VANGPUI KEITE, LALCHUNGLURA By Sangpuia khawlhring 1-31

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

Re: VANGPUI KEITE,LALCHUNGLURA.. ZIAKTU K VANSANGPUIA. (Sangpuia khawlhring). EPISOD 1-11

Unread post by Ngaia » October 31st, 2017, 11:03 pm

VANGPUI KEITE, LALCHUNGLURA. ZIAKTU K VANSANGPUIA. ( Sangpuia khawlhring ) EPISOD 12-

Episod 11 Recap. Mitang pa chu hmanhmawh zet hian a rawn kal hlawk hlawk a, Hnunglam hawi zawk zawk pah hian an khaw lam chu a pan zel a, Pawikhawih lam chu a lanloh hmel khawp mai.

Kawl a lo eng a, Zawlbuk tlangval te chu rawn harh in a tho tlai pawl a tan hlau reng reng in an khawsa a, Lalchunglura erawh a la mu ngat thung. Rivunga chuan a nak a rawn kheuh in a han nghawk lui salh a, Zing dang ah i mawngphe pawh kan hmu hmanlo a, Tukin a tak a i han umpawng par chiam mai chu le ti in a thianpa chu a en he haw a, Chutih lai chuan Chunglura thawm nghah pawh a rawn thleng ve chiah e.

Mitang pakhat a chhuak a nia ti in an ri zui nghal hlut a, A tho hmasa leh hnuhnung awm hleithei lo a in chil phul in an rak nuai nuai a, Chu hun ngei chu a ni Chunglura lo nghah chu. Rangtak a in perh tho in a hawikual ruai a, Mitin mai chuan eng vang a chhuak nge a nih anga, Tu chhuah nge ni ang tih chu an in zawt in an rinthu an sawi zui nghal sup sup bawk a.

An khaw mi leh sa ten lal leh khawnbawl thurel an hriatloh avang a an tih a nih thu te, A mah ngei in an mitang chu a en zui thu leh an khua tan a thil pawi engmah a thlen loh thu te sawi tum in a han in sang phek a, Mahse a beisei loh lam atang a boruak dang rawn in chhuak in a thil tum chu awmze awmlo leh engmah lo maiah a chang zo leh ta zawk.

Mitang te pahnih chu an chhuih sawk sawk in an tham bu lawp lawp a, Thenkhat in chemsen hial anlo lek thul. Chutiang vang a rawn tawng chhuak nge an nih a, An thianpa in a phatsan ni a an hriat vang tih erawh hriat a har tawh ang.

Mitang zinga pakhat chu rawn tawng chhuak in an reh zui nghal duak a, Chupa thusawi chuan boruak dang a rawn siam belh ta ngei e. Kan thianpa kha in khua ami te chhuah ngei a ni a, A ni khan min phatsan in a mah in a kal ta anih kha. A rawn chhuah tu chu hmeichhia a ni e a rawn tih chuan an phawk hru hlawm a, Awihlo ngawt dawn se a bak han sawi belh tur an hre mai lo a, Tin, An phuarna hrui kha zai chah a ni tlat si.

Lalchunglura chu an rawn en thap a, Lal fapa anihna ang a a thu chhuak an nghak a ni ber zawk. A ni pawh in a tum a tlawlh tak ah chuan sawi mai tur a hrelo a, Awle. Val upa te thu thu a ni e ti in a pawt chat ve ta ringawt mai a ni.

A thianpa erawh in a mitmeng leh a chezia ah chuan thil in thup a awm tih a hrethiam mai a, Mahse a thianpa ber in a sawi miau loh a vang in engmah a sawichhuak duh biklo. Ni e, Lal leh upa te thu tlukna te, Val upa rorel a zir te pawh a ni ve tawh ang chu.

Mitang pahnih la bang te chu lal in ah hruai in an chhohpui hul hul a, Mipui chuan lo zawm zel in naupang nen an ri chho hulh hulh mai a. Lalin lamah lah zualko an tirhlawk tawh ang in anlo thu khawm tham hlawm a, Mipui thawm in lalin a rawn thlen chuan leihka tlangsang ah rawn chhuak in a upa ho chuan an rawn dawl sap sap hlawm.

Lalpa a rawn chhuah hnu chuan an reh vei duk a, Lalpa pawh in mipui lam en kual te te in, Awle. Ka khua leh tui ka thenrual tha te in ni a, Nizan thilthleng hian kan khua chu min barakhaih in kan himlo a nih tih a lantir chiang hle mai. Hemi te thian ho hi an zavai a chhuah a vawin lam a haw tur a kan rel tawh a ni a, He thil titu hian zawlbuk thu leh hla a hrelo in lal rorelna in a beng a deng phalo tawp ang tih a hriat reng mai e. Kan thu rel ngai ang a kalpui zel tur an ni em tih ka sawi dawnlo a, Kan mitang chhuah a kan khua dinhmun derthawng a min siamtu lakah hian engtin nge ro kan rel ang tih hi ka zawt a che u. Ka upa fing tak tak leh ka khaw daingul te hian in hre chhuak thuai in ka ring a, In kut ah ka in nghat e a han tih chuan kut anlo beng dur dur a, Lalfing leh fel tak a ni tih chu an hmuh dan a ni.

An han ngawi deuh thiap a,Khuavang kallai ang mai a a reh lai tak chuan an lal fapa tawng tlem tak chu rawn tawng chhuak ve in, Ka thiante leh kan khaw mipui te hian an remti anih chuan, He thil ah hian keiman hma lak ka duh a ni. Rinhlelh leh beih tur ka hre sa bik hauhlo a, Mahse zawlbuk a riak ka nih ang in mawh ka phur in ka hria. Zawlbuk a riak zawng zawng in kan vai in kan buaipui thei dawn hauhlo a, Kan lalpa leh midang ho in rem an tih chuan Rivunga hi lo tel ve sela, Kan khaw aiawh leh mipui aiawh zo tur in u Chhawna hi rawn tel bawk sela a rawn tih chuan an rawn en thap a, Val upa Hrangleia chuan rawn thlawp hmasa ber in, E khai. Kan lal fapa thu rel chu a fing in a pawm tlak hle in ka hre mai a. Kan zavai a beih hul hul chi a ni silo a, Chuvang in mawhphurhna changtu tur kan ruat chu a ngai a ni a han tih chuan anlo tuihnih tliar tliar a, An pawm tlang ta chu a ni der mai.

Chu chu Chunglura rindan leh beisei dan pawh a ni a, A beisei ang a thil a kal chu a hahdam huai thei hial mai. An khua a mi an mitang te chhuah tu kha a hum in a mah in a be thei dawn a, Chu mai nilo in thil awmdang dang te a hriat belh phah in a zawnchhuah theih phahh ngei dawn in a hria a, A nu chanchin a hriat loh leh keite nen a an in zawmna zawng zawng te nen hriatna hun a nei thei hial ang chu.

Mipui te leh lal te chuan an han ngaituah tih hriat reng hian an ngawi thiap a, Chutah lal khawnbawl te leh lal te thu tlukna chu an rawn puang ta. Awle. Kan lal fapa leh a thiante duhdan kha a pawmawm in kan zawm tlang theuh in ka ring a, Kan zavai a kan pawm theih chuan keini chuan kan pawm e ti in lal leihka tlangsang a tang chuan an rawn puang a, Mipui pawh in an pawm tlang viau in a hriat. Wait for 13

ZANIN CHU TEST ANIA MINLO HRETHIAM DAWN U NIA,



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 8th, 2018, 5:59 pm

VANGPUI KEITE LALCHUNGLURA

Episode 13👇
Episod 12 Recap. Awle,Kan lal fapa leh a thiante duhdan kha tha kanti tlang in kan pawm e an rawn tihchuan mipui pawh in an pawm tlang viau a, Ti chuan Kawlhawk khaw lam a rammu tur leh an mitang chhuah ru tu hre pah tur chuan thu an ti tlu ta a.

Buaina dang awm ve leh thei ta chu, Tun ah an mi man te hi chhuah ta se an khua an thlen hun ah thil awmdan an sawi in thil anti khawlo zo ang tih an hlau a, Vawin lam a chhuah tur a rel mah nise an chhuah a rem rihlo in an la hren rih a ngai dawn a ni.

Mipui te chu an tindarh sang sang a, Chunglura chuan a kalpui tur te chu an inah hruailut in ro an han rel ho zui ve nghal a. Vawin la la a kal chhuah ve nghal a, An mi man pa chhuak ta pawh kha um phak ti tih an in rin avang in an mamawh te lakhawm zung zung a kal liam ve thei tur chuan thu an ti tlu a, Kawt chhuah ah tukthuan eikham a in nghak tur in an in thlah ta rih e.

Chunglura te chu kawtchhuah a an in nghahkhawm kim hnu chuan muangchang lo in an kal zui thuai a, Tlangval chak tha leh tihtur pawimawh nei a kal an nih bak ah an khaw himna tur a che chhuak an ni bawk a, Tumah in hah leh chauh an sawilo. Chawhma zet an kal hnu chuan an mi um pa sulhnu pawh an hmu thar zel a, Chunglura thiante erawh in Chunglura hmuh ang an hmu velo mai pawh a.

An mitang pa in khua a chhuahsan atang a reilo te ah khan keite sulhnu a hmu tan nghal a, An mitang tlan chhuak chu hlam sawmhnih vel a tang a zui zel in an vil reng tih chu an sulhnu a tang a hriat a, Mahse kut an thlakna leh an sehna hnuhma awmlo in an zui zel rih a ni ber e.

Chawhnu tlangher bawih ah chuan an mitang pa sulhnu chuan an khaw lam pan lo in keikham lam a pan tih an hmuh chuan mak an ti hlawm hle a, Chunglura erawh in a pan chhan chu a hmuthiam vek thung. Chu mitang pa chu hlauh a neih avang leh a mah hual vel tu avang in a tumlohna ah khalh luh a ni tih a hriat a, A sulhnu pawr tak a tang chuan hmanhmawh leh hlau tak a kawng zawhlai thlak ta tih chu a hriat viau mai.

Chhawna chuan mak ti zet a sulhnu en vang vang pah chuan, Eng ti tih a an khaw lam panlo a helam ram ah hian peng tlat nge maw a nih chu le. Tun ang a a kal zel anih ngat chuan an khua nilo in kei kham a lut ngei ang le. A mah erawh chu kan tan chuan duhthusam anih ngawt hi maw ti in hma a hruai zui leh nghal a, A naute pahnih pawh in ngawi reng in an zui ve zel bawk a.

Kawlhawk khaw pa chu a hawi ruai ruai a, Hmanraw neilo leh riltam bawk si, Chau leh tuihal zet a kal in a sir a thawm awm leh thin leh a mah rawn rum thaih fo tu keite rual chu engtin nge a kalsan anga, Engtin nge an khua chu him tak in a thlen tak ang le. An zuina a rei tawh ang leh an rawn hnaih chilh ngun dan ah an rawn bei tep in a ring a, A thiante a chhuah ve talo leh hmanraw chuh lo a a kal ta chu a in chhir in mawl a in ti hliah hliah tawh a ni.

