PASALTHA MAKPUIA By Mafaka Khiangte Hmeltha (Completed)

[Ngaia]

PASALTHA MAKPUIA (Mak luhlula) 36

....Makpuia te ho hnehna chang chunga Zawngkawt an lawi leh tuk chuan Silai in rawn ul ul kara Ral lu vun lek vah vah pawl lah bo lo...lal Pali leh Upa ten lo hmuak in a serh zinga mei ang maia naupang lo tlan kawi zawr zawr kara Lengi nuiri kara an ha var rual theh thawh zing ni chhuak in arawn chhun en kara Chhimbal zam chiai chiai nen... Arkeziak lo in bun tir leh zu fang lo intulh mawlh mawlh tawk lah bo lo... Hliam tuar tlem azawng te pawn thiante zawn ngaia awm chu duh tawh bik lo in an kal bai ve saih saih hlawma...Khanpui lal leh an thurualpui lal panga te nen lal paruk ngawt chu Pazawna hrui hrual vawn hmawr lam ah chuan an kal pai dat dat a... Mipui lam lah in diriam taka lo nuih hluah hluah in... Khanpui lal Vunglaia lo au el tawk an bawk a...lal dangte zak leh hrehawm ti taka an kun tlawk tlawk lai chuan Vunglaia erawh a chapona chuan par a chhuang zual sauh amaw tih tur chuan ala ang tun tun tho mai...
....lal tuala khaw mipui te an thut tlim hmur lai chuan lal te pawn an lalpui an tlangval ten Sal mana an rawn man tak te chung chang rel chuan an thu bial laih laih a.... Khaw tin ai awh Pasalthate leh Val Upa te an rawn sawm tel tak ah chuan Makpuia te ho pawh chu an lut ta tham tham a...mahse an lal ten han rawn der viau mahse lal te rorel apiang chu an pawm thu chauh lo chu sawi tur an neih loh thu chuan an chhang fai vek thung a...
... Lawibual lal Ngurdawla chuan ti hian rawtna an siama intiamkamna neih tira an mahni ang bawka lal ve tho te Sal anga han chhawra an nun laksak ngawt ai ah an khaw lam hawia buaina siam tawh lo tura an in tiam thei anih chuan chhuah mai atha atih thu a din chhuah pui tak ah chuan an vai mai chuan lo pawm vek in luhkapui lam chu an pan ta tham tham a...
.... Zawngkawt lal chuan lal Ngurdawla chu an thurel te leh an kal zel dan tur leh an in hmuh khawmna hruai tu atana an nawr ngial pawh in lal Ngurdawla chuan ni love...He hmun luah tu tur chu He vangkhaw lal ngei hi ani tur ani tia tan lo khawh tlat in Zawngkawt lal chuan Khanpui lal leh athawhpui te chu an rorel bawhzui in intiam kamna a neih tir ta thliai thliai a... Vunglaia chuan a tanrualpui lal dangten an tlawm thu leh khawngaihna an dil mek lai te chuan mi dawihzep ho pawnfen feng tlak chauh ani maw in lo nih... Mipa diktak chu thihna hmun ah pawh a thian tan nghet tak in a ding thin asin an ti siah siah a... Chumai duh tawk lova chil a chhak tak thawt thawt ah chuan Khamrang lal chuan Vunglai engtik laiin nge thian kan nih he indona hmuna tello thei lova min siam a min awp tu I nih kan hai hlei nem tun ah chuan I thu hnuaia kun kan ni tawh love...nang vanga nun hlan tur chuan min beisei ngai suh...theih nise keimah ngei hian ania I lu kha lak chak ni an ti let ve siah siah mai zawng thawm kal lai chu atawp chiang narawh e....
... Vunglaia tawng leh tuma a ka a an zuau lai chuan Ngurdawla chuan khai le kan tlangval tlawmngai te khan heng khaw lal hrang hrang te hi him taka an vangkhua an lawi theih nan an khua thlenga thlah kan ba e lal an nih avang in zah tak in kawng lak ah pawh in chhawm in inveng him tur ani ang... Khai le kan nula te leh Pathlawi rual te khan kan mikhual te eitur han siam thuai ru le tiin Vunglaia te inhnial lai chu arawn hmet mit ta hlauh zawk a....
....Khamrang lal leh an thian dang te chuan makti taka lal Ngurdawla leh Zawngkawt lal te leh midangte thlek ha ha chung chuan an hmelma te chunga chutiang khawpa that an chhuahna chuan a hneh thlu ngang ni tur ani...hei hi ani maw rorel dan chu lal theuh theuh kanlo inropui hleih teh e...kan sawi tak ang khan engtik ah mah in khaw lam hawi hian rem len tir tur zawng anih loh chuan kan che tawh ngai lo ang...kan chunga in thatna hi engtin nge kan rulh theih tak ang le... Kan Vangkhua inlo lawi ve te anih ngai chuan tiin lawmthu an sawi mawlh mawlh a... Zawngkawt lal te pawn lal Ngurdawla finzia leh rorel thiam zia chu mak an ti zawk hial a....
... Vunglaia erawh tlawm mai ala tum tlat lo... Ngurdawla lam hawi pah chuan I thu han vuak thluk vel dan chu lal tenawm tak mipui te lawmna chauh ngaih tuah Nupui te thuhnuaia kun duk duk awm tawk lek leh Tap zawla Sakei cho an sawi ang chauh lah ni che tia lo nuihsawh kual vel in lal Ngurdawla chu a chil an chhak tuar tuar a... Chu em em Sailo lal Ngurdawla zaidamna in a daih seng ta biklo ani ange... Makpui khawmaw I chempui kha min pe teh... Kan hnamchawm lal phuah chawp Vunglaia kha Chem han pe bawk ula a sarak rei ta...lal anih avanga kan zah derna pawm duhlo tu nen hian tu nge Tapchhak zawla Sakei cho thin chu I han en ang hmiang... He hnamchawm lal hma a kalo tlu ta hlauh anih chuan a mah hi in zalen tir dawn nia tih pah chuan tual zau lam pan chuan pheikhai zang vah chuan an pen chhuak zui zat a....
.... A vanglaia inbeihna mual leh Sa leh ral hma a a tel an hriat ngai loh nisi zei em em maia a chempui han vilik kual chu Makpuia chuan makti taka thlek vanv vang in Lawibual val rual ten lalpa rem itih chuan I ai ah kanlo ding zawk ange an rawn tih chuan Ngurdawla chuan lo nuih suk in Tlangval te u in lal hi hetiang mi dawihzep hma a tlu mai mai chi ka ni hlei nem lo hah chawl rawh u alo ti sam et a... Makpuia chuan a thiante chu thu tura zap in hmuhnawm I thlir ang u... Kan lal chempui hum lai saw en ta che u... A nautam tlei sawi hlah hlah mai saw an ti deuh sur sur a... Pazawna chuan lalpa khai phar hrep rawh tawngthei zeh zuah si an lo ti lung lung chuan boruak rawn thlak in an ri zui ta hulh hulh a...
....Vunglaia chempui hum chunga rawn pen chhuak ve chu lo thlir thup in a chem lek dan reng mai chuan mipui nuih tiza in a saseh tak tak ah zawng Tapchhak zawla Sakei cho zawk chu inbeih hma hauh pawh in a hriat nghal ngawih ngawih thung a...lal Ngurdawla lam hawi pah chuan I lal pui lak ah thisen chhuah duh khawp in maw I ten awm an ti khur deuh dur dur a...lal Ngurdawla lah chuan mi bei ngam lo anih chuan Sawi mai la... Khawnge kan khaw nula hmeltha kha lo chhuak sela helai hnamchawm lal suak nen hian han in hmachhawn teh se a kaihza tha reng a khur nasa emai an ti lung lung a...
.... Chutiang khawpa diriam leh hmuhsit atawh tak ah chuan Vunglaia pawn a ni em em biklo ati ni ngei tur ani... Ngurdawla lama tlan pah chuan a chem chu a lu chung ah an lek kang phei vu vu a... Mipa inbeih dan pawh nilo chuan a...lal Ngurdawla chuan nuisanga lo nghak in Vunglaia chem bum nana a sir lama pen khat lo pen zauh in a kut veilam chuan Vunglaia Tukhum ri thlawrh khawp chuan an beng bingbilet thuai mai zawng ei theih nise puar awk natham arsi lengvak a hmu ngei ang chu... Mipui lah an haw haw dur dur tawh si... Makpuia chuan an lal chezia chu ngun taka lo en kar in an hriat ngailoh mual ah an lal hian Insual alo zir nasa hle tawh tih aman thiam nghal maia... Pasaltha nazawng tan pawha hneh mai mai chi ani dawn lo tih chu a hmu tlang chiang hle...
.... A taksa peng hrang hranga lal Ngurdawla chemphek lam hnuhma a lan vual tep tup tak ah chuan a theih tawp chhuah mahse Ngurdawla lak ah chuan ek ang chauh a nih zia in hria in Ngurdawla kuta thih ai chuan tiin ama hrawk chu a chhat zui ta thawt a...Vunglaia tawpna chu athlengta Pialral ah zawng a chapo zui tawh bik kher lo mai thei ani....

