DOPUI MIHRAT KHAWKHENG TE BY LN Kima Guite(Completed)

[LN Kima Guite]

DOPUI MIHRAT KHAWKHENGTE


BY LN KIMA GUITE

[LN Kima Guite]

DOPUI MIHRAT KHAWKHENGTE

BrowserPreview_tmp.jpg

BUNG 1-NA


By LN Kima Guite


Fur chhe lai tih tak ah...zan lam a țang ruah a la sur cherh cherh reng a...chhum lei vak a zing deuh chuai chuai bawk a khawhmuh pawh a tawi tak mai ,,,Lal Dokulha khua Dopui pawh tumah feh chhuak thei an awm lo va..ruahin awmni a kham a ni ber e...Kawt lai han vak vel pawh an awm meuh lova...in lamah tap chhak an bel deuh chawt hlawm a...Valupa then khat leh Tlangval thlem a zawng chu Zawlbukah kaiin ...A then an lo inbuan a.an ri luih luih a.A then valupa khabe liam chang in zawlbuk mei chhehna bulah an thu far hlawm a.then khat infiam an in um kawi zawr zawr bawk a...

Valupa Khama chuan" Kan khaw awm dan mai mai chu a,,chhum lei vak nen a ruah hetia a sur cherh cherh hi chuan Upa in sapui a hnai duh an tia...he tiang khua ah hi chuan fimkhur a tha khawp mai..." zawlbuk meichheh a a kut han hem vat vat pah chuan a ti chuarh chuarh a...A bul a meilum hnung puak a thu valupa zamawia chuan " A ni tak a sin,, he tiang nikhua a lo vak chhuak bik nih hi sa leh ral kutan tuar duh khawp a nia ,,," a lo ti ve vat bawk a...


Pasaltha leh rual u chin chang hre deuh te chuan he tiang khua ah hian sa leh ral a hnai duh tih hria in an in ral ring ru khiau thin reng a ni..Ruah lah chu han tih nei lek loin sur tam em em si lo in a thla cherh cherh reng mai a..chawhnu her naurual chaw chhum hun velah chuan veng thlang lamah "sa a tla e." tiin an rawn au ta mai reng a...A hria a piangin vengthlang an pan nghal zung zung mai a,,,a then in "vengthlang lamah sa a tla e' tiin an lo au ve bawk a,,he tiang khawlian ah te hi chuan veng hmawr leh lam thil thleng hi veng leh lam tan chuan hriat mai ngaihnaa awm lo va...sa leh ral a hnaih hian a in au chhawng mai thin a ni....zawlbuk awm ho pawn an lo hrethuai a hmanhmawh takin veng mawng lam panin an tlan liam thla ve nghal zung zung a...


Vengthlang Pu Thankunga inhnuai vawk bawk khawm chu sapui hian a lo bei chu niin ,,a thleng hmasa hoin chanchin an han zawh chuan, Pu Thankunga a chuan " vawi leh khatah kan in hnuai vawk bawk khawm chu an darh huk mai a...chutah pakhat a ngek nghal rawng bawk a...sapui in a la ni tih hriain ka tlan chhuak vat a...khulai khiang kung bulah khuan a hnuk thla ta hawn hawn mai ni" a han ti a,,,valupa ho chuan ro han relin "Tumah kal fal lo ula...pasaltha silai keng pathum khan hma hruai sela .. midangin an hnungah muang changin kan zui dawn nia...sa ngei a ni tih kan chian loh chu tuman kut thlak loh tur...in ral palh ahlauhawm a,,,fimkhur tak khan aw ",,a han ti lauh lauh a..

Sakei in vawk a hnuh liam na lamah chuan Pasaltha Kapkiman Hma hruaiin an liam zui ta nghal a...hnu chhui chu a harsa lem lo viau mai a...a vawk lak a lian deuh bawk a a hnuh thlakna chu a pe thla sul mai a..fimkhur tak a chhui thla zelin Lo fing khat dawn an chhui hnuah chuan an thlang kawrte ah chuan sakei rum hum hum thawm chu an hre ta mai a,,rawl thar deuh tan chuan zam a awl viau ta ve ang...chhum zing leh ruah tla reng a vangin khaw hmuh a tawi a fimkhur a ngai tak zet a ni..ruahin lei a tih hnip avangin a nal em em mai bawk si a,,,a then phei chu an tawlh thlu leh zawt mai thin a,,


Chutia fimkhur tak a an veh thlak mek lai chuan...sakei chu a rum ring sauh mai a...a ngur ri chhur chhur mai a...Pasaltha Kapkima chuan"Chu sapui chu mihring hmuh nei ava ang ve...kan hmaah mi an awm chiang mai...in thal kha thlah fimkhur ru aw..."tih pah in kawrte lam pan chuan a tawlh thla zawt zawr a...chutih mek lai chuan sakei chu a huk tuar mai a..chutah zawi deuh zawk a rum leh ngul ngulin a reh ta daih mai a..


Pasaltha Kapkima chuan kut thlaktu an awm tih hrethiamin..."Pasaltha Kapkima ka ni e.. tunge sakei kut thlak tu kha...hei kan lo chhuk dawn e..."a han ti lauh lauh a...Thlang lam atang chuan"U kapkima lo chhuk rawh u ,,a thi tawh e"tiin a rawn chhawn thuai a...Pasaltha Kapkima chuan uai Thangchhinga ni maw tih sap pah in hman hmawh zet in a tawlh thla ta pur pur a.
Kawrte kam hmun rem deuh lai ah chuan sakei leh vawk sum ruk zet tur hi an lo let dun rual mai a...an bulah Tlangval naupang tak leh pian thiam tak mai Thangchhinga chu a lo ding tau bawk a...vawk pawh chu a la thi fel chiah lova ..a thaw ri leh hruk hruk thin a..
Sakei erawh chu a awm ah thing suih zum banpuam tiat dawn in a hnung zang lam a thlang pulh khawp a,a chhun miau vangin han dam chi zia zang a ni lo va..vawk erawh a len tham deuh a vangin sakei hian a seh hlum mai thei bik lo ni ngei ang..Kapkima chuan"kha chhinga chu i va tuan tha bik ve...i hnungah kawlek kan rawn thai ni maw..Engtin nge i thah a,,thing zum mai leh nghal in ni maw i thah..?"tiin an zawt nghal sawt sawt a...Chhinga lah chuan"A mah leh mah ka thing zum kenah a rawnin chhun fuh palh nih kha "a ti duh lek a...Chu ti mai chu a ni lo deuh tih chu an hre chiang hlawm kher mai...sakei sum nga lai mai Thing suih zum nen chauhva that thei Chhinga chu ngaih san hmel takin an en vawng vawng hlawm a,,,Thangchhinga Thianpa ber Nunmawia lo thleng thla hlim chuan" Thianpa chu min lo nghak la a meiah kan chaih huk tuar tuar mai tur hi a nia aw,,"an tia,,Chhinga lah in "zawhte mei bak i chaih ngam loh kha" a lo tih san a,,Nunmawia lah dang lo nasa"i tlan chhe tur tawlh tlu in i tum loh deuhin i zuk chhun fuh tih hriat reng reng..."an ti leh zat zat a,,Chhinga chuan nui chungin"Tawng thei sabawp chang rawh "tih pahin Nunmawia beng chu an piai nghek mai..Nunmawia na ti chu a te ring kher mai...midang ho chu an nui then thaw hlawm a...
Chutah Pasaltha Kapkima chu "Hei u Kapkima vawk hi a la thi fel lova ,,engtia tih chi nge ni ang" tiin Chhinga chaun an rawn a,,Pasaltha kapkima chuan an en vel that that a "E a dam chhuak zo dawn chuang si lo va...kah hlum law law a tha ang"" Nang Nunmawi han kap hlum mai teh "tiin an bula thlang val lian vak lo tuan rang em em si chu an tia....Nunmawia lah Fiamthu duh tih tak ah,,Vawk sum ruk zet chu an thlawh ang veng vawng a ring fahran in ," Vawm phuai e......" an ti mai chuh. ,,Pasaltha Kapkima chuan " khaih khaih Mawite hla do chhamna chi a ni hleinem ..""tiin a lo khap vat a.,,Midang ho lah chu an lo nui dir char char hlawm bawk a,,Mawitea lah chuan" hlado ka chham loh chuan,, Ka kap hlum duh hleinem" a lo ti hluk a,,Valupa Khama chuan nui thu chungin"kap mai mai teh Nunmawi vawkin hlado a neih pawh kan hre lo ve a,,chu bakah savawm hlado te i chham ul ul leh nghal a "a lo ti ve bawk a..Nunmawia uang laklawh lah chuan" Uai savawm ni na nge ,,,vawk lek a ni maw lo ni...he tiang te chu Keini Pasaltha kut thlak tham a nih loh chu..saw talhtumliana sawn rawn vaw hlum rawh se" tiin Thangphunga taltum lian zet pua lo ri thla buan buan chu an kawk a,,,an nui zo ta vek a,,,a tawpah chuan a kap hlum ta tho va..


Thangphunga rawn thleng thla chuan,"Mawipatea chu min lo rel hman pek a ni maw"tih pah in Nunmawia bengah chuan an piai nghek mai a...Nunmawia na ti lah chu a țe chul mai bawk a...sapui bei e ti lo chuan an nui nasa hlawm ngei mai.


Mipui an rawn thleng kim a..vawk leh sakei zawnna hlang turte an siamnghal zung zung a...an zawn haw ta bur bur mai...duh loh theih ni hek lo..Thangchhinga pawh chu sakei zawnna hlangah an hlang a an zawn haw ta luih luih mai...Chhinga chuan"Thianpa Nunmawia kha vawk zawnna hlangah khan hlang ve ru,,a kap hlumtu a nih kha "an ti lauh lauh mai a,,Nunmawia duh lo thlan chhiat tum chu tha chak zet hian rawn manin vawk zawnna hlanah chuan an theh kai lawp mai,,,loh theih lohin an zawn tel ve ta a,,,Nunmawia chuan a mah vawr kai tu Thangphunga chu kut tum an hmuh ngial thin a...Thanphunga leh Chhinga chu an in melh a an nui tet tet mai a,,,,Nunmawia chuan "nangni thiandun kha in la chak dawn lo khawp a lawm" tiin a kut tum an hmuh vei thin bawk a..an ni lah chua an lei an lo chhuah khum vel mai mai a...

Lal mualah chuan sakei leh vawk chu nghatin mipui chu ruah sur hnuaiah an thlim hmur mai a,,Lal Dophunga chu luhkapuiah lo chuang chhuakin a kut an phar a,, mipui an ngawih hnu chuan" Khai le...Ka pasalthate thla in va ti muang thin tak em...Pasaltha Kapkima kha lo chho se...mipui te hriatah sakei in beih dan han sawi teh se"an tih chuan Pasaltha Kapkima chu Luhkapuiah per kai in an sakei beih dan chu tawi kim takin an sawi ta par par a,,Chutah Lalpa chu Lo ding leh in Chhinga chu a ko chho a"Hei le..kum naupangteah i Pa Zadenga iangin ka Khaw daingul ka khaw muantu i ni ta der mai a...ka chhuanzia che lantirnan he nopui hi ka hlan a che "an ti dap dap mai..Thangchhinga chuan nopui chu an dawm tlemte in in Lalpa chu a leh ta thuai a...Lalpa chuan sakei chu A sepachal ngei a a aih tur thu sawiin hlim takin mipui chu an tin darh ta a.tlangval thenkhat in Pu Thankunga vawk chu an in lamah an zawn thlak sak bawk a...


