Episode - 31
Episode 30 Recap : Tumchhingi bawk chuan, "Thangmawi, in mite hi i chhanchhuak duh anih chuan..? kawng pakhat chiah tunah chuan thlan tur in nei a.. Mahse.... ahan ngawi vang vang a, in zavaia dam khawchhuahna erawh ani thei dawn lo ani," ahan ti chuai raih a. Thangmawia chuan thil awmzia ahriat loh em avang chuan, "Tumchhingi, hnenah chuan, enge i thilsawi awmzia chu? ahan ti hâ a. Tumchhingi chuan, "Thangmawi, in mi ûm mêkte hi kan lo sawi fo tawh țhin" i pa unaupa Lianchhungate khua kha ani a, in mi ûmte hi khawchhung an luh hun innghah angai dawn ani, nang hian i pa unaupa chu ilo va zawng hmu hmasa anga, ani chu thil engkim i hrilh hnu ah hma inlak leh zel dan tur chu kan la in hriattir dawn ania..ahan ti a. Tumchhingi chu ahan ngawi vang vang a.. Thangmawia chu ahan en a, amit takah pawh chuan en țha ngam lo chuan, "Thangmawi, hnuai lam chu ahan bih deuh ngar ngar a, arawnin sût ta hraih hraih a..
Chutia Tumchhingi lungchhe tak mai a arawnin sut tak hraih hraih ah chuan, Thangmawia chuan, "Tumchhingi, hnenah chuan," ka țhian, eng thil diklo nge awm ta maile? Min han hrilh thuai teh khai" tiin alo be nghal thuai a.. Tumchhingi pawh chu rawn dak chhuakin, "Thangmawi, ka thilsawi kha ahlawhtling ngei ang tih ka tiam theilo che a.. Mahse, in tana kawngțha ber ni a kan hriat awm chhun ani. He thil hi lo ti thei ta ni ula i mite chu i hruaichhuak thei maithei a, Mahse, i hmangaih ber Remmawii chuan anghak zo ve loang che u tih ka hlau khawp mai," ahan ti chuai raih a. Thangmawia chuan, engvang chuan nge ani chu atelve theih dawn loh a? Enge thil awmzia ni ngai le? alo ti thuai a.. Tumchhingi chuan, "Thangmawi, tunah sawn râl ho zinga an hruaitu pakhat chuan, Remmawii chu sal ho zingah pawh a awm ve phal lo in, ahmei atan tiin' ani chu akiangah engtik lai pawhin a awm tir a.. Mahse, chu thil chu, i hmangaih em em Remmawii tan chuan, chupa hmêi nih a hringnun hman aî chuan, pialrâl a chatuan a i kianga awm tawh tura lo nghah che chu athinlung chuan athlang tawh ani. Ani chuan khawchhung an luh thleng a i hmel ala hmu lo anih chuan, hring chan chhung chuan ani chu i hmu leh tawh ngai lovang. Chutiang tur chuan arilru asiam fel tawh tih ka hria asin! tiin" Aw țial ruan chuan arawn sawi thei hram a.
.
Chung thil Thangmawia'n ahan hriat meuh chuan, a thinrim lutuk chu thlan tla bawrh bawrh chuan ahan leng deuh at at a.. Chutah, Thangmawia chuan alû chu ahan thing ngut ngut a, Tumchhingi thusawi lai pawh chu ahan chawl det a, Tumchhingi chuan rawn sawi chhunzawm lehin, "Thangmawi, ka kal ahun mai dawn a atawi zawng hian ka han hrilh mai ang che... Hriangzo pasalțhate rawn hruaitupa lakah sawn ilo fimkhur hle dawn ania. Ani saw kan țhiannu pakhat nen inzâwlin, ani chuan apui țhin a, Keini a lasi chhungkuate aiin ani chuan azâwlpa chu athlang zawk ani. Thil diklo tak ti turin keini lasite hian, hringmite lakah hian kan kut kan lek ngailo a, kan țhiannu chuan chu chu pawisa loin, hringmi pasalțha avang chuan, kan chhungkua ațanga inlak hran aduh ta hial a, tun hi kan lo thleng ta ani e," A han ti a. Chutah, Tumchhingi bawk chuan, "Thangmawi, tunah pawh hian in umzui zel anih chuan, ani chuan alo hre thuai dawn a, i mite innghahna awm chhun i ni tih i hre reng dawn ania " tiin, kâwl arawn eng det det ta tih ah chuan, a liam zui ta nghal a.
.
Thangmawia mutui lai pawh chu, arawn harh ve ta hlawl mai a, midang tumah an lo la harh loh avang chuan, a mumâng chu ngaihtuah zui nghal in, mângchhia mai mai ani lo tih aring thiam nghal vat a, a lasi țhiante chuan, anhma a hlauhawm lo thleng thei leh thil thleng turte chu an rawn hriattir ani tih chu a hre thiam mai a, Chutah, Thangmawia rilru chu abuai ta kher maile, hmelma lak ațang chuan, eng tianga harsa leh nun thâp ngai pawh nise ahmangaih chu thlah thlam atum bau mai silo ale. Thangmawia chu a insual buai ve map map hle mai a, leh lamah lah Lal fanu Kungtei chhungte leh midang tamtak chhan ngai an lo ni vei nen, amutna hmunah chuan ahan hui deuh pap pap a, zing khawvawt tak karah pawh chuan, a taksa ațang chuan thlan chu arawn bawl țiam țiam mai reng a.. Lal fanu Kungtei'n vawi tamtak mitmêi ahmuh ve fo tawh tih pawh ahâi bik hauh lo kha ani a, a nu leh pa kalsan in, midang tan a nunpum pawh hlan ahreh lo kha ani a, chuta chhapah, a nu leh pa pawh khan akianga a awm dawn avang khan thlamuang takin an kaltir kha ani a, Remmawii nu leh pa hruai hawng lo a let chu athil hreh tawp alo ni bawk nen, engpawh nise thil lo thleng tur chu ațhianpa han hrilh ve ngei țha a ahriat avang chuan, midang harh hma chuan Zothanga chu ahan kheuh ta zeuh a, Zothanga pawh chu, thawh phan nei miah lo chuan arawn țhu chhuak ve nghal zat mai bawk a, an pahnih a mêi an nun hnu chuan, midang lo thawh ve hma in, tui chawi tur chuan an liam zui ta thuai a.
.
Zothanga chuan, "Lawmpa, thil min hrilh duh i nei ani ang maw? Chutia zing țhang țhanga nang meuh in mi han kaihthawh chu," ahan ti a. Thangmawia pawh chuan, ni e, adik alawm tiin, a mumâng athil hmuh zawng zawngte chu ahan hrilh ta vek a. Mâng satliah mai mai anih loh thute leh țhian lasi ka nei a chung ho kâ ațang ngei chuan ani ka hriat ni, tiin" ahan sawi a. Zothanga'n chung thil ahan hriat chuan, "Lawmpa, ka lakah hian heng thil zawng zawng hi ilo zêp ani maw? Țhianțha kan ni emaw kalo ti asin! Vuihmuipu deuh tak chuan ahan ti a, Thangmawia pawh chuan, "Lawmpa, i lakah hian chutiang engthil mah zêp ka nei hleinem.. nakin ah thil awmzia chu ka la hrilh vek dawn che ania. Tunah chuan tih tur pawimawh tak kan nei rih si a, Val upate nena ruahmanna siam tlan mai țha i ti lo maw? Chu ahan ti a. Zothanga pawh chuan, "Eee, nang berin țha i tihte chuan ațha ani mai alawm tiin, bûk lamah chuan an let leh ta vat a.
.