A ngaituahna a sen nasat luat ah a kalna a lo mangnghilh a, Lungtum pal in a in chhuih thla nawk nawk a, A piah deuh ah chuan hmai lei vaw chawr a tlu in a lu a hai ngei mai. Chuta kar ah a piah deuh ah chuan thawm rawn awm in a rawn in lar zui a, Eheu leh. A keite hmuh tawh ah chuan a la lian ber awm e. Sakei pangai a tiat thawthang a lawm mawle. Nikhaw hrelo a awm zui in a thih loh reng a ringlo.

Kawlhawk lal inah ve thung chuan lalpa leh a khawnbawl te an thu kual thap a, An pasaltha te rammut tirh kha chuan chapona leh in tih veina in hun an hmang kha ani a, Tunah erawh a pasaltha te lo haw hun tur a ngaih ai in ni thum zet a hun liam tam tawh in an ngaih reng a tha tawh mawlhlo. An lalpa chapona te chu hnuh thlak in a awm zo ta emaw tih mai tur in a hawi rulh rulh a, Upa ho lah in sawi tur ber hrelo in an vaibel an fawp sek sek thung.

Vawin lam a an la rawn lan loh fo chuan, Kan tlangval thenkhat hi an chanchin ngaichang tur a tirh tawh mai tha in ka hria ani. An thi nge an dam tih tal kan hriat loh chuan awm a nuam lo e ti in an lalpa a rawn tawng chuan an lo aw rual thap a, Chhuanzinga vang a he khua hi leido neilo leh midang te kut a tlu lut lo an ni a, An pasaltha hi a lo boral anih zawng in an khaw dinhmun tur chu ngaituah tham fe a ni reng a ni.

Rorel teh chiam ngailo in an lalpa sawi ang a a tuk lam a tlangval tirh chu tha an ti tlang a, Tlangau chu ko in zan lamah an tlangval thenkhat koh tur te an hrilh a, Beiseina nei deuh si, Beisei ngam chiah silo in zu no chu an dawm tlang ta hlawm a.

Chunglura ten an mi um chu an hnaih sawt viau a, An piah mual ah chuan mi pa hlau leh mangang tih hriat zet mai rawl an hriat rual chuan an dawk phei nghal zar zar a, Chuta an thil va hmuh chuan an zing a pakhat tih loh chu a thawng hlawm viau awm e.

Rivunga chuan an zing a upa ber Chhawna chu melh in hmalak ngaihna reng an hrelo a, Chuti zat a tam keite chu vawikhat chiah anlo hma chhawn in an dinhmun an hre chiang tawh a, Chu bak ah an mi um pa chu thah tur leh man leh tur a um em em pawh nilo in an dinhmun chian nan a um mai an nih ang in an in barh lut ngawt ngam biklo. Chutih lai chuan an rinloh leh beisei loh tak thil rawn thleng in, Lalchunglura chu an mi um pa keite in an hual thap bulah chuan a zuang chhuak zawk a, Khaile, Hei chu kan chanpual ani tawh e. Hringmi inkar thil sawifel ngai kan neih ang in minlo kiansan teh u ti in inring zet hian a ding vah mai a, Chhawna leh Rivunga mak ti lutuk leh hlauthawng bawk si chu anlo ang phuau thung a.

Anni ai mah a mak ti zawk chu an mi umpa chu a ni ngei ang. Chutah an mak tih zual tur in keite rual chuan an lalpa an hmu ta emaw tih mai tur in an tawlh hnung hriau hriau a, Ngaw kar ah chuan pil bo in an thawm a reh zui nghal diak mai bawk nen. Makti zet a Chunglura en chung chuan an rawn pan hnai sap sap, Ral leh ral lo pawh sawi theih a ni tawh meuhlo e.

An mi um pa chuan rap hmel zet leh a ngaihna hrelo a en reng chung chuan a mit a khap fak fak a, Amah chauh nilo in an khaw val upa leh a thianpa ngei pawh chu an bang hauhlo. An han dingkhawm a, Lura, Engtin nge maw i tih a, Eng chiah nge maw thleng le ti in Chhawna chuan a rawn zawt nghal zat a, Chunglura lah in engdang a chhang ta lo chuan, Silai fung nei zawk kan ni a, Min hmaizah ve deuh aniang a ti duh lek fang a.

An mi um chu an umphak in an man leh ta ngei chu ani a, Engtin nge ro an rel zui tak ang le. An zing ah hian Chhawna hi upa chanchang ber ni mahse an lal fapa leh khaw pasaltha a tel ve miau avang in thu tlukna a siam dawt ngam biklo a, Rivunga lah a thianpa in thi dun ang a tih pawh a thi mai thei tur khawp a a thianpa ring leh a amah a in nghat a lo ni bawk nen. Lal fapa thu tlukna ngaichang chuan an ding thap hlawm mai.

Chutah an beisei loh leh an rinloh ber mai in an lal fapa chuan thu a raqn chhakchhuak a, Awle. hei kan mi um pa chu kan man chu a ni ta reng mai a, Mahse kei zawng in kan khua a hawn let leh ka duh hauhlo. An vangkhaw kawt chhuah thleng in kan thlah anga, An lal hnen ah thu awmdan sawi in thil nihphung sawi sela, Chumi hnu a leido a minla pawm fo anih erawh zawng in an thu ni teh se a rawn tih chuan a thiante chu an ka ho mai a, Anni ai mah a mak ti leh a ngaihna hrelo tu chu an mi um pa chu a ni ngei ang le.

Mahse an thianpa leh an khaw lal fapa hi an hre chiang a, A thil tih chuan chhan a nei in awmzia anei ngei a ring in a thiante chuan anlo hnial buai duh hauhlo a, An vai a thu tlukna ang a an mi tang pa an khaw dai thleng a thlah an tih thluk tak ah chuan an mi tangpa mak ti leh ngaihna hrelo chu a hawi vual vual tawh mai.

Ti chuan thudang sawi leh tawhlo chuan an mitang pa te khua Kawlhawk khaw lam pan chuan an in zui diah diah a, Kalkawnh ah chuan val upa Chhawna chuan an lal fapa chu rawn belbul in, Lura. He thil ah hian ruahmanna i nei ngei in ka ring a, Engtiang a hmalak nge i tum han sawi teh tih in a rawn bekbawr sar sar a, Lalchunglura lah chu a phawk rawn chhuak thut in an val upa rinloh dan deuh in a rawn chhang ta leh nghal a.

U chhawn. Engdang nilo e, Kawlhawk lal hian fanu hmeltha deuh anei tih thawm an sawi a, Vangpui monu kan nih tir dawn te chuan kan leido khua kan ni thei tawh nang ti in thutak hmel zet a rawn chhang in a nui tha duh mang der silo a, Chhawna meuh pawh in a lu thaklo pui chu a hiat suah suah tawh mai.

Rivunga lah chuan a thianpa chuan ruahmanna felfai aneih ngei a rin miau avang in a kal nghut nghut mai a, An mi tang pa erawh chuan a mah man a thlah leh si tu te chu mak ti deuh a en kual hrek hrek in a kawngbo kal ve mawp mawp mai bawk . Nitlak dawn hnaih ah chuan kawlhawk kawtchhuah chu rawn thleng in an han ding thlandai hlawm a, Chutah chuan Chunglura chuan an mitang pa chu ko fal in thu tamtak a sawipui hnu chuan an khaw lam pan in a kaltir ta hnak hnak a, An en liam ta ringawt mai chu a nia.

Chu pa kalliam rual chuan a ruahmanna te chu a thiante a han hrilh chuan a tha an ti tlang ta hle mai a, Ti chuan dai hnai ah chuan tawm bo in khawthim chu an nghak tlang ta thap rih chu ani. Zanriah eikham hun awm velah chuan an awmna atang a chhuak in Rivunga erawh enge maw thut a chanchin hrilh tu atan lo awm in lenghnar ar khuan thleng a a thiante hmel a hmulo anih chuan an khaw lam a pan vang vang anga, Indona nei tur leh an lal fapa phuba la tur in an in puah chah tawh mai dawn a ni.

Lalchunglura leh Chhawna te pawh lal inhnuai sir lam deuhah chuan an thu ran tawh a, Tlangval khan thu a thlen tawh dawn avang in an lal leh khawnbawl te rorel hun an nghak dun khiau a, Helai lal in a an thurel a zir in an khua a mitang te dinhmun leh an khaw dinhmun a chiang thei dawn tlat si a.

Lalchunglura leh Chhawna te pawh lal inhnuai sir lam deuhah chuan an thu ran tawh a, Tlangval khan thu a thlen tawh dawn avang in an lal leh khawnbawl te rorel hun an nghak dun khiau a, Helai lal in a an thurel a zir in an khua a mitang te dinhmun leh an khaw dinhmun a chiang thei dawn tlat si a.

Lalchunglura rin ang ngei in an mikhual in thu a thlen atang a reilo te ah khan tlangval thenkhat in dai an rawn vel thar thar hlawm a, A chhan pawh an mitang rawn thlah tu te chu an khaw tan a hlauhawm ah anla awm em tih leh an kal liam ve nghal em tih an chian a ring reng kha ani a, A rin ang chiah in an lal chuan a rawn tihtir ta mai reng a.

An mi rawn tirh ten an hmuh tak loh ah chuan an kalliam ve leh nghal anih ring in an let ve thuai a, Chungte pawh an lal an hrilh vek tawh ngei anga tih a hriat vang a helai lal inhnuai a tawm ta hi an ni. Lal khawnbawl te an rawn luh rual tak tak dan ah tlangau in a thawt lawk vek tawh tih a lang reng mai a, Tuibur hmuamda pawh an thut hma in an rorel an tan zui ta a, Chunglura te pawh in an beng chu uluk zet a chhi in an ngaithla khiau mai a, An lal thinrim ang thawm leh an khawnbawl te thu leh hla pawh an ngaithla kim thawkhat ta a in hria in an thianpa lo nghahna lamah chuan an put liam zui ve ta a ni.

Rivunga pawh chuan a thiante thawm hre ve in a lo inlar thuai a, Thil awmdan an sawi chian hnu chuan an khaw lam pan a liam zui in zankhua in an kal a, A tuk chhun nisat zual lai a tlu zal zawk in tlai ninem ah chuan an khaw kawtchhuah an chuangkai der mai reng a. Mahni inlam pan nghal lemlo in an lal in lam an pan sang sang a, Khawtual mi ten an lal fapa leh an val upa te an mitang tello a an lokir an hmuh chuan mak an ti in an hlawhtlin ngei an ring kha ani a, Mahse tu pawh hi an lo hlawhchham ve thei anih dawn hi ti in an thu hawn hre lemlo chuan anlo thlir liam ve thap hlawm a.

