Pasaltha Thangluaia By Mazira Tochhawng Mipa 1 - 237

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

Re: Pasaltha Thangluaia By Mazira Tochhawng Mipa 1 - 231

Unread post by Ngaia » November 20th, 2018, 8:57 pm

................ PASALṬHA THANGLUAIA (231) ...............
.
.
Chu Tlangval kaltur chu hmeithai Thangkungi chuan, Chu Tlangval kut ah chuan man in, Vala tunge i nih ka hrelo a, Ka chunga i ṭhatna zawng zawng hi ka theihnghilh ngailo an, Vala kan Lal thu chhuak ah chuan, Ka fapa ruangi khawvar huna zawn tur chauh a ni a, Kan Lal rorel hnialchu a ṭhadawn em ni? I tanpawh a hlauhawm lutuk ange, Kei hmeithai vemai chunga i ṭhatna hi, Englai mah hian ka theihnghilh ngailo ang, Mahse Lal thu hmua kal i nih loh chuan, I tan a hlauhawm a nge, Chu vangin zanin chuan kallo mairawh, an ti a, Chu Tlangval chuan Thangkungi chu han en vang vang in, Kapi keihi Mizo Tlangval kani a sin, Ka Mizo pui chu Li hnuai mawng ah, Bawihsawmtu pawh neilo in a mu a, Nun na hial changa Lipui mawnga amut lai chuan, Keihi mahni mutbu nen nuamleh lungmuang takin mahni inlum ah ka mubik ang maw? Chu chu Mizo Tlangval te nun ziatur em ni ang? Kapi ni lul lo e, I fapa Lipui mawnga awm chu, Keimah chauh hian kala chhuak theilo a nih pawh in, A tlakna Lipui kamah chuan ka riak ve tur a ni, Chu chu ka Mizo pui, Ka mipa pui ka zahna lantirna a ni e, an ti a
.
Thangkungi chuan, Vala kal Lal thin i tihrim ka hlau a ni, Kak Lal i chunga a thin arim vaih chuan, I nun na atan pawh hian a hlauhawm dawna, Kan nufa chung ah hian ṭha em em mahla, I tawrh turhi ka ngai ngamlo a ni, an tileh a, Mahse chu Tlangval rilru chuan, Lal Satkaia rorel danchu dodal tumlo mahse, Chu tiang Lal rorel na chu a la hriat ngailoh a vangin, Duhlo mahse a dodal angai a ni tih hriain, Kapi min ngaih tuah reng reng suh, Keichu keimah in ka in ngaihtuah thei alawm, I in ah lova hawta la, Kapi keichu Mizo Tlangval ka nih na angin, Chu Nghavang Lui in tihchu ka pan dawn a ni, Tiin Thangkungi chu a in lamah chuan a tir hawta a, Thangkungi pawh chu Tlangval chu lawmthu hrilh mawlh mawlh pah chuan, A in lamchu a panta a, Hetia Thangkungi leh Tlangval te in biak lai hian, Satkaia Tlangval te pawh chu hmun dangah kal bik lo in, Chu Tlangval thusawi chu dik an lo tihpui ve khawp maia, An ni pawh hian an Lal te chuan hmeithai an hmusit lutuk chu dikti bik lo in, Chu khual Tlangval chu zuive tumin, Chu khual Tlangval hnenah chuan, He thu hi Lal hriat tirchi a nilo a, Kawtchhuah ah minlo nghak la, Keini pawh hi kalve kan duh e, Kan han insiam anga, Kan rawn pawh vat ang che, Tiin an kalsan ta a
.
Chu khual Tlangval pawh chuan, Khawtual Tlangval te sawiang chuan, Kawtchhuah ah chuan lo nghakin, Lo kalsan dawn mahse Nghavang Lui pawhchu a hriat loh a vangin, Chung mite chu a lo nghah angai a ni, Kawtchhuah ah chuan meichher te lo siambelh in, Karlo ah chuan a minghah te pawh chu an rawn thleng veta a, Chung Tlangval te chu puruk niin, Heng Tlangval paruk zingah hian, Thangkungi fapa ṭhiante rawn hruai hawtu, Lal hnena Thangkungi fapa Tuitla chung chang hrilhtu, Tlangval Khampuia pawh kha a rawn telve a ni, He Tlangval pawh hian, An Lal rorel danchu ṭha a tilo in, Hmeithai te an hnuai chhiah lutuk chu ṭha a ti biklo em em maia, Mahse Lal rorel na mahni meuha han dodal kha an ngamloh a vangin, An Lal leh a upa te hnen ah khan engmah an sawi ngamlo a ni, Chu tianga Lal hma a ding ngam an awm tak ah chuan, An nipawh hi huaisen takin an rawnpen chhuak veta a ni
.
Kawtchhuah ah chuan eng eng emaw sawi khawm in, An khual Tlangval te chu a hmingte an hanzawt a, Chu khual Tlangval chuan, Ka hmingchu Samana niin, Satkaia khaw chhim lama awm, Kaihranga khua a ṭanga lo kal kani e, an ti a, Meichher te an duh tawk an hansiam chuan, Nghavanglui lampan chuan an kalta nghala, Khawtual Tlangval te chuan, An Lal leh a upa te rorel danchu sawiho nak nak in, Kan upa te emaw, Kan khaw chhunga khawsa theideuh te tuleh fate chu nise, Lal in a hriathma khan Tlangval tam tak chu an tlanliam lehtawh ngei a nga, Kan Lal leh a upa te pawh hian, Hmeithai leh fahrah, Riangvai te hi an hnuai chhiah lutuk a ni, Heng hi rorel dantur a nilo a, Tiang chuan khawtlang hi a la kalsual ang a, Kan pileh pute aṭanga kanlo chhawn nun, Kan pileh pute Tlawmngaihna zawng zawng kha a labo ngei dawn a ni, Chu vangin kan khawtlanghi keimahni hi a siamṭha tur kan ni a, Kan theih tawp i chhuah teh ang u, an hanti a
.
He tia an ti ti bawrh bawrh na hian, Khampuia rilru chu hneh in, Khampuia chu rawn ṭawng chhuak ve hlawl in, Keipawh kan Lal leh a upa te rorel danhi a dik ka tilo khawp mai, Han sawita mai mai ila, Thim hlim khan tuna kan tui tlate chung changhi kan Lal hnen ka rawn thlena, Kan Lal chuan a fapa hnen ah chuan a ṭhianpa tui tlak danchu an zawt a, Kan Lal fapa chuan a pa zawhna chu chhangin, Suakthanga kha Nghavangli a nam thlatu a nih thu kha a mah ngeiin a sawi vek a, Kan upa min chuan kan Lal fapa thu sawichu duh tawk tir in, Keini in chhunga awmte hnen ah chuan, Suakthanga chuan kan Lal fapa chu tui ah namthlak tum in, A nam ṭhelhna lamah a mah chu tui ah chuan a tlahlumta a nih chu, Chu tiang chuan mite hnen ah pawh insawi dawn nia min hanti a, Ka ngaihdan chu a nilo khawp maia, Hmeithai fapa a nih vang maia a thiamna ngei ngei ah pawh thiamloh han chantir kha, Ka rilru hi a nave em a ni, Chu vangin tun ah pawh hian, Huaisen takin ka pen chhuak ngei ang, Dikna chu ka au chhuah puidawn a ni, an ti a
.
Midang te pawh in chu tiang thu an han hriat chuan, Mak an tiin, Lal leh upa te chu an dem em em maia, Mahse Lal leh upa te chu, Khawtlang rorel tu an nih miau avang in, an bulah chuan engmah an sawi ngamlo a ni, Tlangval pakhat chuan, Hman ah pawh kan Lal fapa upa zawk chung chang ah pawh, Khawtlanga in tih mualpho na a awm tawh kha, Khang ah te khan Lal fapa Luaia kha a thiamlo zawk a ni a, Mahse khawtlanga a mualpho zawk leh, Hrem zawka ṭang chu, Keini hnamchawm zawkte kan nih deih kha, Rorel tu te chuan thiam an in chantir chawpa, keini mihnuai hnung zawkte min rapbet a, Kan khualehtui ah hian rorelna dik hi hmuh tur a awm tawhlo a ni, Tuna kan thiltih ah pawh hian, Kan Lal fapa hi a nih na tak sawi ila, Khawtlangah tih mualpho kan nileh ang a, Mipui hmuh laia hrem kan nileh dawn a ni, Kan khawtlang hi chu insiam ṭhat kan ngai a ni, An ti a, An thusawi zawng zawng chu an kalpui, Khual Tlangval chuan ngun tak chuan a lo ngaithla ve kar maia, Ti ti paha kal an ni bawka, Karlo ah chuan Nghavanglui pawh an thlengta a, Lui kamah chuan finghnih awm vel chhuk thlain, Nghavangli an tih chu an zuk thlengta a
.
Khual Tlangval chuan meichher eng ah chuan Lui chu an belchiang a, Tui pawh a tamin, a Lui pawh a liantham khawp maia, rawlthar tuaitir tan chuan, Chu Lui chu zuamsual awl tak tur a ni tihpawh ahria a ni, Chu khual Tlangval chuan, A iptepui te chu Luikam ah chuan dah in, Tlangval ho hneh ah chuan, Kan rawlthar chu helai Li ah hian maw a chetsual? Tiin an zawt a, Tlangval ho zinga pakhat, Khampuia chuan, aw helai Li ah ngei hian a ni e, he Lipui hi a thuka, Livir a awm avang hian, Rawlthar zawkte tan chuan nel chi a nilo a, Tin Tlangval chak zawkte tanpawh fimkhur angai hle a ni, An ti a, Khual Tlangval chuan, Eng pawh nise heli ah hian kanlut ang a, Ka theih tawkin ruang chu ka zawng dawn a ni, A kamah hian meipui inlo chhep eng hluah dawn nia, An ti a, Khampuia pawh in hrethiam in, Tlangval dangho hnen ah chuan, Khaile hei meipui chheh a ngaie, Meipui tur thingro in fawmkhawm ang u hmiang, an ti a, Tlangval hote chuan, Chulai lipui kam velah chuan thingro chu zawng nghalin, Karlo ah chuan tam tak fawmkhawm nghalin, Nghavangli kam ah chuan meipui chu an chhep eng ta hluah maia
.
Khual Tlangval pawh, Meipui te an en tak hluah ah chuan, Nghavang lipui, Dum kuk maiah chuan a lut ṭanta a, A vawikhat han luhna ah chuan rawnlang lehmai in, A vawihnih luhna aṭang chuan, lipui chhung ah chuan a rei theita khawp mai, Tlangval dangte pawh lipui ah chuan rawnlut vein, Tui thiamlo pahnih chauh chu vaukam ah chuan an lo awm a, Hmuanda awm velzet an han zawn chuan, Chu Nghavangli chu an dap kimta khawp mai, Mahse li chhung ah chuan ruang awm reng reng an hmulo a ni, Tlangbal tamzawk pheichu an beidawng rutawh khawp mai, Khawvar lama zawn chhun zawmah dahmai te an rawt rum rum tawh maia, An khual Tlangval chuan, Khawinge vawikhat chu kan lut leh tehreng ang, He lipui ah hian tlahlum an awm a nih chuan, Kanhmu ngeitur a ni, Tiin an lut leh a, A reitak em avang chuan, Vaukam lam a mite chuan, Kan Tlangval chu lipui mawng ah hian a zuk tangta em ni angle? An hanti hman hiala, Chu tihlai chuan a lipui thuk laizawn ah chuan khual Tlangval chu arawn chhuak ta hlawl mai, Vaukama mite chu rawn au in, heile ka hmuta e, An rawnti a
.
Chu veleh Tlangval te chu ding nghalin, li thuk lamchu an panta nghala, Ruang chu lipui aṭang chuan phawrh chhuak nghalin, Meipui an chhehna bul zawlah chuan, An puan ah te chu phawrha, Phah nghalin, Ruang chu an mut ta a, Khual Tlangbal chuan ruang chu ngun tak chuan an en kuala, A rin ruk ang ngeichu ruang ah chuan a hmuta, Chu rawlthar ruang chu chiang taka an belh kha, A tukhum ah vuakna ni awm tak dup a awm tih hria in, Lipui kama a dinlai hian, A tukhum ah hian vuak a nih aring a ni, Tui ah hian tlahlum nilo in, A hliam tawrh hi tuarlo in lipui ah hian tlazawk niin a hria a ni, Ruang chu puan chuan ṭha taka khuh in, Hlang siamna tur te an hanla nghal zung zung a, Meipui te chu hanvur eng hluah in, Chulai hmunah chuan Hlang te chu an siamta nghala, Karlo ah chuan Hlang te chu siamzo in, Ruang chu Hlang ah chuan dah in, Nghet tak chuan an hanphuar a, Engkim an peihfel vek hnu chuan, Ruang chu khawlam an pan puita nghala, Hemi zan hian Ruang hi, Zinglam khuan hmasa velah chuan khua luhpui in, Thangkungi in ah chuan ruang chu an luhpui ta a ni
.
Khua an lovar hian upa te chuan Lal in lamchu pan khawm nghalin, He tihlai hian Lal in ah chuan Tlangval pakhat hi rawn lutnawlh in, Lal Satkaia hnen ah chuan, Ruang in khua arawn luh tawh thu chu an rawn hrilh a, Satkaia chu a thu hriat chuan ti thinrim phat in, Tunge ruang chu la chhuak? Vawiin lama lak chhuah tur tiin ka sawi vek a ni lawmni? an ti a, Tlangval chuan, Kapu tu ten nge ruang chu la chhuak ka hremiah lo, Mahse ruang chuan an in a thleng tawh a ni, an tileh a, Satkaia chu a thinrim khawp mai, Chu tihlai chuan upa min chu rawn ṭawng chhuak ve in, Lalpa eng pawh nise, Ruang in khua an rawnluh tak ah chuan, Kan Tlangval te an hahdam deuh a ni mai dawn alawm, Eng pawh nise ruang a awm tawh chuan, Insum tlang deuh ila, Ruang thlak zawh lamah i thulo a ruang latu te hi kan zawng chhuak dawn nia, Tun ah chuan ruang te a awm si a, Zah i ngaitlang ang u khai, an ti a, Satkaia pawh in a upa min thurawn chu hrethiam in, Ruang thlak zawh lamah chuan mipui koh khawm atum thu chu, A upa te hnen ah pawh chuan an sawi nghalin, Tuk ṭhuan ei tur chuan an ṭinta hlawm a ni
.
Satkaia sawi tawh ang chuan, Ruang an thlak zawh chuan Tlangau chu rawn au in, Mipui zawng zawng Lal tual zawla kal khawm tur chuan an rawn au a, He tihlai hian Saithanga leh a hote pawh khua ah chuan rawnlet ve chiah in, Saithanga te hian Lianthanga pawh an rawn hruai haw nghal nghe nghe a ni, Lianthanga hi Sangluaia nen an in hmachhawn kha, A thingei dawna a hriat avang in, A ṭhiante tlansan khan a tlanchhia kha a ni a, A tlanchhiat na lamah Lung pakhat rapsual in, A khup chu na tak in a sawh a, Kha mini khan a khup na a vanga khua ah let thei tawhlo in, Sangluaia tawlhliam hnu khan a ṭhiante ruangbul ah chuan a theih ang ang a rawn kalin, A ṭhiante ho ruang bulah chuan a riakta a ni, Lianthanga chuan Satkaia hnen ah chuan eng eng emaw sawiin, Kha rawlthar kha khawilam minge a nih reng reng kan hrelo a, Mahse kha rawlthar kha Kaizika khualehtui mi chu a nilo tih chiang tak in ka sawi ngam a ni, Eng vanga keini hi min rawn umzui nge a nih ka hrelo a, Ral hlauh awm tak a nih erawh ka sawi ngam a ni, tiin an sawi a, Saithanga pawh in Satkaia hnen ah chuan, Lalpa chu rawlthar an sawi chu a hnu hma awm reng reng kan hmulo a, Kan naute ruang erawh chu kan rawn hlawme, Lianthanga sawi ang khan, He rawlthar an sawihi ralbei thiam tak niin alang a, A hnu ha pawh hi thiam tak in a thup theizel a nih hmel, Tiin an losawi ve a
.
Satkaia chuan, Eng pawh nise in ṭhiante ruang in rawn hlawm thei chu a tihzia e, Mahse hei Zamthanga leh a naute chan chinhi engmah hriat tur a la awmlo a ni maw? An ni chan chin talhi hrethei ila a ṭha tur a nia, Hei mipui ka ko khawma, Nizan khan ka duh loh thil a thleng talt mai a, Tunge khang thil ti tu kha kan zawng chhuak teh ang, Tiin Leihkapui lam chu a panta nghal a, A upa te pawh in zui chhuak venghal in, Leihkapui aṭang chuan Satkaia chuan mipui chu an en kuala, A hmelah chuan thinrim na lian tak lang chhuak in, Eng mah phehel neilo chuan, Suakthanga ruang kha Nghavang lui aṭang khan tunge la chhuak che u? In Lal rorel dan chu eng ah mah ngailo in, Nizan khan Suakthanga ruang chu inlo la chhuak a ni maw? an ti a, Upa min pawh rawn ṭawng chhuak in, Suakthanga khan kan Lal fapa pawi sawiin, Suakthanga khan kan Lal fapa kha Nghavangli ah khan nam thlak a tuma, Mahse Kan Lal fapa khan Suakthanga khan nam ṭhelh in, Nghavanglui ah khan a tlata a nih kha, Chu vanga Suakthanga ruanghi la chhuak mailo kan ni a, Mahse engmah hrechiang lo a tiang thil inlo ti hi, Lal zah lohna leh, Lal leh a upa te rorel zah lohna liantak a ni, Chu vangin Suakthanga ruang la chhuak tu te hi a hria chuan rawn sawiteh u, Tiin mipui hma ah chuan an sawi a
.
Chu tihlai chuan mipui kar aṭang chuan Khampuia chu rawn pen chhuak in, Lal leh a upa te din na Leihkapui hnuai ah chuan an rawn dinga, Satkaia chu en in, Kapu Suakthanga ruanghi keima lak chhuah a ni, Heng ka thiltih a vanga hremna minpe dawn a nih chuan, Hremna tuar tur chuan ka in peih e, Mahse hremna min pek hma chuan, kan khawtlang hian heihi i hreteh ang u, Suakthanga hi kan hriat ṭheuh ang in, Hmeithai Thangkungi fapa a ni tih kan hre vek a ni, Hmeithai fapa a nih avang khan eng vanga ngaih thah biknge kan nih le? Suakthanga ruang kha Lipui hnuaia a mut lai khan, Keini a khualehtui mite hian ngaihsak miahlo in kan en liam ang maw? Kan Lal leh kan upa te hian eng vanga thudik thup nge an nih? Suakthanga thiltih ah hian, Kan Lal fapa chuan hmusit taka nuihsawh in, Kan Lal fapa hian Suakthanga chung ah hian dik lo takin thil a ti a ni, Suakthanga hi tuia tlahlum a nilo a, Vuak hlum zawkni in, A thih hnua tuia paih chauh a ni zawk, Chu chu mita hmutu te sawi a ni a, Eng vang hian nge Lal leh upa te hian he thihna ah hian zep in neih? Tiin Khampuia chuan, Lal leh a upa te chu a rawn selta hmiah hmiah mai a
.
Satkaia leh a upa te chuan, Chu tianga seltu an han nei tamai chu, An thin a rimta khawp mai, Satkaia phei chuan Khampuia thu rawn sawichu a rin loh kutuk a nih a vangin, a thinchu a rimzual em em mai a, Upa min chuan Khampuia chu kawk in, Eng thilnge i sawi kha? Kha tiang khan i Lal leh i upa te i puh chhia ang maw? Nang hian i Lal rorel chu eng ah mah ngailo in, Lal rorel chu i do dal a ni, Eng vanga he tianga awm nge i nih? an ti a, Satkaia thinrim pawh in Khampuia chu rawn kawk in, Mi zahna pakhat mah neilo in, Tiang khan minti a maw? i thiltih mawh hi chu i phur ngeitur a ni, Saithang he a Lal phatsantu hi man ula, A nghawng kha tansak rawh u, Eng vanga dawta minpuh ngan nge a nih reng reng, an ti a, Saithanga te chuan Khampuia chu man nghalin, Khampuia chuan, Dawt ka sawilo a ni, In duh chuan kalu chu la mawlh rawh u, Mahse mipui te u heuhi hre rawh u, Kan Lal hian a fate thiltih hi zep zelin, An thilsual tih chu mipui te hian kan tuarzel ang maw? Mipui te u harh teh u khai, Nakin ah chuan in tihsual lo ah pawh inla tuar dawn a, Chumi a thlen hma chuan mipui te u harh rawh u khai, Tiin an au a
.
Saithanga te chuan Khampuia chu hneh taka rawn man in, Hnung khirh chuan an han phuarta nghala, , Satkaia chuan Saithanga te hnen ah chuan, Helai Leihkapui ah hian rawn hruai chho ula, Mi zawng zawng hmuh ah a lu hi lak tur, He tiang hian tuman minla ṭawng khum ngailo, Lal leh a upa te tiang taka ṭawng khumtu chu tumah dam tlak an nilo, Kha tiangkhan dawt hlawmin minpuh a ni a, Mipui te u Khampuia hi ka ngaihdam na sang berin ka ngaidam ang, A chhungte chu khua aṭang hian ka hnawtchhuak lo ang a, Mahse kha tianga minti mualpho tu leh, Kei leh ka upa te zahlo tu kha chu damin ka chhuah lo ang, A lu hi kala ang a, Lal leh a upa te chunga helna siamtum te chu, Tianga hremna hi an hmuzel ang tih mite hriat tirna ni rawhse, an ti a, Khampuia chu Leihkapui ah chuan hruaichho in, A kut chu hnungkhirh in, A tlanchhiat theih loh nan a ke chu an phuar bawka, Satkaia chuan, Khampui i thiltih hi nangmah chauh a tih theih a nilo, Tu tenge thu rualpui i neih? Tiin an zawt a, Mahse Khampuia chuan, Tumah thu rualpui ka neilo, Keimah chauh in a ni ka tih, Tiin a ṭangta tlat mai a
.
Satkaia leh a upa te chuan thu han zawt mahse, Khampuia chuan engmah sawi duhlo chuan, Ruang hi keimah chauh in a ni ka lak chhuah tiin a ṭang tlat maia, Satkaia chuan mipui lamchu hawiin, Khampuia hian tun ah hian engmah sawiduh lo mahse, Ruang Lipui mawnga awm la chhuak tur hian thu rualpui a nei ngei ngei dawn a, Vawiin ah hian chung mite chu in rawn inpuang duhlo a nih pawh in, Sawitu tur ka neitho a ni, Tiin Lal Satkaia chuan a naute hnen ah chuan, Kan hmeithan nu Thangkungi ngeikha va hruai rawh ule, A ni khan engmah zep a nei dawnlo a, Rang takin va hruai rawh u khai an ti a, Lianthanga leh midang pahnih chu kal nghal an han tuma, Mahse chu tihlai chuan, Mipui kar aṭang chuan, Heta hi Thangkungi chu a awm alawm, A ni hian a fapa ruang latu te chu a hrevek ngei ang, an rawn ti a, Satkaia chuan chulam, Thangkungi a awm an tihna lamchu hawinghal in, Rang tak chuan, Helam ah hian rawn hruai nghal rawh u khai, Kan hun a tlaizel hma hian, Eng kim in in dap chhuak vek teh ang u, an ti a, Tlangval ṭhenkhat te chuan Thangkungi chu rawn hruai chhuak in, Lal Satkaia leh a upa te awmna Leihkapui lamchu an rawn pan pui nghal a
.
Leihkapui an thlen chuan, Satkaia chuan, Thangkung hei kan hriat ṭheuh ang in, Nang pawh hian kan buaina hi i hrevek a ni, Vawiin ah hian ka hma ah hian engmah zepsuh ang che, Zep i neih vaih chuan hmeichhia pawh nila, Ka laka dawt sawichu tumah ka dim ngailo tih i hriat kha, Chu vangin chiang takin min hrilh rawh, I fapa kha tu ten nge la chhuak? Chiang takin min han hrilh teh? Tiin an zawt a, Thangkungi chuan, Lalpa i lak ah hian engmah zep ka neilo, Nizan khan i fapa chu keiman ka zawng ang tiin min hrilh a, Kja Tlangval kha tunge a nih a, Khawilam minge a nih ka hrelo a ni, an ti a, Thangkungi hian he Tlangval hi a hmuh tawh loh a vangin, Khua hi a chhuah santawh ah angai a ni, Khampuia leh a ṭhiante chu a hum theih nan tiin, Chu Tlangval a hming a hriat loh chu a sawita a ni, Satkaia chuan Thangkungi chu a lamah chuan phih hnailawp in, Chu Tlangval chu tumaw? Chiang takin min hrilh teh, Khampuia te i hum duh hian, Chu tiang midang hriat loh Tlangval chu i rawn sawi a nilo maw? A nih leh chu Tlangval chu hmutu emaw? Hreve tu emaw an awm em? Tiin an zawt a, Thangkungi chuan, Lalpa chu erawh ka hrelo a ni, Kan in biaklai hian tumah kan bulah an awm ka hrelo, Chu vangin chu Tlangval chu midangin an hmuh leh hmuh loh ka hrelo a ni, Tiin an chhang a, Satkaia chuan mipui hnen ah chuan, Thangkungi Tlangval sawihi hmuh puitu in lo awm em? Lo hmuve in awm a nih chuan, Chu Tlangval chu tunge a nih min han hrilh teh u, an ti a
.
Mipui chu an ngawiṭhup maia, Chu tihlai hnunglam aṭang chuan Mipa pakhat chuan, Lalpa Thangkungi Tlangval sawichu ka hmuve a ni, Mahse chiang tak chuan ka hmulo a, Nizan khan khawlaia an in biachu ka hmu a ni, Tiin an rawn sawi a, Chu veleh Satkaia chuan Thangkungi hnen ah chuan, Chu tianga khawlaia in in biak chuan, A mah chu i hretur a ni, A nih chuan Khampuia hian dawt min hrilh a ni maw? Khampui chu Tlangval chu ka lak aṭang hian hum i tum a ni maw? Thangkungi nen hian chu Tlangval chu in hria a ni, Tunge a nih a, Khawilam minge a nih? In sawi duhlo a nih chuan in pahnih hian in thi ngei ang, Tiin Thangkungi chu a chhip samah chuan ṭham in, Khampuia bulah chuan an nawr ṭhu hnawk mai a, Chu veleh mipui hnung lamdeuh aṭang chuan aw damthlarh mai hian, Hmeichhia kha thlah rawh, A nih loh chuan i lu kha ka kap darh ngeu ang, An rawnti a, Chu ṭawngkam chuan chulai vela awmte chu rawn barakhaih in, A thinlung ah chuan, Tunge chu ṭawngkam rawn neitu chu ti a zawhna lut nghalin, Chu aw lo chhuah na lamchu an hawita ṭhup mai le, Mipui hnung lam deuh, Sawntlung pawng ah chuan Tlangval hmelṭha tak maihi lo ding vangin, A Silai kaw hmawr chu chhete pawha ti che eih lo chuan, A hmalam hla lo te a Leihkapui a ding, Lal Satkaia chu Silai kaw hmawr che eih lo chuan a lo tin vang mai a, Saithanga chuan a hmuh veleh chuan, A Lal hma ah chuan rawnding nghalin, Lianthanga chuan, Sawle ka sawi rawlthar chu le tiin an au ṭhawt maia
.
Satkaia chuan chu rawlthar chu rawn en ve in, Tun ah sawn vaman nghal rawh u, A in thiarfihlim hma sawn, Tiin an au nghal a, Chu rawlthar chuan a Silai chu tihkawh reng chuang chuan, Helai a hi in miduh chu ka awm e, A ngampa chuan min rawnman ula, Tuman min rawn hnaih suh u, Thihna hi mihring vek aṭang hian a ni a lo thlen ṭhin, pi Thangkungi leh Khampuia kha chhuah rawh u, An ni khan engmah an tilo, Keimah hian a ni ruang kha lipui mawng aṭanga la chhuak tu chu, Nangni chuan in khualehtui mingei zankhua a lipui mawnga dah kha in duh a ni maithei e, Mahse Mizo pa rilru ah chuan kha tianga ṭanpui ngai an awm a nih chuan, Zanlai pawh nirawh se, Ruahpui vanawn sur hnuai ah pawh nirawh se, Mizo pa chu kan pen chhuak tur a ni, A Mizo puite ṭanpui an ngaih laia, Ke penchhuak duhlo mihring chu, Mizo Tlangval a ni ngailo ang, Nangni hian kan pileh pute nun phung kha in theihnghilh zota em ni? In khualehtui ah hian khawnge ṭhian chhan thih ngam nun kha a awm zawh tak? Mizo Pasalṭha huaisen ten, Thih leh ruamkhat ah, Damleh mualkhat ah an lo tih ṭhin nun kha khawnge a awm tak? He khua hian khang nun kha in hloh zota em ni? hmeithai pakhat, Pi Thangkungi fapa Lipui hnuaia mureng ka lak chhuah avang khan, Nangni hian min thah in tum a nih chuan, Min that duhtu chu rawnpen chhuak rawh ule, Ka Silai humlai hi ka dah ang a, Pasalṭha te in hmachhawn dan in, Chemtum nen min hmachhawn thei ang, an rawnti a
.
Satkaia chuan, Chu Tlangval thusawi chu dik tiin, An rorel danchu diklo ti hle mahse, Chu tianga mipui hmuh laia an mualpho chuan, A thinlung chu na taka sawi nghing in, Chu khual Tlangval lak ah chuan tlawm a tumlo hul hual a ni, Saithanga hnen ah chuan, Saithang kha tiang khawp khan min ṭawngkhum a ni a, Helai hmun ah hian inla dingreng dawn em ni? Va kal ula sawpa lusaw ka duh a ni, A lusaw vala ula, Mipui hmuh ah hian kan khai kang teh ang, A lusaw vala rawh u, Tiin Saithanga leh a naute chu an tir a, Saithanga leh a nau pathum te chu, Rang taka chu mikhual lamah chuan tlanphei nghalin, Saithanga leh a naute chuan an chempui an han phawrh nghala, Lianthanga thung chu Leihkapui aṭang chuan in chhung ah chuan lut in, In chhunga Lal Silai chu chuh in, Chu mikhual lanchian theihna lamchu a panta a, Mikhual Tlangval pawh chuan, A mah rawn pana rawn tlante an hmuh chuan, A Silai chu hmai mai theih tura a bulah chuan dah in, A iptepui aṭang chuan a chemtum chu phawrh chhuak in, A veilam chuan Maubul chang hriam tak maichu an hum chhuak bawka, Chu veleh chulai mipui pung khawm zinga Val Upa awmho zinga pakhat chuan, Chheiraw he Tlangval chu ka hriat hnu a ni tlat mai kati, Ngawiteh u he Tlangval hi ka hmutawh chiang a ni, A hmanraw hman, Maubul chang hi a hmanglai ka hmu tawh a ni, He rawlthar hi zuamchi a nilo, Ngawi teh uhe rawlthar hi tudang nilo in, Lal Thangluaia fapa, Sangluaia a nih hi an ti a, Chu hing chuan a ṭhiante chu a ti hawi phawk nasa maile, Saithanga chu auh a, Chu rawlthar hming chu hrilh an tuma, Mahse Saithanga leh a naute chuan, Chu rawlthar chuan nang ching hmanta tlat mai, Chu Val Upa chuan, Thangluaia fapa Sangluaia a nih kha, Tiin an au hram a
.
Mahse he upa auh na hian awm zia a nei thuilo khawp mai, Saithanga leh a naute chuan chu khual Tlangval chu awlsam taka thahmai an han tuma, Mahse an rin ang ngawta awlsam chu a nita hauh lomai, Saithanga nau chuan, Chu khual Tlangval haluhawm zia hrelo chuan, Ngamtak mai hian an bawh pheingawt maia, Khual Tlangval chu lo hersawn hlekin, A chempui hriam lutuk chuan, Chupa nghawng ah tak mai chuan losat in, Chupa nghawng chu a chhum hmawk maia, Mipui zinga ṭhenkhat te chu ṭe nghal chel chul in, Hmeichhia te chu an rak chul nghal maia, Saithanga te chuan, Chu rawlthar chu thah ngei tumin an han bawk pheia, Mahse an rinloh tak maiin, Chu khual Tlangval chu hmalam ah chuan rawn zuang phei dawrh in, Rawlthar chuan a Maubul chang hriam chu an vaipawp maia, Saithanga bul a mi hrawk chu thlernghal deuih in, Chupa hrawk chu a ri nghal hrawp hrawp maia, Mikhualpa in herleh chuan a chempui chu zuan kan pah chuan an vaichhuak leh nghal a, Pakhat nak dinglam chu thlernghal hawk in, Chupa chu a tlutawp maia, Saithanga chuan rawlthar lamah chuan a chempui chu rawnvai phei ve in, Rawlthar chu a hnung tawlh dawrh maia, Saithanga chuan rawn umchilh nghalin, Rawlthar chu a dinglam sirah chuan an hersawn nghala, Saithanga chuan rawn umchilh nghal zelin, Rawlthar chu a dinglam ah chuan penkhat pen chhuak in, A mah rawn hnaih chilhtu Saithanga lamah chuan an zuang dawrh maia, Saithanga in rin hma chu nang chingin, A chempui hriamṭha tak maichu na lutuk maihian an vai chhuak a, Saithanga lu chu keh ri rawk in, Tho lehtur pawh awmlo chuan a tlunghal tawp maia
.
Khual Tlangval chu rang lutuka a Silai awmna lamah chuan zuang pheinghal dawrh in, A mit chak tak mai chuan a mah rawntin tu Silai chu hmu in, A zuang sawnrual chiah chuan Silai hi rawn puak ṭhuai in, Chu rawlthar din nabul chu Silai mu chuan arawn deng phutsawrh maia, Rawlthar rawn ṭhu chhuak leh chuan a Silai chu rawn hum chhuak nghalin, A mah rawn kaptu awmna lamhawi chuan an hmetpuak venghal a, Lianthanga chu a awmna Leihkapui ah chuan rak ṭhawt in, A hmalam ah chuan a rawn tlathla nghala, Leihkapui hmawra awm a nih a vangin, Lianthanga chu lei ah chuan arawn tlari chawrh maia, Satkaia chuan Tlangval hochu au nghalin, Kha mihring kha that rawh u, En mai mailo khan that rawh u, Tiin an au a, Chu veleh rawlthar chu rang lutuk chuan, Satkaia leh a upa te awmna Leihkapui awmna lamah chuan rawntlan nghalin, Patling dung chena siam Leihkapui ah chuan, Tuma danrual loha rawn zuangkai in, Lal Satkaia nghawng chu a champui hriam lutuk, Ral lu a lakna thisen kai hnuang mai chuan rawn chuk tuah nghalin, Aw dam thlarhmai hian, I mi mante hi i chhuahlo a nih ngat chuan, I nghawng hi ka tan hreh hauhlo a nia, He khua hian rorel na dik a neih loh ang bawk hian, Keipawh hian he khaw Lal lu lakhi ka hreh lo a ni, an ti a, Satkaia tan chuan chu rawlthar chu chhan chi a nilo a, Thin a duh loh zawnga awm ngamchi pawh a nilo tih a hrechiang hle a ni, A ṭangkam chhuak kha damthlarh ang in lang mahse, A aw ka chhuak ah khan thin rimna leh, Kha aw ka khan thihna a paitel a ni tih chiang taka hria in, Khampuia leh Thangkungi an man chu chhuah tur chuan an ti a, Lal Satkaia thu ang chuan, Khampuia leh Thangkungi pawh chu an chhuah ta nghal
.
Satkaia chuan, I duh dan chuan kati tawh e, Keihi min chhuah vedawn em? Tiin an zawt a, Chu khual Tlangval chuan, Ka chhuah ang che, Mahse tunah nilo in, Ka thu i awih chauh in ka chhuah ang che, Keihi Pi Thangkungi fapa ruang Nghavang Lipui a ṭanga la chhuak tu chu kani a, Midang chunga ṭuan i tumhi ka duhlo a ni, Midang hian engmah thiamlohna an neilo a, An niho hi eng vanga an lu lak sak tumnge i nih? I duh a nih chuan ka chungah hian ṭuanla, Ka luhi la zawk ta che, Hmeithai fapa kha, I fapa ah han chan la, Zankhua maia Lipui mawnga a awm tur kha i lainat velo em ni? Tin pi Thangkungi fapa kha tuia tlahlum kha a ni reng reng hlei nem, A tukhum ah khan na taka vuak a ni a, Chumi hnua Lipuia paih chauh kha a ni, I fapa chu rawn ko chhuak teh, Vawiin ah hian mipui te hi chiang taka hriat tir ka duh a ni, an ti a, Satkaia pawh chuan chu Tlangval thusawi chu hnial ngamlo in, A fapa Sailiana chu an ko chhuak ta a, Satkaia chuan, Sailian Suakthanga nen khan eng buaina nge in neih? Ka hma ah hian engmah thuzep neilo in han sawi teh, Suakthanga nen khan eng buaina nge in neih sawi rawh, an ti a, Sailiana chu kun tlat in, A pa chuan vintak hian an ko leh a, Chu veleh Sailiana chuan, Kapa Suakthanga kha ka thah a ni, Lui kan kalkhan hma kan insem a, Suakthanga khan hma insem kha a duhlo a, Mahse kei man hma insem ka tih tlat a vangin, Min hnial ngamta lo a, Hma kan insem na ah chuan duh min thlantir a, Ka kal duhna lam ka thlan hnu chuan kan kalhrang ta a, Ka kalna lamah chuan engmah mantur ka hmuve talo a, A nilah in tam tak a manta si a, Kei chuan, Ka kalna lamah chuan Chakai engmah mantur ka hrelo, Helam ah hian kalo kalve maidawn kati leh a
.
Suakthanga chuan ṭha tak in, I duh a nih chuan lo kalrawh, Hma insem lo ang ka tih kha, Mahni man man neih i tileh nghala, engmah pawh ila man silo a, Hmun danga kal tawhlo in, He luite ah hian kan pahnih hian Chakai chu khawrh chho mai ang a ti a, Kan han khawrh dun a ṭanga reilo te ah chuan, Haw a hunta leh maisi a, Engmah kala man vemang silo, Haw kan tuma kan insil faia, Suakthanga chu ka thlanga insil a nih a vangin, A hmuh loh hlan chuan a Chakai mansa ṭhenkhat chu ka ruk sak a ni, Mahse a Aiip an en chuan a Chakai mansa chu a tlemti in, Ka Aiip chu a en ta a, Chu veleh ka Chakai mansa ila a ni maw? a ti a, Kei chuan engmah kala lo tiin ka ṭanga, Dawt sawisuh i la chiang a ni, Tiin kan inhnial thinrim ta a, Luite ah chuan kan insuala, Kan insual na ah chuan ka hneh lo leh a, Kei chuan, Suakthang tawk tawh e, Ka thiamlo a ni tiin ngaihdam ka dila, In lam pana hawtur chuan kan kalta a, Nghavanglui kama kan kallai chuan a hnunglam a ṭangin a tukhum ah thingin ka vawta a nih kha, A rawn thawh tawh loh a vangin Nghavanglui ah chuan ka paihlut ta a nih kha, an ti a, Mipui in chung thu an han hriat chuan an thinrim ta hle maia, Khampuia chuan Sailiana chu man nghalin, Tlangval rual an Lal leh a fapa chunga thinrim te chu, Leihkapui ah chuan rawn lawnve an han tuma, Mahse Khampuia chuan, Tumah helai hmun ah hian rawn lawnsuh u, Mipui hian engkim in hrevek tawh a, Kan Lal leh a upa ten kan chunga an rorel danhi a dik lo em em a, Vawiin hian heng mite hi kan paihthlak a ngai a ni, an ti a
.
Chu veleh Lal Satkaia ṭantu te leh, A upa te ho tu leh fate chu ṭangho nghalin, Satkaia duhlo tu te Tlangval rual nen chuan an in ep ta nghala, Lal tualzawl ah chuan Tlangval rualte chu in ep nghalin, Satkaia lamṭang te hi an ṭhahnem zawk a ni, Leihkapui ah chuan, Hnuka chu rawnlang hlawlin, Sangluaia hnen ah chuan, Englai mah in ka phatsanlo ang che ka tih kha, Keipawh kan Lal leh a upa te rorel dan hi ka ngaithei bik hlei nem, I lam ka ṭang a nia an rawnti a, Chu tihlai chuan Tlangval rualte karah chuan Val Upa te chu banphar in, Val Upa zinga pakhat chu Lal awmna lamah chuan rawn phei in, Chu Val Upa chuan an Lal mantu rawlthar chu rawn en vang vang in, Lal Thangluaia fapa Sangluaia i ni tih hi ka hria a sin, Dikna Lal chuan, A mah ang chiah fapa a hringche a nih hi, Sangluai i lamhi ka ṭang a ni, Kan khua hi dikna a rorel a nih theih nan, Theih tawpin hma minhan lak sak rawhle, Vawiin hian i kut hnuaiah kan tlulut e, an rawnti a, Chu veleh Satkaia leh a upa te chuan Sangluaia chu mak tih hmel taka en in, Mipui pung khawmte pawh chuan Sangluaia chu mak tih hmeltak chuan an en homai hlawm a, Ni e Sangluaia hminghi Satkaia khualehtui hian an hreve khawp mai, Mahse Thangluaia khuahi a hlat deuh avangin, Sangluaia hi an buailai lehnghal hi chuan hmuh an lo in ring ngailo a ni, Tlangval rualten Sangluaia chu makti taka an thlirlai chuan, Satkaia fapa upa zawk chu khaw mawnglam aṭanga rawnlut in, Tlangval pali laimai arawn hruai bawka, Chu Satkaia fapa upa zawkin a pa te an rawnhmu chu, Thinrim taka au chhuak in, Satkaia te din na lamah chuan an rawn tlanphei nghala
.
Sangluaia chuan, Satkaia a man na chu thlah in, Leihkapui aṭang chuan zuangthla in, Khaile Satkaia leh a upa te rorel na duhlo te chuan, Min rawnzui rawh ule, He khualehtui ah hian rorel na dik a awm theih nan, Theih tawpin hma inla tlang ang uhmiang, Tiin an au chhuak a, Satkaia fapa upa zawk, A mah rawn pantu Kamloa lamah chuan chak taka tlanphei in, Kamlo'an Sangluaia sah tima a chempui an lek sanlai chuan, Sangluaia chu a hma lamah chuan penkhat han pen pawkin, Kamloa lamah chuan an zuang phei zawk maia, Sangluaia chempui chu na taka thlawk chhuak in, Kamloa nghawng chu a chhum hmawk maia, Chu veleh Tlangval rual, Saikaia leh a upa te lamṭang leh, Satkaia rorelna duhlo te chu in phek sual nghalin, An ral lu lak chemchu an lek senta zuai zuai maia, Sangluaia pawh khampuia leh, Hnuka te chuan a hnung zuiin, Satkaia lama ṭangte chu an han tawnta a, Chulai Lal tualzawl ah chuan nasa taka insam in, Thisen chu aluang ta ngei nguai maia, Sangluaia, Khampuia, Hnuka te chu ṭangho in, An hmalam chu an tawn kaw duak duak maia, Ralbei hthiam leh huaisen Sangluaia chu an khanlo khawp mai, Sangluaia chuan hmatawn in, Satkaia hote chu a thal tawp tawp maia, Hmuamda awm zet zawt an inbeih hnu ah chuan, Khawlai chu thisen chuan a sen ta ngei nguai mai, Satkaia hote chu kiam duak duak in, Hliampui tuarte chu an let ta pheng phung mai, Tumah in bawihsawm thei an awmloh avangin, Khawlai ah chuan Tlangval hliamtuar te chu an rum vawng vawng mai hlawm a
.
Ṭhenkhat ban chhum niin, Ṭhenkhat ban bula sah chhumte an ni bawka, Ṭhenkhat dul thlerdei duai te niin, Ṭhenkhat te chu an lute a thler dei duaih maihlawm a, Hliampui hrang hrang tuar an ni hlawma, Ṭhenkhat chu ke lehlam bungte niin, Ṭhenkhat chu an mit te a chhe bawka, Chu tianga awmte an nih avang chuan, Mahni in bawihsawm thei an nilo hlawma, Chung hliampui tuarte chuan ṭanpui tu au in, Nula te leh nuho chuan an laina te chu han buaipui duh viau mahse, Mipa in beihna karah chuan pawn pawh an chhuak ngamlo a ni, Satkaia ṭantu te chu an hek chak em avangin an tawlh lo theita lo a, Satkaia leh a upa tepawh an sahimna tur ngaihtuah in, Khua chu tlanchhuak san an tum a ni, An tlanchhiat hma chuan, Tlangval rual thisen lum thinrim te chuan rawn nang chingin, An insa senghma chuan rawn nangching in an that ta hlawm a ni, Satkaia leh a upa te chu thah faivek an ni a, Tin Satkaia ṭantu mipa te pawh tam tak thah an ni a, Ngaihdam dilte chu Sangluaia chuan tumah thah phallo in, Chung mite chu in siamṭhat na hun pek a duh a ni, Khawlaia ruang let rem rum te chu thianfai hlawm in, Hmeithai te leh, Fahrah riangvai te chu an hlimin, Hnamchawm Tlangval te chu an hlimhle maia, Nu leh pa ṭhenkhat te chuan, Kan khua ah khua avar veta, Rorelna dik chu kan hmuve dawnta tiin an hlim em em maia, Hemi tuk hian mipui duh ngei mai, Val Upa Kaihrima chu Lal ah chuan ruat nghalin, Upa hopawh mipui duh thlanhlir an ni hlawm a ni, Nihnih an liam chuan Sangluaia pawh chu khua chhuah santur chuan a in buatsaih ta a, Chhingi kha kalsan reichi a nilo tih hria in, Khua chu nithum ni chuan a chhuah santa a ni
.
Kal lama a kawng zawh loh lamchu zawh in, Chawhnu herah chuan mual sanglo tak maihi an lawna, Chu mual an lawn chhuak chu, Chu mual piah ah chuan hmunzawl pharh durh maihi a va thleng hlawl maia, Chu ruam zawlchu lui pakhat hian tan tlangin, A hmun velchu a nuam em em maia, Luite luan na sirlawk ah chuan Sawntlung ai a lian hret turhi muan te reuhte awm in, Tah chuan Sangluaia chu an lawna, Chu mualte aṭang chuan lutui te chu an thlira, A tui chu a fim ṭha in, Nghate rualte chu hlimtak chuan an tleng del del maia, Chulai ruam tawpa Thing hreuro ah chuan Vaṭhu nupa chu fuh in, An hram karh karh mai bawka, Chhak lam an hawileha, Minsirikut chu lo hram lauh lauh bawk in, Sangluaia chuan chulai hmunchu nuam a tiin, Riahbuk sualmai chu a rilruk ta a, Luite kamte chu hnimhring mawi tak tak te chuan bawh luk in, Dawlrem leh Uleuh te chuan zan an lo sa veng veng mai bawka, An hawina lam apiang maichu nuamti in, Chulai ruam chuan alung chu a dum hliah hliah mai a ni, Khawdang hawilo chuan, Zankhat na na na chu tiin riahbuk sualchu a rilruk ta a, A ṭul ang ang te chu lakhawm in, Thingro te pawh tam tak fawmkhawm in, Mauthei chuan kawrte tui fimtak te chu chawiin, Riahbuk turte an buaipui zawh chuan zanriah turchu a buatsaih ta a
.
Zanriah te an peih meuh chuan Ni pawh tlatur chuan, Khawthlanglam ah chuan a senrum tawhmai a, Suk chenvel awrh la awm in, Ni tlakfel hmadeuh chuan zanriah chu a ei ta a, Ni an tlak dawn chuan, Chulai ruamah chuan, Minsirikut te leh, Vaṭhu te chu thinglera fuh in an rawn hram kauh kauh maia, Chung sava hramte chu a buk aṭang chuan ngaithla veng veng in, Ruamdung ah chuan Mangkhaiaralveng pawh rawn hram lauh lauh in, Karlo ah chuan khuachu a thimta a, Khua an thim chuan sava hramte pawh dang lamta in, Leihrik te pawh an rawn hramta chiah chiah maia, Buk ah chuan a mah chauh chuan muzal in, kang kang sava te leh, Vabak hramte chuan karlo ah chuan awimu in, Sangluaia chu a mah chauh chuan a muhilta bawrh bawrh maia, Sangluaia chuan mumang nei zuinghalin, A mangah chuan khawi tlang pakhat ah hian emaw loding in, Ralkhat hlatak maia chhum tleh delh delh maichu a thlir veng veng maia, Chutia chhum tleh delh delh mai a thlirlai chuan, Khawi aṭanga lo chhuak nge tih hriat loh, Rimawi tak maihi arawn rita veng veng maia, Chu ri chu Sangluaia chuan khawilam aṭanga lo chhuak nge tih hriat tuma a huikual ruailai chuan, Chhum tleh delh delh maichu lo hnai zelin, Chu chhum tleh delh delh mai karah chuan, Nula hmelṭha em em mai hmelhi arawn zamta chiai maia
.
.
DUHTAWK LEHRIH PHAWT ANG U AW
REMCHAN VELEH KAN CHHUN ZAWMLEH DAWN NIA
.
Hman hmawhlo in, Minlo nghak hram hram ṭhindawn nia
.
.
[Lalzirliana Tochhawng] [Champhai Tlangsam]



