PASALTHA RAMLIANA KHUANU VOH BIK (Completed)

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

Re: PASALTHA RAMLIANA KHUANU VOH BIK.1-15

Unread post by Ngaia » October 20th, 2017, 10:59 pm

Episode 46
Ramtea chuan ngun taka ngai thlain a awmzia erawh a hre lo hle maia,chutah amutui lai chu harh chhuak hlawl in,thawm mak tak chu a hre nghal a,chu a thawm a hriat chuan a beng a verh kher mai,tanpuitu au va patling leh nutling,Naupang tap thawm chu hria in,Reiloteah chuan a reh ve leh maia,Ramtea chuan thawm a rawn awm leh mai beisei in an ngai chang leh vang vang phawta,mahse thawn dang a awm tawh lem loh ah chuan mut zai rel leh in reiloteah chuan a muhil leh maia,zing tiana,bawar zai ri leh hramthiam sirva tin reng ten khua chuana an awrawl mawi tak an rawn chhuah chuah chuah chuan,Ramtea mutui lai chu kai thovin,Sawmhlua sawmhlua pawh a rawn tho chhuak ve nghala,Ramtea chuan thianpa kan chhuak nghal dawn em niang,khaw mi te hian ei tur mumal pawh an nei lo ania,keini pawhin kan mamawh ve tho bawka tia a ngaihdan sawiin sawmhlua pawh chuan a lu alo bu nghat nghat maia,chutah an hman ruate chu chuh vat in Sapel tur chuan an in zui chhuak dun nghala,Rangate pathum chuan khawdaia lo nghak reng tawh in,Ramtea te thian dun an hmu chiah chu mei then lauh lauh a lo fiamin an lo bawh huam huam maia,Ramtea chuan khaih khaih,khatia min zuan vak vak te chuan kan chau chhe mai dawn a sin tia fiam zui ve in hlim tak mai chuan an in zui chhuak leh ta dam dam mai.
ramtea te chhuak ta chuan Sazuk chal leh nghal chang kap in Ramtea chuan Nghalchang chu a puma pu lawp in,Sazuk erawh chu Sawmhluan chan darhin Rangate pathum chu aphurh tir ve hlawma,chutah hlawh tling in ti taka kir lehin khua an thlen chuan khawmi te chuan an lo zawng nasa maia,Chutah Ramtea'n nghalchang a puma a rawn pu haw lawp lawp leh Sawmhlua thil phurh bawr luk chu hmuin Ramtea te lam chu an pan khawm nghal dul dul maia,Ramtea leh Sawmhlua chu va chhawk nghal thuai thuaiin thenkhatin an lo kam khat hlak hlak bawka,reitak chaw mumal pawh ei lo leh riltam reng reng a hun hmang thin in sa an han hmu chiah chu an phur tlang hlawm kher mai,chu mi tlai chu hlim taka hmang hovin an ri hulh hulh maia,Hun leh ni te her liam ve zelin,Pasaltha zaa leh Ngunduma te ho pawh rawn thleng ve tawhin,Sumhmun khaw mi ten an Pasaltha nungdama an hmu leh chu an hlim tlang kher mai,Thil tih tur leh in hrilh hriat ngai te chu in hrilh hre zung zung in a tuka chhuak mai tur chuan ro an rel thlu nghal zung zung a.Sumhmun khaw mi te pawh an in buat saih nghal ta zung zung mai.
Mualkawi khaw chhungah ve thung chuan Ramtea te chhuak ta chu Lal leh khawn bawl ten ti ti bera lo neiin an ngaih tuah hlawm hle maia,Ramtea hi mi tam zawk chuan fak in ngaisang hle mahse lo er tu leh lo thik tu pawh a nei ve tho a mahse a mah lo thik em em tu erawh hi chuan amah chauhva er in mi te hriat loh hian tih chhiat dan tur ringawt a lo ngaih tuah thin ani.
Hun leh ni te a kal liam ve zela,Ramtea te pawn an khua Mualkawi a awm tawh in,Sumhmun khaw mi te chenna in tur sa chuan a khaw pum mai chuan an buaia,mualkawi khaw in lung rualna chuan Sumhmun khaw rawn pem thar te rilru chu a ti hlim kher mai,chutia mahni buai buai a an buai mup mup lai chuan Ramtea leh tlangval 10 vel bawr chuan thingtuai puin an ti ti laih laih maia,Ramtea pawh chuan fiamthu te thawhin an nui ar ar bawka,chutah tlangval pakhat chuan Midang hriat hlau tak si hian Kei zawng kaning lua deuh tawh ani,Ramtea rawn awm a tang hian engkim maihi a buai vek ni ber in ka hria kan khua hi chhuah san leh daih se kati tia lo phun ve sep sep in,Ramtea chuan a lo hre phak in a rilru chuan i pawi ka sawi pawh ani mang si lova,chutia ka awm loha nuam i tih phah dawn te chuan ka pem leh daih anga ni mai lawm ti rilru neuh neuh in midang ti ti chu a zawm leh nghala,chhun chaw fak pelh hret ah chuan pemthar te chenna tur in pahnih chu an sa zo thei ta hrama,Tlangval rual tlawm ngai tak tak te chuan a tulang ang ti zel in tumah han thatchhe fal hmuh tur reng an awm lo,tlai lam boruak nuam tak karah chuan ni pawh kawlah chuan a in her liam lek lek tawha,Tlangval rual te pawh chuan in pahnih sa leh hman in,chau hmel leh hah hmel pu hmuh tur awm miah lo chuan an phurin an zuan a zang hlawm haih haih kher mai.chutih rual chuan an hriat hauh loh in lo thli reng tu pahnih an awm ve tlat mai,vansang tak karah chuan,Puvana chuan hlim taka Ramtea te che vel chu thlirin a nui var var maia,chutih rual chuan Mualkawi khaw ep chiah tlang dung in pharh phei zul chunga chhum pante zam chiai kar atang ve thung chuan Lasi valrual thahnem tak maiin an thiltum leh nihna eng kim hre tu ,Ramtea chu thinrim takmaia thlirin an ri mum mum mai bawka,Puvana chuan lasi ho chu thlirin huaisen ah leh chakna ah pawh heng hringmi te hi in tluk lo in,in el phak rual an ni lo tih in hre lo nge i hre duh lo zawk ni tia phun sep sep in a hwwi san ta a,Lasi te pawh chuan heng hringmi te hian an nihna an hriat chuan loh chuan kan tan hneh theih an nia,tun ah phei chuan hneh an awl lutuk ani tia an hotunu ve deuh ber chuan sawiin thil pakhat hriat hmaih a nei ta ani.
