PASALTHA SAIKAPA BY Mafaka Khiangte (Completed)

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

PASALTHA SAIKAPA BY Mafaka Khiangte (Completed)

Unread post by Ngaia » May 27th, 2018, 8:30 pm

TargetPreview.jpg
TargetPreview.jpg (18.34 KiB) Viewed 26832 times

PASALTHA SAIKAPA BY Mafaka Khiangte (Completed)

Bung-1



A puanbih phelh niai mai siam that mawlh mawlh pah chuan U Thanrum hmeichhe nikhua lo leh buan chak lo lutuj ah chuan min ngailo hram rawh aw.. Tun ah chuan ka hmangaihzia che i hre chiang tawh ang tiraw, ka thianghlimna zawng zawng ka hlan ta che a nang hisn min kalsan leh si chuan engtin nge ka awm ve tak ang le... A kianga mittui hnam par chunga phun sep sep leh a thianghlimna a laksak zawh tak chiah Thanpari chu kuah vat in e khai Parte eng ai ah nge ka kalsan teh lul ang che nang zawk hian min phatsan ang tih ania ka hlauh zawk ni ngaihtha tak khan awm rawh i mualpho hi ka duh ngai lova.. Reilo te ah Palai hmel i hmu thuai ang i hmel hmu phak lova nikhat awm pawh hi ka thei tawh lo asin... Thanpari pawh a hmangaihna a hlan Thanruma tawngkam chuan a hneh thlu ngang ni tur ani.. Mittui luang kara hlim taka rawn nui chhuak ver ver in Thanruma tang ah chuan bei hle hle in Fur ruahtui rawn thawk nawn leh mek hnuai ah chuan Thlam chhuat phun ri tuar tuar kar ah chuan fan ngai loh rama cheng nawn leh in hmangaih thu an in hlan mawlh mawlh a...
... Thanpari em phur chunga feh kawng chho zawha hma hruai mek chu thlir vang vang chung chuan Phuba chu lak in a awm ta, zan lam ah zawng khaw mipui te leh i mitmei hmuh in beiseia zan tin in run bel tu val rual te chuan tuta nge i nih leh Ka Nula inih thu hi an hre dawn khawp...hman ah khan mualpho tak khan i nutapa khan ka Farnu kha siam in a fa pai ngei pawh kha ka fa anilo tiin a tang tlat ani lawmni.. Tun ah chuan a fawng chelhtu kani ve tawh e...
Thanruma hian thil hriat dik loh leh thil hriatsual lian tak anei tlat. A farnu mittui phakar in nasa taka bum in a farnu buan chak loh zia leh a fa paina pa ber pawh puh tur bik hrelo in an khaw Tlangval fel leh mize zawi ber te zing ami Thanpari Nutapa Khuagruala chu puh in mahni fa lo leh anpuan hmawr pawh dek talo chuan a nih loh thu a tan lo khawh ve tlat in Zakimi mittui nen lal in chu chhuah san in a hnu lawk ah tlu sual anga thang in nau a chhiat zui ta kha ani a... Kha zan a farnu mualpho zan atang khan Thanruma hian a thiam thil tinreng hmanga Thanpari hi veh thlem ngar ngar in a lawn chhuah tumna kung chu a lawn chhuak ta ngei a.. A hlawh tlinna hian rah tha a chhuah meuh angem le...
... Parbung khaw kawt chhuah ah chuan Mipa Naupang se en rual vel tur a pu Sai kah hming chawia Saikapa tia a sak hming puta chuan a U Thanpari chu lawm taka lo hmuak in Fanghma no a U em ami chu la chhuak in tui tih hmel fe chuan a keih Se ki van van a.. A rualpui naupang dangte pawn an chhungte feh hawng lo hmuak ve in hlim nuiri leh an hmangaihte tana an thil hawn sak te chu pe zel in hlim tak chuan khawchhung lam pan in an liam zung zung a...
Thanpari pawn a phur nghat sawk sawk in a U Khuangruala pawn a mut hmun atanga zak dawh tiang nen a in hawl chhuak in a hma kum lawka a zawngtah lawhna a tanga a chetsualna avanga a ke vei lam hmang thei talo in a nupui atana alo hmel duh ve deuh ber Parvuli lah chuan kebai kum khua tur Pasal atana neih chu alo tum aw zawng lo chu niin ti hian a mutna leh Tap in kar hi a khawvel ani ta ngawt a... Chumi remchanga la Thanruma an chhungkaw tana inpe zo tak mai chu Thanpari nu leh pa te lawm ah lo tla in Thanruma lah tum nei ran chunga Pari te tana inpe ani bawka, a mawng a zang in thawh hreh leh i pawh nei lovin a tap deuh chawt avang hian an fanu pawh hi Thanruma nei ngei tur leh chhuah hauh lo tur hian an fuih awl lova, Khuangruala erawh Thanruma khawsa zia ah chuan ngaihthat lohna lian tak neiin a farnu chu fimkhur tur chuan a chah awl lo thung a, mahse Hmeichhia leh Ui te chu a chul nel peih peih ti a an lo sawi fo tawh ang in Thanpari pawn a nutapa zilhna lam ai chuan Thanruma Vakul chang tawn chuan a mit a ti mim zawk ta si..
