Ûmi pasaltha leh Tlangthanghniangi BY Ramtea Ralte Colney (Completed)

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

Ûmi pasaltha leh Tlangthanghniangi BY Ramtea Ralte Colney (Completed)

Unread post by Ngaia » May 6th, 2018, 11:30 pm

Ûmi pasaltha leh Tlangthanghniangi.jpg
Ûmi pasaltha leh Tlangthanghniangi.jpg (14.32 KiB) Viewed 13509 times

Ûmi pasaltha leh Tlangthanghniangi

A vawikhat nan story ka rawn chhawp chhuak ve dawn a, a lo chibuh deuh pawn min lo hrethiam dawn nia. Selna lehh fuihna anka dawng turin ka in peih reng e


Bung 1~na

Nipui sensa vawl mai chuan Thleibik neilovin a enna lehh a satna chu lantirin lalber inti takin thangvan sangah chuan a thu lurh mai a.. Chu khaw lum lehh uap churh maiah chuanBawnpui khaw lalpa Chawnghrianga chuan Leikapui tlangsangah chuan a nupui Vanhrili nauvei mek thawm chu hreawmti lehh ghak hlel taka thlirin a vei kual sek mai a...Nupa kawpchawi duhawmbera mawi ni thin mahse fa an neih theih loh a vangin an nun chu a famkimlo renga. Mahse tunah a nupui duhtak chuan chuan nau veiin an khaw nauchhar thiam Bialanu chuan a awmpui mek a n si a. Duhthusam ramah chengin fapa a hming ti mawit tur lh a hnung rawn zuia Pasaltha, a khua veng himtu tur nei ila aw tiin a inngaihtuah muk hle mai a, a mualkil upa Tlangkhama rawn biak pawh chu a lo hrelo hial mai. Upa Tlangkhama chuan rawn be nawn lehhin " Lalpa, chu eng thawm nge mawni ngai le" a rawn ti lehh a, a ni chu harh chhuak thutin khuai rau ri ang maia rawn ri murmur ri chu a hre ve nghal mai a, lalin leikapuia awm ho chu hawi kual mawlh mawlhin eng thawm tak nimaw tiin an hawi tang hru hlawm a. Engmah hmuh erawh an nei lem chuan lo a. Chutih lai chuan an lalnu nauvei lah chu mangan thlak khopa hreawm ti leh na tuarin a rum vawng vawng mai a, A rum karah chuan naute tap thawm rawn chhuakin Bialanu chu rawn auin "Lalpa fanu thar i nei e" a rawn ti lawi rut mai a. Chuchuan an thawm hriat pawh chu theheihnghilh tirin inchhunglamh chuan an tlan lut nghal rawk rawk mai a, khumpuia lalnu lo mu zawi hnuag lehh Bialanu'n a nau pawmmakti taka a lo en phawk ra mai chu va hmu vatinA naupawm samvar lehh hmeltha em em mai chu va hmu ve in, nausen a ni emaw nula paehwh nise sam var an la hmuh ngailoh avangin mak tiin an ka ho hlawm a, Lalpa chuan a fanu chu pawmin, " ka fanu hi a hmelthat vang lehh a sam var siau vangin tlang a la thang dawn a ni. a sakhming atan Tlangthanghniangi ni rawh se" tiin a duhthusam mipa nilo mahse lawm takin a pawm hliau hliau a, midag paehwh chuan an lawmpui thu an lo sawi hlawm a, an hriat loh laiin Lalin tualah pangpar var thianghlim em em mai a lo tla tuarhtih reng an hrelo, Bialanu nauchhar hah Leikapuia dak chhuak chuan hmuin a rihlut mai a, midag paehwh chuan " enge thil pawihai a awm em ni" tih pahin an rawn thlek ve nghal vat a, nachina an thawm hriat kha he pangpar rawn leng thawm hi niin khawia tanga rawn kal nge tih reng an hrelo. Mak tih bak sawi tur an nei lo ve. An naute neih chu khuavang ho meuh paw him an rawn lawmpui tih reng an hre lo.Chumi zan chu Arkaiden zan niin Lalinah pawh naute danglam en turin an lut\chhuak mawlh mwwlh hlawm a, eng tin tak rawn thang lian ang maw tiin rilru ruak lo takin a en a piang mai chu an awm hlawm a. Chutih lai chuan Bawnpui khua atanga hla tak mai Vahngaw hnuai ah ve thung chuan Patling a hmel en pawha pasaltha tih hriat takmai hian a nupui lehh a fate pahnih kum khat mi awm vel hmaah dingin a hma lama an mahni se-h darh vek tumtu sairal lian zet pahnih lehe-h an mahni tiat thuak a lian dang sawm dawn mai chu a hmachhawn ran mai a. Chutianga sakei rual awm chu thil mak tak ni mahse he Vahngaw hi an lalram niin tumatlawh pawh ngaihloh a ni a, hmelhriat loh mikhual chu an lawm vaklo a ni mahna! Mahse an duh ang chuan an che theibik kher lo ang le. An hmachhawnte chhung hi mihring satliah an ni lo tlat mai. Chung sakei rualte chuan chet an thawh hma chuan an hma a ding chu thla eng hnuai ah chuan a mit a rawn sen ta ram mai le, a chem lehe-h fei chu paihin a taksa a rawn danglama mikhap kar lekah sihal lian tak sairal let vela lian ah a rawn chang ta.Amah beih tumtute paehwh chu an tim chiang hle. Mahse an ram chhung a ni tlat. In vehe-h kual vel nan hun a uihawm mai mai tih hriain a mihring rilru fim hmanga chetthawh vat a ngai a ni. A mah rawn hnaih bertu chu a zuan let nghal tawp mai a, vawikhat chet sual a pawi thei tih hriain a sahuat lai a nghawngah sehe-h sakin amah rawn zuan tumaawp hniam mek lamah chuan a thing phei nghal nawk mai.A sehe-h fuh bawk a tho lehe-h tur a awm lo chiang hle mai. Mahse in thlahdah thei a ni lo. Chutih lai chuan a nupui pawh sihal liantakh lo chang tawhin an fate chu a lo veng ve tlat a. Mahse, nimin lama an ramvahnaah hliam natak a tuar a. A che hleithei hauh lo. Mahse a pasal englai pawha venghim thin tu a awm a lawm. Tunah pawh hian a venghim lehe-h em em ang. Sakei pali zet chu nunna nei tawh lovin an zal der tawh mai a, chu ramhnuai pilril zet chu hemi zan hi chuan a rehe-hloin an inbei thawm chu a raptlakin a ropui ngei mai. Nupui fanau venhim tum lehe-h mahni ram chhan tum an in bei miau a lawm. Reife an in beih hnu chuansakei pathum chiah an bang ta. Sairal pahnihte chu an la in hrosa kuk kuk a. An hmaa ding chu an hlau bik hauh lo. A tawp thlen a hunta. Sairal pakhat zawk chuan rawn zuan thutin chumi rual chuan pakhat zawk chu rang lutukin a rawn dawk phei ve bawk a, an che fuh ve ta tlat mai. An nauten an hlim nual tawh a vangin sihal lian zet pawh chu loinveng zoloin a rawn zuantu zawk chu lo bum hman mahse pakhat zawk chuan a ke hnung veilam chu a hap chat mai le.A sehe-h tuin thlah a tum tawh hauh si lo. Chutih lai chuan sakei pakhat chuan a nupui hliam tuarsa chu a lo chaih buaive mek a. Engtinge a nupui fanaute a chhanhim tak ang le. Chutah sairal pakhat chuan a zuan thelh rual khan in siam rem lehe-h vatin a thianpa'n a keah a sehe-h vangin chet thawh lehe-h vatin sihal darah chuan a insehe-h tang ve le-h chat a. Chu sihal pawh chu a thal chiang khawp mai. Amah sehe-h tute chu thin thlak tumin a tal chiam chiama mahse an sehe-h na a fuh em a a duh angin a thing tla mai thei lo. A thisen lah a chhuak nasain a chau thuai zawk dawn tlat. A nupui lah chu pakhat chuan chetsual tum hauhloin a vehe-h lehe-h mek a, chhanhim dan kawng khat chiah a nei ta. Chumi ti tur chuan a chaknate sawm khawmin amah se_h tute chu a dinpui luah mai le. A mah se-h tute hnuh pah chuan a nupui vehe-h mektu lam chu a pan a. A nupui chuan lo hmuin a thiltum chu a hre chiang hlemai. A mitmeng chu a dul nghal ruih mai a, " ti suh, i tello a kan fate enkawl turin min hnutchhiah i tum em ni" tiin a rilru chuan ring taksiin a au vawng vawng mai a. Mahse an vai chuan an him thei dawn lo tih chu an hre chiang dun hle si. Chutah le, amah rawn zuan tumtu chu hnung lama tanga hnuh tih hriat takin a lehe-t rawk rawk mai a. Sihal liana chuan a ngumah rawn sehe-hin tal chiam mahse a se-htuin ngho tlum pawka a se-h vangin a tal chhuak theilo chiang hle. Sihalpa taksaah chuan sakei pathum ngawt mai chu an bur ta fur mai. Chutah a nupui fanaute lam chu hawiin inmangthana mitmeng nguai lehe-h beidawn thlak zet chuana tawp nan a melh vawng vawng mai a. A hmangaihte chu a kalsan dawn ta. Tihtheih dang a awm ta lo. In herin a chaknazawng zawng a tawp nana sawm khawm lehe-hin an thlang hlam sawmhnih vela hla kham sang tak mai lam chu zuanin amah chauh nilo sakei pathumte nen chuan chu kham sang tak maiah chuan an tla ta vawng vawng mai a, a hmangaihte tan a nun a hlan ta. a nupui chu lungchhe takin chu thla eng ruih hnuaiah chuan chu lai ruam khawk rum rum chuan a u ruah ruah mai a, a lungchhiatna lan chhuah tir dan chu aia nasa chu a awm chuan lo. A fate pahnih pawh an thiam ang tawka lo u ve lauh lauhin an thil tawn chu hrethiam ve rihlo mahse an nu lungchhiatna ti zualtu mai an ni si. A hmangaih a pasal hoa zan thla eng an lawm thin dante ngaihtuahin A lungaawi mawlh lo a ni. A fate chu engtin nge a enkawl thiam tak ang le. Engkimah a pasal tello le-h rawn lo chuan thil a ti ngailo a ni si a. Enge tihtur ber pawh hrelovin an nufa ho chuan an awn ngaiin an awm kar hlawm a. A pasal ruang chu engtin nge a tih ang. An tlakna kham sang takah khan an la chhuk ngai silo. A kham a san ema vangin kal enah pawh an en ngai lo a ni si. Engpawh nise tunah rih chuan a fate chu mut hahdam tir an ngaiin amah ngei pawh hliam tuar a ni bawk a muhil ve thei dawn lo mahse a theih anga hahdam a mamawh a ni tih hriain an pukchhungah chuan a luhpui ta.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 6th, 2018, 11:32 pm

