Ûmi pasaltha leh Tlangthanghniangi BY Ramtea Ralte Colney (Completed)

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

Re: Ûmi pasaltha leh Tlangthanghniangi BY Ramtea Ralte Colney 1 - 13

Unread post by Ngaia » May 19th, 2018, 5:46 pm

ÛMI PASALTHA LEH TLANGTHANGHNIANGI

BUNG 13-NA

(RECAP)Thangi pawh hrehtakin a hmalamah chuan a tlanchhe nghal hlawk hlawk a. Neihpuii chu a dinna hmunah chuan ding vahin a lam pana rawn tlan mekte chu a lo hmachhawn tawp mai le.

Chutah a umtute chu rawn lang phak phakin reiloteah an rawn hual nghal thuai mai le. Thenkhatin Thangi an umzui nghal bawk a. Neihpuii chan a chau hle mai. Hmelma lam chuan chempui nen an hnaih hret hret a. Mahse an che hmasa ngam mai lo. Chutah le, an pasaltha Ralhrata chuan an tawngin " dawizep ho bei ta che u" ti tuarhin a hote pawh an che chhuak ta. Mahse an duh angin an che thei bik hauh lo. Neihpuii chuan in hrosa kuk kuk chungin alo bei let a, a la che rang vah vah khawp mai. A rawn beitu hmasa ho chu a lo seh thal zung zung mai a. Mi pathum lai chu an thal der tawh mai. A malpui hliam erawh a tuar deuh a, a darah pakhatin a rawn vai fuh ve tlat. Chutah Keite vun bat pahnih rawn kal chhuakin pakhat chuan "naute u, lo awmsawn teh u" rawn tiin Neihpuii chu an rawn hma chhawn mek a, an hmel a bumro dunin pawisak neilo tih hriat tak anni. Neihpuii pawh in thing harhin a hmaa keite vun bat pahnih rawn in hrosa chu a hma chhawn leh ta. A hliam atanga thisen a chhuah reng avangin a chau tan hle a. A thahruiin a kiansan mek a ni. Chutih lai chuan an puk a tanga a u Hranga rawn Û ruah ruah chu hriain "U mam rawn thleng vat rawh" ti rilruin a u chu a ko mawlh mawlha. Chutah le che chhuakin anin bei ta. Keite vun bat pahnih chu an che rang bawk a, Neihpuii tuan a fum deuh tawh bawk nen a seh fuh thei bik hauh lo mai le.
Chutih lai chuan Thangi pawh a theih anga chakin a tlan hlawp hlawp maia, a mah umtu mi sawm vel lai mai chuan an hnaih zel bawk. Chutah vanduaithlak takin Thangi chuan hrui zam palin a tlu dawrh mai a, tho nghal vatin tlan leh a tum chiah chu a hmaah mipahnih an rawn tum thla chhak mai a, au tuarhin tlanlet a tum a, mahse an lo hual hman vek tawh a ni. Thangi chuan hlau taka en kual hlawmin a tawlh rawk rawk mai a. Hmelma ho chuan an zim hnai zel a, Thangi tan tlan chhiatna tur a awm ta lo. Chutah pakhat chuan rawn man thutin mahse Thangi chuan a lo theh leng dawr mai a, tuma hriat loh amah Thangi ngei pawhin a la hriat ngailoh a thuruk a rawn lang mek a ni. A thahrui chu a chakin a theh len pa chu tho leh tur awm lovin a zal nghal der a, Chutah le, hmelma ho chuan Thangi chu makti takin an en vawng vawng a, an um Nula hmeltha sam var satliah mai kha a ni ta hauh lo mai. Thangi sam chu a var mai a ni tawh lo. A tle sep sep mai a, a hmel pawh a eng ser ser ni mai hian a hriat bawk. A hmelthat dan chu Vantirhkoh kawngbo ni mai awm a mawi a ni. A mit meng lah chu a de ra mai bawk a, a va in hmeh tehlul em. Mit ngeia hmutu ho chuan chet thawh an tum tawh lo. An mi hmuh chu chechang loin an thlir reng mai. An nunna lak mek ani tih reng an hre lo. Thangi hmel thatnain a zem a, an aikaih a ni si a. Miten an sawi thin Zawhte ki nei, ahmu a piang an thi nghal thin a, mahse tuman anla hmu lo an tih ang mai kha a ni. Thangi hmutute chu zawi muangin an thi ta der mai. Thangi hian a awmdan hi engmah a hrethiam bik lo a, a hlauhnate a bo zo vek a,a in thunun thei hek lo. A piantirh atanga khuavang ho vohbik a nihna chu tunah a rawn lang chhuakta a ni si a. A hmelthatna chu a ralthuam a ni ta tlat. Chutah Neihpuiite awmna lamah khan let lehin a va thlen chuan Neihpuii chu a lo chau tawh hle a, hliam a lo tuar nual tawh mai. A che hleithei tawh lo a ni ber a, keite vun bat pakhat chu lo that tawh mahse pakhat chuan duh tawkin a sawisa thei tawh ngei ang le. Keite vun batpa chuan Neihpuii che hleithei tawh lo chu a nghawng fik hmawk tumin a chem a lek mek a, chutih lai tak chuan an piah deuh lawk a, an lalfapa nupui tur Thangi lo thleng chiah chu hmuin a chem a thlauh nghal bal mai a. An naute anin bei lai thlir tu thenkhat pawn Thangi chu en vat hlawmin an thil hmuh chu hmuh thianglo khawpa hmeltha tih an hre lo a ni ngei an le. Mit tla dawn a enin an taksa a khawng zo a, reilo teah an thi chu a ni ta mai le. Neihpuii sah tumtu pawh a din khawng reng tawh a, Neipuii pawh rawn hawi chhuakin Thangi lam a hawi ve tlat. "Thangi" tih sap bak a sawi hman lo. A taksa chu a khawng mek a, a ni pawh a mit a a laksawn vat loh chuan a thi ve thuai dawn a ni. Thangi pawn a awm dan chu tih danglam a tuma mahse a thei silo. Chutih lai chuan Hrang chu Neihpuii hmaah chuan a lam hawiin a rawn ding hlawl mai a, a en lai Thangi chu a rawn hliah chat mai le. Neihpuii pawh a rawn thaw hrawk hrawk a, a tlai hman tep a ni e. Chutah Hranga chu mihringah changin a mit chhing chungin Thangi awmna lam chu a pan a, "Thangi min hre thei em, keimah Hranga, min tihnat i duh lo tih ka hria, Thangi harh rawh" tih pahin a pan hnai zel a, a tlu khat khat mai bawk a. A tawpah chuan Thangi bul chu a thleng thei ta. Thangi kut chu vuanin a kuah thlawp a, "Thangi min hrethei em harh rawh, ka hmangaih che" a ti mawlh mawlh mai a, chutah Thangi chu a tlu zawi hnawk a, a sam tle siau maite chu reh nghal duakin a hmel pawh a pangai nghal vek a, "U Hrang i lo thleng tawh maw" ti sapin nikhaw hrelovin a awm zui nghal der a. Hranga chuan pawmin Neihpuii lamah chuan a phei pui a, chutih lai tak chuan "engthil nge kan thiante chungah hian i lo tih" an sir lam atang chuan aw fiah kak mai hian a rawn ti a, Hranga chuan aw lo chhuahna lam chu hawi vatin Keite vun bat pahnih hi rawn chhuak zal zalin pakhat chuan silaiin a rawn tin nghal zat mai a, mahse Ralhrata zawk chuan khap vatin chempui a phawrh ta zawk a. Engtin nge hemite pahnih hi Thangi hmelthatna khan a tih hlum ve loh le. Ni e, Neihpuii leh an thiante pahnih in beih lai a Hranga Û ruah ruah ri kha hriain an lam a rawn pan ngei Ralhrata hian ringin a thianpa nen hian remchang zawngin an lo chang kiau kha a ni a, mahse an chan loh khanah Hranga kha a rawn kal daih si a. Rawn let lehin an thil hmuh chuan a ti thinrim dun kher mai. An thiante chu nunna nei tawh lo tih hriat takin an lo ding khawng reng mai a, a then an thu khawng reng bawk a. Hrangan Thangi a pawm chiah kha rawn hmu hmanin an rawn chhuak ta a ni. Chutah Hranga chu thinrimnain a khat ve nghal a, Thangi chu nghatin a mi hmuh pakhat zawk chu a en rual khan a nu a hre chhuak nghal zawk a . "Ka nu thattu" ti sapin a chem a hum nghet nghal sauh a. " enga ni i sawi a mi nu tam tak ka that tawh a sin, nanga nu chu ka hrelo e" Ralhrata chuan ti ve nghal zatin Ûmi pasaltha leh keite vun bat pasaltha pahnihte chu an in hma chhawn ta le. Hetih lai hian ni pawh tlangkarah a rawn chhuak siar siar tawh a, pasalthate in bei hi hmuh ve ngei a duh a ni ngei ang le.
Chutah le Ralhrata te pahnih chuan chet thawhin an rawn bei ta le. An che rang dunin vawi tam ral an bei dun tawh tih hriat tak a ni. Ralhrata chet rang dan phei chu a mak zawk hial a. Mihring pangai tan chuan kawl phe ang mai a ni. Mahse Ûmi pasaltha nu phuba lak tum an hmachhawn tlat si a. Hranga chuan an chem rawn vai chu a lo dang thei zel a. Ralhrata te chuan in hrosa kuk kukin an bei zel a, an in veng tawn thiam tlat. Chu tah Hranga chu Ralhrata rawn tlawhna a vangin a leng dawrh a. Mahse a tlu hauh lo ding chatin " khawnge keimah Ûmi pasaltha Hriangzaua fapa Hrangliana ka ni ngai e" tiin Hranga chuan a pan leh nghal a. Tlan kawi zak zak chungin a bei let ve ta. Ralhrata lo zawk chu a che buai tawh hle mai a. Hrangan a malpui a rawn hliam tawh tlat a, a tuan a fum tan tlat. Mahse Ralhrata thla zar hnuaiah chuan a la him thei hram hram a, mahse Hranga chem rawn vai de zawk chu a thianpa Ralhrata chuan lo bum mahse a ni chuan a bum ve hman ta lo. A dar chu a uai hnawk mai a, a chem hum chu thlauhin a thingthi nghal rawk mai a. Chutah a dar dawm chunga a hawi chhuak leh chiah chu Hranga sang taka rawn zuang chu hmu zuaiin chem a rawn vai fua mai a. A lu chu per nawlhin a tal khur chur chur a. A thi zui nghal. Chutah Hranga pawn hliam a tuar ve hman tlat. Kha tia a zuan a, keite vun bat lu a lak zawh chiah khan Ralhrata chem rawn vai chu lo bum hman thuak mahse a banbul chu a kak hlaih hman tho a, mahse engah mah a ngai duh lo. A mah rawn beih leh tum mek chu a nu thattu ngei tih a chiang tlat. Ralhrata chuan " vala i beih tlak hle mai, mahse kha i hliam a nia" rawn tiin nui lui sak chungin a rawn pan leh mek a. Hranga pawh inring tak chungin " vawin hian ka nu sal ni turin pialralah ka thawn dawn che" ti ve nghalin " mai mai che chuan khawnge i nu bulah chuan va kal ve zawk rawh" tihpahin Ralhrata chuan a rawn bei buan buan mai a. A thinrim a sosang hle mai. A rum nghut nghut mai a. Mahse mal khaiah chuan Ûmi pasaltha chu a khan lo deuh a ni. Hranga chuan lo bum zauh zauhin Ralhrata rawn zuang chem rawn vai de zawk chu lo bumin a chem a vai de ve nghal zawk a. Ralhrata ngal chu a chhawk hmawk mai le. Ralhrata chu tlu nghal ruahin a na ti chu a then tlawk tlawk mai a, chutah Hranga chuan rawn pan hnaiin " ti hian ka nu chu i hre tawh em" tihpahin Ûmi lian zetah changin Ralhrata pawh a meng biak kawk mai a. Hmanni a a Ûmi kah kha a nu a ni tih pawh a hai hauh lo. Chutah a chem chu vai chhuah tumin a lek kanga, mahse Ûmi chuan a ban chu rawn rapbetin a ni mu zangthal reng chethei tawh lo chu a rawn bawh bet nghal a. Chutah Ûmi chu ang bai baiin a ka chhunga sârzâm kalh chu Ralhrata thil hmuh hnuhnung ber a ni a. Ûmi chuan a nghawng chu seh bung hmawkin Liaktawng pasaltha ho chu an fam zota.
Hranga chuan Ralhrata a thah zawh hnu lawk khan a nau chau taka lo let reng leh a hmangaih Thangi nikhaw hrelo a lola awm rengte lam chu pan thuaiin Neihpuii chu mihringah lo chang tawhin a chau hle a, a che thapeih meuh lo. Chutah Hranga chu bawk hniamin Thangi chu Neihpuii chuan thei leh thei lovin a chungah a lawn tira, a mah pawh muang changin a lawn ve bawk a. Tichuan Hranga chuan an puk lam a panpui ta.
Chutih lai chuan Val Upa Chalate chu an lalpa farnu Chawnghluni te khua Theibuang khua panin an chhuak ve mek a. Khaw hla tak a ni lo bawk a, thim hmain an thleng hman mai turah an in ngai a, thlamuang leh hlim takin erawh an kal theilo. An khua rauhsan a ni mai tur chu an ngaingam meuh lo a ni. Chhungrilah a rukin an rum vawng vawng mai a. Tih theih nei tawh heklo le. Beiseina nen Theibuang khua chu an pan ta ngawt mai a ni.
Hrangate pawh an puk thleng tawhin Neihpuii hliam chu a enkawl sawk sawk a. Thangi erawh a muhil sek sek thung. Neihpuii chuan a malpuia silaimu lut a uin a khei chhuah sak lai te chuan a nati lutuk chu a tap pur mai a. A u lah chuan " tap pur kher lo la, chaw eititui tawk chauh a nih hi" ala tih san zui a, a tap bang chiang ngei mai. Thinrim tum bur chungin " Thangi a awm vang inti pa kher suh" ti hmukin a meng thip vei ram a. Chutih lai chuan Thangi chu rawn harh hlawlin Hrangate unau chu a en vawng vawng mai a, Ûmi buang, mihringaa a chan lai kha a hmu tlat a lawm. A hmangaih Hranga ngei a la ni zui bawk nen. Hranga te pawhin lo en vawng vawngin sawi tur an hrelo tlang hle a. Chutah Thangi chu rawn nui sen senin "ûmi pasaltha" a rawn ti zauh a, Hranga pawh za vak loin a lo kiai ve sun sun a. Chutah " Thiannu i tha em" Neihpuii chuan rawn ti vatin a malpui na vang chuan a then nghal sawk a. " um.. Kei chu ka tha, nangmah zawk kha i tha lo" Thangi chuan rawn tih pahin a rawn pan nghal thuai a, Hrangan Neihpuii hliam a lo tuam sak mek chu "Ûmi pasaltha, kha tin an tuam ngai lo, khawi keiman ka lo tuam sak ang" tih pahin Neihpuii bulah chuan a thu nghal a, Hranga lah sawitur hre lovin a lo tawlh sawn vat a. Thangi chu tawng siap siapin " Ûmi buang min veng himtu kha, U Hrang, ilo ni reng a, chuan Ûmi var kha Neihpuii i ni bawk tiraw" a rawn ti kauh mai le. Neihpuii meuh pawhin sawitur a hre lo chu a ni e. Thangi bawk chuan "ka lawm e" tih sap pahin " Neihpui ka that tep che a, tihpalh aw, ka in thunun zolo a ni" a ti zawm nghal zat a. "Tihpalh tih a ngailo. I awm dan kha a mak ngawt mai. I hmel that dan em em kha ka mitthlaah hian a cham reng mai" Neihpuii chuan ti ve nghal vatin " engtin nge ka awm ka hre lo, ka inthunun zolo a, mahse U Hranga khan" a sawi chhunzawm zak deuh a ni ngei ang. A sen tawn tawn a, a hmui pet fan fan chungin Hranga a en zauh a, Hranga lah a lo nui sen sen leh nghal a, a zei vang nge zeiloh vang zawk. Thangi pawh a hma zawng aiin a zak zual sauh a, mqhse a duhawm tak zet a ni. Chuta karah Thangi zak hmel chu Neihpuii lawmah a tla a ni ngei ang. "A na, Thiannu ka malpui nalai i hmer vak" a la rqwn ti zui a, Thangi pawh phu zawkin " awi tihpalh a na em" ti vatin " a na ka tih mawlh mawlh kha" Neihpuii chuan nuihza in sum tum deuh bur chunga tiin " dawt min hrilh vang a nih kha"
"Eng dawt nge ka hrilh che"
" U Hranga a ramvak e te i ti vel a"
" haha nia , a ngai sia lawm"
Hranga pawh rawn tawn chhuak vein "ti khan lo in hnial teh u, eirawng kan bawl mai ange " tiin a tho nghal a, " a ngailo khawi keiman" Thangi chuan ti nghal vatin Hranga chu a pawt thu leh nghal a, chutah eirawng chu bawl sawk sawkin Hranga chuan alo thlir dauh dauh mai a. " U mam, Thangi hmel kha i rawn hmu ve lo a, hmu ve la chu hmeltha i tih dan tur chu sawi ngaihna pawh ka hre lo. Engtin nge i rawn hmuh ve loh theih zawk? " Neihpuii chuan mu zal ar ar pah chuan a rawn ti a. " nia, ka hmu ve tep a sin, in awmna lam a rawn pan lai khan ka rawn thleng ve chiah a, ka rawn um nghal a, a hnunglam chu ka hmu reng a, a hmel erawh ka hmu lo. Ka um pha tep tihin in bul kha a rawn thleng a, amah rawn en apiang mai kha an khawng a, an thi nghal zel mai si a, i rawn en ve chiah khan thil awm dan ka hriat thiam tawh avangin ka rawn hliah che a nih kha, lawm hle rawh" tiin
Hranga chuan inti thei takin a chhanga, " tunah chuan kan nu phuba chu kan la tak tak ta. Hahdam takin a chawl ve tawh ngei ang" Hranga chuan ti lehin Neihpuii pawh a hlim kher mai. A tah chhuak chu a men tuau mai a, " a tap leh dawn ta ngawt e" Hranga chuan tih pahin a nau mittui chu a hruk sak zauh a. Chutah Thangi chuan " ei ka peih tawh e" rawn ti lauh lauhin Hranga chuan Neihpuii chu kuah pheiin Thangi sa siam chu an ei ho ta a. An ei pah chuan Bingtea leh Thangi an hmuh lai a, Hranga awm dan vel sawiin an nui dar dar a, a zaizir an hriat thiam loh zia te kha sawi bawkin an in nuih tawn kual nasa mai. Chutah Thangi chu harh chhuak thutin Hrangan a zawt ang tih a lo hlauh ruk em em chu a rawn zawt ta. " U Hrang, ka nu leh pa enge an an, in va chhan chhuak vek tiraw? Engtikah nge min hruai haw dawn" a rawn ti ta phawng mai le. Hranga sa ei tur tak chu tawp chatin dawt sawi lah a thiam lo ropui mai si a. " aa,, Thangi, nakinah ka hrilh ang che ei phawt ang u" tih san mahse Thangi chuan a zawt nawn sek mai si a. A chhan that duh loh avangin a ngaih tha lo nen a tap tuau tawh mai si a. An chaw ei lai pawh an ngaihtuah tawh lo e. Chutah " Thangi, i nu leh pa chu ka chhan hman ta lo" tiin Hranga chuan hreh takin a chhang ta. Thangi chu ding hluaiin a thu hriat chuan a deng dawt mai a, tah lawk na chang pawh a hre lo e. Mahse reilo teah rawn tap chhuak hawm hawmin Hranga chuan a kuah bet vat a, " ti nge i chhan hman loh, mawh... Ka nu leh pa an ni a sin, nangmah vangin an thi a ni" ti tuarh tuarhin tap chungin nghet taka kuahtu Hranga chu a chum dat dat a. " pawi ka ti" Hranga chuan lo ti ve sapin Thangi lusun erawh a hnem zo lo. ( tawp lak lawh leh ngei mai)