Lalpa in a val upa te leh a fapa te hmel a hmuh chuan a lo la vut vut a, Upa thenkhat haw tlai pawl te la awm in anlo ngaihven liam liam a, Hah zu te an zuk hnu ah thu awmdan zawng zawng chu sawi in zanlam a rorel tur chuan an tin tlang ta rih e.

WAIT FOR 14

reitak hnu a chhunzawm ania, A kawng kala bo riau mai. naktuk zan lamah chuan a sei in a thu te pawh a kal tluang thei deuh tawh ang chu.
Post dan kalphung ngai in aw.-Sangpuia Khawlhring

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 8th, 2018, 6:00 pm

VANGPUI KEITE LALCHUNGLURA. ZIAKTU K VANSANGPUIA ( sangpuia khawlhring) EPISOD 14

Recap episod 13. Lalpa in a val upa te leh a fapa te hmel a hmuh chuan alo lawm vut vut a, Upa thenkhat haw tlai pawl te la awm in anlo lawm liam liam hlawm bawk. Hah zu te an zuk hnu ah thu awmdan zawng zawng chu sawi in zan lam a rorel tur chuan an tin tlang ta rih e.

Zanriah eikham chuan upa te pawh rawn chuangkai sap sap in lalnu tuibur al an han kamchhiat dal sap sap hnu chuan an thu rel tur lamah an lut zui nghal thap a, Lalpa chuan a fapa te kalna leh an thu rawn hawn te chu sawi chhuak in, Kawlhawk lalpa chuan a pasaltha te hlawhchham chu alo la na khawp mai a, Mahse tunah an khaw mi mi hren lai kan neih avang leh an khaw pa kan nau ten an umzui kha dam tak a an thlah liam leh tak avang in an upa thenkhat chuan remna kawng zawh mai an duh a nih hmel. Palai hmel kan hmu vat tur ah kan in ngai a, Palai lokal hunah engtiang a lo dawnsawn tur nge ni ang tih i sawitlang teh ang u a han ti dap dap hnu chuan an ngaihdan an thawh sap sap hlawm a, Remna duh a lokal na na na chu lo rempui mai tha a hria in an thu hmawr an bawk ta a ni. An mi hrente pawh palai te rual a haw ve mai tur ah dah in zu chu hlim tak in an khawn zui ta sap sap hlawm a.

Lalchunglura chu a pa te rorelna ah awm duhlo in a thiante in lamah a kal ta kha a ni a, A thianpa pawh zawlbuk lo la lawi biklo in an han tei chhuak ve thawr mai a, Lal fapa meuh hi chuan khawtual nula an rim ngai meuhloh bak ah midang tan venthawn an nat thin avang in anni thiandun hi zawlbuk ah an lawi leh hrut hrut mai thin reng a.

Thiana. Hei, Nula rimtur kan hre ve mang silo a, Ti teh vengthlang lamah pi Khuangi leika tlangsang i mawi mai mai teh ang ti in an chhukthla dun hnak hnak a, Pi Khuangi in an thlen chuan aw thian kharh kharh pah in an lawilut zui ta nghal a. Pi khuangi hi hmeithai mahni chauh a awm ni in nu fiamthu duh leh tawngduh ve tak ani a, Lal fapa leh a thianpa te hian chuankai nan tak an hman thin avang hian a lawm in an zar ah sa te a hmeh ve theih phah in thil hrang hrang ah an zar a lo zo tawh thin mai bak ah. Anni thiandun hi an mizia a ngainat zawng tak an nih ve avang in anlo lankhat hi chuan a lo vui ve luam thin.

E khai. Nangni pahnih chu min do ta emni aw ka ti hial tawh a sin ti in thutna alo pe zung zung a, Rivunga lah in Pi Khuangi ha hawlh zawng tak mai a titi vawrh zui nghal in, Kapi. Keini do rual i ni hleinem, Hei ka thianpa hian ranngo mi zawnpui teh ti in khual kan kai a lawm mawle a han tih chuan an lenna nu chu a meng phawk teh a sin.

A thianpa in alo melhrumna chu hai der in Pi khuangi lam hlir a hawi a, Pi khuangi lah in thutak chei a lo chei in a zawt nasa ta mai bawk nen. Lalchunglura tih ngaihna hrelo pawh a kut chilo hawi ve vel ta mai mai a ni. Reife an rik hlut hnu chuan an thiandun in leika tlangsang ah thla eng an lawm a, Pi khuangi zu fang chu tlem tlem a dawt in an khaw boruak leh thil hrang hrang an sawidun lai chuan ral ral ti a au thawm rawn awm in an ri ta chul hlawm mai le.

Chunglura te thiandun pawh rangtak a in khawh chhuak zawk in pi khuangi hnen ah chuan lo tawm tlat ang che aw tih leh tlanchhuah an rual nghal thuai a, Mahse thawm awmna lam atang chuan thawm dang rawn chhuak leh in ral kan nilo e, Zahngai ru zahngai ru tih thawm a awm tak ah chuan hmanrua pawh chuh ta biklo chuan an chhukthla dun nghat nghat a, Midang te pawh lo thlengkhawm tawh in an hual zing ah chuan pasaltha tih hriat zet pahnih leh tlangval pathum te chu lo ding in thil awmdan an sawifiah pah mawlh mawlh bawk a.

Khatia venghmawr nu zan zungtur in silai leh ralthuam famkim a mikhual thim zing a lo awm khawp thap mai leh an zawlbuk leh lal in lam kawk zauh zauh a silai han lekkawh vel a hmuh khan ral anlo lian ta emaw ti in a alo au chhuak vak mai kha ania. Mahse an mikhual te hi ral nilo in An lal unaupa te khua, Zehtlang atang a lokal an ni tih an hriat tak ah chuan lal in lam pan chuan an in chhawmchho ho ta zawk a.

Lal inah pawh lal leh upa te chu lo thukhawm in, Tlangval ho in thil awmdan diktak an han hrilh hriat tawh avang in anlo hahdam huai hlawm a, An khaw boruak ralmuan loh lai a nih avang in han phusa viau pawh nise a awmlo hranlo e. Lalchunglura leh Rivunga chuan hma hruai in lal in lam an pan zel a, Mikhualte zing a pakhat chu rawn tawngchhuak in, Vala. In lal fapa chu a pumrua a lian in keite ang mai a in thazo maw anih a, Khual thuthang atang a kan hriat dan ah palian leh chak deuh mai ani a, Zingchhuana meuh pawh a tukdawl e an ti in kanlo hria a ti in an hma a kal chu tunge a nih reng a hrelo

Rivunga lah chuan a phawk lo chhuah leh tawh in, Ni e mawle. kan lal fapa chu sai bung pawh pu zo tur khawp a lian leh sang a nia, mau bul chu sawiloh thingtuai te hi a pawt dawk zawk zawk mai mawle. Zingchhuana te lek lek chuan a zak pawh zuk chen hauhlo a ti in a thutak sawi hmiah hmiah mai a, A thianpa in thudik sawitum a alo an zuau zuau lai chuan thudang lo sawi khalh thuai in lal in an thkeng zui mai bawk nen. Lalchunglura pawh chu rilru nuamlo zet chuan a penlut ve ta phawt mai chu a ni.

Lalpa in a mikhual te hmel a hmuh chuan lo chhawn thuai in, Ekhai. Pasaltha hrat khawkheng te meuh meuh in ka khua in rawn dailuh tak mai le . Pawipang a awm chu a nilo maw ti in alo chhawn zung zung a, Lalnu pawn thutna te lo pe in tlangau pawh in zubel alo chhawp nghal thuai bawk a. Tawnvela pawh in rawn chhanglet ve thuai in, Lalpa. Pawipang awm lemlo e, A tha lam thu ah kan rawn kal ani e tih pah chuan zu tuitling chu a han thawk khat piap mai a, Ummm Vangpui lal zu meuh chu tu han ter phak chi zuk nilo a tih pah in a thiante chu a han hlui let ve zung zung bawk a.

An hahdam tak deuh hnu chuan, An thu rawn ken te chu sawi ho in, Vangpui lalpa Sangtawna unaupa in khuang a chawi dawn a, Chutah chuan in tel ve ngei a duh bak ah i fapa hmingthang tak pawh hmuh ve ngei a duh a ni ti in an thu ken chu a han sawi dap dap a, Sangtawna chuan a fapa chanchin an sawi dan chu mak lo ti deuh in alo ka hau mai a, Rivunga lah kilkhat ah lo nui thu in a lo khi hui mai bawk sia, Upa ho erawh chuan Rivunga an hmuh chuan rindan deuh chu an nei nghal mai e.

Khawnbawl upa zing a pakhat chu rawn tawngchhuak in, Ekhai. Kan lal fapa chu engtiang chiah in nge khuak a lo than tak mai le. Khual thuthang leh arpan chuk tih zawng hi kan chan animai angem ti in a han zawt dilchhut deuh a, An mikhual te sawi chak zawng tak mai lo in in an han ri deuh liai liai a, Tawnvela chuan thu puitling rawn sawi in. Ni e, Khual aatang a kan hriat mai chu ani a, Zingchhuana nen in malbeih in a vawrh hrep mai a, Amah lah chu sai tiat dawn a lian ni in Zingchhuana te meuh pawh in a zakhnuai pawh an thlenglo e an ti a lawm ti in lal fapa hmuh tum chuan a hawi ruai ruai reng a, Lalchunglura erawh a en kan hlauh thung si.

Vangpui lalpa Sangtawna chu a rawn nui huah huah a, Khawnbawl ho pawh lo then zui tha in lalpa chuan ka fapa lokal teh khai. Hei ka u pasaltha te hi han hmelhriat hlawm rawh. Nakin ah an hnung ila zui phak mahna ti in chhuang ru zet chuan a han ko a, Mikhual ho in hmundang an hawi hru hru lai chuan an hma a tlangval chu rawn ding chhuak in, A rawn chibai ta den den hlawm ta mai chu an beisei a phalo nge ni a, Mak ti zet hian an hawi lawl lawl hlawm mai.

Lalpa vek chu rawn tawngchhuak leh in, Hei bak chu fapa ka nei hauh silo a, Khual thuthang zawng a rintlak lemloh te pawh aniang ti in an mikhual te lam chu hawi in zu chu a han leh kual leh den den a, Sawi mai tur hrelo in anni pawh in an lal fapa en leh zauh zauh pah in lalpa zu chu an dut an dut ringawt mai.

Lalpa chuan mikhual te chu in hah lutuk ange, Ka upa ten khual tha ang in an thleng ang che u ti in a sem den den a, Mikhual te pawh tin zui in anni pawh in khuangchawina chungchang sawi pah chuan rorel an tan leh ta nghal a.

