Pasaltha Thangluaia By Mazira Tochhawng Mipa 1 - 237

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

Re: Pasaltha Thangluaia By Mazira Tochhawng Mipa 1 - 219

Unread post by Ngaia » October 7th, 2018, 7:57 pm

................ PASALṬHA THANGLUAIA (219) ...............
.
.
Ṭhakungi te in chhunga leng Tlangvalte chu an ngawi ṭhup mai, Aikunga pawh a ṭawng tui teh reng nen, Satkunga khua ah hi chuan han nek ngam an awmlo a ni a, chumi hre reng chuan uang tak leh nuamti tak khan a ṭawng a ni a, mahse a beisei loh keh, a rinphak miah loh a a mah ngam taka rawn chhangtu an hmuh tak ah chuan a hawihai vechiang khawp mai, tin a mah rawnhnial kalhtu lah chu mina zawngten an hmachhawn ngamloh leh, mitam tak in he rawlthar hmachhawn ai chuan, puanfen fena kawlkil tawp thleng tlanchhiat ka duh zawk an lo tih ṭhin Sangluaia ngeichu a nibawk si, Aikunga tan chuan midang anga en ngawtchi chu a nilo a ni, Aikunga ṭhian zinga pakhat chuan Sangluaia lamchu en in, nang naupang i va rawnchal tlaive tihpah chuan, Sangluaia lamchu pan an rawn tum a, mahse Aikunga chuan, Challian a hlauhawm lu tuk, thih i duh a mi? an tizui a, khum lama mu Ṭhathangi pa chuan a in chhung ah chuan thildiklo a awm tih hria a rawntho chhuak nghal in, Sangluaia lamchu en in, Tlangval i rawn huangtau mah mah a ni, ka in chhung ah hian nang khual Tlangval hian, kan Pasalṭha hi i rawn chaldelh ngam a maw? Tlangval te u he rawltharhi zilh a ngai a nih hi, hanzilh teh u an ti a, mahse Tlangval ho chuan an hmalawka ding rawlthar chu a hlauhawm ziahria in, tumah che chang ngam an awmlo a ni
.
Satkunga Tlangval te hian, Thangluaia te pafa hlauhawm ziahi hrechiang em em in, an thinlung ah hian inziak nghet tlat ang deuhthaw in, Satkunga Tlangval te hian Thangluaia te pafa hi an hlau in, zah pawh an zah em em a ni, Satkunga khua a Thangluaia te pafa an hmingthan danhi, Pasalṭha huaisen, ralhrat leh ralrel thiam, mihring zamṭha leh ṭuanrang, ral zarual pawh mahni a dangchat thei, tin hmeithai te leh fahrah te, pachhia te leh riangvai te hmangaihtu, mahni khualehtui tana theihtawpa nun na hlanṭhin tu, chu tianga an than nasat a vang chuan, Satkunga Tlangval te hian an zah in, an hlauru em em mai a, tuna Nikawlha khua a Sangluaia a rawnluh a vang leh, Nikawlha te nen an in hmalmak tak a vang hian, mitam tak chuan Sangluaia chu hmelma en in an en chauh a ni a, Satkunga ngeipawh hian Nikawlha a runloh nachhan hi, Sangluaia a awmve a vang chauha runlo a ni, chu vangin Satkunga Tlangval te hian Sangluaia hmachhawn chu tuman an chak lo a ni, tin Satkunga hian Thangluaia hi a hriatchian em a vang in, Thangluaia thinrim na tur thiltih hi a duhlo hrim hrim a ni a, Thangluaia chu Lal chak tak leh, Lal huaisen tak a ni tih hria in, a Tlangval rualte chu sawiloh, a Pasalṭha rualte ringawt pawh khawkhat tan hlauhawm tham an ni a, chu vangin Satkunga hian Thangluaia thinrim theihna tura thiltih a duhlo a, Nikawlha khua a run ngamloh na chhan pawh hi, Thangluaia fapa Sangluaia chu Nikawlha khua a a awmve vang chauh a ni
.
Ṭhakungi pa chuan, Tlangvalte u he rawlthar hi tumah khan in hmachhawn ngamlo em ni? in ngamlo a nih ngai chuan keimah hian aw, tiin a banglaia a chempui thiah chu han phawi dawk zawk in, Ṭhakungi chuan kapa tiin an lo ko a, Ṭhakungi pa chuan Sangluaia lam an pn nghal in, Sangluaia chuan a kut veilai, Maubul chang a humna lam chuan Ṭhakungi pa chu lo kawk in, kapu hnungtawlh nghal rawh, a nih loh chuan buaina liantham a chhuak ngei ang an ti a, Ṭhakungi pa chu a chhuatlai ah chuan ding chawt in, chu Ṭhakungi pa in sei raihmai, a hnuai phakrak chunga Rawnal chik pharh in phah duai mai chu, Sangluaia chuan rawn rap chik ṭawt ṭawt in, muang raihmai hian a hmalam chu an rawnpan phei a, Ṭhakungi pa hnen ah chuan, kapu iin rawlh loh na tur ah lo in rawlh suh, tawlh hnung rawh, a nih loh chuan Aikunga chhawn khan a hempalh hlauh dah ang che an ti a, Ṭhakungi pa pawh mahni in chhung ni mahse, chu rawlthar mit meng leh, a hmel thu tak tak mai an hmuh chuan, tawnluih chi a nilo tih hria in a hnung tawlh ta a, Sangluaia chu chhuatlai a rawn thlenhma deuh chuan ding in, Aikung Khampuia khan in chung ah khan eng sualnge a tih? nasa taka nghaisa tur khan in eng awinge a sawi le? rawlthar satliah Chakai khawrh tura kha lui ah khan kalve satliah vemai a nih kha, kha tiang khawpa nghaisa a, a mit mute kher chhuak vek tur khawp khan in chung ah eng sualnge a tih? sangluaia thinlung chu Khampuia lainat na a vang chuan a na vawng vawng khawp mai, hmeithai pakhat eng mah sualna neilo leh, a fapa naupang kumli mai hnawtchhuak duh khawpa mihring nun rawngchu lo pen chhuak ta che an ti a, in chhung ah chuan mihring awm nual mahse, Khuavang kal lai ansawi ang mai chuan a reh tlawk tlawk mai a ni, Chawnga chuan aw han thian kharh kharh in, Aikung nichin mai kha chuan tu emaw chuan Sangluaia a ngamzia thu kha a au chhuah pui nasa a nilawm ni? a sa seh ah tak tak chuan nichina Sangluaia a ngamzia au chhuah puitu khan, puanfen fengina hnung tawlh san lehsi dawn em ni? an ti a, Chalthanga chuan, Chawnga i ṭawng chaltlai hle mai, he tahi Satkunga Pasalṭha Chalthanga ka awm e, in ngamloh he fasawn hi kei chuan ka ngam a ni tiin, Ṭhakungi pa chempui humchu lak sak in, Sangluaia lamchu an rawnpan a
.
Aikunga chuan Chalthang tiin han ko mahse, Chalthanga chuan hnung tawlh reng a tumlo, in chhung dung seiraih mai ah chuan Sangluaia lamchu pan in, Aikunga kohna chu hrelo ang hrim hian Sangluaia lamchu pan in, nang hian tiangkhawp hian a ni maw keini, Satkunga Tlangval te hi min hmuhsit ni? chu tiang khawpa thih chak chu thimawlh rawh tiin a chempui chu an rawnvai fua mai a, mahse chu rawlthar, ralbeih thiam leh zamṭha tak maichu chuti mai mai a sah hlum ngawt theih a nilo a ni, Chalthang'an a chempui Sangluaia lama an rawnvai chu, Sangluaia chuan rang lutuk a lo tawlhsawn san in, a tawlhsawn rual deuh thaw chuan, a dinglam ah chuan pen kak in, na tak chuan an zuang kang dawrh mai a, Chalthanga rawn hawilet chiah maichu Sangluaia chempui thlawk chuan, Chalthanga nghawng chhawk hmawk chuan an lo sat chawrh mai a, Ṭhakungi chu rak nghal tuarh tuarh in, Sangluaia chu tuma danhman loh khawpa rang in hmalam ah chuan an tlandawk phei a, in chhunga awmte chuan Sangluaia chet lak danchu an rinphak bak a nih a vang in, lo dang hman pawh an awmlo a ni, tin lo dantum pawh nise, Sangluaia chu chempui hriam tak leh, Maubul chang zum hriam tak keng a nih a vang in, kut lawngmai chuan lo dan ngamchi pawh a nilo a ni, Sangluaia Tapchhak lama a tlanphei chuan, na tak mai chuan a kut veilama a hum Malbul chang chu an vaipawp mai a, Aikunga chu rak ṭhawt in, Aikunga rak ṭhawt rual chuan Sangluaia kut dinglama a chempui hum chu thlawm phevua in, Aikunga bula ding, Aikunga hnung zuitu pakhat hrawk chu a thlernghal duai mai a, Aikunga nau pakhat chuan bang thlang lama fei zum tak in thiat chu han chuh tum in, chulam chu a pandawn tih ah chuan, Sangluaia Maubul chang ken chu thlawk chhuak dawk zawk in, chupa nak thawl dinglam ah chuan a lut hrawih mai a, chupa chu thaw hawk in, hrehtak chung chuan chhuatlai ah chuan a tlunghal a, Ṭhakungi chu rak tuar tuar in, kapa kapa tiin a au chul mai a
.
Sangluaia pawh rang taka kawngkhar lam ah chuan tawlhsawn nghal in zawisap hian, in duh a nih chuan ka hmelhi in chhin chhiah thei ang tiin kawngka ah chuan midang rawn kalhma chuan a tawlh liamta a, Ṭhakungi te in chhunga Tlangval te chuan sawitur pawh hrelo chuan, an ding ngawi reng mai hlawm a, Ṭhakungi pa chuan, Tlangval te u in buzawl ah ngei chuan luhchilh in nih tak hi an tih tak ah chuan rawn harh hlawm in, Aikunga te ṭhianho chu an han bawihsawm nghal a, tin Ṭhakungi au thawm ah chuan ṭhenawm khawveng te pawh rawn tlanlut in, eng tizia nge ni ta? tiin an rawn zawt nghal a, Aikunga te ṭhianli chu tumah chhan tlak awm tawhlo chuan an hnuk chu a chat hman vek tawh a ni, Sangluai'an Aikunga te ṭhianho a rawn nghaisak chhung hi a reilo hle a, Tlangval in chhunga awmte ngei ngei pawh hian, Sangluai'an Aikunga te ṭhianho a rawn thah danhi a thimdeuh nen, chiang pawh in an hmu hman meuh lo a ni, Aikunga kut a thlak dan tak pheihi chu, Aikunga lampana rang taka dawk phut a nih a vangin, eng tiang chiaha kut thlak nge a nih an hremeuh lo a ni, midang rawn tlanlut nen, chhuatlaia Thisen baw zel zul nen, in chhung ah chuan an rita nuaih nuaih mai a, val upa rawnlut ṭhenkhat chuan Tlangval ho chu hau nghal in, ṭhenkhat Lal Satkunga in lam an pan bawk a, val upa ṭhenkhat te chuan Tlangval ho hnen ah chuan, kan ralin kei mahni khawchhung chu sawiloh, in nula rimna ngei ah an rawnluh chilh che u a ni a, heng in ṭhiante hi chhan pawh in chhan ngamlo a maw? tiin an hau bawk a, mahse val upa zinga an rawnber chuan, Aikunga te ṭhianho hliamdan chu an en diat diat a, Tlangval Chawnga hnen ah chuan, he in ah hian tumaw lo lut? tiin an zawt nawn leh a, Chawnga chuan, kapu Nikawlha khua a cham mek, Thangluaia fapa Sangluaia a ni e tiin val upa zawhna chu an chhang a, chu val upa Lianhlira chuan Aikunga te hliam tawrh dan a ṭang chuan, mi naran thiltih a ni theilo, Aikunga hi Pasalṭha ralhrat tak a ni a, mahse inchhunga chet la hman miahlo a siamthei tu hichu mi naran mai mai a nilo tih hi ka chiang khawp mai
.
Tin heng mithi te a hliamna hi han en ula, Challiana chu a nghawng chhawk a ni a, Chalthang vethung hi a hrawk hrui chhah sak a ni a, Aikunga leh Kalhranga hi an nak veilam, nak thawla na taka vih ve ve an ni a, mihring sahuat ah hlir a khawihsak a ni, a hliam dan a ṭang hian damchhuak chi an nilo a ni, he rawlthar hi kan tan hian a chimawm dawn khawp mai, he tianga min rawnluh chilh ngam a nih ngat chuan, tumah hi kan himlo a ni, mahse mak ka tih deuh mai chu, he in ah hian Tlangval nula rim ṭhahnem tak in awm a ni a, midang tumah kut thlak miahlo a, Aikunga te ṭhianli chunga he tianga kut rawnthlak vak nge maw a nih le? heitak hi a ni mak ka tihni an ti a, Ṭhakungi pa chuan, val upa Kailinga hnen ah chuan, kha rawlthar kha keipawh in lo dan chu ka tumngei a lawm, mahse a mit meng leh, a hmel a ṭang khan danchi a nilo, a sawidan chuan Aikunga te ṭhianho hian, Nikawlha rawlthar pakhat Chakai khawrh chu nasa tak in an nghaisa a ni awm e, chu rawlthar chu a mit mute kherchhuah sak in, a ban pawh a pahnih in an tansak a ni ngei ang, chu tia an nghaisak hnu ah chuan Aikunga te ṭhianho hian, chu rawlthar chu a hrawk hrui chhah sak in, lui dung ah chuan an kalsan ta a ni ngei ang, chu thil a vanga he Sangluaia an tih hi rawnlut a nih hmel a ni an ti a, Kailinga chuan Ṭhakungi pa thusawi chu ngun tak chuan ngaihtuah in, chu tianga Aikunga ten Nikawlha mileh sate an ti a nih chuan, he rawlthar Sangluaia hian chu rawlthar Chakai khawrh tihlum tu te chu a rawn chhuizui a nih ngeidawn hi, heng chan chin zawng zawng hi Lal hrilh vat a ngai a ni tiin, Kailinga chuan Lal Satkunga in lam chu a panta nghal a, in chhunga ruang pali pawh chu an mahni in lam ah chuan Tlangval te chuan la in, Tlangau chu a rawn au ta nghal a, khua ah ral an rawnluh a vangin mitin te fimkhur tur ani a, tin Tlangval rualten ral lo luthi umzui nghal tur a ni a, tun ah Lal tualzawl lampan nghal tur a ni tiin an rawn au a, Tlangval rualte chu an nula rimna a ṭang chuan hman hmawh taka tlanchhuak hlawm in, Lal tualzawl lamchu an pan sung sung mai a, Satkunga pawh a Tlangval te lak ah chuan a zak khawp mai, ral pakhat in a rawn luh chilh a, Aikunga te ṭhianho a rawn that a ni a, Aikunga te ber kher, khualehtui tana an ṭangkai teh reng nen, tunge Aikunga te ṭhianho chu rawn that nita ang? Aikunga hi Pasalṭha huaisen leh, ralhrat tak a ni ve a, awlsam taka chu tianga Aikunga rawn that thei maitu mihring chu tunge a nihhriat a chak khawp mai
.
Lal Satkunga chu a in chhung ah chuan a ang tun tun mai a, he tihlai hian val upa Kailinga chu Lalin ah chuan rawnlut hlawl in, Satkunga chuan, Kailing ilo thleng hlauhchu a lawm awm e, hei thil ṭhalo tak mai kan tawng mek a ni a, ka khua ah ngei ral chu rawnlut in, ka Pasalṭha, kawng eng kima ka hmatheh chu a rawn that a ni a, he ral hi khawilam a ṭanga lo lutnge a nih a? tunge maw a nih reng reng le? tin a rawn luhna in chhunga Tlangval rual awmte lah in, Aikunga te chu chhan pawh tumlo in an thlir liam ringawt a ni awm a, he tiang mahni khualehtui chhan na chang pawh hrelo Tlangval te hi hrem ngei ka duh a ni, engkim ka hriat hun ah heng Tlangval te hi an dawizep viau a nih chuan, an lupawh tan sak ka duhngei ang tiin thinrim tak chuan Kailinga chu an hrilh a, khawnbawlte pawh Lal a thin a rim a vang chuan an ngawi ṭhap mai, val upa Kailinga chuan, Lalpa tualthih na hmun a ṭanga rawnkal ka ni a, thil thlendan leh, he tual rawn that tu pawh hi tunge a nih ka hrevek a ni, tual rawn that tupa hi i hre reng reng em? tiin an zawt a, Satkunga chuan, Kailing chulam reng reng chu ka hrelo, ka khualehtui chhung ah ral lo lut in, chu ral chuan ka Pasalṭha te a rawn that tih chiah ka hria a ni, a nih tunge ka khualehtui chhunga tual rawn that tu chu? tiin an zawt a, Kailinga chuan, Lalpa he thil thleng bul in ṭan na hi, kan hma deuha Aikunga te ṭhianho Nikawlha khawlama i tirh chhuah ṭum a ṭanga in ṭan a nih hmel a ni an ti a, Satkunga chuan, chu tiang teh daih chu a ni theidawn em mawn le? thil i hrechiang a maw? tiin an zawt nawn leh a, Kailinga chuan, Lalpa engkim chu chian veka lo kalchu kani a lawm, Aikunga te ṭhianho in Nikawlha khua an va kal khan, Nikawlha ramchhung, Aikamlui ah tih ah chuan rawlthar pakhat Chakai khawrh tur an hmu a, Aikunga te ṭhianho chuan chu rawlthar pakhat chu man in, nasa tak in an nghaisa a, a ban leh lam leh lam tansak in, a mit mute hial an kher chhuah sak a ni, chu tia nasa taka an nghaisak hnu ah chuan, chu rawlthar chu a hrawk hrui an chhah sak ta a ni, he thil thlenghi tuna Nikawlha khua a Thangluaia fapa awm chuan rawn chhui zelin, nichin maikhan tiang kha kan tawngta a ni a, Sangluaia chu Aikunga te nula rimna ah chuan rawnlut in, Aikunga te chu rawlthar chunga an thiltih leh, dawt mai mai a an puh a vanga hmeithai pakhat an hnawh chhuah na chung chang ah chuan Aikunga te ṭhianho chu a rawndam khawp mai a, in chhunga awmho te danrual loh in Sangluaia chuan, Aikunga te ṭhianho chu a rawn that ta a ni, Sangluaia hlauhawm dan zawng zawng chu kan hriat vek kha, kan Pasalṭha Aikunga meuh pawh in chet a lak hman loh chuan, midang te pheichu beisei chi an nilo a ni an ti a
.
Satkunga chu meng kawk kawk in, he thil ah hian Sangluaia a in rawlh a maw? Sangluaia ngei a nih tih an hria a maw? an ti a, Kailinga chuan a hrechiang bertu Tlangval Chawnga a awmve a, a ni chu tualzawl ah khuan a awmve nghe nghe a ni, kan koh tirdawn em ni ang? an ti a, Satkunga chuan rangtak chuan Chawnga chu rawnko teh u an ti nghal a, Tlangaupa chuan tualzawla Chawnga chu ko nghalin, in chhung a rawnluh chuan Satkunga chuan, Chawnga Ṭhakungi te in chhunga thil thleng zawng zawng kha hei kan val upa Kailinga hian i hria ni in a sawiche a, buaina thlenlai khan Ṭhakungi te in ah chuan i awmve em ni? tiin an zawt a, Chawnga chuan, kapu Ṭhakungi te in ah khan leng tura lut hmasa ber kan ni a, hmuamda awm vel kan ṭhuthnu ah khan Aikunga te kha an rawnlut ve a, ti ti a eng eng emaw kan sawiho hnu ah, Sangluaia chung chang kha kan sawi chhuak ta a, Aikunga chuan ti hian minti a, Sangluaia chung ah chuan lobuai suh u, a hun a lo thlenhun ah kan Lal in that tur in min tir ang a, Nikawlha khua ah chuan kalin, kanva that mai dawn lawm a ti a, keilah chuan, Sangluaia chu chu tianga thah mai mai chi a nih ka ringlo tiin ka chhanga, Aikunga chuan, min ringlo a ni maw, kan khualehtui tan hian vawi eng zatnge raldo hian ka pen chhuah tawh, ral hmatawng ah hian vawitam ka ṭang tawh a, vawikhat pawh ka chesual tawh em ni? min ringlo a nih chuan, tun ah te hian Sangluaia chu awmse, in hmuh laingeia han hmachhawn chu ka chak a ni tiin a sawi a, chu tihlai chuan kawngka a ṭang chuan Sangluaia chu avrawnpen lut ta mai a ni, Nikhawlh rawlthar an thah dante rawnsawi chhuak in, tin vawiin lama Thangi kan hnawh chhuah chung changte sawi in, Sangluaia chuan, hmeithai chunga kut lek ching mi huaisen an awm em ni a rawnti a, Chalthanga chuan Sangluaia chu ngai theilo in chempui nen a pan a, mahse kha rawlthar zamṭha tak maikhan awlsam tak in Chalthanga chu a lo that mai a ni, in chhung ah chuan kan rinphan miahloh chuan rawlthar chu rang taka rawn tlan tlangin, Tapchhak lama Aikunga leh a ṭhiante pahnih awm chu rawn that leh in, kawngka ah chuan a tawlh chhuak lehta a ni, kapu a rawnchet dankha a ran em a vang leh, kha tiangkha tuman kan rin loh a vangin keini pawh in kan dang hmanlo a ni, kan Pasalṭha Aikunga ngeipawh in chet a la hmanlo a ni tiin, Chawnga chuan Satkunga zawhna chu an chhang a
.
Satkunga chu ngawi vang vang in, Chawnga Tlangval feltak i ni e, ka hriat duh chu ka hreta e, tun an chuan i ṭhiante bulah i kal leh thei tawh ang an ti a, Satkunga rilru chu a hah hmel khawp mai, a thil duh loh leh a hlauh ruk tak maichu a thleng dawna hriatna lian tak nei in, val upa Kaplinga khawnbawlte hnen ah chuan, Thangluaia thin tih rimhi a finthlak loh khawp mai a, Thangluaia thin tirim a, Thangluai'an a run tawhte chu tumah ding chhuak an awm tawh ngailo a, tin Thangluaia hi Lal chak tak a ni a, tu mah hian Thangluaia hi an la dangthei ngailo a ni, chu vangin Thangluaia tih thinrim hi a finthlak loh hlemai a, a thin tih rimhi ka duhlo a ni, Nikawlha khua ka run ngamloh na chhan lianber pawh hi, Nikawlha khua ah chuan Sangluaia a awm a, Sangluaia hi Thangluaia fapa a pang zawk a ni tihpawh kan hrevek a ni, a fapa duatlai a ni a, Nikawlha khuahi lo run ta ila, Sangluaia hian Nikawlha khua hi ṭanpui in a ding ngei dawn a, kan kut palh tawk tase Thangluaia chuan a fapa duatlai chhan tur chuan a Pasalṭha rualte a rawn tir ngei dawn a, chu chu ka duhlo a ni, buaina liantham tak a chhuah phah thei a, kan khualehtui ngeipawh hi kan hloh phah thei a ni, tin Sangluaia hi la naupang viau mahse, Pasalṭha tam tak tluk loh a ni a, Nikawlha khualehtui chhan tur chuan a ding ngei bawk ang, chu vangin buaina liantham chhuah tirhi ka duhlo a ni, tin Aikunga leh a naute chuan ka thupek anglo tak in thil an ti a nih chu, tumah tinalo tur leh, tumah thatlo tur in ka hrilh vek a ni, eng vangachu tianga rawlthar ramvak satliah te kut thlak ngawt nge an nih reng reng, tualzawla Tlangval pungkhawmte pawh hrilh ula, zanin chuan chet lak loh tur, mahse fimkhur tak in awm sela, kalkhan zawng zawng ṭhatak in veng rawh se, fimkhur taka kan awm a ngai a ni an ti a, Kailinga pawh in, Lalpa i thusawi chu ka hrethiame tiin pawn ah chuan a chhuak ta a, Lal Satkunga sawiang chuan Tlangval ho hnen ah chuan an sawi a, ralveng tur ṭhatak in ruat in, midang te chu mithi in lam ah chuan an kalta hlawm a
.
Sangluaia pawh Ṭhakungi te in a ṭanga a tawlh chhuak chu, thimzing a nih tawh a vangin fimkhur tak chuan daiah chuan a tawlh liam nghal a, fimkhur tak chuan an riah na tur puk lamchu a pan nghal a, puk a han thlen chuan Rokhara te chuan nghak hlel tak chuan an lo lawm a, Thangi te nufa pawh lo la mu bik lo in, hlimtak chuan an in hmu khawm tlang a, zante an reideuh chuan Sangluaia te riahna puk thlanglam ah chuan Chingpirinu te an hram dut dut reng mai a, mutte an hun meuh chuan, chulai puk hnuai kawrte leh, a kam zawlvel ah chuan Leihrik te chu an rawnhram chiah chiah mai a, thlangdeuh ah chuan Vabak te leh kang kang Sava te chu an hram lauh lauh bawk a, zanrei lam ah chuan puk thlang deuh kawrte velah chuan Kawrnu chu a rawn ṭap zawih zawih mai a, Sangluaia chuan chung Kawrnu ṭap thawmte an hriat chuan a ngaih chu a ngam chiahlo a ni, ralven ngaia a hriat loh a vangin Rokhara hnen ah chuan, ka u helai hmunhi a him thawkhat viau dawn in ka hria, Satkunga hote hian ka hnuhi rawnchhui dawn nise an Meichher eng hmuh a hun tawh a ni, mahse hei engmah Meichher eng hmuhtur a awmlo a, chu vangin ngaihṭha tak in a mut theih in ka hria, Hlira i nu nen pawh khan mu tawh rawh u, engmah hlauhawm a awmlo e an ti a, Rokhara pawh in Sangluaia sawichu a dik tih hria in, Thangi ni e hei Sangluaia sawi ang khan, Sangluaia hnuhi tuman an umzui dawnlo ni in a lang, hah damtak khan in nufa khan murawh u khai an ti a, Thangi chuan, Lal Satkunga chuan Aikunga te that tu chu Sangluaia a ni tih a hriat chuan, a rawn umzui lo tawp ang, Nikawlha a run ngamloh na chhan pawh hi, Nikawlha khua ah chuan Sangluaia a awm vang a ni, chu chu kan val upa te sawidan a ni an ti a, Sangluaia chuan, keimah vang chuan a ni dawn em mawnle? tive maihi kani a, keimah a vanga Satkunga chuan Nikawlha a run ngamlo a nih chuan, Nikawlha khua ah chuan ka awm reng a ngaidawn a nih chule, an tifiam thu hlut a, Thangi chuan, Sangluai nang chuan i hrekherlo ang a, i bula ka sawi tawh ang khan, i chan chinhi kan khua ah hian a thang nasa a sin, Sialrang chuan Sialrang bawk a hringṭhin kan pi leh pu te chuan an lo ti ṭhin a
.
I pa Thangluaia chan chinhi tunhma kan naupan laikhan a thang nasa em em mai a, Pasalṭha Thangluaia chuan a mah chauh pawh in ral zarual a dangchat thei an ti ṭhin a, chu tiang khawpa Pasalṭha huaisen chu kan khuate hian hmuh an chak in, Thangluaia chan chin chuan kan khuahi a deng chhuak hneh a ni, hun a lo kala Thangluaia chu Lal ropui leh ngilnei tiin a rawn thang leh nasa em em mai a, chumi karah chuan rawlthar Sangluaia hming chu rawnthang leh in, chu rawlthar chu insual thiamleh, ralhrat leh ralrel thiam tak a ni a, Kawlkei pian ruala piang a ni a, thimrim taka a au chhuah tawh chuan, Keipui te hian an ṭanpui ṭhin a ni an ti a, Sangluaia chu a huaisen in, a zam a ṭha em em mai a, mi tamtak in a thin tihrim an hlau a ni, kan Lal Satkunga ngeipawh hian chung chu hria in, Thangluaia leh a fapa Sangluaia tih thinrim chu a duhlo a, chu vang chuan Aikunga thahtu chu Sangluaia tih a hriat ngat chuan a rawn umzui lo tawp ang an ti a, Rokhara chuan, chu tiang tak chuan a ni Sangluai henglai ah chuan in pafa hian kan hlauh ṭhin che u, he laia min rawn tlawh chhuah hma kha chuan, in hlatviau mah ila, kan Lal pawh hian Thangluaia pawi khawihlo tur in a khualehtui te hi a fuih nasa em em ṭhin a, keini a mite pawh hian kan Lal fuihna chu kan ngai pawi mawh em em ṭhin a, nangmahni nen a buaina neihi kan duh ngailo a ni, awle hei zante pawh a reita e, Thangi mu tawh ang uhmiang tiin mut hmunchu an remta hlawm a, hemi zan hian Sangluaia chu puk kawngka bul ah chuan mu in, Rokhara chu a lehlam chhung deuh ah chuan a mu thung a, Thangi te nufa hi puk chhung ah chuan an mu thung a ni, Sangluaia chu muhil mailo chuan, an thlang lama Kawrnu ṭap chuan a ngaih a ti ṭhalo em em mai a, an khawlam chu a ngaih tuahlo, mahse a hmangaih em em Chhingi chu a rilru ah chuan a awm tlat mai a, Sangluaia chu a lungte pawh a lengve em em mai a, mahse tuna a awmna leh, Chhingi te khua chu an in hlat em em mai a, Nikawlha khua a ṭang hian Chhingi te khua chu hmarlam ah awm in, Sangluaia hian Nikawlha khua a ṭang hian eng tianga hlange tih pawh a hrelo a ni, chu tiang neuh neuh ngaih tuaha rilru a senlai chuan, Sangluaia pawh mutchhuak in rawn zem chiai chiai in, karlo ah chuan a muhilve ta a
.
Sangluaia muhil tuilai chu rawn harh zawk in, thawhphan pawh awmlo chuan a Silai leh a chempui chu an hum nghal a, puk ko ah chuan thawm danglam ngai chang in, a mut na a ṭang chuan an ṭhu chhuak a, Pasalṭha huansen te chuan hlauhawm lo thlengtur hriat lawkna mak tak mai an nei ṭhin a, chu a hriatna chak tak mai chuan Sangluaia mutui laichu rawnti harh in, Sangluaia ngaih pawh a ṭhalo khawp mai, Rokhara leh Thangi te nufa chu tui tak in an muhil tihchu a hrenghal a, mahse chulai puk chu eng hlauhawm in nge rawnpan ang? an mut hma a Kawrnu ṭap khan Sangluaia ngaih kha a ti ṭha tawhlo a ni, thawm ngaichang chuan puk ko ah chuan ngawireng chuan Sangluaia chu a ṭhu a, mahse chulai ah chuan thawm danglam hriat tur a vang khawp mai, kang kang Sava hram leh, Leihrik hramri te tih loh chu thawm danglam hriat tur a vang a ni, mahse chulai ngawpui chhah leh thimrup mai hnuaia rawlthar chuan, chulai ah chuan hlauhawm eng emaw tak chu lo thleng tura hriatna liantak nei in, puk kotlang ah chuan ngawi reng chuan a ṭhuran mai a ni, hmuamda awn velzet an ṭhut hnu ah pawh chuan Sangluaia chuan thawm danglam eng mah hriat tur a neilo a ni, a mah pawh chu mutchhuak chuan rawnzem leh chiai chiai tawh in, engbthawm mah a hriat loh a vang chuan mut lehmai an tum hman a, chu tihlai chuan an riahna thlanglam kawrte, zanriah tur an siamna lam a ṭang chuan thawm mak tak maichu a hreta, chu thawmchu mihring phun ser ser thawm ni awm tak mai hian a tir ah chuan an hria a, Sangluaia pawh in chulam ah chuan a mit leh a beng chu chhikar in, mihring tu emaw ten an rawn umzui a nih an ring hman a, mahse chu phun thawm ni awm tak chu reh hmak in, mit khap kar lek ah chuan puk ko hnaih tak ah chuan phun ser ser thawmchu a hreleh ta nghal a, Sangluaia chuan mihring pang ngai an nilo tih hrenghal in, chiang tak chuan an ngaithla a, phun ser ser chuan sawi an nei a ni, mahse enge an sawi chiah chu hrethei bik lo a ni, chu phun thawm chu reh leh hmak in, mit khap kar lek ah chuan a thlang deuh ah chuan a in sawnleh nghal a, Sangluaia chuan zawite hian, helai ah hian enge in duh? khawilam a ṭanga lo kalnge in nih? tiin an zawt a, chu veleh chung phun thawmte chu reh leh hmak in, thlang deuh ah chuan thimhlima a hriat ang chiah kha hre leh in, thlang deuh ah chuan Kawrnu ṭap thawm chu a hre lehta a, Sangluaia chu a ngaih a ṭhabik lo khawp mai, mahse chulai hmun ah chuan eng thilchiah nge awm a, an chung ah chuan enge lo thleng dawn tihchu a hrebik lo a ni
.
Hmuamda awm velzet a liamleh hnu ah chuan, Kawrnu ṭap thawm pawh chu reh in, Sangluaia chuan thawm danglam awm leh awm loh chu an ngai chang vang vang a, mahse thawm danglam engmah hriat tur awm tawhlo in, muang chang chuan mut hmun a remve leh ta a, Sangluaia chu tui taka muhil bawrh bawrh in, zinglam ah chuan mu mang a neita a, a mu mang ah chuan Tlang nuam deuh pakhat ah hian lo awm in, chu lai a awmna hmun chu hriat tuma a hawikual lai chuan, nula aw nalh deuh mai hian, Sangluai i khua a vahar awm ve an rawn ti a, nula chu a nalh in, a hmelte chu a ṭha em em mai a, hmel tharsar leh mawi taka nui var var chunga Sangluaia chu rawn pan in, Sangluai in riahna hmun ah khan rawn pawhche kan tum a, mahse ṭhiante i neih a vang in kan rawn pawh theilo che a ni, Sangluai ka thusawihi ngun tak in lo ngaithla rawh, Satkunga chuan Nikawlha khua ah i awmlo tih hria in, rang tak in a in puah chah nghal a, Sangluai Satkunga chuan i awmloh lai rem chang ah lak a tum a ni, nizan khan Pasalṭha te leh, Tlangval rualte chu tir chhuak nghal in, heng mite hian thuitak an thleng tawh ngei ang, Sangluai hman hmawh taka i chet chhuah a ngai a ni, i pu te khua chu tun ah hian tluchhe thei dinhmun ah a ding mek a sin, i khawmuan chuan Nikawlha khua chuan a kanral san ngei ang che, Nikawlha khua chu ila chhan him hman a, mahse i khaw muansan a nih erawh chuan, Nikawlha khua chu i hmuleh tawh ngailo ang, chu vangin Sangluai muang chang suh ang che, tun ah chuan khawfing pawh a chat ta, ka kalsan phawt ang che tiin nula hmelṭha tak mai chu Tlang ah chuan a herliam ta a, Sangluaia chu harh nghal in, khua chu vartawh mahse a la hma in, ngawpui chhung ah phei chuan leilung pawh a la lang lo a ni, Sangluaia chuan Rokhara chu zawite a kaitho in, thilawm zia zawng zawng chu an hrilh a, Sangluaia chuan, kal lama kan kawng zawh loh kha Nikawlha khaw pan na tur kawng a awm em? tiin an zawt a, Rokhara chuan awm chu awm e, mahse chulam kawng chu a hladeuh a, kan kawng zawh a ṭanga chhim lam ah khan kawng ṭum pakhat chu a awm a, mahse chulam kawngchu a hladeuh an ti a, Sangluaia chuan, Thangi te nufa hi chulam kawng chu zawhpui la, hman hmawh lutuk lo in i rawn kalpui dawn nia, chulam kawng chu a himngei ang tiin, Sangluaia chuan Rokhara leh, Thangi te nufa chu a kalsan ta a
.
Chumi tuk chuan Sangluaia chu hman hmawh tak in Nikawlha khawlam chu a pan nghal vang vang a, Favang Ni chu khawchhak lam kawlkil a ṭang chuan rawn chhuak eng ruih in, ngawpui chhah leh dum dur maite chu a rawn chhun hring nghulh mai a, hringmi te tan chuan a mawilo han tihrual a nilo a ni, Sangluaia pawh chak taka ngawpui chhung ah chuan kal char char in, Satkunga hoten khua an thlenhma ngeia khua chu thlen hman a duh a ni, tuk ṭhuan en an rawn hun meuh chuan thuitak kaltawh in, tuk ṭhuan relna tur hmun rem chang chu melh pah in, hmunrem luitekam zawlṭha deuh chu a hmuta a, tuk ṭhuan a ei loh chuan eng laipawha ral tawngthei din hmuna a din a vang in, rilṭam leh chaua a awm chuan a duh ang in a chak thei dawnlo a ni tih hria in, tuk ṭhuan chu hman hmawh tak chuan a bawlta a, tuk ṭhuante an bawl zawhfel chuan Ni pawh rawn tlangsang tawh in, tuk ṭhuan chu puar tak chuan a ei ta a, muan chan chi a nilo tih hria in Sangluaia chu tuk ṭhuan a ei kham a ṭanga hmuamda awmvel ah chuan a kal chhuak lehta nghal a, Satkunga hote hnuhma chu hmuhngei tum in, kawng hnaiber tura a rinlam chu an zawh a, a rin ang ngei chuan Satkunga hote hnuhma chu a hmuta ngei mai, hman hmawh tak chuan umzui nghal char char in, chaw chhun fak hun awmvel ah chuan ruam pakhat ah chuan hnuchu umlut in, Sangluaia chuan chulai hmun ah chuan Satkunga hote chu an chawl a ni tih hria in, chulai hmun a ṭanga kal leh an tum chuan, a hmalawk ah chuan thawm a hreta tlat mai, chu thawm awmna lamchu finkhur tak chuan pan nghal in, kawrte dungthla ah chuan mipahnih hi a zuk hmu a, chu mite chuan eng thilnge an tih ang? an ṭhiante an um phalo nge ni ang a? an khaw muanglui hrim hrim ni ang? Sangluaia chuan zuk pawh loh zawk chu ṭha in a hria a, a chhan pawh a tam zawk in Nikawlha khawlam an pan vang in, chu mite pahnih chu in dan khawtlai tir a tumlo a ni
.
Kalsan tuma a in herlai tak chuan pakhat chuan, hei nangkha tunge i nih? khalai hmun ah khan enge i tih? tiin a rawn au ta a, Sangluaia chuan chu mite auh na chu eng vak ah ngailo in kalsan luih an tum a, mahse an pahnih chuan a lam ah chuan rawnchho in, khalai ah khan ding rawh, khawilam minge i nih? Lal lak tlak loh Nikawlha mite ilo ni renglo maw? kan chin chang ngaichang tura Nikawlha rawn tirhche i nilo maw? an rawnti a, Sangluaia chuan, ka hman hmawh deuha min tibuai suh u an ti a, mahse pakhat chuan, nang rawlthar kha eng vanga min hnialngam nge maw i nih le? kah i duh loh chuan khalai ah khan ding rawh, a nih loh chuan ka kap ngei ngei ang che an rawnti a, Sangluaia chuan in duh chuan min kap ta che u, tiin an lamhawi chuan a dingta a, chu mite pahnih chuan Sangluaia bul an lo thlen chuan, dingrawh kan tihkhan eng vanga kal luinge i nih? helai hmun ah hian eng ti a awm reng reng nge i nih? ai a upa te zah na chang i hrena nge? zilh deuh i ngai a nih hi an rawnti a, pakhat chuan Tlangval ka va hre ngailo che ve? Satkunga khualehtui mi i nilo em ni? Satkunga khua ah ka van hmungailo che ve? tu khualehtui minge i nih? tiin an zawt a, Sangluaia chuan, ka khualehtui in hreduh a maw? tiin an zawt ve a, Sangluaia khualehtui zawt tu chuan, nanghi rawlthar ngeng tak i nih hi mawle, upa zawk in thu kan zawtche a nih chuan, naupang zawk chuan ṭhatak in min chhang maitur a ni, sawivat rawh an ti a, Sangluaia chuan, keihi ka khualehtui in hriat duh chuan, Thangluaia khualehtui kani a, Thangluaia chu kapa a ni, keihi Thangluaia fapa Sangluaia kani e an ti a, chu mite pahnih chu an meng phawk nasa ta mai a, an rin loh lutuk a Sangluai'an an chhang chu an hamhaih hial a ni, chu tihlai chuan thlanglam, Sangluaia rawn kotu te pahnih rawn chhohna a ṭang chuan mipahnih hi rawnchho veleh in, chung mite chuan helam ah hian a ni maw inlo awm daih ni, khulai ah khan minlo nghak tur ah kanlo ngai a, Sangluaia chu kha tunge ni? tiin an rawn zawt nghal a, Sangluaia hma a ding pakhat chuan, ni e helam ah hian kanlo nghak zawk che u a nih hi, ni e hei rawlthar hi helai hmun ah hian kan hmu a, mahse buaina engmah a awmlo a, Sangluai i kalthei ang an ti zui a, mahse rawnchho zinga pakhat chuan, tu maw kha rawlthar kha? kaltir maiteh suh u an rawnti a, pakhat chuan he rawlthar hi kan tana hnawk a nilo a, kal mai rawhse an ti a, mahse rawnchho zinga pakhat chuan, kaltir suh u katih chu, biak ka duh a ni an rawnti leh a, chu mite pawh chu rawn thleng chhove nghal in, a ṭhiante hnen ah chuan, tumaw he rawlthar hi? tiin an zawt leh a, pakhat chuan, kan tan engmah buaina tur a awmlo, a hman hmawh em a kal rawhse an loti leh a
.
Rawnchho thar Aithanga chuan a ṭhiante hnen ah chuan, tunge a nih ka hreduh a ni, a hmingleh a khua sawihi thilhar vak a ni em ni? an ti deuh ṭhat mai a, chho hmasa zawk zinga pakhat Khama chuan, Aithang a hming leh a khualehtui hi thilsawi harchu a ni miah lo, mahse i hriat loh zawkhi a ṭha in ka hria, he rawlthar nen hian buaina eng mah kan neilo a, chu vangin kalmai rawh se an ti leh a, Aithanga chuan a hming leh a khua chu sawi a har loh chuan Khama min han hrilh vemai la mawle an ti a, Sangluaia chu rawn ṭawng chhuak in, kapu ka hming leh ka khua hriat i duh a nih chuan kan hrilh ang che, mahse chu mizawh ah chuan ka kal a ngai ang, kalna tur hmunhla tak ka neih a vangin min kaltir dawn nia, ka hming chu Sangluaia a ni a, Thangluaia khualehtuia cheng lai kani e, Thangluaia chu kapa a ni a, Nikawlha khua ah hian kapu tlawh in ka kal a ni, chuan kapu ka kalphawt ang e an ti a, mahse Aithanga chuan, vala Sangluaia maw i nih? Thangluaia fapa Sangluaia maw i nih? a nih chuan i kalngawt theilo ang, helai hmun ah hian sawidun tur kan nei a ni, keihi Lal Satkunga nau, Satkhama khualehtui a mi kani a, Lal Satkhuma Pasalṭha Aikunga chan chin kha kalo hreve a sin, Aikunga kha kapa u fapa a ni a, a ni nen khan kan pian ni a in ang a, chu vangin kapa te unau chuan Aikunga leh, Aithanga tiin kan hminghi an phuah a ni, ka u naupa that tu chu chuti maia kaltir ka tum reng reng lo che a nia, helai hmuna kan hmuche chu ka rinphak bak a nih hi, Aikunga chan chin ka hriat khan, nanghi zawng tur che a rawn thawh chhuah ka tum nghal a, mahse hei zawn hranche ngailo in ka hmu maiche a, ka tihtur ah pawh hian ka tluang dawn a nih hi, Nikawlha khawlam i ngaih tuah viau ka ring a ni, chu vanga hman hmawh pawh i ni ngei ang, mahse Nikawlha chu ngaihtuah duh reng reng suh, nak tuk zinghi chuan Lal Satkunga hoten a khua chu an haldarh vek tawh ang an tih khum a, Sangluaia chuan, kapu i u naupa Aikunga khan thilpawi tak mai a khawih a, chu vanga rawn umzui kani a, Nikawlha khua a mi pawi sawilo rawlthar pakhat chu, nasa taka nghaisa in, chu rawlthar nun na chu an lak sak a, chu vanga rawn umzui leh, that ta mai kani e an ti a
.
Aithanga chuan, Nikawlha khua a mihring chengte chu damtlak pawh in ni a mi? tun ah pawh Satkunga hote chuan run tur in an pan mek a ni a, an that chimit vek ang, nak tuk zinghi chuan Nikawlha khua chu meivap ah a chang vek tawh ngei ang an tih khum a, Aithanga bawk chuan, ka u naupa chuan Nikawlha mite chu a lo that a nih pawh in, a ral lu a la a nive mai a, tin Nikawlha mite chu tumah mihringa chhiar tlak an awm hleinem an tizui a, chupa chu a ṭawng nat em a vang chuan Sangluaia chuan zah duhtawh bik lo in, Sangluaia chuan, kapu i ṭawng na mah mah lo maw? Nikawlha khua ah chuan kapu te chhungkua pawh an khawsa ve a, chung mite thih mai mai chu ka phal dawnlo a ni, i duh a nih chuan i u naupa Aikunga phuba chu ila thri ang, i u naupa phuba latur chuan han tumchhin ta che tiin, englai pawha che chhuak theitur chuan in ringtak chuan a ding kak ta teu mai, Khamkunga chuan nilo e, Sangluai min kalsan rawh, helai hmun ah hian buaina thleng suh se an loti a, mahse Aithanga chuan, Khamkung lo in rawlh reng reng suh, he rawlthar hi awmdan mawi pawh a hrelo a nih hi, kei mah hian awmdan mawichu kan zirtir teh ang, tu man in Silai kha lo lek chhuak reng reng suh u, Thangluaia fapa pawh ni rawh sek sek, khale kei Satkhama Pasalṭha Aikhama chu ka rawnpen chhuak e, i theih a hnu minlo dangta che tiin a chempui phawrh chuan Sangluaia lam ah chuan an rawntlan nghal a, Sangluaia pawh in a chempui chu rang taka phawrh nghal in, Aikhama rawntlan chu ngun tak chuan an lo en kar mai a, Aikhama chuan Sangluaia bul an thlen chuan, nang ai a upa zah na chang pawh hrelo naupang, thila ka u naupa Aikunga pawh hlimtak in a zalngei ang tiin, a chempui chuan an rawn vaipawp mai a, Sangluaia chu lo tawlh hnung dawrh in, Aikhama chempui chuan a rawn ṭhelh fua mai a, Aikhama chu rang taka in siamrem leh nghalin, Sangluaia chu sahfuh ngeitum chuan a chempui chu an rawnvai leh a, mahse chu rawlthar zamṭha tak maichu, chu ti mai mai a sah fuh ngawt theih a nilo a ni
.
Aikhama chuan sahfuh ngei han tum mahse, chu rawlthar zamṭha tak mai chuan, Aikhama chempui rawivai chu a lo tawlhsawn san hman zelmai a, Aikhama chuan a tum anga Sangluaia chu a khawihfuh theih loh a vang in, a thinchu a rim em em mai a, sah tum tawhlo in Aikhama chuan, thawk lehkhat ah chuan an bawh pheithut mai a, mahse chu rawlthar chu chu ti mai mai a chiai chi a ni velo a ni, Aikhama chuan rang tak chuan rawn bawh phei mahse, Sangluaia chuan Aikhama chu ngun taka lo en kar in, Aikham'an a rawn bawh phei chu, a dinglam ah chuan rang taka tawlh nghal in, Aikham'an Sangluaia a bawh ṭhelh rawntlang phei chu, Sangluaia chu rang taka in her rem nghal in, Aikhama rawnher lehtur tak maichu a chempui chuan, Aikhama bek dinglam ah chuan an sah sak chawrh mai a, Aikhama bek dinglam chu ri rawp in, lei ah chuan a tlunghal thlawrh mai a, chu ve leh Aikhama nau pakhat chuan, a Silai humlai chu lek sang nghal in, Sangluaia lam ah chuan an lek kawh nghal a, chupa che vel chu Sangluaia chuan a mitsir chuan hmuru reng in, an bul lawka Lung lian vetak phen ah chuan an zuanglut nghal a, chulai ngawpui khawk rum rum khawp chuan Silai chu a puak ta ṭhuan mai a, Sangluaia in phen na Lung chu khem hlawk in, Khama chu ring taka rawn au nghal in, Kuhsai i Chengrang kha dah nghal rawh an ti tuarh mai a, Kuhsaia chuan a Silai kah ruah chu thlauh thla nghal in, a chempui chu rang taka phawrh in, Sangluaia bih rukna Lung lam ah chuan rangtak chuan an tlanphei nghal a, Sangluaia pawh a vanduai teuh khawp mai, Kuhsaia chuan Sangluaia biru chu rawn nang ching in, Sangluaia pawh Silai an rik tak ah chuan, Silai dang a rik leh hleu in chulai Lung phen ah chuan a tawmrei vehret a ni, Lung phena a bihruk lai chuan Kuhsaia chu rawnlang thut in, a chempui humlai chuan Sangluaia chu sah hlumngei tum chuan an sat pawp mai a, mahse rang lutuka Sangluaia chu lumsawn nghal in, Kuhsaia chempui chu a bek bulah chuan a rawn thawfua mai a, chhete chuan Kuhsaia chempui chuan Sangluaia lu chu han hnaih lehdeuh seng chuan, Sangluaia lu chu Kuhsaia chuan a sat keh ngei ang le
.
Sangluaia chu rang taka rawnding chhuak nghal in, Kuhsai'an Sangluaia an rawn umzui tur chu, Kuhsaia lam ah chuan na taka zuang pheinghal dawrh in, a kut dinglama a chempui humchu na tak chuan an vaichhuak venghal a, Kuhsaia rawntlan phei chu in sa seng hmanlo in, Sangluaia chempui rawn thlawk chu a chal tak mai chuan lo nang ching in, Kuhsaia lu ruhchu a keh ri rawp mai a, chulai hmun ah chuan ding khur nghal char char in, Kuhsaia kaihza tha chu a rawn zawi hnawk mai a, lei ah chuan tlusawp nuaih in, a melh ngai melh reng chung chuan a thi zuita nghal a, Sangluaia chuan Khama te lamchu hawileh nghal in, mahse Khama leh a nau chuan chet lak an tumloh a vang chuan, Sangluaia chuan, in ṭhiante ruang chungah in thin a rim a nih chuan, tun ah hian in zofel thei ang an ti a, mahse Khama chuan, Sangluai i chung ah hian thinrimna engmah kan neilo, Aikhama pawh kha i hriat ang khan ka khap theilo a nih kha, kei chuan buaina neih hi ka duhlo a ni, i tumram pan chuan a kalnghal thei ang tiin an chhang a, Sangluaia pawh in eng dangmah sawilo chuan a Silai chu la in, Satkunga hote hnuchu a chhui zuiin, hman hmawh tak chuan a tlan liamta nghal a, chawhnu her ah chuan Tlangsang vak lo, ram rem deuh mai pakhat ah chuan a chuang chhuak nawlh mai a, chu mual sang lutuk lo leh, mualdung in kham phei pur mai chhip chu, Thing lian tak tak awmlo chuan a fai ang reng viau mai a, khua chu chawhnu lam ni tawh in, chulai a ṭang chuan khawthlang lam chu thui tak a langthei a, a theng thawt nawm em a vang chuan Sangluaia chuan Mautheia a tui ah chu phawrh in, an in khawlh khawlh mai a, chulai mual sang lutuk lo chu luite chuan luan hual in, a hmun chu nawm pawh a nuam khawp mai, Sava te pawh in chulai hmun chu nuam an tive ni ngei tur a ni, Sangluaia bul lawk lawk ah chuan, Sava chi hrang hrang te chu rawn hram chiah chiah in, chung Sava hram chiah chiah kar ah chuan, Rengchal leh Ngirtleng te, Dawlrem te leh Uleuh te chuan zai losa in, Sangluaia chuan chulai hmuna awm chu harh sawng sawng hian a in hria a ni, khawchhak lam an hawia, khawchhak lam kawlkil chu lang theilo in, ngawpui dumdur mai chuan a hliah khup mai a, khaw thlanglam an hawileh a, khaw thlanglam chu kawlkil tawp a lang faivek in, Ni pawh a hniam ṭan tawh khawp mai, chu lai hmun chu nuamti hle mahse Sangluaia chu hman hmawh ngai a nih a vang in, reipawh awmlo chuan chulai hmun chu hreh rilru tak chung chuan a kalsan ta a
.
Thuitak a kalhnu ah chuan khua pawh lo tlailam tawh in, anriah ei hun hmadeuh ah chuan kawrte pakhat kam ah chuan zanriah tur buaipui chuan an chawl a, Mautheia chawte an chhum zawh ah chuan, Tumbu kawng laka a lak, zanriah chawhmeh a tan a tih chu an thuk phum a, a peih meuh chuan Nipawh khawthlang lam kawlkil ah chuan, Suk chenvel awrh chauh awm tawh in, Sangluaia chuan zanriah chu an ei nghal a, zanriah an ei felmeuh chuan Ni pawh liamfel tawh in, zanriah a ei fel chuan muanglo in, zan lama a hman tur Meichher te chu an siamnghal zung zung a, a duh khawp a siamhnu ah chuan kal chhuah zaichu a rel lehta nghal a, khua a thim a chhun lama thawm hriat tur awmlo thawm mak pui pui chu rawn awm ṭan in, mihring tana hriat nuamlo tak tak te chu hriat tur an rawn awm chho a, Sangluaia chuan ngawpui thim chhah tak maichu palṭan in, chu ngawpui chu tuma tlawh pawh ngailoh a ni a, a ngawpui chhunga Thing dingte chu, kan pi leh pu ten Chhura rual rual an tih ang Thing chu ni hlawm in, chu ngawpui chhah tak, tumah tlawh pawh ngailoh chhung ah chuan a ding thelh ṭhuau mai hlawm a, thawm mak pui pui leh, mihring tana thawm hriat nuamlo tak tak te chuan Sangluaia chu rawnhual in, a bulvel ah te chuan pitar putar damlo chau rumri ni awm tak tak te chuan rawn hual in, eng emaw chang chuan a hnung ah te chuan palian tak, thawri hum hum te chuan rawnzui bawk in, eng emaw chang chuan a dingleh veiah chuan, Damlo na tak rum kawk kawk ang te hian rawnzui bawk in, chung thawm mak tak tak chuan Sangluaia chu a rawn hualvel a ni, mahse thlahtu a ṭanga hlauh neilo Sangluaia chuan, chung thawm mak tak tak te chu eng ah mah ngailo in, zanthim chhah tak Ramhuai chi hrang hrang, Chawmnu te leh, Kham huai, Bung huai te leh, Phungpuinu te tual len hun zanthim hnuai ah chuan, chung hlauhawm tak tak te chuan rawnhual vel mahse, Sangluaia chuan chu zanthim chhah leh hlauhawm tak tak kar ah chuan hmalam chu a panzel a, a thinlung ah chuan chung hlauhawm te chuan hmun changlo in, a hma lama a tih tur chauh chu ngaihtuah in, chu zsnthim chhah tak hnuai ah chuan hmalam chu a panzel a ni
.
Zankhua a an kalhnu ah chuan hmun pakhat, Tlang nuam tak maihi a va thlengta a, chulai hmun a thlen chuan khawfing pawh rawn chat in, hmuamda awmvel chu chulai ah chuan an chawl a, khua a en chiana, leilung a rawnlan theih chuan Sangluaia chuan a piah Tlang chu a pan pheita a, chu lai Tlang piah chu Nikawlha khua ni tawh in, chu lai Tlang a ṭang chuan Nikawlha khua chu a langthei tawh a ni, Tlang a va thlen chuan, Tlang chhip a ṭang chuan Nikawlha khua chu a va hmuta a, mahse Nikawlha khaw thlenhma a a thilhmuh te chuan a thinrimna chu rawnti so sang in, Satkunga hote chuan Nikawlha khua chu luh tum in an hualmek laihi a va hmuta a, chu veleh a thinlung ah chuan thinrimna liantak maichu lo lut nghal in, chu lai Tlang leh, Nikawlha khawdin na mual in kar ruam khawk rum rum khawp chuan an au a, chu au thawm chu a rin em a vang chuan chulai ruam chhung ah chuan a thang khawk rum rum mai a, chu veleh chulai ruam chhung a ṭang chuan Keipui Hahum thawm chuan rawlthar thinrim au thawm chu rawn chhawn nghal in, rawlthar chuan ring tak chuan aw han chhuah leh in, Keipui Hahum dum dum thawm nen, chuan rawlthar chu Satkunga hote lampan chuan, chulai ngawpui ruam chhung lampan chuan tuma danrual loh chuan a tlandawk ta pur pur mai le
.
.
DUHTAWK RIH PHAWT ANG U AW
REMCHAN VELEH KAN CHHUN ZAWMLEH DAWN NIA
.
.
Hman hmawhlo in minlo nghak hram hram ṭhin dawn nia
.
.
[Lalzirliana Tochhawng] [Champhai Tlangsam]



