PASALTHA AITHURA BY Awmtea Fanai (Completed)

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 8829
Joined: April 30th, 2016, 4:07 pm

PASALTHA AITHURA BY Awmtea Fanai (Completed)

Unread post by Ngaia » January 28th, 2018, 6:48 pm

Episode-1
Nghalbual khua chuan, Run an tawk tih hriattak mai hian, Hmuntin ah chuan mangang au thawm leh Na tur tre ri a ri chhuak chuah chuah a, Lal In ah chuan a hmel en reng reng pawha pasaltha tih hriat hliah hliah, A hmel en a upa lam tawh a ni ang tia rin zawn theih tur, a hmel en aia a taksa la in phut mawi tak si, mengrum ul chunga kawngkhar a Ral lo lut tur lo sat sawksawk tu chu, LALpa Chunglura chuan, "Aihling, i nun leh i nupui fanaute nun chhan nan tlan chhuak rawh, keini zawng tlan chhe turin kan upa ta em a, ka khua leh tuite i ila rawn huikhawm anga, He khua ah hian ka fapa Hrangchhuana kha LAL in rawn thut tir la, engkim ah a hmahruaiin, a hnu i dal zel dawn nia, mahse, ka thisen erawh a thlawn in luang ral tir hauhsuh ang che u" ti a.
LALPA Chunglura mangang an ka chuan Aihlinga chu ati nghilh dup a, "Lal pa, zam mah ta che, ka awm alawm, eng anga tam pawh nise, ka tlan lo anga, i fapa nilo in, nangmah ngei hi kan LAL ila ni reng ang, he khua leh Lal ram chhannan chuan nunna pasarih pawh nei ila ka hlan zo vek ngei ang, ka thih hma chuan nang leh he khu hi a tluchhe lo ang," ti a Ha chang thial rap rap in kawngka a Ral rawn lawr hmasa a piang chu alo sat hlawm tawptawp a, a kutthlak a na in, a tuanrangna chuan Ral lu a khai hnem phahta hle reng a.
Pawn lam thawm chu rehduk in, inti thunei aw fe hian, "Lal chunglur, i khawpum in ka thuhnuai ah a awm tawh e, i rawn in pe dawn nge, i Lalin kha ka hal hnen dawn che le.? '" pawn lama rawn au tu chu tunge a nih Pasaltha Aihlinga leh Lalchunglura chuan an hai lo kher mai.?!!!
Lalpa Chunglura khua leh tui tana inpe zo tak a nihna lo lang in, "Vawmkai ka khua leh tuite kha chhuah zalen vek la, i hma ah ka rawn inpe ang" ti a pawnlama Pasaltha satliah lo tih hriat tak, chemtum vilik zauhzauh a vei nghut nghut tlangzawl pasaltha Vawmkaia hnena inrem siam a dil chu a hlawhtling hmel loh kher mai.!!!"Chunglur, tun ah hian duhthlanga inremsiam puithei ah mi ngai elo maw, i khua leh tui te hi ka sal anni vek tawh e, i rawn chhuak dawnlo a nih chuan ka hal khum dawn che e, kha lo in ring rawh le" tiin meichher nen Lalin chu a pan ta chherchher mai, Inchung Di a meichher a vawm dawn chiah chuan, a thiltih lai ti tawp chawt tu tawngkam a hre ta,
Lalin chhung atang ngei a ni leh nghal, a zinbo hlan a, nghalbual khu a run emaw a tih Khualkai thanghat khawpa pasaltha AIHLINGA a ni tla..Vawmkaia, khualkai pasaltha an tih chuan, mi dawizep ang maiin Lalin luhchhuah ngamlo in hal khum i tum amaw.? Aihlinga hi mi hmachhawn ngam lo em ni? " *
Chu aw zet chuan, Tlangzawl pasaltha Vawmkaia, chapona a sawhkeh in a thil tum a ti thulh chiang kher mai.!!!
Aihlinga hi Vawmkaia te khua Tlangzawl a azin tum ah Vawmkaia hi Khual buanin Zawlbuk ah alo inbuan pui tawha, Vawmkaia hian tha leh engkim ah a khan lo hle a ni.!!!
Inbuana a hneh loh mai bak ah Aihlinga hi, Vawmkaia hian a hmachhawn chak hlawllo a ni, mahse, pasaltha khualthang khawp a hmingchher tan chuan, tlawm nih chu thianglo tluk a ni si.
Mimawl nileng nilo pasaltha hming pu pha ngat chuan, Tlangval ho fuihphurin LALIN luhchilh huk turin thu a pe ta rup mai le, hmuntin atang chuan Tlangzawl valrual te chuan, lalin luh chhuah tum chuan, Bang chu an sat thler ta hawkhawk a, mahse, Inchhunga awm, pasaltha Aihlinga an hrechianglo a ni, an hriat chian meuh chuan alo tlai zo ta si, a lawr hmasa apiang thisen nen an hlawm let tawp zel bawka, inchhung ah Aihlinga pawh Tlangzawl tlangval te rawn luhtum sat thi sawksawk pah chuan a tlan kual zawkzawk a, Lalnu hlau lutuk chuan Lalpa chu a kuah bet chukchuk bawk a, Lalpa chunglura pawn awm maimai na hnun anilo tih hria in, Banglai a a chem hriam vawr chu pawt dawk in, tlangzawl valrual ten a lalin chhung rawn luh tuma hmun tina Bang an rawn sat pawp hawkhawk kar ah chuan, a chemtum chuan alo vai sen ve Zuaizuai bawk a, tlangzawl tlangval te chu let hlawm tawptawp in Lal tulchar ah chuan hliampui turin an tlu ta remrum a.
Tlangzawl pasaltha Vawmkaia pawh a mangang tan ta a ni ngei ang, a hmingchhal meuh in Lalin luhchhuah tum in kawngka lam ah chuan a dawk chho ve ta zawk mai le,
Khual thang khawpa Pasaltha zet zawng Aihlinga pawn a sat fuh hman bik tlat lo,Vawmkaia chuan Aihlinga chem bum zauh rual in a chemhriam lian vervawr chuan Aihlinga nghawng ah tak mai chuan fik hmawk tumin a vei let nghal fua a, Aihlinga pawh minaran chunga leng a nihna lo langin, Vawmkaia chem laka kun zauh in, chu mi rual chiah chuan Vawmkaia nak ah a tlawh bem mai bawka,Vawmkaia pawh a pai khawt khawt a, minara chunga leng tihtak ah, a tanhmun insiamrem leh vatin Aihlinga chu a hmachhawn leh nghal zata.
Aihlinga leh Vawmkaia inbeih lai chuan, Lalina luh tum Tlangzawl valrual te lo ven chu loh theih loh in Lalpa ko ah a tla ta, LALpa Chunglura hnarim pawh thawk ngailo, pasaltha te zinga hming lang ngailo tan chuan Lalin chhunga tlangzawl tlangval te luh tum lo dan chu vana arsi lak tum ang hloh a ni ta, An in nghahna Aihlinga chu Vawmkaia nen an in sat tek chhuai chhuai bawk si, tlangzawl tlangval then khat chuan Lalin an lut thei ta mai renga.
Aihlinga chem lak ah Vawmkaia a in veng hram hram niber in Vawmkaia chuan kut a thlak hman ve mang ta tlat lo, chutihlai chuan Lalpa chunglura pawh Tlangzawl tlangval te chuan Lalin chhuat lai ah chuan an hnungkhirh mawlh mawlh a, tlangval thenkhat in Vawmkaia puiin Aihlinga anbeih rawn tak tak mai zawng, Aihlinga pasaltha khualthang khawpa mihrang, thih tha nen meuha han lim kual zakzak chu Tlangzawl valrual te lulak khawl a nihrim mai le, Vawmkaia chuan, Lal chunglura nghawnga a lulakchem a chuktuah in, "Aihling, i hriam kha i dah lo a nih chuan Lalchunglura lu hi ka la nghal ang" chu AW chuan thawklehkhat ah boruak a ti reh thuap a, Aihlinga mitmeng rumul chu en ngam reng an awm lo, mipangai tan chuan zam chhiatna tham a tlingtlat a ni.!!!
"Vawmkai, mibei ngamtawh lo ani maw, hmeichhia angmaia Lalpa phena i bihruk tak le, pasaltha ka ni e i ti ani lawm ni, mi phena biru lo khan mi bei ta che."
Chu thu a sawi zawh rual chuan, Silai a rawn puak dura, Aihlinga Awm ah chuan thisen tharlam zet hi a rawn luang chhuak nghal zawih zawih a, rangzet a hnunglam a vir zawk in, a hnunga tlangzawl val upa silai hmawr khu vung vunga lo ding chu a zuan nghawl zawka, Aihlinga a ding chhuah leh meuh chuan, tlangzawl val upa lu leh a taksa chu a hrang in an lo let rum tawha,
Aihlinga hnungzang ah chuan silai zen a bet tuara, a kang dum hut bawka, muang changa rawn hawiin, Lalin chhuat ah chuan a thingthi ta hnawka.
Lalnu hlau thlabar chu a tap hawm hawm a, Lalpa chunglura pawh mittui tla kuang kuang in, a khaw daingul, a rinchhan leh in nghahna ber, chakna nei tawhlo thingthi hnawk chu khawngaihna leh lainatna, thinrimna nen a thlir tlawktlawk bak tih theih nei silo chuan, a melh ngawt ngawt ringawt mai a ni.(nghalbual khua valrual te hi sairam chhuaka an kal zan ah an khua hian run an tawk nghal ani a, an pasaltha chhuanvawr aihlinga hi a naulai serh lai tak a nih vanga kal ve lo a ni.
Tlangval ralkai thei chin leh huhang ngah deuh pasaltha tuaitir leh pasaltha thenkhat an awmloh lai chuha tlangzawl pasaltha ten rawn run anni renga, hun an thlang fuh in, an ralrel a sual tampuilo viau reng ani,Mahse, pasaltha Aihlinga kher Lalin a tankhawh a chet alo thawh erawh, tlangzawl valrualte'n hliampui tuar leh nun chan an tam phah ta.
Vengthlang lama RAL tia au thawm Aihlinga'n a hriat rual khan, nunau leh tar chaklo te, ramhnuai lam pan a, mahni sahimna zawng tura hrilh mawlh mawlh chungin Laltual a pan nghal a, mipa ralkai theichin tlemte nen Lalmual ah Hmelma hmachhawnin, theih tawp chhuah mahse, tlangzawl valrual mi sawmriat vel lai tur, an ni mi sawmhnih emaw chauh tan chuan dang ngaihna awm ta lo chu, LALin ah tlanlut in, LAL chhungkua tal Humhim tumin tan a khawh leh ta kha a ni a, nghalbual khaw LAL chunglura hian fapa pakhat HRANGCHHUANA chauh neiin, rawlthar Aw chhuahve tan tawh a ni a, Pasaltha Aihniara fapa AITHURA nena Rualkhat chhuak niin, inrual chiah leh inkawm ngaih emem, UI leh AMEI ang hlauh ani, Sairam chhuak a kal val upa ten Buk nghak ah an hruai tak vanga, an khua in run an tawk tih pawh hrelo a, ramhnuaia nunchan zir an ni a, an khua in run an tawk a, khua leh tui ten hlau thlabar mangang zet in, khua an chhuahsan tih te, an chhungte ngei ngei pawh anlu laksak an ni tih an hriat hun ah chuan, Nghalbual valrual mi sawmnga tur zet sairam chhuak te hian engtin tak ngai ang maw,)
Pasaltha Vamkaia chu muangchanga rawn penchhuak in, pasaltha "Aihlinga, khual thangkhawpa mihrang an sawi chu, Vawmkaia tawn ah i tlawm mai dawn em ni.?" tumah tawng kau chheh leh zairel reng awmlo chuan an ngawi thuap a, Aihlinga, a chemtum hlailian hlephlup a, Lalin chhuat, Rawpui tliang hnum hana a thisen luang nguai kara sawha rinchhanin, tluk mai ala tum hmel loh khawpmai, hnaihchilh ngam reng an awm tlat lo, A mit Sapui thinrim mitmeng ai pawha hlauhawm mengthip turkhuih chuan a'n melh kuala, "Vawmkai, engvanga min run nge i nih, in eng paw nge kan sawi.? Ka thisen leh kan khua leh tui thisen i chhuah hi i tisual chhiava a ni, i rulh let ala ngai ngei dawn e, tun ah hian, khua hi chhuahsan ula, haw vangvang rawh u, Chutilo chu nun in chan belh dawn e" ala ti chheu chheu mai le.
Vawmkaia pawh a tiril a khur pha tlat, a huaisenna zawng zawng sawmkhawm in, a hmaa Pasaltha namai lo tak, a tluk loh mi hrang chu pan hnaiin, "Aihling, kan khua tlangzawl ngeia i chet dan kha i tihsual hmasa ber a ni, a dawt leh ah chuan, LAL hausa leh khaw neinung in nih hi, in tihsual chu a ni e, Huaiber ah ilo in ngaithin pawh a ni mahna, nang aia mihrang Vawmkaia hian i lu ka la dawn e," tih leh a milu lak chem phawrhin Aihlinga lu lak tum chuan a panhnai ta nghoh nghot mai le.
Aihlinga sam a thamin a kuai kun lawpa, a nghawnga fik hmawk tum chuan a zak kau meuh in A Ban hrawl zet chu a lek kang vu a, Rangzet a vai thlain Aihlinga--