Tukthuan eikham ah chuan a mikhual te chu rawn inlar leh in lalpa thu leh hla anlo ngaichang thuai a, Lalpa pawh in a u khuangchawina ah chuan rawn tel ve ngei an tum thu leh, Mahse leido deuh roh an neih avang a an leido khua te lam in palai an rawn tirh tur te chu an beisei angaih avang in an rual in an kal ve thei dawnlo a, Induh chen chen cham ula, Keini lam pawh kan in peih velah kanlo thawk chhuak ve ange ti in thu a thlah ta hlawm a, Mikhual te pawh haw mai thei tur a in buatsaih an nih avang in an chhuak zui ve nghal mai a, Haw kawngah erawh an lal fapa chanchin bawk chu ani an sawi leh ni.

Palai hmu mai tur an nih avang in Rivunga leh Chunglura te pawh ram chhuaklo leh chanchin ngaichang in khua ah chuan an awm dun ve khar mai a, Chutih rual chuan pi Khuangi tan ti in mau an pu a, Thingro te putsak in a in thawmthat ngailai chu anlo buaipui sak ve mawlh mawlh thung a. Karlo ah lal fapa leh a thianpa thiltih chu rawn hmu tam zel in inlam a awm remchang te chuan an thenawm hnaivai hmeithai te tuahthing leh thawmmawl do ngai te, Leika leh luhka thawmthat ngai thleng a tihsak ve zel in an phu ta suau suau hlawm a. Chawhnu her a kawlhawk palai lo kal te pawh in mak ti tak a hawi hu hu in, An khawnbawl min phei chuan a kalpui te hnen ah a rukte a phun sep sep in, Kawikawm thin ang thap a an tanrual vang anih hi kanlo ngam chai loh ni. A tam lam leh a thawm na ringawt hi a lo nilo anih hi a ti hial reng a ni.

Palai te leh lal ho te pawh inrem tak a inbia in remna saui an tan thei hlauh mai a, Zan an riah dawn avang in an khua te chu rawn chuan ve in an khawtlang lungrualna te an hmuh a an hriat chian meuh phei chuan rawn pem ve tak an nap a, Khaw lian nih ringawt ai chuan khaw in lungrual hlutna chu anlo hmu chiang ta hlawm a ni e.

Zanlam ah chuan lal leh a khawnbawl te chuan an thu dah that chu khel leh nghal in an lalpa unaupa khuangchawina lam thu chu an chai map map a, A tuk lam a kal tur a thu tlukna siam zui in an tlangau chuan zawlbuk lam a pan thuai a, Val upa chhawna bulah thil awmdan sawi in lalpa remruatna ang te a hrilh hnu chuan lalin a pan zui ve leh ta a.

Valnupa chhawna chuan a kal tur awm ang te chu thliar in a hrilh tir dan dan a, An vai in mi sawmpahnih vel an kal anga, Khaw aiawh tur ni pah fawm leh ranngo zawng te pawh an ni ang chu. Chunglura leh Rivunga pawh in buatsaih in an phi buai ve hle a, An kalna tur ah hian inbuan, Engkim thleng thei anih avang in an khaw ai an awh ve dawn miau si a, Inbuatsaih tluk a awmlo tlat a ni.

A tuk tukthuan eikham chuan an lalpa leh a thuihhruai te chu an Vangpui kawtchhuah ah chuan an ding tham hlawm a, Nunau te pawn rawn thlah in lalnu pawh lunglen hmel zet chuan alo ding ve ran bawk. Lal Sangtawna unaupa lalna ram Zehtlang lam pan chuan an in zui chhuak dam dam a, Karah zan riah tho a ngaih dawn avang in hmanhmawh tehchiam lo a kal in zanriah chhum hun hma chuan riahbuk an han sual zung zung a, An sarep pai te siam in an in peih meuh chuan lenglen ar a khuang hial ta ve ang.

A tuk tlailam ah chuan Zehtlang kawtchhuah ah ding in thlifim an dawng heuh heuh hlawm a, Eng in nge lo hmuak anga, Enge an tawn dawn lah an hre der silo.

Khua an luh chuan an lalpa ho a lo lawm in an hlimtlang dar dar hle mai a, Lal chunglura leh a thianpa Rivunga te, Lalpa leh khawnbawl pakhat chu lal inah thleng in midang zawng chu khawnbawn inah an in nghat a, Zanlam a inkawm chhunzawm tur a in thlah in zanriah an ei ta rih hlawm a.

Zehtlang lam pawh in mikhual an nei tih hria in tumah nula rim tur a chhuaklo in an awm khawm thap mai a, In erna tello leh an lal te chhungkua in elna ni pah fawm a an mikhual te lo bin hrep a an lalpa mittlung ngei a lo chet an duh theuh a ni. An tum hi a hlawh tling angem tih chu anla hre ngei ang.

Zawlbuk thawm that dan ah chuan an lal khua te pahnih an in chai tih chu tuma hai rual a nilo a, Mipa tung chin tawh chuan Vangpui keite palian leh rorum em em mai chu hmuh chak in an kal vek bawk. Khuak thuthang ang a hmuh tum in an hawi ther fuk a, Mahse an mikhual te zingah chuan chutiang hmel pu reng an hmu silo. Rivunga leh Zehtlang buanchak pathumna vel chu an in elh mek a, Rivunga pawh anla khanlo deuh chu ni in a lang.

Zehtlang val upa chuan an tlangval te chu a han fuih thar sauh sauh a, E khai. Kan lalpa nau te khua lak ah kan tlawm mai dawn e, Kan khaw buan chak te kha khawnge in awm ti in a rawn au leng leng a, An khaw buan chak zing a mi chu rawn chhuak zui in Rivunga chu a rawn pan zui nghal ta chat mai reng a.

Val upa in khai le a tih rual chuan an han tang dun phat mai a, Mahse Zehtlang buanchak zing a mi ah pawh an chhuanvawr tling phak chu Rivunga tan chuan a lo u deuh a ni mahna. Zawlbuk bang deng dawt a rawn vawrh in a in ring leh nghal phan phan mai a, Vangpui buanchak Rivunga meuh pawh in tha ah a hneh lo tih a in hre chiang kher mai.

Mahse tlawmmak ah vanzema a thi an tih ang deuh a tlawmla chi Rivunga tan chuan vawikhat vawrh lek a tlawm chi a nilo a, Rangtak a rawn panhnai in a tumpui pa puan ven ah chuan a rawn hum zui leh ta chat mai reng a. Val upa u khai le a tih rual chuan tha tawp a tang dun in an han in elh ngian ngian a, Mahse Zehtlang buanchak te zing a mi meuh zawng alo khin deuh a ni ange. Rivunga meuh pawh lei silo leh van silo a phawi in a hawi dak vual vual a, A tum puipa a hnehloh dan chu a hre chiang ta kher mai.

Ekhai. ka hneh ngang lo che a ni e ti in a han chibai hnu chuan a thutna a pan zui nghal zat a, Tunah chuan Zehtlang lam buanchak ber pawh a la rawn in lar lo a, Vangpui lam ah erawh tlangval ria den dawn bak a bang tawh silo. Zehtlang lam chuan an lal fapa chu a ruk a hneh tawh a in hria in an hlim ru ver ver tawh mai.

Zehtlang valrual te chu an phur tawh khawp mai a, A hnung daltu tlangval ria thel thawl leh sa tha lem bik vaklo chu tu mai pawh in an hneh vek ring in an lalpa tan an tihtheih ang ti a inhria in an ri hulh hulh tawh mai. Zehtlang val upa chu rawn tawng chhuak leh in, Awle. Hei kan lal unaupa te khua anlo kal chau deuh a, zanin atan chuan buan tlak vak an ni rihlo ani ange. Zandang ah rilru thar an pu ta anih leh kan la ti tha leh mai aniang chu. An rawlthar hruai pakhat chiah a bang tawh si a, Kan khaw buanchak em han hmatheh chu a mawilo ange ti in an khaw buanchak zing a a chak hnuhnung ber chu a han ko chhuak zui nghal zat a, An val upa tawngkam ah chuan bin hrep a pawilo tih hria in a rawn phur surh surh kher mai.

Chupa rawn dinchhuah rual chuan Chunglura pawh rawn pen chhuak ve thauh thauh in, E khai, Keini buanrual pawh va ni suh. A bang awmchhun ka ni tawh miau mai si a, Zah luat ah ban em chhum suh kan ti poh a niang chu ti in buan mual chu a rawn pan ve thal thal a, A buanpui tur pa nen a an taksa in thlauh dan en chuan pafa nimai awm an ni e.

Buan mual ah chuan in pawmchilh zui in an puan ven tlang an han in tham tawn va va mai a, Val upa ten khaile an tih rual chiah chuan tha han thawh dun zat in an tangmar nghal pang mai le. WAIT FOR EPISOD 15

Ka sawi tak ang khan ka ziahloh na a rei tawh a, Kala mood thei chiahloh bak ah kala confi tawklo. min hrethiam ula, Theihtawp ka chhuah chhunzawm zel ange.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 8th, 2018, 6:00 pm

VANGPUI KEITE LALCHUNGLURA. ZIAKTU K VANSANGPUIA ( sangpuia khawlhring) EPISOD 15.

Episod 14 Recap. Buan mual ah chuan in pawmchilh zui in an puan ven tlang ah an han in tham tawn va va mai a, Val upa ten khai le an tih rual chiah chuan tha han thawh dun zat in an tang mar nghal pang mai le.

Zehtlang buanchak te zing a mi chuan tha pui chhuah manglo a han vawrh lawp tum in a han awp hniam zui sat a, Mahse a khingpui pa tan chawikan rem tur in a insiam a ni ber mai. Chulai remchang chu chuh in Chunglura chuan a han chawikang ta reuh mai a leh, Tumah au thawm leh tawng thawm a awmlo a, Mak ti a meng phuau chung leh khabe hnuailam uai duai chung in an thlir thup tawh mai le.

Zehtlang pa mak ti leh a ngaihna hrelo pawh a hawi vual vual mai a, Ekhai, Thapui deuh roh chhuahpui i ngai ve dawn tlat mai ka ti ti in an han in siamrem dun leh nghal zat mai a, Chutih lai chuan Zehtlang pasaltha Tawnvela te pawh in mikhual leh lal fapa te lo lawm tur in zawlbuk an rawn kai ve mek bawk a. Tawnvela chuan buanmual a lo in buan te a hmuh chuan a nui vei suk a, Engmah sawi lemlo chuan mei hnaih lam ah thu in an khaw lalpa unaupa fapa chu a lo zir chiang ve thung dawn a ni.

Thawm rawn chhuah thar leh in an ri luih luih a, Ekhai, Kan buanchak chu khual rawl in a tlawm dawn ava ang ve ti a rawn in fuih thar in anni pahnih pawh anlo in pawm leh chial tawh bawk a. Tawnvela chuan an val upa rawn tawngkhalh in, Khaile a rawn tih rual chuan an han tang dun phat phat a, Lal chunglura tuanrang leh che zei lutuk ber mai chuan an mak tihna mit leh ka a hup zolo ani ber mai. Tharum ah tunge chak zawk hriat ni mah suh se, A tumpui pa in chawikan a tum lai a alo tan kawh dan te, Kherhthluk a tum leh a lo daikhalh dan te, Sirtluk pui a tum leh a mah a tih tluk tep thin dan an hmuh meuh chuan an reh leh thap tawh.

