HMAR PASALTHA KEIVAWMHRANGA ZIAKTU- Isaac Zote 1- 207

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

Re: HMAR PASALTHA KEIVAWMHRANGA ZIAKTU- Isaac Zote 1- 181

Unread post by Ngaia » September 9th, 2019, 5:46 pm

Bung- 190

Keivawmhranga chuan sang taka a naute khai kan nghawngah chuan a chempui chu uluk taka han chuktuah tha leh sauh sauhin,” I la pehhel ngam cheu a ni maw?” a han tih chiah chuan ramhuai lalpa hlau lutuk chu rawn te chhuak teng tung tawhin,” Pasaltha Lhunneh vang a ni e..Khawngaihin zahngai hram rawh..” a ti ta mai a.

Chu thu an han hriat chiah chuan Keivawmhranga mai ni lovin chulai a awm ve midang zawng zawng pawh chuan mak an tiin an in en hrak hrak hlawm ringawt mai a. Satgouhao ngat phei chu, chu ramhuai lalpa ka atang ngei a ni pasal hming a rawn chhuak ta mai chuan a barakhaih kher mai !!

Ramhuai Lalpa chuan chhunzawmin,” Pasaltha Lhunneh hian rei tak a rukin min zawl tawh a. Ka chhiahhlawh rinawm tak a nih avangin sa mai bakah buh leh balah mal ka sawm thin. Pasaltha Lhunneh’an Pasaltha Letzatong leh Val Upa Hemchon chhungte tu pawh lo lama feh turin an rawn kal a nih vaih chuan ka duh ang thal a lo ti na turin min ngen a ni. Chu chu thudik tak a ni a, dawt thu pakhat mah a tel hek lo.….

…..khawngaihin ka fa kha chhuah tawh rawh khai…” tiin beidawn hmel taka a han ngen meuh chuan Keivawmhranga pawh ramhuai lalpa chhanna avang chuan a lungawi thawkhat tawh a ni chek ang chu, tha takin naute hmelchhia leh tihbaiawm tak chu a chhuah ve ta a. Aisan tlangval Satgouhao erawh a rin loh leh beisei loh lam daih thu a hriat thar chuan a thawng kher mai !!

Keivawmhranga bawk chu rawn tawngchhuak lehin,” Aw le…zanin hian nangmahni tih nat tum che u emaw tibuai hrim hrim tur a helai hmun a rawn kal hi kan ni lova. Amaherawhchu, tun a chinah tha tak a Aisan khuate helai ram hi lo atana neih in phalsak loh a eng zawng pawh a in tibuai leh a ni tih ka hriat vaih chuan ka pawi in sawi tihna a ni ang a; khawi hmunah pawh awm mah ula ka rawn zawngchhuak leh ngei ngei ang che u tih hi in hre dawn nia.” a han tih chuan ramhuai lalpa pawh chuan,” I sawi ang chuan ni rawh se…

… Tun chinah Aisan khaw mipuite chungah kei leh ka hote hian kut kan thlak tawh ngai lovang. Amaherawhchu, thil pakhat nang pawhin min tiam ve a ngai ang. Khawngaihin tun bak Molpi tlangah hian engtikah mah keimahni min rawn bei turin rawn kal leh tawh ngai suh ang che..” tia a rawn chhan ve takah chuan Keivawmhranga pawh chuan ramhuai lalpa thusawi leh ngenna chu a pawm a ni tih hriat tak maiin a lu an bu ve nghauh a. Chung an sawi zawh chuan ramhuaiho pawh chu an chenna lamah chuan kal liamin zawi zawiin pakhat te te in chulai hmun ata chu an bo ta thliah thliah hlawm a.

An kal chhan ber chingfel tawh mahse zan a rei deuh tawh avangin Keivawmhranga leh a thiante chuan a hmaa an tum lawk anga thlamah te chuan riah leh law law mai an rel thlu ta a; amaherawhchu chu zan zet chu zawng.. a ni pasal Lhunneh chungchang chu ngaihtuah neuh neuhin Satgouhao erawh chuan muthilh harsa a ti ngei mai !!

A tuk zing tukthuan ei zawh hun awm velah chuan Keivawmhranga leh a thiante chu Aisan khua an lut leh ta a. Khawiah mah peng kualkawi lovin Aisan Lalpa Thongminlen in ropui tak chu an pan ding nghal vang vang a. Lalpa in an han thlen chuan Lalpa chu a khawnbawl upate mai bakah a pasaltha Letzatong, Lhunneh leh Val Upa Hemchon te ho nen an lo thu khawm thap hlawm mai a.

Keivawmhranga a han hmuh chiah chu Val Upa Hemchon chu rawn ding chhuak hluaiin,” Pasaltha…In lo haw tawh maw? Thil mak tak, lawmawm lutuk bawk si a thleng asin. Ka fanu Dimchong chu nizan, zanrei tawh lamah khan, rei tak a mutna khum atangin a rawn tho chhuak hlawl mai a…Tui leh chaw te a lam ve tawh asin..” tiin hlim leh lawm lutuk tih hriat tak mai hian Keivawmhranga mai bakah lo lam atanga rawn haw midang palite pawh chu a lo hrilh mawlh mawlh hlawm a.

Val Upa Hemchon thusawi chu hre tho mahse engtin mah chhang lem lovin Keivawmhranga chuan a kal pel a, Pasaltha Lhunneh chu va hmachhawn chatin a mitah tak thinrimna meipuiin a tuam emaw tih mai tur a mitmeng ngaihnobei tawh lo tak chuan en in,” Hetiang fakau hian a ni maw i lo tenawm ni ?! ‘Pasaltha ka ni e..’ te chu I la in ti ve si a maw ?! I duh ang thalin ti thei phei la chu Pasaltha Letzatong leh Val Upa Hemchon te hi anmahni mai bakah an chhungkua zawng zawngte nen lam i tihlum hreh hauh dawn lo a nih hi..” a ti ta charh charh mai le !!

Bung- 191

Chu thu a han hriat chuan Pasaltha Lhunneh chu thinrim tak a rawn tawngchhuakin,” Eng a ni? Khanglang che chuan leh naupang !! Thil sual engemaw ti ah min puih vei khanglang a ni maw? Mahni aia upate hetianga min tawngkhum hi i zak chai nang e? Naupang chumchiap I nih awm vel hunlai daih tawh khan pasaltha ka lo ni tawh tih I hre nang e?! Khawnge ni vawiin hian aia upate zah dan kan zirtir hlak ang che..” tih leh a chempui rawn phawi dawk zawk chu a rual ta mai a.

Amaherawhchu engtiklai pawh a inrin loh lai nei ngai lo Keivawmhranga chuan chu pasaltha tenawm tak chet hma hauh chuan vawilehkhatah a fei-ki-bar hriam tak mai chuan a hrawk ah tak mai an chhun tlang zawk mai ta tehreng a le !! A ka atang chuan thisen rawn baw chhuak zawih zawihin ka pawh chhawn lovin pialral lamah hreh take chunga tirh liam a ni ta !! Thil thlen dan an han hmuh chuan chulai hmun a awm zawng zawngte chu sawi tur ber pawh hre lovin an hrilhhai zawk zawmah a.

Mangang leh beidawng taka Lalpa Thongminlen pawh rawn te chhuak phawngin,” E khai !! Enge maw thil awmzia ni ngai le ?!! Mura Kap Pasaltha, engatinge khatianga chet i lak mai ni? Lhunneh kha ka pasaltha fel leh huaisen ve tak a ni asin !!” a ngaihna leh awmzia hre lo tak, thinrim lek lek awki hian a rawn ti a.

