PASALTHA ROLIANA(Taitea) BY Hmangaih MT Chongthu 1 -46

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

Re: PASALTHA ROLIANA(Taitea) BY Hmangaih MT Chongthu 1 -10

Unread post by Ngaia » August 13th, 2017, 4:49 pm

PASALTHA ROLIANA (Taitea) PHEK 19 NA.
Hun leh Ni te anliama thlate avei ve leh meuh chuan, Roliana hliam te pawh dam fel ve tawh in. Fur ruahtui tlak pawh arawn hunchho ve leh ta a, Roliana chuan, pu khamliana chu, adamchian tawh thu leh ngaihtuah awm anih tawhloh thu te hrilh in, i chhungte pawh an mangang tawh lutuk ange, ti in, hawnsan tawhtur chuan ahrilh thina, mahse, pu Khamliana chuan, Taite, tun thut thut a hawn te chu ka tan pawh thil thaber ani dawn em ni, thiante zawng zawng an thih bo vek laia, kei ahotu chanchang ber mahnia khua han luh teh ngawk pawh, mite ngaih lam lam kan ti thalo ang tihte pawh hlauhawm in. Engpawh nise, hei tunah chuan fur a intan chho leh der chu animaia, tiaului pawh mahni maia daikai rual pawh ani tawh lo ang, chuvang chuan, helai hmuna awmkhawmuan deuh hrih hi thazawk in ka hria, i tan pawh, ramhnuaia chettlat inzirna hunthawl i nei dawn tihna ani maia, hmanhmawh atulna em em pawh ka hre lo e, atih tak tlat avang chuan, țhal lo thleng leh tur chu an nghak dun ta hriha.
Tichuan hun reilote emaw an tih chhung in, Fur ruahtui tla zualpui te pawn kianzai arel ve leh tan ta a, annghah ber khawthal hun te erawh alathlen loh deuh avang chuan, tihtur dang neihek lo le, sapel tur chuan an inzui nitin maia. Roliana pawh in chutianga damtha ver vawra, sapel paha ngawkar hmuntin mai han hrutkual vel te leh, kawrdung zawha lungpui chunga perkai thauh thauh maite chu nuam ati in, thawsa zualpui inchhem daih tir tura, kawrhawp thli antih mai, zothlifim thiangkak hanin chhemtir heuh heuh te chu nuam ati in, angaihtuah na khawvel ah chuan chu aia nuamtur dang reng reng awm thei hian aring lo ani. Chutah, Thal mai nilo, silai ngei mai akuta anhan hum rauh rauh mai te chu, puitling ta sawt leh pa hliah hliah te chuan inhria in, amah mai pawh chuan ahlim veng veng mai ani. Anireng lahtaka, amah apian analh in, apumrua te alian tha bawka, silai humchunga ngawkar leh kawrruam te hruta an pen thauh thauh mai chu, ramngaw leh kawrruam te mawitura khuanun abiktaka aduan liau liau emaw tihmai tur chuan, a inhmeh in apa hliah hliah mai a. Amah pawh, tlangval tia chhal rual zet ani ve ta reng reng mai, tunah hi chuan kum sawmpali pelchho tawh in, a kum sawmpanga natur ahmang chho tan mek tawh a, ahmel leh apian ten alo azir bawk nen, tlangval tia sawingam zetchu ani anive hrim hrim toh mai.
Pu Khamliana chuan, an saza sarep chawhleh vel pah chuan, Roliana nungchang leh hmel ngainat awm tak mai te, a chakzia leh tlawmngaih zia te chu a ngaihtuah neuh neuha, silai la chelek ngai hawt si lo in, silai chelek azei zia leh ahman thiam zia te chu mak atihial zawka, ngawchhung thelh fai lai chu sawi loh, țhangbawn pik zing ah pawh, thawm chhuah hauh loa sahnu an chhui zat zat thei mai te chu, tupa mah mah hian an tluk theih hi aringlo hial ani. Chutah, silai vel te tihfai paha abula lo thu ngawi ve reng, Roliana lam hawi pah chuan, Taite, vawina i saza han kap zet kha chu, alo hmuve tu tan pawha awihawm loh khawp hial ani mai a.. A silai neitu Vungliana pawhkhan, khatiang ang em ema ahman thiam chu ka ring hauhlo mai.. Engtikni ah emaw chuan, i chanchin sawi chhuah hun te kan la nei ve anga, chutih hunah chuan, thiante bulah tihian kan sawi anga, 'kan naua nen chuan, mual vangtan zawnga inzui phei dân dân in, ngawchhung kan pel fel dawn chiah tih chuan, kan hma lawk ah sih chhete a lo awm ve reng tih hre hek lo i, saza tuai nalh zet mai pakhat, tui inlai chu kan phawk tlan hlauh maia, tichuan kan hmalam kham chhete te in tlar thliah na lam pan chuan atlandawk phei ta ziai zaiai mai, han kah zui na hun remchang pawh awm lo chuan, thangbawn kar chu chuh in kan piah hlafe maia kham chhawrdawh ah chuan alawn chho ta a, keini pahnih pawh chuan lo thlir zui ve reng in, kham chunglam lungpui sira atanga, alu chauh tilanga minrawn thlir dauh dauh lai chu kan han hmuta a, ka naua chuan, vehhnai lemloa chulai hmun atanga kah chhin chu achak tlat mai peka, a silai kahthiam zia mi hmuhtir a chak te pawh ani mahna, kei ka lo hmuh ve dan ah chuan, silai mu pawh in athlen phak ka ringlo hial zawk ania. Mahse, ka naua chuan, engmah han behchhan pawh nei lemlo chuan, adar ah silai chu chhuang in an tin vang vanga maia, chutah le khuluih khawpa silai an hmet puak dur mai chuh, atum athelh lo ani tih hriat zet mai chuan, min thlir dauh dauh tu Saza tuai ngei mai chu, khampang ah chuan a hlawmthla ta nawk nawk mai a, alo hmuve reng tu tan pawh a awihawm loh hial zawk alawm le', tiin, kan hrilh anga, thiante zinga tu emaw ber chuan, pu Kham, chung em em te chu thil nithei pawh va nisuha, i sawi uar deuh anilo maw, an lo ti ngei anga, kei in, aw..in awih te chu engtin nge ka rin bik ang, kei ahmutu ngei pawn, awih har ka tih laia, nangni hmuve hawt si lo ina, lo awih ve ngawt thu lah awm suh, ti in kan chhang zui leh zat anga, chutah zetchuan, vannei minti in an hmuve chak lutuk chuan, hrawkbawk kal rulh rulh khawp in, chil an lem khawlh khawlh tawh mai dawn asin, ati ta a.
Ngawirenga lo ngaithla tu Roliana lahchuan, sawitur hrelo zeta nui rah rah chuang chuan, em em ana, an ti deuh ngawta. Roliana sawitur hrelo hmel vel chu, pu Khamliana chuan nuih var var pah in, Taite, a em em hlei nem, thudiktak alawm ka sawi dawn. Tunah chuan, hei tlangval pangngai diktak i nive ta bawka, i hma ah tihtur tamtak in ahmuak mek che ania, khawchhak lam ral ho beih dan tur te pawh ka hrilh tawh che kha, tun atang chuan hnunglama mitnei renga i awm angai tawhdawn ania, heng inti pasaltha ho zing ah hian, hnunglam atanga mi kah mai hrehlo te pawh tamtak an awm ve bawk tih hria la, i hmelma te i hmachhawn dawn reng reng in, hnunglam atanga bei tuche an awm loh theih dan tur ngaihtuah tel zel ang che, tin, silai hi thataka enkawl theihnghilh lo la, duattak leh thataka i enkawla i vawnfai reng chuan, engtik laipawh in inunna chhanhim tur in a inpeih reng ang, vawikhat silai hmehtlawlh palh avang in, i nunna i chan phah thei ani tih hre reng ang che, tiin, a fuih pah mawlh mawlh bawka.
Pu Khamliana leh Roliana chuan, a tukmai chu an inthen hun tur ani tawh tih hria in, muthilh zai pawh rel lo chuan, tul leh pawimawh an tih ang zawng zawng te chu sawi dun in, anin hrilh mawlh mawlh maia. Chutah, pu Khamliana chuan, ni e Taite, i hman remchan ve leh rawnkal tumla, ka inah ngei rawnin nghah tum ang che, mahse, Kaphrangi ten an hriat chhuah mai loh nan che, tlema i insiam danglam deuh chu angai mai thei anim. Rei rial chi pawh ani lo maithei, inau chu kan khua, Tawnzing ah a awm ka ring chiah lo, a mantu kha kan khaw thenawm, Sihzawl khaw pasaltha anitlat maia, chumi te khaw lam ah chuan a awm ka ring,ka thiannu i tih zawk, tleirawl hmelfel vingveng deuh erawh kha chu, kan khua Tawnzing ah a awm ngei ka ring. Tunah hian, khawikhua ber nge i pan anga, helai atanga khawhnai ber hi khawilai ah nge a awm tih hre lo mah ila, henglai tiau hnaih lama khua te hian, keini ho min hlau in, khawthlang lam ah an i suan deuhvek tawh maia, chuvang chuan, zantam fe riaka khawthlang lam pana i kal ala ngai maithei ani, henglai rama tlang leh lui te hi chhim leh hmar hawizawng deuh veka in kham an nia, chuvang chuan khawthlang lam ipan dawn anih chuan, tlangdung leh lui te i zawh vak vak arem chang lo mai thei, ti in Roliana kaldan tur tha a ahriat dan te chu ahrilh nghala. Tichuan, zante pawh arei tahle tih ah chuan, atuka an hmabak tur te ngaihtuah chung chuan muthilh zai an rel ve ta a.
Roliana chu hmatak ah tho in, sarep te chu chhum in, athen athukphum bawka. (heihi nitina an pumpui hnawhpuar nana an hman ve thin chu ani a, antan chawchhum tur, ramhnuai ngawkar ah hmuhtur awm hek lo le, sarep leh sava te chu chhum hmin in, anin hnawhpuar ve mai thin ani..) A duhanga eitur te a inpeih fel hnu chuan, pu Khamliana pawh rawn tho chhuak ve nghal in, an eitur neih ang ang te chu an eidun mawlh mawlha, pu Khamliana chuan, a awte thian kharh kharh in, Taite, lungngai reng reng suh ang che, mipa takin i hmaa thil tihtur awmte hlen tum la, pasaltha tamtak te tluk rual loh inih hi, tia fuih pah chuan, lehlam hawi in amittui chu an hru zauh zauha.. A rilru tak chuan, Roliana hi angaina in, abula khawsak chu nuam ati em em maia, chutih rual in, naupang te nichunga afahrah zia leh tihtur hmabak angah zia leh ako rih zia te chu an chhutpui thin, a hmel pawisawi lo leh ngaihla tak mai te chuan, a khawngaihna te chu anti zual em em maia, mahse, patling ve lem in, naupang zawkte ngaih tithalo hial tura, mittui han tih tlak te chu ahreh em avang chuan, Roliana hmuhloh lam chu a hawi lui hram hram a.
Tichuan, an duhtawka sarep chhum leh ahemhmin te nena an inhnawh puar hnu chuan, ahla thei angber kal hman tum in, Roliana pawh chu a inbuatsaih ve nghala, pu Khamliana pawh chuan atheih ang anga lo pui ve in, an insiam peih ta thuaia, tichuan le, Vungliana silai pu chung leh sarep thahnem zet akpuar luah chung chuan, hriatngai loh ram pan tur in, pu khamliana chu akalsan ta a. Pu Khamliana chuan, Roliana kal liam tur chu thlirzui vawng vawng in, Taite, Khunu chuan veng in hualhim che sela, phuba i lak theih nan tanpui mawlh che rawhse, tiin, a mittui hruk zauh zauh pah chuan, Taite, nangang rual lek zawh atan chuan, i kawng hi abumboh deuh chu anie tiraw, tia phun sep sep chung in, bukchhung ah chuan aluhsan ve ta a. Pu Khamliana hian, pi leh pu ten anlo sawithin ang in, nikhata chhak leh thlang zawnga chhuah rual chu duhlo in, Roliana chu naupang zawk anih anga chhuah hmasak tir in, atuk lama an khawlam pan ve tum chuan, a awm hnufual hrih dawn ani.
Roliana pawh chuan, ngawdur puipui leh tlangsang tak tak te lawnliama kalpel ve zel in, niruk chhung zet chu a kal tawha, mihring hnuhma leh khua awm reng reng hmuh alanei ta chuang lo, Ramsa hlauhawm tak tak te leh, enge an nih pawh hriat loh thawm maksak tak tak kar ah chuan, abei te pawh adawng ve lek lek thin mai, mahse, chutiang kar ah pawh chuan, amah hmangaiha duattaka kuah thintu anu tawrhna te kha ngaihtuah in, chuchuan huaisenna leh chakna thar neih tir in, phuba lak duhna chuan hmalam pan tur in anawrkal leh hram hram thin. Nikhat chu le, beidawng leh chautaka akal hnak hnak lai in, ahmalam hla lutuk lo a silai puak thawm chu ahre ta hlauh mai le, hunreitak mahni chauha vak vak tan chuan, silaipuak thawm mai pawh chu ari amawi in, hriat anuam kher mai, Roliana pawh chuan silai puakri lo chhuah na lam chu hmanhmawh zet chuan apan phei ve nghala, mahse, buaina in ahmuak mek tih erawh ahre sa bik si lo, lo hrelawk hlauh se zawng, ahelna kawng te pawh azawng ve maitur hi ania, ani mihring ve bawk chuan, ahmahun te hrelawk bik heklo le, buaina hmachhawn tur in phurtak chuan hmalam apan ve zel chu anisia le.
Tichuan, silai ri lo chhuah na pawh chu hnaihphei ve zel in, mihring tawng thawm te pawh ahre thei ta vuai vuaia, tlema ankal hnaih leh deuh tak ah phei chuan, patling thinrim tak maia in hnial thawm te chu ahre ta tlatmai, engvanga in hnial ta chiam mai nge an nih anga, mi engzah tak ni ang maw tihte ngaihtuah chung chuan, fimkhur taka panphei in engvanga in tibuai ngawt nge an nih tih hriat tum chuan, an lantheiha lai atanga enthlak tum chuan apan hnai ta a. chutahle, mual remchin kal pela, kawr ruam luh thlak natur awihchin avathlen chuan, ahnuai lawk kawrruam zaulai ah chuan, pasaltha ni awm tak panga lai mai chuan, a Sanghal kahthluk rap chunga,, chempui lo humran mai chu din hual in, anlo inhnial nasa maia. Mipanga zinga an hotu ber niawmtak chuan, heihi kan ram chin ania, kanram chin huam chhung ah hian, khawikhaw pasaltha mah vahluh kan phal ngai lo, chuchu nangni pawh in inhre sa vek ani, kan phalna leh remtihna loa kanram chhunga vak reng reng chu, kan tan chuan hmelma in ni mai, dam ila duh anih chuan, i sanghal kah hi kalsan in, arang arangin inkhaw lam pan nghal angche, tiin, thamlo hmel zet chuan atawngkhum bawrh bawrh maia. Chupa lah chuan zambik hleklo chuan, inkhaw rama, ramvah in phal loh chhan te chu ka hai bik hlei nem, hman atatawh tun thlengin Ro phum ruk inzawnga, inzawng hmu zo chuang lo chu anih ber hi, pitarte dawtsawi awih in, akhawpum in inbuaia, engmah hmuhchhuah lah chu in nei si lo, khawmawl tak chu inlonih hi. Keihi pitarte dawtsawi awiha vakrawlai mai mai hmuhin min hmu reng reng emni, he ka sanghal kah hliam hi chhui in inram chin ka rawn dailut ve mai anie. Midawihzep anga mahni sakahsa kalsan nul nul chi kanilo tih inhre dawnnia, angam ngam chuan minrawn chuh chhin ula, ati let ve ta hmiah maia.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 13th, 2017, 4:49 pm

PASALTHA ROLIANA (Taitea) PHEK 20 NA.
