Pasaltha Thangluaia By Mazira Tochhawng Mipa 1 - 237

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

Re: Pasaltha Thangluaia By Mazira Tochhawng Mipa 1 - 237

Unread post by Ngaia » January 16th, 2019, 7:27 pm

................ PASALṬHA THANGLUAIA (237) ...............
.

..................................... RECAP ..........................
.
Thangluti chuan tunge i nih ka hrelo a, mahse ka naute khi khawngaih takin min chhan chhuah sak hram rawh tiin an ngen a, Sangluaia chuan nula chu en vang vang in, ka theih tawpin ka ṭanpui ang che, mahse helai hmunhi kan kalsan phawt angai a, khangho khan min hmulo phawt rawhse, tiin chulai hmun aṭang chuan an kal sawnta nghala
.
.

Sangluaia chuan nula chu an bul mual chu kan puiin, mual leh lama kawrte chu kanpui leh in, Kawrte chu lofinghnih awmvel zawh chho leh in, Kawrte hnarkina kham chhawrdawh deuh pakhat ah chuan nula chu lawnpui in, Lung chhawrdawh, puk ang reng deuh ah chuan nula chu luhpui ta a, Sangluaia chuan, Luti tah hian karawnkir leh hma chuan lo awm tlat ang che, Khua a lo thim a nih pawhin rawn chhuak reng reng lo la, He laihmun ah hian karawnkir lehngei ang, Ka theih tawpin i naute chu chhan chhuah ka zuk tum anga, Tah hian minlo nghak tlat ang che, an ti a, Thangluti pawh chuan Sangluaia thusawi chu hrethiam tak chuan a bu nghat nghat maia, Sangluaia pawhin, hlau miahsuh la, ka thiltih turah hian ka hlawh tlinglo a nih pawhin, nangmah lamtur hian ka lo let leh em em ang tiin, Thangluti chu a kalsan ta a, Thangluti chuan Sangluaia kal chhuak ta chu thlirzui in, Tlangval feltak leh, hawihhawm tak a van ni em, a hmelte a ṭhain a la naupan hmelve bawksi a, Hnukliana fapa Pasalṭha a hnehsawh dante kha, naupangte a la nih hmelsi a, a huaisen in a zamte kha a van ṭha em, tiin a thlirzui vawng vawng maia
.
Sangluaia kal chhuak lehpawh fimkhur taka a kalna hnu zawh thla leh in, a beisei ruk ang ngei chuan karlo ah chuan Tlangval an mahni zawng thawmchu a hreta, Chung Tlangval te chuan an hnuchu an rawn chhui ngei a ni tih hriain, Chung an hnuhhui tu Tlangval te chu hruaipen an ngai tih hriain, a hruaipeng lo a nih chuan, Kawrte hnara nula kha an han hmu ang tih a hlau a ni, Kawrte kama kalchho an nih avang khan an hnu chu awlsam taka hmuh theih a ni tih hriain, Rang taka chungho ch hruaipen a ngai a ni, Sangluaia chu Kawrte tlaklam mualah chuan chuang chhuak in, Kawrte aṭanga lofingkhat awm vel an thlen chuan an dinga, A din na mual a ṭang chuan lung lubur tiatvel turhi tihpalh ni awm tak hian an mahni rawn um tu te awmna lamah chuan an tilum a, Chu veleh ring vaklo hian, Nula tlanrawh tiin a kalna mual mawnglam zawng chuan an tlana, Rawn umzui tu tepawh chuan, Sangluaia duh ang ngei chuan, Sangluaia thawmchu hriain, An zinga pakhat chuan, khaile helai a hi an awme, Rang takin helam ah hian rawntlan nghal rawh u, tiin midang chu an au khawm nghala, Chungho chu rang taka tlankhawm nghalin, Thawm an hriatna lam mualah chuan an tlan liamve ta nghala
.
Sangluaia chuan a mual zawhlai thlanga, mual pharhduai mai lamchu pan in, chak tak chuan a tlanthla a, Hmunrem mual pharh ṭhalai a thlen thlak chuan, rang taka dingin, a hmelma ten an rawn nanchin hma chuan a ral beihna hmanrua tur chu a la hman a ni tih hriain, hman hmawh tak chuan a chempui chu phawrh in, Mau bulchang chu an satnghal zung zung maia, Hnukliana fapa, Kaihreua hote pawhin Sangluaia chu rawm umzui vezel in, Tlangval sawmbawr chuan Sangluaia hnuchu rawn chhuipah chuan an rawn umzui thlave zela, Chulai mual hmunrem