Rivunga leh Chhawna bak hi Vangpui lam ah pawh Lalchunglura hrechiang an awm meuh lo a, Zanin ah lah lal fap ani tih sawilo in an khaw rawlthar satliah ang a zawlbuk an kaipui avang in mikhual pawh in anlo zuam reng kha ani a. A hre chhun ber te Tawnvela te lah in sawi chhuak tang e tilo in anlo uipui tuilian thlir veuh veuh mai si nen. Zehtlang zawlbuk ho in Vangpui lal fapa an beisei dan chu palian leh sang tak, Pian thiam leh chak zet mai. Buang thengthung tur ah an ngaih miau avang in tun a buan tual mawitu hi pasaltha Zingchhuana lu khaitu anih reng an ring lo a ni.

Zehtlang ho mak tihna belhchhah tur ngei mai chuan an khaw buanchak zing a mi chu a kang zui leh nghal lawp mai a, Sawitur leh tihtur ber hrelo a an hawi lai chuan an mit in chu tlangval sa tha bik lemlo chu an thlir thap thin. Ekhai. tlangval. Ka hneh ngang lo che ani e. I thapui ila chhuah hlek lo leh nghal a, Nang pawh heti i nih chuan in lal fapa phei chu a van rapthlak dawn ve tih pah chuan a rawn chibai lawp lawp a, Chunglura chuan a tumpui pa chibai lawp lawp pah in, Naute leh khual khua te hlahthlem dan i thiam in i zahawm hle mai. Han tang tak tak la chuan che tur ka awm hlek awm silo a ti in a lo nuih ve sang bawk a.

Tawnvela chu rawn tawngchhuak in, Kan val u te hian minlo hrethiam sela, Vangpui lal fapa meuh buan tur chuan kan khaw buanchak kha han theh chhuak mai teh u a rawn tih chuan Zehtlang ho chu an hawi phawk hru mai a, Helai a tlangval lian lemlo leh anlo en liam mai mai hi maw pasaltha Zingchhuana lu khai tu. Anlo beisei dan leh anlo rindan nen a in persan lutuk chu an hmel a hmuhnawm ngei mai.

Zehtlang val upa chu rawn tawngchhuak ve in, Ekhai. Kan lal fapa animaw kanlo buan reng le. Khawnge Zehtlang buanchak kha rawn chhuak sela, Kan lal unau te zingah hian tu zawk nge buanchak khua han fiah law law teh ang a rawn tih rual chuan anlo haw haw dar dar a, Rivunga pawh in a thianpa chu lo fuih in a thatawp chhuah tur in alo ti ve mawlh mawlh bawk a. Zehtlang lam thawm that dan ah chuan an buanchak chu mi namai a nilo ang tih a hriat reng mai a, An rin ang ngei in a rawn pen chhuak an hmuh chuan Vangpui ho beiseina chu a bo nghal duak mai. A len bak ah a sa a tha in a mah khing tur chuan Tumpang tiat lai nih a ngai hial ta ve ang.

Chunglura rawn ding chhuak leh pawh chuan zehtlang buan chak a hmuh meuh chuan lian a ti ve in a hneh theih meuh pawh a in ring biklo a, Mahse an khaw aiawh a ala dam awm chhun a nih ang a a hmachhawn tho angaih a vang in theihtawp chhuah chu a tum ruh ve hle mai. Zehtlang lam chuan an buanchak chu chhuang leh phurpui zet in anlo ri hulh hulh mai a, Mahse an pasaltha Tawnvela erawh in ngaihdan dang daih a lo nei thung tlat mai.

Zawlbuk lai ah chuan in pan chilh a an han dingdun meuh chu sai pachal leh sakhi patuai nimai awm hian an lang a, Chunglura chuan a tumpui tur en vang vang pah chuan, Ekhai. I hma a ding awm a mawi ka ni hlawllo e. A mah erawh chu min han dim hram dawn nia ti in a han nui sak mai a, A mitmeng erawh a tlawmlo hle thung si . Zehtlang buanchak leh palian pawh rawn tawng chhuak ve in, Pasaltha Zingchhuana lu meuh khai a an sawi chu a zam ta deuh emni le.. Nge ni a, A chanchin an sawi hi thu belh mai a lo ni zawk ti in tham lemlo tak hian a han tawng zawm ve nghal zat a, Ti chuan tanhmun siam in an in dinchilh ran mai a, An puan ven tlang ah in chelh in an in ring dun phan phan kher mai.

Val upa in khai le an tih rual chuan tha tawp a tang dun in an han in elh nghal ngian ngian mai a, Palian leh pa te lam a lang ta mang hleklo mai le. An lo rindan chuan Zehtlang palian chuan a chawi in zawlbuk bang deng dawt chuan a vawrh nawl nawl an ring kha ani a, Mahse tu amah in vawrh hleithei lo chuan an tang lutuk taksa chu a phiar phek dun ngawlh ngawlh thung. Zehtlang ho thawm leh Vangpui thawm chu a ri hut hut mai a, Zawlbuk bawhbel leh bang awng zawng zawng thleng in mit leh lu hlir hian a khat a ni tawh bawk nen. Lal in lam pawh in zawlbuk thawm chu lo hria in an beng an chhi ran hlawm a, A tawp a tawp ah chuan an lal te insum zolo chuan tlangau pa chu an tir ta nge nge e.

Tlangau pa in zawlbuk a dah luh lai chiah chuan an khaw buanchak chu a fapa rual te hian alo chawi kang vu vu mai a, Zawlbuk thawm ri hulh hulh kha a reh hian a reh vawng vawng mai a, An thil hmuh chu rin harsa ti em em chung leh an mit te pawh ringhlel zo in an nuai nawk nawk hlawm mai. Chutah Vangpui lam in thawm rawn chhuah in an rawn au tak teng tung ah chuan Zehtlang lam pawh in rawn au pui ve in an ri zui hluah hluah mai a, An khaw buan chak hi hnehloh neilo a nih bak ah hetiang a a kang lai an la hmu bik tlat lo a ni.

Tlangau pa mak ti chu a hawi ka ho mai a, A va dah luh vel a a thil hmuh chu awih har a ti in mak a ti ve kher mai. Buan tual ah chuan an dingdun leh ran tawh a, Tawnvela erawh in a rindan dik a hmuh avang a nui sak chung in he nau hi inla zuam sual in kanla zuam sual fo dawn a nih hi ti in a rilru alo kawm melh melh thung a.

Zehtlang val upa chu rawn tawng chhuak in, Ekhai. Kan khaw buan chak chuan mikhual a hlahthlem deuh nge ni a, Lal fapa a hmaizah zawk le ti in a ruk a fuih tak in thu a rawn chhep zauh mai a, Tawnvel a erawh lo nui ru var var in a rilru chuan engtiang a lian leh chak pawh beih tir mah ula kan khawtan hian kawng a kaw lo a ni alo ti ve mawlh mawlh thung a. Vangpui lal fapa leh Zehtlang buanchak pawh an in hmachhawn in an in vuan leh ran tawh a, Val upa chuan in ring rawh u a rawn tih chuan an puan ven kawm chu hum nghet dun salh in a tlawm zawk nih an tumlo dun kher mai.

Khaile tih a rik rual chuan Zehtlang buan chak chuan chawi lawp pah a vawrh nghek tum in a han bei zui nghal siah mai a, Mahse a hma a a fapa rual lek chu fah thing ding nghet ang hlauh a ni ber mai. A hnungzang te chu sazu tlan lai ang mai hian a bawl tawk tawk mai a, Mahse chung zawng zawng chuan awmzia a neilo mai nilo in a mah zawk chu a ke a kang uk uk a, Zawlbuk lawilut ho chu thin phu det det a lo awm in a kang dawn e. a kang lehlo ti in anlo ri rual dual dual thung a.

Rivunga leh Chhawna chu rilru inhmu leh sawi tur in hrelawk ang mai a rawn au rual dun thawt in, Tunah Vangpui keite Lalchunglura ti a rawn au in an au zawh rual chiah chuan Chunglura chuan a hma a sai padawp tiat zet chu han chawi vaw vaw in a han bin khu tual mai zawng. Thawm hi a rik hian a ri hum hum a ni ber e.

Tlangau chu a rang a rang a tlan haw in thaw hlawp hlawp chuan an lal te hnen ah thu a han thlen a, Zehtlang lalpa makti hmel chu pui tak ani ringawt mai. Ka nau. i fapa hian naktuk ah inbuan pangai a hmachhawn a ngai ang ti in a zu chu a han lem pup mai a, An khaw buan chak a hneh hnu ah enge inbuan pangai chu ni ta ang le. Wait for episod 16

Ka buai ve deuh a, A tawi in a nawi viau ang. in hrethiam dawn nia aw.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 8th, 2018, 6:00 pm

VANGPUI KEITE LALCHUNGLURA. ZIAKTU K VANSANGPUIA ( sangpuia khawlhring) EPISOD 16

Episod 15 Recap. Tlangau chu a rang a rang a tlan haw in an lal te hnen ah chuan thu a han thlen a,Zehtlang lalpa makti hmel chu pui tak a ni ringawt mai. Ka nau, I fapa hian naktuk ah inbuan pangngai a hmachhawn angai ngei ang ti in a zu chu a han lem pup mai a, An khaw buan chak a hneh tawh hnu ah enge inbuan pangai chu ni ta ang le.

Vangpui lalpa pawh alo diau duh hleklo. I fapa hi han fiah tak tak teh khai. Rawlthar mai mai ang a kan ngaih lai a Zingchhuana lu mi rawn hawnsak tu ngat anih hi ti in a fapa chhuan hmel tak chuan a han tawng ve lung lung a, Khawnbawl upa ho in lo chhunzawm in an vanglai chanchin te nen an ri ve chul hlawm a.

Zawlbuk tlangval te pawh nula rimtur a thawkchhuak in an lal unaupa fapa chanchin chuan lengi te run a khat luih luih a ni ber e. Chunglura te erawh leng i run an kai ve hma chuan pasaltha tawnvela chuan a lo hruai hrang thuai a, Ti teh u ka in lam ah rawn chuangkai ve teh u ti in Rivunga leh Chhawna te ho chuan an in zui phei dal dal a, In an luh chuan a Tawnvela fanu lian ve uaih tawh chu rawn tawng chhuak reuh in, A pa. Khawiah nge mikhual sai bung pu thei chu a awm a rawn tih chuan an nuih a zat rual in naupang mah nise tha tak in an chhang ta tho a.

Tawnvela hi Chunglura te lakah chuan rual u deuh mahse phanchang tak ala ni biklo a, Be khaw kulhpui leh daingul ni in an zah in an ngaina vek hlawm bawk. A mah lah mi chapo lo chi a nih bak ah pasaltha nunzia ni awm reng a zaidam dup mai alo ni kher nen. A sa kah hi naupang leh lal sachhiah ah an semral titih hial thin a ni.