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 11th, 2018, 10:14 pm

................ PASALṬHA THANGLUAIA (220) ...............
.
.
Satkunga chuan a khawnbawlmin Khara hnen ah chuan, kan thiltih hi felhlel a awm dawna hriatna ka nei tlat mai, kan thiltih ah hian ngaih ṭhat lohna riau ka nei tlat mai an ti a, Khara chuan, Lalpa lung ngai mahta che, Nikawlha khua chu karlo ah an luh chhuah vek ngei ang, Sangluaia ber a awmloh chuan, Nikawlha leh a hote chu kan naute hian an chimih hneh viau ang an ti a, Satkunga hian Sangluaia awm laia Nikawlha khua hi run duhlo viau mahse, Sangluaia berchu an khawdai vel ah chuan a awm tih an hria a, Aikunga te ṭhian ho khua a luta a thah zan khan, Satkunga chuan chet lak kha duhlo mahse, a khawnbawlte chuan, Sangluaia chu kan khua ah ngei rawnlut in, Aikunga te ṭhianho chung ah na tak in a rawnche a ni a, zanin hian Sangluaia chuan Nikawlha khawlam chu a panleh nghal lo tawp ang, kan Pasalṭha te leh, kan Tlangval rualte khawm nghal ila, zanin la la hian Nikawlha khaw lampan chuan i thawk chhuak nghal teh ang u khai, Sangluaia hian kan khua ah hian a tihtur tizoa in ngai in, ngaih ngamtak in kan khawdai vel ah hian a tei khaw muang ngei a nga, chumi chhung chuan kei nin Nikawlha khua chu kanla felhman ngei ang ti a ngaihdan nei hlawm in, chumi zan lenghawn Ar khuan velbawr ah chuan Satkunga chuan, a Pasalṭha te leh a Tlangval rualte chu ko khawm in, a zan la la hian Nikawlha khawlam pan chuan an chhuak ta a ni, Satkunga hian Sangluaia chung changa a khawnbawlte ngaihdan an hriat hian, Sangluaia hian Aikunga te ṭhianho a rawn that zan hian, Nikawlha khawlam hi a pan nghal a ringbik lo a, tin a upa te sawi ang chuan ngaihdan neive in, Sangluaia hian a tihtur a tih zawh tawh chuan, hman hmawh tak chuan Nikawlha khaw lamhi a panlo tawp ang a, Nikawlha khawlam a pan chhung hian, a Pasalṭha rualte chuan Nikawlha khua chu la hmanvek tur ah a ngaive a ni
.
An ngaihdan hi a dik khawp mai a, an ni zana an chhuah chuan, a tuk lama tuk ṭhuan en kham vela Sangluaia rawn chhuak vechauh tur chuan eng ti kawng mah in a rawn nang hman dawnlo a, he tianga an han ngaihtuah hian Satkunga pawh hian, chet lak vat chu ṭha a a hriat a vangin, a zan a zan chuan Nikawlha khaw run tum chuan an chhuak ta a ni, mahse an thiltih tum ah hian an hlawh tlingkher a ngem? Sangluaia awm loh hlan chuan Nikawlha khua chu an run thei kher a ngem? Satkunga leh a upa te rin ang ngawt chuan thil a kal a ngem? chu zawhna chu tuman an chhang theilo a, an hlauh em em rawlthar hi an hrechiang tawk lo zawk a ni, heng zawng zawng hi Satkunga hian an ngaihtuah chian hian, ngaih ṭhat lohna liantak nei in, a upa min Liankhara hnen ah chuan, kan thiltih ah hian kan hlawhchham dawna hriatna liantak ka nei a ni, nizan zankhua mai khan ka ngaih tuah a, rilru nuam reng reng in ka mulo a ni, vawiin zinglam hian Nikawlha khua chu an luh ngei karinga, lamkal lo hawten Nikawlha khua chu kan lata ti a min hrilh hma chuan rilru nuam in ka awm thei dawnlo a ni e an ti a, Liankhara chuan, Lalpa rilru hah na lu tuk tur awm in ka hrelo, nak tuk khua te an rawnvar chuan, lamkal lo haw pawh kan hmuh tawh ngei ka beisei a ni, chan chin pawh a ṭhalam ngei an rawn thlen ka ringtlat a ni an ti a, khawnbawl dangte pawh in, upa min sawi ang chuan, Lalpa Nikawlha hian englai mah in tluk ngailo a ni a, Sangluaia ber a awm loh chuan harsatna liantham kan tawh ka ringlo, kan upa min sawi ang khan, nak tuk lam khuate an rawnvar a nga, chu tah chuan chan chinṭha tak kan dawn ngei kan ring a ni tiin an losawi vehlawm a, Satkunga chuan, ka upa te u in kianga awmhi a hah damthlak in, thinlung zing pawh a kiang duak duak ṭhin a ni, nangni hi awmlo ulang chuan rilru hah leh thawpik reng reng in kan kandam khawchhuak lo ngei ang, mahse in bul ah chuan thinlung zingte a kiang a, mang an na leh rilru hah na ten min kiansan ṭhin a nih hi an ti a
.
Chulai ruam khawk rum rum a au thawm chu Satkunga hote pawh chuan an hrethei a ni, tin Keipui hahum dum dum thawmte an han hriat chuan an thinlung ah chuan hlauhna liantak lo lut in, an val upa Kailinga chuan Tlangval ho hnen ah chuan, engmah hlauh tur a awmlo a nia, Keipui hahum thawmte chu kan hrefo a, tin mihring au thawm naran lah hriat tur a awmfo ṭhin a, chu vangin engmah hlauh tur a awmlo e, Satkunga Pasalṭha leh a Tlangval huaisen te in ni lawm ni? helai hmun ah hian hlaua hnung tawlh tur in em ni kan thawh chhuah le? Satkunga Pasalṭha chhuan vawrte u, Satkunga Tlangval huaisen te u, Nikawlha ral hlau in in hnung tawlh ang maw? nilo e, Nikawlha ral hlau hian Satkunga Pasalṭha te leh, a Tlangval rualte hi an hnung tawlh ngailo ang, khaile hmalam i pan teh ang u khai, tumah khan Nikawlha leh a hote chu in dimtur a nilo tiin, chulai ruam a ṭang chuan Nikawlha khawlam chu an pan ta a, Nikawlha leh a upa te pawh in, chu mini tuk chuan Satkunga ral in an rawnpan tihreng hrelo in, chu khua chu tuk dang angtho chuan an hlim in, an mahni buai buai chuan an buai ṭheuh mai a, upa Dohranga pawh he mituk hian Lal in lam ah lenglut lo in, a pa Lung tun dantur velchu a ṭhenawm paho te nen chuan sawiho in, a Tapchhak zawl ah chuan an ti ti laih laih mai a, hemi tuk hian Nikawlha fanu Nikungi pawh a ṭhian nu Zuali te in ah chuan lenglut in, Sangluaia chan chin te chu Nikungi chuan Zuali chu an zawt a, Zuali chuan, Sangluaia leh ka u hi, eng tik a lo hawtur nge an nih ka hremiah lo a, mahse hei kapu Lungtun hun hi a hnai tawh a, reitak chu Satkunga khua ah hian an thang ka ringlo, mahse an han kaldan hi, a ruk te a luhtum an nih hmel a, han vanduai theite pawh an ni a, ngaihtuah pawh ka ngaihtuah khawp mai tiin Nikungi zawhna chu Zuali chuan an chhang a, Nikungi pawh in a ni khawp mai, Khampuia that tu te kha tu tenge an nih an hriat loh phei chuan, an tanpawh a buaithlak viau ang, Satkunga mite hian an lo manhlauh ang tih ka hlau khawp mai a tive niah niah mai a, chu tia Dohranga leh a ṭhenawm pate, tin Dohranga fanu Zuali leh, Nikawlha fanu Nikungi te an ti ti lai chuan, Kawtchhuah lam a ṭang chuan Tlangval pahnih hi hman hmawh taka rawn tlanhaw dawr dawr in, Satkunga ral te an rawnlian e ti a au chung chuan, Lal in lam chu an rawnpan nghal a
.
Chu au thawm ah chuan Nikawlha khaw mipui te chu an in a ṭang chuan rawntlan chhuak hlawm in, Lal in lamchu an rawnpan khawm hum hum mai a, Tlangval pahnih te chu Lal in ah chuan tlanlut nghal in, Tlangval upa zawk Taikhama chuan, Lalpa Satkunga Pasalṭha te leh, a Tlangval rualte chuan kan khawlam hi rawnpan mek in, Thlangtlak mual kawr, Aidu lui chu an rawn kan mek a ni, tiin an han hrilh a, Nikawlha pawh in Taikhama te ṭhiandun thu rawn thlen chu a ngai pawi mawh khawp mai, Taikham Satkunga hote an ni tih in chiang a maw? tiin an zawt nghal a, Taikhama chuan, Lalpa kan thil hmuh hi kan chiang a ni, an valupa Kailinga ngei in a rawnho a ni, tiin Nikawlha zawhna chu an han chhang a, Nikawlha chuan Tlangval pahnih hnen ah chuan, a rang thei ang bera chet kan lak nghal a ngai a nih chu, upa min Dohranga va ko nghal ula, Tlangaupa a rang theiang ber in Pasalṭha te leh, Tlangval rualte au khawm nghal rawh, tin mitin te ral an rawn hnaih a vangin, tupawh fimkhur tur hrilh nghal la, mahni thu thu a chet chhuah loh tur, Tlangval te leh Pasalṭha te chu Lal in lam pan khawm nghal tur in han au khawm nghal rawh le an ti a, Tlangaupa pawh muang changlo in, Nikawlha thupek ang chuan a au ta nghal a, Pasalṭha te leh Tlangval rualte chu rawn tlankhawm nghal zung zung in, karlo ah chuan Lal tualzawl chu an khat ta hmur mai a, pitar putar te leh nu nau ho pawh, ralrawn hnai chuan ti phawk lek in, mahni in chhunga tawmchu a himli tih hria in, Lal tualzawl lamchu an rawn panve bawk a, Dohranga pawh Lal in chu rang taka rawn thleng nghal in, Nikawlha chuan, Zuali pa eng tia hma hanlak chi nge ni dawn le? Satkunga thiltih dan hian min vabarakhaih chiang em an ti a, Dohranga chuan, Lalpa ro hanrel na hman a awm tawhlo a, tun ah hian khaw luh khan ah Tlangval sawm velbawr ṭheuh tirhnghal nise, tin kan val upa ten a remchan dan ang ang in Tlangval te leh Pasalṭha te hi khawm nghalse, Kailinga leh a hote chu lodan dan kan ngaih tuah hmasak a ngai a ni, khawluh khan ṭhaber kha dan nghal nise, hmarlam luhkhan leh, chhimlam luhkhan kha nasa taka ven ni rawh se, khawchhak lam luh khan hi ral tan chuan rawnluh nan a ṭhaber a nih a vangin, khawchhak lam luhkhan chu nasa taka ven nghal ni rawhse tiin ro an rawn relnghal zung zung a
.
Nikawlha pawh chuan a upa min rorel danchu ṭha bera a hriat a vang in, val upa te chu an koh khawm tirnghal a, val upa hote hnen ah chuan Nikawlha chuan ral lodan dan tur zawng zawng chu hrilh zung zung in, val upa te chuan Tlangval te leh, Pasalṭha te chu hmunlia semdarh in, hmunthumte chu khaw luh khan vengtur chuan an kal nghal a, hmunkhat chu Lal tualzawl ah chuan awm in, ṭanpui ngai lam lam a kalthei tur chuan in ring reng in an awm a ni, val upa Tualzika a hote chuan khawchhak lam luh khan chu an pan nghal a, Tualzika hian Tlangval sawmthum velbawr ho in, Pasalṭha sawmvel bawr an tel bawk a ni, Tualzika ten khawchhak lam luh khan an zuk thlen hian, Kailinga hote hian chulai luh khan chu an rawn hnaih chho tawh hle mai a, Tualzika te pawh hian Kailinga leh a hote chu hmu thei tawh in, Lal tualzawl lama Tlangval awmte chu an hankoh tir nghal a, a landan ah chuan Kailinga leh a naute hian luh khan dang an pan hmel loh a, khawchhak lama luh khan hi an rawnpan ding vang vang ni in a lang a ni, Aidu lui chu thuitak rawn kalpel tawh in, hmuanda awmvel lek ah chuan, khawchhak lama Nikawlha khaw luhkhan chu an rawn thleng tawh dawn a ni, Tualzika chuan Tlangval rualte leh, Pasalṭha te chu tihdan tur zawng zawng hrilh in, he tihlai hian hmun danga kalte pawh koh vek ni in, khawchhak lam luhkhan hi an rawn thleng vemek bawk a, val upa dangte pawh rawn thlen belhzel in, chulai hmun ah chuan Nikawlha hote chu an in hawrkhawm kimta vek a ni, an rinloh tak mai in Kailinga pawh in khawchhak lam luh khan ah hian a hote chu a rawn hruai vek mai a, val upa Tualzika pawh in, he tiang a nih rau rau chuan hmun danga awmlo in, helai an rawn luh tumna tur ah hian kanlo dangtur a ni tiin, hmun danga awmho pawh a ko khawm nghal a ni, val upa Kailinga rorel dan nge fing a nga, Nikawlha val upa Tualzika rorel dan ni ang? he tia Tualzika te hmun khata an in hawrkhawm lai hi Kailinga chuan rawnhmu theita in, Kailinga chuan a ṭhianpa hnen ah chuan, ka remruat danchu a felfai dawn e, karlo ah Nikawlha khua chu meivap ah a chang ngei a nga, nula in duh duh hmei a tan in hruai ang a, sal tura in duh pawh in duh duh in hruai thei ang, chu tiang hmeitur leh, sal tur in duh a nih chuan, Satkunga Tlangval te hi in hnung tawlh tur a nilo ang tiin a naute chu an fuih a, Tlangval ho pawh an valupa thusawi chuan a ti hlim in, a ti phur hlawm khawp mai, Kailinga chuan a hote hnen ah chuan, ka thusawi kha hre reng rawh u, he indo na ah hian hnen na changtu kan nih ngat chuan, ka thusawi zawng zawng kha Tlangval te u, nula in duhchu hei a tan hruai hawn phalsak in ni ang a, sal tura in duh pawh in duh duh in hruai hawng thei ang, Satkunga Tlangval rual leh a Pasalṭha te u, englai mah khan Nikawlha hian kan lak ah a helngam ngailo a, mahse kan hmadeuh a ṭang khan hel in, chhiah an pek tawh loh tur te, tin kan duh duh hmei a tana kan hruai ṭhin kha phaltawh lo in, kan Lal fapa ngei pawh zak tak in an rawn hawtir a nih kha, in Lal fapa mualphona kha hre reng in, vawiin hian Nikawlha leh a khualehtui chu kan haldarh vek tur a ni, khaile hmalam i pan ang aw tiin an au a, Tlangval rualte chu phur taka hmalam pan in, Nikawlha khawlam chu an pan lehta mup mup mai le
.
Tualzika leh a hote pawh in, Kailinga leh a hote thawmchu an hrethei ta, khawchhak lama Nikawlha khaw luh khan hi, ruamrai lai awm ni in, a luh khan pawh a nuamhle a, khawchhak lam a ṭanga luh dawn hian, awi tlandeuh rawn ni in, Sekawtrawlh awmna laitak hi a ruam kawr lai a ṭanga, Nikawlha khawlam hreta awm a ni thung a, helai Sekawtrawlh awmna laihi a zau in, puitling hlamnga laia zau a ni, a sir tawn tawn hi Lung chhawrdawh in tiang urh a nih a vangin, mihring tan chuan kal hreawm tak a ni thung, Kailinga leh a hote chuan chulai Sekawtrawlh awmna laichu hnai taka rawn thleng tawh in, Kailinga chuan ti hian an au a, khaile Nikawlha khualehtui Tlangvalte u, in Lal Satkunga chu in khaw chhete ah khan inlo lawm lut dawn em le? in Lal a tana inlo lawm lut dawn a nih ngai chuan, Lal Satkunga chuan in chung ah zah a ngaithei dawn a ni, mahse a thurawn pawn duhlo a, in ṭang dawn a nih chuan Lal Satkunga chuan in khualehtui hi a haldarh sak vek dawn che u a ni tiin an au a, Nikawkha khua hian Satkunga khua te hi an zat loh em a vang in, Nikawlha Tlangval tam tak leh, a val upa ṭhenkhat te ngei ngei pawh chu an zam in, Satkunga kuta in pek leh maichu an hnial lo a ni, chu tianga Kailing'an a rawn auh phei chuan, val upa ṭhenkhat te chuan Satkunga kuta in pek lehmai chu an duh a, an zing ah pawh in hnialna a chhuak nghal a ni, ṭhenkhat chuan, eng ang pawh in lo ṭangkawh mah ila, Satkunga hote hian min uap hlum vek thei ang, in leh lote chan a, kan nupui fanau thah tirvek ai chuan, an kut ah khan inpe leh mai ila kan him zawk a ni an ti hlawm a, val upa Tualzika leh midang chuan, kha lehchen kha Satkunga kut ah chuan kan awm tawh a, a hreawm kan tihzia kha in theih nghilh zota em ni? an duh hun hun ah chhiah chhung tur in minti a, chhiah kan pek pawh an khaw thleng dah kan ngai a, kan khaw Tlangval te chhiah chhung tura kalte eng zatnge rawn kirtawh lo? vawiin ni thleng hian khang kan Tlangval te chan chin hria kha tunge awm che u, mi nupui an sawilo a, kan nula Tlangval te in duh ngawih ngawih laichu pawt ṭhen lui in, an duh duh hmei a tan an hruai a, kan fanu emaw, kan nupui te emaw hmei a tana an hruailai khan hreawm in tihzia te kha, in rilru nat ṭhinzia te kha in theihnghilh zota em ni, kan fapa rawlthar kan duat ngawih ngawih te sal tura an hruai laikhan, mittui nen a nilawm ni kan thlirliam ṭhin kha? kha tiang zawng zawng kha hmachhawn leh ai chuan, huaisen taka ka nupui fanau te tan ka nun na hlanhi ka thlang zawk a ni, val upa Tualzika chuan an ti a, tin Tualzika hian Kailinga thiltih danchu mak tih rukna riau a nei a, a rawn zawhna kha tuman an chhan loh a vang in, a thinrim chuan a rawn kah mai a ring a, mahse hmuamda awmvel zet an ngawih hnu ah pawh chuan, Kailinga chuan engmah thawm a rawn neilo a ni, chu vang tak chuan val upa Tualzika ngaih chu a ṭha zanlo a ni
.
Khawchhak lam luh khana an in ep renglai hian, chhimlam luh khan chu tumah vengtu awmlo in a ruak ṭhak mai thung a, chhimlam luh khan ah chuan Tlangval sawmrual veltur hi fimkhur taka rawn kal hlawm in, pakhat chuan ralveng an awm leh awmloh chu an rawn chian a, chu Tlangval chuan, Nikawlha khaw chhimlam luh khana ralveng tu mah a hmuh loh a vangin, a ṭhiante chu an hui a, midang te pawh chu an bihrukna hmun a ṭang chuan rawn chhuak in, ralveng tumah an hmulo chu zalen taka chulai hmun ah chuan rawn pen chhuak hlawm in, pakhat chuan, kan val upa Kailinga remruat danchu a fin thlak hle mai an ti a, chungho zing ah chuan pakhat chauh chuan Silai hum in, an chempui chu phawrh chhuak hlawm in, an chempui humchung chuan khua chu lut tur chuan kalmai an han tum a, chu tihlai chuan an hnunglam a ṭang chuan, in val upa Kailinga chuan ngaihtuah kimloh a nei a ni, Satkunga hote tan zelen tak in Nikawlha khua hi luh mai mai theih a nilo tih hi a ngaih tuah kimlo a ni, aw damthlarh mai hian an rawn ti a, Satkunga Tlangval hote chuan an tumloh leh, an beisei miah loha lo dangtu an nei chu, an hnung lamchu rang taka hawilet hlawm in, Satkunga hote zinga Silai keng chuan a hnunglam hawipah chuan a Silai humchu an lek chhuak nghal a, chupa chuan a Silai hum a lek sang dawn chiah tih ah chuan, an hnung lama rawlthar Silai humchu a puak ta ṭhuai mai le, Patling hlaili awmvel leka in hnaih an ni bawk a, chu Silai puak ṭhuai mai chuan Satkunga hote zinga Silai humchu hnawl rawp in, Silaimu satak chuan a Thin hnun ah tak chuan rawn verhtlang sawk in, chupa chu a hnunglam ah chuan paih thlawrh ang mai hian Silaimu chuan a hnawl rawp mai a, chu rawlthar chu a Silai puah rual deuhthaw chuan a hmalam ah chuan rawn dawk phei puat in, a chempui hriam lutuk chuan pakhat nghawng chu a rawn chhawk ṭhawt mai a, a Maubul humlai chu rang taka vainghal pawp in, a mah hnaih bertu hrawk chu thler nghal hawk in, chupa chuan a hrawk thler chu hup nghal in, a kut kar a ṭang chuan Thisen tharlam lu tuk chu rawn chhuak nghal zawih zawih in, a thawk zawng chuan a hrawk chu a ri bawrh bawrh mai a, hreh tak chung chuan ṭhingṭhi rawp in, a ṭhiante melh chung chuan a tlu bawk khup thlawrh mai a, a ke chu han leng arh arh in, karlo ah chuan a chat thlazui ta nghal a, chungho zinga pakhat chuan, Sangluaia ti ṭhawt in, an lo kalna lam ah chuan tlanlet an tum a, Sangluaia kut a ṭang chuan Maubul chang hriam tak chu thlawk chhuak nghal in, chupa hnunglam dar ruh veilam hnuai ah chuan a hrawih mai a, Sangluaia hming ah han hriat tak ah chuan Tlangval paruk la awmte chuan Phung hmu ang hrim hian, Sangluaia melh chung chuan an hawitang hru mai a
.
An zinga pakhat chuan a tam zawk tlanchhiat ngawt chu hreh in, hlau suh u a tam zawk kan nih hi, ṭangrual ila kan that thei a ni tiin, a ṭhiante chu an rawn fuih a, midang te pawh in chu tianga fuihtu an han neih tak ah chuan, an huaisen na te rawn sawm khawm in, Sangluaia chu an hualta a, Sangluaia chuan muang chan a hunlo tih hria in, a mah hnaih bertu lam ah chuan an zuang thut mai a, chupa in rinhma chuan Sangluaia chuan, chupa lu ah chuan natak mai hian an sah sak chawrh mai a, he tihlai vek hian Sangluai rawn zuitu Keipui pahnih te chuan, Satkunga hote zinga mi pahnih te chu an rawn keuh chat chat mai a, Tlangval dangte chuan Sangluaia leh Keipui te chu hmachhawn chi an nilo tih hria in, tlanchhiat an han tum a, pakhat tlanchhe tur chu Sangluaia chuan rangtak chuan an zuanchilh nghal a, Keipui pahnih te pawh chuan pakhat ve ve chu rang taka zuan chilh nghal in, chulai hmun ah chuan Satkunga Tlangval sawm zet te chu an thider a ni, Sangluaia chu rang taka khawchhung lam ah chuan tlan nghal in, Keipui pahnih te erawh chuan chulai a ṭang chuan ramhnuai lampan in an tawlh liamsan ta a, khawchhung nu nau te chu kawtlai ah chuan hmuhtur awm lo in, Lal tualzawl lam ah chuan an lo chhuak khawm deuh vek mai a, Sangluaia pawh chuan Lal in lamchu pan nghal in, Lal in a zuk thlen dawn hian a pu Dohranga chuan lo hmu in, ka tupa lo hnai teh tiin an ko nghal a, Sangluaia pawh Nikawlha in chhung ah chuan lut nghal in, Dohranga chuan, i rawnlet na a reitawh em? hei Satkunga ral chuan min rawn luh chilh tum in, tun ah hian khawchhak lam luh khan ah kan naute nen an in nawrbuai mek a nih hmel a, kan chan chinhi i hretawh nge? eng mah i hrelo zawk? an ti a, Sangluaia chuan, kapu ka hretamlo khawp mai, mahse helaia awm tur hi ka nilo a, khawchhak lam chu kan panve a nge tiin kal chhuah mai an tum a, Lal Nikawlha chuan, Sangluai kan buaina ah hian lo in rawlh lo la ka duh a sin, he buaina ah hian hliampui tawrh theih a ni a, tin keini hringmi te hian kan hmalam hun hi kan sawi theilo a, nun na hialpawh chan theihna a nih a vang in, nang chu he kan buaina ah hian kan phut reng reng lo che a nia an ti a
.
Sangluaia chuan, kapu i thusawi danchu ka hrethiam a lawm, mahse i khualehtui hi kapu Dohranga leh a nupui fanau te lu nghah na khua a ni a, chung mite chuan harsatna leh buaina an tawhlai hian, an sir a ṭang hian kalo thlir mai mai theilo a ni, tin tun ah chuan he khualehtui hi ka lu nghah na vetho a ni a, ka lu nghah na khualehtui kangral tur chu tlanchhiat san in, ka hnung chhawn theilo a ni, chu vangin kapu min dangsuh u, he khaw tan hian theih tawp ka chhuah tur a ni tiin, Sangluaia chu Lal inchhung aṭang chuan kal chhuak in, khawchhak lam luh khan pan chuan a kalve ta nghal a, Nikawlha chuan a upa min Dohranga hnen ah chuan, i tupa chu la naupan hmel viau mahse a rilru a puitling in, rawlthar en tawn tlak tak a ni, a pa ang chiaha huaisen leh tlawmngai a nih kha an ti a, Sangluaia kal chhuak pawh chuan, karlo ah chuan khawchhak lam luh khan chu a han thleng nghal a, Nikawlha hote chu an lo in hnial nasa mai a, ṭhenkhat chuan an Lal Nikawlha chu Satkunga hnena inpe maitur chuan nawr an lo rawt a, mahse Tualzika leh miṭhen khat te chuan duhlo in, theih tawpa Satkunga ralho chu dolet an tum hlawm a ni, Tualzika ten Sangluaia an han hmuh chuan, Sangluai lo hnai teh, hei kei mahni inker hi a ṭhalo khawp mai a, ṭhenkhat hian Satkunga hnena in pek maihi an duh hlawm a, mahse keini chuan Satkunga hnena in pek leh ai chuan, thih thlenga ṭanral raih hi kan duh a ni tiin, an kar boruak chu a lo hrilh nghal bawrh bawrh mai a, Sangluaia chu a ngawi vang vang mai a, chu tihlai chuan val upa Kaihranga, Satkunga hnena in pek mai duh tu chu rawn ṭawng chhuak in, Kailinga leh a naute hi keini danzawh rual an nilo, helai ah theih tawp lo chhuah mah ila, min that vek a nga, khua ah an lut tlang ang a, kan in leh lote minhal sak in, kan nupui fanau te min thahsak vek dawn a ni, chu vangin helai hmuna ṭan lo khawh viau hi kan tih tur nilo in ka hria a ni, Satkunga hnena in pek maihi a felfai zawk a ni an ti a, Sangluaia chuan Kaihranga chu en vang vang in, damthlarh mai hian, kapu helai hmun ah hian naupang mai kani a, sawive tur ka neih pawh ka hrelo, mahse helai hmun ah hian thi maitur ringawta kal kan nilo a sin, he lai hmun ah hian kan nupui fanau, kan nu leh pa, kan pi te leh kan pu te tan, tin kan Lal Nikawlha tan a thawk chhuak kan ni, vawiinah hian Satkunga kuta kan in pek hian, awlsam viau ang in lang mahse, kan thinlung chu lung ngaihna ruam ah kan hnuk lut dawn a ni, vawiin ah hian Kailinga leh a naute hi khua ah hian kan luhtir a nih chuan, kan nupui fanau te chung ah ṭuan in, kan tu leh fate lak ah mawio tak tak in an che ang a, kei nin mittui nen rilru na tak tak in kan thlir liam leh dawn em ni? heihi kapu Dohranga leh a nupui fanau te lu nghah na a ni a, tin kei ngeipawh hi tun ah hian Nikawlha khua bak hi lu nghahna ka neilo, chu vangin kei chuan Kailinga leh a hote hi eng ti kawng maha luhtir hi ka remti lo a ni
.
Pu Kaihrang i ngaihdan kha keipawh in diktih nalai chin ka nei e, mahse chiang tak in han ngaihtuah i la, Lal dang hnuaia kun ringawt hi chu mihring kan nih phung ah hi chuan a dik lo a ni, min awp tu Lal hnen ah chuan chhiah kan chhun a ngai a, tin kan fate sal ni tura min chhuh sak pawh in kamkhat pawh in kan sawisel ngamlo a, mittui nen kan thlir liam ṭhin a nih kha, khang zawng zawng kha kan chunga thleng tawhlo tura kan duh a nih chuan, vawiin hian kan tu leh fate tan thileh thau pawlha kan ṭan a ngai a ni, kan tih tur dik tak kan tih a, Satkunga ralho hi kan dangthei a nih chuan, vawikhat mah Satkunga lak ah hian buaina kan nei tawh ngailo ang, Satkunga laka kan buaina hi a tawp kan duh a nih chuan, vawiin hian keini hi hma hruai tur kan ni, keini lo hian tunge hma min hruai sak ang, vawiin ah hian Satkunga laka kan buaina hi khawdang te hian min rawnhma sak a ngem? khawdang chuan hma min rawnlak sak lo tawp ang le, chu vangin kei mahni hi kan pawi mawh a ni, kan nupui fanau, kan tu leh fate tan vawiin hian kan pen chhuak ngam dawn lawm ni, kha lehchen kha Satkunga hnuai ah hian kanlo awm tawh a, khang zawng zawng ah khan tunge hlim taka awm a, tunge rilru zalena nuamti taka awm le? ni tin in hlau thawng reng reng in kan awm a, Satkunga hote an rawnluh in, mang ang leh thlabar reng reng in kan awm a, kan tu leh fate minlak sak in tu man ṭawngkam khat pawh in kan dang ngamlo a ni a, kan Tlangval te lu hloh tawh zo zai te kha kan theih nghilh ta em ni, ka khualehtui tan hian ka pen chhuah a ngai a, he khualehtui tan hian tunge midang pen chhuak chuang ang le? ka in leh lo awm na hmun, ka nupui fanau te leh, ka chhung te lu nghahna khualehtui tan hian keimah hian theih tawp ka chhuah a ngai a ni, tumah hi in phatsan lo ang u, in phatsan tham pawh kan awm loh hi, a tlem zawk pawh ni ila kan ṭanrual phawt chuan, Kailinga leh a naute hi kan umlet thei a ni, chu vangin tun ah hian tumah in phatsan lo in, theih tawp in i ṭangrual zawk ang u hmiang tiin Sangluaia chuan damthlarh hian thu an sawi a, val upa leh Tlangval te pawh in Sangluaia thusawi chu a dik tih hria in, Tlangval rualte chuan, kan khualehtui tan hian theih tawp kan chhuah tur a ni an rawnti ta a, chu veleh Sangluaia chuan, khaile Kailinga leh a hote umlet tur hian kei man hma ka hruai ang an ti a, ti chuan chulai hmun ah chuan val upa te chuan rem ruat nghal in, Sangluaia ral rel thiamzia hria in, Sangluaia chu naupang te mah nise val upa te chuan rawnber ah chuan an neita a, Sangluaia chuan an hnung lamchu hawilet in, piah deuha Tlangbawk pahnih, kawng cheptu lamchu an thlir vang vang a, Silai eng zah nge kan neih ang le? tiin an zawt a, Silai chu an neih vek loh a vang in, Silai nei chu pakhat zelin zuitur chuan an ti a, tin Silai zen leh a mu an neih ang ang chu khawm tur chuan Tlangval pali tir nghal in, Silai kengho chu Tlangval pakhat ṭheuh chuan zuinghal in, an hnung deuha Tlang bawk pahnih chu ho hnihte chuan an panta hlawm a, Sangluaia leh a hote pawh tawlh hnung in, Tlangbawk pahnih pelh hret ah chuan ṭanhmun rem in, Kailinga leh a hote rawn tlan na tur ngei ah chuan awm hmun an lo rem a, val upa Kaihranga leh, Tualzika chuan Sangluaia hnung chu zui in, naupang te mah nise ral relthiam tak a nih a vangin, a thuleh hlate chu an zawmlo theilo a ni, Kaihranga chuan Tualzika hnen ah chuan, kan rawlthar findan hi, Kailinga leh a hote chu helam ah hian an mang ang an rawntlan ngei ngei dawn a ni, hi tianga ral relthiam hruaina hnuai ah hi chuan, Kailinga leh a hote hi karlo ah kan that chimit deuh vek thei ang an ti a, Tualzika pawh in, naupang mah nise a rintlak a ni, Satkunga hote chu vawiin ah ngei hian kan um darh vek dawn nia an lo tive a
.
Kailinga pawh in Tlangval sawmrual a tirh te chuan thu leh hla an rawn neihar tawh tiin, a lo ngai chang rilru reng a, heng Tlangval a tirh te hian thuleh hla an rawn neih har em a vang in, chulai an in ep na hmun ah chuan luh chilh mai a duh tawh a, Kailinga chuan Nikawlha hote hnen ah chuan, ka thurawn anga in pek in duhlo a nih chuan, thah chimit vek in ni ang a, in in leh lote pawh haldarh sak vek in ni ang tiin an au leh a, mahse chulai Nikawlha hote awmna velchu a reh ta tlawk tlawk mai a, a hote Tlangval pathum hnen ah chuan, Sekawtrawlh awm na ah chuan Nikawlha hote chu an la awmleh awmloh chian tur chuan an ti a, Tlangval pathum te pawh fimkhur taka Sekawtrawlh awmna lamchu pan in, Sekawtrawlh lan theihna hmun a ṭang chuan an han thli thlai a, chulai hmun ah chuan tumah an hmuh tak loh a vang in, Tlangval pathum te pawh chuan Nikawlha hote chu an khawlam ah kir vek ah an ngai a ni, an val upa Kailinga te awmna lam ah chuan let leh,vat in, Kailinga hnen ah chuan Tlangval pakhat chuan, kapu Nikawlha hote chu tumah hmuh tur teng reng an awmlo, i thu hrilh kha an pawm dawn a ni ngei ang, an khawlam ah an tawlh kir vek a ni, an khua ah chuan minlo hmuah an tum zawk a ni ngei ang tiin phur tak chuan an sawi a, Kailinga pawh in Nikawlha leh a hote thiltih danchu a hrethiamlo khawp mai, eng vanga chulai hmun a ṭang chuan tawlh kir vek nge an nih ang? in pek chu an duh a nga, an vai chuan an Lal Nikawlha chu inpe tur in an ngen dawn a ni ang tih ngaihdan chu a nei a, chumi a vang chuan Kailinga pawh in Nikawlha khua chu luh a chak tawh khawp mai, a hote hnen ah chuan, khaile hei kan raldo tur te chuan min tawlhkir san vek si a, helai hmun ah hian raldo tur kan neilo a ni, Nikawlha hote chuan ka auh na kha hria in, an Lal chu inpe tura nawr in, an khawlam ah hian minlet san vek ni in ka hria a, chu vangin a ranglam in Nikawlha khua hi kan luh a ngai a ni, kalo tiam tawh che u ang in, in duh nula chu hmei a tan in hruai thei ang a, rawlthar te pawh sal neiduh chuan in hruai thei ang, an Tleirawl te pawh a duh chuan in hawn thei a nga, vawiin ah hi chuan tuman in thiltih an khapsak lo ang che u tiin an sawi a, Tlangval rualte pawh an phur khawp mai, Nikawlha chu an Lal Satkunga hnen ah chuan inpe tura an ngaih vek a vang in, thlahdah pawh an in thlahdah nghal mai a, mahse an chunga lo thlengtur chu engmah an hrelo a ni, chulai an kalna tur Tlang bawr ah chuan Sangluaia leh a hote chuan Ruang chaicheh an lo thlak dawn a ni tih reng hrelo chuan, an val upa Kailinga thusawi ringawt mai khan Tlangval ho rilru chu a luah a, an chung ah chuan thihna in thlazar in, lung ngaihna chhum dum chhah tak mai chuan a hual mek a ni tih reng an hresi lo
.
Kailinga chuan hma rawn hruai in, Sekawtrawlh chu an rawn kanta, engmah harsatna a awmloh a vang chuan, Kailinga leh a hote chu an phur surh surh khawp mai, tumah chuan raldo tura in ngai tawhlo in, Nikawlha khua an luh huna an tihtur ringawt maichu ngaih tuah in, Tlangval ṭhenkhat phei chuan nula an duh zawng hruaihaw an tum thute chu an sawi lawng lawng mai a, kawng lak ah chuan lo changtu an awm a ni tih reng hrelo in, eng dang mah ngaihtuah lo chuan an ri lawng lawng mai a, Sekawtrawlh an pel kima, Tlangbawk awmna an lut ṭan tih ah chuan Kailinga chuan, khai i muang lutuk lo ang u aw, Nikawlha leh a hote chu kanva barakhaih dawn kha, Tlangval te u muang lu tuk lo ang aw tiin an au lung lung mai a, a hnung bera kalten kawng cheptu Tlang pahnih an rawn thlengfel tih ah chuan, chhak lam ah chuan Silai chu a puak ta ṭhuai mai a, chu veleh chu lai Tlang, kawng cheptu Tlang pang tawn tawn a ṭang chuan Silai chu a puak ta ṭhuai ṭhuai mai a, Sangluaia remruat ang chuan, Silai an kah chhung chuan a bula Tlangval pakhat khan, zen chu thunleh mai theih tura lo siam nghal zel in, zen an han thun zawh ah chuan a mu chu thun nghal in, rang tak chuan Silai pakhat pawh an kap zung zung thei a ni, Tlang karcheh kawng a ni bawk a, tin a kap tu te Tlang pang leh lam ve ve a awm an nih a vang in, Kailinga hote chu an thal tawp tawp mai a, hmalam ah tlanchhiat han timse, hmalama Sangluaia leh a hote awm chuan anlo thal tawp tawp mai bawk a, hnunglam ah tlanchhiat han tum mahse, an hnunglam a ṭang chuan Tlangval sawmhnih rualvel chuan kawng chu rawn khar chho in, Kailinga leh a hote chu an buai khawp mai, Silai puak ṭhuai ṭhuai nen Kailinga hote chu an hek hiau hiau hlemai a, an hnung lam leh an hmalam ah chuan Nikawlha hote chu awm vek in, chulai hmun ah chuan Kailinga hote chu Sangluaia leh Nikawlh hote chuan an hual ping hneh hle a ni, Kailinga hote chuan an Silai chuan han kap letve mahse, Nikawlha hote chu in ringsa, ṭanhmun siam remsa vek an nih a vang chuan kah fuh theih tak tak an nilo a, Kailinga hote Silai rikna lamchu, Nikawlha hote zinga mite chuan Silaia chhu zuinghal zel in, chulai Tlang kar ah chuan Satkunga hote ruang chu a let pheng phung tawh a ni
.
Ṭhankhat tlanchhiat tum in Tlangpang lamchu an rawn pan a, chungho chu Nikawlha hote tan chuan kah rem tak zel an nisi a, chungho chu Nikawlha hote chuan lo thal tawp tawp in, an tan chuan tlanchhiat na a vang a ni, hmalam a Sangluaia te chuan Kailinga leh a hote chu rawn hnaih thla in, an mahni rawn bitum tu te chu, Tlang panga awm ten an kah loh leh, Sangluaia te chuan an lo that hmiah hmiah mai a, chu tiang bawk chuan Kailinga hote chuan hnunglam ah chuan tlanlet han tum mahse, Silai kengte chuan an kap pawp pawp mai a, an kah hman loh te awmve mah se, an hnung lama Tlangval sawmhnih rual awmte chuan lo that hmiah hmiah mai bawk a, Satkunga hote tan chuan chet ngaihna a awmlo a ni, Sangkuaia te chuan rawn um tawm zelin, chu tiang bawk chuan an hnunglama awm te pawh chuan Kailinga hote chu an rawn um tawmchho vezel a, chulai hmun ah chuan in thah na nasa tak maichu thleng in, Thisen chu a luang zeih zuih tawh mai a, Kailinga chuan a naute thih nasat zia an hmuh chuan, a naute ho hnen ah chuan, tlanchhe rawh u khai, a thei thei chu tlanchhe rawh u, tiin a au tuarh tuarh mai a, he tihlai hian Kailinga chu Sangluaia te chuan rawn nang ching in, chulai Tlangkar ruam lai ah chuan an in bei chiam mai a, mahse val upa Kailinga te tan chuan, rawlthar Sangluaia chu hneh chi zia zang a nilo a ni, he tiang khawpa an hualbet chung pawh hian Kailinga naute ṭhenkhat chu an put chhuak hmantho a, tlanchhe hmanlo ṭhenkhat te chu that vek in, Kailinga ho chuan Sangluaia te chuan an that vek a ni, Satkunga ho tlanchhia te hi sawmhnih rualzet an ni a, Tlangval hote chuan umzui an han tum a, mahse val upa Tualzika chuan phallo in, khangho kha chu tumah an rawnlet tawhlo ang, an rawn letber ah pawh an ṭhiante ruang hlawmtur bak hian an rawnlet tawhlo ang, chu vangin tumah kha umzui an ngailo e an ti a, chulai Tlang kara in beihna hmun ah chuan Nikawlha hote chuan hneh na chu chang in, Tlangval rualte chu an au dur dur mai a, an rinloh leh an beisei ngai reng reng loh, Satkunga hote laka hnehna an han chang chu an hlim in an lawm tlang a ni, Sangluaia chuan hliam emaw, nun na chante kan awm em tiin an zawt kual a, Nikawlha khua te hian an raldo te hi an hual fuh in, an chan fuh em a vang in nun na chan an awmlo hluah a ni, hliam chu han awm ve nel nual mahse, ngaih tuah awm khawpa hliam an awmlo a, lawm pawh an lawm tlang a ni, val upa Tualzika leh Kaihranga chuan Sangluaia chu rawnko in, Sangluaia pawh in val upa te lamchu a pan nghal a, Tualzika chuan Tlangval ho hnen ah chuan, khaile hei kan huphurh leh kan hmabak ko tak maichu kan hlenta a, heng zawng zawng ah hian kan hriat ṭheuh ang in, Sangluaia hi kan tan a ṭangkai hle a, vawiin a hneh na kan chan theih na ah pawh hian Sangluaia rem ruat na vek niin, uanthu suh ah, a remruat na hnuai ah hahdam tak in ral kando a ni ber a, heng zawng zawng ah hian Sangluaia hminghi kan lamlo theilo a ni, vawiin a raldo zawng zawng te hian Sangluaia hi kan chhuang hle a ni tih en tir nan, Sangluaia hminghi vawikhat chauh in lam teh ang u an ti a, Tlangbal rualte chuan Sangluaia hming chu vawikhat chauh lamlo in, Sangluaia hming lam chuan an au rual dual dual mai a, chu mizawh ah chuan val upa Tualzika chuan, khaile kan ral that te kha an lu kha la i la khaw lam kan pan tawh dawn nia tiin, Tlangval ho chuan an ral that lu chu pakhat ṭheuh khai in, khawchhung lamchu an pan ta hlawm a
.
Sangluaia chuan reitak a thangbo san tawh a vang in, Sangtei pawh a lung a lengve tawh a ni, Thangluaia hnen ah chuan, pa a i fapa Sangluaia hi eng tik nge maw a rawn kir ang le? tunlai chu ka rilru ah a awm reng mai, tawhsual te hi a han tawk ang tih ka hlau a ni an ti a, Thangluaia chuan, i ngai in i lung a leng tawh a ni maw, i fapa chu ngaih tuah reng reng suh, mipa fa a ni a, a hun ah chuan a rawn kirleh em em ang, a pute pawh han pui ve deuhse a ṭha a lawm tiin an chhanga, he tihlai hian Satbula chu rawn lut in, a pa chuan, Satbul vawiin lam enge in an le? ka rilru ah a awm rengmai a, a nu saw a lainat awm a ni tiin an lo zawt a, Satbula chuan, kapa engmah kan ang theilo a ni, Ngahfuan lui a ṭang in, Sihzawl ruam thlrmeng kan tuam thla a, mahse eng mah hmasawn na a awmlo, kan val upa te pawh an bei dawng tawh a, tin vawiin hi a ni sarih na a ni tawh nen, Sihzawl hmun a ṭang chuan kan rawn haw vek tawh, tiin a pa chu an chhang a, Thangluaia chu a ngawi vang vang mai a, a nupui hnen ah chuan, nu i tirawh i chhuak lawk teh ang, tiin a nupui chu an hrilh a, Satpuii hnen ah chuan, kanu kan chhuak lawk dawna, upa ho an rawnkal hun ah chuan lo awm tur in ilo hrilh mai dawn nia an ti a, he tihlai hian Lianpuia chu rawnlut in, Thangluaia chuan, ti teh Chalkungi in lam ah i leng phei teh ang, tiin a nupui Sangtei nen chuan an pathum chuan an kalta a, Chalkungi in an va thlen chuan inleng pawh an lo khat ṭhap mai a, val upa Kapzinga chuan chan chin velte lo sawi in, an Lal Thangluaia an han hmuh chuan, ṭhutna tur te lo kian in, Thangluaia te pawh chuan ṭhut hmun te an han rem ve nghal a, val upa Kapzinga chuan an kal chhuah dan zawng zawng chu a bul a ṭanga sawi vek in, vawiin thleng hian kan Tlangval ten theih tawp an chhuah a, mahse kut ruak in kan rawnhaw leh a nih hi, heng thil thleng hi pawi kan ti em em a, pi Chalkungi pawh kan tawrh pui tak zet zet a ni tiin a thusawi chu an ti tawp a, Chalkungi pawh a ṭhiante chuan ṭhut pui in a ṭap a ṭap mai a, Lalnu Sangtei chuan Chalkungi chu a lainat em a vang in, Chalkungi te ṭhutna bul ah chuan ṭhu pheive in, a theih ang ang chuan an hnem ve a, Thangluaia pawh in Chalkungi chu a lainat khawp mai, hun kal tawh te chhui kir in, Chalkung'in a hnen a, Lalpa i khualehtui chhunga keini nufa awmve min phalsak a vang hian kan lawm em em a ni, i ang chhung ah chuan kan nufa hian hlimtak in kan awm tawh dawn a ni, ti a Chalkung'in a hnena a sawi lai zawng zawng te chu an ngaih tuah kir a, Thangluaia pawn Chalkungi chu a lainat khawp mai, rei lutuk awmlo chuan Thangluaia te chuan in lam an pan leh ta a
.
In an vathlen hian a upa te pawh an lo kim khawp mai, Thangluaia chuan a upa te hnen ah chuan, kan khualehtui chhung ah tianghi a vawikhat thlen na a ni a, Suaka hi ral in an man nge ni ang a? Sapui in a seh zawk ni ang? Sapui seh nise a hnu hma tal chu hmuh awm tak a ni a, he tianga an khuangcher bo hmak maihi mak ka ti khawp mai, ka khualehtui chhung ah hi chuan tianghi thlenglo se ka duh a ni an ti a, Thawmvela chuan, kan Pasalṭha Denga te chuan, Suaka te kalna ni a an sawina lam kha an zawng zui nghal a ni a, mahse Sapui emaw, chu tianglam hnu hma awm hmuh an neilo a ni, Suaka ṭhiante khan an ṭhianpa Suaka an bona hmun thleng Denga te kha an hruaia, khua a loro deuh tawh nen, hnu hma engmah hmuh an neilo a ni an ti a, Chalkungi te nufa chan chin sawia ti ti zel in, leng hawnte pawh a hun chho ta a, upa ho pawh in hawzai rel ṭan tawh in, Thangluaia chuan Tlangaupa hnen ah chuan, nak tuk zing hian hma tak in lo kal ang che, tin upa te pawh kalo beisei hma dawn che u a nia tiin, khawnbawlte chu an hawta hlawm a, zing khua a lovar chuan Tlangaupa pawh Thangluaia sawi ang chuan, hma tak ah chuan a rawn kal a, tin upa ho pawh hmatak ah chuan rawn kal khawm hlawm in, Thangluaia chuan, heile kan dinhmun chu kan hre vek a, tun ah hian Chalkungi chu a fapa a bo a vang in lung ngai tak in a awm a ni, kan chan ah han in dahta ṭheuh ila, hmeithai pakhat in a fapa neih chhun chu tun thlenga a awm na chin hriat loh in a sun mek a ni a, kan chan ah han in dah ila, nu hmangaihna a ṭang chuan a na dawn hle a ni, Thangluaia chuan Tlangau chu tir chhuak nghal in, khaile Tlangval te leh val upa rualte han ko khawm rawh le an ti a, Tlangau pawh chu rang taka kal chhuak nghal in, Tlangbal rualte leh, val upa rual, tin Pasalṭha rualte pawh a rang thei ang bera Lal tualzawl lam pantur chuan an au khawm a, karlo ah chuan Tlangval te leh val upa rualte chu Lal tualzawl ah chuan rawn pung khawm nghal in, an khat hmur mai a, Thangluaia chu Leihkapui ah chuan rawn chuang chhuak in, Tlangval te leh Pasalṭha rual te, val upa rual hma ah chuan ti hian thu an sawi ta a
.
Khaile Chalkungi fapa Suaka vang in Tlangval te in hah a, val upa te leh kan Pasalṭha rualte pawh in hah a ni, Suaka chu hei nisarih ngawt mai zawn a ni tawh a, mahse tun thlenghian a chin pawh tuman kan hrelo a ni, Tlangbal rualte u in hah in, he rawlthar zawn na ah hian tha pawh in thawh hnem tawh khawp mai, mahse vawiin ah hian ka sawm leh duh che u a ni, hmeithai pakhat chuan a khualehtui hmasa a tih duh dah nasa tak a fapa nen an tawrh a vang in, he laihmun hi an rawnpan a ni a, nang mahni a vanga hlim taka awm hmun ben belve an in beisei lai in, a fapa neih chhun bo chu tun thlenga hmuh zawh loh a lani a, vawiin ah hian chu a fapa bo, tun thlenga hmuh zawh loh zawng tur chuan ka pen chhuak ve dawn a ni, nisarih zawn tawh a ni a, tlawmngaia chhuak thei in la awm a nih chuan, vawiin hian Suaka zawng tur chuan ka pen chhuak ve dawn a ni, hmeithei, fahrah, riangvai, chanhai, pachhia te, heng mite tan hian a ni vawiin ah hian ka din, ka hmuh hma chuan rawnlet ka tumlo a ni, tlawmngaia min zuithei in awm a nih chuan Tlangval te u, khawngaih in in ban han phar teh u le an ti a, chulai hmuna pung khawmte chuan, an Lal in pek na an hmuh chuan an hnuk chu ulh hial hlawm in, Lalpa i hnung kan zui ang tia au rual in an ban chu chunglam ah chuan an phar dual dual hial a ni, Thangluaia chuan Tlangval te u, in khualehtui in hmangaih zia ka hmuh hian in chung ah ka lawm tak zet zet a ni, tuk ṭhuan ei kham hian helai hmun a ṭang hian kan kal chhuak ang, tukṭhuan ei tur in i ṭin darh phawt ang ule an ti a, chumi tuk chuan hma taka tuk ṭhuan ei hlawm in, mipui te chuan an Lal in Suaka zawnve tum in a pen chhuak dawn a ni tih an han hriat chuan, a khaw nawta rawn chhuak in, mipui te chu Lal tualzawl ah chuan an awm mup mup mai a, Thangluaia leh a upa te chu Leihkapui ah chuan rawn chuang chhuak leh in, khaile vawiin hian kan rawlthar suaka bo chu zawng tur in kan pen chhuak leh dawn a ni, mipui te u he rawlthar bo hi kan hmuh hma chuan kan rawnlet dawn hrih lo a, kan upa Bulthanga kut ah khua hi ka dah rihdawn a ni, eng chen nge kan thang dawn kan hrelo a, kan thang reideuh a nih pawh in, Bulthanga thuleh hlate inlo zawm thiam hram hram dawn nia, Tlangval tlawmngai rualte u lo pen chhuak rawh ule an ti a, ti chuan Thangluaia pawh a upa Thawmvela leh, Lianpuia te nen chuan in a ṭang chuan an chhuak ta a, Pasalṭha Denga leh a hote chuan hma hruai in, meithai Chalkungi fapa Suaka bona mual lamchu an pan in, an chhuak ta mup mup mai le
.
Chu mini chuan Nghafuan lui chu pan in, Nghafuan lui an zuk thlen hian Pasalṭha Denga chuan Thangluaia hnen ah chuan, Lalpa helai a ṭang hian Suak hnu chu kan hmu a, Suaka hian Sihzawl lamhi a pan a, mahse i hriat ang in, henglai ram zawng zawng hi au chung in kan tuam chhuak vek tawh a, a thawm chu sawiloh, a hnu hma tak ngial pawh hmuh tur a awmlo a ni tiin an hrilh a, Thangluaia chu a ngawi vang vang mai a, a hnu ah chuan Denga hnen ah chuan, Denga hnu hma dang hmuh in nei miahlo a maw? tiin an zawt a, Denga pawh in, Lalpa khua a rodeuh nen, hnu hma dang reng reng eng mah hmuh kan neilo a ni, tun ṭum kan thiltawn ah hian kan bei dawng tawh tlang a ni an ti a, Thangluaia chuan chulai hmunvel chu thlir kual in, an hawi kual vang vang mai a, a rilru ah chuan ngaihdan pakhat a lo pian ta, chunglai hmun chu an tuam chhuah hneh tawh em a vang chuan, sem pawh in semdarh lo in, Thangluaia pan lamchu Tlangval rualte, Pasalṭha rual te leh val upa rualte chuan an zuita tawp mai, Thangluaia chuan, Nghafuan chu daikai in, a ṭhenawm ram, Lianthanga ramchu a dai lut ta, Nghafuan lui a ṭang chuan mual pakhat chu va chuang kai in, chu ta ṭang chuan an mahni ram lamchu an pan leh hret a, Nghafuan lui a ṭanga Lianthanga ram chhung zel ah chuan Nghafuan lui kanchu zawh in, chhun chawfak hun awmvel ah chuan Nghafuan lui chu pensan in, Lianthanga khawlam hawi zawng chuan an her leh ta a, finghnih awm vel an han kal leh chuan kawrte pakhat hi va thleng hlawl in, chu kawrte piah lam chu zawlrai nuamtak maihi a ni a, chulai zawlrai nuamdeuh mai an thleng phei dawn tih ah chuan, Thangluaia chu a dingta chat mai le, chulai zawl ah chuan luite pakhat hi luang tlang in, Thangluaia chuan chu luite awmna lamchu finkhur tak chuan an pan phei a, a hnung ah chuan Thawvela leh, Lianpuia chuan zui in, luite kam an va thlen chuan Thangluaia chu a dingta chat mai, luite kam lah lama Vang kung liantak mai chu a thlir vang vang mai a, Lianpuia leh Thawmvela pawh in, chu Vangkung chu thlir ve in, an duh loh leh, an beisei miah loh thilchu an va hmuta
.
Thangkuaia chuan zawisap mai hian, Chalkung a va na dawn em an tisap mai a, Lianpuia chuan Denga te ho chu ko nghal in, rang tak chuan an rawn phei hlawm a, lui kam a ṭanga Vangkung lian an han hmuve chu, an chek tlak tlak mai hlawm a, Denga chuan a naute pahnih chu ko nghal in, khaile nang ni in Suaka lu saw va la rawh u le an ti a, Denga leh midang te chuan Vangkung bulvel ah chuan Suaka taksa lamchu an han zawng nghal a, Thangluaia leh midang te pawh Vangkung bul ah chuan rang taka pheive nghal in, Thangluaia chuan chulai hnu hma velchu chiang tak mai hian an en kual a, hnu chuan Lianthanga khawlam chu pan in, chung hnute chuan Lianthanga khua chu an luh ngei a ring nghal a ni, Suaka lu chu an rawnlak thlak hnu ah chuan, Denga te pawh in a taksa lamchu hmuve in, chulai Vangkung bul ah chuan mut tir in, a taksa leh a lu chu an han dah zawm a, rang taka Hlang chu siam zung zung in, khawlam ah pawh zualko an in tir nghal a, Hlangte an siam zawh chuan Suaka ruang chu Hlang ah chuan dah in, Hruihmul te chhat in nghet tak chuan an han phuar a, ruang hawn tur chuan eng kim an inpeih tawh a ni, mahse Lal Thangluaia chuan Lianthanga khawlam chu ngawi renga thlir in, Chalkungi te nufa in Thangkuaua an hmuh hmasak bera an hlimzia te kha Thangluaia chuan an chhui kir in, Suaka tet deuh lai, kumruk mivel a nih laia Thangluaia hnen a, kapu a nu nen hian i khua ah chuan min hruaive rawh aw, i khua ah chuan tumah in a nu hi an hmusit tawh awm silo, a nu hian Thangluaia khua ah chuan awm ila, tu man min hmisit tawhlo a nga, kan nufa hian tuman minti buai tawh dawnlo a ni, ti a a hrilh laite an ngaih tuah chhuak a, Thangluaia chu Suaka ruang bulah chuan rawn ṭhingṭhi in, Suaka hmel dang vek tawh leh, a taksa duk chhe vek tawh chu a lu ah chuan han chulsak in, Suaka in nufa hian ka khualehtui ah, mite hmuhsit na leh, an diriam na tlansan duh in min rawn pan a, thlamuang taka awm turin kha lehchen a ṭang khan in lo kal a, Thangluaia khualehtui ah chuan thlamuan na a awm in tih te kha kala theih nghilh lo a sin, mahse vawiin ni a i chung thil thlenghi hriat thiam a har hle mai, i nu hnen ah chuan e nge ka sawitak ang le? he tiang naupang mai lu lak saka, Thinglera tar duhtu te hi tu te nge an nih ang? Thangluaia thinlung chu thinrim na lian tak chuan rawnluah nghal in, muang changa rawndung chhuak in, a kut chu ruh tak mai chuan an hum a, Lianthanga khawlam chu ding taka thlir in, Lianthang he naupang chunga thil thlenghi zawt fiah tur che in keimah ngeihi i khua ah chuan ka rawnkal ang, i Pasalṭha te chuan minlo hmachhawn ngei rawh se tiin, Suaka te nufa a lainat na a vanga a mittui lo hnam chu an khap persawk mai a
.
.
DUHTAWK LEH RIHPHAWT ANG U AW
REMCHAN VELEH KAN CHHUN ZAWMLEH DAWN NIA
.
.
Hman hmawhlo in minlo nghak hram hram dawn nia
.
.
[Lalzirliana Tochhawng] [Champhai Tlangsam]

