PASALTHA ROLIANA(Taitea) BY Hmangaih MT Chongthu 1 -46

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Calebrenthlei
Posts: 5
Joined: September 5th, 2017, 7:28 pm

Re: PASALTHA ROLIANA(Taitea) BY Hmangaih MT Chongthu 1 -36

Unread post by Calebrenthlei » September 8th, 2017, 1:05 am

Chhiar zawm zel a van chakawm ve



Link:
BBcode:
HTML:
Hide post links
Show post links

Tetea Fanai
Posts: 1
Joined: October 27th, 2016, 7:35 pm

Unread post by Tetea Fanai » September 24th, 2017, 11:36 pm

[quote=Calebrenthlei post_id=12345 time=1504812934 user_id=3708]
Chhiar zawm zel a van chakawm ve
[/quote]

Han ti leh vat teh angaihthlaknawm turu buru ema
i

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 9th, 2017, 6:28 pm

PASALTHA ROLIANA ( Taitea)
PHEK 37 NA.

By :- Hmangaih MT Chongthu.

*page 36 recap -
#Sihpui khua ten hnuhhram thlawh an zo kim thawkhat tih ah chuan, Tlanglian khaw lam atanga an Lal thu chah pawh chu dawng zui ve nghal zat in, Tlanglian tlangval rual te hma chhawn tur chuan an in buatsaih ta mup mup mai a. An huntiam ni arawn thlen tak ah chuan Sihpui khaw valrual te leh Tlanglian khaw valrual te chu, inbeihna hmun tur atana an ruat an khawram daidang tu luipui lam pan chuan an rithla ta mup mup mai le, an inbeihna hmun atana an ruat luipui lah chu fur ruahtui tla chuan ti lian in, a kuang khat tlat mai chuan tui chu aluang cham put mai a, chu luipui chung ah ngei mai chuan luikama thingding martha zet mai, uipum ai maha lian tur chu lui kam lehlam a inkham kai tur chuan an kit tlu ruah mai bawk a, in beihna a chak lo zawk tan chuan dam chhuah chu a beisei awm loh khawp ang le...

#Tlangram luipui tui lian luang ri vut vut hi zawng ahlauh awm dan a la nep deuh, tuikuang khat tlata tui an luanga an ngawi duk mai hi zawng a hlauhawm in zuamsual awltak ani upa ten an loh tih fo thin ang in, Sihpui pasaltha te leh Tlanglian khaw pasaltha te inbeihna hmun tura an ruat, in beih nana thingluang an kih hnuaia luipui pawh chu a kuang khat tlat a tui te chu luang cham put in, a hnawl len te chu luimawng lam ah liamthla vawn vawn hlawm mah se, thawm erawh a nei ring lo kher mai.

#Chutiang taka chu lai luipui tui chu a lo lian mai leh a kuang zautha zet mai chunga thingluang in kham zuah mai an han hmuh meuh chuan, Sihpui khaw tlangval thenkhat mai ni lo Tlanglian khaw tlangval te zing ah pawh chuan zam chhe fe fe an awm ani tih hriat tak mai hian an hmel chu a uang lo tlang kher mai, chutih lai in Roliana hmel ah erawh zam hmel hmuhtur a awm lo a, phur em em hmel pawh a pu chuang hek lo, ding taka an inbeihna tur thingluang lam chu thlir in, engemaw ngaihtuah nei tih hriat zet chuan amit te chu an chhin ak ak a, a tawp ah zawng engemaw tak ngaihtuah chhuah anei tih hriat zet a nui sak chung in Lal Sairuma leh valupa pu Dokhuma te ho din na lam pan chuan a kal ta a.

#Lal Sairuma leh valupa te, Sihpui khaw pasaltha ho te chuan thukhawchang engemaw sawia lo dingkhawm in, Tlanglian khaw ho nena an inbeih hun atana Roliana ruahman na lo siam te chu ruahman na fingtak leh pawmnahawm tak nia an hriat thu te chu an lo sawi barh barh hlawma. Roliana hian Tlanglian khaw ho rilru puthmang verther tak te chu haibik hek lo, mihring tamzawk leh ralbei thei tamzawk an ni in, silai ngahzawk pawh nise thingluang zawha chempui nen in mal beihtur an nih miau avang in, mihring ek chhe tam leh silai ngahzawk nih ringawt atawk lo, mahni khaw tan a luchhum banchhum huama dingngam, mihuaisen neih ngah a pawimawh zawk tih chu thil chiangsa anih avang in, an zuam ang ngawta thil a kal loh thulh ah Tlanglian khaw ho hian mawilo taka chet thawh in silai an hmet puak duh ngei dawn tih Roliana hian a hre chiang em em mai a, Lal leh pasaltha te hnen ah chuan inthlahrung tak chunga angaihdan leh duhdan te sawi in, a duh ang ngei chuan an inbeihna hmun tur luipui kam, Sihpui ram lam ko chung rem lai leh an inbeihna tur ruam lanchian thei na lai ah chuan, pasaltha rual tamfe mai chu Tlanglian khaw lam in silai an lek kan rual rual a an silai te hmet per nghal thei tura in ringsa diam chuan an biru thap mai a, Tlanglian khaw lam in dik lo tak in chet thawh tum pawh nise, Roliana thil ruahman lawk avang chuan Sihpui khaw valrual te chu an ngaih atha thawkhat hle ani.


#Tichuan le, luipui kam tawn tawn ah chuan mahni khaw chhan nana nunna hial pawh hlan hreh lo pasaltha leh tlangval rual te chu an ding nghuk mai a. Valupa te pawh chuan inbeih tan hma hun tlemte la awm chu tlangval rual te fuih nana hmang in, hnehna chang tu zawk a tan tum tur leh an mahni tan mai ni lo, mahni khaw tan, tin, an nu leh pa, nunau te leh an tu leh fa lo la awm zel tur te tan thleng pawha bei tur an ni tih te chu in hrilh nawn leh in, huaisen taka hmelma te bei theuh tur chuan an in fuih mawlh mawlh mai bawka. Chutia Valupa ten fuihna thu an sawi zawh meuh chuan, luikam tawn tawn atanga tlangval rual authawm rawn richhuak zet chu a rik hian ari hum hum mai a, an au ri ringawt pawh chu apui hem hem kher mai.

#Chutia au ri hulh hulh chu, tunge Sihpui khawtan ding hmasa ber dawn le, tih ri chuan a rawn zui ve nghal zata. Tlanglian khaw ho laka tlawm tum lo Sihpui valrual te chu, an khua hmusita hnuaichhiah em em tu Tlanglian khaw ho bei tura ding hmasa ber nih tum chuan, hmalam ah an rawn zuang chhuak suau mai a, an Lal fapa Khawliana meuh pawh a bang bik lo, mahse, huiasen na thu ah ani emaw, tlawmngaih na thu ah ani emaw, engkima an hmakhalh ngai loh tur, tlangval piantha leh tuanrang em em Roliana chuan, Tlanglian khaw ho bei tur chuan tuma hmakhalh thiang ka ni lo, ti niawm hrim chuan midang zawng chu hmakhalh in, thingluang chu a rap chat mai a. Lal fapa Khawliana chuan rawn pan hnai in Roliana hnen ah chuan, Rolian, tuntum chu min hmakhalh thei lo ang, kei ni chhungkua leh kan khaw tan hian i thawk hnem tawk tawh bawk e. Chulo reng ah a vanduai hmasa a i tan hlauh zawng in, nangmah vanga huaisen na neia,.zam hlek lo a hmelma te hmachhawn tum tlangva rual te rilru a hnual lutuk palh ange, chumai bak ah Tlanglian khaw ho in ka pa an hmuhsit zia leh, Sihpui khua te min tham lo lutuk hi ka ngaihdan pawh ani tawh lo, a tul anih chuan kei hi ka thi hmasa ber tur ani, khawnge a ngam chuan min rawn hmachhawn teh se, tih pah chuan Roliana chu nawr kiana thingluanga chuan kai mai chu an tum a. Mahse, Roliana chu nawrsawn mai chi ani awzawng lo mai, fiah zeta Khawliana chu en in, Ku Khawlian, Sihpui khua hi ka khua anih ang in, he Sihpui khua leh kan Lal hmusit tu te chuan kei pawh hi min hmusit tihna ani, ka chunga an thil tih vang pawh khan kei hi Tlanglian khaw ho hmachhawn tu tur dik tak chu ka ni, min ngaihtuah suh, tunge kanih tih Tlanglian khaw ho hi kan hriat tir ange, tih pah chuan thingluang chunga chuan kai chu a rual ta nghal a.

#Khawliana pawh chuan Roliana mit meng fiahtak leh nelawm loh zet ahmuh tak ah chuan nawr luih chi ani lo tih hrethiam nghal in, thudanga chhang ta lo chuan, Rolian, Sihpui khaw tana i tlawngaihna leh i in pekna hi athlawn lo ang, a ti ta a. An kianga ding Lal Sairuma pawh chuan, Rolian fimkhur tak in aw, Sihpui khua hian ala mamawh che tih han theihnghilh lo la, hmelma te lak ah hnehna chang in himtak in rawn let leh nang che, ti in duhsakna alo hlan ve bawka. Roliana chu hnunglama rawn hawi let in, Lalpa i duhthusam ang ngei chuan him tak in ka rawn let leh ngei ang, mahse, chumi hma chuan kan Lal leh Sihpui khua hmusit tu te hian, Sihpui khua hi an cho sual ani tih ka va hmuh tir ange, Tlanglian khua an nih vang ngawt hian hneh theih loh tur ah an in ngai ania nge, kei ni aia an chak bik na chhan tur reng reng ka hre lo, ti in, luipui chunga thingluang in kham kai zur mai chu, phur hmel fahran mai leh zamna reng reng nei lo chuan a zawh phei ta a. Chutia zam hmel pu hauh lo leh phur hmel fahrana Sihpui khaw tana an pen chhuak chu, Sihpui tlangval rual te chuan ngaisang leh tluklo inti tak chunga thlir in, an hma ading tlangval huaisen leh tlawmngai Roliana a vang chuan an thinlung te chu phurna leh huaisenna te chuan a luahkhat zo ta. Tawngka ngawta fuih tu ni lo, a taka che chhuak ngam, enghun ah pawh a hmasabera dingzel ngam Roliana chuan thutam tak sawi ve lem lo mahse, a chetzia leh nundan chuan thu ropui tak leh fuihna thu tha tak tak sawitu te thusawi let tamtaka nasa in Sihpui Val rual te thinlung chu ahneh zawk a, zuam en pawha an en tawh loh Tlanglian khaw ho lak ah pawh chuan zam hmel pu reng reng an awm tawh lo ani.

#Rolianan zam hlek lo a thingluang a zawh phei lai chuan, Tlanglian khaw lam pawh an ngawi mai mai bik lo, tlangval tuaitir thazarual tih hriat zet mai pakhat chu Roliana hmachhawn tur in rang fahrana thingluang chung a rawn per kai ve nghal in, a kuta chempui hum kak vah in Roliana lam chu a rawn pan ve ta. Tlanglian khaw ho hian a hma kum maia an lo hneh tawh, an tlangval rual te pawh tam tak an lo thahsaka a, silai pawh thahnem tak an lo chhuh sak tawh hnu Sihpui khua te chu an zuam in, an thinlung ah chuan engtham vaka ngaih lohna rilru an pu tlat tawh, chuvang chuan an pasaltha ralhrat tak tak te pawh chu tlarhma a dintir lo in, an tlangval la tuaitir ve tak tak, nakin lawka an khawtlang tana la tangkai tak tak tur te chuan inzir nana hman tum in, phur fahran chuan tlarhma chu an rawn chuh a, an hma a ding chu tunge tihlam an ngaihtuah tawh lo, Sihpui khaw zuam in an rawn zuam tawp ani ber mai.

#Luipui kam tawn tawna au ri a rik hulh hulh lai chuan, Roliana chuan fimkhur taka thingluang chu zawh phei zel in, luilai zawn chu athleng phei ta, vaukama a dinlai a nguntaka a lo thlir leh a lo ngaihtuah rauh rauh ang ngei in, an thingluang zawh ui pum tia zeta lian pawh chu, a in vuak kaina lui kuang a zau tham em avang chuan, lui laita zawn vel athlen meuh chuan a inthen in a suh lui lui tawh maia, rah pangngai mai lo deuha ahan suk luih deuh te chuan duhthusam in ain then duh nasa ta mai le. Chungei chu ani Rolianan a lo ngaihtuah rauh rauh chu ni. Naupang tual chairual anih atanga Hmawngpui zara lo in awmtlei nitin thin, thiante nen an in um nikhua pawha an man ve hman ngai loh leh, patling pui pui pawh in hmuhnawm thlira an lo thlir thin Roliana tan chutiang thing ui pum tia zet, in then satliah chu engtham ani dawn si lo, mahse, tamtak tan chuan lei chara din nen in ang dawn hek lo le, chu chu Roliana chuan hre ru kar in, tangkai taka hman chu a tum ru kar mai ani. A tir phat atang chuan a tum leh duhthusam chu athleng mai renga, zuam em em leh phur fahrana rawn pan tu Tlanglian khaw tlangval hmel chu, thingluang a rawn zawh thui ang zel chuan a hmel pawh chu a rawn danglam phei ve zela, Roliana hma zawn a rawn thlen meuh chuan phurna nei hmel reng pawh a pu tawh lo,a thingluang zawh lai chu rahthelh hlau niawm fahrana pharkak haha chung chuan, a hnuai tuilian kal liam vut vut leh a thingluang zawh lai chu melh tawn zak zak chung chuan a khur ru der der tawh maia, a hmaa ding tlangval piantha zet mai leh hmel ngainat awm tak, mahse, mitmeng nelawmlo zet mai, hlauhna leh zamna in a tihbuai ve reng reng loh in, rum zeta leh fiah kak maia a lo melh reng mai an hmuh phei chuan chu tlangval chu enga mah hma in a buai chhe der chu ani ta mai le, Roliana lah chuan a hlauhna belhchhah sak tum ran in, tlangval fimkhur rawh aw, kan hnuaia tuiluang ah hian i liluh palh ange, i rinai in luikawi khu i thlengthla rang maithei ania, tih pah chuan an dinna thingluang then hluau hluau chu an suk then belh sauh mai a, chu tlangval chu a khur chhe lo chauh chu ani ta mai. mahse, hlauh vanga let leh thei ani tawh lo, dam duh in let leh pawh nise, miten an hmuhsit na leh an diriam na chu ahnuai luipui chhunga liluha tuihaka thih ai in tawrh a nep bik chuang lo ang. Duhthlan tur dang nei chuang tawh hek lo le, a huaisenna zawng zawng sawm khawm in, Roliana hnaihchilh pah chuan a nghawng zawn ah a chempui chu a rawn vai fua maia, Roliana lah chuan lo beilet tang e pawh ti ta lo chuan, a chempui rawn vai lo thut hniam san pah in, nafe mai hian an dinna thingluang chu a su then lawih maia, chu tlangval Roliana sah tum tu chu le, a sahtum ber a sat fuh ta si lo a, thingluang then hluau hluau chungah ding nghet thei tawh hek lo, nalh lo fahran mai in a hnuai tuipui ah chuan tla per ta chuaih mai le, a tlakna tuipui lah chuan dimlo fahran in phar vawn vawn khawp in an len zui leh ta nghal a, atan damchhuah leh chu a huphurh awm khawp ang le..

#Tlanglian khaw ho thawm a reh duk lai in, Sihpui lam erawh an thawm aring in, an au ri hulh hulh mai a, an khawtana ding Roliana lah in, thingluang chung hi chu ka ka Lal ram ania, he hmun atanga min nawr chhuah hi chu tum duh suh u, nunna in inhlauh hnem ting ani mai, ti niawm fahran in a mah bei tu apiang te chu, awlsam zet zeta luipui ah chuan thawn lut in thingluang chung ah chuan a ding to maia, Tlanglian khaw tlangval te chuan, khawnge keimah ve thung aw ti in han zuam viau thin mahse, Roliana laka dingchang zo awm hek lo le an pasaltha te an rawn pen chhuak ve ta, Roliana lah chuan amah rawn beitu ten an zuam nasat zawh poh leh a dim lo ve ting chu ani zel mai a, Riliana thuihhruai te, a mah sual rawna thah atana Tlanglian khua a hruai tu te phei chu, an dinna hnuai tuipui chhunga an in liluh hma in an thlarau in a chhuah fel san hman ngei ang tih tur khawp chuan an ring ruh te chu a sah uai sak hnawp hnawp mai a..Ngam leh ngam, mipa leh mipa inbei ve lem si chuti tak maia Roliana an khan lo leh an hnehlo mai chu, hmelma lam Tlanglian ho pawh chuan mak anti in hmuhnawm thlir in an thlir lo chauh chu ani tawh mai a, chutih lai in Sihpui lam ve thung erawh an thawm atha in, luiruam khawk rum rum khawp chuan an au ruih ruih tawh maia, hnehna chang ngei tur ah in ngai in an phur tawh kher mai.

#A thiante awlsam tak leh harsa lo tak maia Rolianan athat lai lo thlir reng tu Riliana mi chapo zet mai leh mi hma a insawi huaia inti pasaltha em em thin chu, Rolianan hnehsawh fahrana athian te thingluang chung atanga a sat tla lai ahmuh meuh chuan kilkhat ah ading zum ta reng maia, thingluang chunga chuan chak na reng reng lah anei tawh hek lo, mahse, chutia hlau rilru tak chunga adin zum reng lai chuan, an Lalpa biak na ri chu ahre ta, Tlanglian Lal chuan, Rilian i in tiamna thu te kha i la hre reng em, he inbeihna a thataka i chet phawt chuan nang leh i chhungte ka khua atanga hnawt chhuak tur che u a ka intiamna pawh ka sut leh ang ka tih te kha i la hre reng ang chu tiraw, khawnge ka khawpasal tha diktak chu han che chhuak ta che, Sihpui khaw lak ah hian kan tlawm tur ani lo, saw mihring sawn pasaltha diktak ahmachhawn loh avang in, huai ber emaw a in ti anih saw, dim hlek lo in anghawng saw va sah chhum sak ang che, tiin, rilrua beisei botak chung chuan an fuih ve bawka. Riliana mi chapo pawh chuan chutia Lal meuh in atih tak ah chuan, tlanchhiat san theih ani lo tih chu hria in, phur fahran lo chuan ahmaa thingluang in dawh zui chu a pan ve ta a.. Roliana chuan Riliana mitmeng zam hmel pu tak mai chu hmuh hmaih hek lo le, ngeiawm zeta lo tawng khum in, kha Rilian i hnungzanga chem pheka ka hlap na che kha a dam fel tawh em ni, min hmachhawn tur te a i lo lan leh tak mai, tuntum chu chem phek zawng ni lo in, a hriam lam ngei kan hmang tawh ang chu, ti a lo tawng khum in, hlauh loh hmel zet chuan anuih khum vur vur maia. Chutah, Riliana thinrim hmai sen tun chu en chung chuan, Rilian i thih hma in engemaw i hriat atana duh ka nei tlat mai, Sihpui khaw pasaltha in sualrawna inthah tak kha i la hria em, khatih laia in kianga lo birua lo enthla reng tu che u leh, vungbur khawpa sawisa tu che kha kei hi ka ni asin, mintam hneh avang chauh in i ringruh ka thuai bung hman ta lo kha ani a, hei i dam rei phah ta deuh anih hi..mahse, tun ah zawng itan engkim hi a tawp tih hria ang che, atih khum ta hmiah maia. Riliana mak ti hmel leh thinrim hmel chu a hmuhnawm loh kher mai, thinrim zet chung chuan, nang zawngchhe pa, mi bumhmang tak i lo ni, kan chhungkua buaina min thlen sak avang chauh pawh hian i lu kha ka la dawn khawp mai tia a chempui lek kang chung chuan, Roliana hmachhawn tur chuan a in siam rem zui ta nghal a..

