PASALTHA KHUALTHANGA LEH A THLAHTUTE MIZE MAK BY Keimah Mawitea Chawngthu Awmvetawp (Completed)

[Ngaia]

PASALTHA KHUALTHANGA LEH A THLAHTUTE MIZE MAK BY Keimah Mawitea Chawngthu Awmvetawp
www.storyfb.com mizo story thar englai pawhin chhiar tur a awm reng

A hmasain he thawn thu hi pasalthate story dangte angin pasaltha pakhat chanchin ngawr ngawr chhuina a ni dawnlo a, khualthang hat khawpa pasaltha Khualthanga thlahtute mize mak danglam tak nei, chhuan eng emaw zat atanga mize hrang hrang te chu kan thlir ho tur ber chu a ni dawn a, chhiartu tam tak te chanloh khanah a chhuak ngeiin ka ring a, thuziak thang pang ngailo keini ang tan chuan thu han thluaithlum vak kan thiam thinlo bawk nen, hriatthiamna nen min chhiarsak ula, a dikhlel lai leh a mawilo deuhlai te a awm chuan min hrilh hre zel turin ka ngen hmasa che u a ni.

Khawzing khua in za erhawrh lek khua chu tun hma kum tam tak kalta atang khan khaw inlungrual leh leido neilo khua niin, an lungmuang hle mai. An thenawm khua te nen in nghir ngho ve thin mah se, indo tak hi chu an indo ngai meuhlo a ni. Tum thum lai run tum an tawk tawh nain run hlawh tling anla awm ngailo a, a run tumtu te hi an tingmit dial zawk zel avang leh pasaltha remhre tak tak an khaw phuloa tam an neih vang a ni. Chung an pasal tha chhuan tawlawl zingah chuan thlangtute atang a mi huaisen leh khawtlang daingul ni chho zel Khualthanga leh a thlahtute hi a sulsutu leh hmahruaitu an tihloh theihloh ang. Pasaltha Khualthanga hun thleng hian Khawzing khua hi muangleiah an cheng a ni. Khualthanga thlahtute hi an hming a zirin mize danglam leh mak tak tak nei an nihna hian khual a kai vek reng bawk a, chung an thlahtute chanchin leh mize mak tak chanchin chu kan chhui dawn a ni. An thlahtu bul hriathlat theih ber chu Keingama a ni a. A hming atang reng hian a pa emaw a pu emaw hian sakei hi an ngam viau a nih hmela, hming hialah an chawiphah ta tlat reng a ni.

Keingama hi pasaltha khualkai khawp hiala huaisen a ni a, a larna chhan em em chu a hming a pu zo lutuk hi a ni. Sapui beih nikhua te hian hmahruaitu a ni zat zat thei reng mai a ni. Engtik lai mah hian sakei hi a hlau ngailo hrim hrim mai a, intawh sual thutah pawh eng ang lian sakei pawh nise thinphut eih pawh neilo in a hmachhawn nghal at thei reng mai a ni. Tumkhat an sakei beih chu thangpik hmunah hian a tawmbo tlat mai peka, chu thangpik hmun chu an pik em em khawpa, rahna tur lai pawh a hmuh theih manglo leh nghala, han luhchhuah ngawt lah chu chitiang ang pik bawn lutukah chuan Val upa ten tih chiah an ngai meuh bawk silo, thangpik hmun inchhung dung let thum velleka zauah chu hmun tin maiah chuan tlangval ho chuan chan chhuah tumin an chang thap mai a, chawhma zet an chan pawh chuan khawilamah mah rawn chhuah tumloin thangpik lai tak awm velah chuan a tawm tlat mai si a, lung leh mau bungten han tawngin han vawm thin mah sr, a awmhmun sawm tha duh vak lemloin a awmhmunah chuan a inhrosa in a rum hum hum reng mai si. An in nghak khawthim mai dawnin an hre tawh a, han luhchhuah em chu tih chiah an ngai meuh bawk silo, tih ngaihna hrelo zet a an awmlai chuan Keingama thinin a tuar talo, keimah keingama, Sakeingama ka awm alawm, mipa leh argluisenin damrei kan tum hleinem, kan luhchhuah anga, a meiah ka chaih dawn khawp tiin silai chu a dah tha sauh sauha, chrmpui nen chauh chuan luhchhuah tumin, val upa te dan hman hauhloh chuan thangpikah chuan a pilbo nghal ta mai a, ngaih thalo leh hlauthawng thaw dep dep chuan a chinchang chu anlo ngaitchang thap ringawt a, tuibur hmuamda vel zet thawm awmloa a reh vang vang hnu chuan Keipui inhrosa rum hum hum leh patling inhrosa thawm chu a rawn chhusk ta phut mai a, a tu ate pawh mai chu a hawi tang hru hru ringawt mai a, a ngaihna hrelo leh hlauthawng takin thawm chu an ngaithla kar ringawt mai a ni. Chutih lai chuan thil ri deuh dup hi ring takin alo chhuak a, chumi rual chiah chuan sakei rum ri pawh chu a nasa zual sauh mai bawk a, chutah thawk leh khatah sakei na tuar rak thawt ri chu an hre chawp chilh zui nghalin a ri ta dup mai bawka, a ngaihna hrelo leh hlau thawng taka an awmlai chuan Keingama aw ngei chuan thlanglamah a rawn tlan thla a nia, lo inring rawh u a rawn ti leuh lauh ta mai a, a mah pawh chu Sakei liamna lamah chuan a fimkhur takin a chhukthla ve nghal a, sakei pawh chuan a ngamloh valin a rawn zui tih hriain a tawlh thla ve zela, thangpik chu a chhuahsan ta nghala, a kal bai deuh saih saih a, a lu chu na tih hriat takin a thle chha chha bawka, thangpik a pelh pawh a kal chak hleitheilo hle mai a, a meihmawi atang khap khat vel chu ulhtliah tih hriat tak hian a thlep nan mai bawk a, thangpik hmun chu hlam hnih velin a pel ta maw tih chuan silai chu a rawn puak ri ta thuai thuai mai a, silai vawinga zet a puah takah chuan chu sakei hrawl tak pawh chu nunna nei tawhlo tih hriat tah chuan a awmna hmunah chuan alet hlawm ta reng a. Keingama chu a sakei luhchhuah dan an han zawhchian pawh chuan a sawi tha duh derlo maia, chapolo zet hian ramsa te chuan mihring hi min zah a, hlau miahloa hmachhawn chuan min kalsan ve mai thin alawm a ti duh lek a. A nihna takah chuan Keingama kha Sakeiin a rawn zuana, chu chu lo per san zauhin sakeiin a pelh chiah khan a meiah lo manin leicharah a pawt hlawm tawpa, a meichu elhtliak rawpin thingbung ban chen vel zet chuan a rem dan danin a vaw thum ta pawp pawp kha a ni a, a nghawnga a vuakna chu sakei khan na a tiin a lu pawh a kal zawng a he hu hu renga, a ngamloh atawng tih hriain a in saseng san ta kha a ni a, chu chu anlo kah rawn ta a ni. Hmingthan leh thangthat tumin rilru verther tak pu ni ngat sela chuan thangpik hmunah khan a that thei tih chu pasaltha leh val upa te chuan an hrechiang em em a ni.

Chuta tang chuan Keingaman sakei a hlauhloh zia leh a ngam zia chu alo darhin, a huaisen zia chu an sawi ta luai luai mai a, a hming chu a pu zo ta em em mai a ni. Heta tang chiah hian a thlah tuchhuan eng emaw chen chuan an fa hmingkohte hian an hming an puzoin, khualtual thang hat khawpa hming puzo hlir anlo nih phah ta a ni. Keingaman sakei a ngam zia chu khualtual thlengin a thang zela, sapui nghal tlakna khua khaw eng emaw zatah sapui beiin a zinchhuak hial nghe nghe a, a zinchhuaha sapui a beih tawhin hlawhchhamin a haw ngailo hrim hrim.

Chutianga a huaisennain khual a kai tak zelah chuan a mah belhchian tum mi tam takin an rawn tlawh awllo a, a zinnaah lah lo huphurh leh lo ertu anlo kat nuk mai a, chuti chuan a hmingthanna chu a zual tulh tulh a, hetia a hmingthan em em lai hian a kutzalah sapui hi pakhat bak anla thilo thing a, sapui an beih reng rengin a that duh ngai hauhlo a, val upa emaw an khaw pasaltha chhuanvawr ber emaw hi a hnuk a chhahtir zek thung. Midang tana beihnuam tawk leh che hleitheilo hian asiam te te a, a in saseng sanin midang kutah a dah hmak ta thin a, chu chu mi tam takin an ngaihsanna chhan pawh a ni reng thin. An thianhoa an zin emaw mikhual an neih reng reng mikhual hmai eng tawntu ber niin, khual nektu betah a tang deuh zel mai a, chu chu pu Vawmthianga pawn lo hriain a fa hmingkoh alo pian chuan Khualtawna tiin a tupa hming chu a sata a ni. A fapa Keingaman khual a tawn nasat em avangin chumi hriatreng nan chuan a pu Vawmthianga chuan chu a tupa chu Khualtawna tiin a hming a phuah ta a ni. Khualtawna chu alo puitlin hunah eng ang tak mizia nei ang maw......!!!

Keingama chuan a fapa Khualtawna chu chherhriam a tum hle mai a, ral beihdan hrang hrang te, sa beihdan hrang hrangte leh sa chi hrang hrang zia te, sa hram dan hrang hrang nen a zirtir awllo a, zawlbuk kairual a nih hma atangin huaisenna kawng hrang hrangah chuan a duailo hle mai a. Apa mi huaisen leh mi hrat khawkheng, khual kai hat khawp alo ni a, a nu lah pasaltha fanu mal, thisena pasaltha thisen luang alo ni leh zel bawk nen. Kum naupang te a nihlai atangin val upa leh pasalthate enthlak a ni der tawh mai a. A nu hi an khaw pasaltha chhuanber pawl Suakruma fanu neih chhun a ni a, nuta pahnih neiin a nutate pawh hi pasaltha tak niin an khaw in nghahna zing a mite an ni. A nu hi Thanpuii a ni a, a nulat lai hian a thiante nen an thingphurhnaah keite thankin zet hian an thian zaho hi a bei thut maia, Thanpuii thisena pasalthate thisen luang chu kai thoin keite thankin zet chu hreipuiin a chekhlum tawh a ni. Khawchhungah nu hnap mah se, ramlamah chuan a hram hle mai a, amah chauh pawhin a feh ngam tlat a ni. Chutiang khawpa nu leh pa huaisen, thisena hlauhna awmlo a neih avang chuan Khualtawna pawh chu a huaisen dawn tih chu chiang takin a hriat nghal ruak a ni.

Khualtawna se en rual a nihlai hian ui kawlh lian zet chu a benga manin a pawt phar dawr dawr mai a, a meiah te manin a chaih rak tuar tuar thei hial tawh reng a ni. Thingnawi fawm rual a rawn nih meuh phei chuan a danglamna chu rawn lang zelin midang aiin thing a fawm tam ziah bika, thingthu indah hlat siakah phei chuan han khing pha reng reng an awmlo. Apa hian mikhual laka awmdan hrang hrangte, midangte biang biakdan zawng zawngte nen lam a zirtir uluk em avangin zawlbuk a kai hma hauh atang pawhin a zei thlarh mai a ni.