Thangmawiate'n bûk ahan thlen leh chuan, tlangval țhenkhat chu an lo tho ve tawh hlawm a, tlangvalte chuan, chutia an pasalțhate tui chawi an han hmuh chuan, in thiam lo deuh tak chuan an lo en hrek hrek a, Chutah, Val upa chuan, "E khai, kha! Kan pasalțhate chu in va han tho hma ngai ve le? Han thawh khalh ka tum ve tawh deuh che u ania.. Nangni nge nge hi chu kan tluk thei meuh lo che u ani e," alo ti vei suam suam a, Zothanga chuan lo chhang vatin, mai mai țhin a, țhianpa mangchhe lutuk vang hian ka mu hleithei lo a, ka harh hma phah ta erh anih hi mawle.. ahan tihpah chuan atui chawi chu ahan nghat thla a.. Thangmawia chuan Val upa lo awmna lam chu ahan pan ta nghal a.. thil hmanhmawh thlak anih avang leh an kal zeldan tur hriat vat angaih avang chuan, Val upa bulah chuan midang hriat loh tur chuan, athil tawn tlangpui chu ahan sawi thuak thuak a, Val upa pawh chuan an pasalțha thilsawi chu lo man thian vat in, Pasalțhate chu lasi ho nen țhian ah an insiam fo țhin tih ahriat bawk avang chuan, Thangmawia'n ruahmanna asiam chu ahan ngaihtuah vang vang a, nakin deuh ah chuan, Awle, Kan pasalțha berin chutiang ruahmanna ilo siam tawh anih chuan, i ruahmanna ang chuan han ti dawn ila.? Mahse, in fimkhur hle dawn ania aw? Kanin nghahna awm chhun in nih kha.. Nangni tello chuan keini ho chu engruai ka nilo e, kan pasalțhate pawh kan hriattir nghal thuai angai anih chu ahan ti a. Enge maw tak ngaihtuah niâwm fahrân chuan, Anpiah lawk a ngawpui dur khup mai chu ahan thlir vang vang a.
.
Thangmawia chuan lasi hrilh anga awm a, ahmangaih Remmawii famkhua lawitur chu ngai ngam loin, pasalțha mi sawmhnih te chuan hma an lo va hruai anga, hmelmate chu lo va hma khalhin, ruahmanna fel tak hmanga lo beih chu Thangmawia duh dan chu ani mauh mai si ale.. an pasalțha duh dan chu, zahsak lo theilo dinhmun a an awm avang leh tih dan kawng dang vak an hriat chuan loh avang chuan, tukțhuan eikham chuan hmelmate um tur chuan thlan bikte chu an chhuak zui ta nghal a, hmelma zahnih rual han bei turin, engtin tak hma han la zel ang maw..?
.
Khammunga pawh chuan, a lasi țhian hnen ațang chuan rawn umzui an awm ani tih chu, Tumchhingi'n, Thangmawia hnena alo sawi ang ngei khan ahre ta tlat maile.. Mahse, Khammunga bengah chuan, chu thil chu taivâng pakhat seh tlukah pawh alo ngailo a, a hote hnenah pawh chuan hrilh tlakah aruat lo a, an mahni rawn um tute chu ahun takah kan lo dah țha mai dawn ani tiin," ngaih ngam tak chuan a awm a, Mahse, rawm umtu zingah chuan pasalțha râlhrat tawpthang leh hringmi pasalțha piang tawh zinga râlbeih thiam ber mai, mi chak turu leh țuanțha em em mai a awm tih ahre tello chu, athil tihsual lian ber ani dawn ta! Lasi khawpui pawhin ala hriat ngailoh leh pi leh pute hunlai pawha thil la thleng ngailo, theih nghilh ngai tawh loh tur chu, Zahleithanga tupa Thangmawia chuan athlen tir dawn tlat maile.
Ka edit hman ta ngang lo a, achhiar dan in lo thiam mai dawn ania.. Chhunzawm leh thuai ka tum bawk ang.
PASALȚHA THANGMAWIA By Nghaka Chelsea 1 - 33
PASALȚHA THANGMAWIA
Episode - 32
Chutah, anhma lawk a ngawpui lo dur khup mai leh mual lian tak tak lo inpharh duai mai lam chu panin, pasalțha huaisen rual thinrim kal chu arik hian an ri biah biah mai a, Thangmawia chuan thlan bik pasalțhate hnenah chuan, Awle, țhiante u, hmelmate engzat atam lo niin pasalțha râlhrat rual pawh lo niraw sek sek, in hnena ka han sawi duh chu, heng kan mite pawisawilo chunga zahngaihna pawh nei hlek lo a che duh tute hi, kei chuan pasalțha ah ka chhiar ve ngai dawn lo a, chhan leh vang awmlo a mahni mihringpui nun laksaktu lal chu Lal ropui ti a sawi ani ngai hek lo ang. Hetiang thilti tute hi ka thah chimih hma loh chuan pen khat pawh ka hnung tawlh ngailo ang tiin ring leng lawng chuan ahan in hrosa kuk kuk tawh mai a, midangte pawh chuan an pasalțha thimrim zia chu anhmu chiang hle a, anni ho ngei pawh chu, thinrim luat avang chuan an lo rum deuh vei nghulh nghulh mai bawk a.
.
Thangmawia chuan sawi chhunzawm lehin, kan hma lawkah hian, thihna hmachhawn thei reng kanni a, Mahse, heng hmelmate mahin, an duhâm hleiluat avang ringawt pawhin nunna an thâp ngam anih ngai chuan, keini lusei valrualte hian, kan mite chhan nan chuan kan nun kan thâp ngam ve dawn lawmni..? A han tih leh meuh chuan, Zothanga leh Hleithanga chuan an pasalțha chu lo chhawn vatin, țhianpa, lusei fate chu țhian chhan thih ngam kanni ngai e.. ațul anih phawt chuan kan mite chhan nan chuan, he kan taksa hi lo chansawm vek dawn pawhnise, i hnung kan rawn zui zel dawn ani tiin an lo chhang nghal thuai a, chutiang bawk chuan midangte pawh chuan an rawn tive tliar tliar mai bawk a. Ngawpui chhung khâwk rum rum khawp chuan lusei varualte chu an in hrosa kuk kuk maile, an iptepuia chemtum chu an han phawrh chhuak a, hmanhmawh tak a han kalpah chuan an kiang vela hnim dingte chu an han vai thlu phiar phiar mai a, tunah zet chuan Keipui kôhâm sa seh chhuhsak tum ai pawhin, heng pasalțhate thinrim han hmachhawn chu anêp bik hauh lo ang le..? Hmelmate chunga thihna rapthlak thlen tur chuan an kal ta pur pur maile.
.
Chhun chawfak alo hun meuh chuan, hmelmate riahbûk pawh an va hmu leh thuai a.. an mêipui chheh te chu ahan belchiang deuh a, vut hnuaiah chuan mêi chu alo la vâm ham mai hi ani a, an hnu hma ațang chuan tukțhuan eikham hnu ah, helai hmun hi an chhuahsan chauh ani tih chu an hre nghal thuai a, chulai hmunah chuan chhun chawfak tur chuan an hanin buatsaih ve ta nghal a, riahbûk piah lawka thalțeh kung lian ve tawh lo awm chu Thangmawia chuan ahan kit thlu lawk a, ahan hîk nghal ta mial mial a, chu thil hmang chuan an vaia indaih tur thal an siam leh dawn ani.
.
Hmelmate an hlat vak tawh loh avang chuan, chulai hmunah chuan thal turte chu buatsaihin, thalfang tur chu atam thei ang ber chuan an han buatsaiha, Thangmawia chuan, ațhiante chu thal hman dan te chu ahan zirtir leh ang lawp lawp mai bawk a, Thangmawia ngaihdan ah chuan, silai fung han tih tham anneih loh avang leh ațhiante chuan, chu thil chu an lo hman thiam ve sawih sawih chuan, hmelmate chet ati khaih lak ve thei dawn riau a ahriat vanga chu ruahmanna chu han siam ani a, Thangmawia rin phak bak bak chuan.. an lo ti thei hlawm phian mai leh nghal nen, Thangmawia'n chung thil ahan hmuh chuan, lawm pawh alawm rilru hle nghe nghe a, lusei valrualte pawh chuan an hmanraw thar chu an lawm ve hle bawk a, thal chu an kuai kul deuh pap pap reng mai a, chulai hmuna tawkfang an han țhut khawmuan a, Vaibelte an han zûk zawh hnu chuan, hmelmate chu an umzui leh ta nghal a.
