HUAI TE LEH PASALTHA HMINGLIANA IN BEIHNA.

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ramtea(arama)
Posts: 6
Joined: November 2nd, 2017, 8:16 am

HUAI TE LEH PASALTHA HMINGLIANA IN BEIHNA.

Unread post by Ramtea(arama) » November 3rd, 2017, 8:48 pm

BUNG.5

HMINGLIANA LEH HUAIMI TE IN BEIHNA
BUNG.5NA
# hun lehni herliam zel karah chuan Hmingliana pawh a rawn thang lian ve zela,Athianpa Sangzuala nena in kawm chawt in an in thlah lo hle maia,tunah chuan naupang thingnawi fawm rual ni ve tawh in vawihnih vawithum han keuh nawn chang pawh an ngah narawh e,Chutih rual erawh chuan Ruatmawia te thian ho hian an er in,an hmusit hle maia,marawh chu an khaw lalpa ber thu chhuak hmeithai pachhia leh fahrah te chunga hleihlen chu an chungah zahngaihna ka lan tir bik lovang tia hmeithai pachhia te thlavang a hauh na chuan duhanga a chet tir theih bik loh avangin aruk chuan an in sawh anin sawh maia,vawi khat chu ,Hmingliana leh Sangzuala zing sava veh chu dai hrut kualin ,hlimtak mai chuan an in fiam zawr zawr maia,chutia thawm dim vak loa an nuih bawk bawk lai chuan,anmahni veha lo ,zui ru reng tu ,keite than kin zet tawh chuan Sangzuala zawk chu zuan fuh ngei tum chuan a awp hniam suai suai maile,mahse vanchungnula en kawl leh ven reng hmingliana chuan hlauhawm lo thlengtur chu a hma a tangtawh a lo hre lawk in,alo in ring reng tawh maia,chutah le an chhak lawk atanga keite thankin tawh chu fei khawh ang maia chak chuan a rawn dawk zawk maia,Sangzuala chu te thawt in,chutih rual chuan Hmingliana chu kawlphe angmaia rang chuan Sangzuala lamah chuan dawk phei ve nghal zat in Keitein Sangzuala a zuan fuh hma chiah chuan leng lawp in a piah Fah kung ro lek lek tawh chu a va deng tliak rawp maia,Sangzuala hlau leh mang ang lutuk chuan thi ngei turah a in dah hmiah tawha,,chutah thil ri dawp dawp chuan kai harh zawkin, a ri hriat na lam ava hawi phei nak chuan,hmingliana keite hamna avanga thi phung leh keite thing bunga a lo vaw chat chat chu hmuin mak a ti hle maia,chutah Hmingliana chu nuisunga Sangzuala lam chu rawn hawi pheiin lo vaw ve rawh a nuam teh ania rawn ti lang lang in chu keite chu thichiah lo hian a lo dah reng chu niin Sangzuala chuan a hlau hle maia,Hmingliana chuan enge i hlauh hei han en la tih leh ameia pawh chu a rual nghal zat maia,,keite chehlei thei tawhlo chu huk tuarh tuarh in talchhuah tum teh mahse a chakna chuan atlin thlawt lo ani,Hmingliana chuan a khawngaih deuh tawh ni ngei tur ani keite lu per bawih khawp chuan a thing bung ken lai chuan an hem thlawrh maia,an thawm hriaa tlangval Rotawka thangen hawlam chuan tutenge ni tehreng tia pan thlaiin a thil hmuh chuan a ti phu ve awrh maia,Hmngliana leh Sangzuala chuan an chhaka thawm awm chu en nghal vatiin tlangval Rotawka chu a rawnlang hlawl maia,Sangzuala leh Hmingliana chuan ngawirenga lo thliriin Rotawka chuan e khai Hminga te lah ni reng cheua kha engtia in tih hlumnge nia,maktih hmel zeta zawt in,Sangzuala chuan rang lutuka lo chhang vatin Hmingtea hian avaw hlum nachin apawh khan a