PASÂLTHA SÂNGTUALA (Mampuia Pa)
BUNG -150
Khawnbawl upa pahnih te chu val upa Chhawnthiaua te inah chuan chuangkaiin Pi Chhunruaii chuan ‘e khai lo leng lut teh u khai, ka rilru a in awm lai tak a in lo lang hlauh chu a lawmawm e’ tiin a lo chhawn thuai a. Zufâng chu mauchang no chuan a thlit nghal zat a, Pu Tawnliana chuan ‘kan val upa nu nge nge a tuan a tha thin e’ tih pah chuan Zufâng chu a han tem hlek a. Pi Chhunruaii chuan ‘eng thil nge nita, nangni meuh zing thang thang a in lo chuan kai tak mai, pawipang te a awm em lo maw ? tiin an thu ken hrechâk tih hriat tak chuan a melh tawn zak zak a. Pasâltha Lianmana pa chuan aw thian kharh kharh in ‘eng thu dang teh vak nilo e, hei kan tlangvalte tanrualna zarah kan Lalte ngen ang zat man chu kan tlin ta reng a, hetia an man ngen ang zat kan tlin tak chuan rei rial lo a man hlan lam bawh zui mai tha in kan hria a, zawlthu thlun tawh hnu a chiah rei lutuk zawng a felhlel duh a, kan khaw dang Lal pahnihte pawh naktip lam chuan hawn mai an tum a ni awm e, chumi khalh tur chuan tukthuan eikham hian chhuak nghal mai ila kan ti deuh a ni’ tiin a han sawi charh charh a. Pi Chhunruaii chuan ‘aw hawi beisei loh lampui daih zu ni a, hei man tur lah kan la kim silo a. zukchâl ki kan la bak a ni lawm mi ? tiin a han zawt hâ a.
Pu Tawnliana chuan ‘chung zungchâl lu ro mai mai enghelh tur a awm hlei nem, Sial khalh tur tlangvalte pawh kan lo be lawk tawh mai a sin, lungkham tur engmah a awm lo e’ tiin vaibel khu chu a chhem chhuak ham ham a. Chutia khawnbawl upa leh a nu te muk tak a an ti ti lai chuan val upa Chhâwnthiaua pawh a lo lut hlawl a, khawnbawl upate a hmuh chuan a tim deuh zawk in ‘aw hawi kan upate lah ni rengin, eng thli nge nita in va hma ve’ tiin a han be luam a. pu Tawnliana chuan ‘val upa lo thu teh khai, in inneih tur chungchang kan lo sawi mek a, kan khual Lalte khalh a Lehlawn thlen tha kan ti deuh a, chaw ei kham hian Lehlawn lam kal kan ti deuh a’ tiin an thil ruahman chu a han sawi leh charh charh a, val upa chuan ‘ka pa Tawn, zukchâl lu pawh kan la kim silo a, a tih chi dawn em mi ? tiin a kun deuh ngal a. Pu Tawnliana chuan ‘hmanni a i nau zukchâl kâh lu kha kan hmang mai ang chu, kha zukchâl lu kha an pawm mai turah ka ngai deuh’ tiin a han sawi leh charh charh a. val upa tawngtum an zuauh lai chu khawnbawl upa Laichuha ( he hming hi pasâltha Lianmana pa hmingah ka hmang tawh mai ang) chuan lo tlakkhalh in ‘val upa, tlawm ah la lo la, kan Lal pahnihte tih thangtlawmna tur a tan rengah pawh an beisei ai hma a man tlak hi kan tum ber a ni, ni leh thla te chauh chung en tute hian, khumtu an nei tih an hriatna a tan’ tiin thinur insum tih hriat tak chuan a han ti ram hmak a. Val upa Chhâwnthiaua chuan hnial duh viau mahse ‘nangni pa te berin in tih chuan in thu thu le’ tiin a chhang ve ta hram a. khawnbawl upa Laichuha chuan ‘kan thu i zawm a i chungah kan lawm e, chutiang a harsatna a awm loh chuan keini pawh kan tîn a nge, muang chang loin kal mai ila a tha mai awm e’ tiin a veibel chu a han fawp khu talh talh a.
Val upa Chhâwnthiaua chuan ‘ a nih kan Thulhpui râl man ho saw engtia chinfel tur nge niang ?’ tiin a han zawt a, khawnbawl upa pahnihte chu an in melh dun ran a, Pu Tawnliana chuan ‘tiang ho del dawl saw ka ning riau hlawm mai ka ti, thawk a phit a ka run dawn e, bal e ek e hi an ti leh ngawt thin a, in tih tih in ti teh u, sim hmak sela ka duh a ni, an hlauh tham in che tawh rawh u’ tiin vaibek ek chhia chu a khawng thla thawt thawt a. Khawnbawl Laichuha pawh chuan ‘kan upa sawi kha ka ngaihdan a ni, engkhaw lawilo ah muanglei a kan awm lai min run tum leh ngawt thin mai ka kham zo zai ta e’ tiin a meng thip ve ram a. Pu Tawnliana chuan ‘hnamkhat unau sâl chhawr a in chhawr lah hmuingil loh palh a hlauhawm ve bawk nen, a awm tawk chu in hre turah ngai ila, in rorel chu ka pawm e’ tiin a han ngawi deuh a. aw thian kharh kharhin ‘Laianmana pa kan tin phawt mai dawn mi ?’ tiin tukthuan ei tur chuan an in zui chhuak ta a.
Lehlawn lam kal turte chu Lal mualah chuan an kim thap tawh a, khawnbawl upa pahnihte an lo chhuah chuan lungdawh lamah an in zui ta duah duah a, Lalnu Thanthûami man tur chu a tam an ti kher mai. Pasâltha Sângtuala te thianzaho chuan serual chu khalh in, Ngiazoa te thianho chuan lungdawh lamah chuan an zui hal hal a. Ngiazoa chuan ‘A u Sângte, u Rinzualin zan inah lo leng ngei ngei rawhse a tia, i zin leh daih dawn bawk sia, ka lo hrilh tha leh mai dawn nia’ tiin a han sawi a. naupang â leh chumbuang Buala chuan ‘thianpa, hawh u Rinzuali chu va hrilh vat ang’ tiin hmanhmawh tak chuan an thiante nen chuan an tlan nghal dawr dawr a. Thûamkunga chuan ‘chhe heu raw, pathlawi i han ni meuh chu tlukloh rim i nam thin e’ tiin a han fiam zui zat a, Chungliana chuan ‘chawhnu herah chuan a pum a nâ tawh ngei ang’ tiin a han fiam zui leh a. Pasâltha Sângtuala chuan sen tan chungin ‘nangni pahnih zet chu in kâ a kal thin teh zawng a nih hi, nula pakhat ve zawng ka la sawi hmin sak ngei ang che u maw’ tiin a han fiam let ve a, fiamthu eng emaw sawi chuan an in fiam kawng tluan a, chhun chaw fakan hmun rem deuh an thlen chuan an sialte chu tui in tir in an ni chuan chaw chu an fak nghal a, vaibel zu pah chuan zawimuang chuan an kal leh ta zel a.
Ramri pawh hnaih tawh in riahna hmun rem an thlen chuan zanriah tur eirel chuan an phe nghal sang sang a, khawnbawl leh pasâlthate chuan an tlangvalte khawsa zia thlir pah chuan an ti ti hlut a. Zanrian an eikham chuan kawihruiin sial chu an thlung tha a, meipui engah chuan eng emaw sawiin tlangvalte chu an ri hlut a, khawnbawlte an mut hnu chuan zawi te te chuan an la infiam zui bawrh bawrh a, lenghawn ar khuan velah chuan mutna chu pharhin an tlu zal ve ta a. Khuan hmasa awmah chuan an se thlun chuan thawm neiin an hnar chu an phit dut dut a, sapui a hnai tih hriat takin an hnar len vut vut mai bawk a. Pasâltha Sângtuala chu tho vatin silai nen chuan a chhuak nghal a, meipui thim thuap tawh a chhawm that lai chuan sial pakhat chu a awn ta rawng rawng in, sedang chuan an thlunna kawihrui mar paw pawp chuan an tlan vir chung a. Pasâltha Sângtuala chu thim thamah chuan tlanin, sethlun pakhat lo bawh run tu keipui chu a kap dur a, keipui chuan pasâltha Sângtuala chu zuan nghal zawk a. Rang takin thu hniam mahse an kar a hnaih em vang in, keipui chuan a zuan fuh hman ta tho a. Pasâltha Sângtuala chu a awm thip zawk rual chuan a let thawk a, keipui dulnemah chuan a ke tawm in a theih tawp chuan a han leng nghek a, huk thawtin keipui chu a leng lawp a.
Keipui chuan a saseh lai ti buaitu zuan nawn tum a a awp hnim rual chiah chuan silai a rawn puak rual thawt a, keipui chu huk thawtin thlang lamah chuan a let tawp a, a bawp chu a leng at at in a zal ta raih a. meipui alh engah chuan Mualkunga chuan ‘k’u Sângte i tha em ? tiin an piah a mu zawi der pasâltha Sângtuala chu a pan hnai thuai a, a bul a thlen thleng a che chang lo a mu ngil zar reng chu a han sawi nawk nawk a, Mualkunga chuan tah aw tuai chuan ‘ka pa Tawna, ku Sângtea awm dan a dik lo a nia, lo kal vat ru’ tiin a a au chul a. Pu Tawnliana chu a fapa lam a tlan vatin ‘ka fapa engtin nge i awm ? min chhang rawh, i pa hi beidawngin min siam dawn em mi ? tiin lungchhe tak chuan a in sut hlawp hlawp a, a fapa chu thi ah ngaiin thinrim tak chuan pu Tawnliana chu thoin buk chhungah chuan a lut vut a, chempui nen a lo chhuak leh hmel chu a hlauhawm kher mai. Pu Laichuha chuan ‘Laiawrha pa, insum rawh, khawnge i kal dawn ?’ tiin a um nghal dawr dawr a. Pu Tawnliana chuan keipui ruang chu pan in ‘nang hian maw ka fapa nunna chhat’ tih pah chuan dimna tel hlek lo chuan a sat zawt zawt a, sakei thi chuan pu Tawnliana chu a bualsen nguai a, Pu Laichuha chuan ‘Laiawrha pa a tawk tawh e, insum rawh khai’ tiin harsa ti fe chuan a hnuksawn thei ta hram a. Thûamkunga chuan ‘thianpa harh rawh, keipui pakhat vangin i thiante hi min kalsan mai dawn em mi ?’ tiin a tap zawih zawih a, tap chung chuan a thianpa mu zawi reng chu a sawi nawk nawk reng a, Mualkunga chuan ‘K’u Thûamkung, insum teh khawi maw han enching teh ang’ tiin Chungliana nen chuan an nam sawn thei hram a, an han en chian chuan hliam thihpui tur em niin an hre thei lo a. Mualkunga chuan ‘k’u Sângte, harh teh tiin a awm chu a chul nawk nawk a, pasâltha Phulliana chuan tuithawl la in pasaltha Sângtuala lu chu a leih huh sak bawk a, tuibur hmuanda zet an buaipui hnu chuan Mualkunga chu ‘a thi lo a lo dam, a la dam’ tiin a au ta chul a, chu au thawm an hriat chuan Mualkunga te lamah chuan an tlan huk a. Pu Tawnliana chuan ‘ka fapa i la dam maw ? kan va han lawm tak em’ tiin a fapa bulah chuan a thingthi hnawk a.
Pasâltha Sângtuala chu zawite hian a tawng sap sap a, an han ngaihthlak chian chuan ‘Ngurpui, ka va ngai tak che em’ tiin a phun sap sap a, pu Laichuha chuan ‘tlangval te u lo tawlh kiang deuh teh u, kan pasâltha hian hmun thawl a mamawh a ni’ a tih chuan tlangvalte chu tawlhsawn dual in, meipui engah chuan an thlir thap a. Pasâltha Sângtuala chu lo harh chiang in a thiante a mah lo thlir thap a hmuh chuan zawimuangin a tho talh talh a, a thiante melh pah chuan ‘khawnge keipui kha a awm tak’ tiin a han zawt he haw a. Pasâltha Phulliana chuan thil thlendan chu sawiin, a tukhum sawhna chul vat vat chung chuan ‘a va zialo ve mawle, mangang in ka siam che u a’ tiin keipuiin a zuan vang a tukhum tauh in thidang zui a nih dante chu a sawi sap sap a, a pa thisen bual nuaih chung a ding zan a hmuh chuan ‘ka pa, eng a ti nge kha i va thi nasa ve’ tiin a pa lam chu a pan thuai a. Pu Laichuha chuan thi ni a an ngaih dan leh keipui Pu Tawnlianan a sah zui dan a han sawi zawh chuan, pafa in hmangaih takte chu hlim tak chuan an innuih sak a, a fapa lo harhchhuak leh lawm si, a chet dan a insum theilo zak deuh chung chuan ‘khawnge ka han in silfai teh ang, thisen hi a thang reuh em mai’ tiin meichher nen chuan a in pu nghal uaih a, Mualkunga chuan a hnungah zuiin kawr lamah chuan an in zui dat dat a.
Pu Laichuha chuan ‘tlangvalte u kan sapui ruang chu zu senghawi teh u, a rim reng a na reuh e a’ a tih chuan keipui ruang tlangvalte an zawn sawn hnu chuan an sial thlun chu tha tak in an ding ve ta hle hle a, keipuiin sial a seh an han enchian chuan a hrawk a tang chuan thisen duk tak tak chu a lo chhuak nguah ngauh a, sepui chu na tuar tih hriat tak chuan a ding sai hluk hluk a, sepui hliam tuar chu an khawngaih em a vang chuan kahhlum mai chu an rel a, sedang an kaihhran hnu chuan sepui hliamtuar chu hreh tak chung chuan an kap hlum ta a, khawfing chu chatin mut leh nan a laklawh tawh a vang chuan sepui sachu chan in a thi zualpui rep reh pui tum chuan meipui chu an chhep sauh sauh a.
. . . . . . . . . . . .
Thutmuan ar khuan thluah thluah lai chuan Satlâk khawnbawl upa leh tlangvalte chuan Lal in chu pan in, Lal mual ah chuan an sekaih chu an din pui ta a. Lehlawn Lalnu Muanzoin khawnbawl upate a hmuh chuan lawm a khi sangin, zupui thlum tha tak chu seki no khat pum chuan a lo thlit nghal var a. Khual Lal pahnih ten Satlâk khawnbawl upa pahnih an hmuh chuan ‘e khai, burchhe chiah ang mai lah ni che u, kan man sawi kha in tlin theilo in a dang min lo ngen dawn a mi ?’ tiin an lo nuih sung a. Pu Tawnliana chuan ‘Kan Lal ropuite duh ang chu kan tlin tawh e, khawlkham chu min siam tawh em lo ang chu maw ? tiin a thenkhum sak a. Thurpui Lal Tualliana leh Phaiphuk Lal Thangzuala te chuan nuih zat hmel tak a melh in ‘khawinge in saingho dungchen chu’ tiin an nui rah rah a. Pu Tawnliana chuan aw thian kharh in ‘lo lut rawh ule’ tiin zupui chu a han dawt zui khalh a, pasâltha Phulliana chuan saingho chu lo hawl lut in ‘hei ule han teh chiang teh ule’ tiin Lehlawn Lal Zamloa banglai ah chuan saingho var vo leh seitha tak chu a tung zuar a. Saingho an lakna a reilo tih hriat tak chuan a la tharlam sur mai bawk nen, chung Lal pathumte chuan mak ti tak a kâ hau in Satlâk khawnbawl upate chu an melh hau a. An ni lah chuan engtehual a ngailo tih hriat tak chuan an zupui tuitling chu an dawt khalh khalh a.
A puâl lian zawk Phaiphuk Lal Thangzuala chuan ‘khawnge kan inremna ang a ni chiah em i han bel chiang ila’ tiin a tho tuih tuih a, saingho bul a a din chuan saingho chu zungthum bawk laiin a la pawng zaw mah a. Salu dang te chu tlangvalte chuan an lo keng lut leh a, zukchal lu an hmuh chian chuan ‘e khai aw, hetiang tluk a zukchâl lu ropui hi a awm bik kher lo ang a’ tiin an tuai let an tuai let a. Satlâk khaw in lungrual dan an hriat chuan mak an tiin, hmeichhe Lalna khua ti a an lo hnuaichhiah te chu an ngaisang ru kher mai. Chutiang ang sa vang meuh pawh awlsam tak a an la thei a nih chuan . . . tiin an ngaithuah rauh rauh a. Chutia an ngawihthap lai chuan khawnbawl upa Laichuha chuan ‘Kan Lalte lûng a dum meuh maw, kan thil ken chuan’ tiin a lo sawi bauh a. Lehlawn Lal Zamloa chuan ‘ka naute u, kan palaite thil ken chuan inlung a dum meuh maw ?’ tiin a han zawt a. Khual Lal pahnihte chuan ‘he thilah kher chuan selna tur an vang khawp mai, khaw nge se lam pang i han en ila’ a han tih zawm a. Satlâk khawnbawl te chuan ‘nizan kan riahna lamah bengtawian kan sepui pakhat min talh sak ngawt mai a, chu erawh zawng kan lo kal leh tikah ni mai ang hmiang’ tiin a han sawi charh charh a. Lal Zamloa chuan ‘ni teh lul e a, kan sial tur chu a tha dawn emaw chu’ tiin an inzui chhuak ta dam dam a. sum hmun a pasâltha Sângtuala khu khawr hlo an hmuh chuan ‘kha kan pasâltha chu i va nawmsam hmel loh ve’ tiin Lal Zamloa chuan a be luam a. a that thu sawi mahse meichher eng a a awm sapui tin hnu thar lam tak a hmuh chuan ‘Tlangau pa, bawlbu han ko vat teh’ tiin a au nghal lung lung a. Tlangau pa chu hmanhmawh tak chuan pai deuh chhat chhat a.
Pasâltha Sângtuala chuan ‘Lalpa kohbuai a ngailo e, nakin ah kan pan zawk a nge’ tiin chhang mahse, Lal Zamloa chuan hmanhmawh tur chuan tlangau pa chu a au zui lung lung a, Lal mual a se ding an enchain chuan chung Lal pathumte lung a dum kher mai le. Thih hreh tak a tlawm hreh tafam, Phaiphuk Lal Thangzuala chuan ‘kan tiam angin sial a kim lo tlat mai hi ngaihthiam a har deuh riau mai ka ti’ tiin a phun nang nang a. An vanduaina tawh dan an sawi chuan ‘pasâltha hmaah bengtawia a che hman ngai emaw ni le, in thu uar luatah in mualpho der zu ni a’ tiin a han phun zui nang nang a. Chuthu chuan khawnbawl upa Laichuha thin a khei ta zak a, thinrim mengrum al chuan ‘kan pasâltha hian a hma a mi hlen zawh loh a la nei bik hauh lo a sin, vanhnuai ah a ni chhing zo tur an awm ka hre bik hauh lo, i pasâltha te hian sapui mei an chaih ve tawh reng em ? tiin a melh tur ta khaih a, pu Tawnliana chuan ‘khaih khaih insum teh unaupa, keini fate zawng sapui hma emah chuan eng ruai an ni nem maw’ a han ti dam thlap a. Phaiphuk Lal Thangzualan a chhan leh hma chuan, Lal Zamloa chuan ‘duh tawk tawh ru, vanduai tum chuan hote a langah hian chhiatna a thleng fo a nia, tun su su ah inhruai nghal tur pawh kan nih loh hi’ a lo tih takah chuan, Phaiphul Lal pawh chu a ngawi thei ta hram a.
Ka theih ve leh ka lo in lar leh vat ang
PASALTHA SANGTUALA BY Vana Fanai (Completed)
PASÂLTHA SÂNGTUALA (Mampuia Pa)
BUNG – 151
Bawlpu in pasâltha Sângtuala awm hliam a en chuan ‘khuanu hian a hualhim hle mai che a, tlemin han hai chung sela chuan, i khingkhang ruh hian ngai a awh tawh kher lo mai thei a ni’ ti a phun sap sap pah chuan, hliam silafaina tur tui lum Lalnu Muanzoi chu a han dil a. Lalnu chuan an hliam in buaipui lai a hmuh chuan ‘aw Ngurpuii chu la dam nisela chuan aw, an kiang ah sawn a thu leh ngeiawm si a’ tiin a ngaihtuah rauh rauh a. A nupui mitmeng dul deuh raih a hmuh chuan Lal Zamloa chu a inthiam lo thar khawp mai, a nupui ngaihtuahna awm hriatpui in ‘ka fanu engvang kher a khatiang ngaihtuahna kha lo nei nge maw ka nih chu le, i vanglai tal hmanhman in i damkhua sei sela tha tur aw’ tiin a ngaihtuah vung vuang a. An unaupa hmel a hlim lohna chu remchang a hman tum chuan, Phaiphuk Lal Thangzuala chuan ‘hei kan sawi tak mân tam zawk chu kan in thlak fel chu a ni deuh mai a, mangnghilh pakhat Phunthawh kan lo sawi thleng lo tlat mai a, in rilru in lo hria ula a tha a nge’ tiin a han sawi leh charh charh a.
Lal Zamloa chu ngawi ngulin a melh ngai chu a melh ding ngur a, khawnbawl upa Laichuha chuan ‘englam nge lo inring ila tha ang’ tiin a han zawt a. Se pakhat han khalh ngawt ai chuan pahnih lo kai mai ula, chu chu a tawk mai a nge’ tiin a sawi leh sap sap a. khawnbawl upa Laichuha chuan ‘a harsat loh chu, chungte lek chu, se pahnih kan lo kaih thlen leh hun chuan man tlakin mo chu kan hruai thei tawh dawn lawm mi ? tiin a hma a Lal pathum thu tlar te chu a melh deuh ha a, Lal pathum te chuan buk nghat nghat pah chuan ni mai tawh e a’ tiin an chhang tha ve mai a. Lawichhiat zan a tan enghun nge kan ruat ang' tiin a zawt chhun zawm a, Lehlawn Lal Zamloa chuan ‘nia, hei kan lo beisei loh deuh in in hmachhuak chu in hlenchhuak rang daih mai a, a lawmawm rualin kan farnu thuam chhawm tur ngaihtuah te pawh kan ngaihtuah a ngai ang chu mawle’ a han tih chuan khawnbawl upa Tawnliana chuan ‘e Lalpa thuamchhawm zawng min dal tir lo hram teh u, in suihzawm hnuah pawh duh nak chuan thuam chhawmte chu a ti thei tho ang chu mawle, keini lam chuan thuam lam hi kan enghelh ber a ni lo, remna leh hriatthiamna hi kan duh thusam ber a ni’ tiin a han sawi ve leh charh charh a.
Phaiphuk Lal Thangzuala chuan ‘chutiang maiin kan farnu kan thlah liam mai inring a maw ? kan zahawmna leh hming thatna hi tiang mai hian min namnul tur a nilo, zahawm mawi tawk awm chuan kan inthlah liam ngei ang le, a ni lawm mi unaute u’ tiin a thle bak bak a. Khawnbawl upa Pu Laichuha chuan ‘kan thu a va dang sawt awm ve mawle, man chu in tlin theih hunah Lehlawn Lal inah lo dah ula . . . tiin thu min thlah ngei a ni a, engtia rei nge in buatsaih nan hun in duh ang’ lungawi zat lo aw ka chuan a han ti ve nang nang a. Phaiphuk Lal Thangzuala chuan ‘a eng a ti zai zia nge maw lungawi lo aw ka te ka chhuah e te in han tih vei chu le, kan hriatthiam tawhna hi min nawk nan in han hman khanglan chu le’ tiin a meng tur ta hle mai a. Satlâk khawnbawl upate chuan chu thu an hriat chuan an thinrim ve ta zak a, palai an nih vang erawh chuan thinrim tih lan chu an insum hram hram a.
Pu Tawnliana chuan ‘min hrethiam ula, kan pute bulah kan ngen ngawl lua deuh te pawh a nia nge, engtia rei nge in buatsaih nan in mamawh ang’ tiin a zawt dam thluam a. Thurpui Lal Tualliana chuan ‘palai ah chuan in thin a te deuh mah mah em aw, palai bulah chuan thuchhe tin reng kan sawi a nih pawh in an tuah rem thin a ni ngai a, nangni a lo a lungawi lo aw kâ ka chhuah e te in han ti ve khang lan a, Nangni lo hi neih tur kan hmu lutuk a sin, zaidawh takin engkim kan kalpui tawh a hnu hman ah, lungawi lo aw kâ min han hmuh a, induh leh hawng daih ula ti nia. Hnamchawm val satliah mai mai um huam huam turah min ngai khanglang emaw chu le, kan zahngaihna hnuai a muanglei a awm ve mai mai hian, hmelsen min hmuh khanglang che u, in chung chang hi kan lo ngaihtuah a nge’ tiin a vin zui that that a. Chu aw ka chuan Satlâk khawnbawl upate insum theihna chu ti kehsawm in, an ding ve ta phat a. Khawnbawl upa pu Tawnliana chuan ‘aw le, induh ang tak chuan kan chhuak ang, tih em ah chuan kan vang hian Lehlawh khua hi la ding a ni ve bawk a sin, he Lal ram hi kan chhuahsan a nge, dosi karah kan leng a nih chuan insum karna kan nei bik lo ang, kan zahngaihna dil hian in la thingthi khawp ang’ tiin a melh rum ran a. Thinrim thaw hak in ‘Lianman pa, hawh i chhuak ang le’ tiin a han sawi a. Pawn a tlangvalte chu ko in salu la tur chuan an hrilh a, Satlâk tlangvalte chuan thuawih tak chuan khawnbawl thu ang chuan an salu kengin sumhmun pan chuan an kal ta a.
Lal Zamloa chuan ‘Satlâk khawnbawl upate u ding teh u, tawngkam in bahsual vang mai a ka farnu beiseina hlawhchham tir ka rem ti lo a ni, a hun kal tawh ah vanduaina tawkin hun hrehawm tak a hmang tawh a, tunah beiseina nen nun bul tan tumin ruahmanna a siam leh mek a, chu hun tha tawng tur chuan a theihna zawng a sawrchhuak tawh a, chu hun tha tawn chu a phu a ni’ tiin a unaute chu a melh tur khuih a. Khual Lal pahnihte chuan mak ti tak chuan Lellawn Lal an u chu an melh kâ hau a, Phaiphuk Lal chuan eng emaw sawi tumin a kâ a han ang zuai a, Lehlawn Lal Zamloa chuan ‘ka naute u, thu tawp ka sawi tawh a, remthu in sawi dawn a nih loh chuan in kâ kha ang tawh suh ang che u’ tiin thutawp a sawi ta hmiah a. U ber thusawi vang chuan lungsi zan lo chuan an ngawi ta hram a.
Lehlawn Lal Zamloa chuan ‘Satlâk khawnbawl te u, lo thu ula kan thu kallai chu i han sawi zawm leh ang u hmiang’ a tih takah chuan, an ni pawh chu thinrim ru tak chuan an thu ve ta hram a. Lal Zamloa chuan ‘kan thu bahsual lam chu theihnghilh tlang tawh ila, lawichhiat zan a tan chuan ‘ arkarden zan lo thleng leh hmasa ber tur khi nisela, Phunthawh a tan chuan ka naute lo sawi lawk tawh ang khan sepui chu ni mai sela, harsatna a awm dawn a mi ? tiin a han sawi zawm a. Khawnbawl pahnihte chu in melh ralhin, pu Tawnliana chuan ‘kan Lalpa nge nge a thu a zai zap thin e, tunah hian thla de hian zanthum lai a lo chuang leh tawh a, hun tam kan neilo tlang niin a lang, vahsan lak hmain ruahmanna min neihpui thei hi a lawmawm tak zet a ni’tiin a han sawi charh charh a. Chutia remthu an sawi tak hnu chuan ti ti eng emaw sawiin an la ti ti zui luam a. Rei thu lo in Satlâk khawnbawl upate pawh chu an tin ta a.
An chhuah hnu chuan Phaiphuk Lal Thangzuala chuan ‘a eng a vang a han duap zul nge maw i nih chu le, khang hnam chek nek ho hmel hmuh ringawt pawh ka hne hman hle mai’ tiin a a phun zui nang nang a. Lal Zamloa chuan ‘thu hnu dawn ni ula tha te te a remthu sawi tur kan nih in hai hauh lo ang le, man leh mual thuah mi bak sawn in kan awm tawh a, kan beisei ai daih in man lah an tlin hma narawh e, kan tlang awpte mai bakah Lal dangte min ngaihdan tur pawh dawn tur awm tak kan ni zawk a sin’ tiin a chhang a. A naute melh ran in ‘heng kan farnu khuate theihna hi chhenfakawm tham a tling a sin, an chemhar pek zawng a kan awmlo ngawt pawh hi lawmna tham zet a ni zawk a, khawnbawl upate sawi ang tak khan an ni khua hi awm lo ngat sela, keinni chhung phei chu kan chan hian maian chan pawh a tluk kher nang le’ tiin Ngurpui leh a nupui Muanzoi an man dan leh, Satlâk tlangvalten an chhan chhuah dan zawng zawng a sawi meuh chuan, chung Lal pahnih te mak ti chuan phawk hra a melh in ‘i thu chhakchhuah danah chuan, Satlâk khaw lo ding chu muanpui tham zet zawng an nih dawn chu, kei ni tan erawh chuan tang ang chauh a thawm nei an ni rih e’ tiin an thle dun bak bak a. A unaute khawsa zia chu melhin Lehlawn Lal chu a then suk a, a naute pahnih melh in ‘buaina chu han tawng ve ngat ula chuan, innghah nan an tlak zia hriain, bawkkhup in chibai in buk duh hial ang chu’ tiin a ngaihtuah rauh rauh a.
_______________+ ____________
Satlâk khawnbawl upa pahnih te chu ngawi ngal chuan kalin, Lehlawn khawnbawl upate pawh chuan an khual Lalte tawng kauchheh, midang hnuaichhiah deuh ran reng an nin zia chu an phun pui sap sap a, an Lalpa Zamloa hmaizah vang mai chauh a dawh hram hram an nih zia pawh zep map lo chuan an sawi ta vek a. A tuk lam a kir leh an duh viau nangin, an pasâltha hliam chu cham dam pui deuh an duh vang chuan, hreh ru tak chuan Lehlawn khuaah chuan cham an ti tlu ta a. Satlâk khuate an cham dawn tih an hriat chuan Khual Lal te chuan ‘ramsa hring an ei chak thu chu sawiin, Satlâk khawnbawl upate ngaih nuam lo deuh tur chuan tawng an cheh deuh fo mai a, Pu Tawnliana chuan ‘chutiang khawp a ramsa hring ei chak innih chuan, hei in tlangvalte an awm remchang bawk a, kan tlangvalte pawh khual chan chang an ni tho bawk nen. In elna nei ila, a va tha awm ve ? tiin a chhâng fak a, thusawi tu mitmeng a thinrim na thuk tak inthup chu an hai na hek lo. An rin loh lutuk tawngkam an dawn chuan chhan main a tur hre lo in, thusawi tu Pu Tawnliana chu an melh kar reng a. Lalnu Muanzoi chuan ‘a dik khawp mai, midang te kut nghak ringawt a awm hi ka zah zawng tak a ni’ tih leh sumhmun a pen chhuah a rual nghal nalh a. Lehlawn Lal lah chuan ‘e a tihchi khawp ang chu mawle, khual khaw hnih tlangvalte hmunkhat ah kal sela, Satlâk tlangval te hmun khatah kalin, chhuah lam ram leh tlak lamah in then in, in elna thianghlim takin kan ti thei tak a lawm le, kha khaw tlangvalten hruai sela’ a tih tak zelah chuan Lal inchhung chu a reh thap a.
Khual Lal pahnihte pawh chuan an tlangvalte chu chhuang tak a hawi larh in ‘e chutiang a in duh a nih fam chuan, kan tlangvalte chuan in elna chu bei mawlh teh tak se’ tiin an khi dun sang a. khawnbawl pahnihte melh ran chung chuan ‘tlangval hlawhtling zawkte chuan darkhuang leh an duh ber silai fawng hnih thlan ni bawk rawhse, in ngam em ?’ tiin an khi dun vur vur a. Satlâk khawnbawl upate chu in melh dun zawkin ‘kan Lal ten a an duh ang tak chu ni ang hmiang, thuzuk emaw a hnu lam a rilru dam loh phah nan hmang kan awm em lawng chu maw ?' tiin an hma a mite chu an melh dun ran a. Khual Lal pahnihte pawh chuan ‘in elna chu dik leh fel tak a ni tur a ni, kan tlangvalte chu kan thu hretu ni mawlh tehse’ tiin an nui dun hak hak a. Lehlawn Lal Zamloa chuan ‘inthu sawi hi inchiang dun meuh maw ? buaina ka duh hauh lo a nia’ tiin a kiang a thute chu a melh run a. Buaina a awm loh tur thu an sawi hnu chuan ‘ tlangau pa, a nih leh tlangvalte chu han ko khawm hlawm ta che, in hriat reng tur chu tu emaw zawk hi vanduaiin lo awm ula, lung dam lohna in nei tur a ni lo ang’ tiin a han sawi chhunzawm a. Tlangaupa chu hmanhmawh tak chuan a chhuak nalh a.
Tuibur hmuanda awmah chuan tlangvalte chu Lal mualah an ding ther fur a. Lehlawn Lal Zamloa chuan ‘tlangvalte in Lal leh khawnbawl upaten, in elna thianghlim neih tur an ti a, ka unau khua ten in ramvah duhna thlang ula, in thlan loh lamah Satlâk ka farnu khuate an kal thung ang, salu hawn tam leh sa lian lu hawn tam zawk te chuan, a hawn tlem khaw silai zing a an duh ber silai fawnghnih an thlang in, darkhuang an hlawh bawk dawn a ni. Tin, he in elna hi rilru thianghlim tak a beih tur a ni bawk a, buaina a awm a nih chuan tumah ka dim hlek lo ang che u, Thurpui leh Phaiphuk khua te khan in duh thlang rawh ule’ tiin a han sawi zawm a. Ngawpui cham dur thlir vang vang in, chhuah lam ram chu an thlang ta a. Lehlawn Lal Zamloa chuan ‘ in hriat leh tur pakhat chu, zanlai arkhuan hma in khua in lawi leh tur a ni ang, hun tiam chhung a lo let hmanlo in awm a nih chuan chaklo zawk khua in ni ang’ tiin a han sawi zawm leh a. khawhnih infin tlangvalte chu mi za dawn thaw an niin, Satlâk tlangvalte erawh mi sawmnga emaw chauh an ni thung a.
Pu Laichuha chuan ‘nangni kan phaw leh himna te u, nang mahni rinchhan in thu kan lo ti tlu ta mai a, min hrethiam hram a niang chu. Tun hma a tang tawh in kan hma a awm tawh kan chinfel theih loh leh kan ngam loh lah a la awm lo, tun hunah pawh hian hnehtu ni ngei turin theihtawp in chhuah ang tih ka ring, vanduai zawk in lo ni ta a nih pawhin hrehawm ti hauh lo ang che u, kan dam a nga vawihnihna erawh zawng kan chak zawk ngei ang tih ka beisei a ni, in theihtawp a in beih hnu a chak lo zawk kan nih chuan lawm takin, kan tiam ang tak chuan kan hlen ngei tur a ni. khuanun hualhim in veng zel che u rawhse’ tiin tlangvalte chu fuihna hun a nei a. Thurpui Lal Tualliana chuan ‘ka tlangvalte u, in theihna hmuh duh te hnen ah chuan in theihna leh chakna han lan tir tak tak teh u, a nghovar tha tha leh a ki hreu mawi tha tha kha he Lehlawn khaw mipuite hmuh ah hian lo zawn haw thluah thluah teh u, tun hun a hnehna min chanpui tu te chuan fathang ram tukthum chhung in awl ang’ tiin a then zui nung a. Phaiphuk Lal Thangzuala chuan a tlangvalte fuih ve in ‘ka tlangvalte u, ka unaupa sawi ang chiah kha in hlawh tur chu a ni e, thu sawi duah hian thatna a neih loh vangin chet zia in in theihna chu han pho lang rawh u le’ tiin a khi zui vun a. Tlangvalte chu haw haw ruih ruih in lungdawh lamah chuan an in zui ta hul hul a.
__________ + _____________
Pasâltha Sângtuala chuan khual Lal pahnihte khawsa zia a run em vang chuan, hliam neilo ang mai chuan a thiante chu a zui chhuak ve hnak hnak a. A thiante awm hahdam tur chuan ti mahse ‘ka tha a lawm, awm lo mah ila in chak zawk dawn tih hre mah ila, inhnung zui ka duh vangin ka lo in hawl chhuak ve mai mai a ni’ a tih tlat tak ah chuan tlak deng ram ngawpui chu an pan dal dal zel a. Pasâltha Sukthanga chuan ‘hei kan chin chu kan hre tlâng vek a, Kan zawhawmna leh kan khawnbawl upate khawhawi hrehawm tur lak a tan theihtawp kan chhuah tur a nih theihnghilah lo ula, a theih chuan lungthu kim tal a nungchung in kan zawn hawng tur a niang’ tiin a naute chu a fuih sauh sauh a. Pasâltha Phulliana pawh in ‘kan pasâltha thusawi kha hre reng ula, nunna tan a hlauhawm khawp erawh chuan tumah chet hauh loh tur a niang, theihtawp bakah tlem chhuah tur a nih hre reng ang che u’ tiin a han tuihnih ve bauh a. Lehlawn tlangvalte pawh chuan ‘in theihtawp han chhuah hram teh u, kan khual Lalte hawiher dang raih tur khawp in aw niang’ tiin an lo fuih ve sauh sauh bawk a.
Chhun chawfak hun tlai lam mah ah chuan pasâltha Sukthanga chuan ‘hei naute u, kan thleng hla khat tawh bawk nen, hun lah a liam duak duak a ni mai si a, kan remhriat ang zelin hma chu kan la mai a niang chu, helai kawn zam ah hian kan in nghak khawm dawn nia, tumah muang fal awm lo turin awm ang aw, mi panga zel in kawp ila kan thiante erawh chuan helai hmunah hian min lo nghak maise a tha a nge’ tiin a han sawi a. Bapui chhum a ah puar luah chu a naute chu pasâltha Phulliana nen chuan an sem zawh chuan, an inthen darh ta sang sang a.
______________ + ______________
Thurpui leh Phaiphuk tlangvalte chuan sakhi châl pathum, nghalchang pakhat, zukpui leh zuk tûai pakhat theuh chu thut muan ar khuan al al lai chuan Lal mual an lo thlen a. Naupang te chuan chung ramsa te chu an an kil bial taih a, an saphihrik kaite chu meipuiah chuan an rawh puak karh karh hlawm a. Khaw hnih tlangvalte chuan thei in ti tak chuan hahzu semtu nula te chu an lo kheuh zauh zauh a, fiamthu paw hraw tak tak nen chuan meipui hnung puakin an khi sung hlawm a. Phaiphuk Lal Thangzuala chuan ‘kan Satlâk tlangvalte chu an khaw lamah an hawng vek tawh a ni mai lo maw ? tiang chen a ramvak mai mai hawn lohte chu, a nih in a ni tawh lo reng reng tiin lu kai deuh tawh chu an thle bar bar hlawm a. Khawnbawl upa pahnih te lah chuan an thusawi chu barahkhawn lo hmel zet chuan, Lehlawn Lal zu thlum that zia leh lu a kai ran dan chu an sawiin an phul dun nasa mai a, khawnbawl upate khawsa zia chu mak ti ru tak chuan Lal pahnihte chuan an melh leh hrak hrak thin a.
Thutmuan ar khuan that that lai chuan lungdawh lam a tang chuan meichher eng pangâ lai chu lo in zui chho thliah thliah a. Sakhi pui pakhat leh Sakhi châl ki chhe deuh zawn in pasâltha Sukthanga chu chauh hmel tak chuan a lo hui chho dap dap a. Lal mual an lo thlen chuan Khual valte chuan mak tih hmel tak leh hnuaichhiah ru tak chuan an lo then khum nang hlawm a. Leihka tlangsang a tang chuan Phaiphuk Lal Thangzuala chuan ‘aw hawi, kan Satâk tlangvalte chu khawnge an awm zawh tak, kha kha eng sa nge ni ngai a va te nel nel ve’ tiin a lo chhawn vei vut a. Pasâktha Sukthanga chuan ‘Lalpa hei sakhi pahnih chu kan lo hawn ve hram a ni e, kan tum a fuh lo a leiah kan tlangvalte chuan in hmaieng an hmu hreh deuh a, lungdawh ah vaibel an la zu khawmuang ta a nih kha’ tiin ngaihsam aw tak chuan a chhang liam puat a. Khawnbawl upa pu Tawnliana chuan ‘kan pasâltha thu sawi chu ka lo rin lawk ang chiah a nih chu mawle, ka zan mang reng a tha lo a’ tiin a lo chhawn ve thuai a.
Thurpui Lal Tualliana chuan ‘in he tih hi ka rin tawk chiah a nih reng a, pasâltha khualthang a in sawi Sângtuala lah sawi tur tingin a lo inhliam ve khanglang nen a zia lo hle mai, Kan lo tiam tawh ang tak khan, in silai chu kan tlangvalte khan thlan an duh tawh ngei ang, zu in ko vat mai teh u’ tiin a nuih deuh uar uar a. Pasâltha Sukthanga chuan ‘a ni dawn tak maw kha, chutia in hmanhmawh viau chuan min lo nghak lawk rawh u, ka naute chu ka zu kô lawk a nge’ tiin a bul a tlangval pakhat chu bek bawrh zauh in lungdawh lamah chuan an liam leh ta mai a. Tlangval chuan naupangte chu Lal mual chhak lamah chuan a chho tir thuai a, naupangte an in sawn fel awrh tih chuan meichher pakhat eng vaklo hi a lo kal chho tang tang a, a hnungah chuan tlangval pahnih hian rit tih hmel tak chuan thil dum deuh tak an lo zawn kul kang kang a. Lal mual an lo thlen chuan an han keuh thum dup a, nunau thum deuh hup hlau in savawm sumnga tur hi a kawng a kawihrui sei deuh tak a hlin in, a zawnna thing nen chuan a lum huk thawt thawt a. Naupang hlau chu te tuar tuar in an darh ar ar a. Satlâk tlangvalte chuan ngawi rengin Lal thingkhawn ban ah, savawm chu hrui tawi tak a thlungin lungdawh lama chuan an liam leh nghal daih a.