Ūmi pasaltha lehe~h Tlangthanghniangi

Bung 2~na

Hun lehh nite liam zelin Vahngaw hnuai pilril zetah chuan Ūmi naupang pahnih chu in fiamin an hlim hle mai a, An pa thihna pawh kum riat zet a liam tawh a. An nu enkawlna hnuaiah he ngaw chhah tak hnuaiah hian riahrun remin tudang an ngai bik lo. Mual hrang hrangte hrut kualin in thazo takin an lim zet zet mai a. A u zawk hi mipa niin Hrangliana a ni a. Sihal a achan lai chuan a taksate chu dumin a ke lehe-h a hmui erawh a buang thung a. Kum kua ni tawhin ramhnuai chu a tan chuan engkim awmna hmun niin "he ramngawah hian ka lalber" hi a ti fo thin a. Naupang mai nimahse a huaisenin a nu lehe-h a nau chuan an thlamuan pui em em tawh a ni. A nau chu Hrangneihpuii niin a ni chu sihal var duhawm tak hi a ni reuh a. A nu le-h a u in an duat em a avangin tihtauh a hratin a pangchang thiam reuh em em lehe-h nghal a. Mahse ramhnuaia cheng tih takah hlauh an neilo unauin pasaltha tamtak chuan an khum zo tawh kher lo ang le. Chutia hlim taka an infiam a, anin um vel lai chuan an hma lawk kawr ruamah hian nghalchang lian zet mai hi lo awmin an thawm hria chuan aloin hrosa nasa kuk kuk a. An pahnih hian satenau deuhte chu lo sehe-h tawhin lo man ve fo mahse sanghal chutianga lian chu an la bei ngai bik tlat lo a. Mahse tlan chiat mai an tum bik lo. An chakna le-h mibik an nihna hi hre rih lo mahse an in ringtawk ve em em ringawt mai. Sanghal chuan rawn beih mai tum bikloin a awm hmunah chuan a in hrosa kuk kuk mai a. An ni unau pawh tlankawi zawr zawr pahin an rum ve ham ham bawk. Hlauh chu sawilo an phurin an za zek zek zawk a ni.Tlem tlema hnaih hret hretin an in kar chu hlamhnih emaw vel lek a ni ta. Chutah lehe nghalchang chu rawn phit thutin an chesual thelh chu a ni. Mahse lo zuang sawn ve ve hmanin nghalchang in siam rem lehe-h hma chuan an inring fel le-h hman at tawh mai. Chutah lehe nghalchang chuan a tum a thelh tih hria in a hma aia rang zawk mah chuan neihpuii lamah chuan a rawn phit phei lh ta puat mai. Chutih rual chuan hrangliana pawh che ve nghal vatin a nau awmna sanghalin a thlen hma chuan sanghal ngumah chuan a in sehe-h bei chat mai a. Chu chuan nghalchang tuan chu ti fum deuhvin Neihpuii tan pawh chet a awlsam phah ta. A mah rawnphin phei mek tuin a bul a rawn thlen hma chiah chuan dinglamah loin her kual zeuhin nghalchangin a rawn pel fua chu um let nghalin a hrawkah tak mai chuan a bei ve ta chat mai. Nghalchang tlan lai pawh sihal pahnihin an sehe-h miau a vang chuan a pai nawk nawk a . Mahse tlawm mai ala tum bik hauh lo. Ding chhuak lehehe-hi. Neihpuii chu thinthlak tumin a tal chiam mai le. A hlawhtling hman thelh a. Chutah hrangliana chuan a nguma a sehe-hna chu thlahin a nau se-h lohna lam a tang chuan chu nghalchang hrawkah chuan a ngho tlum thawih khawpin a rawn sehe-h le-h tlat mai. Nghalchang tan pawh thinthlak mai mai theih anni ta lo. A tawp a tawpah chuan chu nghalchang chu awn ruah ruahin hrehe~h takin a thal ta ruah mai a. A tluk hnu pawh chuan reitawk fang chu la sehe-h ngar ngarin a thi chiang ta maw tiah chuan an thlahta chauh a. Chutah an boruak thlakin nghalchang chungah hrangliana chu a per kai thauh a. A theih tawka ringin a u ruah ruah a. A nuin hlado mihringin an chham thin a hrih chu hre chhuakin mihringah changin a thiam ang le-h tlem phuah belh kual velin an chham kikawi vel a. A nau pawh mihringah loin thlakin a lo nui hawk hawk a. Chutah an chhak lamah chuan thawm rawn ri thla buan buanin an nu chu a rawn lang nghal thuai a. A faten nghalchang an lo tukdawl a hmuh chuan hlim si thinrim si hian a fate chu a en a. An ni lah huah hlau tih hriat zet hian an loin mawhpuh kual nasa mai a. Chutah tawngthei zawk titakah neihpuii chuan" a nu a u hian he lamah hian kal ang a ti tlat a, a nu'n min hau ang ka ti chung chung min hruai a" a lo ti nghal zuah zuah a. Hrangliana chuan a thiamtawk a rumin a lo melh kawk a. Chutah an nu chuan sanghal chu sehe-h kawh vuin an puk lamah chuan a kal ta vu vu mai a. A mah a lian bawka nghalchang pakhat lek chu zo lah lah tak hi a ni ringawt mai. Chawnga te unau pawh chuan puk thlen hunah mn hau ngei ang ti rilru chungin ngawi rengin an zui ve nghal a. Puk an thlen chuan an nu pi manthangi chuan a fate chu zilhin " fate u, nangni hi ka neih chhun in ni a, tu emaw zawk zawk pawh hi chan cheu ila ka dam zo lo ang. Chuvangin hei hi hre reng rawh u. Chakna aiin fimkhur a hlu zawk fo thin a nia. Tun a tang chuan nula tlangval in nih hma chu in ze pakhat zawk sihalah hian in insiam tawh tur a nilova, mihring nihna hi a hlu a, chu chu in zir tur a ni' tiin a fate chu awm dan a hrilh mawlh mawlh a. Hranga chuan sihal nih chu nuam ati zawk thin a, mihring nun zir chu ho a tiin mihring hmuh tur pakhat pawh an awmna hmunah hian an awm silo. An nufa za hi an ni mai si a. A nu thusawi lai chuan a lo tum deuh bur2 a, engmah erawh a sawi ngam hleilo a, Neihpuii erawh lawm tih hriat tak hian a lo khi ver2 thung a, chutah khua lo tlailamin pi manthangi le~h hranga chuan sanghal chu chanin neihpuii chuan a chhumna tur tui a lo chhuang ve bawk a. An buai mam mam hle. Buh an ei ve ngailo va, sa hi an tan chuan chaw le~h chawhmehh a ni kawp mai a. An taksain a mamawh zawk tlat si a. Lo neih a thlai chin vel an tan a rem rih lo bawk a, pi manthangi tih loh chuan Lo paehwh an la hmu eih lo ani.
Hun a liamin kum a ral zela, Bawnpui Lal fanu tlangthanghniangi pawh nula pangai rawn ni ve tan tawhin a hmelthatna lehh a bahsam mawina chu tlang a thang nasain a mah hmuh tum a an vankhua rawn lawi lut pawh an awm nual tawh a ni. Ni e, a hmeltha em a lawm..kei chuan ka sawi fiah thiam phak lo e. Chuvangin pathlawi Kunga sawi hi ring mai ang w. A ni chuan a farnu rawn rimtu tlangval ho hnenah ti hian a sawi a lawm " kan lalfanu sakhmel mawina hi chu chhawrthlapui pawn a iang phak love. A mimeng paw riai lehh a hnar ngul sang vah maite, a biang sum khuar kak maite lehh a khabe sir deuha khuavang chhinchhiah, eng thuaka lang tham lo en chiana a hmel titha zualtu nisi awmte hi val zawng lu ti haitu nitur a khuanu duan a nisi a. A bahsam lah vohbiktute vohbik lah ni. A pianthiam zia lah hi aw..ka lung a van ti awi em! Phunchiara pawn seltur ka nei love" tiin. A sawi var lo mah2 zawk ala ni. A hmelthat piah lamah a mize nu hnap mai lh rual kawm a thiamna te, mi hlim thei tak lh nuih duh em em a nihna te hi ti hmeltha zual tu lh a zun ngaih tina tu an ni. An inleng tlangvalte ho pawhin an pawmpui tih hriat takin an lo tuihnih ve liam liam bawk a. Chutih lai chuan Lalinah ve thung chuan an khaw pasaltha Tlanghrimate thian dun Vacha kah thlak chanchin sawiin an titi mam mam a, Lal Chawnghrianga chuan a upa te hnenah chuan " vawiin lama kan pasalthate Vacha kah thlak chu Khawi lai ram lam a mi nge ni ngai le? Kan khaw ram lamah hi chuan a awm awm reng ka hre lo a" tiin a zawt hlawm a. Upa Bunga chuan " a lalpa, saw kan khawram ep Vahngaw an ti mai thlen hma deuh sawn a ni awm a sin. Kha an Vacha kah lah kha a lianin a hmui pawh themtleng chen an sawi ang kha a ni ngat mai. A ropui khawp mai." tiin a lo chhang thuai a, an titi zui mam mam hnu chuan Upa khuala chu rawn tawng chhuak vein " kan pasalthate chuan Vahngaw lamah tumpang kiu thawm an rawn hre bawk an tih kha, remchanga va kah ngei an tum thawm pawh a ri deuhin ka hria a" a rawn ti ve bawk a. Lalpa chuan " Aw, Vahngaw lamlam a va luhte chu thiltih chi em ni dawn le. Pasalthate rilru hi chu a khauh thin tehe~h e. Va kap mawlh rawh se." tiin a vanglai hre chhuak uar2in a lung a leng rilru hle a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 6th, 2018, 11:32 pm

