KHUAVELTHANGI
Bung - 34.
Ziaktu: Lallianpuia Khiangte.
***************************
Lal Hmingthanga lal in chhungah chuan lal leh upa hote chu an thu khawm thap a, an boruak tawn in a zir loh em avang chuan an ngui deuh nguai hlawm a. An thu khel lai lah chu a hmawr bawkna tur leh bul tanna tur tak ngial pawh an hre tlat lo. Ngaihtei te nufa chunga hetiang thil titu hi tunge niang tih chu rin dan thiam an awm lo.
"Ka pa, rem i tih chuan kan rorelna ah hian ka thiante pathum awm tir ve tha ka va ti em!" Saingura chuan a pa bulah ah chuan a ti a.
"Ni e lalpa, kan pasaltha te tel lo chuan kan buaina chungchang hi chu han sawi ho theih ni a lang lo. An nin rinhlel tur leh han tih dan deuhte pawh an lo nei zawk maithei asin." Upa Khawla chuan a lo ti ve bawk a. Lal Hmingthanga pawn an thu chu hnial lem lovin Hrangkhuma, Suakpuia leh Zacheua te ko turin tlangaupa a tir zui nghal a.
Tlangaupa pawh rei rial lovin Hrangkhuma te pathum nen chuan an rawn in zui lut thuai a, thutna an lo kawhhmuh zung zung a, chumi hnu chuan lal Hmingthanga chuan a aw a rawn thian kharh kharh a.
"Khai le, kan pasaltha te in lo thleng ta bawk a; helai hmuna in awm ve kan duh chhan chu engdang ni lovin, hei kan khawtlangin kan la tawh ngai loh leh hriat pawh kan la hriat ngai loh kan tawng a ni a, engtia hmalak tur nge tih leh engtia han chhuizui tur nge tih pawh hriatthiam a har a, nangni ka pasalthate leh ka upa te hian hmalak dan turte in hriat takin han sawi ho teh ang u." Lal Hmingthanga chuan a vaibel chu a pak khu talh a.
"Lalpa, râl kut kan tuar a ni thei mai lo maw?" Upa zinga pakhat chuan a rawn ti a. Chumi hnu chuan midang pawn an ngaihdan an sawi liam liam a, mahse, rinthu bak sawi tur nei an awm lo, a tam zawk chuan râl thil tih ah an ngai vek mai a ni.
"Lalpa, rem i tih chuan ka ngaihdan ka lo sawi ve ang chu" Hrangkhuma chuan lalpa chu a dil te te a.
"Han sawi ta che, inthlahrunna tur a awm hleinem". Lal Hmingthanga'n a tih chuan Hrangkhuma chuan a thiante chu a en kual leh phawt a.
" Ka ngaihdan mai pawh ni lovin, hei ka thiante nen hian kan lo sawi ho ve nual tawh a, keini chuan râl kut chu a nih kan ring lo a ni. Leido ni se kan neih lohna a rei tawh a, bakah tun ang tul lai leh buh chuh hmanhmawh hun lai hi chuan tu khua mah hian hetiang thil an tih duh hi kan ring lo a ni." tiin Hrangkhuma chuan a thiante nen an in rawn khawm laia an ngaihdan te chu a sawi a.
"A nih chuan râl kut lo ni ta se, keimahni khawtual mi leh sa ngei in ring tihna em ni?" Lal chuan a lo ti zui vat a.
"Aw ni e ka pa, he thil titu hi i khua leh tui ngei a nih kan ring a ni." Saingura chuan Hrangkhuma chu a lo chhan khalh vat a.
"A nih chuan hmalak dan tur rilruk deuhte in nei em?" Lal Hmingthanga chuan a ti leh thuai a.
"Chutak chu keini pawh kan buai rukna a ni. Kan khaw mi ngei a nih chuan, ram riak mipa zinga tu pawh hi an ni thei tlat a ni. Han rinhleh tur lah kan hre mai bik bawk si lo." Saingura chuan a ti leh a, lal leh upa te pawh chuan an rindan chu an rawn tawm pui leh thap tawh a, mahse, zawhna awm ta chu 'tunge?' tih a ni ta.
Lal in chhunga an sawi ho laih laih lai chuan pawn lam atang chuan patling pakhat hian lal in chhung luh a rawn dil a. Lut tura an tih hnu chuan Ngaihtei te ri pa Thangbawnga an tih mai chu a rawn lut hlawl a.
"Thangbawnga lah ni reng che in, pawi pang a awm em ni?" lal upa pakhat chuan a lo ti thuai a.
"Pawi pang chu awm lem love, in rorel lai ka rawn tihbuai avangin min hrethiam ula, zawlbuk lam tlangval ten Ngaihtei te nufa chunga thil thlengah lal leh upa ten ro in rel mek niin ka lo hria a, in thu khel lai a puih theih tak che u in nizan lama ka thil hmuh kha lal hnena thlen ngei chi niin ka hria a, ka rawn lang hlawl mai a nih hi." Thangbawnga'n a tih chuan in chhunga awm ho chu an meng phawk nghal hru a.
"Ekhai, helamah rawn thu hnai la, i hmuh leh hriatte chu han sawi teh khai." Lal Hmingthanga chuan thutna kawhhmuh pah chuan a lo ti vat a.
Thangbawnga chu a thu fel te te a, a thut fel chhung ringawt pawh chu lal leh upa te chuan rei an lo tih hmel kher mai, amah Thangbawnga lah a tuan muang mi a lo ni bawk nen.
"Nizan zanlai ar khuan hnu deuh mai khan ka zun chhuakin min ti harh a, zun zung turin pawn lam ngaihtei te thlam lang thei lamah chuan ka chhuak a thla pawh a eng nuam viau nghe nghe. Ka han zung fel, lut tura ka in her hma deuh chiah chuan kan Ngaihtei te nufa thlam atanga mipakhat rawn chhuak chu thla eng hnuai atang chuan ka zuk hmu a, thlam thlang lam, lo mawng lamah a chhuk zui nghal a Ngaihtei hian zan rei lamah rim tu a nei a nih ringin ngaihthat lohna pawh nei lem lovin ka luh san leh ta mai a ni." Thangbawnga tawng zawh chuan an in meng tang deuh hra hlawm a.
"Lo mawng lama a chhuk chuan i en zui rei em? Khawilamah nge a kal?" Saingura chuan hriat chak hmel takin a lo ti a.
"A awmna kha a hlat tham deuh avangin chiang takin ka zu hmu thei lo a, mahse, vau lamah chuan a lut niin ka hria. Thla eng hnuaia hmu mai kha ka nia, chutiangin chiang tak phei chuan ka va hmu lem lo." Thangbawnga chuan a ti leh a.
"A nih, tikhan min zawh duh in neih tawh lem loh chuan ka chhuahsan phawt ang che u, In rorel a puih theih ngei che u ka beisei" Thangbawnga bawk chuan thawh kan taih taih pah chuan a ti a.
"Pui tehreng mai, La awm ve rih la mawle aw, mahse, i kal duh talh chuan lenna tur dangte pawh i la nei a niang chu maw. Anih muttui mangtha aw." Lal Hmingthanga chuan a tih zawm zat a. Thangbawnga pawh a chhuak zui nghal a.
Thangbawnga thusawi chuan an zavai mai chuan beiseina thar a pe tih hriat takin an phur deuh sarh hlawm a. Saingura leh a thiante chuan khawvar ruala tih tur an nei tih pawh an in hre nghal thap mai.
"Khatiang a nih chuan, khua te lo var se la tuk thuan ei zawhah muang marin Ngaihtei te lo lamah chuan hnuhma vel en turin ka thiante nen hian kan zu kal ange. A rawn sawi ang kha a dik a nih chuan, he thil titu hian vau atang chuan an thlam lam a pan ngei anga, a hnu chhui tur a awm em em ang." Saingura'n a tih chuan lal leh upa te chu an lo bu nghauh nghauh a.
"Tukthuan ei zawh em em chu a tlai deuh lo maw, tukthuan ei hmain var tianah chhuak nghal mai ula ka va ti ve." Lal Hmingthanga'n a tih chuan Saingura chuan an zavai mai chuan thawm dim turin a zaizir a.
Saingura'n hetia a tih chhan hi engdang a ni lo, a hma daih atang tawh khan an rorel thu chhuak lo ngaithla ru tu; lal in kawm char lam bang pawn lama thawm ri leh rak thin chu a beng chuan a lo hre daih tawh a ni. Saingura chuan kawm char bang lam chu a kawk zeuh a, hrethiam lo tih hriat takin midang ho chuan an en deuh hu a.