ladam reng tia lo chhangin,Rotawka chuan arilru te te chuan a chhuang ruhle maia,chutah Rotawka chuan hawhu i haw tawh ang u hmiang hei pasaltha kan nei ta der mai tia Hmingliana chu adarah an bengthak thaka,ti chuan hlimtlang tak chuan keite ruang nen khawchhung lam pan chuan anin zui ta hnak hnak a,naupang then khat ten keite ruang Hmingliana leh Sangzualan an rawn zawn an hmuh chuan an bawr nghal laih laih maia,Puitling,ten RoTawka chu engtia an thah nge tia lo zawt hlawmin Hmingliana vuakhlum tia chhang maiin engtia a thah nge tih hre bik hek lo amah zawk chuan tluklo ain ti hle maia,saithangpuin tukthuan tur buwipuia a lo buai ve hle lai chuwn an sumhmuna naupang ri laih laih leh putling zi deuh mur mur avang chuan engehil awmzia tih hriat tuma dak chhuakin an leihkapuia keite thankin tih hriat takmai ruang lolet ngut mai leh afapa in thuttir alo tum mek chu hmuiin makti tak leh ngaihna hrelo zet hian bawiha kha khawia mi nge tia zawt in a hlau thawng tih chu ahmelah chuqn ahmuh theih mai bawka,hmeichhia tak hi chu hlauh an nei hma thin mange,Hminglianan a chhan hma chuan Sangzuala chuan lo chhan khalh in,an in beih dan leh amah ngei chu hminglianan a chhanhim thu chu hlimtih hriat tak mai hian a hrilh nghal siam siam maia,chutah patling keite ruang rawnen te chu Sangzuala thu sawi chuan an beng a verh in,Pasaltha kan khawdaingul tur i ni ngei dawne tia anrilru lo kawmmelh melh pah chuan tuk thuan ei tur chuan an tin san ta hlawma*******,,
*,*****##*****
# Hun leh ni herliam zeliin Hmingliana te pawn bang ah chuan kete vun chu a in khai zar maia,khawchhung mi puite pawh chian hmingliana chanchin chu sawinuam an ti tlang aniang an awm khawm tel tel tawh hi chuan Hmingliana huaisen zia leh athianpa tana a in pek zia chu an sawi ho laih laih thina,Hmingliana leh anu chu an lo neih ve sa zau herh hawrh tak mai ah chuan feh ve hnak hnakin Hminliana chuan nuam a ti phian maia,anu chu a theih ang ang a lo pui ve in a theih ang ang samtawk leh hmarcha bawkbawn te chu a lo ve mial mial maia,chutia engto nei hauh lova thlairah a lawh mawlh mawlh lai chuan anu chu rawm te tuarh in Hmingliana thlairah lo lai chu tawp chawtin rangtaka anu awmna lam chu pan phei nghaliin anu bul ava thlen chuan anu hmazawnah chuan chawngkawr lian tak mai hi a lo ding phek hluai maia,Hmingliana chuan kanu Lo che sawn miah suhaw tia anu hrilh in,Saihnuni chu a khur hlawk hlawk maia,chutah chu chawngkawrh lian tha hlep hlawp chu Hmingliana chuan a meia man lawk in rang tak mai chuan a bula thingtuluang vuak nan an hmang siah siah maia le,Hmingliana chuan kanu ahlauh awm tawh loh tih pah chuan ala hlap pawp pawp maia,Saihnuni chu thawhluaiin atha erawh ala khur dar dar maia,thlairah an duh tawk an lawh hnu chuan Saihnuni chuan a fapa a en ang he hawa,bawiha engkimah hian fimkhur tur aw,nakinah chuan in rawn thanglian anga mizingah chapo taka awm loh tur,tlawmngaih kawngah te hmahruaitu nih tum zel tur ania,ipa kha mitlawmngai tawp leh michhia leh fahrah,hmeithaite en san ngai hauh lo tu ania, adam