Pasaltha Thangluaia By Mazira Tochhawng Mipa 1 - 237

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

Re: Pasaltha Thangluaia By Mazira Tochhawng Mipa (1 - 171)

Unread post by Ngaia » January 28th, 2018, 7:06 pm

............. PASALȚHA THANGLUAIA (177) ..........
.
.
Chu zanthim chhahtak maileh rehruih mai hnuaiah chuan bawihsawmtu neilo rawlthar duhawmtak mai chu ni khuapawh hrelo chuan a tlusawp rengmai a, a zawngtu te lah chuan hmuhngei tumin ngawrh tak mai chuan zawng zelin zanpawh sawilo chuan an zawng chhunzawm char char mai bawk a, khawchhak lam kawlkil ațanga Ni thar duhawm tak mai rawnchhuak pawhchu a tan chuan vanduaina rawnkengtu nge a nih dawn a? van neihna rawnkeng tur zawk a nih ang? a tan chuan hriatthiam pawh a harsa a ni, Ni arawn tlangsan deuh hnuchuan chu rawltharchu arawn harh țanta a, a mit rawnmeng in an hawikual vel a, a khawhmuh chu a fiahlo tihpawh hrenghalin a lu pawhchu a na hle a ni tihpawh a hrenghal a, thawhchhuah an tuma mahse a khawhmuh chianglo leh a luna nen a tho chhuak mai theita reng renglo mai a, an maimit chhing vang vang a inti pachangin țhutchhuah leh an tum a, chutah chuan harsati takchung chuan a țhuchhuak ta a
.
Harsati tak chung chuan an hawikuala, a awmna laichu khawilai nge ni ang? a hreta hauhlo mai, tin a khawhmuh chu a pheruai maibawk nen chu awlthar tan chuan a beidawn thlak khawp mai, a luna a tihlai chu an hawiha a samte chu a lo khawn uaih mai a, a chetsualdan an ngaihtuaha chianglo ruai chuan zanah khan a kalchhuaka engruamah emaw chuan a tla a ni tihchu a hrechhuak thei a, a lu chu khawih in a lu ah chuan hliam a tuar a ni tihchu a lu kak duaimai a khawihfuh ațang cuan a hrethei bawk a, zawi zawi chuan a hriatnate chu rawn țhachho zelin a khawhmuhte pawh chu arawn fiahve tulh tulh bawk a, a khawhmuh a chiandeuh hnuchuan han hwikualleh in a awmna laichu kawrte ruam a ni tihchu a hrechiang thei ta a, an hawikual chiandeuh chuan a tlakna laichu kawrte bunglai a ni tih hria in, a tlakna laichu Patling hlamli awmvel zeta sangtur a ni tihpawh a hrethiam tawh a ni, a tlakna bulvel an hawikual chuan a bul lawk lawk ah chuan Lung pawm tiat tiat veltur hriam deuh deuh maihi a lo awm ferfur mai a, chung Lung hriama in sawhlo chuan kawrte kam Lung țhillai ah chuan a tla tih in hria in van nei a in ti khawp mai
.
A lua hliam atawrh chu a tlak tirha a in sawhna kha a ni tih hrechhuak in thawhchhuah tum chuan an in nemkang a, chutih laitak chuan thawm a hreta, mihring țawng thawm ni in chung mite chuan nizan ațang khan an zawng a ni tih hrechhuak leh in thawhkana chungho hmachhawn tur chuan dinchhuak an tum a, mahse a ban dinglam chu chet harsa khawp in a dar ațang chuan a lo vungthla luah mai a, tin a hnute veilam hnuai hliampawh chu nasa tak in a lovungin a lo pawrhturh mai a, ral hmachhawn thei zia zang a nilo tih a in hriat chuan a rilru pawh a ni khawp mai, englai maha ralhma a hungtawlh tum ngailo rawlthar huaisen tak chuan, tundin hmunah chuan a hmelmate hmachhawn theilo in in thiarfihlimsan a ngai a ni tih a hriatchuan hreawm a ti khawp mai, mahse eng ang pawhin hreawm ti mahse a dinhmun in a zir miauloh avangin chung a mah zawngtu te hmuh lohtur chuan a tawlhsawn a ngai a ni, chung țawngthawmte chu arawn hnaihzel avang chuan Sangluaia pawh chuan in thiarfihlm tumin kawrte kam lehlama bikruk tum chuan theileh theilo chuan an pan phei a, a thlengphei țeptih chuan a chunglam ațang chuan aw vintak mai hian, tawlhsawn tawhsuh nangmah vang hian zan tlaivar țhakin kan buaitawh lutuk tiin arawn vințhawt mai a, chu rawlthar chuan a ralthuam chuh hantum mahse zan lama a lumna ah khan khawiah nge an lak bo hlawm tihpawh hriatloh in pakhat mah a kenglo a ni
.
Chupa amah rawnhmutu chuan a țhiante chu au kawmnghal in, helai kawrruam a hi a awme kan mizawnpa chu tiin a au lung lung mai a, chu rawlthar chuan in saseng pawh tumse a hliamte avang chuan a in saseng theilo a ni, a tlakna ah khan a khup veilamchu sawhpelh in a vung luah mai a, chu a khup tih hliamchu kalpawh a kalpui theilo a ni, chu vang chuan khawiah mah a in thiarfihlim theilo a ni, karlo ah chuan a hmelmate chan rawn nangching in, an zinga an hruaitupa chuan dimna telmiahlo chuan, nanghi maw zankhaw taireka minti hah tu chu tihpah chuan rawlthar chhipsama țhamchuan an phihding lawp mai a, chupa chuan chhipsam tlațhawt khawp in phih mahse chu rawlthar chu țekhat pawha țe eih lo a ni, chungho chuan han kalpui an hantum a, chungho chuan Hruihmul chhatin Sangluaia chu nghettak mai chuan an han hnungkhirh nghal sawk sawk a, an hnungkhirh zawh chuan hruia kai in kalpui an hantum a, mahse Sangluaia chuan a khup veilam chu a hman theihloh avang chuan a tluhnawk mai a, pakhat chuan diriam tak maihian nang sawnchhepa ka kal duh dawnlo i ti maw? tihpah chuan a hnute veilam hnuaia a hliam vungul maileh pawrhturh maiah chuan an pet pawp mai a, Sangluaia na ti lutuk chu a țhen chawk chawk mai a, mahse vawikhat pawh rumchhuah a tumlo a ni
.
An hruaitupa chuan Sangluaia khup vungul mai an hmuhchuan kalchi a nilo tih hria in a hote hnen ah chuan an hnungkhirhna chu phelh in a kut chu a hmalam zawng chuan an phuar tir a, a banrek ve ve ah chuan hrui tamzawk chuan nghettak chuan an phuartir a, chupa chuan Sangluaia hnen ah chuan, i khup hliam avang khan i kal theilo tih ka hria e, mahse keini ho hian kan zawndawn reng reng lo che, tin kan kal tumna chu nangmah telhian kan thleng ngeitur a ni tihpah chuan Sangluaia chu a kuta an phuarna hrui chuan a hnukta hrawp hrawp mai a, ramhnuai ngawpui chhung Thing leh Mau hmun karah chuan an hnuk ta hrawih hrawih mai a, chu rawlthar chuan hreawmti in an hnuhna chu na ti em em mahse rumkat pawh rumchhin a tumlo, tin a hmelma te lak ah chuan vawikhat pawh khawngaihna dil a tumlo a ni, khawngaihdil ai chuan a tawrh zawhloh tawpa thih tawpmai chu a thlang zawk a ni, an hnuhna ah chuan a hnute veilam hliam vung pawrhturh mai chu perhte ten lo chhun in, thisen chu arawn chhuak zawih zawih mai a, tin a dar dinglam Silaia an kahna ațang pawh chuan thisen tharlam tak maichu a rawn chhuak zawih zawih mai bawk a, chungho lah chuan dimna tel miahlo chuan an hnuk hrawih hrawih zelmai a, chungho chuan kawrte kamah chuan hnuk thlazelin an thlang ruam zaulai chu an thleng thlata a, Sangluaia chu an hnuhna thlakna lamah a awmbawr leh a malpui velchu a pilh hrep hrup ai a, a hliam ațanga thisen rawnchhuak nen mihring pang ngaitan chuan tawrh zawh pawh a nilo a ni
.
An hruaitupa chuan rawlthar chu Thingbul ngheng chuan țhuttir in, nanghian maw Kaivela makpa ka unaupa nun na chu la? ka that mailo ang che, hreawm nasatak i tuarphawt dawn a ni tihpah chuan, Sangluaia khup veilam vungul maichu rap in an țhu a, a nat em avang chuan chu rawlthar chu țhen chawk chawk in a thlante chu a tla bawrh bawrh mai a, chupa chuan i in ti tuarchhel hlemai maw? tihpah chuan rawlthar hnute veilam hnuaia kak thlerduai mai vungul maichu a kut dinglam chuan a theihtawp chuan an țhamsak ta mai a, chu zet zawng mihring tawrhchhel em em tanpawh tawrh zawh rual a nita lo, chu rawlthar lainat awm tak mai chu nati em em chuan rawnțhen chhuak in a thlan chuan arawn bualhuh nghal zawih zawih maia karlo ah chuan nikhawhrelo chuan a awm zuita nghal a, a rawnharh leh meuh chuan Ni pawh khawthlanglam kawlkila tlaktum chuan a lo senrum tawh mai a ni, Sangluaia arawn harhtih an hmuh chuan an zinga pakhat chuan, helai hmunah hian kan hotupa hian thahmai che phalche seng chuan thatnghal mai che i la țhatur, kan phurpawh a zangkhai ngei ang, khua hruai thlen kher kher che a duh a ni a, i kaltheilo nen hre awm i la tawrh a ngaidawn a ni, kal theilo mahla a hnuh talpawha hnuh thlenche a tum tho thosi a an ti a, chu tihlai chuan an hruaitupa chu lo kalin, vala i rawnharh tawh maw? i khup i lo tina kher kher chuan hreawm i tawrh hnem phah dawn a nih hi, kal theilo mahla khuachu ka hnuk thleng hrim hrim dawnche, i hliam avang hian i thi a nih chuan i ruanghi helai ngawpui ah hian hnukchhiah i ni ang tihpah chuan Thingțang rua deuhtawh banrek tiatvel tur hian Sangluaia khup vungul maichu an hlap pawp mai a, mahse chu rawlthar chu rumkhat pawh arum eihlo a ni, mahse a nat em avang chuan a thawchu rawnsa nghalin thlantui chuan arawnbual nghal zawih zawih mai a
.
He tihlai velhian Lianpuia leh a hote chuan Tlanglo khua chu pan in chawhnu herhret ah chuan Tlanglo khawdai chu an rawnlutve mek bawk a, Lianpuia rilru chu anuamlo khawp mai, Sangte'in a fapa a mumanga a hmuhdante an ngaihtuah chian chuan Lal fapa Sangluaia chu dama an hmuhtawhloh a ringhial a ni, mahse beingesei rungdung tiin khua chu an rawpanzel a, khaw kawtchhuah an rawnthlen chuan Ni pawh a hniam ruihtawh a ni, khawchhung chu rawnlut nghalin Lal in lamchu an panding nghal vang vang a, Lal in an luhchuan Tlanglo Lal pawh chuan thiamtaka lo lawmin an khua run a nihdan zawng zawng chu chiangtak in an sawi a, Lianpuia chuan Kaivela nen chuan in hmuh thiamlohna te an neih leh neihloh te chu zawtin Sangluaia chanchinte chu a zawtnghal a, he tihlai hian Hrangvela pawh Lal in ah chuan rawnlang hlawlin Lianpuia nen an han inhmuchu idam maw in tihpah chuan an in chibai nghal vawng awng mai a, Lal chuan Lianpuia zawhna chu chhangin, Kaivela te nen hian in hmuh thiamlohna kan neih awm reng reng kan hrengailo a, mahse tunhmadeuh khan kan ram chhak lam, tuna Ramtang kan tihtak khi minrawn chuh a, chulai hmunchu kan inri na laini in keini lamtan hian thlawhhmaa țhehtur in a hladeuh hlek a, mahse min thlahtu ten khilai Ramtang kan tihkhi tunhma a Thang an lo chhuah tawhna țhin a nih avangin Kaivela kuta hanpek maichu kan tilo a, an nilam pawhin min rawnchuh mahse kan pileh pute ațanga kanlo neihtawh a nih avangin chuti maia hloh kan phaltak loh ah chuan țatakin mi kiansan turah kan ngai a ni, thuleh hla reng reng an rawn nei tawhlo a, keini lampawh khilai Ramtang chung chang ah chuan ngaihțha takin kan awm tawh a ni, tin Sangluaia chung chang ah chuan thuleh hlate in hriatvek tawh ka ring a, ka mileh sate um zuia a kalliam ațang khan hei nili laimai a liamtawh a, tun thlenghian a chan chin reng reng kan hretawhbik lo a ni tiin an chhang a, Lianpuia chuan engpawh nise helai hmunhi kan rawnthleg tawh a, a rangthei ang bera chungho chu kan umzui angaidawn a ni, mahse hei kan hriat țheuh ang in zan inchu helai hmunah hian zanriah kan ei mai angai dawn a, tin riahbuk pawh kansual mai a ngaidawn a ni, Tlanglo khuate hian mimlo mikhual mailoh chuan keini tan zanthim hnuaia ngawpui chhunga riahbuk han sualleh tur chuan a harsa tawh a ni an ti a, Tlanglo Lal pawh chuan, e khaih khaih tlang mailo e, a awm ang ang ei za in inrawnkalna lama in chhawlhalte leh in dangrote pawh a theih ang ang in kan hnawntlang ang chu mawle an ti a, ti chuan chumi zanchu Tlanglo khua a riaktur chuan Lianpuia te chu an in puahchah ta a ni
.
Tuailam khua ah thung chuan Lal Kaivela leh a khawnbawlte chuan khunkhan taka țhukhawm in, Lal Thangluaia ho te chu engtin nge kan lo dantheih ang tihchu anngaihtuah lianber a ni a, khawnbawlmin chuan engpawh nise kan Lal unaupa, Kailiana hi arangthei ang bera kan hriattir vat angai a ni, harsatna kan tawhdan zawng zawng hi engkim hrilhveka an puihna kan ngenmai a ngai a ni Thangluaia hote lak ah hian țan kanlo khawhdawn a nih ngaichuan, mahse kan khualehtui chan huama Thangluaia laka kan inpe dawn a nih chuan tumah tibuailo leh, an puihna pawhdil ngailo in kan amdawn a ni a, keizawng thiamtaka Thangluaia hote hi lo dawnsawna in remna lo siampui maihi ka duhdan a ni e, tumah in hloh lo a țhataka lo in pekmai hi a finthlak mai in ka hria an ti a, khawlbawl Kaivelipa an tih chuan khawnbawlmin thuchu rawnkalhin, keizawng kan khawnbawlmin thu leh hlakha fingfel viau mahse ka pawm zawng a nivelo ka ti, a Vaibel pak khuk talh talh pah chuan an ti a, kan Lal unaupa Kailiana hi Lal chak tak maileh huaisar tak a ni a, tin a pangber Kaihlira pawh khualehtui neiin inza lai ațhun a ni a, hetiang an nihlaia an unaupa Lal danglaka a inpe maitur chu ang ngaithiamlo tawp ang, chu vangin Kailiana leh Kaihlira te puihna hi dilin a rangthei angberin Thangluaia ralhi kanlo dangtur a ni, chu tiang a nihloh chuan kan tlaichhe palh hlauhdah ang e, kan khualehtui Lal dang kuta an awm maiturhi chu keizawng ka ngai ngamlo a ni an ti a, Liankungipa chu rawn in rawlhve in, he thu ah hian ngaihdan siamthiam pawh a harkhawp a ni, Thangluaia lo dantumhi thilat thlak tak zawng a ni ngei mai, a chan chhezawk kan nihngat hlauhphei chuan kan chan a chau viau ang le, Lal Kailiana leh Kaihlira te pawh pun mah ila keichu Thangluaia em dang zotur chuan rinhar ka lati fan mai, tunhma khan Lal Velliana te unauza khan theihtawp in Thangluaia hi tihchhiat an tumțhinkha a ni a, khang hunlaikhan Velthanga te unauza kha khawchhak lam tlangdung ah hichuan an lian in henglai khawchhak tlangdunghi chu an awp a nihdeuh ber kha, mahse katiang khawpa lianleh Pasalțha rualngah khan Lalbula khua kha vawikat mah an luhchilh theilo zawng a nih kha, a chhanber pawh Lalbula Pasalțha Thangluaia kha ralrel thiamah leh huaisen ah khan tumah kan an tluk lohvang a ni, a mah Thangluaia hi rawnthawk chhuak kherlo mahse Pasalțha huaisen leh ralrel thiam tak tak tamtak a nei a, chung mite chuan an Lal fapa chhan nanleh kan sal mante lek lettum hian an huaisen na leh an ralrel thiamna chu kan lak ah an rawnlantir ngeidawn a ni, chungho lodang tur chuan kan Pasalțha huaisente hian theihna an neive reng angem? kan khawnbawlmin ngaihdan kha keizawng ka țawmpui khawp mai an ti a, mahse Lal Kaivela leh khawnbawl dangte chuan Lal Kailiana leh Kaihlira te puna Thangluaia hote chu lo danlet vek chu an duhzawk avangin Lal Kaivela ngaihdan ang chuan thutlukna an siamta a ni, he mini ah hian Tlangval paruk laimai chu Kailiana leh Kaihlira te thilawmzia hrilha an puihna diltur chuan an tirchhuak ta a
.
Thangluaia pawh a rilrua nawmloh ang chiah chuan a chhngte, a nu Satpuii leh Sangtei te, Satbula leh a nu Lalbula nupui Hleithangi te chu an rilru a nuam theibik lo a ni, Lal mualkilte chu rawn chuangkai mahse an rilru hreawmna chu a zangkhai thei tak tak lo a ni, Lal khawnbawlmin Thawmvela chuan khawnbawlte hnenah chuan, hei kan huntawn in a zirlo a ni a Lal chhungkuate hi kan hriatthiam angai a ni, kan Lal fapa duhlai chungah chuan eng em a thlenglo turah ngai i la, tin kan Pasalțha rualte pawh in kan Lal fapa chu a chin han hrevat turah ngai i la, thil a țhazawnga kaltur ah i ngai angu an ti a, Lal Thangluaia pawh in a khawnbawlmin thusawichu dik viau in a hria a, a khawnbawlte hnen ah chuan, kan huntawnhi keini hringmite chunga englai pawha thlengthei reng a ni a, thihna hial kanlo tawk a nihpawh in kantawh tur renga khuanu lo duanlawk a ni tih kan hriatthar a ngai a ni, helaia kanlo in dawmkun hian awmzia pakhat mah a neilo a, kan Tlangval chu ralin an that tihpawh kan la hre em hleinem, tunah a chin kan hrelo a nimaia, enghun ah pawh lo letthei a ni alawm tiin an sawi a, Bulthanga Lalnu Sangtei u pawh in, kan Lal thusawihi a dik a ni, ka tupa chu tunah ralkutah a awm tawhe tihthawm em pawh kanla hrehlei nem, chu vangin keini hi khualehtui hmuha lusun ang maia kan awmhi a dik lo a ni an ti a, khawnbawl pakhat chuan, kan Lal fapa Sangluaia kha a nihna hansawita i la, ralhma a tlawm mai mai chi anilo a, tin che theilo tawpa a awm a nih loh chuan ral kuta inpe chi a nilo, rawlthar huaisen leh zamțha tak mai a ni a, chu vangin tunah a chin hrelo mah i la na kinlawk ah chuan a chin chang kan hriatvat ka ring tiin anlo tuihnih ve a
.
Sangluaia chanchin hian Thangluaia khuahi a deng chhuak rang em em mai a, an Lal fapa a lo ni nen, tin a pa ang chiaha khualehtui chhunga chanhaite leh fahrahte hmangaia tuamhlawm țhintu a ni a, tin Sangluaia te unau hi a pa khualehtui te hian an ngaina in tumaipawh hian an nel em em mai a, an ngilneihna te leh an tlawmngaihna te, Lal fapa nisia mitan an in pekna te leh an chapo lohnate hian mite ngainat an hlawh nasa em em mai a, khawtamtak Lal fapate chuan an khualehtui chhungah chapo tak in an lenga, mihnuaihnung zawkte hmusit in fahrahte an ti duhdah em em țhin a, tin nula chungah thlengin Lal fapa an nihna an lantir țhin a, tumah in an sawisel ngamțhin loh avangin huaisar tak in an lengțhin a ni, mahse Satbula te unau hichu chu tiangmi an nilo a, an nuleh paten an zirbawk nen Lal fapa an nihvang ringawtin an chapo lo a, a nuleh pate zirtir ang in khawchhunga țanpui ngaite țanpui in Lal fapa te tih atana mawilo a ni tihpawh sawilo in, chanhaite leh mihnuaihnung zawkte țanpui kawngah chuan a țul țul tiin an kaulve țhin a ni, chu tiang michu an nih avangin Thangluaia khualehtuite hian an Lal fapa te unauhi an ngaina in an chhuang em em mai a, tuna Sangluaia chin hriatloh in a awm tihthawm an hriat ringawt pawh hian mipui thinlungchu a na ngawih ngawih a ni, Thangluaia khua ami pitar pakhat phei chuan, kan Lal fapa kan duatlai chu ralho kut a lo tuar a nihchuan a thlavang hauhtur in kei pitar meuhpawh hi ka penchhuak ngei ang a tihial a ni, chutiang khawpa khualehtuite ngainat unau an nih avangin tuna Sangluaia chanchin hian mipui thinlung a khawihna em em maia, a chanchin naichang hian mipuite chu Lal tualzawl ah chuan an pungkhawm hmur rengmai a ni
.
Ni tlatur chuan ngawpui chu rawnchhun in, Ni zungchu ngawpui chhung Thinghnah karah chuan arawnlut sung mai a, chulai ngawpui chhunga thilthleng mek chu a țhentan hlimawm viau mahse, Lal fapa Sangluaia tan chuan hreawm ințan na turchauh a ni emaw tihtur chuan a hmelmate kutah chuan awmin hreawm pawh asawi theihloh a ni, a mah mantute zinga pakhat chuan, khaile lo kalrawh u khai zanriahtur ka peihtawh e tiin a țhiante chu an au khawm a, Sangluaia chuan a khup pelh an hlapna chu na tiin a thlante chu a tla zawih zawih mai a, an hnuhna nen chuan a khup chu avungmar vek tawh a ni, mahse ch rawlthar huaisen tak maichuan a thih thlengpawh in a hmelmate kut ah chuan tlawm emaw, eng ang pawihin sawisa in na tuardawn mahse an khawngaihna dilchu a tumlo hrim hrim a ni, a thlanglawk kawrte kamah chuan a mantu te chuan zanriah chu ei in an hlimtlang dar dar khawp mai, Sangluaia pawhin a bullawka zanriah ei thawm an hriatchuan a rilțam tawhzia chu a hrechhuak uaih uaih mai a, nithum ngawt chaw eilo in a awm tawh a, mahse eng ang pawhin rilțam mahse a hmelmate lak ah chuan khawngaih dilchu a tumlo hrim hrim a ni
.
Chungho chuan zanriahte an han ei kham chuan an miman Sangluaia bulah chuan an rawnțhu chho hlawm a, an zinga pakhat chuan diriamtak maihian, Thangluaia fapa maw i nih? i pa Thangluaia kha Pasalțha tawrhchhel tak an ti a, a fapa i nih chuan i pa i chhunnge chhunlo en chhinteh ang tiin, Sangluaia dar Silaia an kahna vung dukchu maichu a kut dinglam chuan natak maichuan an țhamsak a, a nat em avang chuan chu rawlthar chu a in sehruh ngar ngar mai a, a thlantui chua rawnbual nghal zawih zawih in vawikhat pawh țe chhin eih atumlo a ni, pakhat chuan he tiang khawpa hliampui tuarsi hi kan hnuhlai pawh khan natuar hian rumkhat pawh arum chhin eihlo nia an ti a, an hotupa chuan tuarchhel tak pawh a ni thei e, mahse ka chungah hian khawngaih minla dildawn khawp mai tiin, Sangluaia khup vungluah tawhchu rahsak in an țhutung ranmai a, chu tihpah chuan a nak veilam hliam thlerduai maichu țhamsak nghek in an sawhkhawm sak a, pakhat chuan adar Silai kahna chu țhamsak bawk in an duhtawk mai chuan an hansawk kual a, Sangluaia nati lutuk chu a thaw hawk hawk mai a, thlantui chuan a bual zawih zawih maibawk a, mahse chu rawlthar chuan an sawisakna avang chuan vawikhat pawh rumchhuah a tumlo hrim hrim a ni, an hotupa chuan a kuta an hlin na hruichu la chuak in, khawngaihna mindil dawnkhawp mai tihpah chuan Sangluaia chu chulai kawrte kamah chuan an hnuk kualta hrep mai a mihring han in hnuhkual takah chuan Sangluaia awmleh a malpui velte chu pilh kak in thisen a rawn chhuak zawihzawih mai a, a dar hliam ațang leh a nak hliam ațang chuan thisen nasa tak rawnchhuak zawih zawih bawk in, a tawrhchu mihring tungchho pakhat rawlthar vemai tawrh atan chuan a na a ni, chu rawlthatr thinlung chu khauh hle mahse a hreawm tawrhna ah chuan nungdama a chhuah theih a in rinloh avangin a thinlung chu a rumve vawng vawng mai a, a mah hmangaih em em a, kehthei dawma lodawm seiliantu a nu lehpa an ngaihtuah chhuak a, a hliamleh an sawisak na chu a nat em avanga thinlunga rum vawng vawng chung chuan a mah hmangaih ngawih ngawih tu a pa Pasalțha ralhrat khawkheng Thangluaia ngei maichu a thinlung chuan a au ta
.
A fapa mangang authawm chuan Pasalțha huaisen Thangluaia thinlungchu fei zumtaka chhuntlang zawk ang maiana chuan arawn chhun tlangta zawk mai le, chu Pasalțha huaisen hriatna chak tak mai chuan hmunhla taka a thisen ngeia a hrin a fapa mang ang rumthawm chu a hretheita tlat mai le, a khawnbawlte kar ațang chuan rangtaka rawnding chhuak in khawnge ka rallu lak chem kha? ti a rawnau chhuak in a Lal thuamchu ahlip nghal a, a Thangchhuah diarchu khim in banglaia a rallu lakna chempui chu a pawtdawk zawk mai a, Silai humchhuak nghalin Lal ropui chuan aw ringtak maichu a chhuah ta, ka fapa i tawrhna chu ka hria e, i laka kut lektu chuan Keipui muhil atawng harh tih in hriase la, i laka Thalfang thlahtu chuan Keipui hliam thinrim a hmachhawn mek tih in hrebawk rawhse, nangmah nghaisatu te chu khawihmuna awmpawh nirawhse, kawlkil tawpthleng pwhin ka umzui ang ti a au chhuak in chu zanthim chhahtak hnuaiah chuan Lal ropui Thangluaia chuan a fapa mang angin a kohna lampan chuan tuma danrualloh chuan a kaldawk ta pur pur mai le
.
.
DUHTAWKLEH RIHPHAWT ANG U AW
REMCHAN VE LEH KAN CHHUNZAWM LEHDAWN NIA
.
Hman hmawhlo in minlo nghak hram hram țhindawn nia
.
.
[Lalzirliana Tochhawng] [Champhai Tlangsam]



