PASALTHA MAKPUIA By Mafaka Khiangte Hmeltha (Completed)

[Ngaia]

PASALTHA MAKPUIA.jpg (53.85 KiB) Viewed 30339 times

PASALTHA MAKPUIA 1
Mafaka Khiangte Hmeltha


Mei alh na tak maiin Lenchim khua a hliau alh zuai zuai lai Ieh mang ang thlabar te vawn vawn thawm te, Patling na tuar thinrim ha chang thial ri nen, tanpui ngai au thawm nen, chumi kara Ngen mu lo ving thuak thuak nen, In kang lah chu tanpuitu nei ang hrim chuan Thli natak maiin rawn chhem zui nghal zat in kar lo ah in dang pakai chho zut zut in, Lenchim khua chuan kanral mai loh chu hmabak anei tawh lo tih a chiang reng mai le....
Mei alh in Mualveng athleng chho tep tawh, in Pakhat a kawngka lu chung en mai pawha Pasaltha tih hriat ngawih ngawih chuan A mal chunga a hmangaih a Nupui a hmangaih em em... Siamliani hmelma lam Silai mu dawng fuh a, Pialral kawng zawh ta chu chawiin an kuah vawng vawnga, chutah Thinrim mitmeng sen rama rawn dak chhuak in... Makpui, Makpui tia a fa hming koh a in nghah ve na tur, a Nghalchang kah ropui leh mak danglam em avanga a fapa Hming chawi nana a phuah hnan ngat Makpuia pawh Sumhmun atanga a nau kum Riat mi chauh mai, Pazawna chu rawn kai chhuak vat in, Kapa heta hi ka awm e tiin Apa Fei hman than tih hriat tak mai hnum hlarh mai chu arawn hum chhuak ve mek bawk a.... Makpuia hian a kum Sawmpakhat hmel hmu fel awrh in, naupang dang te nena a danglam bik em em na erawh hriat tur awm lo mahse Apa hian vawitam a ram vahna hmun ah erawh alo hruai fo tawh in Fa u nihna nen mipa mah nise inchhung sekrek khawih chen chuan a tul apianga anu pui chawt mai ani a... A rualpui te nena han in bak kaih nikhua ah lah nise a hneh tu zawk ah ala tang ngai hauh lo... Mahse vawite khat mah aka atang hian a tlawm thu ala chhak chhuak ngailo.... A hneh tu zawk ten an thawh san hlawl hlawl chang atam zawk hial a... Makluhlula an tih phah hial reng ani....
Apa, Pasaltha Duhlaia chuan Maka lo hnai teh ule, hun tam kan neilo ka thusawi tur hi ngun takin lo ngai thla ang che u...a fapa te pahnih chiang taka en chung chuan he khua ah hian Vanlaia tla ang maiin chhungkhat laina han tih tur kan nei hauh lo. Inu hi Zawlsang khaw Upa min fanu niin, Zawlsang khua chu kan khaw hlui ani bawk, Inu chhung te hian Makpa atan min duh loh avang in, an chawl det a, Eng pawh huam chunga he khua hi vak lut rawih kan ni a, tun ah hian hei in hmuh ang hian kan Khua hi mei alh ah achang thuai anga he khua hi ading chhuak leh kher lo thei bawk, in hmuh ang hian Inu chuan Pialral kawngkhar mawi bul ah min lo nghak ngei dawna tin, he khua hian ipa hi min au ani... He inbeihna ah hian ka thi ngei dawna... Ka duh chuan tlanchhiat san thei kani, mahse Inu ruang dai tlansana mahni nun chhan tur ema mi dawihzep kani ngailo, Ipa tlawm lai hmel hmu chunga in hringnun in hman ai chuan he Khaw chhan nan leh Inu chunga kutthlak tute atam thei ang ber Pialral lama thawn liam tur in tun ah hian ka che dawn...
Nangni uanau erawh raldo rual inla ni velo, tin he khua hi Hmelma Sihtlang khaw lak ah hian a ding chang zawk ah atang dawnlo, Naupang mai mah ni ula, Sal ah hruaiin in awm anga, in Unau ngei pawh hi lak hran in in awm ngei ang chu chu Ipa hian ka duh lo ani... Chuvang tak chuan tih paha tho chhuak in, a Iptepuia faisa suak chhuak thuai thuai chung chuan bang laia Hmelma leh Sahrang hmaa Pasaltha Zia diktak alo lan chhuah tir fo tawhna Chempui lian tel tawl chu Iptepui chhunga khung pah chuan Makpui inau nunna hi I kut ah a awm tih hria ang che, ipa That tu erawh a hming I hre ngei tur ani.... Ipa hian chupa rawng chu ka bawl loh nan Phuba irawn la ngei dawn nia... Kan khawhlui lam chu pan vang vang ula.... Lenchim Khaw tuikhur atang khan Chhim zawnga in kal ngat ngat anih chuan, in thleng mai ang, in thlen hun ah chuan ka ai hnah phahpui ka Thianpa Zavunga a awma a hnen ah chuan in cheng thei ang... Kal tawh rawh ule... Ka hmangaih che u tih in hre reng dawn nia... Ipa hian heng mi tenawm ho lam ah hian ka ngen m kan ra sur tir tawh ange... Tin he silai hi ita tur ani,mahse hmelma kut ata i lak, I chhuh angai dawn ta ani... A chhin chhiahna siam rawh le... Makpuia chuan iptepuia Apa chempui chuan Sikai kawm pang dep lam ah chuan an thai kawkalh zauh a...chutah Apa en ran chung chuan Kapa mipa an tlan chhe ngaiin an tlawm ngai lo iti ani lawmni, tun ah lem ngatinge tlan tura min tih leh si ni...kava hrethiam love an ti ngal ngal maia...Pasaltha Duhlaia chuan afapa te pahnih chu en tawn chhen paha nuih sak pah chuan ka Fapa I tlanchhe dawn lo, Phuba lak na hun I insiam mai dawn zawk ani, eng anga mi huaisen pawh hian tawlh kir chang kan nei fo ania... Dawihzepna ani ngai lova, Kan tlawmta tihna ani hek lo, hun tha dang kan zawng leh tihna ani ngai e... Kal tawh rawh ule... Lal mual lam ah ka tlan chho dawna ipa Hnuk chhat tu I hriat ve leh inau nen hian ka sawi kawng chu inzawh nalnal dawn nia, rawn hawi kir hlek suh ang che u... A bak chu Mipa taka in pal chhuah angai tawh ang tih paha afapa te pahnih kuah chung chuan, Pa malsawmna sangber nen anawr liam ta thuaia,,, Makpuia chuan anau engmah la thliar hrang thiam velo, Pazawna chu kaiin in hnuai thim lam zel chuh chunga lal mual lam pan pui nghal dawr dawr chung chuan Kapa I fapa te hi kanla Tlangval ve dawn alawm an ti sap sap a....
Lal mual lama Silai puak thuai thuai kara Patlinh natuar rum ri leh Thinrim rawl nen...nunau mang ang te teng tung thawm nen, khawfing achat tep tawh tih ah chuan Lenchim lal luhkapuiah ngei chuan Pasaltha Duhlaia leh Tlangval sawm vel chuan An lal in chu chhanhim tuma tawlh duh miah lo chuan hmelma lam chu an theih tawp chuan an lo kap let thuai thuai bawka... Pasaltha Duhlaia chu lal in a tlan lut zawk in... Lal chhungkua ama kum rualpui lek a thian ni bawk Lenchim lalnu Saichhungi te nufa thum chu kai chhuak dawr dawr in Sum hmun atang chuan an hlang thla zung zung a... Lal Saingura erawh tlan mai atum lo tih hriat tak mai chuan a Silai alo la hum teu maia... Pasaltha Duhlaia chuan lalpa kal tawh rawh le.... I nupui fanau ten an nghak che atih pawh chuan lal Saingura chu beng ngawng biak ang hlauh ani tlat... Tih ngaihna dang a awm talo... Duhlaia chuan a Silai cheng kau rap in an khaw lal awm ah chuan a chuk tuah ta ran maia... A kal thuam chu pawh thlak sak in amah chuan a in bel mawlh mawlh a... Lalpa min ngaidam ang che... Ka fapa te kha ilo hmu anih chuan minlo enkawl sak dawn nia kal tawh rawh le anih loh chuan ka Kap ngei ang che ati ta hmiah mai... Lal Saingura pawh a Pasaltha chu ngaisang tih hriat taka melh vawng vawng in hreh tak chung chuan aninsaseng ta thuai a....
Kawl arawn eng a, Lenchim khua pawh khawchhak lam atanga ni eng mawi tak rawn chhuak chuan arawn chhun pe ta ut maia... Mahse tuk dang ang lo takin naupang tual chai thin leh Nula zing buh deng thawm lam ni lovin, na tuar rum ri leh Thisena in chiah piah nuaih kar ah chuan Lenchim lal in tual ah chuan hmelma lam Pasaltha Hrangkipa leh ahote chuan lal in chu hual thup chunga inpe mai tura au lauh lauh chunga lal in chu Sai leh pawp thin in...chumi rual chiaha a chhanna an hmuh chu an Zinga Tlangval pakhat chu lal in atanga Ngen mu rawn thlawk chhuak chuan a hnawl tawm nghal chawih mai zel si... Hrangkipa thinrim insum zo tawh lo chuan hal khung rawhu... Vawi sawm ka chhiara in rawn inpek loh chuan ka hal khung dawn che u tia au lauh lauh in vawi Sarih achhiar na ah chuan lal in kawngkhar chu rawn in nam hawng tial tial in Tlangval panga leh alai taka Lal thuam in bel chunga Pasaltha Duhlaiw Silai lek kawh va chunga rawn pen chhuak chu hmelma lam ho ngei pawh chuan hmuhnawm ti taka lo thlir chung chuan, Hrangkipa chuan in Silai dah thla vek rawh u tia alo vau na chu hreawm pawn an lang tlat lo... Khaw mipui lam lah chuan an Pasaltha Duhlaia chutia lal ai awha an che ta mai chu ngaisang tih hriat tak maia lo thlir thup chunga hlau thawng thaw dep depa an awm lai chuan Duhlaia chuan ka khaw mipui te kha tun ah I chhuah vek anih chuan ka inpe ang... Anih loh chuan ka thih rual hian I thi ve tho ang ati ta chhak mai....
Pasaltha Hrangkipa chuan an lalpa in a duh ber chu lal Saingura Ieh a nupui fanau te anni miau maia... Anung chunga mana amah lo hnawl tawh tu Sailri chungah ngei lal anihna lantir aduh vanga hetia che hi ani tlat a, Hrangkipa chuan Saingura duhdan chu azawm mai angai tlat... Chutah anih chuan khawnge I nupui fanau te tia zawhna pe let ve chunga Khaw mipui la dam awm chhun lam chu hawi pah chuan Khawnge I Nupui leh I fate an ti leh ngata... Duhlaia chuan a ruahmanna ahlawh tling tih hria in in chhung lamw Tlangval pahnih hliam tuarte chu thawm chhuah tura au lauh lauh pah chuan ka khaw mipui te hi kal tir phawt rawh an ti ve leh ngat a.... Hrangkipa tan tih ngaihna awm hek lo... Aw le tun ah rang takin kal nghal rawh u tia thu apek rual chuan mahni nun chhan nan tia theih tawpa chaka tlan chhuak dawr dawr in... Kut ruak tak meuh a tlan chung zela mttui luang nguah nguah chunga ram lama an pil fel meuh chuan lal in chhung lam atanga chhuat rah ri rawn ri thiap thiap kar ah chuan lal in kawngka atanga Tlangval pahnih rawn dawk chhuak zawk chunga Silai hmeh puah rual nghal zat in... Duhlaia leh a Tlangval dang pawh In then darh huk pah a an Silai ken lai theuh hmet puak nghal thawr thawr chunga Hmelma lam pana tlsn chhuah pah chuan an Chempui theuh phawrha tlan zui nghal puar puat in, mahse an tum ram chu tuman an thleng hman lo... Hmelma lam Ngen mu chuan a rawn hnawl tawm nghal nawk nawk ah chuan, Lenchim khaw tan chuan Thian chhan thih ngam Val rual te chu lei dai ah an zal ta... Pasaltha Duhlaia pawh a dul nema Silai mu luhna chu dawm vang vang chunga thingthi hnawk in... Hrangkipa lam chu hawi pah chuan nuisang chuan Pasaltha I ngam anih chuan ka Lu hi rawn la thuai teh, mi inring lo lai bei ngam tawk chauh em ni inih le... Lo hnai rawh le tih paha a chem hmanga in nam ding chunga kul khau maia Hrangkipa chu melh kal chung chuan angam fa chuan kei Lenchim khaw Pasaltha Duhlaia hi min hmachhawn thei ang an ti lauh lauh mai zawng...
...Hrangkipa chuan bum in a awm tih hre chhuak chunga thinrim taka hmel phak le...khawi ah nge I lal te chu sawi nghal rawh tih paha silai chu lek kawh an rual nghal a... Duhlaia chuan za fe maia lo nui kiah kiah chung chuan Pasaltha khatin hmeichhia ang maiin an ang tun tun ngailo... Ka lal chu maw I man phak loh ram ah nizan min rawn beih tirh khan ka tir liam tawh...I lalpa hma ah chuan I insawi fiah ngei chu angai tawh ang tih pah chuan an pai lui chhar chhar a, a rei thei ang ber hmelma ho chu chelh khawtlai atum tlat...
..... Hrangkipa thinrim lutuk chuan kha mi tenawm pa kha that nghal rawh u alu kha la rawh u an ti ngawt maia... Tlangval pahnih chuan an chempui nena pan phei paha awlsam tea Duhlaia lu lak mai tum chuan hliam tuar chau tawh tak mahni inveng zo lo anga lang Duhlaia chu an han hnaih chilh ngawt maia, mahse Pasaltha Thluak fim hlauh neilo zia an hre chiang lo ani... Sakei hliam ang maia hlauhawm ani tih reng an hre silo...
.... Duhlaia chu tlangval te pahnih lam hawia dawk phei zawk in chung Tlangval pahnih te harh chhuah meuh chuan an lu chuan Lenchim lal tual amawi zui ta zawk a, Hrangkipa chuan an hmachhawn mek Pasaltha chu Pasaltha namai lo ani tih hre chhuak nghal in a Silai chu lek chhuah paha hmeh puah chu an rual nghal zat a, Duhlaia pawh lal tual ah chuan nunna nei tawh lo tih hriat tak maia,thal zui nghal thlawr chunga a hmela, Hrangkipa nuihzatna hmel pu chunga chunglam melh kara amu chu Hrangkipa chuan dimna nei miah lo chuan Pasaltha Duhlaia lu chu ala zui ta...
