PASALTHA SAIKAPA BY Mafaka Khiangte (Completed)

[Ngaia]

PASALTHA SAIKAPA 19

... Saikapa leh Lawmsanga pawh lal leh upa te thu hmu leh remtih puina hnuaia pen chhuak tur anni bawk a, Lengi run kai tur pheikhai zang ang maia zang vah chuan lal in chu an chhuahsan zui ta thuai a. Saikapa te in lam ah lut hmasa zet in an beisei phak hauh loh thil an tawng ta tlat. Val Upa Zingruala chu inpeih sa at a lo thu in, Saikapa te pahnih tawng chhuah hma hma chuan kan kal hmat leh kan tih tur kan thawk zo hma ani mai min hnar chu tum buai lo mai rawh u. Saikapa leh Lawmsanga chu in melh tawn chunga nui sak in an beisei ruk mahse an sawm ngam loh an rualpui nilo mahse thiankawma an kawm ve theih tawn hriat ngah leh mahni a in enkawl zo Val Upa Zingruala lo tel ve thei tur chuan an mahni ah phurna leh lawmna nasa tak neiin Lawmsanga chuan U Zing, Ranngo hawn nghal ang aw tih pah chuan Zingruala chu kuah nghal thuak thuak in mahni Lu chan thei mai dinhmuna an din mek lai pawn an ri le lu mai a, chutia an rik hlut lai chuan Tlangaupa chu hman hmawh fe a rawn tlan lut in, lalpa in hei hi kalo pai ve ange ati che u a, hman hmawh tak in ka rawn um zui che u anih hi tiin Silai zen leh amu tam tham fe mai chu a rawn humtir chu niin Saikapa te thian ho pawn lawm taka lo dawng thuaiin, Thirdengpa pawh muang changa rawn lut in ka fapa te ang maia ka ngainat te thian dun chu hei intan liau liau tiin Zan mu pawh tuah hman lo leh Tuk thuan pawh ei hman lek lovin kalo chher ve tlauh tlauh a ka peih hman hram e... He chempui pahnih hi Thisen ngai chempui anih hi, a chhertupa Thisen an dawt nghal pek kga tiin Saikapa te thian dun tan a alo chher thar biai mai Chempui hrawl danglam zet mai chu arawn phawrh chhuak nghal a. Saikapa leh Lawmsanga lawm lutuk chuan lawmthu sawi ngaihna pawh hrelo in Thirdengpa Chempui pek chu melh tlawk tlawk in, a tluka Chempui hrawl leh it awm an la hmu ngai lo. Hnuk ulh teuh chunga lawmthu sawiin an Chempui ve ve chu an hlan let ve ta ngawt a.

.... Lawmsanga te in an luh chuan Thenawm khawveng te leh Saikapa pa Upa Duhkima pawh lo awm vang in an ni mai nilo in Pasaltha Rumliana leh Tukmawia pawh lo thu vang in Saikapa chhungte pawn zui ve vek in, Khawnbawl Upa Duhkima Saikapa pa ni bawk chuan fuihna thu tha tinreng fah in an lalpa thu chah ang taka hlawh tling tura duhsakna nen Val Upa Zingruala lam hawi pah chuan Zingrual nangmah ah ka rinna ka nghat tlat ania, i nau hruai turte hi Tlangval thaza rual leh ngaihtuahna fim pawh la hmang thiam lo leh thil dik leh diklo pawh la thliar hrang thiam lo an nih hre reng la, i venpui tlat dawn nia, tin Saia nangni aiin Zingruala hi tharum ang zawng chuan alo chaklo in a awm a nem zawk ani thei mahse a thluak finna leh a tawn hriat ngahna te, in aia Upa zawk anihna theih nghilh ngailo ula Val Upa Zingruala thu ang zel a ke in pen anih ngat chuan in che sual hauh lo ang. Ranngo zawng tur leh khual pang zin satliah inni lova, Lawmsanga pa Thlarau chhuah zalen tur in nihna leh A Nutei phuba la tura kal in nih theih nghilh ngai suh u. Khawngaihna hi a chang chuan hmelma leh minti chaklo tu a chang thin tih hre reng ang che u. Kal tawh rawh u, hmeichhe mittui in a pawt muang dah ang che u. Hmeichhe mittui hi a chang chuan minti chaklo tu ani fo ania tiin Saikapa te ho chu duhsakna hlan chung in Luhkapui atang chuan an thlir zui thap a. Pasaltha Tukmawia leh Rumliana chuan khawdai thlenga thlah tur in an zui chhuak ta thuai a.

..... Fimkhur taka che tur leh an zuan tur en hmasa zet tura chah mawlh mawlh chung chuan Pasaltha Ralhrat pahnih te chuan fa ang maia an neih, an hrual an thawhrim rah pahnih Saikapa leh Lawmsanga chu thlek vang vang in kal tawh rawh u le. Zingrual nangmah ah rinna kan nghat tlat ania, in tum ram chu tluang taka thleng in, Hmelma Lu nen Kawt chhuah ah kan in tawk khawm leh ngei ang tia vai liam in rei fe chu Pasaltha Tukmawia te thian dun chuan Saikapa te kal na lam chu thlir in eng nge an ngaih tuah erawh hriat har tak ani thung.

.... Saikapa te thian thum pawh pheikhai zang leh ven thawn nei hauh lova kal zel in, kal kawng ah buaina em em pawh tawk lovin an tluang viau a, Thlasik boruak in ngaw chhung aluh tan tawh bawk nen kawng kal vel anuam in kal pawh an kal sawt hle reng a, an hnung kal ta maia, Lawmtei te in a Lawmsanga chet dan vel sawi chuan an nui leh tlawrh tlawrh thin bawk a, chutiang reng reng a in fiam bawrh bawrh chung a an kal lai chuan a hnung bera kal Saikapa chuan Lawmsanga leh Zingruala chu aruala bawh let tawp in kan Duhlian tawng thiam lo mai mai chu le tih pah chuan kawng thlang lama a sa seh tum zuan thelh tu Keite rum ngal ngal chu melh ding ngar chung chuan a Silai chu a chhar nghal da da a.

Lawmsanga leh Zingruala te pawh rawn tho chhuak ve tham tham in sa ei tlak ni lo mahse an nunna chhah sak tum tu chu inthurual ang hrim chuan an han kah rawn ta teh reng anih kha an in hnaih chilh tha bawk a Keite pawh huk thawt in Silai mu pathum ngawt a dawn rual chuan leng thla lawp in nunna nei tawh lo tih hriat tak chuan a let ngat a. Lawmsanga chuan khanglang chuan le khawnge kan sat sawm law law teh ang che tih pah chuan a Chempui nen chuan pan mai chu a tum nghal a. Val Upa Zingruala chuan khaih khaih... Lawmsang a thih fel tawg khu Ramsa thi tawh hnu diriam tak a sawisak zui hi tih hauh loh tur ani ngai kan pi leh pute duh ngai loh thil ani ngai e tiin Saikapa pawh hmer tel chuan thu tha ahrilh zui nghal dap dap a. Zingruala leh Lawmsangan lawmthu hrilh pah a kan nunna i chhanhim ani tia hmai chhan a an han fak meuh chuan Saikapa tih ngaihna hrelo chuan Lawmsanga mawng hlui zia kha a ti teh daih pek a, an thian thum chuan nui leh rih in Lawmsanga lah chuan Mawnghlui nih chu alo duh biklo nasa mai si nen in fiam zui bawrh bawrh in Vanchawi khaw ram lui chu an daikai zui ta tham tham a.

.... Vanchawi khaw ram chin anih tawh avang leh Awllen lai alo ni bawk nen Ram chhuak tawn fuh palh thil awm thei anih tawh avang in an thawm pawh an dim sawt viau tawh a, khawchhung erawh nikhat kal dawn ala nih avang erawh chuan hlauhawm phei chu a awm lem lo. Fimkhurna erawh an thian tha ber anih hai lovin Zingruala chuan hma hruai zel in Tlai nitlak hma deuh chuan Vanchawi khaw ho in kumin atana Lo atana an bawh ram, Buh erawh an lak zawh tawhna hmun chu chuang chhuak nawlh in han chawlh hah damna tur Thlam melh pah zel chuan fimkhur tak chuan an kal zui zel a.

.... Midang Lo lak a hrang deuh nalh a thlam lian vak lo pakhat chuan an mit ala tlang ngang ni tur ani. Muangchanga pan hnai zel in Thlam kawt lama Buh chil thawm ni awm tak chu an hre ta tlat. Mak ti leh angaihna hrelo taka in en kual in Midang feh leh Buh chil mai pawh nilo in lam ah Buh an thlen vek tawh ang tih hun ah Buh chil thawm alo la awm tlat mai chu makti leh angaihna hrelo zet a in en kual hra hra pawh a awm ve reng a. Eng pawh nise i pan hnai phawt teh ang u, tih nat tum a pan kan ni lem lo bawk a, mahse fimkhur na erawh thlah lo ula Lawmsang nang han thlithlai hmasa teh tiin Zingruala chuan a tir nghal thuai a.

.... Lawmsanga lo kir leh hun nghaka Lungpui pakhat phena an lo thut dun khar lai chuan Lawmsanga pawh thaw deuh ham ham chunga rawn let in hlauhawm engmah a awm lo ve tiin a thil han hmuh chu mak atih zia sawi nghal bawrh bawrh in Saikapa leh Zingruala pawh chuan mak an tiin chutianga kut leh lam leh lam neilo patling leh Nula ni awm tak kum lam ah chuan Naupang lutuk tawh biklo ni awm tak te chu engvanga helai hmuna awmdun leh Buh chil tlai bik nge an nij ang le...a chhanna erawh an kiang mai ah awm in, a chhanna hre tur erawh chuan an pan hnaih mai angai thung.

.... Pu Bilhkunga pawn ngawi renga a fanu buh chillai chu lo thlir dauh dauh in a ngalruh tliak them dawh mumal pawh awm lova an tuar dam tak mai mai leh rukru a an puhna avang leh mi zen hmanga an puhna avang a a ban khing hnih an tan sak tak te chu thlek tawn sek in a hmel chu a zur in a dur khup a, engtika anuih kha nge tih pawh hriat tawh loh in lungngaihna nasa tak tuar leh rilruna tih hriat tak chuan a fanu Sawiveli Buh chilna bul ah chuan lo thu khawr ve hlau chung chuan, a mah avanga Pasal pawh ngaihsak thei lo leh a mihringpui te zing ah pawh cheng ve thei lova thiam loh changa an hnawh chhuah a pa a hmangaih vanga zui ta zel a fanu chu a rilru chuan ngaihdam a dil mawlh mawlh a.

.... Sawiveli pawh thahnem ngai taka Buh chil tarh tarh in Ka pa ka zo tep ania i ril atam tawh em tiin a zawhna chhan pawh tum ngailo mi anglo ang maia ngawi reng a thu chu be bawrh bawrh in, a chhanna pawh abeisei chuang lem lova a biak erawh a thulh ngai lovin a pa a hmangaihna chu a zual tulh tulh zawk a, Sawiveli Nula mize danglam tak niin beidawnna hi in hneh tir tum ngailo mihring ani ve tlat. A buh chil zo hawi chhuak leh chiah chuan an thlam lam pana hriat ngai lo Khual val pathum Silai keng vek leh nghal an lam pana rawn inzui phei chu a hmuh rual chuan a kiang maia a chhawp lawk Chempui chu ban vat in, a pa din hliah tur chuan tlan nghal vat in Khual val nge, Hmelma zawk pawh a hriat loh te chu zamna tel hauh lo chuan alo melh ding ngar ngar a.

.... Val Upa Zingruala chu nui ri deuh huk in, saw nu zet chu kan beisei ve ngawt anga min bin let hrep ang tih a hlauhawm thei mai dawn alawm le tih pah a nui deuh huk huk chung chuan aw dam dap chung leh ban phar chhuak chung chuan hmelma kan ni lo ve, kawng kan bo ata lang in he lam kawng hi kan rawn pawh hlawl mai ani e. Mikhual mai kan ni e tih pah chuan Sawiveli te thlam lam pan chuan hma ahruai chhunzawm zel a. An hmel leh chezia en chuan an tan a hlauhawm tur ah angai talo ani ngei ang a Chempui chu dah thla in Ka Pi tih tur em chuan kala tar chhe bik lo ania lo chawl tawh u, khawi lam khua nge in nih a,kawngbo khawp khawp a in han kual chiam mai ni tih pah chuan kum engzat nge tlawh tu pawh an neih tawh loh tih an hriat loh chutia Mikhual Val an han hmh thut chu Sawiveli chu a lai ang reng riau leh nghal a.

.... Sawiveli chuan khawnge tikhan lo thu hah dam rawh u intui in te pawh a hal ang Tui kan suak ange tiin alo din hliah tlat apa chu kal san in Thlam lam apan ta thuai a. An hma zawna Putar khawngaihthlak tak chu thlir thap in mihring damlai hetiang em em a lainatawm an la hmu ngai hauh lo. A hma zawna Tlangval pathum rawn ding ta khual chu Pu Bilhkunga thu kun reng pawh chu muang changa rawn dak chhuak in Saikapa chu chiang zet a thlek vang vang in, Zingruala lam ah amit len phei leh in chutah Lawmsanga chu chiang zeta melh in, a hmel chu arawn in thlak ta hlawk mai le, Lawmsanga melh tlawk tlawk chung chuan eng chen nge atawng tawh loh tih pawh hriat loh Pu Bilhkunga chu fiah fai em em mai a, rawn tawng chhuak in Zuiliana maw.. Enge a awm zia, nangte chu ka mit hmuh lai ngeiin i nghawng an tan tawh kha.. Ka thian min ngaidam rawh aw.. Thudik pawh puang ngam lo i thianpa lak ah hian phuba la tur in pialral kawngka i rawn chhuahsan leh em ni?? Min en teh Thianpa phuba lak i tumna taksa hi a kut a kiu chen a bung ve ve chu rawn lek chhuak in Lawmsanga hma ah chuan a rawn thingthi kual nghal rawih a. A ngaihna hrelo zeta Lawmsanga a hawi at ho lai chuan Zingruala chu harh chhuak zawk in rang taka Pu Bilhkunga chu kai tho vat in ngawi teh ka Pu.. Lawmsanga kawk chung chuan ani hi chu Lawmsanga niin i sawi Zuiliana fapa kha ani zawk e tiin awih awm thei ang ber chuan Lawmsanga leh A pa in kungkaih dan chu a sawi dap dap a, an sira ngawi renga Tuisik kenga lo ding ve Sawiveli chuan Ka Pa i tawng a maw tih pah chuan apa chu kuah in lawm avang chuan atap nghal rawih rawih a.

.... Pu Bilhkunga chunga thil thleng leh khua atanga an hnawh chhuah dan leh an hnawh chhuah chhan diktak an hriat chian meuh chuan mi a zawnga pa zaidam ber te zing ami Val Upa Zingruala meuh pawh insum zo lo in Thlam kawt ah tlan chhuak in Thingtuai chawn tiat dawn thaw ko pang rin chhana lo intung chu tlawh tliak hmawk in, ha chang thial rap rap chung chuan Zingruala hian ka hming leh ka nunna chhal in chhia ka chham e, hetiang khawpa mi ten awm leh a mihringpuite chunga mi rawng hi a Lu ka lak hma loh chuan Zawlsang khua ka rap tawh ngailo ang ati chhuak ta rep rep mai le...

.... Sawiveli insut hlap hlap chu Saikapa chuan a thiam tawka lo hnem ve malh malh in, Lawmsang erawh a pa thianpa ber leh apa avanga ramtuileilova tun a lo awm ta Pu Bilhkunga kut bul tawh pahnih chu hmer sak in Ka Pa avanga i tawrhna hi a thlawn lo ang. Ka pa phuba la tura lo thawk chhuak kan ni a, tun ah chuan phuba lak chhan tur kan neih belh leh ta kan mitenawm chhungkua leh thudik hrereng chunga Thudik tan ngam lo lal dawihzep pawh Lawmsanga leh athiante hma ah hian a thingthi mawlh ang tih pah chuan a hachang athial ri rawp rawp a. Sawiveli lah Lawmsanga Nutei kaih hruai ber thin alo ni bawk nen chhungkua an in hmu khawm ani ber e.

.... Zanriah te bawl chawp chuk chuk in tun ah chuan an thinrim zualpui insum leh tlang tawh in Pu Bilhkunga pawh thlamuan hmel tak chuan a titi suam suam tawh a, chu ngawt pawh chu Sawiveli tan chuan lawmna tham atling zan mai. Zan riah puar taka eiin Vaibel an pak hlat hlat hlawm a, Vau lui lama Tui chawi leh insil paha kal tum Sawiveli chu Val upa Zingruala chuan a zia lo em mai a kava hruai ang che tih pah chuan a zui vei thurh a. Sawiveli chuan ngaihtuahawm ka ni hlei nem heng te chu kum chuang daih ka lo tih than dan alawm tiin tan lo khawh ve teh mahse Zingruala chuan a zui lui ta tho a.

.... Saikapa leh Lawmsanga chu in melh kal ralh pah chuan an khi suk suk a. Zingruala te pawh tuibur hmuamda awm vel hnu ah rawn kir leh tawh in an rawn in chhawm phei hnak hnak a. Thlam mei eng ah Sawiveli intuai fai an thu chiah chu a tir a Ka Pi tia an lo auh kha ani talo tawp mai. Rei tak thlamuang lo leh kawm tur pawh awm lova lo cheng tawh chutia hlimna a han chhar leh tak ah chuan a hmel te chuan ngai rawn awh leh tawh in Khaw chhung an chen lai pawh a Nula to pawl tak Sawiveli diktak mai chu mei eng ah chuan arawn hawi paw ta Pheu mai le... Zingruala mit ah phei chuan atha leh zual ni ngei tur ani, Saikapa beng bul ah chuan en teh ka nau a hmel thatna sawn min chhun khalh tlat nia zuk ti vei sur sur a mawle...

.... Pu Bilhkunga ruahman ang chuan a tuk chhun chawfak hun awm vel ah chuan Saikapa leh Zingruala chu khaw lam pan a chhuak nghal in, Lawmsanga erawh apa nen an in an em avang in Thlam lam ah alo awm rih angai thung dawn a, Saikapa te thlah pah chuan fimkhur tura chah mawlh mawlh in midang hmuh theih mai awm chin an thlen chuan a kir leh ta thuai a, Zingruala thu chah chu nuih phei pui suk suk in, U Zing i tan chuan ka theih tawp bak ah tlem ka che mai aniang chu nang meuh in hmel duh te ilo neih ve tak ah chuan tiin a kal nui ang vur vur a.

.... Behliang mung hun awm vel ah chuan Saikapa leh Zingruala pawh #Vanchawi khaw kawt chhuah ah chuan chuang chhuak ve chiah in an pahniha Silai ken ve ve kha thalo a an hriat avang in Zingruala chauh chuan a pu lang vauh bawk a, muang chang lutuk lova khaw chhung lam pan nghal in kal pah chuan khaw thler tin leh in awm dan te chiang taka chhin chhiah zel in In Zahnih awk zet zawt chu an ni tih a hriat theih ruak a, Veng hmawr lam in te tak te te leh Fur pui tawrh nana huphurh awm fahran mai te chu thlek vang vang in Zingruala chuan hausa leh Rethei kar a hla dawn tih alang reng mai lal in kan chuankai hun ah chuan i mizia thlak la khawnbawl upa fa i nihna lan tir deuh vah ang che an lal mizia tur awm ang chu kan hriat nual tawh kha, khai le hei khaw mipui lam pawn Khual thlir in min thlir thup hi i mize thar tur chu tan nghal rawh le tiin Saikapa chu a kheuh nghal zauh a.