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 28th, 2018, 7:06 pm

.............. PASALȚHA THANGLUAIA (178) ..........
.
.
Zanthim pawh sawilo a Lal meuh a thawh chhuah tak ah chuan Lal tualzawl vela Tlangal rualte leh Pasalțha rual kal chhuak velote chuan an tihturchu hriain, a rang theiang ber chuan mahni in lamah chuan hmanhmawh taka tlanhaw in, sa tlak thut emaw, ralpawh rawnlut thutpawh nise zanthila an hmantura peihsa diama an dah, Rapchunga meichher siamsa diam an dahchu chhikai in, an ralbeih na hmanruate chu la zung zung hlawmin an Lal kal liamna lamah chuan an tlanliamve nghal zung zung mai a, Thawmvela pawh in a Lal hnungchu ka zui zolo ang tih hlautak chung chuan hmanhmawh takin a ralbeihna thuam nen chun a Lal kal liamna lamah chuan a tlanlimve nghal bawk a, Lalnu Sangtei nuțapa Bulthanga erawh Lal kalchhuah hlana Lal in khua leh mipui te lo kaihruai tura a tihber a nih țhin avangin chumi țumpawh chuan a kal chhuak velo a ni
.
Pasalțha rualleh Tlangval rualte chu hman hmawh taka an Lal chu um an nih avangin karlo ah chuan an Lal chu umpha nghalin arual chuan khawkhat runtham tehmeuh maichu an kal chhuak ta duah duah mai a, Thangluaia pawh upalam nive tawh mahse chu tianga upa chhia an la nilo bawka ramhnuai ahchuan Tlangval tamtak chuan an la tluk lo tih hriattak mai hian a kal pur pur mai a ni, Pasalțha ralhrat a nihzia chu tumah chuan sawinawn ngailo in, ramhnuai ngawpui chhungah leh, zanthim hnuaiah pawh Meichher eng chauh ni mahse a chetdan ațang chuan hairual a nilo a ni, zanchu rawnrei tulh tulh in, Lal Thangluaia leh a naute pawh chuan thlenghlave tulh tulh in, ngawpui chhah tak tak, hmakhawsang ațang tawha tukloh ramdai kan pileh puten anlo tihțhin chu an lutthuk ve tulh tulh mai bawk a, Tlangram lo neia ei zawngni hlawm mahse khua ațanga hladeuh te chu neihphak a nihloh avangin ngawpui chhah tak tak Chhura rual rual anlo tih țhin Thingte chu ading ngaw khep khup mai a, chu tiang ngawpui chhah tak tak te chu chhun pachang ah pawh a chhung chuan Ni hmuvelo in a hnawng churh mai hlawm a, Pasalțha te leh mihuaisen deuh tanlo phei chan chutiang ngawpui chhah chu chhun pachangah pawh dailuh mai mai a ngam awmlo a ni
.
Kan pileh pute chuan chu tiang ngawpui durkhup maichu mihuaisen tanlo chuan chhun pachang ah pawh luh ngamna mai mai chi a nihloh avangin, Khuavang Lasi te leh Huai tam tak te tuallen na an loti țhinreng a ni, mahse chutiang ngawpui chhahleh durkhup mai karah chuan Lal ropui tak mai Thangluaia chuan hmalam panzelin, a thinlung ah chuan hlauhna pakhat mah in hmunchanglo chuan dingtak chuan a kalzel a, ngawpui durleh thimchhahtak hnuaiah chuan Meichher humchung chuan Lungpui leh Thing tuluang ah te chuan perkai nalh nalh in, Tlangval tamtak tluk lohchuan akal dawk par par mai a, a hmalam hlataka a thisen ațanga a hrin ngei a fapa mang ang rumthawm chuan thildang reng reng ngaihtuah tir theilo in, ngawpui chhah leh mi tamtak kal ngamlohna hnuai ah chuan hmahruai in hmalam chu a panzel a, chu zanthim chhahleh ngawpui chhung hlauhawm tak mai chuan thawm mak pui pui rawnchhuah in rawn rumțhaih țhin mahse, Lal ropui chan a tihtur chauh chu ngaihtuah in chung thawm rapthlak tak tak te leh rum vung vung maite chuan a ngeng pawh chhunlo pha eih lo chuan hmalam chu a panzel a
.
Rawlthar tam tak te pawhin chutiang ngawpui durkhup mai leh a chhunga thawm mak pui pui maite chu an vawikhat tawn na ni in, an hriat vawikhat na ni mahse an hmalama an Lal chauh chu en in an thinlung ah chuan hlauhna chuan hmun a changlo a ni, rawlthar te leh Tlangval rualte chuan an tihtur chauh chu ngaihtuah in, an mahni hmangaiha an tana a nun na hialpawh hlan ngamtu an Lal in a fapa chanthei dinhmuna a dinlaia chutiang ngawpui chhung thawmvel mai mai hlaua kimki mai mai chi an nilo tih hria in, chutiang thawm mak pui pui lak ah chuan an thinlung chu Lung bang ang maia tisak tlat in hlauhna leh buaina pakhat mab neilo chuan an Lal hnung chu an zuive zel a, chu tihlai karah chuan khawnbawl min Thawmvela pawhin rawlthar te leh Tlangval rualte chu fuihpah zelin kalpah chuan, rawlthar rual leh Tlangval rualte u, Lal ropui Thangluaia Tlangval huaisen kan nih kha, hmalam pan in kalzel rawh u, i thinlung huaisen tak mai kha heng thawm bengchheng vel mai mai hi luahkhah tir hlek suh u, in Lal pawhin a tihtur chauh ngaihtuah in kan hma min hruaisak zel hi tiin an fuihpah zelawk a, rawlthar rualte pawh in an val upa fuihna chu an thinlung ah chuan khungtlat in chulai ngawpui chhung chuan hlauhawm tamtak rawnchhuah in rawnrum dur dur țhin mahse tumah chu chung thawmah chuan chhete mah in an zamlo a ni, Thangluaia pawhin a tihtur chauh ngaihtuah in chulai ngawpui chhahtak maileh țihbaiawm tak maichu khawvar dawn hnaih ah chuan an kalchhuak veta hlawl mai a
.
Rawlthar Sangluaia tan chuan chuzan chu zan rapthlak tak nge a nihdawn? a saltan na a ta a chhuah na zan nidawn? tihchu hriatthiam a harkhawp ang le, a mah hnuk kualtu chuan diriam tak maihian Sangluaia hmaibul ah chuan zuk kun hniam in, nuamsa tak chuan i thilo ang ka tih kha, hreawm tuarchung in muangchang in ka thihtir ang che nga, i thih hnuah i lu hi ka la ang a khua ah ka hawn ngei ang, i lu hi khua ah chuan Thingkung ah tarin naupangte nuihsawh turin ka khai kang ngei ang, i thih hma hian sawiduhte i nei em? i pa Lal chuan i thihdan hi a hriathun ah chuan rilru na avangin a Pasalțha rualte arawn khawm ngei ang a, mahse chutih hunah chuan i pa chuan a fintawk lohzia a hrechhuak chauh ang, i pa chuan nangmah avanga a thinrim hrik tlak tumin helamhi arawn pan ngeidawn a, chutih hlan chuan i pa khuachu meivap ah a changvek tawh ang, kan ro reldan chu i hrethiam em? he tianghi Pasalțha huaisen leh fingte chauh ralbeih dan a nihchu an ti a, chu tihlai chuan Sangluaia mantu te zinga pakhat chuan, eng pawh nise Lal fapa a ni a, tianga sawi sak lutuk hi chu kan tihtur a nilo asin, Lal fapa a nihna pawh zahsak a phu a ni an rawnti a, mahse chu thu chu Sangluaia hnuk kualtu, an hruaitupa ngaihdan chu a nilo khawp mai, an hruaitupa chuan chupa Sagluaia thlavang rawnhauh tupa hnenah chuan, helai rawnkalve tur hian tumah in kal ngenlo che, nang chuan he rawlthar hlau hian khawlam pana tlanchhiat kha i duh a ni lawm ni? chu vagin ka thiltih ah hian rawn inrawlh reng reng suh, i nun na kha hlutang che an ti khawl mai a
.
Chupa an hruaitupa chuan Sangluaia chhipsam ah chuan țhamin an riahbuk sualna lamah chuan an hnukchho dawr dawr mai a, buk kawt zawlah chuan hnukphei țhuai in Sangluaia chu a hlawm nawlh mai a, pakhat chuan Sangluaia chu rawnhnaih phei in an en chianga, chupa chuan kan mi manpa hian rei a tlintawhlo ang, zan in pawh hi a tlaivar ka ring tawhlo an ti a, an hutupa chuan a tawrh theih chin chin a tuar ang a, a thih veleh a lu kha ka la ang, chu tianga daihrei tawhlo tur a nih chuan buk bula dahchi pawh a nihloh kha, khulai kawrte ah khuan zupaih u la zingah a nghawng chu ka tanmai ang an ti a, a naue pahnihte chuan an hotupa thusawi ang chuan Sangluaia chhip samah chuan hnuk thlain kawrte chhung tui awmlohna ah chuan an zuk thehlut ta a, Sangluaia chuan nikhua la hremahse a mahpawh in a daihrei tawh dawnlo tih in hria ina rilru chu a vak thuive em em mai a, a taksa chu an sawisak nasat em avangin a chethei tawhlo a, a ban dinglam pheichu chetpawh a ti che thei tawhlo hrim hrim a ni, a taksa chu a hliamte avang chuan khawsik sangtak a nei a, tin a taksa chu vunglo laipawh awmlo chuan a khawilai maipawh chu aduk cher chur mai a ni
.
Kawrtea an paih hnu chuan Sangluaia chuan a hliamleh an sawisakna natak mai avang chuan rei atlintawh dawnlo tih hria in a rilru chuan a chhungte chu a hrechhuak ta vawng vawng mai a, a taksa a che thei tawhlo nen rawnzawng pawh niteh rengse tumah chuan helai ngawpui chhung chhengchhe tak maiah hi chuan an rawn hmuh a ringlo a ni, zawi zawi in a khawsik chu rawnsang tulh tulh in a nikhaw hriatna chu a hniam tulh tulh mai a, a rilru chuan kapa i fapa a vuahve tlak ka nilo a nih i, thichhawnga vawitam hliampui i tawrh khan nang chuan chheltak in i tuarchhuak țhin a sin, kapa ka van tluk lo tak che em, i hnung zuitur hian i fapa hian ka tihtur tam tak ka la hlenlo a sin, mahse nang anga Pasalțha nitur chuang kapa englaimah in ka tluk ngai dawnlo che a nih hi, helai tukloh ramdai ah hian ka taksa hi a lo thamral ta a nihpawh in ka theihtawp chhuah in i khualehtui tan ka dingve tih minlo hriatsak dawn nia aw, Sangluaia taksa chu rawnchau chho zelin a thawk pawhchu a rawnbuai țanta a, a khawhmuh a fiahtawhlo in a hriatna chu a thamralta riai riai mai le, ahmui tuihalna avanga ro em em maichu rawnphun sep sep in, kanu kapa ka u tiin a rawnphun sepa chulai kawrte ah chuan rawlthar duhawm leh huaisentak maichu engmah hriatna nei tawhlo leh, bawihsawmtu pawh neilo chuan an paih ang ang chuan a tlusawpta reng mai le
.
Rawlthar mantu te zinga an hotupa chuan a nau pakhat hnenah chuan, Hnukthang nang kan mi manpa kha a thihleh thihloh zuk chianteh le, a thingei a nih chuan min rawnhrilh lehvat dawn nia an ti a, Hnukthanga pawhin an hotupa tirhna ang chuan kawrte lamchu a panta nghal a, kawrte Sangluaia an paihna ah chuan zuk awmdeuh vang vang in karlo ah chuan buk laman chuan a rawn chho lehnghal a, an hotupa hnenah chuan, kapa kan mi manpa chu a thingei in ka hria e, amar kandeh vang vang khan vawikhat mah amar kha a phu tawhlo a ni, tin a taka velpawh avawt vektawh a ni, chu vang chun thingei ni in ka hria an ti a, an zinga pakhat chuan, a mah en khan reidaih thei a ni tawhlo hrim hrim a lawm, kha tiangkhawpa sawisak na kha mihring tungchho pakhat tan tuarchi a ni lo, tin a mah kha kah hliam a nihbak ah saha nasa tak hliam a neibawk a, tin kawrtea a tlakna ah khan a lu kha natak in asawh bak ah, a khup veilam kha sawhpelh in natak in a hliamawk a, khang zawng zawng pawhkha thihpui tham a sin, mahse atawrh chhel em avangin a hnuk a chat har mai mai a ni tiin an rawntui hnih a, an hotupa chuan chu tianga a hnuk a chah tawh chuan a lu chu ka zuk la anga, nak tuk zingah helai hmunhi kan chhuahsan dawn nia tiin a chempui nen chuan kawrte lamchu a panta a, chupa Sangluaia lu lak tumtu pawh chuan kawrte an thlengthla a Sangluaia taksa velte an khawih chuan a thitawh ngei a ni tihchu aring nghetbur tawh a, a chempui chuan Sangluaia luchu sah chhawk hmawk maituma a chempui a leksang laitak chuan a rinloh tak mai thawm a hreta tlat mai le
.
A chhak lawk ah chuan Keipui thinrim rum chhur chhur thawmchu a hre ta, chutih rualdeuh thawchuan, a thlanglam ah pawh chuan Keipui thinrim rum chhur chhur thawmchu arawn awmve nghalbawk a, mahse chupa chuan chung Keipui rumthawm chu ngaipawi mawhlo chuan a thiltih tumlai chu tih chhun zawm tumin Sangluaia chhipsam ah chuan țhamin Sangluaia luchu an chawisang a, chu veleh a bulah lawk chuan Keipui chu ringtak mai chuan an rawn rumta hum hum mai le, Keipui pahnih rum thawmchu chulai ngawpui chhungah chuan a rita hum hum mai le, chutah zet chuan chupa pawh chuan a thiltih tum, Sangluaia nghawng tanchu a remlo tih hrengal in Sangluaia lu chu an thlah hniam a, chutih rualchuan a thau ah chuan hlauhna nasa tak mai chuan rawnman nghalin a khur ti tih ta hlawk hlawk mai a, rang taka tho chhuak nghalin kawrte ațang chuan a țhiante awmna lampan chuan a chhuak chho nghal a, a țhiante bul a han thlenchhoh chuan mak tak maiin a țhiante pawh chu chu Keipui rumthawm hlau chuan an lo khur hlawk hlawk mai a, an thawm hriatchu chulaia awmte chuan an hlau țheuh a ni, an hotupa chuan eng dang sawilo chuan a naute hnen ah chuan, eng pawh nise helai hmunhi kan chhuahsan a ngai a ni an ti a, an zinga Sangluaia thlavang hauhtu khan, khulai kawrtea rawlthar khukan hnukchhiah ngawtdawn em ni? tiin an zawt a, an hotupa chuan a thitawha ruangchu hlawmtur an awm mai ang, zawnpawh an rawn zawng hmuve maiang tiin a țawngkhur hlawk hlawk mai a, hmun danga Keipui rumthawm ringawt hlaungailo Pasalțha te chuan hemi zan zeta Keipui rumthawm hi chu an hlau tak zet zet a ni, an thau ah chuan man in mak tak mai in țawng pawh harsati khawp in an hlau a ni
.
Zing khawvar engmawi tak maichuan Tlanglo khua chu arawn chhun engta ruih mai le, tuk danga khaw hlimthei tak maikha run an tawh hnu hi chuan zing karah pawh naupang tualchai hmuhtur awmlo in a reh in a rehruih tawh mai a ni, hemituk pawh hian Tlanglo khuachu a reh em em mai a, kawtlai ah chuan tumah naupang chhuak vak hmuhtur pawh an awmlo a, daihnaia naupang Thangkam leh Sava veh tak ngialpawh hmuhtur an awm tawhlo a ni, chu tiang khawp chuan Tlanglo khuahi a rehtawh a, hemituk pawh hian tumah naupang chhuak vak hmuhtur an awmlo a, Lianpuia pawhin Tlanglo khaw awmdan chu hrethiam in theihtawpa puih pawh a duh a ni, Kaivela salman zawng zawng te chu abo abang awmlo a hruaikir vek a tuma, Tlanglo khaw Lal hnenah pawh chuthu chu a tiam nghe nghe a ni, hemi zing hian Lianpuia leh a naute ch hmataka chhuak in an Lal fapa zawngtur leh Kaivela salman te hruailet tum chuan an thawk chhuak ta a ni, Kaivela hote chetna hnuhma chu a la reiloh avangin chhuipawh a awl kawp mai a, tin Tlanglo khaw Tlangval panga laite, an khua an runțuma Lal in a tirhbo te chuan Kaivela khawlam chu hria in, tin an hnukha an lova chhui tawh avangin hnuchhui hran ngailo chuan Lianpuia leh a naute chu an kal pui par par thei a, kalpawh an kalsawt hle a ni
.
Tuk țhuan ei velbwrah chuan Lianpuia te chuan Sangluai'an Kaivela makpa a thahna laivel chu an va thlengta a, Pasalțha Denga te leh Lianpuia te, tin Thangluaia Pasalțha huansen leh hnuchhui thiam tak tak te chuan chulai velchu chiangtak chuan an han en kuala, in beihna nasa tak chu helai hmunah hian a thleng a ni tihchu an hrethei nghal a, Tlanglo Tlangval te chuan kan kal hmasak khan Ruangte chu bawihsawm miahloh in an thihdan ngai ngai in an la awm a, tunah hei Sa in ruangte chu an khawihti dawn ila Sa hnuhma engmah hmuhtur a awm silo an hanti a, Pasalțha rualte chuan chiang zawkin chulai hmunvel chu an hanbih chiangleh a, tah chuan nizan maia hnuhma ni awm tak tak chu an hmuta, Denga chuan Lianpuia hnen ah chuan, ka rindanhi a dik a nihngai chuan nizan khan Ruanghi helai hmun ațang hian lak bo an ni, Ruang latu te hi ka rindan chuan sawmhnih rualțha an nih ka ringa, helai hmun ațang hian an awmna hi a la hla lotawp ang anti a, Thangluaia Pasalțha hnuchhui thiamtak mai pakhat Neihkungi pa an tih chuan, Denga ngaihdan kha keipawh ka ngaihdan chiah a ni, helaia Ruang rawnhlawmtu te hi sawmhnih ațanga awmthum bawrvel an nih ka ring a, tin an Ruang hlawmtur hian helai hmunah hian zinglam khawfing chahvel bawra rawnkal an nih ngei ka ring an rawnti ve a, Lianpuia chuan chuting a nih chuan tiin a naute ho chu englai pawha i ralring tur eh, ral nangching thut theireng tura in ralringtur chuan an hrilh hlawm a, chulai hmunchu chhuah san in ngawpui chhung rillam pan chuan an kalleh ta a
.
Finghnih awmvel an kalleh tihchuan in beihna hmunchu an va thlengleh ta a, chulai hmunchu Sangluaia hliamtawrhna hmunngei chu a ni, Tlanglo khaw Tlangvalte chuan thilawm ziate sawi zung zung in, chulaiah chuan nasa taka in beihna a awm tihchu an hnuhma ațang chuan a hriat theih a, tin Thisen tangrimte pawh hriattur a la awm a ni, chulai velchu Pasalțha Denga leh a hote chuan chik tak in an han kual zung zung a, Lungpui sangvak lo, mahse hlai liantak ai chunga Thisen khangtawh te chu hmuzelin a bulvelte chu an han kual zung zung a, Neihkungi pa chuan chulai Lungpui per uaimai bulah chuan Silaimu chu chhar in thilawm danchu a chhui dawn thiamta tlat mai le, Lungpui chungah chuan an ding vang vang mai a, Lianpuia leh midangte chuan lo en țhapin Neihkungipa chuan thilawm dan a hriatchhuah theih an ring a ni, Neihkungipa chuan a din na Lungpui chu an kual leh vat vat mai a, Lungpui chungah bawk chuan rawnding chhuak leh in a hmalam hlam sawmhnih awmvel zeta hla ah chuan an phei leh a, Lianpuia hnenah chuan thilkal phung chu ka hrethei rek ruak ta e arawnti chhuak ta a, Neihkungipa chuan helai Lungpui ah hian pakhat chuan țanhmun a khuar a ni, tin sawlam hlam sawmhnih velah sawn midang sawmchuang laiin țanhmun an khuarbawk a, ti chuan helai Lungpui bulah hian in beihna nasa tak a thleng a ni, an hnuhma ațang hian a hriat theih reng ruanga, sawlai hlam sawmhnih vela awmte saw kan Lal fapa Sangluaia chu hnuhma ațangin a ni dawnlo a, Kan Lal fapa Sangluaia chu helai Lungpui ngeiah hian țanhmun a khuar ang, tin helaia in beihna hi mimal inbeihna ni in Kaivela Pasalțha nen an inbei a ni ngei ang an ti a, chu veleh Tlanglo khaw Tlangvalte chuan kapu i sawichu a dik a ni, an din na Lungpui bulah chuan helai hmunah hian Kaivela Pasalțha ruangchu kan hmu a, hei tunah chuan kha ruangpawh kha hmuhtur a awmta miahlo mai an ranti ve a
.
Lianpuia chuan a nih chuan Sangluaia chu khawihmun ah nge a awmtak ang? Sangluaia chuan Kaivela khuachu thlengni ngat seng chuan helaia ruang hlawmtur hian Kaivela Tlangvalte chu an rawnthawk chhuak lotawp ang an ti a, Neihkungi pa chuan thil hriatchhuah nei niawmtak chuan Lungpui ațang chuan chhuk in Lungpui chu an vel thuak thuak mai a, na kinah huan ti hian arawnti ta a, he inbeihna ah hian hliamtuar chu an awm a ni, helai hmunah hian Silaimu pawh kachhara, tin helai Lungpui țanchhan hian riah hmun sualtum pawh an awm a ni, mahse ka hriattiam lohchu helai riahhmun sualtum na ah hian Meichhemna hnuhma a awm a, chu meichhemna hnuhma chu hnu tamtak in an daichiara, helaia riah hmun remtumhi chu alandan ah chuan pakhat bak an ni theilo, an ti a, midang pawh chuan hriat thiamhar an ti khawp mai, Thangluaia Pasalțha Denga chuan ti hian arawn sawive leh a, hengliai hnuhma landan ah hian in beihna nasa tak chu a awm a ni tih kan hrevek tawh awm e Neihkungipa sawidan ațang khan, mahse kan hmabak chiah, helaia riah hmun awmdan ațanghi chuan pakhat chauh an nih hmel a ni, mahse helai Meichhemna leh riahtumna hi hnuhma tamtak in an chilpherh a ni a, kei ka rindan chuan helai Lungpui chungah ngei hian kan Lal fapa Sangluaia chu ading ang a, hetah ngei hian Silaia kah a nihpawh ka ring a ni, kan hmuhdan in sawlam ah sawn hnuhma tamtak hmuh a ni a, chu vangin helamah ngeihian kan Lal fapa Sangluaia chu a ding ngei ang, tin Kaivela naute hia an Pasalțha an chantak ah chuan kan Lal fapa chu hlauin an tawlhsawn san ang a, kan Lal fapa Sangluaia chuan hliam atawrh tak ah chuan helai Lngpui ngeiah hian riah hmun benbel tumin a hliamte enkawl phawt atum ang a, mahse khang tlanchiate khan Sangluaia chu a hliamtih hrelehin an rawnzawng lehpawh a ni thei e tiin chulai Meichhemna leh avelah chuan an kal kual thuak thuak mai a, Denga chuan a rinloh leh a beisei miahloh thilchu a hmuta tlat mai le
.
Chulai Meichhemna thlangdeuh ah chuan ramriah puan thisen khawn in a char khawn nuaih mai chu a hmuta, chu a thilhmuh chu rawnla chhoin Lianpuia hnenah chuan an pe a, chu ramriah puan Lianpui'an an hmuh chuan a phudeuh zawk nghe nghe a ni, chupuan rawng an hmuh chuan chu puanchu tu dangta nilo in Lal fapa Sangluaia ramriah puan ngei maichu a ni tih a hrechhuak nghal zawk mai a, Lianpuia chuan a naute hnenah chuan, heichu kan Lal fapa ramriah puan ngei a ni, Sangluaia hi helai hnaiah hian a awm ngei ngei ang, hmunhla a kallo tawp ang, a chunga he tiangti tu chuan a tuarve ngeitur a ni tiin an au chhuak a, chutih laitak mai chuan Silai rawnpuak țhuai in Lianpuia bulading Tlanglo Tlangval pakhat chu avir nawk mai a, chu veleh Lianpuia chuan ral ti a au chhuak nghalin Silai rawnpuahna lamhawi chuan chak tak mai in a tlan nghal a, Pasalțha rualte pawh in chak tak maichuan Lianpuia tlanchu an umzui ve nghal a, Silai chu arawn puak lehțhuai mai a, mahse chu Silai rawnpuak lehchuan engpawi mah a khawihtawh lo, fingkhat awmvelzet an tlaphei hnu chuan chulai ruamzawlah chuamn ral sawmthum rualzet maiturhi an lo awm a, chung ralho chuan an Pasalțhate Ruang hlawmin chulai ah chuan an rawnlet lehni in, an țhiante thi Ruang hlawm tinrim chuan Lianpuia te lo kalchu hmu in an țhat hnemvak pawh ringlo chuan an rawnkap ringawt mai hi a lo ni a, tin chung Kaivela Tlangval rualte chuan chung an mahni rawn umtu te chu Silaia pakhat an kahthluk chuan hlauin an tlandarh vek anga lungmuang takin an kalzel theih an loringhi a lo ni a, mahse chung Kaivela Tlangval rualte chuan an mikahte chu an hrechianglo a ni, an mikahte hi hrechiang ngatseng zawng heng mite lak ah hian an Thalfang hi an thlahlo tawp ang le, chung an mi kahte chu tlandarh a hnek in an mahni lampan chuan an rawntlant dawk pur pur ta tlat maile, an rawn tlanchak em avang chuan lo kahfuh a hnek in ngawpui hnuaiah chuan kahtuber pawh hrelo chuan an in nghahna lampan chuan an tlanchheve ringawt mai a, tin a rin ai in an lo țhahnem nen chulai ngawpui chhung zawlah chuan thisen chu a luangta ngei nguai maile
.
Lianpuia te tlanphei chu an chak bawka karlo ah chuan an mahni rawnkap tu te țhuthmun remna chu an va thlengphei nghal a, chungho pawh chuan ralin min rawnum tih hria in Silai lo chuh mahse an hmetpuak hman tak tak biklo a ni, Thangluaia Pasalțha rualte leh Tlangval rualte thinrim chuan chungho chu va nanghing in dimna telmiahlo chuan an sat ta siah siah mai, chungho chuan țanlo khawhve teh mahse Thangluaia Pasalțha rual ral relthiam leh ralhrat khawkhengte chu an khanlo chiang khawp mai, karlo ah chuan an thizota duak mai a, mahse chung Kaivela Tlangval zingah chuan putru hman pathum an awm a, chungmi pathumte chuan hlaubak lenga tlanchhia in an khawlam chu an panding vang vang mai a ni, Lianpuia chuan an hmelmate zinga pakhat thilo chu thah remtilo in thuzawh fiah atan a hruaita a, Lianpuia chuan chupa hnenah chuan, keihi Lal Thngluaia țhianpa ka ni, ka thuzawh turche ihi i hriat ang ang chiang taka min hrilh chuan i nun na hi ka zuah ang a, mahse i ngawih tlat chuan nasa taka sawisak hlum i ni ang an ti a, chupa chuan ka nun na minzuah sak dawnphawt chuan ka hriat ang ang che u ka hrilhvek ang che tiin an chhang a, Lianpuia chuan helai hmunah hian in țhiante ruang hlawmtura rawnlet leh hi in ni em? an ti a, chupa chuan aw ni e, kan Lal makpa te an nih avangin kan Lal tirhna in kan rawnkal a ni, a nihleh henglai ah hian rawlthar pakhat hmuh in nei em? tiin an zawt leh a, chupa chuan Thangluaia fapa an tihkha em ni? a nikha a nih chuan kan Lal makpa leh kan Pasalțha thattu hi a ni alawm, mahse sawlai in lo awmna ah khan nasa taka beihrawn a tawk a, tah chuan hliampui a tuar nghe nghe a sin, tin Silaia kah a ni bawk a, mahse kha rawlthar huaisenzia leh a ralbeih thiamzia kha kan hmuh in keina chuan kan tlansa ta a, mahse kan hawkawng ah chuan kan Lal Kaivela nau Kaihlira Pasalțhate kan tawk a, chung mite hnen ah chuan thilawm zia zawng zawng kan sawihnu chuan, Lal Kaivela makpa chu chunglo kalzinga Kaihlira Pasalțha u naupa a nih avangin chupa chuan rawlthar chu hmuhngei tumin a awmna lamchu a panta a ni, chubak chu engmah hriat ka nei tawhlo an ti a
.
Lianpuia chuan chupa hmel an en chuan thudik asawi niin hriatna nei in chupa hnenah chuan ti hian an ti a, tunah hian i nun na chu kan zuahngei ang, in khua ah chan haw vang vang la in Lal Kaivela hnenah chuan ti hianvati ang che, Lal Thangluaia chuan a fapa chunga kut thlaktu te leh, Tlanglo khaw runtu te chungah chuan zahngaihna a lantir dawnlo, michunga rawn taka ro reltu chuanah chuan Lal Thangluaia pawh in rawngtak in ro a relve dawntih va hrilh ang che tiin chupa chu an khawlam pan chuan an hawtir ta a, chupa an hawtir ațanga hmuamda awmvel lek ah chuan chulai ngawpui chhung ah chuan Lianpuia leh a naute chuan an Lal Thangluaia hmrelchu an hmuta hlawl mai a, an tumloh leh an beisei lohtawp a nih avang chuan an hamhaih lek lek zawk ani, Lal meuh rawnthawk chhuak ta chu Lianpuia leh a naute cuan chhan țhatak a awm a ni tihchu an hrethiam nghal mai a, Lal fapa Sangluaia chu a ngaihtuah awmhle a ni tihchu hrethiam nghalin Lungpui awmna lamchu Thangluaia ho chuan an panta nghal a, Thangluaia chu Lianpuia te chuan thil engkim hrilh in chulai Lungpui bula Meichhemna hmun ațang chuan Thangluaia chuan hnuchu a chhui țanta zar zar maile, Thangluaia chuan mi pakhat hnuchu hnudang paruk vellai in a zui tih hrenghal in a rilru pawh a nuamlo khawp mai, hnu an hhuina ah chuan thisen farna khang rotawh chu an hmuzui mai lehnghal a, hnuchu chhui zelin na kinah chuan kawrte awmna bungvut maichu an va chhui thlengta hlawl mai a, Thangluaia chuan chu lai awih bungvut maiah chuan an hnuchhui laichu a kal liamtih hria in rangtak chuan chulai chu an helta nghal a
.
Kawrte an zuk pawh thlak chuan a hnuai chu chiangtak mai chuan an han en kual a, Lung lianvak loah chuan thisen khar ro tawh hi a lo kai nuaih mai a, tin kawrte kam lungte hmun duplai ah chuan mihring hnuhma an hmuta țeuh maibawk a, Thangluaia chuan chulai hmunah chuan hengmite hian an mi umchu an nangching tih hria in an mi man an phuarna tur an Hruihmul chhahte pawh chu an hmuzel a, mahse Thangluaia hriat thiamloh chu chulai kawrte ațang chuan mihring hnuhma chu awmtho mahse engthil emawni hnuhna hnuhma chu a hmutelta tlat ai le, chu thil hnuhna chu Thangluaia pawh in a tirte chuan a hrethiamlo a ni, mahse chung a thilhmuh chu nguntaka an ngaihtuah hnuchuan thilawm danchu a hrethiamta, chu an mium chu a tlakna lamah hian kaltheilo in a awm ang a, chung a umtu te chuan zawnpeihlo in chulai ngawpui hnuaiah chuan an hnuk a ni tihchu a hrethiamta a ni, Deng'an Sangluaia puan a chhar an hmuhtir ațang khan Thangluaia chuan a fapa ngei a ni hengmite umhi tih a hrenghal a ni, chutiang in nghaisakna Lal Thanguai'an an hmuhmeuh chuan a rilr chu a nata kawp mai, nuchu a rangthei ang berchuan chhuizui nghalin an hnuchhui chuan an thlang kawrte lamchu a pantih chu chiangtak chuan a hrenghal a, kawrte an zuk thlendawn chuan riahbuk sualte pawhchu zuk hmuin chulai elah chuan mihring in hnuhkuala hnuhma chu an hmuta țeuh mai le
.
Thangluaia rilru chu sawithiam rualloh chuan arawn na ta, chulai velah chuan in nghaisakna hnuhma leh thisen baw neih nuaih chu hmuhtur a awm zuimai a, chulai ngawpui chhunga Sangluaia zawngtu te zingah chuan tumah rilru nalo an awmlo a ni, kawrte lamah chuan Lianpuia te chu kalin thawk lehkhat ah chulai ngawpui chhung khawk rum rum chuan Lianpuia chuan, Sangluai ti a a kohri chu a khawk ta rum rum mai le, chu veleh Lal Thangluaia pawh Lianpuia te kalna lamah chuan tlan nghalin a fapa a hmangaih em em mai kawrte kama lo tlusawp rengmai an hmuh chuan a thinlung chu a sa ngeimai le, rang lutuk chuan țhingțhi nghalin a fapa Sangluaia luchu chawikangin a malchung ah chuan dimte chuan an nghat a, a fapa rawlthar duhawmtak mai taksa an khawih chuan a lovawt thlartawh mai a, a lu kak duai mai leh, a dar dinglam Silai kahna te, a nak veilam hnuaia chempui hnuhma kak duai maite, a khup veilam vungluah maite, an hnuh na a awmleh a dul, a malpui pilh kak deiduai maite, a fapa in engmah a hretawhlo chung pawha a ke leh a kut phuarna martak maite an hmuh meuh chuan Lal ropui Thangluaia thinlung chu a sosang helh helh ngei mai le, a mit mu dumfiah kak maichu thinrimna avanga rawnsen chhuak in Pasalțha huaisen chuan a Ha chang a țhialta rap rap mai le, fiah kak maihian Lianpuia leh Thawmvela chu ko in, a khawnbawlte pahnih hnen ah chuan ti hian thu asawi ta
.
Naupang leh upate chungah chuan zah ka ngaițhin, mahse ka fapa chunga he tiang in nghaisakna thlentir tu te chungah hi chuan zah ka ngaitheilo a ni, ka fapa chunga hetiang in nghaisakna thlentir tu te chu khawihmuna awm pawh nirawhse, kawlkil tawpa awm pawh nirawh se zawng chhuak ula, an mahni awptu Lal leh a chhung kuate chungah pawh zahngaihna in lantir tur a nilo, an khualehtui chungah pawh in zahngaihna in lantir tur a nilo, khawchhak lam Lalte chungah hian ka zahngaihna ka lantir țhin, mahse hetianga min rulhna avang hian an tuarve ngeitur a ni, tiin Ha chang țhialchungchuan arawn țawngchhuak a, Thawmvela chuan Sangluaia taksa velchu han khawih kual zung zung in a hnukchu a la chatlo tih an hriatchuan Thangluaia hnen ah chuan, Lalpa kan Lal fapa hi chhantlak a la awm e an ti a, chu veleh dimtaka kawrte ațang chuan la chhuak nghalin a theih ang ang chuan an han en kawlnghal a, Lianpuia chuan Tlangval sawmrual vel hnen ah chuan, Hlang a rangthei ang berin siam ula kan Lal fapa hi Tlanglo khawlam panpui vat tur a ni an tia, Tlangval rualte chuan a rangthei angber chuan Hlang chu siamnghal zung zung in karo ah chuan an siamzo ta vat a,dimtak chuan Sangluaia chu hlangah chuan hlanglut in, Lianpuia chuan dimtak in kalpui ula Tlanglo kgua himtak in athlrngtur a ni an ti a, Thangluaia pawhin a fapa an kalpui dawn chuan, ka fapa i tawrhna zawng zawng hi a thlawn in aluang rallo ang, chheltak khan lo tuar hram hram rawh aw, i chunga hetiang in nghaisakna thlentir tu te lu chu ibulah ngei ka rawndah ang tiin Kaivela khawlam pan chuan a pen chhuak tanghal a
.
.
DUHTAWK LEHRIH PHAWT ANG U AW
REMCHANVE LEH KAN CHHUN ZAWMLEH DAWN NIA
.
Hman hmawhlo in minlo nghak hram hram țhindawn nia
.
.
[Lalzirliana Tochhawng] [Champhai Tlangsam]

