PASALTHA AITHURA BY Awmtea Fanai (Completed)

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

Re: PASALTHA AITHURA BY Awmtea Fanai

Unread post by Ngaia » February 8th, 2018, 7:05 pm

PASALTHA - AITHURA - EPI - 25
Awmtea Fanai (Hrangtling)
*
Hrangchhuana. angaihna hrelo chu a hawi lawllawl ringawt a, Aithura ipte pui hnuailama thisen kai leh far leh kauh thin chu hmu fuh in, a silai chu lek kawh vah in, " Aithur, Saisen tet ata inhria leh Inkawm a thlum a al liak za kan ni a, Hrtianga i hmaa ka din hi ka in ring ngai hauh lo, mahse, i harsatna min hrilh lo emaw a nih chuan thal ka thlh hreh hauh lo ang" tiin Aithura chu tinin a silai cheng chu a kau ta rup a end of Epi -24
*
Aithura chu muangchanga lo ding chhuak in, Hrangchhuana lam chu a hawi leh a, Hrangchhuana tih tak zia leh a hmela A ngaihna hrelo rilru buai zet chu a hmu thei nghal mai renga
"Hrangchhuan, Enge i tihtak mai le.? in ral palh theihna a nih kha aw" tiin Hrangchhuana chu fimkhur tur chuan a hrilh mawlh mawlh a
"ka hrehiang khawpmai, Ral palh che pawh ka pawiti fahran lo maithei a ni, Thil awm zia sawi la, iin sawi fiah zolo a nih ngat chuan ka ngen mu hi i dawng khawp ang" tiin Hrangchhuana chuan Aithura chu a Vau leh khur khur a
Aithura pawh chu a lungawi bik ta tlat lo "Hrangchhuan, Enge i laka sawi fiahtur ka neih le" kha chen Tu er rual loh in thian tha Thih pawn ruamkhat ah Dampawn mualkhat ah kan lo ti kha a ni a, tuna i silai hmawr chang tu ka nih hi Theih nghilh har ka ti viau ang tih ka va hlau em ve aw" a ti ta vawng vawng reng a
Hrangchhuana chuan, " i ipte pui a thisen kai kha le. " a tih rual chuan Aithura chuan a ipte pui Mawnga thisen chu a han en zawk a, " Khai aw, Keipui thisen kha alo kai a ni ngei ang, A va zia lo em" tiin Chhawl thliak in a hru ta mawlh mawlh a
Hrangchhuana thinrim leh ngaihthat lohna a la reh tlat lo "Aithur kha tin lem chang suh, Thal ka thlah hlauh dah a nge" a ti leh ta khur khur mai
Aithura chu a rawn hawi chhuak a, Hrangchhuana mit ah ak en kalh in "Hrangchhuan, I ti takzet maw.? Kha chen kanin Unauna kha ti mai hian i ti chhia ang maw.? a mit meng ah chuan a thutak ve ta hle tih pawh Hrangchhuana chuan a hai bik hauh lo
Hrangchhuana'n chhan tuma a an leh zuau lai chuan, Aithura chuan a silai hmawra man in a han phih sawk a, Hrangchhuana inring penpawn a lo awm chuan a silai chu thlah a tum lo kher mai, Mahse, Aithura'n a phihna na zet avang chuan hmalam ah a pai phei nawk a, Chu hun reilo te chhung chuan Aithura chuan Hrangchhuana chu Keuh ek thawt in, a chem pui a ipte puia mi chu engtik laiin nge a phawrh hman tih pawh hriat loh khawpa rang hian, Hrang chhuna nghawng ah chuan a chuk tuah nghal ta rup mai
Hrangchhuana chu che theilo lek in hnuailam ah chuan a mu zangphar ta reng a
"Hrangchhuan, engtik lai mah in i tan mi hlauhawm ka ni ngailo e, hun remchang melh a beih che pawh ka tan a ngaih loh zia i hrethiam em ang chu maw.? tiin a thawh san leh ta nghal zat a
Hrangchhuana chu muangchang a ding chhuak in, thlanglama Ngawdur khup chu a thlir vauh vauh a, Aithura tan bel chhung sa ang lek a nih zia ain hre chiang in, In hmachhawm leh Silai fawng chelh tu zawk a ni chung pawn mitkhap kar leka A chanchhe zawk a nih ran zia chu a ngaihtuah neuh neuh a
Aithura lam hawiin, "Aithur, Ka tidik lo a ni e, Min Ngaidam theilo a nih pawn ka hrethiam tho che a nia" tiin Hrangchhuana chuan inthiam loh tak hian Aithura chu ngaihdam a han dil a
Aithura erawh, a hma ang bawk khan, Thangbawn pik puipui chu keu in alo buai leh hle tawh hi alo ni a
Hrangchhuana thu sawi pawh hreawm a langlo hian, "He lai vel ah hian a awm ngei tur a ni, Hrangchhuan kha tia Ding zum renglo khan mi rawn zawnpui che mawle" alo ti vin hluk a
Hrangchhuan pawh chuan Pik chu keu in a zawng ve ta buan buan a, Aithura chu ding hluai in " Enge ka zawn i hre rawk rawk a mi" a ti hehaw a
" Hrangchhuana chuan " Hre nang enge i zawn a. " alo ti hu a, Aithura chuan " Hresilo chuan enge i zawn ve rukruk a"
" Mi zawn pui rawh i tih kha mawle ka zawn chu " Hrangchhuana'n a ti chiah chu za em em hian an nui ta khiah khiah a, thawm dim ngai bawk si, Nui ri tha ngam bawk silo an hmai te chu a sen tawltawl thei hial a. Aithura chuan " Khi lai Keipui saruh khelna Zawl zimte ah khan Keipui luhna hniak a awm hauh lo a, Mihring luhna hniak chauh a awm a ni.! Tin. mihring chhuah leh na hniak a awm leh ta hauhlo a, Keipui kan kahhliam Hnu chauh kha a awm leh ta ni" Khi lai Zawla mi hring luhna hniak chu helai atanga lo chhuak hi a ni a, helai hi khuaikham Dinglam hret a ni a, Tukin zinga Khuaikham kan luh chhuaha Puk dinglam Sira kaw chho kha helai zawn tak hi a ni.! Kha puk kawchho zawm kha a ni ka zawn chu, Tichuan, Kan keipui Veh mek hi, Keipui Pangai nilo in" a ti hman chauh a, Hrang chhuana chuan "Keimi maw" alo ti thuai a
Aithura chuan sawizawm leh in, "Dimlam kan run dawna Sazuk ramchhuah tum kha ila hria anga, Huai ho Sa chuam keipui kan that a nih kha, Huai ho thinthawk nasat zia kha, Mahse, tuna mi erawh, Huaiho thinthawk hnuhma engmah hmuhtur ala awm lo a, Huaiho Sachuam a nih hmelh loh a ni.! mahse, zankhuaa kan chan pawha kan hlawh chham hnu ah Alo bo daih a nih kha, Tun ah kan hliama alo bo leh ta daih a, a bona hnu kha zuk en chiang chiah mah ila, Mihring hniak tho kan hmu ngei ang, Engle khawle, puk hlet chu hmuh i tum phawt mai teh ang" tiin thangbawn pik chu a hai leh ta buan buan a, Hrangchhuana chuan, a thianpa thluak fimzia chu alo hrelo nasa hle tih te in hrechhuak in, a tluk loh val a thiantha ber nisi chu a chhuangin a ngaisang thar kher mai.!
*
Tuibur hmuamda awmvel an zawn leh hnu chuan puk hlet chu an hmu ta, Aithura chuan, a han bel chiang that that a, a chhung ah chuan a lut thla ta mai a, A chhung chu a thim em avangin, Hlam chen vel a luh hnu chuan, Hrangchhuana chuan a hmu pha ta lo a, Rei ngial a nghah hnu chuan Aithura hmel leh thawm reng hriat tur awm talo chu a ngaihtha ta lo hle reng a, tuibur hmuamda hnihvel a nghah leh hnu pawh chuan thawm engmah a hriat tak loh ah chuan, Aithura'n tawhsual a tawk a nih ringin luh thlak ve chu a tum ta a, Chu tia puk hlet ko a ain ham buai lai chuan, Thlanglam atangin "Hrangchhuan" tia rawn au lauh lauh ri hi hi a hre ta a, Aithura AW ngei a ni tih hre nghal in, Chhuah leh tuma ain hamtangna hnim zung a chelh chu phawng thut in, Puk hlet ah chuan a tawlh thla ta hawn hawn a, kar lo ah Khuaikham puk an luhna puk dinglam zawk ah chuan a tla lut ta hlawl mai, a thim chhah mup mai leh nghal a
Tho thuaiin, a silai chu a han Hum rem nghal chat a, Thim tham ah chuan in dap chawp in, Puk chhuahna zawng chuan puk bang chu a dap kual ta ruai a, Chu tia a in dap buai lai chuan, eng deuh pup hian a hre ta, a han hawi chu, a hnuglam puk luhna a Aithura meichher nena lo ding hi ava hmu ta a, Aithura chu nui then thu in, " kha enge i tih vak vak a, kha lam ah te i phar vuat vuat mai ni" a rawn ti chu a han in en a, Puk bang ah chuan luh tum niawm tak hian alo phar dur chu niin, A mah pawh chu nui thu in Puk chu an chhuahsan ta a,
*
Nghalzawl Lal Aizika in ah chuan, Pasaltha te leh Upa te chuan Dimlam mi an man sala an hruai tak te chu insem in, a chungkua kua chuan zah leh zahin anin sem ta nghauh nghauh a, a chhungkua ang zela an tih avang chuan Sal te chuan an chan chau zia hre in an lawm viau reng a, chhungkua zela in semlo in, a mihring ang zawnga insem ni ngat se, chhungkua anin then darh vek dawn tih hre ran a, chhungkua a mi sal nih chu then darh ai chuan ala thlanawm zawk reng a
Lal Vandula pawh Nghalzawl Sal ah a awm dawn ta, Sal anin sem zawh chuan Rohlu chi hranghrang chu anin sem leh ta a,
Chu tih lai chuan, Aithura leh Hrangchhuana pawh anlo thlengve chiah bawk a,
Rohlu sem turte an sem zawh chuan,Aithura chuan Lal Aizika leh Pasaltha Keitawna te chu a han bekbawr sar sar a
An lu anlo Bu nghauh nghauh a, Aithura chu a chhuak leh ta a,
Pasaltha Thanghlira chuan, "Engle khaw le, Nghalzawl unau ten hetianga buaina in tawh laia Hawsan che u chu kan tum hauh lo a, buh leh bal in min daih lo a nih pawn, dai ah tal kan inkhuar ve mai a niang chu," tiin Nghalzawl khua phatsan an tum loh zia chu Lal hnena sawi in, Nghalzawl buaina a reh ve leha Phulpui lam pan tur chuan a hrilh ta nghal a,
Lal leh upa te, Pasaltha ten Zupui dawt a titi an vawrh lai chuan, Lal Vanuka a Aw ngei chuan, Lalin luh phalna dil in, Lal Aizika chuan lut tura sawm in, thutna te chu a han kawhhmuh zungzung a,
"kha, in tum a tha a niang maw, kan buai a talang ah, Chanchin pawh ka rawn ngaihven thei lo a," tiin Lal Aizika chuan alo be sawk sawk a,
Lal Vanuka chu nui vurvur in, "Nghalzawl Lal leh Upa te meuh in han chet chuan, Khiangrah tla ang hui in kan nuikeh vurvur mai zawng a nih hi le, " tiin Upa twn an nupa chung chang an rel fel sak tak dan te chhungkaw hlim tak an nih leh tak thu te chu a sawi mawlh mawlh a,
Lal Aizika chuan, "ti teh u, Kan rammut a hnu khua chuan lohna pawh a reita e, Khua i fang teh ang u, pemthar thahnem fe kan nei ta bawk a, Anin sak dan turte ngaihtuah ho pah in hmun i zuk thlir teh ang u" tiin Lal Aizika chu a tho ta nulh a
*
Vengthlanglam ah chuan chhuk thla in, Pasaltha Keitawna chuan "Thirdeng fapa Kapthiaua kha, Malpui tliak in hliam pui a tuar kha a ni a, kan pasaltha hliampui tuar ve ta meuh chu lut kawi lawk teh ang u, " tiin Thirdengpa Nghalzawl buanchak Mankunga in ah chuan an lut ta diak a
Kapthiaua chu A malpui tliak laia them dawh saka Tuam khawng luk hian chhuat lai ah chuan alo thu duai a, Kapthiaua nu chuan lo chhawn vat vat in, Lal leh Pasaltha te meuh anin a chuang kai ta chu a zam hle reng a
"Lal pa eng pawi hai nge awm ta le, keini in ang ah te in rawn lawiluh tak mial le" tiin Hlauthawk tak chuan a han zawt dek dek a
Lal Aizika chuan " Pawi hai awm lah lo e, Hei Nghalzawl Pasaltha Kapthiaua hliam hi enge maw a an tiin kan rawn chuangkai luklak a nia, Khawnge Kapthiaua pa hi le" a tih zawm zat a,
Kapthiaua Nu chuan, "Kan Vau ah Nghal rual an chhuak thin a, a vengin ka riak dawn e a tia, Zan li lai a riak tawh. ka ngaihngaih te hi a tha lo a nia, Sapui hnaih laia Ram riah chu tiin ka khap ve takna a, Hmeichhe thu zawng awi thlawt hek lo a kal lui ta a nih kha, Kapthiaua te rawn haw pawh ala hre ve lawnge" a ti deuh hlak hlak a
Lal Aizika chuan" a nih tak chu maw aw, Buh lu chuh pawh a hnun dawn hnai tak e, Nghal rual zankhat chetna hnu zawng na a mual filhin an filh puak zele an tih tak kha maw," tiin chhuan lam eng emaw siam in Kapthiaua te nufa chu an chhuahsan leh ta a
*
Pahmei zanriah bawl hun vel ah chuan, Lal Aizika leh Pasaltha Keitawna leh Hrangchhuana te thiandun chu Eirel pah chuan an titi muk hle a, Lal Aizika'n Lalna chang tawh tura nawr in, Hrangchhuana chuan Phuba lak chauh a rilru a a awm thu in alo chhang ve tlat bawk si.!
a tawp ah chuan, Zamveli leh Tuahmawii Nun chhattu Sapui an tudai veleha relthat leh ah tiin Sapui chungchang chu an sawi ho leh ta a
A thu phunga Aithura'n, Lal Aizika leh Pasaltha Keitawna te alo hrilh tawh avangin, A tlangpui chu an hre ve vek tawh a,
Lal Aizika chuan " Chu, Aithur, Keimi a nih ngei chu i ring a maw.? " an ti dapdap a, Aithura chuan " Aw, ka rinber chu a ni alawm" ti chauha chhangin, Pasaltha Keitawna chuan, " a nih chuan kan khawmi ngei hi a ni thei angem.? tunge rinhlelh deuh te in nei em.? " alo ti thuai a
Aithura bawk chuan " Rinhlelh ber tur erawh ka hre law, marawh chu, alober ah Hrangchhuana angtia zet hi chu a ni ngei ang" alo ti leh bauh a
Hrangchhuana chu a meng tur khaih a, "Aithur engvanga kei mi sawikher nge maw i nih le" alo ti hluk bawk a
Aithura lah chuan " Inin ang hmel riaua" ala ti tak deuh deuh a
Hrangchhuana lah thinrim tun a tilang ngam silo hian a in hum ruh teuh a
Lal Aizika chu Nui vur vur in, "Khaih khaih khaih, Hrangchhuana chiamchiam thin hi a, Aithura, Chu. Engtia Hrangchhuana tia zet a nih i rin ngawt le. " tiin mak tih hmel zet hian Aithura chu an en thap a
Aithura chuan a aw thian kharh kharh in " A ke hniak kha Hrangchhuana ke hniak nen a in tia chiah a ni, tin kehniak khuar thuk dan pawh kha keia kehniak ai a khuar thuk deuh a, Hrangchhuana kehniak thuk zawng nen a in ang chiah a ni.! Thirdengpa Pu Mankunga kha enge a chanchin in hreta em" a tih zawm zat a
Aithura chu chhanna chang hre lawk lo in, Thil a chik zia leh a rilru fimzia te chu ngaihtuahin tluklo hle hian anin hre hlawm a
Aithura Bawk chuan, "eng chu hria ni che u maw min en tak vung vung hlawm che u chuan" a tih meuh chu an phu zawk hlawm a, Harh chhuak ta hluai in Pasaltha Keitawna chuan, "I misawi te zing ah kha chuan Rinhlelh awmber chu a ni a lawm, Zanli kalta khan nghalrual vengin ramah a riak a ni awm e" alo tive vat a
Aithura chu a ding hlauai a, "Tirawh le Hrangchhuan, Thisen chu thisen in ka rul ang, tupawh ni rawh seksek Kawlkil thleng pawh in ka um anga, thihna pawn midang tum mahse ka pal zel tha ang" a ti ta riap riap mai
Hrangchhuana pawh chu tho ve nghal in, Silai leh ipte puia chem awmsa chu ak in chhuah nghal an tumta mai a
Lal Aizika chuan, Fiah fel fai fek fawk hian, " Naute u, in kal hma in, heihi ngaihtuah nawn leh lawk teh u, Hriatthelh in nei mial lo maw.? Vawin a in hliam tak kha a nih ngat chuan, Zanin hian tumah a tina thei rih hauh lo ang, Tin, Mankunga chhungte chu han mitthla ula, An pa Keimi alo nih si chuan, an chan ava chau dawn em.!!! an mahni ngei pawh khuan anpa chu Keimi a nih an hrelo pawh a nithei e, Kapthiaua ngat phei khu chu, Nghalzawl daingul te zinga mi alo ni ve ta der mai a, Kan khua Nghalzawl tan pawh hian hming chhiatna namen loh a nasa a ni dawn a ni.! Chu vangin, keini upa lam thu te in ngai ve duh dawn te a nih ngai chuan, tlangthang lo thei ang bera Thawh chhuah a tha lawng maw.? " a han ti dap dap a, Aithura leh Hrangchhuana chu Kawngka bul ah chuan ding rengin anin ngaihtuah buai ve nasa kher mai
Pasaltha Keitawna lo tawng in, " Ni e, Lal pa sawi ang chuan a tha ang, Hrangchhuan Aithur lo haw teh u, Rohran reh a ngai e, " tiin A ko let leh ta a
*
Zanriah eikham ah chuan, Tlangau tir in Lal tual ah chuan mipui anlo pung khawm leh ta hmur a, A tuka Sapui hnu chhui tur leh Sal chungchang chu sawi in Lal Aizika chu a Au lauh lauh a, "Sapui beiturin Pasaltha Keitawna leh Pasaltha Saithata Ho in Pawl hniha in then in tlangval sawmhnih tha ve ve hruai an hruai anga, Midang la awm zawng ten, Daihnaia Thing la in, Pemthar te intur sak hnatlang an thawk dawn a ni
Tin. An sal man te chu mihring ve tho an ni a, Ran chhawr tak inchhawr chu nitheia hrelo in, Khawmi ang tho a en nise, Amah erawh chu, Buhthar a piang in, Lal chhek in ah Kawt sawmhnih chhungtin in an chhung ziah tur a ni," tiin A han puang ta dup dup a
Mipui te chu Hawhaw ruih ruih in, Dimlam khawmi Sala tan an hawn te hu Sal nihna ata zalena khawmi ang thoa an awm thei tur chu an lawm ngang mai a, Lal Aizika Dimlam khua a anlo hmuh tawh pasehhel leh hriam hrak kha, a khaw mite lak ah chuan Pa ngilnei leh zaidam a nih zia an hre thar leh ta zel a, Hmelma te tan Sapui koham tak ang nimah se, lam tang te tan chuan A ka ah pawh zen ila mi seh lawnge tihtur khawpa patha a nih leh si na chuan a Lalna hnuaia chhungtin te chu thlamuang tak in alen tir ta a ni
Mipuite an tin darh hnu chuan, Pasaltha Thanghlir a chu Lal in ah chuan rawn chuangkai in,Lal leh Upa te nen chuan an titi ho a, Pasaltha Thanghlira chuan "Kan thu danga lai chuan, Nghalzawl Lal Rorelna hnuaia khualeh tui nih chu Damlai pialral ang hlauha nuam zuk ni dawn ale, Lal Aizika nge nge, i Rorel a fingin i chhuanawm tak zet e, " tiin Lal Aizika chu a han fak tete a, Lal Aizika pawh chu a nuai vur vur a
"Upa te lah mitin tana rawn tlak thiau leh inla vung awm hlek lo, khaw te Lal tlak thiau in ni a, In thlazarna hnuaia Awmve reng mai pawh chaksa khaia neih tham lah ni in, Amahrawh chu, Tunlai kan Sapui chet dan erawh, A Chimawm in a fing el rauh mai bawk si a, Sapui pangai anilo deuh lawmaw aw ka ti rum rum mai" tiin thukhuh tak si hian Sapui chungchang a Keipui pangai a nih a rin loh thu chu a han sawita zauh a, Upa thenkhat beng a verh zar ta mai renga
Mahse, LalAizika chuan, A tuk mai ah, Pasaltha te hona hnuai ah Hnu chhuiin Beihpui an thlak tur thu a chhangin, Sapui chung chang chu sawizawm duh tawh lo in, titi dang a vawrh ta zawk a
Pasaltha Thanghliara chuan, "Lal pa ka rawn lawiluh chhan ber zawk chu thil dang a ni a, Keini Phulpui khuate hi Khawte inza nufa chauh kan ni a, Sal Zanga rual te nena khua han luh mup mup mai chu Ropuiin chakawm viau mahse, Tlangval Ralkai thei chin pawh mi sawmLi tha awrh chauh kan ni tawh a, Sal ho in kawhmawh bawlha an hel hlauh chu chu ti der kan ni dawn a, engpawh nise, Rallak sum Rohlu tak tak min sem hi duh tawk in, Sal ho erawh in kut ah hian awm vek maise, tha kan ti tlang ta a ni" tiin an sal man insem tawhsa te pawh chu, Nghalzawl kut ah chuan an hlanlet leh ta a
Lal Aizika pawh chuan ngun taka ngaihtuah in, Am a tih pui viau reng a
A tuk Khuante vik ah chuan, Pasaltha ten Sapui beihnaa kal tur an thlan te leh pasaltha te chu Lung dawh ah in nghak khawm in, Aithura leh Hrangchhuana te, Tlangval Sawmhnih tha zet nen Pasaltha Keitawna ho in, Pu Mankunga Lo lama kal in, Phulpui Pasaltha Thanghlira leh Pasaltha Hrangchuanga te unau leh Tlangval Sawm hnih rualte Pasaltha Saithata ho in, a hmani a Aithura te Keipui hliamna lam ah an tuam ve thung dawn a ni
Kal dan turte an rel fel hnu chuan, mahni chan mual lam pan chuan an phe thla ta vawk vawk a
Pasaltha Saithata leh a pawl ten A hmani a Aithurate Keipui hliamna hmun an thlen chuan, Keichu tlanthlakna Rawhung pesesun te chu an han bel chiang a,
Keipui Lian tur zia pawh an riruat thiam nghal mai reng a,
Keipui hnu chhui chuan an han chhuk leh ta a, A hnu an hlauhna an thlen chuan, an fimkhur tlang in thawm pawh an dim viau tawh eng a, Zau leh zual zawka hnu chhui tuma thawkchhuak an ni bawk a, Inzarpharh in Keipui hnu hmuh tum chuan Thlanlam ah chuan an chhuk thla ta zel a,
Thufe an chhukthlak hnu chuan, Kham bung vut hi alo awma, thlanglama chhuk zel a rem tak loh ah chuan, Hmar hawiin Kalrem an siam leh ta a, Vanlaizawl a Ni in A thiltih theihna lantir a, a in pho tang ut lai chuan, hnuailam ah Nghalzawl leh Phulpui Pasaltha te chuan, Keipui hnu thar zet hmu in, Finkhur theih patawpa fimkhur leh Kahthluk ngei tum chuan an hnu chhui lai chu an zui chhet chhet a
Hmar lama mual li zet an kan leh hnu chuan, An hniak zui lai pawh chu a hnai ta hle tih hriat tak hian, a rahna hnu hnim thenkha chu anlo zi tualtual a,
Pasaltha Saithata leh Pasaltha thanghlira kal hmasa in Hrangchuanga te Unauin an dawt a, Tlangval te pawh an thaw dede hi a ni ber tawh a
Thawmdim leh fimkhur Taka Mautluk thum vel an tawlh hnai leh hnu chuan, Lungpher zimte hlam bial vel lek tur ah hian Keipui chu alo Mu hahdam diai hi alo ni a, End of epi-25