.... Saikapa chuan han hawi pir kual vel a khawvel hi ten ni awm taka han awm kual vel chu hah thlak atiin Lawmsanga zawk nise a thiam dawn nen ati chhuak hial reng a. Awllen lai ngang anih avang in ram lama kal lova in lama awm pawh an thahnem hle reng a, Mikhual lawi luh tam loh na khua tih tak ah Vanchawi ho mit chu an la hle reng a, Pu Bilhkunga sawi hmang ah kha chuan Zawlbuk buan tual thleng a fimkhur tur leh tlawm der chi anih loh dan te an mahni chung tlak rana khawsak angaih thute chu vawng reng chung in lal Luhkapui chu an lawn kai nghal thuai a.

.... Lal in chhung lam atanga luh phal na an hmuh rual chuan Tlangaupa chu zui lut nghal in Saikapa erawh ngeng leh hawisang vah chung chuan lal leh upa ten thutna an kawh hmuh pawh nghak lo chuan thutna lo awl ah chuan a mawng hung nghal hmak in in khaw panna kawng a chhiat leh belloh dan ah mikhual in hmu fo lo ang maw... Kei hi Zawlsang khaw khawnbawl upa fa Saikapa ka nia lal chi al liak pha ngat leh tui tlan tha leh hniang hnar ring khua niin ka rawn kal pui pa hi Val Upa Zingruala ani e. Khual tual thanga kan lo hriat dan in Vanchawi khaw lal Dar khuang hi alian in a ropui viau ani awm e, Kan lalpa mai nilo, Ka Pa Dar Khuang pawh a tiat ngut dawn a mawni le, tin lal fanu hmelthatzia lah in Tiau lui a kai e an lo ti vei rawl bawk nen, Darkhuang ropui leh lal fanu beiseina lian tak nen Vanchawi khua hi kan rawn vak thleng ve rawih mai ani e, in pawi kan sawi em lawng chu maw tih pah chuan bang kila lalnu Tuibur lo awm chu ban in a hmuam nghal hmiah a.

... Han Cho thinrim a tum viau nang a Vanchawi lal hi lal mawl leh ngaihtuah tawi ani tlat lo. A Darkhuang leh a fanu alo chhuan em em rawn zin chhan te chu thlek vung vung in, milian tak nia ngaihna nei nghal in that a chhuah ta zawk hlauh a. Saikapa erawh hawisang lui vah chung chuan a titi vawrh tu ber ah tang in Upa thenkhat leh anihna tak ah chuan lal Vungthluaia pawh chuan Saikapa mize chapo zet chu a ei bik vak lo. Mahse milian leh thiltithei tak nia ngaiin a be chhe ngam mai lo zawk chauh ani. Zingruala chuan eng emaw chen an ti ti hnu chuan Kan lal leh upa te chuan Upa Laiphawka in ah in han in nghat dawn nia minti tak asin tiin lal kiang hnai bera thu chu Upa Laiphawka nih ring in a melh lui deuh ngat a, Khawdang lal leh upa te hmel hriat tham khawpa hming thang nita a in ngaiin Laiphawka lawm ah lo tla e khai ka lo tum sa reng ani alawm... A hah te pawh in hah ang tiru kan in lam ah i chhuk teh ang u, zan lam ah kan Tlangval ten an in fiampui ngei dawn si che u a awm hah dam pawh in mamawh e tiin lal remtihna la in lal in chu an chhuahsan thuai a. Saikapa te chhuah hnu chuan Upa thenkhat chu phun nang nang in Naupang chaltlai tak anih kha mawle aia Upa zahpahna nei lo lek a, lal in ah pawh a tapchhak zawl chet hmiah hmiah mai chu le.. Tlangval te fuih pawrh a bin tir nek angai anih kha an ti zui nang nang a. Lalnu leh lal fanu Khum lam depa thu te erawh an ngaihtuahna a phir daih thung.
... Lal fanu Chungsangi chuan khatiang ang mizia kha zawng ka nei lul lo ange a hmel te lah kha a tha ang vei vawr leh nghal ka ten zawng tak tia alo ngaih tuah mek lai chuan, a kianga thu ve a nuhrawn a mah ai a kum Sarih vel chauh a Upa Saikhumi thung erawh chuan Saikapa pian leh chezia chu chik taka lo en in lalnu a nih theih nghilh thak in alo melh tai sai hlawk hlawk thung kha ani a, lalpa laka lungawina hmuzo tawh lo lalnu Saikhumi chuan an khual val Saikapa chu vawikhat tal Tangkawng sa hmeh tir a tum hmiah thung. Saikhumi hi Vanchawi khaw thenawm mai Saipuk khaw lal fanu niin, Vanchawi lalnu luah lan in lal fanu nen pawh hian biak pangngaiin an la inbe thei meuh lo. Lalpa ber tilawm hneh miau hek lal nu kum lama upa tawh leh Pa lawmzawng pe famkim thei tawh lo chu a lang ta lap reng a,mittui nen an khaw hlui lam pan a liam ta kha a ni a, lalnu nihna luahlana nuam tin chen tu Saikhumi lawmna hian eng chen tak daih ang mawle...

.... Saikapa te thiandun pawh Upa Laiphawka ti ti kotlang ah dak in a khat tawka lo fak leh zauh thin in, Vanchawi khaw lal rorelna leh finna kungpui tia an lo ral hriat thu te Zingrualan an phuah chawp kual vel tak tak mai zawng Upa Laiphawka lawm lutuk chuan inneih pui ah a sawm lo chauh chu ani e. Chutia tui taka an titi mawlh mawlh lai chuan an mi duh Thinawrha ramkal chu rawn kawi zawk in apa te nen in hne renga inhrang chang ve tawh in a suhsual rah nge fa erawh anei thei tlat lo thung. Upa Laiphawka kal tlanga Thinawrha anih an hriat meuh chuan Saikapa te thian dun chu insang mar ru teuh in an tum ram thleng hman lova chet an lak mai loh nan an insum tang tang ani ber mai.

.... Vanchawi Zawlbuk lam chu reh thuap in Zawlsang khawnbawl Upa fa chapo zet mai chanchin chu Val Upa chuan sawi dap dap in an khawn buan chak te pahnih Suihzuma leh Tatliana te chu hming hmerh a lam chhuak in, zan in hian in chakna leh theihna hmuh kan duh hetiang tlangval thatchhia leh vak rawlai mai mai in Vanchawi khua hi min nau mah mah tho chhuak leh tur awm lek lovin in thiam thil leh in chakna hmuh ka duh ani. Dim hlek suh ang che u tia fuih sauh sauh in, Saikapa ber chu amah an hmuh hma hauh in an ral huat nghal em em ringawt a an duh ang tak in Saikapa chung ah chuan che thei ang mawle...

.... E khai ka kut, ka mit, ka kawng, ka tai, ka kutzungpui mawlh mai hi akham ta lutuk he pa vak vak hi ava Type thui ve inti leh nghal hehehe.... Reader ten chhiar tur in nei chau thei sia, tin ngenna a awm ve neuh neuh nen Christmas present atan ka rawn posr hram ani. Christmas present inti sia hei ka ti hlawh tling e. Enge min present ve dawn a hahahaa... Vawiin chu Roliana ziaktu Thianpa Hmangaiha kava tlawh a, an nu kianga alo bet tlur mai hi a awm viau e. Story ziah ah tluk lo mah ila ka hmeltha zawk in ka hria hahahaa....
.
MAFAKA KHIANGTE...

KRISTIANTE HUN PUI LO THLENG TUR AH HIAN I IN CHHIR KUM KHUA NA TUR KAWNG ZAWH LO HRAM RAWH... FIMKHURNA CHU I THUAMHNAW LO NI MAWLH TEH SE...

[Ngaia]