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 8th, 2018, 6:55 pm

............... PASALȚHA THANGLUAIA (179) ..........
.
.
Lal kaivela inchhungah chuan Lal mualkilho te chu ti ti in hlimtak mai chuan an nui dar dar hlawm a, an hlim em em chhangpawh Kaivel'an a unaute hnena puihna a dilchu a unaute chuan theihtawpa puih an lo remtihvang a ni, tin Lal Thangluaia fapa Sangluaia chu an kuta awm tawha, Thangluaia ralchu rawnlian mahse a fapa kawltu Lal chungah chuan zah angaih an rinvang a ni, Kaivela te hian Thangluaia chu a fapa Sangluaia an kawl avang chuan indo miahlo a hneh an tumruh hle a ni, eng kima chanțha zawka an in hriat avang chuan Kaivela le a khawnbawlte chu an hlimtlang dar dar khawp mai, Vaubel pak khuk talh talh pah chuan Kaivela chuan, khaile Tlangaupa ang Rappui chungsanga ka thlathum Zu khi hanchawi thlateh le, kan ral Thangluaia lak ah chuan kawng eng kima chanțha zawk kan nih hi, khawthlang Lal ropuia an chhal Thangluaia chu isun teh ang u khai, a fapa lamtura ka ramchhung arawnrah hun hun chu a lu kan lakna ni a ni dawnsi a, Thangluaia lu chu ai in zan in na na na chu in lamteh ang u khai an ti a
.
Chu tianga Lal meuh arawn țawngchhuah tak ah chuan an hlimtlangin Tlangaupa pawh a phur surh surh khawp mai, Lal Kaivela sawiang chuan Rappui chungsanga Zu belchu han chawthla in phurtak mai chuan an buaipui a, Zupui chu achang țhatawh bawka karlo ah chuan Lal leh khawnbawlte chu an țawngduh ta khawp ma, Tlangaupa phurzual deuh chuan khai aw keimah Khamthangi pa lam kan thaiteh ang, Lal Kaivela khualehtui kan ni ngai a, kan Lal chhingzo reng awmne maw?, Dawhthleng hnuaia Chempui kha lo dahțha rawh u aw, khawinge Khamthangi pa hian lam kanthai tak tak teh ang ti a rawnding chhuak in a lamta zak zak mai a, Zupui chu khawnbelh zelin an zai dal dal mai a, hmuamda awm velah chuan midang pawh rawnding chhuak in an lamta laih laih mai a, chumi zanchu Kalvela khualehtui te chu an hlimtlang dar dar khawp mai, Kaivela leh a khawnbawlte zaihlim pawh khuan hnuhnung awmvel ah chuan țin hlawmin mahni in lamțheuh chu an panta hlawm a, Kaivela nupui Neihkungi chuan zanin in khawsak danchu Thangluaia hnehtawh ang hrimin in țawng hlawm a, Thangluaia chu rawnla thlengtur chauh a ni a, tin Khawthlang lam Lal ah chuan Lal Thangluaia te chu hnehtheih loh an tia nilawm ni? i tukdawl hma a tuanglo tihchhah vak hi i tisualthei a nia an ti a, Kaivela Zupui khawn kaitawh chuan a nupui hnenah chuan, kei Lal Kaivela hian dawtthu ka hrilhtawh che em ni? Tlanglo khuapawh ka la ang ka tihchuan ka lak maihi, tin ka unaute pawhin minpui ang ka tihchuan mipui turin thu tlukna an siam maihi, khawchhak lamah hi chuan Lal ropuiber ka ni ang a, ka țhen awm khuate hian ka hma ah hian chibai minla rawnbuk ang tiin chapo tak mai chuan ațawng lung lung mai a, khawkhat Lal i ni a fingleh fel taka ro i relchu a ngai a ni, mahse tuna i thiltih hichu a dik hleldeuh chuan ka hria tiin an muhilta a
.
Zingkhua a lovara Kaivela khuachu Ni thar duhawm tak mai chuan arawnchhun eng lehta ruih mai, Kaivela leh a khawnbawlte chuan zanlama an hlimpui em em mai, Thangluaia an thu hnuaia an dahtheih dantur tharthawh lehtur chuan Lal inah chuan an kimlehțhap tawh mai a, zanlama an ti ti chu chhun zawmleh nghalin an hlimtlang dar dar khawp mai, hetih laihian khawkawt chhuah lamah thung chuan Tlangval pahnih te hian Kaivela khuachu rawnlutve chiahin hmanhmawh pawh an rawnhman hmawh khawp mai, hmundanga peng miahlo chuan Lal inlam chu an rawn panding vang vang mai a, Lal Kaivela in an rawnthlen chuan tawi khawmuanglo in inchhung chu an lutnghal a, Kaivela pawhin Tlangval pahnihte hmel an hmuh chuan hlimtaka lo chhawnvar in, khai Tlangval te u in lo thlenta a ni maw? in țhiante chuan khawilai nge an rawnthlenve tawh le? ka fanu Kaichhingi in chan chin hi hrilhnghal tur a nih hi an lo tinghal sawk sawk mai a, Tlangval pahnihte chu an Lal in chutianga thu kal lamleh hawlam pawh zawt hmasalo a alo chhawn ringawt maichu an hrilh hai lek lek zawk a ni, a upa zawk chuan aw hanthian kharh kharh in, Lalpa kan thiltih tumah khan kan hlawhchham a ni, ruangte chu hlawmin khawlam pan hian kan rawnhawpui ngeia mahse khawlam pana kan rawnkalna lamah hian Thangluaia Pasalțhate nen in tawk salin kan in hloh belhțeuh zawk a ni an tihtak ah chuan, Lal Kaivela leh a khawnbawlte chu an hawiphawk nasa ta khawp mai, khawnbawlmin chuan, chu ruang pawh rawnhawn a hnekin in in hloh belhzawk a maw? Thangluaia Pasalțha rualte chu an țha hnem em? tiin an zawtnghal a
.
Tlangval chuan kapu kan hmuhtheih chinchu țhahnem thawkhat khawp mai, kan hnungah rawnkalin atirah chuan minhmubik lo a, mahse kan hnurawn chhui an nih avangin karlo ah minrawn nanchin dawntho avangin kan Val upa chuan lo lambun maitur in minti a, lo kap ula an tlandarhvek maiang tichuan keinipawh hmanhmawh deuh hlekin kan kaldawn nia a ti a, min rawnum phak hmahretah chuan hmun remlai lo chuh in kan lo kapta a, kan Val upa sawiang khan keini pawhin kan lo kah chuan hlaua an tlandarh mai kanring a ni, mahse tlanchu an tlan ngei mai, mahse hlaua tlandarh nilo in kan hankah chiah khan kei mahni lampan chuan chak tak maiin an rawn tlanta chiam mai hlawm a, kan rinphak bak a ni nen, kan in hnaih chilhtawh bawk nen, keinilam tanpah in sasengna hman a awm tawhlo a ni, min rawn nangching nghala keini lampawhin theihtawp kanlo chhuahve bawk, mahse Thangluaia Pasalțha te kha khatiang reng reng khan an zam ațha ang tih reng reng kan ringlo a ni, ralbeih an thiamin an țuanrang em em mai a, tin mi huaisen tak vek an ni, Silaia kan kah khan keimahni lampan khan an rawntlan ngamtlat a ni, karlo ah kan in hlohzo dawnta mai a, kan Val upa chuan arang theiang berin khawlam pan ula kan Lal hnenah chuan engkim va hrilhvek u la, khua pawh theihtawp in loin vengrawh se, heng Pasalțha rualte dangtur hian arangthei ang berin kan Lal chuan a unaute chu pun nghalrawhse tiin i thuchah kengtur in min rawntir a ni Kaivela hnen ah chuan an ti a, Kaivela leh a khawnbawlte chu an ngawi vang vang mai a, khawnbawlmin chuan engpawh nise chutiang kan nihtawh chuan a rangtheiang bera hawtlang kan in puahchah a ngai a nih chu, tin Lal Kailiana te leh Kaihlira te pawh arang theiang bera hriattir nghal kan ngai a nih chu an ti a, Lal Kaivela pawhin kan thudawn dan ațang chuan khawtlaichi kan nilo a nih chu, a rangthei ang berin Tlangaupa Tlangval rualte leh Pasalțha te han au khawm ngalrawh khai an ti a, Tlangaupa pawh Lal tirhna ang chuan rangtak in a chhuak ta nghal a
.
Tlangaupa chuan Tlangval rualte leh Pasalțha rualte, Val upa rualte chu au khawm nghalin chungho chuan hmanhmawh tak chuan Lal inlam chu an rawnpan khawm nghal zung zung mai a, pitar putar te leh nu nau ruakte pawh in thilawmzia hria in Lal tualzawl lamchu an rawnpan khawmve hlawm a, Lal leh a khawnbawlte pawh in ro rel zung zung in Tlangval paruk laimai thlang chhuak in Kailiana khawlam leh Kaihlira khawlam ah chuang chung an thlanchhuahte chu rangtak chuan an tlanliamtir ta nghal a, midang zawngte chu Val upa kaih hruaina hnuaiah chhun zawn zawma ralvengtur chu in ruatin Lal chuan tumah thuleh awmhma chuan khua cu chhuahsan lotur in a khaw mipuite chu a hrilhta nghal a, mipui tamtak chuan ral an hnaitih an hriatchuan an mang ang rilru khawp mai, mahse tu ralnge rawnhai tihchu an hrechuang lo a, tin an Lal unau te pahnih an pundawn avang chuan an ngaihpawh a ngam in an hlauhna pawh a zia awm a ni, hetihlai veltak maihian Lainpui'an ngawpui chhung inbeihna hmuna a nun na a zuahtak, in Lal hnenah chuan tihian i rawnti dawn nia a tihpa chuan khawchhung a rawnlut vemek bawk a, chupa chuan mipui pungkhawm leh Tlangval rualte in puahchah dan an hmuh chuan Lal chuan engkim a hrevek tawh tih hria in Lal hnen chu thlenloh maichu țha a hria in an mahni inlam chu a panta zawk a, in a thlenchuan a chhungte pawh in ral an hnaihthu chu lo hreve vek tawhin a chhungte hnenah chuan kan Lal hian Lal Thanguaia leh a hote chu danzawh a in ring reng reng em ni? Thangluaia thinrim in kan khua minhal darhsak hmahian khuahi chhuahsan ang u khai tiin a chhungte chu thu an rawn a, a chhungte chuan engmah anlo hrelo nen, Lal Thangluaia rallian in an khuachu an rawnlut țeptawh a ni tih an han hriatchuan an hlauta khawp mai, paber chuan a fapa hnenah chuan Thangluaia rallian in minrawn panmek a ni tihchu i hrechiang a maw? thudik a nihngai chuan keizawng Thangluaia rallian lodang tura lo in puahchah ai chuan khuahi chuahsan vang vang ka duhzawke a rawnti chhuak phawng mai a, Tlangval chuam kapa ka Beng ka hriatchian tluk hian ka hrechiang a sin, Tlanglo khua kanva runkhan Lal Tangluaia patea te Tlanglo khua ah khan an awmve a, a patea fanu chu kan salman zingah khan telvein khatih laikhan LalThangluaia fapa apang zawkchu Tlanglo khua ah zintura a lo kallaitak a ni nghe nghe a, Tlanglo khua run a niha khua kanchhuah san hnulawk khan a fapa chuan khuachu arawnlut ve a, eng kim rawnhmu vek in Thangluaia fapa chuan a pa farnu te leh midang sala kan manho lek letleh tumchuan min rawnum zuita nghal a, kan Lal makpa thattu pawh Thangluaia fapa ngrihi a ni, chu Tlangval chu kan Pasalțhate nen an inbeihna ah kah hliamin a awm a, chumi zan ațang chuan tumah in chu rawltharchu a chin an hretawhlo a ni, Lal Thangluaia chuan chung zawng zawng chu hretawh in a farnu mantu Lal leh, a fapa chunga kut thlaktu te lak ah chuan phuba lak ngeitum in an rawnthawk riphle a sin
.
Tin kan Lal makpa te ruang hlawmtura kanva tawhchhuah khan Thangluaia Pasalțha rawnthawk chhuak hmasate nen Kaihzawl ruamah kan in tawng a, lo lambun in kanlo kap a, chung Pasalțha rualte chuan hlauh a hnek in keimahni awmna lamchu chak tak tak a rawntlan in mn rawnpan a, ramvachal leh ralhrat tihtak ah an zuanzang in ralbeihpawh an thiamkhawp mai, tlanchhiate tihloh chu thahvek an ni a, tin keipawh hi Thangluaia țhianpa in ti chuan thuzawh fiahtum in ka nun na la loturin minti a, kapa khatianga thuzawhfiah tura thlanchu nilo ilang chuan tuk kinzing hian ka fapa ti a kohtur i neitawh kherlo ang, chu vangin Thangluaia Pasalțha rualte rawnthlen hmanei hian khuahi chhuahsan ka duh a ni anti leh a, chu Tlangval nau tleirawl hnute um khalve țantawh chuan, ka u Thangluaia in tihchu a hlauhawm viau a mi? kan Lal khan tumahin khuahi in chhuahsan theiloang kha a ti sia, Lal thu kan awihloh chuan kan Lal chuan khauah minti mualphoin minhnawt chhuak zawk a nge anlo ti a, paber chuan fingtaka ro kanrel angaidawn a ni, khawenlai hi huan Lal in a hriatvaih chuan Tlangval rualte rawntir in minrawn man nghaldawn a, chu vangin zan in hichuan Thangluaia naute chu an la rawn thlenglo turah ngaiphawt ila, zanin thimhlim hian aruk theiang bera chhuah kan tumdawn nia, tin i pu Kalthanga te chhungkua pawh thilengkim ka zuk sawipui ang a, min lungrualpui theih hlauhchuan chhungkau te a chhuah ai chuan anti a, Tlangval Rumthanga pawh chuan kapa kapa Kalthanga te chuan anlo duhlo a nihpawh in zanin chuan khuahi chhuah san hrim hrim tur, engti kawngmah in Thangluaia ralhi kan dangzo dawn chuanglo, kan Lal chuan a unaute pun mahse Thangluaia Pasalțha rualte chu ralrel an thiamin ralbeih an thiam lutuk, chhungkua him kanduh chuan kan chhuah a ngai, keipawh in kan Val upa te hnen ah Thangluaia lodan tumchu thilat thlak a nihthu ka losawi ang a, kan Lal pawhin a hriatthiam mai ka ring tiin chu Tlangval chuan a chhungte chu in ațang chuan a chhuahsan ta a
.
Ngawpui chhahleh durkhup mai hnuaiah chuan Thangluaia te pawhin riahbuk sualin an buaihlawm khawp mai, an țhathnem em avangin hmun an duhzau a, tin riahbuk turpawh tamtak siam angai reng a ni, Tlangval rualte chuan riahbuk chaktur Thingtuai leh Mau tlawnte chu la zung zung in, Val upa te chuan hmunrem laiah chuan a rem dan dan in rahbuk chu anlosa zung zung bawk a, tin zanriah chawhmeh zawng pawlte pawh awmin, chawhmeh zawng pawlah hian Lal Thangluaia pawh hi a telve nghe nghe a ni, zanriah hmehtur hian Sakhi paruk laimai an kap a, tin Thawmvela leh Thangluaia chuan Sanghal sumruk chuan kapin thaupawh an thaukhawp mai, buk lamte an peihfel hnuchuan Tlangval rualte chuan zanmuhtur Thingro chu an hanfawm khawmleh a, chutih chhung chuan ei rwngbawl lampawh in an sa kahsate chu zanriah hmehtur in an lo buatsaih bawk a, an peihfel meuhchuan khuapawh a thim lek lek tawh a ni, zanriah chaw chu puartaka ei hlawmin buk kawta meipui an chheh bulah chuan an zanriah eikham chu an țhukual țaihmai hlawm a, Lal leh Val upa rualte chuan rorel hlawmin tuna an awmna ațanghian Kaivela khuachu chawhma kalai a hladeuh a nihthu te chu an sawihlawm a, tin khua ah chuan lutnghallo a hunremchang ngaihchan hlekchu țhain an hrebawk a, chumi zanchu tumah mengrei lutuk awmlo in muthmațha a an hriat vang chuan mutur chuan an in puahchah hlawm a, an rorel chhunghi a reideuh a vangin an muthun pawh hi muthun pang ngaichu a nitawh a ni, zanchu lorei deuh deuh in ngawpui chhung pawhchu a rehțan khawptawh mai, zan hramchite thawm tihlohchu thawmdang hriattur pawh chu ngawpui chungah chuan thawmdang hriattur a awm awhlo a ni
.
Vabak hramrite leh Leihrik hramri chiat chiat karah chuan Lal Thangluaia pawh a rilrua a fapa ngaihtuah chung chuan buk chhungah chuan a mumeng reng mai a, a fapa an sawisakna rapthlak tak mai kha a mitthla ah chuan chamrengin thildang reng reng angaih tuahtheilo a ni, a rilru chuan ka fapa i tawrhna natak khan ka thinlunghi a hneh khawp mai, khatianga in nghaisakna rapthlak kha khawihmun ah mah ka la hmungailo a ni, khitianga nasa taka nghaisak i nichung pawhkhan chheltak in i tuar hram hram a, lo tuar hram hram rawh aw, nangmah nghaisa tu te luchu i kebulah ka rawndah ngeiang ti a phunsep in mutchhuak chuan rawnzem chiai chiai in karlo ah chuan a muhilta a, Thangluaia chuan mumang neiin a mumang ah chuan a la hmuhngailoh Tlang thengthaw nuamtak maiah hian a mahchauh chuan a lo dingreng mai a, eng emaw hriatchhuah tur nei ni awmtak hian a rilruah chuan thilhriat ruai ruai hi a nei a, chutia hriatchhuah tur nei ni awm taka a dinrenglai chuan a hnunglam ațang chuan, nula aw nalh em em maihian Thangluai rawntiri chu a hreta a, Thangluaia chu rangtaka lehhawi nghalin a hnunglam chu an en nghal a, mahse engmah hmuh a neilo, aw bawk chuan Thangluai rawnti lehin Thangluaia pawhin tunge heta hi ka awm e, minma mawhna i nei emni? lo alta che an ti a, mahse chulai Tlang thengthaw tak maichu thawm danglam engmah hriattur awmlo chuan a re vawng vawng mai a ni, Thangluaia rilru chuan minko tu chu an awm a ni tiin an hawikual ngiala mahse tumah hmuhtur a nei chuanglo, beidawng rilru taka a awmlai chan, Thangluai henglai hmunah hian ka hmuhche hi ka ring ngaitawhlo a sin nula aw nalh em em mai chuan a rawnti leh a, Thangluaia chuan aw lo chhuahna lamni a hriatlam chu rangtaka hawileh nghalin, tunge i nih le? nang chuan minhmu pawh a ni theie, mahse keichuan ka hmuve miahlo che a nia, inbiak i duh chuan lo chhuak ta che an ti a
.