lai kha chuan kan khawchhung pawh hi a nuam thin teh asin pasaltha tia sawi nilo mahse katan chuan pasaltha tawpthang ani,chuvang chuan pasaltha dik tak chuan khua a thlamuanin hmeithai,pachhia leh fahrahte a en san ngailo,ti chhungkua a khaikhawm tha in aia upa te a zah thiam em em thin diklotaka thiltih a hua in,dikna angaina thin tia nundan mawi chu hrilh mawlh mawlh in Hmingliana chuan nguntak mai hian a lo ngai thla a,Saihnuni bawk chuan bawiha nakin ah ipa silai hi ila hawl chhuak ve anga chung hun ah chuan sa chihrang hrang min rawn hawn ve dawn ania tia afapa chu duat tak maihian a riru chu tih phur thar sak in,Hmingliana chuan apa silai a hawl chhuah theih ve hun chu a nghak hlel kher mai,lian vat vat tawhila a ti deuh chhen tawh maia,Sangzuala pawh athianpa ber a feh daih a vang chuan a khua ahar ve hle maia,athianpa te rawn hawtawh leh hawtawhloh chu en in Hmingliana te kawt chu a thleng zing tawh kher mai,Hmingliana te nufa pawh khawdai thleng tawh in Saithangpuii ding deuh vang vang in thawk an la hrawk a chutah muang changa kal leh in an nufate chuan an in zui hnak hnak maia,Hmingliana chu faifuk deuh hlarh hlarh in aphei khai ala zang vah vah kher mai****************
# Zantiangaah chuan chhawr thlapui chu no hnap a rawn eng phaw phet in,naupang tual chai tur pawh an ri lung lung tawh a,chutah Hmingliana chu athianpa Sangzuala chuan rawn sawmin zawlbuk lam chu an pan ve hnak hnak maia,Zawlbuk an thlen chuan Naupang thingnawi fawm rual te chu lo kim deuh thap tawh in Hmingliana leh Sangzuala pawh mikarah chuan an in zep ve thuai a,chutah valupa chu rawn tawng chhuakin,le zaninah hian mihuaisen kan zawng dawna,thinthunung kan in dah hlat siak ang arawn ti dap dap maia,naupang ho chu phun sep sep in an phur hmel hlawm hle mai,chutah Ruatmawia chu Hmingliana bulah chuan rawn pheiin Hmingliana hriattawk lek tur hian hmeithaifapa hian a thleng hla ve ngam a ngemaw chu an ti deuh sak maia,Hmingliana chuan damdap hian,in thlen ang chin thleng ngamlo mahila kangam tawk chu thlen veka tum alawm,nui sung chung hian an ti let ve salh maia,Ruatmawia huat a tling em em mai leh nghala,chutah le valupa chuan kal hmasa ber tur chu ruat in sangkhuman bul a tan dawn ani,sangkhuma chu thingthu nung ling tha vet vawt chu keng in kawtchhuah lam chu pan vang vang in feh kawng lo lampang thingchang ngaw lam ah chuan phurtak chuan a kal hlah hlah maia,Sangkhuma chu a kalhla telh telha hlauhna chuan rawn man tanin,thil rirek ah te chuan a phu leh uai thin,thui pawh kal ngam tawh lo chuan a thingthu nung chu an vawm thawr maia,chutah meichher nen chuan a let leh ta vang vang maia,Zawlbuk a thlen chuan,valupa chuan a thlenna chin lo zawt in Sangkuma chuan a thlenna chin nia ahriat chu a sawi ve khauh khauh maia,chutiang zeliin naupang dang te pawh chu an kal hla ngam hlawm lova,tunah chuan Ruatmawia leh Hmingliana chauh an bangta,Valupa chuan Ruatmawia chu kovin Ruatmawia chuan Valupa lam chu pan thuaiin valupa chuan meichher leh thingthunung chu peiin,nang engei an dawn