.
Hriangzo khaw ropuina chuan ahun tawp athleng dawn ta, akhaw țhenawm zawng zawngte chuan, Lal Sawibawnga hnenah chhiah an pek angaih tawh loh hun leh pasalțha râlhrat ti a an lo sawi huai huai. Mitin maiin a an lo hlauh rawn pasalțha nunrawng leh lasi zâwl ti a an lo sawi țhin ngei mai, pasalțha Khammunga tawpna chu athleng dawn ta! Unau hmelhai hun vel anih chuan, Khammunga hote leh an mi mante riahbûk lama mêi êng zuai zuai pawh ahmuh theih tawh a, Mahse, chu hun chu Thangmawia chet duh hun ala ni tlat lo. Khammungate bûk sualna hmun hi khâm chhengchhe tak chung, rûam chhetê lo awma, chumi hmuna awm an nih avang chuan, Thangmawiate tan pawh fimkhur angai zual hle mai a, mêichher pawh chhi ngam tawh loin, Thangmawia chuan hmelmate han hmakhalh theih dan chu ahan ngaihtuah nghal zung zung a.. chu khâm sir vel chu mêi han nun zuaiin, ahan bihkual thuak thuak a, ramsate chet tlatna lo phi hen hun mai chu ahmu fuh ta, chutia nih chuan mihring tang pawh kal harsa ani lo tawp ang tiin, fimkhur angaih em avang chuan mêichher pawh chu ahan timit leh nghal thuai a, zan khawthim hnuaiah kawng indap chawp chuan, mihrâng valrualte chu an vak phei ta hriau hriau maile.
.
Chutih mêk lai chuan, Khammunga pawh alo awm mai mai ta bik hauh lo, a thachhang dawltu ber mai leh Thangmawia duh lai hmêi atana lo neih tumtupa ngei mai, Ngunukliana hnenah chuan loin râlring tur deuh tur leh an mahni rawn umzuitu an awm ani tih chu alo hrilh ve mêk a. Chung thil Ngunukliana'n ahan hriat chuan a hote sawmnga vel zet chu an mahni rawn umtu te lo hmachhawn thei tura in râlring tur chuan thu alo pe ve mêk bawk a, chutia an hanin buatsaih tak sung sungah chuan, Lianpui lam unau, sal ni tura hruaite mêkte chuan, eng thil nge nita angle tiin, an beng an lo tun hrâ hlawm a.. tlema thil chinchang hre deuh chin chuan thil awmzia chu an lo manthiam deuh uar uar a, Mahse, an mahni chhanchhuak tura rawn kal ani angem? tih leh lo nita sela tute nge nita ang? tiin an lo inzawt sap sap a, chung thil Lal fanu Remmawii beng alo thlen chuan, "Thangmawia, tiin ahan phun sepa, ahmangaih chu athi ngei dawna ahriat avang chuan alo mangang nasa mai a, Thangmawiate lo chu an mahni rawn chhanchhuak tur awmin ahre tlat lo ani.
.
Thangmawiate ho pawh chu, khâm an helna ațang chuan kawng chu an pawh ve ta hlawl mai a, zanlai ar khuan hun vel anih tawh avang chuan ngaih ngam tak chuan hmelmate hlat thei ang ber chuan an kal leh ta nghal a, Hriangzo pasalțhate'n an hmun theih tawh lohna ruam anih avang chuan mêichher êng hnuaiah chuan an duk leh par par mai a.. mutmu han tuahna hun a awm lem loh avang chuan, hmelmate lo lambun na tur hmun remchang chu an melh pah reng bawk a, zan khawthim țhen hrangtu khaw êng chu kawl kilah chuan, arawn lang leh dut dut tawh a, leilung arawn lang țan ta tihah ngawpui chhung thihna rapthlak thlenna hmun tur chu avawh hian avawt vîntûk mai a, chulai ngawpui chhung thihna thleng tur inmung velchu, ngawpui chhung nungchate pawh chuan hreve niâwm fahrân chuan, areh hian areh duk mai a, Thangmawia chuan chulai hmun ngei chu hmelmate lo lambun nan chuan remchang hlein ahria a, an eitur neih ang ang hmang chuan an inhnawh puar ta thuai thuai a, râl an lo hmachhawnna tur hmun, khâm chhawrdawh chhete lo awmna lam chu an pan ta nghal a.
.
Helai hmun an han thlanna chhan ber pakhat chu, kawngzîm lai tak niin, chu kawng chuan chulai mual lian tak khâm chu avêt chhuak a, chulai lo chu kawngțum a awm loh mai bakah kawngthlang lam chu khâm sângtak niin, chuta țanga han tlak chuan mihring tan dam khawchhuah ngaihna awmlo khawpa sang ani a, chu tak chu Thangmawiate tan chuan hmelmate lo lambun nan chuan duhthusam tak mai ani a, kawngkô chu hlam sawmpanga vel lai asang aniin, mihring han lawn kai mai mai theih ani lo a, Thangmawiate ngei pawh hian, he hmun lawn tur hian, hemi khâm mual lian leh toh lurh mai tawntirh lamah kir lehin, tuna an awmna hmun hi thleng thei chauh ani a, kawnga hmelmate kal chu anlo bei thei dawn a.. mahse, an mite tamtak an awm ve avang erawh chuan chet lakdan erawh an fimkhur hle angai thung dawn ani.
.
Hriangzo pasalțhate rawn hotu, pasalțha Khammunga'n chuan, Ngunukliana hnenah chuan, min rawn umzui tute khan min lo hmakhalhin, an tih loh tawp tur tiin ka pawi ansawi ta tlat maile, kei Lal Sawibawnga khaw pasalțha Khammunga hian ka ngaidam dawn lo ani. Anni chu mi tlêmte niin min tihbuai phak an ring ani mahna, nang leh i mite sawmnga vel hruaiin kalkawng chu lo va thian hmasa ang che u..? tumah nung damin in chhuah tur ani lo ang tiin bûk chhung lamah chuan alo in hrosa vei kuk kuk a.. Ngunukliana leh mi sawmngate chuan an thihna tur lam an pan ani tih hrelo chuan, fimkhur tak chuan an kal vei thauh thauh a.
.
Khawthlir khawchhung Lal in ah ve ve thung chuan, Lal fanu Kungtei pawn, chaw tlem tlem chuan alo ei peih ve tawh a.. an pasalțha rammû a chhuak mêkte chu ngaihtuahin, "Thangmawi, i hmangaih em em ka unaunu chu damin rawn hruaikir leh mawlh rawh aw? Ka hmangaih ka neih chhun, ka nu leh pa, ka U te kha damin in rawn let leh angem le? tiin alo inbe mawlh mawlh mai a, Lalnu Rothangi chuan Lal fanu chu athiam ang tawk chuan alo hnêm ve bawk a.. Lal fanu Remmawii lah chu a nu leh pa kiangah pawh awm thei loin, hmelma pakhat chuan alo veng tlat mai bawk a, ahmangaih chu a thi ang tih mawlh mai chu hlau in, "U Thang, ka tan ilo let leh avangin ka lawm e aw? Hmelma ho lakah ilo damchhuak zo talo anih chuan, keipawh hian ka rawn zui ve nghal dawn che asin! tiin, amittui chu aluang zawih zawih a, "U Thang, ka hmangaih che, pialrâl ka thlen thlengin keichuan ka hmangaih reng dawn che ani ahan ti chuai raih a..