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 8th, 2018, 7:06 pm

PASALTHA - AITHURA - EPI - 26
Awmtea Fanai (Hrangtling)
*
Hmar lama mualli zet an kan leh hnu chuan, An hniak zui lai pawh chu a hnai ta hle tih hriat tak hian, a rahna hnu hnim thenkha chu anlo zi tualtual a,
Pasaltha Saithata leh Pasaltha thanghlira kal hmasa in Hrangchuanga te Unauin an dawt a, Tlangval te pawh an thaw dede hi a ni tawh bera
Thawmdim leh fimkhur Taka Mautluk thum vel an tawlh hnai leh hnu chuan, Lungpher zimte hlam bial vel lek tur ah hian Keipui chu alo Mu hahfam diai hi alo ni a, End of epi-25
*
Pasaltha Saithata chuan tlangvalte chu ding turin kut zaizirin a han hrilh a, zawite a phun sepsep in, An zavai chuan in ring taka awm tur leh Keipui Mulai chu Kahrawn nghek turin a han hrilh kual nghal zung zung a, Pasaltha Thanghlira Silai rik veleh Thalthlah ve nghal vek turin tlangval te chu a han hrilh leh a, Mautlawn tlukhnih vel zeta hla Keipui mu derder chu chiangzawka kah fuh tum in an pan hnai leh ta hriau hriau a, Tuber hmuamda vel an tawlh hnai leh hnu chuan, Pasaltha Thanghlira chuan a silai chu a han herrem a, Tlangval te pawh chuan kap maithei turin anlo in siam rem ve bawk a, anin ring fel ta maw tih ah chuan, Pasaltha Thang hlira chuan, Hlam thum vel leka Hla atang chuan Keipui Mu derder Tukhum ah tin kawh vah in, A silai chu a puak ta dur a, silai a puah rual chuan silai dang pawh chu a puak ve nghal ruaihruih bawk a, Keipui muhil lai chu Zuangtho zawk in a thlang thangbawn bik kar ah chuan a zuang lut zawk a,
*
Pasaltha Keitawna ho ten Pu Mankunga lo lu zawn an thlen chuan, Pasaltha Keitawna chu a ding chat a, Aithur, Hrangchhuan, Kan khaw buan chak Kapthiaua pa chu enge maw a chinchang Zuk ngaihven te ta u, Sapui hnaih lailai a, Ramriah tlat chu a ngaihtuah awm e" tiin tlangval te hriat ngei tur leh Hriatthiam siloh, an thiltum bultan nan Aithura te chu a tir thla ta a
Aithura leh Hrangchhuana pawh chu Lo lu a tang chuan chhukthla in, Thlam an thlen dawn hnaih chuan, an silai chu hmanmai theih tura Siamrem in, an fimkhur dun ngei mai.!
Thlam chung ah chuan Patling natuar thaw ri hrawi hrawi an hre ta, Fimkhur leh zual in Thlamchu an hnaih zel a, thlamtual an thlen chuan, Aithura chuan AW a han thian kharh kharh a, "Pu Mankung, Namgmah i ni em? " tiin Thlamchhung lam thawm chu an ngaithla kar bawk a
Thlamchhunglam thawm pawh chu a reh ta hmak mai.! Thlam leihlawn ah chuan fimkhur tak in an lawn themthem a, Pawn ah chuan an han ding hlek a, Kawngka biang ve ve ah ding in, Aithura chuan, Kawngkhar chu a han pawt tawlh hrawk a, Hrangchhuana chu Rangzeta lut nghal in, Aithura pawh chuan a zuilut ve nghal zat bawk a
thlamchhuat lai ah chuan, Pu Mankunga chu Hliampui tuar tih hriat hliah hliah hian alo mu khur beuh beuh a,
Aithura chuan a en fiah a, A dar ah Silai mu luhna hnu pahnih hi a hmu nghal mai reng a, A mah Mankunga chu Khawsik sangtakin manin a tlun hluah mai leh nghal, a hliam chu Damchhuah pui mi ni hawt lo in Mulehmal neilo chuan a rak ta nawknawk a,
Hrangchhuana chuan tuisik suahsak vat in tlem a han tulh a,
Pu Mankunga pawh chu fiah deuh zawk leh awmze nei a lo tawngchhuak in, Aithura te chu kun hniam turin a han hui a, Aw chau tak leh zawi thawp sap hian, "Aithur, Hrangchhuan Ka tihsual ah hian ka nupui fanaute tuar tir ve lo hram ru aw, Kha Keipui kha keimah ngei ka ni e" tiin a in puang nghal thawr a,
Aithura chuan, " Kan hria alawm, hengthil zawng zawng hi engvanga thleng leh ti nge i nih i sawi loh chuan i chhungte pawn an tawrh ve ngei angai ang" tiin Pu Mankunga mit ah tak chuan a en kalh a,
" Dimlam runtura in chhuah ni khan, Keimah in Khawhar hnem ah tiin dai ah ka teihawi mai mai a, ni a vanlai zawl ta mawh tih vel awm ah hian, Vaibel pak in ka thu chawl ta a, chu tih lai chuan, ka thlang lawk ah hian, Keipui lian zet hi alo mu thlawrh thlawrh lai ka hmu ta phut a, Kah hlum ngei tumin ka tin vangvanga, ti chuan, ka kap fuh ngei pawn ka hria, thlanglam ah a liam thla ta daia, ka chhui thla zel a, Kha puk, Khuaikham hnuai ah khan ka chhui lut ta a ni.! Puk dinglam ah khan ka lut ta a, Puk tawp alo var bik pawh in hmuh kha, tah khan Arbawm tia zet lungtum hi alo awm a, a chung chu Sum ang deuh hian alo khuar kalh a, tah chuan, tui fimkak hi alo tling bawk a, ka tuiin a hal tawh em avang chuan ka in ta a ni.!
Mahse, chu ta tangchuan ka awm a nuam thei talo a, Zanlam ah chuan, kan Nu rim chu tui ka ti em em a, Ei buanbuan tak hi ka napa mahse, in sum hram hram in, In atang chuan ka chhuak ta a, pantur lam bik pawh hrelo in, ka kal kual nasa tamaia, ka hriat chhuah leh meuh chuan, lungdawh ah, Chhunlama keipui ka kah ngei nen khan kan lo thutlang reng hi alo ni a, Ka hanin en a, keimah reng ka lo ni tawh lo, Keipui lian emem mai ka lo ni tawh a, ti chuan, Ka duh hun ah mihring ah ka chang leh ta thin a, A bak chu in hriat vek tawh kha, engkim kha keima tih vek a ni e, ka nupui fanau te erawh zuah hram ula, heng thil thleng hi hrilh ve lo hram ang che u aw, Tin. ka thihchhan ah chuan, Mahni inhliam palh in ti mai dawn nia" tiin Keimi alo nih tan dan zawng zawng chu, Pu Mankunga chuan a sawi faita leu a
*
Hrangchhuana chuan, "enga ti nge Ka hmangaih Zamveli kher mi lak sak le? " tiin alo zawt ve khauh a, Pu Mankunga chuan " Hrangchhuan, duh a thlan theih loh a ni.! Ril a tam huam huam a, a remleh a theih a piang ka vaihma ta mai a ni" a tih zawh chuan a thaw alo sak tan ta a Hrangchhuana chuan Pasaltha Keitawna te chu a Au vat a
Anlo thlenthlak meuh chuan, Nunna neitawh lo tih hriat tak hian Aithura mal kham in alo mu bal a
Pasaltha Keitawna chuan " engti zia nge nita" tiin Aithura chu midangte ngaia mawi ah a han zawt nghal vat a
Aithura chuan, Pu Mankunga Hrilh ang chuan, " A mah leh amah ain ti palh a ni, a zialo hle mai" tiin alo chhang ve thuai a
Tlangval pathum zualko tura tir in, midang chuan Ruang zawnna tur Hlangsiam nan Mau an han sat zung zung a, Hlang siam in, Pu mankunga ruang chu khawlam panin an zawn haw ta a
*
Pasaltha Saithata leh Pasaltha Thanghlira te chuan, Keipui zuanthlakna chu fimkhur tak hian an han vehthla leh ta denden a, Thangbawnpik zet chung ah chuan chethei tawh lo tih hriat tak hian alo mu zawi hnuang hi an hmu ta a, Tlangval te chuan keipui ruangchu anhan la chhuaka, Thihpui loh rual nilo khawp hian silaimu sawmhnih lai alo dawng a,
A zawnna tur hlang siamin Khawlam pan chuan anin zawn haw ta a
*
Sik Ni eng mawi ten a lo her chhuak a, Nghalzawl Laltual chu chhun en sur in, Upa lam deuh ten Nilum ai in khup leh khup in kara luphum kak in an vanglai nun ngaiin Kohkir theih loh nunhlui chu dawnin an mit atang chuan mittui a far lo chauh a ni e.!
vanglai nun atang a sep hnai zelin, Dimlam an run tuma Pasaltha Aihlinga Fap Aithura leh Lal Fapa Hrangchhuana te huai zia sawi thlengin, anni pahnih vang chauha Dimlam khaw in zasarih lai tluchhe ta a nih thu te chu an seprawtui nasa mai a
Putar pakhat chuan, "Aihniara te pawh hi ala naupang na vangvang a, Sawitham ve zawng a ni ngat dawn ai ka ti.! Hmani Zamveli Keipuiin a bawhthluk hnua chhantuma Keipui mei a pawt ngam te kha Tlangval nazawng tih mi a hauh law, Pasaltha Thisen kai meuh chu an zia pawh a dang deuh a ni e" a ti bauh bauh a
"A ni teh tak asin, He nauhi a tlangval hun a nghah hlelh awm ngawt mai.! a U leh a pa a chhun fuh dawn hle in ka hre thin, Hmani naupang rual Sava veh Keite in alo beih ngawt pawh khan, Aithura'n Thirdeng pa a siamtir a fei tereuh te khan, Keite chu a chhunhlum e an tih tlat chu mawle, Zualko tura Naupang pahnih a rawn tir haw vangvang te kha, a ni ang Naupang thingnawi fawm rual awrh tan chuan A nachang a hre kher mai ka ti.! a tawngkam te lah hi a fiah fel fai fek fawk phian leh nghal a" tiin Putar pakhat chuan alo tuihnih ve bawk a
Chtih lai chuan Tlang au Alo Au a " khaih khaih e min lo ngaithla teh u, Vawin hian Dimlam pemthar te Insak hnatlang thawh leh tur a ni a, Nula leh tlangval, Nu leh pa te Tukthuan eikham ah chhuah leh vek tur a ni e" tiin alo Au lauh lauh a
Dimlam ralruna lo kal Phulpui valrual ten Nghalzawl an chhuahsanna pawh Ni Sarih lai aliam leh tawh a, Dimlam Ho in Sal anman tak an chhanchhuah te Nghalzawla in benbel tum In Zaleh Sawmnga lai an sakzawh hnu in, Simlam mi an sala tan an man khua leh tui nih duh te in Zathum lai an sa leh mawp mawp a ni a, Nghalzawl chu Insak buaiin a hawpum in an buai hi a ni hawt a
Tukthuan eikham ah chuan, Nula leh tlangval Nu leh pa valai deuh te chu Insak Hnatlang thawk tur chuan an chhuak khawm tak tak a, Upa lam deuh ten Hnatlangte hman tur hnang anlo hlai ve mawpmawp bawk a, Lunglianpui Khaw Lal Fanu Tialthai tuisem leh mamawh pekuala phe vat vat chu Tlangval chauh nilo putar thleng chuan chilthli far lo chauh hian anlo thlir leh dauh dauh thin a
Ni in a biang a em sentai tek te chuan a ti duhawm in a hmelthatna belh chhahtu an ni chiang kher mai.! a pen zawnga a chawn No ngo var phuk lo lang leh thin te chuan chunglam mitthla tirin Nghalzawl Valrual te chu anlo ang leh phuau thin a, a nuih zawnga a biangsum khuar kalh te hleihlei chuan Valrual te thlunglu ti haiin a hmel titha zualtu ava ni teh lul em.!!!
Thlifim in a sam a chhem leng siausiau kara a bianga thlantui lo luangthla in a bek sam chiah huha a bianga bet hui vai hmanlo a, tui a sem kual te chu lo huifai sak chakin Valrual te chuan an hnang herh laite chu an herh bung leh hmawk thin a
A kun zawnga A kawng fek rat hnuailam a lian lutuk siloa a mawngmum malh te hleihlei chuan Pathlawi Ngurvunga chil a tiput tam na ngiang mai
Tui sem buaia a veikual zawnga a awmbawr lo in sawi leh lah lah thin te chu Pasaltha leh Lal fapa Hrangchhuana meuh pawn Mit dawi deuh dui in alo thlir ve leh tlawk tlawk thin a,
Tialthai pawh chuan Lal fapa Huaisen leh Insualthian zet chu A tuisem pah chuan a melh kal ve leh ral thin tho mai.!
Pathlawi Ngurvunga pawn Tui alam ngun mawlhmawlh ngei mai, Midangin an lo pek chuan, "a manhle kher mai a" tiin Tialthain a pek ve chuan, "A tui ngaihngaih kher mai, A petu pawh a tui viau nhei ang le" alo ti deuh kher thin a, Nghalzawl valrual te ti nuitam tu a ni leh nge nge thin a
Pahmei Zanriah rwlhun awm ah chuan insak hnatlang chu an zo fel ta a, Lal Aizika pawh Nui vurvurin, "Tun ah zet chuan, Nghalzawl inzanga khua kan nive ta," tiin a hlim hle reng a
Zanriah eikhan ah chuan, Lal Aizika chuan, Aithura leh Hrangchhuana chu titi puiin" Hrangchhuan, hei tlangval upa lam ilo ni dawn ta reng mai a, I nun leh Zamveli chungchang pawh tun kan hai law, Marawh chu, a tulna in mi urthlu ah ngai tamai ila, Nupui neiin Lalna tlang chang tawh la ka duh a ni.!" an ti bauh bauh a
Hrangchhuana chuan, "Ka pa, Nuipui neitur em chuan, ka la inpeih lo a ni e, Hetia leng rih hi ka duh a ni" alo ti chuai raih a
Aithura lo inrawlh ve in " A neih tura zir te pawh a niang chu" alo ti zauh a, Hrangchhuana chuan Kutzungchala kawk in "Lo ngawi maimai teh, I chaklo ang aw" nui vurvur chuanchuan alo ti thawt a
Lal Aizika Lal fing chuan Engmah Hmuh hmaih heklo le
" A ni teh tak e, Vawin khan In melh kal ralh ralh te pawh anawm an tih tak kha mawle, Engle khaw le, Nghalzawl ah Lal i niduh lo a nih pawh in, Khawdang kai in i duh duh i thlangthei a nia, ka rilru tak ah phei chuan, Hetianga Awm reng ai chuan, I Pa lalna tlang Nghalbual ah ngei sawn Lal la ka duh a, Marawh chu, Nupui i neih phawt hi tih mawkmawh ah ka ngaisi a ni.Chuvangin, Lunglianpui Lal Fanu Tialthai khu Be ta rawih mai ila, Kan hmuh leh hriat angin, Nula hmeltha leh nula fel a ni tluk kan vel ah pawh anawm kher in ka ringlo a, Marawhchu sawi leh sawi hnu, I thu hmulo a hma han lak vak erawh nichiah in ka hre silo a" tiin Hrangchhuana chu a en kalh a
Aithura chu tawng chaksi tawng ngam silo hian alo in sangsen tuntun bawk a
Hrangchhuana chu ngawi vangvang in, Hrehhmel zet hian "Ni e, Ka pa, i thuthu ni rawhse" hetia len rih hi chu ka duhber a ni a, Mahse, tha i tih ang chu ni rawhse" a tive ta a
Aithura insum zo tawhlo chuan, "A tuna taka i thuthu han tih chuh.! Tialthai hming ri vang a ni em law maw" a tih rual chuan a dar a ri dawt a, Pawnlam tlan chhuak in, Hrangchhuana chuan a um chhuak ve nghal vur bawk a
Lal Aizika chu Nui vur vur in, Ka ring renga tih thawk hian a thaw hawk a
*
Hun leh ni Herliam in, Nghalzawl valrualte chil ti put a Pathlawi Ngurvunga Titi ti tamtu Lunglianpui Lal Fanu hletha leh fel zet chu Hrangchhuana Khumpui kaipui tutur alo ni ta
Mo lawmna ruai an theh vut vut Lai chuan, Vengthlang lam atang tlangval pakhat rawn tlan chho hlawk hlawk hi an hmu ta a,
Aithura chuan, "Khu chu khualval a ni ngat mai.! ka hmuh hnu a ang kher mai.! uk chhawn teh ang" tiin Hrangchhuana chu a mitmei zauh a
Khualval thaw hlawphlawpa rawn tlan chho chu Aithura leh Hrangchhuana hma ah chuan a rawn in chhuih bawk thlawrh a, Aithura chuan kaitho vat in, " Ka rindan chiah, Phulpui tlangval i ni ngat mai.! engthil nge thleng ta. " tiin a zawt nghal mawlh mawlh a
Tlangval chu La thaw hlawihlawiin, "Halkha, Halkha ho, Halkha ho in phulpui min rawn run a, Min tamhneh em avangin, keini tan dan zawh rual a nisilo, Lal leh Upa te Hruaiin khua kan chhuahdan thei hram a, Mahse, Min rawn Umzui ta zel a, Pasaltha Thanghlira leh Pasaltha Hrangchuanga ten Dankhawmuan tum in an lo bei leh a, Lal leh Upa te hruaiin, Pasaltha Hrangsira ho in Inkhua kan rawn pan ta a ni, Lal leh Upa te chu lungdawh ah an chawl hahdam a, Pasaltha Hrangsira erawh Padaltha Thanghlira puiturin a tlan let leh ta a nih kha" tiin a mahpawh chu a Ban veilam silai hnu thi khar in a hnawh chu a in dawm chatchat a
Aithura chuan, "titeh u, chu zawng Lalpa bengthleng tur a ni e, Lalpa hnen ah i sawi tha leh vek dawn nia" tiin, Lal In lam pan chuan anin chhawmchho hlawk hlawk a
Lalin chhunga luh phalna pawh dilbuai tawh lo in, Inchhung ah chuan an lut tlang nghal rup a, Hrangchhuana chuan, "Ka pa, Phulpui Unauten Buaina an tawk e" tiin, Tap bula a chem chu pawt phawi hrawk in, A silai, (Ulhbun phir ngei kha) ak in Aithura kal chhuak chu a um zui ve nghal zat a
Pasaltha pahnih thuam famkim nena Lal in atang hmanhmawh tak a inzui chhuak lah an hmela thinrimna langtel tlat chu ngaihtha lo in lal tual ah chuan Mipui anlo pungkhawm nghal tuktuk mai reng a
Nakin ah chuan Lal Aizika lo chhuak in, Phulpui Buaina a sawi hnu ah, Tlangval Ralkai thei chin zawngzawng Ralthuam famkim nen Laltuala chhuakkhawm nghal turin thu a han chhuah nghal rup bawk a, Upa valai deuh te Phulpui Lal Hmuaktura tir nghal bawk in, Pasaltha Saithata leh Padaltha Keitawna chu Ralrel turin a hrilh nghal mawlh mawl bawk a
Nghalzawl khawluh dawn a Lungdawh ah chuan Pulpui Lal Ngurchungliana Chuh hmel zet hian alo Thu a, a Nak Veilama thisen chhuak tih tawp nana Hnimhnih chi hranghrang an bel luai chu Hupbet in, A nupui leh a fanu nula tlawntlai thazet chu an buai kher mai.!
Aithura chuan, Lal Ngurchungluana Hliam chu a han buaipui sawksawk in A puanven tlang pawt thler in a Tuamsak nghal a, Pasaltha Thanghlira te'n Halkha ral an lo Danna lam zawt in Halkha ho chu mi engzat vel nge an nih te Lal Ngurlianchunga chu a Zawt pah reng bawk a, Hliam a tuam zawh chuan, " tikhan lo Awm ula, tlangval ho an rawn thleng tep ang, Pasaltha Thanghlira te chu pawh vat kan tum ange" tiin Hmanhmawh beklengin Phulpui lam pan chuan an kal leh ta sawk sawk a
Halkha Valrual Zathum zetin Phulpui pasaltha pahnihte Silai mu dawn hlaua an han bawk phek leh thuai te, Phentur zawnga an phe leh suau thin te chuan an tum ang ngawt chuan kal a sawt lo in, Mihring pawh anin hlauh leh nge nge thin a
Chutiang hlira Nikhat leh zankhat an kal hnu chuan, Halkha lam chuan Tlangval Sawmli dawn lai anin hlauh ta mai renga
Pasaltha Thanghlira chuan, "Hrangsir, heti ringawt chuan kan chelh reng thei hauh lo ang, Kawng dang ah hruai pen i tum teh ang" tiin ruahmanna a han siam zung zung a,
Hmar chhak hawi zawng a kal tawh lo in, Hmar lam ah kalpui an tumta a, chu tiangzela nikhat an kal pui thei a nih cuan, Nghalzawl Khaw thlang Nikhat kal vel, Luei ram ah an luh pui thei dawn a ni.!
( Nghalzawl hi Phulpui atang Chhimchhak a awm a ni a, nihnih zet kal a ni)
Halkha ho chuan tih dan thlak in, Ding lam leh veilam ah mi Sawm Sarih zet ve ve tirin, Phulpui Pasaltha pahnih Chu hual beh an tum ruh ve hle bawk a
Engmah eiin lo leh hahdamna hun neilo a Zanhnih leh Ni khat hun hmang awh an ni bawk a, Thanghlira leh Hrangchuanga an chau dun tawh hle reng a
An kalna lam sawn hrethret in Tukthuan eihun vel awm ah chuan, Nghalzawl panna lam ni tawh lo in, Nghalzawl Thlanglam Zawn ah Thanghlira duhdan chuan Halkha ho chu an hruai peng thei ta a,
Aithira leh Hrangchhuana pawh Thiante Thihna kotlanga dingmek an ni tih hre ran a kal an ni bek a, an kal chak kher mai
Zankhuaa an kal ngat ngat hnu chuan, Vartian ah thuthlan daiin, Hrangchhuana chuan Vaibel a pak khu tulhtulh a, Chu tih laichuan An hmalam ah chuan mihring thawm an hre ta tlat mai.! Hrangchhuana chuan a vaibel chu bunruak in a tihlum vat a, Buk phena biru in Thawm lo hnaizel chu anlo chang a a, Thinrimna mitmeng leh hlauhthawna khat a mitmeng erawh fimkak si hian Hrangsira alo lang ta nawlh mai.!
Aithuara chuan a thuthmun a tangchuan " Dingnghal rawh" an tivin thak a
Hrangsira chu a ding chat a, Zamlo leh phawklek hauh lo hian, "K'U Aithura aw a ni ngat mai" a ti chhuak phawng a
Aithura chuan, Nui vurvura chhuah pah in " Hrangchhuana nen kan ni e, In ralpalh thulh ah ka han Dintir phawt che a nih kha" tiin Hrangsira lam ah chuan a chhuak vat a
Hrangsira rawn let leh chhante an han in zawt a,
Pasaltha Thanghlira te nen anin then na thlenga kal in tumah a hmulo leh thawm takngial pawh a hriat loh avangin, Zan kal a nibawk sia, Khawimawlai ah anin sulpel a nih ring in, hnuchhui pah zel in a rawn let leh hi alo ni a, Chawl khawmuang tawh lo in, An kir leh ta dial a, Mi Zathum lai kalna hnu chu alo hriat nasa mai leh nghal a, Tuibur hmuamda vel awm an let leh hnu chuan, Hmarlam hawia Hniak pherh chiardup chu an hmu ta a
End of epi-26

