian kan tungdawn a, ilo kal remchang nen, i pu Rokhara lungtun thleng i chamve a ni ang chu, Sangluaia chuan Nikawlha khua ah chuan inpu a awm a, a hming chu Rokhara ni in, a lungpawh an tunghnai tih sawitu kha an ngaihtuah chhuak thut a, khapa khan engtin nge Dohranga te hian Thangluaia te hi hresa ang khan a rawn sawi mai le? a pu Dokhara ṭawngkam a ṭang hi chuan, Dokhara te hian Sangluaia te hi an hrelo hrim hrim a ni, tukṭhuan tur an siamzawh chuan Dohranga chuan, ka tupa khaile kabul ah hian rawnṭhu la, tuk kinzing chu puartak in chaw i hanei teh ang u khai an ti a, Sangluaia pawh in a pu sawiang chuan, a pu bulah chuan ṭhu in tukṭhuan chu a ei veta a, Sangluaia rilru chu a nawmloh em a vangin a pu hnen ah chuan, kapu kapi Satpuii kha i hreve reng reng em, kapa nu a ni a, kapi pa te lamhi tumah hriat ka neilo a sin an ti a, Dohranga chuan phurtak mai chuan, ka tupa nia ka hrilhvek ang che ka ti a, mahse hei minzawh tak ah chuan katum ai a hmain kan hrilh ang che tiin, chawbar pah chuan a ṭhut hmunchu a remṭha surh surh mai a
.
Dohranga chuan ka tupa i pi Satpuii pa kha, kapa te u nau zinga a upa ber a ni a, kapa Rokhara hi a pangber a ni thung a, an u nau hi pakua ni in, tun ah chuan an boralvek tawh a ni, i pu Rokhara hian nikum lamkhan mual min liamsan a, a ni hi kan hriat theihchin ah chuan i pu te u nau zing ah chuan a damrei ber ni in kan hria, kan hriat theihchin ah chuan, i pi Satpuii pa khan kan pianve hmadaih tawh khan Tlanglo khua a pan a, tah chuan nupui nei in fa pakhat an nei a, chu a fanu chu tuna i pi Satpuii khu a ni, vawitam rawntlawh chhuah che u kan tumṭhin a, mahse kei mahni lamte kan remchanglo ṭhin nen, hansawita phawng ila, i pi Satpuii chu a nu leh pa ten an han boralsan khan rawntlawh kan hantum leh a, mahse kan chhungkua ah eng eng buaina emaw in mintlak buak a vangin i pi chu kan tlawh theitalo a ni, hun an liama i pi chu kapa khan rawntlawh turin minti leh a, mahse khualthu thang a ṭangin i pi kha a fapa nen Tlanglo khuate khan an hnawt chhuak tih thawm kan hrelehta a, kan theihtawp in an kalna lam kan hanzawt kuala, mahse tumah khan i pi te panlam kha minhrilh theitalo a ni, an kalna chin kan hriat tak loh a vangin kan tan chuan han zawn chhuah ngaihna a awmta lo a ni, ka tupa ka mawh phurhna ka hlenloh a vangin min ngaihdam pawh ka ngai hial a ni an tizui a, Sangluaia chuan, kapu engmah thiamlohna i nei reng reng lo a nia, helaia ka rawn kalna chhanhi kan sawive a nga, kanhmakar lawk khan tuk khatchu mikhual pakhat hi kan in ah hian a rawnlut nawlh mai a, chu kan mikhual chuan kanu hnen ah chuan, i pa u naupa lung an tung dawna, a hmingchu Rokhara ni in, i patea fapa Dohranga chuan nangni pawh hi i patea lungtun na ah chuan kalve turin a hrilh che u a sin tiin kanu chu a hrilh a, kanu chuan kawngthui kalthei kani tawhlo a, keimah hi kaltur chuan kapa nen minti ta a, kawng rawn zawng chawp in hei tunhi ka rawnthlengta a ni an ti a, Dohranga chuan a ni tak maw, ka tupa tunge chu tiangthu chu hrilhna chang che u hria le aw? ka lawm hlemai chutiang thu an lo hrilhche u hi an ti a, Sangluaia chuan, kapu chuthu minhrilh tu chu, Kaitawna a ni a, kal ngei ngei tur in minti a ni an ti a
.
Dohranga chuan, ka tupa a nih tak chu mawle aw, Kaitawna chuan kanhma lawk khan minrawn tlawh a, tah chuan kapa lung tun kan tumthu pawh ka hrilh a, a ni pawh kha i remchan chuan lo telve ngei ngei rawh ka tih nghe nghe kha mawle, tin kanhnung deuha a lo kalkhan, kapa tu unau chan chinhi minzawt vak mai a, a lo hetih dawn a vanghi a nih hi kan chhung kaw in thlanchhawn dan kha minlo zawhvak ni, ka tupa a ṭha e, Kaitawna bengvar a zar ah hei tupa duhawm tak ka neiche tih ka hria a, Kaitawna chu ka hmuhleh hmasak ber ah lawmthu hrilh mawlh mawlh ka ngai a nih chu an ti a, tukṭhuan te an han ei felmeuh chuan Ni pawh a tlangsang tawh khawp mai a, he tihlai hian Dohranga fapa, u patawh lam fate chu in chhung ah chuan rawntlan lut in, an pu Dohranga hnen ah chuan, a pu khawihi nge Lal tualzawla Keipui pahnih thahtu chu? miin i pu te in ah an awm, Tlangval huaisen leh chak tak an ti a, hmuhve kan chaka kan rawnkal an hanti a, Dohranga pawh in a tu te hnen ah chuan a tupa tharchu han kawh hmuh in, hei hi in u a nih hi, Lal tualzawla Keipui pahnih te sathlum tu chu a nih hi an ti a, naupang hopawh chuan Sangluaia chu han chibai in, naupang zinga pakhat chuan u Sangluai miin i hminghi an sawi luih luih a sin, Keipui kan en na ah pawh, Sangluaia chu a huaisen a, chak pawh a chak bawk a, a zam a ṭha lutuk, Lal fapa a ni a a hmelṭha lutuk nula ho in an ti an ti a, chu naupang thusawi chuan Zuali Beng chu loverh zar in, nula dangten chu tianga an losawi ringawt pawh chu lothik ru nghalin, mahse an in ngaihtuah chiang a, a pa tupa a nih a vangin a tan chuan lo beisei chi a nilo tihchu hrechhuak leh in, a rilru chu a mah chauh chuan hreru kiau in, zahpawh a zakru em em a ni, Sangluaia chuan naupang hnen ah chuan, miin an sawive mai mai a nih chu, hei min hmuh vek hi, ka huaisenlo a, chak pawh ka chak miah loh hi, mite chuan an sawive mai mai a nih chu, awi duh reng reng suh u an ti a
.
Dohranga chuan khaile ka tupa Lal in lamchu i in peihtawh chuan kanpan phawt dawn em ni? kan Lal Nikawlha khan kawmche a chak hmelriau in ka hria a, i pa chan chinte pawh zawhche a duh ngei ka ring a ni, helaia i rawnlan hmapawh khan, Thangluaia hi Lal en tawltlak tak a nih thu kha a sawi ri tlat mai a, chu vangin in khawlam chan chin chu a zawhche ka ring a ni, i pa Thangluaia hansawi tak ah chuan, kani Satpuii te pawh chu hmuhve ka van chak tak em, i pa Thangluaia ngeipawh chu hmuhve ka chak khawp mai ti a ti ti bawrh bawrh in, Dohranga leh Sangluaia chuan Lal in lamchu an panta a, kawngka a ṭang chuan Zuali leh a nu chuan thlirzui vawng vawng in, Chhunthangi chuan, Zuali i u naupa tharchu a felhmel hlemai, tin Thangluaia chan chin chu tam tak kan hretawh a, a khualehtui chhunga mi harsate leh, fahrah chanhai riangvaite hmangaih tu a ni a, chu vangin he i u naupa tharpawh hian a pa ziachu a la khawp ang, tin a mah kha han en maikhan a rilru a ṭha in, a nun kha a ngil a ni tihkha a hmelah khan a hriat hliah hliah mai a, Tlangval pian nalh thlarhmai leh, hmelṭha leh huaisen tak mai a ni a, kan khua ah pawh hian a to khatviau ang le, nang pawh hi i khawsak dan a ṭang hian, i u naupa thar lak ah hian i rilru i seng a ni tih ka hria a, fimkhur ang che, i u naupa a ni a, ṭhatak in kawmla, a in thlahrun theihna ang tur reng reng in ṭawngkam i hmangtur a nilo ang, duat tak in en kawl la, i u naupa a nih bak ah, Lal ropui tak fapa a nih hi theih nghilh ngaisuh ang che an ti a, Zuali pawh chuan a nu thusawi chu dik a tiin, a u naupa lozin chi duak taka a lo en kawl a ngai a ni tih hria in, a lo duhruk na zawng zawng te chu dah ṭhata, u nau pianpui ang chiaha lo mikhual tur chuan a rilru chu an siamṭha sauh sauh a, Chhunthangi bawk chuan, Zuali mualpho na hi hote a ni a, i u naupa hi ka sawi ang khan i awmdan a ṭang hian i rilru hian a duh a ni tih ka hria a, khang i rilru putdan zawng zawng kha dahbo vek la, u naupa chhuan awm tak i neih hi mite zah kaitur in ṭhatak in he khualehtui i nih ang hian kaihruai ang che, ka sawiuar vang nilo se, kan khaw nula zawng zawng te hian an ngaizawng dawntih ka hrenghal a, mi huaisen Pasalṭha chu hmeichhiate hian kan ngaisang in, kan ngaizawng ru ṭhup ṭhin a, chu vangin kan khaw nula te pawh hian he tianga Tlangval huaisen leh, hmelṭha hi chu an ngaizawng furdawn a ni, chu vangin hengkar ah hian nang pawh fimkhur leh, rilru neitak in awm ang che an ti a
.
Dohranga leh Sangluaia pawh Lal Nikawlha in chu an va thlengta a, khawnbawl dangte pawh lo kimṭhap tawh in, Dohrangate pahnih an han hmuchu lawm pawh an lo lawmthiam khawp mai, Nikawlha chuan a khawnbawlmin te putu hnen ah chuan, e khai inlo thlengta a maw? lo ṭhurawh u khai tiin ṭhut hmunte a lo kawh hmuh zung zung mai a, he tihlai hian Lal fanu Nikungi pawh in kilkhat a ṭang chuan Sangluaia, mipa a hmuh tawh a zawnga a thinlung luahtu bermai chu a lo thlirve ngawih ngawih mai a, Sangluaia chuan a mit meichu a hrethiam ang tih hlautak chung chuan, kilkhat a ṭang chuan a lo thlirve ngawih ngawih mai a ni, Nikawlha chuan Tlangaupa hnen ah chuan, khaile ei kan khualṭha a lo thlentak hi, Tlangaupa Rappui chungsanga ka thlathum zu belkha han chawithla rawh khai, zanriah ei kham chauh mah ila, chaw kawng leh zupui kawng chu a dang ngai e, Lal ropui tak Thangluaia fapa hi khuleh chen a ṭanga lo kal a ni a, a chhawlte pawh a hal tawhviau tawh ang an ti a, Tlangaupa pawh in Nikawlha sawi ang chuan phur taka ti nghal in, Rappui chungsanga Lal zubilh ṭhatak maichu a chawithla ta a, Nikawlha pawh in Sangluaia hnen ah chuan, Sangluai helai hmuna i rawn kalna chhan hi keileh ka khawnbawlte hi chuan hrelo a tam zawk kanlani ngei ang a, eng ti tura Khawzau khuahi lo lutchiah nge maw i nih le? tiin an zawt a, Sangluaia pawh in aw hanthen kharh pah in, Lalpa kalo kalchhan tak chu, kapu Rokhara lungphun na hmangtura lo kal kani e an ti a, Nikawlha chuan a ni maw? Rokhara kha kapa khawnbawlmin a ni a, kan khualehtui hian kan ṭangkai pui in, kawng engkim ah kan chhawr ṭangkai em em a ni, mifing leh rorel thiam thlah chhungkua a ṭanga lo chawr chhuak i ni a, nang pawh i ṭawngkam a felfai in, mi chhan khan i thiam khawp mai an ti a, Sangluaia chuan, Lalpa i mifak ang kha ni ila a va lawm awm dawn ve, kapu teho hi chu rng kawng ah mah ka tluk lo a ni tiin Lal chu an chhang a
.
Nikawlha chuan, findan hi kawngkhat chauh a awmlo a, mi ṭhenkhat chu mahni tana fingthiam em em mai an ni a, mi ṭhenkhat lehchu mite sawisel thiam zawnga fing em em mai an awm bawk a, ṭhenkhat lehthung chu rorel thiam zawnga fingtak an awm bawk a, chung zawng zawng hmakhalh chuan nangchu i huaisen in, i chan chin kanlo hriatdan ah, ralrel thiamleh ralbeih thiamtak i ni a, mi huaisen ralrel thiamtak mihring chu mifing lo an awm hleinem, Sangluai i chan chinhi tam tak kanlo hreve ṭhin a sin, i pu Dohranga ngei ngei pawh hian a tupa i nih a hriathma kha chuan, i chan chinhi ka in chhung ngeiah hian vawitam a sawiṭhin a sin, i pa chan chinte hi sawi nuam a tiin, keini hote hian Thangluaia chu kan ngaisanga, fahrah riangvai te Pasalṭha Thangluaia chu hmuhtu nih ringawt pawh kan in chhuang a sin, Lal fingleh ropui tak chuan fapa huaisen leh ralrel thiam, fapa fingleh ralbeih thiamtak mai a neiche a, i nih na chu vawiin zinga Keipui i beihdan a ṭang khan a langreng a ni, huaisen ringawt tan chuan Keipui pakhat khachu thah maitheih a ni maithei a ni e, mahse mifing leh huaisenlo tan chuan Keipui pahnih kha thah theih a nilo a ni, Sangluai vawiin ah hian ka chhuang khawp mai che, tuna ka rilru ah hi chuan i pa pawh in keiai hi chuan a chhuan bik che ka ringlo a ni, chu vangin ka thlathum zupawh hi ka chawimawi nan che, helaia awm zawng zawng ai hian i khawn hmasa dawn a ni, tiin Tlangaupa hnen ah chuan zu belchu Sangluaia hnen ah chuan petur in an ti a, Sangluaia pawh in Nikawlha thuchu hnialhran tumlo chuan, zu khawnna Dawnfian chu la in, an khawnta khalh khalh mai a, tam tak fawp chhuak lo in Sangluaia chuan Dawnfian chu midang a peta a, Nikawlha hnen ah chuan, kapu i khualehtuia duhsakna minlo hlan a vang hian ka lawm e, kan khua ka thlenleh hun ah chuan vawiina ka thiltih hi kapa bulah chhuang tak in ka sawingei ang an ti a, Nikawlha chuan, Sangluai chawimawi tlak mi huaisen i nih a vangin, vawiin ah hian ka khawnbawlte hma ah hian ka chawimawi che a ni an ti a, Sangluaia pu Dohranga pawh a hlimkhawp mai, a tupa chu tiang khawpa an Lal in an chawimawi chu hmuh nuam a tiin, Nikawlha thusawi pawhchu ngaihthlak nuam a ti a ni, Nikawlha bawk chuan, Sangluai i pa chan chinhi zawhche a rem em? tiin an zawt leh a, Sangluaia chuan, kapu engmah remlohna a awm hleinem tiin an lo chhang venghal a, Nikawlha chuan a nih leh minlo ninglo la, i pa chan chinhi tlem kan zawt teh ang che
.
Hei khualthu thanga ṭanga kanlo hriatdan chuan i pa Thangluaia hi, a khualehtui ah hian hmeithai, chanhai te leh riangvai fahrahte hi tam tak an awm an ti a, heng mite hi Thangluaia chuan hmangaih takin a en kawlṭhin an ti a, tin khawdanga khawsak harsa deuh a hmuhte hi an duh chuan a khualehtui chhunga en kawltur in a hruailut ṭhin tih thawmte hi kan hreṭhin a, hengthu hi thu thang mai mai nge ni a, i pa chan chin minten an sawihi a dik in, chung vanlai tlate chu hmangaihtak in a tuamhlawm ṭhin a mi? tiin an zawt a, Sangluaia chuan, kapu mite chuan kapa chan chin chu an sawiuar mah mah a nih chu, ni e kan khualehtui chhunga hmeithaite leh, chanhai riangvai te chu hmangaihbik nilo in, ang khatvek in kan in en a ni, kapa chuan chung mite chu a hmangaih bik lo a, a khualehtui chhunga a mah beltu te chu angkhat vek in min hmangaih a ni, mahse kapa chuan chung mite chu hmuhsit emaw, en dawng emaw reng reng a phallo a ni, hmeithai pawh nise, riangvai fahrah pawh nise, dinhmun in thlauh vang maia in en hran reng reng a duhlo a ni, patung leh hmeithai kha angkhat vek in kapa chuan min hmangaih tlanga, chu vangin a khualehtui chhunga chengte chuan an Lal thuchu awi in, mihring tumah in hmusit bik lo in, angkhat vek in kan in hmangaih tlang a ni tiin an chhang a, Nikawlha chuan a nih leh khawhrana hmeithai emaw, fahrah te emaw, riangvai te emaw chu, a khualehtui chhunga in benbel an duh a nih chuan a hruaiṭhin em ni? tiin an zawt leh a, Sangluaia chuan kapu ni e, chu tiangmi an awm a nih chuan kapa chuan chung mite chu hmun hledeuh pawh nise, a khualehtuia an khawsak a harsat loh phah dawnvang nilo in, hmuhsita an awmbik kha duhlo in a khualehtui ah chuan a hruailut ṭhin a ni an ti a, Nikawlha bawk chuan, a nih leh in khualehtui chhunga hmeithai leh pachhiate chu, kum tawp Buh luchuh ten in tuamhlawm ṭhin em ni? an tileh a, Sangluaia chuan ni e, hmeithai leh Pachhia te, tin fahrah te chu lovah a ṭangin mi tlawmngai ten lotur te an vahsak in, hloh thlawh a lo hunte hian nula Tlangval te hian hlote an thlawh sak ṭhin a, chung hlo thlawhsak ngaite chu kan val upa ten ngaihven in, nula Tlangval te chu za chuang chuang in an thawk chhuak ṭhin a, chung nula Tlangval thawk chhuak te chu kan val upa ten kaihruai in, lo khatchu vawikhat ah tuamchhuak vek ṭhin in, nikhat ah lo eng emaw zat an thlawh sak ṭhin a ni
.
Tin Buh luchuh a lo hunte hian nula Tlangval te bawk chuan puih ngaite chu puiṭhin in, khawtlang in chung Buh senga puih ngaite Buh sengtur chuan kan thawk chhuak ṭhin a ni, kapa hian a khualehtui chhunga mite chu tumah hmangaih bik a neilo a, a mah beltu zawng zawng te chu angkhat vek in min en ṭhin a ni tiin Nikawlha zawhna chu an chhanga, Nikawlha chu a ngawi vang vang mai a, na kindeuh ah chuan, Sangluai i pa rorel danchu ka ngaihsan zawng tak a ni, chu tianga a khualehtui chhunga ro an relchu en tawn tlak tak a vani em, mahni khualehtui chhunga hmeithai te leh pachhia te khaiding ṭhintu, Lal rorel danchu en tawntlak tak a nih chu, tin tumah hmangaih bik neilo a, a khualehtui chhunga mite angkhat veka en theitu Lal chu a ropui a ni, keini pawh kumin a ṭang chuan Lal ropui tak Thangluaia rorel danchu en tawn in, ṭanpui ngaite in ṭanpui tawn i la, puih ngei in puitawn in, dawmngai kan in dawmkang tawn a nga, chu chu kan pileh pute a ṭanga kan rochun thilṭha, rohlu tak a nisi a, kan pileh pute khan heng in hmangaihna hi chhawm nunga, vawng nungtlat tur in minduh si a, ṭhangthar zawk kan nih a vang hian eng vangin nge kan pileh pute nunze mawitak kha kan hloh kher ang, keini ṭhangthar te hian vawiin ni a ṭanghian i vawng nung tharleh teh ang u khai an ti a, Nikawlha khawnbawlte pawh in an Lal ngaihdan chu ṭha ti tlangin, Dohranga pawh in, chu tianga kan Lal in i tih chuan keini chuan kan pawm nghal a ni, chu tiang khawtlang kan nei a nih ngat chuan kan khawtlang chu a nuam in, mite awh kanva ni dawn em tiin anlo tuihnih ve a, khawnbawl dangte pawh in, Lalpa i rilru a i ngaihtuah na chu a hlimawm in a ṭha hlemai, ni e Lal Thangluaia chu tun dinhmun ah chuan tluk mah ila, kumte an lovei ang a, kumhnih thumte an liam meuh chuan khawtlang in hmangaih tak kan ni ngei ang tiin an rawn sawihlawm a, Nikawlha pawh in, Sangluai in khawtlang in kaih hruaina en tawnpawh minti a ni maithei e, mahse khawtlang tanleh, kei mahni mihringte tana thilṭha a nih chuan, thilṭha chu kan senglut in, kan nun hian chu thilṭha chu mi tihdan a nihpawh in kan vawngṭha tlat tur a ni, khawtlang insiam ṭhat nan Lal Thangluaia khawtlang en kaldan ang chuan keini pawh hian kanti vetur a ni an ti a, Nikawlha thusawi chu a khawnbawlte pawh chuan an pawmpui khawp mai, Sangluaia hnen ah chuan Nikawlha chuan, Sangluai ka zawhna te ṭhatak in minchhanga i chung ah ka lawm lu tuk a nia, kan bula awmte pawh i ningviau tawh thei a, saw ka fanu Nikungi pawh a awm saw, in in rual khawp in ka ring e, va in kawmtawh u khai an ti a, Sangluaia pawh in Nikawlha hnena lawmthu a sawi zawh hnu in, Nikungi lamchu a panta a
.
Sangluai'an Nikungi lam an panchu, Nikungi chu a lo zak rilru khawp mai a, a chhanchu Nikungi hian Sangluaia hi a hmuhtirh a ṭangkhan a mipa duhzawng tak mai a ni a, a thinlung chuan a duh em a vangin Nikungi hian Sangluaia hi a zah ngawih ngawih a ni, Sangluaia chuan, Nikung hei nangmah kawmtur in ka rawnphei a nia, minlo kawmduh ang chu tiraw? an ti a, Nikungi chu a zah em a vangavSangluaia chu en ngamlo in, kundeuh chung chuan aw chu an thian kharh a, zawideuh sap hian, keini angte min kawmduh zawk dawn em ni? an tisap a, Khawzau nula te hi an hleitling in, an hmelte pawh a ṭha hlawm em em mai a, heng Khawzau nula ho zing ah hian, Lal Nikawlha fanu Nikungi leh, a ṭhian nu Dohranga fanu Zuali hi a hmelṭha zualpawl an ni a, mahse an la naupan deuh a vangin zah pawh an la zak zumdeuh a ni, Sangluaia chuan Nikungi hnen ah chuan, keini khual satliah te hi minlo kawmduh zawk ang maw? khawtual Tlangval pawite hi kanlo sawireng ang tihchu ka hlaukhawp mai, ti fiamthu chung chuan Nikungi bulah chuan ṭhuthmun an rem a, Nikungi chuan chu tiang hlauhthawn tur engmah a awmhlei nem, keini ve mai mai hi minkawm veduh a nih chuan a lawm awm a nih chu tiin Nikungi chu hnuailam melh chung chuan a sen deuh ṭan ṭan mai a, Sangluaia chuan Nikungi ziachu a chik rukhawp mai a, Lal fanu dangte chu an nihna an chhuan pui a, hmelṭha deuhte pheichu in duhlarh in, Tlangval na zawngte hian biak pawh an be ngamlo ṭhin a ni, mahse Nikungi hi chu chutiang mi a nih hmelloh tlat mai, a nun a nem hmel em em a, tin Lal fanu a nihna pawhchu chapo puihmel miahloh in, a in ngaihtlawm hmelhle a ni, Sangluaia chuan Nikungi chu a ṭawngtamlo a ni tih hria in, hei in khuahi a nawm hmelriau in ka hria a ni, nula te in hleitling in, in hmelte a ṭha hlawmsi a, chamve rengmai a chak awm dawn khawp mai an ti a, Nikungi chuan in thlahrung rutak chung chuan, Sangluai kei ai a i upat vak bik ka ringlo a, chu vangin ka u lo dawnlo che a nia, keini khuate chu kan hmelṭha reng reng lo, Lal Thangluaia khua chu nula Tlangval an hmelṭha an ti a, misawihi a dik dawn a nih hi an ti hram a, Sangluaia chuan, enge mite sawichu a dik na turchhan nile? kan hmelṭha reng reng lo, hei nangmahni khaw nula te hi a nih hi hmekṭha zawk le, khawlaia ka hmuhte ho pawh kha hleitling tak tak leh, hmelṭha tak tak hlir an ni hlawm a ni an ti a
.
Nikungi chuan keini khuate chuan in khuate chu kan tluk teuhlo maiche u, keini ang mai mai bem lih leih leh, a hminga nula ve satliah mai mai kan nih hi, Lal Thangluaia khuachu nula Tlangval hmelṭhatna khua tiin kan hria a ni, chu vangin keini chuan kan tluk dawnlo che u an tileh a, Sangluaia chuan, Nikung i in ngaitlawm in, Lal fanu ni awm tak pawh i ni e, nang anga Lal fanu hmelṭha leh in ngaitlawmhi tumah kala hmulo a ni, i nun hi en tawntlak tak a nih hi an ti a, Nikungi chu a zah a vanga sen awp awp chungin an thawhalh a, a huaisen na zawng zawng sawmkhawm in, Sangluai ka lawme, a dera minfak na pawh nise, keini angte hmelṭha leh fel min tihna ṭawngkam kha ka lawm lutuk a nia, tiin zawisap hian a sawi bah niah niah mai a, hemi ni hian Sangluaia chu Nikungi bulah chuan awm nileng in, Nikungi nen chuan nelpawh an in nel nghal em em mai a, zanriah ei hmadeuh ah chuan a pu Dohranga chuan, ka tupa khaile hawzai kan reltawh dawn mi? zanriah ei te pawh a hun hnaita e an rawnti a, Sangluaia pawh in a pu thusawi chu ngaipawi mawh in, awle kapu, i tih dan dan a ni mai an ti a, Nikungi chuan Sangluaia te putu chu zanriah ei ah chuan an sawm a, mahse Dohranga chuan, ni rihlo e, hei a lacham dawn chauh a lawm, Nikung i ngai pawimawh tak tak a nih chuan chaw ei a in sawmna nikhua chu a latlai hleinem, vawiin tlaichu kan han haw rih phawt ang e tiin inlam pantur chuan an dingta uaih mai a, Nikawlha chuan Dohranga thusawi chu lo chhangin, e he tianga Tlangval huaisen chaw ei puite chu kan chak lutuk a lawm, ni e tukdang ah chaw ei turin kanla sawm dawn nia an ti a, Nikungi pawh in Sangluaia te thlahtura dingve in, Sangluaia te putu chu kawng ka thleng thlah in, kawngka a ṭang chuan a thlirzui vawng vawng mai a, a rilru chuan, Sangluai ka rilru leh, ka thinlung zawng zawng i luahzo dawn a nih hi, nang chuan eng a tanmah minti ve awm silo, tiin a thlirliamta a, khawnbawl dangte pawh zanriah ei tura ṭin hlawm in, Nikawlha chuan a khawnbawlte chu chaw eitui u tiin a thlah liamta hlawm a, Nikawlha chuan a fanu hnen ah chuan, Nikung kha Tlangval kha Thangluaia fapa awm reng a nih khale, a ṭawngkamte kha a felfai thlarh mai a, tin chapo na pakhat mah a neilo nen, en tawntlak tak a nihkha le an ti a, Nikungi pawh in, kapa a felkhawp mai, Lal ropui tak fapa nisi kha, i sawi ang khan a chapo miahlo a, a ṭawngkam kha a felfai in, a damthlarh mai a ni an tive a, Nikungi thinlung ah chuan chumi tlai a ṭang chuan eng dangmah in hmun a chang theilo a ni
.
Dohranga te chuan zanriah an ei laichuan Zuali chuan, Sangluai vawiin a in len na te chu an felem? kan Lal fanu chu a felbawk em? tiin an zawt a, Sangluaia chuan Zuali melh zeuh pah chuan, in Lal te chhungkua chu an felkhawp mai, in Lal fanu Nikungi anga nula felhi kala hmungailo tihpah chuan Zuali chu an melh zeuh a, Zuali pawh in Sangluaia chu rawn melhzeuh in, ka ṭhian nu a nih sawh, a felin a hmelte a ṭha a sin, monu a tan kanhual maidawn a mi? an ti fiamthu a, Zuali hian hengthu hi hansawi mahse, a ṭhian nu Zuali chu a thinlung tak chuan a thikru em em mai a, mahse Sangluaia hi a u naupa a nih a vangin a thikna chu engmah tihlan a tumlo a, mahni u naupa te lo thikchu dik pawh a ti biklo a, mahse Sangluaia hi a hmuhtirh a ṭang khan a duh em a vangin, a thinlung ah chuan thikna awm chu a paihbo maithei bik lo a ni, Zual'in monu a tan kan hualmai dawn em ni? an tih fiamchu an nui tlang dar dar mai a, mahse Dohranga chu nuive satliah a nilo tawp mai, rawn ṭawnghlut in, ka tupa kan Lal fanu Nikungi saw Zuali sawi ang khan, nula felleh hmelṭha tak mai a ni a, theihchu nise monu a tan chuan ka awt ngawt a sin, mahse Tlangval in ni a, in nupui turchu nangmahni duh zawng ngei a nitur a ni an ti a, an hlimtlang dar dar khawp mai, zanriah te an han ei kham meuh chuan khuapawh in thimlam a panta, Dohranga fapa a pangber chuan, Sangluai nula rimte i peihve a ngem? tiin an zawt a, Sangluaia chuan, ka u han lenkualve te pawh a chak awm khawp mai, mahse ka rawnkalna a thui thamdeuh a, zanin lamchu muthma pawh pawi ka tilo, zandang ah nula rim chuan kanla chhuak dawn nia an ti a, Zuali chu rawn in rawlhve vat in, ka u engtin nge nula dang ten a rilru an luah ang? vawiin lamah kan khaw nula hmelṭha nileng in a ṭhutchilh a ni a, rilru dang a put theih i ring em ni? an loti fiamthu hlut a, Sangluaia chuan Zuali i ṭawng danhi i chim awm dawn riau mai, nang pawh zanin lamchu rilru dang i pubik lo tawp ang le, tu te emaw lokal hun i rilru in ilo nghakve ngar ngar ang tih ka hria a ni an tive a, an nui tlang dar dar mai a, chu tihlai chuan Zuali te upa ber fapa kumli milek chuan, kan in ah chuan Tawitaw veng Tlangval an lo leng ṭhin, chhun ah pawh khan i nitei zan ah kan rawnrim dawn losawi rawh an ti a, mahse ka sawi theihnghilh daih an rawnti a, chu veleh Sangluaia chuan, chu zawng in ah pawh hian hah chawlh handuh mah ila, mite tana hnawk sak kan ni mai mai dawn a nih chu an ti a, Zuali zak bawksi tih ngaihna hrelo chuan, Sangluaia chu rawn chum taih taih in, nangmah vang a nih kha sawi loh loh tur an sawiphah, mikhualpa hawleh nghal rawh an rawnti a, Sangluaia chuan Zuali hnen ah chuan, ka u, ka u, min ngaidam rawh, chung engmah ka hrehlei nem tiin ngaihdam an dilder a, in chhunga awmho chu an nui ham ham mai a, Sangluaia chuan Zual'in minhnawt chhuak bawka Zawlbuk lam kanpan phawt mai ang e, Zawlbuk a ṭangin thlen in turchu ka zawngleh mai ang tifiamthu hlut in, in chu a chhuah santa a
.
Sangluaia chuan zawlbuk lam pan nghalin, Zawlbuk a thlen chuan Zawlbuk chhung ah chuan lutnghal in, Tlangval pawh an lo tam tawh ang reng khawp mai, Sangluai'an Zawlbuk chhung an luh chuan Zawlbuk chhunga Tlangval awmho te chu an ngawiṭhup mai a, Zawlbuk riak zinga a upaber chuan a kut rawnphar chhuak in Sangluaia chu chibai an buk a, chupa Aithanga chuan Zawlbuk chhunga Tlangvalte hian kanlo lawmche a ni, Lal ropui tak Thangluaia fapa Sangluaia, i chung ah hian kanlawm tak zet zet a ni, kan khaw harsatna tawhchu, mahni nun na pawh hlut zolo in kan hma ah i rawnding a, nun na tam tak kan chan theihna turah nang chuan awlsam tak in kan buaina i rawnching fela, Khawzau Tlangvalte hi i chung ah hian kan lawmtak zet zet a ni e an ti a, Sangluaia pawh in chu tianga an lo lawmchu, Tlangval ho hnen ah chuan lawmthu hrilhve nghalin, in hmuṭhang hlawm ang mai chuan an in kawmta bawrh bawrh hlawm a, Tlangval ṭhenkhat Zawlbuk ah chuan rawn thlenbelh zelin, ṭhenkhat nula rim in an chhuak zelbawk a, Aithanga chuan Tlangvalho hnen ah chuan, heile kan hriat ṭheuh ang in, hei Sangluaia, khawthlang lama Lal ropui tak Thangluaia fapa Sangluaia chu kan zingah a rawntelve hlawlmai a, ka sawitawh ang khan Sangluaia hian kan Pasalṭha te nun na chu chhanhim in, kjang Keipui pahnih te kha a that ta a ni a, khatiang khawpa kan tana inpe leh, a nun na pawh hlutmiahlo a kanhma a rawnding in, kan tan a rawn inpe a niber a, chu vangin zanin hian kan khualhi kan chai hah tur a nilo ang, tin ka sawiang khan, Lal ropui tak Thangluaia fapa a ni a, keini Tlangval satliah ang mai mai a nilo a ni, kan khua ah hian nuamti taka a awmve theih nan keini Tlangval te hian zalen na kanpe tur a ni tiin an sawi a, ti chuan Tlangval tamtak chu nula rimtura chhuak in, Aithanga te ṭhiandun pawh in Sangluaia chu nula rimpui ah an hansawm a, Sangluaia pawh in Zawlbuka lo ṭhut reng ai chuan tiin Aithanga te ṭhiandun chu a zuive ta a, Aithanga chuan a ṭhianpa hnen ah chuan, tlakmual lama nula feltak, Neihkungi kha kan rim maidawn em ni ang? a hmelpawh a ṭha a felpawh a felkhawp kha an ti a, Aithanga ṭhianpa pawh in, upa zawk in i rawnte chuan ka hnial hauh hleinem, Sangluai nang enge i ngaihdan le? tuk kinzinga rawnlut vechauh i ni a, nula han hriatpawh ila nei hman ka ringlo a, Neihkungi chu kan rim maidawn em ni, a hmelpawh a ṭha in, felpawh a felkhawp mai an ti a, Sangluaia pawh in, ni e in sawiang khan tumah hriatpawh ka neivelo a, ṭha in tih tih kha a ni mai an tive a, Aithanga chuan a nih leh Neihkungi chu i rimve phawt teh ang u, mahse inleng a ngahleh viau maithei a ni an ti a, Aithanga ṭhianpa chuan, inleng a lo ngahdeuh a nihpawh in, kan ṭhathnem belhdeuh mai dawnlawm, nula chu tu ta mah nilo in rimtheih vek an ni a, Sava thlawk laichu a perhthla thei thei neih a nih ṭhin kha, nula pawh rimtu ngah mahse, a perh thla thei thei ta tur tho an ni e tiin, Neihkungi te in lampan chuan an pathum chuan an kalta a
.
Aithanga te chuan Neihkungi te inbul an zuk thlen chuan thawmchu an hrenghal a, Neihkungi chuan inleng a ngah tih hriat tak maihian an ri luih luih mai a, Aithanga chuan hmahruai kawngka ah chuan, a lo len theihem? an ti a, Neihkungi chuan, aw theih e, lo lut rawh u tiin an lo chhawn a, in lengchu an ṭha hnem khawp mai a, Neihkungi pa hi, Khawzau khaw Pasalṭha Tlangthanga a ni a, in chu Pasalṭha in tih tak ah seideuh raih ni in, Tapchhak mei eng bula ṭhulo chu in hriatpawh a hartham a ni, Aithanga chu hanlut in, Tapchhak lam ah chuan ṭhutna a awm tawhloh a vangin, in chhunga Tapchhak lo lamchu an pan nghal a, Aithanga chu a ṭhiante chuan zuilitve nghalin, Sangluaia chu a hnung berah chuan an lut a, a thimdeuh rup a vangin Neihkungi in lengte chuan lut tharte chu tu te nge an nih tih anlo ngaihtuah hranlo nen, Tapchhak lama meituah chu a remdeuh a vangin a thimdeuh rupmai a, a thimrup a vang chuan Neihkungi in lengte chuan Sangluaia chu tunge a nih tihchu an hrelo a ni, Neihkungi pawh in Aithanga chu hria in, u Aithang a rem lai lai ah khan ṭhuthmun lorem vem rawh u, keini in ang ah te in rawn chuangkai veduh a ni maw? khawilam thlichhia in nge maw rawnchhem lutve nawlh che u le? tiin an fiam a, chu tihlai chuan Tapchhak lama Tlangval ṭhute chuan, u Aithang helam ah hian loṭhu rawh u, hei kam ṭhutna ah hian rawnṭhu rawh u khai, keini chu kanlutna a reitawh a lawm tiin an rawntho chhuak nghal a, Aithanga chuan thawh a ngai reng reng lo, nula rimṭheuh kan ni a, ṭhutna in ken a ngai reng reng lo an ti a, mahse chung Tlangval te chuan, kan val u ten ṭhutna in neih loh laia, keini a naupang zawk ṭhuthmun kanlo remhi a dik lo a ni, nula rimṭheuh pawh ni ila, val u te chu nula rimna ah pawh kan zahtur che u a ni, chu vangin loṭhu rawh u tiin Aithanga te awmna lam ah chuan an rawnphei hlawm a, Aithanga chuan, Khawzau Tlangval te nge nge in felṭhin e, a nih in sawn poh ang uhmiang tiin Sangluaia te chu a in sawnpui ta a, Tapchhak eng lama an han ṭhut chuan Sangluaia hmelpawh a lang chiangta khawp mai, Tlangval ho chuan Sangluaia chu an en duhta khawp mai, Neihkung'in Sangluaia an hmuchu a phudeuh zawk mai a, Aithanga hnen ah chuan, in nauhi tuk kinzinga Tlangval kha tiraw tiin an zawt phawng mai a, Aithanga chuan muangraih hian aw ni e, tuk kinzinga Keipui pahnih ngawt chempui leh Maubul hriam ringawta that tu kha a nih hi an ti a, chu ṭawngkam chuan chu in chhung chu a dengchhuak hneh kher mai, Neihkungi chuan Sangluaia chu en nghalin, sawihun a nih leh nih lohpawh ka hrelo, mahse a remchang si a, kan in a in lo lenhi ka ringphalo a ni, kapa nun na kha nangmah vang liau liau a him a ni a, i chung ah hian lawmthu sawitur kan ngah khawp mai, i ching ah hian kan lawmkhawp mai, kapa chu Tlangthanga a ni a, eng tin nge kan koh ang che tiin an zawt nghal a, Aithanga bawk chuan Neihkungi chu lo chhangin, Sangluaia a ni a, Sangluai kanti mai a, midang kohdan a nih kan han ringri ngawt a tiin an lo chhang a, Sangluaia pawh in, ni e Sangluai tiin minko ṭhin a ni, engmah lawmthu sawi a ngai reng reng lo, keikha awmlo mah ila ipa khan khang Keipui te khachu a that vek ngei ang, engmah lawmthu sawi a ngailo an ti a, Neihkungi chuan i chung ah hian kan lawm em em a, i chan chinhi kapa hian a sawining theilo a ni, kapa chu sawiloh, tuna hei rawnlengte pawh hian in rawnluh hmakha chuan i chan chin hlirhi a ni an sawini tiin a pa khum lam a michu an ko a
.
Neihkungi chuan, kapa lo tho teh khai, hei i Tlangval sawireng maikha kan in ah a rawn chuangkai hlauh mai an ti a, Tlangthanga chu rang taka rawntho chhuak nghalin, Sangluaia te ṭhutna lamchu an rawnpan nghal a, Sangluaia an hmuh chuan, Tlangval keini in ah te i rawn chuangkai veduh a ni maw? Lal ropui tak fapa huaisen chu keini in ah teh lul te i rawn chuangkai veduh hi ka lawmhle mai, Tlangval nangmah vang liau liau a nungdama awm ka lani a, i chung ah hian ka lawmzia ka lantirve nan kan chawhi vawikhat tal minkil puive tur in ka duhche a ni, a tui emaw tuilo emaw, vawikhat tal chu remchan veleh ka rawn sawm ang che, eng mah thildang tihsak theihche kan neilo a, mahse in khua i kirleh hmangei hian chawhlui minkil puivetur in ka duhche a ni an ti a, Sangluaia pawh in, kapu kei teh lul chaweia min sawmve duhte a nih chuan ka hnial miahlo ang, mahse ka thiltih kha hraitreng tlak a nih loh kha, khalai ah khan tupawh awmse, nangmah ṭanpui tur khan an rawnpen chhuak em em ang, chu vangin ka tih theihtawk ka rawn tive mai a nih kha, khang a vang khan chaweia minsawm nachhan tur a awmlo a, kei teh lul chawei ah te minsawm duh a vangin ka lawm lutuk e tiin an chhang a, Tlangthanga chuan, Tlangval Lal Thangluaia fapa awmreng pawh i ni e, chanhai leh riangvai te hmangaihtu Lal Thangluaia chuan fapa veltak leh huaisen tak a neiche a nih hi, hetiang ang fapa hi chuan a nu leh pa a chawimawi a ni, Tlangval i in ngaitlawm in i nun a ṭhahle mai an ti a, a in chhunga tlangval dangte hnen ah chuan, Khawzau khaw Tlangval felte u, Lal Thangluaia fapa ṭawngkam kha in hria em le, Lal ropui tak fapa nisi chapo na ṭawngkam tel miahlo kha inlo hreve em? kan khaw ṭhenawm Lal Sakunga fapa nen chuan teh khinchi a nilo a ni an ti a, Tlangval ho hnen ah chuan eng eng emaw sawi in, Sangluaia chu Tlangthanga chuan an chibai a, Tlangval ho hnen ah chuan, hlimtak khan ti ti leh rawh u khai, keichu nak tuk lam zing chhuah ka duh a vangin ka mu mai a nge tiin khum lamchu a panleh ta a, Aithanga chuan fiamthu hian, Sangluai pu Tlangthanga chuan kha chawei pui ah a sawmche a ni a, an sawm rau rau che a nih chuan, i duh duh chawhmeh i siamtir dawn nia, Neihkungi lah nula chawhmeh siamthiam a ni bawksi an tiin an ti ti hluaimai a, Tlangval hopawh Aithanga ti ti ngaithla chuan an ngawiṭhap mai a, eng eng emaw sawia an ti ti laih laih hnuchuan zante pawh a reilamta a, in lengte pawh in ṭinlam pan ṭanta in, Sangluaia te pawh chuan ṭinzai an relve ta a, Zawlbuk an va thlenleh hnu chuan Aithanga chuan, zan inchu tumah beng chhenglo in, Lal Thangluaia fapa Sangluaia chunga kan lawmzia en tir nan, zanin hian tumah bengchheng lo in, kan murual ṭhap dawn nia an ti a, val upa Aithanga sawi ang chuan, Zawlbuk chhung ah chuan tumah bengchheng awmlo in an murualta hlawm a, Sangluaia muchu muhil mailo in, an nula rimna a, Neihkungi pa in, Sakunga fapa a tih kha a thinlung ah chuan a chamreng mai a, kha Lal fapa kha eng vanga tehkhin nge a nih ang? chung ngaihtuah neuh neuh chung chuan Sangluaia pawhchu a muhil veta a
.
Sangluaia chu Zingtak Ni chhuah hmachuan tho in, a putea fapa nen chuan in lamchu an pandun ta a, a putea fapa Rokhara chuan, Sangluai tuk kinzing chu daiah ka Sakhi Thangkam en tura chhuah ka tum a, ilo kalve duh a ngem? tiin an zawt a, Sangluaia pawh in kalve a duhthu a chhangin, daihnaia Sakhi thangkam en tur chuan an chhuak dunta a, Sangluaia rilru ah chuan, zanlama Tlangthang'an Sakunga fapa a sawikha a rilru ah chuan a chamtlat mai a, a putea fapa a u chu Sakunga fapa chung chang chu zawh an tuma, mahse chu tihlai chuan Rokhara chuan, Sangluai helai maihi Sakhi thang ka kamna mualchu a ni a, he mualdung thla ah hian Thang hnih ka kama, a piah mual ah sawn pahnih bawk ka kam a ni tiin, Rokhara Sakhi Thang chu an en ta hlawm a, mahse Thang chuan pakhat mah awk lo in, Rokhara chuan Thanghi kasut maidawn a mawni, henglai mual Thangkam hi ka tluanpuilo a nih ka ring, hmundang ah chuan ka awk vetheu viau a, mahse helai mual ah kher kher hi chuan awh ni hmelreng a awm theilo a nih hi an ti a, Sangluaia chuan, ka u i beidawng hmalu tuk a ni ang e, Thangchu sut duh rihsuh, awh hun ilanei em em ang, nghah peihte hi a ngaive a nia an ti a, Rokhara chuan a nih leh i tih chuan ka sutlo mai ang, mahse daivelhi kan theuṭha deuh a nge tiin daivel chu an theuṭha nghal a, Sangluaia pawh in, ka u helai mualruam velhi kan vak mai mai chhin teh ang, dai i theu chhung khan kan vak anga, ka rawnkir lehvat dawn nia an ti a, Rokhara pawh in, e ivah peih phawt chuan zuk vak rawh khai, mahse Sahnu chu hmuhtur a vang maithei a nia an ti a, Sangluaia pawh in chulai mual mawng ruam lamchu a panta nghal a, ruam an zuk thlen chuan Sahnu velte an melh nghal a, a u Rokhara sawiang chuan Sahnu tharchu hmuhtur a vang khawp mai, mahse Sangluaia chuan beidawng duhlo chuan thlangdeuh hlek chu an zuk hrut thla a, a van neih a siam in a zawhthlak kawrte kam ah chuan Sakhi hnu thardeuh maihi a hmuta a, Sangluaia chuan chu Sakhi hnuthar tak maichu umzui nghalin, chulai ruam pharh zautak maichu kalpel in, chu ruam rawnfintu mual pakhat ah chuan a Sakhi hnuchhui chu an chhui kai a, chu mualchu mualpharh deuh duaimai ni in, Sakhi hnupawh chuan mualdung zawhlo in, chu mualsir lama kawrte kamchu a hrut tih hriat tak maihian a hnu pawh a chiardup mai a, Sakhi hnu awmna kawrte chu thuivak lo zawhchho in, chhak deuha Sakhi chalṭha tak mai tlachu a hmuta a, fimkhur tak chuan Sangluaia Sakhi chu veh chho in, a duhtawka hnai ah chuan ṭanhmun siam in, kawrte kama chhehrawp pakhat ṭanchhan chuan a Silai chu an lek chhuak a, u luk taka a Silai chu tin vang vang in, chulai kawrte ruam khawk rum rum khawp chuan a Silai chu an hmetpuak ta ṭhuai mai a
.
Chu Sakhi chalchu a zuang zawk mai a, lei a thlenleh rual chuan chhak lamah chuan tlanchho lehnghalin, thui tlanlo chuan a awpta rawp mai a, Sangluaia pawh in a Silai mute chu rang taka thunleh nghalin, Sakhi tlan na lamchu a panta nghal a, a kahna a ṭang chuan thuipawh Sakhi hnuchu chhuilo in, chhak lawk ah chuan a Sakhi kah lo tlureng chu a hmuta a, Sangluaia chuan Sakhi chu han pawbahlat nawlh in, a u Rokhara awmna lamchu a panta nghal i, Rokhara pawh in a Thangdai chu lo theu zotawh in, Sangluaia chu an lo nghak a, Silai ri an hriat khan a nau Sangluaia Silai ri ngeini a hria in, a rilru pawh a lo phur khawp mai, a beisei leh a lorin ang ngei chuan a lampan chuan Sanglauia chuan, Sakhi paw chunga a rawnchho chu a hmuta a, Rokhara rilru chu a phur khawp mai, Ssngluai'an a awmna a rawnthlen veleh chuan, Sangluai helai hmun ah hian Sakhi kaphi an vang viau ṭhin a sin, kan Passlṭha te ngei ngei pawh hian daihnai ah pawh, henglai ah hi chuan Sakhi hi kahtur an van khawp a sun, i rawnkap hlauh chu a van neihthlak hlemai, Sakhi chek tuitak kan hawp theidawn a nih hi tiin, phurtak chuan Sangluaia Sakhi puak chu lak thlak sak in, a mah chuan hanpua in inlam chu an panta nghal a, chhuak zingviau mahse an hawlam hichuan Nipawh a rawn chhuak sangtawh khawp mai, Rokhara te chuan phur taka in lampan in, khua an hanluh chuan khuachu a reh riaua hriatna an nei a, khawlai ah chuan naupang hmuhtur an vang em em mai a, tin nu emaw, nula Tlangval pawh nise hmuhtur an vang a ni, inlam an pan na kawng ah chuan putar pakhat hi an tawk hlawlmai a, Rokhara chuan, kapu engti ziange khuahi a va reh en em ve mawle? enge khua ah hian dik lo a awm emni? tiin an zawt a, chu putar chuan, Tlangval te u engmah in hreve na nge? Lal Sakunga fapa leh a hote khua ah hian an rawnlut a, kan Lal hnen ah chhiah dilin, nula an duhzawng lak tel an tum a ni, mipui zawng zawng Lal tualzawl lam ah an fuankhawm a lawm tiin an hrilh a, chu veleh Rokhara chuan, Sakunga fapa te hichu ka vahan ningtak em, an unau an rualsi a, an duh duh hian minrawn chawk kawiṭhin hi a niber mai an ti a, Sangluaia chuan chungthu an hriat chuan, ka u nizan kan nula rimna ah pawh Zawlbuka val upa khan Sakunga fapa chu a sawilang zeuhmai a, tuk kinzing thlengkhan ka rilru ah a awm a, Sakunga fapa chan chin chu hanzawh che ka duh a, mahse ka zawthman talo che a ni, chung mite chu e nga tinge in nin viau a? tiin an zawt a, Rokhara chuan, Sangluai an chan chinhi sawitur tam tak a awm a, nakin ah kala hrilhvek ang che, tun ah chuan in kan thlenphawt a ngai a ni tiin inlam chu dingtak chuan an pan vang vang mai a, in anva thlen chuan Rokhara hlimna zawng zawng chu a tawpchiang khawp mai, an in chhung ah chuan a nu leh, a u nupui te chu anlo ṭap laih laih mai a, Rokhara chuan thilawm dante zawtnghal in a nu chuan, Rokhar i nau Zuali chu Sakunga fapa ten an khua ah a hmei a tan hruai an tum a ni, Sakunga fapa chu a dangtur in keini chu sawiloh, Khawzau khua te hian an chung ah engmah kan ti thei silo an ti a, Sangluaia chuan, kapi chung mite chu tuman an dang ngamlo em ni? chu tiangin an duh duh hmei a tana hruaitheihna an nei em ni? an ti a, Rokhara chuan Sangluai nangchu lo in rawl vehsuh, ka nau mah nila Sakunga fate hi an hlauhawm lutuk, tumah thah hreh an neilo a, Lal chhungkua an nihna hi tuman kan khing ngamlo a ni, Zuali ka van lainat tak che em an ti vawng vawng mai a, Sangluaia chuan, Zuali chu kapu fanu a ni a, ka u naunu a ni bawk, chu tiang mai mai a an ni hruai mai mai theih a nilo tiin, a Silai chu la in inchhung a ṭang chuan a chhuak ta nghal a
.
Lal tualzawlah chuan mipui chu an pungkhawm hnem khawp mai, Sakunga fapa Kalthanga chuan mipui hnen ah chuan, nangni hian kapa hnen ah chhiah hi in chhung rengtur a ni a, chumi in tihduh loh chuan tumah hi kan tihlum hreh reng reng lo che u a ni, keihi Sakunga fapa upabar kani a, ka tihchu kapa thupek a ni, chu vangin vawiin ah hian in nula pahnih hi kan hruaihaw dawna, kei Sakunga fapa Kalthanga thiltih hi mindi dalngam in awm em? ka thiltih hi dik lo ti a min sawisel tur in awm em? tiin mipui hnen ah chuan zawhna an siam a, mipui zingah chuan tumah reng chuan chhang ngam an awmlo a ni, mipui chu ngawiṭhup in, Kalthanga chuan chapo tak maihian, Lal Nikawlh i mipui zingah hian tuman ka thiltih hi ṭha tilo an awmlo e, vawiin hian kan chhuahsan lehnghal dawnche u a, chhiah minpek turchu i mipui te hnen ah hian ilo puangzar dawn nia, kan hman hmawh a vangin tun ah chuan kan kalsan phawt ang che u tiin nula pahnih, Zuali leh Kungpuii chu hruaitum in an han hnuk a, nula pahnihte chuan an hreh em a vanga ṭap zawih zawih in, kanu kapa minchhan hram rawh u tiin an au lawm lawm mai a, mahse Kalthanga naute chuan hnuk lui in, Kalthanga chuan Zuali kal duhlo chu a chhipsama ṭhamin, vintak maihian kalrawh, ṭang ṭang mahla i kal tho tho ang tiin a chhipsam ah chuan an ṭham a, chu tihlaitak mai chuan aw damthlarh mai, mahse chu aw chuan thihna a paitel a ni tih hriat tak mai hian, nula kha thlah la, i kuthmawr pawh khan khawih tawhsuh an rawnti damthlarh mai a, Khawzau khuate chuan Sakunga fate thiltih do daltu hi an la hriat ngailoh a vangin, chu aw lo chhuahna lamchu maktih hmeltak maihian an hawinghal ṭhup mai a, Kalthanga meuh pawh in a thiltih rawn dodal ngam an awmchu makti in, chu aw lo chhuahna lamchu rangtak chuan an hawive nghal a, an piahdeuh ah chuan Tlangval la naupang hmeltak, pian nalh thlarh maichu an mahni chu ding taka lo en hian a lo dingvang mai a, rangtak leh vintak maihian Kalthanga chuan, nangkha tunge i nih? an ti tuarh mai a, Zuali nu chu mangleh hlauthawng taka Sangluaia bulah chuan rawnding in, Sangluai nangchu in rawlhve suh, i tawrh ai chuan i u naunu sawn chheltak in tuar zawk rawhse an rawnti a, Zuali nu in Sangluai ti a a rawnko khan Kalthanga leh a hote rilru chu a rawnsawi nghing hneh kher mai le
.