Episode - 32
Chutah, anhma lawk a ngawpui lo dur khup mai leh mual lian tak tak lo inpharh duai mai lam chu panin, pasalțha huaisen rual thinrim kal chu arik hian an ri biah biah mai a, Thangmawia chuan thlan bik pasalțhate hnenah chuan, Awle, țhiante u, hmelmate engzat atam lo niin pasalțha râlhrat rual pawh lo niraw sek sek, in hnena ka han sawi duh chu, heng kan mite pawisawilo chunga zahngaihna pawh nei hlek lo a che duh tute hi, kei chuan pasalțha ah ka chhiar ve ngai dawn lo a, chhan leh vang awmlo a mahni mihringpui nun laksaktu lal chu Lal ropui ti a sawi ani ngai hek lo ang. Hetiang thilti tute hi ka thah chimih hma loh chuan pen khat pawh ka hnung tawlh ngailo ang tiin ring leng lawng chuan ahan in hrosa kuk kuk tawh mai a, midangte pawh chuan an pasalțha thimrim zia chu anhmu chiang hle a, anni ho ngei pawh chu, thinrim luat avang chuan an lo rum deuh vei nghulh nghulh mai bawk a.
.
Thangmawia chuan sawi chhunzawm lehin, kan hma lawkah hian, thihna hmachhawn thei reng kanni a, Mahse, heng hmelmate mahin, an duhâm hleiluat avang ringawt pawhin nunna an thâp ngam anih ngai chuan, keini lusei valrualte hian, kan mite chhan nan chuan kan nun kan thâp ngam ve dawn lawmni..? A han tih leh meuh chuan, Zothanga leh Hleithanga chuan an pasalțha chu lo chhawn vatin, țhianpa, lusei fate chu țhian chhan thih ngam kanni ngai e.. ațul anih phawt chuan kan mite chhan nan chuan, he kan taksa hi lo chansawm vek dawn pawhnise, i hnung kan rawn zui zel dawn ani tiin an lo chhang nghal thuai a, chutiang bawk chuan midangte pawh chuan an rawn tive tliar tliar mai bawk a. Ngawpui chhung khâwk rum rum khawp chuan lusei varualte chu an in hrosa kuk kuk maile, an iptepuia chemtum chu an han phawrh chhuak a, hmanhmawh tak a han kalpah chuan an kiang vela hnim dingte chu an han vai thlu phiar phiar mai a, tunah zet chuan Keipui kôhâm sa seh chhuhsak tum ai pawhin, heng pasalțhate thinrim han hmachhawn chu anêp bik hauh lo ang le..? Hmelmate chunga thihna rapthlak thlen tur chuan an kal ta pur pur maile.
.
Chhun chawfak alo hun meuh chuan, hmelmate riahbûk pawh an va hmu leh thuai a.. an mêipui chheh te chu ahan belchiang deuh a, vut hnuaiah chuan mêi chu alo la vâm ham mai hi ani a, an hnu hma ațang chuan tukțhuan eikham hnu ah, helai hmun hi an chhuahsan chauh ani tih chu an hre nghal thuai a, chulai hmunah chuan chhun chawfak tur chuan an hanin buatsaih ve ta nghal a, riahbûk piah lawka thalțeh kung lian ve tawh lo awm chu Thangmawia chuan ahan kit thlu lawk a, ahan hîk nghal ta mial mial a, chu thil hmang chuan an vaia indaih tur thal an siam leh dawn ani.
.
Hmelmate an hlat vak tawh loh avang chuan, chulai hmunah chuan thal turte chu buatsaihin, thalfang tur chu atam thei ang ber chuan an han buatsaiha, Thangmawia chuan, ațhiante chu thal hman dan te chu ahan zirtir leh ang lawp lawp mai bawk a, Thangmawia ngaihdan ah chuan, silai fung han tih tham anneih loh avang leh ațhiante chuan, chu thil chu an lo hman thiam ve sawih sawih chuan, hmelmate chet ati khaih lak ve thei dawn riau a ahriat vanga chu ruahmanna chu han siam ani a, Thangmawia rin phak bak bak chuan.. an lo ti thei hlawm phian mai leh nghal nen, Thangmawia'n chung thil ahan hmuh chuan, lawm pawh alawm rilru hle nghe nghe a, lusei valrualte pawh chuan an hmanraw thar chu an lawm ve hle bawk a, thal chu an kuai kul deuh pap pap reng mai a, chulai hmuna tawkfang an han țhut khawmuan a, Vaibelte an han zûk zawh hnu chuan, hmelmate chu an umzui leh ta nghal a.
.
Hriangzo khaw ropuina chuan ahun tawp athleng dawn ta, akhaw țhenawm zawng zawngte chuan, Lal Sawibawnga hnenah chhiah an pek angaih tawh loh hun leh pasalțha râlhrat ti a an lo sawi huai huai. Mitin maiin a an lo hlauh rawn pasalțha nunrawng leh lasi zâwl ti a an lo sawi țhin ngei mai, pasalțha Khammunga tawpna chu athleng dawn ta! Unau hmelhai hun vel anih chuan, Khammunga hote leh an mi mante riahbûk lama mêi êng zuai zuai pawh ahmuh theih tawh a, Mahse, chu hun chu Thangmawia chet duh hun ala ni tlat lo. Khammungate bûk sualna hmun hi khâm chhengchhe tak chung, rûam chhetê lo awma, chumi hmuna awm an nih avang chuan, Thangmawiate tan pawh fimkhur angai zual hle mai a, mêichher pawh chhi ngam tawh loin, Thangmawia chuan hmelmate han hmakhalh theih dan chu ahan ngaihtuah nghal zung zung a.. chu khâm sir vel chu mêi han nun zuaiin, ahan bihkual thuak thuak a, ramsate chet tlatna lo phi hen hun mai chu ahmu fuh ta, chutia nih chuan mihring tang pawh kal harsa ani lo tawp ang tiin, fimkhur angaih em avang chuan mêichher pawh chu ahan timit leh nghal thuai a, zan khawthim hnuaiah kawng indap chawp chuan, mihrâng valrualte chu an vak phei ta hriau hriau maile.
.
Chutih mêk lai chuan, Khammunga pawh alo awm mai mai ta bik hauh lo, a thachhang dawltu ber mai leh Thangmawia duh lai hmêi atana lo neih tumtupa ngei mai, Ngunukliana hnenah chuan loin râlring tur deuh tur leh an mahni rawn umzuitu an awm ani tih chu alo hrilh ve mêk a. Chung thil Ngunukliana'n ahan hriat chuan a hote sawmnga vel zet chu an mahni rawn umtu te lo hmachhawn thei tura in râlring tur chuan thu alo pe ve mêk bawk a, chutia an hanin buatsaih tak sung sungah chuan, Lianpui lam unau, sal ni tura hruaite mêkte chuan, eng thil nge nita angle tiin, an beng an lo tun hrâ hlawm a.. tlema thil chinchang hre deuh chin chuan thil awmzia chu an lo manthiam deuh uar uar a, Mahse, an mahni chhanchhuak tura rawn kal ani angem? tih leh lo nita sela tute nge nita ang? tiin an lo inzawt sap sap a, chung thil Lal fanu Remmawii beng alo thlen chuan, "Thangmawia, tiin ahan phun sepa, ahmangaih chu athi ngei dawna ahriat avang chuan alo mangang nasa mai a, Thangmawiate lo chu an mahni rawn chhanchhuak tur awmin ahre tlat lo ani.
.