Chu nula aw nalhtak maichu khawilam ațanga rawnchhuak bernge tihpawh hriatmiah loh in nula chuan, Thangluai i hmuha ka inlankher a ngaihlei nem, ti hian kan inkawm theireng a lawm, helai hmunah hian nangmah vanga rawntirh ka nia sin, tuna i thiltum zawng zawng pawh hi ka hrevek a sin an rawnti a, Thangluaia pawhin chhangve in, helai hmunah hian keimah vanga rawntirh i ni a maw? keimahvang chuan tunge helai hmunah hian rawntir che le? e nge in duha keihi eng atan nge mintih le? tiin an zawtlet ve a, nula pawhin rawnchhang veleh in, keini chuan thiltam tak hi kan ngaihtuah a sin, i țatlaihun zawng zawng kha ram lamah i hun ihmangțhin a nih kha, khanghun lai zawng zawng khan kan hotunu nen hlimtak in hun in hmang țhin a, keimahni avang pawhin sa tamtak i kah phah a nih kha, tunah hian kan hotunu chuan nangmah avangin helai hmunah hian min rawntir a, tuna i thiltih tumhi chiangtak in hriala a duh a ni, tunah hian Kaivela khuachu runtum in i thawk chhuak a ni a, i thiltih tumah hian i fimkhur hle angai dawn a ni, helai khawchhak lam Lal te hian i rawnthawh chhuah hi hria in nangmah thah theihna hunrem changah hman an tumdawn a, Kaivela hian a unau pahnihte punin tunah hian an intelkhawm mek a, Kaivela khua run i tumthu hi a thang chak hle a, helai khawchhak Lal te hian hrevek tawhin Kaivela hian a mahpui turin Lal dangte hi sawmvelo mahse heng Lal te hian nangmah thah theihna a nihdawn chuan Kaivela hi țanpuia nangleh i hote hi thah chimihvek che u an tum a ni, hengho in telkhawm hmahian chet i lak vat a ngai ang, a nihloh chuan nangleh i hote hi i khua a letleh turawm tawhlo in an thatvek theiche u a ni, Thangluai ka thusawihi hrereng la, i hunțha hi bawhpelh tum reng reng suh ang che, i fapa a vanga i thinurna chu keini lampawh in kan hriatthiam pui lutuk che, khatiang khawpa hringmite in nghaisak na kha keini pawh hian kanla hrengai bik lo, i fapa chunga kha tiang in nghaisakna a thlen laikha helai ngawpui hi kan chhuah sanlai a ni a, i fapa chan chin kan hriatkhan kan hotunu pawh a thinrim khawp a sin, Thangluai tuna nangmah do tumtu Lal tamtak te khian nangmah ang tho in Pasalțha huaisen tak tak tam tak an nei hlawm a, chung Pasalțha zingah chuan kan țhiante kawmțhin Pasalțha huaisen tam tak an awm hlawm a, chung Pasalțha te chu kan țhiante hian an natleh an hliam an phaldawnlo a, Thangluai chung Pasațha te chu eng tinmah in hnehthei dawnlo a ni anti a
.
Thangluaia chuan mn ngaihtuahna ah chuan lawmthu ka sawi e, mahse mihringvek kan ni a tupawh thi theivek kan nia sin, chung Pasalțha i sawite chu mihring an nihvetho chuan enga tinge hneh theihloh an nihbik na tur? tiin an zawt a, nula chuan Thangluai i hrethiamlo a ni, nangni hringmite chu kum reilote dama thileh maițhin in nireg alawm, natna te avangin in thileh maițhin, mahse keini chu hmakhawsang ațangtawha he leihi luahtawh kan nia sin, tunah pawh nang chuan minhmu theilo tiraw? mahse kei chuan ka hmuthei rengche a sin, ta țangri ngawtpawh chuan kan thiltih theihzia chu i hrethiam mai em? keini chu natna avangte hian hringmite ang hian kan thive thei hleinem, chung Pasalțha isawite chu kan țhiante chuan he indo na ah hian venhim an tiamvek a, an ni venhimna hnuaia awmte chu khawih pawh in khawihfuh theilo ang, Thangluai kan thiltih theihna chu vawitam i hmutawh a, kan venhim tawhchu hringmite thah leh khawihnat mai mai theih an ni hleinem, nangmah ngeipawh hi kan hotunu khan vawitam tak a chhanhim tawh che a, khang zawng zawng kha i theihnghilh zota em ni? tuna nangmahni dotura Lalin buatsaih zinga Pasalțha tamtak hi kan țhiante zawllai an ni a, chung an zawllaite chu in khawihnat theihloh turin an venghim vek ang, chung kan țhiante chu keini dodal theih an nilo a, kan hotunu chauh chuan kan țhiante chu thu a pethei a ni, hringmite chuan keini chu min dangtheilo a, kantih theih zatve pawhhi in ti theilo a sin, hmakhawsang ațanga damtawh kan ni a, kan țhiante thiltih theihna chu nangni hrimngmite danrual a nilo, keini chu helei damchhunghi chuan kanthi boral theilo a, mahse siamtuin kan hun a kharhun ah chuan tiin chu nula chu vanlam hawiin a dak vang vang mai a, a mittui chu awnfar zawih zawih in siamtu kut hnuaia kan awmai kha aw tiin chu nula hmelțha em em maichu rawndur vek in, a hmel hlimsarh maileh duhawm em em maichu thawk lehhat ah chuan rawn nguivek in a țap zawih zawih mai a, Thangluaia chuan bangbo deuhmai hian, nula tu samtu maw isawi chu? tiin an zawt a
.
Nula chuan Thangluai ka sawilohtur ka sawi a ni engmah i hrethiam chuanglo ang, tuna i ralbeihtur te chauh hi ngaihtuah rawh a rawnti a, Thangluaia chuan kan hneh theih an nihloh thu minhrilh a, e ngati nge chung in țhiante chuan kan hmelmate chu puih an duhni? an nichu keini karah chuan lo in rawlhve lomaise a țhalawm ni? an ti a, nula chuan Thangluai i țhianpa chu a thiamna ngawih ngawih ah miin thahtum in beihrawn sela i theihtawpa i chhan i ring em? an ti a, Thangluaia chuan chutianga ka țhianpa thahtuma an beihrawn a nihngat chuan ka nun na thaphialin ka chhan em em ang tiin a chhang a, nula chuan Thangluai chutiang chiah chuan kan țhiante pawh hian an țhiante chu chhanhim an duhve alawm, mahse tunah hian kan Lalnu in thu pakhat min hrilhchu, Thangluaia hian a Kaivela leh a sangawi zawnpuite hi hnehtheih dan kawngkhat chiah a nei a ti che a, chu i hmelmate i hnehtheih dantur chu i kutah awmin chu kawngchu i hriat chhuah angai a ni, chu thuchu kan Lalnu chun minhrilh lo a heng i hmelmate hnehtheih danchu kawngkhat i nei a, mahse chu kawngkhat chiah awmchu keipawhin hrilhtur che ka hremaibik lo a ni, i fapa hliamtuara mu mek chu kan Lalnu chuan ka hmuve dawne a tia sin, Thangluai tunah chuan khawfing pawh a chat ta ka kalsan tawhmai ang che, tuna ka chah theih che chu kawng engkimah fimkhur hle ang che aw tiin chu nula aw nalhtak mai chu chulai ngawpui chhungah chuan a thamral raih raih mai a, Thangluaia mutui laichu rawnharh zawkin khuapawh a lovar țantawh a, Thangluaia chu tho chhuak nghalin a mumanga nula thilsawi zawng zawng chu an ngaihtuah letnghal a, tuna ahmelmate hnehtheih dan awmchhun chu hriatchhuah a duh khawp mai, mahse eng thilnge niang tih erawh chu engmah tnah chuan a hrebik lo a ni
.
Midangte pawh rawntho chhuak in hmatak ah chuan chulai ruamchu chhuahsan in Kaivela khawlam chu an panta nghal a, thuitak an kalhnu chuan tuk țhuanei hunawm velah chuan hmun remchang laiah chuan tuk țhuante chu ei in, puar taka tuk țhuante an eihnu chuan Kaivela khawlam pan chuan an chhuak lehta a, chhun chawfak hun awmvelah chuan ruam pakhat, Tlangin a hualvelchu thleng hlawlin chulai ruama Zotui thiang luang ri har har maichu in phih harh nan leh, chhawlhalte tihreh nan chuan hmantum in chulai luite chu an pan hlawm a, chutia lungmuang taka tuite an in a an in phih harhlai chuan Silai arawn puakta țuai mai a, Tlangval zina pakhat chu hersawk in luite kamah chuan a tlusawp nghal nuaih mai a, Thangluaia te pawhin rang lutuka Silai chuh nghal in Silai chu chulai ruamah chuan a puakta țhuai țhuai mai a, karlo ah chuan hmuntin ațang chuan an hmelmate chu an Lal hmingchhal in an mahni lampan chuan an rawntlan khawmta hum hum mai a, Thawmvela pawhin Tlangval rualte leh Pasalțha rualte hnenah cuan, khaile Lal ropui Thangluaia Pasațha huaisente u in hmelmate chuan minlo lambun e, heng kan hmelmate hi i hanthat chimit vek ang uhmiang ti a fuihin chulai ruamah chuan Thangluaia te chuan țan an lo khawhta a, hmelmate lamchu an rawnțhahnem hem hem khawp mai, Lal paruk in telkhawm an ni bawka chulai ruam khawk rum rum chuan rawn haw haw in karlo ah chuan Thangluaia te awmna chu an rawnthleng ta a,chulai ruamah chuan thisen a per ta sawk sawk maile, Thangluaia te lampawh in ralchu an that hnem hem hem khawp mai, tin hloh pawh an in hloh ve zoh zoh bawk a, hmuanda awmvel chulai hmuna an han inbeih meuh chuan hmuntin hmuntang ah chuan Tlangval natuar rak thawmleh, Patling hliampuituar rum vawng vawng tawmchu hriattur awmta nuaih mai a, thisen lah hmuntin ah chuan a luag zeih zuih maibawk a, chung na tuar karah chuan engtik ah mah an chhunten dama an hmuhleh tawhloh tur mithi ruangte chu a thalpheng phung maibawk a, kut bung ke bung te leh ka ațanga thisen tharlam tak chhuak puat puat te pawh an leh pheng phung mai a, Thangluaia te chuan ralchu that hnem viau mahse ralho chu an țhathnem em avang leh, Pasalțha huaisen tak tak an tam em avang chuan an chanchu a chau țanta khawp mai, ralho chuan an tamhneh hrim hrim avang chuan Thangluaia te tan chuan chet a hat țantawh a ni, Thangluaia te lam pakhat chu ralho panga zelchuan an beihrawn theih tak avang chuan Thanglaia te chan chu a chauin rei an daihtawhhmelloh khawp mai, Pasalțha Denga chuan a țhiante hnenah chuan, Lal kha hmunhim lamah hruairawh u, a nital kha chuan damin helai hmunhi chhuahsan rawhse tiin an au a, Lianpuia te leh Thawmvela te chu Thangluaia lamah chuan tawlhin Pasalțha sawmrual zetchuan Thangluaia chu tawlhsawnpui an hantum a
.
Mahse Thangluaia chuan ralho lak ațanga tawlhsawn chu a lo duh awzawnglo mai, tin tawlhsawn duhpawh nise kiltin ațang chuan ralho chu rawnlang zung zung in tawlhsawn theidin hmunah pawh an dinglo a ni, Pasalțha Denga pawh chuan theihtawp chhuahin ralho chuan an nawrtawm tawh khawp mai, Denga bal bul veilamchu a rawnthip tazawk mai le, a hliam ațang chuan thisen tharlam tak maichu awnchhuak nghal zawih zawih in Lianpuia chuan hmunghalin Denga awmna lamah chuan a tawlhthla nghal a, Thawmvela pawh a vanglai lo chuailam tawh nen ralho zinga pakhat chuan a nak veilamah chuan rawnsat thawideuh in a hliamațang chuan thisen arawn chhuak nghal zawih zawih maibawk a, Thangluaia pawh theihtawp chhuah in a hma a ralho chu a thal taw tawp mai a, ralho lahchu an rawnkal belhzel emaw tihtur hian an rawnlawr țuam țuam zelmai bawk a, Thanguaia rilru pawh a kalthui khawp mai, helai ngawpui ngeiah hian a nimaw ka nun tawpna turchu ti a ngaihtuah ina fapa thichhawnga lum mek Sangluaia chu a hrechhuak vawng vawng mai a, mahse beidawng duhlo chuan vawikhat chiah tiin a Tlangval rualte chu an fuihleh hram hram a, mahse ralho chuan an tahneh em avangin tamtak that mahse an mahni an hliam nualtawh bawksi nen chulai hmunchu dama an chhuahsantm tumah chuan an ringtawhlo a ni, an hmelate chuan rawnhualzim zelin chulai kawrte kuamah chuan Thangluaia leh a hote chuan țan an la khawh ve hram hram a ni, ralho chuan Lal Thangluaia an hriathnu ah phei chuan Thangluaia chu thahngei tum chuan an rawn tumbik ta ngar ngar mai a, Lianpuia chuan hmelmate cu dangzo dawna a in hriatloh avang chuan Thangluaia lamchu pan in, țhianpa kan nih nih kan ni ang, mahse nangchu Lal i nihna angin helai hmunhi chhuahsan turin ka duhche a ni an ti a, mahse Tangluaia chuan țhianpa tunhun ah hian Lal nih hi e nge a țangkai na le? Lal ka nih chuan ka mite chu thitura hnuk chhiah in ka tlanchhiat san ang maw? teuhlo mai, helai hmunah hian kathi ngei ang, ka mite lunghahna ah chuan ka lupawh hi ka nghatve ngeitur a ni, ka mite lu an lakna ah chuan ka lupawh hi an lavengei tur a ni tiin Lianpuia chu a chhang a
.
Lianpuia chuan a Lal thusawi chu dik a ti khawp mai, Tlangval rualte leh Pasalțha rualte hnenah chuan, khaile Lal ropui Thangluaia khualehtui Tlangval huaisen kan nih kha, Lal ropui Thangluaia Pasalțha huaisente kan nih kha, vawikhat theihtawp i han chhuah lehteh ang u khai ti a au in an fuih a, eng emaw chenchu hantawn kawțhin mase an hmelmate chuan an tamhneh hrim hrim avangin Thangluaia te tanchuan tihngaihna a awmlo a ni, Thwmvela leh Lianpuia chuan an chhak Tlang chulairuam rawn tuamtu chhengchhe tak lamah chuan an mite chu tawlhtur chuan an han au a, chu Tlangchhip an tawlh thlenchoh theih chuan an țanhmun chu țhadeuh turah chuan an ngai a ni, chulai Tlang chhip an thlengchho țep tihchuan Silai chu rawnpuak țhuai țhuai in Thangluaia Tlangval pali laimai chu an thal tawp tawp mai a, Tlangchhip an thlenchhoh hmachuan hmelmate chuan rawntlan khalhin Tlangchhip lamah pawh chuan an lo hualbet hman a, Thangluaia te tanchuan duh thlantur a awmta lo, Tlangchhip an lawnchhuah hmachuan hmelmate chuan rawntlan khalh in, han chhuk lehdawnse hnuailamah chuan hmelmate bawk chuan an rawnlawn chilhve tawh bawk si, an țanhmun chu a phet tak zet zet tawh a ni
.
Tlanglo khawlam ah thung chuan Thangluaia mumang neihzan chiah chuan Lal fapa Sangluaia an dahna, a Pu Hrangvela in chungzawn sangtak ah chuan nula hmelțha em em maihian Sangluai thichhawnga in chhunga mureng maichu a thlir reng mai a, chu nula chuan Lal fapa Sangluaia chu lainat taka en in, Tlangval i hliamtawrh chu a nahle mai maw, mihring tan chuan tawrhzawh a nihloh kha mawle, mahse Thangluaia fapa huaisen țang fan fan rawh aw, i tawrh chhelna leh i huaisen na avang hian i hliampui tawrh hi i tuarchhuak dawn e, Tlangval i pa Thangluaia leh a țhuih hruaite chu puihngai in an awm a sin, an hma ah chuan thihna in hmuak in ral tamtak in tunah hian thahtum in i pa leh a țhuih hruaite chu an lo chang mek a ni, Tlangval chung i țanpuina ngaia ralho ten thahtuma an chan mekte chu țanpui turin irawntho chhuak dawnlo emni? Tlangval thota che tunah chuan i hliamte tihdamin a awm tawh e tho chhuak la hman hmawhrawh, i pa leh a țhuih hruaite chuan țanpuitu ngai in an hmalam an panzel a sin tiin chu nula hmelțha em em maichu van boruak ah chuan a zamralta riai riai mai a, Sangluaia hliampui tuar mureng maichu rawnharh zawkin an hawichhuak nghal a, a hliamlai zawng zawng chu han in dap kualin a taksa ah chuan mak tak mai in engmah hliam hmuhtur reng reng alo awm tawhlo, a khup veilam vungul maite pawh chu lo rehvek in natpawh a na chhete eih tawhlo a ni, Sangluaia chu a muthmun ațang chuan rawntho chhuak in an in herkual vela, a taksa ah chuan na engmah a awm tawhloh avang chuan mak pawh a ti khawp mai, chu tihlaitak chuan tunhma a alo hriattawh țhin nula aw mawi em em maichuan, Tlangval hman hmawh ta che i tlai a nih chuan ipa hmelchu damin i hmutawh dawnlo a sin a rawnti tham raih raih mai a, Sangluaia chu harhzawk ang maihian rawn meng kawk in kapa keimah vangin tunah hian ralkuta thithei dinhmunah iding a nimaw tileh a Silai chuhnghal in, a ralbeihna hmanrua chu khawmnghal in zanpawh sawilo chuan a Kaivela khawlam pan chuan a tlandawk ta pur pur mai le
.
Chu rawlthar chu ngawpui hnuai thimtak karah chuan meichher pakhat nen chuan a tlandawk pur pur mai a, khua a lovara tuk țhuan ei a lo hunpawh in a rilchu chhete pawhin a țanmchhinlo a ni, a pa chuan a mah chhantur chuan arawnpen chhuak a ni tihchu hrilhnawn ngailo chuan a hria a, tunah hian a pa chuan a mahvangin thihna hmachhawn mekin hmelmate hmachhawn in a awm a ni tihchu chiangtak in a hria a ni, a thinlunga a pa ngaihtuah reng chung chuan hmanhmawh tak chuan chu rawlthar chuan hmalam a panzel a, Ni avanlai zawlvel tihchuan chu rawlthar chuan Tlang chhengchhe deuhmai pakhat hi a thlenghlawl mai a, hman hmawh taka chulai Tlang chhengchhe tak mai tlanpelh a tumlai chuan a thlang lamah chuan Silai puak țhuai mai chu a hreta a, rang lutuk chuan Silaipuahna lamchu hawithla nghalin, a thlang Tlang chhengchhe tak Tlangchhip thlenhma deuh failaia a pa ngeimai tlulai chu a zuk hmuta a, chu veleh chu rawlthar thunlung chu chemte zumtaka chhuntlang zawkang maia rawn na nghal in chulam ah chuan chak tak mai chuan a tlanthla nghal a, a zuk thlen nak chuan chulai hmunah chuan in beihna nasa tak maichu a thlengtih a hrenghal a, rawlthar chu a bulah chuan țhingțhi nghalin duat tak mai chuan a pa luchu a malchung ah chuan an dah a, zawite hian kapa tiin an ko a, mahse a pa Lal ropui Thangluaia chuan a chhangta reng reng lo mai le, a pa thisen tharlam tak maichu an rawlthar kutchu rawnluan huh lum pawp pawp in kapa an tileh a, mahse Lal ropui Thangluaia chuan a fapa kohna chu hria awm reng reng pawh in a langta lo, chu rawlthar thinglung chu thinrimna chuan rawn hnawhnghal in a mitmu dum fiahkak maichu thinrimna avanga rawnsen chhuak vek in chulai ngawpui khawk rum rum chuan aw rawl ringtak maichu arawn chhuah ta le
.
.
DUHTAWK RIHLEH PHAWT ANG U AW
REMCHAN VELEH KAN CHHUN ZAWMLEH DAWN NIA
.
Hman hmawhlo in minlo nghak hram hram țhinawn nia
.
.
[Lalzirliana Tochhawng] [Champhai Tlangsam]

