PASALTHA SAIKAPA BY Mafaka Khiangte (Completed)

[Ngaia]

PASALTHA SAIKAPA(Then hnihna) 30
.... Ka nu, ka U ka fate an nih hi tih paha Ngurpuiin Vankhuma leh Ngurliana an kianga lo nui var var te a hmel hriar tir lai tak chuan...an hnunglam atang chuan in hlim dar dar hle mai maw mahse in hlim hma hret tumah kha che tawh hlek suh u tih paha Silai lek kawh vah chunga Pasaltha tih hriat tak tur leh a hote panga ngawt mai Silai keng vek si ten lal chhungkua an pan lai chu hlau thawng tak chuan an lo thlir thup a, Thangphunga pawn aw Thianpa kalo in thlahdah hma deuh ani engpawh nise i Nupui fanau te chu ka venghim khawp ang tih pah chuan hmelma lokal thar te chu bawh thut tum chuan tan hmun asiam ru nghal thuai bawk a. An mahni rawn vau tu Pasaltha in hmalam pana ke arawn pen chhuah leh lai tak chuan an hnung lawk atang chuan Ngurpuii tana aw mawi ber mai chu rawn ri chhuak in i ngam anih chuan pen leh rawh hual beh vek in ni tawh... Pasaltha Saikapa aw ngei mai chu arawn chhuak ta tlat mai le... A nupui te zin chhuah zana mangtha lo tak aman tak a vanga hman hmawh taka Zalen khaw lam pana rawn tlan Saikapa leh Lawmsanga leh Zawlang val rual Sawmthum zet te chuan chung mi panga te chu an rawn hual nghal khup khup a. Pasaltha Saikapa aw ngei mai chuan ka Nupui Silaia tin ngam chuan kei hi min tin ngam in min hmachhawn ngam em le tih pah chuan chu Pasaltha Tinthera chu a hmachhawn nghal siah bawk....
.... Pasaltha Tinthera chuan zam map lova Saikapa hmachhawn zawnga in her pah chuan Tinthera kawng dal ngam tu chu tunge maw i nih le... Min tam hneh hle ani thei e.. Mahse a thlawn mai chuan kan nunna hi a luangral bik hauh lo ang.. Ka kawng dal tu chuan eng chen nge min dal ngam dawn le.. I Silai kha dah thla in kan chingfel dawn emni tih pah chuan a cho hliah hliah tih hriat tak chuan Saikapa chu a hmachhawn let ve nghal sak bawk a. Saikapa chunga mipui mit a fuk thup lai leh Tinkhara chona chu engtin tak chhang ang maw tia Zalen khaw mipui ten an thlir thup lai chuan Pasaltha Saikapa diktak arawn let leh ta tih a hmel ah chuan rawn lang in a mitmeng sen ram mai hnuai ah chuan a nui leh ta sang mai le... Lawmsanga lam chu hawiin Thianpa ka Silai hi lo kawl tha ta che helaia mi inring lo lai bei ngam tawk vela pasaltha inti hi kan infiam pui hlak ange.. Midang ho kha i kut ah awm se tih pah chuan a Silai chu Lawmsanga pe in, Ngurpuii lam hawi pah chuan ngaihtha taka awm tura hrilh nan a khi zui sak a. A hming alam ngawt pawha hlau leh khur chunga ngaihdam dil na dawng thin,a mah cho ngam leh hmachhawn ngam tu reitak tawng tawh lo Pasaltha Tinkhara chu makti zeta meng kawk kawk in Naua hun tha i neih lai hian kir leh na hun ka siam sak ang che... A tih ngai zen zen loh tawngkam rawn phuh chhuak in Saikapa hi a tawlh ngai lova a tlanchhe ngai hek lo.. Pasaltha Tinkhara meuh pawh a nghing ve lawih thei tlat.. Engtin nge Zalen khua ah hian Pasaltha Saikapa alo lan theih Saikapa zawng alo hre na meuh mai le.. Inti huai lui hram hram in ring taka nuih uar uar pah chuan rei tak kalo nghah tawh chu alo thleng ta nang hmachhawn che hi ka chakna arei tawh tia au tial ruan ruan in a aw khur tur chu a veng lui hram hram a. Ka pa kan Pasaltha chu keiman kalo hmachhawn zawk ange... Saw en ta che a hmui ta pwh a duk zo ta. I tan beih tham ani tlat lo.. Ka nu saw lo thlamuan zawk rawh tih paha Ngurliana rawn pen chhuak chu mit tla dawn dawn khawpa lo melh rawn thup in, Tinkhara pawh a hmel ah lawmna alo lang leh ta.. Mahse ngawih ahun tih a hrethiam ve tlat... Nuisang chunga tawlh kiang in Saikapa hian a fapa hi aring tawk in a mah ai mah in Insual leh in beih lam ah hian a tuan atha zawk tih a hai lo tlat... A ni teh tak e.. Kan Pasaltha hmel ah pawh phurna a rawn lang thei a lawm... Ngurliana pen chhuah hma chiah chuan Unaupa hei chu ka chanpual ani tlat.. Ka Pa thlarau zalen tur ani tlat... Hemi tenawm hian alawm verther taka Ka pa nunna laksaka baihvai taka Kan nufa min siam tu chu tun tum chauh chu min hrethiam ani ang chu..