Thangchhinga hi kum 20 awrh chauh a la ni nang a ..A huaisen leh sa lak theih vangin a hming chher hle tawh a,,Dopui khaw muantu leh khaw daingul tia sawi a ni ve der ta mai a.Thlangval lian zet zawt pian thiam tak leh sek phiar fat mai..a taksa phu tawk ai mah a chak niin..a huaisen hle a.hlauh a nei lo niin a thian kawmte leh ram vah pui ten an sawi thin..mi in ngaithlawm leh ai upa te zah thiam tak a ni..hmeltha tia sawi hluah chi ni lo nang a..nula a mah ngaihmelh nasa fe fe chu an tam khawp mai...He mi ni pawh hian vengthlangah a ni te in a ,a len lai in " sa a tlae"tih au thawm a hria a...rang takin anite chempui kengin tumah pawh nghak lem lovin a thlan liam nghal a..sakei hnu chu chhui zelin a hma
Thing ban puam tiat vel chu satin a hmawr a suih zum ver vawr a,,,in ring takin leh hmanhmawh takin sakei hnu chu a chhui zui leh ta a...mipui thawm hria a sakei a in saseng hma ngei a nan chin hman a tum ani..sakei hi thah a nih loh chuan ranvulh dang a lak leh a hlauh a ni..A thlang kawrte kamah zu nang chingin sakei chuan vawk chu a nghawngah sehin a lo thut chilh run mai a...vawk pawh chu a lo la tal fuat fuat bawk a...sakeiin Chhinga a hmuh ve leh a vawk seh lai chu kal sanin a lo rum thaih hum hum mai a...Chhinga chuan inring takin a hnaih phei zel a..sakei lah inthiar fihlim tum hek suh...hlam thum vel a hnaih tih ah sakei chu awp hniam in a rawn zuan phei ta zawk mai..Chhinga pawh a awm mai mai bik lo...rang tak a hmalam ah zuang phei zawk in a thingzum ken chuan Sakei awmah a lung pawh hawkin an chhun hrawih mai a..sakei pawh a huk tuar mai a..hlawm tawp a..a rum zawi tial tial a...a khur chur chur a a zal ta raih raih a..chutih lai mek chuan Pasaltha Kapkima khan a rawn au ta ni...


###Furpui a her liam a,,Mizoten hun hlimawm ber pawl a kan neih favang a rawn her chhuak a,,Thlai ni thla turin kawl an chhun sen ruih mai te chu lung leng mi tan chuan kur pui fe tham a ni ta ve ang...Thangchhingate pawh an zan riah eikham mei bulah an thu bial laih mai a...Thangchhinga te unau hi pathum an ni a..upa ber Lianmawiin An khaw Pasaltha Kapkima a nei a...a dawt hi Thangchhinga niin,nau thleirawlte Chhuansangi a awm bawk a...a nu hi Nuzami niin hmeichhe fel leh taima tak a ni a...pasaltha nupui tih takah hmeichhe huaisen zet mai a ni a,,hmeichhia e ti lo hian hlauh a nei mang der lo nia...A pa hi kan sawi tawh angin Dopui Khaw pasaltha Zadenga niin Phiar rukna vang a hnung lam a tang a kah hlum niin sawi a ni nghe nghe a...(A pa thihdan hi nakinah kan la chhui zuiin Chhingate thian ho in apa phuba an lakna rapthlak tak pawh kan la sawi ang chu)..Nu leh Pa in an zir bawk a Thangchhinga pawh naupangtein Pasaltha tia chhal ngam a ni der tawh a ni...a farnu te pawh hmeichhia mah nise huaisen a sawi an ni bawk.. meithai mai mah nise an an taihmak em vangin rual an awt em em bik lo...

Chutia mei bul a an ti ti mek lai chuan...Nunmawia chu a rawn lut thauh thauh mai...a rawn nui lut nghal var var bawk a...Chhuani chuan""Awi, U Mawite lo thu rawh chawte in ei tawh maw" a lo ti sawt sawt a..Nunmawia chuan "Ei tawh e..Ramar chek kan hmeh a ka puar peng pawng khawp mai...ka pum pawh savun kaih mar ang tang a ni..." an ti mai pek a,,Chhuani lah chuan" Awi awi A u mam Ramar chek te an hmeh ngai mi...u Mawitea hi bei maksak thei e'' tiin a u Chhinga chu an melh deuh ha a..Chhinga lah chuan"Anni te chuan hmeh theih loh pawh an nei hleinem...Laiking rep te lawm an hmeh "a lo ti et si...Chhuani leh a nu chu an nui nasa ngei mai...

Rei thu muang loin Chhinga leh Mawitea pawh chu an thianpa Thanga sawm turin an chhuak ta thuai a...Thanga te in lam an pan mek lai chuan a mah an tawk ta hlauh va...zawlbuk lam an pan thlang ta a,,,kawt lai ah naupang an lo pawnto laih laih hlawm Thanga an lo hmuh ve leh U thanga i banah kan lo uai leh tiin an rawn bawr nghal laih laih a...Thanga lah chu thut hniam pahin a ban an ti char a...a ban leh lam leh lamah chuan a khat tlatin naupang an uai a..a dinga a ban ti char chungin kal pui ta vuah vuah mai a...an ri phei chel chul mai a..a hmu a piangin an nuih loh leh an enzui vawng vawng zel a.Thangtalhtumliana chu engti fakau a chak ni ang maw an ti liam vawng vawng zel mai ni...Thanga chak zia hi kan la hre chho dawn chauh a ni..Dopui khua ah phei chuan tumah khing phak an awm lo hrim hrim a...abuan tawk tumah an awm na hek lo..A hnungah Chhinga leh mawitea chuan an zui a,,,Mawitea pek chuan..." Thianpa Thanga hi chu fuih pawrh deuh ila chuan sai bung pawh a put zawh ka ring sin ..." an tia...Chhinga lah chuan "a bung mai ni nang a pumin a pu vu vu zo ang chu mawle...chaw reng a heh mai...sakhi patuaite chu a mahin a ei zo vek thei ang chu mawle.." an ti zui a...A hnungah an nuih phei vak vak a..an thian ho hi an in ngam bawk a ..an in kap reng hlawm mai ni...


Zawlbukah chuan valupa ti ti ngaithla in mi eng emaw zah an lo awm a..Zikapa chuan vawiin a ram vah na ral leh lam Keichal ngaw ah Tumpang kiu a hriat thu a lo sawi mek a....Chu chuan Chhingate thian thum beng chu a verh kher mai...Favang awllen lai a Ramchhuah an lo tum mek lai a ni a,,Chiang leh zual a chanchin te an zawh lai mekin Pasaltha Kapkima leh Valupa Khamate pawh an rawn lut a.an han sawi ho nak nak a....Ramchhuah in ral ring sa vek an nih a vangin silai mu leh a hlo an ngah sa hlawm bawk a...a tuk a chu Tumpang bei tur a ram chhuah ni se an ti ta a,,,Zan nga rial buhfai ken ni se an ti bawk a...ti chuan phur takin nula rim turin an chhuak dar ta sang sang a..

[LN Kima Guite]

DOPUI MIHRAT KHAWKHENGTE

BUNG 2NA




Pasaltha Kapkima leh midang ho chu kawtchhuahah an thu far tawh a,,,,Thangphunga an nghak a ni...nizan lam a an lo rel tawh ang in Zikapa thu hriat bawhzuiin Tumpang pel turin Keichal ngaw lam a ramchhuah tum anni a,,an tum ramte a hlat tham deuh a vangin a chhuah lam hma ila tiin an inti hma hlawm a,,,Mahse Thangphunga lo lang mai thei ta reng reng lo mai a,an dak fan an dak fan tawh a,,Pasaltha Kapkima chuan"Chhinga Thanga chu lo kal a tum ngei maw,?A ni pui roh hi engmah sawi lo hian a lo thulh leh ringawt te hi niang e,,"an tia,,Chhinga Chuan "Thulh lo tawp ang , nizan pawh a phur surh surh em kha, a ni hi chu nghah bur hi a ni hrim hrim a,,," tiin a lo chhang a,,,Nunmawia nghak ning lutuk tawh chuan"Thangtalhtuma mai mai chu...lo thleng tehse a chak lo ang...ka lo barakhaih dawn chiang lutuk "tih pah in a tho va,,,Thanga lo kalna tur lam kawngsirah chuan a lo biru ta kuk a,,,Pasaltha Kapkima hova ram chhuak tur hi Thanga nen 11 lai an ni dawn a,,Valupa Khama ,Chhinga,,Zika,,Nunmawia,,
Thanga,,Chhuana,,,Kapkima,,Neuva,,Chhawna leh buk nghak tur a an hruai Rawlthar Pahnih Muana leh Siama te an ni ,, hlauh nei lo,Ramvachal leh Ralhrat tak tak vek an ni...


An ram vah dan tur te eng eng emaw sawi a an ti ti lai mek chuan,,,Thangphunga chu a Talhtum Ngainat em em mai...Thingri ril ngei mai a siam...ban chen zet a sei ,,,pa naran tan a put lawih tham..a kut vei lam a
vai vir muai muai chungin a lo phei boh boh mai a.

Thangphunga hi Chhura tiat zet a lian...bem deuh luaih mai niin..A palen ang bawk a tharum ngah ..hlau em em nei lem lo...hmel chhe lem lo tak niin...A palen ngaihtuahin a tuan erawh a tha vei fu a,,thil tih nikhua a nghah a ngai fo mai thin tih loh hi chu han sawiselna tur em em a awm lem lo ,,Nghahbur nih erawh a sim hlei thei lo chu ni ber e,Dopui khua ah tumah tharum a han ter pha an awm lova,,,a ter pha deuh ber chu .Mualveng Palian Rohawka,, Chhinga leh pasaltha Chhuana an ni deuh mai a,,,anni ho pawh hian an la khan lo vai vai hle a ni...Ram vahna ah silai a keng ngai meuh lova." Silai te chu Chhinga leh Nunpatea ken awm tawk lek a lawm" a ti mai zel a.Taltum lianpui mai hi a kalna a piangah a keng deuh zel a,,Hei vang hian Talhtumliana emaw Thangtalhtuma ti ten a thiante chuan an koh fiam fo thin reng a ni.. Ban chen dawn a sei talhtum lian zet mai khalh ngun tih hriat tak a dum tle hlurh mai leh a kengtupa Chhura tiat zet a lian han hmuh hi chuan a thin kan ti rim ang tih hlauhawm tak a ni.a talhtum hman te hi chu hneh sawh tak hi a ni ringawt ,,,a vuak a vuak mai bakah,,,virhvawm ang maiin a hmang thiam a,,,a vawm phak a thil awm a vawm tawh hi chuan a vawm thelh ngai mang mang lo... Nikum buh seng lai khan an lovah nghalrual an lo chhuak a,,, A talhtum hmanthiam nen a ngei mai a zuk bei a,,,pahnih a vawhlum hman a,pakhat thlan liam tur chu a talhtumin a vawm hlum leh hman hram a ni...