.... Khual khua ah an chamrei ta bawk nen a tuk maia mahni khaw lam pan tura inbuatsaih mup mup in zan lama lal tuala an hnehna lawma chai hmabak chung chuan an tin darh ta Sung sung a...lal dangte chuan lal Ngurdawla chu an lal en thup tawh hial a... Inbeihna lama hliam tuar te pawh ngaihtuah awm an nih lem loh avang chuan leh tumah nunna chan an awm loh avang chuan an thaw nuam tlang in an boruak pawh a zang tha narawh e... Lawibual lal leh Tlangval rual ten zan lam an nghah hlelh em em chhan chu alo thleng ngei dawn e....
..... Zawngkawt lal tuala mei pui hmun hrang hranga an chheh lai ah chuan Nula, Tlangval, Nuthlawi leh Pathlawi rual te pawn lam an thai leh Suau suau tawh a, lal tual chu asuk hian a su dup dup amaw tih tur chuan mual a kur duai duai thei hial a...zan arei dawn ta Lam thai lam.lah an tui tulh tulh amaw tih mai tur chuan an thawm a tha tulh tulh mai si...Khamrang lal leh lal dangte pawn luhkapui atanga lo zawm ve in an thawm ana zual sauh ta...khawdang lal ten tih ngaia an neih pawh an hriat loh lal te chu mipui zinga lam thai ve tura in dah ngailo an nih lai chuan lal Ngurdawla chu a tho vut a lam tual lai ah tak mai chuan a mute lei hrut ta mai le.... Khawdang Val rual te leh Zawngkawt lengi ten an lo hmuh chuan lal anihna nen zah taka lo kian duak duak in an lam lai an chawl dawn ta mai... Chutah le.... Pazawna ngei mai chu an lal chuan a kai chhuak ta mauh mai...
.... Lawibual val rual te nghah fak ahma atangs an nawr an nawr tawh lam thai ve duhlo Pazawna tan pawh tan han khawh na chi ni tawh hek lo le... Zingtiana leh Tlanzoan rawn hnih thum nghal in Lawibual val rual ten Lengi kai chunga an rawn fin tak ah chuan Pazawna insum rei tawh chu a puak keh ta amaw tih mai tur chuan an heiha pup pup maia... Makpuia chuan Ka nau zam suh I U kalo kal e tih pah a Pazawna an fuih na chuan awmzia a awm nameuh mai.... Nula leh Tlangval an darh deuh hak hak dan ah chuan Pazawnan lam athai tih hai rual ani talo... Meiling per chuai chuai khawpa Pazawna alam lai chuan Tawiw pawh mi lu chunga a bawp sei zet mai lo khai kual fua fua chung chung chuan Bangloa chu an phih chhuak nawlha... Bangloa lah mi zak kha hnim chen tawk vel awrh chauh anisi... Khawtual lam pawh rawn phur thar in mahni lal te theuh lal tual a pawt chhuak in lam an han thai tak tak mai zawng atuk zing ah chuan Naupang tual chai ten ke zungpui thar lam zet pathum lai an chhar reng a....
.... Lawibual val rual ten lam an thai dawn tih an hriat a anlo inbuatsaihna hun alo thleng ta kil tin atang chuan Se ek arawn thlawk chhuak ta fur fur mai... Ngurdawla chuan ring leng lawng chuan khai le Se ek indona aw tih pah chuan Zawngkawt lalpa chu an vawm ri thlawrh a... Kiltin atang chuan hlim nuiri.leh te ri te inpawlh nuai nuai in chuzan zet zawng lal Pakua in finkhawm te chuan kan damchhung ni a kan Uih ber zan tiin an hrilh faka an tu chhuan te thleng pawn chah zel in chuzan ah chuan ek hmatawng tal anla intat ziah ani awm e...
=================================
Lawibual.lam pana lal Ngurdawla te an kir leh ni chuan Makpuia te thian ho pawh lalpa in nangni zawng khawdang lal te han thlah atan chuan in zahawm tawh e ka ruala ka vangkhua inlawi ve ka duh e atih miau avang chuan an thian thum chuan midang te rual chuan Lawibual khaw lam pan chuan an liam zui ve ta kha ani a... A ruk te a an ah ruk an Duhaisami te tana an thihna hawn pawn an ipte pui a luah ran bawk nen an pheikhai a zang tlang in ven thawn ngai ber an lalpa ber lah a valai ber ang hrima hma hruaiin aliam zung zung bawk a... An khaw ram chin an thlen tak ah phei chuan lalpa ber chuan Sa kah tur remchang melh pah arawt ta mauh mai...
.... Hlawm lian pui puia in then in tu pawl ber in nge Sa pui la thei tiin in elna neih an rawt thlu ta bawk nen Makpuia te thian ho pawh pawl khat zel ho tu ah awm in...mahni seh seh mual ah tiin tuk thuan eikham chuan in then darh sung sung in chhun chawfak huna kim leh thap tura in chah in an liam ta sung sung a...
=================================
Pazawna te thian thum pawh han zin khawthawn na remchang alo ni kher bawk nen... Khamrang lal leh Sethlun lal te an Vangkhua a thlah tur chuan Zawngkawt chu an chhuahsan ve zui nghal kha ani a... Tluangtea an kal anih chuan zan hnih leh ni hnih vel ah chuan Khamrang lut in Khamrang atang chuan Sethlun chu Nikhat kal awrh chauh alo ni tawh bawk a... Phur tak leh infiam bawrh bawrh chunga kal zel in Silai te chu ak ve theuh mahse an Talhtum chu an hmang thang zawk tih hriat zet chuan an pu ngauh ngauh a... An thlah lal te lah chuan an thlamuanpuiin a khat taka lal Ngurdawla fakna an han chhak chhuah apiang chuan Pazawna chuan kan lalpa anih kha alo ti thum dut zel a... A tira an nel loh leh an rap deuh rauh ang ni lovin Pazawna te thian ho nelawm zia leh fiamthu duhzia chu man thuaiin lal te pahnih pawh chuan nel tak chuan an fiam ve ta bawrh bawrh a...
.... Khaw en chhunga an theih tawka thui an kal hnu chuan nitlak dawn ruai ah chuan luikam chawlhna remchang tak mai hmu fuh in lungpuk chhung deuh rauh lo awm ah chuan lal te pahnih mutna tur chuan changel hnah an han sah sak zung zung a... Chutianga an che lai chu an sir atanga ngawi renga lo thlir in Khamrang lal chuan zan khat chauh riah nan an va phah uluk ve mawle keini chu pawn lam kan chan hmel hle mai tia Sethlun lal a bek bawr sur sur lai chuan Pazawna chuan ngawi renga rawn pan in an Pahnih chuan an zak dawh a a la lawka a kalpui ta nul nul maia... Chutah an changel hnah phah sa a nghat in tikhan lo titi rawh u... Lawibual val rual ten mutna tha kan chuh ngailo an ti deuh hmuk hmuk a... Khamrang lal Sangkhuma chuan an thilsawi avanga thinrim ta ah ngaiin Pazawna talhtum ban mek chu hlau khur ru der der chung chuan ngaihdam dil an tum dak dak a...
.... Zingtiana leh Tlanzoa za fe maia an rawn nuih chhuah tak ah chuan angaihna hrelo zeta lal te pahnih pawh in en he haw in Pazawna lam an han hawi leh ngawt thin a... Pazawna rawn nuih tak sun sun ah chuan lalpa thlamuang deuh khan awm rawh u...kan lalpa thu min chah kha in hre tawh lo ami... In vunchhia pawh hi a pilh anih chuan kan lalpa min rinna kan ti hlawh chham ani anga sin... Ka han fiam vel mai mai che u nih kha tikhan lo thu chawl ula zanriah chaw tur kan han buaipui ange tih pah chuan a thiante awmna lam ah chuan a kal ta vut a....
.... Tlanzoa chuan Silai kah ka thiamber khawnge Sava zanriak te pawh beisei tur a awm mahna tiin inti thei fe chuan an in ak chhuak thuai a... Zingtiana chuan khanglang che chuan a... Thing lubul te kha va Sakhi hmuh ngawt lola tia au zui lauh lauh in zan thing chhem tur dap chuan ram lam ah chuan an vak lut thuai a...lal te pahnih pawn lo awm mai mai bik zawng an tum hauh lo, an tih theih tawk tih ve tuma meichhemna hmun an thleng phei tep tih ah chuan an sir dinglam atang chuan Sai thawm na tak mi mai awma mawi chu rawn chhuak phut in hnim te chu arawn che phei nghal lawih lawih a... An ni pahnih tan lah tlan chhiatna hun awm hek suh an mang ang lutuk chu an lo inkuah chawt tawh a... Thawm chu lo hnai zel in Pazawna te thian ho hmel lah hmuh tur awm bawk silo... An piah lawk ah chuan Silai rawn puak nghal thawr nen...lal.pahnih te chu an au chhuak chul tawh a... Thawm na em em rawn chhuak zuiin a kap fuh ani ngei ang ti lung lung chunga Pazawnan Thing uipum aia lian daih mai a zar zawng zawng nena rawn hnuk chhuak in an riah buk zawl chu a rawn tawn chhuak chiah bawk a... Sai thawm a maw an tih kha... Pazawnw thingfawm thawm lek alo ni tih an hriat meuh chuan patling leh Patling in kuah reng thu awm suh Meiling an pawm tel ta maw tih tur khawpa rang chuan an in then nghal phawka...
... Pazawna Silai rikna lama a tlan liam tur khisuk chuan lal te pahnih che lai lutuk chu nuihzat lam lam ah a kal tir ta zawk a... Tlanzoa chuan Sakhi patuai alo kap ve ngei chu niin Pazawna chuan nuisanga rawn khai phei lawp lawp in lal te Pahnih in puah tuma lo lak sak an tum chu lo thu mai mai teh u...a hela kan ei angaih phah ange tiin an puah nghal zung zunga... Zingtiana rawn thleng chu Tlanzoa chuan kha Pasaltha sa kah kha han puah teh unnnn inti thei fe a lo ti lar lar in phun nuah nuah chung chuan Pazawna chu a pui ve mai bawk a....
.... A tuk zing hma taka lal leh mai tum an nih avang chuan hma taka mut tin tuah in an thian thuma inkawm bawrh bawrh chung chuan Favang awllen huna zin vei vah te chu an mahni rawt rawt chuan an han rawt thlu ve ngawt chu ania...an titi a zawi tulh tulh a...hnar riin rawn chhunzawm nghal in an hruai lal te pahnih pawh an thla a muang bawk aniang an mutui sak sak hle....
.... Pazawna pawh a mutui ngang mai a mang lam ah chuan an lenna vangkhua lo hmu in amah ngei chu Chempui tat in alo su hluau hluau a chutih lai taj chuan a U Makpuia chuan alo barakhaih thut chu niin a phu nasa bawk aniang a mutui lai pawh a harh zawk renga... A harh rual chiaha an mutna sir lawk a thingtang tliak ri rak thawm chu hre nghal zat in an mu meng kur a... Rei lo te ah an chhak lam atang chuan thawm arawn awm leh ta tlat... Chutiang thawm chu hmun nga vel lai ah a rik tak zauh zauh ah chuan Sapui thawm mai anilo tih chu Pazawna chuan hrethiam nghal in Zingtiana chu an sawi che luai luai a....

Naktuk zan hma chu Lo insawi ngat ngat mai teh se...ka van type thui em emmmm.... Thangluaia ziaktu thianpa Mazira te hian engtin nge episode 160 chuang an ziah theih bik le ziah dan tur van zia hi aw....

MAFAKA KHIANGTE...
CHAPO TUR LEH INDUH TUR HIAN TUNGE I NIH... MI CHAPO LEH INDUH TAK TE HI MAHNI IN HRECHIANG LO AN NI CHAWK...

[Ngaia]