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 26th, 2018, 11:34 pm

................ PASALṬHA THANGLUAIA (232) ...............
.
.
Chu nula hmelṭha tak chu rawn hnai zelin, Sangluaia pawh chuan ngun tak chuan an lo en a, Nula aw nalh tak maileh, Hmel tharsar mai chuan Sangluaia chu rawn au in, Sangluai kan va in hmukhat em, I ngaihawm hlemai, Helai hmunte hi i rawn thleng ang tihreng kalo ring phalo a sin, Mahse hei helai ngawpui ah hian kan in hmuta si a, Tiin nula chuan Sangluaia chu arawn nuih var var maia, Sangluaia pawh in nula biakna chu chhang in, Keipawh hian helai hmunah hian hmuhche ka in ring bik reng reng hleinem, Tiin an chhang a, Chu nula hmel nelawm tak maileh, Hmel tharsar mai chuan Sangluaia chu nelawm taka rawn melh in, Helai hmuna i rawntih hi ka hria a sin, Sangluai thilṭha tak i rawnti a ni, Ni e Satkaia leh a upa te khan Kaizika khua an run tihpawh ka hria a, Henglai ah hian Pasalṭha huaisen tak tak ṭhiante kan neia, Satkaia ngei pawh khan Pasalṭha huaisen tak mai a nei a, Khua a i va kallai khan a ni chu a naute nen, Zampui ngawpui ah Tumpangsial beiin an ramchhuaka, He Satkaia Pasalṭha hi ka naute nen hian in kawmngeih tak niin, Zanin thleng pawh hian an la in kawm a ni
.
He Pasalṭha hian a Lal Satkaia thihna ah hian tawp chin neih atum dawnlo a, I hnuhi rawn chhuiin, Rawn zawn chhuah ngei che a tumdawn a ni, Chu chu hriala ka duh vangin zanin pawh hian rawnhmu che kani a, A naute nen hian an hmuh hmache chu chawllo in an rawn zawng ngei ngei ang che, Ka naute chuan i thiltih hi chu Pasalṭha chu hrilh an tuma, Mahse kei chuan engmah hrilh ka phallo a, Chu Pasalṭha nen chuan lo in tawng pawh ni ula, Ka naute hian puih an tumngei dawn a, Mahse nang chu kan hotunu ṭhianpa fapa i nih avangin, Englai pawh hian kan en thlareng ṭhinche a, Kan theih chhung chu venhim chehi kan tum a ni, Kan tih theih bak nangni hringmi te chung ah hian a thleng ṭhin a, Chu tiang thilah chuan kan in rawlhve theilo ṭhin a, Mahse tuna Satkaia Pasalṭha te lak ah hi chuan, Venhim theih hramche kan tum ang, He Pasalṭha hi a huaisen in chak pawh a chak em em mai bawk a, Nangni ang rawlthar tan chuan hmachhawn ngam maichi a nilo a ni, Chu Pasalṭha chu ka nau pakhat nen inzawl an ni a, Ka nau chuan chu Pasalṭha chu heng buaina ah hian puih a duh em em maia, Mahse kan hotunu ṭhianpa fapa i nih avangin, I lak ah hian ka nau chuan engmah a ti ngamlo a ni, Sangluai chupa lak ah chuan fimkhur la, Nak tuk hian chu Pasalṭha chu a naute panga nen in lampan in, Zampui ngawpui chu an chhuah sandawn a, He Pasalṭha hi a thinrim dantur ka hmuh lawk avangin, Sangluai helai hmun aṭang hian in thiarfihlim theila ka duh a ni, an ti a
.
Sangluaia chuan Ka in thiarfihlim alawm, Mahse min umzui a nih chuan ka tlanchhe reng bik lo ang, Kaizika khua ah ka awm dawna, Chumi piah lama thilthleng tur chu engmah ka sawi thei bik lo a ni, Um zuitu ka nei a nih chuan, An duh anga an hmuh tura lo in lan maihi kei chuan ka duh zawka, Min rawn umzui a nih pawh in, Kaizika khua ah kalo awm ang e, an ti a, Nula chuan, Sangluai ka thusawi hi ngun tak in ngaihtuah ang che, Ni e thlahtu aṭanga mihuaisen tak leh, hlauh neilo in nih hi ka hria a ni, Mahse rawlthar mai ila ni a, A nichu puitling kum sawmthum chuang a ni tawh a sin, I huaisen na chuan a ngam em em ang, Mahse tharum in in ngah hleih lutuk dawn a ni, Chu vangin he Pasalṭha hi chu tawlhsawn san maita che, an tileh a, Sangluaia pawh in, Ni e kei chu naupang mai kala ni e, Kei ai a huaisen leh ramvachal ṭha tak tak pawh an tam ang, Tin kei ai a thahrui ngah tak tak pawh an ṭhahnem ang, Mahse ka hma a chhuak a nih chuan, Huaisen takin ka hmachhawn ngei ang, Kalo boral ta a nih phawh in, Chu chu kapa duh danpawh a ni a, Tin kan pileh pute aṭanga mihuaisen thihdan pawh a ni e, an ti a, Nula chuan, Sangluai i thusawi chu a dik e, Ni e i rilru huaisen leh huaisen loh ka en chhin a nih kha, In pafa lakah hian tumah hi an dinchan theih ka ringlo a ni, Mahse tuna ka Pasalṭha sawi lakah hian fimkhur la, Englai pawh in inveng reng ang che, Hnung lama mit nei renga i awm a ngai ang, an ti a, Sangluaia pawh in, I thusawi chu ka hrethiam e, Ni e fimkhur takin kalo awm dawn nia, an ti a, Nula chuan, A nih Sangluai khawfing pawh a chat ta e, Ka kalsan phawt ang che aw, Tiin chu nula hmelṭha tak mai chu, Chhum tleh delh delh karah chuan a hmelmawi tak maichu a zamral ta a
.
Sangluaia mutui laipawh harh hlawlin, Buk chhung ah chuan ṭhu chhuak hlawlin, An hawikual vela khua pawh a eng ṭan tihpawh a hrenghala, Tho chhuak nghalin a buk bula luite chu an panthla nghala, Luite tui fimtak chu han dawt khawlh khawlh in, An in phih harh nghala, Buk lamah chuan chho leh nghalin Buk kawta meipui a chheh thiruap tawh chu chhawm nungleh in, Tuk ṭhuan relna tur mei pawh an nun nghala, Khua a rawnvar chianga, Ni arawn chhuak hnaitih chuan, A buk chhak lawkah chuan Vaṭhu pakhat hi, Khawhar hmeltak hian a rawn hram karh karh maia, Chu Vaṭhu hram chuan Sangluaia thinlung ah chuan thu tam tak rawn sawiin, A rilru ah chuan, A hmangaih Chhingi chu boral tase, Ka chan chuan tuna Vaṭhu khawhar taka hram karh karh chan pawh hi a pha awm silo a, Nupa ṭangṭhen te hi a lova hreawm dawn em? Ti a ngaihtuah in, Tuk ṭhuan turte pawh chu a buatsaih pah zung zung a, A buk bulvel ah chuan zing Ni lum lawm, Sava te te chu rawn chiar nak nak in, Chung Sava te chiar nak nak te chuan, Sangluaia thinlung nguitak chu rawn kaiharh leh in, A mumanga nula nen an in biakna te chu an hrechhuak tharleh uaih uaih a, Nula khan an rawn umzui dawnche a, Fimkhur tak in, Hnunglama mit nei ang ran in i awm dawn nia a tihte chu hrechhuak tharleh in, Theih tawpa fimkhur angai dawn tih hria in, Tupawn min rawn umzui rawhse, Eng ang Pasalṭha huaisen pawh ni rawhse, Damchhunga hlau reng reng leh, Tlanchhe reng reng a hun hman ai chuan, Khawi Pasalṭha pawhni mahse, Huansen takin kalo hmachhawn a nge, Tiin an phunsap a
.
Tuk ṭhuante chu puar taka an ei hnu ah chuan, Sangluaia pawh in muan lutuk chi a nilo tih hria in, Kaizika khawlam pan chuan a kalta nghala, Hemi ni nilenga a kalhnu hian, Thinhlim unau hmelhai bawrah chuan Kaizika khua chu a thlengta hlawl mai a, Lal Kaizika in ah chuan lut nghalin, Kaizika pawh in a lo lawm thiam khawp mai, Sangluaia chu an hawikual ruai maia, Mahse Kaizika in chhung ah chuan a hmuhduh chu a hmuta hauhlo mai, Kaizika chuan hrethiam nghalin, Sangluai Chhingi chu nimin zing khan an khawlam pan in an chhuak ta a nih kha, A pa in a ngaihtuah deuh a, A mah pawh a dam ṭhaviau tawh a, A pa chuan Tlangval sawmrual ngawt an unau lamtur khan arawn tirsi a, Helaia lo chelh behreng theih an nih loh avangin, Nimin zingkhan an khawlam pan in an chhuak ta a ni, Thu minchah nghe nghe a, Sangluaia khan an khawlam a pan dawnah remchang a neite a nih chuan, min rawntlawh kawi rawhse a ti a sin, I hmante a nih chuan vatlawh kawi pawh a ṭha viau ang, an tizui a, Sangluaia pawh in, Kaizika thusawi chu hrethiam in, Awle ka tlawh kawingei ang, Nak tuk maihian khuahi chhuah san nghal ka duh ang, an ti a, Kaizika chuan, Sangluai ilo thleng chauh a ni a, Zanriah pawh ila eilo tiraw? he tah hian zanriah ei maila, Zanriah ei kham ah Zawlbuk lamchu i panmai dawn nia, an ti a, Sangluaia pawh in Lal thusawi chu zah viau mahse, Kapu hetah chuan nilo e, Thlen in dang ka dap zawk ang e, an ti a, Mahse Kaizika chuan, Sangluai tiang khawp hian ka khualehtui tan i ṭangkai a, Vawikhat tal chaweia ka sawmche hi chu a ngai a ni, Nang baka khualṭha hi kei hian ka tawngleh ngaitawh ka ringlo a ni, Tiin Kaizika chuan Tlangaupa hnenah chuan, Sumhmuna Ar chhiara Ar tuilai chu mana, Talh tur chuan an ti a, Sangluaia chu zakru viau mahse, Lal meuhin chu tianga chaweia an sawm takah chuan, Hniallo in, Lal in a chawei tur chuan a in nghatta a ni
.
Zanriah te an ei kham chuan, Lal leh a upa te karah chuan rei ṭhulo in, Zawlbuk lamchu a panta a, Lal in a chhuah san dawn hian Kaizika hnen ah chuan, Nak tuk hian khuahi chhuah san nghal ka tuma, Satkaia khua aṭanga min rawn zawnga, Min rawn umzui tu an awm a nih chuan, Ka kalna lamhi in rawn hrilhdawn nia, Hmar lam aṭangin khua hi ka chhuah san ang, Tiin thu an chah a, Lal in a chhuah san hnu hian, Hmun dang panlo in, Zawlbuk lamchu a pan nghala, Zawlbuk a zuk thlen hian Tlangval an lo tamlo khawp maia, Leng hawn a la hun loh avangin Tlangval hi an la tamlo a ni, Leng haw hmasa te chauh Zawlbuk ah hian an lo awm hlawma, Sangluaia an han hmuh chuan zah taka lo lawmin, An hlimtlang dar dar khawp mai, Naute a nu in a thihsan chung chang te chu han zawt hlawm in, A pa a la dam avangin, A pa chuan a lata tih thute an han hrilh hlawma, Eng eng emaw sawia ti ti zelin, Zante pawh in reilam pan in, Tlangval lengte pawh an rawn hawkim ta hlawma, Val Upa chuan Tlangval ho hnen ah chuan, Khaile hei kan leng chhuak te pawh kan hawkim tawh in alanga, Hei kan khualehtui tana mi ṭang kai tak, Tlangval Sangluaia khual kan neia, Kan tana ral beia thawk chhuak a nih avangin, Zanin hian kan zah in, Kan chawimawi a ni tih lantir nan, Tumah in kan khual Tlangval hi kan chai tur a nilo ang, Nak tuk maihian kan khua hi chhuahsan lehtur a ni avangin, Zanin pawh hian tuman beng chheng siamlo in, Ṭha takin kan munghal dawn nia, Tiin thu an sawia, Tlangvak tepawh in Val Upa thusawi chu ṭha taka zawm in, Chumi zan chu tumah beng chheng awmlo in, An muta nghal a ni
.
Zing khua arawn var ṭan det det tih chuan, Sangluaia chu Zawlbuk aṭang chuan chhuak in, A losawi tawh ang in khua chu, Hmar lam aṭang chuan a chhuah santa nghala, Ni an rawn tlansan chuan, Luite pakhat kamah chuan in nghat in, Tuk ṭhuan tur buaipui in, Rawngte an bawla, Tuk ṭhuan an ei kham chuan hman hmawh lutuka kallo in, Chu mini nileng chuan Chhingi te khawlam pan chuan a kalta a, Khuate tlaiin, Ni pawh in tlak an tum tak ah chuan, Riahbuk sualin zanriah turte an buaipui nghala, Zanriah chu khawthim hma chuan eifel vek in, A mah chauh chuan chu ngawpui reh ruih maihnuai ah chuan a ṭhu ran maia, Eng eng emaw ngaihtuah in a buk kawt meipui chhehna hmun ah chuan ṭhu in, A rilru ah chuan a mah rawn umtu te chu an awm reng angem? Rawn umzui nita se, Rawn umtu te chuan an rawn hmu a ngem? Tlanchhe zawk anga awm rengmai chu hreawm tiin, An rawn umzuia chumi zana an rawn nang chinglo a nihpawh in, Chumi tukchuan kalchhuah a tumlo a ni, A mah rawn umzui tu an awm a nih chuan, Nikhat tal chu laia lo nghah chu a duhta tlatmai a, Tlanchhe zawk ang maia awm reng chu a duhlo a ni, Chu tianga ngaih tuaha hun a hman tak ah chuan, Zanpawh karlo ah chuan lorei ṭander in, A buk chhng ah chuan lutin mut zai a relta nghala, A lo kalchau vedeuh ngeni dawn, Hemi zana a muhi zankhua hian ti buaitu awmlo in, Tui tak chuan a muhil bawrh bawrh maia, Sangluaia an harh chuan khua pawh lovar ṭan tawh in, Zing hma takah chuan tho chhuak in, Tuk ṭhuan tur te chu an buaipui nghala, Ni arawn tlansan hnu ah chuan tuk ṭhuan ei in, Tuk ṭhuan an ei kham chuan hmuamda awmvel hi ṭhu chawlleh in, A buk chhak lawk lungpui liantak awmna lamchu a panta a, Lungpui aṭang chuan a buk awmna leh, Chulai ruamvel chu zautak langin, Chulai aṭang chuan a mah umzui tu te chu a lo changta a ni
.
Nilenga an ṭhuthnu chuan, Sangluaia pawh a bei dawng rum rum maia, Mahse nghah peih hi a ṭha tih hriain, reingial chu an nghak leh a, Mahse thawm riva engmah a awmloh avangin, Sangluaia chuan buk lamchu panleh in, Zanriah tur chulai hmun ah chuan an buaipui leh a, Kaizika khua aṭang khan hman hmawhlo taka kal a nih avang khan, A mah hi umzui tu an awm a nih chuan, Chulai hmun chu an rawn thlenmai ringin a lo chang a ni, A mah umzui tu an awmlo ngeni, A rilru a hman hmawh zawk nge? Rawn thlenghar riaua hriatna a neia, Zanriah te an ei lei hnu chuan, chulai hmun ah chuan zanpawh riah ngama a la hriat avangin, Hmun danga insawn lo chuan, A riahbuk ngai ah bawk chuan a riak lehta a ni, Chhingi pawh ngaihtuah viau mahse, A nu leh pa hnen thleng tawh a ni a, A nu leh pa hnen ah chuan hlimtak in a awm dawn tih hria in, A ngaih tuahna pawh a zia awm a ni, Chumi zan pawh chu engmah buaima neilo in, Tui tak chuan a muhil leh a, Hma tak ah chuan tho chhuak in, Tuk ṭhuan hma taka bawlin, Tuk ṭhuan chu hma tak ah chuan a ei ta a, He mini hi nghah leh a, Chawhnu lama timah an rawn langlo a nih chuan, Chulai hmunchu kalsan a tum tawh a ni, Angai ang te chuan a riahbuk chhaka lungpui awmna lamchu a panleh ta a, Chu lungpui phen ah chuan ṭhu vang vang in, A rilru chuan khawdang a hawi theilo a, Eng dangmah a rilru ah chuan a lut theilo a ni, Sangluaia chuan bei dawnglo a a nghah fan fan na rah chu a hmu dawn ta
.
Nau rilṭam velbawr ah chuan a rilru ah chuan mawlh tu a awm ta tlat mai, Pasalṭha huaisen chuan hriatna chak tak neiin, Chu a hriatna chak tak mai chuan, Hlauhawm a hnai a ni tih hriattir in, A thinlung chuan hlauhawm in arawn pan mek a ni tihchu a hrethei a ni, Sangluaia chuan a Silai te chu ngun taka en in, A ṭul thut pawha hman mai theih tur chuan dahsa in, A rel beihna hman rua, A chempui te chu en nawn vek in, Maubul chang hriam pawh chu a ippui aṭang chuan phawrh mai theih tur chuan an siam rema, A thinlungin hlauhawm a hnai tih a hriat aṭang chuan rei a nghak lo chiang kher mai, Chu ngawpui durkhup mai hnuaia, Chunglam thlira a hawi chhoh lai chuan, A buk thlang lawk ah chuan mihring ṭawng thawmchu a hreta, Sangluaia chuan chulam chu rang taka hawithla nghalin, A riahbuk thlang ah chuan mihring paruk laimai hi an rawn chho hlawm a, Sangluaia riahbuk an han hmuh chuan, Chulai ah chuan dingin, Buk chhungah te chuan lut in, Pakhat chuan, Helai hmunhi a kalsan na a la reilo a ni, Hei thuk meipawh a la lum vat vat e, Tuk kin lam chuan tah hian tuk ṭhuan a siamngei a nih hi, Kan umpha ṭep tawh a nih hi, Chu mihring mai mai chu tah hian han nangching law law ila ṭhatur, A mah avangin hmun hlatak kan kal angaih phah dawn a nih hi, Tiin an phun zui a, Pakhat chuan kan hmuh hun ah chuan tuman min chuhpui theilo ang, A lu hi keimah ngei hian kala dawn a ni, Ka pu Satkaia te a lo tihdan ah hian ka lung awilo hliah hliah a ni, Helai ah hian han nang ching ila chuan, Karlo ah kan that maitur, an rawnti ve a, Chu tihlai chuan an chhak lungpui phen aṭang chuan, In miduh chu ka nih ngei ka ring, Keimah hi in miduh ka nih chuan, Heta hi ka awm e, Min zawnbuai ka ngai tawhlo ang, Aw damthlarh mai hian an rawnti a
.
Chu veleh Thanvela Pasalṭha leh a naute chu, Chu aw lo chhuahna lamchu hawinghal in, An chhak lungpui chunga Tlangval la naupang tak lo ding vang maichu an han hmuta a, Thanvela chuan, Nanghi em ni Lal Satkaia leh a ṭhuih hruaite lo suat mangtu an tih chu? i thiltih avang hian thitur in i in peih em? zahngaihna i chubg ah hian lantir kan tumlo a ni, an rawnti a, Sangluaia chuan, Chu Pasalṭha Thangchhuah diar khim chu chiang tak chuan an en a, A mumanga nula sawi ang chiah khan, Palian tak niin, Thahrui pawh a ngah hledawn a ni tih hriat tak mai hian, A ban bul aṭanga a ban puamthla te chu a phiarfut maia, A malpui pawh vawnglian tak niin, A pian pawh nalh tak a ni, Sangluaia chuan damthlarh mai hian, Chu tu ten emaw Satkaia leh a chileh kuangte suat mangtu ang in minsawi a ni maw? Chu tianga in ngai a nih chuan in thu thu a ni a, Ni e Satkaia khua hleihneih lutuka ro relna khua ah khan ka rawn kalngei alawm, Satkaia khan hmeithai te leh, Riangvai fahrah te hmusit tak in ro a rela, Hmeithai pakhat fapa tui a tlahlum kha zawn nghal duhlo in, Ruang kha a tuka zawn chauh turin ro a rela, Kei chuan chu chu duhlo in a zan a zan khan kha ruang zawngtur khan ka chhuaka, Ruang chu ka hmungeia, Hawn pawh kan hawn ngei a ni, Kha kha in Lal Satkaia khan duhlo in, Mipui ko khawmin a ang chiam maia, Kei chu min thah tumin a hote arawn tira, Chuta ṭang chuan buaina a chhuak ta a nih kha, Lal leh a rorel na duhlo mi tam tak an awm a, Chung mite chuan Lal leh a hnung zuitu te kha duhlo in, Khua ah khan in beihna liantak a chhuak ta a nih kha, Chu in beihna ah chuan keingei pawh hi telin, Lal duh lo zingah chuan ka telve a ni, Chumi avanga min rawn zawng a nih chuan, Mipa taka in hmachhawn turin ka in peih renge, Tiin a din na lungpui aṭang chuan an rawn ṭumthla nghala
.
Thanvela chuan, Kan lak ah hian insawi thiam tum reng reng suh, I thiltih kha kan hrevek asin, Kan Lal Satkaia thu kha i hnial hrim hrim a ni, Ka awm loh hlana tianga ka khualehtui i lo suasam maihi ka tan chuan a tlawm thlak in, A zahthlak a ni, Kei Satkaia Pasalṭha Thanvela hian, Ka awnloh hlana i thiltih manhi ka hmuhtir ngei ngei dawn che a, I lu hi la in, Kan khua ah khan ka tarngei ang, Nangmah ṭantu zawng zawng te hmuh tur khan ka tardawn a ni, Nang rawlthar chimawm tak avang hian, Ka khualehtui chu tih chhiat in a awma, I sualman chu hmu mawlh rawh, Mipa i nih ngai chuan i chempui nen khan han in hmachhawn ila, Mipa ah i in chhiar ve a maw? lo hnaita che pawnfen kan fentir ang che, Tiin Thanvela chuan Sangluaia chu a kut chuan an hui a, Sangluaia pawh in ring taka rawnhnai in, Thanvela chuan a naute hnen ah chuan, Khaile han that rawh u, Ka tello hian ral hmachhawn hi in zir a ngai a ni, Khitiang naupang chumchiap mai mai khi ka tello in a lu khi hanla rawh ule, an ti a, Thanvela hote zinga pathum chu rawnpen chhuak nghalin, Sangluaia lamah chuan han tlanphei nghala, Sangluaia pawh in a ippui chhunga maubul chang chu rang taka phawrh nghalin, A hmelma te hmachhawn zawng chuan an insiam remleh nghala, A rawntlan hmasa ber lamah chuan rang taka tlanphei venghalin, Chupa chuan a chempui chu rawnlek in, Sangluaia chu sah hlumngei tumin an rawnvai pawp maia, Sangluaia tlanlai chu er zawk in, Chupa chuan a rawn vaiṭhelh thuak maia, Rang taka Sangluaia chu rawnding chhuak nghalin, Chupa pawh chuan a tum a ṭhelh tih hria in, Sangluaia lamah chuan rang lutuk chuan an rawn hawilet nghala, Sangluaia rawn hawilet leh chuan a chempui chu rang taka rawn vainghalin, A chempui rawn thlawk chhuak chuan, Chupa nghawng ah tak chuan fuh in, Chupa nghawng chu a chhum hmawk mai a, Chupa nghawng chhum aṭang chuan, Thisen tharlam lutuk chu rawn chik chhuak nghal ṭhawt ṭhawt in, Chupa lu chu a tlahrang nawlh maia
.
Sangluaia chu rang taka in herleh nghalin, Pakhat chuan thinrim tak maihian an rawn zuana, Sangluaia chu a hnunglam ah chuan tlem tawlhsawn hlek in, Chupa rawnṭum rual chiah chuan hnaih chilh nghalin, A maubul chang hriamchu an vaichhuak venghal pawp maia, Chupa dulchu thlernghal duaiin, A pum chhunga a rilte chu a rawn uai chhuak nghal hnuang maia, Chupa chu rak ṭhawt ṭhawt chungin a ril tlahnuang chu pawm khawm an tuma, Sangluaia chempui chu rang lutuka thlawk chhuak nghalin, Chupa nghawng chu a bungleh hmawk maia, Rawntlan zinga a hnu hnungber chuan, Nang fasawnpa ka ṭhiante kha i that a maw? Thisawn rawh tihpah chuan, A thinrim avanga a fimkhurna te chu hlauh in, Sangluaia chu a chempui nen chuan an rawn bawh phei nghala, A fimkhurna a hlauh tak maichu Sangluaia tan chuan duh thusam a ni, Thinrim na avanga engmah hrelo a an rawn thawk pheichu, Sangluaia chuan fimkhur taka lo hmachhawn in, Chupa lamah chuan an zuang dawk phei zawk maia, A chempui hriamtak mai chu chupa lamah chuan rang taka vai chhuak nghalin, Chupa bek dinglam ruh chu a keh ri rawp maia, Sangluaia chuan chupa chu hnaih chilh leh nghalin, A vei lama a ken Maubul chang hriam tak maichu vaikual leh pawp in, Chupa hrawk a ṭang chuan thisen hi a rawn chikta ṭhawt ṭhawt maia, Lei ah chuan tluri dawp in, A melh ngaichu a melh reng maia, A ke chu hanleng awrh awrh in, Kar lo ah chuan a chatthla ta nghala, Chu rawlthar chuan a hma lawka Thanvela leh, A naute pahnih chu thlirding nghalin, Keipui in a sa sehtur ngun leh ding taka a en ang mai hian, Chu rawlthar pawh chuan a hmalawka dingte chu ngun tak chuan a thlir vang vang maia, Thanvela chuan a naute pahnih hnen ah chuan, Saw rawlthar saw a chetdan in hmuh vek kha, Fimkhur viau angai a nih hi, In fimkhur viau dawn nia an tisap a
.
Chu veleh Thanvela bula dingte pahnih chu rawn thawk chhuak veleh in, Muang chang chuan Sangluaia lamchu an rawnpan chhat chhat maia, An chempui chu nghet taka hum in, Fimkhur pawh an rawn fimkhur dun khawp mai, An rawnkal dan ah chuan Sangluaia chu rawn karcheh in, Sangluaia pawh in a sir lam aṭanga rawn beih ve ve an tum tih hrenghalin, A dingleh veia mit nei rana awm a ngaidawn tih a hria in, Hma lamah chuan penkhat an pen chhuak a, Chu mite pahnih chuan chet an lak hmangeia chet lak khalh angai dawn tih hriain, A hmalama penkhat an pen chhuak chu, A ke veilam chuan na taka ṭanla in, A ke dinglam apen chhuah chuan na tak, rang tak chuan an zuang dawk chhuak zawk maia, A dinglam a mi zawk chu zuan pheiin, Chupa chuan Sangluaia chet lak danchu a rinloh lutuk a nih avang leh, A ran em avanga in ring hmanlo in, Sangluaia zuang phei chuan a chempui chu lek chhuak nghalin, Chupa in rin chian hma chuan an vaipawp maia, Mahse chupa chu in ring taka rawnkal a nih avangin, Sangluaia pawh in a duh ang chuan a sat fuh hmanvbik lo a ni, Chupa chu a lo tawlh sawnve hman avangin, Sangluaia chuan a dar veilam chu an vasat thawi thuak maia, Chupa darhliam aṭang chuan thisen rawn chhuak ser ser in, A thinrim rawn hawichhuak lehchu a rapthlak khawp mai, Sangluaia sah thawi rawnlet leh hma chuan, A veilama mi chuan Sangluaia chu rawn zuanve in, Sangluaia pawh rang tak chuan an tawlhsawn a, Mahse chupa chuan a dar veilam chu rawnhliam hman in, Sangluaia darpawh a thi ser ser maia, Tlemin muang deuhseng zawng, Dar tlahlawk in chupa chuan a satngei ang le, Mahse rawlthar huaisen leh, mite ai a zamṭha chu, Chu ti mai mai a sah hlumtheih a nilo a ni
.
A dara a sah hliampa chuan, A hliam tawrh chu a thinrim puiin, A thisen lum chuan chhialeh ṭha engmah hriattir lo in, Sangluaia chu thinrim taka rawn bawh pheinghal in, A chempui humlai chuan na tak maihian an rawn vaipawp maia, Sangluaia chuan hnunglam ah lo tawlh sawn san zeuh in, Chupa in rinleh hmachuan hnaih chilh thut in, A maubul chang zumhriam tak maichu lek chhuak in, Chupa thinzawn ah chuan fei khawh dawk zawk ang maia chhun kawh pheiin, Chupa thinhnun ah chuan maubul chang hriam lutuk maichu a lutta hrawih maile, Chupa chu meng kawk in, Sangluaia chu melh reng chung chuan a ṭhingṭhi hnawk maia, Theileh theilo chuan Sangluaia khup chu an vuan a, Sangluaia chuan maubul chang hriam chu pawt dawk zawk in, Chupa chu a rak ṭhawt maia, Leiah chuan tlunghalin, A khurnghal char char maia, Mel awrh awrh chung chuan a thi zuita nghal a ni, Sangluaia hliamtu chu rawn thawk veleh in, A chempui chuan an rawnsat venghala, Sangluaia chu rang taka lo kun hniam nghalin, Chupa chuan arawn sah ṭhelh fuamai a, Sangluaia chuan hawilet miahlo chuan a chempui chu an vailet pawp maia, Chupa rawn hawilet chiah bek dinglam ah chuan rino chawk in, Sangluaia chuan, A chempui chhipzum laichu chupa bek dinglam ah chuan sat burchat in, Vawileh khat ah chuan an phih dawrh maia, Chupa chu Sangluaia lamah chuan rawn herphei sawk in, Sangluaia bulah chuan a tluchawrh maia, Sangluaia mitsir chuan eng enaw phevuai hi hmu in, A din na hmun aṭang chuan azuang sawn nghal dawrh maia, A zuansawn rualdeuh thaw chuan Silai chu, Chulai ngawpui chhung khawk rum rum chuan a puak ṭhuai maia, Sangluaia rawntho chhuak leh chuan, Rang lutuk hian, A maubul chang hriam lutuk maichu a kut dinglam aṭang chuan rawn thlawh chhuak nghalin, Chu maubul chang hriam lutuk maichu Thanvela lamah chuan thlawk chhuak phei zawk in, Mahse mak tak in, Maubul chang hriam lutuk chuan, Thanvela taksa a thlen hma chuan, Lo dangtu awm ang mai hian maubul chang chu a tlatawp mai a ni, Thanvela chuan, Ka Silai mu ah chuan i him a ni maw? Nanga hmanrua a thi thei ka nilo a sin, Keihi nangni ang mai mai thah theih ka nilo, an rawn tih khum a
.
Sangluaia chuan, Thanvela chu chiang taka an en chuan, A luchung zawn ah chuan eng emaw hi hmuh a nei a ni, A mumang kha hrechhuak zawk in, A mumanga nula khan, Pasalṭha Thanvela hi kan ṭhiannu nena in zawllai a ni a, Kan ṭhiannu chuan Thanvela thih hi a phal dawnlo a ni, A tih kha a hrechhuak rum rum maia, Mahse chu rawlthar huaisen chu Thanvela hma ah chuan tlawm mai mai a tumlo chiang khermai, Rang taka rawntho chhuak nghalin, A chempui chu nghet tak chuan an humṭha sauh sauh a, Thanvela chuan, Sangluaia chu rum taka rawn melh in, Ka naute kha i that zo a maw? I luvun kha ka hih sak ngei ang che, Nang anga rawlthar insual thiamhi kala hmu ngailo a, Huaisen pawh i huaisen khawp mai, Mahse i huansen na ringawt kha chu ka lakah hian atawk lo a ni, Huaisen viau mahla, Chakna i nei tello a ni, Chu chakna chu a ni keipawh hian ka dinchan puiṭhin ni, Vala chu chakna chu neitur chuan he ngawpui chhungah hian ṭhian feltak i neih angai a ni, Khaile saw rawlthar saw that ka duh a nia, Ka ṭhian min hanpui rawhle, an ti a, Chu veleh Thanvela chu mihring awm chen vela sang boruak ah chuan rawn kang pheiin, A mawnga rawn chawitu awm ang mai hian arawn dawk phei zawk maia, Sangluaia chu mihring ṭuanrang tak nilo seng zawng, Thanvela chempui chuan a nghawng chu arawn chhawk hmawk ngei ang le, Mahse Sangluai chu mihring ṭuanrang tak a nih avangin, Thangvela rawn dawk zawk maichu rang lutuka lokun hniamsan hman in, Thangvela chempui chuan arawn thawifua mai a ni, Sangluaia chu rang lutuka leh hawi nghalin, chet pawh a che hmanlo teuh khawp mai, Sangluaia in herchiah chu Thanvela chuan a chempui chuan rawn vaileh nghalin, Sangluaia chu a bawk thlawrh maia, A bawhrual chuan Thanvela chuan rawnṭum nghalin, Mahse Sangluaia insual thiamtak maichu, Leia a bawhrual chuan lunsawn nghalin, Thanvela chuan arawn ṭumṭhelh chawrh mai a ni
.
Sangluaia chu rang taka rawnding chhuak lehnghalin, Thanvela chuan an rawn bawhzui lehnghalin, Thanvela chempui rawn thlawk chu rang taka lo tawlhsawn san in, Sangluaia ṭuanran na chuan, Khuavang nula te thiltih theihna chu a khanlo deuh a ni, Thanvela chempui thlawk a lo tawlhsawn san chiah chu, Thanvela chuan rawn hnaihchilh nghal theiin, Thanvela kut veilam chu rawn thlawk chhuak nghalin, Sangluaia bek dinglam chu a rita chawrh maile, Sangluaia chu painawk in, Rilru fim put hram hram an tum a, Thanvela chuan, A chempui humlai nen chuan rawn hnaihchilh lehnghalin, Sangluaia luhai deuh pawh rawn in thingharh nghalin, Thanvela chuan a chempui chuan an rawnvai nghala, Sangluaia chuan a lo hmuh hman avangin, A hnung tawlh dawrh maia, Mahse Thanvela chempui hmawrlam chuan Sangluaia hnute veilam bawrchu rawn fuh hman in, Sangluaia hnute veilam aṭang chuan thisen tharlam tak maichu a rawn far nghal zawih zawih maia, Sangluaia tawlh chu Thanvela chuan rawn hnaihchilh hmanzelin, Chu tianga ti theichu mihring thahrui leh, Ṭuanran na aṭang chuan tih theih a nilo hrim hrim a ni, Thanvela chuan Sangluaia chu a hnaihchilh hmanzel avang chuan, Sangluaia tanpawh in vensen a ni tawhlo, Thanvela chuan a chempui chu hanvai leh in, Sangluaia pawh in a chempui chu rawnvai chhuak vebawk in, An chempui humlai ve ve chu insat chawrh in, An insah nat em avangin Sangluaia chuan a chempui humlai chu thlauh in, Thanvela pawh in a chempui humlai chu a thlauh vetawp mai a ni
.
Ṭanpuitu nei zawk na na na chu a ṭuanrang zawkah ṭangin, An chempui an han thlauh dun chiah chu, Thanvela kuttum chuan Sangluaia bek veilam chu rawn fuhnghal chawrh in, Sangluaia chu a painawk maia, A luhai painawk chu rawnhawi leh atumlai chuan, Thingro banpuam tiatzet maihi rawn thlawk fuain, Chu thingro tliakrawp khawp chuan Sangluaia bek veilamah bawk chuan Thanvela chuan arawn vawta chawrh maile, Mihring pang ngaitan chuan tawrh rual a nita lo, Sangluaia chu engmah hrelo chuan tlunghal tawpin, Thanvela chuan rang tak chuan a chempui chu chuh nghalin, Sangluaia nghawng chu tan an tuma, A chempui chu leksang in, Sangluaia nghawng chhum hmawka sah atum laichuan, Chu ngawpui chunglam aṭang chuan eng emaw enghi rawnde zawrin, Thanvela chu a din nalai aṭang chuan aleng dawrh maia, Thanvela chu rawntho chhuak in, Sangluaia lamchu an panleh a, A chempui bawk chu rawn humchhuak leh in, Sangluaia eng mah hrelo chu pan in, A nghawng bawk chu tansak an tumleh a, Sangluaia bul athleng leh tih chuan, Chu ngawpui chunglam aṭanga eng bawk chu rawn engleh zawrin, Thanvela chu a lengleh dawrh maia, A tlakna lamah chuan Thing tuluangah chuan insawh in, Nikhawhrelo chuan a awm zuive tanghal a, Chu veleh chu ngawpui chhung ah chuan nula aw nalh tak maihi vinṭhawta rawn au in, Thanvela bul aṭang chuan nula pakhathi arawn ding chhuak nghal zawk maia, Aw nalhtak mai neitu chuan Thanvela bula nula ding chu thinrim tih hriat ngawih ngawih a rawn melhin, Helai hmun aṭang hian kamit hmuh phak loh ah kalbo nghalrawh, an rawnti ṭhawt maia, Chu veleh Thanvela bula nula ding chuan, Rangtak chuan chulai ngawpui chu a chhuah santa nghala, Sangluaia chuan vawikhat a lu chu rawnkan zawkin, Kapa tiin an rawn phun sapa, Nula chuan, Sangluai hliamna tak i tawrh hi mu hahdam rawh tiin, Chu nula hmelṭha tak mai chuan an chhem heuh heuh a, Karlo ah chuan Sangluaia pawh eng mah hrelo chuan a awm zuileh ta nghala, Sangluaia chu chutianga engmah hrelo a an awmleh chuan, Nula hmelṭha em em maichu amang lamah chuan inlar nghalin, Sangluaia chuan, Chhum zamchiai maihi a hmuta a
.