Keivawmhranga’n Lalpa zawhna chhan tuma a ka a rawn ang zuai hman tawh tih ah chuan rang mangkhengin Lhunneh a nupui vahpa Satgouhao chuan khalh vatin,” Ni lo Lalpa… Pasaltha Lhunneh hi ka ni pasal mah ni se, hetah kher hi chuan a thiam lo hulhual zawk tlat a ni. U Hranga chet lak dan hi engmah dem tur a awm love” tia Keivawmhranga chu rawn chhan thuaiin a hma zan a thil thlen dan zawng zawngte leh ramhuai lalpa Lhunneh in a zawl dan lam te chu kimchang leh hmaih neih hlau takin a sawi ta vek a.

Thu kal lam leh haw lam zawng zawng kimchang taka an han hriat zet chuan chulai hmun a awm Lalpa Thongminlen mai bakah a khawnbawl Upate leh pasaltha dangte pawh chu thi tawh mahse Pasaltha Lhunneh chungah chuan thinrim taka inseh ruh teuh chunga an rilru theuh a ngaihtuah rauh rauhin a hma ni lawk a Pasaltha Letzatong fapa Seiboi chunga Pasaltha Lhunneh rilru put duh dan leh Keivawmhranga kut a thih tir talh a duh emaw tih mai tura a khawsak dan zawng zawngte kha an ngaihtuah let a;

Pasaltha Lhunneh hian Pasaltha Letzatong mai bakah Val Upa Hemchon hi a rukin a lo haw hle a nih dawn hi an ti rilru nauh nauh hlawm a. Lalpa Thongminlen chu rawn tawngchhuakin,” Ka mit a lo del rei lutuk hi a pawi ngawt mai. Engpawh nise kan mi rilru chhe pa chuan a phu tawk dik tak hremna chu a hmu ta a nih hi..” a ti chuai raih mai a.

Pasaltha Lhunneh ruang chu Lalpa in ata lachhuak a an han sawngbawl fel hnu chuan tlai deuh tawh mahse engmah an la ei ve miau loh avangin lo lam atanga rawn haw te chu an zavai mai chuan Lalpa inah chuan tukthuan an buatsaih sak ta a.

Tukthuan ei khamah chuan tlemin a tlai deuh tawh na in Tiau lui chhak lam ramah te chuan an cham rei tawh em avangin Keivawmhranga, Phuaisabaka leh Khurluta te chuan Zote khaw lam pan zai chu an rel lui ta tho a; Seiboi leh Satgouhao chuan ni hnih khat tal la cham hram se tiin ui beh an lo tum ve mek bawk a. Amaherawhchu mipa in vawikhat thil a tum laklawh tawh chu sawhsawn leh mai mai chi erawh a ni tawh si lo !!

Zote pasaltha Tinhriama fapa tlangval tuaitir Phuaisabaka leh Aisan pasaltha Letzatong fapa Seiboi chu an inhriatna la rei lo hle mahse inngaina em em in, tet te atanga inkawm tawh thin emaw tih mai tur hi an ni a. Khuanu hualhimna zara an intawng leh te a nih ngai chuan khawmhma chem nen a thingluang an inzawh siak tawh tur thu an intiam fiam dun nghe nghe a.

Keivawmhranga, Phuaisabaka leh Khurluta te haw tura an han insiam zawh hnu chuan Lalpa Thongminlen leh Lalnu Vahhoichin mai bakah Pasatha Letzatong leh Val Upa Hemchon te chuan a hma zana an khua Aisan tana an thil tih ropui tak avanga thinlung tak a lawmthu sawiin an thlah liam a. Engtik hunah pawh Aisan khuaah an thian pathum zinga tupawh an rawn zin leh a nih ngai chuan khualtha an nih reng tawh tur thu leh an tan engmah ui an neih loh thu an thiam ang tawkin an chhakchhuak luam bawk a.

Aisan khuaa an cham chhung zawnga englai mai pawh a an thinlung luahkhattu Keivawmhranga leh Phuaisabaka chu Lal fanu pahnih Themlhing, Lhingboi an tih bawk leh Tingneihat, Hatboi an tih bawk te chuan an khaw dai thleng vai liamin heng pasaltha huaisen leh hmeltha tak pahnihte hian engtikah tak an khua rawn chuan leh ang maw tiin an lo inzawt ve nauh nauh a. Tin, Phuaisabaka thian thar siam pasatha Letzatong fapa Seiboi chu dai thlenga thlahtute zingah a tel ve bawk a.

Keivawmhranga, Phuaisabaka leh Khurluta ten Aisan khua hnungchhawn a khawthlang lam pan tum a an han leh hawi dawn chiah chu Seiboi chuan Keivawmhranga chu han koh ding lehin, " U Hrang, Ka nunna i kut a awm reng chungin leh i duh phawt chuan ka lu i lak theih tehreng nen a, ka nunna min zuahsak avang ringawt pawhin nizanah khan ramhuaiho lakah khan ka theihtawp chhuah a tanpui tur che ka nih tehlul nen; keimah zawk ramhuaiho lak a chhan ngai a kan awm leh hlauh zawk mai kha zahthlak ka tiin ka inthiam lo hle a ni. Lo ngai tak rawh U Hrang, engtik ni ah emaw chuan engemaw kawng tal a tanpui theihna che ka nei ve te a nih ngai chuan, kei Pasaltha Letzatong fapa Helkhosei hian, ka hming chhalin leh ka nunna hial thap pawhin ka tanpui ngei ang che tih chhia ka chham e !! " a ti ta hmak mai a.

Keivawmhranga pawh nui sak pahin a hma a ding tlangval tuaitir ve mai chu ngaisang ru tak chung leh a intiamkamna chu a pawn sak a ni tih hriat tak maiin a lu an bu ve nghauh a. Aisan dawhlungte an palh felt hnu chuan Keivawmhranga chuan a kal pui Phuaisabaka leh Khurluta hriat phak tawk let chuan ring vak lo hian, " Tlangval tuaitir huaisen reuh tak zawng a nih ngei kha.. " a ti ve ta a.

[Hun leh nite a lo kal zel a, Thado fate chu ram hrang hrang heng- Chin Hills hmar lam ram mai bakah Churachandpur district, Ukhrul district, Hmar bial, Vangai tlang, Tuiruang dung, Sadar Hills, Chandel district, Jiribam leh a chhehvel, Cachar phairuam, N.C. Hills leh Nagaland thlengin khaw tam tak delhin leh lal ropui tak tak neiin an inzarphah hlawm a.

Lalpa Thongminlen, Doungel hnam thlah kal zelah phei chuan Doungel lal ropui tak tak te rawn awmin a thlahte zingah Sap ho rawn lian zel tur pawh lo dodal ngam ngat, Lal huaisen leh rothap tak mai Chengjapao Doungel, Aisan Lal ropui chuan a hunlai a Thado lal hrang hrangte chungah British an beihna kawng a hotu ber nihna a rawn chang pha ta hial a.