"Kan thu khel lai a laklawh viau na chu, ka pum lam a dik lo tlat mai. Kawm char lamah khian ka han in thiar lawk ange, min lo hrethiam teh un" tih leh Saingura chu thawh a rual a, kawngka a chhuah hma deuh chiah chuan kawm char lama biru awm nia a hriat pawh chu a tlan chhia tih hriat takin a ri deuh nghal rawk a. Saingura ruahhmanna a kal fuh tlat, a in thiar duh vang ni lovin khatia hnawh kian kha a duh vang a ni.
Saingura chu a thutna a thu lehin, lo ngaithla ru tu an awm thu leh a inthiar tum tih der chhan te chu a han hrilh fiah leh hlawm a.
"Ka pa i sawi ang khan chet ka tum dan tak chu a nia. Mahse, kan thusawi lo hretu an awm sia dawt ka han sawi a nihkha. Ka rinsual loh chuan kan rorel lo ngaithlatu tu kha he pawikhawihtu ngei hi a nih ka ring a ni." Saingura chuan a tih zawm zat a.
"Chuti a nih chuan ngawi reng khan tinge kan lo hup thut mai loh." Suakpuia chuan a rawn ti chhuak phawng a.
"Chutianga tih ngawt chuan ka rin dan kha a lo dik lo ve thei a, fimkhur thu hla ah ka ti a nihkha. Mahse, ka rin sual loh chuan, tikhan naktuk tukthuan ei zawha che chhuak turah min ngai ngei anga, a hnu thup tumin min chhuah khalh ngei ang. Chuvangin kan chet khalh ve thung a ngai dawn a ni. A hnuhma thup tuma a kal a nih chuan kan man thei ngei ang." Saingura sawi chu tha an ti tlangin an bu nghauh nghauh a.
"Anih chuan tikhan kan rorel chu duhtawk ang aw, kan tlangvalte pawh nula in lama kal an duh ve tawh ang. Kan ruahhmanna erawh tumah dangin hre lo se a tha ange." Lal Hmingthanga'n a tih hnu chuan Saingura te pali an chhuak zui ve nghal a.
"Saia, engtin chiah nge kan mi lawi lo chu kan man dawn i ruahmanna han sawi tlang law law teh" Hrangkhuma chuan pawn an chhuah rual chuan a ti nghal a. A thian dangte pawh chuan an lo tuihnih tliar tliar a.
"Ngun deuhin lo ngaithla ru aw. Tikhan tukthuan eikhama chhuak tura min ngai a nih chuan, hma takah a che chhuak ngei ngei dawn a, khawhar in riak leh riak ve lo zawlbuka riak tawk pawh an awm leh ngei dawn a, khawi zawk zawkah pawh lo riak se midang thawh chhuah ve hma pawn a chhuak duh mai thei. Chuvangin, pahnih leh pahnih in kan inthen anga zanin chu zawlbuk leh khawhar in ah muhil derin kan in muthil chhawk dawn nia. Tichuan, khawvar hnu emaw khawvar hmaa zawlbuk atanga chhuak hmasa ber chu Hranga leh Cheua hian zui ru ula, a chhuak hmasa ber chu kan mi duh hi a lo nih loh theih ve tho avangin keini Suakpuia nen khawhar in lamah kan riak ve thung anga kan chang ve thung dawn a ni." Saingura chuan a ruahhman dante chu a hrilh sar sar hlawm a.
"Tichuan a chhuak hmasa te chu kan man mai dawn em ni?" Suakpuia chuan a lo ti vat a.
"Nimai love, anmahni kan zui anga an in lam an pan chuan kei leh Cheua hian kawtchhuah lamah lo lama kal an awm leh awm loh kan lo va chang ve leh thung ang. In zui ruk te chuan kawtchhuah lam an rawn pan nghal lo a nih chuan nangni pawh kawtchhuah lamah in rawn phei ve nghal dawn nia. Kan misuala hian Ngaihtei te thlam atanga a hnu thup tuma a chet laiin, finfiahna kan neih ngei hunah chiah kan man ang." Tiin Saingura chuan a chhang leh a.
Saingura ruahmanna fing tak chu a thiante chuan tha ti takin an pawm thlap a, an thianpa thluak fing tak hi zawng an tluk lo lam deuh chu a ni e.
Chutia an titi mawlh mawlh lai chuan Zawlbuk leh khawhar in lama riak turin an in then zui nghal a.
www.storyfb.com mizo story thar englai pawhin chhiar tur a awm reng
Chhunzawm tur...
KHUAVELTHANGI BY LP Khiangte Ekklesiastes 1 - 36 #On Going
Bung - 35.
Ziaktu: Lallianpuia Khiangte.
****************************
Khawvar rual deuh thaw chuan khawhar in riak tlangval pakhat chu thawm dim takin a tho tham thama, midang tih harh hlau tak chungin pawn lam a pan a, mahse, tho an awm leh awm loh lo ngaichang ru rengtu Suakpuia chuan a hmuh hmaih hauh lo, chu tlangval chhuah rual chuan a bula mu Saingura chu a kheuh zeuh a, fimkhur takin an chhuak zui ve nghal a.
Saingura te pahnih chuan han zui ruk ngial an tum a, mahse, tlangval chhuak ta kha an hmu zo ta hauh lo, hrilhhai taka an hawi hu hu lai chuan kawtchhuah lam pana mipakhat hmanhmawh taka a kal thla hlawk hlawk chu an hmu a, an ni pawn rang takin an zui thla ve nghal a.
Saingura leh Suakpuia ten kawtchhuah an thlen chuan Hrangkhuma leh Zacheua pawh an birukna atang an rawn chhuak ve chiah a.
"Rawn kal an awm tiraw?" Suakpuia chuan Hrangkhuma hnenah chuan a ti nghal a.
"Aw awm e, a kal liam deuh chiah a ni. Khulai thangpik karah khuan a iptepui leh chem a thukru lawk a ni ngei ang, a hai rawk rawk a, a la chhuak a, a kal zui nghal a nih kha." Hrangkhuma chuan a lo ti vat a.
"A hmel in hmu em? Tunge a nih inhre thei em?" Saingura chuan a lo ti ve thuai a.
"Hmu chiang thei meuh lo, a hmai kha a diarin a khuh vei tlat bawk nen." Zacheua chuan a lo ti ve vat a.
"Kan uichopa mai mai chu(h) a va han chak dawn lo rua em!" Suakpuia chuan a lo ti ram hmuk a.
"Tiru, muangchang lovin i kal thuai ang u, kan chhuah khalh hman lo hlauh ange. Ruam kawng lam atang kal ila kan lo hmasa ber a thlen hma in kan chhuah khalh thei ang." Saingura'n a tih chuan an liam zui nghal a.
An pumpelh kawng zawh atanga feh kawng pangai an chhuah chuan Zacheua chuan kawng chu a bih ngur ngur a, mihring hnu tharlam tak mai a hmu tlat. An tum angin an chhuah khalh hman ta lo tawp mai.
"Kan naua chu a hmanhmawh hle mai maw, ruahhmanna dang kan siam mai a va ngaih hmel ve." Hrangkhuma'n a tih lai chuan Saingura chu a khabe dawm meuhin a lo in ngaihtuah a.
"Saia, engtin nge niang? Kan umzui mai dawn em ni?" Zacheua'n a tih lai chuan Suakpuia chu a lo ter at at tawh a.
"Umzui mai bak chu tih theih dang kan nei lo a nih hi, tiru i hmanhmawh ang u, thlam pan lovin Ngaihtei te vau ah kan pan nghal anga kan thawm erawh dim deuh ila." tih leh tlan Saingura chuan a rual nghal a, midang pawh chuan an rawn zui ve nghal a.
Hmanhmawh si, fimkhur bawk siin vau lamah chuan an lut thla a, a hmahruaitu ber Saingura chu a ding dat a; a beng fing tak chuan an awmna chhak lama thawm ri sun sun, midangin an hriat loh chu a hre thei tlat.
"Awle, kan kal khalh thei dawn e. Hranga leh Suakpuia khan helai atang hian fimkhur takin zui chho ula, Cheua nen hian kan lo tlan khalh ange." Saingura chuan a thiante chu kalna tur a kawhhmuh zung zung a.
