PASÂLTHA SÂNGTUALA (Mampuia Pa)
BUNG – 161
Khual kal te chuan Lal in chu an pan ding nghal nalh a, an zing a Pakunga kal tel ve an hmuh chuan mak an ti kher mai, Chhippheng Lal fanu in Lal in kun nghaih chung a pan an hmuh phei chuan mak an ti zual kher mai. Lal Chhâwnthiaua chuan leikatlangsang atang chuan lo thlir vung vung in ‘nangni ho chu rin loh takin eng thu chu lo hawn che u ni maw ?’ tiin a lo thlir vung vung a. Inchhung an lo luh chuan nelawm tak a lo dawngsawngin, Satlâk Lalpa an hmuh chuan Chhippheng khaw ho chu an thla a muang huai emaw tih tur chuan an ri ve chul a. Lalnu Thanthuami leh Langleuh Lalnu an hmuh chuan ‘Lal Chhâwnthiaua ho a an hrumzial râl bawh dante chu sawiin an ri hlut hlawm a, Chhippheng khawnbawl upa Zuibuka chuan ‘Nangni Satlâk khua te hi kan vanneihna tur a khuanu ruat in ni hial in ka hria, kan buaina hi nangni hian pâ chanchangin min chin fel sak thin a, lawmthu sawidan pawh kan hre lo hial a ni’ tiin thu tak deuh chuan a sawi charh charh a. Zanriah ei a hun chuan an thlen in tur lamah chuan Chhippheng khawnbawl upate pawh chu an tin ta a.
. . . . . . . . .
Satlâk khuate an chhuah hnu chuan Lal Dengkhuaia zak leh rilru na lutuk chuan zu tuitling chu seki no chuan a tlak pup pup reng a, Lal thinrim hmel dur khup vang chuan tumah chuan engmah sawi ngam lo chuan zu tuitling chu an tlak ve pup pup hlawm a, ni vanlaizawl ah meuh chuan an nu phut hlawm tawh a. Lal Dengkhuaia chuan huat tur ngawt chu zawngin a hawi kual ruai reng a, A nupui hnen ah chuan ‘khawnge tuibur al chu min lo lak teh khai, i fanu reng hian zahna min thlen ta mai, lo hawng tehse a ngâl ka zum sak ang’ tiin a phun bul bul reng a. Lalnu chu in thlahrung dak chuan a lo pen lut zal zal in a tuibur al chu ‘kha tuibur al chu hmuam rawh’ tiin a han pe a. Lal Dengkhuaia chuan ‘nang a tuibur al tih lah hi chil hmuam ai pawhin a dâ zawk daih a lawm le, a dang va la rawh’ tiin tuibur bawm tliang ral mai chuan Lalnu ngal charah chuan a deng keh sawk mai a. Lalnu na ti chu chhuatah chuan a vial ta ngawl ngawl a, Lal Dengkhuaia thinrim kal lak lawh chuan ‘nangnu nufa chuan lemchan in va thiam nufa ve mawle, khawnge nat I duh tak tak a ni maw’ tiin rap chung a thing fak chuh chuan Lalnu khel leh hnung zangah chuan a a hem ta pawp pawp a. Khawnbawl upate chuan Lal chu dangin an thelh theih ta hram a, ‘Nangni khawnbawl upate hian in Lal hi min do dal vei maw, in chaklo ang’ tiin a te tuar tuar mai bawk a. An thelh fel hnu chuan ‘Lalpa inngaih tuah harh ve deuh la mawle, eng vanduaina pawh kan chang thei a, tu emaw fa pawh chhungte leh khawtlang sel luih luih khawp in an awm fo a, chutiang a awm tur chuan tut e mah hian an fate hi an phak bik hleinem mawle, a reng thuah kan Lalnu tluk a fate enkawl tha an awm chuang bik ka ring hauh lo, in fa dangte pawh nnun zahawm tak nen an awm in, Tlangchang a rorel tlak thiau khawp a nun ngil leh zahawm an ni thawlh a, unau rual zingah chuan cheh ral an awm chawk a ni tih hre rual chu i ni vei tawh nen, a chhe lam ngawt chang turin kan kawppuite puh ngawt chi pawh a ni meuh emaw ni le ? in ngaihtuah harh rawh khai, hetiang vanduaina tawh a puhmawh tur zawn hi mipa chaklo zia a ni’ tiin khawnbawl upa Lianpuia chuan a Lal Dengkhuaia chu a zilh hau a. Lal Dengkhuaia chuan ‘chu ka fanu awmdan chu ka thiam loh zawk maw lo ni a ? nang hi hi min zilhhau tur hian tunge maw nih vei chu le, ka in lum ngeiah ka fa nungchang ah min mawhpuh vei maw ? tiin a thinrim lutuk chu a khur hlawk hlawk a. Khawnbawl upa Lianpuia chuan ‘Lalpa ka thu I ngai kawi mai mai a ni, chhungkaw nunah chuan hmeichhia chauh mawhphur tur an ni bik lo e ka ti mai chauh a ni, in chhungkaw tan mai nilo in kan Lalnu hian khaw tlang a mi hnuaihnung ber te tan pawh a theih tawk a chhuah zia chu a hmu chiang tu kan ni vek a, kan fanu Lianmawii chungthu ah pawh a theih tawk chu a chhuah in nundan tha chu a kawh hmu ve bawk zia chu a hretu vek kan nih hi maw, kan fanu awmdan hi theih tawp a tanho ngai a nih lai a, chhuanmang zawng a rorelna i kalpui chuan mualphona zakhaw rawih bak a thlen nang, in ngaihtuah harh hram teh, kan in nghahna kulh bang hi eng emaw vangin a kehchhe mai tur a ni lo’ tiin a han sawi leh dap dap a. Lalnu buaipui a kun mawlh mawlh reng Darthangi chuan ‘ka pa, kapa Lianpuia sawi kha a dik chiah a ni, ka nau hi a thiam ka ti hauh lo, ka nau nun dik loh vang a ka nu chung a i tuan leh i mawh puh vek hi a dik lo a ni, kan tan a thim a var thlu loin hun a hmang a, ka nu ai fate tan a in pe zo hi an awm bik kher nang, ngun takin han ngaihtuah rawh, kan zawhawmna leh kan in nghahna hi eng emaw vang mai chuan in keh chhia in mualpho na chung a zahna lam chu pan tawh lul suh’ tiin mittui tla zawih zawih chuan a han sawi ve a.
Lal Dengkhuaia chu a ngawi vung vungin a hmelah chuan in thiam lo hmel chu a lo lang zawk a, a chetdan a inthiam lo chu a nupui in sut hraih hraih lamah chuan pen thum a han pen chhut chhut a. A thiam loh zia hre mahse a thiltih tawh a ngaihdam dil mai hreh chuan ‘ka fanu mualphona chu ka thim loh vek a lo nih chu, kei chu mi tlinglo ka lo nih chu’ tiin leikatlangsangah chuan a chuang chhuak ta daih a, an Lal rilru chu hria in a chhe lamin an kal zel dawn lo tih hriain khawnbawl upa leh Lal fanute chu lawmin an in nuih sak sak a. Chawhnu thlang herah chuan Lalnu chu zunram thiar chuan a lo baih chhuak chhat chhat a, Lal Dengkhuaia chuan a nupui kiu vung deuh lak leh ngal vung deuh bar a hmuh chuan a han ding hluai a, eng emaw sawi tum chuan a han ang zuai a Lalnu thinrim tui deuh bar a hmuh chuan engmah sawi lo chuan leh lam chu a hawi leh ta zawk a, an Lalpa awmdan chu nuih zat ru tak chuan khawnbawl upate chu an nuiru tat tat a, a khawnbawl upate nui ru tat tat chu hmu mahse engmah a sawi duh bik lo a. A rilru chuan ‘nangni ka vang a nuam sa leh zahawmna neite hmuh hniam tur chuan ka va han awm hlei lo em, ka chhungkaw tan a lungpui himna ka nihna hi engvang mahin a kehchhe tur a nilo’ tiin a ngaihtuah vang vang a.
. . . . . .
Satlâk Lalpa Chhâwnthiaua’n thil awmdan a hriat chuan ‘a va han pawi ve aw, hetiang hian Chhippheng Lal fanu hi awm mahse kan khaw tan pawh mualpho theihna chu a awm tho mai a’ tiin a tukhum chu a chul vang vang a. Pumrua leh hmel a mi chung leng a nih tawh bakah Lal fanu ni chung a hetiang a buan chaklo a ni chu vanduai thlak a tiin, a nu leh pa dinhmun tur a ngaihtuah in a ngawi vang vang a, a khawnbawl upa leh khual lamte chu chik tak chuan a han melh dan dan a, aw thian kharh kharh in ‘Kan vawiin thu hian ka Lal inchhung bak a pel tur a nilo, Chhippheng Lal fanu awmdan sawi chhuak leh tu hnenah chuan a na thei ang berin hremna ka lek kawh dawn a ni, hei a nuta leh khawnbawl upate pawh hian kan fanu awmdan hi in haider sak tur a ni ang. Tin, Lianpui nang pawhin tun a i khawsak dan hi i kal san tur a ni, pumrua leh hmelah chuan mi chhuanawm tak, khawihmun mah a zahpui awm lo i ni a, tun a i awmdan erawh mihring nundan phungphai pawh a ni nek lo a, tunah chuan ka thuneihna hnuai a thil thleng hi tu sawichhuah mah ka rem ti lo a, he thil hi hmundangah pawh a rik chhuah ka rem ti hauh lo a ni, Lal te meuh pawh hian thiltih sual kan nei chawk a, mihring nun famkim lohna hian kan nunho that pawimawh zia te, kan harsatna zawn a in khaichhuak tur kan nih zia pawh a pho chhuak chiang hle a ni, chuvang chuan Lianpuii pawh kan khaw lam a lo zin khawthang a nih bak tuman insawi tur a nilo a, ka thusawi kalh zawng a khawsa chu kei leh ka khuate chuan kan thlir liam mai mai dawn hauh lo tih in hriat nawn ka duh a ni’ tiin a han sawi dap dap a.
Chu thu chuan Darpuii nuta pa zah lutuk vang a hawi chhuak ngam lo a kun reng mai chu beiseina siam sakin. Lal Chhâwnthiau chu mak ti tak chuan a melh ngawt ngawt a, Lal fapa Darthiaua chuan ‘Lalpa i thusawi chu ka va hrethiam lo ve’ tiin lawm luat vang a hrilh hai tak chuan a hawi hau a. Lal Chhâwnthiaua chuan ‘Lal fapa, vawiin a misual leh awmherh tak te pawh hi kan nakin hnuah chuan kan mi rin ber leh tangkai ber ber te an ni thei a ni tih kan hriat reng a ngai a ni, kan chak lohna zawnah kan in dawm kang a nih chuan mi tha tak kan ni vek thei, a pawimawh ber chu mi hmusit nih kan duh loh chuan kei mahni kan insiam tha tur a ni a, chu insiam na hun chuan dawm kan na a mamawh a ni tih kan hriat reng a ngai a ni’ tiin a han sawi leh charh charh a. Satlâk Lal chuan a thusawi chu a ti mai mai lo tih hriat tak chuan a tak ngal a. Lal Chhâwnthiaua chuan ‘Pakung, nang hi eng mihringah nge i in hmuh ve reng reng chu le, Lal fanu chak lohna chu remchang ah la a ka khaw mualpho na tur pawh dawn lo a i lo chet mai chu le, ti khan tlangvalte khan Pakunga kha khawi mah a kal theilo turin lo veng tha ang che u, i chung thu hi zan lamah kan ngaihtuah ang, engpawh i chungah lo thleng sela i cho chhuah ah ngai ang che, chhuak nghal rawh i hmel hi ka hmu tui lo e, ka nupui ruah loh lai ni lo hlauh phei sela’ tiin thinrim tak chuan Pakunga chu a melh run a. Lal Chhâwnthiaua thinrim hmelah chuan an râl bawh lai a, pasâltha hmel dik tak chu a lo lang in pawisak a neih loh hmel kher mai. Chu Lal hmel lo in thlak chu Pakunga chuan hlau in a puan tlang chu a sawi dar dar hial a, tlangvalte chuan Pakunga chu hruaichhuak thuai a.
Chhippheng Lal Fapa chuan Lal Chhâwnthiaua chu mak ti leh lawm tak chuan a melh tlawk tlawk a, tlangvalte chhuah hnu chuan ‘Lalpa kan dik lohna vangin tu chungah mah thil thalo thleng lo sela ka duh khawp mai’ tiin thu a han sawi bah nak a. Satlâk Lal chuan ‘ka ngaih dan chuan hmeichhia hi kan duh phawt chuan kan hruai sual thei vek a ni, kan nau chungchang phei hi chu a dinhmun ah hian rilru fim put theihna chi ni chai hek lo le, khawchhung boruak hresa chung a che a nihna hian min run em a ni’ tiin a han sawi leh charh charh a. A han ngawih deuh dat hnu chuan ‘tlangau pa kan khualte chu an chhawl a hal dawn teh lul nen, nang zu kha han chawi chhuak ta che an dangchar kan hnawn loh chuan zanriah pawh an ei thei nang le’ tiin hmel pangngai tak chuan a han sawi a, tlangau pa chuan ‘kei tak hi a sin dang char tawh ni, i sapui hmel a lo chhuah chiah kha chuan ka kha a chih in ka dang a ro vek a lawm’ tiin nui sang chung chuan zu tuitling engkulh chu, seki no khat pum chuan a sem kual zung zung a. zan eng emaw zat an thang hnu a zu tui tuitling engkulh mai an han dawm leh chu dam sawng sawng hian an inhre hial a.
Zanriah ei kham chuan khawnbawl upate pawh an lo chuang kai kim leh ta thap a, pasâltha leh val upate an koh chhung chuan Thûamkunga chanchin chu sawi chhuakin Satlâk Lal inchhung chu a hlimthawm chuan a luah leh ta a, a chet dan chu fiamthu nan tak hmangin an thum leh huk thin a. Pasâltha leh val upate an lo thlen chuan ti ti eng emaw an sawi leh hnu chuan, Chhippheng khawnbawl upa chuan ‘hei Lalpa thil awmdan tun kan hai loin zep thu cheng loah chuan, kan Lal fanu awmdan hi a huat thlala zawng tak chuan huat theih tak a ni a, a khawingaih thlak khawp mai, keini zawk ai mahin nangni khuate hian in lo hrethiam zawk a, in rilru put hmang reng hi kan hriat tam poh leh a zahawm in zir tham lawih a nih zia chu a lo lang chiang a ni e, kan fanu dik loh vang hian tawrhna dang awm lo sela, a theih hram chuan kan fanu awmdan hi min thup sak ula tiin kan ngen duh che u a ni e’ tiin a han sawi dap dap a. Lal Chhâwnthiaua chuan ‘a dik a lawm, Lal fanu awmdan a tan meuh chuan hriatthiam a har reng a ni’ tiin a han ngawi dat a. Zu tuitling lem zauhin ‘kan nau hian a duhna lam bawhtlang a tumna lamah hetiang hian a in pal hnawk a ni a, a lainat awm tak zet a ni hetiang a nih takah chuan kan pasâltha Laiawrha hi a fakawm thlawtin ka hria, a din hmun ah hian mi tam tak ding sela, Lal fanu hi an chhuah hauh in a rinawm loh, hetiang a nula hmeltha a han sezawl chhuah thei hi fak a phu riau a ni’ tiin a han ngawi leh dat a. Khawnbawl upa dangte pawh chuan ‘kan pasâltha hi a pa chiah lo emaw tih mai tur zet in, hetiang nula duhawm a han chhuah hi chu a uihawm khawp mai’ tiin an lo nui tat tat a, Pasâltha Laiawrha chu zakin a thusen tal thung a. Lal Chhâwnthiaua chuan ‘pasâltha dik tak leh insum thei mi entawn tlak kan nei hi ka va inchhuang tak em, zanin hian kan pasâltha hi ka chhuang tak zet a ni, a hmingin kan zu no hum lai theuh kha i han thawkkhat pawp teh ang u’ a tih chuan an seki no chu an thawkkhat pawp hlawm a, pasâltha Laiawrha chu hlim tak chuan an melh thap hlawm a. Chhippheng khawnbawl upa Zuibuka chuan ‘pasâltha nun meuh chu a fakawm in min hneh thin ngei e, kan tlangval thenkhat hmeichhe duh lo chung nawr luih ching an awm laiin, hetiang thil a tak ngei a kan hmu meuh chu a va chhuanawm in rin a har zawk hial a ni’ tiin a han sawi ve leh bauh a. Midangte pawh chuan pasâltha Liawawrha chu an ngaisang thar kher mai.
Lal Chhâwnthiaua chuan ‘khawnge kan mi tenawm Pakunga kha lo hruai lut teh u’ a han ti bung vut a, Lal hmel awmdan in thlak chak tak chu hlauthawng ru tak chuan an melh hrek hrek hlawm a. Thûamkunga leh tlangval pangâ lai chuan kar cheh in Pakunga chu an lo hruai lut a. Hmel pha dui chuan Pakunga chu a ding kun deuh lup a, Satlâk Lal in chhung chu khuavang kallai ang mai chuan a reh thap a. Lal Chhâwnthiaua chuan ‘Pakunga, zan thum kardan ah kan inhmu reng mai dawn a va ang ve mawle’ tiin a tawng zawi sap a. Lal thu an hria te chu ngawi reng chuan an in melh hrak hrak hlawm a. Pakunga lah chu a ngawi dang lap mai bawk nen, an thu bul hrelo te chuan thil lo thleng tur chu ngawi reng chuan an thlir thap hlawm a. Lal Chhâwnthiaua chuan vin duh thak in ‘Pakunga i thutiam kha i la hre reng ang chu ti raw’ tiin a tawng zawi zual sawt a, Lal hmel erawh chu a hlauhawm sawt kher mai, Pakunga chuan Lal Chhâwnthiaua hmel pawh en ngam lo chuan ‘Lalpa min ngaidam rawh’ tiin a sawi thei hram a, a thusawi dang erawh chu a riat ral ta daih a. Chu tawngkam chuan Lal Chhâwnthiaua chu a chhaihkawl tawk tih hriat tak chuan ‘mahni thutiam a dinglo te ka tih dan thin chu i hria a ni lawm mi’ tiin Pakunga lamah chuan a tawlh hnai thut a, a kuttum lian tha tleh tawlh chu a thlawk chhuak nghal zawk a, Pakunga chu pawnchhe paih ang thlawrh chuan a hlawm nawk a, a han ching zui tur chu pasâltha leh val upate chuan lo dangin an thelh thai ta hram a. Pakunga chu a mut ren rawn hnu chuan hmui thi sung chuan lo tho chhuak tuih tuih a.
Lalpa Chhâwnthiaua chuan ‘Pakung Satlâk khuaah hian nang leh I chhungte hi in cheng thei tawh lo ang, naktuk lamah chhuak ang che u’ tiin thu tawp a sawi ta hmiah a. In humhim nan a an hman thin khua chu a nungchangin a zir loh vangin an chhuahsan a lo tul dawn ta, Pakunga’n an awm dan tur a ngaihtuah chuan hrehawm a ti in pawi a ti kher mai. Pakunga chuan ‘Lalpa min hrethiam la, ka sual man chu phurin kei chuan Satlâk khua ka chhuahsan ang a, thil tisual ve lo ka chhungte erawh chu khawngaih takin awm tir hram rawh’ tiin a han ngen a. Lal Chhâwnthiaua chuan ‘kei in ka hnawt chhuak lo che a, i thu delhkilh na ang in ka kal mai a ni, chuvang in patling than kin tawh chuan thiltih hmain ngun takin ngaihtuah hmasak tur che a lawm, a ni lawm mi ?’ tiin a chhan chuan Pakunga chu a ngawi ran a. Lalnu Thanthûami lam hawi in ‘Lalnu khawngaih takin eng emaw tal sawi ta che’ tiin beisei nei tak chuan a melh tawk tawk a. Lalnu Thanthûami chuan ‘ka pasal in a sawi ang chiah kha ka thu tlukna a ni e, engmah sawi tur ka neilo’ tiin a chhang ta hmak a. Pakunga chuan ‘Lalnu tiang khawp hian in lo nunrawng ta a ni maw ? ka theihna kha ti chen kha nang leh i khaw tan ka lo hmang ve tawh thin a, thil pakhat tihsual vang maiin tiang hian thu in ti tawp ang maw ?’ tiin thinrim tak chuan a han hawi fi hmak a. Lalnu Thanthûami chuan ‘chutiang a thil pakhat tihsual vang maiin ka pasal hian thutawp a siam meuh maw ? hmeithai i zen zan a i intiam kamna kha i theihnghilh ta mai em mi ? chutiang a ka tan a tha i thawh lah ka hre hek lo’ tiin a chhang a.
Khawnbawl upa Tawnliana chuan ‘Pakung engti tak in nge kan khaw tan hian tha chu i lo thawh a, chutiang tak a thawh hlawk chuan ropuina hlawhchhuah i nei tam viau ang chu maw ?’ tiin a lo tawng ve sap a. Pakunga chuan an khaw tan thathawh a neih loh zia lah tun an hai lo, hmeichhe buan chak lo deuh ni a a hriat veh kual a tha chuang thawh hreh lo a nih zia tun an hai loh zia a ni pawh chuan a hai bik hauh lo, khual mi hmuh a thangthat lak a tumna chuan a zahna a belhchhah mai tih lah a hai na hek lo, chuvang chuan tlangvalte chuan hruai chhuakin Lal Chhâwnthiaua chuan ‘tlangvalte u, khua an chhuahsan hma chu lo mitmei deuh ang che u, a nundan thlir hian thiltha lo tih a hreh lo mai awm a sin’ a tih chuan tlangvalte chuan ‘Lalpa ngaihngam takin awm rawh, kan lo buaipui tawh a nge, kan Satlâk khaw tan hnawk chuan a che hauh lo ang’ tiin an chhuah pui ta a . Pakunga an chhuah pui hnu chuan Pu Laichuha chuan a ngaihna hriat hmel loh tak chuan Lal chu a melh ka hau a. Lal Chhâwnthiaua chuan ‘kan khual kal te tan chuan kan chet dan kha a bangbo thlak hle ang, engmah sawichianna hun lah a awm ta lo a, zan hmasa mai khan pasâltha Phulliana te thenawm hmeithai Nghaka nu kha a lo zen a, an thawm hriain thenawm te an va tlan thuai a, an thu chuan zawlbuk tlangval beng thengin kut an thlak vak hmain val upaten ka in an lo thlen a, tha tak a awm tur a intiam tirin kan beisei loh lamah a tisa chakna hlawhtlin tir tumin tiang khan a lo che leh ta a nih kha maw’ tiin a han sawifiah a. Lal thu hriate chu mak tiin an hawi phawk hra hlawm a.
Chhippheng Lal fapa chuan a farnu dawhthleng thim lam a lo thu kun ran chu pan in ‘nang mihur nu min tih zah zia reng mai hi, nangmah vangin Chhippheng Lal chuan ser a neih phah dawn tak hi i hria em tenawm nu’ tiin a phih thal nghal thuai a, a khawih zui leh tur chu lo dangin Lal Chhâwnthiaua chuan ‘Lianpui vawikhat awm sual hian khuarei a daih a sin, nang erawh chu i kum a tlem a, nula chhuak zawt chauh in la ni bawk nen i hma hun chu uluk takin ngaihtuah tawh la, dai baw tawh suh ang che. Lal dinhmun zahawm zia leh Lal chhungte nundan hian khawtlang nun a hawlh zia hi theihnghilh ngai suh ang che, mi pangngai te tih ang kan tih hian mi chapô leh misual tiin khawtlang chuan min en tawh thin a, chuvangin tha takin nang pawh awm tawh ang che, i chet dan vang hian mi tam tak chuan an hmu mak tawh viau ang che, chuthil chu huaisen takin paltlang la, i chhungkaw tan chhawrnaawm leh fanu entawn tlak ni ngei turin bei ang che’ tiin a han zilh dam thlap a. Lal fanu Lianmawii chuan ‘Lalpa tunah chuan ka awmdan thalo zawng zawngte ka hre chiang ta e, ka awm that duh loh vang a chhungte tawrhna lah ka hmu a pawi ka ti tak zet a ni, pasâltha Laiawrha neih ka duh luatah ka hmeichhiat zahawmna pawh hum zo lo in tiang hian ka che a, tunah hian thil engkim chu ka hrefiah ta e, in zarah ka mit tih men in a awm ta a, ka tihsual man chu engpawhnise lawm takin ka tuar ang’ tiin mittui tla zawih zawih chuan a sawi a. Lal fanu Lianmawii chet zia lo dang ta an hmuh chuan mak tiin an thlir thap a.
Lalnu Thnthûami chuan ‘Lianbawih mihringte chu tihsual chang nei kan ni a, kan tihsual kan hriat tawh hnu a insiam duh lo te hi malin a zawng ngai lo, chhiat na hripui ang chiah kan ni thin. Chutiang nilo a kan tihsual a tanga insiam te hian zahawmna leh mi nun khai chhuak tur hian hlutna an nei chawk a nia, tihsual hnu a insiam tum erawh tum tur a ni dang lo thung, engpawhnise beisei takin i nun lo danglam hi kan lo thlir reng dawn a nia, harsatna i neih chuan hetah kan awm ve tih hriain min lo hrilh thin dawn nia’ tiin a lo tuihnih ve sap sap a. Lal fanu Lianmawii chuan ‘ka duhna vang a ka chhungte tawrhna hian engtia rei nge a awh ang aw’ tiin a han phun leh sap sap a. Chhuat atang chuan tho in pasâltha Laiawrha thutna lamah chuan a pen chhat chhat a, midangte chuan mak ti tak chuan an lo melh thap a. Lal fanu Lianmawii chu pasâltha hmaah chuan ding in ‘pasâltha min ngaidam rawh, ka duh em che a vangin zah dawn lo in ka lo ti hming hliau che a, min ngaidam rawh’ tiin mittui nen chuan a sawi sap a, pasâltha Laiawrha chuan ‘Lal fanu ka hrethiam che, daisual chang awm mahse kan dai sual a tang chuan kan kawng zawh chu a pangngai tur a ni, i hma hunah vanneihna nei ang che’ tiin tha tak chuan a lo chhang dam thlap a. Lal Chhâwnthiaua chuan ‘hawh u, thu lungchhiat thlak lam ngawt in delh tir lo ang u, tlangau pa zu kha han sem la kan harsatna theihnghilh thak in lam I thai teh ang u’ tiin a han sawi lung lung a. Mipa lamin zu an in tak chuan hmeichhe lam chu tap meieng ah chuan in sawnin eng emaw sawiin an nui ve hak hak hlawm a.
Chhippheng khawnbawl upa Zuibuka chuan ‘Lalpa i nundan ah hian Lal nihna ze dik tak hi a bet a nih hi, Lal zahawmna leh nihphung lah i humhalh nasa mai si a, hetiang tak a puitling a chher chhuaktu i nu mawlh hi a fakawm thlawt a ni’ tiin Pi Chhunruaii chu a han fak hlak a. Lalnu Thanthûamin pasal a thlan sual loh zia an hriatin an lawmpui khawp mai. Chhippheng khawnbawl upa Zuibuka chuan ‘Lalpa hei kan chin tiang a lo nih takah chuan, kan Lalte pawhin chin ngaichang reng mai si a, naktuk hian khaw lam pan nghal mai ila kan ti deuh a sin, hun remchang hmasa berah kan lo zin dawn nia’ tiin a rilru chu a han sawi chhuak a. Lal Chhâwnthiaua chuan ‘aw hawi naktuk lam chu incham dam phawt turah ka lo ngai ngawt a sin, i han sawi takah chuan mahni ril a rahte awmsual deuh lai chuan zan mut reng a har si a, nangnin in huam phawt chuan Lalte nupa rilru hahdan tur lah a rin theih ruak nen, in kal poh a niang chu. Amaherawh chu in lo zin leh vat ka phut tlat a nia’ tiin a chhang tha ve ta. A tuk mai a kal leh nghal tur an nih vang chuan lenghawn ar khuan chuan an in mangtha ta hlawm a. Lal fapa Darthiaua chuan a mut hmunah chuan Satlâk Lal leh khawnbawl upate khawsak phung ngaihtuah in a mu meng kar reng a, an nun zahawmna chu a ngaihtuah chian poh leh a mak tih chu a zual tulh tulh a, chutia mak ti tak a ngaihtuahna kawm a awm lai chuan Lal sumhmunah chuan thawm hria in, mei chhem tur thawm hria chu mak ti chuan a han ngaithla chiang a, zan laiah tuman sumhmun ah meichhem tum awm suh’ tiin thawmdim tak chuan a tho tham tham a, a hnung a thim chhah deuh lo kal a hmuh chuan a au chhuak thelh a, a han enchain chuan Lal Chhâwnthiaua sakruang hlim thla a nih a hrethiam ta a, thawm dim tak chuan sumhmun chu an bih a, mi pakhat inchhung a a mei chhem tum lo tintuah chu an thlir dun ran a, mei talh a han talh tek leh chhak chuan sumhmun di chu a man tan ta, mei eng a Pakunga hlim khi suk hmel an hmuh chuan Lal Chhâwnthiaua leh Lal fapa Darthiaua chu te thawt chung chuan an tlanchhuak dun thawt a, Lal Chhâwnthiaua chuan mei lo alh tan chu a han zut thawt thawt a harsa fe chuan a thelh thei ta hram a. Lal fapa Darthiaua chuan Pakunga chu dimna nei hauh lo chuan a khawih ta chawrh chawrh a.
Zan lai a thawm chu rinai chuan a lo nah ma a ni chek a niang chu, Khawnbawl upa leh thenawm hnaivai te chu meichher nen chuan an lo tlan chhuak thuai a. Chhippheng Lal fapa in Pakunga lo ching nawk nawk an hmuh chuan an thelh thuai a. Lal Chhâwnthiaua mei thelh zo lo tlan pheiin Pakunga hmai duk thluah leh hmui leh hnar thi deuh nung chu dimna tel hauh lo chuan a ching zui ta nawk nawk a. Pakunga veng tur a dah tlangvalte an lo thlen a thil awmdan an hriat chuan ‘kan lo chhin zawk hlanin kan Lal te chu lo hal hlum vek a tum vei maw’ tiin an ching ta nawk nawk a, an han thelh fel mauh chuan Pakunga chuan nunna a lo nei tawh hauh lo a, tlangvalte thinrim laklawh chuan Pakunga chhungte chu hnawhchhuah nghal mai tum chuan an in rawt phur nghal a. Pu Tawnliana chuan ‘e khai tlangval te u insum deuh teh u khai, misual vangin an chhungte chung a thu rum lutuk a chet hi a tha ngai lo a, kha ti leh chen kan thenawm te an lo ni tawh bawk a, naktuk lamah an chhuak dawn tho bawk a’ tiin a lo beng dai thei ta hram a. Val upa leh pasâlthate chuan zan a râl vengte chu na tak chuan zilh in ‘in in thlahdah vang a kan Lal leh a chhungte kan hlum teuh zia hi, tiangte chuan engtin nge Lal pawh kan hmuh ngam taw hang le’ tiin an zilh a. Tlangvalte pawh chuan hrehawm an tiin an Lal veng zo loah in ngaihna neiin hrehawm an ti kher mai.
Zing a pasâltha leh val upaten Lal an hmuh chuan ‘e khai in thiam loh reng reng suh u, khawiah pawh awm ila nangni ai a thlan naawm zawk hi ka hmu hauh lo ang, in tihsual vawi khat vang hian kei hi ka thinrim teh lul lo a maw ?’ tiin a lo chhang ta hlauh a, an Lal in hriatthiamna thuk tak a nei tih an hriat chuan Satlâk tlangvalte chu an thaw huai a, hman a an hriat thin Lal val upa Chhâwnthiaua chu a la ngai reng a ni tih an hriat chuan an ngai natna chu a zual sawt a. Chhippheng khualte hawng tur chu ramri thleng thlah tur chuan Satlâk tlangval sawmngâ tha mahte chu zanriak puanthuah nen chuan an kal ve ta a. Khual lamte pawh chu Satlâk khaw ho in an dawn sawn danah chuan lawmin tlangvalte bulah chuan an sawi kawng tluan a, ramri kawrah chuan riah buk sualin zan riah hmeh zawngin tlangvalte chu an chhuak sang sang a. Pasâltha Sângtuala chuan zukchâl ki zar mawi nalh tak mai chu a kâp hlauh a, chu sa lu chu Chhippheng Lal fanu Lianmawii chu pe in ‘Liani hei hi ka ngaihhruina che ni rawhse, i chauh chang a piangin en la heng ramsa te hian an nun chhuah nan theihtawp tak meuh meuh in an bei thin tih hria la, chau mai loin huaisen takin i hma hun chu su chhuak thin ang che’ tiin lawm tak chuan a kutah chuan a pe ta a. Lal fanu Lianmawii chuan ‘pasâltha ka chung a in thatna hi ka theihnghilh hauh loh ang, ka chauh chang in chak nan ka hmang mawlh ang e’ tiin lawm vang a mittui lo luang chhuak thup tur chuan thim lam hawi chuan a hawi ta daih a. zanriah eikham Hlim tak chuan an ti ti laih laih a Thûamkunga fiamthu bawk chu ngaw khawk rawih rawih chuan an nuih pui a, Lianmawii hlim tak a nui chu a nuta pa Darkhuaia chuan lawm tak chuan a lo melh leh hrek hrek thin a ‘aw ka farnu, I hma hun hi engtin han hmang zel che maw, khuanu zarah tluang takin hunk an hmangchho zel em ang chu maw’ tiin a ngaihtuah rauh rauh a, zan a lo rei chuan mutna siamin an tlu zal ta sang sang a. Zan laiah chuan thing tang tliak rap leh sapui rim thang nghur chuan pasâltha Sângtuala chu a ti harh zawk a, a silai chu chuh nghal in meipui rem tawh chu a han vur tha a, pasâltha Sângtuala tho chhuak leh silai nen a hawi ding ran an hmuh chuan midangte pawh chu an lo tho chhuakin, an thawmah chuan Lal fanu Lianmawii chu pawh chu a lo tho chhuak ve a, mipa ho awmdan râlkhel ah chuan a hlau a ni tih hriat tak chuan a hmel chu a phelh deuh phang a. Sapui lah chuan thawm dim lo zet chuan a vel thur thur reng in a khat tawk chuan thingtang chu a rap tliak leh rawp thin a. Pasâltha Sângtuala chuan an riah buk chu Sapui kal hualna piah ah chuan kal hualin ‘ram pasâltha nang nen a buaina ka duh lo a nia aw, khawngaihin min kian san rawh’ tiin a han tawng lang lang a. Sapui chuan a mah ai a huai zawk an awm tih hriain a inthiam fihlim san ta a.
Chhippheng tlangvalte chuan Satlâk tlangvalte ngaisang takin an chanchin chu an sawi kawng tluan a, Chhippheng khua an thlen dawn chuan Lal fanu Lianmawii chuan a huphurh kher mai, a pa chuan a awmdan chu a ngai zam mai maiin a ring hauh silo a, ram lam a tlanbo leh daih mai chu a duh rum rum a. A han ngaihtuah that leh chuan Satlâk khua a thisen zawmte pawh ni hauh lo mah in an ngaidam a nih chuan ti a ngaihtuah in, thu dik chu a tlansan kum khua thei dawn chuang lo tiin a huatsenna sawm khawm in, a chung a hremna chu tuar tur chuan ngawi reng chuan a nuta hnungah chuan a kal kun nghiai a. Lal Dengkhuaia chuan a fanu kal kun deuh ran a a hmuh chuan a lainat ru kher mai, chutih rual chuan a mah vang a mualpho na a tawrh leh an khaw mi ang zan loin ‘ka nula a ni’ a tih lai te chu a mitthlaah chuan a lo lang zut zut reng a, thinrim viau mahse a insum hram hram a. Reilo teah khual lam kalte chu sumhmunah chuan an lo pen khap khap a, nidang ang lo tak chuan Lianmawii thawm chu a reh hmak mai bawk si a, Lal leh khawnbawl upate chuan hlauthawng takin Lal chu an melh leh hrek hrek thin a. Khawnbawl upa Zuibuka chuan an va thangdan chanchin leh an thil tawn zawng zawng chu a in dawt chuan a saiw ta zar zar a, Satlâk Lal thuchah a sawi chuan Lal Dengkhuaia chu a ngawi ran a. Lal Dengkhuaia chuan ‘ka fanu I awmdan hmuh chuan ngaihdam tlak I ni mawlh lo. Amaherawh, ka Lal pui khawsak dan hian min hneh em a vangin tun tum chauh chu ka ngaidam ang che, leh pek a awm a nih erawh chuan kei I pa ngei hian ka that chiang viau ang che, tunah chuan that akin I awm ang u’ tiin Lianmawii rin loh ang tak chuan a pa chuan ngaihdam an thu a chhak chhuak ta a, Lianmawii mak ti leh lawm lutuk chuan ‘ka nu ka pa in fanu hian ka ti zak lutuk chung che u pawh a, ngaih damna nen a min tuam hlawm hi ka va han nihlawh tak em, tunah chuan nun thar nen in duh ang thlapin nun bul ka tan tawh ang’ tiin a tap ta hawm hawm a, chu ngaihdamna hnathawh chuan Lal inchhung boruak chu thlakin hlim, tak chuan khawnbawl upate chu an nui dar dar a.
. . . . . .
Satlâk tlangvalte pawh chuan an lo ruahman lawk tawh ang chuan Ngiazoa te chhung thlah tur chuan an insiam tam up mup a, Ngiazoa te chhung lah chu an khaw lam an pan tur chu an tha tho in an phur tawh tih hriat tak chuan, an che chu a zak sawt kher mai. A lehlamah chuan pu Tawnliana te in a hmangaihna an dawn chu khawiah mah an dawn an ring chuang bik hauh lo a, mahsela an dikna hai lang tur chuan chet chhuah chu an tum tlang ta. Satlâk khuate chuan an kal dawn zan chuan pu Tawnliana te in a lenglo khawp chuan pung khawm in, kal lo mai tur chuan an ngen chamchi a, an mahni chipuite hnen a an kir leh tur erawh chu an lawm pui khawp mai, lenghawn ar a khuan chuan in thlahlel tak chung chuan an in mangtha ta hlawm a, Ngiazoa phei chuan a nu leh pa hnenah chuan hawn tawh loh mai chu a ngen deuh fuih fuih reng a . . .
Chhiar mam turin ka lo dah lut leh mai e aw
PASALTHA SANGTUALA BY Vana Fanai (Completed)
PASÂLTHA SÂNGTUALA (Mampuia pa)
BUNG – 162
( Ka AC a chiang kuang thei lo bakah, ka zin ve khang lang a, hunawl ka neih mai loh vangin ka lo he ti thei hram a ni e. Ka dah lo kar zawng ai awh zo ngei tur a sei ka lo dah tawp e)
Pasâltha Sângtuala chuan ‘ti hian lo va kal hmasa ta ula, naktuk lamah lungtian khuaah lo nan hman che u kan tum a nge’ tiin pasâltha Sukthanga chu a hrilh a, a ni pawh chuan hrethiam takin ‘nia kan lo nghak dawn che u nia,tluang takin va kal tawh u’ tiin a lo chhang thuai a, hmanhmawh takin pasâltha Sângtuala te thianzaho chuan Lehlawn khaw lam chu an pan ta vang vang a, ramri kawr an thlen chuan chhun chaw fakin an chawl muang zawk a, an thian thi te thlaih chhiah nan an chaw fun pakhat leh vaihlo eng emaw zah chu lungchungah dahin Lehawn lam chu an pan leh ta vang vang a. Lenglen hun tlai lam tawhah Lehlawn chu thlengin an khua a ralthuam famkim nen a tlangval sawm dawn lai lo lang thut chuan Lehlawn tlangvalte chu a ti râlkhel kher mai, an hriat chian hnu chuan hlim tak chuan an chibai laih laih thung a. A khaw râlkhel chuan Lal in chhung pawh a luah thuaiin Lal Zamloan pasâltha Sângtuala te thianzaho a hmuh chuan ‘e khai ka fapa min lo va tlawh khat em em ve, min lo tlawh boruak lah chuan min ti phawklek hman viau a sin’ tiin a mah ngei chuan zu tuitling chu seki no khat pum chuan a han pe nghal a.
An kal chhan an hriat chuan Lehlawn Lal in chu a reh nghal duk a, Lalnu chuan ‘aw Mamtei mah a awm tawh lo tih nak laiin, nang leh zelin min han awm loh san dawn a nia’ tiin hmeichhe lungno tih takah rawlchhuah meuh chuan a tap ta rawih rawih a. Thûamkunga chuan ‘e khai Lalnu khatiang tur a ni lo e, kan va kal a nga khuanu zarah tluang takin kan lo let leh ngei ang, khatiang a nang ber i awm chuan kan ngaih a nuam nang le, malsawmna nen min thlah zawk dawn lawm mi’ tiin a lo in rawlh vat a. Lalnu tap thawmah chuan thenawm hnaivai chu an lo tlan lut thuai a, Lalin chanchin an hriatchian chuan pasâltha Sângtuala te chu kallo mai tur chuan an lo thlem ve laih laih hlawm a. Tawng duhthawh zualte phei chuan ‘kan mi hriatchian lohte vang mai a nunna hlu tak han dahkham chu a tul meuh emaw ni, khua him tak a an chhuah san chuan kan mawh a nihna pawh ka hre lo e’ tiin an lo phun zauh zauh hlawm a. Pasâltha Sângtuala chuan ‘in sawi pawh a dik khawp mai, khuanun kan nun a duan dan lah tun kan hrelo a, keini a kar a min ui derna hi kan tan chuan a hlu khawp mai. Amaherawhchu, kan hriat mi pawh ni mah suhse kan mihring pui an ni miau a, kan sezawl chhuah ngawt thei lo a ni e, Thûam thiana sawi ang khawn rei thang lo in tluang takin kan lo hawng leh em turah ngai ila, kan thang rei ta deuh a nih pawhin nangni kan bul zawkte in awm a vangin kan thla a muang hle a ni tih min hriat sak kan duh a ni’ tiin in thlahna chu a han sawi charh charh a. Lalnu chuan mittui kar a tang a khual valte melh kar chung chuan ‘khuanu chuan hualhim in veng mawlh chec u rawhse, tluang takin va kal ta ula, in lo kir leh veleh Mamtei thlaihchhiahna hun pawh kan hmang dawn nia, Mamtei pawhin a lo nghak reng tawh ang che u, zanriah han ei phawt ula, ka va kalpui dawn che u nia’ tiin mittui hru zauh zauh chung chuan chaw ei chu a han siam sak a. Pasâltha Sângtuala chuan Lalnu Muanzoi chaw ei siam chu ngawi rengin a han pui a, Lalnu chu eng emaw sawi tum chuan a ang zuai tak nangin ngawi reng chuan a siam zawm leh ta mawlh mawlh a. Lal leh khawnbawl upate pawh chuan ngawi rengi pasâltha leh Lalnu ei siam lai chu an lo thlir ngawi thap a.
Zanriah chu han kil mahse tumah chuan an eitui lo in a hming chauh mai chuan an kil hlawm a, pasâltha Sângtuala bul chetah chuan Lal Muanzoi chu mittui hru zauh zauh chuan a thu sawp nalh a. Lal Zamloa lah inthiam lohna chu zualin zu chu seki nokhat chuan a tlak pup pup reng a, khual valte chuan an ei na vel an tih fel zawh chuan ‘Hawh ule, Mamtei chu i va tlawh tawh ang u le, insum a har ka va ti tak em min dem hauh suh u aw’ tiin pasâltha Sângtuala darah chuan a kuah a rawl chhuah lo chuan a kal tap khur char char a. Lal Zamloa pawh chu ngawi reng chuan tho nulhin a nupui hnungah chuan a kal kun lup a, a nupui tlu tur han in chhuih pai khat chu ngawi reng chuan a lo dawm chut a, a nupuiin a kut a vai per lawp chu ngai haw duh lo in ngawi reng chuan a kal tha ve mai bawk a. Khawnbawl upate pawh chuan Lal chu ngawi reng chuan an zui dal dal hlawm a. Thlan awmna an va thlen chuan enkawl ngun tih hriat tak chuan Ngurpuii thlan chu a lo fai hlarh a, Lalnu chu insum thei tawh lo in ‘Mamte hei I hmangaih leh I ngainat te chuan an lo tlawh che a sin, eng a ti nge I ngawih reng, Sângtea te thianzaho hi I lo chhawn dawn lo a mi ? tiin a tap ta rawih rawih a. Lalpa Zamloa insum theihna keh in ‘ka fanu kei I pa hi min ngaidam hram rawh aw, ka hma sialna leh i nawm zawkna a nih ringin ka ring ka lo ti khawng lui a, kan he ti zo ta a nih hi, Mamte min ngaidam hram rawh aw’ tiin rawlchhuah meuh chuan a tap ve ta a.
Tuibur hmuamda vel zet thlan a an tah hnu chuan ‘Thiante u, kan mi lungduh chu ti mai hian a awm ta a, kan hma lam a tih tur kan ngaihtuah a hun e’ tiin Thûamkunga chuan a han sawi ban chalh a. Lal Zamloa chuan ‘Thûama sawi hi a dik a ni, nunhlui leh tuibaw hnu chu a liam tawh a, kan hma hun leh kei mahni a in nghatte hi kan ngaihtuah a ngai a ni’ tiin a sawi lawi rut a. khawnbawl pakhat chuan ‘hawh u i hawng tawh ang u, hetia kan awm reng chuan kan thiante leh kan khua ten hrehawm an ti lutuk a nge’ tiin a han tuihnih ve bauh a. Pasâltha Sângtuala chuan ‘lo va kal ula, ka lo um pha leh vat ang che u’ tiin a lo chhawn a. Midangte chu an han tawi muang deuh a ‘hawh u, kan pasâltha chu a ngaihtuah awm loh ang’ Lalnun a tih chuan ngawi reng chuan khawchhung lam pan chuan an kal ta dial a. Pasâltha Sângtuala chuan ‘Ngurpui, ka va ngai thin tak che em, I tello a nun a lo hrehawm thin zia te, ka tan I hlut zia hi ka hre chhuak deuh deuh thin, pialralah chuan tuma pawhthen rual lohin kan leng dun tawh ngei ang, dam takin kan lo kir leh thuai dawn nia’ tiin a phun sap sap a. Zawimuangin a thiante lamah chuan a kal ve ta hnak hnak a. Pasâltha Sângtualan Lehlawn Lalin a va thlen chuan Lalnu Muanzoi chuan sarep leh bapui chhumhmin lian tha tak tak chu iptepui khat lawih chuan a lo thun sak mek a. Zan riak tur chuan an ngen luih tlat a vang chuan Lal inah chuan hreh takin an mu ve ta a, Ngurpuii ruang an dahna ah chuan pasâltha Sângtuala mutna chu an siam sak a. Khuan hmasa ah chuan pasâltha Sângtuala chu a muhil ve ta hram a. A mangah chuan ‘Sângte, kei ve teh lul min lo hre reng duh hi ka va lawm tak em. Pialralah ka lo nghak reng che a nia, nang chu hringmi I la nih vangin kawppui nei la, I fa hmasa berah mipa fa nei in a hmingah Thuamluaia I sa dawn nia, kei mah ringawtah hian hun khawh ral duh ang che aw’ tiin mittui khap per chhak chhak chung chuan a lo sawi a. Pasâltha Sângtualan a chhan dawn chiah chuan ‘tho tawh rawh, delhhlum sa ei I tum a mi ?’ tiin Thûamkunga chuan a lo sawi harh a, pasâltha Sângtuala chuan ‘ninawm det dut lutuk mai, ka la tho peih lo e’ tih pah chuan a in builukhuh zui hmak a. Thûamkunga chuan ‘a mai mai chuan i va han tho dawn chiang tak em’ tih leh pawn chhuah a rual thuak a, tui hmunah kalin thawl nen mutna lam chu a pan a, Lalnu Muanzoin an thiandun infiam dan a hmuh chuan a lo khi suk suk a. Thûamkunga chuan pasâltha Sângtuala in builukhup chu keu sawt sawt in tui chuan a theh thawt a ‘chhe heu, khati zawng khan maw ni dawn’ tih pah chuan a han bawh thlu nghal rawk a, an in chai chu an ri ta rum rum a. Lal Zamloa chu hmanhmawh tak chuan inchhungah a tlan lut thuai a, khum bul a Thûamkunga te pahnih lo in leh thal zak zak a hmuh chuan ‘nangni thianho mai mai thin hi a, min ti hlauthawng hman a lawm le’ tiin a nui hui a. Thûamkunga chuan ‘Lalpa a zing tho thei lo hi kan buaipui ru deuh tlat a ni’ tih pah chuan a puanven phelh deuh nuaih chu a veng tha mawlh mawlh. Lal Zamloa chuan ‘kan vanglai min ngaih tir mang e, in lo hawn leh hunah a lo berah kar khat cham turin min lo tlawh ngei tur a niang, nangni thianzaho nupui man tur chu ka mit men lai a nih phawt chuan ka tum vek ang’ tiin a han sawi zawm a. Thûamkunga chuan ‘Lalpa nge nge a ngilnei thin e, nupui man tur ber I tum dawn phawt chuan bawp pali a han zal ar ar chu ka suangtuah fo tawh a sin’ tiin a khi zui var var a.
Lalnu Muanzoi chuan ‘Thûama, i pu ve hi chu tar at hian a chenchilh ve deuh tawh a, a thusawi ve kha chu men ah thlak sak rawh u’ tiin a lo inrawlh ve zauh a. Lal Zamloa chuan ‘mawi a, a mah zawk kha a nia, hmanni pawh khan a tuthlawh ken lai a zawng vak tawh a nia’ tiin a han fiam ve zauh a. Thûamkunga chuan ‘chutiang a nih zawngin ka nupui man tur awm vel chu kan lo hawn ve leh zan khat riakin lo lak mai tur a nih chu, pute thilruk va awm ngai suh’ tiin a khi sang a. Lal Zamloa chuan ‘chutiang tur chu a ni, pute thil ruk a awm ngai lo a nia’ tiin a lo tuihnih ve . Pasâltha Sângtuala lo tho chu an inchaina lamah a kiu chu a pilh deuh phang a. Lalnu Muanzoi chuan ‘hawh awi Sângte hei hi hnawih rawh’ tiin vawkhriak a lo pir chhuak a, Thûamkunga chuan ‘ka pi, hetiang hian min en hrang bik dawn a nih chuan ka lo kal tawh hauh lo ang’ tiin lehlam hawi chuan a thu kun ngaih a. Lalnu Muanzoi chuan ‘Thûampui, naupang te chu ngaihtuah an ngai a upa zawk i nia lawm, khaw nge i kut chu min lo hmuh teh’ tih pah chuan vawkhriak chu a han pir chhuak leh tawn a. Thûamkunga thu kun deuh ngun khup leh kiu pilh deuh phungah chuan a han hnawiah sak a. Pasâltha Sângtuala in phih zo lo luh chiah chuan Lalnu chuan chaw ei chu a alo siam sak nghal sawka sawk a. Lalnu berin ei a siam takah chuan an kil thuai a, an thiante lo lut hmasa a piang chu Lalnu chuan chaw ei tur chuan a lo ti nghal zel a, an ni chuan Lal sawmna chu hnial duh bik lo chuan an kil ve thuai hlawm a, naupang pawn chhuak hmate chuan sawirawkherh nen chuan ram lam chu an pan mek bawk a. zing chaw an ei kham chuan ‘tluang takin va kal ula, keini chuan in lo kir hun tur kan lo thlir reng dawn a nia, in lo hawn hman remchan hmasak berah lo kal in ni sarih ai tlem lo cham turin in lo kal vek a nga, ka hoin kan ramchhuak tur a ni, engpawhnise tluang takin kal ula KHUANUN hualhim zel che u rawhse’ tiin Lehlawn lal leh khawnbawl upate chuan an thlah ta.
Pasâltaha Sângtualate kal liam tur chu Lalnu Muanzoi chuan thlir ngam loin mittui nen khumah chuan a lut ta daih a. Satlâk tlangvalte pawh chuan ngur ru tak chung chuan an thiante lo nghahna lam chu panin Lungtian lam pan chuan an kal thuai hlawm a. Lungtian an thlen chuan zanriah ei a hun der tawh in naupang tualchai turte chu an lo chhuak nak nak a, khual valrual an hmuh chuan râlkhelin an ri nak nak a. Tlangvalte chu naupang thawmah chuan lo chhuakin pasâltha Sângtualate an hmuh chuan hlim tak chuan an ri chul hlawm a Pasâltha Sukthanga chuan a naute lo thleng chu chiau au vatin, a tuk lam a kal leh mai tur an nih a vangh chuan rei meng lo in an tin thuai hlawm a. Lal Thawmliana chuan dam tlang tak a in hmu leh tur chuan thlah in, an tlang dung tluan a khualthang pasâltha han awm lo tur chu a huphurh ru kher mai. A rilru chuan Lalnu Thanthûami ruaklo a hriat chuan a lawmpui kher mai, remchang hmasa ber a tlawh tum chuan a rilru chu a siam sauh sauh a.
Pasâltha Sângtuala chuan Ngurpuii khum a mut lai a duhsakna thu a hlan te chu ngaihtuah letin ‘Ngurpuii hian min hmangaih hle mai, mang satliah ni loin a mah Ngurpuii thlarau in a mutpui ngei a ni' tiin a ngai hmiah a, tun hma a lunglenna ang chuan a kian san huai hian a hre hial a, a mah pawh a zâng huai hian a in hre hial a. Thûamkunga chuan ‘Thianpa, lung loh ah la lo, Lehchhuah kan chhuahsan atang hian I hmel hmuh pawh a hahdam huai hian ka va hre ve mawle’ tiin a zawt dak dak a. Pasâltha Sângtuala chuan a mangte chu hrilhin an ti ti sap sap a. Mualkunga chuan a u te pahnih ti ti hnu khawi chu hria ‘hei hi hmangaihna an tih chu a nih ngei dawn hi mawle, pasâltha meuh pawh hetiang a lungnô a siam tu hi’ tiin a nunhlui a Lal fanu lo lang zawkte chu a ngaihtuah in a kal mawp mawp a. Pasâltha Sângtualan a dar a lo ben zawk chu harh phah zawkin, a hma lawkah chuan ram awih ten bung vut mai chu a lo awm reng chu niin, a ngaihtuahna kal ding lutuk chu zakin a sen tan tan a. Pasâltha Sângtuala chuan ‘ka nau, engthil nge chutiang tak a I ngaihtuahna hruaitu chu ni a, hetiang hrim chuan I va ngaihtuah awma deuh dawn ve mawle’ tiin a zilh hau a. Mualkunga chuan ‘engdang nilo e, ka ngaihtuahna a lo kal ding deuh a ni e’ tiin a chhang satliah mai a. Thûamkunga chuan an chhak chu kawk zauhin a beng chu ngun lutuk chuan a dawh hau a.