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 8th, 2018, 7:06 pm

PASALTHA - AITHURA - EPI - 27
Awmtea fanai (Hrangtling)
*
Pasaltha Thanghlira te nen anin then na thlenga kalin tumah a hmulo leh thawm takngial pawh a hriat loh avangin, Zan kal a nibawk sia, Khawimawlai ah an in sulpel a nih ringin, hnuchhui pah zel in a rawn let leh hi alo ni a, Chawl khawmuang tawh lo in, An kir leh ta dial a, Mi Zathum lai kalna hnu chu alo hriat nasa mai leh nghal a, Tuibur hmuamda vel awm an let leh hnu chuan, Hmarlam hawia Hniak pherh chiardup chu an hmu ta a
End of epi-26

*

Aithura chuan " He lam daiha an kal hi ka ring chiah lo a sin le, Kan pasaltha te chuan Hruai pen an tum a ni ngat mai.! An hnu en hi chuan a la reilo tawp ang, hmanhmawh takin kal ila kan um phak mai ka ring a ni" tia hmahruaiin a kal nghal ta vutvut a
Tlangval naran chunglama leng thiau anni bawka, an kal chak purpur hle renga
Chhun chawfak hun awm ah chuan, a khat tawk in silai ri dur an hre leh thin a
an hnaih tawh hle tih hria in fimkhur tak leh Hmanhmawh tak si chuan an kal zel a,
Pasaltha Thanghlira chuan, "Hrangchuang, kan piah mai saw Tlang leh tlang in finkhawmna a ni a, He tianga Halkha ho in um tir reng hi ka ning ta tlat mai.! Tlang bulthut infinna a hian tangral raih mai ka duh tawh e, Nang erawh lo va kal ta nalnal la, Kan thian Nghalzawl ho nen ka thisen phuba inrawn la ngei dawn nia" a tita seksek mai.!
Hrangchuanga chuan, "Nilo e, Kalsan che ka tum hleinem, Thih pawn ruamkhat ah dampawn mual khat ah kan ti ang chu le," tiin Kalsan chu alo tumlo nasa mai a
Chu tih lai chuan an chhak lam atang chuan Silai a rawn puak ta durdur mai le
Thanghlira Banbul chu a hek hlawih a, Thisen tharhlam zet hi alo hnam chhuak nghal tuam tuam a, Leia bawk phek thlarh in, Hrangchuanga chuan hnimhnah an melh kual zawkzawk a, a bul mai ah chuan Tlangsam hi alo awm a, a hnah chu pawt zut in a han nuai nawknawk a, Thanghlira banbul hliam ah chuan a bel sak ta sawtsawt a
Chu tah le, Thlanglam a tang chuan nasa zet hian silai a rawn puak leh ta, an tawmna khuar tereuhte chu duh ai a thuk lo mahmah tan ta, Thlanglam a tang silai a rawn ri veleh ta bawk a, Ruang chaicheh thlak hnan an ni tih pawh an hrechiang ta kher mai, Halkha ho chhang let ve leh turin Silai mu pawh Panga veve bak anlo nei tawh hauh lo leh nghal a
An silai mu chu kah ruah a, An theih tawp biruk hramhram a, anlo hnaih viau hnu a bawhchilh a an theih anga tam thihpui an tum ta ran a,
Pasaltha Thanghlira chuan, a theih anganga tan hmun siam in chhak lam Halkha tlangval pakhat rawn chhuk denden chu a han kap thal tawp a, Hrangchuang silai pawh puak ve nghal dur in, Chhak lama Halkha tlangval pahnih chu an rawn lum thla tawptawp a,
Thanghlira leh Hrangchuanga silai a rik zawh zual chuan, Halkha valrual te silai a'n puak ve leh tak tak mai chuh.!
Thanghlira leh Hrangchuanga chu an ip chawichawi thei hial a, an tawmna chu khuar lo ngawtse, an taksa chu silai mu luh na ah a chik hrup thei hial ta ve ang
Silai a rik zawh chuan, Halkha tlangval Panga lai chhaklam a tang chuan an lum thla leh ta tlat mai.!
Chhaklam a kal Halkha ho chuan an hnunglam chhaklam chu an han hawi chho a, Aithura Silai hmawr khu vatvat leh Silai mudang pahnih a thun leh lai chu an han hmu rual tha thawi a, anin saseng hma chuan Silai vawi li ngawt a han puak leh durdur a
Halkha tlangval li an thal thla leh tawp a, Hakha ho in Silai mu leh Zen an sawh chhung chuan Vawiruk lai, Hrangchhuana leh Aithura chuan an silai an kap ruak hman ta tlat mai
Halkha valrual an hek ta heuh heuh kher mai.! Thlanglama kal leh A um tute chuan Chhaklama kal Halkha ho chu rawn puitur chuan Pasaltha Thanghlira te chu an paltlang ngei a ngai si a, Paltlang tur chuan Mi eng emaw zah anin chan veleh a ngai ngei ang le.!
Pasaltha Thanghlira te chuan puitu an nei tih pawh an hrethiam nghal vat a
Halkha ho silai chu a han puak leh ta ruihruih a, Mahse, Phentur remchang leh Tanhmun siam rem sa thlapa che Aithura te chu Kahfuh neilo in An silai mu chu a thlawn ta vek a, Chungtiang hlira Tuibur hmuamda awm vel anin kah hnu chuan, Chhaklama kal Halkha tlangval te chu mi sawmthum chuang an tlu ta mai renga
Halkha ho chhaklama kal misawmli lai te tih ngaihna hrelo chuan, Aithurate chhaklama tanhmun tha zet a awm te chu Bawh chilh tumin An chhoh tlan ta chiam a, Thanghlira leh Hrangchuanga pawn hrethiam in Chhaklam halkha ho hnunglam atang chuan an chempui Hriam vervawr chuan an sam chho ve ta hmiah hmiah bawk a,
Aithura leh Hrangchhuana erawh an silai tha zet chu a mu thuna kapruak nghala thun leh in, an tuan tha bawka an silai chu a rik hian a ri Durdur reng a,
Halkha valrual ten an chimphak tep ah chuan, Dimlam pasaltha Kawlhnam an laksak ngei kha hmangin, Aithura, Hrangchhuana leh Hrangsira te chuan, Halkha tlangval lo thleng chho hmasa a piang chu an lo sat hlawm tawp tawp a,
Chu tia Thiante in pawmchialha in sam ta nuainuai chu hmu in, Halkha Valrual Thlanglama kal ho leh Chhimlam atang Thanghlira te Um tu a nawlpui te chuan chemtum nen Inpawm chilhna lam pan chuan an rawn thawk chhuak ve nghal zat bawk a, Tlangval zahnih chuangfe te thawm chu a na in an mi dip pawh a na kher mai. '
Halkha ho A nawlpuia awm te rawn thlen chhoh hma chuan, Lusei pasaltha Panga te chuan, tanhmun tha leh hnunglam atanga Beitu an nihna hmang tangkai in, Halkha Tlangval Sawmthum chuang zet chu anlo sat thlu hman der tawh a
Tlangval sawm zet erawh in rawnbawh chilh ngam tawh lo in, an thiante rawn thlenchhoh nghak in, an ding khawmuang ta a
Aithura leh Hrangchhuana chuan Silai mu thun leh in halkha tlangval thiante nghaka ding khawmuang te chu an han kah rawh leh ta nghek a,
Halkha nawlpui zahnih chuang te chuan hawhaw chunga rawntlan in, Aithura te awmna an thlen dawn tep Hlam thum vela an thlen hma chuan, Chhimlam Halkha ho Veilam sir a tangchuan, Silai a rawn puak ta durdur mai le
Karlo ah Halkha tlangval Zarual fe chu an thal nghal phung a,
silai a rik zawh chuan, Pasaltha Keitawna Aw ngei mai chuan, " Lusei valrual te zam lo in aw, i bawh ang ule" a rawn tita leng leng mai
Halkha tlangval Mi Zarual vel la dam te chu Nghalzawl valrual mi Zahnih tha zet in an han bawh rawn tak tak mai chuh.!
Halkha ho chu an tre rawng rawng thei hial a, Lusei ho lo beih leh pawh chu tum tawh lo in, mahni sahim nan tlan chhuah tum in an phi zawk zawk a,
Aithura te pawh chuan Silai dahtha in Halkha ho chu an rawn sam thla ve hmiah hmiah bawk a,Pasaltha hotu neilo Halkha ho chu kar lo ah an thal ta phung mai reng a,
Mahni nun hluta inpe mi sawmthum tha zet te chu hnung khirh mawlh mawlh in, Pasaltha Keitawna chuan" Thi leh hliam kan awm em, Hanin chhiar nghal zungzung rawh ule" tiin Tlangvalte chu thu a pe nghal zungzunga, Aithurate lam ah kalin, "kan tha tlang em, Kan rawn tlai chhe lutuk em lawng chu maw" tiin Pasaltha Thanghlira chu a melh ralh a
"Tlaichhe lo e, Nangmahni vang chauha Nungdama la awm kan ni e, Nichin mai kha chuan, Thisa ah kanin ngai hman hial a sin, Aithura te kha rawn thlenghma fal hlauh lo ula keini pahnih chu Piallei dai ah kan zal awh ngei ang, Nang ni vang liau liaua Nungdam kan ni e" tiin lawmthu a hrilh mawlhmawlh a
*
Thi leh hliam an inchhiar vat vata, Tlanchhe chung leh zamchhe tak chunga beihlet an ni bawk a, mi pasarih in nun chan in, Hliam pui tuar an awm lo hlauh, Mi sawmthum lai erawh Hliam tenau deuh neiin, midang chu anlo him pial a, Halkha ho erawh mi Zathum lai an lo thi reng a
Pasaltha Keitawna chuan, " Khai le, Tlangval te u, He laia thut muan reng in awmzia a neilo a, Letleh ta ila, Piah deuh ah sawn Eirel in, Chaw eikham ah puar eleuh in khawlam kan pan dawn nia" tiin kalrem an zui ta nghal a, Kalpah chuan Pasaltha thanghlira leh Pasaltha Keitawna chu titi pah zel in, Pasaltha Keitawna chuan, Phulpui Lal Ngurchungliana pawh Nghalzawl ah a awm tho a, Anni pawh Nghalzawla kal tur chuan a sawma, Mahse, Pasaltha Thanghlira chuan An chunga an thatna te lawm thiam taka sawiin, Phulpui nunau tlanchhia Dam khawchhuak an awm tak mial in, Phulpui lama let leh a, A dam chhunchhuna te chu Nghalzawla kalpui turin thu a titlu ta zawk a
Tlangval thenkhatin Ei an rel lai chuan, Pasaltha Keitawna lo dingin, Tlangval te chu a han hui kham a "Heile, Phulpui Unauten Run an tawk a ni a, Phulpui Lal Ngurchungliana'n Nghalzawl thlengin Him tawh mahse, Nunau ral hlaua tlan chheta te himdam anla awm ngeiin a rinawm a, Chung ho lam khawm tur chuan, Pasaltha Thanghlira kal a tum a ni a, Nghalzawl in Buaina kan tawh lai pawha min phatsan duh lo tute hi kan in thiar fihlim san bik. rwm lo ang, tlangval Za vel kha Lal Fapa Hrangchhuana ho in, Khua ah lo han haw ta ula, Midang zawngin Phulpui nunau ralhlaua tlan chhia te kan hui khawm anga, Kan theih anga hma ah Nghalzawl kan rawn pan ve leh dawn nia," tiin Tlangval te chu a han hrilh dap dap a
Hrangchhuana chuan, "Engvang chuan maw ka haw bik ang, Phulpui Unau ten Puih an ngaih laia Tlangvala pumpa, In a lo tawm kuk chu ka ngaih dan a ni hauh lo mai." a tita Hmuarhmuar a, Pasaltha Keitawna thu hnial hreh bawk si, Hnial duh bawk si chu ain sawh a in sawh ta mai a
Pasaltha Keitawna chuan Nui vur vur in "a nih chuan,Aithur nang i haw zawk mai dawn em ni ang" a han ti nem duai a
Aithur a pek chuan " Engvang chuan maw ka haw ngawt ang" alo ti bak hluk bawk a
Pasaltha Keitawna chuan, " Khai aw, Pathlawi Ngurvunga kha a awm em.? Lunglianpui Lal fanu Kakpui chuan chaklo Val ai i han awh dawn em ni ang.?" a tita lunglung a
Hrangchhuana leh Aithura pawh Harh chhuak zawk in, Hrangchhuana chuan " i hiii, Nidawn tak, Tialthai kha" tiin a ding hluai a, Za emem mai hian Aithura chuan, "Kha i hawnghal mai dawn a law" alo tive leh bawk a
Hrangchhuana chu a lai chhe ta kher mai, "Ah, Haw nghal dawn hran lo e, Phulpui ah chuan kan kal a niang chu" sehchilh deuh nuai hian a tita ngawt a, Chu laia tlangval awm zawngzawmg te chu an nui ta hluah hluah a
Pasaltha Thanghlira chuan, "Kan pasaltha chuan, Rhiante Hriat loh in Nupui ilo nei reng a ni maw," tiin anin Chibai ta lawplawp a
Chawfak zawh chuan Hrangchhuana leh tlangval Za vel chu khawlam panin anin zui ta damdam a,
Midang zawng pawh Pasaltha Keitawna ho in Phulpui lam pan chuan an kal chhuak ve ta nghal a
Chawllo a kal ngat ngat in, Tlailam Thimhmul ah chuan Phulpui lungdawh an thleng ta hlawl a
Khua chu Halkha ho khan anlo hal mang nasa mai hi a ni a, In rel thenkhat Ban leh Liang te chu ala khu vungvung a
Lal tual ah chuan in nghat in, tlangval thenkhat in Eirel in thenkhat in Buk tur Mau anlo pu bawk a, Mahni buaibuai chuan tumah tirh ngailo in an buai nghal char char
Pasaltha Thanghlira leh Hrangchuanga chuan thi leh hliam an awm dahlaw maw tiin khua an fang vat vat bawk a
Phulpui run tute ber an tukdawl nghal avangin thawm pawh an dim lo in Khua a awm pangai angtak in an awm a,
Pasaltha Thanghlira chuan, Lal Mual tawpa Vawk Sum nga zet lo tla chhuak chu a han kap thlu thawr a
Tlangval te chuan an han puah nghal sawksawk a, Tual ah chuan meipui chhem hluah in, Phulpui leh Nghalzawl valte an nih zia lantir in thawm ah chhuah deuh reng bawk a, Phulpui ral tlan thenkhat pawn an rawn pawh nawlh nawlh mai renga
Zankhuaa Phulpui raltlan te zawnga Mutmu tuah lo leka an in zawn khawm hnu Tukthun ei hun awm ah chuan, Anin hmu kim thei ta, Halkha ho kha Anlo che na hle a, Phulpui Nunau tlan chhia te chu an zavaiin Mi Za emaw awrh chauh anlo ni tawh a,
Tuk thuan eikham ah chuan, Insiam in Nghalzawl lam pan in an chhuak leh ta nghal a
*
Nghalzawl Tlangval te leh Hrangchhuana ten Nghalzawl an thlen ni chuan, Mipui ten lo hmuak in, Lal Tual ah chuan an tling hmur a,
Hrangchhuana chuan anin beih dan te leh Pasaltha Thanghlira ten Phulpui Ral tlante an zawn thu te chu a sawi dap dap a
Lal Aizika lo ding chhuak ve leh in, " Hei le, Kan hmuh leh kan hriat theuh angin, Halkha Ral chuan Lusei ho min Nek chep hle a ni a,
Kan Lusei khaw thenkhat te phei chu a khua khua in an chimih thakthak a, Khawdang te erawh Thlangtla in, Keini Nghalzawl chauh hi Tiau chhak lama Lusei khaw awmchhun kan ni ta, Kan tanrual a, Fimkhur taka kan awm a ngai dawna ni, engtik ni ah emaw chuan, Halkha ho hian min la rawn bei ve ngei anga, chu hun a tan chuan kanin buatsaih lawk a ngai bawk ang, Tin. Lunglianpui khaw Lal leh Phulpui Khaw Lal te Pawh, Khawdang zuan lo in Halkha ral an daih hma chu Ngjalzawl ah hian awm rih ula tha ka ti a ni.!
Tin, Nghal zawl ah hian, Halkha thahnem tak in awm a, In Halkha puite tana Luseite min Phiar ru a nih ngat chuan In chan a chau viau dawn a ni.! an ti dap dap a
Halkha putar Dimlam atanga an hruai haw Pakhat lo ding chhuak in, "Lal pa, Keini Halkha ho hi i laka hel tur kan awm lo e, I zahngaihna vanga Mungdam leh Sal nilo lan ni a, khua leh tuia min pawm duh hi kan lawm takzet a ni, I Lalna Hnuaia Khua leh tui nih hi nuam kan ti a, I laka rinawm tiam nan Thingserh sat ngam thiau kan ni e" Tiin Lal Aizika Hma ah chuan Nghalzawl a Halkha awmho chuan Rinawm an tiam sap sap a
*
Phulpui Lal Ngurchungliana chu a nupui leh a Fanu nen chauh an ni bawk a, Lal Aizika thu anga Lal in a in nghat an ni a
A hliam pawh lo hil duak in, thian leng kawm in Chhuat lai ah chuan alo thuchhuak peih ve tawh a,
Nghalzawl Lal Aizika chu Zamvali awm loh hnu phei chuan hmeichhia awmpuitu nei ta lo chu, khawnbawl fanu thenkhat ten an puibawm thin rih mai loh chu Pahmei ang hlauha awm thin a ni bawk a, Phulpui lal fanu Thanghniangi Nula fel leh Hmeltha zet leh Lunglianpui Lal fanu Hrangchhuana Nupui Tialthai anlo awm ve tak ah chuan a awm awl ta lutuk chu Awm dan te hial a thiam lo zaw mah a,
Lal Aizika hmel ah pawh Pavangtlang tak Nupui neiloa a awm reng chhan erawh Nghalzawl Mipui te Sa leh Ral laka venhim aduh luat ah Nupui tur Han melh tak ngial pawh a hman lo in Rilru ah a awm hman hlawl lo a ni, A rualpui thenkhat te phei chu Fa pali panga nei tawh in, Chhungpui taktak an din thual tawh a, Aizika erawh Nghalzawl tan ala tlangval thung a ni.!
Aithura ten Nghalzawl an thlen ni chuan, Phulpui Khaw mi leh Lal te nen lam chuan an chantak chhungte ngaiin, An tap hawm hawm a, Nghalzawl mipui te pawh Khawngaihna avangin mittui tlalo an awm bik lo
Zanlam ah chuan, phulpui Lal leh Phulpui khaw mipui te chuan Zawlbuk ah an hmahun tur ro an han rel khawm naknak a,
A tawp ah chuan, Nghalzawl lal thlazar hnuaia Awm chu an titlu ta a, A tuk ah chuan, Tlang au tirin, Phulpui khaw ho awmna tur in sak hnatlang an ko leh ta rup mai.!
Phulpui Lal Ngurchungliana leh Lunglianpui Khaw Lal Vanuka te IN tur pawh Lal Mual kil pha chin ah saksak in Nghalzawl Upa ah telh an ni nghal bawk a, Tin. Halkha ral a daih huna Khawthar kai tur in thu an hnut chhiat bawk a
Hun leh Ni an liam a, Nghalzawl pawh pemthar neuh neuh an awm ve reng bawk a, In zanga lai tling tawh in, Tlangval Ralkai thei chin pawh Zathum lai an awm ve ta reng mai.!
A khawthleng leh luh na tur kalkawng te ralven a rem em avangin, Lusei Lal Thlangtla Khaw tamtak atang pem lut an awm reng a, Lusei Lal khaw hnai ber pawh Nisawm lai kal ngai hial in, Khawchhak leh Halkha ho kar ah an awm a ni ta ber a
Mahse, a khua hian a zir em avangin Halkha ho pawn ala run lo mai nite hian a hriat a
Khawchhak Halkha Khua Dimlam an run tuma Kulh nghet tlettlawt a khua an hung chhuah vek an kha hre rengin, Nghalzawl pawh chu Thing tawngsawm zeta sang in an hung chhuak ve ta vek renga
Khaw luh theihna khan awmchhun Ah chuan Ralvenbuk Panga lai sa in, Tlangval Sawmthum zet in Khaw venhim hna thawk in Nitin vengtute chu anin thlak zel bawk a
Nghalzawl ah hian Pemthar te hi nunau leh Ralbeithei tur awmlo chhung kua an nih deuh zel a vang hian, A khaw In tam ang ai Ralkai thei chin pawh an tlem reng a,
Hun leh Ni te liamzel in, Ni khat chu, Pathlawi Nurvunga Ramkal Nghalchang in alo hliam ta hlauh mai, Nghalchang pawh chu a mal ah kap hliam Ve in rawhmun ah hian a tawm ta tlat mai a
Ngurvunga chuan a puantlang Pawt thler in, Nghalchang taina chu Tuamin Mau tianga siam in Khua ah chuan a rawn in hawl thleng thei hram hram a
Khawtlangval tihlim tuber Pathlawi Ngurvunga Nghalchangin a hliam tih Tlangval ten an hriat chuan An thinrim in an tlawm ngai ngang ngang kher mai.! A zana zana Thawh chhuah nghal mai an tum ta mai a, Mahse, Val upa leh Lal leh Upa ten an khapdai thei hrama
A tukzing vartian ah chuan Nghalchangzimtur in Nghalzawl Valrual te chu A hmani a Ngurvunga'n Nghalchang a kahhliamna Rawhmun lam pan chuan an chhuak ta damdam a
A hmun an thlen chuan, Mautlawn tluk nga vel zet a Zau ah hian Mauhung lian taktak awm in Thing ding erawh a khat pharh thunga, a lai ah tawk chuan Nghalchang chu alo la tawm tlat mai hi alo ni a
Tlangval te chu insem darh in, Chu Mau hmun chu an hual ta thap a, a chhunga luhchilh tur chuan, Mautang ther ferfur a tam em avangin luhchhuah mai chu a har ta viau a
Pasaltha Keitawna chuan Rorel in, Chhimlam ah pasaltha ten lo chang in Hmarlam atang Mipui nawlpui in an rawn hnawt chhuak dawn a ni.!
Aithura leh Hrangchhuana pawh chu lo chang tute lam ah tang in, Hrangchhuana chuan A pui Veikibar a Rochun Zum hriam zet leh a silai chu a in chhawp ve ran a
Anin ring thepthawp ta maw tih ah chuan, mipui Nawlpui te chu rawnche chhuak in, Silai a mu tello in zen hlang chauh chu an kap ri ta dur dur a, Rithei an banphak angang ti ri in, an rawn ri ta bungbung a. End of epi - 27