ÛMI PASALTHA LEH TLANGTHANGHNIANGI

Bung 3~na

A fanu thangi pawh leikapuiaah thuin lalin tuala naupang thla eng lawma an tualchai vel chu a thlir mai mai a. Naupang thenkhat lah chuan an rawn fiam ve khanglang thin bawk nen a hlim nui ver ver a, Nula uai tawh ni mahse a rilru chu a la naupangchhia in naupang ho bula awm hi nuam a ti thin a ni. Ngaihzawng lam pawh ala ngaihtuah lem lo a. A duh zawng a la hmulo pawh a ni mahna, Khual atanga rawn kal thin ho pawh nelawm si, zuamawm silohvin a lo chhawn ve mai thin a. Mahse zanin chu thla a eng hle a, chu thla eng ruih chu thlirin a lunga lengin ngaihbik awm silovin a kur hliam hliam mai a. " aw chhawrthlapui kan vangkhua rawn lawiin kan run sang rawn kai mai teh la, val dang di lovin nang ka di nag che" tiin a lunglenna chu a chham chhuak hial a. Ni e, tlangval a hmuh tawhah a lungdi tur a vai si a. Mahse, a la tawng ve ngei ang le.
Zan a lo rei tawhin Lal khawnbawl te pawh an tin ta sap sap a. Thangi pawh mut zai relin laikhum a bel ve ta.
Pasaltha Tlanghrima te ho chu zawlbuk tualah thla eng hnuaiah chuan tumpang kap tura ramchhuah dan tur chu an sawi khawm ve mek a, anni ho hi Pasaltha Tlanghrima, Valupa Chalthanga, pasaltha Valkima leh pasaltha tuaitir Bingtea te anni a, an ram chhuak tur chu an phur tlangin, awllen lai alo ni bawk nen hlawhtlin ngei pawh an tum ruh hle a. Buk nghak tur hruai tel pawh an tum nghe nghe a. Engthil nge an tawn dawn tih reng an hre silo. Hun a liama tumpang pel tura an chhuah ni pawh a lo thleng ta.Kawtchhuahah innghak khawmin, an thlen kim hnu chuan Vahngaw lam panin an chhuak ta a. Kar kawngah zankhat riah a ngaih dawn avangin an thawk rip hle a, nilenga an kal hnu chuan Vahngaw pilril zet chu ral atangin an hmu thei ta a, an ban hman dawn loh avangin riahbuk te siamin tumah awlbik awm lovin an che sang sang a, a tuk chhun lai velah chuan Vahngaw ram an luh hman anin beisei a, An ni ho hi mi namai lo tak an ni a. Mahni kawng theuhah mibik tak vek an ni. Tlanghrima hi mi huaisen tak mai niin tlangthang hial khawp a ni a. Chempui ringawta an kawmcharnu sakeiin a seh pawh chhanchhuak thei a ni tlat. Val upa Chalthanga lah ralrel thiam leh hnu chhui thiam uchuak tak a ni bawk. Valkima ve thung chu silai kah thiam zet a duh tawka silai a lek theih chuan eng anga hla pawh silaimu thlen phak chin chu a hlah ngai meuh lo. Bingtea chu rawlthar tih takah harh vang tak niin a tuanranna hi mibik a nihna a ni ve thung. Zanah chuan engmah buaina awmlovin tui takin an mu a, vartianah thovin an che sang sanga, Valupa chalthanga chuan rem ruatin tukthuan ei hma a kal leehh phawta remchanga chaw fak mai thain a hria a, midang pawh chuan tha an tiin hun an hmang tlem deuh dawn a ni. Ei rawng an bawl zaehwh chuan insiam thuaiin an tum ram lam an pan leh ta. Val Upa chalthanga chuan nizan lama a mumang chu ngaihtuah neuh neuhin a rilru a nuam meuh lo a. Mahse sawi chhuah kher tulin a hre lo a, mumang mai mai a lawm tiin a in hnem chawp a, zan lama a mumangah khan Vahngaw hnuaiah lo lut tawhin an zinga tu emaw ber hian kah thianglo hi a lo kap a. A kaptu zawk chu let tawpin ka pawh chhawn lovin a boral nghal a. An buaiin amah ngei pawn hliam na tak a lo tuar kha a ni a. Mumang mai ni mahse a rilruah a thi thei lo a. Fimkhur a ngai dawn hle tih erawh a hre chiang khawp mai. Chawhma zet an kal hnu chuan vahngaw chu an lut dawn ta. An hmaah chuan Vahngaw pilril zet chu a thu lurh mai a. Chawte fakin rorel pahin an chawl vang vang a, remchang hmasa berah buk sak nghal a, chuta tang chuan tlailamah vah chhuah an tum a ni. Vaibelte an zuk zawh chuan Vahngaw chu an lut tan ta, sa hnu pawh a tamin hmun thenkhatah phei chuan a chiar dup thei hial a, an hlimin hlawhtlin loh reng an in ringlo. Nakinah chuan lui lian ve tak pakhat hi an thleng a, a kam vel chu riahbuk sual nan tha dawn hlein an hria. A hmun a remin tui lah duhthusam a ni a. Chuta riah mai chu an ti tlu ta. Riahbuk sualin zau nuam tak hian an sa a. An zawh fel chuan buk nghaktura an hruai Rawlthar tluanga tih loh chu tumpang hnu zawngin an chhuak diak a. Sahnu chu hmu nual mahse an duh ber an hmuh loh avangin thim dawnah buk lamah an let leh ta hlawm a. Valkima sakhi kah tihloh chu tuman therhlo pawh an hawn chuang lo. Chawte an eikham chuan Zing lamah an kal lohna lam mual hrut leh tumin zan mu an chhing ta. Enge an tawn dawn an hre silo. Dam takin an vankhua an lawi lut leh thei a ngem le. Zingah vartianah thovin nimin lama an fan loh lam hrutin an chhuak leh ta hlawm a. Tlanghrima leh Bingtea inzuin Val upa chala leh valkima an in zui bawk a. Val upa chala te chuan an riahbuk chhak lam hrutin kawrte an kan a. Thui fe an kal leh hnu chuan an sahnu duh chu an hmu ta. A hnu a tang pawn a lianin a chal tawh hle tih chu a hriat theih. Tumpang hnu chu ram pilril lam panin a kal a. Ngaw hnuai thelh nuam tak a nih avangin a hnu pawh chhui a awlsam hle. Val upa chalate ang tan phei chuan tlan pah pawn a hriat theih hial ang chu. An theih anga chakin sahnu chu an chhui zel a. Thui fe an chhui hnu chuan an sa pelh lai chu pel ve tu an awm tlat. An hnu chu pahnih hnu niin an chhak lam atanga rawn kal an ni. Val upa chala pawn enghnu nge tih a hre mai thei bik lo. Sihal tih dawn in an hnu a lian si a. Sakei tih dawnin an ke kak dan an hnu atangin a in ang chiah bawk silo. Engpawh nise fimkhur a ngai tih hria in inring takin an kal zel a. Nakinah chuan an piah mualah chuan tumpang awn thawm an hre ta. Eng sa emawni rum chher chher thawm nen chuan, tumpang tlu dup thawm pawh an hre thei hial bawk. Thawm dim takin an pan hnai zel a, thawk pawh an thaw tha ngam lo chu a ni. An thleng phei tep tih chuan nula nui her her ri an hria a. An ding chawt mai. Chutah tlangval inhrosa vel thawm an hre leh bawk. Fimkhur leh zualin an pan zel a. Chutah an va hmu ta. Tumpang chal chungah chuan Nula leh tlangval chu lo thuin an lo hlim hle mai a. An thil hmuh chu mak an tiin engtinnge silai pawh keng silovin tumpang chu an thaha, an in thuamna te chu savawm vun a ni ngat mai. Chempui chu tlangval zawk chuan akeng ve a, chu ringawta tumpang thah chu thil ni thei a nilo. Nula ala tel zui bawk nen. mittla dawn a an thlir lai chuan Tumpang chu chul kual velin "ka nun rawn hmu ve se aw" tiin nula chuan rilru nat hmel takin a rawn ti a. An mahni lo thlir rengtu an awm tih reng hre lovin tumpang chu an bel chiang vel a. Chutah Valkima chuan " kan sa tur min lo lak saktute chu tute nge maw an nih phiangsen le" tiin thinrim tih hriat tak hian Val upa chala chu a hrilh ru zauh a. Val upa chala chuan zan hmasa lama a mumang kha hre chhuakin kap lo turin valkima chu zaizirin a hrilh nghal a. Mahse thil a pawi zo ta. A che zeuh chu nula zawk chuan rawn hmu fuhin mitkhap kar lekah sihal lian takah changin an lam pan chuan arawn lim phei nghala tlangval zawk pawh chutia a nau a tlan thut chu um ve nghalin valkima silai a puak nghal bawk. Sihal var zawk chu pai nawkin a tlanlai erawh a tawp chuang lo. Chutah val Upa chala silai chu sihal dum zawk lam hawi chuan a puak ve bawk a. Mahse a tum a thelh tlat Sihal chu a lo thle kawi zeuh tlat. Sihal var chuan valkima chu rawn nangchingin a nghawngah a rawn hap chat a. Lu bung tepa a seh avangin pialral lam a pan ta. Sihal var pawh chu a hliam a vang chuan a bawk ve nghal thlawp bawk. Chau tih hriat takin a tal faih faih a. Chutih lai chuan Valupa buanga pawh hneehehhsawh taka vawm ang maiin a leng dawrh mai a, a malpui ruh a ri tuarh a, a tliak tih hriat takin a zawi nghal hnawk. Muangchanga rawn tho chhuak lehin sihal dum chuan a rawn pan mek bawk.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 6th, 2018, 11:33 pm