WEbsite story link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 9th, 2017, 6:29 pm

PASALTHA ROLIANA(Taitea)
PEK 38 NA.

(Dah ve leh mai mai ange aw...Rin loh tak in ka post hmasa like leh comment te min lo la pek sak ve duh hlawm a, inthlahrun awm viau tawh mahse, ka rawn dah ve leh ta ngawt e.)
*Page 37 tecap -Riliana mak ti hmel leh thinrim hmel chu a hmuhnawm loh kher mai, thinrim zet chung chuan, nang zawngchhe pa, mi bumhmang tak i lo ni, kan chhungkua buaina min thlen sak avang chauh pawh hian i lu kha ka la dawn khawp mai tia a chempui lek kang chung chuan, Roliana hmachhawn tur chuan a in siam rem zui ta nghal a..

#Chutia Rilianan, Roliana bei tura atanhmun te asiam rema tak ah chuan, a chempui lek kanga Riliana kawh nana hmang in Roliana chuan, Rilian ka chunga i thiltih zawng zawng te kha theihnghilh tur ah min ngai lo la, vawin hian i suahsual man chu i hmu dawn khawp e... Mahse, kei ni lo, kei aia i chunga phuba lak mamawh zawk, tu emaw in i suahsual man chu arawn hmuh tir dawn che ani, lo tlanchhe hlek suh ang che, tih pah in tawlh kir san tum chuan a ke chheh chu a siam rem zui ta nghal a. Riliana pawh chuan thinrim zeta tawngkhum nghal in, nang hi ani thah hmasak ber atana ka duh che chu, mipa i nih ngai chuan tlanchhe lo in min hmachhawn ta che tia au in, thudang pawh sawi nawn tawh lo chuan a chempui chu a vai tle phei nghal zawk mai a. Mahse, engtik lai maha tuanran leh fimkhur kawnga atluk ngai loh tur Roliana chuan, a chem vai chu awlsam zeta lo bum in, Rilianan sah nawn leh tuma a ke chheh asiam rem leh meuh chuan, Roliana chu a saha sah phak rual loha hla ah ading hman der tawh mai, tichuan muangchanga in her in Roliana chuan, Sihpui khaw ho dinna vaukam lam chu a pan zui ta nghal a. A rilru chhungril tak ah chuan, mahni hmelma hmachhawn lai chutia han tawlh kir san ngawt mai chu harsa ati in, tlawmthlak chu ati kher mai, an mah lo thlir tu ten engtin nge an ngaih ang tih chu a dawn lo thei bik lo. Chumai pawh a la ni lo, Riliana chu duhtawka chinphar hnua a khua te hmuh lai ngeia tuilian len bo tir chu a chak zek zek ani, mahse, midang hnen ah thu a lo tiam tawh miau sia le, miten, hmelma hlaua tlan chhia tia ansawi zuia, an hmusit tur pawh pawi ti lo leh, a rilrua phuba lak theih hun tura a lo suang tuah ve rauh rauh thin chu, huntha arawnin her chhuak ve ta chenga, a duh ang pawh ti thei lo in, a thian Zakunga rilru dam nan ahmelma chu atawlh kir san angai ta ani.

#Roliana rin ang ngei in luipui kam atanga lo thlir tu te chuan, chutia rang fahrana Roliana hnunglama atawlh ta chu a chhan hre hek lo, Riliana a hmachhawn ngam loh vang leh a hlauh vang ah Tlanglian lam chuan anngai tamai renga, phur zet mai chuan an au ta dur dur mai le, an Lal te leh a khawnbawl te lah chuan, tlangval tuaitir te te atukzala huaiber leh chak ber emaw a inti ve ngawt maia, kan pasaltha te kan thawh chhuah meuh chuan a hnungtawlh hawn hawn mai alawm, Riliana hi hmachhawn ngam an awm lo emaw, an rawn hmachhawn duh lo hrim hrim te anih vaih zawng in, an khaw thleng rawk in kan um dawnnia, ti in engamah hma chuan chakzawk ngaih in an lo in ngai nasa mai a. Sihpui khaw lam pawh an bang bik lo, Roliana chuan engvanga ahmelma chu rawn tawlh let san ngawt nge anih tih hre bik hek lo le, ngawithuap chung leh mak ti zet chuan an lo thlir thup maia, an mi rin ber leh an in nghahna ve ber chutia an rawn let ngawt mai chu a ngaihna an hre lo tlang kher mai.

#Angaihna hre lo leh mak tih hmel zeta lo thlir tu, Sihpui val rual te awm na chu Roliana pawh in rawn thlengphei ve nghal in, thingtuluang hmawra dingvang chunga in thiamlo hmel zet pu chung hian, Zakung rawn kal rawh le, i pa phuba chu nangmah ngei in i lak tur in ka zuah e, tiin Zakunga chu arawn au ta a. Chu thu Sihpui khaw ho in an han hre zet chu, mak tihna leh thinrimna chuan an thinlung luahkhat nghal in an phu suau mai a, chutih lai in mi thenkhat te erawh in Roliana chuan engtin nge ankhaw pasaltha that tu chu alo hriat leh hman tawh bik ni ang le, he mihring mak leh huaisen tak mai hian engkim mai hi hriat loh pawh anei lo anih ber mai hi, tia lo in ngaihtuah tawk lah an bo lo. Chutih lai in Zakunga pawh a che rang kher mai, Roliana thusawi ahriat rual rual chuan midang kar atanga zuangdawk nghal zawk in, Roliana bul ah chuan thinrim vanga kutkhur dar dar chung leh mit meng nelawm loh zet pu chung chuan ava ding zui ve nghal chat a. Roliana chuan Zakunga thinrim lutuk chuan fimkhurna ahlauh palh ang tih hlau in, a thinrim chhawk zangkhai tura hmel hlim tak lo hmuh in, Zakung saw mihring i pa that saw tunge anih i hria em, tiin an zawta, Zakunga pawh chuan Tlanglian khaw kianga min rawn um tu te zinga an hotu ber, chem pheka i hlap hrep hnu kha anih ngei saw, tia chhang in Roliana chu an nuih ve saka. Roliana chuan khami tuma i rawtna anga thah ka rem ti ta lo kha i la hria em, a chhan chu mi zawng zawng hian i pa phuba i la lai hi hmu se ka duh vang che ani, tin, tun ah hian phuba lak chu duh ve pawh ni ila, kei ai a phuba lak mamawh tu i awm avang leh i hnena ka lo intiam tawh avang khan, miin hmelma te hmachhawn ngam loa hnungtawlh san tu tia min la rel tur pawh pawi ti lo in, i thah atan ka rawn zuah ta anih saw.. Zakung he thil hi i ti thei tih ka hria, mahse, thinrim luat vangin fimkhur theihnghilh lo la, i rin aiin i thingluang zawh tur pawh saw athen nasa dawn tih hria in, i ke chheh fimkhur hle bawk ang che, tiin an hrilh zui nghal a. Zakunga rilru chu Roliana thusawi chuan ahneh kher mai, Rolian i miduhsak na leh ka tana i thiltih te hi engtik ah mah ka theihnghilh tawh ngai lo anga, i mi fuih na chu ka hre reng bawk ang, i duh ang ngei in ka pa phuba chu ka va la ange, tia chhan pah in Riliana lam pana thingluang zawh chu arual ta nghala.

#Tichuan le, Tlanglian khaw valrual leh Sihpui khaw valrual au thawm ri dur dur kar ah chuan, chak lo zawka tan tum reng reng lo tlangval pahnih, Riliana leh Zakunga te chu in bei in, an chempui hriam tlevur mai chu an vai tle tawn zawk zawk maia, chuti maia awlsam erawh chuan a tu zawk ve ve pawh chu an in sat fuh mai thei bik lo, rinai in Zakunga pawh in insual chu alo thiam in a che pawh arang vet vet kher mai, a lian zawk leh thahrui ngah hmel zawk Riliana pawh in a zuam ang ngawt a awlsam chuan a sat fuh thei ta der lo mai le. Zakunga lah in chuti maia awlsama chetsual lah chu atum bik der lo leh nghal, Roliana hrilh ang ngei in fimkhur atul zia lah athingluang zawh inthen nasat dan atang chuan a hai lo in a ke rah an siam rem tur te chu a fimkhur ngang mai. Chutia reingial an inbeiha an in nawr tawn tak ah chuan fimkhurna tlachham zawk Riliana chuan a zuam sual ta tlat mai le, hnaihchilh thut paha nghawng bung hmawk khawpa sah tum in, a theih tawpa na chuan a chempui chu a vai ngheng mai a, a thil tum chu Zakunga chuan hmuh hmaih bik hek lo le, rang zeta kun hniam in Riliana chempui in a thlawh pelh rual chiaha chuan arawn ding mar leh nghal zata, Riliana lah in sah fuh ngei in ring a thatawp chhuah kha ani sia, a tum ber a sah fuh leh tak si loh ah chuan ding nghet zo tawh hek lo, a in vaibuai nasa ta maia, Zakunga lah in chu hun remchang chu bawhpelh atum lo nasa mai, nanghi maw ka pa that tu chu tih leh Riliana nak thler hawk khawpa sah sak chu arual ta nghal a, chu mai pawh chu a la duh tawk lo, thingluang atanga Riliana tla tur chu lu uai hnawp khawp chuan a nghawng ah an sat zui leh nghala, lu uaihnuang in ahnuai tui lian luang vut vut ah chuan a tla per ta chuaih mai le, Riliana tan damtea hringnun hman zui leh ngaihna a awm ta lo. Mahse, Zakunga pawh in hliam te nau chhe te te chu tuar lo bik ani lo, Riliana phar buai abawhzui na lama Riliana chem pui ki in a mit ko atai kak na phei chu kak zau in na em em ni lem lo mahse, thi a chhuak duh in mit men harsa khawp chuan thisen in a mit leh hmai vel te chu a chiah kawi nuaih ta sia, atan hmelma han beih zui zel ngaihna awm tawh hek lo le, hreh tak chungin a mah tana au dur dur Sihpui valrual awmna luipui kam lam pan chuan akal zui ve ta nghala. Vaukam arawn thlen chuan Roliana pawh in hlim zet in, Zakung i pa phuba chu i la ta ka lawmpui a che, i che pawh a nalh in arang kher mai, mi ropui leh huaisen tak i lo ni e, tia lo be mawlh mawlh in an hlim dun kher mai.

#Tlanglian lam lah an rin leh beisei anga thil akal tak loh ah chuan an thinrim nasa tawh maia, chutih lai in an thinrimna belh chhah tum ni awm hrim in Sihpui lam lah chu an au ri dur dur reng mai bawk nen, an hmel ah chuan silai hmehpuah mai pawh an hreh tawh lo tih alang reng mai. Mahse, silai hmehpuah hma in an pasaltha ralhrat ho te chu anawi zual pui leh phur satliah ho ringawt in tir tawh lo in an rawn pen chhuak ve ta le, chutih lai in Sihpui lam lah in an chhuan vawr leh an innghahna Roliana chu i chau bik lutuk ange ti in, apen chhuah leh hma chuan an rawn din khalh ta zung zung maia. Chutiang te anih tak ah chuan Tlanglian lam pawh in hawhaw chunga au na hun rem chang an nei ve ta le, Tlanglian pasaltha te zing ah chak lo zawk leh an hnuai tuipui a tla ri bawrh bawrh tawk chu awm ve bawk mahse, Sihpui tlangval leh pasaltha te chu a hek zawk ah an tang ta tlat mai.

#Roliana chuan chutiang ngawt chu ni thei in ahre ta ngang lo, khawnge keimah ve thung aw, duh ai in Tlanglian khaw au thawm aring ta tlat mai tih leh thingluanga tlanlawn chu arual ta nghala. A tawng ri chu ring lemlo mahse, a thusawi chu afiah in, a hmel atanga chuan dan buai chi ani lo tih chu achiang kher mai, pu Dokhuma leh Zakunga pawh chuan chawl hahdam hrih tura thlem chi ani tawh lo tih chu an hre chiang ngang aniang, dan buai pawh tum lo chuan fimkhur tur in an chah mawlh mawlh mai ani. Chuta Roliana thin rim han che chhuak meuh chu a hmuh nawm in Tlanglian pasaltha te chuan an khan lo nasa ta maia, ani lah in tumah dim buai atum hek lo, arawn hmachhawn tu apiang mai chu an hnuai luipui tuilian chu a len liam tir zung zung mai ani, a hmelma te an thingluang zawh in then in an duh anga a chet that tir theih loh lai in, ani tan lah engtham ni si hek lo le, a naupan laia athing lawnhrat leh nuamti taka thiante nen hmawngzara an in um thin te kha, tun ah chhuan atan hmelma laka hnehna chang tura vanneihna leh malsawmna thlen tu an lo ni ta reng mai.

#Mahse, hringfa te zing ah fel famkim kan awmlo ang bawk in, vanneihna in damchhunga a chenchilh mihring an awm bik lo, chutiang bawkin Roliana pawh thlarau te zinga mi ni lo, tungchhoa kal vanduaina leh harsatna pawh tawk thei hringfa te zinga mi ni in, vanneihna zawng zawng pumhmawm vek thei ani bik tlat lo. Roliana chuan a chungah eng harsatna na in nge thla zar dawn tih hre lawk hauh lo chuan, a mah rawn hmachhawn mek tu Tlanglian pasaltha huaisen leh tuanrang zet mai chu, a remhriatna leh theihna zawngzawng hmanga lo hmachhawn in, zam map lo chuan a lo bei a. Mahse, a hma a mi te abeih ang ngawta awlsam chu ani ta lo tawp mai, a mi beiha lah chuan chetsual a tum bik der lo, engtik lai mai pawh chuan a fimkhur em em reng maia, Roliana tan pawh duhang thal a sahna hun tha hmuh a har kher mai. Chutih lai mek chuan, Sihpui khaw ho in an rin phak loh leh chutiang hmun ah chuan chang ru tu an awm ang tih pawh an ngaihtuah phak loh na hmun, Tlanglian khaw ho awmna lam khampang ko chung sang tha zet ah chuan, Tlanglian khaw pasaltha rual engemaw zat chu silai kengin an lo biru ve reng mai chu ni in, Sihpui khaw lam in an mahni chauh vengtu indah emaw an in tih lai in, an pasalthate an bihruk tirna hmun chungtlak thei ngei tur chuan Tlanglian pasaltha te an lo in thukru ve reng ani tih reng an hre lo.

#Chulai khamko chunga biru Tlanglian khaw pasaltha pakhat chuan, rum nghut nghut paha a silai chu chawi kang in, a silai kawhmawr chu Roliana zawn tak mai ah chuan an hawi tir vang maia, chutah thinrim vanga hachang thial rap rap chung chuan, a tul anih chuan khu mihring khu ka kap hreh reng reng lo, a mah vang khuan mihring pawh kan in chan hnem ta bawk e, tun bak hi chu ka nghak thei tawh lo ang, a chesual hmasa zawka kan pasaltha khu atang leh anih vaih zawng in, khu mihring anchhe dawng khuan a zui liam ve nghal ang, ti in, silai kawhmawr che map lo leh a silai cheng hmeh per inring zet chung chuan atin ta vang mai le. Roliana lah in Silaia tin reng tu leh ahmelma a tuktlawm rual ruala silaimu dawngthei reng ani tih hre hek lo le, a mah beitu Tlanglian khaw pasaltha chu hlauhna leh zamna tel map lo chuan ala bei hmiah hmiah mai a, ngam leh ngam, cherang ve ve inbei an ni bawka hmuh pawh an hmuhnawm nangiang mai. Lehlam lehlam au thawm pawh atha in an au ri te chuan luidung chu zawh in a ri fawn liam hluah hluah tawh mai ani, tichuan le, chutia reingial an an sahthelh thiak thiak hnu chuan Roliana, a pu Vawmsata Taitea ngei mai chuan a ropuina belhchhah tur in, pasaltha te zing ah pawh pasaltha namailo tak, huaisen leh tuanrang em em mai chu dimna tel hlek lo hian, chempui pil thawih khawp leh dar kau hawk khawp chuan a sat leh ta bur mai le, Tlanglian khaw pasaltha tan chet leh ngaihna a awm ta lo, mak tihna mit menga Roliana chu rawn melh tawk tawk in, a chempui hum lai chu muangchang in a thlah ta riai riai a, chutah a ke te pawh nghet taka ding tur in chakna nei tawh hek lo le, a chempui ken athlauh rual chuan pialral lam pan tur in adinna hnuai luipui ah chuan hreh tak in a tla lut zui ve ta nghal a.