.
DUHTAWK RIHPHAWT ANG U AW
REMCHAN VELEH KAN CHHUN ZAWMLEH DAWN NIA
.
Hman hmawhlo in minlo nghak hram hram ṭhindawn nia
.
.
[Lalzirliana Tochhawng] [Champhai Tlangsam]
| Link: | |
| BBcode: | |
| HTML: | |
| Hide post links |
................ PASALṬHA THANGLUAIA (216) ...............
.
.
Kalthanga chuan ringleng lawng hian, tunge Sangluaia chu? helaihmun ah hian Sangluaia an awm em ni? tihpah chuan a hmalawka rawlthar dingchu an melh a, Lal Satkunga khua ah hian Sangluaia chan chinhi an sawi nasa khawp mai ṭhin a, Thangluaia hunlai a ṭang tawh in, an pafa chan chin hian Satkunga khuahi a luah hneh a ni, an chan chin an sawitam dan ber chu, Thangluaia te pafa chu mi hnuaihnung te hmangaihtu an ni a, ṭanpui ngaite chu hmeithai an ni emaw, fahrah an ni emaw, riangvai pachhia an ni emaw, chung mite chuan ṭanpui an ngai a nih chuan, an mahni nun na thap ngaipawh nise hlauhna chhete mah neilo in an ṭanpui in, chung ṭanpui ngaite ṭanpui tur chuan theihtawp an chhuah ṭhin a ni
.
Tin Thangluaia te pafa chu Pasalṭha huaisen hlauh neilo an ni a, ralrel thiamleh ralbeih thiamtak an ni a, tupawh hmachhawnse an ṭuanṭhahna leh an huaisen na te, hlauh neilo an nihna chuan a dinchan tir ṭhin a, an ni ai a chung nunghi ral hmachhawn tur chuan an awm chuanglo a ni, tiin Satkunga khua ah hian an thang nasa a ni, chu tiangtak maia an chan chin a than nasat a vangin Kalthanga leh a naute pawh hian Sangluaia hmingchu an hrekhawp mai, Kalthanga zawhna chu tumah chuan an chhanloh a vang chuan, a ai a ring in, tunge Sangluaia chu? Thangluaia fapa Sangluaua chu helai hmun ah hian a awm em ni? an tileh a
.
Damthlarh maihian a hma a ding rawlthar chuan, heta hi Sangluaia chu ka awm e, Thangluaia fapaSangluaia ngeichu kani e an rawnti a, chu tahzet chuan Kalthanga chu harh kawk ang hrim hian, nanghi maw Sangluaia chu? Lal Thangluaia fapa Sangluaia chu i ni chiang a maw? he Khawzau khua ah hian engti tura lo kalnge i nih le? nang nen hian buaina engmah neih ka duhlo a nia aw, mahse ka hrilhtawh ang che khan, he thilah hian loin rawlhve suh, heihi ka thiltih a ni a, tumah midang in rawlh ka duhlo a ni an ti a, Sangluaia chuan, keipawh tumah buaina siampui ka duhlo, mahse khang nula pahnihte khan i bula kal an duhlo a nih chuan, an duhna hmun ah chuan kaltir in, chhuah maita che an ti a
.
Kalthanga chuan muang raihmai hian, heihi kapa awp khua a ni a, he khuate hian kapa hnen ah chhiah an chhung ṭhin, tin chung chhiah minpek te kan khua a dahtur chuan heng Tlangval te hi puak phur a tan kan chhawrṭhin a ni tiin, a bul vela Tlangval lo dingte chu an melh kual a, a nilah tak reng a, Nikawlha khua te hian Satkunga hnen ah hian chhiah chu an chhung ṭhin a ni, heng an chhiah chhunte hi Satkunga Tlangval te hian la ngailo in, Nikawlha Tlangval te hian Satkunga khua ah hian an dahsak thlap thlap a ni, Kalthanga chuan Tlangval hote hnen ah chuan, nang niho hian kapa hnena chhiah in chhun chu, kapa khualehtui ah ngei in dahṭhin a nilawm ni? tiin an zawt hlawm a, Tlangval zinga upa deuhber Aithanga chuan, Lal fapa Kalthang, i sawi ang chuan a ni e, kan chhiah pek chu i pa khualehtui ah ngei kandah ṭhine tiin an rawn chhang a
.
Kalthanga chu chapo taka hawi vah vah chung in, Sangluai tuna Aithanga thusawi kha i hria em, heihi i pa Thangluaia thu neihna khua a nih loh hi, kapa leh he khaw Lal Nikawlha te hian in remna liantak an nei a, chung an in remna ah chuan heng nula te hi sal a tan emaw, hmei a tan emawa kan hruaihi phalsak kan ni a sin, Nikawlha chung ah hian zah kan ngaih a vang zawk in, tumah vak hi saltur emaw, hmeitur pawh nise hruaihi kanla nei manglo a sin an ti, chu vangin vawiin zinga ka thiltih ah hian lo in rawlh reng reng suh, Lal pahnihte in remna thlapa thilti kani e an ti a, Sangluaia chuan, Khawzau Lal leh ipa te chuan in remna an losiam pawh a ni thei e, mahse ka u naunu leh a ṭhian nu khachu i hruaichhuak theilo ang, ka awmlai hi chuan saltur an ni emaw, hmeitur an ni emaw, mi duhlo chung chung chu he khua a ṭang hian tumah i hruaichhuak theilo ang, i tilui ṭalhdawn a nih chuan keihi mindah kian hmasak phawt a ngai ang an ti a
.
Kalthanga chuan, Tlangval ka hriltawh che a, ka thiltih hi ilo dodal tlatdawn a nih chuan, he khaw Lal Nikawlha thu tlukna i hnialkalh dawn a ni a, Lal thu chhuah i hnialkalh dawn a nih chuan i thu thu ni rawhse, vawiin ni a ka thiltih tumhi ka hlawhtlinglo a nih chuan, he ka hlawhtlih loh na hian nasa tak in he khawtan hian nghawng a nei ngei ang, chu vangin Nikawlh he khua a ṭang hian hemite pahnih hi ka hruaichhuak thei a ngem? nula pahnihte hi ka hawnthei a ngem? tiin ringtak maihian zawhna an siam a, Nikawlha rilru pawh a buaive khawp mai, tin mipui te chuan Satkunga leh a fate nun rawnzia hria in, Kalthanga duhchu an Lal chuan pemaise an ti hlawm a, Zuali nu ngeipawh chuan Kalthanga hnen ah chuan, ka fanu kha ka lainat a sin, mahse Lal fapa Kalthang i lung awina a nih chuan ui teh mah ila hruai mawlh rawh an rawnti a, a chhan chu Khawzau mipui te hian Lal Satkunga leh a fate, tin a Pasalṭha rualte leh a Tlangval rualte rawng taka an rawnche lehtur chu an ngai ngam tawhlo a ni, ṭumkhat an chhiah pek tur Nikawlha Tlangval te hian dahsak lo in, tun ṭumchu nangmahni in rawnlamai rawh u tiin an chah a, chumi ṭum chuan Satkunga leh a Pasalṭha rualte leh, a Tlangval rualte chu an rawnthawk chiam mai a, chumi ṭumchuan Nikawlha leh a khualehtui chu an nghaisa nasa em em mai a, chumi ṭuma an nghaisak zinga mite chu tunthleng hian ramtuileilo an la awm phah a, chu vangin Satkunga leh a fate lungtih awiloh hi an hlau hliah hliah tawh a ni
.
Satkunga chuan Nikawlha hnen ah chuan, Lal Nikawlh zawhna hote ka zawtche a, minchhang ngam dawnlo em ni? Nge ka Pasalṭha rualte nena rawn thawhchhuah kher i nghak zawk dawn? tiin an zawt nawn a, Nikawlha chuan hlaulo mahse, a khualehtui chu a humhim theisi lo, hrehtak chung chuan, awle Lal Satkunga fapa i thusawi kha ka hria e, ka khua a ṭanghian i duhchu la chhuak la, hmeitur i duh a nihpawh in, nula i duh chu i la thei a lawm tiin hreawmti tak chuan an chhang a, Kalthanga chuan Sangluaia lamchu rawnhawi in, Sangluai Lal thusawi kha i hreve ang maw? he thilah hian lo in rawlh reng reng suh, chu chu i nun na a tanpawh a ṭhazawk ang an ti a, mahse chu rawlthar chuan tlawm mai a tumlo chiang khawp mai, Lal chuan harsati tak chungin, aw a pawhche a, mahse ka awmlaihi chuan tumah an duhlo chung chu i hruai chhuak lo ang an tileh a, chu tihlai chuan Sangluaia pu Dohranga chuan Sangluaia lamchu rawnpan in, Sangluaia hnen ah chuan zawisap hian, ka tupa ilam ka ṭang a nia aw, a ṭul a nih chuan he khawtlang tan hian ka thimai ang an rawnti a, Kalthanga chuan Dohranga thusawi chu lo hrepha in, nang putar satliah khan ka kawnghi dantheih i in ring em ni, i Lal leh kapa in thu tlukna an siamlai khan, hriatpui tu i ni lawm ni? tun ah khan chu an in remna chu bawhchhia in, kha Sangluaia lamkha i ṭang a maw? kala thatkhawp ang che an rawnti hmiah hmiah mai a
.
Sangluaia chuan Kalthanga hnen ah chuan, upa ṭawngkhum nan chuan a na mah mah a ni, nula te kha tun ah rawn chhuah rawh u, in rawn chhuahlo a nih ngat chuan in khualehtui thlengtur in tawhlo tawp ang an ti a, Kalthanga leh a naute chuan Sangluaia hlauhawm zia an hriatve vek a vangin, Sangluaia thusawi chu hnialthei dinhmun ah chuan an dinglo a ni, hrehtak chung chuan Kalthanga chuan a naute hnen ah chuan, nula kha dahkir rawh u, Sangluai lo hre reng ang che, vawiin zinghian i chan a ṭhazawk a ni maithei, mahse he khuate hian Lal Satkunfa thinrimna an tawngbuak hun ah meuh chuan, vawiina an thiltih hi an la hrechhuak vengei ang, chutih hun ah chuan he khualehtui ṭanpui tur hian i ke i rawnpen chhuak ngeidawn nia an ti a, Sangluaia pawh in, a ṭul a nih phawt chuan ka nun na hian tuardawn mahse theihtawp ka chhuah ngei ang tiin an chhangve a, Kalthanga te chuan nula pahnih, Zuali leh Rivungi chu chhuah in, chu tihpah chuan Kalthanga kaihza vengtu Chala chuan Kalthanga chu hrilhru in, he rawlthar lak ah hian keini sawmrual laite hi kan tlawm ang maw? kan Lal leh kan mileh sate bulah engtin nge kan sawitak ang? he rawltharhi kan vaia kan bawh huk chuan kan that thei em em ang an rawnti a
.
Kalthanga chuan a rilru chuan a nau thusawichu an ngaihtuah vang vang mai a, pakhat sawmrual in beihrawn chuan hnehloh tur thuchu awm in a hrebik lo a, tin he rawlthar pakhat lak ah hian an tlawm a nih chuan, khua an hawhun a an mualpho dantur te an ngaihtuah a, sawmrual meuh pakhat laka tlawmtur thu a awmlo tiin, a thinlung chu an rawnti paukhauh ta a, Sangluaia hnen ah chuan, vawiin ah hian hmeichhia kan pak letche kha hnehtu ah ilo in ngai a nge aw, nanghi kan that ang che ang a, nula pawh sawmrual kan hruaihaw ang an rawnti a, chu ṭawngkam chu Nikawlha khaw mipuite chuan an hlaukhawp mai, Satkunga awpna hnuai ah hian hunreitak an awm tawh a vangin, an thinlung chuan Satkunga chu hlauh tak tak in an hlautawh a ni, Sangluaia chuan Kalthanga vauna chu chhete maha hlaulo in, min thahchu hantum chhinta che? tin hekhua a ṭang hian nula sawmrual chu hruaichhuah hantum chhinta che? an ti a, Sangluaia a ṭangkhawh tlatmai chu Nikawlha khaw mipui te chuan an haw ṭhelh ṭhelh mai zawk a, mipui rilru ah chuan, Sangluaia hian vawiin hian Satkunga fate hi a lo dangthei pawh a ni maithei, mahse Satkunga chuan a Pasalṭha rualte hruaia a rawnthawk chhuak lehtur chu an ngai ngamlo a ni, chu vangtak chuan Sangluaia chuan Kalthanga te duhchu lak tir in, kaltir maise an ti hle a ni
.
Mahse chung mipui zingah ṭhenkhat te chuan, Sangluaia huaisen zia an hmuh chuan, an thinlung chuan chu rawlthar huaisen tak maichu ṭantlat in, a ruka Sangluaia lamṭang chu tam tak an awm a ni, Kalthanga leh a naute chu rawn inzar pharh in, Sangluaia lamchu an rawnpan ta, Sangluaia pawh in a iptepui a ṭang chuan a chemtum leh, Maubul chang hriamzum tak maichu an phawrh chhuak in, a hmalama a mah muangchanga rawnpan tu te lamchu in ringtak chuan, dingkak in a hmachhawn ta hah maile, mipui lampawh in chulai hmun ah chuan in beihna a thleng ngeidawn tih hria in, an tawlh hnung sung sung mai a, chu khaw mipui mitchu Sangluaia chung ah chuan fuṭhup in, Sangluaia rawlthar huaisen leh, ral beihthiam chevel chu hmuh loh an hlau a ni, chu khaw Lal Nikawlha pawh chuan Sangluaia chu hnuk ulh ṭeuh chungin a lo thlir rengmai a, a khualehtui chhung ah ngei pawh hlauh nei in, a khualehtui tana dingpawh ṭanpui ngamlo a a awmchu hreawm tiin, a hnuk chu a ulh ṭeuh mai a ni
.
Putar ho pawh in chu tianga an khualehtui tana ding ngam mi huaisen an han hmuh chuan, an thinlung chu na taka khawih in, pakhat chuan zawisap hian, ka vanglai kava ngai em, kei mahni a vanga nun na hialpawh chan ngamtu rawlthar pakhat pawh Satkunga hlauh a vangin kan chhan ngamlo a maw? Satkunga awpna hnuaia hreawm taka awmhi thih nen enge a lemchuang na ni le? Ṭhalai mahni khualehtui ngeipawh chhan ngamlohi kan love ṭhahnemta em an ti a, pakhat thung chuan, kan tunlai ṭhalaite hi zawng, a phawvuak ah kan vaupung kan tina em em ringawt a, mahni hnamleh khualehtui chhan tura, mahni nun na hlan ngamhi hmuhtur kan awm tawhlo a nih hi, a phawvuak ah chiah kan vaupung kan tina a, a sa seh tak tak ah chuan, kei nilo in ka ṭhianpa zawk hi thawk chhuak zawk rawhse kan tileh vek si, vanglai a ngaihawm khawp mai, saw tun ah pawh Sangluaia chuan a khualehtui ni miahlo tan a nun na thap in a ding a, han hawivelta che u, keimahni ṭhalaichu tumah Sangluaia hnunga ding ngampawh an awmloh hi tiin, chu putar kalkun tawhchu an hnaihber in ah chuan an lut a, a ṭhianpa putar pakhat pawh chuan zuilut venghal in, chu in chhunga chempui chu humchhuak in, Sangluaia sir ve ve ah chuan kun chungin an rawnding ve a
.
Putar pakhat zawk chuan Sangluai hnen ah chuan, Vala hengho lak ah chuan engmah kan nilo, mahse i huaisen na kan hmuh hian i kaihza vengtur hian kan rawnpen chhuak a nih hi, Khawzau khua ah hian Tlangval ṭhalai i kaihza veng ngam pawh an awmlo a nih hi an ti a, Sangluai'an chung putar pahnih an hmuchu a thinlung chu vihsawk ang maia na in, a ding leh veia putar te hnen ah chuan, kapu nangni putar kan rohlutak te hian chakna minpe a ni, vawiin ah hian nangmahni a vangin he khuahi Satkunga lak a ṭanghian a zalen tawh dawn a ni an ti a, a dinglama mizawk chuan, Tlangval Thangluaia fapa dik tak i ni e, han hawi chhuak teh, nangmah hualtu tam tak te hi Khawzau khaw Tlangval rualte an nih hi, an khualehtui tana huaisen taka dingchhuak an awmlai hian, tumah i thlavang hauhngam pawh an awmloh hi an ti a, he tihlaitak maihian Kalthanga nau pakhat chuan Sangkuaiate chu rawn hnaihzual bik in, Sangluaia chuan kapu tawlh hnungrawh u khai an ti a, putar pahnihte pawh an theih anga ranga tawlh hnung nghalin, Sangluaia chu a awmna hmun a ṭang chuan a dawk chhuak zawk mai a
.
Mipui chu rak ṭhawt in, Kalthanga nau an mahni rawn hnaihber tu nghawng chu a bunghmawk mai a, he tihlaitak mai hian khawnbawlmin Dohranga fapa naupang ber, Rokhara chu ringtaka rawn au chhuak in, Sangluai zamhlek suh aw, i hnunga hi i kaihza vengtur in ka rawnpen chhuak e tiin, a chempui humchung chuan Sangluaia awmna lam ah chuan an rawn tlanphei venghal a, Kalthanga chuan a naute hnen ah chuan, fimkhur hlerawh u khai, in hma a rawlthar dingkha Sairal ang maia ṭuanṭha a nih kha, tumah chetsual tum tawh suh u an rawnti a, thawk lehkhat ah chuan Kalthanga naute chuan Sangluaia chu an rawn bawhta huk mai a, ranglutuk in Sangluaia chuan, ka u tawlh hnung nghalrawh an ti ṭhawt mai a, Sangluaia kut dinglam a ṭang chuan Maubul chang hriamchu thlawk chhuak nawlh in, an mahni rawnhnaih bertu hrawk ah chuan Maubul chang hriamchu a luthrawih mai a, chupa chuan a hrawk chu dawmnghal in, lei ah chuan aṭhingṭhi nghalrawk mai a, a hrawka Maubul chang hriam lutchu a nat em a vangin, thawhpui han tumteh mahse a thawhpui zolo a ni, khawlai leichar ah chuan tluin a thawri hrawp hrawp mai a, Sangluaia sawiang chuan Rokhara pawh a theihtawpa rang chuan tawlh hnung nghalin, pakhat chuan Rokhara tawlh hnunglai chu rawnsah an tum a, mahse Sangluaia chuan chupa thiltumchu hresa ni awm taka chupa lamchu rawnpan nghalin, chupa in Rokhara sah a tumlai chuan Sangluaia chempui chu a thlawk phezawk mai a
.
Sangluaia chempui thlawk chuan chupa bek veilam ah chuanfuh chawrh in, chupa luruh chu a ri rawp maia, thisen chu rawnchik chhuak nghal ṭhawt ṭhawt in, chupa chu leichar ah chuan a tluthum nghaldawt mai a, rangtak chuan Rokhara pawh rawnleh hawinghalin, Sangluaia nen chuan in ringtak chuan an handing dun a, Kalthanga naute pahnihte chuan rawnhnaih chilhleh nghalin, Sangluaia chu a u Rokhara lamah chuan tawlh in, chu miten an rawn nanchin hmahret ah chuan, chu mite lamah chuan na tak hian an zuangphei dawrh mai a, Sangluaia chetdan chuan a mah rawnpan tu te chu a tih hrilh hai em a vanga hamhaih deuh in, an hamhaih laitak chu Sangluaia tan chuan hunṭha a ni, lei a ṭumrual deuhthaw chuan a chempui chu an vaipawp mai a, an ni lo hamhaih ve bawk nen, Sangluaia chempui thlawk chuan pakhat nghawng chu a chhawk ṭhawt mai a, Rokhara pawh in pakhat zawk hamhaih laitak chu rawnbawh pheive in, rawnbawh phaipaha a chempui chu rawnlek chhuak in, pakhat zawk hamhaih buailai chu an rawnsat vechawrh mai a, Rokhara sah pa chu leiah chuan tlutawp in, a khur nghal char char mai a, Sangluaia chuan ka u in ringleh nghalrawh ti a au ṭhawt in, Kalthanga nau pakhat chuan Rokhara chu sahtum in a chempui chu an lek chhuak a, Sangluaia chu a u Rokhara lamah chuan zuangphei dawrh in, a u sah tumtu Tlangval chu dimnatel miahlo in, a hnunglam a ṭang chuan a chhip an chuan an sat ngheng mai a, chupa chuan ṭik pawh ti hmanlo chuan a tlunghal hnawk mai a, chupa lu chu Sangluaia sahna a vang chuan a keh hnehkhawp mai
.
Pariat laimai an thahtak a vang chuan Kalthanga rilru chu a zamta, a nau pakhat hnen ah chuan, hnungtawlh rawh, tun ah hian he khuahi kan chhuahsan nghal a ngai a ni, tiin Kalthanga leh a nau pakhat chu an hnungtawlh ta a, Rokhara chuan kalthanga te hnungtawlh an hmuh chuan umzui nghaltum in, Sangluaia chuan, ka u umzui duhsuh, mi hlau chung chung chu umzui lohtut an ti a, Rokhara chuan umzuia thahvek mai a sin ka duh an ti a, Sangluaia chuan, ka u Satkunga fapa hmelleh a mit mengkha ilo hmulo em ni, hlauhna a vangin a hmaite kha a var vek a nih kha, a hlauhna a vangin a mit te kha a tunglo chauh a nih kha an ti a, he tihlai hian putar pahnihte kha Sangluaia bulah chuan rawnkal in, Tlangval i chhuan awm in, i van huaisen tak em, i nuleh pate chuan tiang fapa huaisen an neiche hi an va chhuang dawntak che em, nang ang reng reng a ral hmachhawn thiamhi kala hmulo a ni, kan khua i rawnluhni a Sairal i thah a ṭangkhan Pasalṭha huaisen i nihzia i lantir tawh a, hei vawiin ni hiani ralhrat i nihzia i lantir leh a ni a, nang ang reng reng a ralrel thiamleh, mihring zamṭha hi kalo hmu ngailo, i pu Dohranga pawh i chawimawi khawp mai an ti a, Dohranga pawh Sangluaiate bulah chuan rawnthleng pheive nghalin, Sangluaia chu rawnkuah deuh chuk chuk in, Khawzau khuate hian tumah hlauh a nei ta lo, ka tupa khatiang reng reng a ralbeih thiamkha kala hmungailo a sin, nangmah a vangin he khua hian Satkunga lak a ṭanghian zalen na a la hmuthuai dawn e an ti a
.
Mipui chuan Sangluaia chu bawr mup mup in, an chibai mup mup mai a, Nikawlha meuhpawh Sangluaia awmna hmun ah chuan rawnkal in, Sangluaia hnen ah chuan, Sangluai nangmah a vangin beiseina thar ka neita, Khawzau khaw Pasalṭha te leh, Tlangval hote rilru ah hian huaisen na i tuh theih ka ring a ni, kum tamtak Satkunga hnuai ah hian kanlo awm tawh a vangin, tuna ṭhangthar te pheihi chuan Satkunga hnuaia awmhi a tura ngaite hialpawh an awm tawh a ni, chu vangin ka Pasalṭha te leh, Ka Tlangval rualte hruaitu a tan hian ka duhche a ni an ti a, chu tihlai chuan Sangluaia leh Kalthanga naute an in beihdawn ṭuma, Sangluaia sira chempui nena rawnding putar pakhat chuan, Lal Nikawlha hnen ah chuan mipui zinga thusawi chu an dil a, Lal Nikawlha pawh in chu putar thusawi chu phalsak in, eng thupawh han sawita che an ti a, chu putar chuan mipui te hnen ah chuan, vawiin zing ah hian thah theih loh leh, in kut hmawr pawha in khawih ngamloh, nun rawngleh huaisen taka in ngaihchu tuma umtlan miah loh in, kha a mah in a tlanchhe ta a ni a, Klthanga in hlauh em em ṭhin leh a naute chuan, kan khual pakhat pawh ngamlo in khuahi a tlanchhuah santa chu a ni a, Tlangval te u vawiin hian zahna changhria in nih chuan zak ngawih nawih rawh u, Khawzau khaw Pasalṭha huaisen te u, mifing pang ngai in nih chuan in zah vengei chu ka ring a ni, mahni khualehtui pawh chhan ngamlo khawpa mi dawizep han nihchu a zah thlak a ni
.
Vawiin ah hian he Tlangval hian i khualehtui, i chen na ngeichu a nun na thap tak meuh meuh in a chhhan him a sin, a khaw neitu pawh nilo in a nun na thapa i khualehtui chhan nan a pen chhuah ngam a nih chuan, nangni a khaw neitu zawkte hi enga tinge in tawm in tlat ni? Zawlbuk ah emaw, nula in chhung ah emaw fiamthu thawha nuih dual dual kha mipa nih na a nilo, Thangchhuah diar khim chunga Silai pua khawilam mual ah emaw vah dun dun kha Pasalṭha leh, huaisen nih na a ni reng reng lo, Tlangval te u, Pasalṭha te u, in nupui fanau, in farnu, in nu leh pa, in Lal ral laka huaisen taka chhanhim theipa kha Pasalṭha leh, mi huaisen dik tak nih na chu a ni, in pileh pute mual liamta huaisen tak tak te kha hanchhui kir ula, an ni khan ramvah leh, ram lama Thangchhuah ringawt kha em ni min hnutchhiah le? han in bih chiangteh u khai, an ni khan huaisen tak in, luchhum banchhum huam in, thileh thaupawlh in he kan ram neihchhun hi anlo sualchhuak a sin, an mahni a vanga vawiin ni thlenga heram ah hian nuamsa taka khawsa a sin i nih, nangni hian vawikhat tal i khualehtui, i ramtan hian raldo in ke i penchhuak vetawh em le? Thosi leh Vangvat kar ah hian vawikhat tal rammu in i pen chhuak vetawh em le? Tlangval rualte leh, Pasalṭha rualte chu hnuailam bih ngar ngar chungin an dingṭhup mai
.
Chu fuihna chuan Khawzau khua a mipa te thinlung chu na taka hneh in, Tlangval zinga upaber Aichhinga chu rawnpen chhuak in, vawiin ah hian Khawzau khua a mipa raldo theichin awm zawng zawng te kan insiam ṭhat a ngai a ni, kan val upa sawiang khan, kan khualehtui tan hian luchhum banchhum kan huamtur a ni, hman a ṭanga Satkunga awpna hnuaia awmreng kan ni a, vawiin ah hian chu Satkunga min awpna chu kan paihthla tawh tur a ni, an chhiah pek tur phurin kan kaltawhlo ang a, an lak ah hian chhiah pawh kanpe tawh hek lo ang, kan nupui te emaw, kan fanu te emaw, kan fapa te emaw, tupawh nise sal tur in emaw, hmeitur in tumah an rawnla tawh dawnlo a, Satkunga chuan min chimih vek pawhtum in rawn thawk chhuak mahse, kan theihtawp in ṭan kanlo la ang a, a ṭul a nih chuan kan khualehtui tan hian kanthi ngamtur a ni, kan nupui kan fanaute hi kan hmangaih a nih chuan, luchhum banchhum huam in ral kando tur a ni an ti a, Lal Nikawlha chu rawnpen chhuak ve in, ka khualehtui te u, vawiin ni a thil thlenghi a ropui khawp mai, pa chuan pate hmangaihna a tak tak in a neita a ni, fate chu pa ang chhunga awm an ni a, pa chuan a fapa chu a hmangaihloh a, a ngaihsak loh chuan fapa tan chuan mite hmuhsit mai a hmabak a ni, vawiin thilthleng a vang khan Satkunga chu a pa chhuak in a rawnthawk chhuak ngeidawn a, mahse kan val upa te sawiang khan tumah hian kan hlautur a ni lo
.
Satkunga chu rawnthawk chhuak ang hmiang, chu ral lodang theitu chu nangleh keihi kan ni, chu vangin keihi in Lal ni mah ila, Satkunga ral lo lenhun ah chuan a lo dangtur in a hmasa berah ka ding ngei ang, Pasalṭha huaisen te u, Tlangval huaisen te u, ka kaihza veng turin ka hnung in rawnzui ngam a ngem le? chu zawhna chuan mipa rualte thinlung chu na taka khei in, an Lal hma ah chuan an ngamzia lantir nan, chung mipa hote chu an au rual ṭhup ṭhup mai a, Dohranga chu rawnding chhuak in, kan Lal khan a sawidik a ni, kan Lal chu penchhuak lo mahse, keihi a hmasaber ah ka penchhuak ang e, thih a ngai a nih pawh in ka thi hmasa ber ang an ti a, chilai hmun ah chuan reitak ro an relhnu ah chuan, mipui hote chu tukṭhuan ei tur in an ṭindarh ta hlawm a, Khawzau khaw mipui te chuan Sangluaia chan chin chu an sawiduh hlawm khawp mai a, tuk ṭhuan ei pahte chuan Sangluaia chan chin chu an sawi tuiber a ni hlawm a, Zuali pawh in Sangluaia hnen ah chuan, Sangluai nangchu awmlo nila chuan vawiin ni hian kan khua ah hian ka hmel hmuhtur a awm tawhdawn silo a, helaia i lo kalhi ka lawm lutuk a nia tiin zak deuh chung chung chuan lawmthu an hrilh a, Zuali nu pawh in, Sangluai he khua i rawnluh tirh khan, he khaw tan hian i ṭangkai dawn tih ka hria a ni, ka pawifak che nilo in, nang anga mi huaisen hi kan khua ah hian an awmlo a, Satkunga hando ngam khawpa mi huaisen hi an awmlo a ni, nang anga mi huaisen hichu kan khua hian neive ilang chyan, hman hman ah khan Satkunga awpna hnuai a ṭanghian kan chhuak daihtawh tur, mahse nang anga Pasalṭha huaisen hi kan neilo a ni, tun ah chuan hei min awm chilha thla a muang khawp mai an ti a
.
He mini hian Nikawlha chuan tumah ram lama kalphal lo in, Kalthanga leh a nau pakhat tawlhliamta te khan hmeichhia te an lo chan an rin a vangin, Ni khawlha chuan chumi ni chu tumah ramkal a phallo a ni, Tlangval hopawh Zawlbuk lam ah fuankhawm in, Sangluaia chan chin chu an ti ti tuiber ni in, Sangluaia ralbeih danchu an sawitur ber a ni a, a ṭuanran ziachu uar taka sawihlawm in, a ṭuanran piah lama chempui leh, Maubul chang a hmanthiam ziachu an sawi uar ber a ni, Zawlbuka Tlangval te chuan Maubul chang tawnchen vel tura seichu la in, a leh lam leh lam chu zumve in, Sangluaia hmandante chu an han zirtlang hlawm a, Kalthanga nau hrawka a vawnbur hrawih dante chu zirhlawm in, Zawlbul kawt ah chuan Umei rah hi an khai a, tah chuan in vawmbur siak in, ṭhenkhat chuan hlalote a ṭang chuan an vawmbur thei mai a, ṭhenkhat chu an Umei pumṭhelh ṭhak ṭhak khawpa vawm thiamlo an tam khawp mai, Zawlbuk kawt ah chuan a ralbeih laia a chetdan ti a lo zirtawk an kat nuk maibawk a, Khawzau khuachu Sangluaia chuan a luah khathneh khawp mai, he mini hian Sangluaia pawh nileng deuhthaw in in ah chuan a awm a, Kalthanga ten Zuali nena hruai an tum nula pakhat leh, a nu leh pa chu Dohranga in ah chuan lenglut in, Sangluaia hnen ah chuan lawmthu rawn sawiin an lengve rengmai a, he mini nileng deuhthaw hian in chu a chhuahsan bik lo a ni
.
Chumi tuk ah chuan Nikawlha chuan Satkunga ralchu rawnlian theireng a nih a vangin, ralvenbuk te chu siam in, Tlangval te chu semdarh in, khaw kalkhan ṭha deuh deuh te chu an vengta hlawm a, hemi ni hian Sangluaia leh Rokhara chu vak chhuak in, Sihpui ruam an tihlam ah chuan an ramvak a, Rokhara hi ramvak mivak a nih loh a vangin Sangluaia hnungchu a zuive a ni, Sihpui ruam an zuk thlenchuan sahnu thar deuh deuh maichu an hmuṭeuh maihlawm a, Sangluaia chuan ka u helai hmun ah hian minlo nghak la, chhun chawfak hunawm vela kalo kirlo a nih chuan, tah hian chaw minlo faksan mai dawn nia tiin a kalsan ta a, Sangluaia chu Sihpui an tih ah chuan lutphei in, Sihpui ah chuan Sahnu thardeuh zawng in, chu Sih tlan Sakhi hnuthar deuhchu hmuin, chu Sakhi hnuchu a chhui zuita a, khawthlang lamah herliam in, Sakhi hnupawh chuan khawthlang lamchu a panzel a, thuitak a chhuihnu ah chuan ruam pakhat hi vapawh hlawl in, chulai ruam ah chuan Sih pakhat hi a lo awm a, a Sakhi hnuchhui laichu chu Sih ah chuan chhuilut in, chuta ṭang chuan hmarlam zawngin an herleh hret a, ram rainuam deuh maihi a vapawh leh hlawl mai a, chulai ah chuan a Sakhi hnu chhuilai ngei maichu a hmuta, Sangluaia chuan chiang deuhmai chuan an en vang vang a, chu Sakhi chu a rin ai a chal ni in, uluk tak chuan vehhnai zel in, karlo ah chuan hlamsawm bawrlek chuan a hnaihthei ta a, fimkhur taka chuan hanveh hnai lehhret in, chulai ruam rawn chhuntu mual pakhat mawnga Zihnghal Thing liantak maichu behchhan in, uluk tak chuan an tin vang vang mai a, chulai ngawpui khawk rum rum chuan a Silai chu an hmetpuak ṭhuai mai a, Sakhi chu thlanglam ah chuan zuangthla zawk in, kawrte lampan chuan a tlanta nghal a
.
Sangluaia chuan a Silai mute chu han thun khat te te in, a Sakhi kahna lamchu a panta nghal a, Sakhi zuanthlakna ah chuan a thisen chu lo baw ṭhat in, a landan ah chuan Sakhi chuan kawrte a ṭanga chhimlam hretchu a zawh a ni, Sangluaia chuan a hnuchu chhuizui nghalin, kawrte a ṭanga kawrte kam mualte chu an zawh liam a, a Sakhi kah chu a landan a ṭang chuan a nakhat tihchu hrethei in, thisen pawh Sakhi chuan a hloh hnemtih hriat tak maihian, a kalna ah chuan thisen chu a bawdeuh zeih zuih mai a, chu kawrte kam mualte an herliama, a piah zawlrai lai a luhphei dawn chuan Sangluaia chuan thawm danglam a hreta tlat mai, a thawm hriatchu eng dang nilo in, Sapui thawm a ni tihchu a hrenghal a, fimkhur tak chuan a sahnu chu chhui zuileh in, ruam a valuh chuan a hmalawk ah chuan Keipui lianzet maihi a vahmuta hlawl mai a, chu Keipui bulah chuan a Sakhi kahchu lo tlu in, Keipui chuan a Sakhi kah thlukchu a lo hauh a ni, Sangluaia chuan zawideuh hian, kha Sakhi kha kasa a nih kha, i hauh theilo ang a kaptu kani tlat, hauh i tumlui a nih chuan tiin Sangluaia chuan Keipui chu an hnaih pheileh a, Keipui pawh chuan a sa hauhchu a lo tina khawp mai, Sangluaia lo kalchu a lo rum khum chhur chhur mai a, mahse Sangluaia chuan eng ah mah ngailo chuan a hnaih pheilui zel a, hlamli awmvrl a ṭang chuan, tawlhsawn rawh, ka sa a nih kha, i tawlhsawnlo a nih chuan tihnat che ka hreh dawnlo a nia an ti a, Keipui chu a rum chhur chhur mai a, Sangluaia chuan a Silai chu lek sangin, tawlhsawn rawh tiin na tak mai chuan Keipui mit ah chuan an melh a, Keipui mit mengchu khup zul zul in, hrehtak chunga rum chhur chhur chung chuan, a hnunglam ah chuan a tawlh liamta a
.
Sangluaia chuan a Sakhi kahchu hanbel chiang nghalin, Keipui chuan a lo la khawih pemlo hlauh in, Sakhi pawh chu a thihna la reilo tih hriat tak maihian a la lum ther ther mai a, Sakhi chu pu nawlh in Rokhara awmna lamchu a panta vang vang mai a, Sihpui a va thlendawn chuan Sangluaia chuan thawm a hreta tlat mai, a thawm hriatchu mihring ṭawng thawm a ni, Sangluaia rilru ah chuan, tumah a u bak kalpui a neilo a, a u chuan tunge a ṭawngpui nita ang? a thinlung ah chuan zawhna lo lutnghal in, Sangluaia chuan Khawzau mi tu emaw a hmu a nih an ring a, mahse a aw hriatchu vindeuha a hriat a vangin, ngaihngam chiahlo chuan Rokhara awmna lantheihna a ṭang chuan an thlir thla a, Sangluaia chuan a rinloh leh, a beisei miahloh thil a hmuta tlat mai, Rokhara chu tu ten emaw man in an hnungkhirh a ni tihchu a zuk hmuthei a, chung mite chuan Rokhara chu eng emaw an zawt tih hriat tak mai hian an vin ṭhak ṭhak mai a, mahse Rokhara chuan chungho zawhna chu a landan a ṭang chuan a chhang duhlo nge, an thilzawh chu a sawiduh lo zawk? a mantu te chuan benpawh an benghial a ni, mahse a landan ah chuan Rokhara chuan, chungho zawhna chu a chhang duhlo ni in a lang, Sangluaia chuan dimte hian a Sakhi put laichu dah in, mual mawnglam ah chuan a tawlh liamta nghal a, Sangluaia chuan ngun taka ngaihtuah in, Rokhara mantu te zinga pali ngawt chu Silai keng an ni a, Sangluaia chuan a u Rokhara chu chhan chhuah nghal a duhsi a ni, Rokhara mantu ten a thawm an hriatphak lohna awmvel ah chuan tawlh liam in, a chempui chu an phawrh a, Mau chang chu chhawk hmawk in, an suihzum zung zung a, paruk awmvel a suihzum hnu ah chuan fimkhur tak chung chuan Rokhara te awmna lamchu a panlehta nghal a
.
Rokhara mantu zinga an hotupa chuan han bensawk pah chuan, helai hmun ah hian kalpui i neilo tak tak maw? tiin an zawt a, Rokhara pawh in, tumah kalpui ka neilo, keimaha vak chhuak kani e tiin an chhang a, an hotupa Kapliana chuan, dawt i sawi a ni, he hnuhma hi midang hnuhma a ni an tileh a, Rokhara chuan helai hmun ah hian sapel tura kal kani a, vawitam ka kal kual a lawm a tive tlatmai a, Kapliana chuan thudik min hrilh duhloh a vangin ka thatdawn che a ni tiin a chempui chu a phawrh ta nghal a, Rokhara chuan hlau duh bik lo chuan, i duh chuan min that thei a lawm, mahse dawt ka hrilhlo che a ni a tive tlat mai a, Kapliana chuan Rokhara chhipsam ah chuan ṭhamsak in, nanghian eng ah mah min ngailo a nimaw? Nikawlha khualehtui mihring reng reng chu hmuhna a piang ah thah tur tiin, Rokhara chu a chhipsam ah chuan ṭham in, an phihding lawp mai a, Rokhara nghawng chu chhawk hmawk tumin a chempui chu an lek chhuak a, chu tihlai chuan an chhak deuh a ṭang chuan, ka u kha thlah rawh tihpah a, rawlthar pakhat chu rawnzuang kang in, a zuansan laitak chuan a Silai chu chulai ngawpui khawk rum rum chuan an rawn hmetpuak ṭhuai mai a, Kapliana chu Silaimu chuan a awm veilah ah chuan rawndeng dawt in, chu Silaimu satak chuan hnawl nghalrawp in, a hnung Thingbul ah chuan a hnawlbet rawk mai a, Kapliana awm veilam chu Silaimu chuan verh kaw pawp in a rak ṭhawt mai a, Sangluaia chuan lei a ṭumrual chuan Maubul chang tawngchen vela sei, a kawnga a thiahchu pawt dawk nghal zawk in, a kut dinglam a ṭang chuan an thlawh chhuak nghal a
.
Kapliana bula ding Silai keng chuan, a Silai chu Sangluaia lam hawia rawnlek kang in, a tum a tinzawn hmaṭei tih ah chuan,Maubul chang zumhriam lutuk maichu a hrawk ah chuan a rawn burta chawt mai a, a hrawk ah Maubul hriam in kua a rawnhreuh tih ah chuan, chupa chuan a chakna zawng zawng chu hloh nghal in, a din na hmun ah chuan ṭhingṭhi nghalrawp in, hrehtak chung chuan a tluta nghal a, Sangluaia chu a awmna hmun a ṭang chuan rang taka insawn nghalin, a din nalaia Thing tuluang chu Silaimu chuan a rawn deng persawk mai a, chungho zinga pakhat chuan rawn um nghalin, rang lutuk mai chuan Sangluaia chu tlankual in, chupa a mah rawn umtu lamah chuan an zuang pheidawrh mai a, a mah rawn umtu chuan a Silai a lek kanghma chuan, Sangluaia kut dinglam a ṭang chuan Maubul chang chu a rawn thlawk dawk lehzawk mai a, a mah umtu thinhnun ah tak chuan burchawt in, chupa nati lutuk chu a rak ṭhawt mai a, Sangluaia chu rang taka bi bonghal in, pakhat chuan an rawn au zuinghal a, tun ah rawn chhuak nghal rawh, i rawn chhuak lo a nih chuan i ṭhianpa luhi ka la ngei ang tiin chupa chuan Rokhara chu Silai chuan an tin a, mahse chulai hmunchu a reh vawng vawng mai a, pi leh pu ten khuavang kal lai an sawiang deuh in, a reh in a reh vawng vawng mai a ni
.
Rokhara Silaia tintu chuan ringtak maihian, ilo chhuak dawnlo a nih chuan i ṭhianpa hi ka thatngei ang, chu chu ka sawitawp na ni rawh se an ti a, chupa chuan a Silai humlai chu a hmetpuak dawntih ah chuan, a hnunglam a ṭang chuan Maubul chang, tawngchen veltura seichu rawn thlawk lehfua in, chupa thluk ah chuan a burta chawt mai a, rang lutuka Sangluaia chu rawntlan nghalin, a Maubul changin a tum a fuh rual deuhthaw chuan chupa awmna chu rawnthleng venghal in, midang pahnih la awmte chuan Silai an chuh hma a chung mite chu rawn nan hman a tum a ni, Sangkuaia tumchu a hlawh tlingchiang khawp mai, a ladam pahnihte chuan an chempui an lek chhuak hmanchiah tih chuan, Sangluaia chempui chu a tlezawk mai a, pakhat nghawng chu chhum hmawk in, a kut veilama a Maubul chang humchu an vaileh nghal a, pakhat ladam in a chempui a lek kang mhman chiah tih ah chuan, Sangluaia Maubul chang hriam lutuk chuan, chupa hrawkchu tai kak duai in, chupa chuan a hrawkchu an hup nghal a, chupa kut kar a ṭang chuan thisen tharlam lutuk chu rawn hnamnghal ṭuam ṭuam in, Sangluaia melhru chung chuan, chu rawkthar chu mak tih hmel taka melh reng chung chuan a ṭhusawpta nuaih mai a, karlo ah chuan khuh bawrh bawrh in a thi zuita nghal a, Sangluaia chuan Rokhara an hnungkhirh na chu phelhsak nghalin, a Sakhi dahna lamchu an panta nghal a, Rokhara chuan Sangluai eng tin nge khatiang khan i chet theih zawk le? mihring chu i nisi a maw? ka mit hmuh ah chuan mihring chevek pawh a anglo hialzawk a lawm an ti a, Sangluaia chuan, ka u khatianga ka chelo a nih chuan tun ah hian ka bula ṭawngtur hi i awm tawhlo ang an ti a, a Sakhi dahna an thlenchuan Sangluaia chuan Sakhi chu pu nawlh in, in lampan chuan an hawta nghal a
.
Thuitak an kalhnu ah chuan Sangluaia chuan, ka u in khua ah hian tunge Pasalṭha a in chhalber tiin an zawt daihmai a, Rokhara chu ngawi vang vang in, tun ah chuan Tlangthanga hi a niber lomaw le? Tlangthanga hi tuna kan khawtlanga Pasalṭha a kan chhalber chu a ni mai in ka hria an ti a, Rokhara bawk chuan Sangluai chu chu eng vanga minzawt nge i nih le? an ti a, Sangluaia chuan, ka u ka zawt mai mai che a ni, a nih vawiin a mite kha khawilam minge an nih i rin? tiin an zawt leh a, Rokhara chuan ka chiang chiah bik lo, an hotupa Kapliana an tih khachu ka hmuhtawh hnu ni chuan ka hria, hman kuma Satkunga leh a Pasalṭha te an rawnlen vak ṭuma rawn kalve kha ni tlat in ka hria an ti a, Sangkuaia chuan, Satkunga hote nita se, Kalthanga te khan an khua an thlenhman i ring em? an tileh a, Rokhara chuan, Satkunga te nen kan in hlatdan hi, Tlangval chak deuhte chuan nikhat leh chawhma ah hian Satkunga khuahi an thleng tlangpui a, Kalthanga te chan chin hria a rawnkal chu an ni hmanlo ang tiin an chhang a, Sangluaua chuan a nih chuan Lal Nikawlha khua ah hian thil fello a awm a nih chu an ti a, rokhara chuan, eng fello nge ni ang? min hanhrilh chiang teh? tiin an zawt a, Sangluaia chuan, ka u kala hrechiang chiah bik lo a, mahse ka hriatchian veleh ka hrilh ang che, tun ah chuan ka rindan mai chauh a lani a, engkim ka hriatchian veleh ka hrilh ang che an ti a, chutia ti ti chunga an kal lai chuan ṭawng lawng lawng thawmchu an hreta a
.
Sangkuaia chuan, ka u tah hian chung mite chu lo nghak teh ang, khawilam mite nge an nih tih chian lotum teh ang an ti a, Rokhara chuan, Sangluai khua kan hnaihtawh a, tun ang hun chawhnu lama henglaia ṭawng te chu kan khaw mite an ni ang chu an ti a, Sangluaia chuan chutak chu a lawmhriat ka duh, in khaw mite an nih chuan minhrilh ang a, an nih loh chuan khawilam mitenge an nih hriat i tumdawn nia tiin, chung rawn ṭawngthla lawng lawng te chu anlo changta a, reipawh an ṭhuthma chuan chung mite chuan Sangluaia te bihrukna laichu rawn thlengthla in, pakhat chuan, ralveng an dah thukha kan hriatvek kha, chu vangin fimkhur a ngai a ni a rawnti lawng lawng mai a, Sangluaia chuan chung mite thusawidan a ṭang chuan Khawzau khua an nih ringlo in, chung mite chu pathum chauh an nibawk nen, Sangluaia chu an hma ah chiah chuan, an kalnatur ah chuan an rawn chhuak thut mai a, hmasa bera rawnkal pheichu a phuzawk nghe nghe a ni, chung miten Sangluaia an hanhmu chu an ding chiang khawp mai, Rokhara pawh an bihrukna a ṭang chuan rawn chhuak venghal in, Sangluaia sir ah chuan an rawnding a, Rokhara chuan a hma a ding pahnihte chu Satkunga mite tih a hrenghal a, pathum zinga pakhat an hmuchu a mengphar nasa khawp mai, chupa pawh chuan Rokhara leh Sangluaia an hmuchu tlanchhiat mai an tum a, mahse Rokhara chuan, Sathang tiin an au ṭhawt mai a, chupa pawhchu a ding chiang khawp mai
.
.
DUHTAWK RIHPHAWT ANG U AW
REMCHAN LEH VELEH KAN CHHUN ZAWMLEH DAWN NIA
.
Hman hmawhlo in minlo nghak hram hram dawn nia
.
.
[Lalzirliana Tochhawng] [Champhai Tlangsam]
.
.
Kalthanga chuan ringleng lawng hian, tunge Sangluaia chu? helaihmun ah hian Sangluaia an awm em ni? tihpah chuan a hmalawka rawlthar dingchu an melh a, Lal Satkunga khua ah hian Sangluaia chan chinhi an sawi nasa khawp mai ṭhin a, Thangluaia hunlai a ṭang tawh in, an pafa chan chin hian Satkunga khuahi a luah hneh a ni, an chan chin an sawitam dan ber chu, Thangluaia te pafa chu mi hnuaihnung te hmangaihtu an ni a, ṭanpui ngaite chu hmeithai an ni emaw, fahrah an ni emaw, riangvai pachhia an ni emaw, chung mite chuan ṭanpui an ngai a nih chuan, an mahni nun na thap ngaipawh nise hlauhna chhete mah neilo in an ṭanpui in, chung ṭanpui ngaite ṭanpui tur chuan theihtawp an chhuah ṭhin a ni
.
Tin Thangluaia te pafa chu Pasalṭha huaisen hlauh neilo an ni a, ralrel thiamleh ralbeih thiamtak an ni a, tupawh hmachhawnse an ṭuanṭhahna leh an huaisen na te, hlauh neilo an nihna chuan a dinchan tir ṭhin a, an ni ai a chung nunghi ral hmachhawn tur chuan an awm chuanglo a ni, tiin Satkunga khua ah hian an thang nasa a ni, chu tiangtak maia an chan chin a than nasat a vangin Kalthanga leh a naute pawh hian Sangluaia hmingchu an hrekhawp mai, Kalthanga zawhna chu tumah chuan an chhanloh a vang chuan, a ai a ring in, tunge Sangluaia chu? Thangluaia fapa Sangluaua chu helai hmun ah hian a awm em ni? an tileh a
.
Damthlarh maihian a hma a ding rawlthar chuan, heta hi Sangluaia chu ka awm e, Thangluaia fapaSangluaia ngeichu kani e an rawnti a, chu tahzet chuan Kalthanga chu harh kawk ang hrim hian, nanghi maw Sangluaia chu? Lal Thangluaia fapa Sangluaia chu i ni chiang a maw? he Khawzau khua ah hian engti tura lo kalnge i nih le? nang nen hian buaina engmah neih ka duhlo a nia aw, mahse ka hrilhtawh ang che khan, he thilah hian loin rawlhve suh, heihi ka thiltih a ni a, tumah midang in rawlh ka duhlo a ni an ti a, Sangluaia chuan, keipawh tumah buaina siampui ka duhlo, mahse khang nula pahnihte khan i bula kal an duhlo a nih chuan, an duhna hmun ah chuan kaltir in, chhuah maita che an ti a
.
Kalthanga chuan muang raihmai hian, heihi kapa awp khua a ni a, he khuate hian kapa hnen ah chhiah an chhung ṭhin, tin chung chhiah minpek te kan khua a dahtur chuan heng Tlangval te hi puak phur a tan kan chhawrṭhin a ni tiin, a bul vela Tlangval lo dingte chu an melh kual a, a nilah tak reng a, Nikawlha khua te hian Satkunga hnen ah hian chhiah chu an chhung ṭhin a ni, heng an chhiah chhunte hi Satkunga Tlangval te hian la ngailo in, Nikawlha Tlangval te hian Satkunga khua ah hian an dahsak thlap thlap a ni, Kalthanga chuan Tlangval hote hnen ah chuan, nang niho hian kapa hnena chhiah in chhun chu, kapa khualehtui ah ngei in dahṭhin a nilawm ni? tiin an zawt hlawm a, Tlangval zinga upa deuhber Aithanga chuan, Lal fapa Kalthang, i sawi ang chuan a ni e, kan chhiah pek chu i pa khualehtui ah ngei kandah ṭhine tiin an rawn chhang a
.
Kalthanga chu chapo taka hawi vah vah chung in, Sangluai tuna Aithanga thusawi kha i hria em, heihi i pa Thangluaia thu neihna khua a nih loh hi, kapa leh he khaw Lal Nikawlha te hian in remna liantak an nei a, chung an in remna ah chuan heng nula te hi sal a tan emaw, hmei a tan emawa kan hruaihi phalsak kan ni a sin, Nikawlha chung ah hian zah kan ngaih a vang zawk in, tumah vak hi saltur emaw, hmeitur pawh nise hruaihi kanla nei manglo a sin an ti, chu vangin vawiin zinga ka thiltih ah hian lo in rawlh reng reng suh, Lal pahnihte in remna thlapa thilti kani e an ti a, Sangluaia chuan, Khawzau Lal leh ipa te chuan in remna an losiam pawh a ni thei e, mahse ka u naunu leh a ṭhian nu khachu i hruaichhuak theilo ang, ka awmlai hi chuan saltur an ni emaw, hmeitur an ni emaw, mi duhlo chung chung chu he khua a ṭang hian tumah i hruaichhuak theilo ang, i tilui ṭalhdawn a nih chuan keihi mindah kian hmasak phawt a ngai ang an ti a
.