...
Chu chhum zam chiai kara nula hmelṭha tak rawn lang chu, Sangluaia chuan an thlir vang vang maia, Chu nula hmelṭha em em mai hmelchu a la hmuh ngailoh nula a ni tlat mai, Chiang taka an en pawh chuan, Chu nula hmelchu vawikhat mah a la hmu ngailo a ni, Chu nula hmel ngainat awm tak mai, Sawiselna tur awmlo khawpa hmelṭha, Hmelte tharsar mai chu, Rawn lang hnaizel in, Chhum tleh delh delh karah chuan chiang tak chuan arawn langta, Chu nula chuan Sangluaia chu nui var var chunga rawn en in, A aw nalh tak mai chuan, Sangluai tiin an rawnko a, Sangluaia pawh in nula lamchu hawireng in, Nula chuan, Sangluai ni e min hmu ngailo ang, I hma ah hian vawikhat mah hi kala rawn lang ngailo a ni, Vawikhat mah minla hmu ngailo ang, I pa nen khan vawitam tak kan in kawm ṭhina, I pa ang thoa hmelṭha leh, Mipa duh awm i nih hi mawle, Ka naute chuan i chan chinhi an sawi ṭhina, Sangluaia chu Tlangval hmelṭha tak a ni a, A pa ang maia Pasalṭha huaisen leh, insual thiam a ni an ti ṭhinche a sin, an ti a
.
Sangluaia chuan, Nula chu chhan ngaihna vak hrelo chuan thlir rengin, Nula chu Sangluaia hnaih tak chuan, Chhum karah chuan lo lang tawh in, Nula bawk chuan, Sangluai mak min vatih hmel ve? Ka thusawite kha i awilo em ni? i awilo deuh a nih chuan, I pa kha i ko tiraw kha? I pa vanglai kan hmuh tir ang che aw, an ti a, Sangluaia pawh rawn ṭawng chhuak ve in, Nia tunhma in kala hmungailo che a, Ka vawikhat hmuhna che a nih avangin awih mai har kati deuh a ni, Tiin nula chu an chhanga, Nula chuan, Sangluai ka hrethiam lutuk che a nia, Ni e helai hmun ah hian ka awm ngailo a, I hlimthla hichu kalo hmuve ṭhin asin, Hei tunah chuan a tak ngeiin ka hmuta che a nih hi, Ka thusawi i awih theih nan, I pa vanglai ngei kan hmuh tir ang che, I pa nen hian ṭhianṭha tak kan ni a, Mahse tunah chuan i pa chuan changdang min kansan ta a, Fapa duhawm tak pahnih a nei che u a, In unau hian ka naute hian an en thlareng ṭhin che u a sin, Sangluai khale i pa vanglai chu le, Tiin chu nula chuan a bula chhum chu an vaia, Chhum chu kham sangtak ang mai hian mam nghal purin, Chu chhum in khampur maiah chuan mihring lian thleh thawlh tak maihi a hnung lamchu rawn langta
.
Sangluaia chuan, Nula hnen ah chuan, Heihi maw kapa chu? tiin an zwt a, Nula chuan, Sangluai nghak la, Lo en rawh an ti a, Chu mihring lian thelh thawlh chu rawnlang chiang zelin, Chupa hma ah chuan Tlangval in khaithli zaih mai hi arawn langta nawlh maia, Chu Tlangval chu hmelṭha takni in, A pian a nalh in a lianṭha thelh thawlh khawp mai, Thangchhuah diarṭial chu khimvah in, A hma a ding chu a mitmu dumfiah kak mai chuan ngun taka en in, A hma a ding palian tak maichu, Keipui in a sa seh tur ngun taka a en ang mai hian, Mit khap miahlo chuan a en kalmai a, A nghawng chawmbat mai leh, A dar in vuah nghet charh maite, A banbul lian talh maileh, A darpharh ṭha hlap maite, A kawngfek rat maite leh, A malpui vawnglian talh maite chuan, Chu Tlangval pian nalh zia chu a tilang chiang hliah hliah a ni, A kut veilam chuan Maubul chang zumhriam tak maichu nghet taka hum in, A kut dinglam chuan a lu lak chempui, Thisen kaihnuang maichu nghet taka hum bawk in, In ralring tak in, Ral hmachhawn tur chuan a ding kak hah mai a ni, Pasalṭha huaisen a ni tih hriat ngawih ngawih in, A hnute veilam leh, A banbul veilam ah chuan, Keipui hmana hnu hmachu a ser ruak mai bawk a, A hnute dinglam ah chuan Ngeng mu luhna chu ser kuau maibawk in, Chu Tlangval hmelṭha tak maichu tupawn hmuse, Pasalṭha huaisen leh Ralhrat a ni tihzia chu hairual a nilo a ni
.
Nula aw nalh tak mai chuan, Sangluai sawle Lal Bula Pasalṭha huaisen, Thangluaia chu le, Saw Pasalṭha saw a ni fahrah te leh chanhaite Pasalṭha huaisen chule, Mihrang leh sahrang hma a hnung tawlh ngailo, Lal Bula Pasalṭha huaisen Thangluaia a nihsaw, an ti a, Chu veleh Sangluaia pawh chuan chu Pasalṭha Thangchhuah diar khimvah maichu ngun taka en in, A rilru chuan, Saw Lal Bula Pasalṭha sawmaw kapa chu, Chanhai teleh riangvai te Pasalṭha huaisen chu, A dar veilam leh, A hnute veilama ser saw Keipui hamna hnu hma mawni a? A hnute dinglam ami saw, Ngengmu luhma maw a nih? Kapa kalo vantluk loche em, I fapa hian engah mah ka tluk lo che a nih hi, Anti rilru a, Nula chuan, Sangluai lo thlir rengrawh aw, A hma a ding Pasalṭha saw, Ka naute kawmlai Pasalṭha a nih saw, Ka puihna tel miahlo in ipa chuan a hneh thei asin, Sangluai ipa vanglai chuan, Engmah hi a hma a dingzo reng an awmlo a ni, A hmelma te chuan a hming an hriatin an khur a, A rawl an hriat chuan hlauin an tlanchhe ṭhin a ni, Ral zarual pawh a mah chauh pawhin a dangchat thei asin, Sangluai hetiang Pasalṭha huaisen leh rilru ṭha ang hi, Mihringte zingah hian piang chhuak leh ang maw? Saw Pasalṭha thlah i nisaw inchhuang viau tur i ni asin, En ta che miten khuavang Pasalṭha an tihchu tuma puihna telmiah lo in a hneh thei asin, an ti a, Chu veleh Lal Bula pasalṭha chuan, A hma a ding Pasalṭha lamchu rawnpan nghalin, Khuavang Pasalṭha an tihpawh chuan Lal Bula Pasalṭha lamchu panve in, Rang lutuk chuan khuavang Pasalṭha chuan a chempui hriam lutuk chuan an vaia, Lal Bula Pasalṭha chu tawlh her zawk in, Rang lutuk mai chuan khuavang Pasalṭha lamah chuan, Fei khawh dawk zawk ang maia ranga rawn in khawh dawk zawk in, Khuavang Pasalṭha nghawng chu a chhum hmawk maia
.
Lal Bula Pasalṭha chu hnaitak ah chuan rawn kalin, Sangluaia hma maiah chuan a chempui thisen kaihnuang maichu hum chunga rawn dingin, Hlatak chu a thlir vang vang maia, Sangluaia chuan a pa an hmuchiang meuh chuan, Apa vanglai chu eng kawngah mah a tluklo a ni tihchu chiang takin a hria a ni, Taksa len lampawh nise, Huaisen lampawh nise, Ṭuanran lampawh nise, Eng kawngah mah chuan a pa chu a tluklo chianghle tihchu a hre chiang em em a ni, An en chian phei chuan, Apa chu alian in, A awmbawr te chu a lian in, A banbul invuah te chu a nghet ṭhain a lian talh maia, Chak tih hriat reng reng in a nghawng te chu alian in, A kawngte chu a fek nalh em em maia, Sangluai'an a pa vanglai an hmuchiang chu, A mah chu a insit ngawih ngawih maia, Huaisen lampawh nise a tluk lo hle tih hriain, Kapa i fapa hian ka van tluk lo che em, I hnunghi eng tik ah mah hian ka zuizo dawnlo a nih hi, I fapa nive tlak pawh ka nilo a nih hi, an ti a, Nula chuan, Sangluai rawlthar mai alawm ila nih, In sitmai mahta che, I pa ai a ropui tur alawm ila nih, Tun ah chuan naupang rawlthar mai a lani a, kum sawmthum i tlinhun ah meuh chuan, I pa ai hian ila ropuiin, I hmingpawh hi a la thang ngei ang, Kawlkei pian ruala helei rawnrap hi i ni asin, Tlangval tho la, Tih tur hmabak i neih kha, I pa chuan khuavang Pasalṭha an tihchu, Tuma puih miahloh in a hneh thei asin, Tlangval zam mai mahta che, Lal Bula Pasalṭha huaisen, Thangluaia fapa i ni lawm ni? Tlangval tho rawhle, I tih tur chuan a hmuak reng che a nia, Satkaia Pasalṭha Thanvela lu chu ila thei angem? Tlangval tho rawhle, an ti a
.
.
DUHTAWK LEHRIH PHAWT ANG U AW
REMCHAN VELEH KAN CHHUN ZAWMLEH DAWN NIA
.
Hman hmawhlo in, Minlo nghak hram hram ṭhindawn nia
.
.
[Lalzirliana Tochhawng] [Champhai Tlangsam]