Ramtea te pawh chuan an tih tur te an tih zawha,chuan mahni in lam pan chuan Sawmhlua nen chuan an in zui hnak hnak maia,in an thlen chuan Pi chhungi chuan zanriah lo siam nghalnsawk sawk in,Pa dova leng pawh a rawh lut ve chiah bawka,Pichhungin zanriah tur a siam zawh chuan cgaw chu kil ho nghalin,Pa dova chuan hman hmawh tak chuan an bar hmasa ber a ti chuan an vai chuan chaw chu bar in hlim tak chuan an ti ti laih laih maia,zan riah te an ei kham chuan Muang changa vaibel te zuk leh te te in Ramtea leh Sawmhlua chu leihkapuia chuan an in kawm melh melh a,chutah puar te a tlak fela an awm te anawm deuh chuan zawlbuk lam pan chuan an chhuak ta hnak hnak maia,zawlbuk ah chuan tlangval ho pawh an lo awm nual tawh maia,chutah valupa chuan Ramtea te thiandun chu lo hmu vatin,khaile hei Ramtea lo kir leh hnu a tang hian kan tlangval ten in la buan chhin miah lo maia,zanin chu in fiamna ni pah fawmin kan pasaltha Ramtea hi eng ang chiah in nge tha aneih kan han fiah dawn em ni tiin tlangval te chu an rawn kuala,Valupa thusawi chuan tlangvalte chu an phur tlang hlawm kher mai,Ramtea chuan e khai kei te zawng buan tlak ka ni lo ve,hei ka dawl dang bawk si,min buan sil awng vek mai ang tia lo pha nghal zung zung in mahse a phat na chuan awmzia a nei dawn lo a nih hmel,chuttah in buan tura zawlbuk chhuan lai chu dah awl duai in Ramtea chu chhuat awl zau laiah chuan a ding ta vang maia,Ramtea chuan beisei nei deuha Sawmhlua va melh in ani lah chu a lo phur nasa maia,nui thaw a lo en let in lei a lo chhuah zauh zauh mai bawknen,Ramtea a tan chuan phat buai ting tang loh a fin thlak ber ta ve ang le.tlangval zinga phur fal deuh ber chuan hma rawn hruaiin khawnge kan pasaltha chu keimah hian kan chei chau ange tih pah chuan Ramtea chu a rawn pan chhat chhat maia,ala nui vur vur leh nghal,.chutah tlangval Lianthuama chuan Ramtea chu nuih var var pah hian in in ring rawh aw a ti mai pek a,tlangval dang te chuan an lo lawm in an nuih a ti za kher mai,tlangval dang te pawh rawn thlen belh zelin lengi rún kai lo chuan an ri hulh hulh hlawma,Rwmtea apawh a chau tawh ange hanti mawihnai pawh awm ta lo chuan buan lo bik leh Ramtea in fiam pui lo bik nih chu hreh tak te a hreh in Tlangval tamtak chuan an buan tawha,Ramtea a lah in hneh mai teih turleh chauh hmel tak hian ahneh tawk tawk zel maia,tlangval Ramtea la buan lo lo te tan pawh beisei a sang kher mai,Mahse Ramtea buan tawh te chuan Aruka Ramtea chak zia chu in hrilh ru su su in an thlamuan pui kher maia.
chumi zan zet zawng an hlimtlang in hah pawh an hah hlawm kher maia,Ramtea pawh a hah kher mai,Chutia an in fiamna te an duh tawk hnu chuan ti ti khawm in Ramtea chu an fak rawn chian maia,Ramtea chuan nuamlo ti viau mahse han tih vak ngaih na awm hek lo,a nui leh ringawt thin.
Episode 47
Hun lehni te a her liam zela,in lungrualna leh in tanpui tawnna ah chuan Ramtea te pawh hlimtaka khawsa ve zelin buaina leh harsatna chuan ala kian san ve zela,chutih rual erawh chuan,Lasi ho chuan Ramtea chu an veh ru reng bawka,Lasi ho hian Ramtea hlauhawm zia eng mah hre hek lo an zuam em em ringawt maia,mahse an zuam sual ve chiang ang chu,Ramteate thiandun chuan Ram lamah ralbeih leh insual chu an la zir dun zela,tunah chuan Mualkawi khaw tan chuan an thlamuan pui awm hliah hliah ta ve ang le,Ramtea chuan a thinlungah chuan huatna leh phuba lak chakna lian tak neiin an thil zirthin bak ah thil tam tak phuba lak chak na chuan thiam tirin,Tunah chuan phuba laturin an in peih ta at maia.
Tuk khat chu leihkapuia Ramtea ni lum ai lai chu a ding ta hluai maia,chutah Lal in lam pan ding nghal in a kal ta vawk vawk maia,kawng lakah chuan Mualkawi nula hmeltha eltiang Feli chu tawk hlawlin,Ramteachuan Feli a hmu thut chu a phu chiang kher mai,Feli pawh chuti bawk zah vanga biang sen taitek chung chuan hnuai lam chu a bih ta ngar ngar mai a,Sawmhlua zawk chuan awthian kharh kharh in,a thinlai luah tu chu tawng kam bah deuh nuaih cuan e khai feli khawnge i kal dawn a,in hmuh a va khat ve tia bia in Feli zak sen tan tan chuan hmelthatna leh duhawmna zawng zawng a keng vek e mawni tih tur khawp chuan Ramtea chuan feli chu a thlir ngawih ngawih maia.Chutah Feli chuan Ramtea chu en in Uramte nangmah zawk kha khawnge i kal dawn kei chu u siamtei te in ah kal ka tuma zak tih hriat taka zawt let in,amit meng erawh chuan awm zia a nei thui in mipa in ti tan chuan lawm veng vengna tur a ni reng ani,Chutah Ramtea chuan chhangin Lalin a kal a tum thu chu hrilh in sawi tur mai hre lo chuan an ngawi deuh vang vang a,chutah Ramtea chuan zanah in run lum a khartung rawn sawn ve tur in kei fahrah hian hmun te ka chang ve thei a ngem tia zawt in ahmelah chuan mahni in sit na leh in thlahrunna chu a rawn lang chhuak nghala,Feli chuan Ramtea in thlahrung leh in ngai tlawm lutuk chu duh zual sauh in,Uramte kan khuaah hian mithafa an awm reng reng lo,katan chuan mahni khua hmangaiha,mipuite min ngaih tuah em em tu te hi mitlha leh fel chu an ni asin,i chan chin hi ka hre teuh a sin mitam tak chuan an chapopui tawh ngei in ka ring,mahse nangmah ah chuan chapona reng hmuh tur a awmlo,kan rûn chhunga khartung i rawn sawn hun thlir hian ka nghawng ka lo fan uak uak thin a sin,tia chhangin a hmel ah chuan a ti mai mai lo tih hai rual ani lo,hnuai lam bih chuan a kun ngal maia,Ramtea chuan,nihleh Lalin pan tur kala ni sia ka kalsan phawt mai ang che tia kal sanin a rilru tak chuan kal san chu a hreh kher maia mahse arilru ah thiltum nghet tak a lo neih tawh avangin thulhsan a tum lo bur bawk si nen,Feli pawh chuan Ramtea chu kawm reng maia ,biahthu di hlan chu a chak kher mai,mahse an hun neih in a zir lo ve em bawk ani.
