Pasaltha Thangluaia By Mazira Tochhawng Mipa 1 - 237

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

Re: Pasaltha Thangluaia By Mazira Tochhawng Mipa (1 - 180)

Unread post by Ngaia » April 4th, 2018, 8:29 pm

............. PASALȚHA THANGLUAIA (183) ..........
.
.
Chu rawlthar awrawl ringtak mai chuan chulai ngawpui chhung chu luahkhat in a khawk rum rum mai a, a thinrimna thinlung puak keh chu a hmelmate tan chuan hlauhawm pawh a hlauhawm reng a ni, chu awrawl ringtak a rehfel chiahtih chuan chu ngawpui chhung khawk rum rum chuan Keipui an rawn ha hum dum dum maibawk a, hmelmate tan chuan chung thawmah ringawt pawh chuan zamna tham a tling hliah hliah a ni, ramri kawrleh lama awmte chu rawlthar au thawmah ringawt pawh chuan an tawlh kiang dual dual mai a, chu rawlthar chan chinchu an lo hriat tawh țhin avang chuan an thinlungah chuan hlauhruk na liantak an neivek a ni, Tawkliana Tlangval zinga pakhat chuan, tuna Keipui ha hum dum dum kha inhreve ngeihlawm ang maw? Thangluaia fapa Sangluaia chuan aw rawl ringtak a chhuah tawh chuan Keipui pahnih in an puițhin an tiasin an ti a, a bula awmve chuan khangei kha a ni Sangluaia chu, a hu hang ah ringawt pawh keini ramvachal lo tan chuan zamna tham a ni anlo tive a
.
Tawkliana Val upa rualte zinga an hruaituber chuan, kha aw rawlkha thinlung chhung thinrimna a țanga rawn au chhuak a ni, tin Keipui ha hum khan a rawnzui lehnghal, he tianghi sawitur a awm zeuh țhin a, kan pileh pute chuan Khuavang venimlai an ti țhin a sin, chu vangin tuna kan thiltih hi thildik a nilo a ni, helai hmun ațang hian kan in hnuhdawh mai a ngai a ni an ti a, mahse Tawkliana makpa Doliana chuan, helai hmun ațang hian tumah kan tawlhkir lo ang, mipa tak in ke kanpen tawha tawlhkir leh thiang kan ni tawh lo, tin he kan thiltih hi kan Lal duhdan pawh a ni reng a, Lal duhdan nilo se helai hmunah hian raldo turin tumah kan Lal hian arawntir lo ang che u, chu vangin kan Lal duhdan hian kan kaltlang tur a ni a tive burmai a, Doliana țan na chu an Lal thupek dan a nih miau avang chuan tumah chuan an hnialkalh ngamta lo a ni, mahse Val upa te chu an lung awilo khawp mai a, chulai hmunah chuan an tihlohtur an ti a ni tihchu chiangtak in an hria a, mahse Lal thupek a nih miau a vang chuan lung awilo teh mahse an țang ngamlo a ni
.
Chulai ramri ah chuan Tawkliana Pasalțha rualleh a Tlangval zarual laimai chu Thangluaia Pasalțha Denga ho sawmrual velte nen chuan an in ep rantawh mai a, Denga te hi sawmrual lek pawh nise an hmelmate hi hlauhna pakhat mah an neilo a ni, Tawkliana hote hi za chuanglai mai an ni a, Thangluaia Pasalțha te hian an hmelmate an țhathnem avang hian chhete mah in an hlauchhin lo a ni, Sangluaia chu rawnding chhuak in kawrte kam lehlama Tawkliana Pasalțha ding ngirkhup te chu thinrimna avanga mit senram mai chuan an thlir a, an hriattur chuan tunah chuan nghah pakhat chiah kan nei, chu kan thilnghah chu a lo thlen hunah chuan tuna in din na hmun ngeiah khan din ngheh in tumdawn nia an ti a, Tawkliana Pasalțha rualte cuan chu ralthar thusawi chu an hretiamlo khawp mai, chu rawlthar huisen zia an hmuh chuan Tawkliana Pasalțhate chuan zuam ngawt chi a nilo tinchu an hrechiang khawp mai
.
Val upa te chuan chu rawlthar chu an han thlir vang vang a, a pian in khaithli zaih mai te, a balbul invuah lianvawng talh mai te leh, a malpui vawnglah maite leh a kawngfek rat mai te, a hmel pawisawilo tak maileh a mit meng thinrimna avanga senram maite an han hmuh chuan, chu rawlthar chu a huaisen in chak pawh a chak thawkhat hle ang tihchu an ringthiam nghal a, tin a hnute dinglam chunga Silai kahna ser ruak mai te, a hnute veilam ah leh, a nak nem veilama chempui hnuhma ser ruak maite an han hmuh chuan, chu rawlthar chuan hmelma pawh a hmachhawn nasa tawh in, chung a hmelmate a hmachhawn na ah chuan dinchan pawh a dingchang hnemhle tawh tihchu hairual loh in an hmu a ni, chu rawlthar chhak lawka Pasalțha pathum laimai dingte pawh chu en reng reng pawh in an taksa a ser awm thleh thluah te ațang chuan ral an hmachhawn tam tawk tawh tihchu hai rual a nilo a, Pasalțha Denga ngatphei chu lenpawh a lian hle a, Tawkliana Pasalțha te chuan malkhai ah pheichuan an khan dawnlo nasahle a ni tihchu Tawkliana Val upa te chuan an hmuchiang em em a ni
.
Hetia an in ep laihian Denga te hnunglam ah chuan thawm a rawn awm ta, chung thawm rawn neite chu tudang nilo in Pasalțha Thangluaia leh a Pasalțha rualte leh Tlangval rual tinrim thwmni in, chung Pasalțha rualte leh Tlangval rual thinrimte chu an hmelmate lampan chuan an rawn tleh thla hel hel mai le, Thangluaia, Thawmvela, Lianpuia, Bulthanga, chung pili te chu Sangluaia din na bul kawrte kamah chuan an rawn ding chat mai le, Thangluaia chuan hmundang hawisawn miahlo in kawrte kama nasataka an nghaisak ruang pahnihte chu lainat tak chuan an bula țhingțhi in an en vang vang mai a, chung ruang an nghaisak dan an hmuh chuan a rilru chu a navawng vawng khawp mai le, thinrimna avanga a kutchu humruh in muang fiahkak mai hian, in tawrhna chu a va na em, in ramchhan nan he tiang khawp hian a nimaw nghaisak in lo nih le, in chunga he tiang ti tu leh a khualehtui chuan thihna a tuarve tur a ni ti a rawnding chhuak nghal in, iptepuia a chempui ah chu an phawrh chhuak nghal a, chu veleh Sangluaia chuan kan nghahchu a lo thlengta tihpah chuan kawrte kam lehlam ah chuan zuang pheinghal in a mah hnaihber tu a hmelmapa chu an sat thlutawp mai a, Sangluaia kha thinrim hlemahse a pa thu hmulo chuan chetlak kha a tumbik lo a ni
.
Pasalțha Denga, Kaphnuna, Khampuia te chuan Sangluaia hnungchu rawnzuive nghalin, Silai pawhchu a puak ta nghal zawt zawt mai a, Thangluaia Pasalțha dangte awh chuan an Lal fapa hnungchu rawn zuive nghalin chulai ruamah chuan an inphek nuaita miah miah ta mai a, Lianpuia, Thawmvela, Bulthanga, an nipawh khawnbawl pawh ni mahse awm mai mai an tumlo kawp mai, an Lal Thangluaia kaihza veng chuan ralho chu luhchilhve nghalin an hmelmate chu an dimlo khawp mai, Thangluaia pawh upa lamhret tawh mahse Tlangval tamtak tlukrual a la nilo, a pheikhai chheh a zangkhai a, Pasalțha huaisen ralhrat leh ralrel thiam a nihna chu a hloh mawlh lo, ralho karah chuan rang taka che zung zung in a hmelmate chu a sat her sawk sawk mai a, a hmachu a kaw duak duak mai a hmelmate chuan tuman hmachhawn an duhlo a ni, Thangluia ruahmansa ang chuan Pasalțha kaih hruaina in Tlangval sawmthum ruale chuan chung an ralho, Tawkliana hote veileh ding a țang chuan an rawnluh chilhve nghal a, hmunthum ațanga nawr an nih avang chuan Tawkliana hote chu an chan a chauta khawp mai
.
Hmuamda awmvel an in beih hnuphei chuan Tawkliana hote chu an kiamduak tawh mai a, tam ak khawlam pan in an tlanchhia a, tamtak hliam avangin an chethei tawh lo, nun na hloh pheichu an țha hnemtawh khawp mai a, țan ralraih tum tanlo chuan inpek maichu a finthlak tawh a ni, chutia Tawkliana hote an tawlhkir tak ah chuan Sangluaia pawhin an hmelma zinga a phusaber ni a a hriat Pasalțha pakhat chu a umfal ta, kawrte hnarlam ah chuan umchho in chupa chu chhak deuh ah chuan a lo ding a, chupa chuan rawlthar chu hmai zangthalha chunga lo en in, nanghi aw Sangluaia chu? i țhiante kha keima thatngei an nih kha, an lu kha keima lak an ni a, an ke leh an banpawh kha keima tansak ngei an ni, ițhiante an ni tihchu hresangat ilang chuan an Serh te kha ka lo tansak tur an ti a, Sangluaia chuan chupa chuan theihtawpa tih thinrim a tum tihchu a hailo, Sangluaia chuan muang changa panphei zelin chupa awmna chu hlamkhat velchauha a la thlenglo tih chuan chupa chuan a rawnzuan thut mai a, Sangluaia chu persawn nawlh in chupa chuan a rawnsah țhelhthuak mai a, chupa chu ațuanpawh a lo țha khawp mai, Sangluaia a sat țhelhtih a hriat chuan rang lu tuka rawn in herleh nghalin Sangluaia rawnhawi lehchu an lo vaileh pawp mai a, mahse chu rawlthar, thlahtu ațanga mihuansen leh, mihring zamțha thlah ațanga rawn chawr chhuak Sangluaia chu chuti mai mai a khawihfuh theih a nilo
.
Chupa Doliana chuan a tumchu a țhelhleh tih a hriatrual chuan rang taka in siamrem lehnghal an tum a, mahse a hmachhawn rawlthar chu tungetih a hrechiang lo a ni, a insiam remtum leh laitak tih ah chuan rawlthar chu arawn zuang dawk zawk mai a, a chempui danrual loha rawntlawk chuan chupa, Doliana khingkhangruh veilam tliak rawp khawp chuan a rawnsat chawrh mai a, Diloana chu țhingțhi nghalrawp in a hliamtawrh chu nati in a țhen nghal chawk chawk mai a, a hliam ațang chuan thisen tharlam tak maichu rawnchik chhuak nghal țhawt țhawt in a kun ngawih ngawih mai a, Doliana hliamchu a thuk in a nat tham em avang chuan han thawh chhuah puileh pawh tum mahse a tho chhuak theitawh lo a ni, Sangluaia chuan Doliana chempui chu chhuhsak nghal in a țhiante ruang nasa taka swisak chu a mitthla ah chuan rawnlang in a thinrimna chu nasa tak mai chuan a ranso sangleh ta a, a țhiante ruang chunga a lo in tiamtawh ang ngei chuan Sangluaia chuan Doliana chhipsam ah chuan an țhamnawk mai a, ka țhiante pahnih khan i eng pawinge an sawi tihpah chuan a chempui chu an lek chhuak zawk mai a, a chempui hriamtak mai chuan Doliana nghawng chu chhawk hmawk in thisen chu a rawnchik chhuak țhawt țhawt mai a, Doliana luchu a iptepui ah chuan ak nghalin in beihna lampan chun a tlanlehta nghal a
.
Chulai in beihna hmun a va thlenleh chuan ralho chu an lo remduak tawh in tamtak an thi a, tam tak an tlanchhe bawk a, ralho ah chuan hliam tamtak awm in chungho chu buaipui senpawh an nilo, Thangluaia chuan kan naute hi hliam emaw? nun na chante kan awm em? tiin Val upa te chuan zawt a, Lianpuia chuan lo chhang in, Lalpa nun na chantak chu kan awmlo e, mahse kan Tlangvalte zingah hliamchu paruk lai kan awm tiin a rawn chhang a, Thangluaia chuan riahbuk sanghal ula hliamte chu a ranglama en kawlnghalni rawh se, hliamte en kawltu tur mipathum veldah ula a bak zawng chuan Tawkliana khawlam kan pan ang an ti a, riahbuk turchu sual zung zung in karlo ah chuan an peihta a, hliamte chu buk chhungah chuan dahlut nghalin a theih ang ang chuan an en kawlta nghal a, Thangkhuma te ruangpawh buk lamah chuan la nghalin Sangluaia chu a țhinte ruangbul ah chuan an țhingțhi a, Hrangcheua te pawh rawn țhingțhi ve in Sangluaia chuan a iptepui ațang chuan Doliana lu chu rawnphawrh in, țhiante u hei in ruang chunga ka chhe chham ang khan nangmahni that tu lu ngeichu in ruang chunga hi ka rawdah e, mahse heihi a tawpna a nilo, he thilah hian a bultumtu, zung nenlam in ka pawtchhuak dawn a ni, in thihna a bul tumtu lu hi in hnen ka rawnthlen ngei ang ti a ding chhuak in Tawkliana khawlam pan chuan a penchhuak ta nghal a
.
Tawkliana in ah chuan khawnbawlte chuan an Lal rorel danchu chawimawi tak chuan an nui ham ham mai a, an Lal chu fing an tiin rorel thiam an ti khawp mai, Thangluaia chuan a ram arawn khawih ngailoh avang chuan thisen luantir a duh dawnlo a, chu vangin sawlai Khuavangte riahrun ngawpui saw kan kutah a awmvat ang tiin an Lal ngaihdan neihchu țawmpui in an hlimtlang dar dar hle a ni, hetih hunlai velhi zanriah ei hunhma hret ni in Ni pawh a hniam ruih tawh a ni, khawnbawlmi Hrangmana chuan heile khuapawh a tlaita e zanriah ei te pawh a hunta, eng pawh nise Lalpa zanriah ei turte pawh in kan ținve a hunta, zanriah ei kham lamah hmadeuh in rawn chuankai leh te kan tumzawk dawn nia an ti a, ti chuan khawnbawlho chu zanriah ei tur chuan mahni in lamțheuh pan in an ținta hlawm a, hemi tlaihian kawlkila Ni tlatur chu a senrum mai a, țhal thlilah chu a thaw vuk vuk maibawk a, khua chu țhavul mahse khaw awmdan chuan awm a ti nuamlo em em a ni, Ni chu kawlah chuan herliamin khuapawh chu a thimțan ta, Thla pawh Ar kaidenzan a la nihloh avangin khawchhak lam ațang chuan la bialchiahlo mahse a rawn eng tawh hle a ni, Tawkliana khuate chuan zanriahte an han ei kham chuan zandang anglotak mai chuan chumi zanchu a reiruih mai a, zandanga thimhlim ațanga naupang tualchai ri leng lung țhinkha chumi zanah chuan a reh ruih mai a ni, țhal thli thaw vuk vuk țhin, zan lama rehleh maițhin pawh chu chumi zan chuan rehmai a awm theilo, chhun lam ai in a nasa zawk emaw tih maitur hian a thaw vuk vuk mai a, heng thli thawt vuk vuk vangte hi a ni mahna naupang tualchai pawh tumah hmuhtur an awm loh, khwnbawlmin Hrangmana pawh in chu tiangkara Lal in hanpan leh pawhchu a hreh rilru khawp mai a, mahse Lal thurawnpe tu ber ni in, Lal pawh in a thuleh hlachu a ngaihchan ber a nih avangin, khuate chhia a ruahte a sur bur bur a nihloh chuan Lal in pan ram hram chu a duh a ni
.
Hetihlai vek hian Tawkliana khaw chhunga Hmarvenga putar pakhat Dokhama chu an kawmchhaka a țhianpa Kulhthanga te in ah chuan a lenglut chho a, Dokhama fapa leh Kulhthanga fapa nupui neitawh ve ve te hi tuna Tawklian'an ramri lama a tirhzing ah hian an kalve nghe nghe a ni, Dokhama chuan aw han then kharh kharh pah chuan, hei kan tunlai boruak leh kan khaw awmdanhi ngaih a ti țhalo in rilru a nuamlo khawp maia an ti a, Kulhthanga pawh chuan, pu Dokham chu tive bawk maw? kan Lal lah hian a ngaihdanhi a sawh sawn duhlo chu a niber ang a, Lal Thangluaia hian sawlai Khuavangte riahrun ngawpui saw chuti maia a hloh phalhi ka ringlo a ni, tunah lah kan Lal chun indo peihsa em em in sawlai ramchuh nan sawiti in kan Tlangval țhalai rualte zawng zawng khawmin a tirliamvek a ni si a, Thangluaia hian chuti mai mai chuan kan Lal kutah hian a ram saw a hloh phal ka ringlo a n, buaina lianzawk hi kan tawk theireng ni in ka hria an ti a, Dokhama chuan a ni khawp a sin, Thangluaia hi Lal fingtak leh mahni khaw hmangaih em em tu a ni a, a khualehtuia chhunga hmeithai pakhat emaw, khua lehtui boral ai chuan a nun na hialpawh chandawn mahse pawi a tilo a, chu tiang khawpa a Lal ramchhung hmangaihtu a nih avang chuan Thangluaia hian kan Lal kut ah chuan a ramchu a hlan lul lo ang, chu vangin heng Thangluaia Pasalțha rualte leh a Tlangval rualte hi ral relthiam leh huaisen tak tak vek an ni a, tin Thangluaia fapa rawlthar an sawițhin pheihi chu tuma danzawh rual a nilo an tia sin, ka thinlung hian tunlai chu eng emaw harsatna liantak tawk tur hian hriatna liantak mai a nei tlat mai a, ka awmhi a nuam theilo a ni, kan khaw awmdan lah hian ka ngaih a ti ngam thei mawlh lo, nak tuk khawvar hma hian khuahi chhuahsan hial a ni ka nap ni tiin a țhianpa thusawi chu a lo tuihnihve bawk a, Kulhthanga chuan a nikhawp a sin, kan khaw awmdan hian ngaih a tingam lo a, hei zan in pawh hi naupang tualchai tuallai ah hmuhtur pawh an awmlo a, kan khua hian eng chhiatna emaw chu kan tawk ngidawn ni in ka ring keipawh, Thangluaia lunghi kan tih awiloh vaih chuan a thinrim rawnthawk chhuak chu keii teh lul hian kan dangzo lo tawp ang an ti a, chu tianga ti ti chuan zanrei tak an menhnu chuan Dokhama pawh in, khai hei zanmut te pawh a hunta, engpawh nise ka țintawh ang e tiin a ținta a
.
Chu zanchu ralin khawchhak lama Ni rawn chhuak tur chuan khawchhak lam kawlkil chu arawnti eng țanta, chu Ni lo herchhuak tur chuan Tawkliana khua ah chuan e nge a rawn herchhuah puidawn tumah chuan an hrelo a ni, Tawkliana chuan a thiltih ah chuan hlimna leh lawmna nge chu Ni chuan arawn hrechhuah pui ang a? lung ngaihna leh țhana tihchu a hrebik lo a ni, khua chu rawnvar in kawlah chuan Nipawh arawn eng senleh ta phut mai, khawchhung mite pawh hlimtak in an nun phung pang ngai ang chuan, țhenkhat in khawvar hma ațangin Buh an deng a, tleirawl rualin Tui um khirh phurin Tuikhur lamah an tlan liam lawp lawp a, naupang lah zanlama tualchailo an nibawk nen zing Ni chhuak lawmin khawlai ah chuan an ri lenglung mai hlawm a, rawlthar rualte lah in daihnaia an Thang kamte en in an buai em em maibawk a, khawchhung mite chu hlim em em mahse tuk dang anglo tak mai in, hemi tuk hian zing Ni chhuak lawm danhnaia Sava chiar nak nak țhinchu hriat tur reng reng a awmlo a, naupang pawh in daihnai ah Sava vehtur reng reng an hrelo a ni, Lal Tawkliana leh a khawnbwlte pawh Lal in ah chuan tuk dang zawng ai in an hlim emaw tihtur hian an nui ham ham mai a, Lal leh khawnbawl ruale chu hemituk hi chuan an ka ah pawh zen ila minsehlo ang tihtur khawp in an hlimin an phurtlang a ni, khawnbawlmin Manhranga chuan Lalpa hei kan thudang a lai chuan vawiin lamhi chuan kan nute lamkal pawh hmuh ka in beisei tawh khawp mai, lamkal kan hmuhhar danah hian Thangluaia chuan thuleh hlate arawn nei ngamlo a ni ngei ang, i sawițhin ang khan sawlai ramhauh nan sawn thisen chhuah duhlo in kan naute chuan Khuavangte riahrun chu an lut tawh a ni ngei ang, na kinlawk ah thulawm awm tak hriat in beisei teh ang u an ti a, chu thu Hrangmana thusawi chuan Lal Tawkliana rilru chu rawnchawk phur in, a nia sin Kaithangi pa ka rorel danhi a dik a ni, Ar talhdan chikhat chauh a awmlo reng a ni, Thangluaia chu leido zawngah chuan tuma hneh theih a nilo, mahse a hnehtheih dan dangin tunah hian kan hnehmek a ni a, Tangluaia ram chhuhthei Lal ka nihngat chuan mi tamtak in chu chu an hria ang a, Thangluaia ngamloh Lal Tawkliana ka nihthu chu kan khawțhen awmah te hian sawichhuah a ni ang a, Lal tamtak in minrawn tlawn tawh ang a, mitam tak in min rawnbelh tum in ka khualehtui ah an rawn pemlut ang a, kunhnih thumah chuan Thanglaia khua ai in khawlian kanlo nitawh ang a, chutih hunah chuan tun Lal ropui tak Thangluaia hi ka ke bulah arawn kuntawh ang, chu chu a ni ka thiltum dik tak zawk chu an ti a
.