PASALTHA SAIKAPA 20
.... Vanchawi khaw Zawlbuk kai val rual te chuan Zawlsang khaw khawnbawl Upa fa an sawi hmanga chapo em em mai chu hmuh an chak in a chapona zawng zawng nen a bin chhuah vek tum in an khaw buan chak pahnih te pawh an lo in fuih tawn ve mawlh mawlh bawk a, Suihzuma chuan Tatlian kan tlangval chu an sawi hmang in Tlangval la upa lem lo tak hmel fai vawr leh tawng thlahdah zet ani awm e, lal fanu rawn rim tum a rawn kal an ti tel mauh mai leh nghal a, chuvang chuan lal fanu neih tum a tan ilo lak ve tawhna te hi a thlawn mai ang tih ka hlau hlel love tiin Tatliana hriat thiam miah si loh chuan a mei hmawr ah a Arpa fuih nghal zauh a, Tatliana chu beisei ang ngeiin a ding nghal hluai mai reng a. A khanglang chuan a kan lal Fanu maw a teuh lo mai keimah chauh lo chuan an nei tur ani lo. He khua leh a chheh vel ah hian lal fanu ka neih na min dal thei tu chu tu pawh nirawhse Ring ruh tliak hmawk khawp in ania ka bin dawn ni tih pah chuan Zawlbuk chhuat chu a tum auh tuar tuar thei hial a. Satbilha erawh aruk te a nui var var in a tha sen hah ve ngai hauh lo in Tatliana zar ah parfung a chawi leh mai dawn nia in ngaiin a rilru chuan a nui var var a.
.... Saikapa leh Zingruala ten muangchanga Zawlbuk lam an pan mek lai chuan khaw mipui an mahni lo hmu tuten an en dan hrek hrek ah chuan lal in lama an chetdan leh an khawsa zia chuan khua a al chhuak tawh tih an man thiam nghal mai reng a, a ruka nui sak sak in an thlen in pa Upa Laiphawka'n Zawlbuk thleng thlah atumna an hnial luih tlat chhan chu hun fal an mamawh tlat vang ani reng a, Zawlbuk thleng thlenga Silai lek chhuah a rem loh avang chuan hman hmawh zet a Saikap Silai an thuhrukna lam pana tlan dawr dawr in Silai chu a thup thei ang bera keng lut in khaw lam an pan leh ta thuai a. Khaw hmawr lam in thum na an thleng chiah tih ah chuan an kal pelh mek in chhunga in hrosa thawm avang chuan an kal lai chu ding chawt in, Patling rilru natna thuk tak nei tih hriat reng reng hian Zangkhua zawng ala bungbu ve mawlh ang Kunga Zawlbuk chu han kai tawh mahse mawilo tak khan han che mai lo la kan mi chhiat em hi chutianga i Sa ngei pawh chhuh duh khawpa mi pam ham te chung ah chuan chet kan thawh ve hun ala thleng khawp ang...Pachang ha thial bap bap thawm chuan zui zat in, Zingruala erawh lawm avanga nui var var in he khua hian an lal leh milian te khawsak dan chu an ei vek bik lovin a ruk te a lungawi lo eng emawzat an awm tih man thiam nghal in alo beisei ruk an lam tang tur atana tha dawn hle a hria in Saikapa chu kheuh zeuh in thawm lo chhuahna in lam chu a panpui ta thuai a.
Pu Bukthanga thinrim phun bal bal chu Chhun lama a Sa kah khawnbawl Upa faten an lo hneh chhuh Duhmanga chuan Ka pa a ni em em tawh lo a leh pek a awm leh anih ngat chuan dam in an chhuak bik hauh lo ang Duhmanga hi an nawm an mak a an kai kual rual ka ni tawh biklo tia in sawh tau nghawng nghawng in thinrim luat vang chuan a mittui a tla hial a. A fapa thinrimna tawmpui tih hriat tak chuan Pu Bukthanga chuan ni e, a tul anih leh he khaw anchhedawng hi kan chhuahsan daih anga ti nia tiin a fapa chu alo tawng thlamuan leh lai tak chuan Sumhmun lama ke pen thawm chuan an tawng kallai chu tawp tir chawt in, pawn lam atanga len luh dilna aw ka chu an chhawn ta thuai a.
.... Reitawk fang Val Upa Zingruala'n Pu Bukthanga te chhungkaw hma a thil awmzia a sawi tak ah chuan an vai mai chuan thaw huaiin Pu Bukthanga chuan ka Thiana chu inbe tawng zo bik ani maw Sawiveli lah saw Mipa ang maia engkim a thawh leh khawih vek angai si a, a ruk te hi chuan han tlawh in han pui ve lawp lawp thin mah ila kan lal leh upa te hian an khap bur mai si a, engpawh nise tiin Zingruala rawtna ang chuan henglai hnai leh lal chunga lungawina hmu tawh lo hi khaw zahve ai mah hian kan thahnem zawk awm asin ka theih tawp kalo chhuah ange, Zawlbuk ah erawh fimkhur hle ang che u... Tatliana pui khi tharum ah chuan a chak ber a, Satzuma erawh verther na a khat anih kha vawng reng ula, zan in hian in laka an tlawm anih chuan in thuhnuai thei dawn tih hre tlat ang che u. Saikap a na thei ang bera siam tum tlat ang che nakina in tana mi hnawk thei an nih tih hre reng ang che keipawh leng hawn ar khuan hun awm vel chuan ka rawn tawlh hnai ve ange tin in Silai pawh chhuat awng atanga ban theih mai tur in ka rawn paipawn ang nangnin in hum nghal zawng a fuh lo ang tiiin an in thlah zui ta nghal a.
.... Duhmanga chuan hma hruaiin an khaw chanchin te chu hrilh puat puat in thui pawh an kal hma chuan Duhmanga ang tho a mi chhe chhungkaw zing ami Duhmanga thian te ho um phak in Saikapa te pahnih an hmuh chuan an chanchin an lo hriat sil tawh avang in an ner ru deuh nang nang a. Mahse thui pawh an kal ho hma chuan Saikapa te pahnih mize diktak chu man nghal in Duhmanga pawh chuan zep buai tit tet lo in, Saikapa te lal in lama an khawsak dan leh an ze ngeiawm tak tia khawpum in an sawi chu an hmaikawr vuah mai mai anih dan te sawi tlang vek in inpawh tlang tak chuan titi an vawrh zui ta thuai a. Val Upa tih tak ah Zingruala titi kotlanga dak in hun reilote chhung chuan Duhmanga thiante pawh Zingruala chuan hmin fel der in an khaw boruak chhe lutuk ning tawngkhawng an ni vek bawk a, Siamthat hna leh midik lote chunga phuba lak let ve hun tha an nei dawna in ngaiin an pheikhai a rual ta vah mai le.
.... Vanchawi Zawlbuk an thlen chuan Duhmanga chuan kan hmasa zet anga kan hnung deuh ah in rawn che lut ve mai dawn nia Kan inzui luh zawng in Tlangau hlawh neilo an tam ania, bang te pawh mit leh beng an nei hian ania ka hriat thin ni tia phun bal bal chung chuan hma ahruai ta thuai a. Duhmanga ten mawng an hung fel awrh tih ah chuan Saikapa te pawh Zawlbuk lawi luh rawn dil in an lo beisei lawk reng ani bawk a, lawm der taka lo dawng sawng in Saikapa pawn a mize thar chu rawn pu leh tawh in tu mitmei mah veng hlek lo chuan Zawlbuk a Val upa leh pavalai deuh meilum aia lo thute en kual pah chuan Vanchawi khua hian Khual buan te innei ve thin chawk ang chu maw.. Buan tham abar pawh hi an awm dawn amawni le Zinga an ti vei lar lar a. Tlangval thenkhat hmel leh hawiher ah chuan Saikapa chu vuak hrep a Ui englo barh an chak tih hai rual loh chuan alang nghal mai reng a. Val Upa chuan rum el awl chual Vala lo ngawi tak rawh buan tham kan awm leh awm loh zawng i hre dawn khawp Vanchawi khaw Buan tual ah ding chang zawk an awm ka hre ngai love tiin chang khel khawl chuan a chhang nghal rawt reng a. Saikapa lah chuan kut ben pah in hnehna ka chang anih chuan i farnu ka mutpui ang aw tia nui lui vak vak chung chuan Val Upa dar ah chuan beng taih taih in, a khaih fiam iva dawl lo ve ka fiamthu mai mai nih kha. Khumpui kai pui tur te zawng in lal fanu ka hauh fel diam tawh e tih pah chuan Sir kil thim lai chu chuh daih in alo awm ve te mak tih khawp chuan ngawih a chuh leh daih lawi a.
.... Leng hawn ar a khuan fel meuh chuan Lengi te pawn chelh khawtlai der tur pawh an nei meuh tawh lo. Zawlbuka thil thleng tur hre lawk vek anni bawk a tumah an mawng anghet mawlh loh vang zawk in Zawlbuk chu an lawi kim tha tawh khawp mai. Tlangval te mai an ni lo. Mipa Naupang leh Khawchhung pa ho pawh mahni in lum luah zai rel thei awm hek lo Zawlbuk chhung chu lu hlir hi ani ber a, a inbuan tur tan pawh angaihna a awm hlawl lo an khat hneh ngang aniang Zawlbuk bang pawh hlam hnih ngawt in a zauh belh hial reng a. Inbuan tur te ber pawh mipui kar ah an in melh pha tawk tawk chu ani e. Val Upa Thukpianga chuan angaihna awm love.. Tlangval te u Zawlbuk tual ah khan Meipui han chhep mai teh unnn heti te chuan khaw hawi ngaihna awm nang tiin Pawn lam ah chuan an in sawn chhuak ta thuai a.
.... Saikapa chuan hawi kual vel in khaw mipui eng emaw zat lo pung khawm te chu melh kual den den in kil thim lai a lal leh Upa te lo tawm ru ve reng leh an piah deuh a lalnu tlai lama vawitam a mitmei lo hmuh tawh tu ngei chu va hmu in midang hriat tham si loh chuan an seih zauh a. Vanchawi lalnu hmeltha la naupang zet lawm tawk a tling kher mai.. Val Upa Thukpianga chuan ring leng lawnga khual buan an neih dan tur puang lauh lauh in a nihna tak ah chuan Khual buan pawh a ni meuh tawh lo. Khua leh khua in el na a ang ber tawh zawk a Saikapa pawn chet sual a thiang lo tih hria in a mah hmachhawn tura an thlan chhuah Tlangval panga te chu thlek den den in Tatliana chu buan tham ber leh chetsual theihna anih a hai lo in fimkhur taka beih angai dawn tih aman thiam nghal thuai a.
Val Upa Thukpianga chuan khawnge kan khual val buan chak chu lo chhuak sela atih rual chuan Saikapa chu rang em em a rawn dawk chhuak zawk in a ngei duh tu tan chuan a che zia leh a nui sawng reng chu huatthlala teh e. Suihzuma chuan Saikapa chu ngun taka en vang vang in awlsam te a hneh mai theih chi anilo tih a hre thiam nghal. Mai reng a. Tatliana beng bul ah chuan Thianpa saw pa te reuh sawn i Thang awk lak ruk atum mek chu ani sia ulh bun vek angai ani, lo awl la keiman bul kan tan dawn ami niang thiante tan chuan tiin rilru nei ran chuan Tatliana ngum chu an hiat zauh mai zawng Tatliana thluaka aia Thahrui ngah zawk chu a lum nghal pup mai reng a, e khai thianpa ni love keiman le keima kut ngei tur ani tia phun bul bul chung chuan a kut hrawl pui chu Saikapa reh tum awm tak chuan a phar kak nghal thu thu a.
.... In buan an han tan chiah chu Vanchawi khaw mipui lo pungkhawm te chu haw haw nghal dur dur in an thawm atha kher mai... Saikapa pawn thahrui sen lawk vak na chi anilo tih hria in Tlangval buan chak ve pang ngai pathum lo chhuak te chu a in dawt te te chuan tho leh tur awm lo lek in a vawrh hnang awl awl hlawm a, Vanchawi mipui thawm areh zo ta, Zingruala erawh nasa fe a lo nui huah huah in Ka Thian i thaza zual phuhruk tur pawh i hmu nange, lo thu hah dam tawh mai rawh ka sawi lawk kha an khaw tui tlan a thiang tawk lo deuh aniang tih pah chuan lal leh upa te inthup taka lo thu kun ngal te chu a melh kal vei ralh ralh a.
.... Vanchawi mipui haw haw dur dur thawm ah chuan phurna leh lawmna thar an nei tih hai rual loh in alo lang nghal a, a tha thlah lui a in vawrh tir tu Saikapa chuan nuisanga din chhuah leh pah chuan Uaiii kan khaw buan chak chuan tha hrui alo va ngah ve aw.. Mahse a thawh khatna chauh anih kha aw.... Muang changa pan leh pah chuan Tatliana lam chu pan in tang hle rawh aw ka uang tawh dawn hlek lo ania tiin Tatliana puan ven chu a sawk nghet nghal sauh sauh a. A vawikhatna ah awlsam fe a alo vawrh tawh avang chuan Tatliana chuan Saikapa chu nuih vun vun chung chuan Naupang i nui rei tawh dawn lo ania kha lo inring rawh keimah Tatliana Vanchawi khaw buan chak tih pah chuan Saikapa chu vawrh lawng lawng tum chuan an phih ngheng maia, mahse a hma lawk a awlsam taka a chawi lawp theih kha Saikapa ke leh a dinna lei alo inzawm ta nge ni dawn nia a nghing luai luai ta chauh mai le.. A ngaihna hrelo zet a Tatliana hawi chhuak chu Saikapa chuan lo nuih suk in keimah ve aw tih pah chuan Mipui nui haw haw mup mup lai chawl thup khawp chuan Tatliana chu a chawi kang ta vaw vaw mai le... Vawrh duh si lo, dah thla duh bawk silo chuan a lek kual ta vu vu mai... Muang changa nghah leh pah chuan mitmenga uang hauh lo in, Tatlian nang hi ka mi duh ini lo. Huatna che ka nei hek lo... Bum in awm tawh suh tih sap pah chuan tha tak chuan a nghat leh riai riai a.
.... Saikapa mitmeng leh tawngkam ah chuan Tatliana chu harh zawk in a buan mek chu eng ah mah a hneh lo tih man thiam in Saikapa chu mi chapo leh sual tak niin a hre tlat lo.. A thawh thumna an han tan leh chuan a tu mah mah chu in phawi thei lova rei ngial an in thel thual hnu chuan Saikapa chuan khap khat vel leka chawinkang ek in a sir tluk pui ta thuai a. Englai pawh a a sangawi zawnpui Val Upa Thukpianga chuan Suihzuma hneh mi anilo tih man thiam thuaiin a thianpa beisei ang ngeiin Suihzuma chu chhan nan zan in atan chuan tiin a tawp arawn khar ta thuai a. Chutah chiah chuan ani Tatliana a harh chhuah tak chiah chu amah chu Tawktarh ah hmang in Suihzuma chu a phun loh rah alo lawh kep ngar ngar tih a in hriat chhuah meuh chuan a in seh ruh nasa mai a, mahse lungawilohna tih lan hreh mi anih vang chuan pum nawm loh chhuan lam in Inthiar tur ni awm tak chuan a kal hrang ta thuai a.
.... Saikapa chuan Zingruala chu mitmei nghal zat in Zingruala pawh chu rang taka Tatliana liamna lam a chhuak ve nghal in Tuibur hmuam da awm vel zet an chhuah bo hnu chuan a hran ve ve a rawn lut in Zingruala hmel ah chuan chik taka lo en tan chuan phurna thar a chhiar theih tlat. Saikapa te pawh a ruka inring ru ran chunga mu in Pu Bukthanga pawh zan rei tak thleng Saikapa ten buaina an tawh palh tak thulh ah tiin Zawlbuk thawm hre pha chin a biru khar in buaina awm tak lo ah chuan in lam pan ve thuaiin a tuk zing lam ah khawchhung in tam zawk luh chhuah a, lam tanga siam hna thawk tur chuan pheikhai zang vah in a pen haih haih a.