Saingura sawi ang chuan in then darhin Saingura leh Zacheua chuan an um lai tlan khalh ngei tum chuan a kalna tur ni a an rin lamah chuan an kal nghal bawk a. Suakpuia leh Hrangkhuma pawh i he lovin an hmazawn a mihring kalna la lang deuh rei ruai, ngun taka en loh chuan a hriat theih loh ang tih tur khawpa an hmaa kalin hniak a thupna lamah chuan an kal ve nghal a.
Saingura beng fing zet chuan an thlang deuha ri leh sun sun thin chu a hai lo chiang kher mai, hmun remchang melh pah zelin fimkhurna thlah hauh si lovin a kal zel a, a duh ang takin lo channa tur hmun a hmuh fuh rual chuan Zacheua nen chuan an thu pil vat a.
Hrangkhuma leh Suakpuia pawh fimkhur theitawpa kalin, an kalna chu an hmalama kal chuan thiam takin a hnu thupin a kal tih a hriat theih a, mahse, pasaltha tan chuan engang pawn a hnu thup tum mahse hmuh hmaih theih a ni tlat lo. Hnim leh mau vel a tawn chet leh rah tliah atang chuan an chhui zel thei tho tlat.
Saingura leh Zacheua ten inring taka an lo chan khiau lai chuan tlangval pakhat hi thawm dim leh a kalna hnu hnahthela hliah khuh pah zel chung hian a rawn hnung tawlh chho hrut hrut a. Saingura te zawn rawn thlen hma chiah, ban phak vel lekah a awm ta.
Saingura chuan chu tlangval tukhum samah chuan thamin a phih thal nghal thuai a, chupa in ring lo lutuk pawh chu a te nghal tuar a. A zangthal zawnga a tluk rual chiah chuan Zacheua chuan kapkalak chunga rawn thut betin eng sawi set set lo chuan a kuttum lian ve tawk tak chuan a hnek nghal siah siah a.
Saingura chuan Zacheua chu a nam sawn vat a, chupa hnar leh mit ko thi phung chu a samah a thap tho lawp a. Chutihlai mek chuan Hrangkhuma leh Suakpuia pawh an rawn thleng ve nghal a.
"Nang uichopa, nang hian maw ka hmangaih Ngaihtei nu nei lova siama, a duh lo chung lo khuaikhem che a, i va chak dawn lo rua em" tihpahin Suakpuia chuan Saingura'n a man beh lai chu a rawn bawhtlu rawp a, a rem lai laiah chuan a hnek ve nghal pawp pawp a, mahse, Hrangkhuma leh Saingura bawk chuan an lo dang leh thuai a.
"Min lo dang suh u, he uichopa hi a chan tawk diktak chu ka pe dawn a ni" Suakpuia chuan a ti tan tan a.
"I la pe em em ang, mahse, tunah chuan ni rih love." Saingura'n a tihlai chuan chu tlangval chu a rawn nui huah huah a.
"E hiau! A la nui ngam ka ti, tu fa lubawk phiangsen nge maw i nih reng reng le." tihpahin Hrangkhuma chuan chu tlangval sam in thlah hnuangin a hmai a hliah chu a hui kiang nghal nawk nawk a.
"Chawngzik nang maw!" Hrangkhuma chuan a ti that a. Chawngzika chu a nui vur vur a.
Chawngzika hi Hrangkhuma pa te unau zinga a naupang ber fapa niin, an khaw tlangval zingah chuan mi fak hlawh pawl a ni. Hei vang hian Hrangkhuma pawh hian mak a ti reng a ni, tin, an chhungkhat a unaupa a lo ni leh zel bawk si.
"I la nui ngam elaw! Eng chu nge nuihzat tur awm a, khaw maw kan piai leh hlak teh ang che." tihpaha Suakpuia'n hnek a tum leh lai chuan Saingura chuan a kut a lo man sak a. Suakpuia chuan tal chhuah tumin a elh ngat ngat a, Saingura lahin thlah tum lovin a chelh bet ve tlat bawk a.
"Nang kha, Ngaihtei hian a hmangaih che emaw i tia law maw chu. A hmangaih chu keimah hi ka ni, nang chu kan inthupna mai mai i nih kha."
Saingura leh Suakpuia lo in elh tawn ngat ngat pawh chu an tawp chiang ngei mai. An zavai mai chuan Chawngzika chu an en nghal thap a. Suakpuia thinrim chu a aia rawn nasa leh zualin Saingura vawn behna a tanga tal chhuah tum chuan a aia nasa in a tang leh a.
"Thiana, in bengdai rawh; i thin tih rim a tum mai mai a nih hi. A sawi kha engahmah ngai mah ta che." Saingura chuan Suakpuia hnenah chuan a ti mawlh mawlh a.
"Ka tawng mai mai hauh lo, in duh chuan amah Ngaihtei ngei pawh zawt ta che u." Chawngzika'n a tih rual chuan a khabe chu a ri no chawka, leiah chuan a thal nghal tawp a. Suakpuia'n khawih zui a tum lai chuan Zacheua leh Hrangkhuma chuan an lo man bet a.
"Engvangin nge hmeichhe pawisawi lo i thah. I sawi loh chuan i thluak hi ka thlawh darh vek ang." Saingura chuan Chawngzika mit leh mit inkarah tak chuan a silai dâwt chuan a tin a.
"Kha pitar kha maw, a hnawksak em mai a Ngaihtei nen kan inkarah a lo tlakzep loh nan mawle." Chawngzika chuan hlau leh zam miah lovin a rawn ti leh a.
Saingura rilru a buai ta, Chawngzika hian thudik sawi lo ni ta se, he thilah hian Ngaihtei pawh a tel ve thei tlat. Mahse, Chawngzika thusawi erawh awih sak chi niin a ngai bawk si lo.
"Zacheu, ram hrui fei deuh han zawng la khaw lamah i hruai haw phawt ang u. Hetiang ringawt chuan eng kan in zawt chhuak dawn tlat lo." Saingura'n a tih chuan Zacheua chu a phe vat a, rei lote hnuah ram hrui fei tha tak tak nen rawn letin, Chawngzika chu an phuar mawlh mawlh a, khawlam panin an kal pui nghal a.
Kawng tluan chuan Suakpuia'n Chawngzika a khawih mai loh nan an in veng zak zak reng a, Chawngzika erawh a khi deuh vur vur reng a, zawhna erawh an zawh belh duh ting lo a.
Khua an lut a, chhungkaw tam zawk chuan tukthuan an ei meka, naupang tukthuan ei kham pawna awm ten Saingura te paliin Chawngzika an man an hmuh chuan mahni in lamah tlan haw in, "U Saingura ten U Chawngzika an man." an ti lang lang hlawm a, an thawm hriain Buarpui khaw mipuite chu an in atang an rawn chhuak sup sup Saingura te chu an rawn zui nghal zel a.
Lal in luhkaah chuan lal Hmingthanga pawh an thawm hriain a lo ding chhuak a, lalfanu pawh kawngka biang nghengin a rawn ding ve zar a.
"Lalpa, kan rawn luh pui dawn em?" Saingura chuan lal in kawt atang chuan a ti lang lang a.
"Khatiang mi kha ka lal in rap tlak a ni love, in tih tur chu khalai ah khan ti rawh u" lal Hmingthanga chuan a lo ti a. An man chhan leh chinchang hre lo mipui pung khawm chu an phun mur mur a.
"Buarpui mipui te u min lo ngaithla lawk teh u, tuna in hmaa kan man hi Chawngzika; Ngaihtei laka tih luihna hmangtu leh a nu tualthihna thlentu ngei kha a ni." Hrangkhuma'n a tih zawh rual chuan mipui chu an thum hak a, Chawngzika chu chil hlum mai tumin an che nghal a, mahse, engtin tin emaw Hrangkhuma te chuan an dang thei hram a, tlangval thenkhat chuan an lo pui bawk a.
"Ka khaw mipui zahawm takte u, kan pasaltha te khan hriat belh duh an la nei a ni awm a, lo in bengdai hram hram rih tawh u." Lal Hmingthanga'n a rawn tih chuan mipui pawh an in bengdai ta rih a. Mahse, chung mipui zing atang chuan Ngaihtei a rawn lawr chhuak zat a.
"Usuakpui, kha mi tenawm kha tunah tihlum nghal rawh, a hmel kha ka hmu thei hlawl lo e...ka nu min thah saktu kha engtin damin i rawn hruai haw theih zawk" Ngaihtei chuan in sut hlap hlap chungin a rawn ti a.