Hemi tum hian Thado lal tam takte chuan inhmuhkhawmna lian tham tak neiin chumi tum a telte chu heng – Khotinthang Sitlhou, Jampi khaw lalpa; Khuptintong Haokip, lal hmingthang leh huaisen tak; Songchung Sitlhou, Sangnao khaw lalpa; Lunkholal Sitlhou, Chongjang khaw lalpa; Vumngul Kipgen, Tujang khaw lalpa; Lhunjangul Kipgen, Lalpa Vumngul Kipgen fapa; Enjakhup Kholhou, Thenjang khaw lalpa; Leothang Haokip, Goboh khaw lalpa; Mangkho-on Haokip, Tingkai khaw lalpa; Heljason Haokip, Loibol khaw lalpa; Onpilen Haokip, Joupi khaw lalpa; Onpilal Haokip, Santing khaw lalpa; Jamkhokhup, Boljang khaw lalpa; leh Nguljahen Haokip, Boljang khaw mi huaisen leh hratkhawkheng te ho zawng zawng chungah hian Chengjapao Doungel hian hotu nihna a chelh a ni.]



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 14th, 2019, 8:50 pm

Bung- 191

Chu thu a han hriat chuan Pasaltha Lhunneh chu thinrim tak a rawn tawngchhuakin,” Eng a ni? Khanglang che chuan leh naupang !! Thil sual engemaw ti ah min puih vei khanglang a ni maw? Mahni aia upate hetianga min tawngkhum hi i zak chai nang e? Naupang chumchiap I nih awm vel hunlai daih tawh khan pasaltha ka lo ni tawh tih I hre nang e?! Khawnge ni vawiin hian aia upate zah dan kan zirtir hlak ang che..” tih leh a chempui rawn phawi dawk zawk chu a rual ta mai a.

Amaherawhchu engtiklai pawh a inrin loh lai nei ngai lo Keivawmhranga chuan chu pasaltha tenawm tak chet hma hauh chuan vawilehkhatah a fei-ki-bar hriam tak mai chuan a hrawk ah tak mai an chhun tlang zawk mai ta tehreng a le !! A ka atang chuan thisen rawn baw chhuak zawih zawihin ka pawh chhawn lovin pialral lamah hreh take chunga tirh liam a ni ta !! Thil thlen dan an han hmuh chuan chulai hmun a awm zawng zawngte chu sawi tur ber pawh hre lovin an hrilhhai zawk zawmah a.

Mangang leh beidawng taka Lalpa Thongminlen pawh rawn te chhuak phawngin,” E khai !! Enge maw thil awmzia ni ngai le ?!! Mura Kap Pasaltha, engatinge khatianga chet i lak mai ni? Lhunneh kha ka pasaltha fel leh huaisen ve tak a ni asin !!” a ngaihna leh awmzia hre lo tak, thinrim lek lek awki hian a rawn ti a.

Keivawmhranga’n Lalpa zawhna chhan tuma a ka a rawn ang zuai hman tawh tih ah chuan rang mangkhengin Lhunneh a nupui vahpa Satgouhao chuan khalh vatin,” Ni lo Lalpa… Pasaltha Lhunneh hi ka ni pasal mah ni se, hetah kher hi chuan a thiam lo hulhual zawk tlat a ni. U Hranga chet lak dan hi engmah dem tur a awm love” tia Keivawmhranga chu rawn chhan thuaiin a hma zan a thil thlen dan zawng zawngte leh ramhuai lalpa Lhunneh in a zawl dan lam te chu kimchang leh hmaih neih hlau takin a sawi ta vek a.

Thu kal lam leh haw lam zawng zawng kimchang taka an han hriat zet chuan chulai hmun a awm Lalpa Thongminlen mai bakah a khawnbawl Upate leh pasaltha dangte pawh chu thi tawh mahse Pasaltha Lhunneh chungah chuan thinrim taka inseh ruh teuh chunga an rilru theuh a ngaihtuah rauh rauhin a hma ni lawk a Pasaltha Letzatong fapa Seiboi chunga Pasaltha Lhunneh rilru put duh dan leh Keivawmhranga kut a thih tir talh a duh emaw tih mai tura a khawsak dan zawng zawngte kha an ngaihtuah let a;

Pasaltha Lhunneh hian Pasaltha Letzatong mai bakah Val Upa Hemchon hi a rukin a lo haw hle a nih dawn hi an ti rilru nauh nauh hlawm a. Lalpa Thongminlen chu rawn tawngchhuakin,” Ka mit a lo del rei lutuk hi a pawi ngawt mai. Engpawh nise kan mi rilru chhe pa chuan a phu tawk dik tak hremna chu a hmu ta a nih hi..” a ti chuai raih mai a.

Pasaltha Lhunneh ruang chu Lalpa in ata lachhuak a an han sawngbawl fel hnu chuan tlai deuh tawh mahse engmah an la ei ve miau loh avangin lo lam atanga rawn haw te chu an zavai mai chuan Lalpa inah chuan tukthuan an buatsaih sak ta a.

Tukthuan ei khamah chuan tlemin a tlai deuh tawh na in Tiau lui chhak lam ramah te chuan an cham rei tawh em avangin Keivawmhranga, Phuaisabaka leh Khurluta te chuan Zote khaw lam pan zai chu an rel lui ta tho a; Seiboi leh Satgouhao chuan ni hnih khat tal la cham hram se tiin ui beh an lo tum ve mek bawk a. Amaherawhchu mipa in vawikhat thil a tum laklawh tawh chu sawhsawn leh mai mai chi erawh a ni tawh si lo !!

Zote pasaltha Tinhriama fapa tlangval tuaitir Phuaisabaka leh Aisan pasaltha Letzatong fapa Seiboi chu an inhriatna la rei lo hle mahse inngaina em em in, tet te atanga inkawm tawh thin emaw tih mai tur hi an ni a. Khuanu hualhimna zara an intawng leh te a nih ngai chuan khawmhma chem nen a thingluang an inzawh siak tawh tur thu an intiam fiam dun nghe nghe a.

Keivawmhranga, Phuaisabaka leh Khurluta te haw tura an han insiam zawh hnu chuan Lalpa Thongminlen leh Lalnu Vahhoichin mai bakah Pasatha Letzatong leh Val Upa Hemchon te chuan a hma zana an khua Aisan tana an thil tih ropui tak avanga thinlung tak a lawmthu sawiin an thlah liam a. Engtik hunah pawh Aisan khuaah an thian pathum zinga tupawh an rawn zin leh a nih ngai chuan khualtha an nih reng tawh tur thu leh an tan engmah ui an neih loh thu an thiam ang tawkin an chhakchhuak luam bawk a.

Aisan khuaa an cham chhung zawnga englai mai pawh a an thinlung luahkhattu Keivawmhranga leh Phuaisabaka chu Lal fanu pahnih Themlhing, Lhingboi an tih bawk leh Tingneihat, Hatboi an tih bawk te chuan an khaw dai thleng vai liamin heng pasaltha huaisen leh hmeltha tak pahnihte hian engtikah tak an khua rawn chuan leh ang maw tiin an lo inzawt ve nauh nauh a. Tin, Phuaisabaka thian thar siam pasatha Letzatong fapa Seiboi chu dai thlenga thlahtute zingah a tel ve bawk a.

Keivawmhranga, Phuaisabaka leh Khurluta ten Aisan khua hnungchhawn a khawthlang lam pan tum a an han leh hawi dawn chiah chu Seiboi chuan Keivawmhranga chu han koh ding lehin, " U Hrang, Ka nunna i kut a awm reng chungin leh i duh phawt chuan ka lu i lak theih tehreng nen a, ka nunna min zuahsak avang ringawt pawhin nizanah khan ramhuaiho lakah khan ka theihtawp chhuah a tanpui tur che ka nih tehlul nen; keimah zawk ramhuaiho lak a chhan ngai a kan awm leh hlauh zawk mai kha zahthlak ka tiin ka inthiam lo hle a ni. Lo ngai tak rawh U Hrang, engtik ni ah emaw chuan engemaw kawng tal a tanpui theihna che ka nei ve te a nih ngai chuan, kei Pasaltha Letzatong fapa Helkhosei hian, ka hming chhalin leh ka nunna hial thap pawhin ka tanpui ngei ang che tih chhia ka chham e !! " a ti ta hmak mai a.