An chhak atang chuan thawm hi a lo ri thla san san a, silai an siam rem lai chuan thil han tlu hnawk ri leh hmun chhengchhia a tawlh thawm chuan a lo zui zat a, an chhak mau tlawn tluk awm a thing chu su datin thawm chu a reh zui hmak a. Pasâltha Sângtuala te chu an in melh zauh hlawm a, chutia thawm a reh hnu lawk chuan hmanhmaw tak a kal thawm chu an hre leh ta, an thawm hriat hmasak na lam atang chuan thawm lo awm in ‘fimkhur tak leh hman hmawh takin kan thil tih lai hi kan zawh vat a ngai a ni, chutiang a nih loh chuan kan thawm hi ramvak dangten an hre palh hlauh a nge’ tiin pakhat chuan a han sawi thum bul bul a. An thawm hriat hmasakna atang chuan chau tak a rum thawm lo awmin ‘thianpa tang hram hram rawh aw, puitu kan hmu hlauh mai thei a nia’ tiin chau tak hian a han fuih lawi rat a, a aw a tang chuan an dinhmun mangan thlak zia leh beidawn zia chu a lang thei hial a. Pasâltha Sângtuala chub u nghatin silai chu a en dik zawh chuan thawm nei hauh lo chuan an chhak lamah chuan a tawlh chho zal zal a. A hnungah chuan a thiante chuan fimkhur tak chuan an zui tham tham a.
Inchhung dung awmah chuan thing phenah dingin an chhak a thisen bual nuaih chung a silai lek kawh mek chu an thlir ran a. An chhak a hliam tuar chau tak chu an hriat hnu ang an ti kher mai, a chetdan ah chuan zamna a lang hauh lo a. A bulah chuan mitthi ni awm tak chu awm in a mu zawi hnak mai bawk a. An mahni lo um zuitu te chuan fimkhur tak chuan an lo chhui zel a, inchhung dingawm chauh an karah a tla ang tih chuan ‘khu lai a khu kan nang ta e’ tiin a um tu zing a pakhat chuan a silai chu a lek kawh nghal at a. An mi um chuan ‘naua in hmanrua kha thlauh vek rawh u, chute lo chu tu emaw ber kha in thi nghal ang’ tiin a han vau zui char char a, a aw chu a zawiin a chau tih a hriat kher mai. Chau viau mahse thing rinchhan a silai lek kawh a nih vangin a tum a thelh an ring hlawm lo a ni chek ang chu an ngawi thap hlawm a. An hruaitu ber chuan ‘I silai kha dahin in pet ha mai mai rawh, nang a hliam leh nghal khan tu han tin a thei I nih loh kha rei I daih chuang lo ang’ tih pah chuan thing phen chu a hnaih hrut hrut a. Hliam tuar pa chuan ‘tuibur hmuanda lekah Satlâk lam a ka thiante an lo thleng dawn a, chu hunah chuan nang leh i thiante hian nuam in sa hlek lo ang’ tiin a han vau chhar chhar a. A lo umtu te chuan ‘nizan mu hman lo a i tlan a vang khan i tawng vain duhthu I sam a nih kha, nang a Sângtuala sawi ve fo hi ka lakah chuan mau hnah ro ang chauh a ni ngei ang, pialral ka lo thlen hma i lo kawm hlim a tan ka lo tir liam ve nghal dawn nia’ tih pah chuan a han nui khek lui deuh uar a. An mi um pa chuan ‘I duh tawk khan nui rawh, ka chanchin a hriat hunah chuan a rawn zawng chhuak khawp ang che, nang mi tenawm kha’ tih pah chuan a silai cheng chu a han kau zui rap a, a han hmet puak zui dur a. A hmanhmawh deuh bakah a chauh em avang chuan a tum chu a thelh chiang kher mai. A tum a thleh tih a hriat rual chuan silai paih in a thianpa chu a han pu dawn a,a zawh mai loh avang chuan a lum pui a. An mahni lo um tu zing a an hotu chuan ‘zu man vat ang ule, hmanraw han chuh thei pawh a nih tawh loh kha zawimuang in pialral ah kan thawn dawn nia’ tiin hmanhmawh tak chuan hmahruaiin phur fe chuan a han kal a.
Pasâltha Sângtuala chu zawimuang chuan pen chhuakin ‘ti khan ding rawh u, pen khat pawh in lo hnai leh a nih chuan in tan a pawi hle ang, engvang in nge kei chu pialral ah min thawn ngawtna tur chu, ka hriat mi pawh i ni hauh silo a’ tiin chempui nen a lo kal mek chu a lo hmachhawn ta sak a. An beisei hauh loh pasâltha diarkhim vang leh silai hum vang an hmuh thut chuan an mi um zui chu en kan in an hma a mi chu an thlir ta thap a. An mi um chuan ‘ka nau i lo thleng tlai thelh a ni’ tiin a han sawi sap a, a thidang zui ta nghal a. pasâltha Sângtuala chuan ‘Thûam thian kan pasâltha hi lo buaipui teh u, keiin heng ho hi ka lo buaipui a nge’ tiin hma lamah penthum a han pen a, a hma a mi chuan ‘nanghi a ni maw pasâltha Sângtuala ti a an sawi chu ni a, ka beisei ai a hmain ka hmu hlauh che chu ka lawm hle mai, thi turin inring rawh le’ tiin chempui tle vur chu a phawrh nghal zat a. Pasâltha Sângtuala chuan ‘tunge i nih pawh ka hriat loh leh ka pawi i sawi ka hriat loh chuan kut ka thlak ngawt theilo che a ni, tunge i nih reng a ? tiin a han zawt a. A hma a mi chuan ‘ka lo rin ruk ang reng a dawih aw i chhuah chu le, engvang in nge ka hmelma ka dahbo dawn a i lo inrawlh ve ngawt chu le, kei hi Hriangngai khaw kulhpui Zamliana ka nih hi’ tih pah chuan a chempui hum lai chu a han vai tle ngahl zawk a. Pasâltha Sângtuala chuan a hma a mi mitmeng lo dang zauh a hmuh rual chuan penhnih a tawlh hnung zauh a, chempuiin a lo pel chiah tih chuan penkhat tawlh hma in Zamliana naknem ah chuan a tlawh nghal zawt a, Zamliana chu ek thawtin a leng phei lawp a, thing mal tia vel a in tauh in a kut veilam chu a khai zawt hnak a. Pasâltha Sângtuala chuan zawimuang a pan hnaih pahin ‘kha lo inring rawh le, ka chung a chuti tak mai a kut za chu’ tih pah in Zamliana ding khur dar dar chu a pan hnai zel a. Zamliana chuan thinrim mit sen ram chuan ‘thisawn rawh’ tih pah chuan a chempui hum lai nen chuan bawh rawp pahin a vai nghal zawt a, chempui lo thlawk thut hniam san zauh pah in a hnaihchilh thut a, Zamliana khabe ah chuan a lawk nghal bur a. Zamliana tha pe na lutuk leh rihna hloh laklawh chu pawnchhe paih ang chuan thingbul ngheng chuan a mu ta hle hle a.
Pasâltha Sângtuala chuan ‘midang duh ve in awm em’ tiin a melh kual ram ram a. Pasâltha Sângtuala mitmeng an hmuh chuan hlauin an kun ngaih hlawm a. Mualkunga chuan inring tak chuan silai hman mai theih chu a lo lek kawh mek bawk nen, tumah chuan chhang ngam an awm tak loh ah chuan ‘Kunga an vai sawn va phuar vek rawh, lo hnial deuh che an awm a nih chuan tumah dim hlek suh ang che’ tiin Mualkunga chu a hrilh a, Mualkunga chuan tha tho tak chuan a hma a mi pasarih te chu a hnungkhirh thuai a, a tawnna hrui a rinawm tawk tih a chian leh hnu chuan ‘hengho hi thlun beh chu a buaithlak mai mai alawm tih dan dang deuh a tih mai a tha lawm mi’ tiin Mualkunga chu a han phun zui bal bal a, a mi thlun te chuan an hlauh hmel kher mai. An zing a rawlthar deuh phei chuan a hlau zual tih hriat tak chuan a hmel chu a dang bai a, Thûamkunga chu pasâltha Sângtuala beng bulah chuan a han phun sap sup a , pawi sak neih hmel loh zet chuan chempui phawrh in rawlthar hmel dang lap bulah chuan a han kal a, ngawi reng chuan a chempui hriam var chuan an thlunna hrui chu zat chat hmakin an piah ruamah chuan a hnuk thla dawr dawr a. A rawlthar chu hlauh luat vang a dang lap chuan eng emaw sawi chuan a phun sap sap a, a hrawk a hnawhtu a vang chuan engmah chu a sawi chhuak thei lo mahse thih a hreh zia chu a mit mengah chuan a lang chiang kher mai. Rawlthar hnenah chuan ‘tu nge i hming, eng vangin nge Tuklawn pasâltha Bilhluaia te hi tiang a in tih ? I sawi loh chuan mitthi i ni nghal mai’ tiin Thûamkunga chuan a zawt zawi sap a. Rawlthara chuan a bul a mite pawisak neih hmel loh tak a vaibel siam kai mekte chu melhin ‘khawngaih takin min nun hram rawh u, engkim ka hrilh vek ang che u’ tiin a sawi thei hram a. Thûamkunga chuan ‘hun i ngah lo a nia, dam i duh a nih chuan tunah engkim sawi vek rawh’ tih pah chuan a chempui hum lai chu vai fua in, rawlthar hnung a thing ban puam tia chu a chhawk hmawk a. Rawlthar hlau lutuk chu te thawt chuan a let tawp a, pasâltha Sângtuala chuan tham thawh lawp pah chuan ‘naua hun kan ngah lo a nia, tunah sawi tawh rawh le’ a han ti dam thlap a.
Rawlthar chuan ‘ka hming chu Thangthuama niin Lal Zahuata khaw tui liak ka ni, kan pasâltha Zamliana ho a ramvak kan niin kan hlawhchham hlauh a, nimin khan khaw dang khual kal kan hmu fuh hlauh a, thi leh dar an phurh nual vangin kan khaw ram pelah kan lambun a, nichin a mi khan an Lal fapa chu a tlanchhuah pui thei hram a’ tiin Tuklan pasaltha Bilhluaia te an um chhan chu a han sawi a. Pasâltha Sângtuala chuan ‘a nih khawnge an thi leh dar phurh chu in dah tak ?’ tiin a han zawt zauh a. Thangthuama chuan ‘kan pasâltha khan khawiah nge a thuhruk ka hre hauh lo, nakinah kan insem dawn nia tiin a thukru a, a la dam chhunte chu kan lo um ta ngawt ngawt mai a ni’ tiin a han sawi a. Chutia an tawng mawlh mawlh lai chuan an thlangah chuan thing tang tliak rap a, pasâltha Sângtuala chuan ‘lo kal rawh u, hei thil pawimawh tak tih turin min hmuak e’ tiin a tawng deuh lang lang a. Thing phen atang chuan mi pangâ lai hi an lo chhuak a ‘hei engthil thar nge ni ta pek, hnute kham lo ram kal inchhar elaw ?’ tiin lo kal tharte chu an then sang a. Pasâltha Bilhluaia awmdan an hriat meuh chuan lo kal tharte pawh chu an hmel hmuh a nuam lo tlang ta kher mai. Rum nghutin ‘chutiang a nih chuan hrikhrah chu nuai bo ila ni mai lawm’ tih pah chuan chempui chu an phawrh ta suau a. Pasâltha Sângtuala chuan ‘hei sual puanna a nei mek a, nun dan sim a duh a nih chuan a chungchang chu kan la ngaihtuah tha dawn nia’ tiin Thangthuama chu a melh ralh a, beisei nei tak chuan ‘pasâltha khawngaih takin min nun hram rawh u, thih ngawt ai chuan in sâl ah pawh ka awm mai ang’ tiin a lo inrawlh vat a.
Lo kal thar pakhat chuan ‘khawnge pasâltha Bilhluaia chu a awm’ tiin a lo inrawlh leh zauh a, an chhak lamah chuan an chho ta thuai a. Thangthuama chu melhin ‘I awmdan tur chu buk thlen hunah kan ngaihtuah tha ang, kan pasâltha leh Lal fapa pawh kan rawn a nga, an nin in chungah thu tawp chu an siam mai ang’ tiin a han sawi a. Pasâltha Sângtuala chuan ‘hawh u buk lamah i kal ang u, kan pasâltha pawh enkawl vat a ngai a nia’ a tih chuan an han in melh zawk a. Thûamkunga chuan ‘nang chu kan mihliam te zawn an ngaih dawn avangin kan phuar rih dawn lo che a, tlanchhuah i tum vaih chuan i chan tur chu ngaihtuah tha hle ang che’ tiin Thangthuama chu a meh hrawk a. Thangthuama chuan ‘tlanchhuah ka tum hauh lo ang’ tiin phur tak chuan Thûamkunga hmaah chuan a kal nghal a. Pasâltha Sângtuala chuan ‘khai ule, kan hmanhmawh a ngai a nia, silai thawm khan kan thiante a ti phwklek awm si a’ a tih chuan hlang chu siam in, pasâltha Bilhluaia leh Lal fapa Khuangliana chu buk lamah chuan an zawn ta thuai a.
Buk an thlan chuan pasâltha Sukthanga leh Lal fapa te chhung chuan a ngaihna hre lo chuan an lo melh thap a, chanchin an sawi chuan Lal fapa nupui chuan hliam enkawlna tur tui chu a chhuang vat a. Satlâk khua ten Lal fapa an tih te chhung chu an mi mante chuan mak tiin an melh hrek hrek a. Eng emaw sawi chuan an phun sap sap a, thumum an neih hnu chuan ‘chutiang a nih chuan kan pasâltha hliam a dam deuh nghah nan zan thum emaw tal chu kan cham khaw muang a ngai ang, an khaw lamah kan thlah kawi zawk dawn nia’ tiin Ngiazoa pa chuan a han sawi a. Lal fapa tawng pai ang reng tak chu khual tlangvalte chuan an then khum sak sak a. Hriangngai khaw Lal Zahuata pasâltha Zamliana chuan ‘Satlâk Lal fapa chu a tawng va awn de daw ve’ tiin a lo nui huk huk a. Thûamkunga chuan tawng awn hnuai a kun phei chu a zahthlak hle lo maw ?’ tiin a lo chhang bung vut a. Pasâltha Sukthang chuan ‘kei pawh ka hmusitte hnuai a kun hi hrehawm leh zahthlak ka tih zawng tak a ni’ tiin a lo tuihnih ve sap a. Ngiazoa pa chuan Zamliana melh hrawk pah chuan ‘ve neh nuah che chuan le, tuitu hawlam ang khan phun nuah nuah la ti nia’ tiin a vaibel chu a siam kai zui san a. Satlâk tlangvalte chuan a nihna an zah sak dan a hriat chuan a thinlung tak chuan a lawm hle a, chuvang chuan Zahuata tawng pawh ngaina lo a ni zaawk chauh a. Pasâltha Sângtuala chuan ‘Nang pa kha i khabe sep fimkhur rawh aw, ka thil hriat duh ka hriat hun chuan in ngaihtuah buai lo in buhban ramah ka thawn hreh dawn hauh lo che ania’ tiin pasâltha Zamliana then nawk reng chu a melh ran a. Zamliana chuan ‘nang a zawhna te ka chhan duh i ring reng emaw ni chu le, hun remchang ka neih leh hmasak berah ka dah bo ngei ang che’ tiin a lo rum ngal ngal a.
Pasâltha Sângtuala chuan ‘ka zawhna i chhang dawn chiang khap e, ka duh bak min hrilh dawn chiang khawp mai’ tiin vaibel chu a fawp vang vang a, chutia an tawng mawlh mawlh lai chuan pasâltha Bilhluaia chu ‘nang pasâltha hming vuah tlak pawh nilo khan min hmachhawn ngam a nih chuan lo kal ta che’ tiin a lo tawngvai nawk nawk a. Thûamkunga chuan ‘pasâltha insum rawh buaina tur a awm tawh lo e’ tiin a lo chhang in, pasâltha Bilhluaia thawh tum chu a chelh bet thuai a. Tui a so chuan Thûamkunga te chuan an thiam ang ang chuan hliam chu an buaipuiin an vir buai hle a. Ngiazoa nu chuan ‘khawi dawngawm teh u, kei man ka lo buaipui teh ang’ tiin mipa ho chu a hrilh a. Pasâltha Sângtuala chuan ‘ka u, hmeichhe buaipui chi a nilo, a hliam a nasa emai’ tiin a lo chhang a. Ngiazoa nu chuan ‘nangni ai chuan ka thiam zawk tho ang, khaw nge’ tih pah chuan puan pawt thlerin a han su fai nawk nawk a, tuilumah chiah in pasâltha Bilhluaia thi khar in bawh nuaih chu a hru fai zung zung a, a dar leh nak a silai mu thawina a tang chuan thisen lar tak chu a lo hnam tiam tiam leh a, chumi tihreh nan chuan pawnchhe rawh vap chu belin hliam chu an han tuam sak hnu chuan pasâltha Bilhluaia chu amuhil leh ta bawrh bawrh a. Lal fapa Chhuanthanga erawh chu reilo teah lo harh in, a chau zual pui a reh chuan a tawng peih tan ta mai a. Ngiazoa nun chaw haitho a han peh hnu phei chuan hlauh tur a awm tawh lo nen, a mah pawh a tha sawt kher mai, an lambun dan chanchinte sawiin ‘a nupui man hlan tur a kal an nih dante, an mmi pelhte mitmeng a danglam riau a pasâltha Bilhluaian a hriat vang a a hrang deuh a kal an nih vnag a him an anih dan te a sawi chuan an lainat tlang kher mai.
A thusawi pah a pasaltha Zahuata a nui sawng hmel a hmuh phei chuan a rilru nat a zual tih hriat tak chuan a hmelah chuan thinrimna a lo langin a tawng chu a bah deuh nak a, a thusawi tawp lamah phei chuan chempui chu melh ralh ralh in a tho ta tharh a, pasaltha Zahuata lam pan pah chuan ‘nangmah vang a thihna hlim kawr ka zawh chu, nuam I sa hauh lo ang maw’ tiin thinrim tak chuan a han pan a. Pasâltha Sângtuala chuanb ‘Lal fapa insum deuh rawh khai, thi leh dar a dahna kha a mah chauh in a hre si a, tun a tan chuan insum a tha rih e’ a lo tih takah chuan ‘saw misual leh duham pa saw chuan engmah va sawi duh suh, a sual dan reng mai saw dam ve tlak a ni mawlh lo’ tiin a ang zui barh barh a. Pasâltha Zahuata chuan ‘kan Lal fapa nep tak chuan phuar beh a chauh maw a vau ngam, nep lutuk mai’ tiin ngaihnep hmel tak chuan a then khum leh nang a. Tlangval thenkhat chuan sakhi pathum leh vahrit pangâ lai hi an lo hawn a. Pasâltha Sângtuala chuan ‘kan pasâlthate zarah zanin chu satui hang kan hawp leh dawn zu nia, khawnge I han puah thuai mai teh ang aw’ tih pah chuan chempui hriam bak hlar chu a han phawrh nghal a. Tlangvalte chuan ‘pasâltha lo va thu rawh u, hei kan awm a lawm’ tiin an lo nam laih laih a. Pasâltha Sângtuala chuan eng emaw chu a han sawi zauh a, tlangvalte chu hlim tak chuan thensak in zawi te te chuan an phun sap sap a, a khat tawk chuan an nui leh hak thin. Sa an chan zawh chuan Ngiazoa pa bulah eng emaw sawi chuan pasâltha Sângtuala chu phun sap sap a, an mi mante chu an ngaih a thalo kher mai le. Zanrian an peih chuan ‘kan mi mante kha chu kan ei zawh ah kan eitir mai dawn nia’ ti a Lal fapa in a sawi chuan, pasâltha Hrangzika chuan ‘nangni chaw kha a them pah ka liak lo a nge’ tiin lehlam chu a hawi fi vei hmak a. Pasâltha Sângtuala chu tlangvalte beng bulah chuan a han phun sap a, tlangvalte chu hlim taka then sang chung chuan an mi man an thlun khawmna lamah chuan an kal thuai a. Pasâltha Sukthanga chuan a ngaihna hrelo tak chuan ‘eng chu an ti dawn ni maw ?’ tiin tlangvalte chu a thlir zui reng a. An mi mante pawh an hlauhthawn a zualin tang ngam heklo le, hreh tak chuan tlangvalte tih ang ang chuan an wam tawp a. an sachum rim thli beng zawng tak chuan thingah chuan an phuar bet mawlh mawlh a, sachhum rim an hriat chuan an mi mante chuan an riltam zia hriain an kua chu a ri zui rum rum a, hlim tak a Satlâk tlangvalte chaw ei chu chil lem khawlh khawl chung chuan an thlir ran a. Sa thar lam leh chaw haitho nen hlim tak a an nui pah bawk bawk an hmuh chuan an thiltih thatloh zia hriat chhuah tirin, an pawi ti chuan ban a pel vawng vawng hial a.
Satlâk tlangvalte chuan chaw an ei kham chuan an ei nawi chu tifai in vaibel tan chuan an ti ti laih laih a, a khat tawk chuan an thum leh hak thin a. Lal Zahuata pasâltha Hrangzika chuan a tawng hma lutuk chu a inchhir ru tawh kher mai le. A leh lamah chuan an ro dahna a mah chauhin a hria chu tifuh a in ti kher mai, a rilru kawm a thil dang daih a ngaihtuah lai chuan, a bul a thawm hriain a han en chuan a bul a midangho chu hruaiin Satlâk tlangvalte an lo kal sawn mek a, a naute melh chung chuan ‘a ngam chuan chaw chu ei ula, in chetdan hi ka theihnghilh mang mang lo ang’ tiin a au tial ruai a.Thûamkunga chuan ‘a ve leh chiam chiam che chuan, kaw ruah hrehawm zia i tem chian hunah chuan i naute fin zia i hre chhawm mai ang’ tiin a nui var var a. An pasâltha thusawi chu hreawm pawh a awm lo chuan an hma a sakhi sa leh chaw changel hnah a khawrh vum thar chu an bar ta bawrh bawrh a. Chaw kawpuar ei lo an ni bawk a chaw pawh an ei tam kher mai, zanriah an eikham chuan Satlâk tlangvalte chuan an vaihlo chu lo pe in an ni pawh an thla a muang huai tih hriat tak chuan an ti ti ve sarh sarh tawh a. Chutia hlim tak a an ti ti lai chu pasâltha leh Lal fapa te chuan an lo thlir in eng emaw chu zawi te te chuan an sawi sap sap a.
Pasâltha Sângtuala chu Lal fapa bulah chuan eng emaw sawi chuan a phun sap sap a, uluk tak chuan an lo ngaithla in an bu nghat nghat hnu chuan an nui ta var var, pasâltha Sângtuala chuan an thian tlangvalte chu fin in eng emaw sawiin an nui ham ham a, Thûamkunga chuan a mang lam a nula hmeltha a hmuh thu leh a chetpui dan a sawi chuan an nui hluah hluah a. An hmabak a la thui em avang chuan mut zai an rel ta a. Zanah chuan râl veng pawh indah lo chuan an mu ta vek a, Khuan hmasa velah chuan Hriangnai khaw pasâltha Zamliana bulah chuan rawlthar Thangthuama chu thawmdim tak chuan lo kalin, pasâltha Zamliana beng bulah chuan ‘pasâltha i tan ka tih theih tawk hi min hriat sak dawn nia, kan thiante pawh dem hauh suh ang che, ti hian kal ta vang vang la keini erawh chuan chhuahruk dan kan lo ngaihtuah mai dawn nia’ ti a phun sar sar pah chuan bapui chhumhmin lian tha tak pahnih leh iptepui chu a hmeh bel thlawp a. Pasâltha Zamliana chuan ‘tunah min lo zui ve mai rawh hun dangah chuan thil a khirh lutuk ang’ tiin a lo chhang thuai a. Thangthuama chuan ‘tun a ka lo zui ve che chuan kan thiante tan a hlauhawm lutuk ang, nang hi kan khaw tan a i pawimawh vangin kal vang vang zawk mai rawh’ tiin buk lam chu a pan sa thuai a. Pasâltha Zahuata chuan rawlthar buk chhung a lut mek chu thlirin ‘ka lawm e, i naupan ang bawk hian i mawl a nih hi mawle, ka rosum chu tlem a zawng i châng ve ngei ang mawle’ ti a phun sup pah chuan bapui chum hmin keih zauh zauh chung chuan hmanhmawh leh thawm dim tak chuan a kal liam ta nghal a.
Rawlthar Thangthuama bukchhung a luh hnu chuan pasâltha Sângtuala te thianzaho chu zawimuang in an tho tham tham a, an hmanrua chu la in, pasâltha Zamliana chu an zui ta tham tham a. Thim tinin zing ni chhuak tur pawh chu kawlah a lo eng tan ta ruih a, zing eng lawm nungcha te chuan ngawpui hnuai chu luahin an chiar nak nak a. Pasâltha Sangtualate pawh chu zawimuang chuan a kal zel a, an hma lawkah chuan sakhi hi a huk pap pap a, Thuamkunga chuan ‘a ui ang chu aw, silai lah chu a keng tawh hauh mai silo a’ tiin a then suk suk s. Nui ring ngam silo chuan an in then khum sak sak hlawm a, mual thum an kan leh hnu chuan patling ektum lian tha lerh lawrh khu vang vang chu an hmu ta, Thûamkunga chuan zuan khum zauh pahin ‘kan naua chu a va tuah tawh em ve mawle, a rim lah chu a tak phian leh nghal a’ tiin a ner nung . Thûamkunga ner nung chu nuihin ‘ngawi hle hle teh, neng nung roh che hian’ tiin Mualkunga chuan a khak hlak a. Thûamkunga chuan ‘a ve mai mai chuan, naupang te te ka tlawh zi zawt dawn che’ tiin a tin uaih a. Pasâltha Sângtual chuan ‘insum teh u, naupang chhia leh lutuk’ a lo tih takah chuan ‘rem changah ka la bin zi thawlh thawlh ang che maw’ tih pah chuan fimkhur tak chuan hma hruaiin Thuamkunga chu a kal leh ta nghal a.
Chhun chaw fak hun chuan Hriangngai khaw ram chu an thleng tawh a, mual thuam an kal leh chuan an pian kawr a khuh khar kharh thawm chu hria in, fimkhur tak chuan an vehhnai tham tham a. Hriangzaig khaw pasâltha Zamliana chu a mah chauh chuan kawr a tui chu a lo in bawrh bawrh a, tui a in zawh chuan lungpui phenah chuan a kun vang vang a, lung a dar han in khak zauh chu hriain uluk tak chuan an melh thap a. Hriangtlang pasâltha Zamliana chu nui sung chung chuan a lo lang leh in, puankawp hian thil fun lian tak hi a lo khai chhuak hnawk a, Nui sung chuan a chhehvel chu melh kualin tumah an awmhnai lo a a hriat hnu chuan puan suih chu a han phelh a, thi leh dar chu a lo awm ruih a. Pasâltha Sângtuala chu melh thapin a ni chu a ngawi vang vang a a thiante melh kual pah chuan a lu chu a thing mat mat a, an mi en thlak pa chuan a puankawp chu suih thain a hawi kual ruai a, dar chu lung phen hmun khatah chuan a dah fel hnu chuan, thi chu inchhung dun awm a lung hnnuaiah chuan dahin lung chuan a chhin hnan leh ta a. A han hawi chhuak leh chuan an khaw pahmei berh ve tak kawrte dung a chakai khawrh chu a hmu a. Pasâltha Zamliana chuan a mi hmuh pa chu a melh vang vang hnu chuan ‘pu Laizik kha chakai i khawrh a ni maw ? I hawng taw hang hmiang kan khaw dinhmun a him vak lo a nia, kal pahin thi awmdan chu ka hrilh mai dawn che nia’ tiin a han au nghal lang lang a. Pu Laizika lah chuan an pasâltha thusawi chu a ring tih hriat tak chuan an bulhnai chu a melh phawk nghal kher mai. Pasâltha Zamliana chuan ‘kan ramchhuak kha kan tum a fuh vaklo a, ka naute chu an thi zo tawh in ka ring kei erawh chu harsa akin ka lo tlanchhuak the ihram a ni’ tiin a chanchin chu a han sawi zui luam a. A thusawi laklawh lai chuan ‘ka vaibel pawh ka hloh daih a, khawngaihin I vaibel min lo hawh ta mai che’ tiin a han dill eh rih a. Pu Laizika chuan ‘hawh aw, vaibel chu ka neih ve zawng tak a lawm’ tiin a vaibel leh vaihlo fun chu a han pe a. Pasâltha Zamliana chuan vaibel han pak khuk hlat hlat pah chuan ‘ka vaibel zuk tawhah chuan a la tui ber, vawiin nileng vaibel ka nghei chu ka kâ a titek mai dawn a lawm le’ tiin a hawi valh valh a. A bul a mi hawi buai nak leh hlauthawng hmel a hmuh chuan a nui ru tat tat a.
An kal liam hnu chuan ‘kha kan chhuah ta ngawt chu a nia, engtia hmalak chi nge ni dawn’ tiin Thuamkunga chu a hawi lawl lawl a. Pasâltha Sângtuala chuan ‘khatia kan chhuah khan kan tan hna a awlsam zawk ngei ang’ tiin zan lam a an ruahman dan chu a sawi fiah a, a khat tawk a hnim hnah a thliah zauh zauh chhan chu an hrethiam ta a. Mualkunga chuan a u chu ngaisang tih hriat tak chuan a thlek ha a, nui var var chung chuan ‘kan mihrang zet chu a fin pawh I lo fing tak zet e, kan chemhar zawngah awm la chuan a thi hmasa pawlah ka tang ngei ang le’ tiin a nui tat tat a. Pasâltha Sângtuala chuan ‘hawh u, kan hmalam a mite in buatsaih dan chu i thlirpui teh ang u’ tiin hmahruaiin Hriangngai khaw lan chian theihna laiah thingah chuan an lawn far a. Hriangngai Lalin ah chuan tlangvalho chu an chuang lut zut a. An lo chhuah leh chuan hmanhmawh tak chuan khaw luhka lamah chuan râlveng tur tlangval eng emaw zah chu an in dah ta thluah a. Pasâltha Sângtuala chuan ‘mihring hi tiang khawp hian a ni maw a lo suaksual theih chu le’ tiin a ngaihtuah nauh nauh a, Râlvengte hmuh loh a Lal in thlen theihna awm chu melhin vaibel chu an fawp khu hlat hlat hlawm a. An duh tawk a khua an chuan hnu chuan pasâltha Sângtuala chuan ‘hawh ule kan thiante I lo zu nghak tawh ang u’ tiin fimkhur tak chuan kawr awmna lamah chuan an ni tlak dawn suar suar chuan an chhuk leh ta dam dam a. Lehlawn Lalnu Muanzoi bapui pai chu an keih tawn tawn hlawm a. Thuamkunga chuan ‘pi zawn neih that chu a hahdam dawn riau mai ka ti, kei pawh tiang ngei hi a ni ka zawn dawn ni’ tiin pasâltha Sângtuala chu a melh ralh ralh a.
Nuih rah rah pah chuan ‘nang ve kha chuan khawiah tu va chhai thlu lo tur che, tuikhur kawng chhak hmang tangkai hle la a ni mai a’ tiin a lo chhang zauh a, zanrian ei hun chuan pasâltha Sukthanga te an lo thlen chuan chanchin chu an sawi chuan ‘engnge ruahmanna I neih dan’ tiin pasâltha Sângtual chu a han rawn a. Pasâltha Sângtuala chuan tiaupho chu a han hui fak pawp pawp a ‘helai hi chhuahka niin râlveng an awm a, tawn tlang huphurh awm a ni lo nangin tullo a nunna laksak theih a nih vangin, he lai zawnah hian a luh theih hmel a, chuan Lalin pawh a hla lo a. Tlangvalte lak a tharum thawhnghal mai loin Lalin ah kan thiante hi kan hruai luh a ngai hmasa ber a ni, Thuam thian nagnin thi leh dark ha lo va la chhuak ula, kan khual thiante pawh khan an ro lak chu an belhchian duh takin’ tiin a han sawi a. Pasâltha Sângtuala thil hriatthiam dan an hriat chuan Hriangngai tlangvalte mak ti chuan ka hauin an melh tlawk tlawk a. Rawlthar Thuamkunga chuan ‘I hank al tawh elaw’ tiin pasâltha Sângtuala chu a zawt ta hial a. Nui chung a lu thin mat mat pah chuan ‘tunge khawibel bu chhunah kut lawngin la ngam ang le’ tiin a nui var var a. Thûamkunga chuan ‘kha nangni ho khan in rosum hi lo khai chin teh u, a tak vei nalh a sin’ tiin Hriangngai tlangvalte chu a hui zauh zauh a. Inthiam lo hmel deuh tak chuan an inmelh thap hlawm a. Thûamkunga chuan ‘a va mak neng nawng hlawm ve mawle, lo kal vat teh u’ a tih leh tak chuan hreh takin dar chu an chhawk phei nghal a.
Pasâltha Sukthanga chuan ‘khawnge chutiang khawp a pasâltha chil tiput tu chu i han bel chiang ang u hmiang’ tih pah chuan thi leh dar tuamna puankawp chu an phelh a. Hriangngai tlangvalte chuan ngawi reng chuan an rosum chutiang tak a rang a an hmu chhuak thei chu mak an tiin pasâltha Sângtuala chu an chung en tawlh tawlh a. Pasâltha Sukthanga chuan ‘aw le, kan pasâltha remruat ang khan kan kal a nga, a tawp khawkah lo chuan tumah thisen kan chhuah tur a nilo, a tul tawpah erawh chuan tuman kut kan tim tur a nilo’ tiin a sawi zawh chuan Hriangngai khawchhung lamah chuan fimkhur tak chuan an in zui chho ta dam dam a, chetsual palh a vengtu a tan Thûamkunga leh Satlâk khaw tlangval dang sawmhnih te chuan an thiante chin nghaichang an awm thap hlawm a. Hriangngai tlangvalte pawh chuan thawamdim tak chuan Satlâk tlangvalte chu an zui zel a, harsa lo tak chuan Lalin chu an pawh thei ta mai a, tawhm ngaithla in an ding hlek a, inchhung lamah chuan zawite a tawng thawm leh a khat tawk a aw thian kharh thawm lo awma danah chuan an muk tlang hle tih a hriat theih a.
Pasâltha Sângtuala chuan Mualkunga leh tlangval pangâ chu sumhmun a ding tur chuan a bekbawrh sar sar a, khuh kharh kharh pah chuan Lalin chuan luh dilin a ngam pat danah chuan khawtua tlangval a nilo tih a hriat hauh lo. Inchhung lam a tang chuan lut tur a aw thum chhur hian lo chhawn in pasâltha Sângtuala chu tim hauh lo chuan a pen lut ta nghal a. An rin loh lutuk a pasâltha diar khim vang lo nui lut var var leh a hnung a khual tlangval sawm dawn tho lo lut an hmuh chuan, Hriangngai khaw Lalnu hlau lutuk chu mangang leh hlauthawng tak chuan a mengbial kal kal a. Pasâltha Sângtuala chuan ‘ka pi hlauthawng hauh suh, remna duh a lo kal kan ni e’ tiin Lal bul a an pasâltha Zamliana chu a melh ding nghal nalh a. Pasâltha Zamlianan a beisei hauh loh a Satlâk pasâltha leh a hnungzui tu eng emaw zat a hmuh chuan Lal banglai a silai chu a melh zauh zauh a. Pasâltha Sângtuala chuan ‘nangpa khan atthlak takin engmah ti hauh suh ang che, ka sawi tawh ang khan remna duh a lo kal kan ni ka tih tawh kha’ a ti hul hak a. Hriangngai Lal Zahuata chuan ‘khawi lam khualte nge in nih a, engthilah nge in lo kal a’ tiin ringhlel tak chuan a melh zauh zauh a, khual valte lo lan hnu a a pasâltha mitmeng a zamna lo lang a hmuh chuan Lal Zahuata ngaihtuahna chu a vak thui kher mai le.
Khual lam atang chuan pasâltha phanchang tawh tak chu lo pen chhuakin ‘Lalpa keini hi Satlâk khaw tuiliak kan ni a, hei hi kan pasâltha Sângtuala a nih e, eng emaw thilah ti hian kan lo thawn thut che u a ngai a, in mi hriatthiamna kan ngen e’ tiin a han sawi charh charh a, Lal Zahuata chuan ‘in chanchin chu ka lo hre tawh a sin, hei ka pasâltha Zamliana hian kan khaw run tum a lo thawkchhuak in nih thu a sawi a, ti hian kan khua chu kan râlkhel mek a nih hi, ka thah lohna chhan tur che u eng emaw sawi tur in neih chuan sawi hun lai tak a ni’ tiin zam hauh lo chuan a hma a Satlâk tlangvalte chu a melh ran a. Pasâltha Sukthanga chuan ‘chu I thil sawi vang tak chuan a nia kan lo thawn thut che u ni, I pasâltha chuan engthu nge a lo thlen a’ tiin a hma a mi chu a melh ding ngar a. Lal Zahuata chuan a hma a khual valte chu ngun tak chuan melh in an hawiher ah chuan misual ni thei hian a hre thei lo a ni, bakah khawtual tlangval râlvengte pawh awlsam tak a paltlang thei an ni chung a, tharum thawh tum hauh lo a thu tha lam an zawng tlat mai chuan Lal rilru chu a hneh rut lat mai bawk a.
Hriangngai khaw Lal Zahuata an a chhan dawn lai tak chuan ‘Lalpa rem I tih chuan heng khualho hi tlangvalte nen tuibur hmuamda chhung lekin kan ching fel thei a nia’ tiin pasâltha Zamliana chuan a lo chhawn var a. Lal Zahuata chuan ‘ka pasâltha sawi ang chuan tuibur hmuamda chhung lekin kan that thei reng che u a, engthil ber chu nge sawi in tum ?’ tiin a han zawt nawn leh a. Zahuata chuan ‘Lalpa an thusawi tur ngaih pawimawh a tul a mi, ti khawp hian kan khua min ti râlkhel in nunau an chiai tawh hnu hmanah an eng thu nge maw kan la ngaihthlak sak ang le’ tiin a lo chhan khal leh vat a. Pasâltha Sukthanga chuan ‘I dawt sawi kan han lan chu I hlau hle mai maw ? I duham vang a nun chante thlarau pawh I zah miah na nge ?’ tiin a chhang chang fak a. Lal leh khawnbawl upate chu mak tiin an hawi phawk ta hra a. Zahuata chuan ‘in thusawi chu han sawi chiang thuai teh u, ka dawhtheina hian a tlin rei dawn hauh lo che u a nia’ tiin Satlâk tlangvalte chu a melh ralh ralh a. Pasâltha Sukthanga chuan ‘Lalpa I pasâltha duham na vang a nunchan te vang a lo kal kan ni’ tiin thil awmdan chu a sawi ta vek a. Pasâltha Zamliana chuan ‘nangni zet chu dawt sawi pawh in thiam mar hle mai maw, kan khawtual ngeiah dawtsawi mitmeng danglam hauh lo in dawt min puh a, in chetdan hi ka ngai thei ta hauh lo mai’ tiin a phun bul bul a.
Lal Zahuata chuan ‘ka pasâltha chetdan chu in sawi awihawm hle mai tak a, engnge fiahna in neih a, tiang a ka khaw daingul in sawi hmingchhiatna hi fiahna in neih loh chuan ka tha en dawn hauh lo che u a nia’ a ti ram hmak a, Lal Zahuata hmel chu hmuh a hreawm tan kher mai . Pasâltha Sukthanga chuan ‘Lalpa kan thusawi fiahna chu kan nein a meuh mai lo nghak hlek rawh’ tiin lehlam hawi chuan a lu a bu nghat a. Satlâk tlangvalte hnung thim chin atang chuan thi tawh a an ngaih an khaw tlangvalte chu him pial hian Lal mei engah chuan an lo in zui ta dam dam a. Pasâltha Zamliana hmel chu mak tihna leh thinrim na in pawlh nawk chuan a hawi kual ruai a. Lal Zhuata chuan a pasâltha Zamliana chu melhin a hmelah chuan zawhna chu a chhiar theih a, pasâltha Zamliana chuan ‘nangni ho hian min tih der vei maw’ tih pah chuan Hriangngai tlangvalte lamah chuan a tlan thut a, rawlthar Thangthuama khabe kualah chuan a lawk nghal bur a, midang a khawih leh tur chu pasâltha Sângtuala chu tlan chhuak zawkin a kut chu a vai phe zawk a, Hriangngai pasâltha chu a leng lawpin Lal char bang deng dawt in a mu zawi ta der a.
Lo chhiar mam leh ngawt mai teh u,a pulung in ka rawn nwr liam leh ta ngawt e
BUNG – 162
( Ka AC a chiang kuang thei lo bakah, ka zin ve khang lang a, hunawl ka neih mai loh vangin ka lo he ti thei hram a ni e. Ka dah lo kar zawng ai awh zo ngei tur a sei ka lo dah tawp e)
Pasâltha Sângtuala chuan ‘ti hian lo va kal hmasa ta ula, naktuk lamah lungtian khuaah lo nan hman che u kan tum a nge’ tiin pasâltha Sukthanga chu a hrilh a, a ni pawh chuan hrethiam takin ‘nia kan lo nghak dawn che u nia,tluang takin va kal tawh u’ tiin a lo chhang thuai a, hmanhmawh takin pasâltha Sângtuala te thianzaho chuan Lehlawn khaw lam chu an pan ta vang vang a, ramri kawr an thlen chuan chhun chaw fakin an chawl muang zawk a, an thian thi te thlaih chhiah nan an chaw fun pakhat leh vaihlo eng emaw zah chu lungchungah dahin Lehawn lam chu an pan leh ta vang vang a. Lenglen hun tlai lam tawhah Lehlawn chu thlengin an khua a ralthuam famkim nen a tlangval sawm dawn lai lo lang thut chuan Lehlawn tlangvalte chu a ti râlkhel kher mai, an hriat chian hnu chuan hlim tak chuan an chibai laih laih thung a. A khaw râlkhel chuan Lal in chhung pawh a luah thuaiin Lal Zamloan pasâltha Sângtuala te thianzaho a hmuh chuan ‘e khai ka fapa min lo va tlawh khat em em ve, min lo tlawh boruak lah chuan min ti phawklek hman viau a sin’ tiin a mah ngei chuan zu tuitling chu seki no khat pum chuan a han pe nghal a.
An kal chhan an hriat chuan Lehlawn Lal in chu a reh nghal duk a, Lalnu chuan ‘aw Mamtei mah a awm tawh lo tih nak laiin, nang leh zelin min han awm loh san dawn a nia’ tiin hmeichhe lungno tih takah rawlchhuah meuh chuan a tap ta rawih rawih a. Thûamkunga chuan ‘e khai Lalnu khatiang tur a ni lo e, kan va kal a nga khuanu zarah tluang takin kan lo let leh ngei ang, khatiang a nang ber i awm chuan kan ngaih a nuam nang le, malsawmna nen min thlah zawk dawn lawm mi’ tiin a lo in rawlh vat a. Lalnu tap thawmah chuan thenawm hnaivai chu an lo tlan lut thuai a, Lalin chanchin an hriatchian chuan pasâltha Sângtuala te chu kallo mai tur chuan an lo thlem ve laih laih hlawm a. Tawng duhthawh zualte phei chuan ‘kan mi hriatchian lohte vang mai a nunna hlu tak han dahkham chu a tul meuh emaw ni, khua him tak a an chhuah san chuan kan mawh a nihna pawh ka hre lo e’ tiin an lo phun zauh zauh hlawm a. Pasâltha Sângtuala chuan ‘in sawi pawh a dik khawp mai, khuanun kan nun a duan dan lah tun kan hrelo a, keini a kar a min ui derna hi kan tan chuan a hlu khawp mai. Amaherawhchu, kan hriat mi pawh ni mah suhse kan mihring pui an ni miau a, kan sezawl chhuah ngawt thei lo a ni e, Thûam thiana sawi ang khawn rei thang lo in tluang takin kan lo hawng leh em turah ngai ila, kan thang rei ta deuh a nih pawhin nangni kan bul zawkte in awm a vangin kan thla a muang hle a ni tih min hriat sak kan duh a ni’ tiin in thlahna chu a han sawi charh charh a. Lalnu chuan mittui kar a tang a khual valte melh kar chung chuan ‘khuanu chuan hualhim in veng mawlh chec u rawhse, tluang takin va kal ta ula, in lo kir leh veleh Mamtei thlaihchhiahna hun pawh kan hmang dawn nia, Mamtei pawhin a lo nghak reng tawh ang che u, zanriah han ei phawt ula, ka va kalpui dawn che u nia’ tiin mittui hru zauh zauh chung chuan chaw ei chu a han siam sak a. Pasâltha Sângtuala chuan Lalnu Muanzoi chaw ei siam chu ngawi rengin a han pui a, Lalnu chu eng emaw sawi tum chuan a ang zuai tak nangin ngawi reng chuan a siam zawm leh ta mawlh mawlh a. Lal leh khawnbawl upate pawh chuan ngawi rengi pasâltha leh Lalnu ei siam lai chu an lo thlir ngawi thap a.
Zanriah chu han kil mahse tumah chuan an eitui lo in a hming chauh mai chuan an kil hlawm a, pasâltha Sângtuala bul chetah chuan Lal Muanzoi chu mittui hru zauh zauh chuan a thu sawp nalh a. Lal Zamloa lah inthiam lohna chu zualin zu chu seki nokhat chuan a tlak pup pup reng a, khual valte chuan an ei na vel an tih fel zawh chuan ‘Hawh ule, Mamtei chu i va tlawh tawh ang u le, insum a har ka va ti tak em min dem hauh suh u aw’ tiin pasâltha Sângtuala darah chuan a kuah a rawl chhuah lo chuan a kal tap khur char char a. Lal Zamloa pawh chu ngawi reng chuan tho nulhin a nupui hnungah chuan a kal kun lup a, a nupui tlu tur han in chhuih pai khat chu ngawi reng chuan a lo dawm chut a, a nupuiin a kut a vai per lawp chu ngai haw duh lo in ngawi reng chuan a kal tha ve mai bawk a. Khawnbawl upate pawh chuan Lal chu ngawi reng chuan an zui dal dal hlawm a. Thlan awmna an va thlen chuan enkawl ngun tih hriat tak chuan Ngurpuii thlan chu a lo fai hlarh a, Lalnu chu insum thei tawh lo in ‘Mamte hei I hmangaih leh I ngainat te chuan an lo tlawh che a sin, eng a ti nge I ngawih reng, Sângtea te thianzaho hi I lo chhawn dawn lo a mi ? tiin a tap ta rawih rawih a. Lalpa Zamloa insum theihna keh in ‘ka fanu kei I pa hi min ngaidam hram rawh aw, ka hma sialna leh i nawm zawkna a nih ringin ka ring ka lo ti khawng lui a, kan he ti zo ta a nih hi, Mamte min ngaidam hram rawh aw’ tiin rawlchhuah meuh chuan a tap ve ta a.
Tuibur hmuamda vel zet thlan a an tah hnu chuan ‘Thiante u, kan mi lungduh chu ti mai hian a awm ta a, kan hma lam a tih tur kan ngaihtuah a hun e’ tiin Thûamkunga chuan a han sawi ban chalh a. Lal Zamloa chuan ‘Thûama sawi hi a dik a ni, nunhlui leh tuibaw hnu chu a liam tawh a, kan hma hun leh kei mahni a in nghatte hi kan ngaihtuah a ngai a ni’ tiin a sawi lawi rut a. khawnbawl pakhat chuan ‘hawh u i hawng tawh ang u, hetia kan awm reng chuan kan thiante leh kan khua ten hrehawm an ti lutuk a nge’ tiin a han tuihnih ve bauh a. Pasâltha Sângtuala chuan ‘lo va kal ula, ka lo um pha leh vat ang che u’ tiin a lo chhawn a. Midangte chu an han tawi muang deuh a ‘hawh u, kan pasâltha chu a ngaihtuah awm loh ang’ Lalnun a tih chuan ngawi reng chuan khawchhung lam pan chuan an kal ta dial a. Pasâltha Sângtuala chuan ‘Ngurpui, ka va ngai thin tak che em, I tello a nun a lo hrehawm thin zia te, ka tan I hlut zia hi ka hre chhuak deuh deuh thin, pialralah chuan tuma pawhthen rual lohin kan leng dun tawh ngei ang, dam takin kan lo kir leh thuai dawn nia’ tiin a phun sap sap a. Zawimuangin a thiante lamah chuan a kal ve ta hnak hnak a. Pasâltha Sângtualan Lehlawn Lalin a va thlen chuan Lalnu Muanzoi chuan sarep leh bapui chhumhmin lian tha tak tak chu iptepui khat lawih chuan a lo thun sak mek a. Zan riak tur chuan an ngen luih tlat a vang chuan Lal inah chuan hreh takin an mu ve ta a, Ngurpuii ruang an dahna ah chuan pasâltha Sângtuala mutna chu an siam sak a. Khuan hmasa ah chuan pasâltha Sângtuala chu a muhil ve ta hram a. A mangah chuan ‘Sângte, kei ve teh lul min lo hre reng duh hi ka va lawm tak em. Pialralah ka lo nghak reng che a nia, nang chu hringmi I la nih vangin kawppui nei la, I fa hmasa berah mipa fa nei in a hmingah Thuamluaia I sa dawn nia, kei mah ringawtah hian hun khawh ral duh ang che aw’ tiin mittui khap per chhak chhak chung chuan a lo sawi a. Pasâltha Sângtualan a chhan dawn chiah chuan ‘tho tawh rawh, delhhlum sa ei I tum a mi ?’ tiin Thûamkunga chuan a lo sawi harh a, pasâltha Sângtuala chuan ‘ninawm det dut lutuk mai, ka la tho peih lo e’ tih pah chuan a in builukhuh zui hmak a. Thûamkunga chuan ‘a mai mai chuan i va han tho dawn chiang tak em’ tih leh pawn chhuah a rual thuak a, tui hmunah kalin thawl nen mutna lam chu a pan a, Lalnu Muanzoin an thiandun infiam dan a hmuh chuan a lo khi suk suk a. Thûamkunga chuan pasâltha Sângtuala in builukhup chu keu sawt sawt in tui chuan a theh thawt a ‘chhe heu, khati zawng khan maw ni dawn’ tih pah chuan a han bawh thlu nghal rawk a, an in chai chu an ri ta rum rum a. Lal Zamloa chu hmanhmawh tak chuan inchhungah a tlan lut thuai a, khum bul a Thûamkunga te pahnih lo in leh thal zak zak a hmuh chuan ‘nangni thianho mai mai thin hi a, min ti hlauthawng hman a lawm le’ tiin a nui hui a. Thûamkunga chuan ‘Lalpa a zing tho thei lo hi kan buaipui ru deuh tlat a ni’ tih pah chuan a puanven phelh deuh nuaih chu a veng tha mawlh mawlh. Lal Zamloa chuan ‘kan vanglai min ngaih tir mang e, in lo hawn leh hunah a lo berah kar khat cham turin min lo tlawh ngei tur a niang, nangni thianzaho nupui man tur chu ka mit men lai a nih phawt chuan ka tum vek ang’ tiin a han sawi zawm a. Thûamkunga chuan ‘Lalpa nge nge a ngilnei thin e, nupui man tur ber I tum dawn phawt chuan bawp pali a han zal ar ar chu ka suangtuah fo tawh a sin’ tiin a khi zui var var a.
Lalnu Muanzoi chuan ‘Thûama, i pu ve hi chu tar at hian a chenchilh ve deuh tawh a, a thusawi ve kha chu men ah thlak sak rawh u’ tiin a lo inrawlh ve zauh a. Lal Zamloa chuan ‘mawi a, a mah zawk kha a nia, hmanni pawh khan a tuthlawh ken lai a zawng vak tawh a nia’ tiin a han fiam ve zauh a. Thûamkunga chuan ‘chutiang a nih zawngin ka nupui man tur awm vel chu kan lo hawn ve leh zan khat riakin lo lak mai tur a nih chu, pute thilruk va awm ngai suh’ tiin a khi sang a. Lal Zamloa chuan ‘chutiang tur chu a ni, pute thil ruk a awm ngai lo a nia’ tiin a lo tuihnih ve . Pasâltha Sângtuala lo tho chu an inchaina lamah a kiu chu a pilh deuh phang a. Lalnu Muanzoi chuan ‘hawh awi Sângte hei hi hnawih rawh’ tiin vawkhriak a lo pir chhuak a, Thûamkunga chuan ‘ka pi, hetiang hian min en hrang bik dawn a nih chuan ka lo kal tawh hauh lo ang’ tiin lehlam hawi chuan a thu kun ngaih a. Lalnu Muanzoi chuan ‘Thûampui, naupang te chu ngaihtuah an ngai a upa zawk i nia lawm, khaw nge i kut chu min lo hmuh teh’ tih pah chuan vawkhriak chu a han pir chhuak leh tawn a. Thûamkunga thu kun deuh ngun khup leh kiu pilh deuh phungah chuan a han hnawiah sak a. Pasâltha Sângtuala in phih zo lo luh chiah chuan Lalnu chuan chaw ei chu a alo siam sak nghal sawka sawk a. Lalnu berin ei a siam takah chuan an kil thuai a, an thiante lo lut hmasa a piang chu Lalnu chuan chaw ei tur chuan a lo ti nghal zel a, an ni chuan Lal sawmna chu hnial duh bik lo chuan an kil ve thuai hlawm a, naupang pawn chhuak hmate chuan sawirawkherh nen chuan ram lam chu an pan mek bawk a. zing chaw an ei kham chuan ‘tluang takin va kal ula, keini chuan in lo kir hun tur kan lo thlir reng dawn a nia, in lo hawn hman remchan hmasak berah lo kal in ni sarih ai tlem lo cham turin in lo kal vek a nga, ka hoin kan ramchhuak tur a ni, engpawhnise tluang takin kal ula KHUANUN hualhim zel che u rawhse’ tiin Lehlawn lal leh khawnbawl upate chuan an thlah ta.