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 16th, 2018, 6:40 pm

................ PASALṬHA THANGLUAIA (221) ..............
.
.
Satkunga ral an han hneh chu, Nikawlha Tlangval rualte chu an hlim em em mai a, tuna Tlangval tam tak, kum sawmhnih chin te phei hi chuan, an naupan lai a ṭang tawh a Satkunga awpna hnuaia awm an ni tawh te sawi chhuak in, an dam chhunga Satkunga awpna hnuaia kun tura an in ngaih lai a, tianga Satkunga ral an han tuk zalta maihi an hlim in an lawm em em a ni, Tlangval te rilru ah chuan, Satkunga tan chhiah pek a ngai tawh dawnlo a, tin an puak phur tura kal pawh a ngai tawh dawnlo a, an duh vang reng nilo a Satkunga sal nitur an kalṭhin te, chung zawng zawng an kiang tawh tur ringawt an han ngaih tuah pawh in, Tlangval rualte chu an hlim in, ral hmachhawn hah ni hlawm mah se, lawm a vanga nui chung in khaw lamchu an pan hlawm a ni, Val Upa Tualzika leh, Kaihranga te chuan Tlangvalho hnen ah chuan, Tlangval huaisen te u, hlim ula ri luih luih rawh u khai, kan khualehtui ṭhan mawh bawk, kan nu leh pa te mang ang taka siam ṭhuntu Satkunga rel chu hneh in an awm ta, mihrang rualte u lawm ula hlim rawh u tiin an han fuih a, Tlangval ho tan pawh hlim loh theih a nilo a ni, Val Upa Tualzika chuan Nikawlha mihrang rualte chu kawtchhuah lam pan pui in, kawtchhuah an han thlen hian khua pawh a thim ṭan tawh a, kawtchhuah an han thlen chuan an ri luih luih mai a, an thawm pawh khua a mite chuan hria in, kan mihrang rualte chuan Satkunga ral chu an hnenta a ni maw tiin ṭhenawm khawveng te chu an in au teng tung mai a, tin khawchhunga Tlangval awm te, indo na hmun a kal velo te, Lal vengtur a awmho te chuan Zawlbuk lam pan nghal in, Zawlbuk kawt ah chuan meipui an han chhep eng hluah mai a, chu lai hmun ah chuan Silai te in kah siak in, an theih ang ang a thawm chhuah in, an ri laih laih mai a, nula te pawh in an mihrang ten hneh na nen khua an rawnlut dawn tih an han hriat chuan, an duhsak zawng te leh, anlawmpa te pek tur Arkeziak te siam in an buaive nghal char char mai a, tin upa lamte pawh in, an Tlangval ten Satkunga ral te chu an hneh ta a ni tih an han hriat chuan, pawn ah rawn chhuak khawm in, Lal tualzawl ah chuan meipui chhep eng hluah mai a, tin Kawtchhuah lama mihrang rualte chuan a khat tawk in Bawlhlate chham in, Silai chu an kap puak ṭhuai ṭhuai rengmai a, hemi zan hian tlaivar ṭhak in Zawlbuk lam leh, Kawtchhuah lama mihrang rualte chuan Silai chu kap puak reng mai a, tin upa hote pawh in tuallai ah chuan Awmtual ai in an tlaivar ṭhak a ni
.
A tuk varṭian, leilung a lang thei ṭanta tih ah chuan, Kawtchhuah lama mihrang rualte chuan thawmlian tak rawn nei in, Silai te chu an han lawn un un mai a, Bawlhlate chham in thawmlian tak an han chhuah a, an thawm ah chuan khawchhunga awmho te pawh in, an mihrang rualte chuan khua an rawnlut dawnta tih hria in, an tho sung sung mai a, naupang hote pawh in an u te emaw, an Pasalṭha ral lu khaite chu hmuh chak in, khaw tawntirh lampan chuan an tlan sung sung mai a, nu leh pa te pawh in an fapa ral lu la a khua an rawn lut tur chu hmu chak in, ka fapa a tel ve a ngem? ka fapa chuan ral lu a rawn hawn ve a ngem? hmuhve ngei ka duh a ni tiin, khaw tawn tirh lam, an mihrang rualte rawn kalna lamtur pan chuan an tlan hum hum mai a, nula hmelṭha tak tak te pawh in, zan lama an Arkeziak siamte chu hum chhuak in, an duhsak zawng te leh, an lawmpa te pek tum chuan hman hmawh tak in kawtchhuah lamchu an pan ve bawk a, Nikawlha khua chu a pui a nawi, a te a lian in an mihrang te hmuak tur chuan an thawk chhuak a ni, an mihrang rualte chuan, Silai te chu lawn un un in, Bawlhlate chham chung chuan khawchhung chu an rawn lut ta a, chung mihrang rualte chu an chhungte chuan anlo bawr luih luih mai a, tin nula ho lah in an duhsak deuh te leh, an lawmpa te chu an Arkeziak siamte chu pe in, hlimtak chuan an ri luih luih mai a, hlim taka in lawm a ri luih luih chung chuan, Lal in lamchu an rawn pan ta mup mup mai a ni, Lal leh a upa te pawh in an mihrang rualte chu Leihkapui a ṭang chuan lo hmuak in, Lal Nikawlha pawh chuan hlimtak in a Pasalṭha rualte chu a lo lawm a ni, pawn lama hlim taka an awm luih luih lai hian, Sangluaia chu Lal kohna a vangin Lal in chhung ah chuan an pen lut a, in chhung ah chuan Val Upa Tualzika leh, Kaihranga pawh an lo awm reng tawh a, Nikawlha chuan, Sangluai helam ah hian lo hawteh khai, i chan chin ka hriat hian min tilawm em mai a, ka bulah hian lo hnaiteh tiin an ko a
.
Upa min Dohranga pawh a tupa eng chunga nui vur vur in, ka tupa kan Lal bulah chuan vaṭhu teh khai, kan Lal hian lawmthu hrilhche a duh a ni ngei ang an lo tive a, Sangluaia pawh in eng dang sawilo chuan Nikawlha lamchu a panta nghal a, Lal in chhung seiraih mai tawplam ah chuan, Zuali leh Lal fanu Nikungi te pawh chuan Sangluaia chu ngun tak hian an lo thlirve kar mai a, Nikungi nu chuan a fanu hnen ah chuan, Kungi kha tiang khan kan khawtual Tlangval hi tumah i la melh ngailo tiraw? an rawn ti a, Nikungi zak lu tuk chu sen awp awp chunga hnuai lam melh in, kanu ka tihpalh a ni tiin zawite hian ngaihdam an dilnghal a, Nikawlha pawh in, Sangluai Satkunga ral kan dona ah hian ka khualehtui tana i ṭangkai dan zawng zawng hi kalo hria a, i chung ah hian ka lawm em em a, lawmthu hi i chung ah hian sawi ka duh a ni an ti a, he tihlai hian upa min Dohranga pawh a tupa a vanga nuamti tak chung chuan hawi larh larh in, ka tupa hian eng tihve vak a nei a mawni aw? Lalpa ka tupa hi he Satkunga nen kan dona ah hian ṭangkaina neive in ka van ringlo em? lo tive in a hawi larh larh mai a, upa min Dohranga hian a tupa a vangin Lal in chhung chu nuam a ti lehzual a ni, Sangluaia pawh in damthlarh hian, Lalpa kei teh lul hi engmah ṭang kaina ka neihlei nem, i Val Upa te, i Pasalṭha te, i Tlangval rualte, an huaisen in ralhma ah chuan tu mah kha ka tluk lo a ni an ti a, Nikawlha chuan Sangluaia chu han en vang vang in, i ṭawngkam hman danchu Pasalṭha ṭawng kam dik tak a ni e, Sialrang chuan Sialrang chu a hring ngei a nih hi le, i pa kha Pasalṭha huaisen leh in ngaitlawm tak mai a ni a, Mihrang val dik tak ni in, eng ang pawh in ral that in, miten chawimawi tum mahse, vawikhat mah a ka a ṭang khan chapo aw ka reng reng a chhuak ngailo an ti a sin, Sakawlh chuan Sakawlh bawk a hring ṭhin a, Sialrang pawh in Sialrang bawk a hring ṭhin a ni, Sunhlu kung ah thei dang a rah ngailo ang bawk in, Sakawlh chuan Sakawlh bawk a hring a nih hi, Sangluai ka khualehtui tana i thiltih zawng zawng hi ka hria a sin, chhimlam luhkhana Satkunga milehsa sawmrual ngawt i thah te pawh ka hrevek a sin, chu mihnua khawchhak lam luh khan i panleh dan te, i nun na hlut miah loh a ka khualehtui tana i ralbeih dan te, Satkunga ral beihna tura i rem ruat dan zawng zawng te, heng zawng zawng hi ka hre vek a ni, nang hian thiam tak in ral rel sak lo nila, vawiin ni hian kan khualehtui hi kan chan em em ang, kan chak lohna tur leh, kan tlukna tura min tungdingtu i nih a vangin, i chung ah hian lawmthu ka sawi mawlh mawlh a, ka lawmzia en tir nan tiin Tlangaupa chu an ko a, Nikawlha chuan, khaile Tlangaupa Rappui chungsanga ka Thlathum zungei kha han chawithla rawh khai, Sangluaia vanga vawiin a Satkunga ral kan hneh na hi kan lawm tlangtur a ni ang an ti a, ti chuan Tlangaupa chuan Rappui chungsanga Lal Thlathum zu chu han chawithla in, Dawnfian chuan Sangluaia chu an zuk tira, chu mihnu chuan midang te pawh in han zuk ve in, chu mini chu hlimtak chuan an hmang tlangta a ni
.
Chu mini a ṭanga nihnih an liam chuan upa min Dohranga pa Lung phun ni pawh a hnai ta khawp mai, upa Dohranga chuan Sechal pakhat leh, Vawk sumruk chuang pathum ngawt mai talh an rel a, chu chuan khawtlang mipui hniang hnar taka siam theih a in ring a ni, hemi tuk hian Dohranga fapa, a upa ber chu a pa in ah chuan rawn chuangkai in, a mikhual ten Nikawlha ram chhung, Ṭaupui hmun an tiha Tumpang an hmuh thu an rawn sawi chu a pa in ah chuan an sawi chhuak a, Dohranga chuan a fapa upa ber hnen ah chuan, Tumpang sate pawh han temve leh chu a chak awm khawp mai, mahse in unau hian in ram milo lu tuk hi sa te pawh kan ei tlem phah a nih hi, han ram mive deuh ulang zawng Sakhi chek te pawh kan hawp ngunve tur a ni a, Tumpang sate ngat phei ei vechak teh mah i la, kan beisei ngamchi pawh a nilo a nih hi an ti a, he mi hma ni hian Sangluai'an a tlansan, Rokhara leh Thangi te nufa pawh in khua chu an rawn thleng tawh a, Dohrang'an Thangi te nufa chan chin an hriat hian a lai nat em em mai a, chu tiang tak maia chhung khat laina pawh neilo, leh, u nau pian pui mu mal pawh neilo Thangi chu a lainat a ni, Nikawlha pawh in Thangi te nufa chan chin an hriat chuan, a lainat khawp mai a, a khua ah chuan in te dinsak ve a, in bengbel vemai tur in a duh a, Thangi pawh pawh in, chu tianga keini nufa mite duh loh, he lai hmuna min awm tirve phal chuan tiin, Nikawlha khua a awmve mai a hreh loh thu chu a sawive a ni, mahse in ber a la awmloh a vang in, in an dinhma chuan Dohranga chuan Thangi te nufa chu a in ah chuan a awm tir a ni, hemi tuk pawh hian Leihkapui ah chuan Sangluaia te nen chuan ti ti in, Rokhara hnen ah chuan khawlam pana an rawn kal dante chu zawt in, an ti ti laih laih mai a, tui taka an ti ti laih laih lai chuan Zuali chuan tuk ṭhuan ei tur chuan a rawnko ta a
.
Tuk ṭhuan ei lai chuan Dohranga chuan, Thangi te nufa chu in an sak sak vat tur thu te sawi in, a ti ti zut zut lai chuan, kan thudang a lai chuan, Khara hei i u lo kal khan Ṭaupui rama Tumpang an hmuh thu avrawn sawihlut a, Sala thei deuh te chu han nila Tumpang sate chu han ei ve leh te pawh a chak awm khawp mai, mahse in unau ho ah hian tumah sa hanla thei in awm silo a, mi sa kahsa chhim in kan kual kan kual mai zawng a nih hi an ti a, Sangluaia chuan, kapu Ṭaupui ram in tih chu ka hreve chuanglo a, mahse chu lai rama Timpang hmu tu te chuan an hmu chiang a mawn le? a hnu hlui ringawt te hi an hmu a nilo maw? tiin an zawt a, Dohranga chuan, ka tupa chu tiang ringawt chu a nih hmel loh a ni, i u sawidan chuan, a hmu tu te chuan an hlauh thu leh, Tumpang chuan a rawn beih an hlauh a vanga an kawng zawh an sawn thu pawh an sawi a ni, a hnu hlui ringawt chu a nilo a ni ang tiin an chhang a, Sangluaia chu hmatak ah chuan tuk ṭhuan chu ei kham in, Silai zen chu la chhuak in Leihkapui ah chuan an pho chhuak nghal a, Rokhara chuan, Sangluai eng thilnge tih i tum le? Silai zente kha vapho ta maunge maw i nih le? tiin an zawt a, Sangluaia chuan, tuk ṭhuan kha i ei kham dawn tawh em? kan pahnih a ei tur zanthum riak Buhfai kha lo fun la, kei in ka u Hranga te in ah chuan ka zuk kal ang a, Kapu in Tumpang sa a ei chak a nih kha, midang hruai tur i hriat leh ilo sawmve dawn nia tiin a chhuak ta nghal a, Sangluaia chuan Hranga in a zuk thlen chuan, an nipawh tuk ṭhuan an lo ei ve mek a, Hranga te nupa chuan, Sangluai lo kalrawh, e nge ni ta tiin an lo zawt nghal a, Sangluaia chuan, kapu in tuk kin khan Tumpangsial an hmuh dan i sawi thu kha a sawi a, pu ten chu tianga Tumpangsial sa ei chak an nih te chuan, zanthum vel riak in kan kaldawn a mawnle kan rawnti a ni an ti a, Hranga chuan Sangluai a ni khawp mai, keini unau ho hi kan ram milo em em mai a, sa hanla thei lah kan awmlo a ni, kapa hian ramsa te hi han ei ve te hi a chak ṭhin a, mahse a fate zing ah hian sa han la thei kan awmloh a vang hian, mi kahsa leh mi sawm kual reng reng hian a awm ṭhin a, ka lainat thei khawp mai an ti a, Hranga nupui pawh chuan, a ni teh tak e, kapa vang hrim hrim pawh in zuk vak chhuak teh u tiin an lo sawi ve a, Hranga chuan a nau Sangluaia chu a ring vak lo a ni, Sangluaia hnen ah pawh chuan
.
Kapa chuan Tumpang sa chu a ei chak tih chu ka hrengei mai, mahse tu Passlṭha nge kan sawm ang? tiin an nu chu an zawt a, a nilah tak renga, Sangluaia chan chin hretamlo tan chuan, a mah a la naupang nen, han rinmai pawh a harsa dawn a ni, Sangluaia chu lo ṭawng vat in, ka u kan khua ah pawh sa chu ka kap ve zeuh zeuh ṭhin a, kan unau ho a kan kal chuan kan hlawhtlin ve mai ka ring a ni an ti a, Hranga nupui pawh chuan, Pasalṭha sa kap thei leh, ralhrat khaw kheng tak mai Thangluaia u naupa i nei a ni a, tin Thangluaia chuan fapa huaisen leh, a mah ang bawka ralhrat leh, sa la thei fapa a nei a, Sangluaia hian Sa a lathei tih i hriat duh chuan, hei kan khua ah reilo te a rawn awm chhung pawh in, Sakhi pahnih ngawt mai a kap nghal a, kan pi leh pu te chuan, Sialrang chuan Sialrang bawk a hring ṭhin an tih kha, a Sakhi kah a ṭang ringawt pawh in Sangluaia hi rintlak a ni tih i hre ve mailo em ni? an ti a, Hranga pawh in, a ni khawp mai, naute hi chu rin maihi an har ṭhin a ni an ti a, a nupui chuan, Sangluaia hi i ringlo a nih chuan, he khua ah hian rin tur tu mah an awmlo ang, he khua a rawn luh tirh khan Keipui pahnih ngawt mai chemtum nen a that a ni a, tin Satkunga ral beihna ah pawh a rem ruatsa veka beihpui thlak an ni a, chung zawng zawng chu han ngaih tuahla eng vanga ringlo nge i nih? tiin an zawt leh a, Hranga pawh in, a dik khawp mai, ka naihi ring tlat tur a sin ka nih, mahse in la naupan em a vang in kalo ringlo leh ṭhin che a ni an ti a, Sangluaia pawh in, ka u ni e i ngaihdan chu a dik a lawm, keipawh ni ila i ngaihdan ang chiah khan ka ngai ngei ang, eng pawh nise ka lo han chho a nga, kawt chhuah ah kan in nghak dawn nia an ti a, Hranga pawh in, ni e keipawh kan in siam nghal a nge tiin a in siamve ta nghal a, Sangluai'an in a han thlen leh hian a pu Dohranga chuan, a fapa Rokhara hnen ah chuan
.
Ka tupa Sangluaia hi ka chhuang khawp mai, a huaisen a, ralhrat tak a nih pawh ka hria e, tin ral rel thiam leh, ral beih thiam tak a nih pawh ka hria, mahse heng Tumpangsial te beih hi chu a dan a dang a ni, chu vangin ka thu hi pawm ula, Tumpangsial chu beih in tum a nih chuan Pasalṭha tu emaw hruai rawh u tiin thurawn a lo pe a, mahse Rokhara chuan, kapa tu mah Pasalṭha hruai a ngailo ang, Sangluaia nen hian hei vawitam kan chhuak dun tawh a, rama zanriah chaw hmeh tur te hi ka buaipui a ngailo reng reng, khawi emaw lai ah a han kala, Vahrit emaw, Ramar emaw hi zanriah chawhmeh a tan hian a rawn hwn mai ṭhin, keipawh hian mak tih changhi ka nei a ni, mahse chu tiang chuan vawithum a ti tawh a ni, eng tin nge i tih bik ti a ka zawh hian, an zanriak turhi ka man mai tiin min chhang ṭhin a, keipawh hian mak ka ti khawp mai, khang ka ngaih tuah khan, Tumpang pawh hi a kah theih ngei ka ring a ni, chu vangin Pasalṭha dang chu hruai an ngaih ka ringlo an ti a, Dohranga chu a ngawi vang vang mai a, Thangluaia chan chin te an ngaih tuah a, Thangluaia chuan Vahrit tlalai te, Ramar tlalai te hi a man thei a ni, ti a an sawi ṭhinte chu an ngaih tuah chhuak a, Thangluaia hmu tawh te chuan, Sangluaia hian a pa a chhun em em mai a, hmel chu sawiloh, kawng eng kim ah hian a pa a chhun an ti a ni, ṭhenkhat ti ti a hriatdan phei chuan, Sangluaia hi a pa Thangluaia ai in kawng eng kim ah a chung nung zawk an tih te chu an ngaih tuah chhuak a, tin chu tihlai chuan Sangluaia pawh lo let tawh in, Dohranga chuan, ka tupa lo hnai teh tiin an ko hrang a, hei Tumpang sa ka ei chak thu ka sawi a vangin tiang hian ka tan vah chhuah i tum a ni a, i unau te hi ka sawi tawh ang khan ram lam ah hian an ṭuan a fum em em mai a, sa hanla thei pawh an awmlo a ni, chu vangin fimkhur ula, Tumpang chu in bei a nih pawh in fimkhur viau ang che u tiin an hrilh a, Rokhara pawh in Sangluaia hnen ah chuan, ka u Hranga a rawn kalve dawn chuan, ka u te pathum nen, keini pahnih nen, tin kan kawmchhak Tlangval pahnih te nen, ka ṭhianpa te pahnih, Kaia leh Vunga te nen sawm vel chu kan nih dawn chu an ti a, Sangluaia chuan a ṭha a lawm, eng pawh nise i hman tawh a nih chuan kawtchhuah lam ah kanlo nghak dawn em ni ang? tiin an zawt a, chu tihlai chuan Zuali chuan, Sangluai Tumpang chu i rawn kap thei a nih ngat chuan, tu emaw a lawm viau ang, Sakhi i kahsa ka pek pawh in a lawm thiam zawisap chuan an ti a, Sangluaia chuan, i ho mai mai lu tuk, chu tiang lam zawng chuan engmah ngai suh, mahse Tumpangsial chu rawn kah ngei ka tum a lawm, kapu vang hrim hrim hian rawn kah ka tum a ni tiin in chu an chhuah santa a, Kawt chhuah an han thlen hian Rokhara te kawmchhak Tlangval pahnih te chu an lo awm tawh a, reipawh an ṭhut hma chuan Rokhara ṭhiante pahnih pawh rawn thleng veleh in, karlo ah chuan an u te pathum pawh an rawn thleng veta a, ti chuan Ṭaupui lam pan chuan an kal ta vang vang mai a
.
Chawhma deuh thaw an han kalhnu ah chuan Ṭaupui ramchu lut ṭan in, Sangluaia chu an hawi vela, a ram chu a rem nuam in, tuma la tlawh pawh loh ang hrim hian ngawpui chu a pharh phei duai mai a, Thing lah lian tak tak, Chhura rual rual an tih ang mai chu a ding tlawn thelh suau mai a, Hranga chuan hma hruai in, a mikhual ten Tumpang an hmuh na ni awma an sawina lam chu an pan pui a, Tumpangsial an hmuh na hnaih tak ah chuan luite pakhat hi luang in, chumi kam ah chuan riahbuk sual chu an ti ta a, ti chuan riahbuk chu sual zung zung in, sawmrual riahna tur chu buk liantham tak siam a ngaih a vangin, zanriah bawl a la hunlo deuh nen, an vai chuan riahbuk chu an buaipui hlawm a, riahbuk an han peihfel chuan a upa ber Hranga chuan, khaile riahbuk tur kan peihta bawk a zsnriah chawhmeh tur zawn kan ngai a ni, tunge zanriah chawhmeh tur zawnga chhuak dawn? an ti a, rang tak chuan Rokhara chuan, Sangluaia hi chhuak rawh se, Sangluaia vawitam ramhnuai ah kalo riahpui tawh a, a ni hian zanriah chawhmeh tur chu zawngse a ṭha ang, ṭul in tih chuan keipawh hian ka kalpui thei ang an ti a, Hranga chuan, Rokhar hei zawng zanriah chawhmeh zawng tur hian Sangluaia chauh hi chhuak se i ti a maw? a nih a ni chauh hian kan vai ri turhi rawn hmulo tase eng tin nge ni ang? tiin an zawt a, Rokhara chuan, ka u Sangluaia hi i hmu a nga i hreve mai ang, engmah sawi vak a ngailo e tiin an chhang a, Sangluaia pawh in, hei khua a tlaizel dawn a, eng pawh nise riahbuk tur kan peihfel tawh a, zanriah chawhmeh zawng tura min duh a nih chuan kan kalnghal a nge tiin, a Silai chu la in, an riahbuk bula luite luang hnar lamchu pan in a chhuak ta nghal a, midang te pawh in Thingro muh tur te chu fawm nghal in, zana muh tur Tarpilu te pawh chu an han la khawm nghal a, karlo ah chuan Thingro pawh tam tham tak fawmkhawm in, Hranga chuan Sangluaia ringawt chu a rinloh a vang in, an buk bula luite mawng lama Tumbu te chu la in an kal lehta hlawm a
.
Sangluaia kal chhuak pawh in luite chu a dinglam ah chuan pensan in, a dinglama ram pharh phei duai maiah chuan phei in, piah deuh ah chuan Sawntlung ni silo, Sawntlung ai a bawk lian deuh mualhi a va hmu a, chu mual ah chuan lawn in, chu lai a ṭang chuan chhak lamchu an thlir a, zawl kin ah chuan Sih liantak maihi a va hmuta a, chu Sih lamchu pan nghalin, Sih awmna a han thlen chuan Sahnu velchu an en kual a, a rin ang ngei in chu Sih sirvel ah chuan Tumpang hnuthar tak mai chu a hmuta, a hnu velchu an belchianga, a hnu chu len pawh a lian na ngiang mai, Tumpang hnu chu kalsan in, a tuk zing lama chhui zui ah dah in, zanriah chawhmeh tur Sakhi hnu thar deuh an melh a, Sih kamvel ah chuan Sanghal hnu thar tak tak pawh awm thluah in, Sazuk leh Saza hnute pawh hmuh tur an awm thluah mai a, mahse Sangluaia chuan chung sahnu chu kalsan in, Sakhi hnu chu an zawng leh a, Sih chhak lam ah chuan kal in, chulai Sih chhak lam ah chuan a Sahnu duh chu thar zetmai chu a hmu ta, muang changlo chuan Sangluaia chuan Sakhi hnu chu umzui ta nghal a, chu Sakhi hnu chuan chulai zawl rawn chhuntu mual chu kaichho in, chu mual ah chuan finghnih awm velchu an chho a, a dinglam kawr ruam lamah chuan a Sakhi hnu chhui chu kalin, Sangluaia pawh tlaklam ah chuan an herliam a, ruamrai deuh maihi zuk pawh in, chulai kawrte kam ruamrai lai ah chuan a hnu chhui lai Sakhi pawh chu a zuk hmu ta, chu Sakhi chu a tuai ni in, ngawpui chhung Ni luh loh na ah pawh chuan a lang tlezarh mai a, a mei tawite vai leuh leuh chuan a lo tla karh karh mai a, Sangluaia pawh in thawmdim taka veh hnai in, kawrte a zuk pawh chuan kawrte kama Vang Thing liantak mai chu an beh chhan a, a Silai chu lek chhuak in, kawrte kam leh lam zawla Sakhi tla chu uluk tak chuan an tin vang vang mai a, a Silai chu chulai zawlrai dup mai chhunga khawk kal rawih rawih khawpa ring chuan, an hmet puak ṭhuai mai a, Sakhi tlalai chu hersawk in a pai nghal nawk nawk mai a, tlan hantum mahse, Silaimu satak in a zak dawh ah chuan rawn verh tlang pawp in, chu Silaimu chuan chu Sakhi chakna zawng zawng chu lak sak vek in, Sakhi chu hlamli awmvel an kal tih chuan a tlu ta tawp mai a, a ke chu leng laih laih in, chulai hmun ah chuan a thizui ta a, Sangluaia chuan Silaimu te han thun leh te te in, a Silaimu a thun zawh chuan a Sakhi kahna lamchu a pan ta a, Sakhi awmna a va thlen hian Sakhi chu lo thifel tawh in, a Silai chu an ak ṭha a, Sakhi chu punawlh in an riahbuk lam chu a pan ta a
.
Buk a zuk thlen hian buka awmte chuan zanriah tur an lo buaipui ṭan a, Sangluaia Sakhi nena a lo haw an han hmuh chuan an hlimtlang dar dar khawp mai, Hranga chuan, e Sangluai kan zanriah chawhmeh tur chu a va tui dawn em, zanin tlaichu Sakhi chek hawp ang aw tiin a phur surh surh khawp mai a, Rokhara lah in, ka u ka tih reng kha, Sangluaia chu a thiltih ah hian a hlawhchham ngailo a ni an lo ti a, Hranga pawh in, he tiang turhi ka ngaih tuah phak lo a ni, kan nu sawiang chiah kha i ni e tiin a nau Sangluaia dar ah chuan an beng thak thak mai a, Sakhi chu luite ah chuan lathla nghal in, rangbtak chuan an han puah nghal zung zung mai a, an puah zawh chuan zanriah chawhmeh a chhum tur chu dah in, a bak zawng chu an rep ta a, Hranga chuan Sakhi chek chu, khawinge kei man a chek hi tui tak in kan siam teh ang, Sakhi chek in ei tawh zawng zawng ai a tui in kan siam a nge tiin phur tak chuan a buaipui ta a, zanriah ei chiah hmabak an nih rih a vang in, rawngbawlna bulah chuan an ti ti laih laih mai a, an hlim tlang in chulai hmun ah chuan tudang reng an ngailo a ni, Sangluaia chuan, Tumpang hnu chu nak tuk zingkar lama chhui tur in ka rawn kalsan a, Sahnu dang pawh hmuh tur a tam khawp mai a, mahse Tumpang chu kan tum ber a nih a vangin, Sahnu dang chu ka uk sak lo a ni an ti a, Hranga chuan zing ah chuan Tumpang hnuchhui chuan ka kalve ang e, Tumpang hnuhi vawikhat mah kala chhuilo a, chu vang in han chhui ve reng reng pawh ka duh a ni an ti a, mahse Rokhara chuan, ka u nang chu telve lo e, hei buk nghak tur kan duh a, nang chu buk ah hian ilo awm dawn nia an ti a, Sangluaia chuan, eng pawh nise heng Tumpang te hi hmuh ringawt chuan an hlauh awm hranlo a, mahse kan hliam chiah hian mihring tan hian an hlauh awm a ni, chu vangin Tumpang hnuchhui na ah hian inzui duah duah chi a nilo a, mi pahnih thum bak kalchi a nilo a ni, heng Tumpang chal tawh ho pheihi chu an fing khawp mai a, hlauh awm pawh an hlauh awm bik a ni an ti a, chu tia an ti ti laih laih lai chuan Hranga chuan, khaile zanriah pawh kan peihta e, chawei na tur Changel hnah te hanla ula, khua a tlaihma hian i ei felteh ang u khai an ti a, an buk thlanga Changel hnah chu la in, hmun remlai ah chuan an han phah thlawrh thlawrh a, chaw haitho chu han khawrh khu rum rum in, a lai ah chuan an Sakhi sa chhum chu an han bun hnawk mai a, a tui hang chu Mautheia thli in, a chek te chu an han suak khu rum rum mai a, zanriah chu puar tak chuan an ei ta hlawm a
.
Zanriah an han ei kham meuh chuan khua pawh in thimlam a panta a, buk kawta meupui chu chhawm eng hluah in, eng eng emaw sawi chuan an ti ti laih laih mai a, lenghawn Ar khuan awmvel ah chuan Hranga chuan, khaile mut te pawh a hun ta e, nak tuk lama tih tur hmabak nei kan nih kha, mu hma ila, zing tak ah kantho leh zawk dawn nia an ti a, upa berin mut a rawt tak ah chuan, midang pawh in hnial lo in, buk lamchu an panta hlawm a, an hanmu a midang chu karlo ah chuan an hnar bawrh bawrh mai a, Sangkuaia chu muhilve mailo chuan a meng reng mai a, chu ngawpui chhunga thil hram chi hrang hrang te chu ngaithla in, chu thilhram neuh neuh te chuan a Beng chu luah in, a ngaithla vang vang mai a, chung ngawpui chhunga thilhram chi hrang hrang ah chuan, Leihrik hram te, Vabak hram te, Chingpirinu hram te, kang kang Sava hramte, chung hramri te chuan a Beng chu luah khat in, buk chhunga mureng chung chuan a ngaithla reng mai a, hmuamda awmvel an ngaihthlak leh hnu ah chuan Sangluaia pawh mutchhuak chuan rawn zem chiai chiai in, a chhing siar siar tih ah chuan an buk a ṭanga hladeuh hlek ah chuan, Kawrnu ṭapthawm a hreta a, Sangluaia chu rawnmeng leh in, chu Kawrnu ṭap chu an ngaithla vang vang a, a rilru ah chuan, tunhma zawng zawng in Sapela an ram chhuah na ah hian Kawrnu ṭap hi a la hrengailo a, mahse Satkunga khua an han kal a ṭang khan Kawrnu ṭap hi a hreta tlat mai, e nge a chhan ni ta ang? he Kawrnu ṭap hian enge awmzia a neih ang? tunhma zawng zawng in ka hrengai silo a, eng vanga heng thilhi hreta ṭhin nge ka nih le aw? tiin a in ngaihtuah nasa mai a, chu tianga Sangluai'an ngaih tuahna a neih chu Kawrnu ṭap chuan hrethiam ni awm tak hian, an riahbuk chu a rawn hnaih sawta hriat na a nei a, lungchhe tak mai chuan ṭap hawm hawm in, Sangluaia ngaih pawh a ṭhalo rum rum a ni, hmuamda awmvel Kawrnu ṭap an hriat leh hnu ah chuan, zawi zawi in chu Kawrnu ṭsp chuan hlatsan hret hret in, a tawp ah chuan a hriat phak loh ah chuan Kawrnu ṭap chu a tawlh liam in, Sangluaia pawh chuta ṭanga reilo te ah chuan a muhil veta bawrh bawrh mai a
.
Sangluaia muhil chuan khawfing chah dawn ah chuan mu mang nei in, Favang Ni chhuak eng ruih maihnuai ah chuan, ruam zawlrai dup mai ah hian a mah chauh hian a lo dingreng mai a, chu a din na hmun chu zawlnuam tak ni in, hladeuh ah chuan chulai hmun chu Thing lian pui pui maihian a lo hual ṭhup mai a, Sangluaia chu Favang Ni chhuak eng ruih mai hnuaia chuan a mah chauh chuan khawhar ru tak mai hian a dingreng mai a, khawchhak lama Ni chhuak eng ruih mai chu an thlira, a eng mawiin a nuam em em mai a, khawthlang lam an hawileh a, kawlkil tawp chu lang ruih in Van chu a thiang mawi em em mai bawk a, chu lai hmuna phulte chu hring mawi em em in, a hawina lam a piang chu a hring dup mai a, a din na bul ah chuan luite fim em em maihi chulai zawlah chuan luang tlang in, chu luite ah chuan Sangha te chu an tlengkawi neuh neuh mai a, chung Sangha tleng kawi neuh neuh te chu hmuh nawmti taka a thlir renglai chuan, a bulvel ah chuan, Dawlrem te leh, Uleuh te chuan zai losa in an hram veng veng mai a, chulai hualtu Thing lian pui pui chin ah chuan, Ngirtleng te leh Rengchal te chu an hram chiah chiah bawk a, chu tiang ran nung hram neuh neuh te chuan Sangluaia thinlung chu hneh in, lungleng rutak chung chuan a hawikual ruai ruai mai a, chu tia a hawikual ruai ruai lai chuan khawthlang lam kawlkil ah chuan, chhumvar thianghlim tak maihi a tleh delh delh mai bawk a, Sangluaia chuan lungleng rutak chunga chu chhumvar thianghlim tak mai chu a thlir renglai chuan, chhum kar ah chuan Chhingi hmel hlimtak mai chu a hmuta nawlh mai a, Chhingi chuan Sangluaia chu rawn nuih sen sen in, Sangluai ka van ngaitak che em, rawnti hian an hria a, Sangluaia pawh chuan Chhingi chu biak mai an tum a, mahse Chhingi chuan Sangluaia biakna reng reng chu a hre theilo a ni, Sangluaia chuan Chhingi chu an au leh a, mahse Chhingi chuan eng mah a hrethei reng reng lo a ni, Chhingi chuan, Sangluai min ngai velo em ni? kei chuan englai mah in ka theihnghilh ngailo che a sin, mahse Sangluai kan karhi a hla em a, eng mah chan chin ka hrilh thei silo che a, tiin Chhingi hmel hlimtak mai chu a ngui riai riai mai a, Chhum kar ah chuan a zamral raih raih mai a, Chhum kara Chhingi hmel a zamral zoṭep tih ah chuan, Sangluai i rawntlai lo ang ti raw? ti a rawn zawt leh in, Chhingi hmel duhawm tak mai chu Chhum thianghlim tak kar ah chuan a zamral ta a
.
Sangluaia mihul tuilai chu harh hlawl in, a bulvel cuu an en kual nghal a, a ṭhiante chu tui taka lo la mu hlawm in, pawnlam an thlir chuan khawfing a chat tawh tih hria in, buk chhung a ṭang chuan a chhuak ta nghal a, buk kawta meipui an chheh eng hluah chu lo tihvek tawh in, Thingro alh bang chu han chhawm ṭha in, karlo ah chuan chung Thingro te chu rawn mut leh in, a rawn alh chhuak leh ta a, Thingro dang chu vurbelh hluah in, chu lai an riahna buk bulvel en kual khawp chuan meipui chu an chhawm eng leh a, Sangluaia chuan a mu mang chuhan ngaih tuahlet in, Chhing'in Sangluai i rawntlai lo ang ti raw? a tih lai te, Chhingi hmel hlimtak leh tharser mai a rawn ngui nghiai mai te, Chhum kara hmel ngui nghiah mai a a zamral te, chung zawng zawng an ngaih tuah chuan, Sangluaia ngaih chu a ṭhalo hle a ni, a neipui chheh na a ṭang chuan luite mawnglam chu thlir vang vang in, Chhingi harsatna i tawk ta em ni le? ka van ngai tak che em an tisap mai a, chu tihlai tak chuan Rokhara pawh rawn tho chhuak in, Sangluai i van tho hme ve, thawh khalh ka tum teh reng che nen tiin Ssngluaia lamchu an rawn pan nghal a, Sangluaia pawh in a rilru nawm lohna chu tuma hnen ah hriat tir a duh loh a vang in, Rokhara pawh chu hmel hlimtak chuan an lo chhawn a, Sangluaia chuan ka tho chauh a ni, i mutui bawk em? tiin hmel hlimtak chuan an zawt a, Rokhara pawh in ka mutui khawp mai, mu mangbo ṭhak khawp in ka mu a nih hi tiin Sangluaia chu an chhang a, karlo ah chuan khua chu rawn eng chho zelin, leilung an lan theih chuan Sangluaia chuan, eng pawh nise hei kan ṭhiante an la mu a, ti hian buk hi lo nghak phawt la, nimin tlai ka kalna lama Tumpang hnu ka hmuhna laivel kha ka hanfang leh chhin a nga, ka rawn hawhar deuh a nih chuan tuk ṭhuan minlo ei san mai dawn nia an ti a, Rokhara chuan rawn kalve ka tum a sin, midang te chu an rawntho chhuak ve dawn a lawm, ka rawn kalve a nge an ti a, Sangluaia chuan lo kal a ngai rih lo, hnu hmate kan chian anga, tuk ṭhuan ei kham lam ah kan kaldun dawn nia an ti leh a, Rokhara pawh in, chu tiang a nih chuan kalo awm a nge, hn kal la Tumpang chu han hmungei ang che an ti a, Sangluaia pawh in a Silai te han en nawn le in, ṭha tawka a hriathnu chuan, tlai lama Tumpang hnuthar deuh a hmuh na lamchu a pan ta a, Tupang hnu a hmuh na lamchua hriatsa a nih a vang in rilru dang pulo chuan chulam chu a panding vang vang mai a, Sih awmna hmun a va thlen dawn chuan thawmdim tak chuan Sih chu a pan phei ta a, Sih lan theihna a ṭang chuan an thlir vang vang in, chulai Sih velah chuan sa awm reng reng hmuh a neilo a ni, dawh thei taka hmuamda awmvel an nghah leh hnu ah chuan, Sih piahlam a ṭang chuan Sih rawn pan zawnga thawm rawn ri pheichu a hre ta a, thawm chu rawn hnaizel in, thawm pawh a lian khawp mai a, a thawm lendan a ṭang chuan a thawm neitu sa pawh a te dawnlo tih chu a hrenghal a ni,a rin ang chiah chuan karlo ah chuan Sih Tui tlantum Tumpangsial chal ṭhatak mai chu a rawn langta hlawl mai a, Sangluaia pawh in ngun taka lo thlir in, chu Tumpang hawiher an hmuh chuan a fimkhur hle a ni tih chu a hrenghal in, chaltak a nih a vangin fing pawh a fing khat hledawn a ni tih chu Sangluaia chuan a hrenghal a ni
.
Chu Tumpangsial, zan lama a chhawl hal chuan Sih chu rawn hnaih zelin, Sih a thlen dawn chuan an hawikual vang vang mai a, a Sih tui tlantur chu a him tawk in a hria a ni ang chu, Sih kam ah chuan ding in, Sih tui chu a dawt ta kuang kuang mai a, Sangluaia pawh in fimkhur taka Tumpang chu veh phei in, a duh na hmun a thlen hma chuan, Tumpangsial chu a kalta tlat mai, Sangluaia chuan umzui nghal in, chu lai Sih awmna piah mual pharhṭha tak mai chu paltlang in, a piah ruam ah chuan an lut phei a, chu lai ruam chhak ko vela Luang no awmho chu Tumpang chuan ralmuang taka pet phei in, muang chang chuan ko hnuai ah chuan a phei zel a, a mah bawmtu Tlip a meia an vai velte chu a ri ṭhak ṭhak mai a, Sangluaia pawh Tumpang hnung lawka kal a nih a vang in, a kah na tura a duh tawkna vel ah chuan an ding a, Thingbul pakhat chu han ṭanchhan in, a Silai chu Tumpangsial lam hawi chuan an lek kawh nghal a, duh ang tawka a in siamrem hma chuan Tumpang chu a kal leh ta tlat mai, chhak lamchu pan in, Luangno a peh na chhak lam chu a pan ta tlat mai, Sangluaia pawh in umzui nghal zel in, Tumpang in Luangno a peh na ko chhak ah chuan Lung chhawr dawh ko chu lo awm leh in, chu lai Lung chhawr dawh ko ah chuan Luang kung Lian pui pui maihi a lo awm a, chulai hmun ah chuan Tumpang chuan chaw chu han zawng leh in, ko sang tak tak a Luangno te chu a han pet phak a, Sangluaia chuan fimkhur tak chunga veh hnai zelin, kah nuam tawk vela a hriat ah chuan ṭanchhan tur an zawng a, Lung lianve tak pakhat hi lo awm in, chu Lung toh deuhlurh mai chu beh chhan chuan, a Silai chu Tumpangsial tin chuan an lek kawh leh ta vang vang mai a, a Silai an hmetper dawn chiah tih ah chuan, Tumpang chu a tawlh sawn zauh mai a, Sangluaia pawh in a Silai chu hmetper hman in, a tumna ah chuan fuhlo in, Tumpang nak veilam hnuai deuh ah chuan Silaimu chuan a va verhta sawt mai a, Tumpang chu zuangsawn deuh dawrh in, Sangluaia awmna thlanglam ah chuan a rawn tlanta puat puat mai a, Sangluaia chuan a Silaimu chu rang taka thunleh nghal in, Tumpang tlan na lam ah chuan kalin, a hnuchu an chhuizui chhin a, fingkhat awm velchu han chhui in, Thisen pawh a thlauh nasa khawp mai a, mahse Sangluaia chuan chhuizui zelta lo chuan, tuk ṭhuan ei khama chhui leh ah tiin, buk lamchu a pansan ta zawk a, buk a zuk thlenhian Rokhara te pawh in tuk ṭhuan chu an lo peih tawh a, Sangluaia an han hmuh chuan chan chinte lozawt vat in, Sangluaia pawh in Tumpang a hliamthu chu an hrilh hlawm a, Hranga leh a naute hopawh an phur thar surh surh khawp mai, tuk ṭhuante chu ei zung zung in, an ei kham chuan hmuanda awmvel an han ṭhu a, an puarte an tlak feldeuh hnu chuan, Hranga leh Rokhara, tin Rokhara te khawmchhak Tlangval pahnih nen chuan Sangluaia chu Tumpang hliam chhui tur chuan an thawk chhuak ta a
.
Sangluai'an a maha a chhuina tawp a ṭang chuan chhui ṭanleh in, Tumpang hnuchu an chhuita zar zar mai a, Thisen a thlauh hnem em a vang chuan a hnuchu chhui awm in, ruam zawldeuh hi va thleng hlawl hlawm in, chulai zawl tawpa mual ah chuan an hanlawn leh a, mualdung pang chu zawh phei zel in, kawrte ruam zau deuh maihi an va pawh hlawl mai a, Sangluaia chuan hlamthum zeta fala hmahruai in, kawrte kam zawl lamchu rainuam tak mai chu an lutphei ta a, kawrte kam an va thlen dawnlai tak hian Sangluaia chuan thawm hrezeuh in, a hnunga kalte hnen ah chuan, rang tak in bawk rawh u an ti a, a sawizo hman deuh chiah tih ah chuan, Tumpang hliamchu a rawn dawk phei puat mai a, Hranga leh a naute chu kawngsir ah chuan bawk nghal thlawp in, Sangluaia pawh chhak lamah chuan bawk nghal in, Tumpang chuan a rawn nangching teuh khawp mai, chhete chuan hantlai zeuh seng zawng, Tumpang ki zum lu tuk chuan a rawn vawrnalh khawp ang le, Sangluaia chu rang taka tho chhuak nghal in, a Silai chu an lek chhuak nghal a, chulai ngawpui khawk rum rum chuan a Silai chu hmet puak in, rem leh remlo chunga Silai hmetpuak a nih a vang in, Tumpangsial Thluk ah chuan an va fuh thawr in, Tumpang chu a herdeuh sawk mai a, Tumpang rawn thawk pheileh chu a rang khawp mai, Hranga leh Rokhara te lah chu Tumpang hlaua an tawlh liam kha, thlanglam kawrte ah chuan an thla tawh nen, kawrte ah chuan tawm khawm hlawm in, rawn chhuah chhoh pawh an harsat tawh a ni, Tumpang rawn thawk leh chuan Sangluaia chu rawn phin phei in, Sangluaia chu chhak lam ah chuan a bawk thlawp mai a, Tumpangsial chuan Sangluaia chu a hmuia rawn nawr in, Sanguaia chu chet pawh a che ngam tawh bik lo a ni, Sangluaia a bawhtak tlat a vang chuan Tumpang pawh chuan tih ngaihna vak hrelo in, a chilthli chu an thlauh khum a, Tumpangsial chilthli farchu Thankpui kang ang maia na thak ṭhuai ṭhuai in, Sangluaia pawh chuan a tuar ngar ngar mai a, Tumpang chuan chilthli an thlauh khum pawha Sangluaia chu chet pawh a chet duhloh a vang chuan, a thi tawh ah ngai in muang chang chuan her in, an piah kawrte lam chu a pansan ta a, Sangluaia pawh rang taka rawntho chhuak nghal in, a Silaimu chu rang tak chuan an thun nghal a
.
Hranga te ho pawh an lum khawmna kawrte a ṭang chuan rawntho chhuak hlawm in, Sangluaia lam ah chuan rawn chhuah chhoh an han tum a, mahse Sangluaia chuan, rawn chhuak chho suh u, a hlauhawm em mai tak khan lo awm rawh u an lo ti a, Tumpangsial thinrim lak lawh tawh pawh in, an ṭawng thawmvel chu hria in, Sangluaia lam ah chuan an rawn thawk phei leh a, Sangluaia din na hmun a ṭanga hlamsawm velbawr Tumpang in a rawn thleng tih ah chuan, Sangluaia chuan a Silai chu han lek kawh in, Tumpangsial in a mah chu rawn tum in, rawnphin hlumngei pawh a tum a ni a landan a ṭang chuan, mahse Tumpangsial in hlamli vela a la rawn thleng lo tih ah chuan, chulai ngawpui chhunga Sava te thlawk darh chum chum khawp chuan, Sangluaia Silai chu a puakta ṭhuai mai le, Sangluaia Silai ka hmawr a ṭang chuan Silaimu satak mai chu chak taka thlawk chhuak in, Tumpangsial chal ah tak mai chuan a lut ta sawt mai le, chu Silaimu chak tak mai chuan Tumpang lu chu nghawr nghing lawih in, a mu chu na taka lut tlangin, Tumpangsial lu chhunga a thluak chu an verhtlang sawr mai a, chu Silaimu in a hriatna zawng zawng leh, a chak na zawng zawng a rawn khawih chhiat tak ah chuan, Tumpang lian leh chak tak mai chu chawp leh chilh a zawinghal hnawk in, a ke hmalam khup leh, a ka hnunglam kaihza tha chu zawi nghal hnawk in, chak taka a tlanlai chu awp rawp in, lei ah chuan a bawk rup mai a, a tlanchak em a vang in Sangluaia lam ah chuan tawlh phei in, Sangluaia kebul lawk ah chuan a va ding theihram a, Tumpangsial a tluk tak rup ah chuan kawrtea Rokhara chu rawn au chul in, Tumpang chu a thi ta, kah hlum a ni ta ti a au chul chung chuan, Sangluaia lam ah chuan an rawntlan chho nghal a, Hranga te pawh rawntlan chho nghal in, Tumpang chaltak tlu ruah mai chu an hanbel chiang a, Rokhara te kawm chhak Tlangval pahnih te pawh chuan Tumpangsial chu han kual vat vat in, a va lian em, he tianga Tumpang lianhi kala hmulo tiin an helkual vat vat mai a, Hranga pawh in duh tawka an helkual hnu ah chuan, a lian in a va chalṭha em, kan khaw Pasalṭha Kaithanga kah ai in a lian in, a ki pawh a sei a nih hi tiin Sangluaia lamchu an pan a, Sangluaia chu han en vang vang in, Sangluai Pasalṭha huaisen dik tak i ni e, i chet dan zawng zawng kha kanlo hmu vek a, kha tiang ang khan Pasalṭha Sa kapthei kan tih te hi an huaisen bik chuanglo ang, ka nau ni mahla ka chhuang che in, ka Pasalṭha ngaihsan tak i ni e an ti a, Rokhara pawh in a u Hranga hnen ah chuan, ka u Sangluaia chu ka hrechiang ka tih kha, a ni ang mihring huaisen leh, zamṭha hi tumah hmuh tur an awmlo a ni tiin, Tlangval Pakhat chu buk lama an ṭhiante ko tur chuan an tir nghal a
.
Hranga chuan Sangluai Hlado te han chham ta che, he tiang reng reng a Tumpangsial lianhi hmuh tur a awm zen zen lo a nia, a ki kar ah pawh hian kan pali hian kan ṭhu thei ngei dawn a nih hi, a lu rap ngat hian Hlado han chham rawhle an ti a, Sangluaia pawh in a u Hranga sawi ang chuan, Tumpangsial lu rap chung chuan Hlado chu an chhamta vang vang in, chu lai ngawpui khawk rum rum chuan a Silai chu an kap puak dur mai a, Hlado te an chham zawh chuan Tumpang lu chu tan in a dar te, a bawp te chu an phawk ta hlawk hlawk mai a, chung chu an riahbuk lam ah chuan la thlazel in, karlo ah chuan Tumpang chu chandarh vek in, buk lam ah chuan an lathla zo ta a, buk kawt ah chuan meipui chhep hluah in, Tumpang sa chu lian pui pui a chan in, meipui ah chuan an han vawmlut a, karlo ah chuan chung sahrang chu la chhuak leh in, a repna tura an siam ah chuan rep leh in, Tumpang chu a thau em a vangin an ur farta tluah tluah mai a, a sa a tam tham in a rep chhung pawh a reihle mai a, ni lenga an ur hnu ah chuan an duh anga repṭha tawh in, Rawnal tuai ṭha deuh deuh chu an hansat a, chung Rawnal tuai an sah chu hnang ah hlai in, sarep dahna tur chu Bawmrang lianpui maichu an han tah a, sarep ṭha tawh chu bawmrang ah chuan dahzel in, Bawmrang thum khat lai maichu an rep ta a, Rokhara te ṭhianho chu an hlim tlang dar dar khawp mai a, Tumpangsial sathau tak sa an han ei tur leh, khua a Tumpang sarep an han phurlut tur chu an hlimtlang ani, zanriah chhum te an hun chuan Tumpang sa thau tak te chu chhum in, a ruh te chu han khawng tliak a, zanriah hmeh tur chuan a tuihang tle nuar nuar chuan an han chhum a, khua a thimdawn tih ah chuan zanriah chu ei in, Tumpang sa thautak hmeh chuan zanriah chu par tak chuan an ei ta a, zanriah an ei kham chuan meipui bulah chuan ṭhukhawm in, Sangluaia Tumpangsial beih dan chu a kal velo te hnen ah chuan Rokhara chuan an hrilh hlawm a, Tumpang in chilthli an thlauh khum kha chuan Sangluaia kha thimai tur ah ka ngai tawh a ni, kan pi leh pu te chuan Tumpang chilthli farkhum chu Thakpui kan ang maia na a ni a, an chumi na ti chu rawn che chhuak in, chu tak mai chu Tumpang kizum ṭha lu tuk mai chuan a lo phil chaih chaih mai a ni, kjang Tumpang chilthli farkhum in tuar chhuak thei kha ka u naupa pawh nila ka chhuang khawp mai che an ti a, Sangluaia pawh in a ṭhiante hnen ah chuan, ka chet vaih kha chuan Tumpang khan a kizum tak khan minphil nghal dawn a, thih ai chuan natak ni mahse chelo a tawrh mai kha ka tih tur a ni an ti a, zante a lorei lamta nen, ti ti tui viau mahse mutzai rel in, buk lamchu an pan ta hlawm a
.
Thangluaia chuan, Denga leh Pasalṭha dang pahnih te chu ko in, eng emaw an hrilh a, chu mizawh ah chuan Suaka ruang chu khawlam an panpui ta a, Denga leh Pasalṭha pahnih te chua Ruang chu zuive lo chuan, Lal Thangluaia thurawn pek ang chuan chulai ah chuan an la awm a ni, Suaka Ruang zawntu te pawh in Suaka chu an lainat hlawm khawp mai a, rawlthar te a lani a, Tlangvala chhiar tur pawh a lani lo a ni, chu tiang rawlthar chunga chuti tak maia kut thlak tu chu tu te pawh chuan hmuh an chak in, Tlangval hote pawh in han piai an chak hlawm khawp mai a, mahse Ruang chu khawlama hawn a ngaih a vang in, Suaka that tu te hnu pawh an chhui hmanlo a ni, khawchhung an han thlen hian Ruang hmuak mipui chu an tam khawp mai a, Suaka te inlam ah pawh mipui an tam in, upa te chuan lo lenpui in, in chhung chu an khat vek a ni, Ruang in inchhung an luh chuan ṭap thawm pawh a ring hlemai a, Suaka hi rawlthar fel leh tlawmngai tak ni in, Val Upa te pawh hian an fak hlawm em em mai a, hmeithai fapa mah nise tu man en hranglo in, Thangluaia khua ah chuan tumah an in en hranglo a ni, Lal Thangluaia berin hmeithai leh fahrah te, chanhai leh pachhia te chu en san phallo in, tu mah in hmuhsit a duhlo a, chu vangin Thangluaia khua ah hian tu mah in diriam awmlo in, lungrual tak in an awm a ni, Thangluaia pawh in chhung ah chuan lut ve in, Suaka ruang chu khum awmna lam ah chuan an dah a, Thangluaia leh a upa Thawmvela leh, Lianpuia te chu Tapchhak lam hnaih ah chuan ṭhu in, Suaka thihdan chuan Lal leh a upa te rilru chu a khawih a ni, rawlthar Tlangval a la sawitham loh nghawng an tansak chu tupawh chuan mak an tiin, hriatthiam pawh harsa an ti a ni, Thangluaia leh a upa te pawh an rilru a ni khawp mai a, he tianga rawlthar lu in lak sak hi Thangluaia chuan in thamloh na ah a ngai a ni, khaw ṭhenawm in thamloh na leh, in hmuhsit na ah ngai in a thin a rim khawp mai a, Suaka nu Chalthangi ṭap karh karh ri a hria nen, Thangluaia rilru chu a kal ding khawp mai, a ni lah tak reng a, Chalthangi ṭap thawm chuan in chhunga awmte rilru chu a khawih na khawp mai, ka fapa neihve chhun, ka in nghahna neih ve chhun leh, kehthei dawma ka dawmve che i ni a sin, nangmah kaihruai tu tur pa chu neive lang chuan, tianghi i chung ah a thlenglo tur, Lal Thangluaia khua ah chuan mite an him in, tupawh an in hmangaih i tih ṭhin kha, ka fapa i duh thlan na ngei in helai hmunhi kan pan a, mahse tun ah ral kut tuar in min kalsan lehsi a maw? he tianghi kan chunga thlengtur hian khuanu hian a lo ruatsa reng em ni? keini nufa tan hian khawimah hi him a awm velo em ni? ka fapa lo tho leh ta che, vawikhat chiah minlo chhawn lehta che, a hming i sawi nin theih loh, i Lal Thangluaia hnen ah hian, he tianga ti tu che hi i rawnhrilh dawnlo em ni? a ni chu fahrah te leh, riangvai te pa a nih kha tiin an ṭap a, chu ṭap thawm chuan Lal huaisen Thangluaia thinlung chu a chhun na a ni
.
Chalkungi ṭap thawm chuan Lal huaisen thinlung chu na taka rawn chhun in, Thangluaia chu a ṭhutna a ṭang chuan hantho in, Suaka ruang an zalhna khum lam chu an pan a, Lianpuia leh Thawmvela pawh chuan Thangluaia chu zuive nghal in, Thangluaia ten Suaka ruang dahna an va thlen hian, Thangluaia chuan a kut dinglam chuan Suaka chal vawt dangvek tawh chu an khawih a, zawi fiah kak mai hian, Suaka ka khualehtui i rawnluh ni a i hmel hlimtak maikha ka mit thla ah hian a la cham reng a sin, mahse vawiin ah chuan piallei daia zalh tur in maw i in chhunghi i rawnluh tak le, i chung ah hian tu tenge kut lek ta le? nang ang rawlthar zaidam tak chunga kut lek tu chuan a tihsual ngei ka ring a ni, tunge ni le Suaka vawikhat chiah i chunga he tiang ti tu te hi minhan hrilh theila ka van ti em, mahse tun ah chuan a tlai lu tuk ta a ni, i chunga kut lek tu hian a tih loh tur a ti a ni, heihi in hmuhsit na lian tak a ni, hengmi te hi tupawh ni rawhse, an thiltih manhi an hmuve ngei ang, Suaka i thlan ah chuan i chunga thihna thlentir tu te lu hi ka rawndah vengei ang, keimah ngeihi ka pen chhuak dawn a ni tiin Chalthangi in a ṭang chuan an kalchhuak ta a, hemi tuk tlailam khawthim dawn ah hian, Pasalṭha Denga leh a hnung zuitu Pasalṭha pa hnihte chuan, Lal Thangluaia in lamchu an rawnpan ve mek bawk a, upa ho pawh Thangluaia in ah chuan awm kim vek in, Denga leh a naute lo kir mek chu an lo nghak a ni, Denga ten Lal inchhung an rawnluh hian khua a thim chhalh tawh a, Denga leh a naute chuan ṭhut hmun han remfel te te in, Pasalṭha Denga chuan, Lalpa i rindan kha a dik a ni, khang hnute khan Lianthanga khua chu lut ngei in, rawlthar pakhat kan hanzawt a, ni sawmvel kalta ah khan kan Pasalṭha te an ramchhuak a, chung mite chuan Suaka ruang kan hmuhna lamkha an pan ngei tih kan hria a ni, chung Pasalṭha te chu pathum ni a sawi in, chung Pasalṭha pathum te chuan kan ramri hi an rawnvel deuh reng a nih hmel a ni tiin an sawi a, Thangluaia chu ngawi vang vang in, a upa te hriat tur tawk hian, Lianthang he tianghi ka chung ah hian i tih hi kalo ring ngailo a sin, mahse ka khualehtui chhunga he tiang i rawn tih a vang hian, in thiltih man hi in hmungei tur a ni, ka ang chhunga awm te hian holam tak in an nun na hi an chan tur a nilo tiin Leihkapui lam chu an pan a, Leihkapui a ṭang chuan khawchhak lam chu han thlir vang vang in, Thla eng ruih hnuai ah chuan, ka fapa Sangluai, i nau i hmangaih em em khan a kal santa che a sin, he lei ah hian a hmel i hmuve tawh dawnta lo a nih hi, he thilhi i hriatve meuh chuan, i nau i hmangaih em em mai chu piallei dai ah a zaltawh dawn a ni, tiin khawchhak lam chu a thlir vawng vawng mai a
.
.
DUHTAWK LEHRIH PHAWT ANG U AW
REMCHAN VELEH KAN CHHUN ZAWMLEH DAWN NIA
.
.
Hman hmawhlo in minlo nghak hram hram ṭhin dawn nia
.
.
[Lalzirliana Tochhawng] [Champhai Tlangsam]

