PASALTHA AITHURA BY Awmtea Fanai (Completed)

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

Re: PASALTHA AITHURA BY Awmtea Fanai

Unread post by Ngaia » January 28th, 2018, 6:54 pm

Episode 19
Chhak leh thlang atanga Rawnbawh tute Chuan Dimlam valrualte chu Khanlo deuh mahse, Chhimlam atanga rawn bawhtu Pasaltha Saithata Pawlte erawh Mi pangai chunga leng thiau tih tak ah an hma chu a kaw duak duak hi a niber a, mahse, Nun chan leh hliam tuar erawh an awmve nuk tho mai.!
Chutia anin Beih buai lai chuan, Chhaklam atangchuan, Nghalzawl Silai kah thiamber, Lal Aizika chuan Dimlam khaw Tlangval Tlafal deuh chu alo kapthal ve tawptawp bawk a
Nghalzawl Valrualte chu mi Sawmthum dawn an tlu ta tlat mai.! Dimlam lan pawh mi Sawmhnih zet chu an thal ve leh tawh bawk a,
Dimlam Pasaltha Khawtinngama chuan, " Dimlam khaw Pasaltha Khawtinngama ka ni ngai e," tia a mahming chhal lauh lauh in A hmazawna Nghalzawl valrual te chu a Sam phei buanbuan a, a kaiza vengtu, Lianphunga leh Laihupa te nen inveng tawn in Chhimlam panin hma anrawn sawn ve duai duaia,
Pasaltha Saithata Hote erawh, Chhak lam leh thlanglam a rawnbawh tute, Pasaltha Keitawna hote leh Pasaltha Thanghlira Hote Puiin chhak leh thlang ah chuan anin then phawk a,
Nghalzawl lam chuan hmunhnih atang Nawrin Dimlam ho pawh an chan chhe tanin, A laia tankhawh Dimlam ho chu an chan a chhe ta tualtual a, Mahse, Pasaltha Khawtinngama leh a naute pahnih chuan Chhim lama put chhuaha a U Khawtindala pun chu an tum lian ber a niin, Chhimlam ah chuan an sawn phei zela, an hma ah chuan Phulpui pasaltha Tuaitir Hrangchuanga alo dingta teu mai le.!
Hrangchuanga chuan a bula Dimlam tlangval Nghawng chhawk zawk pah chuan, "Pasaltha Khawtinngama i ni lawm ni, Mi dawizep te anga inbeihna mual chhuahsan i tum le" tiin Khawtinngama mit ah tak melh in a melh rum ul a
Pasaltha Khawtinngama chuan, "Naua ka kawng dal tu ka zuah ngailo a nia, Fimkhur hlerawh" ti teng chhuaiin Hrangchuanga Chu a sat nghal sawk a, Hrangchuanga pawh lo kun Zawkin Khawtinngama dul zawn ah chuan a vai let ve nghal zawk a, mahse, Pasaltha khualkai lhawp chu a sat uh hman bik tlat lo, Chutia anin then leh chiah chu, Khawtinngama naute pahnih chuan an rawn bawh rawn ngahl zat a, Hrangchuanga chu hnung lama tawlh dawr in, a himthei hram e,
Chutih lai chuan, Aithura, Pasaltha Thanghlira pawlte puia thlanglama Beithla chuan Hrangchuanga te inbei chu rawn hmu vuaiin, A chemken lai chuan, Lianphung chu a rawn vawm vung nghal vawr a,
Lianphunga leh Laihupa ten Hrangchuanga bawh rawna an phaw rinchhana Hrangchuanga an Sah rawh laitak chuan, Lianphunga Tukhum ah chuan Chem fawng hian a rawn sawh chawrh a,a vawmtu a chak bawk a, Hrangchuanga Sir ah chuan a bawk thla rawprawp thei hial a
Hrangchuanga pawh Lianphunga chem laka inveng ngai ta lo in, Laihupa Chem Chu lo dang Leu in, Laihupa Nak ah tak chuan a han Tai thler ta hawk a. Laihupa chu Ril pawt purin Leichar ah chuan a thingthi ta hnawk a
Aithura'n a chem hmanlai Lianphunga Vawmnan a hmang tak avang chuan, Dimlam tlangval rawn Sahna chu Bum fel kim hman lo in, a ban veilam vunpui Chatthawt khawp chuan a rawn sat thei ta vuai mai reng a
Aithura chuan, Rangzeta a chemvawnna chu lo manin, hmalam ah chuan a'n phih ngheng a leh, Dimlam tlangval chuan a chem ken lohna lam a phawken chu Leichar ah bawkkhup zawnga tluk puiin a phaw chung ah chuan a Bawk ta run a, chu hun remchang chu, Aithura chuan a bawhpelh lo chiang kher mai.!
A hnungzang ah chuan theihtawpa na hian a han tum Ngheng a, Dimlam tlangval chu a hnungzang ruh tliak in tho leh tur reng a awm ta lo,
Aithura chuan Chu pa Kawlhnam leh phaw chu Rang zet a chharin, Dimlam ho chu a sam leh ta Buanbuan a
Lal Aizika chuan a silai kap ruak zo, Zen a sawh leh dawn lai tak chuan, Hawikual in, A khaw tlangvalte Ral laka tlu mek leh A pasaltha te inveng tawnin Dimlam khawho an sam tlu mawlh mawlh a hmuh chuan a thaw huai thei a, Chhimlam a Hrangchuanga awmna ava hawi leh Chiah chu, A silai muruak in tumah a kah theih loh leh a dang ala sawh zo hmanlo chu Pawi tihnaa lhat nghal in, Chu thil lo thlengtur chu a sakuh Ser nghah hi a ni ber a,
Kha tia Aithura'n Lianphunga a vawmthluka Hrangchuanga'n Laihupa naka a taithler zo chiah kha Padaltha khawtinngama rawn dawk chhuak zawk in Hrangchuanga Lu ah chhuk zawnga sahtum in a ban sei leh lianpui chu a han Vai fur a, A tum a thlen hma chuan Bantha chak zet hian Khawtinngama banrek ah chuan alo man ding chawt a, "Ka U thah i tum elaw.? I thi zawk khawp ang" Chu AW chu chu, Hrangchuanga chuan a hrena meuh mai.! Mahse, Inbuan bak ti ngailo, mi insual pawh khur zawihzawih a thlirthin Hrangsira chet dan chuan a U Hrangchuanga chu a ti hrilh hai lehling zawk hial a
Hrangsira chuan, Khawtinngama banreka a man chu chunglam ah a han phih chho dawr a, khawtinngama chu chunglam hlam chenzeta sang ah han thlawk chho in, alo tla leh lam chu, Hrangsira Kutbawr lianzet chuan a Awmah Chum leh zawt in a hnunglam hlamhnih dawna thui ah chuan a leng phar dawrh a
Dimlam Tlangval Sawmhnih tha zet ladam te chu Nghalzawl leh phulpui valrual mi sawmsarih zet te chuan an hual ta tuaituai a, Dimlam tlangval te chuan, An phaw hmachhuanin, an hnung lam, hmarlam ah chuan an hnung tawlh zel a, Pasaltha Keitawna chuan, "Nun hluta inpe duh in awm chuan in nun zuah in ni ang, in in peduh lo a nih chuan, Chimih vek in ni ang" a ti treng ta chhur chhur mai.!
Dimlam tlangval Sawmhnih zet, Ralthuam famkim nena inring tak leh an phaw hmachhuana kawlhnam hum var te chuan, inpek an tum hmel loh kher mai.!
Dimlam Valupa Thenphunga chuan, "Lusei hnemchawm hma ah Halkha kan zam ngai law nge, Thih pawn ruam khat ah dam pawn mual khat ah aw" tiin a naute chu ala Fuih ta sauhsauh zawk a
Nghalzawl valrual te chuan Bawh rawn mai an han tum a, Tlangbal Sawmhnih zet awmze neitaka Phawnen in phen tlat te lak ah chuan, Chet lak a har ta viau mai.!
Hrangsira Chuan, Pasaltha Khawtinngama tlu tawh thaw hleithei lo ang chuap chuap chu a Le rek ah la in Dimlam ho ana lam ah chuan a han Vawrh phei leh ta lawp a leh.! Dimlam valrual Phaw nena tan khawh inthlawptha emem te chu an pasaltha Khawtinngam rawn thlawk phei chuan a rawn deng darh ta chuai a, Chu hun remchang chu hmaih hauh lo hian, Pasaltha Keitawna,Pasaltha Vawmkaia, Pasaltha Thanghlira, Pasaltha Saithata, Aithura leh Hrangchhuana te chuan an han bawh rawn tak tak mai chuh!
Hrangsira thinthawk la reh lo in Dimlam Tlangval te chu a rawn Chum thlu dup dup mai bawk a, Pasaltha Hrangchuanga pawh rawn tlan pheiin, Dimlam ho chu hnimsam tak hian a rawn sam phei duai duai ve bawk a
Dimlam Valrual te chuan An daihreilo kher mai.! tumah inpe hman pawh awmlo in An thal fai ta leng a
Mahse, Buaina an neita tlat mai.! Dimlam valrual an chimit vek theih nana Kawng sialtu pawimawh tak Hrangsira chu a meng å phut a, a mit te chu a sen vek a, Nghalzawl leh phulpui tlangval te pawh chu a vaihma ta hmiah hmiah mai le.!
Hrangchhuana chuan a hnunglam atang pawm chawt in Lei ah chuan tlukpui a han tum a, mahse, an inbuan laia Hrangsira tha ang kha a nita tlat lo, A nghet tlut a, Hrangchhuana chuan a sawi che lawih thei chauh mai.!
Aithura'n rawn puiin, Tlangval Sawm rual zet chuan an bawh ta huk a, Mahse, Hrangsira chu Vir kual in, A taksa a bet tlangval te chu an phar thla ta hawn hawn mai le.!
An vanneihna erawh, Hrangsira hian Hriamhrei hmanrua engmah a kenglo hi a ni
Tlangval thenkhat chuan angaihna hrelo zet hian an thlir mawl tawp bawk a, Hrangsira chuan a bulhnaia awm leh a banphak a piangte chu ban in A ri buan buan bawk si.! Nghalzawl leh Phulpui valrual te tan han tih let ve vak mi nibawk silo chu, an buai ta viau renga, Ral tudai zo e tilo chuan, Mihrang valrual mi Sawmruk zet chu an tlanchhe kual ta chawn chawn a, Hrangchhuana leh Aithura pawh bangbik lo inan tlanchhe ve ta dawr dawr a, Hrangsira man fuh hlauhawmzia hre tu anni ve tlat a ni,!
Hrangchuanga chu lo hnaiin, Hrangsira hma ah tak chuan a rawn dinga, AW vin thak hian "Hrangsir, engti zia nge ni ngai kha tia i awmtak mai. Zahna kawn ah mi hnukin I thiante i phil tak chiam chiam mai le. in ti harh che mawle. " a ti tuar tuar a, Hrangsira chuan a U Hrangchuanga lam hawiin, Ka ho hian a en tlawktlawk a, chu tah Zawi thawp sut hian " Ka U Hrangchuanga," tiin a ding ka ta hau a, Hrangchuanga chuan, " Ni e, i U Hrangchuanga ka ni e, Miti mualpho kher mai" a ti ram hmak a
Hrangsira chuan a chhehvel chu hawikual in, A khup sai dawtdawt in, A mit atang mittui alo luang zung zung a, "K'U ava pawi tak em.! Pasaltha Khawtinngama khan a That ta che emaw ka ti a, A bak engmah ka hre zui lo, Heng ruang zawngzawng hi ka sulhnu vek em ni.? tiin Hlau tak leh in thlahrung tak chuan a U hrangchuanga chu a en kalh a.
Lal Aizika lo kalhnaiin, "Tlangval, inthiam lo duh rengreng suh, Kan hrethiam lutuk che a nia, Nangmah vang chauha Dimlam ho Chimih thei kan ni e, kan chhuang takzet che a nia" tia a dara beng thak thak in a rawn hnem a
Lalber in chutia a rawn tih tak ah chuan, Midangte pawh thaw huaiin, Hrangchuanga leh Hrangsira te zawk lutuk erawh an Kun chal a,
Lal Aizika chuan " lhai le, tlangval te u, Ruang leh hliam tuar te kha thliar hrang ula, Dimlam ho kha eng zat chiah nge an nih tih leh mi engzat nge kan in chan han hre vat teh u le, Tin. dimlam ho ruang kha Airawhlui ah hian peih vek ula, Kan mite ruang erawh A ing talin kan phum vek dawn nia, Ti rawh le Hrangsir nang tha hrui ngah deuh ah, Ruang phumna tur lei lo han cho khuar rawh le, tlangval Sawmhning vel lhan rawn pui bawk ula" ti A Rorel mghal zung zung in a au ta lauh lauh a*
Hrangchhuana leh Aithura pawh Hrangsira bula awmin, Dimlam ho kawlhnam Hmawrzum fahran chuan Lei chu an cho khuar ta duk duk a
Lal Aizika tir angin, Tlangval te chuan nun chan leh hliam tuar te chu an hanin chhiar a, Nghalzawl leh phulpui lam Mi sawmthum tha zet in nun chanin, Mi sawmtha zet in hliampui an tuar bawk a, Dimlam lam an han chhiar ve leh a, Mi Zasawmkuapakua lai niin tumah hliamtuar awmlo in an thi vek a,
Lal Aizika chu Ngawi vang vangin, pasaltha te chu a han en kual dan dan a " Dimlam in zasarih chuang khua, Ralkai thei pawh mi Zanga chuang hian engvamga mi Zasawmkuapakua lak lawh rawnthawk chhuak nge maw an nih ang le.? kan chimih vek emaw kan tih hi tlanchhuak anawm ani lawmaw.? tiin pasalthate chu rawn pah chuan a enkual den den a, Phulpui pasaltha Hrangchuanga chuan, "Lalpa ka chiangchiah lo a, Pasaltha Khawtinngama Kaizaveng Lianphunga kha a ruang ka hmuh awm ka hre hauh lo mai" a rawn ti chhuak ta a, Ruang an dahkhawmna chu pan in an han enkual leh a, Lianpianga ruang chu tuman an hmu zota lo a,
Lal Aizika chuan, " Pasaltha te u, heti a nih chuan ruahmanna thar kan siam angai e, Mi kanin chan hnem si a, fimkhur leh fingtaka ral kan rel a kan beih loh chuan ka thimang vek ang tih pawh phanawm tak a ni a, lianphunga chuan khua a thlenhma ngeia hmanhmawh taka kan Um a kan dahthat a ngai a ni.! tunge kal ang le. " a ti chu, "keimah le" anlo ti rual thawt a, Mahse, "keimah le" an tih ruala Aithura leh Hrangchhuana, Kapthiaua Leh Vawmkaia te tlanliam mawng chu an hmu phe hman vuai chauh a,
Lianphunga chu hlauhlawpa tlan ani bawka, a hnu pawh a pehenhun a, Chhura rualrual Thing ding ngirkhup hnuai chu ni hmulo tih hriat tak hian a Damdupa hnahthel tawih nal ah te chuan Lianphunga chu a tawlh leh hawn hawn thin a ni tih hriat tak hian, tawlhna hnu niawmtak te chu a pehenhun mai
Aithura ten Thuife an umzui hnu chuan kawngtum hlui zet mihring hnuhma pakhatmah hmuhtur awm tawh lo hi chhak leh thlang hawiin alo awma, Lianphunga hnu an zui zela ber pawh chu an hloh ta daih mai.!
Lianphunga hnu an hlauhna atang Fingkhat bialvel chu an han chil chhuak leh ta dap a, mahse, Hmeichhe kara mipa zawn ang hlauh a nita tlat mai.! (*Hmeithai zinga "englo" zawn, tih ai chuan, "Hmeichhe kara mipa zawn" han tih hian, a zahmawh lo deuh a, hmangzawk ta mai.! )
Hrangchhuana chuan, "A mak hlemai.! kan Halkhapa chu a thlawkthei emni dawn le.? " Lungawilo fahran hian a ti nuah nuah a, Chu tah Aithura chu harhthut niawm tak hian, " E khai.! A nidawn tak e, Chunglam zawnna chang kan hre hauh lo mai.! Kan hnu kha i chhir let leh teh ang u" tia kal a tum chiah chu, An thlang lawk ah chuan Ri thumbup an hre phut a, Ri lo chhuahna lam ah chuan an hawi rual thawt a, Thangbawn pik zet a nih avangin, engmah phei chu an hmu hlei law
Chutia an thlir reng lai chuan, Kapthiaua chuan, "Mihring thawm ava ang ve le, ka'n fiah teh reng ang" tiin thawm lo chhuahna lama a pan ta chherchher mai.!
Pen thum a pen hman chauh tih ah chuan, Hmanhmawt zeta tlan Ri an hre leh ta, Tumah hrilhnawn ngailo leh Tuma'n AW chhuahlo in, Ri lo chhuahna lam ah chuan an dawk thla ta zawkzawk mai le.!
Lianphunga, Pasaltha Khawtinngama Zara in la pasaltha leh Zupui heh zet chu chauhluat avanga tlanthei tawh lo in, a theih angtawka a hnu thup in thingkung ah alo lawn ta kha a ni a, a tir ah chuan ti fuh ain tiin Nghalzawl pasaltha pali ten Beidawng hmel taka an thusawitw kha chunglam atang lo hre theivek in, Aithura'n chunglam zawn a rawt chiah khan hlauthawng thar leh in, a tawmna thingkung atang thawmdim leh hmanhmawh zeta a chhuk thla khan thing ro mawih a ban fuh hlauh a, chu mi tla ri leh a hlauthawng taka a tlanri kha Aithura ten an hreta kha alo ni a,
Rei tak lo thuchawl tawh a nibawk a, Lianphunga chu thathar ang vah hian a tlan dawk thla ta zur zur a, Kapthiaua tlan hmasa berin Nghalzawl pasaltha te pawh chu an dawkthla ve zawk zawk a, Vawmkaia chuan, "Naute u, Kan thah ngei angai a nia, kan dahtha lo a nih a Thu a thlenhman a nih ngat chuan, Kan chanin maian chan pawh a tluk tawp lo ang le," tiin a naute chu a fuih sauh sauh bawk a
Chutah zet chuan, Aithura chu pasalthate zinga chhiar tlak a nih zia lo langin, a thiante um phak rualloh chuan a tlan pheta vuai vuai mai le, A hmasa bera tlan Kapthiaua chu tlanpel vuaiin, Ngawkara hruizam kut zungpui tiatia chu a palchat phawkphawka, A chang chuan a thlawk emaw tih tur hian thangpik ah te chuan a in khaw tlang zawk zawk mai zawng, Lianphunga pawh a hnaih ruakruak mai renga
Lianphunga Tlanchhia theih palingkawha tlan dawk ve zawk zawk chuan hnung lam hawi a hawi zauh chu, Aithura chem laka a him phahna a ni ta,
tlanpaha Aithura'n A chem hriam hrekhrawka Lianphunga Mal a vawmbur chawt tuma a vawm chu, Lianphunga chuan alo hmu hman ve tlat, Theih tawpa zuang zawkin Aithura chem chu Lianphunga kephah hrul ah rawn vung fua in, Lianphunga hma ah chuan a bur chata, Aithura chuan tlan paha phawi zawkin, Lianphunga kawng zawn ah chuan tlan pah bawk chuan a han vawm vung leh ta vawr a, Lianphunga Pawh chuan Hnunglam hawi zawk in, Aithura chem vawm tum Zawk kau lai kha alo hmuhman ve leh tlat, A theih tawpa Rang leh Chak chuan a Dinglam ah a han zuang dawr a, Aithura chem lak ah a him leh ta hram e,Mahse, a tlanlai bahlaha dinglama a zuang tak avamgchuan, Aithura chuan a rawn nangching hman ta tlat mai.!
Aithura chuan, Lianphunga Dinglama zuang lumthla rawn tho leh chiah chu nalua awmlo hian a khabe ah tak tlanpah chuan a han sawh ngheng mai zawng, Patling nihin awmzia a nei tlat lo, Thlanglam ah chuan a lum hlawm zawi thla ta nawk nawk a,
Lianphunga tho leh tur awmloa Muzawi reng bul ah chuan ding nghal chat in, A sam ah chuan an tham Nghal chat a, "chet thawh i tum a nih vaihchuan ilu ka la nghal ang" tia vau zui nghal in, Lianphunga paw'n thu a awihmel ta kher mai.!
Midang lo thleng ve mghal in, Lianphunga chu, Ramhrui fei zet ah an han hnungkhirh a, Pasaltha Vawmkaia chuan Nghaisa in a dawm tan leh ta, Lianphunga Pasaltha khawtinngama zara in la vung maimah nise, Halkha pasaltha tia lo in chhalve ngat, chuan, Dimlam thuruk a sawi duh bik tlat lo mai le, Tur zeta Vawmkaia chu melh kalh in, "A fawngchelhtu i nih meuh chuan iin la huai hlemai maw.? Halkha val hi Malbeiha mi cho in awm em le.? A huho chuah in em ni Lusei ho hi inlo intih huai ve le.?" tiin deuhsawh zet hian a nui lui uar uar a
Pasaltha Vawmkaia chu Ngawi ngalin, Lianphunga an phuarna hui chu a zai chat pheuh pheuh a. Lei a Lianphunga chem chu chharin Lianphunga hma ah chuan a theh thla thak a " Lusei valrualte a malin emaw a huho in emaw kan zam ngai lawnge, Tho la i mi chona chu hlen chhuah han tum teh le" tiin Vawmkaia chu inring penpawn zet hian a Lianphunga hma ah chuan a ding hah a,
Lianphunga chu muangchanga tho in, leia chem chu a chhar a, Vawmkaia chu Melhtur khuih in, "Mi hrechianglo a ni.! ka han hrilh ang che. Lal Vandula khua, In Zasarih leh Tlangval Ralkai thei chin ngat pawh mi Zanga chuang awmna Dimlam Pasaltha Lianphunga ka nih e " tiin Vawmkaia chu vauzam an tum veingial a, Mahse, a mahzawk hian a mi hmachhawnte hi a hrechianglo zawk a nisi a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 28th, 2018, 6:55 pm