Pasâltaha Sângtualate kal liam tur chu Lalnu Muanzoi chuan thlir ngam loin mittui nen khumah chuan a lut ta daih a. Satlâk tlangvalte pawh chuan ngur ru tak chung chuan an thiante lo nghahna lam chu panin Lungtian lam pan chuan an kal thuai hlawm a. Lungtian an thlen chuan zanriah ei a hun der tawh in naupang tualchai turte chu an lo chhuak nak nak a, khual valrual an hmuh chuan râlkhelin an ri nak nak a. Tlangvalte chu naupang thawmah chuan lo chhuakin pasâltha Sângtualate an hmuh chuan hlim tak chuan an ri chul hlawm a Pasâltha Sukthanga chuan a naute lo thleng chu chiau au vatin, a tuk lam a kal leh mai tur an nih a vangh chuan rei meng lo in an tin thuai hlawm a. Lal Thawmliana chuan dam tlang tak a in hmu leh tur chuan thlah in, an tlang dung tluan a khualthang pasâltha han awm lo tur chu a huphurh ru kher mai. A rilru chuan Lalnu Thanthûami ruaklo a hriat chuan a lawmpui kher mai, remchang hmasa ber a tlawh tum chuan a rilru chu a siam sauh sauh a.
Pasâltha Sângtuala chuan Ngurpuii khum a mut lai a duhsakna thu a hlan te chu ngaihtuah letin ‘Ngurpuii hian min hmangaih hle mai, mang satliah ni loin a mah Ngurpuii thlarau in a mutpui ngei a ni' tiin a ngai hmiah a, tun hma a lunglenna ang chuan a kian san huai hian a hre hial a, a mah pawh a zâng huai hian a in hre hial a. Thûamkunga chuan ‘Thianpa, lung loh ah la lo, Lehchhuah kan chhuahsan atang hian I hmel hmuh pawh a hahdam huai hian ka va hre ve mawle’ tiin a zawt dak dak a. Pasâltha Sângtuala chuan a mangte chu hrilhin an ti ti sap sap a. Mualkunga chuan a u te pahnih ti ti hnu khawi chu hria ‘hei hi hmangaihna an tih chu a nih ngei dawn hi mawle, pasâltha meuh pawh hetiang a lungnô a siam tu hi’ tiin a nunhlui a Lal fanu lo lang zawkte chu a ngaihtuah in a kal mawp mawp a. Pasâltha Sângtualan a dar a lo ben zawk chu harh phah zawkin, a hma lawkah chuan ram awih ten bung vut mai chu a lo awm reng chu niin, a ngaihtuahna kal ding lutuk chu zakin a sen tan tan a. Pasâltha Sângtuala chuan ‘ka nau, engthil nge chutiang tak a I ngaihtuahna hruaitu chu ni a, hetiang hrim chuan I va ngaihtuah awma deuh dawn ve mawle’ tiin a zilh hau a. Mualkunga chuan ‘engdang nilo e, ka ngaihtuahna a lo kal ding deuh a ni e’ tiin a chhang satliah mai a. Thûamkunga chuan an chhak chu kawk zauhin a beng chu ngun lutuk chuan a dawh hau a.
An chhak atang chuan thawm hi a lo ri thla san san a, silai an siam rem lai chuan thil han tlu hnawk ri leh hmun chhengchhia a tawlh thawm chuan a lo zui zat a, an chhak mau tlawn tluk awm a thing chu su datin thawm chu a reh zui hmak a. Pasâltha Sângtuala te chu an in melh zauh hlawm a, chutia thawm a reh hnu lawk chuan hmanhmaw tak a kal thawm chu an hre leh ta, an thawm hriat hmasak na lam atang chuan thawm lo awm in ‘fimkhur tak leh hman hmawh takin kan thil tih lai hi kan zawh vat a ngai a ni, chutiang a nih loh chuan kan thawm hi ramvak dangten an hre palh hlauh a nge’ tiin pakhat chuan a han sawi thum bul bul a. An thawm hriat hmasakna atang chuan chau tak a rum thawm lo awmin ‘thianpa tang hram hram rawh aw, puitu kan hmu hlauh mai thei a nia’ tiin chau tak hian a han fuih lawi rat a, a aw a tang chuan an dinhmun mangan thlak zia leh beidawn zia chu a lang thei hial a. Pasâltha Sângtuala chub u nghatin silai chu a en dik zawh chuan thawm nei hauh lo chuan an chhak lamah chuan a tawlh chho zal zal a. A hnungah chuan a thiante chuan fimkhur tak chuan an zui tham tham a.
Inchhung dung awmah chuan thing phenah dingin an chhak a thisen bual nuaih chung a silai lek kawh mek chu an thlir ran a. An chhak a hliam tuar chau tak chu an hriat hnu ang an ti kher mai, a chetdan ah chuan zamna a lang hauh lo a. A bulah chuan mitthi ni awm tak chu awm in a mu zawi hnak mai bawk a. An mahni lo um zuitu te chuan fimkhur tak chuan an lo chhui zel a, inchhung dingawm chauh an karah a tla ang tih chuan ‘khu lai a khu kan nang ta e’ tiin a um tu zing a pakhat chuan a silai chu a lek kawh nghal at a. An mi um chuan ‘naua in hmanrua kha thlauh vek rawh u, chute lo chu tu emaw ber kha in thi nghal ang’ tiin a han vau zui char char a, a aw chu a zawiin a chau tih a hriat kher mai. Chau viau mahse thing rinchhan a silai lek kawh a nih vangin a tum a thelh an ring hlawm lo a ni chek ang chu an ngawi thap hlawm a. An hruaitu ber chuan ‘I silai kha dahin in pet ha mai mai rawh, nang a hliam leh nghal khan tu han tin a thei I nih loh kha rei I daih chuang lo ang’ tih pah chuan thing phen chu a hnaih hrut hrut a. Hliam tuar pa chuan ‘tuibur hmuanda lekah Satlâk lam a ka thiante an lo thleng dawn a, chu hunah chuan nang leh i thiante hian nuam in sa hlek lo ang’ tiin a han vau chhar chhar a. A lo umtu te chuan ‘nizan mu hman lo a i tlan a vang khan i tawng vain duhthu I sam a nih kha, nang a Sângtuala sawi ve fo hi ka lakah chuan mau hnah ro ang chauh a ni ngei ang, pialral ka lo thlen hma i lo kawm hlim a tan ka lo tir liam ve nghal dawn nia’ tih pah chuan a han nui khek lui deuh uar a. An mi um pa chuan ‘I duh tawk khan nui rawh, ka chanchin a hriat hunah chuan a rawn zawng chhuak khawp ang che, nang mi tenawm kha’ tih pah chuan a silai cheng chu a han kau zui rap a, a han hmet puak zui dur a. A hmanhmawh deuh bakah a chauh em avang chuan a tum chu a thelh chiang kher mai. A tum a thleh tih a hriat rual chuan silai paih in a thianpa chu a han pu dawn a,a zawh mai loh avang chuan a lum pui a. An mahni lo um tu zing a an hotu chuan ‘zu man vat ang ule, hmanraw han chuh thei pawh a nih tawh loh kha zawimuang in pialral ah kan thawn dawn nia’ tiin hmanhmawh tak chuan hmahruaiin phur fe chuan a han kal a.
Pasâltha Sângtuala chu zawimuang chuan pen chhuakin ‘ti khan ding rawh u, pen khat pawh in lo hnai leh a nih chuan in tan a pawi hle ang, engvang in nge kei chu pialral ah min thawn ngawtna tur chu, ka hriat mi pawh i ni hauh silo a’ tiin chempui nen a lo kal mek chu a lo hmachhawn ta sak a. An beisei hauh loh pasâltha diarkhim vang leh silai hum vang an hmuh thut chuan an mi um zui chu en kan in an hma a mi chu an thlir ta thap a. An mi um chuan ‘ka nau i lo thleng tlai thelh a ni’ tiin a han sawi sap a, a thidang zui ta nghal a. pasâltha Sângtuala chuan ‘Thûam thian kan pasâltha hi lo buaipui teh u, keiin heng ho hi ka lo buaipui a nge’ tiin hma lamah penthum a han pen a, a hma a mi chuan ‘nanghi a ni maw pasâltha Sângtuala ti a an sawi chu ni a, ka beisei ai a hmain ka hmu hlauh che chu ka lawm hle mai, thi turin inring rawh le’ tiin chempui tle vur chu a phawrh nghal zat a. Pasâltha Sângtuala chuan ‘tunge i nih pawh ka hriat loh leh ka pawi i sawi ka hriat loh chuan kut ka thlak ngawt theilo che a ni, tunge i nih reng a ? tiin a han zawt a. A hma a mi chuan ‘ka lo rin ruk ang reng a dawih aw i chhuah chu le, engvang in nge ka hmelma ka dahbo dawn a i lo inrawlh ve ngawt chu le, kei hi Hriangngai khaw kulhpui Zamliana ka nih hi’ tih pah chuan a chempui hum lai chu a han vai tle ngahl zawk a. Pasâltha Sângtuala chuan a hma a mi mitmeng lo dang zauh a hmuh rual chuan penhnih a tawlh hnung zauh a, chempuiin a lo pel chiah tih chuan penkhat tawlh hma in Zamliana naknem ah chuan a tlawh nghal zawt a, Zamliana chu ek thawtin a leng phei lawp a, thing mal tia vel a in tauh in a kut veilam chu a khai zawt hnak a. Pasâltha Sângtuala chuan zawimuang a pan hnaih pahin ‘kha lo inring rawh le, ka chung a chuti tak mai a kut za chu’ tih pah in Zamliana ding khur dar dar chu a pan hnai zel a. Zamliana chuan thinrim mit sen ram chuan ‘thisawn rawh’ tih pah chuan a chempui hum lai nen chuan bawh rawp pahin a vai nghal zawt a, chempui lo thlawk thut hniam san zauh pah in a hnaihchilh thut a, Zamliana khabe ah chuan a lawk nghal bur a. Zamliana tha pe na lutuk leh rihna hloh laklawh chu pawnchhe paih ang chuan thingbul ngheng chuan a mu ta hle hle a.
Pasâltha Sângtuala chuan ‘midang duh ve in awm em’ tiin a melh kual ram ram a. Pasâltha Sângtuala mitmeng an hmuh chuan hlauin an kun ngaih hlawm a. Mualkunga chuan inring tak chuan silai hman mai theih chu a lo lek kawh mek bawk nen, tumah chuan chhang ngam an awm tak loh ah chuan ‘Kunga an vai sawn va phuar vek rawh, lo hnial deuh che an awm a nih chuan tumah dim hlek suh ang che’ tiin Mualkunga chu a hrilh a, Mualkunga chuan tha tho tak chuan a hma a mi pasarih te chu a hnungkhirh thuai a, a tawnna hrui a rinawm tawk tih a chian leh hnu chuan ‘hengho hi thlun beh chu a buaithlak mai mai alawm tih dan dang deuh a tih mai a tha lawm mi’ tiin Mualkunga chu a han phun zui bal bal a, a mi thlun te chuan an hlauh hmel kher mai. An zing a rawlthar deuh phei chuan a hlau zual tih hriat tak chuan a hmel chu a dang bai a, Thûamkunga chu pasâltha Sângtuala beng bulah chuan a han phun sap sup a , pawi sak neih hmel loh zet chuan chempui phawrh in rawlthar hmel dang lap bulah chuan a han kal a, ngawi reng chuan a chempui hriam var chuan an thlunna hrui chu zat chat hmakin an piah ruamah chuan a hnuk thla dawr dawr a. A rawlthar chu hlauh luat vang a dang lap chuan eng emaw sawi chuan a phun sap sap a, a hrawk a hnawhtu a vang chuan engmah chu a sawi chhuak thei lo mahse thih a hreh zia chu a mit mengah chuan a lang chiang kher mai. Rawlthar hnenah chuan ‘tu nge i hming, eng vangin nge Tuklawn pasâltha Bilhluaia te hi tiang a in tih ? I sawi loh chuan mitthi i ni nghal mai’ tiin Thûamkunga chuan a zawt zawi sap a. Rawlthara chuan a bul a mite pawisak neih hmel loh tak a vaibel siam kai mekte chu melhin ‘khawngaih takin min nun hram rawh u, engkim ka hrilh vek ang che u’ tiin a sawi thei hram a. Thûamkunga chuan ‘hun i ngah lo a nia, dam i duh a nih chuan tunah engkim sawi vek rawh’ tih pah chuan a chempui hum lai chu vai fua in, rawlthar hnung a thing ban puam tia chu a chhawk hmawk a. Rawlthar hlau lutuk chu te thawt chuan a let tawp a, pasâltha Sângtuala chuan tham thawh lawp pah chuan ‘naua hun kan ngah lo a nia, tunah sawi tawh rawh le’ a han ti dam thlap a.
Rawlthar chuan ‘ka hming chu Thangthuama niin Lal Zahuata khaw tui liak ka ni, kan pasâltha Zamliana ho a ramvak kan niin kan hlawhchham hlauh a, nimin khan khaw dang khual kal kan hmu fuh hlauh a, thi leh dar an phurh nual vangin kan khaw ram pelah kan lambun a, nichin a mi khan an Lal fapa chu a tlanchhuah pui thei hram a’ tiin Tuklan pasaltha Bilhluaia te an um chhan chu a han sawi a. Pasâltha Sângtuala chuan ‘a nih khawnge an thi leh dar phurh chu in dah tak ?’ tiin a han zawt zauh a. Thangthuama chuan ‘kan pasâltha khan khawiah nge a thuhruk ka hre hauh lo, nakinah kan insem dawn nia tiin a thukru a, a la dam chhunte chu kan lo um ta ngawt ngawt mai a ni’ tiin a han sawi a. Chutia an tawng mawlh mawlh lai chuan an thlangah chuan thing tang tliak rap a, pasâltha Sângtuala chuan ‘lo kal rawh u, hei thil pawimawh tak tih turin min hmuak e’ tiin a tawng deuh lang lang a. Thing phen atang chuan mi pangâ lai hi an lo chhuak a ‘hei engthil thar nge ni ta pek, hnute kham lo ram kal inchhar elaw ?’ tiin lo kal tharte chu an then sang a. Pasâltha Bilhluaia awmdan an hriat meuh chuan lo kal tharte pawh chu an hmel hmuh a nuam lo tlang ta kher mai. Rum nghutin ‘chutiang a nih chuan hrikhrah chu nuai bo ila ni mai lawm’ tih pah chuan chempui chu an phawrh ta suau a. Pasâltha Sângtuala chuan ‘hei sual puanna a nei mek a, nun dan sim a duh a nih chuan a chungchang chu kan la ngaihtuah tha dawn nia’ tiin Thangthuama chu a melh ralh a, beisei nei tak chuan ‘pasâltha khawngaih takin min nun hram rawh u, thih ngawt ai chuan in sâl ah pawh ka awm mai ang’ tiin a lo inrawlh vat a.
Lo kal thar pakhat chuan ‘khawnge pasâltha Bilhluaia chu a awm’ tiin a lo inrawlh leh zauh a, an chhak lamah chuan an chho ta thuai a. Thangthuama chu melhin ‘I awmdan tur chu buk thlen hunah kan ngaihtuah tha ang, kan pasâltha leh Lal fapa pawh kan rawn a nga, an nin in chungah thu tawp chu an siam mai ang’ tiin a han sawi a. Pasâltha Sângtuala chuan ‘hawh u buk lamah i kal ang u, kan pasâltha pawh enkawl vat a ngai a nia’ a tih chuan an han in melh zawk a. Thûamkunga chuan ‘nang chu kan mihliam te zawn an ngaih dawn avangin kan phuar rih dawn lo che a, tlanchhuah i tum vaih chuan i chan tur chu ngaihtuah tha hle ang che’ tiin Thangthuama chu a meh hrawk a. Thangthuama chuan ‘tlanchhuah ka tum hauh lo ang’ tiin phur tak chuan Thûamkunga hmaah chuan a kal nghal a. Pasâltha Sângtuala chuan ‘khai ule, kan hmanhmawh a ngai a nia, silai thawm khan kan thiante a ti phwklek awm si a’ a tih chuan hlang chu siam in, pasâltha Bilhluaia leh Lal fapa Khuangliana chu buk lamah chuan an zawn ta thuai a.
Buk an thlan chuan pasâltha Sukthanga leh Lal fapa te chhung chuan a ngaihna hre lo chuan an lo melh thap a, chanchin an sawi chuan Lal fapa nupui chuan hliam enkawlna tur tui chu a chhuang vat a. Satlâk khua ten Lal fapa an tih te chhung chu an mi mante chuan mak tiin an melh hrek hrek a. Eng emaw sawi chuan an phun sap sap a, thumum an neih hnu chuan ‘chutiang a nih chuan kan pasâltha hliam a dam deuh nghah nan zan thum emaw tal chu kan cham khaw muang a ngai ang, an khaw lamah kan thlah kawi zawk dawn nia’ tiin Ngiazoa pa chuan a han sawi a. Lal fapa tawng pai ang reng tak chu khual tlangvalte chuan an then khum sak sak a. Hriangngai khaw Lal Zahuata pasâltha Zamliana chuan ‘Satlâk Lal fapa chu a tawng va awn de daw ve’ tiin a lo nui huk huk a. Thûamkunga chuan tawng awn hnuai a kun phei chu a zahthlak hle lo maw ?’ tiin a lo chhang bung vut a. Pasâltha Sukthang chuan ‘kei pawh ka hmusitte hnuai a kun hi hrehawm leh zahthlak ka tih zawng tak a ni’ tiin a lo tuihnih ve sap a. Ngiazoa pa chuan Zamliana melh hrawk pah chuan ‘ve neh nuah che chuan le, tuitu hawlam ang khan phun nuah nuah la ti nia’ tiin a vaibel chu a siam kai zui san a. Satlâk tlangvalte chuan a nihna an zah sak dan a hriat chuan a thinlung tak chuan a lawm hle a, chuvang chuan Zahuata tawng pawh ngaina lo a ni zaawk chauh a. Pasâltha Sângtuala chuan ‘Nang pa kha i khabe sep fimkhur rawh aw, ka thil hriat duh ka hriat hun chuan in ngaihtuah buai lo in buhban ramah ka thawn hreh dawn hauh lo che ania’ tiin pasâltha Zamliana then nawk reng chu a melh ran a. Zamliana chuan ‘nang a zawhna te ka chhan duh i ring reng emaw ni chu le, hun remchang ka neih leh hmasak berah ka dah bo ngei ang che’ tiin a lo rum ngal ngal a.
Pasâltha Sângtuala chuan ‘ka zawhna i chhang dawn chiang khap e, ka duh bak min hrilh dawn chiang khawp mai’ tiin vaibel chu a fawp vang vang a, chutia an tawng mawlh mawlh lai chuan pasâltha Bilhluaia chu ‘nang pasâltha hming vuah tlak pawh nilo khan min hmachhawn ngam a nih chuan lo kal ta che’ tiin a lo tawngvai nawk nawk a. Thûamkunga chuan ‘pasâltha insum rawh buaina tur a awm tawh lo e’ tiin a lo chhang in, pasâltha Bilhluaia thawh tum chu a chelh bet thuai a. Tui a so chuan Thûamkunga te chuan an thiam ang ang chuan hliam chu an buaipuiin an vir buai hle a. Ngiazoa nu chuan ‘khawi dawngawm teh u, kei man ka lo buaipui teh ang’ tiin mipa ho chu a hrilh a. Pasâltha Sângtuala chuan ‘ka u, hmeichhe buaipui chi a nilo, a hliam a nasa emai’ tiin a lo chhang a. Ngiazoa nu chuan ‘nangni ai chuan ka thiam zawk tho ang, khaw nge’ tih pah chuan puan pawt thlerin a han su fai nawk nawk a, tuilumah chiah in pasâltha Bilhluaia thi khar in bawh nuaih chu a hru fai zung zung a, a dar leh nak a silai mu thawina a tang chuan thisen lar tak chu a lo hnam tiam tiam leh a, chumi tihreh nan chuan pawnchhe rawh vap chu belin hliam chu an han tuam sak hnu chuan pasâltha Bilhluaia chu amuhil leh ta bawrh bawrh a. Lal fapa Chhuanthanga erawh chu reilo teah lo harh in, a chau zual pui a reh chuan a tawng peih tan ta mai a. Ngiazoa nun chaw haitho a han peh hnu phei chuan hlauh tur a awm tawh lo nen, a mah pawh a tha sawt kher mai, an lambun dan chanchinte sawiin ‘a nupui man hlan tur a kal an nih dante, an mmi pelhte mitmeng a danglam riau a pasâltha Bilhluaian a hriat vang a a hrang deuh a kal an nih vnag a him an anih dan te a sawi chuan an lainat tlang kher mai.
A thusawi pah a pasaltha Zahuata a nui sawng hmel a hmuh phei chuan a rilru nat a zual tih hriat tak chuan a hmelah chuan thinrimna a lo langin a tawng chu a bah deuh nak a, a thusawi tawp lamah phei chuan chempui chu melh ralh ralh in a tho ta tharh a, pasaltha Zahuata lam pan pah chuan ‘nangmah vang a thihna hlim kawr ka zawh chu, nuam I sa hauh lo ang maw’ tiin thinrim tak chuan a han pan a. Pasâltha Sângtuala chuanb ‘Lal fapa insum deuh rawh khai, thi leh dar a dahna kha a mah chauh in a hre si a, tun a tan chuan insum a tha rih e’ a lo tih takah chuan ‘saw misual leh duham pa saw chuan engmah va sawi duh suh, a sual dan reng mai saw dam ve tlak a ni mawlh lo’ tiin a ang zui barh barh a. Pasâltha Zahuata chuan ‘kan Lal fapa nep tak chuan phuar beh a chauh maw a vau ngam, nep lutuk mai’ tiin ngaihnep hmel tak chuan a then khum leh nang a. Tlangval thenkhat chuan sakhi pathum leh vahrit pangâ lai hi an lo hawn a. Pasâltha Sângtuala chuan ‘kan pasâlthate zarah zanin chu satui hang kan hawp leh dawn zu nia, khawnge I han puah thuai mai teh ang aw’ tih pah chuan chempui hriam bak hlar chu a han phawrh nghal a. Tlangvalte chuan ‘pasâltha lo va thu rawh u, hei kan awm a lawm’ tiin an lo nam laih laih a. Pasâltha Sângtuala chuan eng emaw chu a han sawi zauh a, tlangvalte chu hlim tak chuan thensak in zawi te te chuan an phun sap sap a, a khat tawk chuan an nui leh hak thin. Sa an chan zawh chuan Ngiazoa pa bulah eng emaw sawi chuan pasâltha Sângtuala chu phun sap sap a, an mi mante chu an ngaih a thalo kher mai le. Zanrian an peih chuan ‘kan mi mante kha chu kan ei zawh ah kan eitir mai dawn nia’ ti a Lal fapa in a sawi chuan, pasâltha Hrangzika chuan ‘nangni chaw kha a them pah ka liak lo a nge’ tiin lehlam chu a hawi fi vei hmak a. Pasâltha Sângtuala chu tlangvalte beng bulah chuan a han phun sap a, tlangvalte chu hlim taka then sang chung chuan an mi man an thlun khawmna lamah chuan an kal thuai a. Pasâltha Sukthanga chuan a ngaihna hrelo tak chuan ‘eng chu an ti dawn ni maw ?’ tiin tlangvalte chu a thlir zui reng a. An mi mante pawh an hlauhthawn a zualin tang ngam heklo le, hreh tak chuan tlangvalte tih ang ang chuan an wam tawp a. an sachum rim thli beng zawng tak chuan thingah chuan an phuar bet mawlh mawlh a, sachhum rim an hriat chuan an mi mante chuan an riltam zia hriain an kua chu a ri zui rum rum a, hlim tak a Satlâk tlangvalte chaw ei chu chil lem khawlh khawl chung chuan an thlir ran a. Sa thar lam leh chaw haitho nen hlim tak a an nui pah bawk bawk an hmuh chuan an thiltih thatloh zia hriat chhuah tirin, an pawi ti chuan ban a pel vawng vawng hial a.
Satlâk tlangvalte chuan chaw an ei kham chuan an ei nawi chu tifai in vaibel tan chuan an ti ti laih laih a, a khat tawk chuan an thum leh hak thin a. Lal Zahuata pasâltha Hrangzika chuan a tawng hma lutuk chu a inchhir ru tawh kher mai le. A leh lamah chuan an ro dahna a mah chauhin a hria chu tifuh a in ti kher mai, a rilru kawm a thil dang daih a ngaihtuah lai chuan, a bul a thawm hriain a han en chuan a bul a midangho chu hruaiin Satlâk tlangvalte an lo kal sawn mek a, a naute melh chung chuan ‘a ngam chuan chaw chu ei ula, in chetdan hi ka theihnghilh mang mang lo ang’ tiin a au tial ruai a.Thûamkunga chuan ‘a ve leh chiam chiam che chuan, kaw ruah hrehawm zia i tem chian hunah chuan i naute fin zia i hre chhawm mai ang’ tiin a nui var var a. An pasâltha thusawi chu hreawm pawh a awm lo chuan an hma a sakhi sa leh chaw changel hnah a khawrh vum thar chu an bar ta bawrh bawrh a. Chaw kawpuar ei lo an ni bawk a chaw pawh an ei tam kher mai, zanriah an eikham chuan Satlâk tlangvalte chuan an vaihlo chu lo pe in an ni pawh an thla a muang huai tih hriat tak chuan an ti ti ve sarh sarh tawh a. Chutia hlim tak a an ti ti lai chu pasâltha leh Lal fapa te chuan an lo thlir in eng emaw chu zawi te te chuan an sawi sap sap a.
Pasâltha Sângtuala chu Lal fapa bulah chuan eng emaw sawi chuan a phun sap sap a, uluk tak chuan an lo ngaithla in an bu nghat nghat hnu chuan an nui ta var var, pasâltha Sângtuala chuan an thian tlangvalte chu fin in eng emaw sawiin an nui ham ham a, Thûamkunga chuan a mang lam a nula hmeltha a hmuh thu leh a chetpui dan a sawi chuan an nui hluah hluah a. An hmabak a la thui em avang chuan mut zai an rel ta a. Zanah chuan râl veng pawh indah lo chuan an mu ta vek a, Khuan hmasa velah chuan Hriangnai khaw pasâltha Zamliana bulah chuan rawlthar Thangthuama chu thawmdim tak chuan lo kalin, pasâltha Zamliana beng bulah chuan ‘pasâltha i tan ka tih theih tawk hi min hriat sak dawn nia, kan thiante pawh dem hauh suh ang che, ti hian kal ta vang vang la keini erawh chuan chhuahruk dan kan lo ngaihtuah mai dawn nia’ ti a phun sar sar pah chuan bapui chhumhmin lian tha tak pahnih leh iptepui chu a hmeh bel thlawp a. Pasâltha Zamliana chuan ‘tunah min lo zui ve mai rawh hun dangah chuan thil a khirh lutuk ang’ tiin a lo chhang thuai a. Thangthuama chuan ‘tun a ka lo zui ve che chuan kan thiante tan a hlauhawm lutuk ang, nang hi kan khaw tan a i pawimawh vangin kal vang vang zawk mai rawh’ tiin buk lam chu a pan sa thuai a. Pasâltha Zahuata chuan rawlthar buk chhung a lut mek chu thlirin ‘ka lawm e, i naupan ang bawk hian i mawl a nih hi mawle, ka rosum chu tlem a zawng i châng ve ngei ang mawle’ ti a phun sup pah chuan bapui chum hmin keih zauh zauh chung chuan hmanhmawh leh thawm dim tak chuan a kal liam ta nghal a.
Rawlthar Thangthuama bukchhung a luh hnu chuan pasâltha Sângtuala te thianzaho chu zawimuang in an tho tham tham a, an hmanrua chu la in, pasâltha Zamliana chu an zui ta tham tham a. Thim tinin zing ni chhuak tur pawh chu kawlah a lo eng tan ta ruih a, zing eng lawm nungcha te chuan ngawpui hnuai chu luahin an chiar nak nak a. Pasâltha Sangtualate pawh chu zawimuang chuan a kal zel a, an hma lawkah chuan sakhi hi a huk pap pap a, Thuamkunga chuan ‘a ui ang chu aw, silai lah chu a keng tawh hauh mai silo a’ tiin a then suk suk s. Nui ring ngam silo chuan an in then khum sak sak hlawm a, mual thum an kan leh hnu chuan patling ektum lian tha lerh lawrh khu vang vang chu an hmu ta, Thûamkunga chuan zuan khum zauh pahin ‘kan naua chu a va tuah tawh em ve mawle, a rim lah chu a tak phian leh nghal a’ tiin a ner nung . Thûamkunga ner nung chu nuihin ‘ngawi hle hle teh, neng nung roh che hian’ tiin Mualkunga chuan a khak hlak a. Thûamkunga chuan ‘a ve mai mai chuan, naupang te te ka tlawh zi zawt dawn che’ tiin a tin uaih a. Pasâltha Sângtual chuan ‘insum teh u, naupang chhia leh lutuk’ a lo tih takah chuan ‘rem changah ka la bin zi thawlh thawlh ang che maw’ tih pah chuan fimkhur tak chuan hma hruaiin Thuamkunga chu a kal leh ta nghal a.
Chhun chaw fak hun chuan Hriangngai khaw ram chu an thleng tawh a, mual thuam an kal leh chuan an pian kawr a khuh khar kharh thawm chu hria in, fimkhur tak chuan an vehhnai tham tham a. Hriangzaig khaw pasâltha Zamliana chu a mah chauh chuan kawr a tui chu a lo in bawrh bawrh a, tui a in zawh chuan lungpui phenah chuan a kun vang vang a, lung a dar han in khak zauh chu hriain uluk tak chuan an melh thap a. Hriangtlang pasâltha Zamliana chu nui sung chung chuan a lo lang leh in, puankawp hian thil fun lian tak hi a lo khai chhuak hnawk a, Nui sung chuan a chhehvel chu melh kualin tumah an awmhnai lo a a hriat hnu chuan puan suih chu a han phelh a, thi leh dar chu a lo awm ruih a. Pasâltha Sângtuala chu melh thapin a ni chu a ngawi vang vang a a thiante melh kual pah chuan a lu chu a thing mat mat a, an mi en thlak pa chuan a puankawp chu suih thain a hawi kual ruai a, dar chu lung phen hmun khatah chuan a dah fel hnu chuan, thi chu inchhung dun awm a lung hnnuaiah chuan dahin lung chuan a chhin hnan leh ta a. A han hawi chhuak leh chuan an khaw pahmei berh ve tak kawrte dung a chakai khawrh chu a hmu a. Pasâltha Zamliana chuan a mi hmuh pa chu a melh vang vang hnu chuan ‘pu Laizik kha chakai i khawrh a ni maw ? I hawng taw hang hmiang kan khaw dinhmun a him vak lo a nia, kal pahin thi awmdan chu ka hrilh mai dawn che nia’ tiin a han au nghal lang lang a. Pu Laizika lah chuan an pasâltha thusawi chu a ring tih hriat tak chuan an bulhnai chu a melh phawk nghal kher mai. Pasâltha Zamliana chuan ‘kan ramchhuak kha kan tum a fuh vaklo a, ka naute chu an thi zo tawh in ka ring kei erawh chu harsa akin ka lo tlanchhuak the ihram a ni’ tiin a chanchin chu a han sawi zui luam a. A thusawi laklawh lai chuan ‘ka vaibel pawh ka hloh daih a, khawngaihin I vaibel min lo hawh ta mai che’ tiin a han dill eh rih a. Pu Laizika chuan ‘hawh aw, vaibel chu ka neih ve zawng tak a lawm’ tiin a vaibel leh vaihlo fun chu a han pe a. Pasâltha Zamliana chuan vaibel han pak khuk hlat hlat pah chuan ‘ka vaibel zuk tawhah chuan a la tui ber, vawiin nileng vaibel ka nghei chu ka kâ a titek mai dawn a lawm le’ tiin a hawi valh valh a. A bul a mi hawi buai nak leh hlauthawng hmel a hmuh chuan a nui ru tat tat a.
An kal liam hnu chuan ‘kha kan chhuah ta ngawt chu a nia, engtia hmalak chi nge ni dawn’ tiin Thuamkunga chu a hawi lawl lawl a. Pasâltha Sângtuala chuan ‘khatia kan chhuah khan kan tan hna a awlsam zawk ngei ang’ tiin zan lam a an ruahman dan chu a sawi fiah a, a khat tawk a hnim hnah a thliah zauh zauh chhan chu an hrethiam ta a. Mualkunga chuan a u chu ngaisang tih hriat tak chuan a thlek ha a, nui var var chung chuan ‘kan mihrang zet chu a fin pawh I lo fing tak zet e, kan chemhar zawngah awm la chuan a thi hmasa pawlah ka tang ngei ang le’ tiin a nui tat tat a. Pasâltha Sângtuala chuan ‘hawh u, kan hmalam a mite in buatsaih dan chu i thlirpui teh ang u’ tiin hmahruaiin Hriangngai khaw lan chian theihna laiah thingah chuan an lawn far a. Hriangngai Lalin ah chuan tlangvalho chu an chuang lut zut a. An lo chhuah leh chuan hmanhmawh tak chuan khaw luhka lamah chuan râlveng tur tlangval eng emaw zah chu an in dah ta thluah a. Pasâltha Sângtuala chuan ‘mihring hi tiang khawp hian a ni maw a lo suaksual theih chu le’ tiin a ngaihtuah nauh nauh a, Râlvengte hmuh loh a Lal in thlen theihna awm chu melhin vaibel chu an fawp khu hlat hlat hlawm a. An duh tawk a khua an chuan hnu chuan pasâltha Sângtuala chuan ‘hawh ule kan thiante I lo zu nghak tawh ang u’ tiin fimkhur tak chuan kawr awmna lamah chuan an ni tlak dawn suar suar chuan an chhuk leh ta dam dam a. Lehlawn Lalnu Muanzoi bapui pai chu an keih tawn tawn hlawm a. Thuamkunga chuan ‘pi zawn neih that chu a hahdam dawn riau mai ka ti, kei pawh tiang ngei hi a ni ka zawn dawn ni’ tiin pasâltha Sângtuala chu a melh ralh ralh a.
Nuih rah rah pah chuan ‘nang ve kha chuan khawiah tu va chhai thlu lo tur che, tuikhur kawng chhak hmang tangkai hle la a ni mai a’ tiin a lo chhang zauh a, zanrian ei hun chuan pasâltha Sukthanga te an lo thlen chuan chanchin chu an sawi chuan ‘engnge ruahmanna I neih dan’ tiin pasâltha Sângtual chu a han rawn a. Pasâltha Sângtuala chuan tiaupho chu a han hui fak pawp pawp a ‘helai hi chhuahka niin râlveng an awm a, tawn tlang huphurh awm a ni lo nangin tullo a nunna laksak theih a nih vangin, he lai zawnah hian a luh theih hmel a, chuan Lalin pawh a hla lo a. Tlangvalte lak a tharum thawhnghal mai loin Lalin ah kan thiante hi kan hruai luh a ngai hmasa ber a ni, Thuam thian nagnin thi leh dark ha lo va la chhuak ula, kan khual thiante pawh khan an ro lak chu an belhchian duh takin’ tiin a han sawi a. Pasâltha Sângtuala thil hriatthiam dan an hriat chuan Hriangngai tlangvalte mak ti chuan ka hauin an melh tlawk tlawk a. Rawlthar Thuamkunga chuan ‘I hank al tawh elaw’ tiin pasâltha Sângtuala chu a zawt ta hial a. Nui chung a lu thin mat mat pah chuan ‘tunge khawibel bu chhunah kut lawngin la ngam ang le’ tiin a nui var var a. Thûamkunga chuan ‘kha nangni ho khan in rosum hi lo khai chin teh u, a tak vei nalh a sin’ tiin Hriangngai tlangvalte chu a hui zauh zauh a. Inthiam lo hmel deuh tak chuan an inmelh thap hlawm a. Thûamkunga chuan ‘a va mak neng nawng hlawm ve mawle, lo kal vat teh u’ a tih leh tak chuan hreh takin dar chu an chhawk phei nghal a.
Pasâltha Sukthanga chuan ‘khawnge chutiang khawp a pasâltha chil tiput tu chu i han bel chiang ang u hmiang’ tih pah chuan thi leh dar tuamna puankawp chu an phelh a. Hriangngai tlangvalte chuan ngawi reng chuan an rosum chutiang tak a rang a an hmu chhuak thei chu mak an tiin pasâltha Sângtuala chu an chung en tawlh tawlh a. Pasâltha Sukthanga chuan ‘aw le, kan pasâltha remruat ang khan kan kal a nga, a tawp khawkah lo chuan tumah thisen kan chhuah tur a nilo, a tul tawpah erawh chuan tuman kut kan tim tur a nilo’ tiin a sawi zawh chuan Hriangngai khawchhung lamah chuan fimkhur tak chuan an in zui chho ta dam dam a, chetsual palh a vengtu a tan Thûamkunga leh Satlâk khaw tlangval dang sawmhnih te chuan an thiante chin nghaichang an awm thap hlawm a. Hriangngai tlangvalte pawh chuan thawamdim tak chuan Satlâk tlangvalte chu an zui zel a, harsa lo tak chuan Lalin chu an pawh thei ta mai a, tawhm ngaithla in an ding hlek a, inchhung lamah chuan zawite a tawng thawm leh a khat tawk a aw thian kharh thawm lo awma danah chuan an muk tlang hle tih a hriat theih a.
Pasâltha Sângtuala chuan Mualkunga leh tlangval pangâ chu sumhmun a ding tur chuan a bekbawrh sar sar a, khuh kharh kharh pah chuan Lalin chuan luh dilin a ngam pat danah chuan khawtua tlangval a nilo tih a hriat hauh lo. Inchhung lam a tang chuan lut tur a aw thum chhur hian lo chhawn in pasâltha Sângtuala chu tim hauh lo chuan a pen lut ta nghal a. An rin loh lutuk a pasâltha diar khim vang lo nui lut var var leh a hnung a khual tlangval sawm dawn tho lo lut an hmuh chuan, Hriangngai khaw Lalnu hlau lutuk chu mangang leh hlauthawng tak chuan a mengbial kal kal a. Pasâltha Sângtuala chuan ‘ka pi hlauthawng hauh suh, remna duh a lo kal kan ni e’ tiin Lal bul a an pasâltha Zamliana chu a melh ding nghal nalh a. Pasâltha Zamlianan a beisei hauh loh a Satlâk pasâltha leh a hnungzui tu eng emaw zat a hmuh chuan Lal banglai a silai chu a melh zauh zauh a. Pasâltha Sângtuala chuan ‘nangpa khan atthlak takin engmah ti hauh suh ang che, ka sawi tawh ang khan remna duh a lo kal kan ni ka tih tawh kha’ a ti hul hak a. Hriangngai Lal Zahuata chuan ‘khawi lam khualte nge in nih a, engthilah nge in lo kal a’ tiin ringhlel tak chuan a melh zauh zauh a, khual valte lo lan hnu a a pasâltha mitmeng a zamna lo lang a hmuh chuan Lal Zahuata ngaihtuahna chu a vak thui kher mai le.
Khual lam atang chuan pasâltha phanchang tawh tak chu lo pen chhuakin ‘Lalpa keini hi Satlâk khaw tuiliak kan ni a, hei hi kan pasâltha Sângtuala a nih e, eng emaw thilah ti hian kan lo thawn thut che u a ngai a, in mi hriatthiamna kan ngen e’ tiin a han sawi charh charh a, Lal Zahuata chuan ‘in chanchin chu ka lo hre tawh a sin, hei ka pasâltha Zamliana hian kan khaw run tum a lo thawkchhuak in nih thu a sawi a, ti hian kan khua chu kan râlkhel mek a nih hi, ka thah lohna chhan tur che u eng emaw sawi tur in neih chuan sawi hun lai tak a ni’ tiin zam hauh lo chuan a hma a Satlâk tlangvalte chu a melh ran a. Pasâltha Sukthanga chuan ‘chu I thil sawi vang tak chuan a nia kan lo thawn thut che u ni, I pasâltha chuan engthu nge a lo thlen a’ tiin a hma a mi chu a melh ding ngar a. Lal Zahuata chuan a hma a khual valte chu ngun tak chuan melh in an hawiher ah chuan misual ni thei hian a hre thei lo a ni, bakah khawtual tlangval râlvengte pawh awlsam tak a paltlang thei an ni chung a, tharum thawh tum hauh lo a thu tha lam an zawng tlat mai chuan Lal rilru chu a hneh rut lat mai bawk a.
Hriangngai khaw Lal Zahuata an a chhan dawn lai tak chuan ‘Lalpa rem I tih chuan heng khualho hi tlangvalte nen tuibur hmuamda chhung lekin kan ching fel thei a nia’ tiin pasâltha Zamliana chuan a lo chhawn var a. Lal Zahuata chuan ‘ka pasâltha sawi ang chuan tuibur hmuamda chhung lekin kan that thei reng che u a, engthil ber chu nge sawi in tum ?’ tiin a han zawt nawn leh a. Zahuata chuan ‘Lalpa an thusawi tur ngaih pawimawh a tul a mi, ti khawp hian kan khua min ti râlkhel in nunau an chiai tawh hnu hmanah an eng thu nge maw kan la ngaihthlak sak ang le’ tiin a lo chhan khal leh vat a. Pasâltha Sukthanga chuan ‘I dawt sawi kan han lan chu I hlau hle mai maw ? I duham vang a nun chante thlarau pawh I zah miah na nge ?’ tiin a chhang chang fak a. Lal leh khawnbawl upate chu mak tiin an hawi phawk ta hra a. Zahuata chuan ‘in thusawi chu han sawi chiang thuai teh u, ka dawhtheina hian a tlin rei dawn hauh lo che u a nia’ tiin Satlâk tlangvalte chu a melh ralh ralh a. Pasâltha Sukthanga chuan ‘Lalpa I pasâltha duham na vang a nunchan te vang a lo kal kan ni’ tiin thil awmdan chu a sawi ta vek a. Pasâltha Zamliana chuan ‘nangni zet chu dawt sawi pawh in thiam mar hle mai maw, kan khawtual ngeiah dawtsawi mitmeng danglam hauh lo in dawt min puh a, in chetdan hi ka ngai thei ta hauh lo mai’ tiin a phun bul bul a.
Lal Zahuata chuan ‘ka pasâltha chetdan chu in sawi awihawm hle mai tak a, engnge fiahna in neih a, tiang a ka khaw daingul in sawi hmingchhiatna hi fiahna in neih loh chuan ka tha en dawn hauh lo che u a nia’ a ti ram hmak a, Lal Zahuata hmel chu hmuh a hreawm tan kher mai . Pasâltha Sukthanga chuan ‘Lalpa kan thusawi fiahna chu kan nein a meuh mai lo nghak hlek rawh’ tiin lehlam hawi chuan a lu a bu nghat a. Satlâk tlangvalte hnung thim chin atang chuan thi tawh a an ngaih an khaw tlangvalte chu him pial hian Lal mei engah chuan an lo in zui ta dam dam a. Pasâltha Zamliana hmel chu mak tihna leh thinrim na in pawlh nawk chuan a hawi kual ruai a. Lal Zhuata chuan a pasâltha Zamliana chu melhin a hmelah chuan zawhna chu a chhiar theih a, pasâltha Zamliana chuan ‘nangni ho hian min tih der vei maw’ tih pah chuan Hriangngai tlangvalte lamah chuan a tlan thut a, rawlthar Thangthuama khabe kualah chuan a lawk nghal bur a, midang a khawih leh tur chu pasâltha Sângtuala chu tlan chhuak zawkin a kut chu a vai phe zawk a, Hriangngai pasâltha chu a leng lawpin Lal char bang deng dawt in a mu zawi ta der a.
Lo chhiar mam leh ngawt mai teh u,a pulung in ka rawn nwr liam leh ta ngawt e
| Link: | |
| BBcode: | |
| HTML: | |
| Hide post links |
PASÂLTHA SÂNGTUALA (Mampuia pa)
BUNG – 163
Hriangngai Lal Zahuata leh a khawnbawl upate chuan an pasâltha nundan an hmuh chuan a ngaihna hrelo chuan an meng phawk nasa mai a. Lal Zahuata chuan ‘engnge thil awm zia chiah hi, ka khuate chhanchhuah ngai zawk a sawitu chuan kut a thlak ang lawi a’ tiin khual valte chu a melh kual hruk hruk a. Pasâltha Sukthanga chuan ‘Lalpa he thil vang hi a ni i khua kan lo tlawh ni’ tiin pawn sumhum a Mualkunga te chu a au lut a, an ni chuan puankawp a thil fun puar luah chu Lal leh khawnbawl upate hma ah chuan an lo hung hnâwk a. Pasâltha Sukthanga chuan puankawp tuam a phelh chuan thi leh dar chu mei engah a lo lang a. Lal Zahuata melhin pasâlha Sukthanga chuan ‘Lalpa heng thil avang hian a nia i khua kan lo lawi luh’ tiin Tuklawn pasâltha Bilhluaia te nen an in tawn dan te, chu mi hnu a pasâltha Sângtuala ruahman ang a, rawlthar Thangthuama an hman dante a han sawi chuan Hriangngai Lal Zahuata leh khawnbawl upate chuan, pasâltha Sângtuala chu mak ti tak chuan an melh thap a. Aw thian khurh khurh pah in Lal Zahuata chuan ‘pasâltha nang chu awm lo la vawiin hian thisen a luang ngei dawn a nia. Nangni Satlâk khua kher kan lo tawng hlauh chu ka va han lawm tak em. Tlangau pa nang kan tlangvalte zu ko chho thuai rawh’ tiin a han tir zui zat a. Tlangau pa kal hnu chuan ‘hawh ule kan khual thate chu hah zu lo zuk che u’ tiin khawnbawl upate chu a han mitmei zauh a, khawnbawl upate pawh chu phur tak chuan an che nghal suau a.
Kar loah Lal mual lam pan chuan tlangvalte pawh an lo kal thuai a, tlangval an lo thlen kim chuan a ngaihna an hrelo tih hriat tak chuan leihkatlangsang lam chu an melh thup a. Hriangngai val upa Khangliana chuan ‘Lalpa kan zanin hun hman dan teh thut chu hriat thiam a va har teh nuai ve mawle’ tiin a han zawt a. Lal Zahuata chuan ‘ka khua leh tui te u, kan vawiin hun hmandan hi kei ngei pawhin rin har ka ti in, ka lai a na tak zet a ni’ tiin Satlâk tlangvalte kiang a an khaw daingul ni thin pasâltha Zamliana hnungkhirh a ding kul chu a melh tlawk tlawk a. An Lalpa khawsa zia leh Lal bul a khual valte an hmuh chuan Hriangngai tlangvalte chu an thum huk a, val upa Khangliana chuan ‘Lalpa kan buzawl ah kan khaw dai ngul khual valten an hnungkhirh hi engnge a awm zia ?’ tiin a au lung lung a . Lal zahuata chuan ‘ka khawchhung thil thleng tur a ka lo beisei ngai loh chu ka chungah a thleng mek a ni’ tiin an khaw daingul ni thin khawsa zia a han sawi chuan, Hriangngai khaw tlangval te mak ti chu an reh thup a. Tlangval pakhat chuan ‘Lalpa tun a i thusawi chu kan awih ngawt i beisei a maw ? khati lehchen kan khaw tan a thim a var thlulo a tha leh zung sengtu hian, hetiang thil a tih duh ka ring hauh lo’ tiin a lo chhang ve lang lang a. chu tlangval thusawi chuan thlawptu a nei tha tih hriat tak chuan tlangvalte chuan ‘ni e, kan khaw tan khatiang khawp a tha thawtu khan i sawi ang a ti ngei a ni tih i sawifiah phawt kan phut a ni’ tiin an lo chhawn mur mur a. Lal chuan ‘kei ngei pawh hian in rindan kha ka tawmpui che u asin, ni lo hram tur a ka duh chu ka chungah a lo thleng ta tlat si a, a va pawi vawng vawng tak em’ tiin a han kun deuh ngaih a, Lalin ban a phar tak du ah chuan Hriangngai Lal mual chu a reh ta duk a.
Rawlthar Thangthuama chu lo penchhuakin zah a vang chuan a kun deuh chal a, Hriangngai khuate chuan mak ti tak chuan an rawlthar chu an lo melh thap a, Lal Zahuata chuan ‘Thuama kan tlangvalte hriatah hian engkim sawi vek rawh le’ tiin a han sawi chuai raih a. Rawlthar Thangthuama chuan ‘ka khuate u ka thil sawi tur hi ka mâng nise ka va ti tak em’ tiin a han ngawi dat a. Chutia mipui an reh duk lai chuan ‘nang khan ka hnung lamah min bei zui vei maw ? lo ngawi tak rawh i nasa lo viau ang’ tiin pasâltha Zahuata chu a lo te tuar a. Rawlthar Thangthuama chuan ‘ka insawi leh chuan ngailo in min hre vek a, ka thusawi pawh ka mizia atangin in teh thei ang’ tiin an ramchhuak an hlawhchham thu leh, ramri hnaih lam a khual rohlu phur an hmuh dan leh a hnu lam a an chetdan chu a sawi ta phiar a, Thangthuama thu hria te mak ti chu an ngawi thup a. Rawlthar Thangthuama chuan ‘ka thusawi hi in ringhlel a nih chuan, engvangin nge Satlâk khuate hian kan hriangngai khua hi an beih loh tih ngaihtuah ula, duh sela kan Lal leh khawnbawl upate hian nunna an nei tawh hauh lo ang’ tiin a thusawi chu a ti tawp ta a. Thangthuama thusawi an ngaihtuah chian chuan mak an ti kher mai, a thian dangte chu nunau hmuh theih tur chuan lo pen chhuakin ‘kan thianpa thusawi kha belh a awm lo a, tu vau na vang emaw a sawi a nilo kan hnawn luih vangin hreh takin kha thu kha a sawi a, kha a thusawi kha mit ngei a hmuh pui tu kan ni e’ tiin an lo tuihnih a. Hriangngai Lalpa chuan ‘tiang kha ka khawchhung a thil thleng a nih vangin Satlâk tlangvalte chungah hian lawmthu sawi ka ba tak meuh a ni, thisen chhuah ngawt lo a remthu sawi tur nunna dahkham meuh a min lo tlawh mai hi a lawmawm em a vangin huaisen lawman ka hlan dawn a ni’ tiin tlangau pa chu a tir nghal a. Tlangau pa kut atang chuan seki no khat lung zu chu la in ‘khawnge kan Satlâk pasâltha Sângtuala, kawng engkim a ruahmanna siam tu kha lo pen chhuak tehse’ tiin a han sawi lung lung a.Pasâltha Sângtuala chuan ‘Lalpa min ngaidam la ka thiante hi lawmman dawng awm a khawsa te an ni zawk. Keiin thangthat ka hlawh mai chauh a ni’ tiin a lo chhang thuai a. Satlâk tlangvalte chuan ‘ dawngawm ber chu Lal hian a hri a, a sawi ang tak khan ti rawh le’ tiin pasâltha Sukthanga chuan a lo tuihnih var a.
Chutia Lal thu ngawt an ngaituah lai chuan Hriangngai pasâltha Zamliana chuan an phuarna hrui chu a lo ti chatin, Lal mual lamah chuan a dawkthla puat in tlangval pakhat silai chu a phih thlaksak nghal lawp a. Hriangngai tlangvalte chuan an pasâltha chu a ngaihna hrelo zet chuan an melh thup a ‘nangni ka khuate u, he ti leh chen ka thlenpui tawh hnuah che u ti mai hian min hnungchhawn mai maw, in va han tenawm teh lul ngai ve, nang kha I silai kha min lo pe teh’ tiin a bul a tualchhung tlangval pahnih te chu a han tin a. An ni pahnih chuan ‘keinni chuan kan pasâltha hi a nia kan thlawp dawn ni, hriat loh khual thu leh rawlthar thu vang mai chuan kan pasâltha hi kan thlahthlam ve mai dawn hauh lo a nia’ tiin hawi pir deuh vah chung chuan an thiante chu an tin zui ve ta rap mai le. Lal Zahuata chuan ‘nangni kha in silai kha paihthla ula, tha takin in pe mai rawh u, khatiang a in awm chuan inchhungte tan thleng hian a pawi thei dawn a nia, in sual man erawh chu in phur ngei tur a ni’ tiin a han au that that a. Pasâltha Zamliana chuan ‘naute u zam hleh suh u ka tum ka thelh ngai loh zia chu in hriat kha, khawnge Satlâk bunghuai zawl Sângtuala kha lo chhuak tehse, a zawlte nen lam ka han nuai ral teh ang’ tiin a au lung lung. Pasâltha Sângtuala chuan thinrim mitsen ram chung chuan ‘ka lo kal e, i silai kha dah la, mipa takin I han sawi fel teh ang’ tiin a chempui tle vur nen chuan Lal mualah chuan a in perh thla nalh a. Thûamkunga leh Mualkunga leh Chungliana chuan an rawn thlawp zui zat a. Pasâltha Sângtuala chuan ‘thiante u, dangawm teh u a mi duh chu kei mah a lawm ka nih’ tiin tlangvalte chu tawlhnung tur chuan a han hrilh nghal a. A hma a mi ngun tak a melhin ‘in at kha so hauh suh u, tha takin inpe ula, in pang a him mai bakah inchhungte tan muanna a thlen zawk ang, ka lakah hian in ding chang dawn chuang lo a nia’ tiin a hma a mite chu a melh ding ngar a, an hma a mi mitmeng an hmuh chian chuan Hriangngai pasâltha Zamliana meuh pawh chu a meng hnuai ta raih a. Lal Zahuata leh a khawnbawl upate pawh chuan Satlâk pasâltha huhang nat zia an hmuh chuan tha takin an in pek mai an ring ta hial a. Pasâltha Sângtuala chuan a thiante chu mitmeiin hnung tawlh tur chuan a han ti a, a thiante chu lal inhnuai thim chinah chuan an tawlh lut fel ta tih a hriat chuan a hma a mite pathum silai lek mekte lamah chuan tim hauh lo chuan a pen ta hmiah hmiah a.