Chu tiangthu a khawnbawl ten an han hriat chuan an Lal Tawkliana chu fing an ti khawp mai, a khawnbawlte chan, kan Lal nge nge rorel i thiam in i fing hle mai, chu tiang chu tuman kan ngaihtuah pha reng reng hlei nem, Lalpa i rorelna fingtak hnuaia awmhi a nuam in a va han hahdam thlak tak em, kum hnihthum a ralmeuh chuan Lal Thangluaia chu kan ke hnuaiah kan kuntir ngeidawn e tiin an Lal chu fak in an hlimtlang khawp mai, mahse Tawkliana leh a khawnbawlte hian thil hriathmaih an nei a ni, Thangluaia chuan a kualehtui chan ai chuan a nun na hialpawh in tuardawn mahse a hrehlo a ni, chu tiang khawpa Thangluaia hi a khualehtui hmangaihtu a ni tih hi an hriathmah a ni, Tawkliana leh a khawnbawlte chu hlimhle mahse an hlimna chuan rei a daih a ngem? an hlim em em lai chuan lung ngaihna chhumdum chhahtak mai chuan tuamtur in arawn panmek si a, Țo rawnthawk turin chhumdum chhahtak mai a rawn kengtel a, chu chhumdum chhah tak maichu rawn inzar pharh in khua chu a rawntuam thimta khup mai a, chu tiang chiah chuan Tawkliana khua chu lung ngaihna chhumdum chhah tak maichuan rawnpan hnaizelin karlo ah chuan chu khua chu arawn tuam thimkhup dawn a ni, Tawkliana leh a khawnbawlte chuan lung ngaihna chhumdu chhahtak mai chuan arawnpan mek a ni tih reng reng hrelo chuan Lal in chhungah chuan an nui dar dar mai a, chu tihlai chuan thawm hman hmawhtak mai hian Lal Tawkliana Luhkapui chu rawn rap chik țawt in, aw chau tih hriattak maihian Lalpa ka lo lut thei a ngem? tih zawhna chu an hreta a, Tawkliana leh a khawnbawlte chuan thuțha rawnkenga lamkal a nihgei ringin rangtak chuan an lo chhawn a, Manhranga chuan lo lut rawhkhi tiin an lo chhawn nghal a, kawngka chu rawn in hawngin Tlangval pakhat hi hliam nei pheng phung hian kawngka ah chuan chautak mai hian arawn penlut a, Lal leh midangte chuan chu Tlangval hmel an hmuh ațang chuan an beisei leh an duh dan chuan thil a kallo tih hrenghalin an phawk ta hru mai le
.
Lal chuan Tlangval eng thilnge nita ngaile? kha hliamte i nei em ni? tiin an zawtnghal a, Tlangval chuan thawk huam huam pah chuan, Lalpa Thangluaia leh a Pasalțha rualte chu an rawnthawk thla a, ramri lui ruam zawlah chuan ni minlam khan in beihna nasa tak a thenga, vanduai thlak tak in i makpa Doliana pawh tah chuan nun na chanzingah a telve a ni, kan mite chu hmuntin hmuntang ah an tlandarh a, hliam tam tak an awm a, tam tak in nun na an chan bawk a, Lalpa tunah chuan kan chan a chau khawp mai tiin chu Tlangval chuan an chan chin chu an Lal leh khawnbawlte chu an hrilh a, Tawkliana chuan a beisei loh lutuka thilthleng chu lo dawnsawn danpawh hrethiam mailo chuan an ngawi vang vang mai a, chu tihlai chuan Val upa te raldo na hmun ațanga rawn tawlhkir te pawh chuan Lal in chu an rawnlutve mek hlawm a, chung hliam nei pheng phunga lo kirte chu mipui te chuan hmuve vek in Lal in lamah chuan thuleh hlete ngaichang in an rawn pung khawm tuau tuau mai a, Tawkliana chuan a Val upa te an hmuh chuan rangtak chuan thilawm ziate an zawt hlawm a, Val upa zinga a khaipa ber chuan hreawmti tak chung chuan Lal chu tihian an chhang a, Lalpa kan theihtawp chu kan chhuah tlang a ni, Thangluaia ngei chuan a naute rawnhruai in an rawnthawk rip khawp maia, hmunthum ațanga min rawnluh chilh in min rawntuama, kan dangzo ngang lo a ni, a tam zawk kan in hloh kan in ring a, Thangluaia Pasalțha rualte chu ralrel an thiam in ral hmachhawn danpawh an thiam em em mai a, tin an huaisen in ralhma ah chuan an rawltharte pawhin hlauh an neilo a ni, tin Thangluaia fapa rawlthar kha a huaisen in ralbeih a thiam em em mai a, a hu hang ah ringawt pawh kan naute tam tak chu an zamchhia a ni, chu rawlthar chuan a țhiante thattu chu thahve ngei a in tiam a, tin i hming ngeipawh hi a lam a ni, mahni ram duhtawklo a a țhenawm Lal ram chuhpuitu chuan thihna leh lung ngaihna liantak a hmahhawn mek a ni tih thu a au chhuahpui a ni, helaia kan lo ngaihdan ang ringawt chuan engmah a kal lo, Thangluaia le a hote chuan an ramchu an hauhna khawp mai tiin an hrilh a
.
Chutah zet zawng Tawkliana chuan a thiltih sualzia chu a hrechhuak ta, rilru mang ang tak chung chuan a khawnbawlte hnenah chuan engtia rorel chi ngeni ta ang? Thangluaia chuan khuahi arawnlut ngem? tiin mang ang rilru tak chung chuan an zawt leh a, Val upa chuan Lalpa chu chu keini pawh in kawng tluana kan rawn inzawh a ni, kan ngaihdan ah chuan Thangluaia leh a naute kha an thinrim em avangin khua thlengpawh hian min rawn umzuiduh kan ring a ni tiin an chhang leh a, Tawkliana rilru chu a buaita khawp mai, Thangluaia chuan khua arawnlut a nihvaih chuan tumah lodang tu tur leh leh țanlo khawhtur an awm dawnlo a, Thangluaia chuan khua chu a duhtawk in a rawnching leh tawhmai dawn a ni, a khaw țhenawm Lal Hupliana puihna handil dawnse Hupliana chuan Thangluaia nen a buaina chu neihkher a duh a ngem? tin Hupliana chuan Thangluaia do chu a duhlo tawpang tihchu thilchiangsa a ni si, a hrim hrim in Hupliana chuan malkhai pawhin Thangluaia khuachu a tiahlo nasa a, engti kawngmah in Thangluaia leido a neihchu a duh dawnlo a ni, khawnbawlmin Hrangmana chuan Lal Tawkliana hnenah chuan, an thlanglam Lal Hupliana emaw, an hmarlam Lal Zadawla emaw puihna dilmai tur chuan thurawn an pe a, Tawkliana chuan chung a thlanglam Lal Hupliana leh, a hmarlam Lal Zadawla te lak ah chuan beiseina a nei lianlo khawp mai, heng khaw pahnihte hian malkhai ah chuan Tawkliana khuate hi an ngamlo ve ve a, chu mi a nih avang chuan Tawkliana pawh hian chung a țhenawm Lalte lak ah chuan beiseina tlemchu a nei a ni, mahse Thangluaia dotura țanrual puia sawmchu a huphurhve khawp mai, mahse a khawnbawlmin thurawn ang chuan beingesei rundung tiin a țhenawm Lal te chu țanrualpuia sawmtur chuan thu tlukna an siamta a, Tlangvalte raldo a an chhuah vek avangin rawlthar zawkte chu khawmin thil chin chang engkim hrilh in an tir chhuak ta a, mahse Lal Tawkliana hian a khaw țhenawmte chu karchhuah ngeitum in an rawlthar tirhte hnenah chuan thudik tak sawilo in them a peh heldeuh a ni
.
Chu tianga an buai nak nak lai chuan Tlangval țhenkhat te leh, Val upa țhenkhat te pawh chuan khua chu an rawnlutve zel a, țhenkhat chu thichhawnga an rawn zawnluhte ni n, țhenkhat chu hliamna lutuk lo te an ni a, pahnih thum te te techuan khua chu rawnlut in, a țhenchu sawm rualte pawh in khua chu anrawnlut bawk a, chu tia an hanluh kawm neuh neuh tak ah chuan hliamte nen chuan sawmnga velbawr chuan khua an rawnlut tawh a ni, chutia an rawnhaw khawm neuh neuh tak ah chuan Val upa Hrangtawka chuan Tlangval hliamtuar velote nenah chuan a theih ang ang a khua chu venghim tur chuan an hrilh nghal a, ralven buk lampawh a theih dan dan a luahlumtur chuan a hrilh nghal a ni, Val upa te pawh in an theih ang ang chuan Tlangvalte chu pui in an in daihlo hle a, chu tiang karah chun Tlangval Thangluaia ral hlaua rawnhaw chu an awmve zeuh zeuh reng bawk a, eng emaw ti ti chuan ral venbuk chu an luah thei hram hlawm a ni, Tawkliana leh a khawnbawlte chu an buai in an rilru chu a hah khawp mai a, chu mini ațang chuan Thangluaia chuan an khua chu rawnlut theireng a ni a, an khaw țhenawm tepawh chuan rawnpui dawnpawh ni tehreng se a lo berah nikhat leh zankhat chu nghah an ngaidawn a ni, chumi an ngha chhung chuan Thangluaia chu a rawnlut a nihvaih chuan an chan chu a chu raih raih khawp ang le, Tawkliana rilru chu in chhirna in a khat țanta, a pileh pute ațanga hlimtaka an lo seilen na khualehtui a ma tihdik lohna avanga chuti maia an boraltur an ngaihtuah chan a thinlung chu a na vawng vawng mai a, a duh am na liantak chuan a ti chhia a ni tih hria in, a pa ngeiin a thih hmalawka a lo hrilh țhin, i khaw țhenawmte hi tumah tibuai ngai reng reng suh, i ngamloh tur chalah chilhnawm hmasa ngaisuh la, duh am na thinlung nei ngaisuh ang che, Rul anga fing, Țhuro anga nun nem in awmla, duh am na sual hian mihring minti chhe hmaber a nia ti a a pa in a hrilhchu a thinlung chuan a hrechhuak vawng vawng mai a, mahse tunah chuan a tlaizo ta si a, Se bo hnua Se kawngkhar chuan awm zia reng reng a neitawh si lo, Lal Tawkliana in chhirchu a in dawmkun ngawih ngawih mai a
.
Ngawpui chhung zautak ah chuan Lal Thangluaia leh a nau Pasalțha rualte, Tlangval rualte chu hmatiang sawn chuan an tleh hem hem mai a, an ralte chu thuitak um let in Tawkliana ramchhung chu an lut thuk tawh hle a ni, Sangluaia ngeipawh thinrimna en, a mitthla ah chuan a țhiante ruangchu cham reng in hmalam pan chuan chak tak mai chuan a kal par par mai a, khuachu a tlailam tawh avangin an raldo chau nen hmun remlaia riahbuk sualmai chu țha a hria in, zanriah chawhmeh turte zawn khawm an ngaidawn bawk nen hmurem laichu melh in, kawrte pakhat Tui awmna an va thlen chuan chulai hmuna riahbuk sual maichu țha a an hriat avangin chulai kawrte kam ah chuan an in nghat ta hlawm a, a tlaichhiat hmachuan mițhenkhat chuan zanriah chawhmeh turte zawngtura chhuak nghalin, țhenkhat chu an riah buktur sual chuan an buainghal char char bawk a, țhenkhat in zan lama Thingro muhtur te an fawmkhawp bawk in tumah chu țhuawl hman an awmlo a ni, Pasalțhate chuan chulai vel ramchin hriatchian tumpah in zan riah chawhmeh zawngtur chuan an chhuak a, Thangluaia leh Lianpuia Thawmvela te pawh in an Silai ram lama an humchhuah lohna a reitawh avangin chumi tlai chuan an pathum chuan chawhmeh zawngtur chuan an vak chhuak ve a, riahbuk an sualna luite hnar lamchu zawhchho in Sahnu thardeuhte chu an han chhui zui a, Lianpuia chuan a țhianpa Thangluaia chevel chu lo chik ru reng in a chevel chu nguntak chuan a lo thir a, an Lal Thangluaia che velchu tunhma an Tlangval laite nen chuan han khai khin in, tuna an upat hnu ah pawh hian an Lal Thangluaia ramhnuaia chevel chu danglamna vak a hrelo a ni, a rilru te te chuan nangzawng ramhnuaia che tlatura khuanu lo duan hrim hrim i ni e a ti rilru neuh neuh a, an beisei lawk ang ngei chuan Sanghal hnulian tak maichu an hmuta a, chu Sanghal hnu an hmuhna chhak lawk ah chuan Sazuk hnu lianțha tak mai am hmubawk a, Thawmvela chuan Lalpa kan Sahnu hmuhte hi um zui anva chak awmve mawle? hei tlaichhe lutuk a lani lo a a hnuthar dan ațang hian hmuanda awmvel ah chuan kan um phakmai ka ring a ni an ti a, Thangluaia pawh in a ni khawp mai, Sahnu kan chhuilohna pawh a reitawh alawm, Nghalchang hi an hlauhawm deuha kei in kan chhuizui ang a, Zukchal hnukha nang nin chhuizui rawhu khai an ti a, Thawmvela chuan Lalpa a hlauhawm lam chhuizui turzawk i nih avangin Lianpuia nen hian kalrawh u, keichu Zukchal hnu ka chhui dawn a ni a keimah in ka kalang e anti leh a, ti chuan in țhenin Thangluaia leh Lianpuia te chuan Sanghal hnu liantak maichu chhuitur chuan an kalta a, Thawmvela pawh in Zukchal hnu chhuizuitur chuan a pengve ta bawk a
.
Thangluaia te țhiandun hnuchhui chuan kawrte kamchu hrutchho zelin kawrte kamte chu a nawrphut chho surh mai hlawm a, fingkhat awmvel an chhui chhoh tih chuan chu Nghalchang chuan kawrte chu pensan in, chulai ruam rawnchhuntu mual lianve tak mai pahnih in kara kawrte lamchu a panta a, chu mual pahnihte chu an lian in a mualchu a in kham chho duai mai a, awih chhia a nihloh avang in a kawrte pawh a chheng chhelo in zawhpawh a nuam khawp mai, chulai hmunchu a ngawpui a chhahțha in a leichu a durțha bawk nen Nghalchang hnuchu hmuhpawh a awlsam khawp mai, kawrte kamchu hrutchho zelin Nghalchang hnuchu an chhui chho zel a, kawikhat an liamleh tih chuan thawm an hreta, an chhak lawk ah chuan lengkir ang deuh mihring dungchen ai a sangdeuh hi chhawrdawh a lo awm a, chulai chhoh natur kawrte kam velchu a lopik ang reng khawp mi, an thawm hriatnachu chulai pik deuh laichu a ni, in ringtak chuan Thangluaia leh Lianpuia chuan pik lamchu an hnaih phei hret hret a, Silai pawh kahmai theihtur chuan a cheng pawh an kausa a ni, puitling hlamruk awmvela pik an la thlenglo tih chuan Nghalchang chu hawk dawtin rang lutuk, Fei khawhdawk zawk ang mai a mar chuan a rawn dawk pheizawk mai a, Thangluaia Silai leh Lianpuia Silai chu puak țhuai in Nghalchang tuang dingchhur mai chu a in chhawk țhawt mai a, Thangluaia Silaimu chuan Nghalchang mitko dinglam vunchu tawnthler hawk in thisen chu a farnghal zawih zawih mai a, ranglutuk chuan Thangluaia chuan Lianpuia kutah chuan man nghalin kawrte kam lehlam ah chuan a hnuk pheidawrh mai a, Thangluaia chu upa deuhtawh mahse a țuanran na chu a la hloh lo khawp mai, an in sa seng felchiah tih chuan Nghalchang chu rawndawk pheileh fua in Thangluaia te țhiandun chu a rawn țhelh fua mai a, Lianpuia zawk chuan a Silai chu thlauh in Thangluaia chuan rangtak chuan a Silai muchu thunleh an tuma, mahse Thangluaia chuan Silaimu pawh a thun hmanbik lo, chu Nghalchang chuan a thinrimna chu la hritla zolo ni awmtak chuan rangmang kheng chuan a rawndawk phei leh a, Thangluaia te țhiandun tan chuan rang taka in saseng mailoh chu tihtur a awmlo
.
An pahnih chuan an bullawka kawrte kama Changel hung liantak mai phenah chuan an bawk lut pheirawk in, Nghalchang rawndawk pheiah chuan Changel kunghnih chu a rawn in chhawk țhawt mai a, Nghalchang chu rangtaka pik lamah chuan let lehnghal in pik ah chuan a tawmta a, Thangluaia pawh in a Silai mu chu rangtaka thunleh nghalin, Lianpuia erawh a Silai thlauh chhartur chuan a ngam awm tawh loh a ni, Silai mu an thun zawh chuan an bul hnaia Mau banrek tiat veltur chu chhawk hmawk in a bulchang chu Thangluaia chuan an la a, Tawng chen vela tan in leh lam leh lam chu zum hriam tawn em em chuan an suih zum a, Lianpuia hnenah chuan chempui nen khan in ringtak in lo awm rawh, he Nghalchang hi a hlauhawm em mai i Silai i hmang thei tawh silo an ti a, Thangluaia chu kawrte ațang chuan chhuak chho in Nghalchang tawmna pik lamchu a hnaih pheileh ta a, pik karah chuan Nghalchang chu a tep chuap chuap mai a, a rim hriatna chak tak mai chan ral a hnai a ni tih hria in tep chuap chuap chung chuan a tuangchu a dinchhur mai a, thawk lehkhat ah chuan fei khawh anga mar chuan rawndawk chhuak leh in a mahrawn hnaihtu mihringchu thahngei a tum a, Thangluaia Silai chu puak țhuai in Nghalchang chu a awp deuhrawp mai a, mahse chu Nghalchang tuarchhel tak chuan a tumchu hlah a tumbik lo, awp rawp mahse rang taka rawntho chhuak lehnghalin a mah hliamtu chu thahngei a tum a ni, Nghalchang rawndawk pheileh ah chuan Thangluaia pawh a zuang kang zawk mai a, leia a țumleh rualchiah chuan in hernghalin a Maubul chang hriamtawn paichu phawidawk zawk in, Nghalchang rawnlet leh lamah chuan natak chuan an vawm thlawk pheifua mai a, chu Maubul chang chu Nghalhang dar ruh in karah chuan a zatve hmawk lutin Nghalchang chu a awp rawp mai a, Thangluaia chuan Lianpuia hnenah chuan chempui kha tiin an au a, Lianpuia pawh in chempui chu rawnvawrh chho nghalin Thangluaia chuan chempui a man rualchuan Nghalchang lamah chuan dawk pheinghal zawk in a chempu hum chuan Nghalchang mit veilai chilh chuan ri rawp khawp chuan an sat a, chutah zet chuan chu Nghalchang pawh chuan tuar tawhbik lo in a khurta ngawr ngawr mai a, karlo an chuan a thi zuita nghal a, Sanghal luchu tan in a ruangchu an chhawlchhina buk lamchu an panta a, Thawmvela pawh in Zukchal liantak maichu lo kapve in, tin Pasalțha Denga te pawh in Sakhi te leh Nghalrualte an lo kap ve bawk a, țhahnem viau mahse hemi tlaihian tlaitak in zanriah an ei ta a ni
.
Zingkhua a lovar chuan Thangluaia chu hmataka tho chhuak in kawrte ah chuan an in phih harh a, an hmabak Tawkliana khaw luh dantur chu ngun taka ngaih tuah in a rilru pawh a buaive viau a ni, a rilru buaina chhan berchu pawi sawilo nu nau tam tak thlabar tur angaih tuah vang a ni a, mahse Tawkliana thiltih dan chuan an thin a tihrim hlawm em avang chuan a naute hopawh khap vaka tumbik lo, midangte an rawn thawh chuan tuk țhuantur an buaipui nghal a, tuk țhuante puar taka an ei hnuchuan Thangluaia chuan a naute hnenah chuan tihian thu an sawi a, khaile helai kan kalchhan chu sawi nawn ngailo in kan hrevek e, tuman kan ranhi chan kan duhlo a ni, kan ramria ding nghet kan naute thisen hi a thlawn in aluang raldawnlo a, an thisen chuan kan ramleh khualehtui chhantur in min au zawk a ni, tunah hian i khualehtui, i ram chhana i pen chhuah ngamloh chuan țhangthar ten rwn nuihzat che in, i ruhro ngeipawh i khua iram ngeiah pawh hian phum an la phallo ang, i rameh hnam ah i chian tawk loh chuan i ram humhalhna chang i hrelo ang a, i thlah kalzel ten heihi kan ram a ni tihtur pawh neilo khawp in Lal dangten i khualehtui hi anla rawn in semdarh ngei ang, chumi a thlenlohna tur leh, kan thlah kalzel ten ramnuam zawk leh belhfak awm zawk an rawn rochun zeltheih nan tunah hian i ramleh i khualehtui i humhalh hi i mawh phurhna a ni a, i khualehtui leh i ram humhalhna chang i hrelo a nih chuan i hnamah i chiang tawk lo tihna a ni, hnama i chiantawk loh chuan ramleh hnam chhan duhna thinlung i nei ngailo ang a, na kinlawk ah chuan i thlah kalzelten rampawh neilo in Lal dangten an la chimral ngei ang che, chuvang in vawiina kan thiltih hi kan ram, kan hnam tan a ni a, vawiin ah hian huansen taka i ramleh hnam chhan nan i ke i pen chhuah chuan țhangthar, i thlah kalzel ten heihi kapu ten thileh thau pawlha an lo sualchhuah kan ramngei a nih hi tihtur an nei ang a, i hmingchu he lei awmchhung hian dai ngailo in sawirik reng a nitawh ang a, i huaisen na ch țhangthar te en tawn a ni rengtawh ang, chu vangin vawiin hian huaisen tak in ke kan pentur a ni a, kan ram minchuhtu Tawkliana lak ah hian penkhat pawh kan tawlhtur a nilo ang, mahse nu nau pawisawilo te chungah chuan kut kan lek tur a nilo a, nu nau pawisawilo te chunga kut lek ching reng reng chuan khuanu malsawmna an dawng ngailo a, an damchhung in an hmuingil ngailo a ni tiin a naute chu an fuih sauh sauh a, ti chuan Tawkliana khawlam pan chan an pen chhuak ta nghal a
.
Nilenga an kalhnu chuan Tawkliana khawdai pawh zanriah ei hmadeuh ah chuan an thlengta, khuachu a tlaideuh tawh avang huan luhchilh mi chu an tilo a, khawdai hladeuh ah chuan riahbuk te saka zing hma taka luhchilh chu an ti tluzawk a ni, Ni tlak dawn suar suar ah chuan Sangluaia chuan an riahbuk sulna chhak Tlang ah chuan alawm chho a, Tlngchhip a țang chuan Tawkliana khua chu alang at mai a, chu rawlthar mitthla ah chuan a țhiante ruang an nghaisak chu chiang taka rawnlang urah urah in a thinlung chu na taka hliam in a awm a ni, a kutchu ruh taka hum in rawlthar chuan Tawkliana khua chu an thlir vang vang a, a hriat tawk lek hian kha tiang khawp khan ka țhiante in nghaisa a, an lu tansak maipawh duh tawk lo in an kut leh kete in tansak a maw? ruang engmah ti theitawh lo chu in duhtawk in inzai chik a, chhantu neilo fahrah an nibik lo a sin, in thiltih manchu in hmukhawp ang, nak tuk zing Ni chhuh hmangei in Tawklian i khualehtui chu meivap ah a chang ngei ang tiin a phun sap sap mai a
.
.
DUHTAWK LEH RIHPHAWT ANG U AW
REMCHAN VE LEH KAN CHHUN ZAWMLEH DAWN NIA
.
.
Hmanhmawhlo in minlo nghak hram hram țhindawn nia
.
.
[Lalzirliana Tochhawng] [Champhai Tlangsam]



