MIHRÂNGVÃL TE SÛLHNÛ . By. Llpa rokhum 1 - 70

[Ngaia]

MIHRANGVAL TE SULHNÛ
. By. Llpa rokhum
.
. Episode - 13
.
. Episode - 12
. Recape
.
Chutih laiin an awmna hmun chu biru viau mahse, Halkhâ leh Thlânrawn ral a muan huna, thlawhma lak leh khaw hmun sah ve tawp mai chu an tum leh an nghahhlelh ber a nih țhin thu chuan a thusawi chu titawpin, an Lal fanu tleirawl fing leh a pa Khuanglêra mize phawk zet Darchhingpuii chu an Lal, a pa aiawha Lal ang maia an ên tawh thu leh, tupawh mai chuan a thu an ngaihpawimawh țhin zia chu a sawi ta a.
.
Chutia chu putarin a sawi zawh hnu chuan, Hrumcheûva te pathum chuan Lal Kuanglêr fanu chung ho ten Lal ang maia an en tawh Darchhingpuii chu tleirawltê mah nise, a 'aw' phawi leh a chezia ațanga tleirawl naran a nilo ang tih an lo ngaihtuah dan kha an ring dik hle a ni tih an hre chhuak nghalin, tleirawl Darchhingpuiin anni pathum a melh kual dan dan lai te chuan an zah thar riau mai a. mahse, Darchhingpuii nu leh an upate ho chuan nêl taka an chanchin te an zawh ve hnua, anni pawn kimchang taka an hrilh ve tak hnu chuan an titi chu a rual ta hle a.
.
> Chumi ni ațang chuan, Hrumcheûva te pathum chu an zingah chuan an han khawsa ve țan ta a.
mahse, an rilruah Thlânrawn leh Halkhâ rawn pawng zel tur leh, an laka hriam an lêk reng mai chu nawr tawm thuai thuaia, Lusei ho tlang hrang hranga awm te lungmuanga siam chu an thil duh ber leh an lungkham ber a nih avangin, Lusei Lal khua tuna an awmna tlang ațanga hnai ber leh Țiau luipui kana thlang tlâ hmasa pawl, Thinglawn khua in zahnih vel awptû Lal Darkuala chu Aihnahphahpui atan a sawi hmin theih mai lo ang maw!? tih sawi puiin, Khuanglêra khaw pasalțha la dam awm chhun, an awmna tlang an kai tirha an mahni lo hmu tute zinga an hotupa Suakdula kha an han be rawn a.
.
Mahse, Suakdula chuan, Thinglawn khaw Lal Darkuala chu Halkhâ leh Thlânrawn ral ho chhâwn hnuaia a intûkluh thu leh, a khaw chhungah pawh chuan, Halkhâ chhungkua in thum lai an awm ve avangin Thinglawn khua chu Halkhâ pasalțha hoin chawlh nan tak an hman fo thu chu asawi dap dap mai a.
.
Chutah meuh chuan, Hrumcheûva chu a rilru a buaiin, Zakulha leh Keikawla te chu eng anga ralrel nge țha ang? tih a zawt awl lo a.
mahse, Zakulha ber chuan Thinglawn Lal Darkuala chu biak theih dan zawn hram a duh tlat avang chuan, uluk deuh zawka Suakdula leh an upate chu rawn leh chu ala rawt ta fân a!
Chuvang chuan, Lal Khuanglêra khua te tawm khawmna an kâi ațanga ni thum an awmchilh vena tur, a ni thumna zanah chuan Suakdula leh an upa pahnih te nen chuan, an awmtual meichhem tualah chuan an țhu kual pât mai a.
.
Mahse, an han sawi khawm țan ațang reng reng chuan an upa pakhat zawk, helai hmun an kai tirha an chanchin sawia engkim hrilh tu, Pu Hmûra chuan Hrumcheûva te pathum chu Lal Darkuala khua Thinglawnah chuan kâi lo tura ti char charin, Halkhâ leh Thlânrawn ralin englai pawha Thinglawn khua chu an pál pawh reng thu chu a sawi charh charh reng mai si a!
.
Chuvang chuan, Suakdula pawh chuan an upa Pu Hmûra thu chu zawma, an zingah chuan enge maw chen awm ralmuan ve phawta, chuta țanga a rem dan dana chêt lâk ho dan ngaihtuah tlan zawk chu a duh thu alo hrilh ve malh malh bawk a.
.
Mahse, an zinga naupang ber Zakulha chuan, Pu Hmûra leh an pasalțha Suakdula te thu sawi leh an duh dan chu, inthlahrung leh zah taka hnial khân tur ngaihtuahin, Hrumcheûva chu an thusawi hnial tur chuan a han mitmei zauh a.
.
Chuveleh Hrumcheûva chuan, Pu Hmûra chu fiah tak leh a mit menga zahna lan tir tak chunga ênin, "keini pathum tan hian, hmun hnawka inchhir buai theihna tur i ngaihtuah hauh lovang tih hi ka hre chianga, mahse keini țhian thum hi in tân khual châwm hautak kan tling tawk em em a ni tih hi kan hâi dêr reng thei lo a ni ka pu..., engpawh nise..., Lal Darkuala khua hi kan kâi lo a nih paw'n, ral ho chhâwn bihin khua kan han chuan leh rih phawt anga, kan chhawl dâwm tu nangni kan Lusei puite zinga Halkhâ leh Thlânrawn ral ho laka tlawm ngai lo tur, in hnenah hian kan rawn tlûk lûh leh nán khua a tlâi hleiâng.." a han ti sap sap a.
.
Chutia Hrumcheûva'n a hnial ve deuh tak tlat si-ah chuan, Pu Hmûra leh an pasalțha Suakdula te pahnih pawh chuan, fimkhur taka an kâina tlang apiang chu bih ngun hlê tawh tura chahin, an upa țawng tam lo deuh ber chuan, a rilrua Zakulha hawiher alo chîk ruk nasat avanga chu rawlthar huaisenna leh inrintawkna alo hmuh rûk daih tawh chu rawn sawi chhuak vein, "taitea hi rawlthartê mah ni suhsê, aia û zawk pasalțha nangni pahnih hi a thlâwp zar zar thei ang che u tih hi ka ringhlel lo-ve! mahse, kan pasalțha Suakdula leh Chhumipa sawi kha helai inrawn kâi ve hma a kan hriat chian tawh țhin a nih avangin, kan mang chhiat țhat thu hi Lusei Lal mah nise Lal Darkuala bengah sawn kan la luh ngai loa, chuvang chuan, kan bâwk khâwhna hmun ngawpui hnuai pawh hi an hriat chu sawi loh, kan mei rim tak ngial pawh hi an lên fuh kan hlau hlê țhina. chuvang chuan Thinglâwn khua saw inkâi dawn a nih paw'n, fimkhûrna hian himna ah zûng a kâih tlat ngai a nia taitea te u", tiin an pasalțha Suakdula leh a țhianpa Pu Hmûra ten, Hrumcheûva te pathum tana thurawn an pe malh malh lai chu a rawn tuihnih ve ta sap sap a.
.
A tuk zingah chuan, Hrumcheûva te pathum chuan Kuanglêra khuate Bâwk khawhna ngawpui biru chu khawfing chah rualin an chhuah san ta a.
mahse, an kal tumna Thinglâwn khua hi an awmna ațang hian nikhat leh chawhma kal a nih avangin, ni khata ban hman ngei chu tuma an kal avang chuan, chawhnu her vela Thinglâwn khaw țhut hmun êp chiah tlang chhipa an han chawlh meuh chuan an hah ve hle tawh a.
.
Chutih lai chuan, an chawlhna tlang êp khawthlang lam tlang dung chhim zawnga inkhawh pâw phei ruih, helai tlang bulțhut an chuan chhuah tirha veng thiang kûk si kha tlang chhip an thlen rual chuan hmuh tur alo awm tawh loin!, țo haw tur chhum dúm thli pai hauhûk dûl ruih mai chuan alo bawh thim mûk tawh mai a!
.
Chutah zet chuan, Lusei pasalțha pathum te chuan an thâpui sawm khawm rilru sauh sauh chunga ban nei hlei lo, ruah leh thlipui avanga an kê chhir chu buai phah tum lo zeta an hma lam chu pan lehin, an kal țan chiah laia chhum dum rawn inlet chho nghal but but hnuai van vâr rû ațanga thlipui hmahruaiin, thûm hlurh hlurh chunga an awmna tlang a rawn vêl țan lai te chuan, hnahthel ro leh mawngêr bu thlâwk chum chum kara khaw rawn thim nhgal ruai ruai mai te chu Lusei pasalțha pathum, kallai chhep laklawh tawhte chuan, an kê chhir thlah zâl phah nan an hmang lo nget nget hle mai bawk a!
.
Mahse, ruah mal lian tak tak a rawn tlâk phuar phuar achinah chuan, an kalna ngawpui hnuaia hnathel inchap dei duai te chu ruah chuan a nân huh țan tawh avang chuan a nâl tak deuh avangin, an duh anga chak chuan an kal thei ta lo deuh a. mahse mi pangngai chung lam țhah, tum fel tak neia kal leh hun hek lo zawng hlira khawsa an nih avang chuan, lenglen hun velah chuan Thinglâwn khawdâi chu an thleng ta nge nge a.
.
Mahse, ruah ala tlak tluk tluk reng avang leh khua chu ala dûr thim mùp avang chuan, khaw chhung mi reng reng chu ruahpui hnuaia meichher tel lova tual chhuak peih an awma an rin loh avangin, zanrei deuh pawh nghah khawtlai a ngai lem lova an hriat avang chuan, veng mawng lam ațang chuan khua chu an lût chho ta a.
.
An rin ang ngeiin khaw mite chu thli leh ruah thawk avang leh ruah mal la tla fuap fuap avang chuan an lo rehin, an khaw laili laia in lian deuh bik, bawk thim mûk lam chu an pathum chuan an pan phei ta thauh thauh a.
mahse, chu in kawtkâi an va thlen lai chuan, ruah chu nasa zawka a rawn buak leh tak hawk hawk avangin an pathum chuan chu inhnuaiah chuan vâk lutin, in chhunga pa pahnih titi bâl bâl chu an ngaithla khiaû hlawm mai a!
.
Chutia inchhung lama an titi an ngaihthlak reng lai chuan, kawt lamah chuan mipa pali, chu in luhkapuia an perkai chiah chu Hrumcheûva te pathum chuan phâwk deuh taka en liamin, chumite hoin inchhunga pa pahnih titi mek te an vin tâk țhat țhat lai chuan, Hrumcheûva te pathum chu an thinrimna chuan an kawchhung lam ațangin a rawn nawr tâwt ta áp âp hlawm mai a!
chutih laiin, inchhung lam thawm pawh chu a țha tawhin, Thlânrawn pasalțha pali lokal te zinga an hotupa berin Lal Darkuala hnena, a khaw nula hmelțha țhâ Lusei nula pathum, an Lal hmei tur kâr chhuah tuma a nawrna 'awkâ' chu a țêng vîn chhar chhar tawh hle a!
.
Mahse, Lal Darkuala chuan Thlânrawn hotupa chu zâidam leh zâwldawh taka biain, a tûk lama an nulate lo khawm tura tiamin chumi huna an duh rawn thlang mai turin Thlânrawn hotupa chu a han hrilh a.
mahse chuti chung pawh chuan, Thlânrawn hotupa chuan Lal Darkuala mo, a fapa neih chhun Sialkâia nupui fâ sen pawm lai chu melh run chungin "ta ku...,sut tla pa lang na maw!, suk ta ka lai ku maw" (he hmeichhia pawh hi ka hruai ang! tuma dal rual ka ni lo) ala ti chhur chhur mai a.
.
Chutah zet chuan, Lal Darkuala inhnuai lama Lusei pasalțha pathumte thinrimna sosang chu a rapthlâk leh zualin, an thinrimna hrîk thlâkna nih chu tu tan mah nuamsâ taka tawrh ngam chi a ni tawh lo tih an hmelah chuan a lang chhuak hial tawh a.
.
Chutih laiin, Lal Darkuala inchhung lam thawm pawh chu a hma aia nasa leh zuala rawn ring lehzualin, Thlânrawn hotupa inhrosâ sosang zual zelin, Lal Darkuala mo pawh chhuah tuma a hnûk țê țhat țhat ri chu an zinga naupang thazâ ber, Lusei Keité Zakulha chuan tuar thei tawh lovin, "Ucheû, khi Thlânrawn mawnghânga khi Lal Darkuala sût bulah khian, a lu ka han lak sak mai dawn e" tih leh inhnuai ațanga tlan chhuah chu a rual titih ta mai a!
.
Mahse, Hrumcheûva chuan a banrêka lo chelh vat paha chêt ala hun loh thu a sawi ruala, Zakulha'n aia û te thu a hnial duh loh avanga thinrim khur dat dat chunga a țhut leh zawk lai tak chuan, inchhung lama Thlânrawn hotupa in "ta la paw châ u maw, nê ku aw la" (naktukah ka rawn lam leh ang) tih paha Lal Darkuala mo, inchhung lama a theh luh rîk leh țhuai rual deuh thawa, nausên rawn țap zui ngâk ngâk chu inseh ruh țeuh chungin an ngaithla ran hlawm mai a.
.
Mahse, chumi hnu lawka Lal Darkuala in ațanga Thlânrawn ho chu an rawn chhuah zui tak mai avang chuan, Hrumcheûva te pathum chu an awmna ațang chuan inhnuai thlang lamah chuan tawlh pil thlâ leh deuhin, Zakulha leh Keikawla ten Lal Darkuala tualah chuan, Thlânrawn ho chu han nuai mai an rawt leh lai chuan, Hrumcheûva chuan la nghak leh hlek tur leh an kalna lam chu lo thlithlâi zui tura chah pahin, Zakulha leh Keikawla te pahnih chu a thawh san ta vut a.
.
Chutia an hotupa tho ta daih chu Zakulha leh Keikawla te chuan zui châk si, a thu hnutchhiah avanga zui hreh bawk si a ngawi renga mak ti deuh tak chunga thlirin, Thlânrawn hoin an tawmna Lal Darkuala in kawmthlang an awmna lam êp chiah, vengmawng lam an rawn pan thlâ lai ên zui zel chunga Hrumchêuva an han melh leh zawk lai chuan, Hrumcheûva chuan Lal Darkuala kâilawn chu alo perkâi chho chiah mai a!
.
Chutah zet chuan Zakulha leh Keikawla te chuan an hotupa chezia chu mak an ti zualin, Thlânrawn hoin tu in mah kâi zui lova an thlang veng mawng ațanga dâi pawn an pan thla țhâm țhâm lai an thlir liam lai chuan, Lal Darkuala inchhunga Hrumcheûva țawng ri chu an ngaithla zui ta a.
.
Mahse, an rin loh taka an hotupa Hrumcheûva'n 'awkâ' danglam chhuah miah lova, Lal Darkuala leh a upa pakhat a bê ta daih mai chu Zakulha leh Keikawla te chuan a ngaihna an hre loin, Lal Darkuala laka zahna nunzê mawi leh țawngkam lém nuam zet tur a chhak chhuah ri te chu an lo ngaithla khiau mai a.
.
Mahse, rei vaklo ațang chuan an hotupa Hrumcheûva chuan a 'awkî' chu tlem tlema thlak chhoin, "Lalpa, Lusei ho heti taka min nghaisâ tute hi thukhat i vuak pui reng thei dawn chuang lo tih chu, i mo laka Thlânrawn ho an chêt dan thawm rîvâ ațang khan kan hria a nia!, chuvangin, keini hi min vehthlêm lêt lovin, i pasalțhate hi heng Halkhâ leh Thlânrawn ho hrût lêt tura kan chhâwn lek min thlâwp tur hian kal tir hram rawh, chuti lo chu Lusei leh Lusei pawh kan in Chemhâr lovang tih ka sawi thei ta lo-ve" tih thawp sat pahin, Lal Darkuala leh a upa chu a han melh tawn ta zauh zauh mai a.
.
Chuveleh Lal Darkuala chuan, muang ban chet chawta Hrumcheûva chu lo chhang velehin, "in Lal Taikherha chu ka hria e, mahse, a pasalțha te pathum hi ringin ka khua leh tui leh kei leh ka chhungkua te hi, nangni Lal Tâikherha pasalțhate avang hian Halkhâ leh Thlânrawn ral ho ka inchíl darh tir thei lovang. chuvangin, in duh chuan Halkhâ leh Thlânrawn ho hi do ula, kei leh ka khua te erawh hi chu inbuaina ah hian kan inbarh lût ve dawn lo" a ti ram ve ta hmak hmak mai a!
.