PASALTHA - AITHURA - EPI - 20
Awmtea fanai (Hrangtling)
*
Lianphunga chu muangchanga tho in, leia chem chu a chhar a, Vawmkaia chu Melhtur khuih in, "Mi hrechianglo a ni.! ka han hrilh ang che. Lal Vandula khua, In Zasarih leh Tlangval Ralkai thei chin ngat pawh mi Zanga chuang awmna Dimlam Pasaltha Lianphunga ka nih e " tiin Vawmkaia chu vauzam an tum veingial a, Mahse, a mahzawk hian a mi hmachhawnte hi a hrechianglo zawk a nisi a.
End of epi - 19

*
Vawmkaia hma ah tak chuan Aithura rawn dingin, " Keimah zawkin le, Naupangzawk kan awm laia Pasaltha phanchang zawkte in lo chet hah ve angailo e, lova thu hahdam teh" tiin Vawmkaia chu a din hliah tlat a
Vawmkaia'n Chhan tuma a an zuak lai chuan, Aithura hma ah tak chuan, Kawpthiaua lo ding ve leh in, "U te u, Mihrethiam ula, Pasaltha hming inchhal ngat Beihna hun tha ka neihve chhun a ni e" tiin a kutphah dinglam ah chuan a chil a chhak phurhphurh a, A chem hriam vervawr chu nghet zeta Hum in midang Sawibuai hma chuan Lianphunga chu a hnaih nghal ta chher chher mai.!
Lianphunga Nghawng zawn ah chuan fik hmawk tum in a han vai nghal fua a, Lianphunga pawh Kawpthiaua Chem laka him tumin alo kun ve zawka, mahse, khawihlet ve hmantur chuan Nghalzawl rawlthar lak ah hian a tuan a fum deuh a ni.! Lianphunga chuan " Naua iin chhir tam hmahian lo inthiar fihlim maiteh, Naupang lu ka la hreh viau a ni" tiin kapthiaua chu vauzam ala tum vei fana, Mahse, A mahzawk chu a zam chheber achu a ni lawi si.!
Kapthiaua chuan " Naupanglu i lak duh loh a hnu keiman ilu ka la ang ti nia," tihpah in Lianphunga nghawng zawn ah bawk chuan an vai leh ta fua a, Lianphunga nghawng zawn a thlen hma chuan a tha kal chu pedanglam in, a chhuksah leh ta ngheng mai.
Lianphunga pawh chuan a tih dan ngaibawk in alo kun ve leh zawk a, mahse, Kapthiaua'n a chem la leua a chhuk sah zawk tak avang chuan, Kun in awmzia a neita tlat lo.!
Lianphunga dar ah chuan Kapthiaua chemchu a lut ta hrawih a,
Lianphunga chu lei ah chuan a thingthi hnawk a, Bawkkhup leh thlawrh in a khur churchur a, a zal ta riai riai a
Hrangchhuana chuan " a cho loh tur a cho a ni" a ti hman tawk silai alo puak ta dur mai. Vawmkaia chu duh loh peih ang thlawrh hian lei ah chuan a tluhnawk a, Silai dang lo puak leh dur in a rik hian a rita awn awn mai le, Dimlam valrual mi zahnih zet silai ri chuan Chulai ramngaw chu silai puakri chuan a luahkhat ta vek renga,
Aithurate pawh chu antheih ang anga mahni sahimna zawngin, Thingbul an bel hramhram a, Pasaltha Vawmkaia Chu silai mu sur kar ah chuan in saseng thei tawh lo tih hriat tak hian a bawk phek ve reng bawk a, Aithura chuan, "Hrangchhuana leh Kapthiaua chu au in, kan himtlang em le" a'n ti lauh lauh a, Kapthiaua chuan, "Kei chu ka him a nimai e," alo tithuaia, mahse, a AW ah chuan, a pangaizan lo tih chu Aithura chuan a hai hauh lo, Mahse, Aithura tak pawh chu, a Ban veilam ah Silaimu a dawngve tho mai.! a banruh a tliak lo hlauh erwh vannei tak a ni.!
Hrangchhuana erawh a reh vang vang ta mai.! Aithura chuan Hlauthawng tih hriat tak hin, "Hrangchhuan" a'n tivin thak a
Hrangchhuana chuan" Ngenmu kar ah a enge maw i hriata mi au vak vak, ngawi hlehle khan awm rawh u, silaimu in a zawmg reng che u tih in hrelo em ni, engtin mah ka awm lo" alo tivin ve hluk bawk a,
Silai ri a reh felta chu, Chulai ngaw durkhup hnuai ah chuan leihrik leh ilo thawm takngial pawh hriattur awmlo hian theireh tak in a reh leh vawng vawng lawi si.! a reh emem dan ah chuan rapawm lam ah te a kal zawk hial tave ang le.!
Aithura chuan, zawithawp sap hian" Kapthiau, I khawilai nge an hliam che le" tiin a han zawt a, Kapthiaua chuan, Sehchilh deuh nak hian, " Ka malpui ah min han thawive thuak a lawm mawle, Chawei titui tawk chauh a ni e" tiin alo chhanga, mahse, Aithura chuan, mahni insaseng thei tawhlo in a awm ang tihpawh a ring thiam nghal maia,
Thingbul hnaih tete bela biru mah nise tumah anin hmutheilo chuan Chetlak a tihar viau mai leh nghal a
Pasaltha Vawmkaia Aithura hma leia Bawkkhup reng chu rawn meng de de in, zawite hian " Aithur, Silai zen an thun leh hma hian in saseng vat rawh u, chu tilo chu Zualko tura damchhuak pawh in awmlo palh ange, keizawng chhantlak ka awm ta lo e" tiin Aithura chu a melh tlawk tlawk a,
Aithura chu a inpet ruh fanfan a, "Khai le, thiante u, Hmun him kan pan a ngai e, Hrangchhuan, Kapthiaua Awmna ah khan han tlan pheila, Keiin, Pasaltha Vawmkaia ka lo buaipui a nge" tiin Hrangchhuana chu a han au zui nghal a, Hrangchhuana chuan, lo chhawn vat in, Silai rik lohna Chhak Lama tlanturin alo rawn ve bawk a
*
Pasaltha Vawmkaia chu lo inrawlh vat in, " Keizawng chhantlak ka awm tawh lo e, Mi kalsan mai rawh, in nunin a tuar phah zawk hlauh dah ange" alo ti ve hram hram a,
Kapthiaua pawh chuan rawn chhawn ve in, " K'u Hrangchhuan, Lo kal duh suh, K'u Aithura nen khan han let leh zawk ula, Kan Halkha ho hi lo chelh khawtlai ka tum zawk ange," alo tive vat bawk a
Aithura leh Hrangchhuana pawh an lu a hai ta bat mai.!
engtia tihtur nge ni ang.? Pasaltha Vawmkaia chu Aithura chuan a han thlek vangvang a, a Awm ah leh a pum ah silai luhna a hmu tlat, Chu chauh anilo, a mal leh a nak ah pawh silai mu luhna alo awm leh ta zel a, damchhuah pui mi a ni tawh lo tih pawh a va hmu thei mai a, Kapthiaua leh zel In lo awm a tum chu Hliampui a tuar ve ngei a nih a ring nghal bawk a,
Aithura chuan, "Hrangchhuan, iin ring em, ka che hmasa ang aw" an ti thawp sat a, Hrangchhuana'n ain ring thu a sawi zawh rual chuan, "Khai leh" tih leh, Pasaltha Vawmkaia Awmna ah chuan a inkhawh phei zawk a, Silai a rawn puak ve nghal thuai thuai bawk a, Vawmkaia chu ava bawh rawka, Kuahbet nghal in, vawithum zet chu lei ah chuan a han lum pui hawlhawl a, In tha zo taka thawh pui vawk in, Chhaklam Sawntlung pawng phen ah chuan a zuang luhpui nghal zawk a, Vawmkaia a Mutthat tir rual chuan,
Hrangchhuana pawh Kapthiaua nen chuan an rawn lum lut ve nghal hlawl bawk a,
Pasaltha Vamkaia leh Kapthiaua chu an han Mut dun tir a, Kapthiaua chu a malpui ruh tliak rup khawp hian hliam alo tuar reng mai.! Hrangchhuana pawh, Kapthiaua ava puihna lam ah khan, a ban dinglam ah hliam a tuar ve tho mai.!
An chan chauh zia chu hrilh nawn ngai an awmlo chiang kher mai.!
*
Aw lo chhuak in " Dimlam khaw pasaltha Khawtindala ka ni e, Nghalzawl valte in ni ngei ang maw, Kan khaw pasaltha Lianphunga that tute hi damin ka chhuah hauh lo ang che u, Kha lo inring nasa mairu" tiin Silai chu a rawn ri leh dur a,
Aithura chuan, a thianpa Hrangchhuana LAL fapa nunna chu a hluin a pawimawhber tih a hriatchian ang bawkin Kapthiaua pawh chuan a hai bik hauh lo,
" Hrangchhuan, nang Thiante punin han let teh khai heti ngawt chuan kan daihrei dawn lo e" a ti chu, Hrangchhuana ngaihdan a ni tlat lo, Aithur, nang han let zawk la, Ka lo awm ange," a tive leh tlat mai.!
Midang puntura let leh chu thih hreh tak hian an hreh dun ta tlat mai.! Chu tah, Aithura chuan, Hrangchhuan, La fapa i ni a, a nun hi i tanchauh nilo in kan khaw tan leh i pa leh in thlah tute tan pawh a pawimawh tak zet a sin.! tlawm ah la lo la, hmanhmawh in kal vat zawk teh khai" a tih pawh chuan, " Hrangchhuan, Ka pa phuba la lo a mi hawtir theih iin ring em ni.? Chu lo reng ah, Thihpawn ruamkhat ah Dam pawn mualkhat ah kan ti a ni lawm ni.? a tita chheu chheu mai le,
Aithura chuan, I tih tlat chuan ni ele, Halkha hmelchhe ho chu i han phinhrep ang hmiang" tih leh a silai Chu a han hmet puak ve dur a, An thlanglawk ah chuan, patling natuar tre ri alo chhuak nghal mai renga
Pasaltha Vawmkaia chu Then chawk chawk in, "Aithur, he tia dam reng zawng Hreawm ka tuar rei mai mai e, Ka chem ngei hian ka nunna han la vat mai teh, Halkha laka Lu hlauh ai chuan, Pasaltha Aihlinga fapa Aithura laka Lu hlauh chu ka thlang zawk e" a tita mauh mai.!
Aithura chuan, "nilo e, Pasaltha khualkai pha ngat i nih kha, In ti pachang la, Nghalzawl ah ngei rallu kan ai ang chu le" tiin alo thlamuan ve bawk a
Mahse, Damkhawchhuah beisei na erawh Vana Arsi lak tum ang hlauh a ni thung si
Vawmkaia ka atangchuan ti a rawn chhuak zawihzawih a, Hrangchhuana chuan tungtho vat in, Vawmkaia chu a han hnem ve mawlh mawlh bawk a,
mahse, Pasaltha khualkai meuh chuan an hun tawn chu a hai bik lo khawp mai.!
" Pasaltha Aithur, Mipa takin ka tawrhna hi mi han tih tawp sak teh khai.ti chuan i pa phuba ila a ni mai dawn a sin" a ti leh hram a, Aithura chu ngawi vangvangin, Vawmkaia mit ah tak chuan a en kalh a " pasaltha vawmkai, Ka pa phuba kha la tawh tluk ah ka in ngai a i nun ah zir chhuah tam tak ka nei tawh zawk a sin, Ka pa phuba ka lakna nilo in, I tawrhna avang zawkin aw," tihpah chuan, mah Vawmkaia Chem ngei chuan, Pasaltha Vawmkaia nghawng ah chuan a zai nghal hrawih a
Pasaltha Vawmkaia chu a tal khur chur chur a, Hrangchhuana chuan Mittui parawl kuangin Vawmkaia thitur kaih tangmar chu alo kuah nghet sauh sauh bawk a,
*
Aithura chuan, "Pasaltha Vawmkai, I thisen hi a hlothlawnin a luang hauh lo ang, Dimlam Uicho ho Vang hian Kan chi leh kung kan lusei pui te'n nun an chan hnem ta, an tawpna ni ala thlawngve khawp ang, Thlamuang takin chawl hahdam ang che" tiin Pasaltha Vawmkaia mit chu a chul chhing sak a
*
Hrangchhuana chuan, Lei ah chuan mutrem tir in, a rawn hawichhuak leh chu, Lalfapa mite nel rawn leh fiamthu duh ve tak hmelkha a puta tlat lo, a hmel ah chuan nelawm na a awm tawh lo a, Thihna rim a nam rum rum zawk hial a ni.!
Aithura chuan, Sawntlung pawng a tang chuan dak chhuak zauh in, A silai chu an kap puak dur a, Dimlam tlangval pakhat chu tre thawt in a thal nghal tawp a
Kapthiaua Dingthei tawh lo pawh awm maimai tumlo in, Aithura silai ruak chu Zen alo sawhsak ve chawt chawt a,
Chhak lama tang annih na leh Sawntlung pawng chuan tanhmun tha zet ah tangtir in, Pahnih chauhin Dimlam ho chu chhawn mahse, an silai mu a thlawn lo dun bawk a, Dimlam tlangval te chu an thal ve phung tho mai.!
Dimlam ho hi chengkawl Ruama Nghalzawl Valrualte chang tuma rawn thawk chhuak kha an ni a, Mahse, kawng lak ah, an khaw pasaltha Lianphunga leh Nghalzawl Rawlthar inbei lai an rawn hmuh khan, Ralrel fumfe awmlo in, Thal an thlah thawr kha a ni a, Nghalzawl tlangval tlemte pawh chimih maitheilo a an awm chhan pawh hi awmze neilo a An rawn beih vang leh Aithura te tanhmun that vang a tih loh theih loh ang
Pasaltha Khawtindala chu a ngawi vang vanga, A rilru chu a vak thui ngang mai,!
A nau Khawtinngama Kaihza vengtu Liangphunga hetianga an rawn um a nih chuan khawnge midang zawng kha nita ang, an rhi fai vek em ni.? chu tiang alo nih chuan, a nau Khawtinngama chu a thi tawh tihna maw ni ang.!
A ngaihtuahna ata harh chhuak thut niawm tak hian a silai chu a han kap puak ur a,
"Nghalzawl tlangval te u, in chanin maian chan pawh a tluk tawh lo e, In nun inla hlut a nih chuan, rawnin pe ula, in nun ka zuah ang che u a, Sal ah ka hawn ang che u, in duh lo a nih chuan kan rawn bawh chilh dawn che u a nia" a ti teng chhuai chhuai ta mai.!
*
Aithura chuan, an rawn bawh chilh a nih ngat chuan, An in tam hleih ropui maisi a, An pathum chuan an thi ngei dawn bawk tih hria in, ruahmanna a siam ve nghal zat a, "in Zasarih khaw pasaltha chuan Lusei In Za nufa khaw Pasaltha hi mi bei ngam em le.? mi dawizep te tih danin I naute mi beih tir i tum ta mai elaw" an ti let ve salh a
Pasaltha Khawtindala Chu a tlawmla ngal ngal kher mai.!
Aithura beisei ang ngei chuan, " Pasaltha a ni.? I ngam a nih chuan lo chhuak ta che" a rawn tita mai reng a
Aithura chuan " Mibei ngam meuh maw, i naute kha mi kah tir leh si ange, An silai tung turin han hrilh la, ka rawn chhuak ang," an tilet ve leh khauh a,
Pasaltha Khawtindal chuan a naute chu an silai la thla tur chuan ahan hrilh a,
Aithura pawh, Ding kangin zawite in "Hrangchhuan, in theih anga hla ah tlan an lo tum ang che u," tiin Sawntlung pawng phen atang chuan a rawn chhuak ta thauh thauh mai le
Pasaltha khawtindala chu zalo fe hian a han nui lui uar uar a, Naua Nghalzawl LAL chuan Naupang chhia maw mibei tura a rawn tirh le.? Naute u, Han dahtha mai teh u, Hetiang naupang chhia lak ah ka tha ka seng phallo e" a tita daih mai.!
Aithura chuan, " Dimlam khaw Pasaltha chuan i thu i zuk leh si dawn elaw, Dimlam Lal Vandula chuan Punfen feng tlak pasaltha chauh em ni a neih le.? i nau pawh khan ka chem laka a lu a hloh hmain Ngaihdam mi dil chul tak a sin, Mi huaisen min hmachhawn ngam in awm leh si na nge. " an tiin, Khawtindala thinkhei theitur ber chuan khawtinngama chu a mathah angin a sawiin a ti lui salh a
Dimlam pasaltha te leh Khawtindala te chu an phu suau a, Beihrawn emaw, Kahthluk tak emaw chu nithei chiahin an hre bik bawk silo, anin en ta hrek hrek a
Pasaltha khawtindala chu a rawn pen chhuak ve ta, Aithura nen in hmachhawna an han ding chu anin len hleih in an taksa pawh a in thlau ngei mai.!
Aithura Pavangtlang aia lian lam mah tan pwh "KA PA" tia koh tham lawih hi a ni a
*
A kawl hnam Tangphel dawnlaia sei hriam tle vur er ngun chu vilik zauh zauh in, Aithura chu a melh tur khaih khaih kher mai.!
"Nang hi maw ka nau Lu la a Dimlam Runtum tu chu.? I lu ka la lo a nih chuan Damtlak ka nilo tih na a ni ang" A tita chher chher mai.!
A hmel ah chuan zamna alanglo a, Aithura chu Rawtdip dap duh hmel hi a pu a, A hmel bumro tak leh a Samthur bum te chu Rapawm tham tak a ni.!
Aithura chuan, " Keimah ngei hi ka ni e, i nau Khawtinngama lu la tu chu, i theih chuan ka lu chu han dawn ta che, ilo en chhin ang hmiang, Dam tlak ilo nilo zawk reng maithei a sin." a ti let ve salh a
Aithura hian malbeih ah hlaulo hle mahse, helai hmun hi nungdamin a chhuahsan thei dawn chuanglo tih a hriat chian em vangin A tamthei angber thih pui hram a tum rilru ran a
Dimlam valrual re chu anlo chhuakkhawm taktak a, hmelma Tlangval Zahnih rual Hualbetna leh uapna nasa tak kar a In zasarih khaw pasaltha meuh hmachhawn chu a Nuam fahran hauh lo ang le
Hrangchhuana pawh Aithura a chhuah ve leh khan, Sawntlung pawng hliah zawng zel in, Kapthiaua pu chung chuan hmunhim lam a panin a tlan pui char char a, finghnih awm vela hla a thlen chuan, "Kapthiau, helai hi a him chin a ni tawh ang, Engle khawle, thiante thihna tlanga dak tlansan zel chu ka theilo a ni e, tihian lo awm la, Ni a tlak ah kan la rawn kir lo a nih chuan, i theih ang ang in Dam chhuah ilo tum tum dawn nia," tiin Aithura puitur chuan a let leh ta nghal a
@@@@@@@@@@@@@@@@@