Link:
BBcode:
HTML:
Hide post links
Show post links

Ngaia
Site Admin
Posts: 8829
Joined: April 30th, 2016, 4:07 pm

Unread post by Ngaia » January 28th, 2018, 6:48 pm

Episode-2
Aihlinga sam a thamin a kuai kun lawpa, a nghawnga fik hmawk tum chuan a zak kau meuh in A Ban hrawl zet chu a lek kang vu a, rangzet a vai thlain Aihlinga nghawng a sahfuh dawn ah chuan, Aihlinga chu lalin chhuat, Rawpui tliang hnumhun ah chuan rangzet a lum sawn tawl in, Vawmkaia Chawn ah tak mai chuan a sat let zawka, vawmkaia chu a thingthi hnawka, Aihlinga lam a hawi phei leh meuh chuan, a nghawng zawn a Aihlinga chem hriam hlai hlerhlawr rawn vung fua chu pasaltha khualkai meuh pawn a pumpelh kim hman bik tlat lo, a hrawk hrui a chhat lo erawh, vawinei tawp thang a ni.!!!
Chhuatlai ah chuan a hlawm nawk a, a nghawng veilam atang chuan thisen a chik chhuak zawih zawih a,Aihlinga pawh, kha tia Vawmkaia nghawnga a sat zo chiah kha rang lutuka dingchhuak in, tlangzawl tlangval te nghawng zawn ah chuan,a chem chu vai fua fua in, tlangval ho chu an tlu dualdual a, chu hun reilo te chhung chuan, Lalnu leh Lalpa chu Kawmthlanglam a namthla in, Tlangzawl valrual te chu a hmachhawn leh ta chheu mai le, a awm a tlangzawl val upa in a kahna atangchuan thisen lar zet a luang chhuak nguah nguah a, mi pangaitan dinpui zia reng a ni tawh lo, a mah Aihlinga pawh chu a lu a hai muaimuai a, a tlu lo chauh chu a ni tawh e, tlangzawl tlangval te chuan bawh hmasa tu nih an phurlo hlawm kher mai,!!! An chhuan tawlawl Vawmkaia ber nikhaw hrelo in chhuah ah a mu zangphar dur tawh si.
Val upa pakhat chuan hnunglam atang rawn au in, "tlangzawl valrual kan zam ngai lawnge, bawh ang aw," tiin a hma a mi chu an nam phah nghal nawk bawk a, a nam pa chuan a hma ami a nam ve nghal nawk bawk a, chu tianga in nam chhawng zelin, a hmasa ber a mi, nam tur neive ta lo chuan, duhlo chung chungin Aihlinga chu a bawh ta ngut mai le, Aihlinga erawh a tawk hman hmain a nghawng a bung hman tlat.
Chu hun reilo te chhungchuan tlangzawl tlangval te chuan an bawh rawn ta huk a, Aihniara tan pawh tihngaihna a awm ta lo, tlangval pathum lai chu a thal leh hman tih ah chuan, a hnunglam ah kat dawrh in, LalPa khumpui bula tungchaw kak ah tak chuan, a hnungzanga tlangzawl val upa silai mu luhna ah tak chuan ain thil ta pawk mai le, che sawn thei zia ani talo, tlangzawl lam chuan tungchaw kak ah a inbang tih hrelo in, an en thup maia, hma tawn tu nih hlau leh a hmaa hnunglam atang an in nam a vanga fimkhur takin hnulam an melh zuk zuk bawk a.
Theih tawpa in sangmar in, Aihlinga chuan, "in thiante ruang leh hliam tuarte kha zawn ula khua hi chhuahsan rang rawh u, chu tilo zawng Vawin ni hian famkhua in lawi kim ngei ang" chu vo na Ri chuan tlangzawl valrual te, Pasaltha hotu nei tawh lo te chu an zam chiang khermai,
Aihlinga awmdan kha chik takin en ngat sela, Engmah tithei tawh lo leh, tungchaw kak a in bang ding mai2 a ni tih an hre tur.!!!
An thian te ruang leh hliampui tuar te zawn in khua an chhuahsan fel meuh chuan, Aihlinga pawh a dingna ah chuan nunna nei tawh lo tih hriat tak hian a la ding vung thung a
Lalpa chunglura leh A nupui Lalnu Tialhnemi te pawh khatia, Pasaltha Aihlinga'n kawmthlang lama a nam thlak khan, Lalpa Chunhlura chuan, Aihlinga rilru tur hriain, ram lam pan in a nupui kai chuan an kal pai chawn chawn a, chawfak hun awm an kal hnu chuan An bul hnai ah ram hrik tih loh thawm engmah hriattur a awm ta lo a, Ral in an Um zuilo nia an hriat hnu chuan, ralmuang deuh a hria in, kawrte an thlen chuan an thu thlan daia, Lalnu Tialhnemi chu a tap kerh kerh a, Lalpa Chunglura chuan "khai, tialhnem tap tap teh suh khai, tap tap in au mah la i auh kir theih an awm ni hek suh, kan pasaltha te ram chhuak an rawn haw hun ah ka khua leh tuite phuba chu an la la mawlh ang, " tia in vopungin zotui thiang fimkak luang ri herher chu, a bula hnahthial hnah khawr puma suak in a dawt ri ta khawlh khawlh a.
Nghalbual valrual te sairam chhuak ta pawh antum ram siartum ram an thlen meuh chuan a kar ah zankhat a tla tawh a ni, a hmazan an riahna ah zankhua in hahuk hualreu khum tuar an nih vang nge ni, rawlthar deuh te chu an meng bui chuk hlawm a, kalkawnga ramar leh vahrit an vawmthluk puah in then khat an buai a, then khat buk sakna tur chak la in, thenkhat tuidawn siam in an hmanhlel bawk a, tumah tirh ngailo leh mit tikham awmlo a an che sawt sawt chuan Val upa tlangruma leh pasaltha Keitawna te mit a ti tlai ngei mai.!!!
Pasaltha keitawna pawh ramchuan tur leh hmeh eng ilo dap turin a vak chhuak ve leh nghal a, rei mawitawk a thang hnu chuan, sakhi patuai pawbahlat in a lang vo vo a, Val upa tlangruma chuan lo hmu vat in, "Ekhai, kan pasaltha ram chhuah pui ngenge, sa kan tlai leh dawn e, a rengthu ah, silai ri kan hriat awm silo, engtia Sakhi patui rawn hawn thei mai nge maw i nih le" alo ti lunglung a.
pasaltha Keitawna pawh chu Nui then vur vur in, " khuvangte malsawmna a nia nge, ka hma ah a rawn bawk tlat a, ka khawng hlum ta mai a nih kha" a'n tive bawk a, mahse, "chutiang maia awlsam in sakhi khawnhlu thu va awm suh" ti nuah nuah in Valupa tlangruma chuan a vaibel chu a pak khu tulh tulh a.pasaltha keitawna chu Val upa tlangruma bul ah chuan lo hnaiin,"tlangrum, keizawng hmeichhe rilru ang hian ka ngaih a ngam zan thei tlat lo mai, ka ramchuanna ah, lei ruang leh thing lubul ka hmu tlat maia, nizan hauhuk hualreu khum kan tawk nen, ngaihngam taka awma har ka ti mangtak e aw" a ti chuar chuar a,
Valupa tlangruma pawh chuan "a ni tak e, kei pawh tui dawn lakna hnar ka han fang e ka ti a, lui kam a, zawng lu ro lo let ngut ka han hmu tak asin, mahse, eng han tih ngaihna awm in ka hre si law" a lo tih ve tak ah chuan, pasaltha leh Valupa te ngaihtha lo tih ngaihna hre silo chu anin dawm kun ta vung vung a.
Chutia an ngawihdun vung vung lai chuan, an zinga Phanchang ber Valupa Aizika, pasaltha ve tak chu rawn kalin, pasaltha Keitawna leh valupa tlangruma te ngawidun vungvung chuan enghelh annei tih hrethiam in a rawn pawh vat hi alo ni a, Val upa tlangruma chuan thil awmdan, an thil hmuh leh tawn chin te chu alo hrilh thuai thuai a, Valupa Aizika pawh chuan " a nih tak chu aw, kan pi leh pu te khan, leiruangte, zawnglurote, thinglubul te hi chuan thihna a hnai e anlo ti ngai a, kan fimkhur hle angai dawn a nih chu" ti dap dap in, eng helh lutuk lo turin a thiam ang tawk chuan a'n tawng thlamuan ve takna in, amah ngei pawh chu a ngaih angam zan bik lo a ni.!!! tlangval ten Zanriah ei buatsaih in, changel hnah tawng chenchena hlai phah thuah tup chung ah chaw an chhung vum thur a, a lai chawk kua in, kakhisa leh ramar leh vahrit an chhungkhawm ruih a, mauthei ah sakhi chek leh a tuihang an han dawt khulhkhilh mai zawng zawng, pathlawi ngurvunga meuh pawh, thingbul nghenga dul chul huah huah in, "pasaltha hnung zui zet zawng dulhmul khat phurh a ka ei puar pawng chu le, lengi kakpui chuan turpawn dulin min do khalh tlat ta lawng" an ti mai chuh, an vai nuaih ta huah huah hlawma,patlawi ngurvunga fiamthu duh phawk chhuak in, uar fahran a Nghalbual nula te an sep rawtui zet zawng, rawlthar deuh te beng a tleiin, an nuihbawm a sawh keh chiang kher mai.!!!
Rawlthar thenkhat phei chuan chilthli far duah duah in pathlawi Ngurvunga'n lengi a seprawtui ngaithla in an khi vun hlawm a.
a ni tak a, nghalbual nula te hi hmeltha tia sawivul chuk tur em chu thahnem lo mahse, tlangval te chil tiput tawk leklek chu chhiartham fe an awm ve reng a, nghalbual khawchheh vel ah hian nghalbual nula te hmelthatna leh tlangval te huaisenna hian khua an thang ve reng a ni.!!!
(Nghalbualkhaw chhehvel khua ah hian, Tlangzawl khua chauh Lusei Lal khua an ni tawh a, khaw thenawm dang hnai deuh pawh Zannga tal kalngai hla an ni a, tlangzawl khaw chhak hi ram ngaw dur khup chhura rual rual thing ding khup in, Lui lian em em Airawhlui an tih mai, (tuna Airody) hi a awm leh a, helui hi a zau em avangin, tumah a ralkai anla awmlo a, kai mi ah pawh an ngailo hial a ni.!!!)
Buk panga lai an sak hual laia Meipui an chheh alh hluah hluah aia Valupa leh Pasaltha ten khunkhan fe a, an thut khawm laih tak ah chuan, tlangval te chuan, Valupa leh pasaltha ten rorel tur an nei tih hriain mutzai relin buk lam an pan ta sap sap a.
Zanlai a pelh khawthim chhah lai tak chuan, Aithura muhil tuilai chu kut vawt thlerthlawr hian a rawn chul thuak thuak a, Aithura chu harh zawkin, a in vai vut a, mahse tumah vaifuh a nei silo, meipui an chheh en ut thlar ah chuan a bula athianpa Hrangchhuana muhil hnar bawrh bawrh tih harh hlau tak chuan a tho them them a, buk kawngka a dak chhuak chiah chu, a thil hmuh chuan a ti ding chawt a, an meipui chheh lehlama mipakhat vei thoh thoh chu, tu dang nilo in, a mah hringtu, Apa pasaltha Aihlinga ngei a ni tlat, Aithura chuan a en tlawk tlawk a, mak tihna hlirin a khat a, a mi hmuh pawh chuan rawn en let ve in, a mit meng ah chuan, thinrimna liantak a nei ani tih Aithura chuan a hrethiam theinghal uar mai, a hawiher ah chuan, ralmuang lo tak leh enghelh nei tih hriat tak hian a hawiin a phi sek bawk a, Biak tuma a panhnai dawn lai tak chuan, a hnunglam atang, A thianpa Hrangchhuana AW ngei chuan, "Aithur engtizia a ding khawng reng nge maw i nih le, kal rawh keipawh zun chhuakin mi ti harh a, i zung teh ang" tiin Aithura chu, zunchhuak mahni a zung ngam lo ah a rawn ngai hi alo ni a, Aithura'n Hrangchhuana buk atang lo chhuak a melh zawk chhung chuan, a thilhmuh pawh chu alo bo deih mai a, mak a ti ta tulh tulh mai.!!!
engmah sawi lo chuan, Hrangchhuana bula zunram thiar chuan a kal ve ta a, an let leh lam buk kawngka aluh dawn chuan a hawi let leh zawk chuan, meipui enphak chin a, apa Aihlinga'n ban alo vai lauh lauh leh thim kara a pil riai riai chu a han hmu leh ta, chu tah zet zawng, en liam mai mai a tumta lo kher mai, rang zeta in herin a pa pilna lam ah chuan a lim pheita zawka.....