Chutah zet chuan Hrumcheûva chu a thinrimna chuan a rawn nawr nâ tawhin, ruahpui la baw hawk hawk kara Lal Darkuala upate pathum, a hma lawka an Lal Darkuala leh Thlânrawn ho thawm hre thawia, ruahpui vanâwn pawh pawisâ tawh lova hûh kuang chunga an rawn tlân luh lai te chuan, "i tih tlat chuan ni ang hmiang, mahse, hei hi lo hre rawh, tuna Thlânrawn mawnghâng ho i inchhung ngeia buaina rawn chawk chhuak tute lu khan, naktuk thimțîn rualin rilțam takin Lalnu Sum tlangah sawn Sum bial tlanga Buh kèm nâwi tlâ an rawn lîak ang" tih pahin Lal Darkuala in chu khawdang hawi miah lovin a chhuah san ta theuh theuh mai a.
.
Chutah, Lal Darkuala inchhung ațanga a rawn chhuah veleh chuan Zakulha leh Keikawla te pahnih chuan, rang tak leh thinrim tak chunga Hrumcheûva rawn chhuak chu inhnuai ațanga chhuah chhoh paha fin chho nghalin, reilotê an phun zui sap hnu chuan chak zet leh inthurual zeta vengmawng lam, Thlânrawn ho liam thlâkna lam chu pan thla nghalin, Hrumcheûva'n Lal Darkuala laka a thutiam chu hlen tura, khawfing chah hma ngeia an thil tih tum chu hlen ngei an tum hle a.
.
. Tawk leh phawt....ka type na lamah ka kutzungpui hmawr a phêk zo vek tawh tlêm malis a ngai n

[Ngaia]

MIHRANGVAL TE SULHNÛ
. By. Llpa rokhum
.
. Episode - 14
.
. Episode - 13 Recape
.
Chutah zet chuan Hrumcheûva chu a thinrimna chuan a rawn nawr nâ tawhin, ruahpui la baw hawk hawk kara Lal Darkuala upate pathum, a hma lawka an Lal Darkuala leh Thlânrawn ho thawm hre thawia, ruahpui vanâwn pawh pawisâ tawh lova hûh kuang chunga an rawn tlân luh lai te chuan, "i tih tlat chuan ni ang hmiang, mahse, hei hi lo hre rawh, tuna Thlânrawn mawnghâng ho i inchhung ngeia buaina rawn chawk chhuak tute lu khan, naktuk thimțîn rualin rilțam takin Lalnu Sum tlangah sawn Sum bial tlanga Buh kèm nâwi tlâ an rawn lîak ang" tih pahin Lal Darkuala in chu khawdang hawi miah lovin a chhuah san ta theuh theuh mai a.
.
Chutah, Lal Darkuala inchhung ațanga a rawn chhuah veleh chuan Zakulha leh Keikawla te pahnih chuan, rang tak leh thinrim tak chunga Hrumcheûva rawn chhuak chu inhnuai ațanga chhuah chhoh paha fin chho nghalin, reilotê an phun zui sap hnu chuan chak zet leh inthurual zeta vengmawng lam, Thlânrawn ho liam thlâkna lam chu pan thla nghalin, Hrumcheûva'n Lal Darkuala laka a thutiam chu hlen tura, khawfing chah hma ngeia an thil tih tum chu hlen ngei an tum hle a.
.
> Hrumcheûva te pathum chuan an mit leh beng chhi ran chung chuan, Thlânrawn ho hnû chu ruahpui vanâwn leh kawlphê zawr zawr karah chuan chhui zelin, an hnim pal tliah kawlphê ênga an hmuh leh zauh țhin chu an bih ngun țhin hle a.
.
Mahse, Thlânrawn ho hnu chu Lofing khat dawn an chhui hnuah zet chuan, kham kar khawkrawk hmun chhengchhe zet maiah an chhui lut ta tlat mai a!
Chuvang chuan, fimkhur leh zuala an awmna lai tak chu bih kual a ngaih tawh zia an hre chiangin, kham hnuai chhehrâwp intiang thêr kawkalh êrh ûrh hlir awmna hmun an chhui luh ațang phei chuan an hnû chu a bo chiang hle mai a.
mahse, uluk zeta an beng leh mit chhi chunga chulaia an awm lai chuan, an dinglam, kham tawp lehlam hla fêa mei dê vâ vâ chu chiang takin an han hmu ta a.
.
Chuveleh Lusei pasalțha rothap pathum te chu kham sir lehlamah chuan lawn chho ngalin, pen zâ chuanga thui kham chung dung zawh zawng chuan mei dêtna lam chu meng dê sar sar chungin an pan phei ta theuh theuh a.
.
Mahse, Thlânrawn ho awmna ațanga pen sawmhnih velah chuan, Lusei pasalțha pathumte chuan an chêt lak dan tur hmui phun sap sapa sawi khawmin, ruahpui vanâwn hnuaiah chuan Silai zen chu a hlô hman vek dawn a ni tih an hriat chian avang chuan an Silai chu an dâr hnung lamah âk țhain an Thal hrui chu an suih țha ta sauh sauh zawk a.
.
Chumi hnuah an pathum chuan tlêma vêh hnâi leh hretin, Thlânrawn ral pali ten, kham pang tawpa inchháwng vû, Lungpui lian zet hnuai pûk deuh laia Vahrit an lo hém tlawrh hlap hlap lai chu uluk zetin an melh ran hlawm mai a.
.
Mahse, Lusei pasalțha pathum te chuan, an ralveng niawm tak, an mei chhem hnung puak zawnga Thalngula Thalfang vuah run chunga an zinga pakhat a ding tô mai chu hnawk an tih deuh riau avang chuan, chupa bum chhuah dan tur chu ngaihtuah hmasa berin, Lusei Keite Zakulha chuan chupa chu a bitum hmasak ber atan a han thlang ta nalh mai a!
.
Chumi hnuah Keikawla leh Hrumcheûva te pahnih chuan, lungmuang tak chunga an mei chhem țhut huala, an țhutna hnuai hnahthela Vaibel innghat râih chunga titi malh malh pathum te chu uluk zeta melh khiaûin, Zakulha a chet huna an lo kâh zui ve zawt tur te chu an lo hual fel ve rân tawh mai bawk a.
.
Mahse, an ralveng phîl tura Zakulha pût phei chu a chêt tak mai loh avang chuan, Hrumcheûva leh Keikawla te pahnih chu an insangmar nasa tawhin, Thlânrawn ralvengin hawi vut vut paha a Thalngul kûai kûl pûm chunga hmun tin mai a tîn kual thuak thuak lai te chuan, kawl rawn phê êng leh ûaû țhinin a ên fuh loh thei ang ber zawng chuan zawimuangin an tawlh phei ve leh hret hret reng bawk a.
.
Chutihlai chuan Zakulha paw'n Thlânrawn ralveng chu hlam sawm pawh tling mang loa hnai ațanga veh tawhin, Thlânrawnpa hmazawn, hlam sawm vela hla a changêl mal din kunga hruia a thlun hmawr lehlam chu a chelh ran tawh mai a.
.
Mahse, Thlânrawn ralveng chu a țhiante titi lai zawma khawdang hawilo zeta a khawsak rih avang chuan, a changêl thlunna lam a hawi chhuah hun chu Zakulha chuan nghak leh phawtin, a hrui vawn lai chu a kêreka a thlun fel leh hnu chuan a Thalngulah chuan Thalfang pakhat chu a han hmet bet ta cháih a.
.
Chutah, a kerêka a hrui thlun a pawh már fel hnu lawka a Thalngul a kawih bial zui pap rual deuh thaw chuan, Thlânrawnpa in a changêl thlun lam a melh lai tak chu Zakulha chuan zuk hmu fuhin, Thlânrawnpa-in a mit a laksawn leh dawn lai taka a hrui thlunna lam kê a lêng zawk ruala, Thlânrawn ralvengpa-in a changêl phih chêt phâwk hrua melh chunga a tin rual chuan Zakulha chuan a Thâlfang chu thlah tlê thla zawkin, a Thalfangin Thlânrawnpa Thal tin zak kaû lai tak mai a nâk dinglam, a zakhnuai bul lawka hâm hawng hawk khawpa a zuk verh ruala, țê țhawt chunga a tlûk thlawrh rual deuhthaw chuan, Lusei pasalțha pathumte duh dan chiahin, Lungpui hnuaia tawm ho chu an mahni hma zawn zawnah an rawn lim chhuak nghal phawk phawk mai a!
.
Mahse, an tawmna ațanga an chhuak fel âwrh tihah chuan, an zinga pahnih chuan an hrawk bâwk kilh hmawk khawpa Keikawla leh Hrumcheûva te pahnih Thalfang, an hrawka rawn inthîat thâwih thâwih mai chu an kâ ațanga thisen phuan chhuak bawrh bawrh chunga, thâw ri hrâwk hráwk chunga an tawmna Lungpui hnuaiah chuan tawlh lêt pui nghal châwi châwiin!
an meipui chheh âlh hlarh hlarh chunga pakhat zawk a bawh thlawrh ruala meisiin an tawmna Lungpui hnuai a bawh dêt nghal sup sup lai chuan, meipui chu a thim zui nghal hmuk mai a!
.
Chutah zet chuan Lusei pasalțha pathum te chuan tha tho zet chunga ala báng pakhat, Thlânrawn hotupa ber an tawmna Lungpui phen veilam țhângbuk kara, Zakulha hmuh theih loh lama zuang lut tâ kha fimkhur zeta an pathum chuan zawng leh nghalin, kawlphê êng leh zawk țhin thlâra an mit dê rual țhawt țhawt țhin te chu an mi zawn Thlânrawn hotupa tan chuan a nêlawm fahranin a rinawm loh hle mai a!
.
Mahse, rei ngial an zawn hnû pawh chuan, Thlânrawn hotupa chu thehmeh ang maia a reh tâk tlawk tlawk avang chuan, Lusei pasalțha pathum te chu hmui phuna inrawn khawm leh rihin, Zakulha rawtna ang chuan pen sawmnga dan te tein an insem darh ta a. mahse, Thlânrawn ho tawm khawmna Lungpui hnuai, Thlânrawn hotupa zuan thlâkna lai vel ngawpui hnuaiah chuan, pen khat dan lek lekah țhâng buk lian deuh deuh a awm thleh thluah avang leh, a hmun hmâ vel chu a mual tawp, tuna an awmna ațanga hmár lam, Lofing thum vel ngawta hlâ a kham dang sang lutukin a tánna zuk thlen hma chu hmun zawl deuh dûrh a nih deuh vek avangin, zan thim hnuai alo ni bawk nen fimkhur thu hlâah inrâl palh a awl tawh dawna an hriat avang chuan, Thalfang chhuah lova Talhtum nena Thlânrawnpa chu khawrh chhuah an rawt ta a.
.
Mahse, chutia insem darh chunga an han zawn leh fê pawh chuan, Thlânrawn hotupa chu a thlâwk thei ta mai emaw tih tur khawpa ala tawm bo thei fo mai chu Lusei pasalțha pathumte chuan, insehruh țeuh tawh chunga zawng zelin, Putar sawm țhu tlar zinga a Vaibel dawn sei ber rin dik tum ang vela a awmna lai âwm rin fuh a har mai chu an luhlulna cho chhuak zual tu a ni tîng mai a!
.
Chuvang chuan, an mi zawnpa chu eng ang pawn tawm ril mahse, Lal Darkuala hnena a lu an tiam tawh chu eng thil mahin a dál an rem tih loh bakah, chu thutiam avanga Lal Darkuala rilru an sawhsawn sak beiseina avang te chuan Thlânrawn hotupa phih chhuah ngei ngei chu an tum zualin, pen sawmnga dan mai duhtawk tawh lova Zakulha'n a piah vei lam sawntlungpawng piah lam bih kual tuma a phei lai chu Hrumcheûva leh Keikawla te pahnih chuan, kawl rawn phê êng ûarh thlârah chuan an va hmu hman thuak a.
.
Zakulha chuan sawntlungpawng a thlen hnu lawk chuan, a thlang lama thing lian zet hnuaia țhâng buk inzâr deuh duai chu meng dê sâr sâr chungin a han vêh phei leh tâ hriau hriau a.
mahse, kûn dâh chunga țhang pik hnuai a bih kual dan dan hnu pawh chuan, thil chê leh thawm danglam emaw, mit sir la tur khawpa thil danglam a hmuh loh avang chuan, a awmna țhang pik hnuai maia luitê luang ri kâr kâr chu luh thlak tumin, a mit leh a beng chu chulamah chuan a han lên thla ta deuh a.
.
Mahse, pen thum vel a pen chiah tihah chuan, a kal san mêk țhang buk bul chiaha thing lian zet kawrawng chho hûl ațanga enge maw rawn ri deuh hrâk chuan Zakulha beng chu rawn luh nghalin!, chu thawm awmna lam a hawi ruala thil dum lian ang reng tak, a lam hawi zawnga rawn phê thlâ nghal vuaih chu rang lutuka a per sawn zawk rual deuh thawa, chu thil hmachhawn zawnga a din kûn leh nghal dah lai chuan, a mah rawn zuan tuin Zakulha a bawh țhelh avanga insiam rem hman tawh lova, ngawpui hnuai lei dûr hûh nâl pêtpûat chunga a tlâk rîk thlawrh hnua a rawn thawh leh lai chuan, a mah rawn zuan tu chu Thlânrawnpa ngei kha a ni tih Zakulha chuan a hre nghal thuai a.
.
Chutah zet chuan Zakulha chuan Thlânrawnpa chu chhuah tum lo zeta veh hnai zelin, Thlânrawnpa-in bîkbona hun a awm tawh lo tih hre laklawh tawh chunga a rawn veh lêt ve lai chuan, ngawpui hmun hrang hrang lang vâr ûarh khawpa kawl rawn phê êng leh zawr zawr karah chuan Zakulha chuan, Thlânrawnpa awmna bul vela țhâng leh thing awm zawng zawng te chu, kawl a phêt loh lai pawha ngawpui hnuai thim mûk chhah tlat karah pawh Thlânrawnpa nena a thliar hran zung zung theih nan, an awmna lai nen lam alo chhin chhiah hman vek mai a!
.
Mahse, Thlânrawnpa chu a chêt hmasak a beisei avanga a nghah deuh hnu pawha ala rawn chet mai duh loh avang chuan, Zakulha chuan a dinglam sira tuihawk tling, kawlphêt ruala a awmna alo chhinchhiah kar chu thawk leh khatah pêr chuai kawpa a kê dinglam chuan țum vakin, a tuihawk țum perin Thlânrawnpa ava pêr chuai ruala Thlânrawnpa-in Zakulha chu a chê ta ngei nia a rin avanga a hnungtawlh dawrh lai tak chuan, Zakulha chu a veilam țhâng buk karah chuan a lut zauh mai a. chutah Thlânrawnpa rawn dingmar lehin Zakulha awmna a zawn chui chui laia, a dinglam leh a veilam a hawi tawn zuk zuk hnua a hma zawn, Zakulha dinna lai chiah a thlêk leh laia kawl a rawn phêt leh ûarh rual chuan a awmna zawn dinglam, a dinna ațanga pen li vela hla țhâng buk phen ațanga rang lutuka Lusei Keite Zakulha rawn dawk chhuak puatin a bul a rawn thlen chawpchilh nhgal ruala, a Talhtum rawn thlâwk tlê zuai chu a mitin alo man ve meuh chuan, Thlânrawnpa chu țê tuarh chunga leiah chuan țhingțhi nghal rawpin! a khabe hnuai lam ruh sâwp ûai hnuang mai chu a dawm khur chur chur mai a!
.
Mahse, Thlânrawnpa chuan a awmna ngaiah chuan rei awm chi ani lo tih hre chunga a nunna tal hum tuma a thawh leh vat hnua luhâi zet chunga tlân chhiat tuma a kâl pâi chuan chuan lai chuan, a hnung lam ațanga Zakulha rawn dâwk chhuak leh puat chuan Thlânrawnpa chu 'aw' pawh chhuah hman lova bawkkhup thlawrh khawpa a Talhtum chuan hlap lehin, Hrumcheûva leh Keikawla ten Mihring țê țhawt thawm an hriat ruala chu țê thawm rawn chhuahna lai zawnga an buai deuh fê hnua, Zakulha leh Thlânrawn hotupa innuaina hmun an rawn thlen laia kawlphê êng leh ûarhah chuan, Thlânrawnpa thih sual mekin tukkhum thisen bual nuai chunga bawkkhup chunga a kê alo leng but but lai chu thlira, inring zet chunga a kê lama Zakulha lo la ding kûn dâh lai chu an rawn hmu chiang kher mai a.
.