PASALTHA MAKPUIA ( Mak luhlula) 37

.... Pazawna chuan thawm chu ngai thla kar in a beng hriatna tha zet chuan hmun hran hrana thawm lo chhuak chu man nghal thuaiin Sapui thawm anilo tih a hriat chian em avang chuan a kianga mu Zingtiana chu an sawi che nu nu a... Zingtina phak fe mai a meipui chheh mit deuhthup tawh hnuaia an meng chhuak in Pazawna lo thu tung ut leh a Talhtum a lo hum tum dan ah chuan thil awmzia man thiam nghal in a mutna sir maia Talhtum chu an chuh ve nghal zat a...an thawm ah Tlanzoa pawh lo harh nghal in an Pathum chuan an han in melh kual den den a... Tlanzoa chuan zaizira a thiante chu rawn pah in Silai hi hmang hmasa zawk ang tiin Silai chu an lek chhuak nghal zat a...
... Thawm nei hauh lova an ven lal te pahnih lama tawlh phei hriau hriau pah chuan thawm lo chhuahna lam chu an melh nghal kar bawk a... An thawm hriat pawh rawn hnai ve zel in, tute nge ni ang Khanpui lam lah an mahni han umzui thei ziazang anni tawh silo ngaihtuahna vir vel hmang tangkaiin Pazawna chuan lal te pahnih lama tawlh hnai hriau hriau chung chuan an kezungpui ah chuan an phih sak dat dat a Khamrang lal leh Sethlun lal te pawh rang taka rawn harh in Pazawna kawh na lam lungpui hnuai lam ah chuan an vak lut ta thuai a...
.... An thian thum a in kut zaizir hmanga inrawn kual zel in phen tur remchang theuh an neih hnu chuan Pazawna chu ring em em mai chuan an hnar leh kuk kuk a... Thawm pawh rawn hnai sauh in an meipui chhehna eng chin leh chin lo ah si chuan Mipa Puitling vek nisi, a taksa lah chu kim biai siin Pazawna te kawng thleng vel awrh chauh tur ni si in lung hriam hum chunga rawn ding teu chu makti zet chuan an thlir thap a... Chu mi tereuh te chuan tawng maksak taka Pazawna rawn bia in Pazawna bihrukna lam chu a hai lo tih hriat tak chuan a rawn melh ding ngar mai bawk a... Pazawna pawh muangchanga din chhuah pah chuan mi maksak deuh lam pana pen chhuah chu an rual nghal zat a...
... Zingtiana leh Tlanzow pawh rawn pen chhuak ve nghal in an hmazawna pate takte phek zet chu makti leh angaihna hrelo zet chuan an rawn melh kur bawk a... Chupa te chu mak tak maia rak nawk nawk in Pazawna chu kawk in ram hla tak lam te chu an kawk leh rih thin...angaihna hrelo zeta Tlanzoa te pahnih in Pazawna an en lai chuan Pazawna ber chuan chupa te chu a rawn chhang ta tlat
... I ram hi rawn chuhpui che kan tum hauh lova...In buzawl berkher kan rawn luah tih lah ka hre hek lo.. Khua avar anga kan kal leh mai dawn alawm... In chenna anilo tih oan hrelo mai ni lovin khawvel ah hian in piang ve tih pawh kan hrelo hial zawk mawle buaina induh lo tak zet anih chuan min kiansan ula naktuk ah tuk thuan eikham ve Ieh a kal leh mai tum kan ni e tih pah chuan a thiante chu an Silai dah thla tura hrilh in a mut hmun apan leh ta daih a... Zingtiana leh Tlanzoa pawh chuan thuawih tak chuan an Silai te chu an dah thla ve mai bawk a...
... Chupa tereuhte pawh chu nui sen sen in a kut te takte chhah tip tep chu an beng thak thak a... Hmun hran hran atang chuan mei eng chin ah chuan an rawn chhuak ta phak phak a, a hma a an hmuh pa ang vek chu nimai chuan an hria a... Pazawna chuan inva mak sipsep reuh ve aw... Ti khan in buzawl ah chuan lut leh tawh u a khawih pawh kan khawih hlei nem mut leh kan duh a bengchheng insiam lo hram dawn nia a nih loh zawng in Pasaltha Duhlaia fapa Pazawna leh a thiante mutui lai tih buai pawizia in hre hlauh dah ange tih leh mut chu an rual nghal zata....
.... Pazawnan apa hming a lam chhuah zeuh chuan awmzia alo nei na meuh mai... Chupa te chu rawn pen chhuak in Pasaltha Duhlaia.... Duhlaia tia Pazawna kawk chung chuan tawng mak tak taka rak nawk nawk in kar lo ah an bo ta dial a... Khamrang lal te pawh chung ho kal bo vek hnu chuan ti deuh duk chunga rawn pen chhuak in Pazawna te lam chu an rawn pan phei vut a... A mah Pazawna ber lah chu alo muhil leh der tawh chu niin Sethlun lalpa chuan makti taka thlek vung vung pah chuan eng mihring nge mawni in nih hrep ni... Hlauhna pawh hi in lak ah chuan a hlau zawk ani zel hian ani ka rin ni..keini do hneh rual in lo ni love a ti chhuak hial reng a...
====================================
... Lawibual val rual te pawh mahni ram chin thleng tawh an nihna leh an Indona lama hnehna changa khawlam pan ni chung si an lalber in in el na an buatsaih leh zel nen an phur tlang in a hlawp hlawp a in then darh a Sapui lak ngei tuma Ram ngaw thelh hun mai hnuaia an vah thauh thauh lai chuan hlawh tling lo bik nih hlau ru tak chunga an hruai tu theuh te zai ngai tak zel chuan an mit leh beng an chhi kar thung a... Mihrang val rual ten ngawdur khup kara an laifei chul chunga Sapui an han veh theuh theuh mai zawng an buzawl luah lum mek tu Ramsa ko ham tak tak tan pawh pawngpaw zuam ngawt chi an ni hauh lo ang le....
.... Makpuia te ho pawh fimkhur taka an hma lam ruam rai dup mai pana pen zel in a khat tawk in thawm ngai thla in an han ding ngawi vang vang thin a... Ngaw kar thing thelh hun mai lam thlir vang vang chunga Vaibel an pak talh talh lai chuan Makpuia mit chak zet mai chuan an hnuai ruam Thinglian pui pui mai kara thil che zauh chu a hmu fuh ta hlauh mai le... A kuta a thiante ngawi tura zap nghal in a thil hmuh hla fe maia mi chu an kawk zauh zauh a... Mahse mi danglam bik tan lo han hmuh mai mai chi ni hek lo an hawi kual vel hlawm mai mai chi ani ber e...
.... Makpuia chuan a rin zual deuh a nau te zing ami panga chu thlang chhuak in midang ho hnen ah chuan ti hian hmalam pan hian in rawn in zar thla anga keinin a hnung lam atang in kan rawn beih dawn avang in he lam pan hian vanduai thu hla ah kan rawn kap thlan palh thei tlat a chu chu inlo chang dawn ani fimkhur hle ang che u tia chah dap dap in a mi thlan bik te nen chuan chu Ramsa eng Sa nge pawh Makpuia ber pawn ala hriat loh veh hnai tur chuan an liam ta thuai a....
.... Makpuia leh a naute pawn Makpuia Sa hmuhna hmun chu an hnaih ta viau tih hriatna chu Thochim leh vaihmite in a rawn bawr tak laih laih dan ah chuan hai rual anilo.. A ek tharlam zet mai an hmuh tak ah chuan Makpuia chuan fimkhur angai Ieh zual tih hria in a nau te chu an hrilhru sar sar a... A ek leh hniak atang chuan an sa veh lai chu engdang ni lovin Sai hnu ani tlat...a rual zing atanga tla hrang anih zia a hriat nghal mai... Nge ni a anu hur chang phalo a aia huai laka tlawm tlahrang ta tih pawh va hriat ni suh...
... An han kal leh hret chuan an thlang ruam atanga rawn chhuak chho tih pawh an man thiam nghal mai renga.. Makpuia chuan anau te chu beh chhan nei reng tura fuih chung leh a lu bawr tak in kap thei lo anih pawh in a ke ah tal in kap dawn nia... Sai rim hriatna hi athat em avang in hnim kha nuai sawm ula in chulh vak mai rawh u thli bengna lam ah kan awm tlat mai an ti zui sar sar a...a mah chuan hnim hnah rimna deuh deuh ni a a hriat te chu nuai sawm in an in chulh nghal mawlh mawlh a... A nau hruai te pawn rawn ti ve nghal sap sap in Tho tho leh phur zet chuan Sai awmna lam ni a an hriat chu an pan phei ta thuai a....
... Makpuia Silai thawm ngaithla a an inrin thap tawh lai chuan an hmazawna Sai chal em em mai a nak bawra hliam tuar sa tawh a ngho te lah chu ban chen dawn khawpa kual var pup mai nisi chu chilput ru dep dep chuan an thlir thap tawh a... Makpuia Silai thawm lah hriat tur awm mai silo... Chung tlangval thaza rual chuan kah mai an chak tawhzia chu an hmel en chuan a lang reng mai... Mahse an hruai tupa ber thulo chuan chet anla ngam der silo...
... Kut thlan dap dapa Makpuia Silai thawm ngaithla chunga Sai chal zet lam hawia an Silai an tin kawh far lai chuan Chulai ruam khawk rum rum khawp chuan Silai arawn puak ta thawr mai le... Silai puah rual chiaha Sai te ruai ruai thawm chuan zui nghal zat in Ngen mu pakhat vang mai maia tluk tum lo Sai chal chuan Makpuia naute awmna lam pan chuan a rawn phit phei ta tlat... A rual deuh thaw a Silai puak nghal thuai thuai in an kah ber pawh chuan a tum thlak in a in her vut a an naute alo awm tir na lam pan chuan hliam tuar thinrim tak chunga lim phei nghal buan buan in a thlen chin a hriat in a thawm pawh na rem rem tak ani.... Reilo te ah Silai rawn puak nghal zawt zawt in Sai thawm pawh ana zual sauh a... Hman hmawh taka Sai awmna lama Makpuia pawh tlan nghal dawr dawr in a Silai chu an sawh zawt zawt a... Sai thinrim na tuar te ri leh Mihring thawm nena in pawlh nuai nuai in Sai chal hliam tuar in an zinga Naupang ber Tawna man fuh ngei tuma phin phei nghal in Tawna lah Silai lo keng ve silo nen mang ang taka pawng tlan mawp mawp in a van duaia siam nge ni dawn ni ram hrui zam hnawk chu lal in a tlu bawk nghal thlawrh a... Insaseng na hman awm tawh hek lole... Ngen mu Sawm chuang dawng tawh Ramsa thinrim mengsen rum mai leh thih sual mek...ka thih chilh ve hrim hrim dawn ti ang hrim a Tawna lama kal phei buk buk zel nen midang lah in Silai mu la thun hman bawk silo... Tawna tlan rawh tlan rawh tia lo au tuar tuar chung chuan an awm hmun ah chuan an lo rak chel chul hlawm a...
... Tawna beidawng tih ngaihna hre tawh lo pawn a hun athleng ta tih hria in a lo au tuar tuar tu a thiante lam hawia nuih sang pah chuan a hma a thihna lo thleng tur chu hlauhna nei map lo chuan alo nghak ta tawp a... A mitthla ah erawh an run riang te a a mah hmangaihtu leh a neih chhun anu chu lo lang zawk in Kanu zawisapa ti chunga amah chil hlum tum tu Sai thinrim mengsen rum mai chu alo melh ding ngar ngar a...
... Tawna thih mai phal lo tu an zing ah chuan ala awm tlat... Chu Sai thinrim leh Tawna in kar hlat zawng hlam thum lo liam a awm tawh lo tih ah chuan Makpuia chu Silai tinkawh vah chung chuan a rawn ding kak ta teu mai le... A thil tih tum thulh tir tu chu Tlangval chu Sai chal chuan angai thei vak lo tih hriat tak maia kiu ruai ruai chung a thih tha tak meuh meuh a rawn tlan pheiin Makpuia chu rawn chil sawm vek tum ang hrim chuan a ke hrawl zet mai chu arawn hmachhuan phei nasa mai a... Hlauthawng taka lo thlir tute beiseina chhete chu Makpuia ngen mu chuan ati hlawh tling ta tlat... Sai chal dam taka Makpuia silai mu lut thluak pawh hawk chuan Ramsa zinga lian ber mai Sai chal ngho lawr vurh mai chu awp tir nghal rawp in a tlan lai chu awp rawp in Makpuia leh Tawna insaseng chu arawn hnawl tel rawk renga... An piah Changel hmun ah chuan an ke lam zawng delh sak in an mu ho ang rial rial a.... An thian dangte lawm em em kuk rawih rawih chunga rawn tlan khawm in Makpuia te chu an han pawt chhuak thuai a an lawmna chuan van atawng hial aniang... Makpuia chu an van vawrh ta vawk vawk maia... An vawrsang ngang aniang... Pu Vana mawng a han kawm pha hial zu nia... ( Its my Style)....
..... Sai ngho chu an han teh vel a...a sei an tiin a ropui an ti lutuk chu an si vawng vawng hlawma an in elna ah chuan a ber nihna chan loh reng an in ring mawlh lo... Ti chuan Raw thla sat zung zung in lian pui pui chuan an han hlai thla zung zung a... Tlangval chak tha theh thawh Sawmnga rual vel lai anni bawka vawikhat ah an phur zo mai renga... A rih zawng an rit tlang narawh e mahse an Sa kah chuan phurna pe in hah leh rit lam in hmun a chang reng reng lo... A lu chu pahnih in zawn in a Ngho lawr vurh chunga hma hruai nan hmang in Makpuia lah engmah ken ve phal hlawm hek lo... Tih luih ve ngial an tum pawh in I sa put kha I dah loh chuan tuman kal kan siam lo ang an ti bur zel mai si...lawm tak leh inthlahrung ru tak chung chuan Makpuia pawh a kal nui ta var var a... Thalengi bengbeh tur zawng an vai ta hauh lo...
.... Makpuia ten an in nghah khawmna hmun an thlen chuan Bangloa leh a thiante pawh hlim tak leh hlawh tling inti tak chunga Sazuk ki hreu mawi zet mai lo thut puiin Makpuia te Sai kah ngho chu en chak tak chung chuan an lo thlek dak dak a... Mahse Makpuia thiante zing ami.. Zakhuma chuan an in nghah khawmna hmun an thlen hma deuha rawtna siam in an Sakah lu chu Changel hnah a tuam bo vek in amah leh Tlangval pahnih chuan tuma hawn phal lo in an thut pui tlat si .. Chutianga an sa kah lu en an phal loh tak ah chuan en chak ati zual sauh ni ngei tur ani... En ruk tum lah an bang lo an hlimpui phian ang lawi a....
.... Makpuia te thlen atanga rei vak lo ah chuan Tawia te leh lal Ngurdawla Ieh a hote pawh lo thlleng ve nghal in chulai ruam khawk rum rum khawpa Lawibual val rual te an han khek tak tak mai zawng Sava hlau thlawk ri nen Sa te nau hlau tlan chhe thawm nen Zawngrual hlau bak lenga thingzara uai fan nawlh nawlh nen chulai ruam chu akhat ani ber mai a... Han chhui zui ngat selang chuan Sakhi hlau thidang pahnih ngawt an hawn belh tur hi ania... Mahse an chhuahna ram lama an hlawh tlin hlawm em avang chuan chulam zawng an bengkhawn hman lo chu ani e...
.... Tawia te Sanghal kah lu hrawl zet mai ti ropui zual tura a ngho han pir kual raih mai chu thlir tham ava ni teh lul em...lal Ngurdawla te Sazuk kah lah a ki a hreu kual kikawi nalh nasa mai si nen... Bangloa te Sazuk kah Lu nen an han dah dun zet chu duhthlan tur zawk avang ngang aniang lalpa ber chuan Phir anni aniang an ti ta peka an vai nuih dar dar lai chuan Zakhuma chuan a vei tak dar dar che u chuan tiin an lo nuihsawh kual vel a... Chapo fiam pui tham renga Sai ngho tha leh sei thutpui miau hek...
.... Zakhuma nuih vel dan ah chuan eng ang fakaua ropui nge tih an hriat chakna zual in en luihsak an tum ta mai a, Makpuia kalpui an thian dangten Zakhuma te lo pui bawk in chulai ruam ah chuan Miruang zawn in chuh ang mai chuan Lawibual val rual te chuan Salu en ngei tum leh en phallo pawl chu an in nuai ta mep mep mai le...lal Ngurdawla lah mipa ram chhuak lal bik va awm suh tih pah chuan a phur phur ah rawn tang I a tawp atawp ah zawng a tlem zawk lam Makpuia te chu an tlawm ta nge nge a...lal Ngurdawla ngei chuan Sai lu an khuhna chu an hawng dek dek a karei maw ti chhuak hluaiin Sai ngho vuan chuan an thingthi nghal rupa hetiang anga Sai ngho sei leh ropui hi van hnuai khuavel ah hian tu khaw lal mah in an nei lawng e tia au chhuak in vanglai tha ang maia chak chuan alim kual ta zek zek a....
====================================
Pazawna te ho pawh tluang te a kal zel in tlailam zanriah chhum hun hma deuh chuan Khamrang khaw kawt chhuah an chuangkai ta hlawl a... Khaw lungdawha thu vang vang in lal te pahnih chuan vaibel an han pak hlat hlat a... Chumi pah chuan khaw luh an hreh ve zia te sawiin Indona hmun ah khan Khamrang leh. Sethlun khaw tlangval te hi mi sawmnga vel ve ve tel ve in nunna chan zing ah tel deuh vek in tlem azawng hliam tuar Khanpui lama enkawl tura an hawn san bak chu an ngamloh chala chil an tah man hmu te zing ah an tel tlat vang chuan lal mahnise mahni vangkhua lawi chu thih hreh taka hreh chi ani reng a...
... Sethlun lal chuan Khamrang lal hnen ah chuan hei khawdai leh ram lama chhuak vak hmuh tur lah chu an va awm lo em em ve mawle...enge maw thil awmzia ni dawn ni arawn tih tak ah chuan a ruka an lo vei theuh leh an ngaihtuahna luahtu alo vek aniang chua Sethlun lal tawngkam chu an rawn chhawn liam liam a... Pazawna chuan engpawh nise heta tang chuan eng mah hriat theih ni hek lo...tiru khaw lam I pan phawt mai teh ang u tih leh hmahruai chu an rual nghal thuai a....
.... Khawchhung an han dai lut chu in hmasa ber atanga a dawt zel in luahlumtu awmlo ang mai chuan alo reh ruih mai renga... An chung lama Mu Vanlai hram thawm chuan boruak a ti rit zual in lal mual lam pan a kal chu an hman hmawh zual sauh a...lal Mual lan theihna an thlen hma deuh chuan Silai han puak thawr ri leh natuar te rawng rawng thawm chuan Pazawna te kal lai chu a ti ding chawt a... An hmazawn ah chuan engthil in nge lo hmuak ta mai le....
... Fimkhur taka in hnuai lama put thla nghal thuai thuaiin lal te pahnih erawh in pakhata thuk ru nghal vat in an ni thian thum pawh in sem darh nghal in lal mual chu a zau thei ang bera pawh tur chuan an hnaih ta thuai a...lal mual lai taka Tlangval pakhat hmai thi hnuang chung leh a taksa hmun hrang hranga chem hnu hma lo awm chuk lo thingthi mek bul lawka Khamrang lalnu hmeltha Zunphuri Pasaltha Rochuhan a chempui chuk tuah chunga a Pasal ro dah thatna alo zawt khur khur chu chiang tak chuan Pazawna te pawn an hmu thei ta...
.... Khatia Khamrang lal leh a khaw tlangval ral hrat zual ten Khanpui an pan ve leh khan an khaw thenawm maia khua rawn kai thar in za bawr vel chauh tur Pawlrang lal Chuhhuama Sailo hnam pawh nilo a nunrawn leh duham leh a Pasalthatna te hmachhuana lal a insiam ta chuan lo hre ru khiau in a kut ke ber mai a Pasaltha Rochuha leh a nau te bik mi pakua te nena rawn thawk chhuak in khaw mipui ten hmelma lam ten an khua an rawn luh chilh tih an hriat meuh chuan lal in leh lalnu chu an kut ah an lo awm fel diam tawh si... He tlangval hliam tuar pawh hian lalnu nun chhan nana a beihna avanga hliam tuar hi ani reng a...
... Rochuha hi Pasaltha nunrawng tak niin a mithah te reng reng an lu nilo in an mitmu kher chhuak duh tlat...hmeichhia leh tar chaklo zawk chung ah pawh kutthlak hreh hauh lo..thisena tuihal ang hi hi niin Mipa Naupang erawh sala man zel in indo mi mihrat tak ni tura chher duh tlat mai ani thunga... Vanneih thlak tak in hmeichhe lam ah hian a Pa theih miau loh avang in a in hlei thei tlat lo...a vaihlo dawn dawn tial dum uk khak chu Zun nan bak a tlak tlat lo... Hengte avang hian anun rawn hi azual amaw tih mai tur hi ani a....