Link:
BBcode:
HTML:
Hide post links
Show post links

Ngaia
Site Admin
Posts: 8829
Joined: April 30th, 2016, 4:07 pm

Unread post by Ngaia » January 28th, 2018, 6:48 pm

Episode-3
Meipui enphak china, apa Aihlinga'n ban alo vai lauh lauh leh thim zinga a pil riai riai chu a han hmu leh ta, chu tah zet chuan, en liam mai mai a tum ta lo kher mai, rang zeta in herin a pa pil bo na lam ah chuan a lim pheita zawka,
Hrangchhuana paw'n rawn zui nghal in, thimchin ah chuan, a pa Aihlinga zawng chuan Aithura chu a lim kual ta zak zak a, mahse, hmuhtur reng a awm tawh silo, angaihna hrelo zet chuan a ding leh ta vung vung a, Hrangchhuana pawh rawn thlengin, Aithura awmdan danglam leh mak tak chuan a ti hrilhhai leling zawk hiala, mahse, Aithura, pasaltha khualkhai fapa, khaw eng a hmuh tirh a ta, engmah hlauh a neih a hriat ngailoh, a thianpa a hriat chian em em, chu tianga a awm ta chuan, eng emaw tak thil thleng a awm ngei a ni tih erawh a ring nghet bur thunga, Aithura bula dinhnaih pah chuan, "Aithur, eng thil nge nita, zan reh a i lim puat puat tak le" tiin, a chemtum hum ruh vah leh in ring ran chuan a ding kul khan a.
Aithura erawh muangchanga in herin, "Thianpa, ka mitvai mai mai a nia nge kapa ka hmu emaw ka ti a" ti chauhin a chhanga,
Hrangchhuana chuan a thianpa chu a thlek vang vanga, amah ai pawha tuar chhel leh mit fim, lunglen vanga mit vaiin a pa a hmu em ni ang.! Chutiang ni dawn se, amah hrangchhuana ngei pawh chuan, hreawm a tilo in khawhar a hre lo a nisi a, amah ai pawh a angaih chungnun, Aithura mitvai nilo in, eng emaw hmuh a nei ngei chuan a ringtlat a, Buk chhung an luh dawn laitak chuan, pasaltha keitawna AW thian kharh kharh thawm ah chuan an ding chawt a, buk sir atanga rawn penchhuak in, " Ekhai, tlangval te u, a zan lai lai a, in lim kual tak zak zak mai ni, mangchhia in mang chu a ni em lo maw.? thukhuh tak si a chu zawhna chu, Hrangchhuana chuan, " mang lah lo e, Zunram thiartur a kan chhuak ka in pal palh a, ka'n petek nawknawk alom mawle,Hei thianpa Hrangchhuana hian mirawn pawt ding hman hlauh a" lo tivat in buk chhung ah chuan lut in an mu dun ta nghal a.
Aithura chu a muhil thei ta reng renglo a, pawn lam ah pasaltha Keitawna pawh meipui chhawmtha a aiin vaibel a pak khu tulh tulh bawk a, muhil theilo a in let thak thak in a tho chuak ta nge nge a, Pasaltha Keitawna bula va thu ve in meilum chu an ai dun ta rial a.
Chu tia a Sangawi zawnpui ber Pasaltha Aihlinga fapa Aithura Zanlai arkhuan pel awrh a lo thu chhuak chu, Pasaltha Keitawna chuan, Lo be sawm in, Pasaltha Keitawna chuan, " Aithur, Rawlthar chhuak chjo in Tlangval nun kawng ilo zawh dawn ta reng mai a, i pa Pasaltha Aihlinga ka thian, naupang tet atang a khawi ilo kal ah pawh inzui kawi reng kan ni a, ka fapa anga ka en i ni a. Thu chhia a tha i hrilh ngam in hrilh ngam tur kan ni e" tiin a thu sawi tum bul a'n tan dap dap a, Aithura pawh chuan uluk tak a ngaithla in keitawna lungphu ri thleng chuan hriat a tum emaw tihtur khawp hian ka beng chu a dawh hnai in a tun hra a, Keitawna chuan Sawizawm leh in chhun lama leiruang tuam te Zawng lu ro te, an thil hmuh zawng zawng hrilh in, " Nachin a i khawsa zia ka hmuh khan, i pa thlarau i hmu niin ka ringa, i rawn thawh chhuah hma khan, reilo te chu ka be hman a, Vawmkaia ti chauh a sawi hmana, in thawm ah khan a bo ta daih a, biak che a duh niin ka hria, " tia a thu sawi zo chu, chiang taka Aithura en vang vangin, "Aithur, i pa chung ah hian thil tha lo tak a thleng pawh a ni thei a, keimahni chung ah pawh a thleng thei bawk a ni tih hria in Fimkhur hle ang che" a tih zawm zat a, Aithura pawh chuan, apa thlarau rawn inlar ta chu mak a tiin a ngaih pawh a tha lo hle renga, an ram chhuah dawn khan, a Naulai serh vang chauha kal ve ta lo kha a ni a.
Pasaltha keitawna chuan, Pasaltha nun kawng te, tlangval nun te, thu tha tinreng fah in, ei an rel phah dun fe hnu chuan midang pawh rawn tho chhuakin, tukthuan ei an peih veleh chuan an ei ta nghal a.
Tukthuan an eikham chuan, pawl li a in siam in, pasaltha Keitawna leh pasaltha Saithata, val Upa tlangruma leh Valupa Aizika ten pawlkhat theuh ho in, chhim leh hmar, chhak leh thlang lam ah te inthen darh in, Aithura leh Hrangchhuana ten Buk anlo nghak dawn a ni.
Buk chhuahsan in mahni chan ram pan chhuan an chhuakta sangsang a, pawlkhatin silai fung thum theuh an keng thei a, thenkhatin fei kengin, an phur tlang dam dam ngei mai, a nikhatna a ni bawk a, Sai lakah lo chuan, tumah kut thawh lo a, a tul tawpkhawk a nun chanai chuan tih chauha silai hmet puak tur leh ramsa dang ti ralti zawnga khawsa lo turin anin fuih ngun hle bawk a, Aithura pawn apa Aihlinga silai, mi eng emaw zat lu alo lak tawhna silai ngei chu hum in, Hrangchhuana pawh Apa LAL pa chunglura banglai mawitu, lal chunglura A Lal tirh a pawihkhua an run tuma pawih LAL nupui, pasaltha Keitawna pa, pasaltha keicheka'n sala a hawn sak, Pawih LAL in an tlan chhuahna silai ngei chu kengin, zanriah hmeh tur ilo fahran zawngin an vak chhuak ve bawka.
Rei ngial an vahkual hnu pawh chuan, tumbu leh aidu bak chawhmeh tur an hmu tlat lo, sakhi kahtur chu an hmu nameuh mai a, mahse, Valupa ten SAI lak ah leh nun chhan nan chauh ngenmu chiau tir tur an tih avang a, tumbu leh aidu chauh hmu an ni renga.
NI in vanlai zawl a pela, thlang ah a her bawih a, zanriah eirel a hun dawn hnaih ah chuan, Silai vawithum lai puak rual ulh ulh ah hre ta, a ri lo chhuahna lam chu an ngaithla vang vanga, Pasaltha Saithata te ram chhuahna lam a ni ngat mai,!!! nun chhan nan a thalthlah nge an nih ang, an beisei SAI an hmuh vang zawk nge ni ang, ding meuhin, Aithura leh Hrangchhuana chuan beng dawhin an ngaithla vang vanga, tuibur hmuamda pawh a ral hma chuan, an awmna lam pana mi rawn tlan thawm leh Sai pachal in hrosa ri ruai ruai an hreta a.
An vawikhat Sairamchhuahna a, chu tianga Sai in hrosa khek tuar tuar ri an hreta mai chu, an phur in an za ta cheng mai renga, an tumbu khawrhsa leh aidu te chu ip pui chawpa thehthla in, Sai hram ri ruai ruai lam pan in an thiandun chuan an dawk chhuak ta zawk zawk a.
Thui an tlan hma chuan, Pathlawi Ngurvunga ngeimai chu, a puanven thlauh veka saruak ngalngata rawn tlan dawr dawr in "khaih.. khaih e..., naute tlanrawh u tlanrawh u, mahni sahimna zawng rawh u' ti tuarhtuarh in a mah pawh chu chak deuha tlan in Aithura chu a rawn su thawi fua nghe nghe a.