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 20th, 2018, 8:02 pm

................ PASALṬHA THANGLUAIA (222) ...............
.
.
Kawtchhuah ah chuan Hranga leh a naute chu an han in nghat a, Hranga chuan, khaile Sangluai Haldo han chham teh le, kan khua ah hian i Tumpang kah ai a lian leh, Tumpang ki ṭha hi hmuh tur a awmlo a nia, in chhuan larh larh na tham a ni e khai, Hlado chu han chham phawt rawh le, chuan muang chang in khua chu kan lut dawn nia, an ti a, Hranga sawiang chuan midang te pawh in, Sangluai kan khua ah hian i Tumpanga kah ai a lian hi a awmlo tak tak a nia aw, u Hranga sawi kha a dik a nia, an lo tive hlawm a, Sangluaia chuan a Silai te chu han en dik in, khawchhung lam hawi chuan ding in, a Silai chu Vanlam an lek kawh a, Tumpangsial Hlado chu han chham vang vang in, a Silai chu an kap puak ta dur mai a, Hranga chuan a Vaibel chu han pak khuk talh talh pah in, Sangluaia hnen ah chuan, ka nau ka chhuang khawp mai che, kan pi leh pu ten Pasalṭha in a neih tur an losawi ṭhin, huaisen na te, zamṭhat na te, tlawmngaih na te, chapo loh na te, heng zawng zawng hi i nun ah hian a awm a ni, chu vang chuan ka chhuang tak zet zet che a ni, eng pawh nise tirawh u le i kal leh tawh ang u khai tiin, khua chu lut tur in an phurte chu an han in ṭanleh ta hlawm a
.
Kawtchhuah a ṭang chuan an kalṭan chauh tih ah chuan, Kawtchhuah lampan chuan naupang rualte chu an rawntlan duah duah mai a, chung zing ah chuan rawlthar rualte pawh telin, Sangluaia Tumpang lu phurh chu lak thlak sak in, kawngsira Hruihmul te chu an han chhat a, Mautlawn seideuh pakhat chu sat in, Tumpang lu chu Mautlawn ah chuan phuarbet in, khawlam pan chuan an zawnhaw ta luih luih mai a, an hnung ah chuan Hranga leh a naute chuan zui in, naupang ho chu an haw haw luih luih mai a, khawchhung an hanluh chuan an thawmchu mite chuan lo hria in, upa hote chuan, e he khai, kha Tumpang chu tu kahnge? tiin an han zawt a, naupang ho chuan, u Sangluaia kah a nih hi, ti a chhang in, upa Dohranga in chu an pan luih luih mai a, upaho leh nuho te chuan, he tianga Tumpang lian hi ka la hmulo, khawinge kan en chiang teh reng ang tiin naupang hnung ah chuan an zuivezelmai hlawm a
.
An thawmchu Lal in lam a ṭang pawha a hriat theih tak ah chuan, Lal Nikawlha leh a upate pawh chu Leihkapui ah chuan rawn chuang chhuak in, thawm awmna lamchu an han thlir vehlawm a, naupang ho in Tumpangsial lu liantak mai leh, a ki zumṭha em em mai an han hmuh chuan, Nikawlha chuan, Sangluaia te ram chhuak chu an rawn hlawhtling a ni maw, Tumpangsial lu chu a lianhle mai, sawtianga Tumpang liansaw ka Pasalṭha te hian an la kaplo a ni an ti a, Dohranga pawh phur tak chuan, ka tupa chuan Tumpang chu a kapta ngei a ni maw? kalteh u khai, Kaithangi pa, Kapthangi pa, Kungi pa te nen khan minrawn zuiteh u khai, ka tupa Tumpangsial kah chu a len leh leh loh te kan vachian dawn em ni? Lalpa nang pawh i bang chuanglo a nia an ti a, Nikawlha pawh in kha tianga Tumpangsial lu liankha a la hmuh ngailoh a vang in, a hmun ngeia en ve a duh a vang in, Tlangaupa hnen ah chuan, ka Rappui chung sanga ka Thlathum zu ka han chawithla rawh le, tu salu pawh nise kha tianga Tumpangsial lu lian kha chu lawmsak a phu a ni an ti a, Tlangaupa pawh in Nikawlha sawiang chuan, Nikawlha Thlathum zu chu han chawithla in, Dohranga in chu an panta hlawm a
.
Dohranga in chhung ah chuan an ri luih luih mai a, upaho chuan Tumpang lu chu an en laih laih mai a, pakhat chuan, he tiang reng reng a Tumpang lianhi kala hmungailo, a ki kak te chu a zau in, a zum ṭha hle mai, khawimaw a ki kak kar ah hian in ṭhuchhin teh ang u khai, eng zatnge a ki kar ah hian kanlen in ṭhu chhin teh reng ang u khai an ti a, midang pawh in an chak zawng tak loni in, upaho chu a ki kak kar ah chuan an han ṭhu chhin ta a, upate chu upa an nih ang in, an taksa te a lozur tawh nen, Tumpang ki kak kar ah chuan panga chu lenglo deuh in, pali chu an thawlsi a ni, a sa pawh Bawmrang lian tak tak sawmlai ah chuan rawn hnawh khat ṭan hlawm in, Tlangval chak tak tak chuan Bawmrang sawm chu an rawn phurhaw a ni, Hranga chu upa ber a ni bawk a, upaho leh, Sangluaia Tumpang kah lu rawn en tu te hnen ah chuan, Sangluai'an Tumpangsial a beih dante chu Sangluaia chhuang tak chung chuan an sawi a, upa te leh Dohranga in chhunga awmtechuan ngaihthlak nuam an tiin, Sangluaia chu huaisen an tiin, Sangluaia chu an chibai laih laih a ni
.
Nikawlha ten Dohranga in an hanluh vechuan, naupang lamte chu in chhung a ṭang chuan an chhuak hlawm a, Dohranga chuan Sangluaia lamchu pan nghal in, ka tupa i vahlawh tlingta ngei a ni maw? i pu hi i tilawm in, kava han chhuang tak che em, en teh hei kan Lal meuh pawh in i Salu rawn en tur in, a lawmna tur zubel nen arawn thawk chhuak nghal a sin, an ti lung lung a, Dohranga hian Sangluaia te an rawn hlawhtling tih an hriat khan, Tumpang chu a tupa lo chuan tu man an kap dawnlo tih a hrechiang sa a ni, a chhan pawh, a fapa te chu sala thei an nilo a, tin an kawmchhak Tlangval an hruaite pawh sa kapthei an nilo a, a fapa Rokhara ṭhiante lah Sakhi te han kapve zeuh zeuh mahse, Sakhi bak kah an la neilo hlawm a ni, chu vangin Tumpangsial meuh rawn kaptu chu a tupa a ni tih chu chiang tak in a hrenghal a ni, Sangluaia chuan Nikawlh lamchuhan hawi in, Lalpa hetiang te rawnken a ngaihlei nem an ti a, Nikawlha chuan, i salu hi lawmpui vetur cha ka ni a sin, ka khualehtui tan hian i ṭangkai zia ka hmuh hian, i chunga ka lawmzia en tirna ni nghal rawhse, khawinge i salu chu kan belchiang teh reng ang, he tiang tak maia Tumpangsial lu lianhi kala hmulo a, heichu kan pi leh pu ten a ki kara Sarzam chin an tih hi a nih ngeihi mawle, a lian in a ki te hi a va han in kheh nalh em, he tiang Tumpang lian in han kapthei chu, in beihdan te pawh hriat a chak awmhle mai, Tlangaupa khaile i zubel kha kan Pasalṭha te hi han khawn tir ta che, an ti a
.
Hranga chuan phur tak mai chuan Lal leh a upate hnen ah chuan, Sangluaia leh Tumpang in beihdan te chu hrilh in, Tumpangsial in a chilthli an thlauh khum dante chu uar taka sawi in, in chhunga awm te chuan ngawi ṭhup mai a, Sangluaia leh Tumpang in beih dan chan chin chu ngaihnawm an ti in, upa pakhat chuan, Tumpang chilthli thlauh khum chu a na an ti a sin, mitam tak chuan tuar theilo in, an na ti kha an han che zeuh a, chu tak maichu Tumpang chuan hnehsawh tak mai in, a ki zumṭha tak mai chuan a vawrh ta ṭhin a ni, tiin an losawi ve a, Sangluaia Tumpang kah chu a lian bawk in, Nikawlha khua ah chuan a ai a lian kap an la awmloh a vang in, khua ah chuan a thang chak hlemai a, khawpum mai chuan karlo ah chuan hrechhuak vek in, Dohranga in ah chuan Sangluaia Tumpang kah en chu an in luh chhawk zut mai a, Nikawlha fanu Nikungi pawh a ṭhian nu Zuali chuan han sawm in, Nikungi pawh Zuali te in ah chuan a rawn tlathla ve a, nula te rilru ah chuan Sangluaia chu a tlana em em mai a, a rawn kaltirh a, Keipui pahnih a rawn sathlum nen, tin Satkunga ral lak ah an khua chu a chhan himbawk nen, Sangluaia chu Nikawlha khua ah chuan a hming a thang in, mi tinte rilru ah chuan tlana in, nula te thinlungah ngat phei chuan a tlana em em a ni
.
Tumpang sarep chu an hansem ta a, Lal satur te chu pe in, tamtham tak chu an hansem ral a, an insem zawh meuh chuan khua pawh in thimlam pantawh in, Zuali pawh in Tumpang sarep chu chhum hluah in, zanriah a peih tawh thu chu a chhungte an hrilh a, Dohranga chuan Zual'in zanriah a peih tawh chuan keini pawh ei hma a ngai a ni, zan inlam chu salu lawm an rawnleng khawm ngei a nga, zanriah ei hma kan ngai a ni an ti a, ti chuan zanriah chu han ei in, Dohranga chuan, ka tupa i zar ah hei Tumpang sa chu kan han ei ve a ni a, ka vanlawm tak em, ka bulah hian awm rengthei la ka vanduh em, i lung thlukna chu hmula hetah ngei hian nupui han neithei la ka ti khawp mai an ti a, chu tihlai chuan Zuali chuan Sangluaia chu lo melh in, Sangluaia pawh in Zuali mit meichu hmu in, an in nuih tet tet mai a, zanriah te an han ei felmeuh chuan, khua te pawh rawnthim chiang tawh in, upa Dohranga sawi ang chuan upaho te chuan, salu lawmna tur zubel te chu an rawn chawilut ta thliah thliah mai a, hemi zan hian Sangluaia leh Rokhara pawh leng chhuak lo in, salu lawmte zing ah chuan mut hmachu an awm veta a, mut an hun chuan an pahnih chuan Zawlbuk lamchu an panta a, Zawlbuk an zuk thlen hian Tlangval te pawh in Sangluaia hi an lo zah khawp mai a, an khawchhan tu a nih maibak ah, a Tumpang kah chan chinte chuan khua a den chhuah hnem em a vangin, Tlangval te chuan Sangluaia chu an zah em em a ni
.
Zawlbuk chhung ah chuan mute an hun chuan, val ute chuan khaile i muhil tawh ang u khai an hanti a, val uten chu tianga an han tih chuan, Tlangval te pawh tumah bengchheng awm tawhlo in, ngawi reng chuan an muta hlawm a, hemi zan hian Sangluaia pawh hmatak ah chuan muhil in, mut pawh a muhil tui khawp mai, tui taka a mut hilh bawrh bawrh lai chuan, Pasalṭha hriatna chak tak mai chuan, Zawlbuk pawn lama phun thawm chuan a rawnti harh zawk mai le, Sangluaia chuan thawm chu ngai chang nghal vang vang in, a thinlung chhung ah chuan ngaih ṭhatloh na liantak mai chu rawnlut nghal in, a beng chuan eng thawm emaw tal hriat tum chuan, hmun tin kiltin maichu an ngaithla a kual a, mahse eng thawm mah chu hremailo in, muthilh lehmai chu an rilruk a, mahse a thinlunga ngaih ṭhat lohna liantak awm chuan a muthilh tir theilo a ni, chu tia a in ngaih tuahlai tak chuan thawm chu a hreta tlat mai, a thawm hriatchu mihring phun thawm a ni, pawnlam ah chuan mihring phun tawm a awm a ni tih hrenghal in, chung mihring phunte chu ral nge an nih ang a? an ṭhianten mu tawh tih harh hlau in pawnlam ah an in kawm zawk em ni ang? Sangluaia rilru chuan a ngaihtuah kual hnem hman khawp mai, a thinlung ah chuan hlauh tawn na liantak a awm a vang chuan, Sangluaia chu a rilru a nuam theilo a ni, zan boruak reh tak hnuaia Leihrik leh, Zawlbuk ral lawka Kang Kang Sava hram kar ah chuan, ngun tak chuan a beng chu an chhi kar mai a, a thinlung chuan chulai hmun ah chuan hlauhawm liantak lo thleng tura hriatna liantak nei in, a beng chu ngun taka chhi in, eng laipawha che chhuak theireng tur chuan a in ring a ni
.
Sangluaia beng chuan pawn lama phun thawmchu hreleh in, Zawlbuk pawna awmte chuan thawm an dim dan ah chuan, Nikawlha Tlangval te an nilo tih chu chiang tak chuan a hreta, Sangluaia rilru ah chuan zawhna liantak lutnghal in, chung mite chu Nikawlha mite an nih siloh chuan, tu tenge an nih tak ang? chung pawn lama awmte chuan chulai hmun ah chuan enge an rawntih ang? Sangluaia thinlung ah chuan hlauhawm a lo hnai a ni tih hria in, a mutna a ṭang chuan zawite a tho chhuak in, pawn lama phun thawm a hriatna lam chu an hnaih phei a, thawmdim leh fimkhur taka a thawm hriatna lam chu hnaih zelin, pawn lama awmte thusawi pawh chu chianglo ruai chuan a hrethei ta, pakhat chuan Zawlbuk chu hal a rawt ni ngei hian a hria a, pakhat thung chuan Zawlbuka mei chu chhawm en a, Sangluaia chu mei eng ah chuan hriat theih a in ring a ni, Sangluaia chuan hrethei a nih chuan Silaia kah a, hmunhim lam pana tlan nghal a duh a ni, Sangluaia chuan, pawn lama awmte ngaihdan chu a in anglo tih hria in, an in hnial a ni tihpawh a hrethiam nghal a ni, chung mite pahnih chu chhuah loh ve ve a, man ve ve Sangluaia chuana duh a ni, mahse pawn lama awm an nih a vang in man chu an hardawn tih hria in, eng tianga tihchi ngeni dawn tihchu an ngaih tuah vang vang a, chung mi pahnih te chu pawn lama awm an nih tlat a vang in, Sangluaia chuan fimkhur a ngai tih hria in, Zawlbuk bawhbel tawp lamchu fimkhur tak chuan a panta a
.
Zawlbuk Bawhbel leh lam tawp a ṭang chuan fimkhur taka chhuak in, Aimit thlawn ang maia zanthim hnuai ah chuan, thawn a hriatna lampan chuan a tawlh pheita hriau hriau mai le, a thim em a vang chuan a mit chuan khua hmuthei chiahlo mah se, a beng fingtak mai chuan thawm awm hlek chu hrenghal zung zung zelin, Zawlbuk pawna awm te thawm chhuahna lampawh chu chiang tak chuan a hrethei ta a ni, thim kara hmuanda awm velzet an awmhnu ah chuan, Zawlbuk tualvel pawh chu a hmuthei ta ruau ruau mai a, chhimlam a ṭanga Zawlbuk pan na kawng, Zawlbuk bullawk ah chuan mipahnih ṭhu ni awm tak pawh chu a va hmuthei tawh a ni, hmanrua eng mah neilo a nih a vangin Zawlbuk kawt chhak lamchu an pan a, chulai ah chuan thing banpuam tiat vel tel tawl, ban chan vel tura sei chu han chhar in, an hnung lam a ṭang chuan a vehta ṭhem ṭhem mai le, chu mite pahnih zinga pakhat chuan, a Silai humchu lek chhuak in, a ṭhianpa hnen ah chuan, meichher kha han chhi eng rawhle, Sangluaia chu kan hrethei mai ang an tisap a, an ṭhutna hmun a ṭanga tho chhuak chuan, pakhat chuan a meichher ken chu an chhikai ta nghal a
.
Sangluaia pawh in an hnunglam a ṭang chuan veh hnaizel in, hlamkhat bawr leka a hnaih tawh tih ah chuan, zawite hian aw an thian kharh mai a, chu mite pahnih chu phudeuh zawk in, rang lu tuk chuan an hnung lamchu an rawn hawinghal a, an hnunglam an rawn hawi chiah chu Sangluaia chuan, Silai humzawk chu a thing ken chuan a bek ah chuan an hlap chawrh mai a, chupa chu lei ah chuan tluthum nghal dawt in, pakhat chuan Sangluaia chu a meichher ken chuan an rawn hlap venghal a, Sangluaia chuan a rinlawksa a nih a vang in, pakhat in a meichher humlaia a rawn hlap chu rang taka lo hersawn san in, a hlap tupa chuan tlanchhiat san nghal an tum a, Sangluaia chuan rang taka bawhzui nghal in, Zawlbuk sir awl tlandeuh ah chuan an in bawh thlata a, chupa chuan han inchai ral ah chuan, rawlthar lian thelh thawlh, pian nalh leh chak tak mai Sangluaia chu a khanlo hel a ni, a chempui chu chuh hantum mahse, Sangluaia chuan hneh tak mai chuan a chempui chuh tumna kut chu nghet taka manbeh sak in, chupa chu a ṭhutbet hmiah mai a, an thawmvel ah chuan Zawlbuk chhunga Tlangvalte chu rawn harh hlawm in, rang taka meichher chu chhi eng nghal in, meichher nen chuan an rawntlan chhuak nghal a
.
Zawlbuk kawta Tlangval pakhat tlureng an han hmuh chuan, hepa hi tunge? tiin an han in zawt nghal a, Zawlbuk sir thlang deuha thawm awmna lam ah chuan, ṭhenkhat chu meichher nen chuan tlan nghal in, Sangluai'an Tlangval pakhat a lo ṭhut betreng chu an zuk hmu nghal a, Tlangval ho chuan, Sangluai enge ni ta? khapa kha tunge ni? khawilam minge a nih le? ti a zawt chung chuan Sangkuaia awmna chu an rawn thleng thlanghal hlawm a, Sangluaia chuan, tu te nge an nih ka hrelo a, khawi khualehtui an nih ka hrebik lo a ni, ka hriat theih chin chu, min thah tuma lo kal an ni tih chiah hi ka hria a ni tiin an chhang a, Ssngluaia ṭhut beh pa chu Tlangval te chuan Zawlbuk kawtlam ah chuan hruai chho nghal in, Tlangval zinga upa ber Aithanga chuan, Sangluai hei enge a awmzia nita le? tiin an zawt a, Sangluaia vuak tlukpa pawh chu rawn rum ṭuah ṭuah in, Tlangval ho chuan an hanpawh tho lawp mai a, Sangluaia chuan, he mite pahnih hi min rawnthah tuma lo kal an ni a, Zawlbuk pawna an thawmhi ka hria a, an hnunglam a ṭanga veh in ka man theita a nih hi an ti a, Aithanga chuan Tlangval hote hnen ah chuan, khai helai pawna awm reng chu a dik lo a ni, Zawlbuk chhung ah hian rawn hruailut teh u khai, keimah hian thu kanzawt chiang teh ang tiin, Zawlbuk chhung ah chuan a lut ta nghal a, Tlangval ho pawh in Aithanga sawi ang chuan, an mi man pahnih te chu Zawlbuk chhung ah chuan an hruai lut ta a, Rokhara chuan, Sangluai khawilam minge an nih i rin? tiin an zawt a, ka hremai bik lo, Satkunga Tlangval pawh an ni maithei a ni tiin an chhang a
.
Aithanga chuan hliam tuarlo zawk Tlangval hnen ah chuan, ṭha taka ka zawhna hi min chhanglo a nih chuan, he laia Tlangvalte hian chaih hlumche an hreh hauhlo ang le, mahse ka zawhna te ṭha taka min chhang a nih chuan, zanin a in thiltih hi kan Lal chuan a ngaidam theih ngei nan che, keipawh in ka sawipui ngei ang che an ti a, chupa chuan a bul vela Tlangval ho chu han melh kual te te in, chil lem khalh khalh pah chuan Aithanga lamchu hawileh in, i zawhna chu ṭhatak in ka chhang ang che, mahse ka thil tihchin bak chu engmah hriat ka neilo a ni an ti a, Aithanga chuan muang charh hian, helai hmun ah hian eng ti tura lo kalnge in nih le? thudik chauh ka hreduh a ni an ti a, chupa chuan Aithanga chu hlau tih hriat taka en chung chuan, a chil chu an lem khalh mai a, kapu khua ah hian ka ṭhianpa nen hian Sangluaia kap tura lo kal kan ni, chu chu kan Lal thupek a ni a, kan hnial ngamlo a ni an ti a, Aithanga chuan, in Lal chu tunge a nih? eng vanga Sangluaia chu thah duhnge a nih, han sawivek teh? an ti a, chupa chuan Aithanga zawhna chu a chhang hreh khawp mai, a ngawi vang vang mai a, Aithanga dawh theihna chuan a tlindawn lo tlat mai, i sawi duhlo a nih chuan, Tlangvalte u hruai chhuak ula, nak tukzing Ni chhuak hmulo tur in chaih hlumrawh u khai an ti a, chu veleh chupa chuan, kapu ka sawi vek ang, chu tiang chu thlenglo hram rawhse an ti a, Aithanga chuan, ka sawivek tawh kha, dawt minhrilh emaw, ka zawhna min chhang ṭha dawnlo a nih chuan, Tlangvalho hian an that hreh reng reng dawnlo che a nia, an ti leh a
.
Chupa chuan, muang ruihmai hian, kan Lal chu Satkunga a ni a, Sangluaia thah a duhna chhan chu, kan hma maia Nikawlha khua run tura a rawn thawh khan, Satkunga chu a tlawm zawk ah a ṭang a nih kha, khang zawng zawng kha kan Lal Satkunga chuan hreawm a ti in, a Pasalṭha te lo dang theitu kha Sangluaia a ni tih hria in, Sangluaia chu thah a duh a ni, kha indo na ah khan kan in hloh nualmai a, kan Lal Satkunga chu a thin a rim em em mai a, heng indo na lo chhuah chhan zawng zawng hi Sangluaia vanga chhuak a ni a, a bul tumtu chu Sangluaia vek a ni tiin, Sangluaia chu thah ngei a duh a ni, ti chuan keini hi Sangluaia that tur chuan min rawntir ta a, kan hreh em em mai a, mahse Lal tirh kan nihsi a vangin kan rawn thawk chhuak lo ngamlo a ni, kan Lal Satkunga chuan, Sangluaia chu khaw en lai chuan in that thei dawnlo a, chu vangin zana Zawlbuka a mulai in kap mai dawn nia minti a, chu vanga helai hmunhi rawn panta kan ni an ti a, Aithanga chuan, in Lal chuan Sangluaia chu a hawhle a ni maw? a chak lohna chu Sangluaia vanga thleng ah a ngai vek a ni maw? a dik a ni, Sangluaia hi Nikawlha chakna bulpui a ni a, chu mihnung ah chuan Nikawlha Pasalṭha te leh, a Tlangval rualte chuan, Nikawlha tan hian kan ṭangral raih ngam a ni tih hi in hredawn nia tiin, Sangluaia chu an ko nghal a
.
Aithanga chuan, Sangluai lo hnaiteh le, hei kan hriat ṭheuh ang in, heng mipahnih te hian nangmah thah tuma khuahi lo lut an ni a, infak thuhla nilo se, Zawlbuk chhunga i riahpui ten hian, thawm kan hriatve hauh loh in nang chuan heng mite thawmhi ilo hria a, i hringmi puite laka i chung nunzia zanin ah hian kan hmuh belh a ni, heng mite hian thah che tuma lo kal an ni a, he mite pahnih hi eng tia tihnge i duh le? i thu tlukna siam ah kan in nghat ang? tiin Aithanga chuan Sangluaia chu an zawt a, Sangluaia chuan, ka thu tlukna a in in nghat dawn a nih chuan, heng mite hian keihi min rawn thah an tumpawh a ni ngei ang, mahse Lal kan nei a, khuate lovar se, chu tih hun ah chuan Lal Nikawlha hnen thlen ka duh a ni, Lal chuan chhuah tir emaw, eng tin pawh an pahnih chung ah hian thutlukna siam mahse, Lal Nikawlha thu tawp siam ang ang chu lungawi tak in ka pawm ang an ti a, Aithanga pawh in, Sangluai i thutlukna siamchu a ropui hle mai, nj e Lal kan neia, kan Lal kuta hlan phawt hi a ṭha a ni, naupang zawk in, u zawk te beng i tivar ṭhinhi ka lawm khawp mai, khaile Tlangval te u, heng mite hi khawvar hmachu tlanchhuak theilo tur in phuar rawh u le tiin, Sangluaia chu Aithanga chuan an fak mawlh mawlh a, Tlangval te chuan Aithanga sawi ang chuan, Satkunga Tlangval pahnih te chu Hruikhau hrui chuan nghet tak in an phuarhlawm ta a
.
An mi mante an dahbo hnu ah chuan Tlangval rualte chu Zawlbuk lam ah chuan kal khawmleh nghal in, khaw var a la hlat deuh a vang in, Tlangal rualte chu an muleh hlawm a, Sangluaia pawh Rokhara nen chuan muve leh in, Sangluaia rilru chu a nuam hranlo khawp mai, khawrala kang kang Sava hramte leh, Vabak hramri te leh, dailawka chung lama Mangkhaiaralveng Sava hramri te chu mu chunga ngaithla in, Zawlbuk bul hnai te te a Leihrik hramte chuan a rilru chu luah in, zinglam khawfing chah hmadeuh chuan chhing veleh in, mumang a neita a, Tlang pakhat, tlaklam kham chheng chhe tak mai, chhuah lamchu rainuam tak mai chhip ah hian a lo dingreng mai a, chu Tlang chhip a ṭang chuan khawthlang lamchu an thlir a, khawthlang lam kawlkil tawp chu langtlang ruih in, khawthlang lam kawlkil chu a thiangmawi khawp mai, khawchhak lam an hawive thung a, a din na Tlang chu khawchhak lam ah chuan a pharh thla nuam em em mai a, ngawpui chhah leh dumdur mai chu pharh thladuai in, a din na Tlang chhak Tlang lianpui mai bulṭhut nen chuan ruam ah chuan a insu a, a din na chhak Tlang lianpui mai chuan khawchhak hawina lamchu hliah khup in, chu Tlang chhak lamchu, Tlang liantak mai chuan hualkhup in, chu Tlang ngawpui dumhring nghulh mai chuan a hualvek a ni, chu Tlang liantak chung ah chuan, chhumdum chhah em em maihi in zarpharh in, Ruahthimpui surtur ang mai hian chu Tlang chung chu Chhumdum chhah em em mai chuan khuh mup in, a thim khup nghe nghe a ni, Sangluaia chuan khawthlang lam hawi a tumleh laitak chuan rawlthar aw hian, u Sangluai rawnti hian an hria a, Sangluaia chu leh hawileh nghal in, tunge minko kha? tiin an au let a, mahse chulai hmun chu a reh vawng vawng mai a, tumah chuan Sangluaia zawhna chu rawn chhawntu an awmlo a ni
.
Sangluaia chuan, ka Beng chheri mai mai a ni ang tiin kalmai an tum a, chu tihlai chuan chu aw bawk chuan, u Sangluai ti a rawn au leh in, chu rawlthar aw chu a chau in, rilṭam tak chunga, hmunhla tak kalchau ang maia aw chau chuan a rawnko a ni, Sangluaia chuan, enge ni heta hi ka awm e, enga tan nge min tihle? tiin a mah rawnko tu chu an chhawn leh a, mahse a hma ang bawk chuan a reh vawng vawng mai a, chulai hmun ah chuan tumah awmve awm pawh in a langlo a ni, Sangluaia chuan min chhangtu an awmdah lawng maw ti a beisei nei tak chung chuan, tunge i nih le? heta hi ka awm a nia, tiin an chhawn leh a, mahse a hma ang tho chuan chulai hmunchu a reh vawng vawng mai a ni, Sangluaia chu kal an tumleh a, chu tihlai bawk chuan khawilam a ṭanga rawnri chhuak nge tih hriat loh hian, u Sangluai min hretawhlo em ni? aw chau tak mai chuan an rawnti leh a, chu aw chu a chau em em mai a, a rawnkoh dan a ṭang chuan Sangluaia chuan, a mah rawnko tu chuan chhantu a ma mawh a ni tih hria in, heta hi ka awm e, ṭanpui i ngai a mi? tiin an zawt a, chu aw chu khawilam a ṭanga rawn chhuak nge tih hriat loh hian, u Sangluai ṭanpui chu ka ngei a sin, mahse tun ah chuan kei chu chhan tlak ka awm tawhlo a ni, u Sangluai ka ngai lu tuk che a sin, kei chu inzing ah ka cheng vetawh silo a, minrawn hreve rengṭhin rawh aw an rawn ti a, chu rawlthar aw chau tak mai chu, chulai ngawpui chhung ruam ah chuan a thamral vawng vawng mai a, Sangluaia chuan a mah rawnbe tu chu chiang tak chuan a hreta, an khua a a nau ngainat em em mai, an ramchhuah loh lai chuan khawikip mai pawha a hruai ṭhin, zaidam leh nun nem em em mai Suaka aw ngei a ni tih a hreta a, chulai ruam pharhduai mai chung zawnvel a ṭang chuan, u Sangluai keichu chhan tlak ka ni tawhlo a sin, nang mah hi mangṭha tura lo kal ka ni a sin, u Sangluai mangṭha aw, min rawn hreve reng ṭhindawn nia aw tiin, chulai ngawpui chhung ah chuan rawlthar Suaka aw chu a zamral ta a
.
Sangluaia mutui laichu a harh zawk mai a, an hawikuala midang chu tumah an la tho lo a, a mutna a ṭang chuan tho chhuak nghal in, zinglam leilung langṭan tawh a nih a vang in, Zawlbuk a ṭang chuan pawnlam pan chuan an chhuak a, zinglam leilung lang ruai ruai tawh ah chuan, khawchhak lam hawia ding in, Vanlam chu an hawichho a, a Beng ah chuan Suaka aw in, u Sangluai min rawn hreve reng ṭhinrawh aw a tih rikha chamreng in, a rilru chuan, ka nau Suaka, eng thilnge i tawh tak le? he tianga ka mang lama i rawn inlartak mai le, enge chhan tlak ka ni tawhlo i tih te kha a awm zia? vanduaina i tawk ta em ni? min rawnchhang leh teh, nge ral kut ah i nun na i hloh zawk? ka nau min rawn tlawhdan hian ka ngaih i vati ṭhalo em, an ti a, Rokhara pawh rawntho chhuak in, Sangluaia awmna lam ah chuan rawn kalve nghal in, Sangluai enge ni ta le? nizan thil ah khan i rilru a nuamlo em ni? tiin an rawn zawt a, Sangluaia chuan a rilru hah na chu Rokhara chu hrilh duhlo in, nia nizan thil a vang khan ka mu meuhlo a ni, mahse tun ah chuan ka rilru pawh a nuam tawh e, tiin an chhang a, khua an rawnvar chian chuan Sangluaia leh Rokhara chuan in lampan nghal in, Rokhara pa Dohranga pawh Leihkapui ah chuan a lo chuang chhuak tawh a, Dohranga chuan Sangluaia te an hmuh chuan, ka tupa in vahma ve? tih tur in nei em ni? tiin an zawt a, Sangluaia chuan, kapu tih tur hran neilo e, kan rawnhma satliah mai mai a ni e an ti a, chumi tuk chuan Dohranga chuan, eng pawh nise nak tuk lamchu i pu Lung tun tur pawh kan lak tawhloh chuan, hei a nipawh nihnih chiah in a dalta a, kan inpuah chah zung zung a ngai a ni tiin an sawi a
.
Nithum an liamleh meuh chuan Chalkungi ṭap pawh a zia awm ta a, Suaka hi a fapa neih chhun liau liau a ni a, pa lo a hei leh chen a lo en kawltawh a nih a vangin, a fapa hi a hmangaih in, a duat em em mai a, tianga mual an liamsan maihi a tuarna em em mai a, a ṭap bang theilo a ni, Suaka boral a ṭanga nili ni ah chuan Val Upa Kapzinga chu Chalkungi ṭhenawm invel ah chuan an lengkual a, a ṭhemawm te chu eng eng emaw zawt kual in, Val Upa Kapzinga chu chumi tuk chuan, Chalkungi ṭhemawm te invel ah chuan a lengkual tuk pum a ni, tuk ṭhuan ei tur chuan haw in, tuk ṭhuan ei kham ve leh chuan, Val Upa Kapzinga chuan Kawtchhuah lamchu pan nghal in, Kawtchhuah ah chuan Tlangval khawhar inriak ho pawh an lo kim ṭhap tawh a, Val Upa Kapzinga chuan, khaile i kalnghal ang u hmiang tiin, ramlam chu an panta nghal a, he tihvel lai hian Chalkungi ṭhenawm nu Sithangi, Chalkungi ṭhian nu ber, Chalkungi kawmber ṭhin chu, Chalkungi in ah chuan chuangkai in, Sithangi chuan, Kungi vawiin chu inriak ho in ilo thlawhsak tur che in an thawk chhuak a, tuk kinzing khan kan Val Upa Kapzinga a rawn lengkual a, ilo thlawh a ngaih thu kalo hrilh a, inriak ho khan an tumsa ni in ka hria a, kalo sawita mai a nih kha an ti a, Chalkungi chuan, Sithang inriak ho chu kalo thlo tur in an chhuak a maw? a va han zahthlak tak em, eng tin nge ka tih tak ang? ka khawhar hlau in min rawn riahpui a, Tui leh Thing tuah tur zawng zawng ka lak ngailo in minlak sak vek a, ka lo lehzel chu thlawh sak ka ngailo a sin, a zah thlak em mai an ti a, Sithangi chuan, Chalkung an kalvek tawh a lawm, i fapa i sun a, lo lama feh theipawh i nih loh hi, kan Val Upa te leh, kan Tlangval te khan an tumsa hrim hrim a ni, in thlahrung duh reng reng suh, Tlangval rualte tan chuan ilo te chu rei thlawh pawh a ni nang, Chalkungi hnen ah chuan an ti a, Chalkungi chuan Sithang a ni theilo, chawhmeh nen tal ka umzui a ngai a ni, chu tiang a nih loh chuan khawtlang ah kan hawive ngam nang tiin, Buh humchu hum chhuak in, a kawtlai ah chuan Buh humchu theh in, chiri chiri chiri tiin Ar te chu an ko khawm a
.
A Ar tuilai pakhat chu an man a, he tihlai hian upaho pawh Chalkungi in a lo lentum chuan an rawnkal khawm ṭak ṭak tawh a, Chalkungi chuan a Arpui tulai chu in chhung ah chuan la lut in, Paikawng chuan an khuh a, upaho hnen ah chuan, Sithangi ho hian lo ṭhulawk rawh u aw, inriak Tlangval ten ka lo thlawh an tum a, chawhmeh tala ka umzui loh chuan a ni theilo, minlo hrethiam hram hram rawh u, lo kirleh vat kalo tum ang tiin, a insiam mawlh mawlh mai a, Paikawng chu phur in, a Ar chu an pawm a, ti chuan a lo lama inriak feh te unzui tur chuan a tlanchhuak ta nghal a, feh kawng ah chuan a tlana tlan dawr dawr in, lo pengpui chu a va thleng a, pengpui a ṭang chuan thuipawh a kal hmanlo tih ah chuan, Val Upa Kapzinga leh Tlangval hote chu a va umpha ta a, Chalkungi chuan, u Kapzing kalo min thlawhsak in tum tih kalo hria a, a zah thlak em mai, hei chawhmeh nen ka rawn umzui ringawt che u a ni an ti a, Kapzinga chuan Tlangval ho hnen ah chuan, lova kal rawh u an ti a, Tlangval ho pawh ding khawtlai lo chuan an kalve lehmai a, Val Upa Kapzinga chuan, Chalkung hetiang rawntih hi a ngai reng reng hlei nem, eng kim i hriat vek kha, kan Mizo nun phung ah chuan, khawhar an awm in, Tlangval in riakte chuan engkim kan tihsak tur a ni a, Thing tuah a ni emaw, Tui chawisak a ni emaw, an Lo thlawhsak a ni emaw, chhiat tawk an nih chuan khawhar inriak ten puih an ngaihna lai ah chuan, chhiat tawk ah nih ang in kan in tuamhlawm ṭhin kha, nang pawh hei i fapa lusun in nili ngawt mai engmah ti theilo in i awm tawh a, heihi khawhar inriak te chuan kan theihnghilh reng reng hlei nem, tin in thlahrun na turpawh a awmlo, heng chawhmeh te hi rawnken a ngai reng reng lo, i Ar rawnpawm nen hian kirleh la, i khawhar hlaua upate rawnleng love awmpui zawkta che, i tello chuan upaho chuan nuam pawh an ti nang tiin, Val Upa Kapzinga chuan Chalkungi chu a tirhaw lehta zawk a
.