Chutia Thanga hmanhmawh lo zet a,,a lo nuih phei vur vur lai chuan Nunmawia chu kawng sir hnim buk a țang chuan "Barakhaih " tih leh Thanga koki zuan kai chu a rual a,,,Thanga lah Arte thinphut pawh nei lo tih takah eng hehu ah lo ngai lo nasa,,,a kal dan ngaiin phu eih lo in a kal miah miah mai a,,,Nunmawia lah Thanga koki ah chuangin "Talhtumlian phu ta che " an ti ngawt a,Thanga lah chuan"uai Nunpatea ni maw,Khuakhuap ka koki ah lo fu ni fa hmiang ka ti mai sin",a lo ti lek fang a,,,midang ho chu an lo nuih thaw hlawm a.


Ti chuan,,,muangchang loin an an tum ram panin Val upa Khaman hma hruaiin an liam zui ta nghal a,,,chutia ngawi reng a an in zui diah diah lai chuan Nunmawia chuan"Thanga lah hi nghah ngai ziah mai...kan tlai phah vek zel hi...enge i rawn tih chen chen bik thin a,,," tiin Thanga chu an hauh vei ngial a,,Thanga lah chuan"nizan ah vengchhak nula mal lian ka rim rei lutuk a,,thawh ka hai lawm mawle"nui tut tut chung a lo ti a,,,midang ho chu a sawi chhan hriain an lo nui dar dar a,,Nunmawia lah thil dang a pakai tumin ring deuh deuhin a zai ta chiam ringawt a,,,an hlim dar dar viau mai a..


Mipa ngal chak tak tak vek anni bawk a,,,chhun chaw fak hun meuh chuan thui fe an kal hman tawh a,,,Damdiai lui ,,,lui nuam leh dam tak mai ah chawl in an chawfun te thetin ...an hanin hnawh puar sawk sawk a,,,vaibelte la kaiin an han pak khu luih luih hlawm a...tichuan tuibur hmuanda vel an hahdam leh hnu chuan kal an siam leh ta nghal a...Tlai naurual zanriah chhum hun vel ah an tum ram pawh an thleng dawn ta reng mai a...An ral maiah Keichal Ngaw durpui mai chu a cham dur mai a..Ngaw zau leh dai darh loh chhura rual rual thing leh hruizam lianpui pui zam reih ruih leh ngaw hnuai thim deuh khup te chuan ati nelawm awm loh vin Ramsate tan erawh an pialral a ni hawt si a,,,a ngaw hmar lamah khamrang ropui leh chhawr dawh thluah mai a awm a...a ram pawh a chheng viua mai a,hmun dang erawh ngaw leilung rem ang reng tak vek a ani....

A ral a lan theihna tang chuan vaibel pak khuk hluah hluah pahin an han thlir vang vang hlawm a,,,Mawitea pek chuan "E hiau...Ngaw ropui tak chu a va ni em...Lasi nula te pawh chhe lo fe fe an awm ngei ang...Lasi nula hmeltha han chhai hlan a nghahhlel awm hle mai...Tumpang kah aimahin kei ka chak zawk a nia" an ti zat zat a,,,Valupa Khama lah chuan"Vangchhak Nula mal......."a ti hman chauhva Nunmawia chuan"E khi khi In hmu em ,,,mak lutuk ,,"a lo ti chul mai a,,,"Khawi maw khawi maw eng thil nge " tiin an hawi hu hu hlawm a,,Nunmawia lah nui huah huah chungin "Rulpui lianpui thlawk ka hmu " an ti pek a,,,Thanga awih lo lutuk chuan"Nunpate Nunpate dawt dawt, i nula mal lian sawngkawlawi sawi hlau i chhuanlam lek a nih chu ,," tih pah in an nem bu lawp mai a,,,,an nuih tlang ta ham ham a,,


Pasaltha Kapkima chuan"Pa Kham engtin nge niang riahbuk lam te hi ,khawih ah nge sual ila tha ang" tiin an zawt a,,,Valupa Khama chuan...."A keichal ngaw chhungah hi chuan riah buk sual a chi loh vang a,,,Kan mei rim te hi Sa inan hriat a hlauhawm thei a...He mi mual mawng kawrte kam vel khu a rem mai ang a,,,Nang. Nunmawi thing thiamah khi lai thingkungah khian han lawn la...hmun zawl nuam deuh kawrte kam tui hlat lo riahbuk sualna remchang . helai hnaiah a awm em han thlir vel teh a"tiin Nunmawia chu an tir nghal a..Nunmawia chu an chhak a Thingkung sang zet ah chuan awlsam tein a ban chho zawt zawt a..Nunmawia hi Thing thiam hi a hmingchherna pakhat a ni ve reng a,,,Hauhuk ai in thing a thiam lo bik love tiin a thiante chuan an sawi thin...Pate han tih ah mizo pa ah chuan pa vantlang tak inthazo leh tuanrang zet mai a ni a...tin a hmeltha hle bawk a nula lamah pawh a thei hlen niin an sawi,,Nula lamah hian sawi a kai leh zeuh zeuh thin reng a ni,,,vengchhak nula mal lian chungchangah pawh thiante kah a hlawh reng mai ni..mahse a thian hnai leh nel deuh lo chuan an fiam ngai lo ang bawk in an fiam chhan dik tak hi midangin an hriatpui lem lo..

Nunmawia chu thingler sang fe tang chuan an hawi vang vang a,," E,khu lai kawrte kam, ,lui a tang hlam sawmah vel khuan hmun zawl nawm hmel tak a awm e,a bul maiah changel hung a awm bawk a...a rem chan hmel khawp mai a" a han ti lauh lauh a,,,midang chuan "Nih chuan lo chhuk vat rawh ,kal ang u...thim hma a Riahbuk sak zawh kan ngai a nia..." an tia...Nunmawia pawh hneh sawh fein a lo ban thla leh zung zung a ...muanchang loin kawrte kam lam chu an pan thla ta thuai a....


Nunmawia sawi ang ngeiin Kawrte kam tui hlat lutuk lovah hmun zawl nuam tak mai buk saknan rem fahran mai hi a lo awm a,,,,Tumah tir ngai lovin an phe nghal char char a, Then khatin buk chak tur mau leh thingtuai te an lo sat a,,,a thenin buk chung leh bang tur changel hnah an lo sat bawk a,, Rawlthar pahnih chuan thingro fawmin mei an lo nun thuai bawk a...tuite chawiin eirawng an lo bawl tan mawlh mawlha,,Chhuana chu Pasaltha Kapkiman zanriah chawhmeh zawng tur in a tir liam tawh bawk a,,Pasaltha Kapkima leh Valupa Khama chu an chet ve vak an phal loh a vangin vaibel zuk pahin hnang an lo hlai ve mawlh mawlh a..Rei lo teah riahbuk chu an peih ta der mai...zan lama thingtuah tur thingro zawngin an vak darh leh ta sang sang a,,,,chu tia anbuai laih laih lai chuan Chhuana pawh sakhi pachal pu chungin a lo thleng ve bawk a,,,


Valupa Khama chuan lo chhawn vat in ,,,"E khai ,,,Pasaltha hnung zui man a va awm dawn ve,,,riah luh tlai a țang a chek tui nen bul kan tan dawn ni maw,,,a va lawmawm thin em",a lo ti sawk sawk a,Chhinga chuan "Chhuana ti khan nang chu lo chawl hahdam la keinin kan han puah ang e,"tiin Sakhi pum chu zai hawngin kawchhung an hai nghal zung zung a,Nunmawia nen an puah zui nghal mawlh mawlh a,,,,Thanga ho in Zika,Chhawna leh Neuva te hoin Sakhi chu an lo rawh ve mek bawk a,,,an rawlthar hruai Siama leh Muana te chuan chaw an lo chhuang so ve bawrh bawrh bawk a..tuibur hmuan da lekah Sakhi chu chan zo vin ...A sa tui lai...a irno leh a bawp te leh a kawchhungte chu chhum turin an buatsaih a.. an chhum so bawrh bawrh mai a,,,a sa dang ho chu repna tur siamin a an rep nghal bawk a...


Rei lo teah Sakhi sa pawh meipui a ur tih takah a hmin ta thuai a....changel hnahah chaw leh Sakhi sa chu an khawr khu ta vung vung mai a,,,,a rim pawh a tui kher mai...Nunmawia pek chuan"Thanga kha chu a chek tui kha pe ve vak suh u aw...a hmanna tur a hre leh dawn si lo va ,,Min hmu tai palh ang e "Nui thaw chung a an tih chuan an nui ham ham hlawm a,Valupa Khama pawh chuan "Nia Sakhi chek hi a chak si a ,hawp chin tawk neih tur aw...Ke zungpui a khawng duh teh a nia "a lo ti ve boh boh va,Thanga lah chuan " Nunpatea te ang in a kua a piangah bur duh ila chu ...pal hungna daih pawh kan hmu ang chu" sakhi chek hawp ri hruah hruah pahin a lo ti ve bawk a,ti chuan hlim tak a infiam chungin puar el euh in an ei ta hlawm a...
Rei tak meng lo vin mut zai an rel ta thuai a,Zanlai velah Chhinga chu Muana chuan a rawn kheuh har a,Chhinga chuan Muana en deuh ha chung chuan "Zengnge ni ta,Muana i muhil thei meuh na nge,"tiin an zawt a,Muana chuan phun sa sa in" Pawnah thawm a awm a,"a han ti a,Chhinga chuan "Zengmah a ni lo vang ,lo mu rawh kan chian ang e" tiin a tho zui nghal a,Meipui dai duk tawh chu a han chhawm tha leh Sapuiin an Buk a rawn hel a nih a ring mai a, Zunramte thiar a mut leh mai a tum mek lai chuan Thanga chu ham bui bui chungin a lo chhuak a,"E, Chhinga i muhil thei meuh lo mi,ka muttui teh reng nen ka zun chhuakin min tih harh khang lan chu " a rawn ti lawng lawng mai,"Khai khaih Thanga midang an harh ang thawm dim deuh ila"a lo ti tak nang a midang ho pawh an harh zo ta vek tho va,zunram thiar turin an lo chhuak sap sap hlawm a,Pasaltha Kapkima chuan"E khai in lung leng nge zengnge ni ta,in muhil thei meuh hlawm lo ni maw"tih pah in buk piah deuh ah a va zung tar tar a,Chhinga chuan "A eng ni lo ve,Sapui in ka Riahbuk hi a rawn hel deuh a lawm mawle" tiin a lo chhang thuai a,Val Upa Khama chuan"Eng dang a nih loh chu,A ram chhung a hmel hriat loh lo lawi lut ta chu tiin min rawn kan ve a nih chu,,He tiangte hi chu Sapui tih fo dan a lawm ,mu ang u"a lo ti awl et a,Neuva chuab"Min rawn bei mai lo ang maw K'u Kham ?,kan in men chhawk mai dawn em ni "a lo ti vat a,Val Upa Khama chuan" E,Bei lah love a,Min rawn fiah mai mai a nih kha,Min beitur chu nise ,A thawm kan hriat hma khan min bei daih tawh ang,in duh leh Sakhi sa rep kha Tul khat pe ula,a kal bo leh mai ang"tiin Bukah a luh san a,Neuva chuan Sakhi sa rep tul khat chu an buk piah deuh ah a vawm phei a,An mu leh ta dial a.