Roliana pawhchuan, zawltawp atanga kawrruam intanna awih pang chinah chuan, a ruktea vaklut in, arthladawn buk behchhan chung leh lungtum tlawhchhan ran chung chuan, ahnuai kawrruam zawlzau laia, insual peih at maia in hmachhawn mek te chu lothlir ve reng in, an thusawi te chu alo ngaithla ve ran maia. Chutah, sanghal kaptupa thusawi te chu mak ati in, pitar pakhat thilsawi avanga, mahni ramchhunga khawdang mi reng reng ramvah han remtih loh ngawt mai chu, engthiltak chu ni ang maw, an phalloh chhanbera lah chu tunthleng pawha la hmulo in, khawi laiah nge aawm tih takngial pawh an lahrelo anih hmel si a, engtik atanga zawng tawhnge an nih anga, chutiang khawpa khawdang mite anram chhunga vahluh phalloh na khawp thil chu, engtiang taka hlu ni ang maw, ti in, angihtuah nasa maia.
Athlang kawrruama inhmachhawn mek te chuan, ankhua emaw, an Lalte hming emaw pawh an sawi lemloh avang chuan, Roliana pawh in tu khua te nge an nih tih chu ahrethei mai bik lo, chutihrual erawh chuan, tlawmzawka tantum lo ve ve chu an in sualngei dawn ani tih chu aloring thiamve maia, mipakhat tana mipanga han hmachhawn chu a lo huphurh puiin, arilru chuan alotan ru khawp mai. Theihnise, lo tanpui ve te pawh aduh rilru ve ngei ang le, mahse, ațanhmun aremlo in, pakhat te chu lo kaphlum ve ngawt pawh nise, atan inphenna tur tha aneih loh avang leh, tlanchhiat na mai aremchan loh bawk avang chuan, rilru takin lo tan ru viau mahse, lopuih tum ve ngawt chu dam alduh ve te anih chuan thiltih chi anider lo. An awmna lam ah han tlanthla dawn pawh nise, awihpanga atlanthlak chhungin an lo kap hman dawn bawksi, an intihthiam lohna bulfuk tak pawh hrechiang hawtloa lo inrawlh buai ve ai chuan, aruka lo enthlak chu tha zawka hria in, ngawireng chung chuan alo thlir ta zawka.
Akhawi lam lam mahin ka insaseng mai ange tih tum tasilo chu, tawngka a sawifel theih anita lo. Sanghal kap tu leh, mipanga zinga an hotu ber chu chempui nena in hmachhawn in, an inveh ta theuh theuh maia. A khawilam zawk zawk pawh chu chantha zawk leh chungnung zawk pawh awmlo chuan, anin nawr tawn zak zak maia, patling leh patling, pasaltha a inngai ve meuh inring tak chunga inbei chu, awlsam taka in sahfuh te pawh alo har ve ania nge, sahpawh insat fuh hleithei lo chuan, an chempui te chu a inkhak ri chhawk chhawk maia, chutah le, sanghal kaptu pa in tanhmun siamrem tuma hnunglama an tawlh chiah chu, a hnunga lama lo ding pakhat chuan, euzawk khawp in akawng ah alo tlawh pawp maia le, a tan inven ngaihna a awm ta lo, a lu chu ataksa atang chuan aper hrang ta nawlh maia.
Chutia sanghal kaptu an beihrawn lai Rolianan an hmu chu, athinrim leh lotang lutuk chuan, atum loh deuhin awihpanga aintlawh dinna lungtum chu atlawh phawng ta hlauh mai le, anilah chuan tlawhchhan tur nei tawh heklo, a inphenna ber arthladawn buk chu a bawh engthla ta duai duai maia, katihpalh tia letleh ngawt chi lah ni tawh hek suh, thil anihtur anizo tawha, apawitur pawh apawizo ta. Hnuailama lo awm mipanga te pawh chuan, Roliana, arthladawn buk chunga, nalhlo zeta rawn tlu bawkkhup lai chu, ranglutuka silaia lo tin nghal in, Roliana tana chet ngaihna awm hlek lo chuan an rawn dinhual nghala. chutahle, anzinga pakhat chuan, Roliana chhipsam ah dimlo baksak a tham in, kawrruam zawl lam ah chuan ahnuk thla ta bawrh bawrh maia, chutia ahnuh thlak pah chuan, Roliana hnuk tu chuan, an hruaitu ber leh sanghal kap tupa nghawng chawksak tu hnen ah chuan, ku Lianhrim, nang chuan, Rallu hawntur pakhat i nei tawh tho bawka, heihi chu ka chan pual ah min ngaihsak ve ang chu tiraw, Rallu ai nih te pawh achak awm ve alawm, anti zui zata.
Chu tawngkam Rolianan an hre zet chu, angaihdan anita lo tawp mai le, heileh chen hi ramhnuai ah vakvaiin ka lo awm tawha, inthawm te ka hriata ka lo hlim ve hman tehlul nen, nangni lah chuan engmah pawh min zawt hmasa lo in, hmelma ah min ngaia, ka lu te chu lak in tum vela maw, awlsam tak chuan ka lu hi inla bik lo ange, tia ngaihtuah in, zawlzau lai an thlen rual chiah chuan a chhipsama thamtu kut chu, akut khinghnih a mansak ve nghal in, nanghian ka lu hi lak theih i inring amaw, hantum chhin ta che, tih leh a chhipsama thamtu kut chu herhsak arual nghala, chutia virzawk paha amantu kut an herhsawk mai chu, a che rang in lo akuat aherhsak pa chu lo in ring hman heklo le, tethawt chung chuan hmalam ah abu ngawih maia, chutak chu remchang ah hmang in, a kut dinglam chuan chupa kunlai nghawk ah tak mai chuan, nalua awm lo in an sat leh ngheng maia, akutthlak ana bawk aniang chu, chupa pawhchu athal chiang ngei mai. Chuti tehthuta Roliana an chethut mai chu, an rinloh leh beisei loh zawng tak mai ni in, an hamhaih in chet mai ngaihna pawh hre lo chuan an ding ka hau maia, chutia chet nachang pawh hreloa an dinglai chu chuhin, a mah hnaihtu ber chu Roliana chuan athialpawn ah tak mai chuan an hnek leh siah maia, Roliana kuttum hrawl zet in duhtawk maia an deng dawt mai chu, chupa pawh chuan tuar bik lo in, kaihza thlep hnawk chung chuan athingthi nghal hnawk maia. Chutahle, muthlulai harchhuak thut ang mai in, midang pathum te chuan, Roliana chu an rawn bawh rual thawt maia, Roliana pawh in, atheih ang ang chuan lo beilet ve nghal in, lehlam tan lah silaia in kah chilh na chi ani tawh si lo, chempui lo phawrh lawksa lah chu tumah awm hek suh, kutlawng chuan an inbei ta hmiah hmiah maia, Roliana tan pawh in vensen ngaihna awmbik heklo le, ahmui leh hnar te chu athi phengphung tawh maia, a hmelma lam te pawh, tumah chu himdam an awm bik chuang lo, anthi ve sengsung tho mai.. Pasaltha pathum zet mai an beih rawn tak ah chuan, Roliana pawh achau in ahah ve ta kher mai, tichuan, atha laneih angang te sawmkhawma leh in, an pathum chuan hnehlo mah i la, hepa hi chu ka thih pui tho tho ang, ti a ngaihtuah chung chuan, an hotu pa ber chu a zuanlet ta tawp maia, leia an tluk thlen rual chuan, chupa bek ah chuan thlesawk khawpa hnek zui nghal in, a ringruh herh chhum tum chuan, a khabe leh atukkhum ah avuan zui nghal chat bawka, mahse, athiltum chu ati hlawhtling hman ta bik lo. Atukkhum ah tak mai, richawrh khawp a, silai kawma hlap na chu tuar lo in, aringruh thuai chhum sak a tumpa bawhrawp khawp chuan atlu hlawm veta hnawk mai le. Chutah, a naknema nazet maia an rawn chhir leh chu hre ruai ruai in, tichuan nikhaw hrelo in a awmzui ta a.
Roliana nikhaw hreloa a awm lai chu, pakhat chuan chempuia anghawng sahchhum tum chuan atin ta uaih maia, mahse, anthian pakhat chuan lo dang thuai in, thiana i hmanhmawh mah mah lo maw, hetianga kut minthlak tu hi, nuamsa taka thihtir zawng a inhmeh ka ti tlat lo mai, khua ah kan hruai hawng phawt anga, kan Lalte hmuh lai ngei in anghawng kan tan ang chu maw le, tiin, aduh dan chu asawi chhuak ta a. Roliana arawn harh chhuah leh meuh chuan, akut chu hmawlh tlawn ah pharduai chung chuan alo in phuarbet hmiah tawh maia, tun ah chuan atan eng hantih vak ngaihna a awm ta lo, ahmelma te kaihna lam lama kal chu atihtheih tawk ani ta. Hmelma te kut atanga tlan chhuak in, ramngaw pilril pui pui te leh sahrang hlauhawm tak takte pal tlanga, thlamuang taka awmna hmun leh hahchawlh na hmun turte beiseina nena apan ve hram hram lai in, a beiseina leh duhthusam chhan na chu, hmelma ten duhtawka an nghaisak tur atana phuar hlawm chu ani leh ta.. Siamtu pawh hian, Roliana tan zahngaihna ahnut chhiah ve lo em nile, engtik ah tak hlimni leh thlamuang taka chawlh hunte hmu ve ang maw.
Naupang tualchai thawm te leh Ar khuangri te ahriat tak ah chuan, Roliana pawh in khua an lut dawn hnai ani tih chu ahre thiam nghal maia, a rilru chu a vak thui vawng vawng ngei mai le, he khua ah hian anunna laksak anih vaih chuan, ahmangaih em em anau Rochami leh athiannu Chhingpuii te chan tur chu ava rapthlak dawn em, an mahni sala man tu, anhmelma te ngei maikha, duhlo engang mahse, an nupui atan emaw, hmei atan emawa an tan alangai ngei dawn sia, chhanchhuak tu tur beisei in anla rum vawng vawng ngei ang le, Roliana mit builuk atang chuan, mittui arawn hnam tiam tiama, ka nu, i phuba la tur hian ka tling tawk lo emni le, i phuba latur hian ka theihna zawng zawng chu ka chhuah ve asin, tiin aphun zui sapa.
Tunah chuan a hmelma te khaw kawt chhuah an thleng ta, an mitha lu chu rallu anga chei bawl in, a that tu Lianhrima chuan, lungdawh tlawhchhan meuha ralthah hlado te chu chham in, asilai chu an hmetpuak dur maia, athiante pawh chuan lo chhawn ve nghal in, silai chu an kap ri ta dum dum maia. Chutianga hnehna hlado chham chunga silai an han kap puak dur dur mai chu, Roliana tan chuan thil ngaihthlak nuam ani hauhlo ang le. An mithah a lah chu, hmelma leh an ral pawh ni lo in, a sanghal kahhliam umzui vanga an ramchhung dailut ve mai ani a. Chutiang ni chung sia, rallu sawngbawl tak a an han sawngbawl duh tlat mai chu, mi dawihzep leh chapo bawksi, mite aia thei nihduhte tih awm tawk lek ani a, an ni ho pawh hian an tihawm tawk lek ti an nih hi anin hai bik lo ang chu. Lianhrima hi lalkhawnbawl upamin fani in, midang ho pawh hi Lalmualkil pha chin thiau an nia, an pate nihna leh an khawsak theihna te chu chapo pui in, khawchhung ah pawh an inlalian in mite pawh in anhlauh tlawn hial thin ani. Tichuan le, khawchhunga awm ho in, ralthah hlado leh silai puak ulh ulh thawm an hriat tak ah chuan, tutenge ni ang tih hriat chak chuan kawtchhuah lam pan in an tlan dul dul maia. Kawtchhuah an thlena an va hmu chiang ta chu le, tumah hmel pangngai pu reng reng an lo awm si lo, an hmel leh hmai te chu avung duk cherchur vek mai si, chutah tunge anih pawh an hriat loh thingtuai hlam zuah chunga akut in phuar bet tlat mai te chu, mak anti in angaihna an hrelo hlawm kher mai. Tichuanle, Lianhrima chuan, ami thah lu chu khai in, intithei zet chung chuan hma anhruaia, athenin Lianhrima hnung ah Roliana chu kai ve bawk in, Lalin lam pan chuan an inzui ta dul dul maia.
Naurual chawchhum hun zet ah chuan, Lalin chu thleng in, Lal leh a upa te ho pawhchuan leikapui atanga lo thlir ve in, thil awmzia chu an hrethiam lo tlang kher mai. Anlalber chuan mipui ri luih luih chu ngawitur in akut chuan an zapa, mipui tawng ri luih luih thawm areh fel tak ah chuan, Lalpa chu rawn tawng chhuak nghal in, awle, ka khua leh tui te u, vawin ah hian, engthil nge lo thlenga, engtiang chiah in nge kan pasaltha te hian buaina an tawh, tihchu kan hre chak vek in ka ringa, kan pasalta te zinga ahruaitu ber Lianhrima, ka upamin fapa nibawk hian, an thil tawndan mipui te hriat ngei ah hian hansawi se atha ange, ati ta a. Lianhrima pawh chuan zakhmel pawh pu hleklo chuan, leikapui lam chu pan chho ve nghal in, an Lalpa sira din pah chuan tihian anthil tawn dan te chu asawi ta a.. Awle, kan thil tawn dan chu hetiang hi ani e, tukin, tukthuan eikham khan keini ho hian Hnahkhar ngaw lam ah, sakah tur te a awm mial lawmaw ti in, vak satliah mai mai tur in kan kala, tumloh deuh in, kankhaw thenawm pasaltha pakhat, kan ramchhunga rawnkal chu ralkhat atang in kan hmu hlauh maia, tichuan ahnungah zuiru zel in, kan enthla ta a, a chezia leh a kalkual vel dan ah chuan ramvak satliah mai nilo in, kanram chhunga ro phumruk ngei mai zawng ani tih chu kan hrethiam ta a. Chutia avahkual na lama kawrruam aluh lai chuan, sanghal hmufuh in akap tlu zuita a, chutia asanghal kah tluk abuaipui lai chuan, keini ho hian kan va pawh ta a, thu thataka kan zawh pawh chuan min chhang tha duh tlat lo maia, kei in, a chunga thilpawi athlen hmaa ankhaw ram lama let leh tura ka tih pawh chu ngai pawimawh duh lo in, insual ah min cho ta tlat maia, chutia, atlem zawk in keini mipanga ngawt mai, thamlo zeta min tawngkhuma insual hial min cho tak ah chuan, mipa ve lem in, min chona han tlanchhiat san ngawt thu awm bik heklo le, kan pahnih chuan kan in mal beih ta a, atawng huai ang ngawt chu alo nilo tawp mai le, awlsam te chuan, anghawng chu ka sah chhum sak ta hmiah maia, mahse, rinloh deuh in thuihhruai alo nei reng chu ni in, kan inrin loh lai chu chuhin, he kanmi rawn man pa hian, kanhnung lam atang in minrawn bei thut maia, a mah avang hian kan thi lo chauh chu ani e, mi inringlo lai bei duh tawkvela dawihzep mihring chu, han thahnghal mai kan ui deuh sia, kanlal ten thu zawhfiah atan an duh kan ring deuh bawk nen, tihian anung chungin kan rawn man ta anih hi, ti in, anthil tihdan chu dawt tlem tlem belh chung chuan a sawi ta a.