Chutiang taka zirtirna tha dawng a nih avangin mikhual leh khawtual pawhin an lawm hle mai a, mikhualte lo chhawna lo ti tlangnel tu ber a niin a rawlthar chhuah hma hauh pawhin a hming a chher dertawh a ni. Chutiang taka mi danglam chu an khawtlang muantu a rawn nih chhoh ngei chu an ring tlat a, a chungah khawtlang mit a fu thup tih mai tur a ni. Rawn tlangvalin rawn puitling tase eng ang tak ni ang maw tih chu mite hriat chak a ni tlat....

Hun a kal zela, Khualtawna pawh zawlbuk riak rual alo nih ve chuan zawlbukah a riak ve ta a, tlangvalte chuan anlo buan ve ta ngei mai a, tumah han khing pha reng reng an awmlo. An khaw buan chak ber erawh a inhneh luihtir a, an khawbuan chak ber pawh chuan thaah a phaklo tih chu a hrechiang tu ber a ni ang. Chumi a chin chu mikhual an neih reng rengin mikhual buantu ber leh mikhual hmai eng tawntu ber alo ni chho tan ta. A ni pawh hian a hming Khualtawna nih chu a pu zo tan ta hle mai. A hmalam hun hriat ni mah suh se, amahah chuan an khawtlang chuan beiseina an nei chho thup tawh a ni ber mai. An zin vah velte hian aia upa tam tak awm mah se midang dawrtu berah an ring tan der mai a, a kut lah chu a hmuiphian mai leh nghala, an khuaah amah anga sa kap thei an awm meuhlo. Apa Keingama aimah hian sa ala thei emaw tihtur a ni. Chuti chung chuan a in ngaitlawmin a inthlahrun hmel em em thunga, mikhual an neih leh khualkhuaa an zin tum erawh chuan ati tlangneltu ber a ni si. Chungte tak chu mite mak tih a tling hial a ni. Apa Keingaman a hming pu zo em em in Sakei a ngam em em a, chutah a fapa Khualtawna chu alo tlangval chhuak ve hlawta, khualtawn tu berah a thiante hoin an ring chawt a ni bera, tun ang zela a thanlen chhoh zawngin a ni pawh hi hming puzo tak leh khualkhua thang hat khawp a nih chhoh ngei hi an ring tlat a ni.

[Ngaia]

*PASALȚHA KHUALTHANGA LEH A THLAHTUTE MIZE MAK 2*
_Keimah Mawitea Chawngthu_

1 Recap
Hun a kal zela, Khualtawna pawh zawlbuk riak rual alo nih ve chuan zawlbukah a riak ve ta a, tlangvalte chuan anlo buan ve ta ngei mai a, tumah han khing pha reng reng an awmlo. An khaw buan chak ber erawh a inhneh luihtir a, an khawbuan chak ber pawh chuan thaah a phaklo tih chu a hrechiang tu ber a ni ang. Chumi a chin chu mikhual an neih reng rengin mikhual buantu ber leh mikhual hmai eng tawntu ber alo ni chho țan ta. A ni pawh hian a hming Khualtawna nih chu a pu zo țan ta hle mai. A hmalam hun hriat ni mah suh se, amahah chuan an khawtlang chuan beiseina an nei chho țhup tawh a ni ber mai. An zin vah velte hian aia upa tam tak awm mah se midang dawrtu berah an ring țan der mai a, a kut lah chu a hmuiphian mai leh nghala, an khuaah amah anga sa kap thei an awm meuhlo. Apa Keingama aimah hian sa ala thei emaw tihtur a ni. Chuti chung chuan a in ngaitlawmin a inthlahrun hmel em em thunga, mikhual an neih leh khualkhuaa an zin țum erawh chuan ati tlangneltu ber a ni si. Chungte tak chu mite mak tih a tling hial a ni. Apa Keingaman a hming pu zo em em in Sakei a ngam em em a, chutah a fapa Khualtawna chu alo tlangval chhuak ve hlawta, khualtawn tu berah a țhiante hoin an ring chawt a ni bera, tun ang zela a țhanlen chhoh zawngin a ni pawh hi hming puzo tak leh khualkhua thang hat khawp a nih chhoh ngei hi an ring tlat a ni.

Chutiangin hun alo kal leh deuh chuan Khualtawna pawh tlangval puitling alo ni veta reng mai. A pian a țhain a hleitling a, a sa a inphutin a inkhaithli țha bawk a, a zinchhuahna a piangah amah avangin nula tamtak an buai nak reng a ni. Khawchhunglamah pawh a awm hman meuhlo emaw tih turin ram lama a riahloh lai lahin khawtlang leh mimal thil avangin a zin chhuak deuh reng mai bawk nen, khualkhuaah phei chuan nula lakah a tlana nasa mai si a. Tualchhungah chuan mitmei tu leh hawlo fe fe tam tak awm tho mah se, amah hi khawtualah a awm tlem em avang hian amah lo mitmei tute pawh a hre meuhlo zawk a ni. A zin tam lutuk hi khawdang hi a khua zawk emaw tih tur khawp hi a ni ngawt mai. A țhian hnaivai deuhte chuan khual tawn tur chuan Khualtawna tluka țha hi an awmlo an ti hial reng a ni. A ni pawh hian a pa chhunin a hming a pu zo viau chu a nia.

Țum khat chu a ramchhuahnaah mikhial tu tih hriatloh nen hian an in bakkaih deuh a, a ni thinthawk chuan a kaptlu ta tawp mai a ni awm e. Chupa chu khawi khua leh tui nge tih pawh tun thleng hian anla hrelo a, kei he thu ziaktu pawh hian phuahchawp tur pawn kala hre bik chuanglo a nih hi. Mi țhenkhat chuan mi khual vakvaia lo ti tawk an awm nawk reng a ni. Khawdang nena an inbakkaih chang te hian a hming pu zo takin khual tawn hmasa tu berah a țanga, țawngkam țhaa mikhual dawr ngai se a thiam bel em em leh mikhualte hnehtheih dan leh remthu sawi pui thiam em em alo ni leh zel nen. Chu a ze mak tak chuan khual a kaiin khua leh khua inrem theilo khaw sawm chuang zet chu remthu a sawipui thei tlat reng a ni. Hetianga mikhualte chunga theihna danglam tak a neih vang hian mi tam tak chuan Khualtawna ni awm reng a ni lo ti tawk hi an kat nuk reng a ni.

Insawi thei duh ngat se chu khawkhat nula chhuanvawr țhiau nula eng emaw zat hi chu ka nula ti thei dinhmunah a ding ngei ang. Mahse chutianga insawi thei a ni hauh silo. Khawtual nula tam takin an khartung sawn turin beiseiin a chhungpuinu atan țan iailo hlawm hle mah se, a ni ngaihtuahnaah erawh Khualtawna tih takah chhingkhual lanu tawnah suihlung lairuk a luangliam thung si. Hun alo kal deuh phei chuan an khawthenawm khawnbawl upa fa mal neih chhun, khual thang hat khawpa hmelțha ngei chu nupuiah a nei ta nge nge reng a ni.

Chutiang khawpa nupui hmelțha a han nei mai chu a mak hran lo, amah hrechiang tute chuan khualkhuaa a theihzia nen an ngaihtuahin mak an ti hauhlo. A pa Keingama hial pawhin khualkhuaah hian kalo kual nasa tawh hle mai a, ka monu tluka hmelțha hi ka hmuhawm pawh kala hrelo a ti hial reng a ni. Khualkai khawpa hmețha leh thang hat nupa inkarah chuan eng ang tak mihring lo piang ang maw.....

Nupui a neih hnuah pawh Khualtawna chu Khualtawna tih takah khualkhua ațangin puntu a nei bang chuanglo. Mikhual biangbiak a thiamin ala hmuh ngailoh pawh hun reilo te chhungin a kawm tlangnelin inhresa ang maiin an inkawm bawrh bawrh thei tlat reng a ni. An nu pawh hi a hlauthawng ve fo reng a, nula laka a tlaknat zia hretu tan chuan ngaihțhatloh pawh a awm vetho reng a ni. Mahse Khualthanga hi a tlangval laiin nghal ru viau mah se, nupui a neih hnuah erawh a nupui tan hian a rinawm bur thung a ni. Hun alo kal zela, nikhat chu chhun lai takah khua a rawn dur khup khup a, chhum a rawn zing phui chuka, ruah a rawn sur buan buan bawk a, chutih lai mek chuan Khualtawna nupui chuan nau a vei ve mek bawk a, nau a rawn piang ta. Chutih lai tak chuan Sakei hi a rawn hahum tuar tuara, vawithum ngawt a rawn hahum hnu chuan a reh ta hmak a, mak anti tlang hle. Chutianga a ngaihna hrelo deuha an awmlai leh, Sakei chu beihmaitur em ni aw an tihlai mek chuan an zinga upa phanchang ve tawh tak chuan mi ropui lo piangchhuak a lawm ve a nih chu. Pawi a khawihlo ang a rawn ti ta maia. Mak an ti tlang hle. A sawi ang tak tak chuan pawi engmah sawiloin a reh zui ta hmak mai a ni. A hmaa khua a nawmloh tehreng reng nen, Khualtawna fa alo pian chhuah meuh chuan ni rawn sain a eng ta ut mai si chu mite mak tih leh a ngaihna an hriatloh, an sawizui tawp hleihtheihloh leh an sawi ban theihloh a ni tlat. Nizan thleng khan ka mumangah minla hrilh fo nia. A fahming kohah mipa a hringa, a pu Keingama chuan a hming phuahin, a pa hmingchawi ni pah fawmin leh, a pain mikhual tu tih hriatloh a kahhlum avang ni pah fawmin a hmingah Khualkapa a sa ta a ni.

A pian ni a thil thlengreng a makin a danglamin a maka, Khualkapa hi alo seilen hunah eng anga ropui la ni ang le aw tih chu mitin zawhna a ni a,hrelo leh hrelo
an in zawt sup sup reng mai a ni. A hreber kei lahin a hun hma chuan ka sawiduh der mang tak silo a. Lo inrin siak nuai nuai phawt mai teh se.

Khualkapa alo pian meuh chuan an chhungkua leh khawtlang chuan an hlimpui hle mai a, a pa Khualtawna hi Khuala an ti mai thin a, a ni Khualkapa pawh hi thenkhatin Kapa han ti ve bawk mah se, atam zawk hriat dan chu Khuala tih tho a ni. Fiamthu duh țhenkhat ten an inpawn ațang hian Khuala pa tiin an han ko țhina, patling pahnih an eihlauh mai thin a, an nuih aza thei hlawm hle. A sentet ațangin Khualkapa chuan chhungkua leh khawtlangah hlimna a thlen der chu a nia, alo seilen hun chu mitin nghahfak a tling emaw tih hial tur khawp a ni. A mah a pian a țhain a ngo a, a ruakhau em em mai lehnghal a. Khuavangte chhinchhiah bik emaw tih mai tur hi a ni. Chutiang renga naute hmelțha chu an khuaah leh a chhehvelah chuan an awmlo ti ila kan sawisual tam awm lo e. Lo seilianin lo tlang val tase lasi te meuh pawh amah avangin an in tibuai ngei ang tih khawp hial a ni.