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 27th, 2018, 8:02 pm

Ûmi Pasaltha leh Tlangthanghniangi

BUNG 14-NA

(Current kan khuaah kan neih that loh vangin ka rawn chhunzawm lawk lo a, min lo hrethiam ru aw)

Recap - Ka nu leh pa an ni a sin, nangmah vangin an thi a ni" ti tuarh tuarhin tap chungin nghet taka kuahtu Hranga chu a chum dat dat a. " pawi ka ti" Hranga chuan lo ti ve sapin Thangi lusun erawh a hnem zo lo.

Ûmi pasaltha hun lai hian Lalten ropui an duh a, pasaltha ten chhuantawlawl nih an duh bawk. Chubakah mibik ten hmingthan an duh bawk. Chutianga mi ropuite in elna hun a nih miau a vangin pasalthate chu anin bei a, Lalte an indo a, mibikte anin el bawk thin. Tam tak an thi a, thenkhat an ding chhuak bawk a, mahse rei an daih ngai bik lo. Midang hnehtu an awm ve leh zel si a
Chutiang karah chuan Hrangliana leh Tlangthanghniangite chu hlim takin an awm reng thei a ngem le.
Tlailam a ni a, ni pawh a dul ruih tawh a, Chala te pawn Theibuang khua lut tawhin Chala leh Bingtea chu Lalinah lutin an thu thlen chuan Lalpa Kuhvela pawh a thawng khawp mai a, Lalnu Chawnghluni phei chu a tap nghal hawm hawm mai a, " ka u, in tawrh hi a va rapthlak em, kei zawng ka ngai thiam theilo" tiin a tap bang hleithei lo. Chala te chuan an sawi tur ang angte sawi in, Thangi chungchangte leh belh tur dang an neih loh thu te nen an sawi zawh chuan vanneih thlak takin Kuhvela chuan an khuaa awm chu a remti hlauh mai a, Chalate rilru hah zualpui pawh a reh duak mai. Chala chuan " Lalpa kan lawm hle mai, in khua leh tui kan ni ta e" a ti a, Kuhvela chuan " lawmthu sawi a ngai love. Naktuk lamah ka tlangval te nen in khuaa mithite chu in va hlawm dawn nia. Zanin ah in awm zel dan tur chu ka upa te ho nen kan lo sawi dawn nia. Remchang hmasa berah Thangi pawh chu zawn nghal a ngai a nih chu." a rawn ti a. Chutah Kuhvela bawk chuan " eng pawh nise, khua a tlai mai dawn e. nangni pahnih chu hetah hian awm rih mai ula, midang erawh in dangah kan sem dawn nia." a ti leh a. Tichuan Chala te chu Theibuang lalinah chuan zan riah eiin zan riah eikham chuan Lal khawnbawlte pawh rawn lut sang sang hlawmin Lal chuan alo thleng hmasa apiang mai chu an thurel tur a lo sawi hmawrhmuh zel a. Chutah lal khawnbawlte mai bakah an Pasaltha te leh Val Upa Chalate chu Lalinah chuan an thu thap mai a. Lalpa Kuhvela chuan " awle, zanina kan kal khawm chhan chu kan hre deuh fur tawh hlawm a, hei kan nu nuta Chawngliana khua chuan run tawkin Lalpa meuh pawh an zuah lo a ni a, in zawng zawng hal sak vek an ni a, an fanu Thangi erawh Pasaltha Hrangan a tlanbo pui hman a ni awm a, tichuan hei nunau thenkhat leh an Pasaltha Chalate chauh hi damin min rawn bel chawt mai a, lo hnar ngawt lah thil tih hi a ni hauh si lo. Kan nu laina te an ni bawk nen, chu chu sawi loha lum ni ta se. Kan sawi ber tur chu Val upa Chala te hi khawi laiah nge awm hmun kan rem tir ang tih leh an khua lama ruang te engtin nge kan seng hawi sak ang tih hi a ni e" a han ti dap dap mai a. Ngun takin an ngaihtuah nauh nauh hlawm a, chutah Upa Laia chuan " Lalpa, mi ruang seng hawi chu thil hmanhmawh thlak tak a nih chu mawle, Ka ngaihdan chuan naktuk lamah kan tlangvalte va kal sela a tha mailo maw" a rawn ti a. Tha an ti tlang khawp mai a. Val Upa Chala rawn tawng chhuak vein, "Lalpa , kan Lalfanu Thangi te kha min runtute lam khan an umzui tlat mai a, an rawn kir leh mai ka hlau khawp mai a" a rawn ti ve a. An rilru a buai tlang khawp mai le. An ngaihdan a in mil thei hlawm lo a. Chutah Lapa Kuhvela chuan "awle, eng pawh nise, Bawnpui khaw tawrhna chu kan tawmpui tak zet a ni tih kan lantir chu a ngai a ni. Chuvangin ruang ho senghawi tur chuan tlangvalte chu tir mai ila, Thangi umtute lo kir leh kirloh chu ralveng in dah mai sela, kan pasalthate hian an ho bawk a ni mai ang chu" a rawn tih takah chuan an lal ruahmanna chu tha antiin an fak mawlh mawlh hlawm a. Chutah Chalate awmna turte sawi ho lehin zan khaw tairek thlengin an thukhawm a.
Chutih lai chuan Hranga te pawh an puk chhungah chuan an la meng kar hlawm a, Thangi lusun pawh a ziaawm deuh tawh bawk a. An titi malh malh mai a. Thangi chuan " U Hrang, ka nute chu an damlai hmu tawh lo mah ila, an ruang tal khawm ka duh a ni. Khawngaihin naktukah min hruai ula" a ti sep sep a. Hranga chuan "nie kan kal dawn nia, Neihpuii pawh hi kan hruai a ngai ang. A mah chuan ka awmtir tawh dawn lo a ni." ti vein Neihpuii pawn " ni e, Ka kal ve ngei chu a ngai ang. Thangi nen min phur mai ang chu tiraw, Ka u felte" a rawn ti kher a, a lu a ri nghalfawk bawk a, Neihpuii bawk chuan a u rawn kukna chu dawm vang vang pahin " enge, Ka damloh hi min dim ve deuh rawh. Thangi zawk hi chu nise, I duat awm awm nen" a rawn ti pah zauh a. Chutah nui ho dar darin an titi chhun zawm melh melh a. Neihpuii erawh a hliam vang khan achau deuh a, reiloteah aa muhil bawrh bawrh mai a. Thangi leh Hranga chu insi riala thuin " U Hrang, Ka ngaihtuah ang hi I ngaihtuah ve em" Thangi chuan Hranga dara bei hle hle pahin a ti a. Hranga chuan " engthil nge i ngaihtuah a" tiin Thangi chuan"kumkhuaa i bula awm reng ka duh. Mahse, keimah vangin i thih phah thei si a. Neihpuii pawh ka that tep a nih kha, in bulah hian ka awm reng thei dawn lo a ni" tiin a rilru a buai hle mai a. Hranga chuan " Thangi chu zawng ngaihtuah suh. I chhanchhuak zawk a nih kha. Engtikah mah min ti na dawn lo tih ka hria a lawm" ti vein Hranga bawk chuan " naktuklamah chuan U Chala te pawh kan hmuh ngei ka beisei a, helai hmunah hian kan let tawh lo pawh a ni thei. Mahse khawi ah pawh i awmna a piangah ka awm zel tawh ang" ti zawmin Thangi pawh a rilru thawveng deuha a thaw sek sek a. Thangi mut a chhuak thei hlawl lo a, a mah vangin a hmangaih Hrangte unau hian an tawrh a hlau a, mahse kalsan turin chakna a nei silo. Tichuan mutmu tuah loin an thu tlaivar dun zak mai a. Chutah khua rawn varin an awmna puk tual chu ni zungin a rawn chhun siar siar a, Thangi chuan ei rel mawlh mawlh in Hrang pawh a insiam mawlh mawlh bawk. Neihpuii erawh a kal theih lo avangin khumah thuin a u te chevel chu alo thlir kual mai mai a. A ute hi engtin nge an awm zel ang le. Eng ang harsatna nge an la tawh ang tih a ngaihtuah a, a rilruah Bingtea lo langin a u sawi dan chuan a la dam tih a hria a, engtin nge a thuruk hi a hrilh ve ang. A ute chu thuruk nei loin hlim takin an awm si a. A thuruk hi hre ve tase Bingtea hian a pawm ve thei angem tih tea ngaihtuah nauh nauh a.
Chutih lai chuan Liaktawng tlangval pahnih, Bawnpui lalin kang atanga tlanchhuak chu an khaw lam panin hmanhmawh takin an kal hlawk hlawk mai a. Thinrim na leh hlauhna rilru nen kal an nih avangin an kal sawt hle mai a. An Lal fapa lu pakhat zawk chuan a ak phe lawm lawp a. An khua an thlen hunah engtin tak an Lal chuan ngai ang maw.
Hranga te pawh tuk thuan eikham tawhin an in siam sawk sawk a, an puka an let tawh loh mai theih a vangin an in keng Kim hle a. An insiam zawh hnu chuan Hranga chu Umiah changin an bungruate chu a dar velah Thangi chuan a phuar bet mawlh mawlh a, Chutah Neihpuii nen a chungah chuangin Bawnpui khaw lam panin Hranga chuan a kalpui ta. Thangi chuan Neihpuii nen an in bual laia Hranga rawn chhan lai te kha ngaihtuah in a zakin a hlim ru bawk si a. Neihpuii lo tih dan velte kha ngaihtuahin a nui ver ver a. Neihpuii chuan " thiani enge I ngaihtuah a, i nuih ver ver" a rawn tih chuan Thangi chu harh hlawlin "eng niloe, kan in bual laia, i lemchang vel kha ka lo ngaihtuah a, i lo chang thiam khawp mai" ti vein " haha i hlauh loh nan ka ti nih kha, tunah chuan i hlau tawh lo khawp mai. A chungahte i chuang ngam tawh a," Neihpuii chuan a rawn ti let zauh a. Nui dun ver verin an kal zel a. Hranga pawh chhungrilah lo khi ve sangin a kalpui thauh thauh mai a. A kal mai mai pawh mihring tlan tluk thuaka sawt a nih avangin chawhnu her zet an kal hnu chuan Bawnpui ram chhung lut tawhin, an chawl zawk a, in ei puarin an hahte a Dam hnu chuan an kal leh thuai a. Ni kawlkilah a liam dawn ruai tih chuan Bawnpui khua an lut dawn ta. Mi hmuh an hlauh a vangin kawng pangaiah an kal lo kha a ni a. Tunah chuan Hranga pawh mihringah changin an bungruate chu a phur bawk lurh mai a. Thangi chuan Neihpuii kuahin muang changin kawng pangai zawhin khaw lam panin an kal leh ta. Kawtchhuah an thlen dawn tepah chuan an hnung lam a tang in " tute nge in nih" an rawn ti chang fak mai a. Rang taka hawi let rual thawtin mi pahnihin silaiin an lo tin reng mai a. Hranga chuan Liaktawng lammi anni lo tih hria in " ral kan ni lo e, he khaw Lalfanu Thangi rawn hruai tute kan ni e" a lo ti vat a. Tlangval pahnih chuan a thusawi chu an ngaithla lo emawni Thangi chu an lo en tlawk tlawk mai a. Chutah pakhat chuan "Lalfanu kan tihpalh a ni e." rawn tiin thil awmdan a hrilh nghal zung zung a, anni pahnih hi Theibuang lam atanga ralveng tura an dahte an lo ni a, thil awm dan an hriat hnu chuan hman hmanhmawh takin khaw chhun lam an pan ta. Neihpuii chu tlangval pahnih chuan kalpuiin Hrangate hnungah chuan an zui ve a. Chutah khaw chhung an han luh chuan Theibuang tlangval thahnem tak hian Thangi te in kawt zawl laiah hian thlan an lo lai mam mam mai a. Chala leh Bingtea pawh an bang bik lo a. Theibuang Lalnu pawh a telve nge nge. A nuta pa Chawngliana ruang hmuh ve ngei a duh avangin an hruai ve alo ni a. Chutah Chala chuan Hrangate rawn kal chu lo hmu in a rawn pan nghal thuai a, Bingtea pawh rawn tlan in Hrangate chu a rawn pel fua mai a. Neihpuii rawn kalpui tute chu chhawk nghal vatin Neihpuii pawh a hlim ngei mai. A na pawh a hre chang tawh meuh lo. Thangi chuan Chala bulah chuan " U Chal khawi ah nge ka nu leh pa" lo ti vat in, Chala pawn chhan mai ngaihna a hre lo a, "Thangi, anni chu phum hmasakah kan lo hmanga, saw lai deuh ah sawn kan phum a ni" tiin an phumna hmun chu a kawhhmuh nghal a, chuveleh Thangi chu tlan nghalin a nu leh pa an phumna ah chuan a va thingthi nghal rawk a, tap nghal hlawm hawmin tlangval thlan lai ho pawh in an rawn thlir thap mai a, Theibuang Lalnu Chawnghluni pawh rawn tlan vatin "ka vahnu Thangte, in sum rawh," rawn ti nghal mahse amah pawh a insum thei bik lo. An tap dun hawm hawm mai a. Chutih lai chuan Hrangate chuan lo thlir vawng vangin Hranga chuan thil hmuh a nei tlat mai le. Nitla tur rawn de ser ser chuan Thangi sam a rawn chhun de sep sep mai le. Hranga chuan "Thangi nilo" tih thawt pahin a tlan phei a, Thangi hnung lama atanga kuah bet nghal in "Thangi harh rawh, in sum rawh, i ti thei" a ti nghal mawlh mawlh a, reiloteah Thangi pawh a rawn pangai hlauh mai. Tlem a tlemah chu lai hmuna awm ho chu a that tep a ni tih hria in Hranga chu a kuah nghal Chung mai a. Neihpuii ve thung chuan khatia Thangi sam a rawn tlet lai Khan Bingtea chu hnung lam alo hawi pui nghal diam tawh a. Midang ho chuan thil danglam thleng chu an hre hauh lo thung. Chutah Thangi chuan a bula Lalnu Chawnghluni lo awm reng chu panin "ka ni i ni tiraw" tiin a kuah vawng vawng a. Pi Chawngi pawn lo chhang thuai in a lo hnem mawlh mawlh a. Hranga leh Chala pawn thil awmdan sawi in an lo in hrilh tawn mawlh mawlh a. Chutah khaw thim a hnaih tak avangin tlangval thlan lai ho pawh an chhuak sang sang hlawm a. Ruang zahve vel chu phum hman in a tuk lama chhun zawm turin an riahbuk sualna lam an pan hlawm a. In han belh tur a awm loh a vangin Zawlbuk tualah Buk pathum ngawt an sa tawp kha a ni a, mi sawmnga vel lai anni bawk si a, Hrangate an rawn thlen belh bawk nen an leng tawk vel chiah chiah awm e. Buk tualah chuan ei relin an che sang sang hlawm a, an Lalnu a tel ve vang nge Thangi vang zawk. Buk pakhat a riah puitu nih chu an hreh ru hlawm khawp mai.
Chutih lai chuan Liaktawng tlangval pahnih te pawh Khan an khua an thleng ve tawh a, an Lal Bengluta chuan a fapa lu chu thlir vawng vawngin a thinrim chu a puak lo chauh a ni. A Pasaltha tamtak an thi bawk nen. A thinrim chuan a fapa lu rawn Hawn tute chu a beng thuai thuai mai a, chutah a fapa lu chu khai kangin " I phuba chu lak a ni khawp ang, I lu latu chu i sal ni turin pialral a rawn lut ve thuai ang." a ti ram hmak mai a. Chutah Bengluta bawk chuan " ka fapa leh ka pasalthate phuba laturin Liangkhaia leh a thiante ka ruai dawn a ni. An duh duh min dil rawh se, an hlawh tlin phawt chuan ka pe mai ang. Naktukah be turin kal nghal ang che u." ti tuarh in tlangval te chu a in a tang chuan pet chhuak nghal rawk rawk a.
Liangkhaia te hi mi danglam tak niin Liaktawng khaw chhuak lam Vantawngkham an tih mai kham sang takah an thian ho hian an khawsa a. Lal tam takin an hlau in an tlawn fo thin. An bul vela lalte hnenah thil phutin an tih duh loh chuan rawng takin an che mai thin. Chuvangin tuman an ti thinrim ngam ngai lo. Lal thenkhat chuan an pasalthate tirin thah an tum thin mahse mipanga lek chu an hneh thei hauh lo. Ni e, mi pangai tan chuan hneh chi rual an ni lo. An hotupa Liangkhaia chu mi chak tak a ni a. Palian tak nilo mahse a thahrui chak tak a vangin tuman an khing zo lo. Chu bakah mak tak maiin a vun chu a chhah hle a, chema sah pawn a pem zo lo. Silai pawn an kap fuh nual tawh a..mahse na a ti ngai lo. A vun chu an kap tlang zo lo a tinni. A chanchin chu kan la hre dawn chauh e. A thian dangte pawh mi bik tak vek anni. Anni hi Unau in hmangaih takte, Lalfanu hmelthat avanga tlangthang hial khawpte chungah engtin tak che ang maw. Hranga hian a hmangaih a nau leh Thangi an laka tang hian a venghim zo a ngem le.
Hranga te chu karkhat zet Theibuang khua ah chuan an awm tawh a, nitinin an chenna tur in sa in an buai mup mup a, hna an ngah khawp mai. Theibuang tlangval leh pa hote nen an thawk mam mam reng a, in sawm zet chu an sa zo tawh a, tah chuan nunau thenkhat chu an in vawm lut nawk nawk bawk. An tam tham deuh avang leh nunau mai an nih hlawm avangin inkhatah chhungkaw hnihte an awm a, tunah chuan Hranga te chenna tur leh Chala te chenna tur chiah an hma bak tawh. In sak an zawh hunah an khaw hlui lamah an buh leh bal an neih ang angte phur turin an kal leh dawn a ni. Thangi erawh Lal inah a ni Chawnghluni ten an awm pui thung. An lal Kuhvela pawh a felin Thangi chu a duat hle nghe nghe a, Thangi pawn a huhphurh aiin nuam a ti hle nghe nghe. A nite fanu Siangi nen pawh anin pawh viau tawh a, an kum a in rualin an hmeltha dun bawk a, an awmdun phei chu thlir ninawm loh an va ni chiang em.
Theibuang khua hi in zanga zet an ni a, zawlbuk pawh pahnih lai an nei a ni. An lal finna zar an zo a ni ber a, an khawthleng a nuamin, tui lah an hnianghnar a, chuvanga, mitamtak rawn pem lut tawh anni reng a. An Lalnu leh Lalfanu Siangi lah an felin mi zawng zawng in an nel em em a, an fel vangin an zah hliah hliah bawk. An lalfapa Lianbawia lah an khaw Pasaltha alo ni leh zel nen, Theibuang mipui tan chuan an lal chhungte chu an engkim a ni ber e. Chu a chhapah miten an sawi thin a hmelthatna vanga, hmuh an lo chak em em Thangi an khuaah a rawn awm ve bawk nen. Tlangval chang nilo pa, putar thleng chuan an hlim ru veng veng hlawm a. Kar khat a liam leh meuh chuan Bawnpui raltlan ho chuan chenna tur an nei ve ta. Lungphun vengah awm khawmin an in lenpawh deuh reng mai a, Lalnu leh Thangi an rawn lang zut mai bawk. Khua reiah an chunga thil thleng kha anla theih nghilh ve mahna.
Hranga te ho chu Theibuang tlangval thenkhat nen Bawnpui lamah puak phur in an thang mek a, Lalpa Kuhvela'n Liaktawng Pasaltha te silai rawn khawm vek ru a tih a vangin bungbel Kang bang te leh buh zem kang ve lo a, buh awm ang angte an thiar zawh hnuah Vahngaw lama Liaktawng tlangval te silai la turin an kal leh dawn a ni.
Chhun ni sensa rum rut hnuaiah chuan Hranga leh Chalate chu an buh phur an chawl vang vang a, Theibuang tlangval te lo nghah pahin an titi siam siam mai a, Hranga chuan " U Chal inlo chik ve emaw, kei chu kan lal hi ka rin zawng a ni hauh lo mai, kan chunga a that dan em em hi, engemaw awm tlat in a ni ka hriat ni" a rawn ti phawng mai a, Chala chuan "chutiang engmah a awm lo ang. Lal fel tak a niin ka hria a sin" a rawn ti ve a, Bingtea pawh a buh phurh a rit deuh nge thaw hlawi hlawi pahin " U Chal, Lalnu hi kan Lalpa te laka tang khan a ru chhuak niin ka lo hria a, an in hmelmak phah hial a ni lom ni. Enge maw chu a la awm lawng maw!" rawn ti vein Chala chuan " Khangte chu hman lai thil a nih tawh kha, theihnghilh a hun tawh e," tiin amah vek chuan " saw kan thiante pawh an rawn thleng dawn e. Khua kan ban hman lo ange i kal ang u, naktuk lamah Vahngaw lam kan pan leh dawn si a" tihpahin a tho a, a phur a in tan nghal mawlh mawlh a, " Thangi ni vang hian kan chungah a tha mai mai niin ka hria" Hranga chuan a ti zui hram a. Theibuang tlangval te an rawn thlen tak a vangin thil dang sawi in Theibuang lam an pan ho ta.
Thim dawn a ruaiah khua lutin Bawnpui khaw mite chenna lam an pan nghal a, an thlen chuan an buh phurhte chu in zat theuhin an in sem dan dan a, hahchawl vang Vang hnu chuan mahni in lam an pan sang sang a.
Chutihlai chuan Liaktawng lalinah chuan mi panga zet hi an lut ve mek a, an hmelte chu a bumro in Pasaltha tih hriat tak an ni.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 30th, 2018, 10:59 pm