Chutia Ngaihtei'n a rawn tih leh takah chuan Suakpuia thinrim chu a rawn thar leh a, a chem phawrh tumin a iptepui chu a zen nghal zata, mahse, Hrangkhuma leh Zacheua bawk chuan an rawn man bet vat a. Saingura chuan Chawngzika chu a phih tho lawp a mipui ho lak atang chuan a kal hran pui a. Hmun hla deuh an thlen chuan Chawngzika kaihza ah chuan a tlawh thinthi rawp a.
"Tunah hian thudik min hrilh lo a nih chuan i chhungkua zawng zawng ka that vek anga, i mit hmuh ngeiah i nu leh pa lu ka tan ang, i hmuh lai ngeiin i farnu te ka chên ang." Saingura chuan rum taka Chawngzika en pah chuan a ti ta khur khur mai.
Chawngzika'n Saingura mitmeng a hmuh chuan a ti mai mai lo tih a hre chiang viau a niang, "ka hrilh ang che, zahngai la, ka chhungte chungah chuan engthil mah ti lo hram ang che" a ti ta mawlh mawlh a.
"Awle, thudik min hrilh chuan zah ka ngai ang. Tunah sawi tawh rawh le." Saingura'n a tih leh chuan Chawngzika chuan engkim zep awm lovin a hrilh fai ta vek a. Thudik a hriat meuh chuan Saingura pawh a ding khawng reng a, a thu hriatte chuan a thawng takzet a ni.
Saingura chu tuibur hmuam da vel zet ngawi rengin a ding a, a rilru ah erawh thil tam tak a ngaihtuah thung si. Chawngzika chu a phih tho lawp a, mipui awmna lamah chuan a phei pui leh nghal a.
"Usuakpui, ka thlavang i hauh ngam dawn lo em ni? Saw mihring sawn i hmangaih zahawmna leh a nu ngei min laksak a sin." Ngaihtei chuan Chawngzika a hmuh rual chuan Suakpuia tanga bei chung chuan a ti leh mawlh mawlh a.
"Ngaihte, ka bulah hian lo kal la, nangmah ngei khan i chunga thil tenawm titu hi a lu rawn la ta che" Saingura'n a tih chuan Ngaihtei chu a phu deuh zawk a, chet nachang hre lo chuan a ding khawng reng a.
"Cheua, kan nula kha a zam deuh a niange rawn kai phei teh khai." Saingura'n a tih leh chuan Zacheua chuan Ngaihtei chu kaiin Saingura lamah chuan a kal pui a, Ngaihtei pawh chuan a zui chhat a.
"Kha le, ka chem ngei hian a lu hi la rawh le, i chunnu thattu hi han that ve ta che." Saingura chuan Ngaihtei kuta a chem hmeh bel pah chuan a ti dam dap a.
Ngaihtei erawh chem hum chung chuan a ding khawng reng a, chet nachang pawh hre lovin Chawngzika chu a melh tlawk tlawk a.
"Tinge khatia i din khawng reng a, i nu ngei pawh nangmah ngeiin i that ngam a ni lawmni?" Saingura'n a tih vin thawt rual chuan Ngaihtei chu a phu zuk a, a chem ken chu a thlauh nghal a.
Buarpui khaw mipuite pawh chu an phu rual dual mai. Saingura'n chutia a rawn ti ta mai chu mak ti lo reng an awm lo.
"I nu kha tu thah nge? Engvanga lem chang nge i nih tih hi keiman ka sawi dawn nge nangmah i inpuang dawn. Hei i thianpa hian engkim min hrilh vek tawh a nia." Saingura chuan muangchanga Ngaihtei chem thlauh chhar pah chuan a ti a.
"Aw ni e, ka nu kha keima that ngei a ni."...
Chhunzawm tur.
Ziaktu: Lallianpuia Khiangte.
****************************
Khawvar rual deuh thaw chuan khawhar in riak tlangval pakhat chu thawm dim takin a tho tham thama, midang tih harh hlau tak chungin pawn lam a pan a, mahse, tho an awm leh awm loh lo ngaichang ru rengtu Suakpuia chuan a hmuh hmaih hauh lo, chu tlangval chhuah rual chuan a bula mu Saingura chu a kheuh zeuh a, fimkhur takin an chhuak zui ve nghal a.
Saingura te pahnih chuan han zui ruk ngial an tum a, mahse, tlangval chhuak ta kha an hmu zo ta hauh lo, hrilhhai taka an hawi hu hu lai chuan kawtchhuah lam pana mipakhat hmanhmawh taka a kal thla hlawk hlawk chu an hmu a, an ni pawn rang takin an zui thla ve nghal a.
Saingura leh Suakpuia ten kawtchhuah an thlen chuan Hrangkhuma leh Zacheua pawh an birukna atang an rawn chhuak ve chiah a.
"Rawn kal an awm tiraw?" Suakpuia chuan Hrangkhuma hnenah chuan a ti nghal a.
"Aw awm e, a kal liam deuh chiah a ni. Khulai thangpik karah khuan a iptepui leh chem a thukru lawk a ni ngei ang, a hai rawk rawk a, a la chhuak a, a kal zui nghal a nih kha." Hrangkhuma chuan a lo ti vat a.
"A hmel in hmu em? Tunge a nih inhre thei em?" Saingura chuan a lo ti ve thuai a.
"Hmu chiang thei meuh lo, a hmai kha a diarin a khuh vei tlat bawk nen." Zacheua chuan a lo ti ve vat a.
"Kan uichopa mai mai chu(h) a va han chak dawn lo rua em!" Suakpuia chuan a lo ti ram hmuk a.
"Tiru, muangchang lovin i kal thuai ang u, kan chhuah khalh hman lo hlauh ange. Ruam kawng lam atang kal ila kan lo hmasa ber a thlen hma in kan chhuah khalh thei ang." Saingura'n a tih chuan an liam zui nghal a.
An pumpelh kawng zawh atanga feh kawng pangai an chhuah chuan Zacheua chuan kawng chu a bih ngur ngur a, mihring hnu tharlam tak mai a hmu tlat. An tum angin an chhuah khalh hman ta lo tawp mai.
"Kan naua chu a hmanhmawh hle mai maw, ruahhmanna dang kan siam mai a va ngaih hmel ve." Hrangkhuma'n a tih lai chuan Saingura chu a khabe dawm meuhin a lo in ngaihtuah a.
"Saia, engtin nge niang? Kan umzui mai dawn em ni?" Zacheua'n a tih lai chuan Suakpuia chu a lo ter at at tawh a.
"Umzui mai bak chu tih theih dang kan nei lo a nih hi, tiru i hmanhmawh ang u, thlam pan lovin Ngaihtei te vau ah kan pan nghal anga kan thawm erawh dim deuh ila." tih leh tlan Saingura chuan a rual nghal a, midang pawh chuan an rawn zui ve nghal a.
Hmanhmawh si, fimkhur bawk siin vau lamah chuan an lut thla a, a hmahruaitu ber Saingura chu a ding dat a; a beng fing tak chuan an awmna chhak lama thawm ri sun sun, midangin an hriat loh chu a hre thei tlat.
"Awle, kan kal khalh thei dawn e. Hranga leh Suakpuia khan helai atang hian fimkhur takin zui chho ula, Cheua nen hian kan lo tlan khalh ange." Saingura chuan a thiante chu kalna tur a kawhhmuh zung zung a.
Saingura sawi ang chuan in then darhin Saingura leh Zacheua chuan an um lai tlan khalh ngei tum chuan a kalna tur ni a an rin lamah chuan an kal nghal bawk a. Suakpuia leh Hrangkhuma pawh i he lovin an hmazawn a mihring kalna la lang deuh rei ruai, ngun taka en loh chuan a hriat theih loh ang tih tur khawpa an hmaa kalin hniak a thupna lamah chuan an kal ve nghal a.
Saingura beng fing zet chuan an thlang deuha ri leh sun sun thin chu a hai lo chiang kher mai, hmun remchang melh pah zelin fimkhurna thlah hauh si lovin a kal zel a, a duh ang takin lo channa tur hmun a hmuh fuh rual chuan Zacheua nen chuan an thu pil vat a.
Hrangkhuma leh Suakpuia pawh fimkhur theitawpa kalin, an kalna chu an hmalama kal chuan thiam takin a hnu thupin a kal tih a hriat theih a, mahse, pasaltha tan chuan engang pawn a hnu thup tum mahse hmuh hmaih theih a ni tlat lo. Hnim leh mau vel a tawn chet leh rah tliah atang chuan an chhui zel thei tho tlat.