Kalthanga chuan, Tlangval ka hriltawh che a, ka thiltih hi ilo dodal tlatdawn a nih chuan, he khaw Lal Nikawlha thu tlukna i hnialkalh dawn a ni a, Lal thu chhuah i hnialkalh dawn a nih chuan i thu thu ni rawhse, vawiin ni a ka thiltih tumhi ka hlawhtlinglo a nih chuan, he ka hlawhtlih loh na hian nasa tak in he khawtan hian nghawng a nei ngei ang, chu vangin Nikawlh he khua a ṭang hian hemite pahnih hi ka hruaichhuak thei a ngem? nula pahnihte hi ka hawnthei a ngem? tiin ringtak maihian zawhna an siam a, Nikawlha rilru pawh a buaive khawp mai, tin mipui te chuan Satkunga leh a fate nun rawnzia hria in, Kalthanga duhchu an Lal chuan pemaise an ti hlawm a, Zuali nu ngeipawh chuan Kalthanga hnen ah chuan, ka fanu kha ka lainat a sin, mahse Lal fapa Kalthang i lung awina a nih chuan ui teh mah ila hruai mawlh rawh an rawnti a, a chhan chu Khawzau mipui te hian Lal Satkunga leh a fate, tin a Pasalṭha rualte leh a Tlangval rualte rawng taka an rawnche lehtur chu an ngai ngam tawhlo a ni, ṭumkhat an chhiah pek tur Nikawlha Tlangval te hian dahsak lo in, tun ṭumchu nangmahni in rawnlamai rawh u tiin an chah a, chumi ṭum chuan Satkunga leh a Pasalṭha rualte leh, a Tlangval rualte chu an rawnthawk chiam mai a, chumi ṭumchuan Nikawlha leh a khualehtui chu an nghaisa nasa em em mai a, chumi ṭuma an nghaisak zinga mite chu tunthleng hian ramtuileilo an la awm phah a, chu vangin Satkunga leh a fate lungtih awiloh hi an hlau hliah hliah tawh a ni
.
Satkunga chuan Nikawlha hnen ah chuan, Lal Nikawlh zawhna hote ka zawtche a, minchhang ngam dawnlo em ni? Nge ka Pasalṭha rualte nena rawn thawhchhuah kher i nghak zawk dawn? tiin an zawt nawn a, Nikawlha chuan hlaulo mahse, a khualehtui chu a humhim theisi lo, hrehtak chung chuan, awle Lal Satkunga fapa i thusawi kha ka hria e, ka khua a ṭanghian i duhchu la chhuak la, hmeitur i duh a nihpawh in, nula i duh chu i la thei a lawm tiin hreawmti tak chuan an chhang a, Kalthanga chuan Sangluaia lamchu rawnhawi in, Sangluai Lal thusawi kha i hreve ang maw? he thilah hian lo in rawlh reng reng suh, chu chu i nun na a tanpawh a ṭhazawk ang an ti a, mahse chu rawlthar chuan tlawm mai a tumlo chiang khawp mai, Lal chuan harsati tak chungin, aw a pawhche a, mahse ka awmlaihi chuan tumah an duhlo chung chu i hruai chhuak lo ang an tileh a, chu tihlai chuan Sangluaia pu Dohranga chuan Sangluaia lamchu rawnpan in, Sangluaia hnen ah chuan zawisap hian, ka tupa ilam ka ṭang a nia aw, a ṭul a nih chuan he khawtlang tan hian ka thimai ang an rawnti a, Kalthanga chuan Dohranga thusawi chu lo hrepha in, nang putar satliah khan ka kawnghi dantheih i in ring em ni, i Lal leh kapa in thu tlukna an siamlai khan, hriatpui tu i ni lawm ni? tun ah khan chu an in remna chu bawhchhia in, kha Sangluaia lamkha i ṭang a maw? kala thatkhawp ang che an rawnti hmiah hmiah mai a
.
Sangluaia chuan Kalthanga hnen ah chuan, upa ṭawngkhum nan chuan a na mah mah a ni, nula te kha tun ah rawn chhuah rawh u, in rawn chhuahlo a nih ngat chuan in khualehtui thlengtur in tawhlo tawp ang an ti a, Kalthanga leh a naute chuan Sangluaia hlauhawm zia an hriatve vek a vangin, Sangluaia thusawi chu hnialthei dinhmun ah chuan an dinglo a ni, hrehtak chung chuan Kalthanga chuan a naute hnen ah chuan, nula kha dahkir rawh u, Sangluai lo hre reng ang che, vawiin zinghian i chan a ṭhazawk a ni maithei, mahse he khuate hian Lal Satkunfa thinrimna an tawngbuak hun ah meuh chuan, vawiina an thiltih hi an la hrechhuak vengei ang, chutih hun ah chuan he khualehtui ṭanpui tur hian i ke i rawnpen chhuak ngeidawn nia an ti a, Sangluaia pawh in, a ṭul a nih phawt chuan ka nun na hian tuardawn mahse theihtawp ka chhuah ngei ang tiin an chhangve a, Kalthanga te chuan nula pahnih, Zuali leh Rivungi chu chhuah in, chu tihpah chuan Kalthanga kaihza vengtu Chala chuan Kalthanga chu hrilhru in, he rawlthar lak ah hian keini sawmrual laite hi kan tlawm ang maw? kan Lal leh kan mileh sate bulah engtin nge kan sawitak ang? he rawltharhi kan vaia kan bawh huk chuan kan that thei em em ang an rawnti a
.
Kalthanga chuan a rilru chuan a nau thusawichu an ngaihtuah vang vang mai a, pakhat sawmrual in beihrawn chuan hnehloh tur thuchu awm in a hrebik lo a, tin he rawlthar pakhat lak ah hian an tlawm a nih chuan, khua an hawhun a an mualpho dantur te an ngaihtuah a, sawmrual meuh pakhat laka tlawmtur thu a awmlo tiin, a thinlung chu an rawnti paukhauh ta a, Sangluaia hnen ah chuan, vawiin ah hian hmeichhia kan pak letche kha hnehtu ah ilo in ngai a nge aw, nanghi kan that ang che ang a, nula pawh sawmrual kan hruaihaw ang an rawnti a, chu ṭawngkam chu Nikawlha khaw mipuite chuan an hlaukhawp mai, Satkunga awpna hnuai ah hian hunreitak an awm tawh a vangin, an thinlung chuan Satkunga chu hlauh tak tak in an hlautawh a ni, Sangluaia chuan Kalthanga vauna chu chhete maha hlaulo in, min thahchu hantum chhinta che? tin hekhua a ṭang hian nula sawmrual chu hruaichhuah hantum chhinta che? an ti a, Sangluaia a ṭangkhawh tlatmai chu Nikawlha khaw mipui te chuan an haw ṭhelh ṭhelh mai zawk a, mipui rilru ah chuan, Sangluaia hian vawiin hian Satkunga fate hi a lo dangthei pawh a ni maithei, mahse Satkunga chuan a Pasalṭha rualte hruaia a rawnthawk chhuak lehtur chu an ngai ngamlo a ni, chu vangtak chuan Sangluaia chuan Kalthanga te duhchu lak tir in, kaltir maise an ti hle a ni
.
Mahse chung mipui zingah ṭhenkhat te chuan, Sangluaia huaisen zia an hmuh chuan, an thinlung chuan chu rawlthar huaisen tak maichu ṭantlat in, a ruka Sangluaia lamṭang chu tam tak an awm a ni, Kalthanga leh a naute chu rawn inzar pharh in, Sangluaia lamchu an rawnpan ta, Sangluaia pawh in a iptepui a ṭang chuan a chemtum leh, Maubul chang hriamzum tak maichu an phawrh chhuak in, a hmalama a mah muangchanga rawnpan tu te lamchu in ringtak chuan, dingkak in a hmachhawn ta hah maile, mipui lampawh in chulai hmun ah chuan in beihna a thleng ngeidawn tih hria in, an tawlh hnung sung sung mai a, chu khaw mipui mitchu Sangluaia chung ah chuan fuṭhup in, Sangluaia rawlthar huaisen leh, ral beihthiam chevel chu hmuh loh an hlau a ni, chu khaw Lal Nikawlha pawh chuan Sangluaia chu hnuk ulh ṭeuh chungin a lo thlir rengmai a, a khualehtui chhung ah ngei pawh hlauh nei in, a khualehtui tana dingpawh ṭanpui ngamlo a a awmchu hreawm tiin, a hnuk chu a ulh ṭeuh mai a ni
.
Putar ho pawh in chu tianga an khualehtui tana ding ngam mi huaisen an han hmuh chuan, an thinlung chu na taka khawih in, pakhat chuan zawisap hian, ka vanglai kava ngai em, kei mahni a vanga nun na hialpawh chan ngamtu rawlthar pakhat pawh Satkunga hlauh a vangin kan chhan ngamlo a maw? Satkunga awpna hnuaia hreawm taka awmhi thih nen enge a lemchuang na ni le? Ṭhalai mahni khualehtui ngeipawh chhan ngamlohi kan love ṭhahnemta em an ti a, pakhat thung chuan, kan tunlai ṭhalaite hi zawng, a phawvuak ah kan vaupung kan tina em em ringawt a, mahni hnamleh khualehtui chhan tura, mahni nun na hlan ngamhi hmuhtur kan awm tawhlo a nih hi, a phawvuak ah chiah kan vaupung kan tina a, a sa seh tak tak ah chuan, kei nilo in ka ṭhianpa zawk hi thawk chhuak zawk rawhse kan tileh vek si, vanglai a ngaihawm khawp mai, saw tun ah pawh Sangluaia chuan a khualehtui ni miahlo tan a nun na thap in a ding a, han hawivelta che u, keimahni ṭhalaichu tumah Sangluaia hnunga ding ngampawh an awmloh hi tiin, chu putar kalkun tawhchu an hnaihber in ah chuan an lut a, a ṭhianpa putar pakhat pawh chuan zuilut venghal in, chu in chhunga chempui chu humchhuak in, Sangluaia sir ve ve ah chuan kun chungin an rawnding ve a
.
Putar pakhat zawk chuan Sangluai hnen ah chuan, Vala hengho lak ah chuan engmah kan nilo, mahse i huaisen na kan hmuh hian i kaihza vengtur hian kan rawnpen chhuak a nih hi, Khawzau khua ah hian Tlangval ṭhalai i kaihza veng ngam pawh an awmlo a nih hi an ti a, Sangluai'an chung putar pahnih an hmuchu a thinlung chu vihsawk ang maia na in, a ding leh veia putar te hnen ah chuan, kapu nangni putar kan rohlutak te hian chakna minpe a ni, vawiin ah hian nangmahni a vangin he khuahi Satkunga lak a ṭanghian a zalen tawh dawn a ni an ti a, a dinglama mizawk chuan, Tlangval Thangluaia fapa dik tak i ni e, han hawi chhuak teh, nangmah hualtu tam tak te hi Khawzau khaw Tlangval rualte an nih hi, an khualehtui tana huaisen taka dingchhuak an awmlai hian, tumah i thlavang hauhngam pawh an awmloh hi an ti a, he tihlaitak maihian Kalthanga nau pakhat chuan Sangkuaiate chu rawn hnaihzual bik in, Sangluaia chuan kapu tawlh hnungrawh u khai an ti a, putar pahnihte pawh an theih anga ranga tawlh hnung nghalin, Sangluaia chu a awmna hmun a ṭang chuan a dawk chhuak zawk mai a
.
Mipui chu rak ṭhawt in, Kalthanga nau an mahni rawn hnaihber tu nghawng chu a bunghmawk mai a, he tihlaitak mai hian khawnbawlmin Dohranga fapa naupang ber, Rokhara chu ringtaka rawn au chhuak in, Sangluai zamhlek suh aw, i hnunga hi i kaihza vengtur in ka rawnpen chhuak e tiin, a chempui humchung chuan Sangluaia awmna lam ah chuan an rawn tlanphei venghal a, Kalthanga chuan a naute hnen ah chuan, fimkhur hlerawh u khai, in hma a rawlthar dingkha Sairal ang maia ṭuanṭha a nih kha, tumah chetsual tum tawh suh u an rawnti a, thawk lehkhat ah chuan Kalthanga naute chuan Sangluaia chu an rawn bawhta huk mai a, ranglutuk in Sangluaia chuan, ka u tawlh hnung nghalrawh an ti ṭhawt mai a, Sangluaia kut dinglam a ṭang chuan Maubul chang hriamchu thlawk chhuak nawlh in, an mahni rawnhnaih bertu hrawk ah chuan Maubul chang hriamchu a luthrawih mai a, chupa chuan a hrawk chu dawmnghal in, lei ah chuan aṭhingṭhi nghalrawk mai a, a hrawka Maubul chang hriam lutchu a nat em a vangin, thawhpui han tumteh mahse a thawhpui zolo a ni, khawlai leichar ah chuan tluin a thawri hrawp hrawp mai a, Sangluaia sawiang chuan Rokhara pawh a theihtawpa rang chuan tawlh hnung nghalin, pakhat chuan Rokhara tawlh hnunglai chu rawnsah an tum a, mahse Sangluaia chuan chupa thiltumchu hresa ni awm taka chupa lamchu rawnpan nghalin, chupa in Rokhara sah a tumlai chuan Sangluaia chempui chu a thlawk phezawk mai a
.
Sangluaia chempui thlawk chuan chupa bek veilam ah chuanfuh chawrh in, chupa luruh chu a ri rawp maia, thisen chu rawnchik chhuak nghal ṭhawt ṭhawt in, chupa chu leichar ah chuan a tluthum nghaldawt mai a, rangtak chuan Rokhara pawh rawnleh hawinghalin, Sangluaia nen chuan in ringtak chuan an handing dun a, Kalthanga naute pahnihte chuan rawnhnaih chilhleh nghalin, Sangluaia chu a u Rokhara lamah chuan tawlh in, chu miten an rawn nanchin hmahret ah chuan, chu mite lamah chuan na tak hian an zuangphei dawrh mai a, Sangluaia chetdan chuan a mah rawnpan tu te chu a tih hrilh hai em a vanga hamhaih deuh in, an hamhaih laitak chu Sangluaia tan chuan hunṭha a ni, lei a ṭumrual deuhthaw chuan a chempui chu an vaipawp mai a, an ni lo hamhaih ve bawk nen, Sangluaia chempui thlawk chuan pakhat nghawng chu a chhawk ṭhawt mai a, Rokhara pawh in pakhat zawk hamhaih laitak chu rawnbawh pheive in, rawnbawh phaipaha a chempui chu rawnlek chhuak in, pakhat zawk hamhaih buailai chu an rawnsat vechawrh mai a, Rokhara sah pa chu leiah chuan tlutawp in, a khur nghal char char mai a, Sangluaia chuan ka u in ringleh nghalrawh ti a au ṭhawt in, Kalthanga nau pakhat chuan Rokhara chu sahtum in a chempui chu an lek chhuak a, Sangluaia chu a u Rokhara lamah chuan zuangphei dawrh in, a u sah tumtu Tlangval chu dimnatel miahlo in, a hnunglam a ṭang chuan a chhip an chuan an sat ngheng mai a, chupa chuan ṭik pawh ti hmanlo chuan a tlunghal hnawk mai a, chupa lu chu Sangluaia sahna a vang chuan a keh hnehkhawp mai
.
Pariat laimai an thahtak a vang chuan Kalthanga rilru chu a zamta, a nau pakhat hnen ah chuan, hnungtawlh rawh, tun ah hian he khuahi kan chhuahsan nghal a ngai a ni, tiin Kalthanga leh a nau pakhat chu an hnungtawlh ta a, Rokhara chuan kalthanga te hnungtawlh an hmuh chuan umzui nghaltum in, Sangluaia chuan, ka u umzui duhsuh, mi hlau chung chung chu umzui lohtut an ti a, Rokhara chuan umzuia thahvek mai a sin ka duh an ti a, Sangluaia chuan, ka u Satkunga fapa hmelleh a mit mengkha ilo hmulo em ni, hlauhna a vangin a hmaite kha a var vek a nih kha, a hlauhna a vangin a mit te kha a tunglo chauh a nih kha an ti a, he tihlai hian putar pahnihte kha Sangluaia bulah chuan rawnkal in, Tlangval i chhuan awm in, i van huaisen tak em, i nuleh pate chuan tiang fapa huaisen an neiche hi an va chhuang dawntak che em, nang ang reng reng a ral hmachhawn thiamhi kala hmulo a ni, kan khua i rawnluhni a Sairal i thah a ṭangkhan Pasalṭha huaisen i nihzia i lantir tawh a, hei vawiin ni hiani ralhrat i nihzia i lantir leh a ni a, nang ang reng reng a ralrel thiamleh, mihring zamṭha hi kalo hmu ngailo, i pu Dohranga pawh i chawimawi khawp mai an ti a, Dohranga pawh Sangluaiate bulah chuan rawnthleng pheive nghalin, Sangluaia chu rawnkuah deuh chuk chuk in, Khawzau khuate hian tumah hlauh a nei ta lo, ka tupa khatiang reng reng a ralbeih thiamkha kala hmungailo a sin, nangmah a vangin he khua hian Satkunga lak a ṭanghian zalen na a la hmuthuai dawn e an ti a
.
Mipui chuan Sangluaia chu bawr mup mup in, an chibai mup mup mai a, Nikawlha meuhpawh Sangluaia awmna hmun ah chuan rawnkal in, Sangluaia hnen ah chuan, Sangluai nangmah a vangin beiseina thar ka neita, Khawzau khaw Pasalṭha te leh, Tlangval hote rilru ah hian huaisen na i tuh theih ka ring a ni, kum tamtak Satkunga hnuai ah hian kanlo awm tawh a vangin, tuna ṭhangthar te pheihi chuan Satkunga hnuaia awmhi a tura ngaite hialpawh an awm tawh a ni, chu vangin ka Pasalṭha te leh, Ka Tlangval rualte hruaitu a tan hian ka duhche a ni an ti a, chu tihlai chuan Sangluaia leh Kalthanga naute an in beihdawn ṭuma, Sangluaia sira chempui nena rawnding putar pakhat chuan, Lal Nikawlha hnen ah chuan mipui zinga thusawi chu an dil a, Lal Nikawlha pawh in chu putar thusawi chu phalsak in, eng thupawh han sawita che an ti a, chu putar chuan mipui te hnen ah chuan, vawiin zing ah hian thah theih loh leh, in kut hmawr pawha in khawih ngamloh, nun rawngleh huaisen taka in ngaihchu tuma umtlan miah loh in, kha a mah in a tlanchhe ta a ni a, Klthanga in hlauh em em ṭhin leh a naute chuan, kan khual pakhat pawh ngamlo in khuahi a tlanchhuah santa chu a ni a, Tlangval te u vawiin hian zahna changhria in nih chuan zak ngawih nawih rawh u, Khawzau khaw Pasalṭha huaisen te u, mifing pang ngai in nih chuan in zah vengei chu ka ring a ni, mahni khualehtui pawh chhan ngamlo khawpa mi dawizep han nihchu a zah thlak a ni
.
Vawiin ah hian he Tlangval hian i khualehtui, i chen na ngeichu a nun na thap tak meuh meuh in a chhhan him a sin, a khaw neitu pawh nilo in a nun na thapa i khualehtui chhan nan a pen chhuah ngam a nih chuan, nangni a khaw neitu zawkte hi enga tinge in tawm in tlat ni? Zawlbuk ah emaw, nula in chhung ah emaw fiamthu thawha nuih dual dual kha mipa nih na a nilo, Thangchhuah diar khim chunga Silai pua khawilam mual ah emaw vah dun dun kha Pasalṭha leh, huaisen nih na a ni reng reng lo, Tlangval te u, Pasalṭha te u, in nupui fanau, in farnu, in nu leh pa, in Lal ral laka huaisen taka chhanhim theipa kha Pasalṭha leh, mi huaisen dik tak nih na chu a ni, in pileh pute mual liamta huaisen tak tak te kha hanchhui kir ula, an ni khan ramvah leh, ram lama Thangchhuah ringawt kha em ni min hnutchhiah le? han in bih chiangteh u khai, an ni khan huaisen tak in, luchhum banchhum huam in, thileh thaupawlh in he kan ram neihchhun hi anlo sualchhuak a sin, an mahni a vanga vawiin ni thlenga heram ah hian nuamsa taka khawsa a sin i nih, nangni hian vawikhat tal i khualehtui, i ramtan hian raldo in ke i penchhuak vetawh em le? Thosi leh Vangvat kar ah hian vawikhat tal rammu in i pen chhuak vetawh em le? Tlangval rualte leh, Pasalṭha rualte chu hnuailam bih ngar ngar chungin an dingṭhup mai
.
Chu fuihna chuan Khawzau khua a mipa te thinlung chu na taka hneh in, Tlangval zinga upaber Aichhinga chu rawnpen chhuak in, vawiin ah hian Khawzau khua a mipa raldo theichin awm zawng zawng te kan insiam ṭhat a ngai a ni, kan val upa sawiang khan, kan khualehtui tan hian luchhum banchhum kan huamtur a ni, hman a ṭanga Satkunga awpna hnuaia awmreng kan ni a, vawiin ah hian chu Satkunga min awpna chu kan paihthla tawh tur a ni, an chhiah pek tur phurin kan kaltawhlo ang a, an lak ah hian chhiah pawh kanpe tawh hek lo ang, kan nupui te emaw, kan fanu te emaw, kan fapa te emaw, tupawh nise sal tur in emaw, hmeitur in tumah an rawnla tawh dawnlo a, Satkunga chuan min chimih vek pawhtum in rawn thawk chhuak mahse, kan theihtawp in ṭan kanlo la ang a, a ṭul a nih chuan kan khualehtui tan hian kanthi ngamtur a ni, kan nupui kan fanaute hi kan hmangaih a nih chuan, luchhum banchhum huam in ral kando tur a ni an ti a, Lal Nikawlha chu rawnpen chhuak ve in, ka khualehtui te u, vawiin ni a thil thlenghi a ropui khawp mai, pa chuan pate hmangaihna a tak tak in a neita a ni, fate chu pa ang chhunga awm an ni a, pa chuan a fapa chu a hmangaihloh a, a ngaihsak loh chuan fapa tan chuan mite hmuhsit mai a hmabak a ni, vawiin thilthleng a vang khan Satkunga chu a pa chhuak in a rawnthawk chhuak ngeidawn a, mahse kan val upa te sawiang khan tumah hian kan hlautur a ni lo
.
Satkunga chu rawnthawk chhuak ang hmiang, chu ral lodang theitu chu nangleh keihi kan ni, chu vangin keihi in Lal ni mah ila, Satkunga ral lo lenhun ah chuan a lo dangtur in a hmasa berah ka ding ngei ang, Pasalṭha huaisen te u, Tlangval huaisen te u, ka kaihza veng turin ka hnung in rawnzui ngam a ngem le? chu zawhna chuan mipa rualte thinlung chu na taka khei in, an Lal hma ah chuan an ngamzia lantir nan, chung mipa hote chu an au rual ṭhup ṭhup mai a, Dohranga chu rawnding chhuak in, kan Lal khan a sawidik a ni, kan Lal chu penchhuak lo mahse, keihi a hmasaber ah ka penchhuak ang e, thih a ngai a nih pawh in ka thi hmasa ber ang an ti a, chilai hmun ah chuan reitak ro an relhnu ah chuan, mipui hote chu tukṭhuan ei tur in an ṭindarh ta hlawm a, Khawzau khaw mipui te chuan Sangluaia chan chin chu an sawiduh hlawm khawp mai a, tuk ṭhuan ei pahte chuan Sangluaia chan chin chu an sawi tuiber a ni hlawm a, Zuali pawh in Sangluaia hnen ah chuan, Sangluai nangchu awmlo nila chuan vawiin ni hian kan khua ah hian ka hmel hmuhtur a awm tawhdawn silo a, helaia i lo kalhi ka lawm lutuk a nia tiin zak deuh chung chung chuan lawmthu an hrilh a, Zuali nu pawh in, Sangluai he khua i rawnluh tirh khan, he khaw tan hian i ṭangkai dawn tih ka hria a ni, ka pawifak che nilo in, nang anga mi huaisen hi kan khua ah hian an awmlo a, Satkunga hando ngam khawpa mi huaisen hi an awmlo a ni, nang anga mi huaisen hichu kan khua hian neive ilang chyan, hman hman ah khan Satkunga awpna hnuai a ṭanghian kan chhuak daihtawh tur, mahse nang anga Pasalṭha huaisen hi kan neilo a ni, tun ah chuan hei min awm chilha thla a muang khawp mai an ti a
.
He mini hian Nikawlha chuan tumah ram lama kalphal lo in, Kalthanga leh a nau pakhat tawlhliamta te khan hmeichhia te an lo chan an rin a vangin, Ni khawlha chuan chumi ni chu tumah ramkal a phallo a ni, Tlangval hopawh Zawlbuk lam ah fuankhawm in, Sangluaia chan chin chu an ti ti tuiber ni in, Sangluaia ralbeih danchu an sawitur ber a ni a, a ṭuanran ziachu uar taka sawihlawm in, a ṭuanran piah lama chempui leh, Maubul chang a hmanthiam ziachu an sawi uar ber a ni, Zawlbuka Tlangval te chuan Maubul chang tawnchen vel tura seichu la in, a leh lam leh lam chu zumve in, Sangluaia hmandante chu an han zirtlang hlawm a, Kalthanga nau hrawka a vawnbur hrawih dante chu zirhlawm in, Zawlbul kawt ah chuan Umei rah hi an khai a, tah chuan in vawmbur siak in, ṭhenkhat chuan hlalote a ṭang chuan an vawmbur thei mai a, ṭhenkhat chu an Umei pumṭhelh ṭhak ṭhak khawpa vawm thiamlo an tam khawp mai, Zawlbuk kawt ah chuan a ralbeih laia a chetdan ti a lo zirtawk an kat nuk maibawk a, Khawzau khuachu Sangluaia chuan a luah khathneh khawp mai, he mini hian Sangluaia pawh nileng deuhthaw in in ah chuan a awm a, Kalthanga ten Zuali nena hruai an tum nula pakhat leh, a nu leh pa chu Dohranga in ah chuan lenglut in, Sangluaia hnen ah chuan lawmthu rawn sawiin an lengve rengmai a, he mini nileng deuhthaw hian in chu a chhuahsan bik lo a ni
.
Chumi tuk ah chuan Nikawlha chuan Satkunga ralchu rawnlian theireng a nih a vangin, ralvenbuk te chu siam in, Tlangval te chu semdarh in, khaw kalkhan ṭha deuh deuh te chu an vengta hlawm a, hemi ni hian Sangluaia leh Rokhara chu vak chhuak in, Sihpui ruam an tihlam ah chuan an ramvak a, Rokhara hi ramvak mivak a nih loh a vangin Sangluaia hnungchu a zuive a ni, Sihpui ruam an zuk thlenchuan sahnu thar deuh deuh maichu an hmuṭeuh maihlawm a, Sangluaia chuan ka u helai hmun ah hian minlo nghak la, chhun chawfak hunawm vela kalo kirlo a nih chuan, tah hian chaw minlo faksan mai dawn nia tiin a kalsan ta a, Sangluaia chu Sihpui an tih ah chuan lutphei in, Sihpui ah chuan Sahnu thardeuh zawng in, chu Sih tlan Sakhi hnuthar deuhchu hmuin, chu Sakhi hnuchu a chhui zuita a, khawthlang lamah herliam in, Sakhi hnupawh chuan khawthlang lamchu a panzel a, thuitak a chhuihnu ah chuan ruam pakhat hi vapawh hlawl in, chulai ruam ah chuan Sih pakhat hi a lo awm a, a Sakhi hnuchhui laichu chu Sih ah chuan chhuilut in, chuta ṭang chuan hmarlam zawngin an herleh hret a, ram rainuam deuh maihi a vapawh leh hlawl mai a, chulai ah chuan a Sakhi hnu chhuilai ngei maichu a hmuta, Sangluaia chuan chiang deuhmai chuan an en vang vang a, chu Sakhi chu a rin ai a chal ni in, uluk tak chuan vehhnai zel in, karlo ah chuan hlamsawm bawrlek chuan a hnaihthei ta a, fimkhur taka chuan hanveh hnai lehhret in, chulai ruam rawn chhuntu mual pakhat mawnga Zihnghal Thing liantak maichu behchhan in, uluk tak chuan an tin vang vang mai a, chulai ngawpui khawk rum rum chuan a Silai chu an hmetpuak ṭhuai mai a, Sakhi chu thlanglam ah chuan zuangthla zawk in, kawrte lampan chuan a tlanta nghal a
.
Sangluaia chuan a Silai mute chu han thun khat te te in, a Sakhi kahna lamchu a panta nghal a, Sakhi zuanthlakna ah chuan a thisen chu lo baw ṭhat in, a landan ah chuan Sakhi chuan kawrte a ṭanga chhimlam hretchu a zawh a ni, Sangluaia chuan a hnuchu chhuizui nghalin, kawrte a ṭanga kawrte kam mualte chu an zawh liam a, a Sakhi kah chu a landan a ṭang chuan a nakhat tihchu hrethei in, thisen pawh Sakhi chuan a hloh hnemtih hriat tak maihian, a kalna ah chuan thisen chu a bawdeuh zeih zuih mai a, chu kawrte kam mualte an herliama, a piah zawlrai lai a luhphei dawn chuan Sangluaia chuan thawm danglam a hreta tlat mai, a thawm hriatchu eng dang nilo in, Sapui thawm a ni tihchu a hrenghal a, fimkhur tak chuan a sahnu chu chhui zuileh in, ruam a valuh chuan a hmalawk ah chuan Keipui lianzet maihi a vahmuta hlawl mai a, chu Keipui bulah chuan a Sakhi kahchu lo tlu in, Keipui chuan a Sakhi kah thlukchu a lo hauh a ni, Sangluaia chuan zawideuh hian, kha Sakhi kha kasa a nih kha, i hauh theilo ang a kaptu kani tlat, hauh i tumlui a nih chuan tiin Sangluaia chuan Keipui chu an hnaih pheileh a, Keipui pawh chuan a sa hauhchu a lo tina khawp mai, Sangluaia lo kalchu a lo rum khum chhur chhur mai a, mahse Sangluaia chuan eng ah mah ngailo chuan a hnaih pheilui zel a, hlamli awmvrl a ṭang chuan, tawlhsawn rawh, ka sa a nih kha, i tawlhsawnlo a nih chuan tihnat che ka hreh dawnlo a nia an ti a, Keipui chu a rum chhur chhur mai a, Sangluaia chuan a Silai chu lek sangin, tawlhsawn rawh tiin na tak mai chuan Keipui mit ah chuan an melh a, Keipui mit mengchu khup zul zul in, hrehtak chunga rum chhur chhur chung chuan, a hnunglam ah chuan a tawlh liamta a
.
Sangluaia chuan a Sakhi kahchu hanbel chiang nghalin, Keipui chuan a lo la khawih pemlo hlauh in, Sakhi pawh chu a thihna la reilo tih hriat tak maihian a la lum ther ther mai a, Sakhi chu pu nawlh in Rokhara awmna lamchu a panta vang vang mai a, Sihpui a va thlendawn chuan Sangluaia chuan thawm a hreta tlat mai, a thawm hriatchu mihring ṭawng thawm a ni, Sangluaia rilru ah chuan, tumah a u bak kalpui a neilo a, a u chuan tunge a ṭawngpui nita ang? a thinlung ah chuan zawhna lo lutnghal in, Sangluaia chuan Khawzau mi tu emaw a hmu a nih an ring a, mahse a aw hriatchu vindeuha a hriat a vangin, ngaihngam chiahlo chuan Rokhara awmna lantheihna a ṭang chuan an thlir thla a, Sangluaia chuan a rinloh leh, a beisei miahloh thil a hmuta tlat mai, Rokhara chu tu ten emaw man in an hnungkhirh a ni tihchu a zuk hmuthei a, chung mite chuan Rokhara chu eng emaw an zawt tih hriat tak mai hian an vin ṭhak ṭhak mai a, mahse Rokhara chuan chungho zawhna chu a landan a ṭang chuan a chhang duhlo nge, an thilzawh chu a sawiduh lo zawk? a mantu te chuan benpawh an benghial a ni, mahse a landan ah chuan Rokhara chuan, chungho zawhna chu a chhang duhlo ni in a lang, Sangluaia chuan dimte hian a Sakhi put laichu dah in, mual mawnglam ah chuan a tawlh liamta nghal a, Sangluaia chuan ngun taka ngaihtuah in, Rokhara mantu te zinga pali ngawt chu Silai keng an ni a, Sangluaia chuan a u Rokhara chu chhan chhuah nghal a duhsi a ni, Rokhara mantu ten a thawm an hriatphak lohna awmvel ah chuan tawlh liam in, a chempui chu an phawrh a, Mau chang chu chhawk hmawk in, an suihzum zung zung a, paruk awmvel a suihzum hnu ah chuan fimkhur tak chung chuan Rokhara te awmna lamchu a panlehta nghal a
.
Rokhara mantu zinga an hotupa chuan han bensawk pah chuan, helai hmun ah hian kalpui i neilo tak tak maw? tiin an zawt a, Rokhara pawh in, tumah kalpui ka neilo, keimaha vak chhuak kani e tiin an chhang a, an hotupa Kapliana chuan, dawt i sawi a ni, he hnuhma hi midang hnuhma a ni an tileh a, Rokhara chuan helai hmun ah hian sapel tura kal kani a, vawitam ka kal kual a lawm a tive tlatmai a, Kapliana chuan thudik min hrilh duhloh a vangin ka thatdawn che a ni tiin a chempui chu a phawrh ta nghal a, Rokhara chuan hlau duh bik lo chuan, i duh chuan min that thei a lawm, mahse dawt ka hrilhlo che a ni a tive tlat mai a, Kapliana chuan Rokhara chhipsam ah chuan ṭhamsak in, nanghian eng ah mah min ngailo a nimaw? Nikawlha khualehtui mihring reng reng chu hmuhna a piang ah thah tur tiin, Rokhara chu a chhipsam ah chuan ṭham in, an phihding lawp mai a, Rokhara nghawng chu chhawk hmawk tumin a chempui chu an lek chhuak a, chu tihlai chuan an chhak deuh a ṭang chuan, ka u kha thlah rawh tihpah a, rawlthar pakhat chu rawnzuang kang in, a zuansan laitak chuan a Silai chu chulai ngawpui khawk rum rum chuan an rawn hmetpuak ṭhuai mai a, Kapliana chu Silaimu chuan a awm veilah ah chuan rawndeng dawt in, chu Silaimu satak chuan hnawl nghalrawp in, a hnung Thingbul ah chuan a hnawlbet rawk mai a, Kapliana awm veilam chu Silaimu chuan verh kaw pawp in a rak ṭhawt mai a, Sangluaia chuan lei a ṭumrual chuan Maubul chang tawngchen vela sei, a kawnga a thiahchu pawt dawk nghal zawk in, a kut dinglam a ṭang chuan an thlawh chhuak nghal a
.
Kapliana bula ding Silai keng chuan, a Silai chu Sangluaia lam hawia rawnlek kang in, a tum a tinzawn hmaṭei tih ah chuan,Maubul chang zumhriam lutuk maichu a hrawk ah chuan a rawn burta chawt mai a, a hrawk ah Maubul hriam in kua a rawnhreuh tih ah chuan, chupa chuan a chakna zawng zawng chu hloh nghal in, a din na hmun ah chuan ṭhingṭhi nghalrawp in, hrehtak chung chuan a tluta nghal a, Sangluaia chu a awmna hmun a ṭang chuan rang taka insawn nghalin, a din nalaia Thing tuluang chu Silaimu chuan a rawn deng persawk mai a, chungho zinga pakhat chuan rawn um nghalin, rang lutuk mai chuan Sangluaia chu tlankual in, chupa a mah rawn umtu lamah chuan an zuang pheidawrh mai a, a mah rawn umtu chuan a Silai a lek kanghma chuan, Sangluaia kut dinglam a ṭang chuan Maubul chang chu a rawn thlawk dawk lehzawk mai a, a mah umtu thinhnun ah tak chuan burchawt in, chupa nati lutuk chu a rak ṭhawt mai a, Sangluaia chu rang taka bi bonghal in, pakhat chuan an rawn au zuinghal a, tun ah rawn chhuak nghal rawh, i rawn chhuak lo a nih chuan i ṭhianpa luhi ka la ngei ang tiin chupa chuan Rokhara chu Silai chuan an tin a, mahse chulai hmunchu a reh vawng vawng mai a, pi leh pu ten khuavang kal lai an sawiang deuh in, a reh in a reh vawng vawng mai a ni
.
Rokhara Silaia tintu chuan ringtak maihian, ilo chhuak dawnlo a nih chuan i ṭhianpa hi ka thatngei ang, chu chu ka sawitawp na ni rawh se an ti a, chupa chuan a Silai humlai chu a hmetpuak dawntih ah chuan, a hnunglam a ṭang chuan Maubul chang, tawngchen veltura seichu rawn thlawk lehfua in, chupa thluk ah chuan a burta chawt mai a, rang lutuka Sangluaia chu rawntlan nghalin, a Maubul changin a tum a fuh rual deuhthaw chuan chupa awmna chu rawnthleng venghal in, midang pahnih la awmte chuan Silai an chuh hma a chung mite chu rawn nan hman a tum a ni, Sangkuaia tumchu a hlawh tlingchiang khawp mai, a ladam pahnihte chuan an chempui an lek chhuak hmanchiah tih chuan, Sangluaia chempui chu a tlezawk mai a, pakhat nghawng chu chhum hmawk in, a kut veilama a Maubul chang humchu an vaileh nghal a, pakhat ladam in a chempui a lek kang mhman chiah tih ah chuan, Sangluaia Maubul chang hriam lutuk chuan, chupa hrawkchu tai kak duai in, chupa chuan a hrawkchu an hup nghal a, chupa kut kar a ṭang chuan thisen tharlam lutuk chu rawn hnamnghal ṭuam ṭuam in, Sangluaia melhru chung chuan, chu rawkthar chu mak tih hmel taka melh reng chung chuan a ṭhusawpta nuaih mai a, karlo ah chuan khuh bawrh bawrh in a thi zuita nghal a, Sangluaia chuan Rokhara an hnungkhirh na chu phelhsak nghalin, a Sakhi dahna lamchu an panta nghal a, Rokhara chuan Sangluai eng tin nge khatiang khan i chet theih zawk le? mihring chu i nisi a maw? ka mit hmuh ah chuan mihring chevek pawh a anglo hialzawk a lawm an ti a, Sangluaia chuan, ka u khatianga ka chelo a nih chuan tun ah hian ka bula ṭawngtur hi i awm tawhlo ang an ti a, a Sakhi dahna an thlenchuan Sangluaia chuan Sakhi chu pu nawlh in, in lampan chuan an hawta nghal a
.
Thuitak an kalhnu ah chuan Sangluaia chuan, ka u in khua ah hian tunge Pasalṭha a in chhalber tiin an zawt daihmai a, Rokhara chu ngawi vang vang in, tun ah chuan Tlangthanga hi a niber lomaw le? Tlangthanga hi tuna kan khawtlanga Pasalṭha a kan chhalber chu a ni mai in ka hria an ti a, Rokhara bawk chuan Sangluai chu chu eng vanga minzawt nge i nih le? an ti a, Sangluaia chuan, ka u ka zawt mai mai che a ni, a nih vawiin a mite kha khawilam minge an nih i rin? tiin an zawt leh a, Rokhara chuan ka chiang chiah bik lo, an hotupa Kapliana an tih khachu ka hmuhtawh hnu ni chuan ka hria, hman kuma Satkunga leh a Pasalṭha te an rawnlen vak ṭuma rawn kalve kha ni tlat in ka hria an ti a, Sangkuaia chuan, Satkunga hote nita se, Kalthanga te khan an khua an thlenhman i ring em? an tileh a, Rokhara chuan, Satkunga te nen kan in hlatdan hi, Tlangval chak deuhte chuan nikhat leh chawhma ah hian Satkunga khuahi an thleng tlangpui a, Kalthanga te chan chin hria a rawnkal chu an ni hmanlo ang tiin an chhang a, Sangluaua chuan a nih chuan Lal Nikawlha khua ah hian thil fello a awm a nih chu an ti a, rokhara chuan, eng fello nge ni ang? min hanhrilh chiang teh? tiin an zawt a, Sangluaia chuan, ka u kala hrechiang chiah bik lo a, mahse ka hriatchian veleh ka hrilh ang che, tun ah chuan ka rindan mai chauh a lani a, engkim ka hriatchian veleh ka hrilh ang che an ti a, chutia ti ti chunga an kal lai chuan ṭawng lawng lawng thawmchu an hreta a
.
Sangkuaia chuan, ka u tah hian chung mite chu lo nghak teh ang, khawilam mite nge an nih tih chian lotum teh ang an ti a, Rokhara chuan, Sangluai khua kan hnaihtawh a, tun ang hun chawhnu lama henglaia ṭawng te chu kan khaw mite an ni ang chu an ti a, Sangluaia chuan chutak chu a lawmhriat ka duh, in khaw mite an nih chuan minhrilh ang a, an nih loh chuan khawilam mitenge an nih hriat i tumdawn nia tiin, chung rawn ṭawngthla lawng lawng te chu anlo changta a, reipawh an ṭhuthma chuan chung mite chuan Sangluaia te bihrukna laichu rawn thlengthla in, pakhat chuan, ralveng an dah thukha kan hriatvek kha, chu vangin fimkhur a ngai a ni a rawnti lawng lawng mai a, Sangluaia chuan chung mite thusawidan a ṭang chuan Khawzau khua an nih ringlo in, chung mite chu pathum chauh an nibawk nen, Sangluaia chu an hma ah chiah chuan, an kalnatur ah chuan an rawn chhuak thut mai a, hmasa bera rawnkal pheichu a phuzawk nghe nghe a ni, chung miten Sangluaia an hanhmu chu an ding chiang khawp mai, Rokhara pawh an bihrukna a ṭang chuan rawn chhuak venghal in, Sangluaia sir ah chuan an rawnding a, Rokhara chuan a hma a ding pahnihte chu Satkunga mite tih a hrenghal a, pathum zinga pakhat an hmuchu a mengphar nasa khawp mai, chupa pawh chuan Rokhara leh Sangluaia an hmuchu tlanchhiat mai an tum a, mahse Rokhara chuan, Sathang tiin an au ṭhawt mai a, chupa pawhchu a ding chiang khawp mai
.
.
DUHTAWK RIHPHAWT ANG U AW
REMCHAN LEH VELEH KAN CHHUN ZAWMLEH DAWN NIA
.
Hman hmawhlo in minlo nghak hram hram dawn nia
.
.
[Lalzirliana Tochhawng] [Champhai Tlangsam]
| Link: | |
| BBcode: | |
| HTML: | |
| Hide post links |
................ PASALṬHA THANGLUAIA (217) ...............
.
.
Rokhara chuan a hma a ding Tlangval pakhat hnen ah chuan, Sawikung hengho nen hian enge i tih? kan hmelma te hi ilo thurualpui reng a ni maw? an ti a, chung mite chuan an chempui chu chuh nghalin, Sangluaia te chu rawnbawh chilh an hantum nghal a, mahse Sangluaia chuan an thiltum chu a lo hriatlawk a vangin, rangtak chuan chu mite lamah chuan an tlanphei nghal a, chung Satkunga Tlangval te pawh chuan an hmanrua chu chuh hmanbik lo in an in pawmchilh ta nghal a, Sawikunga Rokhara ten an phawk chian em a vanga hamhaih in, engmah tihna chang hrelo chuan a dingreng mai a, tin a ṭhiante hanpui dawnse, Rokhara te chu a khualehtui mi an ni a, Rokhara te lam hanpui dawnse leh lam mite chu a thurualpui te an ni bawk si, rilru mumallo deuh chuan Sangluaia te insual laichu a thlirtawp mai a ni, rawlthar chak vak tih tak ah Sangluaia chu Satkunga Tlangval pahnih te chuan an khanlo hle a ni, tin Sangluaia hi a pian in a zirbawk nen, a zam a ṭha in a chak bawk nen, Satkunga Tlangval te hian sualrawn mahse an khanlo in, Sangluai chuan a theh phar zung zung mai a ni, Rokhawma chuan Sawikunga chu Silaia tinreng in, i tlanchhiat i tumvaih a nih chuan ka kap hreh reng reng lo che a nia aw ti a a vau a vangin, Sawikunga pawhchu a tlanchhe ngamlo a ni
.
Satkunga Tlangval pakhat chuan Sangluaia chu rawn bawhpheia, a tluchu ṭumzui tum in an rawn bawhphei a, Sangluaia chuan chupa ngawng ah chuan lo rek nghek in, natak maichuan a hnunglam ah chuan an namvak mai a, chupa chu perdeuh nawlh in, a piah Thingkung liantak ah chuan a va insawh chawrh mai a, chupa chu a insawh nat em a vangin rawntho chhuak lehmai theilo in, a insawhna Thingbul ah chuan a tlusawp rengmai a, pakhat zawk chuan Sangluaia chu na taka rawnhrawm tum in an rawnbawh phei veleh a, chupa chuan Sangluaia a rawn man hmahret chuan, Sangluaia chuan a kut tum humruh tlat maichu na taka vaichhuak in, chupa bek veilam ah chuan an fuhchawrh mai a, chupa chu paihang thlawrha tlu in, a tlukna hmun a ṭang chuan rawntho chhuak tur a awm tawhlo, a beka kut tum fuhna chu a nat em a vangin nikhaw hrelo in a tlusawp nghal a ni, Rokhara hnen ah chuan, Hruihmul kha han chhatnghal rawh, he mite pahnih hi kan phuardawn nia an ti a, Rokhara chuan Silai chu Sangluaia lam ah chuan thehphei in, Sangluaia chuan Sawikunga chu Silai chuan an tin a, Sawikunga hriat tawk lek chuan, keichu Nikawlha khualehtui hi ka nilo a, tlanchhiat i tumvaih a nih chuan kah chehi ka hreh reng reng lo ang, i duh chuan tlanchhiat hantum chhinta che an ti a, Sawikunga chuan Sangluaia insual hah thinrim hmel an hmuh chuan, a kap hrehdawnlo tih hria in, tlanchhiat ka tum reng reng lo, Lal hma ah engkim kanla sawivek dawn a lawm, he tianga minti ringawt maihi ka lung awilo khawp mai an ti a
.
Sangluaia chuan, Lal Nikawlha hnena i inpuan hmain helai hmun ah hian tihtur i nei a ni, chumi i tihzawh hmaloh chuan helai hmunhi i kalsan dawnlo an ti a, karlo ah chuan Rokhara pawh in Hruihmul te chu lazo in, mipahnih te chu nghet tak chuan an han hnungkhirh hmasa te te a, Sangluaia chuan Rokhara hnen ah chuan, ka u khapa pawh kha hnungkhirh ang che, a duhlo a nih chuan kah pawp maitur, a thihtawh ber chuan Lal hnena sawive tu tur a awm tawh dawnlo a, Lal hma ah chuan thiam kan chang nghal a ni mai tiin an vaunghal a, Sawikunga pawh a ṭan ngamloh a vangin Sangluaia sawiang chuan Rokhara chuan a hnungkhirh veta a, Sangluaia chuan Sawikunga chu chulai hmun ah chuan kuaiṭhu in, awle thu tlemte ka zawt dawnche a, ṭha taka minchhan loh chuan ka sawiang khan ka thathreh dawn reng reng lo che a nia aw, tin nangber i thih chuan Lal hnena min sawive tu tur i awm tawh dawnlo a, i ṭhiante thusawihi Nikawlha chuan a awi dawnder silo a, chu vangin ka zawhna chehi ṭhatak in min chhang dawn nia an ti a, Sawikunga pawh in thihchu a la hlauhve a vangin, Sangluaia thusawi chu pawm tih hriat tak maihian a luchu bu nghat nghat mai a, Sangluaia chuan eng vangin nge heng Satkunga Tlangval te nen hian in in zuitheih? khawluh khan ah ralveng an awmvek a, chung ralveng te Paltlang chuan engtin nge heng mite hi khua ah chuan i hruailuh theih? an ti a, Sawikunga chuan hengmite hi khua ah ka hruailut lo, khawpawn ah hian kan inhmu veringawt a ni tiin an chhang a, Sangluaia chuan, a nih hengmite nen hian in hresa in ni a mi? an ti leh a, Sawikunga chuan hresalo tiin an chhang leh a, a nih in hresa silo chu in ngaih tak in helamhi in rawnpan tlangsi a, in rawn in chhar chawp tihna em ni? an ti leh a
.
Sawikunga chuan, nia kan rawn inchhar chawp a ni, khawdai ah khan anlo awm a, keia ramchhuak tur nen kan rawn inchhar chawp a ni e an ti a, Sangluaia chuan, a nih khawilama ramchhuah nge i tum? hawleh hmate i tum em? an ti a, Sawikunga chuan ka kal tumna a hlatdeuh a vangin zanin hi chuan let leh ka tumlo tiin an chhanga, Sangluaia chuan, i thusawi chu a dik tak tak a maw? dawt minhrilh lo a maw? ngawpui hnuaia riak tur in emni i kalchhuah dawn? tiin an zawt leh a, Sawikunga chuan, aw ni e, zanin chu ka kaltumna ngawpui hnuai ah chuan riah ka tuma tiin an chhang leh a, Sangluaia chuan Sawikunga iptepui chu hankeu in, a iptepui chhung chu an zenvel a, Sangluaia chuan Sawikunga lamchu rawnhawi leh in dawt minhrilh a ni, ka u khawimaw Silai kha, dawt sawilo tur in ka hrilhsa veka, dawt dawt minhrilh a vangin a lu hi ka kahdarh sak vek dawn, tiin Silai chuan Sawikunga chal chu chuk tuah in, Silai cheng chu a kau ri tarap mai le, chutah zetchuan Sawikunga chuan a haluta ngang mai, Sangluaia hnen ah chuan, khawngaih in minthat lo hram rawh, min thatlo la engkim ka hrilhvek ang che tiin khawngaih a dilta a, Sangluaia chuan, a tirah khan dawt sawilo tur in ka hrilhvek che a, mahse ka thusawi kha eng ah mah i ngailo a ni, keipawh in i thusawihi eng ah mah ka ngaitawh bik lo an ti a, Sawikunga chuan, tun ah chuan dawt pakhat mah ka hrilh tawhlo ang che, khawngaih in min thatlo hram rawh an tileh a, Sangluaia pawh in, chu tianga thudik i sawidawn a nih chuan ka thatlo ang che, ramchhuak tur i nilo a, i iptepui ah pawh hian chawfun emaw? Bapui chhum emaw pawh hmuhtur a awmlo a, dawt chiangtak min hrilh a ni, riak chhuak tur nila Buhfai chhum tur emaw, zanriah tur eng emaw tal i kengtur a ni an ti a
.
Sawikunga chu a ngawi vang vang mai a, nakin ah chuan, ni e dawt ka hrilhche a nih kha, keihi Lal Satkunga lamṭang kani e, kan Lal Nikawlha khan Satkunga lak a ṭanga inlak hrantur thu a sawikhan, kei chuan Satkunga Pasalṭha te Sapela ramchhuak te chu an awmna hmun ah ka hrilh nghal a, chung Pasalṭha ramchhuak te zinga pahnih chuan an khawlam pan nghal in, chung an khawlam pantu te chuan Satkunga hnen ah chuan, Nikawlha a lak a ṭanga a helthu hi an hrilhdawn a ni, vawiin a ka chhuah na chhanhi, chung Passlṭha ramchhuak te chu thil kaldan engkim hrilhtuma kalchhuak kani a, tuna ka kalpui te hian khawdai ah minlo hmuak a, heng mite pahnih nen hian Satkunga Pasalṭha te riahbuk pan kan tum a ni an ti a, Rokhara chuan Sawikunga chu rum taka rawnmelh in, Sawikung i rilru a lochhe hlemai, he tiangkhawp hian a nimaw ilo tenawm le, i chhungte kan Lal phiar rutu zing ah hian an telve em? tiin an zawt a, Sawikunga chuan, ka chhungte chu tumah an tello, ka thiltih hi hriatpawh an hrelo a ni, Satkunga chuan heng ka thiltih a vang hian, a khua a mi a laina hnaivai tak mai nula chu, nupui a tan min neihtir dawn a, tin Satkunga chuan ka thiltih ah hian rinawm taka a hna ka thawhsak a nih chuan, Khawzau khua ah hian, a laina hnai nen kan in neih hun ah Lal a tan minruat dawn a ni, chumi nghak chuan tunhi ka thleng tawh a, a laina hnai nen chuan kumthar veleha in neitur kan ni a, heng zawng zawng hi ka chhungte pawh tumah kala hrilhlo a ni, vawiina ka chan chinhi Satkunga chuan a hria a nih ngat chuan, phuba langei tur in a rawn thawk chhuak ngei ang, tin a fapa Kalthanga chunga in thiltih dan ah khan Lal Satkunga chu a lawm hauh dawnlo a, Nikawlha chunga phuba latur in a rawnthawk chhuak ngei ang an tileh a
.