.... Ngengliana rawn pen chhuak Tinthera'n a hmuh chian meuh chuan a hmel chu rawn in thlak in a chem hum laia kawk chung chuan..Tlangthanga maw... Hlauhna chuan arawn man thar leh tiah hriat tak chuan Nang hi i thi tawh a ti tial ruan ruan a... Ni e.. I thusama i thah tak Hmelma kuta thi thana i than tir tak Tlangthanga thlarau chuan zalen a duh ve tawh fapa anei tih hi ilo hre lo ani mai thei.. Nang leh i thlahte ka chimih hma chuan ka chawl ngai lo ang... Tlangval tuaitir zak zum leh mahni insit taka khawsa thin a zahzum luata chhaih nawmnah tawk lek lek thin Ngengliana kha ani ta hauh lo.. A Thisena Pasaltha nihna in phumru chu lo lang chhuak in Chempui ahum theih tirh ata tawh A nu mittui tla hruk hul tum leh a Pa thlarau chhuah zalen tum reng renga nun chan lo zir Ngengliana zia diktak alo lang ta.. Zamna leh huphurhna lam reng alang lo.. Pasaltha Tinthera hmachhawn theia a awm chu a lawm zawk hliah hliah tih a hmel ah chuan lo lang in.. Unaupa min ngaihtuahsuh.. Hnehna kalo chang talo anih chuan ka Nu chu i kut ah ka dah e.. Rang lutuka Ngurliana nam per dawrh in a mah pawh chu a zuang sawn nghal dawrh bawk a.
.... An inring lolai nia ngaia Sah thal tawp tum tu Tinthera chu Zawlsang val rual thinrim chuan chil rawn mai tum chuan an phu nghal suau a, Ngengliana chuan nuihsak pah chuan i mizia ila thlak lo ani maw.. Vawikhat ilo che fuh tawh a, chet fuh nawn tir che ka tum hlei nem...lo kiang tawh u kan Pasaltha lam thiam hi lam zirtir angai anih hi tih pah chuan a maj chuan a chempui phawrh in Tinthera beisei phak hauh loh chuan a bawh zui ta hmiah hmiah mai le... Ngengliana an lo hriat thin kha ani talo amaw tih mai tur chuan rang tak taka leu kawi zawk zawk chung chuan a Chempui chu a vai tle zawk zawk bawk a. Tinthera meuh pawh a hmachhawn mek Tlangval a sah thelhna lam ah nak tawn puar pawp pawp khawp chuan a thaw hruih hruih tawh a, a duh leh tum ang ngei a a chhaih chauh hnu chuan Ngengliana chuan Pasaltha diktak inbeih in aw mi tenawm awlsam taka dah that che ka tum reng reng lo.. A tu tuar chhel zawk zaawk aw tih pah chuan Tinthera lam pan chuan timna eih awm lo chuan a pen chhuak nghal hmiah a, Tinthera chempui a tha neih zawng zawng sawm khawma a vai chhuah chuan Ngengliana awm dinglam chu a vunpui chat thawt khawp chuan a tawn kak zui hawk a, reitak sah fuh alo tum tawh chutia awlsam taka asat fuh ta mai chu khi suk in Ngengliana kun ngaih mai chu bawhzui leh tuma a insiam rem lai tak chuan Ngengliana chu rapthlak tak leh nasa taka rawn nui chhuak phut in kha keimah ve thung aw tih paha sang taka zuang dawk zawk in Tinthera chem lek kang chiah ban bul chu a chhawk sak nghal hmawk a, a awma thisen luang zawih zawih leh a hliam tuar chu hreawm pawha lang hauh lo chuan kha chu aite chhinna chauh aw... Kha chu kanu tan anih kha.. Hei hi ka tan aw tih pah chuan a kut veilama a ban dinglam bul atanga Thisen rawn chik chhuak dawma thingthi mek Tinthera ban veilam chu thlawn leh nghal hlawl in Tinthera na tuar te thawm chuan khawchhung chu afan hneh kher mai Thisen sen tam luat