Tawnvela zu bilh ve te chu in ho in an hma mai a khuangchawina tur te chu an sawi ho nasa hle mai a, Khawdang lal te pawh an sawm avang leh infiamna hrang hrang in elna tur a awm dawn avang in an chak in anlo phur tawh hle kha ani a, Mahse an khaw buan chak ber mai an han chawikan sak tah ah chuan khawdang buanchak te lo thlen hun an nghakhlel tawh zawk hle ani e.

Zehtlang nula hmeltha leh rualkawm thiam, Lianchia farnu ni awm a ni e an tih thin Rualchhingi te inah chuan tlangval rual an thu khat hmar mai a, Vangpui keite chanchin bak ah Sihruam khaw buanchak chanchin te sawi in, An khaw thenawm Rengkai fei khawhthiam te chanchin nen an nula rim ber melh leklo chuan an titi mur mur hlawm a.

Ni e, Tlangval chuankai tawhna lengi te inah chuan titi dang a leng mawlh lo a, Lengi te lah in an khaw valrual te chuan Vangpui keite chu rawn lenpui tak maw ti a lo melh in an mit lah a tung zo tawh. Hei mah mah mikhual thleng hmasa leh lal unau te khua chauh an la ni a, Khawhnih khawthum zet an rawn thlenbelh hunah phei chuan an chhuanvawr te theuh an rawn hruai ngei anga, Tu khua nge huaisen a chak ber. Tu khua nge silai hmangthiam a fei hmangthiam ber. In fiamna mualah tu nge nula mit la ber tur chu a hriat ang chu.

Lenghnar ar a khuan thliai thliai hnu chuan an tin sap sap a, Zawlbuk ah a then lawi in Chunglura te ho erawh chu lalin ah an riak thung a. A tuk lam chu mikhual nghah pah in Tawnvela te nen ramvah an tum avang chuan hma tak ah an in buatsaih sang sang a, Zehtlang lalpa chuan a fapa( a unaupa fapa) chu ko in, Ka fapa. Tluang tak in zu ramchhuak ula, Mahse mikhual te an rawn thlenbelh zel dawn avang leh an rawn bitum ber tur i nih a vang in i zu fimkhur hle dawn nia. Ka banglai mawitu hi i keng anga, I rawn hlawhtlin tak hlauh leh i salu chu nagmah ka hriat reng nan che ka lo tar ang ti in a thlah vei thluam roh a.

Tawnvela ten thui fe an kal hnu chuan Zehtkang ngawpui pawh an lut tan der tawh a, Tawnvela leh Chunglura inkawp in. Rivunga leh Chhawna te nen chuan kalna mual tur in hrilh leh in nghahna tur siam in an in then darh zui ve nghal thuai a, Fanloh ngawpui ah chuan Vangpui pasaltha rual an che tla dawn chiah e. Rivunga te pawh Tawnvela kawhhmuh lam zel a kal in sahnu te an thlir dan dan a, Sa a la tam hmel in an luhna ngawpui chu ngawpui tak tak ala ni tih a hriat kher mai. Mahse thui pawh an kal hma chuan mihring in hnial thawm hria in an in melh hrek hrek a, Fimkhur tak a veh hnai in thawm chhuahna lam chu an pan dun ta them them mai le.

Chulai thawm chu a ring tha in an boruak a sosang hle tih pawh hai rual anilo a, Chhawna leh Rivunga te'n an va hmuh theih a an va hnaih chin ah chuan an tawng thawm pawh a hriat phak ta e. Tuna an thlir lai hi Rengkai khaw ho an ni a, An lalpa a lo tel theihloh avang in lal fapa leh khawnbawl te, val upa leh pasaltha rual ho a rawn che tla ni in an in hnial chhan erawh a hrang hlak thung.

Lal fapa chuan a pasaltha leh buanchak chu lo fuihpawrh leh lo tan in an khawnbawl upa chu anlo hrawk mek tih an hmu thei a, Khawnbawl meuh hrawk a han ti buai ngam tur khawp chuan a pa lalna zia a chhun hle te pawh a ni ta ve ang. An khaw pasaltha chu ring tak a tawng lung lung in, Kan thlen zanah an khaw buanchak chu bawhbel pel rawk in ka vawrh anga, Kan lal ropui zia leh a fapa chungnun zia te, Kan khua hi a namai lo a ni tih ka lantir ngei ang ti tun tun in an lal fapa in alo tan avang chuan a pawngpawrh sauh ni hian a hriat nghe nghe a. Khawnbawl lungfing erawh in thu lai la in, Tumah kan cho in kan hmachhawn tur anilo. Zawlbuk kalphung zel a kan kal loh chuan kan mikhualna khua ah hian vawk ek kan bar palh ang tih ka hlau hlel lo e a lo la ti ve fan thung a.

Hetiang ang khawnbawl dawihzep hi engtin nge kapa hian alo ruat theih le ti hlawih hlawih in a thinrim a in sawh nghat nghat a, An pasaltha pakhat chu fuihpawrh zui nghal zat in. Tumah hlaulo la, Engpawh tawk dawn ila mawh ka phur ang. Tun atang chuan kan khawnbawl thu ang in kan awm tawhlo amga, Ka remruat ang vek in kan kal tawh ang. Kan thlen zan atang in khaw namai kan nih loh zia kan lantir ngei tur ani ti in a bul a mauthei chu a han tlak puap puap a, A lan dan ah chuan tuisik nilo in zu tuitling ngei a nih hmel e.

Rivunga chuan Chhawna chu a mitmei a rawn in inrawlhna chi a ni em a han ti zauh a, Mahse Chhawna chuan kalsan a that zawk thu a lo zaizir hnan tak ah chuan ngawi reng a tawlhliam in an thawm pawh an hre zui ta biklo. E khai u Chhawn. Rengkai lam ho chu buaipui an ngai fe mai dawn ka ti ti in Rivunga chu a rawn tawng chhuak hlawl mai a, Mahse Chhawna erawh a ruk tak a hlim tih hriat zet hian alo nui sang thung a .

Vunga, thlaphang mah ta che. Khang mi te khan i thianpa an hmachhawn phak hauh in ka ringlo ani. Zehtlang buanchak pawh an ter pha kherlo ang ti a nui kur kur in sahnu a bih den den a, E hiau, Heta hi sazuk hnu a thar khawp mai tih keh chhui zui rual nghal in fimkhur zet chuan an chhui dun ta ngar ngar a. Reilo te ah a tui daikaina lai hmu in chulai phei chu a lo la nu bat bat thei hial mai.

Tawnvela leh Chunglura pawh kal zel in an thleng thui thawkhat tawh a, An hmalam chu changel hmunpui ni awm tak hian alo ding kur nghuai , Chunglura erawh a in sangmar nghal teuh thung. A chhan pawh engdang a nilo a, Hetiang ang changel hmunpui ah hi chuan chhun ah pawh nghalchang hi lo hahchawk in anlo bawk reng thei a, Thawn harh chiah khan a tam zawk hian a thawngharh tu beih mai an chin vang a ni. Tawnvela'n Chunglura helai hmun a a hruai chhan tak pawh a ni a, Amah lah chu fimkhur hmel loh zet leh thawm dim fahran lo a kal in a la tawng suam suam zui leh ta nghal a .

Hawk, Chu thawm a rik rual chiah chuan Tawnvela pawh rangtak a chhaklam a zuan tum in a insiamrem thuai a, Mahse a kawng a tha chak zet in rawn kuah in chhaklam hla fe ah chuan a vawrh chho zui nghal dawrh thung. Chumi rual chiah chuan Chunglura chu a bula thing ding thlawp zat a bet phei in a sir chu a rawn thaw zui nghal fua mai a, Mahse mitkhap kar lo ah chengrang ngei chu rawn kiu in chu nghalchang rawn pel tu chu a hawk zui leh nghal dawt dawt mai .

A zahdawh a ngenmu lut chu tlukpui nghal mailo chuan a rawn in her leh nghal vut a, Tawnvela rawn thlengthla in a rawn hmuh chhun erawh Chunglura chem hriam zet in nghalchang hmui a chhawk hmawk chu a ni ta.

Sanghal natuar chalchang chu a tal kual ruai a, Chulai tak chuan Vangpui keite chuan a thluk vum ah a chem chu rawn thawlh zui leh siah in a awp te zui nghal rawng rawng chu a tawpna ani ta e. Tawnvela chuan a nau hruai chu fiah a tumluat ah amah chuan nunna a chan tep tih a in hria a, Chutih rual in a mi fiah pa chu fiah leh chuan ngailo khawp a che rang leh tha chak a ni tij zawng a hre chiang ta kher mai.

E khai Chunglur. Tlem tlem ah ka thilo chauh a lawm mawle. i bula kal chu nilo ila chuan dul thler hnuang in ka let reng tawh awm si a ti in a thinlung tak a sawi chhuak tih chu a hmel ah a lang chiang kher mai a, Chu sanghal a va hmuh phei chuan pasaltha meuh pawh a hmulthi a ding thar leh sung sung thei hial mai. U Tawnvela te thin hi aw, Intan chet tham a nilo tih hria in min han kian khawmawi vek a, I zar ka zo ta hlauh dawn anih hi ti in alo chhang nuisang a, Chu nau tlawmngaihna keh ze mak chuan pasaltha Tawnvela meuh pawh a hmin chiang na rawh e.

Lura. ka nunna min chhanhim sak ani ti a rawn pan phei in a hmel chu a hlim siah mai a, Khawimaw i sanghal sahhlum chu kan teh ange tih leh sum zui nghal mawp mawp in a chek zui tlak tlak bawk a. Sum sarih a chuang tlat mai ka ti. Eng ti tih a sathlum zo reng reng nge maw i nih le a han ti tak na a, A sahna hnuhma a tang chuan thilo tur chi a nilo tih chu a hre chiang hle thung. Ni e, Keite leh ramsa tuanrang tak tak a hre teuh a, Mahse he a nau hruai hi chu Vangpui keite tih loh rual a nilo tih a hriat thar mai bak ah a kutthlak nat dan en hian, Vawmpui meuh pawh a chum hlum zo hial in a ring nghet ta bur mai.

I ti zahthlak lutuk. Mi tw riau riau in anlo hria ange tih pah chuan a rawn thut hnaih ve thuai a, A pum in kan hawn dawn nge kan chan darh ang ti in hmanraw lak inpeih at a ding in a mah hruaitu chu a mitmeng chuan a han rawn zui nghal thuai a. Lura. hetiang salian te a pum a thlen chi em mawni ngaile. Kan thiante kan pun loh chuan kan chau chhe vek mai ang. Ti hian i chhawkchhin ila, I thiante kha pun in kan va kal tha leh zawk dawn nia ti in a rawn dingchhuak hluai a, Mahse Chunglura hmel landan a hmuh chuan mak ti hian a meng phar uau uau tawh mai.

