PASALTHA AITHURA BY Awmtea Fanai (Completed)

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

Re: PASALTHA AITHURA BY Awmtea Fanai

Unread post by Ngaia » January 28th, 2018, 6:52 pm

Episode 13
Lusei Lal tamtak chuan Halkha leh Pawih Ral hlau in thlang an tla zutzut a, Chutih laiin, Nghalzawl erawh Ralmuangtaka Mu in pemthar an awm belh zel bawk a,
Nghalzawl Lal leh khawnbawl ten Halkha run hun tura an ruat chu alo hnai ta hle a, Lal chuan tlang au tir in, tlangval ralkai thei chin an han in chhiar a, mi sawmriat lai anlo tling ta reng mai.!!!
An khaw run tum hi, Lal hausa leh khawlian tak pasaltha khualkai pha ngat pawh Sawmpahnih lai nei an ni a, Nghalzawl atang hian Ninga zet kal a ni a
Tlangval Ralrun tur mi Sawmruk zet in thlang chhuak in, silai pawh Hming kim in an Hum thei a,
ral runna a kal tur te chu an kal hmain, Pasaltha te chuan Sazuk ramchhuah pui phawt an tum a ni,
A tuk a Sazuk pel a ramchhuak tur chuan an in puah chah ta mupmup a, Sazuk ram chhuah annih vang hian ramsa dang ai hlauhawm loh zawk alo ni bawk nen, Sai ramchhuah ang em chuan a kaltura te chhung leh an lawmte pawn an thlah uluk lemlo a,
Zawlbuka Tlangval riak ho pawh a tuk a sazuk ram chhuak tur phur lutuk chu an za cheng tawh reng a ni,
Atuk khuante vik ah tho in, Lung dawha in nghakkhawm in, Tarpilu phai lam pan chuan Pasaltha Keitawna ho in an in zui ta duahduah a, kawng laka zanhnih an riah hnu chuan Tarpilu phai chu an thleng ta hlawla, a ram chu mit tlintawk hian a zawl dap a, Ngawchhah pui, a thing pawh Chhura rualrual ani a, ngawchhung chu, thangbawn pik taktak , hrui zam hnawk nuaih hian a khat a niber e, Sazuk ram chhuah mah nise, Sakei, Sa nghal, Savawm te pawh tawn thut hlauhawm khawp hian an hniak alo chiar depdup a,
TlangVal te chuan buk paruk lai sa in, a lai ah meipui an chhep leh hluah bawk a, pasaltha Keitawna tirh angin, Aithura leh Hrangchhuana pawh chawhmeh dapin an vakchuak ve bawk a, Aithura chuan Ramar nupa rawn hawn in, Hrangchhuana chuan Sakhi la, thau nalh zet hi a arawn hawn ve bawk a,
tlangval ho pawh an hlim tlang dardar kher mai, sakhi chek nen duh thala chaw an han ei chu, An puar hlawm ngang a ni ang, Pathlawi Ngurvunga fiamthu duh chu a thut hmun ah a mu tawp a, tlangval ten zawn an han tum chu alo rum ang tuahtuah bawk a, Fiamthu nen in khawih zuiin, a tawpnan ti niawm tak hian, lengi te Kakpui chuan thu an han sep rawtui leh mai chu, rawlthar deuh te phei chu anlo in hup tut tut a
Chaw eikham a, Puardelha an thut muan lai chuan, Pasaltha Keitawna lo dingchhuak in, " khai le naute u, kan hriat theuh angin, Halkha run tura inpuahchahna nipah fawmin hei Sazuk ram chhuak kan ni a, tumah tihmawh leh midang tan ninawm nih loh kan tum theuh dawn nia, Tin, Sa pela kan chhuah hun ah mi pakhat in silaimu pakhat chauh hman tur a ni a, kan hliam a nih pawh in Chemtum leh kutlawnga beih zuitur a ni ang," an ti chiah chu an hawhaw ruih ruih a, a sawi zawh chuan, mutzairel in, tawnmang lasi te nen lenlai chen tur chuan, chhinzai an rel ta a
Tukthuan an ei kham chuan, Pawlnga ah in then in, Pasaltha Keitawna pawl, Pasaltha Vawmkaia pawl, Pasaltha Aithura Pawl, pasaltha Hrangchhuana pawl leh, Pasaltha Saithata pawl tiin, mi sawm leh pakhat theuh an ni a, mipanga buk nghak a in dah in, an chan mual lam pan chuan an chhuak ta zungzung a,
Ram a pharh tha in A ngaw a upa bawk a, sa hnu pawh alo tam nangiang mai, Mahse, Eng Sa pawh hmu se, Sazuk lak ah chauh silai hman tur a nih avangin, an fimkhur tlang hle reng a
Aithura te pawn an Sazuk hnu chhui chu chhuipuitu an awm tih an hrethiam thuai a, Fimkhur leh zual tura inchah in, Keipui hniak, chhak leh thlanga lo lang tawn chhen chuan an ngaih a titha tawh lo hle a, chutia sa hnu chhuia a Aithura a kun dandan lai chuan, a hnunga tlangval chuan, "Eh" tih leh a silai chu a tin kawh nghal vah a, Aithura chu leia thingthi in, in ring tak chuan, an hma hlam thum vela hla buk phena che zauh chu a hmu phehman ve tlat
zawimuanga dinchhuah phah chuan, "Tlangval, Sazuk lak ah chauh aw chengrang chu" ti thawp sat in, mitmeng tum fiah kalh a hmalam melh kalh in a veh hnai ta chherchher mai,
Chutah leh Buk phen atang chuan, ranglutuk hian keipui a rawn dawk sen chhuak zawk mai le, Aithura chu Keipui tluk zet a rang chuan, leia intheh thal in, keipui Dulnen ah chuan a'n vai tlang zawk bawk a, Keipui na ti chu a tla hlawmtawp reng a, mahse, dul thler huangin a rilte pawt tur mahse, thi nghal tawp tur chuan a sahuat a hlat deuh a ni,
keipui rawn ding chhuak leh chu, Nghalzawl valrual sawmtha zet chuan, an han sah rawn taktak mai chuh, Rum nghul ngul chungin a zalta riairiai a,
Aithura lo au lauhlauh in, "Khai le, Thian te u, Ni a vanlai zawl chauh ala ni a, Ti hian kan Sa ruang hi chu, Chhawlchhin ila Kan Sazuk hnu kha i chhui zawm leh ang u hmiang" an tia, tlangval ho pawh chu an phur tlang kher mai,
Thuife an kal leh hnu chuan, Sazuk ramtla chu an hmu ta a, Aithura bawk chuan, "Khai le, tunge banglai ah sazuk lu tar dawn le" tiin an melh kual den den a, chu tah an zinga la naupang deuh ber Thirdeng Fapa, Rawlthar Kapthiaua chu ko chhuak in, sazuk kap tur chuan a tita a, Chu rawlthar chuan, a silai chu an tin kawh vah a, mahse, a hmawr a sai dat dat tlat mai, Aithura bawk chuan, "Ekhai zammah ta che tina tutur che an awm hleinem, i kah thelh pawn a dang kan zawng leh mai dawn a lawm," a tih chuan, in rintawkna pe in, an in siamrem a, kut khur eih lo chuan a silai cheng chu a per ta kauha. Sazuk ram tlalai chu a zuang zawk a, a tlan ta zawrzawr mai le, Aithura te chuan chakzet hian an umzui ve nghal purpur bawk a, Sazuk tlandan ah chuan dam himpal a nilo tih an hrebawk a, um pha hmasa nih a, Sazuk bawp man tum chuan ngaw hnuaiah chuan an dawk zawk zawk a,
Aithura chuan hma hruaiin, a hnungchiaha tlan Kapthiaua nen pawh mautluk thum laiin an in thlau tawh a, Zukchal hliam hlauthawng pawh Aithura chuan a hnaih ruakruak tawh mai,
Aitura chuan theihtawpa chaka tlan dawk zawkzawk phah chuan, a chem hriam vawr chuan Zukchal tlan lai chu an vawm vung hlawrh Hlawrh a, Zukchal kaihza tha tak ah chuan Aithura chem chu a bur ta chat mai, Zukchal tlanlai chu hmalam ah hlawm nawkin, an hma kham ah chuan a liam thlak dawn tep ah chuan, Aithura chuan zukchal ki ah a va man chawt a, a lu chu lei ah chuan a nem bet nghal hmak a, Sazuk nghawng chin zawng chu kham ah chuan a uai ta hnuang a,
Aithura'n Thapui chhuaha tan an la chu a taksa Tha zam chu a rawn bawk tual tual a, Thiante hmuh loh a insumna nei hlek lova thapui an chhuah zet chu, Hring fate zing ah hmuhnawm tilo an awm awmlo e, Leichar ah chuan a keartui chuan tanhmun siam in an kheng dup ah, Leichar pawh a khuar dup thei hiala,
Zukchal Khama tla tur Hnuhchhuah meuh chu Aithura tan pawh thil awlsam a ni tlat lo, Tlem tlem a hnuk chho hret hret in, A hnuh chhuah kim dawn tep ah chuan midang rawn thlengin an rawn hnuhchhuah pui ta a,
Zukchalsa meuh chu misawm chuang tan pawh chandarh hlim chu phurh lawihtham hi alo ni a,
phur an siam fel hnu chuan
Keipui ruang an chhawlchhinna hmun lam pan chuan an kal leh ta a,
Keipui ruang an chhawlchhinna hmun an thlen chuan, Keipui awzawng alo awm ta tlat lo mai.!!! Aithura chuan Chhawl chu a han keu dan dan a, Laiking lian zet hi alo thi ngat a, midang pawh chuan rawn en ve in mak an ti tlang ngei mai.!
Keipui ngei kha an chhawl chhin a nisi a, Laiking lo awm ta daih chu tlangval thenkhat phei chu an tim deuh dui thei hial a,
Aithura chuan" kan phur a zang ting a nimai lawm, hawh teh u, kan beisei ber zukchal kan hawn tho hi, Buk i thlengthuai teh ang u" tiin hma hruaiin a kal ta nghal nul nul a.
Aithura ngei pawh chuan mak a tiin a ngaihna a hrelo kher mai.! Thih ngam lu pu in Keipui kha an that a ni a, Laiking ruang ngawt lo awm chu, Buk atang an chhuah dawn khan, Hrangchhuana te kha an Chhuahna bul a chhuak ve kha an ni a, Hrangchhuana fiamthu duh hian An lo fiam em ni dawn chu aw a ti rilru neuh neuh a,
Buk an thlen chuan Midang Ramchhuak te chu anlo thlengkim vek tawh a, Midang Ram chhuak te pawh chuan Sazuk anlo hawn ve vek hi alo ni a, mahse, thenkhat in a patuai deuh te, a LA te, A pui te Hawnin, Aithura te hawn chu a Lian leh chal ber a lo ni kher chu, Hrangchhuana Thikfiam tawk a tling ngeimai.!!!
Buk nghak te Sakuh Vawmhlum leh Sazuk Chek kha fak hmeha Zanriah an han ei chu, An riltam hlawm ngang a nia nge, Thawng zai chhat reng awmlo in, a rik hian an ri hmuar hmuar a, Thenkhat tuiti fal deuhin an lo tep ri leh chawk chawk thin bawk a, Vawmkaia pawh A hrianghawng a pet fan fan chu hum pelh in a bula Hrangchhuana chawbar tur chu a hmai ah tak chuan an Nghawk sawk pek ah,
Khawtlang enthlak, inthlahrung deka Lal leh Valupa, Pasaltha leh Khawnbawlte mit tlung loh hlaua khaw sa a nih ve laia, Lalpa ber kher chawbar tur a han nghawk let tawp chu, inthiam lo a na duh viau ta ve ang le
Zanriah eikham thu muanga Pasaltha leh Valupa te an riti lai chuan, Aithura chuan, Keipui an that tk ruang lo Bo tak daih dan chu a sawi ta a,
Pasaltha Keitawna chu dinghluai in, " Ekhai aw, iva sawi har ve le, ti tawh u, Hun kan ngah lo e, Aithura leh Hrangchhuana Pawl tekhan, Buk hnai ah khan Meichher tur Han siam nghal Thuai thuai ula, Hrangchhuana Pawlte khan, Meipuia tuah tur thing a tam thei ang ber han Fawmkhawm ve nghal rawh ule, Pasaltha Vawmkaia ho te khan Maufei in theih anga tam han sim nghal bawk ula, Pasaltha Saithata Pawlte khan, Kan bukte hi Thuamtha leh vek rawh u khai, Tin. Kan pawl te kha'n Meipui Buk hual in hmun sawm lai ah khan han chhep belh ula, Hnimhnawk leh Hlo kha Han sam thuak thuak bawk teh ule, Tumah Ka fal lo ula, Ram hnuai ah luh thuk loh bawk tur a ni e, Muang chang hman kan nilo a nia" tiin Ro a rel nghal ta mauh mai.! Pasaltha Vawmkai leh Pathlwi Ngurvung Chauh chuan Pasaltha Keitawna In puahchah chhan chu hria awm hek le, an vaimai chuan a mgaihna hrelo in, an tih tur chu an tita Zung zung a,
An thiltih lai chu a pawimawhna leh an tih chhan hre lo mahse, Pasaltha leh valupa te, aia upa te leh Hotute thu Hnial ngailo val rul te chuan karlo ah an chanpual theuh chu an zo ta vek a,
Pasaltha Keitawna chuan, Tlangval te chu Au khawm leh in " Hei le, Mipawi kan sawi ta tlat mai a, Vawin a Ramchhuak, Pasaltha Aithura te Keipui thah tak, a Rung lo bo ta daih kha eng dangvang nilo in, Huai ho SA CHUAM ani a, Kha keipui ngei pawh kha ti nung leh in a ai ah Laiking anlo dah a nih kha, Zanin ah hian, Huaiho chuan min bei ngei dawn a, mahse, eng angin nge min Beih dawn Hriat ni sise lo mahse, An rawn thawk ngei dawn a ni, Ramsa hmangin emaw A hring a hranin emaw min Beidawn ani, Tumah Zam chhelo tur leh Thianchhan thihngam lu pu Nghalzawl Valrual te kan nih hi kan ti lang ngei tur a ni ang, Tlanchhia in awm a nih chuan, Huaiho tan chuan Bel chhunga sa ang inni ang, Huaiho nen kan inbeih chuan, Thahrui leh Chemtum piah lam ah rilrua inbeihna a tel dawna, a pawimawhber pawh a ni dawn a ni.! Keini chuan Heng Huai te hi kan tihlum vethei dawnlo a, mahse, Hlaulo leh zam hauhlo a kan beih chuan, min tlanchhiat san dawn a ni.! Khaile, Nghalzawl Vawlrual te kan Zam dawn em le.? tia A'n Au meuh chuan, Nghalzawl Tlangval Mi Sawmruk zet Hawhaw ri chu Hmelma tan chuan Zam chhiatna tham a nive ngei ang
Lenghnawt Ar a khuan zawha Zanlai Ar a khuang dawn vel tur awm ah chuan, Meipui enphak loh deuh thimchin ah chuan, Kepen ri thap thap hi an hreta a, Eng emaw thleng tura in puahchah sa an nibawk a, Chiai leh Zamhmel pu reng an awm lo, An Silai theuh chu hman mai theiha Hum farin, Ipte pui ah chemtum an Ak far Hlawm bawk a,
Rei mawitawk chutianga kepen thawm an ngaihthlak hnu chuan, thawklehkhat ah Thli na zet a rawn thaw ta vawk vawk a, thing kung te chu Kur duai duai in, Thinghnah te chu an ri sun sun bawk a
Chu tihlai chuan, Nula leh tlangval tawmru phun ser ser ri ang te, Pitar nui khek tuar tuar ang te, Patling Natuar thawm te a rawn ri Chuah chuah ta mai a, Rawlthar deuh te chu Zamin an kimki ta chuih chuih mai.!