Alo leikang ve ta deuh a, thil an khalh duhte lah hi a mak thin teh e, silai leh milulak chem te hi khalh an ngen tlat mai pek thin a, a pu Keingama lah hian a pe mai zel bawk si. A pa tihngaihna hrelo hian silai lem leh chempui lem hi a siam sak ta ringawt a, chung bak chu thildang a khalh ngai meuhlo a ni. A țuan lah a țha em em mai lehnghal, kum a tlin hma hauhin a kal thei der mai lehnghal. A kal thei ter ter tih hian kelpa kawlh zet hian sik tumin a inhrosak khum a, Khualkapa lah chuan hlauh a hnekin chu kelpa kawlh beng tawn tawnah chuan manin a țham be tuar tuar maia, a hmutu te chuan mak an tiin khawtlang titi a tling nghal der ringawt mai a ni. Chutiang khawpa mi dangdai an khuaa an piang chu an khawtlang pawh an hlim tlang hle.Tunah chuan Khualkapa pawh naupang pawnto rual alo ni ve ta a, mak tak maiin a pawnto ve te hian in selem chaih leh indo lem bakah a tel ve duhlo reng reng. Thildang chu hmeichhe tih chi a ti mai zela, a rualpui zingah lianber hranlo mah se, a luhlul em em maia, han vel țap thei an awm ngailo. Chutih laiin aia upa te a zah thiamin tirh a hnial ngailo a, a pu Keingaman nunphung engkim uluk taka zirtirin a kaihruai țhin a ni.

A pi leh pu, a nu leh pa kaihruaitu a neițha bawka, Khualkapa chu a rualpui te zingah chuan a danglamin a fing em em mai a, a huaisen em em bawk a ni. A thinlungah hian hlauhna in hmun a chang phalo mai niloin hlauhna hi eng e a hre meuhlo emaw ni chu aw tihtur khawpin a naupan lai ațangin a khawsa tlat a ni. Thingnawi fawmrual a lo nih chinah phei chuan chu a huaisenna chu a pung emaw tih tur khawp hian a rawn huaisen a, thingthu indah siakah te hian han khingpha an awm tlatlo. Țum khat chu thingthu indah hlat siakah an in hniala, chu mi chu hriain val upa ten an fiah ta ngat a, Khualkapa chuan ramri thlengin a dah a, zan thilah phei chuan tlangval tam zawk hi ramri lui thleng mahnia kal ngam an awm meuhlo a, akal ngamte hi an khuaah pawh mipui chunglam ang hialin an ngai reng a ni. An han fiah pawn a dik thlap si a, chuta țang phei chuan naupang huaisen tiin khual a kai hial reng a ni. Khawikipah pawh kal se a pa silai lem siamsak hi a keng tel zela, a pa leh a puin ral leh sa beihdan an hrilh țhinte chu a zir nasa thei hle a ni. Țum khat chu a huaisen zia hriatchian nan leh fiahnan thingthu nung indah hlat siakah an cho chhuak alawm le, a thingthu dah chu tlangval țhenkhatin an zui ru a, a thingthu dah a haw lam chu anlo changin kawngchhakah anlo biru a, a rawn haw lam chu țhenkhatin a hnungah zuiin a țhenin kawng chhakah thawm anlo chhuah ve bawka. A ni Khualkapa lah chu hreawm pawn a awmlo. A kal ngaiin a kal mawp mawp mai a ni. A kal chak phah chuang hauhlo nia. Chutah lungțhilin an han vawm te chuan inva han dawih tak em, inlan ngam mang siloin ka vawm e te min han ti a, inlan ni ula chuan phung ka ti anga, in thal hawl hawl ngei ang tiin a silai lem te chuan a kap der mai mai a, an han vawm leh chuan a ning ta deuh a ni ang, lung kuttum tia lenglawng hian vawm let ve țhuaiin, inrawn inlan ngamloh chuan thlawkbo rang rawh u, dawihzep ho a ti ta piap mai a nih chu. Tlangval ho pawn chhaih chhunzawm chiah ngailoin mak ti takin a hnung daihah an zui ve ta zawk a, a tukah chuan chu thu chu a khaw khahin a khat nghal nuai reng a ni.

[Ngaia]

*PASALȚHA KHUALTHANGA LEH A THLAHTUTE MIZE MAK 3*
_Keimah Mawitea Chawngthu_

2 Recap
Țum khat chu a huaisen zia hriatchian nan leh fiahnan thingthu nung indah hlat siakah an cho chhuak alawm le, a thingthu dah chu tlangval țhenkhatin an zui ru a, a thingthu dah haw lam chu anlo changin kawngchhakah anlo biru a, a rawn haw lam chu țhenkhati a hnungah zuiin a țhenin kawng chhakah thawm anlo chhuah ve bawka. A ni Khualkapa lah chu hreawm pawn a awmlo. A kal ngaiin a kal mawp mawp mai a ni. A kal chak phah chuang hauhlo nia. Chutah lungțhilin an han vawm te chuan inva han dawih tak em, inlan ngam mang siloin ka vawm e te min han ti a, inlan ni ula chuan phung ka ti anga, in thal hawl hawl ngei ang tiin a silai lem te chuan a kap der mai mai a, an han vawm leh chuan a ning ta deuh a ni ang, lung kuttum tia lenglawng hian vawm let ve țhuaiin, inrawn inlan ngamloh chuan thlawkbo rang rawh u, dawihzep ho a ti ta piap mai a nih chu. Tlangval ho pawn chhaih chhunzawm chi ah ngailoin mak ti takin a hnung daihah an zui ve ta zawk a, a tukah chuan chu thu chu a khaw khahin a khat nghal nuai nuai reng a ni.

Chuti taka naupang huaisen chu an khaw daingul ala ni chho ngei ang tih an ring vek a, pasalțha leh val upa te maibakah tlema mi vengva deuh chin chuan a rukin an enthla thup mai reng a ni. Amahah chuan beiseina sang tak neiin a puitlin hun chu an nghak thap mai a ni. Alo leikan deuh hnu phei chuan amaha mi danglam a nihna chu a rawn lang telh telh a, a thisena pasalțha thisen luang chu hmuh hmaih theihloh khawpin a rawn huaisen chho ta reng bawk a ni. Hetih lai hian leido nei chiahlo mah se, ramri chungchangah an thenawm khuate nen inhriatthiamlohna neuh neuh erawh chu an nei chho tan a, eng emaw thutah leido nei mai thei dinhmunah an ding tlat a ni. An khaw țhenawm te hian khuavang ramri kham sak sa chu duhtawkloin ramri piah mual chu an rawn chuhpui ti tih tlat mai chu an inhmuh mawhna bul chu a ni. Chu ramri buai chung chang chuan Khualkapa tan hming chherna hun țha a rawn herchhuahpui zawk dawn niin a lang thung. Eng tiang takin chu ramri buai chuan nghawng nei ang i maw......!!?

Tuna an indo loh chhan pawh hi Khualkapa pu Keingama anlo hriat chian tawh a hnu hmanah, a fapa Khualtawna lah an buaina tam tak chin felpui tu a lo ni bawk nen, an do ngamlo mai chauh a ni a, chu chuan eng chen nge a daih ang tih pawh a hriatloh reng a ni. Alan dan chuan kum tam tak chu lungmuangin an awm hmel dunloh khawp mai. Eng emaw inbah sual hlauh thilah chu indona mei chu chhit alh mai reng theih a ni tlat a ni. Chutiang dinhmuna Khawzing khua an awm takah chuan a rukin inzirtirna an kalpui alo ngai ta a ni.

Chutiang boruak karah chuan lengin mi tam tak chu an phawklekin an chiai ru hle hlawm mai a, mi tam tak an chiai chu a awmlo hranlo. Hun rei tak leido neiloin lungmuangin tual anlo chai ho tawh a, muangleia chen a nawm zia leh a hlut zia an hre tlat a ni. Chutianga hlau thawng reng renga hun hman chu a tu a te mai pawh chuan an chak lemlo tlang vek niin a lang. Chutianga mipui an chi ai lai pawh chuan Khualkapa thung chu boruak hre awm pawn a lang lo a, a nunphung a buai phah hauhlo mai te chu a makna tak chu a ni. A hmelah hlau hmel alang loa, chak zawk leh phur hmel tak chu a lang zawk tlat a ni. Amah la naupang deuh mah se, a chezia leh hawiherah chuan in nghah ngamna khawpa huaisenna chu a lang tlat țhin thung si a. Chutianga boruak in mung karah chuan a ruk thei angberin indo hmachhawn thei turin ralkai chin chu val upa leh pasalțha te kaihhruainain ral beih leh indo nunchan chu an zir dawn a ni. Khualkapa tan erawh a tette atanga alo zir țhan a ni a, thil thar tehchiam a nih hmelloh. A pu leh a pa atangin a inzir nasa tawh tlat ani. Zawlbuk la kai chiahlo mah se, ralkai rual tih theih a nih tawh avangin chu boruak chuan a thisena pasalțhatna chu a kai chhuakin in ralban chu a tum hauhlo a, in lamah lah nise a pu leh a pa chuan huaisen chu an zirtirin indona pawh lo thleng se tlanchhiat sana nun humhim ai chuan mipa fa chuan a hmelma chu a thih chilh ngam tur a ni tih chu a ni bur mai si. Hmeichhe lungno deuh tan chuan an ni pafa ho han inzilh vel chu țahpuina tham hial tur khawpa rorum a ni tlat a ni.

Indona la thleng chiahlo chungin uluk taka invena lo inbuatsaih chu Khawzing lalpa Lalnguaua chuan a țhaa a hriat avangin a pasalțha te leh val upa te hnenah chuan mipui hriatlohin indo nunchan chu zir turin thu a ti tlu a. Indo turin pheichheh an siam mek chu a ni si. Pasalțha leh val upa ho pawh chuan an lalpa Lalnguaua thupek ang chuan an țhalai te chu a in tahtawlin ralbeih leh indo chu an in zirtir ta tlauh tlauh mai le. Khawzing khaw țhalai ho in indo zira nunchan an han zir tak tak mai zawng daihnai velte chu a pet hian a pe vek vuk mai a, inbawh chilh huna inven dan te, țanrual dan hrang hrang te an han zir chuan nuam an tiin an mahniah chuan hmuh theih khawpin in rintawkna a lang thei hial a ni. Nun chan an zirnaah chuan pasalțha leh val upate mit la tu chu Khualkapa bawk chu a ni leh peka, tette atanga zirtirnațha tinreng dawng tihtakah a che reng reng chu a dik thlarh mai a ni. Amah a hmelțhain a pian a dika , palian nilo mah se, mizopaah chuan pa vantlang tak a ni a, a hmelțha em em mai chuan indo mi a nih duhloh hmel tehlul nen, indona hmachhawntur chuan a inpeih em em mai bawk si a ni.