...A pa tlu lai leh apa lu khai tu hmel chu thinrim luat vanga khur dar dar chunga thlir chung chuan Pazawn kal ang le, Kapa I nunna chhat tu hmel chu ka dam chhung zawng in ka theih nghilh lo ang... Pialral ah I rawng bawl tur chuan ka rawn tir liam mawlh ang tih ka Thisen hmang ngei hian ka nem nghet e tih paha a chem hum laia a kut zai thi zuiin a Thisen hmang chuan thu a tiam zui ta charh charh a... A nau kai chung chuan Zawlsang khaw lam ni a an ngaih lam hawi chuan Fahrah unau te chu an in kai liam ta hnak hnak a....

[Ngaia]

PASALTHA MAKPUIA 2
Makpuia chuan anau lungchhia insut faih faih chu a thiam tawka hnem chunga abana kai dar dar chung chuan, ngaw chhung lam pan chuan an pil ta zal zal a, Mipa Naupang chhantu ngai, Nu tangnem bela zantin la mu, Pazawna tan zawng hriat thiam a har reng lah taka, Hmelma kuta apa thal lai chu chiang taka amit thla a lo lang nawn awn awn in, Ka I Kapa kha athi tihna ami? Chu zawhna kher chu Makpuia Naupang kum sawmpakhat mi Iek tan chuan chhan ava harsa tak em... Aw Mate... Kapa chu Misual kut ah athi anih kha... A thisen Phuba chu I U hian ka la mawlh ang, tun ah chuan neih reng kan nei talo, nang pawh tap tawh lola, mipa inih kha aw.. Ramhnuai ah I kal kan phal ve lohna thin ah te khan ka hruai ang che aw... Thang te kan kam anga anuam dawn ania aw tia anau chu atheih tawpa tih hlim tuma a chak zawng te sawipui zel chung chuan apa Sawi ram lam pan tur chuan Fahrah Unau te chuan Lenchim ngawpui, Ramsa hlauhawm tinreng leh Huai rapthlak tak tak te, tual chaina...an zalenna ram chu an dailut mek zel chu ani si ale... Pazawna pawh chuan, a hnung lawka Anu leh Pa thihna in na tak in khawih mahse Naupang rilru thianghlim tih tak ah chutia a U makpuian Thangkam leh Sava veh te an sawi hmuh tak ah chuan phur taka zuang auh auh chung chuan Au Mam kei chu Pasaltha kani dawn ania aw... Ramar pawh ka man thei hrim hrim tih pah chuan abul vel hnim te chu an bawh eng vei pap pap a, Makpuia chuan anau thil hriat thiam loh zia a hmuh phei chuan a ruk te a a mittui hru leh zauh thin in, Zan hun lo thleng tur chu a huphurh em em maia... Engtin nge anau chu anu tello in a tih mut tak ang le...
Hrangkipa leh ahote pawh chuan lal Saingura leh a nupui fanau te hnu chhui tuma phe chhuak nghal sawk sawk in, Pasaltha Duhlaia lu erawh an la tel thunga,mahse khaw mipui eng emaw zat an tlan chhiat hman ve miau avang chuan lal hniak hre hrang nalh nalh tur khawpa finna nei bik mawlh hek lo... Thinrim taka khua ah let leh in an tih theih tawh khaw kang bang chu hal fai vek in, an Ran hmuh apiang mai chu an thal tawp tawp maia, an duh tawka an chet hnu chuan Sihtlang lam pan chuan rilru kal kim lo zet chuan an kir leh ta hnu hnu a...An lal hnen ah engtin tak in sawi fihlim ang i maw....
Lal Saingura te pawh tih theih dang nei mawlh hek lole... Rilru na em em chung leh Khaw Mipui te ngaihtuah em em chunga Apa chhang chiah Lungbuh khaw lal Saichhunga khaw lam chu pan phawt mai tha a an hriat avang chuan an khua atanga nithum kal awm vel lam pan ta vang vang kha ani a... A fate Pathum... Saizika, Ngurpuii, leh apangber Sailiani te chu kaiin a pangber Sailiani chu inpuak chhawk zak zak chunga Lungbuh khaw kawt chhuah chu dak chhuak hlawl in, an thawmhnaw tet hneng hnuang mai leh chaw kaw puar mumal lova Nithum lai mai Kawng ruh pangngai pawh zawh ngam lova kal ni hek, an fate phei chu a U ber Saizika Rawlthar tan ek ek tih loh chu an tam chhawl lo chauh tawh chu ani ber maia...chau tak chunga Lungbuh khaw chhung an han dai lut meuh zawng... Naupang tual chai leh nu leh pa lo lam feh lova in lama lo awm te chuan mak ti leh hmuhnawm thlir taka lo thlir huang huang chunga lo zui ru dal dal chunga a then in rinthua Khua atanga hnawh chhuah tawk annih lo ring tawk lah bolo..
Lungbuh khaw lal in lam erawh leido nei lova kum engemaw chen lo awm tawh anni bawk nen...an kumthat kum alo ni kher nen lal leh upa te pawh an hmai a auang in an titi pawh a phawk phaw hraw viau mai renga... Buh lak hun tur te sep rawtui kual vel chunga Buh ngah tura an rin zual te sawi laih laih chunga Chapcharkut pawh kumin chu Ran lukim in aw niang tia lal Saichhunga tawnglai chu a kawngka a a U fapa tlang hran chang tawh Lenchim khaw lal Saingura leh a Nupui fanau te hmel pawr phang leh chau tih hriat ngawih ngawiha an rawn ding an hmu phut mai chu le.. a thut hmun thawh san hluai paha tlan phei thuaiin Karei maw ka fapa leh eng thil nge in chung ah thleng ta le... Ngurdinga nu lo tlan thuai teh tia mang ang taka au chul chunga a Fapa te chhungkua chu Upa ho te nena hruai lut vat in... Tapchhak lam ah chuan an han thut tir thuai thuai a a fapa hnen atanga thil awmzia an hriat meuh chuan lal Saichhunga thinrim lutuk chuan a vaibel dawn a seh keh ta rep rep mai le... mahse lal Saingura hian a run tute khua hi ahre tlat lo... Hman hmawh taka tlan chhuak annih avang khan apatea ta hnena han awm hah dam deuha ama khaw lama kir leh chu ala tum ruh hle thung....
Makpuia te Unau pawh ngaw chhungah chuan an Zan thum riahna alo nive ta reng mai...Apa sawina lam kawng kha chu zawh ngei chuan a in hresi mahse, a beisei ang chuan mihring hnu hma tak ngial pawh hmuh tur a awm der silo... Thingkung sang tak tak ah te an lawn ngawt thin a, mahse a hmuh phak chu Ngaw hring cham dul mai ani si, a chang chuan an beidawng leh that that thin a... Pazawna lah ngaih tuah vak nei hek lo... Apa te chuan kan bo amaw an ti hrim hrim Au mam anuam tiraw te chu ati mai mai tak leh nghal a... Makpuia pawh anau la a lutuk chuan a ti hlim phian zawk fo mai... Zan lam ah pawh tap lovin Pazawna pawh amuhil ve thei tawha... Pazawna Sairawkherh ken chhuah ve chu an hmang tangkai hle mai a, Sava sa an ring chawt maia... An riah na hmun tur Makpuian a buatsaih chhung hian a thiam ang tawk tawk a Thang te lo kam ve in, a kut a hmui phian nen a Thangkama Sava leh Chepa leh Thehlei te alo awh chang phei chuan inti pa tak maia an che vel thin chu Makpuia chuan anuih pui nasa thin hle a, Anu leh Pa hmuh ah a it ve ngawih ngawih fo mai...
... Ni hnih ngawt mai an phak tawk te a an kal leh hnu chuan, chhut thiam ni sela an hma lawk ah chuan Zawlsang khaw lo chu a awm tawh tih hi an han hrethiam tur hi ani a, mahse Ram chin chhut thiam rual la ni mawlh hek lo... Pazawnan Au Mam Thingkung atang hian khua kan zawng leh ange aw tia lawn atum chu anau beidawng hmel hmuh leh aduh loh avang a khap thuai chung chuan an Unaua an zan hun hman na tur Buk chu athiam tawka lo sual ve mawp mawp chung a Zanriah chaw tur mautheia chhum mawlh mawlh chunga an Buhfai ken chu thlek vang vang chung chuan.... Tuk thuan tur chu ala awm e.. A bak chu thei rah leh hnim te an rin mai angai dawn ta tlat mai...
... A chaw chhum a hmin fel hnu chuan ala hma deuh bawka A nau Sava vehna lama liam ve vut chunga Pazawna au lauh lauh chunga a kal lai chu a bul lawka Saihlum rawn ving thuak chuan akal lai chu ti ding chawt in... Saihlum rawn chhuahna lam an en nak chuan Pazawna chuan a kuta beng chheng lo tura alo zaizir na chu nui var var chunga pan thla thuaiin... A nau in a piah lawka Ramar nupa Zanriak tur lei lo hai phut tarh tarh chu hmu ve nghal in... Mate Perh ta che an ti zui sap a, Pazawna chuan aih ka man dawn minlo en rawh aw... tih pah chuan thawm dim taka pan hnaiin mak tak mai chuan Ramar nupa pawh chuan lo hmu reng mahse thlan san mai an tum tlat lo... Pazawna lah chu meng kalh ru chunga leh lam hawi ang taka lang chuan an hnaih hriau hriau maia... Makpuia chuan anau mengkalh vel hmelchhe lutuk chu nuihza si nui chhuak ngam silo chuan Hnim buk phen ah chuan a dir char char maia... A nau in a chhuah palh tak ah tiin Perh mai thei tura lo in ring phen phawna a awm lai chuan Pazawna chu rang lutuk tak mai che phut in Ramar Pa zawk thlawk sawn tur ke ah tak chuan aman chawih maia... Ramar pa lah chu nasa taka tal phurh phurh chung chuan Pazawna chu a theihtawk chuan a sual let awrh awrh maia a siak kawm ven vawn chuan Pazawna chu atai thi phung tawh maia... Pazawna mang ang chuan Au mam lo tlan rawh ati tuarh tuarh maia, Makpuia chuan anau chu pan hnai thuaiin Pasaltha chuan aman tawh chu athlah tur anilo... Lei ah khan hlap ta che I lu pawh atiat loh kha tiin anau chu an fuih zui zata... Chutia a mi ngaihsan a U in Pasaltha arawn tih ve leh nui vun vun chunga din chhuah pah chuan a Ramar man lai chu lei hang vuak nan chuan an hmang ngheng maia.. makpuia chuan Vaw leh rawh alo ti that that bawka Vawithum lai mai an vuak thak thak tak ah chuan Ramar pawh zawi hnawk in, Makpuia chuan a ringruh an thuai tliah sak vat a... Phur taka an Buk sak lama pana kal chho thuaiin Buk kawt ah chuan Pazawn a chuan, Au mam ngawi rawh lawk tih paha lungpui chunga ding kang chung chuan
" Mihrang eee.... Ramar eee... Vawhlum eee" ti a inti thei taka Hlado phuah chawp an chham meuh zawng Anu leh Pa tel lova an Unau chauha an vah vaih hnu a Makpuia nuih nasat tum ber ani hial awm e....
.... Makpuia chuan Mate khawi lo la rawh kalo puah vat ange, Pasaltha chu lo awl rawh aw tih paha A nau Ramar thah chu puah nghal mawlh mawlh chung chuan abula inti thei taka lo thu nui vun vun mai Pazawna chu Ar puah dan te chu hrilh mawlh mawlh pah chuan a ruk taka angaih that lohna chu thup hram hram chunga hawi kual ru hrek hrek chung chuan an mahni en thla tu awm tlata hriatna aneih chu ama hriat tham leka phun sep sep chung chuan in ngam anih chuan rawn in lan mai ula mawle... Pasaltha Duhlaia fapa te kan nih hi...tia zam map lo chuan rum el awl chuan an hawi kual hrak hrak a... Arsa te chu athen Mautheia chhum in athen an rep zung zunga... Chaw ei a peih ve leh chuan khua athim tan tawh, Mate, khulai changel hnah khu zuk sat teh tiin a nau chu an tir lui ngata.. Pazawna lah chuan hrehna nei hauh lo chuan Keimag Pasaltha Pazawna hian Changel hnah kan la ange ti lauh lauh chung chuan an Buk kiang maia, Hnah chu an sat zung zunga... Changel hnah an la kiang chiah chu Hnah phena lo meng de rual mai chu hmu thut in... Hettt tunge tih leh Chempuia han vai pawp chu arual ta maia... Naupang kal fal lo man tumtu Huai pakhat chu na tuar te ruai ruai chunga thlang lama tlan thla in, Mi huai thlah, Mi huaisen thlah ati thla buan buan maia, Makpuia pawh rang taka dawk thla zawk chunga anau chu Ko nghal tuarh in Pazawna lah chuan Au mam ilo hre ve em... Tu emaw niin minlo en thla a ka sat pawp mai mawle alo ti nuisung maia... Makpuia pawh thaw huaiin, Apa in a hrilh fo thin Huai ho chenna hnai ah an awm tiu hre thiam vat in rang taka chaw ei thuai atul tih hre chiang tu ani bawk a... A nau chu kaiin Chaw ei an siam thuai thuaia...
..Puar el euh a zanriah an kil hnu chuan Makpuia chuan Zan lam ah buaina an tawk thei tih hria in... Meichher nen Thing te an fawm belh bawrh bawrh a... Pazawna erawh hla phuah chawp ring tak taka lo sa lawng lawng chunga lo phul ve hlut chung chuan Ka sat fuu chiang asin an ti leh ngawt thin a...
Makpuia chuan mei chu chhawm belh zung zung pah chuan Mate tirawh mu vat ang... Zing ah kan chhuak leh duh awmsi... Naktuk chuan khua kan lut tawh mai thei ania tia a nau chu chhaih nui awr awr pah chuan mutna chu an phah sak zung zunga... Huai ho pawn thim chin atanga thlir in An hotu ve ber chuan eng ang Naupang nge maw an nih teh hrep le, ti phun bul bul chunga a naute ho chu an mutthilh ve leh a Naupang zawk chu la hrang nawlha tlanpui tura thu pe in a kiansan ta nul nul a...
.He huai lalpa hian hriat loh anei tlat.. A ngaihdamna an ngen chiam tawh an buzawl zawng zawng luh chhuak vek tawh tu... Pasaltha Duhlaia Thisen atanga piang chhuak Naupang hlauhna reng reng pianpui ve lo... Tlawm ngailo Mak luhlula te Unau an nih an hre tlat lo ani....
Makpuia pawh anau mutthilh hnu chuan Chempui hum ran chunga anau khan bet hmak chunga chhing ve siar siar in, amang lam ah chuan chhum dum chhah tak mai hian alo tuam mup mup maia...pazawna aw ngei maiin Ka u min chhan rawh ka hneh lo ania tia alo au lauh lauh thawm awmna lam pana han tlan phei pawp an tum chu a in vai harh zawk maia... A taksa chau nen alo mutui hman viau mai alo ni a... Buk kawt zawla Pazawna Huai ho in an lo hnuk tawlh hawn hawn chu a hmuh rual chuan Thinrim lutuk tak maia a Chempui hum chunga zuang chhuak in... Huai hmelchhe ho ka Nau kha thlah nghal rawh u, Kha keimah Pasaltha Duhlaia fapa Makpuia ka ni ngai e tih paha dawk phei zawk chunga Pazawna man tu kut hmul dum ther thur chu an hlawi nghal thawt maia... Mi Huaisen aw leh Chet thawh chu Huai ho pawn an lo hre hrang nameuh mai le... Makpuia thlen chin apiang chu an kiang nghal duak duak maia...