chin an rawn thlen chuan, an hnuchhui laichu an hloh ta tlat maile, An hruaitupa chuan, kaldarh ula kha fasawnpa hnu kha zawng rawh u, a hnu kha kan hmu ngei ngei tur a ni ang, hloh thiang kan nilo a nia, kan Lal fapa Kaihreua thinrim tu man hmachhawn kan duh loh kha, tiin a naute chu an fuih hlawma, Tlangval sawmrual velchu kaldarh nghal sang sang in, an umzui lai hnu an hloh chu an zawngta sang sang maia, An kaldarh aṭanga hmuamda awm velah chuan, an kaldarh ṭan tiarna a ṭanga hmarlam hlavak lo ah chuan, Tlangval pakhat na tuar rak ṭhawt thawmchu an hreta a, Kaihreua hote chu rang taka chulam pan chuan tlankhawm nghalin, An ṭhianpa thisen nena in chiah piah nuaih mai, a hrawk thlerduaih mai hup chunga thih suala a lo tal chawt chawt mai chu an va hmu a
.
Chu veleh an hruai tupa chuan a naute hnen ah chuan, Tumah a hrangin kalsuh u, kan ral umlai hi a chetdan aṭang hian mi naran a nilo a ni, a hnu a thup bo hmak theih dan leh, thawm chhuah miahlo a Kaia hrawk a zaisak theih dan aṭang hian, Pasalṭha ralrel thiam tak a ni tih a hriat a ni, fimkhur ula tumah a hrangin kal suh u, an ti a, An hruai tupa berin chu tiang ṭawngkam a rawn hmantak ah chuan, Tlangval hote hmelah chuan hlauhna lian tak rawnlang chhuak nghalin, tumah kalhrang ngam tawhlo chuan an hawi tanghru mai hlawma, An mahni hruaitupa Aikunga chuan, Kungpui i hnunglam tiin an au ṭhawt maia, Kungpuia lamah chuan eng emaw hi rawn thlawk pheifua in, a in her chiah chu a hrawk ah tak mai chuan Mau bulchang hriam zumṭha tak mai, tawngchen vela seichu a rawn burta chawih maia, Kungpuia chuan a hrawk chu hupnghal chawtin, hnunglam ah chuan pai dawt dawta tawlh in, a tlutur chu a ṭhiante chuan an lovuan hman hrama, Aikunga chu ṭhingṭhi nghalin Kungpuia chu a malchung ah chuan an muttir a, Kungpuia hrawk chu ri bawrh bawrh in, thisen tharlam tak mai chu a hrawk aṭang chuan danrual loha rawn chhuak nghal zawih zawih in, a ṭhiante chu an melh ṭawk ṭawk a, A hliamchu a nat em avang chuan Kungpuia chu an leng awrh awrh maia, karo ah chuan a hliam tuarlo chuan a thizuita nghal ni
.
Aikunga chu rawnding chhuak in, a naute hnen ah chuan, fimkhur rawh u, hnunglama mit nei ang vekin fimkhur rawh u, tuna kan zawnlai hi mihring nilo in, Sapui huai kanveh mek a ni tih hre rawh u, an ti leh a, fimkhur tak chung chuan Kungpuia hrawka lut Mau bulchang rawn thlawh chhuahna lam chu an han pana, Mahse chunglai ah chuan eng mah hmuh tur awmlo in, mihring hnuhma awm eng mah hmuh an neilo a ni, Aikunga rilru chu a kal dingta khawp mai, a rilru ah chuan, tunge he tianga ralrel thiamhi ni ta ang? henglai ah hian he tiang tak maia ralrel thiam Pasalṭha hi tunge nita ang? chu zawhna chu Aikunga rilru ah chuan alian khawp mai, henglai khua ah chuan, kan Lal Hnukliana khualehtui hi khawlian ber a ni a, tuna kan run zawhtak Sakhaia khua hian a dawt a ni a, henglai Lal neuh neuh Pasalṭha te hi ka hrekim thawkhat viau in ka hresi a, he tiang tak maia ralrel thiam Pasalṭha hi henglai khalehtui awmho ah hian an awm ka hrelo a ni, chu vangin tuna kan hma a awm mek hi tunge a nih anga? khawi khualehtui minge a nih ang? Sakhaia khan he tianga ralrel thiam Pasalṭha hi a neilo a, tin a thawm dimthiam mai piahlam ah, heng a hmanraw hmante hi han en ila, Maubul chang zumhriam hi thiamtak in avawm theia, hetiang ti theihi henglai Lal ram chhung ah hian an awmlo a ni, tiin a bula michu an hrilh a
.