Thangmawiate ho pawh chu, khâm an helna ațang chuan kawng chu an pawh ve ta hlawl mai a, zanlai ar khuan hun vel anih tawh avang chuan ngaih ngam tak chuan hmelmate hlat thei ang ber chuan an kal leh ta nghal a, Hriangzo pasalțhate'n an hmun theih tawh lohna ruam anih avang chuan mêichher êng hnuaiah chuan an duk leh par par mai a.. mutmu han tuahna hun a awm lem loh avang chuan, hmelmate lo lambun na tur hmun remchang chu an melh pah reng bawk a, zan khawthim țhen hrangtu khaw êng chu kawl kilah chuan, arawn lang leh dut dut tawh a, leilung arawn lang țan ta tihah ngawpui chhung thihna rapthlak thlenna hmun tur chu avawh hian avawt vîntûk mai a, chulai ngawpui chhung thihna thleng tur inmung velchu, ngawpui chhung nungchate pawh chuan hreve niâwm fahrân chuan, areh hian areh duk mai a, Thangmawia chuan chulai hmun ngei chu hmelmate lo lambun nan chuan remchang hlein ahria a, an eitur neih ang ang hmang chuan an inhnawh puar ta thuai thuai a, râl an lo hmachhawnna tur hmun, khâm chhawrdawh chhete lo awmna lam chu an pan ta nghal a.
.
Helai hmun an han thlanna chhan ber pakhat chu, kawngzîm lai tak niin, chu kawng chuan chulai mual lian tak khâm chu avêt chhuak a, chulai lo chu kawngțum a awm loh mai bakah kawngthlang lam chu khâm sângtak niin, chuta țanga han tlak chuan mihring tan dam khawchhuah ngaihna awmlo khawpa sang ani a, chu tak chu Thangmawiate tan chuan hmelmate lo lambun nan chuan duhthusam tak mai ani a, kawngkô chu hlam sawmpanga vel lai asang aniin, mihring han lawn kai mai mai theih ani lo a, Thangmawiate ngei pawh hian, he hmun lawn tur hian, hemi khâm mual lian leh toh lurh mai tawntirh lamah kir lehin, tuna an awmna hmun hi thleng thei chauh ani a, kawnga hmelmate kal chu anlo bei thei dawn a.. mahse, an mite tamtak an awm ve avang erawh chuan chet lakdan erawh an fimkhur hle angai thung dawn ani.
.
Hriangzo pasalțhate rawn hotu, pasalțha Khammunga'n chuan, Ngunukliana hnenah chuan, min rawn umzui tute khan min lo hmakhalhin, an tih loh tawp tur tiin ka pawi ansawi ta tlat maile, kei Lal Sawibawnga khaw pasalțha Khammunga hian ka ngaidam dawn lo ani. Anni chu mi tlêmte niin min tihbuai phak an ring ani mahna, nang leh i mite sawmnga vel hruaiin kalkawng chu lo va thian hmasa ang che u..? tumah nung damin in chhuah tur ani lo ang tiin bûk chhung lamah chuan alo in hrosa vei kuk kuk a.. Ngunukliana leh mi sawmngate chuan an thihna tur lam an pan ani tih hrelo chuan, fimkhur tak chuan an kal vei thauh thauh a.
.
Khawthlir khawchhung Lal in ah ve ve thung chuan, Lal fanu Kungtei pawn, chaw tlem tlem chuan alo ei peih ve tawh a.. an pasalțha rammû a chhuak mêkte chu ngaihtuahin, "Thangmawi, i hmangaih em em ka unaunu chu damin rawn hruaikir leh mawlh rawh aw? Ka hmangaih ka neih chhun, ka nu leh pa, ka U te kha damin in rawn let leh angem le? tiin alo inbe mawlh mawlh mai a, Lalnu Rothangi chuan Lal fanu chu athiam ang tawk chuan alo hnêm ve bawk a.. Lal fanu Remmawii lah chu a nu leh pa kiangah pawh awm thei loin, hmelma pakhat chuan alo veng tlat mai bawk a, ahmangaih chu a thi ang tih mawlh mai chu hlau in, "U Thang, ka tan ilo let leh avangin ka lawm e aw? Hmelma ho lakah ilo damchhuak zo talo anih chuan, keipawh hian ka rawn zui ve nghal dawn che asin! tiin, amittui chu aluang zawih zawih a, "U Thang, ka hmangaih che, pialrâl ka thlen thlengin keichuan ka hmangaih reng dawn che ani ahan ti chuai raih a..
| Link: | |
| BBcode: | |
| HTML: | |
| Hide post links |
PASALȚHA THANGMAWIA
Episode - 33
Episode - 32 Recap : Lal fanu Remmawii lah chu a nu leh pa kiangah pawh awm thei loin, hmelma pakhat chuan alo veng tlat mai bawk a, ahmangaih chu a thi ang tih mawlh mai chu hlau in, "U Thang, ka tan ilo let leh avangin ka lawm e aw? Hmelma ho lakah ilo damchhuak zo talo anih chuan, keipawh hian ka rawn zui ve nghal dawn che asin! tiin, amittui chu aluang zawih zawih a, "U Thang, ka hmangaih che, pialrâl ka thlen thlengin keichuan ka hmangaih reng dawn che ani ahan ti chuai raih a..
.
Thangmawia chuan ațhiante hnenah chuan, Khaile.. tunah hian kan râlbeih turte chuan min rawn pan mek a, nangni..?? Ka pasalțhațpui duh tak tak te u, vawiin ni hian kan mite leh mi tamtak zalenna tura inzinga râl ka han hmachhawn ve thei tur hi ka lawm hle mai, vawiin ni hian kan mihring puite nunna lak duh vanga thawk chhuak kanni lo tih chu kan hre tlang țheuh awm e.. heng kan râl hmachhawn turte hi chu, ropui an duh avang leh ro thil avangin mihring nunna tamtak an la a, țhenkhat sal ni turin an hruai bawk a.. chu thil tenawm tak chu keini lusei fate hian, kan thlah lo kal zelin, hetiang thil tenawm hi anrawn chin ve tawh loh nan leh kan mihring puite zalen nan kan bei dawn ani a.. he thil avanga kan nun kan lo chânta anih pawhin, lusei fa tawh phawt chuan, vawiin ni a he kan thiltih hi an rawn hre reng tawh dawn a. Kan thisen chhuak hi athlawn in aluang ral hauh lo ang tih hi ka hria ani. Kan râl hmachhawn turte hi keini aia let eng emaw zat atam anni a, Mahse, chung thilte chuan he kan zalenna tura kan beihna leh Lal Sawibawnga rorelna tenawm tak dolet tura beih kan tumna chu, min țhulh tir ahnekin, ka tan chuan chawimawina nasa tak ani zawk ani. Tunah hian kan mite chu tuihâl dang charin râl ho kutah an awm mek ani a, chung mite chhanchhuak tur hian keini lusei valrualte hi kan țha tawk em em a, dikna duhtu mi hetiang zat mahni nun thâp ngam kan awm hi kei chuan ka chhuang em em che u a.. Hriangzo pasalțha râlhrat ti a an sawi, Khammunga ai fê sawn, nangni hi pasalțha tak tak chu inni e ahan ti a.
.
Midangte chuan, an pasalțha thilsawi chu ngun tak chuan anlo ngaithla a, an silaite leh thalte chu alo hum ruh sauh sauh a, Chutah, anlo ruahman tawh ang chuan, hmun tinah chuan inzar pharh in, pali te te chuan an in țhen ta hlawm a, heng thil zawng zawng hi Thangmawia ruahmanna vek niin, Khammunga hian an mahni lo changtu an awm ani tih hi, a lasi țhian hnen ațangin ahre daih tawh dawn ani tih Thangmawia'n ahriatsa vek vang ani a, chuvang chuan kawng lova thian hmasa tur hi anrawn kal ngei ang tih chu, Thangmawia lo rindan kha ani tlat ani.
.