Khualkapa danglam bikna em em pakhatchu silai a hmang thiamin a che rang em em hi a ni. Piang tawh zingah a ni ang tluka silai thun rang hi an awmlo ang tih khawp hial a ni. A sawi uar deuhte phei chuan Laiphir ri tluk deuh thawin a rang an ti hial a ni. Pasalțha țuanțha pangngaiin vawi thum an kah chhungin vawi nga a kap hman hial a ni. Chu chuan a hmalam hunah hmingchherna leh a invenna atan ala pawimawh dawn em a ni. Vawikhat chu apa nena an ramvak chu sarual sawm vel zet an tawng fuh a, Khualkapa chu la nau deuh mah se inzirnan a pu silai a hawl chhuak ve a, apa nen sarual an han bei chu a pa thal thlah hnu chiahin thal a thlah ve a, engtik laiin nge a mu a sawh hman tih pawh hriat mangloh khawpin sanghal hnukhawi sum li vel tur tlanliam mek chu a thal leh hmana, a pa pawhin mak a ti hial zawk reng a ni. Chumi țum chuan sarual sum nga pahnih leh sum li pakhat an kap der mai a ni. Chuta tang phei chuan a pa ngei pawh chuan mibik a nih zia a hrechiang ta hlea, a fapa theihna a hriat chuan a tihlim hle nghe nghe a ni. Mahse pa fimkhur leh invawng fel, chapolo leh nun ngil a nihna lo lang nghalin mi bik a nihna te, mi aia a chungnun na te chu chapopuinan leh intih theihnana hmanglo turte, mite hnuaichhiahnana hmangloa, midang tana malsawmna nih pui turte leh uluk leh fimkhurnana hmang zawk turin a chah mawlh mawlh ta zawk a ni. Mibik a nihna chu mite enbik a hlawhna tur thlengin a chah awlloa, a ni pawhin uluk taka ngaithlain a pa fuihna chu zawm ngei a tum bawk a ni.

Hun lo kal zelin Khualkapa pawh zawlbuk kai ve tawhin an khaw thenawm Mangtaibawk khua nena an ramri avang chuan an boruak a sang ta tak zet mai. Inchem har thei mai reng an nih avangin fimkhur pawh an fimkhur tawh a, zantin a inchhawkin ral an inven chhawk ta zak zak reng mai a ni. Chutiang boruak karah chuan a rukin ramri pawh an thlithlai ta foa, țumkhat ramri anbeiseiloh thil an tawng ta tlat mai le. Hemi țum hian Khualkapa pawh pasalțhate hnung zuiin a kal ve a, apu silai bawk chu a hawlchhuak ve a, Mangtaibawk pasalțhate chuan an ram hauh chin chu lo chian vein, Khawzing ram china anlo chhal Mualpui ngaw pharh duai mai chu an rama rinluh tumin perh anlo tar nghauh nghauh mai an hmuh meuh chuan indona chu țanin a awm der chu a ni mai e. Pasalțha te chu inbiain thumum an neih theih tak loh avangin tharum leh thiam thil hmanga chinfel alo ngai ta a, an khaw aiawh pasaltha te ve ve chu chempui nen inbeiin a vannei zawk zawk dinchanna chu tan a ni ta. Kawzing pasalțha te leh Mangtaibawk pasalțhate chu an in ep at mai a, silai hum far chungin an pasalțhate inbei lai chu an thlir ta țhapa, eng emaw thila chemai thei tur chuan an inring țhap mai bawk a, pasalțha pahnih an han in nuai tak tak mai chu a hmuhnawmin a pui rep rep teh e, an insat, an indang, an in zuan, an inbawhchilh, an inbum tawn zak zak bawka, chutianga rei tawk tak an innawr tawn hnuah chuan thil mak tak lo thlengin an han inzuan leh chu a rual chiaha inzuanin an lu an inchhawk sak hmawk ve ve ta tlat mai le. A ngaihna hreloin a khawilam lam pawh chu an ka ho ringawt mai a, chutah tak chuan Khualkapa mibik a nihzia lanna chu, Mangtaibawk pasalțhain an val upa kah a tum lai tak chuan bawk vek ru a rawn ti tuarh mai a, an val upa chu a nam tlu rawp mai a, chumi rual chiah chuan silai rawn puak nghalin an val upa ban chu thi sar sar thei khawpin a rawn thawi a ni. Chutianga chengrang a au takah chuan a remchang apiang chu inphennan hmangin an inkap zui ta mawlh mawlh mai le. Khualkapa silai chu a ri chawllo emaw ni tih tur chuan a rawn ri zawt zawt reng mai a, pathum lai a saitlu hmana, midangin hoin pathum bawk anlo saitlu ve bawka, anmahni lam chu pakhat inchan belh vein midang pahnihin hliam tenau an tuar ve bawka, hmelma lam chu an pasalțha rual pasarih lai an tluk tak avang chuan ala dam pali vel chu an tawlhkirin an in saseng ta zawk a, chuta Khualkapa chetdan chu mak an tiin tluklo an inti hle mai a, Khualkapa ni awm reng alo nih hi an ti țan ta a ni. Hmelma lam pawhin a ngaihna an hre biklo, hmunkhat a țanga rang tak taka silai rawn puak kha mak an tiin an hamhaih a, chulai tak chuan midangin hun țhaan neihphah ta a ni. An hmelma te an in saseng takah chuan Khualkapa te ho pawh inhmu khawm nghalin val upain rorel nghal zung zungin an pasalțhate ruang zawnna tur hlang siamin an insaseng ve ta nghal a, an mithahte ruang pawh chu hmunkhatah dahkhawm sakin khaw ințhenawm an nihna avangin an lu pawh tansak loin, an kut zungpui pakhat theuh an tansak ta zawk a, an ruang pawh chu an rawn lak duh ve ngei ringin Val upa ngilnei tak avang leh an lalte zirtirna avangin hmelma te chungah pawh zahngai leh ngilnei takin anla khawsa thei zawk a ni. An hmelmate ruang chu hmunkhatah dahkhawmin an chhawlchhin thlapa, an in saseng san ta a ni.

Khualkapa te chu hmanhmawh taka kalin zualko pakhat intirin an inzawn haw a ni a, tlangval dang te anlo thleng ta bawka, chawl khawmuang loin an kal ta zel zawk a, kawtchhuahah pawh hlado emaw, bawhhla pawh chham lemloin khua an lut tlang nghala, hei hi a chhan pawh rammu pangngaia chhuak an nihloh vang leh, an pasalțha pahnih an chan vetho vangin val upa chuan țul a tih lemloh vang a ni. Lal in an thlen chuan mipui pawh anlo pungkhawm hmur tawh a, lo tap rawih rawih tawk lah bolo. An lalpa chuan thu tawi sawiin an val upa chu an thiltawn dan chanchin a han sawi tira, thil awmzia an han hriatchian meuh chuan tlangval ho chu an thinrimin indona mei chu a alhchhuak a ni der ta mai. Lalpa chuan thu tlem sawi lehin an pasalțha te thihna chu pawi a tih thu te, ngawihbo pui mai mai chi a nihloh zia te a sawi dap dap hnu chuan mitthi inlamah an liam ta duak a. Zan lama rorel turin khawnbawl upa leh val upa leh pasalțha te chu a hrilh nghal bawk a. Chumi zan chuan Khualkapa chetdan rang lutuk chuan khawchhung chu a luah khat nghal vek a ni.

[Ngaia]

*PASALȚHA KHUALTHANGA LEH A THLAHTUTE MIZE MAK 4*
_Keimah Mawitea Chawngthu_

3 Recap
Khualkapa te chu hmanhmawh taka kalin zualko pakhat intirin an inzawn haw a ni a, tlangval dang te anlo thleng ta bawka, chawl khawmuang loin an kal ta zel zawk a, kawtchhuahah pawh hlado emaw, bawhhla pawh chham lemloin khua an lut tlang nghala, hei hi a chhan pawh rammu pangngaia chhuak an nihloh vang leh, an pasalțha pahnih an chan vetho vangin val upa chuan țul a tih lemloh vang a ni. Lal in an thlen chuan mipui pawh anlo pungkhawm hmur tawh , lo țap rawih rawih tawk lah bolo. An lalpa chuan thu tawi sawiin an val upa chu an thiltawn dan chanchin a han sawi tira, thil awmzia an han hriatchian meuh chuan tlangval ho chu an thinrimin indona mei chu a alhchhuak a ni der ta mai. Lalpa chuan thu tlem sawi lehin an pasalțha te thihna chu pawi a tih thu te, ngawihbo pui mai mai chi a nihloh zia te a sawi dap dap hnu chuan mitthi inlamah an liam ta duak a. Zan lama rorel turin khawnbawl upa leh val upa leh pasalțha te chu a hrilh nghal bawk a. Chumi zan chuan Khualkapa chetdan rang lutuk chuan khawchhung chu a luah khat nghal vek a ni.

Chutianga silai hiala an inkah takah chuan Khawzing khua leh Mangtaibawk khua te chu leido khua anlo ni ta a, an pasalțha thi ta te a vang chuan Mangtaibawk khua chu an ngawih bo mai mai a rinawmlo a, chu a chhapah ram chuhpui tu zawk an ni bawk nen, an ram hauh chin tih chian nan indo chu an inpeih viauin a rinawm a ni. An inkah hnu khan Khawzing pasalțhate lak atanga tawlhkir hman mi pali te chu inhmu khawm ve leh nghalin an hmelmate chetdan chu a ruka thlithlaia, an in saseng hnuah an hmelma ten an țhiante lu an lak vek ringin an kut zungțang tal an chhungte hmuh atana hawn sak hram chu an tum ve a ni. An hmelma te chetdan vel an hmuh chuan Mangtaibawk tlangval te chuan mak an ti hial zawk a ni. Hmelma an ni tawh chung leh anmahni thiamloh an ni chung pawh a zah an ngaiin an hmelma te lu lak chu sawiloh, zahtaka dahkhawma anla chhawlchhin thlap chu mak an ti hial zawk a ni. An val upa rorel dan te chu an birukna ațangin an hrephak ve vek bawk a, ruang an hlawm theihnan a an insaseng te chu mak an ti zawk em em a ni.

Mangtaibawk tlangvalte pawh chu Khawzing pasalțhate an liam veleh chuan an inbeihnaah chuan chhuak nghalin engtia kalpui chi nge tih ngaihtuahin an buai hle mai a, an ni mi pali lek tan chuan mi pasarih lai ruang chu zawn haw zawh rual a ni bawk silo. A tawpah chuan pahnihin an țhiante ruang chu lo vengin pahnih chu zualkoin thilthleng engkim zep loa lal hnena thlen turin an intir liam veta ngawt mai a ni. Hman hmawh taka kalin zualko te pawh chuan an khua Mangtaibawk chu thleng thuaiin an lal in chu an pan ding nghal chat a, an lal Kulhpuia hnenah chuan thil thlendan engkim mai chu an hrilh tlang nghalin, Khawzing pasalțhate nena an intawn dan te, an inhnialbuai dan te leh an inbeih tak dan zawng te, chumi hnua thil thleng hrang hrangte chu hrilh fiah nghal vekin rawlthar te mai silai kap thiam lutuk mai leh cherang lutuk mai chanchin nen lam chuan an sawi ta vek a. Rang taka tlangau chu tir nghalin an pasalțhate chetsual chung chang khaw mipui ten an han hriat meuh chuan boruak chu a țang at at hle mai a, lal Kulhpuia chuan thilthlendan chipchiar chu sawiloin a pasalțhate leh Khawzing pasalțhate intawhsual avanga ruang hlawm ngai an awm thu chauh sawiin thil dang chu a upa leh val upa te, a pasalțhate nena an la rel țhat leh tur a chhilhin, ruangla turin tlang val ho chu a tirliam nghal a. Tlangval ho pawh i he loin an liam nghal ta duak a. Khualkapa chu a hming la hrelo mah se, a chetdan vel an sawi chu mak an tiin thenkhat phei chuan an awihlo hial zawk a ni. A chelai hmulo tu tan chuan han awih chi ziazang ni heklo le. An sawi uar mai mai a ni ang ti tawk lah bolo. Chumi a tang chuan Khualkapa chuan hming a chher țan chu a ni si a, a țhian ten mi pathum an kah tluk rualin amah chauhin mi pathum alo kap tlu hman rengmai kha mak tihloh rual a ni mawlhlo bawk atin ni. Naupang te ni chunga chutianga an che țha nghal mai leh a vawikhat tawnna a zam hauhloa hmelma a hmachhawn mai chu alo puitlin tak tak hunah eng ang chiaha ropui la ni ang maw tih chu an khaw tlang titi ber a ni zui hial reng a ni. A vawikhat ral khual a hmachhawnnaah pawh pathum lai a sai tlu hman tlat mai a, a hming Khualkapa chu a pu zo viau dawnin a lang.