#Sihpui khaw valrual te hlimna chimchin chu a sang ta kher mai, Tlanglian khaw ho an ngawih thuap hnu pawh chuan, chulai kawr ruama authawm ri chu a hma ai in aring zawk mah emaw tih mai tur chuan ari khawk rum rum maia, Roliana an ngaihsan zia leh a chunga an lawmna pawh chu nasatak ani. Mahse, an hlim na chuan rei adaih lo kher mai, an au thawm luahlan ngei tum silai puak ri dur an hriat rual chiah chuan, an ngaihsan em em an khaw tana beitu tlangval huaisen Roliana chu, a dinna thingluang atanga a vir thla nawk chu an hmu zui ta tlat mai le, chu silai puak kawhmawr atanga silai mu rawn thlawk chhuak chuan Roliana chu a den thelh lo tih chu hai rual ani ta lo. Sihpui pasaltha silai nena biru ho pawh chu, chu thil thleng chuan a barakhaih in an hawiphawk nasa mai a, silai puak ri lah chu khawilai atanga rawn chhuak nge tih hriat ahar in, luipui ruam ah chuan a ri khawk rum rum mai si, khawi lam atanga rawn ri nge tih hre ta si lo chu le, an tih theih chhun luipui kama Tlanglian khaw ho awm khawm na lam hawi chuan an siali chu an lek ve ta nghala, silai hmet puak hmasa tu zawk leh an tlangval huaisen Roliana silaia kaptu te chung ah chuan zahngaihna lan tir an tum bik lo. Mahse, Sihpui pasaltha ten silai an hmeh puah hman hma chuan, Tlanglian khaw pasaltha te silai chu a puak ta dum dum mai le, Tlanglian khaw pasaltha te hian an duh lam lam hawi in silai an hmet puak satliah hauh lo mai, Sihpui pasaltha te tawm rukna chu an hresa emaw tih mai tur chuan an rawn kap ta pawp mai a, Chungtlak tu zawk an ni in, an tanhmun a rem zawk miau si a le, Sihpui pasaltha panga zet chu Tlanglian pasaltha te silai mu den fuh tuar lo in an thifel ta der mai. Sihpui pasaltha silaimu la tuar lo te chuan an tanhmun ai a sang, khamko chunga mi han kah ve ngawt chu sawtsawhlawtna awm dawn chuang in an hre ta bik lo, Tlanglian pasaltha rual te silai mu kap ruak in an silai mu an thun leh hman hma hun remchang chu chuh in, an hnuai luipui kama Tlanglian tlangval rual te, ramhnuai thinghmun lampana insaseng mek te chu an kap zui ve ta ngheng maia, silai mu in a den fuh te chu an lir ve ta hlawl hlawl mai le, chutah zet zawng Sihpui lam in hmelma te silai mu an mal tawrh bik lo tih chu achiang ta khawp mai.

#Chutia silai te arika mahni sahimna zawnga akhawilam khua ve ve pawh an buai phili lai chuan, tuilian in a len mek Roliana chu, silaimu den fuhna a naknem atanga thisen chhuak zawih zawih chung leh na zawk zawk chung in a nunna chhanhim tum chuan a bei fat fat maia, a duhang thal in a tha erawh ahmang thei lo, aruh leh akawchhung lam te silai mu chuan akhawih chhe hauh lo, mahse, duhanga chetpui erawh Roliana chuan harsa ati ngang mai, tichuan le, atha neih zawng zawng sawmkhawm chung leh thihtha tak meuh meuha a beih leh fat fat hnu pawh chuan engruai a ang thei ta tlat lo mai, hliam tuar lo leh damtha pangngai nise zawng, chu luipui tuilian chuan a tan harsatna athlen zawh dawn loh vei nen. Chutah, chu tuilian lahchuan anizawng hliampui tuar te ani sia, zawiawi deuh in kan lenthla teh ang tih pawh tum chuang lo chuan luimawng lam pan in a len liam thla ta vawn vawn maia, Roliana meuh pawh in tuntum zet chu ka thih hun athleng ve ta anih hi tia in angaihtuah in abeidawng ve ta hial mai. A ngaihtuahna ah chuan a nu leh pa te, a nau Rochami, hmelma te kuta sala tang mek te chu an rawn lang zut zut maia, an unau thian neih chhun Chhingpuii, hmelma te kuta sala tang ve mek pawh angaihtuah na ah chuan abang bik lo, a rilru chu a beidawng in a naute chhanchhuak tu tur a awm dawn ta lo nia a in ngaihtuah phei chuan a rilru a na kher mai. Chutia beidawng taka tuilian in alen mek lai chuan, a pu (pu Vawmsata) thu hrilh thin chu abeng ah rawn ri nawn leh in, Taite, huaisen tak leh beidawng loa bei hram hram thin tu te hi an ni atawpa hnehna chang thin tu te chu, pasaltha nitura kan kawng zawh hi kawng awlsam ani lo, miten pasaltha tia i hming an rawn lam ve te i duh anih ngai chuan, beidawnna hi i thinlung atangin paih bo hmasa ang che, tia afuihna thu chu a beng ah rawn ri nawn leh in, athisen zam leh tha zungzam te chu a fan raih raih mai le, chutah meuh chuan Roliana pawh in chakna thar rawn nei leh in, beiseina thar nen tan ala ve leh thei ta, chutia a beiseina chhete la neih ve chu hmang tangkaia tan an lak leh meuh chuan vanneih thlak zet in Luipui sira tuipui suthlah ah chuan a in ham tang ta hlauh mai le, mahse, chu chu atana vanduaina hmahruai tur chauh ala ni ta tho mai. Roliana chuan eng vanduaina in nge lo hmuak leh dawn tih hre hek suh, chautak chunga luikama rawnin ham kai in, phairuang buk kar ah chuan a bawk lut thlawrh mai a, mahse, abeisei loh thil ahmu ta teuh mai le, chulai phairuang buk kar vel ah chuan Tlanglian khaw tlangval athah ho ruang ngei mai chu an lo let phung mai chu ni in, angaihna ahre lo in mak ati kher mai. Chutia mak ti zeta ruang let rum mai athlir reng lai chuan, Tlanglian khaw pasaltha sawm rual zet tur chuan rawn din chilh nghal in, engkhaw sawi set set lo chn an phuar hlawm ta mawlh mawlh maia, Roliana lah chu lo invenga hmelma te chu lo beilet tur in atha neih in tlin tawh ngang hek lo le, beiseina chhete neia ahlim rilruk ve tawh tehreng nen abeiseina leh hlim na chuan adaihrei lo kher mai. Heng pasaltha, Roliana phuarhlawm tu te hi, Tlanglian khua in an khaw pasaltha te zinga tuithiam ho, an inbeihna ah ankhaw tlangval chaklo zawk an awm pawha an ruang lo chhar tur leh, hmelma lam nungdama tuiin arawn lenthlak te an awm pawha lo that hmiah hmiah tura an dah te an ni. Roliana lah a vanduaina akaltluang ve hrim hrim nge, khuanu in a chunga thleng tur in chungthil chu alo ruatsak zawk tih pawh hriat a har ta hle mai, tlema chhak deuh ah tal lo in ham chhuak te chu ni se, vanduaina thuah hnih a chung ah athleng bik hauh lo tur.

#Kawlkil lama Ni aher liamna pawh tuibur hmuanda zet ani tawha, tlaikhaw thim tur chu hnim ruih in, chungleng sava teh pawh an riahrun bel tur in ngawpui chhung lam pan in an thlawk liam zo ta. Chutih mek lai chuan Tlanglian khaw mipui te chu Lal kawtzawl lam pana hmanhmawh zeta tlankhawm in, an pasaltha ten, an khawtlangval thahnem zet that tu phuar hlawm chunga an rawn kaih hawn chu an bawr vut vut maia, hliampui tawrh vanga chau em em leh thisen hlauh hnem luat vanga hmel dang bai mai Roliana chuan khawngaih leh lainat tu a van kher mai. A mah man tu ten tui farkhat lek pawh an in tir phal loh vang te chuan a dang aro in, a hmui te chu a ro var phuk tawh maia, a dang ro lutuk tihnawng tura chil lem tum pawh atan thilharsa ani zo ta vek mai. Chutiang khawp chuan atawrh chu nasa in chau tawh mahse, Tlanglian khaw mipui te chuan khawngaiha lainat chu sawi loh, nanghi maw kan fapa te leh kan tlangval te that tu chu tih pah chuan an bawr ta vut vut maia, a thenin an pet lai in thenkhat in an lo tlawh bawk, nasafe mai chuan an chil rawn ta hrep mai le, Roliana lah phuarhlawm tlat anih vang chuan a che thei der si lo, Valupa te leh pasaltha te chuan rawn dang thuai lo phei se chu, mipui chuan an chil hlum ngei ang. Chutah, an Lal chu leikapui ah rawn dingchhuak in, aw le, ka khua te u intawrhna leh inthinrimna chu ka hrethiam pui a che u, kei pawh he khaw Lal kanih ang hian ka khuate chunga thil thleng chu ka chunga thleng ve tho ani, vawinnia kan chunga thil thleng avang hian, Sihpui khaw ho leh an Lal Sairuma chunga ka thinrim na hi engtik ah mah a dai tawh ngai lo ang. Engtik ni ah emaw chuan an khua saw kan la run sak in kan la that chimit vek dawn ani, tin, he mihring tlaktlai na reng reng nei lo pawh hi adam ve reng tul tihna reng ka nei lo, mahse, tun ah hian that nghal mai lo in, ka khaw pasaltha te awmkim hun kan nghak ang. Kan pasaltha te ruang pawh tun ah hian khuaa rawn zawn hawng tur in tlangval rual ten an buaipui mek a, naktuk lam ah kan in vui fel hman anih chuan, tlai Ni tlak hma ngei in he mihring lu hi helai seluphan ah hian kan tar dawn nia, tun ah chuan mipui te i tin phawt i la, kan pasaltha te khan he misual hi ngun tak in veng ang che u, tia hrilh in Lal in ah chuan aluh san ta a.

#Roliana taksa chu nalo lai pawh awm lo chuan a na themthum vek tawh maia, a rilrtam leh tuihal lutuk lah chuan ataksa chu ti chau in, chakna reng nei tawh lo ang mai hian an thlunna seluphan ngheng chuan athu tung hram hrama, chuti chung chuan Roliana chu rum khat pawh a la rum chhin eih lo, mahse, a chunga thilthleng te chu hre thiam in, thil nihphung ve reng ah angai thei teh meuh mai, amah erawh chu anaute chhanchhuak tur awm dawnlo nia a in ngaihtuah chuan, a nau ten an damchhung hun zawngzawng hmelma te kar ah thlaphang rengrenga hun an hmang ral tur a ngaihtuah apiang mai chuan a rilru chu ana in, a hriat loh kar chuan a rilru chu a lo rum leh vawng vawng mai thin ani. Zan arei telh telha khua pawh in var lam ahanih ve hret hret zela, a mah vengtu te pawh an mutthlu ve ta lup lup mai le, mahse, Roliana chuan tlanchhuah tumna reng a nei lo, a tuiin hal leh dangro lutuk avang chuan a chau ngawih ngawih tawha, hnunglama akut pahnih an phuar behna chu tal chhuah mai chi ani lo tih ahre lawk te pawh ani mai thei, thil theihloh tur tih hriat chiansa a thachuang sen vak chu atum lemlo te pawh ani mahna le.

#Thlaral lam pawh zanlai pelh fe ah chuan rawn lang ve tan in, Tlanglian khaw chung tlangpang chanve zet chu arawn chhun eng ve leh tan ta, Roliana vengtu tlangval pahnih te lah chuan, an mi ven aber chu tlan chhuak thei chi ziazang ah ngai lo in, Lal kawtzawl sirlam lei ko chu ngheng in an muthlu suar suar maia, a mi tang ber Roliana pawh a bang bik lo, a natuar chau lutuk tawh chu a hriat loh kar in a lo muthlu ve reng mai chu ni in, kut phah thap zet in a hmui rawn hup paha, tlangval bengchheng hauh suh, tin, zawhna in zawh hun ani lo tih hre nghal bawk ang che, tia abengbula arawn hrilh tak ah chuan amutchhuak te chu vawmbo ang mai in areh nghal duaka, chutah a hmuia rawn hup tu bawk chuan a mauthei ken chu Roliana hmui nena chuk tuah in, a chhunga tui chu an tulh nghal mawlh mawlha, chutah zet chuan Roliana pawh abeisei aia nasa in arawn harh tha leh ta hlauh mai le, a rilru beidawn na akhat tawh te pawh chuan beiseina thar an rawn nei ve leh thei ta, a hmabak tihtur tamtak ala neih te pawh chu rilrua hre thar leh in, chulai atanna hmun atanga tlanchhuah chu atihtur hmasa ber ani tih pawh ahre chiang ta khawp mai. Chutih rual chuan akut phuarna zaichah sak mek tu chu tunge ni a, engvanga rawn tanpui ta mai nge anih, tih te chu ngaihtuah in a rilru ah chuan zawhna chhiarsen loh chu a lo lut ve mek bawka, Thla eng in an awmna ala rawn chhun phak miau loh avang chuan, tunge tih hriat tum in han thlek ngial thin mahse, tunge tih leh eng ang hmel pu nge tih takngial pawh chu a hre thei chuang lo ani.

#Roliana aruka tanpui tu in, Roliana kut phuar na te a zai chah fel tak ah chuan, muangchan na hun an nei lo tih hria in, chulai hmun chhuahsan tur chuan fimkhur em em in an in zui chhuak ta nghala. Roliana pawh chu beisei tur reng nei tawh lo nia ainhriat hnuah, chutia beiseina thar chhawp chhuah saka an awm leh tak ah chuan, a thahrui zawi tawh te chuan chakna thar rawn nei leh in, hliam tuar lo ang mai chuan a ke pen te pawh a zang tha leh ta kher mai. Fimkhur leh thawm dim taka hmalam an pan zel tak ah chuan Lal mualzawl tawp chu tibuai tu awm lo in an thleng thei ta hlauh mai le, mahse, phur zeta hmalam pana an kal leh tur chuan, kawnglaia Serual bawk chu pal tho in an tlan darh ta chum chum maia, chutia Serual tlan ri ta tlut tlut chu Ui rual ho lah chuan lo ngawihbo san mai thei bik hek suh, thawm an hriat na lam lam ah chuan tlan khawm in an bauh ta chuah chuah maia, Roliana te pahnih tan ngaihtha taka awmna chi ani ta lo, Roliana vengtu te chu Ui bauh thawm chuan ati harh ngei dawna, an harh rual rual in an miman tlan chhuah thu chu hria in an rawn um zui nghal dawn tih chu thil chiang sa ani. Chumai chu ni lo in, Thla eng pawh chuan Tlanglian khua chu a rawn chhun eng ve tan chiah bawk si, Roliana te pahnih in an tihtheih awm chhun chu a rang thei ang bera khawchhung tlan chhuah san chauh chu ani ta. Mahse, harsatna dang an la nei ta fo mai, Roliana chhanchhuak tu chuan Roliana hnen ah chuan, tlangval kei chu ka tlan chak thei tlat lo mai, kan pahniha kan thih ai chuan min tlansan mai rawh, kei chu tar chhia mai ka ni tawha ka taksa te lah hian mi pangngai aphak tawh hek lo, ka tan dam leh thih hi thuhmun reng ani, min ngaihtuah lo la tun ah hian arangthei ang berin he khua hi tlanchhuah san rawh, ati ta a.

#Roliana chuan abula putar zangkul ding hlau mai chu thleng hnuai ah chuan chiang zeta en in, ka pu thutam sawina hun kan nei lo, kei hi Roliana kanih angin ka tana an nunna hial pawh hlan huam a, ka tana in pe te thitura hnutchhiah leh tlanchhiat san hi ka thiam ve zawng ani tlat lo, atul anih leh kan thi dun mai aniang chu, tiin an chhang ve leha. Chutih mek lai chuan an hlauhthawn leh an rinlawk ang ngei in an mahni rawn umtute pawh chu an rawn lang zui chu ani ta reng mai, Roliana chuan hmanhmawh zet hian, ka Pu ti rawh ka lo kai ang che tih leh chuputar banbula vawn chu rual in chak fe mai chuan a tlanpui ta nghala.

#Chutia Roliana te pahnih han tlanchhe ta chuan an theih tawk chu han chhuah ve bawk mahse, inkai chunga tlan ta ngang chu an mahni um tu te lah chuan an hnaih tawlh tawlh mai si, tichuan le an theihtawka an tlan a khawchhung in awmna chin an pel fel hman awrh tih chuan, an hnunglama um tu te siali chu apuak ta, Roliana putar kaih zawk chu vanduai zawk ah tang in, a chawn tha chat thawt khawp silai mu in arawn den tak avang chuan atan tlan zel ngaihna a awm ta lo. Mangang zeta Roliana chu en in, tlangval min thlah la hmanhmawh takin tlan nghal rawh, ati tuarh tuarh maia, mahse, Keipui in a no hruai lai khawiah emaw hnutchhiah in a kal bo san ngailo an tih ang deuh in Roliana pawh chuan, chu putar chu kal bo san atum awzawng lo mai, rang fahrana a dar ah paw bat in chak zet mai chuan ramhnuai lam pan in atlan pui ta nghal a.

#Zan thla eng hnuai ah, chawlh pawh chawl khawmuang lo a Rolianan a putar puak lai atlan pui hnu chuan, khua pawh in var lam rawn pan ve in, leilung pawh alang ruai ruai tawha, Tlanglian ram leh Sihpui ram daidang tu Luipui pawh an hnaih ta kher mai. Roliana chuan atuihal changa kawrte tui luang in a ading zawk thin tih mai loh chu chawlh pawh chawl khawmuang duh lo in, a theih ang tawk chuan ala tlan tauh tauh renga, hmelma ten an umphak hmaa Sihpui ram chhung luh hman ngei chu atum dan ani. Heti tak maia Roliana tha an fei mai leh hliam tuar chung pawha midang pua a ala tlan thei te, chumai ni lo in chawlh hahdam na hun pawh nei hlek lo a, chuti chen chen a la tlan pui thei te chu thil mak tak zawng ani ngei mai, a hnunga a putar puak chau zet pawh chuan mak ati thlu ngang aniang chu, harsa ti tak chung leh aw tham tiak chunga rawn tawng chhuak in, tlangval hei chen hi engtin nge kei min paw chunga i tlan theih chu le, i naka siali kahna hliam te hi na i ti lo nge, Tlanglian mipui te sawisak na che khan i tha ati thum hauh lo em ni..! nge nia nangmah tanpui tu che thlarau i nei zawk, ti in a zawt ta hial a. Roliana chuan engdanga chhang ta lo chuan, ka hliam tawrh te ai hi chuan ka nauten an dam chhung zawng zawng Sal nun hreawmtak tuar chunga hun an hmang ral tur hian min ti na zawka, Tlanglian mipui in min sawisak na avang khan ka tha zam te hian chak na an hloh zo ani thei e , mahse, beisei tur engmah ka neih tawh loh laia beiseina min rawn siamsak leh avang khan heng ka kut leh ke te hi tih chak in an awm leh ta anih hi, tiin a chhang ta a.

#Roliana putar puak chu a ke hliam atanga thisen a chhuah nasat em avang chuan a chau tawh em em maia, chuti chung chung chuan a rilru te chu kawm in, angaihtuah na chu a kal thui kher mai, an hun tawn in a zir loh a vang leh thu sawina hun an neih mumal miau loh avang chuan, a mah paw mek tu chuan a puak lai mek chu apa ani tih reng a hre lo. Chu putar chuan vawitam amahchu hnut chhiaha tlanchhiat san tur in Roliana chu tur thin mahse, Roliana lah chuan ngaipawimawh lek lo in a kal pui zel mai si, a hriat loh lak ah mah chutiang anih si chuan, a pa ani tih hre ngat phei se zawng khawiah mah ahnut chhiah lo ang tih chu a chiang em em mai ani. Chu putar, Roliana puak mek chuan chung thil vel te chu an ngaihtuah thin a, a fapa Roliana hnen ah chuan a pa anih thu han sawi ngawt pawh nise, a fapa nuna derthawng tak in a dah lek fang aniawm si a, tia in ngaihtuah in Roliana hnen ah chuan a la in hriat tir duh lo ani.