Pasâltha Sukthanga leh midangte chu Lal inchhungah chuan lutin an râlthuam chu an lo lek kawh ve fur hlawm a. pasâltha Sukthanga chuan a naute chu silai hmet puak lo tur chuan hrilhin a ni pawh chuan a nau che zia chu ngun tak chuan a thlir ran a. Pasâltha Zamliana pawh a rilru buai tih hriat tak chuan a meng buai nak a, an kar hlam hnih tha emaw chauh a awm tih chuan a silai ken chu lek kawh thutin a hmet puak nghal dur a, pasâltha Sângtuala chuan a hma a mi mitmeng danglam thut a hmuh rual chuan veilam penhnih pen in ding lamah a sir ding lamah a zuang thut a, silai mu chuan a bekah chuan thawi thuak in a lu hai chu a lum tawp tawp a. Pasâltha Zamliana silai mu ving thuak chuan Hriangngai tlangval pakhat chu a darah fuh in a te thawt a, a mu zawi ta reng a. silai mu chuan pasâltha Sângtuala lum sawnna chu a deng khawk hlawk hlawk a. Hriangngai tlangval te chuan an thianpa silai mu in a deng hlawm nawk an hmuh chuan an pasâltha Zamliana leh an tlangval pahnih te chu an chil ta huk a, tlangval thinrim an in thelh daih meuh chuan, pasâltha Zamliana leh tlangval pahnihte hmel chu hmuh tlak awm lo in a duk vekin, thisen in an hmel te chu a bawh sent a nguai a. Satlâk tlangvalte chuan an pasâltha lo dingchhuak mek chu an bial laih a
Lal Zahuata leh khawnbawl upate chu te thawt in Satlâk pasâltha thi ah an ngaih hmiah tawh, an rin loh ang tak him pial a lo ding chhuak an hmuh chuan mak ti leh lawm tak chuan an thlir thap hlawm a. Tlangvalte thinrim laklawh chuan ‘hawh u kan misual te chhung hi khua atang I hnawt chhuak ang u’ tiin thinrim tak chuan lal mual atang chuan an in zui ta hul hul a. Pasâltha Sângtuala chuan ‘hawh u, tlangvalte hi kan dan loh chuan thil pawi zawk a thleng dawn tlat mai’ tiin Hriangngai tlangvalte hmah chuan tlan khalhin ‘tlangvalte u, khawngaihin min lo ngaithla lawk teh u, hetiang a Lal rorelna in hmakhalh chuan in khawtlang rorel a buai nuaih dawn a nia, chuvang in Lal thu ngaichang ula a vat ha awm ve’ tiin an lo dang ta a, Val upa Khangliana chuan ‘a ni dawn tak maw, kan thinrim khaw hmulo in Lal rorel kan lo khalh mai tur min finchhuah a kan lawm e’ tiin tlangvalte hnenah chuan ‘hawh u, kan Lal rorel chu i han ngai chang ang u hmiang’ tiin Lal mual lamah chuan an in zui chho leh ta dam dam a. Lal Zahuata chuan ‘vawiin hian kan zavai tan a ngaihtuahna hmanna turSatlâk tlangvalten min hnuchhiah tha hle mai a, kha leh chen kan tan a thahnem ngaite pawh eng emaw thilah pensual theih a nih zia a chiang hle mai, kan thiante pawh kha tic hen kan tan a tha an lo thawh tawh avangin an chhungte chu kan zingah an cheng zui thei ang, an mahnin chhuah an duh erawh chuan an thuhran nisela, thlan hi laiin zan in li la hian kan vui liam tur a niang’ a ti a. Lal thuchhuak an hriat chuan tlangvalte pawh chuan engmah sawi loin thlan lam chu an pan ta hlawm a, kal pah chuan a rilru put dan danglam zia leh a dawhtheihna chu an hahip hian an sawi a. Satlâk pasâltha Sângtuala tuanran zia mawlh mai chu an an sawi bang thei lo a. A nungchung ngei a an hmu thei chu an lawmin a chet dan chu an inhrilh mawlh mawlh bawk a.
Lal Zahuata chuan ‘kha tiang reng reng a mihring tuan rang kha ka la hmu hauh lo, tu sawi emaw chu hria ila ka awih hauh lo ang mawle’ tiin chibai mai duh tawk lo chuan a kuah chung chung a. Lal Zahuata chuan ‘mitkhap kar lek a silai mmu pathum lak a him pial thei ka hmuh vawi khatna’ tiin a phun zaui mawlh mawlh a. Lal Zahuata chu a hawi hruk hruk in ‘ka vawkpa sut nghak khu zu khawng thlu ila, kan pasâltha thlahual nan ni rawhse. An sa hawn man chu an lo hawn lamah min lo tlawh leh ngei tur a niang’ tiin vaibel chu a fawp khu tual tual a. Khawnbawl upate kal tur chu pasâltha Sukthanga chuan ‘min hrethiam ula, kan lo hawn lam atan I khek zawk teh ang che u, kan chin kan hre silo a, in mi duhsak na chu zahawm viau mahse khekkhal rih the mai ang u’ tiin a lo hnial a. Lal Zahuata lukai deuh tawh pheng chuan ‘kei in Lal hian ka kâ an tawh chu in bawh tlang loh chuan min mualpho mai dawn a sin’ tiin a khawnbawl upate chu a la kar tak deuh deuh a, khawnbawl upate lah chuan ‘a ni dawn teh tak e a, hun dangah chuan sa thar ni mawlh mai tehse’ tiin thing fak lian that ha chu meichher nen chuan an dap ruk ruk, hlim tak chuan inhnuai lamah chuan an kal ta nghal a. Vawkpa ngek rawng rawngah chuan thenawm hnaite an lo tlan thuai a, thil chin an hriat chuan ‘khawnge kan pasâltha khualthang tan a ka tih ve theih tawk’ tiin hlim tak chuan an lo puji thuai hlawm a. Lal mualah chuan zan laiah chuan an in rawh hmui ta chul chul a, an vawk puah pah chuan pasâltha Sângtuala chet ran dan bak chu sawi tur an hre lo, an thiantechu hmu ve lo ang mai chuan an in hrilh mur mur mai a ni.
Vawk puah an peih fel hnu chuan ‘Lalpa hei kan beisei hauh loh khawp a duhsakna kan chang hi kan tan chuan theihnghilh rual a ni lo a, engpawhnise kei mahni vang a nunna chan hial kan awm takah chuan, kan chhiat tawkte tan a hrehawm lutuk dah a nge, ti hian a remchang hmunah kan riak chhuak phawt mai ang’ tiin Lal leh khawnbawl upate rem ti lo chung chu Hriangngai khua chu an chhuah san ta a, khuan hmasa awmah chuan khua atang a lo fing nga zet an kal hnu chuan a remchan dan ang chuan an tlu zal ta nawk nawk hlawm a. An zan hunt awn atang chuan an thianpa leh an innghahna chu a lo rin tlak zia an hre thar in, an rilru chuan ‘hetiang reng hian a ni maw kan thiana hi a lo mak dangdai chu le’ tiin an ngaihtuah nap nap hlawm a. A thiante an hnar tan tih chuan pasâltha Sângtuala muhil lai chu a harh hlawl a, ngun tak a thawm a ngaihthlak chuan sachhia an mahni hlat zawng a kal thawm ri set set chu a hre ta a, a silai hum chu thlah ruai ruai pah chuan ‘kher kher che chuan, duh leh khawchhung a ar va beisei che mawle’ tiin a phun sap sap a, reilo teah a muhil ve lah ta mai a.
. . . . . . . . .
Pasâltha Sângtuala ten an thiante an va fin leh a thilawm dan an sawi chuan ‘a va lawmawm ve, inhliam palh a hlauhawm mai bakah nunna tlem tlemah in chan lo chauh zawng a ni e’ tiin Ngiazoa pa chu a phun sap sap a. Pasâltha Phulliana ten an ro chan tawh tur a an hmuh leh mauh chuan an hlim kher mai, Lal fapa chuan ‘englekhawle, kan khua lo tlawh kawiin kan rote hi him takin min thlen sak hram dawn nia. Hei kan pasaltha lah mahni pawh a la in saseng thei la ni thuai heklo le, chhim lam pan zelin tum a nih hrim chuan, kan tlang khan tha laiah in kal zel a nga, ramri thleng chu kan tlangvalten an hruai che u a nga, in kal pawh a sawt zawk ang’ tiin an khaw tlawh tur chuan a ngen ta tlat a. Lal fapa Ngiazoa pa chuan ‘Lal fapa sawmna chu engtin nge kan tih ang le’ tiin a han rawn a, Satlâk tlangvalte chuan ‘nangnin tha in tih ang in kan kal dawn nia’ tiin an lo chhang thuai a. Ngiazoa pa chuan ‘aw le, kan tlangvalte khan hlâng han siam ula, tukthuan eikham ah kan kal nghal mai dawn nia’ ti a sawi zawh chuan, Satlâk tlangvalte chu hlâng siam chuan an phe nghal suau a. Pasâltha Phulliana chuan ‘hlâng siam chu a ngailo e, hei ka kal thei tawh a lawm’ a tih chu hreawm pawh a lang lo chuan infiam bawrh bawrh chung chuan kar loah an siam zo ta mai a. Tukthuan an eikham chuan pasâltha Bilhluaia duh lo chung chu an zawn lui a, hreh teh mahse tang thei heklo le, hmahruaite sul zui chuan an kal sawk sawk a.
Lo tawk leh mai tehse, rilru a lang mawh khawp mai, ka dam chuan pathianni hian thui deuh zawk lo dah ka tum e
BUNG – 163
Hriangngai Lal Zahuata leh a khawnbawl upate chuan an pasâltha nundan an hmuh chuan a ngaihna hrelo chuan an meng phawk nasa mai a. Lal Zahuata chuan ‘engnge thil awm zia chiah hi, ka khuate chhanchhuah ngai zawk a sawitu chuan kut a thlak ang lawi a’ tiin khual valte chu a melh kual hruk hruk a. Pasâltha Sukthanga chuan ‘Lalpa he thil vang hi a ni i khua kan lo tlawh ni’ tiin pawn sumhum a Mualkunga te chu a au lut a, an ni chuan puankawp a thil fun puar luah chu Lal leh khawnbawl upate hma ah chuan an lo hung hnâwk a. Pasâltha Sukthanga chuan puankawp tuam a phelh chuan thi leh dar chu mei engah a lo lang a. Lal Zahuata melhin pasâlha Sukthanga chuan ‘Lalpa heng thil avang hian a nia i khua kan lo lawi luh’ tiin Tuklawn pasâltha Bilhluaia te nen an in tawn dan te, chu mi hnu a pasâltha Sângtuala ruahman ang a, rawlthar Thangthuama an hman dante a han sawi chuan Hriangngai Lal Zahuata leh khawnbawl upate chuan, pasâltha Sângtuala chu mak ti tak chuan an melh thap a. Aw thian khurh khurh pah in Lal Zahuata chuan ‘pasâltha nang chu awm lo la vawiin hian thisen a luang ngei dawn a nia. Nangni Satlâk khua kher kan lo tawng hlauh chu ka va han lawm tak em. Tlangau pa nang kan tlangvalte zu ko chho thuai rawh’ tiin a han tir zui zat a. Tlangau pa kal hnu chuan ‘hawh ule kan khual thate chu hah zu lo zuk che u’ tiin khawnbawl upate chu a han mitmei zauh a, khawnbawl upate pawh chu phur tak chuan an che nghal suau a.
Kar loah Lal mual lam pan chuan tlangvalte pawh an lo kal thuai a, tlangval an lo thlen kim chuan a ngaihna an hrelo tih hriat tak chuan leihkatlangsang lam chu an melh thup a. Hriangngai val upa Khangliana chuan ‘Lalpa kan zanin hun hman dan teh thut chu hriat thiam a va har teh nuai ve mawle’ tiin a han zawt a. Lal Zahuata chuan ‘ka khua leh tui te u, kan vawiin hun hmandan hi kei ngei pawhin rin har ka ti in, ka lai a na tak zet a ni’ tiin Satlâk tlangvalte kiang a an khaw daingul ni thin pasâltha Zamliana hnungkhirh a ding kul chu a melh tlawk tlawk a. An Lalpa khawsa zia leh Lal bul a khual valte an hmuh chuan Hriangngai tlangvalte chu an thum huk a, val upa Khangliana chuan ‘Lalpa kan buzawl ah kan khaw dai ngul khual valten an hnungkhirh hi engnge a awm zia ?’ tiin a au lung lung a . Lal zahuata chuan ‘ka khawchhung thil thleng tur a ka lo beisei ngai loh chu ka chungah a thleng mek a ni’ tiin an khaw daingul ni thin khawsa zia a han sawi chuan, Hriangngai khaw tlangval te mak ti chu an reh thup a. Tlangval pakhat chuan ‘Lalpa tun a i thusawi chu kan awih ngawt i beisei a maw ? khati lehchen kan khaw tan a thim a var thlulo a tha leh zung sengtu hian, hetiang thil a tih duh ka ring hauh lo’ tiin a lo chhang ve lang lang a. chu tlangval thusawi chuan thlawptu a nei tha tih hriat tak chuan tlangvalte chuan ‘ni e, kan khaw tan khatiang khawp a tha thawtu khan i sawi ang a ti ngei a ni tih i sawifiah phawt kan phut a ni’ tiin an lo chhawn mur mur a. Lal chuan ‘kei ngei pawh hian in rindan kha ka tawmpui che u asin, ni lo hram tur a ka duh chu ka chungah a lo thleng ta tlat si a, a va pawi vawng vawng tak em’ tiin a han kun deuh ngaih a, Lalin ban a phar tak du ah chuan Hriangngai Lal mual chu a reh ta duk a.
Rawlthar Thangthuama chu lo penchhuakin zah a vang chuan a kun deuh chal a, Hriangngai khuate chuan mak ti tak chuan an rawlthar chu an lo melh thap a, Lal Zahuata chuan ‘Thuama kan tlangvalte hriatah hian engkim sawi vek rawh le’ tiin a han sawi chuai raih a. Rawlthar Thangthuama chuan ‘ka khuate u ka thil sawi tur hi ka mâng nise ka va ti tak em’ tiin a han ngawi dat a. Chutia mipui an reh duk lai chuan ‘nang khan ka hnung lamah min bei zui vei maw ? lo ngawi tak rawh i nasa lo viau ang’ tiin pasâltha Zahuata chu a lo te tuar a. Rawlthar Thangthuama chuan ‘ka insawi leh chuan ngailo in min hre vek a, ka thusawi pawh ka mizia atangin in teh thei ang’ tiin an ramchhuak an hlawhchham thu leh, ramri hnaih lam a khual rohlu phur an hmuh dan leh a hnu lam a an chetdan chu a sawi ta phiar a, Thangthuama thu hria te mak ti chu an ngawi thup a. Rawlthar Thangthuama chuan ‘ka thusawi hi in ringhlel a nih chuan, engvangin nge Satlâk khuate hian kan hriangngai khua hi an beih loh tih ngaihtuah ula, duh sela kan Lal leh khawnbawl upate hian nunna an nei tawh hauh lo ang’ tiin a thusawi chu a ti tawp ta a. Thangthuama thusawi an ngaihtuah chian chuan mak an ti kher mai, a thian dangte chu nunau hmuh theih tur chuan lo pen chhuakin ‘kan thianpa thusawi kha belh a awm lo a, tu vau na vang emaw a sawi a nilo kan hnawn luih vangin hreh takin kha thu kha a sawi a, kha a thusawi kha mit ngei a hmuh pui tu kan ni e’ tiin an lo tuihnih a. Hriangngai Lalpa chuan ‘tiang kha ka khawchhung a thil thleng a nih vangin Satlâk tlangvalte chungah hian lawmthu sawi ka ba tak meuh a ni, thisen chhuah ngawt lo a remthu sawi tur nunna dahkham meuh a min lo tlawh mai hi a lawmawm em a vangin huaisen lawman ka hlan dawn a ni’ tiin tlangau pa chu a tir nghal a. Tlangau pa kut atang chuan seki no khat lung zu chu la in ‘khawnge kan Satlâk pasâltha Sângtuala, kawng engkim a ruahmanna siam tu kha lo pen chhuak tehse’ tiin a han sawi lung lung a.Pasâltha Sângtuala chuan ‘Lalpa min ngaidam la ka thiante hi lawmman dawng awm a khawsa te an ni zawk. Keiin thangthat ka hlawh mai chauh a ni’ tiin a lo chhang thuai a. Satlâk tlangvalte chuan ‘ dawngawm ber chu Lal hian a hri a, a sawi ang tak khan ti rawh le’ tiin pasâltha Sukthanga chuan a lo tuihnih var a.
Chutia Lal thu ngawt an ngaituah lai chuan Hriangngai pasâltha Zamliana chuan an phuarna hrui chu a lo ti chatin, Lal mual lamah chuan a dawkthla puat in tlangval pakhat silai chu a phih thlaksak nghal lawp a. Hriangngai tlangvalte chuan an pasâltha chu a ngaihna hrelo zet chuan an melh thup a ‘nangni ka khuate u, he ti leh chen ka thlenpui tawh hnuah che u ti mai hian min hnungchhawn mai maw, in va han tenawm teh lul ngai ve, nang kha I silai kha min lo pe teh’ tiin a bul a tualchhung tlangval pahnih te chu a han tin a. An ni pahnih chuan ‘keinni chuan kan pasâltha hi a nia kan thlawp dawn ni, hriat loh khual thu leh rawlthar thu vang mai chuan kan pasâltha hi kan thlahthlam ve mai dawn hauh lo a nia’ tiin hawi pir deuh vah chung chuan an thiante chu an tin zui ve ta rap mai le. Lal Zahuata chuan ‘nangni kha in silai kha paihthla ula, tha takin in pe mai rawh u, khatiang a in awm chuan inchhungte tan thleng hian a pawi thei dawn a nia, in sual man erawh chu in phur ngei tur a ni’ tiin a han au that that a. Pasâltha Zamliana chuan ‘naute u zam hleh suh u ka tum ka thelh ngai loh zia chu in hriat kha, khawnge Satlâk bunghuai zawl Sângtuala kha lo chhuak tehse, a zawlte nen lam ka han nuai ral teh ang’ tiin a au lung lung. Pasâltha Sângtuala chuan thinrim mitsen ram chung chuan ‘ka lo kal e, i silai kha dah la, mipa takin I han sawi fel teh ang’ tiin a chempui tle vur nen chuan Lal mualah chuan a in perh thla nalh a. Thûamkunga leh Mualkunga leh Chungliana chuan an rawn thlawp zui zat a. Pasâltha Sângtuala chuan ‘thiante u, dangawm teh u a mi duh chu kei mah a lawm ka nih’ tiin tlangvalte chu tawlhnung tur chuan a han hrilh nghal a. A hma a mi ngun tak a melhin ‘in at kha so hauh suh u, tha takin inpe ula, in pang a him mai bakah inchhungte tan muanna a thlen zawk ang, ka lakah hian in ding chang dawn chuang lo a nia’ tiin a hma a mite chu a melh ding ngar a, an hma a mi mitmeng an hmuh chian chuan Hriangngai pasâltha Zamliana meuh pawh chu a meng hnuai ta raih a. Lal Zahuata leh a khawnbawl upate pawh chuan Satlâk pasâltha huhang nat zia an hmuh chuan tha takin an in pek mai an ring ta hial a. Pasâltha Sângtuala chuan a thiante chu mitmeiin hnung tawlh tur chuan a han ti a, a thiante chu lal inhnuai thim chinah chuan an tawlh lut fel ta tih a hriat chuan a hma a mite pathum silai lek mekte lamah chuan tim hauh lo chuan a pen ta hmiah hmiah a.
Pasâltha Sukthanga leh midangte chu Lal inchhungah chuan lutin an râlthuam chu an lo lek kawh ve fur hlawm a. pasâltha Sukthanga chuan a naute chu silai hmet puak lo tur chuan hrilhin a ni pawh chuan a nau che zia chu ngun tak chuan a thlir ran a. Pasâltha Zamliana pawh a rilru buai tih hriat tak chuan a meng buai nak a, an kar hlam hnih tha emaw chauh a awm tih chuan a silai ken chu lek kawh thutin a hmet puak nghal dur a, pasâltha Sângtuala chuan a hma a mi mitmeng danglam thut a hmuh rual chuan veilam penhnih pen in ding lamah a sir ding lamah a zuang thut a, silai mu chuan a bekah chuan thawi thuak in a lu hai chu a lum tawp tawp a. Pasâltha Zamliana silai mu ving thuak chuan Hriangngai tlangval pakhat chu a darah fuh in a te thawt a, a mu zawi ta reng a. silai mu chuan pasâltha Sângtuala lum sawnna chu a deng khawk hlawk hlawk a. Hriangngai tlangval te chuan an thianpa silai mu in a deng hlawm nawk an hmuh chuan an pasâltha Zamliana leh an tlangval pahnih te chu an chil ta huk a, tlangval thinrim an in thelh daih meuh chuan, pasâltha Zamliana leh tlangval pahnihte hmel chu hmuh tlak awm lo in a duk vekin, thisen in an hmel te chu a bawh sent a nguai a. Satlâk tlangvalte chuan an pasâltha lo dingchhuak mek chu an bial laih a
Lal Zahuata leh khawnbawl upate chu te thawt in Satlâk pasâltha thi ah an ngaih hmiah tawh, an rin loh ang tak him pial a lo ding chhuak an hmuh chuan mak ti leh lawm tak chuan an thlir thap hlawm a. Tlangvalte thinrim laklawh chuan ‘hawh u kan misual te chhung hi khua atang I hnawt chhuak ang u’ tiin thinrim tak chuan lal mual atang chuan an in zui ta hul hul a. Pasâltha Sângtuala chuan ‘hawh u, tlangvalte hi kan dan loh chuan thil pawi zawk a thleng dawn tlat mai’ tiin Hriangngai tlangvalte hmah chuan tlan khalhin ‘tlangvalte u, khawngaihin min lo ngaithla lawk teh u, hetiang a Lal rorelna in hmakhalh chuan in khawtlang rorel a buai nuaih dawn a nia, chuvang in Lal thu ngaichang ula a vat ha awm ve’ tiin an lo dang ta a, Val upa Khangliana chuan ‘a ni dawn tak maw, kan thinrim khaw hmulo in Lal rorel kan lo khalh mai tur min finchhuah a kan lawm e’ tiin tlangvalte hnenah chuan ‘hawh u, kan Lal rorel chu i han ngai chang ang u hmiang’ tiin Lal mual lamah chuan an in zui chho leh ta dam dam a. Lal Zahuata chuan ‘vawiin hian kan zavai tan a ngaihtuahna hmanna turSatlâk tlangvalten min hnuchhiah tha hle mai a, kha leh chen kan tan a thahnem ngaite pawh eng emaw thilah pensual theih a nih zia a chiang hle mai, kan thiante pawh kha tic hen kan tan a tha an lo thawh tawh avangin an chhungte chu kan zingah an cheng zui thei ang, an mahnin chhuah an duh erawh chuan an thuhran nisela, thlan hi laiin zan in li la hian kan vui liam tur a niang’ a ti a. Lal thuchhuak an hriat chuan tlangvalte pawh chuan engmah sawi loin thlan lam chu an pan ta hlawm a, kal pah chuan a rilru put dan danglam zia leh a dawhtheihna chu an hahip hian an sawi a. Satlâk pasâltha Sângtuala tuanran zia mawlh mai chu an an sawi bang thei lo a. A nungchung ngei a an hmu thei chu an lawmin a chet dan chu an inhrilh mawlh mawlh bawk a.
Lal Zahuata chuan ‘kha tiang reng reng a mihring tuan rang kha ka la hmu hauh lo, tu sawi emaw chu hria ila ka awih hauh lo ang mawle’ tiin chibai mai duh tawk lo chuan a kuah chung chung a. Lal Zahuata chuan ‘mitkhap kar lek a silai mmu pathum lak a him pial thei ka hmuh vawi khatna’ tiin a phun zaui mawlh mawlh a. Lal Zahuata chu a hawi hruk hruk in ‘ka vawkpa sut nghak khu zu khawng thlu ila, kan pasâltha thlahual nan ni rawhse. An sa hawn man chu an lo hawn lamah min lo tlawh leh ngei tur a niang’ tiin vaibel chu a fawp khu tual tual a. Khawnbawl upate kal tur chu pasâltha Sukthanga chuan ‘min hrethiam ula, kan lo hawn lam atan I khek zawk teh ang che u, kan chin kan hre silo a, in mi duhsak na chu zahawm viau mahse khekkhal rih the mai ang u’ tiin a lo hnial a. Lal Zahuata lukai deuh tawh pheng chuan ‘kei in Lal hian ka kâ an tawh chu in bawh tlang loh chuan min mualpho mai dawn a sin’ tiin a khawnbawl upate chu a la kar tak deuh deuh a, khawnbawl upate lah chuan ‘a ni dawn teh tak e a, hun dangah chuan sa thar ni mawlh mai tehse’ tiin thing fak lian that ha chu meichher nen chuan an dap ruk ruk, hlim tak chuan inhnuai lamah chuan an kal ta nghal a. Vawkpa ngek rawng rawngah chuan thenawm hnaite an lo tlan thuai a, thil chin an hriat chuan ‘khawnge kan pasâltha khualthang tan a ka tih ve theih tawk’ tiin hlim tak chuan an lo puji thuai hlawm a. Lal mualah chuan zan laiah chuan an in rawh hmui ta chul chul a, an vawk puah pah chuan pasâltha Sângtuala chet ran dan bak chu sawi tur an hre lo, an thiantechu hmu ve lo ang mai chuan an in hrilh mur mur mai a ni.
Vawk puah an peih fel hnu chuan ‘Lalpa hei kan beisei hauh loh khawp a duhsakna kan chang hi kan tan chuan theihnghilh rual a ni lo a, engpawhnise kei mahni vang a nunna chan hial kan awm takah chuan, kan chhiat tawkte tan a hrehawm lutuk dah a nge, ti hian a remchang hmunah kan riak chhuak phawt mai ang’ tiin Lal leh khawnbawl upate rem ti lo chung chu Hriangngai khua chu an chhuah san ta a, khuan hmasa awmah chuan khua atang a lo fing nga zet an kal hnu chuan a remchan dan ang chuan an tlu zal ta nawk nawk hlawm a. An zan hunt awn atang chuan an thianpa leh an innghahna chu a lo rin tlak zia an hre thar in, an rilru chuan ‘hetiang reng hian a ni maw kan thiana hi a lo mak dangdai chu le’ tiin an ngaihtuah nap nap hlawm a. A thiante an hnar tan tih chuan pasâltha Sângtuala muhil lai chu a harh hlawl a, ngun tak a thawm a ngaihthlak chuan sachhia an mahni hlat zawng a kal thawm ri set set chu a hre ta a, a silai hum chu thlah ruai ruai pah chuan ‘kher kher che chuan, duh leh khawchhung a ar va beisei che mawle’ tiin a phun sap sap a, reilo teah a muhil ve lah ta mai a.
. . . . . . . . .
Pasâltha Sângtuala ten an thiante an va fin leh a thilawm dan an sawi chuan ‘a va lawmawm ve, inhliam palh a hlauhawm mai bakah nunna tlem tlemah in chan lo chauh zawng a ni e’ tiin Ngiazoa pa chu a phun sap sap a. Pasâltha Phulliana ten an ro chan tawh tur a an hmuh leh mauh chuan an hlim kher mai, Lal fapa chuan ‘englekhawle, kan khua lo tlawh kawiin kan rote hi him takin min thlen sak hram dawn nia. Hei kan pasaltha lah mahni pawh a la in saseng thei la ni thuai heklo le, chhim lam pan zelin tum a nih hrim chuan, kan tlang khan tha laiah in kal zel a nga, ramri thleng chu kan tlangvalten an hruai che u a nga, in kal pawh a sawt zawk ang’ tiin an khaw tlawh tur chuan a ngen ta tlat a. Lal fapa Ngiazoa pa chuan ‘Lal fapa sawmna chu engtin nge kan tih ang le’ tiin a han rawn a, Satlâk tlangvalte chuan ‘nangnin tha in tih ang in kan kal dawn nia’ tiin an lo chhang thuai a. Ngiazoa pa chuan ‘aw le, kan tlangvalte khan hlâng han siam ula, tukthuan eikham ah kan kal nghal mai dawn nia’ ti a sawi zawh chuan, Satlâk tlangvalte chu hlâng siam chuan an phe nghal suau a. Pasâltha Phulliana chuan ‘hlâng siam chu a ngailo e, hei ka kal thei tawh a lawm’ a tih chu hreawm pawh a lang lo chuan infiam bawrh bawrh chung chuan kar loah an siam zo ta mai a. Tukthuan an eikham chuan pasâltha Bilhluaia duh lo chung chu an zawn lui a, hreh teh mahse tang thei heklo le, hmahruaite sul zui chuan an kal sawk sawk a.
Lo tawk leh mai tehse, rilru a lang mawh khawp mai, ka dam chuan pathianni hian thui deuh zawk lo dah ka tum e
| Link: | |
| BBcode: | |
| HTML: | |
| Hide post links |
PASÂLTHA SÂNGTUALA (Mampuia pa)
BUNG – 164
( Thildang deuh in min han tlak buak chuan thiam loh a hriat leh zual thin kher mai, mahni in sit a na duhin kan tum loh deuh hian eng emaw hi a lo tel ve leh nawlh thin, a va buai an thlak tak em, thawnthu phuahchawp mai a nih erawh in hriat hnu a nih hi maw )
. . . . . .
Thlahtu a tang reng a mi huaisen ti a an sawi thin chuan rosum duh vang mai a famô neihna khawtlai ngai te, a khawnbawl upa leh tlangvalte tawp dan a hriat meuh chuan Lal Kaphnuna ( a hming hi a hma a mi nen a dang a, lo ngaithiam leh mai ru aw) Hriangngai palai te chu rum tak a melhin ‘nangni khaw duham vang mai hian maw ka khawnbawl upate leh tlangvalten min liam san a, ka fapa leh ka khaw daingul te mangang thlabar a in lo siam vei chu ni, palai chung a kut thlak em zawng ka la insum thei e, ka fapa te ka hmuh hma chuan in hmel hmuh ka duh tawh hauh lo, tunah chhuak rang rawh u’ tiin a inchhungah chuan a vei tuak ther ther mai le. Hriangngai palaite pawh chuan hreh tak leh hlauthawng ru tak chuan an thlenin lam chu an pan leh ta dam dam a, an thlenin khawnbawl upate chuan zui chhuak ve in sawi tur an van tlang kher mai. Hriangngai lam chuan ‘hetiang hi kan rin lawks a reng a ni a, kan tan a tih theih awm chhun chu Satlâk lam unaute khawngaihna ngen a ni tawh mai’ tiin an ngaihtuah nap nap a. Khawnbawl upate pawh chuan an khualte chu in an thlenpui hnu chuan Lal in lamah an chhuahsan leh ta diak a, an thlen in te pawh an rilru a nâ tih a hriatin an hawi tau deuh nghawng nghawng a.
Lal Kaphnuna thinrim lutuk chuan zu chu seki no khat chuan a tlak pawp pawp reng a, a ruih lungpuam deuh hnu chuan seki no chuan a banglai chu a vawm thum leh pawp thin a. Lalnu Zaneihthangi ( Paihper hmunah buh phur za an thar vang a hming chawi ta) chuan ‘Hrangzinga pa, insum deuh teh khai, nang ber khatiang a i awm chuan kan khawnbawl upate pawhin hrehawm an ti lutuk dah a nge, kan fapate pawh thinrim hmel a i lo dawnsawn chuan a dik lo ang’ tiin a pasâl thinrim chu a lo khap dai a, Lalpa Kaphnuna chuan a nupui chu melh run in ‘Hrangzinga nu nge nge chu ka lo thlangsual lo thin e, ka thinrim ka puakkeh lo chauh a lawm le, engtin nge kan fate nunna chhan tu chu thinrim hmelsen nen a kan lo dawn sawn ngawt pek ang le’ tiin a khawnbawl upate melh kualin ‘kan chung a pawi khawihte hi eng tiang tak in nge kan tih ang’ tiin a han rawn a. Hriangngai khawnbawl upate chu in melh kualin an hawi danah chuan an rilru nat zia pawh a lang chiang kher mai le. khawnbawl upa min Khualdawla chuan ‘in ngaihdam theih loh thu awm suh, amaherawh chu hetiang a kan in ngaihdam ngawt hi ka rilrem zawng a ni hauh lo’ tiin thu bul a han tan a. khawnbawl dangte pawh chuan ‘hetiang a ngaihdam ngawt chu a tha nat thlak thlat a ni’ tiin an lo zawm tliar tliar a. Lal Kaphnuna chuan ‘kei pawh han ngawih ngawt mai chu ka rilrem zawng a ni hauh lo, kan unaute thisen man chu a awm tawk an rul ngei tur a ni, engtia han tih tur nge tih lai hi in ngaihdan ka hre hmasa duh a ni, an bul tan sa han chhun zawm sak hi ka chak kher mai, râl ka bawh lohna pawh a rei ta’ tiin a thinrim chu a thu sen leh tul tawh a. khawnbawl upa chuan ‘kan fate pawh lo thleng phawt sela, ngaihdan chu kan la siam ang chu’ tiin zu tui tling engkuk chu an khiat leh khawlh thin a. zan a rei tulh tulh in an tawng pawh a paw hraw tan ta kher mai le. Lalnu Zaneihthangi chuan ‘khaih thawm dim deuh teh u, in insum loh chuan kan tlangvalten palai te reu reu khu kut an lo thlak palh hlauh dah a nge’ tiin zan zung pah chuan a khap daih an ngai leh zauh thin. Zawlbuk tlangvalte lah chuan an khawnbawl upa leh thiante nunchan an hriat hnu phei chuan zawlbukah chuan ral beih zirin an ri hulh hulh a, pasâltha leh val upaten khap losela Hriangngai palaite chan chuan maian chan pawh a tluk kher lo ang le.
Lal Kaphnuna leh a khawnbawl upate chuan leilung lan rual tlangval lal mual a lo fuankhawmte hnenah chuan ‘ka tlangvalte u,kan hun tawn mek hi hriatthiam rual a ni lo, chutih rual chuan an thiam loh zia hria ngaihdam dil nafam chu han ngaihdam loh thu awm suh, chin chiang zawk erawh kan naute lo thlen hunah chauh a chiang dawn a, khawi kawng nge kan zawh dawn lah hriat a nilo bawk nen, thinrim vang a khaw hmu lo lek a chet erawh kan tih tur a ni chiah lo turah ngai ila’ tiin a han sawi charh charh a. Chutia Lal in a tih takah chuan tlangvalte chu lungdawh lamah chuan an liam ta hul hul a. An Lal Kaphnuna mizia an hriat chian em vang chuan a ngawih ral mai ring lo chuan tlangvalte pawh chuan phuba lak ngei inring chuan an pheikhani a zang kher mai. Tukthuan ei hun chuan tlangvalte chu lungdawh lam atang chuan an lo thum chho huk huk a. Lal in tlangval thinrim thawm lo ri hulh hulh a hriat chuan leihkatlangsangah chuan khawnbawl upate nen an chuang chhuak thuai a. Tlangvalte zing a khual tlangval an hmuh vang leh hlang an hmuh vang chuan khual tlangvalte chu an lo thleng a nih an hrethiam nghal mai a. Lal mual an thlen chuan Lal fapa Hrangzingan an khua a lawi leh chuan an hun tawn leh an thih teuh ziate chu a lo lang nawn awn awn a, an tlangvalte thinrim thawm chuan a ti thlamuang kher mai, Lalnu Zaneihthangin a fapa a hmuh chuan ‘tunah chuan fapa puitling leh râl beih awmzia hria ka nei ta, i pa dungthulin Lal belh fak tlak nih nan he hun hi i hman ngei ka beisei’ tiin a fapa chu hlim tak chuan a lo nuih var var a. Lalnu tawng chuan a pasâl thinrimna chu beng daiin ‘mipa fa chuan hetiang hun hi an tawng tur a ni’ tih rilru neih tirin rilru thui tak a neih tir phah ta hial a.
Lal Kaphnuna chuan ‘ka pasâltha leh ka fapate lo chhanchhuak tute kha he lamah hian lo chho ula, in chanchin chu kan zavai hian kan hre chiang duh e’ tiin a hmel a thinrim inthup hairual loh chuan a hawi fi hmawk hmawk a. Lal fapa Hrangzinga chuan ‘pasâltha nang kan chin chu han sawi zawk rawh aw’ tiin a kun ngaih a. Pasâltha Bilhluaia chu thisen hloh tam vang a dang deuh bai in tlangban rinchhan chuan a ding sai dar dar a, taksa chak loh vang a aw lawi rat chuan ‘khatia Lal fapa nupui man hlan tur a kan kal kha, Hriangngai ram kan pelh dawn mual ngâ emaw velah ramchhuak hawng tlangval sawmhnih dawn thaw kan tawk a, tha tak a kan in pelh hnuah ramri kawr kan pelh hnu lawk chuan silai a lo puak dur a, kan zing a tlangval pakhat chu te thawtin a tlu zawi hnawk a, silai puak ri chuan a lo zui dawt dawt a, keini pawhin a remchan dan ang zel a kap letin an zing a mi eng emaw zah chu kan dahtha ve bawk a, a ramchin hre zawk leh in buatsaih tha zawk an niin, min lo tlankhalh a ruang chaicheh min thlak vangin kan Lal fapa man tur chu kan humhim thei lo mai bakah, kan zing a mi tam zawk tawpna chu chu lai tlang khanah chuan a thleng ta a ni’ tiin a kun ngaih a, a ngawih deuh hnu chuan a kam sir a chil chu a lei ro tak chuan a hawl khawm in a lem khawlh a, Lalpa Kaphnuna chuan zu tuitling chu seki nokhat chuan a han pe a, tang buai lo chuan zu chu la in a thawk khat pawp a, Lal lam hawi a buk nghat pah chuan tlangban chu a hmer khur ngawr ngawr a.
Pasâltha Billuaia chuan a mittui lo hnam chu khap per chhak chhak pah chuan a hachang chu a thial deuh rap rap a. Thawpui lak pah chuan ‘chu tlang khan atang chuan Lal fapa nen chuan engtin tin emaw kan tal put thei hram a , kan naute na tuar au rawl chu tun hun thleng hian ka bengah a la cham a sin’ tiin a mittui chu a biangah chuan a lo luang thla ngiai ngiai . A rilru na lutuk chuan Lal tlangban mau tlawn chu a hmer keh rawp in a mah pawh a thu sawp nawlh a. Pasâltha Sângtuala chuan a zakah chelhin dimte chuan a han kai tho a, a mitah en in ‘ a hunah chuan keipui meuh pawh chinghne lakah a tlan chhe ve fo a sin’ tiin pasâltha Bilhluaia beng bulah chuan a han phun sap a. A hma a mi mit tak a melh chuan a han bu nghat nghat a, a mittui chu a kut hnung hraw hruih chuan a han hru fai pawk pawk a, aw thian kharh kharh in ‘tichuan hmalam pan chuan kan tlan ta zel a, nikhat leh zankhat kan tlan chuan hliam te nau kan nei nual tawh a, theipui hmin kan hmu fuh hlauh a, chu mi kan ei lai chuan min lo nang leh in min lo kap a, kan vanneihna chuan min la hruai zel a ni chek a niang chu, ka nak leh bek ah silai mu chuan lo thawi in, lal fapa ko ki veilam chu a thawi bawk a, kan han kap let vein an ni lam pawh tam an lo ni bik tawh lo a, duh sela chuan chhun lamah khan min man tawh tur a ni a, zanriah chhum tlai lam mahah min lo nang ching leh chauh a, kan thi ngei tawh turah kan in dah laiin kan Satlâk pasâltha Sângtuala te thianzaho an lo lang thut a, a bak chu engmah ka hre zui tawh bik lo, ka harh leh chuan bukah ka lo awm tawh in, ka hliam pawh fai tak a sil fai a lo ni tawh a’ tiin an chhiat tawh dan chu a han sawi chuan. An unaute tawp dan chuan Lal Kaphnuna khaw lal mual chu thinrim thawm chuan a ri ta hulh hulh a, tlangval dawn tawi thenkhat lah chuan ‘Hriangngai khaw ho khu zu chaih phar ve chhin ila, eng tiang takin nge an lak nat chu a hriat ve mai ang chu’ tiin an lo sawi lawr lawr a, chu tawngkam chuan thlawptu a nei tha tih a hriat tak chuan tlangvalte chu chempui lek chung chuan khawnbawl upate in lamah chuan an kal tan ta a.
Pasâltha Sângtuala chuan ‘thiante u min lo ngaithla lawk teh u, tha rum ngawt a thil sawi felin tum chuan kan chengho thei nang, khawtlang rorelna kal pui tur chuan Lal leh khawnbawl upate leh val upa leh pasâlthate thu ngaihchan thiam a tha ngai e, chutiang lo a in thinrimna in inhnen tir mai chuan in thiam a chungah thiam loh in chang mai dawn a sin’ tiin a han au lang lang a. Tlangval pakhat chuan ‘in khaw chung a thleng nise tun ang khan i sawi tho a ngem ? tiin a han zawt let a. Pasâltha Sângtuala chuan ‘ka tih thin dan a niin upa zawkte thu ang a kanawm vang a vawiin thleng a la dam ve chauh ka ni a sin, Lal awm reng lai a thuneih tum tlatte hi tih mi pawh a nih chiah a mawni le ? tiin tlangval chu a han chhang chang rat a. Lal leh khawnbawl upate pawh chuan ‘kan Satlâk pasâltha hian a ti dik a ni, khawtlang rorelna chu Lal thu neihna a ni a, chuvang chuan palai chungah chuan tuman kut in thlak tur a nilo’ an lo tih takah chuan tlangvalte pawh zak tak chuan hnuai lam bih chuan an kun ran hlawm a. Tlangavl pakhat chuan ‘chu kan unaute tawrhna hi kan thlir liam mai dawn tihna a mi ? kan khaw tan pen chhuah hi thil hlauhawm takah kan chhuah mai dawn a va ang ta ve’ tiin a rawn chhang leh lar lar a. Lal Kaphnuna chuan ‘ka tlangvalte u, kan unaute tawrhna hi kan pai dai hauh lo ang, nunna kan in lak tawn ngawt hian rah tha a chhuah loh zia chu tunah hian kan hmu reng a ni lawm mi ? fahrah leh hmeithai siam belhin an awm a, muanna boruak a bo zo a ni tawh mai a, mipa tan a nuam hi hmeichhe tan a hahdam thlak meuh maw ?’ ti Lal Kaphnunan a chhan chuan Lal mual chu a reh ta thap a. Lal Kaphnuna chuan ‘vawiin hian ka tlawm dawn tihna a ni hauh lo, an mahnin an duh a nih loh chuan tharum thawhna hian chhan let ka duh a ni hauh lo, mahse an tan chuan a na telh tawlh khawp ang’ tiin thinrim sehchilh rap rap chuan a han sawi a. Lal Kaphnuna mizia an hriat tawh avang chuan tlangvalte pawh chuan an Lal leh khawnbawl upate thu ngaichang tur chuan an hawng darh ta sang sang a.
Satlâk pasâltha Sângtuala huaisen na leh fin an hmuh chuan an chemhar pek zawng a an khawsa lo chu an lawm kher mai. Ngiazoa pa chuan a nau chu chhuang tak a thlir vang vang in ‘nang te reuh te hi i va han chhuanawm tak em’ tiin a ngaihtuah rauh rauh a. Lal Kaphnuna chuan Satlâk tlangvalten Lal fapa an tih chu a en chuan mak tihna riau a nei a. A tawng leh hawi herah chuan dang lamna tak a nei tlat a ni. Lal Kaphnuna chuan ‘zanin chu in riak tur a ni, in rem hriat leh huaisen vangin ka fapa leh khaw daingul nunna tih seiin a awm a, he ti ngawt chuan ka kal tir theilo che u a ni, zan khat a vang mai chuan eng em in ti nang’ a tih tlat vang chuan chu mi zan chu riak tur chuan an in tin tuah ta a. Behliang mun hunah chuan Hriangngai khua te chuan Satlâk khuate chu an buaina ah chuan pun in, palai hnathawk tur a an ngen tlat vang chuan pasâltha Sukthanga ho chuan an thawk chhuak ta a.Lal Kaphnuna leh khawnbawl upate chuan an rilru natna chu thup hram hram in an lo dawng sawng a. Pasâltha Sukthanga chuan ‘A hei Lalpa min ngaithiam la, kan unaute hian an thiltihsual hria in, an mahni mai a in hmaisa tawn chu an zuam meuh loh vangin ti hian, remna awm theihna a nih beiseiin kan lo thawk chhuak ngawt mai a ni, kan tawrhna chu dah tha in remna kan zawn hram hram hi kan hma hun atan a tha ber a nih beiseiin , i zahngaihna kan lo ngen ngawt mai a ni’ tiin thu a han keu hawng a. Lal Kaphnuna chuan ‘ni e, eng ang pawhin lo va che na ila, nunna chu kan kom let thei a nih loh vang a tun hun thlng kan ni a, ka mite tawrhna erawh chuan ka dam chhungin min um zui tawh dawn a nih hi, nunna hi kan lak let theih tur nisela chuan, Hriangngai khua saw ka haldarh vek tawh ang, kan sawi tak ang khan ka tlangvalte ka khawnbawl upate thisen in lo chhuah man chu kum ngâ chhung ka khuaah hian, in buh thar a tangin chhiah in chawi ang, in duh lo a nih erawh chuan kan thak thakin kan thak mai tur niin, a bak thu dang ka nei lo e’ tiin zu tuitling chu a han khiat khawlh a.
Khaw hnih inkar a thu tawp siam tur a nih tawh avang chuan pasâltha Sukthanga te chuan ngawi reng chuan zu tuitling an lo tem zauh zauh a. Hriangngai lam te chuan ‘remna a nih dawn phawt chuan eng pawh nise kan ti ngei ang, kan in karah thisen chhuahna thleng loin, nunau ten muang takin zan mu chhing sela kan duh a ni mai, min hrethiam a kan lawm lutuk e’ tiin boruak pawh a zang sawtin ti ti eng eawm chu sawiin, Hriangngai pasâltha Zamliana leh a nauten pasâltha Sângtuala an kah dan leh thi ngei tawh a an ngaihdan te chu Hringngai lam khualte chuan sawiin ‘in mit ngei a hmuh in sawi mah nisela rin har ka va ti ve mawle’ Lal Kaphnunan a tih chuan ‘keini ngei pawh hmuithla hmu ang mai kan nia lawm’ tiin mak an tih zia mawlh chu hahip chuan an sawi zui barh barh a. Lal Kaphnuna rui lungpuam chuan ‘nangni kan khual te khan kan thusawi kha in theihnghilh emaw, bumna eng emaw a awm a nih ngat chuan a siruk lain kan lo thawk nghal dawn tih kha theihnghilh hauh suh u aw’ tiin a khat tawk chuan a sawi leh bauh thin. Lal Kaphnuna mitthlaah chuan a khawnbawl upate kim lai a fiamthu thiam leh ti hlim thei tu ber Chaldawli pa, khawnbawl upa Chngawnghaka awm lo chuan a kam tlat a ni, a ni chu awmsela tiin khawnbawl upa dangte pawh chuan an ngaihtuahna chu a vak thui kher mai le. Thu khirh deuh pawh a ni a awm chuan hlimawm tak leh tluang takin an khelho thin a, Lal Kaphnuna pawh hian thu lakna berah neihin a han awm lo chu a lung a dam thei mawlh lo a ni.
Hriangngai khualte chu Lal chuan zanriah ei tur chuan sawm mahse an hawng lui a, zanriah ei kham a leng leh tur chuan an tinsan ta rih a. fatu lamin ei an peih chuan Ngiazoa te chhung chu an thu tlang pat a, an mahni an fel unau bawk a boruak siam zangkhai tu tak niin Lal Kaphnuna tak pawh chuan a fiam zuk zuk reng a, naupang tih takah chaw chu an ei kham thuai a an rualpui te nen chuan an ri nak nak a, a hnu deuah chuan naupang pakhat chu lo tap ar ar in Ngiazoa nau aw chuan ‘ka u i hnung kha’ tiin a rak that a, thil thum dap chuan zuiin hmeichhe naupang thinrim rawl chu Lal sumhmunah chuan a lo chhuak that that a, Lal tupa Thangthuami (Hrangzinga farnu fa) chuan ‘thlah rawh u, hmeichhia a nih kha’ tiin a au that that a, Ngiazoa nau tap ar ar an hriat chuan pasâltha Sângtuala chaw ei lai chu thoin pawnah chuan a tlan chhuak var a ‘nangni pa thum kha ding rawh u’ tiin a vin that that a. Pasâltha thinrim rawl vin that an hriat chuan Ngiazoa nu chu sumhmunah chuan a tlan chhuak ve zawk a. Ngiazoa chal pawng deuh par leh hmun hnih a thi ser ser a hmuh mauh chuan, nu ngawi chawi tak ni thin chu an tawng chuan a te that that a, Ngiazoa nauin naupang a kawh zauh zauh lamah chuan tlanin an hnungah chuan a beng thum ta dap dap a. Pasâltha Sângtuala chuan ‘ka u lo kal rawh a tawh rih e’ tiin a pawt hrang thuai a, naupangte pawh chu an tap hawng bai bai hlawm a.
Lal Kaphnunan a tupa ko a thilawm dan a hriat chuan ‘tu fate nge an nih reng a, chutianga naupang nungchang pawh ang lo a hmanrua nen an han thawhchhuah ngawt chu le’ tiin a thinrim chu a hawi fi hmuk hmuk a. Lalnu Zaneihthangi chuan ‘Hrangzinga pa, insum deuh rawh khai, naupang thu ah chuan kan awm ve a lawm’ tiin an pa rui lungpuam chu a lo khap thuai a. Lal Kaphnuna chuan ‘naupang thu a nih ka hai lo, hriam thawh tur chuan an naupang em a ni’ tiin a thle buk buk a. Lal nu in an pa a khap lai chuan ‘tunge ka fapa kut lo thlak tu hmeichhia kha lo chhuak teh, nang mikhual mai kha engvang a naupang buaina a lo inrawlh ngawt nge i nih’ tiin sumhmunah chuan nuchang thinrim rawl chu a lo chhuak that that a. Mipa tawng thum bal bal pawh awm in a chu avnag chuan hmeichhia chu a huaisar ni pawhin a lang. Thûamkunga chuan a thianpa chu mit siai ralhin pawn lam chu a melh ralh a. Mualkunga chuan ‘khawnge kan inthiar lawk teh ang, Thûam thian i duh ve lawm mi ? tiin a han zawt a. An boruak hrethiam tak chuan ‘kei pawh ka lo kal ve duh’ tiin Satlâk tlangvalte chu Lal sumhmunah chuan an in zui chhuak dam dam a. Pasâltha Sângtuala chhuak turin vaibel a siam kai lai chuan sumhmunah chuan thil han thum dawp leh ‘e heu, engvang a kut min thlak ngawt nge i nih chu le’ tiin Thûamkunga chu a han te that a. aw a reh rual chuan mipa thinrim thawm chuan Lal sumhmun chu luah in an ri ta rum rum a. Pasâltha Sângtuala a chhuah ve meuh chuan tlangval paruk lai hi lal sumhmunah chuan an lo let hlawm ram a. Hmeichhe mangang rawl chu a te teng tung mai bawk a. Lal in a thawm chuan thenawm khaw veng te chu lo tlankhawm thuaiin, khawtual tlangval paruk lai mu hlawm leh Satlâk tlangval thinrim tak a lo in hum sek an hmuh chuan a ngaihna hrelo tak chuan ‘engnge thil awm zia’ tiin meichher engah chuan an haiw phawk kher mai le.
Lal Kaphnuna chuan ‘khawnge dang awm teh u, tumah kha che tawh hauh suh a, a che leh hmasa a piang tan chuan an a vanduia thlak khawp ang le’ tiin a nam sawn bawrh bawrh a. Meichher eng a Lal thinrim sen tul an hmuh chuan tumah tawng ngam lo chuan an ngawi ta thap a. Lal Kaphnuna chuan ‘nang nu te reuh kha lo kal teh, engvangin nge mipa te I fuihpawrh khang lan chu le, I lo he tih vang a nih hi in fate pawhin hmanrua nen an chet ngawt ni’ tiin Naupang te chet dan chu a sawi ta vek a. Lal thu an hriat chuan mak ti tak chuan Khangpuii chu an melh thap hlawm a. Mut hun hma a ngaihdam in lo dillo a nih chuan in chungchang hi kan ngaihtuah ang’ tiin inchhungah chuan a lut ta daih a. Lalnu Zaneihthangin ‘Khangpui, vawikhat thinrim thutah ngaihtuahna hmang lo a thiltih thut hi sim hlauh ang che, tlemah thisen a luang lo chauh a ni a kan hun tawn mek dan pawh hi in ngaihtuah nan hmang awm tak i nih vei nen’ tiin a kam khat zui hlak a. Khangpuii chuan ‘Lalnu naupang thu mai a puitling in rawlh ngawt te chu, chu pawh mikhual mai mai leh nghal’ tiin a la chhang hram a. Lalnu chuan ‘mikhual an nih vang ngawtin an chungah duh tawk kan ngah mai tur tihna a ni ngawt em mi, hetiang a in awm dawn a nih chuan in fate pawh an ngaihtuah awm khawp mai. In chhungkaw kaldan tur tam zawk chu nang I ni a, tun ang a hun in hmang dawn a nih chuan khawi khuaah mh in lengin a rinawm loh’ tiin a melh ta kal a. Khawnbawl upate chuan ‘Khangpui Lalnu thusawi kha hre reng rawh, chhungkaw zahawm tak a awm in duh a nih chuan nang ber kha in ngaihtuah nawn ang che, chhungkaw kal sual tur veng tur ber chu nu a ni ngai a, ngam zawng tihthat huam zawng rilru I nei a nih ngat chuan, in thenawm khaw ven pawh a buaithlak khawp ang, in ngaihtuah nasa ang che’ an lo tih ve takah chuan mipa ho thidang pawh lo harh tawhin an, zak kun ngal chung chuan an hawng ta hlawm a.
Lo tawk leh phawt tehse, a rang lam a in hmuh leh kan tum dawn nia
I CHHUNGKAW TAN THIL THA TI LA, I RAM LEH KHAWTLANG TAN THEIHNA HLAN UI SUH. I RAM LEH HNAM HMUSIT AWM A NIH CHHUNG CHUAN MI ROPUI I NI DAWN CHUANG LO . . . . I HMUH LOH PATHIAN TIHNA PAWH I NEI TAK TAK CHUANG LO ANG
BUNG – 164
( Thildang deuh in min han tlak buak chuan thiam loh a hriat leh zual thin kher mai, mahni in sit a na duhin kan tum loh deuh hian eng emaw hi a lo tel ve leh nawlh thin, a va buai an thlak tak em, thawnthu phuahchawp mai a nih erawh in hriat hnu a nih hi maw )
. . . . . .