Chalkungi chuan Kapzinga kalliam tur chu thlirzui vawng vawng in, Mizo tlawmngaihna hi chu a varopui tak em, kei hmeithai hian hetiang tlawmngaihna dawnhi ka phuve em ni le? Tlangvalte u ka vanlawm tak em, Chalkungi rilru ah chuan a fapa Suaka chu lo lang in, ka fapa damte in ilo puitlingve a nga, he tiang hian ṭanpui ngaite ṭanpui tur in ila penchhuak vengei ang kalo ti ṭhin a sin, mahse tun ah chuan ka thinlung lawmna ai in, ka mittui ko chhuak tu i ni tasi a maw? ka fapa he lei ah hian lo kirleh la ka vanti em, mahse ka beiseina thamral mai maw min chantir tak le? tiin Chalkungi chu inlam pan in lungchhe tak chuan a kirta a, in a vs thlenhian in chhung ah chuan upate chu an lo ṭhu khat laih mai a, Chalkungi mittui nen a lo kirleh an han hmuh chuan, lainat taka lo chiau au nghal in, a Em phurh leh, a Ar pawh chu an han lak thlak sak a, upate chuan Chalkungi chu a lo ah chuan Tlangvalte chuan a kalve phallo in, feh kawng a ṭang chuan an rawnhnar kirleh tih an hrethiam nghal a, Chalkungi chuan a khawhar hlaua upaho lo lengte hnen ah chuan, keini ang hmeithai te chuan hetianga ṭanpui hi kan phuve reng a mawn le? keini hmeithaite daikilkar a mite chu min ngaihsak lo in, min ṭanpuilo mahse vuina reng reng ka neilo a sin an ti a, upa zinga pakhat chuan, Chalkung chu tiang a nilo a sin, kan khua ah hian tumah kan in hrang ngai reng reng hleinem, hmeithai an ni emaw, fahrah an ni emaw, riangvai an ni emaw, pachhia an ni emaw, tumah hi kan in en hrang ngailo a ni, kan Lal Thangluaia chuan in en hran hi a phallo in, khawtlanga hleihneiha rorel te hi a duhlo hrim hrim a, hmeithai leh mi hnuaihnung te hmusit tu chu kan Lal hian na taka hrem a hrehlo a ni, chu vangin kan khualehtui hian kan Lal rorel danhi kan zah a, a thu awi loh hi kan duhlo a ni an ti a, Chalkungi chuan, ni e khua ah hian hunrei tak kanla awmlo a, kan Lal Thangluaia rorel danhi a hlimawm in, keini ang hmeithai tan chuan a ropuia ni, Lal ropui Thangluaia khua chauh hi a ni hmeithai te hmuhsit loh khua ka hriat chhun, vawiin ah hian ka fapa chu chan mah ila, kan Lal rorel na hnuai ah hian ka hlim in, thlamuang tak in ka awmzel ang an ti a, a betu upa pawh chuan, kan Lal hi Lal fingleh a khualehtui hmangaih em em tu a ni a, a khualehtui chhunga hmeithai pakhat pawh hian, ral lak a ṭang in an nun na an chan a nih chuan, kan Lal hian a lo thlawn in a thlirliam mai mai ngailo a ni, i fapa Suaka chunga thihna thlentir tu te ngeipawh hian, hliamtak hian an nun hi an hmanglo tawp ang le an ti a
.
Thangluaia leh a upate ho pawh a in chhung ah chuan rorel in an kulmuk khawp mai, upamin Thawmvela chuan, Lalpa i ngaihdan kha kan ṭawmpui vek che a ni, mahse eng hun ah nge chet chhuah i duh chu i thu thu ni rswhse, kan Pasalṭha Denga leh a naute pawh in, eng kim an va chian vek tawh a, hethil ah hian kan thlanglam Lal Lianthanga chu insawi fiahthei ni in ka hrelo, eng kimhi a chiang viau tawh a ni an tia, Thangluaia pawh in, he rawlthar Suaka thih nahi a lo thlawn hian a luangral lo tawp ang, mahse Suaka hi Sangluaia ngainat ber a ni a, a ngaina bertu Sangluaia tello a thawh chhuah hi ka hreh a ni, rawlthar ṭhatak mai, zaidam leh nun nem em em mai, tupawi mah sawi ngailo Suaka thihna hi, ka en liam mai mai theilo a ni, rawlthar feltak a nih a vang hian khawtlang pawh in an ui em em a, keingei pawh hian ka ui a ni, ka fapa Sangluaia ngainat em em a niha vang in, Sangluaia hi kalo nghak rilru a ni an ti a, Lianpuia pawh in, Lalpa i ngaihdan chu a dik khawp mai, Sangluaia hi khua ah hian a awm chuan, Suaka te ṭhianho nen hian an inzui chawt a niber a, Suaka te ṭhianho zingah hian Suaka hi Sangluaia pawh hian a ngaina em em a, tin Suaka pawh hian Sangluaia hi a ngaina a ni, chu vangin i ngaihdan chiah kha keipawh ka ngaihdan a ni, Sangluaia chu lo nghah phawt ni rawhse, an lo tive a, Bulthanga pawh in, Lalpa i ngaihdan kha a dik a ni, Suaka kha tu te pawh hian kan ngaina a, rawlthar feltak a ni, kan Tlangval chhuan vawr tur, tianga mikut tuara an boral maihi chu a na khawp mai, heng Suaka chunga kut lektu te hi chu rang taka zawn chhuah ngei ngei hi kan tih tur a ni, ka tupa Sangluaia chu keipawh in, lo nghah chhuah phawt chu ṭha ka ti a ni, tiin midangho thusawi chu an lo tuihnih ve a, chumi zanchu Thangluaia leh, a upate hochu menpawh an mengrei tlang khawp mai, Lianthanga khua chu runmai turnge a nih a? Lianthanga khua ah chuan Suaka that tu te chu zawn chhuah maini ang? tih ah chuan thu tlukna an siam mai theilo a ni, an lungrual danber ah chuan, Pasalṭha Denga leh a naute pahnih chu Lianthanga khua ah chuan tirhleh phawt nise, Suaka an thah danchu chiang taka hretur in, Denga leh a naute chu tirhleh an duh a ni, Lianthanga thu chhuaka Suaka chu that nge an nih a nga, Lianthanga Tlangvalho suah sual thiltih ni ang? chu chu hretur in Denga leh a neute chu tirhleh rem an ti tlang a, Lianthanga khua vapawng runtawp lo in, eng kim chiang zawka va thlithlai leh hmasak an duh a ni
.
Sangluaia pawh khawtchhuah ah chuan, Rokhara leh Zuali te ṭhiandun chuan thlah in, Zuali chuan, mikhualpa kanla thlahlel ngawih ngawih che a sin, la hawlo maila kanve ti em, mahse helaia awm reng thei i ni silo an ti a, Nikawlha fanu Nikungi pawh in, zak chung chung chuan, Sangluai lozin lehvat rawh aw, chiangtak pawh in kanla in kawm hman silo a, ilo kalleh hun ah chuan min kawmve duhtawh ngei ang chu an ti a, Sangluaia chuan Zuali te ṭhiandun chu en vang vang in, ka kawm duhlo che u a ni hleinem, nang mahni in minkawm duhlo zawk a nih kha, ni e kalo kalleh hun ah chuan mikhualpa hi minkawm duhtawh ngei ka beisei an ti a, Rokhara pawh in, Sangluai i theih chuan ilo kalleh vat dawn nia, i lak a ṭangin thiltam tak ka zirchhuak a, zir tur tam tak kala nei a ni, ilo kalleh ngei a ngai a ni an ti a, Sangluaia chuan, ni e ka remchan veleh ka rawnkal leh dawn nia tiin an invai liamta a, Zuali te ṭhiandun chuan Sangluaia lan theih chhung chu thlir in, hnuk ulh ṭeuh chung chuan inlam an panta a, Sangluaia thinlung ah chuan eng dangmah a leng tawhlo a ni, a mumanga Suaka a hmuh kha a rilru a nuam theilo a, in lamchu thlen thuai thuai a duh a ni, a hawlam ah chuan Rokhara kawng hrilhna lamchu an zawh a, chulam chu a hnaiber a, mahse Dangvela khawdai paltlang a ngai thung a ni, Sangluaia hi a hman hmawh em a vang in, thlenhma theihna a nih chuan Dangvala khawdai paltlangmai pawh chu a hrehlo a, chu kawng chu zawh in hman hmawh tak chuan an khawlam chu a pan a ni, tlailam Ni tlak hmadeuh ah chuan Dangvela khawdai chu thleng in, hawi khawmuanglo chuan kaltlang zelchu an tum a, mahse khawdai lawk a nih a vang chuan, khawdaia Tlangval sawmrual vel, ramvak hawte chuan lo hmu in, hei nang kha i va hman hmawh ve, khawilam nge pan i tum? tunge i nih? tiin an rawn zawt a, Sangluaia chuan chhanglo a kal tlang ngawt maichu hreh deuh in, ni e hei ka hmanhmawh deuh a, hlatak pantur ka ni a khawmuang thei ka nilo a ni tiin, an chhang a, chung zinga upaber chuan, Tlangval i pantur khua chu kan hrelo a, mahse hei khua a tlailam a ni tawh a, lo chawl chho veteh khai an rawn ti a
.
Sangluaia chuan, kapu ka hman hmawh em mai, ka kalphawt mai a nge tiin an chhang a, chutia Sangluai'an a chhang chu, Dangvala Tlangvalte ngaihdan a nilo tawp mai, pakhat chuan, hei nang rawlthar kha ai a upa zahna i va neilo awm ve? midangte pawh chuan, i hman hmawh dan ah khan eng emaw hlauh i nei a ni, kan khua ah hian thiltih sual i nei a ni ngei ang, kan hriathma a in thiatfihlim i tum a ni maw? an rawnti hlawm a, Sangluaia chuan, khuahi paltlang tum mai kani a, Nikawlha khua a ṭanga lo kal kani e, an ti a, Dangvela Tlangvalte chuan Sangluaia thusawi chu an awihsak duh talo tawp mai, chungho zinga upa ber chuan, helai ah hian lo chho teh, i thusawi kha dawtnge thutak a nih pawh kan hrelo a, kan ral pawh iloni reng thei a ni an ti a, Sangluaia chuan, kapu ral ka nilo a, Nikawlha khua a ṭanga rawn chhuak ka ni e, engmah buaina ka duhlo a ni, ka hman hmawha min kaltir mairawh u, tiin an dil leh a, chu tia Sangluai'an an dilphei chuan, Dangvala Tlangvalte chuan Sangluaia thusawi chu an awihsak lo tulh tulh tamai a, Tlangvalho chuan, ral ngei i nih hi, kan laka him i tum a vangin dawt i sawi a nih hi tiin, Sangluaia chu an rawnhual ta mai a, pakhat phei chuan Sangluaia Beng chu rawnpiai sak in, tunge i nih tihpah chuan an namher sawk mai a, Sangluaia chuan, min kaltir rawh u, ka sawi ang khan, Nikawlha khua a ṭanga lo kal kani a, helai hmun ah hian engmah tih tum ka neilo, kapu ka hman hmawh a ni, min kaltir rawh u tiin an dil leh a, mahse chungho chuan Sangluaia chu an ringhlel tulh tulh mai, pakhat chuan a chhipsam ah chuan rawn ṭham in, nang rawlthar hian kan zawhna kha min chhang duhlo a maw? kan khualehtui en thlatura helaihmun hi rawnpan i ni, tunge i nih sawi rawh? tiin an vindeuh ṭhuai mai a, Sangluaia chuan, vawikhat chiah ka sawileh ang, helai hmun ah hian buaina siamtura lo kal ka nilo, ka hman hmawh a ni an tileh a, chu tianga an ṭawng a vang chuan, Dangvela Tlangvalte chu an thinrim tulh tulh mai a
.
Pakhat chuan, naupang te te i van ṭawng chaltlai em, tiin Sangluaia Hnar chu rawnpiai sak an tum a, Sangluaia dawh theihna chuan tlinbik tawhlo in, chupa banrek ah chuan rang taka lo mansak in, chupa ban chu natak chuan a veilam ah chuan an paihṭhuai mai a, chupa chu a veilam ah chuan painawk in, a tlu ṭhelh nghe nghe a, chu veleh an zinga a upaber chuan a Silai chu rawnlek chhuak in, Sangluaia tin reng chung chuan, tunge i nih? helai hmun ah hian enge i rawn tih? i sawiloh chuan ka kap ngei ang che, an rawn ti a, Sangluaia chuan hlauhna chhete mah neilo chuan chupa lamchu pan in, min kapta che, tiin chupa Silai kawhmawr hmachhawn chung chuan a panta chher chher mai le, Silaia tintu chu hnai taka din chilh in, min kap ta che an tileh a, chu tihlai chuan a hnunglam a Tlangval pakhat chuan Sangluaia chu rawnveh phei in, a in rinloh laia rawn bawh thut a tum a ni, mahse hnung lama mit nei ang maihian Ssngluaia chuan lohre vek in, a hnung a miin a rawnbawh chiah chuan a veilam ah chuan hersawn zeuh in, chupa rawnkun tukhum ah chuan an nam nghek mai a, chupa chu lei ah chuan bawk thlawrha tlu in, a tlukpah chuan a ek ṭhawt mai a, Tlangval pakhat chuan, mai mai a che, i thiltih dan chuan min vathamlove tiin, chupa chuan Sangluaia chu a chempui hum chuan rawnsah an tum a, Sangluaia chu rang lu tuka kunhniam nghal in, chupa chuan a rawnvai ṭhelh thuak mai a, Sangluaia chuan chupa rawnher remleh hmachu rang taka chuh in, chupa rawnher lehtur chu rang taka bawh pheinghal in, a chempui humna banrek ah chuan nghat taka vahum in, a kut veilam chuan chupa nghawng ah chuan na taka kuai sawk in, Sangluaia chuan a kawih nat em a vang chuan, chupa chu a thaltawp mai a, chu veleh Dangvela hote zinga upa ber chuan, a naute hnen ah chuan, hepa hi ral a nih hi that rawh u khai tiin, a Silai chu lek kawh in, Sangluaia lamhawi chuan an hmet puak ṭhuai mai a, Sangluaia chu Silai in a tinrual chiah khan, a veilam sirah chuan persawn dawrh in, Silaimu chuan a rawn ṭhelhfua mai a
.
Chu tianga an upaber in a tih tak ah chuan, Sangluaia pawh in fimkhur zual a ngai tih hria in, chungho pawh chuan rawnhual beh an tumnghal a, Sangluaia chuan in hualbeh tirchi a nilo tih hria in, rang lu tuk chuan chungho kar a ṭang chuan tawlh chhuak nghal in, a chempui chu a iptepui a ṭang chuan an phawrh chhuak venghal a, Dangvela Tlangval hote chuan, chu rawlthar chetdan ah chuan ralbeih thiamtak a ni tih hrenghal in, an zinga upaber chuan, fimkhur rawh u aw, he rawlthar hi kan zuam ang ngawta awlsam a ni dawnlo a nih hmel, kan fimkhur viau a ngai ang, tin hei keini hi sawmrual lai kan ni a, a ni hi pakhat chauh a ni a, keipawh khan ka tisual a ni, a lak ah hian Silai kan hmang tur a nilo, rawlthar pakhat mai laka Silai lek hi a zanthlak a ni, chu vangin tuman Silai lek loh tur an ti a, Dangvela hote zinga pahnih te chu hliam tuar chiahlo mahse, Sangluaia khan a khawihsil hman a vang in, an ṭhiante rualpawh rawn pawlve theilo in, an ṭhiante chu an hnung lam ah chuan an rawn zuive a ni, Sangluaia chuan, vawikhat chiah ka sawileh ang, helai hmun ah hian buaina siam tura lo kal ka nilo a, min kaltir rawh u, helai hmun ah hian Thisen a chhuah hmain min kaltir rawh u khai, tiin an dil leh a, mahse chungho zinga upaber Dohranga chuan, Tlangval keini hi min rawn en thlatur nilo la chuan kan zawhna kha ṭhatak in minchhang ngei ang, i hming leh i kal natur i sawiduh loh dan ah hian, kan hmelma chiang tak in i ni tih hi kan hria a ni an ti a, Sangluaia chuan, ka hmelmate in nilo a, mahse nang mahni hian hmelma a min en tlat chuan in thu a ni e, kawngchu minkian theilo em ni? an ti nawn leh a, Dohranga chuan, Tlangval helai hmun a ṭanghian talchhuah tirche kan tum reng reng lo che, vawiin tlai Ni tlatur hian, i damlaini chu liampui rawh se, khaile naute u minti khawtlai a nia, finkhur deuh khan che ula, he ralhi a lu hi hanla teh u khai an ti a, chu veleh Dohranga hote chuan an chempui chu lek chhuak in, Sangluaia lam ah chuan an rawntlan ta nghal a, Sangluaia rilru ah pawh, chu tianga min thahduh tlat in nih chuan le, kan nih nih kan nitur a ni e tiin, ri ringtak chuan chungho chu a lo hmachhawn ta a
.
Pahnih rawntlan hmasate lam ah chuan Sangluaia chu zuang dawk pheizawk in, chu mite pahnih chuan Sangluaia chet lak danchu an rinphak bak ni in, an lam hawia Sangluaia an rawnzuang pheihi a ran em a vangin, saseng pawh an in saseng hmanlo a ni, a chempui chuan a dinglam zawk pa khingkhang ruh bawrah chuan an sat ri chawk mai a, a veilam zawka rawntlan pa pawh chu a hamhaih em a vanga in sa seng hmanlo in, Sangluaia chuan rang lu tuk chuan a chempui chu an vaileh nghal in, chupa rawnhawi chiah chal bawrah chuan an losat leh chawrh mai a, chupa Luruh chu keh ri rawp in, lei ah chuan a tlu ridawp mai a, Sangluaia chu rang taka tawlh hnungleh nghal in, Dohranga chuan a naute hnen ah chuan fimkhur rawh u, kha rawlthar kha a chetdan a ṭang khan ralbeih thiamtak a nih kha, fimkhur nasa rawh u an ti a, Sangluaia chempui hmawr a ṭang chuan Thisen chu far kauh kauh in, a hmalama awmte chu chiang taka en in, a hmalawka ding hote chet lak chu, an puitlin tak tak hma a lo khalh zat zat theitur chuan, chungho chu hmakhlah zar zar a tum a ni, Dohranga naute zinga pakhat chuan, an ṭhiante Thisen chhuak an hmuh chuan, a thinrim lu tuk chu insum zolo in, Sangluaia lamchu panhnai zel in, nang fasawn pa, ka ṭhiante i that a maw? khawnge kan that venghal teh ang che tiin, a chempui humchu leksang nghal in, Sangluaua chu sahthluk tawp tum chuan an vai a, Sangluaia chu lo kun hniam in, a chempui humlai chu na taka han vai ve pawp in, chupa dulchu a thler duai mai a, chupa chu ṭhingṭhi nghal rawp in, a dul thlerduai a ṭanga a ril lo chhuak chu Lei ah chuan tlachhuak nghal hnuang in, Sangluaia chempui chu rangtak mai chuan an rawn thlawk leh a, chupa nghawng chu chhum hmawk in, a nghawng bung a ṭang chuan Thisen tlarlam tak mai chu a rawn chik chhuak ṭhawt ṭhawt mai a, pahnih chuan Sangluaia lamchu rawnpan lehnghal in, a chempuia Thisen kaihnuang mai chu far zawih zawih a hum in, a mah rawnpan tu Tlangval pahnih lamchu an hawileh nghal a, a mah rawnpan tu Tlangval pahnih te pawh an fimkhur tawh khawp mai, an hma a ding rawlthar chu ralbeih thiamtak a nihzia a hmutu an nih a vang in, Dohranga naute pahnih chu an fimkhur dun a ni, muang chang chuan Sangluaia chu rawnveh hnaizel in, Sangluaia pawh a din na ngai ah chuan che maihlo chuan ding reng in, a chempui humlai chhip a ṭang chuan Thisen chu a far kauh kauh mai a, chungho lak ah chuan chetsual a tumlo hle a ni
.
Hlamhnih awm vela Sangluaia awmna an rawn thlenglo tih ah chuan, an pahnih chuan Sangluaia chu an rawn bawh thut mai a, mahse Sangluaia chu englai maha in thlahdah lo a nih a vang in, chu mite pahnih in an rawnbawh pawhchu a lo rindansa niin, chu mite pahnih lak ah chuan engmah harsatna a neilo a ni, an rawnbawh rualdeuh thaw a rang chuan Sangluaia chu an kun hniam nghal a, chu mite pahnih chu in hnaih te a lo kaldun an nih a vang in, Sangluaia kunhniam chuan an kawng ah chuan a ban ding leh vei chuan kuah thut in, rangtak mai chuan an hnunglam ah chuan an nawr thut mai a, chu mite pahnih chu Sangluaia chet dan chuan a barakhaih em a vanga in ringhmanlo in, bantha chak tak mai in an hnunglama an nawr tak thut ah chuan, ṭanghmanlo in an tlu zangthal ṭhuai mai a, Sangluaia chuan a thawhpah chuan a chempui chuan pakhat bek ah chuan han sah sak in, chupa bek chu a richawk mai a, Thisen chu rawn chhuak nghal zawih zawih in a che chhun zawm theilo a ni, a veilam zawka michu rang tak chuan in saseng nghal an tum a, mahse an hma a ding rawlthar chu an hrechianglo a ni, Keipui thazat vanglai ai pawha ṭuanrang leh zamṭha zawk lak ah chuan, chung mite tan chuan beisei tur a vang a ni, a veilam a mi chu a dingchhuak hmanṭep tih ah chuan, Sangluaia chempui Thisen kaihnuang maichu rang taka rawn thlawk dawk zawk in, chupa in saseng tumlai ring chu a rawn rino chawk mai a, chupa ring chu chhum lek lek in a Lu chu a uai thlep nghal hnawk mai a, Sangluaia chu rang taka rawnding chhuak nghal in, a hma hlamnga vela Tlangval pahnih dingchu dingtak chuan an melh nghal a, Dohranga pawh an hnung deuh ah chuan ding in, a hma a rawlthar dingchu dingtak chuan a rawnmelh a, Sangluaia hmalwka Tlangval Tlangbal dingte chuan, an hma a rawlthar dingchu mi namai a nilo tih hria in, an hnung tawlh ta hret hret mai, Dohranga chu rawnkal hnai in, a naute pahnih hma ah chuan an rawnding a, Sangluaia chu eng vang vang in, Tlangval tunge i nih le? khawi khualehtui nge i nih? tiin an zawt a, Sangluaia chuan, khathu kha minzawt ngunta hlemai, keihi Nikawlha khua a ṭanga lo kal kani a, kapa chu Thangluaia a ni a, ka hmingchu Sangluaia a ni, kan khawlam pantura kal kani an ti a
.
Thangluaia hming an rik tak ah chuan Dohranga leh a naute pahnih chu an meng kawk kawk mai a, Phung hmu ang hrim chuan Sangluaia chu an en tlawk tlawk mai a, Dohranga chuan a naute bulah chuan, kan ngamloh val kan tawng a ni, kan tihloh tawp tur kan ti a ni an tisap a, Sangluaia chuan, ka hman hmawh a ni, kawng min kianrawh u an tileh ngat a, chu veleh Dohranga chuan, Tlangval lo kalrawh khai, kanlo tisual a ni, nangni nen hian buaina neih kan duh reng reng lo a nia, lo kalrawh kan dallo che a nia an ti a, Sangluaia pawh in Dohranga sawi ang chuan, a sira a Silai dahchu hanla in, a chempui chuan a Silai dahna bula Maubul chang chu hansat in, a leh lam leh lam chu zumhriam vat in an zum a, Sangluaia chuan a Silai chu ak in, a iptepui pawh chu remtak chuan an ak a, hman hmawhlo taka kal in, Dohranga leh a naute chu an kalpel a, a Maubul chang kenpawh a dinglam chuan nghet tak in a la hum a ni, Sangluaia thinlunga hlauhthawn na liantak awm chu reilote ah chuan a rawn in irh chhuak nghalreng a ni, hlamnga awm vela an kalpel tih ah chuan, Sangluaia chu a veilam ah chuan rangtak mai chuan zuang dawrh in, Dohranga Silaimu rawnthlawk chu a rawn thawfur mai a, Sangluaia chu lo zuangsawn hmanlo niseng chuan, chiang tak in Silaimu chuan a verh ngei ang, Sangluaia zuang sawng chu in binzawk in, a rawntho chhuak leh chu a kut dinglam a ṭang chuan rang lu tuk hian, Maubul chang zumhriam lu tuk maichu rawn thlawk chhuak in, Dohranga hrawk ah chuan a rawnlut hrawih mai a, a chempui chu hum chhuak nghalin, Dohranga te lam ah chuan an tlanphei nghal a, Tlangval pahnih te chu rang taka tlanchhe nghal in, Sangluaia chuan umzui duhlo in, Dohranga hrawka Maubul chang lutvurh maichu an phawi sak a, Thisen lumlai chu rawn chik chhuak ṭhawt ṭhawt in, Dohranga chuan mak ti em em a Sangluaia chu a hrawk hup chung chuan en in, Sangluaia chempui chu an thlawk phefua mai a, Dohranga nghawng chu chhum hmawk in, Thisen lumlai chu a rawn chik ṭhawt ṭhawt mai a, Sangluaia chuan zawisap hian, min nawrlui lo lang chuan hetiang tih hi ka duh bik lo a sin tiin, hman hmawh tak chuan chulai hmunchu a kalsan ta nghal a
.
Khua chu a tlaitawh a vangin Sangluaia pawh chu a hman hmawh tawh khawp mai, hman hmawh taka kalzel in, Tlang pakhat hi a vachuang chhuak hlawl in, chulai Tlanga ṭanga lang thei thlanglam chu an thlirthla a, hman hmawh tak chung chuan Tlangpang ah chuan chhuk thla in, tlaklama ruam chu a panthla ta a, ruam a zuk luh chuan luite awm nalai zawng nghalin, karlo ah chuan luite pakhat hi a vapawh ta a, chu luite kam ah chuan riahbuk tur te chu han zarnghal zung zung in, a riahbuk tur a zar zawh ah chuan, zanriah tur an buatsaih nghal a, khua a thimfel tih ah chuan zanriah pawh ei nghal in, buk kawta a meipui chheh en hluai bulah chuan an ṭhu a, Suaka chung chang chu ngaihtuah vang vang in, a thinlung leh a rilru chu a nuam theilo a ni, mahni chauh a nih a vang in reipawh ṭhulo chuan buk lamchu an panta a, Sangluaia chu a khawhar ru khawp mai a, a nau Suaka a ngaihtuah a vang chuan a khuachu a har a ni, a mah chuan a buk chhung ah chuan mureng in, a rilru pawh a kalthui khawp mai a, chu tihlai chuan a buk bulvel ah chuan, hmakhawsang a ṭanga siamtu loduansa te chuan, an thiamna leh, an theihna te chu rawnpho chhuak in, zanlama hramchi te chu an hram chiah chiah mai a, Leihrik te chu buk bulvel ah chuan hram chiah chiah in, Thlangdeuh ah chuan kang kang Sava chu a rawnhram lauh lauh bawk a, kang kang Sava hramchu Vabak chuan rawn chhawn ni awm tak chuan, thlangdeuh ah chuan a hramve chur chur bawk a, Vabak hramchu Chingpirinu chuan a thikve ni awm tak chuan, chhak lam ah chuan muangruih maihian a lo hramve dut dut bawk a, chung Sava hramte chuan Sangluaia chu awi mut chhuak in, karlo ah chuan tui tak chuan a muhilta bawrh bawrh mai a, a kalchau baek nen, kawnga Dohranga leh a naute ho a hmachhawn bawk nen, Sangluaia chu a mutui khawp mai, khawfing a rawnchah muh chuan Sangluaia pawh rawn harh hlawl in, a mutna hmun a ṭang chuan a tho chhuakta nghal a, a buk kawta meipui chheh, thiruap tawhchu han chhawm nungṭha leh in, tuk ṭhuantur chu a buatsaih ta nghal a, khua a rawnvar chiana, Ni a rawn chhuah meuh chuan, Sangkuaia chuan tuk ṭhuan chu peihfel vek tawh in, khua chu chawhma lama thlen ngei a duh a vangin, hmatak chuan tuk ṭhuan chu a ei ta a
.
Khawfing a rawnchah meuh chuan, Chalkungi chu muthei tawhlo in, hmatak ah chuan an tho chhuak a, leilung an rawnlan theih meuh chuan, vengtin ah chuan nula Buh deng thawmchu hriat tur awm tawh in, nula Buh deng thawmchu a in chhawn tluk tluk tawh mai a, tleirawlte pawh Tui um phur in Tuikhur lampan chuan an tlan dat dat hlawm a, rawlthar rualte pawh daihnaia an Thangkam, Beai te leh Sahdal Thang an kamte, tin tlema liandeuh tawh te chuan Sakhi Thang an kamte chu en tur in an inzui chhuak diah diah hlawm a, Chalkungi chuan chung a fapa ṭhiante ho Thang en tur an hmuh chuan, a lung chu a leng in, a fapa chu a ngai ngawih ngawih mai a, chumi tuk chuan tuk ṭhuan eirel pawh harsa a ti khawp mai, Suaka ṭhiante an hmuh chuan, a rilru chuan thuitak dap in, ka fapa ka in nghan na neihve chhun i ni a sin, i lenrual te ka hmuh hian ka ngaihche hi a zualin, nangmah ngaihian ka mittui hi a tlalo theilo a ni, i tet te a ṭangin ka theih tawk ah, kehthei dawma ka dawm che i ni a sin, min boralsan maihi a na kati a ni, i tello chuan hunte a kalzel ang a kan kumte a lotam in, kan vanglaite hian minla liamsan dawnsi a, chutih hun ah chuan ka fapa i awmloh chuan, tunge ka belh vetak ang a? tu hnen ah nge ka mang an na te leh, ka phur rit te ka thlentak ang le? tiin a Tapchhak zawlah chuan Chalkungi chu a insut a insut mai a, chumi tuka zing Ni chhuak chuan, Thangluaia khuachu rawnchhun eng no nghulh in, mitin maichu an hlim in, an hna ah chuan an phu suau suau mai a, daihnai Thing sang tak tak lera Ni lum lawm, save te tepawh chu hlimtak chuan an chiar nak nak mai a, naupang tualchai rualte pawh zing Ni chhuak lawm chuah khawlai ah rawn chhuak in, tlema liandeuh te chuan, Kalchhet sang pui pui a rawnkal in, khawlai ah chuan an han in tlansiak hlawm a, naupang tualchai rualte chuan, an u te Kalchheta in tlansiak te chu en in, chung naupang te chu an in lam ah chuan tlanhaw nal nal hlawm in, an pate hnen ah chuan Kalchhet chu siamve tur in an han ngen vehlawm a, Thangluaia khua chu an hlimtlang in, chu khaw Lal nih pawhchu a nuam in, a hlimawm khawp ang le, mahse chutia mi zawng zawng an hlimlai chuan, chu khua ah chuan hlimve theilo mipahnih an awm a ni, pakhat zawk chu Suaka nu Chalkungi ni in, pakhat leh chu, chu khaw Lal ngei Thangluaia chu a ni
.
Thangluaia chu a Tapchhak ah chuan ṭhu in, a upa te chuan an hualṭaih mai a, Denga leh a naute an tirhte pawh rawnkir tawh in, Denga chuan Suaka thihdan chung chang ah chuan, Zaupui khaw Lal Lianthanga chu a bul tumtu ber a ni tih vahria in, Suaka chu Lianthanga thu hmua thah ngei a nih thuchu an rawn sawi a, Denga chuan, Lianthanga chuan a khua ah chuan, Thangluaia mileh sate chu hmuhna a pianga thah tur tiin a puang a, chu vanga Suaka pawh kha Lianthanga mite khan that an loni a, heng thu hian Thangluaia chu a rilru a ti hah em em mai a, a upate hnen ah chuan, Lianthanga pawihi enge kan sawi tak le? ramri ah lah buaina engmah kan neilo a, tin kan mileh sate thah duhtur khawp hian a eng pawinge kan sawile? khaw ṭhenawm in huathi ka duhlo em em a, mahse vawiin ah chuan Lianthanga chuan ka khaw milehsa ngei minthah sak a, a lu pawh Thingler ah an tar a nih kha, khaw ṭhenawm in runhi duhlo viau mah ila, ka tihngei a ngai a ni, ka mite hi ralkuta an thihbo mai mai hi ka phallo in, hmeithai fapa kut an thlak hian ka rilru a khawihna a ni, chu vangin Lianthanga khua chu kan run ngeitur a ni ang, mahse ka fapa Sangluaia hi ka sawitawh ang khan, lo nghah hram hram ka duh a, vawiin lam emaw, nak tuk lam emaw hi chuan a lo thlentawh ka ring a ni an ti a, upa hopawh in, Lalpa chu tianga Lianthanga thu hmungeia kan mite thah an nih chuan, Lianthanga khua chu kan run ngei a ngai a nih chu, mahse i sawi ang khan, Sangluaia chu lokir phawtse, a lokir veleh kan thawk chhuak dawn nia an hanti hlawm a, tuk ṭhuan ei te an hun chuan, upa hopawh tuk ṭhuan ei tur chuan ṭindarh ta hlawm a, Thangluaia chu a Leihkapui ah chuan chuang chhuak in, khawchhak lamchu an thlir vang vang mai a, zawite hian, ka fapa lohaw tawh ta che, i nau Suaka hi i lainat velo em ni? an ti a, tuk ṭhuan ei tur chuan in chhung lam ah chuan a lut ta a, tuk ṭhuante chu tui ti taka an ei hnu ah chuan, Thangluaia chu a Leihkapui ah chuan ṭhu chhuak leh in, karlo ah chuan upa hopawh rawnleng khawm leh ṭan in, chu mini chuan Lianthanga khaw run dantur sawiho chuan hun an hmang ta a
.
Chaw chhunfak hun awmvel ah chuan, Thangluaia Luhkapui chu rawn raptu an awm tih hriat tak mai hian a chik ṭawt mai a, kawngkhar chu rawn in sawn hawng in, upaho chuan kawngka ah chuan tunge rawnlut dawn tia, kawngka lamchu lo thlirṭhap in, kawngka ah chuan Sangluaia hmelchu a rawnlang nawlh mai a, Sangluaia hmel an hmuhtak ah chuan upaho pawh an hlimtlang khawp mai, tin Sangluaia nubSangtei ngei pawh chu a hlim a ni, a fapa chu lo chhawn nghal in, a iptepui te chu lo lak thlak sak in, ka fapa i han tluang em? i pu te chu an damtlang maw? tiin an zawt nghal a, pi Satpuii pawh in a tupa lo haw chu hlimtaka lo lawm in, a pute chan chin velchu an zawtve a, Thangluaia pawh in a fapa an hmuchu, a thinlung tawt lu tuk te chu kianghuai hian a hria a, eng eng emaw sawia an ti ti hluthnu ah chuan Bulthanga chuan, ka tupa lohnai teh le, thu lawm awmloh tak mai hrilh tur che ka nei a ni, rawn thleng chauh pawh ni la, i hriat tur tho a nih a vangin, engkim hrilh nghal chehi a ṭha in ka hria an ti a, Sangluaia chuan a pu Bulthanga lamchu pan nghal in, kapu eng thilnge nita le? tiin an zawt a, Bulthanga chuan, ka tupa hrilh che chu kan hreh a ni, mahse mika a ṭanga i hriat dawntho a vangin, ka sawi ang khan thu chiang takhi hriala ka duh a ni, kanhma ninga liamta ah khan i nau, nangmah ngaina em em tu leh, nang pawh in i ngainat em em mai, kawng eng kima i kaih hruai ṭhin Suaka kha thah a ni a, a lu chu thingler ah khaisak ni in, a taksa chu a lu an tarna Thing bulah chuan dah a ni a, i nau chunga kut thlaktu te chu Lianthanga Tlangval te an ni a, an Lal Lianthanga thu hmua ti an ni awm e, he Suaka thihna chung chang ah hian hei rorelna kan nei meka, i nau chung chang chu ka hrilh hriache a nih chu an ti a, Sangluaia chuan a hlauhthawn ang ngei a ni tih hria in, a thinlung chu a na hlemai le, engmah pawh sawilo chuan muang changa rawnding chhuak in, chu rawlthar thinlung na tak mai chuan kapa an ti a, in chhung a ṭanga chhuak chuan, Suaka an phumna lam Thlanmual lamchu a panta nghal a
.
Thlanmual a zuk thlendawn hian Sangluaia chuan ṭap thawm hria in, chulam chu an hawinghal a, Thlan vungthar tak chunga Suaka nu lungchhe taka a ṭap chu a hmuta a, Chalkungi ṭap thawm chuan Sangluaia rilru chu a khawihna khawp mai le, ka fapa vawikhat tal i hmel hmuh leh ka van chak em, he tianga mikut tuar tur khawp hian ka ring phallo che a sin, thei nive ilang zawng i chunga he tiang ti tu te lu hi i thlan chung ah ngeihian ka rawndah vetur, mahse kei i nu hian chu chu ka tive thei silo an ti a, chu ṭawngkam tak chuan Sangluaia thinlung chu a khawihna kher mai le, Suaka thlan chu thlenglo in, vanlam chu an thlir vang vang a, ka nau hetiang hi i tawh vang a ni maw, min rawn hreve reng rawh i tih kha? ka nau ka theihnghilh tawplo ang che, i chunga hetiang ti tu te hian an thiltih hi an ngaihtuah chianglo a ni, ka nau i lu latu lu chu i thlan ah hian ka rawndah vengei ang, chumi ka tih hlawh tlinhma chuan ka chawl ngailo ang, i chunga kut lektu te hian hremawlh rawhse, Keipui hliamchu an tawng kawlh a ni tih hi hremawlh rawhse tiin, a mittui chu khap per sawk in, inlam pan chuan a kalta nghal a
.
.
DUHTAWK LEHRIH PHAWT ANGBU AW
REMCHAN VELEH KAN CHHUN ZAWMLEH DAWN NIA
.
.
Hman hmawhlo in minlo nghak hram hram ṭhindawn nia
.
.
[Lalzirliana Tochhawng] [Champhai Tlangsam]