Ramtea chu Lalin lam pan chuan a kal hlawk hlawk maia,Lalin chu thleng thuaiin Lalin chhung a luh dawn chuan ding det in thawk an la hluai phawt a,chutah Lalin khawng ka chu beng ri dawt dawt in ka lo lut thei a ngem tia dil in Lalsaingura nupui PiTluangpuii chuan lo chhang in,e khai lo lut rawh khai tia lo chhawn in,Ramtea chu lalin chhungah chuan a lut taa,Pitluangpui'n Ramtea an hmu thut chu mak tih hmel taka en in,ekhai Ramtea lah ni reng chea,enge ni tun ang zing zing ah te i lo len luh ve teh miala,thupawi mawh tak zawng a ni ngei ang tia lo be sawk sawk.in thutna te chu a kawh hmuh zung zung maia,Ramtea chuan nie Pitluangpui Lalpa hi han biak lawk kan duh deuh mawle tia chhang let nghalin,Lalsaingura chuan lo zawm vatin,ekhai kanpasaltha chuan eng thu leh hlaah nge min biak te i duh ve tak miala,han sawila kalo ngaithla ange tia Ramtea biakduh na chu hre cjak hmel zet hian thut hmun te chu an rem tha sauh sauh maia,Sawmhlua chu Lalin chhunga rawn lut ve hlawlin,Ramtea chu Rum zet mai hian an melha,Ramtea chuan khati khan min melh vak suh ka hrilh ve miah lo angche thilpawi mawh lutuk kan sawidawna khatia in melh hun pawh ani lo tia lo khak in an pathum chuan an thu bial ta laih maia,chutah Ramtea chuan phuba lak a tum thu leh a ruahman na te chu Lalsaingura leh Sawmhlua bulah chuan a sawi ta vek maia,Lalsaingura chuan Ramtea thilsawi chu nguntaka ngaih tuah in,khabe dawm meuh a ngaih tuah ni mahse thuthlukna leh rorel dan thiam har a ti ve kher mai,Sawmhlua pawh chuan Th8qnpa thil tum chu mak a ti kher maia,phawk deuh taka Ramtea chu en in a ti mai mai lo tih lah chu a hmel a tang leh Lal meuh a hrilh a vang chuan hai chi rual a ni bawk si lo,a rilru ah chuan zawhna a tam tawh kher mai,mahse han in zawhna chi lah a ni silo,Lalsaingura chu rawn tawng chhuakin,nie Ramte kankhua ti chhiaa,fahrah l3h chanhaia min siamtu Lalsailopuia hi tih chhuan vek mai hi a chak awm khawp mai,mahse tun ah thut thut chuan thil tih chi ber a ni dawn em ni,keini in zahnih nufa lek chuan in zanga nufa chu han beihlet chi an ni dawn em ni,ngun taka ngaih tuah that leh chi niin ka hria tia Ramtea chu chhangin angaih dan leh duh dan te chu a hrilh pah mawlh mawlh maia,Ramtea chuan Lalpa i ngaih dan chu a tha khawp mai mahse hei ka lo let leh ni atang khan ni tam tak a liam tawha khang hun chhung khan ka ngaih tuah tawh thina,tun hun hi a remchan lai niin ka hria a tin ni tia hnial ti tih deuh in Lalsaingura chu a chhang leha,Lalsaingura pawh chuan hnial chi vaka a ngaih loh a vang chuan anih leh Ramte upa ho nen kan lo sawi khawm ve phawt ang chu heti ringawta thuthlukna lo siam rik ngawt zawng midang rilru te kan ti na palh riau riau ange tia Ramtea chu chhang let leh in chutih rual vel chuan Lalkhawn bawl te pawh chuan leihkapui chu an rawn dai ri rak rak hlawm bawka,Ramtea te chuan tin zai relin Lalin chu an chhuah san ta hnak hnak maia.
Lalsaingura leh mualkil Upa te chuan Ramtea thiltum leh duh dan te chu engtianga han kal pui turnge tih chu an rel khawm laih laih maia,Upa Dengzika chu rawn tawnh chhuak ve in tiang hian a ngaih dan chu a rawn sawi chhuak ve a,"kei ka ngaih dan chuan,hetia kanpasaltha kankhua leh tui hmangaiha mipuite min ngaihtuah tuhi kei chuan an mahni maia Lalsailopuia khaw run tura an kal hi ka rem ti thei lo ani,Ramtea te thiandun hi ka lo chik thina danglamna tak mai hi an nei ru tlat maia,Pasaltha ka hmuh tawh te nen hian an in ang hauh lo,kei chuan Ramtea te thiandun zinga kantlangval te an kal chuan an hlawh tlin hi ka ring tlat ani"tia angaih dan leh Ramteate a hmuh dan chu rawn sawi in,mi dangte pawh chuan an lo pawm pui hle maia,chutah an zinga upa ber Zaihlira chuan Pasaltha Hratthanga kha mihuaisen tak mai ania,ani ang reng reng kha kala hmu ngailo,amit mengah khan tlawmngaihna leh huaisena ka hmuthina,Ramtea mitmengah chuan hnehna ka hmu thunga ni,Kan naupanlaia Pasaltha Thangluaia huaisen zia leh tuan that zia annsawi kha ka hretawha a fapa in eng kimah a rawn khum an tih bawk kha,khatiang chiah khan Ramtea pawhin apa a rawn khum ani tia rawn sawi ve bauh bauh in Lalsaingura chuan Chutia a mirin ber ber ten an ngaihthat thu an sawi tliar tliar tak ah chuan.. ani pawh a ngaih a ngamin Ramtea chu a rintlak zia te chu a hre thar uar uar maia,ti ti dang dang vawrh in an ri leh laih laih thin,Lalsaingura nupui leh a fanu pawh chu kilkhat a lo then ve thaw in an nufa chuan an in kawm melh melh mai bawka.