Lal Aizika chuan, Hliamtuar te lo bawisawm tur Hliam te nau deuh neite ruat in, Mi Sawmnga tha zet Leh Pasaltha te nen Lianphunga um tute Kalna lam ah chuan an liam thla ve nghal a,
Vanlaizawl ah Ni ain pho tangvur Hun ah pawh chuan Aithura te hniak bak hriat tur a awm tlat lo,
Tukthuan eilo an ni bawk a, Tlema nau deuhte chu an kua a ri leh rawih rawih thin a,
Thuife an kal leh hnu Chuan, Lal Aizika chuan, Chawlh rawt in hmalam an pan zel dan tur a rawn rel leh ta
Dimlam Valrualte laka nun chan mi Sawmthum zet leh, Hliampui tuar mi Sawm tha te enkawl tura hliam tenau Chetpui thei te'n mi pariat vel tello chuan mi sawmnga zet an la ni a,
Aithura te an hmuh takmai loh ah chuan, A chheber dawn in, Kal hmasa insiam tha in hreta a
pawl hnih ah then in, Pasaltha Saithata pawl Phulpui pasaltha tuaitir Hrangchuanga te unau leh tlangval viak tha deuh te mi sawm anlo kal hmasa anga, Midang zawng hnung ah an rawn kal ve leh dawn a ni
Pasaltha Saithata leh tlangval zawmzet te chu Kal hmasa tur chuan an Penchhuak nghal hlawkhlawk a, Changel an hmuh ang ang te chu kalpaha sat in an kheh a, Tam hnem ah A chhung no te chu an ei phah mawlh mawlh bawk a
@@@@@@@@@@@@@@@@@

Aithura, Mite aia tuanrang leh tlanchak chu, In Zasarih khaw pasaltha chhuanvawr ber pawn a kawlhnam sei pui chuan a sat fuh hleithei tlat lo, Aithura chuan a rilru fim zet chu hmangin, A theih anga rei insual pui a tawm ru ran a, anin beih reih chuan, puitu an rawn thlen hman beiseina nen chu rilru chu pu a ni renga, Mahse, In Zasarih awmna khua Lal Vandula Pasaltha chhuanvawr ber lak ah hian A duh ang hun chu a hmurhei ngut emaw chu
Khawtindala chuan, Na zet zet hian Aithura chu a sat sawk sawk a, Aithura paw'n lo bum zauh zauh in, A chem chuan alo in dang ve hram hram thei zel a, Khawtindala'n A chem vai paha a tlawh erawh, Aithura chu a let leh hawn hawn thin a
Aithura Tuanrang zet chuan Dahthat vat tum ngatse zawng, Hunrem chang a hmu tam na rawh e, mahse, Beiseina nen a theih chhung chu inveng hram hram a, a harsat tawp ah chauh beih let ve tak tak a, chutih ruala Dimlam valrual te a theih anga tam thihpui a tum a ni a, Mahse, Dimlam ho chuan Aitura rilru hrethiam pha lo lek in, An pasaltha chu a khawihve hman meuh loh ah ngaiin anlo hawhaw leh dur dur thin a,
Aithura duh thu sam a va ni chiang em.!!!
Mahse, Pasaltha Khualkai meuh chuan Aithura chezia chu a man thiam ve tan tlat.!
Chuvang tak chuan dahthat vat tumin Aitbura chu a Bawh leh buan buan thin a, Aithura chuan a tuanrangna leh a chem hmang chuan alo in dang ve fat fat thin bawk a
Rei ngial anin beih hnu chuan, Pasaltha Khawtindala chu a chau tan ta der mai.! A thawk zawng te chuan, a nak chu a rawn insep pawng dawr dawr a, Aithura pawh Hahkhat chuan a hah ve hle reng a. Khawtindala chuan Tha tawpa tanga A rawn bawh leh buan buan thei a nih chuan, inveng reng chu a har tawh dawn hle tih pawh Aithura chuan a hre chiang kher mai End of epi-20
*
(Hritlang awmna khawsik in miman ve aaaa, Story ziak tur pawn rilru pek a har khawp mai.! Chatlak loh hram ka duh ve si a, Chat lak ta hlauh a nih pawn min hrethiam hram dawn nia aw, mahse, alo chatlak ta a nih pawh in, Pathianin rem a tih chuan, a tawp Thleng thlan ka tum tho ang,)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 28th, 2018, 6:55 pm

PASALTHA - AITHURA - EPI - 21
Awmtea Fanai (Hrangtling)
*
Rei ngial anin beih hnu chuan, Pasaltha Khawtindala chu a chau tan ta der mai.! A thawk zawng te chuan, a nak chu a rawn insep pawng dawr dawr a, Aithura pawh Hahkhat chuan a hah ve hle reng a. Khawtindala chuan Tha tawpa tanga A rawn bawh leh buan buan thei a nih chuan, inveng reng chu a har tawh dawn hle tih pawh Aithura chuan a hre chiang kher mai End of epi-20

*
Chhantu hmel a lang tak rengreng loh ah chuan, A tawpna Ni alo thlengta ah ngaiin, a tumruk ang ngei chuan, Pasaltha Khawtindala chu dahthat vata Dimlam ho chu A tamthei angber Thihpui tum chuan a rilru a siam fel ta rup mai le
Pasaltha Khawtindala chuan, A hma angbawk chuan, Na fe hian Aithura chu a rawn Vai leh ta fua a, Aithura chu lo kun zawkin, Alu chu a chan teuh ther ther kher mai
A Kun rual chuan hnung tawlh dawrh in, Tanhmun a siam rem leh nghal zat a
*
Khawtindala chuan, a tihdan ngaite bawka rawn bawh leh buanbuan in, Aithura Dar dinglam ah chuan chhuk zawngin a vai zawka, Aithura chu lo hnungtawlh in, Khawtindala chuan a chem laklet zawngin Aithura nghawng zawn ah chuan a vai vung leh nghal fua a, Aithura tumnei ran chu Kun paha Khawtindala lama Hnaih hret in, A pum zawn ah chuan a Vai vungve ta vuaih mai le
Khawtindala chu a "eh" thawt a, A pum atang a ril rawn pawt pur chu dawm in a thingthi ta hnawk a,
Chutih rual chuan, Aithura chu Dimlam Valrual te zing ah chuan a zuang lut nghal zawk bawk a, A theih anga rang leh na in a chem tum hriam vervawr chu a han vai vung nghal zawk zawk bawk a
Dimlam valrualte in ringlo lai beithut a nibawk a, patling na tuar tre ri leh mangang thawm chuan chu lai Phai Ngawrdur khup Damdup chu a luah khat zo ta,
Dimlam Tlangvalten thiante insai palh hlauin Silai an hmangngam bik silo, An kawlhnam sei rengruang te chu taksa indek thapa awmkhawm kar ah chuan an hmang hleithei tlat bawk silo chu Aithura Vanneihna ah changin, Karlo ah Dimlam Tlangval Sawmrual zet chu an thal ta phung mai.!
Mahse, Valrual Zahnih dawn lai te beihrawn Chu Pasaltha Khual thang kai Aihlinga Fapa Aithura Mite aia tuanrang leh chak pawh chuan a tlin rei bik tlat lo
Dimlam valrual te chem hnu em la tawnglo mahse, an kut tum hnu erawh a dawng thawi ve renga
Dimlam Pasaltha te an harh ve tlat, " Tlangval te u, lo inthiar fihlim rawh ule, Zim hnaih chi anilo e, a hlat ah awm hram hram rawh u" tiin Dimlam Pasaltha Pakhena chu alo au lauh lauh a
Dimlam valrualten Aithura chu Hlat deuh a kah thluk tawp an tum lai chuan, Aithura pawh chuan an tum chu hai lo in a hrethiam ve tlat,
Dimlam pasaltha Pakhena chuan, Aithura talhiar lai chu kahthluk tawp tum hian a tin ta vangvang a, Silai a puak dur a, Dimlam Tlangval te pawh chu an phu suau a, Mak tiin thenkhat phei chu an mengphawk thei hial a, Aithura Kah thlu tawp tumtu Pasaltha Pakhena chu Leichar ah a tlu zawi hnuanga, a bek atang thisen tharhlam zet hi alo luang chhuak nguah nguah a,
Aithura chuan , Silai rikna lam kha Pasaltha beng fingtaka hre nghal in, a beisei ruk ang ngeiin puitu a nei tih pawh a hrethiam nghal vat renga, A tha neih zawng zawng a hmangta emaw tihtur khawpa chak leh rangin, Dimlam valrualte hamhaih buaina kar a tang chuan Chhaklam panin a lim chho ta puat puat a, Sawntlung pawng phena a zuan luh rual chuan Dimlam valrualte silai pawh a ri nghal un un mai reng a
Aithura chuan a beisei ruk, a taka thleng tura a beisei ngam loh Hrangchhuana Chu Sawntlung pawng phen ah chuan lo bawk phek rengin, Dimlam tlangval te chu a lo kap thal ve tawp tawp bawk a,
Aithura pawn a silai Sawntlung pawnga a tun, Zen leh a mu thun khahsa chu ban nghalin, Dimlam tlangval rawn hnai ber chu alo kap let ve leh nghal tawp a
Hrangchhuana lam a va hawi phei chu, Hrangchhuana Chu lo nui sak in " Unaupa, ka rawn tlai chhe teuh hlemai, Mi ngaidam hram rawh aw" tiin a nui lai hmel chu inthiam loh hmel zet hian a rawnin thlak nghal zat a, " tlailo e, a hun tak ah ilo thleng a ni, lo kir tawh lo tura ka tih che kha" a ti let hu a
Hrangchhuana chuan "Thih pawn ruam khat ah Dam pawn Mualkhat ah kan ti a ni lawm ni" ti chauh a chhangin, A silai chu an kap puak leh nghal dur a, Dimlam tlangval pakhat chu a chiau nghal vawng vawng a
Aithura pawh chu Lawma vanga hnuk ulh teuh chunga nui khi sak in, " Dimlam Zawngchhe ho chu in bei dun tak tak ang hmiang, Thih pawn Ruamkhat ah Nghal zawl tan, Dam pawn mualkhat ah Nghalzawl tan aw," tia Au teng tuar in, Dimlam tlangval rawn veh chho den den tu Chal ah tak chuan a silai mu chuan a zu verh sak a
Dimlam Valrual te chu Mi zahnih dawn nimahse, Nghalzawl pasaltha te lak ah in chan zauh zauh in, Mi Sawmthum lai chu anin chan tawh reng a
Hrangchhuana chu rawn au in " Ka Nu leh ka Pa, Kan khua Nghalbual phuba laknan, Tangral raih ang aw," tihpah chuan, A silai chu an kap puak leh dur a,
Dimlam lamin an rawn kap fuh ve thei lo leh Aithura leh Hrangchhuana Silaimu Thlawn lo lutuk chu Dimlam ho chu tam zawk hle mahse, An tlu phauh phauh reng a
Silai ri a reh duak a, Chu lai ngawdur khup hnuai chu, Thehmeh ang vawng vawng in a reh leh ta thiap mai.!
Dimlam Pasaltha, Khawtinate Unau vanga Hminglangsar lo Saichhinga Chuan "Tlangval Sawmhnih dinglam ah chho ula, Tlangval sawmhnih dang Veilam ah khan cho rawh u, Ruangchaicheh i thlak hnan ang u" tiin A naute chu ahan hrilh ru Su su a,
Aithura leh Hrangchhuana pawn Kah mai tur an hmu ta bik lo,
Chu tah leh, Dahchhuah ngam loh khawpa nasa in, Dimlam Valrual te chuan silai an rawn kap chho leh tak tak mai chuh.! Aithura leh Hrangchhuana chu an inkuah chawih chawih lo chauh a ni e, Sawntlung ah chuan silaimu a beh hian a bet khat tuar thei hial a
Silai a rik zawh Rual chuan Aithura chu a'n dak chhuak dekdek a, Rangzeta a kun leh rual chuan silai a puak ri leh dur a
*
Hrangchhuana lam hawiin, " Ruangchaicheh min thlak hnan tlat mai.! nang Dinglam keiin Veilam aw, Tawlh loh puan silha Thingserh sat ngamsak kan nih kha maw" tih leh Dakchhuak leh zawk in a silai chu a Kap puak leh nghal dur a, Natuar tre ri alo chhuah rual chuan Silai a rawn puak leh ta Dur dur mai le
Hrangchhuana leh Aithura pawh chu sawntlung pawng chuan a phen zo meuh ta lo a niber e, an puanven tlangte chu a hek leh Hlawk thin a
Silai a rik zawh chuan, Silai anhan kap puak ve leh dur a, Dimlam tlangval pahnih chu an thal leh ta Hawl a. !
Dimlam Pasaltha Saichhinga chuan, Tun ah le i bawh ang aw" an tivin tuar a,
Aithura leh Hrangchhuana Chuan an silai paih in, an chemtum Hriam vervawr chu nghet taka hum in Sawntlung phen ah chuan inbeih inring penpawn zet hian an thutung uta, Chu tah leh. Silai a rawn Puak leh ta dur dur mai.! Aithura leh Hrangchhuana chuan, an tawpna nitur a nih hrethiam in "Pakhat tal Fam Ro lungmual ah chuan liam pui ve ang aw" ti rilru pu in Sawntlung phen atang chuan an zuangchhuak nghal zawk bawk a
Dimlam valrual ten Silai kap ruaka rawn bawh tumin an rawn chim huk dawn emaw tia Silai muleng kara zuangchhuak Nghalzawl pasaltha pahnih damkhawchhuah beiseina nei tawh lo, Phuba lak chaka thisena tuihal te chuan an thil hmuh chu mak tiin an ka ta ho a
Bumin an awmta em ni.?