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 8th, 2018, 6:55 pm

............... PASALȚHA THANGLUAIA (180) ..........
.
.
Chulai ngawpui ruam inbeihna chhung chu rawlthar aw rawlring tak richuan a khawk rum rum mai a, hmelmaho pawh in chu tiangkhawpa thinrim aw rawlring chu an la hrengailo a ni, hmelmaho zinga rawlthar deuhte chu chu aw rawlring tak maichuan a tirilah man in an hlur ru khawp mai, chu tihlai chuan chu aw rawlngei maichu a hma ai a ringzawk emaw tihtur khawpa ringa rawn au chhuak leh in, kapa chunga kut thlaktu khan hrerawh se, vawiin Ni tlakhma ngeihian i lu kha ka la ang tiin a rawn au khawk leh rum rum mai a, chu aw rawlchuan hmelmaho chu a tikhur nasa ta mai le
.
Rawlthar rualte pheichu an thauah manin, țhenkhat te pheichu an khur hlawk hlawk theihial a ni, chutia rawltharin aw rawlring tak mai a chhuah zawhrual chuan a ai a ring zawkin Keipui pahnih hi an rawn ha hum thumta dum dum mai a, Sangluaia chu an hawivela a pa Pasalțha rualte leh Tlangval rualte chu an cha chauhzia an hmuh chuan rangtaka rawnding chhuak nghalin, Lianpuia hnenah chuan kapa hi minlo bawihsawm sak rawh aw tihleh ruam lama ralho awm tamna lamah chuan tlanthlak a rualta nghal a, khawilam ațanga rawn kalnge an nih tihpawh hriatloh chuan chu rawlthar tlanthla lai hnungah chuan Keipui sumruk chuang zetmai pahnih hi an rawn zuanglut nawlh mai a, rawlthar chuan ruamchhung zawl a thlengdawn tihlai chuan Silai pakhat hian puitling hlam sawmnga zettur ațanghian lotin rengin, chu Silai chu hmehpuah in a awmțep tih chuan rawlthar tlanchak lai kut dinglamchu a phezawk mai a, chupa Silaia lo tintu hrawk ah chuan Maubul chang tawngchen veltura sei zum hriam em em maichu a chanve hmawk rilut chawk in a burta ngur mai a
.
Silaia lo tintu dangte chu Keipui pahnihte chuan keuh chat chat maibawk in ngawpui chhung chu Keipui thinrim rumthawm chuan a khawk rum rum mai a,Thangluaia Tlangval rualte leh Pasațha rualte chuan an Lal fapa an hanhmuh chuan an thinlung nguitawh leh an thațhum tawhte chu tihchak thara awmleh in an hmelmate lampana tlanchuan an au hum hum mai a, Sangluaia chu hmelma lama Pasalțha huaisen leh ralhrat khawkheng tak mai chuan rawnpan in Sangluaia luchu lak tumin buai nuaih nuaih karah chuan a rawn panding vang vang mai a, chupa lo en chiangtu tan chuan chupa chu veng himtu an awm tih hriattak mai hian Thangluaia Tlangval ten chempuia lo sah an tumpawh in losah tumtu te chu an kat nawk nawk mai a ni, tin chupa hnung rawnzuitu Pasalțha sawmrual zette pawh chu vengtu neitih hriattak maiin tumah chuan an khawihna theilo a ni
.
Chutiang mihring an nih avang chuan rawlthar Sangluaia tanpawh hmachhawn huphurh awm tak an ni, chung Pasalțha te chuan Sangluaia bulchu rawnthlengin Sangluaia buailai chu Pasalțha hma rawnhruaitu chuan a nghawng chu chhawk hmawk maitum chuan a chempui chu a zak kau chuan an lek kang a, mahse chutih laichuan an chung sangtak ah chuan khuachu rawndur khup khup in Țek chu arawn tlata țhuai țhuai mai le, Țek karah chuan Khuavang Lalnu hmelchu rawnlang zuai zuai in a hmel ațang chuan a thinrim a ni tihchu hairual a nilo, chulai inbeina chung sangtak ah chuan chu Khuavang Lalnu chuan a hote chu ko khawmin ti hian an ti a, nangni chuan Pasalțha i țhiante inveng himbik a maw? ka țhian ka ngaih em em țhin Thangluaia chuan thihpui thamkhawp hliampui a tawrh phahkhu in hmu em? heng in țhian Pasalțha te Lal ho hian Thangluaia an itsik vang ringawt in thah an duhtih pawh in hria a nilawm ni? Thangluaia khuan heng Lal ho lakah hian eng thilnge tihsual a neih? in in rawlh a nihchuan keipawh ka in rawlhve angai a ni tiin a kut chuan an hnuai thuitaka Pasalțha rualte chu an kawk a, chung Pasalțha rualte Khuavang nula hoin khawihnat theih loha an thuamna zawng zawng chu a hlihsakta vek mai a
.
Khuavang Lalnu chuan ka kawng dalzawnga awm reng reng chu hremin ni ngei ang, Thangluaia hriattur in khung an ralho khu hneh theihna kawng khat chiah ka kawh hmuhtir a, chu kawngkhat chu a hrechhuak thei a nih chuan an ralho khu an hnehtheih turthu ka hrilh tirtawh a ni, Thangluaia chuan chu chu hrechhuak tawhin hliam a nih hmakhan thingei dawna in hriatna a nei a, tah chuan a hriattur tak chu a hretawh a ni, a fapa Sangluaia khu Kawlkei pianruala rawnpiang chhuak a ni a, chu chu kan danah zawllo mah ila englai pawha kan venhimtur a ni tih in hriatvek kha, Thangluaia chuan hliam a nih hmakhan a fapa hnenah, a chungah tihna a lo thleng a nihpawh in phuba latur in a thinlungin a ko tawh a ni, chu vanga Sangluaia chu keimah ngeiin tlawha tidam ka ni, tunah chuan tumah hringmite indo na ah khuan in in rawlhtur a ni tawhlo, khung Lal țangrualho khuan an thiltih sualman khu hmu mawlh rawhse tiin Vangsang lamah chuan chho vang vang in a thamralta a
.
Hmelmaho rawltharte chuan Keipui thawmleh Sangluaia au thawmah khan hlaua khurin chulai ruam indona hmunchu an tlanchhiat san nasa em em mai a, hmelmate zingah chuan Pasalțha teleh Val upa te tihloh chuan chulai hmunchu an tlanchhiat santawh a ni, Thangluaia Tlangval rualte leh Pasalțha rualte chuan an thinglung ah an Lal fapa chuan chakna rawnpe in ralho tlanchhia tamtak chu umzui duhlo chuan ruamchhunga la chambangte chu thah chimihvek tum chuan in beihna nasa tak maichu a la awmreng a, Sangluaia pawh a hmalawka Pasalțha in sahtuma arawn tinchu hmuin rangtak maichuan hnunglam ah chuan a perdawrh mai a, chung Pasalțha rualte chuan rawnbawh zuinghalin Sangluaia chu rawnthat ngeichu an tum a ni, mahse Sangluaia rwnbawh zuitu Pasalțhate chuan Sangluaia din na an rawnthlen hmahret chuan rawlthar chu rawnzuan khumin Keipui pahnihte chuan Pasalțha rualte chu an rawnbawh chilhta a, Sangluaia pawh in chung Pasalțha te chu bawh chilhve nghalin a chempui chu an vai pawp pawp mai a, a veilama a Maubul changhum pawhchu thien chuan a chiah senzul tawh a ni, pahnih nghawng chu chhawk hmawkin pakhat nak veilam chu thlerduai chuan an sah sak bawk a, a mah rawn hnaih bertu chuan a chempui chuan rawnai in rawlthar chu a lo kunhniam hman hlauh a , kun hniampaha virin a Maubul hriamtak maichu an vaikual pawp mai a, chupa chempuia rawnsah tumtu dulchu thlernghal duaiin a rilchu arawn chhuak nghal purmai a, rawlthar țhuhniam laichu zuangdawk nghalzawk in a mah rawnpantu chu a chempui chuan leia țumpah chuan lu keh hawk khawp in an satbur mai a, chupa chu tlunghalin a lu keh ațang chuan thisen tharlam em em maichu a rawnchik chhuak nghal țhawt țhawt mai a
.
Thawmvela leh Denga te pawh hliam nei mahse ral hmatawngah chuan țangin theihtawp an chhuah zela, Denga ngatphei hichu he indo na ah hian Thangluaia khualehtui tan hian a thawh hlawk em em mai a, Lianpuia leh Thawmvela te, Lal Thangluaia ngeipawh upa lamte an lonihtawh avangin Denga chu eng kimah a kul ataiah a țang a ni, Sangluaia rawnlet hnuah pawh hian hliamtuar mahse theihtawp chhuah in a nun na hialpawh chandawn mahse a khualehtui himnatur a nihphawt chuan pawitihna reng reng a neilo, ralho pawh an thihnemta khawp mai, tlanchhia an tambawk nen chulai ruamah chuan thihna chuan rorel zelin thisen chu aluang ngei nguai tawh mai a, Thangluaia pawhin a Tlangvalte hloh ve nual mahse Pasalțha te chu tumah hloh a la neilo a ni, Thawmvela chuan Tlangval huaisen leh Pasalțha huaisen te u, tunah hian kan Lal Thangluaia chu kah hliamin a awm a, kan Lal chunga kut thlaktu te chu khawinge kawlkil tawprat thlengin in umteh ang u aw ti a rawn au chhuak in chu thu chuan Thangluaa milehsate thinlung chu a hneh khawp mai, Pasalțha rualte leh Tlangval rualte chuan an Lal ngilneitak mai hliama a awmtih an han hriatchuan an tha zawng zawng sawm khawmin hmunkhat laia ralho bitnalai chu an hantawn leh a, ralho chu an hek ta hiau hiau khawp mai, tlanchhia an tamtam bawk nen Thangluaia hote chuan karlo ah chuan hasa tak chungin chulai ruama in beihna ah chuan hnehna an changta a, thisen aluang hnemin hliampui tuar rim kawk kawk thawm hriattur a tam ngei mai
.
Chulai ruamchu thisen thangrim chuan a thang nghur mai a, thang rimchhe tak karah chuan Tlangval na tuar țe vawng vawng te, patling na tuar rum vawng vawng thawmchu a ri chuah chuah mai a, hmelma lamin an tlansan la thisilo, mahse kathei tawhsi lo te chuan, Thangluaia hote hnen ah chuan khawngaih dilin, khawngaih takin minpui hramrawh u, chhantlak kala awm asin tiin khawngaih an dil a, Thawmvela chuan Pasalțha ho hnenah chuan, kan mte hliamleh ruangte hi lo dahțha in lo bawihsawm ula, tin heng hmelmata hliamtuarho hi in theih ang ang in inlo bawihsawm bawk dawn nia, keichu kan Lal dinhmun heturin Tlanglam ka hanpan ang e tiin a kalsan ta a, Pasalțhate leh Tlangval rualte chuan an mahni hliamho chu an han khawm a, tin chu indona a nun na chante chu an han la khawm zung zung a, chung hliamte leh nun na chante bulah chuan Lal fapa rawlthar chu dingin, chung nun na chante leh hliamtuar te an hmuh chuan a rilruna chu adam theita nganglo mai le, Pasalțha Denga hnenah chuan kapa kha theihtawp in inlo en kawldawn nia, ral tlanchheho kha ka um zuidawn a ka rawnkir lehngei ang an ti a, Denga chuan hliamtuar mahse Sangluaia hnenah chuan, he indona hi ka tanpawh a la tawphlei nem, nun na tamtak kan chana chu tihlai in hmelmate tam tak an tlanchhia a, khang tlanhhe ho khan thihve hi an phu hliah hliah a ni tiin Sangluaia chu a chhang a, Sangluaia chuan Denga chu dangzo dawna a hriatloh avangin, a nih chuan khang tlanchheho kha umzui in abultum tu Kaivela khuachu hanlut law law i la an ti a, chutih laichuan Lianpuia chu rawnthlengve hlawlin Sangluaia leh Denga thiltum chu an rawnhre ve a, Lianpuia chuan engpawh nise hei hliam kan ngahin nun na chanpawh kan awm nuala, tun atan chuan kan duhtawk maidawn em ni? Sangluai i pa hliamkha a na khawp mai a, a theih hramchuan kalsanlo la a țha khawp in ka hria an ti a
.
Lianpuia thu rawnsawi chuan Sangluaia ngaihdan chu a persan khawp ai, mahse Sangluaia chuan khawnbawl thusawi chu chhete mahin hnial a tumlo a ni, țawngkam zangtak chuan kan Val upa ten țhatura in naih ang ang chu nirawhse an ti a, Lianpuia chuan Sangluai a tawp thlen law law i duh em ni? he indona chawk chhuaktu, a bul tumtu chu lungmuang tak in tunah hian a la leng a sin, i pa farnu i ni pawh tunah hian ralho kuthnuai ah la awmin, sal atana hralh mai theih dinhmun ah a la awm a sin, duhtawk tawhtura țawngkam ka rawn neikha i rilru ka rawn en na a nihkha, i duhphawt chuan tunah hian a tawp thleng law law turin i kalchhuak thei ang, tunah hian i duh i thlang thei a ni an ti a, Sangluaia mit chu rawsen chhuak in ti hian arawnti a, tunah hian kanmite chuan hliampui tuarin an chhungte an au a, tin nun na chan tam tak kan nei bawk a, heng kan mite an thihlai hian khang tlanchhe ho kha himdamin an khualehtui an thlengbik ang maw? he indona chawk chhuak tu Kaivela chu kapa kah hliam a nihlai in himdam takin a lengbik ang maw? Tlanglo khua a a chet dan zawng zawng kha haider in a thiltih ah hian katawpsan maiang maw? teuhlo mai, a mahvanga kan mite thisen luang chhuak hi a thlawnin a luangral dawnlo tihpah chuan chu rawlthar chuan Kaivela khawlam pan chuan a ke penchhuak in ngawpui chhahtak karah chuan a tlanliamta nghal a, Pasalțha Denga chuan umzuive nghal an tuma, mahse Lianpuia chuan lo dangin, Denga hliam i tawka i kalveduh a nihpawh in i hliamkha tihfaia tuamțhat phawt angai a ni anlo ti a, Denga pawhin Lianpuia thusawi chu a dik tih hria in khawnbawl thusawi ang chuan a hliamte tifaia tuamțha tur chuan a kalchhuak talo a
.
Ni pawhin tlak lamhnaih tawhin a hnianmtawh khawp mai, rawlthar pawh chuan Ni liamhma ngeia Kaivela khua chu thlenhman ngeitum in ngawpui chhungah chuan a tlan dawk pur pur mai a, a mitthla ah chuan an khualehtui Tangval fel tak tak ten nun na chan a, thite hmelchu a chamreng mai a, chu chuan a thinlung chu nataka hliamin a thiltih laichu a tawp a thlenhma chuan tawpsan mai mai a tumlo a ni, tlanchhiate hnuhma ațang chuan chungho pawh chuan Kaivela khawlam chu an pan ngeini in a hria a, Kaivela khua ah chuan amah kaptu ngeipawh kha hmuh a in ring em em a ni, reife ngawpui chhunga tlanhlira a tlanhnu chuan Kaivela khawlan thrihna Tlang pakhat chu a thlengta nawlh mai a, chulai ațang chuan Kaivela khua chu hnaite nitawh in, ke a kalpawhin hmuamda awmvel lek kal a nitawh a ni, Sangluaia chuan khawchhunga mihring chhuak vak te pawh hmuthei in khawchhung ah chuan eng buaina tak emaw chu a awmtih a hrethim nghal a, chulai hmunah chuan reipawh dinglo chuan rawlthar pawh chuan atumram pan chuan a penchhuak lehta nghal a, hmuamda awmvel an kalleh hnuchuan rawlthar chuan khawdai chu thlengin fimkhur tak chuan an ngaichang vang vang a, dai velah chuan Tlangval ralveng pawh a hmuhloh avang chuan khawchhung luttur chuan a ke chu chheprem in khawchhung lampan chuan fikhur tak chuan a penlut ta chhat chhat mai le
.
Kaivela leh a khawnbawlte pawhin indo na ah chuan tlawmzawk ah an țangtih hriain an thinpawh arim hlemai a, Tlangval leh rawthar tlanchhiate chuan khuachu rawnlut tawhin thilawmdan eng kimchu Lal hnenah chuan an hrilhtawh a ni, mahse chung Tlangvalte chuan an Lal hnenah chuan Lal Thangluaia kah hliam a nih thu leh, Thangluaia Pasalhate chuan khawchhung an rawnluh an rinoh thuchu an hrilhbawk a, a chhanchu indo na ah khan hnehtu zawk an ni a, Thangluaia khahliam a loni nen, hnehtu an nihtawh tho tho avangin khalai hmunah khan an duhtawk tawh an ringin helai thleng em em chu an rawnthlen an ringlo a ni, Thangluaia chu kah hliam nilo selang chuan a hoin khuapawh hi an rawnluh ngeichu an ring a, mahse Lal ber kah hliam a nih avangin Tlanglo khawlam ah an letvek an ring a ni, chu tiang thuleh hlevel avang chuan Kaivela khualehtuite chu Lal tualzawlah chuan chhuak khawmin an Lal thuleh hlachu ngai changin an awmțhup mai a, tlailam viautawh mahse tumahchu mahni inlam pantumlo chuan an Lal thuleh hlachu ngaichang chuan tualzawh ah chuan an awm khawm țhup mai a ni
.
Kaivela chu a thinrim nasa mai a, achhan berpawh khawruk lai in telkhawm in Thangluaia khua chauhpawh an hnehlo a ni a, tin mipakhat aw rawl hlauin Tlangval tam tak leh rawlthar tam tak te chu an tlanchhia a ni a, chu chuan a thinchu tiur zual em em in a khawnbawlte hma ah chuan a ang tun tun mai a, a Leihkapui ah chuan rawnchuang chhuak in tihian an ti a, heng Tlangvalte leh rawlthar rualte hian mipakhat aw rawlchhuah chu hlauin bak lengin an tlanchhia a ni a, ka khualehtui chhungah hetiang chanchin ka hriahi ka zak in in Lal nihpawh hi ka duhtawh dawn em ni? chapo tak chuan an ti a, chu tianga an Lal meuhin mipui hma a an țawngkhum chuan Tlangvalte leh rawltharte chu zak in an kun ngawih ngawih mai a, Kaivela chuan heng țhalai rualte hi in tuleh fate an ni hlawm lawm ni? an nuleh pate nihpawh in zak em? mipakhat aw rawlchhuah mai mai hlaua khurtur chu in nihtawh hlawmloh hi, chu mihring in hlauh em em maichu helai hmun ngeiah hian lo kalngamse in hmuhlai hia kei Kaivela, Kalngaia fapa hian ka hlauhloh ziahi kan hmuhtir tur a nia tiin a mipuite hma ah chuan a țawng lung lung mai a
.
Kaivela chuan sawizawm zelin, mipa in ti tlakpawh in nilo e, nak tuk ah chuan puanfen rawnfeng chhuak tawh ang che u, zahna chang in hriatchuan zak ngawih ngawih rawh u, mipa ni vesi a ral pakhat rawl chhuah mai mai hma a khurchhia in nih hi, chu mihring Thangluaia fapa in tihngei maichu kei in Lal Ksivela hian vawiin tlaiah hian ka hlauh lohzia ka hmuhtir dawnche u a ni, mipa chu mipa taka awm in a tihtur ral hma a dinchu huaisen takin a ti tur a ni, Tlanglo khua a kan salman Thangluaia farnu kha helai hmunah hian rawnhruai chhuak rawh u an ti a, rangtak in Lal thupek chu Tlangval te chuan an ti nghal a, Tlanglo khua ațanga an man Thangluaia patea fanu Thangluaia farnu chu rawnhruai chhuak nghalin Lal Kaivela hma ah chuan an handintir a, Kaivela chuan a mipuite hma ah chuan, kei Lal Kaivela hian in hlauh em em Thangluaia leh a fapa chu ka hlauhloh zia lantir nan vawiin tlaiah hian he Thangluaia farnu lu ngeihi ka ladawn a ni, kan Tlangvalte khan chiangdeuh in lo en rawh u tiin a au tun tun mai a, Thangluaia farnu Khualthangi chuan a thingei dawntih in hria in Kaivela hnen ah chuan thatlo turin khawngaih an dil a
.
Mahse Kavela chuan Khualthangi dilna chu a ngaipawi mawhlo khawp mai, chhipsam ah chuan țhamin an phihding țhuai mai a, diriam tak maichuan en in nanghian ka hnenah hian khawngaih mindil a maw? tihpah chuan Kaivela chuan Khualthangi hnar ruh tliak rawpkhawp chuan an chumsak chawrh mai a, Khualthangi hnar ruh tliakri chu rirawp in thisen chu arawn chhuak nghal zawih zawih mai a, Kaivela chuan dingrawh tihpah chuan a hhipsama țhamin an phihding lehlawp nghal a, Khualthangi nati lutuk chu a mittui chu rawntla nghal zawih zawih in Kaivela hnenah chuan, kapu khawngaihin min thatlo hram rawh, ka damchhung hian i chhiah hlawh ah ka awm ang tiin khawngaih an dil a, mahse Kaivela chuan nuihsawh chungin thih i duhloh chuan ka thusawi anga i awm a ngai ang, mipui hma ah hian kavaw dawnche a, vawikhat pawh irum chhuah loh chuan i nun na chu ka zuahngei ang, mahse i rumchhuak a nih chua i nghawnghi ka tan ang tiin Tlangval pakhat hnena chuan, thingfak kha vala rawhtiin an tirnghal a
.
Tlangval chuan thingfak mum telh tawlh banrek ai a te deuh chu rawnla in Kauvela chu an pe a, mipui hma ah huan kan thutiam kha in hrevek maw? Thangluaia Pasalțha tawrhchhel farnu a ni a, a natuar arum chhuah loh chuan kei Kaivela hian nun na ka zuahsak ang a, mahse vawikhat pawh arum chhuah chuan kei Kaivela hian Tlangval ho hmuh ah hian a luhi ka langei ang an ti lung lung a, Khualthangi chu a mang ang tak zet zet a ni, chhantu a ngaia mahse chulai hmuna mipui pungkhawmho chu a mah hmusit tu hlir an nisi, chu tiangkara chhantu auh chu beiseibo a ni tihchu chiangtsk in a hria a ni, a rilru mang ang lutuk chuan mittui leh hnar ațanga thisen chhuak awih zawih chung chuan, khawngaih in minchhan thei in awm lawmni tiin mipui chu an au a, mahse mipui chuan a mahchu lo nuihsawh in țhenkhat chuan, i nuțapa Thangluaia chu au ta che an lo tihkhum a, Kaivela pawh in diriamtak maichuan Thangluaia chu auta che tihpah chuan a chhip samah chuan țhamin, i ngalruh hi ka vawtliak vek ang a i hnena k tiamang khan rumkhat pawh i rumloh chuan i nun na ka zuah ang an ti nawn leh a, mipui hmuhlai chuan Kaivela chuan a thingfak kenchu lek kangin Khualthangi ngalruh chu vuak tliahvek tum chuan sangtak maiah chuan thingfak chu an lek chhuak a, chutih laitak maichuan mipui hnungdeuh ațang chua, hmeichhe chungah khan kut i thlak a nih vaih chuan i lu khaka kapdarh vek ang, aw damthlarhsi mahse chu aw chhuak chuan thihna a kengtel tihchu lo ngaithla tan chuan a hriat hliah hliah a ni
.
Kaivela leh mipuite chuan chulam, aw lo chhuahna lamchu an hawinghal țhup mai a, chu an Lal thil tihtum lo do dal ngamtu chu mipui pawh chuan hmuhngei chak in an thlek sup sup mai a, an piah deuh ah chuan, Tlangval la naupang tak mai, a hmel en chuan tupawimah la sawi ngailo tihtur khawpa rawlthar duhawm nimai chuan alang a, mahse a nghawng chawmbat mai leh a banbul liantalh mai invuah ngatcharh maite, a malpui vawnglah maileh a kawngfek rat maite an han hmuh chuan chu Tlangval rawltharte maichu minaran mai mai a nilo tihchu chiangtak in a hriat hliah hliah mai a ni, la naupangte mah nise a hnute veilam hnuaia chempui hnuhma leh, a hnute dinglam chunga Silai kahna hnuhma ser ruak mai awm chuan chu rawlthar chu mihuaisen tak leh Pasalțha tak a ni tihchu a nemnghet hliah hliah mai a, a pian nalh thlarh maileh a hmelpa tak maichu lo thlirtu mipuite chuan hmuh hmaih miahlo in, chu rawlthar chu a huaisen tawk hledawn tihchu chiangtak in an hrethei nghal a ni, chu rawlthar mit meng dumfiah kak maichuan a hmalam chu dingtaka thlirin, a chempui chu nghet taka humchung chuan Lal Kaivela leh a khawnbawlte hmachhawn zawng chuan a ding kak hah mai a
.
.
DUHTAWK LEHRIH PHAWT ANG U AW
REMCHAN VE LEH KANCHHUN ZAWMLEH DAWN NIA
.
Hmanhmawhlo in minlo nghak hram hram țhindawn nia
.
.
Lalzirliana Tochhawng] [Champhai Tlangsam]