.... Chutia lalnu a lo kaih dak awrh awrh lai chuan abeisei hauh loh in lal mual hnunglam atang chuan aw lo chhuak in lalnu kha thlah loh chuan I lu bur kha ka kap darh vek ang hual beh vek inni tawh tih thawm ahre ta tlat... Tunge tia au tuar tuar chung chuan an hawi kual vual vual a... Chutih laia anaute zinga pakhat in a Silai her rema Aw lo chhuah na Tlanzoa bihrukna lam a tin kawh tur chiah chu lal in sir deuh atanga Silai rawn puak thuai chuan rawn thal nghal tawp in lei athlen meuh chuan a hnuk a chat fel chiang teh e....
.... Aw ngai bawk chuan ka sawi tawh kha hual beh vek in ni tawh insilai kha dah thla vek rawhu arawb ti nawn leh chiah bawk a... Thawm chu areh hian areh thup tawh a... Rochuha chuan lalnu chu lei chara nap thlu thlawrh chung chuan kei Rochuha Lawibual Pasaltha hi tunge min han cho ngam leh ka kawng lo dal ngam tu chu I hmel rawn lan ta che I han sawifel law law ang hmiang arawn ti ta chhek chek mai....
.... Rochuh'n an vangkhaw hming an lam leh Lawibual khaw ti hming chhe zawnga chet an la tlat te leh an khua a chhal na chu Pazawna chuan angai thei ta hauh lo...lal in hnuai atanga rawn pen chhuah pah chuan nang Pasaltha dawheh ka ti dawn che nge I lenna vangkhua I sit zawk... Mi kuta rulkaw zen hmang kha keimah Lawibual Pasaltha Pazawna ka lo kal e... I ngam ngam Ka ngam... tih pah chuan a Talhtum chu an vai kual nghal fur fur a... Hmun hrang hrang melh kual pah chuan Thiante u heng mi dawihzep rual te hi phakar an chhuah anih vaih chuan lo hlawm tawp zel ang che e... He Pasaltha ten awm hi Mipa diktak inbeihdan kan zirtir ange tih pah chuan Rochuha chu an melh ding nalh a....
.... Rochuha chuan amah rawn chotu chu thlek ha ha chung chuan Naupang thangduang satliah maw... Lawibual khaw buh eizotu Pazawna an tih kha inih ngei dawn chu...tunge I cho hi I hria em... I kum zat aia tam ral lu khai tawh leh mitmu khawl tawh kanih hi I hria maw nang phei chu kha I lian tha bawkw I mitmu pawh alian tham khawp alawm...lo kal teh inbeihdan kan zirtir hlak teh ang che nge ni a...I nu hnute ilova hne leh zawk dawn tih pah chuan an nui lui vak vak a...
... A nihna tak ah chuan Rochuha chuan amah rawn cho tu pian leh hmanrua chu en in a ruk tak chuan anhmachhawn chak vak lo...vawikhat pawh a tawh fuh hman vaih chuan a chhiatpui dawn tih ahre pha ve tlat..mahse chutiang khawpa Talhtum lian leh a kengtu Palian bawk si chu tuan that ah a khum loh reng a ring lo... Chumi hmanga chhaih chauh phawt a..a mitmu lak sak chu a tum ru khiau thunga ... A naute lam hawi chuan Bumna mai mai ani...min hual tak tak ring reng reng suh u...chu tawngkam a chhak chhuah rual chiah chuan Mipui hnunglama Rochuha zawn vel hnim kar atang chuan Silai rawn puak thuaiin Rochuha beng hmawr chu athi nghal sar sar renga... Zingtiana aw ngei mai chuan kha chu aite chhinna anih kha a leh pek ah chuan I chal kha ani tawh ang I nau te kha Silai paih tir rang rawh hual beh vek inni tawh an ti leh sak sak a..
... Pazawna te in cho tuah lai vela Khamrang lal leh Sethlun lal te rawn chhuak lai chu Zingtiana hian lo hui hrang vat in Thawm siam tu atan a duh avang in hnim ti che laih laih tura tiin anni pahnih pawn hmun khata awm mai lo chuan an awmhmun sawn thuai thuaiin an hna chu an tan nghal chat a... Rochuha nau te chuan hnim han che Ieh laih laih thin chu hmu in rinhlelh rual loh in hualbeh an nih an pawm hmak... Zingtiana thupek awih chuan an Silai leh chempui chu an theh thla phak phak a... Zingtiana thu ang a Hmelma lam Silai dah chu laksak vat vat in a fawng vuantu ah Khamrang val rual te chu an tang ve ta...
.... Hnim che sun sun kar a tanga Zingtiana leh Tlanzoa leh an lal te pahnih lo inzui chhuak nuisung mai an hmuh meuh chuan Khamrang ho chu thaw huaiin Pawlrang val rual ten bum in an awm tih an hriat meuh chuan an tlai mah mah tawh tlat... Zingtiana chuan Pazawna rawn pan phei pah chuan kan hmelchhepa hi keimah ngeiin ka hmachhawn duh ka upa zawk an ti ngawt a... Pazawna lah in lo kian duh bik hek lo...an han in chuh deuh rap rap a... Chutia an in nawr ngat ngat lai tak leh an in thlah dah lai tak mai chu bawhchilh thut hun tih hai hauh lo chuan Rochuha chuan a chempui lek kawh chunga bawh phei thut in Pazawna zawk dar uai hnawp khawpa sah tum chuan zuan vak pah chuan an chhuk vai ngeng mai a... Mipui lam pawh la te dual in Rochuha chuan a sah fuh loh reng an ring lo...
... Rochuha tual char khu luih luih kara a natuar vial ngawl ngawl chu en a nuih suk pah chuan Lawibual tlangval kan nih hi hre ta che eng lai maha in thlah dah ve ngailo te min han bawh mai le... Khawih zui tlak lah awn lo che chuan a tiin leh lam an hawi san nghal hmak a... Mahse Rochuha hi mi pangngai chunglama leng Pasaltha ralhrat tak ani ve tlat... Talhtum pahnih dawng rual thawt mahse tlawm mai tum bik lo in chau ang taka lang chung sia tho chhuak taih taih in Pazawna te lam bawh leh tuma a insiam rem lai tak chu Tlanzoa Talhtum chuan a tum thulh tir in thluak baw nuai chuan Khamrang lal tual ah chuan a tlu zawi ta hnawk a...
.... Rochuha tluk rual chiah chuan mipui lam chuan anaute la dam awm chhun chu an rawn chil rawn nghal huk mai le...Pazawna ten an thelh theih meuh chuan an zingah chuan Tlangval Pakhat bak chhan tlak alo awm tawh lo... Pazawna ten mipui lam an han hawi nak chuan an hmazawn ah chuan Silai kaw thim mak mai chu an hmu ta teuh mai...an hmelma khua ah an lut miau alawm...an nunna chhan mahse Lawibual khua an hmelma khua an ni tlat... Thinrim hmel leh thah mai chak hmel chauh lo chu hmachhawn an nei ta lo....

Zan hnih lai mai ka mimal buaina avang in post Ka siam thei lo a...hun chep tak kar ah ka rawn ti hram e... Edit ngai atam dawn tih ka hria... Lo edit leh mai teh u... Story type hi eizawnnan a tlak si lova... Hna kan thawh ve loh chuan Story avanga chawnghei ngawt thu awm suh... Hman thakzak kan ni biklo tih minlo hriat sak hram teh u.... In vaia chung ah ka lawm e...

MAFAKA KHIANGTE...

Tlawmsa leh chaklo sa ah inngai mai suh.... I chak I thei ania...

[Ngaia]

PASALTHA MAKPUIA (Mak luhlula) 38

.... An nunna hlu tak leh an chhiat vekna tur laka chhan chhuak tute mah nise Khamrang khaw ho tan chuan an hmelma Lawibual Tlangval te an ni tlat... Pazawna te beisei hauh loh thil lo thleng in Silai kaw hmawr thim mak mai chu an hmachhawn ta tlat... Chutianga an khaw lal ten him dam taka khua an loh theih nana thi Ieh thau pawlha an lo beih ve tawhna leh an hmelma te laka an chhan chhuah zawh rual chiaha an hmu Sakhi nghal.mai Ieh Silai nen meuha an tin tak thup ah chuan Pazawna ngaihdan ani ta hauh lo... A thiante pahnih chu mitmei zauh zauh pah chuan tun ah tih tuarh pah chuan a mah hnaih tu ber Silai chu phih thlak sak lawp pah chuan a kut dinglam a hum lai Talhtum chuan chupw bul chiaha Silai a lo tintu chu an vai nghal pawp maia...Talhtum leh Silai in khak ri chu ri nghal sawk in, Pazawna chet rual chiaha chet la ve nghal Tlanzoa leh Zingtiana pawn nunna em lak sak lo mahse kar khat vel chu mutpui angai ngei ang tih tur khawp chuan Tlangval pahnih ve ve chu anlo thal hman tlat...
... An beisei loh lutuk a Pazawna te chet thut avang a ham haih Khamrang lam an han harh chhuah meuh chuan Pazawna te thian thum chuan Silai an lo hum hman tawh tlat... Mipui hlau maang ang lah an te chel chul nghal si nen Mihrang val rual te lah tlawm zawk nih tum hauh lova in melh ding ngar ngar in Silai han hmet puak mai erawh an awm lo hlauh... Khamrang lam in hual beh tuma tan hmun an siam dawn lai tak chuan an hnung lam atanga an lalpa aw ngei maiin duh tawk rawh u ka khualtha te annih kha arawn tih fiak tak thak ah chuan Makti leh angaihna hrelo zeta an lalpa lam chu hawi nghal thup in an lal mai nilo a kianga Sethlun lal lo tel ve bawk nen Ral bei tura chhuak te hmuh tur awm bawk silo...Lawibual tlangval te lah an lalpa ber in ka khual thate ati tlat bawk si...zawhna chhanna erawh an lal chuan a kawl ngei ang le...