Lianhrima thusawi ngaithla a lo ngawithup mipui te chuan, Lianhrima thusawi te an ngaihthlak tak ah chuan, antawngri mur mur maia, athusawi awihtawk anawm lai in, awih chiahlo te pawh an awm tho mai.. Chutah, anmiman tlangval tuaitir piannalh zet lam chu an han thlira, engtiang taka huaisen leh chak ni ang maw, tiin an inzawt ru sap sap maia, mipanga ngawt in an beihrawn anih hmelsia, tumah lah chu himdam in achhuah bik tlat lo mai, ti in an in hrilh mawlh mawlh hlawma, apiannalh tak mai leh engang chiaha chak nge anih ang tih te chu rinhriat thei mahse, ahmai vung leh duk cherchur vang erawh chuan, engang hmelpu nge aniha, engtiang chiaha hmeltha nge anih tihchu an hre thei lo ani. Chutah, an hriat tur ang chin te an hriata, Lalin tin tura atih tak avang chuan, mipui te pawh mahni inlam ah an tindarh zo ta a.
Lalinchhung ah chuan, Lal leh a upa te, valupa te leh anpasaltha ho te chu an thuthap maia, Roliana pawh kilkhat ah, akut hnungkhirh in an thut tir ve ran maia, Lal leh upa te chuan zawhna hrang hrang te zawt in, ani pawh chuan, Hmawngpui khua anih thu leh, ral kut atang atlan chhuah dan te chu tawifel taka sawi in a chhang ve nghala, mahse, amah mantu te chuan dawtsawi ah an puh tlat mai si a, an mahni lo chang ru a thah tum tu anih thu te sawi in, thah ve ngei an duhthu te chu an sawi ta a.. Lalinchhung rorel na pawh abuai mam mam khawp mai, chutiang taka an pasaltha te chunga kut lo thlak tu chu thah ngei ngei tur ani, ti pawl an awm lai in, Roliana thusawi ring pawl an awm ve bawka.. chutia rolumna mumal an neihtheih tak lohah chuan, an Lal upamin, Lianhrima pa chuan, ngaihdan thar arawn nei ta tlat mai le, angaihdan chu ti hian an sawi ta a, Lalpa, hetia rolumna mumal nei theilo a awm ngawt ai chuan, ka ruahman na hi tha in ti anih chuan hetiang hian kalpui ta mai ila, atha mai lawng maw, he kanmi man pa hian dawt asawi leh sawi loh chu, mualvenga kumkalta maia rawn pem thar, Hmawngpui khawmi, Thawmliana sawn a chian thei in ka ring, he kan mihringa hian dawt te alo sawi hlauh anih chuan, alu hi tansak nise, thudik alo sawi te anih erawh chuan, kan pasaltha te kut alo thalk na rultawk vel in hremna pe in chhuah ta mai ila, atha mai lawng maw, in pawmzawng te ani ve emaw chu, ati ta a. An lal chu rawn tawng chhuak ve nghal in, Lianhrima pa nge nge, upamin nih itlin thin e, i sawi ang ngei chuan ti ila atha ange, ati ve taa.. Tlangau pa pawh in atihtur ahai bik lo, tirh nawn pawh ngai lo chuan, Thawmliana koh tur chuan atlan chhuak zui ve nghal zata.. Chutia Thawmliana hming te an rik tak ah chuan, Roliana hmel chu adanglam chiang kher mai, athinlung chu thinrimna chuan rawn tuam nghal in, engmah ti thei si lo chu athen chawk chawk maia. Theih chu nise, arawnthlen rual ruala aring ruh lo thuaichhum chu aduh hial ngei ang.
Reilote hnu ah chuan, Thawliana leh Tlangau pa pawh chu an rawn thleng ve ta a, Thawmliana chuan an Lalpa lam chu hawi in, Lalpa min mamawhna te i nei em ni, ka tih theih zawng te anih ngai chuan, i tirhna lam apianga kal ka inpeih e, ti in, lal chibai buk nan an kun zauh a. An Lal chuan, a khawidanga in tirh lam chu ni lo e, hei kan pasaltha te rawn mana hian, Hmawngpui khua kani e atia, dawt asawi leh sawiloh han chian la kan ti mawle, i hriat zawngte ani emaw chu, han en chiang teh le, ati ta a.. Thawmliana chuan an thlekvel ngial hnu pawh chuan, tunge anih ahre thei ta hauhlo maia, chutah, Roliana hnen ah chuan, hei i hmai te hi avung dukchur mai si a, i hmel atang ringawt chuan ka hrethei hauhlo mai che ka ti, tunge ihming ni reng renga, ti in a zawt ta a. Roliana chuan rumzeta melh pah chuan, Roliana ka ni e, intawn hun kanla nei ang ka tih kha, i lola theihnghilh em lo ang chu maw, anti zui nghal zata. Roliana hming an hre chiah chu, Thawmlian pawh aphu teuh kher mai, amakti hmel te chu insiam tha thuai in, anthiltih thalo tak te chu hriat chhuaha a awm loh nan duhthlan tur kawng khat chiah anei ta. Chutah an Lalpa lam chu muangchanga hawi in, anzavaia hriat tur chuan, Lalpa he mi hian dawt asawi ani, kankhua runa kan awm lai khan, tuna kanie atih hming asawi Roliana kha chu naupang savaveh rual lek ala nia, tunah kumthum avei chauh a, hetianga tlangval nihna hman a la awmlo reng reng, ka ngaih dan chuan, Lal leh a upa te pawh zahlo a, dawt ahrilh vang hian thitlak ani in ka hria ati ta a. Chutia, a hre tur bera an ngaih in ahriat tak si loh ah chuan, sawitur dang a awm ta lo, a tukzing nichhuah ruala, Roliana lu tan sak tur chuan, an rorelna chu tihtawp ani ta.
Roliana chuan tihtheih aneih loh zia te chu ngaihtuah in, lalkawtzawl tawpa thingtuai hmanga an hung chhung ah chuan beidawng tak chung chuan athu kun lap maia, Thawmliana thil tihdan te chuan ahuatna atizual ngei mai, a rilrua in ngaihtuah in, hehmun chhuahsan tur hian zankhat hun kala nei alawm, Thawmlian lo ngai tak rawh, i lu ka lak hma a kathi anih chuan, keihi Taitea ka ni lo tihna aniang, hei hi lo hria ang che, thitura i duh kei Taitea hian, hetiang hungna paltlang theihna khawp lek finna chu ka thluak ah hian a awm ve asin ti in aphun zui sap sapa. Chutah khua pawh athim hnai ta, engmah ei lo leh tui takngial pawh in lo anih vang chuan, arilte chu tamin a dang te chu a ro huam huam maia, chutia, chautak chunga an hungna thing nghenga athut lai chuan, putar pakht, tianghawl chunga kal kun hlo hlo chu, Roliana an khungna bawm bula lo kal in, a puanhnuai atang chuan maubur te reuhtea chu rawn phawrh chhuak in, valte, hei tuihi han inteh khai, i dang te pawh aro lutuk palh ange, Hmawngpui khua maw i niha, tia zawh pah chuan, atui ken sak chu ape ta a. Rolianan chu putar aw ahriat chiah chuan, chu aw chu ahriat than em em aw anih tlat mai le, mahs, chu putar hmel an en chian erawh chuan, ahmel ser leh sawi tak te avang chuan tunge anih ahre mai thei lo, Roliana pawh chuan, putar tui pek in pah chuan, aw ni e, kankhua chu Hmawngpui khua ania, kapu, tui intur te minpek a vang in ka lawm lutuk e, ati ta a. Chu putar chuan, anih leh valte, tunge ihming minhrilh thei angem ti in an zawt leha, chutah Rolianan chhan tuma aka ang chiah tih chuan, anhma chiah in atang chuan, Lianhrima chu rawn tlan chhuak in, nang tarchhia hian tui kape e te ilo ti vel amaw, tih pah chuan anam leng lawp maia, thinrim seta vinkhur khur pah chuan, tunah khan inthiar fihlim nghal rawh anih loh chuan, i lu kha ka tan ve nghal ang, ati chhur chhur maia, chutiang te anih tak ah chuan, ngawireng in chu putar pawh chu akal kiang ve ta a. Roliana hian, chu pa putar amaw atih, hmelma ten an sawisak na avanga ahmelte ser khawlo zo leh putar zangkul ang maia tianghawla kal kun hleu hleu chu, apa ngei ani tih hre ta se, eng rilru tak pu ve ang maw.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 13th, 2017, 5:29 pm

PHEK 21 NA.

Roliana pawh, putar in mautheia tui arawn pek te ain tak ah chuan, a dangro sa hulh hulh te pawh rehta huai in ahria a, a taksa leh hmai velte chu sil themthum in, a lu a an vuak na te chuan tur deuh ut ut mahse, a dangro lutuk te an rehtak ah chuan, a ngaihtuahna fim tak te chu arawn hmang leh thei ta a. Tichuan, an khunga na bang, thingtuai tuntlar țhut chu ngheng in, a taksa sil leh nathemthum te chu kalsan in, suangtuahna khawvel atang a, a huntawn mek leh atanna kulhbang te chu engtia paltlang chi nge ni ang, tihte ngaihtuah tur chuan, suangtuah na ramlam chu apan ta a. Roliana tan chuan, engkim mai chu hrilhfiah tu tel lo chuan, zawhna chauh awm, chhanna awmsilo ang hlir mai chu ani a. Tui intur petu putar aw lah chu, ahriat fo tawhthin ni ngei chuan ahre si, mahse, hmelma te sawisak atawrhna avanga ahmel kawisawi tak leh ser rekruak te, putar ang maia tianghawl chunga akal kun hlau hlau te leh a âw, lo danglam zo ta te avang chuan, apa ngei ani tih ahre chhuak zo si lo. Chu putar pawh chuan, khawlai ti ti atangin, an miman chuan Hmawngpui khawmi ka ni e, tih a sawi te chu lo hre ve in, tunge anih hriatchian tum chuan, achungah enge thleng dawn tih pawh ngaihtuah duh lo in, ava pan hnai ve bawka, mahse, tunge anih hriat a tuma lah chu, ahmel atanga hriat chhuah theih rual loh tur chuan, ahmelte chu lo vung pum êl ûl in, alo duk chur mai si a. Chutah, a thilzawh te avang in, Hmawngpui khawmi ani tih chu hre hman mahse, tunge anih tih leh chumi, hrenga khung beha awm meka chu, a fapa ngei ani ani tih erawh ahre hman ta bik lo. A mah rawn namleng dawrh tu leh a lu tansaka rawn vau tu kha, kha aikhan rawntlai deuh hret nise chu, a fapa chhan nan thih pawh huamin a bei ngei le. Mahse, afapa ani tih a hriat theihna tura, an miman in, ahming sawituma a ka a âng tan chiah tih chuan, lenglawp khawp in an rawn namsawn ta si a, ripchhunga an khung chu a fapa ani tih ahrehman ta lo ani.
Tuna Roliana thah tuma bawmchhunga khung tu khua te leh, An khua in anram chhunga khaw dang mite sapel leh ramvah an phal loh nachhan te, Roliana pa, pu Rochuha leh Thawliana te hekhua a an lo awm ngawt dan te han bih chiang dawn ila atha ange.. Roliana man tu te khua hi, Tlanglian khua te ni in, an Lal hming chu Lalrivunga ani. Hmawnglian khua atanga hmar thlanglam, patling nithum kal zeta hla a awm ani a, an khua atanga khawthlang lam, hla lutuk lo ah chuan, tlang lian zet mai hi atohlurh maia, chumi hming chawia he an khawhmin pawh hi Tlanglian khua ti a phuah an ni. Chu ankhaw hming chawi chhan tlang sang zet mai ah chuan, tunhma thlangtla hmasate khawdinna hnu ni awmtak mai, phulhmun zau zet mai hi a awm bawka, ahmunhma han en reng reng pawh in, khawlian tak leh,Lal ropui tak khaw dinna hmun hlui ani tih chu a rinthiam theih nghal mai ani. Tichuan, tuna Lalrivunga khua ten, Tlanglian khua an din hnu, khawthar ankai atanga akum thumna an hman mek lai chuan, thil maksak zet antawng ta tlat mai le.
Tlaikhat chu, Țo haw tur ang mai in, chunglam ah chuan chhumdum let but but in, khawpui ri dur dur kar ah kawl aphe zawr zawr bawka, chutah thlipui nafe mai chu rawnthawk tan in, ruahfang lian zet zet te chu In bang ah te chuan a vawm bei ta thawt thawt mai le, Lalrivunga khua te chuan, engtiang chiaha na innge chu thlipui chuan anuai dawn tih hre hek lo, rilrua hlauthawng tak chung chuan mahni in theuh ah chuan an tawm thap maia, thlipui lah in, ka huntha neih lai ti nive awmhrim chuan, anbang te chu anampuar ta pawp pawp mai a, chutah zet zawng, patling tan awm mai mai nachi ani tawh lo, rappui chungsanga an hnang tel dahthat te chu pawt chhuak in, phuarthat ngailai te chu an melh ruai tawh maia, nu ho lah in, an fa te chu kilkhat ah, pawnpui nen a kuahkhawm in, zahngai...zahngai..an lo ti khur ve hlak hlak bawka. Chutah, thlipui leh ruah ten duhtawk an ngaha, banzai an rel mek lai chuan, Tlanglian khua ah chuan, mikhual mak zet mai pakhat chu a rawn penlut ve mek bawka, khawlai te chu rawn suarphei zel in, Lal in lam pan chuan akal hnak hnak maia, a ke chheh mumal lo zet leh akal muan tawlh tawlh dan atang chuan, ahma lawka Lalin pawh chu penthleng turin, atha in atlin tawhlo ani tih chu ahriat ngawih ngawih mai a, rinlawk ang ngei chuan, Lalin kailawn bul ah chuan, rithlawrh khawp chuan atlu ta. Chu mikhual maktak mai tluthawm hria chuan, Lal in atang chuan, Lalpa leh achhung te chu rawn tlanchhuak ve nghal in, an kawtkaia lo tlu hlawm reng lam chu an pan thla ngala, chutah le, ankawt kaia lo tluhlawm reng bawihsawm tuma an han en chiang zet chu, mak tilo reng an awmlo, Lalnu leh a fanu phei chu te thawt chung chuan, sumhmun lam ah chuan antlan let chho leh ta a.