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 8th, 2018, 7:07 pm

PASALTHA - AITHURA - EPI - 28
Awmtea Fanai (Hrangtling)
*
Anin ring thawpthawp ta maw tih ah chuan, Ipui Nawlpui te chuan rawnche chhuak in, Silai a mu tello in zen hlang chauh chu an kap ri ta dur dur a, Rithei an banphak angang ti ri in, an rawn ri ta bungbung a. End of epi - 27
*
Reirial lo in Nghalchang pawh chuan hlauin a rawn chhuak ta ruau ruau mai reng a, Pasaltha te chuan an han tin vang vang a, thal an thlah dawn lai tak chuan A rawn hnawt tute lam a tang chuan, Silai a mu tello chu a rawn puak leh ta bur mai.! Nghalchang phu lutuk chu a dawk chhuak zawk a, chu mi rual chiah chuan pasaltha ten thal an lo thlah hman tawh si, an kah thelh ta dual mai le
Nghalchang chuan pasaltha te chu rawn hmu in, Lei chu a phiat ta sursur a, Pasaltha Keitawna chuan, "Tlanchhiat hun a awm ngai e, thing ah lawn rawh u" tia au in thing ah chuan an lawn ta sup sup a,
Chu tia Nghalzawl Pasaltha Ber in thinga lawn tura a au chuan, Aithura leh Hrangchhuana pawh chuan Engdang ngaihtuah ta lo chuan thing a lawn tum in an bul thing chu an han zuan rual thawi a, A Satha zawk leh lian zawk Hrangchhuana chu a Feikibar hnungpuak chung chuan Thing ah chuan a lawn chho ta a
A sapan zawk Aithura chu lei ah chuan Hrangchhuana Nek hneh lo in a thal ta hawng a, Leia a tlak nalam ah chuan, a in sawh hnang ta hlauh mai
Nghalchang lian zet chuan rawn phin phei in A rawn dawk ta zur zur a, Aithura chuan a theih ang tawka in siam rem in, Nghalchang Hmui ah tak chuan alo man ta chat a, Nghalchang Hmuia a man rual chuan Nghalchang chuan Suphei thuai in, a let ngal tawp bawk a, A hnang thawtha theilo nen, Nghalchang nghawng ah chuan kuah bet in, Nghalchang pawh chuan, a ngho hriam hreihrawih a hmanthiam emem a Tai thler hlawih hlawih tum in a lu chu a vir kual nawknawk bawk a, Chu tih lai chuan, Thianchhan thih ngam lu pu, Hrangchhuana chuan Thing atang chuan Rawnzuang thla in, Nghalchang Awmzawn a tuangbul ah tak chuan a theih tawk a na in A pu Veikibar ngei mai chuan a han chhun lut ta hrawih a, Nghalchang pawh chu Ngekthawt in, Thlanglam ah a zuang nawlh a, lum thlanghal tawptawp in, a ding leh ta hlawl mai.! a hnungzanga feikibar in Vit bur vuh chung chuan Muang chang hian A kal ta chhutchhut a, Pasaltha ten Silai mu leh Zen thun in an kah rawn ta nghek a
Pasaltha Keitawna chu Rawnkal in " Ekhai, Ral hmaa Zam ngailo Nghalchang hma ah i va talbuai nasa teuh ve" tiin a rawn nuih vur vur a
Aithura chuan, "A ni ngawt mai, a engchu hria che ni maw, Thing ah lawn ru i tih vakna teh ei, mi ti hamhaih zo a lawm, lo ngawi hlehle ni la, a hmui ah tak Ka lo sat chhum hmawk mai tur" tiin a Pu Pasaltha Keitawna chu alo nuih let vur vur a
*
Hun leh Ni te liamzel in Kapthiaua pawh Dimlam an runna a amalpui tliak pawh dam tha var tawh in, Ram lam ah pawh Nunchan zirin a chhuak leh thei tawh a
Lal Aizika remruat na angin Dimlam tlangval Zathum zet te chu zingtin Pasaltha Keitawna hona Hnuai ah insual zir in, Chem leh Fei,Phaw hman phei chu an thiam in an duailo tlang tawh ngang mai.! Lal Aizika Hona hnuai ah Silai kah an han zir leh meuh phei chuan, Halkha Ral hmachhawn chak in an za zekzek hi a ni tawh ber a
Kapthiaua pawh Tlangval naran a nihloh na langzel in, Nghalzawl tlangval te zing ah chuan a theiber a ni chho zarzar thei reng a
Chutianga Nunchan zira an hmanhlelh hnu chuan Tlangval sawmli zet in thlangin, Pawlkhata mi panga zel awm in, Chhim leh hmar chak leh thlang, chhimchhak, Hmarthlang, chhim thleng Hmar chhak lam ah te, Hlakha ral an hnai leh hnaih loh Khuachuan tur leh Ni thum Ni a Nghalzawl thleng leh vek turin, Tlangval rual te chu anin tir chhuak ta a,
Aithura hona hnuai ah Kapthiaua pawh telve in, Nghalzawl Chhim chhak lam ah an kal ve a
*
A samzial dan atang chuan Halkha tlangval tih hriat tak A ban veilama Silai mu luhna hnu, Hnimhnah leh Puanven tlanga in tuam luk chau zet a kal hnakhnak chu Maileng khaw luhna tur Lungdawh ah chuan a thu chawt a, Khawchhung luh chu a huphurh in, tlawm thlak a ti kher mai.! A halkhapui khawdang zawngzawng ten Lusei khua Runa rallak rohlu nen an in chhek muk laiin, an ni Maileng khua erawh, Phulpui khua chimih thei mahse. Sal atan Lal Pa Ngurchungliana man kher antumna lam ah Nghalzawl valrual ten alo chimit thelh a ni a,
Vanneihthlak tak in Tlangval Zathum zet zinga Dam khawchhuak awm chhun nimahse, An Khua Maileng Lal Nunrawng leh Rothap zet, An chhehvel khua a Ropui ber leh Khawlianbera in chhal Lal Chapo zet Lal Ngumlinga Hmaa antlawm thu thlen chu thih hreh tak hian a hreh a,
Ani teh taka Lal Ngumlinga hi, Pavalai tak la niin, Amah pawh hi a chakin a huaisen emem a, Pasaltha Huaisen leh Insualthiam zetzet Rallu pa ngai aitlem lo khai tawh, Khualkai pha ngat pawh Pasaltha Panga Zet a neih te leh Tlagval Ralkai thei chin pawh mi Zariat lai a neih te hi A khaw thenawm leh A Halkha puite tlawn rawn a hlawh in, a mahpawh ain luling viau thin reng a ni.
Upa te nen A khaw tlangval Zathumrual Phulpui Runa a tirh te lo haw huna an lawm danturte Duhthu sama an titi lai chuan, Pasaltha tuaitir Khuplanga hmel an hmu ta a, Pasaltha Khuplanga'n An hlawh chhamthu a han sawi chuan, Lal Ngumlinga chu a Thinrim hle ta ma
Pasaltha Khuplanga chu hui hnaiin, A han beng ta sawksawk a, "Pasaltha hmingchherna huntha ka pe che a, tlangval Zathum zet Nunna chanin Nungdamin ila rawn kir ngam a maw. Lusei Ui hum pawh zah lo laka tlawm pasaltha in chhal ka khuaa awm ve reng ka phallo e, ka zahngaihna sangber ka lan tir anga, Tun ah hian ka khua hi chhuahsan rang rawh" a tita chherchher mai.!
Pasaltha tuaitir Khuplanga chu in her in hawi let leh tawh hauhlo hian Khawpawn lam pan chuan a kal leh ta hnakhnak a
Lal Ngumlinga chuan Tlangau pa tirin a khaw Pasaltha chhuan tawlawl te panga ko turin a tir liam nghal thuai a, Pasaltha te an rawn thlen kim chuan, "In thaza zualpui tih rehna tur a awm e, Pasaltha tuaitir Khuplanga chu Phulpui khua a run hlawhchham hnu ah, Ka Lalna hnuai ah pawh awmduh tawh lo a in la vei in tun maikhan khua a chhuahsan ta a ni, han umzui ta ula, a lu ka duh e" tiin Lal Ngumlinga chuan A pasaltha te chu a tirliam leh ta nghal a
Pasaltha Haicheka leh pasaltha Thumvut a, pasaltha Thangmanga, Pasaltha Maitawka, Pasaltha Tawituka te chu Khuplanga liamna lam ah chuan An tlanthla ve ta nghal a
Pasaltha tuaitir Khuplanga chu Lungdawh ah chau zet hian alo thu dam diai hi an hmu ta a
Anzinga Pasaltha Phanchang ber Tawituka chuan, "Khuplang, kan Lal Ngumlinga Pawi i Tawk vanga i Lu latura rawn um zui che kan ni e" a han ti nghal tawl a
Khuplanga chu Muangchanga tho chhuak in, a ipte puia a chem chu a han phawrh chhuak a, Lung dawh hma ah chuan zawimuanga chhuk in, "Ka inring e, In duh chu tih hantum ta che u" a ti ve ta chherchher mai
Maileng khaw pasaltha Panga te hi Pakhat te pawh a hneh zawh a in ring hauh lo a, mahse, A tan Dam chhuah lehna kawng a kuak hlawl loh a vangin, A mah ngeipawh Pasaltha a chher puitlingtu te hmachhawm a an laka Lu hlauh chu a duhthusam ber a ni ta zawk a, Pasaltha Tawituka chuan "Khuplang, Ka hruai ka chher hian mi cho ngam maw.? Zahngaihna mi dil dawn emaw ka ti a sin, Tun ah hian, i Lu la a i Nun zuah thei tu ka ni asin" a ti chang ve ta khawl a
" Pasaltha Tawituk, Lal Ngumlinga Dawiat Pasaltha te hi ka hlau hlek lo che u, Nunau pawisawi lo Nunna la a, Mahni Mihringpuite Suat mangtu Pasaltha te u, In tum chu hlenchhauh han tum ta che u" tiin Khuplanga chu inring tak in a dingkak hah a
" A nih a hnu, Khawnge keimah ngei hian ilu chu ka han la a nge" tih leh Khuplanga Chu a bawh phei ta ruak ruak a, Khuplanga pawh chuan a theih tawpa lo in dangin, An chemchu a in khak trek chhuaichhuai ta mai reng a
Tawnhriat ngah zawk leh Phanchang zawk Tawituka chuan An chem in khak trek chhuaichhuai kar ah chuan a han tlawh hlawm tawp a, Khuplanga chu tho zi tualtual in, tanhmun a siam ve leh ta nghal a, Pasaltha Tawituka chuan bawhchilh leh a tum lai tak chuan, "Pasaltha Tawitui, nangchu lo awm hahdam tawh teh kai, Thaza zualpui rehna i hmuh tawh kha, Thaza zualpui ka lo tireh ve ange," Tiin Pasaltha Maitawka pa bumro zet chu Tawituka hma ah chuan a rawn ding ta luah a, Pasaltha Maitawka hi Maileng khua in Sangkhat a inchhal Tlangval Ralkai thei chin pawh mi Zariat lai awmna khua ah hian, a ni tluka Lian leh Sang awmlo khawpa Lian leh chak a ni a, A chempui tawh Naupang thingnawi fawmrual tan chuan Put tawngtawng tham zet a ni
Chu a chempui ngei mai chuan, Khuplanga chu Sahfuh tumin a han Vai ta vukvuk a, Khuplanga Ni thumlai chaw ei lo leh Hliam tuar kal chau tawh tak chuan lo bum in a in saseng ve thei hram hram chu a ni a, Mahse, A landan ah chuan rei a in vengthei in a rinawm loh, chutia Maitawka chem laka a in ven hram hram lai chuan, "Duh tawk tawh teh, Thaza tih reh ve ka duh e" tiin Pasaltha Thumvunga Maitawka tia thual chuan, Maitawka Dar ah chuan a rawn vuan chat a, Maitawka chu inher in, "Ka la kham lo a sin aw" tih pah chuan a hnunga Khuplanga dul zawn ah chuan a Chem liansei zet chu a han Vai vung leh ta zawk a
Khiplanga lo in ring tawh lo Dul chu thler hawk in, Riltla pur in Leichar ah chuan a thingthi ta hnawk a
A ril pawt pur chu dawm in, " Nangni Mitenawm panga te hi, Lusei Pasaltha Panga te Lak ah khan in Lu in chan vek ngei ang, Pasaltha Tawituk, I mi kaihruai thin ka nihna angin heihi ka hrilh duh che, Nghalzawl pasaltha Aithura lak ah khan Fimkhur hle ang che, Pasaltha tlaktlai lo Maitawk, Lusei pasaltha Tuaitir Hrangsira'n i Lu alak lai ka hmuhmanlo tur chu pawi ka ti hle mai.! " tiin leichar ah chuan a bawk khup thlawrh a, a zal ta riairiai a
Maitawka chuan a lu sat Bungin, Lalin Lam pan chuan anin zui chho ta duahduah a