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 4th, 2018, 8:29 pm

............. PASALȚHA THANGLUAIA (184) ..........
.
.
Lal Tawkliana in chhungah chuan Lal leh a khawnbawlte chu an ngui nghuai mai a ni, Lal Thangluaia chetdan zawng zawng an hrevek tawh a, Tawkliana chuan Pasalțha leh a Tlangval rual tam tak a hlauh tawh a, chu vangin Tawkliana tan chuan Thangluaia ral lo dantumhi thilna mai mai lo tak a ni, tumah in hloh lo leh damkim pawha Lal Thangluaia chu Tawkliana tan chuan hmachhawn ngam awmloh a ni a, tuna an in hloh tawh hnu ah phei hi chuan eng ti kawng maha Tangluaia hi lo dangthei an ni tawhlo a ni, chumi an hriat avang chuan Lal Tawkliana leh a khawnbawlte chu chumi zan chuan an lung ngaiin an in dawmkun tlawk tlawk mai a ni, an beisena awm chhun Hupliana leh Lal Zadawla te lah in an thurualpui duh a ngem? Thangluaia hmelma nih chu an duhpawh an ringlo a ni, Tawkliana leh a khawnbawlte chuan Hupliana leh Zadawla lak ah chuan beisei na an neitlem khawp mai, mahse beingesei Run dung tiin an rawltharte kha an tirchhuak kha a ni a, Hupliana leh Zadawla te chuan an puihna chu lo pawm pawh nise nikhat leh zankhat tal nghah an ngaidawn a ni, Tawkliana leh a khawbawlte tan chuan beisei a bo khawp mai
.
Chu zanreh leh Thli thaw vuk vuk karah chuan Tawkliana khua chu a rehțhup mai a, lenghawn Ar arawn khuan meuh chuan khuachu awm awmlo ang mai hian a rehțhup tawh a ni, khawnbawlte pawh Lal in ațang chuan ținzo tawh in an mahni in lumah țheuh chuan an hawzo tawh a, chu khuachu hemi zan hian a reh tlawk tlawk mai a ni, thlithaw vuk vuk karah chuan chu khaw daihnai ah lawk chuan zandanga awm ngailo Chingpirinu chu a hram dut dut rengmai a, Sihalte chu rawn u chuah chuah in chu zanchu a ralmuanglo khawp mai, hetih laihian Tawklian'an Thangluaia ram chuhpuia tumlaia lo hnialtu khawnbawl Kaihnuna pa putar tawhtak mai chuan an khaw awmdan leh chu zan, hlauhtur hansawi dawna hlauhtur awm silo, mahse chu khawchhunga mihring chengte thinlunga eng hlauhna emaw awm tlat chuan a ngaih ti țhalo in a rilru chu a ti buai khawp mai a, chumi zan chuan mina zawng chuan khawlai chhuah pawh an hrehțhum a ni
.
Putar chuan zandang anglo tak maia thlithaw vuk vuk te, khawdai maia Chingpirinu rawn hram dut dut mai te, thlimhlim ațanga zandang zawng zawng ai a thimhlim ațanga Sihal u chuah chuah reng mai te, hlauh sawitur awm silo a chu khaw mihringte thinlunga chumi zana hlauh rukna liantak awmte chuan a ngaih ti țhalo in a ngaihtuahna chu a kalthuitir em em mai, a rilru chuan tunhma a kan pileh pute chuan he tianga khua in atawh ngailoh mang an na a tawh hian chhiatna liantak lo thlengtur hrillawk tu a ni țhin an ti a, chu vagin kan zan in bruak pawh hi kan khawtana chhiatna lo thlengtur hrlilawk tu a ni ngei ang tiin a ngaihtuah a, chu putar chu khuan hmasa thleng pawh chuan muhil theilo in chu a thilngaih tuah chuan a rilru a hneh em em a ni, khawvar Ar khuan chuan chu putar chu chhingve sek in mumang mak tak mai a nei ta a, Tawkliana khua chu chhum dum chhahtak maihian a lo khuh luk in, mihringte chu an lo buai em em mai a, chu tia mipui an buai luih luih lai chuan khua chu veng mawnglam ațang chuan a rawn kangta hum hum mai a, chumi hnu lawk chuan khawchhung ah chuan Pasalțha huaisen tih hriat tak tak maihi an ral lu lak chem hum chung chuan rawntlanlut in, Silaite chu a puak ta zawt zawt mai a, mipui nu naute chu hlaua thlabar in an rak teng tung mai a, chu tia a thlir renglai chuan Tlangval pakhat thi hnuang maihian hnunglam ațang hian a rawnban thut mai a, chu putar chu phudawrh in a mutui laipawh chu a harha nghal a
.
Putar a harh hian khua chu a lavar lo a, tho chhuak nghalin a chhungte chu a ko tho vek a, a ngaih țhatloh dante leh a mumangte chu a chhungte bulah chuan an sawinghal a, Tawkliana khawnbawl Kaihnuna pawh chuan a pa angtho a ngaihțhat lohna liantak a lo neih chu rawnsawi chhuak ve in hawvar hma chuan khua chu an chhungkua chuan chhuah san an rawt ta a, Kaihnuna pa chuan a fapa kaihnuna hnenah chuan, i ni te leh i patea te khawvar hma hian zuk hrilhvela ka ti a ni, Thangluaia rallian hian kan khuahi rawnbei in min rawnluh chilhdawn a, tunah khuhi kan chhuahsan dawn zuk ti la, an awiduh lo a nih chuan an thu nitawh rawhse an ti a, Kaihnuna pawh in a pa hrilhang chuan Sihveng lamchu a panta nghal a, chumi chhung chuan an ni chuan a țul ang ang lo in siam in an lo buaihle a, tawkfang hnu ah chuan Kaihnuna chu rawnchho leh in, kapa i thu minhrilh ang khan kanite leh ka patea te chu ka hrilh a, an nipawh chuan i thurawn chu pawm in Chalpui hmunlam kan pantur thu ka hrilh a, chutah chuan kan rawnpawh ve dawn che u nia tiin min chhanga, kan hman chuan hei khawvar pawh a hnaitawha chhuak nghalang u khai an ti a, ti chuan Kaihnuna leh a chhungte chuan Thangluaia ralchu hlau in khua chu an chhuah san ta a ni
.
Kaihnuna te thawmvel hi an kawmchhak pa khawvar lam harh chuan hria in a Leihkapui ah chan arawn chuang chuak a, Kaihnuna leh a nipui fanaute Thul phur luk luk a hmuh chuan, e khai kawmthlangpa chu khawvar hma hma in khawilam nge in pandawn le? an rawnti a, Kaihnuna chuan khua an chhuahsan duh chhante hrilh in, Thangluaia hian khua a rawnluh ngei an rindan zawng zawng te an hrilh a, Kaihnuna kawmchhak pa chuan a Kaihnuna thusawi chu a ringlo khawp mai, Thangluaia chuan Khuavangte ngawpui ngeiah kan naute chu a um darh tawh a, khua thleng thleng hi chu an rawnlut lo tawp ang, tin Lal khawnbawl i ni a, kan Lal hian i phatsan tih a hriatngat chuan a thinrim khawp ang le, kei chuan in rindan hi ka ringve lemlo a, kan Lal hnenah chhan hramche ka lotum ang nge tiin nuihsawh deuh mai hian an ti a, Kaihnuna chuan kan Lal chuan ka thurawn a pawmduh silo a, mindem a nihpawh in Lal hma ah chuan sawitheih kan neilo si a tiin a kalsan ta a, chupa chuan Kaihnun kan Lal i phatsan dan zawng zawng hi kan Lal hnenah ka sawivek ang a, in chhungkua a in thinloh vek pawh in he khua ah hi chuan in rawnlut tawhlo tawp ang le tiin in chhung lamah chuan a luhsan ta a
.
Khua chu rawnvarțan in leilung pawh arawn lang țanta det det mai le, upa harh hmadeuhte chu khumah chuan la tho chhuak chiahlo in Vaibel an pak talh talh tawh, pitar țhekhat harh hmadeuh te pawh in Mei nun tumin thawh chhuah an tum țantawh a ni, chu tihlai chuan Zawlbuk lamah chuan Silai a puak ta țhuai țhuai mai le, Silai ri chu natuar mang au thawm chuan rawn zui nghalin, chu zingkar reh ruih mai ah chuan Chenreng puak thawm leh, natuar țe vawng vawng thawm chuan Tawkliana khua chu a fan hneh raih raih khawp mai, chu tihlai chuan khaw mawnglam in chu a rawnkang khuta nguai nguai mai le, nu nau mang ang au thawm chu rawn chhuak nghal in, Tawkliana khua chu thihna leh mang ang au thawm chuan a khat zota, aw rawlring tak mai hian, ral ral ral, ral an rawnlut e mipa zawng zawng khawchhan turin rawnpen chhuak rawh u ti hian a rawn au lauh lauh mai a, Silai chu puak țhuai in chu au thawmchu areh nghal hmak mai a, khaw mawnglam in te chu arawn kangchho hem hem mai a, zingkar boruak reh ah chuan Di chum kang puak țhuai țhuai thawmchu aring khawp mai, khaw mawng lama an buai luih luih laihian Tawkliana khua chu hmarlam ațang chuan arawn kangleh te, chu mihnu reilote ah chuan khawhmar lam ațang chuan khua chu rawnkang leh in, mipui nu naute mang ang ua thawmchu a ri chel chul tawh mai
.
Silai chu a puak țhuai țhuai rengmai bawk a, nu nau te chu mang ang au chel chul chung chuan Lal in lampan chuan an lankhawm ruih ruih mai a, in beih na hmasa a thi leh hliambang te chauh an nih avangin Tawkliana khua chu Thangluaia te chuan an hnehsawh khawp mai, khua arawnvar fela Ni arawn chhuah meuh chuan Tawkliana khua chu meivap ah changzo in, in dinghmuhtur a awm tawhlo a ni ber mai, Lal in erawh khawih a nilo thung a, khawlai ah chuan thisen tam tak a luang zeih zuih mai a, thisen luang zeih zuih karah chuan ruang alet pheng phung mai bawk a, hliam tamtak awm in na tuar rum vawng vawng thawm hmuntin ah chuan hriat tur a awm bawk a, naupang țapri teng tung karah chuan Tawkliana pawh a Leihkapui ah chuan rawn chuang chhuak in thihna in a hualvel an hmuh chuan a thiltih pawizia chu hmuin, a Leihkapui ah chuan a țhu kun tlawk tlawk mai a, in chhir in awmzia a neitawh lo a ni, chutih laichuan a Luhkapui chu Pasalțha rualte chuan an rawnrap ri pawp pawp mai a, Tawkliana leh a fanaute chuan chung Pasalțhate chu hlau khur chung in an lo en țhap mai a, an chhung kua chuan hruaichhuak nghalin pawn mipui awmna laiah chuan an hruaichhuak a, an mahnilam pana pasang zeih zawih in khaithli zaihmai, a ding leh veia mipakhat ve ve rawnkal an hmuh chuan Thangluaia a ni tihchu hai rualloh in a hrenghal a ni
.
Thangluaia chuan Tawkliana chu chiang taka en in, i thiltih avang khan thitlak i ni, kan naute chu lainat na nei miahlo in in nghaisa a, an lu lak chu duhtawk lo in an kut leh ke in tansak a, chumai pawh duh tawklo in an ruangchu zaichik in Thingbulah in la phuarbet a, kha in nghaisakna kha in hmuhsit na liantak a ni, khan rawltharte avang hrim hrim pawh khan i nun ahi zuahtlak a nilo, kan pileh pute ațang tawha kan ram, Khuavangte riahrun chu ka ramchhung tiin i ramchhung ah i rinlut a, kan chungah hian ipawi khawih nasat ziahi i hria em? kan ramchu minhneh chhuhtum in i Pasalțha rualte leh i Tlangval rualte irawntir a, keileh ka thlahte an damchhung hi chuan sawlai ramsaw i nei ngailo ang, ka khualehtui ka ram chhan nan chuan ka nun na hial pawh hi chan ngaidawn mahse lawmtak in chu thihna chu ka pawm ngei ang, ka Tlangvalte khan i pawi pakhatmah an sawilo a, mahse an ramri humhalh tur chuan thihna hialpawh hmachhawn mahse penkhat pawh an hnungtawlh lo a ni, kan ram minrawn chuhpui na hi kan en liam mai mai che i ring em ni? kan pileh puten thileh thaupawlha an lo sualchhuah kan ramhi chuti maia i kuta kan hlanphal i ring a maw? ngaihdan dik lo tak i nei a nih chu, Tawkliana khuate u heihi hre rawh u, keini Lalbula khualehtui te hian kan thlahtu te, kan pileh kan pu ten hah thikula an lo sah sa, beka thlantui luang zawih zawih a minlo sah chhuahsak kan ramhi, khawi Lal kut ah mah hian kan hlan ngailo ang a, kan ramri hi penkhat pawh in kal tawlh ngailo ang, kan ram minchuh puia, min rawnchhuh sak tum apiangte chuan heihi hre rawh u, kan thisen fartawp thleng pawh in kan khualehtui, kan ramtan chuan kan beizel ang an ti a, mipui chuan Thangluaia chu an thlirțhup mai a, Tawkliana khualehtui te chuan an Lal dik lohzia an hmuh chuan an Lal vanga tuar an nihna chu hreawm an ti in zahpawh an zak a ni
.
Thangluaia chuan tumah hi tihnat ka duh ngailo, mahse kan kawng mindala kan Lal ramngei min chuh puitu chungah chuan zahngaihna lantir ka theilo a ni tiin Tawkliana chhipsam ah chuan an țham a, a chempui chu lek kangin Tawkliana nghawng chu tan an tum a, mahse chu tihlai chuan Tawkliana nupui leh a fanute chuan țapchung chuan khawngaih dilin, nang chu Lal ropui leh huaisen i ni e, i țan na i thupawh a dik a ni, kan Lal hian i chungah thillian tak a tisuala, a chungah hian khawngaih takin zahngai hram rawh tiin Thangluaia bulah chuan țhingțhi a țap chung chuan an lo ngen a, Thawmvela leh Lianpuia chuan chung Tawkliana nupui leh a fanu te chu kaihsawn tum chuan an banah chuan an hanvuan a, chu veleh Tawkliana pawh in sum zolo in, khawngaih in ka nupui leh ka fanu chungah kha chuan zahngai hram rawh u, nie ka duham luatvangin thilchu ka tisual ngei e, ka chunga ka thiltihsual phuba in la duh a nih chuan keihi thahtlak ngei chu ka ni, mahse ka nupui leh ka fanu, heng nu naute chungah hi chuan zahngai hram rawh u, keihi min man ula, in salni turpawh in ka thiltih sualman chu ka hmungei tur a ni a rawnti a, chu țawngkam, thinlunga tihsualnei in chhir țawngkam chuan Thangluaia thinlung chu a hneh khawp mai, ngun taka en in i thiltih sualman chu ichungah engpawh thleng dawnse i rilru adam ang maw? a mawhchu i phur ngam ang maw? tiin Thangluaia chuan an zawt leh a, Tawkliana chuan he khaw Lal hi ka ni a, he khualehtui mawh phurhna chu keihian ka phur tur a lawm, ka chhungte leh ka khualehtui chhunga nu naute chungah hian zahngai u la, ka tihsual zawng zawng awhchu kei hian ka phur ang nge tiin Thangluaia zawhna chu an chhang a, mipui chu an ngawițhup mai a, an Lal chu a lu an tansak dawn nge? zahthlak tak in an man ang a khua ah nu nauho hmuhtur in sal a tan an kailut dawn? chu zawhna chu Tawkliana khaw mipuite thinlunga zawhna awm a ni
.
Thangluaia chuan mipui hma ah chuan, in Lal hian a tihsual hria in a chunga eng pawh thlengse pawi a tilo a, a tihsual man chu a hmungei tur a ni, tunchin ah a khaw țhenawmte leh, Lal dang chunga a tihsual tawhloh nan kei hian a chungah rorelna ka khauh tak ka nei ang an ti a, chu tianga Thangluai'an an tih chuan mipui chuan a lu tansak tur a ni tihchu an haita lo, mipuite chuan an Lal chuan a țhenawm Lal chungah thil nasa tak tisual mahse a lu tantur an nih meuh chuan an laiat khawp mai, Tawklina nupui leh a fanu pawh in an p luchu tanlo turchuan țap chungin an dil lawm lawm mai a, mahse Thangluaia chuan chung mite nufa ngen na chu ngaihpawi mawhloh hram hram a duh a ni, Tlangvalte hnenah chuan Tawkliana nupui leh a fanu chu lasawn tur chuan an hrilh a, Tlangvalte pawh in Tawkliana nupui leh a fanu te chu harsa tak chung chuan an kai sawnthei hram a, Thangluaia chuan a chempui chuan Tawkliana nghawng chu chuk tuah in, a chhipsam ah chuan an țham a, Thangluaia chuan Tawkliana hnenah chuan, i țhenawm Lal te vawikhat mah tibuai tawhlo tur in i lu hi ka la dawn a, sawiduh i nei em? tiin an zawt leh a, Tawkliana chuan ka chhungkua te leh ka khualehtui chhunga mipui te, kei in Lal hian thil nasa tak ka tihsual avangin ngaihdam tlak ka nilo a, ka thiltihsual man chu ka tuarngei tur a ni, in chungah ngaihdam ka dil a, keimah vanga khualehtui, mipui mang an na ka siamsak che u vangin in ngaihdam na ka dil mawlh mawlh a ni, a tawpber na a tan, kei in Lal Tawkliana hi hriat reng tlak ka nilo a, i chunga ka thiltih sual zawng zawng avang hian thingei tlak ka ni e an ti a, mipui pawh in an Lal vanga an tawrhna chu an thihdawn meuh chuan an lainat in tamtak phei chuan en pawh an en ngamlo a ni, Thangluaia chuan mipui hriatngei tura ring chuan, i duham vanga i khualehtui tawrh na zwng zawng ah i tihsual zia i hriat avangin i chungah zah ka ngai ang, i nun na hi ka zuah ang a, he khua ngeihi dințha lehtur hian he khua ah hian Lal i ni leh ang, i khualehtui chhunga hmeithai, fahrah chanhaite chung ah dik tak in ro i rel ang a, heng mi chhumchhia te hi hmangaihna nen i en kawltur a ni, chu tianga ro i rel chhung chuan duham na i nei ngailo ang a, i khualehtui te chuan i chungah rin na an nghat ang a, tuma tluk rualloh in khualehtui chu a lo țhang duang tawh ang tiin Thangluaia chuan Tawkliana chu an kaitho ta a
.
Mipui in chu thil an hmuh chuan Thagluaia mi ten Lal ngilnei leh zah ngaihna ngaih na a ngahzia an sawițhin chu a tak ngeiin an han hmu a, mipui tam tak chu an mittui a tlahial a ni, Tawkliana ngeipawh chu a mittui a hnamsawk mai a, tin a nupui leh a fanu te pawh chu a hma a an lung ngaihna avanga an bianga mittui luang kha, tunah zet chuan lawmna a vang in an biangah mittui dan rualloh a luang zung zung mai a ni, Thangluaia chuan mipui hnenah cuan, in Lal hi rilru țhatak a ni a, a thiltih ah in chhia simduh na liantak a nei a, chu chu tupawn in hmuvek ang, mihringin in chhira kan thiltih sualte siamțhat duha thinlung taka a in chhir chuan tunge ngaidam theilo ang, chu tiang mihring sualsim duhtu ngaidam theilo tu thinlung chu a dik lo a ni, in Lal hi ngaihdam tlaka thinung țha a ni a, in chungah pawh dik tak in ro a rel ngei ang, a tihsual hria a sim duhna tinlung putu chu entawn tlak mihring a ni, keini chuan he khua hi kan chhuahsan dawn a, in chunga kan thiltih zawng zawng ah hian in ngaihdamna ka dilche u a, kan Pasalțhate kut in tawrhna zawng zawng ah khan kei Thangluaia hian in ngaihdamna ka dil mawlh mawlh che u a ni an ti a, ti chuan Thangluaia te chuan khawtlai hma tak tak in Tawkliana khua chu an chhuah san ta a ni
.
VAU THLA a rawn in her chhuaka, ram lamah pawh Vaube leh Farțuah te an parvul chuk mai, ram lama hawikhaw thawn pawh in Vaube par leh, Farțuah parten mit an la in hawina lam apiang chu a mawi em em a ni, Lo hal hmahret chuan Sangluaia leh a țhiante pathum, Hrangmana leh Hrangchhuma, Kaithanga te chuan ram chhuah zairel in an in rawt khawm a, zan lamah chuan an ramchhuah duhna hmunte chu an țhianho pali chuan an han sawiho nak nak a, an rilru a an tinzawn tlanber chu khawchhak lam ram, Kaivela fapa Lal ram chhug, Nung chate Sihpui an tihram chu an em a, mahse a hlatham in kalchhung ringawt pawh nithum a ngaidawn a, an huphurh ru ang rengkhawp mai, mahse chulai ramah chuan Sa a tam em em mai a, pa thusawi thiamdeuh te pawi chuan, daikal dawn ri ngawt pawh in Vahrit leh Varung te hi haikian chawp a ngai an ti fiamthu țhin a ni, chu tiang mi sawi thawmte an hriat chuan kalve a han ramvah ve chu an chak hlawm em em mai a, mahse an ramchhung a nilo nen, a hlatham bawk nen a huphurh ru a ni, mahse an țhian li chuan an chakna ber a nih avang chan chulai hmuna ram chhuak tur chuan thu tlukna an siamta a ni, Hrangmana chuan kan țhiandangte pathum lai sawmtur ka hrebawk a, kan vaia pasarih kan nih chuan a tawk viau ang, kan țhiante pathum pawh chu ka losawm nghal a nge an ti a, Sangluaia chuan kan Pasalțha Denga hi sawmve ka duh a, a nin min thurualpui ve duhte a nih ngai chuan keini rawlthar rualte ngawt ai chuan ramchin pawh a hrezawk ang, kan vah tumna ramhi tuman kan la kallo a, kan Pasalțha Denga ngeipawh hi chulai hmunah chuan a la kalbik ka ringlo a, mahse Kaivela khua chu kapa te nen an lut tawh a, ramchin chu eng emaw chen hretur ah ka ngai an ti a, Hrangmana pawh in a nin minho duh chuan a thlamuan thlak a lawm, a nih u Denga sawmtur chuan kan chhuak dawn mi? an ti a, ti chuan Pasalțha Denga leh an țhiante pathum sawmve tur chuan an chhuak ta hlawm a, Denga te in ah chuan lut hmasa in an han sawm a, Denga chuan nangni rawlthar zamțha tak tak bula ram chhuahte chu kan chak zawng tak a lawm, Nung chate Sihpui pawh chu an sawidan in Sa an tam an ti khawp mai a, han hmuhve hrim hrim te pawh a chak awm e khai, in rual chuan ka rawn kalve ang e tiin an in sawmthlu ta a, an țhian dangte pathum pawh chu sawm nghal in an nipawh chuan an chak thute lo hrilh in an hlimtlang khawp mai, ti chuan a tuka kawtchhuaha in ngah khawm tiin, nula rimtur te an hriatve mailoh avang in Zawlbuk lampan chuan midang te chu an kalta a, Sangluaia erawh in an ram chhuah tumthu chu a pa hrilh hmasak phawt țha a a hriat avang in an in lamchu a pan thung a
.
In a thlen chuan Lal mualkil ho chu lo la ti ti nak nak in Sangluaia chu an in chhung kilkhat ah chuan a țhuran mai a, khawnbawl min Thawmvela chuan Sangluaia awm dan chu hrethiam in, Sangluai lo hnaiteh, i hmel ațang khan i pa hmuhduha vei nei i ang riau mai, lo hnaila eng thilnge han sawiteh khai? tiin an ko a, Sagluaia chu in thlahrung ru tak chuan a pa te awmna lamah chuan kal in, Thangluaia chuan ka fapa enge ni ta? eng thilnge zan zan a minhrilh i duh le? tiin aw damthlarh mai hian an zawt a, Sangluaia chuan mungfiah kak mai hian, kapa nak tip hian ka țhiante ho nen, kan Pasalțha Denga kaih hruaina hnuai ah ram chhuak tura kal chhuah kan tum a, i remtih leh tih loh hriat ka duh a ni an ti a, Thawmvla chu rawn in rawlh in, Lalpa i fapa Sangluaia te țhianho hi an felin an puitlingve tawh e, ral hma ah lah nise kan Pasalțha ten an tluk tawh lo a, i khualehtui tan hian Lal fapa mah nise Pasalțha huaisen naupangte in a ni der tawh mai a lo ti hlut a, Thangluaia pawh in Sangluai ram chhuah in duhte chuan phaltuk e, Kan Pasalțha Denga chuan nangni rawlthar bulah te a kalve tak tak peihngut dawn em ni? an ti a, Sangluaia chuan, kapa kan sawm tawha kan bula ramchhuah chu a hreh loh thu in min chhanga an ti a, Thangluaia chuan, awle ka fapa chu tiang a nihte chuan ram chhuak mawlh ang che u, khawi hmunah nge ram chhuah in tum a? tiinan zawt leh a, Sangluaia chuan a pa hnen ah chuan hreh ru tak chung chuan an sawi a, kapa kan ram chhuah tumna hi a hlakhawp mai a, Lal Kaivela fapa Kaikhama ram chhunga a ni a, Nung chate Sihpui ah tih ah khian ram chhuah kan tum a ni an ti a, Sangluai'an an ram chhuah tumna an sawi meuh chuan Lal in chhunga awmte chu mak tiin an phawk deuh hru a ni, Sangluaia pu Bulthanga, Lalnu Sangtei nu țapa chuan, Sangluai chulai hmunchu kan hmelmate ram chhung a sin, in lu in hanzuar ringawt dawn em ni? an ti a, Thangluaia chuan damthlarh hian, ka fapa in in ngaihtuah chiang em? Kaivela te chhung kua khi i pu ațang tawha kan hmelma te, i pu tih hlumduh ngawih ngawih tu te an nih khi, an Pasalțha te nen in tawngsual palh ula thihna hial in tawk thei a sin an ti a, Sangluaia chuan kapa chung chu ka hlauh vang alawm kan Pasalțha U Denga pawh ka sawm ve, a nin min ho chuan kan hmelmate pawh nise buaina kan tawh ka ringlo an ti a, Thangluaia chuan eng zah nge nih in tum le? khing lai chen chen a ram chhuah chu in ngaihtuah awm lutuk a nge? eng pawh nise i pa Lianpuia te, kan khawnbawl te, i pu Bulthanga te hei an awm a, an ni hian in ram chhuah rem an tih chuan an thu thu ni rawhse an ti a
.
Bulthanga chu rawn țawngleh in, ka tupa na chin khan kanti hluaia ka tupa i nih avang hian naupang chhe hmuh in ka hmu leh țhin che a ni, ni e hei puitlin lam in panve zel a, heng ral hmachhawn te, ramhnuai ngawpui chhunga ram chhuah te, mihrang Sahrang hma chhawnte hi mipa tihtur a ni reng a ni, eng pawh nise i sawi ang khan kan Pasalțha Denga ho a in thawk chhuak dawn a nih chuan ka ngaih tuah miahlo che u an ti a, Lianpuia leh Thawmvela, khawnbawl dangte pawh in Sangluaia huaisen zia leh a zamțhat zia an hrevek a, ralhma ah pawh mi chung nung bik a nih ziapawh an hriatvek a vangin an tumna hmuna ram chhuah tir pawh chu an remtih sak a ni, Sangluaia chuan kapa kan vai chuan mi pariat vel kan nih ka ring an ti a, Thangluaia pawh chuan a pu Bulthanga ngaihdan chu a țawmpui khawp mai, Pasalțha huaisen ni tur chuan kan pal ngailoh ram kan palte hi a ngai a ni iin a fapa te ram chhuah tumpawh chu țhatak chuan a phalsk ta a, zing khua a lovara Sangluaia in a rawn thlen chuan a nu Sangtei leh, a pi Satpuii chuan fimkhur tur leh, ral rama kaltur an nih avangin englai mah a in thlahdah lo tur chuan an fuih nasa khawp mai, Sangluaia pawh in a chhungte fuihna chu hrethiam in an fuihna ang chuan theih tawpa fimkhur pawh a tumruh hle a ni, Silai zen leh a mute chu tuk țhuan ei hma chuan an en fiah zung zung a, Silai zente pawh phoțang in a Silai te chu an ti faițha a, a Funki e chu nawt tliang hlarh in a rilru chuan chhuah hlan a nghak hlelru tawh khawp mai, tuk țhuan an ei lai chuan a pa Thangluaia chuan fuih in, țhiante nen thil in tih reng reng in ka fapa i nihna i ti langtur a nilo, țhiante zingah tlawmngai ber i ni tur a ni, in tum ram in thlen hun ah pawh țhianho zingah zawmthaw nih loh tur, tin Pasalțha Denga zaingai in eng kim ah thil i ti tur a ni, Lal fapa pawh nila țhiante zingah tlawmngai leh hawih hawmtaka awm tur tiin Lal chuan a fapa chu an fuih a, tuk țhuante an ei khama a hman chuan kawtchhuah lampan chuan Sangluaia chu a chhuak ta a, mi dangho tumah kawtchhuah ah chuan an la awmlo a, Tuibur hmuamda awmvel an nghah hnu chuan an rawn kalta țak țak lawm a, a țhiante chuan minlo nghak reitawh em? i va hman hma awm ve tiin an han zawt a, chu tihlai chuan Pasalțha Denga pawh rawnthleng ve nghal in, e khai inlo kimvek tawh a ni maw? kan kim tawh chuan kan pantum ram a hlasi a i kalnghal mai ang u hmiang an ti a, ti chuan Denga leh a naute chuan an ram chhuah tumna, Kaikhama ram lamchu pan in an chhak ta vang vang mai a
.
An tum ram pana nithum ngawt an kalhnu chuan, a nithumna zanriah bawlhun hma deuh chuan an tumram chu an lut dawn ta a, Tlang dung sanglo te hi zawh phei ngar ngar in, chu Tlang dung tawp an thlen chuan ruam lamah chuan an chhuk ta a, chu ruamchhung an hanlut chiah chu thlahu ațanga a rochun, thil hriat theihna mak tak mai a neih chuan, chulai ngawpui boruak danglam bik tak mai chu Sangluaia chuan a hrethiam nghal a ni, a nilah taka chu ngawpui chhung chu mi tamtak tan chuan țihbai awm tak a ni a, mi naran phei chuan tlawhpawh pawh an tlawh pawh ngailo reng a ni, chu ngawpui chu mihrat khawkheng te, mi huaisen bik te tanlo chuan himpawh a himlo reng a ni, hma khawsang ațanga tuma tlawhpawh ngailoh ang hrim chuan a ngawpui chhungte chu țhalva ek charlai pawh chuan a hnawng churh reng mai a, ngawpui chhunga Thingte lah chu kan pileh puten Chhura rual rual ang mai an lotih țhin ang chuan, lian tak tak chu sang tak tak chuan a ding thelh țhual mai a, a leilung pawh han rah zawng chuan dup thuih thuih in ke chu a pil thuih thuih thei a i, chu ngawpui chhung chuan Ni zung hmu ngailo tih tak ah a chhung rimte chu a thangdeuh nghur mai a, chung Sangluaia țhiante pawh chuan hre awm an ti khawp mai, chu ngawpui chhung an han luh chuan țhenkhat sawi uar ang deuh in, Vahrit leh Varung te chu an pal thawk leh ar ar țhin a, chungte avang chuan Sangluaia țhiante chu phur pawh an phur tawh khawp mai, chu ngawpui laihawl awm velah chuan luite lian vetak maihi a luang tlang a, chu luite kama ah chuan riahbuk sualtum in hmun remlai chu an zawngpah zel a, an duhang hmun remlai an han hmuh chuan Denga chuan, naute u helai hi rianbuk sual nan hmunrem țhatak anih hi maw le, helai hmunah hian riahuk i sual mai ang u hmiang an ti a, Sangluaia te țhianho pawh chuan Val upa thu ang chuan chulai hmuna riahbuk sualtur chuan an in nghat ta a
.
Nithum ngawt kal ni mahse tumh chu chau awm pawha langlo chuan an riahbuk turchu sualnghal in an buainghal char char mai a, mi pariat ngawt an nih avang chuan riahbuk pawh liantham deuh a ngai a ni, Buk bangtur leh a chung tur chuan luite kama Changel hnah hlai pui pui chu la in an han zarghal zung zung a, an zawh chuan zan muhtur Thingro chu fawm khawmleh nghal in an buai khawp mai, Buk an zar zawhfel meuh chuan khua pawh a tlairuih tawh a ni, ngawpui chhung ah chuan khua pawh a thim hma em em a, zanriah chaw hmehtur zawng tur in han chhuak dawnse khua chuan a thimhnan tawh dawn tih chu chiang tak in an hria a ni, kawnga Tumbu hmuam an lak hote chu zanriah chaw hmeh tur chuan an han siam hluah mai a, in ațanga an pai an la ei zawh loh Sarep te chu thuk phum in an sawh thak a, Tumbu baithak nen chuan zabriah chu tui ti tak chuan an ei ta a, an rahbuk kawt ah chuan Meipui chu chhep eng hluah in zanriah an ei kham chuan an țhutbial laih mai a, Pasalțha Denga chuan chung rawlthar ho hnen ah chuan, kan ram chhuahna hi tumhma ațanga kan hmelma te ram chhung a ni a, kan fimkhur viau pawh a ngai ngei ang, Pasalțha ram chhuak dangte pawh kan tawng thei a, kanlo tawng palh a nih pwh in fimkhur taka kan biak a ngai ang, tin thilțul bik a nih loh phei chuan țawng tamloh hi a himber a ni, a țulte a nih loh chuan kan Silai pawh kan kap puak mai mai tur a nilo a, kan ram chhuah na hmunhi midang hriat tir loh hram hram kan tumdawn nia, mahse hmelma te nen a in tawnsual palh a awm thei a, chu tiang thilte a lo thleng palh a nih chuan tu mah in phatsan tur a ni lo a, tin Lal ropui Thangluaia Tlangval huaisen te kan nih hi kan theih nghilh tur a ni lo tiin rawlthar ho chu an fuih a, zante a reihma chuan an kal chauve nen Denga chuan kan mu hma ang a, nak tuk ațang chuan Sa pelin kan chhuah char char a ngai ang tiin mu tur chuan an in buatsaih ta hlawm a