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 28th, 2018, 8:18 pm

................ PASALṬHA THANGLUAIA (233) ...............
.
.
Sangluaia chu arawn harhta hlawl maile, A lua Thanvela vuakna te chu lakbo ang hmiaha na tawhlo in, A hliamhma ai maha rawn harh ṭha chuan an rawntho chhuak ta a, He tihlai velhian Satkaia Pasalṭha Thanvela pawh rawntho chhuak vebawk in, Sangluaia an rawn hmuh chuan, Nanghi tu chiahnge i nih le? i lu ka vuakna kha, Mihring pang ngaitan chuan tawrh chhuah zawhrual a nilo a sin, Khuavang fachuam te tanlo chuan tawrh chi a nilo a ni, Tiin Sangluaia chu mak tih hmeltak chuan an rawn en a, Thanvela pawh chu rawnding chhuak in, Sangluaia lamchu rawnpan leh in, Tufa pawh nirawh ka pawisa lo, I lu hi ka ladawn hrim hrim tihpah chuan a chempui chu an rawnlek chhuak lehnghal a, Sangluaia thung chuan a chempui a hloh avangin, Maubul changhriam nen chuan Thanvela a hmachhawn chu angai dawn thung a ni
.
Sangluaia chu ngawi renga inring taka dingin, Thanvela chetla laichu a thlir rengmaia, Chik taka Thanvela an en chuan, Thanvela chuan a hmalam kha a chevel aṭang chuan a phalo hletih a hria a, Pasalṭha zuan zang leh zamṭha taka che kha, Tun ah chuan khang zawng zawng kha lak sak ang mai a nita, Mahse a mah chuan engmah hreloin, Sangluaia lamchu rawnpan zelin, Sangluaia nen chuan an in hmachhawn lehta ran maile, Sangluaia chuan a maubul chang hriamchu nghet taka humin, Thanvelea hnen ah chuan, Thisen chhuah hi atawk viautawh lawmni? I naute heti zozai hian nun na an chan tawh a ni a, Chu vangin thisen chhuahna hichu atawk tawh a ni, Nang pawh khawlam ah let la, Keipawh ka kalna turlam ah chuan ka kal ange, an ti a, Chu tianga Sangluai'an an ti chu, Thanvela thinlung ah chuan ngamna leh, zuamna rawnlut nghalin, Thanvela chuan, Naupang hlauin i khurta mai a em ni? Kut ka thlak che kha na i tiin, I hlauta mai a ni maw? Khawiah mah i kalsawn dawnlo a ni, I lu hi kala ngei a nga, Bung zara tarah i lu hi kala ngei dawn a ni, Tiin Sangluaia chu thamlo tak maihian an rawn en a
.
Chu tia Thanvela chapo leh, A mah hlau anga a in ngaichu Sangluaia duh dan chiah a nisi a, Sangluaia chuan a hlau tak tak emaw tiin Thangvala chuan Sangluaia chu ngamtak mai chuan arawn bawh pheita nghala, Sangluaia chuan Thanvela chu lo zuan khum dawrh in, Leia aṭumrual chiah chuan Thanvela lamchu hawileh nghalin, Thanvela rawnleh hawi chiah maichu lo changin, Sangluaia chuan, A kut dinglam chu rang lutuka vaichhuak nghalin, A kut dinglama a hum maubul changhriam lutuk maichu thlawk chhuak zawkin, Thanvela hrawk chu a tanzawng chuan a thlerta hrawih maile, Thanvela chu dingchar awt in, Sangluaia chu mak tih hmel tak chuan melh kawk kawk in, A nghawng kak aṭang chuan thisen tharlam lutuk chu rawn chhik ṭhawt ṭhawt in, Hreh tak chung chuan a ṭhingṭhi tarup maile, Dinleh hantum mahse, A kaihza ah chuan thareng a awm tawhlo, Dingleh tur chuan chakna reng reng nei tawhlo chuan, A tlubawk khup thlawrh maia, Chu veleh Sangluaia pawhin Thanvela chu kalsan nghalin, A chempui hloh te chu rang taka zawng nghalin, A hmuh hnu ah chuan a Silai tepawh chhar in, Chulai hmun aṭang chuan a kal chhuak ta nghala
.
Thuitak a kalhnu chuan khawikhaw chulram nge tih a hriatloh hi a chuang chhuak hlawlmaia, Khua a tlaitawh avangin Thlam ram lamtawh pakhat ah chuan lutin, Chu Thlam ah chuan riahmai a rilruk ta a, Chulrama thlairah te chu a ei khawp tur la khawm zung zung in, Chu Thlam ah chuan zanriah a buatsaih ta nghala, Ni pawh khawthlang lam kawlkil ah chuan liamtawh in, Khua pawh chuan thimlam a pan ṭanta nghala, Chumi zanchu chulam chulram Thlam ah chuan Sangluaia chu riakin, Mut pawh a mutui khawp mai, Zing khua alo varchuan tuk ṭhuante buaipui nghalin, Hman hmawh hranlo chuan tuk ṭhuan turchu an buaipui a, Tuk ṭhuante ei an huna, An eifel chuan, Muangmar in chu chulram thlam aṭang chuan kal chhuah an tuma, Chu tihlai chuan nupa tuak khathi chu Thlam lampana an rawn kalhi a hmuta a, Sangluaia chuan nupa tuak te chu lo nghaha, Tu khualehtui chulram nge anih a? Tu khuange a hnaih tihte zawh a duh a ni, Nupa te an rawnthlen chuan, Nupa te chuan Sangluaia an han hmuh chuan an hlaudeuh a, Mahse Sangluaia chuan hrethiam in, Hlauhawm ka nilo a nia, Ral ka nilo e, Nizan khan he in Thlam ah hian ka riakve mai a ni e, Tiin chung nupa te chu an hrilh a, Mipa zawk chu Thlam ah chuan rawnlut hmasa in, Chumi hnu chuan a nupui pawh chu Thlam chhung ah chuan an rawnlut venghal a
.
Khua aṭanga chulrama rawnfeh mipa Chalkaia chuan, Nizan hetah hian iriak a nih chuan, Khawilam pan tumnge i nih a? Khawilam aṭanga lo kalnge maw i nihle? Tiin Sangluaia chu an zawt a, , Sangluaia chuan Satkaia khua zin a nih thuleh, Hawleh tur a ni a, Kawngbo a nih thu chuan chhang in, He chulramhi khawi chulram nge a nih? tiin an zawh a, Chalkaia chuan, He chulramhi Lal Kamthanga chulram niin, Keihi Chalkaia kani a, Heihi ka nupui niin, Suakchhingi a nih hi, Kan chhel velah hian Kungthanga khua a awm a, kan chhak deuh ah khian, Mankunga khua a awm leha, Kan chhimlam ah hian, Awrhthanga khua a awmleh bawka, Kan chhak zawn chiah ah khian, Satvela khua a awm bawk a ni, Khawilam pantum nge i nih le? Tiin Chalkaia chuan Sangluaia chu an zawt vethunga, Sangluaia chuan, Kaivela khua pantum kani a, Mahse kawng kabo avangin helam hi ka rawn panta a nih hi, Heta ṭanghi chuan Kaivela khuate chu chhimlam daih a nilawm ni? Tiin an zawta, Chalkaia chuan ni e, Kaivela khua chu heta ṭanghi chuan hlatak a ni a, Tlangval chak vak tanpawh ninga lai kal a ni asin, Engpawh nise helai aṭang chuan Kaivela khua chu a la hlat em avangin, Kan khua ah rawnlut in, Zanin chu kanlo mikhual dawnche nia, Tunge ihming ni a? Eng tin nge kan koh ang che? Tiin an zawt a, Sangluaia pawh in khua a luhve phawt chu a duh avangin, Sakhama kani a, Khama ti te pawh in minko ṭhina, In duh dan dan in minko mairawh u, an ti a
.
Chu mite nupa chu thlairah te chu lakpui zung zung in, Thlam ah chuan chaw chhunte fakin, Chawfak khamah chuan khawlam pan in an chhuakta nghala, Kamthanga khawluh hmadeuh hian chawlh hmun nuam tak maihi a awma, Chalkaia chuan, Khai hei khua kanlut ṭep tawh a ni a, Helai chawlh hmunhi a nuam a nia, Thlansa te pawh han tireh ila mawle, Khai nui in chawl hlek teh ang u hmiang, Thlansa te han daise kan kalleh dawn nia, Tiin chulai chawlh hmun ah chuan an chawlta a, Chalkaia chuan Vaibel te han ṭan in, Thilfim te chu an han dawng heuh heuh maia, Chu tihlai chuan an piah mualah chuan Sakhi hi a rawn huk dap dap maia, Sangluaia chuan, Ti khan lo awm rawh u aw, Chu Sakhi huk chu kan va veh ang e, Kah theih te a nih tak hlauh in, Tiin Sakhi hukna lamchu a panta nghala, Hmuamda awmvel ah chuan Silai chu Sakhi hukna mualah chuan a puakta ṭhuai maia, Chalkaia chuan a nupui hnen ah chuan, Khaile nui vawiin tlaichu Sakhi chek kan hawp dawn avan ang em? Ka mikhualpa chu a kut alo hmuiviau tehi a niang a? Sakhi chek hawp lohna pawh arei tawha, Han hawp te pawh a chak awm alawm mawle, an ti a, A nupui chuan, mai mai a che, Midang Silai rite pawh a ni thei asin, Kha Tlangval kha mikhual turin in hruaihaw ngawt maia, kan khawtlang buailai a ni nen, Lal hi alo lawmlo viau a nge aw, Kan tan hian thilpawi theite a awm ange, an ti a, Chu tihlai chuan Sangluaia chu an lampan chuan Sakhi chal ṭhazet maihi rawnpu zar zar in a rawn kala, Chalkaia chuan, nui saw en ta che, Ka sawiang ngeiin vawiin tlaichu Sakhi chek kan hawp ngeidawn e, Ka mikhual Tlangval saw a kut a hmui viau dawn a nih saw, Tiin Chalkaia chuan Sangluaia chu ding chungin an lo hmuaka
.
Sangluaia chuan chawlh hmun an rawn thlenchuan, Satkaia chuan lo lawmin, Sakham heichu rinphak bak a nih hi mawle, I zarah Sakhi chek tuitak kan hawp ngei dawn e, A vahan phurawm em, Sakhi chek hawp lohna areita bawka, Zanin tlaichu avan phurawm em, Tiin a phulhlut maia, Chawlh hmunah chuan reipawh awm tawhlo chuan, Khawlam pan chuan an kal chhuak lehta nghala, Khua an luh hian zanriah ei la hunlo deuh in, Chalkaia khua hi khawhmawr lamdeuha awm niin, Kawtchhuah aṭanga hlalote a ni a, In an thlen chuan Chalkaia chuan a ṭhenawm khawveng te au khawm in, Hei ka mi khualpa in Sakhi chalṭha tak mai a kapa, A lu min rawnlawm sak verawh u khai, Tiin a ṭhiante chu an au khawm hlawma, Chalkaia ṭhiante chuan, Rappui chungsanga an zubilh te chawithla in, Chalkaia in ah chuan an inchawi luthlawm a, Chalkaia ṭhiante chuan a mi khualpa chu a hmingte zawtin, Chalkaia chuan a mi khualpa chu chhuang tak mai hian, A ṭhiante hnen ah chuan a hmingte an hrilh hlawm a, Chutia hlim taka an ti ti dar dar lai chuan, Thangveli pa an tih chuan, Hei kan hlimtlang dar dar khawp maia, Kan thudang alai chuan, Vawiin nauṭam velbawr khan, Mankunga Pasalṭha pali laimai te chu khuaah hian an rawn thlenga, Kan tunlai boruak ah hian kan Lal hian a chah a nih hmel a ni, Kei chu khaw ṭhenawm Pasalṭha chah luh hi a mualpho thlak kati a, Kan Pasalṭha te tan atlawm thlak kati a ni, an ti a
.
Chalkaia chuan Chu tiang a loni maw? Kan tun dinhmun ah hian kan Lal pawh hi a beidawng hma em a ni, Nithum chauh a lani a, Khawdang hanpun maite chu kan Tlangval te tanpawh a zahthlak lutuk alawm, Mankunga Pasalṭha te a kothla a maw? Kan Val Upa te leh, Kan Pasalṭha te tan chuan a tlawm thlak a nih chu, Kan Lal pawh hi a ti mah mah a ni, Tiin an sawiho laih laih maia, Sakhi te chu puah nghal zung zung in, A chek te pawh siam nghalin, Chu mitlai chu Chalkaia chuan a ṭhiante pathum chu zanriah ei tura sawmin, Sakhi sa leh a chek tui tak hmeh chuan zanriah chu an eita a, Zanriah an eilai chuan Chalkaia chuan, Mankunga Pasalṭha te chan chin chu sawichhuak leh in, Sangluaia chuan, Mikhual mai kani a, In thusawi chu nichin aṭang khan engmah ka hrethiam velo a ni, Lal Kamthanga hian harsatna a tawk em ni? Nge buaina liantham deuh a tawk zawk? tiin an zawta, Chalkaia chuan, A nidawn tak maw, Engmah kanlo hrilh velo che a, Ni e kan ti ti kotlang ah i dakve loh phah a ni, Sakham kan hrilh teh ang che, Kan hnungdeuh khan, Vawiin hi a nithum na a nihtawh chu, Kan Lal Kamthanga hian fapa pathum leh, A naupang lamah hian fanu pali ngawtmai a neia, Hmeichhe zinga a upa lam pahnih te hian pasal an neitawh a, A naupang berleh a u hian kkawppui an la neilo a ni, A naupang ber dawttu hi a ṭhiante pahnih nen kan hmakhan, Thingtuah phurin khawdai mai ah hian an kala, Chu thingtuah an lakna ah chuan chin hriatloh in a bo bilta hmak maia, Vawiin ni thleng hian kanla hmulo a nih hi, Kan Tlangval te leh, Kan Val Upa tepawh hmuh tur an awm loh hi, Chu vang a nia kan Lal hian Mankunga Pasalṭha te a ko thla kan tih nachhan chu, an ti a
.
Sangluaia chuan, Mankunga Pasalṭha te chu vawiin ah hianmaw khuahi an rawnluh ve? Lal fanu chu tunthleng hian a chin hria inla awmlo a maw? Khawdai maia kalsi a va mak dawnve? Tiin an zawt a, Chalkaia chuan Sakham ni e, Ka sawiang khan engmah kan Lal fanu chung changhi hriat a awm rihlo a nih hi, A khuang cherbo hmak mai a ni, A ṭhiante an hanzawh pawh in, Thingro kan fawmtlanga, Kan bulah a awm reng emaw kan tihlai in, Kan hanko a, hlatak ah a ei a, Kan hanko leh a, A ai a hla ah a ei leh a, Vawithum kan kohna ah chuan kan kohna kha a chhang tawhlo a ni, Tiin eng dangmah sawitur an hrelo a ni, an ti a, Zanriah te an han eifel chuan, Chu thu chuan Sangluaia beng chu a verhta riau maia, Nula a pumpa chu tianga an bopil hmak maichu mak pawh a ti a ni, Zanriah te an han ei kham chuan Sangluaia chuan, A thlen inpa hnen ah chuan, Lal Kamthanga fanu chuan, tunhma deuhten buaina eng eng emaw a nei ngai em? A nih lohpawh in, A pi leh pu te ah hetiang lama sawikai hi an awm tawh em? Tiin an zawt a, Mahse Chalkaia chuan Sangluaia zawhna chu engmah sawitur a hrelo a ni, Ka hriat theih chinah chuan engmah chu tianglam sawitur ka hrelo a ni, An thlahtu telam pawh chhuiin, Chu tiang hansawitur awm ang reng reng ka hrelo, Ka hriatloh ang bawk hian, Ka ṭhiante pawh hian sawitur an hriatbik ka ringlo a ni, an ti a, A nih lah taka, Chalkaia ṭhiante pawh hian tianglam thu reng reng hi sawitur an hrelo a ni, Sangluaia chuan, A nihsi chuan Lal hnen aṭang chuan eng emaw hriattur chu a awm ngei ka ring a ni, Tunhma lama a thiltih te zawtta ila hriat theih a awm ka ringtlat a ni, Mahse a fanu chung changa a koh pawh kani velo a, Keia lo in rawlhve na chhan tur a awmlo e, Lal fanu chu him taka an hmuh ngei ka ring e tiin, A thusawi laichu a ti tawpta a
.
Chalkaia chuan Sangluaia hnen ah chuan, Sathang i la naupan ngaih tuah in eng eng emaw i hriathmel hle mai, Ni e kan Lal leh a nupui te hian, Tun hmain eng emaw huaiho laka tihsual tepawh an lo nei theia, Engmah hi hriat a awmlo a ni, An nupa tu emaw zawk zawk hian huaiho an lo ti thinrim pawh a ni theia, Chu tiangte a lo nih chuan, Chung huaite chuan phuba lak nan a fanu hi an hruaibo pawh a ni thei a ni, Sathang i ngaihtuah chhuak thiamin, Mifing ngaihtuah na hmandan a ni, Thil reng reng hi chhan a awm ṭhina, Tuna kan Lal fanu bopawh hi, Chhan ṭhatak chu a awm ngei ngei ang, Ka mikhual Sathanga sawi ang khan, Eng huai emaw chuan kan Lal chungah hian phuba a late a ni theimai angem? Chu zawhna chu tuma chhan theih a nilo a, Upa min Sukliana hnen ah kalo hrilh chhin a nge, an ti a, Sangluaia pawh in, Eng pawh nise Zawlbuk lam kan panve phawt ang a, Khuate lovar phawtse, Keipawh Lal fanu zawn nalam ah chuan kalte angai a nih chuan, A hun in lahrilh rawhse, Tiin Zawlbuk lamchu a panta a, Zawlbuk a zuk thlen hian Tlangval an lo tamlo khawp maia, Lal fanu zawn na lamah an kalzawh deuh vek avangin, Tuna Zawlbuka awmte pawh hi, Tlailama rawn hawte ni hlawmin, Val Upa ho in hmalak leh dantur relho an tum mek a ni, Sangluaia an han hmuh chuan, Val Upa te chuan a hmingte zawtin, Khawilam pantur nge a nih te an han zawta, Sangluaia pawh in an zawhna chu ṭha taka chhangin, A hming pawh Sakhama a nih thu hrilh in, Khawvar veleha khua chu chhuah sanleh maitur a nih thute chu an hrilh vehlawm a, Chumi zan chuan Sangluaia pawh leng chhuak lo in, Tlangval ho rorel na ah chuan a awm veta a, Val Upa te chuan, khua avar veleh Mankunga Pasalṭha te chu kan Lal fanu bona hmun ah hruai tur an ni a, Mankunga Pasalṭha kan Lal chahthlak ten, Kan Lal fanu bona aṭang chuan an zawngve dawn a ni tiin, Mankunga Pasalṭha te chu kan hruai angai dawn a nih chu, Zing hmatak ah kan chhuak khawm dawn nia, Tiin thu tlukna an siamta a
.
Khua an lovar chuan, Sangluaia pawhin Chalkaia in lamchu a panve ta a, A rilruk dan chuan tuk ṭhuan ei khama Chhingi te khawlam pantur in rilru a siama, Rilru zangkhai tak chuan a thlen in, Chalkaia in lamchu a pan a ni, A thlen in a han thlen hian, Chalkaia chu in ah chuan lo awmlo in, Chalkaia nupui chuan, Kan upa min kha arawn kala, Kanpa chuan Sathanga kha arawn haw chuan, In lo chhuah san suhse a ti a, Minlo nghak reng rawhse a ti a ni, Tiin Chalkaia nupui chuan, Sangluaia chu an hrilh a, Sangluaia chuan a thlen in nu hnen ah chuan, Vawiin lamchu ka kal chhuak a nge, Ka pantur lam a la hlasi a, Tuk ṭhuan ei kham hian ka chhuak mai ange, an ti a, Chu tia an ti ti bawrh bawrh lai chuan, Chalkaia chu lohaw in, Sangluaia hnen ah chuan, Sathang nizan i thusawi dan zawng zawng kha kan upa min hnen ah ka sawia, Kan upa min chuan kan Lal Kamthanga eng kim hrilh leh in, Lal chuan nangmah hi hmuh che a duh a ni, Rem i ti a nih chuan Lal chu kan hmu dawn emni ang? an ti a, A nupui chuan, Vawiin tuk ṭhuan ei kham hian a kal tumna lam pantum in chhuah a tuma, Dan khawtlai chipawh a nidawn amawn le? Kan Lal fanu bo zawnhi a mawh phurhna pawh a nilo a, A tihtur ah hian kan ti khawtlai mai mai lomaw? A mah erawh chu Khama, Kan khua ah hian i chamduh a nihngai chuan, Kan in hi i in angin en la, I duh chen chen i chamthei a nia, an ti a, Chalkaia chuan, Khama kalchhuah i duh a nih chuan i thu thu nise, Mahse kan Lal chuan i thusawi dante kan hansawi khan, I lakah hian beiseina liantak a nei a ni, Bei seina liantak a neih avang hian, Nangmah ngeihi biak che a duh a, Kan Lal hi i ṭanpui duh a nih ngai chuan, Nanglo chuan ṭanpui theiawm reng reng ka hrelo an ti a, Sangluaia pawh a in ngaih tuah buaive khawp mai, Chhingi chu enge a chan chinzel? Kaizika khua a chhuahsan bak engmah a chan chin a hrelo vetho a ni a, Leh lamah ṭanpui ngai an awm bawksi, Thu tlukna siam maipawh harsa a ti a ni, A tawpah chuan, Chalkaia hnen ah chuan, Eng pawh nise in Lal hmutur chuan ka in peih e, Lal chu i vahmu ang hmiang, an ti a, Chalkaia pawh rawn nuisuk in, Lal inlam pan chuan an chhuakta nghala
.
Lal in an vathlen hian Lal Kamthanga, A upa min Sukliana leh, upa dangte pawh an loawm hlawma, Tin Kamthanga nupui leh, A fapa nupui neitawh te leh, Tuna a fanu bo chhang chiahte pawh loawm in, Kamthanga fate hi an hmelṭha hlawm khawp maia, Tuna a fanu naupang berpawh hi a hmelṭha in, Nula tihrual nive ṭantawh in, A sangzaih maia, Upa ten riachawmbat an tih ang hi niin, Chu Lal fanu chu Tlangval tan chuan en nawn loh chi a nilo a ni, Sangluaia pawh in chhung an luh chuan, In chhungte chu an melh kual thuak thuak a, Kamthanga nupui chu hmeichhe hmelṭha tak a ni tih hrenghal in, A bul lawka a fanu pawh chu nula a chhiar theihve tawh a ni tih hmuin, Nula hmelṭha tak a ni tihpawh a hmuchiang khawp mai, Chalkaia chuan Kamthanga hnen ah chuan, Lalpa hei ka mikhualpa Sakhama chu ka rawn hruaie, A theihna zawng zawng a puih che hniallo in kan rawnkal a ni e, an ti a, Kamthanga pawh in Chalkaia te chu ṭhutna kawh hmuh nghalin, Ṭhut hminte an hanrem felhnu ah chuan Kamthanga chuan, Sangluaia chu eng eng emaw zawtin, Tunge i pa? Khawi hmuna cheng nge i nih? Eng ti tura helai hmun ah hian rawn kalnge i nih? Chung zawng zawng chu Kamthanga chuan Sangluaia chu an zawt hmasa te te a, Sangluaia pawh in Lal zawhna chu ṭha taka chhangin, Mahse a pa hming dik tak chu a sawi duhlo a ni, Kamthang'an mikhualpa thu a zawhlai hian, A fanu pangber chuan, Chu mikhualpa chu khawdang hawilek lo chuan a lo en char char maithung a, Mikhual Tlangval lak ah chuan Kamthanga fanu teber chu, Chempui pheka, Hlum bantak mai vawmbeh thlawrh ang mai hian, Kamthanga fanu thinlung chu a betnghal thlawrh mai a ni, Sangluai'an a pa zawhna a chhanglai te chu ngun taka lo thlir rengin, Sangluaia chevel leh, A hmel leh hawiher vel reng reng mai chuan, Chu nula hmelṭha tak lungchu a dum hliah hliah mai a ni
.
Kamthanga chuan, A nih leh Tlangval, Tihsual in nei em? tih min zawhna chu, Eng tihsual ngeni ta ang? Kei leh ka nupui te ah emaw hian, Eng huai emaw cho a, An mahni cho zawnga khawsa emaw kan awm ṭhin em i tihna em ni ang? Tlangval chu tiang awm kan awm ka van hrelo em? Min thlahtu te ka ngaihtuah pawh hian, Khuavang emaw, Huai emaw cho ṭhin min thlahtu ah hian sawitur ka hrelo a ni, Tin ka nupui chhungte lamah pawh hian, Chu tiang awm reng reng sawitur ka hrelo a ni, Nui chu tiang awm chu sawitur hriat i nei em? Tiin an zawt a, Kamthanga nupui chuan, Chu tiang awm reng reng hriat ka neilo a ni, Tiin a pasal zawhna chu an chhang a, Sangluaia chuan, Khuahi kan rawnluh khan, Kawtchhuah ah khian thingbul rotawh, Patling pali hlam awm turvel ka hmua, Khi thingbul rokhi a awmna a reitawh em? Khi thing khi a dinlai in hrephak hlawm em? Tiin zawhna an siam leh a, Lal Kamthanga chuan a hrethiamlo hlemai a, Tlangval i thu minzawh chu i chiang a maw? He khaw Lal hi kani a, Chu tiang mai mai minzawt tur chuan emni ilo kal? Tlangval chu tiang mai mai in zawhchu, In zah lohna kawngkhat deuh a nilo maw? an ti a, Chalkaia pawh a zakru khawp maia, A rilru tak chuan, Ka lohaw tirta mailo kha a pawi mange, Lal hmaah hian minti mualpho mai mai a ni, An ti rilru a, Upa hopawh Sangluaia zawhna ah chuan an nui dar dar maia, Mahse a nu bula ṭhuve nula hmelṭha tak maichu a nuive duh miahlo a, Sangluaia chetla velchu a en kar reng mai a ni, Sangluaia chuan, In thlahrung ru tak chung hian, Kapa in nuih ka tiza a nih chuan ka thiamloh a ni e, Ni e zawk mak pawh minti mai theia, Mahse kha thing kha a dinlaiin tu kih nge tih ka hrechak mai a ni e, I fanu bona ah hian tih theih ka neilo a ni, A pawi kati in ka tawrh pui khawp mai che u, Tih theih ka nei silo a, Ka kal phawt mai a nge, Tiin a tho ta nghala, Kamthanga chuan, Tlangval fingviau turah kalo ngaiche a, Mahse kalo ngaisual che a ni, Ni e Kawtchhuaha thing bulro khi, A kittu i hriat duh chuan, He khua kan kai laia kapu kih a nih khi, Kapu hriat reng nan a bulro pawh khi lak darh ka phallo nghe nghe a sin, an ti a, Sangluaia chuan kalpah chuan, Kapu chu tiang a nih chuan i ngaihtuahna thui takin hmang ang che, Thing kha i pu kih a nih ngat chuan i ngaihtuahna kha sengla, A chhan i ngaihtuah chhuak theilo a nih chuan, I fanu bochu i hmu kirleh tawhlo maithei a ni, Tiin in chu a chhuah santa nghala
.
Chalkaia chuan Lal hnen ah chuan, Lalpa min ngaidam hram rawh, Kha Tlangval khan hriat a neih takin tiin ka rawn sawi a ni a, Mahse minti zak tak zet zet a ni, Vawiin hian khua hi kalo chhuah santir nghal dawn nia, an ti a, Kamthanga chuan, Chalkai kha Tlangval kha umzui tala, Khua hi chhuahsan tir reng reng suh, Kha Tlangval khan eng emaw chu hriat a nei a ni, A sawiang khan eng emaw chu ngaihtuah kan ngai a ni, Kum eng emaw zat liamta a, Kapu thing kih khian enge kan chungah vanduaina a thlen theih? A chhan kan chhui chhuah angai a ni, an ti a, Upamin Sukliana chuan, Lalpa ka ngaihdan ah chuan, Kha Tlangbal khan i fanu bochung changah hian engmah hriat a neiin ka hrelo, I laka mualpho hreh in a sawilang mai mai niin ka hria, Kha tiang rawlthar lutuk khan tianglam ah hian engmah hriat tak tak a neih ka ringlo, Kan pianve hma a thil thleng tawh hian, I fanu chungah hian engmah nghawng a neih ka ringlo, an ti a, Mahse Lal Kamthanga chuan, Kha Tlangval kha larawl viau mahse, A mit mengleh a hmelah khan a thutak riau a ni, Chu vangin khua hi lo chhuah san suh se, Chalkai umzui nghalla, Lal in tlawmngaiin khua hi lo chhuah san suh se a ti loti la, Kan Pasalṭha tirhte hi rawnlet phawtse, An chan chin a zirin thu zawhleh ka duh ang an ti a, Kamthanga nupui pawhin Tlangval lak ah chuan beiseina sang tak neiin, An fanu bochu hmuh leh an beisei em avangin, An tan chuan beisei loh chipawh a nilo a ni, Chalkaia pawh Lal in aṭang chuan chhuak nghalin, Sangluaia kalta chu umzui in a kal vang vang maia, A in chhungah chuan Sangluaia chu nang chingin, Sangluaia hnen ah chuan Lal ngaihdan zawng zawng chu an sawia, Sangluaia chuan, Kapu engkim ka sawi tawha, Tin zawhna ka siam khan min nuih a nih kha, Chu vangin let leh hi ka tan chuan a nuamlo viau ang, an ti a, Chalkaia chuan, A ni khawp mai, Mahse kan Lal chuan Tlawmngaih chhuaha lo la awm hram hram turin a duhche a ni, an tileh a, Sangluaia pawh in, Chu tiang a nih chuan vawiin chauh chu ka nghak a nge tiin thu tlukna asiam ta a, Hemi ni, Ni tlakhnu hret hian, Lal fanu bo zawngte chu rawnkir tawh in, Heng Val Upa te leh, Tlangval rualte hi bei dawng taka rawnkir hlawmin, Niruk lai an zawnna a nihtawh avangin, Val Upa rualte leh, Tlangval rualte chu an bei dawnru hlawm tawh a ni
.
Chumi zan chuan rorel na neileh nghalin, Upa min Sukliana chuan, Eng pawh nise hei Lal Munkunga Pasalṭha te pawh tlawmngaia rawn thawk chhuakin, Vawiin hi an vawikhat chhuah vena a nia, Chu vangin nak tuklam hian ngawrh lehzuala kan zawnleh angai a ni, Nak tukhi a ni sarihna a nitawh a, Tumah bei dawnglo in, Tumah hnual mailo in, Tlawmngai takin kan thawk chhuak lehdawn nia, an ti a, Lal Kamthanga nupui pheichu aṭap aṭap tawha, Tin Kamthanga fa dangte pawh tumah hlimthei reng an awmlo a ni, Lal inchhung chu angui nghuai maia, Lal inchu sawi loh, Khaw chhung pawh chu angui nghuai maia, Tumah hlimthei reng an awmlo a ni, An Lal fanu chu an ngaihtuah em em maia, Khawtlanga an hlimpui berleh, Lal in chuan kaia, In lengte lo chiau au tuber a nih avangin, Mitin chuan an ngaina a, Chu tiang maia an khuangcher bohmak maitur chu an ngai ngam mawlh lo a ni, Nitin hian an Lal fanu chu an hmuh ringin nitla van duaiin an lo thlirhlawm ṭhina, Mahse an Lal fanu chu rawn hmuh tih reng reng an nei theisi lo, Hemi zan pawh hian Lal inchhung ro relna chu a ngui nghuai maia, Kil khatah lungchhevtaka ṭap thawm a lo awm nen, Val Upa te leh, Upa rualte chu an ngui nghuai mai a ni, Mankunga Pasalṭha te chuan, Val Upa te hnen ah chuan, Theih tawp an chhuah tur thute chu sawiin, Lal fanu bochu hmuh ngei ngei an tumthu te chu an hansawi a, Chung thu te chuan in chhunga awmte rilru rit lutuk chu tizang deuh in, Kamthanga leh a upa te rilru rit lutuk chu tlem chuan azang deuh a ni, Khua an lovar chuan, Tuk ṭhuan ei kham hmadeuh ah chuan Val Upa te leh, Tlangval rualte chu Lal tualzawlah chuan chhuak khawmleh in, Mipui tepawh rawn chhuak khawm telhlawm in, A ni sarihni a loni tawh nen, Mitin maichu an lung ngaiin, Mittui tlate pawh an kat nuk tawh maia, Chu mini chuan theih tawpa zawng leh tur chuan, Val Upa rualte leh, Tlangval rualte chu an chhuak lehta a