tawh vanga hmai dang var vek chunga Tinthera natuar then lai tak chuan timna leh dimna tel hauh lo chuan kha Ka pa Pasaltha i tluk ngai loh leh i er em em a nun i chhah tak Tlangthanga tan aw tih pah chuan Tinthera chhipsama tham in a chem thisen kai hnuang tawh chuan a tha tawpa sat in Pasaltha Tinthera lu chu khai vaw vaw chung chuan ka Pa thlamuang takin chawl tawh ang che i rawngbawl tur in ka rawn tir liam e tih pah chuan Ngurliana chu melh in a Thisen hloh hnem tawh em avang chuan thingthi ve hnawk in a chempui chuan a in do ding hram hram a...
.... Ngurliana leh Vankhuma chuan rang taka Ngengliana lam chu pana tlan thuaiin an thianpa lo nuisang chu kuah tho thuaiin a bul hnai ber in ah chuan an kuah lut nghal thuai a, chutia Ngengliana lam ngawt an ngaih tuah lai chuan Thinrim aw rawl rapthlek zet chu rawn chhuak phut in a tira Ngurliana kuk thluk tak Zalen khaw awptu ber Pasaltha Nekpera aw ngei mai chuan tunge ka inring lo lai mi beia mi phuar hlawm tu kha i ngam anih chuan ka kut phuarna hi han phelh teh u... Mipa taka min hmachhawn ngam in awm em tia au tial ruan ruan chung chuan a kut phuarna hrui chu zai chah tum in a tal zui fuat fuat a. Nekpera aw a hriat rual chiah chuan Saikapa hmel chu rawn in thlak thawk in uai chu aw chu ka tan a mikhual hauh lo mai.. Thianpa Lawmsang Nekpera aw ngei niin ka hriat chu han chhuah zalen tak teh vawitam ka thla lo tawng tawh tu leh Bumna tenawm tak hmanga mi hem thlu tawh tu.. Thi tawh riaka mi ngaia mi kalsan tu aw zawng ka hai mawlh lo tih pah chuan mipui chu kal kiang tura hrilh in a chevel chu a phur hle tih chiang taka lo lang chung chuan a hmel thup tlata lo kun chhal chung chuan Lawmsanga'n Pasaltha Nekpera a rawn phih phar dawr dawr chu lo nghak in alo ding kak hah a.
.... Zamna nei map lo leh ngainep tih hriat taka Zalen khaw mipui lo dingkhawm te melh kual pah chuan a nui ang Vur vur a, Nekpera mit kal kual chu Atha Ngurpuii zawn ah chuan tawp chat in it hmel taka melh ding ngur ngur chung chuan a hmui aliak huh zui hlup hlup a, a keler atanga a chhip thlenga melh chhuak dap tu Nekpera chu rap hmel taka melh zak zak chung chuan Thangphunga phen ah chuan a tlum lut zal zal a, nangnu kha khumpui ka kai pui dawn khawp che tu maw min hmachhawn ngam chu tia au tial leh ruan ruan chung chuan a in her zui muai muai a. He lam ah mawle.. Hmelchhepa....Nekpeka hmel chu rawn in thlak nghal thut in a mah rawn au tu lam hawia in her pah chuan a tu chu nge maw i nih khanglan chu le.. A sawi zo hman tawk Saikapa rawn dak chhuak a hmuh meuh chuan a hmela ha maktihna leh zawhna tam tak inlar tup tup in Pasaltha Saikapa thlarau maw tih leh tlan chhiat arual ta mai a, mahse thui atlan lo kher mai.. A chhip sam a ban tha chakzet thamna avanga rak thawt chung chuan a ke hmawra lei phiat vat vat chung chuan a kut khing khat chauha hneh sawh zeta khai tu Thangphunga kut chu a chum ve taih taih chuan a hriat a... Vaivut bar hawng khawpa theh phei pah chuan ka thu nisela chuan ka elh tliak vek tawh ang che... Ka Thian dimna tel hauh lo khan han sawp teh..