.
Chu zan boruak hnawng churh hnuai ah chuan Denga leh a naute chuan mut zai an relta hlawm a, Sangluaia rilru chu a nuamlo khawp mai, vawikhat mah an la tlawh ngailoh ram leh, zan thimchhah tak hnuai ah chuan ngaih țhat lohna liantak a nei a ni, zan boruak chu areh vung vung mai a, Phung te leh Ramhuai chi hrang hrang te thu neihna zan thimchhah tak hnuai ah chuan Denga leh a naute kal chau chu an muhil nghal bawrh bawrh mai a, Leihrik hram chiat chiat te, Chingpirinu hram dut dut te, ralkhat hladeuha Vabak hram chur chur tih lohchu thawm danglam hriat tur avang em em a ni, chung Sava hram karah chuan rawlthar rualte chu tui tak in an muhil bawrh bawrh mai a, thawk lehkhat ah chuan Sanglaia mutui laichu chiang em em maihin a ran harh zawk mai a, thlahtu te ațanga a rochun a hriatna chak tak mai chuan hlauhawm lo thleng tura hriatna mak tak mai chu a nei a ni, mahse chu hlauhawm chu khawilam ațanga lo thleng tur nge? eng hllauh awm nge lo thleng dawn tih chu a hrebik lo a ni, a hriatna chak tak mai chuan hlauhawm lo thleng tur chu hria in, a ngaih tuahna pawh a kalding khawp mai, dingtak in a rilru chu kal in chu hlauhawm lo thlengtur chu chiang taka hriat a tum a ni, Buk chhung ah chuan mu meng kar in thawm chu Beng chhi ran in a ngai chang a, hmuamda awm velzet thawm a ngaih chan hnupawh chuan eng thawm mah hriat tur a awmlo a ni, mahse a thinlung ah chuan eng thil emaw lo thleng tura hriatna chu a lian tulh tulh mai a, ngawi reng chuan mu meng reng in thawm lo chhuah hun chu a lo ngai chang tawp mai a ni, hmuamda awmvel an ngaih chan leh hnu chuan thil hriat a nei ta, an riah Buk chhak lamah chuan thaw huam huam ri ni awm tak chu a hreta, Sangluaia chu a chempui hum chung chuan a mut hmun ațang chuan a țhiante tih harh hlautak chuan a tho chhuak hlawl mai a, thawm lo chhuah na lamni a a hriat lamah chuan a beng chu chhi in an ngai chang leh vang vang a, thawri huam huam ni awma a hriat chu an Buk thlanglam ah chuan an hre leh a, muang chang chuan Sangluaia chuan a mutna bul lawka Silai a dah chu an ban a, Silai a humfel tih chuan an Buk thlang lawk ah chuan ringvak lo a ri sung sung thawm an hria a, chu ri sung sung chu zawi muang chuan Buk thlang lamah chuan a liamtha ta a, Sangluaia chuan tawk fang an ngai chang leh a, mahse thawmdang hriat tur a awm tak loh avang chuan ngawireng chuan a muve leh ta a
.
Zingah varțian ah chua tho chhuak in an riah Buk chhak lamah chuan an chho nghal a, thawm a hriatna ni a a hriatna laivel chu uluk tak chuan an thlek vel a, mahse engmah hmuh a nei lo, Buk thlanglam ah chuan chhuk leh in thawm a hriatna lai awm velchu an thlek ngiala mahse chulai hmun ah pawh chuan hnu hma awm reng reng eng mah hmuh a neibik chuang lo, chu tihlai chuan Denga chu rawn tho chhuak ve in, Sangluai i va tho hma awm ve? an rawnti a, kha e nge ni zawn nei i va ang ve? an rawnti a, Sangluaia chuan eng zawnglo e, ka thawh hlim khan helai ah hian Chepa a lo tlana lungin kan vawma chu chu kan chian mai mai tiin an chhang a, kawrte tui ah chuan in phih harh in Mei te chu an nun nghal a, an thawm velah chuan an țhiante pawh rawn harh in an rawn tho chhuak kimta vek a, an han in phih hah sang sang a an mut tuileh mut tuiloh te an han in zawt nak nak a, chumi hnu chuan Denga chuan Sa pela kal chhuak tur leh Buk lo nghaka tuk țhuan ei reltur te chu an ruat fel zung zung a, ram chinte kan hriatchian loh a vangin a tuk khatna a ni bawk nen tumah vak darh lo in ti in vak chhuak turte le tuk țhuan ei reltur te an ruat a, Hrangmana Kaithanga Sangluaia te chu an pathum in an chhuak ho ang a, kei leh Hrangchhuma Tukliana te kan chhuak ho ve thung ang, Laikulha leh Thangluaha ten tuk țhuan ei an lo relthung ang a, rei lutuk lo in riahbuk lam kan panleh dawn nia tiin ro an rel zung zung a, Denga chuan Hrangmana hnen ah chuan khaile Hranga luite hnarlam ah nge luite mawng lama chhuah in duh le? Buk hmarlam ah emaw, a chhim lamah pawh in kal loh na lam ah kei ni kan kal ang e an ti a, Hrangmana chuan nangni upa zawk ah thlang hmasa rawh u, kei nin in kal loh na lam kan rawn zawh zawk ang e an ti let a, Denga chun a nih chu tia upa zawk in ken dawn chuan kan riahbuk hmarlam ah hian kan kal ang e tiin an chhuak nghal a, Sangluaia te pawh in luite hnarlam chu an zawh chho ve ta nghal a
.
Kawrte kam chho chu hrut chho in Sa hnupawh a chiar dup mai a, chhak deuh an han thlen chuan Sih, chulai ram hmingpu tu chu an han thleng hlawl mai a, Nghalchang hnute hmu in Sangluaia chuan a țhiante pahnih Hrangmana eh Kaithanga hnen ah chuan, helai Nghalchang hnuchu a va lian em, nangni in pahnih in han chhuizui chin teh u khai, kei in Sahnu dang kan zawngleh ang e an ti a, Hranga leh Kaithanga chuan Sangluaia thu rawn ang chuan eng dang sawilo chuan Nghalchang hnu chu an chhuizui ta nghal a, Sangluaia pawh in Sih chu an hel vat vat a, pian deuh ah chuan ruam tui tlin na a va hmuta a, chulai tui tlin na chu han vel zung zung in Tumpangsial hnu thardeuh mai hi a hmuta a, a hnu landan ațang chuan chu Tumpangsial chuan chulai hmun chu a chhuah san na a la reilo tih chu a hriat theih a, Sangluaia rilru ah pawh han chhuizui chak na riau a awm avang chuan muang changlo chuan a chhui zuita nghal a, a rin ang ngei in hmuamda awmvel a chhui hnu chuan Tumpangsial ek thochim in an lo vir laih laih chu a hmuta a, chu Tumpangsial chu a hlatawh lo tih hria in a thawm pawh adimsawt tawh khawp mai, mual lianlo tak maichu chuang chhuak in a liam ruam pharh țha tak mai chu a thleng phei hlawl mai a, chulai ruamah chuan Tumpangsial mei phe lauh lauh chu a va hmuta, fimkhur tak chuan veh phei hnaizel in, chu Tumpangsial in a meia Tlip leh Tho a mah bawmtu a vai kiang ri fiak țhak țhak ri pawh chu a hrethei ta, thawmdim tak chuan hnaih peizel in patling hlamruk zet awm vel ah chuan tawp in, a Silai chu muang chang fimkhur tak chuan an lek chhuak a, a Silai chun Tumpangsial chu uluk taka tin in Silai chua hmetper hman, Silai a hmehper hmahret chuan chu Tumpang chuan hlauh nei tih hriat tak mai hian a lim thut mai a, mahse Sangluaia chuan a Silai chu hmetper hman in a tumna ah erawh a kap lo a ni
.
Chutia thawm pawh awm miahsi lo a Tumpangsialin hlauh nei tih hriat tak maia a zung limphut mai chu a ngaihna a hrelo khawp mai, a kahna hmun ah chuan phei nghalin a fuh ngei a ni tih hriat tak mi chuan a tlan na lam an en chuan thisen pawh a lo far thluah mai a, han chhui zui chu chak viau mahse Buk lama hawhar lutuk a hlauh avangin tuk țhuan ei kham lama chhuizui a tan a kalsan ta zawk a, Buk lama a kir leh chuan Sih chu an tlawh thla leh a, a rinloh tak mai in chu lai Sih ah chuan Sakhi chalțha tak maihi a zuk hmu nawlh mai a, Sangluaia rampa lai lenga thawmdim thiam em em mai, a pa ang a Vahrit leh Varungte ram tlalai pawh man nalh nalh thei chuan fimkhur tak mai chuan kawrte ah chuan chhuk in a veh thla ta a, Sakhi chu a thla a muan hmelkhawp mai, Sih kama hnimte chu pet in a tla kauh kauh mai a, Sangluaia chuan veh hnaithla zel in rem set sawt ah chuan țanhmun an rem a, kawrte tui lian in a kam Thing zung a leh lang chu țan chhan in uluk tak mai chuan an tin vang vang a, chulai ngawpui khawk rawih rawih chuan a Silai chu an hmet puak a, Sakhi chu a zuang zawk maia a thlang kawrte lamah chuan a zuang thlazawk mai a, mahse Sakhi zuang zawk chu tho lehtur a awm tawh lo, Silaimu sa tak chuan alung chu verh tlangzawk in Silaimu chu Sakhi nak leh lamah chuan atlang chiang hle a ni, kawrte ah chuan lo talkhur char char in a ke chu a leng aih aih mai a, karlo ah chuan a thi zuita nghal a, Sangluaia chuan Sakhi chal chu a ko ki ah chuan pu nawlh in Buk lampan chuan a chhuk puita nghal a
.
Buk a zuk thlen chuan a țhiante ho chu lo thlegkim vek tawh in a mah chauh chu an lo nghak tawh a, Denga te pawh in Sazuk chalțha tak mai an kap a, tin Hrangmana țhiandun chuan an Nghalchang hnu chhui chu hloh in an hawlam chuan Sakhi tuaihi an lo kap ve bawk a, a tlaideuh tawh avang in tuk țhuante chu ei nghal in, tuk țhuan chu puar tak chuan an ei hlawm a, Sangluaia chuan Pasalțha Denga hnen ah chuan a Sa hnu chu chhui zuipui tur chuan an sawm a, Denga pawh in hei Sakhi pumhnih leh Sazuk chan tur a awm a, Hrangmana nen, Hrangchhuma nen kan pali in Sangluaia Sa hliam chu kan um zui ang a, Buk ah hian pathum in lo awm dawn nia, Sa chantur atama hah pawh in hah viau ang, mahse lo tlawmngai ula kei nin sawiang khan Sangluaia Sa hliam chu kan han chhuizui ang e tiin an chhuak ta nghal a, Samgluaiate chuan Tumpangsial a kahna hmun chu thleng chho in, thisen far a hmuna hmun ațang chuan an chhui zuita nghal a, fingkhat awmvel an chhui hnu chuan chu Tupangsial chuan khawchhak lam chu a pan ta char char mai a, thisen a thluh zel avang chuan Denga chuan Tumpang hliam chu a na khat hle in a ring a, hmuamda awm velzet an chhui leh hnu chuan Tumpangsial chuan ruam damlam a pan ta a, ruam chhung an lut pheia Tumpangsial kal liamtur pawh an va hmu hman tih chuan Silai hi arawn puak ta țhuai mai a, chu veleh Sangluaia chu kalchak sauh in Tumpangsial tlutur pawh chu a va hmu hman a ni, Sangluaia chu chak taka dawk phei in Tumpangsial bulah chuan mi panga laimai hi an lo ding a, chung mi panga te chuan Sangluaia an hmuh chuan nangkha tunge i nih? kha tah khan ding rawh an rawn ti a, pakhat phei chuan a Silai chu lek kang in Sangluaia chu arawn tin nghe nghe a ni, mahse chu rawlthar chuan hlauhna chhete mah neilo chuan hmalam pan zelin Tumpangsial chu an rap chat mai a, a Silai chu lek chhuak in chu Tumpangsial chu Hlado an chham hnan a, Hlado a chham zawh chuan chung a Sa hliam lo kap tu te hnen ah chuan muang fiah kak mai hian, hei hi ka Sa hliam a ni, ka Sa hliamhi rawn um zui in helai hmunhi kan rawn thleng a ni an ti a, chung mite chuan tunge i nih a? khawi lam minge in nih? an hanti bulhmak mai a, Denga chu rawn in rawlh in, ram chhuak satliah mai kan ni, heihi kan Sa hliam a ni a, kan Sa hliamhi kan rawn um zui mai a ni an loti ve a
.
Chung mite chuan Denga hnen ah chuan, hei hi kan Sa kah a ni a, nang ni hian min chuh ngawt theilo ang an han ti a, Denga bawk chuan hei hi kan Sa hliam a ni, a hnu chhui in kan rawnzui zel a, tin kan Sa hliam a nih zia in hriat theih nan he Tumpangsial hian thisen a thlauh zei zui mai a, kan kah na hnu hma pawh hmuh tur a awm ngei ang an ti a, chung mi panga zinga Pasalțha upa ber chuan, a ni maw? in sa tih hria i la kut kanlo thlak lo tur, eng pawh nise keini chu kal lai kan ni a, he laiah hian chhun chawfak mai kan ni a, kan kalna tur a la thui nen kan kal lehphawt mai ang e tiin a naute hnen ah chuan, ti ru helai ah buai hman kan nih loh kha, zan in khawthim hma ngeia kan Lal hmuh kan ngaih kha tiin a naute chu a kalpui ta a, mualkhat an kal liamhnu chan an zinga nauang ber, Tumpangsial kap tu chuan a ui ngang a ni ang, kan Tumpangsial kalsan ta kha ka rilru ah a la awm reng mai a rawnti chhuak hlawl mai a, an hrui tupa Pasalțha chun lo chhang vat in, theih nghilh daih rawh, kei chuan khang mite nen a buaina neih kha ka duhlo a ni, tin khua luhvat kan ngaia buaina nei hman kan ni lo an ti a, Pasalțha pakhat chuan lo tuihnih in, Manthangi pa nang meuh in an ni te nen a buaina neih i duh loh thu i rawn sawichhuak a, khang mite kha i hriat zawngte em ni, henglai Pasalțha zingah chuan Sa la theiber leh ralrat i ni a, kan khualehtui te chhuan em em pawh i ni, nang meuh in kha tianga tlanchhe zawnga ițawng chhuah kha ka vawikhat hriatna a ni a mak ka ti khawp mai a lo tive a, Manthangi pa chuan Kaikhum kan dinhmun hi thlir a ngai a ni, khang mite nen khan buaita i la kan khualehtui kan chanthei a sin, tu te nge an nih in hremiah na nge? Tumpangsial rawn raptu kha Lal ropui Thangluaia fapa Sangluaia a nih kha, Sangluaia huaisen zia leh ralrel a thiamzia, a chan chin zawng zawng chu in hriatvek kha, tin zawldawh taka rawnțawng kha Thangluaia Pasalțha Denga an tih țhin ngei chu a nih bawk kha, khang mite nen a buaina neih chu mia nilenglo tan chuan thil chak awm a nilo an ti a, Manthangi pa Tukhranga naute chuan a ni maw, khang mite kha Lal ropui Thangluaia Pasalțha huaisen te an ni maw? Silai khan ka lo tinve ngawta a zah thlak hle mai, kha rawlthar khan Silai kaw hmawr a hmachhawn pawh in hlauhna chhete mah neilo khan a tumna ah tak khan arawn ding ngam a ni a, rawltharte si kha huansen ka ti reng a ni tiin Denga leh a naute chan chin chu chungmi te chuan an sawi na sa mai a
.
Denga leh a naute chuan Tumpangsial chu Buk lamah chuan an la thlafai vek tawh a, Buk lama an in thlenfel meuh chuan khuapawh a tlaitawh khawp mai, Sa repna tur chu siam in Meipui chuan an han urfar tluah tluah mai a, chu Tumpangsial chu thaupawh a lo thau khawp mai, an in tihfel meuh chuan khuapawh a thimțan der tawh a ni, zanriah turte an han buatsaih zung zung a, an peihfel chuan Sakhi Sa tuihang nen, Sakhi chek tui tak nen chuan zanriah tui tak chu an ei ta a, zanriah ei kham chuan an Sa la rep țhalo deuhte chu rep chhun zawmin menpawh an mengrei tlang khawp mai, an duh ang tawka Sa an repzawh hnu chuan Buk zawla Meipui chu chhawmbelh eng hluah in mutzai an relta hlawm a, an hanmut felmeuh chuan chu ngawpui chhung chu a hma zan ang tho chuan a rehleh vawng vawng mai a, hmuanda awm vel an han mut chuan hnarnghal bawrh bawrh in Sangluaia chuan mang mak tak maichu a neita a, a mu mang ah chuan mualdung in khamzui maiah hian a lo dingreng mai a, a din na mualdung ațang chuan khawchhak lam tlangdung hu hlatak langthei in a lo thlir vawng vawng a, chutia hmun hlatak thlira a dinreng lai chuan a din na mualdung hnaihber tu mual let liam ațang chuan chhum dumtak maihi a rawn in zial chho tup tup mai a, Țo rawnthawk tur ang mai hian chu chhum dum chu arawn in pang aw inzial chho tup tup mai a ni, Sangluaia chuan chu chhum dum rawn inzial chho tup tup mai chu mak ti tak maia a thlir renglai chuan, khawilam ațanga rawn chhuak nge tih hriat loh hian hmeichhe tleirawl aw nalh em em mai chauh hmeltak mai hian, khawngaih tak in min țanpui hram rawh, țanpui kan ngai a ni, hengho hian min thah zawh hmahian khawngaih tak in min țanpui hram rawh arawn ti a, Sangluaia Bengah chuan chu hmeichhe tleirawl aw nalh tak mai chu a ri nawn tluk tluk mai a
.
Aw chu khawilam ațanga rawn chhuak nge tih hriatduh chuan a bulvel chu an hawikual nghal zung zung a, mahse tumah reng reng hmuh tur an awmlo a ni, ringtak maihian tunge i nih? khawilam mi nge i nih? ti in an au zuinghal a, mahse Sangluaia chu tumah chuan rawn chhawn tu an awmlo, a reh vawng vawng mai a, hmeldang emaw thawmdang reng reng hriat tur a awmlo a ni, mahse chu hmeichhe aw mawitak mai chu a Beng ah chuan a la ri nawn reng mai a, Sangluaia chuan vawikhat tunge i nih le? i awmna min hrilh loh chuan ka țanpui theidawnlo che a sin, i awmna hmun min han hrilhla theih tawp chhuah in ka pui ang che an ti a, mahse thawmdang reng reng hriat tur a awm chuang lo, bei dawng ru tak chung chuan muldung hmarlam ah chuan kal an tum a, chu tihlaitak chuan aw a hriat ngei mai kha rawn ri chhuak leh in a țap faih faih mai a, kanu kapa min țanpui rawh u, in bulah lo chuan khawiah mah ka kal duhlo ti in a țap faih faih mai a,, chu hmeichhe tleirawl aw rawl nalh em em mai chu chau tih hriat ngawih ngawih hian, kanu ka Tui in a van hal em mahse helai ah hian ka thi mai ang e, kanu kapa mangțha u tiin a din na piah mual, Chhum dum rawn in zial chhoh tup tup na lampan chuan chu aw chu chau em em mai hian a tham ral raih raih mai a, Sangluaia chu a harh hlawl mai a, an hawivela khua chu lovar tawh in mahse leilung chu alang det det chauh a ni, a mu mangchu an ngaih tuahleta a mu manga hmeichhe aw a hriat kha hmeichhe aw a hriat tawh ah chuan mawia a la hriat ber a ni, mu mang mai mai a ni e ti a tho chhuak in luite ah chuan an in phih harh nghal a, Meite chu chhawm nung țha in tuk țhuan tur chu buatsaih an tum a, mahse zan lama a mu mang chu a rilru ah chuan a chamlian tulh tulh mai a, a thinlunga hriatna chak tak mai awm chuan zan lam a mumanga hmeichhe tleirawl aw nalh tak mai khan ko tlata hriatna a nei a, a Bengah chuan chu hmeichhe aw rawl chau em em mai chu rawn ri nawn tluk tluk in, khawngaihtak in min țanpui rawh, chhan tlak kan la awm a sin, helai hmunah hian thitur in min kalsan maidawn em ni? chu țawngkam chu Sangluaia bengah chuan a ri nawn tluk tluk mai a, Sangluaia chuan chu tiang em em a chhantu ngaichu tunge a nihpawh hrelo in, khawilam mi nge a nih pawh a hrelo a ni, mahse a thinlunga alen em avang chuan Buk lam chu pan in a chempui leh a Silai chu la in, tunge i nih ka hrelo a, khawi hmuna awm nge i nih pawh ka hrelo che, mahse nangmah chhan tur in ka rawn pen chhuak e tiin an Buk chhak lam Tlang pan chuan a pen chhuak ta a
.
Zingkhua a lovar chuan Lal Kaikhama chuan a mikhualte hnen ah chuan, zahngai thei hram ula ka vanti em, ka khualehtui hi in kutah pawh ka hlanmai ang che u, mahse ka fanu hi chu zahngai hram ula hruailo hram rawh u tiin zah ngaihna a mikhualte chungah chuan an dil a, mahse khawchhak lam Lal Doruma fapa chapo tak mai chuan, Lal Kaikhama hnen ah chuan kan tihtur hi mindo dal tumsuh, i khua hi kan halmang vek i duh zawk em ni? tiin an vau a, He khua Kaivela khua ni țhin, tuna a fapa Kaikhama Lal ni ta, he khua hi an chhak lam Lal ram liantak, Druma ralchu a rawnlian chiam mai a, Kaikhama pawh hian khualehtui haldarh veka a awm ai chuan Doruma hnen ah chuan inpe in Doruma khuate hian an awp a, chhiah eng kim pețhin in an hmeichhia te nen lam hian an chhuh sak țhin a ni, Doruma hian khawli laimai awp a nei a, heng a khaw awp zingah hian tuna Kaikhama khuapawh hi tel in, Doruma khuate hian an khaw awp chhung ah hian ro an rel khauh em em mai a, chhiah an pek maibak ah hian, sal a tan an duh duh Tlangval emaw, nula an ni emaw, minu pawmlai neipawh ni se an chung ah hian zah an ngai ngailo hrim hrim a, hmeichhia an duhzawng tawh chu minu pawh nise hmei atan emaw, sal turpawh in an hruai hmiah hmiah mai a ni, tuman an dang ngamlo a, a dang ngam awm chhunte chu thah hmiah hmiah ni in lu pawh an in hloh hnem tawh hle a, tunah pawh hian Doruma Pasalțha te leh a fapa upa zawk te chuan chhiah lak pah in hmeichhia an duh zawng an rawn zawng a ni, an hmeichhe duh zingah hian Lal fanu a pangber tleirawl hmelțha em em mai a telve a, Kaikhama fanu hi Doruma fapa hian hmei atan hruai haw atum a ni, Doruma fapa Dothanga chuan Lal Kakhama chu rum taka melh in, nangni hnamchawm khuate hian ka ro reldan in kalh ang maw? ka ro reldan kalh an awm avangin tam tak in nun na an chan tawh a, mahse ka duhchu an ni ho thihna avang khan pakhat pawh hlawhtlinglo a awm tawh em? nang ngei pawh hi he khaw Lal ni mahla i thihna avang in ka duh chu a hlawhtlinglo chuanglo ang, deusawh tak maihian i lo thita a nih pawhin Lal dang kan ruat theireng alawm an ti a, chungho Dothanga te chu chukhua ațanga an kal chhuah chu a hun dawn ta
.
Hmeichhe ho an hruaihaw tur an khung khawmna hmun ațang chuan hmeichhia te chu an rawn hruai chhuak ta a, tin an chiahpek phur tur Tlangval sawmrual lai maite pawh chu an rawn hruai chhuak tawh bawk a, hmeichhe ho zingah chuan tleirawl hmelțha em em mai, Samdum ngialsiau mai, Mit mudum fiak kak mai leh pian nalh riachumbat mai, nun nem leh zaidam em em mai chu an rawn hruai chhuak ve a, chu tleirawl ngeimai chu a ni Kaikhama khaw mipa ten a hmel an hmuh nin theih loh leh, an ngaihzawn rawn em em mai an Lal fanu pangber Kaichhingi ngei chu, a nu leh pa, a unau, an khaw mipui ten hmei atan Dothang'an a hruaidawn tih an hmuh chuan an lainat in a khawngaih ngawih ngawih mai a, an khualehtui ti nuam tu, tuma pawisawi ngailo, mirethei te leh chanhai zawk te hmangaih em em țhintu an Lal fanu hmelțha em em mai an han hruai chhuah dawn meuh chuan khaw mipuite chu an lungchhe em em mai a ni, Lal Kaikhama tualzawl ah chuan an sal man tur leh, hmeia an hruaitur te chu rawn chhuah khawmpui in an awm khat hmur tawh mai a, an hmei hruaitur zingah chuan pawmlai neite an telnawk avangin chungte ch an fate chuan țapchung chuan an rawn au lawm lawm maibawk a, Lal Kaikhama leh a nupui fanaute pawh tualzawl ah chuan rawn chhuk ve in, Kaichhingi nu chuana fanu duatlai hmeia an hruaimai tur an hmuh chuan ngai ngamlo in a fanu lamah chuan tlanphei in a fanu chu a va kuah a, mahse Dothanga Pasalțhate chuan pawt țhen nghalin Lalnu chu tualchar ah chuan an theh tluțhuai mai a, Kaichhingi leh a u te pahnih chuan a nu tlu lamah chuan tlan nghalin țap chung chuan a nu chu an va kai tho a, Dothanga chuan chung hmeichhiae chu an chhipsam ah chuan țhamsak in an phih ding lawp lawp a, Lal Kaikhama pawh in a nupui fanaute chu tianga dimlo tak maia Dothang'an an phih ding lawp lawp mai chu hmutheilo in chhan an va tum a, mahse Dothanga Pasalțha te chuan lo man nghalin pakhat chuan Kaikhama nak thawlah chuan a Maubul chang hum chuan an hlap chawrh mai a
.
Kaikhama chuapa thaw chu chhuak hawk in tualchar ah chuan a let hlawmtawp mai a, a nupui fanaute chuan bawih sawmtum chuan a pa chu va pan an han tum a, mahse Dothanga Tlangval te chuan an chhip samah chuang nghet taka țham in an phih phar nawk nawk mai a, Kaikhama fapa neih chhun chuan a pa chu rawn chhan tumin arawn tlanve a, chu pawh chu Dothanga Pasalțha te chuan Maubul chang chuan a bek ah chuan lo hlapsak chawrh in a pa bulah chuan a tluve reng mai a, hetia an buailai hian hmeia an hruaitur fa neilaite chuan an nute lamchu țap chunga rawn pan in an nute hnenah chuan rawntlan an antum a, mahse chung naupang te te tepawh chu dim miahlo chuan Tlangvalte chuan an lo theilet phar dawrh dawrh mai a, țhenkhat an lo benga, țhenkhat an chhipsam ah țham in an theh leng lawp lawp mai a, naupang zinga pakhat chu a pa chuan a lainat lutuka a fapa rawn hruai tuma a kalchu Dothanga Pasalțha pakhat chuan lo hlap let tawp in an Lal Doruma fapa Dothanga hnen lamah chuan an hnuk phei a, Dothanga chuan chupa chhipsam ah chuan lo țhamsak in, ka thiltih ah hian buaina ka duhlo, buaina siamtum chu tihpah chuan a chempui chu rawnlek chhuak in, chu naupang pa hrawk chu an zai hrawih hrawih mai a, mipa dangtan in rawlh ngamna chi a nilo a ni, rawn in rawlhse a in rawlh hma sa sa khan nun na an chan hmasa a ni ringawt si, Kaikhama nupui chuan Dothanga hnenah chuan zahngai hram hram tur in an dil a, mahse Dothanga chuan nang hmeichia tihpah chuan hmui kehsawk khawp chuan an beng let tawp mai a
.
Dothanga chuan Chhingi chhipsam ah chuan țhamsak in, nangmah vang hian kan buai reitawh lutuk tiin Chhing'in a nu a bawihsawm lai chu an phih dinglawp mai a, Kaikhama te pafa tlukna lamah chuan hnuk phei in Kaikhama hnen ah chuan hei hi maw i fanu duatlai chu? en rawh i fanu avang hian buaina tam tak a chhuak tawh a tunah ngei hian henu lu hi kan la a nge tiin Dothanga chuan Kaithanga lu chu rahsak in hmai zangthal zawng chuan an rap hrual a, chu tihlai chuan mipui zing ațang chuan Tlangval pakhat hi Dothanga hinglam in, nang Ramhuaipa thisawn rawh tiin chempui nen chuan Dothanga lamchu an rawn pan a, Dothanga bul arawn thlengțep tih chuan Silai hi a puak țhuai mai a, chu Tlangval chu tualchar ah chuan let tawp in a awm ațang chuan thisen hi a rawn luang chhuak nghal zawih zawih mai a, Dothanga chuan chapo tak mai hian, ka hmelma ten ka hming an lamhi thihna a sin, midang la rawn inla rawlh duh in awm em? ti in mipui chu an melh kual a, mahse mipui chu an ngawi țhup mai, Dothanga chuan Kaikhama rawn harh țan chu a hmaiah chuan rah sak in, rawntho chhuak rawh, i fanu i duat em em hi a damlai hmel i hmuh tawpna tur a ni e tiin Dothanga chuan Tleirawl hmelțha em em mai leh tuma pawisawi ngailo Chhingi chhip samah chuan an țham dinglawp mai a, chutah zet chuan Chhingi pawh in a thidawn tih in hria in a rilru chuan chhan tu an dap a, a mit mudum fiah kak maite chuan chhantu an awmdah lawm maw tiin thei leh theilo chuan an melh kual hram hram a, mahse a beiseina chu beiseina thlawn mai a ni, a thinlung mang ang chuan zawisap hian, chhan tlak kanla awm asin tiin a mit ațang chuan mittui chu arawn luang chhuak zawih zawih in a thih hun nghak chuan a mai mit chhing ta a
.
Dothanga chuan ringtak mai hian he hmeichhia hian mintih buai em avang in vawiin hi in hmuhtawp ni a ni tawh ang, a mah chhan duhtu chu rawnpen chhuak rawh u, in Lal fanu pawh in chhan ngam na nge? nangni hnamchawmho in Lal chawp hian thivek rawh u tiin a chempui chuan Chhingi hrawk chu an chuk tuah a, Chhingi pawh in mit tui tla zawih zawih a mai mitchhing chung chuan, kanu kapa mangțha u le, helai hmunah ngei hian ka thi a nge an ti sap a, Dothang'an Chhingi hrawk a zaidawn tih chuan, Mipa rawlthar aw nalh tak mai hian thawp fiah kak mai hian, hmeichhia kha thlah la, i din na ațang khan tawlh hnung rawh, hmeichhia kha i khawih lui a nih chuan i lu kha ka kap darh vek ang, chu țawngkam lo ngaithla chiangtu tan chuan thihna rim a namtel a ni tih chu hairual a ni lo, chu țawngkam avang chuan mipui chu an phudeuh zawk hlawm nghe nghe a, chu aw damthlarh mai nelawm miahsi loh lo chhuah na lam chu en rawh u tihngai miahlo chuan mipui te leh, Dothanga leh a Pasalțha rualte pawh chuan aw lo chhuahna lamchu an hawinghal țhup mai a, piahdeuh ah chuan rawlthar hmelțha tak mai, sang thlerh thlawrh pian nalh thlarh mai, nghawng leh ban bul in vuah nghet charh mai, malpui vawnglian larh mai chuan a Silai kaw hmawr chu chhete maha khur eih lo chuan Dothanga chu a lo tinvang mai a, he tihlai hun reilo te chhunghi Khuavang kal lai an sawiang mai hian areh duk mai a, chu hunreh laitak maiah chuan mipui zinga țang chuan mipa aw hian ringtak mai hian, sawle Lal Thangluaia fapa Sangluaia chu le a rawnti țhawt mai a, a rehlai tak a ni bawka chu aw rawlzet chu a ring ngei mai, chulaia awm zawng zawng te chuan an hre chiang khawp mai le, chu hming arawn lamzet chuan chulaia mipui pung khawmte leh, Dothanga leh a naute rilru ah chuan mak tihna na sa tak maichu a rawnlut nghal a
.
.
DUHTAWK RIHPHAWT ANG U AW
REMCHAN VE LEH KAN CHHUN ZAWMLEH DAWN NIA
.
Hman hmawhlo in minlo nghak hram hram țhindawn nia
.
.
[Lalzirliana Tochhawng] [Champhai Tlangsam