.
Lal Kamthanga chu a rilru a buai em avangin, Sangluaia a chu chelh tihpawh a hretawh lo a ni, He mini nileng hian a in chhung ah chuan lung ngai takin an ṭhukun tlawk tlawk maia, Nidang zawng zawng a hlimtaka an ti ti hona ṭhin in chhung chu, Tunah zet chuan lung ngaihna in chhung ah a chang zota a ni, He mini chawhnu lam hian Kamthanga fanu naupang ber chuan, Kapa nimina mikhual Tlangval kha chamtur in i tisi a, Mahse eng mah thuleh hlate i neileh silo a, Mikhual kha kal chhuak lehmai tur a nilawm ni? an ti a, Lal Kamthanga chu rawn harh zawkin, A nitak maw kha? Chalkaia khan la chelh tak ang maw? kha Tlangval kha ka ring tlat a ni, Tin eng emaw chu hriat a nei a ni, Ka fanu pawh hi a zawn chhuah theih ngei ka ring a ni, Tiin Tlangaupa chu Chalkaia leh a mikhualpa kotur chuan an tirnghal a, Tlangaupa pawh chu rang taka tlanchhuak nghalin, Hmuanda awmvel ah chuan an rawnlet leh nghala, Kamthanga chuan, Tlangaupa Chalkaia te chu an awm em? A mikhualpa chu a kal chhuak tawh em? Tiin an zawt nghala, Tlangaupa chuan, Kapu Chalkaia chu a awm ngeia, Mahse a mikhualpa chu a awmlo, Chawhnu lamkhan daivel ah kan vak chhuak ange, Bai hantur eng emaw kahtur te ka hmuh takin tiin avak chhuak a ni awm e, an ti a, Kamthanga pawh thawhuai in, Khua a la chhuah sanlo a nih chuan, Vawiin lam kanthu a zirin kan ko dawn nia, an ti a, Zanriah chhum a huna, Zanriah ei an hun meuh chuan, Tlangval ṭhenkhat bozawng te chu rawnlet ṭanin, An bozawn chung changah chuan eng mah hmasawn na an neih loh thu chu an rawn sawia, Lal in chutiang thu an hriat chuan, Kamthanga leh a nupui fanau te chu an ngui nghuai maia, Khua rawntlai zelin, Thimhlim unau hmelhai an rawn nih meuh chuan, Bo zawngte pawh an rawn hawkim thawkhat tawh khawp mai, A haw hnu hnung te chungah beiseina an han nei zela, Mahse a haw hnu hnungte pawh a haw hmasa te ang chuan, Bei dawngin an rawn hawzel maisi a, Chu khawtan chuan a bei dawn thlak tak zet zet ta a ni, Lal chhung kua te pawh in beisei tur engmah an nei tawhlo, An fanu chu ui tak chunga vuina hun hman maichu a ngaitasi a, A mah emaw, A ruang emaw hmulo mahse, Pi leh pu te danah nisarih chhunga hmuh loh chu, An ruang ai ah, Changel tumte thlan ah dah a ngai tawhsi a, Chu khua chuan an Lal fanu chu an suna, An ui tak zet zet a ni
.
Kamthanga nupui fanau te chuan, An unau nu bota chu lainat taka ṭah in, Lal in ah pawh chuan mipui an pung khawm tam khawp mai, Kamthanga pawh a rilru a buaiin, Eng tia ro han reltur nge tihpawh a hrethiam mailo bik lo a ni, Rilru hah reng renga a indawm kunlai chuan, Chalkaia leh Sangluaia pawh, Lal kohna ang chuan Lal in chhung ah chuan an rawnlut vemek bawk a, Munkunga Pasalṭha te pawh in chhung ah chuan Val Upa ho nen ṭhuve rengin, An nipawh chu an mizawn chung chang ah chuan an bei dawng ru khawp mai, Kamthang'an Chalkaia leh Sangluaia an hmuh chuan, Phu deuh zawkin, Chalkaia hnen ah chuan, E nangni in nimaw? Lo ṭhu rawh u khai, Tiin ṭhutna tur te an kawh hmuh nghala, Chalkaia ten ṭhuthmun an remfel tih chuan, Kamthanga chuan, Tlangval nimin khan enge min zawh kha? Kawtchhuaha thing bulro chung chang em ni min zawt kha? Tiin an zawt nghala, Upa min Sukliana chuan, Lalpa kan Tlangval thu hi ngaihchan tlak tak tak a ni dawn amawn le? Chin chang hre zawk leh, Ngaih tuahna nei zau zawk kan Val Upa te pawh an beidawng khat a nita si a, Rawlthar satliah mai mai thula hian kan buai duh dawn amawn le? an rawnti a, Kamthanga chuan, Suklian i ngaihdan ah chuan a dik viau ang, Mahse ka fanu chu tunah hian a khuang cherbo chu a nita bera, Ka chhungril hi eng ang in nge a nat ang min hriatpui em? Ka fanu hi ka hmuh theihna a nih chuan, Naupang pawh rawn dawn ila, Chu naupang hma ah chuan ka in phah hniam viau ang, Ka rilru hreawm danhi i hrethiam phak lo a nih kha, Tiin an kamkhat a, Sangluaia lamchu hawileh nghalin, Tlangval ni e, Kan kawtchhuaha thingbul liantak rokhi, Kapu pa, Kawlhliana leh a hote chuan he khua an luhdawn hian, Khi thingbul ah ngei hian riahbuk an suala, Helai hmunhi khua atana sat in, Khua an din hnulawk hian kapu pa Kawlhliana chuan, A fapa te zinga apangber kapu, Ngalsaia chu kittur in a ti a, A chhan chu, Khi thing an kih na chhan bera sawi ṭhin, Kapa min hrilhdan chuan, Thinhlim bawrah hian, Khi thing leh a velah khian naupang au chuah chuah anghi hriat ṭhin a ni a, Chung thawmchu an hriat ziah avangin, Khaw chhungah chuan naupang an ral ṭiin, Pawnto ngampawh an awm ṭhinlo a, Chu vangin kapu pa Kawlhliana chuan, A fapa Ngalsaia chu a kih tirta a ni, Khi thing an kihzan khian, Zankhua in a bulvel ah khian ṭap thawm an hria a, Naupang chiar nawk nawk thawmte hriain, Chu mizan khawvar dawnvel ah chuan, Khi thing bulvel ah khian eng emaw rum chhur chhur thawm chu hreleh in, Chuta ṭang chuan rehta vang vang in, Vawiin ni thleng hian eng thawm mah hriattur a awm tawhlo a ni
.
Mahse makve deuh maichu, Khi thing khi alen vang ngeni ang, An kih aṭang khan chawrleh chuang silo in, A hring reng maia, Hei tun kum hnih kalta vel aṭang khan a rove ta chauh a nih khi, Kapu Ngalsaia hriat reng nan tiin, An rotawh hnu pawh hian cheh darh ka phalta lo a ni, Tiin thing chan chin chu an sawia, Sangluaia chuan Kamthanga hnen ah chuan, Kapu ka rindan chiah a ni e, Ni e naupang te chu kani e, Mahse thil reng reng hi chhan nei vek an ni ṭhina, I fanu bo ngawtna chhan pawh hian chhan a neih ngei ka ring tlat a ni, Ka rinpawh hi a dik ngei ka ring a ni, Rem i tih chuan chulai Thingbul ah ngei chuan inthawina hlan nise a ṭhat ka ring a ni, Chu mizawh ah chuan i fanu zawngtur chuan ka chhuak ve nghal ang, an ti a, Kamthanga chuan, Puithiam hanko nghal ula, Inthawina chu hlan nghal nirawh se, an ti a, Rang tak chuan Tlangaupa chu tlan chhuak nghalin, Puithiam in lamchu a panta nghala, Kamthanga chuan, Tlangval eng vanga khilai ah chuan inthawina hlankher ngai nge nita ang le? Hun heileh chenhi khi thingbul vang khian engmah buaina kan nei ngailo a ni a, Khi thing huaite khian ka fanu chu an hruaibo ah i ngai tihna em ni? tiin an zawta, Sangluaia chuan, Kapu i rindan chu ka ngaihdan chiah a ni e, Kapa chuan min hrilh ṭhina, Huai te hi an thin kan tihrim aṭang hian kan lakah hian phuba an lamai ngailo a, Kan tuchhuan lina thlengah pawh hian phuba an la la ṭhin a ni, Chu vangin heng huai ho hian an chunga keini hringmi te hi min ngam em em ṭhina, Mahse huaisen taka kan hmachhawn ngam chuan, Heng huai ho hian keini hringmi te hi min tlanchhiat san ṭhin, Tiin kapa chuan min hrilh ṭhin, an ti a, Chu veleh upa min Sukliana chu rawn inrawlh leh in, I pa chu tunge ni a? Nang naupang te hian i pa chu ilamve chhen ni, an rawnti a, Kamthanga chuan a upa min chu lo khap nghalin, Suka naupang hma ah ka tianga awki santur a ni ngailo e, Sakhama hian a hming min hrilh tawha, A pa hming pawh min hrilhtawh kha, an ti a, Chu tihlai chuan puithiam pawh chu Tlangaupa nen chuan rawnlut in, In thawina a hlantur velte chu buaipui nghalin, An duh angte an tihzawh chuan, In thawina hlantur chuan kawtchhuah lamchu an panta nghala
.
Sangluaia leh Chalkaia pawh telve in, Puithiam chu Val Upa pali chuan an ṭawi awm bawka, Kawtchhuah an han thlen chuan Sangluaia chuan meichher chu siam ṭeuh in, Inthawina hlan na tur bulah chuan meipui an chhep hluah bawka, Puithiam chuan inthawina hlan na tura ṭul zawng zawng te an tih zawh chuan, In thawina chu an hlanṭan ta a, Inthawina hlan zawh hmadeuh ah chuan, Chulai thing bulvel chu arawn rita sung sung maia, Naupang rual ri teng tung thawmte chu rawn awm in, Chungho chuan enge an sawi hriat tak tak theih siloh hian, An ri chuah chuah maia, Patling aw thum tak tak phun bul bul thawmte chu hriattur awm in, A ri chuah chuah maia, Chalkaia leh Val Upa telve te chuan mak tiin, An hawi kual hruk hruk mai hlawma, Puithiam chuan chham turte an chham zawha, Inthawina an han neih zawh chuan, Thawk lehkhat ah chuan thawmchu reh hmakin, Sangluaia pawh in, Khaile kal chhuah a hunta e, Khawi lamnge Lal fanu bona lamchu? tiin an zawt nghala, Val Upa pahnih chuan hma rawnhruai nghalin, Lal fanu bona lamchu an panta nghala, Meichher nen chuan karlo ah chuan Lal fanu bona hmunchu thleng nghalin, A hming chuan an hanko a, An din na hmun aṭanga hlalo te ah chuan hmeichhe aw chau tak hian rawn chhawn in, Sangluaia te chuan, Aw an hriatna lam chu an hanpan nghala, Val Upa pahnihte beisei phak miah loh leh, An rinphak reng reng loh chuan, An piah zawl laia lungpui bulah chuan, Hun reitak an lozawn tawh an hmuh zawh loh, Thi ngeia an ngaih tawh an Lal fanu chu an va hmuta maia, A bulah chuan phei nghalin, An han bawih sawmnghal zung zung a, An Lal fanu chu a chau hle a ni tih hriain, Sangluaia chuan paw bawhlat in, Kawtchhuah lamchu an panta nghala
.
Kawtchhuah an han thlen hian, Puithiam tepawh in an lo hmuh chuan mak an ti a ni, An Lal fanu, Hmuh leh an in rin tawh reng reng loh, Thi bota daiha an ngaih ngei mai chu nung dama an han hmuchu mak an ti em em meia, Chalkaia phei chuan, Sathang nangmah vang liau liau a ni e, Kan Lal chuan a chhuang khawp ang che, Khawinge keimah hi ka lova kal ang a, Engkim hi Lal ka lova hrilh teh ang, tiin Chalkaia chu Lal in lampan chuan a chhuak ta nghala, Val Upa te chuan an Lal fanu chu meipui bulah chuan han mutin, A hmuiah chuan tuisik an han farluta, Lal fanu pawh chuan tui chu lo lemin, A hma ai chuan a rawn harhta hret hret a, Hetia an buaipui lai hian, Tlangval rualte chuan kawtchhuah chu rawn thlengve nghalin, Makti em em maiin Sangluaia chu an rawn en hlawma, Mankunga Pasalṭha te ngeipawh rawn thlengve nghalin, Thupui chhuaha khaleh chen an lo hmuh tawh loh, Reilote chhunga an han hmuta maichu mak tiin, Lal fanu an hmuh theih nana a bul tumtu Sangluaia chu, Mak tiin an en hrek hrek mai a ni, Val Upa te chuan Tlangval te hnen ah chuan, Khaile hei kan Lal fanu bochu kan hmuta a, A mah hi a chauh avangin kan puak angai dawna, Tlangval tlawmngai te kha lo chhuak ula, Kan Lal fanu hi in kan thlenpui vat a ṭha a nia, an hanti a, Ti chuan Tlangval te chuan Lal fanu chu puain, In lamchu an pan puita nghala, Lal in an vathlen hian mipui an lotam khawp maia, In chhung an han luh hian Kamthanga nupui fanau te chu, Lawm avanga an bianga muttui tlain, An lo ṭap hawm hawm maia, Nisarih ngawt an zawn tawh, Thi tawha an ngaih,vA ruang pawh hmu tawhlo tura an ngaih tawh, Damṭha tak maia an han hmuleh chu, An hnuk ulh hlawmin, Mipui lamah pawh lawm avanga mittui tla an tamhle a ni, Lal fanu chu in chhungah chuan ṭha taka mutin, Kamthanga chuan, Khawnge ka fanu botawh, Ka fanu thi tawh nung dama rawn hmuleh tu, Tlangval Sakunga khale? Tiin an au chhuak a
.
Mahse Sangluaia chuan, Lal in rawn thleng velo in, Mipui kar aṭanga put ru in, A thlen in lam a lo pan daih niin, Chalkaia chuan a mikhual Tlangval chu an mipui karah chuan, Chhuang rutak chuan an ko a, Mahse Sangluaia chu a awmve tak loh avangin, A in lamchu a panta a, Val Upa pahnih, Lal fanu hmutu te chuan Lal hnen ah chuan, Kapu kha Tlangval i koh kha fingtak a ni, Puithiam in inthawina a hlanlai khan, Meichher eng tak siamin, Puithiamin inthawina a hlan zawhrual khan, Khaile kal chhuah a hune, Khawilai nge Lal fanu bona lamchu tiin arawn pen chhuak nghala, Keini chuan Lal fanu bona lamchu kan pana, Kan hnungah min rawnzui nghal a ni, Eng tin nge kha Tlangval khan i fanu kha khalai hmun ah khan a awm dawn tih a hriat theih? Tlangval fingtak a nih kha, an hanti a, Hetia Lal leh a nupui fanau te leh, Khawtlang mipui hlim taka an awmlai hian, Upa min Sukliana leh, Mankunga Pasalṭha pathum te chu an lawmve hran hauh lo mai, Mankunga Pasalṭha te hi, A nih na tak ah chuan Sukliana rem hriatna a Lal hian chah a ni a, Mankunga Pasalṭha te pawh hian Kamthanga lak ah hian theihtawp chhuah an duh a ni, Kamthanga hian fanu nula pahnih a neih avang hian, Lal makpa nih chu tu te pawh hian an chak hliah hliah a ni, Chumi zanchu Lal fanu botawh, Thi vek tawh tura an ngaih chu, Damtak maia an hmuhleh avang chuan, Khawtlang mipui chu an hlimin, Tu te pawh chu an lawm em em mai a ni, Zante an reideuh a, Leng hawn Ar te an rawn khuan tak ah chuan, Mipui lampawh ṭindarh tawh in, Khawnbawl lamte pawh an ṭinta hlawma, Sukliana chuan Mankunga Pasalṭha pathumte chu a in lamah hruaiin, Chung Pasalṭha pathumte hnen ah chuan ti hian an ti a
.
Kei chu he kan khual Tlangval chungah hian ngaihdan danglam tak mai ka nei a ni, Kan Lal fanu kan hmuleh hi ka lawm rual rual in, Kan khual Tlangval hi rinhlelh na liantak mai ka nei a ni, Puithiamin inthawina a hlan zawh khan, Eng vangin nge kha Tlangval khan Lal fanu kha a awmna a hriatbik maitheih? Chulai takchu a ni ka rinhlelh na chhan, Kha Tlangval khan, Heng kan Lal fanu hruaibo tu huai te hi a zawl a nih ngei ka ring a ni, Kan Lal makpa nih duh hian, Thiam takin kan Lal hi arawn vehthlem a nih ka ringtlat a ni, Heng huaiho a zawlte nen hian ṭangkawp in, Kan Lal fanu hi an rubo ang a, Mipui beidawn hnua rawnlang chiah in, Kan Lal thinlunghi rawn hneh atum a ni, A tir aṭang reng khan huai rukbo a nih aring nghala, A rin ang chiahin huaite chuan lo rubo ngeiin, Inthawina an hlantir te te a, Chu mihnu ah a zawl huaite chuan nula chu a bona hmunah rawndah in, Tlangval khan a bo tirhna tiin a rawnlam chat a nih kha, He Tlangval hi Khawhring paichu ka tilo, Mahse zawl eng emaw chu a nei a ni, Chu vangin he Tlangval hi kan thah angai a ni, Kan hming ṭhatna tur a zawlte avangin hliah khuh kan ni a, He tiang ramhuai zawlhi dahbo angai a ni, Mipui hnen ah pawh ramhuai zawl tiin sawi ula, Keipawh in Lal hneh kalo tumdawn nia, an ti a, Mankunga Pasalṭha te pawh chuan upa Sukliana thusawi chu awih in, Chu Tlangval chu ramhuai zawlngei ni a hriatna an neive ta a, Chumi zan chuan Mankunga Pasalṭha te chu zawlbuk ah chuan riak vein, Zawlbuka lama Tlangval te hnen ah chuan, Lal fanu hmutu Tlangval chu ramhuai zawl anga sawiin, Tam tak chuan awihlo mahse, Ṭhenkhat chuan an awih hlawm a ni
.
Khua an lovar meuh chuan, Sangluaia laka in hnialna chu khua ah chuan a rita nuaih nuaih maia, Lal meuh pawh chuan a upa min Sukliana thusawi chu awilo mahse, A rilru chu a kalthui khawp mai, He Tlangval hian engtin nge ka fanu kha awlsam tak khan a hmuh bik maitheih? Sukliana te sawiang hi tak tak emni ang? Tiin a in ngaihtuah buai em em maia, A fanu lah chu a marphu te ṭha mahse, Biak theih tak tak a la nilo nen, Kamthanga rilru chu a buai khawp mai, Upa ho zingah chuan ramhuai zawl a ni ti a sawi bawng bawng lah an bolo a, Tin mipui lamah pawh Sukliana te chuan an lo sawi nasa bawk nen, Sangluaia chu ramhuai zawl ang chuan an sawita luih luih maia, Ṭhenkhat chuan Sangluaia chu ṭanin, Dawt in inpuh a ni ti awm mahse, A chhelam chu a than nasat avangin, Chu khaw mipui te chu Sangluaia chung chang ah chuan an in hnial luih luih mai a ni, Sangluaia pawh in an puhna zawng zawng an hriat chuan, Chu khua chu chhuahsan mai a duh a, Mahse khua chu a chhuahsan a nih vaih chuan, Sukliana leh a thurual puite puhna chu mipui te chuan a dik ngei a nih hi an tidawn tih hriain, Hreh rutak chung chuan chu khuaah chuan a chamleh ta a ni, Chu khua ah chuan Sangluaia ṭantu leh, Ramhuai azawl a ni ti tu te chu in epna tulh tulh in, Nihnih an liamleh meuh chuan intual vuak duh khawp chuan an in epna ta hlawma, Sangluaia chuan engmah thiam thu emaw, Ramhuai ka zawllo tihlam engmah sawilo in, He tianga minsawitu hian, A hming ropuina tur ka hliah khuh avangin, Min sawichhe mai mai a ni tihbak engmah a sawi duhlo a, Mahse tuk khatchu Lal tualzawl ah chuan mipui ṭhahnem tak pung khawm in, Sangluaia ṭantu leh, Sukliana thusawi awih hote chu in tualvuak duh khawp chuan an in ep reng mai a, Tah chuan Sangluaia chuan, Chu tiang em em chu a fello e, Kan langve ange tiin Lal tualzawl lamchu a panve ta a
.
He tihlai hian Lal fanu bo an hmuh lehchu rawn ṭawng chhuak thei tawh in, A nuleh pa, Upa ho chuan in chhungah chuan an bial luih maia, Chu Lal fanu Ralkaii chuan, Kanu, Kapa, hei inchhung ah a nimaw ka awm? Khang ramhuai ho kha hmuhleh ka duh tawhlo a nia, An bulah khan ka kalduh tawhlo a ni, an rawnti a, Kamthanga chuan, Ka fanu hlau tawh reng reng suh, Khang ramhuai hokha hnawhbo an nivek tawh alawm, Tuman an rawnti buai tawhlo ang che, tiin an lo hnem ve a, Ralkaii chhu rawn harhṭha telh telh in, Chawte an lam takah chuan, Chawte chu puar tak chuan an ei a, Chawte an ei aṭanga hmuamda awm velah chuan, Rawn harhṭha vekin, Engmah damloh na a nei tawhlo a ni, Ralkaii chuan an khaw chhunga mipui ti ti vel an hriat vechuan alawmlo nasa ta maia, A nu leh pa te chu koin, Lal Upa tepawh chu koh khawmtir vek in, Chungho karah chuan, Kanu kapa, Kha Tlangval min chhantu kha ka hria asin, A ni kha a hming leh a nih na dik tak pawh ka hria asin, Khang huaiho khan kham sang pui pui ah te min hruaia, Min zawn vut vut pawh kha ka hrevek asin, Mahse khang huaiho khan ka ṭawng an phallo a, Kan awmna bulvel in rawn kalte khan, Keini chuan kan hmuvek che u asin, Mahse nangni chuan min hmuthei miahlo a, Ṭawng chhuah tum mah ila, Ka aw reng reng kha a chhuak theilo a ni, Khang huaiho khan min kawlrei takah khan min thah an tumta a, A chhan chu, Huaiho sawidan chuan, Hmanah in khaw kawtchhuah a Zihnghal kung lianpui dingkha, I pianve hmatawh in, I puten an kita, Kha Zihnghal kung kha kan awmna a ni a, Kan awmna Zihnghalh kung ber in kih darh takah chuan kan thin arim a ni, Chu vangin keini chuan phuba lak hun kan ruahman ta a, Hun reitak nghakin, I pute thiltih avanga kan phuba lakna hi, Tuman Zihnghalh kung in kih avanga ni tih an hriat lohna turin, reitak kan nghak a, Kan nghah rei avangin i pate chuan i pute thiltih chu an hretawhlo reng a ni, an ti a, Mahse min thah an tumlai chuan, Tuna minrawn chhantu Tlangval kha an hmuta a, Chung huaiho chuan kha Tlangval kha an hlau a ni, Ka hmuhlai chuan engkim an sawia, Kan awmna puk chhung aṭang chuan, Tlangval Sathanga in tih kha kan hmureng maia, Huaiho chuan ti hian an tileh a, Nangni hringmi te zingah chuan, Khu Tlangval leh a pa chiah khu kan hlau a ni, Khu mite pafa khu i hrengai em? tiin min zawta, Kei chuan ka hriat ngailoh thuin ka chhanga, Huaiho chuan, Khu mite pafa khu an huaisen in, Hlauh engmah an neilo a, Keini pawh hi minti buaithei ṭhin khawp mai, Khu Tlangval khu Sangluaia a ni a, Thangluaia fapa a ni, tiin min hrilh a ni an ti a
.
Chu Ralkaii thusawi chuan Lal in chhunga awmte chu a barakhaih chiang khawp mai, Lal leh a upa te, Lal nupui leh a fanau te chuan mak an ti a ni, In chhunga awmte chuan Ralkaii chu an en ṭhup maia, Ralkaia chuan, Kapa kha Tlangval huaisen kha min mantu huaite chuan an hlau tlat a ni, Huaite chuan, Vawitam an ni pafa hlau hian kan pemsawn tawh a, Chu vangin he mite pafa tih thinur hi kan duh tawhlo a ni, Nang pawh hi he Tlangval huaisen vanghian kan thatlo ang che, A ni nena buaina neih hi kan duh tawhlo a ni, tiin min hrilh a, Ti chuan ka tana inthawina in hlan khan, Khang huaiho in min lakna hmunah chiah khan mindah lehta a ni, Chu vangin Sangluaia kha eng tin nge ramhuai zawl anga insawi theih? Heng zawng zawng hi kapa tusawi chhuah ngeni? Lal Thangluaia fapa duatlai, Sangluaia a nih kha, Huai hote pawh in an hlau asin, A mah avanga vawiin ni ah hian ladam liau liau kani asin, Ramhuai zawl anga inpuh hi dawt a ni a, A nichu ramhuai te chuan an hlau zawk asin, an rawnti a, Ralkaii thusawi chuan Lal inchhunga awmte rilru chu a rawn thlak danglam chiang khawp mai, Lal kamthanga chuan, Ka fanu i thusawi zawng zawng kha ka hria e, Kha Tlangval huaisen leh fingtak mai kha, Lal Thangluaia fapa maw loni le? A hmelleh a ṭawngkam aṭang khan, Mi naran a nilo in ka hre reng a ni, Lal Thangluaia fapa, Sangluaia chu vako nghal teh u, Ka chunga a thiltih avang hian, Lawmthu hrilh mawlh mawlh ka duh a ni, an ti a, Sangluaia kotur chuan Tlangaupa chu a tlan chhuakta nghala
.
Sangluaia chuan, Nangni pathum hian eng vanga, Helai hmunah hian minko nge in nih? tiin an zawt a, Mankunga Pasalṭha pathum zinga pakhat Kaihranga chuan, Nanghi ramhuai zawl i ni a, Khawhring pawh i pai an ringhlawm a ni, Chu vangin nanghi that tur chea tih kan ni a, Lal Kamthanga thu peka that tur che a tih kan ni, tiin an chhanga, Sangluaia chuan, Hriatsual in nei a ni, Keihi ramhuai zawl ka nilo a, In hmingṭhatna tur ka hliah khuh che u avangin, Keihi minthah in duh zawk niin ka hria, Min thah in duh a nih chuan, Pasalṭha in nilawm ni? Pasalṭha taka in hmachhawn turin helai hmunah hian minko a maw? in duhchu rawnti ta che u, Tiin Sangluaia chu inring tak chuan a ding kak ta hah maile, Chu rawlthar chuan a chempui chu muang changa phawrh in, A silai chu a bulah chuan an dahthla in, A kut veilam chuan maubul chang chu an phawrh nghala, A mit chuan engmah hmuh hmaih lotur chuan, A hma a dingte chu ngun taka en in, Keipui sa sehtur in, Che miahlo a a sa sehtur a en kalang mai hian, Chu rawlthar pawh chuan a hma a Pasalṭha pathum dingte chu che miahlo chuan a en ta kal maile, Kaihranga pawh chuan a naute pahnih hnen ah chuan, Mipa takin kan in beitur a ni, In chempui kha phawrh rawh u an ti a, A dinglama pakhat chuan rawn bek bawrh zeuh in, He Tlangval hi tudang a nilo, Sangluaia ngei a ni e, A maubul hman danleh, A chezia aṭang hiannka hria a ni, Ral a hmachhawn lai ka hmutawh a ni, an rawnti a, Kaihranga chuan a naute hriat tawk leka ring chuan, Tupawh nirawh se, Kanti a kan ti tawh, Kan sual tawha he in beihna ah hian kan hlawhtling ngeitur a ni, an ti a, Chu tianga an ho tupa berin a tih tak ah chuan, A naute pahnih pawh chuan, Sangluaia hmachhawn tur chuan an in buatsaih veta nghala
.
Kaihranga chuan, Khaile naute u, Dimna tel miahlo in i han nuai ang u hmiang, Upa min Sukliana sawi ang khan, A lu hi khua a mite hmuh turin kan hawingei tur a ni ang, an ti a, Chu veleh Kaihranga leh a naute pahnih chu, Sangluaia lamah chuan tlanphei nghalin, Kaihranga chuan, Khaiaw keimah Kaihranga, Zaupui upa Nikhama fapa, Mihrang leh Sahrang hma a zam ngailo chu, Khale ka ral lu lak chemhi lo dodal han tumta che, tiin Kaihranga chuan, Sangluaia chu a bawh pheita a, A naute pahnih pawh a sir ding leh veiah chuan telve nghalin, Sangluaia chu an tawlh hnung dawrh maia, Rang taka a dinglam ah chuan tlan in, Tlan pah chuan maubul chang hriam lutuk chu an vawm chhuak dawk zawk maia, Kaihranga veilama rawntlan hrawkah chuan lut ri hrawih in, Chupa chu a ding chawt maia, A chempui humlai chu thlauh nghalin, A ṭhingṭhi hnawk maia, A hliam tuarlo chuan leiah chuan tlu thlawrh in, A tal khur nghal char char in, Karlo ah chuan a chatthla ta nghala, Kaihranga dinglama rawn tlan chuan, Sangluaia chu rawn bawh chilhin, A chempui humlai chuan Sangluaia chu an rawnvai pawp maia, Sangluaia bek veilam chu rawn thawi thuakin, Sangluaia chu tlemin an tawlh kau deuh a, Rang lutuka luh chilh leh nghalin, Awm hmunah chuan chupa bek veilamah chuan, Rino chawk khawpin an sah sak a, Chu bek veilam aṭang chuan thisen chu rawn chik ṭhawt ṭhawt in, Sangluaia melh chung chuan a tlu sawpta rup maia, Thisen nena in chiah piah nuaih chung chuan a thi zuita nghala
.
Kaihranga pawh chuan, Sangluaia hnunglam aṭang chuan rawn zuan venghalin, Sangluaia chu hmalam ah chuan bingbilet pheiin, Rang taka rawnding chhuak leh nghalin, Kaihranga lamah chuan an zuang pheinghala, Mahse Kaihranga chu ṭuanrang tak loni in, Sangluaia rawn zuang pheichu lo tawlhsawn san in, Sangluaia leia an ṭum chiah chu, A chempui chuan an lovai venghal a, Sangluaia bek veilam zawnchu rawn thawfua in, Kaihranga chempui rawn thlawk chuan a fuhteuh ther ther kher mai, Sangluaia chu vir zawk in, Kaihranga lamah chuan penkhat han pen in, An zuang dawt zawk maia, Kaihranga hnung tawlh laichu nang ching in, Sangluaia chempui thlawk chuan, Kaihranga chhip ah chuan a fuhta chawrh maile, Kaihranga chuan Sangluaia chu melh rengin, A hmaiah chuan thisen hi arawn luang thlata zawih zawih maia, Kaihranga hmelah chuan mak tihna liantak rawnlang chhuak in, A ṭhingṭhi ta hnawk maile, A hliamchu a nat em avanga tuarlo chuan, Hmai leisawh zawng chuan a tluta chawrh maia, Sangluaia in herleh chiah chu, A hnunglam aṭang chuan aw hian, Sangluai an rawnti ṭhawt maia
.
.
DUHTAWK LEHRIH PHAWT ANG U AW
REMCHAN VELEH KAN CHHUN ZAWMLEH DAWN NIA
.
Hman hmawhlo in, minlo nghak hram hram ṭhindawn nia
.
.
[Lalzirliana Tochhawng] [Champhai Tlangsam]