Aithura leh Hrangchhuana pawh an ding chawt a, thawm lo chhuahna lam an en chu, mak tiin an zuang lo chauh a ni, a vawikhat nan a nungchung ngeiin SAI an hmu ve ta, Mahse, a nelawm fahran loh, a lian in a chak hmel em em leh nghal a, pasaltha thisen kai thlahtute atang an danglam bikna, eng hun ah mah chiai ve ngailohna chu lo langin, Aithura chu a thingthi rup a, sai pachal rawn dawk cho zawk zawk ke pen leh tur chiah chu Aithura silai mu chuan a khup ah tak zuk fuhin, Sai pawh a ding chawt a, a Awphniam nghal suai a, mahse Sai pachal chuan a tum hlen chhuah a tum hmel kher mai, rawn ding chhuak leh in, hmalam chu a rawn pa leh ta chhur chhur a, pasaltha hming an sawi zinga thlahtute hming pawh lang ve ngai hauh lo, Hrangchhuana chu LAL thisenkai, Lal fapa a nihna leh Lal huaisen fapa a nihna rawn lang in, a thianpa aithura tih dan ang bawk chuan, leia thingthi in, Sai pachal khup lehlam ah chuan an kap ve dur bawk a, sai pachal pawh a khup hmalam pahniha silaimu lut dinchhuahpui leh tur chuan a hliam tawrh chu a namai lo hle a nia nge, Hmeithai in tia zet a lian, Sai pachal chu a tlu tawp thei nia mawle.!!!.
Sai pachal ding thei tawh lo, thinrim in hrosa zet chu a thawm ana in, rawlthar thenkhat pheichu an khur chhe theihial renga, a bulhnaia thingtuai leh mauhung te chu a nawn liam em em chuan a vai thlu henhun mai reng a, tlangval thenkhat, sai a ding thei tawh lo tih hrelo a, bak lenga la tlanchhe hlawkhlawk tawk lah bo lo, hmundanga kal te pawn an thawm hria in an rawn pan khawm ve mek bawk a.
Tlangval tlanchhe zel te in au khawma an buai lai chuan, Lal khawnbawl Zachhinga fapa Zangena, mi pamham leh zupui heh zet, khua ah pawh nunau te ti ralti tu leh chapo zet, val upa leh LAL meuh pawh in an zilh hau hnu a, a nungchang sim duh hauh lo, a pa Lal khawnbawl a nih vanga chapo ul chuan, Sai pachal ding thei tawh lo, a ban phak hualchhung ah lo pheichuan duh thala kah dawp dawp theih tawh, bawk run mai chu in ti thu leh Chapo fe a hawi vulh vulh a, a silai sei ruang nena tin vung vungin, a cheng kau rup a a hmet puak dawn tih ah chuan, pasaltha Saithata chuan " Zangen, Aia Upa te leh val upa te, kan pasaltha te, thal thlah hmasa tute thu ngaihchan hmasak ava tha em" (*pi leh pu te hun lai khan, Sapui ah chuan, kutthlak hmasa ber tu nilo in, a nun chhat tu a kaptu a ngaih anni thin a, khaw thenkhat ah pheichuan, Sakap tu nih duh vangin a nun chhah anin chuh luih luih thin reng ani)
chu AW chuan nelawmna a nei hauh lo, a hmaa ding leh a mit puk thim hmuk anga dum fiahkak chuan a melh ding khur khur bawk a, a thusawi phena thildang la awm tlat a hriatna a neih theih hial a, Zangena pawh rawn leh hawiin, chutianga a thil tih khaktu la awm ngailo chu ngaithiam lo hle mahse, lo khak tu chu mal beiha a cho loh te zinga mi a ni mauh mai.!!! Mahse, chapo na hian åtna a keng tel tlat chuan Zangena vanduaina alo ni dawn ta.
khawnbawl fapa a nihna leh zupui ngawlvei chapo a nihna inkawp nghet tlat chuan, pasaltha Saithata khawlailum ah pawh awmpha lo, hmeithai fa chu chungtlak zet hian, " Tunge maw ni a iin hriat le, khawnbawk fapa pasaltha Zangena thangchhuah tur sapui mi chuh ngam chu le" tiin Pasaltha hming lam nikhua pawha ahming lang ngai reng reng lo Zangena chuan a pasaltha a in chhalin, Saithata lam ah chuan a silai chu a tin kawh ta vuh a.
An piah deuh atangchuan, Valupa te rawn langin, "Zangen i silai kha i dah nghal lo a nih chuan kei Tlangruma hian ka thalfang ka thlah hreh hauh lo a nia" rawn titu AW chu Zangena pawh chuan alam tang a nilo tih a hrechiang kher mai.!!!
A hnunglam atang chuan, Pasaltha Aihlinga angmaia A mitmeng chauh pawh a en that ngam loh pasaltha keitawna, Aihlinga Aihnah phah pui ngei mai chuan, "Zangen, LAL thu hmua Sairam chhuahna a hruai che kan ni e, "
chu thu zet chuan Zangena chapona te Khawnbawl fapa a nihna te chuan awmzia a nei ta lo,
(pi leh pu te hun lai khan, hetiang mi, khawtlang tana mi hnawksak, Valupa Khawnbawl leh LAL ten an zilh sim Zawh loh reng reng, A chitam hmaa dahthat tur tiin, ram chhuahna ah dahthat an ni thin a, lal leh valupa te'n engmah an sawi zui loh avangin, Mithi chhungte pawn, engmah an sawibuai zui ngam thin lo a ni)
Zangena chuan a silai chu muangchanga dahthla in, leiah chuan a thingthi hnawk a, "chu ti khawp chuan a nimaw kei hi ka lo tlaktlai loh ni, khawngaih tak in mi ngaidam rawh u, ka pa hming chhal in ka tiam e, mi nun hram rawh u, in mit hmuh ah ka in lan leh tawh ngailo anga, nghalbual khaw lamhawi in ka ke ka ben leh tawh ngai hek lo ang" chu tawngkam zangena ka atang lo chhuak chu mak tiin an ka ho vek a.
Pasaltha keitawna chu, muang chang fak a rawn tawng chhuak in, "Zangen, Nunna hi a hlu a, mahse, misual nunna erawh kan mit hmuh phak loh ah pawh a hlu chuanglo, Val upa leh LAL zilhna meuh pawh pawisa lo in vawin ni hi i thleng a ni a, i chi tam hmaa dah that che hi kan tih mak mawh a ni e, hmundang khawdanga kawhmawh bawla dam che hi nakin hnua kan inchhirna zakhua min thlen tu mai a ni dah ange" tiin a chemtum phawrh in a pan ta chheuchheu mai le.
Zangena Hlau lutuk chu lei ah chuan a hnungtawlh hun hun a, zuncheh pur chuan ngaihdam dilin a au tre ruan ruan bawk a,
Chu tih lai chuan a hnung tawlh zel chuan tu emaw khup a su tlat, an hawi chho chu, Vau zam alo tum ngei mai, Pasaltha Saithata chuan mitmeng thip fahran hian alo melh tur khuih mai si, a hlauthawng mangang lutuk chu a dang sawp sawp thei hial a,
pasaltha saithata chuan a silai theh thla in, a chemtum a phawrh a, Zangena lu a sahsawk tum chuan a zak kau meuh in a tinta vuh mai le.!!!
chutih lai chuan, Zangena tan thu lawmawm alo ri ve ta, Val upa Aizika AW ngei a ni, " Pasaltha te u, Kan khawtan in tha leh theihna zawng zawng in hmang a, in zahawm in, in hmel pawh a khapawm loh kher mai, mahse, Nun hian hlutna chen a nei a, Zangena hian tihtak zeta inchhira a sim dawn chuan, a nun zuahsak a tha law maw, mahse, midang chungtlak leh hnawksak zawnga a khawsa leh a nih ngat chuan, eng mah daltu awmlo in a nun chu keimah ngei hian ka la ang.! " Chu aw rawn chhuah tu Valupa Aizika chu an en thup a, a reh hian a reh tlawktlawk a niber e, Pasaltha Keitawna chuan, Muangban charh hian" keizawng ka chem hian hetiang mi tlaktlai lo hi a ngam in, an taksa hi ka chem hian a duh em a sin, mahse, kan Val upa ten in tih chuan ni ang hmiang" tiin a chem chu a ip pui ah chuan a khung tha nghal a.
pasaltha Saithata pawh chuan kalsan in Saipachal bawksawp nuai lam chu a pansan ve bawk a, chu tih lai chuan, fiah tak si, Chau tih hrit tak an AW hriat thang ngei mai chuan, "ka khua thlamuan tute zet zawng, in LAL nih ka tlin lo in, in LAL nih nuam hle mahse, ka va in sit tak em, in thutluakna fing leh lungrual tak hian ka khawtluchhe mek hi in tunding leh angai a ni"
Chu AW lo chhuahna lam chu an hawirual thup a, patling tan pawh nihnih meuh kal ngaihna hmuna an lalpa Chunglura, taksa pilh neunuau leh chauh tih hriat hliah hliah a ding sai dat dat chu Ka ho in an thlir tlawk tlawk ringawt a, chiai ve ngailo, Pasaltha Keitawn rawn tlan chhuak in, lalpa chung lura tlutur chu a rawn dawm hman hram a, Lalfapa Hrangchhuana leh Pasaltha Aihlinga Fapa Aithura pawh lalpa bul ah chuan thleng chawpchilh nghal in, Lalpa nikhaw hrelo a tlu chu an bawihsawm ta mawlh mawlh a....