Chutah meuh chuan Hrumcheûva leh Keikawla te chuan Zakulha chu an chhuangin, Zakulha'n Thlânrawn hotupa nghawng a zai mawlh mawlh lai te chuan thim zingah chuan an lo nui var var reng mai a.
mahse, Zakulha rawn ding chhuak leh chuan, kawlphê êng ûarh ûarh kara Thlânrawnpa lu khai thî tluk tluk chunga hmanhmawh a ngaih tawh thu a rawn sawi chhuah takah chuan Hrumcheûva leh Keikawla te chuan hma hruai nghalin, Thlânrawn ho tawmna tuala an mi thah te lu lâ tur chuan an lêt chho leh ta thuai thuai a. mahse, an han thlen chhoh chuan, Thlânrawn ho mei chhem thingthu nung hmun hrang hranga an mi thahpa thih sualin a leng darh lola dê sup sup chu fawm khawma chhem alh leh te te-in, mei ênga an mi thah hmasak te lu an lak leh te te hnu chuan, an tawmna Lungpui hnuaia Thlânrawn hoin tuah atana an mau ro lo chheh hûl sâ chu Keikawla chuan meichher atana tel khawmin meiah chuan a han hawlh lut nghal zat a.
.
Chutih lai chuan, an bul vela Changêl hnah țha deuh chu Zakulha chuan lo chhawk ve mêkin, Keikawla meichher ken lai chu "Ukawl, keiman ka lo keng zawk ange" tih paha a lak sak rual chuan, a Changel hnah ken chuan meichher chu ruahin a nan thih loh nan a han hliah zui nghal zat a.
.
Chumi hnu chuan, khawfingchah hma ngeia Lal Darkuala laka an thutiam, anla hlen loh pakhat chu ti nghal tura hmanhmawh taka chulai hmun chu chhuah san nghalin, zanlai Ar khuan hnû lawk chuan Thinglawn dâi chu an thleng leh ta a ni.
.
Zan lamah tlaivar deuh thawa ruah a buak avang leh atuk zing lam khua pawh chu ala hnîm ruih avang chuan, Thinglawn nuho Buh țang sâ lo chhêk lawk lem lo te chuan zingfïr ațangin tukțhuan tur Buhhûm rêp țangin tapchhak an vêl ngat ngat hlawm mai a.
Chutihlai chuan, naupang tuihawk chên chak te pawn dûl bêng ri pam pam chung leh râk chûl chungin tuallai an pan nawl nâwl hlawm bawk a.
.
Chutihlai chuan, Lal Darkuala in lam pana Lal upa ho pawh tlan khawm hlawk hlawk hlawmin!, Lal Tâikherha khaw pasalțha pathum ten Lal Darkuala hnena an thutiam an hlenna rapthlâk zet, Lalnu Sum tlang biala a hma zana Lal Darkuala hnena Lusei nula phüta rawn inhrosa zo chiah, Thlânrawn hotupa leh a hote Lú lo inchhawng kual țhap, an vaia an kâ chhunga Buhkêm lo inhnawh vâr hâng mai chu Lal Darkuala leh a upate chuan hlau khur ru dûr dûr chungin an thlir țhap mai a!
.
Chutia an Lal Darkuala ina thil danglam thleng chu a khaw mipui te pawh chuan reiloteah a khawnâwta hre nghalin, Thlânrawn ho lu êna an tlân khawm luih luih lai chuan, an Tlangaupa Lûtbela pawh an pasalțhate ko khawmin a phe kual nasa mai bawk a.
.
Mahse, an pasalțhate an rawn thlen khawm hnu pawh chuan, Lal Darkuala chu hlauhna nasa tak chuan a thinlung chu bual zual zelin! Lal Táikherha pasalțha pathumte thil tih zêt chu huaisen thlak a tih rualin Thlârawn hoin chu thil, an pasalțhate chunga thihna mai baka ral kut tuar tih hâi rual loha an Lu bung rûm mai chu engtin tak ngai ang maw!? tih ngaihtuahin Thlânrawn hoin an hriat huna, amah leh a khaw mite chunga an rawn êr lêt dan tur chu a ngaihtuah zawng ringawt paw'n a zâm ru em em mai a.
.
Chuvang chuan, a pasalțha rintlak zuala a ngaih mi sawm leh a upate nen chuan rang taka a inchhungah chuan rorel nghalin, "he thil hi a ti tû nilo mah ila Thlânrawn ho hian kei leh ka khuate hi min rawn phingchîl phah ngei dawn tih chu kn hre vek turah ka ngai a, chuvang chuan, Lal Tâikherha pasalțha pathumte thil tih laka kan kut silfai theihna hun hi kan nei ta lo-ve!, rang takin kan Tlangaupa hi tir kual nghal ila, kan khaw mipui zawng zawng hi tukțhuan ei zawh veleha chhuak thei turin insiam vek rawh se.
chutih chhungin kan pasalțha ho hian, khawi lam tlang nge kan kâi nan him ang tih lo ngaihtuah vat sela, muangchang lova kan khua hi kan țilh san vat a ngai e" Lal Darkuala chuan a ti khûr deuh hlak hlak mai a!
.
Chutihlai te chuan, Lusei pasalțha pathumte erawh chu vengmawng dâi in pakhatah lungmuang zeta țhuin, Lal Darkuala pasalțha te zinga pakhat, a ruka an lam țang tura zanlai ațanga an țhâwn thawh tawh Kaplâia Lal in kâi rawn haw hun chu a inah chuan an nghak țhap mai a.
.
Mahse, Kaplaia chu a rawn lêt leh har tak deuh avang chuan, Lal Darkuala chuan a pasalțhate chu ro hran a rél pui tâ a nih Hrumcheûva te pathum chuan an ring țan ta a. Chuvang chuan, tuiburhmuamdâ vela rei ngah leh phawta chumi hnu pawha Kaplaia chu ala rawn lêt lo a nih chuan, Lal Darkuala chu a inchhunga han luhchilh mai chu țha an ti tlang ta a.
.
Mahse, an tiam hun 'tuiburhmuamdâ' chhung pawh chu reiloteah a ral tak avang leh Kaplaia chu ala rawn lêt chuan loh avang chuan, Lusei pasalțha rothap pathumte chuan Kaplaia in chu chhuah sanin, Lal Darkuala in kawt an thlen chhoh laia mipui ho, Thlânrawn ho lu bung êna lo la rî luih luih, mak ti zeta an mahni lo ên hû hû tu te chu nui sak sak chungin an kal pêl ta thuai a.
.
Chutah, Lal Darkuala luhkâ an kâi lai te chuan mipui ho chuan, an khaw mi nilo han ên mai pawha pasalțha tih hriat zet zet rawlthar pakhat leh valupa rual pahnihte chu mitlâ lêk lova la thlir țhupin, chumite pathumin an Lal Darkuala kawngkapui tlengrêl an nâm tawlh rík riai riai ruala kawngkapui khah deuh hmaka an pathuma Lal in chhung lam hawia an ding țhap lai chu mak ti zetin an hnaih chho deuh hûang hûang a.
.
.Tawk leh phawt.....
.
.LIKER LEH COMMENT TUTE..INCHUNGAH KA LAWM E, CHUTIH RUALIN HE STORY HI A INCHHEH FUH LOHNA LAIAH ADVICE MIN PEK HI TUMAN HREH TAWH SUH U AW! INZIR CHAWP VE MAI KA NI TIH HI MIN HRIAT SAK TEH U.
ADVICE MIN PEK DUH LOH CHUAN...KA TAN HMASAWNNA TUR ENGMAH A AWM LO...! KA TITAWP DAIH MAI ANG 'HRIATNA PAKHAT AIIN HRIATNA TAM TAK INFINKHAWM CHUAN FINNA TAM ZAWK A PAW CHHUAK ȚHIN' TIH HI KA HRE VE KHIAÛ A NIA...
KA LAWM E..

[Ngaia]

MIHRANGVAL TE SULHNÛ
. By. Llpa rokhum
.
. Episode - 15
.
. Episode - 14 Recape
.
Mahse, an tiam hun 'tuiburhmuamdâ' chhung pawh chu reiloteah a ral tak avang leh Kaplaia chu ala rawn lêt chuan loh avang chuan, Lusei pasalțha rothap pathumte chuan Kaplaia in chu chhuah sanin, Lal Darkuala in kawt an thlen chhoh laia mipui ho, Thlânrawn ho lu bung êna lo la rî luih luih, mak ti zeta an mahni lo ên hû hû tu te chu nui sak sak chungin an kal pêl ta thuai a.
.
Chutah, Lal Darkuala luhkâ an kâi lai te chuan mipui ho chuan, an khaw mi nilo han ên mai pawha pasalțha tih hriat zet zet rawlthar pakhat leh valupa rual pahnihte chu mitlâ lêk lova la thlir țhupin, chumite pathumin an Lal Darkuala kawngkapui tlengrêl an nâm tawlh rík riai riai ruala kawngkapui khah deuh hmaka an pathuma Lal in chhung lam hawia an ding țhap lai chu mak ti zetin an hnaih chho deuh hûang hûang a.
.
> Lal Darkuala leh a upate leh a pasalțha te chuan, Hrumcheûva te pathum kawngkapui awh khat vek kawpa an rawn lang thut mai chu phawk hrûin an en țhap mai a!
Mahse, Hrumcheûva te pathum chu Lal Darkuala leh a upate tumah chuan an lo chiaûaû mang loh avang leh, mitngoráng pawh hmuh lova in chhung lama lût tura sawm nachang pawh hre lova an ngawih țhap lai chuan Lal Darkuala fapa Sialkaia chu rawn țawng chhuakin "Lal Tâikherha pasalțha te u, kha laia Saum dil din reng lo khan min rawn fin teh u, nizana mangang taka min siam tu Thlânrawn ho chhâwn nêk ngam khawpa in huaisenna hi ka tan hian a hlu hle a nia" ngaisang leh lawm tih hriat zetin a rawn ti chhuak ta phawng mai a.
.
Mahse, chutia a fapain Hrumcheûva te pathum lut tura sawm pah a, a ngaihsanna thu alo chhak chhuak chu Lal Darkuala chuan rum âl chunga a fapa Sialkaia chu melh pheiin, Hrumcheûva te pathumin an mahni fina chhuat awl laia țhut hmun an rem lai tak chuan, "kei leh kan khaw mite chunga buaina zakhua rawn thlen tute hi khualțha lâwiin ilo lawi lût thei amaw!?, kei i pa leh kan upa ten, kan khua rauh sana tlang dang kâi phah kan tumna chhan hian i beng a luh ve lo em ni"!? tih pahin a fapa Sialkaia chu a melh ta khâih khâih mai a!
.
Chutah zet chuan, a fapa Sialkaia pawh chuan a pa thu sawi lai chu chiang zeta rawn melh let ve in "ka pa.., i thu vuak thlûk dan chuan kei Luseipa chêl a ziah dan chu ava dang ta ve!?, Thlânrawn leh Halkhâ ho i hlauh lutuk avanga Țiau kân rawk khawpa kan tlan chhiat laia kan mi leh sâ, an Chem tawka lu hloh ta te pawh lainatna i neih zui loh a hnu hmanah!, an țawngka nêm i dawn duh avanga Thlânrawn Lal Ralchhêma thluka ka Nu Țhi țha ber ila bân lui ngat te kha tuin nge hmu lo bik!? Lal i nih avanga an mit râng chhuah lova thlir liam tu che hi kan khaw paho zinga a tam zawk hi an ni" ati ve ta sak sak mai a!
.
Mahse, chutih lai chuan Lal upa țhenkhat te chuan, an Lal te pafa inchhâl ta piap mai chuan enge an inkarah a hrin chhuah tur chu an hriat chian em avanga, inthlahrung zet chunga khap daih tuma lo inrawlhin "Lalpa, naupang a thu châng i fapa țawng kha ngaih huat lutuk tur a awm lo-ve, chutiang bawkin kan khua leh tuite in hmangaih fapa lutuk vanga thu khat pua inchapchar kher a ngai lah lo-ve! in thu inchuh hi thu dang nilovin, kan khua leh tuite in hmangaihna 'awkâ' ve ve a ni e" tiin Lal Darkuala ala phun bâi bâi lai chuan, a upate zinga kum tam tawh ber leh a thu an lâk zin ber țhin Phawkapa chuan thu lâi a rawn khahchilh ta charh charh a.
.
Chutah meuh chuan, Lal Darkuala inchhunga țhu khawm ho chu tumah țawng zâi chhat tâ nge ti tur pawh awm lova ngawi zui țhapin, enge maw chen an reh deuh dak hnua Lal Darkuala'n, Hrumcheûva melh zauh zauh chunga 'aw' then kharh paha tukțhuan ei kham lama an khua rauh san an tum thu a sawi zui sap lai chuan, Hrumcheûva chuan Lal Darkuala chu chiang zeta lo melh lêt chunga rawn țawng chhuakin, "Lalpa, in khua hi rauh san tir kan duh vang che u a he thil hi ti kan ni lo-ve, tuman khua hi in chhuah san lovang! mahse, i pasalțha te erawh hi chu Thlânrawn ral ho lo hmachhawn turin, in khaw dâiah sawn kan hruai vek thei tawh ang chu maw!?, i hnena kan 'thutiam' kan hlen tawh avangin chu chu rem i ti thei tawh em"? a han ti a.
.
Mahse, Lal Darkuala chu a ngawih tak tlat avang leh Hrumcheûva zawhna chu chhan tum awm ang pawha a awm loh avang chuan, a fapa Sialkaia chu alo sâ ru leh tawhin, "ka dilna che chu rem i tih loh chuan, nang leh i khua te hi tlan chhuak mah ula buaina thuk zawka in tluk luh bakah, Halkhâ leh Thlânrawn ral ho ûm zui inni dawn tho a nia" Hrumcheûva'n a rawn tih leh laia Lal Darkuala'n, a pasalțha zawng zawng te nen an chhuah dawn thu a rawn sawi zui leh hmak hmak lai chuan, a fapa Sialkaia chu inseh ruh țeuh chunga rawn inrawlh velehin "a duh an chhuak anga a duh lo kan awm ang! Lal Tâikherha pasalțha te u..inchhâwn venga in kaihza thâ chhâwk turin kei chu ka inpeih e, a duhin min zui ula a duh lo chuan Lal Darkuala hi inzui thei ang" tih pahin an pasalțha te leh a pa upate Hrumcheûva te ho hriatah chuan, a pa nena an inkara thu tawp sawi zui chunga din phat pah chuan a melh kual ta khâih khâih mai a!
.
Chutah zet chuan, an pasalțha te zing ami pahnih tih loh chuan, an vaia an Lal fapa Sialkaia lamah chuan an țang vek a ni tih lan tir nan tho ve nghal sap sapin, Sialkaia'n an kawngkapui ațanga pen chhuah thâih paha Hrumcheûva te pathum a rawn nuih sak lai chuan, anni pathum pawh chuan Sialkaia chu thawh chhuah ve nghal pahin an zui ve ta nghal a.
.
Mahse, chutihlai tak chuan inchhung lam ațanga 'aw' rawn chhuak chuan Hrumcheûva hming chu rawn lamin, "nangni pathum tluka Lusei tlangval huaisen hi ka mit hian ala hmu ngai lo!! mahse, tunah chuan ka lo tár ve dawn ta...., ka ngaihtuahna chhung ril Halkhâ leh Thlânrawn ho laka sâi ngailo hi ka thâ hian la tlin ve se.., in kaihzâ venga vawikhat chauh tal ka ralfei lek ve theih ka va chak em taitea te u.." an Lal Darkuala mitmeirâng pawh veng tawh lo chuan, Lal Darkuala upa Phawkapa chuan a rawn ti chhuak hlawl mai a!
.
Chuveleh Hrumcheûva chuan Luhkapui ațang chuan Phawkapa chu fiah takin a han ên vang vang a, a mita tih takna leh huaisenna rawn lang chhuak, a thâ in a tlin tawh siloh chu a hrethiamin, a upa Phawka țawngkam avanga a thinrim a rin ber Lal Darkuala chu a rin loh deuhin alo meng dûl raih mai a.
.
Chuvang chuan a hma aia ngaih ngam deuh zawkin, in chhungah chuan muang changin a han lut leh a. mahse in chhung a luh paha Phawkpa hnena lawmthu a sawi lai chuan, Lal Darkuala lungngai hmel khawngaih thla lâ zet chu Hrumcheûva chuan a hmuh chian avang leh, a fapa Sialkaia nena an thu inhmu tawh lo chu a ngaihtuah zui nasa tih hriat zeta a ngawi rân lai chu han țhut chilh nghalin, "Lalpa, Lusei tlangval te hi Halkhâ leh Thlânrawn ral lo dang tur hian kan huaisen tawk iti lo em ni!? i lakah chhia chhamin nang leh i khaw mipui te hi ka hum ngei dawn che u tih ka tiam thei lo che. mahse, tukțhuan ei khama khaw rauh san tura khaw mipui te nena inchhir chhuah i tum hi țhulh la, mipui zawng zawng hi mual laiah awm khawm tir rawh" a han ti sap a.