Aikunga bula ding Kaihranga chuan, kan Lal fapa khan asawi dan khan, kha Tlangval kha henglai ah hian ka hmuh awm ka hrengailo a tihri ka hria a, nula pawh kha a hriat zawng a nilo a, kapa hming ka sawi pawh khan hria awm pawh in alanglo a ni, Tlangval naupang tak leh, hmel felfai tak a nih thu kha sawiin, Tlangval zamṭha tak leh thahrui ngah tak a nih thu kha a sawi a ni, an ti a, Aikunga chuan, eng pawh nise kan ṭhiante lu pahnih kan hloh ta a, tupawh nirawh se, kan hmuha kan thah angai a ni, mahse ka sawiang khan kan fimkhur viau angai a ni, Sapui beiha fimkhur taka kan zawnzel angai a ni, tumah a malin kallo ula, kan hmu a nih chuan tumah in phatsanlo a kan vai ṭanrual angai a ni, an ti a, Aikunga sawiang chuan tumah a hranga kallo chuan, fimkhur tak chuan an hmelma, an hmuh theih siloh chu an zawngleh ṭanta a, Hmuanda awm velzet chu thawm hriat leh, engmah hmuh neilo chuan chulai velchu an han fang kuala, an beidawng rudeuh hlawm chu an han in hmu khawm laih laih a, Aikunga chuan hmalak dantur an sawi zung zung a, chu tia hmalak leh dantur sawia an dinkhawm laih lai chuan, an chhak lawk ah chuan Thehleipa hi a rawn chek hlak hlak maia, Aikunga chuan chulam chu fimkhur taka en nghalin, a naute hnen ah chuan, fimkhur viau rawh u aw, khilaia Thehlei khian eng emaw hmuh a nei niin alang tlat mai a tizo chiah chu, Thehlei thawm awm lohna lam aṭang chuan an hmelma, an zawn mek laichu rawn dawk pheifua in, a hnungbera ding Tlangval nghawng chu a chhumta hmawk maile
.
Aikunga leh a naute chu thawm ah chuan rang lutuka leh hawinghalin, an hmelma liamtur hnunglam chu an hmu hman hram chauh a ni, Aikunga leh a naute chuan an ṭhianpa ruang chu bawihsawm pawh bawihsawmlo chuan, an mizawn lai tlanliamna lamah chuan rang taka tlanliam venghal in, Kawrte pakhat chu zuk pawh hlawlin, chulai Kawrte velah chuan an mium hnu chu hloh leh in, fimkhur tak chuan an han zawngkual leh nghala, mahse mihring hnu hma awm reng reng hmuh an neilo a, bei dawn pawh an bei dawngru khawp mai, Aikunga chuan a naute hnen ah chuan, he tiang reng reng chuan kan in hlohzo mai dawn, kan mizawn laihi tupawh nirawhse auh chhuah ka duh a ni, he tiang chuan kan thizo thuai dawn, kan nih nih kan ni anga, hmachhawn ngeia in beih hi ka duh a ni, ka au anga a lo chhuak ngam a nih chuan tumah kan hnungtawlh tur a nilo ang, an ti a, midang pawh chuan Aikunga ngaihdan chu lo ṭawmpui in, a dik a ni, Pasalṭha chu in hmachhawn ngeiin an inbei tur a ni tiin an lo tuihnih venghala, chu veleh Aikunga chuan ring leng lawng hian, khaile Tlangval tunge i nih kan hrelo che a, kan hma ah hian i hmel i rawnlan ngamve a nih chuan, a ruk a rala chelo khan kan hma ah ngei hian i hmelkha rawnlan tache, kan hmuh hlau khawpa hmelchhia leh dawihzep i nih chuan, helai hmun aṭang hian kalbo nghal la, Sakhaia fanu i lak kha helai hmun ngeiah hian rawndah ang che, tin mipa ni a i in hria a, ral hmachhawn ngamte i nihve chuan, kanlo nghak reng a che, mipa chu mipa tak in kan in hmachhawn tur a ni dawn lawmni? lo chhuak la mipa takin lo in hmachhawn ang hmiang, tiin an au ta a
.
Ngawpui chhung chu a reh vawng vawng maia, Aikunga leh a naute chuan an hma lawka thil lo thlengtur chu huphurh rutak si, mahse chu Tlangval an auh laka huaisen zawk nih duhsi chuan, chu Tlangval chu lo chhuak ngamlose ti rilru chungin, an thinlung chu a phu dep dep mai a ni, Aikunga leh a naute hian an thiltih hi ngaihtuah chianga an tihchu a ni, mahse an hma a Tlangval hi chu ti mai maia cho chi a nilo tih hi an hrelo a ni, hrechiang ngatseng zawng he Tlangval lak ah hian meikhup in, tuna an awmna ngawpui hi an chhuahsan ngei ang le, an hriat lohna chuan