Pasaltha Keitawn a chu rawn ding chhuak in, "Zahngai zahngai, Huai mite u, Zahngai hram teh u, Inpawi khawihtuma rawn kal kan nilo e," tiin a Au luah luah a,
Chutah le, a mah hmuhtheih siloh hian Aithura leh a pawlte Keipui that tute chauh chu, a rawn tibuai ta, a rem lai lai ah chuan, patling in theihtawpa naa abeng ang maihian, an let hlawm ta tawl tawl a, Midang tan pawh in chhan ngaihna a awm ta lo, Anin Uipui tuilian thlir liam tawp mai a ni.!
Aithura chuan, a chem chu phawrh in, "in pawi khawih kan nei a nih chuan mi ngai dam ula, a nih loh chuan mikian san teh u khai, keini Hringfa te zawng nangni tihbuai tham em kan nilo e, " tiin Aithura chu a au lauh lauh a
Aithura a au zo chiah chu, A khabe ah tak hian Hmuhtheih siloh chuan a rawn vai dak leh ta awrh mai, Aithura chu a thal hawng hawng a,
Muangchanga tho chhuak in a zimar tawlh tawlh a, a rawn dak chhuak leh mitmeng thip dum fiah kalh chu a hmelma nih a chakawm loh viau ta ve ang
A beng chu uluk fe a dawh vah in, A hnunglama rawn ri leh fua a hriat rual chuan, Vir kun zawk in a hnunglam ah chuan, a chem hriam hlerhlawr chu a'n vai kual nghal pap pap bawk a,
A bula Thingtuai leh Mau te chu fik hmawk hmawk in, boruak te chu a Sat ta buan buan a,
Aithura tih ang chuan midangte pawh chuan tive in, Mahni hming chhal lauh lauh tawk lah bo lo, rei fe chu tianga an chet hnu chuan, thawm leh riva engmah an hre talo a, Boruak daiin A ralmuan hnu chuan, An han hawi vel a, Nghalzawl valrual mi sawmruk chuang Sapatalna hnuhma chu a pet hian a pe hun a, thing mal tia aia te ding reng hmuh tur a awmlo chuan an chet nat zia a ti lang chiang viau awm e.
Chu tia thawm leh ilo engmah a awmtak loh ah chuan mutmu tuah in, a tuk zing tukthuan eikhama khawlam pan tur chuan chingzai an rel ta hlawm a.
Lalin ah chuan, lalpa Aizika leh khawnbawlte thu kual titi chu a muk in ropui anrel tih hriat hliah hluah hian an ngawi leh vang vang thin a,
Lalpa Aizika chuan, " Ka U pasaltha Aihlinga phuba kan lakna hnuhnungber tur a ni a, kalve ngei ka duh a ni, Tin. Hrangchhuana pawh tlangval a nive tawh a, Khaw mite phei chuan Pasaltha Hming hial anlo puttir vai rawl nen, He ti ringawta Ramhnuaia a tal chuan Lengrei nuam a tiin nupui neih nachang te hi a hrelo mai dawn e, kan hawng leh tik ah chuan Hrangchhuana pawn Nupui neiin Lalfapa a nih angin Lalna chang tawh sela a tha ange" an ti dap dap a,
Upa Lianhrima chuan a tuibur hmuam Rawpui chhuat keu awng a pik puat in a puan ven chuan a hmui a han hru fai leh puak a Aw thian kharh kharh in "Lalpa, i thu keuhthluk chu keini sawh danglam rual va ni suh i, Engle khawle, Halkha runna a kan Lal meuh kal i tum erawh keizawng ka Rilrem zawng a ni hauh lo mai ka ti. kan halkha ho lah chu, Khawchhak ho nen in titha in Khawtin deuhthaw hian Kulh rinawm tak an nei e, an ti lehnghal a, khuanu'n a beng lo chhu ngawng se, kan tlangvalte Ralrun tur pawh hian Chaurau ek anva thai lo ang tih pawh hriat va ni suh, Lal leh Lalfapa tal hi chu kalve lo hram ula tha ka va titak em aw" a ti vawng vawng a,
Lal Aizika Lalfing hian an ral runtur te hi beih an khirh hledawn tih pawh a hresa vek a, Mahse, an khua leh a U Aihlinga phuba la lo a anpam tul mai a hlau em vang leh A mah ngei pawh ral beia han Sapatal vel chu a chak ve pakhat a
"Ekhai, Chalpuma pa Zammah ta che khuanu kan lam ah atang em a nga, Kan halkha ho chu an salman leh an mahni te nen lam kan kai haw zawk dawn zuk nia, Kan tlangval te leh kan pasaltha te hi khawdang hmun dang te Beng hriat ah chung Mi pakhat pawh ralpui phiara phiar ngai an ni e an tih tlat chu mawle," tiin Upa Lianhrima chu a tawng thlamuan sauh sauh a,
Chutia Lal leh Upa te an titi lai chuan Lungdawh lam ah Tlangtlir thawm an hreta,
Lal Aizika chuan, "Chhehei le.Kan pasaltha te ram chhuak chu an hlawhtling ngat mai le, Tlangaupa nang Zupui kha han chawithla la kan pasaltha te chu ilo hmuak teh ang u" tiin Leihkapui lam pan chuan a phei vut a
Nghalzawl Valrual Ramchhuak te chuan Sazuk lu nga lai an hawn chu Lal Aizika pawh a lawm thiam hle reng a, A tuk ah ruai Buatsaih tur thu a puang ta nghal rup reng a, Zanlam ah Khawnbawl te leh Pasaltha te, Valupa te nen Halkha Runtur an rel ho anga, A tuk ah Tlangvalte infiamna chi hrang hrang neiin Ruai in a zui anga zanlam ah Lam an thai dawn a ni.!
Mipui te chu tin darh in a tuk a Infiamna leh Ruai awmtur chu an enghelh tlang hle a nia nge, Zanriah chawei tha thei reng an awm lo
Lal leh khawnbawl te, Pasaltha leh Valupa te chuan an Halkha run tur khua thlang in, Nghalzawl atang Ninga kal, Airawhlui kama phaizawl chamduai a halkha khua, Dimlam chu run turin thu an keuh thlu ta rupmai le, Dimlam khaw Lal hi a hausa in a khawnbawl upa te pawh awmthei tak tak vek an ni a, Tin, Khaw chhak ho nen a in betha in an in tihthat em a vanghian khaw ralmuang leh liantak an ni a, in Zasarih lai an tling a ni.!!!
Tlangval Ralkai thei chin pawh mi zanga chung an tling a, Lusei Lal te hlauh rawn leh Lusei khua Runa Lusei ho sala man tam ber pawl an ni a, Pasaltha khualkai Thanghat thiau Sawm leh pahnih lai an nei a, Heng an Pasaltha te hi Khawchhak ho pawh hian an hlauh vang a Dimlam khua nen in tihthat chuh an ni reng a ni.!



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 28th, 2018, 6:52 pm

Episode 14
Heng pasaltha te zing ah hian, Khawtindala leh Khawtinngama te hi Unau niin Dimlam khaw pasaltha te zing ah pawh Hming langsar leh Meizang hlaptu ber an nithin a, An pa khawnbawl upa Khawtinsata, a vanglaia Pasaltha Ralhrat Dimlam khaw daingul nithin, khawnbawl a nih hnu pawh a Lal kut leh ke ber hian Dimlam Khaw pasaltha te hi a chher uluk in a fuih hneh bawk a, Huaisen, insual dan chi hrang leh hman raw siam leh hmanthiam ah te khawdang tudang an ngai bik lo hle reng a,
Mahse, an zinga Hotu bera an neih te unau, Khawtinngama leh Khawtindala te hian Pasaltha diktak in an neihthin Hmeichhe laka insum theihna an tlachham leh tlat thin hi an buai phah lek lek fo a, Dimlam Khaw lal Vandula ropuina leh a khaw huaisarna ti punluntu an nih miau avang hian Duhsak loh theih loh a awmin, a chang phei chuan a Hmeite hian a mutpui tir leh mai thin a ni.!!!
Dimlam khua hian Ral leh Sa lak a in ven na tur Tlakchham an nei lo emaw tih tur khawp hian, Khua an veng uluk a, Khaw pum pui chuan Thingchanga hung kual chhuah vek a ni a, khaw luhna hmun hnih chauh ah siam in, a bak zawng chu kulh bang tawng sawmpahnih zeta sanga in hung phui vek chu a ni a, Hmelma te tan pawh runtur chuan Kulh kawngkhar a luh dawn chuan, engtik lai pawha vengtu tlangval mi sawm in dah reng anni a, Kulh kawngkhar lo ah pawh khawpum chuan in hmuh phak tawk lek lek ah vengtu an in tlar thluah a, tlangval rual Hmun nga ah in then in, Hmunkhat ah pawh mi sawmruk tha zet an ni a, Ralveng lo te pawh buaina, Sa leh Ral anlo hnaih thulh che nghal mathei turin tlangval Zarual rual zet chu khawlai lum a Zawlbuk ah Silai leh phaw, Kawlhnam te nen inring rengin an awmsa reng a ni.!!!
Pasaltha Khawtindala leh Anau Khawtinngama te Silai hi mite sawi duh leh Mite it leh hlauh rawn a ni a, Vawikhat kah zawh in, Sawh chawp ngailo in a mudang thunin an kap leh nghal zel thei hi, midang silai puanchhia leh zen sawhchawp Ngai ai chuan ain zangkhai hleih em avang hian, Khawtina te unau pawh hian milu an lak tam phah reng a ni.!!!
Tin. Khawchhak lam hnaih leh khawchhak hnampui ho nen in titha an nibawk a, Ralthuam leh Kulh an veng dan ah te chuan khawchhak tih dan entawn in Lusei Khua te ai chuan an chungnung in, Lusei lalte chu an hlaulo hle reng a, Lusei khua Ralkai thei chin mi Za pawh tling lo te lek lek chu Hlaulo takin an run a, khaw thenkhat ah Chhiah khawnin sala tan an man bawk a, Lusei lalte thlang an tlak phah ta ruih ruih reng a ni
Khuante vik ah Lal Aizika chu thoin, Hrangchhuana leh Aithura Zawlbuk a riakte chu zanlama alo hrilh lawk tawh angin Lalin kawt ah chuan anlo awmsa diam tawh a, Lal Aizika chuan Khaw kawtchhuah lungdawh lam pan chuan a hruai ta a,
Lungdawh chung ah chuan dingin, khawchhak lam chu a thlir deuh deuh a, Aithura leh Hrangchhuana chuan Uluk leh ngunthluk fe hian Aizika che zia chu .anlo en reng a, Muang fan raih hian, "Hrangchhuan, Hei kan khua Nghalbual phuba lak tumin Ropui kan rel thluta a ni a, He Ralrunna hi a namai dawnlo a, Kalve lo la ka duh a ni.! Tin. Lalthlah Lal dik tak nitur i ni a, Ral Run kan rawn haw leh tik ah chuan, khuanu zar ah Leirem rapin muang leiah ka awm ve tawh em anga, Chu tih hun ah chuan, i pa ai awh tawh la ka duh a ni, Tin. Aithur, i thianpa Hrangchhuana Lal a nih hun ah pawh, a hnung dawla a hma su kaw turin a hnai ah awm reng la, Hrangchhuan. Lal i nih hun ah chuan, Khaw hrang hrang atanga pemkhawm kan nih hi hre reng la, Engthil pawh thlengse, chinfel theih loh a awmlo a, thil thenkhat erawh hun nghah angai deuh thin mai zawk a ni.! mahse, engkim tih fel vek tum lo a, hun in a chinfel tura ngaihthah mgai a awm hun te a awmngai a ni, engkim chingfel i tum vek chuan, i ko rit lutuk leh ngaihtiah tur tamlut vangin rilru fim i pu thei lo mai ang.
Tin. Hre reng ula, Awmthei chhungkua hi khua ti mawia ti chhe thei tu an ni a, pachhia te hi Ralmuanga min awmtir thei tu an ni, Zupui heh hian Hlimna tawite min siam a, A hnulam erawh zahna mai a ni, Zupui dawt ngailo a harhfim reng chuan hmingthat a hlawh leh nge nge thin.! Tu mah duhsak leh tlawn bik neilo la, Hleilenna hian inpumkhatna a ti chhe mai thin tih hre reng ang che u aw" tiin Lal nimai tur Hrangchhuana leh, khawn bawl nibawk, Pasaltha nibawk Aithura te chu a fuih mawlh mawlh a,
Hrangchhuana chuan, kapa, chutiang thute i sawi takmai le, Min kalsan tum te pawh i ang dawn alawm le, Engle khawle, Halkha Runna ah chuan ka telve loh a thiang love, min dang buai duh lo mai teh un, Tin. Lal Thu ah chuan he tianga tlangval rihhi ka la thlahlel a, i Lalna hnuaia awm rih hi ka la duh a ni.! Lal ni tur em chuan, ka la nau lua emai.! tiin Lal Aizika chu a hnial ve bawk a,
Mahse, Mifing leh tawnglam thiam Aizika'n duhtawka Thutin reng a fah meuh chuan, Halkha run zawha Lal nitur chuan a hmin thei ta a
Chutia an titi mawlh mawlh lai chuan, Pasaltha Keitawna Aw thian kharh kharh thawm hria in, Lal leh Lalfapa te chu an hawi rual thuau a,
Lal Aizika chuan, " E. kha i rawn kal thei maw, lo kal tawh, Hrangchhuan Aithur lo han chho ta ula, Thingserh sah tur lo han ngaihtuah teh u khai, " tiin Hrangchhuana leh Aithura chu tirliam nghal in, Lungdawh ah chuan Thut hmun a rem tha sauh sauh a
Tukthuan eikham ah chuan mipui te chu Lal tual ah an pungkhawm hut hut tawh a,
Lal Aizika chu Pawnler ah ding in, Ring leng lawng hian "Nghalzawl mipuite u, Heile, kan hmuh leh kan hriat theuh angin, kan pasaltha te Sazuk ramchhuak chuan Sazuk Lunga lai rawn hawn in, a lawmnan vawin hian, Infiamna te ruai te kan buatsaih a ni a, Chu mi hmachuan nizan lama Lal leh upa, Valupa leh pasaltha te thurel Puangin Thingserh kan sat hmasa phawt dawn a ni.! Tin. kanin fiamna tur pawh hi, thingserh sat te tan chauh a ni ang,
Khaile, Kan Lusei puite Runa khaw tamtaka chhiah khawna, kan mite sala man tu Dimlam khua chu Vawin atanga ninga hnu ah Run tur a ni e, " tia an puang chiah mai chu, Mipui an phurin hawhaw dur dur a
Lal Aizika chuan sawizawm leh in, "Dimlam khaw Lal Vandula hi Lal hausa leh thil tithei tak a ni a, Beih pawh an khirh hle dawn a ni.! nimahse la, Kan Lusei puite tiral tia sala man tute hi kan hlauh loh zia kan lan tir ve dawn lawm ni" an ti leh phei chu, Tlangval then khan lo in lekphek in, "Salam ah an lu ka khai ang" ti tawk anlo awm, thenkhatin, "kan chimih vek ang chu le" ti tawk lah bo lo, An ri bung bung hi a niber e
Lal Aizika chuan Sawizawm leh in "Rallaksum reng reng mahni lak mahni ta a ni ang.! Salman te pawh mahni salman mahmi ta anni ang, Marawh chu. Dimlam khua hi Awlsamte a Run maitheih anni dawn lo a, Luchhum banchhum huam a, Tawlhloh puan Silh a Thingserh sat ngam te tan chauh Kalve nami a ni ang. khai le, tu nge Tawlhlohpuan silha Thingserh sat dawn che ule, Hmalam ah rawm pen chhuak ula, Thingserh hi rawn sat rawh ule" tia a au zo chiah chu, tlangval te rawn in nek tuptup in thingserh sah hmasak chu anin chuh ta nawk nawk a
Pasaltha Keitawna chuan hmahruai in, "Nghalzawl tan ka theihna leh ka nun na Hnungtawl ngailo tura intiam in thingserh ka sat e" Thingserh an dah chu a'n sat khem sawk a, Chu tiang zelin Tlangval ralkai thei chin chuan Tiamthu nen thingserh an sah zawh chuan, Lal Aizika lo ding chhuak leh in, "Khai le, infiamna Tan tawh ila a tha ange, Valupa leh Khawnbawl nibawk Tlangruma'n min Kaihruai teh se" tiin Upa Tlangruma Kut ah an hun chu a pe ta a, Upa Tlangruma lo dingchhuak in, " Khaile, Nghalzawl Valrualte Zuklu nga la nan leh Halkha Run tur In buatsaih nan, Infiamna kan nei dawn a ni a, tumah Rilru suak pu lo leh in er lo in kan in el dawn nia, Kanin elna tur chu, Silaia inthemsiak ani anga, (Mipui chu anlo Haw haw dur dur reng a) Khawmhma chema insual in a dawt leh ang, In Chai in hnu kan khar dawn a ni. Tlangval te dingtlar vek ula, Pawlruk ah kanin then dawn nia, Pawl tin a hotu tur te chu, Pasaltha Vawmkaia, Pasaltha Keitawna, Pasaltha Saithata, Pasaltha Aithura, Pasaltha Hrangchhuana, Pasaltha Awh khaih, Lalpa Aizika te an ni ang" a ti chiah chu, mipui haw haw dur dur chu reh thuap in, "Lalpa Aizika a telve dawn maw" Mitin hriatsa mahnise anin zawt nawn sup supa,
Lal Aizika chu lo ding chhuak in, "Khua leh tui duhawm tak tak te u, Keihi inLal chu ka ni ngei a, awmlo pawh inti maithei a, marawh chu, Halkha run turte infiamna a nih angin ka telve a tul ani, Tin, vawin Ni hi chuan Lal anga min en lo tur leh Zawlkhat vek anga awm turin ka duh che u a ni" tia an au luah luah chu, Lal mah nise, tlangval a nihna zia alang a ni tih mipuite pawn hrethiam in, An haw haw ta ruih ruih a,
Nghalzawl tlangval rualte Pasaltha pawlruk a anin then zawh chuan Pawlkhat ah i Sawm zel anlo ni a
Upa Tlangruma chu alo au leh lauh lauh a, "Silai inthem ah hian Pawltin a mi kan zavaia telvek tur a ni." tiin a han puang leh ta a,
Tlangvalte chu an phur tlangin, an za chung hi a niber a,
Inthem tur chu Lal mual tawp ah tlangval te chuan thingtuai phun in, Hlam sawmpanga zeta hla atang chuan A hman hmasa ho chuan an han kap ri thuai thuai a, tumah kahthleh an awm tlat lo,
A kaptura te dingna chu hlamnga in anhan sawn hla leh hret a, Chutah zet chuan, Pawl tina a hotu, Pasaltha te leh Thirdeng Fapa Kapthiaua chauh chuan an kap fuh ta,
Upa tlangruma chuan anin them zawm dantur rawn puang leh in, Mi pakhatin vawi thum theuh an kap anga, a kap fuh zawng ten in elna an chhun zawm zel dawn a ni.!