Saingura leh Zacheua ten inring taka an lo chan khiau lai chuan tlangval pakhat hi thawm dim leh a kalna hnu hnahthela hliah khuh pah zel chung hian a rawn hnung tawlh chho hrut hrut a. Saingura te zawn rawn thlen hma chiah, ban phak vel lekah a awm ta.
Saingura chuan chu tlangval tukhum samah chuan thamin a phih thal nghal thuai a, chupa in ring lo lutuk pawh chu a te nghal tuar a. A zangthal zawnga a tluk rual chiah chuan Zacheua chuan kapkalak chunga rawn thut betin eng sawi set set lo chuan a kuttum lian ve tawk tak chuan a hnek nghal siah siah a.
Saingura chuan Zacheua chu a nam sawn vat a, chupa hnar leh mit ko thi phung chu a samah a thap tho lawp a. Chutihlai mek chuan Hrangkhuma leh Suakpuia pawh an rawn thleng ve nghal a.
"Nang uichopa, nang hian maw ka hmangaih Ngaihtei nu nei lova siama, a duh lo chung lo khuaikhem che a, i va chak dawn lo rua em" tihpahin Suakpuia chuan Saingura'n a man beh lai chu a rawn bawhtlu rawp a, a rem lai laiah chuan a hnek ve nghal pawp pawp a, mahse, Hrangkhuma leh Saingura bawk chuan an lo dang leh thuai a.
"Min lo dang suh u, he uichopa hi a chan tawk diktak chu ka pe dawn a ni" Suakpuia chuan a ti tan tan a.
"I la pe em em ang, mahse, tunah chuan ni rih love." Saingura'n a tihlai chuan chu tlangval chu a rawn nui huah huah a.
"E hiau! A la nui ngam ka ti, tu fa lubawk phiangsen nge maw i nih reng reng le." tihpahin Hrangkhuma chuan chu tlangval sam in thlah hnuangin a hmai a hliah chu a hui kiang nghal nawk nawk a.
"Chawngzik nang maw!" Hrangkhuma chuan a ti that a. Chawngzika chu a nui vur vur a.
Chawngzika hi Hrangkhuma pa te unau zinga a naupang ber fapa niin, an khaw tlangval zingah chuan mi fak hlawh pawl a ni. Hei vang hian Hrangkhuma pawh hian mak a ti reng a ni, tin, an chhungkhat a unaupa a lo ni leh zel bawk si.
"I la nui ngam elaw! Eng chu nge nuihzat tur awm a, khaw maw kan piai leh hlak teh ang che." tihpaha Suakpuia'n hnek a tum leh lai chuan Saingura chuan a kut a lo man sak a. Suakpuia chuan tal chhuah tumin a elh ngat ngat a, Saingura lahin thlah tum lovin a chelh bet ve tlat bawk a.
"Nang kha, Ngaihtei hian a hmangaih che emaw i tia law maw chu. A hmangaih chu keimah hi ka ni, nang chu kan inthupna mai mai i nih kha."
Saingura leh Suakpuia lo in elh tawn ngat ngat pawh chu an tawp chiang ngei mai. An zavai mai chuan Chawngzika chu an en nghal thap a. Suakpuia thinrim chu a aia rawn nasa leh zualin Saingura vawn behna a tanga tal chhuah tum chuan a aia nasa in a tang leh a.
"Thiana, in bengdai rawh; i thin tih rim a tum mai mai a nih hi. A sawi kha engahmah ngai mah ta che." Saingura chuan Suakpuia hnenah chuan a ti mawlh mawlh a.
"Ka tawng mai mai hauh lo, in duh chuan amah Ngaihtei ngei pawh zawt ta che u." Chawngzika'n a tih rual chuan a khabe chu a ri no chawka, leiah chuan a thal nghal tawp a. Suakpuia'n khawih zui a tum lai chuan Zacheua leh Hrangkhuma chuan an lo man bet a.
"Engvangin nge hmeichhe pawisawi lo i thah. I sawi loh chuan i thluak hi ka thlawh darh vek ang." Saingura chuan Chawngzika mit leh mit inkarah tak chuan a silai dâwt chuan a tin a.
"Kha pitar kha maw, a hnawksak em mai a Ngaihtei nen kan inkarah a lo tlakzep loh nan mawle." Chawngzika chuan hlau leh zam miah lovin a rawn ti leh a.
Saingura rilru a buai ta, Chawngzika hian thudik sawi lo ni ta se, he thilah hian Ngaihtei pawh a tel ve thei tlat. Mahse, Chawngzika thusawi erawh awih sak chi niin a ngai bawk si lo.
"Zacheu, ram hrui fei deuh han zawng la khaw lamah i hruai haw phawt ang u. Hetiang ringawt chuan eng kan in zawt chhuak dawn tlat lo." Saingura'n a tih chuan Zacheua chu a phe vat a, rei lote hnuah ram hrui fei tha tak tak nen rawn letin, Chawngzika chu an phuar mawlh mawlh a, khawlam panin an kal pui nghal a.
Kawng tluan chuan Suakpuia'n Chawngzika a khawih mai loh nan an in veng zak zak reng a, Chawngzika erawh a khi deuh vur vur reng a, zawhna erawh an zawh belh duh ting lo a.
Khua an lut a, chhungkaw tam zawk chuan tukthuan an ei meka, naupang tukthuan ei kham pawna awm ten Saingura te paliin Chawngzika an man an hmuh chuan mahni in lamah tlan haw in, "U Saingura ten U Chawngzika an man." an ti lang lang hlawm a, an thawm hriain Buarpui khaw mipuite chu an in atang an rawn chhuak sup sup Saingura te chu an rawn zui nghal zel a.
Lal in luhkaah chuan lal Hmingthanga pawh an thawm hriain a lo ding chhuak a, lalfanu pawh kawngka biang nghengin a rawn ding ve zar a.
"Lalpa, kan rawn luh pui dawn em?" Saingura chuan lal in kawt atang chuan a ti lang lang a.
"Khatiang mi kha ka lal in rap tlak a ni love, in tih tur chu khalai ah khan ti rawh u" lal Hmingthanga chuan a lo ti a. An man chhan leh chinchang hre lo mipui pung khawm chu an phun mur mur a.
"Buarpui mipui te u min lo ngaithla lawk teh u, tuna in hmaa kan man hi Chawngzika; Ngaihtei laka tih luihna hmangtu leh a nu tualthihna thlentu ngei kha a ni." Hrangkhuma'n a tih zawh rual chuan mipui chu an thum hak a, Chawngzika chu chil hlum mai tumin an che nghal a, mahse, engtin tin emaw Hrangkhuma te chuan an dang thei hram a, tlangval thenkhat chuan an lo pui bawk a.
"Ka khaw mipui zahawm takte u, kan pasaltha te khan hriat belh duh an la nei a ni awm a, lo in bengdai hram hram rih tawh u." Lal Hmingthanga'n a rawn tih chuan mipui pawh an in bengdai ta rih a. Mahse, chung mipui zing atang chuan Ngaihtei a rawn lawr chhuak zat a.
"Usuakpui, kha mi tenawm kha tunah tihlum nghal rawh, a hmel kha ka hmu thei hlawl lo e...ka nu min thah saktu kha engtin damin i rawn hruai haw theih zawk" Ngaihtei chuan in sut hlap hlap chungin a rawn ti a.
Chutia Ngaihtei'n a rawn tih leh takah chuan Suakpuia thinrim chu a rawn thar leh a, a chem phawrh tumin a iptepui chu a zen nghal zata, mahse, Hrangkhuma leh Zacheua bawk chuan an rawn man bet vat a. Saingura chuan Chawngzika chu a phih tho lawp a mipui ho lak atang chuan a kal hran pui a. Hmun hla deuh an thlen chuan Chawngzika kaihza ah chuan a tlawh thinthi rawp a.
"Tunah hian thudik min hrilh lo a nih chuan i chhungkua zawng zawng ka that vek anga, i mit hmuh ngeiah i nu leh pa lu ka tan ang, i hmuh lai ngeiin i farnu te ka chên ang." Saingura chuan rum taka Chawngzika en pah chuan a ti ta khur khur mai.
Chawngzika'n Saingura mitmeng a hmuh chuan a ti mai mai lo tih a hre chiang viau a niang, "ka hrilh ang che, zahngai la, ka chhungte chungah chuan engthil mah ti lo hram ang che" a ti ta mawlh mawlh a.
"Awle, thudik min hrilh chuan zah ka ngai ang. Tunah sawi tawh rawh le." Saingura'n a tih leh chuan Chawngzika chuan engkim zep awm lovin a hrilh fai ta vek a. Thudik a hriat meuh chuan Saingura pawh a ding khawng reng a, a thu hriatte chuan a thawng takzet a ni.