Ūmi Pasaltha leh Tlangthanghniangi

Bung 15-na

Recap-Chutihlai chuan Liaktawng lalinah chuan mi panga zet hi an lut ve mek a, an hmelte chu a bumro in Pasaltha tih hriat tak an ni.

Liaktawng lalpa Bengluta leh a khawnbawl te chuan lawm takin an lo dawngsawng a, ngaihthat hmel takin mikhual tlangvalte chu an thlek an thlek hlawm a, an in thuamna leh an hmanraw kente chuan an mit a la hle hlawm a, heng mikhual tlangvalte hi tudang niloin Liangkhaia te thian ho ngei an ni e. Liangkhaia hi mibik tak mai ani kan tih tawh kha. Chutiang bawkin a thiante pawh mi bik, mi chunga leng anni. An zinga pakhat a thianten pasanga(mama) an tih mai, patling khap sawmpanga laia sang hi Liangkhaia bulah chuan a thu lurh mai a, a mah ang maia dawt sei silai a dar nghengin a tung vah mai a, a mit fiah tak avangin zanah pawh a tum a kahthelh ngai lo. Sa a um a, a theih tawka chaka a tlan in a sa um chu lehkhalhin rei tawk fang a lo nghak hman ziah thin. Chutiang khawp a tlan chak leh silai kahthiam a ni. Ral beihnaah mibik a nihna chu a hmang tangkai narawh e. Tin, Pasanga bulah chuan talhtum lian tak keng, mimeng rum tak mai, Hmunsiama an tih mai a thu ve leh a, a ni hian Mama chu san lamah chuan chenlo mahse a taksa chu a lian zawk hle a, a chakin a talhtum chuan sahrang tamtak a vaw hlum tawh a, ral beih nikhuaah a hmaah ding zo an awm ngai lo. A bulah chuan Ngiltea a thuve bawk a, hepa thung hi chu pa te lam deuh sa tha zet niin, silai a hum ve ran bawk a, mahse ralbeihnaa a hman rua ber erawh a kawnga a pai Chemte hmawr zum pahnih chu a ni thung. A hnungah chuan phaw bial pap mai a hreng bet bawk. A duh tawk a, Chem a vilik tawh chuan a mah hmachhawntute chu an te rawng rawng tawh mai thin. Tin, a sir berah chuan Tuailaia thuvein a darah chuan Thal a bat vah mai a, a thalfang chu a hnunglamah phulraw chang khat chhung ah dahin a tawn bet bawk. A thalfang hmawr zum chu keite ngho a ni a, a bul lamah chuan Muvanlai chang thiat vahin, a thal bial papa a kawih tawh chuan kah thluk zawh loh a nei ngai lo. Vawikhat ah thalfang pahnih a kap chhuak thawt thawt thei bawk a, hmanraw dang a mamawh ve lo e. Chung mibik te chu Liangkhaia chuan hoin thian thatak an ni hlawm a, an in thurualin an tang ho thiam hle a, chuvang taka tuma hneh theih loh an ni. Mahse an nunrawngin pawisak an nei hauh lo a, an peih chang changin mi an suamin an rawk a ni ringawt mai. An hmaah chuan nula hmeltha te tan an hmelthatna chu anchhiaah a chang zo a, annuna hial tamtak chuan an chan phah tawh a ni.
Tichuan, Liaktawng lal leh upate ho leh Liangkhaia te ho chu rorelin an titi mam mam a, Lal Bengluta chuan " in lo thawk chhuak chu ka lawm hle mai. Kan mangan tak zet si a, hei, kan tlangvalte rammu tamtak_zingah tlangval pahnih chauh an rawn kir a, Ka fapa pawh a lu chauh ka chang ta. Ka fapa leh ka Pasaltha te phuba min laksak turin ka'n ngen rawih mai cheu a ni e" an ti dap dap mai a. Liangkhaia chuan " a silai chul hliau hliau pahin" thil harsa va ni suh, lawmman a zir a ni ang chu, lawmman a that chuan kan zo hma a ni mai" a rawn ti ve khur khur mai a. Lalpa Bengluta chuan" lawmman chu in phut ang apiang a ni mai e. Ka fapa nupui tura ka lo hual hmeltha hming thang Tlangthanghniangi pawh in va hmu ngei a nga, hei ka fapa ber a awm tak lohah chuan in chanpual a ni bawk ang. " sawi tha in ti rilru tak hian a ti a. Liangkhaia chuan" chu zawng lawmman hlu tak a nih dawn chu, naktuk zingah kan kal dawn nia" ti ve lehin zute in hoin an titi zui mam mam a.
Thutmuan ar khan hun velah chuan Hranga te unau chu an in neih thar veah chuan an awm rek rek a, Mihring pangai anga khawsak ve chu nuam an tiin an hlim dun hle mai a. Neihpuii chuan hmun a phiat darh darh mai a, Hranga erawh kawngkapuiah dingin Lalin lam a hawi vang thung a, Neihpuii chuan " U mam, chawei kham lunglen I nei em ni, Thangi pawn a ei ve tawh ang chu" awmze awm deuh tak hian a rawn ti zauh a, Hranga pawh a ngaihtuahna ram atanga rawn harh chhuak in, " lunglen lam a ni love, hei, in te neiin kan han khawsa ve dawn chu a ni a, a huphurh awm ka lo ti rilru khawp mai. Kan nu leh pa te awm ve se a nuam tur a nia" tapchhaka thutpahin a ti a. Neihpuii chuan " nia, nuam viau mahse keipawh ka huphurh a nia aw. Lakaih tak ngial pawh ka thiam silo, Ka nu Khan min lo zirtir lo a" tiin a u bulah chuan a rawn thu ve a. Thangi chungchangte sawi dunin an titi chhunzawm a. Chutihlai chuan veng lehlam a tangin vawk a rawn ngek rawng rawng mai a, Chutih rual chuan " sa a tla e" tiin an au lauh lauh bawk. Zawlbuk lama tlangval awm te leh nula rim hote chu tlan khawm nghalin, An zi mur mur mai a, satlak na hmun an thlen chuan vawk neitu te chuan thil awmdan an lo sawi nghal sawk sawk a, Tlangval ho chuan meichher nen an Pasaltha Thabiaka hoin Keipui sa seh lak let ngei tumin an kal nghal a. Keipui chuan a sa seh chu kawr lamah hnuk thlain thisen a far thla zauh zauh bawk. A hnu chu chhui zelin Thabiaka chuan " naute u, fimkhur takin aw, kei leh tlangval pathum kan lo zu kal chak deuh a nga, midangin kan hnung deuhah min rawn zui dawn nia, in ralpalh a hlauh awm e" a ti a. Tlangval pathum nen chuan hmanhmawh deuh tak, fimkhur tak siin an kal nghal a, midangin an hnung deuhah an rawn zui ve a. Keipui hnu chu a lianin a sa seh chu a hnuk hauh lo tih hriat takin a hnu chu a felfai thlap mai a, Thabiaka chuan hma hruai in meichher keng pakhat in a zui a, an hnu chhui chuan kawrte kanin anni pawh kawr kanin an kal zel a, thui vaklo an kal hnu chuan an rinloh tak maiin Pu Thuamate vawk chu an hma lawk Chhawntual thing bulah chuan a lo let hlawm reng mai a. Fimkhur taka panin an thlenphei chuan a sehtu Sakei reng reng a lo awmlo. An mahni a lo veh let a nih ringin an han hawi kual zak zak a, mahse engmah hmuh leh hriat tur a awm lo. Vawk lo awm na lai vel chu an han enkual thuak thuak a, meichher engah chuan eng hmuh chian theih heklo le. A ngaihna hrelovin an hawi an hawi mai a. Chutih lai chuan an piah mual hnihna velah chuan Keipui ngei mai chu a huk rawng rawng mai a. Pasaltha Thabiaka chuan " chu Keipui chu hlauh a nei a ni khawp mai. A sa seh pawh a tlanchhiat san a nih hi. Haw u, i va fiah teh ang u" a ti a, thenkhat chuan an hlau deuh a, mahse an Pasaltha berin a tih miau a vangin an zui ta tho a. Keipui hukna mual an thlen chuan fimkhur tawp a fimkhurin an in ring hlawm hle mai a. Chutah an thlang lawk meichher en phak loh chinah chuan thawm ri khut khut hi hriain an pan thuai a, meichher in a en phak ta. An thil hmuh avang chuan a hnung bera kal silai chu a puak thuai mai a, ni e, an hma lawkah an um lai Keipui ngei mai chu nghawng thi hnuang chuanga lo bawkin a thi tur chalchangin a ke alo leng awrh awrh miau a, hlauh rilruk na nen kah mai awl tak tur a ni. Chutia silai mu a dawn leh meuh chuan Keipui pawh a zal nghal raih raih a. Thil awmdan chuan a ti hrilh hai hlawm hle mai. Engthil in nge lo seh, Keipui meuh lo seh hlum thei chu enge ni ang tiin an mak tih thu an sawi liam liam hlawm a. Thabiaka chuan " a engdang a ni lo ang. Sakei dang a ngamloh a tawng a nih hi" a ti a. A thusawi chu a mah pawn a awih hauh lo. An awmna bul vela sahnu lian tak chu sakei hnu a ni tlat lo. Chutah Tlangval dangte pawh rawn thlengin Hranga pawh a hnung berah a rawn telve a, ti chuan Sakei leh vawk zawnna turte siam in an zawh hnu chuan haw haw chungin khaw lam an pan ta. A sehtu hriat ni heklo le. Silai a kaptu chu thattuah an puh lo thei ta lo. Khua an thlen chuan haw haw dur durin Lalin lam an pan a, mipui pawh an phurin an rawn zui sup sup hlawm a. Lalin tual an thlen chuan Chala chuan Hranga chu rawn hauin " khawnge i lo kal bo daih, hei Bingtea nen kan rawn sawm che a. I lo awm silo. Mithar mai kan nih hi" a rawn ti a. Bingtea pawh in "a hnukhawia tan zawng a zahthlak mange hnar kan hmu lian lurh mai a lawm" a rawn ti ve a. Hranga chuan " a ka lo daikal a lawm mawle, a zialo khawp mai. Haw tehu kan in lamah i phei ang u. Awmve reng pawh zahna a tam mai mai" a ti a. Ti chuan Hranga te inlamah an in zui phei tham tham hlawm a. Thangi chuan Leikapui a tanga lo hmuin tinge U Hranga te chu an haw nghal mai le. Kan inhmu khat si a, min ngai ve vaklo a nih dawn hi ti rilruin a lo thlir vawng vawng a, Hranga te chu inlam pan in an kal zel a, Bingtea chuan " U Hranga chu i ti tak tak maw? Dawt sawi i thiam loh thu Neihpuiin min hrilh a sin" nui seih chungin a ti a. Hranga chuan " ti tak tak e a, Neihpuii pui rauh hi a lawm chaw a chhumrum lutuk, pumin zo heklo" a lo ti sam et a. Nui ho dar darin Bingtea an fiam zui mawlh mawlh a. Dik tak chuan kha tia Vawk ngek thawm a hriat rual Khan Hranga kha tlanchhuak nghalin dai lam atangin Umiah changin thawm rawn chhuahna veng a pan nghal vang vang a, Pu Thuamate kawmthlang a thlen chuan Pu Thuamate in velah chuan an thenawm hnai ho anlo ri laih laih a, Hranga chuan an thawm lam ngaihsak loin a piah lam deuh a, Keipui tlan thla ri rawk rawk chu lehkhalh ngei tumin a tlan khalh nghal thuai a, zan khaw Thimah pawh a hmuh chian tlat avangin a tlan khalh nghal thuai mai a, a lampana rawn phei mek Keipui chu a rawn hnai ta hle tihah a hma takah a zuang phei thut mai a, Keipui pawh a rin loh taka a hma a, Umi lian zet rawn din chuan a ti phu chiang kher mai. A sa put lai pawh a thlah nghal hnawk mai a, chu a chhapah a
tlan chhe nghal thuai a, mahse ramhnuai Pasaltha chu chuti mai a tlawm a tumlo. Mual hnih vel a tlan hnu chuan dingin a thil hlauh chu fiah tumin a ding vang vang a, chutah a thlang lamah chuan Umi chu a lo ding reng mai. Hranga pawn Keipui chuan tlan chhiat a tum tawh lo tih hriaiin a pan ruak ruak a, an piah mual hnih velah meichher a rawn eng sap sap a, hun a tam tawh lo tih hria in an in bei ta. Keipui chuan huk rum rum chungin a rawn zuan ve bawk a, a zuan thelh chiang ngei e. Chutah fimkhur taka awp hniamin a rawn zuan leh a. Hranga chuan awlsam taka lo inher zauhin Keipui rawn zuang mek chu a hrawkah a lo hap chat mai a, thing nawk nawkin a paih leng dawrh mai le. Chutah an piah lawk ah meichher a rawn det avangin a insa seng nghal thuai a. Mihringah changin Pasaltha Thabiaka te hnunga a a nawlpui kalte chu a zawm ve ta kha a ni a,
Thudik hrilh duh rilru via mahse a nau hmangaih Bingtea tan a that loh a hlauh avangin a zep mai mai a ni.
Tichuan hlim taka kal zelin Hranga tein an thleng a, Neihpuii chuan thil awm dan a lo zawt nghal thuai a, " U Chal in chingfel thei maw. Sakei chu in that em" alo ti barh barh a. "keini chuan that lo e, he khaw Pasaltha te hi an tuan alo tha khawp mai. Kan then ve hmain anlo chingfel der tawh mai" Chala chuan atia. " a va lawmawm ve, zanin chu leng ve reng ru aw, Ka hlau deuh tlat a nia keichu" Neihpuii chuan tihpahin Bingtea a melh zauh a, Chala chuan " a ngawiteh kei chu leng hman pawh ka ni meuh lo. Ka chenpui te saw an chhangchhe phian mai a, Ka va haw nghal mai teh ang.
A ti a, Neihpuii in a chhan hma chuan Chala bawk chuan " bakah hei i u hi biak fal lawk ka duh deuh a, ti rawh Hranga min rawn zui lawk teh" tihpahin a chhuak nghal a, Neihpuii chuan a thinlunga lawm rilru takin "chuti tur a mawnle, U Chal, nih leh muttui phawt mai aw" a ti zui ve a, Hranga te an chhuah chiah chuan Neihpuii meuh pawn sawitur a van leh tawh khawp mai. Bingtea lah chuti bawk. An awmdan chu ka sawi thiam lo e. Hranga te chu Chala te inlam panin an in zui phei a, Chala chuan " Hranga, zanin kha nangmah hian Keipui kha ilo bei a ni maw, fimkhur hle la ka duh khawp mai. Zan thil a ni hlauha, i hnu an hmu lo hlauh a nih kha" a han ti dap dap a, Hranga chuan inthup vel tum tawh loin, " ni e, Ka theih tawk chuan ka fimkhur ve a, fimkhur lehzual ka ngai dawn a ni" a ti a. Chala chuan " he khuaah hian mi thar mai kan la ni a, an khua leh tui ang tak takin min la en theih loh a rinawm chuvangin pangai taka kan awm a ngai a ni" ti leh in thil awm zia Hranga chu a hrilh mawlh mawlh a. Chutah Chalate in thlengin an lut a. Chala hian an khua run a nih khan a chhungte a Chan deuhvek a, a u fapa naupang chiah a dam a, anin tharah hian anni pahnih leh Pi Zami te nufa za nen an cheng ho a, Pi Zami hian fapa pakhat leh fanu pahnih neiin an la te hlawm hle a, an chhangchhe khawp mai. A pasal a chan ve avangin a. fate a hmeithai pui ta a ni. Chalate ina an awm lai chuan tlangaupa a rawn lut hlawl mai a, " hetah in lo awm a ni maw, hei kan lalin naktuk sahrang lu aih a tum a, silai la tura kal pawh thulh rih mai a ngai dawn a ni" a rawn ti a, " a pawi loh chu, nuam takin hun kan hmanga anga a ni mai lawm" Chala chuan lo tiin tlangaupa pawh a chhuak leh nghal a, Chalate chuan sa lu aih chungchang chu sawi zuiin an titi mawlh mawlh a. Rei tawk fang an titi hnu chuan Hranga chuan haw zai a rel ta. A haw kawngah chuan Thangi a ngaihtuah neuh neuh a. An kar hla ta riauin a hria a, remchang awm se a ngaih zia hrilh mawlh a nghak hlel a, chutiang bawk in Thangi pawh an lalin hnunglama turverh ah chuan dakin Hranga nen an awm dan chu ngaihtuah in lalin kawt a, sa lu ai tur lawm a mipui ri luih luih chu hre lo ang maiin a awm reng a, a hmangaih Hranga lah a haw daih bawk si, naktuk lamah hun remchang zawn a, a ngaih zia hrilh a, an awmdan hi sawi pui a tum rilru a. Hranga nen hian inngaiin in thlahlel viau mahse an in hnaih hleithei lo a, an boruak tawnin a zir rihlo bawk nen, an thinlung duh angin an taksa a awmdun thei lo a ni e.
A tuk zingah chuan Theibuang khua chu sa lu ai turin anin buatsaih mup mup mai a, pang ber a tanga pi tar, putar thlengin an mahni phur phurin an phur tlang vek a. In fiamna chi hrang hrang an buatsaih tel dawn vang a ni mahni. Tlangvalte leh pa hote chu Sial kai turin lal se huang lamah an liam sung sung mai a, Upa ho lah lalinah an inluh chhawk sek mai bawk. Nula ho buh deng zo pawh kawi kaha in tihsiaka chak ngei tumin an in kawibah tliar tliar a, mipa naupang pawh an lo in suk nawr ve bawk a, thenkhat an in hnawk bawk. Hmeichhe naupang ho pawh an bang bik lo lung mum tha chharin " hnung ben, karlak, thunthut,mati,sidawn.....tiin an in vawr map map a, an hun hman tur chu an phur tlang hlawm hle a ni.
Chutih lai chuan Liaktawng kawtchhuah ah chuan Liangkhaia te thian ho chu in nghak khawmin an ding thap hlawm a, chutah an kim hnu chuan Vohbik Tlangthanghniangi ru tur leh lal Bengluta phuba laksak turin an chhuak ta.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 8th, 2018, 5:57 pm

Ūmi pasaltha leh Tlangthanghniangi

Bung 16~na

Recap- chutih lai chuan Liaktawng kawtchhuah ah chuan Liangkhaia te thian ho chu in nghak khawmin an ding thap hlawm a, chutah an kimhnu chuan Vohbik Tlangthanghniangi ru tur leh lal Bengluta phubalaksak turin an chhuak ta.