U vel, Reitak chu ka pu zo bik hauhlo anga, Kan in chhawk tawn in kan in peizawn zel zawk mak dawn mi. Kan thiante lah kha an chin kan hre bik silo a tih pah chuan a han bel that that a, Hnehsawh zet a in hlan in a dar ah chuan a bang uai ta hnuang maile. Inhnial in awmzia a awm dawnlo tih hria chuan a nui ru sak a, I tih tlat chuan ni poh ang hmiang ti in hna hruai zui nghal in kawng a vai pah zel a, A hnung a tlangval kal lah chuan chau hmel pu hleklo leh titi siam sian chung in a rawn zui ve zel bawk a.

Hetih hunlai vel hian Zehtlang ah chuan mikhual an lo lut ve nguah nguah a, An lal hnung dawltu pa len dan leh sa that zia mawlh chu khaw mite ti ti tling a ni. wait for 17

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 8th, 2018, 6:01 pm

VANGPUI KEITE LALCHUNGLURA. ZIAKTU K VANSANGPUIA ( sangpuia khawlhring) EPISOD 17

Episod 16 Recap. Hetih lai vel hian zehtlang ah chuan mikhual an lo lut ve nguah nguah a, An lal hnung dawltu pa len dan leh sa that zia mawlh chu khaw mite titi tling a ni.

Mikhual te chuan lal in lam an pan nguah nguah a, Lal te pawh in a khualtha te ti a lo lawm in leihka tlangsang atang chuan a khawnbawl te nen chuan lo chiau au in anlo ri ve hlut bawk a.

Lal inah hah zu te an zuk zawh chuan an thlenna tur anlo ruahman sak ah chuan an semdarh zung zung a, Khawnbawl upa ho in pawh an buk tha in khawdang upa an thleng ther fuk tawh hlawm a. Lal te erawh chu lal inah in nghat in he ni atan hian an in te chu lo zawm thar in lal in ah chuan hmunthum ngawt ah anlo reh belh tawh avang erawh chuan a buaithlak lemloh e.

Lura, Ti rawh i chawl teh ang. Ka pu zo ve hauh dawn silo a, I hah lutuk ange ti in Tawnvela chuan a han rawt ngial thin tak na a, A ni lah em ruak phur ang mai a kal in a titi a chawlh phah der thung lo. A hma a kal chuan makti tak a en in a chezia te reng reng chu Vangpui keite ni awm hrim hian keite ang mai a in thazo leh zei ni hian a hre zo vek tawh. Awle. A phur rit zawk leh hah zawk in i duh miau silo a, Ka theih ang ang in kan kal mai ange ti a hmahruai leh in an in nghahna tur pawh an hnaih sawt hle a, An thiante anlo hlawhtling ve ta anih phei chuan an bawr haw viau ngei ang le.

An in nghahna tur an thlen chuan an rinloh tak in mikhual anlo thu khawp thap mai a, Tawnvela'n chumi te ahmuh chuan be zui nghal sawk sawk in ekhai a van tihzia hlauh em aw, Hei inzar ah kan hahdam phah thei hlauh dawn e ti in khawnbawl upa nen chuan an in chibai zui lawp lawp mai a. Inbe zui nghal mawlh mawlh in anni pawh in changel hnah te lak pui in an chanpui zung zung a, Anni ho hi Rengkai lal fapa ho te kha ni in Sihruam lam chuan khua anlut tawh thung a ni.

Chutia anlo buai laih laih lai chuan Chhawna leh Rivunga pawh lo lang ve in sazuk an rawn zawn hnup hnup a, An thiante leh mikhual hmel an hmuh chuan a ngaihna hrelo a ding ren rawn in an rawn enkual zung zung a, Mahse Tawnvela chuan lo chhawn vat in an khua a khuangchawina a teltur an nih thu leh, An in tawnfuh hlauh thu te a sawi tak ah chuan ngaihtha tak in an sazuk chu an rawn nghat zui ve ta nghal vat bawk a.

Rengkai val upa chu rawn tawng chhuak in, E khai, Vela. In khaw ram chu a la tha awm hle mai ka ti. Hetiang anih chuan kan cham chhung in kan tlangval te hi vahpui ve ula a that dawn hi ti in an sakah len thu te chu a sawi bawrh bawrh a, Kilkhat a tlangval erawh a hmui lo petsawi in a bula mi te hriat phak tur lek hian , A mit del an hmufuh ani leklo maw. Kan khaw pasaltha te hnung zui zo tur hmel an pu mang hleklo in ka hria ti in chapo hmel zet chuan a hawi pir ngauh mai a, Rivunga te pawh in lo hre phak in an meng tang nghat at mai reng a.

Rengkai upa chuan an khual channa ah hian an lal fapa vang hian buaina a chhuak ngei dawn ani tih chu a hria a, Mahse khua pawh an luh hma em em a hetiang hi a thlen a duhloh avang leh Zehtlang pasaltha Tawnvela meuh thin tihrim a duhloh avang chuan rawn in rawlh thuai in, Kan lalpa a hmanloh avang in a fapa te nen kanlo thawk a, Lalpa hian a fapa hi a ring zo khawp a nia ti in boruak a rawn her danglam thuai a, Chuti nilo se zawng an boruak a alh phat ngei ang le.

An tam tham deuh bawk a an sa chan pawh zo thuai in bawmrang tah lemlo chuan hnang in anthil thap a, mai hmang a kawt in an in peizawn tlang den den bawk a an rit chhe ta lemlo. Ti chuan muangchang a in chhawm in an khaw kawt chhuah pawh an thleng ve thuai a, Chutah chuan Rengkai upa chuan fing tak a ro lo rel in, Vela, Keini zawng khual lut tur kan ni si a, Ti hian kan kalsan mai ang che u. Hlado in chham anga anlo pui thuai ang che u ti a ro rel in an kal liam zui ta thuai a.

Tawnvela hlado chham tur in puahchah lai chuan Rivunga chu rawn tawngchhuak in, Kan Rengkai lal fapa chuan buaina a zawng dawn tlat a ka hriat chu le. Khaw li zet kalkhawm tur kan ni si a, Khuangchawi lawm e tilo hian leido nei in a then hi chu kan haw thei mai dawn a ka hriat chu le a rawn tih chuan anlo ngaituah tlan lai tak ni hlawm maw. Ni e, Rawn ti rual dial in Tawnvela pawh hlado chham thulh meuh chuan a rawn thu thla leh a, A ni a sin. Rengkai lal hi a chapo in lian a in ti em em mai a, A pasaltha lal fapa bula awm rawt reng mai kha in mal beih ah chuan tuman an tluklo an tih thin avang in an chapo pui em em a, Lalpa ai mah chuan a fapa kha la chapo zawk in a pa chu nep te a ni ringawt mai. Inbuan ah erawh Sihruam buanchak chu tu in an khan lo a, Mahse Rengkai lam hian indo leh in run hrehlo zawng a thu an lak zel thin avang leh an pasaltha hi an thehlar em avang in anla dawh tlang hlawm ni ber in ka hria rawn ti charh charh in an khaw boruak awmdan tur pawh a hmu thiam nghal ruai ruai e.

Chhawna chu rawn in rawlh ve in, Rengkai emaw kailo emaw, Sial kai emaw kailo emaw ka tinther tiat pawh in ka tawte an ti sailo e. Vangpui vanglai hian tu khua kan huphurh ka hrelo a, Tumah kan va nawr lah ni hleklo chuan. Vela. Mikhual lungphu ti rang dawt dawt khan hlado han chham teh a rawn tih tak ah chuan an nui zo ta vek hlawm a. Tawnvela pawh in ring lenglawng a chham in a chengrang chu a han sai zui dur mai a, Midang te pawh in lo chhawn in sa hleh beisei leh sa lu zawn tum naupang te lo lan hun chu anlo nghak zui ta rih hlawm a.

Zehtlang lalin chu pa neinung kel in tluk zet a rak in lut chhuak an in dawt zut a, Rengkai lal fapa te pawh thleng ve tawh in a mize pangngai te chuan a pasaltha hmachhuan ran chuan a tawng leh lar lar tawh a, Vangpui lalpa Sangtawna chuan mak alo ti in ai a upa leh lal te meuh bulah pawh a mizia hetiang anih zawng in aw a lo ti rauh rauh thung.

Vanneih thlak tak in an lal fapa chapo chu a pasaltha bula thlen a duh tlat avang in khawnbawl upa min te in ah an thlentir a, Mikhual dang te pawh sem darh in lal leh upa rawn pakhat theuh erawh chuan Zehtlang lal in ah riahrun an rem ve thung dawn a ni. Chutih lai tak chuan hlado chham thawm lo chhuak in a ring tha lenglawng bawk a an ngaithla zui thap a, Ekhai. Sa khat mai a nilo ti in an lal fapa te ramvak hlawhtling chu anlo lawmpui dar dar hlawm. Reilo te ah naupang in salu rawn zawn in lal in an rawn pan mup mup a, Rivunga leh chhawna pawh lal in a an in nghah ve miau avang leh a sa kap tu te hi lal fapa leh Rivunga te lam an nih miau avang in lal in a aluh vek a ngai tlat a ni.

Lal ho leh upa thenkhat chu luhka ah rawn chhuak in an salu rawn hawn chu anlo lawm a, Tawnvela chuan hma rawn hruai in a hnung ah Chunglura te, Rivunga leh Chhawna chuan rawn zui ve leh in an hnunglam ah salu zawntu naupang an rawn ri phei luih luih bawk a. Tawnvela chuan ekhai lalpa i fapa te leh i pasaltha te ramchhuah pui meuh chu kan zak rum rum mai a lawm le. Thiante zarah hlawhchham lo in kan haw hram chu ani e rawn ti lang lang in naupang ho chu a hui phei thuai a, Lalpa bulah chuan sanghal ngho tha zet mai chu dah in, I fapa in a sathlum e a tih meuh chuan a lo hnaivai ho chu an e dual mai.

Mikhual thenkhat te leh khawtual mi te pawn an rawn en laih laih a, Mipui nawlpui an tin hnu chuan sa te chandarh in salu zawntu naupang ho chu an sem den den a, Tun tum chu upa ho pawh mikhual ngah tur an nih ang in an sem ve ta theuh bawk a. Tawnvela chu a phurh zawhtawk dawn pe in tang sateh mahse a hnial hneh tak loh ah chuan lawmtak in an in lam a pan zui thuai a, Lalpa pawh in a fapa chu chhuangtak a en in, Lura. Ka banglai ngei hi a mawi dawn ani ti in a hlim thur thur kher mai.

Mikhual lo thlengtur an kim tawh bak ah zanlam ah rorel ho deuh a ngaih avang in zanriah an kil thuai a, Sazuk leh nghalchang sa nen a an han ei ho meuh zawng chawbel lian lua a awm thei lo ang tih mai tur a ni. Zanriah eikham chuan Rivunga leh Chunglura chu an chhuak thuai a, Chhawna erawh an lalpa in awm ve tur a a tih ang in rorelna ah a tel ve dawn avang in a chhuak ve thei talo thung. Chunglura te pawh Tawnvela te inah lawilut in annu chuan lawmthu a lo sawi mawlh mawlh a, Rivunga lah chuan phawk rawn chhuah in, Lawmthu sawina chi pawh a ni em mawni ngai le, Inpa hian a duh zat a hawn dawnloh chuan in khaw nula hmeltha min rimpui loh ah min vau bet tlat a lawm le a han tih chuan an han nui leh rih thin.