.
Mahse, Lal Darkuala chuan Hrumcheûva hnenah chuan, a rawtna anga tih chu an tan a him a rin loh thu lo sawi pah chuan a upate chu a han rawn kual leh a.
A upate nena an han sawi leh deuh pawh chuan, khaw nunau leh tar chak lo zawkte tan dam khaw chhuahna hun zawna, khua rauh san mai loh chu khaw chhunga ral ho kut lo Sepuiruahtawrh tawp ai chuan an la thlan tho avangin, a rilru chu sawhsawn a theih loh thu chu Hrumcheûva hnenah chuan a han sawi leh a.
.
Chutah zet chuan Hrumcheûva chuan, Lal Darkuala leh a upate ruahmanna tih danglam sak tuma nawr chu a sawtsawhlâwt tawh vaka a hriat loh avangin, an chhuah dan tur chu fing zawk deuh hleka ruahman pui a duh ta zawk a.
.
Chuvang chuan, Lal Darkuala leh a fapa Sialkaia te inkar chu siam țhat sak leh phawta, chumi hnuah ruahmanna fel zawk nena mipuiin khua an chhuah san dan tur chu rel pui a tum rilru ta a. mahse, Lal Darkuala kawtkâia ava chhuah leh lai chuan, Keikawla leh Zakulha te chauh chu an lo awm avang chuan Hrumcheûva chu a hrilhhâiin, Keikawl hnenah chuan Lal fapa Sialkaia leh an pasalțha te awmna chu a han zawt thuai a.
.
Mahse, Keikawla chhanna chuan Hrumcheûva chu a ti lawmin, Sialkaia leh a hoten an khaw tlangval zawng zawng rilru hmin tuma, tlangval leh rawlthar awmna in tin lut tura an vah darh mek thu a han hriat meuh chuan, Zakulha leh Keikawla te chu a nuih vur vur mai a.
chutih lai chuan, Lal inchhung ațanga upa pakhat rawn chhuak chiah chuan Hrumcheûva chu a rawn ko leh ta lang lang a.
.
Chuveleh Hrumcheûva chu rang zeta Lal inchhungah chuan lut leh nghalin, a țhut fel zet hnua Lal Darkuala'n mitmeng fim taka lo en chunga an mahni thlâ veng tur atan, tlangval hruai tur a duh zat tirh sak tura alo dilna thu chuan Hrumcheûva pasalțha nihna, a hun taka zahngaihna leh khawngaihna a lan tir fo țhinna rilru chu a chawk tho kher mai a!
.
Chuvang chuan Lal Darkuala hnenah chuan, lungngai lo tur leh a țul dan ang zela a fapa Sialkaia nen chuan ruahmanna an neih dawn thu leh, Thlânrawn ho rawn kâina lam tura an rin hnuchhawn zawnga an chhuah theih nan, kal khan dang an dap sak tur thuin a thlamuan ve ta malh malh a.
chutia Hrumcheûva'n a han țawng thlah zet chuan, Lal Darkuala pawh chu a rawn hlim veleh ta deuhin, a upa ten Hrumcheûva an lo fak liam liam lai te chuan alo tuihnih ve ta charh charh a.
.
Hrumcheûva leh Lal Darkuala ten, inrem taka an duh dan ve ve an sawi fel hnu lawka Thinglawn khaw mipui ten tukțhuan an han ei kham fel meuh chuan khua pawh a rawn hnîm leh tawhin, an Lal Darkuala thu chhuak anga an thil neih zinga an ngaihhlut ber nen, an Lal tuala an rawn chhuah khawm meuh chuan an thawm a rehin, naupang țap chiah chiah kara ngawi renga ding, hmeichhia tar leh naupang thil hrethiam ve tawh chin te hmelah chuan, mangânna leh lainatawmna lungrun zet chu a lang riai hlawm mai a!
.
Chutih lai chuan, Lal Darkuala leh a nupui leh a mo te pawh an luhkapuiah chuan rawn ding chhuakin, Nu nau mawng âk bawr deuh Lal tual la rawn thleng ve lo țhenkhat te pawh veng mawng lam ațang te chuan, puak leh kâih fâwm chunga Lal tual lam chu rawn panin an la rawn in-âk bawr chho ve hnâ hnâ hlawm a.
.
Chutih lai chuan, Lal Darkuala chuan 'aw' zâwi deuh râih chunga a khuate hnenah chuan thu sawi mekin, "Țiau kâna khawthlang kan sawn thlak ațang khan ni tam la liam lo mahse, kan laka Halkhâ leh Thlânrawn râl lian zel hi kan Lusei pasalțha te hian lo nâwr let zâi an rêl ve ta a! chuvang chuan, kan khaw mipui te hian, kan Lusei pasalțhate chhãwn lêk kan dipdâl loh nan leh an Thalfang thlawk kan dawn palh loh nan kan sâ himna tur hmun kan kâi dawn a.
mahse, kalkawngah tumah midang tana hnawk leh mitmeirâng hmuh ngai khawpa khawsâ kan awm loh nan, kan upte thu ngaichang chung zelin kan kal dawn nia.
Țiau kan kân lai ai khan kan pun tawh avang leh Nu, nau lu âk bawr kan tam tawh avangin kan fimkhur a ngai zual hle tawh dawn a, chuvangin, chhung tinte a țul ang anga kan inpuih tlana a hnufual bik awm lo thei ang bera kan himna hmun tur kan inchhir thlen a ngai e" a han ti dap dap a.
.
Lal Darkuala'n thu a sawi zawh hnu chuan, an khaw mipui Thlânrawn ral hlaua chhuak tur zawng te chu an han inchhiar a.
mahse, an han indap chian chuan, Halkhâ chhungkua an khua a awm ve chhungkaw thumte kha tumah an lo awm ve ta miah lo mai chu Lal leh a upate chuan ngaihțha lo zeta inrawn tlangin, tlangval pali chung ho in zuk enfiah tura an tirhte an tlan liam lai chuan, Hrumcheûva te pathum leh Sialkaia te chuan an ngaihdan an sawi zui sap sap mai a.
.
An tlangval tirh pathum te an rawn let leh hnu chuan, Lal leh a upate chuan Halkhâ chhungkaw thum te chu an awm leh awm loh an han zawt thuai a.
mahse, tlangval pathum ten an chhanna chuan Lal Darkuala leh a upate chu ati beidawngin, Halkhâ chhungkaw thum bo hmak te chuan enge an tih dawna!? khawi tlang nge kâi tuma an pan ang? tih chu an kutzungpui an hriat chian tluk zeta hre chiangin! rinhlel rual lovin chung Halkhâ chhungkaw thum chuan, Thlânrawn ho hnenah an pasalțha pali, Lusei pasalțha ten Lal Darkuala ram chhung ngeia an thah thu thlen tum chuan an pût bo tih chu an hre chiang ta hle a!
.
Chutah meuh chuan, Hrumcheûva te pathum leh Sialkaia te chuan hun an ngah tawh teh chiam lo tih an hre chiangin, Thinglawn khaw kâi khan lo lam, a khaw hmar lamah chuan Lal leh mipui nunau te chu hmanhmawh takin an hruai chhuak ta dum dum mai a.
.
Mahse, khua ațanga Lofing khat dawn an tlâk thlâk hnu chuan an khaw tlâk lam hnuai, an khua ațanga Lofing thum vela hla ruam thûk zet awmna lamah chuan chhim thlang zawnga hêr phei pui lehin, chulai ruam thûk zet leh biru zet ngawpui thim mûk maiin a khuh Lungpui lian zet zet insír khup karah chuan, khaw thim rual deuh thawin an tawm khawm fel tir thei ta a.
.
Chumi hnuah zan pawh sawi lova an pali chuan khaw lam pan chuan lêt leh vang vangin, zanlai thlen hma hret chuan Thinglawn khua chu an lut leh ta a.
Mahse, khua an lûh veleh chuan, khaw nghaka an dah tlangval zawng zawng leh an pasalțha te chu ko khawm leh nghal vekin, Paho ringawt chu Lal leh mipui te venghim tura an rin zawh loh thu leh, an ei tur pek paha a tuk thimțîn ruala an mahni veng tura kal leh nghal tur inruat fel ațul thu an han sawi chhuak ta nge nge a.
.
Mahse, Thlânrawn ho hmachhawn chak awm khawm an nih tawh avang chuan, tlangval tupawh mai chuan an rawtna anga țhiante ral do laia lo awm chu an hreh ru deuh țeuh tawh hlawmin, "kei" han ti âwm hmel chu Hrumcheûva te ho chuan an hmu mang ta tlat lo mai a.
.
Chuvang chuan, tlangval panga chu Hrumcheûva leh Sialkaia te chuan tlawmngai tura thlem chhuakin, a tuk lama Lal leh mipuite tana an ken tir tur faisâ an zawh tawk tur țheuh chu an siam fel leh ta zung zunga.
chumi hnuah, Thinglawn tlangval leh pavalai la thâ zâ rual sawmriat chuang mah leh Lusei pasalțha rothap pathum te chuan, Thinglawn khaw kâi khân, an khaw chhim lam an khaw thleng nena inzawm chiah Chhumtian tlang, tlang lian ang reng zet leh sang deuh vehvawh ngawpui chhah lutuk lovin a khuh thim râih lam chu an pan chho ta sung sung a.
.
Mahse an thlen chhoh chuan, nilenga khawdur khûih mai chuan ruah mal lian tak tak a rawn hnâwl thlak tak buan buan avang chuan, an thil tih tum chu an tih hleih theih tak loh avangin tlang chhip leh a pang rem deuh lai laiah chuan, an meichher te chu changêl hnaha ruahin a nan hlum mai tur khuh hliah chunga châk fawm khawmin, hmun hrang hrangah chuan buk tê ang reng an han sual chawp ta thuai thuai a. chumi hnuah ralveng mi sawmpathum indah lehin, englai pawha inrin reng a ngaih tawh avang leh chet a ngaih thut pawh a in auh khawm chawp ngai lo tura tumah khua ah tlâ thlâ leh tawh lovin, a rem dan danin an han tlu zâl nawk nawk hlawm a.
.
Mahse, chumi zan chu buaina awm lova an hman liam hnuah, a tuk varțian ațang chuan an vai chuan ngawrh zeta an ralven buk tur chu tuk nghal tluk tlukin, pasalțha rothap Hrumcheûva te pathum ruahmannain, Chhumtian tlang hmun hrang ranga Lungtum lu tiat achin chung lam mi sawm velin an zawn zawh tawk thlenga lian an hmuh zawng zawng chu tlang chhip ah chuan an thiar chho ta tlut tlut hlawm mai a!
.
Tlai ni tlâk thleng rawka Lungtum an han chhek zêt hnu chuan, tlang chhip hmun zawl pen zâ dawn bial chinah chuan Lungtum tian vûm a ding thluah ta mai a!
Chutah zet chuan Hrumcheûva te pathum leh Lal fapa Sialkaia te chu an phûr tawhin, unauhmelhai hun tawhah pawh tlangval hoin Thal nena an țanhmun tur siama inphenna tur thing tum Uipum rual zawna, tlang pang hmun rem deuh lai zawng zawnga meichher nen an la dê thluah thluah mai chu nui var var chungin an thlir kual an thlir kual mai a.
.
Chumi hnuah anni pali pawh chuan uluk zeta an Silai leh an Thalngul te chu en fel veleh thuai thuaiin, pi leh pu te huna Thlânrawn leh Lusei pasalțha rual ngam leh ngam, Pialrál thleng rawka innuai pawh pawisa tawh lo khawpa inhua, a huhoa Thlânrawn ho leh Lusei pasalțha rual INNUAINA RAPTHLÂK ber pawla tun thleng pawha an la sawi țhin, CHHUMTIAN TLANGA LUSEI PASALȚHA RUAL 'MIHRANGVAL TE SULHNÛ' an tih țhin chu a lo thleng dawn ta....
.
. Tawk leh phawt....

[Ngaia]

MIHRANGVAL TE SULHNÛ
. By. Llpa rokhum
.
. Episode - 16
.
. Episode - 15 Recap
.
Tlai ni tlâk thleng rawka Lungtum an han chhek zêt hnu chuan, Chhumtian tlang chhip hmun zawl pen zâ dawn bial chinah chuan Lungtum tian vûm a ding thluah ta mai a!
Chutah zet chuan Hrumcheûva te pathum leh Lal fapa Sialkaia te chu an phûr tawhin, unauhmelhai hun tawhah pawh tlangval hoin Thal nena an țanhmun tur siama inphenna tur thing tum Uipum rual zawna, tlang pang hmun rem deuh lai zawng zawnga meichher nen an la dê thluah thluah mai chu nui var var chungin an thlir kual an thlir kual mai a.
.
Chumi hnuah anni pali pawh chuan uluk zeta an Silai leh an Thalngul te chu en fel veleh thuai thuaiin, pi leh pu te huna Thlânrawn leh Lusei pasalțha rual ngam leh ngam, Pialrál thleng rawka innuai pawh pawisa tawh lo khawpa inhua, a huhoa Thlânrawn ho leh Lusei pasalțha rual INNUAINA RAPTHLÂK ber pawla tun thleng pawha an la sawi țhin, CHHUMTIAN TLANGA LUSEI PASALȚHA RUAL 'MIHRANGVAL TE SULHNÛ' an tih țhin chu a lo thleng dawn ta!
.
> Thinglawn Lal Darkuala khaw pasalțha te leh an tlangval zawng zawng ten, Lal Tâikherha pasalțha rothap pathumte hruaina hnuaia Thinglawn khaw thleng chhun tû, Thinglawn khaw kâi dawna lawn chhuah ngei ngei ngai, chhim lam êpa a khaw kal khan rem awm chhun Chhumtian tlanga an duh ang taka ral ho lo êpna tur an tuk zawh ațanga a zan hnihna tur zan lai takah chuan, khaw chung lawk Chhumtian tlang ațanga lofing hnih vela hla, ngawpui hnuaia zolui luang kawi ngiai ngiai Aitam lui kamah chuan, Thlânrawn ho, mi zahnih dawn chu an pasalțha pawisak leh zahngaihna nei lo zet Penglira ho chuan, Lusei pasalțha pali ten, Thinglawn Lal Darkuala ram chin chhunga an pasalțha, an Lal Phawtlûnga thuchah kenga, Lusei Lal Darkuala hnen ațanga chhiah kâwi tura an kâi lai Lu an lo khâi avanga Thinglawn runa pâl darh vek tumin an țhu nghûk mai a!
.
Mahse, kum chhiat kum a nih avanga an âwllen buh pho êng țan hun lai tak maia, tlang hrang hrang upa ten țám chhilh hlauthawng hial khawpa an thlawhma lak chhunga buh hmin êng tuarh tawh nan pûam lek lek khawpa, karkhat dawn khaw chêng thutin ala țhám vel avanga khaw awm dan ala chian vak loh avang chuan, hmun tin mai chu ala hnâwngin, Thlânrawn hotupa Pênglira'n Thinglawn kâi khân, Chhumtian tlang han bih thlâ hmasa tura a mi tirhte paw'n, Chhumtian tlanga Chhumleivâk tlâ chûk avang chuan, tlang chhipa Lusei pasalțha ho mei dê leh an lungtum chhêk khawl te chu an hmuh loh avangin thawveng zetin an hotupa Pênglira hnenah chuan an kir leh ta vat a.
.
Chutah, a hote pathum chanchin rawn hawn avang chuan, Thlânrawn hotupa Pênglira chuan thâ tho zeta a Silai chu lek kual vut vutin!Thinglawn khaw pasalțha leh tlangval te chu an kawng dâla lo inlek phek ngam an awm loh avanga, an khaw kâi Chhumtian tlang pawh chu an veng ngam lo riâk nia ngaiin, a hote chu nunau pawh zuah lova an laka Chemhâr chhuah hmiah hmiah turin a fuih zui chhur chhur mai a!
.
Chuvang chuan, khawfing chah veleha che chhuak nghal thei tura inpeih tur chuan, chu hun zanlai pelh hma ngei chuan Chhumtian tlang chhip chu chuan chhuaha, thimțin ruala chuta țanga khaw lam hawia tlêh thlâk hûk chu nâwrfung atan hman chî berin a hre ta a.
.
Mahse, Thlânrawn hotupa Pênglira tum dan leh a rel dan chuan, Thlânrawn ho chu an awm thei dawn em!? tih chu an hun lo thleng țan mek chuan a hril dawnin, thâ tho zet chunga meichher nena Chhumtian tlang pan tura an insingsâk sung sung laia, an Fei leh Chem ngawpui thim reh ruih hnuaia a inkhák ri chhuaih chhuaih thawm te chu an rûn turte tan chuan an huphurhawm dawn tih a hriat hle a!