A Tuk zing vartianah tho in eirawng bawl leh tul dang tiin tumah tirh ngai lovin an che zung zung hlawm a,Tuk thuan eikham ah Vaibel zu chungin an ram vah dan tur an rel ho laih laih a,,,Siama leh Muana chu buk nghakin lo awm se la,,Valupa Khama,Neuva,leh Chhuana te chuan Keichal sihpui lova en thlithlai sela ,,a tul dan a zirin a channa tur thangte te rawn dawh nghal se,,Pasaltha Kapkima,Zika leh Chhawna ten Ngaw chuan hnuai lam rawn hrut se,,Thanga te thian ho Chhinga leh Nunmawia te ngaw chuan chung lam hrut bawk se,Tin,Tumpang hi kan tum bul ber a nih a vangin sa dang ah thal thlah rih loh ni bawk se tiin ro an rel a.

Ngaw hnuai dai ruih mai an han lut chu Thanga chu a hawi vual vual a,"Lasi te hi an cheng tak tak roh ang ka ti" a han ti chut a,Nunmawia " Cheng cheng ,i kal na en rawh kha Thingte kha i su ang e,Khawmaw ka khaw hmuh i ti zim min dip ,ka hnungah kal teh " tih pahin a rawn pel zeuh va,Thanga " Hmelchhephaka mai mai chuh,"ti nuah nuah chung a rawn zui tuah tuah a,Ti chuan mahni kal na tur lam theuh panin an in then darh ta sang sang a.

Chhinga te thian ho chu an riahna kawrte per kaiin mual pang per ah phei zelin an buk ral mual dung zawh chho in thui fe an kal hnuah mual let liamah her liam leh in..ruam rai nuam tak lo awm in sa hnu a lo chiar dep dup mai a,an duh ber Tumpang hnu thar ngei mai an hmuh phei chuan an phur kher mai...Nunmawia chuan uluk fe in an bih ngial a,,,"E he ,,,A kalna a la rei lo tawp mai..a chek rim a la nam vang vang mai a,,"an tia,,Thanga awih lo lutuk chuan nem sawn dawrh pahin an bih vei ngial a,,,eng mah phei chu a hre thiam hlei law,,,Hnu chhui lam kher hi a chem kalna chu a ni lo ve chiang khawp mai..."Chhinga han en ve teh He Tumpang hnu hi chhui thlak a ni em "a han ti boh boh va,,,Chhinga hi hnu chhui thiam tak mai ani a, uluk fein Tumpang hnu chu a han bihin a han bel chiang vel a ,,"A chhui tlak dawn hi a,a thar tha viau mai," a tih chuan, muang changin an chhui ta nghal a.

[LN Kima Guite]

DOPUI MIHRAT KHAWKHENGTE
BUNG 3-NA


Chhinga chuan bahlah hauh loin Tumpang hnu chu a chhui zar zar a,Nunmawian Silai nen in ring takin a hnungah a zui bawk a,Perhte a ding zeuh zeuh tih loh chu Ngaw hnuai thelh nuam ang reng tak a nih a vangin thawmdim leh chhui a harsa lem lova,Sa chi hrang hrang hnu thar leh hlui deuh te leh Tumpang hnu ngei pawh a hlui leh thar a in pawlh nuk a vangin minaran tan chuan an Tumpang hnu chhui ber pawh lak fuh chat chat har tak tur a ni a ,Chhingate ang mibik tan erawh Fanghmir zing a Khuangruang awm ve ang mai langsar a ni thung,Thanga leh Nunmawia ngei pawh chuan Chhingan chu tiang sa hnu chiar dep dup zinga bahlah miah lova Tumpang hnu thar a thlur fuh chat chat thei chu mak an ti rilru kher mai,Sa hnu chhuitu hian an bul vel an thlir zau hman vak loh a vangin chu mi lo ven chu a thlawp tu mawhphurhna a nih a vangin Nunmawia chuan in ring takin a mit mupui mit ang mai a var chu a len kual reng a,Che zeuh pawh hmuh hmaih a tum lo kher mai,Thanga pawh a hnu dawlah fimkhur takin a lo kal ve zel a,He tiang Sa lian leh hlauhawn chhui a fimkhur loh pawi zia chu an chiang tlang.Chhur a rual Thing ding khep khup leh Thingsam uai seng sung te leh ngaw hnuai ni chhun tlang loh thim deuh khup mai chu a nelawm loh vin a rapawm lek lek a ni.Chung lamah sava chi hrang hrang hram chiah chiah leh Thehlei hram zawr zawr te hriat tur a awm a.Zawng rual khat rah tlan lo ri chel chul te pawh kah thlak tawp tawp an chakawm viau na a .an pel zel a.

A ram lei lung leh hnim to a lo in thlak a Ngaw hnuai thelh nuam tak chu Perhte leh hnim chi hrang hrangin a lo bawh a,Hruizam chi chihrang hrang a zam kual reih ruih in thenkhat laiah phei chuan kal harsa khawpin hrui hnawk a zam nasa a,Tumpang pawh engtin nge a kal theih zawk tih hial tur a hnawk leh chepah te an in chhui zel a.Nunmawia leh Chhinga chu thawm nei mang loin hnim leh hrui hnawk karah pawh an pit zung zung mai a,Thanga chu thiante lenna ah leng ve thin hek lo,Ram hrui zung tang tiat lek lek te chu a pal chat hmawk hmawk mai thin a,Thawm a na ta riau mai ,Mawitea chuan,,,"Talhtumlian thawm dim ve ta che ,kha tia Sai padawp ram tla ang mai a,i rik buan buan te chuan sa kah tur i hnawt tiau vek dawn sin " tiin Thanga chu an hau sa sa a,,,Thanga lah chuan" Ka theih tawk chuan ka dim ve bawk..."a lo ti su su a,Chutia an han in hau thawm chu hriain Chhinga chu a ding ta a," Ti hian i ti mai ang u hmiang , Thianpa Thanga hi thawm a dim lamah a pachhe ang reng si a,hetah lo ding rih se la,,keinin kan chhui zui ang a,lo fing khat awm vel a hlaah min lo zui ta mai se la tha lo maw,,?" tiin a han rawt ta ngawt mai a,Nunmawia chuan "Chutia kan tih mai ngai ni ,Thanga i rawn bo em long chu ti raw" a lo ti vat a,Thanga chuan"Lo va chhui teh tak u,Sa hrang chhui kan nia eng emaw thulh a in chhan phak awm vel ah ka rawn zui ang che u'' a lo ti ve bawk a.

Lo fing hnih awm zet an chhui hnu chuan Tumpang chu maupui hmunah an chhui lut ta a,maupui hmun tih takah maute lah chu arsi ek a kai khir en un hlawm mai a,mau a zingin a hnuaiah mau rawp a kai zei zui mai a,,kal a har in thawm dim pawh a har ta tak zet mai.Tumpang ek chu thochimin an bawm laih laih tawh a,Fimkhur theih tawpin an chhui zel a,Chutia rei lote an chhui leh hnu chuan,,,Tumpang phit ri dut chu hria in an ding chawt dun chawt a, in ring takin thawm ang ngaithla kar maia,,Chutah le,an hmalam a tang chuan Tumpang chal lian zet mai chuan a rawn phin phei ta phut mai a,mau rawp chu a rawn phin leng phei chum chum mai a,Rang lutuk a an sir lam a per nawlh pah chuan ,,Nunmawia leh Chhinga silai chu a puak rual thawt a, mahse mau rawp hnawk karah duh angin silai han tin zawn theih ni hek lo le,,,Chu Tumpang hruanghruau zet chu a sa huatah kan kap fuh tlat lo mai ,,Silai Mu lah han thun leh mai theih ni bawk si lo va,.Chu Tumpang lah chu maupui lian pui pui leh mau rawp hnawk rup mai karah pawh a leng halh halh hle mai a, chetna lam apiang a kaw duak duak zel mai ,Avawi hnih rawn phinna ah chuan Pasaltha leh ramvachal tuanrang tak ve ve an nih vang chau in an him leh hram a,,,mau rawp kai zuih mai hnuaihah an bawk phek reng ringawt tawh mai a,,Tumpang chal inhrosa chuan lei te chu a phiat leng chum chum mai a,hmun rem leh chet rem deuh zawng ni se,Chu Tumpang chuan nunna a nei tawh hauh lovang,Chhinga leh Nunmawia hian Silai kah ah kher hi chuan an tum an hlah khat khawp mai,,mahse an in tawnna hmunin zir miau si lo chu,maupui hnawk karah silai han chelek na kawng a kaw mawlh si lo,,chempui nen beih dawn pawn chem vaina tak ngial pawh awm mang bawk si lo...an buai kher mai,,,Tumpang chuan an tawmna hria in a lak fuh ngei tumin rawn phin phei leh ta ,mau tliak ri leh mau rawp leng chuai chuai karah chak mang khen in a rawn duk phei leh ta pur pur mai,Chhinga chu a rawn la fuh hman teuh kher mai.,Tumpang chal lah chu a duh ang a , a phin fuh mai theih loh a vangin a thin a rim tulh tulh mai a,mang an thlak tan tlat mai,,an piah maiah phit dut dut chungin lei a phiat leng chuai chuai mai a,,Chet ngam a ni lova,thawm neih ngam a ni hek lo,,Tumpang fing zet chuan hlawh chham a tum lo kher mai.chu tia chet la hlei thei lova an awm mek lai chuan,An piah lawk ah thawm dang a rawn ri leh ta,,,Sai padawp thawm tiat zet in rawn ri phei buan buan mai a,Chhinga leh Nunmawia chuan tudang ni lovin an thianpaThanga a ni tih an hre nghal mai a,,,Chutia a rawn phei zel chuan Tumpang chal kawlh zet a awm tih hre lovin a rawn pawh mai dawn a,Tumpang chuan a lo bei ngei mai dawn si a..han au pawh nise a thawm a nat em vangin a hriat an ring si lo...Hm tih dan kawngkhat chiah awm ta,,,thih leh thih tiin Chhinga leh Nunmawia chuan mau chu an chempui a khawng riin "He lamah kan awm..Nang Tumpang thluak thawlpa" ti a au in,,,Tumpangin Thanga in ring lo lai a beih lohnan thawm an lo chhuah a,Tumpang pawn thuak thawl nih chu a duh vak bik lo a ni ngei ang,,,a rawn thleng phei rang em mai. Nunmawia awm na zawn mau rawp chu a darh chum chum mai a,tlem a tlemah Nunmawia meuh pawh a in sa seng hman lo teuh kher mai...Tumpang pawn a phin fuh lo tih hria in rang lutukin a in her leh nghal a,,Fimkhur takin phin fuh ngei tumin mihring awmna lai hriat tum a hnar leh mit a len vel ruai ruai a.