Chutah, Thangmawia leh ațhiante pathumte chuan, râl rawn luh țanna lamah chuan țanhmun chu siamin, râl hoin Thangmawiate awmna hmun anpelh fel vek hnu a che chhuak thei nghal tura ruahmanna siam anni a, Thangmawiate an chet chhuah veleh midangte pawh chu anlo che chhunzawm ve mai dawn a, thalfang lah chu duhthusam atam anlo in buatsaih ta bawk a, tunah chuan an inring ta țe țaw khawp ta maile.
.
Thangmawiate'n an țhut hmun an remfel ațanga Vaibel bengkhat zukdaih ani ang a," tih velah chuan, " Hriangzo pasalțhate chu fimkhur tak leh thâwm dîm tak chuan an rawn kalta țham țham mai a, an hmahruaitu chuan hnuhma vel chu ahan bih deuh ngur ngur mai a.. Thangmawia lo rindan chu asual lo chiang hle mai a, an rawn fimkhur dan ațang leh an zingah chuan anmi mante hmel reng reng han hmuh tur chu a awmlo ta reng a, Chutah, Ngunukliana leh a hote chuan, kalkawng leh kawngsir velte chu an han bih ngial a, Mahse, mihring hnuhma reng reng han hmuh chu annei ta tlat lo mai a, thil awmzia chu an hrethiam lo hle a, Thangmawia leh ațhiante chuan râl ho chetla vel chu an awmna hmun ațang chuan anlo thlir reng a, Thangmawia bula țhu ațhiante chuan an pasalțha chu an en deuh hrek hrek tawh mai a, an hnuhma awm zawng zawng chu, an pasalțha'in athup tir vek chhan chu an hrethiam ve ta chauh ani.
.
Ngunukliana leh a hote'n Thangmawiate awmna hmun an rawn thleng ta tihah chuan, maktak mai chuan, chu ngawpui chungzawn chu chhûm dum chhah tak mai chu, apâng aw inzial ta mup mup maile, chu chhum dum invial mup mup mai karah chuan kâwl arawn phe zuai zuai mai bawk a.. ruah mal lian zet zet mai chu arawn tla ta phuar phuar ta mai a, Chutah, Thangmawia chu van lamah chuan ahan hawi chho vang vang a, chutah, chhum dum chhah zet mai karah chuan, an lo hmuh fo tawh țhin, Zirmawii leh ațhian pathumte chuan, Thangmawia chu bân vai lauh lauh pah a chibai bûk nan ti niâwm fahran chuan, an lû chu an han bu deuh zeuh a, Thangmawia en reng lai chuan chhûm dum karah chuan an liam zui ve ta nghal a.
.
Chutah, Thangmawia chuan chu ruah rawn sur tirtu chu tudang niloin, ațhian lasite chuan hmelmate silai chelek theih loh nan a an thiltih ani tih chu a hrethiam nghal thuai a, Thangmawia pawh chu chuan, "țhiante u, he thil avang hian ka lawm e " a han ti sap a, ruahpui vanawn chu arawn sur ta buan buan maile, Ngunukliana leh a hote chuan, thingzar lian deuh hnuaia tawm hulna tur zawng chuan an phî buai ta chûk chûk mai a.. chu tak chu Thangmawiate tan chuan hunțha a in țan ta chiah maile.. Thangmawia chu a awmna hmun ațanga rawn zuang chhuakin, "Khaile lusei fa dikna pasalțhate u, in thalfang kha hmelmate lamah khuan thlah rawh ule, ti a âu in, hmuntin mai ațang chuan hmelmate taksa ah chuan thalfang chu atlum ta pawk pawk maile, ngawpui chhung chu patling natuar țe vawn vawn leh thinrim in hrosa kuk kuk chuan a khat ani ber a, țhenkhat chu an thlang lawk khâmah chuan tla in, an țe thla vawn vawn mai bawk a, hmelmate silai hmang theilo talbuai vel chu, Thangmawia leh a hote tan chuan duhthusam ani ringawt mai a, chulai hmun chu h.elmate tan chuan a zîm em avang leh han țan chhan tur awm talo chu, a țhen an rawn kalna lamah chuan rawn tlan let lehin, țhenkhatin hmalam ah an rawn tlan thung a, Mahse, chu thil chu Thangmawiate rin lawkdan a nih avang chuan, hmalam kawng chêp lai tak leh kawng ațanga kô hniam laiah chuan, pasalțha Hleithanga leh a hote chuan țan hmun lo khawhin, hnung lamah Thangmawia leh a hote chu kawng țumah chhukin, hmelmate rawn let tur hmachhawn zawng chuan an rawn kalve bawk a.
.
Chulai hmun zîm te ah chuan, patling ngam leh ngam chu inhmachhawn ta biah biah mai a, Thangmawia leh a hote chuan, hmelma thibâng tlêmte chu, an mi lûlak chem chu vilik chhuakin an in sâm ta biah biah maile, hmelma lam hi sawm țha awrh chauh an ni tawh a, mahse a kawtawp ațang an nih tawh avang chuan beih erawh awlsam tak anni lemlo, Chutah, Ngunukliana leh Thangmawia chu an in hmachhawn ta ngei maile. Chutah, Ngunukliana chuan, "naua chahai, mi inring lo lai min lo beia tunah chuan inring leh inring i hanin hmachhawn tawh ang hmiang ti a in hrosa kuk kuk leh thinrim mitmêng sen râm chuan Thangmawia chu a han melh a, Chutah, Thangmawia chuan, nangni hi ani lawmni rô thil leh ropuina duh avanga nunau pawisawilote lû laksak țhintu chu.. mi inring lai beih innei tawh reng em ni?? nangni pasalțha ni a inchhal leh pawisawilo lûlak ching ho tawpna chu vawiin hian nuai bo ani tawh dawn..? mipa fa hmaah i ding tawh e.. min han bei ta che " chu ahan ti chang ve ta khalh mai a.
.
Chutah, Thangmawia țhiante pawh chuan, hmelma tlêmte la awmte chu, an lo chimih barh tawh bawk a, an pasalțhate in hmachhawn tur chu anlo thlir țhapa, an pasalțha chu in beihna ah chuan a chesual mai ang tih hlau chuan thinphu dep dep chuan anlo thlir țhapa, inbeihna hmun tur hi kawng chêp lai anih avang hian, a tu ve ve tan pawh han chetsual chuan an thlang lawk chu, khâm sâng tak anih avang chuan tlak hlum theihna ani tlat, Ngunukliana chuan, Chutia amah thamlo tak a țawngkhumtu han hmu chu a thinrim hle mai a, a hote tlawm vek tawh mahse pasalțha râlhrat leh mi lû pawh tamtak lo khâi tawhtu hian chuti maia tlawm chu atum awzawng lo mai, "nau chahai, i naute hian kanin beihna ah hian an loin rawlh ve êm lovang chu maw? I huai vei par par hle mai maw? Mipa chu atawp kan thleng rât ang chu le.. a han ti a, Chutah, Thangmawia pawh chuan, kanin beih lai hian kan mite hi tumah an raw che chhuak lo ang. Nangni anga mi dawihzep kan ni love.. kei hi min hneh a nih ngai chuan, kan pasalțhate hian i hnehna chan lawmman atan i nun hi an zuah ang, mahse chu thil chu engtikah mah athleng ngailo ang "a han ti leh chiah chu, Ngunukliana chu thinrim hachang țhial rap rap chuan, nauva khale, kei hi pasalțha Ngunukliana Hriangzo khaw pasalțha ka ni ngai e tih leh Thangmawia lam a rawn dawk zawk pah chuan chho zawng chuan a mi lûlak chem chu a han vai chhuak pawp mai a. Thangmawia'n chu hming a han hrechiah chu a thinrim azual kher mai, ahmangaih Remmawii hmêi atan a lak tumtupa ngei ani tlat!