Episode 48
Ramtea te thiandun pawh hmundanga peng kual vel lo in an in lam chu ding tak maia pan ding nghalin Ramtea chu a in ngaih tuah muk hle maia,Sawmhlua chuan a Ramtea chu rawn bia in,"Thianpa Lalin ka rawn kal dawn khan Feli ka hmua,zanin chu Feli te in lamah kan lawi lut ve mai mai dawn emni,tlangavala pumpa zawlbuka tawm reng mai zawng kan khawnula ho hian kan mit antlunglo emaw te an in ti palh ange tia fiamthu ti tak deuh chuan Ramtea chu an sawm a,Ramtea chuan awlsam deuha chhangin a tha alawm Nula in a len harh ve te pawh hi a thatna lai a awm ve alawm,tia chhangin a kal vut vut maia,Sawmhlua chuan a thianpa thil ngaihtuah tur awmang chu dawnpui thiamin thudang dang chu a sawi pui asawi pui maia,Ramtea pawh in ngaihtuah muk thei tawh bik hek lo Sawmhlua chu a fiam let ve ta zauh zauh maia,reilote ah chuan an in chu thleng der tawh in,Pichhungi'n Sawmhlua leh Ramtea rawn in nawr lut tawp tawp chu nuisanga lo enin,Nangni pahnih lah hi tia tuk thuan tur chu siam zung zung in Ramtea te pahnih pawh chuan an lo pui thuai thuai bawka,Padova chuan a fate che tla vel leh phur takmaia anupui an pui chu thlirin a nuihleh suk thina,tukthuan tur an peih fel chuan Padova chuan kil nghalin a faten an nghak tih hriain muang chang lo chuan chaw chu an bar nghal a.
Chu minituk chuan Sawmhlua te chhung kua chu an hlimin Padova chuan a fate chu a tlangval lai an ramchhuah leh rammut dan te a chetchhiat na leh hun khirh tak tak a lopaltlang tawh dan te chu a hrilh malh malh maia,Padova chuan Ramtea chu en in,a hnuk a rawn ulh deuh ti tih ta mai Ramtea chuan a ngaihna a hre lo hle maia,Padova chuan Ramte ipa kha tia bul tan in a tlangval lai leh a nunen an in tawn dan te,anun pum mai,harsatna in a tlak buak dan leh a thih dan thleng mai chuan a hrilh ta vek maia,Ramtea chuan uluktaka lo ngaithlain,chawei thulh thak mai chuan Padova thu sawi lai chu a thlir dauh dauh bawka,Ramtea chuan an chhungkaw chanchin kimchang an hre chiah mai chu a biangah chuan dan rualloha a bianga mittui lo luang chhuak chuan hmangaihna leh khawngaihna,chumikara thinrimna in zep chu Padova chuan ahmuh hmaih hauh lo.
Ramtea chuan a naupanlai te ngaih tuah chhuak an hlinmni reiloh zia te,khawhartaka hun a hman rei zia te ngaih tuah chhuakin thinrimna chuan a rawn luah khat leh ta,amitmeng thip ram mai kara tang chuan nat luat vanga an awmna hmun chhuah san ta ni awm fahran hian mittui a rawn luang chhuak ngiai ngiai mai bawka,chunglama lo thlir reng thintu Puvana pawh Ramtea thinrim chuan khua a hmulovang tih hlau tak chung chuan Ramte tang rawh,i thinrimna kha hneh rawh,i thei ani,tang rawh tangta che tia lo phun ve sep sep in a awm hle hle thei hauh lo maia,Lasi ho lah chuan Ramtea chu thinrim tak maia siam an lo tum reng bawk nen ,tunah rih chuan Lasi te chu an hlim dar dar kher mai,Ramtea chu thinrim telh telh in,a in sum zo lo lek lek thina,chumi tuk chu tukthuan pawh ei mumal lo chuan anhlimna kha thinrimna in a rawn thlak tak ah chuan Padova pawn thudang reng sawi zai a rel thei ta lo.Sawmhlua chuan a chaw ei lai chu thawh sanin thianpa kan tei chhuak lawk dawn mi,tia Ramtea thinrim bengdaih tum chuan an sawma,Ramtea chuan chhang lem lo chuan a tho thurh maia,a kut leh kam te thuah puat puat a,chutih laitak chuan an kawngka lam ah chuan thawm rawn awmin Feli chu kawngka ah chuan a rawn lang hlawl maia, Ramtea hmel nelawm lo zet leh thinrim tih hriat tak maia a meng sen khuih mai chuan Ainawn leh Chhawkhlei,senhri leh Sarawn par ianga hmeltha Feli chubti hlauin a ding zum zuih maia Ramtea pawn Feli ahmuh chiah chuan a awmdan leh arilru put hmang chu hriain Feli hmela hlauhna leh lung ngaihna lo lang chuan,A thil tih dik loh leh nundana sim ngai aneih chu a in hriat chhuah tirin a awm dan chu a thlak vat maia.chutah midang te chu en kual in an hmel lan dan a tang chuan Ramtea chuan a awmdan leh thinchhe luat tuk vanga hlimlo anni tih hriaiin a in thla hrung hle maia,chutah PaDova chuan feli chu biaiin,e khai kan khawnula hmeltha feli chu enge i duh ve tak miala lo thu rawh khai,tia Feli hmel dik lo leh in thlahrung lutuk tur chu an be bawrh bawrh maia,chutah Feli chuan nie hei ka nite khua a ka naute zin rawn haw in Sazuk an rawn kap a,kanu in va hleh ve rawh min tia,hei engtham chu ni lo mahse tia Pichhungi chu pe in zak leh in thlahrung tak chung chuan a chhuak leh nghal daih maia,Pi Chhungi chuan Feli chu au zui lawm lawm in mahse zah vang leh in thlahrun vanga chaktaka in lam pan mek Feli chuan Pi Chhungi chu chhan zui na chang reng a hre lo,Pi Chhungi chuan a sa ken tam tham tak chu sawng bawl zui nghal zung zungin,lawmthu pawh kan hrilh hman siloche a,eng nge maw kha tia i kal thut reng reng ni tia phun zui neuh neuh in Sa chu an ur tha leh a,Ramtea pawh in thiam lo rilru tak chunga leihkapuia thu kun lup in a awm dan chu mawilo a ti hle maia,Sawmhlua chu Ramtea kianga rawn thu in,a thianpa thu kun lap mai hnen ah chuan,Nula tan chuan i hmel lan dan kha a ngainat awm lo ve em a tinni,tia thutak fahran hian Ramtea chu a hrilh siam siam maia.