... Nekpera chu hawi kual ruai ruai in amah lainattu leh khawngaihtu hmel reng an awm mawlh lo.. Thah chak melh taka melh rawn thup in a tan kawngdang a awm talo.. Fin kherek chhuah in Saikapa lama bawk vak ruak ruak chung chuan ngaihdam dil in mittui leh hnaptui tla pur khawp chuan ngaihdam a dil zui hruah hruah a, a nun sim vek intiama Pasaltha meuh tlawm taka a hma a thingthi ta chu mi rilru ngil Pasaltha Saikapa chu ngawi vang vang in atha e.. I nun chu ka zuah ang vawikhat pawh suahsualna kawng zawh zawnga i che leh anih chuan kawlkil tawp thleng pawn tlan mahla ka zawng hmu zel tjo ang che tih pah chuan in her hmak in he khua hi chhuahsan nghal nal nal... Thangphunga aw ngei mai chuan i hnung lam kha tia au chhuak thawt in Nekpera lamah chuan a tlan phei nghal puat bawk a... Thangphunga au chhuah hma chiah khan Saikapa hian Thangphunga mit meng atang chuan hlauh thawna lo man nghal in rang lutuka leia thut hniam pah chuan a lu chunga Nekpera chempui thlawk tlang fua chu hria in a chem chu a vai let nghal zawk bawk a, Nekpera dula a chem tang chawih chu phawi in a chhhoh vai leh nghal pawp a, Nekpera hmai dung zawnga Saikapa chempui hnu chho ruak chuan a hmai chu ti hek hlawk in chumi rual chiaha Thangphunga talh tum rawn thlawk chhuak chuan Nekpera lu ru chu vaw keh chuaiin kham lo tih hriat taka hawi vual vual chung chuan an miman te lam chu pan in Thaza tih reh na tur Thangphunga'n a mamawh e tunge lo ding ngam che u tia chhuk bih run chunga a Talhtum vaivir pawp pawp paha an vel kual thur thur mai zawng a mi cho te chuan an hlau ani satliah lo an rap zawk tih hriat taka khur dawt dawt chung chuan a zun an cheh zawih zawih hlawm a, a mah cho leh hmachhawn ngam awm talo Thangphunga la lungawi zo silo chu vei thuak thuak in Zalen khaw chawilung chu chawi kang vawk in thui zet chu a deng phei zui vawk mai a, mipui pawh ri huk in an khaw buan chak ber pawn a dara a chhuan zawh loh chu Thangphunga chuan a den sawn vawk mai si ale... Cho chi rual a nilo tia phun ru sap sap chung chuan lal leh Saikapa te ho in hmachhawn lam chu hawiin tlawm leh zah pawh dawn lova Ngurpuii'n Saikapa a pawm thlawp lai leh hlim nui thawm lo chhuak chuan an boruak chu rawn chawk danglam in lal mual ah chuan Zalen khaw mipui awp beh an nihna lak ata Zalen na chang tute lawm au thawm chuan zui nghal in an haw haw zui nghal luih luih a.