Mahse, hmelmate a beih laia a fimkhurna hloh ngai reng reng lo, Thangmawia chu hnung lamah chuan alo tawlh sawn hman hram a, Mahse, țanhmun rem tak inbei an nih loh avang chuan, Ngunukliana chem chuan Thangmawia nâk nêm laichu arawn thawi feih hman a, mahse pasalțha tan chuan hliam ti a han sawi tham a nilo tlat, zungchal chen vel chuan a kak ve hlek chauh a, Thangmawia țhiante pawh anlo țe țhat hman nghe nghe a, chutih lai chuan Thangmawia pawh alo awm mai mai bik hauh lo. Ngunukliana'n a chem ahan vai chhuak kha insiam rem tuma achem ahan la let leh chiah tihah chuan, Ngunukliana malpui chu a vunpui chhat hlawk chuan a kak ve duai maile.. chutah Ngunukliana chem rawn vaichhuak leh chiah chu Thangmawia chem rawn thlawk chhuak nen chuan, a inkhak ta bur mai a, an pahnih chuan an her bawih mai nghe nghe a, Mahse, Thangmawia chu insiam rem hmasa zawk ațangin, Ngunukliana rawnin siam rem leh chiah achem rawn lekchhuak tur chu, Thangmawiate ang pasalțha zawng zawng zinga mibîk tan chuan atlai lu ta ani e, a bân vaichhuah tuma a kut arawn lek kâng chiah tihah chuan, adar leh lam chu a uai ta hnawk mai a, Ngunukliana chu ahan țe nghal tuarh a, chutah rang lutuk chuan Ngunukliana tlu tur chu Thangmawia chuan, ahan tlawh zui leh nghal zet mai chu, Hriangzo pasalțha nunrawng leh pawisak neilo tawpna chu athleng ta, a thlang khâm ah chuan patling natuar chu, ring mangkheng chuan ațe thla vawn vawn mai a, kumkhua atan leh pialrâl a Thangmawia rawngbawl tawh turin thawn aliam ani ta...
Pakhat ka dah tawh a asei theilo
Episode - 33
Episode - 32 Recap : Lal fanu Remmawii lah chu a nu leh pa kiangah pawh awm thei loin, hmelma pakhat chuan alo veng tlat mai bawk a, ahmangaih chu a thi ang tih mawlh mai chu hlau in, "U Thang, ka tan ilo let leh avangin ka lawm e aw? Hmelma ho lakah ilo damchhuak zo talo anih chuan, keipawh hian ka rawn zui ve nghal dawn che asin! tiin, amittui chu aluang zawih zawih a, "U Thang, ka hmangaih che, pialrâl ka thlen thlengin keichuan ka hmangaih reng dawn che ani ahan ti chuai raih a..
.
Thangmawia chuan ațhiante hnenah chuan, Khaile.. tunah hian kan râlbeih turte chuan min rawn pan mek a, nangni..?? Ka pasalțhațpui duh tak tak te u, vawiin ni hian kan mite leh mi tamtak zalenna tura inzinga râl ka han hmachhawn ve thei tur hi ka lawm hle mai, vawiin ni hian kan mihring puite nunna lak duh vanga thawk chhuak kanni lo tih chu kan hre tlang țheuh awm e.. heng kan râl hmachhawn turte hi chu, ropui an duh avang leh ro thil avangin mihring nunna tamtak an la a, țhenkhat sal ni turin an hruai bawk a.. chu thil tenawm tak chu keini lusei fate hian, kan thlah lo kal zelin, hetiang thil tenawm hi anrawn chin ve tawh loh nan leh kan mihring puite zalen nan kan bei dawn ani a.. he thil avanga kan nun kan lo chânta anih pawhin, lusei fa tawh phawt chuan, vawiin ni a he kan thiltih hi an rawn hre reng tawh dawn a. Kan thisen chhuak hi athlawn in aluang ral hauh lo ang tih hi ka hria ani. Kan râl hmachhawn turte hi keini aia let eng emaw zat atam anni a, Mahse, chung thilte chuan he kan zalenna tura kan beihna leh Lal Sawibawnga rorelna tenawm tak dolet tura beih kan tumna chu, min țhulh tir ahnekin, ka tan chuan chawimawina nasa tak ani zawk ani. Tunah hian kan mite chu tuihâl dang charin râl ho kutah an awm mek ani a, chung mite chhanchhuak tur hian keini lusei valrualte hi kan țha tawk em em a, dikna duhtu mi hetiang zat mahni nun thâp ngam kan awm hi kei chuan ka chhuang em em che u a.. Hriangzo pasalțha râlhrat ti a an sawi, Khammunga ai fê sawn, nangni hi pasalțha tak tak chu inni e ahan ti a.
.
Midangte chuan, an pasalțha thilsawi chu ngun tak chuan anlo ngaithla a, an silaite leh thalte chu alo hum ruh sauh sauh a, Chutah, anlo ruahman tawh ang chuan, hmun tinah chuan inzar pharh in, pali te te chuan an in țhen ta hlawm a, heng thil zawng zawng hi Thangmawia ruahmanna vek niin, Khammunga hian an mahni lo changtu an awm ani tih hi, a lasi țhian hnen ațangin ahre daih tawh dawn ani tih Thangmawia'n ahriatsa vek vang ani a, chuvang chuan kawng lova thian hmasa tur hi anrawn kal ngei ang tih chu, Thangmawia lo rindan kha ani tlat ani.
.
Chutah, Thangmawia leh ațhiante pathumte chuan, râl rawn luh țanna lamah chuan țanhmun chu siamin, râl hoin Thangmawiate awmna hmun anpelh fel vek hnu a che chhuak thei nghal tura ruahmanna siam anni a, Thangmawiate an chet chhuah veleh midangte pawh chu anlo che chhunzawm ve mai dawn a, thalfang lah chu duhthusam atam anlo in buatsaih ta bawk a, tunah chuan an inring ta țe țaw khawp ta maile.
.
Thangmawiate'n an țhut hmun an remfel ațanga Vaibel bengkhat zukdaih ani ang a," tih velah chuan, " Hriangzo pasalțhate chu fimkhur tak leh thâwm dîm tak chuan an rawn kalta țham țham mai a, an hmahruaitu chuan hnuhma vel chu ahan bih deuh ngur ngur mai a.. Thangmawia lo rindan chu asual lo chiang hle mai a, an rawn fimkhur dan ațang leh an zingah chuan anmi mante hmel reng reng han hmuh tur chu a awmlo ta reng a, Chutah, Ngunukliana leh a hote chuan, kalkawng leh kawngsir velte chu an han bih ngial a, Mahse, mihring hnuhma reng reng han hmuh chu annei ta tlat lo mai a, thil awmzia chu an hrethiam lo hle a, Thangmawia leh ațhiante chuan râl ho chetla vel chu an awmna hmun ațang chuan anlo thlir reng a, Thangmawia bula țhu ațhiante chuan an pasalțha chu an en deuh hrek hrek tawh mai a, an hnuhma awm zawng zawng chu, an pasalțha'in athup tir vek chhan chu an hrethiam ve ta chauh ani.
.
Ngunukliana leh a hote'n Thangmawiate awmna hmun an rawn thleng ta tihah chuan, maktak mai chuan, chu ngawpui chungzawn chu chhûm dum chhah tak mai chu, apâng aw inzial ta mup mup maile, chu chhum dum invial mup mup mai karah chuan kâwl arawn phe zuai zuai mai bawk a.. ruah mal lian zet zet mai chu arawn tla ta phuar phuar ta mai a, Chutah, Thangmawia chu van lamah chuan ahan hawi chho vang vang a, chutah, chhum dum chhah zet mai karah chuan, an lo hmuh fo tawh țhin, Zirmawii leh ațhian pathumte chuan, Thangmawia chu bân vai lauh lauh pah a chibai bûk nan ti niâwm fahran chuan, an lû chu an han bu deuh zeuh a, Thangmawia en reng lai chuan chhûm dum karah chuan an liam zui ve ta nghal a.