Chutah Ramtea chuan nie thianpa a dik khawp mai,hei vawin chu ramvah daih mai ka duh a ni,sahnu pawh a lo thar viau tawh in ka ring,Ranga te ho lah chu khawnge an kal hlawm ni ka hmu miah lo leh nghal tia a thil tum leh nuam a tih chiah loh thu te chu a hrilh let ve bawrh bawrh bawka,Sawmhlua chuan Ranga te chu naupangin daihnai ah an hruaia,sava an veh pui dawn a niang,ti teh kanram vah dawn kha va insiam teh ang tia in sawi lut zung zungin Ramtea hi a maha tlat fal tir a tum lo chiang kher mai,Ramtea chuan kei maha Ram vah mai mai a lawm ka tum,tia Sawmhlua chu chhang leh in,Sawmhlua chuan,tawng tawng lo khan rawn in siam ve rawh khua a tlai zel ania tia chhangin a nui vur vur maia,mahse Lasi te duh thusam a hunrem chang an siam mai mai ang tih erawh a hlauh awm kher mai.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 20th, 2017, 10:59 pm

Episode 49
Ramtea te thian dun ram chhuak ta pawh chu phur takmaia kal vawk vawk in an ti ti dun malh malh a,Ramtea erawh chuan a thinlung phuba lak chak na chu thai bo vata pangai tak leh mawlh tu awm hauh lova lenrual zinga tal ve hun chu a nghak hlel tawh hle maia,chutia tui tak maia an ti ti dun mawlh mawlh lai chuan an thlang lam a tang chuan Ranga te pathum chuan rawn pawh in mei then lauh lauh pah chuan hma an rawn hruai nghal a,Ramtea chuan lo nuih suk in khawnge maw in lo pilbo hman reng reng ni,min rawn zui dawn tawh lo Emaw ka lo ti hman a sin ti ril ru neuh neuh pah chuan a thlir leh veuh veuh thina,
Feli pawh in thinlai luah tu a lung D ngei mai in zan lam ah an khartung a rawn sawn ve ngei dawn tih hria in a phur tawh khawp maia,a thil tih a piang mai chu phur tak maia ti surh surh in,anu chuan Feli che vel phur lutuk leh nui leh sen sen thin chu lo en reng in,Mambawihi chu enge maw i hriata i nuih leh vur vur thin ni tia zawt phawng in,Feli chuan,A..Siamteiin nizan a in leng te awm laia a chet fuh loh thu min hrilha,ka ngaih tuah let mai maia ka nuih a za thut mawle tia chhangin Feli nu Pi Zampuii pawh chuan a lo awih ve mai bawka,mahse eng boruak tak rawn thleng ang maw,
Lasi ho lah chuan Ramtea te thiandun an ramchhuak tih an hriat rual in Ramtea te pan na lam tur ah chuan rang tak maiin an lo thawk chhuak venghal vat bawka,Puvana lah chuan a hringmi chuam hun lola kal tura hringmi te tana chhinchhiahna chu a ti pui tling ngei dawn bawk si nen,Ramtea te thian dun lah chuan engmah hreve hek lo le hlimtak maia an tum ram chu thlengin an tih tur leh ruahman lawk tawhsa in beih leh hmanraw hman chu an zir dunnghal bawrh bawrh maia,mahse rei an in zir hman bik lo,Ranga te chu hlauh nei tih hriat tak mai hian Ramtea te thiandun in zir laichu an rawn nek nul nul maia,Ramtea chuan lo hre thiam vatin enge an hlauh erawh a hre bik lo.
chutia Rangaten hlauh anei tih Ramtean a hriat chuan,hlauh awm a hnai tih chu hrilh hran ngai lo chuan a hrethiam nghal vata,athianpa Sawmhlua chu in ringtura hrilh in an hmanraw neih ang ang chu an chuh nghal vat a,chuveleh chuan an piah ngaw kar atang chuan tlangval pian nalh tak mai leh hmel tha zet,sa in phut mawi tawk tak mai chu hmanraw maktak mai hum chung chuan a rawn chhuak hlawl maia a hmel lan dan a tang chuan a nelawm hauh loh,Ramtea chuan makti taka lo thlir reng in a hnung ah chuan midang pakhat a rawn chhuak ve leh bawka,lasi tlangval rawn chhuak hmasa zawk chu Rmtea hmaah chuan eng sawi lo chuan a ding kak ta hah mai,Ramtea chuan thianteu in pawisawi kan nei emni,khatia ral ang hrima min hmachhawn tak mai tia bia in Sawmhlua chu a lo inring tawh khawp mai bawka,chutah le pakhat zawk chu Sawmhlua hmaah chuan a rawn ding ve ta hah mai,Ramtea hmaa ding zawk chuan hunreitak tang tawh khan kan veh tawh cheua,kan hotunu thianpa in lo hneh a vang khan hnehna in changta ani lo ania,anthil swi awm zia chu Ramtea te thian dun chuan an hrelo kher mai,chutah pakhat zawk chuan hringmi kan hua a bak sawi tur a awm lo thah cheu hi kan hna ani a tiram ta hmak maia,chutah ngw thim chhah tak hnuai a tang chuan chhum leivak rawntleh phei dul dul in nula hmelthatak mai ngaw thim china ding Ramtea cuan a va hmu a,ahmel chu hmu chiang thei lo mahse thil hriat chhuah a nei ta tlat mai,khuavang fachuam an tih mai nena an in beih tuma nula a hmuh ngei kha ni tlata hriain,thil awmzia a man uarh uarh maia,chutah Ramtea chuan in la duhtawk lo cheu ani maw anih chuan mipain tum nei rana rawn thawk chhuak ta chu kan in sat khem sawk sawk aniang chu ti ram ve hmuk in,a ding kak ve ta hah mai,an awmna bul vel ah lah chuan