Pasaltha Maitawka chuan, Lal Ngumlinga hnen ah chuan, Khuplanga'n Lusei pasaltha te'n Maileng khaw pasaltha te an thah tur thu a sawi te kha Uar fahran hian a han zualko nghal zutzut a,
Maileng Khaw Lal Ngumlinga chu a thinrim ta hle mai reng a, A khaw pasaltha te ter pha tur awm tura a rin loh laia chu tianga Thu a hanhre ta mai chu, Maitawka chem kenlai chu pawhthlaksak in Pawna Khuplanga Lubung chu a sat phel ta phawk a, Tlangau pa chu Upa te ko tura tir liam nghal in Pasaltha te chu Ralrun thu sawiho turin Upa te lo thlen khawm hun chu an nghak ta a
Upa te an lo thlenkim chuan, Lal pa hmel dur khuih atang chuan Thu namai lo tak an khel dawn tih pawh an hrethiam nghel vek reng a
Maileng Khaw Lal Ngumlinga chuan, Pasaltha tuaitir Khuplanga ho a tlangval zathum zet te lo chimih chu Nghalzawl khua Run a An khua haldarh vek a, A khaw mite pawh tumah a bo a bang awmlo a That vek turin pasaltha te chu a hrilh te nghutnghut a
Tlangval ralkai thei Zanga zet a neih te duh khawp lo in, Falam In Zasarih khua, Ralkai thei chin pawh zaruk zet awmna khua Lal Tialbawia hnen a Nghalzawl runpui tura Sawmtur in upa leh pasaltha thenkhat te chu a tir nghal bawk a,
Lal Tialbawia hi Maileng khaw Lal Ngumlinga Makpa a ni a, Lal Bawia khua Falam nen pawh anin titha in, Lusei ho Runkawng ah pawh a sulsu tu leh in thurual thei tak an ni a, Nghalzawl ho in an Run a khua hial an hal sak tak Dimlam ho nena In Laichin hnaitak a ni, Tin. an ni Halkha khaw lian pahnih leh Pawih Khaw lian Falam te hi Lusei ho Thlang tlak tirtute an ni deuh ber a, Khawdang cheknek deuh te chuan Tiaural kanin, Lusei te hi an Beive vak lo a ni, Falam hi In Zasarih zet niin, Tlangval Ralkai thei pawh Zaruk Lai an Awma, Pasaltha tawrawt taktak Khualkai pha ngat pawh Pali lai annei a ni
Falam Lal Tialbawia Chuan Maileng khaw Lal Ngumlinga Palaite thu chu a phur zawngtak lo niin, Tlangval Ralkai thei chin a bo abang awmlo a thawk chhuak vek tur leh Ninga hnu ah Phulpui a in tawkkhawm turin thu an titlu ta a
*
Khua chuana an vela Halkha ho thlithlai Tlangval Sawmli Rual ten Nghalzawl an thlenkim leh hnu chuan, Pawltina Hotu ten Lal leh Upa te hnen ah Chanchin an han thlen sapsap a, Thu thinthawng leh bengkhawn Viau tur chanchin engmah a awmloh a vangin, Nghalzawl mipui te chu an hlim tlang hle nghenghe a
*
Chu tia ralmuang ta deuh a anin hriat hnu chuan, Phulpui lal leh Lunglianpui Lal te chu khawthar kai tura thu anlo dah tawh angin, Khawthar tur hmun rem En kual turin Tlangval Leh Upa pali thlang chhuakin, Phulpui lam chuan Nghalzawl atang An khaw hlui lam tinzawn in Khawthar sat tur chuan anin chhir chhuak a, Lunglianpui Erawh, An khaw hming put chhan niawm taka mawi, Nghalzawl Chhimlam Nikhat kal vel awm a Tlang chhipa lung tolawt lianzet Awmna chu khaw thar kainana rem chang zet hi Nghalzawl pa upa lam titi atang huallawk anlo nei a, Tin Lal Fapa Hrangchhuana pawh, Lal Aizika Aiawh a duh tlat loh a vangin, An khawhlui Nghalbual khawram tawh tungding a, a Pa Lalna khua ngeia Lal niturin Anin tin tuah ve mek bawk a
Nghalzawl in Zaruk zet atang Lal Pathum Indang chhuak tur chu mipui mimir titi ber a ni chho ta renga, Lal Aizika Lalna hnuaia khawsa mipui te chuan, Khawthar Sata pem chu anlo hre deuhthum ta mai a, Phulpui Lal leh Lunglianpui Lal te chuan Zuitum in Sawmtha veve bak an nei ta tlat lo, Hrangchhuana erawh Pasaltha Aithura leh Kapthiaua te'n Zui antum vang nimaw, In Zahnih laiin Nghalbual khaw dinthar leh chu an lo chak emem maibawk a
Lal Aizika leh a Upa ten Khaw haranah awm mahse, engkima in Unau tawnin, A chhia athaa inpuih tawn zel tiam in Mipui te an han thlem ta taktak a leh, Phulpui leh Lunglianpui Lal te chuan In sawmsarih vel veve Pempui tur an nei ve ta
Nithum hnu a Phulpui Indang tuete thlahliama, Nili na ah Lunglianpui indang tur te thlahliam ve leh in, Ni sarihna ah Nghalbual Lal Hrangchhuana te kalchhuak ve leh turin Lal leh Upa te chuan thu an keuhthlu ta, Sial leh Vawk talh in a tuk atangchuan Ruai an theh tan ta vut vut a, Nghalzawl Vanglai an chen a niber e, Inzaruk Lai Awmna lusei khua zawngzawng zinga Khawlian ber pawl an nihna Hliahkiana a awmhuntur chu Nghakhlel reng awmlo in, Lam thaiin an ri leluh nitin Zantin ta mai a, Duhtawka Zupui intur a awmbawk a, a hmei apa in an rui ta luk luk a, Thenkhat khawimawlai kawmkila lo in I rial pawh anawm ve mahna le, Aithura leh Pulpui Lal fanu Thanghniangi in melh kal ralhralh thin pawn Chinlem neilo in, Lungdawh lam panin anin kuah thla ve nawknawk bawk a,
Lal fanu piannalh leh Ngo vuh A mawng bial lian zet leh a awmbawr pawng lah te chuan Aithura mipatna leh insum theihna an va tih kehchiang em.!
Duhthawh zet a in keih mawlhmawlh in Aithura kut awm hlehle theilo pawh Thanghniangi Taksa hmun hranghrang ah chuan a lengkual vel a
Karlo ah Lal fanu Thanghniangi Tlangvalte Khumlaizawl titi leh tawnmang lasi chu Aithura hma ah chuan phentu neilo in a ing paw ta heuh mai le
Aithura pawh a bangbik lo, a vaibel dawn kawh luah chungchuan Thanghniangi chu a ding puk pui ta ruih a,
Chutia Hmangaihna li thukber chentuma kawng an zawh laichuan, Silai a Puakri ta dur mai le
Aithura Pasaltha thisenkai beng tha zet chuan Silai rikna lam chu Ralveng buk lam ani tih pawh a hrethiam nghal vek renga
Thanghniangi hmui senno cheka fawp zauh in, " Thanghniang, He khawvela ka hmangaih ber leh ka hmangaih awmchhun i ni e, engpawh kan chung ah lo thlengse min han hreve rengthin ang che aw, " tiin a kuah ta vawngvawng a
Thanghniangi Lalfanu Hmeltha leh duhawm zet chuan an hun tawn tur chu hrilh nawn ngailo in a hre chiang ve kher mai.! a bianga mittui luang zawihawih in, " Aithur, Famchan hnu pawn Ka hrereng ang che a, damlai hringnuna i ta ka nih theih loh pawn pialral ah tal i ta niturin ka lo nghak reng ang che" tiin Aithura awm ah chuan beiin a inhnit hlephlep a
Nghalzawl Vawlrual te chu Lal Aizika thu chhuah angin, tlangval sawmnga zet Ralvenna lama liam thla in, midang zawng chu Lal tual ah chuan thuam famkim nen an chhuakkhawm zungzunga, Nghalzawl hi Kulh anga thing Tawng sawmpahnih zeta an hung kual vek tawh avangin Khaw luhna kawngkharpui pakhat chauh awmin, kawngkhar te erawh chhim leh hmar, Chhak leh thlang ah te a awm thung a, Tlangval panga theuh in vengin Kawngkharpui erawh Tlangval Sawmthum laiin an venga, Kawngkhar pui lam ah ngei chuan Halkha valrual Zariat zet te chuan luh tumin beihpui an rawn thlak ta a ni.!
Lal tuala tlangval pungkhawm te chu, Ralhmaa tlan lo tur leh khua leh chhungte chhan nan Lu chhum ban chhum huama thawih tawp chhuah turin Lal Aizika chuan fuihin a chah mawlh mawlh a
A mah pawh chu Thuam famkim in bel in Ral beitur chuan Kulh kawngkharpui lam chu an panthla ta duldul a
Kulh pawnlam Silai kahphak loh chin ah chuan Halkha ho chu an lo tling hmur a, Nghalzawl Vawlrualte pawh kulh chunga Them an dawh ah lawn kaiin an inring thepthawp tawh kher mai.!
Halkha ral in an rawn beih thut pawha an him tlan zawk nan ti a, Intin inhnuaia khur an laih, Mihring luhna leng chauha an tih awng, a chhin neithlapa an siam sa vek ah chuan Ralbeitheilo nunau te chu an lut thla nghal dual bawk a
Nghalzawl chu a reh hian a reh ta tlawk tlawk a niber e, Nunau khua biru te tan pawh ngaihthat thlak loh khawp hian a reh tlawktlawk bawk a
*
A tu veve lam mah chuan thalthlah nami a ni rih lo tih hria in Ral leh Ral ah chuan anin ep ta un mai le.!
Sikpui Ni sensa velvawl chuan Chinlem neilo hian a theihtawpa sa hian inbei tura in ep ut te chu a em thlan zawihzawih maibawk a
*
Halkha Pasaltha te chuan rawn hnaih deuh in luhchhuah dan tur an han zawng ngial a, mahse, Kalkhan chu mi pahnih kalkawp theihna chauha Zauh a ni a, Mi Zariat tehmeuh mah nise, Tamin awmzia a neiin an ring bawk silo,
Halkha Pasaltha Maitawka chuan, " Lusei maimai ka bawhchilh nglo e tih te chu a, khawnge tlangval te u, a chil in i chil hlum vek teh ang u" Tiin tlangval te chu a han fuih phura
Tlangval te chu Hawhaw ruoh ruih in, Mi Zariat tehmeuh Hawhaw ri chuan Chu lai tlangkar chu a khawk rumrum thei hial a,
Chu tah leh, Halkha valrual te chuan Hawhaw chunga hmalam pan in, a rem dan dan chuan kulh lam pan in an tlan ta humhum maile, Nghalzawl Valrual te chuan a hmasasa chu anlo thal tawptawp a, Halkha Valrual te chu an hak heuhheuh kher mai, Inphenna tur an han zawnga, Nghalzawl Lal Fing zet in, chulai vela Inphenna tur thing leh lung zawngzawng lumsawn tir in thingpawh a bul ret ah alo Kih tir vek si a, Halkha Valrual te chuan han kap let ve thin mahse, Kul bang Thing chang Patling pawm tia tia a tanhmun remzet a Nghalzawl Valrual te chu an vun chhe pilh tham pawn an kap fuh thei ta tlat lo
Aithura leh Hrangchhuana pawn an silai tha bik zet chu an hmang tangkai leh kher mai.!
Bula miten vawihnih an kah puah chhung in anni chuan anlo vawiruk hman thin a, Halkha Valrual te Suattu anni ta hrim mai.!
Halkha Pasaltha Tawituka chuan Hnung tawlh turin Halkha Valrual te chu a han au lauhlauh a
Halkha Tlangvalte an hnungtawlh kim meuh chuan Anlo tlu phung mai hi alo ni a,
Lal Aizika Chuan Halkha Valrual Kulh hmaa tlu te chu kutzung chal a kawk meuh in a han chhiar a, Mi zahnih lai anlo tling hial a
An mahni lam an hanin en fel ve leh a, Thi leh hliam tu mah anlo awm lo a, Halkha ho hnung tawlh ta chu Nghalzawl Lam an lawm in an thaw huai thei hial reng a
Halkha ho in Hmun him Silai kah phak lohna chin an thlen chuan Pasaltha Maitawka chu a thinrim ter at ta mai.! Pasaltha Tawituka dinchilh in, "engvanga hnung tawlh tir nge maw i nih le.? Lusei Ho hmaa Hnung tawl tur lek pasaltha maw iloh ni.?" tiin a an khum ta phiar phiar a
Pasaltha tawi tuka chuan, "Saw kulh hmaa kan mite tluk hlumtir vek ai chuan tawlh kira bengthara beih that leh a finthlak zawk e" tiin a ruahmanna verther zet chu a hrilh ta mialmial a, End of epi-28