Link:
BBcode:
HTML:
Hide post links
Show post links

Ngaia
Site Admin
Posts: 8829
Joined: April 30th, 2016, 4:07 pm

Unread post by Ngaia » January 28th, 2018, 6:49 pm

Episode-4
Lal Chunglura nikhawhrelo a awm pawh, theihtawp chhuaha an bawihsawm hnu chuan lo harh chhuak ve leh in thil awmdan chu a sawi thuak thuak a, pasaltha Saithata ho in tlangval sawmhnih rual zet chuan Lalnu Tialhnemi zawngin an liam nghal a, thenkhatin Lalpa chu Buk lam ah an zawn bawk a, Pasaltha keitawna meuh pawh an khua leh pasaltha Aihlinga a thianpa chunga thil thleng chuan a nghawngna ngaih ngaih kher mai, a meng å phut a, a chemtum chu phawrh in nghet zet hian a hmer ngawt ngawt a, a bula thingtuai chawnpuar tia tia chu fik hmawk hmawkin, "Aihling ka Unaupa, lo tang fan fan rawh aw, i thianpa Keitawna ka la awm e, engpawh i chung ah thlengse, kutthlak tu che chuan an kut thlak man an hmu khawp anga, khawihmun ah pawh tlanbo mahse, ka thawktawp thleng pawhin ka zawng zel ang, " tiin a chemchu a vai fua fua a, Aithura pawh kilkhata lo in humruh in, a melh ngai melh ngar in, a mit atangchuan mittui dang rualloh in a far kauh kauh a, a thinlung ah chuan, Pasaltha Keitawna ang tho chuan, phuba la ngei tur chuan a intiam ruh sauh sauh bawk a,nghalbual valrual te pawh anbang bik lo, tlangzawl laka phuba la tur chuan an thinlung ah an in tiam sauh sauh vek a ni.
Pasaltha keitawna chu pasaltha a nihna lo langin, a in ngaihtuah fimthuai a, Saipachal la bawk run chu Aithura silai mu dawng hmasaber a nih angin, a hnuk chhat tur chuan a ti ta a, Aithura chuan duhlo in lo tang sateh mahse, Pasaltha Keitawna chuan a tihluih tlat avangin, phur takin Sai pachal zakdawh ah tak kap in, a ke chu a leng awt awt a, a awmhmun ah chuan a zal ta riai riai a.
Lalnu Tialhnemi zawng tute pawn buk an thlenga, Sai Sa pawh buk an thlenkim hnu chuan, lalpa ho chuan Valupa leh pasaltha te chuan ro an han rel ho ta a,
LALPA chunglura chuan, " keizawng in LAL nichunga Ro han rel tlak pawh ka nita lo e, Ka khaw daingul leh Valupa te'n tha in tih apiang ka pawm e, mahse, hei erawh min hriatsak ula, kan chunga kut lek tute hi en liam mai mai erawh ka duh lo a ni" inthlahrung aw taka a'n ti chu, pasaltha leh valupa te chu anlo 'E' dual a,an zinga phanchang ber leh khual thangkhawpa pasaltha nilo mahse, pasaltha vetak Valupa Aizika chuan, "Lalpa, nang lo LAL dang kan neilo a, Nanglo LAL dang neih kan duh heklo, nang iawm chhung chuan, kan LAL i ni reng ang, kan LAL nih i tlin lohna kan hmu lo a, nang tluka kan LAL nitura kan duh an awm hek lawnge, Tin. i duh ang ngei chuan, Tlangzawl khua chuan nuam an sa rei hauh lo ang. ka nunna chhal in ka sawi e, Tlangzawl khaw LAL Ngurdawla tlawm hma leh Vawmkaia a damve chhung chuan ka chem leh chengrang hi ka dung maimai lo ang" a tita chheuchheu mai, midang pawh chuan, "ka rilrem zawng tak ani" an lo tive tliar tliar bawk a.
Val upa Aizika hi, Pasaltha Aihlinga nau, a chhangchiah a ni a, Huaisen ah leh insual thiam ah a U tluk mahsuh sela, thluak fim ah erawh, nghalbual khua mai nilo, an chhehvel khua ah a ni tluk phak reng an awmlo ti a, mi sawi hat hat a ni a, a thutlukna sawhsawn tur khawpa remhria leh a aia tha thu keuh thei an awm ngai lo reng a ni,hetianga thluak fim a nih vang leh ram leh ral laka pasaltha dangte an rintlak tho si a vanga LAL chunglura'n Ral leh Ram chhuah vah nikhua pawha khawchhung uaplum tura a dah thin vanga khual kai khawpa hming chherlo leh pasaltha tia sawi anilo mai chauh a, LAL sa barh kawng ah erawh a ni tluka kut ngil leh hmui, LAL sabarh ngun an awm awm lo e.
Beng sik meuh a an ngaihtuah vangvang hnu chuan, tlangval te ko khawm in, pasaltha pahnih Saithata leh Keitawna ho in, tlangval sawmthum rual khua ah hawvat in, khua ah ral a awm leh awmloh te thlithlaiin, khua chhuah san ta nunau te an lam khawm anga, midang zawngin, saisa rep phah leh Lalpa leh Lalnu zankhat chawlh hahdam puiin, a tuk ah khua an pan ve leh nghal dawn a ni.!! tichuan, khua an in benbel veleh, Tlangzawl khaw runturin, a siruk la teh meuha thawk chhuak tura thu an tih tluk thu tlangval te hnen ah chuan an puang ta a,tlangval te chu an hawhaw hluahhluah a, Tlangzawl khawrun hun mawlh chu an nghakhlel in an za nghal chung tawh mai ani.
Aithura pawh khuaa haw hmasa pawl ah a telva a, khua an luh ni chuan fimkhur taka kal in, kal hmasa in siam in, Ral anawm tawh lo tih an hriat hnua khua an lut meuh zawng, khawlaia ruang let phung leh sava chi hrang hrang ten ruang chhe tawh lam an tlan chu hnawt kiangin, mitthui nen rilru na teu in an chhungte ruang chu an tah tlawk tlawka, Aithura pawh an in ah lut vat in, thawm leh hnuhma engmah a hmuh loh avangin, LALPA chunglura thusawi bawhzui nghal vatin, LALIN chu a pan ding nghal a, lalin chhung a lut chiah chu a nghilh dup a, khawvela a ngaihsan ber, thitheilo tur hiala angaih, tu pa mahin an khawih na zo ve a arin loh Apa Pasaltha Aihlinga ngei mai chu, nunna nei tawh lo tih hriat tak hian LALPA khumbul Tungchaw kak ah chuan alo in Bang ding run mai a, Muangchanga pan hnaiin, a pa ruang chhetan tawh chu a thlek vawngvawng a, "Ka pa, i fapa hian i nun chhat tute ka chimih hma chuan ka nun hi a chawl hahdam lo anga, ka hriam hian a miduh lu a lak hmachuan ka tung bawk hek lawng, thlamuang takin chawl mawlh ang che" a mit atang chuan tuma thlem chhuah loh in mittui a far zawih zawih a, apa in thutha tinreng fah a, a kuahlum laite a mitthla ah alo lang zutzut a.
a dara ben thak phah in Pasaltha Saithata chuan," Aithur, ipa thisen hian min au a ni, khawihmun ah pawh i hnu ka rawn dal zel ang" chu tawngkam rikrual chuan, LAL fapa Hrangchhuana chuan "thianpa, thihpawn ruam khat ah Dam pawn mual khat ah kan ti zel ang chu le," a rawn tive dapdap bawk a, kawngka bula mittui parawl kuanga lo ding ngawireng Pasaltha Keitawna chuan, "Naute u, Hotu in mamawh ngei ang, Vawmkaia leh a khua te chimih turhian HO ka mamawh dawn reng a ni" alo tive bawka, mihrang valrual te chet thawh hun a, an chetlakna khua nih a chakawmloh viau ta ve ang.
Khua a ruang an thian faia nunau tlanchhia te an rawn haw leh Lal leh tlangval saisa phur te'n khua an luh kim meuh chuan, nghalbual khua in run an tawh atang ni 10 lai alo liam leh ta reng mai.!!!
Buaina karah buaina an neih belh leh ta tlat mai,! Pasaltha Aihlinga nupui, Aithura nu Thanghliri leh a fapa Aihniara nausen chu khua in run an tawh atang khan, an hmel leh thawm hria reng an awm tlat lo.
uluk leh zau lehzuala Nisarih meuh an zawn leh hnu pawh chuan an thawm leh an hnu reng hriattur a awm tak siloh ah chuan, thlan lai a changel phumin An vuiliam ta a,
Aithura rawlthar zawlbuk kaitir te mai, mahni chauha an In a han luh chuan, dan rual loh in an chhungkua, hlim leh muang taka an chenho lai te mitthla ah lang leh thin in, a khawi ilo kal haw, a nu'n alo chiauau thin te ngaihtuah in, mittui ti tla tam tu mai an chang zota, a nu leh a nau chu engtin awm tak ang maw, ral kut ah an thita nge, ramsa lak ah nun an chan ta nge, an tluhlum ta nge ni ang,.!! anun chu khawhar na tahna leh zawhna hlirin a khat a niber a, Lal leh Val upa ten Tlangzawl khaw run hun tur anla sawi bawk silo, nikhat chauhpawh rei a tiin, a mah chauha kal chhuah maite chu a duh leh utut thin a, mahse, valupa te leh LAL thu hmulo a kal ngawt zawng nitheiin a hrebik mawlh silo.