ÛMI PASALTHA LEH TLANGTHANGHNIANGI

Bung 4~na (Nizan lamah ka rawn post theilo tlat mai a, inmi hriatthiamna ka rawn dil e)

Mahse a vanneihna tur a ni nge sihal mitmeng thip zet chu danglamin a taksa pawh a rawn danglam ve nghal bawk. Nachina an tlangval hmuh ngei kha a hmaah chuan a ding vah mai a. Sihal var pawh kha nula ah bawk a lo chang leh bawk. A hliam avangin a la mu zawi reng a. Chutah tlangval chuan " enge ka ram chhungah hian in rawn tih. Mihring kan hmu duh lo. Chhiatna bak min thlen lo e. Nagmahni vangin kan nu kan chan a sin. Haw vat rawh u." thinrim tih hriat tak hian a rawn ti chang fak mai a. Nie, hmanni lawk khan an mahni hmangaiha enkawltu an nu Pi Manthangi chu hliamna tak tuarin an pukah a rawn lut hlawl mai a, silaia kah niin an theih tawpa an bawihsawm pawhin awmzia a nei thei ta lo a ni. A thih dawna a sawi hnuhnung ber chu " Keite vun a darah a bat" tih zawng a ni. Chupa chu karkhat zet Hrangliana chuan a zawng a, mahse a hmu zo lo. Chuta tang chuan mihring an huain Neihpuii phei chuan mihring chu thah vek hial a duh a ni. Chuvanga rawn bei pawh a ni reng a, mihring nun zir kha nuam a tih theih tehlul nen, nilo se chuan tha takin Valupa Chala te nen pawh anin dawr thei tur. Valupa Chala pawn sawi tur a vai hle mai. Chutah inthing harhin "vala he lai hmunah hian bei tur cheu a rawn kal kan nilove tumpang hi kan rawn kal chhan ber chu a nia. Mahse in ta a ni e" dam thlap hian a lo ti ve a. " a nih chuan tumpang chu la ula haw rawh u" tih pahin nula awmna lamah chuan a kalsan hmak a. Nula chu pawmin "kan chanchin hi tumah hrilh suh ang che. I hrilh chuan ka rawn zawng chhuak ngei ang che" tih pahin an piah ngaw pilril lamah chuan a pilbo ta. Valupa chala chuan i rilru chu a tha mange, pasaltha dik tak rilru i pu a ni. Ti rilru chungin a thianpa ruang lam chu zawi muangin a pan phei hnak hnak a. Reiloteah Tlanghrimate pawh silai ri an hriat ruala rawn pan vang vang an nih avangin an rawn thleng ve thuai a. Thil awmdan chuan a ti thinrim hle mai a. An thianpa ruang chungah an insawh an insawh a, tumpang in an thianpa nghawng a pir thler miau a. Engah nge an thinrim loh ang le. Val upa Chala sawi dan a ni miau si a. Sihal rualin tumpang chu lo beiin anni thiandun hian an va nagching a, tumpang pawh an seh hlum tawh ni ngeiin an hria, an silai chu hmet puakin sihal rual chu an tlanchhia a, chutia sihal rual an tlan bo takah chuan va pan hnaiin a thi tawh amaw an tih tumpang chu rawn tho thutin a thi apna Valkima chu a rawn pir lawp mai a, a mah pawh bei ve nghalin a vawrh na lamah a malpui ruh a tliak a ni. Awih chiah lo mahse awihloh ngawt tur lah a ni silo. Valupa Chalan dawt a sawi ngai si lo.
Chutih lai chuan Hrangliana pawh a nau hliam tuar pawm chungin an pukah a lut ve mek a. A thiam ang anga bawihsawmin, an damdawi kawl ve ang ang chu a hliamah chuan a hnawih saka, silai mu khan a darah fuhin a pawi lai a khawih fuh lo hlauh. "Mami, tuar hram hram rawh aw. I u hian ka enkawl dawn che a nia. Naktukah chuan i dam vak tawh ang" tiin a tawng thlamuan mawlh mawlh a, Neihpuii pawh chau tak chungin a rawn tawng chhuak ve a, " u mam khamite kha keite vun bat an ni em? i that vek tiraw? Ka nu ka ngai u mam. Nu i phuba chu kan la tawh a sin. Hlim takin lo awm tawh rawh aw" tiin tah chhuak tap hleithei silo hian a rawn ti a. " mami, ih maw! Vawina mite kha chu an nilo. Mahse i u hian ka la zawng chhuak ang. Ka tiam a che. Mu hahdam rawh. Eitur ka rawn siam dawn che nia" tiin Hrangliana chuan duat takin a chul hliau hliau a, Neihpuii pawh rilruna tih hriat takin a rum a rum a. Hang liana chuan a nu leh pa achan tawh a, a nau hi chu a chan tawh tur a nilo. A rilruah 'mami dam hun chuan keite vun bat chu ka va zawng chhuak tawh dawn rua em tiin a rilru a siam mawlh mawlh a, a nau eiturte chu siamsakin nilengin an in awmpui a, Neihpuii thisen chhuak pawh a reh fel tawh a, mahse mut bak tihtheih a la neilo. Karkhat zet anin enkawl hnu chuan thu chhuak ve peih tawhin Hrangliana pawh eiturte zawngin a vak chhuak ve thei ta, an naupan laia a nau nen an sanghal thahna lamah kalin a nau tui tih ber mai sakhi pachal zawngin a tlan thauh thauh a, kawrte satliah mai mai chu a zuan khum zak zak a, a beng a chhi kar reng bawk. Nakinah chuan bawn hmun zau an reng tak hi thengin tah chuan a duh ngei mai chu a hmu ta. Chu bawn chu sakhi chuan lo tlan malh malhin hlauhawm a hnai em tih enin a hawi kual zeuh zeuh bawk. Chutah Hrangliana chuan Sihal nihna chuan awlsam takin a man thei dawn tih a hria a, mihringah changin, sakhi chu a veh ta them them mai le. An in kar hlam nga vel ala ni ang tihah chuan sakhi chuan rawn hmu thutin bak lekin a tlanchhe zui nghal a. Hrangliana pawh a dawk chhuak ve nghal zawt bawk a. Ramhnuaia cheng ve ve anni bawk a, mual khat chu reiloteah an pel nghal thuai a, Chutah le Hrangliana chu a hma aia chakin a dawk leh ta zawk mai. Sakhi chu hnaih hret hretin a meiah a man nawk a, sakhi pawh hlauhluat vang a huk tuarhin a meng bial kawk kawk a, a tal chiam mai bawk. Hrangliana chuan a bula thing lian tak dingah chuan an hlap dawt mai a, a duh aiin a hlapna nge ni. Sakhi lu chu a sawp rawp a. A ki pawh a bung rum mai. Chutah reilote chawl hahdamin an puk lam a pan ta a.
Hetih lai vel hian Bawnpui khua chuan an pasaltha Valkima an sunna theihnghilh tirtu tur mikhual an thleng ve mek a, mi pathum niin an zinga pahnih chu an lian tha thelhthawlh hle a, pasaltha tih hriat tak anni. An hmai te chu aser neunuau bawk a. Tin, an inthuamna te chu a danglamin savawm vuna siam lukhum an khum a, a chhipah muvanlai hmui an thiat va bawk. An darah chuan keite vun an bat a, an silai chu puin an kawngah Chem sei zet, lian lenglawng tak an pai bawk a, nelawm loh tak anni. An zinga pakhat chu tlema tar lampang deuh niin nui sang chungin a hawi vah vah thunga, tunlai nula tam tak hi chuan hmu se, a hmel saw ka ngei chi anti sup sup ngei ang. Lalin lam chu pan zelin a hmu apiang chuan an en zui vang vang hlawm a. Chutah an zinga upa ber chuan Lalin leikapuia Lalnu Vanhrili puan tah lai chu "in lo dam thin maw, Ka pi" nui sang hian an ti a. "aw dam thin tuk e. Khawilam khual nge innih? Ka hriat ngai in va nilo em" tiin Lalnu chuan a lo chhawn thuai a, " a, hmar lammi kan ni e, lalpa hi a awm em? Ka pi" a lo ti leh vat a, a la nui sang tho. "e a nimaw, awm e lo lut rawh u" tiin inchhung lamah a hruai lut a, Lalpa leh khawnbawl upa pahnih