.
Chutih laiin, zanlaia Chhumtian tlang kâi chhoh chu an tum avang leh, țanhmun khâwh an tumna hmun, Chhumtian tlang chu an hriat miah loha Lusei pasalțha hoin inkulh nan an lo hman si avang chuan! pi pu te huna indona hun atana an duh ngai reng reng loh!, ZANLAI INNUAINA hun chu a thleng dawn ngei mai le!!
.
Lusei pasalțha ho chuan, an awmna vela chhum zing deuh chêk chûk te chu hnap tawlh lek lekin an hîp vat vat hlawma. mahse, khaw nuam mang lo hnuaiah pawh chuan, tumah chu inthlahdahna hun insiama têi mai mai an awm loh nan Keikawla leh Zakulha te pahnih chuan an thlithlâi kual zek zek reng mai a.
.
Chutih laiin, Hrumcheûva leh Sialkâia te pahnih pawh an lungtum tian vum thleh thluah bul velah chuan țhu dunin, Thinglawn ațanga Thlânrawn ho khaw hnai ber ni khat leh chawhma kal vela awm, Phawtlûnga khua Chhêklung nena an inkara Thlânrawn ral ho rawn thâng chin tur chu an hisâp lawk diam tawh a.
.
Chuvang chuan, an hisap anga Thlânrawn ho chu an rawn thawk chhuak a nih chuan, zanin ngei hian Thinglawn khaw ram chhung chu an rawn lût ngei ngei tawh dawn! tih leh, a tuk thimțin rual chuan Thinglawn khaw chhung chu luh tumin ral an rawn bawh ngei tawh dawn tih chu an hre chiang hle a.
.
Chuti a nih chuan, zanin hi an tan hun pawimawh a nih zia leh inthlahdahna hun atana hman theih tawh loh hun, fimkhur taka an inkulhna tlang leh a chhehvel zawng zawng bih kualna hun a ni tawh a ni tih an hre chiang dun hle bawk a.
.
Mahse chutia an titi dun mawlh mawlh lai, zanlai khaw thim zing lam boruakin a rawn thlâk țan lai tak, thlifim tleh dan pawh khawchhak lam ațanga khawthlang lam hawia a inthlâk țan lai chuan, an hma lam deuh tlang pang chhim lam êpa ralveng tlangval pahnih te chu, hmanhmawh zeta tlang chhip Hrumcheûva leh Sialkâia te pahnih titi malh malhna lamah chuan rawn tlan chhoin! Chhumtian tlang bulțhut chhak lam deuh hreta, meichher zâ dawna tam chhum kara fiah lo zeta an awmna tlang chhip lam pana rawn dê chho noh noh an hmuh thu chu an rawn sawi ta tlat mai a!
.
Chu thu zet chuan Hrumcheûva leh Sialkâia te pahnih chu a țhawngin, chu mite pahnih hnenah chuan hmun tina tlangval te chu an meichhem ti mit nghal vek tura hrilh paha, tlang chhipa lâwi khawm nghal vek tur leh, Thlânrawn ral an hnaih tawh thu chu hrilh kual nghal turin an han tir nghal zat a.
.
Chu mite pahnih an tlan liam ațanga tuiburhmuamdâ pawh tlingloah chuan, Lusei tlangval pasalțha zawng zawng chu tlang chhipah chuan rawn kâi chho nghal vekin, tlangval ho zinga a âwm báwr tût zual mi sawmli vel, an lungtum chheh vûm lum thla thei tura inring renga tlang chhipa awm tur an ruat fel hnuah, a dang zawng chu chu mite sir tawn tawn tlang panga hlam thum dan zela an thing kham phena, Thalngul kuai chunga awm vek turin Keikawla leh Zakulha te chuan an han sem darh leh a.
.
Chumi hnuah tlang chhipa awm ho chu Hrumcheûva leh Sialkâia'n hoin, tlang pang tawn tawna awm ho chu Zakulha leh Keikawla te chuan an awm chilh ta bawk a.
.
Mahse, an duh ang taka țanhmun an han siam fel hnua tlang chhip ațanga Thlânrawn ho an zuk thlir leh meuh chuan, Thlânrawn ho meichher dê chu a rawn hnai tawhin! tlang chhipah an lo chang a ni tih an khawsâ zia ațanga hriatna âwm a awm miah loh avang chuan, Hrumcheûva leh Sialkâia te chu an nui rû ver ver tawh mai a.
.
Chutih lai chuan Thlânrawn ho lah an kâina tlang chhip, an pan chhoh mek tawpah Lusei pasalțha hoin an lo nghak reng tawh a ni tih hre lêk lova, thawm pawh dim duh mang loa tha tho zeta rawn sawn chho zelin, tlang chhip thlen thuai thuaia tlem chhin sek phawta, atuk thimțin ruala thâ thar nena Thinglawn khua han bawh thlâk hûk an chak tawh thu chu an sawi sap sap hlawm a.
.
Mahse, tlang chhip thlen nan mau tlûk thum vel chauha thui kal leh ngai a awm tawh lai, Thinglawn khaw kawng țum Chhumtian tlang chhip kâina kawng zim deuh lai, Lungpui lian zet leh thing lianzet inkar ațanga an chhuah kim fel chiah hnua a khawma an awm lai tak chuan, Chhumtian tlang chhip chhum zing chûk kar ațanga thawk lehkhata thawm rawn ri hûk chu enge a nih!!? tih ngaithlâ a an hawi hrû hrû lai chuan, an hmazawn chhak lam tlang pang âwih zet ațanga lungtum tam em em, an lam hawia chak zeta rawn lum thlâ mêk, rawn lang thut mai chu râk chêl chûl chunga tlan chhiat san tumin, lung lumin a rawn dên hman ho nâ tuar țê rawng rawng ri karah chuan lungtumin a den fuh ve loh te chu an hma zawn zawnah an meichher paihin an țil nghal ûr ûr mai a!
.
Mahse, a tira lungtumin a den fuh loh tlan darh te pawh chu lungtum dang rawn lum thla leh zel, sang zet zeta insawh kâng thlâ fûr fûr mai chuan an lù leh an taksa ah te ruh tliak ri tuarh tuar khawpa nâ a rawn deng fuh zelin! Lungtum an lum zawh fel ruala tlang pang ngawpui thim zet hnuaia lungtum lum ri leh Thlânrawn ho nâ tuar țê ri ala inpawlh khâwk rûm rûm lai chuan, Lusei pasalțha ho chuan an Thalfang chu an han thlah thlâ leh ta puat puat mai a!
.
Chutah zet chuan Thlânrawn hotupa Pênglira chu a beidawng rû țanin, a hote zinga pathum nen lungpui pakhat phêna an tawm lai chu Thalfang chuan a rawn thâwi thuak thuak ta mai a!
.
Mahse, chutia Thalfang rawn thlâwk thlâ zawk zawk in an inphênna lungpui a rawn sût thawi tak zak zakah chuan, a hma lawka tlang chhip ațanga lung tam zet rawn lum thla hûk, tlang chhip khawilai hmun emawa lung hmun deuh lai nghet vak lo rawn chim emaw a tih kha Lusei ho lung rawn lum thlâk a ni tih chu hrethiam nghalin! ngawpui thim hnuai hmun hrang hranga tlan chhia a hote chu thinrim 'aw' țeng chhuai chhuai khawpa ringin chu thil chu Lusei ho tih a nih thu hrilhin a han aû tuarh tuarh a.
.
Mahse, a hote zinga a zahve deuhthaw chu lungin a den fuh hlawm avang chuan, raldo tlak an tlem tawh dawn tih chu hmun hrang hranga, a hote nâ tuar rûm chuah chuah chuan a ti lang chiang hlêin Pênglira chuan a hre nghal mai a.
chuta chhapah meichher dêtna chi a nih tawh loh chu thuhran, ala dam te chu an tawmna ațangin han tlan chhuak hlawm dawn se, Lusei ho Thalfang thlâwk tawn fuh a hlauhawm tawh bawk si!
chuvang chuan, thawklehkhata Lusei ho Thalfang a hân duak lai chuan ring taka aûin, an tawmna hmun țheuha khawfingchah nghak turin a hote chu a aû kual ta lauh lauh mai a.
.
Chutia Thlânrawn hotupa Pênglira aû lai chuan Lusei pasalțha ho pawh chu an lo infuih ve mekin, ngawpui hnuai thing leh lungpui bela Thlânrawn ral la tawm bo ho chu, anni aia an tam a rin tawh bik loh thu Hrumcheûva chuan Sialkâia chu a han hrilh zawi thâwp sat mai a.
.
Chutia Hrumcheûva'n, Sialkâia hnena a ngaih dan a sawi lai chuan Zakulha leh Keikawla te pawh an bulah chuan rawn kâi choin, "kan Thalfang thlahin Thlânrawn la dam ho a nâng fuh thei tawh rih lo e!, engtin nge hâr kan pek leh dawn? Ucheû" Zakulha chuan a han ti a.
.
Zakulha zawhna chu Hrumcheûva chuan han chhan mai dan tur a hriat loh avang chuan, Sialkâia leh Keikawla te chu an ngaihdan a han zawt veleh a.
mahse, Keikawla leh Sialkâia te pawh chuan ngaihdan fumfê han rawt chhuah mai tur an hriat bik loh avang chuan, tlangval pakhat chu midang ko khawm turin Hrumcheûva chuan a han tir leh rih a.
.
An vaia an awm khawm hnu chuan, Thlânrawn ral ho chu hliam tuar chê thei lo an tam a rin thu leh, ala dam lungpui leh thing phen bela tawm ho chu anni aia an tam a rin tawh bik loh thu chu Hrumcheûva chuan a han sawi leh a.
.
Chuveleh Lusei Keite Zakulha chu rang zet leh zawi thâwp deuh sapa rawn țawng chhuakin, "kan Thlânrawndulkhâk ho chu an tawmna hmun hmunah khuan zuk hlâi mawlh mawlh ila a ni mai lawm! thimțin kan nghah chuan a tu mah mah inpawh loin kan ințin san mai dawnin ka hria, keini kan chhuk chuan min lo hmu tawh anga, anni an rawn chhoh chuan duhthâlin kan lo sâi thei bawk dawn tih an hre ve tho dawn, mahse kan hotute ngaihdan dan ni rawhse" a han ti ngâl ngâl mai a!
.
Chutia Zakulha'n a ngaihdana rawn sawi takah chuan, a rawtna huaisen thlâk zet chu Hrumcheûva leh Keikawla duhdan alo nive chiah mai a!
mahse, Sialkâia leh tlangval dangte ngaihdan chu ngaihchan ve țha a Hrumcheûva te pathum chuan an hriat avangin, anni pathum duh dana tih chu an thlâwp ve em!? tih chu Sialkâia leh a pasalțha râwn tlâk deuh ho chu a han zawt veleh a. mahse Sialkâia leh a pasalțhate pawh chuan, Zakulha rawtna bak kha rawtna țha dang han puak chhuah tur an hriat loh thu an lo sawi ve takah chuan, an Thalngul zawng zawng chu inpawmchilh dawn chuan a hnawk dawn thu leh a hman thlâk dawn loh thu Hrumcheûva chuan sawi zuiin, "thawm dîm thei ang berin kan veh thlâ anga, mahse, ngawpui hnuai hi heti khawpa a thim avang hian, keimahni leh keimahni inhlâi palh pawh a awl hlê dawn a! chuvangin, Thlânrawn ho nen kan innân buai lûai hunah chuan in Chem lék lohna lam kut khan in hâr lakna tur mi chu an chhip dâp hmasa hrâm zel ang che u" zâwi deuh sapa tih pahin, an kut thlak turte chu Thlânrawn anni ngei tih hriatna an lu chhip sam zial dap hmasa hram zel turin a han chah a.
.
Chumi hnuah an vai chuan a khawma kal lo tura insem darhin, hlamnga dan vel zelah thawm dîm zetin Chhumtian tlang pang ngawpui hnuai thim mup lamah chuan an chhuk ta țhem țhem a.
.
Zakulha chuan, a mit naute tlê kalh khawpa Keite mit ang maia zan thim hnuaia alo hman țangkai fo tawh a mit țha zet mai chu hmang lehin, a taksa chêr ria thâ hrui lian țelh țawlh inphiar kal ralh ralh khawpa, thim zinga a pût zeuh zeuh mai chu a bitum tur tán chuan hmachhawn a chakawm loh hmel hle mai a!
a hma zawna lungpui leh thing awm reng reng chu thim zinga a mit vâr zet mai chuan thlithlâi thla zelin, tlang chhip ațanga mau tlûk thuma thui a pelh thlâk fel meuh chuan, țhâng buk leh khuar deuh bela lo mû Thlânrawn ho hliam tuar engmah ti thei tawh lo tih hriat zeta lo rûm hâk hâk te chu a kalpêl thla dân dân zel a.
.
Chutah, thawm chhuah eih lova a hma lawka thing lian zet zung thlâr ding deuh țhuak a kal pel fel chiah tihah chuan, chu thing zung thlâr ding lam hreta thingkâwr leh enge maw, zawitea innawt ri hrâih chu a beng țha zet chuan a hre ta a.
chuveleh ngawi renga ding chatin! muangchanga chu thing zung thlâr dinglam melha a hawi phei rual deuhthawa, chu thing zung thlawp chiaha chiang lo rûaiha mipakhat lo ding chu rang lutuka zuan pahin a Chem chu chupa lu zawn âwm velah chuan a vai phei puat mai a!
.
A Chem vaiin chupa taksa a thlen rual chuan, patling țê țhawt thawm chuan chulai hmun chu luah khat nghalin, chupa tlu ri thlawp chu chiang lo ruaiha en chunga zak kaû zawk zawk khawpa nâ-a a sah zui leh zat lai chuan hmun tin mai chu patling nâ tuar țê thawm leh tisa thlêr ri nen! a kar lakah ruh țhankin tliak tuarh tuarh riin a pawlh nghal nuaih nuaih mai a!
.
Chutah zet chuan, Lusei leh Thlânrawn ho ngam leh ngam incho leh incho, Pialral thleng rawka innuai mai duh khawpa inhua te innuaina rapthlâk zet thawm chuan, Chhumtian tlang ngawpui zan thimin a chhilh thim leh zual hnuai chu a khah ta rem rêm mai a!
.
Mahse, tumah inthliar fel hleih theih loh khawpa thim a nih avang chuan!, a tu lam ve ve pawh chuan duh anga chêt chu a har an tiin, hmun țhenkhatah phei chuan mahni hnampui te lu lo chhawk nawlh nawlh tawk pawh an awm chho țan ta mai le!
a țhen an inûmna lamah Chhumtian tlang pang tlâk lam kham sang lutuk tak maiah te chuan an tlan liam palh bawk!
Zakulha te ang mit țha bik nei lem lo tan chuan, mahni invenna khawpa chêt lâk takngial pawh chu a har chho ta telh telh mai a.
.
Mahse, khawfingchah thleng rawka an han innuai meuh chuan, an hotupa Hrumcheûva thuchah an zawm hram hram chu Lusei ho chuan chêt țhat pui deuh zawkin, khawfingchat mek êng țan ruaih tawh hnuaia Chhumtian khâm sang lutuk tak mai, zan lama Lusei pasalțhain Thlânrawn ral sawm dawn, ram chin hre chiang lo zawk an um liamna ko bul hmun thelh zet laia, Lusei Keite Zakulha leh Thlânrawn hotupa Pênglira te inmalcho mêk lai chu Lusei pasalțha la dam, mi sawmnga te chuan an thlir țhap ta mai a!
.
Zakulha chuan, a mi beih mek Thlânrawn hotupa Pênglira, palian leh hruanghraû nâ zet mai kûn chunga a tawlh hruaû hruaû lai chu uluk zeta enin, a Chem lian tlê vûr mai a lekna lam, a kut dinglam chu a melh leh zauh zauh țhin bawk a.
.
Chutihlai chuan Pênglira pawh chuan, a bitumpa Lusei rawlthar narân sâ pan lam deuh, a hupurh loh lutuk avanga nuihsawh hmel taka a bitum Zakulha mit leh a ke chheh chu uluk zeta rawn melh tawn ve zuk zukin, Zakulha chet lak tum rawn zuang zawk chu rang taka kun pahin a Chem lian zet chu Zakulha zuang tlang hnung lamah chuan a han vai zui puat a!
mahse Zakulha chu lei a thlen ruala rang zeta a eû nghal zawk avang chuan, Pênglira Chem rawn thlawk chhuak chuan hlauhawm thamin vai thleng hman lo mahse, a hnung zang kutphah chen vel chu a kaû ta hâk mai a!
.