.... Kawl arawn en meuh chuan Duhmanga leh a thiante pahnih chuan Sawiveli te thlam chu an hnaih tawh hle reng a, an hman hmawh viau loh chuan Saikapa te chet lak dan tur hre lawk bik hek lo hman hmawh taka Lawmsanga te ko tur a an tirh ang chuan an kawh chhuah ve tawp kha ani reng a. Kar lo ah Sawiveli te thlam pawh hmu pha tawh in Lawmsanga Silai mu an tawn mai loh nan thawm an han nei hmasa te te a. Sawiveli te thlam an luh a zan lama thil thleng vel te an sawi chuan Lawmsanga awm ve chak lutuk chu a ner nawng nawng a. An vaia hruai tura an tirh miau avang chuan tuk thuan te bawl thuai thuaiin Sawiveli te pafa erawh thih hreh tak in an hreh thung a mahse thudik hai lang tura thuhretu an nih miau avang chuan kal lo thei an ni silo. Tuk thuan ei kham chuan Hlang te siam thuai thuaiin Sawiveli pa ke leh kut tha tawk lo chuan ati muang lutuk dawn tih an hriat chian avang chuan a hnial hman hma chuan zawn lawp in Duhmanga te thian thum chuan hma an hruai ta vat a. Lawmsanga chuan Sawiveli beng bul ah chuan Thianpa Zingruala chu nangmah hmuh chak in alo phi sek tawh ang chu ka biak bum dawn ania lo insum hle ang che tiin Sawiveli ngaihzawng tia sawi tur pawh la nei lo lai sen tan tan chu a fiam nui seih seih a. Lawmsanga pawh thiante tana chakai khawrh zawng alo huaisen nameuh mai Zingruala tan Sawiveli chu alo hmin fel hman tlat. Sawiveli leh Zingruala pawh in hmel huat lo sa kha an ni ve reng bawk a...
Saikapa te thian dun pawn Pu Bukthanga te in ah Lawmsanga te an awm tawh tih hre mahse alang a pau a chet chhuah na hun ala nilo mai ni lovin fimkhur angaih hun lai tak tih an hriat chian em avang chuan lal fanu chhuan lama hmang in lal in lam ah an tawlh nileng thak thung a. Lalnu khawsa zia chu buaina chawh thawh nan a thaber dawn tih hai hek lo.. Midang hmuh loh lai chuan hnung lam ah Saikapa kutzungpui a nghal viau pawh a dem awm love. Lalnu nui keh sang mai chuan Saikapa kutzungpui thil tih theihna a hril chiang ber awm e... Pu Bukthanga te pafa pawn an tih tur hai hek lo tun ah chuan khaw mipui zahve deuh thaw chu an lam tang ah an siam ti ila, lungawilo ru sa vek beh chhan tur an neih loh avanga tap chhak zawla insawh tau zantin te an ni zawk mah awm e. Rin chhan leh beh chhan tur Saikapa te thian ho an awm tak ah chuan a ruk te chuan an in buatsaih ru tham hlawm a, Saikapa chak zia leh huaisen zia hmu tu leh hretute an ni bawk nen an phur ru viau hlawm tih lanna chu zanriah an kil lai a Paber in an chhungte theuh an zilh malh malh na thawm chuan a hrilh fiah ber awm e.
.... Leng len hun hma deuh si mi tam zawk ten zanriah an kil mek lai chuan Pu Bukthanga pawh a len tumna in pawimawh ber Pu Chungnunga in lam pan in a pen chhuak leh mek tawh a. A mah maia tek chhuak lovin pa rawn kai chin deuh pathum leh Zingruala ten zui bawk in Pu Chungnunga an hnung kum thum kalta leh a hma lam zawnga lal thluak bur ber leh khaw mipui te ngainat rawn Thikna avanga Upa Laiphawka ngeiin Upa anihna ata lal veh thlem kual a lal rorelna tual ata an chawlh tir tak khaw Mipui tam zawk phei chuan lal atana a ruka an duh ngawih ngawih te Sum hmun chu ri thap thap in Patling rual chu muk fe chuan an phun sup sup hlawm a. Rei mawi tawk an thu pawimawh leh hmalak na tur hrang hrang an ruahman hnu chuan Upa Chungnunga pawn lalnu chu hman tangkai a, Sawiveli pa pawh thudik tlangau tir tura ruahmanna siam in khaw pum chhiat rup theihna leh khawpum in nun thar an tanna tur ni thei bawk chu an keuh thlu ta rup mai le. Saikapa leh Lawmsanga pawh rawn inzui lut ve in, Lawmsanga hmel an han hmu chiah chu A pa damlai hmel hmu pha vek an ni bawk a, Pu Chungnunga meuh pawn chhei rawww Zawng fianphel ang hlauh lah ni chuan a ti chhuak ve hial reng a.
.... Zingruala leh Saikapa pawh lal in lam. Pana in chhir chhuak leh tawh in midang zawng te erawh atul hun a che chhuak mai thei tur a inpeih ru at chung chuan mahni inlum ah beng chhi ran chung chuan an khap fak fak hlawm a. Zanriah kil laia lalpa leh lalnu in khak deuh hlak boruak hre lawk map lo chuan Saikapa te thian dun pawh lal in ah chuan an lawi lut nghal thuai a, Upa dangte pawh rawn lawi belh zel in Saikapa chu lalnu hnaih lam ah chuan a in sawn leh ta tharh mai le.. Vanchawi khaw lalpa lungawilo kut man tur awm bawk silo, Saikapa thikna a khat chu a thu tum vuau tawh reng a, lalnu lah Saiakap tawn ah alo luangral tum hrang tawh bawk si insang mar ru teuh chuan awm hlawm in lalpa huat theih tur si han thinrim chhuahpui chiam rem silo chuan Saikapa lah chuan lalnu chu a fiam nui vei har har reng bawk si. Leng hawn ar khuan hma hret chuan lalnu beng bul ah chuan hrilh ru zauh in zan mut reh ah Se huang hnung lam ah kalo nghak ang che tih sap pah chuan lalnu nak ah chuan awmze nei fe chuan a hmer sak zauh a.
.... Zingruala nen lal in an chhuahsan rual rual chuan hman hmawh zet a Pu Bukthanga in lam pan nghal nal nal in an tlan deuh hlawk hlawk a. An beisei ang ngei chuan Tatliana leh a thuih hruai engemawzat lo awm tel in Pu Bukthanga in ah chuan an khat deuh hung a, lalnu kal tlanga buaina chawh chhuah tum an nih dan te sawi dap dap in Saikapa chet lak dan a zir zel a che chhuak ve thei tur leh Zawlbuk lam ah pawh in thup tlat rih tura in fuih sauh sauh in Pu Bukthanga in chu an chhuahsan pheuh pheuh a, Zingruala chuan Lawmsanga chu kheuh zauh in enge kan thlen chin an ti vei su su a. Lawmsanga chuan a hmel leh aw ti ngui deuh raih chung chuan U Zing khua avar lo khawp mai mahse beidawng mai lola hmeichhia leh Uite te chu a chul nel peih peih an tih kha tiin a tawng thlamuan vei ngial a. Zingruala chuan ummm a that chu Thih hlau miah lovin che rep rep ila ni mai lawm.. Nang pawh in i sawi hmin zawh loh chu ka bei nawn lo mai ang dam chakna pawh ka nei ta love ti zuai raih chung chuan inchhung lama a chempui leh Silai la tur chuan a lut nghal nulh a.
... Zingruala leh Lawmsanga inbiak velna hre vek Sawiveli chu a insum thei talo a mipa vawikhat tawn ve na rilru nat luat leh zah luat vanga thih pawh huam a pen chhuah tum Zingruala kawngka kan tur chiah chu U Zing an ti no thawp sat a. Chu aw chuan Zingruala thin so but but chu chhem dai nghal sawng sawng in Ke leh lam khai vu chunga hawi let pah chuan engkim ka hre tawh e, hriat nawn leh pawh ka chak lem lo hlim reng ang che tih pah chuan leh lam hawi arual nghal zat a, Lawmsanga khan a fiam che lo ni tase thudik fiah ngam lo khawpa mi dawih zep i ni nge kei hi ka lo hlauhawm viau... Sumhnun lam ah chuan Zingruala chuan kai chhuak dawr daqr in Hmangaih biah thu Di tinkim an in hlan ta mawlh mawlh a, Zingruala thahnem ngai lutuk in atuk lama palai tirh arawt meuh chuan Leihkapui hnuai lama biru Saikapa te thiandun insum zo talo baw hawk chhuak chu Zawlsang tual zawl nise zawng Zingruala hian a um zankhua peih ngei ang le....
.... Saikapa pawh lal in khartung dim te a a in sawn kal riai riai lai chuan Se huang hnung lam ah awm vang tawh in, Vanchawi khaw lalnu Saikhumi pawh rawn pen chhuak zan zan in in chhung lam chu a melh leh zak zak a, Lawmsanga leh Zingruala chuan an bihruka atanga lo thlir ve reng in Zingruala chuan kan thiana pui hi a kakpui te kha alo kai tak tak mai ang tih pawh ka hlau hlel love kan lalnu pui hi a tituai analh in ala mar tha vei tung si nen apa do lah duhthusam tih sup pah chuan anui kur kur a... Lawmsanga lah chuan awlsam fe chuan lawn mai mai ang hmiang Thil hrehawm leh Sa hluah hluah ni hek lo tia lo nui put put chung chuan lalnu liamna lam chu a thlek du du a.
... Vanchawi khaw lal in chu rawn in hawng leh rawk in lal fanu leh lalpa tho phang tih hriat zet a rawn inzui chhuak an hmuh meuh chuan an thang kam a per ta tih hria in an nui dun vin vin a. Lawmsanga chu hman hmawh taka lal in lama tlan dawk zawk in lal pindan kil thim lai ah chuan atawm nghal thak a. Saikapa chuan beng chhi ran chung chuan Vanchawi lalnu chu a veh thlem kual ta tak tak mai zawng lalnu ei tha tinreng ei leh Pasal te laka duh khawp dawng zo lo, Saikhumi beng bula fakna thu chhak chhuah pah a an thaw kal vel chuan Saikhumi thisen afan hneh ngang ni tur ani. A hmeichhia zawk chuan tlawm leh zah pawh dawn zo lovin uiii Saikapa ka tang zolo tih pah chuan ama puan bih chu a pawt phelh ta phuk mai le... Chu zan thla eng no riai mai belh chhah tu atana siam ni awm a mawi lalnu vun var paw veu mai leh Thla eng chuai lam an han tang kawp meuh zawng Sehuang te chu a lang var deuh pup thei hial nia mawle...
... Hnung lama thawm lo ri rek chu Saikapa mi danglam bik chuan hre nghal thuaiin lalnu ama puan hlih thlak chunga mu phar diai mai leh khutu reng neilo, amah dodalna eng mah nei silo chung ah chuan bawk hniam ruai ruai in Tangkawng sa a ei hman tep tih ah chuan Thinrim aw khur hlawk hlawk chunga a Vanchawi lalpa rawn che phei buan buan chu melh zawk in lalnu chu rang taka kai tho in, a puan chuan atuam nghal sawk sawk a. Lal Vungthluaia thinrim inhrosa thawm ah chuan khaw mipui leh lal in hnaiha cheng Upa ho te rawn tlan khawm in lalnu chu lal Vungthluaia chuan kut thlak mai chu an tum ngawt a mahse lalnu phen tlat tu Saikapa chuan a ngam fa chuan rawn khawih vaih teh u pialral inlawi nghal ani mai tih pah chuan a kiang maia alo dah lawk Iptepui atang chuan Chempui phawrh in a ding kak ta teu mai le...
... Zawlbuk riak tlangval te rawn tlan khawm tuk tuk in Saikapa chu an hual ti tih ta mai a chuti chung pawh chuan Saikapa hmel ah chuan zamna leh hlauhna chhete mah chhiar tur a awm hauh lo meichher de chuah chuah kar ah chuan Val Upa Thukpianga chuan kan uire nu leh a tlangval saw Tatlian va pawt sawm vek rawh tiin a ngai te bawk in Tatliana chu tawktarh ah hman atum leh ta reng a. Tatliana chuan lalnu uire lai tak chu tunge hmu che u i duh leh nangmah khan va pawtsawm vek la ti nia nanga duh duh a tirh kual leh tawktarh atana hman tur ka ni love. Suihzuma i sangawizawnpui i neih kha tih pah chuan a kut a kuang kuah ta daih a. Thukpianga chuan thinrim zeta Tatliana hnaih pah chuan tunge ka nih i hria em ka thu te i hnial khang lan chu le tih pah chuan Tatliana chu kutthlak a tum ngawt pek a athil tih sual lian tak ani ta. Thukpianga chu leng phei dawrh in a hnar atanga Thisen chhuak chu a hup seng meuh lo. Suihzuma lah chuan Tatliana chu mal beih ah a khan lo nasa tih a hriat chian em avang chuan a kiang hnaia a thuih hruai te nen chuan an bawh rawn ta huk mai le... Mipui te tuar tuar kar ah chuan Saikapa leh Tatliana chauh nilovin Zawlbuk riak val rual te chu in ep thup in Suihzuma leh a thiante let phung mai chu lalpa chuan thlir in Tatlian nang hian min phatsan ani. A thi hmasa ber ah i tang ang khur hlawk hlawk chung chuan Tatliana chu a kawk sawk sawk a. Ka pa that a, ka Nutei uire a puhtu nang lal tenawm leh i thurualpui Laiphawka leh Thinawrha te zawk mawle thi tur chu... Chu aw rawn chhuah na lam chu an hawi rual nghal thup a....

[Ngaia]

PASALTHA SAIKAPA 21

. Ka pa that a, ka Nutei uire a puhtu nang lal tenawm leh i thurualpui Laiphawka leh Thinawrha te zawk mawle thi tur chu... Chu aw rawn chhuah na lam chu an hawi rual nghal thup a.... Thim zing atanga rawn pen chhuak mek Tlangval pian tha leh thawl zaih mai a pian en mai pawh a mi vantlang chunglama leng tih hriat reng reng Lawmsanga rawn pen chhuak mei eng ah a hmel an han hmu chiang chiah chu mak tih luat vanga zau zet zet a meng kawk kawk tawk anva tam em.. Patling thenkhat leh Nutling ho chuan Lawmsanga pa riak lo tho leh ah an ngai hial reng a. Chung makti taka meng phawk nasa zing ah chuan lal leh upate mai nilo Thinawrha thim zinga lo ding ngawi ngul pawh abang bik tlat lo.
.... Muang changa pen chhuak zel in Khaw mipui te lam hawi a inher in nu leh pa tam zawk chuan ka hmel in hmuh hian tu fapa nge ka nih tih leh engti tura he khua hi rawn chuang chhuak nge ka nih chu in man thiam maiin ka ring kei hi In Upa Laiphawka te pafa remruatna tenawm tak avanga ral kut tuar ang maia lu chan ta Pasaltha Zuiliana fapa Lawmsanga ka ni ngai e. Ka pa that a, ka Nu leh ka Nutei chunga tenawm la chhuah zel tute zalenna ti tawp tur in Zuiliana fapa hian Vanchawi khua hi ka rawn lawi e. A pa chung leh A nu te chunga thil thleng chu zawi thawp sat chuan asawi nghal dap dap a. Lawmsanga a ngawih fel meuh chuan Vanchawi khaw mipui chu phun mur mur in an in then nghal ta phawk mai le...

.... Nui lui tih hriat taka ring tak a rawn nui chhuak chunga rawn pen chhuak in nang fahrah lu bawk khan ka lal ram chhung ah i dawt phuah chhawp sawi tur leh ka khaw mipui te rilru kawih her tumin i rawn feh chhuak chu ani si amaw a nih i mi puhna zawng zawng te chu atak lo ni tase khawnge a fiahna chu ni ta, Ka khawnbawl Upa te chhungkua dawta i puh chhiatna zawng zawng pawh hi i tan thihna tham ani tih i hria ang chu maw.. Khai le Vanchawi val rual te u kei in lal zahpahna nei lek lo leh in lenna vangkhua a Vawk lal len rawn tum tu he Tlangval hi ka mit hmuh lai ngei hian han dah tha rang teh u tiin a vin nghal tuar tuar a.