Sangluaia chuan engpawh nise, helai hmuna awm renghi a dik berlo, hei i ṭhiante pawh an rawn harhtawh a, khawlam kanpan a ngai a ni, ka u khulaia Sakhi kan dah kha ka zukla ang a, khawlam pan in kan kalnghal dawn nia tiin, Sangluaia chu Sakhi an dahna lamchu a panta nghal a, an mi mante chu an vaia hnungkhirh in, nghet tak chuan phuarin, Sangluaia chuan, heng mite hi chhawm nge, Sakhi hi i pu duhzawk? an ti a, Rokhara chuan, engpawh nise heng mite hi i mi mante an ni a, chu vangin keiin Sakhi hi kalo pu ang a, i mi mante hi i chhawm zawk dawn nia an ti a, Sangluaia pawh in, ka u i tih dan dan a nimai e, Sakhi chu i pu duhzawk a nih chuan hengmite hi a nih kan chhawm a nge tiin, khawlam pan chuan an chhuak ta a, khaw kawtchhuah an thlenhma deuh ah chuan ralven buk pakhat hi an han thleng a, tah chuan Tlangval pali hi lo awm in, Rokhara chuan an mi mante chu, an manchhan te an han hrilh a, Sangluaia te chu khua ah chuan lut tlang nghalin, khawchhung an hanluh chuan, naupang ho chuan an lo hmuduh in, an zui dul dul mai a, in lamah chuan Rokhara chuan a Sakhi putchu dah in, Sangluaia chuan an mi mante chu Nikawlha inlam a panpui nghal a, Sangluaia chuan Lal in a vathlen chuan khawnbawlte chu an lo kimṭhap mai a, Dohranga chuan Sangluaia chu lo chhawnvat in, ka tupa eng thilnge nita ngai le? lah hei hmelhriat leh hriat lohte i rawn man em ni? tiin an lozawt nghal a, Nikawlha pawh in, Sangluai eng thilnge nita ngaile? hei kan Pasalṭha Tlangthanga fapa te i rawnhruai lehnghal a, heng mite hian rnge an tihsual tak le? tiin an zawt ve a, Sangluaia chuan, Sawikung Lal hma ah hian i thiltih dante kha i sawidawn nge? keimah hian ka sawisak zawk dawnche? tiin an zawt a, Sawikunga chu a ngawi vang vang mai a, Sangluaia chuan Nikawlha hnen ah chuan
.
Kapu hengmi pahnih te hi Satkunga mileh sate an ni a, tin hei i khualehtui mi ngei, i Pasalṭha chhuanvawr ngeimai fapa hian, i lak ah tihsual liantak mai a nei a, chu chu a mahngei hian hansawise a ṭha ang a, tiin Sawikunga lamchu an hawi a, Sawikunga chuan hrehtak chung hian, kapu i lak ah hian thil ka tisual a ni, ka chung ah hian eng tin nge ro i reldawn chu ka hrelo a, mahse ka thiltih sualhi thup rengthei ka nilo, ka phatsan che a, keihi Satkunga lamṭang kani, i rorel leh Satkunga chunga i heldan zawng zawng hengmi te hnen ah hian ka hrilhvek a, tin Tlangval ralveng i dah dante leh, Satkunga laka i rorel dan zawng zawng te chu heng mite hi ka hrilhvek a ni, heng mite nen hian Satkunga Pasalṭha ramchhuak te riahbuk pantur kan ni a, kawnglak ah Sangluaia hian minlo hmu in, i hnen lamhi kan rawnthleng ta a ni an ti a, Nikawlha leh a khawnbawlte chu an hawihai ang reng khawp mai, Dohranga chuan Tlangaupa hnen ah chuan, Tlangaupa Tlangthanga hnen ah zuk kalnghal la, a rangthei ang berin Lal in ah lochho nghal rawhse an ti a, Tlangaupa pawhchu rang taka kalnghalin, pu Dohrang ka kalnghale an ti a, Nikhawlha chuan Sawikunga en vang vang pah chuan, heng mite hi i ṭhiante an nia maw? heng mite nen hian in in hmelhriatna a reitawh ang maw? Sawikung, keini hi phiar ruk thampawh kan nilo a, phatsan thampawh kan nih loh hi, Tlangval feltak emaw ka tihlai che a, tiangzawng hian a ni maw irilru ilo senle? a vamak ngai ve an to a, Dohranga chuan, Sawikung hengthil ah hian i chhungte an in hnam hnawihve em? kanhma ah hian engmah zep reng reng suh ang che an ti a, Sawikunga chuan, kapu ka thiltih hi ka chhungten tu man an hrelo a ni, ka duhthua ti kani e an ti a, chu tihlai chuan Tlangaupa pawh Tlangthanga nen chuan Lal in chhung ah chuan lo lut in, Tlangthanga chuan Lal Nikawlha hnen ah chuan, kapu minko tih kalo hria a, eng thilnge nita le? tiin an zawt a, Tlangthanga chuan a fapa chu an man a ni tih an hriat chuan mak pawh a ti ang reng khawp mai
.
Dohranga chuan Tlangthanga zawhna chu lo chhang in, han en teh Tlangthang, mihring rilru hi a kal dik lo nasa thei khawp mai, i fapa hian a ma ka a ṭang ngeiin Khawzau khua leh, kan Lal a phatsan thu hi kan hria a ni, Satkunga lam ah ṭangin, heng Satkunga hote nen hian in thurual in, helai hmuna kan rorel te hi Satkunga hote hnen ah a thlenṭhin a, vawiin tlaipawh hengmi pahnih te nen hian Satkung Pasalṭha te rianbuk pantur an ni a, mahse hei kawnglak ah Sangluaia hian a lo manfuh ta hlauh a nih hi an ti a, Tlangthanga chu rawnding chhuak nghalin, a fapa Sawikunga bek veilam ah chuan an beng ṭhuai mai a, a hmelah chuan thinrimna liantak lang chhuak nghal in, minva tizak ve, khawinge mahni khua leh, mahni Lal phatsantu chu damtlak pawh i nih nek loh hi tiin, Lal in chhunga banglaia fei zumtak mai in thiatchu phawi in, a fapa chu vih hlumnghal an tum a, mahse Nikawlha chuan, Tlangthang khati tur a nilo, hmanrua kha dahleh nghal rawh khai, keini pawh kan thimchu a rim a lawm, mahse thinrim a vanga hriamhrei lek nghal zeltur a ni ngailo e an ti a, Tlangthanga pawh in, kapu ka thiamloh a ni e, ka thinrim thut kha insumhar kati em a ni, ka fapa ngeiin a Lal a phatsan tih kan hriat khan, ka thinlunghi fei zumtak chhun ang maia na in, a mah pawh hi thah nghal law law mai ka duh a ni an ti a, Dohranga pawh in, Tlangthang i thinrim dantur chu ka hriat thiampui che a lawm, mahse Sawikunga chunga ṭuanvak kha tihdan tur ṭha a nilo, kan Lal sawiang khan, thinrim a vanga hriamhrei kan chuh nghal a nih chuan, kan tumloh deuh in tual kan that theireng a ni, ṭhatak khan awmla, i fapa chung changhi helai hmun ah hian kan relnghal dawn a, i awmve ngeihi kan duh a ni an ti a, Tlangthanga pawh in, ka fapa chung chang ah chuan, in thu tlukna a piang kha ka pawm ang, vawiin ni a a thiltih sualhi thihna tham a tling a ni, chu vangin kan Lal leh khawnbawlte hian a chung chang in rel ang ang hi lawmtak in ka pawm ang an ti a, Dohranga chuan, chu chu pa thu tlukna tur a ni, mahse mahni fapa, mahni rila rah ngei chuan thil hanti sual mahse, kan thinlunga kan hmangaihna kha a bo chuanglo a, eng pawh nise tikhan ilo awmve dawn nia an ti a
.
Nikawlha chuan, Sawikung i thiltih hi a ṭhalo khawp mai a, ipa sawiang khan i thiltih a vang hian i lu tansak thlengpawh i chung ah hian a thlengthei a ni, chung zawng zawng huama tichu i ni em i thiltih hi? tiin an zawt a, Sawikunga chuan, kapu chu tianglam reng reng chu ka ngaihtuah ngailo, Satkunga chuan ka lam i ṭanreng chuan ka laina hnaitak a mi, nupui ka neihtir ang che a nga, nupui i neih hun ah chuan Khawzau khua ah khuan Lal in ka dah ang che minti a, kapu lutan lamchu kalo ngaihtuah phalo reng reng, Satkunga minthu rawn ang in, ka laka an hel leh hel loh chan chin minrawn hrilhvat ṭhin a nga, tichuan keiin engkim ka rawnti felṭhin ang tiin thurawn minpe a, kapu Satkunga thurawn anga thilti mai kani e, hengthil hian lutan lamhi a nghawng phak ka ringlo a ni tiin an chhang a, Nikawlha bawk chuan, a nih leh Satkunga chuan nupui a neihtir hun ah che chuan, Khawzau khua ah hian Lal nihtir che a tum a maw? tiin an zawt leh a, Sawikunga chuan, kapu chu chu min thurawn dan a ni e tiin an chhang a, a nih leh i thiltih ah hian inchhirna emaw, thil ka tisual a ni ti a pawitih na i nei hrim hrim em? tiin an zawt leh a, Sawikunga chuan, kapu thiltam tak kalo hrelo a ni, Satkunga khan a laina hnaitak nupui nei tura minsawi hmuh khan, Lal chhungkaw thlah a mi nupui neihte chu a ropui a lawm, keini ang mi mai mai tan chuan chawimawina ropui tak a lawm tiin ngaihdan kalo siam mai a, mahse heng ka thiltih hian mahni khualehtui, mahni chhungte leh, keimah ngeipawh hi ka in phatsan a ni tihreng kalo hrephalo a ni, kapu i ngaihdamna diltlak pawh ka nilo a, ka thiltih hi siamṭhat leh theihchu nise, keimah ngeihian ka siamṭha leh ang, mahse he khua leh a chhunga chengte tan hian thilpawi tak kati a, in ngaihdamna diltlak pawh ka nilo e, ka chunga in rel ang ang chu kapawm ngei ang, mahse ka pian na leh ka seilen na khua hian, vawikhat tal min ngaidamthei a nih ngai chuan, Lal leh a khawnbawlte, he khawtlang chung ah hian ngaihdam ka dil mawlh mawlh e, chu chu Kapu ka sawitheih tawh a ni e an ti a
.
Nikawlha chuan, Sawikunga thiltih danchu kan hretlangpui tawh e, khawnbawlte u enge in ngaihdan le? tiin a khawnbawlte hnen ah chuan an zawt a, khawnbawl min Dohranga chuan aw rawnthian kharh kharh in, keichu ka ngaihdan tlangtak in ka sawi dawna, in ngaihdan a nih loh pawh in indem awiloh kanti a ni ang chu, Sawikunga hian thilsual liantham tak mai a tisual a, a thiltih sualhi ngaihdam tlak ah ka ngailo a ni, vawiin hian tiangthil hi tuman kanla tingailo a, chu vangin Sawikunga hian suallian tak tiin, a khualehtui bak ah, a Lal leh khawnbawlte, a chhungkua ngeipawh phatsan in, tiang thilsualhi a ti a ni a, a thiltih sualhi ngaihdam tlak ah ka ngailo a ni, mahse tian kanti leh teh ang, Khawzau khuate hian hetiang in phatsan na lamsual hi kan vawikhat neihna a ni a, Sawikunga chu Satkunga chuan a laina hnaitak nupuia neihtir tumin a thlem a ni a, he Khawzau khuate hian, hetiang lama tuman enfmah kan tihsual tawhloh na tur in, mipui koh khawma, Sawikunga hi mipui hma ah chuan dintir nise, a thil tihsual zawng zawng hi mipui hma ah chuan a mahngei hian sawirawh se, chu chu a thil tihsual vanga hremna nise, a ka a ṭanga kan hriat ang ngei in, mipui hma a a thil tihsual a sawikhan, a mahvek in a thil tihsual chu a siamṭha leh ah ka ngai ang, Sawikunga hi kei chuan ngaihdam ka duh a, mahse Lal leh khawtlang chunga thil tisual a nih a vangin, mipui hmangei ah a tihsual chu puang sela, mipui hmangei ah chuan ngaihdam dilrawhse tiin Dohranga, khawnbawlmin chuan an ti a, khawnbawl dangte pawh chuan, tih hlum em chu ṭha a an hriatloh a vangin, Dohranga sawiang chuan ngaihdam an duh hlawm a, Nikawlha pawh in, ka khawnbawl ten ṭha in ti a nih chuan, Sawikunga hi kan ngaidam ngei ang, mahse khawnbawlmin Dohranga sawiang khan, he khualehtui a phatsan na kha, mipui hma ah ngaihdam dilngei rawhse tiin Nikawlha chuan thuchu a pawtchat ta a
.
Sawikunga pawh a lawm khawp mai, Lal leh a khawnbawlte hma ah chuan, thil liantak ka tisuala, he tichung pawha min ngaidam theihi ka lawm a ni, vawikhat mah Khawzau khua leh, a chhunga mipui te, tin Lal leh a khawnbawlte hi vawikhat mah phatsan zawng hian ka ke hi kapen lehtawh ngailo ang an ti a, Tlangthanga pawh in Nikawlha hnen ah chuan, kanpu lawmthu sawive ka duh a, rem i tih chuan ka lawmngawt ang tiin an dil a, Nikawlha chuan, ka Pasalṭha i ni a, i duh chu han sawita che an ti a, Tlangthanga chuan, khualehtui chunga ngilnei taka rorel ṭhinte, Lal leh a khawnbawl te chung ah hian lawmthu ka sawiduh a ni, ka fapa thiltih hi ngaihdam tlak a nilo tih hi ka hrechiang em em a, sual a zawng ah pawh inphatsan na sual kher kherhi chu a liantham in a pawi a ni, mahse Khawzau khaw rorel tu te chuan, thil tisualtu in siamṭhat theihna tur hunṭha inpehi ka lawm em em a, ka fapa hi thitur pawh in a chungthu rel mau ula, ka fapa thil tihsual hian a phu hliah hliah a ni, khawtam tak ah chuan thil tisualtu in siamṭhatna hun turpawh awmlo in, mitam tak chu an lu an tansak ṭhin a ni, mahse vawiin ah hian chung chu kan chung ah thlentirlo in, thil tisualtu in siamṭhat na tur in hawnsak hi, kan Lal leh a khawnbawlte chung ah hian lawmthu ka sawi mawlh mawlh a ni, ka fapa hian a thil tihsual hi a siamṭha leh ngei ang a, mipui hma ah chuan ngaihdam dil in, a tihsual ah hian khawtlang chung ah ngaihdam a dilngei ang an ti a, Nikawlha pawh in Tlangthanga thusawi chu rawn nem nghet in, nak tukzing hian helai hmun ah hian mipui zawng zawng auh khawm nise, chu tah chuan Sawikunga pawh in a thil tihsual thuphachu chawi rawhse tiin chumi tlai chuan an ṭindarh ta hlawm a, Tlangthanga te pafa pawh an inlam ah chuan haw in, Satkunga Tlangval an man pahnihte chu hnungkhirh in, Lal in bula chhekin ah chuan an khungta a, chhekin chu Tlangval pahnih ventir nghal a ni, Dohranga te putu pawh Nikawlha in a ṭang chuan haw in, Dohranga chuan, ka tupa khatiang mipahnih te kha eng tin nge maw hliam neilo a in man theih reng reng le? nanghi zawng midanglam tak chu ilo nih hi tiin in chhung chu an lut ta a
.
Dohranga chuan Rokhar'an Sakhi a puah mawlh mawlh mai an hmuh chuan, hei tu kahnge a nih le? Rokhar nangmah em ni? tiin an zawt a, Rokhara chuan, kapa he tiang Sakhi te vawikhat pawh ka kah i hretawh em ni? i tupa Sangluaia awm chin ah hi zawng Sa i ei reng maidawn a nih hi, vawiin khan Sangluaia khan Sihpui ruam ah a kap a lawm, Sawikunga te a vang khan a rawntlang a nih kha an ti a, Dohranga chuan, ka tupa kanhma lawk ah khan i kaptawh bawk a, huaisen leh ralrel thiam chauh tupa ka nei emaw ka tihlai in, sakap theitak tupa kalo nei reng bawk a nih hi, ka tupa i salu hi ka lawmsak dawnche a ni tiin a phur vut vut khawp mai, Sangluaia chuan, kapu engtham a nih loh kha, kha baihan thampawh a nih loh kha, chu tianga a lu lawmtham pawh a nih loh kha, kapu i tizah thlak em mai an ti a, mahse Dohranga chuan, i u te hi sapelmi an nilo hlawm em em mai a, chu vangin ka in chhung ah hian saruang te hi a lut khat a sin, hei ninga velchiah i rawn awm a, Sakhi pahnih ngawt mai ka in chhung ah zalh an nitawh a, chu vangin i salu hi ka lawmpui dawnche a ni tiin, Zuali chu Rappui chungsanga a zubilh chu a chawithlak tirta a, Rokhawma u te hopawh Sangluaia Sakhi kah a vang chuan rawnkal khawm in, an pafa ho chuan an pa zubilh thlumṭha tak maichu an khawntlang ta a, Dohranga zubilh chu a lochang ṭhatawh bawk nen, karlo ah chuan hlimtlang taka ti ti ho in, an rita luih luih mai a, Dohranga phurdeuh chuan, Zuali i pa Kalhranga han ko teh khai, kapa in ka tupa salu rawnlawm verawh a ti hanti la tiin an tir a, Zuali pawh a pa tirhna ah chuan rang taka kalin, Kalhranga te inlam chu a panta a
.
Hemitlai hian Dohranga chuan a ṭhiante chu sawmkhawm in,m an ri luih luih mai a, Sangluaia chuan Lal satur te chu dah hrangin, Zuali chu petur in an ti a, Zuali chuan naupang tirh ah ka kallo ang, i duhleh nangmah khan hanpe rawh ti fiamthu in, Sangluaia chuan, i pasal neih hmain kan tirhman dawnlo che, kan in hmuh leh chuan, naupang lubawk lil lel kha i pawve par par awmsi a, chu vangin han kalvat rawh an ti a, Zuali chuan, mai mai chu tiangte chuan minti khanglang suh aw, kan in a ei leh in i nih hi, zanriah ei ka phal loh vaih chuan, zanriah ei na tur zawngin i vak duk duk mai ang an tive leh a, Sangluaia chuan, zanriah ka ei i phal loh chuan i ṭhian nu Nikungi te in ah ka ei mai ang an ti a, Zuali chuan Nikungi hming ah hriat tak ah chuan, ti tau deuh nghawng nghawng chung chuan Lal satur chu kengin, Sangluaia chu rum taka melh chung in, Nikungi hnen ah chuan nupui neitur a nih hi kati dawnche tiin a chhuah santa a, zanriah ei te an hun chuan, Dohranga chuan a ṭhiante chu chawei ah sawmhlawm in, hei ka tupa in Sakhi a rawnkap a, chaw min eipui vengei tur a ni, tiin a ṭhiante chu zanriah eitur chuan an sawlhlawm a, Kalhranga chuan, khaih khaih hei kantlai a lawm, hei bak bak hi kan phut reng reng lo, chawte pawh min chhum kep ngawt dawnlo a, zanriah ei ve ngawtchu a dik lo an ti a, chu veleh Zuali nu chuan, Kalhrang zanriah in ei vak ka rin a vangin zanriah ka thlak kep vek che u a nia, tumah hawbik suh u, zanriah ka thlak kep vek che u, zanin chu Zuali paho khan han chai tak tak teh u khai an loti ve a, Dohranga pawh in kannu thusawi kha in hria em, zanriah a thlak kep vek che u a nih chu, chu vangin vawiin tlaichu zanriah kan kilho vek ang tiin Zuali te nufa chuan zanriah chu an siamta a, Sakhi sa chhum leh, a chek tui tak nen chuan zanriah chu tui tak in Dohranga leh a ṭhiante chuan an ei ta a
.
Zanriah te an ei kham chuan, Sangluaia leh Rokhara pawh in hmundang panlo in Zawlbuk lamchu a panta a, Zawlbuk ah chuan Tlangval len chhuah tumte chu an ri laih laih tawh a, Sangluaua leh Rokhara ten Zawlbuk an hanluh vechuan, Tlangval ṭhenkhat ti ti laichu ngawi nghal in, Aithanga chuan, Sangluai vawiin lama i thiltih kha kanlo hrrtawh a sin, hei kan khua ah hian ninga velbak ila awmlo a, kan khawtan hian thilṭha tam tak i rawnti dermai, keini khawtual Tlangval zawkte hian kan tluk lo tak zet zet che a ni, Satkunga Tlangval i mandante kanlo hria a, insual ithiam dante Sawikunga ka a ṭangin kanlo hria a sin, Sawikunga chuan, insual i thiam ziate, i ṭuanṭhat ziate, tin thahrui i ngah ziate, Sawikunga chuan, Sangluaia chu hneh mai mai theih mihring a nilo, Tlangval panga pawh in sualrawn mahse, Sangluaia chuan chung Tlangval panga te chu a duh hun hun ah a mankhawm thei ang a ti a ni an ti a, Sangluaia chuan, u Aithang Sawikunga chuan ka chan chin chu diklo tak in a sawi a nih chu, engtin nge mipanga em em te ka hneh theih teh lul ang le, vawiin kha chuan ka van nei mai mai a nih kha an ti a, Aithanga chuan, Sawikunga khan a sawidik ka ring a ni, in fak thu nilo se, Satkunga fapa Kalthanga leh a naute i nghaisak dan kan hmuh khan, keini khawtual Tlangval te hi chuan, nangmah han chaifiam ringawt che pawh kan hreh ṭhum a sin, i chetdan kan hmuh hian, Khawzau khua ah hi chuan tuman kan khing phalo che a ni, tin kan val upa te pawh in, Sangluaia anga mihring zamṭha leh, he tiang tak maia mihuaisen hi hmuhtur an vang khawp mai an ti a, ipaThangluaia vanglai tlukpha ang hial in an sawiche a, Sangluai Khawzau khaw Tlangval te hian kan chhuang tak zet zet che a sin an ti a, chu tihlai tak chuan Tlangau rawn au in, khaih khaih khaih, lo ngaithla ṭheuh rawh u khai, Kapthanga fapa, Khampuia ramchhuak chu, tun thlengin a la rawn haw lo a, a chin hriat a nih loh a vangin, a zawngtur in Tlangval zawng zawng tun ah Lal tualzawl ah chhuah khawm nghaltur tiin an rawn au a
.
Aithanga te ti ti laipawh tawpnghal in, Aithanga chuan, chule mibo kan nei a nih chu, i chhuak khawmnghal ang u hmiang an ti a, Tlangval Zawlbuka awmte chuan Lal tualzawl lampan nghalin, mi dangte pawh an han au khawm nghal a, Sangluaia leh Rokhara pawh Tlangval ho rual chuan Lal tualzawl lamchu panve nghal in, Lal tualzawl an hanthlen chuan anlo pungkhawm hnem hmantawh khawp mai, Lal in Luhkapui a ṭang chuan Dohranga chuan, khaile Tlangval te u Khampuia chan chin kan hriat hnu hnun dan ber ka sawi ang e, tuk kin varṭian khan, Lungkawlh rama a u Sanghal thangkam en tur in a chhuak a, kan relveng te pawh in Khampuia hi hmungei in, a kalna tur te an zawt a, a ni pawh hian kan ralveng Tlangval te chu a kalna tur ṭha taka hrilh in, kan ralveng Tlangval te hian Khampuia hi an thlir liam a ni, Khampuia hi chhun chaw funa kalchhuak a nilo a, tuk ṭhuantur a tan Bapui chhum tlemte keng in a kal chhuak a ni a, khawthim hmadeuh khan a u ten an ngaihtuah a vang in, Lungkawlh rama an Sanghal Thang kamna velchu an va daptawh a, mahse a u Khamliana te hian an nau Khampuia hi a va hmuta reng reng lo mai a, an han auh tak ngial pawh in chhawntu an neilo a ni, khawthim bawr khan Khamliana chu lo haw in, Khampuia chhangtu chiah Khawtina chu chulai Lungkawlh ram ah chuan la awm in, chulai hmun ah chuan minlo nghak a ni, chu chu Khampuia chung chang tun dinhmuna kan sawitheih chu a ni a, Khampuia zawngtur hian Tlangval te tlawmngai taka kan thawh chhuah a ngai dawna, val upa te zaingai in, tlawmngai tak in kan thawk chhuak dawn nia an ti a, Sangluaia chuan Rokhara hnen ah chuan, Lungkawlh ramchu a hla em? khawilama awmnge a nih? tiin an zawt a, Rokhara chuan hla lutuk lo, vawiin kan kalna Sihpui ruam a ṭanga hmar lama awm a ni a, hla lutuk chu a nilo e an ti a, Sangluaia chuan, eng pawh nise in ah haw phawt kan ngai a ni tiin, Rokhara nen chuan in lamchu an panta nghal a, in an thlen chuan an Silai te leh, chempui te chu la nghal zung zung in, enge an chintur an hriat loh a vang chuan, chhun lama Bapui chhum chu in hnawh puar nan tiin an ak ve ve a, an hman chuan Kawtchhuah lampan nghalin, Kawtchhuah an han thlen hian tumah vak an lo la chhuak khawmlo a, Sangluaia te chuan meichher tur la nghal in, a tam zawk an rawnthlen meuh chuan meichher chhit turpawh an duh khawp an lo siam hman a ni
.
Val upa Chhinga chuan, khaile meichher tur te hanla ula, kan muan lutuk a feldawnlo a, tun ah hian Khawtin a chuan minlo nghak a, a ni hi kanva pawh vat a ngai a ni an ti a, Tlangval rualte chuan meichhet tur chu la nghal zung zung in, meichher tur an lak lai hian Sangluaia chuan Rokhara hnen ah chuan, tirawh le a ramchin i hriat tho chuan ilova kalteh ang an ti a, Rokhara chuan kan val upa te kan hrilh ang e tiin, val upa te chu an hrilh nghal a, val upa Chhinga chuan Sangluaia te hnen ah chuan, e in love kal hmasak theih chuan a lawm awm nasa a lawm, hei kan Tlangval te pawh karlo ah chuan an peih vemai ang, kan rawn umzui dawnche u nia an ti a, ti chuan Sangluaia chuan val upa Chhinga hnen ah chuan, a nih kan lova kal hmasa a nge an ti a, he tihlai hian Aithanga chuan, Sangluai keipawh in rualin ka rawnkal veteh ang tiin a rawnzui veta nghal a, Aithanga chuan Rokhara ai in ramchin a hriat zawk a vangin hma an hruai a, Lungkawlh ram lamchu pan vang vang in, thuitak an kalhnu ah chuan Aithanga chuan, khaile Lungkawlh ramchu kan thlengta a, Khampuia Sanghal Thang en na lamchu helam hi a nih hmel e tiin, an veilam ah chuan an han herliam hret a, Aithanga chu an kuk raih raih mai a, thlang deuh a ṭang chuan lo chhawntu awm in, chulam chu an panta nghal a, Aithanga kuk lo chhawntu awmna an zuk thlen chuan Khawtina chu an zuk hmuta a, Aithanga chuan khawilam nge Sanghal Thang in kamna lamchu? ti a zawt nghal in, Khawtina chuan khulam khu a nia tiin, Sanghal Thang an kamna lamchu an panta a, karlo ah chuan Sanghal Thang an kamna chu thleng thla in, Khawtina chuan an Sanghal Thang kamchu an kawh hmuh a, Aithanga chuan henglai velhi in dap tawh a maw? tiin Khawtina chu an zawt a, Khawtina chuan, henglai velhi chu kan dap chhuak hneh khawp mai, kan kuk nasa a tumah chhawntu kan neilo a ni, a bei dawn thlak duh khawp mai an ti a, Aithanga chuan eng pawh nise kan hnung a mite ho kha anlo thlen huntur hriat a nilo a, kan pali hian heng laivel, i zawn na chin bak hi kan dap chhin dawn em ni ang? an ti a, Khawtina pawh chuan, in tih dan dan ni rawhse tiin an chhanga, Aithanga chuan a nih chuan kan theihtawk hian vawiin lama in zawn na bak hi ilo dap teh ang u khai an ti a, kalmai an tumlai chuan Sangluaia chuan, ngawilawk teh u, a naupang ber pawh ni mah ila zawhna kalo neive lawk teh ang an ti a, Aithanga leh Khawtina chuan, e i zawh duhchu zawt rawh, hei kan ṭhiante pawh an la rawn thlen loh hi an hanti a
.
Sangluaia chuan, vawiin khan helai hmunhi in thlen in, khulam kawr ruam lamkhu in chhuk em? a hnuhma te zawng in in chhuk thla em? a hnuhma awm hmuh in nei reng reng em? tiin an zawt a, Khawtina chuan a ni tak maw, chu lamchu kalo ngaih tuah reng reng lo a ni, ni e minzawh tak ah chuan kan thlen thlak tirh khan, ka u Khamliana khan a hnuhma awm tak tak chu ka hmu a ti a, kan Thang kamna laihi in hmuh ang hian, hei zawl deuhlai a ni a, a thlanglam hi in hmuh ang hian a awi deuh a, mahse kalhar a nih loh hi, ka u khan thlanglam ah hian mihring hnuhma ni awmtak chu ka hmu a, mahse hnudang awm reng reng ka hmubawk silo, thlanglam hi chu a awih deuh a vangin kan chhuk talo an ti a, Sangluaia chuan, khawilai ah hian nge i u chuan hnuhma awm ang deuh a hmuhna laichu ni a? tiin an zawt a, Khawtina chuan meichher eng chuan Sanghal Thang an kamna thlang awih deuh chu kawh hmuh in, helam ah hian a ni a, helai hi a awi thla ang reng a, chheng chhe deuh in kawrte a zuk pawh thla a, chu ta ṭanga han kal leh deuh chuan lui lian lutuk lo, Aikamlui kan tihchu a awm a ni an ti a, Aithanga chuan, Sangluai hnuhma hmuh i in ringdeuh em ni? zanthil a ni a, meichher eng chauh hnuai ah chuan hnu chhui a har khawp ang an ti a, Sangluaia chuan a ni khawp mai, meichher eng ah chauh hi chuan hnu chhuihi a har a ni, mahse henglai velchu kan en ve chhin hrim hrim a nge tiin, an din na a ṭanga hlamhnih awmvel ah chuan Sangluaia chu, meichher nen chuan an chhuk a, reilo te ah chuan Sangluaia chuan, u Aithang helam ah hian hnuhma chu ka hmu a ni, helai ah hian a chhuk ngeini in ka hria an ti a, Khawtina chuan, khalam ah khan eng ti tur in nge a kal ang? a awih in a chheng chhe hlesi a, an ni rawlthar chauh tan chuan khalaia han chhuk na chhan tur kha a awm in ka hrelo an ti a, Aithanga pawh chuan, Sangluai Tlangval fingtak i nih chu ka hria, mahse an ni ang rawlthar la naupang chuan khalai khampang tluk deuh thawa awih ah khan enge a tih ang le? mak kati ngei mai, tin meichher eng chauh a ni a, engtin nge mihring hnuhma leiro ah leh nghal i hmuh theih bik le? tiin an zawt a, chu tianga an han tih tak ah chuan Sangluaia chu a zak khawp maia, a ai a upa ten a thusawi awilo tak maia zawhna an hansiam chu a zak ru a ni, an zawhna pawh chhang ngamlo chuan zawisap hian, a nih ka rawnchho a nge an ti a, Sangluaia chuan rawnchhoh a tumlai chuan Rokhara chuan, Sangluai in thlahrung duh reng reng suh, khalai ah khan mihring hnuhma awm i hmu a nih chuan kan pahnih pawh in kan chhui chhin dawn nia, hnuchhui thiamleh thiamlo karhlat ziachu ka hria a lawm, Rokhara chuan Sangluaia thusawi an awihlo thinrim deuh chuan, kei chuan Sangluai i hmuh kha ka ring a ni, tirawh i hnu hmuh chu i chhui teh ang tiin meichher nen chuan a kalta a
.
Khawtina in thiamlo deuh chuan, Sangluai zanthil a ni a, zanthil ah chuan hnu chhui a har em a vangin ka rawn sawive mai mai a nih kha, i thilhmuh kha ka awilo ka tihna a nilo e, keipawh ka rawnkal ve a nge an ti a, Aithanga pawh in Sangluai'an hnuhma ka hmu a tihchu awihlo ru ang reng tak chung chuan, a ṭhianten an zuitak vek a vang chuan, keipawh ka rawnkal e, Sangluai kan ṭawngve mai mai a nih kha, ngaihloh lama lakchi a nilo a nia aw tiin an hnung ah chuan a zuive ta a, a nihna tak ah chuan Sangluaia pawh chuan nuamlo a tiru khawp mai, hawleh hialchu a duh rum rum a ni, mahse tlawmngaia chhuak an nitawh a, a thusawi chu an awi emaw, awihlo emaw a tawp thlenga tlawmngaih chu a tum a ni, chulai awih tak maiah chuan hlamsawm velbawr tur an han chhuk chuan, Sangluaia chuan mihring hnuhma ngeichu a hmuta, chulai an chhuk na ah chuan chu hnuchu chhuk ngei in, an thlang kawrte lamchu a pan a ni tihchu chiangtak in a hria a ni, kawrte an zuk thlen chuan, chulai kawrte ah chuan Tui awmlo in a loro vek mai a, Sangluaia mit dum fiah kak mai chuan a ṭhiante hmuh theihbak a hmuthei emaw tih tur hian, chulai kawrte a mihring hnuhma chu a hmuthei a ni, Sangluaia chuan Rokhara hnen ah chuan, lui in tihchu helai a ṭang hian a lahla em? tiin an zawt a, Rokhara chuan hlatawh lo e, kawihnih thumvel bak a ni tawhlo tiin an chhang a, Sangluaia leh Rokhara hnunga kal, Khawtina leh Aithanga chuan, chulam ah chuan Khampuia chu a kalhi an la ring theilo a ni, chu kawrte lajmhchu a chheng chhe em em maileh nghal a, chu tiang kawrte chheng chhe lutuk ah chuan a kalduh an ringlo a ni, Aithanga chuan, Sangluai Khampuia chu helam ah hian a kalchu i ring a maw? tiin an zawt leh a, Sangluaia chuan damthlarh maihian, he kawrte hi a zawh ngei a ni, rindan ka neia, lui kan thlenhun ah chuan ka rindan chu a dik leh dik loh kan hrethei ang tiin an chhanga, hmuamda awmvel an han kalleh hnu ah chuan lui chu an zuk pawhta nawlh mai a, lui lian lutuk chu a nilo a, tui a lenlai chuan mihring tan chuan daikai harve tur tak chu a ni, lui an zuk pawh chuan an hnu chhui chuan, lui mawnglam a pan tih hria in Sangluaia chuan, kan hnuchhui hian lui mawnglam a zawh a ni an ti a, lui mawnglam zawha kawikhat an hankal leh chuan Sangluaia chu an dinga, Khawtina chuan, Sangluai enge nita? tiin an zawt a, Sangluaia chuan muang charh hian, ka rin ang chiah a ni an tisap a, Rokhara chuan, Sangluai enge ka rin ang i tihchu? tiin an zawt vat a, a ṭhiante hnen ah chuan lo kalteh u, han en veteh u an ti a, Sangluaia hmalawka lung velchu lo in hailet pheng phung in, Sangluaia chuan, Khampuia hian Chakai khawrhtur in lui lamhi a pan a ni, a hnu hma a ṭang hian Chakai a khawrh ngei a ni an ti a, Sangluaia chuan chulai luikam velchu meichhet chuan an en kual a, lui kam hnimchin ah chuan iptupui lo in dah ngat maihi hmu in chulam chu an pan nghal a, iptepui chu la in Khawtin a hnen ah chuan, heihi i nau iptepui chu a ni em? tiin an zawt a, Khawtina chuan rang taka Sangluaia lamchu rawnhawi nghal in, Sangluaia kenlai iptepui chu an la a, meichher enga an en chian nak chuan, zinglama a nau Khampuia ah chhuah ngeikha a ni tih a hreta a, Khawtina chuan Sangluaia chu en vang vang in, Pasalṭha dik tak i ni e, heihi tuk kinzinga ka nau ah chhuah iptepui ngei a ni e, ka nau chuan Chakai khawrh tur in helui hi a pan ngei a ni, Sangluai kalo ringdik lo che kha min ngaidam ang che, kawng eng kim ah rintlak i ni tak zet zet a ni an ti a
.
Aithanga pawh in Sangluaia chu makti taka en in, naupangte mah nila i fingin kan hmuh theihbak i hmuthei a nih hi, he tiang zanthim hnuaia meichher enga tianga hnuchhui thiamhi Sangluai, nang chauh hi a ni kala hmuh che ni, rawlthar zamṭha leh huaisen tak i ni tihchu ka hmu in ka hria a ni, mahse Pasalṭha tam tak in an tih theih loh, tuna kan hnuchhui ang, zanthim hnuaia meichher eng chauh ringa hnuchhui thiamhi nang chauh hi a ni kala hmuh ni, tun ah chuan i sawi a piang ka awi tawh ang, nang ang mihringhi kala hmu ngailo a ni an ti tawng mai a, Rokhara chuan, ka nauhi ka chhuang a nia, henghi a ti thei tih ka hriatvang a ni a hnunghi ka zuichat ni tiin Sangluaia chu anlo fak a, Sangluaia chuan, engmah ka nih bik loh hi, mihrngve mai ka nih hi, kan hna hi kanla zolo a nia, fimkhur tak in kan hnuchhui laihi i chhui leh teh ang u an ti a, meichher eng ah chuan an hnuchhui laichu chhui thla leh in, lui kawihnih an chhuak thlachiah tih ah cuan, an thlangkawi lehtur ah chuan mihring ding ni awm tak chu an zuk hmuta a, Khawtina chuan a nau Khampuia ngeichu ni a hria in, Khampui tiin an ko a, mahse an thlanga mihring ding chuan an kohna chu hre awm pawha langlo in, lui mawnglam chu hawi in, chelo chuan a ding reng mai a, Khawtina chuan, Khampui ti a ko leh in, chu lampan chuan kalmai an tum a, mahse Sangluaia chuan lo dangin, pawh rihsuh, kan hriat chian phawt a ngai a ni, kan kohna pawh chhang miahlo a dingreng khu tunge a nih? tikhan lo awm ula keiman kan zuk chian a nge an ti a, Rokhara chuan, Sangluai mihring a ni chiah ang maw? lui dunga khutia dingreng khu chu mihring ni theiin ka hrelo a ni, a hlauhawm lo ang maw? an ti a, Aithanga chuan, kan mizawn chu ni ngeiin ka hria, mahse enga tinge kan kohna kha a chhan loh? Sangluai i hnung ka rawnzui ang an rawnti a, Sangluaia chuan nilo e, tah hian lo awm rawh u, eng pawh lo thlengse ka u, engmah hlauhtur a awmlo a nia an ti a, Rokhara chuan, Sangluai fimkhur hlerawh aw an ti a, Sangluaia chuan ka u, engmah hlauhtur a awm hlei nem, tah hian in pathum hian lo awm ula, tunge a nih chiah kanzu fiah ang e tiin, lui mawnglam chu a panthla ta a
.
A meichher eng nen chuan lui mawnglam chu panthla zel in, an thlanga dingchu a ruang am ah chuan mihring ngeichu a ni, a hnung lawk hlamli vel ah chuan zuk dingin zawite hian, Khampui an ti a, mahse a hma a ding chuan a rawn chhanglo hrim hrim a ni, Sangluaia chuan a hma a mihring ding chu a meichher engah chuan a taksa velchu chiang tak maihian an en kuala, chu mihring ding reng chuan damlai taksa a pu tawhlo tihchu chiang tak in a hmuthei a ni, zawite hian, Khampui i chung ah enge thlengta le? nangmah puitur che in kan rawnkal a sin, eng vanga hetianga awm nge i nih le? tiin an zawt a, Sangluaia hma a ding chu zawi muanga rawn in her in, chu damlai hmel reng reng pu tawhlo chuan Sangluaia chu a rawn hmachhawn ta, meichher eng ah chuan Sangluaia pawh in a hma a ding hmelchu chiang tak in a hmuthei ta, a hmelchu a dang vek mai a, a mit pawh hmuh tlak awmlo in a khurduk mai a, a taksa ah chuan thisen reng reng a awmlo tih hriat tak mai hian a duk dang vek mai a, Sangluaia chuan, Khampui enga tinge he tiang hian i awm le? nangmah ṭanpui turche hian hei kan rawnkal a sin an tileh a, zawisap hian, in rawntlai a ni, tun ah chuan chhan tlak ka awm tawhlo tiin an rawn chhang a, Sangluaia chuan, vanduaina i tawk nge? kut thlatu che an awm? tiin anzawt leh a, Sangluaia hma a ding mit a ṭang chuan mittui lo luang chhuak ngiai ngiai in, aw thamṭiak maihian, nasa taka nghaisak kani, min rawnhre reng ang che aw tiin, chu rawlthar lainat awm tak maichu, lui mawnglam thimchin ah chuan a tawlh liamta a, Sangluaia chuan Rokhara te chu ko in, lo chhuk tawhru le an ti a, Rokhara ten Sangluaia awmna an rawnthlen chuan, Sangluaia chuan zawisap hian, a pawihle mai an ti a, Khawtina chuan, Sangluai enge nita le? Khampuia kha khawilam ah nge a kal tak? tiin an zawt a, Sangluaia chuan, tun ah chuan tih theih kan nei tawhlo a ni, i nua chu kan chhan hmanta lo a ni an ti a, Khawtina hrilhchu a hai khawp mai, Sangluai ka nau chu a boral tawh a maw? eng vanga boral nge a nih? henglai hmun ah hian a chesual em ni? tiin an zawt leh a, Sangluaia pawh in Khawtina zawhna chu chhan har a ti khawp mai, Sangluaia chuan, engtia boral nge a nih chu ka hrechiah bik lo a ni, mahse henglai bawrah hian a ruang chu kan hmuh theih mai ka ring a ni an ti a, Aithanga pawh in Khawtina chu lo hnem in, Khawtin a pawi khawp mai, pachang tak in awm rawh an loti a, Sangluaia chuan, eng pawh nise Khampuia ruang hi kan hmuh phawt a ngai a ni tiin, an thlang kawilam chu an pan nghal a, a rin ang chiah chuan an thlang lui kawi, lui kamsi ah chuan Khampuia ruang chu an hmuta a
.
Sangluai'an Khampuia ruang an zuk hmuchu, Khampuia ruang chuan Sangluaia rilru chu a khawihna kher mai, Khampui a chu a mit mu an kher chhuah sak vek a, saruak veka lo dah in, an thah hma chuan a banrek leh lam leh lam chu tansak tihchu a hriat theih a, a beng pawh hlehsak ni in, a hmalvel a ṭang chuan nasa taka nghaisak a ni tihchu a hriat theih a, nasa taka an nghaisak hnu ah, a hrawk ah zaisak a ni tihchu chiang tak in a hriat theih a ni, Sangluaia chu Khampuia ruang bulah chuan ṭhingṭhi in, lainat tak chuan Khampuia ruang chu siamṭha in, a puan ah chu phawrh in an khuh a, zawisap hian, min rawnhre reng rawh i ti maw? i chunga he tiang ti tu te hi ka zawn chhuah hmaloh chuan ka theihnghilh lo ang che, he tianga nghaisak na nasa i tuarhi ka lainat khawp maiche an ti a, Khawtina pawh in a nau Khampuia ruang a rawn hmu chu, a thinlung chu na taka vih ang mai hian a na vawng vawng mai a, a nua ruangbul ah chuan ṭhu in, Khampui i tawrhchu a na hlemai maw? tunge he tiang em em a i chunga nun rawnghi manhan hrilh teh, Khampui vawikhat chiah minhan chhang la, i chunga he tiang ti tu hi minhan hrilh ta che an ti a, Aithanga pawh in Sangluaia thusawi kha rawnhre phak in, rawlthar nghaisak nan chuan a lutuk mah mah a nih hi, Khampuia chunga hetiang ti tu te hi tu tenge maw an nihdawn le? hriat an vachak awmve mawle aw? an ti a, Aithanga vek chu rawnding chhuak in, awle hei ruangchu kan in hmuta a, kan ṭhiante kha kotur in Sangluai in hankal maidawn em ni ang? ruanghi Khawtina nen hian kallo nghak ang a, nangni tlawmngai in kan ṭhiante kha han hrilh maita che u an ti a, Sangluaia chuan, e teh rengmai, kan kalnghal ang e tiin, Rokhara nen chuan midang kotur chuan an kalta nghal a, val upa Chhinga leh Tlangval hote pawh in Khawtina te Sanghal Thang kamna hmunchu rawn thlengthla vetawh in, Sangluaia te an han hmuh chuan, Sangluai nangni in thleng thlahma deuh a enge chan chin le? tiin an zawt a
.
Sangluaia chuan val upa Chhinga chu sir deuh ah chuan hruai hrang in, Khampuia chu tun ah chuan mihring a tling zotawh lo a ni, kan thlang Lui ah khuan a ruang chu kan hmutawh a, nasa taka nghaisak a ni a, a ruang hlawmtura kan kalvat a ngai ang, tah chuan u Khawtina leh, u Aithanga te chuan minli nghak a ni an ti a, Chhinga chuan thilawm ziachu hrethiam nghalin, Khampuia u Khamliana chu hanko hrangin, Khama a pawikhawp mai, pachang tak in awm la, mihringte chuan kan duh thusam hi kan chung ah hian a thlenglo fosi a, i nau Khampuia chu hmuh a ni tawh a, mahse Khampuia chuan min peih lohsan tawh a, a ruang hlawm mai kan ngaita a ni an ti a, Khamliana pawh mipa taka awm in, khawilai ah nge ka nau ruang chu an hmuh? tiin an zawt a, kan thlang lawka Aikamlui kan tih ah chuan Khampuia ruang chu hmuh a ni an ti a, ti chuan val upa Chhinga chuan, khaile Tlangval te u, helai hmuna kan kalchhan Khampuia ruang chu kan hmasa ten an hmutawh a, kan thlang Aikamlui ah chuan Khampuia hi hmuh a ni, mahse Khampuia hian mihring a changzo talo a, a ruang hlawmtura Aikamlui chu kan pan a ngai a ni tiin, an nghaisak dan chu Tlangval ho leh, Khampuia u Khamliana chu a hrilhve chuanglo a ni, Chhinga chuan khawchhung lama zualko kaltur Tlangval pahnih ka ma mawha, lopen chhuak teh u le an ti a, Tlangval te chu rawnpen chhuak nghalin, chung zinga pahnihte chu khawchhung lama zualko tur chuan a tirta nghal a, an nipawh in Aikamlui lamchu panve nghal in, karlo ah chuan Aikamluia Khampuia ruang awmna chu an zuk thlengthla ta a, thudang sawilo chuan val upa Chhinga chuan, awle Tlangval te u hei ruang hawn kan ngaia, Hlang siamna tur hrui leh chak vel rawnla khawm rawh ule an ti a, Khamliana chuan Aithanga hnen ah chuan, helam ah hian eng tin nge a kal in rintheih reng reng? tiin an zawt a, Aithanga chuan, keini chuan rin na chang pawh kan hrelo, Sangluaia khan Khawtina hnen ah khan, tlaia in kalin a hnuhma awm hmuh in nei em? tiin a zawt a, Khawtinga chuan ka u in thlanglam ko chunga mihring hnuhma ni awm tak a hmuh thu chu an sawi a, thlanglamhi a awih deuh nen, a chhengchhe si a keini chuan Thlanglam ah hian a chhuk kan ringphalo hrim hrim a ni, mahse Sangluaia chuan meichher eng ah chuan a hnuhma awmte an zawnga, a hnu a hmuh thuchu an rawn sawia, Khawtina nen chuan kan awih chiahlo nghe nghe a, mahse Rokhara chuan Sangluaia tihna lama kalchu a tih tlat a vangi, keini pawh chuan kan zuita a ni
.
Ti chuan in rawn chhukna kawrte chheng chhe tak ah khan chhuk thlazel in, Sangluaia chuan kan hmuhve theih loh Khampuia hnu kha a hmuthla zelthei a ni, Aikamlui kan zuk pawh hian, Khampuia chuan lui mawnglam a zawh tih hria in, thuilote kan hankal chuan Sangluaia chuan, ka rindan chhiah a ni rawnti chhuak in, Khampuia Chakai khawrh na hnuhma chu min kawh hmuhta a, chulai lui kamvel chu Sangluaia chuan hanfang thuak thuak in, luikam hnimchin ah chuan Khampuia iptepui te chu kan hmuta a, kawihnih thumvel kan hanchhuk leh a, Khampuia ruang chu kan hmuta a ni tiin Aithanga chuan, Khamliana chu an hrilh a, Hlangte an han peihfel chuan, Khampuia ruangchu Hlang ah chuan dah in, nghet taka phuar bawk in, muang changlo chuan Khampuia ruang chu khawlam an panpui ta a, Sangluaia hriatna chak tak mai chuan, chulai hmuna mihring nilo thildang awmve chu a hrethei a ni, Hlang an siam chhung zawng zawng khan, meichher en phak loh china a hma a an hmuh, Khampuia thla a biak ngei kha a hmutlat a ni, ruang an han zawna, Tlangvalho in an kalpui hnu ah pawh chuan, chu thla chuan rawnthlir reng in, chulai lui kawi an kalliam hnu ah pawh chuan a rawnzui zeltih chu a hrethei a, Rokhara hriatve a hlauh a vang in, Sangluaia chuan hnunglam chu a hawi ṭhaduh lo a ni, a hnung bera kal an nibawka, a mitsir chuan meichher en phak chin chu a mitsir zeuh zeuh a, an hnunglawk ah chuan Khampuia ruang thlenhma a mi a biak ngeikhan a rawnzui tihchu a hmuthei a ni, Aikamlui a ṭanga an pentawh hnu ah pawh chuan chu thlachu rawnpeng vezel in, thimchin zelah chuan a rawnzui vezel mai a, Sangluaia rilru chu a nuamlo ru khawp mai, Khampuia hi nasa taka nghaisak hlum a ni a, chu vangin a thihna danhi holam mai mai a nih lohna tur in, a thihna ah hian phuba lak ngei a duh a vanga a thla hian rawn zuizel a nih a ring a, mahse chu chu a rinthu mai ni in, Khampuia thla hian a rawnzui zeldan ah hian, eng emaw tak chu a thla hian tihduh a nei ni in a ring a ni, Kawtchhuah an thlenlai pawh hian Sangluaia chuan Khampuia thla, an mahni rawn zuitu chuan a la rawnzui zeltih chu a la hmuthei a, chu thla chuan thawm danglam emaw, mihring tana ralṭitna tur engmah a siamloh a vang chuan, a thihna chung chang ah hian tu emaw in phuba lak sak se a duh a nih a ring a ni, ruang chuan khuachu lut ta in, Khampuia chhungkhat laina te leh, a farnu te chuan anlo ṭah nasa khawp mai a, ruang chu in chhung ah chuan la lut in, val upa Chhinga chuan an kaldan chan chin te chu an sawi a, Aithanga pawh in, a tirte a ṭanga an hnuchhui dan zawng zawng chu sawivek in, Sangluaia vang liau liau a Khampuia ruang chu zuk hmu an nihdan chu an sawi a, Aithanga thusawi zawh ah chuan Sangluaia chuan, ka u inlam i pan phawt ang hmiang, kan Silai tehi dahfel phawt a ngai a ni tiin inlam chu an panta a, Sangluaia chuan zuitu an awm tlata hria in hnung lamchu an hawi a, a rin ang ngei chuan an hnunglawk ah chuan Khampuia thla chuan rawnzui in, Rokhara chuan, Sangluai e nge nita i leh hawi deuh thut a? theuh nghilh kan nei em ni? tiin an zawt a, Sangluaia chuan, ka u min love kalsan lawk rawh, kan zung lawk teh ang tiin dailam chu an pan a, Rokhara pawh in, a nih ka lova kal ang e tiin a kalsan venghal a, Sangluaia chu in awmloh na hmun ah chuan loding in, a hnunglam chu an hawinghal a, a mah zuitu Khampuia thla hnen ah chuan, hah damtak khan chawlta che, i khualehtui hian lainat tak in an tuamhlawm che a, heng mite hlauh tur te hian awm reng reng suh, hah damtak in chawl rawh khai an ti a, Khampuia thla chuan Sangluaia chu en reng chung in a ral riai riai mai a, a hmel ah chuan chhantu a ngai a ni tih hriat ngawih ngawih hian, Sangluaia thlir reng chung chuan a ralta a
.
Khampuia a boral zan a ṭanga zanhnih na ah chuan, Sangluaia te pawh zawlbuk lam ah mutur in an hawta a, hemi zan hian a pu Dohranga Lung phun turvel relin an mengrei phian mai a, Zawlbuk Rokhara nen an zuk thlen hian Tlangval lengte chu hawvek tawh in, Sangluaia te hi a hawtlai ber an ni tawh a ni, a hmazan Khampuia thih a vanga tlaivar an ni nen, Zawlbuka mut hmun an hanrem hian karlo ah chuan Rokhara chu a muhil nghal bawrh bawrh mai a, Sangluaia chu muhil venghal mailo chuan, Zawlbuk rala Chingpirinu hram dut dut te, Vabak te leh Kang Kang Sava hram lauh lauh te chu an ngaithla vang vang a, chung Sava hramte chuan a nipawh karlo ah chuan awi mutchhuak in, zanlai pelh tawh ah chuan a muhil veta a, tui taka a mut hilh bawrh bawrh laichuan Sangluaia chuan mumang mak tak maihi a neita a, a mumang ah chuan lui lian vak lo ah hian lo dingreng in, chu luichu eng luinge a nih tih hriat tum hian an hawikual vel a, a kaltawhna lui ngeichu niin a hria a, mahse eng lui nge tihchu a hremai theilo a ni, chutia a hawikual lai chan a thlanglam lui kawi, a hmuh phak lo chiah velah chuan mipa ṭap thawmhi hria in, Sangluaia chuan, tunge chulai luia ṭapta maichu nile? tiin a thlanglam ah chuan an chhuk thla a, lui kawi awm danchu a kal tawhna hnu ni hian hriatna nei tlat in, ngun tak chuan chu lui chu a thlang lama chhuk pah chuan an belchiang a, mahse a zawhlai luichu eng lui nge a nih chu a hremai theilo a ni, ṭap thawm a hriatna lamchu panthla zelin, chu ṭapthawm a hriat lahchu a hmuh phak loh chin ah chuan, lui mawnglam pan chuan a chhuk zelmai a, Sangluaia chuan chu ṭap thawmchu um thlazel in, kawili ngawt a um thlakhnu ah chuan, a thlang lawk ah chuan Tlangval nui thawm a hreta tlat mai, ngun taka chu nui thawm an ngaihthlak chian chuan, mipakhat chauh nilo in, chung mite chu an thawm ah chuan pali veltur thawm a ni tih a hrethei ta a, an thawm an ngaihchan vang vang hnu ah chuan, chung Tlangval te chuan tu emaw diriam taka nghaisak an nei a ni tihchu a hreta nghal a, Sangluaia chuan fimkhur taka thawm a hriatna lamchu panthla in, kawikhat an chhuk chuan, a thlanglawk ah chuan Tlangval pali hi an lo dingkual ṭaih mai a, chungho chuan tu emaw an dinkual a ni tihchu hria in, Sangluaia chuan Tlangval ho dinkual laih maichu hmuh chian tum in, a awmna a ṭang chuan an chhuk thlaleh deuh a, a din nalai vel lui kamchu han thlek thuak in, Sangluaia chu a harhta zawk mai
.