Keivawmhranga pawh nui sak pahin a hma a ding tlangval tuaitir ve mai chu ngaisang ru tak chung leh a intiamkamna chu a pawn sak a ni tih hriat tak maiin a lu an bu ve nghauh a. Aisan dawhlungte an palh felt hnu chuan Keivawmhranga chuan a kal pui Phuaisabaka leh Khurluta hriat phak tawk let chuan ring vak lo hian, " Tlangval tuaitir huaisen reuh tak zawng a nih ngei kha.. " a ti ve ta a.

[Hun leh nite a lo kal zel a, Thado fate chu ram hrang hrang heng- Chin Hills hmar lam ram mai bakah Churachandpur district, Ukhrul district, Hmar bial, Vangai tlang, Tuiruang dung, Sadar Hills, Chandel district, Jiribam leh a chhehvel, Cachar phairuam, N.C. Hills leh Nagaland thlengin khaw tam tak delhin leh lal ropui tak tak neiin an inzarphah hlawm a.

Lalpa Thongminlen, Doungel hnam thlah kal zelah phei chuan Doungel lal ropui tak tak te rawn awmin a thlahte zingah Sap ho rawn lian zel tur pawh lo dodal ngam ngat, Lal huaisen leh rothap tak mai Chengjapao Doungel, Aisan Lal ropui chuan a hunlai a Thado lal hrang hrangte chungah British an beihna kawng a hotu ber nihna a rawn chang pha ta hial a.

Hemi tum hian Thado lal tam takte chuan inhmuhkhawmna lian tham tak neiin chumi tum a telte chu heng – Khotinthang Sitlhou, Jampi khaw lalpa; Khuptintong Haokip, lal hmingthang leh huaisen tak; Songchung Sitlhou, Sangnao khaw lalpa; Lunkholal Sitlhou, Chongjang khaw lalpa; Vumngul Kipgen, Tujang khaw lalpa; Lhunjangul Kipgen, Lalpa Vumngul Kipgen fapa; Enjakhup Kholhou, Thenjang khaw lalpa; Leothang Haokip, Goboh khaw lalpa; Mangkho-on Haokip, Tingkai khaw lalpa; Heljason Haokip, Loibol khaw lalpa; Onpilen Haokip, Joupi khaw lalpa; Onpilal Haokip, Santing khaw lalpa; Jamkhokhup, Boljang khaw lalpa; leh Nguljahen Haokip, Boljang khaw mi huaisen leh hratkhawkheng te ho zawng zawng chungah hian Chengjapao Doungel hian hotu nihna a chelh a ni.]

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 14th, 2019, 8:50 pm

Bung- 192

Keivawmhranga, Phuaisabaka leh Khurluta ten Aisan khua an han chhuahsan fel chuan a hmaa an rawn kal tawhna Lunkhokam pa, Lalpa Lamthianmang, Manlun hnam lalna Tonzang khua chu pan leh hmasak phawt mai an rilruk a. Kalkawnga an kal lai chuan Phuaisabaka chuan Keivawmhranga silai, Zote Lalpa Hrihlera silai tha mi ngei mai chu a rukin a en leh zauh thin tih a mit sir a Keivawmhranga’n a han hmuh chuan a nuih te lam lam ti za in,” Sabak, I chul nel chhin chak em ni? Kha..han tuai vel chhin ta che..” nui sâng pah a a han tih chuan Phuaisabaka lawmah a tla ngei mai!

Remtih lohna em em Keivawmhranga’n a nei hran lo a ni tih a han hmuh chuan rang fahran a silai chu lak sakin mawi leh nalh tih hmel em em mai hian Phuaisabaka chuan tuaiin kil tin mai te chu a han en thli thlai vel a. Tlangval a pumpa ve pui tawh si, naupang chhia ang maia a han khawsa vel Keivawmhranga’n a han hmuh chuan rawn nui chhuak hak hakin,” Sabak, lungngai suh…Nakinah kawnglakah engemaw ti ti a kan vannei a, sa kah tur kan hmu fuh palh thut te a nih tak leh, i duh phawt chuan i kap chhin ve dawn nia” a han tih ngat phei chuan Phuaisabaka chu lawm lutukin a khi vur vur mai.

Dik chiah chuan Phuaisabaka hi Zote khaw Pasaltha, Khawnbawl upa a hlan kai thar, Zote khua a silai nei tlemte te zinga mi Tinhriama fapa a nihna angin a pa silai chu a lo khawih ve fo tawh thin a. Amaherawhchu, Keivawmhranga silai zet zawng Lalpa Hrihlera silai tha mi ngei a nih tlat si avangin a mawi danglam bik tlat maia; Phuaisabaka’n han khawih chhin a han chul nel kual vel a chak zek zek pawh hi thil awm lo tak a ni bik awm love.

Phuaisabaka chuan rawn chhang let ve thuaiin,” Ti teh U Hrang, kan zinna te a hla tham si a, I chau lutuk dah ang e…Khawnge keiman i silai hi chu kan ken chhawk ve ang che.” a han tih chuan Keivawmhranga pawh chuan nui sang chungin a remti ve mai a; kalkawng tluanin an pathum chuan eng eng emaw an sawi phei nauh nauh reng bawk a.

Khua a thim tep tawh tih ah chuan lui kawr tereuhna awmna hmun an thleng ta a. Chutilai hmun chu riahbuk sualnan a remchang awm mang e ti a an han thlithlai vel lai tak leh Khurluta tawng lai tak chuan Keivawmhranga chuan kut zaizirin bengchheng siam tawh lo turin a rawn ti thut a.

Zawite a “Enge ni ta?” tia Phuaisabaka leh Khurluta’n an rawn ngaihven thuai chuan Keivawmhranga chuan a thiante chu rawn bekbawrin,” Khuti lai ah chuan eng ri emaw ka hria a nia. Sa a ni mai thei a sin. Ti teuh u, dimte in zu enchhin teh ang u..” a ti ta a. Hetih hunlai hi chuan tunlai ang te a la ni lova; ram a la tha in khaw chhung a nih loh chuan hmun tin mai hi ngawpui chawi vel tuk loh ram deuh vek mai hi a la ni hlawm a.

An han enchian nak chuan chu ri chu zawbuang lian tha tak mai hian a lo siam hi a ni reng mai a. Chu chu a han hmuh chiah chuan Keivawmhranga chu Phuaisabaka lama hawi thuaiin zawite hian,” Khai le…I silai ken chu i han kap chhin dawn em ni ang?” nui sang chunga a han tih chuan Phuaisabaka chuan phur fahrana a awmhmun han siam remin a tin vang vang mai a.

Uluk taka rei tawk fang a han tin hnu chuan thalfang chu a han thlah ta dur mai a; Keivawmhranga silai atanga ngenmu chhuak chuan zawbuang lian tha tak mai awmna chhak kopang chu a fuh ta dur mai le !!