Tuibur hmuamda awmah chuan sanghal sumnga zet tur hi, a ke leh kawng ah kawihrui a chaihin, Satlâk tlangval panga hi an lo tlan khu chho leh ta rum rum a. Lal thingkhawn leh lam a an thlun fel leh hnu chuan, vaibel phawrh in an siam kai zui zat a, tlangval pahnih in sakhi châl ki tha deuh pahnih an lo zawn chho leh nalh nalh a, an ni pawh chuan an thiante bul a thut hmun rem in vaibel chu an siam kai zui zat a. vaibel beng chanve vel an zuk awmah chuan, lungdawh lam a tang chuan zukchâl ki tha deuh, kawi hruiin a lu leh ke ah chuan thlungin pasâltha Sângtuala chu zukchâl chung a chuangin vaibel a lo fawp khu talh talh a, chu thil an hmuh meuh chuan Lehlawn khaw chhung a mite mak ti lutuk chuan chil lem na chang pawh hrelo in, hrawk ro vek khawp chuan an kâ hau hlawm a. khual tlangvalte deuh chuan mak an tiin an ding khawng reng a. Pasâltha Sângtuala chu vaibel khu chhem chhuah tual pah in, zukchâl chung a tang chuan a in perh thla auh a, zukchâl chu Lal ban a an thlun fel chuan a lo entu te hrawk za chu an khuh ta tluar tluar a, khuh ri hlau zukchak a han tal meuh chuan Lal in chu a nghing ta lawih lawih a.
Lehlawn nunau te chuan Satlâk tlangval thu khawm thap leh pasâltha Sukthanga te liam na lam lungdawh chu an thlir chhawk chhen a. Nunau ten meichher eng an hmuh chuan hmuh chian chakin an bawr hnai tuai tuai a, kawlkei ze tial khar kawi hruai a cher khawng tlat vang a lu chauh che thei, meichher eng a mit vam sen ham, thinrim vang a ang sen zauh zauh reng an hmuh chuan, nunau ho chu an til hak a hmu duh leh hlau bawk si chu an in hawr tuau tuau a. Chung thil an hmuh meuh chuan khual Lal pahnih te mak ti lutuk chuan. Lehlawn Lal bantlang chu an hmer ngawt ngawt a. Khawnbawl upa Laichuha chuan ‘ Khai ula kan tlangval te u, kan lal te intiamna ang takin silai fung hnih chu han thlang chhuak ula, he laiah hian lo dah chho rang teh ula’ tiin a han au chiah chu, Lehlawn Lal mual chu a ri ta mum mum a. pasâltha Sukthanga chu tho tuih tuih in ‘khawnge kei mah ngeiin silai chu ka han thlang a nge, tlangval te u mei eng lamah hian lo phei ula’ tiin a tawng lar lar a
Lo tawk leh thut tehse, Thawnthu a nuh ang in ka han ziak uar lui deuh a ni e.
BUNG – 151
Bawlpu in pasâltha Sângtuala awm hliam a en chuan ‘khuanu hian a hualhim hle mai che a, tlemin han hai chung sela chuan, i khingkhang ruh hian ngai a awh tawh kher lo mai thei a ni’ ti a phun sap sap pah chuan, hliam silafaina tur tui lum Lalnu Muanzoi chu a han dil a. Lalnu chuan an hliam in buaipui lai a hmuh chuan ‘aw Ngurpuii chu la dam nisela chuan aw, an kiang ah sawn a thu leh ngeiawm si a’ tiin a ngaihtuah rauh rauh a. A nupui mitmeng dul deuh raih a hmuh chuan Lal Zamloa chu a inthiam lo thar khawp mai, a nupui ngaihtuahna awm hriatpui in ‘ka fanu engvang kher a khatiang ngaihtuahna kha lo nei nge maw ka nih chu le, i vanglai tal hmanhman in i damkhua sei sela tha tur aw’ tiin a ngaihtuah vung vuang a. An unaupa hmel a hlim lohna chu remchang a hman tum chuan, Phaiphuk Lal Thangzuala chuan ‘hei kan sawi tak mân tam zawk chu kan in thlak fel chu a ni deuh mai a, mangnghilh pakhat Phunthawh kan lo sawi thleng lo tlat mai a, in rilru in lo hria ula a tha a nge’ tiin a han sawi leh charh charh a.
Lal Zamloa chu ngawi ngulin a melh ngai chu a melh ding ngur a, khawnbawl upa Laichuha chuan ‘englam nge lo inring ila tha ang’ tiin a han zawt a. Se pakhat han khalh ngawt ai chuan pahnih lo kai mai ula, chu chu a tawk mai a nge’ tiin a sawi leh sap sap a. khawnbawl upa Laichuha chuan ‘a harsat loh chu, chungte lek chu, se pahnih kan lo kaih thlen leh hun chuan man tlakin mo chu kan hruai thei tawh dawn lawm mi ? tiin a hma a Lal pathum thu tlar te chu a melh deuh ha a, Lal pathum te chuan buk nghat nghat pah chuan ni mai tawh e a’ tiin an chhang tha ve mai a. Lawichhiat zan a tan enghun nge kan ruat ang' tiin a zawt chhun zawm a, Lehlawn Lal Zamloa chuan ‘nia, hei kan lo beisei loh deuh in in hmachhuak chu in hlenchhuak rang daih mai a, a lawmawm rualin kan farnu thuam chhawm tur ngaihtuah te pawh kan ngaihtuah a ngai ang chu mawle’ a han tih chuan khawnbawl upa Tawnliana chuan ‘e Lalpa thuamchhawm zawng min dal tir lo hram teh u, in suihzawm hnuah pawh duh nak chuan thuam chhawmte chu a ti thei tho ang chu mawle, keini lam chuan thuam lam hi kan enghelh ber a ni lo, remna leh hriatthiamna hi kan duh thusam ber a ni’ tiin a han sawi ve leh charh charh a.
Phaiphuk Lal Thangzuala chuan ‘chutiang maiin kan farnu kan thlah liam mai inring a maw ? kan zahawmna leh hming thatna hi tiang mai hian min namnul tur a nilo, zahawm mawi tawk awm chuan kan inthlah liam ngei ang le, a ni lawm mi unaute u’ tiin a thle bak bak a. Khawnbawl upa Pu Laichuha chuan ‘kan thu a va dang sawt awm ve mawle, man chu in tlin theih hunah Lehlawn Lal inah lo dah ula . . . tiin thu min thlah ngei a ni a, engtia rei nge in buatsaih nan hun in duh ang’ lungawi zat lo aw ka chuan a han ti ve nang nang a. Phaiphuk Lal Thangzuala chuan ‘a eng a ti zai zia nge maw lungawi lo aw ka te ka chhuah e te in han tih vei chu le, kan hriatthiam tawhna hi min nawk nan in han hman khanglan chu le’ tiin a meng tur ta hle mai a. Satlâk khawnbawl upate chuan chu thu an hriat chuan an thinrim ve ta zak a, palai an nih vang erawh chuan thinrim tih lan chu an insum hram hram a.
Pu Tawnliana chuan ‘min hrethiam ula, kan pute bulah kan ngen ngawl lua deuh te pawh a nia nge, engtia rei nge in buatsaih nan in mamawh ang’ tiin a zawt dam thluam a. Thurpui Lal Tualliana chuan ‘palai ah chuan in thin a te deuh mah mah em aw, palai bulah chuan thuchhe tin reng kan sawi a nih pawh in an tuah rem thin a ni ngai a, nangni a lo a lungawi lo aw kâ ka chhuah e te in han ti ve khang lan a, Nangni lo hi neih tur kan hmu lutuk a sin, zaidawh takin engkim kan kalpui tawh a hnu hman ah, lungawi lo aw kâ min han hmuh a, induh leh hawng daih ula ti nia. Hnamchawm val satliah mai mai um huam huam turah min ngai khanglang emaw chu le, kan zahngaihna hnuai a muanglei a awm ve mai mai hian, hmelsen min hmuh khanglang che u, in chung chang hi kan lo ngaihtuah a nge’ tiin a vin zui that that a. Chu aw ka chuan Satlâk khawnbawl upate insum theihna chu ti kehsawm in, an ding ve ta phat a. Khawnbawl upa pu Tawnliana chuan ‘aw le, induh ang tak chuan kan chhuak ang, tih em ah chuan kan vang hian Lehlawh khua hi la ding a ni ve bawk a sin, he Lal ram hi kan chhuahsan a nge, dosi karah kan leng a nih chuan insum karna kan nei bik lo ang, kan zahngaihna dil hian in la thingthi khawp ang’ tiin a melh rum ran a. Thinrim thaw hak in ‘Lianman pa, hawh i chhuak ang le’ tiin a han sawi a. Pawn a tlangvalte chu ko in salu la tur chuan an hrilh a, Satlâk tlangvalte chuan thuawih tak chuan khawnbawl thu ang chuan an salu kengin sumhmun pan chuan an kal ta a.
Lal Zamloa chuan ‘Satlâk khawnbawl upate u ding teh u, tawngkam in bahsual vang mai a ka farnu beiseina hlawhchham tir ka rem ti lo a ni, a hun kal tawh ah vanduaina tawkin hun hrehawm tak a hmang tawh a, tunah beiseina nen nun bul tan tumin ruahmanna a siam leh mek a, chu hun tha tawng tur chuan a theihna zawng a sawrchhuak tawh a, chu hun tha tawn chu a phu a ni’ tiin a unaute chu a melh tur khuih a. Khual Lal pahnihte chuan mak ti tak chuan Lellawn Lal an u chu an melh kâ hau a, Phaiphuk Lal chuan eng emaw sawi tumin a kâ a han ang zuai a, Lehlawn Lal Zamloa chuan ‘ka naute u, thu tawp ka sawi tawh a, remthu in sawi dawn a nih loh chuan in kâ kha ang tawh suh ang che u’ tiin thutawp a sawi ta hmiah a. U ber thusawi vang chuan lungsi zan lo chuan an ngawi ta hram a.
Lehlawn Lal Zamloa chuan ‘Satlâk khawnbawl te u, lo thu ula kan thu kallai chu i han sawi zawm leh ang u hmiang’ a tih takah chuan, an ni pawh chu thinrim ru tak chuan an thu ve ta hram a. Lal Zamloa chuan ‘kan thu bahsual lam chu theihnghilh tlang tawh ila, lawichhiat zan a tan chuan ‘ arkarden zan lo thleng leh hmasa ber tur khi nisela, Phunthawh a tan chuan ka naute lo sawi lawk tawh ang khan sepui chu ni mai sela, harsatna a awm dawn a mi ? tiin a han sawi zawm a. Khawnbawl pahnihte chu in melh ralhin, pu Tawnliana chuan ‘kan Lalpa nge nge a thu a zai zap thin e, tunah hian thla de hian zanthum lai a lo chuang leh tawh a, hun tam kan neilo tlang niin a lang, vahsan lak hmain ruahmanna min neihpui thei hi a lawmawm tak zet a ni’tiin a han sawi charh charh a. Chutia remthu an sawi tak hnu chuan ti ti eng emaw sawiin an la ti ti zui luam a. Rei thu lo in Satlâk khawnbawl upate pawh chu an tin ta a.
An chhuah hnu chuan Phaiphuk Lal Thangzuala chuan ‘a eng a vang a han duap zul nge maw i nih chu le, khang hnam chek nek ho hmel hmuh ringawt pawh ka hne hman hle mai’ tiin a a phun zui nang nang a. Lal Zamloa chuan ‘thu hnu dawn ni ula tha te te a remthu sawi tur kan nih in hai hauh lo ang le, man leh mual thuah mi bak sawn in kan awm tawh a, kan beisei ai daih in man lah an tlin hma narawh e, kan tlang awpte mai bakah Lal dangte min ngaihdan tur pawh dawn tur awm tak kan ni zawk a sin’ tiin a chhang a. A naute melh ran in ‘heng kan farnu khuate theihna hi chhenfakawm tham a tling a sin, an chemhar pek zawng a kan awmlo ngawt pawh hi lawmna tham zet a ni zawk a, khawnbawl upate sawi ang tak khan an ni khua hi awm lo ngat sela, keinni chhung phei chu kan chan hian maian chan pawh a tluk kher nang le’ tiin Ngurpui leh a nupui Muanzoi an man dan leh, Satlâk tlangvalten an chhan chhuah dan zawng zawng a sawi meuh chuan, chung Lal pahnih te mak ti chuan phawk hra a melh in ‘i thu chhakchhuah danah chuan, Satlâk khaw lo ding chu muanpui tham zet zawng an nih dawn chu, kei ni tan erawh chuan tang ang chauh a thawm nei an ni rih e’ tiin an thle dun bak bak a. A unaute khawsa zia chu melhin Lehlawn Lal chu a then suk a, a naute pahnih melh in ‘buaina chu han tawng ve ngat ula chuan, innghah nan an tlak zia hriain, bawkkhup in chibai in buk duh hial ang chu’ tiin a ngaihtuah rauh rauh a.
_______________+ ____________
Satlâk khawnbawl upa pahnih te chu ngawi ngal chuan kalin, Lehlawn khawnbawl upate pawh chuan an khual Lalte tawng kauchheh, midang hnuaichhiah deuh ran reng an nin zia chu an phun pui sap sap a, an Lalpa Zamloa hmaizah vang mai chauh a dawh hram hram an nih zia pawh zep map lo chuan an sawi ta vek a. A tuk lam a kir leh an duh viau nangin, an pasâltha hliam chu cham dam pui deuh an duh vang chuan, hreh ru tak chuan Lehlawn khuaah chuan cham an ti tlu ta a. Satlâk khuate an cham dawn tih an hriat chuan Khual Lal te chuan ‘ramsa hring an ei chak thu chu sawiin, Satlâk khawnbawl upate ngaih nuam lo deuh tur chuan tawng an cheh deuh fo mai a, Pu Tawnliana chuan ‘chutiang khawp a ramsa hring ei chak innih chuan, hei in tlangvalte an awm remchang bawk a, kan tlangvalte pawh khual chan chang an ni tho bawk nen. In elna nei ila, a va tha awm ve ? tiin a chhâng fak a, thusawi tu mitmeng a thinrim na thuk tak inthup chu an hai na hek lo. An rin loh lutuk tawngkam an dawn chuan chhan main a tur hre lo in, thusawi tu Pu Tawnliana chu an melh kar reng a. Lalnu Muanzoi chuan ‘a dik khawp mai, midang te kut nghak ringawt a awm hi ka zah zawng tak a ni’ tih leh sumhmun a pen chhuah a rual nghal nalh a. Lehlawn Lal lah chuan ‘e a tihchi khawp ang chu mawle, khual khaw hnih tlangvalte hmunkhat ah kal sela, Satlâk tlangval te hmun khatah kalin, chhuah lam ram leh tlak lamah in then in, in elna thianghlim takin kan ti thei tak a lawm le, kha khaw tlangvalten hruai sela’ a tih tak zelah chuan Lal inchhung chu a reh thap a.
Khual Lal pahnihte pawh chuan an tlangvalte chu chhuang tak a hawi larh in ‘e chutiang a in duh a nih fam chuan, kan tlangvalte chuan in elna chu bei mawlh teh tak se’ tiin an khi dun sang a. khawnbawl pahnihte melh ran chung chuan ‘tlangval hlawhtling zawkte chuan darkhuang leh an duh ber silai fawng hnih thlan ni bawk rawhse, in ngam em ?’ tiin an khi dun vur vur a. Satlâk khawnbawl upate chu in melh dun zawkin ‘kan Lal ten a an duh ang tak chu ni ang hmiang, thuzuk emaw a hnu lam a rilru dam loh phah nan hmang kan awm em lawng chu maw ?' tiin an hma a mite chu an melh dun ran a. Khual Lal pahnihte pawh chuan ‘in elna chu dik leh fel tak a ni tur a ni, kan tlangvalte chu kan thu hretu ni mawlh tehse’ tiin an nui dun hak hak a. Lehlawn Lal Zamloa chuan ‘inthu sawi hi inchiang dun meuh maw ? buaina ka duh hauh lo a nia’ tiin a kiang a thute chu a melh run a. Buaina a awm loh tur thu an sawi hnu chuan ‘ tlangau pa, a nih leh tlangvalte chu han ko khawm hlawm ta che, in hriat reng tur chu tu emaw zawk hi vanduaiin lo awm ula, lung dam lohna in nei tur a ni lo ang’ tiin a han sawi chhunzawm a. Tlangaupa chu hmanhmawh tak chuan a chhuak nalh a.
Tuibur hmuanda awmah chuan tlangvalte chu Lal mualah an ding ther fur a. Lehlawn Lal Zamloa chuan ‘tlangvalte in Lal leh khawnbawl upaten, in elna thianghlim neih tur an ti a, ka unau khua ten in ramvah duhna thlang ula, in thlan loh lamah Satlâk ka farnu khuate an kal thung ang, salu hawn tam leh sa lian lu hawn tam zawk te chuan, a hawn tlem khaw silai zing a an duh ber silai fawnghnih an thlang in, darkhuang an hlawh bawk dawn a ni. Tin, he in elna hi rilru thianghlim tak a beih tur a ni bawk a, buaina a awm a nih chuan tumah ka dim hlek lo ang che u, Thurpui leh Phaiphuk khua te khan in duh thlang rawh ule’ tiin a han sawi zawm a. Ngawpui cham dur thlir vang vang in, chhuah lam ram chu an thlang ta a. Lehlawn Lal Zamloa chuan ‘ in hriat leh tur pakhat chu, zanlai arkhuan hma in khua in lawi leh tur a ni ang, hun tiam chhung a lo let hmanlo in awm a nih chuan chaklo zawk khua in ni ang’ tiin a han sawi zawm leh a. khawhnih infin tlangvalte chu mi za dawn thaw an niin, Satlâk tlangvalte erawh mi sawmnga emaw chauh an ni thung a.
Pu Laichuha chuan ‘nangni kan phaw leh himna te u, nang mahni rinchhan in thu kan lo ti tlu ta mai a, min hrethiam hram a niang chu. Tun hma a tang tawh in kan hma a awm tawh kan chinfel theih loh leh kan ngam loh lah a la awm lo, tun hunah pawh hian hnehtu ni ngei turin theihtawp in chhuah ang tih ka ring, vanduai zawk in lo ni ta a nih pawhin hrehawm ti hauh lo ang che u, kan dam a nga vawihnihna erawh zawng kan chak zawk ngei ang tih ka beisei a ni, in theihtawp a in beih hnu a chak lo zawk kan nih chuan lawm takin, kan tiam ang tak chuan kan hlen ngei tur a ni. khuanun hualhim in veng zel che u rawhse’ tiin tlangvalte chu fuihna hun a nei a. Thurpui Lal Tualliana chuan ‘ka tlangvalte u, in theihna hmuh duh te hnen ah chuan in theihna leh chakna han lan tir tak tak teh u, a nghovar tha tha leh a ki hreu mawi tha tha kha he Lehlawn khaw mipuite hmuh ah hian lo zawn haw thluah thluah teh u, tun hun a hnehna min chanpui tu te chuan fathang ram tukthum chhung in awl ang’ tiin a then zui nung a. Phaiphuk Lal Thangzuala chuan a tlangvalte fuih ve in ‘ka tlangvalte u, ka unaupa sawi ang chiah kha in hlawh tur chu a ni e, thu sawi duah hian thatna a neih loh vangin chet zia in in theihna chu han pho lang rawh u le’ tiin a khi zui vun a. Tlangvalte chu haw haw ruih ruih in lungdawh lamah chuan an in zui ta hul hul a.
__________ + _____________
Pasâltha Sângtuala chuan khual Lal pahnihte khawsa zia a run em vang chuan, hliam neilo ang mai chuan a thiante chu a zui chhuak ve hnak hnak a. A thiante awm hahdam tur chuan ti mahse ‘ka tha a lawm, awm lo mah ila in chak zawk dawn tih hre mah ila, inhnung zui ka duh vangin ka lo in hawl chhuak ve mai mai a ni’ a tih tlat tak ah chuan tlak deng ram ngawpui chu an pan dal dal zel a. Pasâltha Sukthanga chuan ‘hei kan chin chu kan hre tlâng vek a, Kan zawhawmna leh kan khawnbawl upate khawhawi hrehawm tur lak a tan theihtawp kan chhuah tur a nih theihnghilah lo ula, a theih chuan lungthu kim tal a nungchung in kan zawn hawng tur a niang’ tiin a naute chu a fuih sauh sauh a. Pasâltha Phulliana pawh in ‘kan pasâltha thusawi kha hre reng ula, nunna tan a hlauhawm khawp erawh chuan tumah chet hauh loh tur a niang, theihtawp bakah tlem chhuah tur a nih hre reng ang che u’ tiin a han tuihnih ve bauh a. Lehlawn tlangvalte pawh chuan ‘in theihtawp han chhuah hram teh u, kan khual Lalte hawiher dang raih tur khawp in aw niang’ tiin an lo fuih ve sauh sauh bawk a.
Chhun chawfak hun tlai lam mah ah chuan pasâltha Sukthanga chuan ‘hei naute u, kan thleng hla khat tawh bawk nen, hun lah a liam duak duak a ni mai si a, kan remhriat ang zelin hma chu kan la mai a niang chu, helai kawn zam ah hian kan in nghak khawm dawn nia, tumah muang fal awm lo turin awm ang aw, mi panga zel in kawp ila kan thiante erawh chuan helai hmunah hian min lo nghak maise a tha a nge’ tiin a han sawi a. Bapui chhum a ah puar luah chu a naute chu pasâltha Phulliana nen chuan an sem zawh chuan, an inthen darh ta sang sang a.
______________ + ______________
Thurpui leh Phaiphuk tlangvalte chuan sakhi châl pathum, nghalchang pakhat, zukpui leh zuk tûai pakhat theuh chu thut muan ar khuan al al lai chuan Lal mual an lo thlen a. Naupang te chuan chung ramsa te chu an an kil bial taih a, an saphihrik kaite chu meipuiah chuan an rawh puak karh karh hlawm a. Khaw hnih tlangvalte chuan thei in ti tak chuan hahzu semtu nula te chu an lo kheuh zauh zauh a, fiamthu paw hraw tak tak nen chuan meipui hnung puakin an khi sung hlawm a. Phaiphuk Lal Thangzuala chuan ‘kan Satlâk tlangvalte chu an khaw lamah an hawng vek tawh a ni mai lo maw ? tiang chen a ramvak mai mai hawn lohte chu, a nih in a ni tawh lo reng reng tiin lu kai deuh tawh chu an thle bar bar hlawm a. Khawnbawl upa pahnih te lah chuan an thusawi chu barahkhawn lo hmel zet chuan, Lehlawn Lal zu thlum that zia leh lu a kai ran dan chu an sawiin an phul dun nasa mai a, khawnbawl upate khawsa zia chu mak ti ru tak chuan Lal pahnihte chuan an melh leh hrak hrak thin a.
Thutmuan ar khuan that that lai chuan lungdawh lam a tang chuan meichher eng pangâ lai chu lo in zui chho thliah thliah a. Sakhi pui pakhat leh Sakhi châl ki chhe deuh zawn in pasâltha Sukthanga chu chauh hmel tak chuan a lo hui chho dap dap a. Lal mual an lo thlen chuan Khual valte chuan mak tih hmel tak leh hnuaichhiah ru tak chuan an lo then khum nang hlawm a. Leihka tlangsang a tang chuan Phaiphuk Lal Thangzuala chuan ‘aw hawi, kan Satâk tlangvalte chu khawnge an awm zawh tak, kha kha eng sa nge ni ngai a va te nel nel ve’ tiin a lo chhawn vei vut a. Pasâktha Sukthanga chuan ‘Lalpa hei sakhi pahnih chu kan lo hawn ve hram a ni e, kan tum a fuh lo a leiah kan tlangvalte chuan in hmaieng an hmu hreh deuh a, lungdawh ah vaibel an la zu khawmuang ta a nih kha’ tiin ngaihsam aw tak chuan a chhang liam puat a. Khawnbawl upa pu Tawnliana chuan ‘kan pasâltha thu sawi chu ka lo rin lawk ang chiah a nih chu mawle, ka zan mang reng a tha lo a’ tiin a lo chhawn ve thuai a.
Thurpui Lal Tualliana chuan ‘in he tih hi ka rin tawk chiah a nih reng a, pasâltha khualthang a in sawi Sângtuala lah sawi tur tingin a lo inhliam ve khanglang nen a zia lo hle mai, Kan lo tiam tawh ang tak khan, in silai chu kan tlangvalte khan thlan an duh tawh ngei ang, zu in ko vat mai teh u’ tiin a nuih deuh uar uar a. Pasâltha Sukthanga chuan ‘a ni dawn tak maw kha, chutia in hmanhmawh viau chuan min lo nghak lawk rawh u, ka naute chu ka zu kô lawk a nge’ tiin a bul a tlangval pakhat chu bek bawrh zauh in lungdawh lamah chuan an liam leh ta mai a. Tlangval chuan naupangte chu Lal mual chhak lamah chuan a chho tir thuai a, naupangte an in sawn fel awrh tih chuan meichher pakhat eng vaklo hi a lo kal chho tang tang a, a hnungah chuan tlangval pahnih hian rit tih hmel tak chuan thil dum deuh tak an lo zawn kul kang kang a. Lal mual an lo thlen chuan an han keuh thum dup a, nunau thum deuh hup hlau in savawm sumnga tur hi a kawng a kawihrui sei deuh tak a hlin in, a zawnna thing nen chuan a lum huk thawt thawt a. Naupang hlau chu te tuar tuar in an darh ar ar a. Satlâk tlangvalte chuan ngawi rengin Lal thingkhawn ban ah, savawm chu hrui tawi tak a thlungin lungdawh lama chuan an liam leh nghal daih a.
Tuibur hmuamda awmah chuan sanghal sumnga zet tur hi, a ke leh kawng ah kawihrui a chaihin, Satlâk tlangval panga hi an lo tlan khu chho leh ta rum rum a. Lal thingkhawn leh lam a an thlun fel leh hnu chuan, vaibel phawrh in an siam kai zui zat a, tlangval pahnih in sakhi châl ki tha deuh pahnih an lo zawn chho leh nalh nalh a, an ni pawh chuan an thiante bul a thut hmun rem in vaibel chu an siam kai zui zat a. vaibel beng chanve vel an zuk awmah chuan, lungdawh lam a tang chuan zukchâl ki tha deuh, kawi hruiin a lu leh ke ah chuan thlungin pasâltha Sângtuala chu zukchâl chung a chuangin vaibel a lo fawp khu talh talh a, chu thil an hmuh meuh chuan Lehlawn khaw chhung a mite mak ti lutuk chuan chil lem na chang pawh hrelo in, hrawk ro vek khawp chuan an kâ hau hlawm a. khual tlangvalte deuh chuan mak an tiin an ding khawng reng a. Pasâltha Sângtuala chu vaibel khu chhem chhuah tual pah in, zukchâl chung a tang chuan a in perh thla auh a, zukchâl chu Lal ban a an thlun fel chuan a lo entu te hrawk za chu an khuh ta tluar tluar a, khuh ri hlau zukchak a han tal meuh chuan Lal in chu a nghing ta lawih lawih a.
Lehlawn nunau te chuan Satlâk tlangval thu khawm thap leh pasâltha Sukthanga te liam na lam lungdawh chu an thlir chhawk chhen a. Nunau ten meichher eng an hmuh chuan hmuh chian chakin an bawr hnai tuai tuai a, kawlkei ze tial khar kawi hruai a cher khawng tlat vang a lu chauh che thei, meichher eng a mit vam sen ham, thinrim vang a ang sen zauh zauh reng an hmuh chuan, nunau ho chu an til hak a hmu duh leh hlau bawk si chu an in hawr tuau tuau a. Chung thil an hmuh meuh chuan khual Lal pahnih te mak ti lutuk chuan. Lehlawn Lal bantlang chu an hmer ngawt ngawt a. Khawnbawl upa Laichuha chuan ‘ Khai ula kan tlangval te u, kan lal te intiamna ang takin silai fung hnih chu han thlang chhuak ula, he laiah hian lo dah chho rang teh ula’ tiin a han au chiah chu, Lehlawn Lal mual chu a ri ta mum mum a. pasâltha Sukthanga chu tho tuih tuih in ‘khawnge kei mah ngeiin silai chu ka han thlang a nge, tlangval te u mei eng lamah hian lo phei ula’ tiin a tawng lar lar a
Lo tawk leh thut tehse, Thawnthu a nuh ang in ka han ziak uar lui deuh a ni e.
| Link: | |
| BBcode: | |
| HTML: | |
| Hide post links |
PASÂLTHA SÂNGTUALA ( Mampuia Pa )
BUNG – 152
Lehlawn Lal in nghing lawih lawih hlau in Lalnu Muanzoi chu a te that that a, sumhmun ah chuan a tlanchhuak thuai a. Lal Zamloa’n a nupui hlauthlabar in a mah pan lo a sumhmun thim a chuh a hmuh chuan a thinrim na leh a nupui rinna hlawhchhuah duhna chuan a thin chu ti tek chhakin, banglai a silai zukchâl ki zar nalh tak a in khawh phei zar chu pawt dawk zawk a, puan tlang leng duai duai chuan a chhuak nghal zawk a. Zukchâl hlau hlawp zuang zawk zawk chu hawlhchilh deuh thaw chuan a han kâp let tawp a, silai thawm leh zen rim chuan savawm leh keite thlun beh chu te thawt thawt in, an zuang zawk zawk ta mai a. Ramsa in hrosa thawm leh nunau te teng tung chu hlau ve ni awm tak chuan zanlai ar khuangte chu an reh thuap in, archhiar a tang chuan an dawngdawlak lauh lauh a.
Zan dang ang chu nise Lehlawn khua chu a reh thup tawh a nga, tlangval leng haw tlai deuh te chauh chu kawtthlerah an vak tawh ngei ang. Khaw thum tlangvalte in el na leh an hlawhtlinna chuan, Lehlawn khawchhung boruak chu a thlak chiang hle a. Chutia ramsa nungte an han tal chiam takah chuan Satlâk tlangvalte hlin sa, savawm chu tlan chhuak in lungdawh lamah chuan a tlan ta thut a. savawm tlan chak lai chu silai puak thawr vang chuan a beleuh tawi tak a. Lungdawh lam thim thamah chuan a pil bo zui hmak a. Satlâk tlangvalte chuan an sa man chhuak chu meichher nen chuan an um nghal huk a, savawm lumna thisen far chu meichher êng fiah lo takah chuan pasâltha Phulliana chuan a chhui zar zar a. Khawthum tlangvalte chuan an hnung ah zuiin an hma a tlangvalte chu an thlir dauh dauh reng a. Lehlawn lungdawh zawlah chuan savawm chu a lo bawk thim hmak a. Mualkunga chuan ‘nangte reuh chuan min va han ti hah deuh ve mawle, tha te te in awm ni la chu zanriah kan kil dar dar tawh tur a nia’ tih pah in, Savawm meiah chuan a man zui chat a. Pasâltha Phulliana chuan ‘Kunga fimkhur rawh’ a tih lai mek chuan savawm bawk reng chu tho thutin, Mualkunga chu a bawh let nghal rawk a.
Savawm thinrim huk dum dum lamah chuan Satlâk valrualte chu an chim huk a, Pasâltha Sângtuala chuan ‘tuman hriam lek suh u, kan inhliam palh a nge’ tih pah chuan savawm meiah chuan a phih zui nghek a. Satlâk tlangvalte chuan an iptepui paih in, savawm thinrim huk dum dum chu an tlawh her sawk sawk, Mualkunga chuan ‘eheu min bum khangleng elaw’ tih leh savawm bengah chuan man in a phih thal zui zat a, savawm taksa lang lai ah chuan Satlâk tlangval te chuan an chelh fur a, savawm hliam chu che thei lo in a tih theih tawk tiin a huk dum dum reng a. Pasâltha Phulliana chuan ‘naute u, ramsa mah nise a khawngaih thlak e, che theilo tur khan man bet ula, i kâp hlum tawh mai ang u’ a tih chuan, tlangval tam zawkte chu in thiar fihlim in, pasâltha silai mu a thluak pawh hawk a lut sa zawk vang chuan savawm chu a tal khur char char a. Savawm chu zawn in Lal mual lamah chuan an in zui chho leh ta hum hum a. Satlâk tlangvalte khum tum chu thihna ah ngaiin, khawthum tlangval te chuan an chung en ta vek a. Khual Lalte chuan chutiang a khaw tangrual an hmuh chuan an rilru chuan rual a awt ru kher mai . . .
Savawm ruang zawn ten Lal mual an thlen dawn chuan silai chu a puak dur a, an han en nak chuan pasâltha Sukthanga chu silai hmawr khu vat vat hum in, Lal thingkhawn lam thlir chuan a ding ran a. A bulah chuan kawlkei ruang chu a let ngat a, a thiante a hmuh chuan then sakin kan tlak ta e tiin a then var a. Lal Zamloa melh in ‘Lalpa Zamlo, hei kan thu remna ang in khual silai chu ka la mai dawn e aw’ tiin a han au lang lâng a. Lehlawn Lal Zamloa chuan ‘thlang ta mai che, in chak zawk tih lah kan hre tlang a ni lawm mi ? tiin a han chhawn ve lung lung a. Pasâltha Sukthanga leh Phulliana chu an in bek bawrh sar sar in an then dun suk a. Kan khual Lalte pawh khan in dinna chu in la tawlh em lo maw ? tiin a han au nawn leh a. Thurpui Lal Tualliana chuan ‘tun tum chu in chak e, kan lo tiam tawh ang ngeiin silai pahnih chu thlang mawlh ang che u’ tiin a lo chhawn ve lung lung a. Phaiphuk Lal Thangzuala pawh chuan ‘keini unau chuan kan thutiam kan bawhchhe ve ngai hauh lo, in lung sikna thlap chu han thlang chhuak ta che u’ tiin a au ve lung lung a. Pasâltha Sukthanga chuan ‘ Lehlawn nunau te u, kan Lalte thusawi kha in hria maw ? thutiam hlen ngei chi Lal hnuai a hlawntlinna kan nei hi a va lawmawm tak em. Khai ule, mei êngah hian in silai chu lo kalpui ula, in khaw hnih a silai tha ber chu han thlang dawn ila’ tiin a khi sang a.
Tlangvalte chuan hmel a hlauhthawnna lang chaih chung chuan pasâltha Sukthanga dinna meipui chhehna lam chu an pan ta a. Lehlawn nunaute chuan silai thlang lai hmuh chian tum in an zim hnai nghal tuau tuau a, pasâltha Sukthanga chuan ‘hei chauh hi em mi silai in lo ken’ tiin tlangvalte chu a melh kal a. Satlâk pasâltha chuan khawhnih tlangvalte hnen ah chuan ‘khawnge in Lalte pawh in silai an lo keng ve emaw tia’ tiin tlangvalte chu a melh kual, chu thu an hriat chuan Thurpui leh Phaiphuk khaw Lal te chu an meng rang nasa ta mai a, thinrim aw teng chhuaih chuan ‘nang khan eng thu maw i sawi, kan silai te chu nangni ang khawih phak rual a ni lo e’ tiin a ding sen tul a. Pasâltha Sukthanga chuan Lehlawn Lal Zamloa chu a melh ding ngar a. Aw dam thlap in ‘Lalpa i Lal mual ngeiah nang hian tlangval hlawhtling zawkte chuan, a hlawhchham khaw silai duh an thlang thei i tiin ka va hre ve, nge ka hriatsual zawk ?’ tiin a han zawt a.
Lehlawn Lal Zamloa chu a ngawi deuh vang vang a, Lehlawn khaw chhung a mite chu zawi te te chuan an phun sap sap hlawm a, an phun thawm chu leihkatlangsang a awm te pawh chuan an hre pha reng a, chung phun thawm an hriat chuan khual Lal pahnihte rui pawh chu a reh chiang ta khawp mai. Satlâk tlangvalten an tih thangtlawm zia chu an hre chiang in an thinrim chu an ding sai hlak hlak a. Aw thian khurh khurh in ‘pasâltha Sukthang i sawi dik e, kan thu thlukna ah chuan a vannei khua ten a vanduai khaw silai (he lai hmun a awm ve) an duh an thlang ang tih a ni e’ tiin a han sawi a. Khual Lal pahnih te chuan an u chu thinrim leh mak ti tak chuan an melh tur khaih a. Phaiphuk Lal Thangzuala chuan ‘a ngam fa chuan ka silai chu rawn la ula ti nia’ tiin inchhungah lutin a silai nen chuan a lo chhuak a, pasâltha Sukthanga chu a tin ta rap a. Phaiphuk Lal khawsak dan an hmuh chuan Lehlawn nunau te chu an te tuar tuar a, hmun him ni a an hriat lama chuan an darh suau a. An Lal khawsak dan chu duh pui lo viau mahse an hmanrua chu Phaiphuk tlangvalte chuan an chuh ta sang sang a. Pasâltha Sângtuala chu lo pen chhuakin ‘ka pa Thang. Dangawm teh mahni thutiam a ding ngam lo silai mu hian min fuh hauh lo ang’ tiin a rawn tlak khalh ta rap a, pasâltha Sângtuala mitmeng chu a sen leh ta ram a. Thinrim sehchilh rap rap chung chuan ‘Lal chu nilo la kha laiah khan i thi chiang viau ang, duh ngat ila i silai chu ka lak sak chiang viau bawk ang che, kan Lal te inneih bawhbuai tur zawng a khawsak kan duh loh a vang mai chauh leh, silai pakhat vang mai a nunna hlu tak lak ka duh loh vangin nungdam in awm ang che’ tiin a bul mai a pen thawm lo awm chu a melh zawk a.
Silai hmawr hawlh lo chauh chuan Phaiphuk pasâltha Thangtluanga chuan lo tin in ‘kan Lal chu i va han zah lo ve maw le, zilh deuh i ngai dawn a nih hi’ tiin a hma a mi chu a vau zui chhar chhar a. Thûamkunga chuan ‘pu a tawlhsawn thuai la, i silai kha lek thla rang rawh, chutiang a nih loh zawngin i thlarau kha hringlang tlang lam ah ka thawn liam nghal a ni mai’ tiin a silai cheng chu a kau zui ta rep a. Mualkunga leh Chungliana pawh chuan an silai chu an kau zui zat a. Satlâk tlangvalte huaisen dan hmu tu vek an nih tawh a vang chuan, khual val dawihzep deuh te chu an tawl kir tan ta a. Satlâk tlangvalte lah chu buai chak zawk ang hrim chuan hmalam pan in an tawlh hnai sauh thung a. Pasâltha Sângtuala chuan a mah si tep a silai ngul kaw thim hmak leh a kengtu chu melh tawn zauh in, silai hmawrah man thutin lei lamah silai hmawr chu a kawih hniam rual chuan a han phih zui nghek a.Phaiphuk pasâltha Thangtluanga chu hmalam ah tlan dawrh in, a dul a Satlâk pasâltha tlawhna vang chuan a leng lawp a, ek thawt khap chuan leicharah a in sawh dawp a, a tho leh tur chu Thûamkunga chuan a tukhum ah a chhir zui pawp a, engmah hrelo in leichar ah chuan a mu ta hle hle a. An pasâltha in nghahna ber mitkhap kar lek a mu zawi der an hmuh chuan khual valte chu mak tiin an hawi kâ hau.
Lehlawn Lal Zamloa chuan ‘Laiawrha pa insum rawh, nang pawh i silai kha dah thla nghal thuai rawh’ tiin a au that that a. Pu Tawnliana chuan Phaiphuk Lal Thangzuala a tuk sam a man in chempui chu zak kau meuh chuan a lo lek kang uaih tawh a lo ni a, Pu Tawnliana chuan ‘ka fapa khuan sam zai khat tia pawh hliam a neih chuan i nghawng ka fik nghal nawlh ang’ tiin Phaiphuk Lal chu a vau zui sap a. Tawng zawi viau mahse thusawitu chuan a sawi mai mai lo tih hriat tak chuan hnun a fan raih thung a. Phaiphuk Lal Thangzuala chuan silai lek thlak ruai ruai pah chuan ‘nangni chhung hian in la hre khawp ang, in chet dan hi ka thih ni thlengin ka theihnghilh mang mang lo ang’ tiin a phun ngal ngal a. Pu Tawnliana chuan ‘kei pawhin i thusawi hi ka theihnghilh mang mang lo ang, ka chhungte chungah eng pawh a thleng a nih chuan, nang hi ka hre chhuak hmasa ber ang che’ tiin Phaiphuk Lal silai chu a phih thlak sak hmak a, Lehlawn Lal Zamloa chu melh in ‘he buaina hi kan tan chhuah hmasak a nih loh dan chu i hre tho a, i theihnghilh loh hram ka beisei’ awm ze nei tak a tiin a mitah tak chuan a melh ran a. Lal Zamloa pawh chuan ‘Laiawrha pa, hlauthawng suh khai, kan boruak hian ka Lal in bak a pelh loh hram ka beisei’ tiin a sawi dam thlap a. Pu Laichuha chuan ‘Lalpa engpawhnise, kan tîn rih phawt a nge, naktuk zingah kan lo kal leh ang. Laiawrha pa hawh le i kal tawh ang, kan tlangvalte pawh an ril a tam lutuk palh a nge’ tiin Lehlawn Lal in a chhan hma chuan sumhmunah chuan an in zuichhuak a. Lehlawn khawnbawl upate chuan an mikhual te chu an zui chhuak nghal zat a. Engthil pawh thleng thut thei a nih hria in, Satlâk tlangval te chu an inring ru kher mai, engpawh thleng sela tang ho zel tur chuan pasâlthate chuan an hrilh ngun in, thil engpawh chian zel tur chuan an hrilh mawlh mawlh a.
Lal Zamloa chuan khawnbawl upate an tin zawh chuan a naute chu melh in ‘in va han che zahthlak tak em, engtin nge maw kan han phat mar tak ang aw’ tiin a tukhum a chul nawk nawk a. Phaiphuk Lal Thangzuala chuan ‘min han tih dan kher chu ka va la rul dawn rua em, ka tlangvalte reng reng pawh an dawihzep zel zul reng reng, an zahve emaw chauh hlauin an hnungtawlh a nia, mipa fa tlangval ka nei tlem deuh a ni, an ni pawh hian eng emaw chu an la hre dawn khawp e’ thinrim sehchilh rap rap chuan a ti a. Lehlawn Lal zamloa chuan ‘ka nau, heng kan farnu khuate hi chhaih chhaih hauh suh ang che, mahni leh mahni kan in beih chuan khawdang Lalte lakah kan hmai a mawk lutuk a nge, chulo rengah tharum zawng a thunun i tûm a nih chuan hling i insiam a ni mai, i thahrui ti châk tu ah hmang la vanneihna tham zet an ni zawk a ni, Satlâk khaw tlangval ui hum lek pawh ngam lo khua in, an zavai te zawng i ngam lo khumkhua ang tih hriat sa reng, an tanrual dan lah i mit ngeiin i hmu a, heng i mit hmuh te hi i thinrimna kha hliah tir reng reng suh, i tan leh kan zavai tan tha tur dawn la engmah ti hauh suh ang che, i hria em ? thinrim tak chuan a han ti a. An u ber thinrim hmel dur khuih an hmuh chuan, Khual Lal pahnihte chuan engmah an sawi ngam lo in an ngawi ta rauh rauh a. Phaiphuk leh Thurpui Lalte chuan an u thusawi dik zia chu an hre chiang in, khaw lian leh tlangval huaisen nei tam khua an din chan thin zia lah an hai na hek lo, an thinrim ti lang ngam lo chuan zupui chu an khiat khawlh khawlh a, an thu lai tlu tawp khawp chuan zupui chu an in ta ngawt a.