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 4th, 2018, 5:28 pm

................ PASALṬHA THANGLUAIA (234) ...............
.
.
Sangluaia chu a chempui nen chuan rang lutuka hawilet nghalin, A mah rawn kotu chuan damthlarh mai hian, Sakhama ral kan nilo e, Kan Lal Kamthanga chuan ko tur che in min rawntir a ni, an han ti a, Sangluaia chuan, In khuaah chuan ramhuai zawl ang maia hmuh kani a, Chu khuaah chuan ka let leh tawhlo ang, an ti a, Mahse Tlangaupa chuan, Sakham kan Lal fanu khan i chan chin zawng zawng hi asawi tawh a sin, Ramhuai zawl i nih lohzia leh, A mah mantu huaite chuan an hlauh zia thute chu sawivek tawh in, I hming dik tak leh, I pa hming dik tak pawh asawi chhuak tawh nghe nghe a sin, an ti a, Tlangaupa thusawi chu Sangluaia chuan ngaihtuah vang vang in, A nih tunge ka hming? tiin fiah nan an zawta, Tlangaupa chuan, Tlangval kan hrai a ni, Sangluaia i ni a, I pa hming chu Lal ropui Thangluaia a ni tihpawh kan hretawh a ni, an ti a, Sangluaia chuan, Chu tiang a nih chuan khuaah chuan ka rawnlet ang, Mahse hengho hian min thah tumin helai hmunah hian minko a, Lal pawi ka sawiloh ngei ka beisei an ti a
.
Tlangaupa chuan, Chung Sangluaia mithah te chu han thlek hlawmin, Mankunga Pasalṭha te kha an ni maw? buaina liantak kan tawkngei angle, Heng mite hian helai hmunah hian an koche a maw? tiin an zawta, Sangluaia chuan, Naupang min rawnkoh tira, Helai hmunah hian kaltur in chung naupang te chuan minhrilh a ni, Ka vakal hian hengho hi lo awm in, Min thah an tumthu hi sawiin, Upa min Sukliana thupek ang in, Kalu hi khuaa tar tura hawn ngei an tum a ni, Chu thuchu an sawi chhuak ngei a ni, In Upa min Sukliana lakah chuan ka lawmlo khawp mai, A pawihi ka sawi awm ka hrelo a, Eng vanga min thah tumnge a nih ngawtle? a eng pawinge kasawia, Hengho hi min that tura atih le? an ti a, Tlangaupa chuan, Sangluai kan pahnih chuan engmah kan sawifel dawnlo a, Khua ah chuan i rawnlet leh phawt angai a ni, Tiin Tlangaupa leh a naute chu zuiin, Khawlam chu an panta nghala, Khua an thlen hian, Hmundang panlo chuan, Lal in lamchu panding nghalin, Kamthanga in ah chuan an lut tlangta nghal a, In chhungah hian awm an lotam khawp maia, Sangluaia chuan in chhungah chuan, Upa min Sukliana chu a mit chuan zawng nghalin, Sukliana mit leh Sangluaia mit an intawn chuan, Upa min Sukliana chuan rang tak chuan hnuailam a melh nghal a ni
.
Lal Kamthanga chuan, Sangluaia hmel an hmuh chuan, Hlim taka Sangluaia chu chibai bukin, Sangluai Thangluaia fapa, Ka khualehtui chhungah hian kalo lawm a che, Tiin chibai an lo buka, A upa te pawh in chibai buk diat diat in, Upa min Sukliana chiah chuan Sangluaia chu chibai a buk velo a ni, Lal fanu Ralkaii leh a nu, A unau te pawh chuan Sangluaia chu chibai rawnbuk vein, Kamthanga fate zinga apang ber, Nula veṭan tawh chuan Sangluaia chu chibai rawnbuk vein, Sangluaia hmaah chuan a zam nasa em em maia, Sangluaia hmelchu melh ngamlo in, Sangluaia nen an in chibai lai chuan, Chu nula kut te chu a khurhial a ni, Chu tleirawl hmelṭha tak mai chu, Sangluaia hmaah chuan hawichhuak ngamloin, Chu Lal hmingthang tak, Thangluaia fapa Tlangval hmelṭha leh huaisen tak lakah chuan, A hawi chhuak ngamlo a ni, Nula Ralkaii pawh a zam nasa khawp maia, Mahse a nunna hial chhantu anih avangin, Sangluaia chungah chuan lawmthu sawilo theilo a in ngaiin, Zamru tak chung chuan lawmthu chu asawi hram hram a ni, Kamthanga fanu Ralkaii nau Aipuii, Nula tleirawl hmelṭha tak, Nula a chhiarve theih tawh chuan, Sangluaia an chibai zochu mak tak mai chuan, A thinlung ah chuan Sangluaia a duhna chu lopiang chhuak nghalin, Sangluaia chu a en ning theilo a ni
.
Lal Kamthanga leh a nupui fanau te, Tin a upa hote chu Sangluaia chungah chuan hlimin lawm viau mahse, Sangluaia hmelchu a hlimve theilo a ni, Chu chu Kamthanga chuan hmuru in, Sangluai ka lakah hian lawm lohna i nei em ni, Nangmah avangin ka fanu thi tura kan ngaihvek tawh chu hei dam takin a hmel kan hmuleh theia, Heng zawng zawng ah hian lawmthu kan hrilh mawlh mawlh che asin, Mahse i hmelah hian lawmloh na liantak i nei tih ka hria a ni, I lawmloh na chu eng pawh nise min han hrilh teh? Tiin an zawt phawng maia, Sangluaia chuan, Ka sawikher hi angailo e, Eng pawh nise ka tih theih tawk chu kati tawha, Eng mah harsatna ka neilo, Vawiin hian khua hi ka chhuahsan tawh ang e, an ti a, Lal Kamthanga chuan, Sangluai ka fanu nunna chham himtu i ni a, Ka in chhung ah ngeihian huaisen nopui i dawmtur a ni, Tin i lungawi lohna hi he khaw Lal ka nih angin, Ka hreve ngeitur a ni, an ti a, Sangluaia chuan, Kapu engmah lung nih lohna ka nei hleinem, Ka chunga i ṭhatna zawng zawng hi ka hrereng tawh ang, tiin an chhanga, He tihlai hian mipui tam tak rawn pung khawmin, Sakhama ti a an hriatkha, Lal Thangluaia fapa Sangluaia a ni tih an hretawh hlawma, Mipui te chuan hmuh chakin Lal tualzawl lamchu an rawnpan vut vut mai a ni
.
Rawlthar ral relthiam, Pasalṭha huaisen hmingthang leh, Lal ropui Thangluaia fapa, Rawlthar hmelṭha leh huaisen, Ral relthiam leh mihrang sahrang hmaa hnung tawlh ngailo, Sangluaia chu hmuh chakin mipui chu an zi hut hut mai a ni, Thangluaia te pafa hminghi Kamthanga khuaah hian an sawi nasa em em maia, Lal ropui Thangluaia leh a fapa Sangluaia chu, Chanhai leh riangvai, Fahrah te leh hmeithai te ṭanpui ṭhintu an ni, Ti a sawiṭhin hlawmin, Kamthanga khua te hian Thangluaia te pafa hi hmuh an chak em em mai a ni, Lal in chhungah chuan, Kamthanga chuan, Sangluai Thangluaia fapa i ni a, Ka in chhung aṭang hian lung nilo a i chhuah ka phallo a ni, Chu vangin i lungnih lohna zawng zawng chu sawi rawh, Eng pawh nise siamṭhat dan ka ngaihtuah em em ang, an ti a, Sangluaia chuan, Kapu engmah lungnih lohna ka nei hleinem, Vawiin hian khua hi chhuahsan ka duhmai zawk a ni, an ti a, He tihlai hian upa min Sukliana chuan, Lalpa chu tiang khawpa i khua chhuahsan duh a nih ngai chuan, Eng vanga chelh reng ngemaw kan nih le? a duh thlanna chu kan ngaihpawi mawhsak maihi a felzawk lo maw? tiin ṭawngkam an rawn neita a, Chu veleh Sangluaia chuan, Kapu i upa min thusawi kha a dik a ni, Khua hi chhuahsan ka ngai a ni an rawnti venghala
.
Kamthanga chuan a upa min chu en in, Suka thilhi ka hrethiam vek asin, Sangluaia rawnluh tirh aṭanga lawmlo tupawh i ni tih hi ka hria a sin, Sangluaia ngheh lohna chhan pawhhi nang mah vang a ni tihpawh hi ka hria asin, Engmah hi ka haibik hleinem, Khawnge Munkunga Pasalṭha i chah thlakte pawh hi an awm tak? khuahi an chhuah sandawn a nih chuan, Eng vanga min hrilh longe an nih? nangmah hian ilo hawtir tawhnge ni? khawiah nge an awm? tiin an zawta, Chu tihlai chuan Tlangaupa chu rawn ṭawng chhuakta in, Lal Kamthanga hnenah chuan, Kapu Mankunga Pasalṭha te chu, Khawdai maiah sawn an thi tawh a ni, tiin an rawn hrilha, Chu veleh Mankunga chuan, Chung mite chu tu thahnge an nih? eng vanga thinge an nih? tiin in Tlangaupa chu an zawta, Tlangaupa chuan hrehtak chung chuan, Kapu chung mite chu Sangluaia thahte hi an ni, Sangluaia kotura min tirh khan, Mite chuan a kalna lam min kawh hmuha, A kalna lam pana kalnghalin, Khawdai maiah chuan Mankunga Pasalṭha te ruang bulah chuan kanva hmuta a ni, Sangluaia that te ngeihi an ni e, Kapu i duh a nih chuan, A mah Sangluaia pawh hi i zawtthei ang, an ti a
.
Chu veleh upa min Sukliana chu rawn inrawlh venghalin, Lalpa hei vanghi a nia Sangluaia hi kei chuan ka lawmloh na chhan chuni, Khang mite khan vawiin zinghian khuahi an chhuahsan turthu min hrilhtawh a, Kan tih turber kan zotawha, Lal Kamthanga fanu pawh hmuh a ni tawha, Chu vangin khuahi kan chhuahsan tawhmai ange, tiin mindila, Kei chuan ṭha taka thlah hlawmin, Khawdai an thlen thlengin ka thlira, Sangluaia hian an hnungah chuan a zui a ni, Mankunga mite kan khawdai maia an thihi thilṭhalo tak a ni a, Mankunga hi kan chungah hian a thinrim ngei ngei dawn a ni, Tiin Lal hnenah chuan an sawia, In chhunga awmte chuan, Mankunga Pasalṭha te thihna ah chuan Sangluaia chu thiamlo in, Upa ho chuan Sangluaia chu an melh ṭhup tawh mai a ni, Kamthanga chuan, Sangluai an thusawi chu a dik em? Chung mite chu i thah an ni em? tiin an zawta, Sangluaia chuan, Kapu hei vanghi a ni ka thinlunghi a hlimtheih loh ni, I in chhungah hian thi tura min duhtu an awm a ni, tiin aṭawng chhuak veta a, Chu veleh Lal in chhunga upa te chu an rita nuaih nuaih maile, Kamthanga chuan a upa te chu khap dainghalin, Sangluai ka in chhungah ngeihian thi tura duhtu che an awm amaw? chumi chu tunge a nih min hrilhteh? tiin an zawt nghala
.
Sangluaia chuan, Kapu thiamthu hi sawi ka tumlo, Thi tura min duhtu chuan a tum a hlawh tlinglo tih hi hria sela, Chu buk chu engmah ka sawilo ang, Kapu i chungah hian ka lawm lutuk a nia, I fanu pawh loṭha zelrawh se, Khua hi ka chhuahsan zawk ange, tiin kawngka lamchu a panta nghala, Kawngka a pen chhuak chiah tih chuan, An sawi anga huaisen chu ilo nih loh hi, I nih na sawi chhuah dawn chuan, Meikhupa tlanchhiat i tumta a ni maw? rawnti an awm a, Chu ṭawngkam chuan Sangluaia thinchu a kheita zak maile, Rang taka in chhung lamah chuan penlut leh nghalin, Ka thiamthu hi sawi katum reng reng lo, Kamthanga hnen ah chuan, Kapu thil kalphung hriat i duh a nih chuan, Tlangaupa lamchu melhin, A ni kha i zawt thei ang, A nikhan thudik asawi duh chuan, Engkim a hrevek a ni, an rawnti a, Lal Kamthanga chuanTlangaupa lamchu melh nghalin, Ka hmaah hian dawt sawilo turin i intiam ngam em? tiin a zawtta a, Tlangaupa chuan a chilchu lemkhalh in, Lalpa i hmaah hian eng dawtmah ka sawilo ang, Dawt sawilo turin ka intiam tlate, Tiin Tlangaupa chuan ti hian a sawita a, Lalpa Mankunga Pasalṭha te kha Sangluaia thah ngeihi an ni, Mahse kha in thahna ah khan, Sangluaia kha that tura Mankunga Pasalṭha te kha tirtu an awm a ni, tiin an rawn sawita a, Chu veleh upa min Sukliana chu rawn ṭawng chhuak nghalin, Sangluaia hi that turin Mankunga Pasalṭha te kha keima hrilh an nih kha an rawnti ta a
.
Chu tihpah chuan Sukliana chu rawnding chhuak in, He rawlthar hian minti buai a ni, Eng vanga he rawlthar hi ringtlat nge kan nih? tu fapawh nirawh se, He rawlthar avang hian Lal Mankunga nena kan in laichin natur ṭha zawng zawng pawh a sukuk zota a nih hi, Kan Lal fanu Ralkaii pawh kha a tello hian kanhmu em em ang, He rawlthar hian kan khualehtui zawng zawng hi minrawnti buai vek a ni, Chu vangin a nihi taht turin kati ta a nih kha, an rawnti a, Lal Kamthanga chuan a upa min chu rawn chhang nghalin, Suka thilpawi tak i ti a ni, Eng vanga he rawkthar hi hawtlat nge i nih a? thah duh khawpa huange i nih? ka khualehtui aṭanga kal chhuah atum pawh keimah ngeihian ka danga, Ka fanu a hmuh theih ka rin avangin ka chelh a nih kha, I tihloh tawptur i ti a nia, Mankunga Pasalṭha te thihna ah hian amawh chu i phurh ngei a ngai a ni, Ka hriat loha thilsual liantak i tih avang hian, He khualehtui aṭanga hnawh chhuah hi i ni ang, Ka upa min pawh nila, I thiltih sualhi alian thamin, Khua leh khua in hmelmak theihna thilsual a nih avangin, Khua aṭang hian ka hnawtchhuak a che, an ti a, Chu veleh Sangluaia chu lo inrawlh venghalin, Lalpa keini hringmi te chuan, Tihsual kan neivek ṭhin alawm, Pu Sukliana pawh hian hriatsual a nei mai mai a ni, Chu vangin ngaidam hramla, Khua aṭanghi chuan hnawtchhuak lo hramrawh, tiin an dilsaka, Chu veleh Kamthanga chuan Sangluaia chu rawn en nghalin, Tlangval i thilsawi kha i hrechiang em? Nangmah thah duhtu chungah ngaihdam i dilsak ang maw? hetiang tak maia mihring ngilneihi ka vawikhat hriatna leh, Kavawikhat hmuhna a ni e, Tiin Lal Kamthanga leh a upa te chuan, Sangluaia chu makti tak maichuan an en ṭhup mai a
.
Sangluaia chuan, Lalpa mihringhi famkimlo vek alawm kan nih, pu Sukliana hian ka thih alo duh a nih pawhin, Kei chuan pu Sukliana hi engah huatna engmah ka neilo a ni, Chu vangin khawngaih in pu Sukliana hi ngaidam ang che, an ti a, Chu tlawmna ṭawngkam chuan Lal Kamthanga leh a upa te thinlung chu a hneh khawp mai, Sukliana ngei pawh chuan Sangluaia chu mak tiin a thlir vawng vawng mai a ni, Lal Kamthanga chuan, Sangluai nang ang mihringhi kala hmu ngailo a, I hmelma, Nang mah that tura Pasalṭha tirtu ngeimai chu, Ngaihdam in dilsak thei a ni a, Ka van chhuang tak che em, He tiang nun neihi ka vawikhat hmuhna a nih avangin, I dilna chu ka ti hlawhtling ngei ang, Suka, Sangluaia dilna avangin, Vawiin hian i ka pawi liantak khawih mahla, Ka ngaidam vek a che, I tihsual zawng zawng ka ngaidam vek che a ni, an ti a, Sukliana chuan Sangluaia chu en rengin, A rilru ah chuan, He rawlthar hian zirtur min vape hnem em, Keihi upa min niin, Mihnuai hnungte lakah rawng takin ro ka relṭhin a ni a, Vawiin hian ka va in hmuchhuak chiang tak em, Khang ka thillo tih ṭhin zawng zawng te kha, He rawlthar hian min hmuhtir leh in, Ka nun sual zawng zawng kha, Ka hmaah hian a va rawn pholang chiang em, Naupang te mah nise ka van tluk losi em, A ti vawng vawng maia, Sukliana inchhir zak lutuk chu a kunta tlawk tlawk maia, A mihring huat em em, A mah ngeiin thahtir a tum chuan, A chungah rorel theihna liantak a neih laiin, A chungah eng sualmah ti duhlo in, Lal hnen ah meuh pawh ngaihdam an dilpui zawk a nisi a, He tiang baka mizo Pasalṭha hi an awm dawn chuang em ni? ti a in zawt in, Sangluaia lamah chuan a kalta a
.
Sukliana chuan, Sangluaia hnen ah chuan, Tlangval Pasalṭha dik tak i nie, Kei hian thah tir hialche ka tum a ni, Mahse chu tiang chung pawhin nang chuan min ngaidam in, Ka tan Lal hnen ahi dilzawk a ni a, Nang mah avang hian ka sualna ka in hmu chhuak a ni, I ngaihdamna ropui tak hi ka tan chuan avan hlutak em, He leiah hian nang ang mihringhi awm vetak ang maw? Pasalṭha huaisen leh ropuitak i ni, Nang mah thlahtu Lal ropui Thangluaia hnenah chuan a fapa ropui ziahi hrilh mawlh mawlh ka van chak tak em tiin, Lal Kamthanga lamchu hawileh in, Lalpa keihi i upa ni tlak ka nita lo e, I chungah hian thilsual liantak kati a ni, Min ngaihdam avang khan i chungah lawmthu ka sawi mawlh mawlh a, Min ngaidamlo mahla demna che pakhat mah ka neilo a ni, Ka chunga i rorel ang ang hi lawmtak in ka pawm a ni, Kha lehchen i duh sakna ka dawn zawng zawng ah khan lawmthu ka sawi bawk a ni, Lalpa i sawiang khan, Nangmah kalh zawnga ka awm avangin, I khualehtui ah hian awmve tlak ka nilo a ni, an ti a, Lal Kamthanga chuan, Suka ni e, Sangluaia hi rawlthar en tawn tlak tak a nih hi, Thi tura i duh mihringin, A ngaihdam theih che chuan, Keipawh hian englai pawh hian ka ngaidam thei che a sin, Min an sualna leh, An dik lohna an hmuh a, In chhira, In lam letna thinlung an put chuan, Tunge chu inchhira sual simtu chu ngai dam duhlo anga? Tunge a sualna ang chuan hremṭal duh ang? Keipawh hian ka ngaidam che a, He in chhunga awm zawng zawng te hian kan ngaidam che a ni, Lal upa min i nih na chu hlihsak i nilo ang a, Ka bulah hian he khualehtui tan hian upa min ila nireng ang, He khualehtui tan hian rorel tu thar kan neita a nih hi, an ti a
.
Sukliana pawh alawm khawp mai, Lal meuhin chu tianga an ngaidam chu a hlim em em maia, Chu in chhungah chuan a ni ai a hlimchu an awm awm chuanglo e, Upa dangte pawh an hlimtlanga, Lal leh a upa te chu in hrethiam tawn tlang takin, Chu in chhungah chuan hlimtlang tak chuan an in remthei ta a ni, Pawna mipui pung khawmte chuan, Sangluaia chu hmuhngei tumin an zi hut hut maia, He tihlai thung hian Lal inchhung ah thung chuan, Lal upa pakhat, Aizika an tih chuan Sangluaia chu en vang vang in, In chhunga awmte hriattur chuan, Nimin khan ka fapa Kamthanga te ram chhuak an lo haw a, Saitluang ramah Tumpangsial arawn luta, A hnu aṭang chuan pahnih hnulai niin kan hria a ti a, Lalpa kan thudang alai chuan hei Lal satur zawnga ramchhuah te pawh a hunchho lehta a, Kan Tlangval Sangluaia awmlai hian vawikhat chu ramchhuah kan rawtteh anga, an ti a, Upa dangte pawhin Aizika rawtna chu an rawn ngaithu takin, Lal satur zawnga ramchhuah ngeichu ṭhain an hrehlawma, Upa min Sukliana pawh in, Ni e, Lal sa zawnga ramchhuah hi a hun tawh a ni, Ni e, Sangluaia hian chutih chhung chu minla awmpui theiturah ngai ila, Tumpangsial chu a sa han eipawh a chak awm alawm mawle, Sangluai kan chelh theih i ni miahlo a, Mahse Lal satur zawnga ramchhuah naah chuan, Min telpui vethei angemle aw? Kan Pasalṭha te chuan, I ho a ramchhuah chu an chak khawpin ka ring a ni, an ti a, Sangluaia pawh a rilru a buai map map khawp mai, Chhingi a ngaihtuah avangin, Chhingi te khawlam chu panvat a duh tawha, Mahse Lal leh a upa te sawmna chu hnar ngamchi ah angai silo a ni, Rilri inkhap tak chung chuan, Ni e, a hunte lo thleng sela, Kanla ngaihtuah dawn nia, Tiin a chhang ta a
.
Sangluaia thu tlukna aṭang chuan, Kamthanga chuan, Ramchhuah chu muanchi ah ngailo in, Engle khawle, Hei Sangluaia hian minho theih dawn chuan, Reitak nghahchi a nidawnlo a, Chu vangin zanin lamhian kan Pasalṭha te hrilh ila, Nak tuk lamhian Saitluang lamchu kan awn maidawn emni ang? an ti a, Lal thusawi chu upa ho rilrem zawng tak a nih avangin, Chu mini chuan a tuk lama ramchhuak tur chuan thu tlukna an siamta a, Sangluaia pawh in, Eng pawh nise keipawh ka thlenin lamah ka kaltawh ange, Tiin Lal in aṭang chuan chhuah an tuma, Lal leh upa hote chuan, Sangluaia chu lawmthu hrilh sang sang hlawmin, Lal fanu pahnih, Ralkaii leh a nua Aipuii pawh chuan Sangluaia lamchu rawnpan in, A upa zawk Ralkaii chuan, Sangluai ka chunga i thiltih zawng zawng hi, Ka damchhung hian ka theihnghilh tawh ngailo ang, I chungah hian lawmthu ka sawi tak meuh meuh a nia, an ti a, Sangluaia chuan, Ralkai ka thiltih kha engmah a ni hleinem, Kei mah vanga damleh i nilo a, Khang huai sualho kan an chhuah zalen zawkche a nih kha, an ti a, Sangluaia chuan Aipuii chu melh in, Aipuii chuan a mit chuan rang lutuka hmundang melh nghalin, Zawisap hian, Aipui tiin an ko a, Chu nula la naupang tak mai, Sangzaih maileh hmelṭha em em mai, Pi leh pu te chuan, Khuavang nula ang mai ti a hmelṭha sawi nana an lo hman ṭhin, Chu tiang khawpa nula hmelṭha leh hmel tharsar mai chuan, Sangluaia chu zah tih hriat ngawih ngawih hian an rawn melh zawka, Rang taka hnuailam chu melh lehnghalin, A heh hnuailam chu zah zelah chuan pet fan fan in, Zawite hian Sangluaia kohna chu chhangin an eih a
.
Sangluaia chuan, Aipui hun eng emaw chen chu, I u hi ṭhatak in ilo awmpui ṭhindawn nia aw, I u hi thlah thlam ngai reng reng suh ang che, A la chak ṭhat tawk loh avangin ilo chhawmdawl hram hram ṭhindawn nia, an ti a, Aipuii chuan Sangluaia chu rawn melh hram hram in, Awle i thusawi chu kalo hrereng ṭhinang, Min hawsan tawh dawn em ni? tiin a huaisenna zawng zawng sawm khawm chuan an zawta, Sangluaia chuan Aipuii mit menga a mah hmangaihna lo lang chhuak chu hmuru rengin, Hawsan rih dawnlo e, Mahse sapelin kan chhuak dawna, Zan eng zatnge kan riahdawn erawh ka hrelo, I u hi ṭhatak in ilo en kawldawn nia aw, an tileh a, Aipuii chuan, Awle kalo thlah thlam miahlo ang, Kan unaua kan ta tur Nauban parsen mawitak minlo hawn dawn nia aw, tiin an chah a, Sangluaia pawh in teh rengmai, Rawn hawn ngei kalo tum dawn nia, Tiin Sangluaia chuan Lal in chu a chhuah santa nghala, Pawna mipui tam tak pawh lo ṭinzo deuh duak tawhin, A lo la awmte chuan Sangluaia chu an chibai vut vut maia, Chung mipui te an chibai zawh chuan a thlenin lam, Chalkaia inlam chu a panta a, Hemi ni hian Chalkaia hi anawm samloh deuh avanga tualchhuak loin, in lamah hian a tawm a ni, Sangluaia hi hmuhleh pawh a inring tawhlo a, Sangluaia hian a hawsan tawh a loring a ni, Mahse rinloh tak maia Sangluaia an hmuleh chu a hlim surh surh in, A nuamlo tepawh chu dam sawng sawng hian a in hria a, Sangluaia chuan, A in a la awm rihtura lo let leh a nih thute an hrilh chuan, Chalkaia chu a hlim surh surh khawp mai, Chalkaia nupui pawh in Sangluaia chu hlim taka lo lawmin, Kan hnenah hian khawsa ve reng rawh, Hei i pa chala lah hian i hminghi asawi rengmaia, I kalsan in a in hria a hei ka awm a nuamlo a tih hi, I awm chuan karlo ah arawn tho chhuak lehmai ang, an ti a
.
Chalkaia chuan, Nui i ti mah mah a ni, Sangluaia chu nang pawhin i sawi chamchi kha mawle, I ngaih thu ringawt a ni i sawi kha, Tiin a nui vur vur maia, He mini hian Sangluaia chuan Silai zente siam belh in, Chung zente chu an pho ṭangat maia, Silai mute pawh siam belhin, Duh tawka hmantur an siama, A tuk maia kal chhuak tur an nih avangin, Chu mini chuan engkim peih veka, A tuka kalchhuak vang vang thei tura eng kim peihfel savek a duh a ni, Sangluaia chuan a Silai te pawh tifai vekin, Hnum hlarh hian an tuaifai a, A silai zen bawm hnum tlehlarh ah chuan, A zen phoṭan at maichu muk ṭan hian an benga, A tuk maia chhuak theitur chuan a insiam felsa diam tawh a ni, Chalkaia chuan, A mikhual Tlangval chu eng tihtum nge tih an zawta, Sangluaia chuan engkim hrilh vek in, Tumpangsial beih an tumthu te chu hrilh in, Lal satur zawnga vah chhuah an tumthu chu an hrilh a, Chalkaia chuan, Sangluai in fimkhur viau angai dawn a nih chu, Saitluang ramhi ngawpui chhah takmai a ni a, Ram chhuak naran te hian tlawh pawh an tlawh ngailo a ni, Tin Awrhthanga te nena kan ramri niin, Awrhthanga khuahi kan khua aia lian an ni a, Chulai vela ramchhuah chu Awrththanga Pasalṭha te chuan an ngaitheilo in, Kan Tlangval varamchhuak chhunte pawh rawn um hawchang an neifo a sin, Chulai ramri velah chuan tuang tihchhah vakchi pawh a nilo a nia, Saitluang ruamsaw keini aiin an ramchin a zauh zawk avangin, fimkhur hle a ngai ang, Tiin an hrilh a, Zanriah ei te an hun chuan, Sakhi sarep te chhumin, Zanriah chu puartak chuan an ei ta a, Sangluaia pawhin Zawlbuk lampan nghalin, Zawlbuk an zuk thlen hian, Tlangval pawh anlo ṭhahnem tawh khawp maia, Tlangval te chuan Sangluaia chu lo chibai laih laih in, Chumi zanchu nula rimtur chuan an chhuakta hlawma
.
Sangluaia chu nula rimho hawhma pawlah ṭangin, Zawlbuk ah chuan an ti ti laih laih maia, A tuk maia Saitluang lama Tlangval kalve turte nen chuan ti ti in, Awrhthanga te nen an ramri a nih avanga fimkhur angaih turthu te pawh sawitlangin, Tlangval nula rimte an hawkim chuan, Mutzai an relta hlawma, Zingkhua an lovar hian Sangluaia chu tuk dang ang thoin, Hma taka tho chhuakin, A thlen inlam chu a panta nghala, A thlenin nupa chauha awmte chu tihtur ṭul ang ang tih puiin, Chalkaia nupui phallo chung chung chu Buh te hial a dempui a ni, Tih tur ṭul ang ang an tihzawh chuan, Tuk ṭhuan ei te an lohunta a, Nu tarsen tawh chet buaitir reng ai chuan tiin, Sangluaia chuan, Tuk ṭhuan ei siamte chu a ti zung zung maia, Chalkaia nupui chuan, Sangluai keini kher kher min rawnpan a ni, Lal ropui tak Thangluaia fapa i ni a, Ei tur tuiṭha engmah hluitur che kan neilo a, Chumai bakah hmeichhe khawihtur chi zawng zawng hei min tihsak veka, Kan in a ilo thlenghi i in chhir viau anga, an ti a, Sangluaia chuan, Kapi in nupa kara chaw ka bemarthei hi ka hlimin ka lawm a sin, Nangni hian hmangaih takin min kuang kuaha, He tiang, Buh den, Tui chawi, Ei rawngbawl tih te hi chu, Ram kanriah chang pawhin kei mahni tihvek alawm, Nu chak vaklo chettir reng ai chuan, Hei engmah tihtur ka neilo a, Thildang ah engmah puih theihna che u ka neilo a, Henghi ka puihve theihna ah che u min ngaihsak dawn nia, an ti a, Tuk ṭhuante an han eikham meuh chuan, Sangluaia pawh insiam nghalin, Chalkaia chuan, Sangluai ka sawiang khan, Fimkhur ula, Awrhthanga Tlangval te lakah chuan tuang tihchhah chi a nilo ka tih kha, In lo intawng a nih pawhin, Fimkhur takin in awm dawn nia, an ti a, Hmuanda awmvel an chawlh leh hnu chuan kawtchhuah lamchu a panta a
.
Kawtchhuah a hanthlen hian, An mahni hruai tupa tur Val Upa Kaithanga chu lo awm tawhin, Hmel hlimtak chuan Sangluaia chu an lo chibaia, Hmuanda pawh an pahnih chuan an awm hmanlo ang tih ah chuan, Midang hopawh an rawn thleng veta nghala, An vai chuan Sawm chuanglai niin, An in nghahk khawm kim tih chuan, Saitluang ram lamchu an panta nghala, Saitluang ramhi a hlattham avangin kalpawh an kalrei khawp mai, Chaw chhun fakhun velah chuan an tumram chu thlengin, Saitluang ngawpui chhunga luite pakhat kamah chuan an in nghatta a, Chulai chu riahbuk sualna atana ṭhatak a nih avangin, Hmundang panlo in chu laiah chuan riahbuk chu an sualta nghal a ni, Tlangval te chuan buk chak velte chu la nghal zung zung in, Val Upa te chuan riahbuk turchu lo buaipui zung zung in, Karlo ah chuan riahbuk chu an peihta a, Tlangval chuan thingro zanmuh tur techu fawmkhawm lehnghal zung zung in, Karlo ah chuan tam tak chu an fawmkhawm ta a, Ni pawh ala sang viau maia, Val Upa Kaithanga chuan, Khaile hei kan buk lampawh kanzo khatta a, Pasalṭha Tuala leh midang pahnih te khan zanriah chawhmeh tur han zawng rawh ule, Tin Sangluai nang pawh i duhna lam lam ah i kal chhuak dawn nia, Tuala te hnung i zuiduh a nihpawh in zuila, Hmun danga i kalduh a nihpawh in i thu thu ni rawhse, an ti a, Pasalṭha Tuala chuan, Laikung nangin min zuila, Manzela khan Sangluaia kha zuive rawhse, Helai ramhi Awrhthanga te nen kan in rinalai a nih avangin, Fimkhur hi a ṭha a nia, an ti a, Tuala te pahnih chu chhimlam ah chuan kalin, Sangluaia leh Manzela chu hmarlam ah chuan an kalveta thung a, Sangluaia leh Manzela chu chulai ramah chuan an vawikhat kalna niin, Sangluaia chuan, Manzel ramchin kan hriatloh avangin hla lutuk vaklo ila a ṭha anga? an ti a, Manzela pawhin Sangluaia ngaihdan chu a ngaihdan chiah niin, An riahbuk sualna ruam rawn chhuntu mual pakhat chu kalliam in, Chu mualpiah ruamah chuan sahnu an zawngta a
.
Chulai ruamah chuan sahnu chu an hmutam khawp mai, Mahse sahnu thardeuh melhin, Sahnu naran chu an chhuizui duhlo a ni, Sangluaia chuan hmahruaiin, Kawrte kamvel chu an hrut zar zar maia, Manzela chuan a hnung aṭang chuan Sangluaia hanche velchu alo chik em em maia, Kawrte kam lungpui vela an zuang theuh theuh te chuan a mit chu la em em in, Eng emaw chang chuan Sangluaia chu a khanlo hletih pawh a in hria a ni, A zuan kaina ṭhenkhatah te chuan zuang kaive theilo in, Ngawpui chhung han chettlat velah chuan Sangluaia chu a khanlo tihchu chiang takin a hria a ni, Ngawpui chhunga a Silai hanlek dan velte chuan a mit chu lain, Sangluaia hawiher reng reng maichu a en duh hle a ni, Manzela chuan, Sangluaia chu an en ṭhina, A mah ai pawha naupang tura angaih niin, Chu rawlthar pian nalh thlarh maichu engkim ah chuan a khan mawlh lo a ni, Sahnu an hanchhui dunte reng reng maichu, Manzela chuan a khanlo in, Eng emaw chang chuan Sangluaia mawngphe pawh a hmu hmanlo hialṭhin a ni, Manzela chuan, Kan khuaah hian Pasalṭha hnungzuiin khawihmun ah pawh ka kalve tawha, An hnungzui zawhloh hi tumah ka neilo a sin, Kan Pasalṭha te hian hruai pawh nuam minti em em hlawma, An hnung zuitur pawh hian mindub berṭhin a ni, Mahse hei Sangluaia hnungzui turhi chuan kan tlinglo a nih berhi, Ti rilru chung chuan Sangluaia hnungchu a zuive zela, Sangluaia chuan Sakhi hnuthar tak maichu hmuin, Manzela hnenah chuan, He Sakhi hnuhi umzui ang aw, hlavak a la kal ka ringlo tiin, Sakhi hnuchu an chhui zuita nghala
.
Kawrte kamah chuan Sakhi hnuchu chhui zar zar in, Chu Sakhi hnu chuan mualchu kanin, Mual letliam zawldup maiah chuana lut pheita a, Manzela chuan Sangluaia chu hanko dingin, Sangluai helai hmunhi Awrhthanga ramchhung a ni tawh dawna, Hei kan piaha luite saw kan in rina laichu a nihsaw, A piah lamsaw ram pharh ṭhatak niin, Sawlam ah sawn Sakhi hi a kal a ni, Tuna kan hnuchhui laihi chu tawpsan maiteh ang, an ti a, Sangluaia chuan, Ramri chin talchu in chhui chhin ila, Ramri aṭang chuan duh leh kan kirsan dawn nia, an ti a, An pahnih chuan fimkhur tak chuan Sakhi hnuchu chhuileh nghalin, Ramri kawrah chuan Sakhi chu an va nang chingta a, Sakhi chu ramri lui kamah chuan kalthla in, Lui mawnglam chu a zawh thla a ni, Sangluaia chuan lui kawikhat an chhuileh chuan, Sakhi pawh chu a hmuthei ta, Fimkhur tak chuan Sakhi chu hnaih thla hret hret in, A silai chu an lek chhuak ta a, Lui kama Vangthing liantak maichu beh chhanah hmangin, U luk taka tin vang vang in, A Silai chu a hmet puakta durmai le, Sakhi chu zuang zawk in, Ramri lui chu a kanta a, Sangluaia chuan Sakhi chu umzui nghalin, Manzela pawh chuan hladeuh aṭang chuan Sangluaia chu an rawn umzui vebawk a, Fingkhat pawh tlinglo an umzui chuan, Sakhi chu a lo tlungat maia, Sangluaia chuan Sakhi chu pu nawlh in, An kalna lamah chuan let lehmai chu an tuma, Mahse chu tihlai chuan a chhak deuh aṭang chuan, Sakhi kha dahla tah khan dingrawh, Rawnti thawmchu a hreta a, Sangluaia chu aw lo chhuahna lamah chuan hawilet nghalin, A piah deuh ah chuan mipa hnihte hian Sangluaia chu anlo en rengmaia, Manzela pawhin Sangluaia te chu rawnhmu phakin, Mahse Sangluaia te chu arawn pawh ngamtalo a ni
.
Chu mite pahnih chuan, Sangluaia hnenah chuan, Tunge i nih a? Helai hmunah hian khawilai aṭanga lo kalnge i nih? he ngepui hi kaltlang turnge i nih a? he ngawpui chhungah hian ramchhuaka lo kal i ni zawk? tiin an han zawta, Sangluaia chuan, Dawt hrilh ngawt chu ṭhaa a hriarloh avangin, He ngawpui ah hian ramchhuaka lo kal kani e, Kamthanga khua aṭanga lo kal kani, tiin an chhanga, Chung mite chuan, Kan ringsuallo e, In Lal Kamthanga chu a damṭha maw? a sa chakin he ngawpui chhungah hian arawn tirlut cheu a ni maw? khawnge i ṭhiante an awma, Khawiah nge riahbuk insual? tiin an zawtleh a, Sangluaia chuan, Ramchhuak ka ni a, Nangni pawh ramchhuak in ni a, Zawhna inzawh vak hunpawh a nilo e, Zanriah chhumte a hundawne, Ka kalphawt maiang, Tiin in hera kalmai an tuma, Mahse chu mite pahnih chuan Sangluaia chu, Kalmai an phalta hauhlo mai, Kan zawhna chu i chhan phawt angai a ni, Eng zatnge in nih a? khawilai ah nge riahbuk insual? tiin an han zawt leha, Sangluaia chuan, Riahbuk kan sualna hmunchu mualhnih dan ah sawn a ni a, Mi sawm chuang lai kan ni, Tiin an chhanga, Chung mipahnih te chuan, Sawm chuang maw in nihle? chiang takin dawt min hrilh a ni, Nang naupang hian kan hlauh turin dawt minhrilh a ni, I Sakhi putlai kha dahla kalsan rawh, Heihi Awrhthanga ramchhung ani a, Kamthanga hote hian kan ramchhunghi in rawndai dar lutuk a ni, Sangluaia chuan, He Sakhi hi kawrte rala ka kahsaw a ni a, A thih hmain helamah hian arawn tlana, Ka rawn umzui mai a ni e, He Sakhi hi ka kah a ni a, Ka hawnngei bawk ang, tiin an chhang letve ngata, Chung mite pahnih zinga pakhat chuan a ṭhianpa hnenah chuan, Naupang luh lul tak a nih dawnhi, Kamthanga hian a Tlangval te zilhna chang a hrelo a nih hi, In zilhsak ang hmiang, an ti a
.
Pakhat zawk Sailiana chuan, Kamthanga leh a naute hian min rawn tlawh pawh lutuk, He tiang mai mai a kan dawh zelchuan min rawn ngam lutuk dawn, He rawlthar pawh hi awm danmawi tak zirtir angai a nih hi an tive a, Sailiana chuan, Hei Tlangval heihi hrerawh, I Sakhi putlai kha dahla haw ang che, In Lal hnenah chuan, Awrhthanga Pasalṭha Sailiana chuan, Helai Saitluang ramhi rawndai dar lutuk suhse tiin i rawnhrilh nghaldawn nia, an ti a, Sangluaia pawhin a Sakhi putlai chu dahin, Sailiana te hnenah chuan, Heihi ramhnuai a ni a, In ramchhung a ni emaw, Tu ramchhung pawh nirawh se, Heng ngawpui chhunga sate hi kah theih vek an ni, Nangni lo phalloh theih ngawt a nilo, Chu vangin he Sakhi pawhhi ka hawn ngei ang, Tin he Saitluang ramah hian, Kan ramchhung ah hian kan duh duh in kan vak anga, Nangni sawisel theih a nilo, Tiin an chhanga, Chu ṭawngkam chuan Sailiana thinchu a tirimta khawp mai, Tlangval i luh lul hlemai maw? Awrhthanga Pasalṭha Sailiana hi minla hrechianglo a ni maw? Tin nangni Kamthanga te nen hian in biakṭhat hi kan duh reng reng lo, Chu chu kan Lal Awrhthanga duh danpawh a ni, Tlangval tunah khan ka sawi anga i tilo a nih chuan, I lu kha ka laksak ngei ang che, A rawnti tamai a, An inchhan dan zawng zawng chu Manzela chuan l hrevein, Sangluaia chu tlansan mai a duh hial a ni, Chu tiang khawpa Kamthanga hote hian, Awrhthanga hote hi an hlau a ni a, Manzela chu a awm hmunah chuan lo khurru der der in, Sangluaia chu thingei dawn in a hria a ni, Sangluaia chuan, He Sakhi hi ka duhvang hrim hrim a nilo, Mahse nangni hian induh a maka in umchhuah tur kan nilo, Tunah pawh hian ka Sakhi kah hi minchhuh miahlo ang, In duh anih chuan kahtur zawngve mairawh u, an ti a
.
Sailiana thinchuan a tuarta lo, Tlangval helai ramah hian Kamthanga mite hi rawnlang tawh suh u, Helai hmunah hian tihtur in neilo, Nang pawh hian i luh lul manhi i tuarngei ang, Tiin a chempui chu phawrh in, Sangluaia lamchu arawn panta a, Sailiana hnung zuitu pawh chuan rawn zuive nghalin, An pahnih chuan Sangluaia lamchu an rawn pan a, Manzela chuan a bih rukna hmun aṭang chuan lo en rengin, Sangluaia chu thingei dawna hriain, A bihrukna hmun aṭang chuan tlanchhuah maichu a duh rum rum a ni, Mahse Sangluaia chhantur chuan a huaisenna chuan a ngamloh avangin, A bihrukna hmun aṭang chuan hlauthawng tak chung chuan a en tlawk tlawk in, Sangluaia chu a tlanchhiat mai aring a ni, Mahse Manzela rindan chuan engmah a kaltalo tlat maile, Sangluaia chuan chu mite pahnih chu lo hmachhawn in, A ippui aṭang chuan a chempui chu phawrh chhuak in, Manzela en renglai chuan, A kut veilam chuan Maubul chang chu an phawrh leha, Chu veleh Manzela chuan, Sangluaia chu Pasalṭha huaisen, Ral hrat leh ral relthiam tak a ni tih hrechhuak thutin, A hriattawk lek chuan, Sangluai kalo hrechianglo che a ni, I hnung zuive tlakhi kalo nilo a nih hi, an tisap a, Sailiana pawhin an hmaa Tlangval chuan, Chempui leh Maubul chang an phawrh chuan, Mi naran mai mai a nilo tih hrenghalin, Maubul chang an hmuh phei chuan hriat chhuah zawk an neia, Mahse Manthanga khualehtui ah chuan Thangluaia fapa Sangluaia chu a awm aringlo a ni, Chu vang tak chuan Sailiana chuan chu rawkthar chu ngamzualin, Nanghian minbum miahlo ang, I hmanrua avang che khan kan hlauh che i ring a maw? Khale Awrhthanga Pasalṭha, Mihrang leh Sahrang hmaa zam ngailo, Sailiana chempui hi lo dangrawh le, Tiin Sangluaia lamah chuan an rawn zuang phei nghala
.
A hnung zui tupa pawh chu Sangluaia lamah chuan rawn zuangve nghalin, Sailiana chuan Sangluaia chu a chempui chuan an rawnvai pawp maia, Mahse Sangluaia chu a hnung lamah chuan tawlhdawrh in, Sailiana chempui rawn thlawk chuan arawn ṭhelh thuak maia, Sailiana nau chuan, Sangluaia hnung tawlhchu rawn umzui nghalin, A chempui pawh arawn vaina khawp mai, Mahse chu rawlthar ṭuanṭha tak maichu chu ti mai mai a khawihfuh theih a nilo a ni, Sailiana te pahnih chuan Sangluaia chu an sah ṭhelh hnuah chuan, an pahnih chuan dingdun in, An hma lawka rawlthar dingchu en vang vang in, Sailiana chuan, Nanghi Kamthanga mi lehsa i ni chiang a maw? I zam aṭha in relbeih i thiam hmelriau mai, an ti a, Manzela pawhin a bihrukna hmun aṭanga lo thlir rengin, A awm hmunah chuan a lo in humruh nasa maia, Sailiana te pahnihin Sangluaia an zuanphei khan, Sangluaia chu a thihngei aring a ni, Mahse asangluaia khan awlsam tak khan a lo tawlhsawn sanmai kha a ni a, Khatiang tak maia mihring ṭuanṭha kha a la hmungailo a ni, Sailiana leh a nau chuan, Rang taka Sangluaia chu hnaih chilh lehnghalin, Sailiana nau chu a hma zawkah chuan awmin, Sangluaia chuan, A mah rawn hnaihtu zawkchu lo kun hniamsan thut in, A veilama Maubul chang chu chupa dul zawnah chuan an vaichhuak pawp maia, Chupa dulchu thlernghal duaih in, Chupa chuan a dul chu kuah nghal vawng vawng in, A kut kar aṭang chuan a ril te chu arawn pawt chhuak pur maia, Sailiana chuan a ṭhianpa hliampui tuar an hmuh chuan, Nasa taka thinrim in Sangluaia chu an rawnbawh ruak maia, Sangluaia chuan chutia Sailiana thinrim tak maichu remchang ah lain, A hmalam ah chuan penkhat pen in, An zuang chhuak dawk zawk maia, Zuan chhuah pah chuan a chempui chu na taka vaichhuak in, Sailiana nghawng chu a chhumta hmawk maile, Lei a ṭumrual chuan a Maubul chang humchu, Na taka hanvai kualleh in, Sailiana nau hrawkchu thlernghal duaiin, Thisen tharlam lutuk maichu rawn chik chhuak nghal ṭhawt ṭhawt in, Chulai hmunah chuan Sailiana leh a nau chu an ngamloh valtawngin, Ṭawng chhuak lehtur reng awmlo chuan an thi zuita a
.
Manzela chu a bihrukna hmun aṭang chuan rawn tlanchhuak in, Sangluaia chu arawn vel thuak thuak maia, Sangluai tiang kha ilo nimaw? khatiang reng reng a mihring zamṭha kha kala hmungailo hrim hrim, Kha tianga ralbeih thiam mihring kha kala hmulo hrim hrim a ni, Sangluaia an sawichu iloni ngeie, Tiin Sangluaia chu arawn kuah deuh thuak thuak maia, Sangluaia chuan, Eng pawh nise helai hmunhi kan chhuahsan angai a ni, Hei khuapawh a tlailam a nitawh a, Kan ṭhiante pawhin min ngaihtuah ange tiin, Sangluaia chuan kalmai an tuma, Manzela chuan, Sangluai rallu i lakhi i hawn dawnlo emni? an rawnti a, Sangluaia chuan hawnlo e, Ti khan an ṭhiante tanpawh an ruang hlawm a nuam dawn a ni, Keini chu kalphawt teh ang tiin, Chulai hmunchu an chhuah santa a, An riahbuk an vathlen hian khua pawh a tlai ang reng tawh khawp maia, Manzela chuan engkim chu sawinghal zung zung in, Sangluaia chet ranzia leh, Ral beihdan a thiamzia ringawt maichu aṭhiante bulah chuan asawi a, Sangluaia tan chuan tlanchhiat theihloh a nih ziate, Chu mite pahnih chuan Sangluaia chu tlanchhe theilo a an siamthu tepawh chu sawitel vein, Val Upa Kaithanga chuan, Chu tiang a nih chuan nak tuk lamah pawh kan riahbuk hi chhuah sanvek arem dawnlo a nih chu, Awrhthanga mite an nih chuan, Vawiina Sangluaia thahte chu an zawng ngei anga, An hmuh hunah chuan helai bialhi an rawndap ngei ngei dawna, Chu tihhun ah chuan keinihi min hmuh hmasak turchu kan ni, Mi Sakah inlak sak ngawtmai tumchu, A kaptu chuan pek ngawt phalchi a nilo a ni, Heng thilah hian Sangluaia hian thiam lohna engmah a neilo a, Chu vangin nak tuk hian kan tihtur chu kanti phawt anga, Awrhthanga mite chuan min rawnhmu a nih pawhin, Tumah kan tlanchhe tur a nilo an ti a, Zante an rei chuan, Val Upa Kaithanga hote pawh chuan mutzai an relta a
.
Zingkhua an lovar chuan, Sangluaia chu hma taka tho chhuakin, Chu ngawpui chhungah chuan Tumpang hnu an hmuhna lamchu a panta a, Hemi zing hian midang chu timah kal chhuak loin, Val Upa Kaithanga ho chuan bukah chuan an awm ṭhapmai hlawma, Manzela chuan Sangluaia chan chinchu sawinuam a ti khawp mai, Val Upa Kaithanga pawhin, Sangluaia hi a chan chin kan hriatvek kha, Pasalṭha huaisen Thangluaia fapa a ni a, Sialrang chuan Sialrang ahring ngei a ni, Sangluaia hi ral hmachhawn thiam tak niin, Tlangval zamṭha leh zuan zang em em mai ani a, Manzela sawi ang khan, Chempui leh Maubul changhi a pa aṭang khan an hmangthiamin, Chetsual pawh an chesual ngailo a ni, Vawiin ah hian Awrhthanga te hian, An mite thihi an hriat hunah chuan, Kan hnuhi an rawn chhui ngei ngei dawna, Mahse chumi hmachuan kan tihtur chu kan tizo hman tawh ang, Tiin a naute chuan hrilha, He tihlai hian an piah, Chhimlam hladeuh ah chuan Silai puak richu an hreta a, Kaithanga te chuan Sangluaia Silai puak thawmngei a nih an ringa, Tuk ṭhuantur te chu buaipui zelin, Hmuanda awm zetah chuan Sangluaia pawh chu arawn langta hlawlmai a, Val Upa Kaithanga bulah chuan, Tumpangsial liantak maichu a hliamthu sawiin, Tuk ṭhuan ei kham lama a hnu chu chhui zuitura arawn hawsan thuchu an sawia, Kaithanga pawh chuan, Ni e, Tuk ṭhuante hi han ei ila, Chumi zawhlam ah chuan kanva chhui zuidawn nia, an ti a, Tuk ṭhuante chu ei zung zung in, Tuk ṭhuan an ei kham aṭanga hmuanda awmvel ah chuan, Val Upa Kaithanga chuan, Khaile Sangluaia sahliam chu chhui turin, Manzela leh Kulha hian vazui ula, A bak zawng chu bukah hian kanlo awm ang e, Enge kan chan chintur engmah hriat a nilo a, Eng pawh nise vawiin hian tumah kan in phatsan tur a nilo ang, Eng pawh tawk ila huaisen takin kan in chhawmdawl tura ni, an ti a, Sangluaia pawhin Val Upa thusawi chu hrethiam in, Manzela leh Kulha chu hruaiin, A sahliam chhuitur amchuan an chhuak ta a, Sangluaia te kal aṭanga hmuamda awm velah chuan, Sangluaia te riahbuk ah chuan mi pali hi, Khawilam aṭanga lo kalnge tih hriathi, Buk ah chuan an rawnlang hlawl maile
.
.
DUHTAWK LEHRIH PHAWT ANG U AW
REMCHAN VELEH KAN CHHUN ZAWMLEH DAWN NIA
.
Hman hmawhlo in, Minlo nghak hram hram ṭhindawn nia
.
.
[Lalzirliana Tochhawng] [Champhai Tlangsam]