.... Thil thlendan kim chang an lalpa in an sawi meuh chuan an thian te that tu leh an hmelma khua te mah nise Pazawna te chu an ngaisang ru hle tawh tih hriat taka melh vang vang in an Val upa chuan ngaihdam a dil ta hial renga... Pazawna lah chuan kha I Siali hi nei leh daih rawh tih paha lo nui vur vur in a Silai chhuhsak chu an pe let vut a... An unau tam tak ten nunna chan mahse tun ah chuan lal Vunglaia awp behna lak ata an zalen ta chhiah chawi reng renga nung thin khan zalenna ni hmu in an lalpa remruatna ang ngei chuan atuk chu awmni khama an zalenna lawma ruai kil tur chuan thu an ti tlu ta rup a...Pazawna te thian ho pawh tun ah chuan nui sang in hah zu an dawm thei ta... Sethlun lama palai tir thuaiin atuk lama ruai kil hman ngei tura Sawmna leh an lalpa hruai tura thu keng in Tlangval mawng zang tak tak pali te chuan khua an chhuahsan nghal zat bawk a... Mipa Rawlthar rual ho pawn lal luhkapuia Pazawna te thian ho Talhtum eh darh a Hmeichhe phur khat zet chhuak thei khawpa mawi leh lian chu an lo bial lat lat a....
=================================
.... Lawibual khaw kawt chhuah a hnehna hlado nen... Hlado chham ri nen in pawlh nawk kara khaw mipui ten khaw kawt chhuah lam an pan hul hul lai chuan lal Ngurdawla pawh hapui tawp lang lang chuan alo keh hui hui tawh a... Pu Zalawra leh lalnu in hma rawn hruaiin ral do haw mah nise Ram chhuak hawn a hawng ni miau hek Zanriah chhum hun pel tawh si ah chuan Lawibual khaw kawt chhuah ah chuan Salu ropui tak tak chu an hung tlar dul maia...chu Salu hmu lawn lutuk mipui sahawk vek vaivut pal khuk nasat lutuk avang chuan Sazuk lu bung tawh pawh a mit amim ni ngei tur ani vawithum lai chu a mit arawn khap fawk fawk hial a... Ti chuan le khawchhung lam pana haw haw phei mup mup in lal tual lam an pan phei zel a... Sa lu ropui tak tak nen Thi leh Dar nen nunna chan awm bawk silo...an Sa phurh haw zozai lah ruaipui kilna tham dawn ni bawk nen an hmakhua ava eng tak em....
... Luhkasang ataanga lal Ngurdawlaan an kalna ram chan chin leh hnehna an chan dan te an hawn lama an sapui veh dan te kim chang taka an sawi zawh meuh chuan lawm avanga kut beng dur dur ri nen an thawm pawh atha narawh e...a tuk lama ruai theh hmabaka an kir leh hma chuan Pasaltha rual mahni khaw chhan nan leh mi chapo te chapona thai bo tura feh chhuak mihrang val rual te chawimawina hun nei leh in chu hun tawp ah chuan lal Ngurdawla chuan ti hian thu akhar ta a...
Tun ah chuan ka vangkhua ropui Lawibual ah ngei mai a tluka ropui la awm ngailo leh ka la hmuh ngai lo... Sai ngho tha leh mawi em em mai chu ka Pasaltha Makpuia zar ah alo lawi lut ta.. Chutiang chiah chuan Sasuk ki ropui leh Sanghal a tluka chal leh ropui a awm tawh dawn ani tih tur thiau te ka Pasaltha Tawia Ieh Bangloa leh ka khaw val rual mi huaisen te zar ah ka vangkhaw mawitu alo awm ta... Ka banglaia tar tur ni lo mahse kei in lal tling lo ber mai hi ka lawm tawk em em ani... Ka Pasaltha Pathum heng Sapui hnuk chhat tute khan in Salu ropui nen khan lo chuang chhuak ula khaw mipui te hmuh ah hian han chawi sang teh u...a lawm nan I han haw haw leh hram teh ang u an ti sui lauh lauh a....
.... Mahni Sa kah lu theuh chawi chunga lal luhkapui lam pana pen chhuak in lalpa in ding tura a tihna hmun an thlen ruala mipui haw haw dur dur kar ah chuan lalpa ber chu a au ring ber ber ah tang in a su hluau hluau a... Mipui au thawm a reh fel ta... Makpuia chuan muang changa a Sai ngho ken lak thlak pah chuan he Sai ngho ropui tak hian tun ah chuan a awmna tur hmun diktak athleng ta... Tawia min koki chhuan teh tih pah chuan Tawia chu a pan phei nghal a... Chutiang zela an Salu te theuh lal Ngurdawla kawngka lu chung a an han tar meuh zawng lal Ngurdawla Sailo lal induh ve tawk tak hnampui leh ropui Mipa ah pawh inti pa ve tawk tak biang ah chuan lawm avang a mittui rawn luang chhuak nguai nguai in ka fapa te u tih bak a sawi thei lo.... Makpuia chuan lalpa heng Sa te hian I banglai an in hmeh ber e... I duh chuan min chhuh lui thei I nih kan hria a sin... Mipui te u hetiang lal rilru tha leh zaidam rorel thiam kaihhruai na hnuaia kan awm thei hi kan van neih zia I hre thar leh ang u...lalpa Ngurdawla dam reng rawh se an ti lauh lauh a... Mipui lam in lo zawm dual dual in lal te nupa Ieh an fanu Ngurpuii te erawh lawm luat vanga lo inkuah khawm tel tel in... A thinlai luahtu Pazawna awm ve lo...suangtuah vang vang chung chuan Ngurpuii pawn bianga mittui luang zawih zawih chung chuan Pazawn min ngaive lo em ni an ti thawp sat a...
====================================
Pazawna te thian thum pawh lal duhsakna no dawm chunga lal mual a lam thai mup mup chu thlir chunga lal te nena in kawm ho dar dar in Khamrang lal lah chuan a khua a pem mai tur chuan a sawm awl lo bawk nen... Sethlun lal lah bang bik hek suh ka khua ah inlo pem duh a nih ngat chuan ka khaw nula hmeltha in duh duh nupui atan pawh in thing thei ang chumai ni lovin nuamsa takin ka awm tir ang che u tiin thlem tinreng in alo thlem ve bawk a... Tawngkam tam taka chhang lo chuan hun in ala hril ang chu tia thiam taka lal te sawmna chu chhang zel inThla eng hnuaia lam thai Lengi ten an D valmawia te haw lo tih hriat taka an han kiai khum sak thin te chu hmuhnawm an ti lo bik hauh lo... Zingtiana leh Tlanzoa chu mahni tawka lam thiam inti ve ngat an ni bawka an insum zota lo...lam thai tura pen chhuah pah chuan khaih aw lam in thai tak tak teh ang aw... Hei lo liama damlai par tlan...tih pah chuan an han dir phei nghal zauh zauh mai chu khawtual lam lawm ah lo tla in phurna nasa tak nen lo chhawn nghal in an boruak hap a sang in an thawm pawh ana viau reng a... Pazawna erawh lam mi anilo tih a hriat chian en avang chuan chak ru ve tak chung chuan thiante lam chu alo au lung lung a...
.... Zingtiana leh Tlanzoa chuan Nula pathum lai chu hrilh ru zauh zauh in Val upa Bela chu an han bek bawr sar sar bawka... Val Upa Bela pawn Buk nghat nghat pah chuan Pazawna lam chu pan in lam tual lama kaih chhuah chu an tum nghal a...mahse Pazawna chuan tan lo khawh tlat in a duh lo chung pawh luih tum chu Bela tan chuan Vana lawn tum ang vel ni miau hek... Mahse Pa chak ber pawh hi Tha lengi tawn ah zawng tui ang alo nem theih viau ni tur ani... Val upa Bela meuh a beidawn tak ah chuan Khanpui Nula hmeltha pathum in Pazawna kut zungchala an han pawt meuh zawng khawnge mi chak Pazawna kha a awm tak a tha hrui te chuan akiansa ta mai emni Lengi ten an hnuh kal tak duan duan mai le....
.... Pazawna lam tual an dai luta lam an thai ve uih uih ta chu le phurna nasa tak in Khawtual thalai rual te chu rawn tuam nawn leh in an rawn mu te lei hrut ta delh delh mai le... Pazawna mizia Lengi nuiri in kai chhuak in lam an thai leh ta tak tak mai zawng an meichheh te chu a darh Ieh ur ur tawh a... Lengi nuiri nen Valan a sakhming chhal chunga Pazawna te rawn fin in lal te pahnih meuh pawn lam tual rawn mawiin chu zan zet zawng kawl arawn en hma loh zawng tin zai reng an rel thei lo chu ani e....
====================================
.... Pazawna ten Lawibual an thlen leh zan ah chuan lal Ngurdawla hnena an chin hrilh tura tlai lama an lut kawi zan lama leng leh tura lalpa ber in a sawm miau avang chuan phur taka insiam surh surh in Zanriah kil pah chuan an zinna ram chanchin te sawi suam suam in a ti ti paha sa tui hang sa tha zet mai an hawp hruk chu a beisei aiin alo sa nasa mai si...in ring hman tawh hek lo a sa ti ltk chuan a ke an leng vuat leh ta nghala... An sa tui hang chhawp chu pet bua in an buai zui tak nuai nuai a... Makpuia tih ngaihna hrelo chuan buaina ral lian leh an ti ngawt a...Pazawna lah lo duai bik lo nasa khatin min ti hlek suh... Ka thih hlau in I men leh pur mai tur asin tia in fiam zui bawrh bawrh in an hliampui ta phian a...chutia an rik bawrh bawrh lai chuan A pa chuan aw then kharh kharh pah chuan Makpui hei tlangval naupang pawh I ni tawh lova an ti tan dek dek chu Pazawna chuan dik chiah mahni u te hmakhalh thu awm silo...min hrek riltam rei ta khawp mai anlo ti fuk a... Pu Zalawra chuan nuih suk pah chuan nia Makpui nupui neih lam hi ngaihtuah ahun tawh ania...I nau hi atam chhawl mai ange tih pah chuan athawh san ta vut a...
.... Zan riah ei kham lama muk zawka pafa an han ti ti that Ieh meuh chuan Pazawna pawh athu tak ve ta rum run khawp a...An thu tak ve viau lah chuan Makpuia nuih aza tlat zel bawk si...Pu Zalawra chuan Buh seng te hi han zo fel ila fa mo hmel hmuh ka duh tawh ani tia apa tawng chu Makpuia chuan Ka pa i ngaih dan dan ni rawh se... Chhingpuii pawh kalo sawipui ve ange tiin thian dun ang maia thil sawi dun mawlh mawlh in Pa fa titi ang lo tak Thian inkawm ngeih titi dun dik tak zawk in Pafa thum chuan thupui an vai zui ta dap dap a leng len hun alo nih chuan Makpuia te U nau pawh Zawlbuk lam pan chuan an in zui chhuak ta thuai a....
.... Leng len hun ah.meuh chuan Pazawna te thian ho pawh lal in lam ah chuangkai tawh in lal leh upa ten an zinna ram chanchin vel an zawh chu atawng hmang thiam ber Tlanzow chuan tha tak a chhang zel in lal leh upa te pawn an duhtawk ta aniang...lalpa chuan leng tura asawm na chhan ber Ngurpuii chu ko in Ngurpui kha kan Pasaltha te nen khan lo in kawm tawh u helam ah zawng Ar khual chan an chang emai tiin a fanu chu an ko lung lung a....
.... Sum hmun lama insawn chhuah pah chuan an thian thum chuan an in fiam zui ve nak nak a... Rei mawi tawk an thut ve hnu chuan Zingtiana leh Tlanzoa chuan thiam taka chhuanlam siam in an thianpa chu hun tha an han I be bawk tak nanga...an tawng ngaih thlak ruk loh erawh an tum lo nasa...
.... Pazawna pawn a thiante kal kian hnu lawk a alo vawn ruk a puan ven kara aven hnan Thi hna mawi danglam em em mai chu phawrh in Ngurpui hei kalo hawn ve ngei che mawle...tia bul tan in Tlanzoa zirtir ang a tawngkam thluai thlum tum chuan an insang mar te te a... En teh Ngurpui englo ania... Hei aaaaa hahhaaa I hre vek tih pah chua Ngurpuii chu an nam bu lawp mai zawng... An thawm lo ngaithla leh lo bih thla tute Zingtiana te pahnih nuih za lutuk nui chhuak ngam silo chu an lo khur ngat ngat tawh a.... Ngurpuii lah nuihza lutuk insum thei tawh silo chu za em em mai chuan anui chhuak ta tlawrh tlawrh a... Pazawna lai ve deuh zaksi chuan Ngurpuii chu tin uaih uaih chung chuan khawi lo la leh daih rawh an ti deuh khur khur a...zawite amaw atih kha lal leh Upa ten hre pha vek hek...nuihza insum tak chung chuan Pu Zalawra pawn afapa te lam chu an melh zauh zauh a....
.... Makpuia te pawh an thian ho a Darpuii run kaiin Tlangval dang leng ve an awm nual bawk nen hun tha nghak in an thu deuh khar hlawm a...ti ti hrang hrang vawrh in Val Upa Thinlaia chuan rawtna danglam zet a rawn vawrh chhuak ta tlat mai le... Chu an rawtna chu favang awllen lai hian Lusei khaw hrang hrang fan kual paha tanpui ngai te tanpui kum ah puang ni sela atha hle lawng maw tia arawtna chu an han tuipui em em khawp a... An nula rim ber pawh ngaisak lek lo chuan Thinlaia rawtna chu sep rawtui zui laih laih in chu hun tha chu Makpuia chuan chuh vat in atuk lama Thingfah muala Thingphur tura in tiam zauh in ngaihtha tak chuan a tho hmasa pawl ah an tang leh ta then a... Darpuii chelh derna aw ka mawi tak fawn hlerh hlerh kar ah chuan Zawkbuk lam pan chuan an in zui chhuak ta thuai a....