-Tukthuan eikham chuan Theibuang khaw mipuite chu lal in tualah an tlim hmur mai a, mipa naupang ho chuan an Sial, salu aihna tur chu an chhaih laih laih a, chutah le, an Pasaltha Thabiaka chuan naupang ho chu hnawt kiangin a silai chuan Sial chu a tin vang vang mai a, mahse Sial chu naupang hoin an chhaih kawlh viau a ni mahna, a tal chiam mai a, a ke an hlinna chu a tal pit zawk mai le. Thabiaka pawn a kap hmanlo tlat. Sial lah chu a lim kual Zak Zak a. Mipui pawh an darh hak a, tlangval ho chuan fei nen hual beh tumin an rawn zim nghal thuai a, mahse eng anti thei lo. Chutah le, Sial chu tlangval te dan rual lohin an khaw nula hmeltha Ngurkungi te thian ho lamah a lim phei puat mai le, mipui chu ri hukin Ngurkungite pawh an te thawt a, midang chu tlan chhe hman mahse Ngurkungi erawh a chiai in a buai hle a, tlan chhiat nachang a hre lo. A hlauin thi ngei turah a in ngai hmiah tawh a, a tap pur mai. Mahse Sialin a bula rawn thlen dawn tep chuan a hmaah chuan Tlangval pakhat hi a rawn ding chat mai a, chupa chu tudang niloin Umi Pasaltha Hranga ngei a ni e, An lam pana Sial rawn lim chu lo hma chhawnin Sial pawh a rawn thleng chawpchilh nghal a, Hranga chuan a kiah lo man chatin pen hnih vel chu a tawlh hnung hrut hrut a, mipuite pawn thaw dep dep in an lo thlir thup mai a, chutah Sial zawk chu a tawlh ve ta hrut hrut mai le. Chutah zet zawng mipui thawm a tha hle mai. An au dur dur a, Hranga chu la hre chiang lo mahse an lo au in an lo fuih mawlh mawlh mai a, Thangi pawh a lo in Hum ruh nasa ngei e. Hranga chu va puih ve mai a chak rum rum a, mahse thil tih hi a ni si lo. Hranga leh Sial pawh an la in chai lakh laih a, Hranga chuan a ki a vawnna chu thlah a tum hauh lo a, Sial chuan tal chhuah a tum ve tang tang bawk. An inbei nasa bawk a niang. Lalin tual Lei char tak pawh belthleng tiat tiatin a khawk tawp tawp mai le. Chutah Hranga chuan tan khawh lehin Sial nghawng chu a herh thle bawih mai a, tlangval thenkhat lo en hnai deuh te chuan "a tlu dawn e" an lo ti sap sap a, an phur lutuk chuan Sial chu an lo khawih zuau zuau hlawm a, chutah le, Sial chu a nghawng herh a nih miau avangin a tang thei ta lo. A pai khut khut a, a tlu khu luih mai le. Hranga chuan Sial lu chu a tukhum lam hawi rawk khawp in a thuai her bawih mai a, Sial ringruh chu ri tuarhin a thi tur chalchang chu a in leng khat khat a, mipui chu au dur dur in tlangvalte chuan Hranga chu a hah tih hre chang loin an rawn zawn nghal vat a, chunglamah vawrhin an dawng leh thin a. Hranga erawh a Zak rilru hle thung. A hmangaih Hrangan Sial a keuh thluk meuh chuan Thangi pawh a zuang lo chauh a, mi mitmei ven ngai lo se zawng tlanpheiin Hranga chu a va kuah vang vang ngei ang le. Chutah a bula dingve Theibuang Lalfanu chuan " kha zet chu, ka thil hmuh nawm tih ber a la ni, in khaw tlangval kha a ni tiraw?" Thangi bulah chuan a rawn ti sa sa a, "um a nih saw" Thangi chuan lo ti ve in "ka lo la hmuh chiang lo a, a hmelthain Pasaltha tak a nih dawn saw" tiin Hranga an zawn luih luih chu a thlir vawng vawng a, Thangi erawh a thinlunga thikna rawn awm chu thupin a nui lui hram hram a, Hranga hi a Chan mai ang tihte hial a ngaihtuah a.
Chutah lalpa chu leikapui tlangsang laiah dingin a kut a phar a, mipui thawm pawh a reh nghal thuai a, " awle, vawinni chu ni ropui tak a ni e, kan khuain Pasaltha thar kan nei e, a ni kha vawin kan in fiamna neih turah hneh thei kan awm ange maw chu," a rawn ti dap dap mai a, mipui pawh an ri nghal mur mur a, an khaw buanchak Chhuana nen inbuanah chuan anin tum tawk viau turah an ngai a ni. Chutah lal bawk chuan " awle, tunah chuan salu aih serh leh sang kan tih hmain in fiamna kan tan phawt ang a, veng hrang hrang aihawh in thlang ula, kan tan nghal ang" a rawn ti leh a, mipui pawh an zi nghal mur mur a, in fiamna chi hrang hrang a telturte an thlan fel hnu chuan an tan ta. Theibuang khaw boruak chu a nuam teh e. Nula ten an lawmpa te lo auin tlangvalte lah an phur tawlh tawlh a, silai kah, insuknawr, in arpa sual, khanchhuk in vuak thlak etc. te neiin an hlim dar dar hle a. Nula lam pawh kawi kapin an in tihsiak ve bawk. Mahse Thangi aia kap thiam an awm lo e. Chumi zawhah A tawp ber a an khek inbuan an nei leh ta. Hranga chuan ka Sial beihnaah khan ka ban a na tlat mai a tih tlat avangin teltir tum ve miau mahse a tel duh lo a, an khawbuan chak Chhuana chu a chak ber leh ta. Chala leh Bingtea te chu a vawrh hrep mai le. Neihpuii in Bingtea a lo tan zia chu sawi loh pawn kan hrethiam tho awm e, Bingtea a chak loh avanga Theibuang buanchak Chhuana a melh rum zia pawh sawi lo mai ang.
Ni a vanlaizawl hnu chuan sakei aih chu an tan a. Lalin kawtah chuan sakei ruang chu thing kaw- kalhah an dintir a, a pumah hnahchhawl emaw an hnawhkhat a, a tak ang chiah khan an dintir luah mai a. Chutah puithiamin âr- hnuaichhiah talhin Thiam hla achham vang vang a:-"Kei kawng chunga ka kal lehNang kawng hnuaiah,Chhimhlei ang ka hnuaichhiah che,Thangvan ang ka chungnung e.Khuavangin min hual ang a,Ka kal leh mi hual zel ang," tiin, a chham zawh chuan maihunin ar nghawng chu a han khup hnan a, chutah a khat tawkin Darkhuang an tum vut vut a, Darbu hla:"Chhimbuk leh peng peng intu intu,A lu lam kawng, lu lam kawng," tih chu an tum vung vung bawk. An sakei aih ngei vun chu sakei la nung an chiahin an siam a,a lu vun zawn ah chiah chuan Sakei luruh khel fai vek tawh chu an dah bawk a. Muallai ah an din tir a.(khaw thenkhatah chuan Sakei ruang hi mi pali velin an zawn bawk thin). Chutah, an lalpa leh a helpui tur mi paruk vel chu lalin atangin an lo chhuak a, hmeichhia angin an inthuam vek a. Kawrchei an ha a,puanrin an sin a,puan an khum a, saiha bengbeh an beh a,paikawng an phur a,tuibur,a tul huna ham khuk theih tura vut a bengkhah an zu a, pawnfen an feng a. Lalpa ber chuan hmui thlur a keng a, sakei ruang chu achhaih vel a. Lalin atanga an lo chhuah khan pa phawk zet, PA Luaia a tel ve a, in siamchhiain nuihza a siam a. Mipui chu an nui dur dur a. Lal erawh nuih ve a thiangloh avangin a insum hram hram a. Anuih vaih chuan ai lo ang a niin achungah thil thalo engemaw thleng a thleng dawn a ni. Chuvangin, sakuh a zakzeh a, a nuih palh pawhin sakuh chu a nuih a ni a ti a nga engmah a pawitawh lo. Lal chuan hmuithlurin la a thlur der duah duah a.Chutah darbu leh darkhuang leh kawlkhuang nen sakei lulam hlapui ber"Chhimbuk leh....... lam kawng" tih chu a tum a. Darkhuang an tum vut vut mai bawk a. A khawnawt in mipuiin an lo thlir a. A mual rum in a rum hluah mai ani. Lal leh a hnungzuitute chuan Sakei ruang chu diriam takin an chaihin an lam hual a. Lal chuan hmuithlur chu thlur pah zel in sakei lu chu hmuithlur chuan a va khak tir leh zauh thin a.a tuibur zuk vut an beng kha a khat tawkin a ham khu leh luih thin a. Tham lo takin sakei ruang chu tawngkhumin a chaih pah reng bawk a. ( hetihlai hian hmanlai chuan an khawbul tlangtin atang chuan sakei dangin lo thlir thuapin an ring a.An thian thattu kha hmeichhia mai nia an hriat avangin an thinrim em em a."Khutiang hmeichhia mai mai pawh han ngam loh chu, ava tlawm thlak em," tiin an inpet ruh teuh thin ani an ti.) Chutah a Lal leh a hnungzui te chu inchhungah lutin, hmeichhe thuam chu hlipin,Pasalthathuamin an inthuam ta thung a. Lal chuan diartial a khim a, vakul chang a tawn ngauh ngauh a, ngunhnam a pai a. Fungki a ak a, silai a pu bawk a, artui chhum hminsa leh sailungvar a hum bawk a. Sakei ruang hma ah chuan a ding a, sailungvar kha barh a, anin artui kha a hmawm a." Kha nangin sailungvar hi ei la,keiin artui ka ei ang; tu lem hmasa sa, a hnuhnung zawk chu dawih zawkah; ka eizo tawh asin, i la eizo ve nange,?. Nang kawnghnuaiah i kal ang, kei kawngchungah,nang chhim kun atangin i lo thawk ang a, kei hmar khaw sang atangin, nang chhim mihuai ni la, kei hmar mihuai ka ni ang," tia a diriam hnuah a lu-ah vawi thum a sat a, silai a mu tello(zen ringawt thun) in a kap a. Hla sa chungin a kal hual ang a. A mah zuitute pawh khan an rawn ti ve a. ( hetihlai meuh hi chuanTlang atangalo thlirtu Sakei te chuan an thian thattute chu an va Pasaltha in an va hlauhawm em tiin meikawh in an tlanchhe thin an ti.) chutah lal inah an luhsan ta. Sakei ruang chu upa thenkhatin an zawn a, daipawnah an paih ta daiha. An salu aih chu an zo ta. Chutah le, tlailam a lo nih chuan ruai kilin puar leh fan takin an ei hlawm a, ruai kil zawh ah chuan nula leh tlangvalte chu lam thaiin an ri zui hulh hulh a, Zu leh sa atam a. Michhe daikilkara mite pawh an tlai vek e. Nula leh tlangval thenkhat fianriala loin terek hrang pawh an awm ta nual mai. An khaw hawi a zim ta deuh a ni mahna. Thenkhat erawh an la lam mup mup mai a, khua a thim ta tih reng an ngaihtuah lo. Lam tlaivar ngei tumin an in chawk phur reng zawk a.
Hranga te ho erawh a tuk lama Vahngaw lama kal tur annih avangin haw mai tumin an in buatsaiha, an kal tep tih chuan an hnunglam atangin "U Hrang" an rawn ti lauh mai a. Hawi let vatin an hnungah chuan Thangi a rawn phei chhet chhet mai a, chuveleh Chalate chuan "kan lo va haw ange" tiin an kal nghal a. Chutah Hranga leh Thangi chu an in dinchilh ang renrawn a, "tinge u Chalate chu an haw mai a" Thangi chuan tiin " nia naktuk lam Vahngaw kal kan ngai dawn si a, kan tlaivar ve lo mai ang chu kan lo tia" tiin Hranga chuan a lo chhang thuai, Thangi sawitur ngah lutuk sawitur ber hre lo chuan Hranga chu thlek haw chungin "min va ngai love" a ti phawng mai a, Hranga chuan mipa zawk tih tur chu a hai bik lo e, an piah deuh lalin tuala meipui an chhehin a en phakloh chinah chuan Thangi chu a hruai a, "ka ngai che a lawm, thilhi kan duh ang in a kal vek thei lo a ni." Hranga chuan a ti a. Thangi chuan "min ngai hlawllo. Vawiin nilengin biakna hun tha ka zawng char char che a sin. Nang lah haw i lo tum daih a" tum deuh bar chungin a ti a. Hranga chuan " nia, Ka Sial chai naah Khan ka kut ka tina a lawm, haw mai ka duh a" a tia. A sawi zo awrh tih chuan " ni tak, khawi maw a na viau em, in dim deuh ta che" Thangi chuan a rawn ti nghal thuai a, a tawng bah ang nawk nawk a, Chutih lai chu Hranga chuan remchangah hmangin a lo kuah nghal vat a. A nui khi sang mai bawk a. Thangi pawh titau thar lehin " a nat loh tawp kha" a ti hluk a, Hranga kuah na erawh tal chhuah a tum lo. Rei tawk fang chu ngawi dun vang vangin Lalin tuala nula leh tlangval lam mup mup chu an thlir dun vang vang a, chutah Hranga chuan " Thangi khu tiang anga, mi pangai nih a, engmah engto neilova awm khu ka chak ve thin ngawt mai. Mahse he khuaah hian kan tuitla lo viau mai si a" a ti a. Thangi chuan " U Hrang he khua hian min lawm viau a ni lawmni, vawina Sial i beih atang phei kha chuan nang chu an ngaina che tih a chiang reng a lawm. Kan Lalfanu tiamin" Hranga melh zauh pahin a ti a, Hranga chuan " chu zawng dawt a nih chu, lal fanu rau rauah chuan ka thlang zawk che" tih pahin a kuah nghet sauh a, Thangi chuan engmah sawiloin a nui ver ver a. Hranga bawk chuan " Vahngaw atangin enge ka rawn hawn ang che" ti daihin " ihhhh.... Nangmah" Thangi chuan a lo ti vat a.
Hranga pawh a lai lek lek hial a, chutah Thangi bawk chuan " ka haw a hun ta, Ka ni bulah neihpuii hmuh lawk ka duh ka tia, rei min lo ti lutuk ang." tih pahin a tho nghal vuta, Hranga chuan pawt thu leh nghal thuaiin Thangi rawn thu chiah chu eng sawi set set tawh loin a heh vam ham maiah chuan a lo fawp nghal vawng vawng a, Thangi pawn a chhang let tha khawp mai. Tuma tih buai lohin awm reng thei se hlim takin an awm kumkhua thei tur. Chutah rei awm tawh lovin an in then ta. An chanchin sawi a, an chhiatna tur lo ruahman tu an awm tih reng an hre lo.
Ni e, chu mite chu tu dang niloin an lalpa leh afapa an ni si a. Lalpa hian Bawnpui khaw ho hi a huatna ala reh hauh lo a lo ni. An Lalfanu Thangi vangin an khuaah hian a awm tir mai mai a, chu pawh a fapa nupui atan a duh vang chauh a ni e. Bawnpui tlangval pathumte chu naktuk lamah Silai la turin a khawmi sawm vel nen an kal dawn a, chu chu remchangah hmangin rua hmanna tenawm tak an siam ta ani. Bawnpui tlangval pathumte chu nungdamin an rawn haw tawh tur a ni lo tiin an kal pui tur tlangvalte chu an chah diam bawk a. Hlawhtling tak ang maw. Hranga leh Thangi tan chuan hmelmain an hual vel a ni si a, engtikah tak an tan kawl eng ve ang maw.
Zing khawvar thleng mai chuan Lalin tual chu ala ri mup mup reng mai a, Hrangate erawh Theibuang khaw tlangval sawm nen kawtchhuah an pan mek thung. Tlangval thenkhat chuan nimin lama Hranga leh Sial in bei kha an sawi mammama Hranga chu an rawn fak zauh thin bawk. Zan hnih emaw lai riah a ngaih dawn avangin an thawk rip hle mai a. Muangchang loin Vahngaw lam panin an kal thauh thauh hlawm a, hetih lai hian Liangkhaia te thian ho chuan Liaktawng tlangval pahnih te nen Vahngaw an lut tan mek thung a.
( a ngaihnawm tawh lo viau in ka hria)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 11th, 2018, 9:26 pm

Ūmi pasaltha leh Tlangthanghniangi

Bung 17-na

Tlai thim dawn thleng chuan Hranga te chu engmah harsatna tawk lovin an kal zel a, khaw thim hmaa hmanni a Chalate buk kha thlen hman an tum a ni. Mahse Khua a thim fel ta tih chuan an thleng thei hrama. A theih ang anga thawm thain an vaia leng turin an zauh bawk a, khua a thim tawh avangin chet a harsa deuh a ni ang. Leng len ar khuan hun velah an zo ta hram a, ei rawng bawl hoin ei an paih tawh bawk a, an riltam tawh hlawm nen puar fan elhin an ei hlawm a, an buk a tang hian Vahngaw in pharh duai mai chu a lang dum kuk mai a, an chaw eikham an han thut khawm lai chuan Hranga chuan Vahngaw lam hla taka mei de va va hi a hmu a, midang chuan an hmu pha lo a ni mahna engmah an sawi lo. A ni pawn engmah sawi lovin a thiante mut hunah va fiah ngei a tum rilru a, chutah eng eng emaw sawi hovin Hranga te chuan an kalpui te hian thah an tum dawn tih reng an hre lo a, thlamuang takin an awm hlawm a, chutah leng Hawn ar khuan hun velah chuan mut zai relin an zal ta hlawm a, nilenga an kal avangin an chau tlang a niang. Reiloteah an muhil sak sak hlawm a, Hranga erawh a meng kar thung a, chutah a thiante an muhil nghet ta tih chuan dim takin a tho them them a, buk pawn lam panin a chhuak ta. Chutah buk thlanglam panin a him tawk ta tih chuan Umiah changin Vahngaw lama mei de vava lam panin chak takin a lim chhuak a, thawm dim vak lo a chak taka tlan a ni bawk a, Vahngaw ram chu a thleng thuai a, mei de pawh a la awm reng e. Zan lai pelh hretah chuan a hnaih tawh hle a, thawm pawh a dim tawh khawp mai.
Chutah le, muang changa kalin mei eng bul a mi pakhat ding vang mai chu a hmu thei a, alam a rawn hawi vah mai bawk. Silai a keng a, a inring phan mai leh nghal. Thawm a dim viau chung pawhin chupa chuan a thawm alo hria ni ngei in a hria,
Mihringah chang thuaiin thingbul phenah a thu vat a, a mi hmuh pa pawh chuan a rawn ngaihsak zui lemlo a. Chutihlai chuan buk chhung atangin mi pakhat rawn chhuak in " Pasang i la mu nange" a rawn ti a, Pa Sanga chuan " nia, min hel tu awm tlat a hriatna ka nei a lawm le, sapui lah a ni hauh si lo a, Ka hmuh chian hmain a kal liam leh ta a nih kha" a lo ti ve a, chutah amah bawk chuan " saw, kan hma mual sawmriat velah sawn mei a eng teng teng mai ka ti. Tunah chuan a pawr hle leh nghal a" a tih chhunzawm a, pakhat chuan "keichu ka hmu ve pha lo e, haw teh mu ang, Lalfanu Bahsamvari suangtuah chungin aw" tiin nui dun vur2in buk chhung lam an pan ta. Ngawi renga lo en reng tu Hranga chuan a mi hmuhte chu mi namai an nilo tih a ring thiam mai a, a enzui vawng vawng a, chutah an buk bang ngheng chuan silai tamthamtak a in tung fur mai le. Hranga chuan an kal chhanber an lo lak khalh a nih a ring mai a, a hmangaih Thangi tan mi hlauhawm an ni tih pawh a hre nghal bawk. mi engzah chiah nge an nih hmu lo mahse an buk sak dan atang chuan mi panga vel lai annih a ring a, a rilru a ngaihtuah tamtak nei chungin a kir leh ta a.
An buk a thlen chuan khawvar a hnai tawh hle a, mut zai rel tawh lemloin mei a chhawm a, a rilru a Thangi ngaihtuah vawng vawngin khawvar a nghak ta. Leilung a rawn lan chuan midang pawh an rawn tho sang sang hlawm a, Hrangan ei alo rel nual tawh avangin ei an peih thuaia, puar taka an ei hnu chuan vaibelte zu ham hamin an thu khawmuang leh te te a. Chutah insiamin an chhuak leh ta. Hranga chu a rilru a nuam zan lo hle a, an kal chhan ber silai a lo awm tawh dawn silo. Zan lama a mi hmuhte kha tawk ta se buaina an tawk ngei awm si a, tih dan tur ngaihtuah rilru nauh nauhin a kal ve zel a, chutia muk tak mai a a in ngaihtuah lai chuan A hnunga kal Bingtea chuan " U Hrang, enge i ngaihtuah khati vut vuta i kal" a rawn ti lauh mai a, Hranga chu ding chawtin " eng ngaihtuah love" a ti thuai a, a in ngaihtuah na lamah alo kal chak hle tih hre chhuak in a in thiamlo rilru hle a. Bingtea chuan rawn umpha thuaiin " enge maw chu a awm a ni. Nizan zan lai pelh hnu deuha, Ka zunram thiar lai khan bukah i awm hauh lo a, i in thiar a nih ringin mei chhawm thain ka nghak che a, mahse i lo kir lawk silo. Enge min lo hrilh ve la" a rawn ti leh a. Hranga chuan " nakinah ka hrilh dawn cheu nia, chhun chawlh han nei phawt ila" a la ti rih a, midang ho pawn rawn umpha thuaiin kal zai an rel zel a.