Lalmual tawpa thing tuai an phun chung ah chuan, Saihlum an dah leh ta a, an kah tur a te bawka uluk taka en ding vang vang loh phei chuan hmuh mai har tak a ni.!
Chu tah le, Lal Aizika chu lo chhuak in, " Kha leh kei mah Pasaltha Aizika" tiin Nui vur vur chung chuan Saihlum an dah chu a'n kap keh sak mai zawng, Mipuite leh Lal Aizika pawl te chu Lawma vangin an zuang ta tawr tawr a,
Hrangchhuana chu lo ding chhuak ve leh in, "Kha aw, Lalpa pawhin a kah fuh chu khawi ah ka kah thelh bik ang ni," tiin Saihlum kah darh sak tum chuan a hnuaia thingtuai chu a kap khem sawk ta mai a,
Lal Aizika chu lo nui vur vurin, "khai Vala i silai chu a rit deuh a nia nge, ka silai hi han hmang teh khai, " tiin a silai chu Hrangchhuana lam ah chuan a hawi pheia, Hrangchhuana pek chuan, Lal silai ngat chuan ka kah thelh bik tawp lo ang ti a nui vur vurin, Lalpa silai chu a mu leh a zen thun in a sawh zawt zawt a,
A thawhhnih nan mitsiai meuhin a han Kap leh ta dur a leh Zen khu rum rum kar ah chuan Saihlum chung ah chuan silai mu chu a ving chho thuak a,
A thawh thumna ah pawh chuan Hrangchhuana chuan A chunghreta kap in ala kah thelh ta fova,
Lal Aizika chuan Hrangchhuana bengbul ah chuan rawn kun hnaiin, "Taite, I kahtur hlat zawng leh i silai zen thun tam zawng kha i chhut lo a ni.!" chu fuihna thu tawite chuan Hrangchhuana Beng a fah hneh ngei mai.!
Pasaltha Saithata rawn chhuak veleh in, a ni pawh chuan a kap fuh bik tlat lo,! Pasaltha Vawmkaia leh Aithura pawh chuan an kah thelh ve ta zel a,
Thirdeng fapa Rawltar tir, Ruakhau zet, Hnarim thawh vanga a kum phulo a taksa phiar fat Kapthiaua chu lo penchhuakin, "kan Pasaltha te hlah hnu chu khawiah kei teh lul hian ka fuh bik hleilaw nge" ni nung nung in, tin mang lo hian silai chu a'n kap puak dur a,
Thingtuai chunga Saihlum kehdarh chuaih rual chuan mipui chu an haw hawh leh ta dur dur a
Hlam nga zeta An tawlh hnun leh hnu chuan, Thingtuai an phunna atang pawh hlam sawmhnih leh panga lai a ni ta, Kapthiaua bawk chuan kap hmasa in, Vawithum a kah hnu pawh chuan, Saihlum an dahna Thingtuai chauh chu a kap fuh ta a, Lal Aizika hun alo thleng ve leh ta, Mit siai meuha tin vang vangin, A silai chu a puak ri thuai a, Thingtuai chunga Saithlum chu a vir ta cher cher mai le.!
Mipui chu anlo hawhaw leh ta dur dur a, Upa Tlangruma lo au in, " khai Nghalzawl Lalpa chuan a kahsual palh emni dawn le, Kap nawn leh teh se" a rawn tita lung lung a, mahse, amah ber chu a kahfuh palh a nilo tih hrechiangtu ber te zinga mi ani tlat, Nghalzawl mipuite hmuha an Lalpa Aizika Silai kah thiamzia pholan a duh vang zawk a rawn au a ni a,
Lal Aizika chuan, tin pawn tin manglo chuan ahan hmet puak leh thawr a, thingtuai chunga Saihlum chu A let zawngin a vir leh ta charchar mai le,
A silai kah a kaltluang a ni teh chawk ang chu, a silai zen chu sawh leh mawlh mawlh in, a'n kap alh leh chuai a, Saihlu Vir lai chu a kehdarh ta chuai a
Mipui mak ti lutuk chu an ngawithuap a, Upa Tlangruma chuan, " Nghalzawl Silai kah thiamber chu Lalpa Aizika a ni e" tia an puang meuh chuan, an hawhaw ta ruih ruih a
Khawmhma chem hmanga inbeih hun alo nita, Mipuite Chuan an khaw pasaltha te insual thiam ber hriat chaka titi vawrha inhnial phah hial anlo katnuk tawhna chu hmuh loh hlauin an ring anlo fan an lo fan ve bawka, an mit erawh, Phuba lak chungchamg avang khan Pasaltha Vawmkaia leh Aithura chung ah a fu lo theilo a ni
Pawltin atang Teltur pathum theuh an han in thlanga,
Khawmhma chem hmanga inbeihnaa telturte mi sawmpariat Lal tuala an han dingtlar chu, chakber tur rinthiam har khawpin, an pian a tha in an taksa pawh a inphut mawitawk renga, mahse, mipuite Hmuhchak erawh a thleng dawn tlat lo, Pawltina hotu ber theuh Pasaltha hming pu ho chu tumah inbeihnaa tel anawm tlat lo, Tlangval Santha leh Rawlthar thaza rual vek Chu infiamna ah chuan an tel dawn a ni.!
Upa Tlangruma lo ding chhuak in, " Mawitaka chet tur a ni a, thinrima inbeih khaptlat a ni. Tin. mawilo taka che kan awm a nih chuan, Valupa leh Tlangval ten Zawlbuk ah an zilh ang" tiin Hremna khawngzet chu a hanpuang nghal thawr a,
inbeih turte anhan inbei ta a, Pawltina hotu pasaltha te chu a inbeia te ai chuan antang zawk emaw tihtur hian an chempui phawrh in a sir ah chuan an lo vai fua fua a, Napang tan pheichuan an thinrim emaw tih maitur khawp a tangin, naupang thenkhat pheichu An Nute puan bih kar ah anlo tawm chawih chawih hial a
Mahse, Upa leh valupa, pasaltha te ruahmanna erawh, Tlangvalte inbeihna muala zamlo a chethei tura an zirtirna niin, a sir ah pawh pasaltha ten theih tawp chhuahin thawm anlo siam ta reng a ni a
Ruakhau tha leh hmel en aia huai zet Kapthiaua chu pasaltha te rinlawk ang ngeiin, Khawmhma chem hmanga inbeih ah chuan chakber nihna a hauh leh ta.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 28th, 2018, 6:52 pm

Episode 15
Upa Tlangruma alo ding chhuak leh ta a, " Tun ah chuan, Kan en chak leh kan nghah hlelh ber, Lusei ten infiamna kan neihte zinga Ropui ber pawl Inbuan kan tan dawn ta e, He infiamna hian nakin zel ah nghawng ala nei dawn a, Khual buan tur te pawh anla awm in kan khua hian buan chak kan mikhual hun pawh a thleng thei a, Chu tih hun ah chuan tuna kan buan chak te hian, Khaw ai inawh thin dawn a, Khua ti hmingtha tu leh ti hmingchhe tu in ni thei dawn a ni, chuvangin, Vawin ni ah hian tumah tha thlah lo leh in er lo, mawitaka theihtawp chhuah kan tum theuh dawn nia, khai le, pawltin atang teltur te rawn chhuak ula, Infiamna chu tan nghal ang ule" tiin a thu leh ta a
Mipuite chu hawhaw dur dur in, Pawltin atang teltur rawn chhuakte chu hmuh hmasak ber tum niawm fahran hian an ringfan in an dak huang huang a
Mipuite beisei loh thil athleng leh ta tlat mai.! Lal Aizika tih loh Pawltina Hotute theuh chu Inbuan na a teltur zing ah an ding tlatmai.!
Pawltin atang mi pali theuh telin, inmal beih lo in a pawl pawl in chak an zawng dawn a ni
A hmasa ber ah Hrangchhuana pawl leh Pasaltha Keitawna pawl te anin bei anga, an dawt ah Aithura pawl leh Lal Aizika pawlte anin bei leh anga, Pasaltha Vawmkaia pawl leh Pasaltha Saithata pawl ten hnu ankhar dawn a ni,
A chak Pawl te atang thum vawrh a ni anga, Vannei ber pawl te awl in, pawlhnih dangte inbeia a chak zawk nen Inchai chak ber nih anin chuh dawn ani
Hrangchhuana Lalfapa eitha hmu leh Mi dang pui reng renga hnarim thawk pavangtlang aia lian hret Satha nulh phiar fuat mai chu phur namen loha phurin, Bul ka tan teh ang tiin Lal tual Favai chhun Vum ah chuan a ding nui vur vur rauh a
Pasaltha Keitawna Naute chuan buan an chak loh hmel kher mai.!
Pasaltha keitawna chuan " Keiman bul kan tan ve ange aw, kha le, Lalfapa lo in ring nasa mai rawh le, NghalZawl Mihrang ka lo kal e" tiin Nih sung a hawi valh valh in Hrangchhuana chu a pan hnaia,
Pasaltha Keitawna kum lama Uaithla tan tawn tan chuan, beih pui thlaka tan hanlak ve nachi a ni tawh lo tih hria in, Fiam thu pah leh mi tikima tiphur tu ah chauh telve a ni reng a, A vanglai kha ni ngat sela Hneh ngei turin Hrangchhuana chu a pan hnai ngei ang le, Mahse, Kum lamin alo delh rit ve ta bawka, Chak zawk nih beiseina tel hauh lo in Hrangchhuana Puan tlang chu thamkhawm in, tanhmun a siam rem nghal a,
Hrangchhuana pawh chuan tan hmun siam in, Upa Tlangruma chuan "khai le" a tih rual chuan, Hrangchhuana chu Kang zawk in, Pasaltha Keitawna chuan a bawh thlu nghal rawp a
Hrang chhuana lo tho leh chu a tlawmla ngaih ngaih ngei mai.!
Pasaltha Keitawna Kawnga Chelh in, Pate tiin ka Vawrh duh lo che ah. mi keuh hantum leh teh hlek" vau pah Vui pah chuan a Nui vur vur a,
Upa Tlangruma'n "Khai le" a tih rual chuan, Pasaltha Keitawna chuan A tha tawp sawmkhawma tangin, Hrangchhuana chu Tlem chawikan zawka Keuh leh a tum chu, Thing kung pawh phawi tum ang hlauh a ni ta tlat mai.!
Hrang chhuana chu a nghing leih ri ngawt a,
"Kha leh aw" tiin tan ahan la leh sateh a, Hrangchhuana chu a nghing lawih ringawt chauh ta mai.! Hrangchhuana chuan nui vun vun chungin " Kha maw ka tih reng kha keive aw" a ti chu. Pasaltha Keitawna chuan, "Het. Mi vawrh tak tak ange aw, Upa lam kan nih tawh hi" ti lung lung Chungin Kawng chen zet chu a kang vawk a, Hrang chhuana chuan Zawimuanga dah thla leh in, "Fate Buan dan tawk i thiam Hle mai" a tih zawm zat a,
A thawh thumna an han tan leh ta a, A ngaite bawkin hrangchhuana chuan Kawngchen zet Phawikangin zawimuangin a dah thla leh ta a,
Pasaltha Keitawna pawl mi pathum la awmte chu an phur tawh lo ngei mai.!
Hrangchhuana chu Buan ve ngei angaih si avangin, Hrangchhuana pawh chuan hrethiam in, hneh tawk tawk anga lang in a phawi kang ek ek vek chauh a,
A vawihnihna a inbuan turte an lo chhuak ve leh ta a, Aithura chuan Hrangchhuana tih dan Chiah chuan, " Khawi maw, Hrang ek a pawh tluklo mi ti dah ange, Bul ka tan ve teh ang" tia A rawn pen chhuak chu, Lal Aizika pawlte an phurlo tlang ngei mai.!
Aithura pawh chuan, Hneh tawk tawk ang chuan Lal Aizika pawlte Pali chu a phawi kang ek ek veta vek a,
* Pasaltha Vawmkaia Pawlte leh Pasaltha Saithata pawlte inBuan tur lo chhuak chu mitin thin lung ah, 'Nghalbual khaw kawnga Pasaltha Vawmkaia'n Pasaltha Saithata Nikhaw hrelo a Khawnthluk' kha a chamreng a, Ngawithuap in An cjevel chu an thlir thup a, Pasatha te Hmel ah erawh chutiang lam chu alang be hauh lo mai.!
Nui vur vur in an in chibai lawp lawp a, An naute ve ve chhuah hmasak tirin anin hneh tawk tlang ngei mai.!
Pasaltha vawmkaia pawlte chu an chan a chhe ta, pathumna ve ve ah Pasaltha Saithata pawl a chak tlat
Vawmkaia lo chhuak in, "Tlangval i chak hlemai a, mi dim deuh rawh aw" tiin A kun hniam nghal a, Upa Tlangruma'n khaile a tih rual chuan, Vawmkaia chuan a phawi kang nghal zawk a, Thawhhnihna ah pawh chuan, Vawmkaia chuan a phawi ta zawk zawk a.