#Tichuan le, kar lo ah an khaw daidang tu luipui awmna pawh chu an thleng thla ta thuai a, hmelma te tihbuai hauh loha ramri an thleng thei ta chu an lawm kher mai, mahse, an lawmna leh hlim na chuan rei a daih leh pek ta lo tawp mai, luipui kam an han thlenthlak meuh chuan, luipui kal kai nanan an beisei, inbeih nana an thingluang dawh kha a lo awm ta hauh lo mai le, Sihpui pasaltha ten an hmelma te an rawn kaia an rawn beih thut loh nan ti in, khua athim fel ta maw tih in luipui ah an lo theh thla daih mai chu a lo ni a, Roliana tan chuan abeidawn thlak leh ta kher mai. A putar puak lah chuan, tlangval katan dam beisei chi ani tawh lo, ka taksa hi a chau in ka thihhun athleng mek ani tih ka hria, chuvang chuan khawngaih in ka thu hi zawm la, min kalsan tawh mai rawh, nangmah chauh i nih zawng in he luipui hi i hleuh kai thei em em ang, kan pahniha thih dun kher hi atulna ka hre lo, ti in an thlem leha. mahse, a rilru erawh a na ru kher mai, Roliana hnen ah chuan, Taite kei hi i pa kha ka ni asin ti a han hrilh chu a chak em em maia, mahse, a in hriat tir anih vaih chuan a fapa chuan amah mai in a kalsan dawn lo tih lah ahre chiang si, a kalsan duh lo anih leh hmelma kut ah an pahnih in an thi emaw, tuilian ah an tlahlum dun emaw ani dawn si, rilru na ngawih ngawih chunga amah kalsan tura thlem mai loh chu, chu putar khawngaih thlak zet chuan duhthlan tur dang anei ngang lo ani..

#Chutiang ang harsatna leh buaina an tawk chung pawh chuan Roliana rilru chu a la danglam chuang reng reng lo, chu putar a pa ni bawk hnen ah chuan, ka pu duhthlan tur dang kan nei lo, kei chuan Tlanglian khaw ho kuta thih ai chuan, he luipuia tlak hlum pawh hi ka thlang zawk e, khawnge kan nih tur ang chu ni thuai teh ang, hetia kan awm reng chuan, Tlanglian khaw ho kut ah thi lo mah i la, kan taksa hian atlin rei tawh dawn chuang in ka hre lo, riltam in emaw chauh luat vang in emaw kan thi tho tho dawn, mipa chuan atawp rak thleng in kan bei tur ani. I kawng ah ka kut leh lam in ka kuah ang che nga, kahleuh pui dawn che nia, nang pawh i theih tawk in i lo in vai ve anga, kan hleuh chhuak thei em em ang ti in, tuilian hleuhkai pui tum chuan a kal pui leh ta nge nge a.

WEbsite story link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 9th, 2017, 6:29 pm

Roliana (Taitea)

PHEK 39 NA.

By :- Hmangaih MT Chongthu.

*Page 38 recap - #Chutiang ang harsatna leh buaina an tawk chung pawh chuan Roliana rilru chu a la danglam chuang reng reng lo, chu putar a pa ni bawk hnen ah chuan, ka pu duhthlan tur dang kan nei lo, kei chuan Tlanglian khaw ho kuta thih ai chuan, he luipuia tlak hlum pawh hi ka thlang zawk e, khawnge kan nih tur ang chu ni thuai teh ang, hetia kan awm reng chuan, Tlanglian khaw ho kut ah thi lo mah i la, kan taksa hian atlin rei tawh dawn chuang in ka hre lo, riltam in emaw chauh luat vang in emaw kan thi tho tho dawn, mipa chuan atawp rak thleng in kan bei tur ani. I kawng ah ka kut leh lam in ka kuah ang che nga, kahleuh pui dawn che nia, nang pawh i theih tawk in i lo in vai ve la, kan hleuh chhuak thei em em ang ti in, tuilian hleuhkai pui tum chuan a kal pui leh ta nge nge a.

#Sihpui khua chu angui nghuaia, Zing Ni chhuak pawh chuan, Sihpui khaw mipuite rilru tawmpui ni ve mai awm hian a eng dul ruiha, chhum lei vak te chu Sihpui khaw chuan hnuai, ngawpui in pharh thla in luite a finna, kawrte ruam atanga mualdung rawn bawh chho in, Sihpui khaw lam pan chuan an rawn tleh chho delh delha. Vansang lam ah lah chhumrang chhete te, kawlkil atanga thli chhia in a rawn len khawm te chu in phan diar diar in an zam delh delha, tukthuan ei ahun meuh chuan, fur khawchhe kara zing Ni chhuak rawn lang ve hlawl pawh chu hmuhzui tur awm leh ta lo, ruahtui pai chhum te chu khawi lai lai emaw atanga rawnin fawk khawm in ruah ahmi seng senga, a dan pangngai te bawk in chu fur khua chu, ni thum teh meuh a insum hnu ah fur ruahtui bawhawk chu a in tan leh ta ani.

#Khawchhung pitar leh putar te, pa valai leh nula thenkhat te chu Roliana chhungte khawhar hnem tur leh atul tul thawka puibawm tur in, pu Hratliana te in ah chuan vartian atangin an rawn lutkhawm leh tak tak tawha, nula te chuan buhden, eirawngbawl te leh tuichawi thleng mai chuan puibawm in, tihtur tul awm apiang ah chuan an rawn chet pui zung zung maia, pu Hratliana te chhungkaw khawhar na leh lungngaihna chu an tuar tlang vek mai ni hian alang. Tute mai pawh chuan hmelhlim tak mai put chu harsa an ti in, an nguinghiai vek maia, Rolianan Sihpui khua arawn luha pu Hratliana te chhungkua arawn belh na te chu hun rei la ni lo mahse, Sihpui khaw tana athiltih te chu ngaihhai rual loh khawpa nasa anih avang in, pu Haratliana te chhung mai ni lo Sihpui khaw mipui te chuan Roliana awm ta lo chu an tuar in an ui em em vek mai ani.

#Sihpui tlangval rual te pawh, an valupa pu Dokhuma leh valupa dang te nen zawlbuk ah awm khawm in, an valupa te chuan tlangval rual te chu an fuih sauh sauh maia, an khawtlang tana a nunna hial hlana huaisen taka beitu Roliana phuba chu lak loh a thamral tir an tumlo kher mai, valupa pu Dokhuma chuan tlangvalrual te hnen ah chuan Rolianan Sihpui khaw tana a thil tih te chu sawi in, "a mah avangin kan khua tia sawi tlak pawh ni tawh lo he Sihpui khua hi , khaw inlungrual leh nuam tak ah dinthar leh in a awma, amah vang bawk in, mahnia zana zunram pawh thiar ngam lo nunau te lah thlamuang takin khawlai an leng leh theia, a huaisen na leh he khaw tana a inpek na hi kei ni hian kan theihnghilh tur ani lo. Han ngaihtuah chiang ve mah teh u, he khua a piang leh seilian pawh nilo, belhtur neih loh vang chauha he khua a rawn cheng ve mai in, Sihpui khaw tana anunna a hlan ngam anih chuan, keini Sihpui khuaa piang leh seilian, Sihpui baial hawpa lo thanglian te hian, Rolianan he Sihpui khaw tana hnuhma alo hnutchhiah tawh te hi kan venghima kan humhim ngam lo anih chuan, pawnfen feng chunga he khua hi chhuahsan tlak kan ni ngei ang. Ani mipakhat ve mai in hetiang hi ati thei anih chuan, kei ni alet engemaw zaha tam tlangval rual te hian, amah anga huaisen na kan neiha, mahni khaw tana thihngam lupua kan beih phawt chuan khawikhua mah in min hneh ngai lo ang. Tin, anngam loh vanga dik lo taka an thah tak, Tlanglian khaw pasaltha te chapona engmahlo maia chantir tu Roliana phupa hi lak loh in kan thamral tir mai tur ani lo, diklo taka che Tlanglian khaw ho hi an phutawk hremna kan hmuh tir ngei bawk tur ani. Tin, ka sawi duh hnuhnung ber ah chuan, he Sihpui khaw humhim tura kan thisen a far anih pawh in athlawn in afar dawn lo, kan tu leh fa ten he Sihpui khua ah hian hlim takin tual an la rawn chai anga, Sihpui khaw tana nunna hlan tu mihuaisen te hming an la rawn lam ngei ang, tin, he Sihpui khua leh ram chin venghim tur hian mitin te hian mawhphurhna kan nei vek, midang tih atan chauha khek lo in keini hi kan thawk chhuak anga, huaisen tak in kan thawk chhuak tur ani," tiin, Sihpui khaw tana beitu Roliana anga huaisenna rilru pu tur in afuih hlawma. (hetih lai hian Roliana a la dam ang tih rin ngaihna reng reng an hre lo, silaia kah hnu tuilian in alen leh tan dam chhuah ngaihna awm in an hre lo a, thi ngei tur ah an ngai vek tawh ani.) Tlangval rual te rilru pawh valupa pu Dokhuma thusawi chuan ahneh in, atul anih phawt chuan thih thleng in hmelma te chu ka bei ngei ang, min thlahtu ten an lo dinsa humhim ngamlo khawpa dawihzep ka ni bik lo e, tih rilru chu an pufur tawh mai ani.

#Lal in lam ah pawh, Lal Sairuma leh akhawnbawl upa te, tin, Sihpui khaw pasaltha te zinga phanchang zual deuh te leh ralrel kawnga rawnkai chin deuh te chu tukthuan eihma a Lal in ah chuan thu khawm in, Tlangliang khua nena an in beih chungchang te leh engtianga rorel chi nge niang, tihte chu sawi ho in, Tlanglian khaw ho beih chhunzawm dan tur te chu an rela. Lal Sairuma chuan bul rawn tanin, tunah chuan silai hmet puak meuha kan in beih tak avangin, Tlanglian khua te nen hian leido khaw diktak kan ni ta a, kan tihdik loh hmasak anie tia zahngaihna dil tura kei Lal meuh ka thawk chhuak chung pawh in, hmust tak leh thamlo zeta min tawngkhum in inremna siam an duh loa, mahse, anrin loh taka a chan chhezawk a an tan leh tak si ah chuan, diklo taka che in silai hmetpuak hmasa ah an tang ta ani a, chuvang chuan an lakah engtiang pawhin che ila inthiam lohna tur kan nei in ka hre lo. Roliana chunga an pawikhawih hi thungrulhna kan hmuh tir ngei tur ani. In malbeihna ah a chaklo zawk chuan annunna an lo chan anih pawh in ka hre thiam, hnehtu an awm loh vanga diklo taka chea, Roliana nunna an la erawh engtik ah mah ka hrethiam thei ngai lo ang, tia bul tan in, athinrim tawk hle ani tih hairual ani lo. An pasaltha te zinga pakhat Vawmthianga, ( a pa in vawmthiang akah vanga ahming atana an sak ani.) Sihpui khaw pasaltha te zingah pawh mi thilchik mi leh ralrel kawnga rawn kai tak mai chu rawn tawngchhuak ve in, Lalpa ingaihdan chu kei pawh ka ngaihdan chiah ani, kei nin bei let lo mah ila, Tlanglian khaw ho hian hun remchang melh in min rawn bei leh tho ang, tun in beihna ah khan chan chhe zawk dinhmun ah ding mahse, khaw chapo leh midang te hnuaichhiah ching an nih avang in remthu sawipui chi an ni lo, builungtawk ang chauh kan ni leh tho dawn tih chu thil chiang sa ani. Roliana khan an rilru put hmang chu alo hre chiang khawp mai, remthu sawi puia an rilru hneh tum ai chuan chemtum nen thawkchhuak ila kan hneh hma zawk ang tiin min hrilh fo thin. Chuvang chuan inringrenga awm in, minrawn bei thut anih pawha loin ring hman tur leh atulhuna ankhua han run thut thei tura kan in puahchah lawk atha in ka hria, a lo ti ve bawka. Lalkhawnbawlmin pu Dokulha chu arawn tawngchhuak ve leha, Lalpa duhthlan tur dang kan nei lo, Tlanglian khaw ho hi che theiloa kan siam hma chu engtik lai mahin kan nupui fanau te thinthi in an mu thei dawn lo, tunah chuan hei kan Lo lam hna pawh hnuhram kan zo fel a, hnuthual leh pawhchhiat chauh kan hmabak tawh, fur ruahtui pawh ahawng hnuhnung lam anih beise tawh ila, favang awllen hun pawh kan nghak thleng leh thuai mai ang, tichuan favang awllen laia chechhuak thei tur in inpuahchah ila atha lawng maw, khua pawh afur tawhlo anga chet chhuah pawh anuam deuh zawk ang chu maw le, mahse, chumi hma zawng chu kan tlangval ten ralveng te indah in Tlanglian khaw ho rawnkal leh kal loh te lo thlithlai ngun se la, tin, Lo lama feh tur te pawh mahnia feh kal mai lo in, a huho zela kal nise atha in ka ringe, tiin angaihdan chu arawn sawi ve leh a. Engengte emaw an sawi leh hnu chuan, Tlanglian khaw laka phuba lak ngei chu pawm tlang in, an khawnbawlmin rawtna anga favang awllen laia chet chhuah tum chuan an rorel chu an titawp ta ani.

#Chutihmek lai chuan Sihpui tlangval sawm rual zet chu, Tlanglian khaw ho nena an in beihna luipui ruam an mahni khaw ramlam ngawpui hnuai ah chuan fimkhur tak mai hian an kal tham thama, Tlanglian khaw ho rawn luhna hnuhma leh hmelma te an rawn hnaih leh hnaih loh te chu thlithlai in chulai luipuiruam pangper, ngawdur khup in a ahual vel ram chu an fang vel mek ani. Helai luipuiruam pangper ngawdur khup na hmun, thing pawh chhura rual rual ni tawh leh thingsam in abawm lekluk tawhna hmun hi, aram arem in, Tlanglian khaw ho in rawnrun tum pawh nise, hei aia rawn luhna rem leh kalkhan tha zawk dang awm lo ania, Sihpui khaw tan pawh Tlanglian khaw ho an rawnkal leh kal loh lo thlithlai nana hmun pawimawh tak ani. Chung Sihpui tlangval te chu, luipui ruam ko ramrem chin zel ah kal in, mual vangtan zawng in chuali ram chu an hrut pheia, mualhnih mualthum an her liam tak ah chuan ahma nia Tlanglian khua te nen an inbeihna hmun pawh chu, an dinna ko atang chuan an zu hmuthei ta a, an zinga mi tlangval pakhat Zakunga chuan, an hnuai lawka luipui luang mar po mai chu mit tlalo leka thlir in, a ngaihtuah na chu akal ding kher mai, a mitthla ah chuan Roliana hmel chu lo langin, hlim taka anui lai hmel te, duhsakna mitmeng fiah kekkawk pu chunga fuihna thu thatak tak ahrilh lai te leh, rilru nat hmel zeta kanau te chhanchhuak tura kal thuai ka duh ani, buaina dang tawk tawhlo hram ila aw, ati vawng vawng lai hmel te chu Zakunga mitthla ah chuan an rawn lang zur zut maia, chutah silai puak ri ahriat ruala Roliana, adinna thingluang chung atanga avirthla nawk lai leh ahnuai tuipui a atla lut lai te chu ngaihtuah zel in, tuilian in alen hnua vawikhat akut a rawn phar lang leh zuaih chu a hmuh tawp ani ta. Zakunga mit ah chuan mittui arawn hnam tiam tiama, a chal sam atanga ruahtui rawn luangthla nen in pawlh in a biang ah chuan an luang thla ta ngiai ngiai mai, a mita mittui la chambang te khap per sak sak pah chuan, thianpa i nun atawilua anie, kei hmeitha fa ve mai hian, thian rintlak leh unau ka neithar e tiin ka lawm teh asin, i ngaihtuah em em inau te pawh chuan beisei takin an lo thlir reng awm si che a, an hming leh an saltanna khua tal min lo hrilh ni la chu, chhan chhuak tur in kei tal hi ka lo han kal tur.. l damchhung reilo tea i thil tih te hi ka damchung pawh in ka thawk seng kher lo ang, mahse, i mi fuihna thu te erawh ka dam chhung in ka vawng reng ange, tiin a phun sap sap a. Chutah Zakunga hnunga ding tlangval pakhat chuan, Zakung titeh, i kal tawh teh ang, i thianpa Roliana vanga rilru na a dingngawi reng i ni ang tih karing, kei pawh in pawi ka ti in ka ui khawp mai, Roliana berkher minhan thahsak hi chu apawi ngawt mai, la dam te chu ni se tunah te hian hetia vak rawlai mai mai lo hian ankhua ah luhchilh in kan hal darh vek tawh ang maw le. Engpawh nise, mitthi ngaia in dawmkun hman kan ni hrih lo e, hei khawlama kan let pawh ahun leh mai dawn, atih tak ah chuan an thiante kalna lam pan in an in zui ta nghala.


#Chutia luipui kam velte hruta hmelma te hnuhma Sihpui tlangval ten an hmuh mai tak loh ah chuan, muangchanga an khawkawng tlangpanga in herh chho ngiat lam pan tura an in her mek lai chuan, an hnuai lawka Luipui tuilian ah chuan thingei tawha an ngaih Roliana ngei mai chuan, a Pa tih pawh ahriat loh putar hliamtuar chu tuilian hleuhkai pui tum in a lo in ham buai ve meka, chu luipui tuilian lah chuan hliam tuar leh tuar lo hre hrang ve tawh hek lo le, ahma nia mi ang tho athangai pat chu la pu reng in Roliana leh putar chu a len pharthla nawk nawk maia, Roliana tumruh na chuan awmzia aneilo mai ang tih pawh hlauh thawnawm tak ani ta. Adamthat lai te nise zawng hetiang mai maia nasa hian chu tuilian chuan alen phar tawp lo tur anih vei nen, ahliam tawrh te leh athisen chuak ringawt pawh mitamtak tan chaua tlukpui tham anih tawh lai in, Tlanglian mipuite kutthlak na leh chaweiloh vanga a riltam kawruak ringawt pawh tawrh tham fe atling tawh ani, chuachhap ah zan mutmu pawh tuah lo in Tlanglian khaw dai atanga Luipui thleng apa paw chung in a la tlan thleng thak zui ania, minaran leh inti chak satliah tan ringawt chuan thil tihtheih loh hial tluk aniang chu. Chutichung chuan Tlanglian khaw ho kuta putar pakhat thitura hnut chhiah ai chuan, atheih chenchen luipui hleuhkai pui tuma, an thei ta ngang lo anih leh tuipui chhunga thih dun mai chu athlang zawka, tichuan atheihna leh chakna la awm chhun angang te chu sawmkhawm leh in, chu tuilian rapthlak zet hleuhkai tum chuan abei leh ta ani.