Zawlbuk meipui khu vut vut Zing ah chuan, Valupa leh tlangval te chuan, mittui leh hnaptui nen meng dur suih in, tlangzawl khaw run an chak tawh thu chu an sawi nak nak a..Valupa Aizika chuan, " kan khua chuan run kan tawk a ni a. Nitam liam hnu ah ruang kan senghawi zo fel chauh a, khang kan chhungte ruang Rimnam deuh tawh te khan Sapui a ko ngei dawn a ni.! Tlangval te pawh in ring rengin awm ula, Ral emaw, sapui emaw lak ah nun kan chan tawh tur ani lo a, kan engmah hi inhlauh tawh loh kan tum vek dawn nia" Valupa leh tlangval te pawh chuan, dik an tiin, an hriam neih ang ang te Zawlbuk ah chuan hum lut far in, An puanhnuaia dah turin an in fuih sapsap a, Aithura leh hrangchhuana paw'n an silai chu puanhnuaiah mutpui in, puan vengsa at a mutmu tuah in, ip pui chhunga chemtum awmsa thlap pawh zawlbuk bang ah chuan an khai far a, Zawlbuk bawhpel bul ah chuan meichher chhitkai maitheih tur an tung tlar thluah bawk a.
Chutiang a in ringsa Penpawn a nithum lai Chaw an fak leh hnu chuan, Valupa Aizika rin lawk ang ngei chuan, Zawlbuka Tlangval te muttui lai Zanlai arkhuan hun awm vel ah chuan,Vengthlang lam atang Sa a tla e tia Au ri an hre ta.
Zawlbuka valrual te chu kaihthawh leh thawhphan neilek lo hian, mahni hmanraw neih ang ang humchhuak in vengthlang lam ah chuan an tlanthla ta sup sup a.
Aithura leh Hrangchhuana pawh AU thawm an hriat veleh khan, an puan silhlai theh hlawm tawp in, an Silai mut pui thawh pui nghal in Bang a ip pui an ban leh nghal zawk a, Meichher pawh keng hman ta lo chuan veng thlanglam pan chuan an dawk thla zawk zawk a.
Midang thlenhma chuan, vengthlang hmeithai Pi Chalveli in kawta Pa thenkhat lo awm leh Hmeithai Chalveli mangang hlau thlabar chu an zuk hmu vat a, Tlanthla phah chuan, Khawilam ah nge tia Au thla zel in, Chalveli kawta mite chuan, kawmthlang lam kawk in khulam ah khuan a ni e, fimkhur r'u aw, Keipui a ni e, ti a lo chhawn vat in, Aithura leh Hrangchhuana chu kawmthlang a Keipuiin Vawkpa Sum nga zet a hnuh thlakna ah chuan an tawlhthla ve nghal hun hun a.
meichher kenglo a tawlhthla an ni bawka, kal leh tawlh an fawm hi ani hawt a, Keipuiin Vawk a hnuhthlakna zel ah chuan chhuk in, kawr te an zupawh ta thuai a, Vawk thisen lum thangnghur leh sakeiin a hnuhna hnu dap thla phah zel chuan an chhuk thla ven zel a, chutia an kal lai chuan, Kawr chhaklam ko chunglam ah chuan keipui ngur chhur chhur ri an hre ta tlat mai le.!!!
Thawmdim leh fimkhur tak inring fahrana ko panga an dak chhuak chu, mak an ti ngei mai.!!! keipui lianzet a lu pawn arbawm a tia hil awm e tihtur khawpa lian chuan vawkpa sumnga zeta lian chu lo seh thi sungin, a hma ah chuan Pasaltha Saithata a ban veilam a meichher keng leh a ban dinglama vawkpa bawpa chelh ve tlat chu an hmu ta a, pasaltha saithata chuan " Zahngai hram la i chantur i tamhnem chu ka pe mawlh ang che, mikian san rawh khai" tiin keipui chu zamna leh hlauhna tel miahlo hian alo be mawlh mawlh a.
Chutia a sa seh hlau leh zamna neimap lo a lo pawt tu an awm ta chu Keipui pawh chuan a ngaihthiam loh hmel kher mai.!
Hrangchhuana chu tlan vat in, Vawkpa bawp lehlam ah chuan ava chelh ve nghal chat bawk a, Aithura erawh, Nghalbual pasaltha khual thang khawpa huai leh Nghalbual Valupa, khualthang khawpa fing thlah kalzel a nihna a lang tlat, Hrangchhuana'n Vawkpa bawp a chelh rual chiah chuan, Silai puakri dup in, keipui pawh chu, a hnunga kawrte ah chuan a zuang thla zawk a, Aithira chuan a silai chu sawh leh ngjal zat in, Pasaltha Saithata leh Hrangchhuana te nen chuan, kawrte chu fimkhur zet hian an bih dekdek a, kawrte chhuata tap tia vela zau lungpher ah hian thaw hleithei lo thawk tum hian alo thaw kawk kawk a, a awmdan ah chuan a chethei tawh lo tih hriat tak hian a meng khup riai riai a, kawrte a chhuk in an han belh chian chuan, Aithura silai mu khan, a zawkdawh alung zawn ah tak deng fuh hi alo ni a, a kaphnai bawka, keipui zak leh a awmbawr ah te chuan zen alo bet tuar a ni.
Nghalbual val te pawh rawn thlengthla ve nghal in, an rawn au thla nawk nawk a, Pasaltha Saithata chuan " Hlauhawm a awm tawh lo e, Sapui chu kan pasaltha ten an tudai tawh e" alo ti lauh lauh bawk a, keipui ruang leh Vawkpa ruang zawnna tur hlang in tlangval ho chu an phe ta nghal sang sang a.
Aithura pawh, a pa Aizika te, a thianpa Hrangchhuana te'n an bula awm tura an thlem ngial pawn, Mi pa fa, Nu leh pa in awm rwnga in danga insuan luh chu, thih hreh taka a neih avangin, a mah chauh chuan, an In reh ruih ah chuan a khawsa ve naw naw a, a chang chuan mittui nen eirawng a bawl ve thin pawh a ni maithei e tun kan hmu pha bawk silo a.!!!
chutiang renga nun khawhar leh phuba lak chaka a awm lai chuan, tlangau a rawn au lohloh a, Aithura pawh rangtaka insiam in, Laltual lam pan chuan a liam ve nghal vat a,
Lal tual ah chuan, tlangval sawmruk rual zet hi anlo tling hmur tawh reng a.Lalpa Chunglura chu lo dingchhuakin, thimhlima valupa leh khawnbawl te, pasaltha tenen tlangzawl run thu an rel ho thutlukna chu a rawn puang ta dap dap mai le..."tlangval ralkai thei chin zaqngzawng kal vek tur, Pasaltha keitawna leh Valupa Aizika ho in natuk zing ah khua chhuahsan tur a ni, Sala man duh lo chu thah vek tur, pakhat te pawh tlan chhuak anawm tur a nilo" an ti riap mai le. An tuar nsa bawk a, an ruahmanna pawh a rawng ngal ngal kher mi.!
Tlangval ho chu an hawhaw ruihruih a, kal ve ngei tum chuan, an in sangphek a, rallu hawn lo bik nih hlauin an hman hlel a ni hawt a,
***************@**************
Tlangzawl valrual ralrun haw pawh LAL tual ah chuan an ding ngui nghiai a, an khaw pasaltha leh in nghahna ber Vawmkaia thichhawnga lum reng chu anin lam pan pui vat in, bawlpu chuan theihtawp chhuahin a bawihsawm char char bawk a,
Lalpa Ngurdawla chuan Tlangval ho chu a en kual dandan a, "Milu pakhat mah mi hawn nange, Sal pakhat pawh mihawn lo amaw, ka khaw tlangval in ni meuh maw.? engtin nge ka Lal tual ah hian in ding ngam zawk le" tiin kawmhnuaia thingfak chu la in tlangval ho chu a hlap ta zawtzawt hlawm a, tlangval ho chu an tlan darh ta hak a, kar lo ah, Lalpa chu a khawnbawl te nen chauh a dingin, LALin ah chuan an lut leh ta dial a.
Lal duham leh chapo zet in kut benga a khawtlangval te ralrun haw chu a hrethiam thei thlawt lo a ni, khawnbawlte hnen ah chaun, "ralruna kal zawngzawng te khan hlawhchhama an rawn haw ai ah an neih rohlu chhiah ah an chawi tur a ni ang" a ti ta mauhmai le, khawnbawl te lah chuan tike take an tingam tawh bawk silo, Ralruna kal ve lo, pasaltha Vawmkaia U Vawmsata chu tlangau pa kohtir in, ralruna kal velo dang tlangval sawmmhnih rual zet nen chhiahkhawn tur chuan a tir liam nghal thuai a.
Vawmsata chu Lal tihlawm tum reng renga hmanhlel alo ni vainen, phurtakin chhiah khawntur chuan hmahruai in akal ta nghoh nghoh a.