...Pazawna chuan Apa Fei ngei mai chu lek chhuak ve vat chung chuan a theih tawk chuan a U chu alo pui ve nasa maia... Mahse Boruak rit churh mai nen Huai ho an lalpa lo thleng nen Makpuia pawh a chau tawh takzet, A nau chu a phena dah in a ngam chuan min rawn bei ula, A kal leh mala min bei ngam in awm nange tia a au lai chu thil rit tak hian a awm a arawn den tak dawt ah chuan a hnunga Pazawna ding chu delh phei rawk in Pazawna lah a lu chu things va tauh fuh hlauh in eng mah hrelo chuan a mu zawi hnawk maia... Makpuia chuan thei leh thei lova din chhuah tuma an in beng kang tur chu tlu leh hnawk in Kapa... Min ngaidam rawh Ka nau hi tia Phun sep sep in a thim ta hmuk a...
... Huai lalpa chuan Naupang kawlhrawng ti a Makpuia te Unau lam pana a pen chhuak chiah chu... Pialral kawngkhar vengtu te chelh rual loh.. Pa Hmangaihna chuan a fapa te Pahnih thihna hmachhawn mek te tana rawn pen chhuak in... Huai lalpa hma ah chiah chuan Pasaltha Duhlaia ngei mai chu arawn ding ta phut mai le... Rang lutuk tak maia, Huai lalpa chu tlawh thal thuaiin an vau zui chher chher mai zawng...
... Huai lalpa leh a hote chuan an hmachhawn chu tunge anih an hre chiang nameuh mai... Hlau taka a hma a thingthi nghal rawp rawp chung chuan ngaihdam an dil nghal mawlh mawlh maia, Pasaltha Duhlaia chuan ka Fate pahnih lam hawi hian ke in lo pen leh anih chuan tia a vau na chu an pawm tih hriat taka thu tiam mawlh mawlh chung chuan Huai sual tak mah nise, Malsawmna keng ve annihna chu lan tir in Makpuia te Unau chu Huai lalpa chuan a chhin chhiah ta thlapa... Huai ho tan an dam chhunga khawih nat theih anni ve dawn ta lo....

[Ngaia]

PASALTHA MAKPUIA 3
Makpuia pawh tawnmang ram atanga rawn harh hlawl in...an thu chhuak hlawl maia.. rang taka a Chempui chuh nghal zat chunga din chhuah zawk pah chuan a hma lawka Huai ho din thim hmukn lam hawi chuan Thinrim luat vanga mitsen ram chunga pen chhuak nghal zat chung chuan a tawp thleng in aw tia an hawi chhuak chuan engmah reng a hmu ta hauh lo mai le, angaihna hrelo taka hawi kual ruai ruai chung chuan, a chunga thil thlen dan te ngaih tuah kir zung zung chung chuan Huai ho vawmna avanga nikhaw hreloa a tluk dan te, a mumang ni maia a hriat Apa Pasaltha Duhlaia ngei mai a hmuh dan te chhui kir zung zung chunga anau mutna lam pan chu rual nghal zat in... A mumang amaw atih kha atak ngei anih ring nghet nghal bur chung chuan Kapa ka lawm e... Tun ah chuan Ka nau hi ka veng him zel tawh ang tia in tiam nawn leh sap sap chung chuan Pazawna chu an sawi nawk nawk a....
...Pazawna chu mit nuai naawk nawk chunga rawn meng chhuak in anla tho a zui leh nghal a, Chaw kan ei dawn tawh ami... Khawnge ka Sephung kha tiin abul vel chu ahai thut thut maia... Makpuia chuan nui hawk hawk chung chuan a nau chu an sawi leh nawk nawk a, Pazawna pawh rawn harh chiang tawh in Au mam khawnge rim chhe deuh deuh khan an awm zawh vek a, an van chak em em arawn ti chhuak hlawl maia... Makpuia chuan Mate hlauh tur awm tawh love... Pasaltha Zawna an hlaua an tlanchhe vek tawh alawm tia lo chhang var in mei te chu an chhawm tha leh mawlh mawlh a... Anau zawhna chu chhang zel in, an mahni bei tute chu Huaiho an nih dan te Apa in hlau miah lo a hmachhawn chuan Hring fate kan chungnung zawk tia. Ahrilh te chu an hrilh ve leh chhawnga anau chuan hre thiam tak ang mawle.... A nau lam an hawi chu tui fe mai chuan alo muhil leh bawrh bawrh tawh alo ni a, Makpuia pawh nuisanga mei a chhawm that leh hnu chuan Pazawna bul ah chuan mu ave nghal thuai a.... Tawn mang ram ah aleng zui ta delh delh a....
Sihtlang lal erawh beiseina sang tak nena a Pasalthate hlawh tlinna ropui tak nena an kir leh hun nghaka ring lo fan chiam chiam a khawnbawl Upa te nena Zu an lo khawn mek lai chuan Pasaltha rual te pawn khawdai rawn thleng in An lal in a tirh chhuah chhan ber an hawn miau loh avang chuan Hlado pawh chham ngam lo chuan lal in lam pan chuan an inzui kawi duah duah a... An thiante ruang eng emaw zat nena hawng anni bawka hnehna chang chung leh Silai fung eng emaw zat hawnpui mah sela an lal chu an rin leh hlauh ang ngei chuan an chung ah alawm lo ta renga... Hrangkipa chuan lal hnena ngaih dam dil pah chuan Lenchim lal chhungkua chu I hnen kala rawn thlen mawlh ang tia lalpa hnena thu atiam tak ah chuan Khawnbawl Upa te pawn an lal chu bek bawr ve sur sur chung chuan Miruang te an phum fel hnu a hnehna lawm a a Pasaltha ram mu te chawimawina neih chu a rel thlu ta rup maia... An lal chuan Hrangkipa a tih lungawi loh teuh zia hria in Chawimawina nopui hlan ta zawk a.... Hrangkipa pawh pa ngaihtuah tawi tih tak ah a lawm tawk atling leh hle reng maia... Lawm taka khi vun vun chung chuan lalpa I mi duh te chu I ke bul ah hian kei Sihtlang Khaw lal ropui hnuaia I khawngaihna dawngtu hian ka hlan ngei ang che tih pah chuan lalnu chu an mit mei zauh zauh a...
Sihtlang lalnu fa keng theilo awm no surh mai lah chuan a Pasal zu heh zet mai hnen atanga kham khawp hmu ngai hek lo, Hrangkipa mitmei chu vawitam lo man tawh in, tuma hriat hauh lova an in hmuh na thin lam pan tura rilru siam nghal thuai chung chuan a mitko an san let zauh bawk a....
Makpuia te unau pawh zing var tianah tho ve thuaiin Mak tak maiin zan lama khati khawpa nasa a an in beihna ah chuan hnuhma reng hmuh tur alo awm hauh lo mai chu ani.
... Makpuia chuan tukthuan tur siam nghal mawlh mawlh chung chuan Mate vawiin lam chu Khua kan lut ve tawh mai thei ania, Ram hnuai hi I ning tawh em tia a nau chu be bawrh bawrh chung zela bungbu tarh tarh a a mei chhem lai chu Pazawna chuan Nui sung chung chuan a U mawng ah chuaj an kawm zauh mai zawng... Makpuia phu nasa lutuk chu an meichhem kan dawrh khawpa zuang phei zawk chung chuan Zawn ek ka vel dawn che tia in um kual zawr zawr leh nui hawk hawk chung chuan anau chu man bet in a mawng ah an beng taih taih a, Pazawna lah Za em em maia nui hawk hawk chunga Au mam I lo thlawk thei reng a law tia nui hek hek chung chuan A U chaw ei siam mek chu a pui ve ta vat a....
..... Tuk thuan an han ei khama kal lai siam zui leh zat in... An riahna ram chin erawh Makpuia chuan atheih tawka chian zel in, kawng anlo bo palh anih pawn awlsam taka an khaw ram ta lam ah chuan kir leh theih a in ring fan a, an khaw ram ta angaih tuah kai tak ah chuan a mitthla ah Chhungkim te a an lenlai nite rawn lang iarh iarh in Anu leh Pa angaih chu azual hle maia, dan rual loh chuan abiang ah mittui arawn luang ta ngiai ngiai a... A hma a kal a neih chhun a nau chu an en thin a, engtin tak keini Unau hi seilian ve ang mawle... Kapa Sawi khua hi lawi thei teh reng pawh ni ila, Ka pa thanpa chu alola dam angem chung vel ngaih tuah chunga kal mawp mawp in Pazawna au hlut ri chuan angaihtuahna ram ata kai harh zawk in, A nau lama dawk phei nghal zawk chung chuan Mate, Mate ati phei chul maia...
Pazawna hmazawn ah tak mai chuan Keite a pui hnen atanga tla hrang hlim tih hriat tak mai chu lo ding ngeng ngalh in Pazawna chu alo ngur ve chhar chhar mai alo ni a, Pazawna lah chuan Au Mam a mawi tiraw, Sakei te chi ami te chu alola ti tak mai maia, Makpuia chuan a fei chu lek chhuah nghal zawk pah chuan chu Keite chu chhunhlum kher pawh tum lo chuan an hawlh nawk nawk a... Keite pawh chuan a ngam loh atawng tih hrethiam ang hrim chuan hreh zet chuan a kal kiang ve mai bawka... Pazawna chuan Au mam ka ui reuh e...ka va man leh ang aw tih leh kal mai chu an tum a, Makpuia chuan man ding thuaiin man chi anih loh dan te an hrilh ve mawlh mawlh a..
Lo fing khat awm vel an Unau chauh a an kal leh tauh tauh lai chuan an hmazawn hla vak lo ah chuan Hmeichhe mang ang te thawm arawn chhuak ta phut mai le... Min puiru...min puiru tih ri rawn chhuahna lam chu hawi rual thawt in... Rei tak an mihringpuite thawm mai nilo an hmel tak ngial pawh hmu loa awm tawh anni bawka Pazawna chuan Au mam mihring an ti heu maia... Chutah a hma aia ring mah chuan an aw hriat bawk chu rawn chhuak leh in Makpuia te Unau pawh hman hmawh leh fimkhur tak chung si chuan thawm lo chhuahna lam chu pan phei dan dan chung chuan hnim chu an han keu dan dan a...
...An hma lawk ah chuan Lo zaupui mai hi alo in pharh duai maia, mahse lolam ngaihven hman an ni tlat lo... Thawm lo chhuahna lam pana tlan leh thuai thuai in... Vau Lui kam leh lama Sakhi thanga Nu valai tak mai lo inkhai filh thuau mai Makpuian an hmuh chuan a tlan lai chu din chawt pah chuan a hnunga a nau lo tlan chu an man ding vata... Pazawna chu lolama hruai kir leh te te pah chuan Mate tah hian lo biru tlat rawh aw... Naupang en ve chi anilo... A seh ana lutuk ania an ti ngawta... A sawi zawng chuan a mah ngei pawh chu anuih za lutuk chu a mawng a hup ngar ngar hial a...
Pazawna lah chuan a U hmel ah chuan hlauhawm tak tak a awm lo tih erawh aman thiam ve tlat... Naupang kum riat mi chauh ni mahse, Nu leh Pa tel lova an Unau chauh a ram palailenga zan ruk leh ninga lai mai an vah na avang te chuan a kum phulo chuan a ngaih tuahna pawh athang chak ve tlat...
Au Mam alo seh che ange an ti ve khauh maia... Makpuia chuan kei chu min seh ngam lo ang... Ka lo kir hma chu tah hian lo awm reng rawh tih leh kalsan rual nghal in anui phei ang vur vur a... Makpuia chuan hman hmawh taka pan phei chung chuan Kapi kalo kal e lo tal reng reng suh tia au phei lauh lauh pah chuan a hnaih phei zel bawka...
Sakhi Thanga inkhai pilh thuau mai, Zamani lah chuan tanpui tu a hmu ta chenga a din hmun chhiatzia hre chhuak in lokal suh, lokal leh si rawh, maimitchhing rawh tia au chel chul chunga amah chhan tum tu hmel en tuma a ring an fan rual chiah chuan te thawt chunga a hnuai hnim zinga tlak thum tawk chu rual nghal in, na pawh sawi hman ni tawh hek lole, rang taka ding chhuah zawt pah chuan a puan bih chu an pawt thla pawrh maia.. zah luat vanga sen tawn tawn chung chuan alam pana Rawlthar hmel fel ving veng nuisang chunga lo chhuk leh ahnung maia Mipa Naupang lokal chu makti hmel tak leh zah hmel taka lo en ran chung chuan Makpuia hnen ah chuan engmah I hmulo an ti ngawta... Makpuia lah chuan nuih huk pah chuan nia ka hmulo alo ti sam et maia.. Chutak chu Zamani awih leh silo chuan a hmel hriat ngailoh rawl thar chu a chum ta awk awk maia... Pazawna lah ahnunga lo nui ver ver pah chuan Au mam a mak tiraw an lo ti khauh mai zawng, Makpuia insum theihna bawm keh hawk in dul dawm meuh chuan a dir ta ngat ngat maia... Zamani pawh za em em maia rawn nui chhuak chung chuan Thlam ah phei ang u an ti ringawt a...
Zamani chuan a hmaa rawlthar leh mipa Naupang chu melh tawn zak zak chung chuan athil hriat avanga a bianga mittui luang ngiai ngiai chung chuan Pazawna chu kuah pah chuan I U tur kanih hi aw Au Mantiin i duh chuan min ko thei ang... Zamani chuan a chan chin asawi ve ta par par a...
Ka hming chu Zamani ania... In duh phawt chuan kan in ah in thleng thei ang.. Kapa damsam loh avangin Kanu in in lam ah a awmpuia keimah chauh hi ka ni mai sia Unau dang nei hek lo... Chawhmeh la tura kal kani a, ka tui chawi tur ka chesual palh hlauh ani tia a chunga thleng ngaih tuah kira zak sen deuh tan tan chung chuan an khaw zawn leh pan ber khua Zawlsang khua ngei chu ani e....chaw hmeh te kan la sawk sawk anga khawlam kan pan thuai dawn nia tia phur taka Thlam chhuahsan vat in chawhmeh chu an lawr zung zunga... Makpuia pawn alo pui ve bawrh bawrh a...
Makpuia chuan Zamani hnen ah chuan an chanchin a sawi khan Anu leh Pa hming leh Zawlsang khua a apa Thianpa pan an nih dan chu azep tlat thunga, a chhan pawh apa thianpa chu eng ang chhungkua nge annih a chian hmasak a tul tlata ahriat vang ani....