Chu mikhual maksak zet chu, hmeichhe tan chuan, hlauh loh chi pawh ani lo reng ani. Chu mikhual chuan, mihring pangngai an na reng reng anei lo a, thawnthua ramhuai pitar tia an sawi fo ai pawh in, chu mikhual hmel chuan, ramhuai pitar a ang zawk ngei ang le, ahmai vun te chu azur satliah mai pawh ani lo, a chuar in a chuar tun maia, a taksa te lah chu thingtangro remkhawm, ramhuai vuna tuam nimai awma mawi ani. A sam te lah, sam chhawlleng hlang, ruahin a nan vanga pialve satliah mai ni hian alang bawka, a.. sawivek sen poh ani lo, a zavai belhkhawm chuan ramhuai pitar a ang ani tawp mai..
Chutia , mahni kawtzawl meuha thichhawnga rawn tluta chu, buaipui lohtheih ni hek lo le, Lalinchhung ah chuan lalut in, chawtuihnang te chu, tlemte te a tulh in, amah pawhchu meilum ah te chuan an han hemlum nghal bawka.. Chutah, khur beuh beuh chung chuan, chianglo zet in arawn tawngchhuak ta, chuta athusawi chu hre fiah fak hlom lo mahse, an rin hriat ber dan chuan, "ka thih ahun ve ta" ti nimai hian anlo hria a. Lal Rivunga chuan lo chhang thuai in, ka pi enge i an, i tha maw. Khawilam atanga lo kal nge i nih minhrilh thei em, tiin an zawt leh a. Chu pitarte pawh chuan, harsa titak chung leh khabe inkhawng beuh beuh chung chuan, naute u, ka daihrei dawn hauhlo mai, nguntak in lo ngaithla u la, he lai ram chhunga Ro thuhruk chanchin ka lo hrilh ang che u, hman ah chuan khialai tlanglianpui ah khian kan khua kan nei thina, mahse, hmelma ten mi rawnrun tak avang in, kan khua chu tih boral in a awm ta ani. Kum engzah nge liam tawh tihchu ka chhut ve thiam hlei law, mahse, hunrei tak ani tawh. Kan Lalpa tlanchhe tur in a rohlu tamtak chu, khawimaw lai ah hian athukru tih kahria ani, ati ta a. Chutia Ro phumruk chungchang an hriat tak ah chuan, mak anti in, hriatchian chu an chak ta khawp mai a. Lal Rivunga chuan, chu pitar chu thil awmzia zawh chian tum chuan, an khawhming te, an Lalpa hming te leh enghnam nge an niha, an lal chuan khawilam ah nge, a rohlu te chu a thuhruk tih chu an zawt leh thuaia, mahse, chu pitar tawng chu, hriattur mumal a awm ta lo, muhil tawngvai angmaia chiang loa, a riat nawk nawk kar ah chuan, Hmar hnam tih asawi te chu an hrethei riairuai a, atawp atawp ah chuan biakzui tur a awm ta lo, Tlanglian khaw mikhual maksak zet chu, thlipui leh ruahpui hnuai ah a rawnlang zawka, Ro phumruk thu a sawizo hman chiah tih in athizui ta ani. A thusawi hnuhnung lama Hmar hnam, tih thumal a rawnsawi lan avang chuan, chulai khawhmun hlui ah chuan, Zo hnahthlak te zinga thlangtla hmasa, Hmarhnam peng engemaw ber chuan, chulai hmun ah chuan khawlian tak lo din tawh in, an aia lian leh chak zawk ten an run avang in, chu khua chu an rauhsan ta ani tih chu, an rinhriat thei ta ani. He pitarte thu sawi avang hian ani, Tlanglian khua te hian, an ramchin an hauh em ema, khawdang mi te sapel leh vah an phal reng reng loh chhan chu ni.
Roliana pa,pu Rochuha he khuaa alo awm ve ngawt dan han thlir leh thuak ila, khatia an khua Hmawngpui in run an tawh lai khan, a theihtawka lo beilet ve in, a hmai ah leh kawng ah te chuan hliam atuar ta a, tichuan harsa titak chunga khawdai lam pana relhru in, ramhnui ah chuan atawlh lut ta a, a thisen lumlai chu chuh in, ramhnuai ngawkar ah chuan harsa titak chung chuan akal ngat ngat maia, an khua atanga hlafe athlen hnu chuan, hmun remlai chu bel in, ahliam te chu a e kawl ta a. Thlakhat teh meuh ramhnuaia atap hnu chuan, ahliam te pawh lo dam ve tan in, ngai erawh a awh pha talo ani. A hmaia hliam atawrh na te chuan, a hmel te chu pawtsawi khawlo zo in, akawnga hliam atawrh na chuan, atha pawt tawm in, putar zangkul anih phah ta ani. Tichuan, tianghawla kal kun hlau hlau chunga hmalam pan ve zel in, Tlanglian khua hi alo thleng ta ani. Roliana leh apa hian intawn leh ni te nei in, inhriat chhuah ni te nei tak angmaw.
Thawmliana pawh rinloh zetin hekhua ah hian alo awm ve reng chu ni in, Roliana lahchu a thih theihdan la ngaihtuah chhunzawm zel in, dawt sawi ahte alo puh rawl nen, Roliana dah bo hi aduh takzet ni in alang. He khuaa alo awm ngawt dan han chhui leh lawk i la. An thurualpui te nen Thlanvawng ramngaw atanga in then in, Tuvela nen khawthlang lam panin an rawn chhukthla zela, Tlanglian khawdai rawnthleng in, khawkhata awmdun chu feldawna anhriat loh avang chuan, Tlanglian khawdai atang chuan Tuvela a chu akalhrang ve leh ta ani. Tichuan, Thawmliana chuan, a ro ken ang ang te ramhnuaia phum zet in, khua ah hian alut ta a. Mite bulah chuan, an khua hmelma ten run in, an hal ral veka, hmelmate kar ah atheih ang anga relhru in, helaihi rawnthleng ta anga insawi in, a in bengbel ve ta ani.
Tlanglian khua te chuan zanriah te ekham tawh in, naupang pawnto thawm te chu a ri chiah chiah tawha, Roliana an khungna hma lawka, Lalkhawnbawl upamin in ah pawh chuan, a fapa ralthah lu lawm ni awm tak mai chuan, pa ho chuan zu in in, an ri ham ham maia, a chang leh tapchhak ah tui um sawhin hla maksak zet zet chu ansa leh thap thap thina. Chutih mek lai chuan, nileng maia engmah a ei loh avanga ariltam na te chu theihnghilh lui hram hram in, a hun neihchhun khawvar hma ngeia engemaw tal tih tum chuan, thiltih dan tur chu alo chhut nasa maia. Chutah, a bula lungte pahnih chu chhar in, lunglian deuh ah chuan atat ta hauh hauh maia, a duh angtawka muma leh mama atah hnu chuan, chu lungte pahnih chu humtha in, athil chhut lawk anga hun lothlen hun tur chu a nghak ta rauh rauha. Chutah lenghawn Ar te pawh an rawn khuang tan ta, Lalkhawnbawlmin in atang chuan patling ho pawh chun tinzai rel ve in, thenkhat zufang in hnem deuh te chu a rawn pai chhuak tak tak hlawma. Roliana thil hisap pawh, athlen nan hunrei angai tawh lo ang, mahse, a beisei anga thil a kal lo anih vaih erawh chuan, atana zan hnuhnung ber ani tawh ngei ang.
Tunah zet chuan, Roliana pawh in, athil ruahman te alo thlen hun chu ahnai tawh ani tih chu hria in, fimkhur taka thiltih angai tih hria in, a thiltih dantur te chu an nvaihtuah nawn leha, chutah, khuanhmasa an rawn khuang ta thliai thliai mai le, Roliana lo beisei lawk ang ngei chuan, Lalkhawnbwl upamin in kawngkhar chu rawn inhawng riai riai in, Khawnbawl upamin chu ngei mai chu kawtlai ah chuan arawnzung ta tur tur mai le. Chutia a zunmek lai chuan, a hmalawka an miman an khung na atang chuan, tawng vai niawm tak thawm chu ahre ta, chutih teh chiama tawngvai ta chu engthil nge maw a sawi reng reng tih hriat tum chuan a han pan hnai ta a. Chutah, Roliana lah in, a mi duh chu arawnkal hnai tih chu lo hmu ru reng in, a lungte hrualmum chu akuta hum in athingri raih raih maia, chutah le, a beisei lawk ang ngei mai chuan, khawnbawl chuan, hei, nangkha engthil nge i thinrik, tiin a rawnzawt ta ngei mai le, Roliana lah in, tunge i nih min hrilh phawt rawh, Lalkhawnbawl upamin i rawn hruai theih chuan, thil hrilhtur tha deuh ka nei, midang hnen ah chuan engmah ka sawi dawnlo, ka thil hriat hi a hriat chak ve ngei ka ring, ti in, lalkhawnbawl ani tih hre reng chung chuan an vehthlem hmasa te tea.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 13th, 2017, 5:30 pm

PHEK 22 NA.
Rolianan chutia Lalkhawnbawl hnena thil hrilh tur nei anga a insawi avang leh, lungte pahnih hrualmum sa, athin rik raih raih reng avang chuan, Riliana pa, Lalkhawnbawlmin ni bawk chuan, engemaw tak Roliana chuan hriat anei anih chu aring ta a. Roliana an khungna thingtuai ramkhawm bulah chuan rawn ding hnai in, tlema a awte tizawi chung leh fimkhur tak chung chuan, tlangval keimah hi Lalkhawnbawl min chu ka ni e, engvanga kei kher hi mi be duh nge i niha, engthil nge ka hnena sawitur i neih chu. Thuho mai mai leh thu awmze neilo ngaithla tura, zan khawvawt hnuaia dinreng hi ka peih hauhlo ania, mi bum te i tum anih vaih pheichuan, zing Ni chhuak hmuhman lo tur in ka siam ang che, tunah hian i sawi duh chu sawila, i kuta i thilken kha enge anih, dawt tello in minhan hrilh teh le, ati ta a.
Roliana hian, he Lalkhawnbawl hi, ami biak duh ani tih hre sa reng mahse, hetia hre lo ang maia han biak hmasak vel hian, a mah arin phah ngei a ringa, chu mai bak ah, a fapa Riliana chapo zia leh ama hawiher hrim hrim ahmuh hian, engemaw kawngzawng tak chuan abum mai theih a inring tlat ani. Tichuan le, Roliana pawh in, chupa thusawi dan kalhmang te ahriat tak ah chuan, a laka tawngkam hmandan tur ang te chu lo chhut ve nghal in. Ka pu nangmah hi i ni ngei maw, Lalkhawnbawlmin, vawintlai Lalinchhunga ka chungthu rel na a, fingzeta ro rel tu kha. I fin avang leh i rorel thiamna avang khan ka mi ngaihsan zawng tak i nia sin, mahse, kha mihring tlaktlai lo kha, ka thihna tur chauh duhmi anih avang in, i rorelna fing tak pawh, ka tan thihna kawng min kawhhmuh tu anih phah ta anih hi. Mahse, midik leh zahawm tak i ni tih ka hria, chuvang chuan, ka thihhma ngei hian, thil engemaw han hrilh ruk lawk che ka duh mai ani e. Vawin khan, inram chhungah hian ro phumruk a awm ni awmtak khan in sawia, i ngaihven zawng ani venge ni velo phei chu ka hre hauh lo, ka thih dawn rau rau chuan, ka thilhmuh leh hriat ang te, ka mi rinber hnena han hrilh hriat hi tha in ka ring deuha, chuvang chuang, i hnen ngeia sawi hi ka duh ani e, tiin ansawi hmawrhmuh ta a. Chutah zet zawng, mi chapo chhungkua, mite aia ropui leh thiltithei nih duh, fak lawmzet mai Lalkhawnbawl min pawh, Roliana thusawi chuan, chapona tlangsang ah ahnukthleng nghala, mite aia ropui leh hausa nih duhna chuan, duhamna leh pawisak neihloh na thinlung chu puttir in, a thil hriat avang chuan aruk in anui vur vur tawh mai ani. Chutah, zawitea rawn tawng chhuak ve leh in, Tangval, engthil nge ni ihmuh chu minhan hrilh vat teh, midang in minrawn hmuh vaih chuan, a pawi palh ange, i thil ken pawh kha, i thilhmuh atanga i lak ani ngei ang tiraw, ka lungawi na zan, thil min hrilh tur i neih phawt chuan, tuman min hmulo bawka heta tang hian, ka chhuah ngei ngei ang che, khawimaw, i thil thinrik raih raih chu ka lo en chiang ve chhin teh ang, beisei nei rutak chung chuan ati ta a.
Roliana chuan chhang let thuai in, ka pu, hetiang zanthim hnuai ah hian, ka thil ken hi enge anih i hre thei dawn chuang lo a, a ri atanga niawma i hriat ang kha anih ring phawt mai rawh, hun kan ngah vak lo in ka hria, chuvang chuan, he Țhimal pahnih lek en chiang tura hun senral ai chuan, dawrawna ruh tham teh meuh, Thi chihrang hrang leh darkhuang thuhrukna hmun hriat chian chu, itan apawimawh zawk ka ring tlat mai, atita a. Chutah zet zawng, chu Lalkhawnbawl chuan awmngaihna ahre ta lo, kha leh chen khawtlang in an zawn pawha an hmuh zawh loh, tuma hriat ve hauh loha, an hre bik tur chu, vannei a inti in, aphur ta kher mai. Roliana hnen ah chuan, tlangval, chuti anih leh a awmna hmun chu chiang takin mi han hrilh ta che, tichuan kei pawh in, he bawm atang hian ka lachhuak ve dawn che nia, mahse, ka lungawina ang thlapa min hrilh erawh angai ang, ati ta a.