____________ + ___________
Zingah chuan Satlâk tlangvalte chu Lal mualah an ding thap a, khawnbawl upate chuan in buatsaih tur chhuanlam chuan hawn an tum thu Lal an hrilh a, Lehlawn Lal Zamloa chuan a lo remti lo nasa mai a. Khawnbawl upate hnenah ‘kan zan boruak khati teh nuaih a nih vang khan ro hran han rel na khua a kaw lo a, kan tlangvalte pawh an chau hle ang tih a chiang , chuvang in heng ramsa hian tlang ruai kan siam a nga kan inrem na pawh kan lawm pah a tih theih ang chu’ ti a a sawi mek lai chuan tlangau pa chu a lo lut a. Lal Zamloa chuan ‘ka khawnbawlte han ko thuai teh, kan vawiin ruai siam dan tur rel a ngai e’ tiin a lo tir zui zat a. Tlangau pa chhuah hnu chuan leihkatlangsang a tang chuan Satlâk tlangvalte chu ko chho in, an lo thlen chuan ‘nangni ka tlangval in nghahna ber in hawn chuan, kan kutlo sa hawi vel mai mai dawn a sin. Chuvangin naktuk lamah in hawn ka rem ti chauh dawn a ni, in lo kal chhan lah rem thu kan thlung tawh a, lungkham tur a awm zeng lah a ni lo, vawiin hian tu khaw tlangval nge lam thiam kan hria ang chu, ka tlangvalte lo chhuah hma leh ni tlangsan hma in, sa khu lo zu chan tawh u in hmanrua chu ti khan lo dah mai ula’ tiin a han sawi zui a.
Satlâk tlangvalkte chuan an khawnbawl upate chu a ngaihna hriat loh hmel tak chuan an melh hâ a, Pu Laichuha chuan ‘e khai tlangval te u, kan Lalpa berin chutiang a tih tlat chuan tu han hnial thu a awm lo e, naktip maiah khua kan thleng mai dawn a lawm le, ramsa ruaipui theh pawh a châk awm a lawm’ a lo tih chuan Satlâk tlangvalte chu sachan tur chuan an chhuak sang sang a, an hmanrua chu dah lo in an kengchhuak vek thung a. Lehlawn Lal Zamloa chuan Satlâk tlangvalte rilru dam zan loh zia a hriat chian phah in, a naute khawsa zia a zirin buaina zakhaw rawih an thlen theih zia pawh a hre chiang ta kher mai, a rilru pawh a vak thui ta kher mai.
Satlâk tlangvalte chuan hlim tak chuan sa chu an chan zui mawlh mawlh a, Lehlawn naupangte chuan an lo bawr tuau tuau a, naupang lian deuh chinte chu an sachan tur chu an dawm tir a, naupang sa chan tur vuan ve lo te chuan ‘khawi ka lo vawn chhawk ve tawh ang che’ tiin an thiante chu an lo chhawk lem lem hlawm a. Lehlawn tlangvalte chuan naupang lo thuve far an hmuh chuan ‘kha naupang te te, engnge he laiah in lo tih ve, kalsawn thuai rawh u, in rim a chhia’ tiin an hrawk nghal khur khur a. Pasâltha Sukthanga chuan ‘tlangvalte u, heng naupangte hian an theih tawk in an thawk ve a nih hi, tun a tangin an theih tawk an tih hi hriatthiam an ngai a nia, an hma hun a tan thiltha tihdan kan zirtir an ngai a ni’ tiin naupang thlavang chu a lo hauh sak a, naupangte chuan lawm takin pasâltha Sukthanga chu an nuih var var hlawm a, phur tak chuan an sachan chu an pui ve zel a, Satlâk tlangvalte chuan ti khan ti rawh u, ti zawk khan tiin naupangte chu sachan dan chu an lo hrilh zauh zauh reng a. Khawnbawl upa leh Lal ten naupangte pawh an tih theih tawk ti tur a an zirtir lai an hmuh chuan mak ti tak in ‘in tlangval te khuan in naupangte khutiang khuan an zirtir thin em mi ?’ tiin Satlâk khawnbawl upate chu an zawt ta hial a. Khawnbawl upate chuan ‘kan khaw naupang thingnawi fawm chin chuan sapuah leh eng emaw thil harhsa lo chin chu an thawk vek thin. Khuanun beng lo chhu chhet sela, vanduai thilah puitling chin hi lo awm lo pawh ni ila, kan naupangte chuan an hma an su kaw thei vek ngei ang’ tiin vaibel chu a fawp khu tual tual a.
Phaiphuk Lal Thangzuala chuan ‘naupang te chu changpat cheh chhum ang mai chauh an ni a, khawiah eng thil va thiam hrep suh’ tiin a lo chhang hluk a. Pu Tawnliana chuan ‘I fate chu engmah i zirtir loh chuan hnangvar a hlin ngam tawk chauh an ni reng ang chu, an naupan lai a tanga i zirtir erawh chuan khawi hmunah mah ngaihtuah awm an ni hauh lo ang’ tiin a lo chhang bul ve hmak a. Lehlawn Lal Zamloa chuan ‘in han sawi dan hmang in, Satlâk khuate chuan in naupangte chu an theih chinah in chhawr thiam hle thin a ni maw ?’ tiin a lo zawt ve bauh a. Pu Tawnliana chuan ‘Mi puitling ni tur hian kum lam a tam an ni ngawt in kan hre ve lo, kum hian hriatna leh thil eng emaw chu a zirtir ngei a, naupan lai a tanga than hnan thil erawh chu mi a thawk feih feih chhung chuan a nung tawh thin, a mawhphurhna hian nundan tha ah a hruai tawh thin a ni, tlangval thatchhia leh dawngdah ho reng reng hi han belchiang ila, naupan lai a duh ang a awm thin leh zilhhau ngai loh chhungkua a tanga zi chhuak te hi, an kum a lo tam hnu ah pawh mi awm eu leh mi hnawk sak te an ni thin’ tiin a han sawi zawm leh a. Chung Lal thumte chuan an thlang a tlangvalte khawsak thlir pah chu an ngawi rauh rauh a. Thurpui Lal chuan ‘mahni thisen a hrinte chu tu te pawhin kan zilhhau in nundan tha chu kan hrilh vek a, a vannei deuh in an that pui a vanduai deuh te erawh chu awm theih a ni’ tiin a han chhang ve leh a.
Pu Laichuha chuan ‘naupang mai pawh nilo hian kan ran vulhte thleng hian, ti tak tak a kan duh loh zawng hi an hrethiam vek a sin, naupang phei chu han zilh ve mah ila a lang a mawi chauh a kan zilhna hi an hre khawp mai, nu leh pa thenkhat te chuan an fate hi an zilh ngei a, thunun nan talhfiak pawh an lek ve thin ngei a lawm, a pawng a puiin kut an thlak ngawt thin bawk a, thinrimna awm leh hun lah thliar thiam a ngaih narawh e, eng emaw deuh a fate tan hler thin nu leh pate hian khawi a fa tha an neih hi ka ring thei lo, nu thenkhat lah hian an fate lak a lan that duh in, an thiltih sual hi an thup sak thla zen rawl nen, nupa tangtlang a theihtawp a beih chuan kan fate hian rawllai nun han pai khat khat deuh nei mahse, awmsual an bawl zui ngai lo, zawlbuk in enkawlna hi a that rual in a ler a thuai chauh a ni tawh a, kan vantlang nun that nan chuan chhungkaw nun bul thut dik hi a ngai ni’ tiin a han sawi ve leh charh charh a. Thurpui Lal Tualliana chuan ‘ka khua ah chuan khawtlang a awm herh tak nupui hmu zo lo tur a kan ngaih in fa tha pui pui a nei tlat zu nia’ tiin a han sawi ve leh bauh a.
Pu Tawnliana chuan ‘hmun thenkhat ah pawh rawlthar lai a awmsual bawl, zawlbuk tlangvalten an zilh that ka hmu nual mai, chhungkaw enkawlna tha hnuai a mite hian khawtlang nun sual an thlen lo tlangpui, vantlang ngaih a nu leh pa tha tak ang a lang, fate awmsual bawl tlat an nih chuan han bel chiang ila fate sualna hmuh kan lui te, nu zawkin pa bul a fate thup mawi lui tlat te, an faten an lakah rilru na an neih hlau tlat te an ni tlangpui. Hetiang ho hian han sawi mahse an fate an thunun nasat zia leh an zilh nasat thu hi an sawi tlangpui thin, belhchian erawh an dawl lo khawp mai’ a han tih leh chuan chhan ngaihna an hre lo in an ngawi ta thap a. Satlâk tlangvalte khawsak phungah chuan thunun that an ni tih an hriatin, eng pawh ti sela hlim takin an hma chhuak tawh phawt tih hlawhtlin tum chuan an thiamna an hmang tlat si a, hnial duh viau mahse an sawi dik tlat zawk vang chuan an ngawi ta thap hlawm a.
Pu Tawnliana chuan an thu sukthlek danah inhnial buai hlauin ‘hei kan khual unau te lam ram hi ka la tlawh hlek lo a, buh leh bal lam hi hawpkhawp in thar thei a ngem ? tiin Thurpui leh Phaiphuk Lalte chu a han zawt a. Phaiphuk Lal Thangzuala chuan ‘kan kum that kum tak a ni a, hawpkhawp chu kan neih vek a rinawm, furpui lai a tang khan hrumzial ho hi ram kal hian an hmu leh nawlh thin a, vahsan lak zawh hian inrawn khawm a heng kan hrumzial ho hi nuai deuh hlek chu an la ngai mai awm e’ tiin a khaw boruak chu a han sawi a. Thurpui Lal Tualliana chuan ‘keini kan kum that kum a ni chiah lo a, pur phurh em chu kan ngailo turah kan ngai deuh. Favang lai khan hrumzial ho chuan ka tlangval pakhat lu min lak sak a, hrumzial ho lah thla nei ang maiin an sul reng ka tlangvalten an hmu zui thuai lo nen, kei pawh vahsan lak hnu a hrumzial lak a tan ho dan ngaihtuah na rilru nen a lo thawk chhuak ka ni a, tum loh deuh in kan farnu chanchin dangin min deng ta bawk a, ka chamrei ta mah mah a ni’ tiin a han sawi ve charh charh a.
Lehlawn Lal Zamloa chuan ‘in lo chu ti ve a ni maw ? thawk khat lai khan kan Satlâk tlangvalte chuan hrumzial ho chu an suat nual tawh a, an mi man thenkhat phei chu an chhuah leh ta a nih kha’ tiin Satlâk tlangvalten hrumzial silai an man sak te chu a sawi chhuak ta vek a. An thu hriat thar chu ring lo deuh tak chuan ‘an lo chu tih vang nge maw ni dawn le, buhseng dawn lai khan ka tlangvalte chuan ram an fang chipchiar ang reng viau a, sulhnu thar awm kan hmu lo an lo tih’ tiin an ti ti laih laih a. Lehlawn Lal Zamloa chuan ‘Khawbual khaw mihring kawi chhuak tu hrumzial ho pawh kan Satlâk tlangval te kaihhruai na a chhan chuan an ni a’ tiin thu muhnu chu a han sawi chhuak leh a, Phaiphuk leh Thurpui Lal te chuan ngaihnawm ti tak chuan an lo ngaithla ang phuau a, Tukthuan ei an peih chuan Lal leh khawnbawl upate chuan an kil kual pup a, chaw ei pah chuan Satlâk tlangvalte chet dan chu an sawi zui zel a. Khual Lal pahnih ten an lo hriat loh mihrâng te chetdan a hriat meuh chuan an thu chhakchhuah tawh chu an zak kher mai, an hriat leh chak mai mai chu khaw tlangvalte in elna a ramsa nungchung an khalh hawn dan chu a ni.
Hâr an nun kim chuan Lal mualah tlangvalte chu an lo ding ther fur a, Phaiphuk Lal chu lo ding chhuakin ‘khawnge kan Satlâk pasâltha Sukthanga kha lo chhuak sela, nimin lam a in chet dan kim chang min han hrilh teh se’ tiin a khi vei sung a. Pasâltha Sukthanga chu leihkatlangsangah chuang kai in, nunaute chuan a thusawi hriat chian tum tak chuan leihkatlangsang lam chu an hnai tuai tuai a. Pasâltha Sukthanga chuan aw thian kharh kharh in ‘ khatia in el tur a kan chhuak ta kha, kan vanneihna a kal tluang a, kan va hlawhtling ta mai a ni sawi zui vak tur pawh a awm lo e’ tiin a kal sawn ta daih a, an beisei loh ang deuh a thil an hriat chuan a lo ngaithla tute chu an hrilhhai zawk kher mai. Phaiphuk Lal Thangzuala thin chuan a tuar leh ta lo a, thinrim hmel dur khuih chuan ‘nang kha ding rawh, min va zah lo ve’ tiin a han au that that a. Pasâltha sukthanga chuan ‘ka pu i ngai kawi mai mai a nih kha, kei ni ramvak te chuan vanneihna bak hi sawi tur kan nei loh vang mai zawk a sawi tur awm lo a ni e’ tiin a kal san zui hmak a. Lehlawn Lal Zamloa pawh a ngaihdan ni chiah lo mahse a nau awmdan tur a hriat lawk vang chuan a ngawi ta hle hle a. Phaiphuk Lal Thangzuala chuan ‘min han tham loh zia reng mai hi’ tiin a phun zui bul bul reng a.
Phaiphuk Lal thinrim hmel a hmuh chuan Thûamkunga lawm sakhai ah tlain, nui sang chuan a khel beng thak thak in a lam vir chai chai a, Chungliana chuan ‘khawnge hman a ka di mualliam hnu kha, a tha par tlei dang tawnah mual zapui ka liam thei lo, ka tawn di mualliam hnu zun leng in tangah min zem, zaman hmawngiang min phuar thlafam ka chan hma chuan a dam dawn nem maw’ tiin a han hril a, Thûamkunga chuan uar leh lai tial ruai chuan la in, Satlâk valrualte chu an su khu ta luih luih a. Nula hmai fai deuh chin lah chu Thûamkunga chuan lâm mual lamah chuan a nam lut zung zung a. Mualkunga pawh chu a su ve zak zak a. Pasâltha sukthanga chuan ‘zaleng hei zawng zingah lunglai luahtu an nemi chhing zo reng an awm nem maw, a sakhmel darang tawnni her chhuak thuai se, a tang lai thlawhlai lapar ai a var zawk chhingmit thlaah ai ang a cham reng, pialral thleng a ka chan khuanu malsawmna ka zui zel nang che, a anka nem kai ka tan dam na’ tiin a han hril ve leh lauh lauh a, Khualval dangte chu Chungliana chuan a nam lut ve zel a, Khual Lal thinrim ang thawm chhilh thak khawp chuan an chheih ta dual dual a, an Lal angthawm ngaihthlak ai chuan chheih chheih tiin Phaiphuk tlangvalte pawh chu a uar uar ah tang in an chheih tuar tuar a.
Tlangvalte hlim tak a an chheih dual dual lai chuan Lal leihkatlangsang ah erawh chuan an inhnial bap bap thung a, Phaiphuk Lal Thangzuala chuan ‘he tiang reng a min tham lo leh zahlo tu ka la tawng ngai lo, in khawtlang awpna dan tur pawh a hriat reng mai’ tiin a phun hluk hluk reng a. Khawnbawl upa Pu Laichuha chuan ‘a Lalpa kan tlangvalte pawh in thiam lohna chu an nei ngei a, a bul ah erawh chuan in diklo hmasa ve bawk a lawm, a salu hawn tha zawkin khaw silai duh ang an thlang ang, thutiam a ding nghet leh dik niin in in sawi hmasa a nih chiah kha, chu a chhapah silai meuh in lek zui a, in duh a hrual mum a ben phek theih turah a mi in ngaih reng a’ tiin Satlâk tlangvalte thlavang chu na takin a chhan hauh ve tlat a. An thiam lohna aia chuan Lal an nihna changchawiin an lungawi thei ngang lo a ni, an tan na lamah chuan mei kawh in an tang lan hlawm si a, Lehlawn Lal Zamloa chuan tih ngaihna tak pawh a hre bik mai lo a, thudik chu hre mahse an thangtlawm lutuk tur nem nghet tu nih chu a duh bik lo a, a han ngawi deuh vung vung in ‘hawh teh u, hetiang a inhnial buai reng lo hian lam i thai ve zawk teh ang u’ tiin a tho thurh a, tlangvalte ziangah chuana su ve ta nghawng nghawng a.
An lam chauh deuh hnu chuan an han chawl lai lawk ta rih a, nula lam chuan tui chu mauthei chuan an lo sem dan dan a. Thûamkunga chu khi sang chung chuan naupang thingnawi fawm rual awm khawm thap lamah chuan pheiin ‘naute u, hei dawi ka thiam a, in duh phawt chuan ka zirtir thei che u a nia’ tiin a han sawi sur sur a. Nuapangte lah chuan ‘min zirtir ve la, maw maw’ tiin an vir chung a, Thûamkunga chu a ngawi deuh vung vung a. A nih tumah ti na hauh suh u aw, ka zirtir che u tih pawh in sawi tur a nilo’ tiin an bul a puitling dingte chu hlauhthawn hmel tak chuan a melh rang kual zuk zuk a, Naupangte chuan phur fe in ‘tumah kan ti na lo ang, tu hnenah mah min zirtir tih kan sawi hauh lo ang’ tiin an phun sar sar a. Thûamkunga chuan ‘ aw le, chutiang a in tih dawn phawt chuan ka zirtir mawlh ang che u, a hmanrua tur tui tam deuh dahna tur han la hmasa phawt rawh u’ tiin a tho a, zawlbuk ah chuan lutin a kilah chuan a han mu vang vang a. Naupang thawm a hriat chuan bawk khup thukin a dawihla phuahchawp chu a chham bul bul a, naupangten Thûamkunga awmdan an hmuh chuan phur takin an in hrilhru sar sar a, ti dekin zawlbukah chuan lutin ‘ka pu hei tuih dahna tur hmanrua chu kan lo la tawh a sin’ tiin an lo hrilh sap sap a, buk nghut pah chuan pawn ah min lo va nghak tawh u, ka zawlte ka han be lawk a nge’ tiin lehlam hawi chuan a phun zui leh bul bul a.
Naupangte chuan nghakhlelh tak chuan an thlir sek a, a ni lah chu zawi muangin a han ding thum thum a, a lu chu a tuai thur nghal bu a, a han meng rang chu naupang dawihzep deuh te chu an til hak a, an thiante chuan ‘ti khan awm suh, nangmah vang a min zirtir duh loh vaih chuan i chak lo ang’ tiin an in hau nak nak a. Pasâltha Sângtuala chuan naupangho khawsa zia leh Thûamkunga luthur bu a lo chhuak a hmuh chuan ‘a eng a chu ti leh dawn ni maw’ ti rilru nauh nauh chuan a hnaih ru hrauh hrauh a. chutia naupang bawrkhawm tuai chu puitling te chuan mak ti ru tak chuan an thlir leh zauh zauh thin a. chutia an thlir reng lai chuan vawk kuang hman loah chuan tui chu a han chhung in, a dawihla phuahchawp chu a chham mawlh mawlh reng bawk a, naupangte chu a bit thei ang berin Thûamkunga chuan a han thut kual tir thap a, naupang thu ve theilo te chuan ‘khawi keimah zawk’ tiin an thiante chu an lo pawt sek a. Vawk kuang vawk chaw nawi kai nuaih chu tuiah chuan a lang deuh sup sup a. Thûamkunga chuan aw teng deuh chhuah hian ‘tui kha ngun takin en rawh u, engnge in hmuh’ a ti teng deuh chhuaih a, naupangte chuan ‘engmah ka hmu lo’ tiin an chhang sap sap a, chumi pah chuan an bih hnai zel a. A hma ai a ring zawk mah chuan ‘eng thil nge in hmuh naute u’ a han ti leh zet chu, Lal mual a awmte chuan Thûamkunga leh naupang thu bial laih lam chu an thlir ta thup a.Naupang hnung a hmai thup chung chuan ‘khawi maw khu a awm reng khu’ tiin a thu hniam sut a, vawkkuang a tui bal tling lung chu a han beng per chaui mai a, naupang ka ang deuh phut a vawkkuang bih te chu an ka a tui bal lut chhak chhuak chung chuan an te ta teng tung a.
Naupang te teng tung lamah chuan Lehlawn Lal Zamloa chu a chhuk thuai a, naupangte chu ‘eng a ti nge, in va te nasa teng tung ve’ tiin a han zawt a, Thûamkunga nui khur char char leh naupang an thiante vawkchaw nawi kai nuaih kawk a nui tlak tlak a hmuh chuan ‘kan Thûamkunga thin hi chu aw, i fiamthu han duh dan te lah hi a’ tiin a nui ve hai a. Thûamkunga nuihza zual a reh chuan ‘naute u, ka mit a tangin meikhu ka ti chhuak thei a sin’ a han tih leh chuan, naupangte chuan an bawr leh ta lat lat a. Naupang vawkkuang la tu chuan ‘kei chu ka ring tawh lo, a thiam tak tak lo ang, min tihder leh in ka ring’ tiin a thiante chu a melh kual a. Nuapang tam zawkte chuan ‘kei chu a theih ka ring, nichin a tuiah pawh satel tuihleuh ka hmu’ tiin an thiante chu an lo hnial a. Thûamkunga chuan vaibel chu phawrhin a han siam kai zui zat a, naupangte chuan an bawr hnai leh ta lut lut a, ka pu, i mit a tang chuan meikhu chu han ti chhuak tawh te, kei chuan i tih theih ka ring’ tiin an lo sawi lang lang a.
A hma ah chuan naupang te chu ngun takin min en rawh u, in hawi sawn chuan in hmu hman dawn lo a nia aw’ tiin a han sawi lauh lauh a, mau ther tawngchen chu lek kawh zal zal in, naupangte kapah chuan hawlh in rang takin meikhu chu a han chhem chhuak zauh a, meikhu zawnah chuan khap fak fak in ‘in hmu hman em’ tiin a han zawt a, naupangte chu an inhnial leh ta lat lat a, ‘a ti thei tih leh theilo tih te, kei chu hnuai lam ka en lai a nia, ka hmu hman lo tiin an ri leh laih laih a, Thûamkunga chuan ‘tunah a tawp nan ka ti leh dawn a, uluk takin min en tawh ang che u’ tiin a han insiam chhe kual a, naupante chu an nui eu dar dar a. naupang thawm chhuahna lam ngawt chu puitling te pawh chuan an thlir ta thup a. Thûamkunga chuan vaibel chu a han hip vang vang a, vawi thum a han chhem chhuak talh talh a, naupangte chuan nghakhlel tak chuan ‘ka pu ti tawh rawh’ tiin an au dual dual a. Thûamkunga chuan ‘Inring ru lem tunah’ tiin a han au that that a, naupangte chuan hmuh chian tum chuan an bial hnai tuai tuai a, a mah hnaih naupangte chu ‘aih ah, a nâ lutuk’ tiin an rak chul a, an mal vual deuh thla lang kalh chu an baih pui saih saih a, Thûamkunga dawi chuan naupangte inhnialna chawk chhuak in, a theih leh theih loh chu an inhnial laih laih a. Thûamkunga chuan ‘khai le, inhnial chu a ninawm lutuk rawn in tlar rawh u le’ tiin naupangte chu thuawih tak chuan an ding tlar thap a. Tunah kan infiam tan ang ‘tirah mei kaiah’ ti ang aw, tiin an inzui kawi ta duah duah a. Khawnbawl upa Lairuala inhnuai an luh lai chuan ‘Tira mei kaiah, chhimtira lairuala hei ha’ tiin an au rual dul dual a. Kawnbawl upa Lairuala lah pa fiamthu duh a lo ni a, inchhung ah tlan lutin tui chhe dah chuan Thûamkunga te au rual dual dual lai chu a han leih thut a . . . tlangvalte chuan naupangte chu zawm in, a khaw in hnuai chu an hrut chhuak ta vek a.
Ti thleng hi ni leh phawt mai tehse, ka hmanhmawh teh lua dawn lo a nia . .
BUNG – 152
Lehlawn Lal in nghing lawih lawih hlau in Lalnu Muanzoi chu a te that that a, sumhmun ah chuan a tlanchhuak thuai a. Lal Zamloa’n a nupui hlauthlabar in a mah pan lo a sumhmun thim a chuh a hmuh chuan a thinrim na leh a nupui rinna hlawhchhuah duhna chuan a thin chu ti tek chhakin, banglai a silai zukchâl ki zar nalh tak a in khawh phei zar chu pawt dawk zawk a, puan tlang leng duai duai chuan a chhuak nghal zawk a. Zukchâl hlau hlawp zuang zawk zawk chu hawlhchilh deuh thaw chuan a han kâp let tawp a, silai thawm leh zen rim chuan savawm leh keite thlun beh chu te thawt thawt in, an zuang zawk zawk ta mai a. Ramsa in hrosa thawm leh nunau te teng tung chu hlau ve ni awm tak chuan zanlai ar khuangte chu an reh thuap in, archhiar a tang chuan an dawngdawlak lauh lauh a.
Zan dang ang chu nise Lehlawn khua chu a reh thup tawh a nga, tlangval leng haw tlai deuh te chauh chu kawtthlerah an vak tawh ngei ang. Khaw thum tlangvalte in el na leh an hlawhtlinna chuan, Lehlawn khawchhung boruak chu a thlak chiang hle a. Chutia ramsa nungte an han tal chiam takah chuan Satlâk tlangvalte hlin sa, savawm chu tlan chhuak in lungdawh lamah chuan a tlan ta thut a. savawm tlan chak lai chu silai puak thawr vang chuan a beleuh tawi tak a. Lungdawh lam thim thamah chuan a pil bo zui hmak a. Satlâk tlangvalte chuan an sa man chhuak chu meichher nen chuan an um nghal huk a, savawm lumna thisen far chu meichher êng fiah lo takah chuan pasâltha Phulliana chuan a chhui zar zar a. Khawthum tlangvalte chuan an hnung ah zuiin an hma a tlangvalte chu an thlir dauh dauh reng a. Lehlawn lungdawh zawlah chuan savawm chu a lo bawk thim hmak a. Mualkunga chuan ‘nangte reuh chuan min va han ti hah deuh ve mawle, tha te te in awm ni la chu zanriah kan kil dar dar tawh tur a nia’ tih pah in, Savawm meiah chuan a man zui chat a. Pasâltha Phulliana chuan ‘Kunga fimkhur rawh’ a tih lai mek chuan savawm bawk reng chu tho thutin, Mualkunga chu a bawh let nghal rawk a.
Savawm thinrim huk dum dum lamah chuan Satlâk valrualte chu an chim huk a, Pasâltha Sângtuala chuan ‘tuman hriam lek suh u, kan inhliam palh a nge’ tih pah chuan savawm meiah chuan a phih zui nghek a. Satlâk tlangvalte chuan an iptepui paih in, savawm thinrim huk dum dum chu an tlawh her sawk sawk, Mualkunga chuan ‘eheu min bum khangleng elaw’ tih leh savawm bengah chuan man in a phih thal zui zat a, savawm taksa lang lai ah chuan Satlâk tlangval te chuan an chelh fur a, savawm hliam chu che thei lo in a tih theih tawk tiin a huk dum dum reng a. Pasâltha Phulliana chuan ‘naute u, ramsa mah nise a khawngaih thlak e, che theilo tur khan man bet ula, i kâp hlum tawh mai ang u’ a tih chuan, tlangval tam zawkte chu in thiar fihlim in, pasâltha silai mu a thluak pawh hawk a lut sa zawk vang chuan savawm chu a tal khur char char a. Savawm chu zawn in Lal mual lamah chuan an in zui chho leh ta hum hum a. Satlâk tlangvalte khum tum chu thihna ah ngaiin, khawthum tlangval te chuan an chung en ta vek a. Khual Lalte chuan chutiang a khaw tangrual an hmuh chuan an rilru chuan rual a awt ru kher mai . . .
Savawm ruang zawn ten Lal mual an thlen dawn chuan silai chu a puak dur a, an han en nak chuan pasâltha Sukthanga chu silai hmawr khu vat vat hum in, Lal thingkhawn lam thlir chuan a ding ran a. A bulah chuan kawlkei ruang chu a let ngat a, a thiante a hmuh chuan then sakin kan tlak ta e tiin a then var a. Lal Zamloa melh in ‘Lalpa Zamlo, hei kan thu remna ang in khual silai chu ka la mai dawn e aw’ tiin a han au lang lâng a. Lehlawn Lal Zamloa chuan ‘thlang ta mai che, in chak zawk tih lah kan hre tlang a ni lawm mi ? tiin a han chhawn ve lung lung a. Pasâltha Sukthanga leh Phulliana chu an in bek bawrh sar sar in an then dun suk a. Kan khual Lalte pawh khan in dinna chu in la tawlh em lo maw ? tiin a han au nawn leh a. Thurpui Lal Tualliana chuan ‘tun tum chu in chak e, kan lo tiam tawh ang ngeiin silai pahnih chu thlang mawlh ang che u’ tiin a lo chhawn ve lung lung a. Phaiphuk Lal Thangzuala pawh chuan ‘keini unau chuan kan thutiam kan bawhchhe ve ngai hauh lo, in lung sikna thlap chu han thlang chhuak ta che u’ tiin a au ve lung lung a. Pasâltha Sukthanga chuan ‘ Lehlawn nunau te u, kan Lalte thusawi kha in hria maw ? thutiam hlen ngei chi Lal hnuai a hlawntlinna kan nei hi a va lawmawm tak em. Khai ule, mei êngah hian in silai chu lo kalpui ula, in khaw hnih a silai tha ber chu han thlang dawn ila’ tiin a khi sang a.
Tlangvalte chuan hmel a hlauhthawnna lang chaih chung chuan pasâltha Sukthanga dinna meipui chhehna lam chu an pan ta a. Lehlawn nunaute chuan silai thlang lai hmuh chian tum in an zim hnai nghal tuau tuau a, pasâltha Sukthanga chuan ‘hei chauh hi em mi silai in lo ken’ tiin tlangvalte chu a melh kal a. Satlâk pasâltha chuan khawhnih tlangvalte hnen ah chuan ‘khawnge in Lalte pawh in silai an lo keng ve emaw tia’ tiin tlangvalte chu a melh kual, chu thu an hriat chuan Thurpui leh Phaiphuk khaw Lal te chu an meng rang nasa ta mai a, thinrim aw teng chhuaih chuan ‘nang khan eng thu maw i sawi, kan silai te chu nangni ang khawih phak rual a ni lo e’ tiin a ding sen tul a. Pasâltha Sukthanga chuan Lehlawn Lal Zamloa chu a melh ding ngar a. Aw dam thlap in ‘Lalpa i Lal mual ngeiah nang hian tlangval hlawhtling zawkte chuan, a hlawhchham khaw silai duh an thlang thei i tiin ka va hre ve, nge ka hriatsual zawk ?’ tiin a han zawt a.
Lehlawn Lal Zamloa chu a ngawi deuh vang vang a, Lehlawn khaw chhung a mite chu zawi te te chuan an phun sap sap hlawm a, an phun thawm chu leihkatlangsang a awm te pawh chuan an hre pha reng a, chung phun thawm an hriat chuan khual Lal pahnihte rui pawh chu a reh chiang ta khawp mai. Satlâk tlangvalten an tih thangtlawm zia chu an hre chiang in an thinrim chu an ding sai hlak hlak a. Aw thian khurh khurh in ‘pasâltha Sukthang i sawi dik e, kan thu thlukna ah chuan a vannei khua ten a vanduai khaw silai (he lai hmun a awm ve) an duh an thlang ang tih a ni e’ tiin a han sawi a. Khual Lal pahnih te chuan an u chu thinrim leh mak ti tak chuan an melh tur khaih a. Phaiphuk Lal Thangzuala chuan ‘a ngam fa chuan ka silai chu rawn la ula ti nia’ tiin inchhungah lutin a silai nen chuan a lo chhuak a, pasâltha Sukthanga chu a tin ta rap a. Phaiphuk Lal khawsak dan an hmuh chuan Lehlawn nunau te chu an te tuar tuar a, hmun him ni a an hriat lama chuan an darh suau a. An Lal khawsak dan chu duh pui lo viau mahse an hmanrua chu Phaiphuk tlangvalte chuan an chuh ta sang sang a. Pasâltha Sângtuala chu lo pen chhuakin ‘ka pa Thang. Dangawm teh mahni thutiam a ding ngam lo silai mu hian min fuh hauh lo ang’ tiin a rawn tlak khalh ta rap a, pasâltha Sângtuala mitmeng chu a sen leh ta ram a. Thinrim sehchilh rap rap chung chuan ‘Lal chu nilo la kha laiah khan i thi chiang viau ang, duh ngat ila i silai chu ka lak sak chiang viau bawk ang che, kan Lal te inneih bawhbuai tur zawng a khawsak kan duh loh a vang mai chauh leh, silai pakhat vang mai a nunna hlu tak lak ka duh loh vangin nungdam in awm ang che’ tiin a bul mai a pen thawm lo awm chu a melh zawk a.
Silai hmawr hawlh lo chauh chuan Phaiphuk pasâltha Thangtluanga chuan lo tin in ‘kan Lal chu i va han zah lo ve maw le, zilh deuh i ngai dawn a nih hi’ tiin a hma a mi chu a vau zui chhar chhar a. Thûamkunga chuan ‘pu a tawlhsawn thuai la, i silai kha lek thla rang rawh, chutiang a nih loh zawngin i thlarau kha hringlang tlang lam ah ka thawn liam nghal a ni mai’ tiin a silai cheng chu a kau zui ta rep a. Mualkunga leh Chungliana pawh chuan an silai chu an kau zui zat a. Satlâk tlangvalte huaisen dan hmu tu vek an nih tawh a vang chuan, khual val dawihzep deuh te chu an tawl kir tan ta a. Satlâk tlangvalte lah chu buai chak zawk ang hrim chuan hmalam pan in an tawlh hnai sauh thung a. Pasâltha Sângtuala chuan a mah si tep a silai ngul kaw thim hmak leh a kengtu chu melh tawn zauh in, silai hmawrah man thutin lei lamah silai hmawr chu a kawih hniam rual chuan a han phih zui nghek a.Phaiphuk pasâltha Thangtluanga chu hmalam ah tlan dawrh in, a dul a Satlâk pasâltha tlawhna vang chuan a leng lawp a, ek thawt khap chuan leicharah a in sawh dawp a, a tho leh tur chu Thûamkunga chuan a tukhum ah a chhir zui pawp a, engmah hrelo in leichar ah chuan a mu ta hle hle a. An pasâltha in nghahna ber mitkhap kar lek a mu zawi der an hmuh chuan khual valte chu mak tiin an hawi kâ hau.
Lehlawn Lal Zamloa chuan ‘Laiawrha pa insum rawh, nang pawh i silai kha dah thla nghal thuai rawh’ tiin a au that that a. Pu Tawnliana chuan Phaiphuk Lal Thangzuala a tuk sam a man in chempui chu zak kau meuh chuan a lo lek kang uaih tawh a lo ni a, Pu Tawnliana chuan ‘ka fapa khuan sam zai khat tia pawh hliam a neih chuan i nghawng ka fik nghal nawlh ang’ tiin Phaiphuk Lal chu a vau zui sap a. Tawng zawi viau mahse thusawitu chuan a sawi mai mai lo tih hriat tak chuan hnun a fan raih thung a. Phaiphuk Lal Thangzuala chuan silai lek thlak ruai ruai pah chuan ‘nangni chhung hian in la hre khawp ang, in chet dan hi ka thih ni thlengin ka theihnghilh mang mang lo ang’ tiin a phun ngal ngal a. Pu Tawnliana chuan ‘kei pawhin i thusawi hi ka theihnghilh mang mang lo ang, ka chhungte chungah eng pawh a thleng a nih chuan, nang hi ka hre chhuak hmasa ber ang che’ tiin Phaiphuk Lal silai chu a phih thlak sak hmak a, Lehlawn Lal Zamloa chu melh in ‘he buaina hi kan tan chhuah hmasak a nih loh dan chu i hre tho a, i theihnghilh loh hram ka beisei’ awm ze nei tak a tiin a mitah tak chuan a melh ran a. Lal Zamloa pawh chuan ‘Laiawrha pa, hlauthawng suh khai, kan boruak hian ka Lal in bak a pelh loh hram ka beisei’ tiin a sawi dam thlap a. Pu Laichuha chuan ‘Lalpa engpawhnise, kan tîn rih phawt a nge, naktuk zingah kan lo kal leh ang. Laiawrha pa hawh le i kal tawh ang, kan tlangvalte pawh an ril a tam lutuk palh a nge’ tiin Lehlawn Lal in a chhan hma chuan sumhmunah chuan an in zuichhuak a. Lehlawn khawnbawl upate chuan an mikhual te chu an zui chhuak nghal zat a. Engthil pawh thleng thut thei a nih hria in, Satlâk tlangval te chu an inring ru kher mai, engpawh thleng sela tang ho zel tur chuan pasâlthate chuan an hrilh ngun in, thil engpawh chian zel tur chuan an hrilh mawlh mawlh a.
Lal Zamloa chuan khawnbawl upate an tin zawh chuan a naute chu melh in ‘in va han che zahthlak tak em, engtin nge maw kan han phat mar tak ang aw’ tiin a tukhum a chul nawk nawk a. Phaiphuk Lal Thangzuala chuan ‘min han tih dan kher chu ka va la rul dawn rua em, ka tlangvalte reng reng pawh an dawihzep zel zul reng reng, an zahve emaw chauh hlauin an hnungtawlh a nia, mipa fa tlangval ka nei tlem deuh a ni, an ni pawh hian eng emaw chu an la hre dawn khawp e’ thinrim sehchilh rap rap chuan a ti a. Lehlawn Lal zamloa chuan ‘ka nau, heng kan farnu khuate hi chhaih chhaih hauh suh ang che, mahni leh mahni kan in beih chuan khawdang Lalte lakah kan hmai a mawk lutuk a nge, chulo rengah tharum zawng a thunun i tûm a nih chuan hling i insiam a ni mai, i thahrui ti châk tu ah hmang la vanneihna tham zet an ni zawk a ni, Satlâk khaw tlangval ui hum lek pawh ngam lo khua in, an zavai te zawng i ngam lo khumkhua ang tih hriat sa reng, an tanrual dan lah i mit ngeiin i hmu a, heng i mit hmuh te hi i thinrimna kha hliah tir reng reng suh, i tan leh kan zavai tan tha tur dawn la engmah ti hauh suh ang che, i hria em ? thinrim tak chuan a han ti a. An u ber thinrim hmel dur khuih an hmuh chuan, Khual Lal pahnihte chuan engmah an sawi ngam lo in an ngawi ta rauh rauh a. Phaiphuk leh Thurpui Lalte chuan an u thusawi dik zia chu an hre chiang in, khaw lian leh tlangval huaisen nei tam khua an din chan thin zia lah an hai na hek lo, an thinrim ti lang ngam lo chuan zupui chu an khiat khawlh khawlh a, an thu lai tlu tawp khawp chuan zupui chu an in ta ngawt a.
____________ + ___________
Zingah chuan Satlâk tlangvalte chu Lal mualah an ding thap a, khawnbawl upate chuan in buatsaih tur chhuanlam chuan hawn an tum thu Lal an hrilh a, Lehlawn Lal Zamloa chuan a lo remti lo nasa mai a. Khawnbawl upate hnenah ‘kan zan boruak khati teh nuaih a nih vang khan ro hran han rel na khua a kaw lo a, kan tlangvalte pawh an chau hle ang tih a chiang , chuvang in heng ramsa hian tlang ruai kan siam a nga kan inrem na pawh kan lawm pah a tih theih ang chu’ ti a a sawi mek lai chuan tlangau pa chu a lo lut a. Lal Zamloa chuan ‘ka khawnbawlte han ko thuai teh, kan vawiin ruai siam dan tur rel a ngai e’ tiin a lo tir zui zat a. Tlangau pa chhuah hnu chuan leihkatlangsang a tang chuan Satlâk tlangvalte chu ko chho in, an lo thlen chuan ‘nangni ka tlangval in nghahna ber in hawn chuan, kan kutlo sa hawi vel mai mai dawn a sin. Chuvangin naktuk lamah in hawn ka rem ti chauh dawn a ni, in lo kal chhan lah rem thu kan thlung tawh a, lungkham tur a awm zeng lah a ni lo, vawiin hian tu khaw tlangval nge lam thiam kan hria ang chu, ka tlangvalte lo chhuah hma leh ni tlangsan hma in, sa khu lo zu chan tawh u in hmanrua chu ti khan lo dah mai ula’ tiin a han sawi zui a.
Satlâk tlangvalkte chuan an khawnbawl upate chu a ngaihna hriat loh hmel tak chuan an melh hâ a, Pu Laichuha chuan ‘e khai tlangval te u, kan Lalpa berin chutiang a tih tlat chuan tu han hnial thu a awm lo e, naktip maiah khua kan thleng mai dawn a lawm le, ramsa ruaipui theh pawh a châk awm a lawm’ a lo tih chuan Satlâk tlangvalte chu sachan tur chuan an chhuak sang sang a, an hmanrua chu dah lo in an kengchhuak vek thung a. Lehlawn Lal Zamloa chuan Satlâk tlangvalte rilru dam zan loh zia a hriat chian phah in, a naute khawsa zia a zirin buaina zakhaw rawih an thlen theih zia pawh a hre chiang ta kher mai, a rilru pawh a vak thui ta kher mai.