Zawbuang phu nasa lutuk chu kawngthlanga hnim buk karah a tlan lut rang kher mai !! Phuaisabaka’n a sa kah tum a thleh chiang hle a ni tih a han hmuh chuan Keivawmhranga chu za em em hian,” Aw haw… Zawbuang sa tui tak kan hmeh dawn emaw tih tawh nak alaiin !!...

… Aaaa…a pawi love, rawtuai leh tumbu khawrh tur zawng tawh mai ang u..” a rawn ti chhuak hawk hawk mai a. An zavai mai chuan an han nui ho leh dar dar rih a. Riahbuk te sual felin an chawhmeh tur te an siam fel zawh hnu chuan mut zai an rel ve ta a.

Bung - 193

A tuk zing hma takah tukthuan ei felin Tonzang lam chu an pan leh ta vang vang a; tlai thim hma in Tonzang khua chu an lut fel leh ta a. Tonzang khua an han luh chuan Lalpa Lamthianmang in ropui lam chu pan nal nalin zan khat chiah riah an tum tho avangin thlenna dang zawng buai lova Lalpa in mah ni se riah mai chu an rilruk a ni.

Lalpa Lamthianmang in Keivawmhranga thianza ho pathum a han hmuh chuan hlim taka lo dawngsawngin Lalnu mai bakah Guite Lal ropui Gendong lak ata an chhanchhuah tak Lal fapa Lunkhokam pawh chuan lawm takin khualtha te chu a lo chibai ve lawp lawp a. Chu zan zet chu Lalpa Lamthianmang chuan a mikhualte tan zanriah a buatsaih tuihnai ngei mai !!

A tuk zingah chuan a hma ang bawk a tukthuan hma taka eiin an chhuak leh ta a. Amaherawhchu a hma an rawn kalna Sihzang khaw lam pan tawh lovin Luseiho ram delh chin lam a kal chu an rel thlu ta zawk a. Kawng lak a zanhnih an riah leh hnu in a ni thumna tuk zing tuk thuan ei kham hnu deuh lawkah chuan khaw pakhat hi an thleng ta hlawl mai a. Mahse chu khua an han luh chuan Keivawmhranga leh a thiante pahnih chuan an thil hmuh chu mak an ti ang reng hle mai !

Chu an khaw luhnaah chuan zahpuiawm lo tawk taka in a thahnem ve tehlul nen, Keivawmhranga leh a thiante chuan mihring cheng an tlem riau in an hre mai a. Tin, khawlaidung vel a naupang infiam vel leh hlim taka han in um kawi zawr zawr vel hmuh tur an awm miah lo mai te chuan an mak tihna a belhchhah bawk a. Khawchhung an han lut phei zel chu, a hnu deuh lawkah chuan putar pakhat hi an hmu fuh ta hlawl mai a.

Chu Putar chu han be thuaiin Keivawmhranga chuan,” Ka Pu, hei hi eng khua nge ni a? Engatinge mihring cheng in tlem em em le? Lo lamah in riak zo vek em ni?” dilchhut takin a han ti a. Chu putar chuan muang ban chap a rawn chhang letin,” He khua hi Chawnghawih khua a ni a. Lalmanga lalna a ni e. Thla li vel liam ta khan kan chhak lam deuh a cheng Hualngo hovin kan in rin loh lai tak min rawn run thut mai a. Tlangval tam tak thatin an thah bang erawh thalai tam tak salah manin an khaw lamah an hruai vek mai a…

… Kan Lalpa leh mi thenkhatte erawh ramhnuaia lo biru hman awm ve bawkin tar leh chak lo te erawh min zuah thung a. Tin, hemi Hualngo hovin min run hnu hian chhungkaw thenkhatte chuan khaw dangah min pem san tawh bawk vangin in hmuh angin tunah chuan hetiang zat chauh hi kan cheng ta a nih hi !! Awww…tun hma te chuan khaw nuam leh hlun tak kan nih ve thin tehlul nen aww…” pawi ti tak leh hnuk ulh teuh chungin a ti vawng vawng mai a. Chu thu chu a han hriat chuan Keivawmhranga pawh chuan Chawnghawih khua tawrhna chu a lainat hle a.

A thim zawng leh lungchhiatthlak lam ringawt sawi zui pui duh lovin Keivawmhranga chuan thu dang daih a han vawrh lui a,” A nih tak chu maw le !! A zia lo hle mai !! In rilru hrehawm tur zia chu ka hriatthiam pui hle mai che u. A nih leh ka pu, thu dang a lai chuan; ti daih ila, Seipui khua a cheng thin Pu Zahmuaka, a nupui chu Pi Lawileri, Chawnchhim Rengpa Zamthatvunga farnu hi in hre thin mial em? Seipui khuaah khan a la awm reng nge khaw dangah a pem ta aw?” a han ti a.

Keivawmhranga zawhna chu muangchang a rawn chhangin Putar chuan,” Hre tehreng mai ! Pu Zahmuaka te chu henglai tlangdungah te chuan a lar alawm. A hre lo fa mang pawh an awm kher nang le !! Pu Zahmuaka chu khaw pahnih, hnamte ho khaw sah chhuah ve ve Khawrua leh Tlangkhuaah te Lalin a thu daih tawh a lawm…

… Tlangkhua ah hian a cheng zawk a; amaherawhchu khaw inhnaih tak an nih tho avangin Tlangkhua atang hian Khawrua chungah pawh ro a rel tho bawk a ni. A rorelna fin leh dik thin zia te hi mite hahip a sawi a ni chawk asin” a ti ta a.

Keivawmhranga’n chu thu a han hriat chuan a rilru te te in hmelhriat tawh sa te a nih avangin Seipui khua a thlenna tur in han zawn buai leh ai chuan; an sawi hmanga Seipui atanga a hlat vak lem loh bawk avangin Tlangkhua lam pan zawk mai chu fuhin a hria a. Tin, Seipui an han kal tumin amah Pu Zahmuaka mai bakah a nupui Lawileri, Rengpa Zamthatvunga farnu in an chunga that an lo chhuah avang khan Keivawmhranga mi ngainat zawng tak a ni hrim hrim bawk a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 14th, 2019, 8:51 pm

Bung - 194

Tukthuan ei khamah chuan chu Chawnghawih khua chu chhuahsan lehin Lalpa Zahmuaka lalna Tlangkhua chu Keivawmhranga leh a thian pahnihte chuan an pan leh ta. Feh-reh-san hun awm velah chuan lui pakhat hi an thleng a; a lui chu lian tak anga sawi tur ni lem lo mahse a tui a vawtin a fim tha hle a. Keivawmhranga leh a thiante pawh in phih harh vel pah a tui te in in an hah te pawh dam sawng sawngin an inhria a.

Chutia an in phih fai vel lai tak chuan Phuaisabaka chuan an awmna luidung chhak lamah chuan hnim che deuh hrut hi a han hmu fuh a. Phuaisabaka chuan Keivawmhranga leh Khurluta chu kut zazira han hrilh thuaiin sa a lo nih thut takin tiin awm hmun te siam rem zai an rel hmasa a.

Thli thlawt dan zawng han ngaichangin an rim thli in a beng fuh lohna tura an rin lamah chuan thing tang ro takngial pawh rah rik fuh hlau takin an phei ta tham tham mai le !!

Ri rawn chhuahna awm chu thawm dim thei ang bera an han en nak chuan an piah deuh lawkah chuan sakhi tuai te chhe lutuk lo, mam nalh zerh zawrh tak mai a lo ni reng mai a, Phuaisabaka a phur leh kher mai le !!