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 6th, 2018, 9:14 pm

................ PASALṬHA THANGLUAIA (235) ...............
.
.
Val Upa Kaithanga chuan, An buk rawn tlawhtu pathumte chu lochhawn nghalin, Enge i duh le? tiin an lo chhawn nghala, Chung mi pathum te chuan, Kan ṭhiante pahnih, Nimin tlaia an vak chhuak chu, Tuk kinzing thleng hian an la rawnkir lo a, kan rawn zawng a ni, An chinte inlo hrelo maw? an hanti a, Kaithanga chuan engkim hrethiam nghal vek in, Sangluaia thahte ngeikha an mizawn te chu an ni tihchu hrenghalin, Thu chu zep phawt a ṭhat ringin, Engmah kan hmulo tlat mai, In ṭhiante awm chu helai hmunah hian kan hmulo a ni, Keini pawh nimin tlaia helai hmunah hian lutve chauh kan ni a, Mihrang rawn kalawm reng reng kan hmulo a ni, Tiin an chhang a, Chung mipathum te chuan, Kamthanga mite in ni ang maw? chung mite chuan hnuai chhiah ranchung hian, Awrhthanga Pasalṭha Sailian'an a hmuh vaih che u chuan, Helai hmunah hian in awmrei theilo ang, Engpawh nise kan kal leh phawt ange, Tiin an kalta nghala, Val Upa Kaithanga rilru chu abuai khawp mai, An riahna chu sawnmai turngeni anga, Khaw lama kirlehvat chu ṭhazawk ang? ti a ngaihtuah in, A rilru chu abuai khawp mai
.
Chaw chhun fakhma hret chuan Silai puak khawk raih raih chu an hreta a, Buk nghakte pawh an hlimtlang khawp mai, Tumpangsial chu Sangluaia hmaah chuan a ṭanrei an ringlo a ni, Val Upa Kaithanga leh hote buka hlim taka an awmlai hian, Zing lama lokal pathumte bawk chu rawnlang leh in, A upaber chuan Kaithanga hnenah chuan, Kan mizawnte chukan hmutawh e, Mahse kan Pasalṭha Sailiana leh a nauhi an lu bung ve ve in kanhmu a, He thilah hian in in rawlhve ngei kan ring a ni, Malkhai ah chuan kan Pasalṭha Sailiana hi tuman in khanlo ang, Mahse a ni hian tulak aṭangin nge a lu hi a hloh? he thu hi kan Lal hnen kan thlen phawt anga, In Lal chuan Sailiana thihna ah hian a chhan na a pek ngei angai ang, Lal Awrhthanga makpa Sailiana thihna ah hian, Kamthanga chu a insawi fiahngei angai dawn a ni, A insawi fiah theilo a nih ngat chuan, In khua hian intawrh ngei angai ang, Tiin an kalsan lehta a, Val Upa Kaithanga chu rilru hah taka ṭhuin, Tlangval hote hnenah chuan, Sangluaia thiltawn kha mipa tan chuan tlanchhiatna chi a nilo a, Mahse Sangluaia vang hian buaina lianzawk kan tawk dawn a ang ta riau mai, A mah hian eng tin tak ngai ang maw? a ti chuai raih maia
.
He tihlai hian Manzela chu rawnlang hlawlin, Buk nghak hote hnenah chuan, Kan Pasalṭha Sangluaia chuan, Tumpangsial ngei chu a hnuk a chhat ta, A lianin a chalṭha ngei mai, Kha tianga Tumpang chalkha kala hmulo reng reng mai, Kan Pasalṭha te ho kah ai chuan a chalfe mai, A rawnti bawrh bawrh maia, Val Upa Kaithanga chuan, Khaile kan thawh chhuah angaie, Engpawh nise Sangluaia Tumpang kah chu laturin i thawk chhuak ang ule, Tiin Manzela ho chuan an kalta a, Sangluaia Tumpang kahna an vathlen hian, Tumpang luchu an lotan tawha, Kaithanga chuan, Tlangval ho hnenah chuan, Tumpang dar leh a bawp te kha han phawk zung zung ula, Muanchan lutuk a ṭhalo a nia, an ti a, Tlangval tepawh chuan Val Upa sawiang chuan, Tumpangsa chu chandarh zung zung in, Karlo ah chuan buk lama lak theihtur chuan an chandarh ta veka, Tumpang ki kak karah chuan hanṭhu hlawmin, Tlangval pali chu an leng hal hal maia, Kaithanga chuan, Kan Pasalṭha Kaia kah ai khan alian a nih hi, A ni kah ah khan Tlangval pali an tawt deuh a ni a, Hei Sangluaia kah ah hi chuan, Tlangval pali an thawl zawk mah mai an ti a, Ti chuan Tumpangsa chu buk lamah chuan an thiar thlata hlawm a
.
Buk an zuk thlen hian, Kaithanga chuan Rawnal hung lamchu pan nghalin, Rawnal pumlian tak tak pahnih chu hansat zung zung in, Chung Rawnal chu phel phawk phawk in, Sarepna tur tahrang chu a siamta zung zung a, Meupui chu chhep alh hluah in, Tumpangsa an thiar thlak zawh chuan, Tumpangsa chu hrang lian pui pui a chan in, Meipui ah chuan an vawmlut mawlh mawlh maia, Meipuia an in ursawr deuh chu phawrh chhuak lehnghal zung zung in, Sarepna tur an siam tahrang ah chuan an dahta zung zung maia, Manzela chuan sarep pah chuan, Sangluai'an Tumpangsial a beihdan chu uar tak chuan a sawi zung zung bawka, Manzela hi ṭawng bawrh bawrh chi niin, A ṭhiante pawh hian a bula awmhi nuam an tiphian ṭhin a ni, Tumpang sachu meipui ah chuan an ur farta tluah tluah maia, A thau em avangin a hriak farte chu a alh zuai zuai maibawk a, Val Upa Kaivela pawh ahlim khawp mai, Awrhthanga hote nen chuan buaina neih hmel mahse, Lal duh thusam an hawn dawn avang chuan a hlim em em thung a ni, Zanriah chhum an hun chuan, Tumpangsa siam tura an dahchu chhum hnawk in, Zanriah tur te chu an han buatsaih zung zung a, Tumpangsa an duh tawka an han ur zawh meuh chuan, Khua pawhin thimlam hnaih thut thut tawhin, Zanriahte pawh an ei ta hlawma
.
Zanriahte an han eifel meuh chuan, Khua pawhin thimlam rawnpan tawhin, Hmakhawsang aṭanga siamtu siam ang ngeia, Zan lama aw rawl chhuah ṭhinte pawh chuan, An aw rawl mawi tak tak te chu an rawn chhuah leh chiah chiah tawhin, Val Upa Kaithanga leh a naute pawh, Buk kawta meipui chu ṭhuthual laih in, Kaithanga chuan tlawhtu an neih thuleh, Chung an mahni rawn tlawhtu te chu Awrhthanga mite niin, Chung mite chuan an Pasalṭha Sailiana te an rawn zawnthu te chu sawiin, Sangluai nimin lama i thahte kha an rawn zawng a ni, I thah zinga pakhat kha Awrhthanga makpa niin, Pasalṭha huaisen tak a ni, Min rawntlawh tu te chuan an mizawn te chu hmuin, Awrhthanga hian a makpa thihna ah hian Lal Kamthanga hnenah zawhna a nei ngeidawn a, Kamthanga chuan kan Lal chu chhan na a pek ngei angai ang tiin min kalsanta a ni, Nimin lama i thiltih kha mipa dik tak tihtur a ni a, Mahse kha thilkhan buaina lianzawk a chawh chhuah ngei a rinawm takhawp mai, an ti a, Manzela chu loin rawlhvat in, Khang mite khan Sangluaia kha an nawrlui a ni, Sangluaia khan kalmai an tumpawh khan, An ni khan kal phallo in Sangluaia kha an tilui a nih kha, an tmrawnti a, Sangluaia pawhin, Lal Kamthanga chu engmah zawh angai hleiem, Keihi min zawt rawhse, Awrhthanga zawhna chu keimah hian ka chhangvek ang, an ti a, Chumi zanchu reitak pawh menglo chuan, An muta hlawma
.
Zingkhua an lovar hian hmatakah tho chhuak hlawmin, Tuk ṭhuan chu hmatakah bawlin, Hmatakah chuan tuk ṭhuan chu eiin, Khawlam pan chuan Tumpang sarep phurṭeuh chung chuan an hawta hlawma, Chawhnu her hretah chuan kawtchhuah thlengin, Kawtchhuah ah chuan in nghatin, Val UpaKaithanga chuan, Khaile Sangluaia Hlado han chham rawhle, Ti chuan muangfan in khua chu kan lutdawn nia, an ti a, Sangluaia chuan a Silai te chu han en felin, Hlado chu an chhama vang vang maia, A tawpah chuan a Silai chu kap puak durin, Muang chang chuan khua chu an lutta a, Sangluaia Hlado chham thawm hria apiang te chu kawtchhuah lamah chuan tlankhawm in, Tlangval ṭhenkhat te chuan an phurte chu chhawkin, Naupang hote chuan Tumpang luchu an zawnta luih luih maia, Chu khuaah chuan chu tiang reng reng a Tumpang lu lianchu a la luh loh avang chuan, Naupang chu sawiloh, Puitling pawh chuan Sangluaia Tumpang kah lu chu an bawr vut vut mai a ni, Lal Kamthanga leh a upa tepawh chuan, Kaithanga te an lohaw tih hriain, Sangluaia chuan Tumpang lianzet mai a kap tihte an han hria a, Lalsa tur a nih avangin hmun dang panlo chuan, Kaithanga leh a naute chuan Lal inlam chu an rawnpan nghala, Tumpang luchu naupang chuan hmarawn hruai puiin, Mipui chuan an raenzui vut vut mai a ni
.
Kamthanga leh a upa te chuan, A Leihkapuiah chuan lo hmuakin, Chungho karah chuan Lal nupui leh a fanu nula pahnihte pawh telin, Ralkaii leh a nau Aipuii te pawh chuan an lo thlirve reng maia, Ralkaii te unau mit chuan khawdang a hawi theilo a ni, Sangluaia an han hmuh chuan an hlim em em maia, Aipuii ngat phei chuan Sangluaia an hmuchu, Eng dang renghi a thinlungah chuan alang theilo a ni, Sangluaia chu thlir veng veng in, A rilru chu suangtuahna khawvelah chuan a cheng veng veng mai a ni, Kaithanga ten in an rawn thlen chuan, Upa ṭhenkhat te chuan an zubel rawn chawilut nghalin, Salu lawm nan tiin an zubilh ṭha tak tak maichu an rawn chawilut zut zut maia, Pasalṭha ramchhuak te chu khawntir in, An hahte chu adam sawng swng maia, Lal Kamthanga in chhugah chuan an hlim vut vut khawp mai, Zu chang ṭha pui pui khawn an ni bawka, Karlo ah chuan an lute kaiin an ri lung lung mai hlawm a, Sangluaia chuan tam khawn duhlo in, A then in lampan chuan a chhuakta nghala, Ralkaii leh a nau chuan Sangluaia chu thlir rengin, A chhuak turpawh chelh hantum viau mahse, Sangluaia chu an thinlung chuan a zah tlat avangin, Sangluaia chhuak turchu an chelh ngamlo a ni bermai, La haw lose ti a ui tak chung chuan an thlir liamtawp mai a ni
.
Lal in chhungah chuan hlimviau mahse, Val Upa Kaithanga chuan an thilhmuh leh, Hriatte chu Lal hnenah chuan sawiloh chi ah ngailo in, Kamthanga hnenah chuan, Lalpa hlawhtling takin kanlo hawa, Keini pawh kan hlimkhawp mai, Mahse he hlimna karah hian thu thindeng tak mai hrilh turche ka neia, Khawngaih in i beng minlo chhit sak hram hram dawn nia, tiin anngena, Kamthanga chuan, Eng thunge nita le, Val Upa chhuan awm tak i ni a, Eng thunge nile han sawita che, Ka upa te nen hian kanlo ngaithla ange an ti a, Kaithanga chuan, Kapu kan thuleh hlate chu tianghi a ni a, Tiin Sangluaia leh Sailiana te in hmuh thiamloh dante chu sawiin, Sailiana te Sangluai'an a thah dante, Tin buka Awrhthanga nauten Lal Awrhthanga makpa thihna ah hian, Lal Kamthanga zawhna zawh a duhngei an rinthu te, Kamthanga chuan Lal Awrhthanga zawhna chu a chhan ngei angaih tur thu te, Engkim chu asawita vek maia, Sailiana te leh Sangluaia te buainaah chuan, Sangluaia thiamloh a awmloh thute chu sawivek in, Chu buaina chuan, Awrhthanga te nen an karah buaina lianzawh a thlen a hlauh thute chu sawinghalin, Awrhthanga te nen hian englai maha inrem ngailo kanni a, He tiang boruak a awmta hian, Kan karthu hi a tih chhiatzual ka hlau hlello a ni, an ti a, Lal Kamthanga leh a upa te chu an thu hriat chuan a dengna deuh nge, An ngawi ṭhap maia, Kamthanga chuan, Eng pawh nise tunah chuan engmah ka sawi theilo a ni, Kaithang zanlam ah lo leng leh ula, Tin ka upa tepawh a hmalamin rawnkal ula, Sangluaia ngei pawhchu lo telve rawhse, Tlangaupa Sangluaia chu i rawn hruai ngei ngei dawn nia, Tiin zanriah eitur chuan an ṭindarhta hlawma
.
Sangluaia pawh a thlenin lamah chuan zanriah te ei in, Chalkaia nen chuan an ti ti hlut maia, Chalkaia hnenah chuan Sangluaia chuan engkim sawiin, Chalkaia chuan, Sangluai Awrhthanga Pasalṭha te lakah chuan thiamlohna pakhat mah i neilo, An thinrim an rawn thawk a nihngat chuan, Kan Lal pawh hian a en liam mai mai biklo tawp ang, an ti a, Sangluaia chuan, Chumi chu ka duhlo a ni, Ka buaina ah chuan midang inrawlh veturin ka duhlo a ni, Khua lovar sela keimah ngeihian Awrhthanga chu biak ka duh a ni, Chumi tur chuan kal chhuah ka duh a ni, an ti a, Hetia an ti ti lai hian Tlangaupa chu lo lutin, Tumpang sarep chu Fawng khata rawn chawilut in, Sangluaia hei a kaptu sa a nih hi an rawnti a, Chalkaia chuan, Engah ngemaw aw hetiang te inrawn tihle? Hei Sakhi sarep pawh kanla neia, Hetianghi rawntih angai reng reng hleinem, an loti a, Tlangaupa chuan, Kan thudang alai chuan, Zanin hian kan Lal chuan a ina lengtur in asawm che a, Sangluai tihtur dang i neihloh chuan minrawn zuita che, an ti a, Sangluaia pawh chuan, Engmah tihtur chu ka neilo, Mahse rawnlan fohi ṭhain ka hrelo a ni, an ti a, Chalkaia chuan, Sangluai chu tiangtur a nilo, Lal sawmna chu ngai pawimawh in, Lal in ah chuan hanleng ngeirawh khai, Eng emaw sawipui chepawh a duh a ni maithei asin, an ti a, Tlangaupa pawh chuan, Kan Lal chuan hruai ngei ngei tur chein minti a, Ni e, Eng emaw ti ti pui che a duh a nih ngei ka ring, Ka rualhian i hman chuan kan kaldawn emni? Tiin Sangluaia te chuan, Lal in lamchu an panta a
.
Lal in an hanthlen hian, Upa te leh Val Upa Kaithanga pawh an loawm tawh a, Kamthanga chuan Sangluaia an hmuh chuan, Ṭhutna te kawh hmuh in, Thildang sawilo chuan, Sangluai hei in ramchhuah na hmuna thil thleng zawng zawng kha ka hretawh e, Mihrang Pasalṭha Thangluaia fapa i ni a, Sialrang chuan Sialrang a hringṭhin, Sangluai Awrhthanga makpa lakah khan thiamlohna pakhat mah i neilo a ni, Awrhthanga chuan a makpa thihna avanga ka chunga lungawilo a nih chuan, Lo kalrawh se, Keimah ngeihian engkim kalo hrilh faivek ang, Tlangaupa Thlade kha han en tehle, Ka thil tumdan ka sawi chhuah hma hian, Thlade awm dan kha ka hreduh a ni, an ti a, Sangluaia chuan Kamthanga thiltum chu hrenghalin, Lalpa kha thilah khan engmah inrawlhna in neive hleinem, Khua loverse keimah ngei hian Awrhthanga khua chu ka pan ang e, Chu tiangtur chuan ka rilru pawh ka siamfel vek tawh a ni, an ti a, Kamthanga chuan, Sangluai in thlahrung reng reng suh, Awrhthanga leh a mite hian khaleh chen aṭang kjan min hmusitin, Ka Tlangval te ramchhuak an rawn umhaw thula, Engmah kasawi ngailo a ni, Mahse tunah chuan a tawk tawh e, Chu tihlai chuan Tlangaupa Thlade en chu lo lutin, Lalpa Thalde sir dinglamah Arsi a awme an rawnti a, Chu veleh Kamthanga chuan, Kan Thlade chuan milu a khailo a, Chem a chawi zawk a ni, Kan Thlade aṭangin tunhi ral beihna hunṭha chu a ni e, Chu vangin Awrhthanga chu a makpa thihna avangin a lo kallo anga, Keimahni hi kan kalzawk tur a ni, Ka upa te u kan Thalde pawh in milu khailo in, Chem a chawi a nilawm ni? Awrhthanga lakah hian tlanchhe rengtur kanni bik em ni? Val Upa te u in Pasalṭha rualte tunah hian khawm ula, In Tlangval raldo mite chu khawm rawh u khai, Zanin hian engkim tihfel veka, Naktuk varṭian ah Awrhthanga khuachu kan pantur a ni ang, Thlade in chem a chawia, Kan pi leh pute chuan, Thlade in chem a chawi chuan, Rammut nan hunṭha a ni a, Hlawhpawh kan hlawh tlingṭhin an tih kha, Naktuk varṭian aṭangin kan khualehtui chhan nan ram kanmu tur a ni, a ti ta a
.
Sangluaia chuan, Lalpa i rem ruatna chu ka hnial miahlo, Mahse keimah avanga in tawrhve hi ka duhlo a ni, Keimah hian Awrhthanga chu ka hmuh minphal sak hram rawh, tiin an dilleh a, Kamthanga chuan Sangluaia chu rawn en in, Sangluai ka khuaah hian keimah avanga vawiin ni thlenga lacham hi i ni a, Tumpang beitur pawh khan ka sawmche i nih kha, Keimah avanga buaina tawk i ni asin, Chu tihlai chuan kei hian ka tlansan ang che a nga maw? i buaina chu nangmah chauha hmachhawn turin Awrhthanga khuaah chuan ka kaltir ang che a nga maw? Sangluai kei mah avanga i buaina zawng zawng hi ka hria asin, Hnung tawlhsawn san theiche ka nilo, Tin ka mikhualin buaina atawk a nih chuan, Ka mikhual ṭanpui ngamlo tur khawpa mi dawihzep ka nibik lo a sin, Khaile ka sawiang khan, Pasalṭha rualte leh, Tlangval rualte chu khawm rawh ule, Tiin Kamthanga chuan a Val Upa rualte tir chhuak in, Tlangaupa pawh au turin an hrilh nghala, Sangluaia pawhin a maha Awrhthanga khawpan a tumchu, A theih dawnloh tih hriain, Lal Kamthanga rorel ang chu apawm a ngaidawn tih hriain Lal in chhungah chuan a awmve ta a, Karlo ah chuan Pasalṭha te leh, Tlangval rualte chu rawn pung khawm nghalin, Lal tualzawlah chuan an rita luih luih maia
.
Lal Kamthanga leh a upa te chu leihkapui ah chuan rawn chuang chhuak in, Upa min Sukliana chuan mipui hmaah chuan thu an sawia, Pasalṭha rualleh Tlangval rualte u, Zanin ah hian kan Lal chuan thu tlukna zahawm tak siam in, Chu thu chu in vaihriat ah ka rawnsawi chhuak dawn a ni, Awle kan Pasalṭha te Tumpangsial beia thawk chhuak te chu, Awrhthanga makpa te chuan lo tibuai leh in, Tunhma pawh in Awrhthanga mite hian an rawn umhaw ṭhinche u kha, Mahse tun ṭumah chuan Awrhthanga makpa te hian, Kan Pasalṭha tehi rawn umhaw a hnekin, Lu hloh zawk ah an ṭangta a ni, Chu vangin Awrhthanga te nen kan kar boruak hi a ṭhalo in, Rawlrala in vehte a awm hialthei a, Chu tiang a thlen loh nan chuan, Keini hi Awrhthanga khua luh chilh turin ram kanmu dawn a ni, Kan Thlade sir dinglam ah Arsi a awm a, Kan Thlade hian chem a chawi a ni, Tlangval te u, Khaleh chenkha Awrhthanga khualehtui ngamlo ang khan kan awm a nih kha, Kan hlauh vangleh kan ngamloh vang nilo in, Kan Lal hian buaina neih a duhloh avangin, Awrhthanga khualehtui chungah chuan zah angai hram hram ṭhin a, Mahse tunah chuan zah ngaihreng hian awmzia a neitawhlo a ni, Pasalṭha te leh, Tlangval rualte rammu turin in buatsaih ula, Awrhthanga te rawn thawh chhuah hmengei hian kan thawk chhuak tur a ni, Zing varṭiana chhuak theitur in, Pasalṭha rualte leh, Tlangval rual zawng zawng te in rinvek tur a ni, Tiin Tlangval rualte chuan mahni inlam ṭheuh pan in, An hawdarh ta hlawma
.
Kamthanga te chu in chhungah chuan lut lehin, Sangluaia hnen ah chuan, Sangluai he kan thiltih turah hian engmah rin na che kan neilo a nia aw, I duh chuan kan Tlangval te zinga tello hian, I duhna lamchu ipan thei a nia, Telve turche hian kan phutlo che a, Ka inrawlh velo maiang i tih a nihpawh in, Kan dang reng reng loche a nia, an ti a, Sangluaia thung chuan, Kapu naupang te chu kani e, Mahse rammut na ah hian a hmingin kalo telve tawha, Rallu chu la lalo mah ila, Ral hmachhawn hian ka dingve tawh a, Tuna in thiltih ah hian telvena ka nei a ni, Chu ka telvena chu huaisen takin ka hmachhawn anga, A tawp thlengin ka ding ngei ang, Kapu raldo tur hian min ringlo pawh a ni mai thei e, Mahse i hmangei ah hian, I ralho lungei chu ka rawndah ngei ang, Chu tiangtur chuan theih tawp ka chhuah ngei ang tiin, Lal in chu a chhuah danta nghala, Upa min Sukliana chuan, Lalpa Sangluaia chan chinhi kan hre veka, Tuna kan thiltih turah pawh hian ralho hmachhawn tur hian rin ngamber a ni ngei ang, Sailiana kha Awrhthanga Pasalṭha niin, A makpa sakawl meizial a ni a, Awrhthanga khua ah chuan huaisen leh, Ral hmachhawn tuber a ni, Manzela sawi ang a nih kha chuan, Sangluaia chuan Sailiana leh a naukha awlsam takin a that a ni a, Manzela hi engkim zawh chian vek a ṭha a ni, Sangluaia hi Pasalṭha Thangluaia fapa a nih kan hre vek a, Kan rammut na turah hian rintlak a nih leh nih loh Manzela kha eng kim zawh nawn nirawhse an ti a, Lal Kamthanga chuan, Tlangaupa chu Manzela kotur chuan an tirnghala
.
Karlo ah chuan Tlangaupa chuan Manzela chu rawn hruailut in, Upa min Sukliana chuan, Khaile Manzel thu tlemte kan zawtteh ang che, In varam chhuahna ah khan Sangluaia leh Sailiana te in beihna kha a hmutu i nih thu an sawia, Khata thil thleng zawng zawng kha min han hrilh teh le, An thuleh hlalam khachu dah ṭha ila, Sangluaia kha Pasalṭha anga rin ngam turnge a nih anga? Sailiana leh a nau a thah avang khan, Rin ngamchi a ni angem, Thu khuh neilo in hansawi vek teh, an ti a, Manzela chuan, A ni khawp mai, Sangluaia awmlai hichuan a chan chin hansawite hi a nuamlo ṭhina, Ni e, Engmah zep neilo in kan sawi ange, Sangluaia te kha Sailiana te nen an in hmachhawn hma aṭang khan a hmutu kani a, An buaina thuah phei chuan Sangluaia kha athiam hliah hliah a ni, Sailiana kha Awrhthanga Pasalṭha huaisen a ni a, Mahse Sangluaia lakah chuan, Ka sawithiam danber chuan, Naupang leh puitling insual ang hial a ni, Sangluaia khan chempui bakah, Maubul chang hriamtawn hmangin an pahnih khan a hmachhawn a ni a, Sangluaia ṭuan ṭhatzia chu sawimai hian a hrilchhuak zolo ang, Satel leh Zawhte hi insual ta sela, Chu tiang chu mitthla ula, Zawhte khan Satel chu a duh tawkin a chhaih kualthei a, Chu tiang chiah chuan Awrhthanga Pasalṭha Sailiana lakah khan Sangluaia kha azam a ṭha a ni, Sailiana te kha pahnih ni mahse, Sangluaia khan chhete mahin hlauhna a neilo a, Khang ai a tampawh kha nise, Ka sawiuar nilo in, Sangluaia khan a hneh vek tho ang, Tuna kan Tumpangsial kah an beite chu hmuve ula mak inti zawk hialang, Mihringhi kha tiang khan a huaisen theih in, A lo ṭuanran theih a ni maw? tiin kan thlir tlawk tlawk mai a ni, Sangluaia chu henglaia kan Pasalṭha te hian a hnung pawh an zui zawh ka ringlo, Sahnu an chhuite chu thlun phelh ang par par hian a kala, Keingei pawhhi vawi duailo min nghak a ni, Tiin Sangluaia a hmuhdan zawng zawng chu a sawita a
.
Kamthanga chuan, Manzela hnen ah chuan, Manzel i thusawi zawng zawng chu mita i hmuh vek a ni a, Engmah rin hlelhtur kan neilo a ni, I chungah kan lawma, Tunah chuan kaltawh rawhle, Nak tuk varṭiana chhuak theiturin i in peih felvek dawn nia, an ti a, Manzela pawhin Lal hnenah chuan lawmthu hrilh in, Lalpa Sangluaia chu kan zingah a telve dawn a nih ngai chuan, A hnung zuitur in englai pawh in ka in peih a nia, Tiin Lal in chu a chhuah santa nghala, Sukliana chuan, Manzela sawiang kha a nih tak tak chuan, Awrhthanga khualehtui chu kan luh chhuah theingei dawne, Mahse Sangluaia hi kan chanpalh a nih hlauh chuan, Thangluaia chuan engtin tak ngai ang maw? Chu chuan a ni ka rilru kaptu zawk chu, an ti a, Kamthanga pawh in, A ni khawp mai, Khual thu thang aṭang hian, Thangluaia ropui ziahi kan hriatve tawk a ni a, Thangluaia chuan, Pasalṭha rual ringawt pawh khawkhat run tham a nei tiin an sawi ṭhina, Heihi thudik a nih ngai chuan, Thangluaia hmelma nih chu hlauhawm tham a nidawn a ni, Chu vangin tuna kan tihturah pawh hian Sangluaia hi tellose ka duha, Mahse mihuaisen tih takah a mah khan tlanchhiat atum dawnlo a ni, Hnartum mah ila kan hnar thei dawn chuanglo a ni, an ti a, Sukliana chuan, Sangluaia hi a chevel kan thlirhian, Mihuaisen leh tlawmngai tak a ni tih a hriat hliah hliah a, Kan zingah hian kei mahni ang chiaha kan en ve angai a ni, Tiin Val Upa te hnen ah pawh hrilhtur chuan thu tlukna siam in, Zante an rei chuan upa hochu an ṭinta hlawma
.
Khawfing an chata, Leilung arawn langṭan tih chuan Sangluaia chu tho chhuak nghalin, Zawlbuka Tlangval dangte chu an kaitho hlawma, Zawlbuk aṭang chuan chhuakin, A thlen inlam an pan nghala, A Silai te an lak hnu ah chuan Lal tualzawl lamchu pan nghalin, Lal tualzawl a thlen hian tumah hmuhtur an la awmlo a, Karlo ah chuan midang pawh rawn pung khawm nghalin, Val Upa te pawh an kim khawp mai, Khua alo vara, Leilung an lan chian meuh chuan, Lal leh upa te pawh leihkapui ah chuan rawn chuang chhuak in, Lal chuan, Tlangval kalve lotur te hming hanlam in, Tlangval sawmhnih laichu Awrhthanga khua pan chuan an kalve dawnlo a ni, Heihi eng emaw palh thuah Tlangval zawng zawng chhuah vekhi Lal hian a duhlo a ni, Lal Kamthanga chuan thu tlem han sawileh in, Thute an sawi zawh chuan, Val Upa Kaithanga hote chu Awrhthanga khawlam pan chuan an chhuak ta hlawma, Tuk ṭhuan ei an hun chuan Kaithanga hote chuan luite kam pakhat pawhin, Tah chuan tuk ṭhuan chu eiin, Muang changlo chuan tuk ṭhuan ei kham veleh ah chuan kalchhuak leh nghalin, Nilenga an kalhnu ah chuan kawng chanve aia thuihret kalin, Luite pakhat kamah chuan riahbuk sualin an in kulhta a ni, An ṭhathnem tham avangin an buai khawp maia, Riahbuk an hansual zawh meuh chuan khua pawhin thimlam pantawh in, Thimhmulah chuan zanriah chu an ei ta hlawma
.
Zanriah an han ei kham chuan, Val Upa te chuan reitak men phallo in, Kal chau an ni nen, Tin a tuk lama kawngthui tak la kaltur an ni nen, Zanrei menglo chuan an muta hlawma, Val Upa te chuan, Awrhthanga hote pawh rawnkal thut thei an nih avangin tiin, Hemi zan hian ralveng an indah a, Tlangval te chu ral vanga in din chhawk in, Khawvar lamah chuan Sangluaia pawh ralveng chuan a dingve a ni, He mizan hian engmah buaina an neilo a, Khua an var chuan hmatakah chuan tuk ṭhuantur relnghalin, Chumi tuk chuan hmatakah chuan tuk ṭhuan eiin, An tumram pan chuan an chhuak lehta nghala, Chawhnu herah chuan Val Upa Kaithanga chuan, Awrhthanga khua chu an hnaih tawh tih hria in, A naute hnen ah chuan, Khaile hei Awrhthanga khua chu hnaite a nitawh a, Khawdai lutuk ah chuan kan inkulh arem dawnloh avangin, Helai hmunah hian kan inkulh mai angai dawn a ni, Chu vangin he kawrte kamah hian riahbuk sual nghal ila, Zanriah pawh hmalama kan ei angai ang, an ti a, He tihlai hian Kaithanga chuan, Pasalṭha Suka leh, Kaia te chu koin, Sangluaia pawh an ko tela, Kaithanga chuan, Hei Awrhthanga khua chu kan hnaihta hlemaia, Zanin hian khua chu valut ula ka duh a ni, Thil awmdan te va thli thlai ula, Zanrei tak tak hmain in rawnkir lehdawn nia an ti a, Zinglam chawṭhing awm ang ang te chu barin, Sangluaia leh Suka leh Kaia te chu, Awrhthanga khawlam pan chuan an kalta nghala
.
A kawng chin hreber Kaia chuan hma hruaiin, Ni tlak hmahret chuan khawdai chu an thlengta a, Khawdai ah chuan khua chu nghak thimin, Thimhlim unau hmelhai velah chuan khua chu an lutta a, Khua an luh hian in ṭhendarh in, Leng hawn hun velah chuan, Khua an luhna hmuna in nghak khawmleh an ti a ni, Sangluaia chuan an kaldarh hma chuan, Awrhthanga chheh vel Lal te chu an zawt hlawma, Suka chuan Awrhthanga ramri te chu an mahni tih loh chu hrilh kualvek in, Chhak deuh ah khian Lal Kaizama a awm leh a, Midang chu an hladeuh tawh tiin an hrilh a, Ti chuan in ṭhendarh hlawmin Sangluaia chuan hmarlam a panta a, Sangluaia chuan kawt laia rawlthar pakhat hnen ah chuan, Vala in khuahi ka vawikhat rawn kalna niin, Ṭhianpawh ka neilo a, Tunge helai vengah hian nula hmelṭha deuh ang? tiin an zawta, Chu rawkthar chuan, An thlang deuhchu kawk in, Khulai in ah khuan zuk lengrawh, Nula Saipuii a awma, Tlangval hopawh an leng nasa ṭhin lutuk, Tunah pawh leng an awm ṭeuh ang, an ti a, Sangluaia chuan chu rawlthar chu a hming leh a pa hmingte zawtin, An hmingte an in hrilh hnu chuan, Lawmthu te an hrilha, Ti chuan Saipuii te inlam pan chuan a kalta a, Sangluaia chuan pawn aṭang chuan in chhung thawmchu han ngaithla vang vang in, An thawmah chuan Tlangval leng pawh an ṭhahnem a ni tih hriain, Leng lutve tur chuan luhkapui chu a rap kaita
.
Kawngka aṭang chuan, Lo len arem em? tiin an au a, In chhung aṭang chuan nula aw chuan, Lo lenglut rawh khai tiin an lo chhawna, Sangluaia chuan Tlengrel kawngka chu hanpawt tawlh in, In chhungah chuan a lutta a, In chhungah chuan Tlangval leng an lotam khawp maia, Nula chuan, Khalai arem laiah khan ṭhut hmun lorem vemai rawh, an rawnti a, Tap meieng ring an nih avangin, Mizo pa in chhung seiraih maiah chuan, Tapchhak lo lamchu lanpawh alang hlei theilo a ni, Nula chuan, Kan ṭhianpa chu khawilam aṭanga lo kalnge i nih le? Kan khuaah hian ka vanhmu ngailo che ve, an ti a, Sangluaia chuan, Nichin maikhan khuahi ka rawn lutve chauh a ni a, Kaizama khua aṭanga lokal kani a, He lamah hian nula hmelṭha a awm an ti a, Nula hmelṭha awmna lamchu zahpawh dawnlo in ka rawn panve rawih mai a nih hi, an ti a, He tihlai hian khawtual Tlangval te pawh rawnluh belh ve in, Sangluaia bulah chuan ṭhuthmun an rawn remve hlawma, Nula Saipuii chua Sangluaia te lamah chuan rawnṭhu pheiin, In lengte a ngah em avangin hmun laili lamdeuh ah chuan ṭhut hmun arem a ni, Sailuii inleng zinga upa ber chuan, Sangluaia hnen ah chuan, Tlangval nichin maikhan maw ilo thlenve? Kauzama khawlam kumin Buh leh Bal lamah in hausa em? Kan khua ah hian tu hnenah nge i rawn in nghaha? tiin an zawta, Sangluaia chuan chupa zawhna te chu chhangin, A thlen in chu Hrangkapa in ah a in nghah thute an sawia, Eng eng emaw an sawihnu ah chuan, Chung Tlangval te chuan an khaw chan chin chu sawi kaiin, An Lal thuleh hlate an ngaih chan mekthu chu an hansawi chhuak ta a
.
Chu tak maichu Sangluaia hriatduh tak a nih avangin, Sangluaia chuan, In thusawi chu kei khual hian kavan hrethiam love mawle, Han inzawt phawng phawng ila, Eng emaw buaina deuh in nei emni le? Khual kal chhuak leh maitur kani a, Hreve tlaka min ngailo a nih chuan, Ka hriat laia sawilo turah kan ngai ngawt che u a, Mahse hei hreve tlakah min ngai nge ka hriatlaiin insawi chu a nisi a, Han hriatzau deuh avan chak awm ve? tiin an zawt nawna, In leng zinga a upa ber chuan, Kan Tlangval chu ka rin aiin i beng avar daihmai a, Ni e, Nula rima lengṭheuh kan ni a, Ti ti ruallo chu a nuamlo e tiin, Chu Val Upa chuan, Ni e, Kan hmalawk khan Saitluang ramah kan Lal makpa chu, A ṭhianpa nen a ruang hmuh an ni a, An ruanghi sawi nuamlo takin an nghawng tansak ve ve an ni a, Ruang an hmuhna hmunvel ah hian inbeihna hnuhma tam tak hmuh a ni a, Kan Lal makpa Sailiana hi, Kan khuaah hian Pasalṭha kan chhuan vawrber a ni a, Tin a mah zuitu Tlangval pawhhi duailo tak niin, Kan Tlangval neih ah chuan kan chhuanvawr berchu a ni, An hnuhma kan hmuhdan ah, Mitam tak hnuhma a ni silo a, Anni pahnih awlsam taka thattu kha tunge a nih ang kan hretheilo a ni, Ruang kan chharna a ṭanga hla vaklo ah chuan Kamthanga mite ramchhuak chu hmuh an ni a, Heng mite hi kan Lal leh a upate chuan an rinber an ni a, Mahse Kamthanga mite zingah chuan, Sailiana te han that maithei turawm tumah an awm silo a, Chulai takchu a ni kan buaina chu, An hnuhma hmuh khan, Mitam hnuhma a nisilo a, Kamthanga hote khan amal chuan Sailiana te kha an khan dawnlo chiangsa a, Mahse kan Lal chuan Kamthanga hote thiltih a nih a ringber a, A chhan pawh ruang kan chharna hnaiha awm kan hmuh chhun an ni tlat a ni, Chu vangin kan Lal chuan Kamthanga naute thiltih a nih a rinber avangin, Zanin hian a upa te nen ro an reldawn a, Kan Lal ngaihdan hi a upa te chuan an pawmpui a nih chuan, Naktip mai khian Kamthanga khua chu kanpan kan ringhlawm a ni, Tiin Sangluaia chu an hrilha
.
Sangluaia chuan, A nih tak chu mawle aw, Chu nak tuk hian chhuah lehnghal ka tuma, Naktip hian Kamthanga khua chu pan intum chuan, Keichu ka kal chhuak hmandawn a nih chu, In buaina chu a zialo hlemai, Sailiana leh a nau chu tu thah takni ang mawle? a nih chuan mipui hian Lal ngaihdan chu in ṭawmpui deuh vek tihna emni? tiin an zawtleh a, Chupa chuan, Nie, Mipui hian Kamthanga mite thiltih bak a nih kan ringlo hlawma, Mipui ngaihdan chu a in ang deuh vek a ni, Chu vangin Lal leh upa te ṭhu khawm pawh hian, Kamthanga chu an puh vekin ka ring, An ruang kan chharna hmunah khan midang tumah hmuh an nilo a, Kamthanga mite chiah kha hmuh an ni a, Rin hlelh loh theih an nilo a ni, Tin Kamthanga te nen hian kan in ngeih lutuk lo nen, Kan Tlangval te phei chuan vawiin lam khan Kamthanga khua chu panmai an duhtawha, Mahse kan Lal hian chuti vut vut chu rem a tilo a, A upa te nena thu tlukna feltak siam pawt a duha ni, Sailiana te thihdan ah hian a unau te pawh an thinrim khawp maia, Kamthanga lakah hian phuba lak ngei pawh an tumruh hle a ni, an ti a, Chu tihlai chuan lenghaw Ar pawh rawn khuang ṭan in, Sangluaia chuan, A hriatduh ang angchu hretawha in ngaiin, Thil pakhat chiah latih a duh a ni, Sangluaia chuan, Khaile keini khualtan chuan len rei lutuk pawh, Mi ninte pawh kan hlawh palh ang e, Leng hawn Ar pawh arawn khuang tawh bawka, Ṭinzai kan reltawh ang e, Tiin arawn ding chhuak ta a, Nula Saipuii chuan, Khaih khaih a lahma alawm ṭinmai i tum tak, Hei kanla ti ti dawnalawm, an ti a, Sangluaia chuan, Vawiin ka kalchau deuh bawk nen, Engpawh nise ka lova ṭinphawt ange, Zawlbuk awmna lampawh hi ka hrelo a, Zawlbuk lam panpui remchang awmse ka vanti em, an ti a
.
In leng zinga Tlangval pahnih te chuan, Keini pawh kan ṭindawn alawm, Kan kalho dawn nia, Tiin an rawnding chhuak venghala, Sangluaia te chu an nula rimna aṭang chuan chhuak in, Tlangval pahnihte nen chuan Zawlbuk lamchuan panta a, Zawlbuk an vathlen hian Tlangval dangte pawh an lo awm nualtawh a ni, Sangluaia chuan Zawlbuk velchu ngun taka chik in, A chheh velte chu ngun tak chuan an en kuala, A duhtawka a chik kualhnu chuan, A thlen inlama theih nghilh a neih chhuanlam chuan, Zawlbuk chu a chhuah santa a, Sangluaia chuan, A ṭhiante nen in hmuh lehna an sawina lamchu pan nghalin, Engmah harsatna neilo chuan a va thlengta a, Suka leh Kaia te chuan Sangluaia chu longhak reng tawhin, Anlo bei dawng hman ṭeptawh a ni, An han inhmu chu an hlimtlang khawp mai, Zanrei lutuk hma chuan an riahbuk lamchu an panta nghala, An riahbuk an vathlen hian, An Val Upa te hnen ah chuan engkim hrilh in, Suka leh Kaia te chuan khawluh khan ṭha an hmuh thute chu hrilhin, Sangluaia chuan, Lal Kamthanga chunga an ngaihdan a hriatte chu hrilh in, Naktip mai hian Kamthanga khawlam pana thawh chhuah an tumthu tepawh hrilh in, Val Upa Kaithanga chuan, Chet an lak hmangeia chet kan lak angai a nih chu, Sangluai tidaih ila relbei hian ipa hnung i zui thu hi hriattur sawi a awm zeuh zeuh a, Chu thu chu thu dik a ni reng em? I pa nen khan ral relthiam tak niin an sawi che u a, Hei kan dinhmun chu i hriat vekhi tiin an zawt a, Sangluaia chuan, Eng emaw chang chuan zuive ṭhine, Mahse kapa anga ral rel thiamchu ka nilo, Kapa chu eng kawngah mah ka tluk lo a ni, tiin an chhanga
.
Kaithanga chuan, A nih Sangluai tileh ṭhin ila, Awrhthanga chuan kan Lal Kamthanga hnena palai tirh a tum thu sawi a awm hranlo a ni maw? a makpa thihna ah chuan, Palai rawn tirh tum hranlo in, Kei mahni min ring nghal tihna a ni ang maw? tiin an zawta, Sangluaia chuan, Tlangkam ka hriat aṭang kha chuan, Awrhthanga chuan, Engmah thudik hriat hmasak a tumlo a nih hmel, Ni e, A makpa kha ka thah chu a ni ngeimai, Mahse an ni khan ka thiltih kha tilo theilo in min siamve a ni, Ka duh dan a ni bik miahlo, Peh helpawh ka tumve a ni, Mahse an ni khan min thamlo in, An chunga hriamhrei lek tur khan min nawrlui niberin ka hria, an ti a, Val Upa Kaithanga chuan, Sangluai engkim kan hreveka, Sailiana te kha an thiamlo liau liau a, Nangmah ah chuan engmah demna tur i awmlo a nia, Chu vangin in thlahrun reng reng loh tur, Tunhma aṭang hrim hrim in Awrhthanga leh a mite hian min hmusit em em ṭhina, Vawili ngawt mai kan ramchhuak hi min umhaw tawha, Chungah pawh chuan kan Lal Kamthanga hi a tlawm zawkah ṭangzel in, Thu lehhla engmah a nei duh ngailo a, Mahse tun ṭumchu em em a a ti tawh a ni, Engpawh nise Sangluai, Eng tianga Awrhthanga khua chu han luhchilh chinge mawni dawnle, Enge i ngaihdan ni reng reng le aw? tiin an zawta, Sangluaia chuan, Val Upa in awma, Val Upa ten ṭha in tih dan dan kha keini chuan kan pawme, Mahse minhan zawh tak ah chuan, Khaw luhkhan awm dan aṭangin, Hmunthuma in ṭhena, Hmunkhat chhimlam aṭanga luh a, Hmunkhat hmarlam aṭanga lut in, Hmunkhat leh chu tuna kan kalna aṭang hian luha, Tuna kan kalna te hian Zawlbuk pan nise a ṭhain ka ring, an ti a, Kaithanga chuan, Sangluai i rawtna chu a ṭha khawp ang, Zawlbuk kha Tlangval awm khawmna a nih avangin, Zing an thawh hma ngei ngei a luh chilh an ngai a ni, Zawlbuk kan hup chhung hian, Midang khan hmundang an lo hneh hman dawna, Sangluai i rawtna chu a felfaiin, Chu tiang ngei chuan Awrhthanga khua chu kan luh chilh dawn nia, an ti a, Sangluaia pawh chuan, Zawlbuk huptur hian Tlangval rual ṭhahnem deuhse, Zawlbuk ber hneh a nih chuan, A dangchu a harsa dawnlo a ni, an lo tive a, Val Upa Kaithanga chuan, Sangluai i rawtna chu a ṭha lutuk e, I sawi ang chuan Awrhthanga khua chu kan hup dawn nia, Hei zante pawh a reilam tawha, Nak tuk ah hmabak lianpui in min nghah kha, Mutzai te pawh kan relve tawh dawn lawmni? Hmatak ah thawh kan ngaih kha, Tiin Sangluaia leh Kaithanga te chuan, Mutzai chu an relve ta a
.
Awrhthanga leh a upa te pawh kulmuk taka ro relin, Awrhthanga upa min Kailuta chuan, Kan Pasalṭha te kut thlak tu hi, Kamthanga hote bak niin alanglo a ni, Saitluang ngawpui hi, An ni leh keini bak lut kan awm ngailo a, Kan chheh velte tan hian a hlattham avang hian, Tumah rawn tlawhtu kan nei ngailo a, Chu tiang a nih chuan Kamthanga mite rawn ramchhuak ho kha rinhlelh ber tur an nita a, An niho kut aṭang bak khan kan Pasalṭha te pahnih hi kan hloh theilo a ni, Khuate lovarse, Tlangval rualte khawm ila, Kamthanga khua hi runmai ṭhain ka hria a ni, an ti a, Lal Awrhthanga pawh in, Ka ngaihdan chiah a ni, Kan upa min hian ka ngaihdan chiah arawn sawi chhuak a ni, Chat kan lakvat hi angaia, Tuna thil thlenghi kan ngawihsan mai mai chuan, Kamthanga mite hi kan chungah hian an pawng pawrh tulh tulh dawna, Saitluang rama an rawn vakve umhaw zeltura ka tihna chhan pawhhi, Kan chunga an pawng pawrh zel lohna tura ka duh vang a ni a, Mahse hei vawiin hian ka makpa lu chu min lak sak ngamta a, Kamthanga leh a mite hi kan rapbet rengtur a ni, Kan ramri depa Lal dangte hi chuan, An chunga lengah min ngaih vek avangin, Pal en ah hian min enlo hrim hrim a, Kamthanga chiahhi a ni kan kawng mindal theitu chu, A khualehtui hi kan chhut chhiat vat angai a ni, Upa min sawiang khan, Nak tuk maihian kan Pasal,ha te leh, Kan Tlangval rualte khawm ila, Tuk ṭhuan ei kham veleh Kamthanga khawlam pana chhuah nghalmai hi ka duh a ni, Ka upa te pawhin thilawm ziate in hrevek a, Zanin a ka thusawihi enge in ngaihdan te sawi ula, Kan chunga thil thlenghi kan ngawihbo puimai chuan, Karlo ah hian Kamthanga hian min rawn mai ang tihpawh hi ka hlau hlello a ni, an ti a, A upa te pawh chuan an Lal thusawi chu hnialchi ah pawh ngailo in, Kamtjanga khaw runchu an duh dan vek a ni zawk a ni, Chumi zan chuan Awrhthanga leh a upa te chuan, Palai tirlo a Kamthanga khua runmai chu an rel tluta a, Zanrei lutuk menglo chuan, Lenghawn Ar khuan hnuah chuan an ṭinta hlawm a ni
.
Awrhthanga leh a upa te hian, Thihna leh lung ngaihna chhumpui chuan arawn hualmek a ni tihreng hrelo in, Kamthanga chu run ngeitum chuan thu tlukna siamin, Chu tihmek lai chuan, Lung ngaihna chhumpui chuan rawn tuam mekin, Thihna leh thisen chhuahna rapthlak chuan arawn pan meksi a, Zan alo ni a, Nunau leh Tlangval rualte pawhin, An hma maia thihna rapthlak lo thlengtur chu engmah hrelo in, Tlangval te pawhin nula te hlimtaka rimin, Nula tam zawkte chuan, An lawmpa te leh, An hmangaih ngawih ngawih Tlangval te chu, Khawvar chimawm tak rawnher chhuak turah chuan, An chan dawn a ni tihreng hrelo in, Hlim taka in kawmin, Hemi zanpawh hian an nui bawk bawk maia, Tlangval tamzawk pawhin, A tuk maia an tuallaia thisen luang tur chu engmah hribik loin, An nun na chuan mual aliam tawh dawn a ni tih reng hrelo in, An lawmnu te run chhung belin, An lawmnu te chu vaihlo te zialtir in, An lawmnu te vaihlo an zialtir chu, an bahsam ngeiin an ṭawnsak dah lawngmaw ti a beisei nei taka vaihlo te chu zialtir in, Tlangval rualte chuan an vangkhaw mawitu lanu rualte chu an ṭhut hual ṭuih mai a ni, Zante an reilam chuan, Tlangval latuai deuhte leh, Beisei tur nei velo Tlangval rualte chuan, Zawlbuk lampan hlawmin, Fiamthu thiamte chuan fiamthu han thawhin, Zawlbuk chhungah chuan an nui dur dur maia, Tlangval rual nuiri chu chappui kang ang mai chuan a ri hluah hluah mai a, Tlangval ṭhenkhat te chuan, An ṭhiante lengve an han ṭinhnu chuan, An tawihnu te lakah chuan beisei nei tak chunga ṭhufual luiin, Chung nula fel tak tak te chuan, An hmangaih Tlangval te beisei chu hrereng mahse, Sihhnip taka tumah awm duhlo in, An hmangaih ngawih ngawih Tlangval te hmaah chuan chetsual chu an tum reng reng lo a ni, Chung nula te chuan, An khua chu thihna in rawn tuamin, Thihna rapthlak tak mai chuan, An hmangaih Tlangval te chu arawn man mek a ni tihchu han hrengat seng zawng, An rilru khauh lutuk te chu nem in, An hmangaih Tlangval te hnenah chuan, Ka marphuhi atawpa, Ka taksa hian piallei runthim abelh hmaloh zawng, I tan chauh ka nungzel nang nge tiin, An hmangaih Tlangval te tan chuan, An thianghlimna chu an hlanphal ngei ang le, Mahse an hriat lohna chuan, An hmangaih te tan chauh invawn thianghlim zeltum in, Chu zanthim chhah leh, Thihna rapthlak tak loher chhuak tur chuan, lungchhirna mittui arawn her chhuahpui dawn tihreng an hresi lo, Naupang rualte pawh hlimtaka tualchaiin, Zandang ang tho chuan, In tirahmeikai in engmah eng nghel dang reng reng neilo chuan an ri luih luih mai a ni, An tualchaina vaivut khute chuan par a chhuang theiang tih khawp chuan, Vaivut khuchu vanlam ah chuan a in zialchhu mup mup maia ni
.
Zanrei lam an rawn her chhuah meuh chuan, Tlangval te pawh hreh tak chung chuan chu zanthim chuan, Anmit chhing hlentawh tura an riahna Zawlbuk lamah chuan tirhaw in, Heng Tlangval te hian, Ka muhil hi ka harh chhuak tawh dawnlo a ni tih hre reng reng loin, Zawlbuk lamchu hlimtak chuan an pan hlawma, Tlangval rualte an han hawkim meuh chuan, Zawlbuk chhungah chuan ri luih luih in, Heng Tlangval hlim tak tak te hian, A tuk khaweng chu ka hmuleh tawh dawnlo a ni tihreng hrelo chuan, A tuka an tawihnu te hmuhleh hlan nghak hlel rilru reng reng in, An ṭhiante fiamthu thawhna ah chuan an nuive bawk bawk mai a ni, Naupang tualchai te pawhin ṭinzai reltawh hlawmin, Chumi zana hlimtaka tualchai hochu an damchhungin chu tianga hlimho chuan, Vawikhat mah an tualchai holeh tawh dawnlo a ni tih reng reng ngaihtuah phalo chuan, Ṭindialah ṭindialah tiin an ri luih luih maia, Naupang tualchai an han ṭinmeuh chuan, Chu Awrhthanga khaw tuallai chu reh nghal tlawk tlawk in, Chu zanthim chhah leh thihna rapthlak tak mai chuan, Chu khua chu rukru ang maia zanthim hnuaiah chuan rawn tuamin, Thihna rapthlak tak mai chuan arawn tuam ṭantasi a, Sihal te chuan, Chu khua chu rundarh vek a nidawn a ni tih hria ni awm tak mai hian, Khawdai lawk lawk ah chuan an u ruah ruah maihlawma, Zanchu rawn reizelin, Khuan hmasa pawh arawn khuang ṭanta, Awrhthanga khua chu zinglam khawvar chuan rawn tuamṭan in, Khawfing pawh arawn chatta, Khawfing an chata, Leilung alang thei ṭanta tih ah chuan, Zawlbuk lamah chuan, Chu khaw mite tana hriat rengtur Chengrang chu a au chhuak ta, Silai puak ṭhuai thawmah chuan, Zawlbuk chhunga Tlangval te chu rawn thawh chhuah tumin, An rawnṭhu chhuak nghala, Mahse chung Tlangval te chuan, An nun khaw tawpna tur Zawlbuk bawhbela, Silai in tlar therfur maichu an rawn hmachhawn ta hlawmsi, Silai chu a bairal hmawra meialh chhuak zuai zuai chuan a puakta ṭhuai ṭhuai maile, Zawlbuk chhunga Tlangval te chu an rakta ṭhawt ṭhawt maia, Zawlbuk kawta CVal Upa Kaizinga chuan, Tlangval te u tumah kha zuah suh u, An vaikhat thah vektur ti a a naute chu au in, Tlangval Zawlbuk bawhnela Silai humte chuan, An kah ruah chu an hnunga Tlangval dang dingte chu rawnpe zelin, Chung Tlangval dingte chuan zenleh a mu rang taka lo thun zelin, Silai chu a puak ṭhuai ṭhuai maia, Awrhthanga khua chu ṭap leh rum thawm chuan a khat zota
.
Hmun tinah chuan ral ral ti a au hriattur awm in, Chhimlam vengah pawh chuan Silai chu a puak ta ṭhuai ṭhuai maile, Hmuanda pawh tlinglo ah chuan, Hmarlam ah pawh chuan Silai chu a puak ta ṭhuai ṭhuai mai, Nunau mangang thlabar au rawlchu hmuntin ah chuan hriattur awm in, Hmarlam khawhmawr aṭang chuan in kang chu arawn chhuak ta, Awrhthanga khaw Val Upa hopawh mahni khaw chhan tura rawnpen chhuak in, Mahni nupui fanau pawh ngaihtuah hmanlo chuan, An khualehtui chhantur chuan huaisen tak chuan an rawnpen chhuak hlawma, Val Upa rualte chu ṭhahnem tham viau mahse, Khaw chakna ber Tlangval rual riahna zawlbuk chu haldarh niin, A chhunga Tlangval rualte chu kah hlum vek an nita si, Val Upa rualte chuan theih tawp han chhuah mahse, Engkim ruahman felsa thlap leh, An muhil lai rawn ṭhawng an nih avang chuan, Awrhthanga Val Upa rualte chu ṭangrualve hmanlo in, Khawlai ah chuan an hmelmate chuan an thal tawp tawp maia, Kamthanga mite chuan in techu hal zelin, Awrhthanga khua leh a chheh velchu in kang meipui chuan a en pum mai a ni, Khawlaiah chuan thisen chu aluang zeih zuih maia, Tumah inbawihsawm hman awmlo in, Nanau te chu an ṭap ri chuah chuah maia, Val Upa Kaithanga leh a naute, Hun reitak aṭanga Awrhthanga laka phuba lak chak tawhte sulhnu chu hmuh a rapthlak in, Tumah dimreng an neilo a ni, Khawlaiah chuan naupang tlan navturlam hrelo, An nu ten an hloh tawhsi te chu an ṭap teng tung maia, An nute an han au a, Meipui ri hum hum leh, Dichum kang puak ri ṭhuai ṭhuai karah chuan, Chung naupang te auh na chu an nute chuan an hrephak tawhsi lo, Naupang tam tak chu chhantu leh, Bawih sawmtu ngaiin an rum vawng vawng mai a ni
.
Sangluaia chuan zawlbuk aṭang chuan, Chhimlam vengchu pan nghalin, Chhimlam veng a va thlenhian in te chu alo kang nasa tawh em em maia, Tuallai ah chuan rawlthar rualte chuan an naute chu lo buaipui in, An mahni tawk tawk chuan an lobuai em em mai hlawma, Val Upa te chuan Kaithanganaite chu theih tawpa lodan tumin, Chulai hmunah chuan in beihna nasa tak chu a thlengmek a ni, Sangluaia chuan chung in beihna karah chuan Manlian tiin an au a, Sangluaia dinglai chu pakhat hian rawnpan in, Nang ral chimawm tihrawh tiin an rawnsata, Sangluaia chuan a mah sattu chu tawlsawn san in, Chupa chuan an rawnbawh chilh leh nghala, Sangluai kut dinglama chumpui hriam lutuk chu thlawk chhuak venghalin, Chupa nghawng chu a chhim nghal hmawk maia, Sangluaia chu rang taka tlansawn in, Manlian tiin an au leha, Mahse Sangluaia koh chuan rawn chhawn tihreng a awm theilo, Chhimlam ah chuan Val Upa rual an lo tam tham avangin, In beihna chu a nasa em em maia, Sangluaia pawh chuan theih tawp chhuah in, Ral pali ngawt chu a that ta, In beihna laichu tlansan in, Manlian tiin au au leha, Beidawn tawh aruai ah, Manliana chu rawn eih hlauh in, Sangluaia chuan, Kabulah hian lo kalrawh, Khawnge i chhungte? tiin an zawta, Manliana chu Sangluaia bulah chuan rawntlan nghalin, Manliana chuan, Ka chhungte chu khulai hmunhim ah khuan an awm, Tiin a chhungte awmna chu Sangluaia chu an kawh hmuh a, Sangluaia chuan, Kalrawh i chhungte awmna lamah chuan kalang tiin, Manliana chhungte awmna lamah chuan an tlanta nghala, Manliana chhungte awmna an zuk thlen chuan, Sangluaia chuan, Manlian tunah hian helai hmunhi chhuah san ula, Ngawpui hnuaiah tlanchhe rawh u, an ti a, Manlianapa chuan, Khawilam minge in nih? eng vanga min rawnrun nge in nih? tiin Sangluaia chu an zawta
.
Sangluaia chuan, Kapu chu tiang inchhan hman a nilo, I nupui leh fate hi hruaila, Ngawpui lampan rawhu an ti a, He tihlai hian Val Upa Kaithanga naute ṭhenkhat chuan, Sangluaia te awmna laichu rawn thleng thlain, Manliana leh a chhungte chu thah an rawn tuma, Sangluaia chuan chung mite chu lodang hram hram in, Hemi te chhungkua hichu kut inthlak theilo ang, Nizan maipawha min ṭanpui tu te an nih hi an ti a, Sangluaia chuan, Kapu tlanchhe rawh u khai, Rei tak kan indang theilo ang, an tileh a, Manlianapa chuan a chhungte hnenah chuan, Tirawhu khai Tlangval sawiang hian ngawpui hnuai lam i pan ang u khai tiin, Manliana leh a chhungte chuan, Ngawpui chhung lamchu an panta a, Sangluaia chuan thlirliam in, An tlanliam hnu chuan khuaah chuan lut leh in, In kang khu vung vung karah chuan Sangluaia chu an hawivela, Val Upa Kaithanga naute chetdan ah chuan alung awi theilo a ni, Nu nau chungah an ṭuan nasa em em a, Tuallai ah chuan naupang ruang hmuh tur alet pheng phung maia, Tin Val Upa karah chuan nu naupawm ruang hmuh tur an awm bawka, Chung pawisawilo ruang an hmuh chuan Sangluaia rilru chu a na ngawih ngawih mai a ni, Mahse tih theih engmah a nei tawhlo a, Siam ṭhat leh theih pawh a ni tawhlo a ni, In beihna zualpui chu zotawh in, Tuallai ah chuan ruang chu a let pheng phung maia, Thisen chu hmuntin hmuntang ah chuan luang ngei nguaiin, Hliam ṭanpui ngaite chu rum vawng vawng ṭanpui tu au in, Na tuar rum thawmchu hmuntin hmun tangah chuan hriattur a awm a ni, Sangluaia kalna lamah chuan hliam pakhat, A ban veilam chhum leh, A ban dinglam ruh tliak uai hnung maichu lo awm in, Chupa chuan Sangluaia an hmuh chuan, I hmelma pawh ni ila khawngaih takin ka nupui fanau te kha min humsak hram ang che aw, Tiin an rawn ngena, Sangluaia chu chupa awmna bulah chuan kala, Chupa chu bawihsawm nghalin, A hnunglam aṭang chuan, Sangluai khapa kha bawih sawmlo in, That nghal rawh rawnti hi an awma, Chu ṭawngkam chuan Sangluaia thinchu a kheita zarmai le, Heti khawpa hliampui tuar in, A nupui fanau te hum tura an rawndil lawm lawm mai hian, Sangluaia thinlung khauhtak maichu hneh em em in, Tumah hi in that tawhlo ang, Ti a ding chhuakin, Sangluaia chuan a hnung lama rawn autu lamchu a hawive sak maile
.
.
DUHTAWK RIHLEH PHAWT ANG U AW
REMCHAN VELEH KAN CHHUN ZAWMLEH DAWN NIA
.
Hman hmawhlo in minlo nghak hram hram ṭhin dawn nia
.
.
[Lalzirliana Tochhawng] [Champhai Tlangsam]