Satlâk tlangvalte chuan hlim tak chuan sa chu an chan zui mawlh mawlh a, Lehlawn naupangte chuan an lo bawr tuau tuau a, naupang lian deuh chinte chu an sachan tur chu an dawm tir a, naupang sa chan tur vuan ve lo te chuan ‘khawi ka lo vawn chhawk ve tawh ang che’ tiin an thiante chu an lo chhawk lem lem hlawm a. Lehlawn tlangvalte chuan naupang lo thuve far an hmuh chuan ‘kha naupang te te, engnge he laiah in lo tih ve, kalsawn thuai rawh u, in rim a chhia’ tiin an hrawk nghal khur khur a. Pasâltha Sukthanga chuan ‘tlangvalte u, heng naupangte hian an theih tawk in an thawk ve a nih hi, tun a tangin an theih tawk an tih hi hriatthiam an ngai a nia, an hma hun a tan thiltha tihdan kan zirtir an ngai a ni’ tiin naupang thlavang chu a lo hauh sak a, naupangte chuan lawm takin pasâltha Sukthanga chu an nuih var var hlawm a, phur tak chuan an sachan chu an pui ve zel a, Satlâk tlangvalte chuan ti khan ti rawh u, ti zawk khan tiin naupangte chu sachan dan chu an lo hrilh zauh zauh reng a. Khawnbawl upa leh Lal ten naupangte pawh an tih theih tawk ti tur a an zirtir lai an hmuh chuan mak ti tak in ‘in tlangval te khuan in naupangte khutiang khuan an zirtir thin em mi ?’ tiin Satlâk khawnbawl upate chu an zawt ta hial a. Khawnbawl upate chuan ‘kan khaw naupang thingnawi fawm chin chuan sapuah leh eng emaw thil harhsa lo chin chu an thawk vek thin. Khuanun beng lo chhu chhet sela, vanduai thilah puitling chin hi lo awm lo pawh ni ila, kan naupangte chuan an hma an su kaw thei vek ngei ang’ tiin vaibel chu a fawp khu tual tual a.
Phaiphuk Lal Thangzuala chuan ‘naupang te chu changpat cheh chhum ang mai chauh an ni a, khawiah eng thil va thiam hrep suh’ tiin a lo chhang hluk a. Pu Tawnliana chuan ‘I fate chu engmah i zirtir loh chuan hnangvar a hlin ngam tawk chauh an ni reng ang chu, an naupan lai a tanga i zirtir erawh chuan khawi hmunah mah ngaihtuah awm an ni hauh lo ang’ tiin a lo chhang bul ve hmak a. Lehlawn Lal Zamloa chuan ‘in han sawi dan hmang in, Satlâk khuate chuan in naupangte chu an theih chinah in chhawr thiam hle thin a ni maw ?’ tiin a lo zawt ve bauh a. Pu Tawnliana chuan ‘Mi puitling ni tur hian kum lam a tam an ni ngawt in kan hre ve lo, kum hian hriatna leh thil eng emaw chu a zirtir ngei a, naupan lai a tanga than hnan thil erawh chu mi a thawk feih feih chhung chuan a nung tawh thin, a mawhphurhna hian nundan tha ah a hruai tawh thin a ni, tlangval thatchhia leh dawngdah ho reng reng hi han belchiang ila, naupan lai a duh ang a awm thin leh zilhhau ngai loh chhungkua a tanga zi chhuak te hi, an kum a lo tam hnu ah pawh mi awm eu leh mi hnawk sak te an ni thin’ tiin a han sawi zawm leh a. Chung Lal thumte chuan an thlang a tlangvalte khawsak thlir pah chu an ngawi rauh rauh a. Thurpui Lal chuan ‘mahni thisen a hrinte chu tu te pawhin kan zilhhau in nundan tha chu kan hrilh vek a, a vannei deuh in an that pui a vanduai deuh te erawh chu awm theih a ni’ tiin a han chhang ve leh a.
Pu Laichuha chuan ‘naupang mai pawh nilo hian kan ran vulhte thleng hian, ti tak tak a kan duh loh zawng hi an hrethiam vek a sin, naupang phei chu han zilh ve mah ila a lang a mawi chauh a kan zilhna hi an hre khawp mai, nu leh pa thenkhat te chuan an fate hi an zilh ngei a, thunun nan talhfiak pawh an lek ve thin ngei a lawm, a pawng a puiin kut an thlak ngawt thin bawk a, thinrimna awm leh hun lah thliar thiam a ngaih narawh e, eng emaw deuh a fate tan hler thin nu leh pate hian khawi a fa tha an neih hi ka ring thei lo, nu thenkhat lah hian an fate lak a lan that duh in, an thiltih sual hi an thup sak thla zen rawl nen, nupa tangtlang a theihtawp a beih chuan kan fate hian rawllai nun han pai khat khat deuh nei mahse, awmsual an bawl zui ngai lo, zawlbuk in enkawlna hi a that rual in a ler a thuai chauh a ni tawh a, kan vantlang nun that nan chuan chhungkaw nun bul thut dik hi a ngai ni’ tiin a han sawi ve leh charh charh a. Thurpui Lal Tualliana chuan ‘ka khua ah chuan khawtlang a awm herh tak nupui hmu zo lo tur a kan ngaih in fa tha pui pui a nei tlat zu nia’ tiin a han sawi ve leh bauh a.
Pu Tawnliana chuan ‘hmun thenkhat ah pawh rawlthar lai a awmsual bawl, zawlbuk tlangvalten an zilh that ka hmu nual mai, chhungkaw enkawlna tha hnuai a mite hian khawtlang nun sual an thlen lo tlangpui, vantlang ngaih a nu leh pa tha tak ang a lang, fate awmsual bawl tlat an nih chuan han bel chiang ila fate sualna hmuh kan lui te, nu zawkin pa bul a fate thup mawi lui tlat te, an faten an lakah rilru na an neih hlau tlat te an ni tlangpui. Hetiang ho hian han sawi mahse an fate an thunun nasat zia leh an zilh nasat thu hi an sawi tlangpui thin, belhchian erawh an dawl lo khawp mai’ a han tih leh chuan chhan ngaihna an hre lo in an ngawi ta thap a. Satlâk tlangvalte khawsak phungah chuan thunun that an ni tih an hriatin, eng pawh ti sela hlim takin an hma chhuak tawh phawt tih hlawhtlin tum chuan an thiamna an hmang tlat si a, hnial duh viau mahse an sawi dik tlat zawk vang chuan an ngawi ta thap hlawm a.
Pu Tawnliana chuan an thu sukthlek danah inhnial buai hlauin ‘hei kan khual unau te lam ram hi ka la tlawh hlek lo a, buh leh bal lam hi hawpkhawp in thar thei a ngem ? tiin Thurpui leh Phaiphuk Lalte chu a han zawt a. Phaiphuk Lal Thangzuala chuan ‘kan kum that kum tak a ni a, hawpkhawp chu kan neih vek a rinawm, furpui lai a tang khan hrumzial ho hi ram kal hian an hmu leh nawlh thin a, vahsan lak zawh hian inrawn khawm a heng kan hrumzial ho hi nuai deuh hlek chu an la ngai mai awm e’ tiin a khaw boruak chu a han sawi a. Thurpui Lal Tualliana chuan ‘keini kan kum that kum a ni chiah lo a, pur phurh em chu kan ngailo turah kan ngai deuh. Favang lai khan hrumzial ho chuan ka tlangval pakhat lu min lak sak a, hrumzial ho lah thla nei ang maiin an sul reng ka tlangvalten an hmu zui thuai lo nen, kei pawh vahsan lak hnu a hrumzial lak a tan ho dan ngaihtuah na rilru nen a lo thawk chhuak ka ni a, tum loh deuh in kan farnu chanchin dangin min deng ta bawk a, ka chamrei ta mah mah a ni’ tiin a han sawi ve charh charh a.
Lehlawn Lal Zamloa chuan ‘in lo chu ti ve a ni maw ? thawk khat lai khan kan Satlâk tlangvalte chuan hrumzial ho chu an suat nual tawh a, an mi man thenkhat phei chu an chhuah leh ta a nih kha’ tiin Satlâk tlangvalten hrumzial silai an man sak te chu a sawi chhuak ta vek a. An thu hriat thar chu ring lo deuh tak chuan ‘an lo chu tih vang nge maw ni dawn le, buhseng dawn lai khan ka tlangvalte chuan ram an fang chipchiar ang reng viau a, sulhnu thar awm kan hmu lo an lo tih’ tiin an ti ti laih laih a. Lehlawn Lal Zamloa chuan ‘Khawbual khaw mihring kawi chhuak tu hrumzial ho pawh kan Satlâk tlangval te kaihhruai na a chhan chuan an ni a’ tiin thu muhnu chu a han sawi chhuak leh a, Phaiphuk leh Thurpui Lal te chuan ngaihnawm ti tak chuan an lo ngaithla ang phuau a, Tukthuan ei an peih chuan Lal leh khawnbawl upate chuan an kil kual pup a, chaw ei pah chuan Satlâk tlangvalte chet dan chu an sawi zui zel a. Khual Lal pahnih ten an lo hriat loh mihrâng te chetdan a hriat meuh chuan an thu chhakchhuah tawh chu an zak kher mai, an hriat leh chak mai mai chu khaw tlangvalte in elna a ramsa nungchung an khalh hawn dan chu a ni.
Hâr an nun kim chuan Lal mualah tlangvalte chu an lo ding ther fur a, Phaiphuk Lal chu lo ding chhuakin ‘khawnge kan Satlâk pasâltha Sukthanga kha lo chhuak sela, nimin lam a in chet dan kim chang min han hrilh teh se’ tiin a khi vei sung a. Pasâltha Sukthanga chu leihkatlangsangah chuang kai in, nunaute chuan a thusawi hriat chian tum tak chuan leihkatlangsang lam chu an hnai tuai tuai a. Pasâltha Sukthanga chuan aw thian kharh kharh in ‘ khatia in el tur a kan chhuak ta kha, kan vanneihna a kal tluang a, kan va hlawhtling ta mai a ni sawi zui vak tur pawh a awm lo e’ tiin a kal sawn ta daih a, an beisei loh ang deuh a thil an hriat chuan a lo ngaithla tute chu an hrilhhai zawk kher mai. Phaiphuk Lal Thangzuala thin chuan a tuar leh ta lo a, thinrim hmel dur khuih chuan ‘nang kha ding rawh, min va zah lo ve’ tiin a han au that that a. Pasâltha sukthanga chuan ‘ka pu i ngai kawi mai mai a nih kha, kei ni ramvak te chuan vanneihna bak hi sawi tur kan nei loh vang mai zawk a sawi tur awm lo a ni e’ tiin a kal san zui hmak a. Lehlawn Lal Zamloa pawh a ngaihdan ni chiah lo mahse a nau awmdan tur a hriat lawk vang chuan a ngawi ta hle hle a. Phaiphuk Lal Thangzuala chuan ‘min han tham loh zia reng mai hi’ tiin a phun zui bul bul reng a.
Phaiphuk Lal thinrim hmel a hmuh chuan Thûamkunga lawm sakhai ah tlain, nui sang chuan a khel beng thak thak in a lam vir chai chai a, Chungliana chuan ‘khawnge hman a ka di mualliam hnu kha, a tha par tlei dang tawnah mual zapui ka liam thei lo, ka tawn di mualliam hnu zun leng in tangah min zem, zaman hmawngiang min phuar thlafam ka chan hma chuan a dam dawn nem maw’ tiin a han hril a, Thûamkunga chuan uar leh lai tial ruai chuan la in, Satlâk valrualte chu an su khu ta luih luih a. Nula hmai fai deuh chin lah chu Thûamkunga chuan lâm mual lamah chuan a nam lut zung zung a. Mualkunga pawh chu a su ve zak zak a. Pasâltha sukthanga chuan ‘zaleng hei zawng zingah lunglai luahtu an nemi chhing zo reng an awm nem maw, a sakhmel darang tawnni her chhuak thuai se, a tang lai thlawhlai lapar ai a var zawk chhingmit thlaah ai ang a cham reng, pialral thleng a ka chan khuanu malsawmna ka zui zel nang che, a anka nem kai ka tan dam na’ tiin a han hril ve leh lauh lauh a, Khualval dangte chu Chungliana chuan a nam lut ve zel a, Khual Lal thinrim ang thawm chhilh thak khawp chuan an chheih ta dual dual a, an Lal angthawm ngaihthlak ai chuan chheih chheih tiin Phaiphuk tlangvalte pawh chu a uar uar ah tang in an chheih tuar tuar a.
Tlangvalte hlim tak a an chheih dual dual lai chuan Lal leihkatlangsang ah erawh chuan an inhnial bap bap thung a, Phaiphuk Lal Thangzuala chuan ‘he tiang reng a min tham lo leh zahlo tu ka la tawng ngai lo, in khawtlang awpna dan tur pawh a hriat reng mai’ tiin a phun hluk hluk reng a. Khawnbawl upa Pu Laichuha chuan ‘a Lalpa kan tlangvalte pawh in thiam lohna chu an nei ngei a, a bul ah erawh chuan in diklo hmasa ve bawk a lawm, a salu hawn tha zawkin khaw silai duh ang an thlang ang, thutiam a ding nghet leh dik niin in in sawi hmasa a nih chiah kha, chu a chhapah silai meuh in lek zui a, in duh a hrual mum a ben phek theih turah a mi in ngaih reng a’ tiin Satlâk tlangvalte thlavang chu na takin a chhan hauh ve tlat a. An thiam lohna aia chuan Lal an nihna changchawiin an lungawi thei ngang lo a ni, an tan na lamah chuan mei kawh in an tang lan hlawm si a, Lehlawn Lal Zamloa chuan tih ngaihna tak pawh a hre bik mai lo a, thudik chu hre mahse an thangtlawm lutuk tur nem nghet tu nih chu a duh bik lo a, a han ngawi deuh vung vung in ‘hawh teh u, hetiang a inhnial buai reng lo hian lam i thai ve zawk teh ang u’ tiin a tho thurh a, tlangvalte ziangah chuana su ve ta nghawng nghawng a.
An lam chauh deuh hnu chuan an han chawl lai lawk ta rih a, nula lam chuan tui chu mauthei chuan an lo sem dan dan a. Thûamkunga chu khi sang chung chuan naupang thingnawi fawm rual awm khawm thap lamah chuan pheiin ‘naute u, hei dawi ka thiam a, in duh phawt chuan ka zirtir thei che u a nia’ tiin a han sawi sur sur a. Nuapangte lah chuan ‘min zirtir ve la, maw maw’ tiin an vir chung a, Thûamkunga chu a ngawi deuh vung vung a. A nih tumah ti na hauh suh u aw, ka zirtir che u tih pawh in sawi tur a nilo’ tiin an bul a puitling dingte chu hlauhthawn hmel tak chuan a melh rang kual zuk zuk a, Naupangte chuan phur fe in ‘tumah kan ti na lo ang, tu hnenah mah min zirtir tih kan sawi hauh lo ang’ tiin an phun sar sar a. Thûamkunga chuan ‘ aw le, chutiang a in tih dawn phawt chuan ka zirtir mawlh ang che u, a hmanrua tur tui tam deuh dahna tur han la hmasa phawt rawh u’ tiin a tho a, zawlbuk ah chuan lutin a kilah chuan a han mu vang vang a. Naupang thawm a hriat chuan bawk khup thukin a dawihla phuahchawp chu a chham bul bul a, naupangten Thûamkunga awmdan an hmuh chuan phur takin an in hrilhru sar sar a, ti dekin zawlbukah chuan lutin ‘ka pu hei tuih dahna tur hmanrua chu kan lo la tawh a sin’ tiin an lo hrilh sap sap a, buk nghut pah chuan pawn ah min lo va nghak tawh u, ka zawlte ka han be lawk a nge’ tiin lehlam hawi chuan a phun zui leh bul bul a.
Naupangte chuan nghakhlelh tak chuan an thlir sek a, a ni lah chu zawi muangin a han ding thum thum a, a lu chu a tuai thur nghal bu a, a han meng rang chu naupang dawihzep deuh te chu an til hak a, an thiante chuan ‘ti khan awm suh, nangmah vang a min zirtir duh loh vaih chuan i chak lo ang’ tiin an in hau nak nak a. Pasâltha Sângtuala chuan naupangho khawsa zia leh Thûamkunga luthur bu a lo chhuak a hmuh chuan ‘a eng a chu ti leh dawn ni maw’ ti rilru nauh nauh chuan a hnaih ru hrauh hrauh a. chutia naupang bawrkhawm tuai chu puitling te chuan mak ti ru tak chuan an thlir leh zauh zauh thin a. chutia an thlir reng lai chuan vawk kuang hman loah chuan tui chu a han chhung in, a dawihla phuahchawp chu a chham mawlh mawlh reng bawk a, naupangte chu a bit thei ang berin Thûamkunga chuan a han thut kual tir thap a, naupang thu ve theilo te chuan ‘khawi keimah zawk’ tiin an thiante chu an lo pawt sek a. Vawk kuang vawk chaw nawi kai nuaih chu tuiah chuan a lang deuh sup sup a. Thûamkunga chuan aw teng deuh chhuah hian ‘tui kha ngun takin en rawh u, engnge in hmuh’ a ti teng deuh chhuaih a, naupangte chuan ‘engmah ka hmu lo’ tiin an chhang sap sap a, chumi pah chuan an bih hnai zel a. A hma ai a ring zawk mah chuan ‘eng thil nge in hmuh naute u’ a han ti leh zet chu, Lal mual a awmte chuan Thûamkunga leh naupang thu bial laih lam chu an thlir ta thup a.Naupang hnung a hmai thup chung chuan ‘khawi maw khu a awm reng khu’ tiin a thu hniam sut a, vawkkuang a tui bal tling lung chu a han beng per chaui mai a, naupang ka ang deuh phut a vawkkuang bih te chu an ka a tui bal lut chhak chhuak chung chuan an te ta teng tung a.
Naupang te teng tung lamah chuan Lehlawn Lal Zamloa chu a chhuk thuai a, naupangte chu ‘eng a ti nge, in va te nasa teng tung ve’ tiin a han zawt a, Thûamkunga nui khur char char leh naupang an thiante vawkchaw nawi kai nuaih kawk a nui tlak tlak a hmuh chuan ‘kan Thûamkunga thin hi chu aw, i fiamthu han duh dan te lah hi a’ tiin a nui ve hai a. Thûamkunga nuihza zual a reh chuan ‘naute u, ka mit a tangin meikhu ka ti chhuak thei a sin’ a han tih leh chuan, naupangte chuan an bawr leh ta lat lat a. Naupang vawkkuang la tu chuan ‘kei chu ka ring tawh lo, a thiam tak tak lo ang, min tihder leh in ka ring’ tiin a thiante chu a melh kual a. Nuapang tam zawkte chuan ‘kei chu a theih ka ring, nichin a tuiah pawh satel tuihleuh ka hmu’ tiin an thiante chu an lo hnial a. Thûamkunga chuan vaibel chu phawrhin a han siam kai zui zat a, naupangte chuan an bawr hnai leh ta lut lut a, ka pu, i mit a tang chuan meikhu chu han ti chhuak tawh te, kei chuan i tih theih ka ring’ tiin an lo sawi lang lang a.
A hma ah chuan naupang te chu ngun takin min en rawh u, in hawi sawn chuan in hmu hman dawn lo a nia aw’ tiin a han sawi lauh lauh a, mau ther tawngchen chu lek kawh zal zal in, naupangte kapah chuan hawlh in rang takin meikhu chu a han chhem chhuak zauh a, meikhu zawnah chuan khap fak fak in ‘in hmu hman em’ tiin a han zawt a, naupangte chu an inhnial leh ta lat lat a, ‘a ti thei tih leh theilo tih te, kei chu hnuai lam ka en lai a nia, ka hmu hman lo tiin an ri leh laih laih a, Thûamkunga chuan ‘tunah a tawp nan ka ti leh dawn a, uluk takin min en tawh ang che u’ tiin a han insiam chhe kual a, naupante chu an nui eu dar dar a. naupang thawm chhuahna lam ngawt chu puitling te pawh chuan an thlir ta thup a. Thûamkunga chuan vaibel chu a han hip vang vang a, vawi thum a han chhem chhuak talh talh a, naupangte chuan nghakhlel tak chuan ‘ka pu ti tawh rawh’ tiin an au dual dual a. Thûamkunga chuan ‘Inring ru lem tunah’ tiin a han au that that a, naupangte chuan hmuh chian tum chuan an bial hnai tuai tuai a, a mah hnaih naupangte chu ‘aih ah, a nâ lutuk’ tiin an rak chul a, an mal vual deuh thla lang kalh chu an baih pui saih saih a, Thûamkunga dawi chuan naupangte inhnialna chawk chhuak in, a theih leh theih loh chu an inhnial laih laih a. Thûamkunga chuan ‘khai le, inhnial chu a ninawm lutuk rawn in tlar rawh u le’ tiin naupangte chu thuawih tak chuan an ding tlar thap a. Tunah kan infiam tan ang ‘tirah mei kaiah’ ti ang aw, tiin an inzui kawi ta duah duah a. Khawnbawl upa Lairuala inhnuai an luh lai chuan ‘Tira mei kaiah, chhimtira lairuala hei ha’ tiin an au rual dul dual a. Kawnbawl upa Lairuala lah pa fiamthu duh a lo ni a, inchhung ah tlan lutin tui chhe dah chuan Thûamkunga te au rual dual dual lai chu a han leih thut a . . . tlangvalte chuan naupangte chu zawm in, a khaw in hnuai chu an hrut chhuak ta vek a.
Ti thleng hi ni leh phawt mai tehse, ka hmanhmawh teh lua dawn lo a nia . .
| Link: | |
| BBcode: | |
| HTML: | |
| Hide post links |
PASÂLTHA SÂNGTUALA ( Mampuia Pa )
BUNG – 152
Lehlawn Lal in nghing lawih lawih hlau in Lalnu Muanzoi chu a te that that a, sumhmun ah chuan a tlanchhuak thuai a. Lal Zamloa’n a nupui hlauthlabar in a mah pan lo a sumhmun thim a chuh a hmuh chuan a thinrim na leh a nupui rinna hlawhchhuah duhna chuan a thin chu ti tek chhakin, banglai a silai zukchâl ki zar nalh tak a in khawh phei zar chu pawt dawk zawk a, puan tlang leng duai duai chuan a chhuak nghal zawk a. Zukchâl hlau hlawp zuang zawk zawk chu hawlhchilh deuh thaw chuan a han kâp let tawp a, silai thawm leh zen rim chuan savawm leh keite thlun beh chu te thawt thawt in, an zuang zawk zawk ta mai a. Ramsa in hrosa thawm leh nunau te teng tung chu hlau ve ni awm tak chuan zanlai ar khuangte chu an reh thuap in, archhiar a tang chuan an dawngdawlak lauh lauh a.
Zan dang ang chu nise Lehlawn khua chu a reh thup tawh a nga, tlangval leng haw tlai deuh te chauh chu kawtthlerah an vak tawh ngei ang. Khaw thum tlangvalte in el na leh an hlawhtlinna chuan, Lehlawn khawchhung boruak chu a thlak chiang hle a. Chutia ramsa nungte an han tal chiam takah chuan Satlâk tlangvalte hlin sa, savawm chu tlan chhuak in lungdawh lamah chuan a tlan ta thut a. savawm tlan chak lai chu silai puak thawr vang chuan a beleuh tawi tak a. Lungdawh lam thim thamah chuan a pil bo zui hmak a. Satlâk tlangvalte chuan an sa man chhuak chu meichher nen chuan an um nghal huk a, savawm lumna thisen far chu meichher êng fiah lo takah chuan pasâltha Phulliana chuan a chhui zar zar a. Khawthum tlangvalte chuan an hnung ah zuiin an hma a tlangvalte chu an thlir dauh dauh reng a. Lehlawn lungdawh zawlah chuan savawm chu a lo bawk thim hmak a. Mualkunga chuan ‘nangte reuh chuan min va han ti hah deuh ve mawle, tha te te in awm ni la chu zanriah kan kil dar dar tawh tur a nia’ tih pah in, Savawm meiah chuan a man zui chat a. Pasâltha Phulliana chuan ‘Kunga fimkhur rawh’ a tih lai mek chuan savawm bawk reng chu tho thutin, Mualkunga chu a bawh let nghal rawk a.
Savawm thinrim huk dum dum lamah chuan Satlâk valrualte chu an chim huk a, Pasâltha Sângtuala chuan ‘tuman hriam lek suh u, kan inhliam palh a nge’ tih pah chuan savawm meiah chuan a phih zui nghek a. Satlâk tlangvalte chuan an iptepui paih in, savawm thinrim huk dum dum chu an tlawh her sawk sawk, Mualkunga chuan ‘eheu min bum khangleng elaw’ tih leh savawm bengah chuan man in a phih thal zui zat a, savawm taksa lang lai ah chuan Satlâk tlangval te chuan an chelh fur a, savawm hliam chu che thei lo in a tih theih tawk tiin a huk dum dum reng a. Pasâltha Phulliana chuan ‘naute u, ramsa mah nise a khawngaih thlak e, che theilo tur khan man bet ula, i kâp hlum tawh mai ang u’ a tih chuan, tlangval tam zawkte chu in thiar fihlim in, pasâltha silai mu a thluak pawh hawk a lut sa zawk vang chuan savawm chu a tal khur char char a. Savawm chu zawn in Lal mual lamah chuan an in zui chho leh ta hum hum a. Satlâk tlangvalte khum tum chu thihna ah ngaiin, khawthum tlangval te chuan an chung en ta vek a. Khual Lalte chuan chutiang a khaw tangrual an hmuh chuan an rilru chuan rual a awt ru kher mai . . .
Savawm ruang zawn ten Lal mual an thlen dawn chuan silai chu a puak dur a, an han en nak chuan pasâltha Sukthanga chu silai hmawr khu vat vat hum in, Lal thingkhawn lam thlir chuan a ding ran a. A bulah chuan kawlkei ruang chu a let ngat a, a thiante a hmuh chuan then sakin kan tlak ta e tiin a then var a. Lal Zamloa melh in ‘Lalpa Zamlo, hei kan thu remna ang in khual silai chu ka la mai dawn e aw’ tiin a han au lang lâng a. Lehlawn Lal Zamloa chuan ‘thlang ta mai che, in chak zawk tih lah kan hre tlang a ni lawm mi ? tiin a han chhawn ve lung lung a. Pasâltha Sukthanga leh Phulliana chu an in bek bawrh sar sar in an then dun suk a. Kan khual Lalte pawh khan in dinna chu in la tawlh em lo maw ? tiin a han au nawn leh a. Thurpui Lal Tualliana chuan ‘tun tum chu in chak e, kan lo tiam tawh ang ngeiin silai pahnih chu thlang mawlh ang che u’ tiin a lo chhawn ve lung lung a. Phaiphuk Lal Thangzuala pawh chuan ‘keini unau chuan kan thutiam kan bawhchhe ve ngai hauh lo, in lung sikna thlap chu han thlang chhuak ta che u’ tiin a au ve lung lung a. Pasâltha Sukthanga chuan ‘ Lehlawn nunau te u, kan Lalte thusawi kha in hria maw ? thutiam hlen ngei chi Lal hnuai a hlawntlinna kan nei hi a va lawmawm tak em. Khai ule, mei êngah hian in silai chu lo kalpui ula, in khaw hnih a silai tha ber chu han thlang dawn ila’ tiin a khi sang a.
Tlangvalte chuan hmel a hlauhthawnna lang chaih chung chuan pasâltha Sukthanga dinna meipui chhehna lam chu an pan ta a. Lehlawn nunaute chuan silai thlang lai hmuh chian tum in an zim hnai nghal tuau tuau a, pasâltha Sukthanga chuan ‘hei chauh hi em mi silai in lo ken’ tiin tlangvalte chu a melh kal a. Satlâk pasâltha chuan khawhnih tlangvalte hnen ah chuan ‘khawnge in Lalte pawh in silai an lo keng ve emaw tia’ tiin tlangvalte chu a melh kual, chu thu an hriat chuan Thurpui leh Phaiphuk khaw Lal te chu an meng rang nasa ta mai a, thinrim aw teng chhuaih chuan ‘nang khan eng thu maw i sawi, kan silai te chu nangni ang khawih phak rual a ni lo e’ tiin a ding sen tul a. Pasâltha Sukthanga chuan Lehlawn Lal Zamloa chu a melh ding ngar a. Aw dam thlap in ‘Lalpa i Lal mual ngeiah nang hian tlangval hlawhtling zawkte chuan, a hlawhchham khaw silai duh an thlang thei i tiin ka va hre ve, nge ka hriatsual zawk ?’ tiin a han zawt a.
Lehlawn Lal Zamloa chu a ngawi deuh vang vang a, Lehlawn khaw chhung a mite chu zawi te te chuan an phun sap sap hlawm a, an phun thawm chu leihkatlangsang a awm te pawh chuan an hre pha reng a, chung phun thawm an hriat chuan khual Lal pahnihte rui pawh chu a reh chiang ta khawp mai. Satlâk tlangvalten an tih thangtlawm zia chu an hre chiang in an thinrim chu an ding sai hlak hlak a. Aw thian khurh khurh in ‘pasâltha Sukthang i sawi dik e, kan thu thlukna ah chuan a vannei khua ten a vanduai khaw silai (he lai hmun a awm ve) an duh an thlang ang tih a ni e’ tiin a han sawi a. Khual Lal pahnih te chuan an u chu thinrim leh mak ti tak chuan an melh tur khaih a. Phaiphuk Lal Thangzuala chuan ‘a ngam fa chuan ka silai chu rawn la ula ti nia’ tiin inchhungah lutin a silai nen chuan a lo chhuak a, pasâltha Sukthanga chu a tin ta rap a. Phaiphuk Lal khawsak dan an hmuh chuan Lehlawn nunau te chu an te tuar tuar a, hmun him ni a an hriat lama chuan an darh suau a. An Lal khawsak dan chu duh pui lo viau mahse an hmanrua chu Phaiphuk tlangvalte chuan an chuh ta sang sang a. Pasâltha Sângtuala chu lo pen chhuakin ‘ka pa Thang. Dangawm teh mahni thutiam a ding ngam lo silai mu hian min fuh hauh lo ang’ tiin a rawn tlak khalh ta rap a, pasâltha Sângtuala mitmeng chu a sen leh ta ram a. Thinrim sehchilh rap rap chung chuan ‘Lal chu nilo la kha laiah khan i thi chiang viau ang, duh ngat ila i silai chu ka lak sak chiang viau bawk ang che, kan Lal te inneih bawhbuai tur zawng a khawsak kan duh loh a vang mai chauh leh, silai pakhat vang mai a nunna hlu tak lak ka duh loh vangin nungdam in awm ang che’ tiin a bul mai a pen thawm lo awm chu a melh zawk a.
Silai hmawr hawlh lo chauh chuan Phaiphuk pasâltha Thangtluanga chuan lo tin in ‘kan Lal chu i va han zah lo ve maw le, zilh deuh i ngai dawn a nih hi’ tiin a hma a mi chu a vau zui chhar chhar a. Thûamkunga chuan ‘pu a tawlhsawn thuai la, i silai kha lek thla rang rawh, chutiang a nih loh zawngin i thlarau kha hringlang tlang lam ah ka thawn liam nghal a ni mai’ tiin a silai cheng chu a kau zui ta rep a. Mualkunga leh Chungliana pawh chuan an silai chu an kau zui zat a. Satlâk tlangvalte huaisen dan hmu tu vek an nih tawh a vang chuan, khual val dawihzep deuh te chu an tawl kir tan ta a. Satlâk tlangvalte lah chu buai chak zawk ang hrim chuan hmalam pan in an tawlh hnai sauh thung a. Pasâltha Sângtuala chuan a mah si tep a silai ngul kaw thim hmak leh a kengtu chu melh tawn zauh in, silai hmawrah man thutin lei lamah silai hmawr chu a kawih hniam rual chuan a han phih zui nghek a.Phaiphuk pasâltha Thangtluanga chu hmalam ah tlan dawrh in, a dul a Satlâk pasâltha tlawhna vang chuan a leng lawp a, ek thawt khap chuan leicharah a in sawh dawp a, a tho leh tur chu Thûamkunga chuan a tukhum ah a chhir zui pawp a, engmah hrelo in leichar ah chuan a mu ta hle hle a. An pasâltha in nghahna ber mitkhap kar lek a mu zawi der an hmuh chuan khual valte chu mak tiin an hawi kâ hau.
Lehlawn Lal Zamloa chuan ‘Laiawrha pa insum rawh, nang pawh i silai kha dah thla nghal thuai rawh’ tiin a au that that a. Pu Tawnliana chuan Phaiphuk Lal Thangzuala a tuk sam a man in chempui chu zak kau meuh chuan a lo lek kang uaih tawh a lo ni a, Pu Tawnliana chuan ‘ka fapa khuan sam zai khat tia pawh hliam a neih chuan i nghawng ka fik nghal nawlh ang’ tiin Phaiphuk Lal chu a vau zui sap a. Tawng zawi viau mahse thusawitu chuan a sawi mai mai lo tih hriat tak chuan hnun a fan raih thung a. Phaiphuk Lal Thangzuala chuan silai lek thlak ruai ruai pah chuan ‘nangni chhung hian in la hre khawp ang, in chet dan hi ka thih ni thlengin ka theihnghilh mang mang lo ang’ tiin a phun ngal ngal a. Pu Tawnliana chuan ‘kei pawhin i thusawi hi ka theihnghilh mang mang lo ang, ka chhungte chungah eng pawh a thleng a nih chuan, nang hi ka hre chhuak hmasa ber ang che’ tiin Phaiphuk Lal silai chu a phih thlak sak hmak a, Lehlawn Lal Zamloa chu melh in ‘he buaina hi kan tan chhuah hmasak a nih loh dan chu i hre tho a, i theihnghilh loh hram ka beisei’ awm ze nei tak a tiin a mitah tak chuan a melh ran a. Lal Zamloa pawh chuan ‘Laiawrha pa, hlauthawng suh khai, kan boruak hian ka Lal in bak a pelh loh hram ka beisei’ tiin a sawi dam thlap a. Pu Laichuha chuan ‘Lalpa engpawhnise, kan tîn rih phawt a nge, naktuk zingah kan lo kal leh ang. Laiawrha pa hawh le i kal tawh ang, kan tlangvalte pawh an ril a tam lutuk palh a nge’ tiin Lehlawn Lal in a chhan hma chuan sumhmunah chuan an in zuichhuak a. Lehlawn khawnbawl upate chuan an mikhual te chu an zui chhuak nghal zat a. Engthil pawh thleng thut thei a nih hria in, Satlâk tlangval te chu an inring ru kher mai, engpawh thleng sela tang ho zel tur chuan pasâlthate chuan an hrilh ngun in, thil engpawh chian zel tur chuan an hrilh mawlh mawlh a.
Lal Zamloa chuan khawnbawl upate an tin zawh chuan a naute chu melh in ‘in va han che zahthlak tak em, engtin nge maw kan han phat mar tak ang aw’ tiin a tukhum a chul nawk nawk a. Phaiphuk Lal Thangzuala chuan ‘min han tih dan kher chu ka va la rul dawn rua em, ka tlangvalte reng reng pawh an dawihzep zel zul reng reng, an zahve emaw chauh hlauin an hnungtawlh a nia, mipa fa tlangval ka nei tlem deuh a ni, an ni pawh hian eng emaw chu an la hre dawn khawp e’ thinrim sehchilh rap rap chuan a ti a. Lehlawn Lal zamloa chuan ‘ka nau, heng kan farnu khuate hi chhaih chhaih hauh suh ang che, mahni leh mahni kan in beih chuan khawdang Lalte lakah kan hmai a mawk lutuk a nge, chulo rengah tharum zawng a thunun i tûm a nih chuan hling i insiam a ni mai, i thahrui ti châk tu ah hmang la vanneihna tham zet an ni zawk a ni, Satlâk khaw tlangval ui hum lek pawh ngam lo khua in, an zavai te zawng i ngam lo khumkhua ang tih hriat sa reng, an tanrual dan lah i mit ngeiin i hmu a, heng i mit hmuh te hi i thinrimna kha hliah tir reng reng suh, i tan leh kan zavai tan tha tur dawn la engmah ti hauh suh ang che, i hria em ? thinrim tak chuan a han ti a. An u ber thinrim hmel dur khuih an hmuh chuan, Khual Lal pahnihte chuan engmah an sawi ngam lo in an ngawi ta rauh rauh a. Phaiphuk leh Thurpui Lalte chuan an u thusawi dik zia chu an hre chiang in, khaw lian leh tlangval huaisen nei tam khua an din chan thin zia lah an hai na hek lo, an thinrim ti lang ngam lo chuan zupui chu an khiat khawlh khawlh a, an thu lai tlu tawp khawp chuan zupui chu an in ta ngawt a.
____________ + ___________
Zingah chuan Satlâk tlangvalte chu Lal mualah an ding thap a, khawnbawl upate chuan in buatsaih tur chhuanlam chuan hawn an tum thu Lal an hrilh a, Lehlawn Lal Zamloa chuan a lo remti lo nasa mai a. Khawnbawl upate hnenah ‘kan zan boruak khati teh nuaih a nih vang khan ro hran han rel na khua a kaw lo a, kan tlangvalte pawh an chau hle ang tih a chiang , chuvang in heng ramsa hian tlang ruai kan siam a nga kan inrem na pawh kan lawm pah a tih theih ang chu’ ti a a sawi mek lai chuan tlangau pa chu a lo lut a. Lal Zamloa chuan ‘ka khawnbawlte han ko thuai teh, kan vawiin ruai siam dan tur rel a ngai e’ tiin a lo tir zui zat a. Tlangau pa chhuah hnu chuan leihkatlangsang a tang chuan Satlâk tlangvalte chu ko chho in, an lo thlen chuan ‘nangni ka tlangval in nghahna ber in hawn chuan, kan kutlo sa hawi vel mai mai dawn a sin. Chuvangin naktuk lamah in hawn ka rem ti chauh dawn a ni, in lo kal chhan lah rem thu kan thlung tawh a, lungkham tur a awm zeng lah a ni lo, vawiin hian tu khaw tlangval nge lam thiam kan hria ang chu, ka tlangvalte lo chhuah hma leh ni tlangsan hma in, sa khu lo zu chan tawh u in hmanrua chu ti khan lo dah mai ula’ tiin a han sawi zui a.
Satlâk tlangvalkte chuan an khawnbawl upate chu a ngaihna hriat loh hmel tak chuan an melh hâ a, Pu Laichuha chuan ‘e khai tlangval te u, kan Lalpa berin chutiang a tih tlat chuan tu han hnial thu a awm lo e, naktip maiah khua kan thleng mai dawn a lawm le, ramsa ruaipui theh pawh a châk awm a lawm’ a lo tih chuan Satlâk tlangvalte chu sachan tur chuan an chhuak sang sang a, an hmanrua chu dah lo in an kengchhuak vek thung a. Lehlawn Lal Zamloa chuan Satlâk tlangvalte rilru dam zan loh zia a hriat chian phah in, a naute khawsa zia a zirin buaina zakhaw rawih an thlen theih zia pawh a hre chiang ta kher mai, a rilru pawh a vak thui ta kher mai.
Satlâk tlangvalte chuan hlim tak chuan sa chu an chan zui mawlh mawlh a, Lehlawn naupangte chuan an lo bawr tuau tuau a, naupang lian deuh chinte chu an sachan tur chu an dawm tir a, naupang sa chan tur vuan ve lo te chuan ‘khawi ka lo vawn chhawk ve tawh ang che’ tiin an thiante chu an lo chhawk lem lem hlawm a. Lehlawn tlangvalte chuan naupang lo thuve far an hmuh chuan ‘kha naupang te te, engnge he laiah in lo tih ve, kalsawn thuai rawh u, in rim a chhia’ tiin an hrawk nghal khur khur a. Pasâltha Sukthanga chuan ‘tlangvalte u, heng naupangte hian an theih tawk in an thawk ve a nih hi, tun a tangin an theih tawk an tih hi hriatthiam an ngai a nia, an hma hun a tan thiltha tihdan kan zirtir an ngai a ni’ tiin naupang thlavang chu a lo hauh sak a, naupangte chuan lawm takin pasâltha Sukthanga chu an nuih var var hlawm a, phur tak chuan an sachan chu an pui ve zel a, Satlâk tlangvalte chuan ti khan ti rawh u, ti zawk khan tiin naupangte chu sachan dan chu an lo hrilh zauh zauh reng a. Khawnbawl upa leh Lal ten naupangte pawh an tih theih tawk ti tur a an zirtir lai an hmuh chuan mak ti tak in ‘in tlangval te khuan in naupangte khutiang khuan an zirtir thin em mi ?’ tiin Satlâk khawnbawl upate chu an zawt ta hial a. Khawnbawl upate chuan ‘kan khaw naupang thingnawi fawm chin chuan sapuah leh eng emaw thil harhsa lo chin chu an thawk vek thin. Khuanun beng lo chhu chhet sela, vanduai thilah puitling chin hi lo awm lo pawh ni ila, kan naupangte chuan an hma an su kaw thei vek ngei ang’ tiin vaibel chu a fawp khu tual tual a.
Phaiphuk Lal Thangzuala chuan ‘naupang te chu changpat cheh chhum ang mai chauh an ni a, khawiah eng thil va thiam hrep suh’ tiin a lo chhang hluk a. Pu Tawnliana chuan ‘I fate chu engmah i zirtir loh chuan hnangvar a hlin ngam tawk chauh an ni reng ang chu, an naupan lai a tanga i zirtir erawh chuan khawi hmunah mah ngaihtuah awm an ni hauh lo ang’ tiin a lo chhang bul ve hmak a. Lehlawn Lal Zamloa chuan ‘in han sawi dan hmang in, Satlâk khuate chuan in naupangte chu an theih chinah in chhawr thiam hle thin a ni maw ?’ tiin a lo zawt ve bauh a. Pu Tawnliana chuan ‘Mi puitling ni tur hian kum lam a tam an ni ngawt in kan hre ve lo, kum hian hriatna leh thil eng emaw chu a zirtir ngei a, naupan lai a tanga than hnan thil erawh chu mi a thawk feih feih chhung chuan a nung tawh thin, a mawhphurhna hian nundan tha ah a hruai tawh thin a ni, tlangval thatchhia leh dawngdah ho reng reng hi han belchiang ila, naupan lai a duh ang a awm thin leh zilhhau ngai loh chhungkua a tanga zi chhuak te hi, an kum a lo tam hnu ah pawh mi awm eu leh mi hnawk sak te an ni thin’ tiin a han sawi zawm leh a. Chung Lal thumte chuan an thlang a tlangvalte khawsak thlir pah chu an ngawi rauh rauh a. Thurpui Lal chuan ‘mahni thisen a hrinte chu tu te pawhin kan zilhhau in nundan tha chu kan hrilh vek a, a vannei deuh in an that pui a vanduai deuh te erawh chu awm theih a ni’ tiin a han chhang ve leh a.