Thlahtu a tang reng a mi huaisen ti a an sawi thin chuan rosum duh vang mai a famô neihna khawtlai ngai te, a khawnbawl upa leh tlangvalte tawp dan a hriat meuh chuan Lal Kaphnuna ( a hming hi a hma a mi nen a dang a, lo ngaithiam leh mai ru aw) Hriangngai palai te chu rum tak a melhin ‘nangni khaw duham vang mai hian maw ka khawnbawl upate leh tlangvalten min liam san a, ka fapa leh ka khaw daingul te mangang thlabar a in lo siam vei chu ni, palai chung a kut thlak em zawng ka la insum thei e, ka fapa te ka hmuh hma chuan in hmel hmuh ka duh tawh hauh lo, tunah chhuak rang rawh u’ tiin a inchhungah chuan a vei tuak ther ther mai le. Hriangngai palaite pawh chuan hreh tak leh hlauthawng ru tak chuan an thlenin lam chu an pan leh ta dam dam a, an thlenin khawnbawl upate chuan zui chhuak ve in sawi tur an van tlang kher mai. Hriangngai lam chuan ‘hetiang hi kan rin lawks a reng a ni a, kan tan a tih theih awm chhun chu Satlâk lam unaute khawngaihna ngen a ni tawh mai’ tiin an ngaihtuah nap nap a. Khawnbawl upate pawh chuan an khualte chu in an thlenpui hnu chuan Lal in lamah an chhuahsan leh ta diak a, an thlen in te pawh an rilru a nâ tih a hriatin an hawi tau deuh nghawng nghawng a.
Lal Kaphnuna thinrim lutuk chuan zu chu seki no khat chuan a tlak pawp pawp reng a, a ruih lungpuam deuh hnu chuan seki no chuan a banglai chu a vawm thum leh pawp thin a. Lalnu Zaneihthangi ( Paihper hmunah buh phur za an thar vang a hming chawi ta) chuan ‘Hrangzinga pa, insum deuh teh khai, nang ber khatiang a i awm chuan kan khawnbawl upate pawhin hrehawm an ti lutuk dah a nge, kan fapate pawh thinrim hmel a i lo dawnsawn chuan a dik lo ang’ tiin a pasâl thinrim chu a lo khap dai a, Lalpa Kaphnuna chuan a nupui chu melh run in ‘Hrangzinga nu nge nge chu ka lo thlangsual lo thin e, ka thinrim ka puakkeh lo chauh a lawm le, engtin nge kan fate nunna chhan tu chu thinrim hmelsen nen a kan lo dawn sawn ngawt pek ang le’ tiin a khawnbawl upate melh kualin ‘kan chung a pawi khawihte hi eng tiang tak in nge kan tih ang’ tiin a han rawn a. Hriangngai khawnbawl upate chu in melh kualin an hawi danah chuan an rilru nat zia pawh a lang chiang kher mai le. khawnbawl upa min Khualdawla chuan ‘in ngaihdam theih loh thu awm suh, amaherawh chu hetiang a kan in ngaihdam ngawt hi ka rilrem zawng a ni hauh lo’ tiin thu bul a han tan a. khawnbawl dangte pawh chuan ‘hetiang a ngaihdam ngawt chu a tha nat thlak thlat a ni’ tiin an lo zawm tliar tliar a. Lal Kaphnuna chuan ‘kei pawh han ngawih ngawt mai chu ka rilrem zawng a ni hauh lo, kan unaute thisen man chu a awm tawk an rul ngei tur a ni, engtia han tih tur nge tih lai hi in ngaihdan ka hre hmasa duh a ni, an bul tan sa han chhun zawm sak hi ka chak kher mai, râl ka bawh lohna pawh a rei ta’ tiin a thinrim chu a thu sen leh tul tawh a. khawnbawl upa chuan ‘kan fate pawh lo thleng phawt sela, ngaihdan chu kan la siam ang chu’ tiin zu tui tling engkuk chu an khiat leh khawlh thin a. zan a rei tulh tulh in an tawng pawh a paw hraw tan ta kher mai le. Lalnu Zaneihthangi chuan ‘khaih thawm dim deuh teh u, in insum loh chuan kan tlangvalten palai te reu reu khu kut an lo thlak palh hlauh dah a nge’ tiin zan zung pah chuan a khap daih an ngai leh zauh thin. Zawlbuk tlangvalte lah chuan an khawnbawl upa leh thiante nunchan an hriat hnu phei chuan zawlbukah chuan ral beih zirin an ri hulh hulh a, pasâltha leh val upaten khap losela Hriangngai palaite chan chuan maian chan pawh a tluk kher lo ang le.
Lal Kaphnuna leh a khawnbawl upate chuan leilung lan rual tlangval lal mual a lo fuankhawmte hnenah chuan ‘ka tlangvalte u,kan hun tawn mek hi hriatthiam rual a ni lo, chutih rual chuan an thiam loh zia hria ngaihdam dil nafam chu han ngaihdam loh thu awm suh, chin chiang zawk erawh kan naute lo thlen hunah chauh a chiang dawn a, khawi kawng nge kan zawh dawn lah hriat a nilo bawk nen, thinrim vang a khaw hmu lo lek a chet erawh kan tih tur a ni chiah lo turah ngai ila’ tiin a han sawi charh charh a. Chutia Lal in a tih takah chuan tlangvalte chu lungdawh lamah chuan an liam ta hul hul a. An Lal Kaphnuna mizia an hriat chian em vang chuan a ngawih ral mai ring lo chuan tlangvalte pawh chuan phuba lak ngei inring chuan an pheikhani a zang kher mai. Tukthuan ei hun chuan tlangvalte chu lungdawh lam atang chuan an lo thum chho huk huk a. Lal in tlangval thinrim thawm lo ri hulh hulh a hriat chuan leihkatlangsangah chuan khawnbawl upate nen an chuang chhuak thuai a. Tlangvalte zing a khual tlangval an hmuh vang leh hlang an hmuh vang chuan khual tlangvalte chu an lo thleng a nih an hrethiam nghal mai a. Lal mual an thlen chuan Lal fapa Hrangzingan an khua a lawi leh chuan an hun tawn leh an thih teuh ziate chu a lo lang nawn awn awn a, an tlangvalte thinrim thawm chuan a ti thlamuang kher mai, Lalnu Zaneihthangin a fapa a hmuh chuan ‘tunah chuan fapa puitling leh râl beih awmzia hria ka nei ta, i pa dungthulin Lal belh fak tlak nih nan he hun hi i hman ngei ka beisei’ tiin a fapa chu hlim tak chuan a lo nuih var var a. Lalnu tawng chuan a pasâl thinrimna chu beng daiin ‘mipa fa chuan hetiang hun hi an tawng tur a ni’ tih rilru neih tirin rilru thui tak a neih tir phah ta hial a.
Lal Kaphnuna chuan ‘ka pasâltha leh ka fapate lo chhanchhuak tute kha he lamah hian lo chho ula, in chanchin chu kan zavai hian kan hre chiang duh e’ tiin a hmel a thinrim inthup hairual loh chuan a hawi fi hmawk hmawk a. Lal fapa Hrangzinga chuan ‘pasâltha nang kan chin chu han sawi zawk rawh aw’ tiin a kun ngaih a. Pasâltha Bilhluaia chu thisen hloh tam vang a dang deuh bai in tlangban rinchhan chuan a ding sai dar dar a, taksa chak loh vang a aw lawi rat chuan ‘khatia Lal fapa nupui man hlan tur a kan kal kha, Hriangngai ram kan pelh dawn mual ngâ emaw velah ramchhuak hawng tlangval sawmhnih dawn thaw kan tawk a, tha tak a kan in pelh hnuah ramri kawr kan pelh hnu lawk chuan silai a lo puak dur a, kan zing a tlangval pakhat chu te thawtin a tlu zawi hnawk a, silai puak ri chuan a lo zui dawt dawt a, keini pawhin a remchan dan ang zel a kap letin an zing a mi eng emaw zah chu kan dahtha ve bawk a, a ramchin hre zawk leh in buatsaih tha zawk an niin, min lo tlankhalh a ruang chaicheh min thlak vangin kan Lal fapa man tur chu kan humhim thei lo mai bakah, kan zing a mi tam zawk tawpna chu chu lai tlang khanah chuan a thleng ta a ni’ tiin a kun ngaih a, a ngawih deuh hnu chuan a kam sir a chil chu a lei ro tak chuan a hawl khawm in a lem khawlh a, Lalpa Kaphnuna chuan zu tuitling chu seki nokhat chuan a han pe a, tang buai lo chuan zu chu la in a thawk khat pawp a, Lal lam hawi a buk nghat pah chuan tlangban chu a hmer khur ngawr ngawr a.
Pasâltha Billuaia chuan a mittui lo hnam chu khap per chhak chhak pah chuan a hachang chu a thial deuh rap rap a. Thawpui lak pah chuan ‘chu tlang khan atang chuan Lal fapa nen chuan engtin tin emaw kan tal put thei hram a , kan naute na tuar au rawl chu tun hun thleng hian ka bengah a la cham a sin’ tiin a mittui chu a biangah chuan a lo luang thla ngiai ngiai . A rilru na lutuk chuan Lal tlangban mau tlawn chu a hmer keh rawp in a mah pawh a thu sawp nawlh a. Pasâltha Sângtuala chuan a zakah chelhin dimte chuan a han kai tho a, a mitah en in ‘ a hunah chuan keipui meuh pawh chinghne lakah a tlan chhe ve fo a sin’ tiin pasâltha Bilhluaia beng bulah chuan a han phun sap a. A hma a mi mit tak a melh chuan a han bu nghat nghat a, a mittui chu a kut hnung hraw hruih chuan a han hru fai pawk pawk a, aw thian kharh kharh in ‘tichuan hmalam pan chuan kan tlan ta zel a, nikhat leh zankhat kan tlan chuan hliam te nau kan nei nual tawh a, theipui hmin kan hmu fuh hlauh a, chu mi kan ei lai chuan min lo nang leh in min lo kap a, kan vanneihna chuan min la hruai zel a ni chek a niang chu, ka nak leh bek ah silai mu chuan lo thawi in, lal fapa ko ki veilam chu a thawi bawk a, kan han kap let vein an ni lam pawh tam an lo ni bik tawh lo a, duh sela chuan chhun lamah khan min man tawh tur a ni a, zanriah chhum tlai lam mahah min lo nang ching leh chauh a, kan thi ngei tawh turah kan in dah laiin kan Satlâk pasâltha Sângtuala te thianzaho an lo lang thut a, a bak chu engmah ka hre zui tawh bik lo, ka harh leh chuan bukah ka lo awm tawh in, ka hliam pawh fai tak a sil fai a lo ni tawh a’ tiin an chhiat tawh dan chu a han sawi chuan. An unaute tawp dan chuan Lal Kaphnuna khaw lal mual chu thinrim thawm chuan a ri ta hulh hulh a, tlangval dawn tawi thenkhat lah chuan ‘Hriangngai khaw ho khu zu chaih phar ve chhin ila, eng tiang takin nge an lak nat chu a hriat ve mai ang chu’ tiin an lo sawi lawr lawr a, chu tawngkam chuan thlawptu a nei tha tih a hriat tak chuan tlangvalte chu chempui lek chung chuan khawnbawl upate in lamah chuan an kal tan ta a.
Pasâltha Sângtuala chuan ‘thiante u min lo ngaithla lawk teh u, tha rum ngawt a thil sawi felin tum chuan kan chengho thei nang, khawtlang rorelna kal pui tur chuan Lal leh khawnbawl upate leh val upa leh pasâlthate thu ngaihchan thiam a tha ngai e, chutiang lo a in thinrimna in inhnen tir mai chuan in thiam a chungah thiam loh in chang mai dawn a sin’ tiin a han au lang lang a. Tlangval pakhat chuan ‘in khaw chung a thleng nise tun ang khan i sawi tho a ngem ? tiin a han zawt let a. Pasâltha Sângtuala chuan ‘ka tih thin dan a niin upa zawkte thu ang a kanawm vang a vawiin thleng a la dam ve chauh ka ni a sin, Lal awm reng lai a thuneih tum tlatte hi tih mi pawh a nih chiah a mawni le ? tiin tlangval chu a han chhang chang rat a. Lal leh khawnbawl upate pawh chuan ‘kan Satlâk pasâltha hian a ti dik a ni, khawtlang rorelna chu Lal thu neihna a ni a, chuvang chuan palai chungah chuan tuman kut in thlak tur a nilo’ an lo tih takah chuan tlangvalte pawh zak tak chuan hnuai lam bih chuan an kun ran hlawm a. Tlangavl pakhat chuan ‘chu kan unaute tawrhna hi kan thlir liam mai dawn tihna a mi ? kan khaw tan pen chhuah hi thil hlauhawm takah kan chhuah mai dawn a va ang ta ve’ tiin a rawn chhang leh lar lar a. Lal Kaphnuna chuan ‘ka tlangvalte u, kan unaute tawrhna hi kan pai dai hauh lo ang, nunna kan in lak tawn ngawt hian rah tha a chhuah loh zia chu tunah hian kan hmu reng a ni lawm mi ? fahrah leh hmeithai siam belhin an awm a, muanna boruak a bo zo a ni tawh mai a, mipa tan a nuam hi hmeichhe tan a hahdam thlak meuh maw ?’ ti Lal Kaphnunan a chhan chuan Lal mual chu a reh ta thap a. Lal Kaphnuna chuan ‘vawiin hian ka tlawm dawn tihna a ni hauh lo, an mahnin an duh a nih loh chuan tharum thawhna hian chhan let ka duh a ni hauh lo, mahse an tan chuan a na telh tawlh khawp ang’ tiin thinrim sehchilh rap rap chuan a han sawi a. Lal Kaphnuna mizia an hriat tawh avang chuan tlangvalte pawh chuan an Lal leh khawnbawl upate thu ngaichang tur chuan an hawng darh ta sang sang a.
Satlâk pasâltha Sângtuala huaisen na leh fin an hmuh chuan an chemhar pek zawng a an khawsa lo chu an lawm kher mai. Ngiazoa pa chuan a nau chu chhuang tak a thlir vang vang in ‘nang te reuh te hi i va han chhuanawm tak em’ tiin a ngaihtuah rauh rauh a. Lal Kaphnuna chuan Satlâk tlangvalten Lal fapa an tih chu a en chuan mak tihna riau a nei a. A tawng leh hawi herah chuan dang lamna tak a nei tlat a ni. Lal Kaphnuna chuan ‘zanin chu in riak tur a ni, in rem hriat leh huaisen vangin ka fapa leh khaw daingul nunna tih seiin a awm a, he ti ngawt chuan ka kal tir theilo che u a ni, zan khat a vang mai chuan eng em in ti nang’ a tih tlat vang chuan chu mi zan chu riak tur chuan an in tin tuah ta a. Behliang mun hunah chuan Hriangngai khua te chuan Satlâk khuate chu an buaina ah chuan pun in, palai hnathawk tur a an ngen tlat vang chuan pasâltha Sukthanga ho chuan an thawk chhuak ta a.Lal Kaphnuna leh khawnbawl upate chuan an rilru natna chu thup hram hram in an lo dawng sawng a. Pasâltha Sukthanga chuan ‘A hei Lalpa min ngaithiam la, kan unaute hian an thiltihsual hria in, an mahni mai a in hmaisa tawn chu an zuam meuh loh vangin ti hian, remna awm theihna a nih beiseiin kan lo thawk chhuak ngawt mai a ni, kan tawrhna chu dah tha in remna kan zawn hram hram hi kan hma hun atan a tha ber a nih beiseiin , i zahngaihna kan lo ngen ngawt mai a ni’ tiin thu a han keu hawng a. Lal Kaphnuna chuan ‘ni e, eng ang pawhin lo va che na ila, nunna chu kan kom let thei a nih loh vang a tun hun thlng kan ni a, ka mite tawrhna erawh chuan ka dam chhungin min um zui tawh dawn a nih hi, nunna hi kan lak let theih tur nisela chuan, Hriangngai khua saw ka haldarh vek tawh ang, kan sawi tak ang khan ka tlangvalte ka khawnbawl upate thisen in lo chhuah man chu kum ngâ chhung ka khuaah hian, in buh thar a tangin chhiah in chawi ang, in duh lo a nih erawh chuan kan thak thakin kan thak mai tur niin, a bak thu dang ka nei lo e’ tiin zu tuitling chu a han khiat khawlh a.
Khaw hnih inkar a thu tawp siam tur a nih tawh avang chuan pasâltha Sukthanga te chuan ngawi reng chuan zu tuitling an lo tem zauh zauh a. Hriangngai lam te chuan ‘remna a nih dawn phawt chuan eng pawh nise kan ti ngei ang, kan in karah thisen chhuahna thleng loin, nunau ten muang takin zan mu chhing sela kan duh a ni mai, min hrethiam a kan lawm lutuk e’ tiin boruak pawh a zang sawtin ti ti eng eawm chu sawiin, Hriangngai pasâltha Zamliana leh a nauten pasâltha Sângtuala an kah dan leh thi ngei tawh a an ngaihdan te chu Hringngai lam khualte chuan sawiin ‘in mit ngei a hmuh in sawi mah nisela rin har ka va ti ve mawle’ Lal Kaphnunan a tih chuan ‘keini ngei pawh hmuithla hmu ang mai kan nia lawm’ tiin mak an tih zia mawlh chu hahip chuan an sawi zui barh barh a. Lal Kaphnuna rui lungpuam chuan ‘nangni kan khual te khan kan thusawi kha in theihnghilh emaw, bumna eng emaw a awm a nih ngat chuan a siruk lain kan lo thawk nghal dawn tih kha theihnghilh hauh suh u aw’ tiin a khat tawk chuan a sawi leh bauh thin. Lal Kaphnuna mitthlaah chuan a khawnbawl upate kim lai a fiamthu thiam leh ti hlim thei tu ber Chaldawli pa, khawnbawl upa Chngawnghaka awm lo chuan a kam tlat a ni, a ni chu awmsela tiin khawnbawl upa dangte pawh chuan an ngaihtuahna chu a vak thui kher mai le. Thu khirh deuh pawh a ni a awm chuan hlimawm tak leh tluang takin an khelho thin a, Lal Kaphnuna pawh hian thu lakna berah neihin a han awm lo chu a lung a dam thei mawlh lo a ni.
Hriangngai khualte chu Lal chuan zanriah ei tur chuan sawm mahse an hawng lui a, zanriah ei kham a leng leh tur chuan an tinsan ta rih a. fatu lamin ei an peih chuan Ngiazoa te chhung chu an thu tlang pat a, an mahni an fel unau bawk a boruak siam zangkhai tu tak niin Lal Kaphnuna tak pawh chuan a fiam zuk zuk reng a, naupang tih takah chaw chu an ei kham thuai a an rualpui te nen chuan an ri nak nak a, a hnu deuah chuan naupang pakhat chu lo tap ar ar in Ngiazoa nau aw chuan ‘ka u i hnung kha’ tiin a rak that a, thil thum dap chuan zuiin hmeichhe naupang thinrim rawl chu Lal sumhmunah chuan a lo chhuak that that a, Lal tupa Thangthuami (Hrangzinga farnu fa) chuan ‘thlah rawh u, hmeichhia a nih kha’ tiin a au that that a, Ngiazoa nau tap ar ar an hriat chuan pasâltha Sângtuala chaw ei lai chu thoin pawnah chuan a tlan chhuak var a ‘nangni pa thum kha ding rawh u’ tiin a vin that that a. Pasâltha thinrim rawl vin that an hriat chuan Ngiazoa nu chu sumhmunah chuan a tlan chhuak ve zawk a. Ngiazoa chal pawng deuh par leh hmun hnih a thi ser ser a hmuh mauh chuan, nu ngawi chawi tak ni thin chu an tawng chuan a te that that a, Ngiazoa nauin naupang a kawh zauh zauh lamah chuan tlanin an hnungah chuan a beng thum ta dap dap a. Pasâltha Sângtuala chuan ‘ka u lo kal rawh a tawh rih e’ tiin a pawt hrang thuai a, naupangte pawh chu an tap hawng bai bai hlawm a.
Lal Kaphnunan a tupa ko a thilawm dan a hriat chuan ‘tu fate nge an nih reng a, chutianga naupang nungchang pawh ang lo a hmanrua nen an han thawhchhuah ngawt chu le’ tiin a thinrim chu a hawi fi hmuk hmuk a. Lalnu Zaneihthangi chuan ‘Hrangzinga pa, insum deuh rawh khai, naupang thu ah chuan kan awm ve a lawm’ tiin an pa rui lungpuam chu a lo khap thuai a. Lal Kaphnuna chuan ‘naupang thu a nih ka hai lo, hriam thawh tur chuan an naupang em a ni’ tiin a thle buk buk a. Lal nu in an pa a khap lai chuan ‘tunge ka fapa kut lo thlak tu hmeichhia kha lo chhuak teh, nang mikhual mai kha engvang a naupang buaina a lo inrawlh ngawt nge i nih’ tiin sumhmunah chuan nuchang thinrim rawl chu a lo chhuak that that a. Mipa tawng thum bal bal pawh awm in a chu avnag chuan hmeichhia chu a huaisar ni pawhin a lang. Thûamkunga chuan a thianpa chu mit siai ralhin pawn lam chu a melh ralh a. Mualkunga chuan ‘khawnge kan inthiar lawk teh ang, Thûam thian i duh ve lawm mi ? tiin a han zawt a. An boruak hrethiam tak chuan ‘kei pawh ka lo kal ve duh’ tiin Satlâk tlangvalte chu Lal sumhmunah chuan an in zui chhuak dam dam a. Pasâltha Sângtuala chhuak turin vaibel a siam kai lai chuan sumhmunah chuan thil han thum dawp leh ‘e heu, engvang a kut min thlak ngawt nge i nih chu le’ tiin Thûamkunga chu a han te that a. aw a reh rual chuan mipa thinrim thawm chuan Lal sumhmun chu luah in an ri ta rum rum a. Pasâltha Sângtuala a chhuah ve meuh chuan tlangval paruk lai hi lal sumhmunah chuan an lo let hlawm ram a. Hmeichhe mangang rawl chu a te teng tung mai bawk a. Lal in a thawm chuan thenawm khaw veng te chu lo tlankhawm thuaiin, khawtual tlangval paruk lai mu hlawm leh Satlâk tlangval thinrim tak a lo in hum sek an hmuh chuan a ngaihna hrelo tak chuan ‘engnge thil awm zia’ tiin meichher engah chuan an haiw phawk kher mai le.
Lal Kaphnuna chuan ‘khawnge dang awm teh u, tumah kha che tawh hauh suh a, a che leh hmasa a piang tan chuan an a vanduia thlak khawp ang le’ tiin a nam sawn bawrh bawrh a. Meichher eng a Lal thinrim sen tul an hmuh chuan tumah tawng ngam lo chuan an ngawi ta thap a. Lal Kaphnuna chuan ‘nang nu te reuh kha lo kal teh, engvangin nge mipa te I fuihpawrh khang lan chu le, I lo he tih vang a nih hi in fate pawhin hmanrua nen an chet ngawt ni’ tiin Naupang te chet dan chu a sawi ta vek a. Lal thu an hriat chuan mak ti tak chuan Khangpuii chu an melh thap hlawm a. Mut hun hma a ngaihdam in lo dillo a nih chuan in chungchang hi kan ngaihtuah ang’ tiin inchhungah chuan a lut ta daih a. Lalnu Zaneihthangin ‘Khangpui, vawikhat thinrim thutah ngaihtuahna hmang lo a thiltih thut hi sim hlauh ang che, tlemah thisen a luang lo chauh a ni a kan hun tawn mek dan pawh hi in ngaihtuah nan hmang awm tak i nih vei nen’ tiin a kam khat zui hlak a. Khangpuii chuan ‘Lalnu naupang thu mai a puitling in rawlh ngawt te chu, chu pawh mikhual mai mai leh nghal’ tiin a la chhang hram a. Lalnu chuan ‘mikhual an nih vang ngawtin an chungah duh tawk kan ngah mai tur tihna a ni ngawt em mi, hetiang a in awm dawn a nih chuan in fate pawh an ngaihtuah awm khawp mai. In chhungkaw kaldan tur tam zawk chu nang I ni a, tun ang a hun in hmang dawn a nih chuan khawi khuaah mh in lengin a rinawm loh’ tiin a melh ta kal a. Khawnbawl upate chuan ‘Khangpui Lalnu thusawi kha hre reng rawh, chhungkaw zahawm tak a awm in duh a nih chuan nang ber kha in ngaihtuah nawn ang che, chhungkaw kal sual tur veng tur ber chu nu a ni ngai a, ngam zawng tihthat huam zawng rilru I nei a nih ngat chuan, in thenawm khaw ven pawh a buaithlak khawp ang, in ngaihtuah nasa ang che’ an lo tih ve takah chuan mipa ho thidang pawh lo harh tawhin an, zak kun ngal chung chuan an hawng ta hlawm a.
Lo tawk leh phawt tehse, a rang lam a in hmuh leh kan tum dawn nia
I CHHUNGKAW TAN THIL THA TI LA, I RAM LEH KHAWTLANG TAN THEIHNA HLAN UI SUH. I RAM LEH HNAM HMUSIT AWM A NIH CHHUNG CHUAN MI ROPUI I NI DAWN CHUANG LO . . . . I HMUH LOH PATHIAN TIHNA PAWH I NEI TAK TAK CHUANG LO ANG
| Link: | |
| BBcode: | |
| HTML: | |
| Hide post links |
PASÂLTHA SÂNGTUALA (Mampuia Pa)
BUNG – 165
Thutmuan ar a khuan thluah thluah chuan Pi,Khangpuii palaite chuan Lal sumhmun chu an lo chuang kai thliah thliah hlawm a, Lal Kaphnuna chuan ‘e khai a Sangi pa te teh hlawl chu eng thli chhia in nge lo len lut che u, lo leng thu rawh u’ tiin a lo chhawn var a. Pu Zahuata chuan Lalpa Kaphnuna ke bul a zu bel nghah hnawk pah chuan ‘Lalpa, ka dam sam loh a leiah ka lo tlawh lawk theilo che a nia, kan tum that loh nak laiin kan nau Khangpuii te chhung lah chuan thil pawi leh zah thlak zet mai an lo ti pek chu niin’ tiin chhuat lam chu a bih ran a. Lalpa Kaphnuna chuan ‘e khai aw a ni tak a sin, kan Khangpuii mai mai pek saw zechhe lutuk mai a lo nei pek a, nichin mai pawh khan ka han vau fiam hlut taka a sin’ tiin a vaibel chu a fawp khu tual a. Pu Zahuata chuan ‘nia kan nau saw han sawi mawi vak ngaihna pawh a awm lo a ni e, amaherawh chu nang mi ngilnei leh zaidawh thei tak kan lo tawng hlauh che chu a vanneih thlak kher mai, engpawhchunise i zahngaihna dawvan ngen in kan lo kun a ni e, nanglo chu tunge kan belh chuang ang le ?’ tiin a kun ran a. Lal Kaphnuna chuan ‘kan khualte hian eng rilru nge an put erawh ka hre hauh lo a, an mahni pawh han dawr ve reng ula ti nia’ tiin an khual lamte chu a melh hruk a. pu Zahuata chuan ‘kan khuallam te khan kan nau chu min ngaihdam sak hram thei a ngem ? in ngaih nuam lo tur zawng takin kan lo chetna ah khan in mi ngaihdamna kan ngen tak meuh a ni e’ tiin a meng hnuai raih a.
Ngiazoa pa chuan ‘e khai keini lam chuan eng huah kan ngai lo e, mihringte chu han chet pelh deuh phang chang chu a awm ngai alawm, a maherawh chu kan fate nungchang hi kan hriat chian hle a ngai a, humsual an dai palh hlauh chuan zahna hian ban a pel hle ang tih a hlauhawm deuh e tih mai a ni e’ tiin a lo chhang ve thuai a. Pu Zahuata chuan ‘khuanu hian nangni kher chung a tiang min tawn tir hi kan tihsual a chung a malsawmna zu han ni hawt a, ngalfim in dam reng tawh u, keini tan chuan in mi ngaihdamna thu tluk a ngaihthlak nuam a awm hauh lo e’ tiin a lawm zia pawh a hmelah chuan langin a then hau a. Lal Kaphnuna chuan ‘engpawchu nisela, mikhual an nih vang mai a dikna neilo leh thusawi ngam lo turah kan dah a nih chuan a ngaihdan thalo tak a ni ngei dawn si a, rilru pik lai a ni nen ka han vau chiam ta pek a nih kha, tha takin awm sela humsual dai palh ah kan lo ngai mai a sin, tun hnu ah reng reng chuan mi vau beh tumna a nei tawh tur a nilo, hei kan khualte pawh hian an hrethiam a lawmawm hle mai’ tiin tuihnih ve charh charh a. Lal Kaphnuna chuan ‘khawnge chutiang a kan in rem thei hlauh chu alawmawm e mai, Sangi pa zu chu tlangau pa han thli teh, tun hma a tangin a nei thlum thin riau a’ tiin hlim awka tak chuan a han sawi zui lur lur a. Hriangngai palai te pawh chuan ‘kan Satlâk lam unaute chu tluk loh rim an lo nam teh e, an zia kan hmu chiang tulh tulh a nû chawhrai ei theuh theuh kan lo pha lo kher mai le’ tiin an lo tuihnih ve leh bauh a. Chutia remthu an sawi tak hnu chuan ‘khawnge kan pasâltha Bilhluaia kan zu tlawh lawk a nge’ tiin Satlâk tlangvalte chu an inzui chhuak ta dam dam a. Lalpa Kaphnuna chuan ‘kha nangni kha nula rim lam te hi in ngaihsak na pek nge maw ni ? nangni ang rual kan nih lai chuan nula puanhmawr khawih lo a mut kan tum ngai hauh lo a nia’ tiin a then suk suk a.
Pasaltha Bilhluaia chuan a piah mei eng bul a vaibel fawp hlat hlat pah a thu nui var var reng thin, pasâltha khualthang naupang tak chu melh vang vangin ‘nang reuh tak hi chuan hlauhawm awm zia hi i hriat pawh ka ring nek lo e, nang ka lo hre hlauh che hi ka tan chuan vanneihna i va han ni tak em’ tiin a ngaihtuah nauh nauh a. Pasâltha Bilhluaia chuan ‘Sângte, tun tum kan in hmuh dan chu nuam fahran lo mahse, hman a ka hmuh che ai chuan hmuh i nuam zawk tlat mai ka ti’ tiin thu tak deuh tak chuan a han zawt phawng a. Thawpui lak halh pah chuan ‘ka mangchhia khan min kian san deuh tawh a, tunah chuan ka pangngai leh viau tawh a sin’ tiin a vaibel vam ham chu a melh ding ngar a. Pasâltha Bilhluaia chuan ‘I tun hun hi mipa tam tak thlakhlelh chu a ni ngei in a rinawm, eng emaw châng chuan Khuanu meuh pawh hian a duang sual niin ka hria, theilo leh chaklo zawkte hawisan ngailo tu hetiang khawp hian a lehlam kawngah i van a han duia mai chu ka lo vui pui deuh thin che a sin’ tiin a mut dan chu a han siam rem pah a. Pasâltha Sângtuala chuan ‘khuarel do zawh thu awm suh, chan tawk khuarel hi pawm thiam a har a nih hi, Ngurpuii kha ti khan awm hlauh lo sela chuan tunah hian thotle in an vir hut hut tawh mai thei che a sin’ tiin a hma a pasâltha phanchang tawh chu a fiam pah zauh a. Pasâltha Bilhluaia pawh chuan ‘a leh lam zawng chuan i fiamthu mah nise a dik khawp mai. Kan tan a tha zawk tur hian khuanu hian kan kawng hi a her rem thin a nih hi, Lal Fanu tlangchang meuh zawng han pawm ngat la chuan ka thi tawh ngei ang le, engpawhnise, chan tawk khuarel a bo lo e an ti mathawn lo e’ tiin a pawnpui hrul a vaibel chu a beng pah nuap nuap a. Thûamkunga lo lut chuan Pasâltha Bilhluaia pawnpui tângkham chu a hnuk tawlh hrut a, Pasâltha Bilhluaia tluk hlau chuan a vaibel beng lai paih dawrin a meng da va ruai a. Thuamkunga chuan ‘chhe heu, pasâltha meuh pawh hian khum laizawl a tluk an lo hlau hle a nih dawn hi maw’ tiin a nui zaui tlawrh tlawrh a. Pasâltha Bilhluaia chuan ‘Thûamhnap, ka han bin zawt teh ang che’ tiin a tho tur chu a luhai a thu leh hnawk pawm nalh pah chuan ‘Mate mu mu, a pan a duat nel nel ang aw’ tiin Thûamkunga chuan pasâltha Bilhluaia chu khumah chuan a han mut a. Melh deuh khaiin ‘aw in lo hawn lamah chuan i va han chak dawn lo rua em’ tiin pasâltha Bilhluaia chu a phun deuh ngal ngal a. Thûamkunga chuan ‘Mate, hleikapsen ka lo hawn dawn che nia, ti khan tha deuh in lo mu hle hle tawh’ tih pah chuan vaibel chu a bêng sak mawlh mawlh a. Meiling vamsen ham chhuangin a han fawp khu tual a. Nui tat tat chung chuan ‘I vaihlo chu an chil laiin an ke an silfai lo a ni maw ? Vangvat rim a nam tlat mai a’ tiin pasâltha Bilhluaia tawng tum ang zuau kâ ah chuan vaibel dawn chu a hnawt tawt a.
Kawng khar a Lal Kaphnuna leh a khawnbawl te lo ding chu insum zo tawh lo in ‘nangni ho zet zawng chanchin ngah awm reng in lo nih hi, in kalna khuate pawhin an ngaih viau dawn che u hi’ tiin a lo nui phei hawk hawk a. Lalpa leh khawnbawl te an hmuh thut chuan ‘aw hawi engtik lai khan nge in lo thlen, lo thu rawh u’ tiin pasâltha Bilhluaia chu harsa ti tak chuan a han in beng kâng arh arh a. Lal Kaphnuna chuan ‘ka pasâltha thawh buai a ngailo, chin hre duh in kan lo vak harh zawk a ni e, khual valte hian nula rim turte hrelo in an lo hawihai lutuk ang tih hlauin kan lo kal mai mai a nia’ tiin an thu nui vur vur a. Lal Kaphnuna chuan ‘hei khawnge i chhungte an awm zawh vek a’ tiin a han zawt a. Pasâltha Bilhluaian a chhan dawn chuan hmeichhe zai rat rat chu sumhmunah lo awm in, meieng a Lalpa Kapliana leh a khawnbawlte a hmuh chuan ding chatin ‘aw hawi Lalpa engnge in lo tih ? lo thu rawh u’ tiin a zu bel chu a thutchilh nghal. Lal Kapliana chuan ‘a engdang nilo e, hei kan pasâltha dinhmun hi mit ngei a hmuh duh in kan lo chuangkai satliah mai mai a ni e’ tiin nuihza la insum tih hriat tak chuan a khi hui a. Pi Nuzawni chuan ‘kha in dâng tal han hnawn ula, tuisik ai chuan lem a nuam deuh mahna’ tiin seki no chuan a zufâng chângtha deuh tawh chu a han sem diat diat a. Lal Kapliana chuan ‘Thûama i fapa chu engnge a an a’ tiin a nui huah huah a. An Lal thusawi a hriat chuan Pi Nuzawni chu a hawi ka hau a, zak sen tal tal chung chuan ‘kha nangni in awm laiin vengthlang nuthlawi thar lam ka zu tlawh lawk a nge, lo thu tawh u’ tih pah chuan sumhmun thimah chuan a tek chhuak nghal nalh a. nui hawk hawk chuan ‘aw vanglai inrual sela in hnung zui ka va chak tak em’ tiin Lalpa chu a nui zui kur kur a. Rei thulo in Lal Kapliana leh a khawnbawl upate chu an in zui chhuak leh ta dam dam a.
Then sak sak chung chuan ‘khawiah tak kan Thûamhnapa chu zu phul leh ang maw ?’ tiin an then zui sak sak a. chutia zawi te te a an nui lai chuan zawlbuk lamah chuan tlangval haw haw luih luih chu a lo chhuak leh ta. Pasâltha Bilhluaia chuan ‘kan Thûama a che leh pek a ni ngei ang maw? thei ngat ila chuan Zawlbuk ka thleng rang khawp ang maw’ tiin a phun bal bal a. Pasâltha Sângtuala chuan ‘khawnge kan Thûamhnapa hi a lo che u chuak leh viau pek a nge’ tiin zawlbuk lamah chuan a hmanhmawh tak chuan an in zui thla ta thuai a. Zawlbuk mei eng chu tlangval chuan an lo bial luihin an lo khu rum rum mai chu niin, zawlbuk kil thim chuh chuan Pasâltha Sângtuala te chu an ding thuai a, an han hmuh chian meuh chuan an ni pawh chu an nui dir ta char char a. Zawlbuk meipui lam hualin hmun khat laiah chuan se ek thar tha tak tak hi an lo dah vum hnuk mai chu niin, chumi zawn an thlen chuan se ek chuan an lo in vawm a, an tum fuh loh tum chuan a en tu te chuan se ek thar tha chu tawng fuhin se ekin a den fuh a piang chu meipui lam hual ziangah chuan an lo tel ve zel a, midang vawm fuh tu chu chhuakin se ek chu meipui engah chuan se ek thar tha chu a leng fur fur mai a lo ni a. Pasâltha Sângtuala ten an thlir reng lai chuan Thûamkunga chu se ek lamah chuan tlan thutin a mah hnaih tu a piang chu a vawm ta zawt zawt a, tlangval pakhat nui lai kâ ah vawm fuh in tlangval se ek chhak chhuak chu an nuih hluah hluah a. Thûamkunga chu zawlbukah tlan lut thuaiin tui um chu a pe thuai a, kam a thuah lai chuan ‘ka tum a ni hauh lo a nia, min hrethiam hram teh’ tiin a sawi mawlh mawlh a. Tlangval chuan kam a thuah zawh chuan ‘ka thil ei tawh ah chuan a la tuilo ber awm e, tun tum chauh nafam chu ka hrethiam ang che, khawi i vaihlo tui mi han beng tir thuai tawh’ tiin a vaibel chu a lek chhuak zui zat a. A lo thlir tute chuan then hau in ‘Thangbawnga, khatiang ei duhte chuan sawi that hle hle awm’ tiin an lo nui hluah hluah a. Thangbawnga chuan ‘ka sa kawchhung ei tawhah chuan a la tui lo ber awm e’ tiin thim lam thlir chuan a then suk suk a. Thûamkunga chuan ‘khawnge se ek no ka ei tir leh hma che in, in khaw nula hmeltha ber min rim pui teh’ tiin Thangbawnga chu a pawt tho lawp a. Nui bawk bawk chung chuan an in zui chhuak dam dam a.
Tukthuan eikham chuan Ngiazoa pa chuan ‘Lalpa hei kan phu lo khawpin min lo duat a kan lawm khawp mai, i tawngkam tha um a han cham khaw muan chakawm viau mahse, kan hma lam ah tih turin min hmuak ve tun mai bawk si a, kan theih remchan hmasak berah kan lo la tlawh leh dawn che nia’ tiin an in chibai ta a, Lal Kaphnuna chuan ‘tluang takin kal ula, ka ram chhungah chuan ka tlangvalten an hruai dawn che u nia, buaina in tawk a nih chuan kan theih tawk chinah chuan min han hre ve reng ang che u’ tiin an in thlah ta a. An kal hma chuan Pasâltha Bilhluaia chu an zu tlawh leh hram a, pasâltha Bilhluaia chuan ‘ka nau tluang takin kal ula, in hawn lamah chuan min lo tlawh kawi leh loh chuan ka lawm hauh lo ang’ tiin an in thlah thei ta hram a, tiang pui nen leihka a tang chuan a thlir zui vawng vawngin ‘Khuanun hualhim mawlh che u rawhse’ tiin a ma hriattawk lek chuan pasâltha Bilhluaia chu a phun sup sup a. Harsa ti tak chuan inchhung lamah chuan a in hawl lut leh ta a. Satlâk khaw hoin chutiang tak a an ngaih pawimawh chu eng vangin nge ni ang aw’ tiin pasâltha Bilhluaia chu a in ngaihtuah na sa mai a. Pasâltha Sukthanga leh Phulliana pawh an zing a an tel hial na chu an tan eng tiang chiah a pawimawh nge ni ang aw’ tiin a ngaihtuah hnuhnawh a, a lo zawt lo chu â a in ti kher mai le.
Tluang tak a kalin riah buk an sual lai chuan ‘zanriah hmeh atan vahrit sa tharlam tak ei a va chakawm ve mawle’ tiin pasâltha Phulliana chu a nui sang a. Thûamkunga chuan ‘khawnge Sânghnapa leh mipa dang in awm chuan ka hnung lo zui teh u’ tiin a thiante chu a melh kual ralh ralh a. Chungliana chuan ‘khawnge mi pangngai pha zanlo in kan chawhmeh a zawn ai chuan tlawmngaih kan chhuah leh mai a niang chu’ tiin thal chu a chuh zui zat a. Khual valte chuan Satlâk tlangvalten Thâl leh thâlfang an chuh an hmuh meuh chuan mak tiin an mek bial kawk kawk a, Thangbawnga chuan ‘kha eng atan nge in tih reng reng a’ tiin a zawt ta hial a, Thûamkunga chuan ‘ka hnung zui ula in hre mai ang, hetiang hlauhawm zia leh tang kai zia mai chu’ tiin an in peih chuan zawi muang chuan an in zui chhuak ta dam dam a. Ngawpui hnuai a thim chhulh tawh tih chuan zanriah hmeh zawngte chu an lo hawng hlawm a, Mualkunga leh khual tlangval pakhat chuan Sakhi chal ki tha deuh hi an lo zawn hawng a, vahrit pahnih theuh an lo ak hawng bawk a. Thûamkunga chuan hma hruaiin Thangbawnga leh Chungliana chuan sakhi lâ an lo zawn hawng bawk a. Ngiazoa te unau in an u an hmuh chuan an lo bawh chang chang a. Vahrit leh sakhi kawchhung chu siamin tlangvalte chu an phe zui zat bawk a. Silai kahna awm lo chung a sakhi pahnih an zawn hawng thei chu khual valte chuan mak an ti kher mai, an zawh lah chuan an sawi tha duh lo in ‘a mitdel kan tawng fuh a, kan barakhaih hlum a ni’ tiin fiamthu in an sawi mai mai a. Thangbawnga chuan ‘mawi a, Satlâk tlangvalte hian thâlin an kap a ni, sakhi ruang kha ngun takin en ula a zakdawh leh khelah Thâl hnu in hmu ang, tiang hian engkim hi an hmang tangkai thei vek mai a nia’ tiin thu tak fe chuan a lo sawi charh charh a, saruang an enchian chuan mak tiin an chek tlak tlak hlawm a. Zan riah eikham chuan ‘thâl kah kha min han zirtir ve teh u, chu mi hma chuan in thiam thil kan thiante han entir hmasa phawt ula’ tiin Thangbawnga chuan meipui eng dul ruih hnuaiah chuan thingtuai malpui tia zet hi a han thel var haih a. Thûamkunga chuan ‘I thil han tih dan mai mai chu a naupang chhe infiam thil lutuk e mai, thing laiah khan artui tia in meihawl khan han hnawih dum rawh khai’ tiin a vaibel chu a beng tha mawlh mawlh a. Thangbawnga chuan in tih miau chuan mawle’ tiin phur fe chuan meihawl chuan a han hnawih hang a, khualval pakhat chuan ‘saw lai meihawl dum kap fuh thei sawi an awm chuan, naktukah lo fingkhat ka pua ang’ tiin a vaibelah chuan meiling vamtha hem hawm chu a chhuangkai a. Thûamkunga chuan ‘ka thian, I khabe kha sep fimkhur deuh teh aw, I zawhloh nghawngkawl I in bah palh a nge aw’ tiin a lo khak zauh a. chu tlangval lah chuan luhlul hmel zet chuan ‘ka sawi chu ka ti ngei ang’ tiin a la sawi ve lan a.
Thûamkunga chuan ‘a nih I sawi ang chu ni rawhse, I hlen ngei a ngai dawn a nia’ tiin thu tak deuh chuan a han chhang a. Chu tlangval Thangkama lah chuan ‘ka sawi tawh ang khan ni rawhse, saw lai hnawihdum lai kâp fuh sawi chu lo fingkhat ka paw vek ang che u’ tiin a hma ai mah a ring chuan a han sawi ve leh a, Pasâltha Sukthanga chuan ‘tlangval kan rin loh zawng a nih vangin mahni tan a pawi thei hian tawng chhuah loh hram a va tha ve mawle’ tiin a lo khak zauh a. Pasâltha in a lo khak chuan tim deuh dai hian ‘zan thim a nih bakah sawtiang a hla ah sawn tuman an kâp fuh dawn hauh lo a sin’ a la ti fan a. Thûamkunga chuan ‘tuman kan kâh fuh loh chuan keiin lo fingkhat ka pua che a nga, kan kahfuh erawh chuan nangin min paw thung dawn mi ? tiin a lo inrawlh leh zauh a. Thangkama chuan ‘chutiang chuan ni rawhse, ramri thleng min paw tu tur ka nei chu zan mut pawh a tui khawp ang chu’ tiin a then sang a. Thûamkunga chuan ‘kan thusawi kha kan hretheuh bawk a, ni ngei rawhse’ tiin thâl kâp tur chuan Satlâk valrualte chu an in buatsaih tan ta a. Thangbawnga chuan ‘Thangkama mai mai chu, tih sa loh loh I ti a nih kha aw, naktuk chu I chau khawp ang’ tiin a lo phun nang nang a. Thangkama lah chuan ‘mipa in ka kan ang tawh a, kan tihsual leh kan tuar deuh tur lah niin’ tiin a la tang fan a, Thûamkunga chuan uluk tak a tinin thalfang chu a ving thuak a, thalvang chu thingah chuan a bur sai dar dar a, meichher nen Thangkama chu a tlan vut a, Thâlfang bur a hmuh meuh chuan mak tiin a meng phar awn awn ta mai a. Thûamkunga chuan ‘kha nau chahai te, dangawm teh kan in râl palh a nge aw’ ti a rawn au lang lang in, Thangkama a ding zum reng chu harh thut niawm takin meipui eng lamah chuan a kal kun ran a, Thûamkunga hlim thapui a chhuak leh dawn ta, then sang chung chuan ‘khawnge Satlâk valrualte kan ni ngai e, kan thiam i chhuah tak tak teh ang aw’ ti a tawng lar lar chuan uluk deuh chuan thâlfang chu Chungliana leh Mualkunga leh tlangval sawmhnihte chuan an lo kap ve leh a, meichher eng a thâlfang bur an enchain meuh chuan thalfâng pangâ lo liam chuan a thelh lo ang tih tur chuan thiangah chuan a lo bur fur hlawm a, khual valten mak ti tak a thalfang mau suih zum thing a bur fur ;eh Satlâk tlangvalte melh tawn zauh zauh chuan ‘midang sawi chu nisela ka awih hauh lo ang’ ti a phun mawl;h mawlh chung chuan meipui angah chuan an phun mawlh mawlh a. Thûamkunga chuan ‘aw hawi kan tum a fuh dawn a ni chiang mai, naktuk chu ke in ka kal mang dawn hauh lo mai’ tiin Thangkama chu a melh ralh ralh a, a ni Thangkama lah chu sawi tur hrelo chuan a thu kun ran a. An mak tih zia ngawt an sawi chuan thutmuan ar khuan awmah chuan ‘khawnge naktuk a ka ke tur kha lo va mu hmasa teh, min tluk pui palh hlauh a nge’ tiin Thûamkunga chuan Thangkama thu kun ngal chu a melh ralh a. Pasâltha Sângtuala chuan ‘Thuama thian, duh tawk tawh teh fiamthu an chaw tak khukpui ngailo, vengthlang nuthlawi tuibur al I dil dan pawh ka sawi duh loh hi’ tiin a lo khak fiam zauh a. Chungliana chuan ‘nia I therhlo hawn pawhin in in a thlen lohna a rei tawh zia te pawh kan sawi ngai miah lo a nia’ tiin a lo tuihnih ve zauh bawk a. Thuamkunga chuan ‘nangni pahnih zet zawt hi chuan dawt sawi pawh in thiam dun e, Kunga hawh hengho dawt thu ngaihthlak ai chuan I va inthiar daih teh ang’ tiin an ti ti kal lai chu pawhachah sakin meichher nen an in zui liam ta hnak hnak a. Fiamthu eng emaw sawiin an ti ti zui laih laih a, leng hawn hma lam awmah chuan mutna siamin Thangkama chu a thiante pawh chuan fiam nan tak hmangin, hlim tak chuan an mu ta hlawm a.
A tuk ngawpui hnuai a eng tan tih chuan tukthuan eiin an insiam zawh chuan ‘khawnge ka naute tur kha lo kal rawh le, mipa chuan thu kan zûk hni hne tur a ni hleinem’ tiin Thangkama chuan Thûamkunga in ak bawr tuai hmaah chuan a hnung chu a dawh zui zat a. Thûamkunga chuan ‘ka nau i thuah i din a vangin a lawmawm e, nakinah in khua a nula kan rim hunah min la rul zawk dawn nia’ tiin nui sang chuan chhangin Pasâltha Sângtuala te nen chuan hma hruai tur chuan an liam leh ta nghal a. Ramri chu chhun chaw fak tlai lam mah ah chuan thlengin Satlâk tlangvalte chuan an mahni thuai tute chu lawmthu hrilhin hlim tak chuan an inthen ta hlawm a. Fimkhur tak chuan hma hruaiin Pasâltha Sângtuala te chu an kal zel a, tlang khan tha lai leh hmun rem ni a an hriat lamah chuan an liam zel a. riahna rem an hmuh chuan buk sual in an phe nghal char char a, Ngiazoa te chhung leh Satlâk tlangvalte an lo thlen meuh chuan buk ruhrel pawh an lo zo deuh vek tawh a, sarep an la ngah a vang chuan zanriah hmeh tur zawn pawh a la ngai lo na chungin ‘khawnge ram ka han chuan mai mai teh ang’ tiin pasâltha Sângtuala chu silai nen a in pu chhuak leh ta a, Thûamkunga te, Chungliana leh Mualkunga chuan ‘kei pawh ka lo kal ve ang’ tiin silai chuhin an in zui chhuak leh ta dam dam a. Tuibur hmuahda zet an thang hnu chuan Mualkunga chu fimkhur tak chuan a lo lang leh hlawl a, pasâltha Sukthanga leh Phulliana chu panin an chhakah lo finghnih velah ramchhuak an awm thu leh mi sawmthum dawn an hmuh thu sawiin, an thawm leh khawsak danah an ni pawhin an hmu ve ngei a an hriat thu sawiin an thian dangte chuan an mi hmuhte khawsak phung an en zui mek thu a sawi a.
Pasâltha pahnihte chu an in melh dun vang vang a, Ngiazoa pa chu ko hrangin Mualkunga thu hawn a hriat chuan ‘engtin nge kan tih tak ang le’ tiin Ngiazoa pa chuan a han rawn a, pasâltha Sukthanga chuan ‘chutiang a nih chuan zanin ah kan awmdan tur chinfel dan kan ngaihtuah a ngai dawn a nih chu, keini ai ramchin an hre zawk daih turah ngai ila, eirawngbawl tlangval panga vel pawh hmanraw in chhawpin, inring rengin a tul thut a che thei turin inring ula, tu pawh hmu ula hriam lek nghal tur a nilo tih hriat reng tur’ tiin tan hmun rem tur a an rinah chuan tlangvalte chu an sem darh zung zung a. Ngiazoa chhung chu eng pawh thleng sela pasâltha pahnih leh tlangval sawm ten awm puiin, an khua chu him tak a thlen ngei tum chuan an rilru chu an siam sauh sauh a, tuibur hmuanda ah chuan an in peih ta thap a. Satlâk tlangvalte an rin tawk a vang chuan Ngiazoa te chhung chu an phawklek mai bik lo, vanduai hle loh chuan pasâltha Sângtuala te chu an ring tawk hle a ni, zanriah an peih chuan tlangvalte chuan chaw in ei chhawkin thim tak tak hmain pasâltha Sângtuala te awmna lamah chuan chaw fun lian tawk nen chuan an thawkchhuak ta tham tham hlawm a. Mualkunga chuan hma hruaiin thawm neilo leh fimkhur tak chuan Thûamkunga te chu an va fin ta a, an ni chuan an piah buk kawt a tlangval eng emaw zat awm muk tak a thusawi a thu khawmte chu an thlir ran a, Pasâltha Sângtuala an hmuh loh avang chuan an mit meng a zawhna chu hrethiam in ‘kan thiante ropui rel sawi hriat tumin a hnaih phei ta a nih kha’ tiin zawi te chuan an lo chhang a, pasâltha Sukthanga chuan ‘silai kah nuam tawkah hnai phei ang ule’ tiin thawm nei hauh lo chuan mei eng bul a tlangval ropui rel mekte chu zawi muang chuan an hnaih phei ta hret hret a, silai kah nuam tawk an thlen chuan ‘tuman hmanrua kha lek ngawt hauh suh ang che u, a tul tawpah erawh chuan tum hlah hauh lo turin tum bik neiin thâl kan thlah tur a ni’ tiin an tum tur bik chu kawh hmuhin thingbul tanchhan chuan an silai chu an endik mawlh mawlh a.