@@@@@@@@@@@@@@@@@

Hmahruaitur Pasaltha rual sawmtha zet an chhuah hnu lawk chuan, An thlang lam Fing nga vel zeta hla a silai Za chuang fe puak ri ta ulh ulh chu hria in, Nghalzawl Valrual te chuan an thiante'n puih an ngai tih hrilh nawn an ngailo tlang kher mai.!
Pasaltha Keitawna'n " Chu le" a tih ruala a thuam famkim chuh nghal in, A dawkthla nghal purpur a, Tlangval dangte pawn um zui nghal thuaiin, Fingthum zet an tlan hnu chuan, Pasaltha Hmahruai ten Kapthiaua anlo bawisawm lai chu an zu hmu a
Hrangchuanga chuan an rawn tlanthlak chhan tur awm pawh hrethiam nghalthuaiin, "Thlanglam ah khuan, Dimlam ho dang tumin Pasaltha Aithura a mal tan e, puitur in Pasaltha Hrangchhuana a tlan thla tawh Hmanhmawh angai e" Tih leh thlanglam pan chuan a tlanthla ve nghal puatpuat a,
Lal Aizika Hlauthawng lutuk chuan tah aw tuau hian "Aithur, Hrangchhuan lo zam hlek su aw, i pa ka rawn kal e" a ti thla luah luah a,
Pasaltha Keitawna pawh a bangbik lo, A farnu neih chhun fapa Aithura'n Dimlam Valrual Zachuangfe a mah chauha a hmachhawn chuan thiante chhanhim duh vang a nih ngei a ring nghet nghal bur a, Hrangchhuana pawh Dimlam valrual zachuangfe hmachhawntu a thianpa Aithura puitur chuan, thianchhan thihngam lu pu in Thinna hlimkawr a pan ruakruak a ni tih pawh hrethiam nghal in, A Tu te thiandun chu a chhuang in, Nungdama hmuh hman loh a hlau kher mai.! Chak leh zuala tlanthla in, " Pasaltha te u, Lo tang fanfan ru aw, Thianchhan thihngam tawlhloh puan silha thingserhsat valrual kan lo kal e" tiin a au thla ruai ruai bawk a, Tlangval rualte pawh chuan Lal leh Pasaltha Keitawna rilru angtho chu pu in, Phuba lakchaka tuihalna leh Nghalzawl Tlangval chhuanvawr te pahnih Pasaltha leh Lalfapa Puitu ngaia Dimlam Valrual Za chuangfe in an beihrawn tur an mitthla chuan, an thinrimna Meialh chu Meipui ah a chang zota
Tlan hmasa Pasaltha Saithata, Pasaltha Keitawna,Pasaltha Hrangchuanga, Pasaltha Thanghlira leh Hrangsira te chuan, Aithura leh Hrangchhuana Sawntlung phena Tawmdun.Dimlam Valrual ten Phentur pawh zawng hranlo a anlo kah rawn nghek nghek lai chu an zu hma ta. Tlanpah chuan an Silai chu an han kap thla ve nghal durdur a, Silai theh thla in, Ipte puia An chemtum ah chu phawrh in, Aithura te lam Pan chuan an rawn dawk thla zawk zawk a
*
Aithura leh Hrangchhuana chuan Thi ngei tura in ngaiin, an rilru zawng zawng Dimlam ho lama pe a hmachhawn in, An hnunglama Puitu hmel duhawm tak te rawn tlanthla kha anlo hmu miah lo hi alo ni a, Aithura hnunglam hawi zawk chuan a hmu ta, Hrangchhuana chu kheuh zauh in, Hrangchhuana pawh chu, Thihna Belchhungata chhuak ta ang huaiin Lawm avang mittui parawl kuangin a nuita Vurvur a
Phuba lak chaka thisena tuihal Valrualte chuan, An pasaltha te thiandun, Thah ngeituma Phentur engmah zawnglo a lo kah rawn tu Dimlam Valrualte chu tlanpaha kap thlu tawp tawp in, An silai theh thla in, Chemtum nen Dimlam Halkha ho chu an Sat thal nghal tawp tawp a,
Dimlam ho pawn, An beisei loh thil lo thleng chuan a barakhaih in, Chet dan mumal pawh neilo in, an theih ang ang chuan anlo beilet ve takna in, Phuba lak chaka thisena tuihal Valrualte hma ah chuan an tlu ta zawih zawih hi a niber e, Aithura leh Hrangchhuana pawh, A hmaa thisa a in ngai thihpuitur an melh kual rulh rulh ang kha anni ta bik lo, Phur leh tha tho zet in, Dimlam valrual an hmaa lo dingte chu an sam pheive ta buan buan a
Dimlam ho chu an hek heuh heuh kher mai.!
Lal Aizika chuan " Chimih vek ang aw" tiin a au ta lauh lauh a
*
A tamzawk Dimlam valrualte chu Zamtanin, Phuba lakchaka Thisena tuihal Valrualte erawh Thathona leh phurna chuan a Chim vel huthut thung a,
Inbuan bak ngam neilo, Hrangsira pawh, Nghalzawl pasaltha te leh Lal Aizika te hona hnuai ah chuan, Pasaltha thisen kai a nihna alo lang chhuak ve ta
A palenna leh a chakna chuan Dimlam Pasaltha Khawtinngama Kawlhnam seirengruang, Khawchhak thir tha mi a siam chu an Vai kual pap pap a, A hmaa chhuak leh vawikhat a sah tlukpui lo reng an awmlo, Chema lo in dangve te pawh kawlhnam thirtha zet a, nalua awmlo khawpa a sahna chu lo indang zo awmlo in, an chem chawp chuan a fik hmawk hmawk mai zel a
Dimlam Ho tanhmun phet laklawh chu remchang ah la in, Pasaltha Keitawna chuan " Lusei tan aw" Tiin hmalam chu a han bawh leh ta buan buan a, Phuba lak chak valrual te chuan Haw haw chunga Dimlam ho an han bawh tak tak chu. Dimlam valrual Zamna rilru pu tawh tan chuan Tang reitheih rual a nita lo, Mi sawmhnih tha zet chuan an chem thehthla a thingthiin An in pe tha mairenga,
Lal Aizika chuan Thi leh hliam in chhiar tur leh Dimlam ho chu Hnungkhirh vek turin thu a han pe nghal thak thak a, Nghalzawl leh Phulpui valrual te chu tumah thi leh hliamna lutuk an awmlo hlauh a, lawm avangin an in chibai sapsap a, Lal Aizika chu a Hawikual ruai a, Pasaltha keitawna chuan lo hrethiam in, "Aithur khawnge Pasaltha Vawmkaia" tiin, Aithura leh Hrangchhuana chu Hlauthawng rutak chung chuan a han melh tawn a
Aithura leh Hrangchhuana chu an ding ngawi reng a
Aithura chuan, Mittui tling piau in, Sawntlungpawng chu a kawk ta ringawt a
Sawntlung phena Pasaltha Vawmkaia Nunna nei tawh lo tih hriat tak a lo mu dang bei an hmuh meuh chuan, Phubalak chaka thisena tuihal valrual te chu thinrimna Meipui alh hluah hluah chu, Vurnun belh a awm in a trek chuai chuai hi a ni ber awm e
*
Lal Aizika chu lo tawng chhuak in
"Ka Pasaltha Vawmkaia Mite en tawn hi A nun inlo chhat a maw.? Tiin Dimlam Ho nun hluta in pete lam chu a pan ta chherchher mai, Pasaltha te pawh chuan rawn zui in, Lal Aizika chuan, Dimlam Pasaltha Phawktiala Chhipsama Thamin a dintir a, Ka Pasaltha Nun chhah chu thihna ai pawn a hlauhawm zawk a sin, tih pah chuah, Phawktiala Nghawng chu a Zai a hrawih a, A thisen rawn chikchhuak puatpuat in leiah chuan a thingthi hnawk a, sirzawnga tluin, a kechu a in khawng sai detdet a, a zal ta riai riai a, Chu tah le, Pasaltha te leh Dimlamho hnaia awmte chuan, Dimlam ho chu Khawngaihna tel map lo hian an Sat ta sawksawk a,
Lal Aizika chuan, Pasaltha Vawmkaia Ruang Chu thut chilh in, "Vawmkai, Ka pasaltha chhuan vawr, Tlawmngai leh mi nun tlawm, Ka khaw tana Khaw lailum ah pawh awm duh lo a Khawdai ngul dik tak I nun mite entawn, i thihna hian kan nun ah nghawng a nei reng anga, i thisen hi a thlawnin a luang lo ang.Thisen ai ah thisen a luang ngei ang" tia mittui khap per saksak in,Phuba lak chaka thisena tuihal Thinlung sakhat alh pawppawp te lam chu hawi leh in, "Zanin ngei hian, Dimlam Lal Vandula Lu ka duh e. Pasaltha Keitawna leh Pasaltha Thanghlira te khan pawlhnih ah inthen leh ula, Pasaltha Saithata hoin Aithura leh Hrangchhuana leh Hrangchuanga te Unau khan Dimlam khua lo zuk en thla ang che u, Zanin Nitlak hnu Leh Thlaseki a chhuah hma ngeiin Dimlam khua hi Meialh ah kan chantir tur a ni" a ti ta chheuchheu mai le
*
Lal Aizika Rorel ang chuan, Saithata ho in Aithurate chu an kalchhuak nghal a, Pasaltha Thanghlira leh Pasaltha Keitawna ten mi Sawmhnih leh panga veve a pawl siam in pawlhnih ah anin then nghal bawk a
Pasaltha Saithata Pawlte chu Kal zel in, Ni in Sukchen zeta Kawl a liam dawn ah chuan Dimlam khaw in zasarih Phai chamduaia lo bawkphek run chu an hmu thei ta,
Fimkhur leh uluk zeta pan hnai zelin Dimlam kulh bang tawng sawmpahnih zeta sang chu lungvawm phak lek atanga thlir in luhchhuah dantur an melhru kara
Lal Aizika leh Valrual te pawh Muangchanga rawn kalin, Kulh vengtute hmuh phak loh ah chuan Chawlin Enthla tute thu ngaichangin khua anlo ngak thim dawn a ni.!
Pasaltha Saithata leh a Naute chuan kulh luhchhuah dantur chu zawisap hian an han sawi ho a
Hrangchuanga chuan "Kulh luhchhuah tur chuan kulh hi kan hriat chian hle angai hmasa ber dawn a ni.! an ti dapdap a
Aithura chuan " kan hmuh angin kulh lian zet mai a ni a, Lal Ber kan thuhnuaia a awm hmasak ber phawt angai dawn a ni.!
Lalin pawh khawlaili ah tak a awm ka ringa, mahse zeldinna chauh a ni e, Pasaltha Saithata'n rem i tih chuan, phulpui pasaltha Hrangsira nen kulh dinglama kalin Kulh beih natur panlai lo en thlithlai ula, Hrangchhuana leh Phulpui pasaltha Hrangchuanga te'n kulh veilam ah kalin Beihna tur remchang zawngin, kulh hi kal hual ve bawk se, Keiin, Kulh luh ruk dantur ka lo thlithlai ange, "tiin rawtna ahan siama, Rem an tih tlan hnu chuan, Pasaltha Saithata chuan, "Nitlak rualin helai hi thlenkim vek kan tum dawn nia, Lo kir lo te chu, Lo kir tawh lo tura ngaiin Kan thian min lo ngaichang tute awmna lam ah kanin liam san dawn nia, Tin. Dimlam kut mana kan awmta a nih pawhin, Tumah nghalzawl leh phulpui valte kan nih thu zeptlat ah kan ti a niang chu," tia thu tlip in mahni chan lam theuh ah chuan an chhuak ta sap sap a
Kulh chunga Dimlam tlangval ralvengte hmuh loh tur zela kal in, Pasaltha Saithata leh Hrangsira te Chuan kulh Kawngka thlanglam chu an thleng Theita a, Kulh ah chuan Sal leh a neitute inkai lut duh duah pawh an hmu nual renga,
Hrangchhuana leh Hrangchuanga kalta pawn Kulh kawngka chhaklam chu an thleng ve bawka, mahse, vengtute tihloh chu hmuh tur reng anawm lo
Vengtu tlangval sawmhnih lai an awm avangchuan luh pawh a har hle dawn ani tih Hrangchhuanate chuan an hrenghal mai a
kal leh zelin, In au phak tawk vel leklek ah chuan Ralveng tlangval te chu kulh pum hual chuan an din thliah avang chuan luhruk chu Vana Arsi lak tum anghlauh a ni dawn tlat mai.!
Pasaltha Saithatate leh Hrangchhuana te chu in Tawk in, Pasaltha Saithata te rawn kalna lam thlanglam a tang chuan an let leh ta a, Kulh kawngkhar thlanglam an thlen chuan, Hrangchhuana chuan, "Sal rual kar ah hian ka lut anga sal angin khua hi ka lut ve ange.! Zan ah Inrawn beih hun ah pawh Sal thahnem fe lo hmin ka tum anga kan tan kawng a awl deuh mahna" tiin pasaltha Saithata chu a han melh a, Pasaltha Saithata chuan " Nilo e, Lalfapa meuh chutianga i awmte chuan. khua pawh kan hawi ngam nang le, Keimah zawk ka kal nge" tia a kal tur chu, Hrangchhuana chuan pawt let sawk in, a mah chu salho kallai A neitu leh Vengtute hmuh loh lai chuan a kal lut ve ta zauh a, Chu tih rual chuan, Hrangsira thahrui ngahzet chuan Sal pakhat Upa lam tawh lo kal chu a Ka hup in a pawm peng ve zauh bawk a.
Hrangchhuana chu Sal kara kal in Kulh chhunglam pan chuan a lut chho ve ta zel a,End of epi 21
*

(Hriatve maimai atan, PASALTHA Aithura Story hi, Post hnuhnung ber atang epi 4 emaw tal (a tlember ah) ziah lawk thin a ni a, Ni 4/5 vel Type theih/hman loh vang in a chatlak phah dawn lo a ni.! mahse, Net a that loh emaw phone a chhia a nih vaih chuan, Kan chu ti der a ni mai.!!! )