Pu Laichuha chuan ‘naupang mai pawh nilo hian kan ran vulhte thleng hian, ti tak tak a kan duh loh zawng hi an hrethiam vek a sin, naupang phei chu han zilh ve mah ila a lang a mawi chauh a kan zilhna hi an hre khawp mai, nu leh pa thenkhat te chuan an fate hi an zilh ngei a, thunun nan talhfiak pawh an lek ve thin ngei a lawm, a pawng a puiin kut an thlak ngawt thin bawk a, thinrimna awm leh hun lah thliar thiam a ngaih narawh e, eng emaw deuh a fate tan hler thin nu leh pate hian khawi a fa tha an neih hi ka ring thei lo, nu thenkhat lah hian an fate lak a lan that duh in, an thiltih sual hi an thup sak thla zen rawl nen, nupa tangtlang a theihtawp a beih chuan kan fate hian rawllai nun han pai khat khat deuh nei mahse, awmsual an bawl zui ngai lo, zawlbuk in enkawlna hi a that rual in a ler a thuai chauh a ni tawh a, kan vantlang nun that nan chuan chhungkaw nun bul thut dik hi a ngai ni’ tiin a han sawi ve leh charh charh a. Thurpui Lal Tualliana chuan ‘ka khua ah chuan khawtlang a awm herh tak nupui hmu zo lo tur a kan ngaih in fa tha pui pui a nei tlat zu nia’ tiin a han sawi ve leh bauh a.
Pu Tawnliana chuan ‘hmun thenkhat ah pawh rawlthar lai a awmsual bawl, zawlbuk tlangvalten an zilh that ka hmu nual mai, chhungkaw enkawlna tha hnuai a mite hian khawtlang nun sual an thlen lo tlangpui, vantlang ngaih a nu leh pa tha tak ang a lang, fate awmsual bawl tlat an nih chuan han bel chiang ila fate sualna hmuh kan lui te, nu zawkin pa bul a fate thup mawi lui tlat te, an faten an lakah rilru na an neih hlau tlat te an ni tlangpui. Hetiang ho hian han sawi mahse an fate an thunun nasat zia leh an zilh nasat thu hi an sawi tlangpui thin, belhchian erawh an dawl lo khawp mai’ a han tih leh chuan chhan ngaihna an hre lo in an ngawi ta thap a. Satlâk tlangvalte khawsak phungah chuan thunun that an ni tih an hriatin, eng pawh ti sela hlim takin an hma chhuak tawh phawt tih hlawhtlin tum chuan an thiamna an hmang tlat si a, hnial duh viau mahse an sawi dik tlat zawk vang chuan an ngawi ta thap hlawm a.
Pu Tawnliana chuan an thu sukthlek danah inhnial buai hlauin ‘hei kan khual unau te lam ram hi ka la tlawh hlek lo a, buh leh bal lam hi hawpkhawp in thar thei a ngem ? tiin Thurpui leh Phaiphuk Lalte chu a han zawt a. Phaiphuk Lal Thangzuala chuan ‘kan kum that kum tak a ni a, hawpkhawp chu kan neih vek a rinawm, furpui lai a tang khan hrumzial ho hi ram kal hian an hmu leh nawlh thin a, vahsan lak zawh hian inrawn khawm a heng kan hrumzial ho hi nuai deuh hlek chu an la ngai mai awm e’ tiin a khaw boruak chu a han sawi a. Thurpui Lal Tualliana chuan ‘keini kan kum that kum a ni chiah lo a, pur phurh em chu kan ngailo turah kan ngai deuh. Favang lai khan hrumzial ho chuan ka tlangval pakhat lu min lak sak a, hrumzial ho lah thla nei ang maiin an sul reng ka tlangvalten an hmu zui thuai lo nen, kei pawh vahsan lak hnu a hrumzial lak a tan ho dan ngaihtuah na rilru nen a lo thawk chhuak ka ni a, tum loh deuh in kan farnu chanchin dangin min deng ta bawk a, ka chamrei ta mah mah a ni’ tiin a han sawi ve charh charh a.
Lehlawn Lal Zamloa chuan ‘in lo chu ti ve a ni maw ? thawk khat lai khan kan Satlâk tlangvalte chuan hrumzial ho chu an suat nual tawh a, an mi man thenkhat phei chu an chhuah leh ta a nih kha’ tiin Satlâk tlangvalten hrumzial silai an man sak te chu a sawi chhuak ta vek a. An thu hriat thar chu ring lo deuh tak chuan ‘an lo chu tih vang nge maw ni dawn le, buhseng dawn lai khan ka tlangvalte chuan ram an fang chipchiar ang reng viau a, sulhnu thar awm kan hmu lo an lo tih’ tiin an ti ti laih laih a. Lehlawn Lal Zamloa chuan ‘Khawbual khaw mihring kawi chhuak tu hrumzial ho pawh kan Satlâk tlangval te kaihhruai na a chhan chuan an ni a’ tiin thu muhnu chu a han sawi chhuak leh a, Phaiphuk leh Thurpui Lal te chuan ngaihnawm ti tak chuan an lo ngaithla ang phuau a, Tukthuan ei an peih chuan Lal leh khawnbawl upate chuan an kil kual pup a, chaw ei pah chuan Satlâk tlangvalte chet dan chu an sawi zui zel a. Khual Lal pahnih ten an lo hriat loh mihrâng te chetdan a hriat meuh chuan an thu chhakchhuah tawh chu an zak kher mai, an hriat leh chak mai mai chu khaw tlangvalte in elna a ramsa nungchung an khalh hawn dan chu a ni.
Hâr an nun kim chuan Lal mualah tlangvalte chu an lo ding ther fur a, Phaiphuk Lal chu lo ding chhuakin ‘khawnge kan Satlâk pasâltha Sukthanga kha lo chhuak sela, nimin lam a in chet dan kim chang min han hrilh teh se’ tiin a khi vei sung a. Pasâltha Sukthanga chu leihkatlangsangah chuang kai in, nunaute chuan a thusawi hriat chian tum tak chuan leihkatlangsang lam chu an hnai tuai tuai a. Pasâltha Sukthanga chuan aw thian kharh kharh in ‘ khatia in el tur a kan chhuak ta kha, kan vanneihna a kal tluang a, kan va hlawhtling ta mai a ni sawi zui vak tur pawh a awm lo e’ tiin a kal sawn ta daih a, an beisei loh ang deuh a thil an hriat chuan a lo ngaithla tute chu an hrilhhai zawk kher mai. Phaiphuk Lal Thangzuala thin chuan a tuar leh ta lo a, thinrim hmel dur khuih chuan ‘nang kha ding rawh, min va zah lo ve’ tiin a han au that that a. Pasâltha sukthanga chuan ‘ka pu i ngai kawi mai mai a nih kha, kei ni ramvak te chuan vanneihna bak hi sawi tur kan nei loh vang mai zawk a sawi tur awm lo a ni e’ tiin a kal san zui hmak a. Lehlawn Lal Zamloa pawh a ngaihdan ni chiah lo mahse a nau awmdan tur a hriat lawk vang chuan a ngawi ta hle hle a. Phaiphuk Lal Thangzuala chuan ‘min han tham loh zia reng mai hi’ tiin a phun zui bul bul reng a.
Phaiphuk Lal thinrim hmel a hmuh chuan Thûamkunga lawm sakhai ah tlain, nui sang chuan a khel beng thak thak in a lam vir chai chai a, Chungliana chuan ‘khawnge hman a ka di mualliam hnu kha, a tha par tlei dang tawnah mual zapui ka liam thei lo, ka tawn di mualliam hnu zun leng in tangah min zem, zaman hmawngiang min phuar thlafam ka chan hma chuan a dam dawn nem maw’ tiin a han hril a, Thûamkunga chuan uar leh lai tial ruai chuan la in, Satlâk valrualte chu an su khu ta luih luih a. Nula hmai fai deuh chin lah chu Thûamkunga chuan lâm mual lamah chuan a nam lut zung zung a. Mualkunga pawh chu a su ve zak zak a. Pasâltha sukthanga chuan ‘zaleng hei zawng zingah lunglai luahtu an nemi chhing zo reng an awm nem maw, a sakhmel darang tawnni her chhuak thuai se, a tang lai thlawhlai lapar ai a var zawk chhingmit thlaah ai ang a cham reng, pialral thleng a ka chan khuanu malsawmna ka zui zel nang che, a anka nem kai ka tan dam na’ tiin a han hril ve leh lauh lauh a, Khualval dangte chu Chungliana chuan a nam lut ve zel a, Khual Lal thinrim ang thawm chhilh thak khawp chuan an chheih ta dual dual a, an Lal angthawm ngaihthlak ai chuan chheih chheih tiin Phaiphuk tlangvalte pawh chu a uar uar ah tang in an chheih tuar tuar a.
Tlangvalte hlim tak a an chheih dual dual lai chuan Lal leihkatlangsang ah erawh chuan an inhnial bap bap thung a, Phaiphuk Lal Thangzuala chuan ‘he tiang reng a min tham lo leh zahlo tu ka la tawng ngai lo, in khawtlang awpna dan tur pawh a hriat reng mai’ tiin a phun hluk hluk reng a. Khawnbawl upa Pu Laichuha chuan ‘a Lalpa kan tlangvalte pawh in thiam lohna chu an nei ngei a, a bul ah erawh chuan in diklo hmasa ve bawk a lawm, a salu hawn tha zawkin khaw silai duh ang an thlang ang, thutiam a ding nghet leh dik niin in in sawi hmasa a nih chiah kha, chu a chhapah silai meuh in lek zui a, in duh a hrual mum a ben phek theih turah a mi in ngaih reng a’ tiin Satlâk tlangvalte thlavang chu na takin a chhan hauh ve tlat a. An thiam lohna aia chuan Lal an nihna changchawiin an lungawi thei ngang lo a ni, an tan na lamah chuan mei kawh in an tang lan hlawm si a, Lehlawn Lal Zamloa chuan tih ngaihna tak pawh a hre bik mai lo a, thudik chu hre mahse an thangtlawm lutuk tur nem nghet tu nih chu a duh bik lo a, a han ngawi deuh vung vung in ‘hawh teh u, hetiang a inhnial buai reng lo hian lam i thai ve zawk teh ang u’ tiin a tho thurh a, tlangvalte ziangah chuana su ve ta nghawng nghawng a.
An lam chauh deuh hnu chuan an han chawl lai lawk ta rih a, nula lam chuan tui chu mauthei chuan an lo sem dan dan a. Thûamkunga chu khi sang chung chuan naupang thingnawi fawm rual awm khawm thap lamah chuan pheiin ‘naute u, hei dawi ka thiam a, in duh phawt chuan ka zirtir thei che u a nia’ tiin a han sawi sur sur a. Nuapangte lah chuan ‘min zirtir ve la, maw maw’ tiin an vir chung a, Thûamkunga chu a ngawi deuh vung vung a. A nih tumah ti na hauh suh u aw, ka zirtir che u tih pawh in sawi tur a nilo’ tiin an bul a puitling dingte chu hlauhthawn hmel tak chuan a melh rang kual zuk zuk a, Naupangte chuan phur fe in ‘tumah kan ti na lo ang, tu hnenah mah min zirtir tih kan sawi hauh lo ang’ tiin an phun sar sar a. Thûamkunga chuan ‘ aw le, chutiang a in tih dawn phawt chuan ka zirtir mawlh ang che u, a hmanrua tur tui tam deuh dahna tur han la hmasa phawt rawh u’ tiin a tho a, zawlbuk ah chuan lutin a kilah chuan a han mu vang vang a. Naupang thawm a hriat chuan bawk khup thukin a dawihla phuahchawp chu a chham bul bul a, naupangten Thûamkunga awmdan an hmuh chuan phur takin an in hrilhru sar sar a, ti dekin zawlbukah chuan lutin ‘ka pu hei tuih dahna tur hmanrua chu kan lo la tawh a sin’ tiin an lo hrilh sap sap a, buk nghut pah chuan pawn ah min lo va nghak tawh u, ka zawlte ka han be lawk a nge’ tiin lehlam hawi chuan a phun zui leh bul bul a.
Naupangte chuan nghakhlelh tak chuan an thlir sek a, a ni lah chu zawi muangin a han ding thum thum a, a lu chu a tuai thur nghal bu a, a han meng rang chu naupang dawihzep deuh te chu an til hak a, an thiante chuan ‘ti khan awm suh, nangmah vang a min zirtir duh loh vaih chuan i chak lo ang’ tiin an in hau nak nak a. Pasâltha Sângtuala chuan naupangho khawsa zia leh Thûamkunga luthur bu a lo chhuak a hmuh chuan ‘a eng a chu ti leh dawn ni maw’ ti rilru nauh nauh chuan a hnaih ru hrauh hrauh a. chutia naupang bawrkhawm tuai chu puitling te chuan mak ti ru tak chuan an thlir leh zauh zauh thin a. chutia an thlir reng lai chuan vawk kuang hman loah chuan tui chu a han chhung in, a dawihla phuahchawp chu a chham mawlh mawlh reng bawk a, naupangte chu a bit thei ang berin Thûamkunga chuan a han thut kual tir thap a, naupang thu ve theilo te chuan ‘khawi keimah zawk’ tiin an thiante chu an lo pawt sek a. Vawk kuang vawk chaw nawi kai nuaih chu tuiah chuan a lang deuh sup sup a. Thûamkunga chuan aw teng deuh chhuah hian ‘tui kha ngun takin en rawh u, engnge in hmuh’ a ti teng deuh chhuaih a, naupangte chuan ‘engmah ka hmu lo’ tiin an chhang sap sap a, chumi pah chuan an bih hnai zel a. A hma ai a ring zawk mah chuan ‘eng thil nge in hmuh naute u’ a han ti leh zet chu, Lal mual a awmte chuan Thûamkunga leh naupang thu bial laih lam chu an thlir ta thup a.Naupang hnung a hmai thup chung chuan ‘khawi maw khu a awm reng khu’ tiin a thu hniam sut a, vawkkuang a tui bal tling lung chu a han beng per chaui mai a, naupang ka ang deuh phut a vawkkuang bih te chu an ka a tui bal lut chhak chhuak chung chuan an te ta teng tung a.
Naupang te teng tung lamah chuan Lehlawn Lal Zamloa chu a chhuk thuai a, naupangte chu ‘eng a ti nge, in va te nasa teng tung ve’ tiin a han zawt a, Thûamkunga nui khur char char leh naupang an thiante vawkchaw nawi kai nuaih kawk a nui tlak tlak a hmuh chuan ‘kan Thûamkunga thin hi chu aw, i fiamthu han duh dan te lah hi a’ tiin a nui ve hai a. Thûamkunga nuihza zual a reh chuan ‘naute u, ka mit a tangin meikhu ka ti chhuak thei a sin’ a han tih leh chuan, naupangte chuan an bawr leh ta lat lat a. Naupang vawkkuang la tu chuan ‘kei chu ka ring tawh lo, a thiam tak tak lo ang, min tihder leh in ka ring’ tiin a thiante chu a melh kual a. Nuapang tam zawkte chuan ‘kei chu a theih ka ring, nichin a tuiah pawh satel tuihleuh ka hmu’ tiin an thiante chu an lo hnial a. Thûamkunga chuan vaibel chu phawrhin a han siam kai zui zat a, naupangte chuan an bawr hnai leh ta lut lut a, ka pu, i mit a tang chuan meikhu chu han ti chhuak tawh te, kei chuan i tih theih ka ring’ tiin an lo sawi lang lang a.
A hma ah chuan naupang te chu ngun takin min en rawh u, in hawi sawn chuan in hmu hman dawn lo a nia aw’ tiin a han sawi lauh lauh a, mau ther tawngchen chu lek kawh zal zal in, naupangte kapah chuan hawlh in rang takin meikhu chu a han chhem chhuak zauh a, meikhu zawnah chuan khap fak fak in ‘in hmu hman em’ tiin a han zawt a, naupangte chu an inhnial leh ta lat lat a, ‘a ti thei tih leh theilo tih te, kei chu hnuai lam ka en lai a nia, ka hmu hman lo tiin an ri leh laih laih a, Thûamkunga chuan ‘tunah a tawp nan ka ti leh dawn a, uluk takin min en tawh ang che u’ tiin a han insiam chhe kual a, naupante chu an nui eu dar dar a. naupang thawm chhuahna lam ngawt chu puitling te pawh chuan an thlir ta thup a. Thûamkunga chuan vaibel chu a han hip vang vang a, vawi thum a han chhem chhuak talh talh a, naupangte chuan nghakhlel tak chuan ‘ka pu ti tawh rawh’ tiin an au dual dual a. Thûamkunga chuan ‘Inring ru lem tunah’ tiin a han au that that a, naupangte chuan hmuh chian tum chuan an bial hnai tuai tuai a, a mah hnaih naupangte chu ‘aih ah, a nâ lutuk’ tiin an rak chul a, an mal vual deuh thla lang kalh chu an baih pui saih saih a, Thûamkunga dawi chuan naupangte inhnialna chawk chhuak in, a theih leh theih loh chu an inhnial laih laih a. Thûamkunga chuan ‘khai le, inhnial chu a ninawm lutuk rawn in tlar rawh u le’ tiin naupangte chu thuawih tak chuan an ding tlar thap a. Tunah kan infiam tan ang ‘tirah mei kaiah’ ti ang aw, tiin an inzui kawi ta duah duah a. Khawnbawl upa Lairuala inhnuai an luh lai chuan ‘Tira mei kaiah, chhimtira lairuala hei ha’ tiin an au rual dul dual a. Kawnbawl upa Lairuala lah pa fiamthu duh a lo ni a, inchhung ah tlan lutin tui chhe dah chuan Thûamkunga te au rual dual dual lai chu a han leih thut a . . . tlangvalte chuan naupangte chu zawm in, a khaw in hnuai chu an hrut chhuak ta vek a.
Ti thleng hi ni leh phawt mai tehse, ka hmanhmawh teh lua dawn lo a nia . .
BUNG – 152
Lehlawn Lal in nghing lawih lawih hlau in Lalnu Muanzoi chu a te that that a, sumhmun ah chuan a tlanchhuak thuai a. Lal Zamloa’n a nupui hlauthlabar in a mah pan lo a sumhmun thim a chuh a hmuh chuan a thinrim na leh a nupui rinna hlawhchhuah duhna chuan a thin chu ti tek chhakin, banglai a silai zukchâl ki zar nalh tak a in khawh phei zar chu pawt dawk zawk a, puan tlang leng duai duai chuan a chhuak nghal zawk a. Zukchâl hlau hlawp zuang zawk zawk chu hawlhchilh deuh thaw chuan a han kâp let tawp a, silai thawm leh zen rim chuan savawm leh keite thlun beh chu te thawt thawt in, an zuang zawk zawk ta mai a. Ramsa in hrosa thawm leh nunau te teng tung chu hlau ve ni awm tak chuan zanlai ar khuangte chu an reh thuap in, archhiar a tang chuan an dawngdawlak lauh lauh a.
Zan dang ang chu nise Lehlawn khua chu a reh thup tawh a nga, tlangval leng haw tlai deuh te chauh chu kawtthlerah an vak tawh ngei ang. Khaw thum tlangvalte in el na leh an hlawhtlinna chuan, Lehlawn khawchhung boruak chu a thlak chiang hle a. Chutia ramsa nungte an han tal chiam takah chuan Satlâk tlangvalte hlin sa, savawm chu tlan chhuak in lungdawh lamah chuan a tlan ta thut a. savawm tlan chak lai chu silai puak thawr vang chuan a beleuh tawi tak a. Lungdawh lam thim thamah chuan a pil bo zui hmak a. Satlâk tlangvalte chuan an sa man chhuak chu meichher nen chuan an um nghal huk a, savawm lumna thisen far chu meichher êng fiah lo takah chuan pasâltha Phulliana chuan a chhui zar zar a. Khawthum tlangvalte chuan an hnung ah zuiin an hma a tlangvalte chu an thlir dauh dauh reng a. Lehlawn lungdawh zawlah chuan savawm chu a lo bawk thim hmak a. Mualkunga chuan ‘nangte reuh chuan min va han ti hah deuh ve mawle, tha te te in awm ni la chu zanriah kan kil dar dar tawh tur a nia’ tih pah in, Savawm meiah chuan a man zui chat a. Pasâltha Phulliana chuan ‘Kunga fimkhur rawh’ a tih lai mek chuan savawm bawk reng chu tho thutin, Mualkunga chu a bawh let nghal rawk a.
Savawm thinrim huk dum dum lamah chuan Satlâk valrualte chu an chim huk a, Pasâltha Sângtuala chuan ‘tuman hriam lek suh u, kan inhliam palh a nge’ tih pah chuan savawm meiah chuan a phih zui nghek a. Satlâk tlangvalte chuan an iptepui paih in, savawm thinrim huk dum dum chu an tlawh her sawk sawk, Mualkunga chuan ‘eheu min bum khangleng elaw’ tih leh savawm bengah chuan man in a phih thal zui zat a, savawm taksa lang lai ah chuan Satlâk tlangval te chuan an chelh fur a, savawm hliam chu che thei lo in a tih theih tawk tiin a huk dum dum reng a. Pasâltha Phulliana chuan ‘naute u, ramsa mah nise a khawngaih thlak e, che theilo tur khan man bet ula, i kâp hlum tawh mai ang u’ a tih chuan, tlangval tam zawkte chu in thiar fihlim in, pasâltha silai mu a thluak pawh hawk a lut sa zawk vang chuan savawm chu a tal khur char char a. Savawm chu zawn in Lal mual lamah chuan an in zui chho leh ta hum hum a. Satlâk tlangvalte khum tum chu thihna ah ngaiin, khawthum tlangval te chuan an chung en ta vek a. Khual Lalte chuan chutiang a khaw tangrual an hmuh chuan an rilru chuan rual a awt ru kher mai . . .
Savawm ruang zawn ten Lal mual an thlen dawn chuan silai chu a puak dur a, an han en nak chuan pasâltha Sukthanga chu silai hmawr khu vat vat hum in, Lal thingkhawn lam thlir chuan a ding ran a. A bulah chuan kawlkei ruang chu a let ngat a, a thiante a hmuh chuan then sakin kan tlak ta e tiin a then var a. Lal Zamloa melh in ‘Lalpa Zamlo, hei kan thu remna ang in khual silai chu ka la mai dawn e aw’ tiin a han au lang lâng a. Lehlawn Lal Zamloa chuan ‘thlang ta mai che, in chak zawk tih lah kan hre tlang a ni lawm mi ? tiin a han chhawn ve lung lung a. Pasâltha Sukthanga leh Phulliana chu an in bek bawrh sar sar in an then dun suk a. Kan khual Lalte pawh khan in dinna chu in la tawlh em lo maw ? tiin a han au nawn leh a. Thurpui Lal Tualliana chuan ‘tun tum chu in chak e, kan lo tiam tawh ang ngeiin silai pahnih chu thlang mawlh ang che u’ tiin a lo chhawn ve lung lung a. Phaiphuk Lal Thangzuala pawh chuan ‘keini unau chuan kan thutiam kan bawhchhe ve ngai hauh lo, in lung sikna thlap chu han thlang chhuak ta che u’ tiin a au ve lung lung a. Pasâltha Sukthanga chuan ‘ Lehlawn nunau te u, kan Lalte thusawi kha in hria maw ? thutiam hlen ngei chi Lal hnuai a hlawntlinna kan nei hi a va lawmawm tak em. Khai ule, mei êngah hian in silai chu lo kalpui ula, in khaw hnih a silai tha ber chu han thlang dawn ila’ tiin a khi sang a.
Tlangvalte chuan hmel a hlauhthawnna lang chaih chung chuan pasâltha Sukthanga dinna meipui chhehna lam chu an pan ta a. Lehlawn nunaute chuan silai thlang lai hmuh chian tum in an zim hnai nghal tuau tuau a, pasâltha Sukthanga chuan ‘hei chauh hi em mi silai in lo ken’ tiin tlangvalte chu a melh kal a. Satlâk pasâltha chuan khawhnih tlangvalte hnen ah chuan ‘khawnge in Lalte pawh in silai an lo keng ve emaw tia’ tiin tlangvalte chu a melh kual, chu thu an hriat chuan Thurpui leh Phaiphuk khaw Lal te chu an meng rang nasa ta mai a, thinrim aw teng chhuaih chuan ‘nang khan eng thu maw i sawi, kan silai te chu nangni ang khawih phak rual a ni lo e’ tiin a ding sen tul a. Pasâltha Sukthanga chuan Lehlawn Lal Zamloa chu a melh ding ngar a. Aw dam thlap in ‘Lalpa i Lal mual ngeiah nang hian tlangval hlawhtling zawkte chuan, a hlawhchham khaw silai duh an thlang thei i tiin ka va hre ve, nge ka hriatsual zawk ?’ tiin a han zawt a.
Lehlawn Lal Zamloa chu a ngawi deuh vang vang a, Lehlawn khaw chhung a mite chu zawi te te chuan an phun sap sap hlawm a, an phun thawm chu leihkatlangsang a awm te pawh chuan an hre pha reng a, chung phun thawm an hriat chuan khual Lal pahnihte rui pawh chu a reh chiang ta khawp mai. Satlâk tlangvalten an tih thangtlawm zia chu an hre chiang in an thinrim chu an ding sai hlak hlak a. Aw thian khurh khurh in ‘pasâltha Sukthang i sawi dik e, kan thu thlukna ah chuan a vannei khua ten a vanduai khaw silai (he lai hmun a awm ve) an duh an thlang ang tih a ni e’ tiin a han sawi a. Khual Lal pahnih te chuan an u chu thinrim leh mak ti tak chuan an melh tur khaih a. Phaiphuk Lal Thangzuala chuan ‘a ngam fa chuan ka silai chu rawn la ula ti nia’ tiin inchhungah lutin a silai nen chuan a lo chhuak a, pasâltha Sukthanga chu a tin ta rap a. Phaiphuk Lal khawsak dan an hmuh chuan Lehlawn nunau te chu an te tuar tuar a, hmun him ni a an hriat lama chuan an darh suau a. An Lal khawsak dan chu duh pui lo viau mahse an hmanrua chu Phaiphuk tlangvalte chuan an chuh ta sang sang a. Pasâltha Sângtuala chu lo pen chhuakin ‘ka pa Thang. Dangawm teh mahni thutiam a ding ngam lo silai mu hian min fuh hauh lo ang’ tiin a rawn tlak khalh ta rap a, pasâltha Sângtuala mitmeng chu a sen leh ta ram a. Thinrim sehchilh rap rap chung chuan ‘Lal chu nilo la kha laiah khan i thi chiang viau ang, duh ngat ila i silai chu ka lak sak chiang viau bawk ang che, kan Lal te inneih bawhbuai tur zawng a khawsak kan duh loh a vang mai chauh leh, silai pakhat vang mai a nunna hlu tak lak ka duh loh vangin nungdam in awm ang che’ tiin a bul mai a pen thawm lo awm chu a melh zawk a.
Silai hmawr hawlh lo chauh chuan Phaiphuk pasâltha Thangtluanga chuan lo tin in ‘kan Lal chu i va han zah lo ve maw le, zilh deuh i ngai dawn a nih hi’ tiin a hma a mi chu a vau zui chhar chhar a. Thûamkunga chuan ‘pu a tawlhsawn thuai la, i silai kha lek thla rang rawh, chutiang a nih loh zawngin i thlarau kha hringlang tlang lam ah ka thawn liam nghal a ni mai’ tiin a silai cheng chu a kau zui ta rep a. Mualkunga leh Chungliana pawh chuan an silai chu an kau zui zat a. Satlâk tlangvalte huaisen dan hmu tu vek an nih tawh a vang chuan, khual val dawihzep deuh te chu an tawl kir tan ta a. Satlâk tlangvalte lah chu buai chak zawk ang hrim chuan hmalam pan in an tawlh hnai sauh thung a. Pasâltha Sângtuala chuan a mah si tep a silai ngul kaw thim hmak leh a kengtu chu melh tawn zauh in, silai hmawrah man thutin lei lamah silai hmawr chu a kawih hniam rual chuan a han phih zui nghek a.Phaiphuk pasâltha Thangtluanga chu hmalam ah tlan dawrh in, a dul a Satlâk pasâltha tlawhna vang chuan a leng lawp a, ek thawt khap chuan leicharah a in sawh dawp a, a tho leh tur chu Thûamkunga chuan a tukhum ah a chhir zui pawp a, engmah hrelo in leichar ah chuan a mu ta hle hle a. An pasâltha in nghahna ber mitkhap kar lek a mu zawi der an hmuh chuan khual valte chu mak tiin an hawi kâ hau.
Lehlawn Lal Zamloa chuan ‘Laiawrha pa insum rawh, nang pawh i silai kha dah thla nghal thuai rawh’ tiin a au that that a. Pu Tawnliana chuan Phaiphuk Lal Thangzuala a tuk sam a man in chempui chu zak kau meuh chuan a lo lek kang uaih tawh a lo ni a, Pu Tawnliana chuan ‘ka fapa khuan sam zai khat tia pawh hliam a neih chuan i nghawng ka fik nghal nawlh ang’ tiin Phaiphuk Lal chu a vau zui sap a. Tawng zawi viau mahse thusawitu chuan a sawi mai mai lo tih hriat tak chuan hnun a fan raih thung a. Phaiphuk Lal Thangzuala chuan silai lek thlak ruai ruai pah chuan ‘nangni chhung hian in la hre khawp ang, in chet dan hi ka thih ni thlengin ka theihnghilh mang mang lo ang’ tiin a phun ngal ngal a. Pu Tawnliana chuan ‘kei pawhin i thusawi hi ka theihnghilh mang mang lo ang, ka chhungte chungah eng pawh a thleng a nih chuan, nang hi ka hre chhuak hmasa ber ang che’ tiin Phaiphuk Lal silai chu a phih thlak sak hmak a, Lehlawn Lal Zamloa chu melh in ‘he buaina hi kan tan chhuah hmasak a nih loh dan chu i hre tho a, i theihnghilh loh hram ka beisei’ awm ze nei tak a tiin a mitah tak chuan a melh ran a. Lal Zamloa pawh chuan ‘Laiawrha pa, hlauthawng suh khai, kan boruak hian ka Lal in bak a pelh loh hram ka beisei’ tiin a sawi dam thlap a. Pu Laichuha chuan ‘Lalpa engpawhnise, kan tîn rih phawt a nge, naktuk zingah kan lo kal leh ang. Laiawrha pa hawh le i kal tawh ang, kan tlangvalte pawh an ril a tam lutuk palh a nge’ tiin Lehlawn Lal in a chhan hma chuan sumhmunah chuan an in zuichhuak a. Lehlawn khawnbawl upate chuan an mikhual te chu an zui chhuak nghal zat a. Engthil pawh thleng thut thei a nih hria in, Satlâk tlangval te chu an inring ru kher mai, engpawh thleng sela tang ho zel tur chuan pasâlthate chuan an hrilh ngun in, thil engpawh chian zel tur chuan an hrilh mawlh mawlh a.
Lal Zamloa chuan khawnbawl upate an tin zawh chuan a naute chu melh in ‘in va han che zahthlak tak em, engtin nge maw kan han phat mar tak ang aw’ tiin a tukhum a chul nawk nawk a. Phaiphuk Lal Thangzuala chuan ‘min han tih dan kher chu ka va la rul dawn rua em, ka tlangvalte reng reng pawh an dawihzep zel zul reng reng, an zahve emaw chauh hlauin an hnungtawlh a nia, mipa fa tlangval ka nei tlem deuh a ni, an ni pawh hian eng emaw chu an la hre dawn khawp e’ thinrim sehchilh rap rap chuan a ti a. Lehlawn Lal zamloa chuan ‘ka nau, heng kan farnu khuate hi chhaih chhaih hauh suh ang che, mahni leh mahni kan in beih chuan khawdang Lalte lakah kan hmai a mawk lutuk a nge, chulo rengah tharum zawng a thunun i tûm a nih chuan hling i insiam a ni mai, i thahrui ti châk tu ah hmang la vanneihna tham zet an ni zawk a ni, Satlâk khaw tlangval ui hum lek pawh ngam lo khua in, an zavai te zawng i ngam lo khumkhua ang tih hriat sa reng, an tanrual dan lah i mit ngeiin i hmu a, heng i mit hmuh te hi i thinrimna kha hliah tir reng reng suh, i tan leh kan zavai tan tha tur dawn la engmah ti hauh suh ang che, i hria em ? thinrim tak chuan a han ti a. An u ber thinrim hmel dur khuih an hmuh chuan, Khual Lal pahnihte chuan engmah an sawi ngam lo in an ngawi ta rauh rauh a. Phaiphuk leh Thurpui Lalte chuan an u thusawi dik zia chu an hre chiang in, khaw lian leh tlangval huaisen nei tam khua an din chan thin zia lah an hai na hek lo, an thinrim ti lang ngam lo chuan zupui chu an khiat khawlh khawlh a, an thu lai tlu tawp khawp chuan zupui chu an in ta ngawt a.
____________ + ___________
Zingah chuan Satlâk tlangvalte chu Lal mualah an ding thap a, khawnbawl upate chuan in buatsaih tur chhuanlam chuan hawn an tum thu Lal an hrilh a, Lehlawn Lal Zamloa chuan a lo remti lo nasa mai a. Khawnbawl upate hnenah ‘kan zan boruak khati teh nuaih a nih vang khan ro hran han rel na khua a kaw lo a, kan tlangvalte pawh an chau hle ang tih a chiang , chuvang in heng ramsa hian tlang ruai kan siam a nga kan inrem na pawh kan lawm pah a tih theih ang chu’ ti a a sawi mek lai chuan tlangau pa chu a lo lut a. Lal Zamloa chuan ‘ka khawnbawlte han ko thuai teh, kan vawiin ruai siam dan tur rel a ngai e’ tiin a lo tir zui zat a. Tlangau pa chhuah hnu chuan leihkatlangsang a tang chuan Satlâk tlangvalte chu ko chho in, an lo thlen chuan ‘nangni ka tlangval in nghahna ber in hawn chuan, kan kutlo sa hawi vel mai mai dawn a sin. Chuvangin naktuk lamah in hawn ka rem ti chauh dawn a ni, in lo kal chhan lah rem thu kan thlung tawh a, lungkham tur a awm zeng lah a ni lo, vawiin hian tu khaw tlangval nge lam thiam kan hria ang chu, ka tlangvalte lo chhuah hma leh ni tlangsan hma in, sa khu lo zu chan tawh u in hmanrua chu ti khan lo dah mai ula’ tiin a han sawi zui a.
Satlâk tlangvalkte chuan an khawnbawl upate chu a ngaihna hriat loh hmel tak chuan an melh hâ a, Pu Laichuha chuan ‘e khai tlangval te u, kan Lalpa berin chutiang a tih tlat chuan tu han hnial thu a awm lo e, naktip maiah khua kan thleng mai dawn a lawm le, ramsa ruaipui theh pawh a châk awm a lawm’ a lo tih chuan Satlâk tlangvalte chu sachan tur chuan an chhuak sang sang a, an hmanrua chu dah lo in an kengchhuak vek thung a. Lehlawn Lal Zamloa chuan Satlâk tlangvalte rilru dam zan loh zia a hriat chian phah in, a naute khawsa zia a zirin buaina zakhaw rawih an thlen theih zia pawh a hre chiang ta kher mai, a rilru pawh a vak thui ta kher mai.
Satlâk tlangvalte chuan hlim tak chuan sa chu an chan zui mawlh mawlh a, Lehlawn naupangte chuan an lo bawr tuau tuau a, naupang lian deuh chinte chu an sachan tur chu an dawm tir a, naupang sa chan tur vuan ve lo te chuan ‘khawi ka lo vawn chhawk ve tawh ang che’ tiin an thiante chu an lo chhawk lem lem hlawm a. Lehlawn tlangvalte chuan naupang lo thuve far an hmuh chuan ‘kha naupang te te, engnge he laiah in lo tih ve, kalsawn thuai rawh u, in rim a chhia’ tiin an hrawk nghal khur khur a. Pasâltha Sukthanga chuan ‘tlangvalte u, heng naupangte hian an theih tawk in an thawk ve a nih hi, tun a tangin an theih tawk an tih hi hriatthiam an ngai a nia, an hma hun a tan thiltha tihdan kan zirtir an ngai a ni’ tiin naupang thlavang chu a lo hauh sak a, naupangte chuan lawm takin pasâltha Sukthanga chu an nuih var var hlawm a, phur tak chuan an sachan chu an pui ve zel a, Satlâk tlangvalte chuan ti khan ti rawh u, ti zawk khan tiin naupangte chu sachan dan chu an lo hrilh zauh zauh reng a. Khawnbawl upa leh Lal ten naupangte pawh an tih theih tawk ti tur a an zirtir lai an hmuh chuan mak ti tak in ‘in tlangval te khuan in naupangte khutiang khuan an zirtir thin em mi ?’ tiin Satlâk khawnbawl upate chu an zawt ta hial a. Khawnbawl upate chuan ‘kan khaw naupang thingnawi fawm chin chuan sapuah leh eng emaw thil harhsa lo chin chu an thawk vek thin. Khuanun beng lo chhu chhet sela, vanduai thilah puitling chin hi lo awm lo pawh ni ila, kan naupangte chuan an hma an su kaw thei vek ngei ang’ tiin vaibel chu a fawp khu tual tual a.
Phaiphuk Lal Thangzuala chuan ‘naupang te chu changpat cheh chhum ang mai chauh an ni a, khawiah eng thil va thiam hrep suh’ tiin a lo chhang hluk a. Pu Tawnliana chuan ‘I fate chu engmah i zirtir loh chuan hnangvar a hlin ngam tawk chauh an ni reng ang chu, an naupan lai a tanga i zirtir erawh chuan khawi hmunah mah ngaihtuah awm an ni hauh lo ang’ tiin a lo chhang bul ve hmak a. Lehlawn Lal Zamloa chuan ‘in han sawi dan hmang in, Satlâk khuate chuan in naupangte chu an theih chinah in chhawr thiam hle thin a ni maw ?’ tiin a lo zawt ve bauh a. Pu Tawnliana chuan ‘Mi puitling ni tur hian kum lam a tam an ni ngawt in kan hre ve lo, kum hian hriatna leh thil eng emaw chu a zirtir ngei a, naupan lai a tanga than hnan thil erawh chu mi a thawk feih feih chhung chuan a nung tawh thin, a mawhphurhna hian nundan tha ah a hruai tawh thin a ni, tlangval thatchhia leh dawngdah ho reng reng hi han belchiang ila, naupan lai a duh ang a awm thin leh zilhhau ngai loh chhungkua a tanga zi chhuak te hi, an kum a lo tam hnu ah pawh mi awm eu leh mi hnawk sak te an ni thin’ tiin a han sawi zawm leh a. Chung Lal thumte chuan an thlang a tlangvalte khawsak thlir pah chu an ngawi rauh rauh a. Thurpui Lal chuan ‘mahni thisen a hrinte chu tu te pawhin kan zilhhau in nundan tha chu kan hrilh vek a, a vannei deuh in an that pui a vanduai deuh te erawh chu awm theih a ni’ tiin a han chhang ve leh a.
Pu Laichuha chuan ‘naupang mai pawh nilo hian kan ran vulhte thleng hian, ti tak tak a kan duh loh zawng hi an hrethiam vek a sin, naupang phei chu han zilh ve mah ila a lang a mawi chauh a kan zilhna hi an hre khawp mai, nu leh pa thenkhat te chuan an fate hi an zilh ngei a, thunun nan talhfiak pawh an lek ve thin ngei a lawm, a pawng a puiin kut an thlak ngawt thin bawk a, thinrimna awm leh hun lah thliar thiam a ngaih narawh e, eng emaw deuh a fate tan hler thin nu leh pate hian khawi a fa tha an neih hi ka ring thei lo, nu thenkhat lah hian an fate lak a lan that duh in, an thiltih sual hi an thup sak thla zen rawl nen, nupa tangtlang a theihtawp a beih chuan kan fate hian rawllai nun han pai khat khat deuh nei mahse, awmsual an bawl zui ngai lo, zawlbuk in enkawlna hi a that rual in a ler a thuai chauh a ni tawh a, kan vantlang nun that nan chuan chhungkaw nun bul thut dik hi a ngai ni’ tiin a han sawi ve leh charh charh a. Thurpui Lal Tualliana chuan ‘ka khua ah chuan khawtlang a awm herh tak nupui hmu zo lo tur a kan ngaih in fa tha pui pui a nei tlat zu nia’ tiin a han sawi ve leh bauh a.
Pu Tawnliana chuan ‘hmun thenkhat ah pawh rawlthar lai a awmsual bawl, zawlbuk tlangvalten an zilh that ka hmu nual mai, chhungkaw enkawlna tha hnuai a mite hian khawtlang nun sual an thlen lo tlangpui, vantlang ngaih a nu leh pa tha tak ang a lang, fate awmsual bawl tlat an nih chuan han bel chiang ila fate sualna hmuh kan lui te, nu zawkin pa bul a fate thup mawi lui tlat te, an faten an lakah rilru na an neih hlau tlat te an ni tlangpui. Hetiang ho hian han sawi mahse an fate an thunun nasat zia leh an zilh nasat thu hi an sawi tlangpui thin, belhchian erawh an dawl lo khawp mai’ a han tih leh chuan chhan ngaihna an hre lo in an ngawi ta thap a. Satlâk tlangvalte khawsak phungah chuan thunun that an ni tih an hriatin, eng pawh ti sela hlim takin an hma chhuak tawh phawt tih hlawhtlin tum chuan an thiamna an hmang tlat si a, hnial duh viau mahse an sawi dik tlat zawk vang chuan an ngawi ta thap hlawm a.
Pu Tawnliana chuan an thu sukthlek danah inhnial buai hlauin ‘hei kan khual unau te lam ram hi ka la tlawh hlek lo a, buh leh bal lam hi hawpkhawp in thar thei a ngem ? tiin Thurpui leh Phaiphuk Lalte chu a han zawt a. Phaiphuk Lal Thangzuala chuan ‘kan kum that kum tak a ni a, hawpkhawp chu kan neih vek a rinawm, furpui lai a tang khan hrumzial ho hi ram kal hian an hmu leh nawlh thin a, vahsan lak zawh hian inrawn khawm a heng kan hrumzial ho hi nuai deuh hlek chu an la ngai mai awm e’ tiin a khaw boruak chu a han sawi a. Thurpui Lal Tualliana chuan ‘keini kan kum that kum a ni chiah lo a, pur phurh em chu kan ngailo turah kan ngai deuh. Favang lai khan hrumzial ho chuan ka tlangval pakhat lu min lak sak a, hrumzial ho lah thla nei ang maiin an sul reng ka tlangvalten an hmu zui thuai lo nen, kei pawh vahsan lak hnu a hrumzial lak a tan ho dan ngaihtuah na rilru nen a lo thawk chhuak ka ni a, tum loh deuh in kan farnu chanchin dangin min deng ta bawk a, ka chamrei ta mah mah a ni’ tiin a han sawi ve charh charh a.