Chuta an han inveh leh zet chu Pênglira chuan Zakulha chu a khawih fuh tawh avang chuan, a hma ai nâ a sah fuh tum leh zeta zuan hmasa ve thungin, a zuan phei laia Zakulha'n rang lutuka lo zuan sawn paha, a Chem a rawn vai zui ve nghal puat ruala Pênglira chu leia a tlak rual chuan awp deuh sutin, leia zuk țhingțhi thleng lo deuha a din mar leh țual țual lai chuan, a mal dinglam vang tan zawnga khap ai thui maha a kaû sen phei duaih mai chu thinrim khur ngur ngur chungin a bih zuk zuk mai a!
.
Chutah zet chuan, Lusei Keite Zakulha ngaihtuahna fing zet chuan, a bitumpa hliam tuar rilru buai ngaihtuahna peng zuk zuk fo mai chu remhre zeta remchangah lo hmangin! Pênglira'n a mal hliam thisen baw zawih zawih lai a zuk bih vawithumna, a rawn hawi chhuah leh rual chiah chuan rang lutuka zuan phei nghalin, a zuan phei laia Pênglira lo insaseng tum, a mal hliam lo lama a tawlh lai chiah chu a rin ang chiaha a bawp na lam ring țha ngam lova a veilama a tawlh ngei ring chunga Pênglira veilam chiaha, a Chem a vai thlâk puat ruala ruh tliak ri tuar leh patling țê râwih ri a inzui nghal țhawt rual chuan Pênglira chu țhu sawp nghal nuaihin, a dâr veilam inhawng thlâ huau kara a thisen a rawn phawn chhuah bawrh bawrh lai chuan, a dâr kaw huau kara a ringruh tliak hmawr ve ve rawn lawr var sâr chu harsa zeta a thâwk rîk hrãwk hrâwk rual chuan a chê zawk zawk mai a!
.
Chutah zet chuan Pênglira hmel chu zâmna hlira khat tawhin, a lû lak tuma a bula Zakulha a rawn pen phei zui chhak chhak lai te chuan a hmâi chu a dâng vâr sâwt sâwt mai a!
.
Mahse, a hma a ding Zakulha chuan, engtikawng maha zuah a tum dawn lo tih a hriat chian em avang chuan Lusei rawlthartê, a zuam ang ngawt nilo zeta huaisen leh hriam chelek thiam lutuk leh a hneh loh, Zakulha chu en pawh en ngam lova maimitchhin sanin! Zakulha'n, a bul a rawn thlen rual deuhthawa rang zet leh nâ zeta a Chem a vai thlawh zawk ruala, Pênglira lu a taksa ațanga rawn thlawk kang chho nawlh chhip sam ziala alo țham chat rual chuan, Pênglira taksa thih sual khur nghal zawih zawih chu kham sang zet lam pan chuan a inleng phei fuat fuata reiloteah khâmah chuan a tawlh liam ta vawn vawn mai a!
.
Chuveleh, amah hruai hrât tute pahnih Hrumcheûva leh Keikawla te chuan, aû râwih râwih chunga rang zeta Zakulha chu rawn pawm kang nghalin, Lal Darkuala fapa Sialkáia meuh paw'n, Thlânrawn ho nen an innuaina lama a ban ruh tliak ûai hnuang chu theihnhgilh țhak khawpin a rawn zuang phei ve nghala. chutih lai chuan, Lal Darkuala pasalțha an inbei lai hmuhnawm tih lutuk vanga țawng chhuah nachang pawh hre lova, meng phawk hrû ho pawh chu Zakulha bula an Lal fapa a zuan phei rual chuan an rawn tlan phei va ta sup sup a.
.
Tawk leh phawt....

[Ngaia]

MIHRANGVAL TE SULHNÛ
. By. Llpa rokhum
.
. Episode - 16
.
. Episode - 15 Recap
.
Tlai ni tlâk thleng rawka Lungtum an han chhek zêt hnu chuan, Chhumtian tlang chhip hmun zawl pen zâ dawn bial chinah chuan Lungtum tian vûm a ding thluah ta mai a!
Chutah zet chuan Hrumcheûva te pathum leh Lal fapa Sialkaia te chu an phûr tawhin, unauhmelhai hun tawhah pawh tlangval hoin Thal nena an țanhmun tur siama inphenna tur thing tum Uipum rual zawna, tlang pang hmun rem deuh lai zawng zawnga meichher nen an la dê thluah thluah mai chu nui var var chungin an thlir kual an thlir kual mai a.
.
Chumi hnuah anni pali pawh chuan uluk zeta an Silai leh an Thalngul te chu en fel veleh thuai thuaiin, pi leh pu te huna Thlânrawn leh Lusei pasalțha rual ngam leh ngam, Pialrál thleng rawka innuai pawh pawisa tawh lo khawpa inhua, a huhoa Thlânrawn ho leh Lusei pasalțha rual INNUAINA RAPTHLÂK ber pawla tun thleng pawha an la sawi țhin, CHHUMTIAN TLANGA LUSEI PASALȚHA RUAL 'MIHRANGVAL TE SULHNÛ' an tih țhin chu a lo thleng dawn ta!
.
> Thinglawn Lal Darkuala khaw pasalțha te leh an tlangval zawng zawng ten, Lal Tâikherha pasalțha rothap pathumte hruaina hnuaia Thinglawn khaw thleng chhun tû, Thinglawn khaw kâi dawna lawn chhuah ngei ngei ngai, chhim lam êpa a khaw kal khan rem awm chhun Chhumtian tlanga an duh ang taka ral ho lo êpna tur an tuk zawh ațanga a zan hnihna tur zan lai takah chuan, khaw chung lawk Chhumtian tlang ațanga lofing hnih vela hla, ngawpui hnuaia zolui luang kawi ngiai ngiai Aitam lui kamah chuan, Thlânrawn ho, mi zahnih dawn chu an pasalțha pawisak leh zahngaihna nei lo zet Penglira ho chuan, Lusei pasalțha pali ten, Thinglawn Lal Darkuala ram chin chhunga an pasalțha, an Lal Phawtlûnga thuchah kenga, Lusei Lal Darkuala hnen ațanga chhiah kâwi tura an kâi lai Lu an lo khâi avanga Thinglawn runa pâl darh vek tumin an țhu nghûk mai a!
.
Mahse, kum chhiat kum a nih avanga an âwllen buh pho êng țan hun lai tak maia, tlang hrang hrang upa ten țám chhilh hlauthawng hial khawpa an thlawhma lak chhunga buh hmin êng tuarh tawh nan pûam lek lek khawpa, karkhat dawn khaw chêng thutin ala țhám vel avanga khaw awm dan ala chian vak loh avang chuan, hmun tin mai chu ala hnâwngin, Thlânrawn hotupa Pênglira'n Thinglawn kâi khân, Chhumtian tlang han bih thlâ hmasa tura a mi tirhte paw'n, Chhumtian tlanga Chhumleivâk tlâ chûk avang chuan, tlang chhipa Lusei pasalțha ho mei dê leh an lungtum chhêk khawl te chu an hmuh loh avangin thawveng zetin an hotupa Pênglira hnenah chuan an kir leh ta vat a.
.
Chutah, a hote pathum chanchin rawn hawn avang chuan, Thlânrawn hotupa Pênglira chuan thâ tho zeta a Silai chu lek kual vut vutin!Thinglawn khaw pasalțha leh tlangval te chu an kawng dâla lo inlek phek ngam an awm loh avanga, an khaw kâi Chhumtian tlang pawh chu an veng ngam lo riâk nia ngaiin, a hote chu nunau pawh zuah lova an laka Chemhâr chhuah hmiah hmiah turin a fuih zui chhur chhur mai a!
.
Chuvang chuan, khawfing chah veleha che chhuak nghal thei tura inpeih tur chuan, chu hun zanlai pelh hma ngei chuan Chhumtian tlang chhip chu chuan chhuaha, thimțin ruala chuta țanga khaw lam hawia tlêh thlâk hûk chu nâwrfung atan hman chî berin a hre ta a.
.
Mahse, Thlânrawn hotupa Pênglira tum dan leh a rel dan chuan, Thlânrawn ho chu an awm thei dawn em!? tih chu an hun lo thleng țan mek chuan a hril dawnin, thâ tho zet chunga meichher nena Chhumtian tlang pan tura an insingsâk sung sung laia, an Fei leh Chem ngawpui thim reh ruih hnuaia a inkhák ri chhuaih chhuaih thawm te chu an rûn turte tan chuan an huphurhawm dawn tih a hriat hle a!
.
Chutih laiin, zanlaia Chhumtian tlang kâi chhoh chu an tum avang leh, țanhmun khâwh an tumna hmun, Chhumtian tlang chu an hriat miah loha Lusei pasalțha hoin inkulh nan an lo hman si avang chuan! pi pu te huna indona hun atana an duh ngai reng reng loh!, ZANLAI INNUAINA hun chu a thleng dawn ngei mai le!!
.
Lusei pasalțha ho chuan, an awmna vela chhum zing deuh chêk chûk te chu hnap tawlh lek lekin an hîp vat vat hlawma. mahse, khaw nuam mang lo hnuaiah pawh chuan, tumah chu inthlahdahna hun insiama têi mai mai an awm loh nan Keikawla leh Zakulha te pahnih chuan an thlithlâi kual zek zek reng mai a.
.
Chutih laiin, Hrumcheûva leh Sialkâia te pahnih pawh an lungtum tian vum thleh thluah bul velah chuan țhu dunin, Thinglawn ațanga Thlânrawn ho khaw hnai ber ni khat leh chawhma kal vela awm, Phawtlûnga khua Chhêklung nena an inkara Thlânrawn ral ho rawn thâng chin tur chu an hisâp lawk diam tawh a.
.
Chuvang chuan, an hisap anga Thlânrawn ho chu an rawn thawk chhuak a nih chuan, zanin ngei hian Thinglawn khaw ram chhung chu an rawn lût ngei ngei tawh dawn! tih leh, a tuk thimțin rual chuan Thinglawn khaw chhung chu luh tumin ral an rawn bawh ngei tawh dawn tih chu an hre chiang hle a.
.
Chuti a nih chuan, zanin hi an tan hun pawimawh a nih zia leh inthlahdahna hun atana hman theih tawh loh hun, fimkhur taka an inkulhna tlang leh a chhehvel zawng zawng bih kualna hun a ni tawh a ni tih an hre chiang dun hle bawk a.
.
Mahse chutia an titi dun mawlh mawlh lai, zanlai khaw thim zing lam boruakin a rawn thlâk țan lai tak, thlifim tleh dan pawh khawchhak lam ațanga khawthlang lam hawia a inthlâk țan lai chuan, an hma lam deuh tlang pang chhim lam êpa ralveng tlangval pahnih te chu, hmanhmawh zeta tlang chhip Hrumcheûva leh Sialkâia te pahnih titi malh malhna lamah chuan rawn tlan chhoin! Chhumtian tlang bulțhut chhak lam deuh hreta, meichher zâ dawna tam chhum kara fiah lo zeta an awmna tlang chhip lam pana rawn dê chho noh noh an hmuh thu chu an rawn sawi ta tlat mai a!
.
Chu thu zet chuan Hrumcheûva leh Sialkâia te pahnih chu a țhawngin, chu mite pahnih hnenah chuan hmun tina tlangval te chu an meichhem ti mit nghal vek tura hrilh paha, tlang chhipa lâwi khawm nghal vek tur leh, Thlânrawn ral an hnaih tawh thu chu hrilh kual nghal turin an han tir nghal zat a.
.
Chu mite pahnih an tlan liam ațanga tuiburhmuamdâ pawh tlingloah chuan, Lusei tlangval pasalțha zawng zawng chu tlang chhipah chuan rawn kâi chho nghal vekin, tlangval ho zinga a âwm báwr tût zual mi sawmli vel, an lungtum chheh vûm lum thla thei tura inring renga tlang chhipa awm tur an ruat fel hnuah, a dang zawng chu chu mite sir tawn tawn tlang panga hlam thum dan zela an thing kham phena, Thalngul kuai chunga awm vek turin Keikawla leh Zakulha te chuan an han sem darh leh a.
.
Chumi hnuah tlang chhipa awm ho chu Hrumcheûva leh Sialkâia'n hoin, tlang pang tawn tawna awm ho chu Zakulha leh Keikawla te chuan an awm chilh ta bawk a.
.
Mahse, an duh ang taka țanhmun an han siam fel hnua tlang chhip ațanga Thlânrawn ho an zuk thlir leh meuh chuan, Thlânrawn ho meichher dê chu a rawn hnai tawhin! tlang chhipah an lo chang a ni tih an khawsâ zia ațanga hriatna âwm a awm miah loh avang chuan, Hrumcheûva leh Sialkâia te chu an nui rû ver ver tawh mai a.
.
Chutih lai chuan Thlânrawn ho lah an kâina tlang chhip, an pan chhoh mek tawpah Lusei pasalțha hoin an lo nghak reng tawh a ni tih hre lêk lova, thawm pawh dim duh mang loa tha tho zeta rawn sawn chho zelin, tlang chhip thlen thuai thuaia tlem chhin sek phawta, atuk thimțin ruala thâ thar nena Thinglawn khua han bawh thlâk hûk an chak tawh thu chu an sawi sap sap hlawm a.
.
Mahse, tlang chhip thlen nan mau tlûk thum vel chauha thui kal leh ngai a awm tawh lai, Thinglawn khaw kawng țum Chhumtian tlang chhip kâina kawng zim deuh lai, Lungpui lian zet leh thing lianzet inkar ațanga an chhuah kim fel chiah hnua a khawma an awm lai tak chuan, Chhumtian tlang chhip chhum zing chûk kar ațanga thawk lehkhata thawm rawn ri hûk chu enge a nih!!? tih ngaithlâ a an hawi hrû hrû lai chuan, an hmazawn chhak lam tlang pang âwih zet ațanga lungtum tam em em, an lam hawia chak zeta rawn lum thlâ mêk, rawn lang thut mai chu râk chêl chûl chunga tlan chhiat san tumin, lung lumin a rawn dên hman ho nâ tuar țê rawng rawng ri karah chuan lungtumin a den fuh ve loh te chu an hma zawn zawnah an meichher paihin an țil nghal ûr ûr mai a!
.
Mahse, a tira lungtumin a den fuh loh tlan darh te pawh chu lungtum dang rawn lum thla leh zel, sang zet zeta insawh kâng thlâ fûr fûr mai chuan an lù leh an taksa ah te ruh tliak ri tuarh tuar khawpa nâ a rawn deng fuh zelin! Lungtum an lum zawh fel ruala tlang pang ngawpui thim zet hnuaia lungtum lum ri leh Thlânrawn ho nâ tuar țê ri ala inpawlh khâwk rûm rûm lai chuan, Lusei pasalțha ho chuan an Thalfang chu an han thlah thlâ leh ta puat puat mai a!
.
Chutah zet chuan Thlânrawn hotupa Pênglira chu a beidawng rû țanin, a hote zinga pathum nen lungpui pakhat phêna an tawm lai chu Thalfang chuan a rawn thâwi thuak thuak ta mai a!
.
Mahse, chutia Thalfang rawn thlâwk thlâ zawk zawk in an inphênna lungpui a rawn sût thawi tak zak zakah chuan, a hma lawka tlang chhip ațanga lung tam zet rawn lum thla hûk, tlang chhip khawilai hmun emawa lung hmun deuh lai nghet vak lo rawn chim emaw a tih kha Lusei ho lung rawn lum thlâk a ni tih chu hrethiam nghalin! ngawpui thim hnuai hmun hrang hranga tlan chhia a hote chu thinrim 'aw' țeng chhuai chhuai khawpa ringin chu thil chu Lusei ho tih a nih thu hrilhin a han aû tuarh tuarh a.
.
Mahse, a hote zinga a zahve deuhthaw chu lungin a den fuh hlawm avang chuan, raldo tlak an tlem tawh dawn tih chu hmun hrang hranga, a hote nâ tuar rûm chuah chuah chuan a ti lang chiang hlêin Pênglira chuan a hre nghal mai a.
chuta chhapah meichher dêtna chi a nih tawh loh chu thuhran, ala dam te chu an tawmna ațangin han tlan chhuak hlawm dawn se, Lusei ho Thalfang thlâwk tawn fuh a hlauhawm tawh bawk si!
chuvang chuan, thawklehkhata Lusei ho Thalfang a hân duak lai chuan ring taka aûin, an tawmna hmun țheuha khawfingchah nghak turin a hote chu a aû kual ta lauh lauh mai a.
.
Chutia Thlânrawn hotupa Pênglira aû lai chuan Lusei pasalțha ho pawh chu an lo infuih ve mekin, ngawpui hnuai thing leh lungpui bela Thlânrawn ral la tawm bo ho chu, anni aia an tam a rin tawh bik loh thu Hrumcheûva chuan Sialkâia chu a han hrilh zawi thâwp sat mai a.