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 28th, 2018, 6:56 pm

PASALTHA - AITHURA - EPI -22
Awmtea Fanai (Hrangtling)
*
Kulh kawngkhar thlanglam an thlen chuan, Hrangchhuana chuan, "Sal rual kar ah hian ka lut anga sal angin khua hi ka lut ve ange.! Zan ah Inrawn beih hun ah pawh Sal thahnem fe lo hmin ka tum anga kan tan kawng a awl deuh mahna" tiin pasaltha Saithata chu a han melh a, Pasaltha Saithata chuan " Nilo e, Lalfapa meuh chutianga i awmte chuan. khua pawh kan hawi ngam nang le, Keimah zawk ka kal nge" tia a kal tur chu, Hrangchhuana chuan pawh let sawk in, a mah chu salho kallai A neitu leh Vengtute hmuh loh lai chuan a kal lut ve ta zauh a, Chu tih rual chuan, Hrangsira thahrui ngahzet hian Sal pakhat Upa lam tawh lo kal chu a Ka hup in a pawm peng ve zauh bawk a.
Hrangchhuana chu Sal kara kal in Kulh chhunglam pan chuan a lut chho ve ta zel a,End of epi 21
*
Hrangsira'n A sal pawh a thlah rual chuan, tawnglo tura zaizir in, Pasaltha Saithata chuan thilawm zia a han hrilh zung zunga
Chu sal putur chuan Chiai lo leh Hamhaihna nei lo zet hian, Nghalzawl Lalfapa chu an sawi ang chiaha Huaisen alo nih ngat chu le, A thianpa Aithura Chu tuber hi nge?" a tih zawm zata, Saithata chuan, a ni chuan min lo nghak reng tawh ang, Titeh u, i kal thuaithuai teh ang u, Khaw thimhma ngeia in nghahna ah khan thlentur kan ti kha a ni a, kan thleng hman dawn talo a nih hi" tiin hma a hruai nghal zat a
In nghahna hmuntur an thlen chuan, Aithura Leh a hnuhma reng hmutur alo awm tawh lo a. pasaltha Saithata chuan, Nitlak ruala helai thlenglo chu kan tih kha maw i kal leh phawt mai teh ang u tiin, Phuba lakchak Thisena tuihal thinlung Alh vutvut a thu hlehle thei tawh lo valrualte awmna lam pan chuan anin chhirchhuak leh ta nghal a
*
Hrangchhuana chuan a mit len kual rengin, A bula mite chu, tu sal nge an nih tih te enge an thawh tih leh an kalzelna tur te chu a zawt nghal mawlawlh a,
a hriat duh an hrilh hnu chuan, a kut chuan lei zu tham zauh in, Chil a chhak phurh phurh a, A hmai leh taksa ah te chuan a in chulh phah ta zauh zauh a,
Lal Mual an thlen chuan, Salte chu an kal then ta phawk a, Upa deuh te chu Lal in hnuai ah chuan an lut zela, La valai deuhte chu, Lalinbul in lian zet a chhuat lei char leh a bang maupuma tawn kawkalh a ansak ah chuan an lut ve thunga, Kawngka bul ah chuan Mi pakhat hian alo chhiar nghauh nghauh bawk a
*
Pasaltha Saithata te anlo thlen chuan, an zinga hmel hriat loh pa upa lam Lo telve leh Aithura leh Hrangchhuana hmel langve ta lo chu mak tiin anlo en deuh hruhru a, Pasaltha Saithata chuan thil awmdan hrilh zungzungin, Aithura erawh in nghahna an siama alo awm loh vanga rawn kalsan an nih thu a sawi chuan an thum deuh hak a, Dimlam ho chuan anlo man ta nge ni anga, Ramhnuai ah lut in kawng abo ta zawk nge ni ang.?
A ngaihna an hrelo tlang hle a,
Pasaltha Keitawna lo tawng in" Aithura zawng a pa ang hlauh, pasaltha ngang a ni a, a ngaihtuah awm loh ang, a ngaihtuah awmber leh a chheber dawnin, Dimlam ho chuan lo man ta tehreng pawh nise, Dimlam khua meialh a chantir kan tum tho tho a, Chet lak dan tur rel vata chetchhuah a tha ber e, " tiin Lal Aizika chu a Tawnghmawr hmuh zauh a
Lal Aizika pawh chuan, Pawmpui in
Pasaltha Saithata te Sal rawn hruai haw chu a han thlek vang vanga, " Ka hriathnu i ni ngat mai" a tichhuak hluaia,
Sal putar pawh chuan, "Aihlinga Nau" tiin Lal Aizika chu a kawk deuh vun a
Pasaltha Keitawna lo hnaiin, Tu maw kan khual chu ni reng reng le" a rawn ti phei chhurchhur a, Sal putar chuan, lo en in, Heipawh Aihlinga thianpa Keitawna maw? " alo ti leh hu a, Keitawna chuan Thlek vang vangin, Lungpuilian Khaw Lal Vanuka maw" a tilet ve thung a, Kut thing meuha in chibai in, Pasaltha keitawna chuan chanchin a han zawt a Lal Vanuka chuan run an nih a tang atunhun thleng sawiin, A mit atangchuan min tui alo far kauh kauh a,
Lal Aizika chuan, " Lungngaiin indawm kun reng tawh suh khai! Lusei te min ti mang anga an nawm an maka min phingchil tute chu zanin ngei hian An khua Dimlam hi Meialh ah kan chantir dawn a ni.! " tia hnem in a mah pawh chu a in sehruh teuh a
Vanuka chuan, " inhrelo a ni.! Dimlam khua hi chu in hal darh vek pawh a nithei e, Amaherawh chu Heng halkha ho hi Khawhrang hrang anin unauna a tha em em a, an tangrualin, Beihtawk te reng reng khawdangin phuba laksak in a khua khua in an chimih thak thak zel a sin, Tin. 'Bama' ho hian an ralthuam thatha nen a puiin keini lusei. in lungruallo leh mahni leh mahni in run thinte hneh maimai chi an nilo, Ngam loh chala chil hnawm hlauh awm tak a ni e"
Tiin Dimlam khaw run in nghawng a neih nasat tur zia te chu a sawi ta kauh kauh a
Lal Aizika Lalfing leh remhria Chu a ter ta at mai.! "Halkha maw, Hlau mahta che, Thithei ve tho an nih khu" ti chauha chhangin, a kalsan ta nghal a,
Pasaltha Keitawna chuan, Dimlam khaw valrual mi Zali dawnlai anlo chimih dan te chu Lunglianpui Lal Vanuka chu a hrilh ve keuh keuh thung a
Vanuka chu mak tiin a meng phar awn awn a, Khang Dimlam valrual Lusei valten an dangzo pawha a rin ngailoh, tawrawt tak tak te Pasaltha khawtina te Unau ngat phei chu Mal beiha hnehtu awm theia a rin loh vei nen, Khawtinngama thattu Hrangsira Tlangval la naupangte lian zet chu a thlir tlawk tlawk a, Dimlam khaw in nghahna pasaltha chhuan vawr Khawtindala Lu latu Aithura phei chu, Aithura do ai khawsarih do pawh athlanawm zawk ngei ang tiin a rilru a kawmta mial mial a
Khua a thimta maw tih ah chuan, tlangval te chuan chhun lama an dap tah tungin, Eirel an tan nghal zung zung a
Chaw an ei puar fel meuh chuan Lenghnawt Ar khuan hun awm vel niin, Lunglianpui Lal Vanuka chu Kapthiaua enkawl tura dah in, Dimlam khaw lam pan chuan Phuba lak chaka thisena tuihal thinglung alh hluah hluah thinrimna a khat leh rilru fimkak si te chu anin zui chhuak ta dam dam a
*
Hrangchhuana pawh Sal an dahkhawmna ah chuan a buai zak zak ngei mai.! Vengtute hriat hlau tak siin, A tawlh hret hret a, bula mite bengbul ah rawt hnaihchilh in a titi pui kual zel a,
Lenghnawt Ar a khuan thliah thliah meuh chuan Sal Sawmnga rual zet chu a hmin kim ta, Mahse, engtin nge ni zel ang tih erawh a mah ngei pawh chuan hrethiam lo in, Thiante rawn chet hun nghak in an thu ta thap a
@@@@@@@@@@@@@@@@

Dimlam khaw hmuhtheihna an thlen chuan, Pasaltha Saithata Sawina Eng a tang Lal Aizika leh Pasaltha te chuan Dimlam khaw lian leh kulh in chhawng vuh chu thlirin Ralrel an tan ta
Lal Aizika Lal fing leh ralrel thiam a nihna lo lang leh in, "Chhunglam ah Hrangchhuana a awma, Eng emaw chu a ti ngei ang, Aithura pawh hi a awm lo ang tih a hriat hauh loh, Engpawh nise, annin chaurau ek an thai a nih pawh a Dimlam Chimih vek hi kan tih makmawh a ni.! Pasaltha Keitawna pawl ten Kulh kawngkhar a luh tum in a lang apauin bawh sela, Dimlam Ho in Kulh kawngkhar lama rilru an pek ve leh kulh veilam kil ah hian Mau tlawna in hawlh kaiin Pasaltha Thanghlira ho in luh kanlo tum dawn nia, Pasaltha thanghlira ho a kan luh theih ve leh kulh kawng khar rawn hawng kan tum anga, Pasaltha Keitawna leh a pawl ten Lal in lam ah Lal Vandula kan thuhnuaia dah tumin in lek chhuak leh nghal vat dawn nia tiin ropui a rel ta rup mai.!
Pasaltha Keitawna leh a pawlte chuan an tihtur ti hlawh tling tur chuah an kal nghal zung zung a,
Pasaltha thanghlira pawl te pawh Kulh, Tawng sawmpahnih zeta sanga in hawlh kaina tur Rawpui chang seitha rengruang satin Ngaw hnuai ah chuan an lut leh ta rih a,
Rawpui Maltia zet zet Sawmhnih lai Sat in tawng Sawmpanga laia sei ah an tan leh vek a,
Dimlam Kulh kawngka Veilam ah chuan Pasaltha Keitawna te chet hun nghak in inring tak chuan an thu ngawi ta thap a
Pasaltha Keitawna chuan A naute chu fuih mawlh mawlh in, Tanhmun rem chang an han zawng sapsap a, Kulh kawngkhar vengtu Tlangval Sawmhnih rual kulh chunga vei thauhthauh te chu pakhat theuha chan in sem in, Pasaltha Keitawna'n "Khai le" a tih rual chuan Silai sawmhnih chu a puak rual thawt a, Kulh chunga Dimlam tlangval sawmhnih te chu an thal thla ta nghal tawp tawp mai le
Dimlam kulh chhung ah chuan Talhkuang a ri ta kauh kauh a, An beisei loh lutuka Silai ri an hre a phut chu a then phawklek in, an chiau tengtung reng a
Chu tah le, kulh chhunga tlangbal awm zawng zawng vengtute tih loh chu lo fuankhawm in, Kulh chung ah chuan tanhmun an siam nghal rap rap bawk a
Pasaltha Keitawna chuan "Khai le" a'n ti leh thawt a, Kulh chunga Dimlam Valrual Luther fur a bawk te chu an thal leh ta phawkphawk a
Mahse, An silai kah alhsen zuai chu Dimlam Tlangvalte Silai mu chuan a rawn zawng tlat mai.!
Nun chan em awmlo mawhse, Hliam erawh an tuar nghal nual mai reng a
Pasaltha Thanghlira chuan Rawpui ler lam pahnih chu vuan in, Tlangval satha deuh pali leh Hrangsira te chuan Rawpui bul lam atang chuan, A hmawr lam chu an ti kang vuvu in, Dimlam khaw kulh ah chuan an han tung ta chat a, Chu tih lai chuan, Pasaltha Khawtinngama silai ngei mai chu Hmangin Lal Aizika chuan In Au phak tawka ralveng ding tlangval te chu alo kap thla ve tawitawp bawk a
Pasaltha thanghlira Kulh chung a thlen chuan, Ramhrui sei zet a kawnga a zem chu phelhin a rawn thlakthla nghal hnuk a, Pasaltha Hrangchuanga pawh rawn thleng chho ve nghal in, Tlangval dang pa riat zet pawh an rawn thleng chho ve leh nghal thuai a, Mi dang zawng chu ramhruia rawn uai chho in, Kulh kawngkha lam chu an pan ta them them a,
Mahse, an beisei leh ruahman ang a nita hauh lo mai.!
Kulh kawngka lam ah chuan tlangval Za chuangfe hian tanhmun tha fe anlo nei tlat mai.!
an silai theuh chu uluk taka tinin, Kulh bula Dimlam valrual te sirlam atang chuan an han kah rawn ve leh ta a leh. Dimlam tlangval Sawmhnih leh parit chu an thal thla leh ta hawlhawlmai le, Dimlam ho hawibuai lai chu chuh in Lal Aizika chuan, Pasaltha keitawna te chu au in Kaptur chuan a han ti leh lauh lauh a, Silai sawmhnih zet chu a han puak ri leh ta durdur a, Dimlam tlangval Sawm tha zet chu an thal thla leh ta Hawl hawl mai renga
Pasaltha Thanghlira leh a pawlte chuan Silai zen sawh sawksawk in Dimlam Tlangval te chebuai lai chu an han kahrawn leh ta ngheng ngheng mai le, Lal Aizika pawh chuan a lang hmasa sa chu alo kap thal tawp twp bawk a, Dimlam tlangbal te chu an hek heuh heuh ngei mai.!
Mahse, a lununga tam ta hrimhrim chu. An pungbelh zel emaw tihtur hian thita te hmun ruak chu anin luahkhat leh nghal zungzung a,
Pasaltha Keitawna te lam a tangchuan Silai rawn puak ve leh mahse, Pasaltha Keitawna silai chauh a puak ta tlatai.!
Lal Aizika Ngaihthalo in Kul pawn lam chu a han thlir Vangvanga, Chu tih lai chuan, An awmna kulh chu nghing lawih in, Tawng sawmpahnih zeta sang atangchuan an tla ta vawn vawn a,
Lei an thlen rual chuan, Dimlam Vawlrual Sawmnga zet hian rawn bawh chilh nghal in, an zavai chuan An hnung khirh ta mawlh mawlh a
*
Pasaltha Zahlira Dimlam khawnghak tura Lalin a dah chu lo au lauh lauh in, "Tlangval Sawmnga vel khan Kulh pawn lama Mite kha va man rawh u le, Pakhat chauh in silai a Hmetpeak thei tawh fimkhur tak in han kal ula, Lo tang deuh anawm chuan in thal nghal tawp tawp dawn nia, Tlangbal Rangveng turte kha lo awm ula a bak zawng in kan miman te hi Lal tual kan pan pui dawn nia" tiin ro a han rel nghal zung zung a,
Lal tual ah chuan, tlangval zarual zet te chu an ding tlinghmur a, Lal Vandula in chu thehmeh ang hlauh. a reh hian a reh tlawk tlawk a, Nakin ah chuan Lalin kawngkhar chu rawn in theh hawng thuai in, Lal Vandula Nghawnga Lulak chem in chuktuah chung a rawn Kuah chhuak tu tlangval chu tu nge a nih hriat tumin Dimlam valrual, Nghalzawl leh Phulpui lam te chuan an ring an fan iak iak a
Pasaltha Keitawna chuan, " Aithura, ka rindan chiah" Zawite hian a ti sapa
Phunzawi hle mahse, mitkhap kar lek in Lal Vandula Nghawnga lulukchema Chuktuah tu chu Aithura a ni tih anin hrilh kual kim hman vek hial reng a
Aithura chuan " In ralthuam zawng zawng kha in dah loh chuan Lal Vandula hi a lu ka la nghal ang" ring lenglawng hian a au fiak thak a, Dimlam pasaltha Zahlira chuan"tlangval fimthu i va duh ve, i thurualpui heti zat kan man tawhte hi Chan vek i hlaulo em ni.? Kulh pawna awmte pawh Hruai mek an ni leh zel bawk a, Rawnin pe la i nun ka zuahsak ang che" a tilet ve khauh mai.!
Aithura chuan, "Nangni Sala awm ai chuan In Lal Vandula Ruala pialral a lawi ka thlang zawk e, Lal Nunna aia hlu i neih a hnu Dimlam in Lal in nei ta lo e" Tih pah chuan a Vandula mghawnga a chem chuktuah chu la sawn in, Zak kau meuh a sah a tum ta maia, Aithura'n a chem a vai thlak dawn lai tak chuan, Silai lo ri dur in, Aithura Sir lama Dimlam Valupa pakhat Silai keng chu Thal hual a, In chhung atang Hrangchhuana lo chhuak in, Che leh hlek in awm a nih chuan i hlawm tawp zel ang" a rawn ti Cher chher mai
Pasaltha Zahlira chuan, "I huai awm hlemai awm, Mi hmachhawn ngam ngut emaw chu" Chu chona chuan Hrangchhuana phuba lak chaka Thisena tuihal chu a cho chhuak chiang kher mai.!
"Lusei Val kan zamngai lawnge tihpah in Lal tual ah chuan a tumthla nghal chhek a,
Zahlira chuan, abula mi hnena a silai pek pah chuan a phun bul bul a, A phaw leh kawlhnam kenga Hrangchhuana chu pan pheiin,
" Ka chak a nih chuan Lal kha i chhuah tur a ni ang, chu chu i pawm em.?" tiin Aithura chu a melh chho ngar a,
Aithura chuan " Pawm tehreng e, I chaklo a nih chuan in ralthuam dah in, in inpe vek tur a ni ang" a tive thunga, Dimlam pasaltha Zahlira chuan Tlangvalte lam chu hawiin, " Inhria maw, Ka chak lo a nih chuan in ralthuamte in dah dwn a nih chu," tia au in ngeiawm zet hian a nui khek tuar tuar a, Hrangchhuana lo tawng ve leh in " Fin kherek chhuah tum lo khan kan thiante saw phelh ve phawt ula mawle" alo tive lehta khauh mai
Zahlira nuilai chu a tawp chat a, Hrangchhuana chu en ding vangvangin, " Tlangval mi cho chiah nange.? I thusawi kha tanpuitu au AW a va angve." a tilui salh a, Mahse, Lal thisenkai Hrangchhuana chuan a chapona dahtha in, an vavaia himna tur chu a hreve tlat, "Cho teh reng e, tuibur hmuamda ain ka dahtha thei ang che, Nanghian Kan pawlte hnungkhirh tlata anawm loh chuan mi cho lo zawk te hi a ni lo maw" a ti let ve ta khauha, Dimlam pasaltha Zahlira, Khawtinngama te unau awmloh a inla vungve emem thin chapo zet chu a ma thangkam ah a awk ta, "phelh nghal vek rawh u" tiin Tlangval ho chu a vin tuar tuar a
Dimlam tlangval ten an phelh zawh chuan, Pasaltha Thanghlira pawl te leh Lal Aizika te chu Aithura awmna lam ah chuan an an silai theuh la in an kal ta vek a,
Dimlam Valrual Za zet Lal tula awm te leh Phuba lak chaka thisena tuihal valrual Sawmthum zet Lal luhkapuia awmte chu anin hmachhawn ta ut mai le
Dimlam Pasaltha Zahlira chuan Hrangchhuan chu dawkzawk lhawpa rang hian a han sat ta fua a, Hrangchhuana chu lo vir zawk in, A sir lam ah chuan a zuang zawk a, Zahlira Chem chuan a nghawng a chhawk bung teuh therther kher mai.!
Zahlira chuan " Kha chu aite chjinna chaih a ni e, Inring hle rawh aw" tihpah chuan a han zuan leh zawk a, Hrangchhuana chuan, Zahlira Chem chu a chema lo dangin, Zahlira phaw ah chuan a tlawh ta zawt a, Zahlira pawh hnunglam ah chuan a kat dawtdawt a, In siam rem leh thuaiin Naua i fiamtlak dawn hlemai.! tunge maw i nih reng reng le, Kei Dimlam Pasaltha khualkai meuh mi hmachhawn tu hi le" tia deuh sawh fe hian a nui lui sak a
Hrangchhuana chuan " Nghalbual khaw Lal Chunglura Fapa Hrangchhuana ka ni ngai e" tiin Zahlira chu a zuan phei ve nghal zawk a,
Zahlira chuan a phaw lianpui chuan Hrangchhuana chem leh a mahchawp chuan lo Nawrnawk in, a chem hriam sei zet chuan Hrangchhuana nak zawn ah chuan An sat chawrh a
Hrangchhuana Chu alo lum sawn hman hlauh mai
Hrangchhuana chuan Bawh hmasak mi anilo tih a hre chiang tawh kher mai.!
*
Zahlira chuan, Nghalbual maw, i nu Lal khumpui ka kaipui laia Nuam a tihzia leh I pa Hlau mangang tenawm zia mawlh kha" tiin Hrangchhuana chu tihthinrim tum zet hian a mawilo taktak in a tawng khum zuah zuah a
Hrangchhuana chuan "Khai aw, Hmeichhia ang leka i phun tak hmuar hmuar le, Kha le keimah Mipa diktak aw" tih pah chuan, Zahlira Lam ah chuan a intheh phei zawk a, Rangzeta let leh nghal in, a beisei ang ngei in, Zahlira chuan, Hrangchhuana intheh phei chu a phaw rinchhan a lo in dang in a chem sei zet chuan a rawn vai nghal fua bawk a, Hrangchhuana Rangzet a let leh chuan, Zahlira Chem vai kal pel rual chiah chuan Zahlira nghawng zawn ah chuan A chem chu an vai phei ve vuai a,
Dimlam Pasaltha Zahlira Lu leh taksa chu a tla hrang nawlh teuh ther ther hlemai, Hnunglam ah a in theh thlu hman hlauh a, Hrangchhuana chem lak ah a him hman hram e
Mahse, a in theh thluk rual khan a phaw lian zet chu a thlauh ta tlat mai
Hrangchhuana chuan, " Dimlam pasaltha Hmeichhia anga phunchiar zet chu beih taktak tlak i awm dawn na nge. Tho teh khai mi tluhnu ka bei duh lo e" an tilui ve kher a
Zahlira chu a tlawmla kher mai.! Muangchanga rawn ding chhuak in, "Kan lalpa Vaubet chung lo chuan mi bei ngam lo zawk a niang maw.? Khi kan Lal Vandula chu I thiante Vaubehna hnuai ah a awm tlat mai.! Chet thawh ve ngam na tak tak pawh a nih loh hi" a tive leh khauh mai
Hrangchhuana chuan, " Kan Pasaltha chu i phunchiar rauh hlemai a, Khaw nge Aithur Vandula chu han chhuah ta poh che" a ti lunglung a,
Aithura'n Vandula a chhuah chiah chu Zahlira chuan a thawh paha Vaivut a tham chuan Hrangchhuana hmaiah tak vawm in, Hrangchhuana mitmim tal buai lai chu sah fuh ngei tum chuan, A Kawlhnam hriam sei zet chuan a vai phei ta nghal zawk zawk a
End of epi - 22