Chulai lui chu chiang taka rawn hreta in, Khampuia ruang an hmuhna Aikamlui ngeikha a ni tih a hreta a, Sangluaia rilru ah chuan, Khampuia ruang kan hmuhna lui kha a nih chuan, tuna khungho nghaisak mek khu Khampuia chu a ni a ngem? tiin a rilru ah chuan zawhna a lo piang nghal a, Sangluaia chuan Tlangval ho nghaisak chu chiangbtaka zuk hmuthei tawh in, a rin ang ngei chuan, chung Tlangval ho nghaisak mak chu tudang nilo in, Khampuia ngei chu a ni tihchu a zuk hmuta a, Sangluaia chuan rang tak chuan, tu tenge in nih tihpah chuan chungho awmna lampan chuan tlanthlak an tum a, mahse chungho chuan Sangluaia chu chulai hmun ah chuan a awmve tih hria awm pawh in an langlo a ni, Sangluaia chuan Khampuia chu chhantum chuan an panthla a, mahse hlamli awm vela an awmna a zu thlenglo tih ah chuan, Sangluaia chu dangtu awm ang tlathian a kalthei tawhlo a ni, hlamli kardan lek a ṭang chuan an au a, mahse chung Tlangvalte chuan Sangluaia auhna reng reng chu an hrelo a ni, an thusawite chu chiang tak chuan a hrethei lawisi a, mahse a auh vena thung chu chungho chuan an hretheilo hrim hrim a ni, Sangluaia chuan Khampuia chu theih tawpin chhan hantum mahse, a mah dangtlat tu chu a sutlang theilo a ni, a hmuhtheih siloh chuan dangtlat in, Khampuia te erawh a hmuvek theisi a ni, chung Tlangvalho chuan hnehsawh tak mai chuan Khampuia chu an phih phar lawp lawp mai a, Tlangval zinga pakhat chuan, nanghi Nikawlha rawlthar maw i nih? Lal Satkunga lak a ṭangin in hel a maw? tumah damtlak in awmlo, thahfai vek in ngai a ni tiin an an khum a, Khampuia chuan hmui leh hnar a ṭanga thisen chhuak zawih zawih chung chuan, chung Tlangvalho hnen ah chuan, khawngaih in min thatlo hram rawh u, inpawi ka sawi a nih chuan min ngaidam ula, khawngaih tak in min thatlo hram rawh u tiin an dil a, mahse chungho chuan Khampuia dilna chu nuihsawh in, pakhat chuan Khampuia ban veilam chu, a banbul ah chuan an sah sak chawrh mai a, Khampuia ban veilam chu chhum nghal hmawk in, Khampuia na ti lutuk chu a ṭhen chawk chawk mai a, harsa ti em em chung chuan chungho lamchu hawi in, min khawngaih hram rawh u, ka nun na hichu minzuah sak hram rawh u tiin an ngen leh lawm lawm mai a, mahse chungho chuan Khampuia lak ah chuan khawngaihna reng reng an neilo a ni
.
Tlangval pakhat chuan, ban lehlam pawh i neih tawh loh kha, lehlam pawh hi neih neih a ngailo tiin a chempui chuan Khampuia ban dinglam chu, a balbul ah tho chuan an sah sak leh chawrh mai a, Khampuia ban dinglam chu chhum hmawk in, a na ti lutuk chu a rak ṭhawt mai a, Khampuia chuan a hliamtawrh chu na a tih em a vangin, kanu kapa tiin a nu leh pa hming chu an lama, a hliam tawrhchu a nat em a vangi nikhawhrelo chuan a awm ta a, pakhat chuan Khampuia chu harh rawh tihpah chuan a hmai ah chuan an chhirzui chawrh mai a, mahse Khampuia thidang chu harh zolo in, chupa chuan i luh lul hlemai, i harh khawp ang tiin, lui kama Mau bulchang chu an la a, zum taka suih in Khampuia mit chu a kher chhuah sak ta a, Khampuia mit pahnih hnih chu kher chhuah sak in, Khampuia nikhawhrelo a a awm chu an rawn harh leh a, an nghaisakna chu a nat em a vang chuan reipawh rawn harh chhuak lo in, vaideuh ruau hian, kanu kapa a van na em an rawnti a, engmah hrelo chuan a awm zuilehta nghal a, lui tuichu thisen chuan chiah senthla nguih nguih in, an zinga pakhat chuan Khampuia chu, hreawm chu a tuar tawk ta e, tih hlum law law a ngaitawh a nih hi tiin a chempui chuan Khampuia hrawk chu an zaisak hrawih mai a, ti chuan chungho chuan Khampuia chu luihnar lampan chuan an kalsan ta hlawm a, Sangluaia chuan chungho chu khawih an tuma, mahse tumah chu a khawih theilk a ni, chungho chuan a zawn an rawnkal laite chuan an lo au a, mahse chungho chuan Sangluaia chu chulai ah chuan a awmve tih reng reng an hrelo a ni, bei dawng taka Khampuia ruang a thlirlai chuan, a sir dinglam a ṭang chuan, Sangluai rawnti thawmhi an hria a, rang tak chuan Sangluaia chuan chulam chu thlirnghal in, Khampuia ruang an zawn ṭuma Khampuia thlakha a ni tih a hrenghal a, chu Khampuia thlachuan, ka rawnzui che khan heng zawng zawng hi hrilh che ka tuma, mahse nang chuan minlo hnar a nih kha, tuna i hmuh ang khan nasa taka nghaisak hlum kani a, khang min nghaisa hlumtu te hmelkha i hmuh vek kha, phuba minlak sak turin ka duhche a ni, khangho kha an thive tih ka hriatvek hun ah chauh hahdam tak in ka chawlthei ang, Sangluai min ṭanpui thei a ngem? an ti a
.
Sangluaia chuan, khatiang khan a nimaw anlo nghaisak che, i ruang ka rawnhmuh hmasak ber a ṭang khan i duhchu ka hria a sin, i ruang khua a kan hawnṭuma min rawnzui tlat pawh khan engkim ka hrethiam a ni, hahdam taka chawltura ka hnarche pawh khan i duhchu ka hria a sin, mahse keimah hi kala in peihloh a vangin, i thilduh kha hre reng mah ila ka tihsak theilo che a ni, mahse tun ah chuan engkim ka in peihtawh e, i chunga khatiang khawpa nunrawngte kha ka zawng chhuak ngei ang, i duh ang chuan khangho lak ah khan phuba chu kala ngei ang, tun ah chuan hahdam tak in chawltawh rawh aw, i duhchu ka ti hlawhtling ngei ang, khangho zawngtur khan ka thawk chhuak nghal a nge, Khampui ka lainat khawp maiche, i duhchu kati ngei ang, hahdam tak in chawlang che aw an ti a, beiseina nena a mah thlir rengtu Khampuia thlapawh chuan, Sangluaia chu rawnthlir reng in, Sangluai ka lawme tiin a ralta riai riai mai a, Sangluaia chu rawnharh zawk in, a mumang chu an ngaihtuah vang vang a, zawisap hian, Khampui i chunga khatiang ti tu zawng zawng te kha ka zawng chhuak ang a, an lu chu i thlan ah ka rawndah ngei ang an tisap mai a
.
.
DUHTAWK LEH RIHPHAWT ANG U AW
REMCHAN VELEH KAN CHHUN ZAWMLEH DAWN NIA
.
Hman hmawhlo in minlo nghak hram hram ṭhindawn nia
.
.
[Lalzirliana Tochhawng] [Champhai Tlangsam]
.
.
Rokhara chuan a hma a ding Tlangval pakhat hnen ah chuan, Sawikung hengho nen hian enge i tih? kan hmelma te hi ilo thurualpui reng a ni maw? an ti a, chung mite chuan an chempui chu chuh nghalin, Sangluaia te chu rawnbawh chilh an hantum nghal a, mahse Sangluaia chuan an thiltum chu a lo hriatlawk a vangin, rangtak chuan chu mite lamah chuan an tlanphei nghal a, chung Satkunga Tlangval te pawh chuan an hmanrua chu chuh hmanbik lo in an in pawmchilh ta nghal a, Sawikunga Rokhara ten an phawk chian em a vanga hamhaih in, engmah tihna chang hrelo chuan a dingreng mai a, tin a ṭhiante hanpui dawnse, Rokhara te chu a khualehtui mi an ni a, Rokhara te lam hanpui dawnse leh lam mite chu a thurualpui te an ni bawk si, rilru mumallo deuh chuan Sangluaia te insual laichu a thlirtawp mai a ni, rawlthar chak vak tih tak ah Sangluaia chu Satkunga Tlangval pahnih te chuan an khanlo hle a ni, tin Sangluaia hi a pian in a zirbawk nen, a zam a ṭha in a chak bawk nen, Satkunga Tlangval te hian sualrawn mahse an khanlo in, Sangluai chuan a theh phar zung zung mai a ni, Rokhawma chuan Sawikunga chu Silaia tinreng in, i tlanchhiat i tumvaih a nih chuan ka kap hreh reng reng lo che a nia aw ti a a vau a vangin, Sawikunga pawhchu a tlanchhe ngamlo a ni
.
Satkunga Tlangval pakhat chuan Sangluaia chu rawn bawhpheia, a tluchu ṭumzui tum in an rawn bawhphei a, Sangluaia chuan chupa ngawng ah chuan lo rek nghek in, natak maichuan a hnunglam ah chuan an namvak mai a, chupa chu perdeuh nawlh in, a piah Thingkung liantak ah chuan a va insawh chawrh mai a, chupa chu a insawh nat em a vangin rawntho chhuak lehmai theilo in, a insawhna Thingbul ah chuan a tlusawp rengmai a, pakhat zawk chuan Sangluaia chu na taka rawnhrawm tum in an rawnbawh phei veleh a, chupa chuan Sangluaia a rawn man hmahret chuan, Sangluaia chuan a kut tum humruh tlat maichu na taka vaichhuak in, chupa bek veilam ah chuan an fuhchawrh mai a, chupa chu paihang thlawrha tlu in, a tlukna hmun a ṭang chuan rawntho chhuak tur a awm tawhlo, a beka kut tum fuhna chu a nat em a vangin nikhaw hrelo in a tlusawp nghal a ni, Rokhara hnen ah chuan, Hruihmul kha han chhatnghal rawh, he mite pahnih hi kan phuardawn nia an ti a, Rokhara chuan Silai chu Sangluaia lam ah chuan thehphei in, Sangluaia chuan Sawikunga chu Silai chuan an tin a, Sawikunga hriat tawk lek chuan, keichu Nikawlha khualehtui hi ka nilo a, tlanchhiat i tumvaih a nih chuan kah chehi ka hreh reng reng lo ang, i duh chuan tlanchhiat hantum chhinta che an ti a, Sawikunga chuan Sangluaia insual hah thinrim hmel an hmuh chuan, a kap hrehdawnlo tih hria in, tlanchhiat ka tum reng reng lo, Lal hma ah engkim kanla sawivek dawn a lawm, he tianga minti ringawt maihi ka lung awilo khawp mai an ti a
.
Sangluaia chuan, Lal Nikawlha hnena i inpuan hmain helai hmun ah hian tihtur i nei a ni, chumi i tihzawh hmaloh chuan helai hmunhi i kalsan dawnlo an ti a, karlo ah chuan Rokhara pawh in Hruihmul te chu lazo in, mipahnih te chu nghet tak chuan an han hnungkhirh hmasa te te a, Sangluaia chuan Rokhara hnen ah chuan, ka u khapa pawh kha hnungkhirh ang che, a duhlo a nih chuan kah pawp maitur, a thihtawh ber chuan Lal hnena sawive tu tur a awm tawh dawnlo a, Lal hma ah chuan thiam kan chang nghal a ni mai tiin an vaunghal a, Sawikunga pawh a ṭan ngamloh a vangin Sangluaia sawiang chuan Rokhara chuan a hnungkhirh veta a, Sangluaia chuan Sawikunga chu chulai hmun ah chuan kuaiṭhu in, awle thu tlemte ka zawt dawnche a, ṭha taka minchhan loh chuan ka sawiang khan ka thathreh dawn reng reng lo che a nia aw, tin nangber i thih chuan Lal hnena min sawive tu tur i awm tawh dawnlo a, i ṭhiante thusawihi Nikawlha chuan a awi dawnder silo a, chu vangin ka zawhna chehi ṭhatak in min chhang dawn nia an ti a, Sawikunga pawh in thihchu a la hlauhve a vangin, Sangluaia thusawi chu pawm tih hriat tak maihian a luchu bu nghat nghat mai a, Sangluaia chuan eng vangin nge heng Satkunga Tlangval te nen hian in in zuitheih? khawluh khan ah ralveng an awmvek a, chung ralveng te Paltlang chuan engtin nge heng mite hi khua ah chuan i hruailuh theih? an ti a, Sawikunga chuan hengmite hi khua ah ka hruailut lo, khawpawn ah hian kan inhmu veringawt a ni tiin an chhang a, Sangluaia chuan, a nih hengmite nen hian in hresa in ni a mi? an ti leh a, Sawikunga chuan hresalo tiin an chhang leh a, a nih in hresa silo chu in ngaih tak in helamhi in rawnpan tlangsi a, in rawn in chhar chawp tihna em ni? an ti leh a
.
Sawikunga chuan, nia kan rawn inchhar chawp a ni, khawdai ah khan anlo awm a, keia ramchhuak tur nen kan rawn inchhar chawp a ni e an ti a, Sangluaia chuan, a nih khawilama ramchhuah nge i tum? hawleh hmate i tum em? an ti a, Sawikunga chuan ka kal tumna a hlatdeuh a vangin zanin hi chuan let leh ka tumlo tiin an chhanga, Sangluaia chuan, i thusawi chu a dik tak tak a maw? dawt minhrilh lo a maw? ngawpui hnuaia riak tur in emni i kalchhuah dawn? tiin an zawt leh a, Sawikunga chuan, aw ni e, zanin chu ka kaltumna ngawpui hnuai ah chuan riah ka tuma tiin an chhang leh a, Sangluaia chuan Sawikunga iptepui chu hankeu in, a iptepui chhung chu an zenvel a, Sangluaia chuan Sawikunga lamchu rawnhawi leh in dawt minhrilh a ni, ka u khawimaw Silai kha, dawt sawilo tur in ka hrilhsa veka, dawt dawt minhrilh a vangin a lu hi ka kahdarh sak vek dawn, tiin Silai chuan Sawikunga chal chu chuk tuah in, Silai cheng chu a kau ri tarap mai le, chutah zetchuan Sawikunga chuan a haluta ngang mai, Sangluaia hnen ah chuan, khawngaih in minthat lo hram rawh, min thatlo la engkim ka hrilhvek ang che tiin khawngaih a dilta a, Sangluaia chuan, a tirah khan dawt sawilo tur in ka hrilhvek che a, mahse ka thusawi kha eng ah mah i ngailo a ni, keipawh in i thusawihi eng ah mah ka ngaitawh bik lo an ti a, Sawikunga chuan, tun ah chuan dawt pakhat mah ka hrilh tawhlo ang che, khawngaih in min thatlo hram rawh an tileh a, Sangluaia pawh in, chu tianga thudik i sawidawn a nih chuan ka thatlo ang che, ramchhuak tur i nilo a, i iptepui ah pawh hian chawfun emaw? Bapui chhum emaw pawh hmuhtur a awmlo a, dawt chiangtak min hrilh a ni, riak chhuak tur nila Buhfai chhum tur emaw, zanriah tur eng emaw tal i kengtur a ni an ti a
.
Sawikunga chu a ngawi vang vang mai a, nakin ah chuan, ni e dawt ka hrilhche a nih kha, keihi Lal Satkunga lamṭang kani e, kan Lal Nikawlha khan Satkunga lak a ṭanga inlak hrantur thu a sawikhan, kei chuan Satkunga Pasalṭha te Sapela ramchhuak te chu an awmna hmun ah ka hrilh nghal a, chung Pasalṭha ramchhuak te zinga pahnih chuan an khawlam pan nghal in, chung an khawlam pantu te chuan Satkunga hnen ah chuan, Nikawlha a lak a ṭanga a helthu hi an hrilhdawn a ni, vawiin a ka chhuah na chhanhi, chung Passlṭha ramchhuak te chu thil kaldan engkim hrilhtuma kalchhuak kani a, tuna ka kalpui te hian khawdai ah minlo hmuak a, heng mite pahnih nen hian Satkunga Pasalṭha te riahbuk pan kan tum a ni an ti a, Rokhara chuan Sawikunga chu rum taka rawnmelh in, Sawikung i rilru a lochhe hlemai, he tiangkhawp hian a nimaw ilo tenawm le, i chhungte kan Lal phiar rutu zing ah hian an telve em? tiin an zawt a, Sawikunga chuan, ka chhungte chu tumah an tello, ka thiltih hi hriatpawh an hrelo a ni, Satkunga chuan heng ka thiltih a vang hian, a khua a mi a laina hnaivai tak mai nula chu, nupui a tan min neihtir dawn a, tin Satkunga chuan ka thiltih ah hian rinawm taka a hna ka thawhsak a nih chuan, Khawzau khua ah hian, a laina hnai nen kan in neih hun ah Lal a tan minruat dawn a ni, chumi nghak chuan tunhi ka thleng tawh a, a laina hnai nen chuan kumthar veleha in neitur kan ni a, heng zawng zawng hi ka chhungte pawh tumah kala hrilhlo a ni, vawiina ka chan chinhi Satkunga chuan a hria a nih ngat chuan, phuba langei tur in a rawn thawk chhuak ngei ang, tin a fapa Kalthanga chunga in thiltih dan ah khan Lal Satkunga chu a lawm hauh dawnlo a, Nikawlha chunga phuba latur in a rawnthawk chhuak ngei ang an tileh a
.
Sangluaia chuan engpawh nise, helai hmuna awm renghi a dik berlo, hei i ṭhiante pawh an rawn harhtawh a, khawlam kanpan a ngai a ni, ka u khulaia Sakhi kan dah kha ka zukla ang a, khawlam pan in kan kalnghal dawn nia tiin, Sangluaia chu Sakhi an dahna lamchu a panta nghal a, an mi mante chu an vaia hnungkhirh in, nghet tak chuan phuarin, Sangluaia chuan, heng mite hi chhawm nge, Sakhi hi i pu duhzawk? an ti a, Rokhara chuan, engpawh nise heng mite hi i mi mante an ni a, chu vangin keiin Sakhi hi kalo pu ang a, i mi mante hi i chhawm zawk dawn nia an ti a, Sangluaia pawh in, ka u i tih dan dan a nimai e, Sakhi chu i pu duhzawk a nih chuan hengmite hi a nih kan chhawm a nge tiin, khawlam pan chuan an chhuak ta a, khaw kawtchhuah an thlenhma deuh ah chuan ralven buk pakhat hi an han thleng a, tah chuan Tlangval pali hi lo awm in, Rokhara chuan an mi mante chu, an manchhan te an han hrilh a, Sangluaia te chu khua ah chuan lut tlang nghalin, khawchhung an hanluh chuan, naupang ho chuan an lo hmuduh in, an zui dul dul mai a, in lamah chuan Rokhara chuan a Sakhi putchu dah in, Sangluaia chuan an mi mante chu Nikawlha inlam a panpui nghal a, Sangluaia chuan Lal in a vathlen chuan khawnbawlte chu an lo kimṭhap mai a, Dohranga chuan Sangluaia chu lo chhawnvat in, ka tupa eng thilnge nita ngai le? lah hei hmelhriat leh hriat lohte i rawn man em ni? tiin an lozawt nghal a, Nikawlha pawh in, Sangluai eng thilnge nita ngaile? hei kan Pasalṭha Tlangthanga fapa te i rawnhruai lehnghal a, heng mite hian rnge an tihsual tak le? tiin an zawt ve a, Sangluaia chuan, Sawikung Lal hma ah hian i thiltih dante kha i sawidawn nge? keimah hian ka sawisak zawk dawnche? tiin an zawt a, Sawikunga chu a ngawi vang vang mai a, Sangluaia chuan Nikawlha hnen ah chuan
.
Kapu hengmi pahnih te hi Satkunga mileh sate an ni a, tin hei i khualehtui mi ngei, i Pasalṭha chhuanvawr ngeimai fapa hian, i lak ah tihsual liantak mai a nei a, chu chu a mahngei hian hansawise a ṭha ang a, tiin Sawikunga lamchu an hawi a, Sawikunga chuan hrehtak chung hian, kapu i lak ah hian thil ka tisual a ni, ka chung ah hian eng tin nge ro i reldawn chu ka hrelo a, mahse ka thiltih sualhi thup rengthei ka nilo, ka phatsan che a, keihi Satkunga lamṭang kani, i rorel leh Satkunga chunga i heldan zawng zawng hengmi te hnen ah hian ka hrilhvek a, tin Tlangval ralveng i dah dante leh, Satkunga laka i rorel dan zawng zawng te chu heng mite hi ka hrilhvek a ni, heng mite nen hian Satkunga Pasalṭha ramchhuak te riahbuk pantur kan ni a, kawnglak ah Sangluaia hian minlo hmu in, i hnen lamhi kan rawnthleng ta a ni an ti a, Nikawlha leh a khawnbawlte chu an hawihai ang reng khawp mai, Dohranga chuan Tlangaupa hnen ah chuan, Tlangaupa Tlangthanga hnen ah zuk kalnghal la, a rangthei ang berin Lal in ah lochho nghal rawhse an ti a, Tlangaupa pawhchu rang taka kalnghalin, pu Dohrang ka kalnghale an ti a, Nikhawlha chuan Sawikunga en vang vang pah chuan, heng mite hi i ṭhiante an nia maw? heng mite nen hian in in hmelhriatna a reitawh ang maw? Sawikung, keini hi phiar ruk thampawh kan nilo a, phatsan thampawh kan nih loh hi, Tlangval feltak emaw ka tihlai che a, tiangzawng hian a ni maw irilru ilo senle? a vamak ngai ve an to a, Dohranga chuan, Sawikung hengthil ah hian i chhungte an in hnam hnawihve em? kanhma ah hian engmah zep reng reng suh ang che an ti a, Sawikunga chuan, kapu ka thiltih hi ka chhungten tu man an hrelo a ni, ka duhthua ti kani e an ti a, chu tihlai chuan Tlangaupa pawh Tlangthanga nen chuan Lal in chhung ah chuan lo lut in, Tlangthanga chuan Lal Nikawlha hnen ah chuan, kapu minko tih kalo hria a, eng thilnge nita le? tiin an zawt a, Tlangthanga chuan a fapa chu an man a ni tih an hriat chuan mak pawh a ti ang reng khawp mai
.
Dohranga chuan Tlangthanga zawhna chu lo chhang in, han en teh Tlangthang, mihring rilru hi a kal dik lo nasa thei khawp mai, i fapa hian a ma ka a ṭang ngeiin Khawzau khua leh, kan Lal a phatsan thu hi kan hria a ni, Satkunga lam ah ṭangin, heng Satkunga hote nen hian in thurual in, helai hmuna kan rorel te hi Satkunga hote hnen ah a thlenṭhin a, vawiin tlaipawh hengmi pahnih te nen hian Satkung Pasalṭha te rianbuk pantur an ni a, mahse hei kawnglak ah Sangluaia hian a lo manfuh ta hlauh a nih hi an ti a, Tlangthanga chu rawnding chhuak nghalin, a fapa Sawikunga bek veilam ah chuan an beng ṭhuai mai a, a hmelah chuan thinrimna liantak lang chhuak nghal in, minva tizak ve, khawinge mahni khua leh, mahni Lal phatsantu chu damtlak pawh i nih nek loh hi tiin, Lal in chhunga banglaia fei zumtak mai in thiatchu phawi in, a fapa chu vih hlumnghal an tum a, mahse Nikawlha chuan, Tlangthang khati tur a nilo, hmanrua kha dahleh nghal rawh khai, keini pawh kan thimchu a rim a lawm, mahse thinrim a vanga hriamhrei lek nghal zeltur a ni ngailo e an ti a, Tlangthanga pawh in, kapu ka thiamloh a ni e, ka thinrim thut kha insumhar kati em a ni, ka fapa ngeiin a Lal a phatsan tih kan hriat khan, ka thinlunghi fei zumtak chhun ang maia na in, a mah pawh hi thah nghal law law mai ka duh a ni an ti a, Dohranga pawh in, Tlangthang i thinrim dantur chu ka hriat thiampui che a lawm, mahse Sawikunga chunga ṭuanvak kha tihdan tur ṭha a nilo, kan Lal sawiang khan, thinrim a vanga hriamhrei kan chuh nghal a nih chuan, kan tumloh deuh in tual kan that theireng a ni, ṭhatak khan awmla, i fapa chung changhi helai hmun ah hian kan relnghal dawn a, i awmve ngeihi kan duh a ni an ti a, Tlangthanga pawh in, ka fapa chung chang ah chuan, in thu tlukna a piang kha ka pawm ang, vawiin ni a a thiltih sualhi thihna tham a tling a ni, chu vangin kan Lal leh khawnbawlte hian a chung chang in rel ang ang hi lawmtak in ka pawm ang an ti a, Dohranga chuan, chu chu pa thu tlukna tur a ni, mahse mahni fapa, mahni rila rah ngei chuan thil hanti sual mahse, kan thinlunga kan hmangaihna kha a bo chuanglo a, eng pawh nise tikhan ilo awmve dawn nia an ti a
.
Nikawlha chuan, Sawikung i thiltih hi a ṭhalo khawp mai a, ipa sawiang khan i thiltih a vang hian i lu tansak thlengpawh i chung ah hian a thlengthei a ni, chung zawng zawng huama tichu i ni em i thiltih hi? tiin an zawt a, Sawikunga chuan, kapu chu tianglam reng reng chu ka ngaihtuah ngailo, Satkunga chuan ka lam i ṭanreng chuan ka laina hnaitak a mi, nupui ka neihtir ang che a nga, nupui i neih hun ah chuan Khawzau khua ah khuan Lal in ka dah ang che minti a, kapu lutan lamchu kalo ngaihtuah phalo reng reng, Satkunga minthu rawn ang in, ka laka an hel leh hel loh chan chin minrawn hrilhvat ṭhin a nga, tichuan keiin engkim ka rawnti felṭhin ang tiin thurawn minpe a, kapu Satkunga thurawn anga thilti mai kani e, hengthil hian lutan lamhi a nghawng phak ka ringlo a ni tiin an chhang a, Nikawlha bawk chuan, a nih leh Satkunga chuan nupui a neihtir hun ah che chuan, Khawzau khua ah hian Lal nihtir che a tum a maw? tiin an zawt leh a, Sawikunga chuan, kapu chu chu min thurawn dan a ni e tiin an chhang a, a nih leh i thiltih ah hian inchhirna emaw, thil ka tisual a ni ti a pawitih na i nei hrim hrim em? tiin an zawt leh a, Sawikunga chuan, kapu thiltam tak kalo hrelo a ni, Satkunga khan a laina hnaitak nupui nei tura minsawi hmuh khan, Lal chhungkaw thlah a mi nupui neihte chu a ropui a lawm, keini ang mi mai mai tan chuan chawimawina ropui tak a lawm tiin ngaihdan kalo siam mai a, mahse heng ka thiltih hian mahni khualehtui, mahni chhungte leh, keimah ngeipawh hi ka in phatsan a ni tihreng kalo hrephalo a ni, kapu i ngaihdamna diltlak pawh ka nilo a, ka thiltih hi siamṭhat leh theihchu nise, keimah ngeihian ka siamṭha leh ang, mahse he khua leh a chhunga chengte tan hian thilpawi tak kati a, in ngaihdamna diltlak pawh ka nilo e, ka chunga in rel ang ang chu kapawm ngei ang, mahse ka pian na leh ka seilen na khua hian, vawikhat tal min ngaidamthei a nih ngai chuan, Lal leh a khawnbawlte, he khawtlang chung ah hian ngaihdam ka dil mawlh mawlh e, chu chu Kapu ka sawitheih tawh a ni e an ti a
.
Nikawlha chuan, Sawikunga thiltih danchu kan hretlangpui tawh e, khawnbawlte u enge in ngaihdan le? tiin a khawnbawlte hnen ah chuan an zawt a, khawnbawl min Dohranga chuan aw rawnthian kharh kharh in, keichu ka ngaihdan tlangtak in ka sawi dawna, in ngaihdan a nih loh pawh in indem awiloh kanti a ni ang chu, Sawikunga hian thilsual liantham tak mai a tisual a, a thiltih sualhi ngaihdam tlak ah ka ngailo a ni, vawiin hian tiangthil hi tuman kanla tingailo a, chu vangin Sawikunga hian suallian tak tiin, a khualehtui bak ah, a Lal leh khawnbawlte, a chhungkua ngeipawh phatsan in, tiang thilsualhi a ti a ni a, a thiltih sualhi ngaihdam tlak ah ka ngailo a ni, mahse tian kanti leh teh ang, Khawzau khuate hian hetiang in phatsan na lamsual hi kan vawikhat neihna a ni a, Sawikunga chu Satkunga chuan a laina hnaitak nupuia neihtir tumin a thlem a ni a, he Khawzau khuate hian, hetiang lama tuman enfmah kan tihsual tawhloh na tur in, mipui koh khawma, Sawikunga hi mipui hma ah chuan dintir nise, a thil tihsual zawng zawng hi mipui hma ah chuan a mahngei hian sawirawh se, chu chu a thil tihsual vanga hremna nise, a ka a ṭanga kan hriat ang ngei in, mipui hma a a thil tihsual a sawikhan, a mahvek in a thil tihsual chu a siamṭha leh ah ka ngai ang, Sawikunga hi kei chuan ngaihdam ka duh a, mahse Lal leh khawtlang chunga thil tisual a nih a vangin, mipui hmangei ah a tihsual chu puang sela, mipui hmangei ah chuan ngaihdam dilrawhse tiin Dohranga, khawnbawlmin chuan an ti a, khawnbawl dangte pawh chuan, tih hlum em chu ṭha a an hriatloh a vangin, Dohranga sawiang chuan ngaihdam an duh hlawm a, Nikawlha pawh in, ka khawnbawl ten ṭha in ti a nih chuan, Sawikunga hi kan ngaidam ngei ang, mahse khawnbawlmin Dohranga sawiang khan, he khualehtui a phatsan na kha, mipui hma ah ngaihdam dilngei rawhse tiin Nikawlha chuan thuchu a pawtchat ta a
.
Sawikunga pawh a lawm khawp mai, Lal leh a khawnbawlte hma ah chuan, thil liantak ka tisuala, he tichung pawha min ngaidam theihi ka lawm a ni, vawikhat mah Khawzau khua leh, a chhunga mipui te, tin Lal leh a khawnbawlte hi vawikhat mah phatsan zawng hian ka ke hi kapen lehtawh ngailo ang an ti a, Tlangthanga pawh in Nikawlha hnen ah chuan, kanpu lawmthu sawive ka duh a, rem i tih chuan ka lawmngawt ang tiin an dil a, Nikawlha chuan, ka Pasalṭha i ni a, i duh chu han sawita che an ti a, Tlangthanga chuan, khualehtui chunga ngilnei taka rorel ṭhinte, Lal leh a khawnbawl te chung ah hian lawmthu ka sawiduh a ni, ka fapa thiltih hi ngaihdam tlak a nilo tih hi ka hrechiang em em a, sual a zawng ah pawh inphatsan na sual kher kherhi chu a liantham in a pawi a ni, mahse Khawzau khaw rorel tu te chuan, thil tisualtu in siamṭhat theihna tur hunṭha inpehi ka lawm em em a, ka fapa hi thitur pawh in a chungthu rel mau ula, ka fapa thil tihsual hian a phu hliah hliah a ni, khawtam tak ah chuan thil tisualtu in siamṭhatna hun turpawh awmlo in, mitam tak chu an lu an tansak ṭhin a ni, mahse vawiin ah hian chung chu kan chung ah thlentirlo in, thil tisualtu in siamṭhat na tur in hawnsak hi, kan Lal leh a khawnbawlte chung ah hian lawmthu ka sawi mawlh mawlh a ni, ka fapa hian a thil tihsual hi a siamṭha leh ngei ang a, mipui hma ah chuan ngaihdam dil in, a tihsual ah hian khawtlang chung ah ngaihdam a dilngei ang an ti a, Nikawlha pawh in Tlangthanga thusawi chu rawn nem nghet in, nak tukzing hian helai hmun ah hian mipui zawng zawng auh khawm nise, chu tah chuan Sawikunga pawh in a thil tihsual thuphachu chawi rawhse tiin chumi tlai chuan an ṭindarh ta hlawm a, Tlangthanga te pafa pawh an inlam ah chuan haw in, Satkunga Tlangval an man pahnihte chu hnungkhirh in, Lal in bula chhekin ah chuan an khungta a, chhekin chu Tlangval pahnih ventir nghal a ni, Dohranga te putu pawh Nikawlha in a ṭang chuan haw in, Dohranga chuan, ka tupa khatiang mipahnih te kha eng tin nge maw hliam neilo a in man theih reng reng le? nanghi zawng midanglam tak chu ilo nih hi tiin in chhung chu an lut ta a
.
Dohranga chuan Rokhar'an Sakhi a puah mawlh mawlh mai an hmuh chuan, hei tu kahnge a nih le? Rokhar nangmah em ni? tiin an zawt a, Rokhara chuan, kapa he tiang Sakhi te vawikhat pawh ka kah i hretawh em ni? i tupa Sangluaia awm chin ah hi zawng Sa i ei reng maidawn a nih hi, vawiin khan Sangluaia khan Sihpui ruam ah a kap a lawm, Sawikunga te a vang khan a rawntlang a nih kha an ti a, Dohranga chuan, ka tupa kanhma lawk ah khan i kaptawh bawk a, huaisen leh ralrel thiam chauh tupa ka nei emaw ka tihlai in, sakap theitak tupa kalo nei reng bawk a nih hi, ka tupa i salu hi ka lawmsak dawnche a ni tiin a phur vut vut khawp mai, Sangluaia chuan, kapu engtham a nih loh kha, kha baihan thampawh a nih loh kha, chu tianga a lu lawmtham pawh a nih loh kha, kapu i tizah thlak em mai an ti a, mahse Dohranga chuan, i u te hi sapelmi an nilo hlawm em em mai a, chu vangin ka in chhung ah hian saruang te hi a lut khat a sin, hei ninga velchiah i rawn awm a, Sakhi pahnih ngawt mai ka in chhung ah zalh an nitawh a, chu vangin i salu hi ka lawmpui dawnche a ni tiin, Zuali chu Rappui chungsanga a zubilh chu a chawithlak tirta a, Rokhawma u te hopawh Sangluaia Sakhi kah a vang chuan rawnkal khawm in, an pafa ho chuan an pa zubilh thlumṭha tak maichu an khawntlang ta a, Dohranga zubilh chu a lochang ṭhatawh bawk nen, karlo ah chuan hlimtlang taka ti ti ho in, an rita luih luih mai a, Dohranga phurdeuh chuan, Zuali i pa Kalhranga han ko teh khai, kapa in ka tupa salu rawnlawm verawh a ti hanti la tiin an tir a, Zuali pawh a pa tirhna ah chuan rang taka kalin, Kalhranga te inlam chu a panta a
.
Hemitlai hian Dohranga chuan a ṭhiante chu sawmkhawm in,m an ri luih luih mai a, Sangluaia chuan Lal satur te chu dah hrangin, Zuali chu petur in an ti a, Zuali chuan naupang tirh ah ka kallo ang, i duhleh nangmah khan hanpe rawh ti fiamthu in, Sangluaia chuan, i pasal neih hmain kan tirhman dawnlo che, kan in hmuh leh chuan, naupang lubawk lil lel kha i pawve par par awmsi a, chu vangin han kalvat rawh an ti a, Zuali chuan, mai mai chu tiangte chuan minti khanglang suh aw, kan in a ei leh in i nih hi, zanriah ei ka phal loh vaih chuan, zanriah ei na tur zawngin i vak duk duk mai ang an tive leh a, Sangluaia chuan, zanriah ka ei i phal loh chuan i ṭhian nu Nikungi te in ah ka ei mai ang an ti a, Zuali chuan Nikungi hming ah hriat tak ah chuan, ti tau deuh nghawng nghawng chung chuan Lal satur chu kengin, Sangluaia chu rum taka melh chung in, Nikungi hnen ah chuan nupui neitur a nih hi kati dawnche tiin a chhuah santa a, zanriah ei te an hun chuan, Dohranga chuan a ṭhiante chu chawei ah sawmhlawm in, hei ka tupa in Sakhi a rawnkap a, chaw min eipui vengei tur a ni, tiin a ṭhiante chu zanriah eitur chuan an sawlhlawm a, Kalhranga chuan, khaih khaih hei kantlai a lawm, hei bak bak hi kan phut reng reng lo, chawte pawh min chhum kep ngawt dawnlo a, zanriah ei ve ngawtchu a dik lo an ti a, chu veleh Zuali nu chuan, Kalhrang zanriah in ei vak ka rin a vangin zanriah ka thlak kep vek che u a nia, tumah hawbik suh u, zanriah ka thlak kep vek che u, zanin chu Zuali paho khan han chai tak tak teh u khai an loti ve a, Dohranga pawh in kannu thusawi kha in hria em, zanriah a thlak kep vek che u a nih chu, chu vangin vawiin tlaichu zanriah kan kilho vek ang tiin Zuali te nufa chuan zanriah chu an siamta a, Sakhi sa chhum leh, a chek tui tak nen chuan zanriah chu tui tak in Dohranga leh a ṭhiante chuan an ei ta a
.
Zanriah te an ei kham chuan, Sangluaia leh Rokhara pawh in hmundang panlo in Zawlbuk lamchu a panta a, Zawlbuk ah chuan Tlangval len chhuah tumte chu an ri laih laih tawh a, Sangluaua leh Rokhara ten Zawlbuk an hanluh vechuan, Tlangval ṭhenkhat ti ti laichu ngawi nghal in, Aithanga chuan, Sangluai vawiin lama i thiltih kha kanlo hrrtawh a sin, hei kan khua ah hian ninga velbak ila awmlo a, kan khawtan hian thilṭha tam tak i rawnti dermai, keini khawtual Tlangval zawkte hian kan tluk lo tak zet zet che a ni, Satkunga Tlangval i mandante kanlo hria a, insual ithiam dante Sawikunga ka a ṭangin kanlo hria a sin, Sawikunga chuan, insual i thiam ziate, i ṭuanṭhat ziate, tin thahrui i ngah ziate, Sawikunga chuan, Sangluaia chu hneh mai mai theih mihring a nilo, Tlangval panga pawh in sualrawn mahse, Sangluaia chuan chung Tlangval panga te chu a duh hun hun ah a mankhawm thei ang a ti a ni an ti a, Sangluaia chuan, u Aithang Sawikunga chuan ka chan chin chu diklo tak in a sawi a nih chu, engtin nge mipanga em em te ka hneh theih teh lul ang le, vawiin kha chuan ka van nei mai mai a nih kha an ti a, Aithanga chuan, Sawikunga khan a sawidik ka ring a ni, in fak thu nilo se, Satkunga fapa Kalthanga leh a naute i nghaisak dan kan hmuh khan, keini khawtual Tlangval te hi chuan, nangmah han chaifiam ringawt che pawh kan hreh ṭhum a sin, i chetdan kan hmuh hian, Khawzau khua ah hi chuan tuman kan khing phalo che a ni, tin kan val upa te pawh in, Sangluaia anga mihring zamṭha leh, he tiang tak maia mihuaisen hi hmuhtur an vang khawp mai an ti a, ipaThangluaia vanglai tlukpha ang hial in an sawiche a, Sangluai Khawzau khaw Tlangval te hian kan chhuang tak zet zet che a sin an ti a, chu tihlai tak chuan Tlangau rawn au in, khaih khaih khaih, lo ngaithla ṭheuh rawh u khai, Kapthanga fapa, Khampuia ramchhuak chu, tun thlengin a la rawn haw lo a, a chin hriat a nih loh a vangin, a zawngtur in Tlangval zawng zawng tun ah Lal tualzawl ah chhuah khawm nghaltur tiin an rawn au a
.
Aithanga te ti ti laipawh tawpnghal in, Aithanga chuan, chule mibo kan nei a nih chu, i chhuak khawmnghal ang u hmiang an ti a, Tlangval Zawlbuka awmte chuan Lal tualzawl lampan nghalin, mi dangte pawh an han au khawm nghal a, Sangluaia leh Rokhara pawh Tlangval ho rual chuan Lal tualzawl lamchu panve nghal in, Lal tualzawl an hanthlen chuan anlo pungkhawm hnem hmantawh khawp mai, Lal in Luhkapui a ṭang chuan Dohranga chuan, khaile Tlangval te u Khampuia chan chin kan hriat hnu hnun dan ber ka sawi ang e, tuk kin varṭian khan, Lungkawlh rama a u Sanghal thangkam en tur in a chhuak a, kan relveng te pawh in Khampuia hi hmungei in, a kalna tur te an zawt a, a ni pawh hian kan ralveng Tlangval te chu a kalna tur ṭha taka hrilh in, kan ralveng Tlangval te hian Khampuia hi an thlir liam a ni, Khampuia hi chhun chaw funa kalchhuak a nilo a, tuk ṭhuantur a tan Bapui chhum tlemte keng in a kal chhuak a ni a, khawthim hmadeuh khan a u ten an ngaihtuah a vang in, Lungkawlh rama an Sanghal Thang kamna velchu an va daptawh a, mahse a u Khamliana te hian an nau Khampuia hi a va hmuta reng reng lo mai a, an han auh tak ngial pawh in chhawntu an neilo a ni, khawthim bawr khan Khamliana chu lo haw in, Khampuia chhangtu chiah Khawtina chu chulai Lungkawlh ram ah chuan la awm in, chulai hmun ah chuan minlo nghak a ni, chu chu Khampuia chung chang tun dinhmuna kan sawitheih chu a ni a, Khampuia zawngtur hian Tlangval te tlawmngai taka kan thawh chhuah a ngai dawna, val upa te zaingai in, tlawmngai tak in kan thawk chhuak dawn nia an ti a, Sangluaia chuan Rokhara hnen ah chuan, Lungkawlh ramchu a hla em? khawilama awmnge a nih? tiin an zawt a, Rokhara chuan hla lutuk lo, vawiin kan kalna Sihpui ruam a ṭanga hmar lama awm a ni a, hla lutuk chu a nilo e an ti a, Sangluaia chuan, eng pawh nise in ah haw phawt kan ngai a ni tiin, Rokhara nen chuan in lamchu an panta nghal a, in an thlen chuan an Silai te leh, chempui te chu la nghal zung zung in, enge an chintur an hriat loh a vang chuan, chhun lama Bapui chhum chu in hnawh puar nan tiin an ak ve ve a, an hman chuan Kawtchhuah lampan nghalin, Kawtchhuah an han thlen hian tumah vak an lo la chhuak khawmlo a, Sangluaia te chuan meichher tur la nghal in, a tam zawk an rawnthlen meuh chuan meichher chhit turpawh an duh khawp an lo siam hman a ni
.
Val upa Chhinga chuan, khaile meichher tur te hanla ula, kan muan lutuk a feldawnlo a, tun ah hian Khawtin a chuan minlo nghak a, a ni hi kanva pawh vat a ngai a ni an ti a, Tlangval rualte chuan meichhet tur chu la nghal zung zung in, meichher tur an lak lai hian Sangluaia chuan Rokhara hnen ah chuan, tirawh le a ramchin i hriat tho chuan ilova kalteh ang an ti a, Rokhara chuan kan val upa te kan hrilh ang e tiin, val upa te chu an hrilh nghal a, val upa Chhinga chuan Sangluaia te hnen ah chuan, e in love kal hmasak theih chuan a lawm awm nasa a lawm, hei kan Tlangval te pawh karlo ah chuan an peih vemai ang, kan rawn umzui dawnche u nia an ti a, ti chuan Sangluaia chuan val upa Chhinga hnen ah chuan, a nih kan lova kal hmasa a nge an ti a, he tihlai hian Aithanga chuan, Sangluai keipawh in rualin ka rawnkal veteh ang tiin a rawnzui veta nghal a, Aithanga chuan Rokhara ai in ramchin a hriat zawk a vangin hma an hruai a, Lungkawlh ram lamchu pan vang vang in, thuitak an kalhnu ah chuan Aithanga chuan, khaile Lungkawlh ramchu kan thlengta a, Khampuia Sanghal Thang en na lamchu helam hi a nih hmel e tiin, an veilam ah chuan an han herliam hret a, Aithanga chu an kuk raih raih mai a, thlang deuh a ṭang chuan lo chhawntu awm in, chulam chu an panta nghal a, Aithanga kuk lo chhawntu awmna an zuk thlen chuan Khawtina chu an zuk hmuta a, Aithanga chuan khawilam nge Sanghal Thang in kamna lamchu? ti a zawt nghal in, Khawtina chuan khulam khu a nia tiin, Sanghal Thang an kamna lamchu an panta a, karlo ah chuan Sanghal Thang an kamna chu thleng thla in, Khawtina chuan an Sanghal Thang kamchu an kawh hmuh a, Aithanga chuan henglai velhi in dap tawh a maw? tiin Khawtina chu an zawt a, Khawtina chuan, henglai velhi chu kan dap chhuak hneh khawp mai, kan kuk nasa a tumah chhawntu kan neilo a ni, a bei dawn thlak duh khawp mai an ti a, Aithanga chuan eng pawh nise kan hnung a mite ho kha anlo thlen huntur hriat a nilo a, kan pali hian heng laivel, i zawn na chin bak hi kan dap chhin dawn em ni ang? an ti a, Khawtina pawh chuan, in tih dan dan ni rawhse tiin an chhanga, Aithanga chuan a nih chuan kan theihtawk hian vawiin lama in zawn na bak hi ilo dap teh ang u khai an ti a, kalmai an tumlai chuan Sangluaia chuan, ngawilawk teh u, a naupang ber pawh ni mah ila zawhna kalo neive lawk teh ang an ti a, Aithanga leh Khawtina chuan, e i zawh duhchu zawt rawh, hei kan ṭhiante pawh an la rawn thlen loh hi an hanti a
.
Sangluaia chuan, vawiin khan helai hmunhi in thlen in, khulam kawr ruam lamkhu in chhuk em? a hnuhma te zawng in in chhuk thla em? a hnuhma awm hmuh in nei reng reng em? tiin an zawt a, Khawtina chuan a ni tak maw, chu lamchu kalo ngaih tuah reng reng lo a ni, ni e minzawh tak ah chuan kan thlen thlak tirh khan, ka u Khamliana khan a hnuhma awm tak tak chu ka hmu a ti a, kan Thang kamna laihi in hmuh ang hian, hei zawl deuhlai a ni a, a thlanglam hi in hmuh ang hian a awi deuh a, mahse kalhar a nih loh hi, ka u khan thlanglam ah hian mihring hnuhma ni awmtak chu ka hmu a, mahse hnudang awm reng reng ka hmubawk silo, thlanglam hi chu a awih deuh a vangin kan chhuk talo an ti a, Sangluaia chuan, khawilai ah hian nge i u chuan hnuhma awm ang deuh a hmuhna laichu ni a? tiin an zawt a, Khawtina chuan meichher eng chuan Sanghal Thang an kamna thlang awih deuh chu kawh hmuh in, helam ah hian a ni a, helai hi a awi thla ang reng a, chheng chhe deuh in kawrte a zuk pawh thla a, chu ta ṭanga han kal leh deuh chuan lui lian lutuk lo, Aikamlui kan tihchu a awm a ni an ti a, Aithanga chuan, Sangluai hnuhma hmuh i in ringdeuh em ni? zanthil a ni a, meichher eng chauh hnuai ah chuan hnu chhui a har khawp ang an ti a, Sangluaia chuan a ni khawp mai, meichher eng ah chauh hi chuan hnu chhuihi a har a ni, mahse henglai velchu kan en ve chhin hrim hrim a nge tiin, an din na a ṭanga hlamhnih awmvel ah chuan Sangluaia chu, meichher nen chuan an chhuk a, reilo te ah chuan Sangluaia chuan, u Aithang helam ah hian hnuhma chu ka hmu a ni, helai ah hian a chhuk ngeini in ka hria an ti a, Khawtina chuan, khalam ah khan eng ti tur in nge a kal ang? a awih in a chheng chhe hlesi a, an ni rawlthar chauh tan chuan khalaia han chhuk na chhan tur kha a awm in ka hrelo an ti a, Aithanga pawh chuan, Sangluai Tlangval fingtak i nih chu ka hria, mahse an ni ang rawlthar la naupang chuan khalai khampang tluk deuh thawa awih ah khan enge a tih ang le? mak kati ngei mai, tin meichher eng chauh a ni a, engtin nge mihring hnuhma leiro ah leh nghal i hmuh theih bik le? tiin an zawt a, chu tianga an han tih tak ah chuan Sangluaia chu a zak khawp maia, a ai a upa ten a thusawi awilo tak maia zawhna an hansiam chu a zak ru a ni, an zawhna pawh chhang ngamlo chuan zawisap hian, a nih ka rawnchho a nge an ti a, Sangluaia chuan rawnchhoh a tumlai chuan Rokhara chuan, Sangluai in thlahrung duh reng reng suh, khalai ah khan mihring hnuhma awm i hmu a nih chuan kan pahnih pawh in kan chhui chhin dawn nia, hnuchhui thiamleh thiamlo karhlat ziachu ka hria a lawm, Rokhara chuan Sangluaia thusawi an awihlo thinrim deuh chuan, kei chuan Sangluai i hmuh kha ka ring a ni, tirawh i hnu hmuh chu i chhui teh ang tiin meichher nen chuan a kalta a
.
Khawtina in thiamlo deuh chuan, Sangluai zanthil a ni a, zanthil ah chuan hnu chhui a har em a vangin ka rawn sawive mai mai a nih kha, i thilhmuh kha ka awilo ka tihna a nilo e, keipawh ka rawnkal ve a nge an ti a, Aithanga pawh in Sangluai'an hnuhma ka hmu a tihchu awihlo ru ang reng tak chung chuan, a ṭhianten an zuitak vek a vang chuan, keipawh ka rawnkal e, Sangluai kan ṭawngve mai mai a nih kha, ngaihloh lama lakchi a nilo a nia aw tiin an hnung ah chuan a zuive ta a, a nihna tak ah chuan Sangluaia pawh chuan nuamlo a tiru khawp mai, hawleh hialchu a duh rum rum a ni, mahse tlawmngaia chhuak an nitawh a, a thusawi chu an awi emaw, awihlo emaw a tawp thlenga tlawmngaih chu a tum a ni, chulai awih tak maiah chuan hlamsawm velbawr tur an han chhuk chuan, Sangluaia chuan mihring hnuhma ngeichu a hmuta, chulai an chhuk na ah chuan chu hnuchu chhuk ngei in, an thlang kawrte lamchu a pan a ni tihchu chiangtak in a hria a ni, kawrte an zuk thlen chuan, chulai kawrte ah chuan Tui awmlo in a loro vek mai a, Sangluaia mit dum fiah kak mai chuan a ṭhiante hmuh theihbak a hmuthei emaw tih tur hian, chulai kawrte a mihring hnuhma chu a hmuthei a ni, Sangluaia chuan Rokhara hnen ah chuan, lui in tihchu helai a ṭang hian a lahla em? tiin an zawt a, Rokhara chuan hlatawh lo e, kawihnih thumvel bak a ni tawhlo tiin an chhang a, Sangluaia leh Rokhara hnunga kal, Khawtina leh Aithanga chuan, chulam ah chuan Khampuia chu a kalhi an la ring theilo a ni, chu kawrte lajmhchu a chheng chhe em em maileh nghal a, chu tiang kawrte chheng chhe lutuk ah chuan a kalduh an ringlo a ni, Aithanga chuan, Sangluai Khampuia chu helam ah hian a kalchu i ring a maw? tiin an zawt leh a, Sangluaia chuan damthlarh maihian, he kawrte hi a zawh ngei a ni, rindan ka neia, lui kan thlenhun ah chuan ka rindan chu a dik leh dik loh kan hrethei ang tiin an chhanga, hmuamda awmvel an han kalleh hnu ah chuan lui chu an zuk pawhta nawlh mai a, lui lian lutuk chu a nilo a, tui a lenlai chuan mihring tan chuan daikai harve tur tak chu a ni, lui an zuk pawh chuan an hnu chhui chuan, lui mawnglam a pan tih hria in Sangluaia chuan, kan hnuchhui hian lui mawnglam a zawh a ni an ti a, lui mawnglam zawha kawikhat an hankal leh chuan Sangluaia chu an dinga, Khawtina chuan, Sangluai enge nita? tiin an zawt a, Sangluaia chuan muang charh hian, ka rin ang chiah a ni an tisap a, Rokhara chuan, Sangluai enge ka rin ang i tihchu? tiin an zawt vat a, a ṭhiante hnen ah chuan lo kalteh u, han en veteh u an ti a, Sangluaia hmalawka lung velchu lo in hailet pheng phung in, Sangluaia chuan, Khampuia hian Chakai khawrhtur in lui lamhi a pan a ni, a hnu hma a ṭang hian Chakai a khawrh ngei a ni an ti a, Sangluaia chuan chulai luikam velchu meichhet chuan an en kual a, lui kam hnimchin ah chuan iptupui lo in dah ngat maihi hmu in chulam chu an pan nghal a, iptepui chu la in Khawtin a hnen ah chuan, heihi i nau iptepui chu a ni em? tiin an zawt a, Khawtina chuan rang taka Sangluaia lamchu rawnhawi nghal in, Sangluaia kenlai iptepui chu an la a, meichher enga an en chian nak chuan, zinglama a nau Khampuia ah chhuah ngeikha a ni tih a hreta a, Khawtina chuan Sangluaia chu en vang vang in, Pasalṭha dik tak i ni e, heihi tuk kinzinga ka nau ah chhuah iptepui ngei a ni e, ka nau chuan Chakai khawrh tur in helui hi a pan ngei a ni, Sangluai kalo ringdik lo che kha min ngaidam ang che, kawng eng kim ah rintlak i ni tak zet zet a ni an ti a
.