Zamani ho chuan Zawlsang lam pana kal bek bek in tlailam zanriah rel hun awm vel ah chuan khaw Lungdawh a thu thlan dai paha Zamani chuan Makpuia te Unau chu tih tlangnel tum tak chuan abe siah siah a,,,, Sakhi thang kha chu sawi awih miah loh tih paha nui ver ver chung chuan Pazawna chu an piai zauha... Zamani hah biang tai tek mai chhem dam thli in a sam an chhem leng siau siau mai te chu Pazawna chuan hnai set sawta en chung chuan Au Man I van hmeltha an ti khauh maia... Zamani pawh lawm vanga nui var var pah chuan Makpuian anau alo hau lai chu eng ah mah ngai suh Naupang anih kha tia Pazawna chu kaih pah chuan khawchhung lam pan pui chu arual ta nghal a..
Lenchim khaw lal Sanglura te pawh a Patea te khua an tluk luh rawih atanga Zan thum lai mai an hman liam leh tak ah chuan a tum luih miau avang chuan Lenchim khaw lam pan tur chuan a insiam mawlh mawlha... Lungbuh khaw lal Saichhunga pawn dan buai tum tawh bik lo in, a Pasaltha leh Tlangval eng emaw zat te zui tir in Lenchim khaw lam pan chuan an chhuak ta mup mup a... Lal Saingura ber pawh vanglai nun hmang chho mek ani bawka an kal sawt viau mai reng a... A ni thum ni alo her chhuah meuh chuan Lenchim ram chhung dai lut tawh in... An han kal thui leh deuh chuan mihring hnu hma thar deuh deuh te an hmu ta nawk maia... Zaupui mual an thlen meuh chuan Khaw Mipui ral hlaua tlan chhia eng emaw zat lo buk khuara lo tawm khawm te chu anva pawh ta hlawl maia...
Beiseina thi vek tawh Lenchim khaw mipuiten an lal Saingura an han hmu leh thut mai zawng chu ngawpui chu tahna ah chang zo in lawmna mittui nen an lal chu an kuah chuk chuk maia... Lal Saingura meuh pawh a lung chhiatna chu thup tum buai lo in a khaw mipui te hma ah chuan a biang ah mittui aluang nguah nguah maia...
Lal Saingura ho chuan bul tan thar leh inbeiseina lian tak nen Lenchim khua chu an pan ta nguah nguah a... Khawdai atanga an han thlir meuh chuan khaw chhung in thenkhat te chu lo intung tha leh tawh in, Khaw mipui eng emaw zat chuan khua chu rauhsan duh lovin an lo let leh hi alo nia... Lal Saingura te nen an han in hmu khawm zet chu... Lenrual kan kimtalo tia in kuah ngawih ngawih tawk lah bolo... Lawmna leh lungngaihna mittui chuan a bual vel ani hrim maia... Khaw mipui beidawng tawh ten an kal an han hmu leh zet chu an chakna siamthara awm leh in Pitar leh Putar te meuh pawh rawn in perh tho awt awt in... Lal mual lam pan chuan an khawngkhawbai au au maia...
Saingura chuan lal in kang hek huam mai chu thlir vang vang paha hmalam pan zel in... Lal in hnuai ah chuan an lut zauh a... Chutah hlim taka rawn nui chhuak sang chung chuan akang love... A kang tel lo hlauh tih pah chuan a Thi leh Dar dah that te chu rawn khai bawr teuh chung chuan a piah zem ah pawh khan Kum in kham khawp Buh chu a awm ang... He rohlu hmang hian Lenchim khua hi kan dinthar leh ang... Mi tin in a inzat theuh in kan chang bawk ang... Heng hmang ngei hian Sial te kan lei leh anga... He khua hian par a chhuang leh dawn ani tia au lauh lauh in Mipui lam pawn Lalpa dam reng rawh se tia lo chhawn dual dual chung chuan Lungbuh val rual te nen chuan khaw din thar leh hna chu an thawk zui ta mup mup a....
Makpuia te Unau pawh... Zamani chuan an in lam ah hawnpuiin Anu leh Pa kiangah thil awmzia te hrilh zung zung in... Zamani nu leh pa pawh chuan lainat taka lo kuang kuah in, an fa atan an pawm nghal hmiah mai renga... Zan lamah Zamani pa... Zalawra chu lal in lama chuang kai thuaiin an fanu thil tawn dan kim chang te chu an sawi par para... Zawlsang Lal leh Upa te chuan ngun taka lo ngaih thla vauh vauh chunga Pu Zalawra tawng zawh hun chu nghah pah chuan thil thlen dan chu anlo chhut ve vang vang bawk a.... ...Zawlsang lal Chunglura chuan ummm Pu Zalawr engpawh nisela Zamani nau chhar thar te chu I fa ang tak chuan I pawm thei ang maw an ti ban charh charh a... Zalawra chuan a theih tur thu chuan alo chhang thuai a, lalpa bawk chuan ummm atha e engpawh ni sela Tlangaupa lam hawi chuan Rumi pa nang Zamani leh Naupang te chu zuk ko lawk ta che, a sawi zawh ruala phe nghal vut in reilo te ah Zamani leh Makpuia te Unau chu lal in ah chuan an rawn lawi lut ta thuaia...
...makpuia hnen atanga thil thlen dan kimchang an han ngaih thlak leh meuh chuan lal leh upa te chuan makti taka thlek he haw chung chuan, nangni Uanu zet zawng khuavang chhin chhiah nia mawi inni e... Engtin nge Lenchim atanga Zawlsang khua hi dam taka inlo thlen theih mai, thil mak ani e, engpawh ni sela... Tun ah chuan ka khua leh tui inni ta... Pu Zalawra fate inni e... Kal tawh rawh ule tiin athlah liam zui ta nghal a...
...An chhuah hnu chuan Khawnbawl Upa min Rochuha kil thim laia lo thu kul khan mai chuan angaih tuahna lo kawm melh melh chung chuan, Kha Rawlthar hmel kha ka mikhual hauh lo mai... A naupang zawk lah kha ka hmuh fo tawh hnu hmel apu tlat mai si... Khawi ah nge ka hmuh tawh ang aw tiin alo in chhut buai ve nasa mai a...
Chung Naupang Pahnih te chu ala hmu ngai hauh lo... Mahse an nu leh pa erawh khawvela a mi hriat chian te ber an ni lawisi... Chuzawng Rochuha hian ala hai hawng thei mahna le....
Makpuia te Unau pawh Zawlsang khua ah chuan kum khat lai mai anlo cheng ve ta reng maia... Zamani lah in nuam atiin pianpui Unau dang nei talo chu, Pazawna phei chu Naute chhawn chhaih taka chhaih hi atum awl lo maia, Pazawna lah lo inla Pasaltha ve lak lawh tawh si nen, an in um zuai zuai reng maia, Pu Zalawra te Nupa pawn an hlimpuiin chhungkaw rual tak ang mai chuan an phul leh hlut thin a... Pu Zalawra hi Zawlsang khua ah kher hi chuan mi zahkai ni pha ve in, lal tih loh ah chuan Sial angah ber hial a, khawnbawl Upa zing ah pawh rin luh anih har hmel loh....buai thlak ber thin chu Zamani rim tura Tlangval ho lo chuangkai te Pazawnan alo nel lutuk thin chu ani, chumai ala ni lova Zamani mut hma mu duh hek lo, a nghak ve ngat ngat zel mai sia... Tap chhak bul ah lo muthlu lawp lawp a a awm chang lah atam narawh e... An khaw Pasaltha tuaitir Zamani Lawmpa ber mai... Saithata hian a pawm mu zantin ani ber maia... Zawlbuk lamah Fiamthu thawh nan an hman nasat phah hle renga... Pasaltha Chhangchhia tia fiam a hlawh phah nasa hle reng a... Mahse eng ah vak ngai lovin... Fahrah Unau te chu ama kut zal ngeia hruai puitlin atum ruh hle ani...
Makpuia erawh thil ning khawng man rual anih tawh miau avang chuan a ruk taka in thlahrung dek chuan hah pawh sawi lo chuan a tul apiang athawk bawrh bawrh zel a... Hmeichhe tih tura an ngaih pawh lo khawihve zung zung zel anih vang chuan Pu Zalawra phei chuan a kam khat phah fo mai..
Thingnawi fawm rual tih tak ah thuawih tak maia a hma a a tih tura tla chu zo taka hlen chhuak zel chung leh phunnawi hauh lo a kal mai zel in, amah lo hmusit tu Ieh er tuten dawta an puha Thing keuh awla an puh pawh chuan a thiamthu pawh sawi lem lo chuan ngawi reng chuan zan thim hnuai pawh nise a Nawn leh mai zel a... Val Upa leh Tlangval ho pawn Makpuia zia chu danglam an ti in, an sawi zui fo mai....
Zan khat chu khua anuam vak lo nen Tlangval ho pawh Lengi run kai lem lova Zawlbuka val Upa te titi ngai thla a an rik laih laih lai chuan Pawn lam ah chuan thinrim au thawm arawn chhuak ta tlat mai le...
Tlangval ho pawh rang taka tlan chhuak nghal phuk phuk in... Zawlbuk kawt mei eng hnuaia an thil hmuh chuan an mit ala in a ngaihna an hrelo hle mai...
Pasaltha Zamunga fapa te thian ho panga lai mai chuan Zawlbuk tual ah chuan Makpuia chu an lo din hual thap maia... Zamunga fapa Hrangkima chuan nanng mi falak mai mai khan ka thu I hnial ve khang lang amaw... Tunge ka nih I hria em tih pah chuan Makpuia chu an tlawh thal thuai maia... Makpuia lah ngawi renga rawn din chhuah pah chuan a pawi khawp mai... Ka thei lo ani e...ti baka chhang duh lo in kal sawn mai an tum chu anni panga chuan an bawh rawn ta huk maia... Val Upa leh Tlangval ten chutiang teh thut beisei hek lo le.... An bawh huk na kar atanga rawn put chhuah zawk pah chuan Zawlbuk tuala Thingfak chu lak an rual zat a...
Rum el awla Hrangkima te lam en pah chuan a tha e... Hmeithai Pitar ar tui lai ruksak tur em chuan min tir kal chuang lo ang... A ngam fa chuan min rawn zui thei ang... Kan rual U te ka zah avang chauh in ka khawih let lo ang che U... In ngam anih chuan Khaw Lungdawh ah kalo nghak ang che u... Mipa fa tan reitak dam angai hlei nem... A dam dam Zualko ah kan ti aniang chu tih lehngawi renga Thim hnuaia Lungdawh lam pana kal chu arual ta maia...
Val Upa... Zosanga chuan Ummm thu tam sawi angai lo... Panga in ni a... Pakhat inbeih rawn a... Khaw chhung ah in huaisen zia in lantir ta... Tun ah hian Makpuia chona che u kha tunge chhang hmasa ber le a rawn ti chhuak ta lauh lauh mai le...
Hrangkima chu athiante chuan an melh rawn ta thup maia... Hrangkima lah chuan a beisei phak ngai miah lova, Makpuia achet tak ah chuan a kal liam tur mitmeng thip zet avang chuan aruk taka khur der der chung chuan kan Fiamthu mai mai anih kha a ti tial ruan maia... Val Upa ten Zawlbuka hruai lut in an Zilh hau nek bak ah a hrem nan, Thing keuh tur punsak in Kar khat chhung an Keu nawn tlauh tlauh angaih phah tlat...
Makpuia lam reng anlo hre chang tawh lo chu niin... Zing khua alo vara... Val Upa Zosanga inthiar tur chuan Lungdawha Makpuia lola ding vang mai ahmuh chuan mak ti taka chek tlawk tlawk chung chuan Naupang danglam tak ini...nang ang renga luhlul kala tawng ngailo ati chhuak hial a... Chumi Tuk thuan ei kham fel meuh chuan khaw Pumpui mai ah chuan Mak luhlula tih bawk chu a pu leh ta nge nge a.....

[Ngaia]

PASALTHA MAKPUIA 4
Hun leh ni aliam zela... Makpuia pawh ramtangrual alo nive ta reng maia... Pazawna pawh Rawlthar nun rawn hmang chho ve tan tawh in, chhungkaw thar hnuaia Seilian ani bawka Sial hnute nena chawm len tih tak ah a than atha in a dawng ngauh maia... A tha thawh ngai ang chi ah phei chuan Makpuia hi athlawp pha rual ti I la kan uar lutuk lo ang... Anu hmel lam a lak tam zawk avang chuan a hmel te lah chu atha vei puak rauh a, Khawchhung Nula leh Tleirawl rual te mit pawh a la hle reng a, mahse Pazawna pui rauh hi A U Zamani kianga tawlh hruah hruah hi ala sim thei meuh lo... Rawlthar ve uaih tawh mahse Zamani bula mulo hian zan khat ai tam ala awm hlei thei tlat lo thung... Zamani pawn achang chuan Pasal neih loh mai aduh phah rum rum fo mai...
Makpuia erawh in lam leh Khawchhung lam ai mah chuan Ram lam ah hun hman tam zawk athlan miau avang chuan Thlam ah in kulh in lolam chu akut ah a dah hmiah maia... Thian tha leh Lawm pawh nei hran lem lo chuan a riah chilh tluk tluk maia... Hlo thlawh tul loh lai chuh a... Ram ngaw ril lama vak luta Ramhnuai nun chan leh Ral hmachhawn dan te atheih tawpa zir chung zel chuan chet dan mak sak pui pui a chhar chhuak pah zel bawk a... A duh tawka Ramhnuaia an chetla vel chu lo hmuru tu awm ta se... A chet ran dan em em chu Zawng thlah amaw tih mai tur ani... A bul vela a hman raw hmuh apiang mai chu Thing ani emaw, Lungpawh nise ahmang thiam em em hlawm zel mai leha Tui thiam em em na te chu a mak ani ngawt mai... Tui chhung ah te chuan alo thlirtu tana hlauh thawn rum rum na tham hi a pil bo thei tlat a, marawh chu Apa in achah thin ang ngei chuan eng lai mah in Chapo nana hmang lo tur chuan a in fuih ve ngat ngat thin a...
Tun ah chuan Buh pawh in lamah phur haw leh vek tawh in... Hreiha zawnlai an thar ve avang chuan Pu Zalawra pawh chuan Khuangchawi te pawh a rilruk deuh thut thut hial a... Makpuia pawh khawtual lama atal ve tak ah chuan Zawlbuk kai rual alo ni ve tawh bawk nen, Zanriah killai chuan Pu Zalawra chuan Zawlbuk lama kai tawh tura hrilh pah chuan, awmdan mawi tinreng te hrilh mawlh mawlh pah chuan, hei Makpui, Khawchhung lam ah lah Mak luhlula ti hlira auh ini ta ngawt maia, I luhlulna kha atha, mahse he kan rilru lenna te hi in lek nan te, aia upa te thu hnial nan tea hman tur ani ngai hauh lo ania... Val Upa leh I aia Ute thu hnial ngai lo la, an tirhna che ah chuan hreh hmel pulo mai ni lovin, chak zawk tak anga lan I tum tlat dawn nia... Ka fapa ini a, I dikna ah chuan Ipa hian pen khat pawn ka hnung tawlh san lo ang che... Mahse I thil tih sual avanga I lam tang tura min beisei anih chuan I tisual chhiava dawn ania tia afapa chu zilh kauh kauh in... Pazawna lah chuan Kapa Au mama te chu Kan khaw hlui ah pawh khan Mak luhlula an ti vek a lawm... A ke zungpui tin ah pawh meiling ah dah saka thing thla miah lo in a thih thak thleng adah asin, kei chu ni ila...Ka per sawn daih ang, tih pah chuan Sazuk sa rep chu an pet fan dawr dawr a...