Saingura chu tuibur hmuam da vel zet ngawi rengin a ding a, a rilru ah erawh thil tam tak a ngaihtuah thung si. Chawngzika chu a phih tho lawp a, mipui awmna lamah chuan a phei pui leh nghal a.
"Usuakpui, ka thlavang i hauh ngam dawn lo em ni? Saw mihring sawn i hmangaih zahawmna leh a nu ngei min laksak a sin." Ngaihtei chuan Chawngzika a hmuh rual chuan Suakpuia tanga bei chung chuan a ti leh mawlh mawlh a.
"Ngaihte, ka bulah hian lo kal la, nangmah ngei khan i chunga thil tenawm titu hi a lu rawn la ta che" Saingura'n a tih chuan Ngaihtei chu a phu deuh zawk a, chet nachang hre lo chuan a ding khawng reng a.
"Cheua, kan nula kha a zam deuh a niange rawn kai phei teh khai." Saingura'n a tih leh chuan Zacheua chuan Ngaihtei chu kaiin Saingura lamah chuan a kal pui a, Ngaihtei pawh chuan a zui chhat a.
"Kha le, ka chem ngei hian a lu hi la rawh le, i chunnu thattu hi han that ve ta che." Saingura chuan Ngaihtei kuta a chem hmeh bel pah chuan a ti dam dap a.
Ngaihtei erawh chem hum chung chuan a ding khawng reng a, chet nachang pawh hre lovin Chawngzika chu a melh tlawk tlawk a.
"Tinge khatia i din khawng reng a, i nu ngei pawh nangmah ngeiin i that ngam a ni lawmni?" Saingura'n a tih vin thawt rual chuan Ngaihtei chu a phu zuk a, a chem ken chu a thlauh nghal a.
Buarpui khaw mipuite pawh chu an phu rual dual mai. Saingura'n chutia a rawn ti ta mai chu mak ti lo reng an awm lo.
"I nu kha tu thah nge? Engvanga lem chang nge i nih tih hi keiman ka sawi dawn nge nangmah i inpuang dawn. Hei i thianpa hian engkim min hrilh vek tawh a nia." Saingura chuan muangchanga Ngaihtei chem thlauh chhar pah chuan a ti a.
"Aw ni e, ka nu kha keima that ngei a ni."...
Chhunzawm tur.
| Link: | |
| BBcode: | |
| HTML: | |
| Hide post links |
KHUAVELTHANGI
Bung - 36.
Ziaktu: Lallianpuia Khiangte.
****************************
Buarpui khaw mipui chulai hmun awm leh Ngaihtei tawng hre pha zawng zawng te chu mak tih vangin an ngawi thuap a,Khuavang kal lai a chawl ta emaw tih mai tur khawpin a reh tlawk tlawk mai a ni.
"Engvangin? Mahni hringtunu ngei chu engvanga that nge i nih?" Saingura'n a tih lai chuan mipui te chuan amah Saingura chu an lo en leh thap a, a sawi zawh chuan Ngaihtei tawng chu ngaichangin an en leh thap a.
"Min ngaidam rawh u, min ngaidam mawlh rawh u. Lalpa keima thiam loh vang vek a ni, engvanga khatiang kha ti thei nge ka nih ka hre bik lo. Usuakpui, min hrethiam hram rawh aw, ka inthup nan ka lo lem der che a." Ngaihtei chu a rawn tap chhuak zawih zawih a, Suakpuia chuan mak ti takin a en a; midangte pawh chuan an en hau hlawm a.
"Engmaw i sawi kha! Min lo der a maw?" Suakpuia aw fiak tha tak chu ring lem lo mahse tupawh mai chuan an hre fiah vek awm e.
"Aw ni e, Chawngzika nen hian rei tawh tak chu kan in kawp tawh a, hum sual pawh vawi tamtak kan dai fo tawh a ni. Chutihlai chuan nang i lo langa, Chawngzika hian nakina kan mualpho loh nan be tha tur che in min ti a, tichuan kan inthup nan ka be tha ta che a ni. Min ngaidam ang che aw."
Suakpuia chu a thaw hak a, a mitthla-ah chuan Ngaihtei nena an in chhaih nuih har har thin laite chu a rawn lang uar uar a, khang zawng zawngte kha in bumna leh inthup nana a tih mai mai maw lo ni. Saingura chuan a thianpa taksa danglam leh a tha khur tan mek chu a hmu in a va kuah vat a.
"Thianpa, insum hram hram rawh aw. A tawp kan la thleng lo a nia." Saingura chuan Suakpuia beng bulah chuan a ti sa sa a, Suakpuia pawh a lo bu nghauh nghauh a.
"Le, engvanga i nu kha that nge in nih? Han sawi zo vek law law la mawle" Hrangkhuma chuan sir khat atang chuan a lo ti thawp sat a.
Ngaihtei chu a la in sut faih faih a, "Khami zan khan; Chawngzika hi kan mut hnuah kan thlamah a lo kal a, a hma zan lawk pawha ka nu mut laia kan lo chet dun tawh avangin hlauhthawnna pawh nei lem lovin ka nu mutna sir maiah chuan kan che dun leh a, chutihlai chuan ka nu kha a rawn harh ta thut a, mei eng a lo la mit bawk si lo nen; ka nu khan min hmu chiang viau bawkin ka hria, ka tih ngaihna hre lo chuan thlam banga chem in thiat chu chuh thutin ka nu kha ka sat ta mai a ni. Ka nu min ngaidam ang che aw, ka hamhaih lutuk tih ngaihna hre lovin khatiang khan ka che ta mai a ni, nu tih nat che hi ka duh ngai lo tih i hriat kha." Ngaihtei chu a tap zui leh rawng rawng a, a nu thi tawh chu a be zui mawlh mawlh a.
"A lo nih teh hrep chu a, in hurherh luat vangin maw!" Suakpuia chuan a ti mawlh mawlh a.
"Engvangin nge ka rawn hmuh che u khan khatianga i lo awm?" Saingura chuan Ngaihtei mitah tak chuan a melh kiau a.
"Khatia ka nu ka thah tak maiah khan tih ngaihna hre lovin ka awm reng a, Chawngzika hian zingah thlam rawn pan an awm velah khatianga lo awm tur khan min hrilh a, tichuan i thawm ka hriat khan lem ka lo chang ta mai a ni." Ngaihtei chu vaivuta thu in a la tap faih faih reng a.
"Awle, ka hriat duh chu ka hre kim thawkhat tawh e. Ka pa, an chungthu chu i kut a ni e." Saingura chuan Suakpuia chu a kal hranpui nghal a.
"Awle, tunah chuan engkim a fiah ta e. Rorel dan tur pawh thiam a har a, in hriat theuh angin mi nunna lak hi ka duh loh ber a nih avangin i nunna chu ka zuah ang che." Lal hmingthanga chuan Ngaihtei chu a en a, chumi hnuah Chawngzika lam chu a en leh a.
"I chungah hian engtianga tihtur nge ka hrethiam ta lo, he thihna ah hian i kut a tel loh rualin nangmah avangin hetiang thleng hi kan thleng a ni a, ka upa te kha rawn lut khawm ula, ro i han rel lawk ang u hmiang." Lal Hmingthanga'n a tih chuan lal upa te ho chu lal in lamah an lut dam dam a. Mipuite chuan pawn lamah an lo nghak thap a, tumah mahni in lama haw pawh tum lovin lal leh upate thu chhuak chu an ngaichang thap a, Ngaihtei leh Chawngzika chu an la din hual thap a.
Rei ngial an nghah hnu chuan lal in atang chuan lal leh upate chu an rawn chhuak ta sap sap a, lal Hmingthanga chuan a aw a thian kharh kharh phawt a. "Awle, ka upate nen kan sawi ho hnu in Ngaihtei hi he khuaah hian a chen ve a rem tawh lo anga, ka lalna ram huam chin chhungah hian hmuh a ni leh ngai a nih chuan a nunna in a tuar phah a nih pawn kei leh ka upate chuan mawh kan phur lo ang. Tin, Chawngzika pawh a thurualpuitu i nih avangin Ngaihtei ang bawka hnawh chhuah i ni e. Vawin ni tlak hma ngeiin ka khua atang hian in chhuak tur a ni ang. Ka rorelna sawisel leh hnial kalh duh in awm chuan anni pahnih hi in zui ve nghal mai dawn nia." Lal Hmingthanga chuan dam dapin sawi mahse a thusawi te chu nam nul chi a ni hauh si lo.