Phiarru tute ruahmanna hi a tir chuan fuh viau thin mahse an vanneihna hian tawp chin a nei chawk thin. Theibuang lal Kuhvela leh afapa Lianbawia te ruahmanna pawh ala kal tluang viau e. An duh dan thlapin Thangi pawh a thiannu Neihpuii te inah thingphurh pui a sawm turin a chhuak mek a, Neihpuii te in ava thlen chuan a lo buai map map khawp mai. A hmaiah lah belmang a ti kai ve ziah leh nghal a, Neihpuii chuan " e he, thiani chu, enge i rawn tih dawn lo thu rawh" alo ti sawk sawk a, Thangi chuan "thu muang hman pawh ka ni lo. Vawin chu Lalpa in thingphur turin min ti a, mahni a kal ka zuam chiah lo nen ka rawn sawm tawp mai che a ni" a han ti a, " aw, vawin chu hmunphiah ka kek ve ang chu ka lo ti a. Mahse, nidangah a ni mai, thingphurh chu kan ngai tho mai" neihpuii chuan a ti a. Thangi inthlahrung chuan " I hman takin ka rawn ti mai mai a lawm, keimah pawn ka kal mai ang chu" a ti a. Neihpuii chuan " mahni chauhin kal lo ang, kan kal dawn nia, hmunphiah chu nidangah ka kek ve mai ang chu" ti lehin tukthuan eikhama thingphur tur chuan an in rel fel ta a.

Nau riltam hun velah chuan Thangi leh Neihpuii chu an thingphurh tur ekin an ri kauh kauh mai a, an titi dun malh malh a, an awmdun tawh hi chuan Hranga leh Bingtea chanchin bak sawi tur an hre thin lo. In fiam zauh zauh in an hlim dun hle mai a. An phur tur pawh an ngah tep tawh e. Chutihlai chuan an chhak lam atangin "e kha Bawnpui Lalfanu te lah ni reng cheu a," an rawn ti lauh lauh mai a, Thangi te chu hawi chhuakin an lam pana rawn chhuk mek tlangval pathumte chu an han hmu a. Neihpuii chuan "hemite hian an khua leh tuiah min ngai theilo a nih hi, Bawnpui ti ri tel ziah hlawm mai" a ti ru sa sa a. Thangi erawh a nui mai a, chutah tlangvalte chu rawn thleng thlain an rawn ri buan buan mai a, Thangi chuan " thiante u, khawnge kal in tuma in rawn lan hlawl a" nui seih chungin a ti a. An zinga pakhat chuan "hei, in chak tur mau put kan tum a, kan hmuh tak siah cheu chuan in bulah hian kan thep ve mai mai ange" a ti a. Neihpuii chuan a tawngkam vel chu a ei hlawl lo. A lo tum bar mai a, Thangi tawng leh hma chuan tlangval pakhat chuan " Thangi chu hetianga hnaiah hian ka la hmu miah lo che. I lo hmeltha ngei e," tih pahin a rawn kuah thuak thuak mai le. Thangi chuan thil awm dan a dik dawn lo tih hriain " enteh u, thiante chu keini chuan kan hawsan phawt mai ang che u" a ti a. Haw tumin an in siam mawlh mawlh a, mahse chutimaia haw tir an tum loh hmel. Pakhat chuan Thangi chu rawn kuah lehin Thangi chu a te thawt a. " la haw bik lo e, la awm rih ang u" a rawn ti a. Thangi chuan tal chat chat pahin " khawi min thlah rawh iva zaklo ve" thinrim takin a ti a. Mahse awmzia a awm lo. Neihpuii pawh tlangval pakhat chuan a man bet mek a. Chutah pakhat chuan " Thangi tang tang duh lo mai rawh u, sa lu aih zan pawh Khan tlangval pakhat nen in awm dun lai kan hmu reng cheu a lawm" a rawn ti a. Tlangval ho chu ngeiawm takin an nui vur vur hlawm a, Thangi Zak leh thinrim chu a in sum zolo lek lek a, mahse Chutih lai chuan an piah atangin " tawp nghal rawh u" aw fiah kak mai hian a rawn ti a. An hawi nghal thap mai a. An lal fapa Lianbawia leh an khaw buanchak Chhuana lo ding vang mai chu va hmu in Thangite chu an thlah rang kher mai. "lal fapa kan tihpalh a ni" an lo ti thuai hlawm a. Mahse Lianbawia te chuan rawn pan pahin an rawn hau mawlh mawlh a. An rawn thlen chuan tlangval ho chu beng thuai thuaiin Lianbawia chuan " hmeichhe awm nem zawk lakah inloin la huaisen vel a ni maw, in huaisen viau chuan khawnge sa tlak zante khan in awm" a ti tuarh mai a. Tlangvalte chu an ngawi dak hlawm a, Thangi te erawh inkuah chialin an tap dun hliam hliam a. Chutah tlangval ho chu hnawt hawin Lianbawia te chuan Thangite chu an rawn be mawlh mawlh a. Thangi chuan " U Bawi, inlo kal chu kan lawm hle mai, nilo se zawng....." sawi chhunzawm theilo in a tap leh rih a. Lianbawia chuan " hetiang tur tih hriata lo kal tir loh tawp tur cheu a nia, Ka pa hi a lawm nangte chu hna thawhtir suh ka ti mawlh mawlh a, min ti zak hle mai" tihpahin Thangi mittui chu a hruksak a, Chhuana pawn Neihpuii chu a lo buaipui ve malh malh a, a mah a palian si a, nula bula awm chu a inhmeh lo rum rum mai.

Chutah Lianbawia chuan Thangi chu rawn kuahin Thangi pawn ngaih ngam chiah loin a lo dawh ve mai a. Lianbawia chuan " Thangi ka pa pawh ka lo sawipui tawh a, nang hi nupui a neih che ka duh a ni" a rawn ti thut mai le. Thangi leh Neihpuii chu an phu zawk mai le. Thangi chu a kuahna atanga tal chhuak in sawitur hreloin a ngawi reng a. Neihpuii tan pawh Chhuana awm dan leh men dan rem rem chu a ngei zawng tak a ni tan tlat. A awmbawr vel a rawn melh fo mai lehnghal.
Chutah Thangi chuan " U Bawi, i timak e mai, keini chu unau kan nih hi, bakah kei chu" sawi chhunzawm loin a ngawi leh rih a, vawin a an thil tawn chu a fuh lo ngei mai, a rilruah Hranga lo langin a ngai vawng vawng a, " U Hranga" a rawn ti chhuak phawng mai le. Chuveleh Lianbawia chu ding hluaiin " Hranga, hman zana i tawm pui kha maw, a thi tawh, a rawn haw tawh lo ang." a ti tuarh mai le. Thangi leh Neihpuii chu an phawk hra mai a. Neihpuii chuan " enga, Ka u chu engtinge a awm, engtinnge i tih" a rawn ti ve tuarh a, Chhuana chuan lo pawm bet vatin Lianbawia chuan " engmah hre lo ula a tha zawk ang. In tlangval pathumte kha an thivek tawh" nui vur vur pahin a rawn ti a. Thangi chuan awm ngaihna reng a hre lo. Lianbawia chu a beng thuai mai a, "ka Hranga chu nang hian i that lo ang" a ti ram hmak mai a, chutah Neihpuii te lam panin Chhuanan Neihpuii a keuh thlu chiah chu va chum awk awkin " thlah nghal rawh. Tenawm pa" a ti tuarh tuarh a. Mahse amah pawh chu Lianbawia chuan rawn thamin a theh thal thuai mai a.

Neihpuii chu rilru mumal lo takin a awm a, a u leh Bingtea ngaihtuahin a tap pur mai a. Thangin " Neihpuii min chhan rawh" a rawn tih ri chuan rawn ti harhin a mah sual tuma buai mek Chhuana chu a pumah a tlawh pawp mai le. Chhuana pawh hmeichhe tha satliah nilo amah ai pawh a thahrui ngah tih hriat tak maiin tha tawpa a tlawh avang chuan a leng dawrh mai a. An piah hlam thum vel laiah chuan a tla thum tawk mai le. An thawm avangin Lianbawia pawh Thangi thawhsanin a rawn ding chhuaka, Neihpuii chu mak ti takin a thlir a, a Chempui a chuh vat bawk a. Neihpuii awm dan chu mak tih loh chi a nilo. Mihring pangai a ang tawh tlat lo. A ngho a rawn lawr chhuak vung mai a, a taksaah chuan hmul var a rawn chhuak tup tup mai bawk a kut tin sei tak maite chu a rapawm em atinni. Lianbawia awmna lam chu a rawn pan chhek chhek mai a, a mimeng dum kak mai chuan Lianbawia chu a melh run mai a. Chhuana pawh zi talh talhin a rawn tho chhuak a, an Lalfapa bulah chuan rawn ding vatin an hmachhawn chu mihring pangai a ni hauh lo tih chu an hre chiang dun hle a. Thangi erawh thil lo thleng tur thlirin mittui parawl tuau chungin a lo thu chhuak ve mek a, a puan bih a siam tha mawlh mawlh bawk. Neihpuii chu Umi a chang chiah siloin mihring tih dawn a ni thei chiah bawk siloin a awm mek a ni a, huai ni mai awm a ni, ni e tunah tak chuan huai ho ai pawhin a rapthlak zawk hial e. Lianbawia te lam chu panin a rawn kal chhat chhat a, Lianbawia te chuan lo nghah ngawt chu duh bikloin an rawn pan ve bawk. Pasaltha inti an ni pha ve tlat. Mahse an mi hmachhawn chuan an chet ve hmain a rawn chet khalh tlat. Theih tawpin loin veng ve mahse reloteah an taksa te chu tin hriam tak chuan a ham thler neng nung tawh mai a, silai an lo keng tello bawk nen, hmeichhe thingphur sual tura silai ken thu va awm suh. Tih theih an nei ta lo. A tawp ah chuan Theibuang Lalfapa leh an khaw buanchak Chhuana chu nghawng thler duai chungin an tlu ta.

Reloteah Neihpuii pawh a rawn pangai leh thuai a, Thangi bulah kalin anin kuah vawng vawng a, Neihpuii chuan Thangi tap chu a hnem mawlh mawlh a, Thangi chuan " Neihpuii, pawi ka ti lutuk keimah vangin tual i thah a ngai ta si a, hmana ka awm ang khan awm ka tuma mahse ka thei lo a ni." a ti tham tiak a, Neihpuii chu a ngawi vang vang a, a mittui a luang ngiai ngiai bawk. Thangi bawk chuan " U Hranga te" rawn ti chhuakin Neihpuii pawh a insum hram hram a, "kan zawn vat a ngai a ni" a lo ti ve thuai a, mahse engtinge an tih ang. Lalfapa te ruang hi an kalsan ngawt thei dawn em ni. An mahni tina tu ni mahse an mahni anga nunrawng an ni ve si lo.

Rilru buai taka an awm lai chuan an chhak lam atang bawkin "Lalfapa in zo tawh em," an rawn ti lauh lauh mai a, Neihpuii chu ding vatin a mihmuhte chu tudang niloin nachina tlangval pathum bawk te kha an lo ni a. An rawn phur thla hlawm em em mai a, Neihpuii chuan a lo hmachhawn vang mai a, Chutia an rin loh tak maia Neihpuii an hmaa lo ding an hmuh chuan an phu zawk hlawm a, an bul maiah an Lalfapa te ruang a lo let bal bawk nen. An ngawi chiang teh e.
Neihpuii chuan a rawn thleng hmasa pahnih chu alo theh per lawp lawp mai a. An te tengtung mai le. Pakhat chuan "min nun rawh, kan lalpa leh a fapa remruat na vek a ni" a lo ti chul mai a, Thangi rawn in rawlh vatin " enga han sawi chiang teh" a rawn ti thuai a, Chupa chuan khur bauh bauhin thil awm dan chu a sawi ta.
Engkim kha an ruahmanna vek a lo ni a, an thingphurh an tih buaite, an lalfapa ten an rawn chhante, Hranga te chanchin thleng chuan a hrilh ta vek a, a sawi zawh chuan Neihpuii chuan " lal tenawm ka chhuah hauh lo ang" tihpahin khaw lam pan a tum a, mahse Thangi chuan " Neihpui nilo e, kan tan a him lo. Hmelma kara len ka duh tawh lo. U Hranga te kan zawn a ngai a ni" a rawn tih avangin a ding chawt a, " ni e," ti sapin Umi ah a chang nghal thuai a, Thangi chu a chungah chuangin Tlangval hnenah chuan an lo kir leh tur thu an hrilh a, bawnpui raltlan ho chungah engmah a lo thleng tur a nilo, a nih loh chuan a pawi khawp ang tiin chu chu an lal lo hrilh turin an chaha a, ram lam panin an tlanliam zui nghal a, an liam chiah tih chuan an tlangval tlansan chu a hlauh luat avangin nikhaw hre loin a tlu zawi hnawk mai le.
Chutihlai chuan Hranga te chu chaw fakin Vahngaw ram lut turin an in buatsaih mek a, Hranga chuan zan lama a mi hmuhte chungchang chu a sawi ta a, a sawi zawh chuan " Chala chuan" i va sawi har ve, chutia kan silai lak tur min lak khalh tawh berte chuan enge kan la kal zel" tiin Hranga chu a hau mawlh mawlh a, Hranga chuan "Thangi chungchang an sawi vang khan ka sawi lawk duh lo a lawm, an mahni kha kan hmuh leh chuan in biak rem dan a awm mahna" Dam diai hian a ti a, chutah an ngaih dante sawi khawm laih laihin Hranga mi hmuhte chu hmuh ve ngei an duh a, in biak rem a theih loh chuan eng pawh tih huamin silai pawh an laksak mai dawn ani. Chungthil avang chuan Theibuang tlangvalte pawn engthil mah anla ti lo a, an thian tha tak ang maiin an la awm a, an lal thupek erawh anla theihnghilh hauh lo. Remchang an zawng reng a, silai lo lak khalh tute nen an in tawh hunah remchang tha tak a awm an ring ani.
(tawk leh phawt mai rawh se)

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 24th, 2018, 6:51 pm

Ûmi pasaltha leh Tlangthanghniangi

Bung tawp ber

Awle, Ûmi pasaltha leh Tlangthanghniangi story chu ziakin kan thai kual ve a, reader te chungah ka lawmin inmi fuihna tamtak ka dawnga mahse buaina tam tak ka tawh ve avangin ka tihtawp rih a ngai ta. Awllente lo thleng se story dang, dangdai tak nen lo let leh thuai ka tum e.