..Makpuia chuan Kapa min zilhna thu zawng zawng chu ka vawng reng anga atak ngeia nun chhuahpui pawh ka tum ang... Keimah avang hian I hming a chhiat ka phal ngai lo ang... Mate nang pawh Kanu leh Pa te hi lo awl hram hram zel ang che.... Eng hna mah an thawh ve nagai tawh lo... Tlangval inih tawh kha.... Mi thenkhat ten Vengsang Nuthlawi in ah aleng thin an ti che ania an ti zauh maia... Pazawna hawi hai hmel, a beisei loh lutuka a U in dawta apuhna chu phat ngaihna pawh hrelo chuan Au mani hian ahre vek an ti ngawta an vaih nuih ta dar dar a... Pu Zalawra chuan Makpuia fiamthu azar ah kan sawi belh leh lawk ange... Nakin zel atan pawh ani e...tiin Hmeichhe laka fimkhur tur te, a remchang apiang keuh ngawt loh tur tia a fapa te pahnih zilh kauh kauh chunga Makpuia tho chhuak chu zui nghal zat in... Makpuia hmela thil in thup tlat mai ahmuh thin chu zawh chhuah tum tak chuan luhkasang lama a fapa din na lam chu a pan thuai a...
... Makpuia chuan apa Zalawra zawhna chu chhang mai lo chuan an ngawi vang vang phawt a... Chutah muang changa Apa en chung chuan Pasaltha Duhlaia leh An khaw khawnbawl Upa Fanu Siamliani te fa annih zia te leh apa thu chah zawng zawng te chu hrilh fai vek pah chuan Kapa, Pu Zavunga awm reng reng ka hmu hauh lo maia, he khua ah hian an cheng ve tawh lo zawk em ni aw... Tiin apa chu zawhna an pe let a... Pu Zalawra pawn a fapa hnen ah chuan Zavunga te chhung kaw pem chhuah tawh thu te leh an Khawnbawl min chuan zawhna alo pek tawh thu leh a Tu te annnih mai arin zia alo sawi tawh te chu Makpuia hnen ah chuan a hrilh ve ta vek a... Pasaltha Duhlaia hnawl tu pawh Apu chu ni lovin thla liam ta maia boral ta Api Chuhhuami vang anih thleng chuan a sawi tlang ta vek a...
..Makpuia chuan engpawh nise Kapa hei chen kan in hriat tir lo ta sa sa, ngawih tlang rih hi kei ka duhdan ala ni fan mai kati an ti muang ban chalh a, Pu Zalawra pawh chuan Ni e... A tir te atang in lalpa in nang ni Unau hi ka fa atan ka pawm che u leh pawm loh min zawt tawh a, ka pawm thu che u kalo chhak chhuak tawh a, chuvang chuan ka fa innihna hi a pang ngai reng ania.. Hun in a hril anga... I pu hnen ah pawh chuan in hriat tir hun te pawh ala awm mahna... Eng pawh nise, Zawlbuk kai thar tur ini bawk nen insiam hma la atha ange ti teh I lut teh ang tiin a fapa dar ah chuan an beng thak thak a...
Makpuia pawh mutbu tlem te nen Zawlbuk lam pan chhat chhat zel chunga a hun tawn tawh te chhui kira akal mawp mawp lai chuan, Zawlbuk thlen hma deuh lawk thim zing atang chuan Thianpa tia amah ko thawm lo chhuahna lam chu hawi vat pah chuan, Keimah emni aw min tih tia hnaih phei deuh sauh chu an ruala... Thimzing atang chuan amah ang rual vel tur tho Tlangval Pahnih chu rawn pen chhuak vat in, Aw ni e... Zawlbuk kai ve tur I ang kan ti deuha thurual pui atan kan lo nghak tawp mai che anih hi..tih paha Makpuia lam pan pah chuan... Alo au tu zawk bawk chuan Kei hi Bangloa ka ni a, ka thianpa hi chu Tawia anih hi... Tawia nisi in a hming nen a in hmeh lo ania tia nui var var chung chuan Thianah insiam ang hmiang tih leh a kut chu phar chhuah an rual zat a, Tawia pawh lo pen chhuak in Makpuia chu an chibai ve thuaia... Tawia nisi ah chuan hming in hneh lo pawl tak ani awm e... Makpuia chuan a Khabe a chen awrh chauh mai... Sa inphut rual ala nilo mai pawha... Zawlsang khua ah chuan amah han chen tur reng an awm tlat lo... Bangloa erawh Pate Sa tha ang chi niin a sa chu amuk nghet tlat maia.. a hmel leh Taksa phu lo chuan a tawng thum ang dawt leh nghal a... Makpuian ka hming ati hman tawk tih ah chuan Tawia chuan Mak luhlula nui sunga lo tih khal vat in, chu chuan an kar boruak pawh siam tha leh zawt in... Zawlbuk an kai dan tur te rel ve nak nak chunga Zawlbuk hnaih zel in, a Milian fa ve ber Makpuia chuan hma ahruai zui ta vat a... Tlangval ten anlo buan ngei dawn tih an hriat avang chuan an mahni chu in fuih ve sauh sauh chung chuan Zawlbuk kaiten ah kai pah chuan Val Upa leg Tlangval lo riak sa tawhlo thu thap hnen ah chuan Zawlbuk kai ve an han dil dak dak a....
Tlangval riak thar tur te Val Upa Zosanga chuan lo chhawn thuaiin... Makpuia te lah ni reng chuan lo lawi lut tak teh u... Pu Kim hei zan in chu en nawm thlir tur kan ve neih hmel ve an ti zui zat a,,,Kima lah chuan Phur tak mai chuan ummm atha atha... Mit leh beng atlai leh dawn mange... Rualpui hlamzuiha fam ta te hlep leh ang aw tia nui huau huau chung chuan, Makpui kha arem lai ah khan lo in dah ve mai rawh u... Zan in chu Tlangval ten an fiam ngei dawn che u ania... Nang ni pawn theih tawp in chhuah aniang chu tia fuih zui nghal mawlh mawlh chu an rual a...
Zawlsang, zawlbuk chu a rik hian ari ta hulh hulh mai le... Tlangval thenkhat Lengi mitmei hmu nia in hria an Puantlang deh theih nai in beiseia hnufual ho pawn thil awmzia an man thiam nghal maia... Hmuh nawm thlir hman ve lou hlau tak chuan Lengi run chu an chhuahsan thuai thuai bawka...
Val Upa Zosanga chuan Khai le, hei zan in ah Zawlbuk kai tir kan neih belh leh ta hlauh mai a kan Tlangval te khan kan in fiampui dawn em an ti lauh lauh maia... Tlangval ho pawh abuan hmasa nih in chuh chuan an rawn in pangaw zial tup tup maia... An in nek nasa ngang aniang... Thangthuia phei chuan ama beng a rap nawk nawk hial mai....
Chutah Val Upa chuan tunge han hmasa ber dawn le tia Makpuia te lam an hawi chuan rang fe mai chuan Bangloa chu arawn in perh chhuak at maia... Tlangval ho pawh abuan awm mi deuh te in thlang chhuk thuaiin... Zavura chuan hma rawn hruaiin Tlangval ho thawm pawh aring zual sauh mai... Bangloa pawh lo nuisang chunga Zavura chu lo man let chat in... U Vur naupang buan in aw...min dim deuh la tih pah chuan tan an han khawh zui dun ta tak mai zawng, Zawlbuk chhuat pawt... Rit rawt, Rit rawtttt...ti tuarh tuarh maia, a thawh khat na ah chuan Zavura chu beisei loh tak mai chuan akang ta vawk mai...
A thawh hnihna an han tan leh phat chu Zavura hmel ah chuan a kang zawk nih atum tawh lo tih achiang hle mai, in fiamna thianghlim tak chu chhun zawm zel in... Tawia buan mawlh mai chu Tlangval dang tan chuan aharsa ber mai... A han dingdihlip uk chuan chawi zui ngaihna an hre bar lo chu ani e.... Tawia an buan tawh chuaj an haw haw hluah hluah zel mai a ani lah mi lu chung zawn ah a nui khi sung zel mai nen... Val Upa Zosanga meuh pawh Tawia a lawm lutuk chu anui vawih tuarh tuarh hial ani...
Val Upa Zosanga chuan khaile atawj tawh e... Kan naute pawh an chau lutuk ange mutna isiam tawh ang u a tih tak ah chuan mutna te siam tura phe nghal sang sang in, Makpuia ten Mutbu an han ban ve chiah chu an Khaw buan chak Chapo zet mai... Nuthlawi Hrangkiri buhzu kai chhek chhawka Zawlbuk rawn lawi ve chiah Chungkhuma chuan he nau hi ka buan hual anih hi... Ka buan zet loh chuan Zawlbuka I riah ve arem lo ang arawn ti chang ta khawl mai... A lawmni nutapa chutia wn khaw buanchakin a rawn thawm nawk mai chu Pasaltha Saithata chuan U khum naupang mai annih kha, Inbuanna atawp tawh e ati chang ta khal mai...
Pasaltha Saithata hian Makpuia te inbuan lai kha ngawi renga lo thlir in tumah reng hneh ve hek lo... A lawmnu Zamani nau alo ni kher nen a thin tertek achhuak ve tlat... Chungkhuma lah chuan Saia lo in rawlh suh ka kawng dal in lo awm lola an ti teng chhuai maia.. nang mah nen lam khan ka vawrh hrep mai ang che... Ram lam ah chuan ka tluk lo che ani mai thei...mahse hei chu Inbuan ani tlat tih pah chuan Saithata lam pan chuan a pen chhuak ta chheu chheu mai... Saithata pawh a hmel ah chuan a uang hauh lo tih a chiang hle mai... Chungkhuma lam pana a pen chhuak ve tur chiah chu, Makpuia chuan U Sai... Lo kiang rawh keimah alawm min buan duh ni... Min buan a duh tlat chuan kalo buan ange... Kan khaw buan chak ka buan ve thei hrim hrim tur hi in chhuanna tham ani zawk alawm...tih paha Saithata hma khalh zauh chung chuan, U Khum min dim ve deuh la aw... Tlangval tan tir ve chauh kan nih hi an ti nuisang maia... Chungkhuma ber pawh chu a hawi hai leh ling zawk lek lek mai, Makpuia lah chuan nui sanga ding chhuak in Chungkhuma chu alo nghak ta zawk hlauh a. Tlangval ho pawn thawm rawn chhuah leh luih luih tawh in, Pasaltha Saithata erawh a hmel ah chuan a lungawi vak lo tih hriat taka a thut hmun pan pah chuan a rilru te te chuan Mawi lo tak in han che vaih teh Chungkhum ka nau anih kha an ti nang nang a....
Tlangval ho haw haw luih luih kar ah chuan Val Upa Zosanga chuan Mei kha han vur belh ula... Infiamna anih kan hre reng dawn nia...infiamna rilru pu theilo a, mawi lo taka khawsa te chantur chu in hriat kha an ti deuh khera... Val Upa Zosanga pawh hian anihna tak ah chuan Chungkhuma in vaivung lutuk hi a chhang kham ve tawh hrim hrim bawka, Makpuia hian a hneh phak chu aring hauh lo, mahse a luhlul em avang hian chuti maia atlawm chu aring thak lo...
... Khai le an ti tuarh maia... Chungkhuma leh Makpuia pawh an in man nghal chat mai a, Chungkhuma leh Makpuia han in thel thual vel chu Pafa in fiam te pawb an ang thei lek lek mai... Chungkhuma chuan nalua awm lova Chunglama han chawi chhoh vawk paha Khatchhuk tawng dawt khawpa, han chawi kang vawk an tum chu Mak tak mai chuan Makpuia chuan Chungkhuma kawng ah chuan a kherh chaih maia... Amah lah chu anui sawng mai leh nghala...
...Bul an han tan leh a... A tharum hmanga han paih thal thuai an tum thin Makpuia lah rang zet zeta Chungkhuma chawn puar vela in kherh zung zung chung chuan avir that that maia... Chungkhuma zawk chu a thaw huam huam tawh maia... Zawlbuk thawm lah nui hluah hluah thawm chuan a khat ani hrim maia... Zawng note inbuan ve hi a ang ber mai awm e... A tawp ah chuan Chungkhuma chuan a thatawp an chhuah leh chuan a sir tluk pui ta hrama, alo hmu tute chuan Makpuia chu a tlu lui tih an hre thiam tho mai... Chungkhuma meuh pawn Naupang mak tak ini ati thlawt mai...
... Val upa Zosanga chuan khai le... Zan arei dawn ta Mutzai rel ang aw an tih chuan thuawih taka mutna siam sang sang in... Makpuia te thian thum pawh chu an mu tlar ve pata... Tawia leh Bangloa mudun mawlh chuan Makpuia hial pawh anuih chhuah tir Ieh huk thin... A tuk khua alo vara... Tuk thuan ei kham meuh chuan Makpuia leh An khaw buan chak Chungkhuma inbuan dan chuan khaw chhung titi lai mu aluah chiang hle a, Makpuia pawh lo lam tul lai ani lo bawka tia Dai hnai vel a Thingtuai put paha Sava veh tuma insiam mawlh mawlh in... A inpeih hman tep tih ah chuan Tawia leh Bangloa rawn lut in, anni Thing tuai put ve tum tho anni bawka an in zui chhuak ta dam dam a.. Pazawna erawh Zamani puan tahna bula lo tawlh hruah hruah chunga a U lo tih buai sek pah chuan Pasaltha tan Sava veh te zawng aho tham emai a alo ti nang nang bawk a....

[Ngaia]

PASALTHA MAKPUIA (MAKLUHLULA) 5
Lenchim khaw lam pawh Khaw thar kai chan an chang nawn leh ani hrim maia,lal in pawh a dinna pang ngai ah din leh ngat in, a hma zawnga Khaw lian ve tawk tak In Zahnih nufa lai mai ni thin a kha tun ah chuan ni Sawmnga tha lam chauh ni tawh in an lusun, mang an khawhar naten ala kian san thei tak tak lo nen lal Saingura pawh lal anih vanga awl mai duh bik lo in... Khawchhung insakna ah te chuan athawk rim ber Ieh a hmahruai ani zat zat thei hial a, lalnu pawh abang bik lo... Chutianga lungrual taka an thawh ho na te vang chuan kar lo ah Chhungtin te chenna tur in chu an khawr pum ta mai renga... Tun ah chuan an hmabak chu Khaw thenawm te hnena pur chaw tura feh chhuah an ngai ta tlat mai... Indona hian rah tha zawng a chhuah mawlh lo ani e....