Roliana chuan, thutak fe mai hian, anih leh ka pu, ngundeuh in lo ngaithla rawh aw, inkhaw hmarlama ngawrai deuh luite in atantlang na hmun kha i hria em, tiin an zawt a. Chu Lalkhawnbawl chuan, ngawilawk teh tlangval, chuti ringawt chuan hriat avahar awm ve maw le, chu aia chianga sawi dan chu i hre lo maw, alo ti thuaia. Roliana lah chuan, tum neilawk sa ran chung chuan, ka pu, chuaia chianga sawidan chu ka va hre mai biklo ve mawle, inkhaw ram hi ka vawikhat rawnluhna ania. Ramngaw zawl raidup luite in atan tlangna atanga, luite hnar lam pan chhoh khan, khampang chhete te a awma, chulai hmun ka rawn paltlang lai chuan, khampang bulthuta lungpher pakhat chungah chuan ka thuchawl e ka tia, tuibur hmuamda em pawh ka la thuhman lo ang tihah chuan, ka thutna lungpher chu che deuh hrut hian ka hria a, chutah, engvanga che ringawt nge anih leh, ahnuai ah chuan enge awm tih hriat tum chuan, chu lungpher chu kan chawi kau chhin a, chuta ka thil hmuhchu maw ka pu, a awihawm loh hial zawk asin. Chu lungpher hnuai ah chuan khuar zauzet a lo awm reng mai chu ni in, chu khuar zauzet ah chuan, Țhi chi hrang hrang leh darbu te chu alo awm teuh mai a.. chutiang ang em ema tam chu, khawiah mah ka la hmu ngai lo, tichuan, miten ka thil hmuh chu adik ngei ani tih an hriat theih nan, Țhimal fanghnih hi ka la a, tichuan, tumah in an hmuha anhriat mai mai theih loh nan, ahma ang chiaha chhin tha leh in, hnahchhawl in ka vurhnan leh ta ani. Kei chu, khawvar rual in ka thi tawh mai dawnsia, nangtal in i lo zawng chhuak aniang chu. Theihnise, a hmun ah kei ngei hian han hruai thei che ila chuan, i tan pawh a awlsam phah ngei chuan ka ring, mahse, chu zawng, duhthusam awmze neilo mai ani e, ati ta a.
Lal khawnbawlmin rilru pawh, Roliana thusawi chuan ati buai kher mai le, a lo tumdan chuan, chiangtaka athil hriat duhte ahriat hun ah chuan, an mi tang chu, lo tiam lawk tawh mahse, chhuah ve kher chu atum hauhlo, mahse, engtin nge atih tak ang, anmitang thusawi lah chu thudik ngei anih aring si, tunah lah athusawi ti fiah tur in, Țhimal fanghnih chu akut ah hum in athingri raih raih reng mai si a. mahse, an mitangpa tel lo chuan, chuthil chu zawnhmuh ve ngawt ngaihna awmin ahre si lo, engtin nge ka tih ang aw, tia in ngaihtuah ni awm tak chuan an ngawi vangvang maia, atawp ah zawng, mite aia ropui leh hausa nih duhna chuan abuk rit ta zawk tlat mai le, Roliana duhthusam pawh athleng ngei dawn e. Chutah, muangchanga rawn tawngchhuak in, tlangval, ka sawi anga awm i remtih dawn chuan, i thil hmuhna hmuna min hruia hnu ah i duhna lam lam ipan ka remtih sak ang che, tun atan chuan, ikut leh ke phuar chungin, kan buhzem ah ka thukru ang che nga, tichuan, hun remchang hmasa ber ah i thil hmuhna lam pan chuan kan kal ang. Mahse, i thilken kha khawen hun ah ka enchiang phawt anga, atak anih loh vaih chuan, keiman ka that ang che, chu chu i remti em, tiin azawt ta a.
Roliana chuan, chubak baka remruatna tha chu a awm chuang nang ka pu, iduh phawt chuan, ka kut leh ke te i phuar fel ve leh, ka thil kenhi i enchiang nghal dawn nia, mahse, chutianga kan ti dawn anih rau rau chuan, hmanhmawh deuh i la atha lo maw, helai kawngkhar hi minhan hawnsak la, i duh angngei chuan minhan phuar ta che, tiin an hrilh zui ve nghala, khawnbawl pawh chuan, ni e, khawvar Ar khuan nan hun rei kan nei tawhlo mai thei ani, tih pah chuan Roliana an khungna kawngkhar, pawnlam atanga an phuarbehna chu hawng zui nghal in, Roliana kut leh ke phuar na tur hrui keng chung in, kawngkhar pawn lam ah chuan a lo dingran maia. Lalkhawnbawl hian, Roliana hlauhawm zia hi ahre lo nge ni anga, Roliana thusawi te hian ngaihtuahna fim aput tir thei lo zawk ni ang le. Chutah, Roliana pawh rangzeta rawnvak chhuak ve nghal in, khawnbawl pa hnen ah chuan, ka pu, min phuar hma in, he ka thilken hi han la phawt ta che, tiin lungte pahnih chu ape ta a. Khawnbawl pa pawh chuan rang taka Roliana lungte nawhmam pek chu lo la ve nghal in, an hum vang vang maia, chutah, thil hriat chhuah anei ta, chutianga Thi fang rit chu a awm ahre ngai tlat lo, thimtham zingah Roliana awmna lam hawi in, tlangval hei engthilnge ningai, tia zawhchian chu an tum ve leh hnuhnawh a, mahse, a thutam asawi hman ta lo, a khabe kuala rino chawk khawpa hnekna chu tuar lo in, leichar ah chuan ahlawm ta reng maia. Roliana pawh in, hmanhmawh angaihzia chu hria in, hmanhmawh zet chuan, khawnbawlpa nikhawhrelo a tlu hlawmreng chu, amah an khungna bawmchhung ah chuan thehlut nghal in, pawnlam atang chuan akalh hnan ta a. Roliana chu rangtaka tlansawn nghal in, Lalin leikapui bul seluphana a iptepui leh thal an ban uai chu la in, ramhnuai lam pan chuan apilbo zui ta a.
Khawvar ar anrawn khuang thliai thliaia, khawfing te chat in, leilung arawn lang tana, chutah, Tlanglian khua thohmasa zual te chuan, an miman an khungna bawmchhunga, an khawnbawlmin letreng chu an rawn hmu ta. Midang te chu inhrilh chhawng zel in, mipui chu an pungkhawm ta luih luih maia. Chutia mipui thawm ri nuaih nuaih te an awm tak ah chuan, chu khawnbawl pawh chu rawn che tial tial in, arawn thuchhuak ta hlawl maia, chutah, makti zeta lo thlir thuap tu an hmuh zet chu, a zak in sawitur avan kher mai le, an mimana lah hmuhtur reng reng a awm tawh si lo, engtin nge mipui hma ah chuan a in phatmar tak ang, chutia rilru mangang zeta a in ngaihtuah buai lai chuan, mipui kar atang chuan, afapa Riliana thinrim zeta ang thawm chu ahre ta. Riliana chuan, thinrimzeta chempui vilik chung chuan, tuinnge hetianga ka pa sawisa che u, engvanga mianglo thlira thlir thup nge in nih, a duh chuan kei mah hi mirawn hmachhawn ta che u, kan misualpa chhuah a, a ni aia ka pa he bawma khungtu hi, tupawh nise ka zawng chhuak anga, nungdam in ka chhuah hauhlo ang, tiin a au tuarh tuarh maia. Tumah chhang ngam leh tawngngam an awmloh avang chuan, a pa awmna lam chu pan phei nghal in, bawmchhung atang chuan alachhuak ta a. Chutah, an inlam panpuia apa kal pui atum chiah tih chuan, mipui kar atang chuan an Lalpa aw chu an hre ta.
Lal Rivunga chu, chiang fekfawka rawn tawng chhuak in, Riliana pa lo ding lawk teh u, hei enge thil awmzia hi nita ngai, mipui hmaa sawichi thil te a awm chuan, han sawi fiahla avatha awm ve mawle, arawnti ta a. Riliana pa, pu Hualluta chu muangchanga an Lalpa lam rawn hawi in, ahmela rinhlelhna leh ngaihthat lohna tur awm hauh lo chuan, Lalpa, sawichi loh te chu awm lahlo ve, mahse, thilthlen dan zawng zawng kha chiangkuang tak erawh chuan ka hre bik hauhlo maia, ka hriatdan ang ang erawh chu, inzavaia hriat ah hian kan sawi ange, nizan khan ka in ah, ka fapa ralthah lawmnan tu tute emaw chu rawn kal khawmin, zufang kan in ho ngei maia, duh ai in ka lo lem hnem deuh ani mai thei e, thiante ho an hawn hnu khan zunzungin ka han chhuak ve a, chutia zunzunga pawn ka han chhuah lai chuan, helaia kan mitang dah leh tu emaw inbe mawlh mawlh thawm ka hre ta a. Chutah engthilnge ni tih hriat tuma ka han panhnai ta chu, ka ruih deuh vang nge ni, ka lo fimkhur tawklo deuh ania nge, ka in rin hman hma chuan, ka bek ah hian min rawn hlap chawrh maia, chubak chu engmah ka hre zui ta lo ani. Engtia helai bawmchhunga lo awm mai nge ka nih phei chu ka hre thiam hauhlo mai, tiin, rinhlelh rual loh in, dawt chu a sawi mar ta pat maia.
Chutia , an mirinhlelh ber in, thiamtak maia dawt hmanga a inphat fithlak hnu chuan, Lal leh mipui te tan pawh rinhleh rual nita heklo le, chutianga an Lalkhawnbawl kut lothlak tu chu tunge nita ang, tih chu an inrinsiak lehta sup sup maia, atam ber chuan, Roliana, tui intur lo peru tu, putar ngei kha anih anrin thu chu an sawi ta sup sup maia. Mahse, pu Hualluta ber chuan, mahni sahim na duh vanga, putar chunga tlak tir chu dik in ahre biklo aniange, mipui hnen ah chuan, ani kha chu ani thei lo ang, a chetran dan leh akutthlak natdan ngaih tuah chuan, khawilam putar thiltih mah ani thei lo, tiin atang ve tlat maia. Chutah zet chuan, Lal leh mipuite ngaihtuahna pawh abuai ta kher mai, tu in nge, an mitang chu lo chhuaha, an khawnbawl kut lo thlak tu chu tunge tih chu hriat an chak in, an thin pawh arim ta kher mai. Chutah, an Lalpa chu ring lenglawnga rawn tawng chhuak in, tlangval te u, thildang buaipui hman kan ni lo e, hethil ti tu hi kan hre chhuak duh anih chuan, rangtak in insiam ula, kan mihringa kha atlanchhiat thui hma in va man thuai rawh u. Anikha kan man thei anih hlauh chuan, rinthu sawi kual mai mai lo hian, engkim kan hre chiang vek mai ang, ati ta a. Chutah le, Tlanglian khaw tlangval rual leh pasaltha te chu, Roliana um tur chuan an tlanliam ta zung zung mai le.
Roliana umtu te pawh in, khua a chhuahsan na atanga ahnu chhui tan in, khawthlanglam ramngaw ah chuan ahnu chu an chhui lut ta a, mahse, ngawchhung an luh atang chuan, hnuchhui tur mumal an hmuzo ta tlat lo mai le, an ni hohian, Roliana hnuchhui hautak zia leh harsat zia hi an hreve dawn tan a ang khawp mai, khawkhat pasaltha rual leh tlangval rual chu, Roliana kalna hnu zawng reng reng in, chulai ngawpui chhung ah chuan an kual nileng ta thak maia. Engemaw chang chuan, Rolianan rahna hnu te chu chiang zet zeta hmuhtur awm mahse, Rolianan an mahni bum nana a tihluih ani tih reng an hre si lo, Roliana hian, engemaw changa ahnu an hmuhtura an hnutchhiah leh zauh thin hian, beidawng lo a, he lai ngawchhunga an kual nilen phah hi aring tlata, chutih chhung chuan anichuan, atheih anga hla kal hman alotum dawn ani. Roliana rin leh beisei ang ngei chuan, amah umtu te chuan, chulai ngawkar ah chuan akalna hnu zawng reng reng chuan an kual nileng ta thak maia, chutih lai in, Roliana erawh an rinloh lam daih ah, an khua atanga hmarlam ram, an khaw hming phuah chhan, khawhlui awmna tlanglian zet pangper ah chuan fimkhur tak chuan a kal theuh theuh mai ani.
Tunatan rih chuan, a mah umtu te abum hneh bawka, Roliana tan pawh ahlauhthawn awm lutuk hrihlo chuan alang. Chutih rual erawh chuan, engmah eilo leh mut mumal pawh neiloa nihnih zet a awmtak avang chuan, Roliana pawh achau in, ariltam pawh in afan na raih raih ta kher mai, a rilru te tea in ngaihtuah in Roliana chuan, engpawh nise, engemaw tal eitur zawng phawt ila, chumihnu chuan, puk thadeuh mut chawlh natur zawng ila atha ange, hetia riltam chung a awmreng chuan, min umtu te pawh in, minrawn nanchin hun te pawh anla nei anga, lo beilet tur ka awm lo palh ange,ti in, ahuntha neih lai chu eitur zawn nan leh riahna tur puk thadeuh zawn nan hman atum ta a. Chutia, eitur engemaw tal hmuh inbeisei taka tlanglian zet bulthut ahel kual lai chuan, ahma lawk, khamsang lutuk loa khawipui thlar lianthazet uaiphek duai chu ahmu fuh ta, rangtaka pan phei nghal in, engtia tihchi nge ni ang tihchu angaihtuah rauh rauh maia. Chutahle, tihdantur ahre chhuak ta, changel hnah hlaitha zet zet chu sat in, Khawipui thlar uaina zawn lei rem lai ah chuan aphah ta duai maia, tichuan, mautlawn seitha zet sat leh in, Khawipui bu awmna hnaihber thing liantha zet ahchuan alawnpui ta a, khawipui bu awmna zawn athlen chhoh hnu chuan, amautlawn ken chu an hawlh phei da daa, chutah, khawipui thlara azu bawm awmna lai, khawithlar chunglam bawklian bik lai chu, amau suihphek hmawr zum lai chuan an hawlh kual nawk nawka, chutah le,rei bawh beihngai lo chuan, khawipui thlar uaiduai atang chuan, a zu awmna lai thlar liantha zet chu ahawlh thla ta nawlh maia, a tak tha bawk ania nge, hnuailama changel aphah ah chuan perchuaih khawp chuan atla ta. Roliana pawh, riltam tawh lam ah, khawizu taktha zet eitur an hmufuh chu, eihlan nghak hlel tak chung in, hmanhmawh zet chuan a chhukthla ve nghala, mahse, lei athlengthla a, a khawizu hawlhthlak awmna changel hnah phahna bul athlen hma lawk chuan, ahmalawk hnimbuk kar atang a, Safia pakhat rawn tlanchhuak thut in, a khawizu bawm hawlhthlak liantha ber mai chu arawn hmuam that a, kham chhengchhe lam ah chuan atlan pui ta daih mai le, Roliana riltam thin pawn atuar ta bik lo aniange, zawite te a phun nuah nuah chung chuan, berkher che chuan, i tet tet nen, atladarh ho pawhhi liak mai maila, i puarkhawp te chu i hmuhawm vei nen, ka chanai berkher min han chhuh ngam chu le, ka hmuh vaih che chuan, tlangzawk khawp in ka thal hian ka kap ngei ang che, tiin, Safe tlan liamna lam ah hmanhmawh zet chuan akal liam ve nghala.