lo awmin thut hmunte an rem fel ve nghal a, tlai lam a nih tawh avang in Lal fanu Thangi chu eirawng bawlin a buai hle a. Chutah Lal Chawnghrianga chuan " kan mikhual te chu Khawilam mi maw innih a?" tiin dam thlap hian an zawt a. " Lalpa hmar lam mi, Lal Thangzaseia khua Phailam khua kanni e, kan lalpa'n min rawn tir a, kar hnih dawn kan rawn thang nghe nghe a sin" pu tara chuan a ti nghal zung zung a, a la nui sang mai bawk a. Midang pahnih te erawh chuan Lalfanu rawngbawl Cheval chu ngawi reng in anlo thlir a, midang thusawi vel pawh an ngaihpawimawh hmel loh hle. "A nih chu mawle, chu engti tura in lal chuan rawn tir cheu nge ni? Khualtha inni ang chu maw?" Lalpa chuan ti lehin " Khualtha ni e, Khualtha. Zep loving han sawi tlang nghal mai ila, Hei, I fanu hi a hmelthatna hian kan vankhua meuh rawn thleng in, kan Lalpa chuan ka fapa nupui atan min va hruai teh u, a tih vangin zah pawh dawn lovin kan rawn kal ruak ruak mai a nih hi" tiin nui var var chung bawkin a lo chhang leh thuai a, Lalfanu Thangi lam hawi in a chek chap chap mai bawk a " aaa,, chu zawng thu lawmawm tak a nih chu mawle, engpawh nise Zan lamah rawn kal leh ta ula, amah mami pawh kanlo rawn ve ange" tiin Lalpa chuan chhangin " ni e, kan lo kal leh pauh a niang chu, a phurawm hle mai" tiin an chhuak ta a. An hmel leh an nungchang enin a fanu duat chu a hlan lo tawp ang e. Zan alo then chuan Lalpa leh Lalnu leh mikhual pathum te chu Lalinah chuan thu khawmin an chhanna dawn chuan mikhual ho chu ati thinrim tlang hle a, nui sanga pawh a nui hleithei lo. Ni e, an kal chhan ber a hlawhtling lo tlat a lawm. Vui hmuipu takin Lalin chu an chhuah san ta hna hna a. Thiltum dang erawh an nei ru kiaua. He mi Zan hian Lalfanu Thangi chu a thiannu Kungi nen famta an pasaltha Valkima teinah khawhar lenpuiin an kal ve a, an hawlam chuan titi malh malhin Thangi chuan an mikhual te chanchin chu hrilhin Kungi chuan" thiannu nanghi chu i vannei ngawt mai, nang anga hmeltha hi nive ila chuan kan pasaltha Bingtea saw ka lawm ngei ngei ang" a ti zauh a, " thiani hi a, i uang thei lutuk. Eng ka nih bik loh hi, kan pasalthate chu ti khan i lawm thei reng a lawm. Zanin pawh khan a rawn melhna lamah che a mit a kalh ka lo hlau khawp a sin" tiin a dem pah zauh a. Nui hawk hawk pahin " nanghi chu tawngkam thiamah chuan ka thuk lo che a ni. Tlangval zawng zawngin an melh che kha. Ti teh naltuk chu thing phur ila, phurhna tur tha deuh ka hria a sin" a ti zawm zat a "Phur ila, keini pawh thingtuah lak kan ngai tho a lawm. " tiin a tuka thingphur tur chuan anin thlah a, an mahni lo en thla ru rengtu tan thu lawmawm an sawi tih reng an hrelo.
A tukah chuan dan pangaiin chungturni a lo eng leh ta, mikhual pathum te pawh zingah hma takah an mahni khaw lam panin an chhuak diam tawh a, mahse an thleng hla vakin a rinawm loh. Tukthuan eikham chuan Thangite thian dun pawh thingphur tur chuan an in zui chhuaka,Kawtchhuah mual thlaah kalin an titi dun malh malh a, an hlim dun hle mai. Nakinah chuan an thingphurh natur hmun chu thlengin hmanhmawh lemlo takin thing chu an khawm a, phurte an rem zawh chuan thuchawl in an titi dun melh melh a, an mahni lo thlir a, lo pan mek tu an awm tih reng an hre lo. Hria se chu baklekin an tlan haw tawh tur. An mahni rawn pan mek tuten thawm an dim thiam em avangin an hre hauh silo. An rawn hnaih chilh ta. Lal fanu Thangi chu ban tha chak tak mai chuan a hnung lam atangin a ka rawn hupin thil enge maw rimchhe tak hi a hnim tir nghal bawk a, Thangi chu chu thil chuan a tha ti zawi in nikhaw hre lovin a tlu nghal a, a thiannu Kungi pawh te tuarh in a mah beitu chuan a heh hle a, a chakna zawng zawngin tal mahse awmzia a awm thei lo. Amah bei tu chuan a ka hup sakin a chem hriam tak mai chuan a hrawk ah zai sakin a tal zawi telh telh a, a khaw hmuh a thim zo ta. A ruang chu thukruin Nula kungi ruang chu lainat tu neilovin piallei daiah a zal ta. An mahni rawn beitu te hi an mikhual te ngei kha niin palian pakhat zawk chuan Thangi chu puin khaw chhak lam panin hmanhmawh takin an kal ta nghal a, Pu tar ber chu a hnung berah kalin an hnuah chuan thil dip hi a theh zauh zauh a, hmar lam miniin an in sawi kha a ni a, mahse khawchhak lam, Bengluta khua Liaktawng khua daih anni. Duhlian pawh annih loh hmel an tawngkam hman a tangin.
Chawhnu her zet a nih chuan Lalnu Vanhrili rilru a nuam meuh tawh lo. A fanu te thingphur lo haw a hun viau tawh si a, lam hnai maia kal anni si a. A pasal Lal Chawnghrianga hnenah pawh a rilru nawm loh thu chu a sawi chhuak hial a, A ni lah chuan "a rawn haw ve tep ang chu mawle, nula a nive tawh alawm. Ngaihtuah lutuk duh suh" a lo tihsan mai bawk si a. A thinrim a insawh a insawh tawh mai. Tlai lam thleng a an lo haw tak loh avangin Lalpa pawh a rilru a nuam meuh tawh lo. Nizan lamah inleng duhawm fahran loh an nei bawk nen. Chutih lai chuan an vanneih a siam in Pasaltha Tlanghrima chu Lal satur rawn dahin a rawn lut hlawla, Lalnu chuan " nang a law.. Kan mamawh lai tak che a sin.. Hei kan fanu leh Kungi thingphur an lola haw lo tlat. Kan ngaih a tha tawh lo a ni" a lo ti vat a. Thil awmdan kimchang anin hrilh hnu chuan "lo lungngai suh u. Ka va lam ange." tiin a chhuak nghal a, a silai leh chempui lamin an inah a kawi lawk a, Thangi te thingphurh na lamah chuan a liam nghal a, a hmun ava then chuan an mahni hmuh tur awm silohin an em leh an hmanrua chu ava hmu mai a, chutah an em nghahna bula thisen lo baw nuaih chu chhuiin a piah deuh ah chuan Kungi ruang, hnahthela in vur chu a va hmu mai a, Pasaltha thinrimna chu a so bawrh bawrh mai a, mihring kut tuar ngei tih a chiang si a, tuin nge he thil rapthlak hi ti le. An Lal fanu Thangi ruang pawh hmuh mai inbeiseiin a bul vel chu a zawng kual chiam a, mahse hmuh tur reng a awm lo. An mahni beitute sulhnu lah chu hmuh tur a awm der siloa, Kungi ruang chu atheih anga buaipuiin a buai hle a.
Chutih hun lai chuan Lal fanu rutu te chuan Bawnpui khaw ram chin chu an pel mek a, an ruahman dan chuan Vahngaw paltlanga an khaw lam pan an rilruk a ni. Vahngaw lam ah chuan an rawn zawng an ring hauh lo a, an hnu chhui tur lah an hnutchhiah der si lo. hlawhtlin ngei pawh anin ring a ni. Chawlh pawh nei lova kal anni bawk a, tlai lamah chuan Vahngaw chu an lut tan der mai. Chumi zan chuan Vahngaw ram ri ah riahbuk sualin awm hmun an khuar a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 6th, 2018, 11:33 pm