Aithanga pawh in Sangluaia chu makti taka en in, naupangte mah nila i fingin kan hmuh theihbak i hmuthei a nih hi, he tiang zanthim hnuaia meichher enga tianga hnuchhui thiamhi Sangluai, nang chauh hi a ni kala hmuh che ni, rawlthar zamṭha leh huaisen tak i ni tihchu ka hmu in ka hria a ni, mahse Pasalṭha tam tak in an tih theih loh, tuna kan hnuchhui ang, zanthim hnuaia meichher eng chauh ringa hnuchhui thiamhi nang chauh hi a ni kala hmuh ni, tun ah chuan i sawi a piang ka awi tawh ang, nang ang mihringhi kala hmu ngailo a ni an ti tawng mai a, Rokhara chuan, ka nauhi ka chhuang a nia, henghi a ti thei tih ka hriatvang a ni a hnunghi ka zuichat ni tiin Sangluaia chu anlo fak a, Sangluaia chuan, engmah ka nih bik loh hi, mihrngve mai ka nih hi, kan hna hi kanla zolo a nia, fimkhur tak in kan hnuchhui laihi i chhui leh teh ang u an ti a, meichher eng ah chuan an hnuchhui laichu chhui thla leh in, lui kawihnih an chhuak thlachiah tih ah cuan, an thlangkawi lehtur ah chuan mihring ding ni awm tak chu an zuk hmuta a, Khawtina chuan a nau Khampuia ngeichu ni a hria in, Khampui tiin an ko a, mahse an thlanga mihring ding chuan an kohna chu hre awm pawha langlo in, lui mawnglam chu hawi in, chelo chuan a ding reng mai a, Khawtina chuan, Khampui ti a ko leh in, chu lampan chuan kalmai an tum a, mahse Sangluaia chuan lo dangin, pawh rihsuh, kan hriat chian phawt a ngai a ni, kan kohna pawh chhang miahlo a dingreng khu tunge a nih? tikhan lo awm ula keiman kan zuk chian a nge an ti a, Rokhara chuan, Sangluai mihring a ni chiah ang maw? lui dunga khutia dingreng khu chu mihring ni theiin ka hrelo a ni, a hlauhawm lo ang maw? an ti a, Aithanga chuan, kan mizawn chu ni ngeiin ka hria, mahse enga tinge kan kohna kha a chhan loh? Sangluai i hnung ka rawnzui ang an rawnti a, Sangluaia chuan nilo e, tah hian lo awm rawh u, eng pawh lo thlengse ka u, engmah hlauhtur a awmlo a nia an ti a, Rokhara chuan, Sangluai fimkhur hlerawh aw an ti a, Sangluaia chuan ka u, engmah hlauhtur a awm hlei nem, tah hian in pathum hian lo awm ula, tunge a nih chiah kanzu fiah ang e tiin, lui mawnglam chu a panthla ta a
.
A meichher eng nen chuan lui mawnglam chu panthla zel in, an thlanga dingchu a ruang am ah chuan mihring ngeichu a ni, a hnung lawk hlamli vel ah chuan zuk dingin zawite hian, Khampui an ti a, mahse a hma a ding chuan a rawn chhanglo hrim hrim a ni, Sangluaia chuan a hma a mihring ding chu a meichher engah chuan a taksa velchu chiang tak maihian an en kuala, chu mihring ding reng chuan damlai taksa a pu tawhlo tihchu chiang tak in a hmuthei a ni, zawite hian, Khampui i chung ah enge thlengta le? nangmah puitur che in kan rawnkal a sin, eng vanga hetianga awm nge i nih le? tiin an zawt a, Sangluaia hma a ding chu zawi muanga rawn in her in, chu damlai hmel reng reng pu tawhlo chuan Sangluaia chu a rawn hmachhawn ta, meichher eng ah chuan Sangluaia pawh in a hma a ding hmelchu chiang tak in a hmuthei ta, a hmelchu a dang vek mai a, a mit pawh hmuh tlak awmlo in a khurduk mai a, a taksa ah chuan thisen reng reng a awmlo tih hriat tak mai hian a duk dang vek mai a, Sangluaia chuan, Khampui enga tinge he tiang hian i awm le? nangmah ṭanpui turche hian hei kan rawnkal a sin an tileh a, zawisap hian, in rawntlai a ni, tun ah chuan chhan tlak ka awm tawhlo tiin an rawn chhang a, Sangluaia chuan, vanduaina i tawk nge? kut thlatu che an awm? tiin anzawt leh a, Sangluaia hma a ding mit a ṭang chuan mittui lo luang chhuak ngiai ngiai in, aw thamṭiak maihian, nasa taka nghaisak kani, min rawnhre reng ang che aw tiin, chu rawlthar lainat awm tak maichu, lui mawnglam thimchin ah chuan a tawlh liamta a, Sangluaia chuan Rokhara te chu ko in, lo chhuk tawhru le an ti a, Rokhara ten Sangluaia awmna an rawnthlen chuan, Sangluaia chuan zawisap hian, a pawihle mai an ti a, Khawtina chuan, Sangluai enge nita le? Khampuia kha khawilam ah nge a kal tak? tiin an zawt a, Sangluaia chuan, tun ah chuan tih theih kan nei tawhlo a ni, i nua chu kan chhan hmanta lo a ni an ti a, Khawtina hrilhchu a hai khawp mai, Sangluai ka nau chu a boral tawh a maw? eng vanga boral nge a nih? henglai hmun ah hian a chesual em ni? tiin an zawt leh a, Sangluaia pawh in Khawtina zawhna chu chhan har a ti khawp mai, Sangluaia chuan, engtia boral nge a nih chu ka hrechiah bik lo a ni, mahse henglai bawrah hian a ruang chu kan hmuh theih mai ka ring a ni an ti a, Aithanga pawh in Khawtina chu lo hnem in, Khawtin a pawi khawp mai, pachang tak in awm rawh an loti a, Sangluaia chuan, eng pawh nise Khampuia ruang hi kan hmuh phawt a ngai a ni tiin, an thlang kawilam chu an pan nghal a, a rin ang chiah chuan an thlang lui kawi, lui kamsi ah chuan Khampuia ruang chu an hmuta a
.
Sangluai'an Khampuia ruang an zuk hmuchu, Khampuia ruang chuan Sangluaia rilru chu a khawihna kher mai, Khampui a chu a mit mu an kher chhuah sak vek a, saruak veka lo dah in, an thah hma chuan a banrek leh lam leh lam chu tansak tihchu a hriat theih a, a beng pawh hlehsak ni in, a hmalvel a ṭang chuan nasa taka nghaisak a ni tihchu a hriat theih a, nasa taka an nghaisak hnu ah, a hrawk ah zaisak a ni tihchu chiang tak in a hriat theih a ni, Sangluaia chu Khampuia ruang bulah chuan ṭhingṭhi in, lainat tak chuan Khampuia ruang chu siamṭha in, a puan ah chu phawrh in an khuh a, zawisap hian, min rawnhre reng rawh i ti maw? i chunga he tiang ti tu te hi ka zawn chhuah hmaloh chuan ka theihnghilh lo ang che, he tianga nghaisak na nasa i tuarhi ka lainat khawp maiche an ti a, Khawtina pawh in a nau Khampuia ruang a rawn hmu chu, a thinlung chu na taka vih ang mai hian a na vawng vawng mai a, a nua ruangbul ah chuan ṭhu in, Khampui i tawrhchu a na hlemai maw? tunge he tiang em em a i chunga nun rawnghi manhan hrilh teh, Khampui vawikhat chiah minhan chhang la, i chunga he tiang ti tu hi minhan hrilh ta che an ti a, Aithanga pawh in Sangluaia thusawi kha rawnhre phak in, rawlthar nghaisak nan chuan a lutuk mah mah a nih hi, Khampuia chunga hetiang ti tu te hi tu tenge maw an nihdawn le? hriat an vachak awmve mawle aw? an ti a, Aithanga vek chu rawnding chhuak in, awle hei ruangchu kan in hmuta a, kan ṭhiante kha kotur in Sangluai in hankal maidawn em ni ang? ruanghi Khawtina nen hian kallo nghak ang a, nangni tlawmngai in kan ṭhiante kha han hrilh maita che u an ti a, Sangluaia chuan, e teh rengmai, kan kalnghal ang e tiin, Rokhara nen chuan midang kotur chuan an kalta nghal a, val upa Chhinga leh Tlangval hote pawh in Khawtina te Sanghal Thang kamna hmunchu rawn thlengthla vetawh in, Sangluaia te an han hmuh chuan, Sangluai nangni in thleng thlahma deuh a enge chan chin le? tiin an zawt a
.
Sangluaia chuan val upa Chhinga chu sir deuh ah chuan hruai hrang in, Khampuia chu tun ah chuan mihring a tling zotawh lo a ni, kan thlang Lui ah khuan a ruang chu kan hmutawh a, nasa taka nghaisak a ni a, a ruang hlawmtura kan kalvat a ngai ang, tah chuan u Khawtina leh, u Aithanga te chuan minli nghak a ni an ti a, Chhinga chuan thilawm ziachu hrethiam nghalin, Khampuia u Khamliana chu hanko hrangin, Khama a pawikhawp mai, pachang tak in awm la, mihringte chuan kan duh thusam hi kan chung ah hian a thlenglo fosi a, i nau Khampuia chu hmuh a ni tawh a, mahse Khampuia chuan min peih lohsan tawh a, a ruang hlawm mai kan ngaita a ni an ti a, Khamliana pawh mipa taka awm in, khawilai ah nge ka nau ruang chu an hmuh? tiin an zawt a, kan thlang lawka Aikamlui kan tih ah chuan Khampuia ruang chu hmuh a ni an ti a, ti chuan val upa Chhinga chuan, khaile Tlangval te u, helai hmuna kan kalchhan Khampuia ruang chu kan hmasa ten an hmutawh a, kan thlang Aikamlui ah chuan Khampuia hi hmuh a ni, mahse Khampuia hian mihring a changzo talo a, a ruang hlawmtura Aikamlui chu kan pan a ngai a ni tiin, an nghaisak dan chu Tlangval ho leh, Khampuia u Khamliana chu a hrilhve chuanglo a ni, Chhinga chuan khawchhung lama zualko kaltur Tlangval pahnih ka ma mawha, lopen chhuak teh u le an ti a, Tlangval te chu rawnpen chhuak nghalin, chung zinga pahnihte chu khawchhung lama zualko tur chuan a tirta nghal a, an nipawh in Aikamlui lamchu panve nghal in, karlo ah chuan Aikamluia Khampuia ruang awmna chu an zuk thlengthla ta a, thudang sawilo chuan val upa Chhinga chuan, awle Tlangval te u hei ruang hawn kan ngaia, Hlang siamna tur hrui leh chak vel rawnla khawm rawh ule an ti a, Khamliana chuan Aithanga hnen ah chuan, helam ah hian eng tin nge a kal in rintheih reng reng? tiin an zawt a, Aithanga chuan, keini chuan rin na chang pawh kan hrelo, Sangluaia khan Khawtina hnen ah khan, tlaia in kalin a hnuhma awm hmuh in nei em? tiin a zawt a, Khawtinga chuan ka u in thlanglam ko chunga mihring hnuhma ni awm tak a hmuh thu chu an sawi a, thlanglamhi a awih deuh nen, a chhengchhe si a keini chuan Thlanglam ah hian a chhuk kan ringphalo hrim hrim a ni, mahse Sangluaia chuan meichher eng ah chuan a hnuhma awmte an zawnga, a hnu a hmuh thuchu an rawn sawia, Khawtina nen chuan kan awih chiahlo nghe nghe a, mahse Rokhara chuan Sangluaia tihna lama kalchu a tih tlat a vangi, keini pawh chuan kan zuita a ni
.
Ti chuan in rawn chhukna kawrte chheng chhe tak ah khan chhuk thlazel in, Sangluaia chuan kan hmuhve theih loh Khampuia hnu kha a hmuthla zelthei a ni, Aikamlui kan zuk pawh hian, Khampuia chuan lui mawnglam a zawh tih hria in, thuilote kan hankal chuan Sangluaia chuan, ka rindan chhiah a ni rawnti chhuak in, Khampuia Chakai khawrh na hnuhma chu min kawh hmuhta a, chulai lui kamvel chu Sangluaia chuan hanfang thuak thuak in, luikam hnimchin ah chuan Khampuia iptepui te chu kan hmuta a, kawihnih thumvel kan hanchhuk leh a, Khampuia ruang chu kan hmuta a ni tiin Aithanga chuan, Khamliana chu an hrilh a, Hlangte an han peihfel chuan, Khampuia ruangchu Hlang ah chuan dah in, nghet taka phuar bawk in, muang changlo chuan Khampuia ruang chu khawlam an panpui ta a, Sangluaia hriatna chak tak mai chuan, chulai hmuna mihring nilo thildang awmve chu a hrethei a ni, Hlang an siam chhung zawng zawng khan, meichher en phak loh china a hma a an hmuh, Khampuia thla a biak ngei kha a hmutlat a ni, ruang an han zawna, Tlangvalho in an kalpui hnu ah pawh chuan, chu thla chuan rawnthlir reng in, chulai lui kawi an kalliam hnu ah pawh chuan a rawnzui zeltih chu a hrethei a, Rokhara hriatve a hlauh a vang in, Sangluaia chuan hnunglam chu a hawi ṭhaduh lo a ni, a hnung bera kal an nibawka, a mitsir chuan meichher en phak chin chu a mitsir zeuh zeuh a, an hnunglawk ah chuan Khampuia ruang thlenhma a mi a biak ngeikhan a rawnzui tihchu a hmuthei a ni, Aikamlui a ṭanga an pentawh hnu ah pawh chuan chu thlachu rawnpeng vezel in, thimchin zelah chuan a rawnzui vezel mai a, Sangluaia rilru chu a nuamlo ru khawp mai, Khampuia hi nasa taka nghaisak hlum a ni a, chu vangin a thihna danhi holam mai mai a nih lohna tur in, a thihna ah hian phuba lak ngei a duh a vanga a thla hian rawn zuizel a nih a ring a, mahse chu chu a rinthu mai ni in, Khampuia thla hian a rawnzui zeldan ah hian, eng emaw tak chu a thla hian tihduh a nei ni in a ring a ni, Kawtchhuah an thlenlai pawh hian Sangluaia chuan Khampuia thla, an mahni rawn zuitu chuan a la rawnzui zeltih chu a la hmuthei a, chu thla chuan thawm danglam emaw, mihring tana ralṭitna tur engmah a siamloh a vang chuan, a thihna chung chang ah hian tu emaw in phuba lak sak se a duh a nih a ring a ni, ruang chuan khuachu lut ta in, Khampuia chhungkhat laina te leh, a farnu te chuan anlo ṭah nasa khawp mai a, ruang chu in chhung ah chuan la lut in, val upa Chhinga chuan an kaldan chan chin te chu an sawi a, Aithanga pawh in, a tirte a ṭanga an hnuchhui dan zawng zawng chu sawivek in, Sangluaia vang liau liau a Khampuia ruang chu zuk hmu an nihdan chu an sawi a, Aithanga thusawi zawh ah chuan Sangluaia chuan, ka u inlam i pan phawt ang hmiang, kan Silai tehi dahfel phawt a ngai a ni tiin inlam chu an panta a, Sangluaia chuan zuitu an awm tlata hria in hnung lamchu an hawi a, a rin ang ngei chuan an hnunglawk ah chuan Khampuia thla chuan rawnzui in, Rokhara chuan, Sangluai e nge nita i leh hawi deuh thut a? theuh nghilh kan nei em ni? tiin an zawt a, Sangluaia chuan, ka u min love kalsan lawk rawh, kan zung lawk teh ang tiin dailam chu an pan a, Rokhara pawh in, a nih ka lova kal ang e tiin a kalsan venghal a, Sangluaia chu in awmloh na hmun ah chuan loding in, a hnunglam chu an hawinghal a, a mah zuitu Khampuia thla hnen ah chuan, hah damtak khan chawlta che, i khualehtui hian lainat tak in an tuamhlawm che a, heng mite hlauh tur te hian awm reng reng suh, hah damtak in chawl rawh khai an ti a, Khampuia thla chuan Sangluaia chu en reng chung in a ral riai riai mai a, a hmel ah chuan chhantu a ngai a ni tih hriat ngawih ngawih hian, Sangluaia thlir reng chung chuan a ralta a
.
Khampuia a boral zan a ṭanga zanhnih na ah chuan, Sangluaia te pawh zawlbuk lam ah mutur in an hawta a, hemi zan hian a pu Dohranga Lung phun turvel relin an mengrei phian mai a, Zawlbuk Rokhara nen an zuk thlen hian Tlangval lengte chu hawvek tawh in, Sangluaia te hi a hawtlai ber an ni tawh a ni, a hmazan Khampuia thih a vanga tlaivar an ni nen, Zawlbuka mut hmun an hanrem hian karlo ah chuan Rokhara chu a muhil nghal bawrh bawrh mai a, Sangluaia chu muhil venghal mailo chuan, Zawlbuk rala Chingpirinu hram dut dut te, Vabak te leh Kang Kang Sava hram lauh lauh te chu an ngaithla vang vang a, chung Sava hramte chuan a nipawh karlo ah chuan awi mutchhuak in, zanlai pelh tawh ah chuan a muhil veta a, tui taka a mut hilh bawrh bawrh laichuan Sangluaia chuan mumang mak tak maihi a neita a, a mumang ah chuan lui lian vak lo ah hian lo dingreng in, chu luichu eng luinge a nih tih hriat tum hian an hawikual vel a, a kaltawhna lui ngeichu niin a hria a, mahse eng lui nge tihchu a hremai theilo a ni, chutia a hawikual lai chan a thlanglam lui kawi, a hmuh phak lo chiah velah chuan mipa ṭap thawmhi hria in, Sangluaia chuan, tunge chulai luia ṭapta maichu nile? tiin a thlanglam ah chuan an chhuk thla a, lui kawi awm danchu a kal tawhna hnu ni hian hriatna nei tlat in, ngun tak chuan chu lui chu a thlang lama chhuk pah chuan an belchiang a, mahse a zawhlai luichu eng lui nge a nih chu a hremai theilo a ni, ṭap thawm a hriatna lamchu panthla zelin, chu ṭapthawm a hriat lahchu a hmuh phak loh chin ah chuan, lui mawnglam pan chuan a chhuk zelmai a, Sangluaia chuan chu ṭap thawmchu um thlazel in, kawili ngawt a um thlakhnu ah chuan, a thlang lawk ah chuan Tlangval nui thawm a hreta tlat mai, ngun taka chu nui thawm an ngaihthlak chian chuan, mipakhat chauh nilo in, chung mite chu an thawm ah chuan pali veltur thawm a ni tih a hrethei ta a, an thawm an ngaihchan vang vang hnu ah chuan, chung Tlangval te chuan tu emaw diriam taka nghaisak an nei a ni tihchu a hreta nghal a, Sangluaia chuan fimkhur taka thawm a hriatna lamchu panthla in, kawikhat an chhuk chuan, a thlanglawk ah chuan Tlangval pali hi an lo dingkual ṭaih mai a, chungho chuan tu emaw an dinkual a ni tihchu hria in, Sangluaia chuan Tlangval ho dinkual laih maichu hmuh chian tum in, a awmna a ṭang chuan an chhuk thlaleh deuh a, a din nalai vel lui kamchu han thlek thuak in, Sangluaia chu a harhta zawk mai
.
Chulai lui chu chiang taka rawn hreta in, Khampuia ruang an hmuhna Aikamlui ngeikha a ni tih a hreta a, Sangluaia rilru ah chuan, Khampuia ruang kan hmuhna lui kha a nih chuan, tuna khungho nghaisak mek khu Khampuia chu a ni a ngem? tiin a rilru ah chuan zawhna a lo piang nghal a, Sangluaia chuan Tlangval ho nghaisak chu chiangbtaka zuk hmuthei tawh in, a rin ang ngei chuan, chung Tlangval ho nghaisak mak chu tudang nilo in, Khampuia ngei chu a ni tihchu a zuk hmuta a, Sangluaia chuan rang tak chuan, tu tenge in nih tihpah chuan chungho awmna lampan chuan tlanthlak an tum a, mahse chungho chuan Sangluaia chu chulai hmun ah chuan a awmve tih hria awm pawh in an langlo a ni, Sangluaia chuan Khampuia chu chhantum chuan an panthla a, mahse hlamli awm vela an awmna a zu thlenglo tih ah chuan, Sangluaia chu dangtu awm ang tlathian a kalthei tawhlo a ni, hlamli kardan lek a ṭang chuan an au a, mahse chung Tlangvalte chuan Sangluaia auhna reng reng chu an hrelo a ni, an thusawite chu chiang tak chuan a hrethei lawisi a, mahse a auh vena thung chu chungho chuan an hretheilo hrim hrim a ni, Sangluaia chuan Khampuia chu theih tawpin chhan hantum mahse, a mah dangtlat tu chu a sutlang theilo a ni, a hmuhtheih siloh chuan dangtlat in, Khampuia te erawh a hmuvek theisi a ni, chung Tlangvalho chuan hnehsawh tak mai chuan Khampuia chu an phih phar lawp lawp mai a, Tlangval zinga pakhat chuan, nanghi Nikawlha rawlthar maw i nih? Lal Satkunga lak a ṭangin in hel a maw? tumah damtlak in awmlo, thahfai vek in ngai a ni tiin an an khum a, Khampuia chuan hmui leh hnar a ṭanga thisen chhuak zawih zawih chung chuan, chung Tlangvalho hnen ah chuan, khawngaih in min thatlo hram rawh u, inpawi ka sawi a nih chuan min ngaidam ula, khawngaih tak in min thatlo hram rawh u tiin an dil a, mahse chungho chuan Khampuia dilna chu nuihsawh in, pakhat chuan Khampuia ban veilam chu, a banbul ah chuan an sah sak chawrh mai a, Khampuia ban veilam chu chhum nghal hmawk in, Khampuia na ti lutuk chu a ṭhen chawk chawk mai a, harsa ti em em chung chuan chungho lamchu hawi in, min khawngaih hram rawh u, ka nun na hichu minzuah sak hram rawh u tiin an ngen leh lawm lawm mai a, mahse chungho chuan Khampuia lak ah chuan khawngaihna reng reng an neilo a ni
.
Tlangval pakhat chuan, ban lehlam pawh i neih tawh loh kha, lehlam pawh hi neih neih a ngailo tiin a chempui chuan Khampuia ban dinglam chu, a balbul ah tho chuan an sah sak leh chawrh mai a, Khampuia ban dinglam chu chhum hmawk in, a na ti lutuk chu a rak ṭhawt mai a, Khampuia chuan a hliamtawrh chu na a tih em a vangin, kanu kapa tiin a nu leh pa hming chu an lama, a hliam tawrhchu a nat em a vangi nikhawhrelo chuan a awm ta a, pakhat chuan Khampuia chu harh rawh tihpah chuan a hmai ah chuan an chhirzui chawrh mai a, mahse Khampuia thidang chu harh zolo in, chupa chuan i luh lul hlemai, i harh khawp ang tiin, lui kama Mau bulchang chu an la a, zum taka suih in Khampuia mit chu a kher chhuah sak ta a, Khampuia mit pahnih hnih chu kher chhuah sak in, Khampuia nikhawhrelo a a awm chu an rawn harh leh a, an nghaisakna chu a nat em a vang chuan reipawh rawn harh chhuak lo in, vaideuh ruau hian, kanu kapa a van na em an rawnti a, engmah hrelo chuan a awm zuilehta nghal a, lui tuichu thisen chuan chiah senthla nguih nguih in, an zinga pakhat chuan Khampuia chu, hreawm chu a tuar tawk ta e, tih hlum law law a ngaitawh a nih hi tiin a chempui chuan Khampuia hrawk chu an zaisak hrawih mai a, ti chuan chungho chuan Khampuia chu luihnar lampan chuan an kalsan ta hlawm a, Sangluaia chuan chungho chu khawih an tuma, mahse tumah chu a khawih theilk a ni, chungho chuan a zawn an rawnkal laite chuan an lo au a, mahse chungho chuan Sangluaia chu chulai ah chuan a awmve tih reng reng an hrelo a ni, bei dawng taka Khampuia ruang a thlirlai chuan, a sir dinglam a ṭang chuan, Sangluai rawnti thawmhi an hria a, rang tak chuan Sangluaia chuan chulam chu thlirnghal in, Khampuia ruang an zawn ṭuma Khampuia thlakha a ni tih a hrenghal a, chu Khampuia thlachuan, ka rawnzui che khan heng zawng zawng hi hrilh che ka tuma, mahse nang chuan minlo hnar a nih kha, tuna i hmuh ang khan nasa taka nghaisak hlum kani a, khang min nghaisa hlumtu te hmelkha i hmuh vek kha, phuba minlak sak turin ka duhche a ni, khangho kha an thive tih ka hriatvek hun ah chauh hahdam tak in ka chawlthei ang, Sangluai min ṭanpui thei a ngem? an ti a
.
Sangluaia chuan, khatiang khan a nimaw anlo nghaisak che, i ruang ka rawnhmuh hmasak ber a ṭang khan i duhchu ka hria a sin, i ruang khua a kan hawnṭuma min rawnzui tlat pawh khan engkim ka hrethiam a ni, hahdam taka chawltura ka hnarche pawh khan i duhchu ka hria a sin, mahse keimah hi kala in peihloh a vangin, i thilduh kha hre reng mah ila ka tihsak theilo che a ni, mahse tun ah chuan engkim ka in peihtawh e, i chunga khatiang khawpa nunrawngte kha ka zawng chhuak ngei ang, i duh ang chuan khangho lak ah khan phuba chu kala ngei ang, tun ah chuan hahdam tak in chawltawh rawh aw, i duhchu ka ti hlawhtling ngei ang, khangho zawngtur khan ka thawk chhuak nghal a nge, Khampui ka lainat khawp maiche, i duhchu kati ngei ang, hahdam tak in chawlang che aw an ti a, beiseina nena a mah thlir rengtu Khampuia thlapawh chuan, Sangluaia chu rawnthlir reng in, Sangluai ka lawme tiin a ralta riai riai mai a, Sangluaia chu rawnharh zawk in, a mumang chu an ngaihtuah vang vang a, zawisap hian, Khampui i chunga khatiang ti tu zawng zawng te kha ka zawng chhuak ang a, an lu chu i thlan ah ka rawndah ngei ang an tisap mai a
.
.
DUHTAWK LEH RIHPHAWT ANG U AW
REMCHAN VELEH KAN CHHUN ZAWMLEH DAWN NIA
.
Hman hmawhlo in minlo nghak hram hram ṭhindawn nia
.
.
[Lalzirliana Tochhawng] [Champhai Tlangsam]
| Link: | |
| BBcode: | |
| HTML: | |
| Hide post links |
Local Advertisement
MOBILE SIAM ZIR DUH TAN!!!
Tech-Inn Mobile Repairing Traning Centre, Bazar bungkawn
Kum tin mi za chuang eizawnna kan siamsak a, Eizawnna tlaka thiam turin kan zirtir thin
Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122
................ PASALṬHA THANGLUAIA (218) ...............
.
.
Sangluaia zingtho chu Rokhara chuan rawnhmu in, Sangluai i vatho hmave? tih tur i nei em ni? an rawnti a, Sangluaia chuan, ka u minpuih a ngai dawn a ni, tirawh lo tho chhuak teh khai an ti a, Rokhara pawh rawntho chhuak nghal in, nauten puih in ngaihte chuan englai pawh in ka in peih a lawm an rawnti a, Zawlbuka midang thawh vehma chuan Sangluaia te chu tho in, in lamchu an panta a, in an hanthlen chuan Dohranga pawh lo tho chhuak tawh in, Sangluaia chuan, kapu i hnen ah hian sawitur ka nei a, eng thil emaw handik che ka duh a ni an ti a, Dohranga pawh in, ka tupa enge i duh chu nile, ka pek theih che leh, ka tihsak theih zawngche a nih chuan kape in, ka tihsan em em ang che an ti a, Sangluaia chuan, kapu helai a ṭang hian Satkunga khuahi a hla em? engtia reinge kalngai ang? tiin an rin loh deuhmai thil an zawt a, Dohranga chuan a tupa Sangluaia chu en vung vung in, ka tupa chu tiangte minzawh teh daih ni? eng thilnge nita le? Satkunga khua chu nikhat leh chawhma kalvel a ni e mipa chak vak tan chuan, Satkunga khua ah chuan kal i rilruk deuh em ni? an ti a
.
Sangluaia chuan, kapu thil hrilh turche ka nei a, ka thusawihi i awih zawng a nilo maithei e, mahse nizan thleng khan ka mumang ah kala hmu a, chu vangin he ka thiltih tumhi ka tihngei a ngai a ni, kan sawi ang a, i ngaihdan chiang tak in minhrilh dawn nia, Khampuia ruang kan zawnṭum khan, Aikamlui ah khan Khampuia ruang awmna kan thlen thlak hma khan, hei ka u pawh hian a hmu a, Khampuia thlakha kanhmu a, ka rilru ah chuan Khampuia thla chuan eng emaw min hrilhduh a neih ka ringtlat mai a, Khampuia thlachu keimah in ka panta a ni a, Khampuia thlachu biak pawh ka bengei a ni, chu tah chuan kan chhan hmantawh loh thu a thla chuan minhrilh a, ti chuan a ruang chu a thla kan hmuhna thlang lawk ah chuan kan zuk hmuta a ni, Hlangte siama Khampuia ruang kan zawnhaw khan, a thlakhan khawchhung thleng min thlah lo a, Khampuia ruang, an in a kan dah a, ka u nen hian in lam kan rawnpan khan minla rawnzui zel a, kau hnen ah hian zunchhuak chhuanlam in ka pensan ta a, chu tah chuan Khampuia thla hnen ah chuan
.
Hahdam tak in chawl rawh, enga tinge min rawnzui zelni? nang mah hmangaiha, i ruang tuamhlawmtu tesaw harsatna te i siam a nge tiin ka hrilh nghe nghe a ni, tan chuan Khampuia thla chuan chutia kantih chuan min kalsan ta a, mahse nizan khan mu mang mak deuh mai ka nei a, tah chuan Khampuia an nghaisak dan zawng zawng ka hmu a, chung zawng zawng ka hmuhzawh hnu ah chuan Khampuia chuan, kha tianga nghaisak hlum kha kani a, min nghaisa tu te kha an hmel i hmuh vek kha, phuba minlak sak ang che, phuba minlak sak hnu ah chuan muangtak in ka chawl tawh ang tiin min hrilh a, keipawh chuan Khampuia min ngen na chu tih hlawhtlin sak ngei ka tumta a ni, Khampuia nghaisa hlumtu te hi Satkunga Tlangval palite an ni a, hei Lung tun hunte a la hladeuh nen, Khampuia chu kalo tiamtawh ang in, a mah that tu te chung ah chuan phuba lak sak ngeihi a duh a ni, chu vang a ni e Satkunga khaw chan chin kan zawhche an ti a, Dohranga chuan maka ti ang reng khawp mai a, mahse a tupa thusawi chu a awilo tihna nilo in, Khampuia thlain Sangluaia hnena a mah that tu te chunga phuba la tura an ti chu mak a ti a ni, Dohranga chuan Sangluaia chu en vung vung in, ka tupa i thusawi chu ka awilo ka tihna nilo se, mahse chu tianga Khampuia thlain phuba latura an ti che chu mak kati khawp mai, mahse Khampuia kha nasataka nghaisak hlum a nihchu kan hrevek a, ni e lainat pawh a lainat awm a ni, ka tupa ni e i sawiang khan hei i pu Luntun hunte a la hladeuh bawka, Khampuia ngen na che ang chuan, tin i rilru kaptu a ni bawk nen, phuba chu lak sak ngei ang che, hei i u hian a ṭulna a piang ah a pui dawnche nia, mahse fimkhur ula, ral ram ah in kaldawn a ni a, in tan chetsual zeuh pawh a thiang dawnlo a ni an ti a, chu mini chuan hmatak ah chuan tuk ṭhuan ei in, zanriak Buhfai nen chuan Sangluaia leh, Rokhara te chuan Satkunga khawlam chu an panta a
.
Kawng ah chuan muang lutuk lo a kal in, a kawng chin hrezawk Rokhara chuan hma a hruai a, chawhma ṭhak chawllo a an kalhnu ah chuan, ruamrai nuam tak maihi an hanlut a, tah chuan Rokhara chuan, Sangluai helai hmunhi chhun chawfak nan pawh a ṭha ang a, Ni pawh a her hret tawh a, chhun chaw hi kan fak phawt dawn em ni ang? tiin an zawt a, Sangluaia chuan, ka u i tih dan dan ni rawh se, ni e silte pawh han in sildai ila mawle tiin kawrte Tui lamchu a pan nghal a, Rokhara pawh Sangluaia luhna luite kawr ah chuan rawnlut nghalin, kawrte Tui dautak maichu duhtawk chuan an han in a, an hmaite phih in, an han insil dai a, ngawi renga insila kawrte chhunga an awmlai chuan Sangluaia chuan ṭawngri thawm an hria a, Rokhara hnen ah chuan, ka u thawm ka hria a ni, thawmdim teh ang tiin luite kawr ruam ah chuan an han ṭhuhniam a, Rokhara chuan eng mah a hriatve loh a vangin Sangluaia hnen ah chuan zawite hian, eng thawmnge i hriat? Sapui thawm em ni? an ti a, Sangluaia chuan Sa thawm lam a nilo, helai hmun ah hian keimahni chauh nilo mihring dang an awmve a ni an ti a, chu tia a sawilai chuan lung awi vak lo phun bawrh bawrh thawmchu an hreta nghal a, Sangluaia chuan an awmna chu a ṭha dawnlo tih hria in, ka u lo kalrawh tiin lui kam chhak lama Lung lianve tak phen ah chuan an biru ta a, karlo ah chuan an thawm hriatchu rawn hnaizel in, an insil na thlanglawk ah chuan mipa pali laimaihi an rawnlang hlawl mai a, an insilna thlang kawrte Tui ah chuan rawnchawl vein, pakhat chuan, kan Lal rorel danpawh hi hriatthiam a harta khawp mai, tun ah hian kan sawiang khan, Nikawlha hi kan Lal lak ah hel in, a chhiah pek ṭhinte pawh pek a tum tawhlo a ni a, he tiang a nih rau rau tak ah chuan, e nge nghah nghah ngaitawh le, Nikawlha khuachu keichu runmai a ni ka duh tawh ni, he tianga enge an dinhmun tih ngaichanga kalreng maihi a nin awm in, a buaithlak kati khawp mai, ralveng te an in dah a, keini tan fimkhur a ngai bawk si, hman ni deuha Kaitawta te kalta phawh kha, hei tunthleng in an chan chin hriat tur a awm tawhlo a ni a, Nikawlha khua hian an manta nge ni ang a? an lo that tawh zawk tihpawh engmah kan hriat tawh loh hi an ti a
.
Chungho zinga a upa ber chuan a ni khawp mai, Kaitawta te chan chinhi engmah kan hretalo vang vang mai a, enge maw an chan chin ni reng reng ang le aw? hman ni a Zakhama te ho khachu an vaiin an rawnlet leh tawh a ni a, Zakhama te khan Nikawlha khaw rawlthar pakhat chu an that a niawm e, an zinga pakhat Kalkhama chuan, Nikawlha khua ten Aikamlui an tih ah chuan rawlthar pakhat Chakai khawrh hi kan nang chinga, chu rawlthar chu rawn hruaihaw kan hantum zeta, mahse a lui ah khan kan tihlum ta a nih kha tiin min hrilh a, Nikawlha chuan tunlai hian rawlthar pakhat, Thangluaia fapa Sangluaia an tihchu mikhual a nei ni awm tak a ni a, chupa ngeichu a ni kan Lal fapa leh a naute rawn umhawtu kha, Kalkhama chuan khatianga kan Lal fapa chunga an tih a vang khan a nia chu rawlthar pawhchu kan thahtak ni tiin minhrilh an ti a, Kaitawta chuan heng vanghi a nia Nikawlha khuahi runmai a ni keichu ka duh ni, a ruk a rala in veh reng maihi a tu ve ve lamtan pawh a hah thlak in fimkhur a ngai em em a, keini lam ah hi chuan Nikawlha hote hi an la rawnthleng chho lotur ah ka ngai a, an rawnthlen chhoh vehun ah chuan kan buaiphah khawp ang, chu vangin kan dinhmun a ṭhatlai hian run maihi keichu a ṭha kati a ni, na china in sawi, Thangluaia fapa in tihkha Sangluaia an tih kha a ni ngei ang maw? eng ti tura Nikawlha khua ah chuan rawnzin nge maw a nih dawnle, Sangluaia chu kan hriat ṭheuhang in, ralhrat leh ral relthiam tak mai a ni an ti a, hrechiang deuhte sawidan in, Sangluaia chu Thangluaia khaw venghimtu berleh, a khaw ṭhenawm te pawh in an hlauh chhanber a ni e an ti a ni, Thangluaia Pasalṭha te huaisen danleh, ralbeih an thiamdan chu tlangkam a ṭangin kan hriatvek hi, chung Thangluaia Pasalṭha rualte kaihruai theikhawp chua a huaisen in, ralbeih pawh a thiam an ti a ni, chu tiang Pasalṭha ralhrat a kawl a vang chuan, tun ah Nikawlha chu a rilru a khauh mai mai niin ka hria, a hawsan hun ah meuh chuan Nikawlha hi a luh lul reng tawhlo tawp ang an ti a, pakhat chuan, Thangluaia fapa Sangluaia chu keini hian enge kan hlauh chhan tur? a ṭhahnem zawk kan ni a, tin Nikawlha ai in Pasalṭha huaisen rualpawh kan ngah zawk a, chu vangin he tianga a ruk a rala tawlh tawlh lo hian, Nikawlha chu run thutmai ila keipawh a ṭhatzawk ka ring a ni, tiin a ṭhiante thusawi chu chupa chuan an lo tuihnih ve a, chungho zinga an hotupa Kungthanga chuan, in thusawi chu a dik khawp mai, mahse kan Lal hian chu chu a duh rihlo ni berin ka hria, Sangluaia vang hian a fimkhur niber hian ka hria a, tin he tia ngawih vang vang a, Nikawlha in rihloh laichu chuha, a in rinloh laia hnen taka run a tumni in ka hria, tun ah chuan rngkim a la sarhu lai a nih a vangin Nikawlha pawh in ralring tak in a awm dawn a, tin Sangluaia chuan a lo ṭanpui a nih ngatphei chuan chesual vethei reng kan nive tho a ni an rawnti veleh a
.
Kharliana chu rawn ṭawng chhuak veleh in, Nikawlha khua a Sangluaia chu dahṭha vat ila kan thaw a veng dawn a nih chu, tun ah Nikawlha khawlam pantur kan ni a, chu rawlthar Sangluaia chu kan bitum phawta, kan dah ṭhat vat a ngai a nih chu an rawnti a, Kungthanga pawh chuan, Kharliana sawichu a dik a ni, Sangluaia chu keimahni ngei hian that ila, a lu chu kan Lal hnen thlen ila, ti chuan kan Lal chuan Nikawlha runchu a rawt nghal chuk chuk mai ang, chu rawlthar phiangsen vanga hetianga tei tei hi kan nih hi, kan that kherlo a nihpawh in, a khawlam ah tal kan nawrliam dawn nia an ti a, chungho chu insawi thinrim chawp in, pakhat chuan Sangluaia chu kan pali hian zan ah luh chilh ila, a nula rimna kan hriat theih chuan, Zawlbuk a pan kan chang a nga, Zawlbuk a thlenhma in kan that thei em em ang, chu tiang rawlthar pakhat ringawt chu kan pali chuan kan thamlo viau ang, a mah a vanga hetianga awm renghi ka ning tawh a ni an rawnti ve a, chungho chuan a hmasa bera Sangluaia thah chu relin, a lu pawh an Lal Satkunga hnen thlen ngeichu an reltluta a ni, an hruai tupa Kungthanga chuan, eng pawh nise helai hmun ah hian awm rengthei kan nilo a, kan pantur lamchu i pantawh ang u khai, nak tuk hian Nikawlha khua chu kan thlengtlai lutuk a nge an ti a, kaltura chuan hantho sang sang in, an zinga pakhat chuan, Sangluaia chu luh khung kher ngailo in, henglai ram ah te hian tawn tur han awm maise a awlsam dawn a sin mawle an ti a, Luite an kalsan dawn chiah tih ah chuan, aw zangkhia leh, damthlarh maihian, in miduh chu heta hi ka awm e, mipa in nih chuan in chempui nen khan min rawn hmachhawn rawh u tihri chu an hreta a, Kungthanga leh a hote chuan chu aw lo chhuahna lamchu an hawirang kher mai, an chhak zawlchin ah chuan rawlthar pian nalh thlarh mihi an mahni lamchu rawn hawi in, a mita khawdang hawi miahlo chuan, an mahni chu chiang taka rawn en in, englai pawha che chhuak theitur chuan a lo ding kak hah mai a, ngawireng chuan an en ṭhap mai a, Kharliana chuan, nang rawlthar kha tumaw i nih? kan miduh Sangluaia chu i ni chiang a maw? tiin thamloh hmeltak chuan an en a, rawlthar chuan fiahkak maihian, keihi Lal Thangluaia fapa Sangluaia ngeichu kani e, that minduh a nih chuan heta hi ka awm a, Pasalṭha chuan Pasalṭha tak in a hma a dingchu a hmachhawn ṭhin, Silai in chun duh a nih chuan chuh rawh u, mahse chu chu Pasalṭha in hmachhawn dan a ni ngailo an tih khumve sak mai a, Kungthanga chuan, khingei khi a nih khi kan miduh chule, mipa tak in tumah kan hnung tawlh tur a nilo ang, mipa chuan mipa tak in, tumah khan in Silai kha in chuh tur a nilo ang, mipakhat in kan pali hian mincho a ni a, tumah kan hnung tawlh tur a nilo a, Pasalṭha tak in kan tih tur chu kan hlen ang an ti a
.
Kungthanga leh a hote chuan Sangluaia lamchu an rawn hnaihta hriau hriau maile, Sangluaia pawh in a chempui chu hum chhuak in, a kut veilam chuan a hmanthiam em em mai Maubul chang chu an hum chhuak bawk a, Keipui in a sa sehtur ngun taka a en ang maihian, chu rawlthar pawh chuan a hmalawka a hmelma dingte chu ngun tak chuan a en kalmai a, vawikhat a chetsual hlek pawh in a pawidawn a ni tih hria in, fimkhur taka a hmelmate chet lak danchu en in, chetsual hlek chu a tumlo a ni, Kungthanga chuan, khaile dimna tel miahlo in he rawlthar hi han nghaisa teh ule an ti a, chu veleh pahnih chu Sangluaia lama rang taka rawntlan in, Sangluaia chuan a chempui leh Maubul chu rangtak chuan an humthlak thleng nghal a, Sangluaia kut dinglam a ṭang chuan Maubul chang chu thlawk chhuak dawk zawk in, a lampana rawntlan hmasa zawk hrawk ah chuan Maubul chang hriam, zum lutuk mai chu a lut hrawih mai a, chupa chu awp nghal rawp in, Maubul changin a hrawka kua a hreuh a vang chuan a thaneih zawng zawng chu zawinghal in, a kaihza tha chuan a taksa chu a dinpui zotawhlo a ni, hrehtak chung chuan lei ah chuan tluthlawrh in, a hrawk a ṭanga Thisen tharlam tak rawn chhuak chu hup ṭawk ṭawk in, an leng awrh awrh in, a nun na chuan tuarlo in chulaihmun ah chuan a thizuita nghal a, Sangluaia chuan a chempui chu rang taka a kut dinglama hum nghalin, a ke dinglam chu hmalam ah chuan hanpen pawk in, a mah rawn pantupa lam ah chuan an zuang dawrh mai a, chupa chuan Sangluaia chet rawnlak danchu a rinphak loh lutuk a nih a vangin, Sangluaia rawn zuang phei chuan a rawn nangching ta nghal a, Sangluaia zuangkang in lei a thlenrual chiah chuan, a chempui chu an vaithlawk chhuak zawk mai a, chupa chu Sangluaia chetdan chuan a tihbuai em a vanga insa seng hmanlo chuan, Sangluaia chempui rawn thlawk chu a lu chuan a lo dawnta siah mai le, chupa bek veilang chung hret ah chuan Sangluaia chempui chuan na taka rawnsat chawrh in, chupa luruh chu a keh ri rawp mai a, chulai hmun ah chuan tlunghal tawp in, tho lehtur awm tawhlo chuan a khurnghal char char mai a, karlo ah chuan chupa pawhchu a thifel nghal a ni
.
Kungthanga chuan a bula ding pakhat hnen ah chuan fimkhur tak khan aw, a veilam ah khan kal la, keiin a dinglam a ṭanghian kan bei a nge fimkhur hle ang che, he rawkthar hi an sawi ang tak tak a zamṭha a nih hi, eng anga hlauhawm pawh nise, kan ṭhianten nun na an chantawh lai hian, keini hian hnung tawlhin kan phatsan thianglo a ni, kalrawh le he rawlthar chimawm tak maihi in danṭha teh ang hmiang tiin Sangluaia lamchu Kungthanga te pahnih chuan an panta a, Sangluaia pawh in a Maubul chang chu a mi thahpa hrawka a ṭang chuan an pawtdawk zawk mai a, a mah rawnpan tu Kungthanga te pahnih lamchu hawinghal in, a chempui chu nghet tak chuan an humruh a, a mah chu a dingleh vei a ṭanga an rawnpan a vangin, fimkhur tak chuan a mah rawnpan tu te chu an melh a, Kungthanga te chuan Sangluaia sir ve ve a ṭang chuan hnaih chilh in, na tak mai chuan an rawnsat a, Sangluaia chuan Kungthanga te thiltum chu hresa ni awm tak chuan, an chempui an rawnlek kang tih chuan rangtak mai chuan anlo kunhniam nghal a, Kungthanga leh a nau chuan rawnsah ṭhelhfua in, chempui chu an vainat em a vangin an taksa pawhchu chempui an vaina lamah chuan an theh hersawk mai a, chu tak maichu Sangluaia lo chan khiauchu a ni, Kungthanga nau in siamrem leh hmachu Sangluaia chuan rang taka chuh nghalin, chupa chuan a taksa a theh her, a insiam remleh turchu, Sangluaia chuan a chempui chu rangtak mai chuan an vaichhuak venghal a, chupa nghawng ah tak chuan a chempui chuan an sat chawrh maia, chupa lu chu bunglo deuh hian uai nghal hnawp in, a tlubawk khup chawrh mai a, tholeh tur awmlo chuan a thizui nghal a ni, Kungthanga pawh in Sangluaia hnunglam a ṭang chuan rawnbei zuinghal in, Sangluaia churangtak chuan an lumsawn nghal a, Kungthanga chempui chuan a nak dinglam chu rawnsat thawi in, a thinghal ser ser mai a, Sangluaia chu rang taka rawn in hre remleh nghal in, Kungthanga chuan an rawnbawh pheizui leh nghal a, mahse Sangluaia chuan a sir dinglam ah chuan rang taka lo tawlhsawn, Kungthanga rawntlan pheichu na tak chuan a Maubul chang chuan anlo vaipawp mai a, Kungthanga nak veilam chu Maubul chang hriam chuan taithler hawk in, rangtak chuan Kungthanga chuan a nak thlerchu an hup nghal a, Sangluaia chuan, i hliamkha a nasat hmain i en kawlhman chuan a damleh hmangei ang, tun ah chuan tawk phawt rawhse, val upa i nih a vangin thah kherche hi ka duhlo a ni an ti a, Sangluaia chuan kalsan nghaltum in an leh hawisan a, Kungthanga chuan Sangluaia in herchiah chu a hnunglam a ṭanga sah tum in a chempui chu an lek sang a, mahse an chhak lawk a ṭang chuan, chulai ngawpui khawkrum rum khawp chuan Silai chu a rawn puak ta ṭhuai mai a, Kungthanga chu Silaimu satak chuan rawn deng dawt in, a hnunglam ah chuan a hnawl deuhrawp mai a, Kungthanga awm veilam Silaimu luhna a ṭang chuan, Thisen tharlam tak maichu rawn chhuak nghal zawih zawih in, Kungthanga chuan pachan tum in, thawh kan hantum tak ngial mahse, chu Silaimu chuan a den hneh em a vang chuan thokang theilo chuan, a khuh bawrh bawrh mai a, a ka a ṭang chuan Thisen chu khuh chhuak bawrh bawrh in, karlo ah chuan a thi zuita nghal a
.
Rokhawma chu Lung an bihrukna hmun a ṭang chuan rawn chhuak in, Sangluai enga tinge khapa kha i hnung chhawn maile? awmlo ilang chuan i hnunglam a ṭang khan a sat hlumngei dawnche a nih kha an ti a, Sangluaia chuan, ka u awmlo lang chuan khapa khan hnunglam a ṭanga minbei turin ka kalsan hauh lo ang, i awm tih ka hriatvang chauha kalsan ka nih kha, ka rin ang ngei in mahni naute chhan nan chuan Silai i hmet puak ta, tun ah chuan kapu pawh in a chhuang khawp ang che, ral lu lathei i nih hi a hriathun ah chuan kapu chuan a chhuanghle dawnche a nih hi an ti a, Sangluaia chuan, ka u chhun chawpawh fak hmanlo in kan awm a ni a, helai hmunhi chhuah sanphawt teh ang, chhun chawfak nan chuan hmundang kan zawng lehmai dawn nia tiin, chulai hmunchu an chhuah santa nghal a, chulai kawrte rawn chhuntu mualchu lawn liam in, a thlangruam ah chuan an hanlut leh a, chulai ruam ah chuan hmunrem laizawng in, kawrte pakhat kam ah chuan chhun chaw chu an fakta a, chulai hmun ah chuan reipawh awmlo in, Satkunga khawlam pan chuan an kal leh nghal char char mai a, thuitak an kalhnu ah chuan Nipawh in hniamlam panzel in, khawthlang lama tlak tum chuan a hniamruih tawh mai a, Rokhara chuan, Sangluai hei khuate pawh a tlaita khawp mai, eng pawh nise riahbuk sualna tur kan melh a ngai a ni an ti a, Sangluaia pawh in, ni e ka u rianbuk sualna tur kan ngaihtuah chu a ngai a ni, helai ruam ah hian Tui awmna kan zawn a ngai a ni an tive a, ruam chhungril lamchu panzel in, fingkhat awmvel an kal leh hnu ah chuan Tui awmna chu an hmuta a, Sangluaia chuan hmunrem laite chu han zawng zung zung in, kawrte kan zawlṭha deuh chu an hmuta a, chulai hmun ah chuan riahbuk sualnghal zung zung in, an zawh ah chuan Sangluaia chuan Rokhara hnen ah chuan, zanriah tur lochhum la, kei in zanriah chawhmeh tur kan zawng ang e tiin a chhuak ta nghal a, Sangluaia chu hmuamda awmvel a thanghnu ah chuan lo let leh nghalin, Vahrit nuhi a rawn khaihaw nalh nalh mai a, Rokhara chuan mak ti tak chunga lo thlir reng in, i kah em ni? Silai ri engmah hriat tur a awmsi lo a, khawilam Vahrit nge? tiin an zawt a
.