Chutia Safe tlanliamna lam a, Roliana va phei chuan, a rinloh deuh mai in, kham chhengchhe bakbahai zeta avanphei hnu chuan, kawngtum hlui nimai awm tak, khampang lung tohlawt kara lo in zam raih mai chu ahmu ta a. Chu kawngtum nimai awma lang chu, ralkhata atang leh hmundang hrim hrim atang chuan, hmuhmai theih anih pawh arinawm loh, chu kawngtum chu a Safe um lai pawh chuan a zawh ngei ani tih hriat tak mai chuan, khawizu far phei na hnu pawh chu, hmuhtur a awm phei thliah bawka. Chutah le, Rolianan lungpui leh khampang inkar kawngzim chhete lo awmna apelfel chiah tih chuan, ahmalawk hlamnga vel lek tura hla ah chuan, khampang biru zet laia puk nawmhmel zet lo awmreng mai chu ava hmuta, chu puk chu hnaih phei nghal in, an belchiang vela, maktak mai in athil um ber Safia chu hmuhtur awm hauh silo chuan, a thilput khawizu thlar liantha zet mai chu, chulai puk kaw kotlang lung chung ah chuan alo let ngat maia. Roliana pawh chuan mak ati kher mai, chutah puk kawt zawl ah chuan lawn chho in, puk chhung chu an bih kual vela, pukchhung thim lut ruih chu hmu chiang thei lo mahse, pukchhung rim uih thang nghur chu hai rual ani lo. Roliana chuan, arim awmdan atang chuan, apu in, pukhuai asawithin awmna anih te chu aring ta rum rum mai, mahse, atan chuan, hmelma te bihruksan nan leh mut chawlh nan, chuaia thlan awm hmundang chu a awmtheih a ring tlat lo, chutah le, chu pukchhung ah chuan, pukhuai an ni emaw, phung leh ramhuai an ni emaw, engthil pawh tawn huam chung leh hlauhna chhete mah neilo in, chu puk chhung thimruih lam pan chuan a penlut ta a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 13th, 2017, 5:30 pm

PHEK 23 NA.
Roliana puk hmuh chu, pawnlam atanga alan ang ngawt ani lo, pawnlam atang chuan nawmmel viau in lang mahse, pukchhung han luhtan chiah atang chuan aboruak chu a up churh maia, pukhuai ten an chenchilh emaw tih mai tur chuan a rim te lah chu athang uih nghur mai lehnghal nen, puk chhung te lah chu eng chen chiaha thuk nge tih pawh hriat loh chuan athim ruih maia. Roliana pawh chu muangchanga pen lut ve zel in, a hmuh theih ang ang chu hmuhhmaih tum hauh lo in nguntak chuan a enkual pah zel bawka. Chutah khaw engin a ên phak chin athlen chuan, thuthmun rem in a eitur neih chhun khawizu tlemte chu an ei hmasa a, chutia khawizu an eitak ah chuan, ariltam zualpui te pawh chu rehta huai chuan ahre ta a.
A eitur neih angte a ei zawh hnu chuan, puk chhung thimlam ah chuan mut hahchawlh na tur hmunrem deuh te a awm beisei in, pukchhung thimlam pan chu atum leh ta, puk kotlanga atanga hmuhmai theih na hmuna mut hilh ngawt chu, Roliana te ang thluakfing tak tan zawng thil thlanawm ani lo reng ani. Chutah le, meichher tel hauh lo in puk thimlam ah chuan, mut hahchawlhna atana hmun remtha deuh zawng tur chuan a penlut ta a, mahse, thui pawh akal hma chuan, puk chhungril lama chik nghur nghur thawm leh ri deuh phurh phurh thawm chu ahre ta, eng thil tak chu ni ang maw tia ngaihtuah rauh rauh chung chuan, mutna tur hmun remlai a dap chu a chawl duh bik chuang hleiloa. Roliana hian, pukchhung huai leh thlarau tihvel mai mai ai chuan, khawkhat pasaltha rual leh tlangval rual te hmachhawn chu athlan awm loh fe zawk ani tih hi, angaihdan anitlat. Athawm hriat te pawh chu, pukchhung te anih avang in thawm ri aring hma in, thawmri zawite pawh hlauhawm tham zet in ari thei dawn ani tih chu a chhut neuh neuha, athawm hriat chu engthil pawh nise, hlauhna leh zamna chhete mah aneih phah eihlo ani.
Roliana chuan aduh thusam ang hmun te adap fuh tak ah chuan, Mutmu pawh tuah mumal lo in hun reitak alo awm tawh bawk nen, a hun tha neih chhung reilo te chu mut hahchawlh nan hman atum ta a. Chutah le, puk chhuat ah chuan rei pawh amuzal hman lo tih chuan, mutchhuak chuan arawn zem chiai chiai maia, maktak mai in angaihtuah na ah chuan, engemaw thlarau hian rawn uap deuh tlat hian ahre ta a, a muhil nge muhil lo tih pawh a in hrethiam ta lo, chutia makti zeta a awmdan te angaihtuah lai chuan, puk kua aluh tan na lam atang chuan, engthil nge anih pawh ahriat loh dumrun mai chuan arawnpan ta luai luai mai le, Roliana chuan chuthil dum alam rawnpan mek tu chu lo hmachhawn tum chuan, din an tum ngawt maia, mahse, maimi in azial ani tehchek aniang chu, a tum ang chuan ache thei ta hauh lo mai a, atheih tawpa din chhuah tuma a beih fat fat hnu pawh chuan, din chhuah chu sawi loh, a kut tak ngial pawh chu a chet thei ta hauh lo mai le, a mahlah chu harh chiang viau in a in hre si, chutih lai in a mah rawn pan tu thildum lah chuan arawn hnaih ve tial tial bawka, chutah chu thildum chu rawn hnai zel in, amutna bul chu arawn thleng ta. Chutah zet zawng Roliana pawh angaihtuah na in mulehmal anei ta lo, chutah, au nghek mai loh chu tihtheih dang anei lo tih inhria in ringzeta au chu atum ta a, mahse, athil tum chu a lo hrelawk tehchek emaw ni, a hrawk ah tak mai chuan rawn rek in abawhbet ta tlat mai le. Chutah zet zawng, Roliana tan chetngaihna a awm ta lo.
Chutia nghet zet maia anghawnga rek tu an awm tak ah chuan, Roliana chu athaw tha thei ta tlat lo mai, talchhuah tum in han tang viau dawn mahse, amah ache thei bawk silo, chutah Roliana chuan mit sulh sulha in hria in, athil hmuh leh hriat te chu a chianglo tial tiala, vawi lehkhat ah engkim mai chu aral zo tavek ni mai hian ahre ta a. Chutah Roliana chu rawn harh chhuak thut in, a dinna lai vel te chu an enchiang thuaia, a hmaa a awmna puk chhung kha ani ta hauh lo mai le, a dinna tlang te lah chu, phulhmun nuam em em mai, engtik lai pawha zothlifim thawt heuh heuhna, chhawkhlei par in abawm chuk na hmun ni in, a dinna tlang hualvel tu ramngaw te chu chiang em em mai hian an lang chamdurh maia, chutiang ang reng renga hmun nuam leh rilru tihlim veng veng thei hmun chu Roliana hian ala hmu ngai hauh lo. Chutah Roliana chuan, engvanga chulai hmuna awm ngawt nge anih tih leh, a mutna puk chhung kha engtik lai innge a chhuah san tih hriat tum chuan, angaihtuah na te chu an sawmkhawm thin, mahse, chulai hmuna a awmngawt dan leh puk a chhuahsan dan chu angaihtuah chhuak zo tlat lo. Mahse, chulai hmuna a awm ngawt dan te chu hre chhuak zolo mah se, Roliana thinlung leh ngaihtuah na te chu, chu tlang thengthaw nuam tak mai chuan atihlim veng veng maia. Chutiang anga hmunnuam leh lungtiawi veng veng thei chu, henglai ram vel ah hian hmundang a awm theih Roliana hian aring lo hial mai.
Chutia engdang mah ngaihtuah lo leh engthawl taka, a awmna tlang hualvel tu ramngaw te Rolianan athlir veng veng lai chuan, adinglam panga amah rawn eptu, mual chamduai ah chuan ahma pawha ahmuh hauh loh khaw ropui leh lian zet chu ahmu ta tlat mai, Roliana chuan, ahma pawh khan chiangtak in ka thlir kual vek tawh kha ani si a, engtin nge hetiang anga khaw lian leh ropui hi ka lo hmuh hmaih theih zawk chu le, tiin makti zet chuan a thlir vang vang maia. Mahse, chuaia mak zawk thildang chu a la hmuh belh dawn chauh ni in alang.
Chutia mak ti zeta athlir reng lai chuan, khua chu rawntlai tanin, khawchhak lam atang chuan Thla chu bialtha zet mai hian arawn chhuak ve mek bawka, chutah le, mitkhapkar lek chhung in, khawchhak lam atanga thla bial engzet mai rawn chhuak ahmuh pawh chu, a khawhmuh chung zawn ah chuan a lo ding hman reng maia, chutih mek lai chuan, khawchhak lam atanga Thla rawnchhuak ang chiah bawk chu, chu lai khaw awmna atanga chhim leh hmar lam atang chuan rawn chhuak ve nghal in, chulai khaw chung zawna Thlabial zet lo dingsa awmna lam chu an rawn pan ve nghala. Chutia Thlabial zet zet pathum ngawt mai, chu mi khaw chung zawna an han din tak ah chuan, chu khua pawh chu a langfiah ta kher mai, mahse, chuti khawpa Thla êngnuam si chu, chu khua ah chuan Naupang pawnto leh tualchai thawm reng reng hriat tur a awm hauhlo mai le, Roliana chuan angaihna hrelo zet chung chuan, engvang nge ni ta ngai le, hetiang khawpa thlaeng hnuai ah pawh, naupang pawnto thawm hriat tur awm ta reng reng lo mai chu, hekhua hian engemaw tak buaina an tawk ani ngei ang, tiin angaih tuah zui neuh neuha.
Chutia Rolianan eng engemaw angaihtuah lai chuan, maksak zet mai in, khawthlang lam atang chuan Thlabial engtha zet mai chu arawnchhuak ve leh ta mauh mai le, mahse, chu Thlabial rawn chhuak chu ahmasa pathum anglo tak mai chuan, arawn hnai telh telha, a rawng var thianghlim zet mai chu rawn danglam tial tial in, a hmasa ho awmna bul arawn thlen ve meuh chuan, thisena chiah hlim ni mai awmtak in a êng sen ta phut mai a, Roliana chuan angaihna ahre lo kher mai le. Chung athil hmuh te leh ama awmdan hrim hrim pawh chu amumang nge an niha, a tak tih pawh ahrethiam ta hauhlo mai, a chang leh mitthi khua ah aawmta ni ten a in hre thul.
Chutia athil hmuh leh tawnte a awmzia hrelo leh bangbo zeta ngaihtuah chunga adinngawi reng lai chuan, alam rawn pana mitam tak kal ri tlut tlut thawm niawm tak mai chu arawnri zui ve leh nghal zat mai le, chutah zet zawng Roliana ngaih chu atha ta lo tawp mai le, a hma lawka khaw lian leh ropui zet ahmuh chuan, run atawk ngei dawn ni in ahre ta, mahse, engtia tihtur nge ni ang tih pawh angaihtuah hman hma hauh chuan, a rin loh lutuk thil chu ahmu lehta, chutiang khawpa thil ropui chu asuangtuah pawh asuangtuah phak loh thil ani tlat mai. Chutah le, a mah enkawl tu apu (pu vawmsata) ngeimai chu, Thangchhuah diar khima Vapual chang tawn vah chung chuan, Saipachal ngho chhuak vurh chung ah chuan arawn thu vang maia. Sazukchal kihreu bum mai chuan hma rawnhruai in, a damlaia athah Rulngan lianzet mai chu, chu Sazuk kihreu ah chuan a invet kual rum mai bawk nen, chunglam ah lah an kalna tur lo thlithlai lawk niawm tak in, Muvanlai nupa chuan kawkawlek lauh lauh chung chuan anlo vir vat vat bawk nen. Chumai pawh ala nilo, a damlaia ral leh sa athah te chu, a chuanna Saipachal leh Sazuk inkar ah chuan an kal duah duah mai a, chutah, pu Vawmsata chunglawk ah chuan Vahluk pakhat chuan, daihlim ka zar sak e, ti ve niawm hrim chuan atheih tawpa avun te chu tiparh in alo thlawk ve diai diai bawka. Rolianan chutiang thil an hmu zet chu ropui ati in, a pu chu angaisang kher mai. A hunlai mila han chhut ral ah chuan, chungaia thil ropui chu engthil dang mah hi a awm bik hauhlo ang le.
Chutia ngaisang leh ropui tizet chunga Rolianan a pu athlir reng lai chuan, a pu pawh chu Roliana dinna zawn chu rawnthleng ve in, a pu chuan, Roliana chu arawn be ta a, Taite i dam maw, tunah zet chuan i lo tlangval ve ta reng mai a. Taite, thutam ka sawi hman dawn lo, ka thusawi tur hi nguntak in lo ngaithla ang che, i piaha khaw ropui zet i hmuh saw, nakina i la khawsak natur anih saw, Huai leh Thlarausual te awpbeh khua anih avang in, an ni lak atanga zalenna siamsak tur che in, saw khua sawn alo nghak reng che ani, chunglama Thlabial pali ngawt lo lang te saw, nguntakin chhut la, huaisen tak in bei angche. Midang te tana entawntlak nitur in, tlawmngaihna leh taimakna te vawngnung reng la, i dikna ah chuan hnungtawlh lo in huaisen tak leh fimkhur tak in beithin ang che, nakin ah chuan, tuna minhmuh ang aia ropui zawk hi ila ni ngei ang, ti a Roliana thu achah hnu chuan, Taite, damtak in le, tiin akalzui leh ta a.
Chutia apu thusawi te ngaithla a, tawng nachang pawh hreloa adin reng lai chuan, engemaw ngaihtuah chhuak thut in, a pu kal liamtur chu, ringzeta mai chuan ka pu....ka pu..tiin an koh nghek nghek maia, mahse, apu chu khawilam ah nge akalliam hman tih pawh hriat loh chuan, hmuhtur reng reng a awm ta lo. Chutah le, Roliana chuan, engemaw ri phurh phurh thawm, pukchhung aluhtirha ahriat ang bawk chu hre leh in, ataksa te chu tui in arawn theh thet thet ni chuan ahriaa, chutah uihthang nghur rimchhe zet chuan rawntuam in, thawk te chu har ati tan lehta. Chutah a thawpik lutuk vai kian tum chuan akut chu an vai nghek mai a, chutia akut han vai chuan enge maw a vai fuh tehreng ni, lungphek chhete te leh lei nawi te chuan an rawn delh ta rum rum maia, akut lah chu a thip zawk mai bawk nen, chutah zet zawng Roliana pawh aharh chiang ta kher mai le. A tira a mut na puk chhuat ah chuan alo la mureng chu ni in, pukchhung aluh tirha amu kha, maimizial anga awmzui nghal in, chutia maimiziala a awmchu harh chhuak zui ta mailo chuan, mumang lam ah fanngailoh ram alohan fang lek chu ni in. Chutah mumang ram lama apu kal liamtur an au nghek mai kha, alo au chhuak ni ngei tur ani, puk chhung chunglama lotawm rureng, Bakrual lian zet zet te chuan, a au ri chu hlau in an lo thlawk chhuak hum hum maia, chutia an thlawh chhuah paha an ek thlauh te chu ataksa ah te chuan an lo tla kawinuaih maia, Roliana tan pawh thawk tihar khawpa rimchhia chu ani ngei ang le.