ÛMI PASALTHA LEH TLANGTHANGHNIANGI

Bung 5~na

( zanin chu keima tawkah ka buai ve phiana, Ka duhthusam pawn ka ziak hmanlo. Min lo chhiar chhuah sak leh hram ru aw.)

Bung 4-na (recap) Vahngaw lam ah chuan an rawn zawng an ring hauh lo a, an hnu chhui tur lah an hnutchhiah der si lo. hlawhtlin ngei pawh anin ring a ni. Chawlh pawh nei lova kal anni bawk a, tlai lamah chuan Vahngaw chu an lut tan der mai. Chumi zan chuan Vahngawram ri ah riahbuk sualin awm hmun an khuar a.

Khua pawh a thim tan ta. Lalfanu Thangi pawh rawn harh chhuak tawhin ataksa zawi tak chu a thunun thei lo. A mit chu meng diar diarin a hmaa mei eng teng teng chu vai ruaiin a hmu a, inthing harhin mei eng bulah chuan mi pathum thu hi a hmu a, a hmuh hnu anni. Ni e, a eirawng bawl laia an in a rawn kalte kha anni. Awi. Enge a chungah hian thleng ta. Chuan khawi hmunah nge a awm le, a hriat hnuhnung ber chu a thiannu Kungi nen thing an phur kha a nia, khaw nge a thiannu chu a awm, heng mite hi engvangin nge a bulah an awm. Tiin Zawhna ain zawt mawlh mawlh a. A kut leh ke chu phuar niin tal chiam mahse awmzia a awmlo. Chutia a tal vel chu rawn hmu in An zinga pu tar ber chuan a rawn pan a, " kan Lalfanu duhawmtei chu ilo harh ta maw, i muttui bawk em" tih pahin a sam var siau mai chu a rawn chul hliau hliau a, Thangi chu duhlo tih hriat takin a lo thle sawn nawk nawk a, " engvangin nge hetah hian ka awm a, khaw nge ka thiannu Kungi" tiin thinrim taka melh pahin a ti ram hmaka, a awki lah a sang phian a, chutah putar chu nui hluah hluahin " Bawihi i nu leh pa Khan kan hruai haw che phal se chu, he tia kan tih che hi a ngai lo tur. Tin, I thiannu pawh kha a la dam tur. En teh sawlaia thu sawn a hrawk ah a zai a, a thi tawh." tih pahin a insiam chhe kual vel a, " ka pan min rawn zawng chhuak leh khawp ang. An that vek dawn che u" tiin a thiannu Kungi thi chuan a rilru a khawih hle tih hriat takin a mittui a rawn hnam tiam tiam a "nang a pa Khan min zawng hmu lo ang. Hmar lamah a mite tir daih ta ve ang" tiin nui vur vur chungin a thiante bulah a kalsan leh ta. " ka thiannu Kung ka van lainat tak che em! Keimah vangin i nunna i chan si a, min ngaidam rawh w" tiin rilru na leh hreawm ti takin a awm a, heng mite hian min ru bo a, engtin nge ka nu leh pa an awm ang. An tuar thiam dawn em ni ti rilru nauh nauhin a nu leh pate chu a ngaihtuah vawng vawng a, amah rutute chu titi mawlh mawlhin Thangi lah chuan an tawng chu a hrethiam der silo. Ni e, pu tar ber tih loh chuan duhlian tawng an thiam lo a tin ni. An mahni tawngin a tuka kal zel dan tur an sawi khawm a. An hmanhmawh tehchiam tawh lo, Vahngaw paltlang a kal an rilruk a, a chhan pawh hmanni lawk khan an khaw Pasaltha chhuanvawr, milu sawm chuang khai tawh, Ralhrata'n he Vahngaw ah hian Sihal lian zet a kap a, mahse chu Sihal chu insaseng theiin a man hman ta lo a ni. Chu Sihal lian zet chu hmuh ve in beiseiin Vahngaw paltlang chu an tum a ni. Tin, Vahngaw chungah chuan an rawn zawng dawn lo tih an hre chiang tlat. An himna tur chu an hai biklo e.
Chutih lai chuan Bawnpui khuaah chuan tlangval rualte leh pavalai deuhte chu lalin tualah in hawr khawmin an lalfanu Tlangthanghniangi zawng turin anin puah chah mek a, an pasaltha Tlanghrima leh Bingtea erawh khawthim hma deuhin an liam daih tawh thung. Val upa Chala erawh a malpui ruh tliak avang khan a la che hleithei lo. A awmhmunah thinrim takin a insawh a insawh a. An thenawm nula Kungi ruang pawh a chhungkhat laina ten kilin an tah laih laih bawk a, nula leh nu leh pa ten an inkhat tlatin an lenpui bawk. An khaw nula fel an chan chu an ui hlawm hle mai. Chutah an lal fanu chhuanvawr a bo
bawk nen. Pu Tar meuh te pawhin an ha chang thial in, an vanglai an ngai vawng vawng mai.
Lal fanu rutu te Khan anin sawi dan chuan Hmarlam mi, Lalthangzaseia Khua, Phailam ni Khan anin sawi kha a ni a, Lalfanu te thingphurh na atanga hmar lam pana zawng turin Bawnpui valrual te chu thinrimna nasa tak nen an chhuak ta, zan thil a nih tawh avangin chet vel erawh a har deuh dawn a ni. An hnu chhui tur lah an hnutchhiah hauh silo. mi panga zelin anin kawp a, in auh phak vek a kalin hmarlam mual chu an hrut tan ta. An ram chin ala ni bawk a, hmun biru deuh leh puk awmte chu hmaih miahlovin an en zel a, mahse hmuh tur an vang hle. Chutih lai chuan Lalnu Vanhrilhi tap lah a bang thei lo. A fanu chu hmelma ho bulah thlabar takin a awm dawn si a, " ka fanu, ka van lainat tak che em. Baihvai leh mangang takin i awm mek awm sia" tiin a in sut hlawp hlawp mai a. Khawmbawl Upa leh Lalpa Chawnghrianga te pawn sawi tur an nei meuh lo. Anin dawm kum ngial hlawm a, chutah Lalpa chuan" chemte, damin emaw fam in emaw rawn haw ni mahla i phuba chu kei ipa hian ka la mawlh ang" tiin a inhrosa nasa hle mai a, an Lalpa nunnem tak thin kha zanin zet chu hmuh a nuam mawlh lo a ni. Ni e, Vanglaia khualkai Pasaltha rilru a so nasa em tinni.
Lalfanu Thangi mantute lam pawh mut zai an rel ta a, an mut dawn chuan Thangi chu thil rimchhe tak chu hnimtir lehin a ni pawh nikhaw hre lovin a awm leh nghal ta. Zingkhua lo varin Thangi tan chuan lungchiatna bak a rawn then lo e, taksa na themthum chungin a rawn harh chhuak a, amah mantute pawh Vahngaw lam pan turin anin siam mawlh mawlh a, an phur hmel hle. Enge an tawn dawn an hre biklo tlat a lawm. Anin siam fel hnu chuan Thangi chu kai tho lawpin Vahngaw pilril tak chu an lut tan ta. Thangi pawh kea an kaltir a vang chuan a chau tan der mai a, A kal muan deuh chuan Palian pakhat zawk chuan aw thum chur chur hian a vin khur khur thin bawk nen. A tan khua a var hlawllo a ni. Chawhma zet chu kal tawhin, a tawp a tawp ah chuan an chawlh pui ta. Thangi chuan a zun chhuah thu sawiin pakhat chuan a hruai hranga, an piah deuh thingphenah chuan zung tur niawm taka awm in, a mah hruaitu hmuh loh lai chuan a theih tawka chakin a hmalam pan chuan a tlan chhe hlawk hlawk a, mahse thawm a nei tlat. A hnungah chuan a mah hruaitu chuan a rawn um thuai a, a theih tawk takmeuhin tlan mahse hetiang ramhnuai pilril takah chuan a thleng thui hman lo a ni. Amah rawn um tu chuan a chhip samah rawn manin "min pui ru" tiin a au chiam chiam a, mahse hetiang ngaw pilril hnuaiah chuan puitu an awm hmel siloh. A mah mantu chuan vin khur khur pahin an chawlhna lamah chuan a hnuk phei dawt dawt a, an mahni tawnga rak nawk nawkin thil awmdan anin hrilh a ni ngei ang. Lal fanu bulah chuan Pu Tar ber chu rawn kalin a thinrim hmel hle. Lalfanu pawh khur der derin a hah avang leh a hlauh avangin a sen tawn tawn a, lehlam zawnga ngaihtuah chuan a duhawmin a hmelthatna a zual ngei mai. " tlanchhiat ka tum e ilo ti vel maw. Lo ngawi tak rawh zanin chu i rethei khawp ang" tiin a beng thuai a. Thangi pawh a let hlawm tawp mai. Heng mite hian an duat vak lo chu a ni. A hmelthatna vang ringawt pawh hian duat taka enkawl a phu tehlul nen. Chutah kai tho lehin an kal pui leh ta hlawk hlawk a, Thangi chauh leh riltam chu a tlu leh nge nge thin. A tawpa a tawp ah chuan Palian pakhat zawk chuan a pu leh ta nge nge a. Tlai lamah chuan riahbuk te sualin amah mantute mizia pawh a pangai leh tawh e. Ngaihthat thlak loh zawk hialin an fel tawh zawk a ni. Thangi chu chau takin an phuarna thing ngheng chuan a mu bam mai a, eiturte rawn pein tlem chu a ei ve thei hram a, chutah khua lo thimin chhawrthlapui pawh a rawn eng ta pum mai. Arkaiden zan a ni bawk a, helai ram neitu Umi te tan chuan zan duhawm ber a ni ngei ang le. Thangi pawh tlem chuan a harh ta deuh. Mahse, heng mite hian engtinge an tih zel dawn a hre silo. Chutah le. Palian pakhat chuan nui hluah hluah chunga rawn panin thil rimchhe tak mai chu a rawn hnim tir leh ta, duh loin lo inveng ve mahse awmzia a awm silo. A taksa chu a zawiin amah mantute nuithawm pawh a hla telh telh a, an nui thawm kar a, sihal u ruah ruah ri chu hre ruai ruaiin nikhaw hrelovin a awm zui ta.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 6th, 2018, 11:33 pm