Chawhnu her zetah chuan Theibuang khua chu a rum vawng vawng mai a. Lalin chhungah chuan Lalnu leh a fanu Siangi chu tapin lalpa leh a khawnbawlte chu ngawi rengin an ding to hlawm a, ni e, an lal fapa leh an khaw buanchak Chhuana ruang an lo nghak a ni. Lalnu chuan a pasal chu tawngkam natak takin a tawng khum mawlh mawlh a, " i khaw hmuh loh luatah i fapa chu a thi ta maw. Thangite thah a ni lo,nangma thah a ni," tiin a tap hawm hawm mai a, chutah a mah bawk chuan " aw,ka fapa, ka enchim loh, i ruangte chu kan hmu ngam dawn em ni, ka lai a va na tak em! " tiin tahhla chitin reng a chham mawlh mawlh a, Lalpa leh Khawnbawlte chuan sawi tur an hre lo tlang hle a. Chutihlai chuan lalin lam panin tlangval ho thawm a rawn ri huk huk a, lalin chhungah chuan tlangaupa, thaw hlawp hlawp a rawn lutin " lalpa, tlangval thinrim ho an rawn kal mek, Thangite umzui an tum a ni" a rawn ti a. Lalpa a tawng hma chuan lalnu Chawnghluni chuan " enga ni, Thangi te thiam loh va ni suh, an um zui hauh lo ang" tih leh pawna tlan chhuah a rual ta mai a, Upa pakhat chuan " Lalpa, thil awmdan hi a dik hauh lo mai. Tlangvalte hian thudik an hriat chuan kan tan hian a pawi dawn a ni,lalnu hi kan dan vat a ngai a ni" a rawn ti thuai a, mahee lalpa chuan " nilo e, keima tih sual a ni e, thudik chu hre mawlh rawh se, ka khua leh tui ka hmangaih avangin keiman ka tuar mai ang. Khawnge min zui ngam in awm chuan min rawn zui ru. Tlangval ho chu ka khap dai zolo a nih chuan ka lu pawh ka chan mai ta lawng" a ti ram hmak mai le, thawk la hakin lalin chu a chhuahsan ve ta a. A upate pawn phatsan lovin an zui diak hlawm a. Lalfanu Siangi erawh mitmeng bui luk chungin tapchhakah a thu kun lap mai a.
Unaunu anga a lo en Thangite leh a thiannu chuan a unaupa an that a, a thiannu lah Ûmi a lo ni reng mai leh nghal, engmah a hrethiam ve lo e.
Behehliang mun hun thleng chuan Theibuang khua chu an buai mup mup mai a, an lalpa thil tih danah puitling lungfing chin tam tak chu an lungawi lo a, thenkhat erawh chuan an lalpa chu dem viau mahse an lal a nih miau avangin a fapa thattute chu um zui ngei an duh thung. An thu a in hmu thei hlawm lo a, lalin tualah chuan ri mur mur hlawm mai. Lalin chhungah chuan Lalnu chuan a fapa ruang chu a tah hawm hawm reng a a tah hleihtheihloh thlengin a tap a.