#Roliana beisei ang in thil athleng lo ani lo, arinlawk ang chiah zawk in a ni chu tuilian chuan, dimna tel hlek loa luimawng lama a len thlak zel ni. A rilru in tanpui tu a au a, a putar chhanchhuah tum putar khawngaihthlaka tal chu damin chhuak hram se tih chu a duhthusam ani, mahse, anmahni tanpui tur awmang leh hnaivai ber Sihpui tlangval te chuan, an ni chu anrawn hmu lo mai pawh ni lo in, chu luipui tui lian chuan ankhaw pasaltha leh putar pakhat luimawng lamah, lainatna tel lek lo in alen thla mek ani tih rin ngaih na reng an hre si lo. Roliana chuan aw chau zet chung leh harsa ti zet chunga aputar kuah lai chu bia in, ka pu zam reng reng suh aw, kan tha in tlin lo mahse, tui chakna hmang hian vaukam kan in lenchhuah tir thei em em ang, nghet takin min vuan la min thlah hauh suh ang che, tia hrilh in atheih tawp tak meuh meuh chuan tan an la leh a, tlemtlem chuan hma sawn ve zel in, luilai zawn pawh chu an in vai thleng ve thei ta, mahse, luilai zawn an thlen meuh chuan tuiluang pawh chu lo chak ve sauh in, Roliana te pahnih chu tuichhung ah chuan an pil thla ta zauh zauh maia, a putar kuah lah chuan tui chu tlem azawng ahak hman ni tur ani akhuh thla bawrh bawrh maia, Roliana tan pawh vaukam hleuh kai chu thil huphurh awm tak anita, tang leh tur chuang pawh awm tawh lo chuan a chau ngawih ngawih tawh maia, beisei ala neih chhun chu tuilian in len tir chunga vaukam lam pan hret hret chauh chu ani ta. Atawp nan thi tur tho kan ni alawm mawle, vawikhat chauhtal zawng tan kan la leh hram teh ang, tia ngaihtuah in lui dung zuizawnga hleuh tur chuan ain siam rem nghala, chutia a insiamrem rual chuan apaivat zawnga tui chu hleuh thla in, a tha chuangbang la awm zawng zawng te nen, thihtha tak meuh meuha tan an lak leh tak ah chuan, tui an hleuh tan na atanga kawithum na intan hma hret ah chuan, luikam thing tlukar aler lam tui chhunga rawn in vawlut ah chuan an in hamtang thei ta hlauh mai le. Chu thing tlukar rin chhan chuan Roliana chuan aputar kuah, a pa chu harsa ti tak in avah chhuah pui thei ta hram ani.

# Roliana chau lutuk chuan a pa chu lei char ah mut in, a mah pawh chu thangbuk chung ah a let tawp maia, tlema tlemah thiloa ruang in an chhuak hram hram chu ani e. Chutia a chauh em vanga thaw dep depa Roliana amut zangthal reng lai chuan, Rolia, ka fapa lo hnai teh tih ri chianglo tak chu abengin a hre ruai ruaia, harsa ti tak chung leh phawk fe chunga alu chu kan in an ngaithla chiang deuha, chu athu hriat ngai bawk chu a hma lawka lei chara let reng, putar khawngaihthlak zet leh hmeldang bai mai hmui atang chuan arawn ri chhuak tlat mai le, Roliana mak ti leh hrethiam lo lutuk chuan pan hnaih mai na chang pawh hre lo chuan, a thutna atang chuan a la thlir reng foa, chu putar bawk chuan Rolian, ka fapa lo hnai teh thutam sawina hun ka nei tawh lo, i nu thlarau in min nghak reng tawh ani, a rawn tih leh tak ah chuan, Roliana chu a hmanhmawh ta kher mai, chu putar lu chu va chawikan sak nghal in, ka pu, i harh em...beidawng lo in meng hram hram rawh aw, tunah chuan Sihpui khaw ram kan thlen tawh hi, tlanchhiat angai tawh lo ngaihngam takin khua kan pan tawh dawn ania, inti harh hram hram rawh, tiin a be mawlh mawlha. Chu putar chuan, Rolian, ka fapa min ngaihtuah suh, kei hi i pa Rochuha kha ka ni asin, tun ah hian i nu thlarau in ahnena kal ve tur in min nghak mek ani, ka fapa nangin min hre lo mahla kei i pa hian ka dem hauh lo che tih i lo hre reng dawn nia, ka tan engmah tihtheih nei lo ah lo inngai lo la, tuna i thil tih aia ropui hi tupa fa mahin an pa te tan an ti bik lo tih hria ang che. A pa thu sawi chuan Roliana chu adeng na kher mai, rethei tak leh baihvai taka apa in hun ahman laia alo hrechhuak har lutuk chu a inthiam lo in, a hreawm ti lutuk chu a bing muai muai maia, a pa lua hmer ngawt ngawt chung chuan, ka pa min ngaidam ang che aw, nang chuan i fapa i hai lo, mahse, kei i fapa thung erawh chuan ka lo hre silo che a, khawngaih in min ngaidam ang che aw, ati vawng vawng maia.

#Roliana pa chuan, ka fapa i thiam loh engmah a awm lo, kan khua min run tu te khan nasataka min nghaisa in, mahni fate tan pawha hriatchhuah theihloh tur khawpa hmel danglam pu in min siam ta anih hi, a hma atanga ihnena lo in hriat tir tur ka nih tawh vei nen, i tana phurrit mai nih ai chuan ti in, tihian ka thihhun ka nghak ta zawk ani e, tun ah chuan pa in mahni fate laka kan beisei zawng zawng chu hlen zo in, mihuaisen leh tuarchhel fapa ka nwi che tih ka hre ta bawka, thlamuang tak in ka chawl thei tawh ang, i nau Rochami kha a la dam ngei ka ringa lo thlahthlam hauh suh ang che. Ka fapa, nangpawh he lai hmuna awmreng thei i ni lo, khua ah i lut vat emaw, tanpuitu i hmu vat emaw anih loh chuan nikhawhrelo in i tlu hlum mai ang, kei chu min ngaihtuah suh, khaw lam pan in kal thuai rawh tia hrilh in, chutia ahrilh rual rual chuan kei pawh ka chau hrih emai kan muhil lawk ange tia sawi zawm in, a aw chu a chuai raih raih maia, Rolianan ka pa, ka pa tia a koh na pawh chhang tur a awm ta lo. Roliana chau tawngkhawng leh rilru na lutuk pawh chu a pa kiang ah chuan athu zawi hnawk maia, mulehmal pawh anei thei ta lo, mahni fate hnena inhriat tir pawh ngam lo khawpa sawisak tawk apa chu alainat in, a nun khawhar tak leh hreawm taka ahmang tur te chu angaih tuaha, apa akhawngaihna chu azual kher mai. Ka pa kei ai in ilo rethei zawk ani maw, i tawrh chanve pawh ka lo tuar lo anih hi, mahse, ka pa i nih tih tun ah min hrilh chauh sia, min kalsan thei lo ang, ti in a pa ruang chu akuah ta vawng vawnga.

#Mitmeng baui nuaih chung leh ngaihtuah mumal nei hmel pawh pu lo zet in Roliana chu Sihpui khaw panna kawng ah chuan a kal hnak hnaka, enge asawi ber tih hriat har zeta phun pah mawlh mawlh in, athu sawi atang chuan apa chunga pawikhawih tu Tlanglian khua te leh, an khua Hmawngpui run tu Tawnzing khua te chungah chuan zahngaihna lantir atum lo kher mai le... Mahse, chung athutiam te chu hlen tur in Sihpui khua dam in akal thleng zo angem tih chu tuna a chauhtawh dan en mai hi chuan rinthiam aharsa ngei mai.. Thui pawh akal hma hauh chuan a pa sawilawk ang ngei in, ataksa chau leh pum ruak lutuk avang chuan a mit te chu rawn vai tan in, a khaw hmuh te chu a phe ruai tawh maia, a ke pen te pawh chu harsa ati in, kawngko bawh meuh te chuan an chawl leh rih thin, chutia kawngko bawh meuha vawithum a chawlh na ah chuan a tho chhuak zo ta tlat lo mai le, engkim mai chu amang hriat ruai vek tawh maia, harsa ti zet chunga an men leh diar diar lai chuan a lam pana mipahnih lo kal niawm tak hi chianglo ruaia hmu in, kawngko bawh reng chung chuan alo thlir ngawt ngawt maia, a thil hmuh chu rawn hnai zel in nula pahnih an ni in ahre ta tlat mai, chu nula pahnih nia ahriat te pawh chu rawn kal hnai zel in abul an rawn thleng ta, Roliana chuan Rocham, Chhingpui tiin a lo koh mawlh mawlh maia, anni lah chuan a kohna pawh chu chhang ta lem lo chuan a zak lehlam lehlam ah chawi in, Sihpui khaw lam pan chuan an kal pui ta nghala.

#Zakunga leh athiante an khaw ram chhunga hmelmate hnuhma awm leh awmloh thlithlai zo chu ankhaw lam pan in anin zui thliai thliaia, kawrte tui luanna hmun an thlen chuan an zinga hotu ber chan chang chuan, titeh u, rilpawh atam tawh alawm maw le, helai ah hian chaw fak ila, muangmar in kan haw dawn nia tia rawt in, chulai hmun ah chuan chaw an fak ta a, an chaw fak zo tuibur hmuamda vel tur an thut chawlh leh hnu chuan khawlam pan tur chuan an tho ta sap sapa, an zinga tlangval pakhat zung khaw muang chuan, a thian te kal liam tep chu au in, khu Roliana...Roliana..ti in a au chiam maia, athian te pawh chu rangtaka tlan let nghal in, an mahni rawn au tu bul atanga an zuk thlir nak chuan, mak tihna leh hlauh na chuan a taksa chu atham er er mai le, anlam pana rawn kal mek chu Roliana hmel ngei pu ani, mahse, amah han en reng reng pawh chuan nikhaw hre hmel pawh apu tlat lo, a ke chheh te reng reng pawh chu a chiang lo riau hian ahriat a, a mah lah thi ngei tawh nia an hriat ala ni zui bawk nen, hlauhna thinlung puchunga lo thlir pawh nise an demawm tehchiam loh ani. Chutihlai in, an zinga tlangval pakhat Zakunga ngaihtuahna erawh a dang daih thung, Roliana i ni emaw a thla zawk i ni emaw ka tan alem chuang lo e, Roliana hmel iput chhung chu ka thian ini tho tho tih leh Roliana lama tlan chu arual ta nghala. Zalianan Roliana bul atlan thlena rual chiah chuan Rolian pawh chu zawi ve nghal hnawk in, a tlu tur chu Zaliana chuan a pawmbet hman hrama, chutah Roliana chu chianglo ruaia rawn tawng chhuak in, Chhingpui..Rocham..min thlah suh u, tiin aphun mawlh mawlh maia, Zakunga chuan muangchanga hmunzawl remlaia mut pah chuan, Rolian i harh em, harh teh, i thian Zakunga ka nih hi min hria em, Rolian mihuaisen inilawm ni harh rawh, min han chhang teh tiin a be mawlh mawlh maia. Zakunga thian te pawh chu rawn tlan thleng ve nghal in, an thiam ang anga buaipui zui nghal in an koh mawlh mawlh renga, a hmui ro lutuk an hmuh chuan a dang pawh aro hle ang tih ringin, tuisik chu chhe te te in an han tulh a, chutia tuisik te an tulha an koh tak mawlh mawlh ah chuan Roliana chuan a mit chu arawn meng ta riai riaia, zakunga chuan hlauthawng aw zet hian Rolian i harh tiraw, min hria em Zakunga ka nih hi, min han en teh tiin a lo be zui nghal mawlh mawlha. Roliana pawh chuan Zakunga biakna chu a hria tih hriat taka Zakunga chu rawn melh in, Zakung nangni in nimaw, helai hmun ah hian engtin nge ka rawn kal thlena, duh aiin ka tuar alo zuau deuh ani e, min hre thiam teh u, tiin aw tham tiak chung chuan arawn chhang ve ta, Zakunga lawm lutuk chu atawng mai thei ta lo, Roliana kut chu vuan in amittui te chu arawn hnam tiam tiam mai, thiante hmuh hlau tak chung chuan an hru leh zauh thi. Chutah an hruaitu ber chu rawn tawng chuak in, Rolian, tun ah chuan tawngtam hrih lo la atha nge, nangmah ang tho in keini pawh hian zawh tur che kan ngah khawp mai, mahse, chungchu thil hmanhmawh thlak ber pawh ani chuang hlei nem, hahdam takin in lamah kan la sawi leh zawk dawn nia, tiin alo chhang thuai a. Roliana chuan Zakunga lam chu hawi in, Zakung luipui kam ah ka pa ruang ka rawn kal sana, Ramsa te leh sava ten an pawhdarh hma in aruang khawngaih in mi zuk hlawm sak ta che, tiin an hrilh leha, chuthu an han hria chu mak ti in an hawiphawk leh nasa ta mai a, Roliana chu a rilru abuai ngei anih te an ring ta rum rum mai, a thusawi chu mak an ti hle ani tih Roliana chuan hre thiam nghal in, Zakung engkim sawifiah tur chuan hun aduhrei dawn lutuk, ka pa in Tlanglian khaw ho lakah min chhan chhuaka, mahse, Luipui kan hleuhkai hnu ah ahliam leh taksa chau lutuk tuar lo in min boral san ta ani, thildang chu hun remchang ah kan la in hrilh fiah dawn nia ti in ahrilh ta hlawma.

#Roliana chuan a pa ruang awmna te chiang taka ahrilh hnu chuan, a pa ruang la tur chuan tlangval paruk te chu an tlan liam nghala, khaw lam ah tlangval pahnih zualko in tir in, Zakunga chuan Roliana bula awm aduh tlat avang chuan tlangval pakhat nen Roliana bul ah chuan an lo awm ve thunga. Khawlama an mi tirh te chuan Roliana aladam ani tih khaw chhunga hrilh hlan chu an nghak hlel ngang maia, kawng chho ah kal pangngaia kal pawh duh lo in atlan hlir mai chuan khua chu an tlan thlenga, khua an thlen meuh chuan an chau chhe lo chauh chu ani ber mai. Hmundanga kal peng lo in Lalin lam chu an panding nghal nal nal maia, an boruak tawn in azir lo sa bawk nen, an mahni lo hmutu apiang mia chuan thil engemaw tak athleng anih ringin Lalin lam ah chuan an rawn zui ve zela, rei lo te chhung in Lalin in kawt ah chuan an pungkhawm hnem hman khawp mai. Tlangval pahnih ten Lal hnena an thil hmuh leh tawn an han sawi meuh chu le, Lal inchhunga awm leh ahre phak apiang mai chu lawm avang in an kuk rawih rawih maia, thenkhat lungchhe taka lo tap leh mittui lo hru fap fap tawk lah bo lo, Roliana alathi lo tih an hriata an lawm zia chu sawia fiah chi rual ani lo.

#Tlangval, Roliana chanchin hria apiang mai chu, tumah in nghak khaw tlai lo in an tlanliam nghal zutzut maia, kar lo ah Roliana an lo awmpuina ah chuan Sihpui tlangval rual zatel fe mai chu an thlengkhawmnghuk mai ani,

#Roliana pawh, Zakunga ten an chawfun eiban tlema zawng lo ei tir in, rinai tak in alo harh tha tawha, a naka silai mu luhna hliam ah te chuan thingpil leh thinghnah damdawi atana tha an hriat ang ang te chu lo hnawih in, thisen chhuak zel dang tur chuan an lo tuam thlap tawha. Khua atlai chhiat hmaa haw tur chuan in buatsaih zui nghal in, tlangval ho in zawn an tum chu duh tlat hek lo le, muangchanga Zakunga nen hma hruai in khawlam pan zai an rel ta ani. Chutia Roliana ber in zawn aduh tak tlat si loh ah chuan tlangval rual atam zawk te pawh chu Roliana pa ruang la tur chuan an in tir liam leh ta ani.

#Roliana chu kal chak thei hek lo le, thimhmul ah khua chu lut in, an in lam chu an pan nghala a, khaw mipui te chu an in leh kawt vel ah te chuan an lo thu tlim hmur maia, Lal Sairuma leh a upa te meuh pawh an bang bik lo, Pu Hratlian chuan kawt ah lo hmuak in, Taite i lola dam chu ka van lawm em, i Nu leh i nau Lianpuii te hrilhhai lutuk lah katan hnem ngaihna an awm si lo, tia akut lo chelh sak in inchhung lam ah an inzui lut ta a. Mitin mai chu lawm avanga mittui tlalo aram pawh an awm awm lo e, Lianpuii leh Lal fanu Sailopuii pawh in inchhung lam ah lo hmuak ve in, Roliana an han hmu zet chu insum har an ti kher mai, mi kara mualpho hlau tak chung chuan an mittui chu an hru fap fap renga, Roliana chu thlirnin har an ti in an en ngawih ngawih mai ani. Chutah Lal leh upa te an rawn luhkhawm tak ah chuan mipui te pawh chu zanriah ei tur in an tin darh ta hriha, Roliana pawh chu, atul lo e ka thuthei alawm a ti hram hram chung pawh in, char lam bang bula khum dawh ah chuan mut luih tir a, Lal leh a upa te chuan thuthual taih in thutam zawh na hun ani lo tih an hriat avang chuan, midang zawng chu ngawi in Lal Sairuma chauh chuan a hriat chak zual pui te chu a zawt zauh zauh a, Roliana pawh chuan a theih ang ang in achhang ve zel a, mahse, a pa chanchin an sawi thlen meuh chuan Roliana hmel chu rawn danglam nghal in, lungngaihna leh thinrimna in atuam hmel pu ni mai hian ahriat a, Lal Sairuma pawh chuan athil zawh chu zawt hun lo a in ti in, a dam chian huna zawh ah alo khek lo chu pawi ati kher mai. Mahse, chutia bangbo tak leh inthiam lo taka an thut ngawi thap lai chuan, Roliana tana chanchin lawm em em mai chu alo thleng ve ta, tlangval pahnih te chu thlan tla hluam chunga Roliana te in ah chuan rawn tlan lut in, Lal Sairuma hma ah chuan an rawn ding in, an hmel atang pawh chuan thu chah lawmawm rawn keng tu te an ni tih hai rual lah ani lo, Lal Sairuman, tlangval te u engthu chah nge in rawn ken le, hmelhlim siah lah pu che u in, tia a zawh rual rual chuan, tlangval upa zawk chuan Lalpa kan mitthiruang zuk lak tum, Roliana pa kha a rawn dam leh, tun ah chuan a thaw pawh apangngai tawh khawp mai, kan zuk hmuh tirh chuan kei ni pawh in thitawh ngaihin kan ngaia, amarphu leh thawk alak awm reng reng kan hre lo in amarphu lah kan hmu hek lo, mahse, a zawnna tur te kan siam zawha zawn tuma kan han kuai let vel chu a rawn che tial tial maia, zawite tea thawk te rawn la tha leh in, amar te pawh chu arawn phu tha leh ani. Tun ah hian muangchanga zawn in tlangval rual ten an rawn haw pui mek ani, tiin ahrilh ta a...