...Lal Saingura ho ngei chuan Tlangval leh Patling chak tha deuh te chu Khaw thenawm vela pur chaw tur leh an ro neih ve chhun hmanga Sial leh Vawk te thleng tum chuan an thawk chhuak ta vat a... Mak tak maiin an kalna khua ah reng reng chuan lainattu leh duhsaktu an tawng mawlh mawlh maia... An phurh sen loh hial Buh ringawt pawh an dawng hial a... Lal Saingura zia tlawm tak mai chuan an kalna khua te chu ahneh hle zel mai lah taka... Chumi avang ngawt pawh chuan Chhungkaw Sawmhnih lai mai chuan Lenchim khaw bel tura mahni khua chhuahsan chuan lal Saingura te rual chuan Lenchim lam an pan ve mup mup bawka an hawng lam chu Pawl hnih zet anni ta ngawt mai.... Ngai la awh pha chiah lo mahse...hmalam pana ke pen ve bek bek zel in... Lal Saingura chuan muang leia an thut laia an duh tawka an khaw chunga rawn che a... An tlangval te chunga zah ngaihna lan tir miah lo leh... Nu nau leh tar chaklo pawh thliar hauh lo a...rawng taka an chunga rawn che te erawh atheih nghilh ngai lo... Zangkhua pawn bungbut hun anei ngai alawm...a tih bal bal chang ala tam narawh e...
Makpuia te ho chhuak ta pawh chu lam hla tham kal tum an nih lem loh avang chuan muang changa kal chunga titi pah zel chuan,a chang leh an han in fiam Ieh bawrh bawrh thin a... Tawia chuan Maka nizan khan engtin nge maw Chungkhuma kha I kherh beh hman ziah le, midang mitmei kha chu veng lo ila chuan bawp khai chunga nuih nghek nghek tak ania ka nap ni, Savawm leh Zawng infiam te pawh in ang rum rum alawm tia nui huah huah chunga a zawhna chu Makpuia chuan eng danga chhang talo chuan Thluak hman angai alawm, bak ah achet muan teih tuih em kha... Ka rualpui chu ni sela amawng kha ka kawm ngei ang mawle an ti zet chu... Bangloa ngawi renga akal chu hnap dawk zawk khawp chuan a rawn nui phuh huk maia... Tawian alo hmu hman si, a nuih zat piah lama thian in kawm tlangnel na nen leia mu hual chunga abawp sei ltk leng phar vela an nuih kher zawng Bangloa Pate thin thawk chuan a mai mai chuan le,, Tawi-Sang tih leh ahnap hnit belh sauh chung chuan akuta hum eng ban thliak mai chu Tawia tah tum chuan apan phei ta mai le... Tawia nui lai chu rang lutuk tak maia in perh tho zawk in... Banga, Banga awhhh Banglo ka tlawm ka tlawm ti chung chuan a a tlan chhe ta duai duai maia... Makpuia phenah tlan lut in, Makpuia lah lo khisawng bawk nen Bangloa chuan nang pawh kha tih leh Makpuia lam pan arual ta maia... Chu lai ruam khawk rum rum khawp chuan Hnap hlau chuan an han te kual tak tak mai zawng, Ral hnaih lai nise zawng, ngaih that lohna tham a tling hial awm e...
...Chutia anlo in fiam kawi zawr zawr lai chuan an hnung lawk atanga Lengi nui ri chuan a chawlh tir chiang kher mai... A ruala hawi chho nghat thawt in, an Khaw Nula hmeltha Darpuii leh athiannu Nula duhawm zet mai... Chhungpuii te lo ding nui var var an hmuh chuan anni thian thum, Lengi run pawh la kai ve ngam lo zak lutuk chu a sen hian an sen tawn tawn maia... Darpuii chuan nuisang chung chuan kha in lova hlim bik em em ve... A eng tak chu hlimpui ang che u maw... Tlangval pui tawh khati tak maia in han te tial nasat mai le tia nuisang abiak na chu Tawia chuan Makpuia chu an kheuh tawn maia, chhangrawh atihna ni fa hmiang... Makpuia lah chutiang Nula hmeltha lutuk an khua ah an awm ve tih pawh ahriat loh a tum chu sawi loh a hmuh pawh ala hmuh loh hma ah chuan azam chhe der maia... Tawng bah nuaih hian ihhhh Tawilova an ti ngawi ngawta athian thiante pahnih hming chu alam kawp nawk nawk tawh mai si nen... Bangloa lah a kuta thil kai chu khawi ah nge atah tak pawh hriat loh chuan alo fai pel tawh mai si a... Darpuii chuan an hma a Tlangval tuai tir te mizia chu man thiam nghal vat in...an bula chhuk thlak pah chuan titi dang ah a pakai pui ta thuai a..
...Makpuia hian Darpuii ala hrelo leh ala hmuh ngai hauh loh chhan chu in lam aia ram lama tap chawt anih vang leh in lama a awm pawn a chhuah vah ve ngai loh vang te ani pakhata... In lama a awm tawh hi chuan Apa bulah tap chawt in Apa in thu tha tinreng afah thin te chu ahlawkpui em em mai avang hian thian dang anei lem lo nen Apa hi angaina em em mai a... Apa ani bawka athian ani tel tlat....
..... Darpuii chuan kha khawilam tuan nge in rela hei keini chu Chhung thiani nen hian Thingro phurh tur I dap ang hmiang tiin kan in phur chhuak ve tawp mai anih hi... Ka hming chu tia sawi zung zung pah chuan an hming te an zawt ve nghala... Bangloa chuan a kut tah fai hlima han Chibai hluai pah chuan an hming te sawi ve in... Sava veh paha Thingtuai put tum mai an nih dan te an sawi ve zung zung a....
.... Darpuii chuan anih chuan kalpui tur tha te te in hria a nih loh chuan in kal tumna mual ah chuan in hreh lem loh chuan kan kal ho mai dawn emni ang an ti no zui hnap mai zawng... Tu fa lu bawk teh lul chuan nge maw hnial phal ang ni... Bangloa chuan phur taka hma hruaiin Darpuii te thiandun chu alo hmel hriat tawh dan te sawi vei luam chunga phei khai zang vaha hma hruai zel chung chuan Far mual chu an chuang kai ta thuaia... Makpuia erawh Nula bula hun la hmang ngai hek lo le... A kha a chhih ta maw tih mai tur chuan ngawi adawh duh reng thunga.. Farmual an han thleng pawh chu ngawi renga an nula hruai tak te Thing phurh chu tur lak sak nghal mawp mawp in... Tawia pawh chuan arawn pui zung zung bawka... Bangloa erawh chan tha chan tum zeta... An nula hruai te lo titi pui kual vel chunga a thiante che vel en chung chuan, Makpuia te thing theh chhuah sa te chu alo tan pah ve mawlh mawlh bawka... Darpuii mit tlun tum rana an khawsa kual vel chu Tawia chuan a hriat tham si loh a, sawisa Ieh zauh thin in... Makpuia nena an han nuih tum leh hak thin chuan Bangloa erawh ngaih tia lo zet chuan a hawi rum tir zing hle mai...
... Nula pahnih phur te lek lek chu awlsam te chuan an ngah mai renga... Makpuia chuan tikhan lo in thawn mawlh mawlh rawh u... Kawr hnar lam hi kan fang mai mai teh ang tih paha a Sairawkherh lak chu rual zat pah chuan Kawr hnar lam pan chuan a pilbo ta thuaia... Makpuia liam fel chiah chu Darpuii chuan thlek zui vang vang in, In thianpa chuan hnawk min ti deuh tlata Ka hriat chu le...a pawi kan lo sawi te anih chuan ngaihdam minlo dilsak dawn nia Bangloa en chung chuan in thlahrun hmel tak chuan an ti dak dak a.... Bangloa chuan nui sawi bai chung chuan hnawk atilo lutuk zawk che u a, a lai khawlo mai mai anih kha...Kan khaw buan chak Chungkhuma hma ah pawh Khur hauh lo ding thei kha... Kan vangkhaw mawi tu... Darpuii leh Chhungpuii te hma ah meuh zawng azam chhe der mai anih kha...ti khan han vaj thawl sela alo kir leh lam chuan hmel pang ngai arawn pu tawh ngei ang.. tin kut ruak in ahawn tir hauh lo ang che u, A kut hmui zia ka hria alawm alo ti then maia...
Makpuia pawh a rilru kawm melh melh chunga lui hnar lam pana in thazo zeta per kai chho zung zung chung chuan Sava han perh mai tur awm takin ti a hawi kual ruai chungw hmalam pana apen chhuah leh dawn lai tak chuan Ni thlar hnuaia Sava thla thlawk zauh chu hmu vat in... Rang tak chuan an hawi chho vata a hma lawka Bungkung zara Vakul Nupa kai lai chu um zui nghal pah chuan thawm dim taka veh hnai zel chung chuan Apa in Vakul chang kim biai a perh thla tur chuan A lu bawr ah tak perh angai atih chu vawng tlat chung chuan A Saihlum chu pahnih phawrh chhuah chu an rual nghal zata... Engtin nge a pahniha a ruala aperh theih ang le... Pakhat chauh perh thlak chu atan thil harsa anilo...mahse a pahnih chuan perh thlak ngei a duh miau si a....
...khuanu ruat hrim hrim nge, ata tura Lasi lalnu in arawn tirh hrim hrim nizawk... Vakul pa zawk chuan Anu zawk lama thlek phei pah chuan a hrik zawn sak ni awm tak chuan an chuk ve mulh mulh a... Nula leh Tlangval zawng ni ngat se... An in Keih kan tilo thei lo ang.... Chu hun tha chu Makpuia chuan hlah tum lo zet leh hlah hlau ru tak chung chuan a Sairawkherh chu hnar per bawi khawpa han kuai kul pawp chung chuan Saihlum mu hnih chu an perh chhuak rual thawt maia... Saihlum thlawk chhuak hmasa zawk chuan Apa zawk mit bawra fuh siah in... A hnuhnung zawk chuan Anu zawk hmui bawr taka fuh ve chiah bawk in... Hmawng zar atang chuan an rawn vir thla chai chai maia... A pakhat zawk tlak dan atang chuan thlawk leh mai thei din hmuna ding tih Makpuia chuan man nghal zat in... An tlakna lam tura rang taka tlan dawk phei puat puat pah chuan Lei athlen ruala thlawh chhuah leh tum Vakul nu zawk chu ava bawh chilh rawp maia.. leia vawi khat han vuak zauh pah chuan Vakul nupa chu a iptepuia ak chunga nui sang chunga athiante awmna lama kir leh nghal tum chuan an in her thuaia...
A awmna bul vel an bel chiang leh det chu Hmawng rah tlan... Sakhi hniak alo awm nual mai... Sazuk hniak pawh hmu tel nawk in... Hawn ve leh a, Apa Silai hman dil tum ru tak chung chuan a pensan tak Kawr lam bawk chu apan leh ta nghal a... Mahse kawr kam mai ah chuan Savawm hniak tharlam zet mai a hmu ta tlat mai... A hniak atang chuan thlanglam pan anih ahriat chian em a vang chuan hman hmawh angai tih tuma hrilh angai tawh lo... A chhan chu a thiante awmna lam pana Savawm hniak a chhuk miau vang ani....
.... Hman hmawh taka a Chempui phawrh paha tlan thla nghal hlawk hlawk chung chuan a beng pawh adawh nghal hra reng a... A Savawm hniak hmuh kha ate hauh lo... Chuvang chuan Savawm tuai tir te anilo ang tih aring thiam nghal mai bawk a... Makpuia hman hmawh taka tlan lai chu Hmeichhe mang ang au thawt ri chuan a beng dar rawn chhuri nghal bawl bawl in... Hlauh thawnna in a man nghal chat mai reng bawka... A hma aia hman hmawha luikama dawk thla nghal pur pur chung chuan a hmazawna thang pik
dung chen lek lek te chu azuan khum thla pawp pawp maia... A thiante awmna hmun a hmuh theih rual chiah chuana mah a Pasaltha zia dik tak thinrimna chuan rawn tuam nghal in... Tawia leh Bangloa'n Darpuii te thian dun lo din hliah paha an Chempui ve ve lo hum ve tat chung leh Tawia awma Savawm hamna hnu hma lo sen duai mai a hmuh phei chuana mah aia lian fe mah nise hlauh na pakhat mah nei lo chunga dawk thla nghal puat puat in, Savawm in Bangloa ben tuma a ke hmalam kan ur chunga a hram hum hum lai chu nang ching in... A ke Hnung lam thapui chat thawt khawp chuan a chempui hriam tle var mai chuan an sat pawp maia... Chutah rang taka lum sawn nghal zawk pah chuan Savawm ke leh lam thapui chhah leh tum chuan an vai leh pawp maia... Chuzawng an mahni seh tuma veh tu chuan lo dawh mai mai atum ta bik lo ani ngei ang... Lo zuan sawn zauh pah chuan Makpuia dar Dinglam ah chuan a ngho pil thawih khawpa lo hap chat in...a piah lungpui lam ah chuan an thing phei nawk maia... Makpuia rawn ding chhuak leh chet dan atang chuan a kut dinglam chu ahman tlak vak tawh rih lo tih a chiang hle mai... A chem hum lai athlauh chu a kut vei lama chhar pah chuan Banglo... Nula te kha lo inthiar fihlim pui rawh u... Tlangval Pathum in Nula pahnih veng him zolo nih ka hlawh hlauh dah ange tia nui lui sak chung chuan Darpuii hlau thawng meng a riai mai chu an nuih lui saka...
A hma lawka Tlangval zakzum leh nun nem tak hmel kha bo vek tawh in... Tuna Savawm hma a an nunna ai awha ding mek Makpuia hmel ah chuan Thinrimna nasa tak leh inrin tawkna nasa tak lo lang chhuak daih tawh thunga... Tlangval tan tak tan chuan a hliam tawrh chu chauh pui na tham anih vei teh lul nen... Mak luhlula tan erawh ngaih pawimawh tham anilo nge a chet dan apang ngai reng thung... A kut dinglam erawh a uai thla zar thunga... Chutia an thianpa han tlansan mai chu an hreh tih hriat taka Tawia leh Bangloan an Chempui nena hnaih phei ve an tum chu Makpuia chuan Vin thek thawk tak chuan ka sawi kha in hrelo em ni... Hmun him ah hruai rang rawh u atih vin leh that that tak ah chuan hreh tak chunga hnung lama tawlh liam pui zal zal pah chuan Tawia chuan Thianpa an ti ngawta... Makpuia chuan lo nuih sak pah chuan min ngaih tuah suh ani pawn hliam atawrh ve tawh tho hi... Kalo chelh khawtlai thei em em ang kal phawt teh u tih pah chuan Saavawm hliam tuar thinrim in Tawia te lam hawi atum leh lai tak chu rang tak bawh phei thut pah chuan a bek bawr ah chuan an sat leh. Ngheng maia... Mahse Savawm puitlng tawh vun chhah lutuk zawng thiam loh lam leh nghal a Makpuia sahna chu eng tham mah ani tlat lo...