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 8th, 2018, 7:07 pm

PASALTHA - AITHURA - EPI - 29
Awmtea fanai (Hrangtling)
*
Halkha ho in Hmunhim, Silai kah phak lohna chin an thlen chuan Pasaltha Maitawka chu a thinrim ter at ta mai.! Pasaltha Tawituka dinchilh in, "engvanga hnung tawlh tir nge maw i nih le.? Lusei Ho hmaa Hnung tawlh tur lek pasaltha maw iloh nih. ?" tiin a an khum ta phiar phiar a
Pasaltha Tawituka chuan, "Saw kulh hmaa kan mite tluk hlumtir vek ai chuan tawlh kira bengthara beih that leh a finthlak zawk e" tiin a ruahmanna verther zet chu a hrilh ta mialmial a, End of epi-28
*
Pasaltha Maitawka pawh chu a nuita vur vur a,
Pasaltha dangte leh Tlangval ho hnen ah chuan a Ruahmanna chu a han sawita zungzunga
Tawituka leh Maitawka chu banphar in kulh kawngkhar lam ah chuan an rawn kal ta a, Lal Aizika pawh chuan, Kaplo tura tlangval te hrilh in, Kah inring ranin anlo tin thap thung a,
Kulh kawngkhar bul an rawn thlen chuan, Pasaltha Tawituka chuan "Nghalzawl pasaltha te u, Mal beiha mi cho inawm em lem.? Sawm veve in thlang chhuak a, Inbeih in ngam a nih chuan lo chhuak ula, A chakzawk kan nih chuan, Nghalzawl hi kan thuhnuai ah a awm tur a ni ang, kan chak ta lo a nih chuan vawite khat mah kan tibuai leh tawh ngailo ang cheu a, in khawlam hawi hian Ke kan pen leh tawh ngailo ang" a rawn tita
Nghalzawl Pasaltha leh Valrual te chuan Lal Aizika an en thapa, Lal Aizika chu a han hawikual a, A pasaltha te a han thlek kual denden a, an hmela zamna leh hlauhna hmuh tur awm lo chu hrethiam in, a nui ta verver a
"Halkha hma ah kan zam lawnge, in Ngamngam kan ngam a, in Duhduh kan duh e" a tive ta saksak mai le
Halkha Pasaltha Tawituka chuan, Halkha valrualte awmna lam chu hawi in a han hui ta lauhlauh a,
Kulh hmaah chuan Halkha Valrual zaruk lai la dam te chu an ding ngir ta khup mai
An zavai aiawha Inbeitur Pasaltha sawm an hanin thlang chhuaka, Maileng khaw pasaltha Panga te leh Falam Pasaltha pali te bak ah Falam Thirdeng fapa Lian zet hi an thlangchhuak bawka
*
Nghalzawl lam pawh Lal Aizika chuan, "tunge ka khaw aiawha ding dawn che ule," a han ti a, Nghalzawl Valrual te chu an zavai chuan an rawn hnaita supsup a,
Lal Aizika chuan, "Ekhai a va lawmawm em, kan zavaia beihmi a ni silo a, Inthlang chhuak mai ang aw tiin
Pasaltha a khaw Aiawh tur te chu a mahngeiin a han thlang chhuak ta a, Pasaltha Keitawna, Thanghlira, Hrangchuanga, Hrangsira, Aithura, Hrangchhuana, Kapthiaua, Tlangval satha nelhnawl leh Viaktha zet pahnih a han thlangchhuak bawk a,
Pasaltha Keitawna chuan, "Lalpa, Pakhatin kan la kim love, tunge i thlan leh dawn le" a han tia, Lal Aizika chuan, "ka khua leh tui chhannan kei ka tel loh in le" a tita chheu chheuh mai
Kulh Hma zawl zau lai ah chuan Lusei pasaltha te leh Hakha pasaltha Sawm veve chu hlauh nei hlek lo hian anin hmachhawn ta far a,
Halkha Pasaltha Maitawka chu rawn pen chhuak in, " Khawnge bul ka tan teh ang, Pasaltha Tuai tir Hrangsira an tih ngei kha Beih ka duh e, " tiin Khuplanga thusawi hre ran in Hrangsira kher cho a ni renga
Hrangsira Inbuan chauh ngam thin tlangval lian leh chak dawizep tak nithin kha, Pasaltha Keitawna te, Aithura te bula a chet tlat atanga Tlangval huaisen Hlauh nei lo nita Hrangsira chu a rawn pen chhuak ve ta thauh thauh a
Pumrua ah pawh anin tia tawk thiauthiau kher mai.!
Mailenga chuan chapo zet hian" nanghi maw Hrangsira an tih chu, ila naupang hle a, Chithlah hman lo a lu chantur chuan i pamhmai hlemai" tiin a han nuih uaruar a
Hrangsira Chuan Zamlo zet hian "Chithlah tur chuan ka la Nau deuh e, Khua rei ah khawkhat dap in ka la thlah ve ang chu" a lo tive khauh a
Hrangsira tawngzawh rual chuan, Maitawka Chem lian zet chu a rawn vung nghal fua a, Hrangsira Nghawng a chhawk teuh kher mai.!
Hrangsira chu lo kun zauh in, Maitawka Dulnem ah chuan a han Nghawk nghal sawka
Maitawka chu hnungtawlh dawr in, "khai aw, Kha chu aite chhinna chauh a nih kha, lo inring rawh le, " tiin a chem lian hriam zet chuan a rawn vaita buanbuan a, a palian in a vaina bawka, Hrangsira chuan indanna mi a nilo tih hria in, hnunglam ah alo per sawn zauhzauh a
Chutia chawllo a Maitawka'n a chem lianzeta a Vai tak reng ah chuan, inbeihna Mual in daihlo in Hrangsira chu Mualtawp ah chuan a liamthla thelh a, Chu tia a pharbuai lai tak chu chuh in, Maitawka chuan chhuk zawngin a rawn vai leh ta zawk a, Hrangsira chu Maitawka lama in theh pheizawk in, Maitawka'n chhuk zawnga sah a tum ban lekkang lai tak chu a su ta chawr a, an pahnih chuan Leichar ah tlu in an chem ken chu an thlau ta veve bawk a, Maitawka chuan thawh pah in Hrangsira bek ah tak chuan a han Chum ta zawt a, Hrangsira luhai chu a bawk phek ta thlawrh a,
A U Hrangchuanga chu lo au in, "Hrangsir, Tho ta che le, Kan mite leh Keimahni ngei nun chhannan Theihtawp i chhuah angai e" alo tivin thakthak bawk a
Hrangsira chu zawi muanga tho in, Maitawka lam hawi chuan tanhmun a han siam rem leh ta a,
Halkha pasaltha Maitawka chuan, tlangval inpe mai rawh, Hriam pawh i neih tawh loh kha, tiin a Chem lianpui chuan a rawn tin kawh vah a, Hrangsira chuan mitmeng thip remrawma melh kalh in " I lulaknan Hriamhrei ka mamawh lo e" alo ti chang khawl mai
Maitawka tlawmngai thinrim chuan a hma angbawk khan A chem Lian leh Hriam zet chuan a rawn Vai leh ta buanbuan a, Hrangsira mit chu a zim deuh sat hian a hriata, Uluk taka Maitawka chet rawnthawh chu enkar in, Maitawka'n a rawn Vai leh chiah Ban rek ah tak chuan rangzet a lo man chat in, a kut dinglam chuan, a nghawng ah a rek nghal chat bawk a,
Thapui thawh meuh in, Maitawka Maileng khaw palianber chu a khing khat a chawilang vawk in theihtawpa na in leichar vawmnan chuan a han hmang ta dup a, Maileng pasaltha tuarfai leh palianber chu, Nghalzawl khawkulh hma leichar ah chuan a mu zawi ta hnuanga, Hrangsira chuan, "Pu a tho la mi bei leh teh khai thaza pawh ila ti reh hleinem le" tiin Maitawka chu a han chhir zawt a, Maitawka chu muangchanga tho in, Hrangsira in rinloh lai nia hria in a chem chu a han ban dede a, Hrangsira hnunglam a tang chuan rawnveh phei in, Hrangsira hawirual chuan a nghawng zawn ah tak chuan a han vai vung leh ta vuaia, Hrangsira chu kun leh zawkin, a lu chung ah chuan Maitawka chem chu a fung ta fua a, Hrangsira kun chuan, Maitawka kerek pahnih ah man in a han phih ta thuai a, A ke lam sangtaka a chawi vangchuan, Lulei vit zawnga tlu in, a lu chu leiah a in vawta chawrh a, Hrangsira chuan Duhtawk mailo in, Maitawka kawngzawna kuah bet in Leichar ah chuan Thingsawh takhian Maitawka chu a han sawh ngheng a leh, Halkha pasaltha Maitawka luchu kehri rawp in, a luchu a koki inkar a awm ah chuan a tlumlut thawih thei hial a
Halkha lamin Maileng khaw palianber an chan hnu chuan, Maitawka angthuala lian ve tawktak Thumvuta alo peh chhuak ve leh ta, Maitawka tia lo deuh mahse, A lian in a taksa chu a fip tawng ve thunga, Hrangsira chuan a chem chhar in, tanhmun a hansiam rem ve leh a, Thumvuta chuan engmah sawi setset in Hrangsira Chu rawn zuanin a rawn sat nghal thuai a, Hrangsira pawh chuan lo in dangin, An chem chu ain khak tek ta chuaichuai mai renga
Thumvuta chuan nawr in, Hrangsira chu a tawlh ta hawnhawn mai Chutia a hnungtawlh nalam ah chuan, a keartui chuan leipawng rappial in, Mual sir thingtum ah tak chuan a lu in sawhin a tlu zawi ta hnuang mai le
Thumvuta chuan, "Tho che mawle Lusei pa" tivin tuar tuar in Hrangsira chu a chhuih leh zawt thin a, Mahse, Hrangsira chu chetur reng awmlo in Thumvuta chhuih chet angangchuan a awma, Aithura chuan Nikhawhralo in a tlu a ni tih a hrethiam thuai a, Thumvuta'n a lu a lakhma ngeia chet angai tih hriain, Inbeihna mual ah chuan a pen lut ta chhekchhek a
"kha chu Naupang mai ala ni e, Heta hi Infiampui tur diktak chu ka awm e" tih ri a hriat rual chuan, Thumvuta chuan Aithura chu Sahhlawm tawp tum hian a rawn pan hnai leh ta chherchher a, Hlamkhat vela anla inhlat lai chuan Aithura chu Dawkphei zawkin, A chem hriam zekzawk chu Thumvuta Nghawng zawn ah chuan a han Vai nghal zawka, Anin pelh rual chuan Thumvuta Lubung chu a lum tawptawpa
Halkha valrual leh Nghalzawl valrual te chuan mak tiin Aithura chu an en tlawktlawk a, Lal Aizika chuan, "Pasaltha Aithura Ka fapa a nih kha, A ni hmachhawn chu thihna a zuanluh tluk a ni e" alo ti lunglung bawk a
Halkha Pasaltha Tawituka chuan Khuplanga Thusawi Hrechhuak zawkin, Aithura lak ah chuan fimkhur angai hle dawn tih te, Khuplanga thusawi dik zia te a hrethiam ta uaruar a
Falam pasaltha Tialphunga lo penchhuak ve leh in, "Hei chu Falam pasaltha chanpual a ni e, " tiin Aithura Chu rawn bawh nghal buanbuan in, a chem Chuan a rawn vaitlang ta zawkzawk a, Aithura chuan lo bum zel in. Pawih Pasaltha tialphunga Tialphunga Chem rawnvai leh tur Zakkau lai Chhip ah tak chuan A chem hriam vervawr chu rangzet hian a Sat bur ta Vuh a, Pawih pasaltha chu a thingthi hnawka, lei ah chuan bawkkhup zawnga tlu in a zalta riairiai a
*
Halkha Pasaltha te zinga an chhuan vawr leh Pawi pasaltha te pawh in a An hlauh rawn Pasaltha Tawituka a lo penchhuak ve ta
Pasaltha khualkai meuh mah nise, Aithura chetzia leh Khuplanga thusawi te kha hrerengin, a fimkhur hle renga, Mit leh mit ah in en kalh in, Inring penpawn tak hian anchem chu an hum khawng vah a, Inrinloh lai inchang tawnin Inbeihna tual zimte ah chuan anin hel tawn ta themthem mai,
Pasaltha Tawituka chuan,Rang leh na zet hian Aithura chu a chhuksah ta zawk a, a rangin a satna bawka Aithura pawh a Petek hman hram a niber e,
Tawituka Pasaltha namai lo tak chuan Aithura chu a bawhzui duh bik tlat lo, Fimkhur theihtawp a fimkhur in anhan in veh leh ta themthem a, A thawhhnih nan Aithura chuan Tawituka Dar Veilam ah chuan a han chhuk sah ve ta zawka, A sat rang bawka Tawituka awm zawn chu Vunpui chatlo deuh hian a in rinsen thla ta duai a, Tawituka pawh chuan tanhmun siamrem ve leh thuaiin an in veh leh ta themthem maile, pasaltha Tawituka Chuan Tuanran ah Aithura chu a pha dawnlo tih pawh a hrethiam nghal ta ruak mai renga, Inpawmchilh a tharuma hneh beisei in Aithura chu a han Sat leh ta zawka, Aithura Persawn zauh chu Rangzeta zuan leh nghal in, Aithura beisei loh zet hian A awmzawn ah chuan Pasaltha Tawituka chuan a rawn kuah ta chat a, Chu tihrual chuan Leichar ah chuan an tlurual ta thawi a