Lehlawn Lal Zamloa chuan ‘in lo chu ti ve a ni maw ? thawk khat lai khan kan Satlâk tlangvalte chuan hrumzial ho chu an suat nual tawh a, an mi man thenkhat phei chu an chhuah leh ta a nih kha’ tiin Satlâk tlangvalten hrumzial silai an man sak te chu a sawi chhuak ta vek a. An thu hriat thar chu ring lo deuh tak chuan ‘an lo chu tih vang nge maw ni dawn le, buhseng dawn lai khan ka tlangvalte chuan ram an fang chipchiar ang reng viau a, sulhnu thar awm kan hmu lo an lo tih’ tiin an ti ti laih laih a. Lehlawn Lal Zamloa chuan ‘Khawbual khaw mihring kawi chhuak tu hrumzial ho pawh kan Satlâk tlangval te kaihhruai na a chhan chuan an ni a’ tiin thu muhnu chu a han sawi chhuak leh a, Phaiphuk leh Thurpui Lal te chuan ngaihnawm ti tak chuan an lo ngaithla ang phuau a, Tukthuan ei an peih chuan Lal leh khawnbawl upate chuan an kil kual pup a, chaw ei pah chuan Satlâk tlangvalte chet dan chu an sawi zui zel a. Khual Lal pahnih ten an lo hriat loh mihrâng te chetdan a hriat meuh chuan an thu chhakchhuah tawh chu an zak kher mai, an hriat leh chak mai mai chu khaw tlangvalte in elna a ramsa nungchung an khalh hawn dan chu a ni.
Hâr an nun kim chuan Lal mualah tlangvalte chu an lo ding ther fur a, Phaiphuk Lal chu lo ding chhuakin ‘khawnge kan Satlâk pasâltha Sukthanga kha lo chhuak sela, nimin lam a in chet dan kim chang min han hrilh teh se’ tiin a khi vei sung a. Pasâltha Sukthanga chu leihkatlangsangah chuang kai in, nunaute chuan a thusawi hriat chian tum tak chuan leihkatlangsang lam chu an hnai tuai tuai a. Pasâltha Sukthanga chuan aw thian kharh kharh in ‘ khatia in el tur a kan chhuak ta kha, kan vanneihna a kal tluang a, kan va hlawhtling ta mai a ni sawi zui vak tur pawh a awm lo e’ tiin a kal sawn ta daih a, an beisei loh ang deuh a thil an hriat chuan a lo ngaithla tute chu an hrilhhai zawk kher mai. Phaiphuk Lal Thangzuala thin chuan a tuar leh ta lo a, thinrim hmel dur khuih chuan ‘nang kha ding rawh, min va zah lo ve’ tiin a han au that that a. Pasâltha sukthanga chuan ‘ka pu i ngai kawi mai mai a nih kha, kei ni ramvak te chuan vanneihna bak hi sawi tur kan nei loh vang mai zawk a sawi tur awm lo a ni e’ tiin a kal san zui hmak a. Lehlawn Lal Zamloa pawh a ngaihdan ni chiah lo mahse a nau awmdan tur a hriat lawk vang chuan a ngawi ta hle hle a. Phaiphuk Lal Thangzuala chuan ‘min han tham loh zia reng mai hi’ tiin a phun zui bul bul reng a.
Phaiphuk Lal thinrim hmel a hmuh chuan Thûamkunga lawm sakhai ah tlain, nui sang chuan a khel beng thak thak in a lam vir chai chai a, Chungliana chuan ‘khawnge hman a ka di mualliam hnu kha, a tha par tlei dang tawnah mual zapui ka liam thei lo, ka tawn di mualliam hnu zun leng in tangah min zem, zaman hmawngiang min phuar thlafam ka chan hma chuan a dam dawn nem maw’ tiin a han hril a, Thûamkunga chuan uar leh lai tial ruai chuan la in, Satlâk valrualte chu an su khu ta luih luih a. Nula hmai fai deuh chin lah chu Thûamkunga chuan lâm mual lamah chuan a nam lut zung zung a. Mualkunga pawh chu a su ve zak zak a. Pasâltha sukthanga chuan ‘zaleng hei zawng zingah lunglai luahtu an nemi chhing zo reng an awm nem maw, a sakhmel darang tawnni her chhuak thuai se, a tang lai thlawhlai lapar ai a var zawk chhingmit thlaah ai ang a cham reng, pialral thleng a ka chan khuanu malsawmna ka zui zel nang che, a anka nem kai ka tan dam na’ tiin a han hril ve leh lauh lauh a, Khualval dangte chu Chungliana chuan a nam lut ve zel a, Khual Lal thinrim ang thawm chhilh thak khawp chuan an chheih ta dual dual a, an Lal angthawm ngaihthlak ai chuan chheih chheih tiin Phaiphuk tlangvalte pawh chu a uar uar ah tang in an chheih tuar tuar a.
Tlangvalte hlim tak a an chheih dual dual lai chuan Lal leihkatlangsang ah erawh chuan an inhnial bap bap thung a, Phaiphuk Lal Thangzuala chuan ‘he tiang reng a min tham lo leh zahlo tu ka la tawng ngai lo, in khawtlang awpna dan tur pawh a hriat reng mai’ tiin a phun hluk hluk reng a. Khawnbawl upa Pu Laichuha chuan ‘a Lalpa kan tlangvalte pawh in thiam lohna chu an nei ngei a, a bul ah erawh chuan in diklo hmasa ve bawk a lawm, a salu hawn tha zawkin khaw silai duh ang an thlang ang, thutiam a ding nghet leh dik niin in in sawi hmasa a nih chiah kha, chu a chhapah silai meuh in lek zui a, in duh a hrual mum a ben phek theih turah a mi in ngaih reng a’ tiin Satlâk tlangvalte thlavang chu na takin a chhan hauh ve tlat a. An thiam lohna aia chuan Lal an nihna changchawiin an lungawi thei ngang lo a ni, an tan na lamah chuan mei kawh in an tang lan hlawm si a, Lehlawn Lal Zamloa chuan tih ngaihna tak pawh a hre bik mai lo a, thudik chu hre mahse an thangtlawm lutuk tur nem nghet tu nih chu a duh bik lo a, a han ngawi deuh vung vung in ‘hawh teh u, hetiang a inhnial buai reng lo hian lam i thai ve zawk teh ang u’ tiin a tho thurh a, tlangvalte ziangah chuana su ve ta nghawng nghawng a.
An lam chauh deuh hnu chuan an han chawl lai lawk ta rih a, nula lam chuan tui chu mauthei chuan an lo sem dan dan a. Thûamkunga chu khi sang chung chuan naupang thingnawi fawm rual awm khawm thap lamah chuan pheiin ‘naute u, hei dawi ka thiam a, in duh phawt chuan ka zirtir thei che u a nia’ tiin a han sawi sur sur a. Nuapangte lah chuan ‘min zirtir ve la, maw maw’ tiin an vir chung a, Thûamkunga chu a ngawi deuh vung vung a. A nih tumah ti na hauh suh u aw, ka zirtir che u tih pawh in sawi tur a nilo’ tiin an bul a puitling dingte chu hlauhthawn hmel tak chuan a melh rang kual zuk zuk a, Naupangte chuan phur fe in ‘tumah kan ti na lo ang, tu hnenah mah min zirtir tih kan sawi hauh lo ang’ tiin an phun sar sar a. Thûamkunga chuan ‘ aw le, chutiang a in tih dawn phawt chuan ka zirtir mawlh ang che u, a hmanrua tur tui tam deuh dahna tur han la hmasa phawt rawh u’ tiin a tho a, zawlbuk ah chuan lutin a kilah chuan a han mu vang vang a. Naupang thawm a hriat chuan bawk khup thukin a dawihla phuahchawp chu a chham bul bul a, naupangten Thûamkunga awmdan an hmuh chuan phur takin an in hrilhru sar sar a, ti dekin zawlbukah chuan lutin ‘ka pu hei tuih dahna tur hmanrua chu kan lo la tawh a sin’ tiin an lo hrilh sap sap a, buk nghut pah chuan pawn ah min lo va nghak tawh u, ka zawlte ka han be lawk a nge’ tiin lehlam hawi chuan a phun zui leh bul bul a.
Naupangte chuan nghakhlelh tak chuan an thlir sek a, a ni lah chu zawi muangin a han ding thum thum a, a lu chu a tuai thur nghal bu a, a han meng rang chu naupang dawihzep deuh te chu an til hak a, an thiante chuan ‘ti khan awm suh, nangmah vang a min zirtir duh loh vaih chuan i chak lo ang’ tiin an in hau nak nak a. Pasâltha Sângtuala chuan naupangho khawsa zia leh Thûamkunga luthur bu a lo chhuak a hmuh chuan ‘a eng a chu ti leh dawn ni maw’ ti rilru nauh nauh chuan a hnaih ru hrauh hrauh a. chutia naupang bawrkhawm tuai chu puitling te chuan mak ti ru tak chuan an thlir leh zauh zauh thin a. chutia an thlir reng lai chuan vawk kuang hman loah chuan tui chu a han chhung in, a dawihla phuahchawp chu a chham mawlh mawlh reng bawk a, naupangte chu a bit thei ang berin Thûamkunga chuan a han thut kual tir thap a, naupang thu ve theilo te chuan ‘khawi keimah zawk’ tiin an thiante chu an lo pawt sek a. Vawk kuang vawk chaw nawi kai nuaih chu tuiah chuan a lang deuh sup sup a. Thûamkunga chuan aw teng deuh chhuah hian ‘tui kha ngun takin en rawh u, engnge in hmuh’ a ti teng deuh chhuaih a, naupangte chuan ‘engmah ka hmu lo’ tiin an chhang sap sap a, chumi pah chuan an bih hnai zel a. A hma ai a ring zawk mah chuan ‘eng thil nge in hmuh naute u’ a han ti leh zet chu, Lal mual a awmte chuan Thûamkunga leh naupang thu bial laih lam chu an thlir ta thup a.Naupang hnung a hmai thup chung chuan ‘khawi maw khu a awm reng khu’ tiin a thu hniam sut a, vawkkuang a tui bal tling lung chu a han beng per chaui mai a, naupang ka ang deuh phut a vawkkuang bih te chu an ka a tui bal lut chhak chhuak chung chuan an te ta teng tung a.
Naupang te teng tung lamah chuan Lehlawn Lal Zamloa chu a chhuk thuai a, naupangte chu ‘eng a ti nge, in va te nasa teng tung ve’ tiin a han zawt a, Thûamkunga nui khur char char leh naupang an thiante vawkchaw nawi kai nuaih kawk a nui tlak tlak a hmuh chuan ‘kan Thûamkunga thin hi chu aw, i fiamthu han duh dan te lah hi a’ tiin a nui ve hai a. Thûamkunga nuihza zual a reh chuan ‘naute u, ka mit a tangin meikhu ka ti chhuak thei a sin’ a han tih leh chuan, naupangte chuan an bawr leh ta lat lat a. Naupang vawkkuang la tu chuan ‘kei chu ka ring tawh lo, a thiam tak tak lo ang, min tihder leh in ka ring’ tiin a thiante chu a melh kual a. Nuapang tam zawkte chuan ‘kei chu a theih ka ring, nichin a tuiah pawh satel tuihleuh ka hmu’ tiin an thiante chu an lo hnial a. Thûamkunga chuan vaibel chu phawrhin a han siam kai zui zat a, naupangte chuan an bawr hnai leh ta lut lut a, ka pu, i mit a tang chuan meikhu chu han ti chhuak tawh te, kei chuan i tih theih ka ring’ tiin an lo sawi lang lang a.
A hma ah chuan naupang te chu ngun takin min en rawh u, in hawi sawn chuan in hmu hman dawn lo a nia aw’ tiin a han sawi lauh lauh a, mau ther tawngchen chu lek kawh zal zal in, naupangte kapah chuan hawlh in rang takin meikhu chu a han chhem chhuak zauh a, meikhu zawnah chuan khap fak fak in ‘in hmu hman em’ tiin a han zawt a, naupangte chu an inhnial leh ta lat lat a, ‘a ti thei tih leh theilo tih te, kei chu hnuai lam ka en lai a nia, ka hmu hman lo tiin an ri leh laih laih a, Thûamkunga chuan ‘tunah a tawp nan ka ti leh dawn a, uluk takin min en tawh ang che u’ tiin a han insiam chhe kual a, naupante chu an nui eu dar dar a. naupang thawm chhuahna lam ngawt chu puitling te pawh chuan an thlir ta thup a. Thûamkunga chuan vaibel chu a han hip vang vang a, vawi thum a han chhem chhuak talh talh a, naupangte chuan nghakhlel tak chuan ‘ka pu ti tawh rawh’ tiin an au dual dual a. Thûamkunga chuan ‘Inring ru lem tunah’ tiin a han au that that a, naupangte chuan hmuh chian tum chuan an bial hnai tuai tuai a, a mah hnaih naupangte chu ‘aih ah, a nâ lutuk’ tiin an rak chul a, an mal vual deuh thla lang kalh chu an baih pui saih saih a, Thûamkunga dawi chuan naupangte inhnialna chawk chhuak in, a theih leh theih loh chu an inhnial laih laih a. Thûamkunga chuan ‘khai le, inhnial chu a ninawm lutuk rawn in tlar rawh u le’ tiin naupangte chu thuawih tak chuan an ding tlar thap a. Tunah kan infiam tan ang ‘tirah mei kaiah’ ti ang aw, tiin an inzui kawi ta duah duah a. Khawnbawl upa Lairuala inhnuai an luh lai chuan ‘Tira mei kaiah, chhimtira lairuala hei ha’ tiin an au rual dul dual a. Kawnbawl upa Lairuala lah pa fiamthu duh a lo ni a, inchhung ah tlan lutin tui chhe dah chuan Thûamkunga te au rual dual dual lai chu a han leih thut a . . . tlangvalte chuan naupangte chu zawm in, a khaw in hnuai chu an hrut chhuak ta vek a.
Ti thleng hi ni leh phawt mai tehse, ka hmanhmawh teh lua dawn lo a nia . .
| Link: | |
| BBcode: | |
| HTML: | |
| Hide post links |
PASÂLTHA SÂNGTUALA (Mampuia Pa)
BUNG – 153
( Kan nu checkup turin kan kal dawn a , ka lo chhun zawm hun tur ka hre lo a, phuailuai deuh takin ka lo dah lut e)
Lal mualah chuan chângel hnan phah in ramsa chhum ngei chuan ruaipui chu an kil dawn ta, chângel hnah an phah dawn a tang chuan vawk ho pawh chuan sa chu chhim ve ngei tum in an lo in hawrkhawm ve tuai tuai a, naupangte chu vawk veng chuan an vir zak zak reng mai bawk a. Ruaipui hlim tak a an kil zawh chuan nula leh tlangvalte chuan ruai nawi chu ti faiin an in pel leh suau suau a, vawk rual chu ruai nawi inchuh chuan an innawr ngek that that hlawm a, Zan lamah chuan khawnbawl upate chu Lal inah chuan an thu ngawi thap hlawm a, an rilru in pawh lohna chuan boruak chu a ti rit khawp mai. Lal inchhung boruak chu rit viau mahse tlangval te erawh chu an hlim tlang hle thung a, Thûamkunga naupang kil kawi dan mawlh chu sawiin a dawi zirtir dan pawh chu fiamthu nan tak an hmang hlawm a. Lehlawn naupangte chuan tui chu an in ben per chuaih chuaih mai bawk a.
Satlâk valrualte chu hlim tak chuan an infiam pah bawrh bawrh a, a khat tawk chuan khual Lal pahnihte chetdan chu fiamthu nan hmangin an, Chungliana chuan ‘Thûamhnap, I patea chu pa thu tiam dang ngailo tak a nih kha, I dawi zirtir lah chu nuho tan phur rit a ni a, i thlarau chuan hauh a tuar nasa dawn hle mai a’ tiin a han fiam a. Thûamkunga lah chuan ‘Lehlawn khuate chu bum than an nia lawm, nizan nula inthiar i bih thla ang rawk kha ka ni ve hauh lo a nia aw’ tiin a han fiam pah zauh a. Chungliana chuan sen tawl tawl chungin ‘min hmuh uk loh kha, dawthei viau thin suh aw’ tiin a han chhang a, a thianpa hmaisen tawl tawl chu fiam zuiin ‘dawt mai zawng nise i sen tul tul lo tawp ang’ tiin a han fiam leh a, Chungliana chu in ngaihtuah harh in ‘ a lo nih tak chu hre thei pa, i pate Thangzuala siar siar i nih mai chu’ a han tih chuan an nui ham ham a, zan riahna hmun an thlen chuan sakei an thah tak chu a lo nâm hle tawh a, buk chu an sawn phah ta hial a. Lalnu Thanthûami te inneih hun tur mawlh sawiin ‘kan khual Lalte mizia thlir chuan a huphurh awm teh zawng e’ tiin tlangvalte chu an phun sap sap a. Pasâltha Sângtuala chuan ‘in ning duh mai mai e a, a khuate pawhin an hrawn reng peih a lawm le, in ngai thu tak lutuk a nih kha, thlawhlai a thingbul ang ah ngaiin han hmuh kân hmak mai ula, khawsikpui vei ang maiin a then no reng mai dawn a lawm’ nui chung a a tih chuan, Satlâk tlangvalte chuan ‘ a ni dawn teh tak e a, muhil der kaihthawh ang hlauh nih mai tur a nih tak chu’ tiin an khi ta var var a.
Pi Chhunruaiin man an hlan fel deuh thaw tih a hriat chuan a hlim kher mai, a ngaihtuah na ah chuan chuan ‘aw hmeithar in ah Lalnu meuh a han lawi tur chu’ tiin a ngaihtuah rauh rauh a. Palai te chuan Pi Chhunruaii ngawi deuh rauh rauh an hmuh chuan a rilru tur awm te an han ngaihtuah a ‘Lianmana nu eng thil nge i ngaihtuah tak rauh rauh chu le, fa mô ah Lalnu meuh i nei dawn a ni a, Lalnu Thanthûami lah kan hriat chian sa mi nun tha a lo ni bawk nen, huphurh tur a awm a mi ? tiin an tawng thlamuan a, pi Chhunruaii chuan ‘â huphurh dang lo e a, kan faten an duh chu Lung chim takin kan pawm mai tur a nia lawm, lehlamah thung chuan khawkhat Lalnu ve meuh hmeithai in a lawi tur ngaihtuah hian miming te pawh a ang rum rum a lawm le’ tiin a han chhang ve bauh a. Pu Laichuha chuan ‘a dik khawp mai, târ chak lo lamah Lalnu meuh fa mô a neih chu hriatthiam pawh a har viau ang chu, Khuanun kan chung a rorel hi hriatthiam a har thin reng a ni, kan chanvo ang a insiam rem tum mai hi a hahdam thlak thin chawk a nia, khawnge Lal in lamah kan han chuang lut ve lawk a nge’ tiin Lal in lamah chuan an in zui chho ta a.
Lalnu Thanthûamin a khawnbawl te a hmuh chuan a che phelh leh zauh thin a, khawnbawl upate chuan lehlawn khaw boruak zawng zanwg chu Lalnu Thanthûami chu an hrilh ta vek a. Lalnu Thanthûami chuan ‘ka nutâ te chu an va che mak tak ve mawle, amaherawhchu an dinhmun a tang chuan hriatthiam an ngai zawk a ni, hei kan kâr thu chu a vawrtawp kan thleng a ni ruai tawh a, in thahnem ngaihna a fakawm khawp mai’ tiin a han sawi ve sap sap a. Khuanun min hual em a nga kan innei tluang turah ngai ila, ka nuta te pawh in hun han vei deuh sela engkim hi a nih angin an pawm ve mai ang. Val upa nu hi kan inneih hnu a rawn in sawn chho hi a hreh viau mai a ngem aw, kei lah a hmingin Lal ka lo nit um hrang ve nen’ tiin a han sawi leh sap sap a. Khawnbawl upate Pu Laichuha chuan ‘kum upat hnu a awmhmun sawn hi a hrehawm na chen te pawh a awm a ni mahna. Khuarei in a siam rem ve mai turah ngai ila, nang lah rilru tluang tak i lo ni bawk nen’ a han ti a. Midangte pawh chuan ‘Khuanu samsuih in nih chuan harsatna thleng lo mahse in paltlang zel tho ang chu, harsatna hian nun a ti famkim zawk daih a lawm’ tiin an han sawi ve leh a, ti ti dang dang sawiin pu Laichuha ten au neih tur chu an sawi chhuak ta a. Lalnu Thathûami chuan ‘a van lawmawm tak em, khuanun he khua kan luah tirh a tang khan min hual a, harsatna leh buaina in min chim reng thin mahse kan buaina chu kan hmet mit thei zel a, tunah chuan ka khua a naupiang hmasa ber tur thawm kan han hre leh chu a va lawmawm tak em’ tiin a nui ta var var a.
Chutia Lal in a an ti ti bawrh bawrh lai chuan Thûamkunga chu Lal inah chuan a lo thaw lut hlawp hlawp a, Lalnu min lo hrethiam la tiin pu Laichuha en in ‘ka pu, K’u Hmingchhuangin nau a vei a ni awm e, bengvar thilah ka lo hrilh che’ tih leh hmanhmawh tak a tlanchhuah a rual nghal a. Lalnu Thanthûami chuan ‘Pângpui ka lo hawn har chuan min lo mutsan mai dawn nia aw’ tiin sumhmunah chuan hmanhmawh takin an in zui chhuak thuai a, in an zu thlen chuan Satlâk thalai ho chu an pasâltha fa neih tur ngaihven chuan an lo thu thup a. Satlâk an luahlun hnu a naupiang hmasa ber tur a nih vang chuan a mimir chuan naupiang tur chu an ngaihven thup a. Lalnu ten Pu Laichuha te in an thlen chuan Hmingchhuangi nauvei chu a lo rum hlat hlat a, sumhmun thim lai chuhin pasâltha Lianmana te thianzaho pawh an lo thu bial taih a, pasâltha Lianmana chuan a nupui chu a ngaihtuah tih hriat tak chuan a nupui nauvel a rum rin deuh chuan a mawng a kang leh ak âk thin a, pasâltha Laiawrha chuan a thianpa khupah a lo ben chuan za lo tak a then sakin a thu leh zuk thin a. Pu Laichuha nupui leh Hmingchhuangi nu chuan ‘Mamte tang sauh sauh rawh aw, khan au a chhuak tep a nia’ tiin an lo fuih mawlh mawlh a. Lal in a miten Lalnu Thanthûami an hmuh chuan thutna lo kian sap sap mahse ‘a ngailo ti khan thu rawh u, he laiah hian ka thu mai ang’ tiin thuthmun awl lam chu a chuh tharh a.
Pu Laichuha chuan a famô chu a ngaihtuah tih hriat tak in chhuat dungah chuan tih ber tur hrrelo chuan a lo tei sek a, Pu Tawnliana chuan ‘Lianmana pa, khawi maw I vaihlo tui chub eng khat min lo lak lawk teh, ka vaihlo pai ka tla lo tlat mai’ a tih chuan harhchhuak zawkin, a kal su zuk a ‘aw chu chu a lawm lo lak ka tum chu le’ tih pah chuan rappui chungsang chu a ban in, vaihlo tam fe mai chu a han thamchhuak tun a, khi Vn chung in ‘kha zu teuh rawh, mipa leh thingthu chu kan khu cham cham reng tur a ni’ tiin thuthmun a rem ve ta a. Khumpui lam a tang chuan ‘Lianmana pa, artui kha lo hem lum vat teh, hei Mami a chau deuh tlat mai, artui kha rang takin’ tiin a han au that that a. A nupui authawm a hriat rual chuan pu Laichuha chu, savawm mawngkhawi an sawi ang zak chuan a vir nghal zak zak a, a hmanhmawh lutuk chuan artui chu a lo hrem hnai deuh a niang chu, artui chu a puak khu luih a ‘aw awh awi, ka puak e a tih khanglan chu le, artui te zawng kan ngah zawng tak a lawm’ tiin pah chuan pum ngâ ngawt chu a hem nghal sawk sawk a.
Pu Laichuha a hawi chhuak leh chu a hmu hmasa a piang chu an then sak sak a, pu Tawnlianan a hmu chiah chu ‘e khai a Lianmana pa chu i lo va ngô phek phuk ve’ tiin a han fiam zauh a, puantlang a hmai hruk pawp pawp pah chuan ‘zanin zet zawng ka tu nei tur chuan mu leh mal min neih tir thei hlei nem maw le, Khuanun zah ngai sela, fuke kim in a piang hram sela aw’ tiin a tukhum chu a chul vat vat a, Pu Tawnliana chuan ‘e khai a thianpa zam mah che le, khuanu zarah Satlâk mihrang tur chu zan in hian kan hmu turah ngai ila’ tiin a hnem a, ti ti eng emaw sawiin an ti ti zui sap sap a. Zanlai ar a khuang thliah thliah tih chuan naute tap raih raih chuan pu Laichuha te in chhung chu a lo luah ta, Pu Laichuha hlim lutuk chuan ‘chhe hei, tu ka nei ta, tunah chuan pu tak tak ka ni ve dawn ta e’ tiin khumpuiah chuan a tlan lut nghal zawk a. A nupui chuan ‘khawnge cheng chung thin a insum ve deuh teh khai, a lai kan han hren sak phawt a nge’ tiin a han tawng lang lang a. Pu Laichuha chuan hlim aw ka tak hian ‘e he mipa a ni hlauh mai, tunah chuan pu tak tak ka ni ta’ tiin a han tawng lung lung a. Thawm chu a reh deuh thap a pawiti tih hriat tak chuan ‘a va han pawi tak em aw’ tiin pu Laichuha chu a rawn tawng leh a, Hmingchhuangi chuan ‘ka pa, ka fapa chu a pian a kim lo em mi, eng thil nge nita ngai’ tiin hlauthawng aw tak chuan a han ti a.
Lalnu Thanthûami chu insum hmanlo in khumpuiah chuan a tlan lut nghal zawk a, nau lai tan sa a hmuh chuan ‘e khai hlauthawng reng reng suh u, khuanun kan hna tur min lo thawhsak a nih hi, ti hian naktuk a tangin a puak theih tawh zawk ang chu’ tiin a khawnbawl upate chhung chu a hnem mawlh mawlh a. Satlâk khua ten an khaw naupiang hmasa ber chutiang a ni tih an hriat chuan an pawiti chu an kun nghiai a, pasâltha Lianmana chuan a nupui hreawm ti tak a tap hlawp hlawp chu duat tak a chul hliau hliau chung chuan ‘Hmingpui hrehawm ti mah che, kei a pa ka dam chhung chuan kan fapa hian engmah a ti lo ang, fapa tha tak min hrinsak a ka lawm lutuk e’ tiin a han hnem sauh sauh chuan Hminhchhuangi chuan mittui kar a tang a a pasâl chu mekh in ‘kan fapa hi I venghim tlat ang ti raw’ tiin a han zawt a, thawk ham ham pah chuan ‘ka tiam a che, thlamuang takin awm rawh khai, khuanu zarah kan fapa hian eng em a ti hauh lo ang, ka venghim tlat dawn a lawm’ a han tih chuan, a nupui pawh chu ngaihngam takin a thaw ham ham a.
A nupui nau nei chau a mutthilh hnu chuan pasâltha Lianmana chu pawnah chhuakin a fapa lai tansa pian thu chu kun nghaih chung chuan a han sawi a, a thiante chuan ‘e thianpa Lungngai reng reng suh,khaunu zarah dam kan hauh a nga, kan mit naute ang maiin kan venpui dawn che a lawm’ tiin an lo hnem laih laih a, a thiante hnemna vang chuan a ni pawh chu a hahdam huai a, naute leh a nu an tha tih an hriat hnu chuan mi tam zawk chu an tin ta sap sap a, mi tlemte chauh an awm tih chuan dawihnai vawk chu sapui kut hnu tih hriat tak chuan a rawn ngeng rawng rawng a. Pu Laichuha chuan rappui chungsang a feipui chuh in ‘I va rawn hre hma deuh ve mawle, ka tupa hi chutiang mai a chhuhsak mi ka ni hauh lo ang aw’ tiin a tupa bulah chuan inring tak chuan a ding nhghal tau a. Pu Tawnliana chuan banglai a chempui tle vur phawk zawk pah chuan ‘thiante tlanchhiat san mi ka ni aw kawng lo e aw’ tiin Pu Laichuha bulah chuan a, inring tak chuan a ding ve nghal ran a. Hmingchhuangi thawmhria lo harh chuan ‘ka fapa khaw khawnge a awm’ tiin a te nghal chul bawk a. Pasâltha Lianmana silai leh chempui ak chung a inring tak a ding chuan ‘ka nupui hlauthawng reng reng suh, chutiang mai chuan kan fapa hi min chhuh mai dawn hauh lo, hahdam rawh’ tiin a lo hnem a. A pasâl leh midangte a hmuh chuan thlamuang huaiin ‘ka nu, khawi Mamtea chu ka lo mutpui rih a nge, hnute pawh a hne duh tawh ang’ a han ti a, a nu te chuan hrethiam takin naute chu a bulah chuan an mut tir a, hnute a pek chuan naute chuan thlamuang tak chuan a fawp dak dak a.
Inchhung lam an buai lai chuan pasâltha Laiawrha te, Sukthanga te, Phulliana leh midang pangâ lai chu thingfak nen inhual chuan an ding nghal suau a, pasâltha Sângtuala te thianzaho chu silai chuh in inlam ah chuan an tlan nghal thung a, an hmanrua bakah midangte hmanrua tur an lak kawi vang chuan, tuibur hmuanda dawnah an lo thleng thei chauh a. Silai an hum kim tak chuan thawm an han ngaithla a. Pu Tawnliana’n ‘Sângte, nangni thianzaho tal chuan kan tlangval te zu ngaihven ula’ a rawn tih takah chuan an ni chu an liam nghal thuai a. Satlâkna hmun pasâltha Sângtuala ten an thlen chuan tlangval nawlpui chu sapui hnu chhui chuan an liam duak tawh a, hmanhmawh tak chuan an ni pawh an kal thuai a. Pasâltha Sângtuala ngaw an thlen ve meuh chuan an piah inchhung dung lethnih awmah chuan silai hi a puak thawr a, sapui thinrim inhrosa thawm chuan ngaw chu a nghawr hem hem ta mai a. Val upa Lianmunga aw chuan ‘kha Chhinga tawlh kir rawh u’ tiin a au that that a. Sapui thinrim thawm chu a hma ai mah chuan a ringin silai a lo puak leh dur a, thil thum dawp dawp chuan a zui zat a. Pasâltha Sângtuala te an va thlen chuan rawlthar Thanchhinga chu keipui sumruk zet tur hian a lo bawh run a, an thil hmuh lamah chuan an tlan nghal zawk a, chempui phawrhin an sat zui ta zawt zawt a, keipui luruh keh vek khawm a an sah hnu chuan keipui ruang chu an han la sawn dawn a, Thanchhinga dar a keipui ngho lut vang chuan, Thangchhinga chawp chuan an phih tho lawih a.
Val upa Chhâwnthiaua chuan Thanchhinga keipui thi bual sen nguai chung a, thidang dâng lâp chu a ko mawlh mawlh a, harh lo chuan Thanchhinga chu a tawngvai niah niah reng a. Val upa Chhâwnthiaua chuan ‘tlangvalte u, hmanhmawh takin hlâng han siam thuai ula, kan rawlthar huaisen hi a rang thei ang berin khua i thlen thuai teh ang u’ a tih chuan, tlangvalte chu hlâng siam chuan an phe nghal suau a. Karlo ah hlâng chu peih in pasâltha Sângtuala te chuan dim leh hmanhmawh tak chuan khaw lam pan chuan an kal pui thuai a. Bawlpu chuan Thanchhinga dar dinglam hliam kaw pap a tang a thisen chhuak tih tawp tum chuan a bei char char a, thisen chhuak a tawp tak hnu chuan ramhmul damdawi hnawih sakin a tuam sak ta a.
Sapui a thi tih an hriat chuan Hmingchhuangi chu thaw huaiin Pu Laichuha te melhin ‘ka pa tunah chuan kan buaina chu a kiam ta rih e’ tiin a thaw huai a, Pu Tawnliana chuan ‘kan nau chu ngaihtuah awm turah ka ngai ta chiah lo, tawng mawilo ni suh se, nau pianchhuah hnu lawkah kan khaw ran in a tuar a ni a, ka hriat theih chinah tiang thil thleng hi ka la hre ngai lo’ tiin a vaibel chu a beng zui mawlh mawlh a. Hmingchhuangi chuan ‘ka pa Tawn i thilsawi chu engnge a awm zia ?’ tiin a fapa naupang pian tha tak chu a thlir vang vang a, Pu Tawnliana chuan ‘engpawhnise, kan hun tawn hi kan duh thlan a ni miau lo a, chantawk khuarel chu lungawi tak a pawm a ngaih chang te pawh a awm chawk a nia’ tiin a han sawi chhawm a, Pu Laichuha chuan thawpui lak halh pahin ‘kei pawh kan zanin thil tawn chu mak ka ti khawp mai, kan upa sawi kha ni tak tak sela ka va ti tak em’ tiin pu Laichuha chuan a han ti hnih bauh a, vaibel chu siam kaiin ngawi reng chuan an fawp dun mawlh mawlh a, tlangvalte thawm an hriat chuan Lal in lamah chuan an in zui chho dun ta hnak hnak a.
. . . . . . .. . + . . . . .. . . . . . .. .
Val upa Chhâwnthiaua te inneih ni tur pawh a lo thleng ta a, khual tlangvalte pawh an lo kal tam kher mai, a pui a nawiin hlim tak chuan an khi sang hlawm a, Pasâltha Sângtuala chuan Phaiphuk khawnbawl upa Kawlzinga lo tello chu a ngaih a athat phah hauh lo, eng emaw ruahman a neih ringin Phaiphuk tlangvalte hawiher chu ngun tak chuan a melh ran in, a thiante pawh chu a hrilh ve ta hial a. Thûamkunga chuan ‘nangte reuh hian eng thilthalo nge maw a ti ngam a i rin reng reng a ? tiin a nuih hau a. pasâltha Sângtuala chuan ‘Kawlzinga kha ka hre tam lo khawp mai, a duh ang a thil kalpui tum chi leh tum tlat mi a ni a, Phaiphuk Lal lah saw hnangvar a hlim ngam tluk deuh thaw a ngaihtuah tawi a lo ni bawk nen, buaina chu a langin siam lo mahse, hnawk siam dan tur chu a ruahman ka ring tlat a ni’ tiin vaibel fawp talh tlah chung chuan a han tuihnih leh a. Mualkunga chuan ‘kei pawh ka ngaih a ngam zan thei hauh lo zu nia, mo lawi zan hian veng mawng eng emaw laiah hian kangmei te chhuak sela’ ti a sawi lai chuan. Chungliana chuan ‘nia hmanni a chet duh dan a tang reng khan ngaihtuah a ti thui duh khawp mai, mo a lawi fel hma chuan a ruk a khual valte kan ngahihthah loh a ngaih hmel riau mai’ a rawn tih ve tak ah chuan an ngawi ta thap a.
Pasâltha Sângtuala chuan ‘Lal Zamloa chuan lawichâl turin min hrilh tawh a, changdang kan zia ka ni dawn hauh lo a rukin tlangval eng emaw zatin khualvalte hi lo enthla ula, a bikin Phaiphuk khaw val te ni sela ka duh a ni, mo lawina lamah pawh u chuak tak a chet palh awm thei a nih kan hriat reng a tha awm e, mit leh beng kan len tlan theuh a ngai dawn a nia’ tiin a thiante chu a rilru a ngaihthat lohna chu a hrilh charh charh a, Chungliana chuan ‘kan thiltih leh tawngkam pawh kan fimkhur a ngai hle dawn a nih chu’ tiin a lo tuihnih ve leh bauh a, zan lam a hman tur mau tlawn te deuh leh lek nuam tur ngaihtuah chuan pasâltha Sângtuala te thianzaho chu an phe sang sang a, an duh ang tawk a mau an hmuh chuan val upa Chhâwnthiaua te in lamah chuan pheiin, pa thenkhat lukai deuh tawh ti ti lang langte chu an nuih ru tat tat chung chuan an tin san ta a.
Ngiazoa chu zanriah ei kham lamah chuan thlantla phang hian a lo thaw lut ham ham a, a nu chuan ‘naupang te te,chaw kan ei hma dawn ti pawh a I va leng rei ve’ tiin a lo hau hlaih hlaih a. Ngiazoa chuan Sângtuala chaw ei kham chu hui zauh in an in zui chhuak ta nghal a, a beng bulah ‘au Sângte, mikhual tlangval rual ten zanin ah Lalnu Thathûami sial ek a vawm dan tur tuikhur ah inbual pahin an sawi a, nang pawh kan keuh hrep ang tiin an sawi che a nia, kan awm ve tih an hriat hnuah an zing a pakhat chuan Buala a vawm tap leh nghal’ tiin mit ko chuang nang nang chuan a sawi sap sap a. Pasâltha Sângtuala chuan ‘Ngiazo chung khual valte chu i la hre thei a ngem’ tiin ngun takin Ngiazoa chu a melh ran a, a la hriat theih tur thu a sawi chuan ‘hawh lut vat la, chung khual valte chu min hrilh rawh aw, remchang hmasa berah ka keuh hrep dawn nia, mahse I thiante chu hrilh ve hauh suh aw’ tiin a phun sap sap a. Ngiazoa nu chuan ‘lo kal la chaw ei vat rawh, thuaawih lo lutuk mai, ka vaw dawb che a maw ni chu le’ tiin a hrawk zui khar khar a, thawk ham ham pah in ‘ka u, naupangte an hau vak vak ngai lo, kan boruak hi an phul pui rih a nih hi’ tiin a lo khap ta thuai a.
Ngiazoan chaw a eikham chuan ‘ka u, hei saw laiah kan va kal lawk a nge aw’ tiin Ngiazoa nun a chhan hma chuan sumhmunah chuan an liam nghal a, thlir zui pah chuan ‘eng chu in hria ni maw’ tiin a phun zui nang nang a. Pângliani chuan ‘ka u, kan nutapa hian puarak ah a hmang a niang’ tiin nui chungin a lo chhang a, nuih hawk hawk in ‘ a nih ngei dawn hia, hetiang a naupang an hmang a nih chuan, mo pawh kan nei thuai ta ve ang chu’ tiin an nui ta hawk hawk a, Ngiazoa te lo lut chu nuih za deuh tak chuan lo thlirin ‘Ngiazoa Pa Sângtea chuan a va hmang tangkai awm che ve le’ tiin an lo fiam zauh zauh a. Ngiazoa chuan ‘ka nu, ka leng leh nghal aw’ tih leh sumhmun a liam a rual nghal a, nui var var chung hian pu Tawnliana chuan ‘ka tupa hi chu a la chak dawn mang e, midangte hi a la khum ngei dawn a ni’ tiin tuibur chu a pik chhuak zuaih a. Lianmana nu khawnge i awm daih a, satel maula ang mai lah ni che’ tiin a phun bal bal a. Pi Chhuanthangi chuan ‘a zawkzamahchuan a, i chhuak tur i zi kual rei thin lutuk hi ka hmu peih lo a lawm, I hman chuan chhuak ila’ tiin an pa chu a melh zawk a, sumhmunah chuan an in zui chhuak ve nghal a, an khual tlangvalte chuan nui hau chung chuang ‘Zote I nute hi chu an in hmangaih bik mang e aw, fate nula tlangval nih hnuah pawh rawllai ang maiin an la in chhaih zauh zauh reng a nia’ tiin an fiam zauh a, an ni pawh mo lawi en tur chuan an in zui chhuak zui hal hâl a.
Chung thla pawh tlang chungah chuan a lo lang sen rum in, khawdur deuh ruih chuan Satlâk khaw boruak pawh a vawt tham vawt deuh surh a, arkaiden zan mah nise a chhum kal zut zut chuan lunglen a hnawt tiau ru riau leh nghal. Lalnu Thanthûami pawh a inchei nalhin a lang naupang sawt a, tluk hlauin a thiannu chu a kuah tat reng a, naupang ho chu an haw haw laih laih a, mo an hnaih tur chu pasâltha Sângtuala chuan mautlawn chuan a hawl darh ur ur reng bawk a, Thirdeng pa in an pelh dawn lai chuan mothian Parliani chuan ‘awi a nâ lutuk’ ti a te thawtin a thu hnawk a, pasâltha Sângtuala chuan thil dum lo thlawk in lalnu a den hma chuan hma lamah a zuak zawk a, a awmah chuan se ek thar lam tak chu a pherh chhawk a, se ek lo thlawk leh chu kun hniam san mai lo chuan a taksa chuan a dang pherh chhak chhak a, tlangval nui thawm leh an lam pan a tlangval pangâ lo tlan chhuakte chu thinrim ru tak chuan a thlir ran a, a rilru chuan ‘lo hnai tak rawh u, in nui reng ngut emaw chu’ tiin a mautlawn chu a hum nghet sauh sauh a.
An kar hlam hnih lo liam a awm lo ang tih chuan Thirdeng pa in leh lam a tang chuan se ek lo thlawk fua in, tlangval pangâ tlan lai te chu se ek chuan an hmaiah chuan an lo deng ve sawk sawk a, an mitmim vang chuan an thu hnawk hnawk a, tlangval pangâ hmai nuai a thu mek te lamah chuan tlangval sawm tha mah hi lo tlan chhuak thut a, tlan pel tha mai lo chuan an pal phei bawrh bawrh a, tu nge an nih hriat hma chuan an tlan liam nghal thuai a, pasâltha Sângtuala chuan ‘thiante u ka lawm e’ tiin a phun sap sap a, tlangval pangâ tê teng tung te chu an kal pel thuai a, se ek a berh luai chung chuan pasâltha Sângtuala te chuan val upa Chhâwnthiaua te in chu an thkeng ta hram a. Pi Chhunruaii chuan inthlak na a lo pe sawk sawk a, tui hmunah mo thian Parliani chu hruaiin a ni pawh a in phih fai thuai a, hun eng emaw chen an awm hnu chuan Lal in lamah an let phei leh ta rih a.
Lalnu Thanthûamin Lal in a thlen leh chuan Phaiphuk Lal chu a lo thu tum vuau a, Lalnu Thanthûami a hmuh chuan ‘hei nichin maiah ka tlangvalte hian kut palh an tawk a, an mahni hriat a hrem ngei ka duh a ni’ tiin a lo phun hluk hluk a. Lalnu Thanthûami chuan ‘I tlangvalte chuan an mahni hliam tu chu an hre chawk ang chu maw’ tiin a han zawt a, chung tlangval hliam tuar ban awrh leh hmai vung deuh thluahte chuan, tumah an hriat loh thu chu an lo sawi zung zung a. Lalnu Thanthûamin chung Phaiphuk tlangvalte melh ran chung chuan ‘nichin a se ek a min vawm tute khaw khawi khua nge an nih ka hre duh ang, tu khua pawh ni rawhse hrem lohin an chhuak tur a ni lo’ tiin a sawi fak fak a. Lalnu Thanthûami thusawi an hriat chuan ‘se ek chuan an vawm che maw, an va ti mak deuh ve maw le, hnamchawm innei tur lah kan ni lo a, ka hriatchhuah hunah chuan chungho chuan nuam an sa hlek lo ang mawle’ tiin Lehlawn Lal Zamloa chu thinrim hmaisen vek in chhuat dungah chuan a vei tuak sek a. Lehlawn Lal thinrim hmel an hmuh chuan Phaiphuk tlangvalte chu an kim ki chaih chaih a.