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 4th, 2018, 8:28 pm

.......... PASALȚHA THANGLUAIA (181) ..........
.
.
Kaivela chuan chu aw lo chhuahna lam an hawive chuan a hmuhtum miah lo mihring a hmu a ni, a thiltih rawn dodal ngamtu chu a lo rindan chuan hmel upa tawh lam leh, khawkhat Pasalțha upa tawh lam a nih a lo ring a, mahse a mi vahmuh chu chutiang mi chu a lo ni aw zawng si lo, Kaivela chuan chu rawlthar an hmuh meuh chuan a nuihte chu a za lek lek zawk a, mahse Lal Kaivela chu harh chhuak zawk ang mai hian a hlimhmel chu thawk lehkhatah chuan tawpnghal hmak in, a hmelah chuan hlauhna liantak mai chu rawnlang nghalin an hmalawka rawlthar dingchu hlautih hiattak mai chuan a thlir vang vang mai a
.
Chu rawlthar an mahni hmachhawn zawnga rawn dingchu tu dang nilo in Thangluaia fapa pang zawk Sangluaia a ni tih chu chiangtak in a hrenghal a ni, Sangluaia chu rawltharte mah la ni mahse a huaisen ziate, ralbeih a thiam ziate, a zam a țhatdan te, ralhma ah chuan a pa ang chiaha hnung tawlh ngailo a nih dante, chung zawng zawng Kaivela rilru ah chuan rawnlut nghal zut zut in a hmalawka rawlthar dingchu nam nul mai mai chi a nilo tihchu chiang tak in a hrechhuak thar a ni, țha taka a lo dawnsawn loh chuan chu rawlthar ringawt pawh chu a khualehtui tan chuan chhiatna tham a tling hliah hliah a ni tihchu tu ma hrilhnawn ngailo in a hrechiang hle a, a Lalram leh a khualehtui chu chu rawlthar vang chuan zankhat mitchhina boralthei a ni tihchu a kut zungchal a hriatchian ang chuan a chiang em em a ni
.
Kaivela khualehtuite chuan an Lal thiltih tum lo dang ngamtu an han hmuh chian chuan an Lal ang chiah chuan an awilo hial zawk a, Khawkhat Lal meuh rorelna rawndang ngamtu rawlthar duhawm tak mai an hmuh chuan mak tiin an phawk hruzawk a ni, mahse chutia an phawkhru laithung chuan nula ho chuan Sangluaia an han hmuh meuh chuan an hmelma mah ni se, chu rawlthar chung ah chuan an mit chu a fu nghalțhup mai a, chu tianga mipa hmelțha leh duhawm chu tumah an la hmu ngailo a ni, an hmelma mah nise mit khap kar lek ah chuan hmeichhe ho chu chu rawlthar duhawm tak mai chuan an rilru leh an ngaih tuahna chu a uaibeh sak hneh em em mai a, nula ho phei chuan khawdang an hawi theilo a niber mai, nula ho rilru ah chuan chu rawltharchu tunge a hming ni ang? tunge a pa ni ang a? tunge a nu nita ang? khawikhua ngeni ang a? khawilam ațanga lo kalnge a nih ang? nula ho rilru ah chuan chu zawhna chu alian khawp mai
.
Chu tiang karah chuan putar pakhat, chulaia awmho zingah upa bera an ngaih chuan ti hian arawnti a, ka khawhmuh hi a reive ta hle mai, upat pawh ka upave khata viau e, mahse khang ka hunkalta zawng zawng ah khan he tianga thilmak hi manglam ah pawh ka la hmungailo a ni, kan hmalawka rawlthar ding saw Pasalțha Thangluaia chu a ni silo maw? . mahse Pasalțha Thangluaia zawng saw aia upa tur sawchu a ni si, tin Thangluaia hnute veilam ah chuan Keipui hamna hnuhma a ser ruak a ni a, a hnute dinglam ah chuan Ngeng mu luhna hnuhma a ser ruak bawk tura ni an ti a, a bula dingve pakhat chuan, Lal ropui Thangluaia chu nilo e, tlangkam ațang chuan tuna kan Lal hmachhawntu rawlthar hi chu Thangluaia fapa a pang zawk ni ngeiin a lang an lo tive a
.
Putar zawk chuan keipawh in chu chu ka lo rindan chiah a ni, he rawlthar huaisen chan chin an sawi țhin hi tlangkam ațangin ka lo hreve tawh a, kan pileh pute chuan, Sunhlu kungah theidang arah ngailo a, Kawlkei chuan Kawlkei bawk ahring țhin an lo ti țhin a, Pasalțha ralhrat chuan Pasalțha ralhrat bawk a hring ngei ang, tin saw rawlthar saw in chik chiang ve em? a awmleh a hnute velbawra chempui hnu hma leh, Ngeng mu hnu hma serte saw in hmu em? rawltharte mah nise a pa ang bawka Pasalțha huaisen leh ralhrat khawkeng chu a nih ngeidawn saw, he tiang mi huaisen pafa hmutheia ka damthei hi ka vanlawm em tiin a țhiante bulah chuan Thangluaia te pafa chung chang chu a sawi tuihle mai a
.
Chu tihlai chuan Kaivela pawh in chu rawlthar hlauhawm tak maichu a haibik mawlh lo, rawltar pawh chuan a Silai chu lek chhuak in hmalam chu muangchang chuan arawn pan pheita chhat chhat mai le, Kaivela chuan chu rawlthar chu hlauru ve viau mahse a khaw mipuite mit hmuh ngeiah leh, a buzawl a rorelna hmun ngeia khual Ar dawih zawk ang hrima dawi zawk chan chang nihchu a tumbik miahlo mai le, a Tlangval rualte pawh chulai hmunah chuan țhahnem tak an awm tihpawh a hrechiang em em a, chu rawlthar chu thah theihloh a nih na turbik reng reng a hrebik ta lo, a khualehtuite mithmuha Lal meuh han tlawmchu a tlawmlak em avang chuan Kaivela chuan chulai hmuna a Tlangval rual awmte chu an ko chhuak ta hlawm a
.
A Tlangval rualte hnen ah chuan tihian an ti a, Tlangval rualteu tunhi a ni lawmni he rawlthar chunga in phuba lakna hun remchang chu? in țhian in unau te that tu he rawlthar chungah hian tunhi a ni lawmni phuba laka dahțhat na hunțha chu? in hunțha hi in bawhelh dwn em ni? Tlangval rualteu tiin thiamtak mai chuan Tlangval rualte chu an fuih hlawm a, Tlangval rualte pawhin an Lal leh an khualehtui chhunga chu tianga an Lal rorelna rawn dodaltu chu ngaitheilo chuan an ralbeihna hmanrua nen chuan an rawnpen chhuak ta hlawm a, Tlangval zinga a upaber chuan Sangluaia hnen ah chuan, kan u leh naute nun na tamtak kan chan tawh a, nangmah vanghian kan Pasalțha ten nun na tamtak an hloh tawh e, helai kan Lal rorelna hmunah hi chuan rawn in rawlh tawhsuh, chu tiang nilo a i rawn in rawlh luizel a nih chuan helaihmun ah ngeihian i lu kha kanla ang an rawnti a, Tlangval pakhat chuan chu rawlthar chu chotak mai hian tufa pawh nirawh, khwi Lal fapa pawh nirawh, hnamchawm Tlangval satliah pawh ni rawh, khawilai Lal mualkil fapa pawh ni rawh, kan Lal rorelna i rawntihbuai avang hian thitlak i ni, mipafa i nihngai chuan minrawn hmachhawnta che? i rallu lakna chempui kha in khualtelem nan nge i hmanțhina ralbeih nan? tiin chupa chu rawlthar hmachhawn zawg chuan arawnpen chhuakta nghal a
.
Mahse chu rawlthar chuan chu vaukhan na mai mai chu a ngaipaw mawh hmelloh khawp mai, a hmalam chu rawnpan zelin Lal Leihkapui chu arawn hnaihtawh khawp mai, chu tihlaitak chuan Tlangval pakhat hi Lal Kaivela leh a hmalawka rawlthar hmachhawn zawnga Tlangval ding hmakhalh chuan rawlthar kalna turah tak chuan rawnzuang chhuak in a chempui humlai chuan arawn vainghal fua mai a, rawlthar chu hnunglam ah chuan tawlh dawrh in chupa chempui chuan arawn țhelh fua mai a, chupa in a vaițhelh in her remleh laitak ah chuan rang lutuk chuan rawlthar pawh chuan a kut dinglam chuan a chempui chu vaidawk chhuakve nghalin, chupa bek veilam chu a thlernghal hawk mai a, thisen perchhawk an han hmuh chuan mipui chu an țe nghaldual mai a, chupa chu lei charah chuan paih ang thlawrha tlukhu luih in, a bek thlerduai ațang chuan thisen tharlam lutuk chu leivut ah chuan rawn luang chhuak nghal zawih zawih a, thih suala tlukhur nghal chawrh chawrh in a leng awrh awrh mai a
.
Tlangval dangte chuan an țhianpa thilai leh, an mahni khualehtui chhung ngeia chu tianga khawtual Tlangval rawnthat tu an hanhmuh meuhchuan a hma zawng zawnga an hlauhna chu thinrimna chuan rawnthlak nghalin rawlthar chungah chuan an thinrim ta em em mai a, an chempui chu chuh in an țhianpa chhantum chuan rawlthar din na lampan chuan an rawntlan chhuak nghal a, chutak maichu Lal Kaivela duhdan pawh a ni reng a ni, Kaivela chuan a Tlangval rualte hnenah chuan, khalai rawlthar kha tufa pawh ni rawhse that nghal rawh u, a lu kha la ula a taksa kha chansawm vek tur tiin a au tuar tuar mai a, Tlangval indo na lam ațanga rawn tlaichhiate chuan an țhiante indo na hmuna an chan chauh zia hria in, tin chu rawlthar chuan an țhiante tam tak a that a ni tih hrevek in chu rawlthar chu thahngei tum chuan chulai Lal tualzawl ah chuan an bihrawn ta vak mai a, mipui tam tak chu tlanchhia in an au teng tung mai a, tin tar chaklo te pawh an theih ang ang chuan insa sengin an buai nuaih nuaih mai a, chu tianga buai nuaih nuaih na karah chuan Lal Kaivela pawh in a khawlbawlte hnen ah chuan a nau Kaihlira khawlam pantur tiin thu an pe a
.
Indo na hmun ațanga tlandarh ho chu an han tlankhawm tak ah chuan an țhahnem tham khawp mai, sawmthum rualzet maichu rawlthar Sangluaia beihrawn tur chuan an tlankhawm ta mai a, Sangluaia pawh theih tawpa țanla in chung Tlangval rualho lak ah chuan chetsual leh atum tawhlo a ni, mahse an in țhathnem hleih em avang chuan Sangluaia chu mibik pawh nise chutiang zo zai that zo vektur chuan a thahruiin a tlinbik dawnlo a ni, chutak maichu a mahpawh in hrethiam in a hmelmate chu an sahuat ah zelchuan khawihfuh chat chat a tum a ni, a lo thlawna a thahrui chu sanral a tumlo hrim hrim a ni, chutia nasa taka in beihna a awmlai chuan Pasalțha Denga leh a nau rualte chuan khuachu an rawnlut vechiah a, khawchhung ah chuan mipui mang an danleh an tlandarh dan ațang chuan eng thil emaw a thleng ngei a ni tihchu hrenghal in Denga te chuan Lal in lamchu hman hmawh tak mai chuan an rawpan ding nghal a
.
An rinlawk ang ngei chuan Lal tualzawl ah chuan an Lal fapa Sangluaia chu beihrawn mek a ni tihchu an hmunghal a, Denga pawh hliamtuar thinrim a lo nisa nen, tin a naute pawh raldo zo hlim rawnkal chau thinrim an nibawk nen, an Lal fapa an lo beihrawn bawk nen, an thinrimna chu chulai Lal tualzawla an hmelmate lak ah chuan hritla in tumah dim miahlo chuan an sat sawk sawk mai a, khawtual Tlangvalte chu a tlemzawk an nita nen, tin indo na hmuna tlanchhia zawk an ni nen, chutia an hmelma ten an rawnchim leh tak ah chuan an thinlunga huaisen na tam tak an lo hloh sa tawh nen khawtual Tlangva chu an hek ta hiau hiau khawp mai, tam tak phei chuan an hmelmate chu an hneh dawn chuanglo tih hria in an tawlh duai duai mai a, Kaivela khua chu lung ngaihna leh țahna hmun ah a chang zo ta
.
Lal tualzawl ah chuan thisen aluang zeih zuih mai a, hliamtuar la thi silo, mahse an hliam tawrh avanga chesawn thei tawh silo te chu an rak teng tung mai a, an hliam ațang chuan thisente chu rawn chik chhuak țhawt țhawt in an rum vawng vawng mai hlawm a, mahni khualehtui chhan nan chuan Patling tam tak te pawh rawnpen chhuak in theihtawp an han chhuah a, ral ve ve in karah chuan upa zawk i nih kha in tih a awm thei tawhsi lo, naupang emaw, upa emaw a huai sen sen leh chak chak dinchan na hmun a ni tawh si, Patling tam tak indo na hmuna kalve lo te pawh chulai in beihna hmun ah chuan telve in, mahni khawchhan nan chuan tiin an rawnpen chhuak a ni, mahse Kaivela leh a khawnbawlte hian an ngamloh chal ah chil hnawm in tun ah zet chuan an thiltih man chu an telta a ni
.
Chulai in beihna hmun ah chuan nangchu upa i nih kha a in tih theih tawhlo a, Thangluaia Pasalțha Denga leh a naute thinrim chuan an vaihma hmiah hmiah tawhmai a ni, Thangluaia Tlangval la rawlthar deuhte chuan kawhmawr ațang chuan inchu rawnhal in khawchhung chu meikhu chuan a khuta luih luih mai a, Sangluaia pawhin a tihtur chu hailo in, Kaivela hoten Tlanglo khua ațanga an salman ho kha a rangthei ang bera hruai chhuah angai a ni tih hria in Lal Leihkapuia nu pakhat phuarhlawma an dahlamchu pan nghlin rangtak chuan chunu an phuarna chu an zaichat nghal a, Sangluaia chuan chunu hnenah chuan khawnge midangte hi an khung khawm? tiin an zawtnghal a, chunu chuan a nuțapa fapa chu han in hriattir duhviau mahse a hun leh hmun a nilo tih hria in salmanho an khung khamna lamchu a kawh hmuhta zawk a, rawlthar chuan chunu hnenah chuan, hman hmawhtak in sawlam hmunhim lamah sawn lova in thiarfihlim rawh tipah chuan khawdai lamchu a kawh hmuhta nghal a
.
Sangluaia chuan sawlamah sawn lova kalvatla midangpawh ka hmuh chuan ka rawnkaltir hlawmang tihpah chuan Sangluaia chuan Kaivela te salman an dahna lamchu dingtak chuan a panta nghal a, Lal inbulhnai lawka in pahatlam chu rawlthar chuan pan nghalin a kawngka Hnanga an țawnbur chu a chempui chuan satchat hmawk in inchhungah chuan a zuanglut nghal a, in chhungah chuan mi sawmhnih chuanglai maihi an lo hnawh khawm a, mipa țhenkhatte pheichu hliampui natak tuarin an hliampawh en kawlloh tih hriat ngawih ngawih hian an lo awm a, tin nula te leh hmeichhe tam tak pawh chautih hriat ngawih ngawih an nivek hlawm a, tumah chuan anmahni hruaichhuak tu tur rawltharchu chhawnpawh an lo chhawnpeih hlawmlo a ni, rawlthar chuan chung mite an hmuhchuan a lainathlawm khawp mai, an mahni hruaichhuak tu tur a nihthu an sawi chuan chungmi chautawhtak te hnenah chuan a thusawi chuan chakna rawnpe in Sangluaia chu theileh theilo chuan an rawnmelh hram hram hlawm a, rawlthar chuan a mah ringawt chuan chungmi zo zaite chu an chautawh bawk nen a hruaichhuak theidawnlo tih hria in Tlangval dangte chu anau khawm hlawm a, Tlangvl sawmrual laimaichu rawntlankhawm in chung mite chuan inchhunga awmte chu muangchang chuan hruaichhuak hlawmin, Sangluaia chuan a hma a midang a kaltirna lamchu kawh hmuhin chulamah chuan Tlangvalte chuan an hruai hlawm a
.
Sangluaia chu Kaivela te tlan na lamah chuan rangtak mai chuan a tlan nghal a, Lal chhungkuate leh khawnbawl ho in sa seng tumchu nangching in rawlthar chuan, helai hmunhi kan hriatloh hian chhuahsan theih in in ring emni? hmeichhe chunga i huaisen na zawng zawng kha i hloh zota em ni? i khualehtui ten thihna an hmachhawn mek laihian nang Lalber chuan i sahimna zawngin helaihmunhi tlanchhiatsan i tum a maw? an ti a, chu tihlaichuan Pasalțha Denga leh a naute pawh rawnthlengve nghalin Sangluaia chuan upa zawk Denga kutah chuan Lal Kaivela leh a khawnbawlte chu a dahta a, khuachu a kang duai duai maia nu nau teleh nulaho mang ang chu khaw kawtchhuah lamah chuan an tlankhawm chur chur maibawk a, mang ang chuan an țap chuah chuah in sala man nihchu an hlauhber a ni, chulai kawtchhuah ah chuan Lalte leh khawnbawlte pawhchu hruaikhawm in Pasalțha Denga chuan chung mipui ho hriattur chuan thu an sawi a, in khualehtuihi runtuma rawnthawk chhuak kan ni bik lo, mahse in Lal Kaivela hian aram zauhtumin Tlanglo khua thlengin arawn run , kan Lal Thangluaia fapa pawh kuthial inlo thlak in, kan Lal Thangluaia farnu Tlanglo khua a awm pawh sal atan in Lal hian a lo hruaihial a ni, heng zawng zawng hi kan Lal chuan a hriatin in Lal thiltihdah hi dik lo tiin a farnu leh a fapa chhantur chuan arawnthawk chhuak ta a ni
.
Lal ropui laka kut lektu chuan heihi a chantur chu a ni reng a ni, buainahi in Lal Kaivela cho chhuah liau liau a ni a, kan Lal ropui Thangluaia chuan a milehsa chu englaipawh in venhimreng a duh a ni, chu Lal ropui chuan a khualetui chhunga fahrah pakhat in an tawrh ai chuan a mahngei pawh in a nun napawh chandawn mahse ral zarual lak ah pawh a hnungtawlh ngailo, buainahi in Lal cho chhuah ngei a ni a, a ma cho chhuah buaina ngeiah chuan mahni sahimna zawngin in Lal chuan relhruk a tum a sin, hei himaw khawkhat Lal leh roreltu chetdan tur chu? nangni mipuite ralkuta in thihlai hian hmun himchin ațang hian i mileh sate tawrhna chu ilo thlirang maw? tiin Denga chuan Lal Kaivela chu an kawk a, hnam huaisen leh Lal huaisen chuan a khualehtui chu a tlanchhiat san in a hnungchhawn tur a nilo, i ramchhunghi i hmelma ten hniak khat an rawnsawn sak che a i chhanglet ngamlo a nih chuan hlamkhat in i ramri chu an rawn sawnsak ang che, i khualehtui i venghim ngamlo a i milehsa te i chhan ngamlo a nih chuan Lal dang reng reng chuan an zuam zelang che nga, i ram, i khualehtui ngeipawh hi an la chhuhsak ngeiang che, i ramleh i hnam tan huisen taka i ke i pen ngamlo a nih chuan mi huaisen kutah Lal ram en kawlhna chu dahmai rawh, ramleh hnam i khualehtui hmangaihtu tamtak he khua ah hian an awm ngei ang, chung mihuaisen te chuan dik tak in khualehtui tan hian ro an relang a, tuna kan buaina ang pawh hi nangi leh keini in karah hian a chhuak ngailo ang, tunah chuan Lal huaisen pawikhawih pawizia chu i damchhung hian i hretawh ang, kan kalsan ang che u a, tumah hi sal a tan nangmah ang hian kan hruaivelo ang, tuna ka thusawihi kan Lal ropui Thangluaia duhdan pawh a ni ngai e tiin a naute chu in saseng tur chuan an au ta nghal a, Kaivela khualehtuite chuan Thangluaia Pasalțha Denga thusawichu dik an ti em em mai a, an Lal demna chu an thinlungah chuan rawnlian in Kaivela chu mitin mai chuan thiamloh an chantir in an khualehtui haldarha a awmna chhan ah chuan an puhta vek mai a, sal atan an hruailote chu an lawmin Thangluaia țhahzia leh a huna a mileh sate chhan nan chuan a huaisen zia an hmuha an hriat chuan an ngaisang em em mai a ni
.
Denga te chuan Tlanglo khua Kaivela sal mante chu zawi zawi a chhawmin Tlanglo khuachu an panta vang vang a, khawkara zanhnih ngawt an riah hnu chuan chawhnu herah chuan Tlanglo khua chu an lutta a, Tanglo khuaten Kaivela salmante an han hmuhkirleh chuan an hlimin an lawm em em mai a, an uleh naute thitawh tur leh, damchhunga an hmuhtawh lohtura an ngaih Thangluaia Pasalțha ten an rawnhruai kirleh chu mittui tla zawih zawih in an lo kuah a ni, Thangluaia hliamtuar pawh țhatak in a rawndamta a, Tlanglo Lal nen pawh in remtak in an awmchho a, tin a pu Rumthanga te chhungkua nen pawh inrem taka awm in, Sangluaia pawh in a u naunu nuapangte chu hmangaih tak in Tlanglo khua a an chamchhung hian a en kawl a ni, karkhat zet aliam lehhnu chuan Thangluaia leh a naute pawh in Tlanglo khuachu an chhuahsan dawnta a, Thangluaia hliamte pawh damvar tawh in a taksa pawh a chakțha tawh khawp mai, khawkawtchhuah ah chuan Tlanglo khaw mipui zawng zawng te chu pungkhawm in Thangluaia leh a naute chu Tlanglo khuate chuan an ui em em mai a, nula ho phei chuan Sangluaia liam maiturchu ngai ngamlo in mittui nen an thlahliam a ni, Tlanglo khuate hi Thangluaia leh a Pasalțhate chungah hian lawm ngawih ngawih tur an ni a, an khuaehtui tluchhia a boralmai turchu chhan chhuak in an tundinsak leh a ni, Tlanglo khuate hi Thangluaia leh a Pasalțha te chungah hian lawmpawh an lawm em em mai a, Mizo in mikhualte kan duhsakna zawng zawng te chu an chungah hian an phaktawk țheuh in an antir a, Vawkno chawmțha pawh an talhsak vek a ni, Thangluaiate an hankalliam meuh chuan Tlanglo khuapawh a rehruih mai a, nihnih thum chhungchu Tlanglo khuate hian an mikhual kalliamta te an ngaih avanghian hnapawh an thawklo hial a ni
.
Thangluaia ten khua an luh ațanga Haptakhat an veimeuh chuan Lal Thangluaia fapa Sangluaia hmingchu khawțhenawm ah chuan a thangchhuak hneh em em mai a, Thangluaia khua ațanga nili ninga kalvela hla ah pawhchuan Sangluaia chanchinhi a thang chhuak hneh em em mai a, a pa ang bawka Paslțha sala thei, ral relthiam leh huaisen Tlangval hmelța tiin a thangchhuak hneh em em mai a, khawdang nula pheichuan Sangluaiahi hmuh an chak in hmuh hlanmawlh an nghak hlel a ni, Thangluaia khua a khual rawnlutte hian Lal Tangluaia rawntlawhpah hian a fapa Sangluaia khawțhen awm vela a thandan zawng zawng hi an rawnsawi chamchi zelțhin a ni, karmeuh an veileh chuan Sangluaia țhante chuan Sapela ramchuah chu an rawta, mahse hemițum hian Sangluaihi a damsam meuhloh avangin a țhiante bulah hian Sapelin a ramchhuak vetalo a ni, tukțhuan ei khamah chuan Sangluaia țhiante Thangkunga te chuan ramchhuak tura in siamin kawtchhuah ah chuan an in nghak khawm a, panga laini in an rawlthar sengsawng hlawm khawp mai, an țhianho an kimhnu chuan an lo reltawh ang chuan Thakthing ngawpui lamchu an panta a, Thakthing ngawpuihi Thangluaia khua ațanga khawthlanglam ni in hlatpawh a hlakhawp mai, ramrihi Tlangval chakvak deuhtan pawh nihnih kal angai a ni, Thangluaiate hian an khawthlanglam ramhi a hlattham avanghian tlawhpawh an in tlawhpawhlo em em mai a, tin ngeihpawh an in ngeihlo khawp mai, in ramrie tilo chuan in tlawhpawhlo tak an ni a, ramri ve ve hi an hlat ve ve avangin an tlawhpawhlo em em mai a, mahse pileh pute ațanga khuavang ramri khamchu ringin ngaihțhatak in an awm ve ve a ni