.... Lawmsanga pawh inring taka ding kak hah in angam fa chu rawn pen chhuak ula tiin Vanchawi khaw lalpa lam a in hawt buk mek Vanchawi Val rual te chu a hmachhawn nghal siah a. Zawi thawp sata rawn tawng chhuak an awm tlat. A fiahna chu i duh loh a i hnawh chhuak tak leh thudik sawi thei lova i siam tak kei Bilhkunga, Zuiliana thianpa hi thudik sawi tur chuan kala dam ve tawk tawk e tih pah chuan Bilhkunga chu Zingruala rin chhan chung chuan a rawn bai chhuak aih aih a. Bilhkunga tia phun mur mur chung chuan mipui chuan thudik hriat tum in an beng an hawng nghal thup a.

.... Thil thlen dan kim chang Pu Bilhkunga ka atanga an hriat meuh chuan lal lam tang lam a lo awm mi tam zawk chu pakhat zela kiang pheuh pheuh in, a thudik tan luat a lal rorelna tlang atanga an paih thlak tak Khawnbawl min ni thin Pu Chungnunga chu rawn pen chhuak in Vanchawi mipui te u, he lal tenawm tak leh a thurualpui Laiphawka te vanga lal rorelna pawh luah ve an phal tak loh kei Chungnunga hian ka hming meuh chhal in Pu Bilhkunga thil sawi zawng zawng kha thudik tak vek ani e. Nang Midangte thikna leh mahni fate sual na thup ching Laiphawk lo hre rawh ka kut ngei hian i lu ka la ngei ang tiin ha chang thial rep rep in i ngam anih chuan i Chempui nen min han hmachhawn te che a kum thu ah zawng ka aia U mah nila, i nun dan tenawm lutuk avang hian ka zah zo talo che ani e tiin Laiphawka chu a cho ta chher chher mai le... Upa Chungnunga tia mipui ten an la pawm tlat, pa zaidam thinrim ve thei lo khawpa an lo ngaih tawng hmang leh chetdan chuan khaw mipui tam zawk chu a barakhaih in mak ti tak chuan an thlir thup a.

.... Upa Laiphawka erawh thinrim luat vanga sen tawn tawn chung leh a mah chotu Pu Chungnunga melh zuk zuk in a mitmenga mi huaisen mitmeng lo lang erawh a en rei ngam tlat lo, chutia a pa meikhupa tawm zul zul tan chu Pasaltha tia lo in chhal ve ngat Thinawrha insum theihna chuan a daihseng ta biklo ani ange.. Tu nge maw i nih a, Khawnbawl Upa dawt a Puh a, tham lo taka cho tu chu kha keimah Upa Laiphawka fapa Pasaltha Thinawrha kalo kal e, i chem chu lo lek chhuak ta che tih pah chuan Pu Chungnunga nghawnga fik hmawk tum chuan thim zing atang chuan arawn dawk chhuak nghal zawk a. Pasaltha tih tak ah aran pawh arang nangiang mai Pu Chungnunga lu sah chhawk zawk tum a rawn zuangkang zawk in a chempui chu vaichhuak nghal zawk in Mihring taksa in lei a deng ri dawt chuan chhunzawm nghal zat in Mipui ho pawh an lo te dual hman reng a, Muangchanga rawn din ngil pah chuan mahni beih tawk pawh hrelo Pasaltha maw zalo taka nui ri lo chhuahna lam chu hawiin Saikapa mit sen ram chunga ding kak hah leh Thinawrha tlawh leng lawp tu chu hmuhnawm ti tak chuan an thlir dauh dauh a.

Mipa fa i nih ngai chuan min han hmachhawn te che tih pah chuan a chempui phawrh in a kut ah chuan chil a chhak nghal pharh pharh a. Ngawi teh Thianpa kha chu ka chanpual ve thung mawle Ka Pa thlarau pawh a zahawm alawm le rawngbawl sak tu anei lo rei ta Ka Pa chhiah hlawh ni tur in famkhua ka lawi tir dawn khawp tih pah chuan phur leh chak tih hriat tak chuan a rawn pen chhuak nghal theuh theuh mai le.. Saikapa pawn hnial buai loh zawk atha tih hria in Lawmsanga tana hmun ken pah chuan Vanchawi lal Vungthluaia leh Midang zawng hriat phak ngei tura ring leng lawng chuan tumah lo in rawlh hlek suh u. Phakar chhuah a chetlak tum in awm anih chuan Saikapa Chem in hmachhawn nghal ang tiin ama hming chhal meuh chuan tawng a cheh chhuak ve ta chher chher mai le... Saikapa mit meng thip rem rawm leh a hmel lah nuisang bawk si chuan Vanchawi khaw mipui chu a tham deuh sung sung thei hial a.

.... Vanchawi lal Vungthluaia chu hawi kual hruk hruk in a lam tang awm mi a melh kual ngial pawn a khaw mipui Hmun thum a then a hmun khat awm vel chauh lo chu a lam tang leh nang chauh hi kan lal chu ini ti melh a lo melh let tu a hmu ta tlat lo. Chung te avanga thinrim insehruh ngawt ngawt in ka chawm ka hrai ka enkawl ho hian ka phatsan e min ti khang lang amaw ti rilru nuap nuap chung chuan Upa Laiphawka Silai hum chu a ban ru du du a...
.... Pa chang thinrim in hrosa thawm kar ah chuan Thir chang tak in khak tek sawk sawk chu atham ana ani ange, hmeichhe awm nem zawk te phei chuan an mit an hup chawn chawn hlawm a, Lawmsanga chuan Thinawrha hah thaw hluam hluam leh a taksa hmun hrang hranga chem hnu hma kak neng nung kara Thisen thar lam zet rawn put chhuak chu melh kal chunga nui suk suk chung chuan... E khai kan Pasaltha chu i mit a chiang talo nge ka hlim thla i vai thawi fua fua reng mai le tia nui sang chung chuan Thinawrha Sah fuh hman loh khawpa rang chuan rang taka hnaih thut in a taksa nem lai ah chuan a tai thler sak leh zauh thin a.
.... A tum fuh thei silo, tlawm la tawh bawk si Thinawrha hmel chu a rap thlak in thinrim luat vang chuan a tap lo chauh hi ani ber tawh a. Hah men deuh tuau leh hnap tawlh deuh pur chung chuan na zet zet chuan Lawmsanga din na hlui ah chiah chuan vai fua fua in, Thinawrha te ang kum upa tawh lam leh tuanfum tawh tuan ran na in a tlansan mek tan chuan Lawmswnga Pasaltha Tuaitir te chak vanglai chho mek han sah fuh thaih thaih mai zawng Arsi lak tum ang vel ani tlat tawh. Saikapa chuan Thianpa atawp khar ahun viau e lo ti sup in, Lawmsanga pawh nui sak in ni ang hmiang mawle kha keimah Pasaltha Zuiliana fapa Lawmsanga ka ni ngai e, Pasaltha lo in veng uluk hle rawh kei ve thung aw tih pah chuan Thinawrha chu a chempui lian tha hlep hlawp leh an khaw thir deng in duhsak taka alo chhersak ngei mai chu vilik chung chuan a nawr phei tak tak mai zawng Lawmsanga a in thiar fihlim meuh chuan Thinawrha mit leh lam keh chhe vek leh a kaihza tha leh lam leh lam chhah sak tawh thingthi hnawk chu Lawmsanga chuan melh vang vang in Nunna pasarih nei la kava ti em... Ka Pa phuba ka lakna ah hian ka thisen em pawh ka la seng ve hlei nem a ti zui chhek chhek a. Thinawrha hliam tuar zozai chu dampui chi ni mawlh tawh hek lo le Zingruala chuan Ka Nau Pasaltha hliampui tuar in an dah reng ngai love tia a tawp thlen tur a lo fuih zauh in Lawmsanga pawn buk nghat pah chuan a Chem chu vai vir pawp in Thinawrha lu chu a taksa atang chuan a lir hrang nghal hlawl a...

.... Saikapa chu rang lutuka dawk chhuak zawk in Chumi pah a a chempui chu thlawh chhuak nghal vawk in Lawmsanga chu a zuan thal nghal thuai bawk a. Thinrim eng phiara rawn ding chhuak dun zawk in Saikapa chempui thlawk chhuak in Lawmsanga kah thal thuai tum tu Vanchawi lal Malpui tai kak duai leh a tum thelh tu lal Vungthluaia nati tlu nghal hnawk chu melh ding ngar in, lalpa Ka sawi lawk tawh kha Saikapa chempui hi Thisena bual tir kher i tum em ni... U Zingrual kha kan Khawnbawl Upa Vungthluaia put ru tur kha lo ngaihven teh lal chapo leh nunrawng Mi rethei leh chanhaite ei ai pawh laksak duh lal ve meuh si Khawnbawl Upa pakhat thu hnuaia kun mi hi zirtirna kan pe hlak ange tih pah chuan lal Vungthluaia chu a pan hnai nghal chher chher a...

.... Vanchawi lal Vungthluaia mitmeng tlan chhia chu tun hai hek lo le... A lam a tang mi tlem te chuan rawn din hual ve taih mahse Saipui kallai Uitang rual in an bauh ding zing tlat lo... Saikapa chempui chu a vir kual nghal zawk zawk a.. In nun kha inla hlut anih chuan ka kawng lo dal hlek suh u tih pah chuan Tlangval panga ngawt mai mitkhap kar lek chhunga a Chempui leng vak tawnga in dawm kun ngawih ngawih te chu rum taka melh in a leh pek ah chuan in nunna atana a pawi lai ah ania ka Sah tawh dawn ni a ti hul zui hak a. Suihzuma leh Thukpianga inthuruala rawn chet chhuah tum te erawh Tatliana leh Zingruala chuan lo phih vir nawk in Vanchawi Mi chhe veng ti a diriam taka an lo nuih thin val rual thinrim tha za rual chuan rawn chim huk in an in thelh fel meuh chuan Suihzuma leh Thukpianga chu nunna nei tawh lo tih hriat tak chuan an thi meng kur a.

.... Saikapa chuan lal Vungthluaia hlau aw sai dat dat chu tham kang nawlh in i khaw mipui te hnen ah hian thudik tak i sawi dawn nge keiman ka sawi luih tir dawn che fiak thek thawk chuan a ti zui zat a...ummm ka sawi ang ka nun erawh khawkhat lal ka nih ang in min zuah hram ka dil e. Engtik lai mah a lal huaisen ni ngailo a nihna zia rawn lang in Upa Laiphawka chuan a thu ruk zawng zawng phawrh mual pho a awm tur leh mite hmuhsit leh diriam tuar chunga thihna hmachhawn ai chuan tiin lal Vungthluaia luruh keh vek khawpa vuak tum chuan a bula Thingfak lian tha tel tawl chuan a rawn vai chhuak nghal pawp maia... Saikapa mitsir chuan lo hmu hman in lalpa lu phen in a ban chu alo dawh ta ngawt a, Saikapa mi tuar chhel danglam bik ban pawh a uai hnawp reng a, a ruh em zawng a tliak lo hlauh thung... Midang an hawi chhuah fel meuh chuan Lawmsanga chuan Upa Laiphawka lu bung chu alo khai fel hman leh at tawh a, An khual val te chet dan rang lutuk leh kut thlak na lutuk te an hmuh belh zel na chuan Vanchawi khaw mipui chu a hneh in an rap lek lek thei hial zawk a. Vungthluaia pawn thudik tak puang in a nun chu zuah hram tur chuan angen lawm lawm a.

.... Saikapa chuan U Zing tiin Zingruala kut ah chuan a hlan ta ngawt a, Zingruala chuan lal Vungthluaia chu pan in a tha e.. Khaw khat lal i nihna ang in i nun kan zuah ang mahse lal inih zel dawn leh dawn loh chu khaw mipui te kut ah awm teh se keini chuan kan duh kan hmu tawh e... Vanchawi mipui te u, in lenna vangkhua ah thisen tam tak kan rawn luantir avang hian ngaihdam kan ngaihna lai ah khawngaih in min ngaidam dawn nia keini zawng khua lo varse kan khaw lam kan pan mai aniang chu tiin Saikapa leh Lawmsanga lam chu pan in mipui chuan an thlir thup a.
... Sawiveli te pafa nen an thlen in lam pan tuma Mipui an pel hman awrh tih ah chuan lalnu leh lal fanu te thawt ri chuan an kallai chu ti ding chawih in khawngaih in zah ngai hram rawh u...lal Vungthluaia chil hlum tumtu te chu lalnu leh lal fanu chuan lalpa din hliah in khawngaih an dil nghal lawm lawm a, Saikapa te pathum chu inthurual ang hrim chuan dawk chhuak nghal zawk in Mipuiin an chil hnan dawn lai tak chuan lalnu te hma zawna ding kual nghal thap in Saikapa chuan lal fanu tawlh kiang hret la.. I pa te kha lo tawlh pui bawk teh kan Chhawn in ahem hlauh dah ang che u, a hma zana tlangval zak thei lo leh mize tenawm tak tawngkam leh chezia kha ani ta hauh lo. Lal fanu chuan mak ti zet a Saikapa te ho melh kual zak zak chung chuan an thu chu azawm ta thuai a.

.... Kiang rawh u chuti anih loh chuan an rual khan in thi ve ngei ang tia Tlangval ho au nuaih nuaih thawm chuan Saikapa te thian thum tawte pawh atisai pha tlat lo. Zingruala chuan a nun zuah turin min ngen a, ka hmuh lai hian tuman in khawih ka remti lo angam fa chuan he ka thisen far hi rawn rap pel ta ula tih pah chuan a kut chu zai thi hrawk in a thisen chuan a far kual ta pap pap a. An hmazawna Pasaltha dingte chu bawh chilh mai ngam awm tawh hek lo le..an in hawr khawm tup tup ringawt a, chutih lai chuan Pu Chungnunga chu muang changa rawn pen chhuak in thu arawn zap dai ta thuai a, Pu Chungnunga chuan naktuk ah khua varse kan lal tur pawh thlan fel nghal tha kan ti em tia mipui lam zawhna a pek chu chhangtu an awm tawh dawnlo maw tih hnu chuan Putar pakhat chu muang changa rawn pen chhuak in, Chungnung nang lo he khua ah hian lal nitlak leh phu an awm love, tin Tlangval te u kan lal nithin lal Vungthluaia pawh reitak min lo awp khawm tawh thin na ah tihsual anei ve ani mai a, an nun erawh zuah in an rohlu leh thuam te nen he khua hi an chhuahsan i remti ang u tia rawtna asiam chu an pawm tlang ta thup a.
... Saikapa te thian thum chuan lal Vungthluaia te chu insiam pui mawp mawp in an bawr hle reng a, lal fanu pawh zah avanga kun chal chung chuan a in phur bawr kher mai... Mipui lo ding thup lai tak ah chuan Saikapa chu ding in Vanchawi khaw mipui te u...lal Vungthluaia te rosum it a rawn umzui in awm hlauh ange, kei leh ka thiante hian an tum ram thleng kan dah dawn a, tisual lui talh in awm ani emaw kan hawn san hnu a an chunga chet thawh lui talh in awm anih chuan kan lo kir leh ang tih pah chuan lalnu leh lal fau chu kaiin hma a hruaipui ta thuai a, hnung lam hawi map tawh lo chuan Vanchawi khaw hmawr lam a an thlen in a, Sawiveli te pafa awmna lam pan chuan an inzui hnak hnak a, reitak nuam tin chen a lal alo hrawt thinna khua ngei ka Khua tia alo chhal thin Vanchawi khua chu duham leh pam ham luat vang leh Upa pakhat mai bumkawia a awm na rah seng in kir leh tawh ngai lo tur chuan lal Vungthluaia leh a chhungte chu an pen chhat chhat a...


(THEN KHATNA ALO ZO TA)


MAFAKA KHIANGTE...

NGAIHDAMNA HI HMANRAW HRIAM BER ANI FO NIA...

[Ngaia]