Buarpui khaw mipuite chu an kal bo pheuh pheuh a, mahni in lamah an haw zo ta vek a. Ngaihtei chu lal in tualah chuan a la in hnit faih faih reng a, a bulah chuan Chawngzika pawh a thu kun ngur bawk a.
"Tirawh le, i bungrua zuk siam fel ang le, helaia thut reng hian awmzia a awm lo e. Tirawh, keiman ka pui ang che." Chutia a hnunglam atanga a dara rawn khawiha amah rawn be tu lam chu Ngaihtei chuan muangchangin a en a, chutiang hunah chuan tuman an tanpui pawh a rin tawh loh laia chutianga rawn titu chu hmuh chian tumin a mittui chu a hru fai thuak a, a rin loh leh beisei loh ber a hmu tlat mai.
"Khatia min en reng lo khan tho la, puih che ka in huam lai hian kal vat ang." Ngaihtei chuan chet nachang pawh hre lovin a la en reng a.
"Usuakpui" Ngaihtei chuan a ti sup a.
"Aw enge ni? Tho vat la, i ken tur zu ti fel vat ang, khaw mipuite hian an dawh rei dawn hauh lo che a nia." Suakpuia chuan Ngaihtei chu a pawt tho lawp a, a kai nghal dawr dawr a, thui pawh an kal hma chuan Chawngzika vaivuta la thu reng chu a au leh a, "Nangpawh in peih rang ang che, in phatsan thei in ni tawh lo." Tiin Ngaihtei chu a kalpui zui leh hmawk hmawk a.
Chawhnu tlang her a nih meuh chuan Buarpui khaw kawt chhuahah chuan Ngaihtei leh Chawngzika chu in phur bawr luk chungin ram lam panin an kal hnak hnak a, Chawngzika chhungte chuan mittui tling pam chungin an thlir bawk a, chutih lai chuan an chhaklam Khiang kung buk hnuai atanga lo thlir ve rengtu Suakpuia erawh tuman an hmu hauh lo.
Zan a lo ni a, zawlbukah tlangval an lawi lut sap sap a; mahse, chu zan zet zawng zawlbuka tlangval hlim thawm leh in chhaih thawm hriat tur a awm lo, a reh hian a reh tlawk tlawk a, zing lama an thil hmuh leh hriatte chuan Buarpui khaw pum mai chu a la chiah hneh pawh a ni ta ve ang.
Tlangval ho nula rim tura an len chhuah hma deuh chuan Buarpui khaw ep chiaha tlang lian tak tak ngir khup mai zinga a lian leh sang ber Hmaihang tlang an tih chung zawnah chuan khawpui a ri dur dur a, tlang chung zawn van te chu a eng deuh pup a, chu thawm chu hriain Buarpui khaw nunau leh nu leh pa, pitar putar leh tlangval leh nula thleng chuan enge tih hmuh tumin an tlan chhuak sup sup a, Hmaihang tlang chung zawn eng pup leh khawpui niawm tak ri dur dur chu an thlir thup a. Hmaihang tlang hi Buarpui khaw ep chiah a nih avang hian khua atang pawh hian a lang chiang hle a ni.
Chutia an thlir thup lai chuan tlang zawna eng pup chu a reh tial tial a, khawpui ri pawh chu a reh ta hmak a, a thim zui ta hmuk a. Buarpui khaw mipuite chuan mak an tih thu an sawi sap sapa, engthil nge tih sawi thei erawh tumah an awm lo. Saingura leh a thiante pawh chuan chu thil mak chu an thlir ve reng a ni. Chutia a reh leh tak hmakah chuan mahni in lam theuha haw tumin an kal darh sang sang a.
Saingura pawh Zawlbuk lama let leh tumin a in her chiah tihah chuan van ah chuan thawm ring lutuk tak mai a rawn ri leh thuai a, rangtakin Hmaihang tlang chu an thlir zui leh thap a, chumi rual chiah chuan tlang chung leh a bul vel chu a rawn eng ta zuai zuai a, kawlphe ang mai hian hmun hrang hrangah chuan a eng phe zawk zawk a; Chu aimaha Buarpui khaw mite mak tih chu, chutiang kawlphe ang tak a en zuai chuan mihring na tuar rum ring tak hi ralah chuan an rawn chiau leh vawn vawn thin a, naupang ho phei chuan an nu leh pate phen atang an bih ve ngam chauh tawh a ni.
Saingura'n mak ti taka a thlir reng lai chuan, a bengah chuan fiah taka tawng ri a hre ta tlat mai, midangte chuan an hre ve nge hre ve lo a mitmei kual chuan hre ve awm pawn an awm lo, Saingura bengah erawh a ri ring hle thung.
"Hringmi Saingura chu va hruai ula, min pui turin va hruai thuai ru khai" tih ri chu Saingura bengah chuan fiah takin a rawn ri leh thin. Mak ti takin a hawi kual ruk ruk a.
"Saingur, kan mamawh che, min puih hun leh i thianpa nun i chhanna pangpar man i pek hun chu a lo thleng ta." Chu thusawitu chu Khuavelthangi aw ngei a ni, Saingura chuan rei tawh viau mahse zawlnu aw chu a theihnghilh hauh lo.
"Saingur, Saingur kan mamawh che..." Khuavelthangi aw chu a zawi tial tial a, a zuih ral ta...
Chhunzawm tur...
Bung - 36.
Ziaktu: Lallianpuia Khiangte.
****************************
Buarpui khaw mipui chulai hmun awm leh Ngaihtei tawng hre pha zawng zawng te chu mak tih vangin an ngawi thuap a,Khuavang kal lai a chawl ta emaw tih mai tur khawpin a reh tlawk tlawk mai a ni.
"Engvangin? Mahni hringtunu ngei chu engvanga that nge i nih?" Saingura'n a tih lai chuan mipui te chuan amah Saingura chu an lo en leh thap a, a sawi zawh chuan Ngaihtei tawng chu ngaichangin an en leh thap a.
"Min ngaidam rawh u, min ngaidam mawlh rawh u. Lalpa keima thiam loh vang vek a ni, engvanga khatiang kha ti thei nge ka nih ka hre bik lo. Usuakpui, min hrethiam hram rawh aw, ka inthup nan ka lo lem der che a." Ngaihtei chu a rawn tap chhuak zawih zawih a, Suakpuia chuan mak ti takin a en a; midangte pawh chuan an en hau hlawm a.
"Engmaw i sawi kha! Min lo der a maw?" Suakpuia aw fiak tha tak chu ring lem lo mahse tupawh mai chuan an hre fiah vek awm e.
"Aw ni e, Chawngzika nen hian rei tawh tak chu kan in kawp tawh a, hum sual pawh vawi tamtak kan dai fo tawh a ni. Chutihlai chuan nang i lo langa, Chawngzika hian nakina kan mualpho loh nan be tha tur che in min ti a, tichuan kan inthup nan ka be tha ta che a ni. Min ngaidam ang che aw."
Suakpuia chu a thaw hak a, a mitthla-ah chuan Ngaihtei nena an in chhaih nuih har har thin laite chu a rawn lang uar uar a, khang zawng zawngte kha in bumna leh inthup nana a tih mai mai maw lo ni. Saingura chuan a thianpa taksa danglam leh a tha khur tan mek chu a hmu in a va kuah vat a.
"Thianpa, insum hram hram rawh aw. A tawp kan la thleng lo a nia." Saingura chuan Suakpuia beng bulah chuan a ti sa sa a, Suakpuia pawh a lo bu nghauh nghauh a.
"Le, engvanga i nu kha that nge in nih? Han sawi zo vek law law la mawle" Hrangkhuma chuan sir khat atang chuan a lo ti thawp sat a.
Ngaihtei chu a la in sut faih faih a, "Khami zan khan; Chawngzika hi kan mut hnuah kan thlamah a lo kal a, a hma zan lawk pawha ka nu mut laia kan lo chet dun tawh avangin hlauhthawnna pawh nei lem lovin ka nu mutna sir maiah chuan kan che dun leh a, chutihlai chuan ka nu kha a rawn harh ta thut a, mei eng a lo la mit bawk si lo nen; ka nu khan min hmu chiang viau bawkin ka hria, ka tih ngaihna hre lo chuan thlam banga chem in thiat chu chuh thutin ka nu kha ka sat ta mai a ni. Ka nu min ngaidam ang che aw, ka hamhaih lutuk tih ngaihna hre lovin khatiang khan ka che ta mai a ni, nu tih nat che hi ka duh ngai lo tih i hriat kha." Ngaihtei chu a tap zui leh rawng rawng a, a nu thi tawh chu a be zui mawlh mawlh a.