.... Engtin nge...enge awmzia hetah ka hmuh che hmel phelh deuh phanga a mah melh chunga zawhna petu Ngurpuii sam chul sak heuh heuh pah chuan a manglam thil avanga umzui an nih thu chu hrilh in mipui an tin darh mek lai chuan lal in lam ah chuan an inzui lut diah diah hlawm a. Mipui lawm sahawk leh lal chhungkua ngei pawh lawm avanga bianga mittui aluan lai leh thi tawh riaka in ngai a pi leh apa te lungchim taka an in kuah vawng vawng lai chuan lawmkim ve thei lo lal in ah chuan a awm tlat.. A thinlung luahtu vawikhat pawh la tawng lo.. Lal fanu zaidam leh nunnem leh nun mawi em em mai Saihliri erawh a hmel hmai chu nui mahse a thinlung erawh anui hauh lo.. Hmangaihna alo ral hriat thin chuan a nun ah bu rawn khuar in atan tahna ruam arawn hawng ta mai emni... A thinlung kik hawnga natna rawn thlen tu leh a hmuh tirh phata atanga a nuna bu khuar nghal tu chu a nutapa alo ni reng si.. A nu teho kianga a awm reng chuan a mualpho mai dawna in hria in a thian a engkim a hrilh ve ber.. Lianpuii te in lam pana chhuak thuaiin...hman hmawh ru tak chuan a pen sawk sawk a.
... An mahni tawk zawng nisi mahse hmu awm pawha lang lo leh biak pawh be hauh lova kal pel vawk vawk tu chu Ngurliana chuan ding meuha thlek zui vang vang in, an sawi Tawnmang Lasi ianga duhawm zawng i ni ngei e.. Mahse ka Farnu ilo ni kher si.. Keizawng he khua ah hian rei cham ka zuam lo ti rilru niap nipa chung chuan hma lam pana pen chhuak in a tukhum rik rak lawlh ah chuan a U Vankhuma chu melh hu hu in enge an ti ngawt a, biak pawh hrelo leka khatia mahni farnu te i melh tak vawng vawng mai le.. Miten an lo hmu riau riau tur che ania.. Engtia Ka pa kha rawn lang teh hlawl nge ni dawn ni nang a hrilh ru lawk che em tia a zawhna zawh Ngurliana chhan tak loh chu zawt nawn leh in Ngurliana chuan ahriat bik loh thua lo chhang in a hmela lang lo tur ang bera insum tak chung chuan lal in lam chu pan in a thjnlung ah erawh Saihliri chauh lo chu a awm silo... Hmangaihna kawng chuan hliampui atuar tir dawn ta mai emni le...
... Zan khat chauh riak a, khawlam pan leh mai an tum thu Saikapa'n a sawi lai chuan ngawi thuap chunga lo ngai thal in Zalen lalpa chu rawn ding chhuak hluai chunga cham ve tura ngen zuiin Saikapa nuam tih loh chhan erawh aman thiam kher mai.. Thu mu hnu kaihthawh leh erawh tuman an tum hauh lo.. Saikapa sawi mai tur hre lova ahawi haih lai tak chuan Thian nihna hlu tak rawn lang in atawng hmang thiam zawk Lawmsanga chuan rawn phat mar sak zung zung in boruak rit ru riau mai chu thlak in Zalen khaw lal Thlathum zu ngei mai chu chawi thla vawk in an ri zui ta laih laih a. Ngurliana te unau chu api chuan a sir tuaka thut tit in chhuang tih hriat tak chuan a kut zur deuh tiak tawh chuan a chul tawn heuh heuh a, tap lam thawm erawh na zual zel in reilo te ah Thangphunga lukai tawh chu hawi Seki vun chunga rawn ding chhuak in zai arawn vawr ta mai ale... Lawmsanga chuan rang taka lo chhawn in lal chhuat ah chuan an mu te lei hrut ta delh delh mai le.. Hrehawmna lak ata zalenna chang hlim Zalen lalpa pawh rawn pai chhuak khat khat chunga a puan ven sawi chhing in Lawmsanga thlawp zaih chuan chet arawn la zui ve ta...