Pasaltha Saithata lo chhuak in. a nui khisung a, Vawmkaia Panding nalh in, Naupang fiamdan tawk iva thiam lo Ve mawle, Zirtir i ngai dawn a nimaw.? " tiin Pasaltha Vawmkaia puanven tlang ah chuan a Tham nghal chat a, Pasaltha Vawmkaia pawh chuan, "Chu ti alo nimaw, i zirtir ka ngai tak a nia nge, mi han zirtir dawn teh khai" tiin Saithata Puanven kawng ah chuan tam chat in tanhmun a siam rem ve nghal Chat
Mipuite chu an ngawithuap a, Hun kaltawh ngaihtuah in Pasaltha te leh Upa te, Lal Aizika pawh chuan mit khap lek lo hian an thlir thup a, thil duhawm loh a chhuah mai hlauin, Valupa leh pasaltha te chu anin ring ngal Thup reng a.
Upa Tlangruma'n khai le a ti chiah chu, a hmaa mite ang tho chuan, Saithata chu a kang ve ta vawk mai le.
Chu tah le, Saithata chuan, "Iin ring maw, Mi in ringlo lai Bei ngam tawk lek I ni em kha? " an ti lung lung a,
Pasaltha Vawmkaia chuan, Ni lul lo e, In hmachhawn ngeia Chet la thin mi ka ni ngai e, Iin ring tawh zawk maw" alo ti let ve bawk
Saithata chuan "a nih kha aw" tiin Pasaltha Vawmkaia chu a'n phawi kang ve ta zawk a le.?!
Vawmkai chuan, "Mi rul e, A thawhthumna ah chuan, Thihngam lupu in aw ni ang" an ti khauh a
Saithata chuan, Ka rul zel ang che, Thihngam lu pu Sawmchuang pawh ka rul zel dawn e" alo tive ta chheu chheu mai.!
Upa Tlangruma chuan Boruak duhawm loh a thlen hlau in, Lal Aizika Bengbul ah chuan, "Lalpa, Hei chu a tha dawn lo tawpin ka hiat chu le, Kan mualpho hlauh dah ange, i ti awp mai ang hmiang" Tia rawn in a phun sar sar a,
Lal Aizika chuan, "Mai mai a, A hmuhnawm Dawnchauh alawm, khu en mah ta che, in huatna mit mengin an in en loh tawp khu, Boruak siam nan an in Hrosa mai mai a nih khu" Alo ti sam et a.
Pasaltha Vawmkaia leh Pasaltha Saithata hian, An pawlte anin Bei dawn tih an hriat khan, Ruahmanna siamin, Mipuite tih phur nan leh An nun ah inhuatna engmah a awm tawh loh zia lantir nan, Ruahmanna siamin, A thawhkhatna leh thawh hnihna ah in chak chhawk a, a thawh thumna erawh, theihtawp chhuah turin Ruahmanna an siam reng kha a ni a
Upa Tlangruma'n "Khai le" a tihrual chuan, Inphawi tumin tan an han la tak tak mai chuh. Favaite chu an leng per chum chum a, Tu zawk zawk mah Dingchan hmel emaw chanchhiat hmel a lang tlat lo,
Rei ngial an in elh hnu chuan Vawmkaia kum lama upa deuh zawk Chu a tha thum tan in a chanchhe lam ah a tang ta hret hret a, Chutak chu Pasaltha Saithata'n Haibik hek lo, A tha zawng zawng sawmkham a Awlrawl chhuah meuha tan anla leh chu, Pasaltha Vawmkaia chuan chelh zo ta lo in, A kangta zawk a,
Pasaltha Saithata'n leia a nghah leh rual chuan, In kuahin, Vawmkaia chuan, Thianpa, ilo chak kher mai a, Keini ang chelh rual ilo nilo e" tiin an in nuih ta vur vur a
Upa Tlangruma chuan, Inchai lehtur te thum a han vawr ta a, Pasaltha Saithata Pawlte chung ah a tla ta tlat mai.!
Hrangchhuana Pawlte leh Aithura pawlte in chaia a chak zawk nen Chakber nihna an in chuh dawn ta a ni.!
Hrangchhuana leh Aithura chu anhan in en hehaw a, Hrangchhuana chuan, Aithur "Thur zawng kan ngam emai, Vawmva pawh pum thum ei zothei ka nih kha mawle" an ti mai chu, Mipui lam chu thum hak in, an nui ta hluah hluah a
Aithura tlawm duh bik lo in, "Hrangchhuan, Hrang zawng zawng zinga hlauhawm loh ber, Hrang ve maimaia i nih kja" an ti let ve salh a
An naute ve ve a tuaitir deuhte bultan tir an inbuan chu an chhunzawm leh ta a,
anin beitawk leh ngian ngian kher mai.! a tawp ah chuan, Aithura pawl NghalZawl khaw buan chak Mankunga, Thirdeng pa fapa Kapthiaua chu a ding chang ta,Hrangchhuana lo chhuak in, "I va chak em ve le, mi theh phar vawn vawn mai ang ka ti.! ti nuap nuap in Kapthiaua Puan tlang chu nghet tlettlawt hian a Vuan nghal chat a
Upa Tlangruma'n "Khai le" a tihrual chuan in phawi thum in Tan an han la tak tak mai chu, anin tia tawkin an chak dun bawk ah, Mipui chuan mittla lo chauh a thlir thup in an tan zawng te hming in anlo au lauh lauh bawk a,
Reingial anin elh hnu chuan, Vanglai nun hmang mek Hrangchhuana chuan Rawlthar zawk Kapthiaua chu Sumkhat lek a sangin a han chawi kang ta zauh a,
A thawhhnihna ah pawh chuan Phawi kang leh det in, Hrangchhuana chu Aithura nen anin hmachhawn dawn ta
Aithura chuan, " Awm hahdam deuh teh se, chak loh chhuanlam ah Pahnih ka buan vang te alo ti riau riau ange tiin, Hrangchhuana chu a han thu chawl a,
Upa Tlangruma'n "khai le" a tih rual chuan chuan, Thiandun Unau anga in Zuikawi reng Inkhata chengdun te te, hmelma an hrim in an han in elh mai chu le, Hrangchhuana ai Aithura chu sapan zawk angin lang mahsr, a sanglam ah a pawng hret ve thung a, Sapan deuh anga lang si hian a Awm chu a Chhah khal alh thung a, a kawng fek rat leh a ban leh a mal in vuah fuh lutuk chuan en ngawtai a chaktur zia Hresa reng mah nise, Hrangchhuana chuan a rin leh beisei ai a thianpa Aithura chu alo chak kher mai.! Phawi tuma tan alak nasat pih leh a nghet zual sauh emaw tihthurin Aithura chu a tangkhawng tlat a,
Aithura'n phawituma tha pui a'n thawh veleh meuh chu, Sechal in Si ang rup rup an ni, Favai te chu Darh chum chum in, Lal tual char te chu an Rap khawk hlawk hlawk ta mai a.!
Mipui Lah tang inbuana te lah tang a rik hian an ri hut hut a niber a
Hrangchhuana chu Thuhniam zawkin chu tih rual chuan a tha zawng zawng sawmkhawmin Aithura chu a phawi kang ta vawk a
Thawhhnihna tan leh turin Tanhmun an han siam rem leh ta sauh sauh a, Upa Tlangruma chuan "Khai le" a tih leh meuh chuan, Favai chhun khawm chu a leng leh ta chum chum a,
Hrangchuana chuan, thawhkhatna a a phawi lang ang bawk chuan, Thuhniam leh zawkinthaw tawp in a han phawi leh dawn a leh, Aithura chuan alo hrethiam nasa tawh mai chu niin, Hrangchhuana thu hniam thawh kang leh rual chuan a mahzawk chu a leh phawi ta zawk mai le.!
Mipui haw haw ruih ruih kar ah chuan Hrangchhuana mak ti chu a nui var thu ringawt a, Upa tlangruma'n "Chawl hahdam rih rawh u kai" a tih vangin Hrangchhuana leh Aithura chu in kuah rial in thu hahdam rihtur chuan Buantual chu an chhuahsan ve ta a,
Tlangval ten favai darh vek chu haikhawm in a dang an han chhun belh leh a, Aithura'n tlangval te favai haivum lai a thlir reng lai chuan, Zamveli chuan Hrangchhuana thui intur alo pe ve mak bawk a, Aithura'n A hmu fuh chiah chu ner nang nang in, "Zamvel ka puankawp kha lo tel tha la, ka bungrua neih ang chhun te kha tual ah ila theh thla vek dawn nia, inkhata a thlum a al ei za heti fakova in thliarhranna hi ka paidai thei dawn lo e, Lung Di te zar ah tur hial kan in phah palh a nge" tia Nui vur vur chung a ti mai chuh. Zamveli zak bawksi, Lai bawk si, inthiamlo bawk si chu a biang a sen tai tek a, Hrangchhuana lah chuan chu tak chu hmufuh in, Mittla lo chauh hian alo thlir deuh deuh ve bawk a,
Zamveli chuan a tui ken chu Aithura pe ve in Aithura'n a in zawh chuan, Upa tlangruma chuan, Buan tuala chhuak in in a rawn au leh ta a,
Lalmuala Sir lam a mipa naupang Dingkhawm zing ah chuan, Naupang pakhat hian Mutau alo vei hum tan a, A bula naupangte chuan, "mi pe ve rawh, ka neih ve hun ah ka pe ve ang che" tiin an lo dil tliar tliar a,
Venghmawr Naupang chuan pe phallo in alu alo thing muat muat a, A hnungber ding Aihlinga chuan,
Buantual a Tlangval pahnih dingdun te kawk pir vah in," ka U te ve ve an nih khu" an ti chiah chu, Venghmawr naupang chuan, "Aihling Mutau i duh ve em" tiin Aihlinga kut ah chuan a Mutau ken chu a rawn hmehbel chawt chawt a
Aithura leh Hrangchhuana chuan Puanven tlanga in man in inring renrawn hian an ding kun khal a,
Upa Tlangruma'n "Khai le" a ti chiah chu, Aithura chuan, Hrangchhuana chu Awm leh awm indek rat a hnai salh in, Tha tawpin a han chawi nghal a leh, Aithura chetdan teh thut chu man thiamlo a, Tangkhawng ringawt Hrangchhuana chu a kang ta vawk a,!
Mipui te chu ngawithuap in, Upa Tlangruma pawh chuan chu thil thleng rang lutuk maktia kahau in Chakzawk puang nachang pawh a hre lawk lo hial a
Pasaltha Saithata pawl te leh Aithura pawlten Chakber nih an in chuh dawn ta.!
Upa Tlangruma chu lo ding chhuak leh in, "Khai le, Nghalzawl ah tu pawlte buan chakber kan hre dawn ta e, inbuan tur te pawl hnih kha, Buantual ah hian lo dingchhuak vek ula, Hanin chibai phawt teh u, " a tih mek lai chuan Lai Aizika'n Ban lo pharin thu sawi a duh ve thu a sawn hrilh zauh a, Upa tlangruma chuan hun pe in, Lal Aizika chuan "Nghalbual leh Tlangzawlte in runna atang Nghalzawl khua hi lo piang ani a, Nghal zawl hian, Pasaltha ralhrat tak tak, Mihrang leh Sahrang hmaa zamlo tur thahnem fe kan nei che u a, Mahse, Nghalzawl hian Buanchak Hminghmera sawitur kan neihsa chu Thirdeng Pu Mankunga Chauh a ni a, A vanglai chuan Khawsarih deng chhuak an tih hial nimah se, Nakin lawka Uaithla maitawh tur a ni a, Nghalzawl hian Inbuan ah in nghahna kan neih lohai a phan awm mai dawn e, Chu vangin, Vawin ni hian, Inbuan te zinga chakber leh Pu Mankunga te Inchaia chak zawk zawk Hnen ah ka Se nufa ka hlan anga, a chaklo zawk hnen ah pawh ka Sepatuai ka hlan ang.!" an ti chiah chu. mipui leh tlangval te an hawhaw luih luih a,
Nghalzawl ah Pu Mankunga inbuan thiam zia leh chakzia Hrilh nawn ngai an awmlo a, Lusei Lal khua ah Hnehtu anla awmlo ani, Mahse a mah Pu Mankunga hi mi chapo lo leh Zakzum tak a ni a, Lal leh Valupa ten titur a antih bak chu tumah ala inbuan pui ngailo a ni.!
Pasaltha Saithata pawlte leh Aithura pawlte chu, Buan tual ah chuan Pakhat ve ve anhan in Buan tan ta a, Pasaltha Saithata pawlte chu a chetha zawk ah tangin.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 28th, 2018, 6:53 pm

Episode 16
Kapthiaua leh Aithura chauh an awm ta, Pasaltha Saithata Pawlte erawh Amah Saithata nen pali lai anla awm khuau maisi a, Kapthiaua chuan, "Naute kan la awm alawm, K'u Aithur, keimah ka'n hmasa ange aw" Tiin Buantual ah chuan a pen chhuak thauh thauh a, An han tan leh ta a leh. Kapthiaua atang bawk a, Saithata pawlte chu a phawikang zawk zawk ta maia, A tawpber ah, Pasaltha Saithata alo chhuk ve ta
Puanven tlang ah in man in, an han ta leh ta a, mipangai chung lam anni bawk a, an chak dun in an hmuhnawm na ngiang e
Tawnhriat ngah Pasaltha Saithata chuan, Nghalzawl buanchak ber fapa Lak ah chuan a tawnhriat a hmang thei bik tlat lo,! Nghalzawl Buanchak leh thiamber Pu Mankunga hian a thiam leh hriatte a ngawihbo pui mai mai loh zia ti lang chiangtu chu, Kapthiaua, Naupangte si a, Inbuan a thiam zia chuan a tilang chiang viau awm e,
Naupang tha za zawk leh thahrui nei zawk a nihna langtan in, Kapthiaua chuan, Saithata chu hniamte a chawi kang zelin hnehna a chang leh ta, Aithura chuan, Buanpui tur neive lo in, A pawlte nen Nghalzawl Buanchakber nihna an hauh ta a
Mipui au dur dur kar ah chuan, Upa Tlangruma AW fiak thak leh ring zet chuan mipui te chu a ti ngawi thuap a, "Nghalzawl khua Buanchak ber te chu, Pasaltha Aithura Pawlte an ni e" tiin ahan Au luah luah a, Mipui te chu lawmin kut angbeng dur dur a, thenkhat Changtum tawk anlo awm bawk.!
Upa Tlangruma chuan Sawi zawm leh in, "Kan Lal Aizika Lo Sawi tawh ang khan, Nghalzawl buanchak ber zawn na kan nei dawn a, Lal leh Upa te, Valupa te nen Nghalzawl Buan chakber buan tu tur thlan a ni a, Pu Mankunga fapa Kawpthiaua'n Lalfapa Hrangchhuana hneh lo in, Lalfapa Hrangchhuana'n Pasaltha Aithura a hneh loh ve bawk avangin, Tuntuma hneh loh neilo awm chhun chu, Pasaltha Aithura a ni a, Pasaltha Aithura hi Nghalzawl buanchak ber Pu Mankunga Buanpui tura Lal leh upa. Valupa te thlan chu a ni e, A chak zawk in Lalpa Senufa an hlawh anga, A chaklo zawkin, Lalpa Sepatuai an hlawh tho dawn a ni.! " ti a an puang meuh chu, Mipui phur leh Nghakhlel chu, anin nek hut hut a, Pu Mankunga sulhnu hrepha chin leh Aithura Chezia hmu pha chin,Tungchhoa kal tan chuan anni pahnih inbuan tluka nghahhleh awm leh hmuh chak tur a awm leh chuang awmlo e.!!!