Mangtaibawk lam pawh ruang te lain an pasalțha pasarih lai an han chan chu an lawmloin an thinrim tlang hle mai a, an lalpa lah chuan thil thlendan chipchiar tak chu a sawi duh hauh silo nen, Khawzing ram an chuhpui hi mipui tam zawk hian an hreloa, khawnbawl upa te, val upa leh pasalțha eng emaw zat bakin an hriat tlatloh avangin an in tihbuai chhan tak hreloin tlangval phunglung zual deuhte phei chuan Khawzing khua chu run mai an duh thu an au chhuahpui reng a ni. An thu bulbal leh chinchang engkim hretu te erawh chuan an ngamloh chalah chil an hnawm dawn tlatin an in hria a, an hlauthawng ru kher mai. Lal leh a rorelpui te pawh thukhawm in engtia hmalak chi nge tihah chuan an thu a inhmulo hle mai a, țhenkhatin palai tirh maia, inrem taka awma an ram chuh pawh khuavang ramri țhensaa lungawi mai an duh laiin thenkhatin an pasalțhate phuba chu lak ngei an duh thung a, remna siam duh chu khawnbawl upa ho zingah chuan a tam zawk chu ni mah se, pasalțha eng emaw zat chuan phuba lak chu an duh mauh mai bawk si. An lalpa ber lahin a ram chuhpui chu a ruk takin neih a tum em em bawk si, khawnbawl upa fing leh hmakhawthlir thui tak tak nei te thu chu a pasalțhate nen chuan letthlain phuba laka, Khawzing khua chu awpbeh an tun ta a ni. An hriat telloh erawh chu Khawzing khua hian pasalțha remhria leh huaisen tam tak an nei tih an hrelo a ni. Leido an neihloh a vangin khualkai khawp pasalțha hminglang an neilo angin alang mai chauh a, an hriatlar chu Khualtawna hi a ni mai a, a ni lah indonaa a ralrel dan anla hreloa, an nuthuri zuam sual ngeiin a rinawm. A hrechiangtu tan chuan Khualtawna te pafa ngawt pawh hi in nghahna tlak an nih vei nen, an ni ang thawthanga pasaltha ralhrat huhang nei hi sawm țha lam annei tel a ni. Hemi tichiang tu ber chu an lal rapchung hian a hril ber awm e. An lal te rapchungah hian sarep tharlam hi engtik lai pawhin a awm emaw tih tur khawp hi a ni a, tlaitin deuhthaw hi lal inah hian lal sachhiah a lawilut tihmai tur khawp hi a ni. Leido neilo nana na chu salak lamah hian an inel nasa bawk a, pasalțha sa la thei zual, an ramvah tawh pbawt chuan an hlawhchham ngailo tih hial khawp hi Khualtawna te pafa mai bakah pasalțha mi sawm țha zet an awm mai bakah, pasalțha tuaitir leh sa la ve zeuh zeuh, khaw tam takin pasalțha hming an puttir tham khawpa mi hrat tak tak hi sawmhnih aia tam an nei tih hi Mangtaibawk ho hian an hrelo a ni.

Țumkhat phei chu lal hi paphawk ve tak tih takah lal sachhiah a dawng hnem lutuk chu sarepin ruaipui siam a rilruka, a rukin tlangval țhenkhat chu pareng (bawmrang) tam tak tah tirin sarep fip hmasa a piang chu a bilh zela, thlahnih chhung lekin pareng sawmhnih lai a bilh hmana, chumi hmang chuan tlangruai a siam hiala, mipui te pawhin an lawmin an lal chu an fak hle a ni. Chu thu chu a hunlai nana na chuan a larin a thang nasa nangiang reng a ni. țhenkhatin awihlo mah se, chumi chhimtu chu lal pahnih lai an awm ve avangin awihloh theih a ni bawk siloa, chumi țum tluka ropui chu a awmlo ang an ti hial a ni. Lal sachhiah hmanga khawtlang hrai thei lal awmchhun chu Khawzing lal lalnguaua chiah hi a ni. Chumi țum chuan an sarep zawng zawng chu tlang hrainan a hmang veka, nihnih chhung chu an rapchungah sarep a awl ve a, a ni thumni atang chuan lal sachhiah chu a rawn lut khawm leh nghal mai a, chumi țuma lal dang ruaipui rawn chhimtute chuan mak an ti tawp hlei theiloa, kar hmasa thleng khan mak an tih zia ka ngaihtuahnaah hian an la sawi hial a ni. Chutiang taka sa la thei khua chu indona mualah pawh tawh an khirh khawp ang tih hi Mangtaibawk lal Kulhpuia hian a hre tlatlo a tin ni. Kha ruaipui an siam țum khan a kal ve tlat lemlo a ni. Silai an hmang thiam em em vek nachungin silai neih a har em avangin thal leh fei hi an hmang thiam em em mai bawk a, sa te nau deuh te hi chu thal leh fei hmang hian an la nasa hle bawk a ni. An khaw tlangval zawng zawng hian thal kah hi anthiam vek a, chu chu an khaw invennan a pawimawh zia hriain naupan tet a țangin thal kah hi mipa tawh phawt chu an in zirtir zel thin a ni. Thal leh fei hmang chauha zuktuai lo kap tawh pawh an awm fur nghe nghe reng a ni.

Pasalțha Khualtawna kaihhruaina hnuaiah pasalțha dang leh val upa te chuan an khaw invenna chungchang chu an rel ho ve laih laih a, an inring tawkin a tlem zawk pawh nise an zam hauh thunglo. An khaw ram, pi leh pu hun ațang tawha an rochun tawh an țhenawm khua ten an rawn chuhpui chu ngawih bo pui mai mai theih niinan hre hauhlo a ni. An ram an rawn chuhpui a chhapah chengrang au tir hmasa tuah an țang vei rawl nen, țhenkhat phei chuan Mangtaibawk khua chu run tura inchhir chhuah mai tak chu an nap hlawm mai pawh chu a mawhlo hranlo e. Chutih rualin ruahmanna mumal neiloa hmelma hmachhawn chu a fuhin an hreloa, a thu a kawi a ngil chu hriat hmasaka chian hmasak chu tih makmawh an koa lum ni tih chu pawm hmakin, Mangtaibawk khaw rorel leh ruahman dan chhirpawpa aruka varpawh tur chuan tlema thu haw lam leh kallam hre phachin vengva leh a țul dan anga ruahmanna siam zung zung thei pasaltha Khuluaia hoin tlangval pali hruaia Mangtaibawk khaw ram biru lai deuh a awmhmun khuarin, an ralrel te varpawh tumin an inchhir chhuak dawn a ni. Chet fimkhur angai dawn hle a ni. Pasalțha Khuruaia te pawh chuan ruahmanna siamin lal in thuchhuak chu a ruk thei ang berin an ralrel dan chu thim hnuah lalin hnuai belin an bengkhawn ta a, an duh ang thala an hriat hnu chuan an buk lamah fimkhur takin an let leh ta a ni.

Mangtaibawk thurel ang chuan ni thum chhung inbuatsaihin a ni li ni chuan Khawzing khua chu an run dawn a ni. An lal duhamna leh a upa te thurawn a ngaihthlak duhloh man chu eng ang taka nasa ni ang maw....!! An duh ang an hriat fel takah chuan pasalțha Khuruaia leh a hote pawh chu muang chang loin an khawlamah an haw leh ta a, lal in lam pan ding nghalin an thu hriat ang ang te an han thlen chuan an lal Lalnguaua chuan a țha e, Kulhpuia chuan chuti tak chuan a ni maw minlo zuam le, kan va cho chhuah pawh ni hleilo chu a khuk khukin kan khu tlang mai a ni ang chu. Ka pasalțhate u ralrel chu inkutah ka dah e. Kan khaw himna atana ka khaw daingul te in ni a, kan khawtlang tana țha chu inhre ber e, kei leh ka khawnbawl upa te mai bakah he khawtlang hian nangmahniah rinna kan nghat a ni tih hre rengin invenna leh lo beihlet dan chu in duh ang thalin kal pui rawh u, mahse keini ho kan bangbo lutuk lohnan in ralrel engkim chu min hrilh hre ve turin ka beisei che u a ni tiin ralrelna engkim chu a pasalțhate kutah chuan a dah ta hmak mai le. Pasalțha ho pawh chu val upa ho nen chuan zawlbukah hmalak dan tur te an sawi ho nak nak a, an thu a inhmu thei meuhlo. Thenkhatin khaw lungdawh thlenhma, mualthengthaw hmunah lo lambun an duh laiin, a thenin ramri luia lo tawhchilh mup mai an duh thung a, chutiang hunah tak chuan pasalțha ralrelthiam chu anlo lang țhin a ni. Khualtawna chu rawn inrawlh vein ngam leh ngam, cho leh cho chu inhmachhawn rep rep ila a ni mai alawm. Kan ram hi kan venghneh tawk a ni, chuhpui chi kan nilo tih an hriata anchin tawhlohnan ramri hi an rawn kan tur a nilo. Ramri luiah kanlo chang ang a, ngam leh ngam chu an inrinloh lai lo lambun buai pawh a ngai ka tilo, kanlo hmachhawn tawp anga, inkah nge an duh in mal beih emaw a huhoa innuai tih kanlo zawt anga, kan inhmachhawn tawp ang. Khawzing pasalțhate hian Mangtaibawk khua hi kan hlaulo mai niloin kan ngam tak zet a ni tih kan lantir tur a ni. Mawl taka hmachhawn nghal erawh a fuh berlo ang a, hmun hrang hrang țanhmun remna remchang a piangah kanlo chang ang a, Kei leh pasalțha Khuluaia leh pasalțha Buangpuia ten kanlo dawr anga, kan indawr dan a zirin silai leh thal hmang mai thei turin kan inring vek tur a ni. Inmal beih emaw zat leh zata insual an duh pawhin kan tlan chhe tur a nilo a ti rap mai le. An pasalțha chhuanvawr berin chutianga a rawn sawi takah chuan an pawm tlang hle mai a, a hlauhloh zia an han hriat chian phei chuan an phur zual sauh emaw tih tur a ni. Lal hnenah an thurelte an han thlen chuan lalpa chu a ruk chuan a hlauthawng hle mai a, chutih laiin a pasalțhate huaisen zia a hriat chuan a lawm hle thung si. Tu tak ding chang ang maw....