... An thawm chu na zual zel in lal in mai nilo lal tual lam pan chuan an in chhawp chhuak ta deuh deuh mai le... Khawnbawl upa ten rawn thlawp zui nghal in Saikapa pawh Ngurpuii mitmei veng deuh teuh chung si a lam thai ve hah hah in...Ngurpuii awmna lo lam zel ahawi lai chuan Ngurpuii te thawt ri chuan abeng luh zawk in rang lutuk chuan a in her nghal zawk a, mahse athil va hmuh chuan nuih tir sak sak in Thangphunga'n Ngurpuii lam tual mawi tura alo pawm chhuak law law chu hmu in Ngurpuii lam pan chuan a su phei nghal darh darh a, Ngurpuii Nu fing leh lal thlah anih zia rawn lang in Mipa te phurna tawk vel tur chuan chai zui ve nghal in lalnu luhkapuia awm chu Lawmsanga chuan kai thla bawk in lal in hnaih lama awm khaw mipui pawh rawn pung khawm zel in Patling mahni Zu um zak zeh chunga rawn thawk chhuak aw puam telh tawlh chunga lam rawn thai nen an thawm chu a na in a khaw pum mai chuan an su ta luih luih mai a, Vankhuma te unau pawh tang zo tawh hek lo.. Zalen khaw nula te chuan phih phar ve dawr dawr in an nui bawk bawk hlawm a. Vankhuma chuan a nau chu melh leh zawk thin in a nau hian hlim loh rukna riau a nei tih man thiam in a nau chu kai hrang ru zauh in thil awmzia chu an in zawt zui ta thuai reng a.
... A nau dara ben thak thak pah chuan Thaleng dang an tam nen ka nau mahni Farnu kher maw i thjnlai luahtu atan i thlan chu... Ka U ka thlan ani bik nemaw theih nise lak bo ka duh ve bawk.. Hei erawh min hriatpui in min venpui ang che.. Saii hian a hre tur anilo.. Mahni farnu te veia a zun a uai ka nih a hriat hi ka duh hauh lo ania tih pah chuan a nui ang suk suk a. A nau kal liam hna hna chu thlir zui vang vang in ka nau Hmangaina. Kawng bul i tan dan chu ka va lainat tak che em a ti chhuak hial renga, chutia ama rilru a sawi chhuak mai chu nuisak chunga kal leh mai atum lai chuan i nau chuan lainat ngai khawp in enge atih sual a, Vankhuma chu rang taka in her vut in amah si deuh thaw a lo ding Saihliri mit sen ram mai chu melh zawk in a sawi mai tur hrelo chuan a... Engdang ni lova a lam thiam lo lutik mai mai mawle ti tawh u lam i thai tlang ang u hmiang tia kal mai atum lai chuan ka u ka lova kal hmasa ange.. Ka thiani nen hian minlo zui dawn nia ka lu anuam lo riau mai tih paha kal liam nghal sawk sawk Saihliri chu thlek zui vang vang in.. Lianpuii lam hawi chuan in her in titawh i che chhuak ve ila tih pah chuan kal mai tum in a pen chhuak thuai a.
... Vankhuma chuan Lianpuii thilsawi chu chik zeta ngai thla vang vang in hui pap pap chung chuan engtia hmalak ngaihna vak ka van hrelo em Lianpui ka naute pahnih zet chuan ka lu an ti hai mange eng pawh nise an mahni hi an induh tawn tih an la hrelo ve ve hlauh zawk a, kan venpui reng erawh an ngai dawn ani..ti teh min mak minti hlauh dah ange tiin mipui zi nuai nuai lam pan chuan an in zui phei ta vat a.. Ngurliana pawh theih tawpa hlim luih tuma phar ve lawp lawp in lal fapa inphah hnuai taka an zinga lam thai ve ta chu Zalen nula ho lawm ah lo tla in Vengchhak Nuthlawi Laiawrhi phei chuan a nek fet sawt in thim hmul alo nih phei chuan Thingkhawn hnuai ah chuan a nek lut lek lek fo tawh reng a. Ngurliana meuh pawh Laiawrhi tawn hriat ngah tawg thang kam ah chuan tawlh han han in a nautam tlei chu a tleipui tan ti tih der tawh amaw tih mai tur chuan a nek anuam ta riau mai.. Chutia Laiawrhi'n thahnem ngai tak si mawi lo taka che duh hauh si lova Ngurliana a nek luih salh salh lai chuan Ngurliana banrekah chuan rawn man chaih tu awm in ngawi reng chuan Saihliri chuan kalpui mawp mawp in Saihliri hmel a tih tak takna lang si lungawi lo hmel tak si chu angaihna hrelo leh hrethiam lo zet chuan Ngurliana chuan a zui ve duan duan a, a thinlung lalpa leh bu khuar tu khatia Laiawrha nena in huat loh hmel taka an in lem kual vel khan Saihliri insum theihna a ti chhe zota ani ber e.. Engtin awm zel ang mawle.....