chhum chhah mang kheng chu rawn tleh pheiin arawn tuam phui ta mup mai,Ramtea chuan engkim fiahtakin hmu thei mahse Sawmhlua erawh chuan a hmu fiah hleithei hauh lo maia,chutah Sawmhlua chu thil enge maw hian rawn deng dawt in hnung lam ah chuan a let phei ta hawl hawl maia,Ramtean a thianpa thal hual hual mai a va en chiah tih chuan a bek chu a rawn ri no ve leh ta chhak maia, Ramtea chu vir nawk in leiah chuan a bawk thlawrh maia,rang taka tho chhuak leh in a mitmeng chu a in thlak ta kalh mai,an mi hmachhawn te lah chu hmuh tur an lo awm tawh reng reng lo leh nghal,Ramtea chu thinrim in sehruh teuh chung chuan a hawi a hawi maia,Sawmhlua pawh lo tho chhuak ve tawh bawkin a lo in beng fai thak thak mai bawka,ngaw chhah chin ah chuan lasi tlanval pahnih te chu lo awm in Ramteate thian dun chu an lo thlir reng tawha,Ramtea chuan mipa chu ini sia maw tlanchhe leh mai mai tur tawk lek maw in lo nih a tia lasi tlangval pahnih chu cho let sak in a thinrim hle tih chu a aw ki a tang chuan a hriat theih hiala,Sawmhlua pawh chuan a chempui hlai tha hlep hlawp chuan amah rawn khawih tu chu tin in mipa i nih ngai chuan rawn thawk chhuak leh rawh,kha ti mai mai kha chuan mipa i ni lo tlat mai tia au ve lung lung in a in hrosa nghal tun tun maia,Ramtea te thiandun tawng kam chuan lasi tlangval pahnih te ngeng a chhun ta tlat mai rang mang khenga rawn dawk phei pur pur in amit meng te chu rawn in thlak in an awrawl chhuah meuh chuan Ramtea te thian dun chu an rawn bawh chilh ta rup mai,mahse khuanu voh bik Ramtea chuan ahma zawn ami chu lo bum hman in a chem hlaileh lian tha telh tawh chuan an lo hem nghal thlawrh in chu lasi tlangval pawh chu alet ve nghal hual maia,Sawmhlua pawh in a hmazawna mi chu a theih tawka lo bei let ve in hringmi lo na na na chu khawih fuh an har a ti kher mai,chu lasi tlangval pawh chuan a tum ang ngawt chuan a khawih fuh thei bik tlat lo mai,Ramtea te thiandun hman rua hi lasi leh huai pawh khawih thei tur in Puvana khan a siam sak tih an hre lo bawk nen,rei mawi tawh an in beih hnu chuan Sawmhlua chuan lasi tlangval malpui ah chuan a sat fuh ta hlauh mai,lasi tlangval chu te thawt in heng hringmi an beih mek te hi an tana hlauhawm ber leh anmahni thatthei hmanrua an nei tih an hre ta tlat mai,an zuam ang ngawt chuan an nep hauh lo,
Ramtea pawh chuan a hmaa ding tlangval piannalh tak leh sa in phut mawi tawk em em chu rum zet a melh in zam map lo chuan a ding kak leh ta hah mai,chu lasi pasaltha chuan I che rang hle mai mahse tu tum chuan i van neih in ring tawh suh hringmi te hneh chi kan ni lo tia vau zam ve ngei chu tum in chu erawh a hlawh chham chiang tehe,Ramtea chuan za lo tih hriat tak maia nuih sak pah chuan hringmi te hi maktak leh hlauh awm taka siam kanni tih ka hre ve bawke,lasi leh huai mi,a enga zawk zawk pawh lo ni teh reng ula hneh mai mai theih kan ni bik love ti ve salh in nghet tak mai chuan a chem pui chu a hum sauh sauh maia,
Lasi pasaltha chuan Ramtea chu mak ti tak leh phawk deuh taka melh kawk in,hlauh ruk na riau a nei ta tlat mai,Lasi pasaltha chuan thu dang sawi tawh lo chuan Ramtea chu a veh ta them them mai,Ramtea pawh chuan in ring tak leh fimkhur tak si chuan a veh let ve bawka,chuatah rang lutuk maia lasi pasaltha chu rawn che chhuak thut in Ramtea chu a hman raw mak tak mai chuan hem thluk tawp mai chu an tuma,mahse a mah ang bawka che rang khuanu vohbik chuan chu timaia in khawih fuh tir a lo tum bik aw zawng lo mai,rangtaka a dingkam sira lum phei zeuh in rangtaka vir let leh nghal in lasi pasal tha chawn puar chu a sat kak ta duai maia,Lasi pasaltha na ti leh mak ti lutuk chuan a chawn puar dawm a then chak chak pah chuan Ramtea chu a en ngawih ngawih maia,chutah muang changa rawn ding chhuak leh in ramtea hmuh lai reng chuan a khural ta riai riai mai,chutah Sawmhlua lam chu hawi pheiin Sawmhlua lo let hal hal mai chu a va hmu thuaia,Athianpa chu thisen hian a lo bual khat deuh vek tawh mai leh nghal,rang taka dawk phei ve nghal in lasi pasaltha pakhat zawknin sawmhlua lung lian takba den a lo tum leh lai tak chuan a taksa chu a rawn in then nghal phak maia hringmi ni lo ta chu a khu ral nghal chum chum maia,Ramtea chuan a thianpa sawi nawk nswk in a ko nghal mawlh mawlh maia,an tui pai te chu an tulh nghal thuai thuai bawka,nakin ah chuan Sawmhlua pawh rawn harh leh tanin Ramtea chu a rawn nuih sak maia,Ramtea pawh thaw hluai in an mu zang thal ar ar maia,buaina a reh tawh emaw ti in a lo thlamuang hman hle maia,mahse buaina chu a rawn in tan dawn chauh a nisi.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 20th, 2017, 11:00 pm