.
Thangkungate țhianho chu an la rawlthar rualbawka zanlama an tumna chu kalpel in Thakthing ngawpui piaha Khuavangte riahrun an tih ngawpuichu an tumta zawka, zankhat an tumna an thlenhma chuan riak in a tuk Ni tlakhma deuh chuan an tumramchu an thlengchauh a ni, chulai ngawpui chu Tlang lian tak tak khamchhawr dawhte chuan hualkhup in, chu Tlang khamchhawr dawh hualkhup chhungah chuan ram pharh zautak ngawpui pileh pute ațanga tuma tlawhpawh ngailoh ramchu pharduai hian a ngawkhup mai a, mipa naran tanpwh chu ngawpui chhunga luhchu thilchak awm zawk zawk a nilo, mahse Thangkungate țhianho hi rawlthar thisen lumlai tihtak ah an phurin tumalavah ngailohna hmunah tiin he ngawpuihi an panta a ni, chu ngawpui chhung pharhduaiah chuan luite lianvetak maihi aluang tlang a, Thangkunga te țhianho chuan chulai luite kamah chuan riahbuk sualin an hlimtlang dar dar khawp mai, țhenkhat in zanriahtur buatsaih in, țhenkhat in zanlama muhtur thingro an fawmkhawm țeuhbawk a, an riahbuk chu Changel hnahin a bangleh a chungchu arin phuipawh a phuițha khawp mai, zanriah chawhmehtur a tana kalpaha an lak Tumbu vuihmuamte chu țhenkhat rawhin, țhenkhat te chu an baithak hluahmai bawk a, sarep an paite chu thukphum in an hanswha Hmarchate nen chuan bawlthak in an hlimtlang dar dar khawp mai, Thangkunga hi Pasalțha hnungzui țhang a nih avangin huaisenpawh a huaisenfu mai a, tin Sangluaia nen hian ramlama in kawpdeuh chawt an nih avangin Sa peldan pawh thiampawh a thiamtawh khawp mai, midangho pawh hi Thangkunga kuta in nghatdeuh tawp an nihlawm a, mahse daihnaia sapela ramvak ve fo tawhchu an nihlawm, khawlbawl fapate an nih hlawm avangin Silai leh a mu lamchu ngahpawh an ngah hlawm khawp mai
.
Zanriahte an peihfel chuan chawte chu ei hlawmin puartak chuan zanriahchu an ei ta hlawm a, Mepui ah chheh alh hluahchu țhutbialin an ti ti nak nak hlawm a, an nula rimțhinte chu sawiin Khualthanga chuan, zan in zetchu Chhuanthangi pawh alung alengve ngei ang le, zantin kan in kawm hlimnaber kan rehsanduak ta si a tiin Khualthanga chuan Thangkunga chu an melhpah a, an nui dar dar maia an hlimtlang dar dar khawp mai, Thangkunga chuan heile kan thudang alai chuan, hei kan ramchhuahna hmunhi kan hriatchin ah tuma la tlawhpawhloh ram a ni a, helaihmun ah hian engpawh tawk thei kan ni a, tin Sa hrang pui pui pawh hmachhawn thei kan ni, helai ramhi kan pileh pute chuan Khuavang riahrun tiin a hminghi anlo vuah a, khamrang hualvel ram a nih avang hian huai eng eng emaw pawh in an chenchilh maithei a ni, chung zawng zawng chu hmachhawn turah in ngai i la, chung huaite chu kan tawngta lo a nihpawh in a lawm awmlam zawk a ni, engpawh tawngin hmachhawn ila huaisen tak in, Lal ropui Thangluaia Tlangvalte kan nih kha tiin a țhiante chu an fuihpah a, ti chuan chumizan chu an kalchau nen hmatak chuan am muta hlawm a, zanthim rorelna hnuai ah chuan Thangkunga leh a țhiante chu buk chhungah chuan an mungawita țhap mai, Khualthanga pawh muthilh tumin an chhing diar diar a, ngawpui chhungchu a rehduk mai a, thawm danglam hriattur pawh avang khawp mai, Khualthanga chuan a rilru te te chuan, chu ngawpui chhung chu a reh nuamin zanmut pawh a nawm viaudawnhi a ti rilru neuh neuh a, zanthim chhahmup mai hnuaiah chuan ngawpui chhung chu a reiruih mai tak tak a ni, mahse Pasalțha chin chang hredeuh tan chuan ngaihțhatna chi a nilo, Thangkunga leh a țhiantehi an la rawlthar hlawm em avangin thiltam tak hriatthiamloh an nei a ni
.
Chu zanthim rehruih mai hnuaiah chuan thawm danglam hriattur avang em em mai a, Leihrik hram chiat chiat te, Vabak hramri chur chur te leh, ralkhat hladeuha Chingpirinu hram dut dut tihloh chu thawm danglamvak hriattur a awmlo a ni, zan arei telh telh a Meipui chhehpawh a thiremta duak mai, zanlai bawrvel ah chuan an zinga pakhat, Kuaithanga an tihchu a rawnharh hlawl mai a, an hawivela an riahbuk chu thimchhah tak chuan a tuamtih hria in buk kawtlama Meipui chheh lamchu an melhphei a, Meipui chhehpawh a remduak tawh tih hria in, a zunchhuak in a tih harh a ni tih hria in Meipui chheh țhatpah chuan zungtur chuan an tho chhuak a, a zunchu a chhuahtawh em avangin engdang mah ngaihtuahlo chuan an zung hmasa a, a zun zawh chuan Meipui tihruap tawhlam chu pan in an chuk tuahțha in Thingro dangte chu an vurbelh a, Thingro tihtak ah karlo an chuan Kuaithanga Thing tuahbelhte chu an rawnalh hluah mai a, Meipui alh chuan chulai an riahnavel bawrchu chhun engin kawr ruamte ch a chhun eng deuhsut mai a, Kuaithanga pawhin mutl ehtum chuan buk lamchu panleh in, buk chhung a lutdawntih ah chuan an riahbuk thlanglam, Meipui en phak loh chin chiah ah chuan mihring ni awmtak, an mahni buk lam hnungchhawn zawngațhu ni awmtak chu a zuk hmuta a, Kuaithanga chuan chiang zawka hmuhtum in buk ațang chuan letleh in, mihring nge a nih? engthilnge tihchu hmuhchian a tum a ni, mahse a lanchian na laitur awm ațanga an en chuam chutiang mihring awm ang reng reng chu zuk hmuh a neita miahlo mai a, a rilru chuan ka thophang mitvai mai mai a nihdawnhi ti rilru chung chuan buk lamchu a panlehta a, buk bul an thlena an thlirleh chuan a hma a a hmuhang chiahchu a zuk hmuleh lawisi a, chulai ațang chuan alanchian loh em avang chuan kalsawnleh in en chian an tumleh a, mahse chiang zawka alan na tura a ngaih ațang chuan engmah a hmuthei bawk si lo, buk kawngka ațang chuan chiang vak lo chuan a zuk hmuthei bawk si Kuaithanga rilru chu a nuamta hauh lo mai, buk kawngka bula lung kuttum tiat lenglawng chu chharin an vawm pawp mai a, mahse lung chuan a thilzuk hmuhchu fuhawm pawh hian alang miah lo, rilru nuamlo deuhchuan lungchu chharleh in vawmleh an tuma, mahse a thilzuk hmuhchu hmuhtur a awmta reng reng lo, Kuaithanga rilru chu a nuamlo tulh tulh mai a, rilru nuamlo deuh chung chuan buk chhungah chuan lutin ngaihțhalo tak chung chuan a mu veleh ta a
.
Khawfing a lo chata khuapawh in varlam a rawnpan ta, Thangkunga te țhianho chu hmatak ah chuantho chhuak in Sa hnute zawngtur chuan an insiam sang sang mai a, Kuaithanga rilru chu zanlama a thilhmuh chuan a ti nuamlo khawp mai a, mahse a țiante bulah chuan a sawichhuak chiah ngambik silo, rilru nuamlo tak chung chuan a țhiante hnung zuitur chuan a kalchhuak veta a, hmunhnih ah in țhen in buk nghak chuan pakhat an dah a, Thangkunga hian pahnih hruai in khaw thlanglam an panta a, Sahnupwh hmuhtur a tam in ruamlai ah phei chuan a chiardup mai hlawm a, chung Sa hnuzingah chuan Thangkunga mitlabik tak maihu Tumpangsial hnuchu a ni, chu Tumpangsial hnuchu a la tharviau maibawk nen Thangkunga te țhianthum chuan an um zuita a, chulai ngawpui hualtu Tlang chhengchhe tak tak chu kal liamin an thlangruamah chuan Tumpangsial hnuchu an um zel a, Thangkunga chuan an Sahnu chhuichu an hnaihviau tawhin a ring a, a rinang chiah chuan Tumpang ek chu thochim chuan an lo bawm laih liah a, Thangkunga chuan an hnuchhui chu an nangching hnaitih hriain phurtak leh fimkhur tak chuan an um zuizel a, ruam kawrte an luhdawn chuan Tumpangsial chu nangching in Thangkunga chuan a Silai chu chulai ngawpui khawk rawih rawih chuan an kap puak țhuai mai a, mahse chu Tumpangsial chu tlumailo chuan kawrte lampan chuan a tandawk zuai zuai mai a, Thangkunga te țhianho chuan umzui nghalin an hman hmawh khawp mai, mahse an rinloh leh an beisei miahloh chuan kawr ruamthuk laiah chuan Silai vawihnih a pukta țhuai mai le
.
Thangkunga te țhianho tlanlaichu ding chawtin an in en ta ha hlawm mai, tunge chulai hmunah chuan rawn ramchhuak ve ang? an sa umlai chu an lo kapta mai emni ang? Thangkunga chuan hmahruai in kawrte ruama Silai rikna lamchu an panthla nghal a, an thilzuk hmuh chuan Thangkunga te țhianho chu a ti hrilh hairu khawp mai, an la hmuhngai reng reng loh mipali hian an Tumpangsial kah hliamngei chu lo kapthlu in an lo vel vat vat mai a, Thangkunga te țhianho n rawnhmuh chuan chungmite chu an mengtur khui mai lehnghal a, Thangkunga chuan zam aw lek lek hian kha Tumpangsial kha kan sahliam a nih kha, keima hliamngei ni in kan rawnum zuizel a ni an ti a, an hmelhriatloh zinga Pasalțha tih hriart tak mai chuan, keihi Tawkliana Pasalțha ka ni ngai e, heihi ka sa ngei a ni, he Tumpangsial luhi ka salu ngei a ni, nangni naupang hian minrawn chuh in tum a maw? tiin Thangkunga te țhianho chu an melhtur khun mai a, a mitmeng ringawtah pawh rawlthar tan chuan zamna tham a ni reng a ni, Thangkunga țhianpa chuan Thangkunga hnenah chuan zawisap hian, Pasalțha an ni a Salu chu chuhlo mai ang u an tisap a, mahse Thangkunga ngaihdan chu a ni bik lo khawp mai, an ngawi vang vang a, awle valu zawkte in nibawka Salu chu changmawlh rawh u, mahse Thalfang kan thlah hmasak manchu kan changve ngeitur a ni an tileh hram a, chu Tawkliana Pasalțha chuan Thangkunga chu rumtaka rawn melh in, naupang ka Sa chung chang ah hian ngaihdan siam i tum em ni? in val upa ten ai a upa zahdan an zirtir ngailo che em ni? i dinna hmunkha Lal huaisen Tawkliana ramchhung a nihkha i hria em? in lu ka lak hmangei hian Tawkliana ramchhunghi chhuahsan rangrawh u an ti khur khur mai a, chutah zetzawng rawlthar Thangkunga ngaihdan chu a nita bik lo, chupa hnenah chuan kha Tumpangsial khachu changvek rawh, mahse tuna ka din na hmunhi Lal ropui Thangluaia ramchhung a nih hi, kha Tumpangsial in kah tlukna hmunpawh kha kan Lal Thangluaia ramchhung ngei a nih kha a tive ta sak sak mai a
.
Tawkliana Pasalțha chuan nang naupang kha ngawichip chamrawh, helai hmun, Khuavangte run ngawpui ngeipawh saw kan pileh pute ațang tawha Lal Tawkliana ramchhung ngei a nih saw, in Lal Thangluaia hian henglaiah hian rampawh a nei hleinem, tawlhsawn rangrawh u an tileh a, Thangkunga chuan tunhma ațangtawh in helai, Khuavangte riahrun liama tuna an din na kawrte hi Tawkliana Lal ram nena an in rina tihvek țhin a ni tihchu a hriatdan a ni a, a pa khawnbawl ngripawh in a hrilhdan țhin a nisi, mahse Tawkliana Pasalțha ten Khuavangte riahrun thlengmai kan ramchin an rawnti tasi chuan a rilru a ti buai khawp mai, mahse a pa chuan dawt a hrilh dawnlo tih hria in Thangkunga chuan, khalai in awmna bula kawrte kha kan ramrichu a ni, ka Sa hliamchu minchhuh mahla ka ramchin ah chuan ka ding nghet ang, helai ramrihi nang emaw, in Lal emaw rawnzauh theih a nilo, i din na ngeipawh kha Lal ropui Thangluaia ramchhung a nih kha an tive salh salh mai a, a țhiante pawh chuan naupang kan ni emaw, kan ramchin minrawnchuh a nihchuan kan hniak khatpawh kan hnungtawlh lo ang an rawnti ve a, Tawkliana Pasalțha pakhat chuan an hruaitupa hnenah chuan tawlhkir san ang u, kanti mah mah a ni an tisap a, mahse an hruaitupa chuan chu tianga rawlthar hma a hnungtawlh zawk nihchu a lo tumlobur mai, a chempui chu rawnphawrh in, nangni naupang hian kan Lal ramchu minchuhpui a maw tihpah chuan a rawntlan dawk ta zawk mai a, Thangkunga te chu rawnbei nghalin an ni Thangkunga te lo in ringlolai chu a rawnsat ta hmiah hmiah mai a, Thangkunga chu a lettawp maia theileh theilo chuan Kungthang tlachhe rawh, kan Lal thilawm danhi hrilhvek ang che tiin a rawn au țawk țawk mai a, Kunthanga pawh hman hmawh taka tlan liamnghalin midang chuan an rawn um zuinghal a, Kungthanga chu hlaua tlanchhia leh Lal hnen thlengtur a nih avang chuan a nun na chu a himngei tur a ni tihchu chiangtak in a hria a, buk lama tlantalo chuan khua pan na hnaitheiber tur chuan a tlanta chiam mai a ni
.
Tuk hnihlai mai a liamhnu chuan Sangluaia pawh țhatak chuan a rawndam chho tawh a, a țhiante pawh a ngaihtuahru khawp mai, zanriah ei hmadeuh hian Leihkapui ah chuan a chuang chhuak in khua velchu an thlir a, ka damtawh bawka nak tuk lamchu ramvak in ka teichhuak ve tawhteh ang a tirilru neuh neuh a, zanriah en a a hunloh avang chuan Lal in lama khawnbawlte lengpawh an la hawlo hlawm a ni, chutia hlimtaka an in kawmho laih laih lai chuan kawtchhuah lam ațang chuan mipa ho hian tu emaw hi an rawn zawnphei luih luih mai a, Sangluaia chuan chungmi ten mihring an rawnzawn tih an hriatchuan rang taka chuam chu panthei nghalin a vapawh nghal a, Sangluai'an an mizawn an hmuchu a phudeuh zawk nghe nghe a, Kungthang eng thilnge ni ta? tiin an au a, mahse Kungtanga chuan a chhang theilo, nikhawhrelo in Sangluaia chuan a awm a ni tihchu a hrenghal a, midangho hnenah chuan eng thilnge nita? tiin an zawtleh a, chungho chuan Lal fapa engmah kan hrebik lo, kawtchhah ah chuatak in kan hmu a, a rangthei angberin kan Lal hmuh ka ngai a ti a, chubak chu engmah a awitawg lo, a dulnem ah hian hei kan hmuh ang hian kah hliam a ni a, thisen a hloh hnem nen, a mah a chaubawk nen biak theihloh in a awmnghal a ni, ti chuan Lal in lamhi a sawiang in kan rawnpan puitawp a ni tiin an chhang a, Lal leh khawbawlte pawh in Leihkapuia lo hmuak in Kungthanga chu Lal in ah chuan an zawnlut ta, Kungthanga hmu hmasa bertu chuan thilawm dantechu sawiin Lal hnen thlen a duhthu a sawia biak zuitur a awm tawhlo a ni tiin Lal chu an hrilh a
.
Thangluaia chuan thilawmdan chu a țha dawnlo tih hria in a hliamvel chu rang taka en kawlnghal tur chuan an hrilh a, tin Val upa te hnenah chuan Kungthanga rawnharh hmachu awm rihtur in a ti bawk a, hliamtuar Kungthanga ber engmah thilawmzia a zawh theihloh avang chuan Lal inchhung boruak chu a rit in boruak in mun țhalotak a awm a ni, Tlangval rualte pawh Lal tualzawlah chuan thu awmzia ngaichang in an dingkhawm țhup mai a, Kungthanga chuan eng thilnge a tawh ang a? a țhiante rawntlansan in eng vanga rawnhawbik nge a nih ang? eng vanga hliamtuar nge a nih ang a midang a țhiante hi khawi hmunah nge an awm ang? zawhna a tam khawp mai, tumah chuan țawngzai pawh an reltheilo a ni, chutia an ngawih țhuplai chuan Kungthanga chu rawnțawngvai in, Thangkunga kha a thi em? khangho khan an that ta em ni? a rwnti nawk nawk mai a, Lal fapa Sangluaia chuan thilawmdan chu Kungthanga rawn țawngvaih dan ațang chuan a manthiam ta ruak ruak mai le, a țhiante chuan tawhsual tawk in, ral an tawng ngei a nih a ring nghet tabur mai, a chempui pawtdawk in a Silai pawh hman mai theihtur chuan a buatsaih ta sauh sauh maile, Kungthanga chu rawnthaw huam huam in a rawnharh țanta, Thangluaia khualehtui te chuan enge an tawhchiah tih hriatchak chuak Kungthanga lak ah chuan an Mit chu a fuțhup mai, Kungthanga rawnharh chuan khawnge ka awm? Thangkunga leh Zikpuia kha an that ta em ni? a rawnti chul mai a, Thangluaia chuan tuichu in tir in, Tlngval hlau reng reng suh, tunah chuan tuman an tina tawhlo ang che, hah damla hlauhtur a awm tawhlo e tiin aw damthlarh maihian a lo țawng thlamuan a
.
Kungthanga pawh rawnharh chiangin an hawikuala Lal leh khawnbawl an hmuh chuan a hlauhnate chu reh huai huai i a hahdam sawng sawng mai a, Sangluaia chuan Kungthanga chu rawn hnaih in damthlarh mai hian, țhianpa eng thilnge in tawh tak le? khawnge Thangkunga te tiin an rawnzawt a? chu veleh Kungthanga mit ațang chuan mittui chu danrual loha rawntla in Sangluaia banchu rawnvuan in, țhianpa keichu in țhianpa nitlak ka ni ta lo, ka rampawh venghim zolo leh mahni țhiante pawh chhan ngamlo ka nih hi, dam tlak pawh ka nilo min thatrawh u tiin Sangluaia chu țap chung chuan a ngen a, chu laia awmho rilru chu a buaita khawp mai, e nge a awmzia ni ang ka rampawh ka venghim zolo a tihchu tiin? Thangluaia chang pawh nilo in chhunga awmte rilru ah chuan chu zawhna chu a awmzia hriat an chak hlawm khawp mai le, Sangluaia chuan hianpa chu tianga dawizep mihring i ni hlei nem, i huntawn in a zirloh vang awk a ni ngei ang, thilawm dante chiangtak in min han hrilhteh le an ti a, Kungthanga chuan Lal Thangluaia lamchu hawiin, Lalpa min ngaidam ang che thilthlen danchu chiangtak in ka sawivek ang tiin, Tumpangsial an um ațanga Tawkliana Pasalțha ten an sahliam an chhuhdante leh, chulai Khuavangte riahrun ngawuite chu an ramchhung a niveka kan ramchhung ațanghian tawlhchhuak rawhu an tihdan te, Tawkliana Pasalțhate nena an in hnialbuai dante, Thangkunga chuan ka sahliamhi chu min chhuh mah ula kan ramchin hichu penkhat pawh in ka tawlh dawnloti a chhangin, Tawkliana Pasalțha chu an in rinloh laia rawnthawk thut in Thangkunga leh Zikpuia chu a rawnsat thlutawp mai a, Thangkunga chuan tlanchhe rawh thilawm danhi kan Lal i hrilhvek dawn nia minti a, ti chuan kambuk lampawh hrechang tawhlo chuan theihtawpa chak in ka rawntlan a, ka hnunglam ațangin vawithum min rawnkap a, mahse min fuhlo hlauh a ni, ka țhianpa Thangkunga leh Zikpuia chu Lalpai ram chhan nan, ramri ah ding nghet tlat in an nun na an hlan a sin, kei chu ka țhiante ngeileh ka rampawh chan ngamlo in ka tlanchhia a maw?
.
Thangluaia chu rawnding chhuak in Kungthanga chu an rawndinpui a, Thangluaia chuan Kungthang i tihtur chiah i ti a nih chu, huaisen tak in helaihmunhi i rawnthleng a, nang awmlo la hetiang thilhi kan hredawnlo a sin tiin an hnem a, Thangluaia chuan a thinrimna chu a thup sengta bik lo, Tlangaupa chu tirchhuak nghalin Pasalțha zawng zawng khawmin in chhunga awmte hnenah chuan thu a sawita nghal a, kan pileh pute ațanga kanlo rochun kan ram, kanta ngeichu Tawkliana chuan minrawnchuh pui a maw? kan rawltharte chuan ramri humhalh nan an nun na hlutak an chan a maw? helaia awm keini hian kan rawltarte thisen chhuak chu ngawirengin kan thlirliam mai dawn em ni? Tawklian'an kan ramri an rawnsawnchu kan lo Uipui tuilian thlirliam tawp ang maw? kan ramri rawn sawna kan rawltharte thisen chhuahlai hian keini hi mahni Tapchhak lumah, kan nupuite bulah thlamuang tak in kan mu in kalo nuibik ang maw? teuhlo mai, kan pileh puten hah tak leh thisen chhuak khawpa anlo sualchhuah kan ramhi penkhat pawhin kan tawlhtur a nilo an ti a
.
Chu veleh Sangluaia chu rawnding chhuak nghalin, a chempui chu iptepui ah chuan ak in, a Silai chu nghet taka humin in chhung ațang chuan a tlanchhuak ta nghal a, khua chu tlaitawh hlemahse chu rawlthar thinrimna chu tuma danrual a nilo, a țhianten nun na hlohkhawp in an khualehtui tan penkhat pawh tawlh loin nun na an chan a, chu rawlthar thinrimna chu a so sang khawp mai, kawtchhuah a thlenchuan rintaka au chhuak in, Tawklian ka rawnkale ka pileh pute thileh thaupawlha an losual chhuan kanram chu khapkhat pawh i la hek lo ang tiin a țhiante thihna lamchu tumadan rualloh chuan pan in ngawpui chhungah chuan a talndawk ta pur pur mai le
.
.
DUHTAWK RIHPHAWT ANG U AW, REMCHANVELEH KAN CHHUNZAWMLEH DAWN NIA
.
Hmanhmawhlo in minlo nghak hram hram țhindawn nia
.
.
[Lalzirliana Tochhawng] [Champhai Tlangsam]