PASALTHA SAIKAPA(Then hnihna) LAST
... Vankhuma chuan Lianpuii thilsawi chu chik zeta ngai thla vang vang in hui pap pap chung chuan engtia hmalak ngaihna vak ka van hrelo em Lianpui ka naute pahnih zet chuan ka lu an ti hai mange eng pawh nise an mahni hi an induh tawn tih an la hrelo ve ve hlauh zawk a, kan venpui reng erawh an ngai dawn ani..ti teh min mak minti hlauh dah ange tiin mipui zi nuai nuai lam pan chuan an in zui phei ta vat a.. Ngurliana pawh theih tawpa hlim luih tuma phar ve lawp lawp in lal fapa inphah hnuai taka an zinga lam thai ve ta chu Zalen nula ho lawm ah lo tla in Vengchhak Nuthlawi Laiawrhi phei chuan a nek fet sawt in thim hmul alo nih phei chuan Thingkhawn hnuai ah chuan a nek lut lek lek fo tawh reng a. Ngurliana meuh pawh Laiawrhi tawn hriat ngah tawg thang kam ah chuan tawlh han han in a nautam tlei chu a tleipui tan ti tih der tawh amaw tih mai tur chuan a nek anuam ta riau mai.. Chutia Laiawrhi'n thahnem ngai tak si mawi lo taka che duh hauh si lova Ngurliana a nek luih salh salh lai chuan Ngurliana banrekah chuan rawn man chaih tu awm in ngawi reng chuan Saihliri chuan kalpui mawp mawp in Saihliri hmel a tih tak takna lang si lungawi lo hmel tak si chu angaihna hrelo leh hrethiam lo zet chuan Ngurliana chuan a zui ve duan duan a, a thinlung lalpa leh bu khuar tu khatia Laiawrhi nena in huat loh hmel taka an in lem kual vel khan Saihliri insum theihna a ti chhe zota ani ber e.. Engtin awm zel ang mawle...
.... Sahrang leh mihrang hmaa zam ngailo Ngurliana meuh pawh a mah hmachhawn siaha ding leh mit khap lo leka en kal tu Saihliri hma ah chuan a zam chhe ta mai emni khur deuh dur dur chung chuan Saii ngatinge khatia mi en vak a i pawi sawi ka nei ami a ti tham tuak a. Saihliri chuan chiang kel kawl a Ngurliana melh chung chuan khatiang khawp khan ami hmeichhia i rawp zahpuiawm lutuk Laiawrhi berkher nena in inkawp ka phal chai hlei nem,lungloha i lak dawn leh va lam pui la, i duh leh va chetpui hrep la ti nia... Hawi tau nghal hmak in a ruk tak chuan a zak ve tho mai, mahse a hmangaih ber maiin leng dang a chhai kual nia a hriatna chuan atina in sawi chhuah ngam loh leh sawi chhuah theih siloh hmamgaihna mak tak avang chuan a thinlung chu a rum kawk kawl thung si. Ngurliana pawh a lem chuang lo. Saihliri chu hnaih hruk hruk in a farnu anisi.. Mahse a hmangaih si hui ru pap pap chung chuan Saii tih pah chuan a dar ah nalo te chuan a kuai de de a, insum theihna abo ta aniang.. Tawn thar D in a phuar vel te chu in pawm thlawp in lungchim tak chuan an in kuah ngawih ngawih a...mahse an kara dai dang tu lungbang chhah tak avang chuan Tui khur zawng an thal dun thei silo... A hnuk no zawk Saihliri chuan Ngurliana awm a chum taih taih chung chuan... Ngati nge nang kher ka hmangaih che....tawng chhunzawm thei tawh lova lungchim taka in pawm vawng vawng chung chuan Unau in hmangaihna chauh lo zawng kan tan kawng a awm ve silo ti chuai raih chung chuan lal mual lam chu pan dun rial rial in an awmdan zawng zawng lo hmu vek tu ATHA NGURPUii pawh a fate khawngaih luat vanga khap per sak sak chung chuan lal in chhung lam ah chuan a tlum lut leh zal zal a.