Tum neirana che Tawituka chuan Aithura rawn thawh chhuah rual chuan, A nghawng ah tak alo kuah ta chat a, Aithura tanphet laklawh chu a talbuai teuh kher mai.! mahse, Pasaltha engtik laimaha Rilru fim hloh Ngailo Chuan, a theih tawpa Tawituka'n a hnunglama tang a nghawnga a kuahbetna chu uai hniam in Rangzet hian a han ding chhuak leh ta thut a, Halkha pasaltha beiseiloh dan deuha Aithura chet dan chuan Tawituka Hnarkawn ah tak chuan a tauh chho ta bur a,
Tawituka hnar ruhtliak thisawng bula a mittui lo luang nghal zawihzawih chuan a nat tur zia a hriat mai awm e
Aithura chu Tawituka kuahbehna a tang tal chhuak nghal in, Rangzeta in herin Tawituka bek ah chuan a han chum zui nghal zawt a
Halkha pasaltha A hnampuite leh Pawih ho hlauh rawn Tawituka chu Leichar ah a thal ta huang mai
Tawituka a tluk rual chuan Halkha pasaltha Thangmanga chu Au thawt in, "Tun ah le" a han ti tuar a, chu tih rual chuan Silai a puak ta nghal durdur mai le
Nghalzawl valrual te pawh inring taka awm an ni a, Halkha pasaltha Thangmanga Au ruala, Halkha valrualten Silai an lek chiah kha Thalthlah hmasa zawk ah an tang ta hlauh a
Halkha Valrual te chu tlu phawkphawk mahse, An tam hneh em anvangin, Kulh chhung ah chuan an rawn tlan lut ta humhum a, Nghalzawl Valrual te tan Silai hmantheih nibik tawh heklo le, Halkha Valrual mi zanga zet te leh Nghalzawl valrual mi zathum zet te chu indimna leh leinatna tel hauhlo in an in sat thi ta sawksawk a
A lununga tam zawk ta chuan Insem darh in inbeihna kar atang chuan, Tlangval sawmnga zet hian Nghalzawl intin chung ah meichher theh kaiin Nghalzawl chu a kang khu ta vutvut a
Aithura leh Hrangchhuana, Kapthiaua te inkawp leh Thanghlira, Hrangsira, Hrangchuanga te inkawp pawh an talna in Halkha valrual chu an tlu phawkphawka, Mahse, A lu tam hneh nahrim chuan, Nghalzawl Lam chu an tawlh loh thei talo a, Theihtawp chhuah in tan han khawh ve sateh mahse, Pakhat an sahthluk zawh ah anmah nin sah anlo tawk ve hman ta zel a,
Kar lo ah A chanchhe zawk ah tangin, Nghalzawl valrual te chu an tlu ve ta nual mai renga
Lal Aizika chu a han hawikual a, A chanchhe zawk a tangin an hnung tawl hrethret tih pawh a hrethiam nghal a, Pasaltha Keitawna pawn Hrethiam nghalin, Lal Aizika leh Lal Nimaitur Hrangchhuana chu himdam tir hram a tum ruh hlea
" Lal pa, Hrangchhuana nen hian Nunau te hruaiin hmun him lo han pan ula, Keinin Halkha ho hi kan lo dang a nge" tiin Lal Aizika chu hrilh in a hma ah tak dingchat in, Lal Aizika hmaa Halkha ho chu a sam thlu duakduak a
Lal Aizika chuan " ni love, Ka khua leh tui chhan ngamlo a tlan chhiat san tawklak ka ni lo e" tiin Halkha Tlangval pakhat chu a bek ah tak a han sat nghal sawk a,
Ral hmachhawn chung chuan Pasaltha Keitawna chuan Lal Aizika chu inthiar fihlim tura fuih leh Vau pawh fawm in thlem chitina a thlem hnu pawh chuan Lal Aizika chu in thiar fihlim duh lo in a khua leh tui tana nun hlan a tum ruh hle a,
Pasaltha Keitawna'n Hrangchhuana inthiar fihlim tura a va tih ve pawh chuan Hrangchhuana chuan alo duh bik tlat lo,
Hrangchhuana hnunga Halkha tlangval pakhat in Hrangchhuana Nghawng fik hmawk tuma zak kau meuha a chem a lek laitak chuan, Kapthiaua chuan Halkha tlangval hnunglam atang a khabe a kuai dak lawpin, rangzet hian a hrawkhrui ah tak a zai nghal hrawiha, Chu tih lai chuan Kapthiaua hnunglama Kapthiaua rawn sah tumtu halkha tlangval pakhat chu Aithura'n a nghawng ah tak alo fik ve hmawk bawka, Aithura hnunglama halkha tlangval pawh Hrangchhuana chuan alo thal ve tho mai, Chutiangzela in vengtawn in, Halkha valrual te chu an thal phawkphawka
Halkha Pasaltha te pawh inveng tawnin Nghalzawl Valrualte chu an thal ve phawkphawk tho mai.!
Nghalzawl Valrualte chu hnungtawlh zelin Khawchanve dawn an tawlh ta rengmai.! Nghalzawl valrual Zathum rual a tang mi Za emaw chauh dam an awm ta, Halkha valrual mi Zaruk zet atang pawh mi zahnih bak dam anawm tawh bik awmlo e,
Lal Aizika chu Lo au in, "Nghalzawl Valrual te u, Mahni sahimna zawng duh chu tlan hun a ni e, Nghalzawl khawtan Nun hlan ngam te erawh ka bul ah hian tanhmun rawnsiam rawh ule" tiin a au vin thakthak a, Karlo ah Nghalzawl valrual te chu Lal Aizika bul ah chuan tawlh phei hrethret in, An dingkhawm thei ta, Halkha pasaltha pathum leh Pawih pasaltha pali te tangkawp chuan Nghalzawl tlangval te rawn nawr zel in, nghalzawl pasaltha te che tha ve viau mahse, Halkha Valrualte chuan an Tamhneh em avangin Lal Mual thleng rawkin Nghalzawl Lam chu an tawlh ta mai renga,
Lalmual zau lai an tawlhthlen hnu chuan, Lal Aizika ruahmana fing leh tha zet an hmang theita, Nghalzawl valrualte Lal Aizika bula tankhawhte chu thuanghniha dingtlarin, Hmalama mite'n Chemtuma lo beiin, A hnunglama mi ten Feikibar Zumhriam zet hian anlo Chhun ta thin bawka, Halkha tlangval te chuan hmasawn thei ta lo in, an tlu ve leh ta phawkphawk a, Pasaltha te paruk erawh hmunhniha in hlawm in, Halkha ho chu a sir tawntawn atang an bawh chilh bawk a,
Halkha Pasaltha Tawituka Halkha tlangdunga 'Ber' kai meuh chuan Nghalzawl Pasaltha te ralbeihdan chu Manthiamin Pawi pasaltha te leh Halkha Pasaltha te chu huikhawm in, Nghalzawng pasaltha a sir tawntawn a tanga rawn bei tute chu Tlangval Sawmnga vel veve Bawh tirin, Lal Aizika leh Nghalzawl valrual Kulh ang maia inveng tawn te chu Pasaltha rual leh tlangval zarual zet nen an bawh chilh ta huk a, Nghalzawl tlangval te chuan An sat tlu in an chhun tlu seng lo a niber e, Nghalzawl pasaltha ten an Lalpa leh Pasaltha Keitawna te tanna lam Puitum in puih duh viau mahse, Anin kar ah Halkha valrual Sawmnga tha zet ten tanhmun anlo khawhve tlat si avang chuan An lal leh An Pasaltha bulpui ber chu Halkha pasaltha te hma ah an chhuak lo thei ta silo
"Thih pawn ruam khat ah, Lusei Valrual te Kan zam law nge, Khai aw, In bei taktak ang hmiang, " tiin Pasaltha Keitawna chu a au lauh lauh a, kulh anga tanhmun an rem pawh chu phet zo in, Halkha tlangval pathumzet a sahthluk leh hnu chuan, Halkha pasaltha Chhuan tawlawl Tawituka nen anin hmachhawn ta ran mai le
Halkha pasaltha Tawituka chuan " Maileng khaw Lal Ngumlinga Pasaltha Tawituka ka ni ngai e" tih leh Pasaltha Keitawna Chu a chem Hriam zet chuan a Vai phei nghal fua a, Pasaltha Keitawna pawh chu lo Zuang sawn zawk in chu tih rual chuan a chem chu a han Vai ve nghal zawk bawk a, Lei a tum rual chuan, a nak nem thip zek chu hria in Pasaltha Keitawna chuan a han in en vata, A nak chu khap chen vel zet hian alo kak duai a, Tawituka chu Nui sak in, "Nghalzawl pasaltha chu infiampui tlak i awm dawn nange.? " tih pah in Pasaltha Keitawna chu a zuan phei leh ta nghal zawk a, Halkha pasaltha Tawituka Chem Vai nazet chu Pasaltha Keitawna chuan a chem in lo indang hman mahse, Tawituka Kethiah hlai zeta a tlawhna erawh a pumpelh hman ta lo, Pasaltha Keitawna chu Leichar ah chuan a tlu ta tual a, mahse, Chuti maia tlawm chu alo tum lo nasa mai
Rangzeta tho leh in, Tawituka Nghawng zawn ah chuan a chhuk sah ve ta nghek a, mahse, Halkha tlangdunga insual thiam ber Pasaltha Tawituka chu a sir lama in her mep in, Pasaltha Keitawna dul ah chuan a chem hriamzet chuan a han thai ta zauh a,
Pasaltha Keitawna chu thingthi hnawk in, a pum chu a kuthnih chuan a dawm nghal vat a,
Chu tih laitak chuan, AW fiak thak hian, "Hakha Tawituk, mipa i nih ngai chuan Keimah hi mirawn beih ta che" tih ri Tawituka chuan a hre ta
Pasaltha tawituka chu a Hawi vut a, Thinrim engphiara Aithura mit thip zet in alo melh kalh leh A mah Tawituka en reng chunga Halkha tlangval a sat leng leh lawp thin chu a va hmu ve ta a
Chutia Tawituka'n Aithura a en reng lai chuan, A nghawnga fik hmawk tum hian Lal Aizika chuan a chemchu a vai fua a, Mahse, Pasaltha Tawituka chu lo kun zauh in, Lal Aizika Malpui Vunpui chat thawt khawp chuan a han Sat vung nghal fua a
Lal Aizika chuan na ti hmel pawh pu lo hian, Tawituka chu a hmachhawn leh nghal zat a
"Lal meuh inbeihna a i tel avangin ka zah khawp maiche, hun i neih lai hian tlan chhe rang rawh, chu tilo chuan i lu ka la ang" a tita chher chher mai
Lal Aizika chuan, "i Theih a thu le" tiin Tawituka Chu a bawh phei leh ta nghal a, an chem in khak ri chhuaichhuai kar ah chuan a trek zawk zawk bawka,
Aithura chuan, Hrangchhuana leh Kapthiaua chu hrilh in A lai a Halkha pasaltha te chetla chu an bawh pheita mai renga,
Pasaltha Thanghlira leh pasaltha Hrangchuanga te Unau pawh A lailum lam rawn nawr in Lal Aizika leh Halkha Pasaltha Tawituka in bei chu An Lal Aizika chanchhiat hma ngeia rawn pui hman tumin an tha neih zawngzawng sawm khawmin an rawn bawhpheive buanbuan bawka,
Lal Aizika chu a Kap dawmin a kun ta ngawihngawih mai le, Halkha pasaltha Tawituka chuan a kap ah alo pet sak chu niin,
Tawituka chuan Muangchanga Lal Aizika sama tham in a kek dak lawpa, A kut dinglama a chem hriam Zet chu Zakkau meuha lekkawh in a vaithla ta zawka
Nghalzawl pasaltha te chu an tre thawta, An Lal Aizika Lu bung leia let reng chuan thih chakna ah a hnuk lut ta emaw tih maitur hian mahni hming chhal meuh in an sapa tal a niber e
Nghalzawl tlangval sawmthum vel la dam te pawh chuan, Halkha leh Pawih valrual Mi za tha zet te chu Hlauhna nei lo leh tim lek lo hian an bawh ve buanbuan bawk a, Aithura leh Hrangchhuana, Kapthiaua te chuan Pasaltha Keitawna bul an thleng pheithei ta, Pasaltha Keitawna chuan A pum atang a ril pawtchhuak tur hup bet chungchuan a lo mu kawm ngal a
Aithura chuan Panhnai vat in, a hliamte chu a han en thuak thuak a, chutih chhung chuan Kapthiaua leh Hrangchhuana ten lo vengin Halkha ho chu dimna leh leinatna awm hauhlo hian an sat hlawm tawptawp mai bawk a
Pasaltha Keitawna chu inti pachang hramhram in, Aithura Bengbul ah chuan " Aithur, Pasaltha i ni a I pa ai i duai bik lo e, Lal fapa Hrangchhuana hi a Himdam a ngai a ni, Hrangchhuana himdam taka a awm hma chuan theih tawp chhuah ang che u," a ka atangchuan thisen lar zet a rawn phuhchhuak thawt thawt a, Aithura ban chu hmer ngawrngawr in, Nghalzawl Pasaltha te chung en, khualklai thanghat khawpa mite hriat Pasaltha Keitawna chuan a Vanglai pelh hret ah Halkha Pasaltha Chem laka him zo lo in famkhua a lawita, Aithura chu ngawi ngal in, a thinrimna leh rilru natna chu a mit ah langchhuak in, A mit chu Puk thimkhup ang in a dum fiah kak a
End of epi - 29