Thanga chuan an hnung fing khat vel a tang chuan Silai puak ri rual thawt chu a lo hria a,"Chu le ,an kap e" tiin phur zetin chak mang khenin hmalam pan chuan a tlan dawk phei ta pur pur mai a,a thiante pahnih Silai kah dik zia a hre chiang a,an kah tluk loh reng reng hi a ring lova,Thawmdim lo lekin a tlan buan buan mai a,Hruizam leh Perhte Ke zungpui tiat lek lek te chu a pal chatin a hrut tliak phei sel sul mai a, Maupui hmun rawn thleng pheiin a talhtum lianpui chuan mau rawp lo kai zeih zuih te chu a vai kaw duak duak mai a,Chu tah thawm ngai changin an ding det a,Chhinga leh Nunmawia mau khawn rik leh an au thawm chu a hre ta a,"E hiau an kap hliam a ni maw"tiin chak leh zualin a dawk phei leh puat puat mai.A palen tehreng nen a tuan a tha zar zar kher mai,hmanhmawh zetin mau leh maurawp te chu a rawn su darh phei chum chum mai..Engmahin diar hek lo le,,a hma zawn chu a kaw hawk hawk mai ni,Thanga thawm chu hriain Tumpang chal pawh Thanga lam a rawn hawi ve thung a,phit dut dut chungin a rawn phin phei leh ta pur pur mai a leh lamah Thangan rawn bawh phei bawk a,an thawm a tha dun ngei mai,,Thanga chuan Tumpangin a rawn phin phei tih hria in hlauh a hnekin phur leh nuam ti zetin a talhtum lian zet chu lek kangin awrawl tawp a au chungin a bawh phei ve pur pur bawk a.

Chu mi chak pahnih thih leh thih tia,,thapui chhuah a hma lam an han bawh phei dun pur pur chu engmahin dal zo hek lo an thleng chin a piang chu a kaw zawt zawt mai,,mau rawpro chu a len hian leng darh Chuai chuai mai a,,mau a puak ri phei pawp pawp mai bawk a an thawm chu na bian bian tak ani .


Chu tah an han in tawng chule,a ri buai buai mai a,,an thlen chin a piang chu a eng hian a eng duai duai mai a,,mau leh maurawp mai mai in dawl hek lo,,mau tliakri leh puak pawp pawp ri nen tum pang phit ri nen,,Thanga inhrosa ri nen,pui tak a ni..In phin fuh leh in vuak fuh tum a,,Tha zawng zawng leh thiam thil hmang a ,an han in bei tak tak chu a hmuhnwm zia chu mit a hmuh loh phei chuan sawifiah thiam chi a ni lo ve,Thanga pawn a duh angin a vaw fuh hleithei bik lo va,Tumpang pawn a duh angin phin fuh thei bik hek suh,Thanga pawh mau zum leh hriam in a tai thi pheng phung tawh mai a,,khuanun a bik a ,a siam leh Duan a vunte pawh ransa vun ang mai chhah leh fei chu ni lo phei se a hliam na ve viau tawh ngei ang....Tumpang pawh a him lua bik lo..chutia an beih buai lai chuan Chhinga leh Nunmawia pawn an silai mu chu eng tin tin emaw an lo thun ve thei mai a, mahse Thanga ral palh an hlauh a vangin thal an thlah mai ngam bik si lo va,,,han puih ngaihna vak awm hek lo le,,,awm hmunah an lo inseh ruh ve nasa mai a.
. Chutia in tih nat tum a thapui chhuah a han inbei ta chiam chu an hah deuh tawh a ni mahna,,,an hanin tha then leh rih a,,,Hlam thum vel a hnaiah an han in melh dun ren rawn a,Chu Tumpang hruanghruau zet chuan a lu a zo vah vah kher mai,a ki hmawr zum leh hriam zet chu a vilik zoh zoh va,Pasaltha leh sahrang in en zam tumin mit leh mitah an in en dun ran mai,Tumpang mit sen rem rum mai leh thawhulh hulh mai,a lu ropui leh lian zet an ti lei vel bur bur mai te chu pa naran tan chuan tlan nal nal na tham a ni a .Tumpang chuan rawn phin leh ngei a tum tih hriat tak mai in inhrosa chungin lei an phiat leng chum chum mai a,Chu tia Tumpang in hrosa mek chu Mau kar a tang Chhinga leh Nunmawia chuan an lo thlir ve reng a,Kah pawh an tum tawh lova,Thanga an zam lo leh in ring tawk tak a chu Tumpang a hmachhawn an hmuhin a hneh thei ngei an ring tlat tawh a,"Thianpa zam suh tang rawh,Dopui mihrat khawkheng kan zam ngai lo"tiin an lo fuih ve tuar tuar a.

Chu tah le,Tumpang chu phit Dut dut chungin a rawn dawk phei leh ta zawk mai...Thanga pawh a lo awm mai mai bik hauh lo,Rang lutuk a hma lam a zuan kan zawk pahin a Taltum lian zet chuan TUMPANG tukkhumah tak mai chuan alo vaw bur mai a,Chu zet zawng Tumpang meuh pawn a tuar ta lo,hram ruai ruai chungin hreh tak chung a awp ta rawp mai le,A lu ruh keh sawk khawp a vuak a nih miau a vangin a zal ta raih raih mai a,Ram hnuai Pasaltha chuan a ngam loh mihrat a tawng ta.

Chhinga leh Nunmawia chu hlim tak kut beng chung a lo zuang chhuak a,,Thanga pawh a hah ngang a ni ang a thu hnawk mai a,,,Nunmawia leh Chhinga lawm lutuk chuan an kuah chuk chuk mai a,,,Nunmawia chu"Ropui lutuk .Ropui lutuk "tih pah in a in bin kual zawr zawr mai,chu tah,"E khai,Thianpa Thanga nge nge i lo ropui ngei mai,,,hei Tumpang chal chu i thal ta der mai,,,He ti em em hian i lo turu tih ka lo hre ngai lo va,,,mihring chu i ni ngei maw,,,Lasi tlangvalte hi i lo zawk lo maw""tiin Tumpang chu an vel that that a,,,Chhinga pawh chuan"Hei thianpa talhtum nen chauh Tumpang hei an reng ruang i han thal ta mai chu a nia..a va lawmawm tak em...khawnge Thiante thal thlahna hnu hma chu kan bel chiang ang e"" tiin Thanga dar a ben thap thap pah chuan a tho va,Thanga chuan "zengmah tham ni hleinem,,ka vannei mai mai nih kha,,,"a lo lek fang a,Nunmawia leh Chhinga chuan Tumpang chu an han bel chiang a,,,A lianin a ropui ngei mai,,a ki kual ruih mai inkheh eng pup mai leh hmawr zum em em mai,,,a ki kar a sar zam thei khawp a ki tha a ni .


Nunmawia chuan " Tumpang chal meuh han thal takah chuan hlado kan chham ang e" tiin a silai chu van lam a tin ang ven vawn in ring fahran maiin
"Valan e ramtuan ka rel niin.
Tumpang e,Thanga tawnan tuiang nem e
A thlung lu e hai chiai e,"
an ti liah liah mai chu Thanga meuh pawh a nui chhuak huk huk mai a,Chhinga chuan"vawmphuai e ,a ti leh em lo va zia e "nui put put chung a lo ti boh va.chutah Nunmawia phur laklawh chuab" Thanga Tumpang chal meuh i tawnah tui ang a nem a nih si chuan,hlado chu i chham ve ngei chu a ngai ang"a han ti zui a,Thanga chuan hreh teh mahse hlado chu a chham lo thei ta lova,,Thanga hlado chham zawh rual chuan Chhinga leh Nunmawia te chuan silai an lo in rawn dur dur bawk a,an hlim lutuk chu an khek in an au teng tung mai a,,Thanga pawh a ha a hmuiin a tuam hman meuh lo.chuan vaibelte tankai in an han zu hah chawl leh te te a,Tumpang buk lam a thlen phei dan tur an ngaihtuah ta a,Nunmawian midang lova koh se Thanga leh Chhingan a bawp hlawk hlawkin lo chan darh se,,Buk lam a thiar phei nise an han ti deuh va,,Mahse Thanga chuan"a buaithlak mai mai ,kawng lo sat chu ula,,keiin Tumpang hi ka rawn pu ang e"a ti ta mai a,,Chhinga leh Nunmawia mak ti chu an ka ho mai a,,chhan lawkna chang pawh an hre mai lo va,,an thianpa thahrui ngah zia hi an hre chho dawn chauh a ni.Mawitea chuan mak ti fein "Tumpang chal em chu i pu zo ang maw Thianpa" an ti deuh hu a,Thanga lah chuan eng dang sawi lo vin "Kawng chu han sat ru le,,kal ang u le," tiin Patlingin sakhi chal kan pu tluk lek a zo vin Tumpang chu a ko kiah chuan a pu nawlh mai a,,Chhinga leh Mawitea chuan mak ti fe in an en ho mai a,,chet lak nachang pawh an hre mai lo va,,Thanga chuan "Kha tia min en reng lo khan kawng chu han sat vat vat ta chu " a han tih chuan chetna chang an hre ve chauh va,,,Chempui phawrh in Thanga hmaah chuan kawng bah zual sat in hma an hruai ta nghal a,,Thui fe an kal hnu chuan Thanga hah an hlauh vangin chawlh an han rawt a,,Thanga chuan "Kan thlai zel zel chawl lovin kal zel ang u,,ka hah hleinem Tumpang pum khat lek te zawng hah pui tham a nih loh hi" a lo ti si,,an kal leh ta zel a,,
Thanga Tumpang chal lian zet mai pu chung a an kal vel chu hmuhnawm tham a ni a,,,a ban bulte chu Nunmawia te ang malpui tiat zet a ni a, a Thahrui han tang mar vel chu hruihrual ang mai hian a phiar fuat mai a,hnim leh hrui eng ilo lo bat buai deuhtu a piang chu an chatin an bung rem rum mai a,Chhinga leh Mawitea an theih ang tawkin kawng lo sat mahse,,Thanga leh Tumpang chal lenna khawp a sah kuak hman ni hek lo le,Thanga lah chuan rit tih hmel a pu chuang der lova,a thain a chaldelh hrim a Patling pangaiin Sakhi kan pu ai mahin a hneh emaw tih tur a ni ,,Chhinga leh Nunmawian chhawk leh chawlh an rawt pawn a duh der lo mai a,,Heng Pasaltha Mihrat khawkhengte hma ah hian eng nge ding zo vang le.