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 28th, 2018, 6:56 pm

PASALTHA - AITHURA - EPI - 23
Awmtea Fanai (Hrangtling)
*
Aithura'n Vandula a chhuah chiah chu Zahlira chuan a thawh paha Vaivut a tham chuan Hrangchhuana hmaiah tak vawm in, Hrangchhuana mitmim tal buai lai chu sah fuh ngei tum chuan, A Kawlhnam hriam sei zet chuan a vai phei nghal ta zawk zawk a
End of epi - 22

*
Hrangchhuana mitmim mengtheilo chuan Zahlira rawn chet nghal ring in hnung lam ah chuan a tawl nghal dawr a, chu tih rual chuan, Zahlira chet dan chhuikir nghal in, Mitchhing chung pawh a Zahlira chem laka a himlo a nih chuan a mah chu thisa tluk a nita, A ngaihtuahna zawngzawng sawrbingin, Zahlira Rawnche buanbuan kechheh ri a hrethei ta, Chu kechheh ri lo chhuahna lam ah chuan, a chem hriam vawr chu a vawm vir ta zawk a.!
Natuar tre ri leh leia tluin a zawm nghal zat a, Hrangchhuana chuan bawh phei nghal zat in, Zahlira ke bung lek lek na ti lutuk vial ngawih ngawih nak ah tak chuan A khup in a han do leh ta nghek mai a
Zahlira na ti leh Hnang eu kual vel chu hmu ve lo mahse Che leh mai tur chuan a har hle ang tih erawh a hrethei mai a
Hrangchhuana'n a mit a vaivut lut nuaithlak tuma thingthi a, a in nuai chawt chawt lai chuan, Zahlira chu lo tho Chhuak in, Hrangchhuana hnunglam a tang chuan kuah in a nghawng ah tak chuan a Rek ta tlat mai le
Hrangchhuana khawhmu theilo leh A mitthip buai lai pawh chu thaw tha thei lo in a ang ta chuap chuap a
Pasaltha tia mite sawi leh khual ah meuh pawh Lal fapa nibawk Pasaltha nibawk tia anlo sawithin Hrangchhuana chuan mite sawi a dik zia lan tir in, Dimlam In zasarih zet khaw pasaltha chu thawh puiin, a theih tawpa sang ah a han zuan pui ta vawka, a tlak leh lam ah chuan a ma ke chu chunglam ah a vawrh ta vak bawk a
Lei an tlak thlen rual chuan, Zahlira a hnuaizawka tang chu a ek thawt thei hial in, Hrangchhuana a kuah betna pawh a thlah nghal hlawl a, chu hun remchang chu Hrangchhuana chuan a hmaih lo kher mai.!
Rang zeta in her in Zahlira lu zawn awm ah chuan a'n Chum bur mai zawng Zahlira pawh a zawi hnawk renga
Hrangchhuana chuan ala duh tawk mai hauh lo, Zahlira Chhipsam ah tham in a kuai her lawp a, Dimna tel hauh lo hian, a Ringruh chu a Herhtliak ta thuai a
Chu mi rual chiah chuan Dimlam tlangval Zahlira'n silai a kentir khan a silai chu lek kang in, Hrangchhuana chu tin kawh vah in, kahthluk tawp hi a tum a,
Silai a puak dur a, Dimlam tlangval zawk chu a thal nghal tawp a, Dimlam ho hnung lam atang chuan, "Chet tum in awm a nih chuan Ka silai mu hian a Deng zel ang che u" titu lam chu an hawi rual thup a, Mi Zahnih dawnlai hian hmanraw hranghrang kengin Dimlam Lal tual chu anlo din hual thup mai hi alo ni a,
Aithura chuan Tuithawl kengin Hrangchhuana Hmai chu a phih sak ta mawlh mawlh a
*
Hrangchhuana Hmaiphih zo chu alo hawi chhuaka, Lalmual hualtu te chu en in, a nui ta sak a,
Pasaltha Keitawna chuan " Inthiante zawngzawng chu nunna neilo in an awm tawh e, Helaia awmte chauh hi dimlam ralkai thei chin in ni tawh e" an ti zet chu Dimlam valrual mi za lai mai chu an zamchhe kher mai.!
Pasaltha Khawtinngama pawl te leh Pasaltha khawtindala pawlte mi Zahnih tha zet chimih a, Kulh pawna Pasaltha Zahlira tirh mi Sawmnga rual zet te pawh lo that vek tu valrual te lak ah chuan An zam chhe nasa ta mai a
Lal Aizika lo ding in, Tlangval te chu lal tual ah in tlar turin a han hrilh a, Pasaltha te leh tlangval mi Sawmthum zet anin tlar zawh chuan " Mahni nun hlut a inpe te chu helai pasaltha te hnung lam ah hian lo kal ula, Inpe duh lo te chu chimih vek tur an ni ang" a tita chheuchheuh mai
Dimlam tlangval leh mipuite chu an zavaiin anin pe ta vek a
Lal Aizika chuan rorel nghal in, Thi leh hliam anin chhiar nghal vat a, Tumah nun chan awmlo in, Hliam erawh kulh pawn ah khan mi Sawmhnih zet anlo awm a, Zawn ngai erawh an awm lo hlauh e
Lal tual ah chuan Pasaltha Keitawna chu a rawn bai phei auh auh a, Hrangchhuana leh Aithura dar ah Vuanin, "nangni hi awmlo ula Helai ah hian lawmthu sawitur pawhin ka awm tawh hauh lo ang, In huaisenna leh in remhriatna vang liauliau a Nungdam vek kan la ni e," tiin Aithura'n Hrangchhuanate salin a tang a chhanchhuah hnua Lal ina a luhruk dan te, Zahlira'n kulh pawna an thiante an awmthu a sawi ve leh Hrangchhuana'n Dimlam ho salman a chhuah tak te mi Zahnih zet An thiante pui tura a tir thu te, Lal ina an chet dan te an in hrilh ho liam liam chu an hlim tlang ngei mai.!
Lal Aizika chuan, Dimlam khaw mipui zawng zawng te chu sala hruaihaw vek tur leh, Dimlam ho in Sala an lo man te zawngzawng erawh an mahni duh dana awm tur leh an duh a nih chuan Nghalzawl khua chuan khawmi nitura an lo pawm theih tur thu a han sawi dap dap a,
Dimlam khaw rohlu leh an neih tha tha te chu la in Khua chu an hal ta humhum a, Dimlam Mipui Sangchuang fe te chu Sala hruaiin Dimlam lantheihna chin a tangchuan Dimlam khaw Kang alh zuaizuai chu thlirin Pasaltha Aithura leh Pasaltha Hrangchhuana chuan Phuba lakna hautak zet chu chhuikir in an thiandun chuan an in en a, kiai suk in, in kuah nawk nawk in, an hmangaih te tual lenna Nghal zawl lam pan chuan hlawh tling inti zet in an kal ve ta hlawk hlawk a
*
Lunglianpui khaw Lal Vanuka pawh a Nupui Tialmawii leh a fanu Tialthai te nen anin hmu ho leh chu Lawm a vanga biang ah mittui luang in an in kuah khawm chawih chawih a, Mahse, Lalnu Tialmawii erawh a lawm a kim theilo, Lal vandula hmei ah alo tan a vang khan a pasal Vanuka lak ah chuan inthlahrungin, A bul ah pawh a awm duh ta lova
*
Ni sarih zet an kal hnu chuan Nghalzawl an thleng ta,
Lawngdawh ah chuan chawl in Tlang an han tlir dup dup a, Mahse, Khawchhung lam a tang chuan chhawntu an awn tlat lo, Nakin ah chuan, Upa Tlangruma lo tlan thla in, a hmel ah chuan lungngaihna thuk thak a awm a ni tih hai rual loh hian a hmel chu a dur khuih a, Lal Aizika leh pasaltha te chuan lo dawngsawngin thil awm zia anlo zawt nghal thuai thuai a, Upa tlangruma chuan, " in kal tak atang ni Thum a liam tih ah khan kan khua ah Sapui a rawn tla hlauh mai a, nunau te phei chu, tumah feh ngam reng an awm tawh lo a, theih tawp chhuah a hnawh bo emaw, Kah emaw kan tum pawn He sapui fing zet hi kan tudai theilo a ni.!
Ti chuan, Vanduai thlak tak in. Nimin Khan Lal Fanu Zamveli leh a thiannu Tuahmawii te daihnaia thingphur chu alo bei thut a, Tuahmawii chu la in, chhan a tumna lam ah Zamveli pawn hliampui a tuar ta a ni.! Tuahmawii Ruang chu kan hlawm thei hrama, Zamveli erawh a chahthlak hun kan nghak a ni deuh ber e" tiin Dimlam hnehna nena Nghalzawl A hlimtaka hawte Lungngaihna tur thu chu a chhakchhak ta a
Tumah tawng reng awmlo in, an ngawi thuap a, Nula fel leh hmeltha tuahmawii an chan ta, Zamveli pawh Chanmai hmabak in an awm tih an hriat phei chuan tlangval te chu anin sehruh teuh a
Danghman rual loh hian Hrangchhuana leh Aithura chu Lalin lam pan in an tlan chho nghal pur pur ta reng a
Lal in ah chuan Nu thenkhat leh Upa te awmin, Lal tual ah chuan mipui anlo tlung hmur a,
Hrangchhuana leh Aithura chu Lut nghal in, Chhuat laia Zamveli lo mu dang bei chu Hrangchhuana chuan thlir tlawktlawk in, "Zamvel, ka lo haw a sin" A mahriat tawk lek chuan a phun sap a,
Aithura chuan Zamveli chu a belchiang that that a, A ringruh a seh tliak tih pawh a hrethei nghal mai a, he ti chen hnuk chatloa alo awm chu mak a ti zawmah a, Hrangchhuana chu alama kal turin in a han hui pheia,
Hrangchhuana chuan Zamveli biang ah chuan chul in " Zamvel ka lo thleng a sin Tho tawh rawh le" a ti sap a, Zamveli chuan a thil duh hmuta niawm tak hian a thaw hawk a, A zal ta riai riai a,
Mihrang hmaa zamngailo Tlangval pahnihte mit ah chuan dan rual loh a mittui lo chhuak in, Aithura chuan "ka Farnu neih chhun, Zamvel, I U ka lo thleng a sin, Enga ti kher kher nge maw ka awmloh lai kher a aw"
tiin a tapta vawng vawng a
Hrangchhuana erawh engmah sawilo in a mittui chu a dir zawih zawih a
Aihniara lo lut in, " K'u in lo thleng maw, K'U Zamveli chhan rawh u, Sakeiin a seh a sin, Nangni chuan in hlauh loh kha, Engkim in tithei anni lawm ni, Chhanchhuak rawh u" tiin a au lawm lawm a
Mahse, Chhan tur reng awm tawh lo in pialral ah a lawi ta si.!
Khaw mipui tumah mittui tlalo reng an awm awmlo e, Lal Aizika meuh pawh Mittui nen Fanu ang maia alo enkawl Zamveli Ruang kuah chuan a tap ve rawih rawih a, Dimlam mipui Sala an man te pawh Phawk hrawhraw a hawiin, Nghal zawl valrualte thinrimna chu an chung ah leih buakin a awm ang tih hlau tak mitmeng hian an hawi leh zuk zuk thin a
Pasaltha Keitawna chuan, Lal ber pawh Rorel hleitheilo in a awm tih hrethiam in Lal luhkapui ah chuan a ding peuh ang vengvawng a
"Khai le, Nghalzawl leh Phulpui valrual te u, Lungngaih Mangan kan tawk tam ta e, kan khual tha phulpui lam te Upa te in ah Nghalzawl valupa ten lo sem darh ula, khual dang te erawh Mitha in ah inlo sem darh dawn nia, Tin. Kan sal man te kha Hmeichhia zawng Zawlbuk ah dah ula, Mipa zawng Zawlbuk hnuai leh a chhehvel ah hnungkhirh vek in in dah dawn nia, Lal Aizika lusun reh in Rohran a rel hma chu tumah chaw pek loh tur a ni ang, chiau hiar leh tihtam an awma, thu awilo leh melh rum ngam che u an an awm a nih chuan, an lu la nghal zel ang che u," tiin thu rorum zet chu a han chhuah nghal a,
Nula leh tlangval te chu tirh nawn ngailo in Valupa te Ho na hnuai ah an che nghal sawk sawk a, Nghalzawl Fanu chuam leh a thiannu boralna chuan Lusei te ti manganga sala man tute hnehna pawh lawm in a awm theih loh phah ta rih a
Ni lenga Zamveli sunna hun an hman zawh a anphum hnu chuan, Lalpa Aizika chuan Tlangau tirin Zanriah eikhama mipui zawngzawng Lal tuala ko khawm tur chuan a hrilh a
Zanriah eikham ah chuan Lal tual ah chuan Nghalzawl mipui te chu lo tling khawm in an phu murmur a, Lal Aizika chu lo chhuak in " Khai he kan hmuh leh hriat theuh ang in, Pasaltha te hnehna pawh lawm hman lo hial in, lusun khawharna kan han tawk a ni a, ni mahsela, Tun atang chuan he thihna hi lana ah chantir kan tum tur a ni ang, Natuk Zing vartian ah Sapui bei turin Tlangval ralkai thei chin zawng zawng leh pa valai te pawh chhuah khawm tur a ni ang, Kan khual tha phulpui lam unaute erawh lo awm hahdam ula, Dimlam Sal kan hruai let te pawh khuaa awmtur zawngte chu natuk sapui beih na ah kal vek tur a ni ang.!" tiin a han puang dup dup a
Mipuite chu hawhaw ruihruih in, Lal fanu leh A thiannu Tuahmawii nun latu Sapui chu Nungdama chhuah tum lo zet hian tlangval te chu anin humruh nasa mai a
A tuk khua alo var chuan, Tlangval leh pa valai deuh te chu Lal tual ah chuan an tling hmur a, Mi an han in chhiar a, Mi zahnih lai anlo ni tlat mai.!
Lal Aizika chuan, "Kan khualtha phulpui lam te kha chu lo chawl hahdam rawh u khai hei chu kan khaw buaina a ni e" a ti lauh lauh a
Pasaltha Thanghlira lo penchhuak in, "Lalpa, Min rethiam la, Nghalzawl buaina chu Phulpui buaina pawh a nive tho e, Nghalzawl Mei rahsak tu chuan phulphui mei pawh a rap ve tihna a ni ang.! " A rawn ti ta mauh mai.! Nghalzawl valrual leh Pasaltha te Lal Aizika te chu Lawma vanga hnuk ulh teuh in an nuita vur vur a
Lal Aizika chuan " Khaile, Pasaltha Keitawna ho in Sapui kan bei dawn a ni a, Tumah tlafal awmlo tur a ni a, Fimkhurna hi himna kulhpui a ni tih kan hre theuh dawn nia" tiin Sapui bei tur chuan anin zui chhuak ta nguah nguah a
Lung dah ah chuan chawl leh in, Pasaltha Keitawna alo ding ve leh a " Khaile lo ngaothla ru le, Nimin lam khan, Sapui hnu chhuiin Kan pasaltha thenkhat te anlo vak chhuak tawh a, Khuaikham hnuaia Puk kaw chuk ah buk a khuar niin kan hria a, Chu chu Hual beha tih hlum kan tum dawn a ni.! Amah etawh chu, He Keipui hi a fing hle a, Fimkhur patawpa kan fimkhur a ngai dawn a ni.! Pawl hnih ah kanin then anga, Khuaikham Ding leh vei ah kan hual dawn a ni.! Tin, Pasaltha rual ten Thlanglam atang an luh chhuah anga, tumah tlat fal lohur a ni ang, kha laia tlangval pathum ding tlar te a chin helam zawng te kha rawn kal ula, ka ho in khuaikham veilam ah kan kal anga, Khalam zawngte kha pasaltha Thanghlira ho in khuaikham dinglam ah in kal dan nia, Tin, Pasaltha Saithata leh Pasaltha Aithura, Lal Fapa Hrangchhuana te khan Tlangval Viaktha leh Zakkha rimna lo deuh te kha mi sawm thlang ula, thlanglam atang in rawn luh chhuah dawn nia" tiin sapui beih dantur chu a han rel zui nghal a, Pasaltha Hrangchuanga leh a nau Hrangsira chuan, Thlanglam a luhchhuah tur pawl ah chuan kan lo tel ve ange tiin Saithata chu an han dila, Siathata chuan, Khualval in rawlh tirna chi a hrelo in a han hnar dawn a, Pasaltha Thanghlira chuan " Nghalzawl hian phulpui duh angin, In Unauna hi in duh lo em ni aw" alo tih tak vawng vawng ah chuan, Keipui luh chhuah tur zing ah chuan Hrangsira leh Hrangchuanga chu an tel ve ta a
*
Khuaikham an thlen meuh chuan Nauriltam hun zet hi ani tawh a, Pasaltha Keitawna chuan Rawlthar deuh te chu tirin, eirel an tan nghal a,
Khuai kham Veilam leh Ding lam ah chuan Tlangval Zarual ve ve zet te chuan in auh phak tawk vel laka hla atang hian, Silai leh Fei nen Keipui lo chhuah thulh a che nghal thei turin inring thap in anlo chang ta a,
Thlanglam a tang chuan Pasaltha Saithata ho te chuan An rawn veh chho den den bawk a
Pasaltha Saithata leh Aithura, Hrangchhuana te chuan hma hruai chho in, Hrangsira leh Hrangchuanga ten an dawt a, An hnung ah Tlangval Sawm in an zui chho bawk a,
Khuaikham hnuai Puk an thlen dawn hnaih ah chuan, Puk chhunga keipui in hrausa thawm an hre a,
Keipui pawh chuan Mihrang valte thawm chu hria in alo in hrausa a ni ngei ang.!
Uluk leh fimkhur zual zawka veh chho in, Puk ko ah chuan an dak lut lo chauh hi a ni tawh a, chu puk chu alo thuk phian hi alo ni a. Puk ko atang pawh chuan Keipui chu anla hmuthei tlat lo, Pasaltha Saithata chuan Pasaltha Keitawna leh Pasaltha Thanghlira chu Au in, Ro an han rel tha leh ta a
Tlangval Puk dinglam leh Veilama awmte pawh chu in au khawm in, Puk hma ah chuan Thluang li laia in siam in, Keipui lo chhuah ve leha kah rawn hrep tur chuan an silai te chu an endik thlap a,
Keipui lo chhuah hun nghak chuan an chang ta thap a
Ni Vanlaizawla a her bawih hnu pawh chuan Keipui chuan rawn chhuah reng tumlo in ala in hrosa ta dup up mai
Aithura leh Hrangchhuana chuan luh chilh an chak ta hle renga, mahse, Pasaltha Keitawna chuan a phaltlat loh avangin, Kut za zekzek chung chuan an nghak ve ta fanfan a
vengtu in chhawk in, chaw an han ei leh tete a, Keipui chuan rawn chhuah mai a tum ta tlat lo mai
Pasaltha Keitawna chuan Rohran rek leh in, Puk atang a rawn chhuahna tur ah tak chuan Thang ankam ta thluah a, Tin. Kar an kam ta thluah bawk a, Puk kawt hlam thum bial chu thang hlir in a khat hi a ni ber a, a vel ah te chuan An kar kamna silai pawh Sawmhnih lai a tling hial reng a ni.!
Pasaltha Keitawna chuan, mipui nawlpui chu haw vek tura tiin, Thlanglama rawn luh chhuaha tura a tih Pasaltha Saithata pawl te leh Pasaltha Thanghlira te nen chauh chuan Keipui chu lo chan an tum a ni
Puk ko atang hlam sawm vel a hla thing kung ah chuan Thangte dawh thluah in, Pasaltha te chuan lo chang an tum bawk a,
Khua a thim hnu lenglen Ar a khuan vel awm ah chuan, Puk chhung lam thawm pawh a reh ta thap a, Pasaltha Keitawna chuan "Naute U inring rawh ule, kan Sasuak chuan lo chhuah a relthlu ta a nih hmel e" tiin a mah pawh chuan Kah remturin a silai nen a in her rem sauh sauh a
Puk kawngka Zawn ah tak chuan, Pasaltha Keitawna thuin, a ding lam ah Aithura, a veilam ah Hrangchhuana, Hrang chhuana piah ah Pasaltha Saithata thu in, Aithura piah ah Pasaltha Thanghlira a thu ve thunga, Midang zawng chu Pasaltha Hrangchuanga ho in Thlang deuh ah in sem darh in chan hmun an lo rem ve bawk a,
Puk kawngka ah chuan Keipui ruangam lianzet thimhmuk mai chu alo lang ta ruau ruau mai le.!
Mahse, an thangkam te chu a hresa vek ni awm tak hian Puk atang chuan a rawn chhuak duh ta hauh lo mai a, Puk kawngka ah chuan vei tawn sek in kah hman siloh hian puk ah chuan a lut leh thin a
Aithura leh Hrangchhuana Phuba lak chak chu anin sawh anin sawh tawh mai bawk bawk a, An hotupa Pasaltha Keitawna lah chuan, Keipuiin Thang a dai per hma chuan tuman Thal thlah lo turin a ti tlat mai bawk si a,
An fernu an hmangaih nunna la tu Keipui an hmuh phak reng a vei thauh thauh an hmuh chuan an za cheng tawh mai thin a
Tuibur hmuamda awm vel ah chuan, Puk kawngka ah chuan lo kal leh in a hma ang bawk chuan Puk kawt chu a thlek leh vang vang thin a, Puk chhung ah chuan lut leh in, a reh ta hmiah mai
Leng hnawt ar a khuan awm vel ah pawh chuan, thehmeh ang hlauh in a reh ta tlawk tlawk a, Zanlai Ar a khuan awm bel ah pawh chuan thawm engmah hriat tur leh hmuh tur a awm ta lo,
*
Nghalzawl Valrual Sapui beitura chhuak te'n khua an luh leh meuh chuan Kawl ah ni a liam tep tawh a, Sapui beihna a kal te chuan Lal tual an pan khawm tak tak a, Lal Aizika lo chhuak in, "Kan pasaltha rorel angin, Sapui beih chu pasaltha te leh tlangval tlem te kut ah dah ta ila, Keini khua awm te erawh Kan sal man te leh Pemthar te insak lam ah rilru pe ta zawk ila, amah erawh chu, kan pasaltha te ramchhuak erawh kan hlamchhiah vek tur a nilo a, Beng pathum nei ang hlauhin kan awm dawn nia, Zanin ah Khua veng tur tlangval in ruat ula, Kan sal man te veng tur inruat bawk ula, Zanin ah ka Upa te nen pemthar leh Kan Salman te Hmahun tur chu kan rwl dawn nia, " Tiin Mipui pungkhawm te chu a tin darh tir ta a
*
Thimhmul ah chuan Lal Aizika in ah chuan upa te leh Lal Aizika te chuan Rorel in an muk tlang tawh hle a,
Lal Aizika chuan, "kan hmuh leh hriat theuh angin, Sal sangkhat tha zet kan hawn a ni a, Phulpui lam unau te nen hian kan in zah sem dawn nge, Ral runa kal a mi lu chhiar in kan insem zawk dawn le" a han ti leh dap dap a,
Upa Zangena Chuan Lalpa tuibur hmuam puk pah chuan " Kei zawng, ka ngaihve dan ah chuan, heichu Lalpa leh Pasaltha te thu ah ka ngai e, Keini Ralrun pawh a kalve thei lo sawi ah chuan a mawi lua lo e" tiin Lal Aizika chu alo chhang var a, Upa dangte pawh chuan, pawmpui tak in AW anlo chhuah ve tliar tliar bawk a. End of epi - 23
*
(PASALTHA AITHURA STORY HI REMCHAN ZAWKNA AVANGIN ZANTIN TIH CHHUAH THEIH VE TUM A NI E)