Tawk mai teh se zanin chu athui thei ngang lo...Reiek lam ah Palai hna thawk in kan kal peka haw hnu in kan type nawk nawk a... A phelh deuh nuaih mai thei ani... Palai ah hian kalo tha phian dawn anih hi... Hapui lang tha in kan haw thei e.... Hehehe...

MAFAKA KHIANGTE...
NGAIDAM THEI TU ZAWK NIH TLUKA HNEHNA ROPUI A AWM LO...

[Ngaia]

PASALTHA MAKPUIA (Mak luhlula) 39

.... Lawibual khaw zawn chunga chhum var thiang mawi em em mai leh Romei zam chiai mai te leh Thlasik boruak in lum let kual chho tan mek tawh kara Ni chhuak engmawi tak chuan Lawibual khaw lawmna chu rawn tawmpui ve ang hrim chuan Pu Zalawra luhkasanga lal Ngurdawla leh upa dangte nilum chhim paha Makpuia te inneih ruai buatsaiha Fatu te vir vut vut mai leh khual khua atanga Pasaltha ral hrat Makpuia nupui neih lawmpui tura Lawibual khua rawn chuangkai te lo phe ve vut vut te chu thlir dauh dauh chung chuan lal Ngurdawla chuan Makpuia pa nang zawng tu hmel min hmuh khalh dawn a ang ta riau mai a tia a en ngai en vung vung chung chuan ti ti an vawrh tan chho ta nghal a Makpuia nupui neih ni ah meuh zawng Lawibual fa chuam a lalpa ber in a puan miau avang chuan Khaw Mipui lam lah an phur... Pazawna ber chu a nupui nei tur zawk amaw tih mai tur chuan a vir vut vut reng bawk a... Makpuia thiante pawh an mawng an hung hman meuh lo chu ani e zan lama enthlak dan tur pawh lo ruahman lawk vek tawh in Makpuia lah chuan an ruahmanna hriat tum reng renga beng lo chhi ru kar in a thiante chet dan tur nia arin chu alo suangtuah lawk zung zung a... Mah se Thluak khat chauh chuan Thluak nga chu a phalo ani e...
.... Zawlbuk chhuata mutna an han phah leh meuh chuan Tawia leh Makpuia chu an in ang ta tlat lo... Bangloa lah Fapa duhawm tak nei tawh in a thiante a pawl hman loh chang atam tawh nen Tawia chuan chunglam melh run chunga thawk deuh hak pah chuan ka neih ve vat angai ani an ti ngawt a... A lungdum tu ber hnena Biah thu hlan hawt silo chuan a mut hmun ah chuan alo in sawh alo in sawh ve ngawt pek a... Makpuia lah chuan tawlh teh Nupui hmuzo ve hlei lo tih pah chuan an nek lui deuh salh salh a.... Tawia run lutuk chuan khatin minti hlek suh...ka chhuk chum mai tur che nia...lal Makpa kala ni dawn khawp tih pah chuan Makpuia chu an nghawk let ve salh salh a....
.... Zan a rei ta.... Zawlbuk val rual te pawh tawn mang rama lengi puan tlang dek da da pawl leh Sazuk ki hreu mawi em em mai kah tluk ngei tum a an veh thauh thauh tawh lai chuan Makpuia erawh nghate rep ang kar la niin Tawia muttui leh tui loh chu an nek lui deuh salh salh a... Tawia erawh tui taka muhil ang mai chuan alo thaw sak sak thunga a nihna tak ah chuan Tawia zun chhuak lutuk tawh muhil der si chu a phing te chu puak lo chauha hre tawh in Zawlbuk chhuat keu kau a khawh chhuah tak chu anap tawh a... Makpuia chet chhuah hun nghaka nghar mut ngat ngat in Makpuia tho ru them them liam rual chiah chuan rang taka tho chhuak ve nghal in Zawlbuk sir ah chuan an sah hiau hiau phawta... Pazawna te thian thum leh Val Upa Thinlaia te rawn inzui chhuak nen an ruahmanna ti hlawh tling tur chuan Makpuia te inlam pan chuan an in chhawm chhuak ta thuai a...

.... Thawm nei hauh lova Makpuia te mutna zawn lam pana vak phei nghal hriau hriau in an ruahmanna chu tih hlawh tlin ahun ta... Makpuia mu tur pawn an chhuat te chu an endik kual leh te te a... Bangloa nupui neihzan ang kha tawn ve atum hauh lo... A duh tawka a endik hnu chuan Vai mim chhawn uai hai fai hna thawk tur chuan khumpui lam apan ta thuai a... Makpuian hnuh hram la tura Tu thlawh a ban tan ta maw tih ah chuan an beisei hauh loh thil alo thleng ta Thil ri rawp leh thaw thla vuai zawha Makpuia leh Darpuii han hawi chhuah meuh chuan favai chhun vum chunga lo mu thiang rual in an mutna zawn zawng dap nen in hnuai an han mawi tlang zet zawng... Sawi tur reng Makpuia chuan a hrelo... A hlo ava har ve an ti chhuak hluaia... Za lutuka nui thawm kara Pazawna tlan chhe tuang tuang chu hmu in Zawn ek an ti ngawt a...

.... Val Upa Thinlaia rawtna lal Ngurdawla leh a upa ten an han hriat meuh chuan a ti lawm in an Vang khaw hming mawina leh thatna tur anih hmu pha chin thah an ni bawka marawh chu an vai vaia chhuah vek chi erawh ani hauh lo khawchhung ven him hna chu a pawi mawh tel miau si... Midangte tanpui tura feh chhuak tur te thlan fel hna thawk tur chuan Val Upa te kut ah bawk an hlan let ta zawk a...

.... Midangte tanpui tur leh malsawmna ni tura kal chhuah tum tlangval Sawmhnih rual zet te chuan an kal chhuah dawn tuk alo thlen chuan mahni ken tur leh mamawh tur te peih sa diam mah nise an han en nawn leh sap sap bawk a... Tuk thuan hma taka eiin lal tual lam an pan khawm ta sap sap a...
Makpuia te thian thum pawh Tawia lungdumtu lenna vang khua tlawh ngei tuma phek chhuak ve in an thian thuma an han inzui chhuak Ieh tur chu an phur tlang in an tha a za zak reng a... Pazawna te thian ho pawh an bang bik lo...an tana thil thar zel anih miau avang chuan an phei khai azang in lal mual an pan kawng ah pawh an Talhtum chuan an in khawng ang nawk nawka pa awmnem deuh tan chuan an in fiamna pawh awp rawp rawp natham zu ni tlat pek a...

... Lawibual lal Ngurdawla chuan a tlangval kal chhuak tur te fuihna thu tawi te sawiin an thlen chin a piang chu Lawibual khaw thlen chin anih thu te an nun fimkhur taka hmanga kar li aia rei thang bo lo tura chah dap dap in duhsakna tin reng nen a thlah liam ta thuai a... Tlangval inkawm khawm thah mai ti ila thian bil te te thlan chhuah an ni bawka an phur tlang kher mai... Pazawna te thian ho chu anlo phung lung deuh bawk nen an kum ala tam lo tlang bawkw Val Upa Thinlaia chuan ho in Makpuia te thian ho erawh tinzawn neisa deuh an ni bawka wn thian ho a thawk chhuak in ho khat dang Pasaltha Saithata ho a che chhuak bawk in ho khat dang leh chu Pasaltha Kawnga Khual khua tanga Lawibual khua pem lut kum khat vel chauh la awm chuan a ho thung dawn a... Pasaltha Kawnga hi lal Ngurdawla nupui lam hnai niin khua a a rawn pem luh chhan tak hi lal chhungkua leh Upa te chauh lo chuan anla hre lo thunga... Val Upa Thinlaia erawh chuan Kawnga mizia a en hian a maha thil in thup tlat nat ruk ngawih ngawihna leh vei lianpui anei tih chu ahai mawlh lo...chuzawng hun in ala hril zel ang chu...

Pazawna te thian ho pawh an nelsa leh vawitam an mahni lo kai hruai tawh tu val Upa Thinlaia nupui neih hun tawh takzet kaih hruaina hnuaia khawchhak lam hawia chhuak nghal in an fan ngai loh lam thuam zawh a kal zel in midangte tana malsawmna nih tuma pen chhuak te hian enge an tawh dawn Khuanu chauh lo chuan hriat va ni suh...Thinlaia pawh chuan a nau hruai te hruang hrau zia hria in a ti tuan fum tu nih tum bik hauh lo chuan hma ahruai zar zar bawka a zan khat na ah chuan riah buk sual thuaiin an chin than pang ngai te chuan Thinlaia mut theihna tawk khawr sak zung zung in an ni thian thum chu meipui lam hnaih ah chuan changel hnah phah in an mu leh maia... Thinlaia chuan nuam lo ti ru tak chung an hnial viau pawh in awmzia neibhek lo... Pazawna chuan mu mai mai teh in lamah duat tu pawh hmu hlei lo...kanlo chul mu dawn che ami an ti vel chu an nuih pui dar dar a...
.... A tuk nilenga an hmazawn lam kawng zawh an kal leh ngat ngat hnu chuan kal paha Sakhi tuai an kah dar bah chunga pen thauh thauh in an hmalam hla deuh taka kuk raih raih thawm an hriat ruala ding nghal thap in khawi khaw ram emaw ber chu an hnaih tawh tih hrethiam nghal in thawm lo chhuahna lam pan chuan an kal leh ta thuai a... Thui pawh an kal hma chuan an hmazawna lui tui luang ri kara hlim nuithawm rawn chhuak chu hre nghal in an thawm atang chuan Sangha tlang vuak nei thawm ani tlat... Lengi nuiri tel miau hek...
... An han in rawn khawm laih laih a pawh mai lova khawchhung lam pan phawt mai chu rawt thlu in kal an siam leh ta zawka... Thui pawh anla kal hman lo tih ah chuan mang ang au thawm a rawn chhuak ta tlat... Chu mi rual deuh thaw a Silai puak ri leh Sapui thinrim in hrosa thawm chu rawn chhuak nghal zat in mihrang val rual te kal lai chu ding chawt in an han in melh kual ren rawna an thlang lam kawr ruam atanga thlabar mang ang chuan a ko na thawkhat tih hriat reng reng chuan an meng rum nghal al mai renga... Chutih lai tak chuan Sapui thawm chu rawn chhuak nawn leh in an thawm atang chuan pakhat mai an nilo... Thinlaia chuan uaiii kan Duhlian tawng thiamlo thawm chu ava na deuh ve pakhat mai anni hauh lo tiru sawm ve loh ruai kil tuma kan hnaih mai angai tlat tih pah chuan amah chuan hma an hruai nghal thuai a...

.... Ngentliang khua hi in zathum bawr vel ni ve in khawchhak lam tlangdung ah chuan khaw lian ve pawl tak niin an lal Saisanga hi lal upa lo tak leh viak tha tak niin rorel thiam zet mai niin hemi ni pawh hian khawtlang huapa Sangha tlang vuak rawt in amah lal Saisanga ngei pawh a nupui neih thar biai nen tel ve in an Sangha vuak pawh an hlawh tling hle renga... An duhtawk an ngah tawha hawng tura an jn buatsaih lai mek hian Keipui no hruai ti ila...mahnia tla hrang rual tawh Pahnih lai nen Saisanga leh a khuate hlimna tih tawp sak tum chuan an rawn bawh chilh thut maia... Nunna em chan la awm lo mahse Silai chuhna hman awmtawh lo bawk nen Pasaltha Ieh Tlangval rual te chuan tih theih dang awm hek lo..an chempui nena hmachhawn ve vat in an thianpa pakhat Keipui in a ben tluk tawh ram lama hnuh luh tuma a ke reka seh sak in Saisanga khaw val rual te chuan an thianpa chhan nana nun pawh hlan huam in an thianpa chu anlo pawt ve tang tang bawka...a pa tuai te pahnih lah chuan nasa taka lo bei let in an zinga pahnih chu an hliam leh ta tlat... Hmeichhe ho lah mang ang thlabar taka te rawng rawng in an lo khur dawt dawt bawka... Silai hman theih nisilo...a tawp ah zawng lal Saisanga chuan khawnge mahni mite dam nan chuan tia in sang phek in a chempui nen Keipui chu apan ta chher chher mai le... A ma hming chhal lauh lauh chunga Keipui chu bawh phei nghal in Keipui pawn a mah hlau miah lova bawh tu chu zam map lo chuan lo bei let nghal chat in Saisanga chu rawn vir let nghal nawk in a ban veilam chu a hman tlak tawh lo tih hriat taka khai zawi hniang in a chempui thlauh chu chhar tum chuan an ban leh hram hram a...
...lal Saisanga chem ban lai kun tak mai chu Keipui chuan a tukhum thlung bawr taka hap sak tum chuan an awp hniam salh a... Saisanga tawpna ni athleng ta...Saisanga nupui thar Ngurdingi pawh in a pasal ahmangaih mual liam tur chu en ngam lovin a hmai a hup nghal chawt a... Keipui thawm lam en zawka a chempui chhara a kun lai tak chuan Keipui rawn zuang chhuak chu a thil hmuh hnuhnun ber tur ani ta... Nuisak chunga lo nghak in an maimitchhing riai riai a...
... Luruh ke rawp ri leh thil rit tak in tui adelh per chuai chu a thil hriat hnuhnun ber ni tura ngai chunga Saisanga meng chhuak chuan a hma zawn li lai taka Keipui luruh keh veka lo lang luau luau a hmuh zet chuan a taksa chu an dap ngawta heihi emni pialral chu ti rilru chunga an hawi chhuah nawn leh chuan amah kaih thawh tuma kut hrawpui mai rawn phar chhuak chu makti taka en in a kut neitu lah a hmuh leh hriat ngai ani hauh silo... Chupa a nunna rawn chhan tu chuan Thianpa tho rawh le tun ah chuan infiamna azota tih paha zo zeta arawn chawi kan tak lawp ah chuan harh zawk in a khaw mite lam leh Sakei dang awmna lam chu an thlek leh vat a... Sakei pahnih luruh keh veka lo thal reng mai chu a hmu leh zel si... A mumang emaw atih rum rum lai chuan hlauthawng tak chunga anupui in arawn kuah tak thlawp ah chuan a mumang ni lovin a nunna chu chhan chhuah ina awm tih tuma hrilh a ngai tawh hauh lo....