PASALTHA SAIKAPA (THEN HNIHNA) 1


..... Zawlsang khua pawn khaw thar an bawh atanga kum sarihna an hman leh meuh chuan khaw thar an bawh chhan ang ngei chuan pem thar leh lal Sut vuan ta nawk nawk te, hmeithai leh pachhia ten an zuan nasa zual in khaw then awm ram te lah in an chung en loh theih loh na lian tak mai awm chu Khual kai pha ngat Pasaltha Pahnih Thisena inzawmna aia thuk zawk mah Thian in hmangaihna in a phuar tlat Saikapa leh Lawmsanga ten Hring chan khawvel an la luah ve miau alawm le. Chumai ani nem le an tha chhang dawl tur in Zawlsang val rual Huaisen leh Tlawm ngaih kawng a in el tlat in er na tel hauh si lova lai tual an leng suau suau mai te, Lengi bahsam nuiri kar a Chhemdam thli lo thaw heuh heuh leh lal inpuisanga Zu bel in nghat ri dup dup mai leh lal ropui Ngurliana kum upa ve tawh lam ni mahse Thluak fim tulh tulh mai si leh a Tar lam fa duat Rawlthar tan tir ve ek ek Ngurchhunga apa ang maia tharum lam aia Thluak hmang thiam zet mai Tapchhak zawl a thu thiang rual mai leh Khawnbawl Upa rual lungfing chin an han thu kual pup mai te chuan Zawlsang khaw ropuina ati chiang in Favang ni tla tur kawl kil a sen deuh phut mai te chuan Pasaltha thinlung kai tho in Khawnbawl Upa ho lukai deuh tawh te chuan vanglai chanchin sawiin an hnuk a ulh teuh hlawm reng a, Upa Duhkima erawh zan lama Lawmsanga lawmnu te in a, Palai hna thawk tur tih tak ah a hmel ahlim deuh surh thung a.
.... Lawmsanga fapa ang maia alo en leh Saikapa thianpa ber lo ni bawk tan a Palai hna thawk tur chuan a phur hle reng a, tin Lawmsanga lah Zawlsang khua ah ngo ngo chuan Tlangval to ber te zing ami leh Pasaltha khual kai ngat alo ni nen harsatna awm lo tur a ngaih anisa hrim hrim bawk nen, chutih rual chuan Pu Duhkima nghah hlelh leh vawitam alo tur fo tawh Saikapa lah chuan a khai Ka pa fa mo tur ah an hman hmawh ngai love Tlangval hi nuam kala ti zawk e ati then zel mai si nen an pafa hian an in tur sek chu ani ber tawh a, a chang phei chuan nangpui hi I Pa theilo te hi a ni lo maw tia in hauh fiam chang pawh an nei fo reng a, a awm tho mai tun thleng hian Saikapa hian Lawmnu ti a sawi tur mumal nei miau hek lo le...
Saikapa pawh a dan pang ngai te in a tuk lama Naupang ho Sava veh pui pah a Chakai khawrh pui tum in Saihlum a hrual leh hluau hluau tawh a, a kiang hnaih ah chuan Mipa Naupang rual khat hi thu kual pap in a tuk lama an ngaihsan em em Pasaltha Saikapa ho ngat a an luikal tur vel chu an seprawtui nasa ngiang mai. Chutia Naupang ho nen a an titi khawm laih laih lai chuan Lawmsanga chu hman hmawh leh hlau thawng tih hriat tak mahse in thup tum tak si a rawn tlan hlawk hlawk in Saikapa pawh chuan a thianpa hmel ah chuan thil diklo in phum chu alo hmuh hmaih lo nasa mai, engthil nge nita ti a lo chhawn thuaiin Lawmsanga chuan Saikap ka Pa Tukmawia te lo lam ah Silai in rawn thawm a awm an ti tlat mai.. Pi Khuhpiangi te nufa phei chuan Pasaltha Tukmawia chuan beih rawn atawk ni awm tak ani mahse eng em atilo ang chu an ti a, tiin thu chu a khuh viau tak nang a, Saikapa thinlung ah chuan na zet leh chiang zet a aw rawn ri chuan Mihrang val chuan mual aliam ta.. Saikap hman hmawh rawh u, in hman hmawh loh chuan a lu in chan mai ang...
.... Saikapa chu ding chhuak nghal zawk in in chhung lam ah chuan tlan lut in thil awmzia chu a U Khuangruala bul ah chuan hrilh mawlh mawlh in lal in lam a thu lo han thlen tura chah in Lawmsanga nen chuan a kawh hian an kawh chhuak ani hrim a, Saikapa chuan Thianpa A Lu tal kan chuh hman tur ani. Lawmsanga chuan Saikapa tawngkam ah chuan mibik anihna arawn lang leh tawh in Pasaltha Tukmawia chu chhan tlak a awm tawh lo tih man thiam ve nghal in khaw dai an pel chiah phei chu Sa hliam um ang maia chak chuan an duk nghal pawr pawr a, kar lo ah Pasaltha Tukmawia ta Lo pawh thleng nghal ruak in an lo Chhip lama aj vau te hlau thlabar lo tawm khawm thap chu hmu in an kawh na lam hawi chuan an lim thla nghal zawk zawk a.
.... Saikapa chuan Pasaltha Tukmawia lu chu chan tak ngial dawna in hriatna nei thar leh in ring leng lawnga au chhuak in Ka Pa Mawi lo tang hram hram rawh.. I fapa Saikapa leh Lawmsanga te kan lo kal e tih pah chuan Silai chu van hawi zawng chuan a hmet puak nghal thuai a. Tlan pah chung zel a Silai mu sawh zawt zawt in a beng chak zet mai chuan mihring tlan chhe thawm chu hre nghal in chulam pan chuan a dawk thla nghal puat puat a. Lawmsanga pawh Saikapa thlawp zat a tlan ve zel in an hma zawn lungpui nghenga mihring thu awn diai mai an hmuh rual chuan ding dun chawih in, Lawmsanga chuan Saikapa chu pel in Ka pa Mawi tih pah chuan sawi harh tum in Pasaltha Tukmawia dar ah chuan sawiin a ko nghal mawlh mawlh a.
.... Saikapa pawh rang taka in ngaih tuah harh vat in, Lawmsanga kiang ah chuan thu hnai thuaiin Pasaltha Tukmawia mar chu a zawng kual nghal that that a. Beidawng tih hriat taka an thian dun a in melh he haw chung chuan Tukmawia chu an ko awl lo a. An beidawn tawp lam ah chuan Pasaltha Tukmawia chu muang changa rawn meng chhuak in mitmeng fiah fai zet a Saikapa leh Lawmsanga te rawn melh tawn chung chuan a nui lui sak a.
.... A taksa hmun thum laia Silai mu lut avang chuan mihring pang ngai tan dam chhuah leh na chi zia zang ani tlat lo.. Pasaltha Tukmawia chuan kut khur dar dar chunga a hma zawna thingthi mek Pasaltha pahnih te kut chu vawn sak in, min han tung teh u. Kan hmelchhe ho kha khawnge an awm tak i han ching phil law law teh ang tih pah chuan Saikapa te thian dun en chuan a nui lui sak a. Saikapa leh Lawmsanga chuan Sawitur reng an nei tawh lo. Pasaltha Tukmawia bawk chuan ka fapa te u, khatin in ngaihtuah hah mah ta che u, ka dam rei tawk tawh alawm.. Saw U Rumliana pawn min rawn hui mek e. Ka kalsan tawh ang che u. Hei erawh ka ngen a che u, khawi khaw tlangval nge an nih ka hre hauh lo, mahse ka thisen Phuba erawh in kut ah ka dah e. Ka thlarau thlah mek lai a ka kianga awm tura ka duh ber pahnih te kalo nghak thleng thei che u hi ka lawm ani. Khai le min han tung ula, kan piah muala saw ka sakhi kah tluk pawh ala let ngat e.. Khawnge vawikhat chauh tal tiin Saikapa leh Lawmsanga chuan a zak ah ve ve dawm sak in Pasaltha Tukmawia chuan Sakhi hlado chu aw chau tak chungs chham vang vang in Silai chu van lam hawis lek chhuah tum in tan an la tauh tauh a, mahse a taksa chakna in a tlin ngang lo rang taka puiin Silai cheng hmet per tur pawha chakna nei tawh lo Pasaltha Tukmawia chuan a fapa ang maia alo en thin te puih na in chulai ruam khawk rum rum khawpa Silai chu hmet puak dur in a va nep theih ve ti sap chung chuan hmel hlim tak chuan a Sakhi kah tluk lam chu a thlir ta reng a. Saikapa leh Lawmsanga erawh bianga mittui luang ngiai ngiai chung chuan Pasaltha Tukmawia chu an dinna lei dai ah chuan zalh riai riai in ngawi renga mahni hawi lam ve ve thlir in an biang ah chuan dan rual loh in Mittui a luang chhuak zung zung a.
.... Pasaltha Tukmawia Ruang kianga thu kun ngal chung chuan Ka pa Mawi thlamuang tak in chawl mawlh rawh i fapa te kan la dam ve tek tek chhung chuan i nunna chhat tu te hi thlamuang in an leng ngai lo ang kan Thisen pawh hi kang ral vek dawn in, kawlkil hi vawitam hel ngai pawh nise kan zawng zel ang... I chempui ngei hian ani bung tam tak a kan chhuah dawn ni tia chhia chham dap dap chung chuan kawng eng kima lo kai hruai a, Pasaltha nihna ropui din hmuna hlangkai tu Pasaltha Tukmawia ruang chu zah taka melh dun tlawk tlawk in, anihna tak ah chuan Pasaltha Tukmawia nun chhat tute chu umzui nghal mai an duh mahse Pasaltha tuaitir ngaihtuahna fim hmang hman lo khawp an ni lo tlat. Pasaltha Tukmawia hun hnuhnung an tel lova liam mai a tan chuan an phal mawlh lo.
..... Khawchhung val rual rawn thleng hmasa apiang mai chuan ngawi renga an Khaw dai ngul te pahnih in an pasaltha chhuanvawr leh rinkai ruang an lo thut chilh ran leh Pasaltha Tukmawia ruang chunga Silai leh Chempui an dah thiang rial chu melh tlawk tlawk in tawng zai chhat thei reng an awm lo. Pasaltha nunmawi leh entawn tlak zaidam leh luhlul ru tak si, dikna humhim nan a penkhat pawh tawlh ngailo, hmelma ngen mu tuar a, pialleia dai a a zal mai chu hriat thiam harsa an tiin thut na chang pawh hrelo chuan an ding ngawi thup ringawt a.
.... Pasaltha thihna chuan khawchhung a fan hneh ngiang tih lanna chu Khawnbawl Upa pahnih ngawt maiin Tlangval te ding thuap mai rawn keu phei sat sat a, Pasaltha Tukmawia ruang kianga an thing thi rawp a awrawl tawp a an au chhuah rawih rawih dan ah chuan alang chiang kher mai. Upa Min a kum lam in a delh hneh tawh em vang a aw sai hlak hlak tawh Upa Vunga tawng zai rawn chhep chhuak chuan a hril chiang kher mai.. Zawlsang ropuina Tukmawi ti mai hian maw i venhim i khua leh tui te min liam san dawn le.. Pasaltha tho la chengrang chawiin hmelma te lam hawiin i ngen mu surtir leh ta che Tukmawi kei khawnbawl Upa min hian thu ka pe a che, i remtihna tello chuan Zawlsang hi ka chhuahsan ngai lo tiin min tiam ani lawm ni... Patling leh Tlangval chak tha asawi theih talo. Biang ah luaithli nul in aw rawl em chhuah tawh lo mahse Pasaltha Tukmawia thihna chuan a fan hneh tlang in, pawmzam mai harsa an tih zia a lang chiang kher mai.
.... Upa Vunga bawk chu rawn tawng chhuak leh in Saikap, Lawmsang, Pasaltha Tukmawia nunna chhat tu Lu hi ka duh, min pe tur ani. In thei lo anih chuan keimah ka kal ang... Chutiang khawpa Upa Vunga rilruna leh thinrim chu tuman an la hmu ngai lo. Saikapa leh Lawmsanga ngawi renga ding chhuak a, Upa Vunga chhan tum a ka an an dawn lai tak chuan Ka Pasaltha ka khaw dai ngul nun chhat tu khua chu tu khua pawh ni rawh se hal darh vek tur in thu ka pe a che u. Tukmawi i lalpa kalo thleng e, tho la ding ta che i ngainat em em lalnu Tuibur pawh ka rawn ken che asin tiin lal Ngurliana chu a tap chhuak ta rawih rawih mai le... Upa Vunga chuan ring leng lawng in Zawlsang val rual te u... In lalpa leh a khawnbawl te mittui tla hruk hul nan hian Pasaltha Tukmawia that tu Lu lo chu thil dang a awm love, tunge Mi tenawm lu chu min pe thei dawn le... Chulai ruam khawk ruih ruih khawp chuan Keimahhhh tih thawm chuan rawn chhawn nghal in Pasaltha Thisen chuan Zawlsang val rual Thisen lum a kai chhuak in Thihna, Thihna, tiin an au rual dual dual a.
... Zah taka Pasaltha chawimawina famkim nen a thlah liam in a kalsan tak a chhungte phei chu Lal Ngurliana chuan Fathang a awl tir mai ni lovin lal buhzem ring chawt tura hrilh mawlh mawlh in Pasaltha Tukmawia sunna hun pawh khawpum mai chuan Ni thum lai mai an hmang hial a. He mi hun chhung zawng hian Saikapa leh Lawmsanga hian chaw lem khat pawh lem eih lovin Zawlbuk tual ah ngawi renga thu in chhin khat pawh an chhing eih lo. A tuk li tuk ah erawh in thing harh in Puar el euh a tuk thuan eiin Pasaltha pahnih te chuan an phuba lak bul tanna atan ram hnuai lam ah ngawrh zawk a ralbeih dan zir tur chuan an in pu chhuak zui hnak hnak a, Zawlsang khaw ram lui kam a riah buk sual in tawng zai chhat hauh lo va an duh tawk a, nun chan an han zir dun tak tak mai zawng thinrimna thuk tak nen a che chhuak an ni bawk a, an chet na hnuhma phei chu hringmi hnu hma ni awm a mawi pawh nilo chuan a pet hian a pe veng vung mai a, an chakna thahrui lah pek belh in an awm ta maw tih mai tur chuan an tha tawpa Chempui an han vai chhuak tak tak chu eng ram hrui leh thing tuai satliah phei chu a zung chawp te chuan an phawi vawk vawk ani ber a, a tuk hnihna an tan leh meuh chuan Zawlsang val rual ten an Pasaltha pahnih te chin an lo hre ta ani chek ang chu, a hu ho leh a mal te a rawn pun belh zel in Pasaltha Tukmawia phuba la tur chuan Zukbual mual ah chuan chet an han thawh tak tak mai zawng khaw te lo tiat zet tur ani hial ang chu an vat eng dei duai mai reng a, tumah infuih leh chuang ngai lovin an thinlunga Phuba lak duh tak tak nen khawlam pan in an kir leh ta sung sung a.
.... Pasaltha Tukmawia Silai leh Chempui chu lal mual ah chuan Mau Dap Uluk taka tah ah chuan langsar taka tar in chumi hma ah chuan Zawlsang val rual te chu ding thup chung chuan an lal thu chhuak ngai chang chuan an beng hawng thup tawh a. Lal Ngurliana leh Khawnbawl Upa ho te muang changa rawn ding chhuak in Pasaltha Tukmawia sunna hun tawite hmang leh te te in, zan lama an lo ruahman lawk tawh ang in Zawlsang val rual te chu Pasaltha Tukmawia that tute hnu chhui tur leh misual te chung ah an tuhrah seng tir tur a pen chhuak tur in an in peih ta thup mai le... Tuman reng khaw lam a lo awl duh awm bik hek suh. Chutiang anih avang chuan Zawlbuk lam ah in thlit fimna nei tawp in Zawlsang Val rual Za chuang daih chu Pasaltha Thisen a thlawna luan tir tum hauh lo chuan an thuam famkim leh lal leh upa te thu chah ti hlawh tling tur in kawt chhuah lam an pan ta sup sup a. Nu leh Pa leh Nula lam te pawn an fate leh an lawmpa te thlah liam zel in, mitin mai thinlung ah chuan Pasaltha Tukmawia thihna chuan huaisenna thar pe in an hmangaihte an thlah liamna thu deh kilh pawh a nem lo kher mai. Ka fapa hlau a tlan chhe tur in ka hring lo che kal ta la, Pasaltha Tukmawia Phuba lak nan a ilo fam ta a nih pawn I Nu leh Pa hi in chhuang tak in famkhua kan lawi ngei ang. Nula lam pawn an Lawmpa te kiang ah zawi thawp sat in Rallu khai hawng lo a ilo kir anih chuan kan kar atawp tih hrilh nawn i ngai love,kal ta la kawt chhuah ah Lengi lu khai chhawk tur che in kalo hmuak nang che tiin an han thlah meuh zawng Zawlsang val rual thinlunga huaisenna chu chawk tho nawn leh in a chik hian an chik nghur nghur ani ber tawh a, Saikapa leh Lawmsanga chu ding dun in van lam hawi chuan an Silai chu amu tel lo chuan kap puak dur dur in Pasaltha Tukmawia that tute hnu chhui tur chuan ding tak leh hawi kir map lo chuan an liam nghal nguah nguah a.
..... Lurhpui khaw lal Chungliana chuan nuisung chung chunga a Pasaltha rual khat Zawlsang khaw chin thli thlai tura a tirh chhuah te thu ken hawng chu ngai thla in, Pasaltha Chhuahluia lam chu hawiin, Chu Chhuaha Pasaltha Tukmawia chu famkhua a lawi ngei ang maw i chiang chiah maw tiin an zawt nawn leh kher a. Chhuahluia chuan lalpa ka chiang e, ka ngenmu chauh pawh kha dam khaw chhuah pui atan chuan bu a khuarna kha a ril mah mah ngei ang chumai ani nem ka nau te pahnih in Tukmawia Taksa ah ngen mu an chhilh leh kher nen hring mi ta fam chuan a tuar zo bik hian ka ring lo. A Lu lak ngei tuma ke kan chheh lai tak in Zawlsang val rual ten min rawn nang ching dawn ta si a, hlauh vang ni hauh lo in a ruk arala che chhuak kan nih avang in kan rawn tawlh ta mai ani e. Chhuahluia ngen mu dawng dam chhuak an awm ngai ami tiin lal Chungliana chu a chhang hul hak a.
.... Chutianga a khaw dai ngul a pasaltha rinrawl Chhuahluia lungawi vak lo aw ki chu lal Chungliana chuan rang taka man thiam nghal in Tlangaupa ka thla Thum zu kha han chawi hnai teh khawnge keimah ngei hian ka Pasaltha teh dang kan ti hnawng teh ang... Chu Chhuaha Zawlsang chu Arpui no hruai a pui laksak ang hlauh an ni dawn anih chu an Pasaltha chhuanvawr te Saikapa leh Lawmsanga an ti amawni te kha chu Tukmawia zar a Par ve mai mai an ni tih hai rual ani lova, i tan khin tham ah ka ruat lo in mit ti mim tham ah ka dah lo ngawt chu ania, han hah dam ula, kan chhak tlanga Khawlian ber ti a an chhal Zawlsang chu kan chingphil mai tur lah ni mit han ti mim tham an la awm emmm tiin Chhuahluia chu tlawn deuh hurh chung chuan a no ken lai chu a hlan nghal zat a, Upa Bawnga lo in rawlh vat in, Kan Pasaltha Chhuahluia te meuh han khing pha tur chu khi van chung sang in a khuh phak zing ah khian an awm hian keizawng ka ring hlei nem Khumi pa tiin a buala Upa min Piangduma chu a vei thlek nghal hu a.
.... Khawnbawl Upa Min Piangduma erawh angaihdan adang daih thung, Zawlsang khaw val rual chan chin hi a rorelpuite hriat ve loh tam tak hriat anei tlat. Inbeihna mual ah Pasaltha Tukmawia leh Rumliana te an awl rei tawh zia leh Zawlsang val rual te chu Mi Pathum hen thawlh vek an nih dan te a kut phah tluk in a hre chiang tlat. Chu mi avanga tun an rorel ah pawh ngawih chuh kha ani reng a, anih pawh ni fahmiang keizawng ka tuk chhuak a fuh lo nge ni ka pum lam hi a kal kual ruih ruih reng mai a tiin chhuanlam siam in lal in chu a chhuahsan ta daih a. A hawn kawng ah chuan zantam a rilru lo ti buai tu leh mut mawh hnar mawh a a neih thutlukna chu a siam ta rup mai le... Chu zan zanlai taka a vua leh vang chhung leh khat te pem chhuahpui ngei chu a tih mak mawh ah ngaiin a ma nun chhan nan nilo. A hmangaihte nun chhan nan leh an lal duham luat ah a nun in tawrh tir mai atum miau loh a vang chuan ruahmanna khirh leh lian tak chu a siam ta rup a, an tum ang hian awm thei tak ang mawle...
..... Zanlai Ar khuan thliai thliai hnu lawk chuan Upa Piangduma vua leh vang zawng te chu pakhat zel a chhuak pheuh pheuh in Puitling chin deuh phei chuan an Se huang ami a theih ang a, kai tel zel in Khaw kawt chhuah ah pawh in nghak khawm ngam lo chuan khaw kawt chhuah atanga tuibur hmuam da kal awm vel ah chuan in nghak khawm in an vaia an kim meuh chuan Mi sawmnga dawn lai Naupang nen chuan an ni hawlh reng a, muang channa hman leh hun a awm lo tih hria in meichher chhi kai thuaiin an thenawm ram Kulhpui khaw ram lama in vawm luh rawih tum chuan kal an siam nghal sang sang a, an ran kaih te pawn hman hmawh angai tih an hre thiam ve ani teh chek ang chu tur ngai hauh lo chuan meichher eng ah chuan an kal su tlut tlut a. Upa Piangduma leh a fapa te pathum te erawh hnuhma dang siam in thui fe chu an in then darh rih phawt a, chumi hnu ah khan rem chang laia her kawiin midang fin tur chuan kal an rem leh ta thuai a. Eng emaw thulh ah umzui an nih tak in tih thu ah hetia hnuhma dang siam hi an ni chauh zawk a, Upa Piangduma phei chuan an umzui hi a ring lem lo. A awm talo ani tih an hriat rual a Upa Min nih chak em em Upa Bawnga chuan thiam taka lal rilru suk sak in Khawnbawl min nihna pawh a chelh thuai ring in hlauh thawnna anei lem lo.
..... Ni thum tha ngawt mai an kal ngat ngat hnu chuan umzui tu an nei lo tih man thiam nghal in tun ah chuan an tum ram Kulhpui khaw ram chin an chhir lut ta bawk a, an thla a muang in Naupang ho pawh hrehawm tih leh lunglen lam reng ngaihsak lo chuan an rak chel chul reng a, an nu leh pa ten han khap ve thin bawk mahse an in khap seng meuh lo chu ani e. Nu nau leh ran rual nen an nih diah avang chuan an kal sawt lo mai pawh a, chutiang nilo se zawng an tum ram Kulhpui khua chu an in chhir thleng tawh ngei tur hi anih vei nen Ni hnih ngawt an la kal mai pawh a rinawn tlat.
.... Zawlsang val rual te pawh an thinlunga phuba lak duhna lian tak nen Lurhpui khaw lam pan chuan an thang phei huam huam ani ber a. An hnuchhuiin Lurhpui khua apan miau avang leh hnuchhui hmasa a tang Saikapa te thian dun rawtna ang tak in Lurhpui khaw leh luh tum chuan kawng hla zawk zawh zel in a thlen nan ni khat tha awrh chauh angai tawh hial awm e... Tun ah chuan Phuba lak chak in an za zek zek tawh hial reng a, a tuk lama Lurhpui khaw ram chin dai lut tawh mai tur an ni bawk a, zan lam ah pawh hma tak ah mu in nasa taka inbeihna chhuak leh tawng thei an nih avang chuan mut tam an mamawh tih hria in Saikapa te ruahmanna ang chuan tumah tawng zai chhat tawh lo chuan an chhing siai siai hlawm a, kawng thui tak zawh tawh an nih avang chuan kar lo ah muhil thuai in an hma lam hun dawn lek lo chuan chu ngaw dur chhah thim mup mai hnuai ah chuan mihrang val rual te chu an hnar a in chhawn tluk tluk a.
.... Zawlsang val rual tam zawk ten ha chang thial bup bup leh tawngvai bual bual chung a an hnar suk suk lai chuan Pasaltha Saikapa aw ngei mai chu fiak thek thawk a rawn au chhuak lauh lauh in, Nangni Huai rimchhe ho kha kiang mai teh u ka nau te hi pakhat pawh in khawih na anih chuan inbuzawl thleng in ka luh chhuak vek ang tiin a hma zawna thim chhah tak mihring ruangam ang taka ding zun mai chu a chempui hum chung chuan alo hmachhawn teu mai le...
... Zawlsang val rual te chu tumah reng kaih thawh chawp an ngai hauh lo... An kiang hnai lawk lawk a, thim zinga nui thler uar uar ri chuan an beng a hawrh tlang in an mut hmun an thawh san nghal sung sung a. Lurhpui khaw ho in Huai liamkawn ti a an lo hel kum hlun ram ah riah hmun an lo sual reng chu niin helai ram paltlang tawh phawt chu heng Huai ho hian an tha en liam ve mai mai ngai lovin Pasaltha inti tam tak te pawn hlau thlabar in an lo tlan chhiatsan fo tawh reng a, hetiang anih avang hian an vawk lal len na an Buzawla thlamuang taka riah hmun rawn rem tu Zawlsang val rual te lak ah chuan an ram hauh chu an rawn ti na in nasa taka phing chil tum chuan a hlawp hlawp in an rawn thawk chhuak tlat mai le...
Huai ho thawm nasa leh rapthlak tak chuan chulai ruam chu luah khat vek in dawihzep deuh tan phei chuan zun fep far zawih zawih na tham ani reng a, mahse tun a an tihbuai mek Zawlsang val rual te erawh Pasaltha Thihna in a kaih harh thih hlau lo leh Thihna thang daiper ngai pawh nise a dai hmasa tu nih in chuh khawp a mawi leh Thingserh an sah ni ah pawh a suih a suih zum vek duh khawpa mi ngawl tawt rual niin an Pasaltha Thisen phuba an lak na kawng ah chuan eng mah dal tu neih duh lo thiau kal khawm an ni tlat.
... Huai ho thawm nasa em em mai chu thawk leh khat ah reh duak in an kiang vel a thim chhah mup chuan Zawlsang val rual te ngawi renga ding thup mai te chu a hnaih nghal sauh bawk a. Hlau mang ang a tawm chawih chawih tur an beisei lai chuan thil danglam Huai ho zawk chuan an tawng ve ta tlat.... Lawmsanga chu ring leng lawnga rawn tawng chhuak in uaiii kan huai ho hlim thawm chu ava la nep ve... Kha keimah Lawmsanga Zawlsang Pasaltha Tukmawia Thisen phuba la tu tur ka ni ngai e tih pah chuan thim lam hawia Silai tin kawh chung chuan a nui ve ta uar uar mai le... Saikapa chuan rawn chhawn nghal in Chulai ruam khawk rum rum khawp chuan Zawlsang val rual chu an han nui hawk tak tak mai zawng.. An kiang vel a thim chhah mup chu kiang zel in... Mi huaisen, Mi huaisen ti a phun bul bul chung chuan an tawlh ta dual dual mai le... Mahse Saikapa hmazawna thim ding muk mai chuan chetzai arel ve tlat lo. Saikapa hma ah kher luh lul chhuah zawng Huai lalpa chuan a pawi tur zia a hre phalo ani ngei ang... Saikapa chuan ngawi renga thim chhah mup lam chu pan chhat chhat in.. A tha e.. I kiang duh lo anih chuan in chenna ngaw hi kan thiat darh vek anga ti nia.. Kei hi Zawlsang khaw Pasaltha Saikapa Sa leh Ral lak a tlan ngailo ka ni ngai e tiin chu Thim chhah mup mai chu rang zeta zuan zawk in a chempui chu an vai ri nghal fur mai zawng... Saikapa, Saikapa tia phun sup sup in mitkhapkar lek chhung chuan Chulai boruak rit luk mai chu bo duak in Zawlsang val rual te chu eng mah thil thleng awm lo ang mai chuan mut hmun an pan leh nghal ta diak a, an che vel lo thlir ru zui tu Huai rual khat chuan tih buai mi annilo tih hria in an chenna puk thim mup lam pan chuan an liam ta sung sung a......