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 4th, 2018, 8:28 pm

........... PASALȚHA THANGLUAIA (182) ..........
.
.
Lal thupek ang in Tlangaupa chuan, khaih khaih khaih lo ngaithlavek rawh u khai, kan khaw țhenawm Tawkliana chuan kan ramri minrawn chuhpui avangin tuna Lalber thupek ang in Val upa rual, Pasalțha rual, Tlangval rual, tin upa rual zawng zawng te Lal tualzawlah chuah khawmvek tur a ni tiin a au lauh lauh mai a, chu Tlangau au ri hria apiangte chuan an thiltih laite chu dahnghalin Lal tualzawl lamchu pan in an tlankhawm nghal nguah nguah mai a, karlo ah chuan mipa rualtechu Lal tualzawlah chuan an khat ta țhup mai a
.
Chu tianga an ram chuhpui an ni chuan tu thinlungmai pawhchu chhunna in khualehtui, an ram humhalh tur chuan tupawh, upa ho pawh chuan tar chaklo ka nihtawh hi tiduh miahlo in, keihi kan khualehtui, ka ramtan chuan ka pen chhuak ang tiin upa tarchak tawhlote pawh chu an rawnpen chhuak hlawm a, Lal tualzawlah chuan an khahtawh em avang chuan Lal leh khawnbawlho te chu Leihkapuia rawn chuang chhuak in Lal chuan a khualetuite chungah chuan ti hian thu an sawi a
.
Mihrange leh Pasalțha huaisente tuallen na, Tlangval huaisente leh khuavang hmlțhate iang kan lanu hmelțhate tuallen na, kan nuleh pate, kan naupangte hlimtaka an tualchaina Lalbula khualehtui chuan, hma khawsang ațang tawha khuavangte ramri khamsa chu rawnkan in, kan khawțhen awm Tawkliana chuan kan ram khuavangte riahrun ngawpui thleng chuan min rawnchuh puita, kan pileh puten thileh thaupawlha an lo sualchhuahsa kan ramhi Tawkliana kutah chuan kan hlanmaidawn em ni? nek chep kan nihlai hian keini țhalaite hian ngawireng in kanlo thlirliamin kan ramchu an duhtawk chin chin ah ramri kan siamtirmai ang maw? țhalai rualteu han ngaihtuah chiangteh u
.
Kan pileh puten theihtawp chhuah a, luchhum banchhum huama an lo sualchhuahsa kan neihchhun kan ram zimtehi i hmelmate kut ah i hlan ang maw? țhalai rualte leh Pasalțha huaisen rualte u chiangtak in ngaihtuah teh u, kan pileh kanpu te chuan beka thlantui far zawih zawih in, ngalfima thlanchhuak khawpa hah leh, lu hloh khawpin kan ramtan hian an lo sual a sin, keini țhangthar zawk ten ramnuam zawk leh belhfak awm zawk kan neihtheih nan tiin kan ramtan hian theihtawp an lo chhuah țhin a sin, chutiang khawpa min thlantu ten keini țhangthar zawk ta tana ti a anlo sualchhuah chu mitkhap karlek ah i hmelmate kut ah i hlanmai ang maw? kan ram khapkhat lek pawh kan hmelmate lak ațanga kan humngam loh chuan, Mizo Tlangval khawnge i huansen na chu? khawnge Mizo Tlangval huaisen na chu? kanram khapkhat lek pawh kan humngamloh chuan kan pileh pute kha rawntho leh in, luchhum banchhum huama an ramlo sualchhuahsa hi kan hmelmate kutah kan hloh a ni tih rawnhriase engtin nge kanlo hmachhawn tak ang? an ni chuan kan hmaiah chilmin chhak khumduh ngei ang le
.
Chu tiang zawng zawng a thlenlohna turin kan pileh pute hnung kan zuitheih nan Mizo Tlangval huaisente u, i khualehtui iramtan hian irawnpen chhuak ngemdawn em le? chu zawhna zet chuan Pasalțha huaisente leh Tlangval rual huaisente thinlung chu feizumtak chhunag maia rawnchhun na in, Lal ropui Thangluaia hma ah chuan an au ta hum hum mai le, Lal chuan sawizawm leh in, kan rawlthar Thangkhuma leh Zikpuia chuan a khualehtui, a ramtan penkhat pawh tawlhlo in tunah hian an nun na an hlan a sin, ramtan ruang hlawmtu pawh neilo kan rawltharte thisen min auh na chu ing chhang dwn em? nge kan ramtan penkhat pawh tawlhlo a nun na chante auh na chu kan in chhunglum ah kan tawmbopui zawk dawn le? Lal ropui Thangluaia chuan ringtak mai hian, chung rawnthar kan ram avanga nun na chante thisen auhna chu keimah Thangluaia hian ka chhang ang, chulai hmunah chuan keimah ngeihi kalin a țul a nih chuan ka khualehtui, ka ramtan hian ka nun nangeihi ka hlanang an ti ta a
.
Chu țawngkam chuan chulai pungkhawm ho thinlung chu a khawihna khawp mai le, Pasalțha rualte leh Tlangval rualte chu an khualehtui, an ram chhantur chuan an tlehta hem hem mai le, Thangluaia pawh inchhungah chuan lutnghalin a Lal puanchu an hlipnghal a, a nupui Sangtei hnenah chuan, khawile a ral lu lak chem, ka rallu ah na ka ip pui, ka ral kahna ka Chenrang leh a mu tiin a ramchhuah thuamhnaw chu a inbel mawlh mawlh mai a, khawnbawl Thawmvela leh Lianpuia pawh mahni in lamah chuan hawnghalin an raldo thuamhnaw chu an inbel mawlh mawlh mai a, tin Lalbula fapa Bulthanga pawh in an Lal Thangluaia hnungchu zui a tumruh hle a ni, ramria buaina a nih avangin Val upa zawng zawng te, tin upa putar la chak vak deuhte chuan an Lal hnung chu zui an tumvek mai a, khawnbawl dangte pawhin Lal hnungchu zuia a țul ang ang a chetlak ve an tumruh hle a ni, Thangluaia chuan chu tianga kalchhuah vek maichu feldawna a hriatloh avangin khawnbawl țhenkhat te leh, upa zualte chu khualo nghaktur chuan an ti a, khualchhawn tak ngialpawh awmloh chu felbera a hriatloh avang chuan khawnbawl țhenkhat pawh kallotur in a hminthei hram a ni
.
Sangluaia in ațanga a tlanchhuak kha Pasalțha Denga leh Kaphnuna, Khampuia te chuan umzuive nghal in, tin Tlangval pathum laichuan an umzuive nghal a, Denga leh Kaphnuna Khampuia te hian rawlthar Kungthanga khuawchhung an rawnzawnluh khan thilfello a awm tih hrenghalin an inlamah chuan hawin an ralbeih thuamte in belin Lal inlamhi an rawnpan lehnghal a ni, Lal fapa upa zawk Satbula pawhin a nau hnunghu zuive nghalin Sangluaia tlanchhuak chu a umzuive nghal a, khawkawt chhuah ah chuan in hmukhawmin, Sangluaia, Satbula, Denga, Kaphnuna, Khampuia leh Tlangval pathumte chuan Khuavang riahrun ngawpui lamchu hmanhmawh takin an panta nghal a ni
.
Țhiante ruanghlawmtur an nih avangin hmanhmawh pawh an hmanhmawh khawp mai, ngawpui chhungah chuan an tlandawk pur pur mai a, tumah chuan rilru dang an putheilo a ni, an țhiante chu an thizo ang nge? tuman an chin an hriat tawhloh avangin muangchan chi a nilo tihchu hrilhnawn ngailo in an hrevek a ni, khuapawh in thimlam rawnhnaih in khawthlanglam kawlkil ah chuan Ni chu a pil ruai ruai mai a, RAMTUK THLA a nihavangin Ni a liamchuan khuapawh a thimzui maițhin, an nipawh in chu chu hria in Ni an tlafeltih chuan zanlama an chhit tur Meichher chu an siamta nghal a, zankhua a kal angaihdawn avangin mipakhat in Meicher pali țheuh an siama ni, Hruihmul la in an Meichher siamchu Hruihmul chuan thlungin an hnunglam ah chuan an ak țheuh a, Meichher an siamzawh hian khuapawh u nau hmelhai kantih angvelhi a nider tawh a ni
.
Rawltharte mah nise Sangluaia chuan hmahruai in ngawpui chhah tak tak, Sahrangte tualchaina hmunchu zanthim hnuaiah chuan Meichher engah chuan an penlut țanta, khuachu rawnthim chhah tulh tulh in ngawpui chhungah phei chuan a thimchhah zualkhawp mai, Meichher pakhat chauhphei chuan ngawpui chhung thimchu a en zaulo khawp mai a, ramvachal lo tanphei chuan ngawpui chhung thimchhah tak maichu Meichher en chauh chuan kalpawh a harsa a ni, mahse thlahtu ațanga ralhrat khawkheng, Sahrang leh mihrangte hmaah pawh zamngailo, zanthim hnuaia ngawpui chhungah pawh hlauh hre reng reng lo rawlthar chuan hmahruai in hmalampan chuan an kalzel a, a thinlung chuan an hmalawka a țhiante hliamtuar rumri chauhchu a ngaihtuah a ni
.
Chu zanthim chhahleh țihbaiawm tak mai hnuaiah chuan rawlthar chuan hmahruai in hmalam an panzel a, Phungte leh Chawmnu te, Huai chi hrang hrang te thuneihna zanthim chhahleh țihbaiawm tak hnuaiah chuan rawlthar chuan a țhiante chu ngaihtuah in, chhantu neilo leh, ruang hlawmtu pawh neiloin in khualehtui ramtan in nun na in hlan a maw? in ruangte chu diriam taka sawisaka awmin in ramri a ding nghetin in nun na chu chhah sak in ni maw? in en tawntlak in inva chhuan awmtak em, in nun na chunga kutlektu chuan lo hremawlh rawhse, a nun khuahi a seibik lo ang a, in chunga kut lek tu chuan Keipui hliam a chhaihkawlh tih in hremawlh rawhse, kapu ten thileh thaupawlha an lo sualchhuah kan ram minchuhpui tu chuan heihi hremawlh rawh se, an Keipui hliam chhaihkawlh ngei chuan tunah hian a hliamtu te chunga phuba latur leh, a ramri chhuhpui lakir lehtur in hmalam arawn pan mek a ni tih hi hremawlh rawhse an ti a, ngawpui chhung thimchhah tak tak an luhna ah chuan thawm danglam tak tak, mihring thawm a nilo tih hriat tak tak chuan rawnzui in rawnhual țhin mahse, chu rawlthar chuan hlauhna chhete mah neilo chuan dingtak chuan hmalam chu a panzel a
.
Tawkliana ram lamah ve thung chuan, Pasalțha Thangkhuma leh Zikpuia sattu Doliana chuan a țhiante bulah chuan, tlanchhia kha in that em? an vaikhat thahvek tur tiin thu an pe a, Doliana chuan tu Lal khualehtui pawh nirawh se, Thangluaia milehsa te pawh nirawh sek sek, kan ramchin an tihchu kanram chin a ni mai, kan pileh puten an lo awpram țhin Khuavangte riahrun saw kanla letleh ngeitur a ni an ti a, an zinga Pasalțha pakhat Laichawla chuan tihian arawnti a, Dolian kanti mah mah in ka hria, hmakhawsang ațang tawhin Khuavangte riahrun saw kanta a nihngai ka hrelo, kan nuleh pate pawh in sawlai ramsaw vawikhat mah kan ramchhung a nih an sawi ka hrengailo, hei tunah lah thilhote avangin kan khawțhen awmte rawlthar nun na chu kanlata dermai si a, Lal Thangluai'an a hriathun ah chuan a ngawihbo pui mai mai lo tawp ang le, i duhamna avang leh i thinchhiat bawrlawk avangin kan Lal chuan buaina liantak a tawk ngeidawn a nih hi
.
Hengthil zawng zawng hi tunah kan Lal hnenah lamkal in tirin thilthlen dan zawng zawng hi kan hrilhtir tur a ni, a țul a nih a kan Lal in helai buaina chingfel turhian Pasalțha dangte leh, Tlangval rualtam zawk a rawtir ngei ang, kan mithahte i sawisak dante hi an chhungte mithmuh a tan chuan a na khawp ang, engti kawngzawng mah hian Lal Thangluaia chuan hengthilhi a paidai mai mai lotawp ang, helai hmunhi an la rawnthleng ngei dawn a, keini pawhin helai hmunah ngeihian kanlo dangtur a ni, khua an luhvaih chuan Thangluaia Pasalțha rualte chu engti kawngmah in kandangzo dawnlo an ti dap dap a, Doliana mitmeng chu senrum in chapo taka dak vah chung hian, Kapthang i thu hansawidan ațang chuan tlanchhiatchu min tlanchhiatsan em lo maw? kan Lal hnenah chuan lamkalchu kan tirngei ang, tin ka thltih hi a makpa ka nihna avang pawhin min pawmpui ngei ang, kan Lal leh a khawnbawlte pawh in vawikhat an sawika hretawh a ni, helai Khuavangte riahrun hi Thangluaia te lamhian an rawn hauhpha chuang silo a, Lalbula hunlai khan kan diltawha mahse chhan na kan hmu mailo a, an hauhthu pawh in min chhanglo a, tin minpek phalthu pawhin min chhanglo a, an hauhthu pawh an sawiloh avangin keini hian kan ram atan rinlutmai ila ti a an rorel pawh ka hretawh a ni
.
Chu vangin kan Lal te leh kan khawnbawlte ram it ngawih ngawih kan ramchhunga ka lo puansaka ka lo hauhsak avang hian ka chungah hian kan Lal leh a khawnbawlte chu an lawmkhawp ang, tin a makpa kani a a ram ka zauhsak avang hian kan Lal chuan huaisen Nopui minhlan ngei ang, Thangluia leh a Pasalțha rualte chu i hlau a maw? kei Doliana Dokhama fapa, Lal Tawkliana makpa duhlai Kawlkei hma ah hian tunge dingchang se i tih? Thangluaia leh a Pasalțha ruale chu rawnthawk ang hmiang, helai ruamzawl ah hian an lu kanlo lavek a nga ti nia dak vahchung chuan an ti a, Laichawla chuan thilhi sawimai chuan awlsam tak a nireng a sin, Lal makpa duhlaipawh phatrual loh in i ni tak meuh meuh e, mahse Lal Thangluaia thiltih theihzia chu tumah in hrilhleh chhawn ngailo in kan hrevek a ni, a Pasalțhate ralrel thimzia leh an huaien ziapawh kan hrevek, tin a fapa ngei Sangluaia an tihpawh lahmu chiahlo mah i la a chan chin zawng zawng chu tlangkam ațangin kan hrevek e, a Tlangval rualte huaisen danleh an ralhratzia pawh kan hrevek, heng Thangluaia ralrial dangzo tur chuan keini Tawkliana khuatehi chu kanla te mah mah a ni, chuvangin tunah hian kan tihloh tawptur kan ti niin keichuan ka in hria a, mahse țhiante leh kan Lal tana kepen ngamlo khawpa dawih erawh chu ka nibik lo, kan Lal suk thlekna lam lam chu keipawh in ka awn ang an tive leh a
.
An zinga pakhat chuan engpawh nise lamkal chu kan in tirhdawn chuan kaltur i in siamfel ang u khai, helaia keini anlo in hnialhi a țangkaina a awmlo an rawnti a, Doliana chuan a nikhawp mai tunah chuan kan sukthlek lamturpawh kan chiangtawh hlawm e, Kulhthang nang kan buk nghak kan Tlangval pahnihte kha thilawmzia zawng zawng hrilhin lamkal tur chuan lova tirmai rawn an ti a, Kulhthanga pawhin thudang sawilo chuan Doliana sawiang chuan kalnghalin an riahbuk awmna lamchu a panta nghal a, rianbuk a va thlen chuan Tlangval pahnih hnenah chuan thilawmzia zawng zawng hrilh in, chung Tlangval pahnihte chu khawlam pan chuan an chhuak a vang vang a, Dolianate hi Pasalțha panga leh Tlangval paruk hruaia helam Khuavangte riahrun ngawpui lama rawn ramchhuak ve an ni a, Tawkliana khua ațang hian helai ngawpui hi hnaizawk in nikhat velchauh kal a ni a, mahse a ramhi remlo zawk in Tawkliana te hian an rawntlawh pawh tambik lo a ni, mahse Lal Tawkliana hian helairam leh a chhehvel hi han ramchhuah nan hian tunhma ațangtawha a lo awh em em țhin a ni a, Thangluaia te lam ațang hian a hlattham deuh avanghian an nipawh hian an tlawhpawh lutuk lo a, mahse tunhma ațanga Lalbula ramchhunga Khuavangte riahrun hi awm a ni
.
Hetih laivel hian Thangkhuma te lama kalvelo, Hrangcheua te chuan an rianbuk chu thlengthla tawh in, Sakhi leh Sazuk chalțha deuhmai an kap a, an mahni maia an zawhloh avangin an țhiante puntur in Sakhi chauh ak chuan buk lamchu an rawnpanve mek a, buk an thlen chuan Thangkhuma te chu an han nghak ren rawna mahse an nghah chhuah har em avang chuan bua awm pali te chuan Sazuk an kahna lamchu an pan lehta a, Hrangcheua te chuan a Sazuk kahna hmun an thlen chuan Sazuk dar leh a bawpte chu phawk hlawk hlawk in buk lamchu an panpui ta a, a sadang la awm ang ang chu hanla leh in buk chu an thlenthla ta vek a, khua a thim thut thut tihpawh chuan Thangkhuma te pathum kalchhuak chu rawnkir tih reng reng a la awm theilo, an lak lawh a niang tiin an han nghak leh a, mahse khawthim hnuah pawh chuan rawnkir tih reng reng an la neithei chuang silo, thimhlim ah Sa chn nghal an tum a ni a nge tiin ngaihțhat ohna hranpawh neilo chuan Hrangcheua te chuan zanriah pawh an lo ei san a
.
Mahse muthun ah pawh chuan rawnhaw tih reng reng an nei teita lo, han in zawng dawnse zanthim nen, tin mipa ramvak chu zankhat hawloh mai mai a in zawnchu an thinrimte an hlauve nen chumi zanchu rilru khingbai deuh chuan Hrangcheua te chuan Thangkhuma te chu an mutsan ta a, khua a lovar pawh chuan Thangkhuma te hmel reng reng chu hmuhtur a awm silo, an chan chin in hrilhtur in pakhat talchu buk lamah rawn in tirhtur a nia ti rilru chung chuan Hrangcheua te chuan Thangkhuma te chu tuk țhuan an ei santa a, tuk țhuante an han ei fela an han țhut vang vang hnu chuan Hrangcheua ngaihchu a țhathei tawh lo, tho chhuak in a țhiante bulah chuan, nangni chu buk ah hian lo awm ula nimina Thangkhuma te nen kn in țhen na ațang khan kan țhinte hnuhi a theih ang ang in kan chhuiteh ang tiin a kalchhuak ta nghal a, Khualtawka chuan ka rawnzuive tehang che tiin chempui nen, a Silai chu puin a zuive ta nghal a, a hmani lama an in țhen na an han thlen chuan Hrangcheua te chuan awlsam tak maihian ngawpui chhungah chuan Thangkhuma te pathun hnuchu an hmunghal a
.
An hnu chuan an piah ruam lamchu pan in luite kan zawldurh maichu an va pawh a, hulai ațang chuan an hnuchuan Tumpangsial hnuchu an umzui tihchu chiangtak chuan an hretheinghal a, chu Tumpang hnuchu chhuizuive nghaln Tumpang chuan Tlang chulai ngawpui hualtu chhengchhe tak maichu lawn in a thlang ruam lamchu a panzel a, Hrangcheua chuan chu Tumpang chuan an thlang ruamzawl durhmai lamchu a pan tih hria in thawmpawh an dimdun khawp mai, awih tlanah chuan fimkhurleh thawmdim taka chhuk zelin an țhiante hnupawh chu an hmuthla zela, Hrangcheua rindan chuan Tumpangsialhi khawthimthlengum zuiin zan an riahchilh ang a, khawvar ve leh an chhui zuileh nghal a nih a ring a, chulai awihtlan a țanga ruamzawl an pawh dawnah chuan țawngthawm chu an hreta, Hrangcheua leh Khualtawka chuan an țhiante Thangkhuma te turah ngai in an rilru pawh a hlimhman khawp mai, mahse an han hriatchian meuh chuan an țhiante aw zawng an lo nilo tawp mai le
.
Chung mite chuan chu Tumpangsial, an țhianten a hnuchhui zuia an um chu a sa lo chan mawlh mawlh in, Hrangcheua te țhiandun chan a ngaihna an hrelo khawp mai, an hnuhma ațang chuan an țhiante Sa hnuchhui ngeichu a nisi a, mahse chu sa chantu te chu an țhiante an nibawk silo, Hrangcheua rilru ah chuan khawnge an țhiante kha ni ta ang? eng vanga an Sa umlaichu midang in a sa chanta nge ni ang? Hrangcheua rilru chu a buai khawp mai, an țhiandun chuan fimkhur taka hnaihthla zelin an țawngchu chiangtak in an rethei ta, an Pasalțha pakhat chuan uang thuang deuhmai hian, tupawh khawi Lal pawh rawnthawk rawhse, Lal Tawkliana lak ah hian tumah an dingchang ngailo ang, helai Khuavangte riahrun huamchhung zawng zawng pawh hi Lal Tawkliana ramvek a ni, tuna rawltharte pawh kha vawitam hnungtawlh turin kan ti a, mahse Val upa te thu ngaichang duhlo tu te chuan kha kha an chantur a nimai an ti a, chung an țawngkam zawng zawng an han hriattak ah chuan Hrangcheua te chuan an țhian Thangkhuma te chuan tawhsual an tawk tihchu chiangtak in an hre ta, fimkhur taka buk lama letleh in Hrangcheua te chuan an țhianho chuan ro an hanrelta a, chu mini la la chuan khua ah lamkal in tirha an țhiante ruangchu hlawmngei an tumruh hle a, mahse an ni pali chauh an nitawh a, khang an ralho kha sawm laimai an nibawk si, an ni lahchu rawlthar rualchauh an lanibawk si nen huaisen taka mahni ai a tamchu beihmai a harsa a i, Hrangcheua chuan khua a mite nghah phawta Pasalțhate rorel danchu nghah phawt țhain a hreta a, khawlam ah chuan lamkal chu pahnih an in tirta a ni
.
Tawkliana khua ah thung chuan Lal inchhung ah chuan an hlimtlang dar dar khawp mai, chu tihlai chuan Tlangval pahnihte chuan Lal in chu an rawnpanve mek a, karlo ah chuan Lal inchu rawnthlengin Lal in chu an luthlawl mai a, khawnbawlmin chuan Tlangvalte an hmuh chuan, Tlangvalte u eng thilnge nita le? in hah hmelin in rawnkalna a hlathmelsi a, kan Lal makpa Doliana hnungzui tu Kaițhuamate zuk nireng che u a, eng thilnge nita ngai le? tiin an zawt a, Tlangval upa zawk chuan Lal leh khawnbawlte hnenah chuan Pasalțha Doliana thiltih dan zawng zawng chu hrilhin, Khuavangte riahrun ngawpui zawng zawng kan Lal Tawkliana ramchhung a nihdante hrilhvek in chung rawltharte chuan awiduhlo in an țangtlat mai a, kan Pasalțha thinrim chuan chung rawlthar te lu chu la in Lal hnena lamkal kalturin min rawntir ta a ni an ti a, Lal Tawkliana chuan a makpa chu chhuangtak mai chuan, Doliana ka makpa nge nge min vahan hawimawi tak em, sawnglai ram zawng zawng saw ka makpa hian ka kutah minla rawnpe vek dawn a ni, Tlangaupa khan kan Pasalțha rualte leh Tlangval rual te kha han au khawm sela chulai hmunah chuan kalvein ka makpa te chu puitur in va kalrawh se, Thangluaia khualehtuite chu nun na chanzawk an nih avangin an rawnthawk chhuak ngei ang a, chung chu lodang turin Pasalțha rualte leh Tlangval rualte kha thawk chhuak nghalrawh se tiin Tlangaupa chu au tur chuan a tirchhuak ta nghal a
.
Khawnbawl zinga pakhat chuan Lal hnenah chuan, Lalpa kan thiltih hi a felhlel deuh lo maw? sawlai ramsaw Thangluaiate chuan an hlatzawk ngei mai, mahse tunhma Lalbula pa hunlai ațangtawha an hauhram a nitawh a, tuna kei nin kan chuhngawt maihi a felhlel deuh lomaw? tin chu tianga an rawltharte nun na hial kanlo lak sa ngawt pawhhi thildik ni in ka hrelo an ti a, Lal Tawkliana chuan a khawnbawl thurawn chu engah mah ngailo in, ti hian an ti a, sawlai ramsaw keini chuan kan hnaih em em a, Thangluaiate hian an rawnkhawih phak lo tluk a ni, chu vang chuan sawlai an ram khawihphak loh avanga thisen luantirchu Lal fingtak chuan a duhlo tawp ang, tin khawțhen awm kan ni a, an ram humhalh theihloh avanga buaina chhuak leh, nun na tamtak chan chu Thangluaia chuan a duh kherlo ang, chu vangin sawlai ramsaw awlsamte in kan neithei maidawn a ni tiin a khawnbawl thurawnpek chu a chhang a, khawnbawl dangpawh chuan an Lal roreldan chu dik an tihpui khawp mai, Tawkliana thurawnpe tu khawnbawl chuan Lalpa kan ngaihdan ang ngawthian Thangluaia hian a lo ngailo maithei a sin, kan khawhnih karah hian buaina liantak a chhuak thei a sin an tileh hram a
.
Tawkliana chuan, Khauthangi pa ka sawiang khan sawlai ram, Thangluaiate tana rawn khawihphak loh ram avang sawn Thangluaia hian buaina liantham a chhuah a duhlo tawp ang, keini sawlai ramri ah sawn kanlo in chhek phei țeuh ang nga, chumi an rawnhmuh chuan ram khawihphak loh anga thisen tam tak luantir ai chuan an in hnuk kir em em ang, chu vangin lung ngaihtur a awmlo reng reng, kan Pasalțha leh Tlangval rualte an hmuh chuan, an humhalh theihloh ram chuha buaina liantak chhuahtir ai chan Thangluaia chu Lal fingtak a ni a, a Pasalțha rualte chu a hnuk kir em em ang an ti a, Lalber ngaihdan chu a khawnbawlte chuan dik an tihpui em em mai a, an Lal rorel danpawh chu finthlak an ti a ni, lungrual tak chuan an Lal rorel danchu an pawm tlangta a ni, mahse Tawkliana hian a ngaihdan ang ngawthian thilhi a kaltluang angem? chu zawhna chu a mahngei pawh hian a chhang theilo a ni, khuate a lotlaia zanriah ei te a lohun ta, Tawkliana khuate chuan zanriahte an han ei a khuachu hlimpawh an hlimtlang khawp mai, mak tak maiin zandang anglo tak maihian Tawkliana khua chu chumi zanchuan a rehruih mai a, naupang zan pawnto pawh hemi zanhian tumah an awmlo a ni
.
Chu khuachu Chhumdum hian chumi zan chuan a khuh deuh luk mai a, puitlingho pawh chuan chumi zana khw awmdan chu mak an tikhawp mai, naupang reng reng an tuallim lo a, khuachu a rehduk mai a lusun hlimkhua ang maihian chu khaw hlimthei tak kha a rehin a reh duk mai a ni, khawnbawl zinga pakhat Takliana thurawn petu khan an La thiltih tumdan zawng zawng chu a pa putar upa tawhtak hnenah chuan a sawivek a, chu putar chu a ngawi vang vang mai a, na kinah chuan tihian a rawnțawng chhuak ta a, a chhungte bulah chuan, kan Lal Tawkliana hian a kuanglo tur a nawrta a nih hi, sawlai ram Khuavangte riahrun kan tihsaw englai mahin kan ram a ni ngailo a, tin Thangluaia hnen ațang hian awlsam tak hian a neilo bawk ang, pileh pute ațanga an lo kumhlun neihtawh ramsaw chu ti mai chuan Thangluaia hian Lal dangkut ah a hlan ngawt dawnlo, kan Lal rorelna chu a khualehtui te hian kan tawrh phah ngeidawn a nih chu, hei in chikve em? kan zanin khuate hian min vuiliam mek zawng anih hi, zandanga naupang tualchai hlimtak țhinkha zan in zet zawng ang thawmpawh pakhat mah hriattur a awm tak loh hi, khawthing nuamtak țhinkha hanchik ta che u chhumdum in kan khuachu a bawh tlat hi, lung ngaihna leh țahna lo thlengtur in min tuamlawk a nih hi tiin chu putar chuan an khaw awmdan zawng zawng te chu a sawi a
.
Lal in ah chuan hlimviau mahse zandang ang chuan an hlimbik lo, chu khua chuan an hriatmiah phak bak in thihna a hmachhawnmek a, lung ngaihna chhumdum chhahtak mai chuan chu khua chu tuam mek in, an kawzia in thlak thutmai chu mi thilchik mi tan chuan ngaihțhat lohna tham a ni a, mahse Lalber in chutiang lama rilru pulo chuan a ngaihdan chu kaltlangpui in, chu ngaihdan diklo tak mai chuan chu khawtan chuan chhiatna rap thlak arawn thlendawn a ni, lung ngaihna leh țahna, thisen tam tak chu khua ah chuan a khawtual mite chuan arawnthleng dawn a ni tihchu hrengat seng zawng a zan a zan chuan khuachu an chhuahsan duhngei ang le, mahse an hriatloh na chuan chu thihna rapthlak chu a hmachhawn tirdawn si a, Lalber leh a makpa chhuan em em mai chuan Lal ropui Thangluaia pawichu nasa taka khawih in, pawisawilo rawlthar nun na hialchu in thlahrun na chhete pawh neilo in an lak sak ta si a, chu an thiltih nghawng natdan turchu tumah chuan an ngaihtuah duhlo a ni, Pasalțha huaisen, ralhrat leh mahni khualehtui chhan nana nun na hlan ngamtu Lal ropui Thangluai thinrimna chu Tawkliana khuate hian an dawlzo a ngem? chu chhiatna rapthlak lo thlengtur chuan hmuak mek in Lal leh khawnbawlho chu Lal in ah chuan hlimtak chuan an zaiho laih laih maisi a
.
Sangluaia te pawhin Khuavangte riahrun ngawpui chu luttawh in, ngawpui laia luite luangtlang chu an zawh char char mai a, thuitak an zawh hnu chuan an țhiante buk chu pawh hlawlin an țhiante chuan an lo lawmthiam khawp mai, Sangluaia te hian an țhiante buk hi chawhnu lam thleng an nih avang in an țhiante pawh hi tumah an lo vak chhuak lo a, Hrangcheu'a Sangluaia an hmuh chuan insumhar a ti khawp mai, hnuk ulh țeuh chung chuan țhianpa kan țhainpa Thangkhuma leh Zikpuia te chuan minkal santa, Kungthanga ruangchu tunthleng hian kanla hmulo a ni an ti a, thilawm dan zawng zawng hresa a thawk chhuak an nibawka Pasalțha Denga Pasalțha dangte chu an ngui nghuai mai a, Sangluaia chuan Hrangcheua hnenah chuan, țhianpa Kungthanga chu tunah khua ah a awme, in chanchin hriahian helai hmunhi kan rawn thleng a ni, tunah khawnge Thangkhuma leh Zikpuia ruang chu? tiin an zawt a, Hrangcheua chuan țianpa ruang an sawisak danhi in hmuhve ngei ka duh avangin lak pwh kanla la lo a ni tiin an țhiante ruang awmna lamah chuan Hrangcheua chuan a țhiante chu a hruaita nghal a
.
Khuavang riahrun ngawpui hualtu Tlang chu kal liamin tlak lama rampharh duaimai lamah chuan an lut thlata zel a, ramri kawrte an zuk thlenhma chuan Hrangcheua chuan hre awmti tak chuan Sangluia te chu an țhiante ruangchu a kawh hmuhta le, Thangkhuma leh Zikpuia ruang chu a letling zawngin Thing liantak bulah chuan an lo țawnbet a, an ngawng tan ve ve in an banchu an kiu ve ve ah tansak in, an ka lamchu a khup ve ve ah an tansak bawk a, saruak veka dah in an taksa chu chem hriam taka zaichik sak vek in nasa tak in anlo nghaisa a ni, Sangluaia chuan a țhiante ruang an hmuh meuh chuan a thinlung chu chemtea chhun ang zawra rawn na nghal in, a mit ațang chuan lainatna mittui chu arawn hnamsawk mai a, luite lehlam ah cuan Tawkliana Pasalțha rualte leh a Tlangval rualte chu an dingthim khup mai bawk a, Sangluaia te che velchu ngawireng in an lo thlir a ni, chung Tlangval dingho zinga pakhat chuan, khile Thangluaia fapa Sangluaia rawlthar ralhrat khawkheng an tihchu le an ti a, chu țawngkam khat chuan chungho zingah chuan thu tam tak a sawi a ni
.
Sangluaia chuan a țhiante ruangchu lainat taka an phuarna chu phelhsak in, duat tak chuan a țhiante ruangchu a ding leh vei chuan an kuah vawng vawng a, an thlanglawka kawrte, Tawkliana te nen a an ramri lamchu mittui nena melh thla in, chu ramri lamah chuan a țhiante pahnih ruangchu pawmthla ve ve in kawrte kam, an mahni ram lamah chuan a țhiante ruang chu dimtea nghat in, duat tak mai chuan kawrte kamah chuan an zalh a, a țiante ruangbul ah chuan țhingthi in a kut dinglam leh veilam chu a țhiante ruang chunga nghat in, chhan ngaileh puih in ngaih laia nangmahni chhantura ka awmloh avangin min ngaidam ang che u aw tiin a phunta sap mai le, thin rimna avanga ha chang țhialchung in a țhiante ruang chungah chuan chhia hial a chham ta
.
In huaisen na hi keichuan englaimah in ka theihnghilh ngaitawh lo ang, in khualehtui, in ramchhan nan a in nun na hlutak in chan ngamhi ka chhuang che u in ka van tluk lo che u em, in ramri ah ding nghe tlata thihna hial in tawhpawha penkhat pawh in hnung tawlh lohna hian țhalaite chona manvape nasa tak em an tisap mai a, chu rawlthar thinlung chhunga thinrimna in mun mek chu danrual loh chuan a rawn puak keh ta, chu tah ringtaka rawn au chhuak in, in chunga he tianga kut lek tu chuan hre rawh se, ka țhiante u in hmingchhal in chhia ka chham e, in nun na chunga kut lek tu chuan Keipui hliam a chhaih kawlh tih in hria sela, thihna a hmachhawn tih in hrerawh se, he tiang khawpa nghaisatu che u chu khawihmuna awm pawh nirawh se, kawlkil tawpa awmpawh nirawh se, ka zawng chhuak anga an lu chu in bulah ngeihian ka rawn thlen ang, Lal Tawklian pawh khan heihi hre rawh se, a ramchin duhtawk lo a, a țhenawm Lal ramchuh puitu Lal chuan hre mawlh rawh se, Keipui muhil chhaih kawlh in thihna leh lung ngaihna a hmahhawn mek tih in hrebawk rawhse tiin chulai ngwpui chhung khawk rum rum chuan a au chhuak ta
.
.
DUHTAWK LEHRIH PHAWT ANG AW
REMCHANVE LEH KAN CHHUN ZAWMLEH DAWN NIA
.
Hmanhmawhlo in minlo nghak hram hram țhindawn nia
.
.
[LalzirlianaTochhawng] [Champhai Tlangsam]

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)