Sangluaia chuan nia ka u, khilai kawr kam ah khian ka hanhmu thut maia, Vahrit hi a phuve nge ni ang, tlan ngaihna hrelo in a let tawp maia ka manta a nih hi, kan van nei khawp mai, zanriah hmeh ah kan hmang dawn nia tiin an puah nghal mawlh mawlh mai a, karlo ah chuan puahzo in, Vahritsa chu zanriah hmeh a tan chuan an chhumta bawrh bawrh mai a, Rokhara chuan, Sangluai Satkunga khua kan thlenhun ah chuan engtia hmalak turnge ni ang? kanau mah nila i nuihte pawh kalo tiza rengthei a, keichu i hriat ang hian Pasalṭha lo tak mai kani a, ka ram milo in, ralhma ah te hian vawikhat mah kala dinglo a, Satkunga khua kan thlenhun ah pawh chet lak dantur min hrilhzel ka ngai dawn a ni an ti a, Sangluaia chuan, ka u nia tihtur chu ka hrilhzel dawnche a lawm, ni e keipawh in Satkunga khua kan thlenhun ah chuan hmalak dantur mai kala hrelo, hanthleng phawt ila, hmalak dantur chu kan hrezel ang chu tiin, zanriah chu ei tur chuan an in buatsaih ta a, Vahrit sa chu hmeh in zanriah chu puar taka ei in, zanriah an han ei kham meuh chuan khuapawh in thimlam a panta a, an buk kawtah chuan meipui chu chhep eng hluah in, eng emaw chen chu an han ti ti a, kalchau an nih a vangin mengreilo in mutzai chu an relta a, chu ngawpui thimchhah tak hnuai ah chuan an pahnih chauh chuan riahrun rem in, Changel buk zarhnuai ah chuan an mudun ran mai a, zanthim chhah tak hnuai ah chuan zanlama hramchite chu rawnhram chiah chiah in, Leihrik te chu an hram chiat chiat mai a, Chingpirinu hram ri dut dut te leh, Vabak hramri te, an buk thlang lawka kang kang Sava hram lauh lauh te chuan Sangluaia te chu awi mut chhuak in, an kalchau bawk nen karlo ah chuan an muhil bawrh bawrh mai a, chumi zanchu buaina neilo in tui tak chuan an muhil bawrh bawrh mai a, Sangluaia chu chumi tuk ah chuan hma taka tho chhuak in, tuk ṭhuanchu hmatak ah chuan peih in, Rokhara a rawn thawh meuh chuan, Sangluaia chuan tuk ṭhuan turchu a lopeihfel vek tawh a ni, Satkunga khuachu hma taka thlen a duh a vangin, hemi tuk hian hmatak ah chuan tuk ṭhuan chu an ei ta a, tuk ṭhuan an eikham chuan hmuamda awmvel puartlak nan tiin an hanṭhu a, chumi hnu ah chuan Satkunga khawlam pan chuan an kal chhuak lehta nghal a, chawhma an kal leh meuh chuan, Sangluaiate chuan Satkunga khawdai chu lut in, rei vak loh Sangluaia chuan ṭhut chawlh an rawt a, chhun khaw eng ah chuan khuachu luh ngam a nih loh a vangin khua chu helin, khawdai ah chuan riahna tur hmunṭha deuh hmuh in ringin khawdai ah chuan riahna tur ṭhadeuh an zawng a ni, khua an hel hian Satkunga miten an hmuang tih hlautak in, fimkhur leh thawmdim tak chuan khuachu an hel a, chu Satkunga khawdai ah chuan an rinphak baka ṭha riahna turchu an hmuta a ni
.
Riahna tur an hmuhchu puk deuh ni in, chulai a ṭang chuan Satkunga khua chu a lang at mai a, Rokhara chuan, Sangluai helai humhi a remkhawp mai, khua pawh hei a langkim deuhvek a, kan tan chuan duh thusam a nih hi mawle an ti a, Sangluaia pawh in, nie hmun ṭhatak a nih hi, mahse fimkhur taka kan awm chu a ngaidawn a nih hi, khawdai mai a nisi a, Satkunga khuate hian min rawnhmu a nih vaih chuan min luhchilh duh em em ang, chu vangin fimkhur taka kan awm a ngaidawn a ni an ti a, an riahtum na thlanglawk ah hian Tui ṭhatak mai a awm bawk a, luite lianvak lo hi a luang a, chu kawrtea Tui pawhchu a hna a ṭhathmel khawp mai, kawrte ruam ah chuan lut thla in, zanriah chhumna turvelte chu an han en fel a, Sangluaia chuan hei a lahma deuh bawka Satkunga khawluh khan hi kan chian a ngai a ni, zan ah khua ah hian kanlut duh dawn a nihpawh in, khawluh khante kan hriat chian hmasak a ngai a ni tiin, Satkunga khawluh khante chiantur chuan an chhuak ta nghal a, reilote ah chuan Satkunga khawdai tak tak chu thleng in, fimkhur tak chuan khuachu daihnai te ah chuan an hanfang kual a, khaw luh khan pawh hmunual in, chung zing ah chuan an riahbuk hnaih lamte chu Sangluaia chuan a rilru chuan an chhin chhiah hlawm a, khaw kawtchhuah lam hnaih taka an kallai chuan Sangluaia hriatna chak tak mai chuan naupang ṭapthawm a hreta tlat mai, chiang taka ngaithla in, chu naupang ṭapthawm awmna lamchu kawtchhuah lam a ni tih hria in, Rokhara hnen ah chuan, ka u kawtchhuah lam ah hian naupang ṭap faih faih thawm ka hria a ni, a ṭhianten an velnge ni ang a, chulaia naupang ṭap awmta ringawt maichu? an ti a, Rokhara chuan thilhi i hriat theih hi mawle, keichu engmah ka hrehlei nem, naupang ṭapchu hmuh kher i duh em ni? hei khuapawh a tlailam tawh a, zanriah tur buatsaih te pawh a hunchho tawh a nia an ti a, Sangluaia pawh in chu naupang chu a ṭhianten an vel a nih ring in, Rikhara hnen ah chuan, kalrawh kan riahbuk turlam kha i pan phawt ang hmiang an ti a, thuilote an kaltih ah chuan Sangluaia rilru chu naupang lungchhe taka ṭap feih feih ri a hriatkhan luah tlat in a ngaih a ṭha theilo a ni, Rokhara hnen ah chuan, ka u ka rilru a nuam theilo a ni, naupang ṭapkha a lung a chhe em em mai a, a ṭhiante velh ṭah satliaha ṭap ni in ka hrelo, kalrawh i han chianteh reng ang tiin Rokhara chu an hrilh a, Rokhara pawh in Sangluaia thusawi chu i helo a zawm in, naupang ṭapthawm an hriatna lamchu an pandun ta a
.
Kawtchhuah an thlendawn chuan fimkhur taka kalin, naupang ṭap thawm awmna lamchu an hnaihzel a, naupang ṭapri chu an hrechiang tulh tulh a, Sangluaia ngaihchu a ṭhalove telh telh mai, chu naupang ṭapri chuan koh a nei a ni, chu tak maichu a ni Sangluaia ti ngaihṭhalo tu chu, hnimkar a ṭang chuan Sangluaia chuan naupang ṭapchu an bih chiangta a, a hlauhthawn ruk ang ngei in, chu naupang chuan a bula engmah hrelo a mu reng a nu chu koh harh hi a lo tum a ni a, kanu tho rawh, ka ril a ṭamtawh a sin, chhun ah pawhchhun chaw ka eilo a, ka ril a ṭamtawh a nia tiin a nu chu a losawi lauh lauh mai a, mahse a nu chuan a fapa lainat awm tak mai kohna reng reng chu hrelo in, chulai hmun ah chuan thichhawng chuan a mu rengsi a, Sangluaia chuan chu naupang nu chu eng vanga chulai ah chuan mureng nge a nih ang? eng vanga khawtual mite chuan ngaihsak longe an nih ang? Sangluaia rilru ah chuan zawhna a rawnlut zung zung mai, chu naupang baihvai tak maichu kalsan a hnek in, a nu chu tianga a awmna chhan chu zawh a duh a ni, naupang lahchu ṭap hliam hliam in, a nu lotho tawh rawh tiin a ṭap hliam hliam mai a, Sangluaia chuan naupang hnen ah chuan thilawmzia zawh tuma a bihrukna hmun a ṭanga pen chhuah a tumlai tak chuan, khawlam a ṭang chuan patling pahnih hi lo kalin, chu laia naupang ṭap hliam hliam hnen ah chuan, helai ah hian in awm a ni maw? kalsawn vat rawh u, i nu chu eng vanga he tianga awmhi nge a nih, he khuahi chhuahsan tur in Lal in a tiche u a nilawm ni? tiin naupang chu a balbul ah chuan vuan in, thlanglam ah chuan an theh thlalawp mai a, naupang kumli mivel chu chupa chuan a hnehsawh ngei mai, naupang chu a tlakna lam ah chuan insawh hnang in, ṭahpawh ṭap chhuak theilo chuan a awmzui nghal a, chung mite chuan naupang nu chu a chhipsam ah chuan ṭham in, tho rawh, khawthim hmangei hian helai hmunhi chhuahsan rawh u in nufa hian tiin, an phih dinglawp mai a, mahse chu naupang nu chuan engmah a hriat loh a vang chuan, a chhipsama ṭhamtu chuan a fapa, naupang awmna lam ah chuan a hnuk thlata a, Sangluaia chuan chu mite thiltih danchu hmuvek in, a thinchu a sa zek zek khawp mai, mahse chu khua ah chuan zawn nei an nih a vangin, a hunlo a chulaia in hmuh tirchu ṭha in a hresilo, thinrim tak leh hreawm ti tak chung chuan, chu mite thiltih laichu dawhthei taka a thlir a ngai a ni, chung mite pahnih chuan naupang hnangchu han sawi harh nawk nawk in, naupang a rawn harh tih ah chuan, i nu nen hian helai hmunhi in chhuah san dawn nia, na kin ah kanlo kal leh ang a, chutah chuan helai hmun ah hian kanla hmuh che u chuan kan tihlum ang che u, chu chu i nu lo harh hun ah ilo hrilhdawn nia tiin khawlam panchuan an kalsan lehta a
.
Naupang kumnga mi velbawr chuan a nuchu hanko leh in, mahse a nu chuan chhantih reng a awm theisilo, mipahnih an kal liam tih ah chuan Sangluaia chu a bihruk na hmun a ṭang chuan lo chhuak in, naupang nufa awmna lamchu an pan a, naupang chuan hlauthawng tak chung hian, kapu kanu hi a harh theilo a, kanu harh veleh hian kan kaltawh ang, khawngaih tak in minti na tawhsuh u, kanu lo harh veleh hian kan kaltawh ang, tiin Sangluaia chu hlautih hriat tak maihian lo en in, chu naupang khawngaihthlak tak maichu a kimki chawih chawih mai a, Sangluai'an naupang thlabar hmel leh, an chunga zahngai tura a lo dil lawm lawm tu naupang chu lainat taka en in, a bulah chuan zuk ṭhu in, a kut chuan a lu ah chuan hanchul sak in, vala kei chuan tihnat che ka tum hleinem, minhlau reng reng suh aw, ka theih tawpa ṭanpui che u ka tum a sin an ti a, chu ṭawngkam chuan chu naupang chu a thlamuan tih hriat ngawih ngawih maihian, naupang chuan, kapu kan lawm e, kanu hi a lo harh veleh kan kalang e, mahse a nu hi a lo harh theisi lo, eng tin nge ka tih ang le? an ti a, chu naupang thusawi chuan Sangluaia thinlung chu a hneh kher mai, vala lung ngai reng reng suh aw, kabul ah chuan tuman an tinalo ang che u, tiin naupang nu chu an en a, Sangluaia rilru chu a nazual khawp mai, chu naupang nu chu nasa taka nghaisak a ni tih hriat tak maihian, a hmelvel leh, a taksa hrang hrang chu a duk thleh thluah mai a, a nghawng ah chuan na taka reh tih hriat tak maihian a nghawng chu a duk kualruih mai bawk a, tin a tukhum lam ah chuan hliamna tak, vuakna tih hriat tak maihi a kak duaih maibawk a, a tukhuma a hliam kak duaimai a ṭang chuan Thisen nasa taka chhuak in, chu Thisen a hloh hnem chuan nikhawhrelo in a awmtir a ni tih chu Sangluaia chuan a hrenghal mai a, bawihsawm vat a nih loh chuan a nun na tanpawh a hlauhawm dawn tih hria in, naupang hnen ah chuan, vala i nu hian hliamna tak a tuara, en kawlvat a nih loh chuan i nuhi chauzual vak thei a ni a, kan awmna lam ah kan hruai ang che u aw tiin an zawt a, naupang pawh in an mahni ṭanpui tum tu chu haibik lo in, awle kapu tiin an chhang a, Sangluaia chuan Rokhara chu hanko in, a nipawh rangtak chuan a bihrukna hmun a ṭang chuan an rawn chhuak a, Sangluaia chuan ka u naupang kha puala, kei in a nuhi kan pua a nge, helai hmunhi kan chhuahsan vat a ngai a nia, kan riahbuk turlam kha pan phawt mai ang an ti a, Rokhara chuan naupang chu pawbahlat nghalin, Sangluaia pawh chuan naupang nu puak tum in an kunhniam a, chunu hmelchu chiangvtaka en in, nu valai tak a lani tih hria in, a hmelpawh a chhelo hle a ni tihchu a hria a, ti chuan chunu chu pawbahlat venghal in, an riahbuk turlam chu an panta nghal a
.
An riahbuk tur an vathlen hian Nipawh a hniamtawh khawp mai a, naupang nu chu puk chhung ah chuan mut in, a lu kak duai ah te chuan ramhmul damdawite an han hnawih sak a, ṭha taka tuamsak in zanriah turchu buatsaih in an kalsan ta a, Rokhara chuan Sangluai khamite nufa kha Satkunga khua a ṭangkhan eng vanga hnawtchhuak nge an nih ang, khi a la valai in, a hmelte pawh khi a ṭha hlemai bawksi a, eng vanga hnawtchhuak ngaw maw an nih ang le? tiin an zawt a, Sangluaia pawh in, ka u ka hrethiam chiahbik lo a ni, a fapa lah khi a la naupang in thu han zawhchi lah a lani silo a, mahse a nu khi a rawn harh har vak ka ringlo a, a rawn harh hun ah chuan engkim kan hrevek theingei ang, Lal lung an ti awilo chu a ni ngei ang a, a fapa khi sawnte pawh a ni maithei a, sawnpawm a nih chuan tuma zah a kai dawnlo a, chu tiang a nih chuan khawtlang ah sawite pawh a kai a ni thei a, tin chulo pawh an hnawhchhuah chhan ah hian nithei tam tak a awm ngei ang, ka rindan mai mai chuan, Lal chhungkaw lam mite nen in hmuh thiamlohna liantak an nei a nih ka ring, chu tiang nilose hmeithai pakhat, a fapa lah a la naupang ropuisi a, han hnawhchhuah ngawt maihi hriat thiam a har a ni, chhanṭha tak zawng a awm a ni ngei a nga an ti a, eng pawh nise zanriah chawhmeh tur kan zawng a nge, ti khan chawte lochhum la, tin kan damlo pawh khi a harh harchu ka ringlo, i lo thlithlai dawn nia tiin Sangluaia chu zanriah chawhmeh zawngtur chuan a chhuak ta a, Rokhara chuan Sangluaia chu thlirzui vawng vawng in, ka naumah nila ka vanchhuang tak che em, engmah ka tihve ngailo in i buaipui vek a, ralhma ah lah nise ka telve phallo in engkim i hmachhawn ṭhin a, nang ang mihringhi kala hmungailo a ni tiin a thlir liamta a, Sangluaia chu reipawh a thanglo tih ah chuan rawnlet leh in, Vahrit chal pakhat hi a rawnkhai haw nalh nalh mai a, a iptepui ah chuan Tumpa hi rawn ak telbawk in, zanriah tur an sian na hmun ah chuan an dah a, Rokhara chuan Sangluaia thawm an hriat chuan, Sangluai lo chho teh le, hei kan damlo pawh a rawn harhta e tiin an rawnko a, Sangluaia pawh puk lam ah chuan chhovat in, Rokhara sawiang chuan an damlo pawhchu a lo meng harh ṭha khawp mai, Rokhara chuan Sangluai i zanriah hmehtur lo hawnkhu kan siamnghal ang e, ti khan lo in kawm rawh u tiin Rokhara pawh rawngbawlna lam ah chuan a chhuk ta a
.
Sangluaia chuan damlo nu hnen ah chuan, ka u in minkoh ang khan Sangluaia ka ni a, ka u khu a hmingchu Rokhara a ni e, helai hmun ah chuan hlauhtur a awmlo a, lungmuang tak in in awmve dawn nia an ti a, chunu mit a ṭang chuan mittui chu rawnhnam ṭiam ṭiam in, a fapa hnen ah chuan, Hlira Mauthei khan Tui minzuk thal rawhle an ti a, Hlira pawh in puk chhunga Mauthei chu la in, Tui thaltur chuan a kalta nghal a, a fapa a kal liamtih ah chuan, ka fapa khan in felziahi minlo hrilhtawh a sin, keihi Chalthangi ka ni a, Thangi tiin minko ṭhin a ni, ka fapa kha Kaphlira a ni a, Hlira tiin kan ko ṭhin, ka Pasal hian minbo ralsan tawh a, kan nufa hian kan khawsave ṭawk ṭawk a ni, kan nufa chunga in ṭhatna hi keini nufa hian kan theihnghilh ngailo ang, ka fapa vang chauh hian damhi kala thlahlel a ni, nilo seng chuan khami hmun ah khan thihnghal maikha ka duh a ni an ti a, Sangluaia chuan Thangi chu tiang rilru an pungai hlei nem, i sawiang khan fapa feltak i nei a, nang awmlo la i fapa hi tunge en kawlta ang? in chhungkaw chan chin chu engmah hriat kan neilo, tin khalai hmuna inlo awmdan pawh kha keini chuan engmah hriat kan neilo a ni, mahse pachang tak in awmla, Thing delh loh, Lung delh loh chu i fapa pawh karlo ah a rawn puitlingve maidawn lawm an ti a, Thangi chuan Sangluaia chu melh in, i felhle mai, keini nufa teh lul kara khatiang ṭawngkam i hmangkha ka lawm lutuk, ni e in hmel ka hmuh hian Satkunga khualehtui mi in ni in ka hrelo, chu vangin kan nufa chan chinhi in hrelo tak tak pawh a ni ngei ang, engmah hi hansawi tlak a awmlo a ni, mahse chan chin in hrelo tawpa in bawuhsawm chu a fello e, kan nufa chan chinhi in hriat tlak nilo mahse kan hrilh ang che an ti a, chu tihlai chuan Hlira Tui chawipawh lo thleng tawh in, Tui chu Thangi chuan an in khawlh khawlh a, a in zawh chuan han insiam rem in, Sangluai Satkunga khua ah hian kanu lehpa a ṭanga chengve tawh kan ni a, kanu hi a vanduaia fa pahnih chauh min nei a, ka u hi mipa ni in, ka u hian nupui an neive a, mahse fa pawh a neih hma hian a boral ta a, ti chuan keipawh in pasal kan neive a, ka pasal boral hma hian kanu leh pa te chuan min boralsan tawh a, tuna ka fapa hi kumthum velchauh a nih laihian ka pasal chuan min boralsan veleh a, ti chuan Satkunga khua ah chuan laina hnaipawh neilo in ka fapa nen chuan kan khawsa veta a, hmeithai han nih tak ah chuan mitezah kan phurlo em em mai a, min hmusit in an chhe pui pui hian min an khum ṭhin a, eng emaw chang chuan zanpawh mulo a ṭah chang hi ka ngah ṭhin khawp mai
.
Mahse lungchhe taka ṭah khan engmah awmzia a neilo tih hria in, theihtawp in ka inti pachangve hram hram ṭhin a, miten diriam tak tak in min an khumṭhin mahse, ka theihtawp in ka tuarve hram hram ṭhin a ni, ka pasal boral a ṭanga kum an veimeuh chuan, kan Lal Satkunga tupa pakhat chuan minkawm ngeihta tlat mai a, chu Tlangval hnen ah chuan, nang nen chuan in kawmthei kan nilo, kan dinhmun pawh a in anglo in, nangchu Lal tupa i ni a, keichu daikil kara hmeithei pakhat vemai mai ka nih hi ti a ka hrilhpawh in, chu Tlangval chu zantin maihian ka in ah chuan a lo leng rengmai a, ṭumkgat pheichu nupui a tana minduh thute minhrilh a, mahse kei chuan ka thiam ang tawka hnar in lo leng tawhsuh, ka in a i lo lenhi i chhungte pawh in an duhlo a nia tiin ka hrilh leh a, chuta ṭanga reilo te ah chuan chu Tlangval chu a nu leh pa ten nupui tur an biak sak ta a, mahse keimah vang chuan chu Tlangval chuan a pa ten a nupui tur an biak sak chu neiduh lo in, chhungte hnen ah chuan nupui a tana min neih a tumthu chu a hrilh a ni awm e, a chhungte chu ka chung ah chuan an thinrim nasa mai a, tin a nupui turte pawh in keimah vanga hnar an ni tih an han hriathnu ah phei chuan, ka chung ah chuan nasa taka thinrim in, ka in chhung ah te chuan min rawnluh khung ṭhin a, keipawh in chu Tlangval, Kaikunga chu ka hnarthu te ka thiam ang tawk chuan ka hrilhve ṭhin, mahse Kaikunga chuan ka in a rawnlen chu sim duhlo in, vawikhat pheichu Kaikunga nu chu ka in ah chuan rawnlut in, thinrim tak maihian min rawn an khum a, nang hmeithai pasal sun hian ka fapa chu ilo kherh bet a, mipa danghi i hmu zolo em ni? nge mipa lo hian i awm theilo zawk? miten an sawidan chehi i hreve lo em ni? kan khawtlang ah hian Tlangsum tih khawpa sawitawh i nih hi, hetiang hmeichhia te tu nu leh pa te in nge fapa te nupui a tan duh ang? chu vangin kan fapa hi lo tibuai tawh suh tiin min an khum hrep mai a, khami tuka min an khumna kha na ka tih em a vangin Kaikunga nu hnen ah chuan engmah pawh ka sawive theilo a ni, ka rilru na lutuk chu ka ṭap zawih zawih mai a, a dik tak chuan ka pasal boral hnu ah hi chuan eng mipa mah hi kala kawplo hrim hrim a ni, mahse khatianga Tlangsum tih khawpa min rawn an khumkha a na kati in, hreawm pawh kati a ni, kan hriatchian leh hnu chuan, Kaikunga nu leh pa ten a nupui tura an biak nula ṭawngthei vetak mai chuan, Kaikunga nu leh pa te hnen ah chuan khatiang khan minlo sawi a ni a, mahse khawtlang ah chuan tumah min ṭanpui tu an awmve loh a vangin, min puhna zawng zawng pawhchu hreawm ti tak chung in ka ngawi liamta a ni, ka ngawih tak a vang chuan Satkunga khualehtui te chuan min hmusit zual em em mai a, chu tianga tlangrel kan nih tak ah chuan keipawh in hreawm ka tizual in, zantin hian ka fapa muhil lai en chung chuan ka ṭapfo ṭhin a ni, Kaikunga lah chuan min kiansan reng reng tumlo chuan zantin mai chuan a rawnleng reng maisi a, a chhungten min hmusit zialeh, min thamloh ziate ka ngaihtuah chuan, ka rilru a kalsual chang chuan, Kaikunga chu ka in ah chuan ka in luhkhung tirmai dawn em mawni chu aw, tih chang ka neiṭhin a ni, mahse chu tianga ka tih chuan a chhungten min puhna zawng zawng chu khawtlang chuan dik vek ah an ngaidawnsi a, ka dikna chu theih tawpa lanchhuah tirve hram hram ka duh a ni
.
Kum an veimeuh chuan Kaikunga nu leh pa ten nupui tura an biak sakte chhungkua chuan, ka chung ah chuan thil ṭhalotak mai an rawnti ta nge nge a, keichu Khawhring nei ah chuan minpuh ta a, kan khawtlang ah chuan Khawhring pai chuan ka thang nasa ta mai a, mite chuan minhlau in, minbiak pawhchu an duhtalo a ni, tin Lal pawh in ka khualehtui ah Khawhringpai awm ka phallo tiin, a tupa Kaikunga pawh chu ka in a kalchu Lal chuan a phaltalo burmai a, tin mite chuan minten in, ka in hnaiha kalpawh chu an duhta lo a ni, keini nufa tan chuan a hreawm zual em em mai a, hmeithai mite hmuhsit nihtawh nak a laia, chu tianga kan thangleh chu kan khua ah chuan minten ngawih ngawih mai a, Puithiam te chu min en tira, Puithiam lah chuan Khawhring pai ngei a ni min hanti tasi a, kan tan chuan ṭan ngaihna a awmtalo a ni, ti chuan vawiin khan ka in ah chuan Kaikunga nupui turte chuan Tlangval ho rawnhruai in, Lal chuan Khawhringpai khua ah hian awm a phallo a, i fapa nen hian vawiin ah hian khuahi chhuahsan rawh u an rawnti ta a, hreawm katih em a vanga keichu ṭap zawih zawih in, val upa te hnen ah chuan, dawtin minpuh mai a ni, Khawhring ka pailo a, chhuak ta ila keini nufa hian khawilam nge kanpan tak ang le? khawimah pantur kan hrelo a sin, chu vangin min hnawt chhuak lulsuh u, in duhleh dai deuh ah min awmtirve ula, khua ah hian kan rawnlut ngailo ang tiin kan dil a, mahse val upa te leh Tlangval rualte chuan, kei ni hmeithai nufa chung ah hian zahngaihna an neitalo a ni, chhuah ka duhloh a vang chuan ka in chhung ah chuan min sawisa ta a, khua ah hian Khawhringpai kan duh hleinem tiin a rem lai lai ah chuan min hlap lawp pawp mai a, ṭhenkhat in minbeng in ka chhipsama min kek tawk an awm bawk a, min nghaisak hrephnu ah chuan ka in neihve chhun, ka pasal kut chhuak ve liau liau chu minṭhiah sak ta a, ti chuan kei nufa chu kut lawngin khaw kawtchhuah ah chuan mindah ta a ni, ka thinrimve em a vang chuan kawtchhuah ah chuan, kan val upa Kaihnuna hnen ah chuan, Khawhring ka pailo a, miten dawt dawt in minpuh a, ti chunga keini nufa chunga in thiltih danhi Khuanu pawh in in chungah hian phuba a la lave ngei ang ka ti a, val upa Kaihnuna thinrim chuan, hmeichhe ṭawngthei lutuk mai tiin kalu ah hian minhlap chawrh mai a, ta ṭang chuan nikhawhrelo in ka awmta niber in ka hria, Sangluai kan chan chin zawng zawng ka hrilhvek che a, mite chuan Khawhringpai tiin min ten ngawih ngawih a sin, min lainat tak in min bawihsawm mah ula, ka chan chin in hriat tak ah chuan minten maithei a, minten mahla ka dem reng reng lo che a nia Thangi chuan an ti a, Sangluaia chuan, min dawta Khawhring paia an puh a vangche chuan ka tenche i ring em ni? nilo e, in nufa hian hetah hian, kan bulah ngeihian in chengve rih ang a, rem i tih chuan khua ah ka hruaihaw dawnche a ni, chu tah chuan tuman an tina tawhlo ang che u an ti a
.
Thangi chuan Sangluai i pahminghi min hrilh thei a ngem? nangni anga Tlangval felhi tumah kala hmungailo a, chu vangin i pa hminghi hriatve ka vanduh em an ti a, Sangluaia chuan, kalfel reng reng hlei nem, in thiltawn kha tu te pawn rawnhmuse an kalsanlo ang che u, keini ai pawh hian an tuamhlawm ṭhazawk ang che u, ni e kapa hming i hriatduh chuan, kapa hmingchu Thangluaia a ni e an ti a, Thangi chuan Sangluaia chu mak tih hmel taka rawn melh in, Thangluaia, khawthlang lam Lal ropui tak an tih hi em ni? chulo chu Thangluaia dang an awm em? tiin an zawt a, Sangluaia chuan dawt hanhrilh ringawt chu dika a hriatloh a vang in, aw khawthlang lama Lal Thangluaia khu kapa ngeichu a ni e tiin Thangi zawhna chu an chhang a, Thangi chuan mak ti tak chunga Sangluaia chu melh in, a nih chuan Thangluaia fapa huaisen leh, ralrel thiamtak ah tih hi ilo nireng tihna maw ni a? Thangluaia chu hmeithaite leh, chanhaite hmangaihtu Lal ropui an ti ṭhin a, mang ang leh rilru hah taka ka awmlai chuan ka hrechhuak vawng vawng ṭhin a sin, a rorelna hnuai ah chuan riangvai leh fahrahte, hmeithaite leh pachhiate hian hlimtak in tual an chaiṭhin an ti a, ka mang an tak tak lai chuan la hmuvelo mah ila, Lal ropui Thangluaia ngaihian ka mittui hi a luang zawih zawih ṭhin a sin an ti a, Sangluaia chuan lung ngai reng reng suh, i hliamte hi a damfel hun ah Nikawlha khua ah hlimtak in ilut ngei ang, chuta ṭang chuan i duh phawt chuan kan khawlam chu kan panleh dawn nia an ti a, Thangi chuan, Sangluai helai hmun ah hian engti tura lo kalnge in nih le? ka hriatve theih a ni em? tiin an zawt a, Sangluaia chuan, Thangi hliamtuar lai i ni a, mahse kanbula in awm tak ah chuan kan tihturhi hrilhche a ngai a ni, kanhma lawk khan Satkunga khaw Tlangval te chuan, Nikawlha khaw rawlthar pakhat nasa tak in an nghaisa a, chu rawlthar chu thi ṭhak khawpa nghaisa in, chu rawlthar nghaisa tu te chu ka rawn umzui a ni tiin an hrilh a, Thangi chuan a nih tak chu mawle, a vanpawi ṭhin tak em, chung mite chu i hriat zawng an ni em? tiin an zawt a, Sangluaia chuan, tumah kha ka hriatzawng an nilo a, tin an mahni kha vawikhat mah kala hmu ngailo, pahnih hming khachu ka hria a, chu bak chu tumah kha ka hrelo a ni an ti a, Thangi chuan Sangluaia hnen ah chuan a hming a hriatchu an zawt a, Sangluaia pawh in hrilh in, Thangi chuan, Sangluai chung an hming i sawite chu Satkunga khua ah chuan mikawlhsen tak tak an ni a, an sawidan chuan, Satkunga chuan mi thatduh a neih chuan, chu mite pahnih chu a tirṭhin a, chulo pawh chu midang an la awm an ti a, Sangluaia chuan a nih chung mite, an hming ka sawikha khawilai vela awmnge an nih? zanlam ah te nula rim in an chhuak ngai em? tiin an zawtleh a, Thangi chuan Khurpui venga awm ve ve an ni a, minzawh tak ah chuan, miten an sawidan chuan nula Ṭhathangi te in ah an lengṭhin an ti a, Ṭhathangi te chu Tlaklam venga awm an ni, khua a ṭanga min hnawhchhuah ṭumpawh in, kut minthlak nasa tu te an ni a sin, an ṭhianho hi pali an ni a, an kawlhsen in ral lu lak mai mai te hi an ching a, Satkunga pawh in hmelma a neih chuan a tirhchhuah berte an ni, ka in ṭhian rawt tu hmasa berte hi, chungho ṭhianho chu an ni a, an duh ang ngeiin ka chung ah an ti ta a ni an ti a, Sangluaia chuan Thangi chu lainat taka en vang vang in, lung ngai reng reng suh aw, zanin hian Satkunga khua ah chuan kalut dawn a, i thusawi zawng zawng hi ka hre reng ang, eng pawh nise hei zanriah ei te a huntawh a, zanriah ei turin in puahchah phawt ang u tiin puk a ṭang chuan Sangluaia chu a chhuak ta a
.
Satkunga khua ah thung chuan Thangi te nufa an hnawh chhuah chung chang chu ti ti a tam khawp mai a, ṭhenkhat chuan diriam tak tak in an chan chin chu an sawi bawrh bawrh mai a, an han hnawhchhuah tak ah chuan lo lainat tu te awmve tho in, ṭhenkgat chuan, Kaikunga nupui tura an biak Laikungi leh a chhungte ṭawng theih rah a sengta a ni ti tawk an awm a, chu khua ah chuan Thangi te nufa chan chin an sawidan chu a in anglo a ni, khua a lo thima Tlangval hopawh in an nula rimna tur lamchu an pan sang sang mai a, Aikunga te ṭhianli pawh in tlaklam venga Ṭhathangi te in chu an panve bawk a, Ṭhathangi hi nula hmelṭha tak ni in, a kawmpawh a nuam em em mai a, in lengte a ngaihsak in, an in a chuanglut ṭhin Tlangvalte chuan, Ṭhathangi hian min ngaizawng ta emawni chu aw tih tur hian a inlengte chu a kawm thiam in a ngaihsak thiam a ni, chu tiang tak maia nula felleh hmelṭha chu Tlangval te pawh in ngaina in, in lengte pawh a ngah ṭhin em em mai a, hemi zanpawh hian ṭhutna in daihlo khawl in inleng a ngah a ni, Aikunga te ṭhianli pawh in Ṭhathangi te in an han thlen chuan, Aikunga chu lut hmasa berin, a ṭhiante pathum chuan an hanzui lutve a, ṭhutna an in daihloh deuh a vangin, rawlthar deuhte chuan ṭhutna chu ai a upate kian in, rawlthar deuhte chu Leihkapui lamah chuan an han insawn hlawm a, Aikunga te ṭhianho hi Satkunga khua ah hi chuan an leng halh halh khawp mai a, tin an huaisen a vang hian Lal Satkunga pawh hian kut leh ke a a neihber te an ni nghe nghe a, hengte a vang hian an khua ah hi chuan an lengin, Tlangval tamzawk te pawh hian zahpawh an zahder thiam khawp mai, hemi zanpawh hian an mahni michapo deuhchi an loni bawk nen, Ṭhathangi te in a an hanlut hi an hawideuh vah vah mai a, Tlangval dangte awmve te chu thamlo tak tak a melhpah in Aikunga chuan, hei inva hmahlawm em em ve, upa zawkte nula rimna a luh khalhfohi rawlthar kan nihlai chuan kanti ngailo a sin mawle an ti a, he tihlai hian Ṭhathangi pa chuan, Aikung kha Thangi te nufa chu in umchhuak theita a maw? tiin a mutna khum a ṭang chuan an rawnzawt a, Aikunga chuan, ni e kha kan Lal in Khawhring pai khualehtui ah awm a remti silo a, an nufa khan kan dahchhuak ta a nih kha, khawilamnge an pandawn pheichu kan hriatpui talo a nih kha tiin an chhang a, Ṭhakungi pa chuan, an ni nufa tan chuan Nikawlha khua a hnaibera, Nikawlha khua an panmai kalo ring a sin an rawnti leh a, Aikunga chuan, Nikawlha khua pawh panse, kanhma maihian kan Lal hian run a tih hmela, Thangi te nufa tan chuan kawng a ping khawp ang, Dokunga te kha han neiduh mai mai se ṭhatur, ka pasal mitmu pawh a la kehlo ang tihvang mai mai khan a hnar a nia, Kaikunga lah Lal tupa a ni a, a chhungte chuan engti kawngmah khan an fapa nupui a tan chuan an duhawm tawp silo a, hmeichhia hichu an nikhualo a nih hi an ti a
.
Ṭhathangi te in a lengve Tlangval pakhat chuan, Aikung tunmai khan kan Lal chuan Nikawlha run a tumthu kha i rawnsawi lang zeuh mai a, miṭhen khat sawidan chuan, kan Lal hian Nikawlha chu tun dinhmun ah chuan a run ngamlo an tih tlatchu mawle, a chhan an sawidan in, kanhma deuha kan Lal fapa Kalthanga te Nikawlha khua a an vakal ṭuma, Kalthangate rawn umhaw tu kha Thangluaia fapa Sangluaia an ti a, Sangluaia chuan Nikawlha khua ah chuan a pute tlawhin a rawnkal an ti a, Nikawlha khua a rawnluh ni hian Keipui pahnih chu chemtum nen ringawt a rawn that a, chung Keipui ho zinga Sairal lianzet awmve nen chuan in hmachhawn leh in, chu Sairal lianzet maichu Sangluaia chuan huaisen taka melh in, tawlh hnungrawh tihnat che ka duhlo a nia tiin chu Sairal chu a bia an ti a, Sairal chu hnung tawlh in ngawpui hnuai ah chuan a pilbota an ti a ni, hengte a vang hian kan Lal Satkunga chuan Nikawlha chu runmai a ngamlo an ti a, enge nangni Aikung in ngaihve dan ni reng reng? Sangluaia vangchu a nih in ringve reng reng em? nangni hi chuan Sangluaia chu in hlauhve ka ring miahlo a, kan Lal hian Sangluaia hmachhawn tur hian a ring zolo che u ngeni ang a? na kinah Sangluaia chu that tur in tirhche u a tum zawk ni ang? tiin an zawt a, Aikunga chu chapo tak maia rawnhawi chhuak in, thu hi a thang nasa a, ni e kan Lal chuan ṭul katih hun ah nangni hi Sangluaia that tur chuan in kalchhuak dawn nia minti a lawm, chumi hnu ah chuan engkim a feltawh ang an ti a, Tlangval pakhat chuan, tuna Sangluaia chan chin kan hriatkha thutak a ni em? thutak a nih chuan Sangluaia chu tawngpawng beihngawt chi a ni hauhlo ang le, Keipui pahnih chemtum nen ringawta that theitu mihringchu keini hmachhawn ngawtchi chu a ni hauhlo ang an ti a, chu ṭawngkam tak mai chuan in chhunga awmve Aikunga thinlung chu a kheita zarmai le, chupa lamchu melh in, Chawnga i ṭawngkam hmanduh dan chuan thin a va kheive, Keipui pahnih a thah a vang ringawt in i hlau ang maw? Sairal a hma a a tawlh a vang ringawt in, i khualeh tuihi chupa Sangluaia lak ah chuan i chhan ngamlo ang maw? i ṭawngkam kha mipa ṭawngkam hman dantur a nilo tawp mai kati, Sangluaia chu lokal ang hmiang, a pa Thangluaia ngei pawhchu kan khua min rawnrun tur hian rawn thawk chhuak ang hmiang, tunge in hlauh a? mahni khaw chhan ngamlotur khawpa dawihzep chu tunge? an ti a, Chawnga chuan, ka tlanchhia ang chu ka tilo, mahse Thangluaia chu kancho chi a nilo, a Pasalṭha rual ralrel thiam tak tak te ringawt pawh khawkhat runtham an tiasin an ti a
.
Aikunga chuan, Chawnga i ṭawngkan hmandan kha a mak kati khawp mai, a nih kan khua hian ral a hmachhawn in tu te nge hmahruai ṭhin han sawiteh? an ti a Chawnga chuan nangni chu kan khaw chhuan vawrleh, kan Pasalṭhate in ni a, hmahruai ṭhinte chu nangmahni hi in ni a kan hria a lawm, chhuan pawh in chhuah awm khawp mai an ti a, Aikunga chuan, kha kha ṭawngkam hman dantur dik tak a ni, i khualehtui phatsan zawnga ṭawngkam i phuh chhuah khan ka thinlunghi a kheina khawp mai, keini hian he khawtan hian hma kan hruaiṭhin a, khawi Pasalṭha lak ah nge kan chetsual tawh a? khawi Lal lak ah nge kan hnungtawlh tawh? Thangluaia leh a fapa Sangluaia pawhchu rawn thawk chhuakse enge in hlauh? Sangluaia Nikawlha khua a awm pawhchu kan Lal hian ṭul a tih hun ah kanva thatmai ang, Chawnga ka thusawihi i awilo pawh a nithei a, mahse Satkunga leh a khualehtui tan hian ralhmatawng in vawitam ka thawk chhuak tawh, kan chhak lam Lal Kuaithanga te leh, midang tamtak kan runṭum pawh in ralhmatawng ah hian ka ṭangṭhin, chung kan runte chu Pasalṭha huaisen tak tak an ni hlawm, mahse vawiin thlenghian Satkunga tan hian ral kala dothei a nih hi, tunge min hliam tawh a? tunge khangho ah khan ka chunga leng awmle? Chawnga keihi min theihnghilh ta em ni? a nih kan Lal leh a khualehtui tan hian ral hmatawng ah vawikhat tal i penchhuak vetawh em? tiin an zawt a, in chhunga Tlangval hochu an ngawiṭhup mai, Chawnga chuan, Aikung ka theihnghilh che a nilo a, Thangluaia te pafa hlauhawm dan ka sawimai a ni e, i zawhna ah chuan, kan Lal tanhian ralhmatawng ah chuan vawikhat mah kala penchhuak lo, chulam ah chuan engmah sawitur ka neilo e an ti a, Aikunga chuan vawikhat pawh ralhmatawnga he khawtan hian ila pen chhuah loh lai hian, a nih keihi vawieng zatnge ka penchhuah tawh le? Aikunga chu an hawi valh valh mai a, vawitam kan penchhuak tawh a, vawikhat mah kanla chetsual loh hi, chu vangin Sangluaia lak ah pawh chuan midang i ringlo a nih chuan, keihi chu min ringrawh, i hmuhlai ngeihian Sangluaia in tihchu han hmachhawn ka van chak ve aw, tiin Aikunga chu an nula rimna hmun a ṭang chuan an rawnding chhuak a, chu tihlai tak chuan an piah, kawngka thimlai a ṭang chuan aw damthlarh mai, lo ngaithla chingtu tan chuan chu aw chuan, thihna a paitel a ni tih hriat taksi hian, i miduh chu heta hi ka awm e, hmeithai chunga kut thlak ṭhintu mipa chu, Pasalṭha ah in chhiarthei dawn em ni? an rawnti a, in chhunga nula rima Tlangval lengte chuan, chu aw lo chhuahna lamchu an hawinghal ṭhup in, kawngka chhunglam ah chiah chuan Tlangval pian nalh thlarh maihi, inchhung lamhawi chung hian a lo ding kak hah mai le
.
.
DUHTAWK LEH RIHPHAWT ANG U AW
REMCHAN VELEH KAN CHHUN ZAWMLEH DAWN NIA
.
Hman hmawhlo in minlo nghak hram hram ṭhindawn nia
.
.
[Lalzirliana Tichhawng] [Champhai Tlangsam]
.
.
Sangluaia zingtho chu Rokhara chuan rawnhmu in, Sangluai i vatho hmave? tih tur i nei em ni? an rawnti a, Sangluaia chuan, ka u minpuih a ngai dawn a ni, tirawh lo tho chhuak teh khai an ti a, Rokhara pawh rawntho chhuak nghal in, nauten puih in ngaihte chuan englai pawh in ka in peih a lawm an rawnti a, Zawlbuka midang thawh vehma chuan Sangluaia te chu tho in, in lamchu an panta a, in an hanthlen chuan Dohranga pawh lo tho chhuak tawh in, Sangluaia chuan, kapu i hnen ah hian sawitur ka nei a, eng thil emaw handik che ka duh a ni an ti a, Dohranga pawh in, ka tupa enge i duh chu nile, ka pek theih che leh, ka tihsak theih zawngche a nih chuan kape in, ka tihsan em em ang che an ti a, Sangluaia chuan, kapu helai a ṭang hian Satkunga khuahi a hla em? engtia reinge kalngai ang? tiin an rin loh deuhmai thil an zawt a, Dohranga chuan a tupa Sangluaia chu en vung vung in, ka tupa chu tiangte minzawh teh daih ni? eng thilnge nita le? Satkunga khua chu nikhat leh chawhma kalvel a ni e mipa chak vak tan chuan, Satkunga khua ah chuan kal i rilruk deuh em ni? an ti a
.
Sangluaia chuan, kapu thil hrilh turche ka nei a, ka thusawihi i awih zawng a nilo maithei e, mahse nizan thleng khan ka mumang ah kala hmu a, chu vangin he ka thiltih tumhi ka tihngei a ngai a ni, kan sawi ang a, i ngaihdan chiang tak in minhrilh dawn nia, Khampuia ruang kan zawnṭum khan, Aikamlui ah khan Khampuia ruang awmna kan thlen thlak hma khan, hei ka u pawh hian a hmu a, Khampuia thlakha kanhmu a, ka rilru ah chuan Khampuia thla chuan eng emaw min hrilhduh a neih ka ringtlat mai a, Khampuia thlachu keimah in ka panta a ni a, Khampuia thlachu biak pawh ka bengei a ni, chu tah chuan kan chhan hmantawh loh thu a thla chuan minhrilh a, ti chuan a ruang chu a thla kan hmuhna thlang lawk ah chuan kan zuk hmuta a ni, Hlangte siama Khampuia ruang kan zawnhaw khan, a thlakhan khawchhung thleng min thlah lo a, Khampuia ruang, an in a kan dah a, ka u nen hian in lam kan rawnpan khan minla rawnzui zel a, kau hnen ah hian zunchhuak chhuanlam in ka pensan ta a, chu tah chuan Khampuia thla hnen ah chuan
.
Hahdam tak in chawl rawh, enga tinge min rawnzui zelni? nang mah hmangaiha, i ruang tuamhlawmtu tesaw harsatna te i siam a nge tiin ka hrilh nghe nghe a ni, tan chuan Khampuia thla chuan chutia kantih chuan min kalsan ta a, mahse nizan khan mu mang mak deuh mai ka nei a, tah chuan Khampuia an nghaisak dan zawng zawng ka hmu a, chung zawng zawng ka hmuhzawh hnu ah chuan Khampuia chuan, kha tianga nghaisak hlum kha kani a, min nghaisa tu te kha an hmel i hmuh vek kha, phuba minlak sak ang che, phuba minlak sak hnu ah chuan muangtak in ka chawl tawh ang tiin min hrilh a, keipawh chuan Khampuia min ngen na chu tih hlawhtlin sak ngei ka tumta a ni, Khampuia nghaisa hlumtu te hi Satkunga Tlangval palite an ni a, hei Lung tun hunte a la hladeuh nen, Khampuia chu kalo tiamtawh ang in, a mah that tu te chung ah chuan phuba lak sak ngeihi a duh a ni, chu vang a ni e Satkunga khaw chan chin kan zawhche an ti a, Dohranga chuan maka ti ang reng khawp mai a, mahse a tupa thusawi chu a awilo tihna nilo in, Khampuia thlain Sangluaia hnena a mah that tu te chunga phuba la tura an ti chu mak a ti a ni, Dohranga chuan Sangluaia chu en vung vung in, ka tupa i thusawi chu ka awilo ka tihna nilo se, mahse chu tianga Khampuia thlain phuba latura an ti che chu mak kati khawp mai, mahse Khampuia kha nasataka nghaisak hlum a nihchu kan hrevek a, ni e lainat pawh a lainat awm a ni, ka tupa ni e i sawiang khan hei i pu Luntun hunte a la hladeuh bawka, Khampuia ngen na che ang chuan, tin i rilru kaptu a ni bawk nen, phuba chu lak sak ngei ang che, hei i u hian a ṭulna a piang ah a pui dawnche nia, mahse fimkhur ula, ral ram ah in kaldawn a ni a, in tan chetsual zeuh pawh a thiang dawnlo a ni an ti a, chu mini chuan hmatak ah chuan tuk ṭhuan ei in, zanriak Buhfai nen chuan Sangluaia leh, Rokhara te chuan Satkunga khawlam chu an panta a
.
Kawng ah chuan muang lutuk lo a kal in, a kawng chin hrezawk Rokhara chuan hma a hruai a, chawhma ṭhak chawllo a an kalhnu ah chuan, ruamrai nuam tak maihi an hanlut a, tah chuan Rokhara chuan, Sangluai helai hmunhi chhun chawfak nan pawh a ṭha ang a, Ni pawh a her hret tawh a, chhun chaw hi kan fak phawt dawn em ni ang? tiin an zawt a, Sangluaia chuan, ka u i tih dan dan ni rawh se, ni e silte pawh han in sildai ila mawle tiin kawrte Tui lamchu a pan nghal a, Rokhara pawh Sangluaia luhna luite kawr ah chuan rawnlut nghalin, kawrte Tui dautak maichu duhtawk chuan an han in a, an hmaite phih in, an han insil dai a, ngawi renga insila kawrte chhunga an awmlai chuan Sangluaia chuan ṭawngri thawm an hria a, Rokhara hnen ah chuan, ka u thawm ka hria a ni, thawmdim teh ang tiin luite kawr ruam ah chuan an han ṭhuhniam a, Rokhara chuan eng mah a hriatve loh a vangin Sangluaia hnen ah chuan zawite hian, eng thawmnge i hriat? Sapui thawm em ni? an ti a, Sangluaia chuan Sa thawm lam a nilo, helai hmun ah hian keimahni chauh nilo mihring dang an awmve a ni an ti a, chu tia a sawilai chuan lung awi vak lo phun bawrh bawrh thawmchu an hreta nghal a, Sangluaia chuan an awmna chu a ṭha dawnlo tih hria in, ka u lo kalrawh tiin lui kam chhak lama Lung lianve tak phen ah chuan an biru ta a, karlo ah chuan an thawm hriatchu rawn hnaizel in, an insil na thlanglawk ah chuan mipa pali laimaihi an rawnlang hlawl mai a, an insilna thlang kawrte Tui ah chuan rawnchawl vein, pakhat chuan, kan Lal rorel danpawh hi hriatthiam a harta khawp mai, tun ah hian kan sawiang khan, Nikawlha hi kan Lal lak ah hel in, a chhiah pek ṭhinte pawh pek a tum tawhlo a ni a, he tiang a nih rau rau tak ah chuan, e nge nghah nghah ngaitawh le, Nikawlha khuachu keichu runmai a ni ka duh tawh ni, he tianga enge an dinhmun tih ngaichanga kalreng maihi a nin awm in, a buaithlak kati khawp mai, ralveng te an in dah a, keini tan fimkhur a ngai bawk si, hman ni deuha Kaitawta te kalta phawh kha, hei tunthleng in an chan chin hriat tur a awm tawhlo a ni a, Nikawlha khua hian an manta nge ni ang a? an lo that tawh zawk tihpawh engmah kan hriat tawh loh hi an ti a
.
Chungho zinga a upa ber chuan a ni khawp mai, Kaitawta te chan chinhi engmah kan hretalo vang vang mai a, enge maw an chan chin ni reng reng ang le aw? hman ni a Zakhama te ho khachu an vaiin an rawnlet leh tawh a ni a, Zakhama te khan Nikawlha khaw rawlthar pakhat chu an that a niawm e, an zinga pakhat Kalkhama chuan, Nikawlha khua ten Aikamlui an tih ah chuan rawlthar pakhat Chakai khawrh hi kan nang chinga, chu rawlthar chu rawn hruaihaw kan hantum zeta, mahse a lui ah khan kan tihlum ta a nih kha tiin min hrilh a, Nikawlha chuan tunlai hian rawlthar pakhat, Thangluaia fapa Sangluaia an tihchu mikhual a nei ni awm tak a ni a, chupa ngeichu a ni kan Lal fapa leh a naute rawn umhawtu kha, Kalkhama chuan khatianga kan Lal fapa chunga an tih a vang khan a nia chu rawlthar pawhchu kan thahtak ni tiin minhrilh an ti a, Kaitawta chuan heng vanghi a nia Nikawlha khuahi runmai a ni keichu ka duh ni, a ruk a rala in veh reng maihi a tu ve ve lamtan pawh a hah thlak in fimkhur a ngai em em a, keini lam ah hi chuan Nikawlha hote hi an la rawnthleng chho lotur ah ka ngai a, an rawnthlen chhoh vehun ah chuan kan buaiphah khawp ang, chu vangin kan dinhmun a ṭhatlai hian run maihi keichu a ṭha kati a ni, na china in sawi, Thangluaia fapa in tihkha Sangluaia an tih kha a ni ngei ang maw? eng ti tura Nikawlha khua ah chuan rawnzin nge maw a nih dawnle, Sangluaia chu kan hriat ṭheuhang in, ralhrat leh ral relthiam tak mai a ni an ti a, hrechiang deuhte sawidan in, Sangluaia chu Thangluaia khaw venghimtu berleh, a khaw ṭhenawm te pawh in an hlauh chhanber a ni e an ti a ni, Thangluaia Pasalṭha te huaisen danleh, ralbeih an thiamdan chu tlangkam a ṭangin kan hriatvek hi, chung Thangluaia Pasalṭha rualte kaihruai theikhawp chua a huaisen in, ralbeih pawh a thiam an ti a ni, chu tiang Pasalṭha ralhrat a kawl a vang chuan, tun ah Nikawlha chu a rilru a khauh mai mai niin ka hria, a hawsan hun ah meuh chuan Nikawlha hi a luh lul reng tawhlo tawp ang an ti a, pakhat chuan, Thangluaia fapa Sangluaia chu keini hian enge kan hlauh chhan tur? a ṭhahnem zawk kan ni a, tin Nikawlha ai in Pasalṭha huaisen rualpawh kan ngah zawk a, chu vangin he tianga a ruk a rala tawlh tawlh lo hian, Nikawlha chu run thutmai ila keipawh a ṭhatzawk ka ring a ni, tiin a ṭhiante thusawi chu chupa chuan an lo tuihnih ve a, chungho zinga an hotupa Kungthanga chuan, in thusawi chu a dik khawp mai, mahse kan Lal hian chu chu a duh rihlo ni berin ka hria, Sangluaia vang hian a fimkhur niber hian ka hria a, tin he tia ngawih vang vang a, Nikawlha in rihloh laichu chuha, a in rinloh laia hnen taka run a tumni in ka hria, tun ah chuan rngkim a la sarhu lai a nih a vangin Nikawlha pawh in ralring tak in a awm dawn a, tin Sangluaia chuan a lo ṭanpui a nih ngatphei chuan chesual vethei reng kan nive tho a ni an rawnti veleh a
.