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 22nd, 2017, 9:59 pm

PASALTHA ROLIANA (Taitea)
PHEK- 40 NA.

By - Hmangaih MT Chawngthu.

(Khawvar lam arsi te pawh kan iang zo ta a, inthlahrun lam ai mah in, nuih te pawh a za tawh zawk ten kan hre deuha, chutih rual in, lo la nghak ve hram hram duh te an awm laia chawlh san ngawt lah chu ka hre ve tumhrang bawk si nen, phuailuia deuh in ka rawn dah lut ve leh ta ngawt e...mahse, he story hi atawp kan thleng zo lo ang tih erawh ahlauh thawn awm ta viau mai.)

Page 39 recap :- tlangval upa zawk chuan Lalpa kan mitthiruang zuk lak tum, Roliana pa kha a rawn dam leh, tun ah chuan a thaw pawh apangngai tawh khawp mai, kan zuk hmuh tirh chuan kei ni pawh in thitawh ngaihin kan ngaia, amarphu leh thawk alak awm reng reng kan hre lo in amarphu lah kan hmu hek lo, mahse, a zawnna tur te kan siam zawha zawn tuma kan han kuai let vel chu a rawn che tial tial maia, zawite tea thawk te rawn la tha leh in, amar te pawh chu arawn phu tha leh ani. Tun ah hian muangchanga zawn in tlangval rual ten an rawn haw pui mek ani, tiin ahrilh ta a...

#Chuthu zet chuan Roliana hmel lan dan atidanglam chiang kher mai. Thinrimna leh rilru natna in a thinlung ah hmunawl chhete pawh an zuah sak loh vanga a hmel ngainatawm tak thin te pawh kha, țo hawng tur intham nelawmna reng reng nei lo tluk zeta hmuh hreawm leh hlauhawm chang zo tawh in, a pa chunga thil thleng te chuan arilru atina kher mai, ahmel ah hlim hmel hmuhtur lah a awm hek lo angui hian anguinghiai mai ani, mahse, chu thu lawmawm a pa dam leh thu an hriat meuh chuan, vaube par var leh fartuah par sen inchawih em em, zingdaifim in duattaka abual fai hlim Ni chhuak tir
in mawi em ema achhun tle siar siar mai hian Roliana hmel pawh chu chawp leh chilha rawn danglam nghal in hmuh ahreawm loh ta kher mai.

#Zingkhua arawnvara, Thangfen leh Chinrang kawrte dung zawh au teng chhiai chhiai thawm hriat tur te aawm leh tak ah chuan, Roliana pawh in mumang lama a sapel lai kal san in, hringmi te nun pangngai zawm tur in a rawn harh zui ve nghala. Chutia a harh rual rual chuan a piah maia a pa mut na lam chu en nghal in, tui taka a pa muhil lai leh a pa mutna kianga Lianpuii lo ding ngawi reng chu a va hmu a, Lianpuii pawh chuan Roliana rawn meng chhuak ahmuh rual rual chuan Roliana chu pan hnai nghal in, ku Rolian, enge i an iva harh hma ve, i mu tui thei meuh nange..? Hei ka pa Rochuha chu tlemin apang a sa deuh e tih mai loh chu a pangngai viau in ka hria, tiin mitmeng phelhphang chung leh hlim hmel zet chung si hian arawn be nghala, Roliana chuan, Lianpui ka tha lutuk e, ka taksa asil deuh thum tih mai loh chu engmah na ka neih awm pawh ka hre lo, nang pawh i van tho hma ve, nizan mutmu i tuah tha mumal lo ani maw, i mitmeng ah ahriat reng mai. Kei chu ka mutui ngang mai, ka taksa a chau tawngkhawng ve deuh te pawh ania nge, țhanharh lawk pawh ka nei reng reng hleinem le, ka pa mut theih leh theih loh pawh kan hriat hauh loh chu le, tia lo chhang in ahmel ah chun a in thiam zan lo tih a lang reng mai. Lianpuii chuan, ni e, i taksa a chau ema i mu tui ani ngei ang, zan ah inthawm ngaithla in ka meng deuh renga, ka pa Rochuha pawh arawn rum leh tiah tiah thin tih mai loh chu a mutui viau in ka hria, nanglah chu mumang lam ah hmuhtha i hmu ani ngei ang i tawngvai nasa emai, tia fiam pah chuan anui var vara, chutah ku Rolian a la hma emai mu leh hrih rawh buh kan deng ange, tiin Lianpuii chuan rapchunga an buh hak chu arut zui ta nghal a.

#Sihpui khua intin ah, Nu leh nula buh deng thawm chu vartian ah chuan ari tlut tlut hlawma, tleirawl deuh te lah rawpui thelpan tuium khirh in, tuium hmawr an chhipa lawr vauh chung chuan, duham leh chuhhelh vang ni hauh lo in tuikhur lam pan in an tlan dawr dawr mai bawka. Chutia nufa za in mahni theihna kawng theuha tanla a khawvar rual ruala chhungkaw tan chet an han thawh meuh chuan, Nu leh nula te mualpho na midang feh ruala feh hman lo nih leh tlaibik nih chu pumpelh in a awm ta thin ani. Chutia buh den leh tuichawi te an zawh fel tak ah chuan tukthuan rel te pawh alo hun leh ta, chutih mek lai chuan Nutling tlawngawl, fate tha chhawr tur nei tha deuh leh pa hawiharh zual deuh te, tin, pitar putar chen mai chuan Rolianate In rahka ah chuan chuang kai in, an sumhmun chu an in rahrik chhawk zut maia, thenkhat in fate tan pawha an chhum phal loh artui tharlam tak tak hum luta, duhsak taka Roliana te pafa ei atan an pek lai in, thenkhat lah in, hei buhhawp te in ei theih hlauh takin tihthu ah kan buh thar kan faihlim chhete mai ka rawn bawk sak ve che u anih hi, tiin an buh denfai hlim an rawn fun lut ve bawk. Pitar ho lah chuan Roliana dam hun chu an nghakhlel fe mai ni tur ani, Roliana tel lo chuan Sihpui khua hi, Mu thamthelh Arpui nohruai ang chauh lah ni in, thinthi pawh in kan mu ngam hlei nem, kan țik dial dial mai anih hi maw, Roliana pa, nangni pafa hi han dam thuai mai teh u, an lo ti ve tliar tliar bawk. A tute mai pawh chuan anthinlung takin Roliana te pafa chu dam thuai thuai se an ti in, an dam hlan chu an nghak hlel em em vek mai nihian alang.

#Sihpui khaw chhak lam, tlang tohlurh mai chung zawna zing ni achhuah nawn fo tak ah chuan, Roliana te pafa hliam tawrh pawh ahil duak tawha, mite duhsakna leh antana an that na chuan an thinlung lamah chak na pe in, rilru lam hlim ta nana na chu an taksa hliam leh na pawh in hma asawn chak kher mai. An pahnih chauha an awm dun chang te chuan, an pafa chunga Sihpui khaw mipuite that na leh duhsakna te chu hlim taka sawi in ropui an tih thu te chu an sawidun malh malh thin a, pu Rochuha ngat phei chu alawm thlu ngang aniang, a fapa Roliana hnen ah chuan, ' Rolian, Sihpui khua nge nge belh man aawm mang tak e, Tlanglian khuaa mianglo pakhat, naupang ho takngial pawh in auh nawmnaha an neih, kei i pa hian, mi pangngai te nun tawmpui tur in, bul ka tan leh ta anih ber hi, ' a ti vawng vawng mai ani.

#Rolianan apa hlim zia leh athinlung taka alawm zia ahmuh chuan, Sihpui khaw tan hmelma te theihtawp chhuaha beih aduh na chu azual sauha, chutih rual in anpafa tuamhlawma, duat tak leh phunnawina chhete pawh nei loa enkawl tu pu Hratliana te chhungkaw chung ah chuan alawmna chu azual in, a thawk theih țek țek chhung chu phatsan atum lo reng reng mai ani. A pa bula ah pawh tlangtaka sawi nghal in, ka Pa, i hriat ve atana ka duh thil tamtak hrilh tur che ka nei, chungzinga ka sawi hmasak ber duh chu, tuna min enkawltu te hi ka vahvaih lai leh mangan laia min tuamhlawm tu te an nia, chuvang chuan minhringtu nu leh pa ah kei hian ka lo nei tawha, Lianpuii pawh hi ka nau ang chiah ah ka ngai in, ani pawh in a U tak tak ah min pawmin min ngaina em em ani. Chuvang chuan dama ka awma ka thawk theih tek tek chhung chu an ni enkawl leh chawmhi ka mawhphurh leh ka koa innghat tlat ani tih min hriat pui ka duh ani, tin, nang pawh ka pa i nihna abo chuang hek lo, an ni hian awmho reng ai chuan inkhawr hrang mai ta che u, anti te anih ngawt loh chuan he in hi nangpawh in i In ang leh i ta anga i pawm angai dawn ani, tiin an hrilha. A fapa mit taka en vangvang chungin pu Rochuha chuan, ka fapa i naupan laia ka kaihhruaina ve na che kha, hetiang taka rilru puitling leh huaisen pu thei tur khawpa zirtirna tha leh enkawlna tha atling lo tih ka hria, mahse, tunah chuan pasaltha diktak tia miten an sawithin, mihuaisen leh tlawmngai, mite thlamuanpui tham i lo nita reng mai, i pu Vawmsata kha la dam nise, a kephah vuan meuh in lawmthu ka hrilh mawlh mawlh tur... Engpawh nise, tunah chuan nang ka fapa i nih angin, ka chungah thiltha lo reng reng thlentir i phal dawnlo tih ka hre chiang emem tawha, i duhdan leh tha itih ang ang chu ka duhdan leh ka tha tih dan ani vek mai, ati ve ta a. Pu Rochuha hian afapa Roliana hi atan innghahna tlak ani tih ahria in aringtawk em em ani tih chu achiang kher mai. Roliana pawh chuan thutam sawi tawh lo in, ka pa, pasatha tia chhal tur em zawng kan la nih loh hi, mi bulah te i lo sawi reu reu ange miin min nuih zat palh ange, pasaltha diktak chu ka pu Vawmsata te ang kha an ni, hmelma in kan khua minrawn runa, hmelma ten nasataka an sawisak lai te khan vawikhat te pawh arum chhin eih lo asin, hliam natak tuar chunga tualchara atluk hnu leh atan chet ngaihna reng reng a awm tawh loh hnu ah pawh a ka atangin fuihna thu ka la dawng fana, Taite...mahni inkhawngaihna hi mihringte hmelma lian ber ani tih hre reng la, vawiin ni hian chaklo zawk i ni thei e, mahse, naktukzing ni chhuak hian i tan huntha a rawn her chhuah pui thei ani tih hre rengin beidawng ngai suh ang che, tih hi a hnen atanga fuihna thu ka dawn hnuhnun ber chu ani, tia sawiin Roliana chu angawi ta a.

#Chawlhkar teh meuh inchhunga a in khung tak ah chuan Roliana chuan inchhunga tawm reng chu aningin a peihna in tlin ta ngang hek lo le, valupa Dokhuma te in lam pan chuan muang chang in akal chhat chhata, khawlaia ami tawh apiang te mai chuan hlimtaka lo bia in, Rolian i teichhuak peih tawh maw, avahan lawmawm em em ve tiin an lo be mawlh mawlh hlawma, Roliana khawlaia atei chhuak leh thei ta an hmuh chuan an lawm tlang hle tih anhmel atang mai pawh in hai rual ani lo. Tlanglian khua atanga atlanchhuah lai te kha chuan, ataksa te chu na themthum mahse, a pa ke hliam pawchungin an khawram daidang tu luipui thleng thak ala tlan pui thei kha ania, mahse, Sihpui khua an thlen tukzinga khum atanga thawhchhuah mai a tum chu a che hleithei ta hauh lo mai, ataksa chu a sil in a na themthum vek maia, Tlanglian khaw mipuite sawisak na kha anih ngei ringin Tlanglian khaw chunga athinrimna chu nasatak ani ta.

#pu Dokhuma te in athlen dawn ruai chuan Zakunga nen in tawk in an hlim dun nasa maia, Zakunga chuan hlim em em mai hian, hei ka ramriah hlan in i lo dam der mai a, a lawmawm kher mai. Vawin kan hlothlo kan zo hma deuha tumah pawh nghak khawtlai lo in ka rawn haw vang vang anih hi, kan in lam pawh pan hmasa lo in i hmel ka rawn hmuhmasa ang chu ka lo tia, ati nghal bawrh bawrha. A hmel ah alawm tih hriat taka nui deuh suk chungin Roliana chuan, Zalian min ngaihtuah ani tih ka hriat in ka lawm khawp mai, mahse, Lal thu pek bawhchhiat phah nan chuan min hmang lo la, i tan pawh ahim zawk in ka ring. I fimkhur hle loh chuan ka thian Zaliana tia sawitur ka nei lo mai palh ange, tiin Zaliana hmangai tak chung chuan alo chhang ve bawka. Zaliana lah dang duh bik suh, maimai thina, Lal thu ka zah loh vang pawh ni lo in tun maiah hi chuan Tlanglian khaw ho hi an rawn lan mai ngam ka ring reng reng hlei nem, thildang chu sawi loh an intunnun na tur an buhhmun thlawhfai an ngai ve tho a, ruahtui lah ala hul chiah lo nen, chuti maia hma chuan an rawn lang lo tawp ang, bakah Sihpui khaw ram rawn dai luh hi an chak vak bik in ka ring lo, ati awlsam thena. Engvanga Sihpui khaw ram rawn dai luh chak lo ngawt nge an nih ang kathian, tih zawh na pawh chu awlsam zet hian, an mi hlauhber an phuar bet zo si loa, vawi hnih ngawt an kut atanga tlan chhuak thei mihring chu, a vawithumna atana man leh chu an chak vak in ka ring tawh lo, hmusit hmel zeta nuih pah in atita a. Chutia thiante ber in ngaisang hmel zeta thu aphuh chhuah tak ah chuan, Roliana chuan nuam ati chiah lo tih hriat tak hian, Zalian chutiang ringawt ani lo, ka vanneihna akaltluang mai mai chauh ani. Chubakah ahma a an mi man tlan chhuak ta leh tuna an man tlanchhuak leh hi, mi thuhmun an ni tih tuman an hre hlei nem, ahre tu awmchhun lah chatuana aka ang tawh ngailo tur in luipui tuilian i len bo tir tawh bawk sia, chuvang chuan min hlauhna ai mahin anthinrimna anasa zawk dawn tih hre reng la, rei an rial in ka ring lo. Engpawh nise, khawlaia vahharh pah in kan valupa te in chuankai ka lo tum meka, i peih leh lo kal ve la inkawmho te pawh akhat alawm mawle, atih zawm nghal a. Zakunga chuan, chuti anih chuan inlamah ka va in tleuhfai ve phawt anga, ka rawn kal leh zawk ange, tiin an in lam pan in aliam zui nghala.

#Pu Dokhuman an kawngkhara Roliana rawn pen lut ahmuh chuan ka hau chunga lo thlir in, ekhai, kan damlo chu helai lai i rawn thleng thei tawh ani maw, duhang pawn ka rawn ngaihsak hman lo chea, min hrethiam aniang chu, hei keini pawh luipui ruam lam fanga kan zing chhuak kan thleng fel ve deuh chiah anih hi, alo ti nghal bawrh bawrha. Roliana chuan pu Do, nangtluka min ngaihsak leh min ngaihtuah tu an awm chuang hlei nem, Tlanglian ho vang in in hah phah nasa mai sia, damtha vengvawng ni ila chu nangni ang valupa te hahtaka siama thachuang sentir tu Tlanglian khaw ho chu ka han phin darh vek mai tur hi ania, mahse pu Do, arei tawhlo ang, tunah chuan silaia min kahna lai hi tlemin a la dam fel lo deuhe tih chauh mai ani tawh, na dang ka neih awm pawh ka hre tawh lo tia chhang in, engtik lai maha amah phatsan ngailo tu leh achan chhiat ber lai pawha atana dingngam pu Dokhuma, Tlanglian khaw ho vanga athlantui an far fap fap mai chu a khawngaih in angaihdan ani lo kher mai.

Website story link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/


#Tlai Ni tla tur hnungpuak zawnga leikapui tlanga thu mipahnih te titi lai chu rawn pawt chat in Zakunga chuan, ekhai pu Dokhum ka rawn zawm ve thei che u angem..? ka hriat ve chi loh thil te sawi duh in nei em lo ang chu maw..tiin an thutna chu arawn pan nghala. Pu Dokhuma chuan, e..thei tuke a, i hriat ve chi loh zawng chu kan lo sawi zo tawha, i duh duh rawn sawi ve mai teh tiin a lo chhawn thuai a. Zakunga chuan nuih deuh var var pah hian, hei kan pasaltha hi thil zawh chak ka nei tlat mai peka, atir ah khan ka zawt chak viau na in, nausen tawngzir tir biak ang chauh mai kha ania, thu han zawh ve tum pawn ariat kual vel mai mai sia, tun ah chuan tawng te pawh atawng fiah ve deuh tawh ang chu maw, thiante hnen ah lah eng han zep ngawt thu lah a awm awm silo a, an ti zui nghal zat a. Rolianan ngei hmel zeta a melh lai chuan, engthil nge nita, chuti taka hriat i chak chu kei pawh in ka hre chak ve tho in ka ring, han zawt thuai teh pu Dokhuma chuan alo ti ve bawka. Zakunga chuan, thianpa tikhan mi melh kur reng lo la, nula chungchang ka zawt dawn reng reng lo che. Huaisen bera kan ngaih te pawh hi engkim ah an lo huaisen bik lem lo anih hi, tia fiam zui leh zauh pah in ngeiawm zeta nuih pah in an melh leh hram a. Chutah engemaw sawi zawm tuma a ka a ang leh chiah tih chuan, Zakung ngawi tak rawh i la hre dawn khawp alawm, helai ram chheh vela nula zawng zawngte tluk loh leh Lal fapa te meuh pawh in an en nin theih loh khawpa hmeltha nupuia ka neih hun chuan, tuna i thusawi te hi i la hrechhuak veng veng mai ang, atih khum ve ta ngawta..! Rolianan chutiang thu te an phuhchhuak ve ta ngawt chu, a thiante pahnih lawm ah tla in an lo nuih nasa maia.