.... Zalen khaw lawmna chuan tawngsang zel in lal mai nilo Khawnbawl upa te zawk zawk chuan bul rawn tan in an Sw chal leh vawkpa sut nghak te rawn theh chhuak in Zalen khaw pumpui chuan lawmna ruai kil tur a thu keuh thlu in mipui lam lah phurna nasa tak nena haw haw luih luih chung chuan lal mual ah chuan an chai zui mup mup bawk a, mual akur e hui ah tia lam thai hah hah chung chuan Saikapa te thian thum meuh pawh khiang rah tla thar ang mai keh sunga mute lei hrut dalh dalh chung chuan vanglai nun chhir thawh leh tum zia zang chuan an vir tawn zak zak hlawm a. Vankhuma leh Ngurliana pawh lal mual ah chuan chuang chhuak ve in, an thawm na em em in a kaih harh Ngengliana pawh luhkapuia rawn in hawl chhuak in nui var var chung chuan a thiante hlimna chu lo tawmpuiin a lo khi ve sak sak bawk a.. Chutia lawm taka a hawi kual vel chuan van chungsang tak lam chu hawiin a Pa ngei mai chuan rawn hui lauh lauh in ka fapa tun ah chuan ka zalen ta... I nu kha hmangaih tak in lo dawm kang zella Pialral ah kalo nghak reng tih i lo hrilh dawn nia...chu thu a sawi zawh a Arsi kara liam ta A Pa thlarau chu hmuh leh inbei sei taka dak vak vak chung chuan a nui var var thung a, ka Pa thlamuang tak khan chawl mawlh teh Ka Nu hnen ah chuan i thu mi. Chah chu ka hrilh ngei ang tia phun sap sap chung chuan in chhung lam pan chuan muang chang chuan a pen lut leh chhat chhat a.
.... Zalen lalpa chuan a Luhkapui atang ngei chuan a khaw mipui ruai kil mup mup leh hlim nuiri te chu ngai thla leh thlir chung a nui var var in, a kianga a mah thlawp riala rawn ding a Nupui chu mi hmuh loh lama kheuh zeuh chung chuan tun ah chuan ka lawm akim ta, en teh tih pah chuan Saikapa leh Ngurpuii Phul mual lam pana in kai rial chunga an inzui liam mek chu a kawh hmuh zauh zauh a.
... Phul rai dup mai hnuaia thu thluang duai chung chuan tu mitmei mah ven ngai hek lo le.. Ngurpuii chu kuah ve hlu hlu in Ka Lei pangpar mawite tih pah chuan a lei a chhuah zuk a, Ngurpuii chuan nui har har chunga Saikpa awm a beiin ka Hmangaih che Saikap, Pasaltha Saikap ita ka ni e tih pah chuan Saikapa awm Sapui in a hamna ser riak ruak te chu chul heuh heub in Tawn thar D tawna luangliam chan chang in Bungthar kai tak ang mawle...
.... Ngaiin thlahlel viau che u mah ila e, kei ngei pawh hian kalsan hun che u ka nei anga, ka thawnthu ang hian tawp hun ka la nei ve ngei dawn si... Chutiang chiah chuan nangpawn tawp hun i nei dawn... Pi leh Pu ten Pialral an thlira, faisa ringa nun hman an chak thin.. Nang leh keia tan pawh Faisa ringa kan len theihnan kan Lalpa ngei chuan intan hmunsiamin ka kal dawn hi tiin min lo tiam tawh a, chu faisa ring nun i neih theih na. I damchhung ni lo hmang uluk hle ang che... PASALTHA SAIKAP MANGATHA TIIN I THLAH VE DAWN EM LE...
... ka story ziah min ngainat saka min chhiar sak thin tute chung ah ka lawm em em a, mi famkim lo ka nih ang chiah in ka Story pawh a famkim lo tih ka hria... Pasaltha Thawnthu ka mangtha fel thei ta... Ka chawlh a hunta... Writer lo chhuak leh zel tur te tan hmasialtu ni pha velo mah ila, ka theih tawp in support ka pe zel ang... Ka ngai ngawt ang che u... Group member te.. Chelh loh Chibai thaber ka buk nawn leh a che u...MAFAKA KHIANGTE...