Phuaisabaka chuan chu sakhi tuai nalh tak mai a han hmuh chuan kah phalna dil tih hriat tak hian Keivawmhranga chu a han en hmasa te te a; Keivawmhranga pawh lo nui sakin,” Aw le…I kap leh ta poh a niang chu !! Mahse tun tum chu thelh awih tawh lo aw…Sakhi sa ei pawh a chakawm tawh a nia !!” Khi vur vur chungin a han ti ve a.

Reilote mit vei lam siai pah a thalfang han thlah mai Phuaisabaka’n a tum chuan kut zaizir a chutianga ti lo tura hrilh thuaiin Keivawmhranga chuan zawite in Phuaisabaka hriat phak tawk lek hian,” Hmanhmawh suh la…I sa kah tur chauh nilovin i kah duhna lai tak kha uluk takin rei tawk fang han en vang vang phawt la;

… I kah duhna lai tak kha Sertawk tiat lawih a lian ang mai a I hmuh hunah chauh thalfang I thlah thin dawn nia..” a han tih dap dap chuan Phuaisabaka pawh chuan thuawih takin a pasaltha ngaihsan tak thusawi chu a zawm ve ta a.

Rei mawi tawk tak uluk taka a han tin hnu chuan Phuaisabaka chuan a han hmetpuak ta dur mai a le !! An piah a sakhi tuai chu a tal vial char char mai a. A sa vawikhat kahthlukna a ni bawk a tlangval tuaitir Phuaisabaka pawh a lawm kher mai !! A hnuk an chhah fel hnu chuan hmun remchang deuh ah sakhi chu an han pu sawn a; lui kama awm an lo ni kher bawk chu vannei an intiin thil a awlsam phah viau in an hre nghe nghe a.

A sa te an han chan darh hnu chuan a hringin an iptepui theuhah puar lukin an ak rih phawt a, zana an hmeh khawp tur tih loh chu zan lama riahbuk te an sual zawh hnuah rep mai an rilruk ta a.

Zan lama an sakhi kah an han rep fel hnu chuan mut zai an han rel a; a tuk zing tukthuan ei khamah chuan Lalpa Zahmuaka lalna Tlangkhua chu an pan ding ta vang vang mai a. Tlai lam losul haw hun awm velah chuan an va thleng ta mai reng a.

Bung - 195

Tlangkhua khaw daia naupang sava veh thenkhatte chu an Lalpa in awmna an han zawh hnu chuan hmun danga pehhel kual lovin Lalpa in chu an pan ta nghal a. Lal in ni awm a ropui leh lian an han thlen chuan Keivawmhranga chuan aw han thian kharhin mikhual an thlen theih leh theih loh a han zawt vel a.

Lalpa Zahmuaka chu a khawnbawl upate nen an lo awm a. Lalpa’n Keivawmhranga leh a thiante a han hmuh chuan a lo lawm thiam em em mai a; Lalnu Lawileri pawhin tawngkam thlum tak tak nen a lo chiau au ve bawk a. Lalpa Zahmuaka chuan Keivawmhranga tawng tum ka ang zuai tawh chu han khalh thuaiin,” A lawmawm hle mai ‘Rengpa Chawilung Chawi Pasaltha’ !!...

…In rawn kal lamah lah khan Seipui khuaah ka la awm kha a ni a. Engtinnge helamah te min rawn zawn nachang in hriat zawk a? Tlangkhua leh Khawruaah te Lal anga ka thut tur thu kha ka hrilh hman che u em ni? Guite ram leh a chhehvela i thil tih ropui tak tak, Lalpa Gendong Sial ropui nen a in innawr chungchangte kha mikhual zin vei vak tawngka atangin ka lo hre ve asin !!...

… A ropui ka ti kher mai !! Ka zawlbukah ngat phei chuan tun thlengin ka tlangvalten i chanchin bak sawi tur pawh an la hre hlawm mang lo a nia…” nui var var hian a han ti a.

Chu thu a han hriat chuan Keivawmhranga pawh chuan an rawn kal lama Chawnghawih khua an rawn luh hmasak thu leh chuta cheng Putar pakhatin Tlangkhua leh Khawrua khuaah te Lal a a thut tawh thu an thian pathum chu a hrilh thute chu a sawi ve ta a.

Tin, tunah chuan khaw khat Lalpa ni tawh mahse, chunglai ram leh a chhehvelah anni lo hmelhriat dang an neih si loh avangin zah pawh dawn lova rawn pan tawp an ni thute chuan a han tuihnih ve leh a. Chung thute Keivawmhranga’n a sawi zawh chuan Lalpa Zahmuaka khawnbawl upate pawh chuan ngaihsan hmel fahran hian Keivawmhranga leh a thiante chu an lo chibai ve hlawm bawk a.

Engemaw chen an han thut thlandaih tawh hnu chuan pawn lam atanga tuemaw in chhunga luh rawn dil ri chu an han hre ta a. Lalpa in chu aw chu a han chhawn hnu chuan Tlangkhua tlangaupa ni awm tak chu rawn lutin,” Lalpa hei nimin piah a ka hrilh thuak tawh che chungchang bawk kha a nia….

… Eng lo a nia, hei ka sawi chhungkaw pahnihte kha kan khuaah hian an awm tawhin tunah sawn i in kawtah chhungkaw pa berte ve ve an ding mek a. I remruatna leh rorelna kan nghak mek a nia. Rem i tih chuan inchhungah hian ka rawn luh tir mai dawn asin? ”hawihhawm takin a han ti dap dap a.

Tlangaupa thusawi a han hriat chuan Lalpa Zahmuaka chuan nui sang chung hian,” E Khai..A pawi reng reng hlei nem. Rawn luh tir mawlh rawh khai !! An hmelte pawh hmuh ve a chakawm alawm” a han ti thuai a. Lalpa thu a han hmuh veleh chuan Tlangaupa chuan pawn lama ding patling pahnihte chu a han ko lut a. Lalpa Zahmuaka chuan tha takin a lo dawngsawng dun a.

Lalpa Zahmuaka bawk chu rawn tawngchhuakin,” A lawmawm hle mai kan khaw tlawm taka rawn pem luh duhna thinlungte in nei a. Khawi lam ram atanga rawn kal nge in nih a, eng hnam te nge in nih ve hlawm reng reng le?” dilchhut tih hriat tak hian a han zawt hlawm a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 14th, 2019, 8:51 pm

Bung - 196

Patling pahnih rawn lut zinga pakhat zawk chuan khur lek lek chunga Lalpa chu rawn chhangin,” Lalpa zahawm…Keini hi in khaw chhak lama awm, Halkha bial atanga rawn kal kan ni a. Kei hi Pawi hnam zinga Aineh hnam ka ni a; ka thianpa zawk erawh hi chu Pawi hnam kaupeng tho Hnialum hnam a ni thung a…

… Rem i ti a min phal sak a nih chuan nang ang Lal ropui leh fel, dikna ngaisang tak awp khuaah hian inbengbel kan chak ve a ni.” tia thiam tha vak lo tak chunga Hualngo tawnga a han tih chuan Tlangkhua khawnbawl upate chu an in en hrek hrek mai a.

Lalpa chu a thutna ata rawn ding chhuak hluaiin,” Eee…a ni maw? A va lawmawm ngai ve le !! Keini ang khua tehluh ang ah te in rawn pem lut ve duh a nih ngai chuan lawm takin kan lo pawm a che u.” a ti ta mai a.