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 26th, 2018, 5:24 pm

................ PASALṬHA THANGLUAIA (223) ...............
.
.
Sangluaia chuan thinlung na tak chungin in lam chu a panta a, in a hanluh hian upa ho chuan an lo en ṭhap mai a, Sangluaia chu a pa hma ah chuan ṭhingṭhi in, kapa Suaka boral dan hian ka thinlung a tina a ni, hetiang rawlthar zaidam leh, tupawi mah sawilo hian, hengho lak ah hian a thihna tur khawp thilsual a tih hi ka ring theilo a ni, kapa rem i tih chuan ka nau thihdan chung chang hrechiang tur hian Lianthanga khuahi pan nghal ka duh a ni, an ti a, Thangluaia chuan, ka fapa Nikawlha khua a ṭangin ilo kirleh chauh a ni a, chu tiang rum rum te chu i chau lutuk a ngasin, an ti a, mahse Sangluaia chuan, kapa ka rawnhawn hmakhan mumang ka nei a, chu ka mumang ah chuan Suaka hian, u Sangluai keichu chhantlak ka ni tawhlo a, mahse min rawnhre vereng rawh aw tiin min rawntlawh a, a tir chuan ka hrethiamlo hle a, mahse kapa a lo hetih vang a ni tih hi ka hretawh a, a hnen ah chuan, ka nau i chunga hetiang ti tu te luhi, i Thlan ah ka rawndah hmaloh chuan ka chawl ngailo ang tiin ka in tiam a, tin Thlan ah chuan a nu chu Suaka Thlan chung ah a lo ṭap ka zuk hmu nghe nghe a, a ṭah hla ah chuan, ka fapa thei ni ila chuan i lu latu te luhi, i thlan ah ngei hian ka rawndah vetur, mahse chu tiang ti tur chuan i nu hian engmah ka tive thei silo, tiin a lo ṭap a, kapa Suaka te nufa hian i khualehtui ah hian chhantu leh hmangaih tu chu an nei tih hi ka hria a ni, chu vangin vawiin ni ngei hian penchhuah nghal ka duh a ni, tiin Sangluaia chuan a pa chu an dil a
.
Sangluaia dilna chu Thangluaia thutlukna siamtur a nih a vangin, upa hopawh an ngawi ṭhup mai, Thangluaia pawh chu ngawi vang vang in, ka fapa i rilru turchu ka hrethiam e, heivang tak hian a ni kalo nghah na chhan che ni, he khualehtui hian Chalkungi te nufa hi kan hmangaih a, he khualehtui chhunga hmeithai, pachhia leh fahrah te, riangvai leh chanhai te hi tuma hmuhsit ka phallo a, chung mite chuan hmangaihtu an nei a ni, ka fapa i duhchu ka hria a, i thinlung nat na chhan pawh ka hria e, kei chuan danche ka tumlo, mahse upa te ka nei a, ka upa te hian an danloh che chuan kei chuan, heng hmeithai te leh, riangvai fahrah te ṭanpui tura pen chhuak te hi englai mah in ka dang ngailo ang, keingei pawh hi hethu ah hian ka pen chhuak vengei ang an ti a, upa min Thawmvela chu rawnṭawng chhuak venghal in, Lalpa ka damchhung hian i hnunghi ka zuizel ang a, i khualehtui mite i hmangaihna a vanga i thu tlukna hi ka hnial ngailo ang, an rawnti a, Lianpuia pawh rawnṭawng chhuak venghal in, naupang kan nihlai a ṭangin i hnunghi ka zuitawh ṭhin a, thinlung taka thu tlukna i siamhi sual a awm ngailo a ni, chu vangin vawiin a thu tlukna i siampawh hi kei chuan ka pawm thlap in, i hnungzui tur hian englai pawh in ka in peih e, an rawnti veleh a, upa dangte pawh in an Lal Thangluaia thuchu pawm vek in, Thangluaia chuan, ka fapa i dilna chu ka phalsak che a, tin ka upa te pawh in rem an tivek a ni, kalchhuak tala Lianthanga leh a khualehtui te chung ah chuan, pawi sawilo nun an lak a vanga an tawrh tur chu kan hmuhtir mawlh ang, keileh ka Pasalṭha te hian nak tuk hian i hnung kan rawnzui nghal ang an ti a, Sangluaia chu a pa hma a a ṭhingṭhi chu tho chhuak nghal in, Silai zen leh a muchu la in, zanriak Buhfai nen chuan in chu a chhuahsan lehta nghal a
.
Chawhnu herhret ni tawh in, Sangluaia chuan khuachu a chhuahsan leh ta a, chu rawlthar chu Nikawlha khua a ṭanga lothleng hlimchiah ni mahse, a thinlung hliam chuan a chauhna zawng zawng chu paihbo sak in, chu hliam chuan a mahah chuan chakna thar rawnpe zawk in, Lianthanga khawlam pan chuan ngawpui chhah leh dur tak tak te chu paltlang pur pur in, Sakhi Thangawk chhuak ang zar zar chuan, chung ngawpui chhah leh rehruih te chu paltlang pur pur in, a thinlung hliam chuan chauhleh hah reng reng a hriat tirlo a ni, chawhnu herṭhak a kalhnu ah chuan, Nghalim lui chu thleng in, chulai Nghalim lui chu Lianthanga nen an ramri ni in, Sangluaia chuan Nghalim lui, an ramlam a ṭang chuan Lianthanga ramlam chu thlir vang vang in, zawisap hian, Lianthang i ramchhung ka rawnpen lutdawn e, Keipui hliam chuan a seh tur leh, a tih turchu hrechiang in, a tum chu a ṭhelh miahlo ang, i duh dan dan in minlo dawng sawng dawn nia, tiin Nghalim luichu a kal kaita a, Nghalim lui a ṭang chuan Tlang sang lutuk lo chu lawnchho in, Tlang chhip a han thlen hian Ni pawh Suk chenvel awrh chauh awm tawh in, chu Tlang bulṭhuta riahbuk sualchu rilruk in, Tlang chhip a ṭang chuan a chhuk ta a, Tlang bulṭhut a zuk thlenhian Ni chu tladawn suar suar tawh in, luite pakhat kam ah chuan rianbuk chu a sualta a, a Buhfai ah chhuah te chu han chhum nghal zung zung in, in a ṭanga zanriah hmehtur Sanghal sarep a pai chu, meidur ah chuan an thuk phum a, Ni a tlafel tih ah chuan zanriah pawh peih felve in, khawthim hma chuan zanriah chu a ei ta a, khua an rawnthim chuan a kalchau ve nen, reipawh menglo chuan mutzai a relta a
.
Zingtak ah chuan tho chhuak in, kawrte Tui ah chuan han in phih harh in, an in phih harh zawh ah chuan tuk ṭhuantur an buaipui nghal char char a, mahni ei tur chauh a nih a vangin reipawh buaipui ngailo in, chumi tuk pawh chuan tuk ṭhuan chu peihvat in, muang changlo chuan tuk ṭhuan chu a ei ta a, tuk ṭhuan an eifel chuan, muanglo in Lianthanga khawlam pan chuan a chhuak lehta nghal a, ngawpui chhah leh dumdur maite chu paltlang zelin, Sangluaia chuan a tumram chu a hnaih hret hret zel a, vanlaizawla Ni chu a her hret tih ah chuan ruam pharh ṭhatak mai pakhat hi chuang chhuak hlawl in, chu ruam pharhṭha tak mai chhung ah chuan, Zawlbuk tiatvel turhi mualbawk pakhat hi a awm a, chu mualbawk leh a chhehvel ruam ah chuan, Thing pakat mah awmlo in, chulai hmun chu a hringdup mai a, mualbawk chu luite pahnih hian luanhual in, chulai velchu a nuam hlemai a, Sangluaia pawh chu chulai velah chuan han hawi thaw veng in, a hmunchu a nuam in Thlifim chu chulai ruam chhung ah chuan a thaw heuh heuh mai a, Sangluaia chuan luite chu kan in, mualbawk ah chuan an chuangkai a, chhaklam a ṭanga luite lo luang chuan, mualbawk chu a thlendawn ah chuan in ṭhen phawk in, mualbawk thlang ah chuan a in finleh a, Sangluaia chuan chu luite luandan velchu thlir in, mak a tive khawp mai, chulai hmunchu ruamchhung ni mahse a auh nuam in, thlanglam ah phei chuan thuitak a lang tlangthla a, Sangluaia chuan thlang lama ruam raithla dup mai chu thlirthla vang vang in, a rilru ah chuan a nau Suaka chu lo lang in, a ngai pawh a ngairu khawp mai, hetih laihian chulai ruam mawitur chuan, Rengchal te leh Ngirtleng te chu hram veng veng in, Uleuh leh Dawlrem te pawh in zai losa ve in, Sangluaia chuan chulai hmunchu kalsan a hreh khawp mai, mahse a hmalam ah chuan thuitak kaltur a la neih a vang in, chulai hmunchu thlahlel hel mahse hrehru tak chung chuan a kalsan ta a, mual pakhat an chuan chhuah leh chuan, Ni pawh herviau tawh in, Sangluaia pawh in a tumram chu a hnaih tawh viau a ni tihchu a hrethei a, ruam an luh leh chuan luite pakhat hi pawh hlawl in, chu luite Tui chu chhawlhal tihreh nan han in khawlh khawlh in, a duhtawk a in zawh chuan a silte han insil dai nghal in, hmuamda awmvel chu chu luite ah chuan an ṭhu chawl a, reitak awmlo chuan chulai hmun a ṭang chuan a kal chhuak lehta nghal a
.
Reitak an kal leh hnu ah chuan Ni pawh hniam ruihtawh in, Sangluaia pawh in zanriah chhumna turvel an melh kual nghal a, Lianthanga khua chu a lut ṭep tih hria in, zanriah chu hma taka ei a, khawthim hnu ah Lianthanga khua ah chuan luh a tum a ni, a awmna hmunchu khawdai mai a ni tawh tih hria in, fimkhur tak chuan meipawh chhem in, hnunglama mit nei rengchung chuan zanriah tur pawh a buaipui a ni, an peihfel chuan khawmuanglo a zanriah chu ei nghal in, hmuanda awmvel zanriah a ei hnu ah chuan an ṭhuchawl a, puarte a tlafel tih chuan Sangluaia chuan fimkhur tak chung chuan Lianthanga khawlam chu a panta nghal a, Ni chu a la tlakfel chiah loh a vangin, Sangluaia chu khua ah chuan lutmailo in, khaw daihnai te te ah chuan vak kual in, chuLianthanga khua chuan luh khan hmunhnih chiah ah a nei tih a hria a, tin chu khaw luhkhan ah chuan ralveng an indah tihpawh a hria a ni, Sangluaia zawnber chu zan lama riahna tur khaw hnaisi a puk ṭhadeuh awmna hmun a ni, a duh thusam chiah hmulo mahse, khaw daihnaih tak ah chuan puk pakhat chu a hmuta a, a puk chu ṭhaviau mahse, a duh ai chuan puk awmna laichu a hniam deuh a ni, puk a ṭang chuan khua chu langkim theilo in, mahse miten chulai puk chu rawnpan dawnse, puk an rawn thlenhma chuan puk rawnpan tu te chu an hmuh theih vek thung a ni, Sangluai'an puk chhung a hanluh hian a rin ai daih in puk chhung chu a lo nuam a, pawn lama a landan anglo in, a chhung chu a lozau nuam khawp mai a, riahna tura hman a tum a vang in, puk chhung te chu han tifai in, a chhuak mam lo aite chu an siamrual ṭha a, reitak pawh tih ngailo in, puk a tifai felzo tih ah chuan Ni pawh kawlkil ah chuan liam in, khua pawh chuan thimlam a pan ṭanta a, puk ko ah chuan ding in, Sangluaia chuan Lianthanga khua chu han thlir vang vang in, Suaka i lu latu lu chu ka in tiamang in, i Thlan chung ah chuan ka rawndah ngei ang, min rawn hrereng rawh i tih kha, ka thinlung hian a theihnghilh miahlo che a sin, ka nau minlo thlirve reng em? i chunga kut lektu zawng zawng chu ka thatfai vek ang, chutih hunah chuan keipawh thlamuang tak in khawlam ka pantawh ang a, ka mithag te lu chu i thlan chung ah ngei chuan ka rawndah dawn nia tiin, puk chhung a ṭang chuan Sangluaia chu Lianthanga khawlam pan chuan a pen chhuak ta a
.
Lianthanga khua a Zawlbuk ah chuan Tlangval hochu an ri luih luih mai a, nula rima lenchhuah a la hunloh deuh a vang in, Tlangval zinga chawche tak mai Kamloa, Tlangval ho zinga fiamthu thiam chuan fiamthu thawh in, an nui hluah hluah mai a, Kamloa chuan, chungho zinga Tlangval pakhat ngawichawi tak mai, upa ten tlem ṭhamṭhen an tih ang chi chu fiam in, Muka in lo a Tangkawng vaulut turchu in veipet kher a mi? i dinglam ka a ni lawmni i hmanthiam zawk? an ti a, Muka chuan, kan upa Kai'an vei zawnga pet tur a ti a lawm, Tangkawng chu vei zawng zelin pet tur a ti a lawm an ti a, Tlangval hochu an nui ham ham mai a, Muka hian Kaia a tih hi, Zawlbuka Tlangval ho zinga a upa ber a ni, he tia fiamthu thawha an nuih luih luih lai hian, Tlangval ṭhenkhat te chu nula rimtura chhuak ṭan in, hemi zanhi Lianthanga khawtan chuan chhiatna in ṭan na zan chu a nita a ni, Zawlbuk chhuga Tlangval ho chu nula rimtura chhuak zodeuh vek in, Tlangval pahnih khatbak Zawlbuk ah hian an cham banglo a ni, heng Tlangval Zawlbuka chambang te pawh hi, an hnathawk an chauh deuh a vanga lengchhuak peih lo te an ni a, Zawlbuk chhunga an Mei chhem chu chhawm eng hluah in, Tlangval pathumte chu ti ti vawrin, eng dang ngaihtuah biklo chuan an hlimtlang vekhawp mai, an zinga upa ber Mankunga chuan, hei kan thudang a lai chuan, tunlai kan khaw boruak hi a rit riau mai, kan Lal leh a upa te hian hlauhruk an nei a, mahse hei an hlauhruk chu vawiin thleng hian engmah an thawm hriat tur riva a awmlo a, kan Lal hlauhthawn thilhi engmah a lo thleng dawnlo a nih hmel, tin kan Lal hian Thangluaia hi hlauru viausi, Thangluaia mileh sate thah zeltur an ti hi chu a dik lo a ni, Thangluaia pawihi sawita ila, a Pasalṭha rualte nen hian rawn thawk thut maise, keini hian kanlo dangzo dawn a mawnle? an ti a, pakhat chuan, dang zolo tawp ang, mahse thawm a awm a nih chuan kan Lal Lianthanga hian, a u naupa chu engkim hrilhlawk vek in, a u naupa pawh chuan englai pawha puih a in huam a ni awm e, chu vanga kan Lal hi Thangluaia lakah hian huaia, ngamta riau a ni awm e, an ti a
Pakhat chuan, heng vang hi a lawm kan hmadeuha Thangluaia khaw rawlthar an thah ngamna chhan pawh kha, mahse Thangluaia thinrimhi kan dawl tak tak a ngem? Thangluaia chuan a milehsa ten ral laka thihna an tawh reng reng in, tumah a en liam mai mai ngailo an ti a, mahse hei keini chu eng mah thawm kanla hrelo chu a nih hi an ti a, chu tihlai chuan mipakhat hi rawn au in, Tlakawrh veng ah Tlangval pakhat chu lu bunga hmuh a ni a, mipa zawng zawng rawn thawk chhuak rawh u tiin an rawn au a, chu veleh Zawlbuk a mite pawh chu tlanchhuak nghal in, Tlakawrh venglam chu an panveta a, Tlakawrh venga Tlangval lu bung an chhar chu tunge tih an hrethei lawk lo a, reitak an han buaipui hnu ah chuan, chhuahlam Kalkhan venga Kaihnuna fapa upa ber a loni a, Lianthanga khua chuan ral rawnlut an awm tih hria in a buaita khawp mai, hetia an buai vut vut lai hian Zawlbuk chu a rawn kangta duai duai mai a, Favang chho a nih a vangin Zawlbuk pawh chu a kang duh khawp mai, ṭhelhpawh ṭhelh theih loh chuan a kangralta vek a, Zawlbuk lama Tlangval ho an fuankhawm lai hian, veng lehlam, Khurpui veng an tih ah chuan, Tlangval lu bung ruang bawk chu an chhar leh ta a, Lianthanga khawtlang chu a buai in, nu nauho phei chu tumah pawn ah chuan chhuah pawh an chhuak ngam tawhlo a ni, Val Upa te chuan tumah kha kalhranglo ula, tin nu nau reng reng pawn ah chhuah loh tur, Tlangval pawh mahni in tumah kan hranloh tur tiin an han au a, Tlangval hopawh Val Upa te sawi ang chuan, panga te te a in hlawm hlawm in, khua chu an fang kualreng mai a, ralveng pawh in dah belh in, khaw luh khan ah chuan sawm velbawr ve ve in ralveng chu an awm a ni, Lianthanga leh a upa te pawh chu tianga zankhata ruang hnih, a that tu hriat loh an han neihtak ah chuan an buai khawp mai, Zawlbuk a lo kawng bawk nen, an khua ah chuan a ruk a rala rawnlut an awm tih hria in, chu ral rawnlut chu tunge ni ang a? khawi ralnge a nih ang? ti a buai reng reng chuan, tihber turpawh hrelo in Lianthanga in chhung ah chuan upu hochu an ṭhungawi reng mai a ni
.
Leng hawn Ar a rawn khuan meuh chuan Lianthanga khua chu an buai map map khawp mai, Damveng lam ah chuan Tlangval pakhat lu bung bawk chu an chharleh nawlh mai a, khua chu Tlangval tan chuan a himtawk lo tih hria in, Tlangval rualte chu an in hawrkhawm luih luih mai a, ral vengte pawh sawm rual rual a awm in, Lianthanga Tlangval rualte chu an thaw dep dep mai a ni, khua a rawnlut chu Pasalṭha te chuan a hnu chhui tur hanzawng mahse, Lianthanga khua a rawnlut ral chuan, hnuhma hmuh tur reng reng hnutchhiah a nei silo a, chu ral chu khawilam a ṭanga lo kalnge a nih a, tu khualehtui minge a nih an hrebawk silo, a hmutu te lah tumah zawhtlak awmloh in, an nghawng a tansak zelmai bawk si, Lianthanga khua a ral rawnlut chu a chin reng reng an hrethei lo a ni, veng lehlam ah chumi chu thi a hmuh a ni an han ti a, chu lama Tlangval an tlankhawm hlan chuan, veng lehlam ah chuan ruang chhar tur a lo awmleh zelmai a, zankhat thilthu ah chuan Lianthanga khua ah chuan, Tlangval hlir ruang paruk lai chhar tur a awm a ni, Lal in chhung ah pawh chuan Lianthanga leh, a upa te chu bei dawng rutak chuan an ṭhu kunlap mai a, a upa min chuan, kan chhiat tawh danhi a rapthlak khawp mai, kan Tlangval boralte hi an nghawng tansak vek an ni a, zankhat thilthu a hetiang rawnti thei turhi henglai velah hian an awm in ka hrelo a ni, Pasalṭha huaisen leh, ralrel thiam tak a ni ngei ang a, a hnuhma reng reng hmuh tur a awmlo a, tin han chhuitheih na tur engmah hnuhma hnutchhiah a neilo hrim hrim maihi, mak tak zawng a ni, zan thila khawdai hanfang tur lah in, a hlauhaw nasa maisi a, kan Tlangval te tan hian khawilai mah hi a himlo a ni, zanin ngeipawh hi mutmu tuah a hardawn a nih hi an ti a, upa dangte pawh in, kan Tlangval te rawnsuat tu ti ila kan sawisual awmlo e, hetiang tak maia ral relthiam hi hriat tur an vang a ni, kan ṭhenawm Thangluaia hi chuan Pasalṭha ralrel thiam tak tak a nei a, mahse Thangluaia hi he tianga a ruk a rala che chi a nisi lo, Thangluaia fapa Sangluaia hi chu ralrel thiamtak chu a ni ngei mai, mahse khawchhak lam, Nikawlha khawlam ah a thangbo bawksi a, kan chunga phuba hanla duhtur awm chu Thangluaia lo chu kan chhehvel ah hian an aw silo, hriat thiam a har khawp mai an ti a
.
Hemi zan hian Lianthanga khua ah hian Tlangval te hi an mu manglo a, Zawlbuk halsak an ni bawk nen, khuahi an mutsan a nih chuan, an mut hlan hian in velte an halsak an hlau nen, Lianthanga Tlangval te hi an khua veng hian an tlaivar a ni ber mai, zing khua a lovar hian Tlangval ṭhenkhat leh, Val Upa te chuan khawdai chu fang chhuak vek in, engmah hnuhma reng reng hmuhtur an hrelo a, tin mihring han chet tlatna awm tak ngial pawh hmuh an neilo a ni, hemi tuk hian Tlangau chu rawn au in, tumah ram lama kal lo tur chuan an rawn au a, Lal thupek a nih a vang chuan tumah chu chhuak ngam an awmlo a ni, Lal chuan thu chhuah siamlo mahse, a ralṭit em a vangin tumah chu kal chhuak ngam an awmlo a ni, zan lama mithi te chu vuiliam nghal in, Lianthanga khua chuan hmalak dantur chu an rel nasa mai a, han tihdan vak chu hrelo in, khua a ral rawnlut chu a rawnluh leh huntur an hriatmiau loh a vang in, hma hanlak vak dan a awmlo a ni, ral rawnlut chu khaw luh khana lut a nih miauloh a vangin, in dan ngaihna a awmlo a, zanlam ah chuan tumah nu nau emaw, mipa raldo thei chinlo chu tumah khawlaia chhuah loh chu a himber in an hria a, tin Tlangval pawh a tlember ah panga tal in kawpvek tura hrilh nise tiin ro an relta a, Lianthanga leh a upa te rorel ang chuan Tlangau chuan khua ah chuan an au a, thimhlim a rawn nih meuh chuan tumah in hrilhnawn ngailo chuan, Lianthanga khua chu thehmeh ang mai chuan a reh hneh khawp mai, Zawlbuk chu hal a nih a vangin, Tlangval te chuan Lal tualzawl ah chuan meipui chhep eng hluah in, a huho chuan vengtin ah chuan an vak kual hlawm a, khawluh khan ah pawh Tlangval sawmrual zel awm in, zan an rawnrei chuan Tlangval te chu in mut chhawk in, ralven na ah chuan meipui an chhep eng hluah bawk a, a hma zana tlaivar an nih tawh a vangin, Tlangval rualte pawh an ralven na hmun ah chuan mutchhuak chuan a rawnzem chiai chiai ṭhin a, chhimlam luhkhana Tlangval awmte zinga Kulhpuia chu mengkar chung in, an mei chhem chu an vurbelh sauh sauh mai a, a ṭhiante pali chu mutchhuak chuan rawnzem chiai chiai in, an muthlu deuh lak lak mai a, a ṭhiante an mut thluk lap lap lai chuan thlangdeuh, meipui en phak loh chin hnimkar ah chuan, Sakuh thawm ni awm tak maihi a ri sat sat mai a, Kulhpuia chuan chulam chu hawithla nghal in, meichher nen chuan eng thilnge a nih chian tum chuan a panthla ta a, Thing ṭawih laih mai, ihring chenvel kar a ṭang chuan eng thil emaw hi rawnphe vuai in, Kulhpuia nghawng chu a chhum hmawk mai a, Kulhpuia tluthawm ah chuan ralven na lama awmte chu rawn harh zawk in, khawnge Kulhpuia hi? tiin an han inzawt he haw mai a, an zinga pakhat chuan thlanglam chu kawk in, khulam ah khuan thawm a awm in ka hria an ti a, ralveng te chuan an ṭhiante chu kaitho hlawm in, meichher nen chuan an ralven buk thlanga thawm an hriatna lamchu an panta a
.
An thlang lawka mihring dung chenvel Thing ṭawilaih mai bulah chuan, Kulhpuia taksa lamchu zuk hmu in, a thlang deuh ah chuan a lu pawh an hmuta nghal a, he tihlai hian ralvenga awmve Tlangval pakhat, Kulhpuia ruang zawn na lama kalve lo, ralven na hmuna awm chu rak ṭhawt in, chu Tlangval nghawng chu a chhumleh hmawk mai a, Kulhpuia ruang hlawmtu te chuan an rawn hmuhphak chiah loh a vang chuan, rang taka ralven na lam ah chuan ṭhenkhat chu tlanchho nghal in, ralven na zawla Saikhama chu Thisen nena in chiah piah nuaih in, a lu bung chu a taksa bulah chuan lo awm in a lo thifel dertawh mai a, an zinga upa ber chuan, tumah kalhrang tawh suh u, kalhran kha a himlo a ni, tiin an au a, Kulhpuia ruang pawhchu rang taka rawnla chho nghal in, ralven na lai zawlah chuan an han zalh a, a upa ber chuan, heihi mihring tih a ni chiah ang maw? Kulhpuia ruang kan zuk hmuhna kha hei han thlir ula, hlamli ngavel chauh ni in, Kulhpuia ruang hlawm tura kan kal kha reilo te a ni a, khami chhung lawk khan ralven na hmuna Saichhinga awm chu, hei ti hian kanhmu leh a ni a, mihring thiltih a tan chuan a rang mah mah a ni, thawm danglam eng mah hriat tur a awmlo a ni a, mipahnih thiltih han tidawn ila, an thawm rivatal hriat tur awm awm tak a ni a, mahse tuman an thawm kan hresilo, mihring thiltih a ni theidawn em nile? an ti a, Tlangval tam tak chu hlaua khur in, chulai hmuna awm pawh chu nuam tilo in, hlau chung chung chuan an dingkhur deuh hlak hlak mai a, khawchhung lama chan chin hrilha zualko a kalpawh an hrehtlang em em mai hlawm a, a nih natak ah chuan, chung thihna leh, chu tiang thihna rawn thlentu chu hlau in, an tiril ah chuan chung thihna chuan man in, an khur ru der der mai a, Tangval huaisen deuh tanlo chuan huaisen taka pen chhuah pawh a harsa a ni, a upa ber chuan khua a Lal leh upa te chanchin hrilhtur chuan Tlangval pali ngawt maichu an ko chhuak hlawm a, Sialhranga chuan, Tlangval pali a koh chhuah dan ah chuan, Tlangval te hian chulai thihna rawn thleng chu an hlautih hria in, a mah ngeipawh hian a hlauru a ni, hetia an buailai hian, Tlakawrh veng ah Tlangval Hrangluta chu a chin hriat loh in a bo, ti a an au lauh lauh chu an han hreleh nghal a, Sialhranga leha naute thinlung chu hlauhna a khat in, meipui chheh en hluai karah chuan an ding khurlo chauh ta mai
.
Zualko a kal loh theih loh a nih a vangin, Saichhinga naute pali chuan hlau chung chung chuan khawlam chu an panta a, Lal Lianthanga in an vathlen chuan, ralven na hmun a, Kulhpuia leh, Saichhinga thih thu chu Lal Lianthanga hnen ah chuan an han hrilh nghal a, Tlangval te chuan, Kulhpuia leh Saichhinga chu an lu tansak ve ve an ni a, midangte ang tho a thi an nie, tiin an han hrilh a, chu tihlai chuan Tlakawrh venglama Hrangluta bo chu hmuh a nih tawhthu rawn hrilh in, Hrangluta pawh a nghawng tansak bawk ni in, chung thihna chuan Lianthanga khuachu a ṭhawng tak zet zet a ni, Lianthanga pawh chuan tih ngaihna hran a hrelo khawp mai, upa min chuan, Lalpa hei nizan leh zanin hian, Tlangval sawm dawnlai kan chander mai a, he tianga a ruk a rala rawnche hian, Tlangval a rawn thur zat zat mai a, heng kan ngaihtuah hian, hethilhi phuba lakna lamchi ni a hriatna ka nei tlat mai, Tlangval chung ah hlir rawn ṭuan in, nu nau thi sawitur kanla hrelo a, chik tak khan han ngaihtuah ula, kan Tlangval a rawn tum char char dan ah hian, tu emaw chuan kan Tlangval te chung ah hian phuba rawnla an awma ni, he tiang ti theitur chu Lal pakhat chiah a awm, chu Lal chu kan ṭhenawm Thangluaia chiah a ni, Thangluaia Pasalṭha te chuan, kan Tlangval te chung ah hian phuba an rawnla niber in ka hria, kanhma deuha rawlthar pakhat a nghawng kan tansak kha, Thangluaia khualehtui ni in, kha rawlthar phuba kha Thangluaia Pasalṭha te hian an rawnla a ni, chu tianglo chu kan chunga thil thlengmek ah hian puhtur dang awm in ka hrelo an ti a, Lianthanga chuan, a nih chuan Thangluaia hote hi a huho in an rawnthawk dawnlo a nih hmelhle mai, an tihdan ah hian a ruk a rala min chinral an tum a ang hlemai, hetiang a nih chuan nak tuk hian Tlangval tir ila, ka u Liankhama han pun ila, Thangluaia chu kan runmai dawn emni ang? kan khawhnih chuan Thangluaia chuan min khan dawnlo a, kan khawhnih chauha kan phang deuh a nih leh, kan thlang lama Lal Tawnliana kan punleh maidawn nia, a nipawh hian Thangluaia hi a ngainalo viau mai a, kan khawthum chuan Thangluaia hian min khanlo hle ang an ti a, upa hopawh chuan, an Lal u naupa Liankhama leh, Tawnliana chu puna, Thangluaia khua chu luh chhuah maichu an duh hlawm a
.
Chu thu ah chuan an lung a rual hlawm a vang in, chumi tuka Tlangval tir chhuak tur chuan thu tlukna an siamta a, Lianthanga te hian hemi zan hian, Tlangval chanbelh tawhlo in, Saichhinga, Kulhpuia leh Hrangluta te chu an chanleh a, hemi zan hian buaina dang neilo in, khawfing a rawnchah a, Leilung a rawnlan meuh chuan, kawtlai ah chuan mipui an tlankhawm luih luih mai a, Lal in ah chuan Tlangval pakhat hi hman hmawh tak hian rawntlan lut nawlh in, Lal Lianthanga hnen ah chuan, kapu kawtlai ah sawn ruang pathum a awm a, chung ruangte chu Tlangval ruang vek ni in, midang thi te ang tho a an nghawng tansak an ni, tiin an rawn sawileh a, Lianthanga chuan chu Tlangval hnen ah chuan a upa te ho konghal tur chuan an hrilh nghal a, Tlangval pawh Lal thuchu awih tak chuan, khawnbawl ho kotur chuan a kalta nghal a, karlo ah chuan upa hopawh rawnthleng nghal in, chung zingah chuan khaw hrana zinchhuak zan lama lo haw, Munkungi pa an tihpawh chu a rawn telve a, Lianthanga chuan, kha inlo hrevek tawh in ka ring a, tuk kinzing lam ah khan Tlangval pathum kan chanleh ta a ni a, nizan lama kan sawi tawh ang khan, a rangthei ang bera ka u hnen ah chuan lamkal tirh a, Tawnliana hnenah pawh chuan lamkal tirhnghal nirawh se, an ti a, Mankungi pa chuan, Lalpa engmah ka hreve lo a, in hriatang in hei hun reitak ka kal chhuak a ni a, kan khualehtui ah hian enge thlengchiah hi kala hrevelo a ni, Lal Liamkhama leh, Tawnliana pun in tihdan ah hian khaw runtur kan nei em nile? tiin an zawt a, upa min chuan Mankungi pa chu thil awmzia zawng zawng hrilh in, Thangluaia rawlthar kan Tlangval ten a lu an lak a vanga, tun ah hian Thangluaia Pasalṭha te chuan, kan Tlangval te chung ah hian phuba an rawnla ni in kan hria a, chu vangin Liankhama leh, Tawnliana khuate pun in, Thangluaia khua chu luhchhuah mai kan rilruk ta a ni tiin athusawi chu an ti tawp a, Mankungi pa chu ngawi vang vang in, Lalpa in rorel danchu ka sawiselna nilo in, a felhlel deuh lomaw? Thangluaia hi chu tianga run ngawt chi a ni in ka hrelo a ni, kan ṭhenawm khua an ni a, Thangluaia leh a Pasalṭha rualte hlauhawm zia chu khawtin sawitham a tling a, Tlangval rualte chu sawiloh, a Pasalṭha rualte ringawt pawh keini khawte nau te chuan kan kimhingpha dawnlo a, a fapa Sangluaia chan chinte hi kan hrevek a nga, keini khawte tan chuan a mah ringawt pawh hi a hlauh awm tham a sin, a Tlangval rualte lah, ral relthiam leh, huaisen tak tak an nivek hlawm a, Thangluaia hian a Pasalṭha te leh aTlangval rualte hi, hmunhla tak tak ah raldo ina hruaichhuak fomai a, keini khualeh Tawnliana khua raldo ngailo tan chuan, Thangluaia leh a hote chu an tawh a khirh khawp ang, keini khuate chuan a Pasalṭha rual ringawt pawh kan khan dawnlo a, khawthum ṭangrual pawh ni ila, Thangluaia khuahi henglai khawthlang ho ah chuan khawlian berpawl a ni a, Ṭhalai rual a ngah in, mipa an ṭha hnemhle mai a, raldo thei rual hi tam tak a nei a ni, chu vangin Thangluaia dotur chuan raldo thiam leh, huaisen tak nih a ngai a, tin mihring ṭhahnem tak nih a ngaibawk a ni, an ti a
.
Lianthanga chuan, ni e Thangluaia leh a khualehtui chu ralhrat leh raldo thiam tak an ni ngei a, mahse ka u Liankhama leh, Tawnliana te nen chuan an lian hauh bik lo ang, Tawnliana hian Thangluaia hi a ngainabik miahlo a, thiam taka kan thlem chuan Thangluaia dotur hian kan hmin maitheih ka ring a ni, tin kau Liakhama hi chuan englai pawh in minpuih a in huamreng a, Tawnliana chiah hi a ni hmin kan ngaih chu ni, a ni hi Thangluaia dotura kan hmintheih chuan, engle khawle Thangluaia chu kan hunthei em em ang an ti a, Lianthanga upa hote chuan, an Lal thusawi chu dikan tiin, Thangluaia chu hnehmai theitur ah an in ngai a ni, Mankungi pa chuan, Lalpa ni e i ngaihdan chu a dik a lawm, mahse kan tileh teh ang, hmarchhak tlangdunga Kaivela leh a thurual puite hi han sawilang ṭalh i la, khawli ngawtmai in hlawm khawm an ni a, chung khawli in hlawm khawmte chu Thangluaia leh a Pasalṭha te hian han phindarh vek in, an han umdarh vek thei a ni, khual khua ah pawh khawli ṭangrualte hian, Thangluaia leh a Pasalṭha rualte chu an ngamlo a ni a, a khua ngeia luhchilh tur phei chuan a hautak khawp ang, kan kuanglo tur tehi kan nawr vethei a ni, an tileh a, mahse Lianthanga chuan a u naupa Liankhama leh, Tawnliana te nen chuan Thangluaia khuahi luh chhuah theia a ngaih tlat a vangin, a rilru chu a sawh sawn duhlo a, a upa te lah in an Lal thu chu a kawi a ngila an zawm a vang in, chumi tuk ah chuan, Lal Liankhama leh, Tawnliana khua ah chuan Tlangval tirh chhuah nghala, Thangluaia khua chu a ranglama run chu anrel tlu ta ani, Mankungi pa ngaihdan chu a nilo khawp mai a, mahse Lal leh a upa puite chuan Thangluaia khaw runchu an duh tlat a vang chuan, rilru nuamlo chung chuan, Lal Lianthanga in a ṭang chuan a ṭinve ta a, hemi zan hian thawm danglam a awm tak loh a vangin, Lianthanga pawh a upa te an hanṭin tak ah chuan, hlauthawng ru tak chung chuan mu in, a rilru a Thangluaia a huatna chu zual zelin, Thangluaia khua run ringawt a rilru a awm chung chuan a muhil ta a, Lianthanga hian Thangluaia chu huat tak te in a hua a ni, chu vanga Thangluaia mite tupawh an hmuh chu, that zeltura sma Tlangval te pawh hrilh a ni reng a ni, a unaupa Liankhama chuan, Thangluaia dotur chuan englai pawh in ka in peih a, Thagluaia i do dawn a nih phawt chuan ka inpeih renge a loti vebawk nen, ṭangrual lo chuan Thangluaia hi an ngamlo a nisi a, an unaua ṭang kawp chuan Thangluaia hi hneh theih an in ring a ni, chu vanga Lianthanga pawh hi Thangluaia do kawnga phurta viau a ni reng a ni, Lianthanga te u nau leh, Thangluaia hi tunhma, an Tlangval lai a ṭang tawha in hmuthialo tawh an ni a, Thangluaia hi chuan Lianthanga te unau hi huatna hran neitawhlo in, mahse Lianthanga te unau hian Thangluaia tih chhiat dan ringawt hi an lazawn a vang in, tun ṭumah pawh hian hunṭha Lianthanga chuan hmu ah in ngai in, Thangluaia run tur chuan thawh chhuah ngei a tumruh hle a ni
.