#Zakunga fiamna chhan let paha fiamthu bawka han insawitheih khum atum satliah mai zawng ani na in, angaihtuahna mitthla ah chuan Chhingpuii arawn lang zawk mai le. Chhingpuii leh Roliana nau Rochami te kha hmelma ten sala anhruai lai khan tleirawl ti a chhiar tur emchuan an kum in la pha lo deuh mahse, an pumrua alian tha in andawng nguak maia, hmel ah lah nise Chhingpuii han ter pha tur reng reng arualpui te zing ah lah an awm hek lo. Roliana chuan Chhingpuii ahmuh hnuhnun ber chu an ngaihtuah let leha, anmahni mantu te Thawmliana te thiandun in an kalsan tak ni zinga, hmelma ten tukthuan an eitir tuma hmel nguinghiai chung leh harsa ti zet chunga chaw bar thum vel a ka a ahnawh luh hram hram lai te, phurna leh châkna reng reng nei lo tih hriat taka țiaului lam pana akal liam hnak hnak lai te chu, Roliana mitthla ah chuan rawn lang leh iarh iarh in, a riru chu ana thar kher mai. Chung hun kal tawh leh liam hnu te an ngaihtuah let leh chuan, chu tleirawl hmeltha leh duhawm zet mai chuan athinlung khawimaw lai chu chhuahsan lo in achenchilh reng ani tih Roliana chuan ahre thiam tan ta.. A chunga vanduai na thleng te avang leh a hmabaka tihtur hautak zet laawmte avanga, ngaihzawng neih lam reng reng uksak lo leh hmangaihna lamtluang zawh hman pawha in ngai ngai lo thinlung ah tu emaw chuan, bu a lo khuar fel der tawh ni ngei in alang ta tlat mai.

#A duhthusam chu a ropui in atak ah han chang hlauh se la thatur, mahse, chu erawh beisei bo tak ani. Kan Lal fanu meuh in vawitam mitmei ahmuh hnu ah pawh amipa zawk akimki chuih chuih ania, engpawh nise duhthusam chu anei ropui ve hrim hrim e. Hei asawitu ber pawh in kei ni ai in athusawi kha a awih lo zawk aniang chu milem ang maia athut ngawih leh vung vung tawh hi, tia Zakungan nui tut tut chung leh tiel hmel fahrana arawn tawng khum leh tak ah chuan, muhil harh hlawl ang mai in Roliana chu suangtuah na khawvel atang chuan arawn harh hlawla, nui tut tut chung leh mak tih hmel zeta lo thlir tu athiante pahnih chu en in, Zakung Lalfanu chungchang kha engtin maw i sawi, a khawivahlawi pel rawk khawpa apuanbih kan pawh sawih dun chungchang te leh, Lalfanu anih vang chauha ramri kan a sihtui luanna ram ka dai dar duh tak loh chungchang te pawh sawi tel law law la, tia Zakunga chu ngei awm zeta melh pah in, Zakung nula hma ah hian zama khur chhe ringawt tur ah min ngai bik reng reng suh, kei aia in sawitheih na tur i neih awm reng reng ka hre bik lo, ka lawmnu tia i sawi kur ve dup lah vuakhlum pawh tum ila, vuakhlum huphurhawm khawp hmel pu, nisa hnuai ah pawh lang daihlim em em ringawt, ni in achhun fuh chang pawha ahnar hlimthla in a ahmai phel phawk ahliah theih, Sakhi thang kam hrat em em leh nghal, a..engemaw kawng zawng tak chuan i huaisen ve hrim hrim e, sawtiang te saw nitin i zui ngam ania...hmanni ah pawh ramhnuai ah savawm nen an in tawka, Savawm in ahmel an enchiang chu ahlau thlu ngang aniang baklengin atlan chhia e an tih kha, i lawmnui lah chu a mah hlaua Savawm han tlan chhe ringawt chu athinrim zawmah ni awm ani, min va hmusit ve tih leh um arual nghal a, ngawkar ah Savawm sumnga zet tur a um huk tuarh tuarh e an tih kha maw, nang lah hian i lo duhthlu ve ngang sia mika atangin chungthu te chu hre lo phei ila, i zep pui leh tlat dawn anih ber hi, atih khum ve ta. Zakunga ber pawh in sum thei bik ta lo chuan anui dir tlak tlak maia, thei leh theilo a rawng tawng chhuak in ngawiteh thianpa, chung em em zawng ka hriat pui ve lo tawp mai atak tak nise chuthil kher kher chu ka hmu ve chak kher maia, Savawm chu a vahan mangang dawn teh reng em tiin an nui leh hriha. Atawp atawp ah chuan, thianpa mi bul ah te i lawmnu tia in fiam chi miah loh ang aw, anu in ngalchakthapei atan min rawn tah awh vang ania ka lawm ve chauh ni, hmel pha dai chung leh nuihza in sum fe hian arawn ti chhuak thei hram a.

#A khup leh pum dawma mittui tlaphung chung chuan, anihduh hmel mange...anihduh hmel mange...ti in pu Dokhuma pawh chu za em em mai chuan an nui tha leh rih a, chutah..umm, tawk hrih teh se. In fiamthu atalang in thutak pawh kan sawi hman dawn hleinem maw, tlangvala pumpa nula laka dawihzep a han inpuh zet hi chu, ngenmu den chawrh ang mai hi ania, tawrh ahar talh reng asin. Roliana pawh i chempui i hman thiam tluk zet in i khabe pawh i lo hmang thiam anih hi maw le, hetiang te anih ngai chuan nichina i thusawi kha athlen theiloh nachhan tur reng ka hre ta lo, nula hmeltha tak zawng kan la rim thlu ngei dawn e. Mahse, Lalfanu chungchang kha chu thianhoa kan sawi bak hi mi beng hriat a sawi loh hram atha ang, keinin fiamthu a kan ngaih hi thenkhat tan fiamthu ani lo thei, hotea leichawi theihna ani tih hriat reng tur. Awle, Zakung engthil nge ni kan pasaltha hnena i zawh duh chu han sawi tawh la maw le, a ti zui nghala.

#Zakunga chuan tlema thutak deuh zawk hian, a..englo ania, kan thiana hi Tlanglian khua atanga arawn tlanchhuak kan lo hmuh tum khan, kan lam pana arawnkal kha a ke pen leh ahmel hrim hrim kha achiangnial lo riau maia, ka lo en dan mai chuan a ma tha hmanga rawn pen anglo tihna ka nei tlat ani, chutah hmanhmawh taka abul ka va tlan thlen chuan, duhloh paih ang mai hian a sawp hnawk maia lo vuan hman lo phei ila lei char ah a in tauh na thei hial ang chu, chutah hmeichhe pahnih hming alam zui mawlh mawlh bawka, kan han biak lah chuan mumal in min chhang bawk si lo, mak kan ti tlang teh asin. Keinina kan hmuh ve theih siloh tute emaw chuan an rawn hruai ngei anih te kan ring ta ngawta, chuthil chu ania hriat kan chak deuh mai mai chu ni, mahse, chuaia hriat chak zawk ka la neih, khatiang khawpa chau leh hliamtuar chung khan engtinnge i pa hi tuilian i la rawn hleuhkai pui theih tih hi ani, mihring pangngai tan chuan thil theihloh tluk hial anita ve ang chu tiin, ngaisang hmel zeta Roliana en chung chuan zawhna asiam ta a. Roliana chuan nui suk suk chung hian, kei te chu mihring pangngai ka ni lo reng alawm, huai ho pawh in min hlau ania, ka duhloh zawnga tawng i chin palh hlauh phei chuan i tan athalo viau ang tia fiam in anhan nui leh riha, chutah muangchang athuthmun te remtha in, tuiliana an kahthlak atanga bul tan in, harsa ti tak chunga vaukam a hleuh chhuah dan te, a rilrua vannei a intih chhung rei loh zia leh, Tlanglian khaw mipui ten kut anthlak chungchang te thleng chuan hmaih nei lo in athiante pahnih chu ahrilh malh malha, a kut phah hrawl zet ahum ruh dan atang leh amitmeng lo danglam tak dan atang chuan athinrim in avawrtawp athleng ani tih hairual ani lo, amah Roliana mai pawh ni lo in athusawi ngaithlatu athiante pahnih pawh an bang bik lo, thinrimna meipui chu an thinlung ah a alh hlep hlepa, awlsam taka thelhmih chi ziazang ani tawh lo. Roliana chuan sawizawm zel in, tunge tih pawh ala hriat loh apa in achhan chhuah dan te, a pa ke Tlanglian pasal tha ten an kah sak avanga luipui kam thleng a pa pawchunga an tlanchhiat dan te chu a sawi zela, a thusawi lo ngaithla tu athiante pahnih chuan chek tlak tlak chung hian, hliamtuar chungin luipui thleng thak i pa chu i la rawn paw thei amaw, mihring pangngai chu i lo ni lo tak tak anih hi, engtin nge luipui chu in rawn hleuhkai tak zel, ti in hriat chak hmel zet mitmenga Roliana melh chungin an zawt zui leh nghala. Roliana chuan, Tlanglian khaw ho kuta thih ai chuan luipui chhunga tawihral te chu athlanawm zawk miau sia, vanneih thilthua kan hleuh kai thei ta hlauh te anih phei chuan avanneih thlak dawn em a sin tiin, beiseina chaurau tak nen luipui chu kan pan ta ngawt mai ani, khatih lai kher kha chuan beisei na chu achau kher asin, Khuanun min venga thilo aruangin kan rawnin haichhuak thei hram chu ani e, abak kha chu mumal pawh in ka hre chiang tawh lo, mumang ang ruai vek nimai hian ka hria a, khawlam pana ka kal te pawh khan khawikawng nge ka zawh tih pawh ka hre mumal tawh lo, ka riltam leh chau tawh lutuk tlutur kha nula pahnih, an hmelthat zia tekhin nana he kanchenna khawvela atlukpui awm lo hial tur khawpa hmeltha te khan, ka zak tawn tawn ah hian la in min kalpui tamai ni in ka hria, ka ngaihtuahna te lah chu achawmawlh vek tawh niber in ka hria, ka naute pahnih hming lam in ka koh mawlh ta ngawt mai ani, tiin a thil tawn chu a hrilh ta veka.

#Pu Dokhuma chu inthiam lo hmel zeta Roliana lam hawi in, Rolian tunah hian damin i khawchhuak ta mai zawk pawha, i chunga thilthleng hi a pawi ngawt mai. Mahse, kan pasaltha te lah chu han dem ngawt theih an ni bik silo a, silaia rawn kap tu che kha an ven loh leh rinloh lam daih atanga silai rawn hmet puak an ni tlat maia tiin, Tlanglian khaw ho in an mahni ang thoa pasaltha te an lo bihruk tir vetho dan te, Sihpui pasalthate bihrukna aia Tlanglian khaw pasalthate bihrukna ko asan zawk vanga han hmuh mai theih an nih loh thu te leh Tlanglian pasaltha ten Sihpui pasaltha te bihrukna hresa niawm taka an rawn kah mai theih dan te chu lungawi lo fe in a hrilh ve ta a. Roliana mit meng ah chuan danglamna engmah hmuh tur a awm hauh lo, mahse, angaihtuah na erawh avak thui khawp mai. Pu Do, kan pasaltha te khan an bihrukna hmun kha, khawvar fel hmain an luah hman ani lawm ni, nge khawvar fel ah ahmun an thleng ve chauh zawk, tiin an zawta. Pu Dokhuma chuan, khawvar fel hma daih in an bihrukna hmun ah khan an awm tawh ani awm e, ahmun kan thlen hnu ah pawh chhinkhat zet chu kan la chhing leh hman tiin kan pasaltha te chuan an sawi tlat ani, hetia han ngaihtuah mai hi chuan engemaw diklo deuh awm chuan ngaihtheih nalai chu awmve bawk mahse, ngunthluk zawka han chhut erawh chuan Tlanglian khaw ho vanneihna akaltluang ve mai ni in alang. An vannei in kan pasalthate bihru lai zukhmu fuh hlauh ni lo se, chhandang puhtur rengreng awmin ka hre lo, ati ta a. Chuthu ah kher kher chuan Roliana ngaihdan chu adang ta deuh tlat mai, mahse, engemaw angaihtuah vanga amit meng rawn zim leh san san thin chu athian te pahnih chuan an hriatthiam pui hauh si lo, pu Dokhuma bawk chuan, thil kal tawh siamthat tum chuan sawngsawhlawt na anei chuang lo, kan hmachhawp ti puitling tura kan in buatsaih lawk deuh chu ahun tawh in ka hria, thlawhma lam pawh hnuhthual kan zo kim titih tawh chuan ka hria a, kan Lal te remruat dan anga kan che dawn anih pawh in, karah nitam atla tawh hauhlo mai, tun thlaarkaiden hi arala thla amang leh chuan chuta thla rawndetir zan thumna chu kan chet chhuah hun tur ani tawh dawna, funpuier nan hun tam kan nei tawh lo. Khual thuthang atanga kan hriat ruk dan chuan Tlanglian lam pawh an in puahchah nasa hle aniang, funpui an er tluk tluk mai niawm in ansawi tlat mai, tiin athu hriat angang te chu ahrilh ve ta a. Zanriah ei te ahun dawn tak ah chuan pu Dokhuma inleng te pahnih pawh chuan tinzai an rel ve ta a, mahni inlam pan tuma an kal dawn ruai ah Roliana chuan pu Do, Tlanglian pasaltha te chuan kan pasalthate bihrukna lanchin theih ngeina tur ah maw tanhmun an lo siam, tiin an zawt leh hram a, pu Dokhuma chuan, Roliana mitmeng leh chezia ah danglamna engmah hmuhtur nei lo mahse, 'aw ni e,' tia chhang zui ve leh in, zanriah ei tur chuan an in kalsan ta hlawma.

#Thlaral lam pawh atiahve chauh ani tawha, Lenghawn ar a khuan thliai thliai lai chuan Sihpui khaw chhaklam tlang tohlurh phen atang chuan arawn dak chhuak ve duk duka, zanlama rannung chawzawng chi te chuan chu zan thlaeng rawn chhuak mek chu lo lawm in , mahni kuang theuha fakna hlapui rem in an ri chiah chiah hlawma, ke zungpui tia lek tur Bak chawzawng lah chuan, Leikapui chungsanga thu Roliana chu rawn chhaih fiam ve niawm hrim hian arawn vir leh that that thin. Roliana lah chu suangtuahna khawvel ah apilbo mek ani tih hai rual loh hian, chechang lo leka athutngai a thu in ahmalam chu athlir vauh vauh renga, thlaeng hnuaia amitmeng rawn zim leh san san thin te chuan, ho lam taka ngaihtuahna leh rilru seng mek anih loh zia ati chiang kher mai. A ngaihtuahna ram ata koh lettu aw chuan, ku Rolian nangmahin animaw i lo thut renga, ku Zakunga kha a la thuve reng tur ah ka lo ngai ngawta, hei lenghawn ar te pawh an khuan tawh hi Zawlbuk i pan na khua atlai lutuk ange, tia abiak pah chuan i la dam fel zan si loa inlam ah te hian riak hrih mai mai la thatur ania, i inti dam hma lutuk hi i intihsual phah ang tih ka hlau ngawt mai, i hliam hnuhma lah a la hil chiang lo bawk si, tiin a phun zui niah niaha. Roliana chuan, Lianpui min ngaihtuah lutuk anih kha, ka la indim deuh vangin hnarum pawh ka la thawk duhlo mai mai zawka, tunah chuan heng hliam te hi chu hnathawh ti phurawm tawk vel chauh ani tawh alawm, i inleng te an tin zo tawh em ni, tiin a zawt nghala. Lianpuii chuan, aw...tun ah khan zawlbuk lam panin an liam fel deuh chiah, enge i lo ngaihtuah reng reng ni, ka inlengte hawn lai pawh hre lo khawp khawpa i lo awm theih zawka tia fiah kekkawka rawn melh pah chuan, tuemaw ngaia lungleng khawhar i ni ngat mai, i hmel ah alang reng ania, tiin afiam zui bawrh bawrha. Tu kangaih pawh ka va hre si lo ve Lianpui, mahse, nang inleng nei chhelo thei deuh leh i bul hnaia athut theihna anih dawn chuan vawkchawbel pawh ngheng hreh reng renglo inleng nei thei chin ngat kha i ni ve bawk sia, i thusawi chu adiklo tih hrereng chungin ka pawmsak mai ang che, Roliana chuan a lo ti ve thunga. I vahan sualthiam tak, ka sawm vanga rawnleng pawh ani bik hleinem, bakah fiamthu thawhte apeiha minti hlim ve hrim hrim pawh hi ahlu alawm. Hei zan arei mai dawn ka mut hma loh chuan thawh te ka hai palh ange, nangpawh khua atlai lutuk hma hian han kal tawh rawh, tiin Lianpuii chuan inchhung lam apansan ta a.

#Lianpuiin aluh san hnu pawh chuan Roliana chu tuibur hmuanda zet tur a la thu muang leh riha, a tuk maia Sihpui pasalthate leh tlangval sawm zet te athian te pahnih pu Dokhuma leh Zakunga te tela an ram chhuak tur chu angaihtuah zui nauh nauha, anhun tawn mek nen chuan tunang huna ram chhuah lo rel chu hun lo ti viau mahse, amah Roliana ber Sihpuikhuaa a awm miau chuan, chutimaia Tlanglian khua ten an rawn run mai chu an ring lo in, an mahni an che hmasa te anih loh chuan apawngataka an rawn chet hmask ngawt ngam Sihpui khaw Lal te leh pasaltha te chuan an ring miau si loa. Chumai bak ah Lal leh upate ngaih dan chuan, misawm tha zenzawn chauh chhuak tur an ni bawka, Sihpui khaw venghim tham chu an la awm tho an ring in, zantam riak bo tur lah an ni hek lo. An ramchhunga Tumpangchal rawn tla lut chuan khawdang ram apansan chu an hlauh ber ani hrih a, ramri akan hma ngeia kah an duh tlat ani, Tumpangchal hlauhawm zia leh tawh khirh zia te atak in la tawng lo mahse, mite sawiatanga a lo hriat ve fo tawh avang in Zakunga hawng tur pawh chu fimkhur tur in Roliana chuan a chah ve mawlh mawlha, zing khawvar hmaa chhuah tum leh kawnglaka eitur chawfun pai te an ngaihbawk avang chuan, Ramchhuah na a kal tur ho chuan Zawlbuk lam pan lo in mahni in lama riak tur in an in lam theuh an pan hlawm ani. Dam tha ve deuh te chu ni ila ka kal ve tur anih vei nen, mahse, hunremchang kan la tawng ve leh em ang chu tiin, a hmaa athil ngaihtuah ngai bawk ngaihtuah chuan Roliana chu an ngawi leh vang vanga, umm..engpawh nise, ka thiana te pahnih ramchhuak tur hi an rawn hawn hun nghah phawt an ngai anih hi, ka ngaihdan hi adik kher lo pawh ani thei, mahse, a lo dik anih hlauh si chuan Tlanglian ho hian min nuai chimit ngei ang, engtin emawtal thil diklo titu an lo awm anih pawh in kan zawn chhuah vat a ngai ngei angai ang, vanneih vang ngawta kan pasalthate tawmrukna zuk hmu leh kan pasaltha te tan kah let ve rem hlek loh na hmuna tanhmun an lo siam lawk theih ngawt thu awm in ka hre lo...! Mahse, mahni khua phatsan tu lo awm pawh chu nita se, engtin nge kan zawn chhuah tak chuan ang le. Hmm..rilru abuai zo, han mu chawl ve phawt rilru fim in ka la ngaihtuah leh zawk teh ang tia phun mawlh mawlh chung in Zawlbuk lam chu apan ve ta nge ngea.