.
Chutia Hrumcheûva'n, Sialkâia hnena a ngaih dan a sawi lai chuan Zakulha leh Keikawla te pawh an bulah chuan rawn kâi choin, "kan Thalfang thlahin Thlânrawn la dam ho a nâng fuh thei tawh rih lo e!, engtin nge hâr kan pek leh dawn? Ucheû" Zakulha chuan a han ti a.
.
Zakulha zawhna chu Hrumcheûva chuan han chhan mai dan tur a hriat loh avang chuan, Sialkâia leh Keikawla te chu an ngaihdan a han zawt veleh a.
mahse, Keikawla leh Sialkâia te pawh chuan ngaihdan fumfê han rawt chhuah mai tur an hriat bik loh avang chuan, tlangval pakhat chu midang ko khawm turin Hrumcheûva chuan a han tir leh rih a.
.
An vaia an awm khawm hnu chuan, Thlânrawn ral ho chu hliam tuar chê thei lo an tam a rin thu leh, ala dam lungpui leh thing phen bela tawm ho chu anni aia an tam a rin tawh bik loh thu chu Hrumcheûva chuan a han sawi leh a.
.
Chuveleh Lusei Keite Zakulha chu rang zet leh zawi thâwp deuh sapa rawn țawng chhuakin, "kan Thlânrawndulkhâk ho chu an tawmna hmun hmunah khuan zuk hlâi mawlh mawlh ila a ni mai lawm! thimțin kan nghah chuan a tu mah mah inpawh loin kan ințin san mai dawnin ka hria, keini kan chhuk chuan min lo hmu tawh anga, anni an rawn chhoh chuan duhthâlin kan lo sâi thei bawk dawn tih an hre ve tho dawn, mahse kan hotute ngaihdan dan ni rawhse" a han ti ngâl ngâl mai a!
.
Chutia Zakulha'n a ngaihdana rawn sawi takah chuan, a rawtna huaisen thlâk zet chu Hrumcheûva leh Keikawla duhdan alo nive chiah mai a!
mahse, Sialkâia leh tlangval dangte ngaihdan chu ngaihchan ve țha a Hrumcheûva te pathum chuan an hriat avangin, anni pathum duh dana tih chu an thlâwp ve em!? tih chu Sialkâia leh a pasalțha râwn tlâk deuh ho chu a han zawt veleh a. mahse Sialkâia leh a pasalțhate pawh chuan, Zakulha rawtna bak kha rawtna țha dang han puak chhuah tur an hriat loh thu an lo sawi ve takah chuan, an Thalngul zawng zawng chu inpawmchilh dawn chuan a hnawk dawn thu leh a hman thlâk dawn loh thu Hrumcheûva chuan sawi zuiin, "thawm dîm thei ang berin kan veh thlâ anga, mahse, ngawpui hnuai hi heti khawpa a thim avang hian, keimahni leh keimahni inhlâi palh pawh a awl hlê dawn a! chuvangin, Thlânrawn ho nen kan innân buai lûai hunah chuan in Chem lék lohna lam kut khan in hâr lakna tur mi chu an chhip dâp hmasa hrâm zel ang che u" zâwi deuh sapa tih pahin, an kut thlak turte chu Thlânrawn anni ngei tih hriatna an lu chhip sam zial dap hmasa hram zel turin a han chah a.
.
Chumi hnuah an vai chuan a khawma kal lo tura insem darhin, hlamnga dan vel zelah thawm dîm zetin Chhumtian tlang pang ngawpui hnuai thim mup lamah chuan an chhuk ta țhem țhem a.
.
Zakulha chuan, a mit naute tlê kalh khawpa Keite mit ang maia zan thim hnuaia alo hman țangkai fo tawh a mit țha zet mai chu hmang lehin, a taksa chêr ria thâ hrui lian țelh țawlh inphiar kal ralh ralh khawpa, thim zinga a pût zeuh zeuh mai chu a bitum tur tán chuan hmachhawn a chakawm loh hmel hle mai a!
a hma zawna lungpui leh thing awm reng reng chu thim zinga a mit vâr zet mai chuan thlithlâi thla zelin, tlang chhip ațanga mau tlûk thuma thui a pelh thlâk fel meuh chuan, țhâng buk leh khuar deuh bela lo mû Thlânrawn ho hliam tuar engmah ti thei tawh lo tih hriat zeta lo rûm hâk hâk te chu a kalpêl thla dân dân zel a.
.
Chutah, thawm chhuah eih lova a hma lawka thing lian zet zung thlâr ding deuh țhuak a kal pel fel chiah tihah chuan, chu thing zung thlâr ding lam hreta thingkâwr leh enge maw, zawitea innawt ri hrâih chu a beng țha zet chuan a hre ta a.
chuveleh ngawi renga ding chatin! muangchanga chu thing zung thlâr dinglam melha a hawi phei rual deuhthawa, chu thing zung thlawp chiaha chiang lo rûaiha mipakhat lo ding chu rang lutuka zuan pahin a Chem chu chupa lu zawn âwm velah chuan a vai phei puat mai a!
.
A Chem vaiin chupa taksa a thlen rual chuan, patling țê țhawt thawm chuan chulai hmun chu luah khat nghalin, chupa tlu ri thlawp chu chiang lo ruaiha en chunga zak kaû zawk zawk khawpa nâ-a a sah zui leh zat lai chuan hmun tin mai chu patling nâ tuar țê thawm leh tisa thlêr ri nen! a kar lakah ruh țhankin tliak tuarh tuarh riin a pawlh nghal nuaih nuaih mai a!
.
Chutah zet chuan, Lusei leh Thlânrawn ho ngam leh ngam incho leh incho, Pialral thleng rawka innuai mai duh khawpa inhua te innuaina rapthlâk zet thawm chuan, Chhumtian tlang ngawpui zan thimin a chhilh thim leh zual hnuai chu a khah ta rem rêm mai a!
.
Mahse, tumah inthliar fel hleih theih loh khawpa thim a nih avang chuan!, a tu lam ve ve pawh chuan duh anga chêt chu a har an tiin, hmun țhenkhatah phei chuan mahni hnampui te lu lo chhawk nawlh nawlh tawk pawh an awm chho țan ta mai le!
a țhen an inûmna lamah Chhumtian tlang pang tlâk lam kham sang lutuk tak maiah te chuan an tlan liam palh bawk!
Zakulha te ang mit țha bik nei lem lo tan chuan, mahni invenna khawpa chêt lâk takngial pawh chu a har chho ta telh telh mai a.
.
Mahse, khawfingchah thleng rawka an han innuai meuh chuan, an hotupa Hrumcheûva thuchah an zawm hram hram chu Lusei ho chuan chêt țhat pui deuh zawkin, khawfingchat mek êng țan ruaih tawh hnuaia Chhumtian khâm sang lutuk tak mai, zan lama Lusei pasalțhain Thlânrawn ral sawm dawn, ram chin hre chiang lo zawk an um liamna ko bul hmun thelh zet laia, Lusei Keite Zakulha leh Thlânrawn hotupa Pênglira te inmalcho mêk lai chu Lusei pasalțha la dam, mi sawmnga te chuan an thlir țhap ta mai a!
.
Zakulha chuan, a mi beih mek Thlânrawn hotupa Pênglira, palian leh hruanghraû nâ zet mai kûn chunga a tawlh hruaû hruaû lai chu uluk zeta enin, a Chem lian tlê vûr mai a lekna lam, a kut dinglam chu a melh leh zauh zauh țhin bawk a.
.
Chutihlai chuan Pênglira pawh chuan, a bitumpa Lusei rawlthar narân sâ pan lam deuh, a hupurh loh lutuk avanga nuihsawh hmel taka a bitum Zakulha mit leh a ke chheh chu uluk zeta rawn melh tawn ve zuk zukin, Zakulha chet lak tum rawn zuang zawk chu rang taka kun pahin a Chem lian zet chu Zakulha zuang tlang hnung lamah chuan a han vai zui puat a!
mahse Zakulha chu lei a thlen ruala rang zeta a eû nghal zawk avang chuan, Pênglira Chem rawn thlawk chhuak chuan hlauhawm thamin vai thleng hman lo mahse, a hnung zang kutphah chen vel chu a kaû ta hâk mai a!
.
Chuta an han inveh leh zet chu Pênglira chuan Zakulha chu a khawih fuh tawh avang chuan, a hma ai nâ a sah fuh tum leh zeta zuan hmasa ve thungin, a zuan phei laia Zakulha'n rang lutuka lo zuan sawn paha, a Chem a rawn vai zui ve nghal puat ruala Pênglira chu leia a tlak rual chuan awp deuh sutin, leia zuk țhingțhi thleng lo deuha a din mar leh țual țual lai chuan, a mal dinglam vang tan zawnga khap ai thui maha a kaû sen phei duaih mai chu thinrim khur ngur ngur chungin a bih zuk zuk mai a!
.
Chutah zet chuan, Lusei Keite Zakulha ngaihtuahna fing zet chuan, a bitumpa hliam tuar rilru buai ngaihtuahna peng zuk zuk fo mai chu remhre zeta remchangah lo hmangin! Pênglira'n a mal hliam thisen baw zawih zawih lai a zuk bih vawithumna, a rawn hawi chhuah leh rual chiah chuan rang lutuka zuan phei nghalin, a zuan phei laia Pênglira lo insaseng tum, a mal hliam lo lama a tawlh lai chiah chu a rin ang chiaha a bawp na lam ring țha ngam lova a veilama a tawlh ngei ring chunga Pênglira veilam chiaha, a Chem a vai thlâk puat ruala ruh tliak ri tuar leh patling țê râwih ri a inzui nghal țhawt rual chuan Pênglira chu țhu sawp nghal nuaihin, a dâr veilam inhawng thlâ huau kara a thisen a rawn phawn chhuah bawrh bawrh lai chuan, a dâr kaw huau kara a ringruh tliak hmawr ve ve rawn lawr var sâr chu harsa zeta a thâwk rîk hrãwk hrâwk rual chuan a chê zawk zawk mai a!
.
Chutah zet chuan Pênglira hmel chu zâmna hlira khat tawhin, a lû lak tuma a bula Zakulha a rawn pen phei zui chhak chhak lai te chuan a hmâi chu a dâng vâr sâwt sâwt mai a!
.
Mahse, a hma a ding Zakulha chuan, engtikawng maha zuah a tum dawn lo tih a hriat chian em avang chuan Lusei rawlthartê, a zuam ang ngawt nilo zeta huaisen leh hriam chelek thiam lutuk leh a hneh loh, Zakulha chu en pawh en ngam lova maimitchhin sanin! Zakulha'n, a bul a rawn thlen rual deuhthawa rang zet leh nâ zeta a Chem a vai thlawh zawk ruala, Pênglira lu a taksa ațanga rawn thlawk kang chho nawlh chhip sam ziala alo țham chat rual chuan, Pênglira taksa thih sual khur nghal zawih zawih chu kham sang zet lam pan chuan a inleng phei fuat fuata reiloteah khâmah chuan a tawlh liam ta vawn vawn mai a!
.
Chuveleh, amah hruai hrât tute pahnih Hrumcheûva leh Keikawla te chuan, aû râwih râwih chunga rang zeta Zakulha chu rawn pawm kang nghalin, Lal Darkuala fapa Sialkáia meuh paw'n, Thlânrawn ho nen an innuaina lama a ban ruh tliak ûai hnuang chu theihnhgilh țhak khawpin a rawn zuang phei ve nghala. chutih lai chuan, Lal Darkuala pasalțha an inbei lai hmuhnawm tih lutuk vanga țawng chhuah nachang pawh hre lova, meng phawk hrû ho pawh chu Zakulha bula an Lal fapa a zuan phei rual chuan an rawn tlan phei va ta sup sup a.
.
Tawk leh phawt....

[Ngaia]

MIHRAGVAL TE SULHÛ
. By. Llpa rokhum
.
. Episode - 17
.
. Episode - 16 Recap
.
Mahse, a hma a ding Zakulha chuan, engtikawng maha zuah a tum dawn lo tih a hriat chian em avang chuan Lusei rawlthartê, a zuam ang ngawt nilo zeta huaisen leh hriam chelek thiam lutuk leh a hneh loh, Zakulha chu en pawh en ngam lova maimitchhin sanin! Zakulha'n, a bul a rawn thlen rual deuhthawa rang zet leh nâ zeta a Chem a vai thlawh zawk ruala, Pênglira lu a taksa ațanga rawn thlawk kang chho nawlh chhip sam ziala alo țham chat rual chuan, Pênglira taksa thih sual khur nghal zawih zawih chu kham sang zet lam pan chuan a inleng phei fuat fuata reiloteah khâmah chuan a tawlh liam ta vawn vawn mai a!
.
Chuveleh, amah hruai hrât tute pahnih Hrumcheûva leh Keikawla te chuan, aû râwih râwih chunga rang zeta Zakulha chu rawn pawm kang nghalin, Lal Darkuala fapa Sialkáia meuh paw'n, Thlânrawn ho nen an innuaina lama a ban ruh tliak ûai hnuang chu theihnhgilh țhak khawpin a rawn zuang phei ve nghala. chutih lai chuan, Lal Darkuala pasalțha an inbei lai hmuhnawm tih lutuk vanga țawng chhuah nachang pawh hre lova, meng phawk hrû ho pawh chu Zakulha bula an Lal fapa a zuan phei rual chuan an rawn tlan phei va ta sup sup a.
.
> Chutihlai chuan, an chhak tlangdung ațanga khaw êng rawn inlâr paw'n an awmna Chhumtian ngawpui hnuai chu a rawn bawh êng uarh tawh a.
.
Mahse, Chhumtian tlang ngawpui chhung âwi țhin tu Nungchâ leh Sava chitin reng te erawh chuan, an tualchâina hmun ngawpui chhunga Lusei pasalțha ho leh Thânrawn ral ho ruang, lei dâpa thisen luan kâwih zekzûk chunga hmun tin maia thi phâr henghûang te chu hrethiamin rapthlâk anti ve hlê emaw tih turin 'aw' chhuah zai reng rel lovin an tawmim țhap mai a!
.
Chuvang chuan, Lusei pasalțha rual la dam mi sawmnga chuang hret te'n, ngawpui hnuaia an țhian te lu bung leh taksa zawnga hmuntin mai dap kuala an vei thauh thauh lai te chuan, kumkhua a anlo luah țhin Chhumtian tlang ngawpui hnuai chu chhuah sanin, thihnain ro a rel ve lohna hmun tlang leh mual hran an kâi zo ta emaw tih turin an hram chu sawi loh, an che vel takngial pawh hmuh tur an awm lo tawp mai a ni!
.
Ani lah taka!, Chhumtian tlang ngawipui hmun tin mai chu pipu ten Țiau kana an rawn inchhir thlâk ațanga, hnam leh hnam inhuatna avanga hmun khata pasalțha an inthah nasat ber țum a niin! hemi zana Thlânrawn ho leh Lusei pasalțhate thlarau, Chhumtian tlang ngawpui ațanga Pialral kâi tura pipute thlarau pal tluang Rihdil dung chhir tura liam tâ te hi an vaiin mi zahnih chuang anni hial reng a!
.
Hei vang hian, he an indona hmun Chhumtian tlang leilung hmun țhenkhata lungpui chung te phei chu tun thleng hian, favang chho buh hmin țang nan ûai deuh salh khawpa ruah mualliam a thlen chang tehchâwk te hian Thisen ang maiin ala sen lâr vût țhin an ti hial a!
.
Chutih laiin, he inbeihna rapthlak zet hian, hemi hnú deuha hla ropui zet zet hmanga Lusei Lal te ti ropui zual țhin tu, Lusei Lal zinga Lal ropui zet Lallula leh a khua ten Thlânrawn ho an ráwt vak hnu leh! Halkhâ ho pawh che ngam twh loa Țiau rala an tawm chhoh tawk hnu lawk, Lusei ho pawh ngaihngam taka an awm chhoh țan laia Buh lem țhapa Zawlbuk hnuai vela tawlh rual chauh la ni țhin, hetih laia tleirawl in phut nalh zet rawn ni chho țan mek Lusei tleirawl tlâwntlâi țhâ, hla phuah leh zâi thiam zet, pathlawi ațanga rawlthar Vaibel dawn inlek phek țan ûaih ûaih thei tawh china ngaih zawng zawng deuh thaw ten, khumpui kâipuia hmar thlipui thawk ang maia a kâkpui nghawr nghin atana an ît rawn khawpa mipa chêl ziât, Lusei hla kungpui pakhat Hmuaki (tun hnua Pi Hmuaki an tih țhin) meuh paw'n, Chhumtian tlanga ngaihawm taka an thlarau thlah tu, Lusei Mihrangval huaisennain a thuam te thihna chu thlahna hla lungkuai zeta chhilh hnan hialin!