(A changtute hi an hero mah mah in ti mai thei a,a changtute hero deuh hi ka thawnthu ngaihnawm tih zawng a nia,chu vangin a changtute an hero deuh thawnthu ziah hi ka chak em em thin a,hei kan ti chhin a nih hi,nge maw nile sap ho pawn spiderman te superman te an nei lawm )

[LN Kima Guite]

DOPUI MIHRAT KHAWKHENGTE

Bung 4-na

An riah buk an thlen chuan khua a la tlai chhe lo va,,an thiante pawh Chhuana leh Pasaltha Kapkima tih loh chu an lo awm thap tawh a,,Chhuana leh Pasaltha Kapkima erawh chu sih chang turin an kal tawh a,,(sih chan hian ramchhuak zawng zawngin an chang rual thup thup ngai lo va,mi pahnih emaw pakhat emawin an inchan chhawk thin,)Chutia Thangan Tumpang chal meuh a rawn pu ta vu vu an han hmuh chuan mak an ti hlawm ngei mai,rang takin an tho nghal sang sang a,,an hlim leh lawm lutuk chu an haw haw dar dar mai a,Thanga chuan Tumpang chu an buk kawtah chuan an keuh ri dawp mai a, Valupa Khama chuan "E Khai,Thanga chu tluk loh rim i nam mang e,Tumpang chal ngat pu zo hi chu Thangkhat lianah pakhat bak an piang lo an ti sin,,nang zawng khuanun mal a sawm zel ang che a,,mi ropui tak i la ni dawn khawp mai,,he tiang reng a chak mai ,",tiin Thanga chu an fak mawlh mawlh a,,midang ho pawn an lo fak ve tliar tliar a,Tumpang chu an han bel chiang hlawm a lian anti in ropui an ti tlang kher mai..A ki kak karah te an han thu chhin vel a,Panga chu an thu thei zan tak tak mai a,a tam zawk hi Tumpang la hmu ngai hauh lo an ni bawk a,a ki te chu an zut an zut hlawm mai a,A ki hmawr zum that em em dante chu mak an ti kher mai.Nunmawia pek chuan" A ki hmawr zum dan em em hi chu ,A enkawltu Lasi nula in a zum sak a ni ngei ngei ang"an tih chuan an nui dar dar a,Chhawna chuan "a ni thei viau ang" a lo ti thuai bawk a,Chhawna chuan " Kan tum ber chu a ni khat niah kan hlawhtling chu a ni nghal der mai a,,Nunmawi tu kah nge ni le"tiin Nunmawia chu a han zawt zui nghal a,,Nunmawi chuan "Hei Thianpa Thanga hian a talhtum hian a vaw tlu der mai a ni" tiin Tumpang nen an in tawn dan leh Thangan nen an in beih dan chu uar thei ang berin a han sawi par par mai a,,a sawitu in a sawi thiam bawk a,,ngaihnawm an tiin Thanga chak leh huaisen zia chu mak an ti hlawm ngei mai,Val Upa Khama chuan"Thanga zawng kan khaw dai ngul sa leh ral a khawtlang muantu i la ni dawn e,,"tiin Thanga chu a fak leh mawlh mawlh a,

Ti chuan phur leh tha tho takin Tumpang chu chan tur in an in buatsaih nghal ta mawlh mawlh a,,Changel hnah te sat in hmun zawl rem laiah an phah a,,,Tumpang chu changel hnah chung ah chuan dah in hlim tak a in fiam chungin an chan ta mawlh mawlh a,,Pahnihin a repna tur an lo siam a,,phakrak tah in meipui chunga rap an siamah chuan an phah a (,he mi chungah hian sa hrang lian pui pui a an chan chu an dah dawn a ni,,sa lian tham an kah hian tulah a rep ngai meuh lova,,a chhan chu a sa a tam tham deuh a vangin tul a rep hi a buai thlak thin a,,phakrak tah chungah dahin meipui in an ur mai thin.tin an rap siam hi rap pangai ang lek a zau turah lo mitthla lo la,,hlam hnih bial bial ten a ni rap hi siam a nih thin...)an sa chan hmasak a piang an Rawlthar hruai Siama leh Muana chuan meipui chunga phakrak tah ah chuan an lo dah kai zung zung bawk a,,Thanga pawh a kap tu (silai kah chu a ni lo mahse,,a mantu tih hi dik zawk mai thei..)nih man ah awl ngial an tum pawn a duh der si lo va,,a chem lianpui mai chuan a ruh lian pui pui chu a sat ri sawk sawk a,,sah nawn a ngai lo kher mai,,a sat zo zung zung mai ni..an tangrual bawk a,,an chan zo ta thuai a,,a kawchhung leh a irno te chhum a,

An Rawlthar hruai ten chhun lamah Thing ro tuah tur an lo chhek ngah vek tawh a,Meichher nen lam an lo siam dim diam tawh a,Thing fawm leh mei chher siam a ngai lo va,,,Sa rep vil pahin an ti ti mam a,,Chhinga chuan.."Ka pa Kham sih chu enge a chanchin,,a beiseih awm em.."tiin an zawt a,,Valupa Khama chuan"Beisei awm khawp mai..Zanin hi Thlahleingazan a ni dawn a,Sa lian tham sih lut zawng an awm ngei ang le,marawhchu hei,,kan tum ber Tumpang lu kan nei ta der mai a,,Sazuk leh Sanghal chin hi chu kan tum thei tawh turah ngai ila,,"tiin vaibel lak kai pah in a lo chhang a,,,
Mawitea chuan "A nih chuan Pa Kapkima te hi chanchin kan hrilh a va tha awm ve Pa Kham" tiin Valupa Khama chu a han rawn a,,Valupa Khama chuan "a ni teh tak e,Neuva nang sih awmna i hresa thova ,Khua tlai lutuk hma hian chanchin zuk hrilh mai ta che,,,Tumpang lu kan nei tawh a, Sazuk leh Sanghal te pawh melh a pawi tawh lo ve,,i zuk ti dawn nia," tiin Neuva chu a tir liam ta nghal a.
Chhinga chuan"A nih leh U Chhawn nangni zuk vahna lam chanchin enge le"tiin Chhawna chu a zawt a,,Chhawna chuan"A sahnu thar chu tam mai a,,,mahse Kan tum ber kha Tumpang a ni rih si a,,sa dang kha kan beng khawn vak lem lo va,,Sa chu kan thawng tlan zeuh zeuh ve,,Naktuk lamah te chuan zuk vak leh ila,,sa te nauah na na na chuan kan hlawh chham lo vang"tiin a lo chhang boh boh va,An rawl thar hruai Siama chuan"Ka pa Kham eng vang nge Sih chan hi Thlabial lai kher kher a chan a ngaih le"tiin Valupa Khama chu an lo zawt ve bawk a,Valupa Khama chuan"A Ramsate hi an fing em em mai a,,Thlabial leh mangte hi an chhiar sual ngai reng reng lo va,,,Sazuk leh sa lian tham chin hi chuan Thla hi an zui tlangpui a,Thlabial leh Thlamang lai vel lo hi chuan Sih an lut ngai mang mang lo va,,Chu vangin heng sa lian tham ho tum tur chuan Thla zui lo va chan ngawt hian awmzia a nei lem lo a ni,,,"tiin vaibel pak khuk hlat hlat pahin a lo chhang a,

Pasaltha Kapkima leh Pasaltha Tuaitir Chhuankhuma te chu sihpui kam a Chhuanate Thangte dawh ah an thu khar tawh mai a,,Tumpang chanchin an la hre lo bawk a,Tun thla tharah Tumpang sih a la luh loh a vangin an phur kher mai a,Tumpang kah ngei tumin an silai mu chhuan tawlawl te thunin in ring ran in che lo chang lo vin an thu ngawi reng a,,Sakhi leh sate naute chu lo lut zeuh zeuh mahse an tumber a nih loh a vangin an en liam mai a,,chutia ngawi reng a an thut lai chuan an chhak lawkah Chhawna chu a rawn faifuk rat rat mai a,,An lo chhawn vat a,,Chhawna chu thawm dim takin a lo chhuak thla a,,,Chanchinte an in hrilh hnuah thawm dim takin a chho leh ta a,,

Khua a tlai lam zel a,,sava leh nungcha an hram chel chul a,,Ral leh lam a hauhuk hual reu that that leh Sakhi huk dar darte pawh hriat tur a awm a,,,chu tia ngawi reng a sih an chan mek lai chuan an thlang kawrte kamah Chepa a rawn hram ta tuar tuar mai a,,Sa a hnai tih hriain an inring kher mai...Thawk leh khatah Chepa hram chu reh thutin Sava leh Rannung dang hram te pawh chu a reh ta duk mai,,,eng mah thawm awm lo vin a reh ta tlawk tlawk mai a,Thlifim tak ngial pawh a thaw eih lo va,,a mi uap a na kher mai.Pasaltha tiltial meuh tan pawh a boruak uap chu a na kher mai,,,hlauh vang ni miah loin a boruak uap vel chuan mi a ti mur sung sung thei hial mai..,

Chutah an thlang lam khan pakhat a tang chuan SAZUK var mawi leh thianghlim em em mai ki hreu mawi leh nalh chung chuang chu a lo chhuak ta zan zan mai,,He tiang reng reng a Sazuk ki mawi hi an la hmu ngai lo va,,Sazuk var hi a awm tih chu upa ho sawi an hre thin ngei mai a,hetia a hring a hran a ,an han hmu ta mai chu mak an tiin chet zai reng an rel thei lo va,a mak leh zualna em em chu a ki karah Nula hmeltha em em mai a thu leh zel chu a ni,,,Chu Nula hmelthat zia chu a tak a hmuh ngawt loh chuan sawifiah thiam chi a ni lo va,,a sam dum ngil siau mai thin len siau pah in sih koah chuan an tum thla chhak a,,A hmelthatna leh duhawmna chuan aikaih ang mai mi a zial â thei ni ngei ang,,,Pasaltha Ralhrat khawkheng meuh pawn che lo chang loin an thlir ngawih ngawih mai a ni,Nula chuan Sazuk chu a nghawng a chul heuh heuh pahin an be sep sep a,,,Sazuk chuan sih tui al chu tui ti takin a dawt ta kiang kiang mai a,,,Chutih lai chuan Nula chu duhawm takin a hawi vel riai riai a,,A hmelah chuan khawharna a lang thei a,,,A mit meng mawi takah chuan hlauh thawnna a chhiar thei bawk a,,,Chu Nula chu Lasi nge a nih ang a,,,Huai nula ,,,eng vang a khawhar leh hlauhthawn hmel pu nge ni ang le,,,


Chutih mek lai vawi leh khatah thli a lo thaw ta vuk vuk mai a,,,hnahthel te chu a chhem leng chum chum mai,,Khawdur hauh si lo vin chhum lei vak a rawn zing ta chiai chiai mai a,,,Thli thaw vuk vuk karah chuan thil rum ri vung vung niawm tak a lo chhuak bawk a,,,,Chu veleh Nula duhawmi chu Sazuk chungah chuan a zuang kai vat a,,,bak lengin an lo kalna lamah an thlan liam leh ta vawn vawn a,,,Pasatha Kapkima te chuan mak an tiin eng thil nge lo thleng leh dawn tih chu an Sakuh ser nghah ta ngawt a,An chhak lamah hnahthel chu a lo rithla sun sun a,,Thawm hriat thiam theih chiah siloh rap awm zet mai lo chhuak in a rawn hnaih thla zel a,,,Chhuana leh Kapkima chuan uluk tak leh in ring takin an lo melh dun ran mai..Chutah le Chinghne pachal lian em em mai hi a rawn chhuak ta thoh thoh mai .a hmui a lei hnim kual dun dun chung in fimkhur takin a rawn kal thla thoh thoh mai a,A lian kher mai a,sairal tiat zet a lian a ni a.Chinghne naran mai chu a ni thei lo tawp mai.Chhum lei vak pantein a rawn zam thla chiai chiai bawk a,a boruak chu a hit deuh sur mai bawk a..Chu Chinghne Chal chu Sih ko thlangah dingin van lam hawi a dak chungin ring zetin a u ta ruah ruah mai.A ring kher mai ngaw hnuai chu a khawk rum rum thei hial a,Chu tah an chhak lam ah chuan Hnathel a lo ri thla sup sup a,Chinghne rual sawm chuang zet tur hi an rawn lawr ta tuam tuam mai,an lian in an rapawm hlawm kher mai.an chik nghur nghur hlawm mai.Sih tui al chu tui tih hmel takin an liak ri hlup hlup hlawm a,He tia Sakei puiting tiat zet zet Chinghne rual an rawn chhuak ta sup sup mai hi Pasaltha Kapkima chuan thil pangai a nilo tih a hre chiang kher mai.an Hruaitu ber sairal tiat zet a lian chuan Sazuk var hnu chu hmu fuhin a han hnim vut vut a,Vanvadakin ring zetin a u leh ta rawng rawng mai a,Sazuk var leh Nula tlanliamna lamah chuan rang takin a tlan liam zui ta nghal a,a dang ho pawh chuan zuiin an liam zo ta diak a.an liam fel rual chuan thli thaw vuk vuk leh chhum leivak zam chiai chiai te pawh a kiang zui ta nghal a.