Chu thu an han hre chiah chu Lalpa hma a ding pawi hnam patling pahnih te chu chawplehchilhin an hmelah lawmna namen lo hmuh theihin a awm nghal a; an thiam ang tawk a lawmthu te sawi ve in, Lalpa inah chuan rei pawh awm ngam lovin an chhuak leh ta nghal a.

An lalpa ka atanga thuchhuak an han hriat chuan Tlangkhua khawnbawl upate hmelah erawh lungnih lohna emaw lawm vak lohna chu hmuh theihin a awm nghal thung a. Phuaisabaka leh Khurluta te pawh chuan Lalpa thuthlukna chu a ruk tak chuan mak an ti ve hle bawk a.

Tlangkhua khawnbawl upate mitmeng leh hmel awm dan zawng zawng chiang tak a hmu a hrethiamtu chu an inbiakna ngawi renga lo ngaithla ve rengtu Keivawmhranga mai bakah mi pakhat dang an awm a. Lal fing tak na na na chuan a khawnbawl Upate rilru put hmang chu a hmuh hmaih hauh si lo !!

Chung pem thar pahnihte chu an chhuak fel chiangin an thusawite an hre phak tawh lovang tih a mit a a han finfiah te te hnu chuan Khawnbawl Upate’n an hriatthiam loh thil hrilhfiah tum tih hriat tak hian Lalpa Zahmuaka chu muang cherh chawrh a rawn tawng chhuakin,” Khaw lian leh mihring chen tamna khua na na na chu sa leh ral lakah an him thin a, khaw chhantu ngah khua na na na leidote lakah an ding chang ngai e…

… Khang chhungkaw pahnihte kha an rawn pemna te a hla awm si a, hahte pawh an hah viau a rinawm a. Kan khuaa tlem a mitha deuh inah khan zanin chu thlen tir ta ulangin; naktuk lamah tlangval zawng zawng hnatlangin an chenna tur in kan sak sak dawn nia. Tuman mikhual atan an thleng duh lo a nih chuan keiman ka thleng mai nang e.” a khawnbawl upate awmna lam melh zeuh pah chuan a han ti a.

Chutah zet chuan a hma zawng a ngawih chuh hram hram Tlangkhua khawnbawl Upa min pawh a insum zo thlawt tawh lo a ni chek ang chu, Lalpa Zahmuaka lam chu rawn hawiin,” Mahse Lalpa zahawm, i thuthlukna chu a dik meuh dawn em maw ni le? Han ngaihtuah chiang leh hram teh khai… Khang mi pahnihte kha Pawi hnam an ni a, kan hmelma lian ber !!...

… An lalte lahin engtiklai mai pawh hian keini Luseiho hi min nek reng mai a ni si a. Chutiang a nih mek lai a kan khuaah ngei Pawi ho lo lawm luh chu a finthlak viau kher dawn em ni?” a awki atang ringawt pawh chuan a zah hle a ni tih hriat tak mai hian Lalpa Zahmuaka chu inngaihtuah nawn leh turin a han ngen ve a.

Bung - 197

Lalpa Zahmuaka pawh chuan Khawnbawl Upa min chu rawn chhang ve thuaiin,” I sawi dik e. Pawi lalte chu kan hmelmate niin engtiklai pawhin chhak lam atangin min nek reng alawm. Hei hi thudik a ni teh meuh mai !! Amaherawhchu, thil pakhat in hriat reng tur a ka duh chu hei hi a ni –

… kan leidote chu Pawi lalte an ni ngei mai; mahse Pawi hnam hrim hrim hi kan hmelma an ni lo thung. Chulai in anlohna chu mitinte hian chiang tak a kan hriatfiah a pawimawh em em a ni.” a han ti fak fak a.

A khawnbawl upate hmelah chuan a thusawi chuan a la hmin chiang vak lo a ni tih a han hmuh chuan Lalpa Zahmuaka bawk chuan nui sangin,” A thu hrimin hei keimah in Lalpa ngei pawh hi Lusei Hualngo anga awmin Lusei sakhua bia ni mah ila, in hriat theuh angin min thlahtute chu Sihzang hnam ho an ni daih thung a; nangni ho anga Hnamte hnam lah ka ni hek lo…

… Tin, ka nupui lah Chawnchhim khaw Rengpa Zamthatvunga farnu, Hmar Lawitlang hnam kaupeng zinga Hrangchal hnam a ni lehnghal a. Tumah han en dang thei ziazang ka ni lo asin. Chhinlung chhuak theuh theuh tumah sakhua, serh leh sang emaw tawng hmante tlema a lo danglam deuh vang maiin kan in en hrang tur a ni ngai love…

…Ka khua-leh-tui atan chuan eng hnam leh chi peng pawh ni rawh sek sek- Lusei an ni emaw, Hmar an ni emaw, Ralte, Pawi, Sihzang, Guite, Manlun, Mantuang, Sukte emaw Thado pawh ni se, Chhinlung chhuak chu tupawh ka pawm vek e…

… Kan khuaah hian a chhunga mi chengte inlungrual leh inrem tak a tual kan chai ho hi khuareia khaw dangte lak a kan chakna leh dingchanna tur a ni zawk ngai e; chhungkua ah pawh unau leh unau an intai reng zawngin chhungkua a keh chhe mai thin si a..” a han tih dap dap chuan a khawnbawl upate leh Lalpa Zahmuaka inchhunga awm zawng zawngte chu thawklehkhatah an hmel put hmang hmuh theih khawpin a rawn danglam nghal sawt sawt mai a.

A ni lah tak a !! Lalpa Zahmuaka hi hetiang rilru zau tak pu a nih vang leh Seipui Khua a khawnbawl Upa anih lai ata tawh pa remhria, ngaihtuahna fim hmang thiam leh fing tak a nih avangin Ralte Lalho heng- Kawlni Lal, Siakeng Lal leh Lelhchhun lalte pawh khan inthurualpuiah an rawn sawm mauh mai kha a ni hrim hrim a.

Lalpa Zahmuaka avang hian a hnu zela an thlahte kal zelah pawh Lusei fate leh Ralte ho chu an inkar thu a that phahin hun rei tak chhung cheng ho in ral pawh an do ho reng a ni.

An lalpa thusawi chu an pawmpui a ni tih hriat tak maiin a khawnbawl upate mai bakah Phuaisabaka leh Khurluta te pawh chuan an lu an bu nghauh nghauh hlawm a. Keivawmhranga chuan a rilru te te in,” Lal fing, rilru zau tak leh dawn thui tak i nih mai bakah Lal ropui tak, nakin zel a tlang leh mual hran hran a cheng Chhinlungfa hnam tinte hriat hlawh i la nih ngei dawn hi !!” tiin a ngaihtuah rauh rauh a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 14th, 2019, 8:51 pm

Bung - 198

Chutia muk taka Keivawmhranga’n a ngaihtuah lai mek chuan Lalpa Zahmuaka chu a lam rawn hawi thutin,” ‘Khaw pum buan pasaltha’, hman a Seipui khuaa ka sawmna che kha i la hre reng ang chu maw? Nang pawh in chhungkua in Tlangkhua lama rawn pem chhoh zai rawn rel ve mai rawh khai !!...

… Khawnbawl upa ah ka hlang kai ngei ngei ang che tih ka intiam tawh kha..” nui hawk hawk pah a a han tih chuan Keivawmhranga pawh chu a suangtuahna ram ata chu vawilehkhata rawn let leh zawkin Lalpa sawm nawnna chu nui var var pahin mawihnai takin a hnial thla a.