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 8th, 2018, 7:02 pm

PASALTHA - AITHURA - EPI - 24
Awmtea fanai (Hrangtling)
*
Upa Zangena Chuan Lalpa tuibur hmuam puk pah chuan " Kei zawng, ka ngaihve dan ah chuan, heichu Lalpa leh Pasaltha te thu ah ka ngai e, Keini Ralrun pawh a kalve thei lo sawi ah chuan a mawi lua lo e" tiin Lal Aizika chu alo chhang var a, Upa dangte pawh chuan, pawmpui tak in AW anlo chhuah ve tliar tliar bawk a. End of epi - 23

*
"A ni viau tak e, Kan pasaltha te Sapui changin an kalbo vek si a, an rawn haw huna khel ah i ti mai ang aw, Pemthar in Za dawn lai kan neih belh te pawh hi kan buh leh bal thar te en in, Tam kan hmachhuan lo ang tih pawh sawi har tak a ni a, Khawthar kai tur nge ni ang, Lunglianpui Lal Vanuka hi kan in dang tir zawk mai dawn nge ni ang aw tiin Rilru ka lo seng nasa mai a, ka upa te enge in ngaih ve dan le" tiin Lal Aizika chuan a Upa te chu a han rawn leh ta a
Upa Tlangruma zupui khiat khulh khulh zo chuan a hmui chu a han hui puak a " Lal pa, Kan hmuh leh Hriat theuh angin, thuruk sise a awm law, tlangthan tirin, nghalzawl mipui hnen ah meuh ilo puang tawh kha a ni a, Nang Kan Lal Aizika hi Lal a tan keizawng ka duhber i ni fan a, Nimahsela, Lal fapa Hrangchhuana Lal a nih tur thu ilo Sawi tawh kha Tun hi a tih hlawhtlin hun tak niin ka va hre tak em.! Hrangchhuana chu Lal niin tlangdang ah thu tamai sela, Nang erawh Nghalzawl Lal nita reng tho la, enge maw sual tampui ang le.? Khaw dang hnamdang te tan pawh khaw khat chauh ai chuan khaw hnih chu kan nek ana deuh dah lawmaw ka ti a ni" a ti ta duah a
Lal Aizika pawh chuan dik a ti viau renga
Upa dangte pawh chuan tha dawn riau a hria in, Hrangchhuana lo haw velah thu titlu turin an thu rel chu an keuh thlu ta a
Lenghnawt Ar alo khuang ta thliah thliah a, Upa te erawh Lalin ah chuan Zupui khulh in anla titi tui tlang hle thung a,
Luhka chu a rawn ri taktak a, luh dil thawm an hriat chuan, tlangau pa chu chhuak vat in Luh rawn dil tu chu Lunglianpui lhaw Lal Vanuka,Dimlam sal atang an hruai haw tak kha alo ni a, Lal Aizika'n lenglut tura sawm in, A leng luh chhante chu alo zawt sawk sawk a
"Lal pa, Tlawm leh zah pawh dawn lo leh, Lusun khaw har sapui hnai mangan lai pawh sawithei lo in I Lalna hnuaia tlulut ta kan ni ta sasa ka mangangin ka rawn vak lut tawp mai a ni e," tiin A nupui Tialmawii, Dimlam khaw Lal Vandula'n Hmeia a neih luih dan zawng zawng te leh, Amah chuan Nupui ah pawm duh hle mahse, Tialmawii ber chu inthla hrung taka awm in, A pasal Vanuka chu a hmel pawh hmu ngam lo in a peh hel zel thu te, Chhungkua anga awm leh a duh thu te chu a sawi dap dap a
Lal Aizika pawh chu ngai vangvangin, "Lunglianpui khaw Vanglai chuan, Khaw nuam tak a ni ngei ang, Nang ang Lal hmangaihna leh Hriatthiamna ngah hi Lal an nei che a ni a, Lo ngai tak rawh i duh ang chuan, Chhungkua hlim tak in ni leh ngei ang, Amah erawh chu, Hei zanina hma han la tur chuan, Lenghnawr Ar khuangin Zanlai Ar a khuang tep tawh a ni a, Natuk zing Varrual ah, Upa Tlangruma leh Upa Liamhrima Han leng se, A tul a nih chuan keipawh ka kal ve mai ta lawng, Hahdam tak khan Zuk mu teh khai" tiin alo thlamuan luam a
Upa Liamhrima leh Upa Tlangruma pawh chuan, a tuk vartiana len intiam in Vanuka chu ngaihtha tak nghakhlel hle siin Lalin chu a chhuahsan ta hnu hnu a
Zanlai Ar alo khuang nghal ta al al a, Upa ten haw tuma thut hmun an thawh san lai tak chuan, vengthlang lam ah " Sa a tla e" tih thawm an hreta phut mai le
Tlangval leh Pavalai Ral leh sal venglo zawng chu veng thlang lam ah chuan an tlan thla ta sup sup a
Vengthlang hmeithai Zan zung tura a chhuak chu Keipui lianzet hi Tual ah thutung in alo en kuau a, A hlau thlaber tre chul thawm ah chuan, keipui chu kawmthlang lam ah a liam thla ta niin alo sawi a
Lal leh Upa te, Tlangval leh Pavalai te chuan a ngaihna an hrelo tlang kher mai.! an pasaltha te khan Thangkama Changin an riah chilh a ni si a, An zavaiin an chesual ta mge ni ang, Sapui hi pakhat chauh a nilo zawk em ni dawn.? Um zui vak ngaihna awma hrelo in, Ngaihtha lo zet chuan an tin san leh ta hlawm a,
Lalpa leh Upa te pawh Lalin ah chuan lut khawm leh in an Pasaltha te chu an ngaihtuah ta hle reng a, Chu tia thuthmun an rem fel chauh tih ah chuan, Lal mual leh lama inhnuaia Vawk chu a ngek ta ruai ruai mai
Vawk a ngek rual chuan, "Sa atla e" tia Au thawm in a zui nghal zat bawk a,
Lal Aizika Pawh Pasaltha nive ta nafam chu, Bang laia a chempui pawt dawk zawk in, A silai, Khawtinngama ta a laksak ngei chu hum in A dawk chhuak ve nghal zawk a,
Vawk ngekna an thlen chuan, Tlangval thenkhat pawh anlo awm nual tawh reng a
*
Lal Aizika chu lo Au lauh lauh in, " tumah tlat fal loh tur a ni e, Heti fakova ka khua Zah lo a min palzuttu Sapui hi kan thah hma chuan tumah Mut hahdam loh tur, a tul a nih chuan tlaiver pawn kan um zui anga, kawlkil thleng pawn kan umzui tur a ni ang," a tita rup mai
Tlangval te chu an Hawhaw ta ruih ruih a, Lal Aizika chu Sapuiin Vawk a hnuh thlakna lam ah chuan a liam thla ta nghal a, Tlangval te chuan an rawn zui nghal supsup bawk a
Thuife an chhui hnu chuan, Vawk ruang an hmu ta, Mahse, a bawp lehlam alo in bal hlawk hi alo ni a
Lal Aizika chuan, "Tlangval sawmhnih rual khan Vawk hi han zawn chho ta ula, Midang zawngin kan sahnu hi kan chhuizawm dawn nia" tiin ro a han rel nghal thuaithuai a
Tlangval Sawmhnih rual te chuan Hlang tur mau sat in an buai nghal chuk chuk a, midang Za rual zet erawh Keipui hnu chhui chuan an kal let duldul a, Duibur hmuamda awm vel ankal leh hnu chuan thisen far chu tawp in, An hnu chhui an hlauh ta dai mai.!
Tlangval te chu insem darh in, Mau tluk thum bial vel chu an han en tha leh ngial a, mahse, Hmuhtur reng a awm tlat lo,
Lal Aizika chu Thing ah lawn in khua a han chuan ta vang vang a
Phulhlut in a rawn chhuk leh a, "kan thlang ah mai khuan Khuaikham a awm a, chhun lama Keipui kan Hual ngei kha a nih hmel a, Kan pasaltha te khan Kar leh thang kamin an chang a nisi a, a ngaihna hriat a har kher mai.! Kan fimkhur hle angai dawn a ni.! Engle khaw le, Khuaikham chunglam a thleng khuan Hnu en pah zel in kan kal dawn nia"
tiin an kal dan tur chu a han puang leh ta zungzung a, A mah vek chuan hmahruaiin Khuaikham lam pan chuan an kal thla ta zel a
Mau tluk nga vel an kal hman chauh ang tih ah chuan an vel ah chuan Thingtang tliak ri leh rak hi an hre ta tlat a
Lal Aizika chuan tlangval te chu, Awmkhawm deuh tur leh inveng tawn vek tur chuan a han fuih mawlh mawlh a
Chu tiang a an vela rawn veh tu awm reng chung chuan Khuaikham chu an thleng thla hlawl mai
Khuaikham hi in au phak tawk vel chauha Sang a ni a, mahse, a hnuai thleng thla tur erwh chuan Kham bang hi lung vek a nih vangin Rei ngial helkual a thlengthlak theih chauh a ni a
Lal Aizika chu Kham ko ah chuan dingin a zuk bihthla dek dek a, Kham hnuai atang chuan thli lo thawchho huk in, A vawt ruih mai leh nghal a, Thli vawt dai ruihin a han chhem chuan Chhungril a fan ngaih ngaih thei hial a
Lal Aizika chuan, Hnuailam chu ngunthluk zawka a Bih in " Chhan tlak in la awm em. " a zuk ti lauh lauh a
Hnuailam a tang chuan Pasaltha Keitawna Aw ngei mai chuan " Chhantlak kan la awm e" tia lo chhawn vat in, thil awm zia chu a zawt nghal vat a, Lal Aizika te an Zuk thlen hnu chuan, thil awm dan te sawiin, Khuaa Keipui lo Lut ngawt chu Mak an ti tlangin a Hnu an hlauh tak dan hleihlei chu mak an ti leh zual a,
Keipui chu pakhat chauh a nilo Tawp ang ti rilru chungin puk chhunga keipui pawh chu khawfing a chah velaha Luh chilh tur chuan ruahmanna an siam ta a
An thangkam te sut in, an kar kam te pawh chu an sut leh ta vek a, khawfing chatfelin Leilung pawh a hmuh theih ruairuai tawh a
Aithura leh Hrangchhuana chuan Puka luh chu an tum ruh hle ta renga
Pasaltha Keitawha leh Pasaltha Thanghlira Pasaltha Hrangchuanga ten zuiin Hrangsira chuan hnung a dawl ve thung a,
Lal Aizika chuan a Silai Pasaltha Khawtinngama silai A mu sawh chawp ngailo a vawi hnih kah zawn theih (Ulh bun) Chu Aithura Humtirin, Aithura hnung ah Hrangchhuana chuan Meichher keng in akut dinglam in Silai a keng bawk a, a hnungber dawttu a kal phulpui Pasaltha tuaitir Hrangchuanga pawn Meichher kengin A kut Dinglam chuan Silai a Hum ve bawk a
Puk chu alo Zau tha hle a, Thui an kal hma chuan Puk veilam leh dinglam ah chuan alo phir a, Dinglam zawk ah chuan Aithura chu kalin, Hrangchhuana leh Thanghlira ten zuiin, Pasaltha Keitawna leh Hrangchuanga te Unau chu Puk Veilam ah chuan an kal ve thung a
Mau tlawn tlukhnih vel ankal leh hnu chuan, Puk chu tlema var deuh in a tawp ta tlat mai.! Puk veilam ah ngei khan Keipui chu a awm a nih ring in, Hmanhmawh bakleng in Puk veilam Pasaltha Keitawna te kalna lam ah chuan an tlan let nghal thuai a
Pasaltha Keitawna chuan hma hruaiin, Puk veilam chu an zawh zel a, Mau tlawn tluk thum vel zenzawn an kal leh hnu chuan, Puk chu Zau deuh hian alo Var huai a, Puk Bang ah chuan, Arbawm tia tia hian alo kaw chuk bawk a, Pasaltha keitawna chuan, Chung Puk kaw chekchuk ah te chuan Sapui chu a tawm bo thei tih hria in a naute pahnih chu Zamlo tur leh fimkhur tak a hnunglam mit nei ang rana awmtur chuan a fuih mawlh mawlh a
Chu tia fimkhur leh inring taka Puk Kaw tin an enfiah lai chuan, an kal na puk a tang chuan thawm alo chhuak ta, An hawi rual thawt a, An beisei loh zet in, Aithurate pathum hmel chu an hmu Thuai a, Meichher eng ah chuan anin en hehaw a, Pasaltha Keitawna chuan, "In hmu bik lo maw" tiin, an kalna lam ah pawh chuan engmah an hmuh loh thu a hrilh nghal zung zung a, Puk banga kawkel zawngzawng chu an han en fiah leh vek a, Mahse, Sapui emaw sapui tawmna hnu emaw pawh hmuhtur a lo awm tlat lo, Puk kawkal tin te pawh chu Hlamkhat aia thuk pakhat mah alo awm lo bawk a, Zankhua in Puk kawt atang an changa, Keipui ruangam pawh kha an hmu ngei a ni si a, Mak anti tlangin a ngaihna an hrelo kher mai.!