Kharliana chu rawn ṭawng chhuak veleh in, Nikawlha khua a Sangluaia chu dahṭha vat ila kan thaw a veng dawn a nih chu, tun ah Nikawlha khawlam pantur kan ni a, chu rawlthar Sangluaia chu kan bitum phawta, kan dah ṭhat vat a ngai a nih chu an rawnti a, Kungthanga pawh chuan, Kharliana sawichu a dik a ni, Sangluaia chu keimahni ngei hian that ila, a lu chu kan Lal hnen thlen ila, ti chuan kan Lal chuan Nikawlha runchu a rawt nghal chuk chuk mai ang, chu rawlthar phiangsen vanga hetianga tei tei hi kan nih hi, kan that kherlo a nihpawh in, a khawlam ah tal kan nawrliam dawn nia an ti a, chungho chu insawi thinrim chawp in, pakhat chuan Sangluaia chu kan pali hian zan ah luh chilh ila, a nula rimna kan hriat theih chuan, Zawlbuk a pan kan chang a nga, Zawlbuk a thlenhma in kan that thei em em ang, chu tiang rawlthar pakhat ringawt chu kan pali chuan kan thamlo viau ang, a mah a vanga hetianga awm renghi ka ning tawh a ni an rawnti ve a, chungho chuan a hmasa bera Sangluaia thah chu relin, a lu pawh an Lal Satkunga hnen thlen ngeichu an reltluta a ni, an hruai tupa Kungthanga chuan, eng pawh nise helai hmun ah hian awm rengthei kan nilo a, kan pantur lamchu i pantawh ang u khai, nak tuk hian Nikawlha khua chu kan thlengtlai lutuk a nge an ti a, kaltura chuan hantho sang sang in, an zinga pakhat chuan, Sangluaia chu luh khung kher ngailo in, henglai ram ah te hian tawn tur han awm maise a awlsam dawn a sin mawle an ti a, Luite an kalsan dawn chiah tih ah chuan, aw zangkhia leh, damthlarh maihian, in miduh chu heta hi ka awm e, mipa in nih chuan in chempui nen khan min rawn hmachhawn rawh u tihri chu an hreta a, Kungthanga leh a hote chuan chu aw lo chhuahna lamchu an hawirang kher mai, an chhak zawlchin ah chuan rawlthar pian nalh thlarh mihi an mahni lamchu rawn hawi in, a mita khawdang hawi miahlo chuan, an mahni chu chiang taka rawn en in, englai pawha che chhuak theitur chuan a lo ding kak hah mai a, ngawireng chuan an en ṭhap mai a, Kharliana chuan, nang rawlthar kha tumaw i nih? kan miduh Sangluaia chu i ni chiang a maw? tiin thamloh hmeltak chuan an en a, rawlthar chuan fiahkak maihian, keihi Lal Thangluaia fapa Sangluaia ngeichu kani e, that minduh a nih chuan heta hi ka awm a, Pasalṭha chuan Pasalṭha tak in a hma a dingchu a hmachhawn ṭhin, Silai in chun duh a nih chuan chuh rawh u, mahse chu chu Pasalṭha in hmachhawn dan a ni ngailo an tih khumve sak mai a, Kungthanga chuan, khingei khi a nih khi kan miduh chule, mipa tak in tumah kan hnung tawlh tur a nilo ang, mipa chuan mipa tak in, tumah khan in Silai kha in chuh tur a nilo ang, mipakhat in kan pali hian mincho a ni a, tumah kan hnung tawlh tur a nilo a, Pasalṭha tak in kan tih tur chu kan hlen ang an ti a
.
Kungthanga leh a hote chuan Sangluaia lamchu an rawn hnaihta hriau hriau maile, Sangluaia pawh in a chempui chu hum chhuak in, a kut veilam chuan a hmanthiam em em mai Maubul chang chu an hum chhuak bawk a, Keipui in a sa sehtur ngun taka a en ang maihian, chu rawlthar pawh chuan a hmalawka a hmelma dingte chu ngun tak chuan a en kalmai a, vawikhat a chetsual hlek pawh in a pawidawn a ni tih hria in, fimkhur taka a hmelmate chet lak danchu en in, chetsual hlek chu a tumlo a ni, Kungthanga chuan, khaile dimna tel miahlo in he rawlthar hi han nghaisa teh ule an ti a, chu veleh pahnih chu Sangluaia lama rang taka rawntlan in, Sangluaia chuan a chempui leh Maubul chu rangtak chuan an humthlak thleng nghal a, Sangluaia kut dinglam a ṭang chuan Maubul chang chu thlawk chhuak dawk zawk in, a lampana rawntlan hmasa zawk hrawk ah chuan Maubul chang hriam, zum lutuk mai chu a lut hrawih mai a, chupa chu awp nghal rawp in, Maubul changin a hrawka kua a hreuh a vang chuan a thaneih zawng zawng chu zawinghal in, a kaihza tha chuan a taksa chu a dinpui zotawhlo a ni, hrehtak chung chuan lei ah chuan tluthlawrh in, a hrawk a ṭanga Thisen tharlam tak rawn chhuak chu hup ṭawk ṭawk in, an leng awrh awrh in, a nun na chuan tuarlo in chulaihmun ah chuan a thizuita nghal a, Sangluaia chuan a chempui chu rang taka a kut dinglama hum nghalin, a ke dinglam chu hmalam ah chuan hanpen pawk in, a mah rawn pantupa lam ah chuan an zuang dawrh mai a, chupa chuan Sangluaia chet rawnlak danchu a rinphak loh lutuk a nih a vangin, Sangluaia rawn zuang phei chuan a rawn nangching ta nghal a, Sangluaia zuangkang in lei a thlenrual chiah chuan, a chempui chu an vaithlawk chhuak zawk mai a, chupa chu Sangluaia chetdan chuan a tihbuai em a vanga insa seng hmanlo chuan, Sangluaia chempui rawn thlawk chu a lu chuan a lo dawnta siah mai le, chupa bek veilang chung hret ah chuan Sangluaia chempui chuan na taka rawnsat chawrh in, chupa luruh chu a keh ri rawp mai a, chulai hmun ah chuan tlunghal tawp in, tho lehtur awm tawhlo chuan a khurnghal char char mai a, karlo ah chuan chupa pawhchu a thifel nghal a ni
.
Kungthanga chuan a bula ding pakhat hnen ah chuan fimkhur tak khan aw, a veilam ah khan kal la, keiin a dinglam a ṭanghian kan bei a nge fimkhur hle ang che, he rawkthar hi an sawi ang tak tak a zamṭha a nih hi, eng anga hlauhawm pawh nise, kan ṭhianten nun na an chantawh lai hian, keini hian hnung tawlhin kan phatsan thianglo a ni, kalrawh le he rawlthar chimawm tak maihi in danṭha teh ang hmiang tiin Sangluaia lamchu Kungthanga te pahnih chuan an panta a, Sangluaia pawh in a Maubul chang chu a mi thahpa hrawka a ṭang chuan an pawtdawk zawk mai a, a mah rawnpan tu Kungthanga te pahnih lamchu hawinghal in, a chempui chu nghet tak chuan an humruh a, a mah chu a dingleh vei a ṭanga an rawnpan a vangin, fimkhur tak chuan a mah rawnpan tu te chu an melh a, Kungthanga te chuan Sangluaia sir ve ve a ṭang chuan hnaih chilh in, na tak mai chuan an rawnsat a, Sangluaia chuan Kungthanga te thiltum chu hresa ni awm tak chuan, an chempui an rawnlek kang tih chuan rangtak mai chuan anlo kunhniam nghal a, Kungthanga leh a nau chuan rawnsah ṭhelhfua in, chempui chu an vainat em a vangin an taksa pawhchu chempui an vaina lamah chuan an theh hersawk mai a, chu tak maichu Sangluaia lo chan khiauchu a ni, Kungthanga nau in siamrem leh hmachu Sangluaia chuan rang taka chuh nghalin, chupa chuan a taksa a theh her, a insiam remleh turchu, Sangluaia chuan a chempui chu rangtak mai chuan an vaichhuak venghal a, chupa nghawng ah tak chuan a chempui chuan an sat chawrh maia, chupa lu chu bunglo deuh hian uai nghal hnawp in, a tlubawk khup chawrh mai a, tholeh tur awmlo chuan a thizui nghal a ni, Kungthanga pawh in Sangluaia hnunglam a ṭang chuan rawnbei zuinghal in, Sangluaia churangtak chuan an lumsawn nghal a, Kungthanga chempui chuan a nak dinglam chu rawnsat thawi in, a thinghal ser ser mai a, Sangluaia chu rang taka rawn in hre remleh nghal in, Kungthanga chuan an rawnbawh pheizui leh nghal a, mahse Sangluaia chuan a sir dinglam ah chuan rang taka lo tawlhsawn, Kungthanga rawntlan pheichu na tak chuan a Maubul chang chuan anlo vaipawp mai a, Kungthanga nak veilam chu Maubul chang hriam chuan taithler hawk in, rangtak chuan Kungthanga chuan a nak thlerchu an hup nghal a, Sangluaia chuan, i hliamkha a nasat hmain i en kawlhman chuan a damleh hmangei ang, tun ah chuan tawk phawt rawhse, val upa i nih a vangin thah kherche hi ka duhlo a ni an ti a, Sangluaia chuan kalsan nghaltum in an leh hawisan a, Kungthanga chuan Sangluaia in herchiah chu a hnunglam a ṭanga sah tum in a chempui chu an lek sang a, mahse an chhak lawk a ṭang chuan, chulai ngawpui khawkrum rum khawp chuan Silai chu a rawn puak ta ṭhuai mai a, Kungthanga chu Silaimu satak chuan rawn deng dawt in, a hnunglam ah chuan a hnawl deuhrawp mai a, Kungthanga awm veilam Silaimu luhna a ṭang chuan, Thisen tharlam tak maichu rawn chhuak nghal zawih zawih in, Kungthanga chuan pachan tum in, thawh kan hantum tak ngial mahse, chu Silaimu chuan a den hneh em a vang chuan thokang theilo chuan, a khuh bawrh bawrh mai a, a ka a ṭang chuan Thisen chu khuh chhuak bawrh bawrh in, karlo ah chuan a thi zuita nghal a
.
Rokhawma chu Lung an bihrukna hmun a ṭang chuan rawn chhuak in, Sangluai enga tinge khapa kha i hnung chhawn maile? awmlo ilang chuan i hnunglam a ṭang khan a sat hlumngei dawnche a nih kha an ti a, Sangluaia chuan, ka u awmlo lang chuan khapa khan hnunglam a ṭanga minbei turin ka kalsan hauh lo ang, i awm tih ka hriatvang chauha kalsan ka nih kha, ka rin ang ngei in mahni naute chhan nan chuan Silai i hmet puak ta, tun ah chuan kapu pawh in a chhuang khawp ang che, ral lu lathei i nih hi a hriathun ah chuan kapu chuan a chhuanghle dawnche a nih hi an ti a, Sangluaia chuan, ka u chhun chawpawh fak hmanlo in kan awm a ni a, helai hmunhi chhuah sanphawt teh ang, chhun chawfak nan chuan hmundang kan zawng lehmai dawn nia tiin, chulai hmunchu an chhuah santa nghal a, chulai kawrte rawn chhuntu mualchu lawn liam in, a thlangruam ah chuan an hanlut leh a, chulai ruam ah chuan hmunrem laizawng in, kawrte pakhat kam ah chuan chhun chaw chu an fakta a, chulai hmun ah chuan reipawh awmlo in, Satkunga khawlam pan chuan an kal leh nghal char char mai a, thuitak an kalhnu ah chuan Nipawh in hniamlam panzel in, khawthlang lama tlak tum chuan a hniamruih tawh mai a, Rokhara chuan, Sangluai hei khuate pawh a tlaita khawp mai, eng pawh nise riahbuk sualna tur kan melh a ngai a ni an ti a, Sangluaia pawh in, ni e ka u rianbuk sualna tur kan ngaihtuah chu a ngai a ni, helai ruam ah hian Tui awmna kan zawn a ngai a ni an tive a, ruam chhungril lamchu panzel in, fingkhat awmvel an kal leh hnu ah chuan Tui awmna chu an hmuta a, Sangluaia chuan hmunrem laite chu han zawng zung zung in, kawrte kan zawlṭha deuh chu an hmuta a, chulai hmun ah chuan riahbuk sualnghal zung zung in, an zawh ah chuan Sangluaia chuan Rokhara hnen ah chuan, zanriah tur lochhum la, kei in zanriah chawhmeh tur kan zawng ang e tiin a chhuak ta nghal a, Sangluaia chu hmuamda awmvel a thanghnu ah chuan lo let leh nghalin, Vahrit nuhi a rawn khaihaw nalh nalh mai a, Rokhara chuan mak ti tak chunga lo thlir reng in, i kah em ni? Silai ri engmah hriat tur a awmsi lo a, khawilam Vahrit nge? tiin an zawt a
.
Sangluaia chuan nia ka u, khilai kawr kam ah khian ka hanhmu thut maia, Vahrit hi a phuve nge ni ang, tlan ngaihna hrelo in a let tawp maia ka manta a nih hi, kan van nei khawp mai, zanriah hmeh ah kan hmang dawn nia tiin an puah nghal mawlh mawlh mai a, karlo ah chuan puahzo in, Vahritsa chu zanriah hmeh a tan chuan an chhumta bawrh bawrh mai a, Rokhara chuan, Sangluai Satkunga khua kan thlenhun ah chuan engtia hmalak turnge ni ang? kanau mah nila i nuihte pawh kalo tiza rengthei a, keichu i hriat ang hian Pasalṭha lo tak mai kani a, ka ram milo in, ralhma ah te hian vawikhat mah kala dinglo a, Satkunga khua kan thlenhun ah pawh chet lak dantur min hrilhzel ka ngai dawn a ni an ti a, Sangluaia chuan, ka u nia tihtur chu ka hrilhzel dawnche a lawm, ni e keipawh in Satkunga khua kan thlenhun ah chuan hmalak dantur mai kala hrelo, hanthleng phawt ila, hmalak dantur chu kan hrezel ang chu tiin, zanriah chu ei tur chuan an in buatsaih ta a, Vahrit sa chu hmeh in zanriah chu puar taka ei in, zanriah an han ei kham meuh chuan khuapawh in thimlam a panta a, an buk kawtah chuan meipui chu chhep eng hluah in, eng emaw chen chu an han ti ti a, kalchau an nih a vangin mengreilo in mutzai chu an relta a, chu ngawpui thimchhah tak hnuai ah chuan an pahnih chauh chuan riahrun rem in, Changel buk zarhnuai ah chuan an mudun ran mai a, zanthim chhah tak hnuai ah chuan zanlama hramchite chu rawnhram chiah chiah in, Leihrik te chu an hram chiat chiat mai a, Chingpirinu hram ri dut dut te leh, Vabak hramri te, an buk thlang lawka kang kang Sava hram lauh lauh te chuan Sangluaia te chu awi mut chhuak in, an kalchau bawk nen karlo ah chuan an muhil bawrh bawrh mai a, chumi zanchu buaina neilo in tui tak chuan an muhil bawrh bawrh mai a, Sangluaia chu chumi tuk ah chuan hma taka tho chhuak in, tuk ṭhuanchu hmatak ah chuan peih in, Rokhara a rawn thawh meuh chuan, Sangluaia chuan tuk ṭhuan turchu a lopeihfel vek tawh a ni, Satkunga khuachu hma taka thlen a duh a vangin, hemi tuk hian hmatak ah chuan tuk ṭhuan chu an ei ta a, tuk ṭhuan an eikham chuan hmuamda awmvel puartlak nan tiin an hanṭhu a, chumi hnu ah chuan Satkunga khawlam pan chuan an kal chhuak lehta nghal a, chawhma an kal leh meuh chuan, Sangluaiate chuan Satkunga khawdai chu lut in, rei vak loh Sangluaia chuan ṭhut chawlh an rawt a, chhun khaw eng ah chuan khuachu luh ngam a nih loh a vangin khua chu helin, khawdai ah chuan riahna tur hmunṭha deuh hmuh in ringin khawdai ah chuan riahna tur ṭhadeuh an zawng a ni, khua an hel hian Satkunga miten an hmuang tih hlautak in, fimkhur leh thawmdim tak chuan khuachu an hel a, chu Satkunga khawdai ah chuan an rinphak baka ṭha riahna turchu an hmuta a ni
.
Riahna tur an hmuhchu puk deuh ni in, chulai a ṭang chuan Satkunga khua chu a lang at mai a, Rokhara chuan, Sangluai helai humhi a remkhawp mai, khua pawh hei a langkim deuhvek a, kan tan chuan duh thusam a nih hi mawle an ti a, Sangluaia pawh in, nie hmun ṭhatak a nih hi, mahse fimkhur taka kan awm chu a ngaidawn a nih hi, khawdai mai a nisi a, Satkunga khuate hian min rawnhmu a nih vaih chuan min luhchilh duh em em ang, chu vangin fimkhur taka kan awm a ngaidawn a ni an ti a, an riahtum na thlanglawk ah hian Tui ṭhatak mai a awm bawk a, luite lianvak lo hi a luang a, chu kawrtea Tui pawhchu a hna a ṭhathmel khawp mai, kawrte ruam ah chuan lut thla in, zanriah chhumna turvelte chu an han en fel a, Sangluaia chuan hei a lahma deuh bawka Satkunga khawluh khan hi kan chian a ngai a ni, zan ah khua ah hian kanlut duh dawn a nihpawh in, khawluh khante kan hriat chian hmasak a ngai a ni tiin, Satkunga khawluh khante chiantur chuan an chhuak ta nghal a, reilote ah chuan Satkunga khawdai tak tak chu thleng in, fimkhur tak chuan khuachu daihnai te ah chuan an hanfang kual a, khaw luh khan pawh hmunual in, chung zing ah chuan an riahbuk hnaih lamte chu Sangluaia chuan a rilru chuan an chhin chhiah hlawm a, khaw kawtchhuah lam hnaih taka an kallai chuan Sangluaia hriatna chak tak mai chuan naupang ṭapthawm a hreta tlat mai, chiang taka ngaithla in, chu naupang ṭapthawm awmna lamchu kawtchhuah lam a ni tih hria in, Rokhara hnen ah chuan, ka u kawtchhuah lam ah hian naupang ṭap faih faih thawm ka hria a ni, a ṭhianten an velnge ni ang a, chulaia naupang ṭap awmta ringawt maichu? an ti a, Rokhara chuan thilhi i hriat theih hi mawle, keichu engmah ka hrehlei nem, naupang ṭapchu hmuh kher i duh em ni? hei khuapawh a tlailam tawh a, zanriah tur buatsaih te pawh a hunchho tawh a nia an ti a, Sangluaia pawh in chu naupang chu a ṭhianten an vel a nih ring in, Rikhara hnen ah chuan, kalrawh kan riahbuk turlam kha i pan phawt ang hmiang an ti a, thuilote an kaltih ah chuan Sangluaia rilru chu naupang lungchhe taka ṭap feih feih ri a hriatkhan luah tlat in a ngaih a ṭha theilo a ni, Rokhara hnen ah chuan, ka u ka rilru a nuam theilo a ni, naupang ṭapkha a lung a chhe em em mai a, a ṭhiante velh ṭah satliaha ṭap ni in ka hrelo, kalrawh i han chianteh reng ang tiin Rokhara chu an hrilh a, Rokhara pawh in Sangluaia thusawi chu i helo a zawm in, naupang ṭapthawm an hriatna lamchu an pandun ta a
.
Kawtchhuah an thlendawn chuan fimkhur taka kalin, naupang ṭap thawm awmna lamchu an hnaihzel a, naupang ṭapri chu an hrechiang tulh tulh a, Sangluaia ngaihchu a ṭhalove telh telh mai, chu naupang ṭapri chuan koh a nei a ni, chu tak maichu a ni Sangluaia ti ngaihṭhalo tu chu, hnimkar a ṭang chuan Sangluaia chuan naupang ṭapchu an bih chiangta a, a hlauhthawn ruk ang ngei in, chu naupang chuan a bula engmah hrelo a mu reng a nu chu koh harh hi a lo tum a ni a, kanu tho rawh, ka ril a ṭamtawh a sin, chhun ah pawhchhun chaw ka eilo a, ka ril a ṭamtawh a nia tiin a nu chu a losawi lauh lauh mai a, mahse a nu chuan a fapa lainat awm tak mai kohna reng reng chu hrelo in, chulai hmun ah chuan thichhawng chuan a mu rengsi a, Sangluaia chuan chu naupang nu chu eng vanga chulai ah chuan mureng nge a nih ang? eng vanga khawtual mite chuan ngaihsak longe an nih ang? Sangluaia rilru ah chuan zawhna a rawnlut zung zung mai, chu naupang baihvai tak maichu kalsan a hnek in, a nu chu tianga a awmna chhan chu zawh a duh a ni, naupang lahchu ṭap hliam hliam in, a nu lotho tawh rawh tiin a ṭap hliam hliam mai a, Sangluaia chuan naupang hnen ah chuan thilawmzia zawh tuma a bihrukna hmun a ṭanga pen chhuah a tumlai tak chuan, khawlam a ṭang chuan patling pahnih hi lo kalin, chu laia naupang ṭap hliam hliam hnen ah chuan, helai ah hian in awm a ni maw? kalsawn vat rawh u, i nu chu eng vanga he tianga awmhi nge a nih, he khuahi chhuahsan tur in Lal in a tiche u a nilawm ni? tiin naupang chu a balbul ah chuan vuan in, thlanglam ah chuan an theh thlalawp mai a, naupang kumli mivel chu chupa chuan a hnehsawh ngei mai, naupang chu a tlakna lam ah chuan insawh hnang in, ṭahpawh ṭap chhuak theilo chuan a awmzui nghal a, chung mite chuan naupang nu chu a chhipsam ah chuan ṭham in, tho rawh, khawthim hmangei hian helai hmunhi chhuahsan rawh u in nufa hian tiin, an phih dinglawp mai a, mahse chu naupang nu chuan engmah a hriat loh a vang chuan, a chhipsama ṭhamtu chuan a fapa, naupang awmna lam ah chuan a hnuk thlata a, Sangluaia chuan chu mite thiltih danchu hmuvek in, a thinchu a sa zek zek khawp mai, mahse chu khua ah chuan zawn nei an nih a vangin, a hunlo a chulaia in hmuh tirchu ṭha in a hresilo, thinrim tak leh hreawm ti tak chung chuan, chu mite thiltih laichu dawhthei taka a thlir a ngai a ni, chung mite pahnih chuan naupang hnangchu han sawi harh nawk nawk in, naupang a rawn harh tih ah chuan, i nu nen hian helai hmunhi in chhuah san dawn nia, na kin ah kanlo kal leh ang a, chutah chuan helai hmun ah hian kanla hmuh che u chuan kan tihlum ang che u, chu chu i nu lo harh hun ah ilo hrilhdawn nia tiin khawlam panchuan an kalsan lehta a
.
Naupang kumnga mi velbawr chuan a nuchu hanko leh in, mahse a nu chuan chhantih reng a awm theisilo, mipahnih an kal liam tih ah chuan Sangluaia chu a bihruk na hmun a ṭang chuan lo chhuak in, naupang nufa awmna lamchu an pan a, naupang chuan hlauthawng tak chung hian, kapu kanu hi a harh theilo a, kanu harh veleh hian kan kaltawh ang, khawngaih tak in minti na tawhsuh u, kanu lo harh veleh hian kan kaltawh ang, tiin Sangluaia chu hlautih hriat tak maihian lo en in, chu naupang khawngaihthlak tak maichu a kimki chawih chawih mai a, Sangluai'an naupang thlabar hmel leh, an chunga zahngai tura a lo dil lawm lawm tu naupang chu lainat taka en in, a bulah chuan zuk ṭhu in, a kut chuan a lu ah chuan hanchul sak in, vala kei chuan tihnat che ka tum hleinem, minhlau reng reng suh aw, ka theih tawpa ṭanpui che u ka tum a sin an ti a, chu ṭawngkam chuan chu naupang chu a thlamuan tih hriat ngawih ngawih maihian, naupang chuan, kapu kan lawm e, kanu hi a lo harh veleh kan kalang e, mahse a nu hi a lo harh theisi lo, eng tin nge ka tih ang le? an ti a, chu naupang thusawi chuan Sangluaia thinlung chu a hneh kher mai, vala lung ngai reng reng suh aw, kabul ah chuan tuman an tinalo ang che u, tiin naupang nu chu an en a, Sangluaia rilru chu a nazual khawp mai, chu naupang nu chu nasa taka nghaisak a ni tih hriat tak maihian, a hmelvel leh, a taksa hrang hrang chu a duk thleh thluah mai a, a nghawng ah chuan na taka reh tih hriat tak maihian a nghawng chu a duk kualruih mai bawk a, tin a tukhum lam ah chuan hliamna tak, vuakna tih hriat tak maihi a kak duaih maibawk a, a tukhuma a hliam kak duaimai a ṭang chuan Thisen nasa taka chhuak in, chu Thisen a hloh hnem chuan nikhawhrelo in a awmtir a ni tih chu Sangluaia chuan a hrenghal mai a, bawihsawm vat a nih loh chuan a nun na tanpawh a hlauhawm dawn tih hria in, naupang hnen ah chuan, vala i nu hian hliamna tak a tuara, en kawlvat a nih loh chuan i nuhi chauzual vak thei a ni a, kan awmna lam ah kan hruai ang che u aw tiin an zawt a, naupang pawh in an mahni ṭanpui tum tu chu haibik lo in, awle kapu tiin an chhang a, Sangluaia chuan Rokhara chu hanko in, a nipawh rangtak chuan a bihrukna hmun a ṭang chuan an rawn chhuak a, Sangluaia chuan ka u naupang kha puala, kei in a nuhi kan pua a nge, helai hmunhi kan chhuahsan vat a ngai a nia, kan riahbuk turlam kha pan phawt mai ang an ti a, Rokhara chuan naupang chu pawbahlat nghalin, Sangluaia pawh chuan naupang nu puak tum in an kunhniam a, chunu hmelchu chiangvtaka en in, nu valai tak a lani tih hria in, a hmelpawh a chhelo hle a ni tihchu a hria a, ti chuan chunu chu pawbahlat venghal in, an riahbuk turlam chu an panta nghal a
.
An riahbuk tur an vathlen hian Nipawh a hniamtawh khawp mai a, naupang nu chu puk chhung ah chuan mut in, a lu kak duai ah te chuan ramhmul damdawite an han hnawih sak a, ṭha taka tuamsak in zanriah turchu buatsaih in an kalsan ta a, Rokhara chuan Sangluai khamite nufa kha Satkunga khua a ṭangkhan eng vanga hnawtchhuak nge an nih ang, khi a la valai in, a hmelte pawh khi a ṭha hlemai bawksi a, eng vanga hnawtchhuak ngaw maw an nih ang le? tiin an zawt a, Sangluaia pawh in, ka u ka hrethiam chiahbik lo a ni, a fapa lah khi a la naupang in thu han zawhchi lah a lani silo a, mahse a nu khi a rawn harh har vak ka ringlo a, a rawn harh hun ah chuan engkim kan hrevek theingei ang, Lal lung an ti awilo chu a ni ngei ang a, a fapa khi sawnte pawh a ni maithei a, sawnpawm a nih chuan tuma zah a kai dawnlo a, chu tiang a nih chuan khawtlang ah sawite pawh a kai a ni thei a, tin chulo pawh an hnawhchhuah chhan ah hian nithei tam tak a awm ngei ang, ka rindan mai mai chuan, Lal chhungkaw lam mite nen in hmuh thiamlohna liantak an nei a nih ka ring, chu tiang nilose hmeithai pakhat, a fapa lah a la naupang ropuisi a, han hnawhchhuah ngawt maihi hriat thiam a har a ni, chhanṭha tak zawng a awm a ni ngei a nga an ti a, eng pawh nise zanriah chawhmeh tur kan zawng a nge, ti khan chawte lochhum la, tin kan damlo pawh khi a harh harchu ka ringlo, i lo thlithlai dawn nia tiin Sangluaia chu zanriah chawhmeh zawngtur chuan a chhuak ta a, Rokhara chuan Sangluaia chu thlirzui vawng vawng in, ka naumah nila ka vanchhuang tak che em, engmah ka tihve ngailo in i buaipui vek a, ralhma ah lah nise ka telve phallo in engkim i hmachhawn ṭhin a, nang ang mihringhi kala hmungailo a ni tiin a thlir liamta a, Sangluaia chu reipawh a thanglo tih ah chuan rawnlet leh in, Vahrit chal pakhat hi a rawnkhai haw nalh nalh mai a, a iptepui ah chuan Tumpa hi rawn ak telbawk in, zanriah tur an sian na hmun ah chuan an dah a, Rokhara chuan Sangluaia thawm an hriat chuan, Sangluai lo chho teh le, hei kan damlo pawh a rawn harhta e tiin an rawnko a, Sangluaia pawh puk lam ah chuan chhovat in, Rokhara sawiang chuan an damlo pawhchu a lo meng harh ṭha khawp mai, Rokhara chuan Sangluai i zanriah hmehtur lo hawnkhu kan siamnghal ang e, ti khan lo in kawm rawh u tiin Rokhara pawh rawngbawlna lam ah chuan a chhuk ta a
.
Sangluaia chuan damlo nu hnen ah chuan, ka u in minkoh ang khan Sangluaia ka ni a, ka u khu a hmingchu Rokhara a ni e, helai hmun ah chuan hlauhtur a awmlo a, lungmuang tak in in awmve dawn nia an ti a, chunu mit a ṭang chuan mittui chu rawnhnam ṭiam ṭiam in, a fapa hnen ah chuan, Hlira Mauthei khan Tui minzuk thal rawhle an ti a, Hlira pawh in puk chhunga Mauthei chu la in, Tui thaltur chuan a kalta nghal a, a fapa a kal liamtih ah chuan, ka fapa khan in felziahi minlo hrilhtawh a sin, keihi Chalthangi ka ni a, Thangi tiin minko ṭhin a ni, ka fapa kha Kaphlira a ni a, Hlira tiin kan ko ṭhin, ka Pasal hian minbo ralsan tawh a, kan nufa hian kan khawsave ṭawk ṭawk a ni, kan nufa chunga in ṭhatna hi keini nufa hian kan theihnghilh ngailo ang, ka fapa vang chauh hian damhi kala thlahlel a ni, nilo seng chuan khami hmun ah khan thihnghal maikha ka duh a ni an ti a, Sangluaia chuan Thangi chu tiang rilru an pungai hlei nem, i sawiang khan fapa feltak i nei a, nang awmlo la i fapa hi tunge en kawlta ang? in chhungkaw chan chin chu engmah hriat kan neilo, tin khalai hmuna inlo awmdan pawh kha keini chuan engmah hriat kan neilo a ni, mahse pachang tak in awmla, Thing delh loh, Lung delh loh chu i fapa pawh karlo ah a rawn puitlingve maidawn lawm an ti a, Thangi chuan Sangluaia chu melh in, i felhle mai, keini nufa teh lul kara khatiang ṭawngkam i hmangkha ka lawm lutuk, ni e in hmel ka hmuh hian Satkunga khualehtui mi in ni in ka hrelo, chu vangin kan nufa chan chinhi in hrelo tak tak pawh a ni ngei ang, engmah hi hansawi tlak a awmlo a ni, mahse chan chin in hrelo tawpa in bawuhsawm chu a fello e, kan nufa chan chinhi in hriat tlak nilo mahse kan hrilh ang che an ti a, chu tihlai chuan Hlira Tui chawipawh lo thleng tawh in, Tui chu Thangi chuan an in khawlh khawlh a, a in zawh chuan han insiam rem in, Sangluai Satkunga khua ah hian kanu lehpa a ṭanga chengve tawh kan ni a, kanu hi a vanduaia fa pahnih chauh min nei a, ka u hi mipa ni in, ka u hian nupui an neive a, mahse fa pawh a neih hma hian a boral ta a, ti chuan keipawh in pasal kan neive a, ka pasal boral hma hian kanu leh pa te chuan min boralsan tawh a, tuna ka fapa hi kumthum velchauh a nih laihian ka pasal chuan min boralsan veleh a, ti chuan Satkunga khua ah chuan laina hnaipawh neilo in ka fapa nen chuan kan khawsa veta a, hmeithai han nih tak ah chuan mitezah kan phurlo em em mai a, min hmusit in an chhe pui pui hian min an khum ṭhin a, eng emaw chang chuan zanpawh mulo a ṭah chang hi ka ngah ṭhin khawp mai
.
Mahse lungchhe taka ṭah khan engmah awmzia a neilo tih hria in, theihtawp in ka inti pachangve hram hram ṭhin a, miten diriam tak tak in min an khumṭhin mahse, ka theihtawp in ka tuarve hram hram ṭhin a ni, ka pasal boral a ṭanga kum an veimeuh chuan, kan Lal Satkunga tupa pakhat chuan minkawm ngeihta tlat mai a, chu Tlangval hnen ah chuan, nang nen chuan in kawmthei kan nilo, kan dinhmun pawh a in anglo in, nangchu Lal tupa i ni a, keichu daikil kara hmeithei pakhat vemai mai ka nih hi ti a ka hrilhpawh in, chu Tlangval chu zantin maihian ka in ah chuan a lo leng rengmai a, ṭumkgat pheichu nupui a tana minduh thute minhrilh a, mahse kei chuan ka thiam ang tawka hnar in lo leng tawhsuh, ka in a i lo lenhi i chhungte pawh in an duhlo a nia tiin ka hrilh leh a, chuta ṭanga reilo te ah chuan chu Tlangval chu a nu leh pa ten nupui tur an biak sak ta a, mahse keimah vang chuan chu Tlangval chuan a pa ten a nupui tur an biak sak chu neiduh lo in, chhungte hnen ah chuan nupui a tana min neih a tumthu chu a hrilh a ni awm e, a chhungte chu ka chung ah chuan an thinrim nasa mai a, tin a nupui turte pawh in keimah vanga hnar an ni tih an han hriathnu ah phei chuan, ka chung ah chuan nasa taka thinrim in, ka in chhung ah te chuan min rawnluh khung ṭhin a, keipawh in chu Tlangval, Kaikunga chu ka hnarthu te ka thiam ang tawk chuan ka hrilhve ṭhin, mahse Kaikunga chuan ka in a rawnlen chu sim duhlo in, vawikhat pheichu Kaikunga nu chu ka in ah chuan rawnlut in, thinrim tak maihian min rawn an khum a, nang hmeithai pasal sun hian ka fapa chu ilo kherh bet a, mipa danghi i hmu zolo em ni? nge mipa lo hian i awm theilo zawk? miten an sawidan chehi i hreve lo em ni? kan khawtlang ah hian Tlangsum tih khawpa sawitawh i nih hi, hetiang hmeichhia te tu nu leh pa te in nge fapa te nupui a tan duh ang? chu vangin kan fapa hi lo tibuai tawh suh tiin min an khum hrep mai a, khami tuka min an khumna kha na ka tih em a vangin Kaikunga nu hnen ah chuan engmah pawh ka sawive theilo a ni, ka rilru na lutuk chu ka ṭap zawih zawih mai a, a dik tak chuan ka pasal boral hnu ah hi chuan eng mipa mah hi kala kawplo hrim hrim a ni, mahse khatianga Tlangsum tih khawpa min rawn an khumkha a na kati in, hreawm pawh kati a ni, kan hriatchian leh hnu chuan, Kaikunga nu leh pa ten a nupui tura an biak nula ṭawngthei vetak mai chuan, Kaikunga nu leh pa te hnen ah chuan khatiang khan minlo sawi a ni a, mahse khawtlang ah chuan tumah min ṭanpui tu an awmve loh a vangin, min puhna zawng zawng pawhchu hreawm ti tak chung in ka ngawi liamta a ni, ka ngawih tak a vang chuan Satkunga khualehtui te chuan min hmusit zual em em mai a, chu tianga tlangrel kan nih tak ah chuan keipawh in hreawm ka tizual in, zantin hian ka fapa muhil lai en chung chuan ka ṭapfo ṭhin a ni, Kaikunga lah chuan min kiansan reng reng tumlo chuan zantin mai chuan a rawnleng reng maisi a, a chhungten min hmusit zialeh, min thamloh ziate ka ngaihtuah chuan, ka rilru a kalsual chang chuan, Kaikunga chu ka in ah chuan ka in luhkhung tirmai dawn em mawni chu aw, tih chang ka neiṭhin a ni, mahse chu tianga ka tih chuan a chhungten min puhna zawng zawng chu khawtlang chuan dik vek ah an ngaidawnsi a, ka dikna chu theih tawpa lanchhuah tirve hram hram ka duh a ni
.
Kum an veimeuh chuan Kaikunga nu leh pa ten nupui tura an biak sakte chhungkua chuan, ka chung ah chuan thil ṭhalotak mai an rawnti ta nge nge a, keichu Khawhring nei ah chuan minpuh ta a, kan khawtlang ah chuan Khawhring pai chuan ka thang nasa ta mai a, mite chuan minhlau in, minbiak pawhchu an duhtalo a ni, tin Lal pawh in ka khualehtui ah Khawhringpai awm ka phallo tiin, a tupa Kaikunga pawh chu ka in a kalchu Lal chuan a phaltalo burmai a, tin mite chuan minten in, ka in hnaiha kalpawh chu an duhta lo a ni, keini nufa tan chuan a hreawm zual em em mai a, hmeithai mite hmuhsit nihtawh nak a laia, chu tianga kan thangleh chu kan khua ah chuan minten ngawih ngawih mai a, Puithiam te chu min en tira, Puithiam lah chuan Khawhring pai ngei a ni min hanti tasi a, kan tan chuan ṭan ngaihna a awmtalo a ni, ti chuan vawiin khan ka in ah chuan Kaikunga nupui turte chuan Tlangval ho rawnhruai in, Lal chuan Khawhringpai khua ah hian awm a phallo a, i fapa nen hian vawiin ah hian khuahi chhuahsan rawh u an rawnti ta a, hreawm katih em a vanga keichu ṭap zawih zawih in, val upa te hnen ah chuan, dawtin minpuh mai a ni, Khawhring ka pailo a, chhuak ta ila keini nufa hian khawilam nge kanpan tak ang le? khawimah pantur kan hrelo a sin, chu vangin min hnawt chhuak lulsuh u, in duhleh dai deuh ah min awmtirve ula, khua ah hian kan rawnlut ngailo ang tiin kan dil a, mahse val upa te leh Tlangval rualte chuan, kei ni hmeithai nufa chung ah hian zahngaihna an neitalo a ni, chhuah ka duhloh a vang chuan ka in chhung ah chuan min sawisa ta a, khua ah hian Khawhringpai kan duh hleinem tiin a rem lai lai ah chuan min hlap lawp pawp mai a, ṭhenkhat in minbeng in ka chhipsama min kek tawk an awm bawk a, min nghaisak hrephnu ah chuan ka in neihve chhun, ka pasal kut chhuak ve liau liau chu minṭhiah sak ta a, ti chuan kei nufa chu kut lawngin khaw kawtchhuah ah chuan mindah ta a ni, ka thinrimve em a vang chuan kawtchhuah ah chuan, kan val upa Kaihnuna hnen ah chuan, Khawhring ka pailo a, miten dawt dawt in minpuh a, ti chunga keini nufa chunga in thiltih danhi Khuanu pawh in in chungah hian phuba a la lave ngei ang ka ti a, val upa Kaihnuna thinrim chuan, hmeichhe ṭawngthei lutuk mai tiin kalu ah hian minhlap chawrh mai a, ta ṭang chuan nikhawhrelo in ka awmta niber in ka hria, Sangluai kan chan chin zawng zawng ka hrilhvek che a, mite chuan Khawhringpai tiin min ten ngawih ngawih a sin, min lainat tak in min bawihsawm mah ula, ka chan chin in hriat tak ah chuan minten maithei a, minten mahla ka dem reng reng lo che a nia Thangi chuan an ti a, Sangluaia chuan, min dawta Khawhring paia an puh a vangche chuan ka tenche i ring em ni? nilo e, in nufa hian hetah hian, kan bulah ngeihian in chengve rih ang a, rem i tih chuan khua ah ka hruaihaw dawnche a ni, chu tah chuan tuman an tina tawhlo ang che u an ti a
.
Thangi chuan Sangluai i pahminghi min hrilh thei a ngem? nangni anga Tlangval felhi tumah kala hmungailo a, chu vangin i pa hminghi hriatve ka vanduh em an ti a, Sangluaia chuan, kalfel reng reng hlei nem, in thiltawn kha tu te pawn rawnhmuse an kalsanlo ang che u, keini ai pawh hian an tuamhlawm ṭhazawk ang che u, ni e kapa hming i hriatduh chuan, kapa hmingchu Thangluaia a ni e an ti a, Thangi chuan Sangluaia chu mak tih hmel taka rawn melh in, Thangluaia, khawthlang lam Lal ropui tak an tih hi em ni? chulo chu Thangluaia dang an awm em? tiin an zawt a, Sangluaia chuan dawt hanhrilh ringawt chu dika a hriatloh a vang in, aw khawthlang lama Lal Thangluaia khu kapa ngeichu a ni e tiin Thangi zawhna chu an chhang a, Thangi chuan mak ti tak chunga Sangluaia chu melh in, a nih chuan Thangluaia fapa huaisen leh, ralrel thiamtak ah tih hi ilo nireng tihna maw ni a? Thangluaia chu hmeithaite leh, chanhaite hmangaihtu Lal ropui an ti ṭhin a, mang ang leh rilru hah taka ka awmlai chuan ka hrechhuak vawng vawng ṭhin a sin, a rorelna hnuai ah chuan riangvai leh fahrahte, hmeithaite leh pachhiate hian hlimtak in tual an chaiṭhin an ti a, ka mang an tak tak lai chuan la hmuvelo mah ila, Lal ropui Thangluaia ngaihian ka mittui hi a luang zawih zawih ṭhin a sin an ti a, Sangluaia chuan lung ngai reng reng suh, i hliamte hi a damfel hun ah Nikawlha khua ah hlimtak in ilut ngei ang, chuta ṭang chuan i duh phawt chuan kan khawlam chu kan panleh dawn nia an ti a, Thangi chuan, Sangluai helai hmun ah hian engti tura lo kalnge in nih le? ka hriatve theih a ni em? tiin an zawt a, Sangluaia chuan, Thangi hliamtuar lai i ni a, mahse kanbula in awm tak ah chuan kan tihturhi hrilhche a ngai a ni, kanhma lawk khan Satkunga khaw Tlangval te chuan, Nikawlha khaw rawlthar pakhat nasa tak in an nghaisa a, chu rawlthar chu thi ṭhak khawpa nghaisa in, chu rawlthar nghaisa tu te chu ka rawn umzui a ni tiin an hrilh a, Thangi chuan a nih tak chu mawle, a vanpawi ṭhin tak em, chung mite chu i hriat zawng an ni em? tiin an zawt a, Sangluaia chuan, tumah kha ka hriatzawng an nilo a, tin an mahni kha vawikhat mah kala hmu ngailo, pahnih hming khachu ka hria a, chu bak chu tumah kha ka hrelo a ni an ti a, Thangi chuan Sangluaia hnen ah chuan a hming a hriatchu an zawt a, Sangluaia pawh in hrilh in, Thangi chuan, Sangluai chung an hming i sawite chu Satkunga khua ah chuan mikawlhsen tak tak an ni a, an sawidan chuan, Satkunga chuan mi thatduh a neih chuan, chu mite pahnih chu a tirṭhin a, chulo pawh chu midang an la awm an ti a, Sangluaia chuan a nih chung mite, an hming ka sawikha khawilai vela awmnge an nih? zanlam ah te nula rim in an chhuak ngai em? tiin an zawtleh a, Thangi chuan Khurpui venga awm ve ve an ni a, minzawh tak ah chuan, miten an sawidan chuan nula Ṭhathangi te in ah an lengṭhin an ti a, Ṭhathangi te chu Tlaklam venga awm an ni, khua a ṭanga min hnawhchhuah ṭumpawh in, kut minthlak nasa tu te an ni a sin, an ṭhianho hi pali an ni a, an kawlhsen in ral lu lak mai mai te hi an ching a, Satkunga pawh in hmelma a neih chuan a tirhchhuah berte an ni, ka in ṭhian rawt tu hmasa berte hi, chungho ṭhianho chu an ni a, an duh ang ngeiin ka chung ah an ti ta a ni an ti a, Sangluaia chuan Thangi chu lainat taka en vang vang in, lung ngai reng reng suh aw, zanin hian Satkunga khua ah chuan kalut dawn a, i thusawi zawng zawng hi ka hre reng ang, eng pawh nise hei zanriah ei te a huntawh a, zanriah ei turin in puahchah phawt ang u tiin puk a ṭang chuan Sangluaia chu a chhuak ta a
.
Satkunga khua ah thung chuan Thangi te nufa an hnawh chhuah chung chang chu ti ti a tam khawp mai a, ṭhenkhat chuan diriam tak tak in an chan chin chu an sawi bawrh bawrh mai a, an han hnawhchhuah tak ah chuan lo lainat tu te awmve tho in, ṭhenkgat chuan, Kaikunga nupui tura an biak Laikungi leh a chhungte ṭawng theih rah a sengta a ni ti tawk an awm a, chu khua ah chuan Thangi te nufa chan chin an sawidan chu a in anglo a ni, khua a lo thima Tlangval hopawh in an nula rimna tur lamchu an pan sang sang mai a, Aikunga te ṭhianli pawh in tlaklam venga Ṭhathangi te in chu an panve bawk a, Ṭhathangi hi nula hmelṭha tak ni in, a kawmpawh a nuam em em mai a, in lengte a ngaihsak in, an in a chuanglut ṭhin Tlangvalte chuan, Ṭhathangi hian min ngaizawng ta emawni chu aw tih tur hian a inlengte chu a kawm thiam in a ngaihsak thiam a ni, chu tiang tak maia nula felleh hmelṭha chu Tlangval te pawh in ngaina in, in lengte pawh a ngah ṭhin em em mai a, hemi zanpawh hian ṭhutna in daihlo khawl in inleng a ngah a ni, Aikunga te ṭhianli pawh in Ṭhathangi te in an han thlen chuan, Aikunga chu lut hmasa berin, a ṭhiante pathum chuan an hanzui lutve a, ṭhutna an in daihloh deuh a vangin, rawlthar deuhte chuan ṭhutna chu ai a upate kian in, rawlthar deuhte chu Leihkapui lamah chuan an han insawn hlawm a, Aikunga te ṭhianho hi Satkunga khua ah hi chuan an leng halh halh khawp mai a, tin an huaisen a vang hian Lal Satkunga pawh hian kut leh ke a a neihber te an ni nghe nghe a, hengte a vang hian an khua ah hi chuan an lengin, Tlangval tamzawk te pawh hian zahpawh an zahder thiam khawp mai, hemi zanpawh hian an mahni michapo deuhchi an loni bawk nen, Ṭhathangi te in a an hanlut hi an hawideuh vah vah mai a, Tlangval dangte awmve te chu thamlo tak tak a melhpah in Aikunga chuan, hei inva hmahlawm em em ve, upa zawkte nula rimna a luh khalhfohi rawlthar kan nihlai chuan kanti ngailo a sin mawle an ti a, he tihlai hian Ṭhathangi pa chuan, Aikung kha Thangi te nufa chu in umchhuak theita a maw? tiin a mutna khum a ṭang chuan an rawnzawt a, Aikunga chuan, ni e kha kan Lal in Khawhring pai khualehtui ah awm a remti silo a, an nufa khan kan dahchhuak ta a nih kha, khawilamnge an pandawn pheichu kan hriatpui talo a nih kha tiin an chhang a, Ṭhakungi pa chuan, an ni nufa tan chuan Nikawlha khua a hnaibera, Nikawlha khua an panmai kalo ring a sin an rawnti leh a, Aikunga chuan, Nikawlha khua pawh panse, kanhma maihian kan Lal hian run a tih hmela, Thangi te nufa tan chuan kawng a ping khawp ang, Dokunga te kha han neiduh mai mai se ṭhatur, ka pasal mitmu pawh a la kehlo ang tihvang mai mai khan a hnar a nia, Kaikunga lah Lal tupa a ni a, a chhungte chuan engti kawngmah khan an fapa nupui a tan chuan an duhawm tawp silo a, hmeichhia hichu an nikhualo a nih hi an ti a
.
Ṭhathangi te in a lengve Tlangval pakhat chuan, Aikung tunmai khan kan Lal chuan Nikawlha run a tumthu kha i rawnsawi lang zeuh mai a, miṭhen khat sawidan chuan, kan Lal hian Nikawlha chu tun dinhmun ah chuan a run ngamlo an tih tlatchu mawle, a chhan an sawidan in, kanhma deuha kan Lal fapa Kalthanga te Nikawlha khua a an vakal ṭuma, Kalthangate rawn umhaw tu kha Thangluaia fapa Sangluaia an ti a, Sangluaia chuan Nikawlha khua ah chuan a pute tlawhin a rawnkal an ti a, Nikawlha khua a rawnluh ni hian Keipui pahnih chu chemtum nen ringawt a rawn that a, chung Keipui ho zinga Sairal lianzet awmve nen chuan in hmachhawn leh in, chu Sairal lianzet maichu Sangluaia chuan huaisen taka melh in, tawlh hnungrawh tihnat che ka duhlo a nia tiin chu Sairal chu a bia an ti a, Sairal chu hnung tawlh in ngawpui hnuai ah chuan a pilbota an ti a ni, hengte a vang hian kan Lal Satkunga chuan Nikawlha chu runmai a ngamlo an ti a, enge nangni Aikung in ngaihve dan ni reng reng? Sangluaia vangchu a nih in ringve reng reng em? nangni hi chuan Sangluaia chu in hlauhve ka ring miahlo a, kan Lal hian Sangluaia hmachhawn tur hian a ring zolo che u ngeni ang a? na kinah Sangluaia chu that tur in tirhche u a tum zawk ni ang? tiin an zawt a, Aikunga chu chapo tak maia rawnhawi chhuak in, thu hi a thang nasa a, ni e kan Lal chuan ṭul katih hun ah nangni hi Sangluaia that tur chuan in kalchhuak dawn nia minti a lawm, chumi hnu ah chuan engkim a feltawh ang an ti a, Tlangval pakhat chuan, tuna Sangluaia chan chin kan hriatkha thutak a ni em? thutak a nih chuan Sangluaia chu tawngpawng beihngawt chi a ni hauhlo ang le, Keipui pahnih chemtum nen ringawta that theitu mihringchu keini hmachhawn ngawtchi chu a ni hauhlo ang an ti a, chu ṭawngkam tak mai chuan in chhunga awmve Aikunga thinlung chu a kheita zarmai le, chupa lamchu melh in, Chawnga i ṭawngkam hmanduh dan chuan thin a va kheive, Keipui pahnih a thah a vang ringawt in i hlau ang maw? Sairal a hma a a tawlh a vang ringawt in, i khualeh tuihi chupa Sangluaia lak ah chuan i chhan ngamlo ang maw? i ṭawngkam kha mipa ṭawngkam hman dantur a nilo tawp mai kati, Sangluaia chu lokal ang hmiang, a pa Thangluaia ngei pawhchu kan khua min rawnrun tur hian rawn thawk chhuak ang hmiang, tunge in hlauh a? mahni khaw chhan ngamlotur khawpa dawihzep chu tunge? an ti a, Chawnga chuan, ka tlanchhia ang chu ka tilo, mahse Thangluaia chu kancho chi a nilo, a Pasalṭha rual ralrel thiam tak tak te ringawt pawh khawkhat runtham an tiasin an ti a
.
Aikunga chuan, Chawnga i ṭawngkan hmandan kha a mak kati khawp mai, a nih kan khua hian ral a hmachhawn in tu te nge hmahruai ṭhin han sawiteh? an ti a Chawnga chuan nangni chu kan khaw chhuan vawrleh, kan Pasalṭhate in ni a, hmahruai ṭhinte chu nangmahni hi in ni a kan hria a lawm, chhuan pawh in chhuah awm khawp mai an ti a, Aikunga chuan, kha kha ṭawngkam hman dantur dik tak a ni, i khualehtui phatsan zawnga ṭawngkam i phuh chhuah khan ka thinlunghi a kheina khawp mai, keini hian he khawtan hian hma kan hruaiṭhin a, khawi Pasalṭha lak ah nge kan chetsual tawh a? khawi Lal lak ah nge kan hnungtawlh tawh? Thangluaia leh a fapa Sangluaia pawhchu rawn thawk chhuakse enge in hlauh? Sangluaia Nikawlha khua a awm pawhchu kan Lal hian ṭul a tih hun ah kanva thatmai ang, Chawnga ka thusawihi i awilo pawh a nithei a, mahse Satkunga leh a khualehtui tan hian ralhmatawng in vawitam ka thawk chhuak tawh, kan chhak lam Lal Kuaithanga te leh, midang tamtak kan runṭum pawh in ralhmatawng ah hian ka ṭangṭhin, chung kan runte chu Pasalṭha huaisen tak tak an ni hlawm, mahse vawiin thlenghian Satkunga tan hian ral kala dothei a nih hi, tunge min hliam tawh a? tunge khangho ah khan ka chunga leng awmle? Chawnga keihi min theihnghilh ta em ni? a nih kan Lal leh a khualehtui tan hian ral hmatawng ah vawikhat tal i penchhuak vetawh em? tiin an zawt a, in chhunga Tlangval hochu an ngawiṭhup mai, Chawnga chuan, Aikung ka theihnghilh che a nilo a, Thangluaia te pafa hlauhawm dan ka sawimai a ni e, i zawhna ah chuan, kan Lal tanhian ralhmatawng ah chuan vawikhat mah kala penchhuak lo, chulam ah chuan engmah sawitur ka neilo e an ti a, Aikunga chuan vawikhat pawh ralhmatawnga he khawtan hian ila pen chhuah loh lai hian, a nih keihi vawieng zatnge ka penchhuah tawh le? Aikunga chu an hawi valh valh mai a, vawitam kan penchhuak tawh a, vawikhat mah kanla chetsual loh hi, chu vangin Sangluaia lak ah pawh chuan midang i ringlo a nih chuan, keihi chu min ringrawh, i hmuhlai ngeihian Sangluaia in tihchu han hmachhawn ka van chak ve aw, tiin Aikunga chu an nula rimna hmun a ṭang chuan an rawnding chhuak a, chu tihlai tak chuan an piah, kawngka thimlai a ṭang chuan aw damthlarh mai, lo ngaithla chingtu tan chuan chu aw chuan, thihna a paitel a ni tih hriat taksi hian, i miduh chu heta hi ka awm e, hmeithai chunga kut thlak ṭhintu mipa chu, Pasalṭha ah in chhiarthei dawn em ni? an rawnti a, in chhunga nula rima Tlangval lengte chuan, chu aw lo chhuahna lamchu an hawinghal ṭhup in, kawngka chhunglam ah chiah chuan Tlangval pian nalh thlarh maihi, inchhung lamhawi chung hian a lo ding kak hah mai le
.
.
DUHTAWK LEH RIHPHAWT ANG U AW
REMCHAN VELEH KAN CHHUN ZAWMLEH DAWN NIA
.
Hman hmawhlo in minlo nghak hram hram ṭhindawn nia
.
.
[Lalzirliana Tichhawng] [Champhai Tlangsam]
| Link: | |
| BBcode: | |
| HTML: | |
| Hide post links |
ADVERTISEMENT (A hnuai a milem hi a nia hmeh zeuh tur chu)