huaisen na pe in, an ngamloh chalah chil an hnawm tih reng an hresilo, an chungah chuan thihna chuan thla azar a ni tih hrengat seng zawng, chu Tlangval chu hlate khua ah an tlansan duh ngei ang le, ngawpui chhung chu a reh vawng vawng maia, ngawpui chhung thingsang tak lera Vaṭhu hram lauh lauh tih loh chu thawm danglam hriat tur a vang hle a ni, Aikunga leh a naute pawh an thinlung chu hlauthawng taka phu dep dep chung in an hawikual hrak hrak maia, mahse thawmchu a reh rei em a vangin chung mite thinlung pawh karlo ah chuan a muang ṭanta, mahse chulai ngawpui chhung chu thihna rapthlak tak mai chuan rawn tuamvel in, lung ngaihna chhum chhah tak chuan a rawn tuam ṭanta si a
.
Aikunga leh a naute bei dawng rilru chuan, chulai hmunchu kalsan mai an han tuma, chu tihlai chuan an chhak lam, an hnung chhawn tawhlam ah chuan, Tlangval la naupang tak, hmelṭha leh pian nalh thlarh maichu hman hmawh miahlo a rawnpen chhuak in, chu Tlangval chuan thisen chhuahna hlauhawm tak maichu a rawn pen chhuah pui a ni, Aikunga beng chuan a hnunglama thawm awm chu rang taka hria in, rang tak chuan an hawilet nghala, a naute pawh rang taka hawilet venghal in, an hmalawk ah chuan Tlangval pian nalh thlarh maichu a rawn ding kak ta hah maile, chu Tlangval ke veilam chuan a hmelma te khurhna lian tak rawnpen chhuah pui in, a ke dinglam chuan chu ngawpui chhunga lung ngaihna leh mang an na chu rawnpen chhuah pui bawka, a ban bul chawmbat leh, a kut veilam chuan a hmelma te tana thisen chhuahna rapthlak Maubul chang hriamchu rawn hum chhuak in, a ban dinglam, a ban bul a ṭanga in vuah nghet charh mai, tha hrui ngah tih hriat tak mai leh, a kut bawr hrawltak mai chuan a hmelma te tana thihna rapthlak chempui hriamtak maichu rawn hum chhuak bawk in, chu Tlangval duhawm tak maichu a hmelma te hma ah chuan, Sapui in a sa seh tur thawm neilo a fimkhur tak maia a en ang mai hian, a hmelma te hma ah chuan hlauh chhete mah neilo leh, in ring tak chung chuan a ding kak ta hah maile
.
Nun rawn na chuan thinrimna lian tak rawn thlen in, chu thinrimna chuan in thahna lian tak a thlen tasi a, Aikunga chuan zawisap hian, kan hma ah hian i rawn inlan ngam a maw? ni e, khawiah mah tlanchhe thei i nilo a ni, kan ṭhiante nun na minlak sak tawh a, kan ṭhiante phuba lak sak hi kan tih tur liau liau a ni a, i thih hma in sawiduh te i nei em? khawi Lal awp hnuaia khawsa nge i nih a? i chan chinhi i chhungte eng tin nge kan hrilh ang? tiin an zawt a, mahse chu Tlangval chuan Aikunga zawhna chu pakhat mah a chhanglo a ni, a mit mudum fiahkak mai chuan a hmelmate chu ngun taka thlir in, a hmelma te lak ah chuan chetsual reng reng a tumlo, Aikinga bawk chuan, naupang luhlul tak i nih hi mawle, vawikhat chiah ka zawt leh ang che, tunge i hmingni a, khawi khualehtuia khawsa nge i nih? an tileh a, Chu Tlangval chuan a hmelma te chu ngun taka en in, zawi dam thlarh mai hian, keihi Sangluaia kani a, kapa chu Lal Thangluaia a ni, tiin Aikunga zawhna chu an chhang ta a, chu thuzet chuan Aikunga leh a naute chu a barakhaih chiang hle maile, Phungpui hmu ang hrim chuan an hma lawka Tlangval dingchu phawk tak mai chuan an en ho maile
.
Ka mit lamhi a la ṭhat tawk loh avangin, thawnthu kala ziak sei theilo a, khawngaihin chhiartu ten minlo hrethiam hram hram dawn nia
.
.

DUHTAWK RIHPHAWT ANG U AW
REMCHAN VELEH KAN CHHUN ZAWMLEH DAWN NIA
.
Hman hmawhlo in minlo nghak hram hram ṭhin dawn nia
.
.
[Lalzirliana Tochhawng] [Champhai Tlangsam]



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)