Pu Mankunga chu Buantual ah chuan a rawn pen chhuak thauh thauh a, Thirdeng tih tak ah a Banbul te chu a lianin a sek phiar fuat a, a upat ang ai tha ala ngah dawn hle tih chu hrilh nawn ngailo in Aithura chuan a hre chiangve khawp ang le, Pu Mankunga pawh chuan, A hmaa tlangval pianthiam zet Zamna neilo leh inring tawk tak, Chapona awmlo leh in phah hniam taksi chu a en vang vanga, Tawh a khirh hle dawn tih pawh a hai bik hauh lo ang,
Upa Tlangruma chu lo chhuak in, inbuan tura te chu a in hnaih tira, an hman veve ta maw tih ah chuan, "Khai le" a han tivin thawt a
A tu a mahmah chuan tha pui chhuaha tan an tum hmel ta tlat lo. Anin nawr kual vel maimai hi a angber a, Sechal Limpuat puat hmuhtum in Sepui no neihlim kal hnuhnu an hmu hi a niber awm e, Lal Aizika chu lo ding chhuak in Inbuan lai chu chawlturin thu a han pe a, chu tah le "Vawin ah hian, Lemchanga inbuan enturin mipui hei zat hi kan kalkhawm lo a, Nghalzawl khawbuan chakber hmuh leh hriat tuma mit len kan ni e. Tin. Nangmah ni mimal Hmingthatna tur a nilo a, Nghalzawl in nghahna tur in ni a, Laldang khawdang laka kan khaw Buanchak hming kan sawi ve theih na tur min hriat tir turin ka ngen che u a ni.! Tin, Khawtual mi vek nimah ila, inthiam leh theihna zawng zawng hmanga in er hauh lo a theih tawk chhuaha in el turin ka ngen bawk che u a ni e" tiin a thusawi chu a titawp ta a,
Chu tah leh Upa Tlangruma chuan Inbuan tantura ahan ti leh chiah chu.! Chhuk zawnga lunglum ang bawp bawp anni ta, Rul nung fun ang tual tual hian, An tha hrui te chu an taksa ah chuan a zam kual tang mar bawk thual thual a, Buantuala favai chhun ah chuan an kephah chung lam pil hmawk hmawk chuan rap pil vek in, Laltuala leichar te chu an rap khawk leh hlawk hlawk thin a.
Aithura chuan tha hrui ngah zawk mahse, tawnhriat ngah Mankunga chu a phawithei tlat lo, Mankunga zawk chuan a phawi leh lek lek thin a, Aithura pasaltha thisen kai tuanrangna chuan loin daikhalh zel in Mankunga pawh chuan a phawi thei bik tlat lo,
Aithura chuan Naupangzawk leh thalai zawk a nihna hman tangkai tuma Chai chauh phawt a phawi tumin tan ahan la ve leh ta a, Mahse, Nitin Thirdeng tluk tluk, rit la reng pataima ngawltawt chu alo hah har nasa mai hi alo ni a.
Lalpa thu sawi avang khan tha thlah nami niin an hre lo dun ve ve bawk si.! inphawi thei awmta bawk silo chu, An in nawr kual pup pup a, an tang in an chak nasa mai si a, Buantual atan an zuah hmun awl pawh chuan daih ta lo in, Naupang harh fal deuh rawn hnai te chu an chil lo chauh chu a nita mai.!
Upa Tlangruma chuan kai then in, buantual lai ah chuan bul a han tan tir leh ta a, angaite bawk chuan Sechal in si ang hrim in an ri buan buan a, Lal tual char chu a khawk bawl hrephrup tawh a,
"Khai aw" tia Aw rawl chhuah meuh a an han tang leh tak tak mai chu, Pawhthen hman rual loh hian Mipui kar ah chuan an vir lut ta zawk mai le, a tu a ve ve pawh chuan midang tih nat an hlau leh si. In thlah ve ve in. An chilthluk tak te chu " ka tina che em.? ka tih palh a ni e mi ngaidam hram teh u" tiin ngaihdam te chu an han dil leh ta mawlh mawlh a.
Upa Tlangruma chuan Buantual chu Hual zau tir deuh in, Buantual lai ah chuan Pu Mankunga leh Aithura chu a han dingtlang tir leh a, An pumrua en mai chuan, Pu mankunga chu chak zawk tura ngaihtheih turin a ruakhau zawk a, Mahse, an chet dan en chuan, Inchai nilo in Insual ni ngat se, Pu mankunga Chuan Aithura chu a khan lo hle ang tih pawh A mah Pu Mankunga ngei pawh chuan a Hai bik tawp lo ang.
Upa Tlangruma chuan " Khai leh" an ti chiah. Aithura leh Pu Mankunga te'n tha pui thawha tan an la chiah chu, Lal Aizika alo au ta luah luaha" Khuavel zawng ah Nghalzawl Lal nih anuam ber e, Lal zawng zing ah Nghalzawl Lal Aizika buan chak Valte an chunglur e. Nghalzawl buantual Lal Aizika Tual a khawk phut dur e,
Nghalzawl Ngurnun kan chunglur e, Duh tawk tawh ula, Nghalzawl buan chak ber chu, Buanchakber Hming kallai a nih angin Pu Mankunga a ni e. Aithura erawh naupang zawk i ni a. i tan hun tam ala awm e " tiin Chakzawk puangin a Rawn au ta luah luah a,
Mipuite chu kut beng hluah hluah in. Lal Aizika'n Thulai a remthiam zia chu fakin Hre ber niawm fahran in anin hrilh chhawng sup sup a.
Infiamna an zawh tak ah chuan, Ruai buatsaih in, Sazuk Sarep ngat chuan Ruai an theh ta a, Lal Aizika chuan, A U fapa Aithura chu Ko hrangin, Chak lo zawka apuan chhan te, naupang zawk a ni a, Uaithla lam tawh Pu Mankunga chu Hmingdai mai tawh tur tih hmingthat a that zawk thu te. Thiamtakin a han hrilh malh malh a, Aithura pawh chuan, " Ni e, Ka pa, inbuan tandawna i thusawi vangkhan Hnehna pe ngamlo mai chauh ka ni a. Kha tianga thulai i rawnla ta kha keitak hi a sin lawm ni" tiin Mipui Zinga Ruai kil tur chuan Aithura chu a kal liam ta a.
Mipui nawlpuiin Ruai ankil zawh a Fatute'n An kil ve lai chuan, Veng Hmawr lam atang Mikhual pakhat hi Tiang hawlin a rawnkal Bai chho auh auh a. Hrangchhuana chuan alo hmu thuai a, Aithura bekbawr in, Mikhualpa dawngsawng hmasa tur chuan anin zui thla ta nghal a
Mikhual chu A hmel en chuan ala Upa lo tawp ang tih a hriat theih a, A taksa in vuah nghet tlettlawt dan atang chuan mi namai anilo ang tih pawh Aithura leh Hrangchhuana chuan an hrathiam nghal vek awm e, Hrangchhuana chuan " Kha khawilam pan tur nge i nih le.? " Tiin mikhual hma hlam hnih vel ah chuan a ding Kak hah a
Mikhual chuan, Muangban charh hian, "Nghalzawl khua a ni em ang chu maw, Phulpui khua atang Nghalzawl khua pan a rawn kal ka ni e" tiin a chhang ve mai a
Hrangchhuana chuan " A nih tak chu mawle, Pawi hai te a awm em lo maw.? " a ti leh hrama
Mikhual chuan a ngaihtheih hmel lutuk ta lo "In Lal Aizika hmu tura rawn kal ka ni e. Pawihai awm lah lo e, Khual tha ka ni e, Marawh chu min chhawn dan a zirin khual tha nih reng pawh a har viau maithei e" a'n tive leh kher a
Hrangchhuana chuan Zawldawh hun a ni tih hria in a kut chu phar chhuak a chibai tum in " A nih tak chu le, Keihi Hrangchhuana ka ni a, a ni hi Aithura a ni e, Nghalzawl Khua ten Kawhmawh bawl lo naufa lenna kan dal ngailo e. Hringfa hmai eng zahna neilo erawh kan dim ngailo e," a ti ve kher a
Sawizawm leh in "ti teh Lal in chu khi lai ah khian a awm e kan han hruai ang che tiin anin chibai ta lawplawp a,
Mikhual chuan " Lal fapa nibawk Pasaltha nibawk Hrangchhuana leh Aithura maw, in hming chuan Kan vangkhua a deng chhuak chiang narawh e, Kan khua in rawnkal kha'n ka awm loh lai a ni a, Khuanu ruat te pawh a nia nge, chuti nilo se, Tun ah hian Tu emaw ber chu Ruang tawih chhe tawh mai kan ni awm si a, Engle khawle, Lalin ah chuan mi han Hruai teh tak u." tiin Lalin lam pan chuan anin zui chho ta a.
Mipui te chuan chutia An khaw tlangval chhuanvawr pahnih leh Khualval rawnin zui chho chu anlo hmu duh hle renga, thenkhat chuan An hnung deuh ah chuan an rawn zui ru deuh hrek hrek bawk a
Hrangchhuana chu Lalin ah lut in reilo te ah alo chhuak leh a, Khualval nen chuan an lut leh ta a.
Lal Aizika chuan, Eng pawi pang nge awm ta le.? Hei chenchen a hla ah Khual i rawn kai a ni ah, Thu tumtlang nelh nawlh chu a ni ngei ang maw.?" An ti chuar chuar a, a AW khi hman dan ah chuan, Lal Aizika chu a nelawm hran loh kher mai.!
Mikhual chuan, " Phulpui Lal Ngurchungliana Pasaltha Thanghlira ka ni e. Kan Lalpa chuan thu mi rawn ken tir a. Khawchhak Halkha khua Dimlam run in tum thu alo hria a,
Thu rual pui che u a duh a ni.
Kan Lalpa chuan. Nghalzawl Lalin rem a tih chuan, Dimlam runna a Phulpui telve kan duh e. a ti a ni" tiin a thu sawi chu a ti tawp ta a.
Lal Aizika chuan, "Engvang in nge in Lal Ngurchungliana chu kan rin ang ni.? Hnunglama mi phiar a tumlo ang tih tun va hre suh ei"
a ti hluk a.!!!
Khualval Thanghlira Pate Sek phiar fat mai. a taksa ai alung alian ang a tihtur hmelpu Zama tel hauhlo a Lal hmaa thu chuan a AW thian kharh kharh in " Lalpa, i pasaltha ten I U phuba latura Phulpui an rawn kal tuma Min runtu te kha he Dimlam khua hi an ni e. Min thurualpui thei lo a nih chuan. Dimlam khua chu A thawk chhuak hmasa zawk zawk kut ah a tlu dawn zuk ni renga le. a nih loh pawn Keini Luseite hi Dimlam khaw chhehvel ah chaurauek kan zuthai ta vek pawh a ni thei e. kan tanrual erawh chuan. Lusei te hian Dingchhuahna hun tha kan neih phah ve thung dawn a ni.! a'n ti leh dap dap a
Lal Aizika Lal fing leh fimkhur rem hre zet chu a ngawi vang vang a. " Engle khawle. Ti hian Upa Keitawna In ah lo thleng phawt la, Ka Upa te leh Valupa, Pasaltha te nen kan ngaihtuah ho hnu ah kan thutluk na chu kan hrilh dawn che nia, Zawlbuk lam ah pawh Khual buan chak in an fan an fan tawh ngei ang." tiin Lal Aizika chuan thu a pawtchat ta a
Pasaltha nibawk Upa nibawk Keitawna leh Mikhual Thanghlira chu anin Zui chhuak ve nghal bawk a, Lalpa chuan Tlangau pa tirin Pasaltha te leh Upa Te, Valupa te zawng zawng a koh khawm tir ta nghal a.
Thimhmul ah chuan, Aithura leh Hrangchhuana pawh Phulpui Pasaltha Thanghlira te nen Zawlbuk lam panin Zawlbuk Bawhpel ah chuan lawiluh dil in an han bawkliam ve nghal zat a, Chutia Lalfapa te leh pasaltha te bula khual val Hmel an hmuta chu, Minaran chunga leng a ni tun hai nghal hek lo le, thutna te lo kian sapsap in, Meipui Ai pha chin ah chuan, Thut hmun an rem ve ta a, Phulpui Pasaltha Thanghlira a nih thu Hrangchhuana'n a sawi zawh meuh chuan, Inbuan pui pawh a khirh tralh dawn tih chu hrilh nawn ngailo in an chhuidawn thiam vek awm e.