Lo tawk leh phawt tehse
BUNG – 153
( Kan nu checkup turin kan kal dawn a , ka lo chhun zawm hun tur ka hre lo a, phuailuai deuh takin ka lo dah lut e)
Lal mualah chuan chângel hnan phah in ramsa chhum ngei chuan ruaipui chu an kil dawn ta, chângel hnah an phah dawn a tang chuan vawk ho pawh chuan sa chu chhim ve ngei tum in an lo in hawrkhawm ve tuai tuai a, naupangte chu vawk veng chuan an vir zak zak reng mai bawk a. Ruaipui hlim tak a an kil zawh chuan nula leh tlangvalte chuan ruai nawi chu ti faiin an in pel leh suau suau a, vawk rual chu ruai nawi inchuh chuan an innawr ngek that that hlawm a, Zan lamah chuan khawnbawl upate chu Lal inah chuan an thu ngawi thap hlawm a, an rilru in pawh lohna chuan boruak chu a ti rit khawp mai. Lal inchhung boruak chu rit viau mahse tlangval te erawh chu an hlim tlang hle thung a, Thûamkunga naupang kil kawi dan mawlh chu sawiin a dawi zirtir dan pawh chu fiamthu nan tak an hmang hlawm a. Lehlawn naupangte chuan tui chu an in ben per chuaih chuaih mai bawk a.
Satlâk valrualte chu hlim tak chuan an infiam pah bawrh bawrh a, a khat tawk chuan khual Lal pahnihte chetdan chu fiamthu nan hmangin an, Chungliana chuan ‘Thûamhnap, I patea chu pa thu tiam dang ngailo tak a nih kha, I dawi zirtir lah chu nuho tan phur rit a ni a, i thlarau chuan hauh a tuar nasa dawn hle mai a’ tiin a han fiam a. Thûamkunga lah chuan ‘Lehlawn khuate chu bum than an nia lawm, nizan nula inthiar i bih thla ang rawk kha ka ni ve hauh lo a nia aw’ tiin a han fiam pah zauh a. Chungliana chuan sen tawl tawl chungin ‘min hmuh uk loh kha, dawthei viau thin suh aw’ tiin a han chhang a, a thianpa hmaisen tawl tawl chu fiam zuiin ‘dawt mai zawng nise i sen tul tul lo tawp ang’ tiin a han fiam leh a, Chungliana chu in ngaihtuah harh in ‘ a lo nih tak chu hre thei pa, i pate Thangzuala siar siar i nih mai chu’ a han tih chuan an nui ham ham a, zan riahna hmun an thlen chuan sakei an thah tak chu a lo nâm hle tawh a, buk chu an sawn phah ta hial a. Lalnu Thanthûami te inneih hun tur mawlh sawiin ‘kan khual Lalte mizia thlir chuan a huphurh awm teh zawng e’ tiin tlangvalte chu an phun sap sap a. Pasâltha Sângtuala chuan ‘in ning duh mai mai e a, a khuate pawhin an hrawn reng peih a lawm le, in ngai thu tak lutuk a nih kha, thlawhlai a thingbul ang ah ngaiin han hmuh kân hmak mai ula, khawsikpui vei ang maiin a then no reng mai dawn a lawm’ nui chung a a tih chuan, Satlâk tlangvalte chuan ‘ a ni dawn teh tak e a, muhil der kaihthawh ang hlauh nih mai tur a nih tak chu’ tiin an khi ta var var a.
Pi Chhunruaiin man an hlan fel deuh thaw tih a hriat chuan a hlim kher mai, a ngaihtuah na ah chuan chuan ‘aw hmeithar in ah Lalnu meuh a han lawi tur chu’ tiin a ngaihtuah rauh rauh a. Palai te chuan Pi Chhunruaii ngawi deuh rauh rauh an hmuh chuan a rilru tur awm te an han ngaihtuah a ‘Lianmana nu eng thil nge i ngaihtuah tak rauh rauh chu le, fa mô ah Lalnu meuh i nei dawn a ni a, Lalnu Thanthûami lah kan hriat chian sa mi nun tha a lo ni bawk nen, huphurh tur a awm a mi ? tiin an tawng thlamuan a, pi Chhunruaii chuan ‘â huphurh dang lo e a, kan faten an duh chu Lung chim takin kan pawm mai tur a nia lawm, lehlamah thung chuan khawkhat Lalnu ve meuh hmeithai in a lawi tur ngaihtuah hian miming te pawh a ang rum rum a lawm le’ tiin a han chhang ve bauh a. Pu Laichuha chuan ‘a dik khawp mai, târ chak lo lamah Lalnu meuh fa mô a neih chu hriatthiam pawh a har viau ang chu, Khuanun kan chung a rorel hi hriatthiam a har thin reng a ni, kan chanvo ang a insiam rem tum mai hi a hahdam thlak thin chawk a nia, khawnge Lal in lamah kan han chuang lut ve lawk a nge’ tiin Lal in lamah chuan an in zui chho ta a.
Lalnu Thanthûamin a khawnbawl te a hmuh chuan a che phelh leh zauh thin a, khawnbawl upate chuan lehlawn khaw boruak zawng zanwg chu Lalnu Thanthûami chu an hrilh ta vek a. Lalnu Thanthûami chuan ‘ka nutâ te chu an va che mak tak ve mawle, amaherawhchu an dinhmun a tang chuan hriatthiam an ngai zawk a ni, hei kan kâr thu chu a vawrtawp kan thleng a ni ruai tawh a, in thahnem ngaihna a fakawm khawp mai’ tiin a han sawi ve sap sap a. Khuanun min hual em a nga kan innei tluang turah ngai ila, ka nuta te pawh in hun han vei deuh sela engkim hi a nih angin an pawm ve mai ang. Val upa nu hi kan inneih hnu a rawn in sawn chho hi a hreh viau mai a ngem aw, kei lah a hmingin Lal ka lo nit um hrang ve nen’ tiin a han sawi leh sap sap a. Khawnbawl upate Pu Laichuha chuan ‘kum upat hnu a awmhmun sawn hi a hrehawm na chen te pawh a awm a ni mahna. Khuarei in a siam rem ve mai turah ngai ila, nang lah rilru tluang tak i lo ni bawk nen’ a han ti a. Midangte pawh chuan ‘Khuanu samsuih in nih chuan harsatna thleng lo mahse in paltlang zel tho ang chu, harsatna hian nun a ti famkim zawk daih a lawm’ tiin an han sawi ve leh a, ti ti dang dang sawiin pu Laichuha ten au neih tur chu an sawi chhuak ta a. Lalnu Thathûami chuan ‘a van lawmawm tak em, khuanun he khua kan luah tirh a tang khan min hual a, harsatna leh buaina in min chim reng thin mahse kan buaina chu kan hmet mit thei zel a, tunah chuan ka khua a naupiang hmasa ber tur thawm kan han hre leh chu a va lawmawm tak em’ tiin a nui ta var var a.
Chutia Lal in a an ti ti bawrh bawrh lai chuan Thûamkunga chu Lal inah chuan a lo thaw lut hlawp hlawp a, Lalnu min lo hrethiam la tiin pu Laichuha en in ‘ka pu, K’u Hmingchhuangin nau a vei a ni awm e, bengvar thilah ka lo hrilh che’ tih leh hmanhmawh tak a tlanchhuah a rual nghal a. Lalnu Thanthûami chuan ‘Pângpui ka lo hawn har chuan min lo mutsan mai dawn nia aw’ tiin sumhmunah chuan hmanhmawh takin an in zui chhuak thuai a, in an zu thlen chuan Satlâk thalai ho chu an pasâltha fa neih tur ngaihven chuan an lo thu thup a. Satlâk an luahlun hnu a naupiang hmasa ber tur a nih vang chuan a mimir chuan naupiang tur chu an ngaihven thup a. Lalnu ten Pu Laichuha te in an thlen chuan Hmingchhuangi nauvei chu a lo rum hlat hlat a, sumhmun thim lai chuhin pasâltha Lianmana te thianzaho pawh an lo thu bial taih a, pasâltha Lianmana chuan a nupui chu a ngaihtuah tih hriat tak chuan a nupui nauvel a rum rin deuh chuan a mawng a kang leh ak âk thin a, pasâltha Laiawrha chuan a thianpa khupah a lo ben chuan za lo tak a then sakin a thu leh zuk thin a. Pu Laichuha nupui leh Hmingchhuangi nu chuan ‘Mamte tang sauh sauh rawh aw, khan au a chhuak tep a nia’ tiin an lo fuih mawlh mawlh a. Lal in a miten Lalnu Thanthûami an hmuh chuan thutna lo kian sap sap mahse ‘a ngailo ti khan thu rawh u, he laiah hian ka thu mai ang’ tiin thuthmun awl lam chu a chuh tharh a.
Pu Laichuha chuan a famô chu a ngaihtuah tih hriat tak in chhuat dungah chuan tih ber tur hrrelo chuan a lo tei sek a, Pu Tawnliana chuan ‘Lianmana pa, khawi maw I vaihlo tui chub eng khat min lo lak lawk teh, ka vaihlo pai ka tla lo tlat mai’ a tih chuan harhchhuak zawkin, a kal su zuk a ‘aw chu chu a lawm lo lak ka tum chu le’ tih pah chuan rappui chungsang chu a ban in, vaihlo tam fe mai chu a han thamchhuak tun a, khi Vn chung in ‘kha zu teuh rawh, mipa leh thingthu chu kan khu cham cham reng tur a ni’ tiin thuthmun a rem ve ta a. Khumpui lam a tang chuan ‘Lianmana pa, artui kha lo hem lum vat teh, hei Mami a chau deuh tlat mai, artui kha rang takin’ tiin a han au that that a. A nupui authawm a hriat rual chuan pu Laichuha chu, savawm mawngkhawi an sawi ang zak chuan a vir nghal zak zak a, a hmanhmawh lutuk chuan artui chu a lo hrem hnai deuh a niang chu, artui chu a puak khu luih a ‘aw awh awi, ka puak e a tih khanglan chu le, artui te zawng kan ngah zawng tak a lawm’ tiin pah chuan pum ngâ ngawt chu a hem nghal sawk sawk a.
Pu Laichuha a hawi chhuak leh chu a hmu hmasa a piang chu an then sak sak a, pu Tawnlianan a hmu chiah chu ‘e khai a Lianmana pa chu i lo va ngô phek phuk ve’ tiin a han fiam zauh a, puantlang a hmai hruk pawp pawp pah chuan ‘zanin zet zawng ka tu nei tur chuan mu leh mal min neih tir thei hlei nem maw le, Khuanun zah ngai sela, fuke kim in a piang hram sela aw’ tiin a tukhum chu a chul vat vat a, Pu Tawnliana chuan ‘e khai a thianpa zam mah che le, khuanu zarah Satlâk mihrang tur chu zan in hian kan hmu turah ngai ila’ tiin a hnem a, ti ti eng emaw sawiin an ti ti zui sap sap a. Zanlai ar a khuang thliah thliah tih chuan naute tap raih raih chuan pu Laichuha te in chhung chu a lo luah ta, Pu Laichuha hlim lutuk chuan ‘chhe hei, tu ka nei ta, tunah chuan pu tak tak ka ni ve dawn ta e’ tiin khumpuiah chuan a tlan lut nghal zawk a. A nupui chuan ‘khawnge cheng chung thin a insum ve deuh teh khai, a lai kan han hren sak phawt a nge’ tiin a han tawng lang lang a. Pu Laichuha chuan hlim aw ka tak hian ‘e he mipa a ni hlauh mai, tunah chuan pu tak tak ka ni ta’ tiin a han tawng lung lung a. Thawm chu a reh deuh thap a pawiti tih hriat tak chuan ‘a va han pawi tak em aw’ tiin pu Laichuha chu a rawn tawng leh a, Hmingchhuangi chuan ‘ka pa, ka fapa chu a pian a kim lo em mi, eng thil nge nita ngai’ tiin hlauthawng aw tak chuan a han ti a.
Lalnu Thanthûami chu insum hmanlo in khumpuiah chuan a tlan lut nghal zawk a, nau lai tan sa a hmuh chuan ‘e khai hlauthawng reng reng suh u, khuanun kan hna tur min lo thawhsak a nih hi, ti hian naktuk a tangin a puak theih tawh zawk ang chu’ tiin a khawnbawl upate chhung chu a hnem mawlh mawlh a. Satlâk khua ten an khaw naupiang hmasa ber chutiang a ni tih an hriat chuan an pawiti chu an kun nghiai a, pasâltha Lianmana chuan a nupui hreawm ti tak a tap hlawp hlawp chu duat tak a chul hliau hliau chung chuan ‘Hmingpui hrehawm ti mah che, kei a pa ka dam chhung chuan kan fapa hian engmah a ti lo ang, fapa tha tak min hrinsak a ka lawm lutuk e’ tiin a han hnem sauh sauh chuan Hminhchhuangi chuan mittui kar a tang a a pasâl chu mekh in ‘kan fapa hi I venghim tlat ang ti raw’ tiin a han zawt a, thawk ham ham pah chuan ‘ka tiam a che, thlamuang takin awm rawh khai, khuanu zarah kan fapa hian eng em a ti hauh lo ang, ka venghim tlat dawn a lawm’ a han tih chuan, a nupui pawh chu ngaihngam takin a thaw ham ham a.
A nupui nau nei chau a mutthilh hnu chuan pasâltha Lianmana chu pawnah chhuakin a fapa lai tansa pian thu chu kun nghaih chung chuan a han sawi a, a thiante chuan ‘e thianpa Lungngai reng reng suh,khaunu zarah dam kan hauh a nga, kan mit naute ang maiin kan venpui dawn che a lawm’ tiin an lo hnem laih laih a, a thiante hnemna vang chuan a ni pawh chu a hahdam huai a, naute leh a nu an tha tih an hriat hnu chuan mi tam zawk chu an tin ta sap sap a, mi tlemte chauh an awm tih chuan dawihnai vawk chu sapui kut hnu tih hriat tak chuan a rawn ngeng rawng rawng a. Pu Laichuha chuan rappui chungsang a feipui chuh in ‘I va rawn hre hma deuh ve mawle, ka tupa hi chutiang mai a chhuhsak mi ka ni hauh lo ang aw’ tiin a tupa bulah chuan inring tak chuan a ding nhghal tau a. Pu Tawnliana chuan banglai a chempui tle vur phawk zawk pah chuan ‘thiante tlanchhiat san mi ka ni aw kawng lo e aw’ tiin Pu Laichuha bulah chuan a, inring tak chuan a ding ve nghal ran a. Hmingchhuangi thawmhria lo harh chuan ‘ka fapa khaw khawnge a awm’ tiin a te nghal chul bawk a. Pasâltha Lianmana silai leh chempui ak chung a inring tak a ding chuan ‘ka nupui hlauthawng reng reng suh, chutiang mai chuan kan fapa hi min chhuh mai dawn hauh lo, hahdam rawh’ tiin a lo hnem a. A pasâl leh midangte a hmuh chuan thlamuang huaiin ‘ka nu, khawi Mamtea chu ka lo mutpui rih a nge, hnute pawh a hne duh tawh ang’ a han ti a, a nu te chuan hrethiam takin naute chu a bulah chuan an mut tir a, hnute a pek chuan naute chuan thlamuang tak chuan a fawp dak dak a.
Inchhung lam an buai lai chuan pasâltha Laiawrha te, Sukthanga te, Phulliana leh midang pangâ lai chu thingfak nen inhual chuan an ding nghal suau a, pasâltha Sângtuala te thianzaho chu silai chuh in inlam ah chuan an tlan nghal thung a, an hmanrua bakah midangte hmanrua tur an lak kawi vang chuan, tuibur hmuanda dawnah an lo thleng thei chauh a. Silai an hum kim tak chuan thawm an han ngaithla a. Pu Tawnliana’n ‘Sângte, nangni thianzaho tal chuan kan tlangval te zu ngaihven ula’ a rawn tih takah chuan an ni chu an liam nghal thuai a. Satlâkna hmun pasâltha Sângtuala ten an thlen chuan tlangval nawlpui chu sapui hnu chhui chuan an liam duak tawh a, hmanhmawh tak chuan an ni pawh an kal thuai a. Pasâltha Sângtuala ngaw an thlen ve meuh chuan an piah inchhung dung lethnih awmah chuan silai hi a puak thawr a, sapui thinrim inhrosa thawm chuan ngaw chu a nghawr hem hem ta mai a. Val upa Lianmunga aw chuan ‘kha Chhinga tawlh kir rawh u’ tiin a au that that a. Sapui thinrim thawm chu a hma ai mah chuan a ringin silai a lo puak leh dur a, thil thum dawp dawp chuan a zui zat a. Pasâltha Sângtuala te an va thlen chuan rawlthar Thanchhinga chu keipui sumruk zet tur hian a lo bawh run a, an thil hmuh lamah chuan an tlan nghal zawk a, chempui phawrhin an sat zui ta zawt zawt a, keipui luruh keh vek khawm a an sah hnu chuan keipui ruang chu an han la sawn dawn a, Thanchhinga dar a keipui ngho lut vang chuan, Thangchhinga chawp chuan an phih tho lawih a.
Val upa Chhâwnthiaua chuan Thanchhinga keipui thi bual sen nguai chung a, thidang dâng lâp chu a ko mawlh mawlh a, harh lo chuan Thanchhinga chu a tawngvai niah niah reng a. Val upa Chhâwnthiaua chuan ‘tlangvalte u, hmanhmawh takin hlâng han siam thuai ula, kan rawlthar huaisen hi a rang thei ang berin khua i thlen thuai teh ang u’ a tih chuan, tlangvalte chu hlâng siam chuan an phe nghal suau a. Karlo ah hlâng chu peih in pasâltha Sângtuala te chuan dim leh hmanhmawh tak chuan khaw lam pan chuan an kal pui thuai a. Bawlpu chuan Thanchhinga dar dinglam hliam kaw pap a tang a thisen chhuak tih tawp tum chuan a bei char char a, thisen chhuak a tawp tak hnu chuan ramhmul damdawi hnawih sakin a tuam sak ta a.
Sapui a thi tih an hriat chuan Hmingchhuangi chu thaw huaiin Pu Laichuha te melhin ‘ka pa tunah chuan kan buaina chu a kiam ta rih e’ tiin a thaw huai a, Pu Tawnliana chuan ‘kan nau chu ngaihtuah awm turah ka ngai ta chiah lo, tawng mawilo ni suh se, nau pianchhuah hnu lawkah kan khaw ran in a tuar a ni a, ka hriat theih chinah tiang thil thleng hi ka la hre ngai lo’ tiin a vaibel chu a beng zui mawlh mawlh a. Hmingchhuangi chuan ‘ka pa Tawn i thilsawi chu engnge a awm zia ?’ tiin a fapa naupang pian tha tak chu a thlir vang vang a, Pu Tawnliana chuan ‘engpawhnise, kan hun tawn hi kan duh thlan a ni miau lo a, chantawk khuarel chu lungawi tak a pawm a ngaih chang te pawh a awm chawk a nia’ tiin a han sawi chhawm a, Pu Laichuha chuan thawpui lak halh pahin ‘kei pawh kan zanin thil tawn chu mak ka ti khawp mai, kan upa sawi kha ni tak tak sela ka va ti tak em’ tiin pu Laichuha chuan a han ti hnih bauh a, vaibel chu siam kaiin ngawi reng chuan an fawp dun mawlh mawlh a, tlangvalte thawm an hriat chuan Lal in lamah chuan an in zui chho dun ta hnak hnak a.
. . . . . . .. . + . . . . .. . . . . . .. .
Val upa Chhâwnthiaua te inneih ni tur pawh a lo thleng ta a, khual tlangvalte pawh an lo kal tam kher mai, a pui a nawiin hlim tak chuan an khi sang hlawm a, Pasâltha Sângtuala chuan Phaiphuk khawnbawl upa Kawlzinga lo tello chu a ngaih a athat phah hauh lo, eng emaw ruahman a neih ringin Phaiphuk tlangvalte hawiher chu ngun tak chuan a melh ran in, a thiante pawh chu a hrilh ve ta hial a. Thûamkunga chuan ‘nangte reuh hian eng thilthalo nge maw a ti ngam a i rin reng reng a ? tiin a nuih hau a. pasâltha Sângtuala chuan ‘Kawlzinga kha ka hre tam lo khawp mai, a duh ang a thil kalpui tum chi leh tum tlat mi a ni a, Phaiphuk Lal lah saw hnangvar a hlim ngam tluk deuh thaw a ngaihtuah tawi a lo ni bawk nen, buaina chu a langin siam lo mahse, hnawk siam dan tur chu a ruahman ka ring tlat a ni’ tiin vaibel fawp talh tlah chung chuan a han tuihnih leh a. Mualkunga chuan ‘kei pawh ka ngaih a ngam zan thei hauh lo zu nia, mo lawi zan hian veng mawng eng emaw laiah hian kangmei te chhuak sela’ ti a sawi lai chuan. Chungliana chuan ‘nia hmanni a chet duh dan a tang reng khan ngaihtuah a ti thui duh khawp mai, mo a lawi fel hma chuan a ruk a khual valte kan ngahihthah loh a ngaih hmel riau mai’ a rawn tih ve tak ah chuan an ngawi ta thap a.
Pasâltha Sângtuala chuan ‘Lal Zamloa chuan lawichâl turin min hrilh tawh a, changdang kan zia ka ni dawn hauh lo a rukin tlangval eng emaw zatin khualvalte hi lo enthla ula, a bikin Phaiphuk khaw val te ni sela ka duh a ni, mo lawina lamah pawh u chuak tak a chet palh awm thei a nih kan hriat reng a tha awm e, mit leh beng kan len tlan theuh a ngai dawn a nia’ tiin a thiante chu a rilru a ngaihthat lohna chu a hrilh charh charh a, Chungliana chuan ‘kan thiltih leh tawngkam pawh kan fimkhur a ngai hle dawn a nih chu’ tiin a lo tuihnih ve leh bauh a, zan lam a hman tur mau tlawn te deuh leh lek nuam tur ngaihtuah chuan pasâltha Sângtuala te thianzaho chu an phe sang sang a, an duh ang tawk a mau an hmuh chuan val upa Chhâwnthiaua te in lamah chuan pheiin, pa thenkhat lukai deuh tawh ti ti lang langte chu an nuih ru tat tat chung chuan an tin san ta a.
Ngiazoa chu zanriah ei kham lamah chuan thlantla phang hian a lo thaw lut ham ham a, a nu chuan ‘naupang te te,chaw kan ei hma dawn ti pawh a I va leng rei ve’ tiin a lo hau hlaih hlaih a. Ngiazoa chuan Sângtuala chaw ei kham chu hui zauh in an in zui chhuak ta nghal a, a beng bulah ‘au Sângte, mikhual tlangval rual ten zanin ah Lalnu Thathûami sial ek a vawm dan tur tuikhur ah inbual pahin an sawi a, nang pawh kan keuh hrep ang tiin an sawi che a nia, kan awm ve tih an hriat hnuah an zing a pakhat chuan Buala a vawm tap leh nghal’ tiin mit ko chuang nang nang chuan a sawi sap sap a. Pasâltha Sângtuala chuan ‘Ngiazo chung khual valte chu i la hre thei a ngem’ tiin ngun takin Ngiazoa chu a melh ran a, a la hriat theih tur thu a sawi chuan ‘hawh lut vat la, chung khual valte chu min hrilh rawh aw, remchang hmasa berah ka keuh hrep dawn nia, mahse I thiante chu hrilh ve hauh suh aw’ tiin a phun sap sap a. Ngiazoa nu chuan ‘lo kal la chaw ei vat rawh, thuaawih lo lutuk mai, ka vaw dawb che a maw ni chu le’ tiin a hrawk zui khar khar a, thawk ham ham pah in ‘ka u, naupangte an hau vak vak ngai lo, kan boruak hi an phul pui rih a nih hi’ tiin a lo khap ta thuai a.
Ngiazoan chaw a eikham chuan ‘ka u, hei saw laiah kan va kal lawk a nge aw’ tiin Ngiazoa nun a chhan hma chuan sumhmunah chuan an liam nghal a, thlir zui pah chuan ‘eng chu in hria ni maw’ tiin a phun zui nang nang a. Pângliani chuan ‘ka u, kan nutapa hian puarak ah a hmang a niang’ tiin nui chungin a lo chhang a, nuih hawk hawk in ‘ a nih ngei dawn hia, hetiang a naupang an hmang a nih chuan, mo pawh kan nei thuai ta ve ang chu’ tiin an nui ta hawk hawk a, Ngiazoa te lo lut chu nuih za deuh tak chuan lo thlirin ‘Ngiazoa Pa Sângtea chuan a va hmang tangkai awm che ve le’ tiin an lo fiam zauh zauh a. Ngiazoa chuan ‘ka nu, ka leng leh nghal aw’ tih leh sumhmun a liam a rual nghal a, nui var var chung hian pu Tawnliana chuan ‘ka tupa hi chu a la chak dawn mang e, midangte hi a la khum ngei dawn a ni’ tiin tuibur chu a pik chhuak zuaih a. Lianmana nu khawnge i awm daih a, satel maula ang mai lah ni che’ tiin a phun bal bal a. Pi Chhuanthangi chuan ‘a zawkzamahchuan a, i chhuak tur i zi kual rei thin lutuk hi ka hmu peih lo a lawm, I hman chuan chhuak ila’ tiin an pa chu a melh zawk a, sumhmunah chuan an in zui chhuak ve nghal a, an khual tlangvalte chuan nui hau chung chuang ‘Zote I nute hi chu an in hmangaih bik mang e aw, fate nula tlangval nih hnuah pawh rawllai ang maiin an la in chhaih zauh zauh reng a nia’ tiin an fiam zauh a, an ni pawh mo lawi en tur chuan an in zui chhuak zui hal hâl a.
Chung thla pawh tlang chungah chuan a lo lang sen rum in, khawdur deuh ruih chuan Satlâk khaw boruak pawh a vawt tham vawt deuh surh a, arkaiden zan mah nise a chhum kal zut zut chuan lunglen a hnawt tiau ru riau leh nghal. Lalnu Thanthûami pawh a inchei nalhin a lang naupang sawt a, tluk hlauin a thiannu chu a kuah tat reng a, naupang ho chu an haw haw laih laih a, mo an hnaih tur chu pasâltha Sângtuala chuan mautlawn chuan a hawl darh ur ur reng bawk a, Thirdeng pa in an pelh dawn lai chuan mothian Parliani chuan ‘awi a nâ lutuk’ ti a te thawtin a thu hnawk a, pasâltha Sângtuala chuan thil dum lo thlawk in lalnu a den hma chuan hma lamah a zuak zawk a, a awmah chuan se ek thar lam tak chu a pherh chhawk a, se ek lo thlawk leh chu kun hniam san mai lo chuan a taksa chuan a dang pherh chhak chhak a, tlangval nui thawm leh an lam pan a tlangval pangâ lo tlan chhuakte chu thinrim ru tak chuan a thlir ran a, a rilru chuan ‘lo hnai tak rawh u, in nui reng ngut emaw chu’ tiin a mautlawn chu a hum nghet sauh sauh a.
An kar hlam hnih lo liam a awm lo ang tih chuan Thirdeng pa in leh lam a tang chuan se ek lo thlawk fua in, tlangval pangâ tlan lai te chu se ek chuan an hmaiah chuan an lo deng ve sawk sawk a, an mitmim vang chuan an thu hnawk hnawk a, tlangval pangâ hmai nuai a thu mek te lamah chuan tlangval sawm tha mah hi lo tlan chhuak thut a, tlan pel tha mai lo chuan an pal phei bawrh bawrh a, tu nge an nih hriat hma chuan an tlan liam nghal thuai a, pasâltha Sângtuala chuan ‘thiante u ka lawm e’ tiin a phun sap sap a, tlangval pangâ tê teng tung te chu an kal pel thuai a, se ek a berh luai chung chuan pasâltha Sângtuala te chuan val upa Chhâwnthiaua te in chu an thkeng ta hram a. Pi Chhunruaii chuan inthlak na a lo pe sawk sawk a, tui hmunah mo thian Parliani chu hruaiin a ni pawh a in phih fai thuai a, hun eng emaw chen an awm hnu chuan Lal in lamah an let phei leh ta rih a.
Lalnu Thanthûamin Lal in a thlen leh chuan Phaiphuk Lal chu a lo thu tum vuau a, Lalnu Thanthûami a hmuh chuan ‘hei nichin maiah ka tlangvalte hian kut palh an tawk a, an mahni hriat a hrem ngei ka duh a ni’ tiin a lo phun hluk hluk a. Lalnu Thanthûami chuan ‘I tlangvalte chuan an mahni hliam tu chu an hre chawk ang chu maw’ tiin a han zawt a, chung tlangval hliam tuar ban awrh leh hmai vung deuh thluahte chuan, tumah an hriat loh thu chu an lo sawi zung zung a. Lalnu Thanthûamin chung Phaiphuk tlangvalte melh ran chung chuan ‘nichin a se ek a min vawm tute khaw khawi khua nge an nih ka hre duh ang, tu khua pawh ni rawhse hrem lohin an chhuak tur a ni lo’ tiin a sawi fak fak a. Lalnu Thanthûami thusawi an hriat chuan ‘se ek chuan an vawm che maw, an va ti mak deuh ve maw le, hnamchawm innei tur lah kan ni lo a, ka hriatchhuah hunah chuan chungho chuan nuam an sa hlek lo ang mawle’ tiin Lehlawn Lal Zamloa chu thinrim hmaisen vek in chhuat dungah chuan a vei tuak sek a. Lehlawn Lal thinrim hmel an hmuh chuan Phaiphuk tlangvalte chu an kim ki chaih chaih a.
Lo tawk leh phawt tehse
| Link: | |
| BBcode: | |
| HTML: | |
| Hide post links |
Local Advertisement
MOBILE SIAM ZIR DUH TAN!!!
Tech-Inn Mobile Repairing Traning Centre, Bazar bungkawn
Kum tin mi za chuang eizawnna kan siamsak a, Eizawnna tlaka thiam turin kan zirtir thin
Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122
PASÂLTHA SÂNGTUALA ( Mampuia Pa )
BUNG – 154
Lal Zamloa chuan thinrim meng tur khuih in ‘ka farnu tlangchang meuh se ek a vawm tu chu zanin li la hian hriat ka duh a ni, khawnge kan pasâltha Sângtuala hi a awm Ka be duh e’ tiin khawnbawl upa ho chu a melh tur khuih a. Lalnu Thanthûami chuan ‘ka u a tawk rih e, thil nihphung chu ka mit ngeiin ka hmu a ka hria a lawm, hun han kal sela ka tihtur chu ka ti mai ang’ tiin Phaiphuk tlangvalte chu a mitsir ralh ralh a, chung tlangvalte chu an awm a nuam lo tih hriat takin an hawi kual ruai a. Lal Zamloa chuan ‘nangni kha eng tiin nge in la awm reng chhuak rang rawh u’ tiin Phaiphuk tlangvalte chu a hrawk zui khur khur a.
Lalnu Thanthûami chuan ‘tlangau pa,khawnge ka zu thlum tha ber kha han chawi chhuak teh, ka nuta te hian danghnawn khawp an nei lo a niang e an thu tak ngul hlawm mai’ tiin a han sawi zui lar lar a, Lal Zamloa pawh chuan hlim hun a nih hriain ‘khawnge zu chu han chawi chhuak ula, khawvel dang theihnghilh thak khawpin kan farnu tan hun pui chu i han chen tak tak ang u hmiang’ tiin a lo tuihnih sup a. Pu Tawnliana chuan ‘kan Lal unaute pathum hi thlamuan pui awm tham zet a pumraw hleitling an ni a, an khaw awpte zingah hian tlangval chak leh huaisen tak tak an tam bawk nen, khawnbawl upate zingah hian tu ber nge ban elh chak ber zawn a va chakawm ve, zanin chu kei ka tha a za riau mai ka ti’ tiin a han sawi a, Phaiphuk Lal Thangzuala chuan ‘ka khawnbawl upa zailura han elh thlu zo tur khawp a tawrtha tu mah ka hmu hauh lo mai ka ti’ tiin a lo chhawn var a. Zu an lem tam deuh hnu chuan ‘kan khawnbawl upa Tawnliana thusawi kha zanin chu kan ti chhin dawn a mi, khawnbawl upa pali theuh han in thlang ila’ tiin Lal Zamloa chuan a han rawt nawn a.
Meichher chhit en hluah pah chuan ‘ka khawnbawl upate u, khual lam kha hlahthlem hlek suh ang che u, ka nutâ khuate hi kawng engkimah kan khum ngei tur a ni’ tiin Lalnu Thanthuami chuan a han fuih lar lar a, Lal dangte pawh chuan an khawnbawl upate chu fuihin Satlâk Lal inchhung chu an ri ta laih laih a. Phaiphuk khawnbawl upa Zailura leh Satlâk khawnbawl upa Laichuha chu chhuatah an bawk phek ang der dawr a, Phaiphuk Lal Thangzualan khaile a tih rual chuan ban khur dar dar khawp chuan an in elh sai ngar ngar a. Lalnu Thanthûami chuan ‘Lianmana pa, tang nasa rawh aw, ka khuate hi tu khaw hnuaiah mah an kun tur a nilo, eng kawngah pawh kan chungnun zia hi a lang reng tur a ni’ tiin a lo au that that a. Phaiphuk Lal Thangzuala pawh chuan ‘Phaiphuk khuate hian hmeichhe khua hi kan hneh ngei tur a ni’ tiin a lo fuih ve tuar a, a Phaiphuk khawnbawl upa Zailura chu tang viau mahse hreh tak chung chuan a ban chu a hniam ruai ruai a, khawnbawl upa dangte chu an lo au laih laih a, infuih thawm ri tuar tuar chu thenawm pa upa lam te chuan Lal in chu an chuangkai thuai a, an rin loh ang tak a khawnbawl upate chhuat lai a lo in elh ngar ngar an hmuh chuan, chhuak leh ta mai lo chuan an lo au ve tuar tuar hlawm a, an thawm chu a ring tulh tulh a. Zawlbuk tlangvalten zanlai a patling infuih tuar tuar ri an hriat chuan, Lal in lam a tang a lo chhuak an hriat chuan hmanhmawh takin an tlan chho thuai a, Lalin an thlen chuan pachâng aw ri nuaih nuaih karah chuan Lalnu Thanthûami aw chuan ‘Laiawrha pa tang rawh,a tlu dawn a tlu dawn’ tiin a lo au ve tuar tuar a, pasaltha Sângtuala chuan hlauthawng leh thinrim tak chuan Lal in a pachâng lo pung khawm te chu a keu kaw pawp pawp a, a han hmuh chian chuan a pa leh Lehlawn upa Zinglawma lo in elh khur ngar ngar leh a pa ban awn riai riai chu a han hmu a, thaw hlawp hlawp chuan ‘ka pa, kha i tlawm mai dawn em mi ? tiin a han au ve that that a. A fapa aw hriaiin a han melh zawk a ‘ka fapa, i hmu lai kher chuan tlawm ka tum hauh hleinem’ tiin a han tang tha leh a, tharum a in hneh tawk thial mah nise rilru a tum na chuan khawnbawl upa Tawnliana chu chakna pe in, Lehlawn khawnbawl Zinglawma chu a bet ta thlap zawk a, nui sang chung chuan ‘khawnge chaklo zawkte fuih thiam tak kan pasâltha kha lo kal teh, ka seki zu no hi ka han leh teh ang che’ tiin a nui ta var var a. Thûamkunga chuan a thianpa hnung a nam dawrh a, khawnbawl upa Zinglawma nen chuan an in kuah zawk hial a. Khawnbawl Zinglawma chuan ‘Tlangau pa khawinge ka seki no khatin zu kha han pe teh’ tiin a han sawi zui lang lang a, Satlâk Lalin ah chuan thawm chu a ri hup hup a. Lehlawn Lal chuan a ban chu a han phar chhuak huh a ‘zanin a tan chuan kan infiamna chu tawk rih sela, tukthuan ei khamah Lal mualah hian mi lo chhuah khawm vek tur a ni, ram kal lui an awm a nih chuan an chungchang ka ngaihtuah ang, ka farnu te inneih lawm nan khawnbawl upa ten in suknawr pui an nei dawn a ni, a chak ber khua in dar bu khat an hlawh ang, zanin a tan chuan tin phawt ila, zingah sachan a hma lamah zawh tum ula a tha a nge’ a han tih chuan, Satlâk Lal in a tang chuan an sarual tin ta huk a.
Inneih lawm na ruai a tan chuan sachâl leh vawkpa sutnghak pathum chu zingah chuan an chan mup mup a, tuk thuan ei kham a khawnbawl upate in suknawr tur hmuh an chak thu mawlh sawiin an ri lang lang a, tlangvalte chuan an khawnbawl upate theuh chu an chak ringin an inhnial laih laih a, khawnbawlte in suknawr na tur chu val upate chuan ngaihtuah in khiang tûai mar tha tak chu uluk tak chuan pathum lai chu an suih sauh sauh a, an duh ang tak an suih hnu chuan Lal sumhmun ah chuan an tung zar a. Lehlawn Lal Zamloan suk thar tha tak a hmuh chuan ‘ka naute u, in khawnbawl upa theuhte kha an lo zam palh a nge aw, zan lamah Satlâk lam che tha deuh mahse khaw nunau hmuh ah meuh zawng upa ber khua nge nge tih turin ka upate chu ka fuih dawn a ni’ tiin a khi sung a. Lal dangte pawh chuan ‘unau ni mah ila vawiin zet zawng unau hmel a lang ta lo deuh a nih pawhin kan in hrethiam a niang chu’ tiin an infiam ve bawrh bawrh hlawm a, Tukthuan chu hma takah eiin khawnbawl upate in suknawr en tur chuan tlai bik nih hlau tak chuan Satlâk Lal mual chu an pan khawm zung zung a, naupang te lah chu thing bung hmang in an lo innawr zawk zawk hlawm a.
Lal Zamloa chu leihka tlangsangah chuan lo ding toh luah in a ban chung lamah a han lek chhuak duai a, Lal thu ngaichang chuan an reh ta thup a, nunau te melh kual chung chuan ‘hei le, ka farnu neih chhun chuan a lungdum tu tawngin pasâl a nei dawn a, he hun hi hlim leh lawm tak a hmang turin ka duh che u a ni, mipa awpna hnuaiah chuan tun ai hian hma pawh kawng engkim ah in sawn ngei ang tih ka ring a, kan hma hunah chuan kan chhuan ber pawh in nih ngei ka ring, lungrual leh in pawh takin kal zel ila, harsatna in tawk a nih chuan kei ni hi a hre hmasa tur kan nih in theihnghilh tur a ni lo, kan in pumkhat chuan kan hmaah eng harsatna pawh lo thleng sela kan hneh ngei ang, tum dang a kan tih ngai loh ang takin khawnbawl upa ten suknawr runpui an nei dawn a ni, a chak ber khua in dar bu kim an hlawh dawn a ni, theihtawp chhuah theuh turin ka beisei che u a ni’ tiin thu hawnna a han nei a, khaw tin ai awh tur khawnbawl upate chu Lal mualah chuan puan veng tha mawlh mawlh chung chuan an lo pen chhuak thauh thauh hlawm a, Lal mualah ding tlarin an han in kuah thuak thuak a, nunau te chuan an khawnbawl upate chu an lo au thum hluah hluah a.
Tlangau pa chuan Satlak leh Phaiphuk khawnbawl upate ko chhuakin khawnbawl upa pathum ve ve an lo pen chhuak a, suk suihthar chu Satlâk val upate chuan an lo lek chhuak larh larh a, an han tan chu Phaiphuk khawnbawl upate chu tang ve viau mahse tharum leh thiam ah hneh ngang hek lo le, reilo te ah Satlâk khawnbawl upate chuan hnehtu nihna an chang thuai a. Thurpui leh Lehlawn khawnbawl upate chuan an han tan ve leh a. Lehlawn khawnbawl pakhat tih loh chu an chak ta vek a, tuibur hmuamda zet an chawlh hnu chuan tlangaupa chuan ‘khai ule, chak ber nihna chu i han zawng tawh ang u hmiang, tu ber nge lo pen chhuak dawn che u le’ tiin a han au that that a, khawnbawl upa Laichuha chuan ‘khawnge chak lo berin hma ka han hruai a nge aw’ tiin puanven chu a han sawichhing sauh sauh a, Thurpui khawnbawl upa Tuanrema chuan ‘khawinge kan hma bak chu i han hlen thuai teh ang hmiang, ka tawnah khawtual mi thliar a hlahthlem ka thiam lo a nia aw’ tih pahin puanven chu a sawi chhing ve sauh sauh mai bawk a. Thurpui Lal Tualliana chuan ‘ka khawnbawl Tuanrem zam hauh suh aw, i chak phawt chuan darkhuang pakhat i hlawh ngei ang’ tiin a khawnbawl upa chu a lo fuih sauh sauh a. Lalnu Thanthûami chuan ‘ka khawnbawl upate u, lawman duh vang ni hauh lo in, Satlâk khuate chuan kan hmabak kan hlen thin tih lantir nan leh kan inneih lawmna ni pah fawm in hnehna han chang teh ule’ tiin a lo au ve lawng lawng a.
Pu Laichuha chuan ‘unaupa tang nasa rawh aw, kan Lal chawimawi nan ka theihtawk ka chhuah dawn a nia’ tiin a hma a mi mitah tak chuan a melh kal a, Satlâk nunau te chu ‘pu Laichuha’ tiin bel rawh mual liam vut vut khawp chuan an au hum hum a. Tlangau pa chuan ‘inring ru, tunah tan rawh ule’ tiin a han au that a, khawnbawl upa pahnihte pawh chu theihtawp chhuah tih hriat tak chuan an tang ping nghal lan a. Pu Laichuha chuan a hma a mi a zuam luatah pir kan vaw tum in a han tawng pawng nawr ngawt a, a hma a mi chu a zuam ang ngawt a lo ni bik hauh lo mai a, amah chu a kang zawk ta hlauh a. Tlangau pa chuan ‘a tawk rih e, tunah thawhhnihna tan turin inring ru’ tiin a han au that that a. Tlangau pa chuan ‘inring ru, tunah tan ru’ a tih rual chuan Thurpui khawnbawl upa leh Satlâk khawnbawl upate chu chak zawk nih ngei tum chuan an tang kun dun ran a, pu Laichuha chuan ‘kha keimah Lianmana pa ka ni ngai e’ tih rual chuan, suk chu leihrul ah a hniam thut a, Pu Tuanrema tha hmang chuan a chawi kâng nghal vawk a, khup chenah chuan a ke chu a leng vaih vaih a. Nunau hlim thawm chuan belrawh mual chu a fawn liam leh ta ruih ruih a, a thawhthum na chu tan leh tur chuan an in buatsaih ta a. Tlangau pa chuan ‘khai ule, inring ru tunah tan rawh u’ tiin a han au leh that that a, nunau hlimthawm ri hulh hulh karah chuan Lal pahnihte pawh chuan an khawnbawl upate chu an lo au tuar tuar reng a.