Link:
BBcode:
HTML:
Hide post links
Show post links

Ngaia
Site Admin
Posts: 8829
Joined: April 30th, 2016, 4:07 pm

Unread post by Ngaia » January 28th, 2018, 6:49 pm

Episode-5
Ninga lai aliam leh meuh chuan, Vawmkaia pawh nilum aiin tual a mawi ve leh thei ta a,
Tlangzawl khaw lal Ngurdawla chet lak dan erawh a khua te lung a dum zanlo ni ngei tur a ni, tunhmaa khaw inlungrual leh hlim tak ni thin kha, tupawh maichu anin kiltawih in, Vawmsata'n Lal a hrawt hi a ni hawt a.
Vawmkaia pawh chuan a U Vawmsata chu khak ve bawk thin mahse, awmzia erawh a nei meuh lo " nang ralrun hlawhchham thi chhawnga let reng inti pasaltha thu mai mai ka zawm i ring emawnile" a ti duh lek fang a Vawmkaia erawh, Aihlinga laka a tlawm chiang em avang khan a chapona te bo zoin, pasaltha dik tak, dawhthei leh zaidam alo nita zawk a.
Tukkhat chu Vawmsata Lalin ah chuangkaiin, zanlama an nupa chet thawh lai tlangval pakhatin alo ngaithla tia rilru nei rana dawt a puh in, lal hnen ah chuan thiam tak hian a zualko mawlh mawlh a,a beisei ang ngeiin, LAL Ngurdawla chu a thinrim ta hle reng a, ding hluaiin, " tunge ka pasaltha ti buaingam tu chu le.? tu fa pawh nirawhse, hrem lohin ka chhuah tawplo ang a ti khulkhul mai reng a.
"Lalpa tudang nilo in, i khawnbawl upa Lianhrima fapa tawngtheilo engkim hreve vek si Chalpuma ngei hi a ni e, mahse, thil mawilo leh tha lo tak ani e tihthu ah ka han sawi chhuak mai a ni e" tiin in phahhnuai leh ngaipawimawh lutuk lo tur chuan Lalpa chu a thlem bawk a, mahse a rilru tak erawh, 'Upa Lianhrima hi khawnbawl zing ah pawh Lal beng a ni a, duh duh a Lal a chaih kualtur dal thei tuber a ni a, a fapa tawngtheilo engkim hriaa tithei vek tho si, a ni berkher a thlang pawh hi, tawngtheilo annih vang a ni.
Lal fing leh verther, Lalpa ngurdawla pawh chuan thilawm zia a hrethiam nghal thuai renga, a khawnbawl hlun leh a bengber tihchhiat chu hrehin duhlo hle mahse, tawngkau a chheh sual tlat tawh si.
"Chalpuma pa, kan thu hriat chu enge nita ngai, a va mak ngaive, i fapa chu nizan khan tute nen nge anin kawma, khawi mual ah nge a tuan le.? Midik leh mingil Upa Lianhrima chuan, muang ban charha chhangin " Amah Vawmsata nen hian ka in atang an chhuak ani a, hmundang mualdanga a tuan ka hre hauh lo mai"
Vawmsata lo in rawlh vatin, " ni e, Lalpa, kha tia kan chhuak ta kha kan in ah lawilut in, lenghnawt ar a khuan thleng khan a thu ve renga, ka'n Nu inbual zo, puan thinbih a rawn lut khan a mit a dawi pawh a nimahna le, a haw ta emaw ka tih kha, kawmhnuai ah min lo ngaithla ru reng alo ni a, hei i fapa tlangrawta hi a rawn phawktu pawh a ni e, i zawt fiah thei ang" a la ti tak deuhdeuh a,.
Upa Lianhrima pawh a meng buai ta nak mai, Lalpa chuan, a fapa tlangrawta chu ko in a han zawt vit thak thak a, Lal fapa tlangrawta chuan" ni e ka pa, zawlbuk ka pan laiin Pasaltha Vawmsata te kawmhnuai thim laia thil che hrut ka hmuh khan ka va fiah a, Upa Lianhrima fapa Chalpuma ngei chu alo ni a" tia a sawi ve tak ah chuan, Upa Lianhrima pawh chuan phat ngaihna a awmtalo tih a hrechiang kher mai.!!!
Mahse, Vawmsata finkherek thiltih vek a ni tih erawh Lal pa pawh chuan a hai mawlh silo,
Lalpa chuan, "engpawh nise, kan pi leh pute hun a ta tawh mi ngaihthlak ruk hi thilmawilo leh pawikhawihna a ni a, Upa Lianhrim, ka khawnbawl ka kut leh beng ber nimahla, hringfa ve tho kan nisi a, Salam ah Sechal in chawi angai dawn a ni"
Upa Lianhrima chu thinrimna a khatin, a hmui chu a sai dat dat a, mahse tihtheih reng a nei tawh silo, thiamthu sawiturin a fapa ber chu tawngtheilo mai a nibawk si, Salam a Sial chawia, a zan azana pem bo san nghal tum ruh ran chungin "A nitak e Lalpa, ka fapa in mi pawi alo khawih chuan, mi chunga rorelsak tu pawh in kan chawi ve mai ta lawng, keizawng i khawnbawl nitlak pawh ka ni ta lo e, mi pangai ah mi chhiar ve tawh mai rawh" tia ngen in, Lalin chu a chhuahsan ta nghal a,
Vawnsata chuan, "Lalpa a pawi mang tak eaw, engmah chawi tir a ngai nemaw, " ti a in phah hnuai hmel tak chhungril erawh nuiru vur vur si in Lalpa chu a tlawn hauh hauh a
****************@***************
Nghalbual Valrual Phuba lak chaka Thisena tuihal te pawh nilenga an kal hnuchuan kawrte, thawveng vekvawk bula rih hmun rem zet ah chuan riahbuk sual in an che leh ta sang sanga.
Buk panga sa kual in, a lai ah Meipui an chhep hluah a, buk pakhat ah mi sawm rual zet leng zel a buk sa in, buk pahnih inkar ah chuan kawrte atang tuidawn an siam bawk a, an inpaih meuh chuan, tlangval ten eirel in, Pasaltha ten chawhmeh ilo dap in ramlam an pan ve sang sang bawk a.
Zanriah eikham, thu muanga an titi nauh nauh lai chuan, Tlangval pakhat titi lai chu Keipui lian zet hian a rawn zuanta zawk mai le, alu ah hmuam in, a luruh chu a seh keh rirup nghal bawk a,keipuiin a mi seh hnuh sawna kalpui a tum rual chiah chuan Aithura chuan Keipui meia vuanin a'n phih let sawk a, Keipui pawh chu a huk thawt a, Aithura benthluk tawp tum chuan a rawn vir let zawk a, Aithura pasaltha thisenkai meuh chu a beng hman bik tlat lo, keipui meia chelh bet in keipui chu a phih vir nawka, chutih laichuan silai puak dur in, Val upa Aizika silai hmawr chu ala khu rumrum a.
Pasaltha dang an awmlai a, tumah chet khalh hmanloh khawpa rang leh huaisen taka keipui mei a vuana keipui meuh Aithura'n a han chaih ta mai chu, Tlangval te chuan mak an tiin an chung en nghal renga, Hrangchhuana ve thung chuan, a thianpa a hrechiang a, henghun hi ala thlen ngei a rin sa a ni a, mak tihna pawh nei lemlo chuan, ka rindan chiah, a tiduh lek a, pasaltha keitawna leh pasaltha Saithata erawh an ngawidun ngawla, an naua chu an ni aia mihrang ala ni ngei dawna hria in an hlimru veng veng ve thung a.qq
Nilenga an kal leh hnu chuan, tlangzawl khaw bulthut an thleng ta, (Tlangzawl khua hi, kan sawi tawh angkhan, Tlangchhipa awm a ni a, Tlangchhip mual zau tak ah khawdin a ni a, a tlang hi a lian in a sang em em a, khawchhak lam ah chhura rualrual ngawdur khup piaha Airawhlui lian zet tuma la daikai loh a awm bawk a, khaw chhak lam atang hmar hawiin a luang a, he lui luan dan avang hian, tlangzawl khaw chhak leh chhim lam ah hian khawdang reng reng a awm an hrelo a ni,
khaw thlang lam ve thung hi kham kurung zet a nih vang hian khua runtum tan kalna kawng a kawlo hlebawk a, khaw hmarlam hi tlang awih chhengchhe zet a nih vang hian, ral venbuk pahnih paltlang ngeingei a khawchhung luh ngai ala ni fan a, Nghalbual Valrual ten Tlangzawl khaw run a chimih vek an tum pawh hi, chetsual awl tak tur a ni reng a ni.
Tlang bul thut ah chuan, val upa leh pasaltha te chuan ral rel tan in an thukual thap a, Hrangchhuana hi Lal fapa a nihna vangin ralrel phachin a telh a nive tawh a, Aithura pawh a pa zar ah leh a huaisenna vawiduailo alo lan tir ve tawh bawk avang hian ralrel phachin ah naupang te nisi in telh a nive bawk a, val upa pahnih leh pasaltha pahnih te nen Bengsik a khawluhchhuah dan tur an ngaihtuah tlan hnu chuan.
Valupa Aizika, Nghalbual thluak burber chuan ruahman na tha zet a nei leh ta, a ai tha leh sawitur hria an awm tak loh ah chuan, an thurel chu tlangval te hnena puang zar in, ruahmanna chu an bawhzui ta nghal a
***************@***************
Tlangzawl khua pawn, run tawk maithei dinhmuna ding an nih hre reng in an khaw luh khan leh an khaw luhna awm chhun ah chuan Venbuk pahnih lai siam in, venbuk pakhat ah tlangval panga zela dah in, chhun leh zan anin venchhawk thin a, tlangval zawlbuk riak te pawh inring renga awmin, an silai leh fei te, mutpuiin,chutianga fimkhur taka an awmlai chuan an chanloh lam ah an tla ta..
Tlaikhat chu, feh hawng hnu nawi pawh khua an lut tawh ang tih awm vel ah chuan, venbuka tlangval te chuan, mangang au thawm an hre ta, " mi pui ru, chhantlak ka la awm e, sapuiin mi bei e" tia au rikna lam chu an hawi phawk hra hlawma, an zinga hotu chanchang ber chuan, tlangval pakhat hruaiin, anin silai a hmalam tin kawh vah in, a tlangval hruai erawh, feikibar a hum thunga, Thawm an hriatna an thlen chuan, an khaw pa pakhat kawngthlanga lo let reng a mal bung leh a awmvela keipui tin hamna hnu in rinkak huar nunna nei tawhloa lo let reng chu an hmuta mai a, a mal lehlam erawh a awm tawh loh avangin, sapuiin a pu bo ni ah ngaiin, ruang chu kawng ah zawn chho in, an ralvenbuk hnuai ah chuan an zalh ta a, chutia sapui a meuhin mi a beih tak ah chuan, zualko in tir in, tlangval pahnih te chu khuaa chanchin hriattir tur in anin tir nghal a, venbuk pakhat a mite pawh lo kalin, ruang chu zawn theih turin hlang an siam nghal sawk sawk a..
Tlangzawl tlangval ten sapui a hnaih thu khua an thlen chuan, tlangval thahnem fe chuan venbuk lam panin an tlehthla ta mai renga, venbuk an thlen chuan, venbuk nghak tlangval pariat meuh chu keipui hamna hnu leh keipui ha hnu an taksa a lang diai duaiin anlo thal phung ta mai a, chu tiang em em a keipui huaisar chu an hriat ngailoh avang te pawh nifahming, rawlthar deuh te chu an tiril a khur ru nghal er er reng a,
mi chuti zat sapui laka anin chan tamai chu an thinrim in tihhlum ve ngei tum chuan khuaa awm tlangval zawng zawng in pun belh in, sapui chetna hmun ah chuan an rawn tlehthla ta huk renga,
Nghalbual tlangval te Nghalbual tlangval te chuan, a hmazana an sakei thah tak ke leh a lu an keng bawr taih a, Valupa Aizika fing an tiin, a ruahmanna fin zia an hre chiangkher mai.!!!
Pasaltha Keitawna pawh nuikhi vun vun in, a bula thu Aizika bengbula phun sursur in, "Aizik, Ralrel ah ngat chuan i U Aihlinga hian a tluk lo che an tih hi alo dik nameuh mai e, kan hmelchhe ho chu an va chawh dawn rua em"... Aizika pawh lo then sungin " sakei ban lehlam chauh kuttin hamna hnu pawh hrethiam lo tlangzawl mimawl ho chu chimih vek ila ti nia," alo tive boh boh a,
Tlangzawl khua te hian en chik ngat se, keipui nung lai kuthnu anilo tih an hre ngei tur hi a ni a, mahse, an rinloh dan deuha beih an nih na chu sapui ah ngaiin, an in hrosa vei kuk kuk ve bawk a.
Tlangzawl valrual an thlenkim a, Val upa in Keipui beihdan tur a sawi lai chuan an beisei ruk reng, an rinloh lam a tang anrawn che ta, kawng chhak lam atang chuan lungtum lu tia ai lian lian a rawn lum ta ruih ruih mai le, chutih rual chuan, silai a rawn ri leh ta durdur bawk a, kar lo ah tlangzawl tlangval sawmhnih dawn chu an thal tamai reng a, kawngthlanglama tan khawh in silai an hmet puak ve nghal thuai thuai bawk a, tlangzawl valrual te silai a rik zawh chuan, kawngthlang a tan an khawh na hnunglam thingkung chung atang chuan silai a rawn ri leh ta awn awn mai le, mi sawmlai an thal leh ta phung mai, chhanglet ve turin silai mu sawh hman a ni tawhsilo, tlangzawl tlangval te chu an mang angin an chiai buai takzet a, a then kawng ah tlan chho in, a then kawng thlang ah an tlan thla bawka, kawng thlanga tlan thla te chu feikibar in a um emaw tih mai tur hian fei leh mau suihzum in a thil tlang pawk pawk bawka, kawng a tlan chho te pawh, kawnga an chhuahchhoh rual chuan silai mu dawngin an thal tawptawp bawk a, silai a rik zawh chuan mau suihzum bawk chu kawngchhak a tang chuan rawnin khawhthla in, tlangzawl tlangval te chu an hek heuhheuh kher mai.!!!

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni.