Lalin ah chuan, Upa leh Valupa te pasaltha te an thu kual put a, Lal Aizika chuan thilawm dan Phulpui Lal Ngurchungliana Palai thu rawn ken te chu sawiin, Rintlak an ni angem tih te, fimkhur thu hla ah Ngaihtuah ho turin thu a han vawrh a, Upa leh valupa te chu an thu a saisa ta nuk mai renga,
Chutianga Puitu an neih chuan, an khaw mal ngawk ai chuan Ral tanpawh huphurh awmin An thawk rip thei dawn a, mahse, Pasaltha Vawmkaia Chungchangte ngaihtuah kai in, Nghalzawl Phiarru rana finkherek chhuah an nih hlauh chuan an chanin Maian chan pawh a tluk dawn lo tih an hresa fur mai bawk si a,
Lal Aizika chuan, " Engpawh nise, kan thu leh hla ah hian rinthu mai loh chu sawitur fumfe kan nei tlat lo maia, Kan khaw mal chauh pawh hian Halkha ralbeih hi kan huphurh a ni law. Khawhnih kan lo nita a nih phei chuan kan huphurh lo leh zual dawn a ni a. Phulpui lak ah hian mit len ruk ren ngaia kan awm a nih chuan Halkha ral laka rilru pe fumfe theilo in chaurauek kan thai ang tih pawh a phang awm e, engle khawle. Phulpui khua hrechianga An rilru sukthlek hrepha tur Lalin chuangkai pha chin Pasaltha Vawmkaia kan nei a, a nin A hmuh leh hriat atang Thu han keuh teh se" tiin Pasaltha Vawmkaia chu thutlukna siamturin a sawm ta mauh mai
Vawmkaia chu a rawn ding chhuak a, " Lalpa ka lawm e, kei tehlul hi Ropui rela thu keuhtur em chuan Tawmhriat ka la nei neu em a, marawh chu, Ka hmuh leh hriat ang chu hei hi a ni e. Lal Ngurchungliana leh a pasalthate khawchhak lama an han zin khan Halkha khua Dimlam hi an pallut hlauh maia, Zankhat riahtuma lut anni a, Mahse, Lusei ho an lo Ngaithei hauhlo mai hi alo ni a, Lusei lal meuh chu Zankhat pawh riak theilo in khua an chhuahsan leh ta a ni.! an rawn tlanchhe haw ti ila Mawilo ah tun ngailo hramse, Pasaltha Thanghlira Tlawmngai lutuk in Khua an chhuahsan hnu ah let leh in an pasaltha pakha lu ava laksak ta a, Phulpui ah hawn in Rallu ai in an ai ta hial a ni.! Tin. Pasaltha Keitawna te'n phulpui a an rawn hmuh kha chung Halkha phuba laktum ho chu an ni a, Khang pasaltha pathum te kha Dimlam pasaltha niin, Pasaltha Thanghlira thah tak phuba rawn lak tum nimahse, pasaltha Thanghlira awm loh laitak alo ni a
Chu tiangchu thu kalvel a ni a, kan thu ah kha chuan, Phulpui khua hi an rintlak ka ring e, marawh chu. Fimkhurna erawh engtik lai maha hnualsuat chi a nilo ang" tiin a ngaidan chu sawiin a thu ve leh ta a,
Upa leh Pasaltha Valupa te chu an phun mar mar a, Lal Aizika'n Sawi zawm ve leh in " Awle. chutiang alo nih chuan, Thurual pui mai tha kan ti tlang em le.? marawh chu. Ralrel zawng zawng nghalzawl kut ah a awm tur a ni ang" a han ti ta a, midang pawh chuan pawmpuiin an lo Aw ta tliar tliar a
Phulpui Pasaltha Thanghlira ko tur chuan Tlangaupa tir in, Tlangaupa chu Zawlbuk lam pan chuan a tlanthla ta dawr dawr a
Pasaltha Thanghlira chu Aithura leh Hrangchhuana chuan rawn zui lut in. Lal Aizika chuan a Remlaia thutur chuan a han zap a,
" Ka Upa leh Ka Pasaltha Kan Valupa te thutlukna chu Heihi a ni a, Halkha khua Dimlam runtur chuan Phulpui Unau te in telve rem kan ti e, Marawh chu. Ralrel dantur zawng zawng Nghalzawl Pasaltha te kut ah a awm ang" tiin Phulpui palai Pasaltha Thanghlira chu a hrilh ta khawl a,
Pasaltha Thanghlira chu a ngawi deuh vang vang a. Muangban charh hian. " Phulpui Khaw Lal Ngurchungliana Palai leh thutawp sawithei thura mi tih ang in, Nghalzawl Remruatna chu ka pawm e, A hun leh ni, Ralrel zawng zawng chu Nghalzawl kut ah awm sela, Phiarrukna leh inbumna a awm a nih chuan Khuanu Khian thlahkal zel te thlengin rul vek rawhse" tiin Lal Aizika chu a chhang ve ta a
Lal Aizika chuan, A hun leh ni thu ah chuan. tun atang ni Nga hnua chhuahtum kan ni a, Mahse, nangni Phulpui meuh pawn Kan ruahmanna te inlo hretawh a ni a, Reirial loa kan kalvat angai dawn a ni.! keini Nghalzawl chu kan inpeih sa reng a ni tawh maia, Phulpuilam in hman ve leh ni rawhse, " tiin Phulpui khua lamhla zawkte Zaizap zawngchuan thu a her ta a
Mahse, Pasaltha Thanghlira chuan, "Ekhai Lalpa keini Phulpui khua te chu nghah ngai in kan awm ngailo e, Dai ah mai khuan Kan pasaltha ten min nghak reng tawh zawk e" A'n timai chu, Lalin chhunga awm ho chu an phu suau a, An fimkhur tawk loh zia te Runtawk palh nise an chetchhiat tur zia te an hrechhuak ta uar uar a
Lal Aizika bawk chuan " Awle, Chu ti anih chuan, Kan Tumte khawtinin anlo hre nual tawh a ni a, Dimlam khua pawn anlo hre ve tawh ngei ang, Ningahnua kal kan tum kha Nithum hnu ah sawn hnaih nirawhse, Tin. Zanina kan Ropui relte hi, Khumpui titi ah pawh chang suhse, Khaile, Nula leh tlangvalte Lamthai chak in an phisek tawh e," tiin an rorel chu a titawp ta a,
Phulpui Valrual misawmli zet Nghalzawl khawdaia awmte chu Ko turin tlangval te chu tirin, Nghalzawl leh Phulpui Valrual te chuan Lam an han thai taktak a leh a ruka in el ru deuh tung si langchhak silo hian an lam ta haih haih a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 28th, 2018, 6:53 pm

Episode 17
Nghalzawl Nula leh tlangval Mi Za chuang leh Phulpui Valrual mi Sawmli tha zet Lal Muala Lam an han thai tak tak chu, A rik hian a ri hut hut a, Vaivut te chu a Khu chum chum a, Thenkhat lo in Mute dir chawr chawr tawk lah bo lo, Thenkhat lo in Khalh fal tawk an awm bawk, Hrangchhuana leh Aithura, Zamveli leh Tuahmawii te pawh a lailuma in khalh lutin an in Nek leh deuh salh salh thin a, Tuahmawii chuan, "Phuloh thavalmawi, Khuanu ri kham pel mah suh ila, Ka puanhmawr tawk iangin a tan ka inhlan e" tih melh tak hian Aithura chu Chheih hah hah pah chuan a Melh kal ralh ralh a, Aithura pawh chuan, " Thliah loh Par mawi ber, kumtluang run lum pui tura lungdum tu ka uahmawite, i tello chuan e," Tih Hnawp chak a chil lem khalh khalh in, Tuahmawii Lam Su euh euh Mawng Sawi bawih bawih chu a melh leh zuk zuk thin a
Chu tia Hlimtlang te a an lam Suau suau lai chuan, Lalmual Sir lam ah chuan, Ring lenglawng hian Pathlawi Ngurdawla chuan " Ka chhawn in a hem ang che, Ka thlazarna i dal e, Nghalzawl Pathlawi Zanghang Sahauh chuh pui zawng, Hnara khawn ang hlauh an ni chawk a nia," tiin Phulpui Pathlawi Thangmanga Chu a lo Nuih vun vun a,
Pathlawi Thangmanga lah lo diau duh bik lo, "Phulpui Thlawi Zanghang Sahnu chhui kalding lai Chelhdin rual kan ni nemaw," tia Chheih kualin, Pathlawi Ngurdawla Puanven Kawng ah chuan ava chelh ta Chat a.
Ngurdawla pawh chuan tan hmun lo siam remin, Phulpui pathlawi Thangmanga Puanven kawng ah chuan alo chelh ve nghal zat bawk a
Lalmuala Lam zawng zawngte chu chawl thup in, Pathlawi pahnih chevel chu en in an rawn hual hnai tuau tuau a
Pathlawi Ngurdawla chuan "Kha le keimah Nghalzawl Pathlawi Zanghang Nghalzawl e Nghalzawl e" tiin sawt zauh zauh pah in Pulpui Pathlawi Thangmanga chu a vir kualpui ta a, Phulpui Pathlawi Thangmanga pawh chuan, Ngurdawla tih ang chuan, Sawt kual a vir zawk zawk pah chuan, Phulpui e phulpui e," Tiin alo chhawn ve lung lung bawk a,
Nghalzawl leh Phulpui Valrual te chuan an khaw pathlawite chu inbah thiamlohna neia inBuan tum emaw tia, buaina chhuah thulha inringru rana anlo in hum ruh vei nen, Ngurdawla leh Thangmanga chet dan chuan ti hrilh hai lehling zawk hial in, an ka hau ta ringawt a
Pasaltha Keitawna chuan pathlawi pahnihte chet dan chu hrethiam in, Lal Aizika chu a bekbawr sar sar hnu chuan, Upa nibawk Valupa ni bawk Tlangruma chu a va bekbawr leh a, Upa Tlangruma chu ring lenglawnga rawn Au in, "Khai le, Kan Chai tui ta lang ah Khual Buan kan lo mangnghilh tep a lawm mawle,
Kan Chai reita bawk ah, Kan nula te an chau lutuk dah ange.
Hmun hankian zau deuh ula, Khualbuan tur kan ngah bawk ah, Khualbuan i tan tawh ang u hmiang" anti chiah chu, Tlangval ho chu an hawhaw ta ruih ruih a,
Pathlawi pahnihte pawh chuan an duh an hmuta bawk a, an nuiki ta vunvun a
Upa Tlangruma vek chuan " Zanin chu Khual Buan tur an tha hnem deuh a, Vaibuan tur chuan Tlaivar hial angai mai dawn a, Phulpui Valupa Thangmanga khan Mi Sawm rawn thlangchhuak se, Nghalzawl lam pawh Misawm rawn chhuak ula, Phulpui leh Nghalzawl in unau that leh zual nan, in er na tel hauh lo in Infiam ho teh ang u khai". Tiin a rawn au leh ta luah luah a
Phulpui TlangVal Inbuan turte zing ah chuan, Hrangsira a kum phulo a lian zet, å buang mai, A uar deuh phei chuan "Saibungtia" an tih hi a telve a, Mipui mit pawh ala narawh e, A ban lianpui a han vai vut vut te chu, Tlangval chawrche deuh vai fuh ngat se, Kumkhaw chawr lohna a tling phah hial maiwm e tih tur khawp in a lian in a chak hmel nasa mai a
Mahse, Vanduai thlaktak in, Hrangsira hi a naupan tet laia Khawsakpui natna a Na hrep in, Rilru lam ah Rual a pawl lo emawni aw tih tur hian, Fing var vawk vawk a ni tlat lo, a U Hrangchuanga Sulhnu thlirin, Hrangsira hi mi pangai ni ngatse, Pasaltha Khualthang khawp a ni ngei ang, a U Hrangchuanga hi chu A Nau ang em em a lian nilo mahse, Pavangtlang tak a ni thung a, Phulpui Pasaltha tuaitir, Pasaltha Thanghlira Hnungzuitu ber a ni hial reng a ni.!
Inbuan chu an tan dawn ta a, Phulpui lam Hrangsira phur tawh lutuk chuan, Keimah ka hmasaber ange, Nghalzawl ho chu, "inbuan ah na nana ka hneh vek ang" a ti lung lung a,
Hrangsira hian inbuan hi Nuam a ti em em a, mahse, Insual erawh Nawr luih ngai khawp in a duh lo in Tlanchhiat a thiam em em thung a, Heivang tak hian, Sa leh Ral beihna ah pawh ala telve ngailo a ni.!
Pasaltha Thangjlira chuan," Hrangsir nangchu ni rih lo e, nakin ah le, idang hneh loh i bin hrep dawn nia" alo ti vat a,
Hrangsira chuan, " Midang hneh loh mibuan tir bik ziah a, An chak thei si, A hmalama Buanve ka duh tawh, a thu hrim ah mi duh sak loh ropui si" Riin a sir ah chuan a thu tumta vuau a
Nghalzawl leh Phulpui Lam ve ve te chu insum zo lo in anvai nuih ta uar uar a
Pasaltha Thangjlira chuan " a nih leh tuntum chu Han hmada ta poh che, mahse, Unau inbuan in aw, Chawi vak vak loh tur a nia," tiin a fuih zuih nghal mawlh mawlh a,
Hrangsira chu phur zet a lo tho in, " Aw haw leh Nuam dawn ve, hniam te te chauh maw ka chawi ang" tiin Buantual ah chuan a lut ta nghala, Nghalbual tlangval lo chhuak ve in an han in chelh a, Upa Tlangruma'n khai le a tih rual chuan, Nghalzawl tlangval chu Khapkhat vel hian a kang nghal zawk a, A kangrual chuan, A mah Hrangsira pui chuan " A kang e a kang e" a ti hlut mai leh nghal a
Nghalzawl lam pawh chuan, A mize mak leh danglam lutuk chu lawm in, An khaw tlangval ai mah chuan an tan zawk zawmah hial awm e
Chu tiang hlir chuan, Nghalzawl tlangval paruk lai chu awlsam te te hian a phawi ta vek a, Mipui chuan, Hangsira lawma au in, " Hrangsira Hrangsira" tiin an lo au rual thup thup a,
Hrangsira chu a hawi vual vual a, "E khai, in ti zahthlak e, Ka hmingte in lam a, ka U hming lam ve tawh rawh u" an ti mai chu, Mipui Hrangsira hming lama Au te chu Au zaqm thei an awm tawh lo, Mahni awmun ah chuan an Nui dir ta char char hlawm a
Pasaltha Saithata lo chhuak ve leh in, " Khawnge, Phulpui Pasaltha chu ka han buan ve reng reng teh ang" tiin a rawn pan hnaia, Hrangsira chuan " pasaltha ka nilo e a, ka U alwm, Pasaltha chu" ala ti tak deuh deuh a
Puanven kawnga inchelh in Upa Tlangruma'n Khaile, a tih rual chuan, pasaltha Saithata pawh chu a kang ve leh ta nghal nawlh a.
Hrangchhuana leh Aithura, Kapthiaua te chauh chu an awm ta, Kapthiaua leh Hrangchhuana chuan Aithura chu Melh rawn deuh in, Chhuah an tum hmelh ta tlat lo a, Aithura chuan, "Kha le, Lal fapa Hrangchhuana alo chhuak e" tiin, Hrangchhuana chu a Nam chhuak ta dawr a, Hrangchhuana in ringlo, Buantuala Chhuak hlawl chuan " E he hee, A va zialo e, a ti nuah nuah a
Hrangsira chuan, " I hii Lal fapa maw" alo tive hu bawk a, Upa Tlangruma chuan puanven tlanga in man tirin, "Khai le" a'n ti fiak thak a, Hrangchhuana chuan, "Kha aw" tih leh Hrangsira Chu a Chawi ta vawk mai le.!
Nghalzawl ho Lawmin an au, Phulpui ho mak tiin an ka hau thung a,
Pasaltha Thanghlira chuan, "Hrangsir, Phulpui tan aw," alo ti lauh lauh a, Hrangsira chuan, " Eee, Lalfapa a ni si a" a ti ta bui bui a,
Pathlawi Ngurvunga chuan "A VA Å VE...," alo tive bawk a
Thawh hnihna an han tan leh ta a, Hrangchhuana chuan a hma ang bawk chuan Phawi kang leh a han tuma,Lungbang sut ang tang a nita tlat mai.!
Hrangsira chu Nui vur vur in, Hrangchhuana chu a han sawi nawk nawk a " i chak ve rauh phian ah Lal fapa chu nilo la ka vawrh ang che mawle" tia a nuih vur vur lai, In rin hma chuan, Hrangchhuana chuan a phawi kang leh ta Zawk a
Phulpui lam ui lutuk chu anlo chek tlak tlak a, Nghalzawl ho lah lawmin an hawhaw dur dur bawk a.
Phulpui lam Rawn chhuak ve leh in, Tlangval naran aia chunglam Hrangchhuana chuan alo phawi ve ta zawk zawk a,
Phulpui lam pawh, Pasaltha Hrangchuanga leh Pasaltha Thanghlira chauh an awmta,
Lal fapa Tlangval naran chunga leng leh Chak zet chu, phulpui lam chuan Phawi thei anawm tak loh ah chuan, Inbuan chu an zo ta a
Dimlam khua In zasarih lai mai, Airawhlui Kama Bawkrun chu Ralmuang tak hian thlifim lengvel te chuan a chhem heuh heuh a, An kulh bangsang leh rinawm tlettlut te, Ralveng tlangval ding khup te avang chuan nunau chen in an thla a muang tih hriat hliah hliah hian, Tual ah chuan an infiam tre chelchul a,
Lalin ah chuan Lal Vanbula leh a Lhawnbawl Upa te chuan Zupui an khawn tlak tlak a, Akhat tawkin, An salman Nula nonalh deuh te chu Zupui semtir in an kuah leh thuak thuak thin a, Sal nula teh lah chuan, Hlauh avangin an kimki chawi chawi a, Tlanchhiatin awmzia a neilo tih hria in An khawih ang ang chuan an tha awm ve tawp bawk a
Khaw luhna kulh kawngkapui pahniha Ralvengte pawh chuan Zupui leh sal nula nen An ralveng chu Kutpui chhim ang hlauh in Nuam an tawl hem hem hi a nive ber a
Dimlam hian sala anman Mipa tawh phawt chu phai leilet ah an thih hma an chhawr a ni ber a, Hmeichhia La naupang deuh leh tituai vun mar tha deuh chu Lal leh khawnbawlte nawmchenna leh Ralvengte Ralven tinuamtu an mai zela, nu upa lam deuh te erawh, khawtual ti faitu leh Khaw mipui tih peih loh sekrek khawihtu ah anhmang ber a, Hetianga Sal an chhawr nasat avang hian, Phaizawl lo zaupuipui neiin Buh leh bal ah an kumkhat thar ngawt pawh kum hnihthum tlan tham lawih a ni hial thin reng a ni, heng an buh leh bal thar chhuahte hi khawchhaK ho nen inberem in Thi leh dar, thir leh tangkarua nen te a inthleng in, Dimlam khua hi khaw hausa tak an lo nih phah ta reng a ni.!