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 16th, 2018, 10:07 pm

PASALȚHA THANGLUAIA (185) ..........
.
.
Hmeichhia kha thlah la i din na ațang khan tawlh sawn rawh, Chhingi Lal fanu tan chuan chu aw lo chhuak chu a mawiin ngaihthlak a van nuam tak em, Chhingi chuan mipa aw a hriat tawh zawng zawng a aw mawiber ni hialin a hria a ni, chhantu neilo leh thlabar mang tak maia a awm laia an mahni thlavang hauh tu leh, an chhungkaw rawn chhantu aw rawlchu Chhingi beng ah chuan rimawiber a tling hial a ni, Lal Kaikhama nupui leh a fanu te pahnih chuan chu rawlthar aw lo chhuahna lamchu theileh theilo chuan an han thlirve țawk țawk a, Lal Kaikhama ngeipawh chuan a fapa nen chuan lu hai hmuphe deuhruai chung chuan an tlukna ațang chuan an han en ve hram hram a, Kaikhama phei chuan Thangluaia hming an lamrik a hriat ringawt pawh khan a lo thlamuan pui tawh a ni, Chhingi pawh chuan an mahni rawn chhantum tu aw lo chhuahna lamchu hlauthawng chung leh thlabar chung chung chuan mengin an hawiphei ve a, Lal Kaikhama fanu Kaichhingi, khawchhak lam Lal zawng zawng te zinga Lal fanu tleirawl hmelțha ber mai mit chu a zau kawk kawk mai le
.
An piahlawk ah chuan a mah ang rualvel leka la naupang, mipa rawlthar duhawm leh hmelțha tak maichu an mahni hmachhawn zawng chuan Silai tin chung chuan a lo ding vang mai a, Chhingi rilru ah chuan heihi maw Lal ropui Thangluaia fapa pang zawk Sangluaia, rawlthar huaisen leh ral relthiam hmelțha an tih chu? chu zawhna chu a thinlung ah chuan a in zawt nawn tluk tluk mai, Sangluaia hminghi chu an lo hrețhin teh meuh mai, mahse Sangluaia Lal fapa huaisen leh rawlthar hmelțha an lo tih țhin hian Sangluaia nihna hi phawkchhuak famkim zolo in, a hmelțhatna hi a sawifiah zolo a ni, sawia awih awm lo khawp hian Sangluaia chu a hmelțha a ni tih chu chiangtak in a hmungta a ni, chu rawlthar hmelțhatna leh huaisen na chuan zep rualloh in Lal Kaikhama fanu tleirawl hmelțha Chhingi thinlung leh rilru chu a hneh hliah hliah a ni, ral kuta an awmlai pawhni mahse Chhingi chuan a hmalawka rawlthar dingchu a zah em avangin mai mit chhingin a kun ta a, Lal Kaikhama pawh chuan chu rawlthar an hmuh fiah meuh chuan a meng phawk ve lo chauh a ni, tin chu khua upa deuhte chan chu rawlthar chu mak pawh an ti khawp mai, upa tam tak chuan chu rawlthar chu mak tiin an thlir vawng vawng mai a, chu khua chuan Pasalțha Thangluaia vanglai hmel hmuleh ang mai hian rawlthar chu mak tiin an thlirțhup mai a ni
.
Kaikhama khaw upa pakhat chuan a țhiante upa ho bulah chuan, heihi maw Lal huaisen Thangluaia fapa Sangluaia an tih chu? vala i hminghi chu kan lo hretawh a sin, mahse tiangkhawp hian i pa i chhun in, kan Lal leh a khualehtui hiralho kut ațang hian min chhan chhuak ang tih hi kanlo ringpha ngailo a sin, i pa awm dinglam ah kha chuan Ngen mu luhna a ser ruak mai a, a awm veilam ah khan mi huaisen te chhin chhiah na Keupui hmana hnu hma kha aser rek ruak maibawk a, mihrang chuan mihrang bawk a hring maw? Ngen mu luhna i awm dinglam ah a ser rek ruak a, i awm veilam ah leh i nak veilam ah Pasalțha ralhrat khawkheng te chhin chhiahna Chempui hnu hma ser hmuhtur a awm bawk a, naupangte mah nila i huaisen zia chu hairual a ni lo, han thlir chiangteh u khi, he tiangrual leka naupang huaisen hi sawitur kan hretawh em le? a țhiante bulah chuan an ti a, upa zinga pakhat chuan, heizet zawng Khuavangte chawiseilen an sawi ianga mawi a ni e, a pian phungleh ruangam hrim hrim te saw Khuavang fa chuam ni a mawi a ni a, a hmel ngainat awm tak leh țha em em maite saw Khuavang Lalnu fachuam duatlai ni a mawi a nih saw an lo tive a
.
Lal Doruma fapa Dothanga pawh in a rinloh leh a beisei miah loh a chutiang mi an hmuthut maichu a mah pawh a hamhaih phah hial a ni, Lal Thangluaia leh a fapa Sangluaia chan chin hi chu tlangkam ațangin tam tak an lo hreve a ni, mahse hetiang buailaia tawn hi chu a lo in ring ngaibik lo a ni, Sangluaia huaisen zia leh a ralrel thiamzia te, a pa ang maia mihring zamțha leh ral hmachhawn thiam a nih ziate chu hrilhchawp ngailo in a hrechiang khawp mai, an hmalawka rawlthar ding chu mipa huaisen tak a nihzia chu tuna an thiltiha arawn in rawlh ngamdan ațang ringawt pawh hian a chiang hliah hliah in a hria a ni, mahse Dothanga chuan a thiltih chu mi pakhat vang mai mai a țhulh a tumlo, tin chulai hmunah chuan Pasalțha leh Tlangval tam tak a hruai a, a Pasalțha leh, a Tlangval rualte chuan chu rawlthar chu huaisen in ralbeih thiamviau mahse karlo ah an that theih mai aringa ni
.
Dothanga chuan chingtaka chu rawlthar chu en in changkhal mai hian, helai hmun ațang hian in thiarfihlim rawh, i pa Lal Thangluaia avang chuan ka zah khawp mai che, mahse tuna ka thiltih tumhi min rawndal tumsuh an ti a, mahse chu rawlthar chuan aw dathlarhsi fiah kak mai hian nula kha thlah rawh, tunge i nih ka hrelo che, mahse hmeichhe chunga kut lek tu chu ka kap hreh miahlo a nia aw, ti in chu rawlthar chuan Dothanga te hmalawka mi pakhat tlureng, a fapa in a pa thorawh ti a țapchunga kaih thawh a tumna lam chu a pan ta a, chu naupag awmna lai a thlen chuan ringtak mai hian helai naupang hi khawnge a nu? an ti a, Dothanga te sal manho zing ațang chuan keimah hi a nu chu kani e ti in țap chung chuan Sangluaia chu arawn chhawn a, chu veleh Sangluaia chuan mi nupui pawmlai pawh an pasalte kut ațanga chhuhlui in sala hruai tumin in manduh a maw? mihring nge in nih Sakawlh? an ti a, naupang nu mantu hnenah chuan helai naupang nu hi rawn chhuah rawh, i rawn chhuahlo a nih chuan nangmah kha i thi ang an ti changkhal mai a
.
Chu tihlai chuan mipa panga laimaihi Sangluaia puitur chuan an rawnpen chhuak a, Sangluai'an chung mite an hmuh chuan, Tumpangsial an um țuma a mihmuhte kha an ni tihchu a hrenghal a, an hruai tupa chuan Sangluaia hnenah chuan, ngawpui chhung ațang khan i lamțang kan ni tawh e an tisap a, chung mite chuan Dothanga sal mante chu an va chhuah ta hlawm a, mi nupui tam tak an mante chuan an fate lam chu pan nghalin țap zawih zawih in an in kuah nghal a, chung Sangluaia rawn puitu te chuan Lal Kaikhama leh a nupui fanaute pawh chu kaitho in a sirlam ah chuan lo in thiarfihlim tur chuan an han hrilh a, Dothanga chuan chhingi chu la chhuah duhlo in chempui chuan a nghawng chu a la tinsak tlat mai a, a sal mante chu chhuahsak mahse a hmeichhe manlai chu chhuah a tumlo bur a ni, Dothanga chu a thinpawh arim khawp mai, a thiltih laia rawn in rawlhte chu thahvek a duh a ni, mahse an hma maia rawlthar chu chu ti maia Basa ngamchi chu a ni dawnlo tih a hriat avangin a rilru pawh a buai khawp mai
.
Dothanga chuan a Pasalțha pahnihte chu an ko hnaia, Chhingi nghawng Chempuia chuk tuahreng chung chuan a Pasalțha te pahnih chu an hrilhru a, Dothanga Pasalțha te pahnih chu Dothangabulah chuan an ding nghal a, Dothanga chuan Sangluaia hnenah chuan, Lal Thangluaia fapa i ni a zahpawh ka zah khawp mai che, mahse i Silai kha i dah hmasak loh chuan he hmeichhia hi ka thlahbik lo ang, tunah khan i Silai kha dahthla rawh an ti a, Sangluaia chuan a mah puitu te hnenah chuan tawlh kiangtur in an ti , an nipawh chu țhataka tawlh kiang in Sangluaia chuan ka Silai chu ka dahngei ang, mahse hmeichhia kha i chhuah ngeitur a ni, i chhuah duhlo a nih chuan i lu ka langei ang tihpah chuan a Silai chu leiah chuan an dah thla a, Sanglaua'an a Silai leia a dahthlak rualchiah chuan a iptepui chu a zen nghal a, Dothanga pawh in Sangluaia Silai dahrual chiah chuan hmeichhia chu thlah in hnunglam ah chuan atawlh dawrh mai a, Dothanga hnunglama a tawlhrual chiah chuan Dothanga Pasalțha te Silai chu a puak rualțhawt mai a
.
Silai a puahrual chiah chuan Sangluaia kut dinglam ațang chuan Maubul chang zum hriam lutuk maichu thlawk chhuak dawk zawk in Dothanga Pasalțha hrawk ah chuan a burnghal chawt mai a, chu Maubul chang Dothanga Pasalțha hrawka arawnbur rual deuhthaw chuan rawlthar chu rawndawk pheizawk in pakhat zawk nghawng chu a in chhawk hmawk mai a, chu veleh Dothanga Pasalțha te leh a Tlangval te chuan an chempui phawrh in Sangluaia chu an rawnbwh rawnta a, Sangluaia rawnchhantu te pawh chuan an chempui chu phawrh nghalin in beihna lamah chuan an rawn zuanglut ve nghal a, he tihlaitak mai hian Denga leh anau te, Sangluaia hnu rawnchhuia rawn umzui tu te pawh in an rawn nang chingve chiah bawk a, hmuanda awm velah chuan Dothanga naute chu țhenkhat thi in tlemchu an tlandawr ta hlawm a, mipui pungkhawm hmaah chuan Denga chuan ringtak mai hian, Lal ropui Thangluaia leh a fapate chunga kut lek chu thihna a ni, tunge helai ah hian chu tiang la ti duh chu awm che u? an ti a, mahse tumah chuan Denga zawhna chu chhangtur an awmlo a ni
.
Sangluaia pawh chulai tualzawlah chuan rawnkir nghalin, Dothanga chhipsama țhamchuan a rawn hruai a, Denga chuan chu Doruma fapa Dothanga Sangluai'an a chhipsama țham meuha a rawn hnuk an hmuh chuan chupa chuan eng thilsual nasa tak emaw chu Kaikhama khualehtui ah chuan tihsual anei tih a hrenghal a ni, an Lal fapa hian thiltisual tu te chungah lo chuan kut a lek ngailo tihpawh chiangtak in a hria a, an Lal fapa in a chhipsama a țhamsak tawh chu a dik lo hetih a hrenghal a ni, Sangluaia pawh in an Pasalțha Denga hnenah chuan, mi nupui pawmlai pwh an pasalte chhuh lui duh in sal emaw, hmei atan maw hruai luih an tum a ni, he tiang Lal ro relna hi ka vawikhat hriatna a ni an ti a, Denga chuan an Lal fapa thusawi ațang chuan Dothanga thiltih dantur chu a hrethiam nghal a ni, Denga chuan Dothanga hnenah chuan, kan hneh chhuh thei tih vanga dik lo taka i ro relna hi tihtawp ni rawnse an ti a, chu veleh Dothanga chuan mintih danhi kapa in a hriathun ah chuan in lu hi a la ngei ang, kapa Lal ropui Doruma arawn fapa ka ni a, a fapa chunga kut thlak tu chu thi love lentir a phal ngailo a ni an ti a
.
Denga chuan ipa chu Lal a ni maw? i pa chu i chhuang viaupawh a ni ngei ang, mahse vawiin a Lal Kaikhama khua a i thiltih danhi hriase i pa ngaihdan leh a duhdan a nih iring em? an ti a, Dothanga chuan Kaikhama khuate hian kapa hnenah chhiah an chhung țhin a, he khaw Lal Kaikhama ngeihian kapa hnenah thutiam nei in, khuahi hal darhlo a kumtin a hnena chhiah chhung tur in thutiam a nei a ni, an in tiam anga kei nin chhiah kan lak hi e nge kan tihsal? kan thiltih ah hian eng vanga rawn inrawlhve ringawt nge in nih, tuna kan thiltih zawng zawng hi kapa Lal Doruma phalna veka ti kan ni an ti a, Denga chuan tuna in thiltih hi i pa Doruma phalna a ti maw in nih? an tive lehngat a, Dothanga chuan aw ni e, kapa hnuaia khawsa ka nih ang in a thuhmu veka eng kimhi ti ka ni e an rawnti ve leh a
.
Denga ngihdan chu a nilo ta khwp mai, Denga chuan Lal Kaikhama chu an koh tir a, Kaikhama chu rawnkal nghalin Denga chuan Lalpa Lal Doruma nen in in remna ah khan i khualehtui chhunga an duh duh hi sal emaw, hmei atana hruai theitur in inremna in nei reng reng em le? an ti a, Kaikhama chuan Dothanga chu en vang vang in Lal ka nihna ang in thudik tak ka sawi ang, Lal Doruma chuan kan khuahi haldarh vek ah min rawnvau in thatvek min tum a, mahse Lal ka nihve avangin chu tiang ringawt chu nithei in ka hrelo a, Doruma hnenah chuan ka khawnbawlte tir in inremna siampui ka tum ta a, Doruma pawh in inremna chu neihpui minduh a, Doruma chuan ka duhdan ka sawiang a chuta in remna min neihpui duh a nih chuan in Lal chungah chuan zah ka ngai ang a ti a, ka khawnbawlte hnenah chuan a duhdan chu rawn sawi in, kumtin Buh leh Balah kan thar hmunthuma țhena hmunkhat ka hnenah in rawn chhung ang a, chu in chhiahpek chu nangmahni ngei in in khua a kan rawn hmuh hnuah inrawn chhung tur a ni, tin in Tlangvalte leh in Pasalțhate kan ral beihna ah ka tan ral an beitur a ni a, a țul a nih chuan Lal Doruma tan chuan luchhum banchhum an huamtur a ni
.
Tin Doruma Lal chhungkua ten saltur hnamchawm nula an duh a nih chuan in pe theitur a ni, chu chu kan inremna a ni a, tuna kan chunga an thiltih tam tak hi kan inremna ah hian a tello a ni, heihi Lal ka nihna ang in ka sawi a ni an ti a, Denga chuan i pa Doruma leh Lal Kaikhama inremna chu chiangtak in i hria em? mi nupui chhuhsak emaw, Lal fanu lak sak emaw a telloh chu an ti a, Dothanga chuan tun țumah chuan kapa thu hmua kal kan ni a, Kaikhama fanu pawh hmei atan ka duhthu ka hrilh vek, hruai ka duhthu pawh ka hrilhvek a ni, kapa chuan kan lungti awitur an ni a in duh duh lak sak rawh u, kan tan phlloh an neih chun n khualehtui hi halsak turin minti a ni an ti a, Denga thinrim chuan Dothanga chu a bengsawk mai a, i pa chuan chu tiang chuan thu a thlah che u a maw? a mihrig puite chunga zahngaihna neilo Lal chu damreng tlak a nilo a nih chu, a fapa hi chhuah ula a pa hnenah chuan Lal Kaikhama chuan a hnenah chhiah a chhun tawhloh turthu hrilhtir nghal rawh u an ti a, Dothanga chu kut ruaka chhuah in an khawlam an pantir ta a ni
.
Lal Kaikhama leh a chhungte chuan Denga leh a naute hnenah chuan lawmthu an rawn sawi mawlh mawlh mai a, tin khaw mipuite chuan Sangluaia huaisen zia leh a țuanțhat zia an hmuh khan mak an ti em em mai a, mihringhi tiang khan a lo țuanran theih a ni maw? tiin Sangluaia chu an hmuduh hle a ni, tin pawmlai nei tam tak sal leh hmeia hruai an tumte chuan Sangluaia hnenah chuan lawmthu an rawn sawi a, rawlthar huaisen leh hmelțha tak mai chu hmeichhiate chuan an hmuduh in tumai pawh chuan Sangluaia hmel an hmuh chuan an thinlung chuan an ngaina in an ngaizawngru fur mai a, Kaikhama khaw mit fukna berchu Sangluaia rawlthar chu a ni, Lal Kaikhama chuan Denga leh a naute chu a in chhungah chuan luttur in a sawm a, Hrangmana pawh in Sangluaia chu ko in a hnungber ah chuan a lutve a, Lalnu Kaikhama nupui chuan Sangluaia chu chhuan tak leh ngaisang tak mai hian Tlangval lo hnaiteh khai, nangmah vang liau liau in kan khualehtui, kan nun na hialte min chhan chhuah saka i chungah hian kan chhung kualeh khualehtui hi kan lawm khawp mai, vawiin a i thiltih hi he khua hian a theihnghilh ngaitawhlo ang tiin a fate hnenah chuan, an nun na minchhan himsak tu hi chibai buk rawh u an ti a, an mipa neihchhun chuan chibai rawnbuk hmasaber in a naute hmeichhe pahnih te chuan an rawnbuk ve a, a pangber Chhingi chuan Sangluaia hma ah chuan zamruk na liantak a nei a ni tihchu a in hrenghal a, Lalnu chuan Chhingi i nun na hlutak chhantu leh, nangmah vanga a nun na hialpawh hlan ngamtu Lal fapa Sangluaia hi chibai va buk ve rawh khai an ti a
.
Zak chung chung chuan Chhingi chuan Sangluaia awmna lamchu arawn panve a, Sangluaia pawh in Chhingi an hmuh chian meuh chuan chu tleirawl hmelțhatzia chu chiangtak in a hre ta, a sam dumhlap ngilsiau mai te, a hmai no mawitak te leh a khabe phir țhei maite, a nuihsei paha a biangsum khuar kiau maite, a pian in khaithlizaih ria chawmbat mai leh, a awmbawr poh kawhlah maite chu a nalh em em mai a, chu hmeichhe tleirawl hmutu mipa chuan a thlir nawn lo theilo a ni, Chhingi chuan Sangluaia hma ah chuan rawnding in a kut chu Sangluaia chibai tur chuan an pharchhuak a, Sangluai'an Chhingi kut an vawn chiah chuan Chhingi chuan a taksa chu murdeuh chuai hian a hria a, a thinlung chu khur ru der der in sawisap aw khur lek lek hian ka lawme an ti sap mai a, ringlo mahse chu aw ka chhuak chuan chu laia rawlthar thinlung chu fei zumtaka chhun tlang ang mai hian a chhuntlang hneh ngeimai le, chu tleirawl hmelțha tak aw ka zawite ngei chu a ni a thinlung leh a Benga cham tlat kha, kha aw damthlarh mai kha a ni țanpuitu ngaia rawn au tu kha, kha aw mawileh ngaihno bei em em ngei kha a ni chhantlak kan la awm asin ti a rawn au tu kha, Sangluaia thinphu chu arang kher mai
.
Pawnah chuan Sangluaia chu chhuak nghalin a rilru chuan nangmah ngeihi i lo ni maw mang ang taka minlo au tu kha? tun thlenghian i aw damthlarh mai leh mawitak maikha ka thinlungah lehka Beng ah hian a la chamreng si, i hmelțhat ang bawk in i aw pawh a mawi a ni an ti a, Hrangmana chuan Sangluaia chu rawnko lut leh in Lal Kaikhama chuan Sangluaia hnenah chuan, Sangluai ka hmuhche khan i pa minti hrechhuak zawk mai, i pa vanglai hmel i chhun em em mai a, tin i pa ang maia huaisen leh țuanțha i ni, i chungah hian keini khuate hi kan lawm tak meuh meuh a, ka khualehtui hi i chhan chhuah liau liau a ni, helai irawn thlenghi keini tan chuan malsawmna a ni a, vawiin ah hian nang chu awmlo la ka khualehtui hi a boral thei ngei ang, helai hi i khualehtui, i in ang in irawn en dawn nia tiin lawmthu an hrilh mawlh mawlh a, Sangluaia pawh in Lal Kaikhama leh a chhungte hnen ah chuan lawmthu an sawi a, he tih laivel hian khual Tlangval pahnihte hi Kaikhama in ah chuan an rawnlutve nawlh mai a, Kaikhama chuan chung Tlangval pahnihte hnen ah chuan, e khai Mankunga leh Rotawka ni reng in, kapa a damțha em? tiin an zawtnghal zung zung a, Mankunga chuan Kaikhama chu a pa damthu leh a pa thu kenga rawn kal, a pa tirh an nih thu chu an rilhnghal a, Denga te pawh in in thiarfihlim angai tih hria in Kaikhama in chu an chhuah san ta a
.
Kaikhama chuan Mankunga hnenah chuan eng thilnge ni ta? tiin an zawt a, Mankunga chu a fimkhur khawp mai, Kaikhama hnenah chuan khang mite kha khawilam minte nge an nih? Doruma khuate an ni em? tiin an zawt a, Kaikhama chuan Doruma khuate chu nilo e, ram chuak satliah ten min rawntlawh a nih kha, khaw thlanglam mite an ni a, kawng an bo avangin khua ah hian an rawnlut a nih kha tiin an chhang a, a fapa chuan thilawmzia engmah a hriarloh avangin kapa e nga tinge a ti hman chauha, mahse a pa hmel a hmuh chuan sawi zawmlo in a ngawilehta nghal a, Mankunga chuan tunah hin ipa thuruk kenga rawnkal kan ni a, nangleh i khawnbawlte lo tan chuan he thu hi hriatve phal a nilo a ni an ti a, Kaikhama pawh chuan hrethiam in a ni maw tiin a khawnbawl awmte hnenah chuan in hrethiam ang chu maw? an ti a, a khawnbawlho te pawh chuan hrethiam e anlo ti a, Mankunga chuan kan hmalawk hian kan hmelma Doruma chuan a fapa upa ber khawhran kaitawh chu tlawh a tum a, chutah chuan i pa chuan nangleh Lal tuna Doruma hnena chhiah chhung țhinte hi țanho a lo lambun tur in ruahman na a siam a ni, mahse heni hi engtik ni nge tih chiang chiaha kan la hriatloh avangin tunah chuan thu hi zep tlatrih tur in minduh a, a hun kan hriat chian hunah lo lambun na tur nen chiang taka in hrilh leh kan ti a ni, tunah hian i pa Lal Kaivela chuan Doruma awp khuate hnen ah mi tir in țanho a Doruma awp na hnuai ațang hian chhuah zalen vek arawt a ni an ti a
.
Kaikhama pawh chuan chu rawtna chu țha a ti khawp mai a, tin a pa remruat a nih avangin hnialthei pawh a nilo reng a ni, Doruma awp khuate hian an mahni ang bawk hian hreawmna an tuar nasa tihpawh a hrechiang a, a pa sawmna chu Doruma awp khuate chuan an pawm vek aring a ni, Kaikhama chuan a pa palaite chu țha taka lo chhawn in an sawmna pawh chu an pawmthu in a lo chhang nghal a, Mankunga chuan engpawh nise zan in chu min mikhual duh chuan kan riak ang a, min mikhual duhlo a nih erawh chuan kan kirleh mai ang e nuichung chuan an ti a, Kaikhama rilru chu abuai ru khawp mai, mahse a mah chuan a mikhual a nih chuan Sangluaia te chan chin chu hrelo in khua chu an chhuahsan lehmai chu a ring a ni, Kaikhama chuan Sangluaia te chan chin kha a pa hriat a duhlo hle a, Thangluaia khualehtui mi reng reng chu ngainat a neilo in a khualehtui emaw, a thlahte khualehtui a luhtir pawh a phallo a ni, tun hma Lalbula hunlai ațang tawha in hmelma kumhlun an nih tawh avangin Kaivela hian Thangluaia mileh sate hi a haw em em mai a, nupui pasala in neih pawlh chu sawiloh, an mahni pawh hi ral kutah thidawn mahse Thangluaia khualehtui chhanhim nih ai chuan ral kuta thih țhak pawh a duh zawk a ni, chu tiang khawpa Thangluaia te hawtu a nih avang chuan tuna Thangluaia fapa Sangluaia te rawnlut pawhkha hriat tir loh hram hram a duh a ni
.
Pasalțha Denga leh a naute pawh in khawthim tak tak hma a an riahbuk thlen lehtumin hman hmawh tak chuan riahbuk lam chu an panleh vang vang a, Nau rilțam awm velah chuan riahbuk an sualna hmunchu thleng leh in Denga ho chuan ro an han rel nak nak a, chumi tuk chuan haw mainge țha ang a, zan hnihkhat la riah leh chu țha ang tih chu an ngaih tuah tlang a, an kalna a thui thamdeuh avangin rawlthar zawk te chuan zan hihkhat han riahleh chu an duhtlang a, Denga pawh in rawltharho hnen ah chuan, ni e kan kal na te a thui thama chu vangin zan hnihkhat te chu han chamleh pawh a țha alawm, mahse ka sawifo ang khan, helai hmunhi kan hmelmate ram chhung a ni avangin kan fimkhur tlangtur a ni a, kan fimkhur loh vangin buaina tam tak hi kan chunga thleng thei a ni a, kan fimkhur avangin buaina kan tawhtur pawh hi tam tak kan pumpelh thei a ni, vawiin chawhnu lamah pawh Sa pelin kan vak chhuak lehngei ang, chung tiangah pawh chuan Rul ang a fing in, khual hriat lohte chungah Țhuro ang a nun nem in kan awm dawn nia tiin a naute chu an fuih a, tuk țhuan la eilo te an nih avangin tuk țhuantur te chu an han buaipui sawk sawk a, an peihfel meuh chuan chhun chaw ei pawh a lo hunder mai, tuk țhuante an ei fel chuan an rilțam tlangtawh nen an puar hlawm khawp mai, Sa rep chhum tuihang te chu tui ti tak chuan Maithei chuan an dut khawlh khawlh mai a, tlaipawh an tlaitlang khawp mai, tukțhuan an ei kham chuan an puartlang deuh a ni ang an riahbuk tualah chuan an țhu ngawi hle hle mai a, chu tia ngawirenga an țhutlai chuan Hragmana chuan
.
Kan thudang alai chuan Tlangpui Lal fanu Kaichhigi kha a van hmelțha em, a u te pawh kha nula dangte tluk rualchu an nilo, mahse kha tleiawl Chhingi kha zawng tuma tluk rual a nilo a nih kha le arawnti chhuak phawng mai a, Hrangmana thusawi chu Kaithanga bengverh zawng tak mai a loni in Kaithanga chuan, a ni ngawt mai khatianga tleirawl hmelțha kha khawiah mah ka la hmungai lo, kha ngai kha a ni kan pileh puten Varparh nula hmelțha, Khuavangte fachuam leh duatlai an lo tih țhin chu, khawikhua ah mah kha tianga tleirawl hmelțha kha ka la hmu ngailo tiin Hrangmana thusawi chu an rawntui hnih sak a, Hrangchhuma chu rawn in rawlhve in, țhianpa Kaithang khawikhua ah mah kha tianga rawlthar hmelțha kha ka la hmulo i tia maw? lo ngairawh Chawngziki hnenah ka zualko ngei ngei ang, tin khawdang ah pawh kha tianga hmelțha kha ka la hmungailo te kha i tia maw? hmelțha dang hmutur pawh in kan khua hi khawdang kai in i chhuah santawh em ni? Chawngziki run ah duap zulin i lawi zan tin a ni lawm ni? an ti a, Sangluaia in sum zolo chu a rawn nui chhuak ta nge nge a, chu veleh midang rawlthar an hruaite pawh chu an rawn nui chhuak dar dar hlawm a, Kaithanga chuan Hrangchhuma chu chhang ve in, Chhuma kha tiangte khan min hantive khanglang a maw? tun țum kan ramchhuk turah pawh hian tu emaw phalna la hmasa lo chuan eng thu tlukna mah i siam ngamloh kha, i thurawn lakna Mankungi lah khi tu emaw dan ah, Themtleng te zawk an sawi iangin mipa thuleh hla ah pawh in rawlh zel tum mai, han in nei ula nu zawk in inchhung lumah ro arel zat zat ang a, nu te reuhte ro relna hnuai ah Bung pui iangin i la kur țuam țuam ang chu an ti ve a, Denga ho chuan an nuita ham ham mai a, Denga pawh in a naute boruak chu hrethiam in, vawiin chawhnu chu tumah vak chhuak lo in, Silai te tifai in zen te phoțang ila a țha zawk ang nge tiin ro hran a rawt ta zawk a, a naute pawh in ralte an hmachhawn nen, tin kawngthui tak an kalbawk nen an Val upa rawtna chu an pawmpui khawp mai, he mini chawhnu lam hian Denga sawiang chuan Silai te tifai in, zen te an phoțang țha a in fiampah in an hlimtlang khawp mai
.
Khuate a lo tlaia zan riahte an ei felmeuh chuan khuapawh in thimlam a hnaih țan ta, Ni pawh khaw thlanglam kawlkil ah chuan herliam tur in a sen phut tawh a ni, zan riahte an han ei khama hlimpawh an hlimtlang khawp mai, mahse Ni an tla fela khua in thimlam an rawn hnaih țanta tih ah chuan, Pasalțha huaisen hriatna chak tak mai chuan hlauhawm lo thlengtur hriat lawkna liantak mai chu a nei țan ta, chu khaw rawnthim tur chuan chulai ngawpui chhung chhah leh thim mup maiah chuan hlauhawm liantak arawn thlendawn tih chu hriatna liantak a nei a ni, Sangluaia rilru chu a nuamlo khawp mai, eng thil hlauhawm emaw tak chu arawn hnai a ni tih chu a hriatna chak tak mai chuan a hria a ni, mahse chu ngawpui chhungah chuan eng hlauhawm nge rawn thleng ang? chu hlauhawm chu khawilam ațanga rawn thleng turnge tih erawh a hrebik lo a ni, khu chu rawnthim in zan lamthu neihna chhah tak mai chuan chu ngawpui chhah em em mai chu arawn tuamthim lehta mup mai, kan pileh puten Chawmnu, Phungpui, Kham huai, Bung huai, Sih huai te an lo tih țhinte thu neihna zan thimchu arawn herchhuak leh ta, Buk kawta Meipui an chheh eng hluahmai hual chuan Pasalța Denga leh a naute chu țhu kual țaih in, khawchhung lama an lawmnu te chan chin sawiin an ti ti nak nak mai a, hlimpawh an hlimtlang khawp mai, an ti ti ah chuan, chumi tuk khaw rawnvara an lawmnu te hawntur Sa lu chu lak neitum in an ti ti nak nak mai a, mahse he tia hlimtaka an ti ti laih laih lai hian an zinga Lal fapa Sangluaia erawh țhiante bulah chuan hlimve viau tum mahse a chhungril chu a hlimthei lo a ni, chulai hmuna hlauhawm lo thlengtur ahriat lawkna huan rawn nawr lian tulh tulh in a awm chua nuam theilo, mahse a țhiante hriat chu hlautak in a thinlunga ngaihțhat loh na awm chu a theih tawk chuan thup hram hram a tum a ni
.
Zante an reilam tih chuan a tuk lama thawh hma an ngai nen mutzai an relta hlawm a, chu zanthim chhah leh ngawpui chhung țihbaiawm tak hnuai ah chuan Pasalțha Denga leh a naute chuan a tuk lama an ramvah tur chauh ngaihtuah chuan mut zaichu an relta hlawm a, chu zanthim boruak chu rehduk in, zan lama hramchite tih chauh loh chu ngawpui thimchhah tak hnuai ah chuan thawm danglam hriat tur a awmlo a ni, midangte chu hmuamda awm velah chuan an hnar nghal bawrh bawrh mai a, mahse rawlthar Sangluaia erawh in muthilh zaireng arel thei lo, a thinlunga hriatna mak tak mai awm chuan a ti muhil theilo a ni, Leihrik hramte leh, ralhat hladeuha Vabak hramte chauh lo chu thawm hriat tur pawh avang hle a ni, chutia rilrubing tak chunga a mutlai chuan an riahbuk chhak ah chuan Chingpirinu chu a rawn hramta dut dut mai a, Sangluaiate riahbuk thlanglam, kawrte mawnglam ațang chun Chhum ang tak maihi arawn zing chho ta delh delh mai, chu Chhum ni awm tak chu muang changa rawntawlh chho zelin Sangluaia te riahbuk chu a rawn tuamțan ta, thawk lehkhat ah chuan Buk chhak lawka Chingpirinu hramlai chu hlauh nei ni awm tak hian ngawpui chhung thimtak ah chuan a thlawk ta phurh mai a, chu Chingpirinu thlawk thawm chuan Sangluaia lo chhingsek pawh chu rawnti harhnghal in Sangluaia chuan thawm chu an ngai chang vang vang a, engmah thawm danglam hriat tur chu a nei chuang lo, mahse hmuamda awm velzet an ngaihchan leh hnu chuan Buk pawn lamah chuan thawri huam huam ni awm tak chu a hreta tlat mai le, he tihlai hian Buk sir lehlama mu, Buk nghak tura an hruai pakat chu rawn rum kawk kawk in thawk lehkhat ah chuan arawn rak ta țhawt mai le