Tuibur hmuanda zet an nghah hnu chuan an thlanah chuan pasâltha Sângtuala chu thing phenah chuan a lo lang zauh zauh a, a thiante a hmuh chuan a then sak a pasâltha Sukthanga leh Phulliana ten en eng emaw sawiin an phun sap sap a, buk nghat nghat pah chuan zanriah ei lo zawngte nen chuan an tawlh kir thuai, chaw an bar zawh chuan thawm nei hauh lo chuan an thiante chu an lo fin leh thuai a, vaibel zuk chak hlawm viau mahse tuman an zu mai ngam hauh lo. Pasâltha Sukthanga leh Phulliana te chu tlangvalte beng bulah chuan an phun sar sar a, an piah a mite melh in tlangval eng emaw zah chu thim hnuaiah chuan ;et leh in mawi tawk an nghah hnu chuan zawi muang leh thawm dim thei ang ber chuan an piah buk lam chu an pan tat ham tham a. Buk an hnaih hl eta maw tih chuan Thûamkunga chuan thing tang hi a rap tliah hlauh a, chung khual lam chuan rang tak a hriain an in melh kual vat a, an zing a tlangvalte chu tho in buk chhung a luh tum chuan an in kal ta nghal a. Pasâltha Sângtuala chu aw thian kharh kharh chuan ‘thiante u, râl kan nilo e, remna duh a lo kal kan ni e’ tih pah chuan silai hmawr lei lam a hawl chuan buk mei eng kil a thu bial papte hmuh theih chuan a kal chhuak ta nghal a. Buk a lo thute chuan chutia an rin loh tak a hnai a lo kal thut an hmuh chuan an kâ hau hlawm a. An mmahni lam pan a pasâltha diar khim vang leh naupan hmel tak pen thauh thauh leh nui deuh sang an hmuh chuan an melh ta tlawk tlawk a, mei eng kil zing a an hotupa ni ngei tur mitmeng fip deuh ram leh thahrui ngah tih hriat tak chu lo ding chhuakin ‘tlangval khawilam khaw tui liak nge I nih, eng ti tur zan zan a min lo thawn thut mai chu le’ tiin thinrim in thup tih hriat tak chuan a tawng ram hmak a.
An karah inchhung dung bak a tla lo ang tih chuan ding chatin ‘kei hi Lal Chhawnthiaua khua Satlâk khaw tuiliak Sângtuala ka ni a, in khaw ram hi lo pal tlang kan tumin, tlai thim dawn khan he laiah in lo riak reng tih kan hriatin, nangni hi lo hmuh che u a, buaina awm lo a in ram chhuahsan tur kan nih thu lo hrilh tum che u in kan lo thawk chhuak ta rawih mai a ni e’ tiin a hma a mite chu zamna tel hauh lo chuan a melh ding ngar hlawm a. A hma a mite chu mitmei chuan in rawn in a tawpah chuan ‘kei hi Lal Khuangthanga Zawlte khaw tuiliak Raldala ka ni a, nang hi maw Satlâk pasâltha Sângtuala an tih fo chu ni a, nangmah chauh em mi ? lo kal ula tha takin ro i han rel tlang ang u hmiang, eng ti tih a kan khaw ramte in lo dai luh tak mai chu le !! tiin a naute chu thu tur chuan a mitmei hlawm a. Pasâltha Sângtuala chuan ‘kei mah chuan nilo e, ka thiante pawh an awm e’ tiin meieng lamah chuan tim hauh lo chuan a pen phei nghal zat a. Zawlte khuate chuan an hma a naupan hmel tak a dar leh tawn sapui tin hnu awm raih leh nui deuh sang reng an hmuh chuan an lo ral hriat thin ai a naupang zawk hmel an hmuh chuan Zawlte tlangvalte chuan an lo phun sap sap hlawm a. Zawlte tlangval hruatu Raldala chuan chik takin a hma a tlangval naupang lam hlau hauh lo leh tlangnel hmel tak chu melhin ‘khawnge i thiante chu an awm a, thim hnuai a awm reng chu a hrehawm an lo ti a nge han ko chhuak che’ tiin a melh ran a. Pasâltha Sângtuala chuan ‘thiante u lo chhuak ula, hei kan pasâltha hian a hmu ve duh che u a nih chu’ tiin a iptepui a vaibel chu phawrhin a beng zui mawlh mawlh a. Meiling vam tha hem hawm chhuan pah chuan ‘kam a chhe hma thin hle mai, in ram hi a leilung a rem hle mai a sa pawh a la tam dawn hi a’ tiin a bul a mite chu a mitmei ru reng a, chutiang a tharum thawh mai tur awm a an lan loh a vang chuan tha tak a an in rem theih mai chu a ring ta hial a.
Pasâltha Sukthanga chu Thûamkunga leh tlangval dangte chuan lo zuiin an lo then chhuak var var hlawm a. mi sawm tha lam mah tlangval tha za theh thawh leh an hruaitu lo kal te chu chik tak a lo melhin Zawlte tlangval hruaitu Raldala chuan a lu chu zawite chu a thing mat mat a. Pasâltha Sukthanga chuan a hma a a mah rual vel phangchang ve tawh tak chu ngun tak a melhin ‘nangte reuh chu rin i va har dawn ve’ tiin a ngaihtuah nauh nauh a. Pasâltha Suthanga chuan ‘thiante u, kan lo thawn thut che u avang hian min hrethiam dawn nia’ tiin a hma a khualvalte chu a han melh kual thuak a, ngaih sam awm tak chuan a vaibel chu a beng zui ve mawlh mawlh a. Meikhu chhem chuah ham ham pah chuan ‘hei kan pasâltha sawi tawh ang khan, laklawh thil thuah in khaw ram kan pal tlang a ngai a eng emaw hriat fuh loh palh a thu bahsual hlauh thilah kan lo zan thawn thut mai che u a ni, in pawi zawng a hawl em lo turah ka ngai a’ tiin a hma a Raldala chu chik tak chuan a melh vang vang a. Raldala chuan ‘a chutiang a ram pal tlang thu hla ngawt zawng ngaihhuat tur awm thu va awm suh, Amaherawhchu buaina kan ram chhung a siam chu kan rem ti hauh lo tih in hriat reng a ngai ang’ tiin Raldala chuan a sawi chang rat a. Pasâltha Sukthanga chuan ‘a pawng a pui chuan han buai ngawt thu awm suh, khawi hmunah mah hian buaina kan la zawng hmasa ngai hauh lo a nia, chakai pawh a kaw tawpah a tang tih ang chauh hian a nia kan awm thin ni’ tiin a han chhang leh charh charh a. Raldala chuan ‘eng ti tih a kan khaw ramte in lo dai teh nawlh a, eng thil nge ni ta thut a’ tiin a hma a mi chu chik tak chuan a melh ran a. Pasâltha Sukthanga chuan ‘hun eng emaw ti liam ta atang khan kan naute hian khaw thenawm kan la fang lo a, hun tha awm lai hian i fang ve reng reng ang u tiin an rawt chamchi mai a, kumin chu hun remchangah la in kan lo arkhawthim dai chhuah ve ngawt a lawm le’ tiin a chhang charh charh a, Raldala leh a naute chuan Satlâk lam thu chu ngun tak a ngaithlain ‘khai aw, nagni zet chu in tit ha bik mang e a, keini pawh kan naute hian khaw fan hi han rawt thin mahse eng emaw remchan lohna a vangin kan la ti hlawhtlinmg thei thin lo a, keini pawh remchang hmasa berah in khua kan lo lawi ve ngei ang chu, min thleng ve duh dawn te a nih chuan’’ tiin Zawlte pasâltha Raldala chuan a lo chhang tha ve mai a, ti ti eng eng emaw an sawi hnu chuan ‘kan kum a fuh lo ni hmiang, fur pui lai e ti lo in, hrumzial ho an lo chuan glut ve sek a khawchhung nun pawh a râl muan loh phah a lawm le, nangni lamte hian in hr eve em ? tiin, Hrumzialho thusawi ni awm an sawi chu a sawi ta vek a. Pasâltha Sukthanga chuan ‘keini pawh eng emaw lai chuan kan buai phah a sin, khuanu venna zarah leh kan tlangvalte in pekna zarah a chan tha zawkah kan la awm hram hram a ni e’ tiin hrumzial nen an kar thu pawh chu a sawi ve zauh zauh a. Pasâltha Raldala chuan ‘nangni khua zawng pasâltha in nei tha a zia tak a awm zawk a nih chu’ tiin hruamzial ho nen an buai dan chu a sawi ve leh suam suam a. Pasâltha Sângtuala chuan an hruaitu chu mitmeiin a lo buk nghat hnu chuan buk piah lamah chuan kalin a han khuh bur bur a, buk chhak a tang chuan tlangval silai hum mi sawm pangâ chuang lai chu an lo chhuak leh ta dum dum a. Zawlte pasâltha Raldala chuan Satlâk khuate fimkhur thiam zia a hmuh meuh chuan a rilru chuan a ngaisang kher mai. Satlâk khaw chemhar pek zawng a awm hlauhawm tur zia pawh a hrethiam ta uar uar a, a rilru chuan ‘nangni khaw do meuh zawng, taivang bu tawn darh tluk zet a tawrhhlelawm a nih dawn hi’ tiin a ngaihtuah ta nauh nauh a.
Pasâltha Raldawla chuan ‘ngaihngam takin awm rawh u, in lo hawn lamah chuan kan khua in lo lawi dawn nia’ tiin tha takin a thlah ta, An sazuk lu rep chu ‘e khai aw, he sazuk lu chu a va nalh teh reng ve aw, a lawina in chu a mawi dawn hle mai’ tiin Thûamkunga chu tlangval mei vil bulah chuan a thu sawp nulh a. A bul a tlangval pawh chuan ‘hei kan vannei a sazuk ki ropui takin kan khua a deng dawn e’ tiin a lo tuihnih ve sap a. eng eng emaw an sawi leh hnu chuan tha takin an in thlah ta hlawm a. Satlâk khuate pawh ngaihngam tak chuan an buk lamah chuan an kir leh ta dam dam a, an liam hnu chuan hnu dal in dahin an buk chu an thleng ta a. Pasâltha Sângtuala chuan ‘zanin kan mi tawnte chu rin thiam an har kher mai’ tiin a ngaihtuah neuh neuh a. Midangte pawh chuan ‘an khaw himna tur a nih phawt chuan engmah tihhreh an nei hauh lo ang maw’ tiin an ngaihtuah hlawm a. An hmaah chuan an duh emaw duh lo emaw buaina chu a awm dawn tih chu an hrethiam nghal mai a. Râlveng tih loh chu an mu thuai hlawm a, Zawlte ram chhuahsan a Ngiazoa te ram thlen vat tum chuan an rilru chu an siam sauh sauh hlawm a. Khuan hmasa awmah chuan râlveng chu in thlakin ngawpui hnuai a lan chian meuh chuan Satlâk valrual te chuan an riah buk chu an chhuah san ve mek a. Pasâltha Sângtuala chuan ‘tunah chuan hma lam ngawt ngaihtuah theih a ni lo in a lang, keini hian hma kan hruai a nga, tlangval eng emaw zat chuan hnung kan dawl a va ngaih hmel ta ve’ tiin a han rawt a, pasâltha Sukthanga te pawh chuan tha an tiin tlangval sawm thlang chhuakin, pasâltha Phulliana chuan chung langvalte chu a ho a nga,an ni chuan an sulh pawh an lo thup nghal dawn a ni, Ngiazoa nu leh pa chuan an mahni vang a Satlâk tlangvalte hahdan leh nun derthawn zia an hriat chuan an in thlahrung tharin ‘engpawhnise, min tin san tawh mai rawh u, khua chu kan thleng ve em em ang kan chhungkaw tan a in ngâltha hahna pawh hi a zahthlak zozai te e’ tiin hawng mai tur chuan an nawr ve reng bawk a, Satlâk tlangvalte erawh chuan chhang lem lo chuan an tum ngai tum chuan an la rah ngai hauh loh lam pan chuan fimkhur tak chuan an kal hmiah hmiah thung a.
Zan thum lai an kal leh hnu chuan chhun chaw fakna remchang chu an melh pah reng a, lung kawr biru deuh mai hi pasâltha Sângtuala te chuan an pawh ta hlawl a, an han en chian chuan ‘hei zanriah nan pawh a rem kek kawk viau hi mawle’ tiin an sawi zui sap sap a. Ngiazoa nun chulai ruam a hmu chiah chu a hmel te chu a dang nghal sawp sawp ta mai a, an chhak a buk hlui awngrawp tawh tak mai an hmuh phei chuan Ngiazoa nu chuan a mittui chu a thup thei tawh hauh lo hial a. Pasâltha Sângtuala chuan a thiante chu mitmei a rawnin ‘thlaphang hauh suh u, engpawh in chungah thleng dawn sela in hmaah kan ding zel dawn a lawm’ tiin pasâltha Sukthanga chuan a hnem mawlh mawlh hlawm a. An bul a tlangvalte rin tlak zia an hriat chuan tlemin an ngaih a ngam deuh tih hriat tak mai chuan an hmel pawh tlemin a hahdam leh ta deuh in ‘khi lai a kan riah lai khian a lawm min rawn thawn thut le’ tiin hmun hrang hrang chu kawkin a tlangvalte tlukna chu a kawk zung zung a, pasâltha Sângtuala chuan ‘kan piah deuh ah sawn in chawlhna remchang deuh a awm in a rinawm a, chulai hmunah chuan zan riak mai ila, kan thiante ruhro tal chu khawm theih a mual mual kan nei thei mai thei a sin’ tiin a han rawt a. Ngiazoa pa chuan ‘pasâltha nge nge chu I ngaihtuahna zau thin e, kan naute ruhro eng emaw tal chu khawm tur a awm ngei turah ngai ila, tun tum a kan khawm theih loh pawhin remchang hmasa ber a khawm leh a tan a tha viau tak ang chu’ tiin a lo chhang thuai a. Fimkhur tak chuan hmalam chu an pan leh ta tham tham a, Ngiazoa nu chu hmeichhia tih takah a thaûah manin a kal chu a nghet lo tih hriat tak chuan eng emaw deuh ah a kat leh darh thin a. Ngiazoa pa chuan an nu chu lainat tak a melh pah chuan an tawng chuan a be sap sap a, tiang hawl tur an pek chuan a ni pawh tlemin a kal tha thei ta deuh a. Lo fing khat emaw an kal hnu chuan riahna tur remchang deuh leh hmun biru ang reng tak chu hmuin tui chawina pawh a harsa lo hle a, tui chawiin chhun chaw fâk tlai deuh takah rilru a ngaihtuah bik tak nei theih chung chuan an bar thuai a, Ngiazoa pa ho chuan tlangval sawm tha lam mah chu an chhuak nghal a. Pasâltha pahnihte ho chuan midang zawng chuan buk chu an sual nghal thuai a.
Buhfai an neih vak loh vang chuan chawhmeh siam lam an uarin therhlo eng emaw dap tur chuan tlangval sawm tha zet te chuan an buk chu an chhuahsan leh sang sang hlawm a. Pasâltha Sukthanga chuan ‘tul tawpah lo chuan tuman silai hmetpuak hauh lo ang che u’ tiin tlangval chhuak te chu a chah nawn lehin ‘silai ri a awm palh hlauh chuan chu lam chu a rang lam a pan khawm tur chuan an chah zui a, meikhu langlo thei ang ber chuan zanriah bawlin tlangvalte chu an che sang sang a. Ngawpui hnuaiah chuan thing ro tha a vangin meikhu chuan kawr dung chu a bawh chho hal hal reng a. tlangsang ni in a la chhun tih chuan pasâltha Sângtuala te pawh an lo hawngin Ngiazoa pa hmel chu thinur in thup vang chuan a dur deuh khap reng a. Chutia an thut ngawih deuh thap lai chuan an piah tlang mual thumna vel a tang chuan silai hi a han puak khawk raih raih a. Pasâltha Sângtuala te thianzaho chuan an hmanrua chuhin an ding nghal suau a. Pasaltha Sukthanga chuan ‘Sângtea te thianzaho khan silai rukna va chian ula, engpawh thleng sela nangmahni chuan va tawngpawng bawh mai suh ang che u, tlangval te kha pangâ zelin tanhmun siamin buk hi hual thuai ula, thâl in thlah chuan in tum a hlah tur a nilo’ tunah kal thuai rawh u’ tiin thu a han pe that that a, an chan a lum lamah chuan Satlâk valrualte chu an kal thuai hlawm a.
Chaw hmin hun awmah chuan Mualkunga chuan Hrumzial pakhat hi a lo nawr thla nawk nawk a, buk an lo thlen chuan Ngiazoa pa chuan chu hrumzial pa chu hnaihchilh thuaiin a be nghal thuai a. Chu an mi man pa chu a mengrum vei al in an zawhna chu chhan tum awm pawh chuan a lang hauh lo a, ngawi reng chuan a han melh ran a. Ngiazoa pa thin chuan tuar loin a beng thal ta thuai a, a bengtu tha in a hneh bawk a pawnchhe paih ang thlawrh chuan a hlawm nawk a. An pa thinrim leh kut thlak a hmuh chuan Ngiazoa nu chu te thawtin an mi man pa hrumah chuan manin a phih zui bawrh bawrh a, an han kaihhran lai pawh chuan Ngiazoa nnu chu thinrim tak chuan a te zui that that reng a. Ngiazoa pa chuan tlangvalte chu mitmeiin buk pawnah chuan an hruaichhuak nghal thuai a. Mualkunga chuan ‘Lal fapa engtin nge kan tih dawn’ tiin a han zawt sap a. Ngiazoa pa chuan kawr lamah khuan hruai thla rawh u, ka lo kal ve nghal ang’ tiin a hmel chu thinrim vang chuan a dur khap tawh a. Hrumzial an man pa chuan a hlauthawng tih hriat tak chuan buk chhhung a awm lai a hmel rum ang chu a pu reng ta bik hauh lo, kawr kam an thlen chuan engkhaw sawi set set lo chuan Ngiazoa pa chuan chu hrumzial chu a lawk thal nghal thlawrh a, a rek zui bawrh bawrh a, Mualkunga leh tlangval dangten an pawh then theih meuh chuan hrumzial pa chuan chilphuan a thlauh nuaih tawh a, an han bawihsawm deuh hnu chuan khuh bawrb bawrhin hlauthawng tak chuan a mah lainat hauh lo a hual tute chu melh kual zak zak in a kun ta ran a.
Ngiazoa pa chuan vaibel fawp sek sek in a vaibel dawn chu a reh sep sep a, pasâltha Sukthanga chuan ‘Lal fapa in ngaihtuah harh deuh teh, kan hmanraw neih hi a hlutna kan chhawr theilo palh a nge aw’ tiin a han hrilh sap sap a. Ngiazoa pa pawh chuan ‘ka thinrim ka in thunun theilo a lawm le, ka tlangvalte tawrhna kha ka mitthlaah hmuin ka rilru natna a thuk em a ni’ tiin a vaibel ekchhia chu khawng thlain iptepuiah hnawh in chempui tlr vur mai chu a phawrh a, hrumzial awmna lamah chuan zawimuang chuan chhukin, a bul a thingtuai chhawk hmawkin hrumzial pa hlau lutuk chu te thawtin a thal tawp a, Mualkunga te chuan dim hauh lo chuan an han phih tho zui lawp a, hrumzial pa hlau lutuk chuan zun fem chu a thlauh zawih zawih, Ngiazoa pa chuan a hma a mi awmdan a hmuh chuan bu nghauh nghauh in eng emaw chu zawtin a hma a mi chuan hlauh luat a kha khawng dat dat chung chuan a thil zawh chu a sawi zung zung a, an duh tawk an zawh hnu chuan pasâltha Sukthanga melh zauh pah chuan ‘khai aw, Satlâk lam kal tur mi sawmnga chuang te chuan vawiin khan khua an pana nih awm chu maw, engtin nge kan tih tak ang le’ tiin lei lam chu a bih ta ran a, thawpui lak halh pah chuan ‘keini chhungkua a vang hian in va tuar nasa tak em’ tiin hnuai lam chu a bih ta ran a.
Tukhum chul zauh zauh pah chuan ‘Engpawhnise, zanin chuan kan che sawn thei chuang lo bawk a kan pasâltha Sângtuala lo thleng sela a ni chuan tihdan a hre leh mai thei a ni’ tiin pasâltha Sukthanga pawh chuan thawpui a la halh a. Rum tak a melh pahin ‘dawt I sawi vaih chuan nuam I sa lo hle ang mawle’ ti a rum ngal ngal pah chuan hrumzial pa chu a melh hrawk a. Ngiazoa pa chuan ‘hawh ule, kan duh kan hre ta bawk a I kir phawt ang u’ tiin buk lamah chuan ngaihtuah bing nei tih hriat tak chuan an chho ta dam dam a. Mualkunga chuan an mi man pa phuarna enchian sak mawlh mawlh pah chuan ‘tha te te a I awm loh chuan buhban ramah I haw nghal ang, I hria maw ?’ tiin a nawm leh sawk thin a. A bul a mi pawh chuan hrethiam ve niawm tak chuan a lo bu ve zauh zauh a. Unau hmelhai velah Thûamkunga chu thlan tla phung hian a lo lang hlawl a, Lal fapa leh pasâltha pahnihte chu ko hrangin eng emaw sawi chuan an phun sap sap a. A hnu deuh ah chuan lo kalin zanriah ei siam tur chuan an ti thuai a, tlangvalte pawh pahnih theuh bak chu ko kirin zanriah chu an ei thuai a, Ngizoa pa chuan an hrumzial man pa zanriah tur pek pah chuan eng emaw chu a zawt leh zauh thin a, an mi man pa chuan zawhna te tha tak a chhan avang chuan kut em zawng an in thlak ta lo, an eitur pek angte a ei zawh hnu chuan uluk tak chuan an phuar leh phawt a, Ngiazoa pa chuan ‘hei hriangzing khua an ni a, an tlangval tam zawkte chuan Satlâk lam an pan a, keini kan let leh ringin tlangval sawmhnih velin he lai vel hi an lo chang bawk a lo ni awm a, an riah buk chu ka hoin kan han thawng thut a nga, kan man vek thei a nih chuan rorel dan pawh a awm tawh ngei ang’ tiin a silai chu a endik mawlh mawlh a. Pasâltha Sukthanga chuan ‘Lal Fapa nang em zawng I kal a ngailo ang, kan pasâltha Sângtuala khan chetsualna tur chuan engmah a ti lo ang, kan tlangval tam zawk hi Thûama hian han hruai sela a tha zawk ang’ tiin a lo hnial thuai a. Ngiazoa pa chuan ‘kan tan a in inpekna hi a nasa zo zai tawh lutuk, bakah helai ram hi chu kei aia hrechiang an awm kherin ka ring lo, râl bawh ve kher lo mah ila ka tangkai zawk dawn a ni’ tiin hnial eng ang mahse ka a tum tih hriat tak mai chuan a sawi a. Pasâltha Sukthanga leh Phulliana te pawh chuan hnial miah ngailo in ‘engpawhnise, i han fimkhur hle dawn nia, hei I fate leh nupui theihnghilh hian han tawngpawng tal hauh suh ang che’ tiin an thlah ta a, Ngiazoa pa chuan engpawh thleng thei a nia tiin an kal leh dan turte, a tul tawpah chuan Ngiazoa pi leh pute pawh han tlawh mai tur chuan a chah ta thlap a. Ngiazoa te unau leh a nupui hnenah thu tlem a sawi leh hnu chuan kal tur chuan buk pawnah chuan a kal ta nghal a. Ngiazoa nu chu a pasal lamah chuan tlan thutin eng emaw sawi chuan a phun mawlh mawlh a, Ngiazoa pa a buk nghat nghat hnu chuan mittui nen buk chhungah chuan a lo lut leh ta a. Ngiazoa te unau pawh chuan an pa chu buk atang chuan thlir zui vang vangin a liam dawn chuan a pa chuan kut a rawn vai zauh zauh a, ngawpui hnuaiah chuan an liam ta thuai a.
Ve leh hlawl a, ka lo lang ve zuk e, chhiar mam deuh erawh a ngai leh dawn e
BUNG – 165
Thutmuan ar a khuan thluah thluah chuan Pi,Khangpuii palaite chuan Lal sumhmun chu an lo chuang kai thliah thliah hlawm a, Lal Kaphnuna chuan ‘e khai a Sangi pa te teh hlawl chu eng thli chhia in nge lo len lut che u, lo leng thu rawh u’ tiin a lo chhawn var a. Pu Zahuata chuan Lalpa Kaphnuna ke bul a zu bel nghah hnawk pah chuan ‘Lalpa, ka dam sam loh a leiah ka lo tlawh lawk theilo che a nia, kan tum that loh nak laiin kan nau Khangpuii te chhung lah chuan thil pawi leh zah thlak zet mai an lo ti pek chu niin’ tiin chhuat lam chu a bih ran a. Lalpa Kaphnuna chuan ‘e khai aw a ni tak a sin, kan Khangpuii mai mai pek saw zechhe lutuk mai a lo nei pek a, nichin mai pawh khan ka han vau fiam hlut taka a sin’ tiin a vaibel chu a fawp khu tual a. Pu Zahuata chuan ‘nia kan nau saw han sawi mawi vak ngaihna pawh a awm lo a ni e, amaherawh chu nang mi ngilnei leh zaidawh thei tak kan lo tawng hlauh che chu a vanneih thlak kher mai, engpawhchunise i zahngaihna dawvan ngen in kan lo kun a ni e, nanglo chu tunge kan belh chuang ang le ?’ tiin a kun ran a. Lal Kaphnuna chuan ‘kan khualte hian eng rilru nge an put erawh ka hre hauh lo a, an mahni pawh han dawr ve reng ula ti nia’ tiin an khual lamte chu a melh hruk a. pu Zahuata chuan ‘kan khuallam te khan kan nau chu min ngaihdam sak hram thei a ngem ? in ngaih nuam lo tur zawng takin kan lo chetna ah khan in mi ngaihdamna kan ngen tak meuh a ni e’ tiin a meng hnuai raih a.
Ngiazoa pa chuan ‘e khai keini lam chuan eng huah kan ngai lo e, mihringte chu han chet pelh deuh phang chang chu a awm ngai alawm, a maherawh chu kan fate nungchang hi kan hriat chian hle a ngai a, humsual an dai palh hlauh chuan zahna hian ban a pel hle ang tih a hlauhawm deuh e tih mai a ni e’ tiin a lo chhang ve thuai a. Pu Zahuata chuan ‘khuanu hian nangni kher chung a tiang min tawn tir hi kan tihsual a chung a malsawmna zu han ni hawt a, ngalfim in dam reng tawh u, keini tan chuan in mi ngaihdamna thu tluk a ngaihthlak nuam a awm hauh lo e’ tiin a lawm zia pawh a hmelah chuan langin a then hau a. Lal Kaphnuna chuan ‘engpawchu nisela, mikhual an nih vang mai a dikna neilo leh thusawi ngam lo turah kan dah a nih chuan a ngaihdan thalo tak a ni ngei dawn si a, rilru pik lai a ni nen ka han vau chiam ta pek a nih kha, tha takin awm sela humsual dai palh ah kan lo ngai mai a sin, tun hnu ah reng reng chuan mi vau beh tumna a nei tawh tur a nilo, hei kan khualte pawh hian an hrethiam a lawmawm hle mai’ tiin tuihnih ve charh charh a. Lal Kaphnuna chuan ‘khawnge chutiang a kan in rem thei hlauh chu alawmawm e mai, Sangi pa zu chu tlangau pa han thli teh, tun hma a tangin a nei thlum thin riau a’ tiin hlim awka tak chuan a han sawi zui lur lur a. Hriangngai palai te pawh chuan ‘kan Satlâk lam unaute chu tluk loh rim an lo nam teh e, an zia kan hmu chiang tulh tulh a nû chawhrai ei theuh theuh kan lo pha lo kher mai le’ tiin an lo tuihnih ve leh bauh a. Chutia remthu an sawi tak hnu chuan ‘khawnge kan pasâltha Bilhluaia kan zu tlawh lawk a nge’ tiin Satlâk tlangvalte chu an inzui chhuak ta dam dam a. Lalpa Kaphnuna chuan ‘kha nangni kha nula rim lam te hi in ngaihsak na pek nge maw ni ? nangni ang rual kan nih lai chuan nula puanhmawr khawih lo a mut kan tum ngai hauh lo a nia’ tiin a then suk suk a.
Pasaltha Bilhluaia chuan a piah mei eng bul a vaibel fawp hlat hlat pah a thu nui var var reng thin, pasâltha khualthang naupang tak chu melh vang vangin ‘nang reuh tak hi chuan hlauhawm awm zia hi i hriat pawh ka ring nek lo e, nang ka lo hre hlauh che hi ka tan chuan vanneihna i va han ni tak em’ tiin a ngaihtuah nauh nauh a. Pasâltha Bilhluaia chuan ‘Sângte, tun tum kan in hmuh dan chu nuam fahran lo mahse, hman a ka hmuh che ai chuan hmuh i nuam zawk tlat mai ka ti’ tiin thu tak deuh tak chuan a han zawt phawng a. Thawpui lak halh pah chuan ‘ka mangchhia khan min kian san deuh tawh a, tunah chuan ka pangngai leh viau tawh a sin’ tiin a vaibel vam ham chu a melh ding ngar a. Pasâltha Bilhluaia chuan ‘I tun hun hi mipa tam tak thlakhlelh chu a ni ngei in a rinawm, eng emaw châng chuan Khuanu meuh pawh hian a duang sual niin ka hria, theilo leh chaklo zawkte hawisan ngailo tu hetiang khawp hian a lehlam kawngah i van a han duia mai chu ka lo vui pui deuh thin che a sin’ tiin a mut dan chu a han siam rem pah a. Pasâltha Sângtuala chuan ‘khuarel do zawh thu awm suh, chan tawk khuarel hi pawm thiam a har a nih hi, Ngurpuii kha ti khan awm hlauh lo sela chuan tunah hian thotle in an vir hut hut tawh mai thei che a sin’ tiin a hma a pasâltha phanchang tawh chu a fiam pah zauh a. Pasâltha Bilhluaia pawh chuan ‘a leh lam zawng chuan i fiamthu mah nise a dik khawp mai. Kan tan a tha zawk tur hian khuanu hian kan kawng hi a her rem thin a nih hi, Lal Fanu tlangchang meuh zawng han pawm ngat la chuan ka thi tawh ngei ang le, engpawhnise, chan tawk khuarel a bo lo e an ti mathawn lo e’ tiin a pawnpui hrul a vaibel chu a beng pah nuap nuap a. Thûamkunga lo lut chuan Pasâltha Bilhluaia pawnpui tângkham chu a hnuk tawlh hrut a, Pasâltha Bilhluaia tluk hlau chuan a vaibel beng lai paih dawrin a meng da va ruai a. Thuamkunga chuan ‘chhe heu, pasâltha meuh pawh hian khum laizawl a tluk an lo hlau hle a nih dawn hi maw’ tiin a nui zaui tlawrh tlawrh a. Pasâltha Bilhluaia chuan ‘Thûamhnap, ka han bin zawt teh ang che’ tiin a tho tur chu a luhai a thu leh hnawk pawm nalh pah chuan ‘Mate mu mu, a pan a duat nel nel ang aw’ tiin Thûamkunga chuan pasâltha Bilhluaia chu khumah chuan a han mut a. Melh deuh khaiin ‘aw in lo hawn lamah chuan i va han chak dawn lo rua em’ tiin pasâltha Bilhluaia chu a phun deuh ngal ngal a. Thûamkunga chuan ‘Mate, hleikapsen ka lo hawn dawn che nia, ti khan tha deuh in lo mu hle hle tawh’ tih pah chuan vaibel chu a bêng sak mawlh mawlh a. Meiling vamsen ham chhuangin a han fawp khu tual a. Nui tat tat chung chuan ‘I vaihlo chu an chil laiin an ke an silfai lo a ni maw ? Vangvat rim a nam tlat mai a’ tiin pasâltha Bilhluaia tawng tum ang zuau kâ ah chuan vaibel dawn chu a hnawt tawt a.
Kawng khar a Lal Kaphnuna leh a khawnbawl te lo ding chu insum zo tawh lo in ‘nangni ho zet zawng chanchin ngah awm reng in lo nih hi, in kalna khuate pawhin an ngaih viau dawn che u hi’ tiin a lo nui phei hawk hawk a. Lalpa leh khawnbawl te an hmuh thut chuan ‘aw hawi engtik lai khan nge in lo thlen, lo thu rawh u’ tiin pasâltha Bilhluaia chu harsa ti tak chuan a han in beng kâng arh arh a. Lal Kaphnuna chuan ‘ka pasâltha thawh buai a ngailo, chin hre duh in kan lo vak harh zawk a ni e, khual valte hian nula rim turte hrelo in an lo hawihai lutuk ang tih hlauin kan lo kal mai mai a nia’ tiin an thu nui vur vur a. Lal Kaphnuna chuan ‘hei khawnge i chhungte an awm zawh vek a’ tiin a han zawt a. Pasâltha Bilhluaian a chhan dawn chuan hmeichhe zai rat rat chu sumhmunah lo awm in, meieng a Lalpa Kapliana leh a khawnbawlte a hmuh chuan ding chatin ‘aw hawi Lalpa engnge in lo tih ? lo thu rawh u’ tiin a zu bel chu a thutchilh nghal. Lal Kapliana chuan ‘a engdang nilo e, hei kan pasâltha dinhmun hi mit ngei a hmuh duh in kan lo chuangkai satliah mai mai a ni e’ tiin nuihza la insum tih hriat tak chuan a khi hui a. Pi Nuzawni chuan ‘kha in dâng tal han hnawn ula, tuisik ai chuan lem a nuam deuh mahna’ tiin seki no chuan a zufâng chângtha deuh tawh chu a han sem diat diat a. Lal Kapliana chuan ‘Thûama i fapa chu engnge a an a’ tiin a nui huah huah a. An Lal thusawi a hriat chuan Pi Nuzawni chu a hawi ka hau a, zak sen tal tal chung chuan ‘kha nangni in awm laiin vengthlang nuthlawi thar lam ka zu tlawh lawk a nge, lo thu tawh u’ tih pah chuan sumhmun thimah chuan a tek chhuak nghal nalh a. nui hawk hawk chuan ‘aw vanglai inrual sela in hnung zui ka va chak tak em’ tiin Lalpa chu a nui zui kur kur a. Rei thulo in Lal Kapliana leh a khawnbawl upate chu an in zui chhuak leh ta dam dam a.
Then sak sak chung chuan ‘khawiah tak kan Thûamhnapa chu zu phul leh ang maw ?’ tiin an then zui sak sak a. chutia zawi te te a an nui lai chuan zawlbuk lamah chuan tlangval haw haw luih luih chu a lo chhuak leh ta. Pasâltha Bilhluaia chuan ‘kan Thûama a che leh pek a ni ngei ang maw? thei ngat ila chuan Zawlbuk ka thleng rang khawp ang maw’ tiin a phun bal bal a. Pasâltha Sângtuala chuan ‘khawnge kan Thûamhnapa hi a lo che u chuak leh viau pek a nge’ tiin zawlbuk lamah chuan a hmanhmawh tak chuan an in zui thla ta thuai a. Zawlbuk mei eng chu tlangval chuan an lo bial luihin an lo khu rum rum mai chu niin, zawlbuk kil thim chuh chuan Pasâltha Sângtuala te chu an ding thuai a, an han hmuh chian meuh chuan an ni pawh chu an nui dir ta char char a. Zawlbuk meipui lam hualin hmun khat laiah chuan se ek thar tha tak tak hi an lo dah vum hnuk mai chu niin, chumi zawn an thlen chuan se ek chuan an lo in vawm a, an tum fuh loh tum chuan a en tu te chuan se ek thar tha chu tawng fuhin se ekin a den fuh a piang chu meipui lam hual ziangah chuan an lo tel ve zel a, midang vawm fuh tu chu chhuakin se ek chu meipui engah chuan se ek thar tha chu a leng fur fur mai a lo ni a. Pasâltha Sângtuala ten an thlir reng lai chuan Thûamkunga chu se ek lamah chuan tlan thutin a mah hnaih tu a piang chu a vawm ta zawt zawt a, tlangval pakhat nui lai kâ ah vawm fuh in tlangval se ek chhak chhuak chu an nuih hluah hluah a. Thûamkunga chu zawlbukah tlan lut thuaiin tui um chu a pe thuai a, kam a thuah lai chuan ‘ka tum a ni hauh lo a nia, min hrethiam hram teh’ tiin a sawi mawlh mawlh a. Tlangval chuan kam a thuah zawh chuan ‘ka thil ei tawh ah chuan a la tuilo ber awm e, tun tum chauh nafam chu ka hrethiam ang che, khawi i vaihlo tui mi han beng tir thuai tawh’ tiin a vaibel chu a lek chhuak zui zat a. A lo thlir tute chuan then hau in ‘Thangbawnga, khatiang ei duhte chuan sawi that hle hle awm’ tiin an lo nui hluah hluah a. Thangbawnga chuan ‘ka sa kawchhung ei tawhah chuan a la tui lo ber awm e’ tiin thim lam thlir chuan a then suk suk a. Thûamkunga chuan ‘khawnge se ek no ka ei tir leh hma che in, in khaw nula hmeltha ber min rim pui teh’ tiin Thangbawnga chu a pawt tho lawp a. Nui bawk bawk chung chuan an in zui chhuak dam dam a.
Tukthuan eikham chuan Ngiazoa pa chuan ‘Lalpa hei kan phu lo khawpin min lo duat a kan lawm khawp mai, i tawngkam tha um a han cham khaw muan chakawm viau mahse, kan hma lam ah tih turin min hmuak ve tun mai bawk si a, kan theih remchan hmasak berah kan lo la tlawh leh dawn che nia’ tiin an in chibai ta a, Lal Kaphnuna chuan ‘tluang takin kal ula, ka ram chhungah chuan ka tlangvalten an hruai dawn che u nia, buaina in tawk a nih chuan kan theih tawk chinah chuan min han hre ve reng ang che u’ tiin an in thlah ta a. An kal hma chuan Pasâltha Bilhluaia chu an zu tlawh leh hram a, pasâltha Bilhluaia chuan ‘ka nau tluang takin kal ula, in hawn lamah chuan min lo tlawh kawi leh loh chuan ka lawm hauh lo ang’ tiin an in thlah thei ta hram a, tiang pui nen leihka a tang chuan a thlir zui vawng vawngin ‘Khuanun hualhim mawlh che u rawhse’ tiin a ma hriattawk lek chuan pasâltha Bilhluaia chu a phun sup sup a. Harsa ti tak chuan inchhung lamah chuan a in hawl lut leh ta a. Satlâk khaw hoin chutiang tak a an ngaih pawimawh chu eng vangin nge ni ang aw’ tiin pasâltha Bilhluaia chu a in ngaihtuah na sa mai a. Pasâltha Sukthanga leh Phulliana pawh an zing a an tel hial na chu an tan eng tiang chiah a pawimawh nge ni ang aw’ tiin a ngaihtuah hnuhnawh a, a lo zawt lo chu â a in ti kher mai le.
Tluang tak a kalin riah buk an sual lai chuan ‘zanriah hmeh atan vahrit sa tharlam tak ei a va chakawm ve mawle’ tiin pasâltha Phulliana chu a nui sang a. Thûamkunga chuan ‘khawnge Sânghnapa leh mipa dang in awm chuan ka hnung lo zui teh u’ tiin a thiante chu a melh kual ralh ralh a. Chungliana chuan ‘khawnge mi pangngai pha zanlo in kan chawhmeh a zawn ai chuan tlawmngaih kan chhuah leh mai a niang chu’ tiin thal chu a chuh zui zat a. Khual valte chuan Satlâk tlangvalten Thâl leh thâlfang an chuh an hmuh meuh chuan mak tiin an mek bial kawk kawk a, Thangbawnga chuan ‘kha eng atan nge in tih reng reng a’ tiin a zawt ta hial a, Thûamkunga chuan ‘ka hnung zui ula in hre mai ang, hetiang hlauhawm zia leh tang kai zia mai chu’ tiin an in peih chuan zawi muang chuan an in zui chhuak ta dam dam a. Ngawpui hnuai a thim chhulh tawh tih chuan zanriah hmeh zawngte chu an lo hawng hlawm a, Mualkunga leh khual tlangval pakhat chuan Sakhi chal ki tha deuh hi an lo zawn hawng a, vahrit pahnih theuh an lo ak hawng bawk a. Thûamkunga chuan hma hruaiin Thangbawnga leh Chungliana chuan sakhi lâ an lo zawn hawng bawk a. Ngiazoa te unau in an u an hmuh chuan an lo bawh chang chang a. Vahrit leh sakhi kawchhung chu siamin tlangvalte chu an phe zui zat bawk a. Silai kahna awm lo chung a sakhi pahnih an zawn hawng thei chu khual valte chuan mak an ti kher mai, an zawh lah chuan an sawi tha duh lo in ‘a mitdel kan tawng fuh a, kan barakhaih hlum a ni’ tiin fiamthu in an sawi mai mai a. Thangbawnga chuan ‘mawi a, Satlâk tlangvalte hian thâlin an kap a ni, sakhi ruang kha ngun takin en ula a zakdawh leh khelah Thâl hnu in hmu ang, tiang hian engkim hi an hmang tangkai thei vek mai a nia’ tiin thu tak fe chuan a lo sawi charh charh a, saruang an enchian chuan mak tiin an chek tlak tlak hlawm a. Zan riah eikham chuan ‘thâl kah kha min han zirtir ve teh u, chu mi hma chuan in thiam thil kan thiante han entir hmasa phawt ula’ tiin Thangbawnga chuan meipui eng dul ruih hnuaiah chuan thingtuai malpui tia zet hi a han thel var haih a. Thûamkunga chuan ‘I thil han tih dan mai mai chu a naupang chhe infiam thil lutuk e mai, thing laiah khan artui tia in meihawl khan han hnawih dum rawh khai’ tiin a vaibel chu a beng tha mawlh mawlh a. Thangbawnga chuan in tih miau chuan mawle’ tiin phur fe chuan meihawl chuan a han hnawih hang a, khualval pakhat chuan ‘saw lai meihawl dum kap fuh thei sawi an awm chuan, naktukah lo fingkhat ka pua ang’ tiin a vaibelah chuan meiling vamtha hem hawm chu a chhuangkai a. Thûamkunga chuan ‘ka thian, I khabe kha sep fimkhur deuh teh aw, I zawhloh nghawngkawl I in bah palh a nge aw’ tiin a lo khak zauh a. chu tlangval lah chuan luhlul hmel zet chuan ‘ka sawi chu ka ti ngei ang’ tiin a la sawi ve lan a.
Thûamkunga chuan ‘a nih I sawi ang chu ni rawhse, I hlen ngei a ngai dawn a nia’ tiin thu tak deuh chuan a han chhang a. Chu tlangval Thangkama lah chuan ‘ka sawi tawh ang khan ni rawhse, saw lai hnawihdum lai kâp fuh sawi chu lo fingkhat ka paw vek ang che u’ tiin a hma ai mah a ring chuan a han sawi ve leh a, Pasâltha Sukthanga chuan ‘tlangval kan rin loh zawng a nih vangin mahni tan a pawi thei hian tawng chhuah loh hram a va tha ve mawle’ tiin a lo khak zauh a. Pasâltha in a lo khak chuan tim deuh dai hian ‘zan thim a nih bakah sawtiang a hla ah sawn tuman an kâp fuh dawn hauh lo a sin’ a la ti fan a. Thûamkunga chuan ‘tuman kan kâh fuh loh chuan keiin lo fingkhat ka pua che a nga, kan kahfuh erawh chuan nangin min paw thung dawn mi ? tiin a lo inrawlh leh zauh a. Thangkama chuan ‘chutiang chuan ni rawhse, ramri thleng min paw tu tur ka nei chu zan mut pawh a tui khawp ang chu’ tiin a then sang a. Thûamkunga chuan ‘kan thusawi kha kan hretheuh bawk a, ni ngei rawhse’ tiin thâl kâp tur chuan Satlâk valrualte chu an in buatsaih tan ta a. Thangbawnga chuan ‘Thangkama mai mai chu, tih sa loh loh I ti a nih kha aw, naktuk chu I chau khawp ang’ tiin a lo phun nang nang a. Thangkama lah chuan ‘mipa in ka kan ang tawh a, kan tihsual leh kan tuar deuh tur lah niin’ tiin a la tang fan a, Thûamkunga chuan uluk tak a tinin thalfang chu a ving thuak a, thalvang chu thingah chuan a bur sai dar dar a, meichher nen Thangkama chu a tlan vut a, Thâlfang bur a hmuh meuh chuan mak tiin a meng phar awn awn ta mai a. Thûamkunga chuan ‘kha nau chahai te, dangawm teh kan in râl palh a nge aw’ ti a rawn au lang lang in, Thangkama a ding zum reng chu harh thut niawm takin meipui eng lamah chuan a kal kun ran a, Thûamkunga hlim thapui a chhuak leh dawn ta, then sang chung chuan ‘khawnge Satlâk valrualte kan ni ngai e, kan thiam i chhuah tak tak teh ang aw’ ti a tawng lar lar chuan uluk deuh chuan thâlfang chu Chungliana leh Mualkunga leh tlangval sawmhnihte chuan an lo kap ve leh a, meichher eng a thâlfang bur an enchain meuh chuan thalfâng pangâ lo liam chuan a thelh lo ang tih tur chuan thiangah chuan a lo bur fur hlawm a, khual valten mak ti tak a thalfang mau suih zum thing a bur fur ;eh Satlâk tlangvalte melh tawn zauh zauh chuan ‘midang sawi chu nisela ka awih hauh lo ang’ ti a phun mawl;h mawlh chung chuan meipui angah chuan an phun mawlh mawlh a. Thûamkunga chuan ‘aw hawi kan tum a fuh dawn a ni chiang mai, naktuk chu ke in ka kal mang dawn hauh lo mai’ tiin Thangkama chu a melh ralh ralh a, a ni Thangkama lah chu sawi tur hrelo chuan a thu kun ran a. An mak tih zia ngawt an sawi chuan thutmuan ar khuan awmah chuan ‘khawnge naktuk a ka ke tur kha lo va mu hmasa teh, min tluk pui palh hlauh a nge’ tiin Thûamkunga chuan Thangkama thu kun ngal chu a melh ralh a. Pasâltha Sângtuala chuan ‘Thuama thian, duh tawk tawh teh fiamthu an chaw tak khukpui ngailo, vengthlang nuthlawi tuibur al I dil dan pawh ka sawi duh loh hi’ tiin a lo khak fiam zauh a. Chungliana chuan ‘nia I therhlo hawn pawhin in in a thlen lohna a rei tawh zia te pawh kan sawi ngai miah lo a nia’ tiin a lo tuihnih ve zauh bawk a. Thuamkunga chuan ‘nangni pahnih zet zawt hi chuan dawt sawi pawh in thiam dun e, Kunga hawh hengho dawt thu ngaihthlak ai chuan I va inthiar daih teh ang’ tiin an ti ti kal lai chu pawhachah sakin meichher nen an in zui liam ta hnak hnak a. Fiamthu eng emaw sawiin an ti ti zui laih laih a, leng hawn hma lam awmah chuan mutna siamin Thangkama chu a thiante pawh chuan fiam nan tak hmangin, hlim tak chuan an mu ta hlawm a.
A tuk ngawpui hnuai a eng tan tih chuan tukthuan eiin an insiam zawh chuan ‘khawnge ka naute tur kha lo kal rawh le, mipa chuan thu kan zûk hni hne tur a ni hleinem’ tiin Thangkama chuan Thûamkunga in ak bawr tuai hmaah chuan a hnung chu a dawh zui zat a. Thûamkunga chuan ‘ka nau i thuah i din a vangin a lawmawm e, nakinah in khua a nula kan rim hunah min la rul zawk dawn nia’ tiin nui sang chuan chhangin Pasâltha Sângtuala te nen chuan hma hruai tur chuan an liam leh ta nghal a. Ramri chu chhun chaw fak tlai lam mah ah chuan thlengin Satlâk tlangvalte chuan an mahni thuai tute chu lawmthu hrilhin hlim tak chuan an inthen ta hlawm a. Fimkhur tak chuan hma hruaiin Pasâltha Sângtuala te chu an kal zel a, tlang khan tha lai leh hmun rem ni a an hriat lamah chuan an liam zel a. riahna rem an hmuh chuan buk sual in an phe nghal char char a, Ngiazoa te chhung leh Satlâk tlangvalte an lo thlen meuh chuan buk ruhrel pawh an lo zo deuh vek tawh a, sarep an la ngah a vang chuan zanriah hmeh tur zawn pawh a la ngai lo na chungin ‘khawnge ram ka han chuan mai mai teh ang’ tiin pasâltha Sângtuala chu silai nen a in pu chhuak leh ta a, Thûamkunga te, Chungliana leh Mualkunga chuan ‘kei pawh ka lo kal ve ang’ tiin silai chuhin an in zui chhuak leh ta dam dam a. Tuibur hmuahda zet an thang hnu chuan Mualkunga chu fimkhur tak chuan a lo lang leh hlawl a, pasâltha Sukthanga leh Phulliana chu panin an chhakah lo finghnih velah ramchhuak an awm thu leh mi sawmthum dawn an hmuh thu sawiin, an thawm leh khawsak danah an ni pawhin an hmu ve ngei a an hriat thu sawiin an thian dangte chuan an mi hmuhte khawsak phung an en zui mek thu a sawi a.
Pasâltha pahnihte chu an in melh dun vang vang a, Ngiazoa pa chu ko hrangin Mualkunga thu hawn a hriat chuan ‘engtin nge kan tih tak ang le’ tiin Ngiazoa pa chuan a han rawn a, pasâltha Sukthanga chuan ‘chutiang a nih chuan zanin ah kan awmdan tur chinfel dan kan ngaihtuah a ngai dawn a nih chu, keini ai ramchin an hre zawk daih turah ngai ila, eirawngbawl tlangval panga vel pawh hmanraw in chhawpin, inring rengin a tul thut a che thei turin inring ula, tu pawh hmu ula hriam lek nghal tur a nilo tih hriat reng tur’ tiin tan hmun rem tur a an rinah chuan tlangvalte chu an sem darh zung zung a. Ngiazoa chhung chu eng pawh thleng sela pasâltha pahnih leh tlangval sawm ten awm puiin, an khua chu him tak a thlen ngei tum chuan an rilru chu an siam sauh sauh a, tuibur hmuanda ah chuan an in peih ta thap a. Satlâk tlangvalte an rin tawk a vang chuan Ngiazoa te chhung chu an phawklek mai bik lo, vanduai hle loh chuan pasâltha Sângtuala te chu an ring tawk hle a ni, zanriah an peih chuan tlangvalte chuan chaw in ei chhawkin thim tak tak hmain pasâltha Sângtuala te awmna lamah chuan chaw fun lian tawk nen chuan an thawkchhuak ta tham tham hlawm a. Mualkunga chuan hma hruaiin thawm neilo leh fimkhur tak chuan Thûamkunga te chu an va fin ta a, an ni chuan an piah buk kawt a tlangval eng emaw zat awm muk tak a thusawi a thu khawmte chu an thlir ran a, Pasâltha Sângtuala an hmuh loh avang chuan an mit meng a zawhna chu hrethiam in ‘kan thiante ropui rel sawi hriat tumin a hnaih phei ta a nih kha’ tiin zawi te chuan an lo chhang a, pasâltha Sukthanga chuan ‘silai kah nuam tawkah hnai phei ang ule’ tiin thawm nei hauh lo chuan mei eng bul a tlangval ropui rel mekte chu zawi muang chuan an hnaih phei ta hret hret a, silai kah nuam tawk an thlen chuan ‘tuman hmanrua kha lek ngawt hauh suh ang che u, a tul tawpah erawh chuan tum hlah hauh lo turin tum bik neiin thâl kan thlah tur a ni’ tiin an tum tur bik chu kawh hmuhin thingbul tanchhan chuan an silai chu an endik mawlh mawlh a.
Tuibur hmuanda zet an nghah hnu chuan an thlanah chuan pasâltha Sângtuala chu thing phenah chuan a lo lang zauh zauh a, a thiante a hmuh chuan a then sak a pasâltha Sukthanga leh Phulliana ten en eng emaw sawiin an phun sap sap a, buk nghat nghat pah chuan zanriah ei lo zawngte nen chuan an tawlh kir thuai, chaw an bar zawh chuan thawm nei hauh lo chuan an thiante chu an lo fin leh thuai a, vaibel zuk chak hlawm viau mahse tuman an zu mai ngam hauh lo. Pasâltha Sukthanga leh Phulliana te chu tlangvalte beng bulah chuan an phun sar sar a, an piah a mite melh in tlangval eng emaw zah chu thim hnuaiah chuan ;et leh in mawi tawk an nghah hnu chuan zawi muang leh thawm dim thei ang ber chuan an piah buk lam chu an pan tat ham tham a. Buk an hnaih hl eta maw tih chuan Thûamkunga chuan thing tang hi a rap tliah hlauh a, chung khual lam chuan rang tak a hriain an in melh kual vat a, an zing a tlangvalte chu tho in buk chhung a luh tum chuan an in kal ta nghal a. Pasâltha Sângtuala chu aw thian kharh kharh chuan ‘thiante u, râl kan nilo e, remna duh a lo kal kan ni e’ tih pah chuan silai hmawr lei lam a hawl chuan buk mei eng kil a thu bial papte hmuh theih chuan a kal chhuak ta nghal a. Buk a lo thute chuan chutia an rin loh tak a hnai a lo kal thut an hmuh chuan an kâ hau hlawm a. An mmahni lam pan a pasâltha diar khim vang leh naupan hmel tak pen thauh thauh leh nui deuh sang an hmuh chuan an melh ta tlawk tlawk a, mei eng kil zing a an hotupa ni ngei tur mitmeng fip deuh ram leh thahrui ngah tih hriat tak chu lo ding chhuakin ‘tlangval khawilam khaw tui liak nge I nih, eng ti tur zan zan a min lo thawn thut mai chu le’ tiin thinrim in thup tih hriat tak chuan a tawng ram hmak a.
An karah inchhung dung bak a tla lo ang tih chuan ding chatin ‘kei hi Lal Chhawnthiaua khua Satlâk khaw tuiliak Sângtuala ka ni a, in khaw ram hi lo pal tlang kan tumin, tlai thim dawn khan he laiah in lo riak reng tih kan hriatin, nangni hi lo hmuh che u a, buaina awm lo a in ram chhuahsan tur kan nih thu lo hrilh tum che u in kan lo thawk chhuak ta rawih mai a ni e’ tiin a hma a mite chu zamna tel hauh lo chuan a melh ding ngar hlawm a. A hma a mite chu mitmei chuan in rawn in a tawpah chuan ‘kei hi Lal Khuangthanga Zawlte khaw tuiliak Raldala ka ni a, nang hi maw Satlâk pasâltha Sângtuala an tih fo chu ni a, nangmah chauh em mi ? lo kal ula tha takin ro i han rel tlang ang u hmiang, eng ti tih a kan khaw ramte in lo dai luh tak mai chu le !! tiin a naute chu thu tur chuan a mitmei hlawm a. Pasâltha Sângtuala chuan ‘kei mah chuan nilo e, ka thiante pawh an awm e’ tiin meieng lamah chuan tim hauh lo chuan a pen phei nghal zat a. Zawlte khuate chuan an hma a naupan hmel tak a dar leh tawn sapui tin hnu awm raih leh nui deuh sang reng an hmuh chuan an lo ral hriat thin ai a naupang zawk hmel an hmuh chuan Zawlte tlangvalte chuan an lo phun sap sap hlawm a. Zawlte tlangval hruatu Raldala chuan chik takin a hma a tlangval naupang lam hlau hauh lo leh tlangnel hmel tak chu melhin ‘khawnge i thiante chu an awm a, thim hnuai a awm reng chu a hrehawm an lo ti a nge han ko chhuak che’ tiin a melh ran a. Pasâltha Sângtuala chuan ‘thiante u lo chhuak ula, hei kan pasâltha hian a hmu ve duh che u a nih chu’ tiin a iptepui a vaibel chu phawrhin a beng zui mawlh mawlh a. Meiling vam tha hem hawm chhuan pah chuan ‘kam a chhe hma thin hle mai, in ram hi a leilung a rem hle mai a sa pawh a la tam dawn hi a’ tiin a bul a mite chu a mitmei ru reng a, chutiang a tharum thawh mai tur awm a an lan loh a vang chuan tha tak a an in rem theih mai chu a ring ta hial a.