Pu Laichuha chuan suk chu a hma a mi taksa lamah kar pah zel a, suk chu hnuai lamah ti hniam leh thutin a han chawi leh thut chu, Thurpui khawnbawl upa Tuanrema chu a kang leh ta vah a, an khawnbawl upa Laichuha chu tlangvalte chuan an vawrh ta lawp lawp a. Tlangau pa chuan ‘midang zawng kha lo awmsawn rawh u, kan upa dangte kha lo chhuak rawh u le’ tiin a han au that that a. Lehlawn khawnbawl upa Zinglawma chu lo pen chhuakin, Satlâk khawnbawl Tinduha pawh chu a lo pen chhuak ve leh thauh thauh a. Tlangau pa chuan ‘inring rawh ule, tunah tan ru’ tiin a han au leh that a, pumraw in tiat tawk tih tak ah an ding sai dun hlak hlak a, tlangvalte chu an khawnbawl te fuih chuan an lo au dual dual bawk a, pu Tinduha tang lutuk han pen sawn deuh chuan lunghriam rap in a ke hnuai chu zunghnih dawn lai chuan a vunpui chat chuan a kak var haih a, a mah chu tlawmngai viau mahse infiamna satliah a nih deuh a vang chuan Lehlawn khawnbawl upa chu a chak zawkah an puang ta zawk a, a tawp berah Satlâk khawnbawl Pu Tawnliana leh Lehlawn khawnbawl pu Zaidula chu infiamna tual zawlah chuan an in hmachhawn leh ta ran a.
Tlangau pa chuan ‘inring ru tunah tan rawh u’ tiin a han au leh that that a, chak zawk ngei tum chuan an innawr dun ta chiang chiang a, tharumah an in hneh tawk bawk a an hmuhnawm dun kher mai. Kum lamah vanglai pel tawh mahse tlangval tam zawkte chuan an thiamna chu hneh chi an la ni lo tih pawh an hrethiam a, Suk hmawr chu lei hrulah dah hniam in an mute lei hrut ta dalh dalh a, Pu Tawnliana ke chheh sual chu a tawlh thlu ta hlauh a. Tlangau pa chuan ‘tunah chuan Lehlawn lam an chak a, thawhhnihna tan turin inring rawh u, tunah tan rawh ule’ tiin a han au leh pap pap a, Lehlawn khawnbawl lei hrul a tan hmun siam leh chu pu Tawnliana chuan a hma a mi nâk lamah suk chu hawlh bet thutin a han tang thut a, a rin loh ang a tan thawh thut vang chuan Pu Zaidula chu a bawk ve ta hnawk a, Satlâk tlangvalte haw haw thawm pawh chu belrawh mualah chuan a liam leh ta vut vut a, Thûamkunga uang pheng chuan ‘khawnge lo ding lawk teh’ tih leh pu Tawnliana dar leh hnung zang vel chu a han hmeh sak thuak thuak a. Tuisik an in hnu chuan ‘lo kal rawh u le, tunah tan leh tawh ru’ tiin tlangau pa a han au that that takah chuan, an in peih hnu chuan ‘inring ru, tan rawh ule’ tiin a han au leh that that a, tlangau pa au tawp rual chuan an ni pawh chu an tang dun leh ta phat a, an fimkhur dun in an thiam chitin chuan an in nawr dun ta sak sak a. Pu Tawnliana chuan a beihpui pa taksa lamah chuan a han nawr a, Pu Zaidula insiam rem pen tha thlah zeuh chu remchangah hmangin, suk chu lei hrulah a ti hniam thut a, Pu Zaiduha tang leh tha hmang chuan a chawi thut a, Lehlawn khawnbawl chu awm chenah chuan a leng ta vaih vaih a, dimte a leiah a dah leh meuh chuan Satlâk tlangvalte chuan an khawnbawl chu an vawrh leh ta lauh lauh a, a chak tam ber Satlâk khawnbawl upa chuan darbu kim chu an dawng dawn ta, Lalnu Thanthuami chuan ‘khawnge ka pasâl kha lo chhuak la, kan khaw ai awhtu khawnbawl upate hi engtin nge a tih dawn le ?’ tiin val upa Chhâwnthiaua chu a melh no sat a. Lal dangte pawh chuan ‘kan Lal thar chuan engtin nge ro a rel dawn le’ tiin an lo melh thap a, val upa Chhâwnthiaua chu sen tan tan chuan a lo ding chhuak a, Satlâk leh inneih na chhim a kal te chuan Lal thar tur chuan engtin tak rorel ang maw ? tiin an lo melh thap a. Pi Chhunruaii tak pawh chuan a fapa chu ngaihtuah tih hriat tak chuan a lo melh ve reng a.
Val upa Chhâwnthiaua chuan a nu chu melh in a han bu nghat nghat a, Lalnu Thanthuami chu a han melh leh in a nuih sak a ‘Vawiin a kan inneihna dangdai tak a min lawm saktu, Lehlawn Lal chungah lawmthu ka sawi a, ka khaw ropuina tur a thathawh tute chungah lawmthu ka sawi tak meuh a, he in hnehna hi ropui takin kan lawm ngei ang, vawiin hian Satlâk khaw tan a nunna hlu tak hlantute pawh kan hre reng in, kan ngaih a zual hle a ni. Lungrual tak a Satlâk tan in theihna hlan leh zualna paw chhuaktu kan hun tawn hi ni mawlh turin ka beisei che u a ni, he kan khaw tan in beihna hian kawngtha lo paw chhuak mawlh sela, kan khaw tan a bei mektu kan khawnbawl upate chawimawina hmasa a tan tlangau pa khan zupui thlumtha tak kha seki no khatin han la la, khawnbawl upa in elna min hneh saktu te kha lo chho ula, ka nupui kut a tang ngei hian chawimawi na nopui chu han dawm ta che u’ a han tih meuh chuan, a lo thlirtute beisei ai daih a thu a sawi that vang a lawmna nipahfawm in hlim thawm chuan Satlâk khua chu a luah leh ta hum hum a. Khawnbawl upate chuan ‘nang in hmasa rawh’ tiin a hnawn nak nak a, Pu Tawnliana chu a thiante chuan an hnawn tak tlatah chuan a han tem hlek in a thiante chu a hlan chhawng a, hlim tak chuan zu chu khawnbawl upate chuan an in zui laih laih hlawm a.
Lal leh khawnbawl upaten zu an birh laih laih lai chuan Mual lamah chuan thawm a lo ri leh ta luih luih a, an han en nak chuan Chungliana leh Thûamkunga chu an lo innawr khur ngar ngar mai a lo ni a, a pualte zawk mah nise Chungliana chu thiamah pha hek lo le, Chungliana chuan a chawi kang ta vuh a, nghat tha mai lo chuan a han lek kual vel a. Thûamkunga chu zuang thla thutin ‘suknawr ah hneh lo che mah ila, ka hneh tho che’ tih leh Chungliana chu a bawh thlu nghal rawk a, Mualkunga chuan ‘e khaih in in tina mai a nga sin’ tiin a Thûamkunga chu a han kuai tho a. Thûamkunga chuan ‘chhe heu, min beih rawn khanglang elaw’ tih leh Mualkunga kawngah man lawkin a han theh thal nghal tawp a, tlangvalte chuan an hnaih hnaih chu man in Lal Mual khu luih luih khawp chuan an in thehthlu ta rum rum hlawm, tlangvalte chuan an chakzia nula te hmuh tir ngei tum chuan thlantla phung chuan an tal khu luih luih a, Lehlawn Lal Zamloa chuan ‘duh tawk rawh u’ tiin a han au tuar tuar a, tlangval thaza lak lawh chu inchai ngam tawh loin an zuang tawrh tawrh hlawm a.
Zanriah kil hma chuan Lalte chu mualah chuan chhuk ve in an su ta nghawng nghawng hlawm a, Lalte meuh an lam takah chuan tlangvalte pawh chu an su lawp lawp hlawm a, Lal mual a hlim thawm chuan Satlâk khawchhung chu luahin an chheih dual dual a, zanriah kil a hun chuan hlim tak a kilin ruai nawi an tih fel hnu chuan khua pawh a thim ruai a ni tawh a, Lawitha tur chuan Lalnu Thanthûami te chu an in buatsaih mawlh mawlh a, mo a in peih chuan lawitha tur chuan an kal leh ta, naupang te chuan zui hul hul in ‘ val upa Chhâwnthiaua runah Lalnu a lawi dawn e, hip hip hu rei’ tiin an au dual dual a. Val upa Chhâwnthiaua te in an thlen chuan, pasâltha Sângtuala chu kaiten ah chuan lawn in ‘fanu/fapa chawi in kan lo lawi e’ tiin kaiten ah chuan vawithum a han per thak thak a. Pi Chhunruaii chuan ‘e ka fanu lo haw rawh, kan lo nghak reng tawh che a sin’ tiin hlim tak chuan a lo chhawn thuai a. Lalnu Thanthuami pawh chu sen tal tal chung chuan thim lai chuh in a thian nu phenah chuan a hawi ve hrak hrak a. Leng hawn ar a lo khuan chuan inleng te chu tin in an khum turah chuan a mah chuan a mu ran a. Lalnu Thanthûami chuan ‘aw a vawihnih nan kawppui chu ka han nei leh chu a nia, khuanu hian min awm puiin, nupa kawpchawi lungrual tak nih ka va hna duh tak em’ tiin a ngaihtuah rauh rauh a.
Zawlbuk lamah chuan ti ti dang leng hek lo, val upa Chhâwnthiaua chu fiamin an nui hluah hluah reng a, eng emaw a han sawi ve hlek chuan ‘e a va han tuah tawh awm ve, lungpui ah chang vek ila min ti’ tiin an fiam deuh reng a. Zan a rei takah chuan mutna chu an pharh ta a, val upa Chhâwnthiaua chuan zawlbuk tlangvalte awmdan tur a hriat lawk vang chuan a huphurh lawk kher mai. Khuan hmasa a khuan tak thuai thuai ah chuan tlangval tam zawk chu an hnar leh bur bur tawh a. Pasâltha Laiawrha chuan dimte in val upa chu kaitho in an in lamah chuan thawmdim thei ang ber chuan zawlbuk chu an chhuahsan ta zal zal a. Val upate an liam hnu chuan tlangval hnar bur bur ho pawh chu an lo thu nur vur vur a, hmanhmawh tak chuan val upate in lamah chuan thim lam chuh zelin an vak chho tuam tuam a, val upate inhnuai leh bangah chuan an bet ta thup hlawm a. Val upa Chhâwnthiaua chuan an in hmun tin a thawmdim te a lo vak lut chu hriain, khum bul a tuium an lo chhawp lek chu dimte in a ban dau dau a, thawm awmna zawn ah chuan a leih ta thut a. Thawm ngaihthlak chian tum a dak ang phuau tlangval thenkhat ka ah chuan tui chu lut thutin, thawm dim hman lo chuan an in chhak ta sup sup a, val upa Chhâwnthiaua chuan ‘chhe heu, zanin vawk chu an thawm a va na deuh ve mawle, khaw nge ka sairawkherh kha’ tiin hmanhmawh tak chuan a pawnah a chhuak nghal a, tlangval te chuan saihlum tawng bik nih hlau chuan zawlbuk lamah an ri thla ta hum hum a, tlangval thenkhat hnufual lui chuan saihlum tawng fuh in an te thla teng tung mai a, val upa lah chuan ‘zanin vawk ngeng chu a va mak ve mawle’ tiin nui chung chuan inchhung ah a luh san ta daih a.
Zawlbuk thleng hnufum Thûamkunga leh Chungliana an lo baih lut suih suih a, meichher eng a an khel saihlum den na an han en sak chuan ke zungpui tia hian a lo sen val kulh a, an nâ ti chu an then dun nasa ngang mai bawk a. Thûamkunga chuan ‘a ve khanglang chuan le, a hmuh ve chhun chu thlavang hauh a ti na kher mai, Chhâwnektuma khian a la hre ve dawn chiang mai’ tiin a then sawk sawk a. Tlangvalte chuan lo nuih in tumah kal nawn leh duh an awm ta lo a, Laiawrha lo lut an hmuh chuan ringhlel tak chuan an lo melh hau a, a ni lah chuan ‘Thûama kha in tum a va fuh awm ve, santlung phenah in kal hman loh vang in a toh deuh che u a ni maw ? ’ tiin a han fiam zauh a, tlangval dangte chu nui hukin an puantlang chu an seh ta far a.
Zing a Thûamkunga han tho chu lungawi thei ngang hek lo le, val upa Chhâwnthiaua vaibel zu lai chu pan in ‘I sulhnu hi han en teh le’ tih pahin a mawng a saihlum hnu vual sen tul a hmuh meuh chuan val upa meuh chu a phuh chhuak ta hawk a, Thûamkunga chuan ‘chhe hek huk reuh e, i la hreve khawp ang’ ti a phun nung nung chung chuan a kal tau nghawng nghawng a, pasâltha Laiawrha chuan ‘Thûama, lei i per chim dawn a mi?’ tiin a han au leh nghal chu, kuttum vai zawk zawk chung chuan a liam ta a, Val upa Chhâwnthiaua chuan ‘tu kher in nge lo perh ni dawn ni, kei lah chuan sairawkherh aw zawng ka chuh hauh silo a’ tiin nuam lo tih hmel tak chuan a han sawi chuar chuar a, a thiante liam hnu chuan pasâltha Sângtuala chuan ‘hei hian hna a thawk a nih kha, a hma a tang khan tawm rukna tur thing a dawh a, Chunghnapa nen khan in la rem hre takin an fû vei vawng a, ka sai a nih kha’ nui sang chung chuan a han ti a. Pasâltha Sângtuala melh hau chung chuan ‘nangmah maw lo ni a, nangni thianzaho infiam dan reng mai a ’ tiin pasâltha Phulthanga chu a nui hawk hawk a. Pasâltha Sângtuala chuan ‘ka thil perh tawh ah chuan an la hmuhnawm ber, zan thim hnuaiah pawh an then var nasa teh a sin, sam thur suau in a han tlan su luih luih chu ka nui chhuak thelh a sin, Chunghnapa ke bul a ka han perh thawi leh mawng hup chung a Thûameka hnung a han tlan su luih luih chu hmuve ngat mah ula, tihnawn leh in chak ve viau ang’ a han tih chuan an khi sak sak hlawm a.
Lo tawk leh phawt tehse, naktuk ah kan awmna lam kan pan dawn a, ka la awl deuh ang. Kan nauin a mobile min hotpots hlauh a, ka lo dah thei a ni e
BUNG – 154
Lal Zamloa chuan thinrim meng tur khuih in ‘ka farnu tlangchang meuh se ek a vawm tu chu zanin li la hian hriat ka duh a ni, khawnge kan pasâltha Sângtuala hi a awm Ka be duh e’ tiin khawnbawl upa ho chu a melh tur khuih a. Lalnu Thanthûami chuan ‘ka u a tawk rih e, thil nihphung chu ka mit ngeiin ka hmu a ka hria a lawm, hun han kal sela ka tihtur chu ka ti mai ang’ tiin Phaiphuk tlangvalte chu a mitsir ralh ralh a, chung tlangvalte chu an awm a nuam lo tih hriat takin an hawi kual ruai a. Lal Zamloa chuan ‘nangni kha eng tiin nge in la awm reng chhuak rang rawh u’ tiin Phaiphuk tlangvalte chu a hrawk zui khur khur a.
Lalnu Thanthûami chuan ‘tlangau pa,khawnge ka zu thlum tha ber kha han chawi chhuak teh, ka nuta te hian danghnawn khawp an nei lo a niang e an thu tak ngul hlawm mai’ tiin a han sawi zui lar lar a, Lal Zamloa pawh chuan hlim hun a nih hriain ‘khawnge zu chu han chawi chhuak ula, khawvel dang theihnghilh thak khawpin kan farnu tan hun pui chu i han chen tak tak ang u hmiang’ tiin a lo tuihnih sup a. Pu Tawnliana chuan ‘kan Lal unaute pathum hi thlamuan pui awm tham zet a pumraw hleitling an ni a, an khaw awpte zingah hian tlangval chak leh huaisen tak tak an tam bawk nen, khawnbawl upate zingah hian tu ber nge ban elh chak ber zawn a va chakawm ve, zanin chu kei ka tha a za riau mai ka ti’ tiin a han sawi a, Phaiphuk Lal Thangzuala chuan ‘ka khawnbawl upa zailura han elh thlu zo tur khawp a tawrtha tu mah ka hmu hauh lo mai ka ti’ tiin a lo chhawn var a. Zu an lem tam deuh hnu chuan ‘kan khawnbawl upa Tawnliana thusawi kha zanin chu kan ti chhin dawn a mi, khawnbawl upa pali theuh han in thlang ila’ tiin Lal Zamloa chuan a han rawt nawn a.
Meichher chhit en hluah pah chuan ‘ka khawnbawl upate u, khual lam kha hlahthlem hlek suh ang che u, ka nutâ khuate hi kawng engkimah kan khum ngei tur a ni’ tiin Lalnu Thanthuami chuan a han fuih lar lar a, Lal dangte pawh chuan an khawnbawl upate chu fuihin Satlâk Lal inchhung chu an ri ta laih laih a. Phaiphuk khawnbawl upa Zailura leh Satlâk khawnbawl upa Laichuha chu chhuatah an bawk phek ang der dawr a, Phaiphuk Lal Thangzualan khaile a tih rual chuan ban khur dar dar khawp chuan an in elh sai ngar ngar a. Lalnu Thanthûami chuan ‘Lianmana pa, tang nasa rawh aw, ka khuate hi tu khaw hnuaiah mah an kun tur a nilo, eng kawngah pawh kan chungnun zia hi a lang reng tur a ni’ tiin a lo au that that a. Phaiphuk Lal Thangzuala pawh chuan ‘Phaiphuk khuate hian hmeichhe khua hi kan hneh ngei tur a ni’ tiin a lo fuih ve tuar a, a Phaiphuk khawnbawl upa Zailura chu tang viau mahse hreh tak chung chuan a ban chu a hniam ruai ruai a, khawnbawl upa dangte chu an lo au laih laih a, infuih thawm ri tuar tuar chu thenawm pa upa lam te chuan Lal in chu an chuangkai thuai a, an rin loh ang tak a khawnbawl upate chhuat lai a lo in elh ngar ngar an hmuh chuan, chhuak leh ta mai lo chuan an lo au ve tuar tuar hlawm a, an thawm chu a ring tulh tulh a. Zawlbuk tlangvalten zanlai a patling infuih tuar tuar ri an hriat chuan, Lal in lam a tang a lo chhuak an hriat chuan hmanhmawh takin an tlan chho thuai a, Lalin an thlen chuan pachâng aw ri nuaih nuaih karah chuan Lalnu Thanthûami aw chuan ‘Laiawrha pa tang rawh,a tlu dawn a tlu dawn’ tiin a lo au ve tuar tuar a, pasaltha Sângtuala chuan hlauthawng leh thinrim tak chuan Lal in a pachâng lo pung khawm te chu a keu kaw pawp pawp a, a han hmuh chian chuan a pa leh Lehlawn upa Zinglawma lo in elh khur ngar ngar leh a pa ban awn riai riai chu a han hmu a, thaw hlawp hlawp chuan ‘ka pa, kha i tlawm mai dawn em mi ? tiin a han au ve that that a. A fapa aw hriaiin a han melh zawk a ‘ka fapa, i hmu lai kher chuan tlawm ka tum hauh hleinem’ tiin a han tang tha leh a, tharum a in hneh tawk thial mah nise rilru a tum na chuan khawnbawl upa Tawnliana chu chakna pe in, Lehlawn khawnbawl Zinglawma chu a bet ta thlap zawk a, nui sang chung chuan ‘khawnge chaklo zawkte fuih thiam tak kan pasâltha kha lo kal teh, ka seki zu no hi ka han leh teh ang che’ tiin a nui ta var var a. Thûamkunga chuan a thianpa hnung a nam dawrh a, khawnbawl upa Zinglawma nen chuan an in kuah zawk hial a. Khawnbawl Zinglawma chuan ‘Tlangau pa khawinge ka seki no khatin zu kha han pe teh’ tiin a han sawi zui lang lang a, Satlâk Lalin ah chuan thawm chu a ri hup hup a. Lehlawn Lal chuan a ban chu a han phar chhuak huh a ‘zanin a tan chuan kan infiamna chu tawk rih sela, tukthuan ei khamah Lal mualah hian mi lo chhuah khawm vek tur a ni, ram kal lui an awm a nih chuan an chungchang ka ngaihtuah ang, ka farnu te inneih lawm nan khawnbawl upa ten in suknawr pui an nei dawn a ni, a chak ber khua in dar bu khat an hlawh ang, zanin a tan chuan tin phawt ila, zingah sachan a hma lamah zawh tum ula a tha a nge’ a han tih chuan, Satlâk Lal in a tang chuan an sarual tin ta huk a.
Inneih lawm na ruai a tan chuan sachâl leh vawkpa sutnghak pathum chu zingah chuan an chan mup mup a, tuk thuan ei kham a khawnbawl upate in suknawr tur hmuh an chak thu mawlh sawiin an ri lang lang a, tlangvalte chuan an khawnbawl upate theuh chu an chak ringin an inhnial laih laih a, khawnbawlte in suknawr na tur chu val upate chuan ngaihtuah in khiang tûai mar tha tak chu uluk tak chuan pathum lai chu an suih sauh sauh a, an duh ang tak an suih hnu chuan Lal sumhmun ah chuan an tung zar a. Lehlawn Lal Zamloan suk thar tha tak a hmuh chuan ‘ka naute u, in khawnbawl upa theuhte kha an lo zam palh a nge aw, zan lamah Satlâk lam che tha deuh mahse khaw nunau hmuh ah meuh zawng upa ber khua nge nge tih turin ka upate chu ka fuih dawn a ni’ tiin a khi sung a. Lal dangte pawh chuan ‘unau ni mah ila vawiin zet zawng unau hmel a lang ta lo deuh a nih pawhin kan in hrethiam a niang chu’ tiin an infiam ve bawrh bawrh hlawm a, Tukthuan chu hma takah eiin khawnbawl upate in suknawr en tur chuan tlai bik nih hlau tak chuan Satlâk Lal mual chu an pan khawm zung zung a, naupang te lah chu thing bung hmang in an lo innawr zawk zawk hlawm a.
Lal Zamloa chu leihka tlangsangah chuan lo ding toh luah in a ban chung lamah a han lek chhuak duai a, Lal thu ngaichang chuan an reh ta thup a, nunau te melh kual chung chuan ‘hei le, ka farnu neih chhun chuan a lungdum tu tawngin pasâl a nei dawn a, he hun hi hlim leh lawm tak a hmang turin ka duh che u a ni, mipa awpna hnuaiah chuan tun ai hian hma pawh kawng engkim ah in sawn ngei ang tih ka ring a, kan hma hunah chuan kan chhuan ber pawh in nih ngei ka ring, lungrual leh in pawh takin kal zel ila, harsatna in tawk a nih chuan kei ni hi a hre hmasa tur kan nih in theihnghilh tur a ni lo, kan in pumkhat chuan kan hmaah eng harsatna pawh lo thleng sela kan hneh ngei ang, tum dang a kan tih ngai loh ang takin khawnbawl upa ten suknawr runpui an nei dawn a ni, a chak ber khua in dar bu kim an hlawh dawn a ni, theihtawp chhuah theuh turin ka beisei che u a ni’ tiin thu hawnna a han nei a, khaw tin ai awh tur khawnbawl upate chu Lal mualah chuan puan veng tha mawlh mawlh chung chuan an lo pen chhuak thauh thauh hlawm a, Lal mualah ding tlarin an han in kuah thuak thuak a, nunau te chuan an khawnbawl upate chu an lo au thum hluah hluah a.
Tlangau pa chuan Satlak leh Phaiphuk khawnbawl upate ko chhuakin khawnbawl upa pathum ve ve an lo pen chhuak a, suk suihthar chu Satlâk val upate chuan an lo lek chhuak larh larh a, an han tan chu Phaiphuk khawnbawl upate chu tang ve viau mahse tharum leh thiam ah hneh ngang hek lo le, reilo te ah Satlâk khawnbawl upate chuan hnehtu nihna an chang thuai a. Thurpui leh Lehlawn khawnbawl upate chuan an han tan ve leh a. Lehlawn khawnbawl pakhat tih loh chu an chak ta vek a, tuibur hmuamda zet an chawlh hnu chuan tlangaupa chuan ‘khai ule, chak ber nihna chu i han zawng tawh ang u hmiang, tu ber nge lo pen chhuak dawn che u le’ tiin a han au that that a, khawnbawl upa Laichuha chuan ‘khawnge chak lo berin hma ka han hruai a nge aw’ tiin puanven chu a han sawichhing sauh sauh a, Thurpui khawnbawl upa Tuanrema chuan ‘khawinge kan hma bak chu i han hlen thuai teh ang hmiang, ka tawnah khawtual mi thliar a hlahthlem ka thiam lo a nia aw’ tih pahin puanven chu a sawi chhing ve sauh sauh mai bawk a. Thurpui Lal Tualliana chuan ‘ka khawnbawl Tuanrem zam hauh suh aw, i chak phawt chuan darkhuang pakhat i hlawh ngei ang’ tiin a khawnbawl upa chu a lo fuih sauh sauh a. Lalnu Thanthûami chuan ‘ka khawnbawl upate u, lawman duh vang ni hauh lo in, Satlâk khuate chuan kan hmabak kan hlen thin tih lantir nan leh kan inneih lawmna ni pah fawm in hnehna han chang teh ule’ tiin a lo au ve lawng lawng a.
Pu Laichuha chuan ‘unaupa tang nasa rawh aw, kan Lal chawimawi nan ka theihtawk ka chhuah dawn a nia’ tiin a hma a mi mitah tak chuan a melh kal a, Satlâk nunau te chu ‘pu Laichuha’ tiin bel rawh mual liam vut vut khawp chuan an au hum hum a. Tlangau pa chuan ‘inring ru, tunah tan rawh ule’ tiin a han au that a, khawnbawl upa pahnihte pawh chu theihtawp chhuah tih hriat tak chuan an tang ping nghal lan a. Pu Laichuha chuan a hma a mi a zuam luatah pir kan vaw tum in a han tawng pawng nawr ngawt a, a hma a mi chu a zuam ang ngawt a lo ni bik hauh lo mai a, amah chu a kang zawk ta hlauh a. Tlangau pa chuan ‘a tawk rih e, tunah thawhhnihna tan turin inring ru’ tiin a han au that that a. Tlangau pa chuan ‘inring ru, tunah tan ru’ a tih rual chuan Thurpui khawnbawl upa leh Satlâk khawnbawl upate chu chak zawk nih ngei tum chuan an tang kun dun ran a, pu Laichuha chuan ‘kha keimah Lianmana pa ka ni ngai e’ tih rual chuan, suk chu leihrul ah a hniam thut a, Pu Tuanrema tha hmang chuan a chawi kâng nghal vawk a, khup chenah chuan a ke chu a leng vaih vaih a. Nunau hlim thawm chuan belrawh mual chu a fawn liam leh ta ruih ruih a, a thawhthum na chu tan leh tur chuan an in buatsaih ta a. Tlangau pa chuan ‘khai ule, inring ru tunah tan rawh u’ tiin a han au leh that that a, nunau hlimthawm ri hulh hulh karah chuan Lal pahnihte pawh chuan an khawnbawl upate chu an lo au tuar tuar reng a.
Pu Laichuha chuan suk chu a hma a mi taksa lamah kar pah zel a, suk chu hnuai lamah ti hniam leh thutin a han chawi leh thut chu, Thurpui khawnbawl upa Tuanrema chu a kang leh ta vah a, an khawnbawl upa Laichuha chu tlangvalte chuan an vawrh ta lawp lawp a. Tlangau pa chuan ‘midang zawng kha lo awmsawn rawh u, kan upa dangte kha lo chhuak rawh u le’ tiin a han au that that a. Lehlawn khawnbawl upa Zinglawma chu lo pen chhuakin, Satlâk khawnbawl Tinduha pawh chu a lo pen chhuak ve leh thauh thauh a. Tlangau pa chuan ‘inring rawh ule, tunah tan ru’ tiin a han au leh that a, pumraw in tiat tawk tih tak ah an ding sai dun hlak hlak a, tlangvalte chu an khawnbawl te fuih chuan an lo au dual dual bawk a, pu Tinduha tang lutuk han pen sawn deuh chuan lunghriam rap in a ke hnuai chu zunghnih dawn lai chuan a vunpui chat chuan a kak var haih a, a mah chu tlawmngai viau mahse infiamna satliah a nih deuh a vang chuan Lehlawn khawnbawl upa chu a chak zawkah an puang ta zawk a, a tawp berah Satlâk khawnbawl Pu Tawnliana leh Lehlawn khawnbawl pu Zaidula chu infiamna tual zawlah chuan an in hmachhawn leh ta ran a.
Tlangau pa chuan ‘inring ru tunah tan rawh u’ tiin a han au leh that that a, chak zawk ngei tum chuan an innawr dun ta chiang chiang a, tharumah an in hneh tawk bawk a an hmuhnawm dun kher mai. Kum lamah vanglai pel tawh mahse tlangval tam zawkte chuan an thiamna chu hneh chi an la ni lo tih pawh an hrethiam a, Suk hmawr chu lei hrulah dah hniam in an mute lei hrut ta dalh dalh a, Pu Tawnliana ke chheh sual chu a tawlh thlu ta hlauh a. Tlangau pa chuan ‘tunah chuan Lehlawn lam an chak a, thawhhnihna tan turin inring rawh u, tunah tan rawh ule’ tiin a han au leh pap pap a, Lehlawn khawnbawl lei hrul a tan hmun siam leh chu pu Tawnliana chuan a hma a mi nâk lamah suk chu hawlh bet thutin a han tang thut a, a rin loh ang a tan thawh thut vang chuan Pu Zaidula chu a bawk ve ta hnawk a, Satlâk tlangvalte haw haw thawm pawh chu belrawh mualah chuan a liam leh ta vut vut a, Thûamkunga uang pheng chuan ‘khawnge lo ding lawk teh’ tih leh pu Tawnliana dar leh hnung zang vel chu a han hmeh sak thuak thuak a. Tuisik an in hnu chuan ‘lo kal rawh u le, tunah tan leh tawh ru’ tiin tlangau pa a han au that that takah chuan, an in peih hnu chuan ‘inring ru, tan rawh ule’ tiin a han au leh that that a, tlangau pa au tawp rual chuan an ni pawh chu an tang dun leh ta phat a, an fimkhur dun in an thiam chitin chuan an in nawr dun ta sak sak a. Pu Tawnliana chuan a beihpui pa taksa lamah chuan a han nawr a, Pu Zaidula insiam rem pen tha thlah zeuh chu remchangah hmangin, suk chu lei hrulah a ti hniam thut a, Pu Zaiduha tang leh tha hmang chuan a chawi thut a, Lehlawn khawnbawl chu awm chenah chuan a leng ta vaih vaih a, dimte a leiah a dah leh meuh chuan Satlâk tlangvalte chuan an khawnbawl chu an vawrh leh ta lauh lauh a, a chak tam ber Satlâk khawnbawl upa chuan darbu kim chu an dawng dawn ta, Lalnu Thanthuami chuan ‘khawnge ka pasâl kha lo chhuak la, kan khaw ai awhtu khawnbawl upate hi engtin nge a tih dawn le ?’ tiin val upa Chhâwnthiaua chu a melh no sat a. Lal dangte pawh chuan ‘kan Lal thar chuan engtin nge ro a rel dawn le’ tiin an lo melh thap a, val upa Chhâwnthiaua chu sen tan tan chuan a lo ding chhuak a, Satlâk leh inneih na chhim a kal te chuan Lal thar tur chuan engtin tak rorel ang maw ? tiin an lo melh thap a. Pi Chhunruaii tak pawh chuan a fapa chu ngaihtuah tih hriat tak chuan a lo melh ve reng a.
Val upa Chhâwnthiaua chuan a nu chu melh in a han bu nghat nghat a, Lalnu Thanthuami chu a han melh leh in a nuih sak a ‘Vawiin a kan inneihna dangdai tak a min lawm saktu, Lehlawn Lal chungah lawmthu ka sawi a, ka khaw ropuina tur a thathawh tute chungah lawmthu ka sawi tak meuh a, he in hnehna hi ropui takin kan lawm ngei ang, vawiin hian Satlâk khaw tan a nunna hlu tak hlantute pawh kan hre reng in, kan ngaih a zual hle a ni. Lungrual tak a Satlâk tan in theihna hlan leh zualna paw chhuaktu kan hun tawn hi ni mawlh turin ka beisei che u a ni, he kan khaw tan in beihna hian kawngtha lo paw chhuak mawlh sela, kan khaw tan a bei mektu kan khawnbawl upate chawimawina hmasa a tan tlangau pa khan zupui thlumtha tak kha seki no khatin han la la, khawnbawl upa in elna min hneh saktu te kha lo chho ula, ka nupui kut a tang ngei hian chawimawi na nopui chu han dawm ta che u’ a han tih meuh chuan, a lo thlirtute beisei ai daih a thu a sawi that vang a lawmna nipahfawm in hlim thawm chuan Satlâk khua chu a luah leh ta hum hum a. Khawnbawl upate chuan ‘nang in hmasa rawh’ tiin a hnawn nak nak a, Pu Tawnliana chu a thiante chuan an hnawn tak tlatah chuan a han tem hlek in a thiante chu a hlan chhawng a, hlim tak chuan zu chu khawnbawl upate chuan an in zui laih laih hlawm a.
Lal leh khawnbawl upaten zu an birh laih laih lai chuan Mual lamah chuan thawm a lo ri leh ta luih luih a, an han en nak chuan Chungliana leh Thûamkunga chu an lo innawr khur ngar ngar mai a lo ni a, a pualte zawk mah nise Chungliana chu thiamah pha hek lo le, Chungliana chuan a chawi kang ta vuh a, nghat tha mai lo chuan a han lek kual vel a. Thûamkunga chu zuang thla thutin ‘suknawr ah hneh lo che mah ila, ka hneh tho che’ tih leh Chungliana chu a bawh thlu nghal rawk a, Mualkunga chuan ‘e khaih in in tina mai a nga sin’ tiin a Thûamkunga chu a han kuai tho a. Thûamkunga chuan ‘chhe heu, min beih rawn khanglang elaw’ tih leh Mualkunga kawngah man lawkin a han theh thal nghal tawp a, tlangvalte chuan an hnaih hnaih chu man in Lal Mual khu luih luih khawp chuan an in thehthlu ta rum rum hlawm, tlangvalte chuan an chakzia nula te hmuh tir ngei tum chuan thlantla phung chuan an tal khu luih luih a, Lehlawn Lal Zamloa chuan ‘duh tawk rawh u’ tiin a han au tuar tuar a, tlangval thaza lak lawh chu inchai ngam tawh loin an zuang tawrh tawrh hlawm a.
Zanriah kil hma chuan Lalte chu mualah chuan chhuk ve in an su ta nghawng nghawng hlawm a, Lalte meuh an lam takah chuan tlangvalte pawh chu an su lawp lawp hlawm a, Lal mual a hlim thawm chuan Satlâk khawchhung chu luahin an chheih dual dual a, zanriah kil a hun chuan hlim tak a kilin ruai nawi an tih fel hnu chuan khua pawh a thim ruai a ni tawh a, Lawitha tur chuan Lalnu Thanthûami te chu an in buatsaih mawlh mawlh a, mo a in peih chuan lawitha tur chuan an kal leh ta, naupang te chuan zui hul hul in ‘ val upa Chhâwnthiaua runah Lalnu a lawi dawn e, hip hip hu rei’ tiin an au dual dual a. Val upa Chhâwnthiaua te in an thlen chuan, pasâltha Sângtuala chu kaiten ah chuan lawn in ‘fanu/fapa chawi in kan lo lawi e’ tiin kaiten ah chuan vawithum a han per thak thak a. Pi Chhunruaii chuan ‘e ka fanu lo haw rawh, kan lo nghak reng tawh che a sin’ tiin hlim tak chuan a lo chhawn thuai a. Lalnu Thanthuami pawh chu sen tal tal chung chuan thim lai chuh in a thian nu phenah chuan a hawi ve hrak hrak a. Leng hawn ar a lo khuan chuan inleng te chu tin in an khum turah chuan a mah chuan a mu ran a. Lalnu Thanthûami chuan ‘aw a vawihnih nan kawppui chu ka han nei leh chu a nia, khuanu hian min awm puiin, nupa kawpchawi lungrual tak nih ka va hna duh tak em’ tiin a ngaihtuah rauh rauh a.
Zawlbuk lamah chuan ti ti dang leng hek lo, val upa Chhâwnthiaua chu fiamin an nui hluah hluah reng a, eng emaw a han sawi ve hlek chuan ‘e a va han tuah tawh awm ve, lungpui ah chang vek ila min ti’ tiin an fiam deuh reng a. Zan a rei takah chuan mutna chu an pharh ta a, val upa Chhâwnthiaua chuan zawlbuk tlangvalte awmdan tur a hriat lawk vang chuan a huphurh lawk kher mai. Khuan hmasa a khuan tak thuai thuai ah chuan tlangval tam zawk chu an hnar leh bur bur tawh a. Pasâltha Laiawrha chuan dimte in val upa chu kaitho in an in lamah chuan thawmdim thei ang ber chuan zawlbuk chu an chhuahsan ta zal zal a. Val upate an liam hnu chuan tlangval hnar bur bur ho pawh chu an lo thu nur vur vur a, hmanhmawh tak chuan val upate in lamah chuan thim lam chuh zelin an vak chho tuam tuam a, val upate inhnuai leh bangah chuan an bet ta thup hlawm a. Val upa Chhâwnthiaua chuan an in hmun tin a thawmdim te a lo vak lut chu hriain, khum bul a tuium an lo chhawp lek chu dimte in a ban dau dau a, thawm awmna zawn ah chuan a leih ta thut a. Thawm ngaihthlak chian tum a dak ang phuau tlangval thenkhat ka ah chuan tui chu lut thutin, thawm dim hman lo chuan an in chhak ta sup sup a, val upa Chhâwnthiaua chuan ‘chhe heu, zanin vawk chu an thawm a va na deuh ve mawle, khaw nge ka sairawkherh kha’ tiin hmanhmawh tak chuan a pawnah a chhuak nghal a, tlangval te chuan saihlum tawng bik nih hlau chuan zawlbuk lamah an ri thla ta hum hum a, tlangval thenkhat hnufual lui chuan saihlum tawng fuh in an te thla teng tung mai a, val upa lah chuan ‘zanin vawk ngeng chu a va mak ve mawle’ tiin nui chung chuan inchhung ah a luh san ta daih a.
Zawlbuk thleng hnufum Thûamkunga leh Chungliana an lo baih lut suih suih a, meichher eng a an khel saihlum den na an han en sak chuan ke zungpui tia hian a lo sen val kulh a, an nâ ti chu an then dun nasa ngang mai bawk a. Thûamkunga chuan ‘a ve khanglang chuan le, a hmuh ve chhun chu thlavang hauh a ti na kher mai, Chhâwnektuma khian a la hre ve dawn chiang mai’ tiin a then sawk sawk a. Tlangvalte chuan lo nuih in tumah kal nawn leh duh an awm ta lo a, Laiawrha lo lut an hmuh chuan ringhlel tak chuan an lo melh hau a, a ni lah chuan ‘Thûama kha in tum a va fuh awm ve, santlung phenah in kal hman loh vang in a toh deuh che u a ni maw ? ’ tiin a han fiam zauh a, tlangval dangte chu nui hukin an puantlang chu an seh ta far a.
Zing a Thûamkunga han tho chu lungawi thei ngang hek lo le, val upa Chhâwnthiaua vaibel zu lai chu pan in ‘I sulhnu hi han en teh le’ tih pahin a mawng a saihlum hnu vual sen tul a hmuh meuh chuan val upa meuh chu a phuh chhuak ta hawk a, Thûamkunga chuan ‘chhe hek huk reuh e, i la hreve khawp ang’ ti a phun nung nung chung chuan a kal tau nghawng nghawng a, pasâltha Laiawrha chuan ‘Thûama, lei i per chim dawn a mi?’ tiin a han au leh nghal chu, kuttum vai zawk zawk chung chuan a liam ta a, Val upa Chhâwnthiaua chuan ‘tu kher in nge lo perh ni dawn ni, kei lah chuan sairawkherh aw zawng ka chuh hauh silo a’ tiin nuam lo tih hmel tak chuan a han sawi chuar chuar a, a thiante liam hnu chuan pasâltha Sângtuala chuan ‘hei hian hna a thawk a nih kha, a hma a tang khan tawm rukna tur thing a dawh a, Chunghnapa nen khan in la rem hre takin an fû vei vawng a, ka sai a nih kha’ nui sang chung chuan a han ti a. Pasâltha Sângtuala melh hau chung chuan ‘nangmah maw lo ni a, nangni thianzaho infiam dan reng mai a ’ tiin pasâltha Phulthanga chu a nui hawk hawk a. Pasâltha Sângtuala chuan ‘ka thil perh tawh ah chuan an la hmuhnawm ber, zan thim hnuaiah pawh an then var nasa teh a sin, sam thur suau in a han tlan su luih luih chu ka nui chhuak thelh a sin, Chunghnapa ke bul a ka han perh thawi leh mawng hup chung a Thûameka hnung a han tlan su luih luih chu hmuve ngat mah ula, tihnawn leh in chak ve viau ang’ a han tih chuan an khi sak sak hlawm a.
Lo tawk leh phawt tehse, naktuk ah kan awmna lam kan pan dawn a, ka la awl deuh ang. Kan nauin a mobile min hotpots hlauh a, ka lo dah thei a ni e
| Link: | |
| BBcode: | |
| HTML: | |
| Hide post links |
ADVERTISEMENT (A hnuai a milem hi a nia hmeh zeuh tur chu)