Mankungi pa erawh in lama a hawchu a rilru a kalthui khawp mai a, Thangluaia khua meuh run tur chuan liantawk a in tilo nasa mai a, Liankhama leh Tawnliana khuate chu thurual pui mahse, Thangluaia ralhrat khaw kheng, mihrang leh Sahrang hma a zam ngailo, thlahtu tea ṭanga huaisen chhung kawthlah a ṭanga rawn chawr chhuak, chu tiangmi run tura han thawh chhuah chu a ngamlo a ni, a Pasalṭharualte nen a khual khua a an thawh chhuah pawh a, khawli ngawt ṭangrual pawh umdarh thei, chu tiang khawpa ralhrat leh, Pasalṭha huaisen te huikhawm tu Thangluaia chu, en tikawng mah in an ngam theih a ringlo a ni, a mut hmun ah te chuan ngaihtuah chhun zawm in, a rilru chuan, thil kan ti dik lo a ni, Thangluaia thinrim na tur in a rawlthar pakhat lu kan laksak tawh a, Thangluaia thinrim hi eng ang tak in rawn thawk ang maw? Lal Lianthang Thangluaia lak ah hian thil kan ti dik lo a nie, kan tihtur zawk chu Thangluaia hnena ngaihdam dilhi kan tihtur zawk a ni, Thangluaia lak ah hian luh lul chhuah tur kan nilo a sin, Thangluaia khua run kan tumhi kan kuanglo tur kan nawr a ni, ti a ngaih tuah chung in, karlo ah chuan a muhilta a, hemi zan hian Lianthanga Tlangval te pawh ralveng in an buai hlemai a, Lianthanga khua hi a reh ruih mai a, zandang ah chuan lenghawn Ar an khuanpawh hian, khawlai ah chuan naupang tualchai thawm hriat tur hi an la aw nak nak ṭhin a, mahse tun zanhnih a ṭang hian tu tih an hriatloh chu khua ah chuan rawnhrang in, Tlangval pawh sawm chuang ngawt mai an chanta a ni a, heng a vang hian zanlam ah chuan, khua an thimtih ah chuan khua chu rehṭhiap in, tumah khawlai ah chuan Tlangval te tih loh chu hmuhtur an awmlo a ni, hemi zanpawh hi a reh vawng vawng mai a, khawrala Vabak leh Chingpirinu hram tih mailoh chu thawm hriat tur a vang khawp mai, zan a lo reia, khawvar Ar khuan hmahret ah chuan, Khurpui venglam a ṭang chuan hmeichhe pakhat ṭap thawmhi a rawn ri raih raih mai a, chu khua te chuan hlauh liantak nei in, zan ah phei chuan nu naute phei chuan, pawn chhuah pawh an ngamloh lai chuan, chu tianga zanrei lama ṭapthawm an han hriat lehngat phei chuan, chu ṭapthawm hrepha chin nu naute chu, chu ṭapthawm chuan an chhungril ah chuan hlauhna liantak rawnsiam belh in, an mutna hmun ah chuan an kimki chawih chawih mai a
.
Nu ṭhenkhat leh, rawlthar ṭhenkhat tan chuan chu zanchu zan hreawm tak ni in, chu khua a awmte thinlung ah chuan hlauhna chuan hmunlian tak chang in, tamtak tan chuan zan ṭihbaiawm leh, zan rapthlak ah a chang zota a ni, khawfing an chata, khawvar Ar an khuan meuh chuan, mitam tak thinglung tawt lutuk te chu kiang duak in, chu khawvar Ar rawn khuag chuan, an thinlunga hlauhna liantak awmte chu la kiang hlawm in, khawvar a hnaita ti a lung muang taka awm hlawm in, an thlachu a muang hlawmhle a, mahse chu khaw rawnvar chuan Lianthanga khua chu, thlamuan na nge a rawnthlen ang a? lung ngaihna leh ṭahna zawk a rawnthlen ang? tih chu, tumah chuan an hresi lo, khawfing an chata, leilung a rawnlang ṭan det det tih ah chuan, nu tamtak hlauhna a vanga thinlung tawt lutuk te chu tho chhuak in, an Tapchhak lamchu an hanbel hlawm a, hemi tuk khaw rawnvar hi hrechiag ngat seng zawng, Lianthanga khua te chu hlau in an khurzual ngei ang le, chu khua chu Ṭohaw hunlaia, Ṭo rawn thawk tur, Chhum dum rawn in zara, a rawn inzial tup tup ang maihian, leilung a langṭan tih ah chuan, Thangluaia Pasalṭha rualte leh, a Tlangval rualte chuan Lianthanga khua chu rawnhual in, rawlthar Suaka thihna a vanga rilru na, Lal Thangluaia ngei chuan a naute chu rawnho in, Leilung laichian veleha Lianthanga khua chu lut tur chuan, an rawn thawk chhuak mup mup mai a ni, Lianthanga khua chu thihna chuan rawnhual mek in, chu khaw chhunga chengte lah chuan engah an hresilo, khua chu rawnvar chiang zelin, Leilung pawha lang chiang ta, Lianthanga khua pawh, a thohma deuhte chu rawntho chhuak tawh in, Tapchhak lam ah chuan Meite pawh an nun ṭan ta, chu tihlai chuan Tlakawrh veng mawng ah chuan Silai a puakta ṭhuai mai le, chu Silai puak ṭhuai maichu, Silai pakhat chuan rawn chhawn nghalzat in, Tlakawrh veng ah chuan ṭap thawmleh, mang au thawm chuan a rawn chhunzawmta nghal a, chu veleh Lianthanga Tlangval te chuan, ral an rawnlut e, ti a au nghal teng tung in khua ah chuan an hantlan kual a, Silai chu puak nghal ṭhuai ṭhuai in, chung Tlangval te chu an thal tawp tawp mai a, Lianthanga khuate pawh, Tlangval leh mipa dangte chu mahni khua chhan tura rawnpen chhuak in, Silai nei in an Silai rawnhum chhuak in, mahni in a ṭang chuan an rawnpen chhuak hlawm a, mahse an hmelmate chu engkim ruahman na ṭhatak nena khua chu rawnlut an nih a vang in, Thangluaia Pasalṭha te lak ah chuan, a rawn tlanchhuak hmasa a piang maichu an thal tawp tawp mai a ni
.
Silai kahthiam tak leh, ral hmachhawn thiamtak vek an nih a vangin, Lianthanga Tlangval te chuan an khanlo em em mai a, khawlai ah chuan Silai chu puak ṭhuaiṭhuai rengin, Tlangval au thawm leh, nu nau thlabar au thawm chu a richel chul mai a, kawt chhuah lam a ṭang chuan Thangluaia leh, a fapa Sangluaia te chuan khua chu rawnlut vemek bawk in, an hnung ah chuan Thawmvela leh Lianpuia te chuan an rawn zuive bawk a, Pasalṭha Denga leh a naute chuan chhimlam a ṭangin khua chulut in, hmarlam a ṭang chuan Val Upa Kapzinga leh a naute chuan khua chu an lutve bawk a, Lianthanga Tlangval te chu khua ah chuan nawrtawm ni in, thih pawh an thihnem tawh khawp mai, khawchhung kawtlai ah te chuan Thisen te chu a luang ngei nguai tamai a, Tlangval hliamte chuan, an chhungte chu ṭanpui tura au in, tumah chu an in ṭanpui hmanlo a ni, nu naute pawh mahni sahim na tur ngaih tuah in, ṭap chung chuan khawdailam pan in an riteng tung maia, Silai ri an zoa, Lianthanga Pasalṭha te leh, Thangluaia te chu inpawm chilh in, kawtlai ah chuan nasa tak chuan an in beita a, Lianthanga Tlangval te leh, a Pasalṭha te chuan, Thangluaia Pasalṭha te leh, a Tlangva rualte chu an khanlo khawp mai, khawlai ah chuan Lianthanga Tlangval te chu an an tlu neih nuaih tawh mai a, Thisen te chu luang zeih zuih in, chung khawlaia hliamtuar te chu Thisen nena in chiah piah nuaih chung chuan, ṭanpuitu tur an han au a, mahse tumah in ṭanpui lehtur chuang awmlo in, chu khua ah chuan thihna chuan thla a zarmek si a ni, khua an rawnvar chiana, Ni an rawnlan meuh chuan, Thangluaia leh a Pasalṭha rualte chuan an tihtur chu an hlen hneh khawp mai, Lal tualzawlah chuan Tlangval thi bangte leh, Lal Lianthanga leh a upa te chu dahkhawm in, Thangluaia chuan, Lianthang vawiin ni a ka thiltih hi ka duhleh, ka chak vang renga ti ka nilo a, nang hian heng thilhi ti tur hian min nawrluih vanga heng thilhi ti kani, i thupek leh i hriatpui na liau liau in rawlthar Suaka nghawng kha in tansak a, hethil ti tur hian kain ngaihtuah rei a sin, mahse nang chuan ka laka ngaihdam diltur in lamkal vawikhat pawh i rawntir duhlo a, ka khualehtui tehi ka hmangaih a, rawlthar fel tak tak mikut tuara an thih bo mai mai hi ka phal lo a sin, chu vangin ka thiltih duhloh chu ka tih a ngaita a nih hi, khaw ṭhenawm kan ni a, keileh nang ah hian buaina neih hi ka duhlo a sin, mahse eng vanga Suaka kha thatnge in nih? rawlthar zaidam tak mai kha eng vanga tihlumnge in nih? a ni khan in eng pawinge a sawile? tiin an zawt a
.
Lianthanga chuan Thangluaia zawhna chu chhan harsa a tiin, Thangluaia zawhna chu a chhang theilo hial a ni, Lalber a ngawih tak tlat a vangin Thangluaia pawh chuan, tumah in ṭawng duhlo a nih chuan, thu pakhat ka sawileh ang, Lal leh a upa te in nih a vangin in chung ah hian zah ka ngai ang a, mahse lehpek a awm a nih chuan, vawiin ni anga zahngaihna hi, in chung ah hian a thleng ngaitawhlo ang tiin, a kalsan ta a, Thangluaia pawh a upa te chuan zuiliam venghal in, Lianthanga leh a upa te chuan an thlirliam zui vawng vawng mai a, Lianthanga upa Mankungi pa chuan, hetiang hi a thlen ka hlauh vang a ni nizan khan Thangluaia tih thinrim ka hlauhna chhan, Lal dang zawng nise, kan inleh lote hi haldarh vek in khua hi an chhuah san ngei a nga, kan nula te leh, kan Tlangval ladamte hi hmei a tan leh, Sal a tan minhruai sak vek a nga, keini chu kutbeng in kan awm ngei ang, mahse a zahngaihna a vang liau liau in kan khualehtui hi a manglo a ni a, Thangluaia chung ah hian thinrim thei kan nilo a ni, an ti a, a upa Mankungi pa thusawi ah chuan, Lal Lianthanga thung chu a lawmlo khawp mai, Lianthanga chuan, Kungipa, tiang khawpa ka khualehtui chunga chhiatna min thlentawh hnu ah hian, Thangluaia chu fakin, a hming chu zah tak in i la lamthei a maw? keihi i Lal kani a, i nun na kha ka kut ah hian a awm a sin, ka hmelma liantak chu fak in, a hming chu minlam khum zeldawn em ni, ka Tlangval a thah te, ka khualehtui chunga a thiltih zawng zawng i hmuh hnu ah pawh hian, kha Lal chung ah khan i rin na i nghat zawk ang maw? nangleh i nupui fanau te hi ka thah vek hnu ah chuan, kha Lal hmingkha i lamtawh tawp lo ang, mahse tun ah chuan i chung ah hian zah ka ngaihram ang, i ka a ṭang hian khatiang thu kha ka hreleh a nih chuan, i thusawi ka hriat tawpna a nitawh ang tiin, a in chhung ah chuan a lut tanghal a, Lianthanga chu a upa te chuan in chhung ah chuan zuilut nghal in, Lianthanga chuan a in chhung an rapchu a chhungrila a thinrina chu rawn insawh hawng in, a chhuatlaia veitawn sek chung chuan, kha Lal Thangluaia khan, ka chung ah zahngai ang te khan a insawi a maw? a thiltih zawng zawng en hian, kan chunga zahngaihna a sawikha dawt vek a ni, Lianthanga chuan a Ha chang ṭhial chung chuan, a thinrimna a vanga a Vaibel dawnchu hanseh keh rawp in, Thangluai longai mawlh rawh, min thamlo in, min hmusit hlemai maw? lehpek a awm a nih ngai chuan, ka chunga zahngai tawhlo tur ang khan i in sawivel a maw? zahngaihna diltur zawk chu nangmah kha ila ni mawlh ang, i an chhia zawng zawng kha i chung ah khan a latla mawlh ang tiin, in chhunga a mah vengtu Tlangval te hnen ah chuan, a u Liankhama leh Tawnliana khua a kala, thil thlendan zawng zawng sawi a, an hnena a hminga ṭanpuina dilnghal tur chuan an ti a, Tlangval sawmrualte zing ah chuan, pali thlang chhuak in, pali zinga pahnih ve ve te chuan, an Lal Lianthanga sawi ang chuan, Tawnliana khua ah leh, Liankhama khua ah te chuan kaltur in an in puah chahta nghal a
.
Thangluaia te pawh Lianthanga khua a ṭang chuan in suanchhuak tawh in, Tlangval zing ah chuan hliamte han awm mahse, tumah hliamna lutuk awmlo in, chu mini chawhnu lam ah chuan Lianthanga khua chu an chhuah santa a, Sangluaia, Denga leh a naute pathum chu Lianthanga khawdai ah chuan awm hnufual in, Denga chuan, Sangluai Suaka that tu te chung ah chuan lungawi chu a harkhawp ang, mahse kan tih theih tawk chu a zotawh e, kha Suaka that tu te lu ngeichu i latawh a lawm, Suaka chu koh kir theih a ni tawhlo a, a mah that tu te lu ngei i lak tawh chuan, rilru hah damtaka awm tum hram hram hi a ṭhangai a sin an ti a, Sangluaia pawh in, Denga thusawi chu a hrethiam khawp mai, Suaka chu lainat in, khawngaih hle mahse koh kir theih a ni tawhlo a, Sangluaia chuan u Deng, ni e i thusawi kha ka hrethiam e, helai hmun ah hian tih tur kan nei tawhlo a ni, eng pawh nise kapa te kha i umve phawt mai ang u hmiang,an ti a, Denga pawh chuan, ni e helai hmun ah hian tihtur hran kan nei tawhlo a ni, rem i tih chuan kan ṭhiante chu kan umzui vetawh maidawn em ni? an ti a, ti chuan Sangluaia leh Denga te pawh in, an ṭhiante chu umzui venghal in, Lianthanga khua chu an chhuah sanfel ta hlawm a, Thangluaia te hian khawkar ah hian zankhat riak in, a tuk chawhnu zanriah chhum hunvel hian khua an lut ta a, khua an luh hian Thangluaia leh a upa te chuan khua chu lut in, Tlangval rualte leh, Pasalṭha rualte chu khawdai ah chuan in kulh in, an Silai te chu kap puak ulh ulh in, Thangluaia khua mipui te chuan, an Pasalṭha rualte ram muchu, hnehna ropui tak nen chuan an rawnhaw a ni tih hria in, an hlim em em mai a, khua an rawnthim chuan khaw chhung lama Tlangval awmte chuan nula pawh rimlo chuan, Zawlbuk kawtlam pan in, Zawlbuk ah chuan Silai te kap in an ri ulh ulh mai a, nula te pawh in, an Pasalṭha rualte ram muchu chhuang em em in, an lawmpa te leh, an duhsak zawngte pek tur Arkeziak te chu siam in, an buai em em mai a, tin upa te pawh in Lal tualzawl ah chuan meipui chhep hluah in, an Pasalṭha rual ram mute chu lo hmuak in, an rive laih laih maibawk a, hemi zan hian Zawlbuk leh, khaw khawtchhuah lamchu thawmreh lai awmlo chuan, Tlangval rualte chu an thawm luih luih in, Silai te chu kap puak ulh ulh reng in, an thawm tlaivar zak mai a, upa te pawh in an Pasalṭha ram mute lo hmuah nan chuan, chumi zan chuan awmtual chu an ai tlaivar veṭhak bawk a, khawfing a chata, leilung an rawnlang ṭan tih ah chuan, kawtchhuah lam a mite chuan Tlang rawntlir in, Silai chu a ri ulh ulh mai a, khua an rawnvar tih ah chuan, kawtchhuah lama rammu rawnhawte chu khua ah chuan rawnlut in, nu nau te leh, nula te chu kawtchhuah lampan chuan an tlan hum hum mai a, nuho chuan an pasalte chu hlim taka lo lawm in, fapa Tlangval neite pawh in, an fapa ral lu late chu chhuang tak chuan an lo lawm bawk a, nuho chuan an Ṭhaihna kente chu, ral la lu la lazel tura an duhte hnen ah chuan an han hlan nghal a, tin nula te pawh in an Arkeziak ken te chu Tlangval an duhsak zawngte chu chhuang taka pe in,, an Pasalṭha rammu te chu chhuang em em in, hlimtak chuan khua chu lut in, an ri luih luih mai a, Lal tualzawl ah chuan, Lal leh a upa te chuan lo hmuak in, Zawlbuk lama Tlangval te pawh in Lal tualzawl chu rawnpan ve in, Lal tualzawl ah chuan hlimtak chuan an in hmukhawm mup mup mai a ni
.
Nihnih an liamleh chuan, Thangluaia khua a ti ti tuiber chu, Zawlpui rama Sele chal rawnluh thu chu a ni, Zawlpui ram ah chuan Sele chal a rawnlut a, tin Sihzawl ram ah thung chuan a rual an rawnlut thung a, heng Sele te hian, an ranvulh Sial hochu rawn um chhuak in, Zawlpui ram leh, Sihzawl ramhi Thangluaia khua a Sial ngah ho tlat tirna hmun a ni a, tha chuan Sele chal leh, Sele rualte an rawnluh a vang in, an Sial vulh hochu rawn um chhuak in, Sial an vulh hochu khawdai ah chuan hmuh tur an tam em em a ni, chung thu velchu Thangluaia khua ah chuan ti ti tuiber ni in, hengthu hian Lal Thangluaia beng meuh thleng in, tuk khat chu Thangluaia in ah chuan, upa min Thawmvela chuan, Lalpa hei kan thudang a lai chuan, kan ramchhunga Sele rual rawnlut te hian, kan ranvulh Sialte chu an tlatna hmun a ṭangin an rawn umchhuak chu a nider mai a, engtia hma hanlak chinge maw a nih dawn le? chung Sele rualte chu Pasalṭha te tir in, kan kah mailoh chuan, hei kan ranvulh ten tlatna hmuntur pawh an neilo chu a nih berhi mawle, Zawlpui ram leh, Sihzawl ram chhung hi chu heng Sial ho tlatna berṭhin a ni a, heng Sele rualte hi kan um chhuak lo a nih chuan, kan Sial ho hian tlatna an vaimai dawn e, an ti a,Lianpuia pawh in, a dik khawp mai, kanhma lawk khan ka Sialte Sihzawl ram ah zuk dahleh kan tuma, mahse Sihzawl ram thlenhma deuh ah khan an pengzel mai a, an ngamloh an awm vang a ni chek a nga Sihzawl rama an luhduh miah loh na chhan ni, Lal in rem a ti a nih chuan heng Sele ho hi umsawn vat an ngai a ni, tiin Thawmvela thusawi chu a lo tuihnih venghal a, Bulthanga leh, Kaikungi pa an tihpawh in, an upa min thusawi chu lo tuihnih sak in, Thangluaia pawh in, chu tianga kan ranvulh meuh ten harsatna an tawh phah a nih chuan, kan Pasalṭha ten Zawlpui ram leh, Sihzawl hmuna Sele awmte chu zuk kap sela, khawtlanga ramchhuah nisela, kan Pasalṭha ten an kap thei a nih ngai chuan, a sa pawh khawtlang in kan insem dawn nia, an ti a, upa hopawh in Thangluaia remruat danchu ṭha tihlawm in, chu mituk chuan khawtlanga ramchhuah chu Lal in a rawta, Zawlpui ram leh, Sihzawl rama Sele rual awmte beitur in, Pasalṭha zawng zawng te leh, Tlangval rual a thei a piang thawh chhuah tur tiin, Tlangau chu an han au tir a, Favang awllen lai a nih a vang in, Pasalṭha te leh Tlangval te pawh an awl khawp mai a, Tlangau thawm an han hriat chuan, Pasalṭha te leh, Tlangval te chuan kalve loh hlau in, Sele ramchhuah na ah chuan kal vengei tum hlawm in, tuk ṭhuante chu hmatak chuan an han ei hlawm a, tuk ṭhuante an han eifel chuan, insiam mawlh mawlh hlawm in, Lal tualzawl chu an panta hlawm a
.
Thangluaia pawh in tuk ṭhuan eilai chuan, a fapa te pahnih chu Sele ramchhuah na ah chuan kalve an tumleh tumloh te an zawt a, Satbula leh Sangluaia te chuan kalve ngei an tumthu chuan a pa chu an han chhang a, Thangluaia chuan, Sele ramchhuah na ah chuan kalchu a ṭha khawp mai, mahse ṭhalai zawng zawng kal chhuah chu a dik dawnlo a ni, ṭhalai chuan kalngei an duhvek dawn a, mahse Satbul in unaua in kal chuan midemte pawh kan hlawh thei a ni, ka sawi ang khan Tlangval te chu an kalvek duhngei ang, mahse ṭhalai tam tak kallo tura kan tih a ngai dawn a, in unaua in kalsi chuan, midang kal lo ten minsawi palh a nge, Tlangval tam tak kalchak ngawih ngawih an kal tirlo a, kan Lal chu a fapa te pahnih a kaltir thosi tih ṭawngkam te a awm ang e, Satbul in unau hian Sele ramchhuah na ah chuan kaltur zawk in siamfel rawh u khai, in pahnih hnih a kalchu a fello ang an ti a, Satbula chuan, kapa a nih chuan ka nauhi kalrawh se, kei ai in a ramvachala, kei ai in sapawh a la thei zawk a ni, ka nau kalna turchi zawk a ni e, an ti a, Sangluaia chuan, ka u kalzawk ta che, upa zawk i ni a, i kaltur zawk a lawm, an ti a, mahse Satbula chuan, Sangluai kei ai a ramvachal zawk i nih kha, ka nau he Sele ramchhuahna ah pawh hian a kaptu i nih a, hlawhtling taka i lo let leh ngeihi ka ringtlat a ni, chu vangin i kalzawk tur a ni an ti a, Sangluaia chuan, ka u i tih chuan ka kalngei ang, rawn hlawhtlin ngeipawh ka tum ang an ti a, ti chuan Sangluaia te pawh tuk ṭhuan an han ei kham chuan, insiam nghal zung zung in, a insiam zawh ah chuan Sangluaia chu tualzawl ah chuan a chhuak thlave ta a, Sele ramchhuah na a kaltum Tlangval rualte chu an ṭhahnem khawp mai, mahse Tlangval ṭhen khat, u nau pali panga te zing ah chuan pakhat chauh rawn thawk chhuak in, Lianthanga khua an run zawh choh a vang in, Tlangval zawng zawng kal liamvek chi a nilo tih hria in, unau rualdeuh te chu, pakhat chauh an thawk chhuak a ni, upa min Thawmvela chuan, Tlangval zawng zawng chu kalchi a ni dawnlo a, kan hriat ṭheuh ang in, Lianthanga khua nen buaina kan neizo chauh a ni a, Tlangval zawng zawng kal liamvek chu a dik lo a ni, khuahi kan ngai pawimawh tur a ni a, kan nu leh pa, kan pi leh pu te hi kan kalsan vek a nih chuan, zankhat thilthu ah kan khua hi tluchhe thei a ni tih hre reng in, Tlangval te chuan kan thusawihi i hrethiam hram hram ang u khai an ti a
.
Tlangval te chuan an upa min Thawmvela thusawi chu hrethiam in, kei ka kal lo a nga, ka khualehtui, ka Lal tan hian ka nun na hialpawh hlan ngai mahse, khua ah hian kalo awm a nge, ka khualehtui venghim tur hian keihi kalo awm ang, an ti ta ṭheuh mai a, Thangluaia leh a upa te chuan Tlangval te in pek zawhzia an hmuh chuan an lawm em em mai a, Thangluaia chuan, Tlangval te u, in chung ah hian kei in Lal hian lawmthu ka sawi mawlh mawlh a ni, ni e kan upa min sawi ang khan, Sele ramchhuah na a kalvek chu a fello a, tin kan Pasalṭha te hnung zuitur awmlo khawpa khua a awm vek chu a dik bik lo a ni, tihian kanti a nga, in hming ka sawite hian kan Pasalṭha te hnung inzui dawn nia tiin, Tlangval sawmhnih rualzet hming chu an sawi a, Pasalṭha ruakte pawh thawk chhuak vek bik lo in, hmunthuma ṭhena hmunkhat, Pasalṭha sawmpanga rualvel chauh chu, Sele beihna ah chuan an thawk chhuak a ni, an vaiin mi sawmthum chuang Sele beihna hmun ah chuan kal in, chungho chuan kawtchhuah lamchu an panta nghal a, Val Upa Zawlthanga ho chuan thawk chhuak in, Zawlpui ramleh, Sihzawl ramchu an panta a ni, Zawlpui ramleh Sihzawl ramhi ruamkhat a awm ni in, Zawlpui ramleh Sihzawl ram in kar ah hian mual lianlo te pakhat awm in, chu mual pawhchu mual pharhṭha takni in, a chhip te chu a nuam em em mai a, Thing lian tak tak awmlo in, Zawlpui remleh, Sihzawl ram chu, chumual a ṭang chuan thuitak lang uarh in, a nawm pawh a nuam em em a ni, Val Upa Zawlthanga chuan Zawlpui leh, Sihzawl peng an thlen chuan, khaile helai hmun ah hian kan inṭhen a ngaidawn a, a zat ve ve in kan in ṭhen a nga, Sihzawl ramhi kaho in kanlut ang a, Zawlpui ramhi Pasalṭha Denga hoten an lut thung ang tiin, peng ah chuan an in ṭhenta a, Sangluaia chu Zawlpui ram, Sele chal maltlat an hmuhna hmun lam, Denga ho kalna lam ah chuan a kalve ta a, Denga te hian Zawlpui ram an zuk luh hian, khuapawh a tlailam tawh a, Zawlpui ram pharhduai mai chu lutzel in, a laivel bawra luite luang chu pan in, chu luite an han thlen chuan, hmunrem laite zawng in, riahbuk sualna tura hmunṭha deuh an hmuh chuan, Hnahthial lui an tih kam ah chuan riahbuk chu an sualta a, Hnanthial lui a nih ang chuan, chu luite kamvel ah chuan Hnanthial a tam khawp mai a, Tlangval ten riahbuk an sual hlan hian Pasalṭha Denga leh a hote chuan, zanriah chawhmeh tur an zawngve bawk a, Sangluaia chu Tlangval hozing ah chuan a ṭul ang ang tive in, karlo ah chuan riahbuk tur chu an sualzo ta a, zan lama muhtur Thingro te chu fawmleh hlawm in, ṭhenkhat chuan zsna muhtur Tarpilu te chu an lo zawng khawmve bawk a, a hunlai chuan hanbuai nak nak mahse, an thiltih an han zawhfel chuan Tlangval ṭhenkhat te chu an awl thawng em em a ni, zanriah chhung te an hun chhoh chuan, Tlangval te chuan an buaipui nghal char char mai a, Sangluaia chu buk bul luite mawnglam ah chuan chawhmeh tur zawnga chhuk in luite fingkhat awmvel an zawh chuan, chu luite kam leh lam leh lam chu a lo zawlnuam in, a ramchu a au nuam khawp mai a, luite kam ah chuan chhuk zelin, Sakhi hnuthar ṭhatak mai chu a hmuta a, chu Sakhi hnuchu chhui zuinghal in, chu Sakhi chuan luite a ṭang chuan chhimlam pan in, piah deuh ah chuan ruamdeuh pakhat hi Sangluaia chuan a vathleng hlawl mai a
.
Chu ruam chhung, a laivel bawrah chuan Tui hi tam lutuk lo lotling in, Tui chimloh chinvel chu Sahnu hian a lo chiardup mai a, Sangluaia chuan chu ruamchu han hel vat vat in, chulairam an kalchhan, Sele hnuthar deuh pawh chu, chulai hmun ah chuan a hmuta a ni, a Sakhi hnuchhui chu umzui zelin, Sakhi chuan chulai ruamchhak deuh ah chuan, chulai ruamchu helin, a piahzawl Phairuang hmun lamchu a panzel a ni, hmuamda pawh tlinglo tur an chhuileh hnu chuan, Sangluaia chuan a Sakhi hnuchhui laichu a hmuta, Sakhi chalṭha takni in, chu Sakhi chuan Phairuang kara hnimnem te chu lopet in, thlamuang tak chuan a lo tla melh melh mai a, Sangluaia chuan Sakhi chu fimkhur taka veh hnaizel in, a kah duhtawkna awmvel ah chuan an ṭhu hniam a, a ṭanhmun chu fimkhur taka hansiam ṭha in, a Silai chu muang chang chuan an lek kang a, a Silai chu uluk taka tin vang vang in, chulai Zawlpui ruama Silai ri khawk rawih rawih chuan an kap puakdur mai a, Sakhi chuan Sangluaia chu a pang veilam zawng chhawn a nih a vang in, a dinglam ah chuan a let tawp mai a, rangtak chuan rawntho chhuak lehnghal in, an tlandawk puat mai a, mahse a mah rawnhliamtu Silaimu chuan a lung chu a rawn verhtlang a vangin, hlapawh tlantheilo chuan, a piah deuh ah chuan a awp rawp mai a, Sakhi chu thawhleh hantum mahse, a hliamchu a nat em a vang in, tho chhuak zotawhlo chuan chulai hmun ah chuan a thizui ta nghal a, Sangluaia pawh in a Sakhi kah thihna hmun a rawnthlen chuan, Sakhi thitawh la lum vat vat chu hanpu nawlh in, an riahbuk lamchu a pan pui tanghal a, buk a han thlen hian, Pasalṭha zanriah chawhmeh zawngte pawh lo haw tawh hlawm in, chung Pasalṭha te hopawh chuan Sakhi tuai pahnih lo kap in, buk ah chuan an hlimtlang dar dar khawp mai, Tlangval rualte chuan Sakhi pathum chu puah nghal zung zung in, a ṭhen zinglama hmehtura rep dul in, a ṭhenchu an han chhum hluah mai a, a chekte chu tui taka siam in, chumi tlai chuan zanriah chu tui tak chuan an ei hota a, zanriah an han ei khama, khua an thimfel meuh chuan, Sangluaia thinlung ah chuan mawlhtu eng emawhi rawn awm in, a rilru chu a nuam tlat lomai, a ṭhiante chu hlimtak in awm mahse, Sangluaia rilru chu a nuam theita lo reng reng mai a, Pasalṭha huaisen leh ralhrat chuan, a mah rawn pantu hlauhawm chu hriat theihna mak tak mai a nei a ni, Sangluaia ngaihchu ṭhalo tulh tulh in, mut an hun meuh chuan, a thinlunga hlauh thawn na liantak awm chu hreawm tihpui khawp in a rawnlian tawh a ni, a ṭhiante an muthilh hnu ah chuan, nula aw nalh em em maihian, Sangluai rawnti hian an hria a, a muthmun a ṭang chuan inbeng kangin an ngaithla chiang nghal a, nula aw chu ni in a hria a ni, tham raih raih hian, Sangluai rawnti hian hriatna liantak maihi a nei a, an ngaihthlak chian lah in a reh vawng vawng maisi, Leihrik te leh, thlang deuha kang kang Save hram tih mailoh chu hriat chian a nei silo, muthilh tum chuan an chhing vang vang a, chu tihlai chuan a beng ah chuan nula aw nalh deuh mai aw hi rawnri leh in, Sangluai rawnti leh hian an hreleh a, chu hmeichhe aw nalhtak mai chu a hriat tawh hnu ni a hriatna nei in, Sangluaia chu tho chhuak in, buk pawn ah chuan an chhuak a, mahse zan lama hramchi, Rannung te leh, Sava hramte tih mailoh chu hriat tur a neilo a ni, buk chhung ah chuan lut leh in, a ngaih chu a ṭhalo tulh tulh mai a, reitak muhil lo a a awm hnu ah chuan, khaw varlam hnaih ah chuan a chhing veta a
.
Tui taka a muthilh lai chuan mumang nei in, Tlangpawng pakhat ah hian a loding reng mai a, a piah Tlang hla lutuk lo, hriamtak ah hian mihring ni awm tak hi vahmu in, chu Tlang hriamtak chu a hmuh tawh hnu ni a hriatna liantak nei in, ngun tak chuan an thlir chiang a, chu Tlang hriamtak ah chuan mihring in hmachhawn ni awm tak hi an hmuleh a, ngun taka a ngaih tuah hnu ah chuan, chu Tlang hriamtak a hmuh chu, an mahni khaw pan na kawng pakhat, khaw luhkhan pakhat a ni tih chu a va hrethei ta a, mahse Sangluaia rilru tibuai tu berchu, chu Tlang hriamtaka mihring ni awm tak tak a va hmuh chu a ni, chung mite chu mihring an ni em, mihring an nih chuan enge an tih a nga, chu Tlang chheng chhe tak ah chuan eng vanga awm luih luih nge an nih ang? Sangluaia rilru chu a buai khawp mai, hrilh hai ang reng taka a dinlai chuan, thawk lehkhat ah chuan mihring natuar thawm chu a Beng ah chuan a rawnri ta nuaih nuaih mai a, Silai te chu puak ṭhuai ṭhuai in, mihting natuar thawm leh, ralbei thawmchu a ri nuaih nuaih mai a, Sangluaia chuan chung thawm lo chhuahna lamchu hriat tum chuan an hawikual vat vat a, mahse chung thawm lo chhuahna laichu a hremai theilo a ni, chu tia buak taka a hawikual lai chuan, nula aw nalh em em mai a hriatngei mai khan, Tlangval tho thuai rawh le, i awmloh hlan in i khualehtui chu ral in an run mek e, i tlai a nih chuan i nu leh pa, i khualehtui ngeihi i chan thei a ni, Tlangval thola hman hmawhta che, an rawnti tham raih raih mai a, Sangluaia muhil tuilai chu rawn harh hlawl in, buk chhung chu an hawikuala, a ṭhiante chu lo tho chhuak tawh in, rangtak chuan buk chhung a ṭang chuan an chhuak nghal a, Denga chuan, Sangluaia ilo tho chhuak ta maw? an rawnti a, Sangluaia chuan eng danga chhanglo chuan, hman hmawh rawh u khai, kan khua chu ral in an runmek a ni, ti a in siamnghal in, hman hmawh rawh u khai, khawmuang chi kan nilo a nia tiin, Sangluaia chu chulai hmun chhuahsan chuan, khawlam pan chuan a tlanta nghal a, Denga pawh in a naute hnen ah chuan, tumah muanchan loh tur, hman hmawh rawh u, Sangluaia khan dawt a sawi ngailo a ni, Saikham Thangkunga nen khan Sihzawl lama Val Upa Zawlthanga leh a hote vahrilh nghal rawh u tiin, Denga leh a hote pawh in hman hmawh tak chuan chulai hmunchu an chhuahsan ta a
.
Sangluaia chuan engdang mah ngaih tuahlo chuan, ngawpui chhung chhah tak tak chu tlanpel zelin, Zawlpui ramleh khaw in kar, tuk ṭhuan ei kham a ṭanga kala, chawhma deuhthaw kalchu, chak taka tlana, thlenvat a ngai a ni tih hria in, hah pawh sawilo chuan khawlam pan chuan a tlan par par mai a, a thinlunga hlauh thawn na awm chuan hah pawh hriat tir theilo in, kapa theih tawp in lo ṭang hram hram rawh u aw, ka u kapa kha loveng him hram hram rawh aw, kapa kha tuman kut an thlaktur a nilo, ti rilru mawlh mawlh chung in, ngawpui chhah pui pui maichu a tlanpel pur pur mai a, a mumanga a hmuh ang ngei khan, Tlang pakhat hi chuang chhuak hlawl in, chu Tlang a ṭang chuan an khaw luhkhan Tlanghriam chu a langruih mai a, chu Tlang hriam ah chuan mihring rual chu a hmuta ngei mai le, Tlang a thlirlai chuan, a mumanga nula aw nalh tak mai khan, Tlangval hman hmawh rawh, khawmuang hman i nilo a sin an rawnti tuarh mai a, chu veleh Sangluaia hnung ah chuan nawr kaltu awm ni awm tak hian, Sangluaia chu awlsam tak maihian a tlan lehta nghal a, ruam an thleng thla a, Tlanghriam an lawndawn chuan, a hnung ah chuan a ai a nasa a rawn nawrtu awm in, Tlangpang chheng chhe tak ah te chuan a tlanlawn pur pur mai a, Lianthanga u naupa Liankhama leh, Tawnliana te chuan Thangluaia khua chu luh chilhtum chuan an nawr nasa mai a, khaw luhkhan Tlang chheng chhe tak, a Tlang pawh zumhriam tak, a ruala mipanga velbak kal theihloh na, a Tlang pang velchu kham chheng chhe tak hmun ah chuan, Liankhama hote leh, Tawnliana hote chuan Thangluaia khua chu luh tum in, kawn hniamlai deuh ah chuan an in nawr nasa mai a, Thisen pawh tam tak chhuak tawh in, Thangluaia te pafa chuan hma hruai in, Val Upa Kapzinga te nen chuan ralho chu theih tawp chuan an lodang a, he tihlai hian Sangluaia pawh, chulai ruam chung mual pawnglai ah chuan rawn chuang chhuak chiah in, a pa leh a u a hmuh rualchiah chuan, ralho lam a ṭang chuan Silai hi rawnpuak ṭhuai in, Satbula chu chu Silaimu satak chuan rawnhnawl rawp in, kopang lam ah chuan paih ang thlawrh hian Silaimu chuan an hnawl a, Sangluai'an a u kah a ni tih an hmuh chuan, a thinlung thinrimna a vanga sosang laichu, chemte zumtak vih ang mai chuan Sangluaia thinlung chu na in, chulai Tlanghriam tak hnuai ruam khawk rum rum khawpa ring chuan a au chhuak ta
.
.
DUHTAWK LEHRIH PHAWT ANG U AW
REMCHANG HMASA BERAH KAN CHHUN ZAWMLEH DAWN NIA
.
Hman hmawhlo in minlo nghak hram hram ṭhin dawn nia
.
.
[Lalzirliana Tochhawng] [Champhai Tlangsam]