Pasâltha Sukthanga chu Thûamkunga leh tlangval dangte chuan lo zuiin an lo then chhuak var var hlawm a. mi sawm tha lam mah tlangval tha za theh thawh leh an hruaitu lo kal te chu chik tak a lo melhin Zawlte tlangval hruaitu Raldala chuan a lu chu zawite chu a thing mat mat a. Pasâltha Sukthanga chuan a hma a a mah rual vel phangchang ve tawh tak chu ngun tak a melhin ‘nangte reuh chu rin i va har dawn ve’ tiin a ngaihtuah nauh nauh a. Pasâltha Suthanga chuan ‘thiante u, kan lo thawn thut che u avang hian min hrethiam dawn nia’ tiin a hma a khualvalte chu a han melh kual thuak a, ngaih sam awm tak chuan a vaibel chu a beng zui ve mawlh mawlh a. Meikhu chhem chuah ham ham pah chuan ‘hei kan pasâltha sawi tawh ang khan, laklawh thil thuah in khaw ram kan pal tlang a ngai a eng emaw hriat fuh loh palh a thu bahsual hlauh thilah kan lo zan thawn thut mai che u a ni, in pawi zawng a hawl em lo turah ka ngai a’ tiin a hma a Raldala chu chik tak chuan a melh vang vang a. Raldala chuan ‘a chutiang a ram pal tlang thu hla ngawt zawng ngaihhuat tur awm thu va awm suh, Amaherawhchu buaina kan ram chhung a siam chu kan rem ti hauh lo tih in hriat reng a ngai ang’ tiin Raldala chuan a sawi chang rat a. Pasâltha Sukthanga chuan ‘a pawng a pui chuan han buai ngawt thu awm suh, khawi hmunah mah hian buaina kan la zawng hmasa ngai hauh lo a nia, chakai pawh a kaw tawpah a tang tih ang chauh hian a nia kan awm thin ni’ tiin a han chhang leh charh charh a. Raldala chuan ‘eng ti tih a kan khaw ramte in lo dai teh nawlh a, eng thil nge ni ta thut a’ tiin a hma a mi chu chik tak chuan a melh ran a. Pasâltha Sukthanga chuan ‘hun eng emaw ti liam ta atang khan kan naute hian khaw thenawm kan la fang lo a, hun tha awm lai hian i fang ve reng reng ang u tiin an rawt chamchi mai a, kumin chu hun remchangah la in kan lo arkhawthim dai chhuah ve ngawt a lawm le’ tiin a chhang charh charh a, Raldala leh a naute chuan Satlâk lam thu chu ngun tak a ngaithlain ‘khai aw, nagni zet chu in tit ha bik mang e a, keini pawh kan naute hian khaw fan hi han rawt thin mahse eng emaw remchan lohna a vangin kan la ti hlawhtlinmg thei thin lo a, keini pawh remchang hmasa berah in khua kan lo lawi ve ngei ang chu, min thleng ve duh dawn te a nih chuan’’ tiin Zawlte pasâltha Raldala chuan a lo chhang tha ve mai a, ti ti eng eng emaw an sawi hnu chuan ‘kan kum a fuh lo ni hmiang, fur pui lai e ti lo in, hrumzial ho an lo chuan glut ve sek a khawchhung nun pawh a râl muan loh phah a lawm le, nangni lamte hian in hr eve em ? tiin, Hrumzialho thusawi ni awm an sawi chu a sawi ta vek a. Pasâltha Sukthanga chuan ‘keini pawh eng emaw lai chuan kan buai phah a sin, khuanu venna zarah leh kan tlangvalte in pekna zarah a chan tha zawkah kan la awm hram hram a ni e’ tiin hrumzial nen an kar thu pawh chu a sawi ve zauh zauh a. Pasâltha Raldala chuan ‘nangni khua zawng pasâltha in nei tha a zia tak a awm zawk a nih chu’ tiin hruamzial ho nen an buai dan chu a sawi ve leh suam suam a. Pasâltha Sângtuala chuan an hruaitu chu mitmeiin a lo buk nghat hnu chuan buk piah lamah chuan kalin a han khuh bur bur a, buk chhak a tang chuan tlangval silai hum mi sawm pangâ chuang lai chu an lo chhuak leh ta dum dum a. Zawlte pasâltha Raldala chuan Satlâk khuate fimkhur thiam zia a hmuh meuh chuan a rilru chuan a ngaisang kher mai. Satlâk khaw chemhar pek zawng a awm hlauhawm tur zia pawh a hrethiam ta uar uar a, a rilru chuan ‘nangni khaw do meuh zawng, taivang bu tawn darh tluk zet a tawrhhlelawm a nih dawn hi’ tiin a ngaihtuah ta nauh nauh a.
Pasâltha Raldawla chuan ‘ngaihngam takin awm rawh u, in lo hawn lamah chuan kan khua in lo lawi dawn nia’ tiin tha takin a thlah ta, An sazuk lu rep chu ‘e khai aw, he sazuk lu chu a va nalh teh reng ve aw, a lawina in chu a mawi dawn hle mai’ tiin Thûamkunga chu tlangval mei vil bulah chuan a thu sawp nulh a. A bul a tlangval pawh chuan ‘hei kan vannei a sazuk ki ropui takin kan khua a deng dawn e’ tiin a lo tuihnih ve sap a. eng eng emaw an sawi leh hnu chuan tha takin an in thlah ta hlawm a. Satlâk khuate pawh ngaihngam tak chuan an buk lamah chuan an kir leh ta dam dam a, an liam hnu chuan hnu dal in dahin an buk chu an thleng ta a. Pasâltha Sângtuala chuan ‘zanin kan mi tawnte chu rin thiam an har kher mai’ tiin a ngaihtuah neuh neuh a. Midangte pawh chuan ‘an khaw himna tur a nih phawt chuan engmah tihhreh an nei hauh lo ang maw’ tiin an ngaihtuah hlawm a. An hmaah chuan an duh emaw duh lo emaw buaina chu a awm dawn tih chu an hrethiam nghal mai a. Râlveng tih loh chu an mu thuai hlawm a, Zawlte ram chhuahsan a Ngiazoa te ram thlen vat tum chuan an rilru chu an siam sauh sauh hlawm a. Khuan hmasa awmah chuan râlveng chu in thlakin ngawpui hnuai a lan chian meuh chuan Satlâk valrual te chuan an riah buk chu an chhuah san ve mek a. Pasâltha Sângtuala chuan ‘tunah chuan hma lam ngawt ngaihtuah theih a ni lo in a lang, keini hian hma kan hruai a nga, tlangval eng emaw zat chuan hnung kan dawl a va ngaih hmel ta ve’ tiin a han rawt a, pasâltha Sukthanga te pawh chuan tha an tiin tlangval sawm thlang chhuakin, pasâltha Phulliana chuan chung langvalte chu a ho a nga,an ni chuan an sulh pawh an lo thup nghal dawn a ni, Ngiazoa nu leh pa chuan an mahni vang a Satlâk tlangvalte hahdan leh nun derthawn zia an hriat chuan an in thlahrung tharin ‘engpawhnise, min tin san tawh mai rawh u, khua chu kan thleng ve em em ang kan chhungkaw tan a in ngâltha hahna pawh hi a zahthlak zozai te e’ tiin hawng mai tur chuan an nawr ve reng bawk a, Satlâk tlangvalte erawh chuan chhang lem lo chuan an tum ngai tum chuan an la rah ngai hauh loh lam pan chuan fimkhur tak chuan an kal hmiah hmiah thung a.
Zan thum lai an kal leh hnu chuan chhun chaw fakna remchang chu an melh pah reng a, lung kawr biru deuh mai hi pasâltha Sângtuala te chuan an pawh ta hlawl a, an han en chian chuan ‘hei zanriah nan pawh a rem kek kawk viau hi mawle’ tiin an sawi zui sap sap a. Ngiazoa nun chulai ruam a hmu chiah chu a hmel te chu a dang nghal sawp sawp ta mai a, an chhak a buk hlui awngrawp tawh tak mai an hmuh phei chuan Ngiazoa nu chuan a mittui chu a thup thei tawh hauh lo hial a. Pasâltha Sângtuala chuan a thiante chu mitmei a rawnin ‘thlaphang hauh suh u, engpawh in chungah thleng dawn sela in hmaah kan ding zel dawn a lawm’ tiin pasâltha Sukthanga chuan a hnem mawlh mawlh hlawm a. An bul a tlangvalte rin tlak zia an hriat chuan tlemin an ngaih a ngam deuh tih hriat tak mai chuan an hmel pawh tlemin a hahdam leh ta deuh in ‘khi lai a kan riah lai khian a lawm min rawn thawn thut le’ tiin hmun hrang hrang chu kawkin a tlangvalte tlukna chu a kawk zung zung a, pasâltha Sângtuala chuan ‘kan piah deuh ah sawn in chawlhna remchang deuh a awm in a rinawm a, chulai hmunah chuan zan riak mai ila, kan thiante ruhro tal chu khawm theih a mual mual kan nei thei mai thei a sin’ tiin a han rawt a. Ngiazoa pa chuan ‘pasâltha nge nge chu I ngaihtuahna zau thin e, kan naute ruhro eng emaw tal chu khawm tur a awm ngei turah ngai ila, tun tum a kan khawm theih loh pawhin remchang hmasa ber a khawm leh a tan a tha viau tak ang chu’ tiin a lo chhang thuai a. Fimkhur tak chuan hmalam chu an pan leh ta tham tham a, Ngiazoa nu chu hmeichhia tih takah a thaûah manin a kal chu a nghet lo tih hriat tak chuan eng emaw deuh ah a kat leh darh thin a. Ngiazoa pa chuan an nu chu lainat tak a melh pah chuan an tawng chuan a be sap sap a, tiang hawl tur an pek chuan a ni pawh tlemin a kal tha thei ta deuh a. Lo fing khat emaw an kal hnu chuan riahna tur remchang deuh leh hmun biru ang reng tak chu hmuin tui chawina pawh a harsa lo hle a, tui chawiin chhun chaw fâk tlai deuh takah rilru a ngaihtuah bik tak nei theih chung chuan an bar thuai a, Ngiazoa pa ho chuan tlangval sawm tha lam mah chu an chhuak nghal a. Pasâltha pahnihte ho chuan midang zawng chuan buk chu an sual nghal thuai a.
Buhfai an neih vak loh vang chuan chawhmeh siam lam an uarin therhlo eng emaw dap tur chuan tlangval sawm tha zet te chuan an buk chu an chhuahsan leh sang sang hlawm a. Pasâltha Sukthanga chuan ‘tul tawpah lo chuan tuman silai hmetpuak hauh lo ang che u’ tiin tlangval chhuak te chu a chah nawn lehin ‘silai ri a awm palh hlauh chuan chu lam chu a rang lam a pan khawm tur chuan an chah zui a, meikhu langlo thei ang ber chuan zanriah bawlin tlangvalte chu an che sang sang a. Ngawpui hnuaiah chuan thing ro tha a vangin meikhu chuan kawr dung chu a bawh chho hal hal reng a. tlangsang ni in a la chhun tih chuan pasâltha Sângtuala te pawh an lo hawngin Ngiazoa pa hmel chu thinur in thup vang chuan a dur deuh khap reng a. Chutia an thut ngawih deuh thap lai chuan an piah tlang mual thumna vel a tang chuan silai hi a han puak khawk raih raih a. Pasâltha Sângtuala te thianzaho chuan an hmanrua chuhin an ding nghal suau a. Pasaltha Sukthanga chuan ‘Sângtea te thianzaho khan silai rukna va chian ula, engpawh thleng sela nangmahni chuan va tawngpawng bawh mai suh ang che u, tlangval te kha pangâ zelin tanhmun siamin buk hi hual thuai ula, thâl in thlah chuan in tum a hlah tur a nilo’ tunah kal thuai rawh u’ tiin thu a han pe that that a, an chan a lum lamah chuan Satlâk valrualte chu an kal thuai hlawm a.
Chaw hmin hun awmah chuan Mualkunga chuan Hrumzial pakhat hi a lo nawr thla nawk nawk a, buk an lo thlen chuan Ngiazoa pa chuan chu hrumzial pa chu hnaihchilh thuaiin a be nghal thuai a. Chu an mi man pa chu a mengrum vei al in an zawhna chu chhan tum awm pawh chuan a lang hauh lo a, ngawi reng chuan a han melh ran a. Ngiazoa pa thin chuan tuar loin a beng thal ta thuai a, a bengtu tha in a hneh bawk a pawnchhe paih ang thlawrh chuan a hlawm nawk a. An pa thinrim leh kut thlak a hmuh chuan Ngiazoa nu chu te thawtin an mi man pa hrumah chuan manin a phih zui bawrh bawrh a, an han kaihhran lai pawh chuan Ngiazoa nnu chu thinrim tak chuan a te zui that that reng a. Ngiazoa pa chuan tlangvalte chu mitmeiin buk pawnah chuan an hruaichhuak nghal thuai a. Mualkunga chuan ‘Lal fapa engtin nge kan tih dawn’ tiin a han zawt sap a. Ngiazoa pa chuan kawr lamah khuan hruai thla rawh u, ka lo kal ve nghal ang’ tiin a hmel chu thinrim vang chuan a dur khap tawh a. Hrumzial an man pa chuan a hlauthawng tih hriat tak chuan buk chhhung a awm lai a hmel rum ang chu a pu reng ta bik hauh lo, kawr kam an thlen chuan engkhaw sawi set set lo chuan Ngiazoa pa chuan chu hrumzial chu a lawk thal nghal thlawrh a, a rek zui bawrh bawrh a, Mualkunga leh tlangval dangten an pawh then theih meuh chuan hrumzial pa chuan chilphuan a thlauh nuaih tawh a, an han bawihsawm deuh hnu chuan khuh bawrb bawrhin hlauthawng tak chuan a mah lainat hauh lo a hual tute chu melh kual zak zak in a kun ta ran a.
Ngiazoa pa chuan vaibel fawp sek sek in a vaibel dawn chu a reh sep sep a, pasâltha Sukthanga chuan ‘Lal fapa in ngaihtuah harh deuh teh, kan hmanraw neih hi a hlutna kan chhawr theilo palh a nge aw’ tiin a han hrilh sap sap a. Ngiazoa pa pawh chuan ‘ka thinrim ka in thunun theilo a lawm le, ka tlangvalte tawrhna kha ka mitthlaah hmuin ka rilru natna a thuk em a ni’ tiin a vaibel ekchhia chu khawng thlain iptepuiah hnawh in chempui tlr vur mai chu a phawrh a, hrumzial awmna lamah chuan zawimuang chuan chhukin, a bul a thingtuai chhawk hmawkin hrumzial pa hlau lutuk chu te thawtin a thal tawp a, Mualkunga te chuan dim hauh lo chuan an han phih tho zui lawp a, hrumzial pa hlau lutuk chuan zun fem chu a thlauh zawih zawih, Ngiazoa pa chuan a hma a mi awmdan a hmuh chuan bu nghauh nghauh in eng emaw chu zawtin a hma a mi chuan hlauh luat a kha khawng dat dat chung chuan a thil zawh chu a sawi zung zung a, an duh tawk an zawh hnu chuan pasâltha Sukthanga melh zauh pah chuan ‘khai aw, Satlâk lam kal tur mi sawmnga chuang te chuan vawiin khan khua an pana nih awm chu maw, engtin nge kan tih tak ang le’ tiin lei lam chu a bih ta ran a, thawpui lak halh pah chuan ‘keini chhungkua a vang hian in va tuar nasa tak em’ tiin hnuai lam chu a bih ta ran a.
Tukhum chul zauh zauh pah chuan ‘Engpawhnise, zanin chuan kan che sawn thei chuang lo bawk a kan pasâltha Sângtuala lo thleng sela a ni chuan tihdan a hre leh mai thei a ni’ tiin pasâltha Sukthanga pawh chuan thawpui a la halh a. Rum tak a melh pahin ‘dawt I sawi vaih chuan nuam I sa lo hle ang mawle’ ti a rum ngal ngal pah chuan hrumzial pa chu a melh hrawk a. Ngiazoa pa chuan ‘hawh ule, kan duh kan hre ta bawk a I kir phawt ang u’ tiin buk lamah chuan ngaihtuah bing nei tih hriat tak chuan an chho ta dam dam a. Mualkunga chuan an mi man pa phuarna enchian sak mawlh mawlh pah chuan ‘tha te te a I awm loh chuan buhban ramah I haw nghal ang, I hria maw ?’ tiin a nawm leh sawk thin a. A bul a mi pawh chuan hrethiam ve niawm tak chuan a lo bu ve zauh zauh a. Unau hmelhai velah Thûamkunga chu thlan tla phung hian a lo lang hlawl a, Lal fapa leh pasâltha pahnihte chu ko hrangin eng emaw sawi chuan an phun sap sap a. A hnu deuh ah chuan lo kalin zanriah ei siam tur chuan an ti thuai a, tlangvalte pawh pahnih theuh bak chu ko kirin zanriah chu an ei thuai a, Ngizoa pa chuan an hrumzial man pa zanriah tur pek pah chuan eng emaw chu a zawt leh zauh thin a, an mi man pa chuan zawhna te tha tak a chhan avang chuan kut em zawng an in thlak ta lo, an eitur pek angte a ei zawh hnu chuan uluk tak chuan an phuar leh phawt a, Ngiazoa pa chuan ‘hei hriangzing khua an ni a, an tlangval tam zawkte chuan Satlâk lam an pan a, keini kan let leh ringin tlangval sawmhnih velin he lai vel hi an lo chang bawk a lo ni awm a, an riah buk chu ka hoin kan han thawng thut a nga, kan man vek thei a nih chuan rorel dan pawh a awm tawh ngei ang’ tiin a silai chu a endik mawlh mawlh a. Pasâltha Sukthanga chuan ‘Lal Fapa nang em zawng I kal a ngailo ang, kan pasâltha Sângtuala khan chetsualna tur chuan engmah a ti lo ang, kan tlangval tam zawk hi Thûama hian han hruai sela a tha zawk ang’ tiin a lo hnial thuai a. Ngiazoa pa chuan ‘kan tan a in inpekna hi a nasa zo zai tawh lutuk, bakah helai ram hi chu kei aia hrechiang an awm kherin ka ring lo, râl bawh ve kher lo mah ila ka tangkai zawk dawn a ni’ tiin hnial eng ang mahse ka a tum tih hriat tak mai chuan a sawi a. Pasâltha Sukthanga leh Phulliana te pawh chuan hnial miah ngailo in ‘engpawhnise, i han fimkhur hle dawn nia, hei I fate leh nupui theihnghilh hian han tawngpawng tal hauh suh ang che’ tiin an thlah ta a, Ngiazoa pa chuan engpawh thleng thei a nia tiin an kal leh dan turte, a tul tawpah chuan Ngiazoa pi leh pute pawh han tlawh mai tur chuan a chah ta thlap a. Ngiazoa te unau leh a nupui hnenah thu tlem a sawi leh hnu chuan kal tur chuan buk pawnah chuan a kal ta nghal a. Ngiazoa nu chu a pasal lamah chuan tlan thutin eng emaw sawi chuan a phun mawlh mawlh a, Ngiazoa pa a buk nghat nghat hnu chuan mittui nen buk chhungah chuan a lo lut leh ta a. Ngiazoa te unau pawh chuan an pa chu buk atang chuan thlir zui vang vangin a liam dawn chuan a pa chuan kut a rawn vai zauh zauh a, ngawpui hnuaiah chuan an liam ta thuai a.
Ve leh hlawl a, ka lo lang ve zuk e, chhiar mam deuh erawh a ngai leh dawn e
| Link: | |
| BBcode: | |
| HTML: | |
| Hide post links |
Local Advertisement
MOBILE SIAM ZIR DUH TAN!!!
Tech-Inn Mobile Repairing Traning Centre, Bazar bungkawn
Kum tin mi za chuang eizawnna kan siamsak a, Eizawnna tlaka thiam turin kan zirtir thin
Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122
PASÂLTHA SÂNGTUALA (Mampuia Pa)
BUNG – 166
Ngiazoa pa ten pasâltha Sângtuala te an va fin hnu chuan an chaw fun chu phelhin an bar bawrh bawrh a, an bar zawh chuan an piah buk kawt mei eng a hrumzial mi sawmhnih dawn thaw inhnial ni awm takte chu an thlir pah zauh zauh a. Ngiazoa pa chuan an mi man pa thusawi zawng zawng chu pasâltha Sângtualate chu a hrilh hnu chuan Satlâk tlangvalte hmel chu thinrimna thuk tak pai tih hriat chuan a rum ta hle mai a, nidang ah chuan eng hun pawh tawngin harsatna hnuaiah pawh hlim hmel an pu thin kha a ni a, tunah chuan pawisak an neih loh hmel ta kher mai. Thawpui lak hawk pah chuan ‘hrumzial tlangvalte hian an pasâltha kalta te chu zanin hian va um sela an la um pha mai thei a ngem ? tiin a han zawt a. Ngiazoa pa chuan ‘um pha tuk e a, engti tih a min zawt thut nge i nih’ tiin a hma a pasâltha diarkhim vang ngaihtuahna sen vang a hma lam melh ding ran chu a melh ka hau a. Buk nghat nghat pahin ‘ti chu hengho hi man fai pak ila, buk kan thlen veleh an khua Hriangzang khua run turin kan chhuak der a nga, nangin zanin ah hengho hi chhuah der la keinin bukchhak rem laiah kan lo chang leh a nga, an tlangval rammu te ko let turin i tir bawk ang’ tiin a han sawi chhuak a. Ngiazoa pa chuan mak ti tak chuan a hma a tlangval naupangte chu melh tlawk tlawkin ‘a va han that hmel ve, keini min thah duh tute han chhuah rukte chu a, thah mang vek duh nak lai a’ tiin a phun bal bal a. Inhnialna hun kan nei rih lo, hengho hi kan man zawh hnuah buk lam pan pahin a bak chu ka hrilhfiah dawn che nia’ tiin tlangvalte chu hmun hniah thenin ruang chaicheh thlakin an hual ta vek a. An duh tawk an inpeih hnu chuan Ngiazoa pa chuan hrumzial ho buk kawt a inhnial bang bang ho chu a han au thut a, an rin loh lutuk a aw an hriat thut vang chuan aw chhuahna lam leh an hruaitupa chu en an melh tawn zak zak a.
An hruaitupa chuan vin fe chuan eng emaw sawiin hrumzialho chu tho suaiin buk lamah chuan an tlan suau a, Ngiazoa pa chu ‘tunah kâp rawh ule’ tiin a han au zui tuar a, buk kil hmun tin a tang chuan silai chu a puak sen zawk zawk a, hliam tuar te rawng rawng leh thinrim in hrosa thawm chuan chulai ruam chu a luah lan thuai a, hrumzialho chu reilo teah an hup ta barh a, a la dam chhun mi pangâ te pawh chuan hliam tenau neiin hun reilo te chhungin an tingmit zo ta vek a. Ngiazoa pa chuan tlangval la dam zing a pakhat chu eng emaw zawtin a ni chuan chhang ta mai lo chuan a hmaiah chuan chil a chhak thawt a, Ngiazoa pan a hmai a chil a hruk mawlh mawlh lai chuan a hma a hrumzial pa chu ri nô chawrhin a ek thawt a, nunna nei tawh lo tih hriat tak chuan a ke chu awm ze neilo tak chuan a khawng chawrh chawrh a, a zal ta raih a, hrumzial ho zingah chuan mi pali chauh nungdam in an awm ta a, an hmelah chuan zamna lo langin beisei an nei chau tih hriat tak chuan an hawi hrak hrak hlawm a. Ngiazoa pa chuan chempui chu phawrhin eng emaw zawtin a aw pawh a nelawm loh kher mai, hrumzial la dam chhunte chuan chhan loh hlau in an vai mai chuan a zawhna chu an chhang thuai hlawm a. Ngiazoa pa chuan a chempui chu khungin ‘hawh ule, buk lamah i kir tawh ang u khai, an silai kha lo khawm ula’ tiin tlangvalte chu thu a han pe a, rang takin silai sawm pakua leh mihring pali te nen chuan buk lamah chuan an kal ta thuai a. Buk an zu thlen chuan Ngiazoa nu chuan a pasal him tak a hmuh leh chuan lawm tih hriat tak chuan a lo thenkhum sak a, Satlâk tlangvalte pawh chu lo thenkhum sakin hrumzial ho erawh chu a melh kawk kawk hlawm a, vaibel an zuk zawh chuan an lo ruahman tawh ang chuan pasâltha Sângtualate chuan an silai leh mutbu nen chuan Hriangzang khaw lam pan chuan an in pu chhuak leh ta nghal a, Hrumzial ho chuan hlauhthawn hmel tak chuan Ngiazoa pa chu eng emaw zawtin an phun sap sap a, Ngiazoa pa chhanna an hriat chuan hrehawm ti tak chuan an kun ta lap a, Ngiazoa pa chuan eng emaw sawiin a phun zui mawlh mawlh a, hrumzialho mak ti chu an hawiphawk nasa ta mai a, Ngiazoa nun eng emaw a sawi leh hnu phei chuan an hmelah chuan hrehawm tihna a lo lang chhuak ta hial a, zanlai arkhuan dawn chuan mutna siamin an mi mante chu vengtu awm hauh lo chuan an mu a , reilo teah buk chhung chu hnar thawm chuan a luah lan thuai a, khuan hmasa awmah chuan hruimzialho muhil theilo lamah chuan thawmdim tak a lo pen tham tham chu awmin, chu thawmah chuan hrumzial ho chu an hawi thap hlawm a. An beisei hauh lo chuan an kut phuarna chu Ngiazoa pa chuan lo phelhin chempui leh chaw fun lian tha chu pein an beng bulah chuan a phun sap sap a, hrumzial ho chuan buk nghat nghat pah chuan an piah a hnar bawrh bawrh lam chu melhin an ding thap a, pasâltha Phulliana chu lo thu thutin ‘nang kha engnge i tih’ tiin a chiar zui nawk nawk a, hrumzialho hlau thawng an din zum reng lai chuan mu zuiin a hnar zui leh bawrh bawrh a, hlauthawng fe chuan buk chu hmanhmawh tak chuan chhuahsan in pahnih ve ve a insem in a then chuan ngawpui pilril lam chu an pan a, pahnih te erawh chuan hmanhmawh fe in an khaw lam chu an pan ve ta nghal a.
Pasâltha Sângtuala te chuan an buk chu chhuah sanin buk atang a lang theilo chin atang chuan an riahbuk khuarna lamah chuan thawm dim tak chuan an let thla leh a, inchhung dung awmah chuan insem darhin buk chu uluk tak chuan an thlir vang vang hlawm, zan rei lamah chuan ngawpui hnuaiah chuan a vawt deuh surh mai bawk a, Buk mei a mit atang phei chuan an buk chu uluk tak chuan an melh thap hlawm a, mit ai chuan beng a tangkai tih hriain an beng chu an dawh ngun kher mai. Khuan hmasa awmah chuan an buk lam atang chuan thawmdim tak leh hmanhmawh tak a lo pen thawm chu an hre ta a, an puankawp sin chu thlep tha in iptepuiah chuan an hnawh thuai a, thawm nei hauh lo chuan an thlang a mite chu an lo nghak ta thap a, an thlang lawkah chuan hrumzial pali te chu an ding khaw muang zawkin buk lam chu an melh thla leh zauh zauh thin a, buk lam a let leh mai ang tih hlau chuan an lo ip zar zar a, a hnu deuhah chuan mi pahnihte chuan pasâltha Sângtuala te awmna lam chu panin pahnihte erawh chu ngaw ril lam pan chuan an kal hrang a, thawm a reh hnu chuan, khaw lam pan turte pawh chuan an lo hnaih chho hle tawh a, pasâltha Sângtuala chu Thûamkunga beng bulah chuan a phun sar sar a, a ni chu khi suk chung chuan a lo bu nghut nghut bawk a, an thawm an hre pha tawh lo ang chu tih awmah chuan buk lam atang a lo chho te chuan pasâltha Sângtualate lo channa zawn chu an lo thleng chho chiah bawk a, thing phen a inring tak a lo dingte chuan hrumzial pahnih chu bawh let tawpin an ni hlau lutuk chu au chhuah pawh tum lo chuan an khur zawih zawih a, an hrawk a reh pah chuan ‘ngawi hmak rawh, thawm i chhuah chuan i thi nghal a ni mai’ tiin Thûamkunga chu a phun bal bal a, a mi man pa chuan hrethiam ve awm tak chuan a ngawi hle hle a, an kut an phuar sah hnu chuan fimkhur thilah an ka chu chhawlin an hnawh sak hmak bawk a, hlawhtling in ti tak chuan buk lamah chuan fimkhur tak chuan an chhuk ta tham tham a, khuan hnuhnungah chuan buk chu thlengin pasâltha Sukthanga chuan ‘kan lo nghak reng tawh che u a nia’ tiin a lo chhawn thuai a, an mi man an phuar that hnu chuan ngaihngam tak chuan Satlâk valrualte chu an mu ta chiah chiah a.
Pasâltha Sukthanga leh Phulliana leh Ngiazoa pa te chuan eirawngbawlin chu mi zing chuan thawmdim tak chuan an che sang sang hlawm a, an bawl zawh dawn chuan chinrang hian kawr dung rawn suar thlain Satlâk tlangvalte pawh kaih thawh ngailo chuan an tho thuai a, la mu rih tur chuan ti mahse an pasâltha leh Lal fapate chet tum chu an chet khalhg zung zung a, karlo ah eirel chu peihin an ei fel thuai a. Ngiazoa pa chuan ‘zan khat riakin kan khua chu kan thleng thei tawh ang chu’ tiin a then suk a. Tukthuan eikham chuan kal siamin hmanhmawh tak chuan Ngiazoa in thlen thuai tum chuan Satlâk valrualte chuan hma hruai in ngiazoa pa pawh a hmelah chuan a thla a muan rualin rilru natna in a tlakbuak tih hriat tak chuan a mit chu a dur deuh khap reng a, hmanhmawh tak chuan an khan hnai laiah chuan hmahruaiin chhun chaw fak hun thlen chuan lui lianpui mai chu an kan ta, thawpui lah huai pah chuan ‘ka ram ka thleng ta, ka chhungte chuan mak an ti teh ang chu aw’ tiin a then suk a, a hlim hmel chu thinrim mitmeng chuan lo thlakin hriat tham loh chuan a phun zui sup a, Pasâltha Sukthanga chuan ‘sawm thatni ah lungngaih a awm chawk, khuanu remruat hi kan pawm thiam a ngai a ni’ tiin a lo hnem zauh a, buk nghat nghat pah chuan ‘ a dik khawp mai, hlimna a awm chuan ngaihtuahna a kal thui deuh a tin ni’ tiin an piah kawr lam chu melhin ‘saw laiah sawn chhun chaw fakna tur rem chu a awm’ tiin a phun zui leh sup a, kawr kam an thlen chuan sakhi an thawng thut a, a ni hlau lah chu a han huk pap pap a, hmun leh hmun bakah rin loh lam a thawm ring lutuk awm avang chuan Ngiazoa pa chu a hnung tawlh dawrh a, sakhi a ni tih a hriat chuan a silai put lai lek kawh zawk pah chuan ‘nangte reuh chu le’ tiin a hmetpuah hma chuan ‘kâp suh’ tiin pasâltha Sukthanga chuan a silai chu a phih len sak lawp a, thinrim deuh tak chuan a melh deuh khai chuan a in harh chhuak leh thuaiin ‘min hrethiam teh, ka rilru natna hian min uap hneh deuh a ni e’ tiin thupha a han chawi leh hnu hnawh a, thensang chung chuan ‘ka tih ve tur tho a ni e, theihnghilh daih ang’ tiin pasâltha Sukthanga chuan silai chu a pe tha leh ta a, kawr an va thlen chuan tui fim tak chu a lo luang dam dam a, an insil thlandaih hnu chuan chhunchaw chu an fak thuai a, vaibel pet far lai chuan ‘nichin a sakhi zet kha chu kan lo hlau hlawm kher mai, thla nei sela chu thleng hla tak tak tur pawh kan awm e’ tiin Thuamkunga chuan Ngiazoa pa chu a melh ralh ralh a, then suk sukin ‘a thleng hla pawl chu i ni chiang vaiu ang, i vun rawng pawh a var pap thei a lawm le’ Ngiazoa pan a tih chuan an then sak sak hlawm a.
Thûamkunga chuan ‘nupui fanau te hma a patling han lam zet chu hmuh a hahdam zeih zeih teh e aw’ tiin a then zui sang a, Ngiazoa lah chuan ‘ka pa chu a lâm thiam lutuk, ka nu pawhin ka pa lam thiam zia min hrilh thin’ a lo tih ve chuan an nui zo ta vek a. Ngizoa pa chuan ‘khua kan thlen hunah ka lam thiam zia chu ka la entir dawn che u nia, engpawhnise han muang hman kan nih loh hi’ tiin a silai chu banin a ding leh ta uaih a, Thûamkunga chuan ‘kan lâm law law ang chu tih nak laiin, i tih tlat chuan kan kal leh mai ta lawng’ tiin peih loh hmel zet chuan a silai chu a ban thum thum a, nui sang chungin ‘khawnge i lam ka hmu peih tawh lo, ka lo kal hmasa teh ang’ tiin Ngiazoa pa chu a kal pel thuak a, then sangin ‘kan Thûama mai mai thin tak hi aw, kal hmasa ta poh che’ tiin a hnungah chuan kalin a hma a tlangval fiamthu duh tak chu a thlek zauh zauh reng a. zan riahna remchang an hmuh chuan buk sualin Ngiazoa te an lo thlen ve meuh chuan buk chu an lo peih tawh a, khua an hnaih tawh avang leh a bul a mite an rin tlak em avang chuan Ngiazoa nu pawh a thla a muangin hlim tak chuan a hawi leh vang vang thin a. An hrumzial man te pawh chuan an hma a tlangvalte fimkhur thiam zia leh an hruaitute pawh in ti lal tuk ni lo a an in kawmngeih zia an hmuh chuan eng emaw sawi chuan an tawng ve zauh zauh a. Thûamkunga chuan ‘nangni pahnih chuan ka rel e te min tia law, ka tûm zawt nang chuan’ tiin a melh run run a, an tawng an hrilh hnu chuan ‘e kei hi ka huai ber a, ka naute chu ka enkawl tha em a nih hi’ tiin a then khum sak sak a. Chungliana chuan ‘Thuamhnap tawng tawng zel teh suh, ka huai ber e, sate ek e ti ti suh, ka bin zawt mai tur che a sin’ tiin a then khum nang a, then hau chung chuan ‘a ve mai mai che chuan a, hrumzialho mak tih khawp ka bin zawk dawn che emaw chu le’ tiin a han hnaihchilh nghal zat a. Mualkunga chuan ‘awm mai mai teh un, hah in ti zual e a’ tiin a lo khak hlak a. Pasâltha Sângtuala chuan ‘in la chau lo bawk a, kan hma lam saw tlem va thlithlai ka duh deuh si a, therhlo ila fahran pawh in lo hmu thei mial mai thei a sin, nagni tlangvalah lo va kal tawh u khau’ tiin a thiante chu a lo tir thuai a. Mualkunga nen chuan an in zui chhuak nghal in, midangte pawh therhlo zawng tur chuan an chhuak ve ta nghal a.
Mualkunga nen chuan an piah mual nga lai chu an thleng a, sulhnu thar awm an hmuh loh avang chuan therhlo zawng pah chuan an ni pawh chuan buk lam chu an pan ve leh ta a. Mualkunga chuan ‘k’u Sângte, i ruahmanna kha a fuh i ring maw, kan hrumzial ho chu an let tak tak i ring em ? tiin a han zawt a. A ngawih deuh hnu chuan ‘ka hrethiam chiah lo le, an khaw lam ngaihtuahna chuan a uai ve deuh chu ka beisei, an lo va tlang a nih pawhin kan khuate chu an in veng zo tur ah ka ngai’ tiin a sawi zuai raih a. A mitthla ah chuan an khaw thenawm naupang ngawpui hnuai a in zui dam dam an chhanchhuah lai te chu lo langin ‘eng em a thleng lawng chu maw’ tiin a ngaihtuah nauh nauh a. Chutia ngaihtuahna kawm a a kal lai chuan Mualkunga chuan a banah chuan a khawih zawk a, Mualkunga enna lam a hawi chuan an hma lawkah chuan nghalchang hian tuang din urh hian a lo tep chup chup a, pasâltha Sângtuala chuan an hma lawk a thil awmdan a hmuh ve meuh chuan nghalchang chu hawk dutin a tawmna kawrte a tang chuan dawk zawk a, keipui chu a huk thawt in, nghalchang in saseng kawrte a zuan luh leh chhung chu mit khap kar chauh a ni. Keipui dul vun chu thlerin a ril chu tawng chen zet a uai zuar mai bawk a. Nghalchang chuan keipui ngawt chu melhin a tep chup chup bawk a. Mualkunga chuan an thlang lawk inchhung dung emaw chauh a thil thleng chu hmuhnawm ti leh mak ti tak chuan a melh hau a. Pasâltha Sângtuala chuan nghawk zauh pah chuan an bul a thing kung belin chempui tle vur chu a phawrh zui zat a. Mualkunga pawh chuan a chempui phawrhin inring tak chuan a ding kak hah a.
Keipui hliam tuar chu rum nghut nghutin harsa ti fe chuan a bul lungpui phenah chuan a tawlh lut zul zul a, Nghalchang chuan tuang tun chhur chung chuan a tep leh chup chup hnu chuan a han ding mar a, a chhak a mihring pahnih a hmuh chuan rum ngul ngulin a phit dut a, kar lak awm hauh lo chuan pasâltha Sângtuala te pahnih chu a phin zui nghal zat a, pasâltha Sângtuala chuan ‘Kunga vei lamah’ tih tuar pah chuan a ni pawh ding lamah a zuang sawn nghal zawk pah chuan a chempui chu a vai zawk a. Nghalchang chuan a piah a thing chu su dawtin a hmui no lai uai dur chuan a ngek thawt a, pasâltha Sângtuala chu nghalchang awmna lamah chuan tlan zawkin nghalchang kaihza tha chu a chhat thawt a, thinrim mitmeng sen rum chung chuan thisen chu a thawpuar pawp pawp a, a kaihza tha chat vang chuan chet pawh a harsat kher mai, pasâltha Sângtuala chuan hnaihchilh leh in a bekah chuan a sat zui charh charh a, nghalchang na ti chu ngawpui khawk chuan a ngeng rawng rawng a, Mualkunga chuan a tuangchhah ah chuan han sat ve mahse a vunchhia tak ngial pawh a satpilh thei hauh lo, a thinrim tlawmla bawk si chuan a han sat nawn leh a chempui ha chu a ner nghal nawkin a vunchhia chu a pilh ve nian a. Pasâltha Sângtuala chuan ‘Kunga nghalchang thuangchhah chu sat sat duh suh, a sawt vak lo ang’ tiin a lo hrilh a, Mualkunga chuan ‘a va mak teh lul ve, ka sat na zo hauh lo nia mawle’ tiin a chempui leh nghalchang ruang chu a thlek tawn sek a. Pasâltha Sângtuala chuan ‘Kunga, nghalchang tuangchhah sah chu, khual a lung di neih nen a in ang reng a nih hi ti raw’ tiin a nau chu a nuih var var a. Mualkunga chuan ‘a lo nih dawn hi, I tuan a lo va tha em em ve mawle’ tiin mak ti tak chuan a bul a mi chu a melh vang vang a. Pasâltha Sângtuala chuan ‘khaih kan tlai hmain buk lam I pan vat teh ang khai, khuain min thim hnan palh hlauh a nge’ tiin an thusawi chu a pawt chat ta daih a. Mualkunga chuan ‘he sa hi a vai chuan kan hawn zo dawn em mi ? a chanve chu kan hawn thei mahna’ tiin a phun zui nang nang a. Pasâltha Sângtuala chuan ‘thintuai sah tur a vang bawk sia, tlem a zawng chhawp hnaih kan tum chhin a nge’ tiin a silai hum lai chu Mualkunga kut a hmeh bel thlawp pah chuan, nghalchang sum ruk zet chu a han kual let a. Mualkunga chuan ‘I zo chuang hlei lawng e’ tih rilruk nap nap pah chuan a lo nuih var var a. Pasâltha Sângtuala chuan ‘khawh rawh, kei mha lengi man tuak ei zo zel a’ tih that pah chuan a darah a han chhuang vawkin a kal pui ta nal nal a, Mualkunga mak ti lutuk chuan a hnungah zuiin a um hlawk hlawk a. mual thum na an kal lai chuan keuh chawrh in ‘Kunga nang kan buk lamah khan va kal la, kan thiante va pun tawh khai, hei buk pawh a hnai tawh a lawm’ tiin thli dawng chuan lungpui chungah chuan a hui ham ham a.
Mualkunga chu hmanhmawh tak chuan a liam thuai a, kal pah chuan ‘nangte reuh hian zawl te reu reu hi a lo nei em mi tak tak dawn le, I thil ei lah a tam a ni dang lo a’ tiin a nngaihtuah nap nap a. Bukah chuan Thûamkunga leh tlangval dangte chu an lo thleng tawhin, a mah chauh a Mualkunga an hmuh chuan ‘khawnge Sânghnapa chu a tawi khawmuan leh tak a, a in thiar leh tawh a mi ? tiin Thûamkunga chu a nui hau a. Mualkunga chuan ‘satlaw kan chhar a, nang a tawr tha deuh ah min lo puih loh chuan kan lo hawn zo hauh lo mai a’ tiin a nui var var a. Thûamkunga chuan ‘nangni pahnih zet chuan min ring lutuk deuh a ni, khawnge ka lo thawkchhuak ve mai a niang chu’ tiin tlangval dang lo kal turte chu ‘ti khan sakhi kha lo puah tawh u, kan thiana te pahnih hian eng sa lian mah va hmu ngut suh’ tiin a then sawng a. Tlangval dangte chuan ‘â kan lo kal ve reng reng a nge’ tiin an zui lui a. kal pah chuan fiam thu eng emaw sawiin an nui leh hak thin a, pasâltha Sângtuala lungpui chung a vaibel fawp khu vang vang an hmuh chuan ‘khawnge in satlaw chhar chu in dah, kei I pate a hian ka han pu phei lawng lawng teh ang’ tiin a tawng phei lung lung a. Mualkunga chuan ‘kan satlaw chhar chu kha lai a te kha a let ngat mai, ti khan lo va kal la kan lo um ang che’ tih leh lungpui chung a lawn chu a rual ve nghal zat a. Thûamkungan nghalchang sumruk zet tur a hmuh chuan ‘chhe hei, hei a tlaw in chhar tak tak maw ni ngai’ tih pah chuan a han bel chuang a, nghalchang hmui nô chin uai deuh dur leh a bek chempui sulhnu a hmuh chuan ‘a tlaw zawng a nih mawlh loh hi maw, engtin chiah nge in tihhlum zawk chu le’ tiin a thiante chu a melh kual vat vat a. Mualkunga chuan ‘kha sa kan lak dan in hriat duh chuan buk thleng thuai ula, in hre hma a ni mai’ tiin sawi a lo tum i khaw lo mai a, Thûamkunga hriat chak lutuk chuan i sawi loh chuan he lai leiah hian ka bin zawt ang che mawle’ tiin a phun sup sup a. then deuh sang chung chuan ‘mahni lo mah a chauh nak laiin zawn thuai ula a nih chu a’ tiin pasâltha Sângtuala chu a lo inrawlh vat a. Thûamkunga chuan ‘tiang te chu tun an put zawh ka ring lo hul hual e a’ tiin a then nang a. Mualkunga chuan ‘hei ka kal pui pa hian mual thum zet chu a lo awi phei tawh a, saw lai lawk te chu I awi phei ve mai ang chu mawle’ tiin a lo chhang thuai a, a taksa thisen bual nguai a hmuh chuan Mualkunga chuan dawt a sawi lo tih a hrethiam nghal maiin ‘a nite chuan zawl a nei miau a, kei ni a hringhran a pu tur tan chuan van ek khum tum ang a lawm le’ tiin a phun leh nang nang a, Thûamkunga chu hawi vut vutin an thlang a aidu hung chu a hmu fuh ta hlauh a, hlim khi sung chung a chempui nen a pan lai chuan ‘in va han thatchhe tak em’ tih pah chuan pasâltha Sângtuala chuan nghalchang sumtum tha zet chu in hlan lawpin a kalpui leh ta nawl nawl a. Satlâk tlangvalte chuan mak tih luat vang a ang phuau in pasâltha Sângtuala kal liam tur chu an um dawr dawr a, buk kawt a nghalchang keuh dawp in ‘ti khan lo chan ula, kei chu ka va in ti fai lawk a nge, Ngiazo in unau khan in lo kal ve duh em ? tiin a han au a, an ni unau chuan nghalchang thlek zauh zauh chung chuan an u chu an um liam ve nghal a.
Pasâltha Sângtuala ten buk an va thlen leh chuan nghalchang pawh an lo chan zo tawh a, Thûamkunga chuan ‘thianpa chu keini ang pathum pawhin kan tluk lo a nih hi, engtin nge maw ti em em hian thahrui a neih zawk chu le, a mak kher mai’ tiin vaibel chu a lo fawp khu tual tual a. Naupang hlim nui ar ar thawm an hriat chuan an hawi phei thap a. Ngiazoa te unau chu a ban leh tawnah chuan a lo sep phei laih laih a, an ni unau tlak hlau chu an lo khek teng tung a lo ni a, chutia an infiam lai an thlir thap lai chuan an chhakah chuan lung hi a lo lum thla bap bap a, chu thawm chuan buk vel a tlangval awmte chu a ti râlkhel rang kher mai. Hmanraw chuh chuan an darh suauin hmanrua an hum fel chuan Ngiazoa nu leh pa chu tlangvalte chuan an dinhual nghalin, pasâltha Sângtuala te awmna lamah Mualkunga te ho chu an tlan thuai a, Thûamkunga leh Chungliana te hnungah tlangval sawm chuang zet chu an tlanchho nghal zawk a. Hrumzial tlangval pahnih in Satlâk tlangvalte khawsa zia an hmuh meuh chuan kâ hau chuan an thlir reng a, an tawng chuan an phun zui sup sup bawk a. Reilo teah Thûamkunga te chu nui sang a lo letin ‘heng safe nupa hian min han ti râlkhel ve khang lang a’ tiin hrui hmawr a safe nupa thluak far zawih zawihte chu meipui bulah chuan a phih leng lawp a. Mualkunga chuan ‘I hmel kha lapua ai pawhin a var zawk a lawm le’ tiin a nui zui hak hak a. Thûamkunga chuan ‘ve leh rawk che hian a, nang zawk kha a lawm i thisen i hloh ta vek emaw ka ti a’ tiin an nui zo ta vek a. Chungliana chuan ‘Thûam thiana safe nupa um lai chu hmu ula in tlan thei bik lo ang, thlantui leh hnap tui nen, Tahngai lungpui sa vuan an sawi ang maiin a then no mai bawk si a, a sam leng suau suau a han tlan zet zawng, chawmnu pawh a ang hial a lawm le’ a han ti ve leh phei chuan an nui ta hawk hawk a. Pasâltha Sukthanga chuan ‘naute u, zanriah lam kha kan peih chuan ei lam hnaih mai a tha tawh e a’ tiin a nui sang a. Thûamkunga chuan ‘khawnge hap khu leh rum rum ila a ni mai a lawm’ tiin safe nupa chu kawr mawng lamah chuan a theh thla lawng lawng a. zanriah chu an siam zui ta a.
Hlim tak chuan an buaina theihnghilh thak chuan zanriah chu an ei hlawm a, an hrumzial man hote pawh chuan Satlâk tlangvalte infiam nui bawk bawk chu an lo bengngawng nuih leh suk suk thin bawk a. Pasâltha Sângtuala chak zia mawlh chu sawiin an phul hlut a, Thûamkunga chuan ‘zanin bak chu nula hmel kan hmu turah ngai ila, a nuam leh dawn mang e’ tiin a vaibel chu tannin a fawp khu vut vut a. Tlangval dangte chuan ‘aw hawi an tawng I thiam dawn ngawt a mi ? an lo tih chuan, hei ka tawng bur a awm a lawm’ tiin Ngiazoa chu a kawk zauh a. Chungliana chuan ‘ve leh ngawt che hian naupang i ti khawlo vek ang’ a lo ti hluk a. Ngiazoa nu chuan ‘Thûama I duh zawng an awm chuan kan bawh rum rum dawn a lawm ti raw ? tiin a lo hnem a. Nui hau chung chuan ‘khuanu hian min awmpui thin e aw’ tiin a then hau a. Pasâltha Sângtuala chuan ‘ka u, hei in sawi dan hmangin naktuk hian khua chu kan chuan luh thei tawh hmel a, engnge ruahmanna i neih’ tiin a han zawt phawng a. Ngiazoa pa chuan ‘ka ngaihtuah na sa tawh a, a ngaihna ka hrethiam lo khawp mai, in ngaihdan ka la lâ ang ka tih mek lai a nia ? tiin a chhang ban chat a. a bul a mite melh kual chung chuan ‘engtia hma lak nge tha ang’ tiin a rawn hlawm a. An ni chuan ‘ngaihdan ka va sawi theilo ve aw, eng hunah nge kan thlen theih ang le’ tiin an lo zawh belh zauh a. Ngiazoa pa chuan ‘tluang te a kan kal chuan naktuk zanriah ei hma chuan kan thleng thei tawh ang chu’ tiin vaibel chu a fawp zauh a. pasâltha Sângtuala melhin ‘engnge ruahmanna i neih le’ tiin an han zawt chawt a, pasâltha Sângtuala chuan ‘nangni kan rual u ten ruahmanna in neih te hre hmasa pahwt ila’ tiin a lo chhang thuai a. An ni chuan ‘ruahmanna han neih fak hi a harsa em a ni, nang engnge i ruahman dan ni reng a’ tiin an zawt lui leh a. Thawpui lak hulh pah chuan ‘ka ngaihdan chuan khawchhung boruak pawh chian hmasak a that ka ring, hun a liam duai tawhin eng emaw thil thleng theina hun a awm tlat a ni’ tiin a ngaihdan chu a han sawi a. An ngawih deuh thap lai chuan ‘kan pasâltha thu chu a va tha awm ve, kan khaw boruak lah kan hriat lohna a rei tawh si a’ Ngiazoa pan a tih chuan an lo bu nghat nghat a. Zan rei menglo in an sa rep chu mei an vur tha sauh sauh a an mut san ta daih a. Ngiazoa nu leh pa erawh an mut a chhuak hauh lo. Pasâltha Sângtuala sawi ang khan an vanduaina a kal tluan chuan buaina an tawk thei tlat a ni, an beisei lo angin thil lo kal palh sela tu khua nge an belh tak ang ? tiin thil chhe thei hrang hrang chu an ngaihtuah kual nasa dun kher mai. Ngiazoa nu chuan ‘eng a ti nge an lo let kher kher chu le, Satlâk khuaah lah khan Lal fa dinhmun an chan tir kha a ni si a’ tiin hmeichhe rilru nô tih takah a ngaihtuah kual nasa mai a, zan lai mah nise a thlan tui te chuan a bual hlup thei hial a.
Zingtian sava tlangau chinrang pawhin kawr dung a lo suar leh zarh zarh tawh a, pasâltha Sângtuala te thianzaho chu phur ru tak chuan an tho sang sang a. Ngiazoa te chhungin him dam tak a an khua an thleng tur chu an lawmpuiin tuk dang zawng ai chuan an hlim tlang a, an fimkhurna erawh an hloh chuang hauh lo ngawpui hnuai a lan theih chuan an riah buk mchu an chhuahsan a, chhun chaw fak hun an thlen meuh chuan ramri kawr pawh pelh felhna pawh a rei tawh kher mai. Ngiazoa nu leh pa chuan mittui far zawih zawih chuan an khaw ram chu an dai lut zel a, ngawi reng a an kal lai chuan ‘min hrethiam dawn nia, kha ti leh chen chhiatna hnuai a kan awm hnuah beisei phak bak a duh sakna nen kan ram ka han dai lut hi awm ngaihna ka hre lo a ni, ka tlangval chhungte hmuh hun tur ka ngaihtuah phei chuan lo thi ve daih ila tiin ka ngaihtuah thin a sin, ka nupui leh fate leh kan chung a thil tisual tute hrem an nih theih nan ka theih tawk ka chhuah mai pawh a’ tiin a mittui luangchhuak thup tum mahse a tawng ka chhuak leh thaw lak dan atang chuan Ngiazoa pa chu a tap tih hai rual a ni lo. Ramri kawr a kan a tang chuan an fimkhur zualin ram kal tu mah in hmuh tir tum lo chuan an beng leh mit an len ngun zual kher mai. Chutia fimkhu tak leh thawm dim tak a an kal zel lai chuan arkhuang pawh an ral hriat thei tawh tih chuan hmeichhe mangang te rawl chu an thlang kawrah chuan an hre ta thut a, an han in melh zawk a ‘tu pawh ni raw sek sek, kan tan pui tur a ni’ tiin Satlâk tlangvalte chu an kawr lamah chuan an tlan thla pur pur hlawm a, kawr an thlen chuan hmeichhe pakhat lu bung hi a lo let ngat a, a bulah chuan paikawng leh hreipui tawng tawl zet pakhat hi a lo let ngatin hmeichhia chu a taksa atang chuan nula chhuak zawt ni mai a mawi a ni. chutia an rin loh tak thleng avang chuan Satlâk valrualte chu an ding thap a. Pasâltha Sângtuala chuan an dinhmun hlauhawm zia hria in ‘thing kung bul bel vat rawh u’ tiin a au that a, awm hmun an sawn chiah tih chuan kawr ral leh lam atang chuan silai a lo puak dur dur a, Thûamkunga in siam tha tur che chiah chuan thing bung palin a tlu hlauh a, a awm zan thing chu khem hlawkin la ding ngat sela chuan buh ban ram lam panin hmanhmawh takin a thlawk nal nal ta ve ang chu. Tlangval dangte chu silai mu chuan an mal leh nghawng velte chu a thawi sa zawk zawk hlawm a. Satlak tlangvalte chu mi sawm lai chu an tlu hnawk hlawm a.