ÛMI PASALTHA LEH TLANGTHANGHNIANGI

Bung 6~na
( ka story min lo chhiar sak thin a, Ka lawm tak zet zet e, Ka la ziah ngai loh avangin a kal hmang a dik tawk lo viau in ka ring.)

(Recap) Chutah le. Palian pakhat chuan nui hluah hluah chunga rawn panin thil rimchhe tak mai chu a rawn hnim tir leh ta, duh loin lo inveng ve mahse awmzia a awm silo. A taksa chu a zawiin amah mantute nuithawm pawh a hla telh telh a, an nui thawm kar a, sihal u ruah ruah ri chu hre ruai ruaiin nikhaw hrelovin a awm ta.
Chutih lai chuan Thangi mantute nui thawm pawh reh nghal thap in, thillo thleng tur chu phur takin an an lo nghak a, an hmanrua nen inring takin an awm thap. " Sihal liana chu rawn kal teh se, hlawhtlinna thuah hnih zanin chu chang ang aw. Engtinnge min rawn pan theih zawk le. " tih pahin putar ber chu midang pahnih hnungah chuan a ding ve to mai a. A huaisen ve hmel khawp mai. An mahni zui a, beihna hun tha zawng tu Umi Pasaltha Hrangliana an hmachhawn dawn tih reng an hre lo. Ni e, Chhuna Lal fanu Thangi au thawm kha lo hriaiin a nau Neihpuii au a nih ringin hmanhmawh takin a rawn pana, mahse a va hmuh chuan a nau chu a ni lo tawp mai. Nula sam var siau mai chu mi pathum hian lo din hualin pu tar ber chuan a beng let tawp nge nge. Mahse nula ai mah chuan mi pathum zinga pahnih chuan a mit a la hle a, a chhan pawh an dara keite vun an bah vang chu a ni. Thinrimna leh phuba lak duhnain a khat nghal a, mahse thinrim vanga chet vat erawh a tum lo. Zanin hi thla arkaiden zan niin a chakna a zual vanglai a ni dawn. Chu hun chu a nghak dawn a ni. Thawm dim taka zui zelin khua chu thim har a ti hle mai. An nula hruai lah chu an dim loin an vin khur khur a, a chau tawh hle tih pawh a hria. Khawngaih viau mahse a hun a la thleng silo. Nula hmel chu chiang takin a hmu theilo a, a samin a khuh deuh thin a tinni. Rei tawkfang a zui hnu chuan khua pawh alo tlai ta. A mi zui te pawh riahbuk sualin an buai hle a, nula pawh a mu zawi ngat a, eiturte an rawn pe ve bawk. Khua pawh a rawn thim ta. Thla pawh a rawn eng ta ruih mai. Chutah pakhat chuan nula chu thil enge maw a hnim tira, nula pawh a zawi nghal hnawk a, chet a hunta tih hriaiin a u ta ruah ruah mai a ni. Chu thawm ngei chu ani Thangi mantu ten an hriat chu. Palian pahnih te chuan an hma lama thawm rawn ri sat sat lam chu thlir in an silai chuan an tin vat a, sihal chu rawn lang zuaiin pakhat zawk silai chu a puak nghal a, sihal pawh a pil leh nghal. Chutah a hma ang bawk a rawn lang leh zuaiin silai a puak leh nghal bawk. Chutah le, silai mu an thun buai vel lai chuan an hmaah chuan Sihal lian zet mai chu a rawn lang ruau mai le. A len tehreng nen engtinge an kah thelh theih zawk le. Tunah chuan an chem sei tak chu an hmachhuan awm chhun a nita, silai mu an thun hman tawh lo. Pu tar ber chuan silai a nei ve silo. Chutah palian pahnih chuan an chem chu chuh vatin vawi tam ral lo bei dun thin tawh tih hriattakin in veng tawn takin mei eng chinah chuan tan hmun an khawh a, Sihal pawh in muang changin a rawn pan mek bawk. A mit chu phuba lak tumna vang in a sen rum mai a, thla eng ruih mai nen chuan a inhmeh hle. hun rei tak alo nghah chu tihpuitlin theihna hun a nei ta. Chutah le, a hmaa ding mi pahnih chuan tlan kawi zawk zawkin an rawn pan ta. An palen nen an tuan a rang phian lehnghal a, an chem sei chu an rawn vai de zawk zawk bawk. Mahse an mahni aia rang leh chak zawk an hmachhawn miau si. An in veng seng lo zawk tlat. Sihal chuan a mah rawn hnaih zawk tu chu zuan zawkin, mikhap karlekin a lu a taksa atangin a tla hrang nghal nawlh a. Chuta sihal rawn hawi leh chu a ka angin a ka chhungah chuan sar a zam kalh mai. Mahse inhnuhdawh theih a ni tawh lo. Tiril khur der der chungin palian pakhat zawk chuan a rawn bei leh a, eng ruai a ni bik ta lo. Anni pawh a thianpa chan ang changin piallei daiah a zal ve ta. Pu tar ber kha chu an Buk chhungah khur dawt dawtin a lo tawm diam tawh a. Sihal ka a sarzam kha hmuh hmaih bik hek lo le. Chutah Buk pawnah chuan sihal chu a u ruah ruah a, hawi pawh a hawi chhuak ngam lo. A thawm a tihbaiawm takzet a ni. A ni ang mi dawizep tawngkam bak thiam neilo tan chuan a rapthlak lua deuh a ni. Mahse a beisei loh deuh thil a thleng ta. An buk kawngka ah chuan tlangval pakhat hi a rawn lut hlawl mai a, a thiante pahnih chem a rawn hum va bawk. Tlangval mita thinrim na chu hmuin Sihal ai pawh khan a hlauhawm dan a nep chuang lo. " nang mi dawizep pa, rawn chhuak rawh" tihpahin a rawn tham chhuak nawk a, de pawh ti hman lovin a chhuak rawk rawk a, Tlangval chuan theh thlu thuaiin "hmeichhe awm nem zawk lakah chauh ami i huaisen a," tihpahin a chem ken pakhat zawk chu a bulah a rawn theh phei a, ani lah rilru buai zetin a awm a, nachin lawk a, sihal kha khawnge a awm tak. He tlangval hi tunge a nih le. Mahse zawhna leh chhanna hun a awm lo. Muangchanga thoin chem chu a chhara a, a huaisenna zawng zawng sawmkhawmin tlangval chu a hmachhawn ta. Chutah tlangval chuan rawn hnaih chilhin a ni chuan a chem chuan a lo vai pawp a. Mahse a vai thelh chiang hle. Amah zawk chu chesualin Tlangval chem de zawk chuan a nghawng a fik hmawk a, a naute ang bawk in pialral kawngkaah a lut ve ta. Chutah tlangval chu thingthi hnawkin thla eng ruih lam chu a hawi a "ka nu i phuba chu ka la ta, i thlarau chu hlim takin chawl tawh rawh se" tiin a phun sep a. A piah deuh a, nula samvar siau let reng lam chu panin a pu lawp a, a mi thahte silai leh chem chu lain an puk lam a pan ta. Puk a then chuan a nau Neihpuii damkawr tak chuan lo hau vin "i va rawn haw har. Ka lo ngaihtuah tawh lutuk che a lawm. Kha mihring a mi i rawn put." tihpahin a u Hrangan nula a muttir mek lam chu a rawn pan vat a, zawhna hlirin a khat a ni. Chutah a u Hranga chuan " Mami, Ka nu phuba chu ka rawn la tawh. He nula hi an lo mana ka rawn chhanchhuak" intithei taka hawi vah pahin an ti a. A nau hmaah hi chuan a intithei thin khawp mai. " tak tak maw? Keite vun bat i that maw" tihpahin Neihpuii chuan a u chu a kuah chawt a, a tap nghal hliam hliam a, " um, ka tiam che kha ka ti hlawhtling ta mami" tiin a nau chu a lo kuah ve vawng vawng a. Mahse annu phuba chu an la la silo. Chutah "he nula hi a damlo a nia, nakinah thilthlen dan ka la hrilh dawn che nia" tiin a nula rawn hawn lam chu a hawi a, Neihpuii pawh inthingharhin nula chu makti zetin a en vawng vawng a, Amah ang hmeichhia ala hmu ngai silo. A nu tih chauh loh kha chu. "A van hmeltha ve, a sam a var bawk sia. A inhmeh hle mai, khawilam minge niang le" tihpahin a samte chu a khawih sak niap niap a, Hranga pawhin rawn en chiangin a nau hian a sawi dik a ni. He nula hi a hmeltha tak zet a ni. A nau ai pawh hian a tha daih zawk. A hma Khan alo en chiang lo mai pawh a, khawdang pawh a hawi hleithei lo. A thlir ngawih ngawih mai a. Mahse he nula vang hian harsatna an tawk mai ang tih erawh a hlau rilru hle a. A hmuh dan leh a chhanchhuah dante hrilh in a nau Neihpuii chuan a khaw ngaih hle mai.