.
Chutah, Thangmawia chuan chu ruah rawn sur tirtu chu tudang niloin, ațhian lasite chuan hmelmate silai chelek theih loh nan a an thiltih ani tih chu a hrethiam nghal thuai a, Thangmawia pawh chu chuan, "țhiante u, he thil avang hian ka lawm e " a han ti sap a, ruahpui vanawn chu arawn sur ta buan buan maile, Ngunukliana leh a hote chuan, thingzar lian deuh hnuaia tawm hulna tur zawng chuan an phî buai ta chûk chûk mai a.. chu tak chu Thangmawiate tan chuan hunțha a in țan ta chiah maile.. Thangmawia chu a awmna hmun ațanga rawn zuang chhuakin, "Khaile lusei fa dikna pasalțhate u, in thalfang kha hmelmate lamah khuan thlah rawh ule, ti a âu in, hmuntin mai ațang chuan hmelmate taksa ah chuan thalfang chu atlum ta pawk pawk maile, ngawpui chhung chu patling natuar țe vawn vawn leh thinrim in hrosa kuk kuk chuan a khat ani ber a, țhenkhat chu an thlang lawk khâmah chuan tla in, an țe thla vawn vawn mai bawk a, hmelmate silai hmang theilo talbuai vel chu, Thangmawia leh a hote tan chuan duhthusam ani ringawt mai a, chulai hmun chu h.elmate tan chuan a zîm em avang leh han țan chhan tur awm talo chu, a țhen an rawn kalna lamah chuan rawn tlan let lehin, țhenkhatin hmalam ah an rawn tlan thung a, Mahse, chu thil chu Thangmawiate rin lawkdan a nih avang chuan, hmalam kawng chêp lai tak leh kawng ațanga kô hniam laiah chuan, pasalțha Hleithanga leh a hote chuan țan hmun lo khawhin, hnung lamah Thangmawia leh a hote chu kawng țumah chhukin, hmelmate rawn let tur hmachhawn zawng chuan an rawn kalve bawk a.
.
Chulai hmun zîm te ah chuan, patling ngam leh ngam chu inhmachhawn ta biah biah mai a, Thangmawia leh a hote chuan, hmelma thibâng tlêmte chu, an mi lûlak chem chu vilik chhuakin an in sâm ta biah biah maile, hmelma lam hi sawm țha awrh chauh an ni tawh a, mahse a kawtawp ațang an nih tawh avang chuan beih erawh awlsam tak anni lemlo, Chutah, Ngunukliana leh Thangmawia chu an in hmachhawn ta ngei maile. Chutah, Ngunukliana chuan, "naua chahai, mi inring lo lai min lo beia tunah chuan inring leh inring i hanin hmachhawn tawh ang hmiang ti a in hrosa kuk kuk leh thinrim mitmêng sen râm chuan Thangmawia chu a han melh a, Chutah, Thangmawia chuan, nangni hi ani lawmni rô thil leh ropuina duh avanga nunau pawisawilote lû laksak țhintu chu.. mi inring lai beih innei tawh reng em ni?? nangni pasalțha ni a inchhal leh pawisawilo lûlak ching ho tawpna chu vawiin hian nuai bo ani tawh dawn..? mipa fa hmaah i ding tawh e.. min han bei ta che " chu ahan ti chang ve ta khalh mai a.
.
Chutah, Thangmawia țhiante pawh chuan, hmelma tlêmte la awmte chu, an lo chimih barh tawh bawk a, an pasalțhate in hmachhawn tur chu anlo thlir țhapa, an pasalțha chu in beihna ah chuan a chesual mai ang tih hlau chuan thinphu dep dep chuan anlo thlir țhapa, inbeihna hmun tur hi kawng chêp lai anih avang hian, a tu ve ve tan pawh han chetsual chuan an thlang lawk chu, khâm sâng tak anih avang chuan tlak hlum theihna ani tlat, Ngunukliana chuan, Chutia amah thamlo tak a țawngkhumtu han hmu chu a thinrim hle mai a, a hote tlawm vek tawh mahse pasalțha râlhrat leh mi lû pawh tamtak lo khâi tawhtu hian chuti maia tlawm chu atum awzawng lo mai, "nau chahai, i naute hian kanin beihna ah hian an loin rawlh ve êm lovang chu maw? I huai vei par par hle mai maw? Mipa chu atawp kan thleng rât ang chu le.. a han ti a, Chutah, Thangmawia pawh chuan, kanin beih lai hian kan mite hi tumah an raw che chhuak lo ang. Nangni anga mi dawihzep kan ni love.. kei hi min hneh a nih ngai chuan, kan pasalțhate hian i hnehna chan lawmman atan i nun hi an zuah ang, mahse chu thil chu engtikah mah athleng ngailo ang "a han ti leh chiah chu, Ngunukliana chu thinrim hachang țhial rap rap chuan, nauva khale, kei hi pasalțha Ngunukliana Hriangzo khaw pasalțha ka ni ngai e tih leh Thangmawia lam a rawn dawk zawk pah chuan chho zawng chuan a mi lûlak chem chu a han vai chhuak pawp mai a. Thangmawia'n chu hming a han hrechiah chu a thinrim azual kher mai, ahmangaih Remmawii hmêi atan a lak tumtupa ngei ani tlat!
Mahse, hmelmate a beih laia a fimkhurna hloh ngai reng reng lo, Thangmawia chu hnung lamah chuan alo tawlh sawn hman hram a, Mahse, țanhmun rem tak inbei an nih loh avang chuan, Ngunukliana chem chuan Thangmawia nâk nêm laichu arawn thawi feih hman a, mahse pasalțha tan chuan hliam ti a han sawi tham a nilo tlat, zungchal chen vel chuan a kak ve hlek chauh a, Thangmawia țhiante pawh anlo țe țhat hman nghe nghe a, chutih lai chuan Thangmawia pawh alo awm mai mai bik hauh lo. Ngunukliana'n a chem ahan vai chhuak kha insiam rem tuma achem ahan la let leh chiah tihah chuan, Ngunukliana malpui chu a vunpui chhat hlawk chuan a kak ve duai maile.. chutah Ngunukliana chem rawn vaichhuak leh chiah chu Thangmawia chem rawn thlawk chhuak nen chuan, a inkhak ta bur mai a, an pahnih chuan an her bawih mai nghe nghe a, Mahse, Thangmawia chu insiam rem hmasa zawk ațangin, Ngunukliana rawnin siam rem leh chiah achem rawn lekchhuak tur chu, Thangmawiate ang pasalțha zawng zawng zinga mibîk tan chuan atlai lu ta ani e, a bân vaichhuah tuma a kut arawn lek kâng chiah tihah chuan, adar leh lam chu a uai ta hnawk mai a, Ngunukliana chu ahan țe nghal tuarh a, chutah rang lutuk chuan Ngunukliana tlu tur chu Thangmawia chuan, ahan tlawh zui leh nghal zet mai chu, Hriangzo pasalțha nunrawng leh pawisak neilo tawpna chu athleng ta, a thlang khâm ah chuan patling natuar chu, ring mangkheng chuan ațe thla vawn vawn mai a, kumkhua atan leh pialrâl a Thangmawia rawngbawl tawh turin thawn aliam ani ta...
Pakhat ka dah tawh a asei theilo
| Link: | |
| BBcode: | |
| HTML: | |
| Hide post links |
Ngaihnawm khawp mai, mahse laklawh tawkin a awm a, chhiar chhunzawmna tur a awm em
| Link: | |
| BBcode: | |
| HTML: | |
| Hide post links |
-
Calebrenthlei
- Posts: 5
- Joined: September 5th, 2017, 7:28 pm
ADVERTISEMENT (A hnuai a milem hi a nia hmeh zeuh tur chu)