[Ngaia]

PASALTHA SAIKAPA(Then hnihna) 2
Kei hi Zawlsang khaw Pasaltha Saikapa Sa leh Ral lak a tlan ngailo ka ni ngai e tiin chu Thim chhah mup mai chu rang zeta zuan zawk in a chempui chu an vai ri nghal fur mai zawng... Saikapa, Saikapa tia phun sup sup in mitkhapkar lek chhung chuan Chulai boruak rit luk mai chu bo duak in Zawlsang val rual te chu eng mah thil thleng awm lo ang mai chuan mut hmun an pan leh nghal ta diak a, an che vel lo thlir ru zui tu Huai rual khat chuan tih buai mi annilo tih hria in an chenna puk thim mup lam pan chuan an liam ta sung sung a......
Mut chhuak zawng zawng an thlawh liam pui vek alawm le tih pah a phun nang nang chung chuan Lawmsanga chuan an meipui chheh chu a chhawm tha zui nghal mawlh mawlh a, Saikapa pawn a thianpa chu hnaih thuaiin hetiang kan nih nuai tawh tho tho chuan tukthuan tur hi bawl mai ila, a chhuah lam kan hma thei ani mai lawmni tiin a thianpa chu a rawn ti tih deuh a, Midang ho rilrem zzawng tak alo ni kher nen phur tak chuan phe nghal sung sung in Zanlai Ar khuan hnu lawk chuan tuk thuan tur sn chaw chhum te fun fel in an tum ram lam pan chuan meichher lian tawk tak lek far chung chuan ngaw thim chhah mup mai hnuao ah chuan an in chhir chhuak zui leh ta thuai a.
Lurhpui khaw boruak lam pawh an khawnbawl Upa Piangduma vua leh vang zawngte a ruk a ral a an pem chhuah thutna chuan nghawng anei na viau reng a, a tir phei chuan an lalpa phei chuan Tlangval te umzui tir atum hial reng a mahse englai pawh a lal awm nghenga awm leh lal khabe hnuaia chawzawng ang hrim a hmun tha chan tum Upa Bawnga chuan rang taka an lal Chungliana chu kheuh hrang vat in Upa Piangduma umzui lo tur zawnga kheuh ngar ngar in lal dawntawi Chungliana lawm zawng tak a sih hmuh leh tak ah chuan lal Chungliana pawh nui vun vun in chu i fanu chuan ka khumpui arawn tawm fo thei ang maw ti a khi sun sun chung chuan khaw Mipui chin ngaichanga lal tuala pungkhawm te hnen ah chuan thiam taka thu bilh thuaiin Upa Piangduma te chhungkua chu theih nghilh tur leh a hmun ruak pawh luah tu tur aruat vat tur thu a khar in Mipui pawh lungsi zan lo engemaw zat awm mahse lal thu chhuak erawh an hnial ngam hauh lo thung a, mahni inlam pan in tap chhak zawl ah Sakei va cho hlawm tak ang mawle...
Upa Piangduma te ho pawh tun ah chuan an thla amuang famkim ta bawk a an tum ram Kulhpui khaw ram chhung ah ngei in kulh nitam ngai tawh lovin pangdam tein an inchhir thlen theih mai inbeiseina nen an buk sual ah chuan an ri leh chel chul tawh a, chhungkaw hung tak annih avang chuan Nula leh Tlangval pawh an awm nual reng a, Unau chhul khat kual awm khawm tih tak ah an hrehawmna leh an hmalama chhiatna lo thleng thei lam pawh dawn lovin an ri teng tung a, Kulhpui khaw lal hian alo lawm angem... Baihvai tak in Kulhpui khua atang hian hnawh chhuah leh mai anni angem chu zawng Upa Piangduma hian a ring bik hauh lo. A chhan chu Kulhpui khaw lal hi a naupan lai thian tha tak leh unau ang maia inkawp chawt thin kha an ni miau alawm le...
.... Tuk thuan ei a an rik mam mam lai chuan ei puar hmasa Upa Piangduma fanu Nula tuaitir te mai zunram thiar tuma kal hrang nalh chuan atum ram a thleng hman tlat lo. Ngawirenga an tukthuan killai Pasaltha rual tam em em mai in indona thuam famkim nena an lo thlir thup mai chu hmu thut in khawilam khaw Pasaltha rual nge tih pawh hriat loh te lo ding ngir khup mai a hmuh rual chuan hlau thlabara te chhuak teng tung in a tlan chhe nghal chawn chawn a,
Chutia a fanu hlau thlabara rawn tlan let chawn chawn chu lo pawm chawt in a fanu hlau hlawp a siam tute lam chu hawi nghal in Pute u in eng pawi nge kan sawi tak le.. Keini zawng ral beih a beih tham kan ni lo ve. Chhungkua a lam hla taka pem tum mai ka ni e tiin a zahawm tak leh nelawm thei ang ber chuan a hma zawna thuam famkim nena inthuam mihrang val rual te chu a melh kual dan dan a.
.... Chung Pasaltha rual te hruai tu ni awm tak pahnih te chu muang changa rawn pen chhuak in Upa Piangduma te chhungkaw ho chu melh kual den den in, Nula hlauh tur kan awm love nangni chhungkua nen hian buaina kan nei lem love, khawi lam pan tur nge in nih a, inva bangbawr em em ve. Keini ho hi Zawlsang lal Ngurliana khaw val rual te kan ni e. Lurhpui khaw ho nen eng emaw thil han sawi ho lawk tur kan neih vanga rawn thawk chhuak mai kan ni e. Upa Piangduma te ho chu an hmel chu rawn in thlak nghal hlawk in hlauh thawnna chuan a tuam nghal mup mup a.
.... Saikapa chu muang changa pen chhuak in Ka Pu tih nat che u kan tum hauh lo a nia kei hi Saikapa ka ni e tiin an mahni hlau a tlanchhe chawn chawn Piangduma fanu Duhsangi chu anuih sak a. Upa Piangduma chu harh chhuak thuaiin uaiii kan khual kai Pasaltha te lah ni reng che u chuan i kianga ding kha mi ten in chanchin an sawi thin hi a dik anih ngai chuan Pasaltha Lawmsanga anih loh ka ring hauh lo mai tiin alo chhawn thuai a. Lawmsanga leh Saikapa pawn an nih thu chuan tha taka chhang in Upa Piangduma chuan rem intih chuan in tana hriat nuam lo tak leh in hriat atana tha leh tul em em si rawlruk tur che u ka nei tlat mai Khawngaihin Pasaltha te u min han zui lawk teh u tiin Saikapa leh Lawmsanga te nen chuan kal hrang thuaiin midang te hmuh phak loh na hmun ah chuan an inzui liam ta daih a.
.... Saikapa te Upa Piangduma ho a an rawn kir leh meuh chuan Zawlsang val rual te leh Upa Piangduma vua leh vang te chu inpawh tak in an lo titi mam mam tawh a. Saikapa te ho lokir leh chu lo thlir thap in thil awmzia chu Lawmsanga a tawng hmang thiam zawk chuan sawi dap dap in Upa Piangduma te chhungkaw pem chhuah chhan te an mi duh te zing ah Khawnbawl Upa Bawnga a telve zia te leh Upa Piangduma te chu an lam tang an nih zia te Lurhpui khaw beih dan awlsam zawk te an hriat belh thu a chhilh in,a tawp nan a Upa Piangduma thu chah chuan an thinlung chu a vit in Zawlsang val rual te chuan Upa Piangduma chu makti leh ngaisang tak chuan an thlek ha ha hlawm a. A chhan chu engdang ni lovin Lurhpui khaw lalpa nun hram tur leh an mahni bei let tu nilo te chung a an thinurna hrithla lo hram tur a a ngenna a vang chuan an ngaihsan azual kher mai. Tin, Pasaltha Tukmawia kutthlak tu leh a thihna a bul tumtu ber pawh tun ah chuan Upa Piangduma zar ah an hre chiang ta bawk a, Zawlsang val rual te thinrimna chu a zual in Lurhpui khaw lak ah hian zahngaihna an lan tir thei angem le...
.... Lurhpui khaw lam erawh an thil tih sawh khawk tur lam reng dawn thei lo lek in chapo na chuan abual a ni hmiang Zawlsang val rual thinrim in an Pasaltha Thisen man an thing let ngam in an ring tlat lo. Thlamuang taka nun hmang zuiin remchang hmasa ah Zawlsang khaw run te chu an la rel tak deuh deuh leh nghal a. Khawnbawl Min thar nita Upa Bawnga pawh a hawi nuam in khaw mipui te tih lawm tum tak chuan in hrang hrang ah te chuan a lut chhuak ang zung zung leh nghal a. A lo tiam tawh ang ngeiin lal khumpui pawh a fanu Nuthlawi chum biang mai chuan atawmpui tih hai rual loh a alanna chu Khawfing chah rual in lal in a chhuahsan fo dan ah alang reng mai. Pasaltha Chhuahluia lah a tawng nuam in Khualkai Pasaltha Tukmawia that tu anihzia leh hlau hlawpa a hma ah thingthi ang hial a chhuah in Tukmawia chu pawnfen feng tlak ah hial a chhuah zui vei bawk nen a khawhawi anuam in Lurhpui khaw tual ah chuan a vawk lal len ani ber a, an lal leg upa te lah in a huatthu sawi ngam hek lo. Khawchhung pa then khat te erawh an ngaih atha thei hauh lo, Zawlsang val rual te hian an Pasaltha Thihna hi an ngawih liam pui mai mai an ring hauh lo.
.... Tukthuan ei kham a Lurhpui khaw lal in lam pan a Khawnbawl upa te Vaibel pet kawh va chunga an kal ngauh ngauh lai chuan Pasaltha Chhuahluia erawh lal Luhkapuiah lo thu leh vung tawh in lal fanu tuai tir te phe vel chu it hmel zet hian alo melh kal leh hruk hruk tawh a, hrawk bawk kal pial rulh rulh khawpa chil lem khulh khulh in nang te hi chu aw.. Mipa fa diktak ka la ken tir mawlh ang che mawle ti rilru nuap nuap chung chuan Khawnbawl min Upa Bawnga kheuh kual dan tur asuang tuah nuap nuap a, Upa thenkhat te lo chuangkai lal Chungliana chuan lo chiau au thuai thuaiin an thawm pawh a tha ham ham viau reng a chutia an rik le lu lai chuan khaw hmawr lam ah chuan van vawrh zawng Silai puak thawm a rawn chhuak ta thut mai le.... Chumi rual chiah a Ral... Rallll tih thawm lo chhuak chuan Lurhpui khaw mipui muangleia nun hmang mek te thin chu athawng in hlauh na chuan a rawn fan nghal rawih rawih a.
.... An lo ruahman lawk tawh ang ngei chuan Saikapa leh Lawmsanga chuan an naute Pathum chu van vawrh zawnga silai hmeh puah tir thuai thuai in Lurhpui khua an hlauh loh zia leh an tham loh zia lan tir nan a ruk a ral pawh a bei duh lovin tuk thuan ei kham hun an thlang lui ngat reng a, Saikapa chu ring leng lawnga au chhuak in Lurhpui khua te u, Zawlsang val rual te kan ni ngai e, a ngam fa chu lo in ring ru le Mipa leh Mipa chu in hmachhawn ngat in aw tih pah chuan hmalam pana pen chhuak nghal in a naute chu fuih lauh lauh in nangmahni hmachhawn tu tawh phawt chu tumah dim hlek suh u. Khai aw tih pah chuan khawchhung lam pan chuan a dawk lut nghal ta puat puat a.
.... Mang ang au thawm leh natuar te ri nuaih nuaih leh tap rawng rawng thawm chuan Lurhpui khua chu khat nghal mup mup in Tlangval thenkhat leh Patling rual te pawn an thuam te chuh in Zawlsang val rual lal in lam pana rawn thang phei huam huam te chu lo dan ve tum chuan tan an lo khawh ve nasa ngiang mai mahse an mahni rawn run tu Zawlsang val rual te hian thih an chak zawk emaw tih mai tur in hma hruai in chuh in Lurhpui khaw mi thuam rawn lek chhuak tawh phawt chu an hlawm nghal nawk nawk zel mai si. In tin a lut kual nghal zung zung in mahni in chhung luma tan lo khawh ve te lah dingchang awm hek lo le. Lurhpui khaw lal in kawt ah chuan Zawlsang val rual te chu ding khawm thup in nunna chan pawh an la awm ve tlat lo. Hliam te nau deuh te chu tawk ve awm bawk mahse hliam neilo ang maia hmalam pan zel in lal in Luhkapui chu an bawh ta hem hem mai le...
.... Saikapa leh Lawmsanga rawn thleng chiah chu Tlangval ho chuan Saikap lal in chhung ah khian engzat nge an nih kan hre chiah lo nang a eng emaw zat chu an tawm tlat mai luh chhuah kan lo tum mek a tiin Tlangval Pawnglaia chuan Saikapa chu alo hrilh zung zung a. Saikapa chuan keiman le tih pah chuan lal Luhkapui ah chuan a dawk chho nghal zawk a. Lawmsanga chuan rawn thlawp nghal zat in rang zeta lal kawngka lam chu pan in inpe mai tur chuan an han au that that a. Awmlo biak ang mai lal in chhung atang chuan chhang tu reng an awm lo. Lawmsanga chuan Thianpa minlo veng rawh aw tih pah chuan lal kawngkapui chu a kut khinghniha vuan in an phiah ri nghal tuar mai zawng lal in chawp chuan anghing nghal lawih thei hial a, chutah thapui sawm khawm in a hma aia na zawk a an phih nawn leh zet zawng lal kawngkhar chu ri tuar in a pawt tu tha in ahneh bawk a mau chang keh tuar tuar kar ah lal kawngka chu thlawn nghal hlawk in rang lutuk chuan Saikapa leh Lawmsanga chu lal chhuat ah chuan an lum lut rual nghal thawt a.
... Silai rawn puak nghal thawt in Saikapa te lu chung zawn ah chuan Silai mu chu rawn ving nghal thuak in Lum lut lo nise tu emaw zawk zawk chuan Pasaltha Tukmawia an zui ngei ang le. Rang lutuk a ding chhuak dun nghal zawk in lal veng tu Lurhpui val rual te lam pana Saikapa te pen chhuah ve meuh chuan Zawlsang val rual te rawn lut nghal huk in mitkhap kar lek chhung in chung tlangval rual te chu an thal fai nghal phiar a. Lawmsanga mitsir chuan Leihkapui lama mi pakhat zuang thla lai chu hmu hman in chak zet chuan a umzui nghal zat a. Tlangval pathum laiin zui nghal in lal in kawmchar lam ah chuan thil ri no chawk chawk chuan arawn chhunzawm nghal zat a.
... Lurhpui lalpa Chungliana lam pan a muangchanga pen chhuah pah chuan Saikapa chuan lal fanu phena tawmsen kuk mai Pasaltha ni awm tak si chu hmu miah lo ang a lang in hun rem chang a melh kar thung a, nanghi Lurhpui khaw lal chu ini ang maw tih pah chuan hnaih phei tur anga che chhuak thut in lal fanu hlau thlabar mit hup lai chu phih sawn lawp in lal fanu phen a Chempui kap zeh tut a lo tawm ru kuk mai Pasaltha ti a inchhal ve meuh Chhuahluia chu a Silai chuan a tin kawh nghal vah a. Zawi thawp sat chuan tunge Pasaltha Chhuahluia chu nang hi hi inih loh hram ka beisei Pasaltha hming ropuina ti nep tu ini dawn si. Pasaltha chu hmeichhe phen ah a biru tiin min an sawi dawn mai dawn si. Tunge Chhuahluia chu tiin lal inchhunga awm te chu a Silai chuan a tin kual nghal den den a.
.... Ka hlauhthawn ang chiah maw.. Tlanchhe chunga Ka pa Mawia kap tu leh lal tuala se chaih a an chaih mai tur atan chuan i lian tha mah mah anih hi mawle...tih pah chuan Chhuahluia lam pan chuan a pen hnai nghal sauh a. Chhuahluia ngei anih arinna chu an ka in sawi chhuak lo mahse lal leh upa te mit meng chuan Chhuahluia lam chu ahawj vek vang ani tlat. Saikapa kal hnai zel chu Chhuahluia chuan thi dawn tho tho a in ngaiin a tha tawp chuan Saikapa ngal zawn ah chuan a chempui chu alo vai nghal fur mai a, lal fanu neih chhun chu lo te chhuak thawt in Pasaltha naran zawng nise Saikapa chu ke khing khat neiin a nun a hmang chhunzawm ngei ang le. Mahse Saikapa ani tlat, Chhuahluia mitmeng inthlak leh taksa insangmar a hmuh rual chiah khan rang lutuka zuang kang nawlh in, a Silai kawm lam chu a thlawk chhuak nghal zawk a... Chhuahluia hmai arik chawk rual leh lal chhuat a den rual chiah chuan Zawlsang val rual te chuan chim nghal huk in Saikapa chuan thelh vat lo se zawng an ching hlum har lo tawp ang le...
.... Pawn lam ah tih that pah chuan Saikapa chuan lal Chungliana chu a samziala tham sak nawk in a phih phar nghal lawp a, khawnbawl Upa te pawh tlangval ten phih phar nghal nawk nawk in Luhkapui lam chu an pan pui nghal hmiah hmiah a, Saikapa chuan a ke rawn vuan chat tu chu melh in Nula min thlah rawh...a aw chhuak chu azawi viau nang a a ngainatawm hlawl lo. Lurhpui lal fanu chuan Pasaltha ini tih ka hria khawngaih tak in Ka pa kha nun hram rawh sal ah i hruai dawn anih chuan a ai ah kei hi min hruai zawk mai rawh a tul anih leh i hmei atan pawh ka tang mai ange, Ka pa hi lal tha leh fel ani kati hauh lo mahse khawvela ka neih chhun ve ngawih ngawih ani asin..khawngaih tak in nun hram rawh atawngkam chu afel thlap maisi.. A bianga mittui luang ngiai ngiai erawh a dangkir thei bik si lo. Saikapa chuan lal fanu i mi ngenna chu ka zah khawp mai mahse ipa rorelna leh duhamna tenawm tak avang hian Kan Pasaltha chuan nun a chan phah asin.. I mi ngenna ang chuan ipa nun erawh ka zuah ang.. Mahse Sal ah kan hruai angai dawn tlat. Kei hian i pa nun hi zuah ngawt pawh ni ila, kan lalpa in azuah zel angem tih erawh ka sawi thei lo ani tiin lal fanu vawnna ata chu tal pit in Luhkapui ah chuan lal Chungliana chu a nghat chhuak hnawk a.
.... Lal Chungliana chu tham dak awrh in i khua ka hal loh chhan tur hi pakhat tal min hrilh rawh. Pasaltha Tukmawia khan i eng pawi nge asawi a, Zawlsang khua te hian in eng pawi nge kan sawi le.. A ruk arala min en thla a, kan Pasaltha kutthlak a that duh hial khawp a inchetna zawng zawng a vang hian he khua hi meivap ah chantir vek pawh ni ila thiam loh na kan nei hauh lo. Khaw mipui tam tak lal tual a Zawlsang val rual ten an man khawm thu thuap mai te erawh hlau mang ang em em a thaw hlawp hlawp chung chuan an kiang vel a Pasaltha ding thup te chu melh zawk zawk in an lenna vang khua meivapa chang mai thei chu thlir tawk tawk in an lal leh upa te duh am luat vang anih an hai lo. An ai awh a ding thin Khawnbawl Min Upa Piangduma chu an ngai vawng vawng kher mai ani lah auh phak loh ah a liam tawh si.
.... Lurhpui khaw lal Chungliana chu muangchanga rawn dak chhuak in a khaw mipui te lam chu hawiin a mitmenga inchhirna leh hrehawm tihna tam tak lo lang chhuak zut zut in, engtik lai a tang khan nge duhamna leh pamham na in alo hneh tak em em a, Upa pakhat thu thu a a rorelna kal kual anih tawh dan zia te, a rinrawl leh abeng ber lo ni thin Upa Piangduma pem chhuah chhan diktak te chu a hma ah chiang taka hlimthla lang ang mai chuan arawn lang zut zut a, mahse tumah dem thei ni a in ngai lovin Tlangval khai le, i duh chu ti ta che mahse khaw khat lal kalo nih ve der der na vang tal pawn khua em chu min hal sak lo hram u la, ka nunna hi la zawk mai teh u. An lal sual man tel tur chuan ka mipui te hian sualna an nei love lal sual tak ni mah ila ka tawpna erawh a khaw mipui ai awh in a nun a hlan ta ti tala hriat ka hlawh ve tak in tiin Saikapa hma ah chuan thingthiin a nghawng chu sah rem thei tur ang ber chuan a dawh nghal hmak bawk a.
.... Chutia lalpa ber thih mai in peih a athingthit rup lai chuan Khawnbawl Min Upa Bawnga hmai thi sung chungs rawn tawng chhuak in khaw khat lal tih awm tak ani e, lalpa i khua leh tui te chu rawn ngaih tuah hauh suh ang che tiin Lurhpui khaw enkawl thei tur chuan Saikapa te chu a ma nun zawk chu zuah tur chuan zak map lo chuan arawn dil nghal mawlh mawlh a, ala duhtawk mai lo. Khaw mipui te pawn lal atan an thlan zawk thu te chu ala chham chhuak tak deuh deuh a, lal Chungliana chuan rum hak in nang ui cho tenawmpa leh ilo hetih vang hi ani maw tun ah chuan i thang kam zawng zawng hi ka hmu thiam tawh asin, i mi fuih khawlohna avanga tiang hi thleng kan ni tih ka hria e, mahse tui baw hnu aruh theih loh ang bawk in ka at man chu ka tel mai nang e, ka khua leh tui duh tak te u in mi ngaihdamna sang ber ka ngen nan che u ka nun in tan ka hlan nang e. Theih nise nun bul tan that leh ka van chak em... Khai le Tlangval ka in peih e tiin lal in chu thlek vang vang in a nuisak a, ka fanu ka hmangaih che tiin thi tur chuan a inpeih nghal at a.
.... Thi tur an awm a nih chuan keiman ka rel ang. Chu aw lo chhuak chu tu aw nge a nih Zawlsang val rual te chuan an chiang tlang in mak tih na chuan an khat nghal vek reng a. Aw lo chhuahna lam chu hawi rual nghal thup in, lalpa maw! Mipui ho pawn Thunei aw tak maia rawn tawng chhuak tu awmna lam chu an hawi rual nghal thup a, muangchanga Zawlsang lal Ngurliana a lal thuam famkim nen a muang changa rawn pen phei chu mit tla lo lek a lo thlir thup in, lal Ngurliana chuan Chunglian ding rawh. Thunei aw tih ahriat hliah hliah mai. Lurhpui khaw lalpa chu ding tual tual in a meng khup nghal lap reng a, tunge nichina lal nih chak zet kha tiin Upa Bawnga lam chu hawiin nang ngei hi ini ngei ang ka Pasaltha thihna a mawhphurtu chu tiin a kawk nghal vah bawk a.
... Chutia lal Ngurliana leh Upa Bawnga lam ngawt an lo ngaihtuah lai chuan hun tha lo zawng ru ngar ngar Pasaltha Chhuahluia chu che chhuak thut in Lurhpui khaw tlangval te tluksan tak Chempui chu chhar in a mah lo hnaih tu a piang mai chu vai nghal buan buan in khaw hmawr lam pan chuan a tlan nghal nul nul a. Saikapa leh Lawmsanga chuan Silai lek chhuak vat in Pasaltha Chhuahluia tlan lai chu kah thal tawp tum chuan an mit an siai nghal sang a, Khawi keiman le...lal Ngurliana chuan Saikapa Silai chu laksak in Chhuahluia tlan chak vanglai tak chu tin vang vang in Silai chu a puak nghal thuai a, Chhuahluia let tawp chu kawk in zuk kai tawh u, awlsam te a tirhliam mai ka tum hlei nem a luhai tlu mai chauh ani e abeng erawh a chan then ngei ang tiin a khi suk a.
.... Chhuahluia lal tual an rawn hnuh thlen meuh chuan an lal Ngurliana silai kah thiam zia chu an chiang thar kuar kuar hial reng a, lal Ngurliana chuan tui a leih harh tir in Nang hi maw ka Pasaltha nun la tu chu lo ngai tak rawh Se chaih in ani ka chaih hlum dawn che khawnge i thurualpui te kha tiin Zawlsang tlangval Saikapa te thah bang an man khawm te lam chu amitmu lian zet chuan a melh kal nghal rulh rulh a. Chhanna adawn mai loh a vang chuan that vek rawh u a ti nghal tuar a. Val upa niawm tak rawn ding chhuak zawk in lalpa min nun hram rawh kha inphiar rukna a kal te zawng kha chu dam an awm tawh lo. Heng ala dam awm chhun te hi chu mahni nun duh a vawikhat pawh chet thawh lo te kan ni e tiin lal Ngurliana chu an nun zuah tur chuan arawn dil zui mawlh mawlh a.
.... Ummmm chu chu thudik ani em.. Chunglian an ti thum leh zui dut a, lal Chungliana pawn angam loh chal ah chil ahnawm tih a chiang tawh bawk a thudik tak ani e tiin alo chhang thuai a. Lal Ngurliana chuan atha e in nun chu ka zuah ang. Mahse i khaw mite tihsual rah erawh intuar angai ang.. Chhiah chawi khua in ni tawh dawn anih hi chu chu induh lo anih chuan huntha ka pe ang che u in thuam te lek chhuak in ka tlangval te nen hian a ding chang zawk nih in in chuh thei ang tiin Luhkapui lam chu a pan nghal hmak a. Zawlsang val rual te thaza lah reh silo chu phu nghal suau in Thisen chak a tuihal hmel an pu hial zawk a, an Pasaltha Tukmawia thisen phuba an lak na ah hian an duhkhawp an la hmu zolo in an la za zek zek tih a hriat hliah hliah a, mahse an mahni hmachhawn zawnga pen khat pen ngam pawh an awm tak eih loh ah chuan an tha an thlah zui ve leh mai bawk a.
.... Chutah lal Ngurliana chu rawn ding chhuak in a tawk e.. Tun ah chuan tih tur pakhat chiah he khua ah hian kan nei ta, nang Lurhpui lal kha ka kiang ah hian lo thu teh lal Chungliana tan tlawm a lak chi ni hek lo le, a thil tih sual rah a seng mek chu ani si a, lal Ngurliana bawk chuan khai le ka pasaltha rual te u... Khami te putu kha hling ula Pasaltha Tukmawia tan in duh tawk in han chaih teh u le... Patling natuar te rawng rawng thawm leh haw haw luih luih kar a chhan tu ngaia Chhuahluia leh upa Bawnga au rawng rawng kara nuihzatna thawm chhuak te chu a rapawm zawnga thlir chuan arap awm in hmeichhia leh Naupang phei chuan en pawh en ngam lovin an in hup chawn chawn a.
... Lal Ngurliana'n ban aphar fel meuh chuan an nun la mai tur in an ngen chul tawh zawk a, lal Ngurliana chu muang changa tual zawla chhuk thauh thauh in a iptepui atang chuan Pasaltha Tukmawia chempui ngei chu lek chhuak in ka Pasaltha leh ka thian Tukmawi i chhiah hlawh ni tur in kei i lal leh i thian ni bawk Ngurliana hian i nunna la tute chu ka rawn tir liam e tih pah chuan a vanglai tha a rawn kir leh ta maw tih tur khawpa rang leh na chuan Pasaltha Tukmawia chempui chu a vai tle nghal zawk a, Chhuahluia Lu leh Upa Bawnga Lu chu lei char ah chuan lir hrang nghal hlawl hlawl in lal Ngurliana chuan lubung pahnih khai kang in van lam hawiin eng emaw chham mawlh mawlh in Tukmawi i run ka rawn thlen mawlh ang tiin Luhkapui lam chu a pan zui nghal zat a. Zawlsang val rual te chu haw haw hluah hluah in lal Ngurliana dam reng rawh se tiin an au rual dual dual a.
.... Chunglian ka duh chuan i khua hi awp in ka hal ral vek thei tih i hria em an ti vin leh thak a, lal Chungliana chuan ka hria e ka sual leh at vang liau liau ani e tuar tur an awm anih chuan ka inpeih reng e...engtin tak chhang leh ang maw ti a an ngaih chan thup lai chuan lal Ngurliana chuan lal fanu lam chu hawiin Bawihi lo hnai teh tiin lal fanu chu a hui nghal zauh a, lal fanu hlau thlabar tih hriat taka khur bauh bauh chunga a bula ding chu thlek vung vung in, engtin tak ti ang maw tiin Zawlsang val rual te pawh an hawi ka ho hlawm a, Saikapa te thian dun pawh a mak ti ti an ni ve tho mai... Chutah lal Ngurliana chu nui sun sun in Bawihi tunge i hming le chu aw dam duai mai chuan lal fanu chu a ti hlauthawng hial zawk a....
Zah tih hriat taka zawi thawp seta chhang in lalpa Chungnungi ka ni e tiin a chhang khur dar dar a. Ngurliana chuan Nu siar, Nu siar, i nu a vang chauh in ipa nunna leh in khua hi ka zuah ang.. Tin, nang lal mawl leh Khawnbawl upa te thurawn tha leh dik pawh thliar hrang thiam lo kha tiin a zilh hau ta hrep a, Zawlsang val rual te hian an lal Ngurliana'n Lurhpui khaw chunga zah ngaihna a lan tir chhan hi an hre thiam lo. Engtin nge an hriat thiam teh lul ang Hmangaihna hi zawng hmangaihte ber thih hnu pawn alo thi tel ve silo. Lurhpui lalnu ni thin famta lalnu hmeltha Sanghluni kha lal Ngurliana hmangaih hmasak ber ni miau hek le...
... Lawm avanga haw haw dur dur in lal Chungliana meuh pawh lawm avanga men teuh chunga rawn ding chhuak in lawmthu asawi mawlh mawlh a, lal tha ber nih tum a abeih tawh tur thu te leh Upa Piangduma te an khua a kir leh tura sawm tur in amah ngei chu kal atum thu te chuan athu atlip zui ta thuai a, Lawmsanga chu ngawi renga rawn pen chhuak in lal Se huang ami Se patuai chu kap thal tawp in,Lawmsanga chet dan mak ti taka an thlir thup lai chuan lal Chungliana chuan Pasaltha Vawkpa sut nghak kha thal tel law law ta che khaw nawt in kan ei law law ang chu tiin khaw thar kai ang hrim chuan an haw haw nghal luih luih a. Lal Chungliana chuan thil hre chhuak thut ni awm taka vir vut in lal Ngurliana chu thlek hu hu in, nanghi Zaupui khaw lal fapa Ngurliana ini em ati chhuak ta phawnga mai le...lal Ngurliana chu ngawi vang vang in Ka nihna chu ani ngei a lawm tiin tha tak chuan achhang ve mai bawk a, lal Chungliana chu lal in chhunga lut vat in a nupui thul chu hai ruk ruk in ka Nupui ro hlu ber tu khawih mah a phal loh tiin lal Ngurliana tlangval lai Diar ngei mai chu rawn lek va va in a thih dawn thleng in a nghak che a sin sawi hreh tih hriat tak chuan lal Ngurliana kut ah chuan Diar chu a hlan zui nghal a, lal Ngurliana chu ngawi vang vang in, Chungnung i nu an zalhna ah chuan min hruai ta che tiin a thut hmun chu thawh san in ram hla tak thlir in Lal Fanu Chungnungi hnung ah chuan pen ve nghal in Saikapa leh Lawmsanga chuan ngawi reng chuan an zui ve nghal vat bawk a. Ka Hmangaih i zalna piallei ka rawn hrut zel e ti a phun sup sup in lal Sanghluni thlan lung ngheng chuan a chhing suar suar a....