Mahse Makpuia vawikhat sahna khan a ke hnung dinglam thapui a chhah sak hman miau avang khan a duh anga rang chuan che thei tawh bik hek lole...Makpuia chu A ke hmalam chuan arawn beng thal leh nghal tawp maia... Makpuia pawh a awma Savawm tin thla lang ruaka hlawm phei nawk in... Amah rawn bawh zuia Thialsawm vek tum tu Savawm laka him hram tum chuan atheih anga rang chuan din chhuah pah chuan a sir lam ah chuan an zuang sawn dawrh maia...
Mahse A malpui vun chat thawt khawpa Savawm ham na avang chuan a thlep leh nghal hnawk mai le...Makpuia chan chuan mai an chan pawh atluk ta meuh lo... A mah ngei pawh chuan a hunn tawp athleng ve dawn ta ah ngaiin, a thian te an him theih nan chuan tiin a bula lungpui rin chhan chuan an in han ding leh tawk tawk a... Nui sang chung chuan Mipa fa chuan atawp thleng law law ang hmiang tih pah chuan a chempui rin chhan chuan an ding lui hram hram a... Mipa kei kani inti chin tan pawh han din chhuah pui mai chu ani tawh lo... Mahse Mak luhlula ani tlat...
...Chu Savawm hruang hrau zet pawh chuan a mi beih pa chu mak ati ve deuh nge thaw huam huam chunga thlek vung vung chung chuan a ke lah lam bai uih uih chung chuan apan leh ta chhur chhur mai le... Makpuia pawn a kaw tawp ah tak meuh atang tawh tih a in hriat chian em avang chuan khawnge tha chu tha nge nge ti ang hrim chuan an ding mar lui zawta... Chumi paha... Savawm lama a chempui hum lai chu vawmphei pawp pah chuan an te khum ve nghek maia... Makpuia chem thlawk chhuak chuan Savawm chal ah tak chuan afuh lawlh mai reng a... Chu thil kher chuan Saavawm hliam tuar Ieh hah tawh si chu a cho chhuak chuang narawh e... Thinrim mengsen rum chung chuan a ke na pawh hre chang tawh lo ang maia chaka Makpuia lam pana rawn dawk phei pawp pah chuan Makpuia hrawk bawra hap ngei tum chuan a ang thim phei muk maia... A tlan pheina tha a na bawk aniang... Makpuia Sir lama alo tluk tawp rual chuan Makpui lungpui nghen chhan ah chuan ha hmai bung rum khawp chuan a in tauh ta chawrh maia... Chutah meuh chuan beidawnna in a tuam hneh ve tawh ngang aniang chu... Makpuia vak sawn tawk tawk pawh ngaih tuah zui tawh hauh lo chuan a in her vuta... Hnim pik lam pan chuan a bai phei ta chhur chhur maia... Mahse a in saseng tlai ta tlat... Pasaltha Saithata Silai chu puak nghal thuaiin a zak dawh tak maia ngen mu lut avanga awp rawp in... Tawia leh Bangloa chuan Chempui nena rawn bawh phei zui nghal rawp chung chuan Savawm hliam tuar awp rup tawh chu an Sat nghal mial mial maia... Pasaltha Saithata'n atawk e nau te u atih meuh chuan chu Savawm chuan hmel a lawi pawh alo nei tawh meuh lo....
...Tawia leh Bangloa ten Darpuii te thiandun hmun him lama an tlan liam pui hnu khan an thianpa lama tlan leh mai an tum chu Darpuii te hlau mang ang chuan an vuan bet tlat mai si nen... Chu a chhap ah... Chhungpuii chuan lung rap sual in ala lum vei rawl nen... An buai laih laih chhung chuan Pasaltha Saithata ram kal haw chuan an thawm lo hre phak hlauh in... Hman hmawh taka tlan chho nghal in, Chu Savawm sual nunna chu a chhat hman ta hlauh zawk a... Tawia leh Bangloa chu Makpuia tlukna lam pana tlan phei nghal rawk rawk pah chuan an Thianpa Thisen in abual hnuang mai lo thut chhuah tum lui mek chu puih nghal sawk sawk pah chuan Thianpa tang hram hram rawh aw... Mipa I nih kha an han ti ve mawlh mawlh a...
Bangloa phei chu a men deuh tuau tawh maia... Makpuia pawh muang changa athiante pahnih en pah chuan Darpuii te kha an ti chhuak hram a... Sialthata chuan an ngaih tuah awm love, tih pah chuan Darpuii te awmna lama kal chu an rual nghal vut a.. Kar lo ah Saithata hnung lawk ah chuan hmel dang bai chunga Darpuii leh Chawngpuii pawh rawn lang ve nghal in... Makpuia lungpui nghenga Tawia ten an lo thut tir mek leh a Taksa Thisen kai hnuang mai te... Savawm khawih na hnu hliam chek chuk mai te an hmuh meuh chuan dan rual loha bianga mittui luang zawih zawih chuang chuan an tlan phei nghal hlawk hlawk maia...
Darpuii leh Chhungpuii insut hlawp hlawp thawm avang chuan Makpuia chu muang changa rawn meng chhuak chung chuan eng ah nge in tah ni... Na kanei hlei nem...a thih pawh kala thih em loh hi... Banglo...ka Iptepui saw min lak teh an ti zui zat a, Bangloa pawh chuan laksak thuai in... Makpuia chuan... Darpui kha le in thian dun tan liau liau anih kha... U Sial tiru in lam I pan tawh ang u hmiang... Kha kan hmel chhepa pawn a huang tau man ahmuh tawh kha... Pasaltha Ngen mu zawng a ngam lo anih kha tih pah chuan annui lui sang a...
Sialthata chuan Banglo rang takin khawchhung mite va pun thuai rawh I hman hmawh loh chuan I Thianpa nunna atan pawh hian a hlauhawm thei tlat ania atih fel.meuh chuan Tawia zawk chuan keimah le...ka Tlan chak zawk ang tih leh tlan chu a rual nghal duai duai a... A ek bathlar sang na na na chu a pen pawh ahlawk narawh e... Kar lo ah.. Khawtual Tlangval leh Pavalai rual te nena rawn let thuaiin... Pazawna chuan midang rawn hmakhalh zung zung chuang chuan a U thisen nena in chiah piah nuaih maia lo thu mu awn duai mai a hmuh meuh chuan Rawlthar te mah nise... A thinrimna nasa tak chu rawn chhuak phut in... Savawm ruang lo let hut mai lam pana pen phei hlawk hlawk pah chuan Savawm hrawk ah chuan azai ta bawrh bawrh mai le... Chutah nang leh I thlah tute hi ka hmuh na piang ah hetiang hian kati zel ang che u tiin a meng rum ta al maia... Sialthata chuan a kai hrang ta vata... Tlangval hoten Savawm zawnna tur leh Makpuia zawnna tur hlang te lo siam zung zung in... An in peih ta thuai mai reng a...
Savawm ke Pahnih chu tawn belh bawm in an Thingtuai sah ah chuan an zawn ta ngawk ngawk maia... Makpuia hlang Chunga hlan an tum chu a duh ta hauh lo mai le... Na ka nei love, tih pah chuan Tawia an ti thuaia...Tawia rin chhan chuan a kal lui ta tlat maia... Zawn an han tum ngial pawh chuan amak e aw... Na ka neilo ati tlat mai si a... A hliam zawng zawng en lah chuan Thihpui tham ani tlat si... Tlangval dang ho pawh chuan Mak luhlula ni awm reng zawng ilo ni e..tia a hnung lam atang chuan mak tih hmel fe chuan an chek tlak tlak a....
Makpuia hliam chu Bawlpu chuan a theih tawpa en kawl nghal thuai thuai chung chuan Tlangval tang fan fan rawh aw tia fuih nawlh mawlh chung chuan hetiang anga hliam thihpui tham nei chung hian ke in ala rawn kal amaw... Hetiang ang mihring kala hre ngai love, tia phun mawlh mawlh chung chuan Darpui kha achal kha tui vawt hian lo dep rawh tiin an tir zui zata... Makpuia khawsik reh fel hma zawng Darpuii te thian dun pawn mahni in lam pan tange ti bik lo chuan an awmpui ve ngat ngat maia...
..Makpuia khawsik pawh zia awm ve hret hret in... Tlailam zanriah ei hun awm vel ah chuan rawn meng siar siar in... Alu bul maia... Darpuii te thiandun anlo thu reng mai ahmuh chuan in thlahrun hmel taka thut chhuah mai chu an tuma mahse Bawlpu chuan lo dang thuaiin hah dam taka awm tura hrilh mawlh mawlh pah chuan Darpui nangni pawh ka vawng tawh u... Ngaihtuah awm ani tawh love atih tak ah chuan Darpuii te pawh chu mahni in lam pan chuan an hawng ve hnak hnak a... Makpuia chhung te hnen ah chuan an kal leh vat tur thu chuan an han thlah ve luam a...
Darpuii chuan Makpuia hnen atanga a Vakul hawn chu phawrh chhuak vat in, Apa hnena hlan pah chuan an thil tawn dan te chu apa hnen ah chuan mittui hruk fap fap paha sawi mawlh mawlh chung chuan Kapa Makpuia huaisen zia kha aw...hei a Vakul min pek Chang ngei hi kala hlan let ve mawlh ang ti siam siam chunga Insil phar phar chung chuan a tum loh deuh chuan Makpuia alo ti chhuak leh sap thin a....

[Ngaia]

PASALTHA MAKPUIA(MAK LUHLULA) 6
Makpuia hliam tawrh chu, Bawlpu chuan athiam tawpa enkawl zui zel chung chuan, ani tel chuan hma pawh a sawn ve hret hret zel a, buaithlak ta ber thin chu Makpuia ber chuan nikhua alo hriat leh hnu chuan na nei anga awm a.. Mutna hmuna chaw ei tih vel chu a duh tlat lo chu ani... Na ke nei lo ti chamchi mahse a hliam tawrh en chuan ana thawkhat tih hi achiang reng mai si nen, Chhungte ruala kil lui ve tlat zel si nen... Apa Pu Zalawra meuh pawn... Mak luhlula tih awm reng pawh ilo nih hi ati chhuak hial mai...
...Darpuii leh Chhungpuii pawn Makpuia chu an tlawh awl lo a... Tawia leh Bangloa ngat phei chuan an thianpa hi an kalsan meuh lo... Zan ah lah nise a mutna sir mai ah an in phah ve mai zel a.. Makpuia hliam tawrh azar ah an Thian thum chuan an in pawhna leh an in ngainatna azual zel zawk a... ... Makpuia pawh Kar khat lai mai aliam leh meuh chuan buaipui ngai tawh lova mahnia che sawn ve thei tawh in... Luhka sang ah pawh a chuang chhuak zauh zauh thei tawh a... Lo vah hun lai chho alo ni kher nen in thlahrun na chuan a khat ani hrim maia... A mah ber chu a natna leh ahliam te avang chuan athinrim bur reng tawh maia... Chumi ni pawh chuan Apa lal in lam ah a len daih avang chuan Anu ho a..an chul rama Zamani leh Pazawna te an feh daih si nen... An lo chanpual vah tur ve lah chu Pasaltha Saithata ho in... Tawia leh Bangloa, leh Tlangval tlawm ngai then khat ten an vah zawh sak diam tawh si nen... Thinrim ru tun chunga chhuat dunga vei tuak chhen chung chuan, a chempui te chu an la chhuak ngawta... Mahse a ban dinglam hi Savawm khan a ruh te zawk alo seh tliah hman avang khan Chempui tak ngial pawh a la lek kang zolo a chha chu ni e....
...A thinrim lutuk chuan a kut vei lama chempui chu la lawk in...boruak ah chuan an vai fur maia...a hlim la dam chian loh zia chu a rawn lang nghal zat mai bawk a...then ru sawk sawk chung chuan eng chen tak che thei lo hian awm ang maw ava peih awm lo ve aw...ti nang nang chunga a chem dah that leh tuih tuih paha Luhkapui lama thawm rawn awm lam chu an hawi vata... Tu tak ni ang maw tia alo thlek dak dak lai chuan... A beisei loh tawp chuan an khartung arawn sawn ta tlat mai... Tu dang ni lo in, Hmeltha lalnu Duhlai Darpuii ngei mai chuan Makpuia te kawngka ah ngei chuan a phei chheh var hai mai leh...a ke zungpui nalh zet rawn ti pir vah chunga a ha var rual that mai lang chunga Makpuia tana a Artui ken rawn hum lang tat chung chuan kan Pasaltha chu kha iva dam tawh awm ve rawn tih luh pah chuan Makpuia lai lutuk sawi tur hrelo a lo ding ka hau mai kal pelh pah chuan a Sam chhawl leng chuan Makpuia hnap thleng an hrut phei zauh mai zawng Makpuia pawh thaw chhuak hawk in..a awi dur dur lo chauh chu ani e....
... Darpuii leh Makpuia hi akum lam thu ah chuan inrual phalo hlek mahse an in thlauhna atam viau loh vang chuan an titi pawh arual viau maia... Makpuia chetsualni atang tawh khan Darpuii te thian dun hian an mahni vang ah riak an chan tlat avang chuan an tlawg awl lova chu chuan Thian in ngainatna hmun ah hruai lut in an in thian that na hian eng ang a thuk ah nge a hruai zel dawna... An hmazawn ah harsatna thlen tu tur nge... Buaina nasa tak lo chhuahna bul tur tih tufa mah hian hmalam hun hre lawk hek lole...tui taka an titi bawrh bawrh lai chuan Chhungpuii pawh a rawn lang ve thuaia... Makpuia nu Ba chhum te chu lek lar lar chung chuan an hmalam hun tur te sawiin an sep rawtui nasa ve maia... Kum thar lam ah chuan in lawm ngei ah aw tia in thlah chung chuan Darpuii te thian dun pawh tlai lam eirel alo hun tawh nen Makpuia te in atang chuan an in zui chhuak ta tham tham a... Darpuii te thian dun chuan Zan lamah te pawh lo chuangkai ve tawh la, kha I dam tawh em kha tia in thlah liama an kal san lai chu Thikna mitmeng ver ther zeta lo ral thlir tu an awm tih reng an hre hauh silo....
Pazawna te ho chul a feh pawh chawhmeh te lawr zung zung in an in peih fel thuai a, Pazawna chuan Kanu huan mawng lama ka thangkam kha ka zuk en lawk ange aw lo insil thlan dai ula tih leh liam thlak chu arual nghal zat a... Pazawna Thang en kun da da lai leh a thanga Sava lo awk te a ah nghauh nghauh lai chuan a sir lawk atang chuan Pazawna Vahrit awh sa lo beisei ve tu Keite thankin zet tawh a awm tih reng hre lova faifuk hlerh hlerh pah chuan atui leh dawn mange... Ka U pawn a chak phah leh sawt dawn anih hi tih paha an vau lui kama a thang hnuhnung ber en tuma a pen phei leh thauh thauh lai chuan a Thang hma tak maia... Hei chu ka chanpual ti ang hrima Keite lo rum chhar chhar chu a hmu ta thut maia...keite lah chuan Rawlthar tir tuai nguak mai a lam pana lo kal phei mek chu zam map lova a mitmu fiah kek kawka lo melh kal chung chuan Pazawna pen leh lai beih tumchuan a awp hniam ta suai suai mai le...