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 8th, 2018, 7:08 pm

PASALTHA - AITHURA - EPI - 30
Awmtea fanai (Hrangtling)
*
A ka atangchuan thisen lar zet a rawn phuhchhuak thawt thawt a, Aithura ban chu hmer ngawrngawr in, Nghalzawl Pasaltha zawngzawngte chung en, khual kai thanghat khawpa mite hriat Pasaltha Keitawna chuan a Vanglai pelh hret ah Halkha Pasaltha Chem laka him zo lo in famkhua a lawita, Aithura chu ngawi ngal in, a thinrimna leh rilru natna chu a mit ah langchhuak in, A mit chu Puk thimkhup ang in a dum fiah kak a
End of epi - 29
*
Hrangchhuana ban ah hmer chawt in, "Hrangchhuan, mipui te Hruaiin Hmunhim lam i pan a ngai e, duh lo sateh mah la, Heng mipui zawngzawng te hian Lal an mamawh a, Nang chauh Lal tur i awm ta e, nawr luih ngailo in, i tihtur chu ti hmanhmawh rawh le" tiin Aithura chuan Hrangchhuana chu a melh kalh a
Hrangchhuana pawh chuan a thianpa Aithura mit meng leh thu sawi chu hrathiamin " Awle, Mipui ho chu Nghalbual lam ka lo panpui anga, Natuk zing khawvar ruala i hmel ka hmulo a nih chuan, ka rawn let leh dawn a ni tih hi hrereng bawk ang che, Thi thei i nilo a, Lal ka ni dawn a nih pawn i puihna tello chuan engmah ka ni dawn lo, thih pawn ruamkhat ah dampawn mual khat ah kan tih kha " tiin, a in her vut a
Hrangchhuana chu tlangval sawmlai in zuiin inhnuaia mipui biru te chu huikhawm in Nghalbual khawram lam pana kal an tum ta a
Aithura, Thanghlira, Hrangchuanga, Hrangsira, Kapthiaua leh Nghalzawl tlangval Sawmhnih zet te chuan Halkha Valrual mi Zasawmnga zet te chu hnungtawlh pah zela beiin, Hrangchhuana leh mipuite kal lohna lam ah chuan hruai peng tumin khua a tangchuan an tawlh chhuak ve zel bawk a
Aithura chuan Tlangval sawmhnihte chu tirin, Hrangchhuanate kalna lama Halkha tlangvalten an um palh hlau in, Hmanhmawh baklengin An liam ve nghal a,
Nghalzawl Pasaltha panga te chuan Halkha leh Pawih valrual Zasawmnga zet te chu Kawngchep lai tak, Kawngchhak lam Mau tlawn zeta sang leh, Kawngthlang lam pawh kham awihbung zet,mipahnih ai tam kal rual theih lohna ah Tan khawhin Halkha tlangval hmasa a piang chu an tlu ta phawkphawk a
Aithura leh Kapthiaua tang kawpin, Halkha valrualte kawngzim laia an danbeh lai chuan, Pasaltha Thanghlira leh Pasaltha Hrangchuanga te Unau chu tirin, Kawng zim leh tanhmun siamna rem chang dap a tan lo khawh ve turin Aithura chuan a han hrilh a,
Mi zasawmnga rual kawngzimtea in hnawh khat tlat te chu Aithura leh Kapthiaua chuan an theih anga rang leh na hian an sat tlu zawihzawih a niber e
Tun ah zet chuan Aithura pawh a chau tan ta, A ban leh a awm ah te chuan Halkha ho chem hnu a in rin kawkalh ve ta nuk mai renga
Halkha tlangval te erawh an pian belh zel emaw tihtur khawp hian hmalam an rawn bawh buanbuan bawk a, Pasaltha Haicheka leh Pasaltha Thangmangate intiam rual in Aithura leh Kapthiaua ten Halkha tlangval an beih buailai chuan an rawn bawh ve ta thut mai le, Aithura leh Kapthiaua pawh Pasaltha Khualkai meuh hma ah chuan an chungnung lua bik thei ta lo e
Aithura chuan a pu Pasaltha Keitawna'n tlanchhiat hun a awma huaihun a awmngai e a tih kha hrerengin, Kapthiaua chu Inthiar fihlim tura hrilh in, An theih anga rang chuan Pasaltha Thanghlira te awmna lam ah chuan an tlan liam ta nghal a
Halkha Valrual te chuan um ve nghal in, Lo finghnih zet an tlan hnu chuan, Sakuh kawngtum tia lek ah hian Pasaltha Thanghlira leh Pasaltha Hrangchuanga te chuan tanhmun rem zet siam in tan anlo khawh ve leh ta a
Halkha tlangval ten Hawhaw chunga Bawhrawn antum laitak chuan, Kawngchhak lam atangchuan lung lian zet hi a rawn lumthla ta mai a, Halkha tlangval inthiar fihlim hmanlo te chu a delh hlum chiang hlawm kher mai
Chu tah leh, a aia lian zawmah tur lungtum a rawn lum leh ta hawlhawl a, Halkha valrual te beisei loh lutuk dana Hrangsira che dan chuan Halkha leh pawih tlangval nunna a suat hnem hemhem kher mai.!
Pasaltha Thanghlira leh Hrangchuanga ten theih tawpa tankhawh in, Hrangsira'n lung alo lum ve reng bawk a, Chu tian rei fe anin beih hnu chuan Halkha tlangval te chuan mi Sawmnga zet anin hloh ta reng mai.!
Pasaltha Tawituka chuan hma ansawn theiloh chhan hreran in, Tlangval te chu hnung tawlh turin a han au thawt thawt a, Tlangval panga zela inkawp tirin, kawngchhak lam ah chuan Hmun sawmlai ah a lawn tir ta a, Pasaltha Haicheka leh Pasaltha Thangmanga te, Pawih pasaltha te nen hmahruaiin Pasaltha Thanghlira leh Hrangchuanga te chu uluk leh fimkhur tak in an pan phei ve chhet chhet bawk a
Pasaltha Thanghlira chuan inthiar fihlim hun a ni tih hriain, Hrangsira chu a han Au thawt thawt, Hrangsira rawn chhuk thlen hnu chuan Aithurate Tlanliamna lam ah chuan an tlan liam ve leh ta a
*
Chutiang hlira tlan chhiat pah fawma Halkha valrualte an beih let Fatfat hnu chuan khawfing chat in khua alo eng ta uau a,
Halkha lam pawh mi sawmnga tha awrh chauh dam tawh in, Nghalzawl Pasaltha te pawh an taksa hmun hranghrang ah chuan Halkha pasaltha te chem hnu a awm chekchuk ve tho mai.!
Pasaltha Thanghlira leh Pasaltha Hrangchuanga phei chu an hmel en rengreng pawn an chau tawh hle tih a hriat hliah hliah a, Pasaltha Thanghlira chuan Anla chet ve theih laia a tam thei angber thih chilh mai duh tawh in tang ral raih chu a rawn a rawt tawh mai reng a
Aithura chuan Inveng pah zela tlan chhiat chu tha ti zawkin Pasaltha Thanghlira te chu a dangthei hram a, Chu tah le, Halkha Pasaltha Tawituka lo au in, Inmalbeih a rawn cho leh ta kurkhur a, Mahse, a hmaa inmal beihnaa a tlawm zawk Halkha lam depdet chhuah kha hre rengin Nghalzawl pasaltha te chuan an tihdan ngaia beih let chu duh zawk in Halkha pasaltha pawh chu chhang duh lo in Hrangsira chuan lungin a han vawm thum awk a
Tu lam mahmah silai hum ta chu lung kuttum tia tia chhar in anin ral vawm ta fur fur a, Hrangsira ban tha chak zet chu a tangkai in halkha tlangval te a vawm fuh tho leh thei an awmlo renga
Chutianga anin vawm viau hnu chuan a tlem zawk Nghalzawl Pasaltha te chan chu a chhe leh hret hret a
Hrangchhuana leh Mipui te pawh hmanhmawh zeta Zankhuaa an kal hnu chuan, Lunglianpui khawthar tura an tih Lungpui lianzet awmna mual chu Tukthuan ei hun awm ah anthleng a, Hrangchhuana chuan, Tlangval te chu A theih ang anga ei tur dap tura hrilh in, tumbu leh theih rah a awm ang ang zawngkhawm in an buai nghal char char a, Nghalzawl pasaltha te hmel reng hmuh tur awm ta lo chu an ngaih a tha lo tlangin thi vek tawh angai pawh an awm nuk renga
*
Tlangval ten eitur awm angang an rawn hawn te chu mipui eitura semin, Hrangchhuana chuan mipui chu au khawm in, Nghalzawl Pasaltha te Lam tura kal a tum thu leh engpawh a chung ah thlengse, A mah ai ah a nupui Tialthai chu LAL niturin thu a hnuchhiah bawk a
Tialthai chuan a thiam angtawka Kallo turin thlem mahse, "Thih pawn ruamkhat ah Dam pawn mualkhat ah" tia Thingserh sat meuha alo tiam pui Aithura tello a hmalam pan zel chu a zuam mawlh lo a ni.! Phulpui Lal fanu Thanghniangi alo kal hnaia, "K'U Hrangchhuan, Kallo la tha ka ti.! Mahse, ka hmangaih Aithura A mah maia Halkha ral hmaa a chetla tur ka dawn hian ka ngaingam mawlh silo, K'U Hrangchhuan, Engpawh thlengse, Ka hrereng amg tih hi min han hrilh sak rawh aw" tia mittui tla zawihzawih in Hrangchhuana chu a thlir liam ve bawk a
Nghalzawl Mipui te chuan An pasaltha te chu thi vek tawh riak ah ngaiin, Hrangchhuana pawh chu thi ve ngeitur ah an ngaih vek renga, Lusun angtak hian ngui nghiai in Hrangchhuana chu an thlir liam ta thap a
*
Nghalzawl pasaltha panga te chu thing leh lung phena biru thap in, a um tute Halkha ho pawh an rawn tlan dumdum bawk a, Nghalzawl pasaltha chankhana hmasaber zawn an pelh tep ah chuan, Aithura chu au tuar in Halkha tlangval tlan hnuhnung ber tukhum ah chuan a chhuk sat ngHek a, Midang pawh chu An birukna atang lo chhuak in Halkha Valrual te nwn chuan an in pawmchilh ta buaihbuaih mai reng a
Nghalzawl pasaltha panga chah lak ah chuan Halkha tlangval an tlu ta phawkphawk a, Kar lo ah tlangval sawm hnih lai samthlu in Mi sawmthum lo liam an awm tawh awm lo e
Halkha pasaltha leh Pawih Pasaltha te chuan an tlangval te chu hmakhalh in Nghalzawl pasaltha Panga te leh Halkha leh pawih pasaltha Paruk te chu anin hmachhawn ta chheu mai le
Halkha Pasaltha Tawituka chuan, " a tawk ta e, Lusei pasaltha tia in chhal tlanchhe rengte u, Pasaltha leh pasaltha chauh iin hmachhawn teh ang u, Tlangval te u lo tawlh hnung deuh teh u" tiin Halkha leh pawih tlangval te chu a han hui lauh lauh a
Tlangval ho an tawl hnung lai chuan an hnunglam a tang "Halkha pawih ho chu, Paruk leh panga inbeih in tum a nimaw.? zah leh zah a inbeih in ngam nanhe.? " tih ri an hre ta, an hawirual thawi a, Hrangchhuana a ulhbun phir tin kawhvah chunga lo ding chu an han hmu a,
"Che hlek inawm a nih chuan in thal nghal tawp ang" a'n tih zawm leh nghal zat a
Pawih pasaltha pakhat chuan a chem hum ruh sauha in siam rem in Hrangchhuana chu vawm tumin rangzet hian a zak a kau zawka, a kut atang chem a thlawhchuah hma chuan silai a puak ri ta dur a, pawih pasaltha thin zawn ah tak chuan silai mu lut in, leichawr ah chuan a hlawm hnawk a, a thi chiang kher mai.!
Chu mi rual deuhthaw chuan Pawih pasaltha pakhat chuan, a zak kau in a kut a tang a chem a thlawk chhuak hman ta tlat mai, mahse, Hrangchhuana silai chu a puak leh dura, Chu pawih pasaltha pawh chu a hlawm ve leh nghal tawp a
Hrangchhuana pawh a him famkim bik ta lo, Pawih pasaltha chem hriam vervawr chu a rawn thlawk fua a, Hrangchhuana silai ken ah tak chuan rawn fuh in a ban dinglam vunpui chat thawt khawp chuan a rawn at thler hlawih a, a silai kenlai pawh chu a thlauh nghal bawk a, chu tah le, Pasaltha Tawituka chuan "tun ah le" tih pah in Aithura chu a sat ta nghal thuai a, engtik lai maha inthlahdah ngailo Padaltha te neih ang zawngzawng neivek a an ni ai chungnung zawk hial Aithura chu lo per sawn zauh in, Pasaltha Tawituka chem lak ah chuan a fim hman hram a
Tlangval Sawm hnihpanga rual zet te chuan Hrangchhuana lam pan in an bawh rawn ve nghal huk bawk a, Hrangchhuana Pawh tlangval rual lak a ta sa him nan leh tanhmun rem zawngin A hnunglama ruam zimte ah chuan a zuangthla nghal zawk bawk a
Tlangval rual pawh rawn zuangthla ve nghal bawk in A hmasa a piang chu Hrangchhuana chuan alo sat thlu nghal tawptawp a
Pawih pasaltha pakhat leh Halkha padaltha pathum te chuan Pasaltha Thanghlira, Hrangchuanga, Hrangsira leh Aithura te chu chan insem in an bawh ve nghak huk bawka, Aithura chuan Pasaltha Tawituka chem laka in veng leh per sawn zauhzauh pah in, "Kapthiaua, Hrangchhuana pui angai e," tiin Kapthiaua chu a au thawt a
Kapthiaua pawh Hrilh nawn ngailo zet hian, Hrangchhuana zuanthlakna lam ah chuan a lim thla ve nghal puat puat a,
Hrangchhuana'n mi panga zet a sah tluk hnu chuan, Tlangval sawmhnih rual te chuan bawh rawn tum in an rawn hnaih ta hruau hruau mai le, Hrangchhuana pawh chuan a tawpna ni tur ah ngaiin, a theih tawpa tam thih pui ngei tum in a chem chu a hum ruh sauh sauh ve bawk a, tlangval rawn hnai deuh te chu hmachhawn in tanhmun a siam rem nghal zungzung a,
Tlangval te pawh chuan Bei hmasa tu nih an hreh deuh a ni ngei ang bei mai lo chuan an han hnaih hriau hriau bawk a, Chu tih lai tak chuan Halkha leh Pawih tlangval sawmhnih rual zet awmna lai tak ah chuan Keipui lian zet hi a rawn zuang lut ta phut a, Hrangchhuana hmachhawna hnaih deuh tute chu bengthlu nghal thuaiin, Halkha leh Pawih tlangval te kar ah chuan dimna nei lek lo hian a han tal taktak a leh, Halkha leh Pawih tlangval te chu an thal henhun in an tre tengtung ta mai reng a
Nghalzawl Pasaltha te leh Halkha leh pawih pasaltha te pawh an tumpui te theuh hneh ngei tum in an chem vilik zuaizuai in an phe zawk zawk a, Hrangsira chuan a tumpui pawihpa chu a tham lo leh kher mai.! Pawih pasaltha chem rawn vai chu a ban ah lo mansak in a pawt phar kual dawr dawr a, Pawih pasaltha chuan tharum ah hneh hek lo le, Hrangsira pawhna lam ah chuan duh lo chungchung in a tlan dawr dawr a, Hrangsira lah chuan Naupang chhe chaih tak hian chaih in, a phih sawksawk mai bawk a
Hrang chuanga leh Thanghlira erawh an tum pui Maileng pasaltha te lak ah chuan chan chhe zawk changin Halkha pasaltha te chem lak ah chuan an la him ve hramhram a,
Aithura leh Tawituka inbei pawh Aithura tal hah hnu a nibawk a, anin bei tawk in chantha zawk awmlo hian an chem chu ain khak tek chhuaichhuai a
Phuba lak duhna rilru pu chunga Aithura chem vai chu Halkha pasaltha Tawituka chuan in dang har a tiin rei daih in a in ring ta lo mai reng a,
Thanghlira leh Hrangchuanga Riltam ralbei chau tawngkhawng tawh chu Halkha pasaltha te chuan Beih nuam an tiin Nghalzawl pasaltha pahnih te chu an thal leh hawnhawn thin bawk a, Maileng Pasaltha te chuan An nunna la duh mailo in an chingchauh hnu a an lu lak tum ranin, an nunrawngna chu an langchhuan tir leh tan ta, mahse, an thiltih sual lianber a ni tlat mai, thawk leh khat ah an hnunglam atangchuan Keipui lian zet hi a rawn dawk zawk a, Halkha khua Maileng Pasaltha Haicheka chu rawn bawh thlu tawpin, Pasaltha Thangmanga chu a zuan leh mghal chat bawk a, Pasaltha Haicheka din chhuah leh rual chuan a nghawng zawna Hrangchhuana chem hriam zet rawn vai fua chu a thil hmuh hnuhnung ber ani ta, Keipuiin pasaltha Thangmanga a zuan ruala Thangmanga chem vai zawk chuan Keipui Dar ah tak sat fuhin, a chem hriam hlai zet pil hmawk chuan a sat lut a, Keipui pawh chu huk thawt in, Thangmanga Lu chu a hmuam nghal thawk a, Thangmanga hmuh hnuhnungbet chu keipui Ka chhung sen huam chu a ni ve leh ta
Aithura leh Tawituka erawh an chem vaia zuang zakzak in a vanglai anla hmang dawn chauh emaw tih tur hian an chem te chu ain khak trek leh chuai thin a, An han in then phawk a, Chu tih lai chuan Hrangchhuana leh Hrangsira chuan rawn bawh rawn tum in an rawn tlan dawk zawk a, Aithura chu au vin thawt in, " hei chu ka chanpual a ni e, intha lo seng hah ve duh suh u, ka chem ngei hian a lu ka la duh a ni.!" tiin puih a duh ta tlat lo, Halkha pasaltha Tawituka hlauhber beih rawn a pumpelh tih a hriat chuan a thaw huai a, Engtin emaw dam chhuah beiseina a neih theih phah ta, Aithura tawng zo inrin loh lai a ngaiin, Tawituka chuan a chem hriam zet chu vaifua in an rawn dawk chhuak ngjal zawk a, Dimkhurna thlahthlam ngailo Aithura chu lo vir sawn zauh in, A chem chu a vai vennghal zawk bawk a, Tawituka'n Aithura a pelh fel meuh chuan a dul alo rhler huau ta mai le, a dul thler atang chuan a ril rawn uai chhuak pur in, a chem chu a thloh a, a ril chu a hui lut mawlh mawlh a, Aithura chu kal hnaiin, " I thiltih man i hmu dawn ta, tupawh nila, I lu ka lak lohna chhantur mi hrilh rawh" a tita chheuchheu mai, Pasaltha Tawituka chuan, An khua Maileng lungdawh bula Pasaltha Tuaitir Khiplanga thu sawi kha hrechhuak vawngvawngin, a then suk a, " Pasaltha Aithira maw i nih, i chem kha a hriam lo palh ange, ka chem ngei hian ka lu chu han la vat teh khai" tiin a lu la vat tur chuan a lo tive bawka, Aithura chu ngawi vangvangin, "Pasaltha niin zahawm hle mahla, i thil tih man ah i chem chu ka hmang theilo ang, " tiin a ma chem ngei chuan Halkha pasaltha, Halkha leh Pawih, Lusei te chena an hlauh rawn Pasaltha Tawituka nghawng ah chuan fik hmawk in, A lu chu a lum ta hawnhawn a
*
Aithura chu hawichhuak in, a thiante chu a han en kual denden a, Kapthiaua hmel a hmu ve ta tlat lo, "khawnge Kapthiaua" tiin Hrangchhuana chu a zawt nghal chata, Hrangchhuana chu mit meng buai zet hian " ka hriat bik nang, He tah a awmlo em ni.? ka bul ah a rawn kal hleinem" tiin maktih hmel zet hian Aithura chu a en hehaw a,
Chu rih lai chuan Keipui rum hawk ri an hre ta, Inring thap in, Keipui awmna lam chu an pan hnai ta hriau hriau a,
Halkha Pasaltha bula Keipui lo bawk phek rengchu an hmu ta, Hrangchhuana chuan, a ban phar in, " thiante u, hwichu kan lam tang a ni e, a nihi awmlo se, inzing ah hian ka awm tawh hauh lo ang" alo ti vat a,
Keipui chu an han belchianga, a dar veilam ah chuan Halkha pasaltha chem chu alola bur vuh a
Hrangchhuana chuan a han phawisak a, chu tah leh Keipui chu che hrut in a zia tial te chu danglam in, a taksa te chu a danglam a, kar lo ah Mihring pian zia a inthlak in, Kapthiaua ah alo chang ta
Nghalzawl pasaltha te mak ti lutuk chu an ka ta hau a
Aithura chuan hnimhnah la sawksawk in, Kapthiaua dar hliam ah chuan a belsak mawlh mawlh a, a buanven tlang pawt thler in a tuam sak ta nghal a,
Hrangchhuana pawh rawn kal hnaiin " Kapthiau, enge thil awm zia hi" riin Mak ti zet hian Kapthiaua chu a melh tlawktlawk a, Midang pawh chuan zawhna mitmeng leh mak tihna mitmeng in Kapthiaua chu an en ve thap bawk a
Kapthiaua thisen hloh nasat vanga chau tak a mu chuan chhan tuma a ang zuau lai chuan, Aithura lo tawngin, " Pu Mana khan dawt min hrilh a ni.! alo ti vat a, Kapthiaua chuan, " ni e, ka pa khan dawt a hrilh che u a ni, Keihi KEIMI ka ni a, min thlah tute a tanga kan nihna a ni e, mahsr, ka nu kha chuan engmah a hre lo, In duh chuan ka nunna in la thei a, in thuthu a ni e, mahse, Keimi nimah ila, rumah ka la tina ngailo tih erawh min hriatsak dawn nia" tiin a mit a chhing ta riairiai a, Nikhaw hrelo in a awm zui ta nghal a
Hrangchhuana chuan, "engle khaw le, Nghalzawl pasalrha a ni a, Vawiduailo Kei leh kan khaw mipui te nunna chhannan a nun ngei pawh chan hlauhawmna hmuh ah alo awm tawh thin a, Chu vangin, Kan dam tur a ni ang, Mahse, Heng thu hi tute hnen ah mah kan sawi chhuak tur a nilo ang" tiin thu tawp a sawi nghal a
*
Nghalzawl run a nih atang Ni sawmhnih zet a ral meuh chuan, Nghalbual khua din thar leh niin, Lal Hrangchhuana Rorelna hnuai ah Nghalzawl chu in Za thum zet anlo ni ve leh ta reng mai.!
Tlangval ralkaithei chin erawh Halkha ral beihnaa nun chan an tam avangin, Mi sawmriat emaw chauh ani a
Khaw mipui te in tur an sakzawh hnu chuan, Aithura leh Phulpui Lal Fanu Thanghniangi pawh Nupa a insiam in, Aithura chu Lal in atang ain suan chhuak ve ta a
Lal Hrangchhuana chuan A upa te leh Val upa te ko khawm in, Halkha RUN rorel an tan ta, Ngaohdan hrang hrang an sawi thliahthliah hnu chuan, Pasalth Aithura chuan " Kan tlangval te leh Rawlthar deuh te hi chher Hriam phawt ila, Favang awllen lai ah Halkha ho chu run ta ila, A khua khuaa chimih thak thak in, halkha Khua leh Pawih khua zawngzawng Runa, A chi manga ti chimit thak tur i thawk chhuak ang u" tia a rawtna chu Upa te chuan awn dual, a
Tlailam Zanriah eikham ah chuan Lal Hrangchhuan chuan tlangau tir in Mipui a kohkhawm tir ta a, Favang awllen laia Halkha khua zawngzawng run tur thu leh chu mi hmaa tlangval leh rawl thar zawngzawng PASALTHA AITHURA bula ralbeih zir phawt tur thu a han puang ta dup dup a
A TAWP TA

( Hun ka nei thlawt lo, min hrethiam hram ula, tihian ka titawp rih phawt mai a nge.! Lalpa'n rem a tih chuan, Hun rwmchang hmasa ber ah, "PASALTHA AITHURA 2" tiin Halkha ho an run dan te Rawlrala an chet dan te, thlang an tlak thu te chhunzawm leh kan tum dawn nia)



Website story link ho awlsam zawka in zawn hmuh zung zung theih nan STORY FB group siam a ni e, in lo hmangtangkai theuh dawn nia... Whatsapp group pawh siam a ni e.
Group link : https://www.facebook.com/groups/991354610918230/

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)