.... Pazawna te thian ho pawh ding khawm leh thap tawh in an nun an chhan tak khuate lah chuan chutiang ang tiat tiat mihring hmuh mai tur awm hek lo an Talhtum lian tha zet zet hum run chunga an hma a tlangval pathum lo ding te chu thlek he haw chung chuan an thah tak Keipui leh a note chu an han melh leh ngawt thin a... Val Upa Thinlaia rawn tawng chhuah tak ah chuan lal Saisanga chu rawn harh chhuak zawk in lawmthu sawi paha Pazawna te thian ho lam pan a pen chhuah chu an rual nghal zat a...

... An nunna chhantu te chu Lawibual tlangval te annih an hriat meuh chuan lal Saisanga chuan Pazawna chu thlek vung vung in Pazawna leh a thiante tia kalo ral hriat thin te kha in nih loh reng ka ring lo an ti chhuak phawng a... Pazawna chuan Thinlaia beng bul ah chuan ka hrilh ru e an ti ve bawka an vai chuan an hriat phak leh vek tak ah chuan lal khawbawl upa Ruma chuan aw a chiang e... Pazawna te chu inni ngei mai... Tumah a hrilh ru thiam lo a aw lian thum lutuk vang in an tih ngei kha khawnge kan Lawibual Pasaltha te chu ka han chibai teh ang che u a nung chunga kan hmuh che u chu le tia nuisang chung chuan a kut arawn phar chhuak ta thuai a....
======//////==========================

...Makpuia te thian ho pawh Lenchim khaw lam hawia kal ding ngar ngar in anpawttu ana deuh ani ange.. Kar ah zankhat chauh riak in tlai lam thim hmul ah chuan Lenchim khua chu an dai lut fel der tawha Bangloa chuan Tawi bawpsei khati vak vaka kal kher angai ami Ngurdingi ngal sang zet chu alo thlawk bo hauh lo ang vak vak mai tia phun nang nang chung chuan kan tha pawh alo thum zota fa hmel han hmuh meuh chuan an ti zui zat a... Muangchanga lut zel in a hma a an lo chet tlat tawhna leh Makpuia pian leh murna khua a nih miau avang chuan hmun dang pan mai lo in lal in lam an pan ding nghal nalh a...lal in chhunga luh phalna thu an hmuh ruala an pen luh meuh chuan an phur ang ani ta hauh lo...an hriat ngai loh mikhual an lo thleng tlat an zing ah chuan lal fapa ni awm tak leh an hmel en reng reng pawha Pasaltha tih hriat tak mai pahnih lai an lo awm tel tlat...

... Lenchim lal Saingura chuan Makpuia te thian thum lab ni reng in khawilam thli chhia in nge rawn len lut teh nawlh che u a... Lo thu tawh u tih pah chuan Nguri nu kha. Kan Pasaltha kha thutna han pe thuai teh tia lo be bawrh bawrh in a mikhual Saikah lal fapa te chu an melh ru zauh zauh a... A nihna tak ah chuan lal Saingura hian Tawia leh a fanu Ngurdingi hi an in hmelma en lo tih chu a hre chiang bertu ani si... Tun ah lah a lal in chhung ngei ah Ngurdingi neih ngei tum in Saikah kha lal fapa ten an rawn thlen chilh rup mai si..a ngaihtuahna vir vel erawh lal fing tih tak ah man fuh mai mai chi zawng ani hauh lo...
Ngurdingi pawh in vawitam alo suangtuah thin tawh athinlung luahtu awm chhun Tawia an hmu leh chu reilote chu lo ham haih hman in duh aiin Tawia chu alo melh rei hman tlat...chu hun tawite chu Saikah lal fapa chuan alo hmu fuh tlat bawk si... Tin, a ruk taka an lo er em em khual tual thang hat khawpa Pasaltha Makpuia te ngei chuan an rah tlan chan mek zar leh lam an rawn luah dawna hriatna avang chuan inthup tak chung si chuan alo in hum ruh ngat ngat bawk a...
... Khawnbawl Upa te rawn lawi luh tak tak laia an khaw chhanhim tu Pasaltha Makpuia te ho zanriah lo ei mek chu an hmuh ruala pan hnai nghal zel in an thawm pawh atha ham ham in Saikah lam khual te erawh an lang tan riaua inhriatna chu neiin an thinrimna erawh thup hram hram chung chuan chhuanlam siam in lal in chu an chhuahsan ta thuai a... Makpuia chuan midang hriat phak loh tur tawk si chuan Fimkhur angai tih chiah sawiin Tawi leh Bangloa pawn hrethiam tak in an lo buk khum nghat nghat a....

.... Tawk leh phawt mai ang aw... Ka theih tawk hi a sang lo tih min hriat sak thin a vanga ngaihdamna nena minlo chhiar sak thin tute u ka lawm em em tih min lo hriat sak dawn nia... Spelling mistake miah lova ziah hi chu chak awm ve thin khawp mai... Phone atanga type chuan mistake neih loh hi alo har anih hi....

MAFAKA KHIANGTE
THUDIK LEH DAWT ANIH I FIAH HMA CHUAN A SAWI THIAM SAWI APIANG PAWM NGAWT SUH...

[Ngaia]

PASALTHA MAKPUIA ( Mak luhlula) 40

..... Makpuia te thian ho pawh Upa ho nen an titi laih laih hnu chuan an zin chau deuh bawk nen Zawlbuk lam an pan ta thuai a... Zawlbuk an han chuangkai hlawl mai chu Lenchin val Upa Zawlbuk lo nghak te chuan lawm taka lo dawng sawng thuai thuaiin an khaw tana an nun hial hlan huama lo bei tute an nih an lo nghilh awzawng lo Tlangval lengi run kai ten Zawlbuk an rawn rah leh tak tak ah chuan an Khualtha Pasaltha rual te chu rawn chibai liam liam in engti tura lokal nge an nih chu an tinzawn thiam nghal deuh maia...mahse lal fanu ber kher beisei an nih erawg an ring pha bik hauh lo.... Tlangval te duhsakna an dawn an mutbu theh khawm ah chuan lawm taka in thawlh thuaiin zinkawng thui tak kal anni bawka mut lam an tin tuah ta thuai a... Mut hmuna Val Upa Zira titi ngaih thlak pah chuan Saikah lam Zawlbuk kai talo tlat mai chu enge a chhan ni ang aw tia sawi ru sep sep in Makpuia u thian thum erawh ngawi renga midang titi te lo ngai thla in an titi hmang ah chuan lal fanu chuan aw alo la pawh mai lo tih chu an man thiam thuai a...a tuk chhun reh lai deuha chet dan tur ngaihtuah chuan tawnmang rama leng tur in an chhing ta siai siai a....
.... A tuk khua alo vara Val Upa Zira in lama in nghah mai tum an nih vei nen lalnu ber in Pasaltha Duhlaia fate chunka fate an ni a lawm hmun danga thlen kan remti lo tia Tlangaupa arawn tirh chilh miau avang chuan Val Upa ho chuan lal in lam an pan leh ta nge nge a...luhkasang an kai tan chiah tih chuan lal Saingura aw rawl vin deuh thak thak chu an hre ta tlat... Ngaih tha vak lova lal in chhung lama lut tura ke an pen leh tan chiah tih ah chuan Saikah lal fapa Chapo zet mai chuan khatiang Pasaltha satliah avang khan kei Saikah lal fapa hi min hnar ang maw...lal fanu kawk chung chuan nang hi ka nei lo che anih chuan tuman an nei bik hauh lo ang che tunge ka thil tum min thulh tir thei awm ang he khua ah hian Saikah khaw kal lai dal zawnga ding ngam in awm em ati teng ta chhuai chhuai mai...
.... Chutiang em em a in tham lohna zawng lal Saingura zaidamna bawm a palh darh ta tlat... Muangchanga a banglaia Silai lak thlak pah chuan Ka Silai mu dawn hi in chak viau anih loh chuan ka lal in leh ka khua hi in chhuahsan nghal thei ang Saikah khaw thu hnuai ah hian ka nun ngai lova ka kun bawk lo ang...ka fanu hian ama duhthlan Pasal a nei bawk ang...I mize diktak ka hmu thei chu ka lawm hle mai...mi chapo tak te nena in zar zawm ai chuan zar nei lova maldin pawh ka thlang zawk e ati ram ta hmak mai... Saikah lam pawn an duh aiin an lo tawngthui hman tih chu hre mahse an lal fapa chapo na chu khap daih mai theih ni tawh hek lo le...a hma ai maha nasa chuan a ang zui tun tun mai si nen.. An Khawnbawl Upa in khap ngial atum pawh chuan khap daih rual ni hek lole...lal fanu te chu a an khum ta tun tun mai le... Chu em em zawng Val Upa Zira ngaihdan apel ta tlat...Saikah lal fapa ang tun tun lai chu a tukhuma thil chang tak maiin a rawn den tak siah ah chuan lal chhuat laia bawk thlawp in Arsi leng vel chu a hmu nual ngei ang le...
.... An khaw lal fapa chu thinchhia in chapo viau mahse an lal fapa ani tlat. Val upa Zira lam pana Saikah Pasalthate pahnih rawn dawh chhuah rual chiah chuan Makpuia te thian ho pawn an tih tur an hai hauh lo... Rangzeta Val upa hma a tlak khalh nghal zat in Lenchim khaw lal chhuat lau ah chuan Khawhnih Pasaltha te chu an in melh ding ta ngar ngar mai e...an mitmeng chuan Hmangaih biah thu di in hlan lam a hawi mawlh lo...
....Makpuia te meuh pawh ven sen loh an nei ta tlat... Saikah lal fapa chu tho thut in a chempui hum chunga lal fanu chu hnaih phei nghal ruak in a chempui leh lal fanu nghawng chu a chuk tuah zawm nghal rap bawka...lalnu te thawt ri Ieh lal in lama thawm arawn chhuah tak hlut ah chuan a hre pha apiang mai chu rawn tlan khawm nghal sup sup in Saikah lal fapa in lal fanu Ngurdingi Chempuia a hrawk bawr nawr chunga lal in chhung an chhuahsan lai mek chu rawn hmu in Tlangval thenkhat chu tlan kir leh in Silai nen an rawn tlan chhuak leh nghal zung zung a...mahse chuti maia thal thlah chi ani tlat lo... Ngurdingi nunna in atuar thei tlat fimkhur taka an chet vat loh chuan lal fapa Chapo zet chuan Ngurdingi chan ai chuan thih chilh mai hrehlo hmel apu tlat...
....Saikah lal fapa leh a Pasalthaten lal fanu in phen nana hmang chunga lal mual lam an pan zel lai chuan Tawia chu lal in hnung lama put thla zauh in an hnung lama atanga beih let in ring ran chuan a insiam rem nghal zung zung a Ngurdingi hlauthawng mang ang khur zawih zawih chu thai bo sak atum ruh hle....
.... Lenchim khaw Val rual te thinrim si chet la ngam si lova an awm thup lai chuan Saikah lal fapa lah chu ang tun tun chunga tawlh hnung zel in a hnunglam reng ngaihsak lova lal Saingura anuih sawih leh chiah tih ah chuan a chemhumna lam ban uai hnawk khawpa ahnung lam atanga vuakna avang chuan rak thawt chung chuan a chem ken lai pawh chu a thlauh nghal tawp bawka... Chumi rual chuan inring renga lo awm Makpui leh Tawia chu rawn dawk chhuak nghal zawk in Lenchim khaw lal in tual ah chuan Pasaltha pali te chuan Silai in chuh in an in leh thal nghal zak zak a...
.... Mipui lam lah lo te dual dual in a inbei mek te lah tlawm zawk nih bik tum hauh lova thapui chhuah in an in elh ngat ngat si nen pawngpaw hnaih ngawt chi lah ani der lo an silai in chuh lai chu an hmet puak anih vaih chuan mihring nunna atan apawi thei tlat si...an kut leh lam a arem lai lai a in hnek chawrh chawrh in an thi seng sung tawh a, a tawp ah zawng a tu lam lam mah in Silai chu apuma chang bik lo in a bung leh lam ve ve hum in lal mual ah ngei chuan an in melh ta chheu chheu mai le...engtak thleng zel ang mawle..lal fapa lah chu Val Upa Zira leh Lenchim khaw val rual te chuan anlo man hmak tawh si.. Nula inchuh anva bei na em....
.... Makpuia chuan ami beih pa chu amit taka melh kal chung chuan I hmanraw duh ber thlang rawh le... Saikah khaw ai awh a kal hmasa tur ini dawn tih erawh in hria ang che...an ti chang nghal khawl a... Saikah khaw Pasaltha chuan hmui thi sunga nui huah huah chung chuan Naupang le tunge I hmachhawn hi I hrelo emni Pasaltha Ngundawha ral lu sawm khai tawh ka nih hi tia nui huau huau chung chuan a chempui chu an phawrh chhuak nghal zul zul a...
Makpuia chuan nuisang chuan Ngundawha nupui te pawnfen feng awm tawk vel leka kan hmuh che chu le tih pah chuan a chempui chu an phawrh ve nghal zat a...An sir lam ah lah Bangloa leh Saikah pasaltha Hreua chu lo inveh ve thauh thauh in Lenchim khaw ho lah in Makpuia te thian ho ral hrat zia hrechiang tu tih tak ah hlauh thawnna em em pawh neilo chuan anlo hual hnai nghal tuau tuau bawk a... Saikah lal fapa pawn a Pasaltha te chu lo fuih ve lauh lauh in that vek rawh u an lu kha min pe rawh u mi tenawm ho keimah hi min han phelh teh u tunge mal leh mala min hmachhawn ngam tia lal Saingura lam hawi pah chuan nang lal fapa pawh hring thei hlei lo..I kum la nau deuh sela chuan kan buaina hi kan pahnih ngeia han chinfel ka chak asin an ti vei kak kak a...