Pazawna lah chuan awww... Khati te chuan atha nang mawle... Tih buai che ka tum lem hlei nem ka Sa awh kha kala anga ka kal leh mai dawn alawm... Nang te zawng Ramhnuai Pasaltha I nih kha I hapui tih hnawn na tur chu in dap chawp ve mai te che... Hah taka ka kam anih kha tih pah chuan a Iptepui ah lai chu an thlak thla riai riai a, Pazawna ding mar leh chiah chu Keite chuan fei khawh tluk zeta rang chuan arawn in khawh phei zawk mai renga... Mahse a hma a rawl thar hi vawikhat pawh hlauh thawnna leh phut zawk pawh la nei map lo ani tlat... Keite rawn zuan chhuah rual chiah a Sir zawnga lo in her zauh pah chuan Keite mei ah chuan alo man chat maia... Keite pawh huk thawt in... Pazawna lama in her leh chu an tum nghal zat maia... Mahse a meia man tu Rawlthar te chuana Mei chu alola thlah hauh lo alo ni a... Keite rawn in her atum lai tak chuan Pazawna chuan iva ngeng reuh ve mawle tih pah chuan Keite Mei pawt chung chuan Lui dung ah chuan a hnuk thla ta vak vak maia... A hnuh lai Keite ngaih sak hauh lova... Lui dung khawk rum rum khawpa amah chu nui huah huah chung chuan Lung chung ah te chuan a per kai zung zung maia... Kawi thum vel zet ahnuh thlak meuh chuan thaw deuh hluam hluama an hawi let chuan a Keite Hnuh lai chuan nunna reng anei tawh lo tih hriat tak maia lo zawi vek tawh in... Lung hriam leh Lung pang ah te a in Vuakna avang chuan alo thisung mai bawka... Pazawna chuan zawi thawp sat hian kal sawn ve mai tur che ania an ti nang nang a...
...An vau atanga Patling aw ngei maiin Zawna arawn tih tak lauh lauh ah chuan rang taka chhan vat pah chuan Keite ruang let ngat mai bul ah chuan thu in a Ke zungpui tin a chhuih kau chu an pawt phawng hlawk maia... Chutih chhung chuan an Vaupa Pu Tawnmanga pawh hah thaw hluam hluam chunga rawn thleng thla ve zat in, Pazawna bula Keite Thankin zet tawh lo let reng maileh Pazawna lo khisung mai a hmuh meuh chuan mak tih vang in a hawi ka ho mai le...
..Zamani leh anu insil zo thlam lam pana an kal mek lai chuan luidung khawk rum rum khawpa Pazawna nui thawm kara Sakei mang ang hram tuarh tuarh ri kha hria in mang ang taka an Vau leh lama Pu Tawnmanga Ramvak chu va hmu fuh hlauhin mang ang taka va pun thuai pah chuan thil thlen dan chu mang ang tak chuan an han hrilh thuai thuai a...
PU Tawnmanga chuan Zawna hei enge nita ngai... Hman rua lah I keng silo... Keite lah hi athankin zet ani bawksi mak tih hmel taka thlek ha chunga a zawhna chu Pazawna chuan Kapa Mang ihhh englo ania ka Thangkam en kha hnung lam atang a min rawn bei thut in, ka hlau mang ang kha lui mawng lam pan hian ka tlan chhe vak maia, min um na lam ah hei arawn in sawh hlum ve ngawt anih hi ti chuan dawt chu an sawi liam puat a... PU Tawnmanga chuan awih loh hmel fe a nuisawi bai chung chuan khawngekeiman kan pu chho ange avun hi Sava hlauh ah atha phian ang tih pah chuan hma a hruai ta zat a... Zamani te bul an thlen chhoh dawn hnaih ah phei chuan ahma a... Na nei awm pawha awm lo kha... Zatawna chu a bai nasa tawh maia... Zamani leh Anu in an lo hmuh phei chuan akal pawh a kal the hlei thei tawh meuh lo chu ani e...
..Pu Tawnmanga nuih chu aza ru nasa maia... Chu Rawlthar mizia awm pawh chu a man thiam meuh lo chu ani e... Pu Tawnmanga chuan Keite vun a duh tawk alak hnu chuan in chhawm chho hnak hnak chunga kal zel in... Zamani hmuh loh laia bai duh silo chuan Zamanin a en ve leh chuan Tawna lah chu abai uar sauh zel a.... Chuti khawpa Keite lian chu engtin tak ti hlum ang maw tih zawhna chu Pu Tawnmanga chuan a in zawt tlut tlut mai a... A chhanna kawl tu lah han zawh nawn leh chuan awmzia anei chuan aring silo....
Hun leh ni aliam zela... Lo hal pawh zo fel leh tawh in Thlai chi thlak an zawh meuh chuan chhungtin te pawh an thaw huai hlawm maia... Makpuia erawh a hliam dang zawng chuan ngai awh leh tawh mahse a ban dinglam ber chu a duh thala hmang thei tur chuan hun ala duh deuh hret hmel tlat...
Pu Zalawra zing tho chuan Makpuia mutna lam an en nak chuan alo ruak hiai maia... Mak ti taka Zamani Bai chhuang khat khat lai chu pan phei pah chuan khawnge Makpuia hi zing thang thang ah a chhuah bo daih a...tia Apa zawhna chu Zamani chuan Thirdengpa in lam ah a kal ta anih kha alo let leh tep tawh ang... Tlangval ani ve tawh alawm khatin ngaih tuah khu chuk zel lola Kapa thin hi chu a... A puitling thei nang an ti ve nang nang a...
...Tuk thuan ei hun hma deuh chuan Makpuia pawh a hnung lama thil thukru deuh tat tat chunga rawn lut in... A hlauh ang ngei chuan Apa chuan alo zawt chat mai renga... Tih ngaihna dang awm tawh hek lole... A thil thuh ruk chu phawrh lan pah chuan hei hi ka chher tira... Ka Kut dinglam ala hman theih si loh a, Vei chem ka chher tir e katia..tih paha Apa hauh hlauh hmel taka meng khup deuh lap pah chuan an lek chhuak va va a... A hlauh thawn ang lo tak chuan Apa chuan Veizawng hman zirna te pawh ani mai lawm amarawh chu I dar khan anat zual phah hlauh ange in dim deuh la an ti hlauh mai zawng.. Mak Luhlula meuh pawh nui var var chung chuan Zamani chaw ei siam te chu a pui vei surh surh a... Pazawna lah chuan Mipa in chawei an siam ngai ami an lo ti vei bal bal a..
A chhungte remti lo chung Lo lama a hmanraw thar nena inzir a duh bawk nen riak lut tura in ak chhuak hnak hnak chunga kal zel in an lo pawh a thleng thuai mai reng a... Makpuia duhdan ang tak chuan an lo hi lo dang laka hrang hlek in Khua atanga hla ber Apa a thlan luih tir tlat avang chuan hmun reh leh fal tak aneih phah ta renga chu chu... A hma hun thlir ran chunga hun hmang eng lai mah a... A thlah tu Apa Pasaltha Duhlaia phuba lak atumna la theih nghilh ngailo leh a mutthilh dawn a pianga Apa Pasaltha thih dan dik taka thi lai chu a mitthla ah rawn lang nawn leh awn awn thin in, Apa lu khai tu lu chu a khai ve hma loh chuan chawl mai mai hman anilo tiin amah leh amah chu a in fuih mawlh mawlh thin....
... Huai ho ngam loh... Makpuia chuan Zan lama apiah ngawpui chhunga vah luh pah chuan amah bei ngam si lova thawm nei ve sek huai ho chu an him that that a... He ram chhung ah hian Lo ka rawn neia... Kei Pasaltha Duhlaia fapa Makpuia min ti buai emaw ka lo thenawm te inti buai anih vaih zawng in in chaklo khawp ang...tin ka huan ram chhung ah Zu, va reng reng an lut tur anilo ang chu chu in mawh phurhna anih chu in hria em tih pah chuan a dinna bula Bung kung chu an sat hek hlawk mai zawng Thim chin lam chuh a Bung huai ho lo tawm chuan Mi Huai sen thlah... Huai aw Huai aw... Ti a phun sup sup in... Chumi kum ah chuan Zu va reng reng in Makpuia te huan hi an kai ngam hauh lo....
... Thla khat tha zet zawt lo lama ariah chhung chuan Makpuia pawn a kut vei lam chu a kut dinglam tluk zet chuan ahmang thiam tawh a... Chutih chhung chuan a Darna pawh lo dam fel tawh in... A kut leh lam leh lam a Chempui an hum zet zawng... A hmel en mai ai chuan mi hlauh awm tawp ani tawh tih a chiang reng mai... A mah Pa vantlang chauh niin... Thiam thil bik leh han chhuan tur bik neilo mahse achet ranna leh a luhlul na avang chuan a hmazawna thil tam tak pawh alo paltlang phah tawh hial mai...
Zawlsang khaw dai ah chuan Darpuii hmelthatna um a hlawh tlin ngei tuma khel lova kar khat lai mai cham chilh tawh tu... Lengteng Khawnbawl Upa min fapa leh a thiante pathum Darpuii mit mei hmu silo beidawng chuan kut ruaka khawlam pan tum hauh lo chuan Darpuii tui chawi tur lo chang in... Hneh laka Nupui atan hawn luih ngei tum chuan an phak tawk te a ral lo rel ve in...khawvar an nghak thap maia... Lengteng khawnbawl Upa fapa Chelhpuia hian apa Hausakna leh Upa nihna chhuang taka khawsa thin in...khaw dang nula hmeltha pathum lai chu Nupui atan nei tawh in a duhtawka a chen hnu ah zak taka siam chunga an khaw lama thawn kir leh mai zel in... Kei zawng pawla Sai te mai mai zawng ka pumpelh hneh tawh em mai... Ka sai let hial thei tawh ang tiin ala chapo pui phian zel a... Apa lah chuan afapa thiltih dan thalo zet chu in tih theih nan tak ala hmang zui nen a fapa in Darpuii chunga hetianga chet lak atum mai pawh hi apa thiam loh ani daih mai... Fate kawng diklo zawh lai laka mit ti del lui tlat leh alama a tan tlat na hian rah thlao ala chhuah ngei ang le...
Makpuia mutui lai chu a U Zamani a mang lama lo hmu in mang ang tak mai chuan Makpui min chhan rawh alo ti lawm lawm maia... Chhan tuma atlan tur han in vai vel chuan Thlam bang vai fuh in, tu thlawh tla rum rum khawpa a vai avang chuan Makpuia mutui lai pawh a thu chhuak hlawl maia... Makti leh a ngaihna hrelo zeta a mang ngaih tuaha athut vang vang lai chuan a thin lung ah hian Maka hman hmawh tak in hawng rWh tih chu ari nawn tluk tluk maia... Mu mang mai mai han tih ngawt chu a thei ta tlat lo... Zan lai hun awm vel tawh mah nise... Meichher siam nghal zung zung pah chuan hman hmawh tak chuan a zan a zan chuan khaw lam pan chuan atlan ta vawn vawn maia...
... Darpuii pawh vattianah tho chhuak in tui um zak zeh tat tat chunga Tui khur lam pana kal thla dawr dawr chung chuan Makpuia reh rei thei lutuk chu angei deuh rum rum tawh maia... Khua a awm ve lai lah in an in a vawi tam leng tura a sawmna lah hlawh tlin tik awm silo... Zantin an khar tung sawn beiseia Luhkapui arik ruala beiseina mit nena a hawi chhuah apianga... Pathlawi Zahluta rawn nui lut sung mai hma a hmel hlim lo put luih ziah ngai chu akham ve tawk hle...
Darpuii tuikhur a thlen chuan Zamani tui thal zo lo in phur tan mek chu au lauh lauh in... U Zaman min lo nghak ve law law la kan kir rual dawn nia tih pah chuan tui chu an thal ve zung zung a, chumi pah chuan Makpuia hi A dam tha amaw enge lo hawn te hi atum hnai deuh em tia zak ru deuh tak chunga Zamani hnena Makpuia chanchin azawh lai chuana chhak leh thlang atanga Tlangval sn mahni lo chang reng tute chu rawn chhuak rual thawt in... Darpuii leh Zamani chuan angaihna hrelo taka lo en ha ha chung chuan Zamani zawk chuan tute nge in nih min rawn hnaih hlek suh u tiin alo Vo ve chhar chhar a...
Khawnbawl upa fapa Chelpuia chu athiante hnung atanga rawn nui chhuak sung chunga Darpuii rawn pan phei pah chuan Saihlum pakhat in, Sava duhawm tak Pahnih maw tih pah chuan a nau te hnen ah chuan phuar rawh u hman hmawh angai an ti zui zata... Pakhat in Zamani va phuar mai a tum chu Zamani chuan a Vaibel fun ah tak mai chuan alo chhuih nghek mai zawng chu Tlangval chu a kun ngawih mai... Chutah thinrim zeta Zamani lam hawi chhuah pah chuan a tha tawp chuan a beng ta pawp mai a...Zamani pawh chu Tlangval benna avang chuan ate chhuak ve thawt mai le...
.... Makpuia pawh khawdai athlen chuan chuti khawpa hman hmawha a kal chhan an khua chu ral in an bei ta mai amaw ni aw ti a hlauh thawnna nena a tlan deuh hlira tlan ani bawka... Khaw lan theihna atanga an khua lo la him pial mai ahmuh chuan thaw huai chunga a meichher te paih a khaw Lungdawh lam pana a pen leh tan chauh tih ah chuan Khur hla zawk zawn atanga Hmeichhe natuar vawikhat te thawt ri chuan a kal lai chu dintir chawt in... A maha ngaih that lohna alo neisa bawk nen hman hmawh taka Tuikhur lam pana kal thla nghal thuai thuai chung chuan Sapui ahnai nge, Hmelma thil tih atan pawh hlauhawm ahnai thei tih a hriat chian em avang chuan fimkhur taka hnaih thlak zel pah chuan Mipa phun bul bul thawm leh a aw hriat than em em mai... Hmangaih taka lo tuam hlawm tu A u Zamani aw ngei maiin in duh anih chuan keimah hi min hruai mai rawh u...Ani kha chu chhuah mai rawh u ti angenna Lengteng Tlangval Pali in an lo nuih tlawrh tlawrh lai chuan an hnung lam atang chuan aw ngaihno bei lo zet chuan Ka U te kha in kut hmawr pawh a in khawih leh anih chuan inlu kha kala nghal ang tih thawm arawn chhuak ta tlat mai le....