Muangchang a chhuak ho in zawlbuk an pan sang sang a, Zawlbuk thawm that dan ah chuan mikhual an lawilut tawh ngei tih chu hai rual a nilo. Anni pawh in Rualchhingi in kai hma chuan zawlbuk lawilut hmasa zet in an thu renrawn a, Chutih lai tak chuan Rengkai lal fapa leh a thuihhruai te ho pawh rawn lawilut in an rawn ri zui nghal lang lang hlawm a. Zawlbuk kaiten rawn ri leh rawk thawm ah chuan hawi phei in Sihruam buanchak lawichal tiat zet chu rawn lawilut ve in a hnung rawn dawltu ho pawh an hrawl tha hruau hruau hlawm khawp e.

Chumi te rawn luh hnu chuan Rengkai lam thawm chu a reh ta riau hian a hriat a, Rivunga lah pek chuan sazu khawihsak hlau ni awm hrim in ti a lo phun sup in a mah chuan a nui tak ang vur vur a. Sihruam lam te leh rengkai lam te, Zehtlang leh Vangpui lam te pawh chu inpawh tak a in kawm khawm in an khaw nula hmeltha rim an tum tlang vek anih hmel e. Sihruam lam chuan inbuan an han rawt titih nghal thuai a, Mahse Zehtlang lam val upa chu rawn in rawlh thuai in, Tlangval te u, Khualbuan neih a chakawm tawh hle mai a, Mahse kan lal ten in tihsiakna atan lo khek tur a min tih ang in i nghak hram ang u a rawn tih chuan an pawm zui ve mai bawk.

Kilkhat atang chuan tu emaw rawn tawng chhuak ve leh in, Inbuan chauh lo pawh thingluang chung a in beih te pawh a tel ngei ang chu a rawn tih chuan Sihruam leh Rengkai ho chu an in melh bing deuh hrek hrek a, Tawnvela chu rawn in rawlh ve thuai in, Ni e, Eng ang infiamna nge awmdawn kanla hre biklo a, Zanin ah lal leh khawnbawl ten an rel ho hnu ah a hriat ang chu. Tlangval te kha kan khaw nula hmeltha han rimpui tawh u a tih tak ah chuan an boruak dai zui in an tho sang sang a, Lengi te runkai tur chuan an chhuak zui ta sap sap hlawm.

Tawnvela pawh in a thian leh a naute ni pah fawm chu sawm ve in, Ti teh u. Kan khaw nula hmelthat dan indawt in ka hrut pui teh ang che u ti in hma a hruai zui thuai a, Rivunga leh Chunglura pawh in zui ve in vengthlang lam pan chuan an chhuk thla ho ta siau mai. E khai u Vel. Rualchhingi an tih chu chhaklam mual ni in ka hre si a, Eng titih a vengthlang lam pan nge kan nih tak ti in Rivunga chuan chhaklam a hawi awl lo a, Tawnvela leh Chunglura lah in vawin lam a anlo sawilawk tawh ang in hmeithai fanu ngei rim tur in an chhukthlak pui ngeuh ngeuh mai si.

Veng mawnglam ah pawh a in tawp ber dawttu ah chuan perkai in chhunglam thawm pawh alo ri ve nak nak a, Aw thian kharh kharh pah a lut in a chhung a lo awm ho ten a lo lut thar te an hmuh chuan an reh zui nghal thap mai. An nula rim te chu rawn tawng thuai in, E heu leh. Kan pasaltha te ni reng in. Eng thli chhia nge tleh a helai meuh in rawn chuankai ve tak mai le, Khawtlang duhloh kan ti anga min rawn run dawn chu a ni emlo maw ti in a lo chhawn zung zung a, Tawnvela pawh in an boruak hria a chhanglet in fiamthu nen an rik tak hluai ah chuan a lo awm hmasa te pawh an rawn tlangnel ve leh thuai hlawm a.

Rivunga mawlh chu ni hawi buai ta ni. Chu nuka chu a hmaifang a that mai piahlam ah a nuih zawng a biangsum khuar kek kek chuan a ti lang duhawm em em mai a, Mi neinung fa te chu ni ve ngat sela chuan khawkhat hmeltha ti a sawi te pawh a kai ngei ang. A hmui lah chu tan thar hlim ang mai hian a sen siah reuh a, Nuhnun te hlei hlei chu patling lunglawm a kim khawp ang le. Sawi mai tur hrelo leh ang deuh phuau a en in a khap ang fuk fuk a, Chunglura chuan a ke zungpui a rawn rahsak in a han sik zui tawk mai a, Rawn harh chhuak zak lutuk chu a thutna en lemlo chuan rawlthar pakhat mal chungah chuan an thu thla zui bawk nen. Tlangval dang te chu lo nui in Chunglura leh Tawnvela pawh anlo dir ngar ngar a, Rivunga meuh pawh in a hnar a hmulian in a che phelhphung mai a ni.

Thutna remchang a dap fuh hnu pawh in a la thu kun ngur a, A zak lutuk chuan a thianpa beng ah chuan pawt in a vial zui tak ang chiam chiam a. Tawnvela chuan titi vawrh in an nui leh dar dar thin a, An nula rim pawh inleng kawmthiam tih tak ah tumah thleibik neilo chuan a kawm vek in a mit erawh in tuma hmuh loh tur chuan tu emaw chu a va zai leh ralh thin thung. Chutiang hun ah hlei hlei chuan Rivunga awm ngaihna hrelo chuan a thianpa kuaite ah tak te chuan alo zu chum leh awrh mai thin a, Zanin zet zawng a hmui chu phuar ang hlauh a ni mai e.

Chutia hlim tak a an rik laih laih lai chuan khawlai lamah chuan ri deuh hluai leh thinrim ang thawm a rawn chhuak hluai mai a, Tawnvela leh Chunglura chu rang mangkheng a in perh tho in an tek chhuak zui nghal zat mai. Thawm awmna lam pan chuan tlan dawr dawr kn an va thlen chuan anlo bawrkhawm tiau tiau hlawm a, Tawnvela chuan keu sawt sawt in enge thil awmzia. Enge nita tih pah chuan an va pawh zui ve hlawl mai le.

Chulai hmunah chuan Rengkai lal fapa leh a kaihhruai a thachhang dawltu chu lo awm in anlo au tawn tawn a, Rengkai lal fapa ka ni a, Ka bul a mi hi khualkai pasaltha Thanruma ani ngai e. Mikhual ve bawk in zahpah lo leh thamlo tak a in tih tur kan nilo a, Ni leh thla kar a leng kan ni e lo ti piap piap in ahma a ding ho chu alo hrawk tawn tawn a, A hma lam ah chuan Sihruam tlangval thenkhat leh Zehtlang valrual thenkhat te lo dingkhawm in an boruak chu a sang ru kher mai.

Tawnvela chuan an hmalam a mi te chu pan hnai in thil awmzia a han zawt thuai a, Chunglura pawh a mah thlawp zat leh inring ran a lo awm in Rengkai lal fapa lak ah chuan a dawhtheihna a tlem sawt hle tih chu a mitmeng a tang chuan hai rual anilo. Sihruam ho leh Zehtlang ho in an buaina an sawi mawlh mawlh lai te chuan Rengkai lal fapa leh an pasaltha chu anlo la ang dum dum mai a, Tawnvela mi zaidam thin meuh pawh an chhem alh tep tawh chu a ni.

Mahse Vangpui keite hi Tawnvela ang em a la upa lo leh hetiang ang a zaidam a ni ve hauh lo a, Dikna leh thiamna ah chuan hnungtawlh ngailo leh midang te lak a in lulin ching ngaitheilo zet a lo ni kher nen. Rengkai lal fapa leh an pasaltha te chu hmachhawn in a mit chu a sen ram mai a, Val u ten thu an sawi lai leh thulai an lak lai chuan lo ngawi rih teh u zawi sap a ti chung in a in rin hmel kher mai thung.

Rengkai pasaltha thanruma chuan an lal fapa thlavang chu rawn hauh thuai in, Tualchhung mi tih vang a a dik leh diklo thlulo a mikhual hmachhawn ching hi ka ngaithei hauhlo mai ka ti. Kan lal fapa hian phal ngat sela chuan a lu ka la nghal tur ania ti in a rawn hmachhawn zui ve siah bawk a, An boruak chu a tang mai pawh nilo in alh chhuak hluai thei tur a ni ta tlat mai.

Ni e, Chunglura hian khuangchawi boruak ah hian buaina thlenglo se a duh takzet a, Mahse a loh theihloh tawp ah erawh tlan a tum reng reng lo. Rengkai pasaltha chu hmachhawn zui siah in, Ka lu la thei an awm anih pawh in nang kher chu i ni hauhlo ang. I tum chhin duh em tih leh rawn pan chu a rual zui nghal zat mai a, Mahse an inkar ah chuan pasaltha Tawnvela leh Rivunga rawn in rawlh thuai in an rawn pawt hrang mawlh mawlh a, Rengkai lal fapa erawh a pasaltha chhawn ngam an awm avang te hlei hlei chuan thinrim zual in a la ang tun tun thung a.

Pasaltha Tawnvela a pa zaidam meuh thin ti thawk khawp a a ang chu thil pawi ber ani ta ani. Nang kha. Ngawi nghal hmak la, Ka thusawi hi ngaithla rawh. I pasaltha leh i pa lalna hming chhal in i chapo ve em em a, Mahni a tih theih nei mang silo leh engmah ni hleilo ti a rawn kawk siah siah in a hmel chu a dur khap mai a, Zehtlang valrual te chuan an pasaltha thinrim chu an hriat chian tawh em avang chuan lo ngawi thap in an lo thlir dek dek ngam chauh tawk ani. Tawnvela bawk chu rawn tawng chhunzawm leh in, Naktuk ah emaw a tuk leh ah emaw tunge huaisen a tunge chak ber tih chu kanla hria ang chu. Kei ngei pawh hian i bula ding kha ka thisen farkhat mah in a hlaulo tih hria la, Tawnvela a Zehtlang lal hnuaia a awm ka ni ngai e. Chu zawng ai chuan heihi lo chhinchiah la, Vangpui keite inla hmachhawn ngei ang ti in a ha chang a thial zui rap rap a, Chu thu kher chuan Rengkai lal fapa leh a pasaltha meuh pawh a ngawih chian tir kher a sin.

Chutih lai chuan rengkai khawnbawl leh Zehtlang khawnbawl te pawh lo thleng in An rawn in rawlh thuai a, Eng boruak tak thleng zel ang maw. Wait for 18

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)