han en chhin ve ang hmiang tia thuthmun rem pah chuan a vaibel chu a pak khu talh talh maia,Ruatmawia pawh chuan in ringtawk tih hriattak a meichher leh thingthunung chu kengin in a liam ve nghal zat a,Valupa chuan kanmi chapova chuan khawithleng tak va thleng ngam ang maw tia nui put put in tumah han thleng hla vak ngam an awm aring meuh lo ani,achhan chu thingthunung dah tura an panna lamhi huai ho zalenna ani tlat,Ropuia pawh hnung lam leh a sir tawn tawn chu melh zuk zuk pah chuan a kal zel a,chutia hlauthawng leh ti deka a kal lai chuan a thlang lam ah chuan patling heuha dup dup thawm chu hria in an hawi thla a,meichher eng tak ngial pawh hmuh tur awm lova patling hah tihhriat zet thawm chuan hlauhna a siam belh sak nasa kher mai,chu chauh ani talo a chhak ah chuan naute tap thawm raun chhuak leh thutin a phu chiang kher mai,ahmazawn ah te chuan hmuh theih chiah siloh leh enge tih hriat chiah loh thilvar mihring ruangam ang tak chu a phe zuai zuai maia,tawngka chauha huaisen michapo Ruatmawia tan chuan hmalam pan zel chu a theih ta loh,hlauleh thla bar taka ,theih tawpa chak chuan a tlan haw ta hlawk hlawk maia,chutah a thingthu nung ken laichu lak sak tu an awm tih hriat tak hian a rawn in phih thla hlawk maia,chung huai holah chuan an hmaa Mipa Naupang han tih thaih kual vel chu nuam an tinasa mai leh nghala,Zawlbawk lam pawn Ruatmawia chu an rin aia a lo let har avang chuan an ngaih lam chu a tha lo hmana, chutah kawtchhuah lam pana meichher rawn de phei hlep hlep chu hmuiin saw arawn thleng vemai a lawm tia valupa chu rawn tawng chhuakin Naupang dang ho chuan hlatak a kal anih ringin avanhuaisen em em tia lo in hrilhru sep sep in,an ngaisang hle maia,Ruatmawia pawh khawchhung a thlen chuan ahmellan dan leh hlaulo ang taka lan tumin a hmai thlan far zawih zawih chu a kut chuan an hui fai thuak thuaka,Zawlbuk a rawnthlen chuan,Valupa chuan e khai kanpasaltha chu khawi thleng nge i va thlen le tia lo zawt nghal in Ropuia chuan a thingthunung a hlauhna hmun kha hretawh hek lo dawt muhlum chu a chhak chhuak ta par par maia,Valupa chuan tlangval pahnih chu tir liam nghalin Ropuia hian Huai liamkawnah thingthununghi a dah takzet em tih an fiah dawn ani,tunah chuan Hmingliana chauh bang tawhin Hmingliana chuan ahun chu thleng vat se tih a duh tawh kher mai,chumizan chuan tlangval tamzawk chu lengite run kai lovin zawlbukah an tap chawt hlawma,reife an nghah hnu chuan Tlangval pahnih te chu Rawn let in Valupa chu an rawn hrilh ru su su maia,Valupa chu bu nghauh nghauh in anui suk suk
maia,chutah Valupa chu rawn ding chhuak lehin khaile Nauteu zanin atana a hnuhnug ber tur Hmingliana kha meichher leh thingthunung kha han pe ula hnu han khar law law se ava tha awm ve rawn ti dap dap in Hmingliana chuan Meichher leh thing thunung chu kengin vanmite venleh huaiho te laka phuba la tutur chuan huaimite tualchaina ngaw lam pan chuan zamna leh hlauna them pawh neilovin a kal ta hlah hlah maile
October 4 at 10:04pm ·



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)