Chutih lai chuan Bawnpui lam chuan an Lalfanu bo chu chhun zan zawmin an zawng ngat ngat a, khawthenawmte pawhin lo hriaiin mizo tlawmngaihna diktak hmangin Bawnpui Lalfanu hmeltha hmingthang chu an lo zawn pui ve bawk. Mahse hmuh tik an nei theilo. An hnuhma tak ngial pawh an hmu silo. Mi thenkhat chu an beidawng lek lek tawh mai. Mahse hemi zan hian Pasaltha Tlanghrima leh Bingtea chuan thil hriat thar annei ta. Chu chu Hmar lamah Lal Thangzaseia a awm lo tih leh phailam khua a awm lo tih chu ani. An khaw luhna pakhat ah hmarlam mikhual an lo neia, chupa hnen atang chuan chu thil chu an hria a ni. Ruahmanna thar anneih a ngai ani. A rangthei ang bera midang hrilh darha, thathar nen zawn leh an rilruk ta a. A zana zanin an khaw lam an pan ta nghal a. Bawnpui Lanu Vanhrili lah chaw a ei theilo a, a mu thei heklo. Lalpa pawh a mangan tawh takzet. A khawnbawlte nen anin hmu khawm deuh reng mai. Mahse engmah an ti thei chuang lo. Lalpa thinrim inhrosa an buaipui a ni ringawt mai.
Zan hun a liama nithar a rawn chhuak leh ta, Lalfanu Thangi chu a mutna dup nuam takah chuan rawn meng diar diarin a taksa nathum avang chuan a zi mar ar ar a, a van duhawm tak em. Chutah harh chhuak thutin atan chuan ni hreheawm tak a ni leh dawn si a, a mittui a rawn hnam tiam tiam a, mahse thil hriat chhuah a nei ta. A mutna chu a dupin an ina a khum aipawn a nuam daih zawk a, a mutna chung te chu lung a ni a, a sir vel te chu a en kuala, bangah te chuan salu chi hrang hrang a in tar ther fur mai bawk a. Khawi hmunah nge a awm le. tiin a inngaihtuaha, Chutih lai chuan thil ri hliau hliau thawm hriaiin a hawi vat a, a mutna piah deuh ah chuan tlangval ala hmuh ngai hauh loh hian silai lo hru faiin a lawm hmel hle. A khi sang mai. Chu tlangval chu tunge a nih le, helai hmunah hian a hruai a ni ngei ang. Chu Tlangval chuan Savawm vun hi a ha a, a kawngah chuan engthil emaw hian a tawn bet tlat bawk. A chevel chu Pasaltha tih hriattak hi a ni a, a sam chu hnunglamah chuan a zial kawh nauh mai a, chutah ding chhuakin a silai chuan pawnlam a tin kual a, ngawi reng a lo thlir reng tu tan chuan a pian thiam tak mai chu hmuh hmaih theih a nilo. Chu zawng ai chuan a hmeltha tak mai chu a langsar hle a. A mitmeng dum kak maite, a hnar ngul sangvah maite chu hmeichhe tana duhthusam hi a ni hliah hliah mai. Tlema hang lam deuh niin chute hlei hlei chu ti pa hliah hliah tu a ni. (keimah ang deuh haha) Lalfanu Tlangthanghniangi pawh khawdang hawi thei lovin tlanval chu a thlir renga. Chutah khuh khar pahin a mutna atang chuan a rawn thu chhuak a, Hrangliana pawh rawn hawiin mahse engvang nge a hawi let leh nghal vat. Lalfanu Thangi pawh ranglutukin a mu leh thlawp. A puan sin hnuaiah chuan eng dang mah alo inbel lo. A zak lutuk chu sen tawn tawnin a meng ngam tawh hlawl lo. He tlangval hian tihian a lo........ ngaihtuah pawh a ngaihtuah thui ngam lo. Amah ang thoin Hrangliana pawh zak bawk. In be thei chi zia zang anni rih lo e. Chutia zak taka an awm dun lai chuan Neihpuii, a nu thlan tlaehwh chu rawn hawin thil awm dan hre hek lo le. A rawn ri lut hawk hawk mai a. "U mam, nula chu a rawn harh tawh em" tihpahin Thangi lo meng siar siar lam chu a rawn pan nghal a, tunah chuan tlemin boruak pawh a zia hret e. Hrangliana chu puk pawnah chhuakin engmah tih tur hre lovin a veikual chen mai a, Umi Pasaltha meuh pawh a buai zo chu a ni si a, a awm lo hranlo e. An nula kawl hi Khualkai nula hmeltha Tlangthanghniangi a ni miau a lawm. Neihpuii chuan Thangi chu be mawlh mawlhin a nu hak thin Savawm vuna siam nelthep mai chu hak tirin "Khawi lammi nge i nih? Enge i hming. Kei chu Neihpuii ka nia, pawna mi saw ka u Hrangliana a nih saw" tiin biak tlangnel tum takin a ti a" ka hming chu Tlangthanghniangi a ni e. Bawnpui Lal Chawnghrianga fanu ka ni. Engtinge he lai hmunah hian ka awm. Khawnge min ru bo tute kha" tiin tahchhuak insum tak hian a ti a. A rilru ah thil tamtak a ngaihtuah a ni. Neihpuii chuan zan lama a u in a rawn hawn thu hrilh in, Chutah neihpuii chuan " u mam pawna awm reng lo Khan rawn lut rawh" tiin a u Hranga pawna vei kual sek chu a ko a, a ni pawh inrintawk hmel takin a rawn lut zal zal a, Thangi nen an mit a inhmu chiah chu lai ve vein. Hranga tih ngaihna hre lo lai bawk si, hawihai kual vel chu a a lawmawm reuh ngei mai. Chutah Neihpuii chuan " U mama chu tinge i awmdan a va mak ve" ala rawn ti phawng zui a, " hei Thangi a nih hi, Lalfanu a nih hi aw. khatia awm kual awm kual lo khan rawn be ve rawh. thilpawimawh deuh a awm a nia," a ti zawm zata, Hranga pawh a pangai deuh tawh e " Thangi maw,, ihhh,,, enge pawimawh chu" ti hu in Thangi chu a melh leh zauh a, a mak, tinge an mit a in tawn fuh chat chat le. hawi sawn rual thawtin Neihpuii bawk chuan " hei, nimina i thah te Khan an man a lo nia, i chhanchhuah a ni bawk a, an khuaah i hruai ang chu" nuih zeuh pahin an ti a. " nia min hruai haw theih chuan ka lawm ngawt ang, Ka nu leh pa an mangang dawn e mai" Thangi chuan alo ti ve bawk a. mahse a ke na utut a vang chuan a kal theih a rinawm loh a ni. Bakah khawi lam nge an khua tih pawh a hre hauh lo ang le. A bula mite lah hian an hre awm hauh silo a. Ramhnuaia seilian anni miau si a. Engtin tak in hruai haw ang maw!

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)