A khawnbawl upate rawn lengte an tin darh zawh hnu tlai lamah chuan Lalnu fel tak leh mikhualte chiau au dan thiam tak mai Lawileri chuan an mikhualte chu ei tur tuihnai tak tak duhsak takin a buatsaih sak ta a.

Keivawmhranga, Phuaisabaka leh Khurluta ten zankhat Tlangkhua a an riah hnu chuan a tukah chuan an thlenna Lalpa fel takte nupa chu vai liamin an tum ram Lalpa Hrihlera lalna Zote khaw lam chu thlen thuai thuai nghakhlel tak chungin an pan chhunzawm leh ta zel a.

[ Lalpa Zahmuaka chuan a fapate – Zadenga, Paliana, Thangluaha, Thangura, Rivunga leh Rokhuma te chu an rawn puitlin chhoh hnu in tlang hrangte chantirin Tiau lui chhak Lusei ho delh ramah chuan khaw chi hrang hrangah an inzar pharh ve thlih thliah a. Tichuan, Zahmuaka fate chu Lusei zinga Lal chi thlahtute rawn ni chhovin an hming chawi theuhin Lal hnam a pian phah ta hlawm a.

Zahmuaka fate hi an pa ang bawkin Lal rorum, rothap leh ral hratna lam ai mahin an fin, rorel thiam leh remhriatna te chu an hmingthan pui avangin tlangtin mualtin atangin khua-leh-tui an hip khawm hnem em em a. Hun lo kal zelin Thangura thlahte ngat phei chu an hmingthangin an ropui lehzual a. Thangura thlahte hian an thlahtu bul hming hi hnam hming atan la lovin Thangura tupa lal ropui tak mai Sailova hming chu an hnam hming atan an la ta hlauh zawk a.

Sailova thlahte zingah chuan Lal nunrawng, mawl emaw dawn tawi tak te chu lo awm ve bawk mahse a nawlpui erawh lal ropui, fing leh mahni khua-leh-tuite hmakhaw ngai tak an nih hlawm avangin an thlazar hnuaiah Lusei chauh nilovin zohnahthlak hnam tam tak an intulut a. Hun rawn inherchhuak zelin Lusei faten Tiau lui an rawn kan hnu, tuna Mizoram chhung ngat bikah phei chuan Zofate insuihkhawmna leh zai khat a min luantirna kawng a sulsutu pawimawh tak an rawn ni chho ta a ni.]

Bung - 199

Rengpa Zamthatvunga lalna Chawnchhim khua lamah chuan hun leh nite hian liam zai an rel thei lo emaw tih mai turin nitin zantin mai chu lungleng tak chungin Pasaltha Zukhrianga fanu Buangzingi chuan luaithli nen hun a hmang ral thin a.

A lungleng lutuk tih ngaihna hre si lo hi an khua atanga khawchhak lam tlang sang tak takte lan theihna ah te chuan kalin awmze nei lo hian a thlir leh vawng vawng ringawt mai thin a.

Chutia Buangpuiin a lunglairuk luahtu Pasaltha ngai em em a hun a hman lai chuan a hriat miah lohin an vangkhawpuiah khawthlang lam ram hla tak atangin mi neinung tak khualtha a rawn lawi lut a. Tlai khat Buangpuii tuikhur a tui chawi tur chu, chu mikhual leh a thian dang pathumte chuan an hmu fuh ta tlat mai le !

A hmuh chiah atang hauh chuan chu mikhual thinlungah chuan chu nula hmeltha chungchang, pianthiam eltiang leh hleitling zet mai chuan lalnu nihna a chang ta tlat mai a; thil dang engmah reng a ngaihtuah thei lo !!

Chutianga rilru a eng dang reng leng thei lo ta na na na chu khaw lian em em a lo ni lem lo bawk nen, reilote ah chuan chu nula chu tunge a hming ni a, tunge a nu leh pate tih vel chu awlsam takin an zawng chhuak ta mai reng a.

Buangpuii tuikhur bula mikhualten an hmuh ni atanga a nakzanah chiah chuan Tuahhniangi leh a fanu Buangpuii chuan an in, hmeithai in tih taka tlawm leh chhe ve tawh takah chuan mi pali, nidanga an la hmuh leh hriat ngai reng reng loh inleng thar chu an nei ta a.

An zinga pakhat phei chu a incheina atang ringawt pawhin mi neinung leh awm thei tak chhungkua atanga sei lian a ni tih hriat theih tak niin a hmelte a tha in a zofate zingah chuan palian pawl tak a ni mai awm mang e Tuahhniangi chuan a rilru te te in a ti nghe nghe a.

An inlengte an han thut fel hnu chuan an zinga hmel lamah pawh tlema phan chang hmel ber chuan a aw han thian karhin Tuahhniangi hnenah chuan,” Ka Pi, pehhel kual lem lovin kan rawn len chhan tlang takin ka han sawi mai ang e. Hei keini hi khawthlang lam ram hla taka awm, Thiak khua atanga rawn zin kan ni a….

… Kei hi Thiak khua Mualkil Mitha pa fapa ka ni a, ka hming chu Tangkazawna ka ni a. Hei ka dinglam a thu hi kan khaw Lalpa Mutelêna fapa Vanhawlha a ni. Kan Lalpa Mutelena hi Thiak hnam kaupeng zinga Selate hnam a ni nghe nghe a. Kan khua atanga khawthlang lam ram hla tak a awm, Rengpui Chawnhmanga tuallenna ‘Rengpui Ram’ kan tih mai atanga thu pawimawh tak mai kan hriat ruk avangin chu kan thu hriat chu kan Lalpa hian Rengpa Zamthatvunga hmaichhan ngei a hrilh hre turin a fapa ngei rawn tir a ni…

…In khuaah hian ni thum lai kan awm tawhin khi Rengpa Zamthatvunga in ropui tak ngeiah khian kan thleng mek a. A nihna takah chuan vawiin ni hi kan khaw lama haw leh kan lo rilruk ni a ni nghe nghe a; mahse nimin tlai a kan khawlai leng kual mai mai, in khaw tuikhur lama kan zuk teihawi thla chu thil engkim a danglam zovin kan tum ang pawhin kan awm mumal thei ta meuh lo chu a nih hi maw..” nui hawk hawk chuan a han ti a.

Tangkazawna bawk chuan han chhunzawm lehin,” Chutia in khaw tuikhur bula kan len vel lai chuan hei kan lal fapa, Vanhawlha hian I fanu Buangpuii hi a hmu fuh ta tlat mai si a. Nimin tlaia a hmuh hun la la atang khan a thinlungah engmah reng thil dang lut thei mawlh tawh lovin a atchilh hle tawh chu a ni mai si a…

… Tih ngaihna tak pawh hre tawh lovin hei min hmuh angin zah pawh dawn lovin kan rawn leng lut ve rawih mai a nih hi..” tawngkam thiam tak chuan a han ti vel a. Tuahhniangi chuan an inleng pa thusawi chu bengsikin a lo ngaithla a;

chutianga Lal fapa meuhin a ni ang hmeithai fanu ve mai a lo duh chu a rilru chhungril takah chuan hlim em em in kawng lehlam takah chuan mak pawh a tiin awih har a ti mah zawk a. Buangpuii ve thung erawh chuan an inlengpa thusawi chu lo bengkhawn lem hlei lovin a ngaithla liam ve mai mai a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)