Episode 50
www.storyfb.com mizo story thar englai pawhin chhiar tur a awm reng

Ramtea leh Sawmhlua te chu chau tak mai chuan an la mu ar ar maia,an hma lawk ah chuan buaina lian zawk chuan a rawn pan mek tih reng an hre lo,Puvana lah chuan Ramtea te thiandun chu in ring takin awmnse a duh kher mai mahse Ramtea te thian dun lah chu lung muang tak maiin an la mu siai siai mai bawksi,Lasi ho in an Pasalthate an chan tih an hriat chiah chuan an hotunu thinrim chu a in hrosa nasa maia,a ang leh thin rim chuan lungpui lian tohlawt lurh mai te chu a beng til thla chuaih chuaih mai leh nghala,a kianga om ve a nau te ho chuan an hotunu chu hlau leh zah tak mai chuan an en thap mamai.an hotunu chuan lo ngai tak rawhu kei mah ngei hian ka rawnn hmachhawn dawn cheu enge in an chiah chu kan hria ang tih pah chuan a nau te ho chu hringmi hlau lo tur leh atul dan ang ang a che tur chuan a fuih nghal mawlh mawlh maia,chutah an mahni theuh chu in siam dang lamin Sava mawi em em maiah hian anghala,g ta hlwma,Ramtea te awmna lam ah chuan thlawk thlaiin sava rual han thlawk dul dul chu a hmuh nawm tham kher mai.Ramtea leh Sawmhlua pawh muang changa tho chhuak in an han in en ren rawna chutah in nuih sukin thil thlen dan chu mak an tih thu leh engmi nge maw an nih le tia phun nuah nuah chung chuan an han zi mar dun tuah tuah maia,chitih lai vel chuan an chung zawn ah chuan Sava tam tak mai chu an thlawk vir mup mup maia,Ramtea chuan enge maw an hriat hlawm le khitiang em em a Sava tam khi kala hmungai hauh lo,tia thlir zui dauh dauh in Sawmhlua pawh chuan ava maktak ve mawle thilthlen dan hi a fuh dawn lo riau in kahria lo ti ve bawkin Ramtea chuan titeb i hawvat teh ang khaw chhung lam hian buaina an lo tawk vereng thei ania tia an hmanraw thlauh te chu achhar khawm nghauh nghauh a,Sawmhlua chuan khawnge Rangate pawh hi tia zawng deuh ruaiin mahse Rangate hmel reng hmuh tur a awm lo,Ramtea chuan Rangate chu a aw rawl tawp tak meuh chuan an ko vak maia,a ringtha bawka an awmna mual ep tlang dungah chuan a khawk phei nghal rawih rawih maia,mahse chhangtu reng an awmlo,Rangate chuan Ramtea aw rawl an hriat chuan an theih tawk tak meuh chuan an lo chhang ve a,mahse anmahni mantu Lasi nula thil tihtheihna chuan a awrawl reng reng chhuak theilo tur chuan a dang tlat mai bawksi,Lasi nula Partinkhumi thin rim chuan Buanga chu a hmanraw ken lai chuan an hlap pawp maia,Buanga na ti chuan a awrawl tawp tak meuha hram in thinrim in hanbeih let tum teh mahse lasi thil tih theih na chuan an phuar tlat bawksi,Buanga natuar chu Ranga chuan va nek nawl nawl in a liak leh hlep hlep thina,Vara erawh chu ahrana khungin a rawn u leh ruah ruah thin,.
Ramtea tihngaihna hrelo chuan ngaw chhung ril lam a zawn mai chu a rilruka,Athianpa Sawmhlua hnenah chuan thianpa Nang khuaah lo va hawla keiin Rangate chu kan zawng lawk ange kan rawn pawh vat ang che,Sawmhlua ngaihdan a ni lo kher mai,khawiah mah kakal san dawn lo che khawchhung chuan venghimtu tlangval rual leh mihuaisen tak tak anei,ka kal hlanin buaina lotawk palh tala ka in thiam thei ngai dawn lo a sin,kan pahnih in kan zawng ang a ti ta hmak maia,Ramtea pawn han tih luih vak tum bik lo chuan Ranga te zawng tur chuan ngaw chhung ril lam pan chuan anin zui ta hnak hnak maia,thui pawh an kal hma chuann an hmazawn thing zar ah chuan Sava mawi em em mai chu rawn fu in Ramteate lam hawi chuan a hram chiam maia,chutah a piah hmawng kung lian zet ah chuan Sava dang te chu rawn fu thupin Ramtea te lam hawi chuan an hram ta chiah chiah mai. Ramtea tihngaihna hrelo chuan ngaw chhung ril lam a zawn mai chu a rilruka,Athianpa Sawmhlua hnenah chuan thianpa Nang khuaah lo va hawla keiin Rangate chu kan zawng lawk ange kan rawn pawh vat ang che,Sawmhlua ngaihdan a ni lo kher mai,khawiah mah kakal san dawn lo che khawchhung chuan venghimtu tlangval rual leh mihuaisen tak tak anei,ka kal hlanin buaina lotawk palh tala ka in thiam thei ngai dawn lo a sin,kan pahnih in kan zawng ang a ti ta hmak maia,Ramtea pawn han tih luih vak tum bik lo chuan Ranga te zawng tur chuan ngaw chhung ril lam pan chuan anin zui ta hnak hnak maia,thui pawh an kal hma chuann an hmazawn thing zar ah chuan Sava mawi em em mai chu rawn fu in Ramteate lam hawi chuan a hram chiam maia,chutah a piah hmawng kung lian zet ah chuan Sava dang te chu rawn fu thupin Ramtea te lam hawi chuan an hram ta chiah chiah mai.