.... Mipui te tuarh tuarh thawm ah chuan Saikah lal fapa tawng kal lai mek chu chawl in a pasaltha chhuanvawr te lam an hawi nak chuan a rin chhan pahnih te chu Lawibual tlangval Makpuia leh Bangloa hma ah zawng ral lu khai thin an nihna an chhunzawm thei talo...an lu leh taksa hrang nawlh a lo awm tawh in an lo tal khur chawr chawr tawh chu niin tun ah chuan in phen na tur reng a nei talo...huai tak khan alo tawng lak lawh tawh si...mipui thinrim lah chuan Saikah lal fapa leh an khawnbawl upa lam chu rawn pan in rawn chil an tum ta maia... Mipui in Saikah lal fapa an khawih tan tak tak hma chuan lal Saingura aw ngei mai chuan tuman khawih suh u kha chu ka chanpual ani e...ka lal ram chhung ah ka lal in ngei ah ka khaw mipui te beng hriat ah ngei in mal beih ah min cho in an chhe tinreng min lawh tu kha nau kha a ngam tak tak anih chuan Chempui han pe teh u le... Mipui te u lo kian zau rawh u...tar kun khup bih thleng pawh in ka dam khua hi sei pawh nise Saikah lal fapa ang mai mai hmachhawn ngam lo tur khawp chuan ka huaisenna hian min tlanbosan ngai lo ang tih pah chuan a chempui hum chu an vilik zauh zauh a...

Tawia chuan lalpa keimah zawk in le ka thiante lu khai laia lo kuangkuah mai zawng hawi ngaihna ka hre nang le..tih paha lal Saingura hmakhalh an tum chu lal Saingura chuan khaia ni lah love keimah ngei hi a lawm he nau hnute hnelai hian min hmachhawn duh ni...khawnge vanglai nun in kai tho leh ang aw tih pah chuan an nuisang a... Saikah lal fapa vaupung na satliah mai mai a Pasaltha te zara tawng lo cheh ve zuah zuah a ban dinglam hmang tha thei tawh lo leh nghal chuan atawng chu a um phak ngei angai tawh si...hlauhna leh zamna thup ve hram hram chu tum teh mahse a kut leh kaihza khur dar dar dan atang chuan hai rual a ni silo....
... Lenchim khaw mipui te chuan an lal chu an hlauhthawnpui tak zet... Val Upa Zira chuan lalpa lam chu pan a han dan an tum leh ngial a...Saingura hmel en chuan dan mi ani tawh tlat lo...Saikah lal fapa lam pan pen chhuah pah chuan Tlangval kha lo in ring rawh le tih pah chuan a veh hnai nghal ta hriau hriau a...tih theih dang awm tawh hek lo a huaisenna zawng zawng sawm khawm in lal Saingura chu an bawh phei buan buan a...Saingura lah vawikhat ral hmachhawna anilo tih hriat zet chuan awlsam te te a lo tawlh kian pah chuan a chem hriam lam chuan a lo thai leh zauh thin a...Saikah lal fapa taksa hmun hrang hrang chu kak dei duai tawh in atawp ah zawng lal Saingura hma ah chuan a thingthi ta hnawka...Saikah khaw khawnbawl upa in a ngen nasat em avang chuan a nun chu zuah sak in Tlangval ten an phuar hlawm nghal mawlh mawlh a... Tun ah chuan leido khua nei din hmun ah an ding ta tlat mai le...
====================================
.... Pazawna te thian ho pawh Val Upa Thinlaia ho chuan Ngentliang khaw Sangha tlangvuak hawn rual a lalpa Saisanga sawmna ang chuan khaw lam pan ve nghal in lal Saisanga hliam tuar chu Tlangval ho chuan zawn sa teh chu an han tum tak nanga ani lah im heng te zawng na tia sawitham pawh va ni suh chawei ti tui tham lek anih hi ka Duhlian tawng thiam lo te kha zawn phawt mai teh u... Salu Aih nan ruai ropui kan kil ngei angai dawn si...vawikhata Sapui pathum dahtha thei Lawibual Pasaltha te hi zawn ngai zawk chu an ni tia tan lo khawh tlat in khaw lam pan chuan an kal chhuak ta nghala

Ngentliang khaw mipui ten an lalpa ho a Sanghal tlangvuaka thawh chhuak te chin ngaichanga mahni tap zawla mei lum te aia an beisei ai maha lal te hmel an hmuh har tak ah chuan an ring an fan an fan tawh a...chutia khaw mipui lam in beng an dawh thup lai chuan khaw kawt chhuah atang ngei mai chuan lalpa Saisanga aw ngei maiin Hlado arawn chham ta liah liah mai le... Khaw mipui te pawh tlan khawm nghal ruih ruih in khaw kawt chhuah lam chu an pan nghal sung sung zel a...lal mual lama haw haw chunga kal zel in lal khaw bawl upa ten lo hmuak nghal var Ngentliang khaw lawmna chuan van atawng hial awm e...Pazawna te ho pawh chawimawina nopui chu dawm hreh teh mahse lalpa ber in a nawr luih tlat na a vang chuan lawm tak in lalpa kuta zu chu an tem kual ta dan dan a....

.... Zan lama lal in lama chuangkai Ieh thuaiin khawnbawl upa te nena titi laih laih in an ti ti hmang atang chuan Pazawna te zin vei vah chhan chu an han hriat chian hnu phei chuan Lawibual khaw lal leh upate rorel dan chu tha an tiin en tawn tlak an ti tak zet tih chianna em em mai chu a tuk zing tuk thuan eikham ve leh a khawchhung a hmeithai leh pachhiate zawk dawm kan hna thawk tura Tlangaupa in veng thler tin a hrut lauh lauh dan ah chuan a chiang reng mai...
... Zan lama zawlbuk an han kai ve chu khawchhung tlangval te nena infiamna te nei laih laih in Pazawna te thian ho pawn thapui chhuahna chi anilo tih an hriat chian em avang chuan infiamna rilru pu chung chuan chu zan chu an hmang ral zui ta nghal a... A tuk zing hma ve vawh taka Thinlaia harh chuan midang te chu an en vat a, a nau hruai te tih loh chu tumah reng Zawlbuk chhuat luahtu an lo awm tawh reng reng lo hi alo ni a, makti taka a hawikual lai chuan lal tual lam atang chuan Silai arawn puak ta thawr mai le... Silai thawm ah chuan Pazawna te ho pawh rang taka thu chhuak nghal hlawl hlawl chung chuan angaihna hrelo zet chuan an han in thlek he haw a...
... Hman hmawh ru tak si fimkhur tak si a lal mual lam pana in hnuai beh chhan tur remchang melh chunga lal mual lam chu pan chho nghal zel in khaw mipui zawng zawng lal mual lama an lo tlankhawm vek leh hmel hriat ngai loh Khawilam Pasaltha te nge tih an hriat hauh lo lal tuala sawm vel lai mai lo ding khawm leh an zinga an hotu ni awm taka lang in lal nu tuai tir te mai leh hmeltha zet mipa te lungdumtu lal Saisanga nupui lal thut thleng luahpui hlim hlawl tu chu inti tatu fe a lo chelh tlat tu an hmuh phei chuan angaihna an hrelo zual sauh bawk a...lal Saisanga chuan khawngaihna lo dil lawm lawm in chung Pasaltha rual te nunrawn zia leh a nupui chunga an khawsak duh dan tur a hriat chian em avang chuan tlawm patawpa tlawm in a Pasaltha te lah Pasaltha Chuhhuama hma a ding chang thei tur an awm loh zia lah a hre chiang tu ber ani si... Beiseina pakhat chiah anei ta, chu chu a khualtha Pazawna te thian ho chauh anni tawh si...an ni thian ho lah theh meh ang mai in an reh hmak si... Saisanga chuan a nupui chu hruai lova ama nunna laksak mai tur chuan a ngen ta tawp a...

Pasaltha Chuhhuama hi Sailian khaw Pasaltha ni thin in a chakna leh huaisen na te chu in vaivung nana hmang zel in an lal hial zah pah lo taka a thurel abawh chhiat tak fo ah chuan amah leh a thuih hruai te nen a inla hrang in khua atanga chhuak nghal in nasa zawka inbuatsaihna nen an thlen chin khua apiang ah an hmeichhe duhzawng leh an mamawh apiang an duh duh lak sak in an thlen chin tawh ah chuan hnuhma thalo zet an hnut chhiah zel avang chuan helai khaw chheh vel hian hlauh tak te a hlau tawh in Saikah khua ngei pawh hian heng Pasaltha rual intel khawm te hian an khua an rawn dai luh ve hlau em em a an awm laiin an hlauh ang ngei chu athleng ta si...

....lal Saisanga ngenna chu nuih sawh huau huau chung chuan I nupui duhtak hi khumpui ka kai pui zawh ah I ngenna ang chuan ilu chu kala lak sak dawn che nia he khua ah hian lal kani nghal bawk ang remtilo in awm em an ti teng chhuai chhuai a... Mipui lam atanga chhanna reng adawn tak lo ah chuan a lei bal zet chuan lalnu hmeltha biangno chek mai chu an liah sak duai duai a...lal Saisanga hlauthawng thinrim bawk si chuan an chhia lawh chunga Chuhhuama chu bawh phei an rual nghal pawp mai a...mahse a thleng thuilo nasa khawp mai.. Chuhhuama thuih hruai te chuan lo tlawh lir nghal tawl tawl in khawnbawl upa ho pawh an tlawh thingthi nghal hnawk hnawk a... Silaia tin zui zat in an hotupa in lalnu khumpui kaipui tuma luhkapui lama a hnuh luih mek lai chuan mipui hnung lam atang chuan aw ngaihno beilo zet chu rawn ri chhuak in I thiltih tum kha I thulh lo anih chuan I thluak kha a awm hmun ka sawn ngei ang tih ri arawn chhuak ta tlat... Chu aw ri lo chhuahna lam chu Chuhhuama leh a thuih hruai te chuan en rual nghal thap in Val Upa Thinlaia lo ding kak hah mai leh kut khur eih lova amah Chuhhuama Silaia alo tin kawh vah mai chu va hmu nghal in an han thlek vang vang a... Chutah za em em a... Chuhhuam chu rawn nui chhuak in val upa Thinlaia kawk chung chuan an nui lui leh uar uar a.....

.... Post leh hmazawng chu lo nui rih Ieh lawk mai teh se... Ka hunawl neih ve leh ka type chawp mawlh mawlh a... Mistake atam khawp ang tin a thui viau lo bawk ania...minlo hrethiam hram teh u... Tunlai chu ka buai ve deuh ani e....

MAFAKA KHIANGTE...

I HNAM CHANPUAL I HUM NAN CHUAN I THISEN FAR TAWP IN AW... A TUL ANIH CHUAN LU PAWH KAN CHAN MAI TA LAWNG... MAHNI HNAMPUI KUT THLAK TUPA KHA A MIMAL TAKA HAN TITI PUI KAVA CHAK VE LE

[Omomi pa]

A ngaihnawm chhunzaawm vat ni se.. mahse a ziaktu a buai miau chuan tih vak ngaihna awm si lo... nghakhlel takin ep 1 atangin chhiar leh mai ang.. :-)