.
"Tian tlang Chem hâr ka dang zo lo awi maw..!
"Mihrangval te țuanna pialral lamtluang a zau lûr e.
"Lunglohtui dâwna hawilopár tawn tawh famkhaw lêng te u..
"Hring tual hnuchhawn mihrangval rual te Pialrâl lampui chhir lâwi Tiandarbu nen lo âwi nang che u'.
.
tiin, he inbeihna rapthlak zeta Lusei pasalțha te'n an ram chin humhalha Thlânrawn ral ho an lo nawr lêtna avanga an thihna chanchin, an khaw putar pakhat kâ ațanga a dawn ni zet chuan, țap zawih zawih chunga mitthi tawhte thlarau hnena Lusei pasalțhate thlarau lo hmuak tura ngen hialin! an chhak tlang Chhumtian tlang thlir chung hian, he a hla phuah ruahțham loh thu hi a chham chhuak mawlh mawlh mai a ni an ti!
.
Hrumcheûva te ho chuan, ngawpui hnuai thisen baw kawi zêkzûk kara an hote ruang, an lu leh taksa tla darh neih nuaih an han thliar fel meuh chuan an chung lamah Ni pawh a her bâwih tawh mai a!
chutih lai chuan, hliam tuar hnuk thlah hlauhawm khawpa chau tawh te chu tlangval sawm velin lo buaipuiin, Hlâng tur siama buai ho paw'n thingtuai leh mau, an hmuh theih ang ang fawm khawm hnâ chu an thawk ngawrh ngat ngat hlawm hle a.
.
Mahse, an duh ang taka an han inpeih fel meuh chuan khua chuan a rawn thim hnân dawn ruai ani tawh mai a. chuvang chuan, khaw chhung lama hliam tuar leh ruang thiar luh hnâ pawh chu meichher nen an han țan zui leh ta a.
.
Mahse, chutih lai chuan Sapui pathum vel hian an thlang lama Thlânrawn ho ruang, senghawi loha lêt pheng phung thisen hû liah chu tuma rawn vel reng țhinin!
an mahni kutthlak ngei, an ngho hnuhma lang ngei deuh chauh ei duh Sapui pathum te chuan, Thlânrawn ho thisena inliak vir laklawh tawh chunga, reiloteah thisen vawt aia thisen lum beiseina neia anni ho chu an rawn bawh mai Hrumcheûva chuan a hlau thawng țan ta tlat mai a!
.
Mahse, a hlauh thawnna chu a hote lakah chuan ti lang duh lovin, tlangval zawng zawngin hliam leh ruang thiara Thinglawn khaw lam pana an liam san lai te chuan, Keikawla nen chauh chuan meipui bula an ruang mut khawm thluah, lu bung leh kawchhung lang heû hûau ho chu an veng dunin, an thlang lam ngawpui thim mûk tlat mai kara Sapui țhankin pathumin Thlânrawn ho thisen, lungpui leh thing zungthlâr vela luang an liah rîk țhuam țhuam laia Patling thlaphang 'aw' lungchhe zeta țap fap fap thawm rawn ri chhuak țhin te chuan an beng a luh ve hle a.
.
Chutiang thawm hlir an hriat takah chuan, ral mah nise an thisen êm Sapuiin diriam zeta a liah sak avanga Thlâphang zeta an Thlá țap țhin chu Hrumcheûva leh Keikawla te chuan ngaihthlak hrehawm an tiin! "mi ruang dâi tawhte chungah êm chuan zahngai ve tawh ula maw le..!!, in rawn kâina tlang hi hnuchhawn harsâ ti khawpa rilțam in nih paw'n, thisen fâr ral tawh hring mite chungah êm chuan zahngai zahngai"! Hrumcheûva chuan a han ti leh sap sap țhin a.
.
Mahse, chuti chung pawh chuan Sapui pathum te chuan an thil tih lai chu kian san duh loin, Hrumcheûva hlauhthawn ang ngeiin a thisen lum zawk ruang venga awm, Hrumcheûva leh Keikawla te pahnih awmna tlang chhip chu an rawn hnaih țan ta tlat mai a!
.
Chuveleh an thawm rawn hnâi thuak thuak țhin chu Hrumcheûva leh Keikawla te chuan hrethiamin, an indo lai pawha an hman phal tawh loh, an Silai zen neih chhun tak tak nitawh chu meipui vur belh sauh sauh pah chuan an han sawh chat chat mai a.
.
Mahse, an Silai zen an han sawh zawh hnu lawk chuan, Sapui pathum te chuan an tih dan ngai bawka Thlânrawn ho thisen chu zuk liak lehin, tlang pang hmun hrang hrang chu Sapuiin Thlânrawn ho thisen a liah avanga an Thlâ âi ri, chhuak em ema patling insût ri leh Keipui lei thap zet, Sakhi pum hmul pawh liak kawlh vek thei khawpin an thisen a liak lui țhuam țhuam ri chuan a khâh leh ta a!
.
Mahse, chutia an thlang lama an tlâk thlak hnu lawk, thawm hrang hrang an hriat zui leh ațanga tuiburhmuamdâ pawh tling loah chuan, Keikawla chu mutchhuak namên loin a rawn zêm țan ta a!
.
Chutah zet chuan Hrumcheûva chuan, Keikawla chu Sapui hû âikaih a ni ang tih chu a hrethiam nghalin! "Țhianpa..,patling țhankin ngûm khî tawh tan tun ang bâkchhe len hun liam chauh hi mutchhuahna hun a ni lo-ve! inthing harh la i kawldâwi kha han lek kâng ta che maw le" tih paha a dâra a han sawi nawk nawk pawh chuan Keikawla chu meng dûar chungin a bu ngawih ngawih ta mai a!
.
Chutih laiin an meipui chheh lah thing hnawng leh hnah ro vur mai an nih avang chuan, a alh bak hnawng chep chuap chuan mei âlh chu a ti hnîm țanin, mei âlh êng chin zim tulh tulh chu Sapui pathum te chuan an rawn ngampat phah sawt hle mai bawk si!
chutah meuh phei chuan, Lusei pasalțha Hrumcheûva chu hlauhna aiah thinrimna chuan a thinlung chu rawn bual țanin, "zahngai tura țawng ka thlah hnuah pawh kan lakah buaina in ngên a maw!? mipa leh arhluisên chuan damrei kan tum vak lo-ve" tih paha a Silai chu a rawn lang hmasa sa kap tura inpeih nghal chunga din chhuah paha lek kawh nghalin, meipui êng dûl mêk, êng chin leh chin loha thawm rawn awmna zawn apiang chu a tin kual ta thiak thiak mai a.
.
Mahse, chutih lai tak chuan, an thlang lawka meichher pahnih rawn dê chho chu Hrumcheûva chuan a mit sir chuan zuk melh zawkin, chumi hnu lawka Zakulha leh Sialkaia te an rawn lan hlawl ruala, meipui sir an veilama ruang pakhat Keipui pakhatin a rawn lak nawlh rual chuan Hrumcheûva Silai chu a puak nghal dur mai a.
.
Chutah meuh chuan Keikawla pawh Silai puak thawmah chuan rawn harh zawkin, Zakulha leh Hrumcheûva te pathumin Hrumcheûva keipui kahna lam, țhâng buk hmuna luh tuma an kûn phei țham țham lai chu rang zetin a va fin ve ta thuai a.
.
Mahse, chulai țhang buk an han luh chuan, thisen baw nuaih chu Keipui thisen nge a ruang put thisen ni ang!? tih an hriat theih tawh loh avang chuan an vai chuan let leh nghalin, Zakulha leh Sialkâia te an rawn thlen hnu lawka rawn thleng ve, tlangval țhen khat hoin phawk hrû chunga an meipui chheh an lo vur belh sauh sauh lai chuan meichher siama, an Thal nena inring nghal vek turin Hrumcheûva chuan tlangval ho chu a han hrilh nghal zung zung a.
.
Mahse, ahuhoa Keipui pathum bei tur chuan fimkhur angaih zia Hrumcheûva te pali chuan an hre chiangin, tlangval an rawn thlen khawm kim hnu chuan pawl li ah an țhen ta a. chumi hnuah an pali chuan pawl khat zel chu hruaiin, ruang veng tur paruk an ruat leh hnuah meichher nen an thlang lam Chhumtian tlang pangah chuan an liam thla ta a.
.
Hrumcheûva leh a hote chuan, Keipuiin ruang a rawn lakna tlang pang tlâk lam chu an han hrût thla țan ta a.
chutih laiin Keikawla ho leh Sialkâia hote chuan anni chu an sir tawn tawn mau tluk thum vela hla ațanga thlâwp thlain, Zakulha leh a hote chuan tlang chhim lam êp chiah chu an hrut ve ta thung a.
.
Mahse, an liam thlakna lai ațanga mau tluk sawmthum vela hla hi zan lama Thlânrawn ral ho tam fê an ûm liamna kham sang namen lo kha a nih leh tawh avangin, Hrumcheûva chuan Keipui in chulai kham lam chu an pan a nih chuan, tumah rilru hmang lo zeta tlan liam ngawt lo turin a chah pah mawlh mawlh reng bawk a.
.
Mahse, ruang rawn la tu Keipui hnu chu thui pawh an chhui hmain a ruang lak chu thingtuluang uipum rual vel lungpui chunga inkhang kai, leia a innghahna bul lawka mawngtam hêk huam chunga alo inbâng hnawp mai chu zuk hmuin!, chupa ruang bawihsawma meichher nen an buai laih laih lai chuan, Sialkaia te awmna lama Keipui inhrosa thawm leh mihring râk țhat țhat ri chu an hre ta a!
.
Chuveleh Hrumcheûva chuan, a hote zinga pathum hnenah chuan rang taka tlang chhipah ruang chu kâi chhoh pui tura hrilh nghalin, midang zawng chu hruaiin Sialkaia te thawm awmna lamah chuan fimkhur zetin an phei ta a.
mahse, mautluk thum vel an kâl âwrh ang tihah chuan an hma lama hnahthel rawn ri phei buan buan chu din nghal țhap paha, an Thalngul kuai bial nghal pawp chunga uluk zeta an vai chuan an hma lam chu melh nghalin! thawklehkhata an meichher ên chin leh chin loha, Keipui mit pali rawn dê țhiang țhawt lamah chuan an Thalfang chu an thlah vung phei țhawt mai a.
.
Chuveleh Keipui pakhat zawk chu an rawn tlanna lamah chuan hûk tuarh chunga rang zeta let leh nghalin! Pakhat zawk chu an chhak lamah a lim chho ta daih mai a.
Chutah, Hrumcheûva chuan a hote chu fimkhur taka bawh chho tura hrilh nghal zatin, a Thalngul chu a kawnga a suih beh te te hnuah, a Fei chu a lu chunga lek chhoh pahin Keipui chhohna zawnah chuan a kal chho ta nghal a.
.
Mahse, an meipui chhehna tlang chhip thlenga an chhui chhoh leh pawh chuan an Duhlian țawng thiamlova chu an hmuh tak loh avang chuan, an thawm hria a an mahni rawn fin tuma rawn tlan Keikawla te ho pawh tlang chhipah chuan an rawn kai ve chiah bawk a.
.
Chuta Keikawla hote leh Hrumcheûva hote han inhmu khawm chuan ro thar rel nghal vatin, an vai chuan Zakulha te leh Sialkaia te ho awmna lamah chuan tlâk thlak veleh chu tumin an meichher te chu an han puah țha leh sawk sawk a.
mahse, an inpeih fel hma chuan, an thlang lama Keipui inhrosa thawm leh mihring nâ tuar țe râwih rawih thawm avang chuan hman hmawh zetin Hrumcheûva leh Keikawla ho chuan chu lam pan chuan an lim thla ta pur pur a.
.
Mahse, chu thawm awmna an zuk thlen meuh chuan Sialkaia hote zinga pakhat chu țhang buk lian zet hnuaiah Keipui pathum te chuan, Zawhtein a Sazu man a ei hma-a a chhaih hmasa ang maiin an lo beng per lawp lawp mai a! chutih lai chuan an thlang lam ațangin Zakulha leh a hote pawh an rawn thleng chho tawh bawk, an vaia meichher nena chulaia an han awm khawm meuh chuan an thil hmuh avang chuan an thinrimna chu a so bulh bulh mai a!
.
Mahse, chu hun tak chu fimkhur taka chet a țul hun a ni tih Hrumcheûva chuan a hriat chian avang leh, hual chhunga Keipui pathum te kuta awm an țhianpa chu chhan tlak awma a hriat tawh loh avang chuan, luh chhuah dan tur țha zawk leh Keipui kâ chhunga inbarh lut awm tawh lo tura Chemhâr lâk dan tur chu a han gaihtuah nghal zung zung a.
mahse, a rorel dan a sawi zawh rual deuhthaw chuan, hual chhunga Keipui pakhat chuan Keikawla hote zinga pakhat dinna lamah chuan rawn kal phei paha hriam zeta rum ziaû țuk chunga chupa chu zuan tuma rawn awp hniamin! a rawn zuang tur chiah a tawlh hrut rual chuan chupa hmaah chuan Zakulha chu a rawn ding ta chat mai a!
.
Chutihlai chuan midang ho chuan Keipui dang pahnihte chezia chu uluk taka lo thlirin, Zakulhan chupa hma a zuan luh paha a lu chung lama a Fei a lek kawh chhoh rual deuh thawa, Keipui rawn zuang țan chiah âwm tût lai tak maia a Fei chu tawng chen zeta sei lût zawk khawpa nâ-a a han khawh luh pulh ruala a bawh leh nghal rawk laia a Keipui khawh thlûkin, a awma a Fei khawh bur vuh tal tliah tuma a inthin vak vak laia a zakdawh leh a rem lai laia a Thalfanga a sai zui nghal zat zat lai chuan, midang zawng pawh chuan an Thalfang chu hual chhung lam hawi chuan an thlah lut puat puat hlawm mai a!
.
Chutah zet chuan Keipui pahnihte pawh chuan, an taksa hmun hrang hranga Thalfang lut bur fer fur chu nâ ti zet chunga hûk pui tuarh tuarhin, țhang buk kar ațanga rawn tlan chhuah tuma an rawn lim chhuah puat puat lai chuan, Hrumcheûva leh Keikawla te pahnih Fei chuan Keipui pakhat zawk chu a nâk nêmah leh a dulah tumah a rawn man fuh hmain lei dêp zawk khawpin a thil leh ta pûk mai a.
.
Chuveleh ala inthazo ber chu rang zeta inherin, a dinglam sirah chuan Thalfang pu bur fur chungin a dawk chhuak ta pur pur mai a.
Mahse, a tlan chhe ber chu Hrumcheûva chuan tuman ûm zui rih lo tura khap vatin, Keikawla nena an khawh fuh leh Zakulha khawh te pahnih, an taksa a Fei leh Thalfang bur tal tliah tuma hûk dum dum chunga anla buai mek chu kap turin a han hrilh zui leh nghala.
.
Chutah zet chuan Keipui pahnih, hual chhunga hliam tuara tal bulh bulh te chu an zâl dun nghalin, an thih fel hnua an han ên chian meuh chuan, Zakulha Fei chuan a Keipui khawh chu a lung leh a hâm thil thlêr thlain zuang kang leh thei chi ziazâng alo ni lo hle tih an han hmu a!
chutih lai chuan midang ho chuan an țhianpa ruang chu lainat zeta lo hlawm thuaiin, tlang chhip lam pana an zawn chhoh lai te chuan an Keipui beih chu tam hnehin Thalfang tawng tam hrim lo phei sela chuan, Lusei Keite Zakulha meuh pawh kha Keipui dang pahnihte khan an zuan hman ngei dawn tih Hrumcheûva chuan a ngaihtuah lêt roh roh mai a.
.
Tlang chhip an thlen chhoh hnu chuan, tibuai tu leh rawn țhawng tu a awm tawh loh avang chuan reilote an chawlh hahdam hnuah ruang thiar hnâ chu an țan leh ta a.
Mahse, an chauh tlan tawh em avang chuan zanlai arkhuan hun dawna thâwk lak paha an han chawlh lai te chuan, a naupang lam te phei chu an muthlu ta lâp láp mai a! chuvang chuan, an hotute pahnih Hrumcheûva leh Sialkâia te chuan, an hote chu inti paûkhauha an unaute ruang chu hmunhim an thlen zawh hma chuan inthing harh hram hram turin an han fuih leh sauh sauh țhin bawk a.
.
Mahse an țhiante ruang zawng zawng khua an han kâi kim pui meuh chuan zing lam khawfing chat tur kawl rawn êng lawk chuan an chhak tlang dung lian zet Khuanglâk tlangdung chu a rawn thâwt êng deuh ruaû ruaû tawh a.
.
. Tawk leh phawt...