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 11th, 2018, 9:18 pm

............. PASALȚHA THANGLUAIA (186) ...........
.
.
............................ RECAP ..................
.
Buk pawnlam ah chuan thawri huam huam ni awmtak maichu a hreta tlat mai le, hetihlai hian Buk sir lahlama mu Buk nghaktura an hruai pakhatchurawn rum kawk kawk in, thawkleh khat ah chuan a rawnrak ta ṭhawt mai le
.
.
Rak țhawt thawmah chuan Buk chhunga midang mute pawh chu rawnharh nghalin Sangluai pawh chu rawlthar Dohranga lamah chuan a pheinghal a, midang rawnharhte chuan Meichher rawnchhi eng nghalin eng ti zia nge tiin an rawn zawt nak nak hlawm a, Dohranga chu a hamhaih hmelkhawp mai, a ngaihna hrelo tak chuan, eng thilnge ka chungah thlengta le? tiin a țhiante chu arawn zawt let ha mai a, upa ber Denga chuan eng ni hranlo e, i rawn rum ringdeuh mai mai a nih kha tiin Dohranga ngaih ngam nan chuan an lo chhang nghal a, Dohranga pawh in a țhiante bulah chuan vawiin lamkha ka chaudeuh aniang nge, ka lo rumring deuh a nihpawh in min ngaithiam hram hram dawn nia tiin a ṭhiante bulah chuan thupha an chawinghal a, Denga pawh in a ni khawp mai, vawiin lamkhan ral kan hmachhawn nen, thisen tam tak chhuak kan hmu a, tin kan kal chau deuhbawk nen rawlthar tan chuan chauhna tham a ni lutuk alawm in thlahrung reng reng suh an lo ti leh a, ti rawh u khai mu teh ang u, hei khawvar a la hlathmelsi a, nak tuk kan thiltih tur nen mut tam kan ma mawhe tiin a naute chu mutur in an ti a, midangte pawh in an Val upa thu awih tak chuan mutzai an rel lehta hlawm a
.
Sangluaia pawh a mutna lamah chuan pheive nghalin țhatak chuan an muve leh a, mahse a thinlunga eng emaw lo thlengtura hriatna liantak awm chu a bo chuang lo, Dohranga rawn rak chhuah hmalawka Buk pawnlama thawri huam huam ni awm tak a hriatkhan a rilru chu aluah tlat tawh a, a hmazan khan kha tiangchiah thawri huam huam kha a lo hretawh a ni, chu vangin an Buk hi eng thil emawber chuan arawnvel a ni tihchu chiangtak in a hretawh a ni, reivak lo an hanmut leh chuan Sangluaia chuan a thawmhriat ang bawk, eng thil emaw liantak thawri huam huam ang bawk chu Buk pawnlam ah chuan a hreleh ta, mahse chu thawmchu Buk chhak lama awm nge a nih? Buk thlang lama awm tih chu a hremai theilo a ni, a hriatdan chuan chu thawm chuan an Buk chu rawnvel niber hian hriatna a nei a, a Silai a sira a dah chu muang changa hum in thawm rawnchhuahna laitak chu hriatchian tum chuan a Beng var tak chuan an ngaithla vang vang a, mahse a thawmhriat chu adang lamta tlat mai
.
An thusawitak hriat theih silo a phun thawm a ni, tu emaw pahnih aw thum liantak lung awilo phun thawm a ni a thilhriat chu, Sangluaia pawh in chu tiang ringawta an riahbuk awnveltu chu ngawihbo pui mai mai a tumlo khawp mai, a mutna ațang chuan rawntho chhuak in a sira a ral lu lak chem chu la in a iptepui ah chuan an thawlh lut zal zal mai a, a iptepui chu ak in thawmdim tak chung chuan a Silai chu an lek chhuak leh a, Buk pawnlam pantuma Buk kawngka pan atum laitak chuan an piaha Dohranga bawk chu a rawn rak chhuak lehta vak mai a, Dohranga tawmah chuan midangte pawh chu rawnharh lehnghalin țhianpa eng thilnge tiin an rawn zawtleh sap sap mai a, Dohranga chu a hma an harh ang ngawt kha a ni ta hauhlo mai le, vawt ti miahsilo chuan a khur hlawk hlawk mai a, thimtham zinga awm an nibawka Dohranga hmelchu tumah chuan an hmutheilo a ni, Sangluaia chu Buk pawnlamah chuan zuang chhuak nghalin Buk kawta Meipui an chheh ah chuan Meichher a va chhikai nghal a, Buk chhungah chuan luhpui nghalin Meichher enga Dohranga hmel an han hmuhzet chuan a rapthlak ngei mai le
.
Dohranga hmaichu hlauhnei tih hriat ngawih ngawih mai hian a lo dangvar lap mai a, a heh te chu rawnduk chhuak vek in a mitkhur chu a lo thuk kuk maibwk a, a khur zawih zawih rengin a melhngai chu a melhreng maibawk a, Denga chuan Dohranga chu an sawi nawk nawk a mahse eng a ang chuang lo, Dohranga țhiante rawlthar pahnihe phei chuan an țhianpa Dohranga an han hmuhkhan hlauh pawh an hlau hial a ni, thawk lehkhat ah chuan Dohranga chu rawnzawi thut in meng pualru chung chuan Buk chhuat ah chuan a tluta tawp mai a, chu veleh Buk pawnlam ah chuan Buk chhunga awm zawng zawng te hriat tur chuan Paliantak ni awm tak hi a thawri huam huam mai a, Sangluaia chuan a Silai lek chhuak chunga Buk chhung ațanga zuan chhuhpah chuan, nang mahni vang hian a nimaw kan țhianpa Dohranga hi he tiang hian a awm tiin Buk pawnlamah chuan an zuang chhuak nghal a, Sangluaia Buk pawnlam a zuan chhuahrual chuan an riahbuk thlanglam ah chuan thildum liantak maihi Sangluaia chuan chhuk ni awmtak chuan an hmu a, rangtaka a Silai chu lek chhuak nghalin chulai ngawpui chhung țihbaiawmtak khawk rum rum chuan an hmetpuak khawk rum rum mai a
.
Silai puahrual deuhthaw chuan aw liantak maichu a rum hum hum mai a, Buk chhunga rawlthar te phei chuan chulai ngawpui chhung chu chu rumthawmah chuan nghawr nghing dur dur hialin an hria a ni, Denga pawh in thilawmzia manthiam nghalin Hrangmana leh Hrangchhuma te ho bulah chuan, Dohranga hian engpawh tawkse tuman lo kalsan reng reng suh u, Buk chhung ațang hian tlanchhuah pwh a tumthut theia, mahse lo tlanchhuah tir reng reng suh u, tlanchhuah atum chuan in lo vuanbet tlatdawn nia an ti a, Buk chhunga awmte chuan an Val upa thusawichu hrethiam tak chuan an lo bu nghat nghat hlawm a, Denga pawh in a Silai leh chempui te humchung chuan Sangluaia awmna lampan chuan Buk chhung ațang chuan a zuangchhuak veta nghal a, Hrangmana pawh in Denga te hnung chu rawnzui chhuak ve in midangte chu Buk chhungah chuan an țhianpa Dohranga chu an lo awmpui a, Sangluaia pawh Meichher nen kawrte mawnglam pan chuan a tlanthla nghal a, chulai ngawpui ruamchhung chu thinrim aw thumdeuh maihi rum hum hum in anghawr dur dur mai a, Pasalțha ramvachal lo tan chuan hlauhvanga hmulthi din uaih uaih na tham a ni teh meuh mai
.
Sangluaia chuan chu aw liantak mai lo chhuahna lamchu hlauhna chhete mah neilo chuan a um chilh zung zung mai a, chulai ngawpui chhung boruak chu zan mah nise lum huam huam in a thang nghur mai a, chu tiang boruak lum huam huam maileh thang nghur maichu Pasalțha ramvachallo tan chuan tawrhzawh hartak tur a ni, Denga leh Hrangmana pawh in Sangluaia awmna an rawn thlenthlak chuan Denga Silai chu an puak ve țhuai mai a, chu veleh aw rawl liantak maihi natuar ni awm tak mai hian a rum vung vung mai a, Sangluaia chuan chu aw lo chhuahna laichu bawh chilh nghal hmiah hmiah in a um zuizel a, hmuamda awmvel an umzui hnu chuan thawmchu thawk lehkhat ah chuan rehnghal hmak in, Dohranga aw ngeimai chu na tak tuarang mai chuan arawn rumta vawng vawng mai a, an țhianpa na tuar aw ngeimai chu ngawpui thimchhah leh țihbai awm tak maia an hriat meuh chuan Hrangmana chu a tiril ah chuan rawnman in a khurta der der mai a, Meichher eng ah chuan Sangluaia chuan lo hmu in, țhianpa hlauhna kha in mantir reng reng suh, tunah khan hlauh vanga i khurhvaih chuan kan umlai huai hian aluh chilhdawn che a ni, i rilru ti paukhauh la huaisen tak in heng huaiho hi hmachhawn ta che tiin an fuih a
.
Hrangmana pawh a țhianpa fuihna chuan ti harhzawk in țhianpa ka in peih e, i hnung zuitur hian ka in peih e, khawinge kan țhianpa Dohranga thla mantu huaichu a kawtawp thleng i han um teh ang u khai tiin an au chuak a, Denga pawh chuan Hrangman huaisen tak khan aw tiin an pathum chuan Dohranga thla ai na lampan chuan Meichher nen chuan an tlanliamta nghal a, Denga chuan Dohrang chheltak khan lo tuar hram hram rawh, hei nangmah puitur in kan rawnkal zel a nia tiin an au a, finghnih awmvel an um tihchuan Dohranga thla ai chu thawk lehkhat ah chuan a tawpta hmak mai a, Sangluaia te pawh dingve nghalin Dohranga thlach han um zuimai dantur pawh an hreta lo, khawilama kal turnge ni ang ti a an in rawnkhawm laitak chuan an piahdeuh, Meichher en phak lohchin thimzingah chuan mihrng ding ni awmtak hi Sangluaia chuan a va hmu a, Denga leh Hrangmana chuan Sangluaia hawina lam an va en ve chuan chianglo ruaihian mihring ding ni awm tak chu an vahmu ve a, Hrangmana chuan Dohrang khatah khan ilo awm reng a ni maw? tiin vapawh mai an tum a, mahse Sangluaia chuan lodang nghalin țhianpa kan fimkhur angai a nia, saw mihringni awm tak saw tunge a nih chiah fiah hmasak tur an ti a, Denga pawh chuan an hmalawka mihring ding ni awmtak chu mak a tiru khawp mai
.
An pathum chuan muangchang fimkhur tak chung chuan an hmalawka mihringding ni awm tak lamchu an panta a, chu mihringding bul an va thlen chuan an țhianpa Dohranga ngeichu a loni a, Hrangmana chuan Sangluaia hnenah chuan, țhianpa ka ring renga hei Dohranga ngei a ni e an ti a, mahse Sangluaia ngaihchu a ngamchiahlo khawp mai, tin Denga pah in Dohranga Buk ațangaan tlansan kha eng tin nge helai ngawpui thimlai ah hian alo awm theih? mak ti tak chung chuan Dohranga chu an en vang vang a, mahse an Buk nghak tura an hruai Dohranga ngei chu a nisi a, Denga chuan mak tiru tak chung chuan, Dohrang kalrawh khai Buk lam ipanteh ang khai, helai hmunhi chu a nuamlo emai an ti a, Dohranga pawh chuan chhang hranlo chuan Denga te hnungzui chuan Buk lamchu an panho ta a, Hrangmana chuan Dohranga chu an biak ngialpawh chuan vawikhat mah a chhang lo, an bulah chuan ngawireng chuan a kalve tawp mai a ni, Sangluaia ngaih chu a țhathei nganglo mai le, an kal laichu dingin leh hawimeuh chuan Dohranga hmaibulah chuan a Meichher ken chu an lak hniama, Hrangmana chuan Dohranga hmel an hmuh chian meuh chuan mak a ti ngei mai, a Mit chu zau kawk kawk mengin hlauhna leh mak tihna chuan arawn tuamnghal a
.
Dohranga hmel chuan damlai hmelpawh pulo in a dang thimvek mai a, a hmuite chu khi hrupin a khi kehte chu thisen rawn chhuak tur awmlo chuan a kak laite chu a dangvar vek mai a, tin a mit mute chu mihring damlai mit ang pawha awmlo chuan, khurduk in a dumvek mai bawk a, an biak pawh chuan hrelo ang mai chuan kun tlatin tumah chu chhanpawh a tumlo a ni, Denga chuan tunge i nih? tiin a chempui chuan an tin a, chu veleh chu an țhianpa emaw an tih chu thawk lehkhata bo hmak in an bulvelah chuan Dohranga aw ngei maichu natuar tih hriattak maihian a rum vawng vawng mai a, Sangluaia chuan a chempui chuan Dohranga thla rumna velchu hanvai pawp pawp in Denga leh Hrangmana pawh chuan an rawnpuive nghalbawk a, Dohranga thla ai chuan Denga te pathum chu kual pawp pawp in Sangluaia chuan Dohrang hlausuh, tuar hram hram rawh hei nangmah chhantur in i țhiante kan awmreng a nia, i țhiante hian kan thlahthlam dawnlo reng reng che an ti a, chu veleh Dohranga thla ai chuan Sangluaia kapkar chu rawnchuh in zawi zawi chuan a reh tial tial in hriattur awmlo chuan a rehta hmak mai a, mahse Dohranga thla ai areh rualdeuh thaw chuan chulai nawpui chhung chu eng emaw sawithiam chiahloh, lum huam huam leh, bo ruak hnawng churh thang huam mai chuan rawn chiah in chhum ang deuh hi a zingphui chuai mai a, Denga chuan a ranglam in riahbuk lam i paneh ang u khai, Dohranga hi a harh chian leh harh chianloh hriatvat kan ngai a nia an ti a, ti chuan an pathum chuan an riahbuk lampan chuan an kalta nghal a
.
Buk an thlen chuan Buk velte pawh chu a lum thang huam huam mai a, eng emaw zingphui chuai nen chu ngawpui chhung boruak chu a rit in a ngaih țhat thlak loh khawp mai, Sangluaia ten Buk an thlen chuan Dohranga pawh biak theih in alo harh tawh a, mahse a țawngdan leh a chauhdan ațang chuan ngai a la awhlo tih chu chiang tak in a hriat a ni, Denga chuan Buk chhunga lo awmte an hmuh chuan Hrangchhuma tihloh chuan hlauhna liantak an nei tih chu a hmuthei a, damthlap hian, tunah chuan engmah hlauhtur a awm tawhlo e, hei Dohranga pawh țhatak in arawn harh chhuak tawh a, a ni hian ngai arawn awh ve leh helai hmunhi kan chhuahsan dawn nia, hei Tumpangsial te, Sazuk te, Sakhi ah te kan hlawhtling tawh alawm, tuna kan hlawhtlin na hi a tawk khatviau tawh e, kan chantawk tur a nih ang nge, khuate lovar se khawlam pantur in kan in puah chahmai dawn nia tiin a naute ho bulah chuan an sawi a, midangte pawh chuan an Val upa ro reldan chu an pawmpui khawp mai, khuate a lavar mai dawnloh avangin Buk chhungah chuan lut khawmleh in mutzai an relta hlawm , mahse Dohranga chunga thilhleng avang chuan tumah chuan muthilh mai zaichu an reltheilo a ni ber mai, tumah chu muhil mai theilo chuan Buk chhungah chuan an let an let maihlawm a, Sangluaia pawh a țhiante ang tho chuan muthilh zaireng a relthei bik lo, eng emaw lo la thleng lehtur chuan hriatna lianak mai a nei tlatmai a, khawvar hma chuan an mahni chu rawnla ti buaitu tur awm hian hriatna liantak a la nei a ni
.
Eng emaw chen an hanmut hnu chuan Sangluaia chuan a țhiante chu an muhil lehtawh tihchu a hria a, a thinlung chuan hlauhawm liantak lo la thlengtura hriatna liantak chu a la nei a, chu chuan a thinlung chu thinthi in a awmtir theilo a, mut pawh a muhil theiloh phah a ni, a hriatna chak tak mai chuan ralkhat hla taka thawm danglam tak ri kauh kauh chu an hria a, chu thawm chuan a Beng chu verh in a ngaih tuahna chu a lading khawp mai, zanrei tawh lam, khawvar hnaihtawh lama chu tiang thawm awmchu vawikhat mah a la hrengailo a ni, khat muangtawk raiha ngawpui chhunga Thing changtak khawngri koh koh hi angber in ahria a, nguntaka angaihthlak chian chuan chu thawmchu muang chang hian arawn hnai zeltih pawh chiang tak in a hrethei a ni, thawmchu hmuamda awmvel zet an ngaihchan leh hnuphei chuan arawn hnaiviau tawh a ni, chu rawlthar hriatna chak tak mai chuan hlauhawm eng emaw chu an hmachhawn lehdawntih hria in a chempui chu nghet tak chuan a humve sauh sauh bawk a, karlo ah chuan chu athawm hriat mak tak mai chuan an riahbuk chhak lawk maichu arawn thlengta der mai a, rawlthar chuan a thawmhriat chu chiangleh zuala hriat tum in amutna ațang chuan a chempui humchung chuan an țhuchhuak hlawl maia, chu tihrual chuan an Buk chhaka thawmri kauh kauh pawhchu tawpve nghalin areh nghal vawng vawng mai a, thawmreh chuan reipawh arial lo tih ah chuan Buk thlang lamah chuan eng thil emaw rideuh sung sung hi an hrezuileh nghal a, Sangluaia chuan chu thawmchu eng thil chiahnge tih fiahtuma Buk kawngka a va hawndawn laitak chuan engthil emawhi rawnri suau in an riahbuk chu arawn in hik ta vek mai a, chu veleh midangte pawh chu rawnharh nghalin an buaita chung chung mai a, Dohranga chu engmah hrelo a awmleh nghalin ațawngvai nghal nawk nawk mai a, a kamsir ațang chuan a chil phuanchu rawn chhuak nghal zawih zawih in enge asawiber tihpawh hriatloh chua arak nawk nawk mai a
.
Sangluaia chuan Meichher chu chhikai nghalin a thawm hriatna kawrte mawnglam ah chuan a tlanthlave nghal bawk a, mahse Sangluaia chuan thawm danglam engmah zuk hriatzui tur a neibik lo a ni, Buk lamchu panleh nghalin a țhiante chuan Denga ho chuan Dohranga chu an lo buipui laih laih mai a, Dohranga a han hmuhve meuh chuan Sangluaia rilru chu anuamlo khawp mai, an hruai Dohranga hmelchuan damlai hmelpawh putawhlo in thihna chuan aman mek a ni tihpawh chiang tak in a hmu a ni, Denga chuan Dohranga engmah hrelo leh thaw mumal tawhlo chu a lu chawikan sak in, Dohrang țang fan fan rawh, rawlthar huauisen i nih kha, Lal ropui Thangluaia rawlthar huaisen, khawtlang in nghahna tura mipa huaisen leh tlawmngai i nilawm ni? an ti a, mahse Dohranga hmel landan ațang chuan beisei awm a awm tawhlo a ni, Sangluaia pawhin rilru beidawngru tak chung chuan Dohranga chu an hnaihve a, Dohranga hmel an hmuh chianmeuh chuan eng emaw thil hmuhnei hian a in hreta tlat mai le, chu thihsual mek an țhianpa hmel danglap mai chuan Sangluai chhantlak ka la awm asin, min thlirliam maidawn em ni? ti a rawn au a amah chu chhantura rawn beisei țawk țawk ni hian hriatna a neita tlat mai le, chu veleh rawlthar huaisen tak mai chu Buk chhung ațanga Meichher nen chuan zuangchhuak nghalin ringtak mai hian, tunge i nih? eng huainge i nih? mi nun na lak sak chauh hi emni i ngam tawk? rawn chhuak la rawn inlarta che, helai ngawpui chhungah ngeihian rawnchhuk la ka hma ah ngeihian rawnding ta che, chumi ingamlo a nih chuan Dohranga i phuarna hi hlip in min kalsan rawn an ti a
.
Chu veleh chulai ngawpui chhung chu Thli natak tlehang mai hian arita hum hum mai a, ngawpui Thing sanglian pui pui te chu sawitu awm silo, sawi nghek nghek angmai hian a nghing lawih lawih tamai a, chu tihrual chuan aw thumchhur liantak maihi chulai hmunah chuan arum hum hum maibawk a, Buk chhunga awm Denga tihloh te chuan chu tiang thilchu la hrengai hek lo le an hlauchu an in bawh khawmtal mai a, rawlthar huaisen ta tanlo chuan hlauhpawh zanthim ah chuan a hlauhawm thareng a ni, Sangluaia chuan chu tiangthawm karah chuan ringtak maihian, i thawm chauh rawnchhuahlo khan nangmah kha rawn chhuak rawh, keini hringmite lak ah hian eng thilnge itih theih chiah kan hmuang chu tihpah chuan a Silai chu an lek chhuak nghal a, chutah Buk thlanglawk ah chuan thimchhah muk mai liantak maihi rawndum chho mup mup in Sangluaiate riahbuk chu rawnpan chho a, chu veleh Sangluaia chuan a Silai lek kawh laichu a bairal hmawra Meialh chhuak zuai khawp chuan chulai ngawpui chhung khawk rum rum chuan an hmetpuak a, chu veleh chulai ngawpui chhung thim mup maichu awlian tak mai natuar rum hum hum mai chuan a khatzo nghal a, Dohranga thlachu rawn ai chhuak nghalin, min chhan hram rawh u, awi a na lutuk a na lutuk tiin chulai Buk ațang chuan hmarlam pan chuan a chiau vawng vawng mai a, Sangluaia leh Denga chuan rangtak chuan, Dohrang mang ang in hlau reng reng suh, hei i țhianten kan rawnchhan che a nia tiin Dohranga thla ai na lampan chuan an tlanchhuak veta nghal a
.
Dohranga thla ai chu karlo ah chuan achau in azawita riau mai a, Denga chuan hrethiam in Sangluai kan hman hmawh angai a ni, Dohranga hi na taka hrek mek a nih hi, kan chhan hmanloh chuan ruang kan in hawn ngei angai ang an ti a, Sangluaia pawh chuan alo hrethiam khawp mai, chu rawlthar chuan an țhianpa nun derthawn zia a hriatchua muangchan chi a nilo tih hria in, Dohrang kha kan rawnkale, lo tuar hram hram rawhkhai tiin a Meichher nen chuan Dohranga thla ai chu um in zanthim hnuaiah chun atlandawk ta pur pur mai a, hmuamda awmvel zet an in um hnu chuan Bungkung liazet maihi an vathleng hlawl mai a, Sangluaia Denga chuan hrethiam nghalin, Lal Kaikhama khua an kalhaw lamah khan Dohranga kha helai Bung kungah hian lawn in a chawngte la in a zarte ahan thlak anih kha, Dohranga thlachu he Bunghuai hian aman ngei a ni tihchu chiang tak chuan an hrenghal a ni, Bungkung bulah chuan Denga chuan Dohrang tuar hram hram rawh aw, hei nangmah chhantur in kan rawnthawk chhuak a nia, hlausuh la lotuar hram hram rawh an tihchiah chuan Bung leh avelah chuan Dohranga aw chuan chautawh tih riat tak maihian, kanu kanu a na em mai, min țanpui rawh u khai, awi kanu awi kanu arawnti țawk țawk mai a, chu tihlai chuan Bungkung bulah chuan thil lum pup pup maihi rawn vai thuak thuak in, chu thillum vai thuak thuak chu thil rimchhe tak chuan rawnzui in tawrh a har em em mai a, karlo ah chuan Bung bulchu thilvawt nem nuak maihian rawnvel leh in Denga leh Sangluaia chu chu thilvawt nem nuak mai chuan arawnsu thawi thuak thua mai a, Sangluaia chu Bung kung thlanglam ah chuan zuangthla nghalin a chempui chuan chulai Bung bulvel chu an vai thuak thuak nghal a, Denga pawh in Bungkung chhak lamchu chempui chuan vai ve nghalin thilvawt nem nuak mai chuan n pahnih chuan arawnsu țhelh fua fua mai a
.
Denga bawk chuan Dohrang țangrawh aw, hlau reng reng suh hei theihtawp in kan rawn um zuizel che a nia an ti a, chutia Deng'an an tihchuan thla ai pawhchu rawnring sawtin Denga te tanpawh chuan bei seina liantak arawn siamleh a, thla ai arawnrin veleh chuan Bungkung veltu huaipawh chu rawnchak sawtin a hu hang pawh a na tawh khawp mai, Bung bulchu arum hum hum mai a, zan thil ni mahse Bung thingte chu asawi khur hlawk hlawk hian a hriat hial a ni, Denga chempui vai laichu eng thilvawt thlerh thlurh emawni hian a lu ah chuan arawnsu chawrh mai a, Denga chu painawk in tluk loh hram hram an tum a, a in thingharh felchiah tih chuan chutiang vawt thlerh thlurh rimchhe tak mai chuan asut na ngaiah chiah chuan arawnsu lehchawrh mai a, Denga Pasalțha huaisen leh tawrhchhel tak tanpawh tawrh rual a ni lo, Denga chu Bung bulah chuan tlutawp in nikhawhrelo chuan a awm zuita nghal a, rangtak chuan Sangluaia pawh in Denga tlukna lamchu rawnpan nghalin an pawmtho nawlh mai a, kalpui atumlai tak chuan Sagluaia bek chu Thing bung maltiat vela liana hlapchawrh ang maihian arawnri chawrh mai a, rawlthar huaisen leh tawrhchhel tanpawh tawrh rual a nita lo, Sangluaia chuan a Meichher humchu thlauh nghal tawpin a țhingțhi rawp mai a, a lu chu ahai em avangin dinleh theihna chi zia zang a ni tawh lo, chu rawlthar chuan theihtawp chhuah in dinleha Denga chu hmunhim lama pawmsawn chu an tumleh a, mahse chu tihlai tak chuan a beka rawnhlap tu, eng thil emawni lian hmuldup maichu rawn thlawk leh in Sangluaia bek ah bawk chuan rawnhlap lehtum in a rawn thlawk kawh leh pawp mai a, mahse chu thil hmulthup mai chuan Sangluaia bek athlen hmachuan engthil emawni hi arawn thlawk eng zawk maia, chu thilrawn thlawk eng zawk mai chuan Sangluaia beka hlaptumtu malpui tiatvel hmuldur maichu rawnchhawk hmawk in pa lianpui natuar țe ruah ruah thawm chuan arawnzui nghal a, chulai Bung bulah chuan nula hmelțha em em maihi rawnding nghalin, a hmelțha tak maileh hlimsarh mai țhinte chu thinrimna hlira khat in, a mit meng mawileh desar țhinte chu thinrimna avanga rawndur khah in chulai Bung huaichu an melh a
.
Chu nula hmelțha tak mai chuan he rawlthar hi kan duhlai leh kan venhimlai a nih hi, tuna he rawlthar chunga ithil tih avang hian kan Lalnu thinchu arim khawp ang, i thiltih avang hian helai ngawpui hi nangleh ihote chuan in chhuahsan angai ang, tunah hian an țhianpa Dohranga i hren napawh kha hlipnghal rawh, nangleh i hote hian kan Lalnu nghaisak na in tawrh hmahian helai ngawpui hi chhuahsan rawh u tiin thu an pe a, chulai ah chuan lung awilo phunthawm chu a rita nuaih nuaih mai a, eng bernge an sawihriat siloh hian a ri nuaih nuaih mai a ni, nula hmelțha tak mai chuan Sangluai tunah chuan in țhianpa pawh a zalen tawh in adam tawh e, heng huaiho lak ah hian buaina in tawk tawhlo ang, heng huaiho hi chuan hringmite hi tihduh daha, an nun na hialpawh lak an hrehlo țhin, mahse thilpakhat chiah ka hrilh ang che, siamtu thilsiam zawng zawng zingah hian nangni hringmite hi in chung nung berin ropui pawh in ropui ber a sin, heng huaiho te hneh theitur hian thiltih theihna leh huaisen na pawh siamtu chuan nang mahni ah hian adah vek a, huaisen tak leh hlau miahloa heng huaiho hi inbeih chuan heng huaiho hian englai mah in an tina ngailo ang che u, he leiah hian nangni hringmite tluka ropui leh siamtu hmangaih hi an awmlo a sin, Sangluai ka sawitam lo mai ang nge, kha Denga pawh arawn harhdawn tawh kha, ka thil hrilhche kha i hriat thiambak pawh a ni ngei ang, mahse ka thil hrilh che hi in thlahte chuan engkim an la rawn hrethiam vek dawn a ni, engpawh nise ka kalsan phawt ang che aw tiin van lamah chuan an invawrh vaka boruak thimtak ah chuan chu Khuavang nula hmelṭha tak maichu a thamral ta a, karlo ah chuan Denga pawh rawnharh in Sangluaia henah chuan thilawm ziavel an zawt a, Sangluaia chuan Dohranga pawh ațhat tawhthu chu hrilh in Buk lampan chuan an kalta a
.
Tlangpui khawlam ah thung chuan Doruma awp khuate chu țanrual an tumna kawngah Lal Kaivela chu a phusa ber pawl a ni a, Kaivela hi tunhma deuha Thangluaia te nen an in hmuh thiamloh ațang khan kha an in hmuh thiamlohna kha Doruma hian remchang ah la in tunthleng hian a la awp bet a, chu a awpna ațanga chhuah tum chuan Kaivela hian Doruma awp khuate chu țanrual puiah a ruka sawmin a fapa khawhran kaitawh Lal Kaikhama ngeipawh a telve a ni, Kaivela chuan Doruma awp khuate chu țanrualpui in, Doruma awpna ațanga talchhuah tum chuan hma an la nasa khawp mai a, chu tianga an buai luih luih lai karah chuan Tlangpui khaw Lal Kaikhama fanu tleirawl hmelțha em em mai Kaichhingi rilru ah chuan eng dang mah alut theilo a, a mahleh a chhung kua te nun na chhanhim saktu rawlthar aw mawitak mai kha a thinlung ah chuan chamreng in, kha rawlthar hmelțha tak maileh amit meng dumfiah kak mai kha a mit thla ah leh a thinlung ah chuan a chamreng a ni, tlai Ni tlatur chu Chhingi chuan an Leihkapui ațang chuan thlir vawng vawng in, a mit thla ah chuan kha rawlthar huaisen leh duhawm tak maikha cham veng veng in hmuh leh a chak ngawih ngawih mai a, an inchhung ngeia an in chibai ațang khan Chhingi thinlung leh rilru chu kha rawlthar lak ah khan vawmbeha pawh thlawnleh rualloh in a bet thlawp mai a ni
.
HE RAWLTAR TE PAHNIH HI IN TAWNGLEH THEI TAK ANG MAW AW???? ILO CHANGZEL DAWN NIA
.
.
DUHTAWK LEHRIH PHAWT ANG U AW
REMCHAN VE LEH KAN CHHUN ZAWMLEH DAWN NIA
.
.
[Lalzirliana Tochhawng] [Champhai Tlangsam]