Pasaltha Kapkima leh Chhuanate chu an liam hnu eng emaw chen chu an hai deuh chhulh mai a,,chet mai nachang pawh an hre mai lova,an han harh chhuah chuan Sa chan chhuah tur a awm an rin tawh lem loh a vangin buk lam panin an haw ta nghal a.

Bukan thlen chuan Midang ho bulah an thil tawnte an sawi Chuan mak an ti tlang ngang mai a,Valupa Khama chuan"A mak kher mai a,Nula leh Sazuk var chu thuhran Chinghne rual mawlh chu nih chu rilru ti buai chu ni,He Ngaw hian kan hriat phak loh thuruk tam tak a nei ngei ang ,Engtik niah emaw kan Pasaltha Nang ni ho hian la chhui chhuak mawlh ula tha ang"a han ti charh charh a,Pasaltha Kapkima chuan"Ni e,Engtik ni ah emaw he Ngawpui hi luh chilh leh a eng thuruk nge a pai tih finfiah chu keini ho kut ah awm tehse,kha Nula khan chhantu a mamawh hle a hriatna ka nei tlat nia mawle"a lo ti ve thuai a,Valupa Khama bawk chuan"Chinghne rual chu tiang a lian leh tam chu Pawiral za rual ai pawhin an hlauhawm zawk a,chuvangin zanin chu in men chhawk ila tha ang.Kan hnu leh rimte la fuh a min rawn bei a nih vaih chuan,a deh an khir viau dawn a.in ralrin tluk a awm lo ve,Meichherte kha chhit kai zung zung theih turin han buat saih bawk ula,"tiin ro a han rel leh zung zung a,a ni reng lah tak a Chinghnia Sakei tiat zet zet a lian a rual a awm leh nghal an awm hnai tih hrereng chung a,fimkhur nachang hriat loh chu thil at thlak tak a ni ngei ang.

Ti chuan meipui chu an chhep alh hluah a,zan lamah eng thil nge an tawh dawn hriat a nih loh a vangin mu hma ila tiin an mu ta hlawm a.Nunmawia chu meng hmasa ber tur a nih a vangin a Silai mute thunin meipui bulah chuan thut hmun a rem ve ta nghal a.zan a rei telh telh a thawm a tam telh telh mai.Ungau hram ri leh Tlumpi kui ri dup dup te chuan khawhar a hnem lo kher mai..An han muhlawm tak nang a,Pasaltha Kapkima leh Val Upa Khama tih loh chu muhil thei pawh an awm meuh lo va,an la naupang thlang bawk a,an helhhawlh a ni ber ang chu an in thawh chhawk sek mai a,Valupa Khama leh Pasaltha Kapkima erawh daihriat ngah tawh tih takah an hnar bawrh bawrh thung a,an mu thei lo chu tho vin meipui bulah an thu bial taih hlawm a.Thlahleingazan tih takah thla lah chu en namen loh vin a eng a,Thla eng lawm a katchat leh Khauchherte an hram chiah chiah lai chuan,an ral Keichal ngawah chuan Chinghne u ruah ruah ri an hre ta mai..an thlang ruam rai te chu a khawk thla rum rum mai a.Chu tah Chinghne rual chu an u ta chuah chuah mai a.an thawm ah ringawt pawh naupang deuh tan chuan zam rum rumna tham a ni a.Pasaltha Kapkima leh Valupa Khama pawh an lo tho chhuak ve thuai a,Chinghne rual chu ring leh rapawm zet in an la u chuah chuah mai.Silai nen in ralring takin an thu far hlawm mai a,chutah vawi leh khatah Chinghne rual U chuah chuah mai chu an reh ta vang vang mai,An reh tak diakah chuan a khawilam nge an pan tih hriat ni miau si lo chu ,in ralrin a tul zual sauh thung.

Zan a rei telh telh a zan lam a hram chi nungcha te pawhin thawm an rawn chhuah leh ta chiah chiah a,Val upa Khama chuan "Hei khawvar a hnai viau tawh nang a,i mu teh ang u.Engmah hlauhawm a awm tawh lo ang ,hei nungcha te pawn awrawl an chhuah leh tawh e" a han ti a,, Bukah an lut tlang ta dial a.

A tuk zing ah hma tak ah an tho leh sang sang a.An tum leh an ramchhuah chhan ber an hlawhthling tawh bawk a.Tukthuan eikhamah haw mai nise an ti a,Siama leh Muanan eirawng an bawl mawlh mawlh lai chuan,midang ho chuan bawmrang an lo tah mawlh mawlh hlawm a,Tumpang sa rep nen puar peng pawng a chawte an han eikham meuh chuan ni pawh a sang ang reng fu tawh mai a,Sazuk var leh Nula te ,Chinghne rual mak takte leh he ngawpui thuruk tam tak hai lang tur a engtikni ah emaw he Ngawpui a ramchhuah leh ngei tum chungin,Muangchang lo vin haw zai an rel ta nghal a.


##############
Thanga Tumpang vuak hlum dan leh hnehsawh tak a ,a han put mai dan in Dopui Khawtlang a luah hneh hle laiin ,Thu thinthawng tak maiin Dopui khawtlang chu a rawn deng leh ta tlat mai ,Dopui Pasaltha rual khat ramchhuak leh an khaw thenawm Sazek Khaw ramchhuakte sahliam chungchang ah in hmu thiam loin lu hial chan an awm ta tlat mai.He thu in Dopui Khawtlang a den lai hian zanriah ei hun vel a ni a,Tlangval leh Valupa chaw eikham hmasa a piangin Zawlbuk lam an pan khawm nghal zung zung a,Zawlbukah chuan Dopui valrualte chu an tlim hmur mai a,Chanchin chiang zawk Lal leh Upate hnen a tangin an nghak mek a ni.An khaw Thlangval Kapruma chuan he buainaah hian a nunna a chan tih an hre vek a,an thin a rim hlawm kher mai,an khaw thenawm vanzau pana chhuah mai duh pawl tamtak an awm a,mahse Val Upa ten an khap dai hram hram rih a ni.Chutia a then thinrim an lo in hrosak tun tun lai chuan Lal Khawnbawl Upa min Zataia Pa Lawmvela leh Tlangaupa Tinsuaka te leh Pasaltha Siamlianate chu Zawlbukah chuan an lo lut ta zan zan mai a,Tlangval ho thinrim phun mur mur chu an han zap dai te te a,Upa Lawmvela chuan"Khai le,Dopui Tlangvalte u ,Kan khaw tlangval Kapruma chuan kan khaw thenawm Vanzau khuate kut tuarin min peih lo san ta a,He mi chungchang hi Lal leh upa ten uluk takin kan rel ho vang a,Kan thu lo ngaichang hram hram turin kan Lalpa Dokulha chuan a ngen che u a,Tin zanin ah Tlangval Tlawmngaite Kapruma ruang hlawm tur a Ramri lui lam pan turin kan in ngen a,Lal leh Upate thu lo chuan tuman ramri lui kan lo turin kan in ngen bawk a ni"a han ti dap dap a.Pasaltha Siamliana chu koh chhuakin an buai dan kim chang sawi turin a ti nghal bawk a,

[LN Kima Guite]

DOPUI MIHRAT KHAWKHENGTE

BUNG 5-NA


Favang hun hi Mizote hun nuam leh mitinte hun nghahfak a ni a,hna pui ber lo thlawhte an zawh tawh a vangin mitin an thawvengin an hlim a,mahni tui zawng leh nuam tih zawngte thawkin Nula leh Thlangval lawmte nen thingphurin hlim takin an nui tak duar duar a,Hmeichhe naupang inkawibah zing ah Nula pui pui lo tlan kawi ve zawr zawr tawk lah bo lo.Mipa naupang in selem chan zingah a dawi deuh te chuan tap pur chungin in lam an pan tak hnu hnu bawk a,Putar leh patling thenkhar Hnang hlai leh Arbawm tah ten sum hmun leh Leikapui an mawi far bawk a,Leikapui tin deuh thawah Zu bel pho lai a in hung fur bawk a,Nula leh Nu thenkhat puan tah khawng ri dap dap hmun tinah hriat tur a awm bawk a.Nula puan tah rim thlangval thenkhat nui dar dar ri pawh hriattur a awm bawk a,Zopui khua hian kum sawm lai chu leido an neih tawh loh a vangin an khawtlang pawh a muanawm in a nuam chho tan viau ani.

Mahse chutih lai mek chuan Pasaltha Siamliana a ho va ram vak ten tawhsual an tawh thu chuan khawtlang a rawn deng ta mai a,Khawchhung a fan chhuat rang kher mai.Nu leh pa tam tak chu an awm a nuam loin an hun kal tawh a an thil tawn a vangin an hlau thawng ru hle hlawm mai..He tawh sual tawh thu hian chhungtin ti ti a luah a.Tap chhak zawl leh Mut hmun ti ti ber a a ni zui nghal a.an Tlangvalte Kapruma ruang hlawm tur liam ten Lal leh Upate thu an dai pelh ang tih an hlau thawng ru thup mai a.Khaw ral muang leh hlim tak ni thin kha,hlauhthawnna leh raltitna in khawtlang a luah zo ta.Tlangval rual an rilru a thinrimna leh phuba lak chakna pai tun chung a thiante ruang an hlawm tur chu nu leh pa tan chuan an ngaihtuah awm bawk a ni.