#Ninga lai aliam leh tawha, mahse, an pasaltha te ho ramchhuak chu anla rawn let hauh lo mai, pasaltha ramchuak te zawng engemaw laklawh thil ah pawh tum aia rei rei an thang fo alawm tiin han inhnem hlawm bawk mah se, an huntawn leh an boruak awmdan in azir miau loh avang chuan Sihpui khaw mipuite rilru chu achiai ru angreng hle maia, an rilru chu chiai ru viau mahse tihtheih erawh an nei tlem hle thung, Tlanglian khaw ho run hun atana an hun ruat rawn thlen hma a an rawn hawn hman hram chu an la beisei fan ani. Roliana pawh in adan ngai te bawkin, tukthuan a eikham hnu chuan an khaw pumdeng pu Neihțiala te in lam chu apan leh ta a. A hliam te pawh chu damthawkhat tawh chuan ahria in, han tur tu deuh na a awm awm pawh ahre tawh hek lo, mahse, hnarum te thawka a in tih nat belh leh hlauh chuan Tlanglian khaw run hun ah atel thei lo palh ang tih ahlauh vangin la awmdam deuh rih aduha, chutih lai in pu Neihțiala lah chuan, Rolian i hnena ka lo intiam tawh angkhan Laiphir tuk sak che chu ahun tawh ni in kahria, mahse, a dawta hman tur ka hmu remchang thei mai ta si loa, i silai dawt leh leh ka silai dawt hi hmang kawp in laiphir ah chantir mai ang hmiang, tiin Roliana tan pawh hnial theih loh khawpa asilai dawt hman tir atum tak tlat si ah chuan Roliana tan pawh pawm mai angai ta a. Tichuan silai adawt phir ngei mai siam tur chuan thirdeng pa chu abuai ta char char maia, Roliana tan lah awmmai mai ai ah atheih anganga lo puihbawm paha lo awm ve chu hun khawhral na thate mai alo ni bawk nen, tukthuan eikham ve leh thirdengpa in lam pan chuan akal leh ta ani.

#Rolianan thirdengpa in athlen chuan pa awmawl deuh ho leh tar la chakvak deuh te chuan angaite bawkin thirdengpa pum chu an lo thut hual in an lo titi leh laih laih tawha, mahse, an khaw pasaltha te rawn hawng mai lo chuan an rilru akam ve deuh nge, tlemin an titi khawchang pawh adang deuh in nuih pawh an nui tlem deuh ni hian ahriata. Roliana rawn kal an hmuh tak ah chuan an zinga pa upa lam, a sam pawh atuak leh tuak lo inzat thuak tawh, avanglai chuan achak ve thawkhat ang tih hriat zet mai chuan a chempui fawng suih lai chu lek kang in, hei le Rolian, i chem pui tur pawh afawng ka suih zo ta der mai, ka duh thusam ang thlap ani ta e, kan thirdengpa thir hman pawh duhthusama tha ani, hetiang anga thir tha te khawilam ami nge maw alo neih bik reng reng ni. Keini hun lai te kha chuan hetiang anga chem thirtha hi kan hmang phak ngai reng reng hlei nem, a hlai pawh ahlaitha hlephlawp khawp mai tlangval naran tan chuan lekchhuah huphurh awm tham zet chu anih hi, tih pah chuan khawkhat thirdeng meuh in duhsak tlaka an ngaih chin hi chu minamai lo tak te an ni thin, kan Lal thirdeng duhsakna che hi vanneih pui mawlh ang che, atih zawm nghala. Midang lo awm ve te pawh chuan chu putar thusawi chu an pawmpui ani tih hriat tak in an lo bu nghauh nghauh hlawma.

#Chempui hrawl zet mai leh hriam tha zet mai akuta an hum chu Roliana pawh ahlim kher mai, a rilru chuan he chempui hmang ngei hian kan chhungkaw chunga thihna thlen tu te lu chu ka la anga, Sihpui khaw do zawnga an ke chheh siam reng reng pawh tumah ka zuah lo ang, tiin rilru chuan asawi mawlh mawlha. Chutah, thirdeng pu Neihțiala chuan asilai kawm tuk mek hum ran chunga Roliana chu rawn bia in, Rolian i chem kan chher thar chu enge a an awm hman te anawm hmel emaw chu.. Hei i laiphir tur pawh akawm hi ka tuk zawh chuan kan peih fel ani tawh mai vawin bak nghah angai tawh lo ang tiin an hrilh a, chutih pah chuan silaikawm tur atuk mek chu Roliana pe in a duhthusam ang anih leh nihloh te chu an en tira, Roliana chuan silai kawm hlang chu adar ah te chuan chhuang kang in an tin chhin vela, Roliana hmel leh mitmenga lawmna leh hlimna rawn langchhuak chu hmuhhmaih phal chi rual ani lo. Roliana chuan pu Neihțiala hnena lawmthu sawi mawlh mawlh pah chuan, heia tha leh hman nuam tur hi chuan siambelh leh ngaihna a awm tawh chuang dawn em ni le, ka pu, ka tana i thil tih hi athlawn hauh lo ang tih ka tiam ache. Tin, heng i thil min tihsak te hmang hian Sihpui khua pawh venhim in a awm ngei ang, ati ve ta a. Roliana chuan chutiang khawpa duhsak tu leh atana aro thil hlu pawh hlan duh tu chu, engemaw tala rulh let ve ngei chu atum tlata, a rilrua ngaihtuah zawm in tumah in a awmna an zawn hmuh zawhloh, Tlanglian khaw ram puk chhunga Thi leh Dar thahnem tak mai kha tunah chuan changve tu tur ahual ta ani.

#Chutia induhsak na avanga lawmthu in hrilh mawlh mawlh ri leh hlim hmel te an hmuh tak ah chuan, chulai thirdengpa pum bula thu ho pawh chuan, nidanga an tih thin ang bawkin thil mak zet zet leh hlauhawm tak tak an hriat te chu an sawi tan leh ta a, thenkhat lah in an thil hriat nuihzat thlak leh mak sak tak tak an rawn phuh chhuak ve bawk, chungei chu ani Roliana pawh in ngaihthlak leh a chak a, arilru te te a alo nghah hlelh em em chu ni.

#An zinga titi khawchang sawitur hre ber mai leh thuho te te pawh ngaihnawm em ema sawithiam, ahmel en mai pawha mihring damhunchhung kum pawh hmang ve fe tawh tih hriat tak chuan, Roliana beisei ang ngei in a aw te a then kharh kharh hnu chuan, khaw pakhata an awm laia an khawhar in riah naa mitthi thla in atih buai thu chu arawn sawi tan ta a. "An tlangval upaber ani nghe nghea, a pian te lah atha in, țangngam se Saibung pawh apu nawlh thei hial ang tihtur hi ania. Vawikhat pasaltha ho hnung zuia ramchhuah na a akal ve chuan, an riah buk kawta mei pui an thuthual thap lai in, an piah ral atanga kuk ri lo chhuak chu a lo chhawn zauh mai peka. Pasaltha te chuan an khap thuaia, mahse, vawikhat a lo chhawn zauh chu atan apawi ta ani, zan athim in meieng chimchin bak hmu thei hek lo le, an buk rawn kal hual tu lah an hmu mai thei si lo, mihring pangngai aw nge aniha ramsa aw tih pawh thlir hleih theih loh phun ser ser ri chu arawn rik na lam hriat theih si loh in, zawi fiah zet maia aphun ri chu an hre theuh maia, pasaltha te tan chuan engtham ala ni hauh lo, mahse, tuitaka zan an mut chu abeisei awm vak loh ani. Chutah le vawilehkhat ah thlithaw awm miah si lo hian an meituah chu thli chhem hlum ang mai hian athi ta hmiah maia. Chutihrual chiah chuan, nutling thitur natuar rak ri chu an buk bul kawr te hnar lam atang chuan arawn ri zui ve nghal zata, chu natuar rak thawm in taksa afan dan chu aril raih raih khawp mai, chhungril hi a fan raih raih maia, hmulthi te hi an diang siau siau thei e, an tia lawm.

#Chu nutling natuar thawm chu rei vak lo ah reh in, an buk chung thing zar awn duai lam atang chuan thawm rapthlak zet mai an hre zui leh nghal zata, arawn rik tirh chuan patling aw thum teng pui mai, thinrim hmel zeta phun thawm hia ani awm e, mahse, a rei taelh taelha a aw ri chu danglam ve tial tial in, atawp ah meuh chuan nausen aw ngei mai in za em em in anuih khum ta nghek nghek maia, pasaltha huaisen tak tak te pawh chu an țim sung sung mai ani. Chutiang hmuna nausen aw ngei in za em ema min nuih khum ai chuan, enganga awthum leh rapthlak pawh nise ngaihthlak anuam zawk e, tiin an sawi hial mai. Chumi zan chuan chhinkhat te pawh chhinna hun nei lo lek in chung ramhuai ho chuan an tibuai ta a, khawfing chah dawn ruai ah an tinsan ve ta chauh ani awm e. Chutatang chuan chu tlangval chu a pangngai thei ta tlat lo maia, an haw dawn aruai ah an Raw sah bun ler lam rawhunga tang hnuaia aawm lai in, chu Raw sahbun tang chu arawn dawk thla thut maia, ril tlapur khawp in apum arawn sawh thler ta maia, hmanhmawh taka khawlam pan pui nghal in, khawlam pana an rawn zawn lai te chuan, a zawn tu te chu ain siamchhiat khum nasa maia, a mah chuan natuar hmel pawh apu lo reng reng, a zawn tu te insiamchhiat khum ngawt chu arilru ah a awm aniang chu , sei tak taka alei te chu chhuah khum in, a chang leh a ha zawng zawng lang vek khawp te chuan a then khum thul, a mit meng te chu engmah hmuthei hmel pawh pu si lo hian ameng bial kul maia, chung zinga a zawn tu ten an rap tak ber chu, a mah va melh ru deuh tu apiang lo hresa ni awm hrima alo melh ve hman ziah leh mengbial thenthu chunga alo nuih vur vur thin chu ani awm e. Khawdai an rawn thlen rual chiah in an zawnna hlang atang chuan ain perh thla thuta, chhip lei vit zawnga vawinga vel asawt kual hnua tlu in, a chatthla zui nghal ni in ansawi.

#Chu tlangval thi te ina khawhar kan riah pui tum chu alawm, tunthlenga ka ngaihtuah chhuah apianga ka tiril la fan er er thei thil ka hmuh tak chu ni, thiante hnar bawrh bawrh thawm ngaithla in ka mu meng kar maia, ka meng tih lem ah, ka mit chu ka chhinga mahse ka rilru lam ameng ve thung ani ber ang chu, zan tir atang reng in nidanga ka la hriat ngai reng reng loh engemaw hlauh na hian ka tiril hi a fan raih raih reng maia, theihtawp chhuaha muthilh kan tum fe pawh chuan, muthilh chu sawi loh ka harh tawlh tawlh nimai hian ka in hria a, zan lai ar an khuang thliai thliai ta tih ah chuan le, zawite tea pen thawm sumhmuna rawn ri chu ka hre ta, a ri chu ka ngaithla ve zela, reilo te chhung chuan ka mutna chung zawn a ri deuh hruap hruap thawm chu ka hre ta alawm, kawngkhara arawn luh lai awm reng ka hre lo, engtak chu ni ang maw ti in, hlau rilru deuh tak chung chuan ka chung zawn chu ka han melh ta ale...! zanthim hnuai chu ani ngei mai, mahse, ka chung zawn khanchhuka a thu uai zuar lai chu ka han hmu thei tlat lawi si ani," a ti ta a. Chutia athusawi lo ngaithla ho te chuan ngaihnawm an ti ngang aniang chu, a sawi zawm zel dawn emaw tiin an ngawi thap maia, putara lah chuan sawisawm tange pawh chu ati chuang lem hlei loa, chutah an zinga pakhat chuan, chu putar an khanchhuka athil han hmuh chu ahre chak ngang aniang chu, anih ka pu i thil han hmuh chu enge ni reng reng le, khawngaih in han sawi zo law law mai teh, ati ta ngawta. Pu tara lah chuan, aw haw aw.. ka lo la sawi kim lo ani maw, ti a nui thentha chung hian, a...engdang ani lo, kha tlangval chhuna kan phum fel taka ngei mai khan, ka chung zawn chiah mai khanchhuka thu uai zur chung hian, ama ril leh pumpui a lo pawt chhuak duah duah maia, a pum pui thep per thluam mai chu amal chungah nghat in, a ril chu apawt bung hmawka ahnmuia chuk tuah zui nghal in a pumpui thep zet mai chu a ham puar ta alawm. Chutia ka han en chho lai chu chiang em em mai hian mi rawn melh thla ve ta ale, chutia lo hmu tu leh lo thlir reng tu ahmu chu angaihdan ani lo nasa ta mai, thinrim em ema mi melh chung hian a khabe akuai bal lawka mi vawm nan hman an tum ta maia, tiin a thusawi chu ati tawp leh ta a. Roliana pawh chuan chu putar thusawi chu ngaihnawm ati thlungang aniang, chu putar hnen ah chuan ka pu, chutia rawn vawm atum che chuan engtin nge i lo tih ve, i au ta vak mai nge, engtin nge i awm zui tak zel alo ti ve thuaia, puatara lah chuan, engtin mah ka ti lo, au pawh ka au lo ka mu mai mai, tiin alo chhang ve mai bawka, pa pakhat chuan a awihlo ngang aniang, au pawh ka au lo i tih leh ka mu mai mai i tih kher kher kha chu ka awih zawng ani velo tawp mai, alo ti deuh hluka. Putara lah chuan, engvang in nge i awih loh ve ngawt ni, au chhuak tur reng reng ka awm tawh hlei nem, ka thidang zui nghal daih alawm, zingah thian ten harsa ti zetin min sawi harh thei hram anih kha, atih awlsam tak et ah chuan, an zavai in anui zo ta a.

#Tlai Ni tla tur chaw kawl ah aeng sen ruai tawha, vanchungsang lama vamur te hlimtaka an la in um kawi zawr zawr lai chuan, Sava then khat te chuan ngawpui lam pana an riah buk pan tumin Sihpui dai vel te chu an thlawh chhuah san ve mek bawka. A tuamah chuan leikapui tlangsanga ding chung leh beisei nei tih hriat taka kawtchhuah lam thlir vauh vauh reng tu Roliana rilru mangan na chu an hriat pui reng reng lo. Roliana chuan, ka duhai chuan in thang rei ta mange aw, hun kan neih tlem tawh zia te hi in theihnghilh ta em ni dawn le, tiin a phun sep sep a. Sihpui pasaltha te leh tlangval rual te chuan an thiante ramchhuak, an rinaia thang rei ta te chu an ngaihtuah rilru ve tho mai, chutih rual in Roliana ang em a mangang chu an awm kher awm lo e, thingluang zawha in malbeihna ah Tlanglian khaw pasaltha tam zet Rolianan alo suat then tawh avang in, an thian ram chhuak mek te tel lo pawh in tlanglian pasalthate leh tlangval rualte luh chhuah chu huphurh na reng reng an nei tawh lo ani. Mahse, Roliana rilru ah erawh chutianga thil awlsam ani ve tlat lo mai, engemaw rinhlelh aneih chu nitin a zual deuh deuha, zanlai pel rawk thlenga ngaihtuah ngut ngut chang pawh anei ta fo mai. Mahse, athiante pahnih tel lo chuan hma lo lak ngawt dan lah chu abangbo phian bawk si. A thian ten, Tlanglian khawho run tura an kal hmaa Sihpui khua an rawn thleng hman lo anih a, a ngaihdan leh rindan te hi alo dik hlauh bawk chuan, Tlanglian khaw laka Sihpui khaw tlangval te chan tur chu anep lo viau ang tih chu a hai hauh lo.

#Roliana rinhlelh na chu a dik ngei e, tia rintheih tur ting chuan Tlanglian khaw pasaltha te chuan Sihpui tlangval te tumah chhuah lo a hup bet vek tur in ruahman na anlo siam ve mek bawka, Sihpui khaw Lal leh pasaltha te ruahman na chuan Tlanglian khaw pasaltha te beng athleng ngei ni in alang. A enga pawh chu nise, ni reilo te aliam leh meuh chuan rapthlak taka thisen inchhuah na athleng ngei dawn tih chu a chiang em em tawha, chu chu atawp na tur nilo in abultanna tur chauh ani bawk ang. Khawi lam lam pawh chak in chak lo zawk ah pawh tang se, an sangawizawn pui khua te leh an chileh kuang tlanghrang hrang Lala awm te chuan an en liam mai mai dawn tlat lo. Thanghmun Ni em ro hal ang chauh chu an hma hun tur chu ani ang, halalh a awlsam ai in thelh mih leh chu harsa tak anitawh thin. Chung chu tuna Tlanglian leh Sihpui khua te hmabak mek chu ani. Rolianan thil dik lo awm ningeia ahriat leh rinhlelh hi midang in an awih pui lo emaw, tu nge Sihpui khua phatsana Tlanglian khaw pasaltha te hnena thuruk hrilh ru tu tih chu an hre chhuak hman lo te anih hlauh phei chuan, thisen luang hnem tur zawk khua chu chiang sa tak ani.

#Lianpuiin chaw ei tura a rawn koh tak ah chuan in chhung lam pan tum chuan a in her ta a, a tawp nan ti niawm taka kawtchhuah lam va melh leh hram in, beidawng zet chung hian, hmm...zanintlai pawh beisei tur kan nei leh ta lo e, ati chuai raih a. Mahse, chuthu chu asawi zo hman lo teuh kher mai, ahmui phun ri tawp na ber chu kawtchhuah a hlado chham vangvang ri leh silai puak ri dur chuan a rawn zawm nghal zat a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)