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 14th, 2018, 7:04 pm

............ PASALṬHA THANGLUAIA (187) ..........
.
.
Tlangpui khua a Lal in ah chuan Kaikhama leh a nupui fanaute chuan zanriah an kil mek a, Kaikhama fapa neihchhun Tlangval Dangvela chuan, kapa Lal Thangluaia in tih hi ka hmuve chak khawp mai, upa te tlangkam ti ti aṭanga ka hriatdan chuan, Lal Thangluaia chu avanglai chuan Pasalṭha huaisen tak ni in, khawchhunga hmeithai leh fahrahte tan a hun tam tak a hmangṭhin a, tin a khualehtui tan hmelmate lak ah englaimah in hnung atawlh ngailo a, Lalbula boral hnua Lal arawn nihpawh in a khualehtuite tan chuan englaimah in a hnung tawlh ngailo an ti a ni, hmeithaite leh fahrah riangvaite hmangaih tu a nih avangin Thangluaia Lal a lo nih chuan a khualehtui ah chhungkaw tam tak an pemlut a, Lalbula damlai let in tunah hian an liantawh a ni, Thangluaia chu avanglai chuan Pasalṭha huaisen leh ralrel thiamtak a ni a, a huaisen angbawk in a ram vachal em em mai bawk a, ramhnuaia Vahrit te leh Ramar tlalaite hi a manthei a ni, chu tiang khawpa ramhnuaia thawmdim thiam a nih avangin ralrel pawh a thiam em em an ti a ni an ti a
.
Kaikhama pawh in a fapa hnenah chuan, ka fapa i thilhriat zawng zawng kha a dik vek alawm, tunhma ipuho a kan awmlai chuan Thangluaia te chuan min rawntlawh pawh reng reng ṭhin a, mahse min rawntlawh pawhdan chu a duhawm hranlo khawp mai, kan sawivek law law ang a, Lalbula leh inpu Kaivela te hi in hmelma kumhlun an ni ṭhin a, ipu pa Kailiana hunlai aṭang tawha in hmu thiamtawhlo an ni ṭhin, Lalbula hian Thangluaia a neih hma chuan kapu Kailiana khan Lalbula hi hnuaichhiah tak in a en ṭhin a, kan khawkar hi hlatham deuh mahse kapu chuan Lalbula kha zuk run in a khua kha eng emaw chen a zuk awp a ni, Thangluaia hi hmeithai pakhat Satpuii fapa neihchhun liau liau a ni a, Satpuii te chu Tlanglo khaw chhuak an ni, Thangluaia pa hi Tlanglo khua khawnbawlmin Kairuma fapa ni in, Tlanglo khaw Pasalṭha huaisen leh Sa kapthei em em mai a ni
.
Mahse tuk khatchu Tlanglo khaw Pasalṭha chu a zanmu zinglama kaihthawh an hantum chuan mihring a lo tlingtawhlo reng mai a, Tlanglo khuate chuan an Pasalṭha chuti maia hrilh haitak maia an hanchan chu an hrethiamlo in tawrh pawh an tuar khawp mai, hetih laihian Thangluaia chu kumhnih thum awrh chauh a la ni a, a pa an boral takah chuan Thangluaia pi chuan a monu Satpuii Thangluaia nuchu daikil kara hmeithai fanu mai mai tiin an hnawt chhuak ta a, khawtlangah pawh mitin chuan thinhrik in Thangluaia naupangte chu tumah chuan an fate kawm atan pawh an duhlo zuita zel a, khawchhung ah chuan an nufate chuan hreawm ti tak chuan baihvai leh belhtur pawh neilo chuan an awmve ṭawk ṭawk ṭhin a, Khuanu chuan an chungah chuan a ti mah mah kan tidawn nge ni ang? chu tianga hmeithai nufa rethei leh belhtur pawh neilo chu Tlanglo khua ah chuan an awmve reng phallo in zankhat chu Tlanglo val upa rualte leh Tlangval rualte chu an in hawrkhawm ta chiam mai a, hmeithai tupawi mah sawilo leh rethei tak mai, ei turpawh hmuzo manglo leh, chen na in pawh luah tlak mangloh a khawsave ṭawk ṭawk Satpuii leh a fapa Thangluaia te chu Ṭo haw mek hnuaiah chuan zanthim hnuaiah meichher chhit turpawh neilo in khua aṭang chuan an hnawt chhuak ta a ni
.
Satpuii chuan Tlanglo khaw mipuite hnenah chuan zahngai hram hram tur in dil lawm lawm mahse chung mipui pung khawmte chuan hmeithai rethei tak dilna chu hriatpawh an hreduhlo a ni, Satpuii chuan zanthim hnuaiah chuan pantur lampawh hrelo chuan a fapa kumthum bawrlek chu Thlipui thawk vuk vuk karah chuan a chhuahpui ta a, baihvai tak chuan ram palaileng ah pantur lampawh hrelo in, zanthim hnuaia ngawpui thimchah leh Sapui leh Sahrang tam tak karah chuan Satpuii chuan ṭap zawih zawih chungin a fapa neih chhun chu khawilam nge a panpui dawntih pawh hrelo chuan a chhuah puive tawp mai a, varṭian ah chuan khaw pakhat chu lutnawlh in chu khua a in pakhat ah chuan chautak mai chuan Satpuii chuan a fapa chu tluk luhpuiin khawngaih an dilnghal a, chu chhungkua te chuan lainat taka lo tuamhlawm in ei turte an lo pe a, chu khaw Lal chuan Satpuii te nufa chu Tlanglo khua aṭanga hnawh chhuah an nih thu an hriatchuan Tlanglo khaw Lal tih thinrim a hlauh avangin a khua ah chuan awmtir phallo in Lalbula khawlam chu anlo kawh hmuhta a ni
.
Satpuii chu rilru na tak chung chuan chu khuachu chhuahsan in Lalbula khawlam chu an nufa chuan an pan lehta hnak hnak mai a, ramhnuai ngawpui chhungah chuan tumah bawisawmtu pawh neilo chuan a nufa chuan theih ang ang a in kal zelin a nihnihna tlailamah chuan Lalbula khachu an thlengta a, Lalbul'an chu mite nufa baihvai zia an hriata an hmuh chuan lainat tak chuan a khualehtui ah chuan a lo in benbel tir ta a ni, Lalbula hian Satpuii te nufa alak luh hian Satpuii fapa kumthum mi lekhi a mah leh a khualehtui chhanimtu Pasalṭha huaisen a lani ang tih rin na a neibik hauhlo ang le, Satpuii fapa naupangte ni ṭhin Thangluaia an rawnpuitlin meuh chuan engkim a danglamzo ta, kapu Kailiana chu boralin, Kapa Kaivela chuan rorelna engkim chu arawn kengta a, kapa chuan Lalbula khuachu la awp betreng in chhiahpawh tam tak tak alak sak ṭhina ni, ṭumkhat kan Pasalṭha ten Lalbula khua an zuk tlawhchu rinloh leh kan beisei phak miahloh in lu an rawn in hlauh hawphung mai a, Lalbula chuan rawlthar huaisen leh ralbeih thiamtakmai a neinthu kapan an hriat chuan kapa thinchu a rimta em em mai a, Lalbula khuachu runtur chuan Pasalṭha rualte leh Tlangval rualte chu khawm in a Pasalṭha lu an hlauh chu phuba lak ngeian tum a ni, chu tianga rorel a nihtak ah chuan kapa chuan Lalbula khawlam chu a panta a, mahse hemi ṭumhian rihlohtak maiin kan Pasalṭha rualte chu rawn umhaw an ni a, heta ṭanghian Lalbula leh kapa te chu hmelma kumhlun an loni ta a ni
.
Ipu hian Thangluaia hi a haw em em maia, a chhan pakhat pawh, Thangluaia vang hian Lalbula khua kan awp ṭhinchu kan ngamlota reng mai a, vawitam an indo hnuah pawh kan hneh theilo a, ipu tih ngaihna hrelo chuan a Pasalṭhate tir in Thangluaia hi aruka veha that turin atir ṭhin a, mahse vawikhat mah an hlawhtlinglo a ni, vawitam indo mah ila Thangluaia hian kan khualehtui hi vawikhat mah minhalsak ngailo a, tin Lal leh a chhungkuate chungah hian zah angai ṭhin, sal atan hian tumah aman ngailobawk, mahse ipu chuan Lalbula leh Thangluaia a huatna a rehtheilo a, kan unau hian vawitam tak ti tawhlo turin kan hrilhṭhin a, mahse chung kan thu hrilhṭhin chu awiduhlo in vawikhat khawhran ka kaitawh hnu hian Lalbula khuachu runleh atum a, mahse tahpawh chuan kawhtling chuanglo in kan chan chauhlai chu Doruma hian remchangah rawnchuh in ti hian minawp betta a ni tiin Kaikhama chuan a fate chu an hrilh hlawm a, a fapa chuan kapa i thusawidan aṭang chuan Lalbula leh Thangluaia te hian kapu chungah chuan tihsual an neiawm pawh ka hrelo, kapu Kailiana leh Kaivela te hi miduham hrim hrim an niin ka hria an ti a, Kaikhama chuan a fapa hnenah chuan ka fapa a ni khawp asin, vawitam ipu hnenah hian Thangluaia hi tibuai tawhlotur in ka hrilhve ṭhin a, chung ka hrilhvang chuan alawm ipu hian min lawmlo in khawhran pawh min kaitir reng a sin, tin i nau Kaichhingi hi arawnpian phei kha chuan alawmlo em em mai a, hmeichhia lehbawk a ni maw? reh hlum nghal law law maitur min tihkhum hial a sin, kapa in ka chungah khatiang rilru aput avang khan khawkhata awmreng thei kan nilo tih ka hria a, tin kapa leh ka unaute ho angin Thangluaia hi ka huatve loh avangin khawhran kaitur in minti ta a ni an ti a
.
Kaikhama fanute ho chuan anpu chan chin an han hriatchian chuan an lawmlo khawp mai a, tin anpu Kaivela hian hmeichhia hi alawm hranlo tihchu chiangtak in an hrevek a, mahse tu leh fate ngawih ngawih chunga tiang rilru a puhi chu an lungawibik lo a ni, zanriah an ei kham meuh chuan khuapawh in thimlam apan tawh a, Chhing'in a pa thusawi, a pu ina tetlaia reh hlumnghal law law tur alawmtih an hriatphei kha chuan hmeichhe awm nem tihtak ah a rilru a naem em mai a, inchhung ah chuan hlimpawh a hlimloh phah hial a ni, Chhingi rawlthar hmelṭha tak mai rilruna chuan a nu hnenah chuan a ṭhian nu te in a len an dila, a nu pawh chuan hrethiam in a fanu duat takmai chu len chhuah phalsak in Chhingi chu a ṭhian nu Dothangi te in lampan chuan a chhuakta nghal a, Dothangi te in a va thlen chuan Dothangi nuleh pate chuan an Lal fanu an lo hmuh chuan ṭhataka lo bia in, e Chhingi lah nireng che a, khawilam Thli chhia in nge rawnchhem lutve nawlh che a, lo lengṭhu rawhkhai tiin ṭhutna an lo pe sawk sawk mai a, Chhingi chuan Dothangi nu hnenah chuan khawnge Dothangi hi? an ti a, Dothangi nu chuan a puten Sareprawnla rawh u an ti a a nau nen an kalta a nihkha, an lo hawṭep tawh ang an chhuahna arei tawh alawm longhak rawh khai an ti a, chu tihlai chuan Luhkapui rahchik ṭawt thawmchu hrechhun zawmin kawngka ah chuan Dothangi leh a nau chu an rawnlut nghal a, Dothang'in Chhingi an hmuh chuan ṭhiannu ilo lengreng a ni maw? ilo kalna arei tawh em? tiin an zawtnghal a, Chhingi chuan reilo e hei ka lo lutve chiah a nia tiin a lo chhangve nghal a
.
Dothangi chuan a ṭhiannu Chhingi hnenah chuan kalrawh Leihkapui lamah ṭhu chhuak ang tiin an pahnih chuan Lehikapui ah chuan an ṭhu chhuak ta a, Dothangi chuan a ṭhiannu hnenah chuan inchhunga i hmel ka hmuh khan eng emaw veinei ang riau in ka hriache, ni danga ihmel nen a in anglo an ti a, Chhingi te ṭhianduh hi in kawm ngeihtak mai niin an lungrual dun em em mai a, mahse Dothangi hi chuan lawmpa neitawh in Chhingi chiah hian chu chu hriatpawh a hre nghe nghe a ni, Chhingi chuan a ṭhiannu zawhna chu chhan mai har a ti khawp mai a, a pu lakah alung awilo a, mahse a thinlung chu a la hriatngai reng reng loh rawlthar lak ah chuan a awm daihsi a ni, Chhingi chuan a ṭhiannu Dothangi hnenah chuan, u Thanga hi an ti zauh a, Dothangi chuan zawisap hian tunlai chu an ramchhuak a, taka hman nilawka Lal Thangluaia fapate an tihpawh kha an rawn hawna lamah an hmuhthu min hrilh a sin, kha Tlangval huaisen danleh hmelṭhat dankha aw, khawkhat Lal fapa lehnghal avan chhuan awm tak em, a hmangaih nula chu van neiber an ni ngei ang, mihrang leh Sahrang hma a zam ngailo val, Pasalṭha huaisen ralhrat khaw kheng, a khualehtui te in nghahna Pasalṭha huaisen, a chhuan awmin avanduh awm tak em an ti vawng vawng mai a
.
Chhingi pawh chuan aṭhiannu thusawi chu ngawirenga lo ngaithla in zawisap hian, kha tiang mipa duhawm leh huaisen kha ka vawikhat hmuhna a ni, min chhan nana a aw mawitak kha tunthleng hian ka bengah hian a la chamreng a ni an ti a, Dothangi chuan ṭhian nu a ni maw? kha Tlangval lakah khan i thinlung ilope a nihpawh in kei chuan ka demlo che, nang chu sawiloh he khualehtui keini thlenghian min chhan chhuak a sin, i tanphei chuan a hlu a ni, mang ang taka chhantu kan auh laiin kha Tlangval duhawm tak maikha kan hma ah khan arawnding chhuak a, kan khawtlang hian kan nghilh tawh mai mai ka ringlo an ti a, Chhingi chuan ṭhiannu khang Doruma Pasalṭha ten minhruai an tumlaia ka mang an zia kha aw, mi hmeinih ai chuan mahni in tih hlum maikha ka thlangzawk a sin, mi hmeia awm ai chuan thih kha ka thlang zawk a, rilru mang ang leh ṭanpuitu ngai ngawih ngawih a ka awmlaia ka tana aw mawiber mai rawnri chhuak kha englai mah hian ka theihnghil theih ka ringtawh lo, kha tiang Tlangval huaisen leh hmelṭha kha englaimah in kei teh lul hian ka phulo a sin, mahse kan inchhung ngeia kut in vuana kan in chibai aṭang khan englai in nge ka thinlunghi min hnehsak tak? a laka ka rilru putdan hi hre ngatseng chuan min diriamin min hmusit ngei ang le, mahse min hmusita minlo diriam a nihpawh in engmah sawithei ka ni silo, ṭhiannu ibulah chuan engmah zep thei ka nilo min hrethiam hram hram ang che, thi tura ka mai mitchhin laia ka hriat tawh a zawnga mipa aw mawiber mai arawn rik khan ka thinlung chu min phuarsak ta a ni tiin a ṭhiannu bulah chuan zawite hian asawi niah niah mai a, Dothangi pawh in lo hrethiam in, ṭhiannu i awmdan turleh i rilru putdan turchu ka hrethiam lutuk a sin, ka ṭhiannu neihchhun i ni a i thuruk chu khawiah mah a chhuak ngailo ang, keini chu sawiloh he khawtlang ngeipawh hian kha Tlangval huaisen kha hmuhleh chak in zan tin, ni tin hian an sawireng mai a sin, kan u nulate ngeipawh hian kha Tlangval huaisen kha hmuhleh chak in an sawive reng asin tiin a ṭhiannu chu an hnem a
.
Denga leh Sangluaia ten an riahbuk an va thlenleh chuan Denga chuan an dinhmun aṭang chuan an riahna chu an chhuahsan maithei dawnlo tihchu a hrechiang hle a, chu vangin a naute chu ko khawm in, khaile hei kan hriatang in kan ṭhianpa Dohranga awmdan chu kan hmu in kan hrevek a, kan ṭhianpa hian helai hmun aṭanga khua thlengtur chuan nihnih tal a hah chawlh angai dawn a ni, tin Dohranga hi ṭhataka kan en kawlpawh angai dawna, a mahvanga la hawlo kan ni tihpawh hi tuman kan hriat tir tur a nilo ang, rilru hahdam tak in awmse nihnih hnuah chuan helai hmunhi chhuahsan in inlam kan panthei ngei ang, tupawh fimkhur tlang ila kan ṭhianpa hian a mahvangin kanla hawlo a ni tih hi a hretur a nilo an ti a, Hrangmana pawh in an Val upa thusawi chu lo tuihnih in, ni e hei kan dinhmun in azirlo a kan hrevek a, engpawh nise kan ṭhianpa hi arawn harh chhuah hunah pawh kan Val upa thusawi kha hre rengin tumah in a hriat thiamtheih tur zawnga biak loh hram hram kan tumdawn nia tiin an lo tuihnih ve a, zingkhua a lovara tuk ei te an lohun chuan Sakhi sarep nen tuitak in tuk ṭhuan chu an ei a, tuk ṭhuante an ei kham chuan Denga chuan hei tihtur vak kan neilo a, Sa hanpel lehdawn ila van neih chuan kan kap lehduh pawh a nithei a, tuna kan kahsa pawh hi kan rihpui viau tawh ang a, chu vangin Sapel chuan chhuah tawhrih loh phawthi ṭhaber in ka hria, mahse henglai ramhi a ramchin hriatve nan ti a kan vak chhuak duh anih chuan indanrual a nilo a, mahse kan hmelmate ramchhung anih avangin kan fimkhur tlangdawn nia an ti a, tuk ṭhuan ei kham chuan an riahbuk kawtah chuan ṭhukhawm in an ti ti laih laih mai a, an Sangluaia te ṭhianho zinga hmuipuipu ber Hrangmana chuan, Tlangpui khaw Lal fanu tlumber mawlh maikha keizawng ka thinlung kaptu a ni, a hmelnu hnap maileh a biangno tak maikha chulpaha choloh valrualte lak ah chuan khiang awiin mual liamlul suh aw, ka tawnah hian Kumtluang parang vulrengin khiang awita che hantih hnap mai ka van nap em an ti a
.
Hrangchhuma chuan khaih khaih zahngai hram hram rawh khai, lungdi lohtura duhthu sam ai chuan ka Ainawni lakah ngeikhan keizawng ka liamzawk tange anlo ti a, Hrangmana chuan Chhuma nanga lawmnu angte zawng duh ni ilange, Lal mualkil huanpal zat zet ka hmungei ang an lo tive leh a, chutia Hrangmana leh Hrangchhuma an inhniallai chuan Sangluaia rilru pawh a kaldingve khawp mai, a mu manga aw mawi tak a hriatngei mai neitu an hmuh khan a thinlung sawithiam rualloh in kha tleirawl khan hmun achang tihchu zeprual loh in a hria a ni, an in chibai laia a kut nemleh lum vang vang maikha hrerengin a hmelduh awm tak maileh a aw nalh tak maikha Sangluaia mitthla ah leh bengah chuan a cham vengveng mai a, hmuhleh ngeipawh a chak khawp mai, mahse chulam chu dahṭha in Sangluaia chuan chulai ramchu aram chin hriatchian nan tiin vahchhuah a tum a, Denga pawh chuan nia hei kan ṭhianpa pawh a la rawnharhlo a ni a, helaia ṭhut ngawr ngawr ai chuan induh phawt chuan vak harh rawh u khai, mah erawh chu ka sawiang khan fimkhur ula, tin rawn khawtlailo ula tiin an chah nawn leh a, Sangluaia kaltur chu Hrangmana chuan ṭhianpa minlo nghak rawhkhai, keipawh helai ngawpui han hrutkual velhi ka duhve a nia, hun dangah te kal la kalduh theia ramchin han hriatchianve hrim hrim hi ka duh a ni tiin Sangluaia chu arawn zuive a
.
An riahbuk aṭang chuan hmarlam ah kalin chulai an riahna ruam Tlangbul ṭhutchu an lawnchho a, awih vak a nihloh avangin kalpawh aharsalo khawp mai, mahse chu Tlangchu liantak anih avangin kal chhuah chu thilharsa tak chu a ni ngeidawn tihpawh an hria a ni, Tlang chu hmarlam ah chuan zawh zelin an lawnsang hret hret a, hmuamda awmvel zet an kalhnu chuan chu Tlang chuan hnuaichu an thleng chho hlawl mai a, dingin an han hawikual thuak thuak a Sahnu pawh an hmutam khawp mai, Sangluaia te awmna Tlang chuan hnuai chuan an piah lawka Tlang pakhat dungsei tak maichu pawh phei in chulam chu an pan pheita a, hmuamda awmvel an kalleh hnu chuan Tlang in khamphei zur maichu thleng phei in, chu Tlangdung chu nawmpawh a lo nuam khawp mai, Sangluaia chuan a rilru chuan khawkai nan pawh a hmunhi arem bawka nawmpawh a nawm dawnhi mawle an ti rilru neuh neuh a, chu Tlang chu zawhphei zelin chu Tlang chu hmar chhaklam hretah chuan a kualchho a, chu tia Tlangdung zawha an ṭhianduna an teihawi vel chhung chuan Ni pawh arawn vanlaizawl der mai, chu Tlangdung in a awh Tlang pakhat an va thlenphei hmahret chuan Hrangana chuan ṭhianpa kan chawfun hi helai Lungpui bulah hian kan barve mai mai dawn emni? an ti a, Sangluaia pawh in an chawfun chu barphawta chawfak zawh ah han kualleh chu ṭhazawk in a hria a, Mautheia an tui paichu phawrh in Lungpui liantak bulah chuan an chawfun chu an ei ta a, an ei khamfel deuh chiahtih chuan Sangluaia chuan chulai hmunah chuan eng emaw lo thlengtura hriatna liantak maichu a neita a, a mah thlahtu aṭanga alo rochun hlauhawm lo thlengtur hriatlawkna chak takmai a neih chuan chulai hmunah chuan eng hlauhawm emaw lo thlengtura hriatna liantak maichu a nei a, Hrangmana hnenah chuan ṭhianpa nghak lawk teh ang, helai velah hian awmrih lawk ang tiin chulai velchu an melhkual nghal zung zung a, chulai Lungpui piahdeuh ah chuan ko mihring dungchen ai a sang deuh hi awmintah chuan an lawnchho ta a
.
Hrangmana chuan ṭhianpa eng thilnge nita le? tiin an zawt a, Sangluaia chuan ka hrebik chiah lo, mahse helai hmunah hian hmuhtur neiin ka in hretlat a ni tiin an chhang a, hmuamda awmvel an han nghah meuh chuan Sangluaia thilhriat chu a dikta ngei mai le, eng thawm emawni an hreta tlat mai, an thawm hriatchu rawn hnai zelin chiangtak in an hrethei ta, Pasalṭha sawmrual velleh Tlangval sawmhnih rualvel chuan chulai Tlangdung chu rawn zawhve in eng emawhi an rawnsawi phei a, Sangluaia te chaw barna lai Lungpui an rawnthlen dawn chuan Val upa pakhat hian, khaile helai hmunah hian chawfak ila, ta ṭanghian Kaikhama khuachu thimbawrah kan thleng theitawh dawna, hetah hian chaw kanfak phawtdawn nia an ti a, Sangluai'an chuthu an hrait chuan a thu hriat chuan abeng averh ta khawp mai, hengho hi khawilam mite nge an nih ang? an Val upa thusawidan aṭang khan Lal Kaikhama khualehtuite chu an nilo chiang maisi a, Kaikhama khua ah chuan heng mite hian enge an tihdawna? eng vanga Kaikhama khuachu pan nge an nih ang? Sangluaia thinlungah chuan zawhna tam tak arawnlut nghal zut zut mai a, hmanni lawkah Doruma khaw Pasalṭhate chuan Kaikhama hnen aṭanga an chhiahlak turte lak tumin an buaivak tawh a, khamiṭum khan Sangluaia ngeipawh inrawlh in tamtak an that a nihkha, khami phuba latur khan Doruma hian hengmite hi arawntir ta maini ang? Sangluaia rilru chu abuai khawp mai, a thinlungah chuan Kaikhama fanu tleirawl Chhingi kha chamrengin tuma tihnat a phallo a ni, chutia rilru buaitaka an awmlai chuan an Val upa bawkchu rawnṭawng chhuak leh in, khaile tun aṭanga reilo te ah chuan kan Pasalṭha Rokaia leh a naute chuan Kaikhama khuachu an luttawh ngeidawn a, Kaikhama hian a thiltih manchu ahmu mawlh ang, kan Lal Doruma rorelna kalhtu Kaikhama chu a khua nen chawp a boralngei ang, kan Pasalṭha Rokaia leh kan Tlangval rualte kawngsah sa ah keini chuan Kaikhama khua ah chuan zanriah kanva ei dawn a ni, tin Kaikhama fanu apangber pawhchu kan Lal fapa tan kan hawn ngeitur a ni tiin thu an sawileh a
.
Chuthu zetchuan Sangluaia thinlung chu a kheina zar maile, Hrangmana hnenah chuan, Denga hnena engkim hrilha arangthei angbera Kaikhama khuachu rawnpan tura hrilhtur in an ti a, Hrangmana pawh in engkim hrethiam in rangtak chuan chungho hmuhloh lamah chuan atawlh liamta nghal a, Sangluaia pawh rangtaka tawlh liamnghalin chungho kawng zawhtur lamah chuan a tlanliamta nghal a, mual aṭang chuan ruam lamah chuan chhuk nghalin Tlangdung pakhathi a zuk chuang chhuak nawlh mai a, hmanhmawh taka kal a nih avangin a hmalawka mihring awmte pawhchu a lo hmulo a ni, chung mipalite chuan Sangluaia thawmchu hriain an ṭhiante emaw tiin an lo thlirṭhap maia, mahse Sangluaia an han hmuh chuan an zinga pakhat chuan fiakṭhak maihian tunge inih? an lo ti ṭhak mai a, chu rawlthar thinlungah chuan engmah dang alut theitawh mawlh lo, ka kawng minlo dalsuh u, a nihloh chuan tumah ka that hrehlo a nia an tive ngat mai a, lo audingtu chuan nuihsawh hmeltak hian, nang naupang iṭawngkam kha fimkhur rawh, a nihloh chuan Lal Doruma sal atan ka hruaihaw ngei ang che an ti a, Ssngluaia chuan chungho pawhchu Doruma milehsa te ngei an ni tihchu a hrenghal a, rawlthar chuan fiahkak maihian, tunah hian Lal Kaikhama khua ka pandawna tuman ka kawng minlo dalsuh u, a nihloh chuan Doruma Pasalṭha ang khan inlu ka langei ang an ti veleh salh mai a, chu veleh pakhat chuan nanghi emni Thangluaia fapa rawlthar an tihchu? kan Pasalṭha lu lo latu chu? an ti a, rawlthar chuan keihi Thangluaia fapa apang zawk Sangluaia chu ka ni, diklo taka thil ṭhinte chu kapa pawhin tumah hlauh lohtur tiin min zirtir ṭhin, chu vangin ka kawng mindal suh u tiin chungho awmna lamchu a pan pheita chhat chhat maile, chungho chuan pakhat lek laka tawlh zawk nihchu an tumlo vebur mai, mahse an hmachhawn turchu tunge a nihchu an hrechiang khawp mai, chu rawlthar chu la naupang viau mahse a huaisen danleh ral abeih thiazia te, a thinrim awrawl chhuah ah ringawt pawh Tlangval tam tak chu hlauin an khur thei tihte, chu rawlthar chuan thinrim awrawl a chhuah tawh chuan Sapui ten an puiṭhin tihte chu an hrechiang em em a ni
.
Chu rawlthatr hma a tawlhchu an hruaitupa chuan tlawmah la in a naute bulah chuan hnung tawlh tawhsuh u, he rawltharhi in hlaupawh a ni thei e, mahse alu hi kan Lal hma ah kan thlenhun chuan kan Lal chuan huaisen chawi mawina nopui min dawmtir ngei ang an ti a, chu veleh an chempui chu phawrh in an hma a rawlthar hmachhawn tur chuan an inringta ṭhap mai a, rawlthar pawh chuan hmalam rawnpan zelin muang chang chuan a chempui leh Mau bulchang chu a phawrh chhuakve nghal a, hlamli vela an in hnaihtawh tihchuan pakhat chu rawntlan in natak maichuan arawn zuangphei dawrh mai a, a chempui chu na taka rawnvai in a hmalawka rawlthar chu rawnsah chhawk hmawk mai atum a ni, mahse chu rawlthar chu chuti mai mai a that theih a ni lo, rawkthar chu rangtaka lo kunhniam in a chempui chu an vaiphe zawk mai a, chupa amah rawn zuantu dulchu thlernghal duai in a rilchu a rawn chhuak nghal hnuang mai a, leiah chuan tlabawk khup nghal thlawrh in tho lehtur a awm tawhlo, pahnih chu rawn tlandawk pheive nghalin rawlthar chu an rawnbawh chilh pheive nghal a, a rawn hnaihtu zawk in arawn thlengtih chuan rawlthar chu hniamtak ah kun nghalin chupa chuan arawnvai ṭhelhfua mai a, rawlthar kunhniam dingchhuak lehchu sangtakah chuan zuang zawk in a hnung zawka rawntlan lu ah chuan lei aṭumrual chuan an satchawrh mai a, rang lutuka leh hawileh nghalin pakhat insiamrem rawnleh hawilaitak maichu a nghawngah tak mai chuan losat chawrh in chupa nghawng chu a in chhawk hmawk mai a, an ho tupa pawh in a naute an hmuh chuan in saseng ai chuan a naute phuba lak ngei tum chuan rawlthar lamah chuan arawntlan pheive nghal a, chupa chuan sah fuh ngeitum chuan rawlthar chu rawnvai in sahpawh asat fuhteuh khawp mai, mahse mihring danglambik,thlahtu aṭanga mihring ṭuanrang bik, huaisen leh ralhrat mihringchu inbeihna tualah chuan chuti mai maia khawihfuh theih a nilo
.
Chupa chuan aṭhelhtih a hriatrual chuan rangtaka in her remnghalin a chempui chu an vaileh pawp mai a, a vainat em avang chuan atumfuh silonen amah pawhchu apai dawrhthei a ni, natak maia a chempui vaikhan atum a fuhsiloh avangin a taksa chu a in theiher dawrh mai a, chu tak maichu a chet sualna a ni ta, in her remleh atumlaitak maichuan a nak nem dinglam ah chuan Mau bulchang zum hriam em em maichu rawnlut hrawih in, chu Mau bulchang zumhriam tak mai chuan a ham chu rawnhawng in mihring pang ngaitan chuan tawrh zawh rual a nita lo, chupa chu ṭhingṭhi hnawkin a hmalawka rawlthar dingchu melh kawk kawk in hrehtak chung chuan leiah chuan a tlubawk khup thlawrh maia, a thih sualchu khurnghal char char in an leng awrh awrh a karlo ah chuan a thifelta nghal a, Sangluaia rilru ah chuan eng dangmah alut thei tawhlo, rangtak chuan chulai ngawpui chhungah chuan tlandawk pur pur in Kaikhama khaw lantheihna aṭang chuan hlauthawng rutak chung chuan Kaikhama khawlam chu an thlir a, a thil zuk hmuh chuan Sangluaia thinlung chu feizum taka chhuntlang zawk ang maiana chuan a chhun tlang ta, chu rawlthar chuan vawikhat mah a la tawn ngailoh hmangaihna chuan a thinlung chu rawntuam nghalin, a thilzuk hmuh chuan thinrimna nasa tak arawn siamta, Kaikhama khua chu meikhu chuan tuam luk luk in khuachu halmek a ni tihchu chiangtak in alang a ni, chu rawlthar thinlunga hmangaihna rawn piang chhuak chuan ahmangaih tan chuan engpawh tih a huamngei ang le, muangfiah kak maihian Chhingi ichunga kut lektu chuan hremawlh rawhse, a ngamloh Keipui a hliamtih in hremawlh rawh se, chu rawlthar thinlungna chuan a la hriatngai reng reng loh a thinlung neitu chhantur chuan chulai ngawpui chu a tlanpelta zung zung mai le
.
.
DUHTAWK RIHPHAWT ANG U AW
REMCHANVE LEH KAN CHHUNZAWMLEH DAWN NIA
.
Hman hmawhloin minlo nghak hram hram ṭhindawn nia
.
.
[Lalzirliana Tochhawng][Champhai Tlangsam]