Chutih lai chuan Thangite chu vanneihthlak takin nizan lama Hrangate riah buk kha an thleng hlawl mai a, kawng hre lo a, kal an ni bawk a, an kal kual nasa hle a, Neihpuii phei chu a chau tawh khawp mai, Hrangate buk hluiah chuan chawlin, an thu hahdam vang vang a, Hranga te chu an la dam beiseina nen an in fuih dun mawlh mawlh a, tunah chuan heng hmeichhe pahnihte hian lunghnur zawngin thil an ngaihtuah hauh lo a, an hmangaihte bulah chuan pangchangin nu hnap mahse chungthil chu an mahniah hian hmuh tur a awm rih lo, an thinrim na avangin an ha chang an thial a, an hmangaihte tan theihtawp chhuah turin an rilru an sawh nghet mawlh mawlh mai a ni. An hmangaihte tan chuan thih pawh an huam a ni. Ni e, kan hmangaihte tan chuan engpawh kan huam thin a ni lawm ni. Kawmthlang kawlthei kunga lawn thei hleilo hian kan hmangaihte tan chuan si-ar lak pawh kan huam thin kha.
Chutia an chawlh a, rilru a hmabak ngaihtuah chunga an awm lai chuan an hma Vahngaw lamah chuan silai a puak dur mai a, Thangite chu an ding chhuak rual thawt a, Thangi chuan " Neihpui kan tlai a nge, kal vat ang" a ti nghal thuai a, " awle, heta tang chuan kawng chin pawh ka hre tawh e" tih pahin Neihpuii chu Ûmiah a chang nghal a, Thangi chu phurin hmanhmawh takin Hrangate kalna hnu chhuin an kal chhuak leh ta.
Silai ri avang khan Hrangate vaibel zu a chawl ho chu an darh hak hlawm a, silai kha an mahni lam hawia hmehper a ni tlat. Mahse tumah fuh lovin an him vek hlawm a, a rem lai lai phenin thil awmdan chu an rin loh lam taka thleng a ni tlat. Silai rawn hmet per tute chu tute nge tih chu an ring thiam mai a, mahse engvang ngawt a rawn ral sai mai nge an nih tih chu an hre thiam hlawm lo thung. Hranga chuan engtin nge an thawm ka lo hriat loh theih zawk a ti rilru nauh nauh a, chutih lai chuan a piah thingbul phena awm Chala chuan rawn mitmeiin an chhaklam chu a kawk va mai a, Hranga chu a hawi chho thuai a,
An chhak lamah chuan mi pakhat hi rang tak tak a tlanin thingbul phenah a ding leh zawk thin a. Chupa chu a che rangin Chala chuan silaiin tin ve mahse a kap hman hlawl lo a ni. Chupa chuan rawn hnaih si loin a tlan kual reng mai a, Chala chu a harh chhuak zawk mai le. Hranga chu mitmei leh vatin midang hmuh tur an awm leh awm loh en kual turin a hrilh nghal thuai a, Hranga pawh an thangkamah an awk tep tih hriaiin thil phe zeuh pawh hmuh hmaih lo turin a hawi tang hra mai a. An kal tawhna hnu, an thlanglam ah chuan hnim che zeheuh a hmu ta. A silaiin a tin vat a, an lo hnaih tawh hle a lo ni. Chu mai ala ni lo. Theibuang tlangval pahnih an thlang lawk thingphena awm ve te kha an lo thal reng tawh mai le, an nghawngah chuan thalfang a bur va hlawm a, tuman an lo hre hauh lo mai. An mahni heltute hi mi namai an ni lo tawp mai le. Hranga chuan an chhaka tlankual reng mai chu nizan lama a mi hmuh pakhat zawk kha ani tih a hria a, tunah chuan tunge a nih in hriattir ve a tul ta ti rilruin an thlang lama hnim che zauh a hmuhna kha a silai cheng kauin a sai ve thuai mai a, thir in khak ri bal ri a rawn chhuak nghal zawk mai le. Mihrig na tuar thawm erawh hriattur a awm hauh lo. An chhaka tlankual reng pawh a pilbo nghal daih a. Hrangate ho chu an hawi kual hrak hrak hlawm a, rem han ruat turin an in hnaih lutuk hlawm si lo. Hranga leh Chala chu in hnaih ber anni mai a, Bingtea lah phen neitha mumal loin thang hmunah a bawk phek reng mai si a, chesawn chi a ni hauh si lo. Hranga leh Chala chuan an theih anga remruat zung zungin chet lakve an tum a, chutah Hranga chuan " le, mipa diktak chu rawn chhuak ula, hnunglama chet thawh ngam tawk chauh emni in nih " tiin a bihrukna chu a rawn chhuahsan nghal a, midang ho chuan an rawn thlir thap mai a. Mahse hmelma lam atang chuan chhanna an dawng hauh lo mai a. Hranga bawk chuan " min bei ngam in awm nange" a han ti leh tuarh a, chutah le, an thlanglamah chuan pen ri chhak chhak thawm rawn chhuakin pate tak te, sa in phut tawk tak mai a rawn lang ta. Chupa chuan chemte pahnih, a hriam tih hriat tak mai a rawn hum va mai a, a hnungah phaw a dah khap bawk. Rawn chho zelin Hranga bul a rawn thleng ta. Chutih lai chuan Chala te ho chu Hranga hnung, kawrte tih dawn a tui luang tur awm si lo bulah an ding khawm thap a, an hmelma lam chu pakhat chiah a rawn lang thung a, Chala chuan an ruahmanna chu fuh dawn hlein a hria a, a bula mite chu fimkhur takin a hrilh ru zeuh zeuh a, chutah le, Hranga hmaa ding pa chuan " Nanghi maw, Liaktawng Lalfapa lo thattu chu" mitmeng thip tak chungin a ti a. Hrangan a chhan hma chuan " khawnge lal fanu hmeltha chu in thuhruk a? " a ti zawm zat mai a. Hranga chuan " in lalfapa kha ama thangkamah a awk zu nia le, i theih chuan a phuba chu han la ta che. I sawi Lalfanu pawh chu in hmu theih mahna" a ti let ve salh mai a. Chupa chu nui chhuak hawkin a nui tawp thuai a " kan Lalfapa a ni ve love,mahse a phuba chu kan la a nge" tih pahin a chem chu a vilik kual pap pap mai a. Hniam taka kunin a in ring phan mai le. Hranga pawn a chem hum nghet sauhin tanhmun a siam rem ve mek a. Chalate erawh an bul kawrtea a ruka lo bikbo dan ngaihtuahin remchang an lo zawng ve mek a, chutia Hranga te anin veh kual vel lai chuan Bingtea chu a hmasa ber atan kawrte ah chuan a put ru ta zauh mai a, hmelma lam ten an hmu ru reng em tih hre thei hek lo le. Chak takin kawrte chu a zawh chho ta. Hrangate pawh an in vai thawi fua fua reng a, tu amah anin khawih fuh thei lo. An cherang dunin anin bei tawk hle. Hmelmapa chuan chem pahnih a ken avangin Hranga chu a fimkhur hle a. In hnaih chilh tir a tum hauh lo. Hmelmapa chem rawn vai chu a lo dang per mawlh mawlh a, chumipah chuan a tawlh sawn zel a, an in beihna hmun hi hmun zawl deuh awih tlan a nih avangin duh thusam ni chiah lo mahse Hranga tan chuan duh duh a chet theihna a ni ve tlat. Hmelma pa pawh a duai biklo hle a, " naua, in veng ringawt lo khan min bei let ve ta che" a ti tuarh tuarh mai a. Mahse Hranga chuan a thiante tan remchang siam a ngaih avangin a beilet duh hauh lo a. Chalate pawh pali lai kawrte zawhin an relhru tawh a, an tum dan chuan kawrte chu zawh zelin an kalna lam ah an kual let anga, Chuta tang chuan Theibuang an pan vang vang anga , Thangi venhim an tum a ni. An hmelma te hi mi namai anni lo tih Hrangan a lo sawi tawh avangin hetiang hian ruahmanna Chala leh Hranga khan an lo siam a ni.
Mahse, hmelma lamin an lo fin khalh tih an hre hauh lo.
Hranga te inbei pawh an hah dun tawh hle mai a, hliam te nau an tuar dun nual tawh bawk. Chalate pawh an relhru zota. Chutah le, hmelmapa chu sangtaka zuangin a chem pahnih chu a rawn vai pah bawk a. Mahse, Hranga chuana thiante an relhru zo tawh tih hriain Ûmi ah a chang nghal thuai a, hmelmapa pawh a hrilh haiin a chem vai pawh a tawp deuh dat a, chutih lai tak chuan Hrangan rawn zuanin a nghawng chhum hmawkin a rawn seh ta. Hmelmapa taksa leia a thlen rualin Hranga pawh a thleng ve chiah a, Chutah Hranga chu mihrigah changin hmelma lam chu anla awm thap ringin a han au tuarh tuarh a, " tuge rawn chhuak leh dawn che u" a ti that that a.
Chutihlai chuan Chalate chu hmun pakhatah in nghak khawmin an kim hnu chuan rorelin Chalan " Hranga chu a ngaihtuah awm loh ang,kal san mai ang u" a tih avangin kal tumin an in buatsaih mek a, mahse theibuang tlangvalte chuan chet an thawh ta thut mai le. Chalate hi an thah loh chuan an lalpa hmel an hmu ngam dawn silo. Pahnih tan mi pariat lai han hneh ngaihna awm hek lo le. Chala leh Bingtea chu reiloteah an hliam nghal nual a, Theibuang tlangval ten kut lawnga an beih avangin an la hliam nasa lo mai mai a ni e. Chutia Theibuang hoin Chalate an beihrawn map map lai chuan theubuang tlangval pahnih chu an thal tawp mai le. An tukhumah chuan thalfang a bur va mai bawk. Chutih rual deuhthaw chuan Silai a rawn puak thawt a, Theibuang lam pakhat chu a thal leh thlawp. Chalate lam ngaihsak na hun awm tawh heklo le, a rem lamlamah baklekin an tlan chhe nghal rawk rawk hlawm a, Chalate pawh an theih anga insaseng ve in an tlan chhe ve thuaia. Thuitawk tak an tlan hnu chuan Bingtea thinrim chuan " hmel ho chu min va thamlo deuh ve, infiam nan min hman an tum a nih hi, ka tlanchhe thei tawh lo e." Tih pahin a ding chawt a, a thinlungah Neihpuii a lo lang thuai a, Chala chuan " Eng thil nge tih i tum, kal rawh tlan vat ang" tiin rawn kaih a tum a, mahse Bingtea chuan " nilo e, Thangi a him theih nan lo va tlan rawh, khua pawh a tlai dawn tawh hi. Ka lo ti khawmuang ange, zan thilah chuan an rawn um pha hauh lo ang che" tiin tlan a tum tawh hauh lo mai. Chalan " Val upain tlan ang ka tih chu ka thu i zawm dawn lo maw" a tih pawhin awmzia a awm chuanglo. Chala chuan a tilui theilo tih hriain a silai a pe tawp a. An tlan chhiat tirh khan silai a lo chuh hman hlauh a lo ni. Bingtea erawh chempui bak a chuh ve hman silo. Tichuan Chala chu hmanhmawh takin a tlan leh ta. Bingtea chuan phen tur zawngin an rawn um a nih chuan pakhat tal chu lo sai thluk ve ngei a tum a. In ring takin tanhmun tha tak belin a lo nghak kar mai le.
Hranga pawn thil awmzia a hre ta. Hmelma pakhat nen anin beih lai khan hmelma dang ho chu an lo bo duak mai si a. A inhrosa vel thawmbak hriat tur a awm silo. U Chalate relhru lai kha an lo hmu reng a ni maw ti rilruin hman hmawh takin Ûmiah changin Chalate ho kha lehkhalh hman ngei tumin a tlan thuai a.
Chala kha tlan zelin thui tawk fang a tlan hnu chuan an kalna hnu a pawh hlawl mai a, a thaw aveng hawk nghe nghe. Reilote thu Chawlin a kalleh thuai a, thuipawh a kal hma chuan a hmalawk thingchang hmun atang chuan Hranga a rawn chhuak hlawl mai a, Thilawmzia a hrilh nghal mawlh mawlh a. Hranga chuan "Bingtea chu ka va ngaihven thuai ange" tiin kal mai a tuma mahse Chala chuan " Hranga nilo le, chhantlak a awm tawh ka ringlo. Tunah rih chuan Theibuanglam kan pan angai Thangi kan venghim a ngai a ni" a tih tlat avangin Hranga chuan rilru nuam lo tak chungin Ûmiah changin Chala a phur a, Theibuang lam panin chak takin a lim nghal puat a. An hmalawka Thangi leh Neihpuii rawn tlan nen anin su thelh a ni e. Chutia rin hma a an han in hmu thut mai chu sawitur an ngah tlang khawp mai. Mahse sawina hun a awm silo.Neihpuii lahin " khawnge Bingtea " alo tibchhen bawk nen. Hrangate chuan an hrilh hreh viau na a, hrilh loh tawp lah a ni silo. Hranga chuan " Thangi leh i tan a ni chu kan hnutchhiah a ngai ta ani. Hmelmate lo ti khawmuang turin a awm a, hmunhimah in awm phawt anga lam turin ka kal leh thuai ang." timahse Neihpuii tan zawng hriatthiam theih a ni hauh lo. Thingthi hnawkin Hranga ke a vuana "U mam, ka hrethiam theilo, tinge in kalsan a la dam ang tiraw" tiin a tap hliam hliama, Hranga chuan "umm a tha em em ang, ka va lam vat a ngai a nia, tirawh u, hmun himlam i pan thuai ang u" tiin Neihpuii pawh a tap bang ve mai a, Chutah Hranga chu Ûmiah changin Neihpuiin keichu ka chau emai tumah ka phur lo mai ang a tih avangin Chala leh Thangi chu Hranga chungah an chuanga, Hrangate puk lam kha panin an kalta. Mahse, thuipawh an kal hma chuan Neihpuii chu in her thutin chaktakin a tlanlet leh tlat mai. A hmangaih Bingtea chu tlanchhiatsan a tum ve hauh lo alo ni. Thangin " U Hrang Neihpuii" ti tuarhin an hawilet chuan Neihpuii mawngphe an hmu hman tawk a. Hranga pawh in her nghalin Neihpuii chu an um thuai a, mahse thui an um hma chuan an hmaah chuan mipahnih an rawn chhuak hlawl mai le. Pakhat zawk chu an hmuh tawh hnu pasang tak mai kha a ni a. Pakhat zawk erawh hmelrorum tak niin Talhtum lian nelh nawlh a kenga ,a talhtum ah chuan thisen tharlam tak a luang ngiai ngiai bawk. Theibuang tlangval ho kha an um hmasa a ni ngei ang le.