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 15th, 2019, 9:41 pm

................ PASALṬHA THANGLUAIA (236) ...............
.
.
Sangluaia hmaah chuan, Kamthanga Tlangval pali laite chu lo dingin, A upa ber chuan, Nichin mai khan chhungkaw pakhat i tlanchhuah tir tawha, Tunah kha kha laia hliam awm rengkha bawihsawm leh i tum a ni maw? vawiina i chetdan zawng zawng hi ral laka chetdan tur a nilo, Hei hi Kamthanga leh a Pasalṭha rualte thiltih a nih hi, an rawnti a, Sangluaia chuan, I thusawi zawng zawng kha a dik a ni, Kamthanga mite thiltih a nih hi ka zep miahlo e, Mahse in thiltih hi han en teh u, Nu nau pawisawilo tam tak ten nun na an chan mek hi, Heng nunau te suattur hian emni in thawh chhuah? helaia mihi han en ta che, Ban lehlam pawh a nei tawhlo a, A ban neih chhun lahhi hman theih pawh a nih loh hi, He tiang khawpa hliampui tuar chingah hian ila duh tawklo ang maw? chhungkaw pakhat ka tawlh liamtir kha i hrechianglo a ni, He khua i luh theih nana min ṭanpuitu te an nih kha, Khang mite chunga ka thiltih kha i lo natpui a maw? heng hliampui tuarte leh, Nunau te lakah hi chuan in kut in lek theilo ang, an ti a
.
A hma a dingpa chuan, Sangluai tunge i nih chu ka hria e, Keipawh hi Kamthanga upa fapa kanih hi, Ka kawnghi mindal reng reng suh, Kha hliampui tuarpa lu kha kala ngei anga, I ngam a nih chuan minlo dang chhin dawn nia, an ti a, He tihlai hian ralho chu an thih zawh deuhvek tawh avangin, Sangluaia leh Kamthanga upa fapa inhnial hi rawnhmu hlawmin, An rawnbial tuau tuau maia, Kamthanga Tlangval te hian, Ṭhenkhat in Sangluaia an thiama, Ṭhenkhatin upa fapa an ṭan bawk a, Chu tia khawlaia bialta tuau tuau chu Val Upa Kaithanga te pawhin rawnhmu in, Chung Tlangval in hawrkhawmna hmun ah chuan rang tak chuan an rawntlan pheive nghala, Val Upa te an rawn thlena, Thilawm dante an han hmuh chuan, Kaithanga chuan an upa fapa Kailinga hnen ah chuan, Kailing eng thilnge nita ngai? tiin an rawn zawta, Manzela te ṭhianho pawh rawn thlengve nghalin, Manzela chuan, Sangluai enge thilawm zia hi? he tianga lamṭang in tih buaihi a va fello ve, an rawnti ve a, Kailinga chuan, Kaithanga zawhna chu chhangin, In Tlangval hruai hian ka kawng mindal a ni, Ral lu ka lakna tur mindal a nih hi, an ti a, Kaithanga chuan, Sangluai a thusawi chu a dik em? ti a zawtve nghalin, Sangluaia lamchu an rawnpan nghala
.
Sangluaia thinlung chu a nat em avangin, Chungho karah chuan engmah zep a tumbik lo a ni, Chung rawn pung khawmho te hmaah chuan, Vawiina kan thiltih hi thilpawi tak a ni, Nunau chunga kan thiltih hi thilṭhalo tak a nih hi, He tiang chiah hian miten inchung ah rawhti vese, In nupui in fanau te dimnatel miahlo in rawn suatve tase, Nangni hian in kuang kuah chungin in thlirliam thei angem? tu rilru ngena anga, Tu thinlung nge ṭap ang? vawiin ah hian in rallu lakna hi ka dal awm ka hrelo a, Hliampui tuar engmah ti theilo te lu hi enge lak a ṭulna? mahni pawh in bawihsawm thei tawhlo te nghawng tansak hi enge a ropui na? Nunau hmeichhia te suat hi Pasalṭha te tihtur a ni em? In anpui te rallu chu lata che u, Ka hnunga mihi mahni pawhin a in bawihsawm thei tawhlo a, He hliampui tuar hian a nupui fanau te chunga zahngai turin min ngena, A ni hi eng vanga thah kherngai nge a nih na chhan? dam chhuak leh pawh nise ramtui leilo a nih tawh hi, A nupui fanau te chawbarh ngaiin a damchhung a hmang tawh dawna, Heihi chhete pawhin lainatna in neilo emni? hmeichhia, Naupang engmah hrelote suat hi huaisenna ah in ngai emni? Pasalṭha huaisen chuan, Hmeichhia leh hliampui tuar nilo in, A anpui mipa a hmachhawn tur a ni, Tiin an sawia, Val Upa Kaithanga pawhin Sangluaia thusawi chu dik tiin, Sangluaia thusawi chu an rawn tuihnih saka
.
Pung khawmte hmaah chuan, Keipawh in kan chatdan hi a felhlel kati a ni, He tianga nunau te chunga kan ṭuanvak maihi kan Lal pawh alawm ka ring hauhlo a ni, Tin Sangluaia thusawi ang khan, Min hliampui a tuara, Zahngaih mindil a nih chuan, Kan hmelma lianber pawhni mahse, A chungah zah kan ngaitur a ni, Chumi nilo a, Hliampui tuar engmah ti thei tawhlo te chunga rawng taka kanche zeldawn a nih chuan, Keihi inlak aṭang hian ka ralbang ang, Sangluaia thusawi kha kan zawmtur a ni, Tin tumah salpawh kan hruai hawtur a nilo, Awrhthanga khuachu hei kan hmuh angin, In leh loding pawh a awm tawhlo a ni a, Tin nunau kanlo suat nasa bawk nen, An Tlangval te kan thahsak vek bawka, Heng hmeichhia te leh, Mipa la damte hian he khuahi an dinṭha lehtur a ni, Chimih vekhi thilṭha a ni ngailo e, Chu vangin tuna in ralthah ho lu kha la ula, Heng mite bakhi tumah kan thah belhtawh tur a nilo, Ka thusawi awihlo tu chuan keimah ngeihi min hmachhawn angai ang, Khaile ṭindarh tawh ula, In ralthah lu ṭheuh kha lain, He khua aṭang hian kan in thiarfihlim tawh ang, an ti a, Tlangvalte pawh an Val Upa thusawi ang chuan, Chulai hmunchu an ṭinsan ta hlawma, Kailinga leh a naute pawhin Kaithanga thusawi chu an hnialngam tak loh avangin, Sangluaia chu rum taka melh chung chuan, Chulai hmunchu an kalsan veta a
.
Sangluaia chuan a hnunga hliampui tuarchu bawihsawm nghalin, A ban veilam chhum chu ṭha taka tuamsak in, A ban dinglam ruh tliakchu ṭha taka ṭhemte dawhsak in, Chupa chuan, Nang anga mihringṭha hi kala hmulo a ni, Ral pawh nila i chungah hi chuan englai mahin hriamhrei ka lek ngailo ang, Ka damchhing hian ka theihnghilh tawhlo ang che, Nangmah vanga nun neileh kani si a, an ti a, Sangluaia chuan, Miṭha kani biklo a nia, Mahse ṭanpui i ngaih avangin ka ṭanpui maiche a nih hi, Rang takin i rawnṭha chhuak lehdawn nia, Tiin a kalsan veta a, Val Upa Kaithanga leh a hote chuan, Awrhthanga khua chu chhuahsan tura in puahchah mekin, An ral thah lu ṭheuh chu Tlangval te chuan lain, An khaifur mai hlawma, Pasalṭha ral that hnemte chuan an rallu lak chu khai senglo chuan, An ral thah luvun chu an chempui chuan zaihik thlain, Chung ral luvun chu an ak ṭeuh maia, Kaithanga chuan, Khaile kan hliamtuar te kha Tlangval te khan han zawt ula, Khawlam ipan tawh ang u aw, an ti a, Kamthanga Tlangval rualte leh Pasalṭha te chuan, An rammutna ah chuan hlawhtling zawkah ṭangin, Rilru hlimtak leh, In chhuang tak chung chuan Awrhthanga khua chu an chhuah santa hlawma, Hmuanda awm zet an kalhnu chuan, Sangluaia chu hawilet in, Awrhthanga khaw kang khu vung vung maichu an thlir vang vang maia, Zawisap hian, Khawthar in kaivat dawn nia tiin an phinsapa, A ṭhiante hnungzui chuan a kalve lehta nghala
.
Zanli an liam meuh chuan, Kamthanga leh a upa te pawh chuan, An Pasalṭha te rammua chhuak chu an ngaihtuah rutawh khawp mai, Zanli ngawt chan chin hretawhlo a an awm avangin, An ngaih pawh angam chiah tawhbik lo a ni, He mini hian nilenga Lal leh a upa te chu ṭhu khawmin, Lal in ah chuan an Pasalṭha rammute chan chin chu an sawiho laih laih maia, Zanriah ei te an hun chuan, Zanriah ei tura ṭinhlawm in, Upa te chuan zanriah te an han eia, Lalinlam panleh in, Lenglen an rawn hun chhoh meuh chuan, Lal Kamthanga leh a khaw mupui te chuan kawtchhuah lamah chuan thawm an hreta, Kawt chhuah lama thawm arawn chhuah chiah hian, Tlangval nula rima chhuak hmasa te pawh tlanhaw nghalin, Tlangval rammua chhuak velo te chuan zawlbuk lam pana tlankhawm nghalin, Silai chu an lawnta nghal un un maia, Kawtchhuah lamah pawh thawm a ṭhata khawp mai, Silai chu a puak ṭhuai ṭhuai maia, Bawhhla chham thawmlah hriattur awm in, Tlangval rualte chu an kuk ruih ruih maia, Khawchhunga mipui te pawhin an Pasalṭha rammu te chu hlawhtling takin an rawn haw a ni tih hriain, Nula te pawh chuan, Tlangval rammu lo haw an duhsak zawngte lovan tur Arkeziak te chu buaipui nghalin, Upa hopawh khawlai ah chuan an rawn chhuak khawm nghala, Upa hote chuan Lal tualah chuan meipui chhep eng hluah in, Zawlbuk lamah pawh Tlangval ho chuan Silai te kap in, An ri teng tung maia, Rammu ho hlawh tling taka an rawnhaw avangin, Khua a Tlangval rualte chuan Zawlbuk ah chuan theih tawp an lo chhuah ve a ni
.
Khua a mipui lampawh in kawtchhuah lama rammu te thawm an han hriat khan, An thinlung chu hlimna leh lawmna a khat in, An sahawk nasa em em maia, Kawtchhuah lama mite chuan, Silai chu a khat tawka kap puak un un in, Bawhhla te an chham ruah ruah maia, Zante an reia nunau an hanmut chuan, Tualah chuan upa hopawh awmtual aiin an ṭhu ṭhup mai bawka, Kamthanga khuate chu an hlimtlang khawp mai, Khawfing an chata leilung an rawn langṭan tih chuan, Kawtchhuah lama mihrang valrualte chuan Silai te chu lawn un un in, Bawhhla te chu uar tak chuan an han chhama, Chu thawmah chuan khawchhung mite chuan, Kan mihrang vala ten khua an rawnlut dawnta tih hria in, An tho sung sung maia, Nula te pawhin zankhua maia an buaipui, An duh zawngte bantur an Arkeziak te chu keng chhuak in, Kawtchhuah lampan chuan an tlan sung sung maia, Upa rual awmtual ai tlaivar te pawh kawtchhuah lamchu panve in, Zawlbuk lama Tlangval te pawhin Silai chu an kappuak ṭhuai ṭhuai maia, Rammu te chuan khua chu rawnlut ta in, A lo hmuaktu mipui nen chuan an han intawng ta a, Kamthanga mipui te leh, A mihrang rualte intawng chu an hlimin an lawm tlang khawp mai, Nula te chuan an duhsak zawngte leh, Mihrang valrualte chu, An banah te, An nghawng ah te, An ngalrek chen chuan, An arkeziak ken chu an banta noh noh maia
.
Tin Lalnu leh a fanu te leh, Miṭha nula te chuan, An duhsak zawngte chu arkeziak mai nilo in, Ṭhihna te, Ṭhimal te, Ṭhifen te lo ban in, Lal fanu Ralkaii te unau pawh chuan, Ṭhihna leh Ṭhimai mai bakah, Ṭhifen chu Sangluaia nghawngah chuan an bansak ve a, Hengte an zawh hian, Rallak thilte chu an chhungte ṭheuh chuan lo lak chhawk in, Chung rallak thilte chu, Chempui te, Darkhuang te, Ral beihna Fei te, Silai te a ni hlawma, Chutia hlimtaka an in hmuh khawm luih luih chu ṭindarh hlawmin, Rallu la ho chuan, An in an luh hma chuan bawhhla an han chhama, An milu lak chu pumah chuan dahin, Tuk ṭhuan ei khama Lal muala an chhuah khawmleh huna keleh tur chuan an dah a ni, Tuk ṭhuan ei khamah chuan rammu rualte chu Lal tualzawl lampan leh in, Feh rehsan velbawr an ni chho a, Mipui te pawh rawnpung khawmin, Mihrang muallam turin an rawn chhuak khawmleh luih luih maia, Mihrang vala te chuan, An thawmhnaw ṭha ber ber rawnha chhuak in, Funki leh ipte te tak te, paitung leh tawngkawla leh pailung dah khawmna ak in, Kawlhnam chhawndawl hrukin emaw, Ngen chiin an han tawna, Arkeziak an ban zawng zawng kha rawn ban chhuak leh vekin, Tuirual an rawn tawn chhuak bawka, Zawngchal neite chuan rawn tawn chhuak bawkin, Ral siala lo ai tawhte chuan, Vapual changte rawn tawnin, Silai a mu awmlo an rawnpu chhuak bawka, Tin mihranga vala te chawi mawitur hian, Nula sawmrual velte chuan, Tuirual tawna arkeziak chu rawn khimin, Puandum chu an rawn archem paia, Mihrang vala te hnunga lamve tur chuan inbuat saih in, An lampaha insawi thletur chuan, Tuirual pakhat ṭheuh an keng bawka, Mihrang vala te lu lak dahna tur bulah chuan, Lampei chawṭhing tlemte dahna tur a awm bawka, Chutia Lal muala mihrang vala te han infam chu, Farṭuah par leh, Vaube parvul chuk in pawlh ang mai hian amawi a ni
.
Tin, mualalam turte bakah hian, Darbu tumtur pathum awm bawkin, Tumphit tumtur mipathum, Khuang bengtu pakhat leh, Darkhuang tumtu pakhatte awm in, Chung khuang bengtu te an han inpeihfel chuan, Mihrang valrual te chu rawn chhuak in, Mihrang valrualte chuan, Muala an lu lak kha han kalhualin, Chumi zawh ah lam hmahruai chuan, An ral lu lak chu malchaw an pe a, Lam hmahruai chuan Artui chhum hminsa pakhat kengin, A chanve an eia, Artui chanve la awm chu a veilam kher chuan an hmetsawm, Milu dahkhawmna bula lampeia chawṭhing chu, A kut veilama a artui hmehsawm chuan an phula, An ral lulak a phulpah chuan, Hei malchaw ka veilamin ka pe a che, Lamthlang irap anga, Keiin lamchhak ka rapzel ang, I meithal chawi kha zawp sela, Keia meithal chawi chu, I thin leh lungah lut rawhse, an ti a, Bawhhla chhamin Silai vawithum an kap nghala, Chu veleh Darbu tumtur, In ringsa a lo awm rengte chuan, An Darbu te chu an han chheu ṭan ta nghala, A hmasa berin, Darbu leh tumphit pathumin, Ral hawlna in dale, Ral sial hawlna in dale tiin an hantum a, Chu veleh mihrang valrual te chu zawihnalh si, Tha tho tak chuan an han kal kuala, Chumi zawh veleh darbu chuan, Siakzapau thuam ang kan do, Tlangpui thlunglu kan lame, An hanti ta vut vut maia, Darbu chuan, Ralin sial hawl na maw e, Hawl na maw e, Ralchal in sial na maw e, An ti leh vut vut maia, Tumphit pathum in, Ral chalin sial hawl na maw phit, Hawlna maw phit, An tifawn kur lehta veng veng maia, Chu veleh mihrang rualte chuan, An ke dinglam kha an ke veilam ah khauh ang reng, Zawi hnalh sikhan an han theh veta, Kalrem ropui chu an ṭanta mup mup maia, A rei deuh deuh a an ri vut vut maia, Mipui te chuan mit khap phal lek lo chuan an thlir ṭhup mai a ni
.
A laia an lu lak kha, riam chitin renga riam in, Silai a mu awmlo a kap puak dur dur rengin, An milu lak ka ah te chuan kap in, Silai hlo te chuan an leite chu a phuh dum hem huam mai a ni, Muallai ah chuan zubilh thlumṭha deuh mai dah in, Mihrang val rualte chuan in khawn chhawkin, Silaia ral ai tawh te chuan han khawn hmasa in, Silaia ral ai tawh chuan, Lu chunge, Thlang vapuale, Her law luai samah e, tiin an chham a, Rallu dah na aṭanga hla deuh ah te chuan an lam kawia, Nula te chuan a hnung ah zuiin, An tuirual ken chu an sawithle nghiau nghiau maia, Tlailam an lo nih chuan mipui lamte pawh hreh tak chunga ṭindarh hlawmin, He mini hi chuan an hlim tlangin, An ri mup mup nileng ṭhak a ni, Zanriah ei an hun chuan, Sangluaia pawh a thlen in lamah chuan a kalta a, Lal Kamthanga leh a upa te pawh an hlimtlang khawp mai, Zanriah te an han ei kham meuh chuan, Sangluaia pawhin zawlbuk lampan nghalin, Zawlbukah chuan Tlangval rualte pawh an lo ṭhahnem tawh khawp mai, Sangluaia an han hmuh chuan Tlangval rualte chuan, hlim taka lo chibai laih laih in, Sangluai i zarah Awrhthanga khua chu hneh in a awm ta a, i chungah hian kan lawmkhawp mai tiin, lawmthu te chu an lo hrilh hlawma, Mahse kilkhat ah chuan Sangluaia lawmve miahlo Tlangval pali an awm a ni, Chung Tlangval pali te chu tudang nilo in, Awrhthanga khua a Sangluaia nena in hnial, Kailinga te ngei kha an ni, Sangluaia chuan Kailinga leh a naute chuan an lawmlo tihpawh a hrechiang khawp mai, Mahse chung mite chu engah mah ngailo in, Chumi zan chuan Lal inlam a panta a
.
Lal in a han thlen hian, Upa hopawh an lo kimṭhap tawha, Sangluaia an han hmuh chuan, Kamthanga chuan, E khai Sangluai lo kalrawh khai, kanlo nghak reng tawh che a sin, Tiin ṭhutna turte an lo kawh hmuh a, Kamthanga fanu te pahnih pawhin Sangluaia an han hmuchu an hlim khawp mai, Kamthanga chuan, Sangluai vawiina hlawh tlinna kan chan ah hian, Tuma thik rualloh in i ṭangkai zia ka hria a ni, Chu vangin zanin hian ka in ah hian lengtur in ka sawm che a nih hi, khaile Tlangaupa Rappui chung sanga ka thlathum zukha han chawithla rawhle, Zanin chu i hnehna lawmin hlimtak in lam hanthai teh ang u khai, Sangluaia hian nak tuk hian kan khua hi chhuahsan atum tawhsi a, A hminga nopui dawmhi kan tihtur a ni, an ti a, Tlangaupa pawh chuan phurtak chung chuan Lalpa Rappui chung sanga a thlathum zubilh chu an chawithla ta a, Chu zupui chu arim pawh thlum vung vung in, Lalpa chuan Sangluaia chu an khawn tir hmasa bera, Sangluai'an an khawn zawh chuan, Upa hote chuan an han khawnve a, An ri laih laih maia, hmuanda awm vel hun an kalmeuh chuan, Lal leh a upa te chu an ti ti tuita khawp mai, upa min Sukliana chuan khuang han bengin, Tlangaupa chuan lam hma an hruaia, Tlangaupa chu hanlam zak zak in, Karlo ah chuan midang te pawh chuan an rawn zawmve ta nghala, An zupui khawn chuan rawn thawk zelin, An lamtui ta khawp mai, Tlangaupa pawhin rawn uar tulh tulh in, Khawinge keimah Lal Kamthanga khualehtui kani ngaie, khawinge khawinge keimah Authanga hian Rallu khailo mah ila, Lal Kamthanga tawnah chuan sapui meipawh ka chaihta lawng ti a lamzel in, Kha laia dawhthleng hnuaia chempui kha lo kiang rawh khai, Ka tual chaina i dalin, Ka thlazarna i dal a nia, an ti a, Midangte pawh hlim taka lam zak zak in, Lal Kamthanga leh a hite chu an hlim tlang dar dar khawp mai
.
Sangluaia pawh Kamthanga fanu te nen chuan in kawm in, A tuk maia khua chu chhuahsan a tum thute an hrilh a, Ralkaii chuan, Sangluai ka nun na chhan himtu i ni a, Hmuleh tawhlo tura che a kan insuang tuah hian, Rilru chu a na dawn khawp mai, Theih chu nise kan khuaah ngei hian inbeng belve la ṭha tur, Mahse chu zawng kan sawi theih a ni silo, Eng tikah emaw chuan ilo kalleh ang tiraw? tiin an zawt a, He tihlai hian Ralkaii nau nula hmelṭha tak mai chuan, Sangluaia chu zak chung chung a lo en ve reng in, Sangluai'an khua an chhuah santur chu hreawm lo tiin, A hmelte chu angui nghiai maia, Tleirawl hmelṭha tak hmelah chuan, Lung ngaihna liantak rawnlang chhuak in, Sangluaia chu a thlir ngawih ngawih maia, Sangluaia pawhin chu chu hrethiamin, Chu tleirawl hmalṭha tak mai chu a lainatru khawp mai, Sangluaia pawhin chu tleirawl chu hmelṭha pawh a tiin, A nung chang pawh angainat awm a ti khawp mai, Mahse a thinlung ah chuan Chhingi chuan hmun a chan tawh avangin, Chutleirawl hmelṭha tak lakah chuan mit mei a hmuh duhlo a ni, Zante an reia, Leng hawn Ar te an khuan chuan, Sangluaia pawh chuan ṭinzai a rel veta a, Kamthanga leh a upa tepawh in Sangluaia chu ui tak chunga thlah in, Ralkaii chuan Sangluaia chu kawngka thleng an thlah a, Kawngka a chhuah pah chuan Sangluaia chuan, Ralkaii nau lamchu hawi zeuh in, Ralkaii nau nula hmelṭha tak mai chuan, Mittui tla chunga Sangluaia chu lo thlir rengin, Sangluaia pawhin a lainat khawp mai, In chhungah chuan luh leha a thiam ang ang a hnem chu handuh viau mahse, Sangluaia thinlung chu phuartu an awm tawh avangin, In sum hram hram chung chuan a kal chhuak ta a, Zawlbuk lamchu pan vang vang in, Sangluaia rilru ah chuan Ralkaii nau chu awm rengin, A mitthla ah chuan lungchhe taka a thlir laichu a chamreng maia, Mahse chu tleirawl chu duhawm in, Hmelṭha viau mahse Chhingi chu rilru dang putsan a tumlo a ni, Karlo ah chuan zawlbuk chu thlengin, Tlangval dangte pawh an lo haw tawh hlawmin, An lomu deuhvek tawh mai a, Sangluaia pawh chuan a mutna lamchu pan nghalin, A tuk lama hawtawh tur a ni nen, Ṭhu khaw muanglo chuan a muve ta nghala
.
Khua an var chuan Sangluaia chu hma taka tho chhuak in, Zawlbuk chu a chhuah santa a, A thlen in lamchu pan nghal vang vang in, A thlen in a han thlen hian a thlen inpa Chalkaia chu lo tho tawhin, Chalkaia chuan, Sangluaia an hmuh chuan, Sangluai tuk kinzing chuan em ni kal chhuah chu i tum tak? tiin an zawta, Sangluaia chuan, Ni e tuk kingzing hian ka kal chhuak mai ang e, Ka kalna tur a la thuisi a, Tin helai hmunah hian ka cham reita em maia, Ka chhungte pawhin min ngaih tuah tawh ang e, an ti a, Chalkaia pawh chuan, A ni khawp mai, Sangluai hei kan khua ilo luh aṭang khan ni eng emaw zathi aliam tawh a ni, Nie, Ka chelh tawhlo ang che, Tluang takin kalla, I chhungte chu dam taka i hmuhngei ka duhpui che a ni, Hun remchang i neih chuan minla rawn tlawh veleh dawn nia, Tiin a nupui chu ai kaitho a, Sangluaia chuan, Ni e, In hmuh leh hunte ala herchhuak lehngei ang, Remchan veleh ka rawn tlawh lehdawn che u nia, an ti a, Chalkai nupui chuan Buhfai te han funsak in, Tumpang a kah ngei mai sarep te chu chawhmeh atan funsak in, Sangluaia chuan in chu a chhuah santa a, Khua an chhuahsan aṭang chuan Sangluaia rilru chu a nuam theita tlatlo mai, A rilru ah chuan eng emaw hian mawlhtu awm in, Hlauhawm lo thleng tura hriatna liantak mai chu a nei tlat maia, Mahse a rilru mawlhtu chu enge a nih a hrethei lo a ni, Rilru nuamlo chung chung a kal zelin, Ni pawh arawn chhuak eng ut tawh mai, Sangluaia rilru chu nuamlo tulh tulh in, Kal zelpawh chu nuamlo tiin, Kawngah chuan a dingta hial maia, Kawngah chuan dingin an hawilet vang vang a, Mahse chunglai hmunah chuan, Rilru nawm loh na tur engmah a hresi lo, Mahse kal pawh nuamti loin, Khawlam pan chuan letleh hialchu a duh rum rum mai a ni, Chutia din ngawt maichu fela a hriat loh avang in, Nuam tilo chung chung chuanan kalleh a, Mahse a rilru ah chuan a hriatthiam chiah siloh hian, Eng emaw hlauhawm lo thleng tura hriatna liantak chu nei tlat in, Kawngsir ah chuan a ṭhuta tawp maia, Hmuamda awmvel a ṭhu tih chuan, A hlauh thawn ang ngei chuan hriat a neita tlat mai, A kal tawhna hnu kawngah chuan thawm a hreta tlat mai, A lam pana lo kal thawmchu a hria a ni, Chu veleh Sangluaia chuan, Um zuitu an awm tih hria in, A rilru ah chuan Kailinga leh a naute an rawn langta nghala
.
Sangluaia chu in sa seng duhlo chuan, Kawngsir lawk ah chuan a lo dingta a, A rin ang ngei chuan a thlang lawk ah chuan, Kailinga leh a naute pali chu an rawn langta hlawl mai a, Sangluaia chuan a aw chu han thian kharh in, Kailinga leh a naute chu ding nghalin, Sangluaia awmna lamchu an rawn hawirual ṭhawt maia, Sangluaia chuan, Khawi lama ramchhuak turnge in nih? tiin an lo zawta, Kailinga chuan rawn chhang nghalin, Sangluai ramchhuak tur kan nilo a, Nangmah umzuia rawn kal kanni, A vanneih thlak e, Thui takumzui ngaia i awm loh avangin lawmthu kan hrilh dawnche a mi? Sangluai Awrhthanga khua a ka thusawi kha ila hre reng em? nang hian Val Upa leh, KanLal hma ah ngei minti mualphoa, Awrhthanga khua kan runna ah khan, Nanghian enge tihve vak i neih a? chawi mawina dawngtur hian eng huaisen na nge i neih bik? chhan turche an awm avang khan khami ṭumkhan nasa takin ka kawng i dal a, Tuk kinzing ah hi chuan tumah chhan turche an awm tawhlo a, I malṭan angai tawh ang, an ti a, Sangluaia chuan, Hliam pakhat thah i tum kalo danche avanga min thah i duh a nih chuan, Helai hmun aṭang hian let leh rawh u, Kei chuan huatna che u engmah ka neilo a, Nangni nena buaina neih pawhhi ka duhlo a ni, Chu vangin minlet sanleh rawh u, an ti a, Mahse Kailinga chuan let lehchu a tumlo bursi a ni, Sangluai eng kim ka sawitlang ang, I lu la lo a let lehtur hian helai hmun thleng thleng hi kan rawn umzui che i ring em ni? dawih viau turah min ngai em ni? Awrhthanga khua aṭanga kan hmabak neihhi vawiin hian kan tih angai a ni, A nih loh chuan tlanchhe rawh, an ti a, Sangluaia chuan, Nangni nen hian buaina engmah ka duhlo, Min nawrlui suh u, Ṭha takin let leh ula, Keipawh in ka pantur lamchu ṭha takin ka panzawk ange, an tileh a
.
Kailinga chuan, Sangluai an sawi ang chea huaisen chu i nih hmello hi, Hmeichhia ang maia i tlanchhe duh a nih chuan, Ka hmuh laingei hian tlanchheta che, Ti chuan keini pawhin kan letsan ang che, an ti veleh a, Sangluaia chuan, Buaina neihhi ka duhlo tak zet zet a ni, Mahse tua ha ah hian tlanchhiat kherhi chu ka tumlo, Tlanchhe tura min ngai a nih chuan, Min ngaihdan chu a dik lo viau ang, In lak ah hian buaina ka duhlo ang bawkin, In lakah hian tlanchhiat pawhhi ka tumlo a nia, Ṭha takin let leh ula, Kei pawhin ka pantur lamchu ka pan ange, an tileh a, Kailinga thin chuan a tuarta ngang lo, Nang naupang i thuhi a kawi angila zawmtur hian min ngai em ni? helai hmun ah hian inremna neihpui turche a rawn kal kanni lo a, I lu la tura lokal kanni zawk e, I ngam a nih ngai chuan engmah sawilo khan, Ka chempui hi lo dangta che, Tiin Kailinga chu a chempui nen chuan Sangluaia lamah chuan an rawntlan pheita maia, Sangluaia pawhin a Silai chu rang taka dah thlanghal in, A chempui chu phawrh chhuak nghalin, Maubul chang hriam tak maichu an phawrh telnghala, Kailinga hote pawh chuan, An hruai tupa hnung chu rawn zuive nghalin, Kailinga hnungah chuan an rawn tlanve nghala, Kailinga chuan Sangluaia hma an rawn thlen chuan, dingthut in, A chempui chu lek sangin, Sangluaia dinglai chu sah thluk tawp mai an tuma, Mahse chu mihuaisen dingchu chuti mai mai a sah hlum theih a nilo a ni, Sangluaia chu Kailing'an chepui an leksan chiah khan rang lutuka tawlh sawhret in, Kailinga sira rawn tlan lamah chuan tawlh hmathut in, A maubul chang hriam lutuk chu an vai chhuak pawp maia, Chupa hrawk aṭang chuan thisen chu rawn chhuak nghal zawih zawih in, Chupa chu a hrawk hup chung chuan a ṭhingṭhi nghal rawp maia, Sangluaia chempui humlai chu rang lutuka thlawk chhuak lehnghal in, Ṭhingṭhipa nghawng chu a chhum nghal hmawk maia, Sangluaia chu rang taka insiam remleh nghalin, Kailinga lamah chuan an zuang pheia, Kailinga pawh rang taka lo in thiarfihlim in, Sangluaia chempui chuan a ṭhelhfua maia
.
Kailinga nau pakhat chuan, Sangluaia in herrem laichu rawnsat in, Sangluaia bek chu arawn thawifua maia, Sangluaia chuan a dinglam chu penkhat pen chhuak in, Na tak chuan an zuang chhuak dawrh maia, A mah rawn hnaih tu ber chu a chempui chuan vainghal pawp in, Chupa bek veilam chu a thlernghal duai maia, Leia aṭumleh rual chuan a maubul chang hriam chu han vaichhuak leh nghalin, Pakhat dulchu therleh nghal duaiin, Chupa chu tho lehtur awmlo chuan a ṭhu awp nghal rup maia, Kailinga pawh chuan a chempui chu rawn vai veleh in, Sangluaia chu kun hniam nghalin, A rawn ding chhuak leh chuan, Chho zawng chuan a chempui chu an rawnvai chhuak nghala, Kailinga khabe ruh chu tliak rirawp in, Rang lutuk chuan a maubul chang chu Kailinga hrawk ah chuan an vitlut hrawih maia, Kailinga chu thawri nghal hrawih hrawih in a ṭhingṭhi ta rup maia, Sangluaia chuan a chempui humlai chu na taka vai chhuak leh nghalin, Kailinga nghawng chu a chhum nghal hmawk maia, Sangluaia chuan Tlangval pakhat dinna lamchu chiang taka melhleh nghalin, Thah kher i duhloh chuan kal la, Kailinga min umzui dan zawng zawng hi Lal hrilh ang che, Thu diklo i saw a nih vaih chuan, Zanin hian ilu kha kala vengei ang, an ti a, Chupa chu Sangluaia sawiang chuan rang taka khawlam pana tlan nghalin, Sangluaia pawh chulai hmun aṭang chuan a kalsawn venghala, Mahse Sangluaia hian chulai hmunchu hlataka kalsan lo in, Kailinga te thihna lang thei chuan, Ruang rawnla tur te a lo nghak a ni, Lal in lamah pawh, Zan lama an menrei deuh avangin, Upa hopawh zinglam ah chuan an chuangkai hardeuh a, Tuk ṭhuan ei hma deuha upa ho Lal in lama chhuak khawm chuan, Zan lama an hun hman dante sawiho nak nak in, Chu tihlai chuan Tlangval pakhat hi Lal in ah chuan arawn lut nawlh maia, Lal Kamthanga chuan, Kaia eng thilnge nita le? zing zing ah i rawn luhve teh mial ni, an loti a, Tlangval Kaia chuan, Lal Kamthanga leh a upa te hnen ah chuan, Kapu thu lawm awmlo tak rawn thlen tura rawn kal ka ni, Tuk kin zinga Sangluaia chhuakta kha, Kailinga ho in kan umzui a, Kailinga leh midang pali te chuan an nun na an chanta ani, Tiin thilawm dan zawng zawng chu a sawita vek maia
.
Kamthanga upa Hlira chu rawn ding chhuak nghalin, Ka fapa chu a thi a maw? Sangluaia chuan a that a maw? Sangluaia chu umzui nghal ni rawhse, an ti a, Kamthanga chuan, Khaih khaih Hlira insum hram hram teh, Thil awm ziate pawh kan sawiho ang chu, Mahse Tlangaupa khan kan Val Upa Kaithanga va ko sela, Ruang chu lak vat kan ngai anih chu, an ti a, Tlangaupa pawh kal chhuak nghalin, Karlo ah chuan Val Upa Kaithanga leh Val Upa dangte pawh an rawn telve nghala, Tlangval Kaia chuan, Chung Val Upa te hnen ah chuan engkim an hrilh nghala, Val Upa Kaithanga chuan, A vanpawi em ve aw, Kailinga hnen ah pawh khan vawitam Sangluaia kha ti buailo turin ka hrilh a sin mawle, Awrhthanga khua kan varun khan an in hmu thiamlo tawha, A nih na tak ah chuan Kailinga hi a thiamlo zawk a ni a, Mahse khawtual mizawk a nih angin Sangluaia pawh eng kim ka hrilh a, Va umzui leh kher chu a dik lo a nih chu mawle, Sangluaia kha Tlangval huaisen leh, Ral hmachhawn thiam tak a ni a, Keini ang mi naran tan chuan umzui mai mai chi a nilo a ni, an ti a, Kailinga pa Hlira chuan, Val Upa Kaithanga hnen ah chuan, Kaithang ka fapa chu thiamloh i chan tir a ni maw? Sangluaia khan ka fapa ral that tur alo dang tlat a ni a, Pasalṭha huaisen chuan ral lu kan khai duh vek, Eng vanga ka fapa kha lo dang nge a nih? kha kha an buai ṭan na chiah a nih kha, Sangluaia khan ka fapa kha a thik a ni, an rawnti a, Kaithanga chuan, Kapu i fapa kha tuman kan thik reng reng lo, A mi thah tum kha hliampui nasa tak tuar a ni a, Mahni pawha insa seng theilo a ni a, Kha khan Sangluaia hnen ah khan a nupui fanaute chunga zahngai tur in a ngena, A ni kha nghaisak leh tlak pawh a nilo, A nih na tak ah chuan, Nunau te chunga zah ngailo taka chete kha, I fapa Kailinga leh a naute kha an ni a sin, Ral chu kan that ang, Mahse nunau chunga kut lek hi kei chuan englai mahin ka duh ngailo, Kailinga leh a naute thil tihdan kha ka duh miahlo a sin, Kan upa fate an nih avangin, Ka khap lo mai mai zawk a nih kha, an ti a
.
Kamthanga chuan, A tawke, Helai hmuna in hnialhi ṭang kaina pakhat mah a awmlo e, Hlira nang pawh i fapa i chana, I rilru pawh a na ang, Mahse thilchu a nih tur ang ang a nizo tawha, Tumah in demthei kan awm loh hi, Ruang lak kan ngaia Tlangaupa Tlangval ho han au khawm rawhle, Ruang pali ngawt a nih avangin, Tlangval zawng zawng han au chhuak rawh khai, an ti a, Tlangaupa pawh tlan chhuak nghalin, Tlangval te chu an au khawmta nghala, Khaw chhungah chuan Kailinga te thih thu chu thang chhuak nghalin, Mipui lampawh Lal mualzawl ah chuan, Kailinga te thihdan hre chak chuan an rawn pung khawm tuau tuau maia, Tlangval rualte pung khawm hmaah chuan, Upa min chuan eng kim han sawiin, Tlangval rualte pawh chuan Kailinga leh a nau te chu, An thihna ah chuan an dem hle a ni, Tlangval rualte chu ruang la tura insiam nghalin, An thihna hmun hria a piang te chu tlan chhuak zung zung in, Tlangval rualte chu karlo ah chuan Kailinga te thihna chu an thleng kimta a, Val Upa te chuan, Khaile hlang siamna tur Tlangval te khan han sat zung zung ula, Khawlam pan in kan let leh vat dawn nia an han ti a, Tlangval rualte pawh che nghal zung zung in, Karlo ah chuan hlang pawh an peih ta a, Hlang pali ngawt a nih avangin Tlangval rualte pawh insem darh in, Ruang chu inlam pan chuan an chhuah puita a, Tlangval rual ruang zawnte chu haw haw luih luih in, Hlang zawn hmalam a ṭang leh, A hnung lama ṭangte chu an han in nawr fiama, An rei deuh chuan, Val Upa te chuan, Khaile hei khua pawh kan hnaih tawh a, Mipui hmuh ah pawh a mawi tawhlo e, Pang ngai takin kal tawh ang u aw, an han ti a, Tlangval rualte pawh chuan, Val Upa te thu awi tak chuan, An in nawr fiamte chu duh tawkin, Pang ngaitak chuan an kal ta a
.
Sangluaia pawhin ruang rawnla te che tlavel chu chiang taka lo en reng hlawmin, Ruang la te an kal liam hnu chuan, A kalna turlam pan chuan a kal veta nghala, Ngawpui dur tak tak pal tlangin, Kawrte kam velah te chuan inzo tak mai chuan an vak theuh theuh a, Chung lai ram velchu a vawikhat kalna a nih avangin, Sangluaia pawh hman hmawh tak chuan a kal theilo a ni, Hmuanda awm velzet an kalhnu chuan, Kawrte pakhat hi thlengin, Chulai kawrte ah chuan tuk ṭhuan chu buatsaih in, Tuk ṭhuan tur te an buaipui zawh chuan, Tuk ṭhuan te chu tui taka ei nghalin, Hmuamda awm vel an chawlh hnu ah chuan, A kal chhuak lehta nghala, Chunglai ramchu a vawikhat kalna a nih avangin, Sangluaia chu hman hmawhlo tak chuan a kala, Khawchin thlirzel a ngaih avangin hman hmawh thei pawh a nilo a ni, Chawhma ṭhak a kalhnu chuan, Tlang pakhat hi an chuang chhuak a, Chulai Tlang chhipa thing liantak ah chuan lawn in, Hmarlam a kalna tur lamchu an thlir vang vang a, A kalna tur chu tlang liamchu ngawpui chhah tak a ni tih hmu nghalin, A hnuai ngawpui chu tuna a awmna ai chuan ngaw chhah tak a ni, Thing aṭanga chhuk in, Tlang chhip ah chuan, Zing lama a chaw ei bante chu han bar zung zung in, Chaw an bar zawh chuan, Tlang chhip aṭang chuan, A hnuai ruam lamchu a panta a, Chu ngawpui chu a chhah ṭhain, Ni chu her hret tawh mahse, Van laizawla awm a lani a, Chhun pachang lani in, Chu ngawpui chhung chuan chhun pachang ah pawh Ni zung a hmulo a ni, Chu tiang khawpa ngawpui chhah chhung ah chuan kalzel in, Ngawpui chhunga thing tuluang chungah te chuan perkai theuh theuh in, Hmalam a pan zela, Zanriah chhum hunvel bawrah chuan chu ngawpui chhah tak mai hmawr lamchu hnaih tawh in, A kal chhuak ṭep tawh tih chuan thawm a hreta tlat mai
.
Sangluaia chuan a thawm hriatchu han ngai chang vang vang in, A piah lawka kawrte chu an pawh pheia, Chu kawrte hnar lamah chuan mihring thawm a hria a ni, Chu thawmlo chhuak chu pawhchi nge a nih anga, Kalsan maitur ti a a in ngaih tuahlai chuan, Hmeichhe hlau mang ang au thawm, Minchhan rawh u, Min ṭanpui rawh u ti a au thawm a hreta tlat mai, Sangluaia chu chulam hmeichhe au thawm a hriatna lamah chuan rang taka kal nghalin, Luite kawikhat an kal chhuah chhoh chuan, Thawm chu a ai a hrechiang in, Mahse an mahni tak chu a la han hmu theilo a ni, Hman hmawh tak chuan thawm a hriatna lamchu panchho zelin, Luite kawi khat an liam chhoh leh chuan, Luite kam zawla mipakhat in, Hmeichhe pakhat mutpui a lo tumlui hi a han hmuta a, Thawm dimtak chung chuan Sangluaia chuan hnaih chho nghalin, Chu mite bulah chuan dingin, Chupa leh hmeichhe hriat tawk lek hian, Tho rawh, Nula kha khawih tawhsuh an ti a, Rang taka chupa chu rawnding chhuak nghalin, Tunge i nih? ti a zawh pah chuan a tawkh hnung dawrh maia, Hmeichhia chuan a mah rawn chhantu lamchu belve nghal bawkin, Sangluaia chuan hmeichhia an en chuan, La naupang tak a ni tih hriain, Nula hlau reng reng suh, Tuman an tina tawhlo ang che, an ti a, Nula khawih lo tumtu Tlangval chuan, Tunge i nih ka tihchu? kei Lal Hnukliana fapa hi ka tihtur ah hian minlo dang ngam a maw? Heng sal hmeichhe hohi eng vanga lo chhan nge i nih? tiin an rawn zawt leh a, Sangluaia chuan chupa chu en vang vang in, Tumah hi sal kan awmlo a ni, Lal fapa pawh nila, Heng hmeichhia te duhlo chunghi tilui turin tunge thupe che a? i pa in maw? eng Lal fapa pawh nila sual rawng bawl i nih chuan, I chungah hian zah ka ngailo ang, an ti a
.
Chu Lal fapa chuan, Tlangval kan dinhmun hi engmah i hrelo a ni, Heng hmeichhe ho hi ka sal mante an ni a sin, Ka sal mante chungah chuan thu neihna liantak ka nei a ni, Kalla hmeichhia kha min rawnpe rawh, A nih loh chuan i lu kha ka lak sak ang che, Kha Lal fanu kha ka hmeitur a ka hruai a ni a, Lo in rawlhna tur i neilo an ti a, I sal an ni emaw, I hmeitur an ni emaw, I laina hnaite an nilo tihna an ni a, I farnu te tiang hian midang hian tive se i lawm viau angem? i fanu chungah tiang thilhi thlengse i hlim phah angem? chu vangin nula hi i khawih tawhtur a nilo, Kalla nula hi a khua ah hawtir rawh an ti a, Chupa, Sangluaia hma a ding chuan, Tunge maw i nih le? kei Lal Hnukliana fapa hi ka tih tur min hrilh ang maw? khanu kha ka salman a ni a, Ka hmei tura ka hruai a nih kha, Ka kawng dala i awm reng a nih chuan, Ka naute ka ko anga ka thah turngei ang che, A nih lohpawh in keimah hian kan that ang che, Tiin a chempui chu a ippui aṭanga rawn phawrh in, Sangluaia chu a rawn bawhta maia, Sangluaia chuan chupa chempui rawn vaichu lo tawlh hnun san in, Rang lutuk chuan an persawn nghala, Chupa chuan a chempui chu a rawn vainat em avangin a taksa chu in herdawrh in, Chulai tak chu Sangluaia chuan chun in, Chupa rawn insiam remleh hma chuan rang lutuka bawh pheiin, Sangluaia chuan a bawhna bawka chupa chu a tlutawp maia, A chempui humna lam banrek ah chuan man nghalin, Chupa bakah tak mai chuan a kut tum chuan an chum chawrh maia, Chu Tlangval nati lutuk chuan a chempui humpawh chu thlah in, Sangluaia chuan, Chupa chempui thlauh chu rang taka chhar sak in, Chupa hrawk ah chuan chuk tuah nghalin, Thih i duhlo a nih chuan tal reng reng suh, Tiin an thawh sana
.
Sangluaia chuan, Thola kal nghal rawh, A nih loh chuan ka that ngei ngei ang che, an ti a, Chupa chu rangbtaka rawn tho chhuak nghalin, Sangluaia chu rum taka rawn melhin, I lahre khawp ang, Hnukliana fapa hi chu ti mai maia tlawmchi ka nilo a nia, Tiin kawrte hnar lamchu a panta nghala, Sangluaia chuan nula lamchu panve nghalin, Nula tunge i hmingni a, Khawi khuange i nih le? tiin an zawta, Nula chu hlau thawng taka la ṭap faih faih chung chuan, Ka hmingchu Thangkuti a ni a, Lal Sakhaia fanu kani a, Nizan khan Hnukliana leh Kaithanga hote chuan min rawn runa, Kan khua chu haldarh vek in, Mi tam tak an that a, Keini ho hi sal atan min man a ni, Khilai ah khian an awm hlawma, Ka nau rawlthar maipawh manve in, Khilai an awmna ah chuan a awmve a ni, an ti a, Sangluaia chuan, Eng zatnge chungho chuan an mana, An hruai che u? Tiin an zawt leh a, Thangluti chuan, Kaithanga hote nen an nih avangin, Kaithanga hote chuan sawm vhuang an hruaia, He lama kalhi sawmhnih velbawr kan niin ka hria, Tiin Sangluaia zawhna chu an chhanga, Kaithangi chuan, Tunge i nih ka hrelo a, Mahse kjawngaih takin ka naute khi man chhan chhuah sak hram rawh tiin an ngen a, Sangluaia chuan nula chu en vang vang in, Ka theih tawkin kapui ang che, Mahse helai hi kan kalsan vat a ngai a nia, An niho khan min hmulo phawt rawhse tiin, Chulai hmun chu an kalsan ta a

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)