Kum sawm lai a kal liam ta ah khan,Dopui Pasaltha rual chu phatsanna leh phiarrukna tenawm tak a vangin an nupui fanaute leh khawtlangin an ui ngawih ngawih lai in ral hmah an tlu zo ta a.Heng hun lai hian Pawi ral a hrang em em mai a,Pawi Pasaltha pawisak nei lo tak tak ten Lusei khuate an run fova,Mi tam tak salah hruaiin khaw hrang hrang an hal dur dur mai a,khawtin deuh thawah an duh hun hunah chhiah an khawn a,an thu awih duh lo khua chu an hal in nu nau pawi sawi lo nen lam an vai hma hmiah hmiah mai thin a,Lusei Lalte a mal a do zo an awm mawlh si lo.Lusei Lal then khatte chu tang rualin pawiral lian mek chu an do rawn thin a,Dopui Leh Lal then khat Vanzau leh an sangawi zawnpuite chu tang rualin Pawiral lian mek chu lo do let nise an ti a,mahse Dopui khua chu phatsanin an awm ta a ni..Heng hun lai hian Dopui chu Khaw hausa leh intodelh tak an ni a,Pasaltha Ralhrat tak tak pawh an ngah khawp mai a,Chuvangin Lal dang ten thikin Pawi ho chu a rukin an lo thurualpui a,Dopui pasalthate An thurualpui te nen a Pawiral do tur a feh chhuak chu Vanzau khua ah an in ring lo lai chu Pawi ho leh Vanzau khua leh an thurual rualpui Lusei Lal dang Pathum lai mai khuate chuan an bei ta thut mai a,Dopui pasalthate chu ralmuang tak an awm lai a nih a vangin an tal buai kher mai.ral hoin an tam hneh bawk si a,han tang viau mahse an tang rei thei ta lo a ni.Tlemte an relhru thei hram chauh va,Chhinga pa Zadenga phei chuan ral 50 chuang mah a thih chilh a ni.he indona a vangin Dopui khuate chuan Vanzau khua te hnenah hun rei tak chhung chu chhiah an lo chawi tawh a.Do let turin Dopui khuaten tih an nei rih si lo.
Dopui Lal Dokulha chuan engtikni ah emaw chuan a Pasalthate phuba la ngei turin a Nu hming chhal meuhin a in tiam hial reng a,Hemi a vang hian Dopui Lal leh Upate chuan An khaw naupangte zia chu an thlithlai reng a.naupang huaisen leh hlauh nei lo zirtir theih awm deuh va an ngaihte chu Valupa ho kaih hruaina in raldo dan leh hriam chi hrang lek dante ,Thil tam tak an zirtir thin a,Dopui khaw Pasaltha fate ho leh Kha phatsanna vang a nunna chan ta fate phei chuan an pate phuba lak an duhna leh tumna a vangin an naupan lai hun tam zawk hi ram hnuaiah inzirnan an hmang a ni ber a,Raldo na a thil tul tur zawng zawng chu an zir in an hria a ni ber a,Chhinga te thian ho phei chu an pate chan vek annih a vangin an tet lai chhung zawng kha nitin phuba la tur a in tiam chung in hun an hmang liam a,sawi chhuak fo lo mahse an pate phuba lak ngei hi an dam chhanah an ngai hmiah mai a ni.he ti a nih a vangin Dopui khua ah hian Pasaltha tuaitir an kuh tul tawh reng a ni.mi tam takin Lal leh Upa te hnenah che ve an duh tawh thu an thlen fo va,mahse Lal leh Upate chuan nghah rih an duh a,hmanhmawh luat a dai sual an hlau va,an chet vek vek chuan hlawhtling ngei tur leh inpeih at a chet an duh ani. an naute lo thanglian zel chu an lo thlir ve reng a ,a ruk tak chuan an lawmin an hlim kher mai.Chhinga te thian thum ngawt pawh hi thlamuan pui tham an ni a,Chutah midang Rohawka,Chhuana,Kapkima ,Siamliana,Satvunga Valupa Khama leh midang deh khir fe fe tur hi an Khaw Tlangval zingah an kat nuk a ni tih an hria a.An khaw phuba chu la thei ngei turah pawh an in ngai a ni.an Pasaltha rawlthar rual chu an kum a la pan deuh vang chauh va.nghak rih mai an ni a,Huaisenin ralhrat hlawm viau mahse daihriat an nghah zo lo deuh in an hria a ni,Ral bei tak tak tur chuan daihriat leh thluakfim deuhte hi Chak leh theihna piah lamah a pawimawh em em mai si a.

Nu leh pa tam tak thinphu dep dep a an awm lai chuan Tlangval rual Kapruma ruang hlawm tute pawn khawchhung an lo lut nguah nguah mai a,Lal leh Upate chuan tumah haw darh bik loin Lalinah an lo la nghak thap mai.Mithi in lamah pawh mitam tak an la thu nghuk bawk a.Tlangval rual chuan Ruang chu An in lam a thlen hmasa lo vin Lalin lamah thlenin Lal luhkapui ah chuan an nghat a,Kapruma nu leh a naute ho chu an tap hawm hawm bawk a,an khawngaih thlakin an lainat awm ngei mai.mi tam tak hnuk ulh chu an in sut fap fap hlawm a,Lal leh Upate chu Luhkapui ah an lo chhuak thuai a,Tlangval thenkhat thinrim chuan Sazek khua beih an duhthu an lo au pui lawng lawng mai a,an thinrimna pawh a awm viau mai.Lalpa Dokulha chuan a aw an thian khar khar a,"Ka khua leh tui duh tak te u,Vawiin kan hun tawn chuan min va thawng kher ve aw.Ka khua leh tuite kut thlak tu hi zuah ka tum hauh lova, kan Thlangvalte in fakin awm in thla inti muang tak meuh meuh a.nangmah ni a vangin kan khawtlang a nuamin a thlamuang a ni a,In thinrimnate kha a awm ngawih ngawih a,kei pawh ka a thinrim em em a,zanin la la hian Sazek khua chu run ka duh hial mai,mahse thil engkim hi rilru fim a ngaihtuah a ngai a.Kei leh ka Upa te thu lo ngai chang hram hram turin ka duh che u a ni.Kan nau kan khaw pasaltha Kapruma that tu hi ka zuah hauh lovang tih ka tiam bawk a che u"tiin Lal in chhungah a lut leh ta vut mai a,a thinrim so bulh bulh a vangin insum zolo in sawi loh tur turte sawi a hlauh vang a ni a,A khua leh tuite venghim zolo riak ah a inngai a.a thinrim kher mai.Lalpa luh hnu chuan mipui chu an phun mur mur mai a,Upa Suakvunga chu lo ding chhuakin a ban a han phar a"Awle Tlangvalte u.In thinrimnate chu thunun rih ula,Lal leh Upa te thu lo ngai chang hram hram rawh u.In unaupa Kapruma phuba chu kan la ngei ang,Mahse thinrim thluak nu but chung a kan chet buan buan chuan ,a vawtuin ek cheh theih a ni a,Kan Lal hoin chet lak dan tur kan han sawi ho ang a,Dopui thlangval te u.a tul hun a che mai thei turin lo in ring reng ang che u"a han tih chuan Dopui Thlangvalte chu an haw haw hulh hulh mai a.Upa Lawmvela lo ding chhuak lehin"Khai le,Dopui Tlangvalte kan Tlawmngai ta sa sa,Kapruma hi a in lum kan thlen dawn lawmni "tiin Thlangval ho Chu a han ngen a,Tichuan Kapruma chu an in lam an pan pui ta a .

Lalpa Dokulha leh A khawnbawl Upate chu Lalin ah an thu khawm laih mai a,Lalpa Dokulha a chuan"Awle ka Upate U kan hun tawn Chu heti hi a ni ta si a,engtia ro han rel tur nge ka va hrethiam mai lo em,nangni ka Upa fing tak tak te hian in ngaihdan han sawi teh u ,"Tih pahin a vaibel chu a han fawp khu luih luih a,an ngaihdan pawh a hrang ta nuaih mai le.a thenin Sazek khua Chu Run mai an duh a,an khua ai mi leh sa tam mahse Pasaltha Ralhrat tak tak an ngah tawh a an in ring lo lai beih thut a hneh theih mai in ring an awm a,Thenkhatin palai tirh a Kapruma that tu ngei chu an kut a hlan tur a ngen a,an lo rem tih loh chuan a tul ang a rorel that leh nise an ti bawk a,Chatah Lal Dokulha chuan "Awle,kan hriat theuh tawh ang in kan hma lawk ah thil tih tur pawimawh tak kan nei bawk si a,Indo hi Chu pumpelh dan zawn rih tha ka ti khawp mai a,Kan thlangval ho ngaihdan chu a ni lo mai thei a,Mahse kan khaw hmakhua ka thlir in a tha zawkin ka hria a ni.Naktuk tukthuan eikham ah Upa Lawmvela ho in tlangval thenkhat Sazek lamah palaiin han kal sela,Sazek Lal hnenah chuan Kan khawmi Kapruma kap hlumtu chu Dopui khaw kutah hlan turin han ngen se.Chutah a Lo phal lo a nih leh kan che ve tawh ang a ni mai lawm,Engnge kan ngaihdan le"tiin ro a han rel a,Khawnbawl Upa ho pawh chuan tha an ti tlang viau mai a,Palai chu tirh phawt an tum ta a,He tia Sazek khua nen a an inkar a fel hma chu mitinte fimkhur tur a hrilh nise an ti a,Mahni mai a tumah ram kal lo tur a in mitin te ngen nise an ti bawk a,

Siamliana chu a in thiam lo kher mai ,an mahni a vangin khawtlang a ralti in a buai a,Leido nei mai thei dinhmunah an din phah bawk a," Kha a Sazuk hliam kha ramri pelin va um zui kher kher lo ila tha tur aw.va um zui ta lo ila Thianpa Kapruma pawh a la dam awm si a,"a ti riru vawng mai a,A rilru thawpik lutuk chu leikapuiah a chuang chhuak a.mitin mai an reh thiap mai a,naupang pawnto an awm lo va,Tlangval zawlbuk kai tur erawh hmuh tur an awm zeuh zeuh va,Sazuk vang mai a,an khawtlang buai dan a han ngaihtuah a man lo a ti kher mai.an in tih buai dan te chu a chhui kir .kha tia a Sazuk kah chu hliam an chhui ta kha Sazuk chuan ramri a kan ta tlat mai a,um zui tur nge kir san tur an rel ho laih laih a,Ramri pel a midang khaw ram a sapel hi phal loh chu a ni hauh lova,mahse a ram neitute ramvak nen in tawn fuh palh a buaina chhuak thei a nih a vangin Kir leh mai a rawt a mahse a nuaten an nawr luih tlat a vangin an chhui zui ta kha a ni a,Rei pawh an chhui hmain an Sazuk chhui lai chu Sazek Pasaltha Chhuahlawma leh ho ten an chan laih laih lai chu an va hmu ta mai a,an in hnial buai viau naa ,a tlem zawk an nih vang leh an khaw Valupate zirtirna zawmin buaina pumpelh nan an tawlh kir leh ta a ni,Chutia thlamuang tak a an let leh chu Ramri lui an kan mek laiin Silai a lo puak thuai mai a,A nau hruai Kapruma chu a vir ta nawk mai a,A han hawi let chuan Chhuahlawma silai khu vang vang keng a lo ding chu a han hmu a,rang takin a kap let ve na a,Chhuahlawma chu a lo chet sawn hman a vangin a fuh ve hman ta lo a ni.Kapruma a ruang chu a naute pahnih a ven tir a ,ani chu zuako tur khawlam a panta kha a ni a,a mitthla ah Kapruma a tlu vir nawk lai leh a kap tu Chhuahlawma hmel chu a cham reng mai a,Chu tah "Kapa lo lungngai reng reng suh ,i phuba ka lak loh chuan Ka pa fapa ka ni lo ang" a ti ta ngat a.
A tuk zing tukthuan eikhamah Lal Upa Lawmvela leh Val Upa Khama,Thangchhinga leh Nunmawiate chu Sazek khawlam panin zahriah buhfai nen an Lal in a tang an chhuak ta tham tham mai a,Lal leh Upate chuan an thlah liam a,Lal Dokulha chuan"Fimkhur tak khan va kal ula.hnung lam a mit nei ang mai a in fimkhur a ngai dawn ania.a hun hma a in lu hloh hi ka duh miah lo a nia,tluang takin ule"tiin a thlah a,Upa Lawmvela chuan"E,Lalpa lungngai reng reng suh hei Val Upa Khama leh Chhingate thiandun an awm a lawm .kan ngaihtuahawm lo vang "tiin an kal ta nghal a.