"A lo nih teh hrep chu a, in hurherh luat vangin maw!" Suakpuia chuan a ti mawlh mawlh a.
"Engvangin nge ka rawn hmuh che u khan khatianga i lo awm?" Saingura chuan Ngaihtei mitah tak chuan a melh kiau a.
"Khatia ka nu ka thah tak maiah khan tih ngaihna hre lovin ka awm reng a, Chawngzika hian zingah thlam rawn pan an awm velah khatianga lo awm tur khan min hrilh a, tichuan i thawm ka hriat khan lem ka lo chang ta mai a ni." Ngaihtei chu vaivuta thu in a la tap faih faih reng a.
"Awle, ka hriat duh chu ka hre kim thawkhat tawh e. Ka pa, an chungthu chu i kut a ni e." Saingura chuan Suakpuia chu a kal hranpui nghal a.
"Awle, tunah chuan engkim a fiah ta e. Rorel dan tur pawh thiam a har a, in hriat theuh angin mi nunna lak hi ka duh loh ber a nih avangin i nunna chu ka zuah ang che." Lal hmingthanga chuan Ngaihtei chu a en a, chumi hnuah Chawngzika lam chu a en leh a.
"I chungah hian engtianga tihtur nge ka hrethiam ta lo, he thihna ah hian i kut a tel loh rualin nangmah avangin hetiang thleng hi kan thleng a ni a, ka upa te kha rawn lut khawm ula, ro i han rel lawk ang u hmiang." Lal Hmingthanga'n a tih chuan lal upa te ho chu lal in lamah an lut dam dam a. Mipuite chuan pawn lamah an lo nghak thap a, tumah mahni in lama haw pawh tum lovin lal leh upate thu chhuak chu an ngaichang thap a, Ngaihtei leh Chawngzika chu an la din hual thap a.
Rei ngial an nghah hnu chuan lal in atang chuan lal leh upate chu an rawn chhuak ta sap sap a, lal Hmingthanga chuan a aw a thian kharh kharh phawt a. "Awle, ka upate nen kan sawi ho hnu in Ngaihtei hi he khuaah hian a chen ve a rem tawh lo anga, ka lalna ram huam chin chhungah hian hmuh a ni leh ngai a nih chuan a nunna in a tuar phah a nih pawn kei leh ka upate chuan mawh kan phur lo ang. Tin, Chawngzika pawh a thurualpuitu i nih avangin Ngaihtei ang bawka hnawh chhuah i ni e. Vawin ni tlak hma ngeiin ka khua atang hian in chhuak tur a ni ang. Ka rorelna sawisel leh hnial kalh duh in awm chuan anni pahnih hi in zui ve nghal mai dawn nia." Lal Hmingthanga chuan dam dapin sawi mahse a thusawi te chu nam nul chi a ni hauh si lo.
Buarpui khaw mipuite chu an kal bo pheuh pheuh a, mahni in lamah an haw zo ta vek a. Ngaihtei chu lal in tualah chuan a la in hnit faih faih reng a, a bulah chuan Chawngzika pawh a thu kun ngur bawk a.
"Tirawh le, i bungrua zuk siam fel ang le, helaia thut reng hian awmzia a awm lo e. Tirawh, keiman ka pui ang che." Chutia a hnunglam atanga a dara rawn khawiha amah rawn be tu lam chu Ngaihtei chuan muangchangin a en a, chutiang hunah chuan tuman an tanpui pawh a rin tawh loh laia chutianga rawn titu chu hmuh chian tumin a mittui chu a hru fai thuak a, a rin loh leh beisei loh ber a hmu tlat mai.
"Khatia min en reng lo khan tho la, puih che ka in huam lai hian kal vat ang." Ngaihtei chuan chet nachang pawh hre lovin a la en reng a.
"Usuakpui" Ngaihtei chuan a ti sup a.
"Aw enge ni? Tho vat la, i ken tur zu ti fel vat ang, khaw mipuite hian an dawh rei dawn hauh lo che a nia." Suakpuia chuan Ngaihtei chu a pawt tho lawp a, a kai nghal dawr dawr a, thui pawh an kal hma chuan Chawngzika vaivuta la thu reng chu a au leh a, "Nangpawh in peih rang ang che, in phatsan thei in ni tawh lo." Tiin Ngaihtei chu a kalpui zui leh hmawk hmawk a.
Chawhnu tlang her a nih meuh chuan Buarpui khaw kawt chhuahah chuan Ngaihtei leh Chawngzika chu in phur bawr luk chungin ram lam panin an kal hnak hnak a, Chawngzika chhungte chuan mittui tling pam chungin an thlir bawk a, chutih lai chuan an chhaklam Khiang kung buk hnuai atanga lo thlir ve rengtu Suakpuia erawh tuman an hmu hauh lo.
Zan a lo ni a, zawlbukah tlangval an lawi lut sap sap a; mahse, chu zan zet zawng zawlbuka tlangval hlim thawm leh in chhaih thawm hriat tur a awm lo, a reh hian a reh tlawk tlawk a, zing lama an thil hmuh leh hriatte chuan Buarpui khaw pum mai chu a la chiah hneh pawh a ni ta ve ang.
Tlangval ho nula rim tura an len chhuah hma deuh chuan Buarpui khaw ep chiaha tlang lian tak tak ngir khup mai zinga a lian leh sang ber Hmaihang tlang an tih chung zawnah chuan khawpui a ri dur dur a, tlang chung zawn van te chu a eng deuh pup a, chu thawm chu hriain Buarpui khaw nunau leh nu leh pa, pitar putar leh tlangval leh nula thleng chuan enge tih hmuh tumin an tlan chhuak sup sup a, Hmaihang tlang chung zawn eng pup leh khawpui niawm tak ri dur dur chu an thlir thup a. Hmaihang tlang hi Buarpui khaw ep chiah a nih avang hian khua atang pawh hian a lang chiang hle a ni.
Chutia an thlir thup lai chuan tlang zawna eng pup chu a reh tial tial a, khawpui ri pawh chu a reh ta hmak a, a thim zui ta hmuk a. Buarpui khaw mipuite chuan mak an tih thu an sawi sap sapa, engthil nge tih sawi thei erawh tumah an awm lo. Saingura leh a thiante pawh chuan chu thil mak chu an thlir ve reng a ni. Chutia a reh leh tak hmakah chuan mahni in lam theuha haw tumin an kal darh sang sang a.
Saingura pawh Zawlbuk lama let leh tumin a in her chiah tihah chuan van ah chuan thawm ring lutuk tak mai a rawn ri leh thuai a, rangtakin Hmaihang tlang chu an thlir zui leh thap a, chumi rual chiah chuan tlang chung leh a bul vel chu a rawn eng ta zuai zuai a, kawlphe ang mai hian hmun hrang hrangah chuan a eng phe zawk zawk a; Chu aimaha Buarpui khaw mite mak tih chu, chutiang kawlphe ang tak a en zuai chuan mihring na tuar rum ring tak hi ralah chuan an rawn chiau leh vawn vawn thin a, naupang ho phei chuan an nu leh pate phen atang an bih ve ngam chauh tawh a ni.
Saingura'n mak ti taka a thlir reng lai chuan, a bengah chuan fiah taka tawng ri a hre ta tlat mai, midangte chuan an hre ve nge hre ve lo a mitmei kual chuan hre ve awm pawn an awm lo, Saingura bengah erawh a ri ring hle thung.
"Hringmi Saingura chu va hruai ula, min pui turin va hruai thuai ru khai" tih ri chu Saingura bengah chuan fiah takin a rawn ri leh thin. Mak ti takin a hawi kual ruk ruk a.
"Saingur, kan mamawh che, min puih hun leh i thianpa nun i chhanna pangpar man i pek hun chu a lo thleng ta." Chu thusawitu chu Khuavelthangi aw ngei a ni, Saingura chuan rei tawh viau mahse zawlnu aw chu a theihnghilh hauh lo.
"Saingur, Saingur kan mamawh che..." Khuavelthangi aw chu a zawi tial tial a, a zuih ral ta...
Chhunzawm tur...
| Link: | |
| BBcode: | |
| HTML: | |
| Hide post links |
ADVERTISEMENT (A hnuai a milem hi a nia hmeh zeuh tur chu)