Mangtaibawk khuaten Khawzing khua run an tum ni chu a her chhuak ta ngei mai le, lal tual atang chuan hlawhtlin tum ran chung chuan an rawn thawk rip hle mai a, muangchang loin Khawzing khua inrinloh laia tukzal ngei tum chuan an inchhir liam ta zut zut mai le. Chutih laiin an mahni lo chang tu Khawzing khaw pasalthate pawh chu an lo inpeih tawh hle mai a, ramrilui hmun biru laiah riahhmun anlo remsa a ni a, ramri lui an rawn inchhir thlen huna lo hmachhawn ngei an duh avangin a hma niin anlo riaklut daih tawh a ni. A rukin enthlatu pawh anlo intir fel vek bawk a, enthlatu te pawh rawn thlengin midang tan chuan in ralrinna dar an rawn khawng ta. Khawzing tlangvalte zingah chuan a tu ate mah chiai hmel leh han zam awm ang hmel chu hmuhtur a awm a hnekin an khaw tana beih chu an chak zek zek emaw tih tur khawp hian an hmelah chuan phur hmel alang zawk tlat chu an pasalțhate leh val upate chuan mak an ti zawk hial awm e. An naute huaisen zia an hriat chuan an thla pawh a muang hle. Mangtaibawk tlangval rual chuan ramri lui chu an rawm hnaih tawh hle tih an thawm atang chuan a hriat theih a, thawm pawh an dimlo hle a ni. Changtu an nei tih an hriatloh vangte pawh a ni ngei ang. Chutia lungmuang tak a ramri lui kan an tum lai chuan an beiseiloh takin Khawzing pasalțha an hriatchian em em Khualtawna te pathum chu an hmaah chuan an rawn ding thut chu an phu suau hlawma, tawng nachang pawh an hre mailo. Chutia an ham haih lai tak chuan Khualtawna chuan kan phalna la hmasaloin engti turin nge kan ram rawn luh intum, kir leh nghal rawh u a rawn ti fiak thak mai a, chutah Mangtaibawk pasalțha Seithuia chuan rawn chhangin in khua kan hal darh vek dawn, lo inthiar fihlim ula, nungdamin ka chhuah ang che u, chu tilo chu ka ngen mu hi intawng ngei ang a rawn ti vin ve ta tuarh mai a. Chutah Khuluaia chuan dam in thlahlel a nih chuan kir leh ta vang vang ula, in lal duham tak hnenah chuan Khawzing ram chuhpui chu thihna a ni a, i chuhpuitawhlo mai ang u han ti tawh, tichuan buaina neiloin kan in chingfel thei ang. A nihloh chuan kan chimih thak ang che u a rawn ti vawt ve ta raih mai a. Ring lemlo mah se chu țawngkam chuan a dengring kher mai. Khualtawna chu rawn țawng chhunzawmin kan thu in awih dawnloh chuan keini hi min paltlang a ngai ang, in mal beih nge in duh a, a huhoin zat leh zata inbeih nge, a awm a piang inbeih nge chengrang chawia ngenmu surtir, in ngam ngam kan ngam a rawn ti leh tuarh a, chung thu Mangtaibawk tlangvalten an han hria chu mak an tiin, Khawzing ram chu an lalpa chuan alo chuhpui a ni tih an hriat meuh chuan an tlai zo ta. Mangtaibawk pasaltha pakhat chuan Khualtawna chu rang zeta rawn tinin a rawnkap nghal țhuai mai a, Khualtawna pawh a chesual teuh hle mai. Silai phe zeuh a hmuh rualin lungpui phenah bawk nghal thlawp lo se chuan a khawvel nun chu a thlah ngei ang. A țhuihhruai pahnihte pawh rang taka inphen nghalin chutia Mangtaibawk lamin chengrang au aw an than tir takah chuan Khawzing lam chang rutu te chengrang pawh a rawn au thangkhawk ta ruai ruai mai le. Ngenmu chu a rawn sur ta chur chur mai le. Mangtaibawk lam chu an hek hiau hiau hle mai. Chutih laiin Khawzing lam erawh țanhmun siamrem sa an ni bawk a, an chan chu a țha ta zel a, Khualkapa awmhmun a țang chuan chengrang aurawl chu a rawn thangkhawk raih raih reng mai a, midang silai vawi hnih a rik laiin a ni chuan ngenmu vawi li lai a surtir hman a, chutianga an insai ngat ngat takah chuan Mangtaibawk lam chu an mangang tan ta hle mai a, Khualkapa țanna a,anga silai rawn puak reng mai chu mi panga vel an tawm khawm a nih ringin an kah rawn titih a, chutak chu midang tana hunțha a ni thunga, Khawzing lamah chuan tlangval pathum chuan vanduaina tawkin pialral kawngka chu an inchhirthlen a ngai ve ta tlat mai. Chutih laiin Mangtaibawk lam thung chu a zatve aia tam mah an inchan takah chuan hreh takin an inpe ta nge nge a, Khualkapa tanhmun siamna lam chu hmelma inpe te chuan anlo thlir thap a, amah chauha a rawn chhuak an hmuh chuan mak an ti tlang lutuk chu a mak zawk hial a ni. Khawzing val upa leh pasalțha nibawk Khualtawna chu rawn tawng chhuakin an khawhnih inkara buaina bul chu Mangtaibawk tlangvalte chu engmah thup loin a hrilh fai ta vek a, chungthu an han hrechiang meuh chu mangtaibawk tlangvalte chu an lal chungah chuan an thinrimin an lungawilo tak zet zet a ni. Khawzing lal Lalnguauan ralrama rorel zawng zawbg chu a pasalthate leh val upa te kutah a dah vek avang leh thuneihna a pek avangin val upa leh pasalthate chuan ankal zel dan tur chu an rel ho ta rih a. Hei tak hi a Khawzing lal finna em em chu, a pasalthate leh val upate a ring tawkin an kutah engkim a nghat ngam hi a khawmi tute mah hian a chungah rilru diklo an pu ngamlo. Chutih rualin a pasalthate pawh nise thil diklo an ti a nih chuan a dim ngai hauhlo thung. Val upa leh pasaltha te chuan rorel zoin an silai zawng chu an man sak ta a, ni sawm chhungin an tlan duh a nih chuan silai fawng khat chu sialin emaw thihnain emaw an tlan thei anga, tuna nungdama an mante erawh chu intiamkamn neihtirin an chhuah leh vek dawn a ni. An thiante ruang pawh an buaipui an phalsak bawk a, khaw inthenawm annih avangin a chhe thei angber thlentir chu an duhlo a ni. Chutiang thu Mangtaibawk tlangvalten an hre zet chu an lawmin mak an ti tak zet a, Khawzing lam hawia hriam lek tawhloh chu an tum vek reng a ni.

Chutianga rorel an zawh takah chuan hlangte siamin an hmelmate chu an mahnia inbuaipui turin an hawsan ta a, haw kawngah chuan Khualkapa chetdan rang lutuk chu an ti ti tui ber a ni. Mangtaibawk tlangval lam pawh an bang chuanglo, Khualkapa chetran dan leh a silai kah thiamzia chu hahipin an sawi vetho mai. Antan chuan Khawzing khua chu do miah an ngailo tak zet a ni. Chu inkahnaah chuan Khualkapa chuan khual ral sawm chuang a mahin a thal hman tlat reng a ni. Chu indona chu Khualkapa tan chuan khualthang khawpa a hming a chherna bul chu alo ni ta. A hming pawh a pu zo țan ta hle a ni.

[Ngaia]

*PASALȚHA KHUALTHANGA LEH A THLAHTUTE MIZE MAK 5*
_Keimah Mawitea Chawngthu_

Chutianga rorel an zawh takah chuan hlangte siamin an hmelmate chu an mahnia inbuaipui turin an hawsan ta a, haw kawngah chuan Khualkapa chetdan rang lutuk chu an ti ti tui ber a ni. Mangtaibawk tlangval lam pawh an bang chuanglo, Khualkapa chetran dan leh a silai kah thiamzia chu hahipin an sawi vetho mai. Antan chuan Khawzing khua chu do miah an ngailo tak zet a ni. Chu inkahnaah chuan Khualkapa chuan khualrl ral sawm chuang a mahin a thal hman tlat reng a ni. Chu indona chu Khualkapa tan chuan khualthang khawpa a hming a chherna bul chu alo ni ta. A hming pawh a pu zo țan ta hle a ni.

Chuta țang chuan an khawhnih inkar chu a țha thei ta reng renglo mai a ni. Mangtaibawk lal chu thinrimin han in vaupung viau țhin mah se, a pasalțha eng emaw zat a chan a hnu hmanah tlangval tam tak a ti lungawi bawk silo a, Khawzing khawlam hawia hriam han lek duh chu tlemte chauh an ni si a, an lal in tir lui pawh nise an chet duh a rinawm teh chiam loa, Khawzing lam do leh ai chuan lal dang belha muangleia nun hman chu tam tak duhdan a ni tawh miau mai si. Chitih laiin lal laka tlaktlum duh mi eng emaw zat chu anla awm ve fan tho a, chungho chu lal chuan a ruka hminin rawlrala chettir chu ala tum ran tho a, chu chuan eng rah tha nge a thlen ang tih chu hriat a ni hauhlo a, chhiatna nasa a thlen dawn nge tih lah hriat a ni heklo. Chutiang boruak karah chuan Khawzing khua chu muangleiah an awm leh nachungin an khaw thenawm te chu an lal duham tak avang chuan chet an rawn thawh leh mai ang tih chu an hlau ru em em thung a, chuvang chuan a ruka ralveng an inchhawkin ramri thlithlai pawl chu a khat tawkin an intir awllo a, Khualtawna te pafa pawh a inchhawkin an liam ve deuh reng a, awm thei chhungkua an nih piah lamah chhungkaw hung tak anlo ni a, thawktu pawh an țhathnem deuh avangin pakhat lek awmloh chu a langsar teh lua lemlo a, chuvang chuan Khualkapa phei chu a pa kalloh ni hi chuan ramri lam thlithlai tur leh ramvak pah fawm ni bawkin a liam tuktin emaw tih mai tur hi a ni a, sa lah a kap ni tin a ni deuh thawthanga. Khualkapa hnungzuitu nih chu an inchuh a ni thawthang mai. Amah tlangval chhuaktir awrh chauh ni mah se, zirtirna țha tinreng dawng tih takah mi ho khawm a thiamin hruaitu nih a thiam em em maia, a aia u zawkte pawhin ram lamah chuan an hruaitu en deuh hial tawh zawk a, amah mi țha leh in ngaitlawm, aia upa te zah mi a nih hrim hrim avangin an vah chhuah reng rengte hian aia ute thil engkimah a rawnin an thu a ngaichang thiam em em maia, chuti chung chuan rual u zawkte chuan a kaihhruaina leh a ruahmanna te chu an zui zawk zel thunga, amahah hian hruaitu zia engkim hi a bet ni ber hian a țhiante leh a mah hre chiangtu te chuan an ngai hmiah reng a ni. Chuti taka mi danglam chu a nih piah lamah a huaisenna chu hmuh hmaih theih a nilo.