Hrechiang duh tan Contact : 9612099411 / 9862016122


Ngaia
Site Admin
Posts: 8829
Joined: April 30th, 2016, 4:07 pm

Unread post by Ngaia » January 28th, 2018, 6:49 pm

Episode-6
Valupa Aizika Ruahmanna fing zet leh Nghalbual valrual te huaisenna zar ah, Tlangzawl valrual mi sawmriat zet zinga sawmthum chuang chuan nunna nei tawhlo in, lei dai ah an zal ta reng mai. mi sawmnga chuang ladam te chuan an theih ang anga mahni sahimna zawngin tanhmun siam te tlanchhiatna tur zawng te an kat nuk a, khua a thim tawh avangin, chelo a mahni awmhmuna tawm te chu Nghalbual lam ten thimkar ah an hmuh theih bik loh avangin an him hram a, tlanchhiatna zawng a che te erawh mau zuihzum chuan an rawn khawh tlang zawk zawk thunga, Nghalbual valrual te tawmna tak an hre thei lo leh a che che sihhlawk ah tih angmai an nih tak avang chuan Tlangzawl tlangval te chan chuan Maian chan pawh a tluk ta lo e.
Kha tia Tlangzawl ho buaina chhan kha, Valupa Aizika ruahmanna angin, kawng chhak ah Nghalbual tlangval mi sawmli rual lai in silai fung sawmhnih zet a lo changin, maufei an in chhawp ruih bawk a, kawngthlang thingkung atang mi sawmhnih zet in silai fung sawm leh panga nen maufei nen anlo chang bawk a, kawngchhak leh kawngthlang lam te anin thlawptha bawk a, tlangzawl valrual te an chiai zota reng a nih kha,!
kawngthlanglam ah hian, Aithura leh Hrangchhuana te thiandun pawh telve in, Aithura pawh a che na pawl ah tang ngeiin mi pasarih zet chu a thal ve tawh ngei ang,!
Chutianga Nghalbual tlangval ten an kar cheh tlat bawksi avang chuan, tlangzawl valrual te chu an thih belh phoh phoh reng bawk a, Pasaltha Vawmsata pasaltha nihna rawnlangin, Tlangzawl tlangval te chu che sawn tawhlo a an tanhmun theuha cheloa tawm reng tur chuan a Au lauhlauh reng bawk a, an tawm hmun ah chuan fimkhur leh dim te in silai mu thun in Zen chu an sawh sauhsauh bawka, thimkar ah chelo a an inep reng hnu chuan an mit lo fim in, che hlek pawh an hmu fiah ta hle vek a.
Vawmsata chuan thingkung a buk thimchhah lai deuh chu a'n kap thawr mai pek ah, patling natuar thawm leh tlathum dawt chuan a zui ta reng a, mahse, amahpawh a him bik tlat lo, silai a hmet puak rual chiah khan maufei rawn thlawk vung fua in Vawmsata naknem ah tak a rawn thiltlang pawk a, fei rawnkhawh tu fei lhawh rual khan silai dang rawn ri ve leh in, thingkungatang chuan a hlawmthla ve nawk bawka, chutia a cheche an in sai tak dawpdawp ah chuan an in sai leh ta dupdup maile, Aithura pawh A maufei a khawh zaqk rual chuan leia zuangthla nghal in, lei a thlenrual chuan, a silai mu thunkhahsa chuan a hma lo thu pakhat chu a kap thal nghal tawp bawka, a silai paih ngjal in, a chemtum hriam vervawr nen chuan Tlangzawl valrual awmkhamna chu a bawh phei ta buanbuan mai le, midang pawh an tawmna atang rawn chhuak in, tlangzawl valrual leh Nghalbual valrual te chu anin sam ta siahsiah mai le,nunna pakhat chauh nei in bei anni bawka kar lo ah chanchhe lam awmin, tlangzawl valrual nun hlut te chuan an hriam dah in an in pe ta ngenge a.
Aithura pawh a mithat te thisen kai hnuangin, tlangzawl tlangval tlemte kar ah xhuan vei thohthoh in, "tunge Vawmkai a, Pasaltha hming in chhal i nih ngai chuan rawn chhuak la,Pasaltha Aihlinga fapa hi mi rawn beirawh le.?" a tita chheuchheuh mai, tlangzawl tlangbal te chu an ngawi thuap a,nakin ah chuan, Tlangzawl valupa pakhat chuan, Vawmkaia chu inkhua runa hliampui a tawrh kha ala dam chianglo a, khua ah a awm e a rawn tih tak ah chuan, Aithura pawh in thlah dul in, a killam pan chuan a put bo ve ta a.
Nghalbual Valupa chuan hliamtuar leh nun chan te a'n chhiar zat zat a, mi sawm leh panga laiin nun anlo chanve tlat mai, hliampui tuar erawh an awmlo a, hliam tenau chetpui theih erawh an kat ve nuk a, tlangzawl lam erawh mi sawmriat zet ah mi sawmhnihtha chauh nungdam an awm thunga.
An mi man te hnungkhirh vek in, hliamtuar nadeuh thenkhat vengtu a dah in mi sawmthum zet chu khua luttur chuan an kalliam leh ta nghal a,
Tlangzawl khua an luh chuan tlangval tlemte in silai lo hmetpuak ve mahse buaina tham erawh neilo in, LALtual an thleng ta a.
Lal in ah chuan, LALPA leh a khawnbawl te, a nupui leh a hmei te nen chuan an tawmkhawm veka, Pasaltha Keitawna'n chhuaktura a tih pawn tumah chhuah tum leh thawm nei an awm bawk siloh avangin Pasaltha Saithata leh Pasaltha Keitawna, Hrangchhuana leh Aithura te chu intiam rual angmaiin LAL in ah chuan an dawk lut nghal zawk a, Lal leh khawnbawl te chuan an nun zuah thurin an lo ngen mawlhmawlh bawk a, pawn ah hruaichhuak in, khaw mipui an kokhawm nghal bawk a, sala hruai vek an tumthu leh sala kal duh velo chu an nun tihtawp sak nghal an tum thu an hrilh nghal tawl bawk a, Tlangzawl mipui te chu hlau thlabarin an khur zawihzawih bawk a, mahse, an Lal leh pasaltha te thiltih rah an seng tih anin hriat theuh avangin tumah kawhmawh bawl reng an awmlo a,pitar leh putar an awm ve nual avangin nghalbual khuaa hruaivek chu a buaithlak dawn hle tihte Lalpa Chunglura khan hruaihaw vek tur a tih thu an ngaihtuah chuan, Valupa leh pasaltha te pawh a tihngaihna tak hrelo chuan an hawi an hawi ringawt mai ani.
Lal fapa Hrangchhuana chu rawn tawng chhuak in, "Valupa leh pasaltha te kara thu rawlh tur em chuan naupang chhia anglek la nimah ila, a hminga Lal fapa ka nihve na ah, ka pa Lal Chunglura thu thlah tih hlawhtlin loh ngam silo leh tih hlawhtling buaithlak zet si avang hian, thu ka han sawi ve luklak ang chu, Valupa leh pasaltha te khan rem min tih sak em le" tiin thuhma leh thusawi dilna thu chu a han thlah phawt a, Valupa Tlangruma'n " Lal fapa i ni a, kan chunga leng i ni e, i duhduh sawi teh khai" a tih tak ah chuan, Hrangchhuana chu lo dingchhuak leh in, "tu chunga leng mah ka nilo a, nangni pasaltha leh Valupa te, nghalbual khua leh tuite vanga Lal fapa nive chauh ka ni e," tiin bul a'n tan phawt a, tlangval te leh Valupa te pasaltha te chuan, An Lal fapa Chu an ngaisang ru in hetiang zela a thanglian a nih chuan, a pa Lalchunglura dawt a Lal tur Hrangchhuana Lalna hnuaia khawsak chu a nuam dawn hle in an hretlang vek a, Tin. amah hrangchhuana pawh hi an ngaina in a in phahhniam thiamna hian mi duhsak pawh a hlawh hle reng a ni.
Hrangchhuana chuan sawizawm leh in, "Ka pa khan, Sala kan hruai bang zawng that vek tur khan thu min chah kha a ni a, mahse hei kan huntawn hi thlir ila, nunau leh tar chaklo tak tak an awm nual mai si a, heng mite hian kan pawi ansawilo a, kan pawisawia kan chhungte nun min laksak tute chu famkhua ah tirh liam an ni tawh a, heng tar chaklo te hi chu nun ila an anni enkawl tutur nunau tlem nen hawsan zawk mai ang u, ka pa Lal chunglura pawn min hriatthiam ka ring e, min hrethiam ta lo a nih chuan keiman a mawh ka phur ange" a tita heu mai, pasaltha leh valupa ten thu keuhtur dang an hriat bik bawk siloh ah chuan Lal fapa Hrangchhuana sawi anga kal chu an titlu ta a.
Tlangzawl khaw laia ruang te chu thian faiin, an phum zela, an beisei ber an hmu ta tlat lo.Pasaltha Vawmkaia ruang ngei chu, Pasaltha Keitawna chu a lingvawr hi a niber a, a thinrim lutuk chu Tlangzawl nun hlut a inpe te chu sam vak mai a duh leh ta, Pasaltha Saithata leh Valupa ten an rawn dawm bet vat ta nge nge a.
Khaw mite chu zawt kual in, pasaltha Vawmkaia chhungte pawh an zawng chhuak ta vat reng a, mahse, Vawmkai erawh, khua an luh rual khan, Put chhuak ru in, a thuihruai tlangval panga nen an tlanbo thu an hre ta, an kalna kawngtur awm an han ngaihtuah leh chuan, Valupa Aizika chu a 'E' thawt a, hmanhmawh bak lenga tlan nghal in "mi zui ru" tih bak a sawi hman biklo, khawluh hma ralvenbuka an miman te leh an thian hliam tuar misawm emawlek an dah te awmna ah lo chuan Vawmkaia te tan kal khan dang a awm tlat lo a, chuvanga hmanhmawh zeta tlan hlawkhlawk a nih thu Valupa Aizika'n a sawi meuh chuan, Aithura chu tu mah khalh hmanloh arang chuan a dawk thla ta nghal zawkzawk mai reng a.
Hrangchhuana leh pasaltha Saithata te pawh rawn tlanthla ve nghak zawkzawk in, kar lo ah, venbuk chu an thlengthla ta thuai a, an hlauh ang ngeiin, an miman te chu tumah anlo awm tawh lo, an thian hliam tuar an kalsan te pawh nunna neitawh lo in kawng sir ah anlo mu kawkalh nuaih bawk a, Aithura mit chu meiling anga thinrimna vanga vam hamham in, pasaltha Keitawna leh Valupa Aizika lam hawin, "Pa te u, keizawng hundang ka nghak thei tawh lo e, ka Um zui dawn a ni" a sawizo hman chauh, Silai a rawn puak dur a, Aithura mal atangchuan thisen tharhlam zet a luang chhuak nghal nguaingai bawk a, silai rikna lam ah chuan, pasaltha Saithat leh Hrangchhuana chu an dawk thla nghal zawka, pasaltha Vawmsata, a kut veilama a nak hup tut leh a kut dinglama silai la tinkawh vah chu an zuk hmu ta vat a, Vawmsata chuan rangzeta zuan nghal in, Hrangchhuana pawh Pasaltha Vawmsata awmna kawngthlang ah chuan lei ah a tleng thla ve nghal bawk a, chu tia mihrang pahnih rang zeta chunglam leh hnuailam a rawn dawk thla zawk chu Pasaltha Vawmsata chuan lo hmu mahse chetngaihna a hretlat lo, pasaltha Saithata leh Hrangchhuana ten Vawmsata an pelh fel meuh chuan Vawmsata lu chu tla hrang nawlh in, a dul nem zawn ah tawk chuan a bung hmawk bawk a, Hrangchhuana te'n Kawng an pawh chhoh leh meuh chuan, Aithura mal chu pasaltha Keitawna leh Valupa Aizika te chuan anlo tuam sak mawlh mawlha Pasaltha Keitawna chuan, " A ruh a tliak tlat mai" chu Ri chuan buaina a keng tel tlat, Tlangzawl khawlam ah chuan anin zawn let leh ta a.
Rohran rel leh angai ta, Val upa Aizika chuan, "Ral muanga kan in ngaih hnu ah tlan chhuak an awm leh ta tlat maisi a, pasaltha Saithata leh pasaltha Keitawna ten ho in tlangval sawmhnih rual in kan misual ho chu Um zui ila, Hliampui tuar awmpuiin tlangval sawm vel tlangzawl ah hian cham rihse, Lal fapa Hrangchhuana ho in midang zawngin kan sal man tenen khawlam lo pan ta maise tha kan ti tlang em le.? " a'n ti dap dap a, Pasaltha Keitawna chuan, A tha viau dawn e, mahse, Nang chu Ral kan umzuina tur ah hian telve lo in, khuaa hawtur te hi han hawpui zawk la, Heta la awmte pawh ral beih tawk thutthei reng kan ni a, pasaltha Saithata'n lo awmpui bawkse, ka ho in Vawmkaia chu kan um zui zawk ange, a ti ve thung a, Valupa Aizika chuan, "Ka Unaupa nunna la tu a dam chhung chuan ka chawl mawlh lo ang, Keitawn min dang buailo teh" a tiram ta hmuk mai, Pasaltha Keitawna pawh chuan, "ni ang hmiang, Ka kawia Ruang chunga ka thutiam ka tih hlawhtling na kawng min dal ngam chuan mi dal rawh u, " tiin a chem tum phawrhin a ding kak to bawk a.
pasaltha Saithata chuan, An mi hmangaih thuhmun phuba lak duh luat vangin inbak kaihna a thleng thei dawn tih hria in ruahmanna a rawn siam ve ta vata, " Ekhai, Valupa leh Pasaltha ten min ho loh in keini val satliah lu kawrawng mai chuan enge maw kan tih ve tak ang le, eng pawh nise, Pu te u, Khuaa haw tur chuan keimah ka kal ange, mahse, khua kan thlen veleh ka rawn let leh nghal anga, Valupa AAizika'nTlangzawl ah hian min lo nghak se, kan thang chhungin, Pasaltha Keitawna ho in Vawmkaia chu lo Um sela, a tha mai ange" ti a, a rawtna chu an pawm tlang thei ta hram a, mahse pawmkim ve theilo anlo awm leh tlat mai,!!! Lal fapa Hrangchhuana chuan, Dam pawn mual khat ah, thih pawn Ruamkhat ah kan ti a ni a, thiante hliampui tawrh laia Inchhunglum lo belhsan daih chu ka rilrem zawng a ni tlat lo mai.!!! tia tan khawh in a haw duh talo a

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)
Post Reply
  • Similar Topics
    Replies
    Views
    Last post

Who is online

Users browsing this forum: No registered users and 6 guests