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 17th, 2018, 9:02 pm

.............. PASALṬHA THANGLUAIA (188) ............
.
.
Lal Kaikhama leh a khawnbawlte chuan Doruma Pasalṭha te hnenah chuan zahngai hram hram tur chuan an han ngen a, mahse chungho chuan zahngaihna lan tirchu an tumhmel loh khawp mai, Doruma Pasalṭha Sailiana chuan khawnge kan Lal makpa that tu chu? tunge a niha khawilam minge a nih? nangni hian inlohum a nilo maw? tiin an zawt a, Kaikhama chuan keini teh lul hian Lal Doruma lakah hian humtheise minti reng reng em ni? i misawi chu Lal Thangluaia fapa rawlthar kha a ni ngei ang maw? an ni khachu khami ni vek khan khuahi an chhuahsan lehnghal a ni tiin an chhang a
.
Doruma Tlangval rualte chuan in chu khawhmawr aṭanga halin in ngalai maichu an haltawh a, nu nuate pawh hlauin khawlai ah chuan ṭe teng tung in an rawntlan chhuak hlawm a, Kaivela khaw Pasalṭha te leh Tlangval rualte hian Doruma ralhi an lo dang ngamlo a ni, Doruma awplai an nih avangin ṭanlo khawhpawh nise an ni ang khua teh lul chuan Doruma khua chu an hneh dawn chuanglo a, tin Doruma hnena chhiah chhunglai an nibawk nen, Kaikhama khuate hi an ṭang ngamlo a ni, lo ṭangpawh nise Doruma khua chu hneh chuanglo in Pasalṭha te leh Tlangvalrualte chu an vaithih emaw a ni ang a, sala hruai theih zawng zawng sal atan an hruaivek ang a, pitar putar leh naupang zawng an hnuk chhiah ang a, in leh Buh zawng zawng an halsak ang a, khua chu halramvek in an mihring hnuk chhiahte tan chuan rilṭhlama thih tho tho an hmabak dawn a ni, heng zawng zawng an ngaihtuah avang hian Lal Kairuma leh a khawnbawlte chuan Doruma chu do buaiduhlo in a hnena chhiah chhun an thlang zawk a ni
.
Kaikhama chhan na chuan Sailiana rilru chu a tibuaita khawp mai, Kaikhama hnenah chuan, i thusawichu thudik a ni tak tak ang maw? i khualehtui chungah hian kan Lal Doruma chu alung nilo hle a, a makpa a hloh a, kan Lal Doruma fanu chuan a pasal that tu lu chu hawnsak ngei ngei turin min ti a ni, tin kan Lal fapa pawh in a makpa a chan avangin i fanute zinga apangber Chhingi chu a hnena hruaihaw turin thu minchah bawk a ni an ti a, Kaikhama chuan Lal Doruma lakah hian engmah tihsual kan neilo, a makpa kha ka khualehtui chhunga mite kut tuara boral a nilo a, keipawh in ka hriatngai reng reng loh rawlthar lakah khan a invenghim zolo a ni, khathilah khan thiamlohna pakhat mah kan neilo tiin an chhangve leh a, Mahse Doruma Pasalṭha Sailiana chu a thin arim em avangin danrual a ni lo, a hote hnenah chuan Kaikhama hian ka thusawi a pawm dawnloh chuan khuahi haldarh vek ula, an Chhekin zawng zawng pawh halvek rawh u, hmeichhia leh nu nauho khalh khawm ula, mipa min do dal tur ang chi reng reng kha chu that chimit vek rawh u, he khuahi mangvek rawhse an ti a
.
Kaikhama leh a khawnbawlte chuan khaw han mang maitur chu ngai ngamlo in Sailiana hnenah chuan zaingai hram hram turin an handil a, Sailiana chuan inchunga zah ngaitura minduh a nih chuan i fapa lu leh, i fanu chu kan hruaihawn angai ang, ka sawiang khan kan Lal Doruma fanu chuan a pasal that tu luchu hawntur in minti a, mahse Lal makpa that tu chu hmuhtur a awmlo a, chupa lu ai ah chuan i fapa lu ngeihi ka lak a ngai ang, tin kan Lal fapa in i fanu Chhingi chu hruaihaw turin minti bawka, chung ka thilsawite chu phaltaka min hlanphal chuan khuahi ka hallo ang a, tumah ka ti chimit lo ang an tileh a, Kaikhama chuan chung zawng zawng an ngaihtuah chian chuan nithei in a hresi lo, a fapa neihchhun lu leh, a fanu pangber Doruma tlawnlung awi nana han hmam ngawt mai chu harsa a ti khawp mai, mahse Kaikhama chuan a khualehtui chhunga nu nau mang leh thlabar te an hmuh chuan hreawm a tiin chung naupang pawi sawilote rilṭama an han thi maitur chu angai ngambawk silo, Lal Kaikhama rilru chu a buai khawp mai, a khualehtui ahmangaih avang chuan khua chu theih tawpa chhan aduh a ni, mahse leh lamah chuan a fapa a hmangaih ngawih ngawih leh a neihchhun liau liau a lu tansak tura hanpek ngawt maichu angai ngambik silo, tin a fanu pangber an la titel zelbawk nen, Lal Kaikhama rilru chu abuai khawp mai
.
Kaikhama chuan thu tlukna a siam mai theihloh avang chuan Sailiana chuan a naute hnenah chuan khuachu haldarh vektur chuan an ti leh a, tin mipa putar tihlohte chu manveka sal atan hruaivek tur chuan an ti bawk a, hmeichheho pawh naupawm pawh ni hlawm mahse la valai deuhchu mankhawm veka sal tura hruaihawtur chuan an ti a, chung zawng zawng Kaikhama leh a khawnbawl te, a nupui fanau ten an hanhmuh chuan Chhingi chuan hrehtak chung chuan, kapa i khualehtui boral ai chuan keihi an duhang chuan ka kalang e an rawnti a, tin a fapa Tlangval Kaihnuna pawh chuan, kapa i khualehtui boralhi ka phal reng reng hlei nem, heng nu nau pawi sawilo ten an tawrh hi kei chuan rem ka tilo a ni, heng pitar putar naupangte hi han thlirve teh, rilṭama rampa lailenga ramsate chaw tura an thisawn mai mai turhi ka ngai ngamlo a ni, keihi Lal fapa kani Kaihnuna kani a, keimah avanga kan khualehtui hi a himdawn phawt chuan an ni hnena inpek hi ka hreh reng reng hleinem, kapa thih hi ka hreh reng reng hleinem, chu vang chuan keileh ka nauhi kan khualehtui chhan nan chuan kan pen chhuak ang e tiin Lal fapa Kaihnuna chuan Sailiana hnenah chuan khuachu hallo tur chuan an hrilh a
.
Chuve leh Lalnu Sawichhingi chu rawnṭap chhuak nghalin, ka fapa he tiangtur hian ka phal reng reng hleinem che, an niho nghaisak leh nuihzat mai mai turhian ka hringlo che a sin, i lopian khan fapa kan neiveta tiin kan hlimteh reng nen maw? ni e Doruma chuan aduh dan dan chuan khuahi nghaisa rawhse, ka fapa leh ka fanu ka chan ai chuan khuahi halmangin min thatvek law law rawhse tiin a fapa leh a fanu chhingte chu an kuah a, an unau in a nuho chuan mittui tla zawih zawih chuan an in kuah khawm a, Kaihnuna chuan kanu han ngaihtuah chiangteh, heng mipui pitar putar te leh nu nau zawng zawng, naupang engmah pawh la hrethiamlote hi han ngaihtuah chiangteh, heng mite zawng zawng hi bawihsawmtu leh ṭanpui tu pawh neilo in an vak vai ang a, rilṭam leh tuihala vak darhin lainat awm takin an tluhlum dawn a sin, kanu keihi hekhaw Lal fapa kani a, hengmi zawng zawng te boral ai hi keileh ka nau hian Pasalṭha tak in kan tuar ang e an ti a, chu tihlai chuan Sailiana chu rawnṭawng chhuak in, khaile kan tihtur ang ang chu kantih zung zung angai a ni, Kaikham Lal i nilawm ni? i thu tlukna ka nghak dawn nge kan tihtur tiin khuahi kan chhuahsan zawk dawn? ka nghak theitawhlo a nia, i thu tlukna chu tunah hian ka hreduh e an ti a, chuve leh Kaihnuna chuan Sailiana hnenah chuan, keileh ka nau chuan in duhang ngei in kan zuiang che u, he khualehtui Lal fapa ka nih ang in kapa khualehtui chu kan unau hian kan tih theih ang ang in kan hum ang e an ti a
.
Sailiana chuan a naute hnenah chuan Kaihnuna leh a nau Chhingi chu phuar tur chuan an ti a, Lalnu leh Kaihnuna u te pathum chuan ṭapchung chuan lodan an hantum a, mahse Sailiana chuan rawnṭawng chhuak leh in ka thin in atuar ta lo, in zahngai turpawh ka nilo a, in zah ka ngaih avangin heileh chenhi ka khawtlai tawh, an ni nufa thumhi hnuk sawn ula khamite kha phuar rawh u tiin a hote hnenah chuan an ti a, ti chuan an phuar zawh chuan Sailiana chuan Kaikhama hnenah chuan, tunah chuan kan Lal duhang ngeiin thil a kaldawna kan Lal pawh i chungah alung awi ngeiin ka ring, tunah chuan khuahi kan chhuahsan tawhdawn a, Lal Doruma i tihlung awi zelchuan i khualehtui pawh hi a dingreng ang tiin in chhung aṭang chuan an chhuak ta a, Chhingi chuan a nu leh pa, a unaute chu an thlir vawng vawng a, mittui tla zawih zawih chung chuan in chu an chhuah san ta a, tuallai ah chuan mipui tam tak lo pung khawmin an Lal fapa leh a nau, khaw mipui ten an ngai nat em em mai Chhingi Doruma Pasalṭha ten an man an han hmuh chuan ngawi rengin an thlir ṭhup mai a, chung mipui zingah chuan Chhingi ṭhian nu Dothangi pawh awmve in, Dothangi chuan Chhingi an hmuh chuan alamah chuan tlan nghalin ṭhiannu tiin Chhingi chu a va kuah nghal vawng vawng mai a, , Chhingi pawhin lo kuahve in an pahnih chuan an in kuah vawng vawng mai a
.
Sailiana naute chuan Dothangi chu rawn phih hrang nawlh in tualchar ah chuan a tluchawrh mai a, Chhingi pawhchu hnuk nghal ṭhuai in a painawk mai a, Dothangi chuan zuizel in khawdai an thlen chuan Sailiana te leh a naute chu an loding a, Chhingi chuan mittui nen a ṭhiannu chu lo thlirin zawisap hian, ka thinlung zawng zawng hian ka hmangaih a ni tih hi minlo hrilhsak hram rawh aw, ka chan chinhi a hriat hunah chuan keichu piallei daiah ka zaltawh ngei ang, mahse ka hnuk chahni thlengpawh hian ka nghilh ngaidawn silo, ṭhian nu zak theilo minti in min hmusit ngei ang, mahse ka hmangaih a ni tih hi minlo hrilhsak hramdawn nia aw mittui tla zawih zawih chung chuan an ti a, Dothangi pawh in mittui tla zawih zawih chung chuan, ṭhian nu a ni kha ka hmuleh ngaite a nih chuane ka lo hrilh mawlh ang tiin an chhanga, Sailiana chuan Dothangi chhipsam ah chuan phihding lawpin, helai bakhi rawn kaltawhsuh ang che, i rawn kalleh a nih chuan khawlama let lehtur i awn tawhlo ang an ti a, ti chuan Sailiana leh a naute chuan Kaihnuna te unau kaichung chuan khuachu an chhuahsan felta a, Chhingi chuan a ṭhian nu awmna laichu a theih chhung rawn thlirlet in, Dothangi pawhin a ṭhian nu an hnuh liamna lamchu mittui nen chuan a thlirliam vawng vawng mai a
.
Dothangi chu chulai hmunah chuan beidawng rilru tak chung chuan a ṭhu ngawi reng mai a, a ṭhian nu thuchah kha ngaihtuah nawn in a bei dawng em em a ni, mittui tlachung chuan ṭhiannu kei hmeichhe awm nem hian mualza tamtak kara i thinlung luahtu chu engtin nge ka zawn chhuah tak ang? ṭhiannu i tan hian ka thiltih hnu hnung bertur a nihtawh chuan i thu minchah kha hlenchhuah ngei ka lo tum ang an tisap a, Dothangi chuan inlam pan pawhchu chak tawhlo in rilru baihvai tak chung chuan chulai hmunah chuan tlailam zanriah ei hun thlengmai chuan a awm a, khawthim hma chuan a nu leh a nau mipa chuan rawn hruai in khaw kawtchhuah an kalhpelh ṭep tih chuan an hnung lama tu emaw rawnkal thawmchu an hreta a, Dothangi nu chuan Doruma khaw milehsa an nih ringin hawipawh a hawilet duhlo a, Dothangi te unau pawhin a nu rindan chu ṭawmpui in an theih tawpa chak chuan an kal sauh sauh mai a, mahse an hnunga rawlkal chu a chak em avang chuan karlo ah chuan rawn umpha in naupang hnenah chuan aw damthlarh mai hian, bawiha inva hman hmawh ve? an rawnti a
.
Chu veleh Dothangi chu ding nghalin an hnunglam aṭanga rawnbe tu aw chu ahriat tawh hnu a ni, leh hawinghal in a rin ang ngei in an hnung lawkah chuan a mi hmuhduh ngei mai chu a lo dinga, Dothangi chuan kanu minlova kalsan rawh u a ni hi biak lawk ka duh a ni, in hnungah ka rawn zuive dawnche u nia an ti a, Dothangi nu pawh chuan a fanu thusawi chu hrethiam in a fapa hnenah chuan lo kalrawh khai tiin an kalsan nghal a, Dothangi chuan Sangluaia lamchu hawileh nghalin zawite hian, ka ṭhian nu Lal Kaikhama fanu chu tunmai khan ralho chuan an hruaita a ni, a u Kaihnuna nen hruaiin Kaihnuna chu a lu tansak tur a ni a, ka ṭhiannu chu Lal Doruma fapa in hmei atan arawn hruaitir a ni, kan hnialthei silo a, kan khualehtui chan ai chuan tiin an unau chuan Doruma khawlam chu an panta a ni, ka ṭhiannu chuan a tan engkim i nihzia hrilhtur che in minchah nghe nghe a sin, ka ṭhiannu chu i hmusit pawh a ni thei e, mahse a ni chuan ka thawk tawp thleng pawhin ka nghilhlo ang che a tia sin an ti a, a thu hriat chuan chu laia rawlthar ding thinlung chu a dengna khawp mai, a mah avanga heileh chen rawn kaltawh, chu hmeichhe tleirawl aw mawitak maileh duh awm em em mai chhantura engpawh huama lo kal rawlthar thinlung chu a thu hriat chuan a chhun na a ni
.
Dothangi chuan hrehtak chung chuan, i hming pawh kan hrelo a, mahse chu ti chung pawh chuan ka ṭhiannu khan i hmel a hmuh aṭang khan englaimah in a nghilh ngailo che a sin, a nun na i chhan sak kha lawmthu sawite a duhve em em a, mahse nangmah hmachhawn chung chuan engmah asawi ngamlo a ni, hmelma hote chuan bianga mittui luang zawih zawih chungin an hnuk liam a, chuti chung chung chuan ka thihni thleng pawhin ka nghilhlo ang che a tia sin, ka thu hrilhche hian i nuihte pawh a tiza thei e, mahse ka ṭhiannu khan a ngaihsak tak zet zet che a ni an ti a, rawlthar thinlung chu sawithiam rualloh hmangaihna chuan rawn tuamin, a bula ding hmeichhe hnenah chuan, keipawh hian i hminghi ka hrebik lo a, mahse i thusawi zawng zawng kha ka tan chuan awi pawh ahar zawk khawp mai, i ṭhiannu avanga chauha helai hmunah hian rawnlet leh asin ka nih, i ṭhiannu chu khawi hmunah pawh hruai rawhse, kawl kiltawp ah pawh hruai rawhse, ka zawng chhuak anga helai hmun ngeiah hian ka rawn hruaikir leh ang, ka ṭhiante pali an rawn kaldawn a, ka chan chinhi lo hrilh la ngaihtuah ka ngailo ang tiin Sangluaia chuan Chhingi te unau an hruaina lamchu Dothangi hnenah chuan an zawt a, Dothangi pawh chuan hrilh nghalin Sangluaia chuan, nang chu khawlam lova panla kei chuan i ṭhiannu hruaitu te chu kan um zuinghal ange tiin a kal liamta nghal a
.
Thui vaklo a kal chuan khuachu a thimdawn hnaih tawh avangin rawlthar chuan Meichher chu panga ngawt an siam a, Meichher an siam zawh chuan a thinlung zawng zawng luahtu an hnuh liamna lamchu thlir vang vang in, ka rawn kal e, lo lungphang reng reng suh aw, an kut hmawr pawha an lo khawihche a nih chuan nangmah khawihtu chu an chhungkua in ka thatmang vek ang a, an chen na khualehtui pawh ka haldarh vek ang, ka thinlung zawng zawng hian ahmangaih che a sin tisap in ngawpui thim muptawh ah chuan Meichher nen chuan a kal lutta a, zanthim hnuaia hnuchhui chu thilhar tak ni in, mahse chu rawlthar chuan a mit dumfiah kak maichu ngun taka lenreng in Meichher eng hnuaiah chuan hnuhma chu chhuizui zelin hmalam chu a panzel a, zanthim chhahleh ṭihbaiawm tak mai chuan hlauhna chhete mahpe velo in dingtak chuan a kal par par mai a, thawm mak pui pui leh ṭihbaiawm tak tak te chuan ading leh veiah chuan rawnhual vel in, rawn rum ṭhaih ṭhin mahse chu rawlthar thinglungah chuan hlauhna emaw, zamna chhete mah awmlo chuan a tihtur ah chauh chuan rilru sengin ngawpui chhung thimchhah tak maichu a pal tlang pur pur mai a, a hnuchhui laichu hloh a tumlo a, a um phak hma chuan chawlh san emaw pensan chu a tumlo bur a ni, a hnu chhui laite hi chawhma lam tuk ṭhuan ei khama chhuak an nih avangin thuitak an thlentawh aring a, chumi zan chuan um phak pawh a in ring tawh lo a, mahse khawvar hma a thuitak chhui hman aduh a ni
.
Kawlchu rawn eng ṭan in karlo ah chuan khuachu arawn vartawh dawn a, Sangluaia pawh chuan an tuk ṭhuan buaipui laia nan chin tum chuan theih tawpa chak chuan hnu hmachu a chhui zuizel a, khawchhak lam kawlkil aṭang chuan Ni pawhchu rawn chhuak eng phut tawh in, ngawpui chhungah chuan Ni zungte pawh arawn lutsung tawh a, Sangluaia chuan a hnuchhui lai chuan ruam lam a pan avang chuan zan lama an riahbuk sualna lam a nih an ring a, engzat chiahnge an nih a hriatloh avangin thawm pawh adim tawh khawp mai, ruam lamah chuan hnuchu chhui thlazelin ruam chhunga kawrte pawh a zuk pawh thla tawh a, riahbuk an sualna a hlatvak tawh arinloh avangin Sangluaia chuan thawmdim tak chuan kawrte chu a zawhthla zel a, a hmelmate chuan an rawn hmuh hma ngei ngeia a mah chuan a hmuh hmasak a ngai dawn a ni, kawrte kamah chuan fimkhur taka chhuk zelin kawrte chu veilamah chuan alo kawi a, chulai kawrte veilama kawi a zuk kal pelh chuan a thlanglam kawrte kam ve ve chu alo zawlnuam khawp mai, fimkhur tak chuan chulai kawrte kam chu hrut thlazel in riahbuk ni awmtak pawhchu a hmuthei ta, Sangluaia chuan riahbuk chu hmuh chian leh zualtum chuan fimkhur tak chuan kawrte kamchu a hrut thlazel a, Buk alan chian theihna ah chuan hantawi deuh in an ngai chang vang vang a, mahse chu Buk leh a chhehvel aṭang chuan thawm hriattur a awm miahlo mai, Sangluaia chuan a beng an chhit ngialpawh in thawm hriat tur reng reng a hrelo a ni
.
Buk leh a chhehvel chu nguntak chuan an thli thlaia, mahse mihring awm reng reng a hmuta hauhlo mai, Sangluaia chuan Buk lamchu muang chang chuan panthla in thawmchu a ngai changpah zela, kawrte kam Buk bul lawk aṭang pawh chuan an thlira tumah Buk ah chuan hmuhtur reng reng an awmlo a ni, Buk kawtah chuan chuang chhuak chho in an meipui chheh chu an hnaih a, meipui chu a la lum vung vung maia Sangluaia chuan chulai riahbuk chu hmataka chhuahsan a ni tihchu a hreta, an hnu hmachu en kual zung zung in an kal chhuahna laichu a hmuta a, hnu chuan hmarlam chu pan zelin Tlangsang lamah chuan an herchho hret hret zel a, Tuibur hmuamda awm velzet an chhui leh chuan Tlang dung zawl nuamtak maihi a chuang chhuak hlawl mai a, chu Tlang dung chu zawlnuam tak ni in chhuah lamchu khamsang pui pui leh, awi phihrit chheng chhe tak tak a ni, fimkhur tak chuan Tlang dungchu zawhphei in a beng pawh a chhi ngun khawp mai, a mi umte chu an hlatawh dawnlo tih hria in a mit chu len rengin afimkhur khawp mai, a rinang ngei chuan a hma lamah chuan thawmchu a hreta ngei mai le, pakhat hian tu emaw hnenah hian i kalthei tawhlo a maw? a nih chuan helai hmunah hian kan thah mai che a ngaidawn a nih hi, i lu kan hawn chuan atawk mai alawm a tih richu a hria a, chuve leh a lo hriat tawhṭhin ngei mai, a thinlung leh abenga cham veng veng reng mai nula aw nalhtak mai chuan, khawngaih in ka u hi that lul suh u, zah ngai hram hram rawh u tiin mang ang tih hriat tak mai chuan chungho hnenah chuan khawngaih a dil lawm lawm mai a, chu hmeichhe mang ang au thawm chuan an mahni um zuitu rawlthar thinlung chu arawn chhun tlanghneh ngang mai le
.
Sailiana chuan Kaihnuna chu phih tho lawpin i kalthei tawhlo a nih chuan tah hian ilu hi kanla mai ang tiin an nam thlutawp mai a, a chempui chu phawrh in Kaihnuna chhipsamah chuan ṭhamin an phihdak nghalawrh a, Chhingi pawh in chungho hnenah chuan a u chu thatlo tura khawngaih dil lawm lawm in aṭap zawih zawih mai a, mahse chu hmeichhe awm nem dilna chu chulaia awmte chuan an ngaihsak chhin eih lo hrim hrim a ni, Sailiana chuan a chempui chuan Kaihnuna hrawk chu chuk tuahin zai hrawihmai an tum a, mahse a tum a tih hlawhtlin hma chuan an piahlawk aṭang chuan Silai hi arawn puakta ṭhuai mai le, Sailiana chu Silai mu satak mai chuan a nak veilamah chuan rawnverh pawp in leh lamah chuan atlang pawp mai a, chu Silai mu satak chuan paih ang thlawrha rawn hnawlin Sailiana chu apiah ah chuan ahlawm pheinawk mai a, chu Silai thawmah chuan Sailiana hote zinga pakhat chuan Silai rawnlek chhuakve nghalin, a Silai a hmet puak dawntih chuan Mau bulchanghi chak lutuka rawn thlawk pheifua in chupa hrawkah chuan a burta ngur mai a, pakhat chuan Silai chu rawn chuhve nghalin, chupa in Silai arawnlek chhuak chiah tih chuan rawlthar zamṭha tak maichu chupa bulah chuan rawnthleng pheive nghal zawkin chupa nghawng chu a in chhawk nghal ṭhawt mai a, chulai hmunah chuan in beihna chu thleng chhun zawm nghalin thisen chu aluangta zeih zuih mai a
.
Chhingi pawhin a u chu bawih sawm nghalin Tlangdung khamko Lungpui phenah chuan a hnuk pheive bawk a, Sangluaia te chu Lungpui Chhingi te bihruk na piah ah chuan in beiin a hnunglam aṭang chuan pakhat hian rawnsah an tum a, chu tak maichu Chhingi chuan lohmu in mang ang leh zak chung chung chuan, Sangluai ihnung lam an ti ve ṭhawt mai a, rang lutuka Sangluaia chu kun hniam chunga leh hawi nghalin a chempui chu an vai pawp mai a, chupa dulchu thlernghal duai in a bawk nghal thlawrh mai a, Sangluaia rawnding chhuak leh chu a piaha pakhat chuan Silai rawnchuh in, rang lutuk chuan Sangluaia chu a bawk hniamleh nghal thlawrh mai a, Silai chu rawn puak ṭhuai in Sangluaia piaha ding Chhingi chu hersawk in a hnung khamah chuan a tla liamta nghal a, rang lutuk chuan Sangluaia chuan Mau bulchang chu thlawh chhuakve nghalin chupa thin hnunzawn ah chuan aburta ngur mai a, rangtak chuan Sangluaia chu Chhingi tlak liamna lamah chuan tlan nghalin an thlir thla a, chulai Chhingi tlakna laitak chu khamsang lo laitak ni in, mahse lung phihrit awitak chu a ni a, Sangluaia chu tlan liamthla nghalin Chhingi Lungpui liantakin a dan tan nalai chu an zuk thleng thla a, Sangluaia chuan mang ang tak chuan Chhingi ti a ko in a ban veilam chuan a tukhum ah chuan a lu chu an dawmkang a, mahse Chhingi chuan biak chu a hreta reng reng lo mai, hmuh a chak em em leh a thinlung zawng zawng neitu Sangluaia kohna chu chhangtur awmlo chuan Chhingi awm aṭang chuan thisen tharlam tak maichu rawn chhuak zawih zawih mai a
.
.
DUHTAWK LEHRIH PHAWT ANG U AW
REMCHAN VE LEH KAN CHHUN ZAWMLEH DAWN NIA
.
Hman hmawhlo in minlo nghak hram hram ṭhindawn nia
.
.
[Lalzirliana Tochhawng] [Champhai Tlangsam]

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)