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 29th, 2018, 8:42 pm

................ PASALṬHA THANGLUAIA (224) ...............
.
.
Chu Tlanghriam tak, ruam khawk rum rum a an au chu Liankhama leh, Tawnliana mite pawh chuan mak tiin, chu rawlthar lamchu an hawiṭhup mai le, chu tia makti taka rawlthar lam an hawiṭhup lai chuan, chu Tlang bulṭhut a ṭang chuan Sairal liantak pahnih ha hum dum dum mai thawm an han hrezui nghal a, rawlthinrim chuan a u Satbula lamchu rang taka rawnpan nghal in, a u bulah chuan ṭhingṭhi in, a kut dinglam chuan a u tukhum ah chuan chawikang in, a kut veilam chuan Satbula hnute bula an kahna, a hliam a ṭanga Thisen rawn chhuak chu hupsak nghal in, ka u ka u, tiin an ko nghal a, mahse Satbula hliamchu a nat em a vang in, Satbula chuan a nau kohna chu hriatpawh hrelo in, Satbula chuan engmah a hretawhlo a ni
.
Sangluaia chuan ka u tho rawh, vawikhat chiah min chhang teh tiin, Thisen a hloh hnem a vanga hmel danglap mai Satbula hmel chu, a kut veilama a u Thisen ngei mai kai hnuang chung chuan, Sangluaia chuan an chulsak a, a mit a ṭang chuan a u a lainat na a vanga a mittui chu rawn hnam chhuak in, ka u ṭang fan fan rawh aw, Thangluaia fapa huaisen i nih kha, ka u kei chuan englai mah in ka tluk ngailoh che kha, chu vangin i hliam pawh hi i tuar chhuak thei tih ka hria a ni, an ti a, Thangluaia leh Lianpuia, Thawmvela leh Val Upa Kapzinga te pawh Satbula bulah chuan rawn ṭhingṭhi hniam nghal in, Thangluaia chuan, ka fapa ṭang fan fan rawh aw, i hliamhi i tuar chhuak thei tih ka hria a ni, an ti a, Thangluaia chuan a fapa Satbula hmel danglap maichu han en vang vang in, a mit ah chuan thinrimna liantak maichu rawnlang chhuak nghal in, a fapa hliama a awm a vang chuan a hmelma te lak ah chuan, eng dawh theihna mah lantir a tumbik tawhlo, Lianpuia hnen ah chuan, a ranglam in Satbula hi khawlam pan puinghal rawh u tiin, a chempui chu nghet taka hum in a ding chhuak ta nghal a
.
Sangluaia pawh in a u Satbula biang chu han chulsak leh in, ka u chheltak in aw an ti a, Satbula chu rawn khuh chhuak bawrh bawrh in, a khuh zawng chuan a hliam a ṭang chuan Thisen hi a rawn chhuak ṭhawt ṭhawt mai a, Sangluaia chuan a u hliam chu hupsak tlat in, a khuhte an reh chuan Lianpuia chuan, Tlangval ho hnen ah chuan, khaile a rangthei ang berin Satbula hi khua pan pui nghal tur a ni an ti a, Sangluaia chuan a u hmelchu en vang vang in, a kuta a u Thisen kaihnuang chuan a u hmaichu hanchul in, ka u chheltak in aw, i chunga hetiang ti tu te hi thihna chuan a umzui venghal ngei ang, kawlkil tawp ah pawh tlanchhe rawhse, an lu ka lak hma chuan ka chawl ngailo ang tiin, a u a lainat na a vanga a mittui tlingchu han khap persawk in, a chempui humchung chuan a ding chhuak veta, a kut veilam chuan Maubul chang hriam chu hum chhuak nghalbawk in, a pa lam ah chuan an penthla a, Sangluaia chuan a pa hnen ah chuan Maubul chang pakhat chu hanpe in, an pafa chuan Liankhama leh Tawnliana ralho awmna lam ah chuan an penthla ta nghal a
.
Sangluaia kawr ruam khawk rum rum a an au leh, Sairal ha hum dum dum mai khan, Liankhama leh Tawnliana hote thinlung ah chuan hlauhna liantak tuh in, chulai an in beihna hmun a ṭang chuan Tlangdung ah chuan thuitak tawlh thlahlawm in, hlau in an hawiphawk hrumai hlawm a, an lampana Thangluaia hote rawnkal an han hmuh phei chuan, chung zinga pakhat chuan, Thangluaia leh a fapa Sangluaia hmarawn hruai an han hmuh chuan, khile ralhrat Lal Thangluaia leh a fapa mihrang Sangluaia chu le an ti a, Tlangval rualho pawh in Thangluaia leh a fapa Sangluaia hmachhawn chu an chak mawlh lo a ni, Liankhama leh Tawnliana hote hruai tupa Val Upa Kaithanga chuan, a hote chu han fuih in, hlau reng reng suh u, mihringve mai an ni a, tumah khi hlauh tur an nilo tiin an fuih a, Val Upa Kaithanga hi Liamkhama Val Upa ni in, a thusawihi Tawnliana hote chuan an ngaitheilo ru khawp mai, mahse an hruai tupa a nih miau a vangin a thusawi chu chhan chi an an ngailo a ni
.
Thangluaia te pafa chuan hmachu rawnhruai in, an hnung ah chuan Thawmvela leh Pasalṭha rualte chuan an rawnzui bawk a, Thangluaia ten Liamkhama hote awmna an thlengdawn tih ah chuan, Tawnliana Pasalṭha chuan a hma a awmte chu rawn hmakhalh in, Silai chu an rawnlek chhuak thut mai a, rangtak chuan Sangluaia telam chu rawntin nghal in, a Silai a rawnlek chhuak feldeuh chiah tih ah chuan, Sangluaia kut dinglam a ṭang chuan Maubul chang chu a thlawk chhuak nghalzawk mai a, chupa, Silai lektu hrawk tak mai ah chuan lut hrawih in, chupa chuan a Silai humlai chu thlah nghal in, a hrawka Maubul chang lutchu vuan nghalin, a awmna hmun ah chuan a letnghal tawp mai a, Sangluaia chuan a pa Thangluaia chu tlandawk pelzawk in, ral hmatawngho awmna laichu an bawhchilh nghal a, karlo ah chuan Thangluaia te pawh in ralho chu rawn pawmchilh nghalin, Liankhama leh Tawnliana hote chu an let tawp tawp mai a, chulai an in beihna hmun chu, Tlang dung hriamlai ni in, a Tlang dunghi a tet a vang in zau taka in zarpharh theih a nihloh a, a tamber ah mihring pali velbak a inzar pharh theih loh a ni
.
A fapa meuh an hliam a vanga thinrim chuan fimkhur tak chungsi chuan tumah dimreng a neilo, Thangluaia chu upa lam nitawh mahse, Tlangval naran chuan an la tluk khawp mai, ralho hma ah chuan rang tak tak a che in, a hma a chhuak chu tumah dimreng a neilo, chu tiangbawk chuan a fapa Sangluaia pawh, a u hliam a nih a vanga a thinlung phuba lak chakna a vanga rawnso sang chu ralho tan chuan danrual a nilo a ni, ralho hmahruai chu an thal tawp tawp mai a, Thangluaia leh a fapa Sangluaia chumpui humlai chu, Thisen a vang chuan nalzuih tawh in, an taksa te chu Thisen per chuan a buai sen ngei nguai tawh mai a, chu tihlai chuan chung ralho rawnlawn na Tlang bulṭhut lam a ṭang chuan, Sairal lian zet zet mai pahnih te chuan, Liankhama leh Tawnliana hote chu an rawn zuan chat chat mai a, hnunglama awmte chuan Silai hanlek mahse, chung Sairal te chu kap hman tak tak lo in, Sangluaia ralte chu an rawnseh chat chat mai a ni
.
Tlang dung hriamlai chu a tet em a vang in, a dungzui zawnglo chuan a awm tam theih loh a, chu Tlang pangvel chu kham chheng chhe tak mai a nih a vang in, mihring tanpawh hankal zung zung theih a nilo a, lumhlum hlauhawm tak vek a nih a vangin, kal zung zung theih a nilo a ni, an hmalam ah chuan Thangluaia leh a hote chuan rawn nawrzel in, hmalam hochu an rawn tawlh hnungthla a, hnunglam ah thung chuan Sairal pahnih chuan an rawn beihve a vang in, tawlh hnun theih a nibik lo a ni, hmalam ah leh hnunglam a ṭang chuan beitu an neih a vangin, Liankhama leh Tawnliana hote chuan tihngaihna dangvak an hresilo, an in nek khawm in, Tlang dung hriamlai ah chuan an lengta silo, Tlang pangah chuan in nek thlahlawm in, ṭhenkhat chu an lumhlum hlawm a, ṭhenkhat thung chu thi silo in, hliampui na tak tuar chuan an awm bawk a, am buai nuaih nuaih khawp mai
.
Chutia an buailai chuan Pasalṭha Denga leh, Val Upa Zawlthanga hote chuan, chung Liankhama leh Tawnliana hote chu, an mawnglam a ṭang chuan rawn chu Tlang chu rawnlawn chhove in, Sairal te chu in thiarfihlim in, Val Upa Zawlthanga leh, Pasalṭha Denga hote chuan ralho chu an rawn nawrchho veta a, Liankhama leh Tawnliana hote chu an hek in, Tlang pang khamah chuan tam tak an tawlhliam a vang chuan, Thangluaia leh a hote lak ah chuan ṭangtham pawh an awm tawhlo a ni, Liankhama Val Upa Kaikhama chuan a naute chu an thivek dawntih hria in, a naute ho hnen ah chuan, a thei thei in saseng rawh u khai, Thangluaia kuta in pek ai chuan, a thei thei in saseng rawh u tiin an au a, mahse in saseng na hmuntur a awmloh a vangin han tlanchhiatna turpawh a awmlo a ni, chutia an buailai chuan Thangluaia te chuan hmarawn sawnthla zelin, Denga te pawh chuan ralho chu an rawn umchho zelbawk a, Val Upa Kaikhama leh a hote chu an buai khawp mai, Tlangval tam tak chuan ralkuta thih ai chuan tiin, khampang ah te chuan muang changa chhuk in, an ṭhiante rawnlum chuan rawndelh tawk an awm bawk a
.
Thangluaia hote chuan an nawrchilh hneh tawh khawp mai, Val Upa Kaikhama hote chuan an theih ang ang chuan Thangluaia te chu dan hantum mahse, an ni tan chuan Pasalṭha ralhrat tak tak te chu dantheih an nilo a ni, Thangluaia leh Denga te chuan rawn nawrchilh tawh in, Val Upa Kaikhama hote chuan ralkuta thih ai chuan tiin, kham ah chuan an theih ang ang chuan an hanchhuk a, mahse mihringtan kal tak tak theih a nih loh a vangin, thuilote an chhuk hnu ah chuan lum tawk an awm bawk a, chulai hmun ah chuan Liamkhama leh Tawnliana hote chu an thizo deuh vek a ni, Liankhama Val Upa Kaikhama leh Tlangval sawmrual te chu Thangluaia kut ah chuan inpe in, Lianpuia chuan chungho chu thah vekmai an tum a, mahse Thangluaia chuan Lianpuia chu lo khap in, khatiang tur a ni ngailo, mi kan laka an inpe tawh a nih chuan tumah kut kan thlak tur a nilo an ti a, Denga tepawh in Thangluaia te chu rawnpawh in, eng eng emaw an sawihnu ah chuan khawlam pan chuan an kalta a
.
Khua ah luh hian Lal inlam ah chuan mipui anlo pungkhawm hnem khawp mai a, Thangluaia tepawh in Satbula chan chin chu hreve nghal in, Satbula dinhmun chu a ṭhalo khawp mai tih hria in, Bawlpu chuan theih tawpin a en kawlmek a ni tihpawh an hria a, in chhung ah chuan lutnghal in, Sangluaia an mutna lai ah chuan kalnghal in, Thangluaia leh Sangluaia chu Satbula an mutna bulah chuan an hanṭhu nghal a, Thangluaia rilru chu a nuam theilo a ni, Satbula bangvel chu han khawihsak in, a hliampui tawrh chuan khawsik sangtak a siamsak tih hria in, Thawmvela hnen ah chuan, Liankhama Val Upa kha rawnhruai teh u, an ti a, Thawmvela chuan rangtak chuan Liankhama Val Upa Kaikhama chu Thangluaia hnen ah chuan an hruai a, Thangluaia chuan Kaikhama chu an ṭhutna bulah chuan ṭhut tir in, heihi ka fapa a nih hi, in Silaimu tuar in thihsual in a mu a nih hi, heihi kan zawt teh ang che, ka fapa kaptu kha tunge ni a, tun ah hian damin a la awm em? tiin an zawt a, Kaikhama chuan Thangluaia thutak ziahmu in, a zawhna chu chhan lohchi ah ngailo in
.
I fapa kaptu hi a ladam a ni, mahse a ni chu helai hmun ah hian hmuntur a awm tawhlo ang tiin an chhanga, chu ṭawngkam chuan Sangluaia thinlung chu a verhta zarmai le, Thangluaia chuan, Kaikham eng i tihna nge ni le? ka fapa kaptu chu dam in a la awm a, mahse in zingah hian a tel velo i tihna em ni? tiin an zawtleh a, Kaikhama chuan, aw kapu i sawiang chiah chu a ni e, i fapa kaptu khan Thangluaia fapa a kap a ni tih a in hriatkhan, engmah ngaihtuah a neitawh lo, ka bula a sawidan chuan, hmunhla tak ah ka kalnghal dawn, tun ah hian ka kalbo nghal a ngai a ni tiin, a Silai kha la in a kalta nghal a ni, a ni kha Tawnliana Pasalṭha a ni a, khua ah chuan a luhngam ka ringlo a ni, in hmuhphak loha hmun hlatak a pan ka ring a ni an ti a, Thangluaia chuan Kaikhama chu ngun taka en in, a thusawi chu dawt a sawilo ni a hria in, a nih i thusawi chu ka ring ang, mahse dawtmin hrilh a nih erawh chuan, i nun na hian a tuarngei ang an ti a, Kaikhama chuan, kapu a panlam turchu ka hremiah lo, mahse khua ah chuan a awm ngam ka ringlo a ni, chuan ka thuhrilh chehi dawt a nilo a, i duh chuan ka naute pawh hi engkim i zawt vek thei a lawm an ti a
.
Tjangluaia chuan, a nih khua ah chuan let lose, khawilai nge a pan i rin? tiin an zawtleh a, Kaikhama chuan, kapu ka hremai bik lo a ni, Tawnliana khawmi a ni a, a pan tumlamhi ka hrebik lo a ni an ti a, Thangluaia chuan, Kaikhama thusawi chu a dik tih hria in, i thusawi chu ka ring ang e, mahse ka sawiang khan dawt sawihi ka duhlo a ni an tileh a, Sangluai'an a u kaptu a ladam tih an hriat chuan a thinrimna chu rawn sosang leh in, kapa kalchhuah ka duh a ni tiin, a pa chu kalchhuah an dilnghal a, Thangluaia chuan a fapa rilru chu hrethiam in, Sangluai danche ka tum reng reng lo, mahse khawihmun ah pawh kal la, i thinrimna tak pawh i tawk a ni thei e, insum theihna neih hi hmelma kar ah chuan, kan hmelma te beihna pakhat a ni tih hria la, a ṭullo ah chuan thinrim tak in che chhuak ngaisuh ang che, tin i u kut thlaktu lak ah chuan i hlawhtlin ngeipawh ka ring a ni an ti a, Sangluaia chuan, kapa ka hrethiam e, i thusawi zawng zawng kha ka thinlung hian ka vawng tlat ang an ti a, a u Satbula bulah chuan ṭhingṭhi in, a kut chuan a u chal chu han dawm a, zawisap hian, ka u lotuar hram hram ang che aw, i chunga Chengrang lektu lu chu i hnen ka rawnthlen ngei ang an tisap a, Sangluaia chu ding chhuak nghal in, a Silai leh a chempui te chu la a ak in, Tawnliana khawlam pantur chuan a chhuakta nghal a
.
Kawtchhuah an thlen chuan han hawilet in, ka u ka hlawhtlin hmaloh chuan ka rawnlet tawhlo ang, i hliamchu nahle mahse lotuar chhuak hram ang che ti a in her in, a khua chu a kalsan ta vang vang mai a, Thangluaia chuan, Kaikhama leh a nau sawmrual te hnen ah chuan, in chung ah hian kut lek kan tumlo a, mahse nihnih velchu in tan a ngai a ni, chumi hnu ah chuan ka upa te ngaih dan dan in in chungthu chu kanrel leh ang an ti a, he tihlai hian Denga leh Val Upa Zawlthanga tepawh Satbula kiang ah chuan rawnṭhu in, Thangluaia chuan, Denga kala zawt miahlo che u a, eng tin nge in ramchhuah na hmun a ṭangin kan chan chinhi in rawnhriat le? in huaisen na leh in tlawmngaihna a vang liau liau in hei khuachu a himta a nih hi an ti a, Denga chuan, kapu kan huaisen vang leh kan tlawmngaih vang a ni reng reng lo, ni e tuk kinzing Sangluaia tho khan, hman hmawhtak maiin min tmrawntur nghal a, khua run a ni, hmanhmawh tak in khua pan nghal kan ngai a ni tiin, a mah kha insiam sawk sawk in a tlanliam nghal a, a hnung kan rawnzui vechauh a ni e, kan Tlangval pahnih hei kan Val Upa tehi ka vahrilh tir a, kan khawlam pan hian kan rawntlan nghal a ni, keini chuan Sangluaia ka a ṭanga hria kan ni e an ti a
.
Sangluaia kalchhuak tapawh in, khawthlanglam chu pan vang vang nghal in, Ni tlakdawn ruai ah chuan Lianthanga ramchu lut in, a kal hmasak ṭuma hmun nuamtak, ruam raidup mai hmun chu thleng hlawl in, chulai hmun ah chuan riahbuk sual a rilruk a, a hmunchu a nuam in, zawlzau tak a ni a, chu zawlzau tak laiah chuan mual lianlo tak awm in, chu mualchu luite hian a luan hual in, chu luite chu mual thlang ah chuan a in finleh nghal a ni, chu mualte ah chuan Sangluaia chuan riahbuk turchu zar in, an zawhfel meuh chuan Ni pawh a hniam ruihtawh a ni, Sangluaia chuan a riahbuk sualna mual chhip a ṭang chuan, chulai hmunleh a chheh velte chu an thlirkual a, a hmun chu a nuam in, hmunzawl chu thui tak tak a langthei a, chu mualte chhak Thing din na china, Thinglian tam rotawh zarah chuan, Vaṭhu hi fuhvang in, khawhar hmeltak hian a hram kurh kurh mai a, Dawlrem leh Uleuh te pawh in Ni tlatur chu uive ni awm tak hian, chulai mualte bawrah chuan uar tak chuan an hram bawk a, thlangdeuh ah chuan Mimsirikut pawh hram lauh lauh in, chung nungcha te hram chuan Sangluaia thinglung chu a hneh khawp mai
.
Kawrte a mi Tui te chu Mauthei chuan zuk chawi in, nungcha hote hram lauh lauh karah chuan zanriah turchu an buaipui a, chaw te chhum in, in a ṭanga a pai sarep te chu thukphum in, chulai kawrte kamvela Lairawk Tumbu te chu la in, chung Lairawk Tumbu te chu zanriah hmeh tur chuan an thukphum hmin bawk a, zanriah an peihfel chuan Ni pawhchu khawthlang kawlkil ah chuan tladawn suar suar tawh in, tlai Ni tlatur chuan chulai ruamchhung chu a chhun mawi khawp mai, mualte a ṭang chuan Sangluaia chuan hanthlir kual vang vang in, ka vanglai hunṭha te hian mualliam in, khuarei an lachang dawnsi a maw? vawiin ni a ka huntawn angte hi la tawngleh ang i maw? vanglai ten mualliam in, hunreilo te ah upa kan lani ang a, chu tih hun ah chuan ṭhangthar ten heng kan sulhnu te hi larawn chhui veleh ang maw? Laifei chulin tukloh ramdai te hi kanla thlir vawng vawng dawnsi maw? tiin a zanriah siamchu ei tur in a in buatsaih ta a, zanriah te an eifel meuh chuan khuapawh in thimlam pantawh in, a buk tuala a meichhem chu an chhawm alh ṭha a, zante an rawnher chhuah meuh chuan, nungche te hram pawh in thlak in, tlailama hram tam takte chu ngawiṭhap tawh in, zan lama hramchite chuan khaw en laia hramchi te chu rawn thlak in, chu ruam chhung ah chuan rannung te chu an hramta chiah chiah mai a, Sangluaia pawh chung rannung hram chiah chiah karah chuan, reipawh menglo in mutzai a relta a
.
Sangluaia chu tui taka mu in, zingtak ah chuan tho chhuak in, hmatak ah chuan tuk ṭhuan tur an buatsaih nghal a, kawngthui tak a la kaldawn a vangin muanchan chi a nilo tih hria in, tuk ṭhuantur chu hmatak ah chuan an peihfel a, tuk ṭhuante an eifel chuan chulai hmun nuamtak chu han thlirkual vawng vawng in, Thingro pakhat sangtak zara, zing Ni chuak ai Vaṭhu hram lauh lauh karah chuan, chulai hmunchu hreh rutak chung chuan a chhuah santa a, Lianthanga khua chu lutlo in, a khawdai ah chuan a kalpel a, Tawnliana khua pantur a nih a vangin, muang hman a nilo tih a in hria a ni, Lianthanga khawdai a pelh dawnlai chuan, daia pitar pakhat Thingro phurhi hmu in, Sangluaia chuan, kapi helai hmun a ṭang hian Tawnliana khua hi a la hla em? tiin an zawt a, pitar chuan, vala Tawnliana khua ah chuan i kaldawn em ni? tiin an zawt a, Sangluaia chuan, aw kapi tihtur ka neia ka kaldawn a nih hi an ti a, pitar chuan, vala Tawnliana khua chu a la hladeuh a sin, mahse nangni Tlangval chak deuhte tan chuan khawkar ah zanhnih bak i riak lo ang, tiin an chhang a, Sangluaia chuan, a nih kapi ka kalmai a nge, khua chu a la hlasi an ti a, pitar chuan, vala i kaldawn chuan ka u naunu minlo tlawhsak ta che, Challiani a ni a, a hnen ah chuan, i unaunu Kaithang 'in kan damthu hi minlo hrilhsak rawh rawnti ta che, vala Tawnliana khua ah chuan chhungkhat laina te i nei reng reng em? tiin an zawtleh nghal a
.
Sangluaia chuan, kapi Tawnliana khua ah chuan tumah chhungkhat laina kan neilo a ni, mahse tihtur nei kanih a vangin kal ngei ngei ka ngaisi a, ni e i unaunu chu i damthu hi ka rawnhrilh ngei ngei dawn nia an ti a, pitar chuan, vala ka unaunu te in ah chuan vathleng nghe nghe la a ṭhatdawn chu, Tawnliana khua ah chuan chhungkhat lainate in neihloh chuan, i u Kaithang'in vathleng rawh a ti i rawnti dawn nia an ti a, Sangluaia chuan, kapi a nih leh helai aṭang hian, Tawnliana khua chu a kalna kawng hnaiber eng tin nge ka hriat theih ang? tiin an zawt leh a, pitar chuan, a ni maw vala kan hrilh ang che, helai mualhi i zawh thlazel la, kawrte i zuk thleng ang a, kawrte chu finghnih velzawh in, mual inkham purmai i zuk pawh ang a, chu mual ah chuan chuang kaiin, mualdung chu khawthlang lam hawiin i zawh leh ang a, mualdung tawp a kawrte chu chuangkai in, chulai kawrte rawn chhuntu, kawrte kam lehlam mual ah chuan i chuangkai leh ang a, chu mual mawng chu zawhchho in, ta ṭang chuan khawthlang lamhawi zawng in i kalang a, Tlang pakhat tohlurh mai i hma chhawn ang a, chu Tlang chu lawnin a chuan hnuai laiah chuan i lawnliam ang a, chumi piahlam chu Tawnliana ramchin nitawh in, ta ṭang chuan Tawnliana khua chu hnaite a nitawh tiin an hrilh a, Sangluaia chuan pitar chu lawmthu han hrilh in, Tawnliana khawlam pan chuan a kalsan ta a
.
Sangluaia chuan pitar hrilh ang chuan kawng chu zawhthla in, Tawnliana khua hi a vawikhat kalna a nih a vang in, kawngchin a hriatloh a vangin hman hmawh tak pawh in a kal theilo a, pitar hrilhang zelchuan kalin, chawhma ṭhak an kalhnu chuan, pitar sawiang chuan ruam chu zuk pawh in, chulai ruam kawr tea Tui thianghlim tak luang chu, chhawlhal tih reh nan an in khawlh khawlh a, a duhtawk a in hnu chuan han insildai nghal in, chulai hmun ah chuan reitak awmlo in, pitar sawi kawng chu a zawh leh ta a, thuitak a kalhnu ah chuan Ni pawh hniamruih tawh in, Sangluaia chuan kawrte pakhat an zuk pawh leh chuan, chulai hmun ah chuan riahbuk sualzai a relta a, chulai ngawpui chu a chhah hle mai a, chhun khaweng ah pawh Ni zung chu lutvelo in, a chhung te chu a hnawng deuh churh mai a ni, kawrte kam ah chuan ṭhu in, riahbuk sakna tura hmunrem laite melh in, a ṭhutna chhak, kawrte zawl laichu rema a hriat a vangin, chulai zawlah chuan riahbuk chu a sualta a, mahni chauha riahna tur a nih a vangin,buk chu lianpawh in a salo a, an zawhfel chuan, zanlama muhtur Thingro, a vel a michu an fawnkhawm nghal a, ṭhahnem tak a fawmhnu chuan buk kawt ah chuan dahkhawm in, zanriah turchu chhum in, kawnga Chang Vandawt a lakte chu thukphum in, a Sarep paite pawh han thukphum in, zanriah an peihfel meuh chuan khua pawh a tlairaih tawh mai, chu ngawpui chhah tak, chhun enlai pawha Ni zung luhlohna ah chuan, a thimruih tawh a ni, muang changlo chuan Sangluaia chuan, a zanriah bawlchu a ei ta a
.
Zanriah a eilai hian, chulai ngawpui chu thimruih tawh in, Sangluaia chuan chulai hmunchu nuamlo tihna riauhi a nei a, ṭumdang ah pawh, a vawikhat kalna ho ahpawh nuamlo tihna hran a nei ngailo a, mahse zanin tlaia a zanriah ei hi chu, tlaidang a anglo khawp mai, chumi tlai a zanriah ei chu, a zanriah eipawh tuilo chuan, karlo ah chuan a khamta nghal a, a buk kawt meipui bula an ṭhu chu, a chhak kawrte hnarlamah chuan, a khat tawka thilri kauh kauh maihi a hria a, ramvachal chuan chulai hmun thilthlen danchu a hrethiam nghal a ni, a rilru chuan, zanin chu mutmu kantuah ṭha dawnlo a ni maw? tih hrenghal in, a chhak lama thilri awm chu, Rangnung emaw, Sava thawm emaw, Sa thawm emaw a nilo tih hria in, chu ngawpui chhung chu, a hriatloh thilchuan a chen chilh tih a hrechiang hle a ni, zante an reideuh chuan buk chhung lamchu belin, mutzai a relta a, reipawh a muthma chuan a buk thlanglam, kawrte mawnglam kawilam ah chuan, mihring rawn ṭawngchho nawk nawk thawmchu an hria a, Sangluaia chu buk chhung a ṭang chuan chhuak in, thlanglam chu an thlirthla a, a buk thlang kawrte kawilai ah chuan tumah hmuhtur an awmlo a ni, mahse mihring ti ti bawrh bawrh thawm chu hriat tur awm rengtho si in, enge an sawichu a hriat theih chuang loh a ni, chu tia a thlir renglai chuan ti ti bawrh bawrh thawm chu reh hmak in, Sangluaia chuan, zanin chu ṭhian ka neidawn a ni maw? ti rilru chung chuan buk chhung ah chuan luh leh an tum a, mahse buk chhunga a luh hma chuan, ṭawng bawrh bawrh thawm kha, a buk chhak lam ah chuan a rilehta bawrh bawrh mai
.
Sangluaia chuan, helai hmun ah hian zanin chu riah ka tum a ni, nangni nen hian in tihbuai ka duhlo a nia tiin, buk chhung ah chuan an luhsan a, chuta ṭang chuan thawm a hruat hote chu reh vang vang in, Sangkuaia pawh muhiltur chuan an mai mitchhing a, eng thawm emaw hian rawnti harh zawk in, tlem a chhing sek tih chu a hrethiam nghal a, Sangluaia chuan thawm neilo chuan a Beng chu chhi ran in, thawm danglam awm chu an ngai chang vang vang a, a Beng fingtak chuan buk kawt lama thawmri ser ser chu hrenghal in, a chrmpui chu nghet taka humnghal in, a mutna hmun a ṭang chuan a tho chhuakta nghal a, a Buk kawng ka chu zawite a keu hawng in, pawn lama meipui a chheh lamchu an en phei nghal a, meipui chu lo thideuh ruptawh in, meipui en phak mangloh chin ah chuan mihring niawm tak dinghi a va hmuta a, buk chhung a ṭang chuan zawite a chhuak in, mihring ni awmtak awmna lamchu a pan ta a, meipui chhehna lai a vethlen chuan, mihringni awm tak dingchu kalmiah silo chuan a tawlh hlathei a ni, chupa chuan Sangluaia chu a hnung chhawn tlat a vangin, Sangluaia chuan a hmelchu a hmutheilo a ni, tin Sangluaia chuan chupa awmna lam a pan chuan, chupa mihring ni awm tak chuan hlatsan zelin, Sangluaia chuan, tunge i nih? helai hmun ah hian min rawnti buaitur hian em ni ilo kal? tiin an zawt a, mahse Sangluaia biakpa chuan ṭawngkam khat pawh in a chhanglo a ni, Sangluaia chuan, minbe duhlo a nih chuan helai hmun a ṭanghian kalsawn la, ṭhatak in min muthilh tir rawh an ti a, mahse chu mihring ni awm tak dingchu chelo chuan a ding ngar ngar mai a ni, Sangluai'an buk lam an pan chuan, chu a bula awmve chu rawnhnai leh in, meipui bulah chuan an rawnding leh a, Sangluaia chuan, kabula i awmve duh a nih chuan, tah khan awmla, mut ka duh a ni tiin buk chhung ah chuan an luhsan ta a
.
Sangluaia chu reipawh a mu hmanlo tih ah chuan, buk kawt lama meipui bulah chuan, thawm chu a awmleh ta, mahse chu thawm chu a hma a a hriatdan nen a inang tlat lomai, chu thawm chu mihring rumthawm ni in, mipa natuar thawm a ni tlat mai, mahse chu rumthawm chu a ringlo a, hriat theih chang chang chauh a ni, Sangluaia chuan Tlangval natuar rum thawmni ngeihian a hria a, Sangluaia rilru ah chuan, ka u kha a ṭhalo zualmai em ni ang? tiin ngaihtuahna an nei a, mahse chu aw chu chiang taka an ngaihthlak chuan, a u Satbula aw chu niin a hrelo a ni, buk a ṭang chuan chhuak leh in, a meipui chheh na piah lawk ah, thimchin deuh ah chuan mihring ni awm tak mai, dum deuh runmai hi ṭhu ni awm tak hian a kun tlat mai a, chu thimchina ṭhu mihring ni awm tak chu rum ṭuah ṭuah in, awi awi awi ti hian a thaw hulh hulh mai a, Sangluaia chuan, tunge i nih le? ṭanpui i ngai a mi? tiin an zawt a, chu veleh chu mihring niawm tak chuan Sangluaia lamchu rawnhawi nghal in, a hmelchu thimrup mai in, a hmelah chuan damlau hmel reng reng a langlo a ni, a hmaichu a dangvek mai a, a nghawng chu zaichhumna ni awm tak hian, chema zaina hnu hmachu a kualruih mai bawk a, a mit te chu khurduk mai in, a mitmu reng reng hmuhtur a awmlo a ni, meipui chheh en chuan en phadeuh ruau ruau in, a taksa te chu a dangvek mai a, a hmel ah leh a taksa ah chuan damlai taksa leh, damlai hmel reng reng hmuhtur a awmlo a ni
.
Sangluaia chuan, ṭanpui i ngai a nih chuan hansawita che, ṭanpui theihna che ka nei a nih chuan, englai mah in ka hnungtawlh lo ang, an ti a, chupa hmelah chuan damlai hmel reng reng langlo mahse, a hmelchu a lainat awm in, a hmel a ṭang chuan eng emaw tihluih vanga thi a nih ngei Sangluaia chuan a ring a ni, chu thlavak chuan Sangluaia hnen ah chuan, thamdeuh ṭuak mai hian, phuba minlak sakngei ang che an ti a, Sangluaia chuan, tunge i nih a? khawilam minge i nih le? tiin an zawt leh a, chu thlavakvai chuan, fiahlo ruai ma hian, min larawn hre chhuak ngei ang ti a chhang in, chulai kawrte a ṭang chuan a ralta a, Sangluaia chuan chu thlavakvai thusawi chu ngun taka ngaihtuah in, min larawn hrechhuak ngei ang a ti ringawt a ni a, khawiah nge ka hriat chhuah ang? ti a ngaihtuah in, buk chhung ah chuan a lut lehta a, hmuamda awm velzet a mut leh hnu ah chuan, a muhil veta a, mumang mak tak mai nei in, chu a mumang chuan Sangluaia rilru chu a tibuai khawp mai, a mumang ah chuan khaw pakhat, a la hmuhngai reng reng loh kawtchhuah ah chuan loding reng in, chu khaw kawtchhuaha Lung an phun te leh, an Selu tarte chu ngun tak chuan an en a, tin khaw kawtchhuah bula Bung kung liantak lamchu hanpan leh in, chu Bung zarah chuan ral lu hi an lo tar tlar tuarh mai a, Sangluaia chuan, he khua chuan ral an that hnem awmhle mai, he khua ah hian Pasalṭha an ṭhahnem dawn a nih hi ti rilru chung chuan, chung ral lu an tar tlar tuarh hochu an en den den hlawm a, mak tak maiin, chung ral lu an tar tlarho zingah chuan, a buk bula thlavakvai a biak lu kha a telve tlat mai, Sangluaia chuan makti taka a thlirlai chuan, chu lu bung chu rawn ṭawng chhuak in, diklo taka tih hlum kani a sin, he hmunhi i kalhun ah chuan, eng kimhi i hrethiam vek mai ang, an ni khan diklo takin minpuh a ni, an rawnti a, Sangluaia chuan chu lubung chu an en chian chuan, a buk bula a hmuh ang khan, a mitmu te chu kherchhuah sakni in, a hmai hmelvel a ṭang chuan, nasa taka nghaisak a ni tih chu chiang tak in a lang a ni
.
Sangluaia mutui laichu harh hlawl in, an hawi kuala, a landan a ṭang chuan khuachu vartawh in, chu ngawpui chhah takmai chu khawvar tir chuan ala rawn tieng phalo a ni, Sangkuaia chu tho chhuak nghalin, a mumang chu a rilru ah chuan a awm rengmai a, a tuk ṭhuantur bawlpajmh te chuan ngaihtuah reng in, khapa kha ka hriatzawng a ni silo a, a chunga thilthleng kha ka van hrethiamlo em? tunge diklo taka puh ang a, eng vanga tihlumnge an nih ang? tin khawi lama khawsa nge a nih ka hre bawk silo, eng tianga zawn chhuah chinge a nih ang? Sangluaia rilru ah chuan, chu zawhna ringawt chu a awm a ni, tuk ṭhuan a eilai pawh chuan a rilru ah chuan zawhna liantak awm reng in, khapa kha tunge a nih ang a? khawi Lal hnuaia awmnge a nih ang? chu ringawt maichu Sangluaia rilru ah chuan a awm a ni, karlo ah chuan tuk ṭhuan chu ei kham in, huanda awmvel han ṭhuleh in, chulai hmunchu hmatak ah chuan a chhuah santa a, pitar in kawng a hrilh ang chu zawh zelin, muang chang lutuk lo chuan a kalzel a, chawhma ṭhak a kalhnu ah chuan mualte pakhat hi chuang chhuak hlawl in, chu mualte bula kawrte Tui chu han in khawlh khawlh in, chu luite kam ah chuan a chawfun te chu han ei nghal in, chaw funte an ei kham chuan, chulai hmunchu a chhuah sanleh ta nghal a, Sangluaia chu Lianthanga leh, Tawnliana khawkar ah hian, pitar sawiang khan zanhnih ngawt riak in, Tawnliana khua chu zanriah eihma deuh ah chuan kawtchhuah a thlengta a, pitar thu hrilh kha hrereng in, Sangluaia chuan Tawnliana khua an luh chuan, naupangho chuan an lo hmuduh viau mai a, nakin deuh ah chuan rawlthar pakhathi tawk in, chu rawlthar hnen ah chuan, Vala pi Challiani te in hi khawilai ah nge a awm? tiin an zawt a, chu rawlthar chuan, Sangluaia chu Chaliani te inlam ah chuan hruai in, tlaklam veng ah chuan, rawlthar chuan, helaihi a nih hi pi Challiani te in chu, tiin an kawh hmuh a
.
Sangluaia chuan, rawlthar hnen ah chuan lawmthu hrilh in, Challiani te inlam chu a panta nghal a, in an hmuh chuan, Sangluaia chuan pi Challiani te chu khawsa theitak a nih a ring nghal a, kawngka ah chuan dak in, heihi pi Challiani te in a ni em? tiin an zawt a, in chhung Tapchhak lam a ṭang chuan, nu valai tak mai hian, awni e lo lutrawh tiin an rawn chhawn a, Sangluaia pawh chu penlut nghal in, a mah lochhawn tu awmna lamchu an pan nghal a, in chhunga hmeichhe awm chuan, enge nita le? khawilam a ṭanga lokalnge i nih? tiin an zawt a, Sangluaia chuan a khaw hming dik tak chu hrilhchi a nilo tih hria in, Lianthanga khaw ṭhenawm a ṭanga lokal kani a, ka rawnkal pah hian Lianthanga khua chu ka rawntlawh nghal a, pi Kaithangi chuan, ka nau Challiani min rawntlawh sak rawh a tia, kan damthu hi min rawnhrilh sak rawh a ti a, hei ka rawnkal a nih hi an ti a, in chhunga awm, nu valai tak chuan, a ni tak maw? kanu chu a damṭha a maw? kan in hmuh lohna a reita khawp mai tiin, a rihlut mai a, Sangluaia chuan, ni e a damṭha e, a damthu kha min rawnhrilh sak rawh a tih kha tiin, kapi mikhual in thlengthei a ngem? tiin an zawtzui nghal a, chunu chuan Sangluaia chu en in, thei tehreng mai, chan chinṭha tak min rawnthlen saka, kan mikhual i nih duh phawt chuan kanlo mikhual ang che, thiltui hnai erawh ei tur kan neilo a, mahse a tui emaw, tuilo emaw kan eiho dial dial ang chu, an ti a, Sangluaia pawh in, keini khualsatliah te min thlengduh a nih chuan, lawmtak in ka in nghat a nge an ti a, chunu chuan Sangluaia ippui te chu lak thlaksak in, Challiani te in ah chuan a in nghat ta a
.
In chhunga hmeichhia lo awm chuan, ka hming chu, Chalthangi a ni a, nang eng tin nge kan kohve dawn che? tiin an sawi a, Sangluaia chuan a hmingtak in hrilhchia a hriat loh a vang in, Sathang tiin minko dawn nia an ti a, Chalthangi chuan, kanu chu a lo haw ṭeptawh in ka ring, dai hnaia Thingro kan kuai mai mai teh ang a ti a, kapa hian min boralsan tawh a, kan unau hi pasarih ni in, mipa pali kan ni a, hmeichhia hi pathum kan ni a, midang chu nupui pasal nei in an in dang tawh hlawm a, kan mipa naupang berhian nupui neive tawh in, mahse fa erawh an la neilo a, keihi han in sawita mai mai ila, kum kalta khan pasal ka neive tawh a, mahse fa kan neih hmahian kanpa nen chuan kan in ṭhentawh a, ti hian kanu bulah hian ka kirleh ta a ni an ti a, Sangluaia chuan, a nih tak chu mawle, kan unau hi pahnih chauh kan ni a, kanu hian fadang neitawhlo in, kan unau hnih chauh chu min neita a ni, keihi a naupang zawk kani a, ka u hian nupui neilo in, kapa ho hian kanla khawsa ve nawlh nawlh a ni, an ti ve a, chu tihlai chuan pi Cahlliani Thingro phur pawh lo hawve chiah in, a fanu Chalthangi chuan Luhkapui ah chuan a nu Thing phur lo haw chu an lova chhawn a, Chalthangi chuan a nu hnen ah chuan mikhual an neih thute sawi bawrh bawrh in, kanu Kaithang'in an damthu te minrawn hrilhsak rawh tiin kan in hi a rawn pana, tiin an hrilh bawrh bawrh a, Challiani pawh in chhung ah chuan lutnghal in, Sangluaia an hmuh chuan, e Tlangval ka u chu a damṭha a maw? i rawnkal dawn hian in in hmu emni? tiin an zawt a, Sangluaia pawh in Kaithangi nena an in biakdan zawng zawng chu hrilh vek in, Challiani chuan,Tlangval tu maw i hming ni a? tiin an zawt a, Sangluaia chuan, kapi Sathang tiin minko dawn nia an ti a, Challiani chuan, Thangi hei khualṭha kan thleng a nih hi mawle, Buh hum kha han ṭham chhuak la, kan Ar te hi chaw hanpe teh khai, kan Ar tuilai kha hantalh rawh le, khualte chunga ṭhat chhuah hi kan tihtur a ni e an ti a, hetihlai hian Challiani fapa te nupa pawh rawn haw vechiah in, Challiani fapa Kapthanga chuan Sangluaia chu chibai te an buk a, hemi tlaihian Ar tuilai chu tlah in, zanriah chu tui tak chuan an ei ta a
.
Zanriah eilai chuan eng eng emaw sawiin, Sangluaia chuan, u Kapthang hei kan thudang a lai chuan, Tlangval Tawkvela chan chinkha in hrekhiah lo maw? kan hmadeuh maikhan Lianthanga khua kha hman hmawh tak mai khan a kalsan kha a ni a, eng vanga hman hmawh viau nge tih kan zawh khan, thu danga min chhanglo khan, khawlam panvat ka ngai tiin min chhang mai a, kha enge a chin nita le? in hrekhiah lo maw, tiin an zawt a, Kapthanga chuan, a ni khawp mai kha, an in hi kan kawmchhak lawk khi a ni a, Lianthanga khan kan Lal kha, Thangluaia dopui ah rawn sawm in, kan Lal pawh in rem loti vemai in, mahse a pachhuak chuan kan thawk chhuak lo a, Tlangval ṭhenkhat leh, kan Pasalṭha ṭhenkhat te an thawk chhuak a, ni e Tawkvela te in hi, kan kawmchhak lawkhi ni in, nimin piahmai khan a rawnkir leh a, kei ngeipawh in kalo hmu a, a hlauthawng tih kha a hmel leh, a chezia a ṭang khan a hriat theih a, i chungah eng thilnge thlengta ti a kan hanzawh khan, engmah a sawiduh lo a, khuahi chhuahsan vat kangai a ni tiin, nimin piahlam khan khuahi a chhuah santa a nih kha mawle an ti a, Sangluaia chuan, a nih chuan Tawkvela chuan khawilam nge maw a pantak ang le? an tileh a, Kapthanga chuan, ka chiang chiah bik lo a, a pantur lamhi a sawiduh miahlo a, mahse a ṭawngkam hmandan a ṭang kha chuan, Khupliana khua a pan ngei ka ring a, Khupliana khua hi khawlian tak a ni a, mitam tak ral hlaute hian tlankhawm nan an hmang ṭhin a, Tawkvela pawh hian a ngamloh chalah chil a hnawm ngei a nih ka ring a, a hmel leh a awmdan a ṭang khan hlauh liantak a nei a ni, chu tiang nilose Khupliana khua hi pan a duhna chhan ka hrelo tiin an chhang a, Sangluaia chuan, a nih tak chu mawle, Khupliana i tihchu Lal ropui tak a nih ngei dawn chu, han hmuhve tepawh a chak awm hlemai, Khupliana khua chu khawilama awm nge maw a nih reng reng le? tiin an zawt leh a, Kapthanga chuan, Khupliana khua hi, kan khua a ṭang hian a hla ang reng khawp mai a, Tlangval chak deuhte tanpawh nithum ngawt kal a ngai a ni, kan khua a ṭang hian khawthlang hmarlama awm a ni a, Khupliana hi Lal feltak a nih rual rual in, an sawidan chuan, mipa ralthat ngamte hi a ngaisang in, mipa ralthat tawhte hi chu a khua ah chuan him taka awm tirzel a duh a, raldo mipawh chu tiang a vang chuan a ngah an ti khawp mai, a khua hi pun pawh an pungviau a ni awm e, mahse kawng danga tih lungawiloh chuan a thin a ram an ti in, a Tlangval te lu pawh hi lak sak maihi a hrehlo an ti a ni, tiin an chhang a
.
Zanriah te an han eikham chuan, Sangluaia chuan a thlen in te hnen ah chuan, hei minhriat ang in hmunhla zawk pantum kani a, tuk ṭhuan eihma hian chhuah leh ka duh dawn a, hman ilang chuan in khua ah hian hancham vedeuh te pawh ka chak khawp mai, mahse ka hman ngang silo a, hun remchang hmasa ah chamrei deuh tura rawnkal leh ngei ka tum ang an ti a, Challiani pawh in, Sathang ilo zinleh vatang chu, hei Tlangval feltak i nih hi, i bula awm pawh a nuam in, a hlimawm khawp mai ti a, ti ti in, zanpawh a reilam ta a, Sangluaia pawh in, eng pawh nise hei zante pawh a reilam tawh a, Zawlbuk lam ka pan tawh phawt ang e, an ti a, Challiani te chhung kua pawh in Sangluaia chu thlah in, Sangluaia chuan Zawlbuk lamchu a panta a, Zawlbuk a zuk thlen hian, Tlangval ṭhenkhat te chu lomu tawh hlawm in, Tlangval la mengte chuan Sangluaia chu a hmingte lo zawt in, khawilam pantum nge a nih tihte an han zawt a, Sangluaia pawh in, chung Val Upa te zawhna chu ṭha taka chhang in, mutzai chu an relta hlawm a, zinglam khawfing an rawnchah chuan, Sangluaia chu tho chhuak in, a tumram lam pan chuan, an kal chhuak a, Kawtchhuah a thlenhma deuh chuan pitar pakhat hi hmu in, chu pitar hnen ah chuan, kapi mikhual kani a, khawilam hinge Khupliana khaw pan na kawnghi? tiin an zawt a, chu pitar chuan Sangluaia chu, Khupliana khaw pana kaldan zawng zawng chu hrilh in, Sangluaia chuan pitar hnen ah chuan lawmthute han hrilh in, Kawtchhuah lamchu an panta a, Kawtchhuah a ṭang chuan khawchhak lamchu thlir in, Khawchhak lam a ṭanga Ni rawn chhuak turchu han thlir vang vang in, Tawkvel ka rawn zawng chhuak ngei ang che tiin, Khupliana khua pantur chuan, Sangluaia chuan Tawnliana khua chu a chhuah santa a
.
A la kal ngai reng reng lohna ngawpui chhah tak tak te chu paltlang zelin, chung ngawpui chhung durkhup hnuai ah chuan, inzo leh zuan zang tak chuan a kal theuh theuh mai a, kawte leh a chhunga Lung lian tak tak chung ah te chuan perkai theuh theuh in, ngawpui durchhah tak tak, Thing pawh Chhura rual rual an tih hnuai ah chuan hmalam panzel in, chung mual lian tak tak te chu a paltlang pur pur mai a, tlailam zanriah chhum hunhma deuh ah chuan, ruam raidup maihi zuk pawh hlawl in, chulai ruam railai an luh chuan, kawrte pakhat hi a pawh hlawl mai a, kawng thuitak kaltawh a nih a vangin a chhawlhal chuan, kawrte Tui chu an in khawlh khawlh mai a, rei vaklo kal leha, riahbuk sual rilruk chung chuan kawrte a ṭang chuan an ding chhuak a, chu tihlai chuan a thlang deuh ah chuan ṭawng thawm a hreta tlat mai, Sangluaia chuan ramvak an nih ring in, kalsan lehmai an tum a, mahse kal a tumlai chuan thlangdeuh a ṭang chuan, Tlangval tahkhan loding teh, kalmai teh suh, tiin an rawn au a, Sangluaia pawh chuan an auhna ang chuan, a awmna hmun ah chuan loding in, chungho chu panga laini in, Sangluaia awmna chu karlo ah chuan an rawnthleng vebawk a, an zinga hruai tupa chuan, khawilam pantur nge i nih a, khawilam a ṭanga lo kalnge i nih? tiin an zawt a, Sangluaia chuan, an zawhna chu ṭhataka chhang in, Sathanga kani a, Khupliana khawlam pan ka tum a ni, tiin an chhang a, an hruaitupa Saitawna chuan, Tlangval Sathanga maw i hmingni le? eng vanga Khupliana khua chu pantum nge i nih? tiin an zawt leh a, Sangluaia chuan, kapu ka chhungte tlawh tuma kaltum kani e, ka hman hmawh deuha ka kalmai a nge an ti a, mahse Saitawna chuan kalmai chu a remti ta hauhlo mai
.
Sangluaia hnen ah chuan, ngawi lawk rawh, kalmai rih teh suh, eng emaw zawh duhche kala nei a ni, helai hmun ah hian keini pawh hi ramvak satliaha kal chhuak kan nilo a, kan khua a rawlrala che ṭhin Tlangval pakhat zawnga rawnkal kan ni, helai hmun ah hian kan rawn nang ching che a, kan lak ah hian tlanchhiat tumsuh an ti a, Sangluaia chuan, kapu i thusawi chu ka hrethiam chiahlo a ni, helai hmun ah hian ka chhawl a hal a vangin Tui in hian ka chawlngei mai, Tawnliana khua a ṭanga lokal kani a, in thusawi ah chuan keichu ka fihlim a ni an ti a, Saitawna chuan, Tawnliana khua a ṭanga lo kalmaw i nih? tiin an zawt leh a, Sangluaia chuan aw ni e, Tawnliana khua a ṭanga lokal ngei kani e, tiin an chhang leh a, chu veleh Saitawna chuan a Silai chu lek chhuak in, Sangluaia chu rawn tin in, nanghi kan mizawn ngei chu i ni e, kan lak ah hian engmah i zep theilo ang, an rawnti a, a hote hnen ah chuan, rang tak khan man nghal rawh u, an ti a, Sangluaia chuan chungho chuan an ral ang ah an ngai tih hroa in, in chung ah hian engmah tihsual ka neilo a ni, in mi imlai chu ka nilo a, in mizawn chu tunge a nih ka hre hek lo, an ti a, Saitawna chuan, Tawnliana khawmi i ni a, kan hmelma hlun mileh sa i nih chuan, kan khua a a ruk a rala rawnche ṭhinhi i ni ngei a ni, nang ngeihi i ni kan nu naute rawn rumṭhaih a, kan mite maltlat rawn that ṭhintu chu, kan lak a ṭang hian i tlanchhuak tawhlo ang tiin, a hote hnen ah chuan, vaman rawh u ka tih kha, an tileh a, a naute ho chuan rawnman tum in, Sangluaia chu an rawnpan a, Sangluaia chuan, panga na mahse, chu tianga in mantir ai chuan theih tawpa loṭan chu a tum a ni, Saitawna nena an inhlat danchu chikru neuh neuh in, thawk leh khat ah chuan rang tak maihian, Saitawna awmna lam ah chuan zuang phei in, a in binphei nghal a, Saitawna chuan a hmalawka rawlthar ding chuan, chu tianga chet a lak ngam chu a ringlo hrim hrim a ni, chu tianga Sangluaia che thut maichu, chulaia awmve ho chuan an ring phalo hrim hrim a ni
.
Saitawna chuan a Silai lek kawh chu Sangluaia lam ah chuan an tin hniam a, mahse chu rawlthar zamṭha tak lak ah chuan a tlai mah mah a ni, a Silai an tin hniam chiah chu a khabe kual ah chuan eng emaw hian rawnfuh chawrh in, Saitawna chu a thaltawp mai a, a Silai humlai chu thlauh in, rawlthar chuan rang taka chhar in, kawrte kam lehlam ah chuan an theh pheisak dawrh mai a, rang taka a hnunglam chu hawinghal in, Sangluaia chuan a Silai chu lek kawhve in, Tlangval hochu han tin in, min tihluih tum a piang chu ka kap hreh miahlo che u a nia, an tisap mai a, Tlangval hochu an ding chiang khawp mai, Saitawna chu rawntho chhuak in, aupang i thiltih hi chiang tak in ngaihtuah rawh, reitakhi dam in ring reng reng suh, nu naute chung ah chauh emni kut i thlak ngam? kan khaw daia a hmeichhia te chunga i tih ṭhin chauh kha emni i tihngam? mipa chuan mipa tak in min han hmachhawn ta che, an rawnti a, Sangluaia chuan, in chung ah hian engmah tihsual ka neilo a, in khawdaia rawlrala rawnche ṭhin chu ka nilo, keichu hrlai hmunhi kaltlang tuma kalmai kani, in hmelmapa chu in hrichianglo a, in hmuh remchan keihi in hmelmapa ah chuan min ngai ringawt a ni, kalna tur ka nei a, ka hman hmawh a ni, ka kalsan phawt ang che u tiin, kal an tum a, mahse Saitawna chuan, eng tiang pawh in insawi fihlim tum mahla, i thiltih zawng zawng ah khan i fihlim chuanglo a ni, mipa hi min hmachhawn ngamlo a nih chuan, puanfen fengla, i nu kaphnuai ah va mulum rawh tiin, an au a, chu tianga in hmuhsitna zet zawng Sangluaia chuan a tuarta bik lo a ni, vawitam ka hrilhtawh che u a, ka thusawi chu in awi duhlo a maw? rawnding chhuak ta che u tiin, a chempui chu phawrh in, chungho hmachhawn zawng chuan a ding kakta hah mai le, Saitawna leh a naute pawh Sangluaia hmachhawnzawnga dingkhawm in, Saitawna chuan, nanghi kan mizawn chu i ni, vawitam insawi fihlimtum mah la, tun ah chuan itlanchhe tawhlo ang tiin, a chempui chu an phawrh chhuak ve a, a naute pawh in an chempui chu phawrh in, Saitawna chuan, tuman dim reng reng suh u, a lu hi kanla ngeitur a ni ang tiin, hmalam ah chuan an pen hnai a
.
Saitawna hnunga Tlangbal pahnih te chu rawntlan dawk zawk in, Sangluaia lam ah chuan an han zuang phei nghal a, Sangluaia chu lo in ringsa a nih a vangin, chungho lak ah chuan a buailo khawp mai, pahnih rawn ziangte chu hnung tawlhsawn san in, chu mite pahnih chuan lei an ṭumrual chiah chuan Sangluaia chu, hmalam ah chuan rang taka dawk pheinghal in, chu mite leia ṭum in rinleh hmachu va nang ching in, pakhat nghawng chu an chhawk ṭhawt mai a, rang lutuka in hernghal in, pakhat in Sangluaia lam an rawn hawilai chu, a chempui chu rang taka hanvai leh in, chupa nghawng pawh chu a in chhawk ṭhawt mai a, rang tak chuan Sangluaia chu ding chhuak nghal in, a hmalama Saitawna te chu a mit chuan chiang tak chuan an melh leh nghal a, chu tia an dinlai chuan Sangluaia chuan a Maubul chang hriam ah chu hanphawrh chhuak nghal in, a kut veilam chuan nghet tak chuan an hum a, a kut dinglama a chempui hum, Thisen kai hnuang chu nghet tak chuan han humnghet in, a hmalama Saitawna leh a naute pahnih chu chiang tak mai chuan an melh a, Sapui in a sa sehtur ngun taka a thlira, mit kjap miahlo a a en ang hian, Sangluaia pawh in a hma a dingte chu mit khap miahlo chuan an en a, Sangluai'an Maubul chang an humchu, Saitawna chuan hriat chhuah zawk mai a nei ta, Sangluaia chu mak tih hmela rawn thlir in, nanghi Tawnliana mi i nilo an rawnti tawng mai a, Sangluaia pawh chuan, vawitam in bulah ka sawi a nilawm ni? mahse ka thusawi kha in awih duhlo a nilawm ni? an ti a, Saitawna chuan, makti taka Sangluaia chu rawn en in, tupawh nirawh, ka naute pahnih i thah a vang khan ka that vengei dawnche a ni tiin, an pathum chuan Sangluaia chu an rawnbawh pheita a
.
Sangluaia chuan, a ke dinglam chu a hmalam, dinglam ah chuan penkau in, natak mai chuan an zuang dawk zawk mai a, leia a ṭumleh rual chuan, Saitawna dinglama mi chu an sat chawrh mai a, chupa chu tlunghal hnawk in, Saitawna chuan a chempui chu Sangluaia lam ah chuan an rawnvai kawhve pawp mai a, Sangluaia chu lo in herhman hram in, Saitawna chempui chuan a rawn ṭhelh thuak mai a, Saitawna hnung chiah ah chuan a nau Tlangval rawnlang venghal zawk in, Sangluaia chu sahthluk tawp tum chuan a chempui chu an rawnvai venghal a, Sangluaia chuan Saitawna chempui chu a lo tawlhsawn san chauh a ni bawk nen, chu Tlangval chempui rawnthlawk chu a lo tawlh kiansan hmanlo teuh ther ther khawp mai, chu Tlangval chempui rawn thlawk chuan, Sangluaia bek veilam chu rawn ṭhelh thuak in, chupa chuan chempui chu a rawnvai nat em a vang in, Sangluaia lamah chuan a rawn in theh pheidawrh mai a, chu tak maichu Sangluaia chuan hunṭha ah lo la nghal in, chupa tawlh sawnleh hma chuan, Sangluaia chempui chu rang lutuk chuan rawn thlawk chhuak dawk zawk in, chu Tlangval brk dinglam chu a rino chawk mai a, a lu ruhchu keh ringhal rawp in, a awp nghal rawp mai a, a bek a ṭang chuan Thisen chu rawn chik chhuak ṭhawt ṭhawt in, a hliam tuarlo chuan a chat thlazuita nghal a, Saitawna pawh in a nau hliampui tuar thilai chu hmuve in, a hma a ding rawlthar hnen ah chuan, tunge i nih? nanhi helai mi i nilo, tunge i nih a? khawilam a ṭanga lo kalnge i nih? henglai ah hian nang anga ralbei thiamhi sawitur an awmlo a ni, i ralbeih na hmanrua ang kha henglai ah hian tumah in an hmang vengailo, khatiang hmang ṭhina an sawichu, Lal Thangluaia leh, a fapa Sangluaia an tih chauh in an hmang ṭhin a ni, nanghi khawilam a ṭanga lo kalnge i nih? tiin an zawt a, Sangluaia chuan, tunge kanih i hriatduh chuan, keihi Sangluaia chu kani, kapa hming chu Thangluaia chu a ni, ka u kut thlaktu mipakhat umzui in helai hmunhi ka rawn thleng a ni, vawitam in mizawn ka nilo ka tihpawh in, kathusawi min awihsak duhlo a, he buaina hi i chawh chhuah ngei a ni, tiin an chhang a
.
Saitawha chuan Phung hmu ang hrim chuan, a hma a dingchu chelo chuan a thlir vung vung mai a, hmelah chuan mak tihna hlirlo lang chhuak in, a hma a rawlthar ding chu makti tak chuan a thlir vung vung mai a ni, Sangluaia chuan, upa i ni a, i chung ah hian zah ka ngai ngei ang, mahse i mi hriatchian loh lak ah, ṭawng kam mawilo hmang mai mai tawhsuh ang che, an ti a, Saitawna chuan, Tlangval i lak ah hian thilsual liantak kaloti a ni, ka thiltih a vangin ka naute chuan nun na an chan tasi a, naupangte mah lani la, i puitling in, min zilhna chu kalo hrereng tawh a nge an ti a, Sangluaia pawh in, ka hman hmawh a ni, chu vangin helai hmunhi ka chhuah san ang a, nangpawh in khawlama kirmai hi a ṭha a ni tiin, a Silai chu chhar in, Sangluaia chuan Saitawna chu a herliam santa a, Ni chu kawlah chuan tlaṭep tawh in, Suk chenvel awrh chauh chu a awm tawh a, Sangluaia chuan riahbuk sualna tur zawnvat a ngai tih hria in, chulai kawrte a ṭang chuan Tlangsang lamah chuan lawnchho in, chu Tlangchhip a ṭang chuan a thlang ruam lampan chuan a chhuk ta vang vang mai a, ruam an zuk luh hian Ni pawh kawlah chuan herliam in, Sangluaia chuan chulai ruama kawrte lamchu an pan a, kawrte kam ah chuan riahbuk sual nghal char char in, an zawhfel chuan, zanriah tur an buaipui leh nghal a, zanriah tur an bawl zawhmeuh chuan, khua pawh a thimkhat tawh hle a ni, zanriah te chu ei nghal zung zung in, zanriah an eifel meuh chuan, chulai kawrte ah chuan ran nungte chu an hram chiah chiah tawh a, a buk kawta meipui chu vurhbelh hluah in, buk chhung ah chuan a luhsan ta a, ṭhian kawmtur a neihloh a vangin, buk chhunga an lutchu muzal in, karlo ah chuan a muhilta nghal a, tui taka a muhil bawrh bawrh chu, mumang neizui in, Tlang pakhat ah hian loding in, Ruah hi a losur buan buan mai a, tawmhulna tur zawnga a buailai chuan, karlo ah chuan chu Ruah sur buan buan maichu a hanvek mai a, karlo ah chuan chhum dumte chu kiang vek in, Van dumpawl nalh tak maichu a lo langta ruih mai a, Sangluaia chuan, heingeihi a nih hi kan pi leh pu ten, fur khawthiang an loh tih ṭhinchu tiin an hawikual vel a
.
Khawthlanglam chu kawlkil tawp thleng chuan langruih in, khawchhak lamthung chu ngawpui dumdur mai chuan thuitak a langtur chu hliah in, khawchhaklam Van dumpawl ruih ah chuan, Chhum thianghlim tak maihi a zam kalraih mai thung a, Sangluaia chuan chung Chhum zam kalraih maichu hmuh nawmti taka a thlirlai chuan, Chhum karah chuan nula hmelṭha em em maihi a han hmuta a, chu nula hmelchu a hlim in, a hlemchu a tharsar mai a, a nuih var var pah chuan a biangsum chu a khuar kek mai bawk a, chumai bakah chuan, a khabe phir kalh maite chuan a hmelṭhatna te chu tizual in, chu nula chuan Sangluaia chu a lo nuih var var mai a, nula chuan, Sangluai i khua a vahar awmve tiin an rawn bia a, Sangluaia chuan nula hnen ah chuan, ni e a khawhar thlak khawp mai, henglai hmunhi ka vawikhat kalna ni in, ṭhian kawmtur ka neilo a, a khawhar thlak a ni, tiin an chhang a, nula chuan, Sangluaia ni e ka hria a sin, henglai hmunhi i vawikhat rawn kalna a ni a, kei chuan i rawn kaldawn tih hi kalo hredaih tawh a sin, i kaltumna pawh ka hria a sin, Sangluai fimkhur viau ang che, i kal tumna khaw Lal Khupliana hi, a fel rual rual hian thinram tak a ni a, mikhual a lawmloh zawng nih hi a ṭhalo a nia, a khualehtui ah hian mitam tak pemlut tawh mahse, chung mite chuan a hma ah bawk khupin chhia an chham ṭhin a, chu tiang tiduhlo te chu a khua ah chuam awmtir a phal ngailo a, a hma a bawk khupa, chhe chham ṭhinte chauh a khua ah chuan a la lut ṭhin a ni, mikhualte an ngainat rual rual in, khawtualmk nen buaina an neih in, an lu tansak an hreh miahlo a nia, Khupliana khua ah chuan fimkhur taka i luh a ngai ang, tin Thangluaia fapa i nih pawh hi i thup tlat a ngai ang, a nih loh chuan, Khupliana hian a mah ai a Lal ropui deuha a ngaih chu, a ngaina miahlo a nia, Thangluaia fapa tih a hriatngat che chuan, i nun nahi a derthawng hle ang, an rawnti a, Sangluaia pawh in, chu tiang a nih chuan fimkhur tak in ka awm ang, thil kanlo zawtlawk ang che a nga, ka mizawn Tawkvela hi Khupliana khua ah chuan a awmngei em? tiin an zawt a
.
Nula chuan, Sangluai i zawhna chu ka chhang theilo ang che, i u phuba latura kal i ni a, heihi chu nangma zawnhmuh ngei a ngai a ni, thildanga harsatna i neih chuan, puih che chu ka hrehlo che, Tawkvela chu Khupliana khua ah chuan a awm ngeileh, awmngei loh chu ka hrilh theilo che a ni, tiin an chhanga, Sangluaia chuan, ni e minhrilh theilo a nih pawh in ka vui reng reng lo, kahma a ni a, ka zawn chhuah ngeitur a ni a lawm an ti a, nula chuan, Sangluai khawfing pawh a chat ta, ka kalsan tawh ang che aw tiin, Chhum inzar pharh chiai mai karah chuan, chu nula hmelṭha tak mai chu a zamral ta a, Sangluaia mutui laipawh harh nghal in, an hawivela, a mumanga nula sawiang khan, khawfing pawh lo chat tawh in, thuitak kalna tur a la neih a vangin, tho chhuak nghalin, meipui engah chuan tuk ṭhuan an relta nghal a, Ni chhuah rualdeuh thaw chuan tuk ṭhuan ei in, Sangluaia chuan Khupliana khawlam chu a panleh ta nghal a, khawkar ah hian zanthum ngawt riak in, a zanthumna tuk chawhnu herhret ah chuan, Sangluaia chuan Khupliana khawdai chu a lut ta a, khawdai ah chuan naupang sava veh hi hmu in, chungho hnen ah chuan, he khua hi tu khua nge ni? in Lal hming tunge? tiin an zawt a, chung naupang te chuan, kankhua a nia, kan Lal chu Khupliana a ni tiin an han chhang a, chung naupang hnen ah chuan, vala te u, kanhma deuhah khan, in khua ah hian Tlangval pakhat lo lut in hmu khiah lomaw? a hming chu Tawkvela a ni a? tiin an zawt a, chung naupang te chu an han in en he haw a, an zinga lianber chuan, kan hremiah lo, mahse nimin khan mikhual Tlangval pakhat an tihchu, kan khaw ṭhenawm, Hraikhama khua ah a kala, chu chu mikhual kan hriatchu a ni mai, tiin an han chhang leh a, Sangluaia chuan naupangho hnen ah chuan lawmthu hrilh in, khaw kawtchhuah lamchu an pan a
.
Kawtchhuah a ṭang chuan khawchhung lamchu han thlir vang vang in, a rilru ah chuan naupang ho in, mikhual Tlangval chuan Hraikhata khua a pan an tihkha, Tawkvela chu a nimai a ngem? Hraikhama khua chu panta nghal zawk ila a ṭha anga tiin, in hera naupang ho chu, Hraikhama khaw awmna lamchu zawh an tum a, inher a tumlai chuan Tlangval aw hian, Sangluai tia rawnko ri an hria a, Sangluaia chu a phudeuh zawk nghe nghe a ni, tumah a hriatloh na hmuna, a hminga an rawnko chu mak a ti in, a kotu chu tungeni ang? tiin an hawikual a, mahse chunglai ah chuan tumah Tlangval awm reng reng hmuh a neilo a ni, ka Beng chheri a ni a nge tiin kal lehmai an tum a, chu tihlai bawk chuan, chiang tak mai hian, Sangluai rawnti richu a hreleh a ni, Sangluaia chu rang taka hawikir lehnghal in, an hawivela tumah hmuh tur a hrebawk silo, a tihngaihna hrelo chuan, tunge minko kha? heta hi ka awm e an ti a, mahse a reh vawng vawng mai a, Sangluaia chu tumah chuan rawn chhawntu an awmlo a ni, bei dawnga in herin, penkhat vel an pen tih chuan, Sangluai ti a kohri chu an hreleh a, Sangluaia chuan, minko em ni? hetahi ka awm a nia, tunge i nih? tiin an zawt let a, chu tihlai chuan a thlanga Bungkung hnuai nimai aṭang chuan, Tlangval aw bawk chuan, Sangluai an rawnti leh a, Sangluaia chuan, a thlang Bungkung hnuai a ṭanga aw chu rawn chhuak ni mai hian a hria a, Bungkung an zuk hmuh chuan, a mumang kha a hrechhuak ta uaih uaih mai a, Bungkung lamchu rang taka pan nghal in, chu Bungkung ah chuan ral lubung chu an lo tarfur mai a, a mumanga a hmuh ang chiah chuan, chu Bungkunga ral lu chu a hmu a ni, piahdeuh an kala, chutah chuan a mumanga a hmuh ang chiah chuan, ngawpui hnuaia a hmuh ang chiah Tlangval, a mitmu an khersak ngei maikha an hmu a, chu Tlangval ngeichu a ni a mah rawnko tu kha tih hria in, nangmah thahtu te chunga phuba latur chuan minlo duh hle a ni maw? i duh chu tih hlawhtlin ngei ka tum ang tiin, Khupliana khawlam pan chuan a penta nghal a
.
.
DUHTAWK LEHRIH PHAWT ANG U AW
REMCHAN VELEH KAN CHHUN ZAWMLEH DAWN NIA
.
Hman hmawhlo in minlo nghak hram hram ṭhin dawn nia
.
.
[Lalzirliana Tochhawng] [Champhai Tlangsam]

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)