*
(Lushai ten Sumdawn na kan hmel hriatve meuh hi chuan, khawchhak KAWL kan tih ho keini aia hnam upa leh hnampui ho khian Sumdawnna leh ralbeih dan ah te keini Lushaite ai anlo chungnung zawk hle a ni)q
Lal Vandula chuan, Se ki Chang dumtliang hlurh a Zupui a dawt khulh khulh zawh chuan Hui pap in, " Khai le. Nghalzawl in Za nufa lekin min Run an tum e an tia law.? rawn kal mawl tawh se,. An zavaiin kan lo ting mit phiar tur a ni ang.! Tlangaupa pasaltha Khawtina te unau kha Zuk ko teh kan Lusei ho mai mai chuan ka kut an ti thak riau mai.! " tiin a au lung lung a,
Tlangaupa leh Khawtina te unau anlo thlen chuan, Lal Vandula chuan, "khual thuthang kan hriat danin, Lusei Lalkhua Nghalzawl inza nufa khua lek in Lalvandula khua In zasarih Dimlam khua hi mi run an tum ve khang lang a nih chu.! min ngainep hlemai a, An zavaiin Chimih vek ka duh e, Ralrel tan nghal rawh u, Rem leh tha in tih angin nangni unau hian Ral in rel dawn nia" tiin Khawtindala leh khawtinngama te unau chu Thuneihna sangtak a pe ta hmiah mai.!
Mahse, Hunrei taka ta tawh Khawtindala'n alo beisei thin, Lal fanu Tialthai chu Melh zuk zuk pah in, "A nih leh Lalpa, Nghalzawl ho chu hupbet vekin chimah vek ila, Lal Ropui Vandula Fanu hian ka khumpui kaiin ka Hmeite zing ah rinluh a ni thei tawh angem.?" a ti khawl mai le.!!
Lalfanu Tialtha i hi, Lungpuilian khua Lusei Lal Vanuka fanu a ni a, Lal Vanuka nupui Tialmawii hi a nulat lai atangreng Nula hmeltha khawsarih thang chhuak anlo tih thin a ni a.
Dimlam khaw Lal Vandula hian lo hria in Lunglianpui khua hi a runta a, A khua hal vekin In ding chu sawi loh Ban pakhat te pawh ding a awmlo e an tia ni.! Lalnu Tialmawii chu Hmei atan a hawn ta a, a pasal Vanuka chu Phai leiletah sal chhawrin a chhawr ta bawk a,
Hetianga Vandula'n Lungpuilian a run lai hian Tialthai hi Kawikap rual chauh ala ni a, A nu Tialmawii a hmelthat em a vanghian, Lal Vandula pawh hian a duat em em a, Fanu dang alo neilo bawk nen, Lalfanu chanchangin, Sal nula te an tih angpawha tive lo in Lalin ah himpial in ala awm thei hram a, Lalnu Tialmawii erawh Halkha Lal hmeia tan chu har a tiin a hel lui tlat renga, MaHse, a hmangaih Lal Vanuka chungah Vandula chu tuan in Thah ah te vau in, Hreawm tin reng a tuar tir ta tlat zel mai a, Chu a chhap ah A fanu Tialthai a duat em em lawi si, Tialmawii bulah erawh, Tialthai chu Vau nan a hmang awl bik chuang lo, Chuti fakova Vauna leh thlemna a hmachhen reng tak ah chuan, A hmangaih a pasal leh a Fanu tan chuan a taksa chu a hlan ta nge nge a, Khawkhat nula fel leh hmeltha alo ni bawk a, Lalina a chetla chuan Lalpa Vandula rilru a hneh ta hle renga, a nupui leh a hmeite zing ah chuan a duhber alo nita hial a, Mahse, Tialmawii chuan, thu tiam tir ve in, A fanu Tialthai chu Nula pangai anga seilian tur leh khawihchhe lo tur te, a mah Tialmawii leh A fanu Tialthai duhzawng chauh Pasala neihtir tur leh A pasal Vanuka chu Nuamsa taka awmtir turin thu a tiam tir ve bawk a, Lal Vandula chuan Tialmawii a duh em avangchuan a thil phut zawng zawng pawh chu ehe lo in a pawm ta vek a, tihpuitlinsak ngei pawh tumin Pasaltha Khawtinngama lak ah pawh thiam takin ala Hum thei hram hram a ni.!
Khawkhat LalNu, khawsarih thang meuh hmeia a nei thei ta chu, Lal Vandula chu hlim saloh hian a hlim a, A chil te chu alem rileh khawlh khawlh thin a, Lalnu Tialmawii Lal Vandula Hmeia a tanzan chuan, Lalin leh thenawm hnaivai tumah muhil thei an awmlo e an tia lawm.!
Pasaltha Khawtinngama thilphut chu Lal Vandula chuan Duhlo hle mahse, Hnial ngaihna a hre ta tlat lo, " Ni e, I duh ang chu nirawh se, mahse, tumah tlanchhuak an awmtur a nilo a, In lo hupbet a in chimaih vek hnu ah, Lal Aizika khua Nghalzawl chu i han hal darh leh vek anga, Sal tha hnem tak mi rawn hawn phawt tur a ni ang" a tive ta khauh a
Khawtinngama chu a ngawi vung vunga chu tah za em em hian a nui ta uar uar a, Lalin a awmte chu An mengphawk hru hlawm bawk a, Palian leh sek teltawl, Sa leh ral a beihnaa a hmaiser nengnung hmelchhe rapthlak zet chuan Lalfanu Tialthai chu Melh kuau in, " ka ta i ni dawn ta, Lal Ropui Vandula hian a thu a zuk em lawng chu maw. Nghalzawl Ar hmaitia lek leh a mi cheng Ui hum zahlek chimah mai mai chu Kar lo ah ka zo fel thei mai ang, Lapa i fanu chu mi pe nghal mai rawh" a la ti tak deuh deuh a,
Lal Vandula chuan, " Ni rih lahlo e, Nghalzawl Khua chimih huna i hlawh tur a ni a, i hlenchhuah hma chuan Ni mawlh lo e, " alo tive leh tlat a, a nihna tak ah chuan, Lal Vandula pawh hian He a pasaltha te unau hi chu a kham ru ve em em a, mahse, a khua muantu leh Sa leh ral laka humtu, Pasaltha te zing ah pawh a meizang hlaptu an nih miau avanghian, a ti chhe ngam lo a ni si a, anni khawtina te unau tak pawh hian heng zawng zawmg hi hrethiam in, An Lal Vandula pawh hi an zah zolo ve leklek thin bawk a, Mipuite hlauhtlawn an nihmiau a vanghian Dimlam ah chuan an Vawklallen hi a ni hawt a
Tialthai chu a Nu Tialmawii Tangah beiin a tap zawih zawih a, " Ka nu engah nge maw, Khuanu pawh hian mi lo duan ve teh reng le, Keizawng ka ngaingam lo, Ka duhlo a ni, Thih mai pawh ka thlang zawk e," a ti chuai raih a,
Lalnu Tialmawi chuan a thiam ang tawka hnem in, " Mamte, kha leh chen ka duhvang pawh nilo a, Vandula Hmei ka tanna chhan kha a thlawn mai ah Chantir lul suh aw, engkim hi hmanthiam chuan hmanraw thatak ah an chang vek thei a, Vandula Hnuaia tanghian engtik ni ah emaw chuan kan la zalen ngei dawn a ni.! chu hun chu nangmah atang a in tan dawn a ni, inti huai la, Beiseina nen hma hun thlir zawk teh khai, a thuhrim ah, khual thuthang ka hriat danin, Nghalzawl khua hi Khawrem tak a ni a, Luhchhuaha chimih mai mai theih a nilo e an tih tlah chu, Khawtina te Unau pawh hian Chaurauek anva thailo ang tih pawh hriat va ni suh, hetin lo indawm kun nghal ngawt tehsuh khai" tiin a fanu chu hauh leh hnem fawm in a kuah vawng vawng a
Nghalzawl valrual te leh phulpui valrual te chu Nghalzawl lungdawh ah chuan an thu ngirkhup a, Lal Aizika chu Lungdawh ah chuan lawn in, thu a rawn sawi ta a " Dimlam khua runturin kan thawk chhuak dawn a ni a, tlangkama tang kan hriat danin, Dimlam khua hi, In zasarih lai anni a, Tlangval ralkai thei chin pawh mi Zanga chuang zet an tlinga, Dimlam khua hi phaizawla awm a nih vang hian, khawpum in Thingchang tha tha Tawng sawmpahnih zet a hungkual vek a ni a, Tlangval Zarual zet ralveng an awm reng bawk a ni.! Chu khua ngei chu Tun ah hian run tumin kan kal dawn a ni a, Thihngam lu pu tan lo chuan kalna mi a ni lo a, a duh chuan min kir san leh thei ang, khai le kal i siam ang ule" tiin hma a hruai ta nghal a,
Ninga hnua chhuak turin ro an rel kha a ni a, Nghalzawl atang ni Hnih meuha hla phulpui khua pawn an rorel te anlo hriat tak si ah chuan, an tum ni sawn hmain, nithum na ah an chhuak leh ta zawk a ni a,
Airawhlui kam ah zel kal thla in Ninga zet an kal hnu ah Dimlam khua chu an thleng dawn a ni.!
Phulpui lam hian pasaltha phanchang tihtlak Thanghlira chauh hi an neih avangin, Nghalbual pasaltha te ho na hnuai ah an awm vek a, an zavai chuan mi Za lai anlo ni ta bawk a, an hrohrang pawh a na in, Lo dang thei tur reng awm hian anin ring bik lo a ni.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 28th, 2018, 6:53 pm

Episode 18
Nilenga an kal hnu chuan, Airawh lui kam chu an thleng ta a, Riahbuk sualin Airawh lui kam ah chuan Nghalzawl valrual mi sawmruk zet leh Phulpui valrual mi sawmli zet riahbul sual chu an thawm ana in an mi Dip a na ngiang mai.!
Buk ansual zawh chuan Lal Aizika lo dingin, "Khai le, Tlangval te u, Lo ngaithla ula, Kan thiltih leh kal zelna tur a lo awlsam zawk nan, tihian ruahmanna siam ta ila, Pasaltha Keitawna leh Pasaltha Thanghlira te, Pasaltha Saithata te kha lo pen chhuak teh u khai, Ti chuan pawl thum ah inthen ila, a tha ange" tiin ruahmanna chu a siam ta nghal a, "Nghalzawl Tlangval mi sawmhnih leh Phulpui tlangval mi sawmhnih te chu Pasaltha Thanghlira pawl an ni anga, Palsaltha Keitawna'n Nghalzawl tlangval mi sawmhnih leh Phulpui tlangval mi sawmhnih te a ho ve thung ang, Tin. Pasaltha Saithata'n midang zawng a ho ve thung dawn a ni"
Pasaltha Saithata pawlte hi Pasaltha Hmingpu chin leh tlangval thaza rual, Tlangval pangai aia chunglam hret te awm khawm an ni a, pawl dang zawng aiin tlem zawk in pawldanga mi zahve chauh anni a, Lal Aizika'n Pasaltha Saithata pawl a siam hi eng rilru tak pu ang maw,
@@@@@@@@@@@@@@@@@@
Dimlam khaw zawlbuk pathum zinga alian ber khaw laili bera awm ah chuan, pasaltha te leh Valupa te chu an thu kual thup a, a lai ah chuan, Pasaltha Khawtinngama chu a vei thauh thauh a,
A hmel ah chuan, angaihtuah muk hle ang tih pawh hairual loh hian a lang kulh a, Ngaihtuah chhuak ta niawm tak hian a thaw huai a, " Ka hreta e, Nghalzawl ho Chimih dan tur chu, Kan khua rawn kal turhian, Airawhlui dung zuia an rawn kal a nih loh vek chuan, Chengkawl ruam atang an rawn kal dawn a ni.! an ni mi Za emaw lek chu keini Ralkai theichin pawh mi Zanga chuang kan ni a, Hmun hnih ah inthen ila, Pawlkhatin Nghalzawl run ila, Pawlkhat in, Nghalzawl ho lo kal chu lo lambun bawk ila, Ti chuan, a rualin kan chimih phiar dawn nia, Ka ho in Airawhlui kam ah chho zelin, Nghalzawl kan run a nga, Ka U Khawtindala ho in Nghalzawl ho chu inlo lambun dawn nia, " tiin Ro ahan rel ta a, Pasaltha leh Valupa te pawh chuan tha dawn riaua hria in an phur tlang ngei mai.!
Pasaltha khawtina te unau hi kan sawi tawh angin, Eng emaw changa Hmeichhe laka insum theihna an neih loh thin bak hi Pasaltha te neih ang engkim nei leh huaisen, ralrel thiam leh mi huikhawm thiam zet hi an ni a, Dimlam khaw innghahna an ni reng a ni
Pasaltha Khawtinngama Rorel ang chuan, Tlangval ralkai thei chin zawng zawng chu ko khawmin, mi Zanga chuang an rawn pungkhawm tamai a, Pasaltha Khawtinngama chuan tlangval zahnih thlangin, nghalzawl a run dawn a ni.
Tin. pasaltha Khawtindala'n Tlangval Zahnihbawk thlangin, Nghalzawl valrualte kawnglaka lo chimih vek an tum ve bawk dawn a ni.!
Ala bang zawng tlangval Za chuang fe te chuan Khua veng in kulh ah tanhmun anlo siam ve bawk dawn a ni.!
Khawtina te Unau chuan Bengsik meuhin an ral beihdan tur chu an han ngaihtuah nawn leh thin a, tlang kam atang anhriat dan in, Ninga hnu ah Nghalzawl khua an rawn kal anga, Ninga dang kawnglaka an thang hnu ah, An tumni atang Nisawm na ah Dimlam an rawn thleng dawn a ni a, An sawi ang aia hma leh tlai ah pawn rawn thleng thei an ni tih hria in, Chet lo thawh khalh tur chuan, an chetchhuah vat angai a ni tih chu an hai bik hauh lo mai.!
Pqasaltha Khawtindala chuan, "U zawk nih man ah, nang Naupang zawk i ni a, Nghalzawl runtur chuan han kal ta la, Airawhlui kam ah hian kal zel ta ula, Ninga hnu ah in thleng thei dawn a ni.! Nghalzawl khua ralruntur te rawn chhuah hun Awm ah Nghalzawl thlen tum ula, ti chuan in hna a awlsam phah dawn a ni.! Airawhlui kam ah vek hian An rawn kal a ni theia, kawnglaka in tawn a awmtheia i fimkhur hle dawn a nia, Tin. Ni sawm hnua rawn thleng tur an ni a, Ni sawm leh pakhat ni a nghalzawl thlengturin In kal ve bawk dawn nia, Tin. keini ka ho in, heta tang nikhat kal Chengkawl ruam lam ah kan lo chang ve thung anga, Ramlaka Tlangval Zahnih rual tawmpui reng aichuan, Niriat hnu ah Khua kan chhuahsan ve bawk dawn nia, Chumi hma chu inpuahchahna hun ah hmang ta ila, khawilam zawk pawn Nghalzawl ho chu tawng ta ila, Palai in tir in chinchang kan in hrilh vat zel dawn nia, Tin. a tu zawk pawn Tawng ila, an let a tam kan ni hrim hrim a, Chimih thak kan tum dawn nia, i tello a Nghalzawl run hi theih nise zawng, thuang hnih a kal in Nghalzawl ho tawklo tu zawk zawk in kan han run maitur hi a ni a, mahse, i tello a kan rin a nih chuan, Lalfanu i tleitiri ber hi i neithei dawn silo a, hmasawn zello in kanlo chang tawk mai a niang chu" a ti dap dap a
Pasaltha Khawtinngama chu a phur tawh ngei mai.! Nghalzawl chimaih zawh ah, zantin khumpui kaipuia alo suangtuah thin Tialthai ngeimai a suangtuahna tipuitlinga a awmtur chu mipafa tan chuan phur loh rual ani lo renga.
QNghalzawl Valrual te chu Airawhlui kama zankhat an riah hnu chuan, Hmatak ah tukthuan eiin Kal an siam leh ta a, Lal Aizika chuan Fimkhur in Chintawk a neilo e, tiin, Pasaltha Saithata leh a Hote chu a kal hmasak tir a, Lo fingkhat awmvela hla ah midang zawngin an zui veleh dawn a ni.!