Țumkhat an ram thlithlai chuan rawlrala chet tum Mangtaibawk pasalțha sawm vel zet nen intawng fuhin an inkap leh ta nghala, an ni Khualkapa te chu panga chauh an ni si a, chutah pawh pathum chauhin silai an keng a, pahnihin fei leh thal an hum thung a, an chawlh khawm lai takin Kulhpuia pasalțhate chuan an rawn kap a, an vanneih a siamin tumah an rawn kap fulo hlauh thung a, an thianpa pakhat dinglai chu an rawn kap alo ni a, an rawn kah dawn lai tak chuan a ke thak hiahtuma a kun dawn chiah tihin an rawn kap alo ni a, a ban puamah ngen mu chuan rawn thawiin kut zungchal tia vel hian a kak hlaiha, pawidang engmah a khawihlo hlauh zawk a ni. Chutiang hunah chiah chuan pasalțha rem hria leh hruaitu nih tlingte țangkaina chu a rawn lang chhuak țhin. Kum lamah upa lemlo mah se, ralrel kawngah chuan a duailo hle mai a, an hmelma te chu engzat nge an hriatloh avangin zawitea ruahmanna siamin an kah hliam pa chu an awmna hmunah chuan lo awm tirin zawi tein midang pali chu bawk vakin an in sem darha, an hmelmate chu hual let turin ruahmanna an siam veta thung a, an tifuh angem tih pawh hriat va ni suh, chulo kawng dangțha zawk rawt chhuah tur midangin hre heklo le, an intawnchilh chu a ni mai bawk nen, an ruahmanna neihchhun ang chuan hma anla ve tawp dawn a ni. Ti fuh tak ang maw....

Ruahmanna an neih chhun bawhzui tur chuan Khualkapa te chu a remchan dan danin an bibo ta thuai thuai hlawm a, an țhianpa tana hlauhawm thil a thlen veleha che chhuak mai thei tur chuan an inring ran tawh a, chutih lai mek chuan Mangtaibawk pasalțhate pawh chu fimkhur takin an rawn inzui phei dam dam a, an mi kahna hmun an rawn thlen chuan an thawveng ta sawt niin alang. An mi kah pa chu silaia tinreng chung chuan thu an zawt nghal a, khawikhua leh tui nge a nih a, chutilai hmunah chuan eng ti tura awm nge a nih, thurual pui a neih leh neihloh te chu an zawt nghal vek a, țha taka chhang zelin a tawpah chuan mi sawmhnih vel ramri thlithlaia an kal thu te leh, a țhiante chuan an mah ni chu an hual fel vek tawh thu chu a hrilh let ve ta mauh mai. Chutah zet chuan țhenkhat chu an hawi phawkin mak an ti hle maia, țhenkhat chuan inbumna mai maiah ngaiin chupa chu an han zawt nawn leh țhin a, an hawikual ruai reng mai bawk a. A ni lah chuan a chhanna ngai rengin a chhang zel mai bawk si a. A tawpah zawng an hruaitu pa thinin a tuar talo deuh ni tur a ni, ahote zinga pakhat chu a lu tan sak turin a tir ta a, chupa in an miman pa lu lak atum lai tak chuan an piah mai thing phen atang chuan Khualkapa silai chu rawn puakin chupa chem lek kang lai tak lung zawnah tak chuan rawn verh siahin, chupa pawh chu thisa paih ang thlawrhin a hlawm nawk mai a, midang ho chu an phawk hra mai a, chutih lai vek chuan an bul maia an țhian pa silai lek kang lai mek chu rawn țe țhawtin a awma thalfang bur ngur chung chuan a let leh nghal tawl mai bawk a, a tam zawk chu an hamhaihin an hlau tawh tak zet a, chutih lai vek chuan an hruaitu pa ber mai chuan an mi man pa chu inphen nana hman tumin silaia tin chu a tum ve ngawt peka, silai chu ala lek kang hman meuhlo tihlai tak chuan silai rikna hmasa ber atang chuan silai a rawn puak leh țhuai maia, an ho tupa ber chu a hlawm leh nawk mai. An piah lam atang chuan silai chuan rawn chhawn nghal zatin pakhat chu a hlawm leh nghal nawk a, mi pali lai an tluk takah chuan Mangtaibawk tlangval rual chu an zam tawh tak zet zet a, chet lak han tum ngam pawh anawm tawhlo. Chutianga bangbo taka an awm lai chuan Khualkapa chuan mawl taka chetthawh luih țalh tum inla awm em a rawn ti vin veleh ta țhak mai a, chutah zet chuan an tan inpekloh chi niin an hre talo. Ban pharin an inpe ta a, Khualkapa te ho chu an awmna hmun țheuh ațang chuan an rawn chhuak ta sap sap a, an hmelma te chuan pali lek an ni tih an hriat rual chuan hmanrua chuh thuta bawhchilh an tum ta maia, chu chu an tihsual lian tak a ni ta. Silai pathum chu puak rual țhawtin, chumi rual chiah chuan thal chu a rawn thlawk phei veleh nghal fua maia, pali chu an thal leh ta nghal tawp mai le. Ala bang pahnih pawh chu an han bawh zui nghal ruak maia, Khualtawnan a tawk a rawn tih țhat a an han ințhelh fel meuh chuan pakhat chu alu alo bung hman reng maia, pakhat erawh chu hliam tuar chungin ala harh tha ve viau thung a, Khualkapa chuan thu zawtin chutianga an rawn chetna chhante chu zawtin, a ni pawhin țhataka chhang ve zelin a tawpa Mangtaibawk lal duhamna leh a ruahmanna tenawm tak an han hriat chuan an hachang an țhial bap bap mai le. Khualkapa chuan Kulhpui chhemia chuan alola duh tawk lo cheu a ni maw. Kan duh baka kan chet ve a ngai dawn ta a nih chu ti chungin an mithah țheuhte lu chu a lak tir ta nghala, amah ngei pawh chuan a mithahte lu chu la vein, an țhianpa hliam tuar pawh chuan thinrim tak chungin amah kaptu lu ngei chu a tan ve ta a. Lei chu thuk vakloa laiin an theih ang angin ruang chu an phum bo ta nghala, chumi hnu chuan khawlamah milu khai chung chuan an inzui haw ta nghala, unauhmelhai velah chuan kawtchhuah chu thlengin, milu nen an nih avang chuan kawtchhuahah chuan bawhhla chhamin khua an lut zui nghala, lal in lam pan ding nghal vang vangin lal in an han thlen chuan lal leh upa te chuan leihka tlangsanga lo hmuakin hahzu anlo zuk a, lal inah ko lutin an chetdan vel te an han sawi zawr zawr hnu chuan, an miman chu thu an han zawt veleh nghala, an hriat duhte an hriat hnu chuan tlangval țhenkhat te chu a hruaichhuahtir leh ta nghala. An mi man hnen ațanga an thu thar hriat chuan lal leh upa te chu a tilawmlo hle mai a, Khualkapa te thiltih dan pawh chu awm an ti ta hle a ni. Khaw ințhenawm han inruna fahrah leh hmeithai tam tak han siam ngawt chu an ngil neihna chuan țha a ti silo. Pawn lamah mipui ho lahin chanchin ngai changin an lo nghak țhup mai bawk nen. Lal leh upa te chuan thil thlendan tlangpui sawi fiahin, a upa te nen engtia chetlak zel tur nge tih an rel tur thuin mipui chu a țin ta hlawm a.

Hemi țum pawh hian Khualkapan a hming a put zawh zia a rawn lang leh ta tlat mai a. Khualkapa ni awm hliah hliah hian inkahnaah hian khual ral hi a thal zung zung zel chu a nih hi maw.... Inkahnaah țum thum a tel tawh a, khual ral hi pahnih tal ala kap ziah mai chu mite mak tih a tlingin chu chuan khual a kai hneh ta hle mai a, khaw tam tak chuan Khawzing khua chu an do hlauh phah ta hial a ni. Khualkapa chuan hming a chher nasa tulh tulh dawn niin a lang.

Lal in lam pawhboruak a țang tak zet tawh a, pasalțha te dawh theihna piahlam a ni ta a, lal leh upa thluak zal chin te pawhin an khap zolo lek lek ta mai. Run let ve chu an duh deuh bur mai a, mahse an lal khawngaihna ngah tak chuan zap daiin, chet lak dan tur chu a zaizap zawng chuan a relpui thei ta hram a, pasalțha rual sawmthum vel thawk chhuakin, khua run siloin khaw mipui te chu vaukhanna an pe thung tawh dawn a ni. An mi lu lakte pawh kawt chhuahah zanlaiah an tar dawn bawk a ni. Chumi hnua buaina siam zawng a chet an rawnla thawh fo a nih chuan an khua chu chimih țhak turin an run ve thung tawh dawn a ni.

Khawzing khaw pasalțha rual sawmthum zet chu an ralthuam famkim nen chuan Mangtaibawk khaw lam pan chuan an in chhirchhuak ta khup khup mai le. An khaw tan leh an hmalam hun atana an dam khawchhuahna tur atana thawkchhuak an ni tih an inhriat chian miau avangin tumah peihlo hmel an puloa, peihlo hmel chu sawiloh, an khawtana thawkchhuak tura thlan chhuah zinga an tel chu an lawm zawk em em a ni si. Țhalai țhe țhaw an ni bawka, an kal chak tlangin khawen laiin a thui thei angber kal chu an tum a ni. An khaw inkar hi chak țha pangngai tan chuan nikhatah a ban hman a, chu chu hrerengin nikhata bana, khaw hnaih lutukloa riahbuk sualin, atukah Mangtaibawk khaw zaupui lama chet tlata, a tam thei ang ber an chanchin hrilhin leh vau chung zela an khaw zaupui chu lo hnai ber ațanga tuamchhuah an tum dawn a ni. A theih hram chuan hriam chelek hrihloh chu an tum dan a ni a, an khaw zaupui ho an vo zam hnuah khaw lamah letin an rallu lak te chu kawtchhuaha tarin, an let san lah vang vang phawt dawn a ni. Chutih laiin Khualkapa hoin mi sawmin an thiltihina nghawng a neihdan thlithlaiin zan hnih an en thla chhunzawm nghal anga, a țuldan a zirin rawlralin an che chhunzawm nghal bawk ang. An ruahman ang chuan kalin, an duhdan leh tum ang ngei chuan an che thei a, an khaw zaupui lam chu hriam lek miahloin an thunun thei mai reng bawk a, mangtaibawk khaw zaupui lamin an lal thil tih kual dan an han hriat meuh chuan ramah chuan rorel nghalin an lal chu paihthlak an ti tlu ta rup bawk a, chhun lama an thil tawn te erawh chu a hun hma chuan tuman sawi chhuak lo turin an inhrilh mawlh mawlh thung a. Khawzing pasalțhate pawh chu khawdai biru laia an buk chu bel lehin zanah chuan an rallu lak te chu kawtchhuaha sahlamah chuan an khai ta fara, an tih tur te an tih zawh chuan an ruahman angin Khualkapa leh ahote mi sawm tihloh chu an khawlamah kirin, ramri luiah a rem chan dan dana riak turin an kir ta hlawm a.