Ramtea te thiandun chuan ding meuha chung sava te chu thlir in Thil enge mawtak chu kan tawng leh dawn a nih hi tia Ramtea chu phun sep in,Thianpa i hmanrua kha nghet takin chelh rawh aw,thilengemaw lawm awm vak loh in min pan mek niin ka hria tia hrilh in amah pawh chuan a thal leh fang chu hman mai theih turin a hum ran maia,an hma thing zara sava mawi em em kha nula hmeltha zet a rawn chamgin ngaihnobei lo zet maihian Ramtea chu a en ta ngal maia,Ramtea leh Sawmhlua chuan mak an ti kher mai,chutah nula ni maia an hriat an hmazawn thingzara thu mek chu rapthlak tak maia rawn nui uarh uarh in,vawin nihi in tana ni hnuhnung ber tur anih hi vau zam tum chuan a nuih vak vak maia,Ramtea leh Sawmhlua chu in en in Ramtea chuan nula kan thih leh dam chu khuanu thu anie nanga hrilh kan ngailove tia chhanglet ve salh in lasi nula an hotunu ni bawk Partinkhumi nui lai pawh chu a tawp ta hmak mai,Hmawng kunga sava tam tak fu ho pawh chu nula leh tlangval anga rawn changin an ri suau maia,thil awmzia chu Ramtea te thian dun chuan hrethiam nghal in in ringtak chuan an awm nghala,chutah Ramtea hmazawnah chuan thil enge maw hi a rawn thlawk phei fua maia,Ramtea chuan lo hmuhmanin a lo kun zauh a,ahnung lama thingkung maltiat vel chu a bung hmawk maia,Ramtea ngaih dan a pel ta tlat mai,ring leng lawng hian,tupawh ni ula miin ringlo lai kan bei ve ngai lo itum leh in duh chu in hmu bik hauh lovang a ti ta hmiarh hmiarh mai,Ramtean Partinkhumi lam a hawi leh chiah tih chuan Sawmhlua an thiapa rawn ti tuarh in chumi rual chiah chuan Sawmhlua chu Ramteahmaa rawn dawk phei zawt in a dar dinglam ah chuan thalfang pahnih a bur ta va va mai,sawmhlua chu leiah chuan a vir thla nawk maia,Ramtea chuan thianpa ti tuarh in Sawmhlua let ngut mai chu kai tho ngjal vat in Sawmhlua dar a thalfang lo tlang pir vah a hmuh chuan a thin rim kher mai,Lasi ho lah chuan beizui tange tilo chuan an lo haw haw dual dual mai bawka,Sawmhlua chuan a thianpa chu enin a nuih suk a,katha thianpa tih leh a dar a thalfang bur va chu an pawt dawk zawk maia,te deuh thawt in thisen a rawn chik chhuak puat bawka,Ramtea chuan hmuhhreawm a tibkher mai,chutah Sawmhlua chuan a puanven tlang chu pawtthlerin abula hnim awm ang ang chu a kut vei lam chuan a pawt phawng zawt zawt maia,chutah nuai sawm puat puat in a hliam ah chuan a nawr ta tawk mai,chutah thianpa hnunglamah khan hei han bel rawhle chuan heihian i tuam dawnnia tia a puanthem chu Ramtea chu peiin Hmalama lasi val leh la ho chu rum zet hian an melh chho nghal tun maia,Lasi ho lah chuan Ramtea te in buai pui chhung zawng chuan an bei chun zawm chuang lo va,Ramtean Sawmhlua ahliam a tuam zawh chuan hmalam a pen chhuak in a nih nih niturin aw niang a ti ram ta hmak mei Sawmhlua chu Ramtea hnunga dar ui deuh hnuang chuan a lo in sehruh ve teuh bawka,a lohthlawn hian kahliamhi ka tuar dawn lo reng reng khawnge zawngchhe ban ho chu in nuai tak tak teh ang nui suk pah chuan Ramtea chu a kal pel nghal thuak a,Lasi ho pawh in Ramteate lam chu chak taka rawn pan in athenin thal an lo thlah zawt zawt bawka,Ramtea leh sawmhlua chuan Rangtak maia thalfang rawn thlawk phei thin chu an chempuia lo vai per in an chem chu a de zuaih zuaih maia,thalfang in a tamhneh em a vang chuan Ramtea pawh a in veng seng bik talo. a ban ding lam chu rawn thip zawk in thalfang chuan a verh sawk maia,Ramtea tan aban han buaipuina hun a awm tawhlo lasi ho chuan rawn bawhchilhin an in vai ta siah siah maile,Ramtea leh Sawmhlua pawh an tuan a muang bik hauh lo lasi tam tak chuan nunna an chan ta der mai,Ramtea te thiandun pawh vir tawn zak zak in hawina lam a piangah lasi ho lah chu an awm leh nghala,Sawmhlua chuan thianpa dam leh tlang khatah thih leh ruam khatah aw niang tia awrawl chhuah meuh chuan a hmazawn chu a sam tek phei ta chuaih chuaih maia,Ramtea a pawn a theih tawka bei let zelin a ban a thalfang bur rrng chung chuan a hmazan chu zamna chhete mah nei lo chuan a vai phei tek alh ve zuaih zuaih maia,lasi hovin an tam hneh bawka beih an hautak kher mai,Ramtea tukhum chu rawn ri no chawkin Ramtea chu hmalam ah chuan a tlu phei rawk maia,ramtea chu theileh theilova in beng kang leh in a tukhum a tang chuan thisen a chhuak nghal zung zung maia,vairuai a ahmazawn chu vai leh in a bek chu a rawn ri no leh ta chhak mai Ramteachu mit nghal sulhin a awn ta riai riai mai,Sawmhluan a rawn auh tuarh tuarh pawh chu chiang lo ruai hian a hre theia,Ramtea chu thingthi hnawkin,tham kang tu awm tih hriat tak mai hian Ramtea chu a tho lawp maia,chutah amaj tham tu lasi hotunu chuan hmawng kung den nan chuan hmangin Ramtea chu che chhuak tur a awmta lo,thei leh theiloa sawmhlua lam chu Ramtea chuan va hawi pheiin Lasi hovin Sawmhlua an lo theh leng dawp dawp mai chu ava hmu ruai ruai a,arilru ana kher mai,athianpa chhan turin chakna reng anei tawh bik silo,chutah harsa titak chung chuan vanlam chu a thlita,Puvan kamamawhche,chutah zet zawng engtik laimaha hringfate thlah thlam ngailotu puvana chuan a awmna hmun a tang chuan rawn chhukin chulai hmun ah chuan a rawn lang ta hlawl maile,puvana chuan chung Lasi ho chu melh ralh ralh pah chuan hrem ini ngei ang chu aw chhuak chuan leilung chu a nghawr nghing dur dur thei hiala,Lasi ho chuan Puvana chu melh pawh melh ngam lovin an ding khur hlak hlak maia,puvana vek chuan hringmi te bei tur leh khawih tur hian thuneihna in neilove,puvana tawng zawng te chuan an ana vel chu a nging leh dur dur thina,khawngaihna hmangaihna a khat puvana chuan Ramteate nikhaw hrelova let bam mai chu enin mahni chakna chhuang in in beia in hneh silo in duh dan leh ngaih dan in in beia tharum hmanga hneh in tuma in thei silo in hlimni te chuan ka awmve tih reng in hrelova in chak loh ni leh in mangan ni chuan min hre hle si mahse chuti chung pawh chuan ka hmangaih che u a sin,min hre siin mintheih nghilha,mahse ka theih nghilh ngai lovang cheu min mamawh ni chuan in duh dan nilovin karemruat ang zelin ka tan pui thin ang cheu,in beisei loh lam ah ka lo lang thin ang.
......... A TAWP TA....


Website story link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)