Chalate leh Thangi chu Hranga chunga tangin an chhuk thuai a, Chala chuan tute nge innih a, engvanga hetia min bei ngawt nge maw in nih le" a han ti a. Pasanga chuan Thangi, Hranga nghenga ding zar mai chu en pahin " he nula vang hi mawle, kan hotupa tan kan hruai dawn a ni" nui vur vur chungin a ti a. Hranga chu thinrim tih hriat takin a lo rum chher chher a, a hmangaih Thangi hi engvang mahin tu hnenah mah a hlan dawn hauh lo a ni. Chala chuan " chu zawng kan pasaltha hian a phal hauh lo ang" tiin Hranga chu a mitmei zauh a. Hranga hi a ring tawk hle mai. Mahse an hmachhawnte pahnih hian Hranga mitmeng sen rum leh a ngho lawr vuah maite chu hlau awm pawhin a lang lo. Chutah Hranga chu kal hmain a hmaa mipahnihte chu a pan chhat chhat a. Thangin " U Hrang fimkhur rawh u" a rawn ti zui tiak a.
Neihpuii pawh tlan zelin a ngaihtuahna a bing mup mup a, a rilru a fim lo tih hriat takin a ri buan buan mai a, chutah le. A hmalawkah chuan a hmangaih bingtea chu mipakhat hian a lo din chilh vang mai a.
Chupa chuan chemlian nelh nawlh tak kengin Bingtea chu a lo tin mek a. Neihpuii rawn tlan thawm avang chuan an hawi rual thawt mai a. Neihpuiin
chupa nghawng seh bung hmawk tumin a tlantlang fua mai a, mahse chupa chu a loin her sawn hman a, a dar erawh neihpuii sehna avangin a pawr fuap mai a. Mihring pangai chu nise hliampui a ni ngei ang le. Mahse Liangkhaia, mibik a ni ve tlat.
Bingtea chuan amah rawn chhantu Sihal chu chau tak chungin a lo thlir vawng vawng a.
Neihpuii erawh Liangkhaia nen an in hmachhawn mek a. Liangkhaia chuan a chempui paihin kut lawngin a hmachhawn riap mai le. Neihpuii pawhin Bingtea lo sawisa tu chu dim a tum hauh lo a. Ngur chhur chhurin chet a thawhta. Liangkhaia lamah dawk phei zawkin a lu chhum hmawka seh tumin a zuang zawk a. Mahse amah zawk chu a beng lh lam leh lamah Liangkhaia chuan lo manin alo vawrh nawlh mai a, lei char a sawh ri bup mai le. Zi talh talh chunga tho chhuakin
A mi beihpa chu mi namai a ni lo tih a hre chiang hle a. Mahse tawp mai a tum lo. A hmangaih Bingtea lo sawisa a thi chhawnga lo siamtu chu a tul phawt chuan thihchilh mai pawh a duh a ni. Chutah Liangkhaia chuan " Nang Ûmi khan min hneh i ring emni? He tlangval hi i hmangaih a ni maw? Mihring ve tho i ni tih a hria em?" Tiin ngeiawm takin a nui hluah hluah a, Neihpuii chuan Bingtea lam hawiin Bingtean mak tih hmel taka a lo thlir reng chu hmuin a rilruin " ni e, he tlangval hi ka hmangaih a ni. Ka hmangaih takzet" a ti mawlh mawlh a. Liangkhaia lam hawin chetsual tum tawh hauh loin a che chhuak leh ta. Liangkhaia pawh chak taka rawn dawk chhuak vein Neihpuii nen chuan anin su bur mai a. An hnunglamah an pai dun chhat chhat a. Chutah ahma ang bawk a. In hnaih chilh zui lehin Liangkhaia chuan Neihpuii chaldarah namin anin nawr kiah kiah mai a. Neihpuii chu a tawlh hret hret a. Chutah Liangkhaia chuan a ke hma veilam pet pheh sak zauhin Neihpuii tan pe lai chu a pai nawk a. Chutih lai chuan Liangkhaia chuan a nghawngah a rawn man ta. Neihpuii chu tal chiam mahse amantu hian a hneh lulai emai. A tal chhuak thei lo. Bingtea lah chuan tihtheih a nei si lo.A thisen chhuak avangin a chau tawh hle si a. A awmhmunah alo in sehruh teuh mai a. A chakna sawmkhawm viau mahse a che thei silo. A nunnain a kian san mek si a. Amah ang bawkin neihpuii pawh a tal zawi telh telh a. A phu euh euh a ni tawh e. Chutah Liangkhaia chuan Neihpuii chu Bingtea bulah a hnuk phei a. " tikhan darial chu chang dun rawh u" tiin a la nui uarh uarh a. Bingtea chuan abula Sihal lian leh Var nalh em em mai. Thaw dep dep chu a thlir vawng vawng a. A thlir reng lai chuan Sihal taksa chu a rawn te telh telh a. Mihring ruangam rawn in siamin a hmangaih Neheihpuii ngei mai chu a kianga mu chu a lo ni. "Neihpuii, nangmah ilo ni reng a ni maw. Min venghim thintu kha, Ûmi i ni chung paehwh hian ka hmangaih reng che a sin" tiin Neheheihpuii kut zawi hniang mai chu a thei leh thei lovin a vawn saka. Neihpuii pawh rawn meng siar siarin Bingtea chu a rawn nuih sak a. Tawng tum viau mahse a tawng the ta lo. A mitin Bingtea hmangaih taka a melh chu chhin zai rel tawh lovin a thaw a tawp ta. Neheihpuii khawngaihthlaki chu hmangaihna vangin hmangaiha tan a fam ta. Bingtea chuan zawi sapin " ka hmangaih che" a ti a. A mittui luang ngiai mai chuan a thinlungna chu a rawn puang chhuak a. Mahae ani pawh a taksa natna chu tuar zo biklovin a thaw hrawk a. Neihpuii ruang si riala awmin thlafam vangkhua a lawi ve ta. An taksa insi riala let bal mai chu an va lainat awm em.
Let leh lawk ila khatia Chalan Bingtea a kalsan hnu khan Bingtea chuan reitawk fang a tanhmunah khan chelo changloin a awm a, thomit chhaih leh thosi ngalsang zar buai pawh ngaipawimawh lovin a mi chan chu a chang kar mai a. Chutah a chhaklam mau hmun lamah chuan thawm a rawn ri sat sat a. A rawn tlan hlawk hlawk tih hriat takin thawm pawh a dimlo. A miumte hian an lo chang ang tih reng a ngaihtuah phalo ani. Bingtea chuan chupa chu hmuin chupa chuan Thal a keng a, thalfang nen Bingtea chuan hmelma a ni tih hai heklo le. Chutah le silai puak thuai avang chuan chupa chu a thal rawk rawk a. A let hlawm tawl bawk. Che thei a awm ta lo. Bingtea chuan a silai mu sawh sawk sawkin a zaehwh chuan a mi kahthluk pa lam panin dim takin a phei a. Mahse chutih lai chuan a hnunglam atangin thawm a rawn awm tlat. Hawilet vatin mipakhat palian leh satha nelh nulh tak,amah rawn pan mektu chu a hmu nghal a. A silai cheng kauin a hmetpuak nghal. A mikahpa pawh a hlawm nawk a. Mahse silaimu a sawh leh dawn tak tih chuan a mi kahpa chu a rawn tho leh tlat. Chupa chu rawn tlanin silai mu thunna hun a awm ta lo. A chem chuhin a lo hmachhawn a. Mahse mibik Liangkhaia lakah chuan rei a ding thei lo. A nak hliamna tak avangin a thu hnawk a. Liangkhai an
a lu lak tuma a chem a lek kang mek laiin Neihpuii kha a rawn thleng ta a ni
Hranga leh hmelma lam mipahnih pawh ann
Thangi leh Chala chuan thinphu dep depin an lo thlir a, Hranga chuan hnehna a chan loh vaih chuan an tan beisei tur a awm dawn silo chumai nilovin beiseitu tur an mahni ngei pawh an awm tawh lo ang. Hranga chu hliam nual tawhin hmelma lam pawh an thi hnuang tawh a, khua a thim fel tawh bawk a, talhtum kengtu zawk chu a che hleithei tawh meuh lo. Mahse pasanga chu zan thimin a tih buai ve loh avangin Hranga ha hriam tak ala pumpelh thei zel a. Mahse a thianpa zawk chu chesualin Hranga chu a talhtumin vaw fuh ve mahse a lu a chanta. Pasanga pawn a theihtawp chhuah leh mahse eng a ang bik ta lo. A chakna zawng zawng sawmkhawmin rang takin Hranga lamah a dawk phei a. A chem a vai de zawk bawk. Mahse Hranga chuan lo bum zauhin a zuang vir zawk a. Hranga lei a thlen leh meuh chuan pasanga chu lu nei tawh lo tih hriat takin a nghawng a tangin thisen a pik zuai zuai a. Khur chur churin a tlu zui thuai a. Hranga pawh a chau hle a, a bawk ve hnawk a. A thaw kawk kawk bawk. Chutah Thangi chuan rawn pan vatin Hranga mihringa lo chang mek chu a va dawm vat a. " Û Hrang i tha em" a ti chul mai a. Chala pawn rawn buaipui vatin Hranga chu kaihthaehwh an tum a. Mahse a tho thei hauh lo. A ke leh a nak a hliam chu thawh pui mai theih a lo nilo. Mipangai ni phei se zawng a tuar zo taehwh hauh lo ang. Chu achhapah Hranga an buaipui lai chuan Silai a rawn puak thuai a. Chala chu a per sawn dawrh a, a thal nghal thlawrh. Ka pawh chhawn lovin a tukhuma silaimu lut chu a thih pui nghal a. Hranga chuan " U Chal" a ti tham tiak a, a hliam avangin a che tha thei silo.eh Thangi nen chuan chu mangang takin an hawi tang hra mai a. An piah deuh a. Pa pakhat silai hmawr khu vut vut keng chunga lo ding chu an hmu thuai a, Thangi hlau chuan Hranga chu kaihthawh a tlanchhiat pui a tum a, mahse a thahrui pangai chuan a kaitho zo silo. Chutah Hranga chuan " Thangi tlanchhe thuai rawh" tihpahin Ûmiah a chang thuai a. Chuveleh an hmelma pa chuan " Ûmi leh bawk maw" a rawn ti lauh a. A silai dahin a chempui a hum a, Hrangate chu a rawn pan a. Thangi lah tlanchhiat a tum biklo. Hranga hnung lamah awmin a in dawm kun a. A ralthuam ,a hmelthatna vawrtawp kha tihchhuah tumin a in sehruh nasa mai a. Mahse a chhuak thei silo. Hranga chuan a hneh dawn lo tih a hria a. A hliam avangin a ding thei tawk tawk a ni si a. Chutih lai chuan hmelma pa chuan Hranga ding pai chhat chhat chu enin " khawnge nachina Ûmi ka thah ang khan kan that ve law teheng che, ka thiante phuba chu kan la ange. Kha aw. Keimah Liangkhaia" tih leh Hranga chu rawn beih a ruala, Ûmi ka thah ang a tih lai khan Hranga leh Thangi chuan an phu zawk a. Neihpuii an chanta, thinrimna vang leh rilruna avangin an nghilh dup a. Liangkhaia chuan a rawn bei zui maisi a. Hranga pawh a hliam nen aloin veng theilo. Liangkhaia chem rawn vai a vang chuan a hmui chu a thler duai a. A thal nghal dup mai. Thangi erawh engmah hrelo ang maiin " Neihpui " a ti sap sap a. Liangkhaian a rawn pan mek tih pawh a hrelo. A kun ngal mai a. Zan khawthim karah chuan a sam hmawr lam chu a rawn eng tle sep sep a. Vawilehkhatah a sam zawng zawng chu rawn eng suauin a rawn hawi chhuak chuleh Liangkhaia pawh a ding chawt a, a hmelthatna chu zan khawthim karah pawh a eng suau mai a. Liangkhaia meuh pawh a khawng awt mai le. A thilhmuh chuan a barakhaihin arilru a buaizo ta. Mahse mibik a nih ve miau avangin a la thi hauh lo a. Muangchangin Thangi lamah chuan a la kal chhat chhat a. A taksa khawng avangin a kal sawt lo hle a. Thangi pawh a rilru a buai mup a a chakna chuan eng chennge a daih dawn a hre silo. Hmelma pa lah a rawn kal zel si a. A rawn hnai tawh le. Chutah Liangkhaia chuan Thangi chu sahhlum ngei tumin a chem chu harsa titakin a lek kanga, mahse chem a vai hma chuan a hnunglam atangin Hranga a rawn zuang zawk a. Silai pawhin a kahtlang zawh loh a vun chhah tak kha Hranga tan chuan a lo ni ve lo e. Liangkhaia nghawng chu rawn seh chilh chhum hmawkin hreh takin Liangkhaia chu Ûmi pasaltha tawnah a fam ta.
Hun lehni a liam zela, Vahngaw a lunglian pui mai chu Thla eng ut mai chuan a chhun paw vau mai a, chu lungpui chungah chuan harsatna tamtak hmangaihna avanga pal tlang tawh te pahnih chu thudunin hmangaih biahthu anin hlan mawlh mawlh a. Nula bahsam var siau mai chuan a bula Sihal lian tak ding chu si chiala nghengin thlamuang takin a awm a. (Tuna an awmdan hi atak ngeia i hmuh duh chuan photo hi en mai rawh aw) Nie, anni pahnih hi tuman tibuai tawh suh sela, tuman thik hek suh se.

A tawp ta.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)