Khawzing pasalțha ho thiltih chuan hna a thawk țha kher mai, zing khua alo vara, kawtchhuah lamah chuan mang ang au aw chu lo chhuak nghalin, an pasalțha mi pakua lai lu sahlama lo inkhai chu rapthlak an ti hlawm hle mai. A tam zawkin thil kalphung anlo hriat tawh sa avang chuan an khaw boruak chu a țang kher mai le. An lalpa pawhin a dinhmun derthawn zia chu a hai hauhlo, chuti chung chuan mipuite chu hneh ala tum ru fanthung. An pasalțha te lu an lak thlaka, khua an luhpuia lal in kawta mipui an pungkhawm zet chu an thawm a ring kher mai. Lalpa chuan thiam taka insawi mam an tum ngawt chu mipui lam chuan an ngai thei ta tlatlo mai le, lal chu ban turin an ri ta luih luih mai le. Lal lam țang chu tlem te chauh an nih avangin an tan chuan tih theih vak a awm lo kher mai. Chutih laiin an lal ver ther tak chuan a lam țang tlangval pathum lai chu a rukin alo hmin vekin, buaina a chhuah thut takah tiin an țhenawm khaw lal, a nau nibawk lal Kaidenga khua Mualpui chu pun vat turin alo hrilh sa diam alo ni a, chung tlangval pathum te pawh chu hmanhmawh takin an kal nghal a, mahse kawngah chuan Khualkapa te chuan lo tidingin, an thil tihtur te chu an lo zawta, mahse an ni chuan sawi tha duhloin an tlan ta phut maia, an rinloh deuh a an tlan tak phut ah chuan Khualkapa chuan kap zuiin, a hnuhnung bera tlan chu an kap let tawp maia, a bula lo ding ve reng Rohnaa chuan pakhat chu an kap let ve nghal tawl bawk a, pakhat la bang chuan kawng kawi a tlan liam țep tihlai tak chuan Khualkapa silai chu rawn puak leh hmanin a ngenmu thlawk phei vuai chuan a ngen thlawnlo a ni tih hriatna chu chupa chu kawngthlanglama a hlawm thlak nawk danah chuana va chiang si em. An intawnna hi ruam deuhlai a nih avangin khawchhung a tang chuan a hriat lutuk loh naa, vawithum ngawt silai puak ta chu lo hre tawk chu an awm nachungin an khaw boruak tawn mek avang chuan han ngaih ven an awm hauhlo thung. Chutah pawh chuan Khualkapa chu Khualkapa a nihna alo lang leh ta a ni.

[Ngaia]

*PASALȚHA KHUALTHANGA LEH A THLAHTUTE MIZE MAK 6*
_Keimah Mawitea Chawngthu_

(Mahni insit tak chungin a vawikhatnan story ka han ruahman ve chhin a, țawngkam ka thiamloh mai bakah pi pu hunlaia an sulhnu leh an chetphungte ka hre tlem em em mai bawk nen. Keia kutchhuak hi chu eng mah a nilo tih ka chiang hlem. Tin, midang ziahloh dan deuhin ziah kan tum ve tum hrang bawk nen, bul ka țanlaia ka suangtuahna erawh ka phaklo hle tih pawh ka inhriaa, a hmawr bawk hram erawh ka tum ve hram hram a nia.)

Chutih laiin an lal ver ther tak chuan a lam țang tlangval pathum lai chu a rukin alo hmin vekin, buaina a chhuah thut takah tiin an țhenawm khaw lal, a nau nibawk lal Kaidenga khua Mualpui chu pun vat turin alo hrilh sa diam alo ni a, chung tlangval pathum te pawh chu hmanhmawh takin an kal nghal a, mahse kawngah chuan Khualkapa te chuan lo tidingin, an thil tihtur te chu an lo zawta, mahse an ni chuan sawi țha duhloin an tlan ta phut maia, an rinloh deuh a an tlan tak phut ah chuan Khualkapa chuan kap zuiin, a hnuhnung bera tlan chu an kap let tawp maia, a bula lo ding ve reng Rohnaa chuan pakhat chu an kap let ve nghal tawl bawk a, pakhat la bang chuan kawng kawi a tlan liam țep tihlai tak chuan Khualkapa silai chu rawn puak leh hmanin a ngenmu thlawk phei vuai chuan a ngen thlawnlo a ni tih hriatna chu chupa chu kawngthlanglama a hlawm thlak nawk danah chuana va chiang si em. An intawnna hi ruam deuhlai a nih avangin khawchhung a țang chuan a hriat lutuk loh naa, vawithum ngawt silai puak ta chu lo hre tawk chu an awm nachungin an khaw boruak tawn mek avang chuan han ngaih ven an awm hauhlo thung. Chutah pawh chuan Khualkapa chu Khualkapa a nihna alo lang leh ta a ni.

Mangtaibawk khaw mipui te chuan an lal chu chil rawnin lal dang an ruat ta nghal bawk a, lal thar hnuaiah hmathar anla dawn ta zawk a ni. Boruak chutiang alo nih takah chuan Khualkapa te pawh chu an khawlamah lungmuang takin an kir leh ta nghal a. Boruak zalen tak hnuaiah chuan awm lehin khaw inlungrual leh khaw nuam tak anlo ni chho ta zel a ni.

Hun te lo kal ve zelin tunah chuan Khualkapa pawh tlangval pang ngai tak lo ni tawhin, khualkai khawpa pasalțha alo ni tawh a, naupang te niin ram lamah thang a chhuah tawh bawk a, an khawtlang pawh amah avangin a thlamuang hle a ni. An khaw nula hmelțha, an khua leh a chhehvelah pawh a aia hmelțha an awmlo ang an tih huai huai khawp, a hmai pian dik lutuk leh in vuah fuh em em mai, a biang paw phak mai ti mawi zual tura a heh sen tai hlar mai, a mit meng mawi tak leh fiah tak mai chawihzo tur ngei maia a sam dum hlap mai uaithla sang te, chung timawi zual tura a nauchaw tlei kawhlah mai hnuai zela a kawng fek rat mai ti langsar leh zual tura a mawngbawr vawng tha arhphak mai te, a khawivah lawi khamkhawk saisu ang maia invuah var chho rial mai te bakah a chawn ngo leh mam ria chum bat mai te, a ke țhiah invuah dik lutuk mai site, chutiang ang em em a duhawmna in a luchhip a tanga a ke hmawr thlenga chutiang chuan ni zawk sela han tih eihtur awmlo, khuavangte duhsakna tinreng dawng ni mai awm a mawi, khuavang ten duhtak leh uluk bik taka an duan a nihloh vek chuan an siamsual a ni tal ang tihtur khawpa hmelțha, khuavang lasi te meuh pawhin an thik ang tih tur khawpa duhawm, en chet chet a țha chet chet, en thuaka țha thuak, a hnunglam ațanga duhawmna langchhuak, a hmalam ațanga a țhatna hmuhhmaih theih hauhloh, belh chiana ngainat awm, hnaih deuha a thlakhlelhawm zia langchhuak, biang biaka awka zangkhai leh ngaihno bei, a nuihmel duhawm chung chuang, a nuiri te lah chu zaithiam vawrtawpin lunglen hla a hansa a, boruaka a zamkual dalh dalh ang maia nui ri mawi, Khualchhingi nen chuan an inlawmin, an inzui ngun hle mai a.

Khualthang hat khawpa lar ve ve an han inzui zet chu inhmeh tilo fa reng an awmlo. Putar nilum aia țhukhawm țaihte pawhin awi ka rei maw vanglai an ti khur dur dur hial reng a ni. Kum thum zet an in lawm tawh a, a tu mah mahin changdang kan an tumlo.a, an mahniah chuan an lungawi tawk ve ve hle a ni. Chutiang taka an inzui takah chuan tuahrem thudi zaichhah chu an rel veta nge nge a. An insawițhat ni zet chu a ropui nangiang e, khualtual thang khawp ve ve innei an ni bawka, ran lu kim a tlua, an lalpa meuh pawhin a pasalțha, naupang te ni chunga zau dawh thei ngat khawp chu a sechal leh vawkpa sutnghakin mo a lawm sak hial reng a ni. Chumai a la nilo, molawmna sa zawngin pasalțha te an ramchhuak a, amah ngei chu telin zukchal lah nghalchang nen mo chu an lawm hial a ni. An mo lawmna sa chu a tam ngiang ni tur a ni, nithum lai khawtlangin ruai pui an kil hnu pawn a chuang chu khawtlang insem tham ala ni tlat zu nia. Khualkapa te inneih tluk rang renga sa hnianghnar hun hi anla tawng ngailoa, an tawng leh pawhin a rinawmlo a ni. Khaw hrang hrang atang pawn mikhual an kal țhahnemin, khaw khat lal meuh pawh lal pali laiin an inneih chu an hman pui a, mikhual thlengin inneih sa rep chu an insem nia mawle.

Hun alo kal zel a, Khawzing khua chuan an tuitlan an kham khawp mang ta tlatlo mai a, chuvang chuan khawthar kai chu an rel ta a, khawthar tur hmun an duh ang tak chu a vang ang reng hle maia, a tawpah zawng Darngawn ngawkara tlang te deuh, mualdung pharh țha tak mai leh lawilen nuam tak tur chu hmufuhin, tui lah chu a tha em em mai a, a mual chu chhim leh hmar hawi zawng deuhin a tlangbawk lian vaklo atang chuan zal tak mai hian a inkhawh tawn a, chhim lam chu tlema leițhil hmun deuh a nih laiin hmar lam thung chu phul hmun cham deuh put mai a ni a, a khawhawi a țhain a khawthleng a rem em em mai bawk a, zing ni chhuak leh tlai nitla a dawng țha hle bawk a. Chhuah lamah tuikhur pali lai awm theiin tlak lam leh hmar lamah tuikhur ala awm thei cheu bawk a, chu hmun chuan an lung a len tlang ta bera, anbawh ta a. An khaw hmingah pawh a ngaw hming chawiin Darngawn an ti ta a. Lalnguaua khua Darngawn ti pawhin an sawi bawk thin.

Darngawn khua an kai hnu pawh chuan leido neiloin an muang leiah hun an hmang thei zel a, chutih laiin, khawdang hnen ațangin țanpuina an dil awllo a, khawthlang ram ri depa awm an nih avangin tuikuk takam ho Bangladesh atanga chhak rawn nawr tum te nen chuan an in tibuai fo a. Chungah pawh chuan Khualkapa bawk chu hmahruaitu ni chho zelin, tuikuk leh chakma ral tam tak alo hmachhawnin, Khualkapa tih takah a kap hlum hnem hle a ni. Tuikuk leh takam ho chuan ralthuamah leh finah te, chetran leh ralbeih velah chuan an khan loh em avang chuan an nek ngamlo a, bangladesh ramri depa awm khaw tam takin țanpui an rawn dilin khawthlang lam pang atanga mizoram rawn nek tum tu te chu annawrkirin, khawthlang kulhpui an ti hial reng a ni. Khawthlang lam ram ri hrula awm an ni bawka, ramri hnam chekhnawk tam tak an hnawt boin mizoram hi an veng him a tih theih awm e. Bangladesh thlengin ram an valh a, an khaw chheh vel khaw sawmhnih zet lal te nena inthurual in thlanglam rallian tur chu anlo chhu chat hmak hmak zel a ni.

Hun alo kal zela, Khualkapa leh Khualchhingi te nupa pawhin fapa an hring ve ta reng mai. A pu Khualtawna chuan a pa Keingama leh amah Khualtawna hming chawiin Khualngama tiin a hming a phuah ta a. Khuala te chhung tihloh rual a nilo. "Khuala pa" ti a pawn ațanga han koh te hian patling pathum te chu an eih rual țhawt mai țhin a, khawtlang ti ti leh nuihna ti tam tu a niin, khualkhua thlengin an nuihpui bawk bawk mai a ni.