Satlâk tlangval tlute chu an thi ah ngaiin hrumzial chuan bawh hla chhamin thinrim rawl pui nen an rawh bawh phei ta huk a, mi sawmhnih tha lam mah an niin an tlanchak danah tha hrui an nei a ni tih pawh a hriat hlawm kher mai. Thûamkunga chuan silai lek kawh zawt pah chuan ‘nangni hrumzial te ngenmu vang mai a fam hman ka ni hlei lawng e’ ti a au piap piap pah chuan a mah kâp tu lo tlan hmasa zing a mi chu a sai let nghal tawl a. midangte pawh chuan tan hmun siam thuaiin hrumzial ho rin phak bak chuan an lo kâp letin an thal ta hawl hawl a, pasâltha Sângtuala chuan ‘tumah zam hauh suh u aw, kei mahni Satlâk valrual zam ngailo te kan ni ngai e’ ti a thiante fuih chung chuan silai a paih lawk a, chempui nen hrumzial la dam chhun an thiante tam zawk tluk vang a hawi haite an melh lai chu nang chingin a sat ta bawrh bawrh a. Hrumzial la dam te pawh chuan tlanna hun a awm tawh lo tih hriain an theih tawp chuan an lo tang a, chu kawr ruam chu in fuihna au thawm leh patling thinrim rawl chuan a khat thuai a. Ngiazoa pa te pawh chu hmanhmawh tak chuan silai puah dur durna lamah chuan hmanhmawh tak chuan an lo tlan a, an zu thlen meuh chuan hrum zial pangâ Satlâk tlangvalten an hual beh chu hmu in Ngiazoa pa chuan thinrim rawl vin tak chuan a hrawk nghal tuar tuar a, Ngiazoa pa an hmuh meuh chuan hrumzial ho mak ti leh hlau chu an hawi zak zakin, a awm nem deuh ni a an hriatna zawn sut kuak tum chuan Mualkunga leh rawlthar zawkte zawnah chuan an tlan thut a. Nui sang chung leh nuam ti zawk ang tak hian ‘kha kei mah Mualkunga pasâltha Sângtuala nau ka ni ngai e’ ti a mahni hming lam chung chuan a mah sut tlang tumtu hrumzial pa chempui kun hniam san zauh pah chuan chempui chu a vai tle zawk a, thil ri nô chawk leh patling thi tur rawl chu lo chhuak zawk a, Thangkiama erawh chuan a tum hlahin a mah chu a dar chang chen dawn hian kak haih in a na ti chu a then chawk chawk a, in thiam loh hmel tak a pasâltha Sângtuala en in ‘pasâltha min ngaidam rawh, ka hma ka veng zo lo a ni e’ tiin a hliam chu lut leh lam a hupin a thu hnawk a.
Hrumzial pakhat tlanchhuak chu thih tha a tlan a ni bawk a, a tlan chak kher mai, kawr a tlan liam tur chu silai hi a han puak durin hrumzial pa tlan lai chu a pai nawk a, hreh tak chuan a tlu tawp a, silai puahna an melh chuan pasâltha Phulliana silai hmawr khu vat vat leh then sak lai chu an hmuin, hrumzial la dam chhungte chu an bawhthlu thuai a, ramhrui fei chuan an hling ta thuai a. Pasâltha S^angtuala chuan rawlthar hliam tuar Thangkiama chu pan thuaiin ‘Kiama a nâ em, tuar hram hram rawh aw’ tiin a hliam chu a han en chian sak thuai a, then sak sak chung chuan ‘pasâltha a nâ lo e, chaw ei ti tui tawk pawh a nih loh hi’ tiin leh lam chu a hawi ta daih a. Puantlang pawh thler kawk pah chuan ‘I thiam loh eng mah a awm lo a nia, hengte chu tu chungah pawh a thleng thei vek a lawm’ ti a hnem chungin vaihlo chu a bar hawng a. Thangkiama hliamah chuan a han bel sak a, Thangkiama na ti chu then chak chakin ‘hrumzial ka hmachhawn leh hmasak ber chu a chak lo viau ang’ tiin a rum zui ngal ngal a. Hliam tuar dangte an in buaipui lai chuan an chhak thing phen a tang chuan hmeichhe in hnit faih faih thawm lo awm in, thawm chhuahna lam chu Satlâk tlangvalte chuan an hawi thup a, hmeichhe pakhat hlauh luat vang a hmai dang var lap hian mittui kar a tang chuan Satlâk tlangvalte che tla chu a lo thlir ran a. Ngiazoa pa chuan an nu chu mitmei in a pan chho thuai a. Hmeichhe awmna a thlen chuan hmeichhia chu lungchhe tak chuan a tap ta hawm hawm a, a thiannu ruang lu bung chu Thûamkunga chuan puankawp chu khuh vatin kawr kam rem laiah chuan an zawn sawn thuai a. Ngiazoa nu chuan chu hmeichhe tap hlawp hlawp chu aw ka damte chuan biain a phun sap sap reng a, hmaichhia chuan eng emaw saiin a tap pah reng bawk a. A thusawi taswp lamah chuan hmeichhia chu thi dangin a let ta tawp a, hmeichhe thi dang chu a thian nu ruang lang phak lo tur chuan an pawm sawn hnu chuan ‘ kan khuaah chuan ka pa chu a lo la Lal ve a nih chu, eng tin nge nit a ang le’ tiin a thiante chu a melh hau a. Pasâltha Sângtuala chuan ‘he tia silai puak hi khua a tangin an hre ngei a nga, nangni chhung hi chuan kan piah kawr saw kan vat in khua a rang thei ang berin han pawh tawh u, keini chu kan ngaihtuah awm lo ang, hei kan nula pawh a lo harh tan tawh hi, kan pasâltha pahnih leh tlangval sawmhnih te khan han zui thuai rawh u, hunk an ngah tawh lo ang’ tiin a sawi zung zung a. Ngiazoa nu chuan ‘kei chu tah hian ka awm dawn a ni, eng emaw thil kal sual pal a awm pawhin kei chu min lo ngaihtuah hauh suh u, hmanhmawh takin kal thuai tawh u’ tiin hmeichhe thi dang chu a buaipui zui mawlh mawlh a.
Ngiazoa pate an kal liam chiah tih chuan hmanhmawh tak a tlan thawm chu Satlâk valrualte chuan an hre thuai an han en nak chuan, an la hmuh ngaih hauh lo hrumzial te tawng an ni hauh lo tlangval za dawn thawte chuan sam leng dawr dawr chuan an lo tlan khup khup a. Pasâltha Sângtuala chuan ‘kah fuh mai theih loh tur chuan a thiante chu thing phenah chuan din tir vekin a tul thul a che mai thei tur chuan an hmanrua chu an lek fur hlawm a. Chung lo thleng tharte chuan hmeichhe pahnih in buaipui a kun mawlh mawlh te chu panin an rin loh lutuk an hmuh chuan an rak nawk nawk a, thenkhat phei chu hmuithla hmu ang mai chuan an tawlh kir dawrh hlawm a. Ngiazoa nu chu eng emaw sawi chuan a tawng lawng lawngin an thlang ruam lam chu a kawk zauh zauhin. Satlâk tih a sawi hnu chuan an pasâltha Sângtuala te lam chu an lo thlir thup hlawm a. Thenkhat te chuan an silai chu an lek kawh nghalin an mit a rinhlelhna hai rual loh chuan trhinrim tak chuan an silai leh nhmanraw ken ang te chu hman mai tum chuan an lek kang urh hlawm a. An khawsak phung Ngiazoa nun a hmuh chuan hmai sen vek leh thinrimluat a khur dar dar chungin eng emaw chu a sawi leh zung zung a. Thinrim insum deuh leh she chilh deuh nak hian ‘ve khanglang hlawm chuan le, ka suat then dawn che u maw nile’ tiin Thûamkunga chu a phun bal bal a. Pasâltha Sângtual chuan ‘zai aw dam dam, thin a nel nel’ tiin a thianpa chu a lo khap dai thuai a. Pasâltha Sângtuala chuan a hma a mi an mahni tintu te chu hmu lo ang mai chuan Ngiazoa nu bulah chuan kalin ‘hei an thilh hmuh hi an awih tha duh dawn na nge’ tiin a then sang a. zawi muang a iptepui zenin uluk dauh chuan vaibel chu beng malh malh in a han siam kai zui zat a, tui tih hmel tak chuan a khu chu a chhem chhuakin rinhlelh hmel tak a lo thlir thap tute chu a nuih sang a. Lo kal thar zing a tlangval pakhat chuan aw ka ngaihnô beilo zet chuan eng emaw sawiin a ner nang nang reng a. Thûamkunga chuan ‘khi pa chu sechâl a nu hur chhu hnim a va ang teh nawr ve mawle’ tiin a phun leh sup a. Satlâk valrualte chuan then sang chuan an melh thap hlawm a. Chungliana chuan ‘khi pa chu remchang hmasa berah ka bin zi zawt ang mawle’ tiin a phun zui nang nang a. An hmeochhe buaipui ber chu lo harh in hlauh luat vang a kha in khawng dar darin kawr lam chu a melh zauh zauh a, an khaw valrualte a hmuh nchuan an lamah chuan a tlan thuai a, chu hmeichhe awm dan avang chuan lo thleng tharte chuan Satlâk valrualte chu an hmanrua chuan an tin leh ta thup a. Pasâltha Sângtuala ngaihdan chu a ni seng ta bik hauh lo mai le, rum tak a melh kual pah chuan ‘in duh tak tak emaw ni le’ tih pah chuan a silai chu a ko kiah chhuangin a silai cheng chu a kuai ang zui bai a, Satlâk valrualte pawh chuan an hmanrua chu hman mai theih tur chuan an tin zui ve ta thap a.
Theih tawk tam lo mawhse,ti leh keuh mai ang maw
BUNG – 166
Ngiazoa pa ten pasâltha Sângtuala te an va fin hnu chuan an chaw fun chu phelhin an bar bawrh bawrh a, an bar zawh chuan an piah buk kawt mei eng a hrumzial mi sawmhnih dawn thaw inhnial ni awm takte chu an thlir pah zauh zauh a. Ngiazoa pa chuan an mi man pa thusawi zawng zawng chu pasâltha Sângtualate chu a hrilh hnu chuan Satlâk tlangvalte hmel chu thinrimna thuk tak pai tih hriat chuan a rum ta hle mai a, nidang ah chuan eng hun pawh tawngin harsatna hnuaiah pawh hlim hmel an pu thin kha a ni a, tunah chuan pawisak an neih loh hmel ta kher mai. Thawpui lak hawk pah chuan ‘hrumzial tlangvalte hian an pasâltha kalta te chu zanin hian va um sela an la um pha mai thei a ngem ? tiin a han zawt a. Ngiazoa pa chuan ‘um pha tuk e a, engti tih a min zawt thut nge i nih’ tiin a hma a pasâltha diarkhim vang ngaihtuahna sen vang a hma lam melh ding ran chu a melh ka hau a. Buk nghat nghat pahin ‘ti chu hengho hi man fai pak ila, buk kan thlen veleh an khua Hriangzang khua run turin kan chhuak der a nga, nangin zanin ah hengho hi chhuah der la keinin bukchhak rem laiah kan lo chang leh a nga, an tlangval rammu te ko let turin i tir bawk ang’ tiin a han sawi chhuak a. Ngiazoa pa chuan mak ti tak chuan a hma a tlangval naupangte chu melh tlawk tlawkin ‘a va han that hmel ve, keini min thah duh tute han chhuah rukte chu a, thah mang vek duh nak lai a’ tiin a phun bal bal a. Inhnialna hun kan nei rih lo, hengho hi kan man zawh hnuah buk lam pan pahin a bak chu ka hrilhfiah dawn che nia’ tiin tlangvalte chu hmun hniah thenin ruang chaicheh thlakin an hual ta vek a. An duh tawk an inpeih hnu chuan Ngiazoa pa chuan hrumzial ho buk kawt a inhnial bang bang ho chu a han au thut a, an rin loh lutuk a aw an hriat thut vang chuan aw chhuahna lam leh an hruaitupa chu en an melh tawn zak zak a.
An hruaitupa chuan vin fe chuan eng emaw sawiin hrumzialho chu tho suaiin buk lamah chuan an tlan suau a, Ngiazoa pa chu ‘tunah kâp rawh ule’ tiin a han au zui tuar a, buk kil hmun tin a tang chuan silai chu a puak sen zawk zawk a, hliam tuar te rawng rawng leh thinrim in hrosa thawm chuan chulai ruam chu a luah lan thuai a, hrumzialho chu reilo teah an hup ta barh a, a la dam chhun mi pangâ te pawh chuan hliam tenau neiin hun reilo te chhungin an tingmit zo ta vek a. Ngiazoa pa chuan tlangval la dam zing a pakhat chu eng emaw zawtin a ni chuan chhang ta mai lo chuan a hmaiah chuan chil a chhak thawt a, Ngiazoa pan a hmai a chil a hruk mawlh mawlh lai chuan a hma a hrumzial pa chu ri nô chawrhin a ek thawt a, nunna nei tawh lo tih hriat tak chuan a ke chu awm ze neilo tak chuan a khawng chawrh chawrh a, a zal ta raih a, hrumzial ho zingah chuan mi pali chauh nungdam in an awm ta a, an hmelah chuan zamna lo langin beisei an nei chau tih hriat tak chuan an hawi hrak hrak hlawm a. Ngiazoa pa chuan chempui chu phawrhin eng emaw zawtin a aw pawh a nelawm loh kher mai, hrumzial la dam chhunte chuan chhan loh hlau in an vai mai chuan a zawhna chu an chhang thuai hlawm a. Ngiazoa pa chuan a chempui chu khungin ‘hawh ule, buk lamah i kir tawh ang u khai, an silai kha lo khawm ula’ tiin tlangvalte chu thu a han pe a, rang takin silai sawm pakua leh mihring pali te nen chuan buk lamah chuan an kal ta thuai a. Buk an zu thlen chuan Ngiazoa nu chuan a pasal him tak a hmuh leh chuan lawm tih hriat tak chuan a lo thenkhum sak a, Satlâk tlangvalte pawh chu lo thenkhum sakin hrumzial ho erawh chu a melh kawk kawk hlawm a, vaibel an zuk zawh chuan an lo ruahman tawh ang chuan pasâltha Sângtualate chuan an silai leh mutbu nen chuan Hriangzang khaw lam pan chuan an in pu chhuak leh ta nghal a, Hrumzial ho chuan hlauhthawn hmel tak chuan Ngiazoa pa chu eng emaw zawtin an phun sap sap a, Ngiazoa pa chhanna an hriat chuan hrehawm ti tak chuan an kun ta lap a, Ngiazoa pa chuan eng emaw sawiin a phun zui mawlh mawlh a, hrumzialho mak ti chu an hawiphawk nasa ta mai a, Ngiazoa nun eng emaw a sawi leh hnu phei chuan an hmelah chuan hrehawm tihna a lo lang chhuak ta hial a, zanlai arkhuan dawn chuan mutna siamin an mi mante chu vengtu awm hauh lo chuan an mu a , reilo teah buk chhung chu hnar thawm chuan a luah lan thuai a, khuan hmasa awmah chuan hruimzialho muhil theilo lamah chuan thawmdim tak a lo pen tham tham chu awmin, chu thawmah chuan hrumzial ho chu an hawi thap hlawm a. An beisei hauh lo chuan an kut phuarna chu Ngiazoa pa chuan lo phelhin chempui leh chaw fun lian tha chu pein an beng bulah chuan a phun sap sap a, hrumzial ho chuan buk nghat nghat pah chuan an piah a hnar bawrh bawrh lam chu melhin an ding thap a, pasâltha Phulliana chu lo thu thutin ‘nang kha engnge i tih’ tiin a chiar zui nawk nawk a, hrumzialho hlau thawng an din zum reng lai chuan mu zuiin a hnar zui leh bawrh bawrh a, hlauthawng fe chuan buk chu hmanhmawh tak chuan chhuahsan in pahnih ve ve a insem in a then chuan ngawpui pilril lam chu an pan a, pahnih te erawh chuan hmanhmawh fe in an khaw lam chu an pan ve ta nghal a.
Pasâltha Sângtuala te chuan an buk chu chhuah sanin buk atang a lang theilo chin atang chuan an riahbuk khuarna lamah chuan thawm dim tak chuan an let thla leh a, inchhung dung awmah chuan insem darhin buk chu uluk tak chuan an thlir vang vang hlawm, zan rei lamah chuan ngawpui hnuaiah chuan a vawt deuh surh mai bawk a, Buk mei a mit atang phei chuan an buk chu uluk tak chuan an melh thap hlawm a, mit ai chuan beng a tangkai tih hriain an beng chu an dawh ngun kher mai. Khuan hmasa awmah chuan an buk lam atang chuan thawmdim tak leh hmanhmawh tak a lo pen thawm chu an hre ta a, an puankawp sin chu thlep tha in iptepuiah chuan an hnawh thuai a, thawm nei hauh lo chuan an thlang a mite chu an lo nghak ta thap a, an thlang lawkah chuan hrumzial pali te chu an ding khaw muang zawkin buk lam chu an melh thla leh zauh zauh thin a, buk lam a let leh mai ang tih hlau chuan an lo ip zar zar a, a hnu deuhah chuan mi pahnihte chuan pasâltha Sângtuala te awmna lam chu panin pahnihte erawh chu ngaw ril lam pan chuan an kal hrang a, thawm a reh hnu chuan, khaw lam pan turte pawh chuan an lo hnaih chho hle tawh a, pasâltha Sângtuala chu Thûamkunga beng bulah chuan a phun sar sar a, a ni chu khi suk chung chuan a lo bu nghut nghut bawk a, an thawm an hre pha tawh lo ang chu tih awmah chuan buk lam atang a lo chho te chuan pasâltha Sângtualate lo channa zawn chu an lo thleng chho chiah bawk a, thing phen a inring tak a lo dingte chuan hrumzial pahnih chu bawh let tawpin an ni hlau lutuk chu au chhuah pawh tum lo chuan an khur zawih zawih a, an hrawk a reh pah chuan ‘ngawi hmak rawh, thawm i chhuah chuan i thi nghal a ni mai’ tiin Thûamkunga chu a phun bal bal a, a mi man pa chuan hrethiam ve awm tak chuan a ngawi hle hle a, an kut an phuar sah hnu chuan fimkhur thilah an ka chu chhawlin an hnawh sak hmak bawk a, hlawhtling in ti tak chuan buk lamah chuan fimkhur tak chuan an chhuk ta tham tham a, khuan hnuhnungah chuan buk chu thlengin pasâltha Sukthanga chuan ‘kan lo nghak reng tawh che u a nia’ tiin a lo chhawn thuai a, an mi man an phuar that hnu chuan ngaihngam tak chuan Satlâk valrualte chu an mu ta chiah chiah a.
Pasâltha Sukthanga leh Phulliana leh Ngiazoa pa te chuan eirawngbawlin chu mi zing chuan thawmdim tak chuan an che sang sang hlawm a, an bawl zawh dawn chuan chinrang hian kawr dung rawn suar thlain Satlâk tlangvalte pawh kaih thawh ngailo chuan an tho thuai a, la mu rih tur chuan ti mahse an pasâltha leh Lal fapate chet tum chu an chet khalhg zung zung a, karlo ah eirel chu peihin an ei fel thuai a. Ngiazoa pa chuan ‘zan khat riakin kan khua chu kan thleng thei tawh ang chu’ tiin a then suk a. Tukthuan eikham chuan kal siamin hmanhmawh tak chuan Ngiazoa in thlen thuai tum chuan Satlâk valrualte chuan hma hruai in ngiazoa pa pawh a hmelah chuan a thla a muan rualin rilru natna in a tlakbuak tih hriat tak chuan a mit chu a dur deuh khap reng a, hmanhmawh tak chuan an khan hnai laiah chuan hmahruaiin chhun chaw fak hun thlen chuan lui lianpui mai chu an kan ta, thawpui lah huai pah chuan ‘ka ram ka thleng ta, ka chhungte chuan mak an ti teh ang chu aw’ tiin a then suk a, a hlim hmel chu thinrim mitmeng chuan lo thlakin hriat tham loh chuan a phun zui sup a, Pasâltha Sukthanga chuan ‘sawm thatni ah lungngaih a awm chawk, khuanu remruat hi kan pawm thiam a ngai a ni’ tiin a lo hnem zauh a, buk nghat nghat pah chuan ‘ a dik khawp mai, hlimna a awm chuan ngaihtuahna a kal thui deuh a tin ni’ tiin an piah kawr lam chu melhin ‘saw laiah sawn chhun chaw fakna tur rem chu a awm’ tiin a phun zui leh sup a, kawr kam an thlen chuan sakhi an thawng thut a, a ni hlau lah chu a han huk pap pap a, hmun leh hmun bakah rin loh lam a thawm ring lutuk awm avang chuan Ngiazoa pa chu a hnung tawlh dawrh a, sakhi a ni tih a hriat chuan a silai put lai lek kawh zawk pah chuan ‘nangte reuh chu le’ tiin a hmetpuah hma chuan ‘kâp suh’ tiin pasâltha Sukthanga chuan a silai chu a phih len sak lawp a, thinrim deuh tak chuan a melh deuh khai chuan a in harh chhuak leh thuaiin ‘min hrethiam teh, ka rilru natna hian min uap hneh deuh a ni e’ tiin thupha a han chawi leh hnu hnawh a, thensang chung chuan ‘ka tih ve tur tho a ni e, theihnghilh daih ang’ tiin pasâltha Sukthanga chuan silai chu a pe tha leh ta a, kawr an va thlen chuan tui fim tak chu a lo luang dam dam a, an insil thlandaih hnu chuan chhunchaw chu an fak thuai a, vaibel pet far lai chuan ‘nichin a sakhi zet kha chu kan lo hlau hlawm kher mai, thla nei sela chu thleng hla tak tak tur pawh kan awm e’ tiin Thuamkunga chuan Ngiazoa pa chu a melh ralh ralh a, then suk sukin ‘a thleng hla pawl chu i ni chiang vaiu ang, i vun rawng pawh a var pap thei a lawm le’ Ngiazoa pan a tih chuan an then sak sak hlawm a.
Thûamkunga chuan ‘nupui fanau te hma a patling han lam zet chu hmuh a hahdam zeih zeih teh e aw’ tiin a then zui sang a, Ngiazoa lah chuan ‘ka pa chu a lâm thiam lutuk, ka nu pawhin ka pa lam thiam zia min hrilh thin’ a lo tih ve chuan an nui zo ta vek a. Ngizoa pa chuan ‘khua kan thlen hunah ka lam thiam zia chu ka la entir dawn che u nia, engpawhnise han muang hman kan nih loh hi’ tiin a silai chu banin a ding leh ta uaih a, Thûamkunga chuan ‘kan lâm law law ang chu tih nak laiin, i tih tlat chuan kan kal leh mai ta lawng’ tiin peih loh hmel zet chuan a silai chu a ban thum thum a, nui sang chungin ‘khawnge i lam ka hmu peih tawh lo, ka lo kal hmasa teh ang’ tiin Ngiazoa pa chu a kal pel thuak a, then sangin ‘kan Thûama mai mai thin tak hi aw, kal hmasa ta poh che’ tiin a hnungah chuan kalin a hma a tlangval fiamthu duh tak chu a thlek zauh zauh reng a. zan riahna remchang an hmuh chuan buk sualin Ngiazoa te an lo thlen ve meuh chuan buk chu an lo peih tawh a, khua an hnaih tawh avang leh a bul a mite an rin tlak em avang chuan Ngiazoa nu pawh a thla a muangin hlim tak chuan a hawi leh vang vang thin a. An hrumzial man te pawh chuan an hma a tlangvalte fimkhur thiam zia leh an hruaitute pawh in ti lal tuk ni lo a an in kawmngeih zia an hmuh chuan eng emaw sawi chuan an tawng ve zauh zauh a. Thûamkunga chuan ‘nangni pahnih chuan ka rel e te min tia law, ka tûm zawt nang chuan’ tiin a melh run run a, an tawng an hrilh hnu chuan ‘e kei hi ka huai ber a, ka naute chu ka enkawl tha em a nih hi’ tiin a then khum sak sak a. Chungliana chuan ‘Thuamhnap tawng tawng zel teh suh, ka huai ber e, sate ek e ti ti suh, ka bin zawt mai tur che a sin’ tiin a then khum nang a, then hau chung chuan ‘a ve mai mai che chuan a, hrumzialho mak tih khawp ka bin zawk dawn che emaw chu le’ tiin a han hnaihchilh nghal zat a. Mualkunga chuan ‘awm mai mai teh un, hah in ti zual e a’ tiin a lo khak hlak a. Pasâltha Sângtuala chuan ‘in la chau lo bawk a, kan hma lam saw tlem va thlithlai ka duh deuh si a, therhlo ila fahran pawh in lo hmu thei mial mai thei a sin, nagni tlangvalah lo va kal tawh u khau’ tiin a thiante chu a lo tir thuai a. Mualkunga nen chuan an in zui chhuak nghal in, midangte pawh therhlo zawng tur chuan an chhuak ve ta nghal a.
Mualkunga nen chuan an piah mual nga lai chu an thleng a, sulhnu thar awm an hmuh loh avang chuan therhlo zawng pah chuan an ni pawh chuan buk lam chu an pan ve leh ta a. Mualkunga chuan ‘k’u Sângte, i ruahmanna kha a fuh i ring maw, kan hrumzial ho chu an let tak tak i ring em ? tiin a han zawt a. A ngawih deuh hnu chuan ‘ka hrethiam chiah lo le, an khaw lam ngaihtuahna chuan a uai ve deuh chu ka beisei, an lo va tlang a nih pawhin kan khuate chu an in veng zo tur ah ka ngai’ tiin a sawi zuai raih a. A mitthla ah chuan an khaw thenawm naupang ngawpui hnuai a in zui dam dam an chhanchhuah lai te chu lo langin ‘eng em a thleng lawng chu maw’ tiin a ngaihtuah nauh nauh a. Chutia ngaihtuahna kawm a a kal lai chuan Mualkunga chuan a banah chuan a khawih zawk a, Mualkunga enna lam a hawi chuan an hma lawkah chuan nghalchang hian tuang din urh hian a lo tep chup chup a, pasâltha Sângtuala chuan an hma lawk a thil awmdan a hmuh ve meuh chuan nghalchang chu hawk dutin a tawmna kawrte a tang chuan dawk zawk a, keipui chu a huk thawt in, nghalchang in saseng kawrte a zuan luh leh chhung chu mit khap kar chauh a ni. Keipui dul vun chu thlerin a ril chu tawng chen zet a uai zuar mai bawk a. Nghalchang chuan keipui ngawt chu melhin a tep chup chup bawk a. Mualkunga chuan an thlang lawk inchhung dung emaw chauh a thil thleng chu hmuhnawm ti leh mak ti tak chuan a melh hau a. Pasâltha Sângtuala chuan nghawk zauh pah chuan an bul a thing kung belin chempui tle vur chu a phawrh zui zat a. Mualkunga pawh chuan a chempui phawrhin inring tak chuan a ding kak hah a.
Keipui hliam tuar chu rum nghut nghutin harsa ti fe chuan a bul lungpui phenah chuan a tawlh lut zul zul a, Nghalchang chuan tuang tun chhur chung chuan a tep leh chup chup hnu chuan a han ding mar a, a chhak a mihring pahnih a hmuh chuan rum ngul ngulin a phit dut a, kar lak awm hauh lo chuan pasâltha Sângtuala te pahnih chu a phin zui nghal zat a, pasâltha Sângtuala chuan ‘Kunga vei lamah’ tih tuar pah chuan a ni pawh ding lamah a zuang sawn nghal zawk pah chuan a chempui chu a vai zawk a. Nghalchang chuan a piah a thing chu su dawtin a hmui no lai uai dur chuan a ngek thawt a, pasâltha Sângtuala chu nghalchang awmna lamah chuan tlan zawkin nghalchang kaihza tha chu a chhat thawt a, thinrim mitmeng sen rum chung chuan thisen chu a thawpuar pawp pawp a, a kaihza tha chat vang chuan chet pawh a harsat kher mai, pasâltha Sângtuala chuan hnaihchilh leh in a bekah chuan a sat zui charh charh a, nghalchang na ti chu ngawpui khawk chuan a ngeng rawng rawng a, Mualkunga chuan a tuangchhah ah chuan han sat ve mahse a vunchhia tak ngial pawh a satpilh thei hauh lo, a thinrim tlawmla bawk si chuan a han sat nawn leh a chempui ha chu a ner nghal nawkin a vunchhia chu a pilh ve nian a. Pasâltha Sângtuala chuan ‘Kunga nghalchang thuangchhah chu sat sat duh suh, a sawt vak lo ang’ tiin a lo hrilh a, Mualkunga chuan ‘a va mak teh lul ve, ka sat na zo hauh lo nia mawle’ tiin a chempui leh nghalchang ruang chu a thlek tawn sek a. Pasâltha Sângtuala chuan ‘Kunga, nghalchang tuangchhah sah chu, khual a lung di neih nen a in ang reng a nih hi ti raw’ tiin a nau chu a nuih var var a. Mualkunga chuan ‘a lo nih dawn hi, I tuan a lo va tha em em ve mawle’ tiin mak ti tak chuan a bul a mi chu a melh vang vang a. Pasâltha Sângtuala chuan ‘khaih kan tlai hmain buk lam I pan vat teh ang khai, khuain min thim hnan palh hlauh a nge’ tiin an thusawi chu a pawt chat ta daih a. Mualkunga chuan ‘he sa hi a vai chuan kan hawn zo dawn em mi ? a chanve chu kan hawn thei mahna’ tiin a phun zui nang nang a. Pasâltha Sângtuala chuan ‘thintuai sah tur a vang bawk sia, tlem a zawng chhawp hnaih kan tum chhin a nge’ tiin a silai hum lai chu Mualkunga kut a hmeh bel thlawp pah chuan, nghalchang sum ruk zet chu a han kual let a. Mualkunga chuan ‘I zo chuang hlei lawng e’ tih rilruk nap nap pah chuan a lo nuih var var a. Pasâltha Sângtuala chuan ‘khawh rawh, kei mha lengi man tuak ei zo zel a’ tih that pah chuan a darah a han chhuang vawkin a kal pui ta nal nal a, Mualkunga mak ti lutuk chuan a hnungah zuiin a um hlawk hlawk a. mual thum na an kal lai chuan keuh chawrh in ‘Kunga nang kan buk lamah khan va kal la, kan thiante va pun tawh khai, hei buk pawh a hnai tawh a lawm’ tiin thli dawng chuan lungpui chungah chuan a hui ham ham a.
Mualkunga chu hmanhmawh tak chuan a liam thuai a, kal pah chuan ‘nangte reuh hian zawl te reu reu hi a lo nei em mi tak tak dawn le, I thil ei lah a tam a ni dang lo a’ tiin a nngaihtuah nap nap a. Bukah chuan Thûamkunga leh tlangval dangte chu an lo thleng tawhin, a mah chauh a Mualkunga an hmuh chuan ‘khawnge Sânghnapa chu a tawi khawmuan leh tak a, a in thiar leh tawh a mi ? tiin Thûamkunga chu a nui hau a. Mualkunga chuan ‘satlaw kan chhar a, nang a tawr tha deuh ah min lo puih loh chuan kan lo hawn zo hauh lo mai a’ tiin a nui var var a. Thûamkunga chuan ‘nangni pahnih zet chuan min ring lutuk deuh a ni, khawnge ka lo thawkchhuak ve mai a niang chu’ tiin tlangval dang lo kal turte chu ‘ti khan sakhi kha lo puah tawh u, kan thiana te pahnih hian eng sa lian mah va hmu ngut suh’ tiin a then sawng a. Tlangval dangte chuan ‘â kan lo kal ve reng reng a nge’ tiin an zui lui a. kal pah chuan fiam thu eng emaw sawiin an nui leh hak thin a, pasâltha Sângtuala lungpui chung a vaibel fawp khu vang vang an hmuh chuan ‘khawnge in satlaw chhar chu in dah, kei I pate a hian ka han pu phei lawng lawng teh ang’ tiin a tawng phei lung lung a. Mualkunga chuan ‘kan satlaw chhar chu kha lai a te kha a let ngat mai, ti khan lo va kal la kan lo um ang che’ tih leh lungpui chung a lawn chu a rual ve nghal zat a. Thûamkungan nghalchang sumruk zet tur a hmuh chuan ‘chhe hei, hei a tlaw in chhar tak tak maw ni ngai’ tih pah chuan a han bel chuang a, nghalchang hmui nô chin uai deuh dur leh a bek chempui sulhnu a hmuh chuan ‘a tlaw zawng a nih mawlh loh hi maw, engtin chiah nge in tihhlum zawk chu le’ tiin a thiante chu a melh kual vat vat a. Mualkunga chuan ‘kha sa kan lak dan in hriat duh chuan buk thleng thuai ula, in hre hma a ni mai’ tiin sawi a lo tum i khaw lo mai a, Thûamkunga hriat chak lutuk chuan i sawi loh chuan he lai leiah hian ka bin zawt ang che mawle’ tiin a phun sup sup a. then deuh sang chung chuan ‘mahni lo mah a chauh nak laiin zawn thuai ula a nih chu a’ tiin pasâltha Sângtuala chu a lo inrawlh vat a. Thûamkunga chuan ‘tiang te chu tun an put zawh ka ring lo hul hual e a’ tiin a then nang a. Mualkunga chuan ‘hei ka kal pui pa hian mual thum zet chu a lo awi phei tawh a, saw lai lawk te chu I awi phei ve mai ang chu mawle’ tiin a lo chhang thuai a, a taksa thisen bual nguai a hmuh chuan Mualkunga chuan dawt a sawi lo tih a hrethiam nghal maiin ‘a nite chuan zawl a nei miau a, kei ni a hringhran a pu tur tan chuan van ek khum tum ang a lawm le’ tiin a phun leh nang nang a, Thûamkunga chu hawi vut vutin an thlang a aidu hung chu a hmu fuh ta hlauh a, hlim khi sung chung a chempui nen a pan lai chuan ‘in va han thatchhe tak em’ tih pah chuan pasâltha Sângtuala chuan nghalchang sumtum tha zet chu in hlan lawpin a kalpui leh ta nawl nawl a. Satlâk tlangvalte chuan mak tih luat vang a ang phuau in pasâltha Sângtuala kal liam tur chu an um dawr dawr a, buk kawt a nghalchang keuh dawp in ‘ti khan lo chan ula, kei chu ka va in ti fai lawk a nge, Ngiazo in unau khan in lo kal ve duh em ? tiin a han au a, an ni unau chuan nghalchang thlek zauh zauh chung chuan an u chu an um liam ve nghal a.
Pasâltha Sângtuala ten buk an va thlen leh chuan nghalchang pawh an lo chan zo tawh a, Thûamkunga chuan ‘thianpa chu keini ang pathum pawhin kan tluk lo a nih hi, engtin nge maw ti em em hian thahrui a neih zawk chu le, a mak kher mai’ tiin vaibel chu a lo fawp khu tual tual a. Naupang hlim nui ar ar thawm an hriat chuan an hawi phei thap a. Ngiazoa te unau chu a ban leh tawnah chuan a lo sep phei laih laih a, an ni unau tlak hlau chu an lo khek teng tung a lo ni a, chutia an infiam lai an thlir thap lai chuan an chhakah chuan lung hi a lo lum thla bap bap a, chu thawm chuan buk vel a tlangval awmte chu a ti râlkhel rang kher mai. Hmanraw chuh chuan an darh suauin hmanrua an hum fel chuan Ngiazoa nu leh pa chu tlangvalte chuan an dinhual nghalin, pasâltha Sângtuala te awmna lamah Mualkunga te ho chu an tlan thuai a, Thûamkunga leh Chungliana te hnungah tlangval sawm chuang zet chu an tlanchho nghal zawk a. Hrumzial tlangval pahnih in Satlâk tlangvalte khawsa zia an hmuh meuh chuan kâ hau chuan an thlir reng a, an tawng chuan an phun zui sup sup bawk a. Reilo teah Thûamkunga te chu nui sang a lo letin ‘heng safe nupa hian min han ti râlkhel ve khang lang a’ tiin hrui hmawr a safe nupa thluak far zawih zawihte chu meipui bulah chuan a phih leng lawp a. Mualkunga chuan ‘I hmel kha lapua ai pawhin a var zawk a lawm le’ tiin a nui zui hak hak a. Thûamkunga chuan ‘ve leh rawk che hian a, nang zawk kha a lawm i thisen i hloh ta vek emaw ka ti a’ tiin an nui zo ta vek a. Chungliana chuan ‘Thûam thiana safe nupa um lai chu hmu ula in tlan thei bik lo ang, thlantui leh hnap tui nen, Tahngai lungpui sa vuan an sawi ang maiin a then no mai bawk si a, a sam leng suau suau a han tlan zet zawng, chawmnu pawh a ang hial a lawm le’ a han ti ve leh phei chuan an nui ta hawk hawk a. Pasâltha Sukthanga chuan ‘naute u, zanriah lam kha kan peih chuan ei lam hnaih mai a tha tawh e a’ tiin a nui sang a. Thûamkunga chuan ‘khawnge hap khu leh rum rum ila a ni mai a lawm’ tiin safe nupa chu kawr mawng lamah chuan a theh thla lawng lawng a. zanriah chu an siam zui ta a.
Hlim tak chuan an buaina theihnghilh thak chuan zanriah chu an ei hlawm a, an hrumzial man hote pawh chuan Satlâk tlangvalte infiam nui bawk bawk chu an lo bengngawng nuih leh suk suk thin bawk a. Pasâltha Sângtuala chak zia mawlh chu sawiin an phul hlut a, Thûamkunga chuan ‘zanin bak chu nula hmel kan hmu turah ngai ila, a nuam leh dawn mang e’ tiin a vaibel chu tannin a fawp khu vut vut a. Tlangval dangte chuan ‘aw hawi an tawng I thiam dawn ngawt a mi ? an lo tih chuan, hei ka tawng bur a awm a lawm’ tiin Ngiazoa chu a kawk zauh a. Chungliana chuan ‘ve leh ngawt che hian naupang i ti khawlo vek ang’ a lo ti hluk a. Ngiazoa nu chuan ‘Thûama I duh zawng an awm chuan kan bawh rum rum dawn a lawm ti raw ? tiin a lo hnem a. Nui hau chung chuan ‘khuanu hian min awmpui thin e aw’ tiin a then hau a. Pasâltha Sângtuala chuan ‘ka u, hei in sawi dan hmangin naktuk hian khua chu kan chuan luh thei tawh hmel a, engnge ruahmanna i neih’ tiin a han zawt phawng a. Ngiazoa pa chuan ‘ka ngaihtuah na sa tawh a, a ngaihna ka hrethiam lo khawp mai, in ngaihdan ka la lâ ang ka tih mek lai a nia ? tiin a chhang ban chat a. a bul a mite melh kual chung chuan ‘engtia hma lak nge tha ang’ tiin a rawn hlawm a. An ni chuan ‘ngaihdan ka va sawi theilo ve aw, eng hunah nge kan thlen theih ang le’ tiin an lo zawh belh zauh a. Ngiazoa pa chuan ‘tluang te a kan kal chuan naktuk zanriah ei hma chuan kan thleng thei tawh ang chu’ tiin vaibel chu a fawp zauh a. pasâltha Sângtuala melhin ‘engnge ruahmanna i neih le’ tiin an han zawt chawt a, pasâltha Sângtuala chuan ‘nangni kan rual u ten ruahmanna in neih te hre hmasa pahwt ila’ tiin a lo chhang thuai a. An ni chuan ‘ruahmanna han neih fak hi a harsa em a ni, nang engnge i ruahman dan ni reng a’ tiin an zawt lui leh a. Thawpui lak hulh pah chuan ‘ka ngaihdan chuan khawchhung boruak pawh chian hmasak a that ka ring, hun a liam duai tawhin eng emaw thil thleng theina hun a awm tlat a ni’ tiin a ngaihdan chu a han sawi a. An ngawih deuh thap lai chuan ‘kan pasâltha thu chu a va tha awm ve, kan khaw boruak lah kan hriat lohna a rei tawh si a’ Ngiazoa pan a tih chuan an lo bu nghat nghat a. Zan rei menglo in an sa rep chu mei an vur tha sauh sauh a an mut san ta daih a. Ngiazoa nu leh pa erawh an mut a chhuak hauh lo. Pasâltha Sângtuala sawi ang khan an vanduaina a kal tluan chuan buaina an tawk thei tlat a ni, an beisei lo angin thil lo kal palh sela tu khua nge an belh tak ang ? tiin thil chhe thei hrang hrang chu an ngaihtuah kual nasa dun kher mai. Ngiazoa nu chuan ‘eng a ti nge an lo let kher kher chu le, Satlâk khuaah lah khan Lal fa dinhmun an chan tir kha a ni si a’ tiin hmeichhe rilru nô tih takah a ngaihtuah kual nasa mai a, zan lai mah nise a thlan tui te chuan a bual hlup thei hial a.
Zingtian sava tlangau chinrang pawhin kawr dung a lo suar leh zarh zarh tawh a, pasâltha Sângtuala te thianzaho chu phur ru tak chuan an tho sang sang a. Ngiazoa te chhungin him dam tak a an khua an thleng tur chu an lawmpuiin tuk dang zawng ai chuan an hlim tlang a, an fimkhurna erawh an hloh chuang hauh lo ngawpui hnuai a lan theih chuan an riah buk mchu an chhuahsan a, chhun chaw fak hun an thlen meuh chuan ramri kawr pawh pelh felhna pawh a rei tawh kher mai. Ngiazoa nu leh pa chuan mittui far zawih zawih chuan an khaw ram chu an dai lut zel a, ngawi reng a an kal lai chuan ‘min hrethiam dawn nia, kha ti leh chen chhiatna hnuai a kan awm hnuah beisei phak bak a duh sakna nen kan ram ka han dai lut hi awm ngaihna ka hre lo a ni, ka tlangval chhungte hmuh hun tur ka ngaihtuah phei chuan lo thi ve daih ila tiin ka ngaihtuah thin a sin, ka nupui leh fate leh kan chung a thil tisual tute hrem an nih theih nan ka theih tawk ka chhuah mai pawh a’ tiin a mittui luangchhuak thup tum mahse a tawng ka chhuak leh thaw lak dan atang chuan Ngiazoa pa chu a tap tih hai rual a ni lo. Ramri kawr a kan a tang chuan an fimkhur zualin ram kal tu mah in hmuh tir tum lo chuan an beng leh mit an len ngun zual kher mai. Chutia fimkhu tak leh thawm dim tak a an kal zel lai chuan arkhuang pawh an ral hriat thei tawh tih chuan hmeichhe mangang te rawl chu an thlang kawrah chuan an hre ta thut a, an han in melh zawk a ‘tu pawh ni raw sek sek, kan tan pui tur a ni’ tiin Satlâk tlangvalte chu an kawr lamah chuan an tlan thla pur pur hlawm a, kawr an thlen chuan hmeichhe pakhat lu bung hi a lo let ngat a, a bulah chuan paikawng leh hreipui tawng tawl zet pakhat hi a lo let ngatin hmeichhia chu a taksa atang chuan nula chhuak zawt ni mai a mawi a ni. chutia an rin loh tak thleng avang chuan Satlâk valrualte chu an ding thap a. Pasâltha Sângtuala chuan an dinhmun hlauhawm zia hria in ‘thing kung bul bel vat rawh u’ tiin a au that a, awm hmun an sawn chiah tih chuan kawr ral leh lam atang chuan silai a lo puak dur dur a, Thûamkunga in siam tha tur che chiah chuan thing bung palin a tlu hlauh a, a awm zan thing chu khem hlawkin la ding ngat sela chuan buh ban ram lam panin hmanhmawh takin a thlawk nal nal ta ve ang chu. Tlangval dangte chu silai mu chuan an mal leh nghawng velte chu a thawi sa zawk zawk hlawm a. Satlak tlangvalte chu mi sawm lai chu an tlu hnawk hlawm a.
Satlâk tlangval tlute chu an thi ah ngaiin hrumzial chuan bawh hla chhamin thinrim rawl pui nen an rawh bawh phei ta huk a, mi sawmhnih tha lam mah an niin an tlanchak danah tha hrui an nei a ni tih pawh a hriat hlawm kher mai. Thûamkunga chuan silai lek kawh zawt pah chuan ‘nangni hrumzial te ngenmu vang mai a fam hman ka ni hlei lawng e’ ti a au piap piap pah chuan a mah kâp tu lo tlan hmasa zing a mi chu a sai let nghal tawl a. midangte pawh chuan tan hmun siam thuaiin hrumzial ho rin phak bak chuan an lo kâp letin an thal ta hawl hawl a, pasâltha Sângtuala chuan ‘tumah zam hauh suh u aw, kei mahni Satlâk valrual zam ngailo te kan ni ngai e’ ti a thiante fuih chung chuan silai a paih lawk a, chempui nen hrumzial la dam chhun an thiante tam zawk tluk vang a hawi haite an melh lai chu nang chingin a sat ta bawrh bawrh a. Hrumzial la dam te pawh chuan tlanna hun a awm tawh lo tih hriain an theih tawp chuan an lo tang a, chu kawr ruam chu in fuihna au thawm leh patling thinrim rawl chuan a khat thuai a. Ngiazoa pa te pawh chu hmanhmawh tak chuan silai puah dur durna lamah chuan hmanhmawh tak chuan an lo tlan a, an zu thlen meuh chuan hrum zial pangâ Satlâk tlangvalten an hual beh chu hmu in Ngiazoa pa chuan thinrim rawl vin tak chuan a hrawk nghal tuar tuar a, Ngiazoa pa an hmuh meuh chuan hrumzial ho mak ti leh hlau chu an hawi zak zakin, a awm nem deuh ni a an hriatna zawn sut kuak tum chuan Mualkunga leh rawlthar zawkte zawnah chuan an tlan thut a. Nui sang chung leh nuam ti zawk ang tak hian ‘kha kei mah Mualkunga pasâltha Sângtuala nau ka ni ngai e’ ti a mahni hming lam chung chuan a mah sut tlang tumtu hrumzial pa chempui kun hniam san zauh pah chuan chempui chu a vai tle zawk a, thil ri nô chawk leh patling thi tur rawl chu lo chhuak zawk a, Thangkiama erawh chuan a tum hlahin a mah chu a dar chang chen dawn hian kak haih in a na ti chu a then chawk chawk a, in thiam loh hmel tak a pasâltha Sângtuala en in ‘pasâltha min ngaidam rawh, ka hma ka veng zo lo a ni e’ tiin a hliam chu lut leh lam a hupin a thu hnawk a.
Hrumzial pakhat tlanchhuak chu thih tha a tlan a ni bawk a, a tlan chak kher mai, kawr a tlan liam tur chu silai hi a han puak durin hrumzial pa tlan lai chu a pai nawk a, hreh tak chuan a tlu tawp a, silai puahna an melh chuan pasâltha Phulliana silai hmawr khu vat vat leh then sak lai chu an hmuin, hrumzial la dam chhungte chu an bawhthlu thuai a, ramhrui fei chuan an hling ta thuai a. Pasâltha S^angtuala chuan rawlthar hliam tuar Thangkiama chu pan thuaiin ‘Kiama a nâ em, tuar hram hram rawh aw’ tiin a hliam chu a han en chian sak thuai a, then sak sak chung chuan ‘pasâltha a nâ lo e, chaw ei ti tui tawk pawh a nih loh hi’ tiin leh lam chu a hawi ta daih a. Puantlang pawh thler kawk pah chuan ‘I thiam loh eng mah a awm lo a nia, hengte chu tu chungah pawh a thleng thei vek a lawm’ ti a hnem chungin vaihlo chu a bar hawng a. Thangkiama hliamah chuan a han bel sak a, Thangkiama na ti chu then chak chakin ‘hrumzial ka hmachhawn leh hmasak ber chu a chak lo viau ang’ tiin a rum zui ngal ngal a. Hliam tuar dangte an in buaipui lai chuan an chhak thing phen a tang chuan hmeichhe in hnit faih faih thawm lo awm in, thawm chhuahna lam chu Satlâk tlangvalte chuan an hawi thup a, hmeichhe pakhat hlauh luat vang a hmai dang var lap hian mittui kar a tang chuan Satlâk tlangvalte che tla chu a lo thlir ran a. Ngiazoa pa chuan an nu chu mitmei in a pan chho thuai a. Hmeichhe awmna a thlen chuan hmeichhia chu lungchhe tak chuan a tap ta hawm hawm a, a thiannu ruang lu bung chu Thûamkunga chuan puankawp chu khuh vatin kawr kam rem laiah chuan an zawn sawn thuai a. Ngiazoa nu chuan chu hmeichhe tap hlawp hlawp chu aw ka damte chuan biain a phun sap sap reng a, hmaichhia chuan eng emaw saiin a tap pah reng bawk a. A thusawi taswp lamah chuan hmeichhia chu thi dangin a let ta tawp a, hmeichhe thi dang chu a thian nu ruang lang phak lo tur chuan an pawm sawn hnu chuan ‘ kan khuaah chuan ka pa chu a lo la Lal ve a nih chu, eng tin nge nit a ang le’ tiin a thiante chu a melh hau a. Pasâltha Sângtuala chuan ‘he tia silai puak hi khua a tangin an hre ngei a nga, nangni chhung hi chuan kan piah kawr saw kan vat in khua a rang thei ang berin han pawh tawh u, keini chu kan ngaihtuah awm lo ang, hei kan nula pawh a lo harh tan tawh hi, kan pasâltha pahnih leh tlangval sawmhnih te khan han zui thuai rawh u, hunk an ngah tawh lo ang’ tiin a sawi zung zung a. Ngiazoa nu chuan ‘kei chu tah hian ka awm dawn a ni, eng emaw thil kal sual pal a awm pawhin kei chu min lo ngaihtuah hauh suh u, hmanhmawh takin kal thuai tawh u’ tiin hmeichhe thi dang chu a buaipui zui mawlh mawlh a.
Ngiazoa pate an kal liam chiah tih chuan hmanhmawh tak a tlan thawm chu Satlâk valrualte chuan an hre thuai an han en nak chuan, an la hmuh ngaih hauh lo hrumzial te tawng an ni hauh lo tlangval za dawn thawte chuan sam leng dawr dawr chuan an lo tlan khup khup a. Pasâltha Sângtuala chuan ‘kah fuh mai theih loh tur chuan a thiante chu thing phenah chuan din tir vekin a tul thul a che mai thei tur chuan an hmanrua chu an lek fur hlawm a. Chung lo thleng tharte chuan hmeichhe pahnih in buaipui a kun mawlh mawlh te chu panin an rin loh lutuk an hmuh chuan an rak nawk nawk a, thenkhat phei chu hmuithla hmu ang mai chuan an tawlh kir dawrh hlawm a. Ngiazoa nu chu eng emaw sawi chuan a tawng lawng lawngin an thlang ruam lam chu a kawk zauh zauhin. Satlâk tih a sawi hnu chuan an pasâltha Sângtuala te lam chu an lo thlir thup hlawm a. Thenkhat te chuan an silai chu an lek kawh nghalin an mit a rinhlelhna hai rual loh chuan trhinrim tak chuan an silai leh nhmanraw ken ang te chu hman mai tum chuan an lek kang urh hlawm a. An khawsak phung Ngiazoa nun a hmuh chuan hmai sen vek leh thinrimluat a khur dar dar chungin eng emaw chu a sawi leh zung zung a. Thinrim insum deuh leh she chilh deuh nak hian ‘ve khanglang hlawm chuan le, ka suat then dawn che u maw nile’ tiin Thûamkunga chu a phun bal bal a. Pasâltha Sângtual chuan ‘zai aw dam dam, thin a nel nel’ tiin a thianpa chu a lo khap dai thuai a. Pasâltha Sângtuala chuan a hma a mi an mahni tintu te chu hmu lo ang mai chuan Ngiazoa nu bulah chuan kalin ‘hei an thilh hmuh hi an awih tha duh dawn na nge’ tiin a then sang a. zawi muang a iptepui zenin uluk dauh chuan vaibel chu beng malh malh in a han siam kai zui zat a, tui tih hmel tak chuan a khu chu a chhem chhuakin rinhlelh hmel tak a lo thlir thap tute chu a nuih sang a. Lo kal thar zing a tlangval pakhat chuan aw ka ngaihnô beilo zet chuan eng emaw sawiin a ner nang nang reng a. Thûamkunga chuan ‘khi pa chu sechâl a nu hur chhu hnim a va ang teh nawr ve mawle’ tiin a phun leh sup a. Satlâk valrualte chuan then sang chuan an melh thap hlawm a. Chungliana chuan ‘khi pa chu remchang hmasa berah ka bin zi zawt ang mawle’ tiin a phun zui nang nang a. An hmeochhe buaipui ber chu lo harh in hlauh luat vang a kha in khawng dar darin kawr lam chu a melh zauh zauh a, an khaw valrualte a hmuh nchuan an lamah chuan a tlan thuai a, chu hmeichhe awm dan avang chuan lo thleng tharte chuan Satlâk valrualte chu an hmanrua chuan an tin leh ta thup a. Pasâltha Sângtuala ngaihdan chu a ni seng ta bik hauh lo mai le, rum tak a melh kual pah chuan ‘in duh tak tak emaw ni le’ tih pah chuan a silai chu a ko kiah chhuangin a silai cheng chu a kuai ang zui bai a, Satlâk valrualte pawh chuan an hmanrua chu hman mai theih tur chuan an tin zui ve ta thap a.
Theih tawk tam lo mawhse,ti leh keuh mai ang maw
| Link: | |
| BBcode: | |
| HTML: | |
| Hide post links |
ADVERTISEMENT (A hnuai a milem hi a nia hmeh zeuh tur chu)