Mahse , Roliana tan vanneihna a intan ve dawnta ni in alang, khatia athaw ipik hanin vai vel khan, amutna bul puk bang chu han chum fuh in, a han chum fuhna lai tak mai chu lungbang pangngai alo ni hauhlo maia, puk kawpeng, lungphek leh chirha char phui mai mai ni in, Roliana banvai in ahan chum fuh khan arawn chim thla ta vek maia, chutah le, Roliana chuan akut thip vawng vawnv chu vuan chunga rawn tho chhuak ve nghal in, chulaia puk kaw peng lo awm ve reng mai chu mak ti zet chuan athlir ta reng maia, tunah chuan, pukchhuk thim ah a awm rei ta bawk nen, ahma ai ngawt chuan akhaw hmuh te pawh chu fiah tawh zawk in, thil awmdan te pawh chu ahmu chiang thei ta viau maia. Chutah leh nguntaka chu puk kawpeng, ulutuka an charphui tlat chhung chu nguntaka an bih hnu chuan, Tlanglian khaw ho in hunreitak an lo zawn tawh, khawtam tak hmelma a anlo siam tawh na chhan, Ro phumruk ngeimai chu ahmu chhuak ta ani tih a in hre ta a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 13th, 2017, 5:30 pm

PHEK 24 NA.
Hmangaihna leh duhsakna dawng ngailo mihring chuan beidawn chang an nei thin, chutiang bawkin Roliana pawh in ahun kal tawh te chhuikira, a chunga thilthlengte angaihtuah chang chuan, vanlaiatla ang maia mal anih ziate, hmangaihtu leh lainat tu pawh neiloa belhtur takngial pawh neiloa avahvaih dante a ngaihtuah chang ni te chuan beidawng in a rum ve fo mai. Mahse, chung a twrhna na te chuan, tlangsangtaka thing maldin thlipui leh ruahpui ten zahngaihna nei lekloa an nuai hrep chung pawha tlawm duhlo leh chakna thar neihbelh zel zawk ang mai hian, Roliana pawh chung atawrhna te chuan tumruhna leh huaisenna, chhelna te neihtir in, a vahvaihna chuan kawngtam tak ah finna leh remhriatna te, ramhnuaia chettlat leh khawsak dan ah te hmasawn na tamtak aneihtir ve tho mai.. Chawlhhahdam na hun pawh nei lekloa ramhnuaia avahvaih nate chuan, ataksa te chu ralbei tur in abuatsaih lawk emw tih mai tur in, a pian te chu analh satliah mai nilo in, lungpui chunga hmawngzung in zam phan tuak ang mai hian, a darpharh hlai tha tak mai leh abanbul lian zet atanga akuthmawr thleng in, akawng bawr chhahtha tak, a dar pharh hlaitak leh amawng bawr liantha zet vanga lang fek rat mai te, a malpui vawngtha zet atanga ake hmawr thleng mai chuan thahrui leh tihrawl inpawlh tih hriat zet mai te chuan an phuar khat țuk tawh maia. A finna leh remhriatna tello pawh in, a pianhmang leh taksa inrem fuh lutuk ringawt pawh chu, a hmel ngaihno bei tak leh a inngaitlawm na te avanga lo zuamve ngawt tu chuan an la zuamsual nasa ve viau ngei ang le.
Zingnichhuak pawn thingler sang deuh leh tlangpang te chu arawnchhun leh dan dan tawha, Roliana pawh in thingkung sangzet tawibuk laia thu chung chuan amah rawnchhaih tu savate pakhat, thingbuk kara sawt zau zau paha rawn thlek leh dek dek thin chu hmuhnawm ti zetam thlir pah chuan athiltawn tawh te leh ahmabaka thil tihdan tur aruahman te chu angaihtuah zui nauh nauh a. Puk awmna a hruaithlen anih dan leh Ro thuhruk ahmuh chhuah dan te chu ngaihtuah in, amah hruaitu leh vengtlat tu engemaw tak anei anihte chu aring rum ruma, chutah puk chhunga amumang mak tak te chu ngaihtuah kai zel in, a pu in a chenna tur khua akawhhmuh leh thlarau sual laka chu khua chu chhanchhuak tu tur anih thu ahrilh te chu mak ati in, 'tu khua nge aniha khawilai a awmnge anih lah chu ka hreder bawk si lo, engtin nge ka pu khan ka chenna tur khua ani tih te kha ahriat lawk bik le, tite chuan angaihtuah zui vang vanga. Chutah zawite te a phunzui sep sep in, engtianga harsa pawh nise, ka tanpuina mamawh an nih phawt chuan ka tlanchhiatsan hauhlo ang, enganga thlarau sual leh hlauhawm pawh nise ka pu duhdan angngei in ka hmachhawn maitur ani, tiin ahmela zamna leh hlauhna chhete pawh awm hauhlo chuan a phun sep sep a.
Chutah Roliana chuan a iptepui atang chuan, Bâk liantha zet mai pahnih ahemhmin sa chu phawrh chhuak in an thlek vang vanga, nangni hi maw pukchhung ka rawn luh tirha minlo tihthaiha lo chik vel nghur nghur kha, mitihthaih hmang deuh ho chu tihian tamhnem ah ka hmangzel mai dawn che u ani, pukhuai emaw in nih te kha ka ti hman vel che u ania, ti a nui deuh suk suk pah chuan a Bâksa hemhmin chu tukthuan atan ahmang ta a. Tichuan a pumpui te ahnawhpuar hnu chuan, a thil ruahman sa anga chetlak tum chuan athuthmun te chu siamrem in thingkung sangzet ler atang chuan ahnuailam leh avela thil awm reng reng hmuhhmaih tumloh hmel zet chuan athu ta khiau mai le. Mahse, abeisei ang ngawt in thil athleng mai bik lo, Ni pawh lo tlangsang ve zel in vanlaizawl athlen thleng pawh chuan, abeisei ang thil chu hmuhtur ala nei ta chuang lo. Mahse, zirtirna tinreng dawng tawh Roliana hmel ah chuan beidawnna leh ning hmel reng reng alang lo, atulhun ah chuan dawhtheihna neih hi apawimawh ani tih ahrechiang em em ani.
Roliana hian umzuitu neireng chunga hriatngailoh rama vah chiam chiam ringawt chu ahlauhawm zia leh fimkhur angaih zia ahre chiang em ema, chutah han beilet ngawt dawn se khawkhat tlangval rual leh pasaltha rual mahni chauha han beih ngawt lah chu, atiha tihchi anider bawk silo, amah hi chuan thih ahlau em em pawh ani bik lo, mahse, awmze neilo leh phuba lak hma a thih erawh atum hauh lo thung. Tichuan amah umtu te chu atana chetsual hlauhawm si loh in, ahnu chhui zawm zel theilo tura siam chu arilruk ta a, tichuan arang lama chetchhuah vat chu thabera ahriat avang in, atuk zinga che chhuak mai thei tur chuan Thi leh dar thahnem zet awmna puk kawpeng chhin achum chhiat te pawh chu, engtik ah emaw tangkaina an laneih ring in midangtana hmuh chhuah mai theihloh tur chuan, lungphek te chu rem tha leh in chirh in a char phui leh ta a, a chirh zut na hnuhma te a lanthar lutuk loh nan a patek leh lungsam te a belhnan leh hnu chuan, atukzing vartiana che chhuak theitura in puah chah zui nghal in, aduh anga a insiam fel hnu chuan, chulaipuk ah chuan awlsamtak in hmelma ten anrawn hmu chhuak mai dawnlo ani tih hria in thlamuang tak in amu chawl ta a.
# Tichuan , leilunglan ruala tho chhuak nghal in Roliana chuan tuna abihrukna hmun hi arawnpan ta ani. Roliana ngaihdan chuan amah umtu te khan, nikhat zet hnuhma mumal hmuloa an vah kual hnu chuan an beidawng ve ngei anga, tichuan an tihtheih awm chhun chu hmun hran hran a insemdarh in, tuna a bihrukna ramngaw mualpharh zautha zet lam ah pawh hian mi engemaw zat chu an lokal ve ngei aring ani, arin anga an rawnkal anih hlauh chuan engzat nge an nih tih te ahriat chian hun ah an tamdan azirin lo hmachhawn dantur chu angaihtuah chawp tawh mai dawn ani. Mahse, abeisei ang ngawt chuan thil athleng bik hauhlo mai, Ni in vanlaizawl a pela zanriah chhumhun anih thleng pawh chuan ahmelma te thawm riva takngial pawh hriat tur a lanei ta chuang lo, thingzara athutna amawngtam te lah chu an mu chuah chuah tawh maia, chutah zanriah ei hun anih dawn meuh chuan Roliana pawh abeidawng tan ve ta, ahmuh theih phak chin chin te chu thlirkual chung chuan, anmizawn ber awmna lama rawnkal na chang pawh an hrelo tawp anih hi, hetiang anih chuan thlamuang takin helai hmunhi ka chhuah san thei dawn tihna ani maia, ka tan chuan alawmawm phian zawk mai a tia phun pah mawlh chung chuan thingzara ding chung chuan an zimar mar vela, chutah le chutia an zimar vel chuan atumloh leh rin loh deuhin awmna ramngaw, ram remchin leh tlangbulthut in zawmna lai a mei rawnkhu chhuak chiai chiai chu ava hmuta a.
Roliana chuan lungpui sir hnimbuk hnuaia fimkhur taka bawk chung chuan, a thlanglawk kawrkam hmun rem laia amah umtute riahbuk sual lai leh, thenkhat zanriah tur eirawng bawla lo phe vat vat te chu che hlek lo chuan alo bihthla ve renga. Chutia chiangtaka amah zawngtu te a hmuh theih tak ah chuan, arinloh leh beisei loh deuh chuan ahmelma te chu an lo thahnem khermai le.. Roliana chuan engtinnge atih tak ang, ahmaa alo suangtuah dan kha chuan ahmelma te chu mi sawmhnih sawmthum lek leka inthendarh in, hmun hran hran ah hnuhma zawnga anin semdarh aring kha ani a. Mahse ahmelma te chuan vanneih thlak zetin nikhat leh zankhat zet hnuchhui zui tur an bo hnu chuan, a ni hnihna tukthuan an eikham hnu lok chuan Roliana hnu chu rawn hmufuh leh in, anzavai mai chuan he lai ram hi anrawn pan leh ta ani.. Tuna riahbuk an sual na hi khua atanga hnaite, an khaw hming putchhan tlanglian zet dinna bul mai ania.. Tlangval chakvak deuh tan phei chuan tuibur hmuamda kal vel bak ani kher awmlo e, anni ho hian duh se chu ramhnuai a riahbuk sual kher lo pawh hian khua ah awlsam taka han luh leh phawt pawh thil harsa ani hauh lo, mahse, Roliana chung ah hian Tlanglian khaw pasalthate leh tlangval rual te hi an thinrim laklawh ve tlat maia, an khawtlangval rual panga zet mai hmaivung lekluk khawpa sawisa tu an man hma chu khua ah let lo a umzui zel an tum nghet ve bur mai ani. Chutah an man theilo emaw anih vaih phei chuan, an lalkhawnbawl min bermai chunga kut thlak tu leh an mitang lo chhuah ru tu an hre thei dawn si lo, a lo chhuah rutu ber an hriat theih si loh chuan an khua ah chuan tu emaw hmelma chengru ve reng ah ngai in, khaw mipui te tan athlamuan thlak dawn hauhlo ani, chuvang chuan mipui nunau te thlamuan tu pasaltha leh tlangval rual tan chuan an mitang tlanchhuak man loa khua a letleh rikngawt pawh chu thil nuamtak ani hauhlo ang.
Rolianan chuan abihrukna atanga ahmelma te chu engti hmachhawn nge tha ang tih ngaihtuah paha ahmelma te chetla vel uluk zeta athlir reng lai chuan, zan meipui chhehtur buaipui tu te zinga pakhat chung ah chuan amit afu ta chat mai le, Roliana hmel pawh adanglam chak kher mai, ahmel ngainat awm tak te chu Ruahthimpui in țan tur ang maia hlauhawm an chang zo a, a mit meng mawi zet mai hmuh nawnfo atana itawm zet pawh chu, hmuh anuamlo ta kher mai..Chutiang khawpa Roliana ti thinrim tu chu tudang ni lo in, a hmelma kumhlun a Nu thahsak tu, duham na avanga mahni khua haldarh tir vek leh nunau pawisawilo ten an tawrh pawh pawi ti lekloa mahni khua phatsana phiarru tu, hmelma kuta Roliana aawm laia dawtsawi hmang thitlak ani e ti tu Thawmliana ngei kha ani. Roliana chuan thildang reng angaihtuah thei ta lo, athinlung chu thinrimna chuan rawn tuam in athinlung chhungril ah chuan khupa khu that vat rawh, heiaia huntha hi i hmu leh tawh ngailo ang, tih ri te chu a ri tluk tluk maia. Tichuan le Thawmliana thahdan tur chu maimitchhing meuh a ngaihtuah in, ruahman na chihrang hrang te chu an duang lawk chhin vela, arilru pawh avak thui kher mai..awlsam taka thihtir tur chuan thil harsa vak awm in ahre lo, tuna abihruk na atang pawh hian anghawng ah thalfang tlangzawk khawp pawn akahsak thei ngei ang, mahse, awlsam taka thih tir chu Roliana rem tih zawng ani tlat lo, amah vanga mitamtak natuar rum vawng vawng te leh pawisawilo nunau tamtak thihna te kha hrechhuak vawng vawng khawpa hreawm tuar in muangchang in athi ve tur ani tih chu Roliana rolum chu ani ta. A bihrukna atang chuan muangchanga tawlh chhuak in hmelma te hmuhphak loh na athlen hnu chuan, ramhrui feitha zet zet te chu chhat in atelkhawm teuh mai le, a hrui chhah sa chu tel khawm in buk atanga lang phak lo chiah a thingding mar tha zet mai sang em em bul ah chuan athukru ta a. Muangchanga chulai thing sangzet dinna hmunhma vel abelhchian hnu chuan Roliana chu a bihrukna ngai bawka biru leh tur chuan alet leh ta a..khawthim chian hmaa ahmelma te buk sakna hmunhma vel te hriatchian leh ralveng anindah leh dahloh te hriat aduh ani. Thawmliana pawh meipui tur an chheh te chu zo fel tawh in thlamuan hmel zet chuan buksa ho chu alopui ve leh mawlh mawlh tawha, engin nge hmuaka a chungah enge thleng dawn tih hre lawk bik heklo le, abula mite fiamthu thawh chu alo nuihpui ve nasa mai a, tun ah hian thah tum in Rolianan a chang reng ani tih hre ngat se zawng anui tawh kherlo maithei ani.