[Ngaia]

PASALTHA SAIKAPA(Then hnihna) 3
.... Lurhpui khaw ram chhung an pelh na pawh a rei leh ta viau mai, an lalpa ho a hawng anni bawk a an kal lam ang ngawt chuan an duk pur pur theih tawh loh bak ah lal Ngurliana ber chuan Sa kah tur rem chang melh pah ani mai lal in a thut thluan reng zawng ka tha te pawh athum zo dawn Zawlsang lam lah ngaih tuah awm hi hek lo. Upa Vunga leh Upa Duhlaia te an awm kha maw ka hmun ruak zawng an hnawh khat hneh em mai.. Zingtian kan khawram kan hnaih ta bawk a,ruahmanna han siam ta che kan kal lam pawn Sai ek thar lam pui pui kan hmuh nual tak kha tiin Chhun chawfak lai chuan Sai ram chhuah pah chu a rawn vaw thiat zui ta zat a.
.... An lalpa ber in chutia Sai ram chhuah leh Sa pelh nghal arawn vuak keh tak ah chuan Zawlsang val rual te chu an phu nghal suau reng a, a nihna tak ah chuan Zawlsang val rual te hian sa hnu chiar dup mai leh Sai ek leh Ram sial hniak zawng zawng te hi an hmu lo ani bik reng reng lo mahse an kal chhuah chhan nen a in persan em avang hian an rawt ngam lo mai zawk ani a, chutia lal Ngurliana ber in rawtna a siam tak ah chuan an chaw hmuam lai lo hak tawk leh phur luat vanga an bula an thian thute lo hnawk hnang pawl pawh an awm nghal nual reng a. Zingtiana pawh muang changa ding chhuak in an lalpa rawtna leh ruahmanna siam tura a ko a a nghah ang chuan Pawl thum ah rawn siam nghal in Saikapa pawl, Lawmsanga pawl, leh lal Ngurliana pawl ah then phawk phawk in an khawram lui an kan fel rual a inthen darh a, Di zawl mual a in suih khawm leh tur chuan ruahmanna siam in an hote theuh ven him leh kaih hruai chu Saikapa te ho kut ah a dah zui ta nghal a, tlem a kum lam in a delh deuh tawh avang chuan Zingtiana erawh lal Ngurliana kiang ah kal tur in a in rin lut nghal bawk a, a hnung lawk a lu chhum ban chhum huam a indona hmachhawn hmel kha inthlak in phurna leh lawmna nasa tak chuan tuam nghal mup mup in pawl thum te chu in er na tel hauh lo in el na rilru pu ran chuan pheilai an khai zui leh ta thuai a.
..... An in then darh na tur hmun an thleng ta maw tih ah chuan a pawl pawl chuan thu hrang nghal nalh in an tawngkam chuan an inbei tan nghal pang reng a, Lawmsanga chuan khawnge Nauteu in che chhuak dawn ang hmiang a nung chungin Saipadawp ngei mai chu kai haw ila ni mai lawm kan Saikapa te sa man kan pawl tir dawn nia tih pah chuan a khi hui mai a, lal Ngurliana meuh pawh awm hmuna lo khi ve suk suk in Saikapa te pawl hi an tlem ber a, chu pawh Tlangval chak tha thiau sawmthum lai an la ni tho mai. Chung zing ah chuan Silai fung chawi mi sawmpahnih lai an ni bawk a, chutiang zel chuan mahni seh seh mual hran ah tiin an insem darh nghal sung sung a, Ni tlak hma ngei a Di zawl mual ah chu thlen hman tum tur ani ang. Hlawh chham dawn a in hriat chuan Sa te nau pawh kah mai tur ti a in chah thlap in ngaw chhung ril lam pan chuan an liam ta diak a.
.... Zingtiana chuan khai le lalpa a zakdawh ah tak sawn aw.. Nauteu tlem in i hual zau hret teh ang kan sa veh hi a len tham deuh avang in ngen mu pakhat mai chuan athal zo lo thei tlat tiin amah pawh chuan a Silai chu hman mai theih tura tin kawh vah in an hmazawna Zuk chal ki hreu mawi em em mai thlamuang taka thei rah ei malh malh chu chilput lek lek khawp chuan a thlek dak dak a, a kap dawn talo maw tih tur khawp a rei lalpa chuan atin ta tlat. Zingtiana pawn lalpa leh Sazuk chu melh tawn sek in Sazuk lah chuan a thei rah ei chu duhtawk tawh ni awm taka hawi chhuak in kawrte lam pan chuan kal asiam dawn ta tlat. Zingtiana chuan lalpa aliam atih rual chiah chuan Sailo lal ropui Ngurliana ngen mu chu chhuak kawh nghal pawt in a zen a sawh muk tha bawk nen Silai puak ri pawh aring tha ngang aniang a ri thang khawk pawn Thangkhum a ti rawih rawih thei hial reng a, Chu Zuk chal in her mek ke khai lai tak pawh chu a Lung tawn tlang hawk khawpa lal ropui ngen mu in a sut rual chiah chuan zuang kang zawk in lei a thlen leh meuh chuan tlan zel tur in chakna a nei ta lo. Ding sai hlak hlak in hmalam pan chuan pen leh hram chu a tum nasa ngiang mai chutih lai tak chuan Zingtiana silai hmang chuan lal Ngurliana chuan chu ramngaw mawitu Zuk chal ki hreu mawi zet chu Zawlsang lal bang mawi tur in a hnuk a chhah fel sak zui ta thuai a, mahni awmna hmun theuh atanga zuang chhuak in an lawm sahawk chuan van vawrh zawng in an chhuah pah chuan an Silai chu an hmet puak zawt zawt hlawm a, an chung Bungrah tlan tum Zawngrual lo biru te chu Zawlsang val rual lawmna ngen mu chuan an tum loh deuha thawng darh in Zawng chal panga lai mai chu an rawn phar thla dawr dawr hlawm bawk nen tu kah ber nge hre tawh hek lo lawm avanga zuang tawr tawr chung chuan Zuk chal lam chu pan in an in pawm kang vawk vawk hlawm a, Thanduha lawm lutuk chuan a hma zawna lo ding Sazuk lo thlek mek chu a thianpa maw tiin a Zak hnuai ah la lawk in a vawr ta lawp lawp mai a, a thiante mit meng ah chuan thil diklo awm tih hria a a mi vawrh pa an en chiang chiah chu an lal Ngurliana alo nisi a zak lutuk tih ngaihna hre lo chuan hihiii lalpa i va rit ve an ti ngawt a, lal Ngurliana pawn in tih lalna hun leh hmun nilo tih hria in Thanduh Nula ka ni lo aw tih pah chuan ka vel dawn che tih leh um a rual ta maia, an thawm ana in an lawmna chuan van atawng hial awm e...
..... Lawmsanga leh a hote pawn Sazuk ki hreu mawi danglam zet hmu in Lawmsanga thal thlah hma hret chuan an nau hruai pakhat lo hahchhiau hlauh pek a, an Sazuk veh lai tan erawh in ralrin na dar a vuak sak ta thunga an theih tawpa chak chuan an Sa hnu chu chhui zar zar in a ki mawi na leh a taksa thau mum mat mai te chuan a hip hneh thlu ngang mai si.. Lawmsanga chuan hma hruai zar zar in Thochim leh Tho mit chhaih an hnai ta tlat. A nau te ho chu zaizir zauh zauh in fimkhur em em chuan hmalam pan chuan an tawlh hriau hriau hlawm a. Chutia hmalam pana an tawlh mek lai chuan Sa ek thar lam zet an hmu ta thuai reng a, mahse an sa hnu chhui lai ek ani tlat lo. Sanghal maw ti a Lawmsanga a phun chhuah sup rual chuan an hmazawn Changel pik kar atang chuan Nghal chang Mizo pa Sum ah pawh Sum riat dawn ani hial ang chu a ngho pir kawh vah leh hriam zet hmachhuan chunga rawn hawk chhuak thawt thawm chuan chulai ruam chu aluah khat nghal vek a.
.... Lawmsanga chuan a chhak ko a zuan kai zawk pah chuan mahni sahimna tiin a au chhuak nghal tuar bawk a.. Zawlsang val rual te pawh darh nghal huk in a then thing kung ah lawn in then khat an lo kalna lama tlan let tawk lah bo lo. Nghal chang thinrim lah chuan a dinna lei chu phiat surh surh in kah mai theih loh tur chuan a awm hmun a sawn ve sek leh nghal bawk nen.. Lawmsanga chuan Sanghal ngho chu chiang zeta en in Thisen tharlam a hmu ta tlat rang taka tunge inhliam tia au chhuah pah chuan a zuansan a silai chu rem lo zet chuan a kut leh lam chauh chuan a lek kawh hram hram a, a kut leh lam a thingzung vawn ngai bawk nen... Chutia Lawmsanga aw chhuak thawm ah chuan nghal chang chu rawn in let nghal but in Zawlsang tlangval pakhat Nghal chang Ngho in a malpui atai thlersak Nunsiama thei leh thei lova Thingkung lawn tum chu Sanghal chuan arawn hmu ve ta tlat.
... Nunsiama chuan beidawng tih hriat taka amah phin tumtu Nghal chang chu melh kar in nang Duhlian tawng thiam lo hma ah hian ka tlawm lawng e, lo hnai ta che tiin a ke leh lam rinchhan a ding hram hram in a chempui chu a hum nghet sauh sauh a, Nunsiama hmel ah chuan zamna hlauhna hmuh tur a awm tlat lo. Tlangval chhuak awrh chauh niin Rammut na ah phei chuan a tum khat tek ve na chauh niin tun a a in hliam chhan ber pawh a tawn hriat ngah tawk loh vang leh Nghal chang chet ran zia a hriat tawk loh vang a tih theih awm e.
.... Chutianga zam map lova a mah hmachhawn tu chu Nghal chang pawh chuan a hmuh hmaih hauh lo. A hma aia nasa mah chuan lei chu phiat surh surh in Nunsiama chu a ngho hmang ngei chuan tukzal atum tih alang reng mai. Midang tan lah Silaia kah na remchang awm hek lo le... Nunsiama thianpa ber Rawlringa mang ang lutuk tawh chuan rem leh rem lovin Nghal chang tei kual lai chu a sai ta dawp mai reng a, mahse thil che reng kah fuh zawng alo har aniang Rawlringa Silai mu chuan Nghalchang mawng tam ah tak fuh in a chhaih kawlh tawk lek anita tih hai rual loh a alanna chu Nghal chang nati tal vel chuan a din na hnunga changel hung ah chuan zuang lut zawk in an phin tak tak mai zawng a darh hian a darh chum chum ani ber a, Rawlringa ngen mu chuan a tum ngen chhuak lo mahse Pasaltha Lawmsanga tan huntha in her chhuah na ani ta hlaauh zawk a.
.... Chutia Sanghal thinrim a tal buan buan lai chuan Lawmsanga chu rang taka a zuan kaina atanga tum thla thuaiin Nunsiama lam ah chuan duk phei nghal zawk in Laikunga Nunsiama chunga Silai nena lo thu tung ut chu i Silai kha min pe teh tiin a dil zui nghal zat a. Laikunga Silai a la fel a hawi chhuah leh rual chiah a amah rawn phij darh vek tuma Nghal chang rawn hawk phei lama tinkawh nghal zawk in Silai chu a puak nghal thuai bawk a, chumi paha lum sawn zawk in a ma Silai alo tun sa chu ban leh nghal in Sanghal amah phin thelh tu leh a Silai mu vawikhat dawng tawh tu, a tum thelh rawn in her leh chiah ke hma lam ah chuan a kap leh nghal thuai a. Chu Nghal chang chet lak leh tum mek pawh chu awp rawp in, tlawm mai zawng ala tum hauh lo. A ke pakhat hman tlak tawh lo mahse a ke thum hmanga tan khawh leh in Lawmsanga chu a la rawn tum ding nalh tho mai... Lawmsanga chuan tun ah kap rawh u tiin a au chhuak nghal tuar a, chutih pah chuan Nunsiama chu kuah thal tawp in Ngen mu leng lak ah an him phah bawk a, Zawlsang val rual ten chu Nghalchang hruang hrau nazet mai an han kah rawn tak tak mai zawng Silai zen khu a kian fel meuh chuan nunna nei tawh lo tih hriat tak chuan a dinna lei ah chuan a bawk paw hrut tawh a, Lawmsanga chuan nuih suk pah chuan a nung chung chuan kan kai hawng lo nasa kher mai kalo tawng uang deuh ani. Nauteu khai le hlang siam ang aw.. Hei kan thianpa Nunsiama zawnna tur nen hian tiin a mah chu hma hruaiin Hlang siamna tur hman rua chu an la khawm nghal zung zung a.
..... Saikapa chuan anaute a hma a dingkhawm thap chu melh kual in an dinkhawmna atanga hmuh phak reng tawh a Sai chal lian em em mai pahnih hotu nih in chuh a, in nghir ngho mek te chu engtia beih tur nge tih leh ruahmana siam fuh angaihzia sawi hmasa te te in, kan hmuh ang sawn tun ah hian lal zawk leh hruaitu zawk nih in chuh in an in nghir ngho mek ani a, khawi maw zawk zawk thlan tur nise han thlan tur bik awm chuang lo in an ngho te lah chu a in chen rual mai si. Ti hian thli beng loh na lam ah zel kal in kan hnaih zel ang Silai nei zawng kha tiin a din tlar tir phawt a, ti chuan amah nen Silai fung Sawmphanih awm in Silai nei velo fei hmang tur te ko chhuak leh in ti chuan midang zawng in Silai nei zui zel in Fei keng te nen ruahman na siam in Paruk ve ve a chan insem in Sai lalna in chuh te in sual hah lai tak chang tura pen chhuak in a ke hmalam leh hnung lam kap tur in ruat fel thlap in Sai pahnih awmna lam pan chuan Zawlsang val rual te chu phur luat vanga tha khur ru der der chung chuan an tawlh hriau hriau hlawm a.
.... Sai lam pana an tawlh hnai zel lai chuan vawi leh khat ah thawm na sa tak mai rawn chhuak phut in thenkhat phei chu an tlan chhelo chauh chu ani e, mahse Sai kiu ruai ruai thawm leh Thing tuai tliak ri te thil ruh chang tak in khak ri nen lal zawk nih in chuh Sai chal pahnih an han in bei tak tak mai zawng an dinna lei te chu a nghawr hian a nghawr fawn hluk hluk a, an tal velna erawh a pet hian a pe veng vung mai bawk a, Thing tuai mal tiat lek lek te chu a keh pawrh serh surh in thuai bun ang maia na hian a bung hmawk hmawk hi ani ber a, Zawlsang val rual te tan lah an kumkhaw sawi tling tawh tur niin hmuhnawm lam ai mah chuan a rapthlak lam mah zawk a, chutia hmuhnawm ti taka an Zawlsang val rual ten an thlir thup lai chuan Sai insual pahnih te chu in then phawk in an thaw nghal hluam hluam a. Chu hun tha chu Saikapa chuan hai hek lo a nau te chu mitmei in mahni chan theuh chu uluk taka tin in an beisei hauh loh ngenmu sa tha ver vawr in an chakna thahrui an ke hrawlpui maia an den tak siah siah ah chuan Sai chal te pawh kiu ruai ruai in an nawn in a ban phak thing te chu kuai ri rawp rawp in din chhuah leh chu an tum nasa ngiang mai...
Saikapa chuan ring leng lawng a au in fei kha ti tuar tuar in chumi pah chuan a silai zen chu a sawh leh nghal mawlh mawlh a, Fei hmang thiam ten an tha tawpa Sai awp hniam tawh an khawh zawt zawt lai chuan Silai mu sawh zo apiang chuan hman hmawh taka tin kawh leh nghal in Sai mang ang tal vel chu a zakdawh leh lu bawr ah an han kah rawn leh tak tak mai zawng eng anga Sa lian leh ropui pawh nise nunna pasarih nei tura duan ni bik hek lo le, hreh zeta awn ruai ruai in Zawlsang ngawpui a lal len tum te chuan an thawk na dawt Saikapa leh a thianten an tih tawp sak tak avang in an zinkawng an thai bo ve ta... Haw haw leh kuk rawih rawih chunga mahni awm hmun atanga zuang chhuak in hruai tu nei lo Sai rual tlan liamna pe hun mai chu thlir in Saikapa ngei mai chuan Saingho chunga ding vah in Hlado a chham ta vang vang a.....
..... Di zawl mual lam pan chuan Sai lu lian zet leh ropui em em mai pahnih chu zawn mup mup in, Saikapa ten Di zawl an thlen meuh chuan pawl dangte chu lo thleng vek tawh in Saikapa te Sai kah lu ropui leh a ngho var vo mai lal Ngurliana'n a hmuh meuh chuan a mitthla ah a banglai mawi tura suang tuah in hnuk ulh teuh chuan Sai ngho chu a chul a chul ta mai a, a sir lam hawiin a tluka lian leh ropui ala hmuh ngai loh Nghal chang lu lian leh ngho lawr vurh mai nen Sazuk ki hreu mawi tak nen Ngurliana biang ah lawmna mittui lo luang chhuak in a thlah tute hming lam chhuak meuh in a kuk rawih rawih a.
Sai ngho leh nghal chang lu te chu chul in heng hian ka bang han mawi thei teh sela awwwww...khaw khat lal mah nise a thu neihna hmanga a Pasaltha te kut zal a sa ropui fam ta te chu a lal in a seng luh ngawt a tum hauh lo. Saikapa leh Lawmsanga leh Zingtiana te chuan lal Ngurliana thingthi lai chu kai tho in e khaii lalpa engthu nge i chham chhuah tak mai ni le... Keini ho hi i khawngaihna avanga i khua leh tui ni thei leh i rorelna fel tak hnuaia kun kan ni ngai e.. Heng Salu te hian i banglai a luah loh zawng in a hlutna leh ropuina a chuai mai anga sin tiin an lalpa chu kai tho in Zingruala chuan Lurhpui khaw lal zupui alo paipawn ruk chu lal Ngurliana chu hlan in lal Ngurliana chuan tukhum sai ngar ngar a an dawt mai zawng a rawn hawi chhuak leh hmel chu a lu a kai tih hai rual loh a lo lang in khai le... Zingrual hla han hril teh khai tiin lam amah chuan thai tan in Di mual ah chuan Zawlsang val rual te chuan lam an thai ta mup mup mai le... An thawm thangva chu ana ngang aniang.. Vanchung Nula ho pawn van tukverh hawngin Saikapa te lam lai mawng chu an rawn kawm sak leh nawk nawk thin hial reng a, Vanchung nula biangno lutuk pakhat phei chu a biang a far thei hial nia mawle...
.... Sai sa nen... Sazuk sa nen, Sanghal sa nen Zawlsang val rual te chu Zawlsang khaw kawt chhuah ah chuan thu ngir khup in an raldo hnehna nen Bawhhla lal Ngurliana chuan a chham ta vang vang mai le... Khawchhung lam a tanga an mahni chhawn thawm lo chhuak nghal in lal Ngurliana chuan kan pi pute dan pel hlek in kan kal angai anih hi tiin a Salu haw ten a vangkhua a lawi hun nghak hlel lutuk chuan lam kal tir in khaw mipui te pawn lo hmuak in lawmna mittui leh Arkeziak nen chu zan ah chuan nausen hnute hne lai te meuh pawh an ha a to thawt thawt thei hial nia mawle...
.... Kawl arawn enga lal Ngurliana Luhkapuia arawn din chhuah meuh chuan Zawlsang mipui te chu reh nghal thup in lal Ngurliana ngei chuan an raldona chanchin tawi chu Sawiin Pasaltha Tukmawia that tu lu chu Sahlam ah khaiin Pasaltha Tukmawia hriat reng nan Sazuk ki ropui tak chu Pasaltha Tukmawia bang lai ah tar tura thu pe in an hnehna lawm nan an Sa hawn hmang ngeia ruaipui an kil tur thu leh Fatu lam te chet vat atul dan te a tlip in mipui nawlpui chuan mahni in lam an pan ta sung sung a, Fatu ho erawh mawng vawmba ang mai chuan an phe nghal suau suau a.
.... Saikapa te ho Pasaltha Tukmawia phuba la a an kir leh na pawh kar khat lai a liam leh tawh lo hal a hun leh tep tawh chhungtin te pawn lo neih tur lam hawi leh thup tawh in Nu ho pawn an thlai chi rep te phawrh in thenawm nu nang enge i thlai chi dah a him tha em kei zawng zu va an che nasa lutuk a tia an thian te in a lo tlan kawi zawr zawr tawk lah bo lo... Saikapa nu pawh Thlai chi nei tha pawl tak ni leh in thenawm khawveng ten an pawt leh laih laih tawh a, Saikapa pawh Lawmsanga te in lama chuang kaiin Lawmsanga Nupui nau hrin hun tawh tak kal awn deuh tlui chu nuih put put in lo piang teh se ka duat dawn khawp ania tiin a thianpa fa lo piang tur chu a nghak hlel zawk zawk ah ala tang kual vel mai mai a, chutia an rik hlut lai chuan Saikapa te thenawm hnai Rawlthar pakhat chu rawn tlan nal nal in U Saikap lalpa in hman hmawh tak in U Lawmsanga khan lal in lam ah kal tur in thu min rawn ken tir U Zingtiana ka la hrilh leh dawna tih leh Zingtiana te in lam pana tlan chu a rual leh nghal daih a.
.... Saikapa leh Lawmsanga pawh hman hmawh ru tak mahse midangte tih ralkhel hlau ru tak si chuan lal in lam chu an pan thuai thuai a, lal in chhunga lut tura an dilna an lo chhawn rual chuan hman hmawh taka lut in lalpa enge pawi hai te a awm na em ni le.. Saikapa chu ngawi nghal daih in a hmazawna Tlangval la upa lo tak thu chu thlek vang vang in, Halrual nangmah maw inlo pem dawn nge, khawnge Vultei... Halruala chhanna chuan Saikapa hmela phurna awm zawng zawng chu a la bo chiang in a mitmeng rawn in thlak hlawk leh a hmela la lang ngailo hlauh thawnna te chu chhiar theiha lo lang nghal in a thut hmun atanga tho chhuak in a kut chu a hum ri rep rep a... Vulte kalo kal dawn Saikapa kalo kal dawn....