Pasaltha Saithata pawl te pawh chu Mi sawmhnih lai an ni a, Kawngtum zawng chawpa kal an nih vang in Tlemte chauh kal hma sak tha a hriain, Hrangchhuana leh Aithura, Kapthiaua te pathum chuan hma hruai fal in, Kawng an zawng anga, a hnung ah Pasaltha Saithata ten Kawng Rawn sam in, anhnung leh a kal Lalpa leh a nawlpuite kalna tur anlo vai eng dawn a ni.
Chutiang hlira nili lai an kal hnu chuan, Lal Aizika chuan, " Khaile, Naute u, tun ah chuan, Fimkhur theih tawpa kan fimkhur a ngai tawh a nia, Tluangtea kan kal a nih chuan, Naktuk mai hian Dimlam khua chu kan Thleng tawh dawn a ni.! kan kalthu hi anlo hresa ngei anga, An beisei ang aia hmaa thleng tur kan nih a rinawm a, chu huntha chu hman tangkai kan tum hle tur a ni ang.! tun atang tuman Silai kahpuah loh tur a ni a, Zanin pawh hian Meipui chhep lo in zan kan tumtla dawn nia, tin Natuk ni avanlaizawl hun atang phei chuan tumah Vaihlo pawh zuk tawh loh tur a ni ang." tiin a han puang leh ta dup dup a,
A tuk khuante vik ah chuan Aithura chu tho in, Sava eng emaw luklak la tho chhuak lo Veh chuan Ram hnuai ah chuan a kal thauh thauh a, Airawh lui a thleng dawn tep ah chuan, Tawngri a hreta ta tlat mai.
A ding chata, an thusawi hriattum chuan a pan hnai hriau hriau a, tuibur hmuamda awm vel a veh phei hnu chuan, An thusawi pawh a hrethei ta, Rawlthar pahnih hian Changel anlo kheh hi alo ni a, Pakhat chuan, "Nghalzawl khua kan thlen hun chuan aw, Khua veng tu tlangval awm a lawi an awm dawn silo, Bel chhungsa ang hlauh anni ringawt mai.! An nula hmel thatha salah ka hruai ngei ang le" alo ti bul bul a,
Pakhat zawk chuan, Nula hmeltha deuh chu nang hian khawiah i chang lawnge, Pasaltha Khawtinngama'n a Chanpual ah a rinlut leh vek tho ang, Nangzawng Sal kaihaw tur i neihve ber ah pawh Tar chaklo te te bak va ni uk suh" alo tive bawk a,
chutianga an thu sawi Aithura'n a hria chu, Dimlam khaw mi leh sa an nih hrilh nawn a ngailo in, a Thin a khei zak maile, Thinrimna mita mengin, a taksa te chuan hmelma hmachhawn theiturin tan anlo la ve niawm tak hian an tangmar tual tual a,
Aithura chuan Veh phei zelin, Rawltharte pahnih in hnung chhawn zawnga Changel kheh mawlh mawlh, a lam hnaih zawk Nghawng ah chuan Hnimbuk kar atang dawk chhuak zawk pah in a han Chhawk nghal zawk a, A Lu chu leiah a tla hrang nghal nawlh a, Chu tih rual chuan, pakhat zawk Nghawng ah tak chuan, a chemtum hriam tlevur chuan chuk tuah nghal in, " bengchheng i siam a nih chuan i lu ka la nghal ang, "
tiin a vau bet nghal bawk a
Chu rawlthar hlau lutuk chuan Zun a cheh thawt thawt thei hial a ni,
Aithura chuan A kut hnungkhirh sak in, A ka ah chuan Hnim a hnawh phui sak nghal vat bawk a, A mi thah ruang chu thuk ru in, a theih ang tawk chuan an sulhnu chu a thup nghal bawk a, Riahbuk lam pan chuan, a ral man chu a kai ta dawt dawt a
Buk an thlen chuan, Midangte pawh lo tho chhuak vek tawh in, Rawlthar deuh ten Ei anlo rel a, Aithura leh Hmelhriat loh Hnung khirh tlat leh a Ka a hnim hnawhkhat tun an hmu chu Hrilh nawn ngailo in, Muanglei ah an mu lo tih an hre nghal vek awm e,
Pasaltha Keitawna leh Lal Aizika chuan lo dawngsawng in, Aithura chuan thilawm dawn a han hrilh zung zunga, Pasaltha Kei tawna chuan, Tlangval ho chu Ral hmachhawn thei tura in ringthap turin thu a han thehdarh nghal zat bawk a,
Pasaltha Thanghlira leh Pasaltha Saithata te'n Dimlam Rawlthar an han Dawp chiah mai chu, Zun cheh Zawih zawih in an hriat duh ang chu a hrilh ta zuah zuah mai renga
Lal Aizika chuan, "Kan rinlawk ang ngeiin, Dimlam khawho chuan min lambun an tum hlemai maw,! Pasaltha Khawtinngama leh a hote chu kan Chimih vek tur a ni ang, Mi zahnih chuang an ni a, keini mi Za chuang kan ni a, kan leta tam mah nise, mi pakhat in Mipahnih theuh kan kap thlu anga, Hnehna chu kan ta a ni mai.! Khai le, Pasaltha Keitawna ho ten Hmalam ah tanhmun lo siam in in lo chang anga, Pasaltha Thanghlira ho ten Hnunglam atang inrawn leh luh dawn nia, Tin. Pasaltha Saithata hoten A sir lam atangin in rawn bawh bawk anga, inpe duh lo te chu a sir lehlam Airawh lui ah kan nawr liam vek tur a ni. " a ti chheu chheu mai le
Mahni chan pual theuh hlenchhuah tum ruh ran chuan an chhuak nghal supsup a.
Pasaltha Khawtinngama leh a hote chu Airawhlui lian zet Ngawithuapa luang duldul kam ah chuan thlamuang tak hian an leng vela, an thu hriat danin, Nghalzawl Valrual te nen anin tawh hun tur hi ni hnih lai ala nih vanga thlamuang nibawk mahse, an zahve chauha tam an nih vang pawh hian an thla a muang hliah hliah a ni ber a
Mahse, Lusei Lal Fing leh Ralrelthiam Lal Aizika Ho a Rawnthawk chhuak an ni tih hi hre Chiang ngatse Mutmawh hnarmawh ah an neive ngei ang le, Ralrel sual ngailo, Lal Aizika Pawlte Hupbeh a chimih thak an tum lai chuan, an mahni zawk chu Hual beh an ni tih reng an hre silo,q
Pasaltha Kawtinngama chuan a tih thin dan ngaite bawkin, A mabil a a hote buk a saktir ah chuan, Sal nula Riahpuiin, Tlangvalten eirel an peih hnu pawh chuan ala tho chhuak ve lo a,
Khawihmun ah pawh Ralbei tura an kal rengreng in, A hote chu pawl hnih ah then in, Ralven leh eirel reltur a then phawk a, pawlhniha hotu ve ve te vil tir in a mah chu Salnula nawm chennan a hmang nileng thak mai thin a ni, ral an hnaih a, a ralmuang loh chin ah chauh Hetia a khawsak hi a tawpsan chauh thin a, hetianga a chin tan na hi, Khawchhak ral beia a kal atangin a ni a, Khawchhak Lal te tih dan entawna nawmchen uar ta hi a ni awam e
Chu tia Dimlam khawho Ralmuanga in ngaia an phusak lai chuan, Thawkleh khat ah Chhak lam atang chuan Silai a rawn rita ulh ulh mai le,
Dimlam valrual Thenkhat hawihai lai chu an thal phawk phawk a, Nghalzawl valrual silai inkah siak zo Mahmi tum thelh duh hauhlo te silai mu chuan Dimlam valrual taksa a kawhreuh chu chaksakhaia neih in an lut theih theih mai si a,
Dimlam valrual te chu an hek heuh heuh kher mai.!
Khawtinngama chu Lo tlanchhuak in, A hote chu silai rik lohna lama tawlh turin Thu ahan pe thawt thawt a, Thiante hliam bawihsawm pah chuan an hnung tawlh ta hret hret a, An silai mu te thun in, Chhaklam ah chuan an han kap ve ta dup dup a le, silai Za rual fe puak ulh ulh chu a ring in, Rawlthar deuh tan phei chuan Zamchhiatna tham a tling ngei ang.
Dimlam Valrual ten Silai ankap ruak ta maw tih ah chuan, thlang lam, Dimlam ho hnunglam a tang chuan Silai a rawn puak ve leh ulh ulh a.! Kar lo ah Dimlam khaw ho chu an tlu ta phung mai.! Chutah zet chuan, Hual beh an ni ta tih hria in, Pasaltha Khawtinngama chuan, a naute chu awmkhawma, Behchhan zawnga tanhmun siam tur leh, A hlothlawna Thalthlah mai mai lo tur chuan a fuih ta sauh sauh a,
Nghalzawl lam pawn Kah tur an hmu ta lo, Dimlam valrual te chuan Thing leh lung, leipawngte beh chhanin tanhmun an khuar tak tlat avang chuan, Boruak chu a reh hian a reh tlawk tlawk a, Nghalzawl tlangval pakhat chuan, Dimlam ho tawmna chu a zubih dekdek a, Silai rithuai in, a Chal ah tak mai chuan Silai mu a rawn lut ta siah a.!
A ruang hlawm tuma tlangval pakhat tlan phei zawk pawh chu a hlawm leh ta nawk mai.!
Chutah zet chuan, Dimlam khaw ho chu Silai kah thiam tak an ni tih hairual loh in Nghalzawl lam chuan an hre thei ta,
Pasaltha Khawtinngama Silai Tha zet pawh chu a puak Leh dur thin a
Nghalzawl Valrual ten Chhak leh thlanga atang Dimlam ho an dang chah tak ah chuan, Hmarlam chu Airawhlui lian zet luang cham duai a ni a, Chhim lam chu Tlan chhuahna hmun rem ber a ni ta, Mahse, Pasaltha Khawtinngama chuan, Thang a nih ringin a hote chu tumah tlanchhuak lo tur chuan a fuih tlat thunga, A tisuallo chiang kher mai.! Chhimlam ah chuan, Pasaltha Saithata pawlte awmin, Hrangchhuana te Aithura te, Kapthiaua te Vawmkaia te, Hrangchuanga te, Tlangval pangai chunglam thiau mi sawmhnih zet changkhan a ni a. Dimlam khawho chuan tlanchhuahnan rawn hmang nase zawng, a che che sih hlawk ah a ni ngei ang le.!
Phaizawl vek a nih avangin a hualtu zawk Nghalzawl lam tan pawh chuan luh chilh mai loh chu Tihngaihna a awmta lo hle a, Dimlam ho tan phei chuan, an rawn luh chilh hun lo nghah tawp mai loh chu chet chhuahna mi a ni tlat lo,
Tu zawk mah che chhuak ngamlo chuan anin ep ta ut a, A boruak atangin, Zamchhiat a awl hle tave ang
Tu lam mahchuan A nazawnga Thalthlah duh lo in, a reh hian a reh tlawk tlawk a, Chu boruak reh tak kar ah chuan Nungcha Hramthiam valeng te pawn Rawl chhuah ngamlo in an theih anga hla ah chuan an ral tlan ve tak lawp lawp a,
Pasaltha Saithata te awmna lam ah Dimlam khawho an rawn tlan duh loh avang leh Silaia in kah a rem Chuang siloh a vang chuan, An chanhmun atang chuan Dimlam Khawho Lo pawng dek dek chu an kap thal ve leh ta tawp tawp a, Dimlam lam pawh chuan, Rawn sai let ve leh in, Silai chu a puak ri leh ta ulh ulh a, Dimlam khaw pasaltha ralrel thiam khualkai meuh Pasaltha chuan Ral arel sual tampui bik lo e, Nghalzawl Valrual Chhak leh Thlang leh Chhim lam a tang rawn kap tute ho chuan Kah tur reng an hmu ta lo, Dimlam ho chu Thing bul beh chhan te, Lungpui Behchhan te, Leipawng behchhan te chuan, an Bet thlap vek a, a khat tawk in, Lal Aizika leh Pasaltha Khawtinngama te Silai chu a Puak leh Dur thin a, an silai Mu chu a thlawn lo dun viau mai leh nghal a, Nun a chhah loh pawn hliampui tuar tal in an silai mu chuan a siam thin a,
Chu tah le, Aithura thinin a thuar ta lo, Zawimuanga hnung tawlh zawnga Bawkvak in, A Him chin a thlen chuan, Mau Hlamchena sei tur vel hi a Sat ta teuh a, a hmawr suih zum vawr in, A him chin a rawn pu a, Hmelma Ngenmu leng tawn hlauhawm chin ah chuan Bawkvaka rawn hnuk pheiin, Tanhmun a han siam rem te te a,
Dimlam ho Awmna lam ah chuan a mah lang silo hian Chung lama khawh chho in, Leia Bur zawng chuan A bir thla leh ta vuai a, Dimlam Ho tawmna ah chuan Natuar tre ri alo chhuak ta, Chutianga Maufei Sawmhnih zet a khawh meuh chuan Dimlam ho Thing leh lung, Leipawng phena bet te chu chunglama tang Maufei rawn thlawk chuan an nun a chhah loh pawn hliam tuara an tal chhuak chiah chu Chhak leh thlang atang Silai lo puak durin an let tawp zel tho a,
Chu tah leh, Pasaltha Saithata chuan, Tlangval Sawm tha zet Hui hrangin, Aithura tih ang chuan, Maufei tur an han Sat Sawk sawk a, Dimlam Ho tawmna lam ah chuan tlangval Sawmhnih rual in Maufei chu an han khawh tak tak mai aleh, Patling natuar tre ri leh Taksa a Maufei lut ri hrawih te, Rawlthar deuh mangang Lo tap tawk lah bo lo, Dimlam ho chu an chiau tengtung a, Rawnding chhuaka piang chu Nghawlzawl valrual Chhak leh Thlang a mi te chuan anlo kap hlawm tawp tawp Zel bawk a,
Dimlam Pasaltha Khawtinngama chuan an chanin Maian chan pawh a tluk ta lo tih hrethiam in, "Naute u, inphaw kha in dang nan hmang ula, Inring ru le, Mahni Nun chhan nan kan beih angai e, Laihupa pawlte khan Chengkawl Ruam lam panmek Ka U Khawtindala Hnen thlen tum ula, Lianphunga Pawlte khan Khua ah tlanluh in tum dawn nia, In theih ang angin Tlanchhuah tum rawh ule," tiin a Au ta ruai ruai mai le, Dimlam Valrual Tlanchhuah tum te chu Nghalzawl Lam chuan lo kap hlawm tawp tawp in, an Silai a ruah ve leh Chemtum phawrh in An rawn bawh chilh ta nghal a, Khawtinngama Silai thazet chuan Nghalzawl valrual nun a chhat tam heuh heuh kher mai.! Zen sawhchawp angaih ve loh avang chuan A pawlte phen atang chuan A rawn lawr hmasa apiang chu alo kap hlawm tawp tawp a.
Chhak leh thlang Chhim lam atangte chuan Nghalzawl valrual ten Dimlam khaw ho, Silaimu leh Maufei laka Damchhuak mi Sawnga emaw chauh te chu an rawn bawhchilh ta Buanbuan mai le, mahse, Nghalzawl valrualte'n hriatloh annei a tlat.!
Dimlam valrualte chuan, Khawchhak ho Ralthuam hmangin, Savun phoro khawng zet thuah tup phaw ah hmangin, Kawlhnam sei puipui hriat vervar zangkhai zet hi Nghalzawl Valrualte chu anlo hma chhawt tlat mai le.!
Khawchhak ralthuam la hmungailo leh hrengailo Nghalzawl valrual te chuan Chemtum lawng ngawta Bawh chilh an ni si a, Nghalzawl lam chu kar lo ah an chan a chhe chho ta hret hret a
Inbeihna mual chhimlam him chin ah chuan, Hrangsira Tlangval lian leh chak zet, Inbuan bak engmah ngamlo chu alo dingsai ve ngawr ngawr bawk a

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)