Rolianan chiangtaka ahmelma te awmna hmunhma chu en in, a hmelma te chuan sei tak tak sawmzet buk sa in, meipui pawh hmunthum zetah an chhep ani tihte, buk awmna pawh luilian tehchiamlo sir hmunzawl ah ania, aral lehlam chu khampang hlir ani tihte, an buk sakna bul lawk ah chuan thingsang tak tak te ding in thingzar te chu an buk chung ah te chuan an in zarpharh deiduai a, thingler thenkhat thli in achhem tliah ni awm tak tak te pawh chu thingbuk kara kawihrui in zam ah te chuan a in vawtang hlawm bawk ani tihte thleng mai a Rolianan a hriat chian hnu chuan khua pawh athim tan ve ta ruai ruai a. Chutih mek lai chuan hmelma lam pawh in, zanlama chawlh hahdam hma tum chuan meipui enghnuai zanriah te chu an ei tan ve ta a..Hmelma te chawchhum thar rim in ahnar an verh meuh chuan Roliana pawh in apum ruah zia chu hre chhuak in, Bâksa hem hminsa tlemte a la ah that ve te chu phawrh in a ei ve ta a, chutah chaw pangngai pawh eitur neilo a, sa hemhmin leh kamrah engemaw vel mai mai ringa a awmrei tawh zia te chu angaih tuah a, Thawmliana te thiltih vanga hreawm atawrh nasat zia te chu hre chhuak thar leh in, thinrim na hlir mai chuan abual leh ta.. mahse, Roliana hian thinrim avanga engmah ngaihtuah chiang hman loa chet nghal buan buan hi aduh ngai reng reng lo, engkim ruahman fel sa thlapa hmelma te beih hi a duhdan ani a, hetiang mi nitur hi chuan dawhtheihna nei mi nih pawh angai hle reng ani.
Tunah chuan Rolianan, Thawmliana thah tura a hruaihran theih na tura a beisei pawh ahun athleng dawn ta, Tlanglian khaw pasaltha leh tlangvalrual ten zanriah an eikham hnu chuan, athenin meipui eng bula thut hmun rem paha vaibel an pehkhuk hluah hluah lai in, thenkhat meieng in achhun phak mangloh chin lungpui chunga thutawk te pawh an awm ve bawka, chutih mek lai in chaweikham hlima inthiar duhtlat ho pawh in ramhnuai thim lam chu an rawn pan ve tan ta, chu tak chu ani Roliana lo nghah ruk rauh rauh chu ni. Roliana pawh in fimkhur taka a tawmna hmun chhuahsan ve nghal in, a hmelma te buk awmna lam chu apanthla ve nghal a, chutah meieng chhun phak loh china ding in ahma atang tawha khawdang hawi lek loa alo en zui reng Thawmliana awmna lam chu ngunzet chuan an thlir leh hriha, engtin emaw a chesual palh hlauh anih chuan atan tlanchhuah leh ngaihna a awmdawn hauhlo ani tih hre ran maia, mahse, hetia atih mai loh chuan kawngdang awm heklo le, mihuaisen leh remhre tak tan lo chuan hmelma kar atanga mahni duhzawng thurchhuah tum chu tihchhin chi ani hauhlo ang le. Chutah Thawmliana thutna lai chu meieng in chhunpha reiruai mahse abul hnai lutuk ah midang an thulo ani tih a hriat chian hnu chuan, fimkhur tak si mahse, an zinga telve ni awm taka lan tum si chuan Thawmliana thutna lungpui awmna lam chu apanphei ta nghal a. Chutah Thawmliana hnunglam lungpui sir atang chuan Thawmliana vaibel lo pak hlat hlat lai chu, aw damdap zawi leh fiahtak si chuan Ku Thawmlian thil pawimawh deuh aruka hrilh tur che ka nei asin, a va ti ta a. Thawmliana chu phawkzeta hnunglam rawnhawi nghal in, meieng in fiahlo ruaia a chhun Roliana hmel en vung vung hnu chuan, engthu pawimawh nge i hriat minhan hrilh ta che ati ta a. Roliana chuan ngawiteh Ku Thawmlian pipu ten bang paqh in beng anei an tih thin kha maw le, chuvang in bang mai mai pawh in beng an neih theih chuan lungpui te pawh hian beng te hi an lo nei ve reng thei asin, heng ka thilhriat te hi ka hrilh lai che hre ru tu anlo awm hlauh chuan, thihna hial pawh ka tawk hlauh thei asin, ka tan chuan thih leh dam inkar ani tlat, chuvang chuan ka thil hrilh tur che hi ihre duh anih chuan minrawn zui mai rawh, tiin a chhang ve leh nghal a. Thawmliana ngaih erawh a tha zan lo, a thutngaia thu reng chung chuan, anih leh tunge i nih, englam pang nge ni reng reng a ti in ala zawt leh hrama, Roliana lah in Thawmliana te ang rilru chawhbuai dan tur chu ahaihchham lo nasa mai, muangchang in her chung chuan tunge ka nih ihriat aia pawi mawh zawk i hre duhlo anih chuan, kan Lal te i tihder vanga i nghawng tan tura i Lu an kawih kun hun ah che chuan, ka thil hrilh tur che ngaithla tura min zui duhlo hi pawi ilati vawng vawng mai ang, anih ka kalsan mai ang che, i Thi thuhruk kha an hmu chhuak ani awm e, tih pah in ramhnuai thimlam pana kal chu arual ta nghal a...Roliana thu sawi ahriat rual rual chuan Thawmliana chu azuang tho zawk mai le, Roliana chu umzui nghal in akuta va vawn pah chuan, tlangval khawngaih in i thin tirim mai teh suh, induhna lam lam ah ka zui ang che, chiangtak in i thilhriat chu minhan hrilh ve teh, tiin hlauhthawn hmel zet chuan angen ta a. Roliana chuan tifuh inti zet chung leh inthup tak chung si chuan, Ku Thawmlian tawngzawi deuh rawh, i thusawi mi in an hriat vaih chuan kei pawh hian ka tuar ve phah dawn ania, tihian inthiar tur ang deuh in kal ila, midang in kanthawm an hriat phak lohna tur ah ka hrilh dawn che nia, tiin midangin anthawm anhriat phak loh natur lam ah chuan ahruai ta a.
Buk meieng an hmuh phak loh hnu leh thawm hriattur pawh a awm loh hnu chuan Roliana chu rawn tawngchhuak in, Ku Thawmlian i Ro phumruk na hmun chu an sawi ka hriat ruk dan chuan kan khaw kawtchhuah lam khua atanga hlavaklo khiangbuk lianzet hnuai ah an ti in ka hria, a dik reng reng em ti in an zawt a, chutah Thawmliana hlauthawng lutuk leh rilru buai tawh chuan, dawt anih chu chulai hmun ah ka phumlo reng reng, khawchhak lam atanga kan khaw rawn pawhtu kawng chhete lo awm khi thuiteh chiamlo zawh in hlavak lo ah lungpui mihring chen laia sang a awma, chumi hnuai ah chuan alawm ka phum..Tuten emaw Lalhnen ah dawtin min hek ani ngei ang, tute nge chutiang thu sawitu chu ni reng reng ti in azawt let nghala, Roliana chuan arilrua te tea ngaihtuah in, i sual rapthlak teh lul nen i lo mawl hle mai maw, tihian ka thil hriat duh ber mai minhrilh ani tih pawh i in hre awm tawp si loa, tun ah chuan i.hnen atang hian thil hriat duh pakhat ka la nei, chumi min hrilh hnu ah chuan pialral.lam panin i kal thei tawh ang, ti a ngaihtuah chung chuan Thawmliana zawhna chu dawt phuahchawp bawka chhang leh in, Lalhnena hek tu che chu maw, miten an hlauh em em Kan Lalkhawnbawlmin fapa Riliana ten maw le, engtin nge i chanchin an hriat chu ka hre hauhlo, mahse, Tlanglian khua inrawn luh hma chuan mipahnih in ni tih te leh i thianpa chuan khawdang a pan tih te thleng in ansawi thei tlat ani, chu chu thudik ani reng em, thudik lo nita se i thianpa kalna lam te chu i hriat pui ve reng reng em, tiin an zawt ve leh. Thawmliana pawh chuan a chanchin chu an hrechiang viau ah ngai in engmah zep tum bik lo chuan, ni e, chu mi an sawi chu a dik ngei maia, mahse, lalte bum zawnga ka khawsak leh ka tihder awm reng reng ka hre lo, an ni.chhung saw midang er hrim hrim mi an nih avang in Lal hnena tlaktlum duh in minhek ani ngei ang, ka thiana kha chuan khawthlang lam apan tihbak chu engmah achanchin pawh ka hrezui lo, hetianga dawta min hek si chuan kan mitang pawh kha keima chhuah anih te an han ring leh ringawt anga, khatiang mihring te kha chu tanpui chu sawi loh a Lu an tan hmanlo te kha pawi ka tih teh lul nen, engtia hma hanlak chi nge maw ni dawn ngai le, a rengreng thu ah tunge maw i nih reng reng le, thihna hial pawh tawkthei i ni tih inhre reng chunga ka tana thiltha tih duh tu chu, i chungah ka lawm khawp mai, tiin rilru hah hmel zet chuan lawmthu te chu ahrilh ta a.
Chutih lai chuan Thla pawh rawn chhuak ve tan in, ngawchhung thing kar te chuan arawn chhun eng tan ta a. Roliana chuan, Thawmliana kut ah chuan vuan in, kei hi min hrechiang duh tak tak amaw, min hriat chian duh te chuan lo kal ta che, tiin thingkara thlaeng
rawnluhna zawn ah chuan kai phei in, Thawmliana hmachhawn zawnga ding chung chuan ahmel chu Thlaêng hnuai ah chuan chiangzet in a pholang ta vah mai le, mahni lo maha athuhriat ten an tih hlauhthawn tawh tehlul nen, Roliana hmel an hmuh chian leh meuh phei chuan, hlauhna leh maktih nate chuan rawn tuam nghal in engmah tihna chang leh tawng nachang pawh hre lo chuan adingkhawng reng ringawt mai a.. Chutia angaihna hrelo leh makti zeta adin ngawih reng hnu chuan, harsa ti zet chung leh khurru der der chung chuan, nangmah hi i ni tiraw, i ni chiang lutuk kan mi zawnlai Roliana ngei kha i ni, engtin nge henghi i tih theih khawi atangin in nge ilo kal, ati bah nawk nawk maia. Roliana chuan rumfe a melh pah chuan, aw changfal leh nelawm lo zet a rawn tawng chhuak in, ni e, tun ah chuan min hre chiang ta hle mai maw, in Lal te hma ah kha chuan min hre lo kha ani sia, ni e, nachin maia i sawi vawhlum daihse pawi ka tih loh tehlul nen i tih a ngei kha ka ni e..a ti chang ta fak mai a. Chutah zet zawng Thawmliana chu a mangang ta kher mai le, a thil lo tihsual tawhte angaih tuah in ngaihdam dil in awmzia anei dawnlo tih lah chu ahre chiang nasa mai si, sawi leh chuan tur pawh hrelo chuan Roliana che vel chu en in a ding ngawi ta reng maia.
Roliana chuan hun angah lo ani tih hria in Thawmliana mit taka en chung chuan, tun ah chuan Roliana kanih minhre chiang ta bawka, hmana kan in tihbuai tuma ka hmuh leh hun hun ah ka that ang che i tih te kha i la theihnghilh em lo ang chu maw, iduh ang ngei chuan hei kanin hmu leh ta bawka minthah chu han tumchhin ta che, tiin engahmaha ngaih hmel lo zet leh inringtak ang pawha lang duhlo chuan a ding bulak lak a. (ZIAKTU:- Hmangaih MT Chongthu.)
Thawmliana pawh chuan, Roliana chuan chutimaia awlsama a kal tir chu a ring hauh lo, chuti anih chuan Roliana cho na anga inbeih mai loh chu thlantur dang aneih loh zia hrethiam ve nghal in, a rilru chuan hlau viau mahse, Roliana inrin hma a achet hman hlauh chuan athah theih mai chu beisei in, engmah pawh sawi set set lo chuan bawhthluk paha rehhlum nghal tum chuan Roliana chu a zuan phei ta zawk maia. Mahse, Roliana mizia alo la hre chiang tawk lo deuh ania nge, chutah le, hmelma te hnaiha fimkhurna tlachham ngailo leh inthlahdah ngailo Roliana chuan Thawmliana chet tumdan chu a lo hmuhhmaih lo nasa mai chu ni in, Thawmliana rawn zuangkang lai naknem ah tak mai chuan lenglawp khawp in a lo hnek thuai mai a, Roliana kuttum hrawltha zet in duhtawka alo hnekna a dawn tak ah chuan Thawmliana chu te thawt chung chuan, ahnung lama penhnih velzet ah chuan a tla vial ngawih ngawih maia, chutah zet zawng Thawmliana tan chetzui ngaihna a awm ta lo. Roliana chuan hun angah loh zia chu hria in hmanhmawh taka Thawmliana kut leh ke te phuar sak nghal in, awlsam zet pu kang in Thingsang zet bula ahrui chhahsa awmna lam pan chuan akalpui ta a..
Roliana hnekna a vanga tawng pawh tawng hleithei Thawmliana chu, dim lo zet in Roliana chuan a phuar mawlh mawlh maia, chutah Thawmliana hlau mangang mengphar kual vel bula zuk kun hnaih pah chuan, i thiltih te avang khan awlsam taka thih hi i phu ngang lo ani, pialral ah ka pu i han hmuh hun ah chuan, hetianga nunrawng taka ka thah dawn che avang hian ngaihdam min rawn dilsak la, tichuan, 'hetianga mahni mihringpui te thah hi a duhdan ani bik hauhlo, mahse, keimah hian ka phu em vang in atih atul miau si a', i rawn ti dawn ania, tia Thawmliana bengbula a zuk sawi meuh chuan, Thawmliana hlau hmel lutuk chu a rapthlak in akhawngaihthlak ngei mai. Roliana chuan a sawi duhte a sawi zawh hnu chuan abula thinghnah te chu pawt zut thawt thawt in Thawmliana ka chu ahnawh sak ta hmiah mai le, chutah Thawmliana ke a ahrui thlun hmawr leh lam chu akawng ah suih in, abula thingding sangzet mai mihringtan a lawntheihna chi nipawh a langlo ah chuan awlsam zet chuan a vanchho ta hmiah hmiah maia, chutah thingzar awndu mai hruizam hnawk nuaih awmna athlen chuan a kawnga ahrui suih chu phelh in, chu hrui hmang chuan Thawmliana chu a pawt chho ta a. Thlantla hluam khawpa apawh chhoha Thawmliana ke in hruizam hnawk awmna arawn thlen chhoh hnu chuan chulai hruizam zinga rinawm deuhber tura angaih chu tanchhum hran chuang lo a valh kual in Thawmliana ke hlin nan chuan ahmang ta a, tichuan a duh ang thlapa a a phuar beh hnu chuan, Thawmliana akhai chhoh na hrui chu zai chat in hnuailam ah athlak thla leh ta a, Roliana pawh chu thing atanga chhuk ve leh nghal in, lei athlen hnu chuan ahrui thlak thlak chu chhar in a iptepui ah chuan akhung tha nghal a, chutah Thawmliana akhai na thingler lam chu thlir chho in, iruang an rawn hmuh hun ah zet chuan engtin ngaihdan nei hlawm tak ang maw, tia phun sep sep chung chuan a hmelma te riahbuk lam pan tur in akalsan ta a..

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)