Aithurate kalna lam kha ngunzawka enfiah leh turin an kal leh ta a, Puk bang zawng zawng chu an han enfiah leh ta vek a, Mihring ruhro tlemte tih loh chu engmah hmuh leh hriat erwh an nei tlat lo, Nakin ah chuan, Hrangsira chuan Puk dinglam sir deuh, Puk chung lama patling leng vel tur Kaw chho vui hi a han hmu ta a,
Mahse, Keipui, a lu pawh Arbawm tia lai tan chuan luh chhoh lengmi a ni tlat lo
Engmah an hmuh siloh ah chuan, Beidawng zet in puk chu an chhuahsan leh ta a, Puk pawn an chhuah chuan, Khua alo var ruai tawh a, Beiseina nen thlir a, Inring taka tlangval Zarual fe lo tling hmur te Hma ah chuan Hmai uang lo zet hian, pasaltha Keitawna chuan "A mak hlemai.! Nizan zankhua in puk kawt a thangte atang hian mi panga laiin kan chang a ni a, kan thang kam te pawh pakhat mah per a awm hek lo, Puk chhung ah lah engmah hmuh tur a awm hek law, Mihringte tih piahlam Raute an in rawlh emawni tih awl tak a ni e, tiin an thil tan chu a han sawi a
Lal Aizika lo dingchhuak in, " engle khawle, 'khawkhaw lele' Heti kan nih tak raurau ah chuan, khawlam panin hawvat teh ang u, Pasaltha te nen Ro hran kan rek leh dawn nia" tiin an awmdan tur chu a rawn puang leh ta a
Khua anthlan hnu chuan, An thil tawn chuan khua a luhkhah neh rang ngang mai reng a
Mitin titi niin thenkhatin "Huai thil tih a niang" anlo ti, thenkhat in "A tlan chhuak hman" anlo ti bawk, Naihdan leh rin thu bak ah tlem telh belh in Dawt thu chu thutak thangin an thang tir ta luai luai ta mai a
*
Lal Aizika chuan Pasaltha Keitawna leh Aithura leh Hrangchhuana te ko hrangin an thil tawn Sapui chungchang sawiin, Rohran an rel ta a, Lal Aizika chuan" thil mak tak kan khua ah a thleng mek a ni a, Keipui tawmna Puk pawh nizan zankhua in in chang a ni a, Chhun lama Sapui awmreng sikha, Zanlam ah alo awm tawh lo te, Keipui hnu kan chhui lai Bo ta daih te hi han chhui kir ta chetchet ila, Khuavang te Vauhbik a nih loh vek pawn Keipui naran chu a ni tawp lo mai a, Chu vangin, Rilru fim tak leh tlang thanglo thei angber a kan beih a ngai niin ka hria a, Enge in ngaihve dan le" tiin Midang chu a han melh kual denden a
Pasaltha Keitawna chuan " Ni e, Keipawh chu chu ka rilrem zawng tak a ni e, A mah erawh chu, Lalpa nen kan awmlo a, Kan hmel an hmulo anih ngat chuan mipui te an phawklek in, a ruk arala kan Rorel te hian kori a tu dawn lo a, Chuvangin, Aithura leh Hrangchhuana te pahnih ko ah a tlalo thei lo ah kei ka ngai a" tiin alo tuihnih ve thuai a, Aithura pawh chuan " Ni e, Pa leh Pu ten in Thu keuhthluk chu ka pawm zawng tak a nive tho e," alo ti thawp ve sup a
Hrangchhuana pawn, " min ngaihtuah hauh suh u, He sapui kan tukdawl hma chuan, kei ka thin a thi thei dawn lo, A rul a nih chuan Kawlkil thleng pawn ka um zui mai ang" alo tive chhek chhk bawk a
Lal Aizika chuan, " Awle, fimkhur hle ula, Tukthuan eikham ah in kal nghal dawn nia, tin khawchhung ah pawh theihtawp chhuah in hma kan lo la ve bawk anga, Tin. he Silai hi Nangni ngei hman a tan khua nu ruat a nih ka ring e, tiin Lal Aizika chuan a silai Dimlam pasaltha Khawtinngama ta a laksak chu Hrangchhuana a pe ta a, Pasaltha Keitawna pawh chuan, "Ni teh tak e, keini ai chuan in hmang tangkai zawk ngei ang tiin, Aithura'n a thah tak Dimlam Pasaltha Khawtindala silai tha zet chu, Aithura hnen ah chuan a hlan ve bawk a, Aithura leh Hrangchhuana chu an lawm kher mai.!
An thiam ang tawka lawm thu sawiin, Tukthuan eitur chuan Inlam an pan ta sap sap a
*
Tukthuan eikham ah chuan, Lal Aizika chuan Pasaltha Thanghlira leh Pasaltha Hrangchuanga te ko in, Lalin ah chuan Sal leh Ro hlu an hawn te insem dantur an sawi ho a, "Lal Aizika chuan, "Theihtawp chhuaha luchhum ban chhum huama ral beiza kan ni a, Zah leh Zah in kan insem phawk mai dawn em ni ang" tiin Phulpui pasaltha te chu a han rawn a, Phulpui Pasaltha Thanghlira ngaihdan alo ni awzawnglo mai hi alo ni a, "Lal pa, a bultumtu in ni a, Heng sal leh Rohlu te hi hawn ve beiseina kan nei hauh lo mai.! in phala min pe ve dawn a nih chuan, A minung ang zawngin i ti zawk teh ang u," tiin inthlahrung tak hian Lal Aizika rawtna chu alo hnawl sak a
Mahse, Lal Aizika chuan, "Khawkhat valrual feh chhuak veve kan ni a, Nun chanta te pawh kan awm nual veve a, Zah leh zah a in sem a tha e, A minung zawnga kan chhiar chuan, Phulpui chan a tlem lutuk dah a nge," tiin
Rohlu thi leh dar, Dar khuang chi hranghrang te, an salman te nen lam chuan inzah chiahchiah a insem tur chuan an titlu ta a
*
Pasaltha Thanghlira leh Pasaltha Hrangchuanga te chuan, Lal Aizika Daham loh zia leh a Lalna hnuaia khawsak ralbeih a nawm zia hre thar zel in Lawmthu sawi mawlhmawlh in Lalin chu an chhuahsan ta a
Aithura te pawn Zanlama Keipuiin Vawk a lakna a tang chuan chhui thla tan in, Keipui hnu an hlauhna chu an thleng thuai a,
Zanlamai nawlpuiin an chim thlak a nibawka hnu chhui pawh chu a har in a pherh neng nung reng a
Chulai hmun Lo finghnih bial zet awm chu uluk leh fimkhur tak hian an En chhuak leh ta vek a, Zanlama Minawlpui kallai a Veltu awm anga Lal Aizika sawi Ke hniak ni awm tak, Mipui zinga telve lo. hnu lang kalh kalh chu an hmu ta
Mahse, mihring kehniak diktak a ni tlat mai.!
Aithura leh Hrangchhuana chuan Mak anti in, Angaihna an hrelo khermai
Rawlrala beitu annei ta em ni chu aw tiin an han ngaihtuah vangvang a, Mahse, chu tiang tur an awm an hre bawk silo, Chu hniak chu Chhui zui mai tha a hria in, Fimkhur tak leh thawmdim tak chuan hmalam an pan leh ta them them a,
Thuife ankal leh hnu chuan, khuaikham ko an thleng thla dawn ta a, Chutia thawm dim leh fimkhur taka an kal lai chuan, an hma mautluk hnih vel awm ah chuan, Saruh khel ri bapbap thawm hi an hre ta a, Aithura chu kal hmasa in, Hlamkhat vel a hla ah Hrangchhuana'n a Zui ve bawk a,
Muangchang leh fimkhur taka tuibur hmuamda vel tur an tawlh hrethret hnu chuan, Ri lo chhuahna chu an hmu thei ta, Keipui Lianzet alu pawh Arbawm tia ti a mite sawithin ngeimai chu a tak in an hmuve ta, a lian em avangin a A saruh khel lai pawh chu a hliah vek a, Aithura leh Hrangchhuana chu Kut zaizira inbia in, A ruala thal thlah tum chuan, an han tin dun vangvang a, chu tah leh. Silai a puak rual ta dur a
Keipui Saruh khel lai chu Huk thawt in, a zuang zawk a, Thlanglam ah chuan a dawk thla ta zawk zawk a
silai mu thun khat leh nghal in fimkhur tak chuan an han chhuk thla leh ta them them a, Keipui saruh lo khel chu Zanlama a Vawk lak bawp kha alo ni a
Thlanglam Keipui tlanthlakna hnu chu an han en leha, Rawhung lianpuipui te chu alo pethelh hn a, Thi pawh a fir thla zenzun reng a
Keipui tlanthlakna lam ah chuan hmanhmawh hauhlo leh fimkhur tak thawmdim taksi chuan an chhuk thla ve leh ta tham tham a, Thi far pawh a nasa kher mai
An thlang kawr ah chuan Liam thla in, Kawr atang ral lem lah a kaina hnu ah pawh chuan thisen chu ala far thluah a, Kawr ral leh lam an kai fel chuan, Thi far leh Keipui hnu reng an hmu leh ta tlat lo mai.! a thlawk thei emaw ni chu aw tiin Hrangchhuana chuan chunglam te chu dak vualvual in a han hawikual a, mahse, engmah hmuhtur a awm ta tlat lo.!
Aithura chuan " titeh Hrangchhuan, kan Keipui hi a mak ngawt mai.! Lak bo ang hmaka a bo daih zel hi Ka ngaih ngaihte pawh a titha lo e a, khi lai, Saruh alo lhelna kha i han en fiah leh teh reng ang, " tiin chhaklam pan chuan anin zui chho leh ta a
Keipuiin Vawkbawp alo khelhna Zawl zimte chu Aithura chuan a helkual vatvat a, A chang leh Keipui anga Bungbu a kal in, a chang leh uluk zet hian Leichar chu a bih leh ngawt ngawt thin a, Hrangchhuana chuan lo thlir rengin, "Aithur i tha meuh maw kha tia zawl zimte a i vah kual tak vakvak mai le.?" tiin hrangchhuana chu a zawtta nge nge a
Aithura chuan, "Hrangchhuan, lo kal la han en ve tawh ka ringsual tampui lo tawp ang le" tiin leia kehniak chu a kawk vah a
Hrangchhuana chuan, "Enge maw i kehniak chu entur vak awm le, Mite chuan pasaltha khual kai Pha ngat Aithura an ti che a, Chu vang chuan i ke hniak leh zel pawh sapui te hlauh rawn a nih i ringta mai em ni" tiin Aithura chu Fiamin a nui vur vur a,
Aithura thutak fe hian, " ka ke hniak a nilo e" ti chauha chhangin, an piah khuaikham lam chu a tlir leh deuh deuh a,
Hrangchhuana chuan, I ke hniak a nih loh chuan, tu ke hniak nge ni ang.? Nizan khan helam ah tumah an kal silo a" tiin Aithura chu mak tih hmel zet hian a en chho ha a
"Hrangchhuan Mak tiin mi. en reng suh, Hei aia mak i tih tur hi kan hmachhawn dawn tlat in ka hria, Ti teh sawlam ah sawn va kal teh in" tiin Khuaikham lam pan chuan a kal ta nghal a
Hrangchhuana chuan " Aithur, enge thil awmzia hi le.? Keipui kan hliama a hnu chhui zui ta lo in helam ah kehniak mi chhui pui leh ta faih a ni a, enge thil awmzia hi" tiin Aithura chu a zawh leh thin a
Aithura chu, Ding chat in, an bul vela Hnim leh Thangpik puipui chu keu in a kun kut kut a,
Hrangchhuana. angaihna hrelo chu a hawi lawllawl ringawt a, Aithura ipte pui hnuailama thisen kai leh far leh kauh thin chu hmu fuh in, a silai chu lek kawh vah in, " Aithur, Saisen tet ata inhria leh Inkawm a thlum a al liak za kan ni a, Hrtianga i hmaa ka din hi ka in ring ngai hauh lo, mahse, i harsatna min hrilh lo emaw a nih chuan thal ka thlh hreh hauh lo ang" tiin Aithura chu tinin a silai cheng chu a kau ta rup a end of Epi -24

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)