.... Parbung khaw zawlbuk pawh zan dang ang bawk in thawm atha leh ta laih laih kher mai.. Khaw lian ve pang ngai in Zathum bawr vel a in chhal ve ngam ngat khaw Zawlbuk pawh a lian tha hem hawm viau nang a... Nakin lawk ah chuan an leng lo mai dawn tih hre lawk in Zawlbuk pahnihna sakna hmun tur pawh an ruahman ru lawk diam tawh bawk a, Val Upa ten khaw chin vel sawia an titi tui viau lai chuan Tlangval te pawh rawn chuan kai belh zel in Val upa pawn Leng len hun hma chuan Tlangval hote chu fuihna hun te nei leh in Nula rimna hmun ah zahawm taka awm tur leh Leng hawn hun pang ngaia haw nachang hre tur te, Nula te kut thawh zawnga fiam lo tur te leh thu tha tinreng te fuih nawn mawlh mawlh in.. Fur chhiat lai anih avanga Sapui hnai thei anih zia te beng chhi kar chunga awm tur te a fuih in Leng len ar a khuan meuh chuan Zawlbuk chhuahsan in a luruh ring fal deuh te pawh tual lai dung ah an kal zai leh uan uan tawh a... Naupang ho pawh lo pawnto leh nak nak tawh in hmel leh Pian lama rual khum deuh Nula in chu a buk tha leh ta laih laih khawp mai...
Saikapa pawh Fanghma lek chhuak chunga inti thei taka zuang alh alh chung chuan a rualpui te awm khawmna lam chu pan in alo rin lawk ang ngei chuan a thiante ho chuan a fanghma keih ve chu an lo dil ta ngei reng a... Keih len awih loh tih pah chuan pakhat keih chin tur chu a kuttin chuan a rin nghauh nghauh a, Hmeichhe naupang ho pawh lo hnai zel in Saikapa chuan alo keih tir diat diat hlawm a, Kil khata inthlahrun hmel taka lo ding zum zat mai sam thur hri hre Vulmawii lam chu pan in vawikhat amah chuan an keih bung deuh hmawka abang zawng chu pe in Vulte kha ei ve rawh a tui lutuk ania tih leh a kuta hmeh bel chu rual in a thiante lam pan chuan a tlan san leh thuai a.. Vulmawii chuan a rilru chhungril taka lawmna nen tui ti tak chuan Saikapa fanghma pek chu a thial siah siah a.. Saikapa'n duhsak taka eitur a pe thin chu ani ang Nuhrawn hrawn tan chuan a lawm awm dan a dang in a thuk hle renga... Saikapa hming leh hmel hi Vulmawii tan chuan theih nghilh a har tawh khawp ang le...
... Thut muan Ar a khuang ta tih ah chuan Saikapa te veng lam ah chuan Mipa thinrim in hrosa thawm arawn chhuak ta tlat mai le... A tawngkam atang chuan Zurui aw tih hai rual anilo... Ka Nula ani ka tih chuan ani ani mai... Nang hian vawikhat pawh lo beisei tawh suh ang che... Thanpari hi ka Nuls ka duh hun hun a khumpui ka kai pui theih ani asin... U Thanrum chu aw lo chhuak chuan lungngaihna vawrtawp leh zahna nasa tak a pai tel tih hai rual anilo.. Za taka nui lui uar uar chung chuan nang hian ka hmangaih tak tak che ilo ring amaw... I nutapa ke bai kal theilo khan ka farnu ti bawrh bang in a tawp ah mualphona hmuna hnut chhiah in zahna kawn ah kan chhungkua in min hnut chhiah zia kha theih nghilh theiin mjn ring ami.. Tun ah chuan Tlangval pang ngai han melh leh ngam tur pawh ini lo ve... Tlangval dangte zing ah ka Zu nam hi min zahpui a maw... Hahahahs... Chu nuiri chu Thanpari te chhungkaw tan chuan ngaih thlak ava hrehawm dawn em...
..Tlangval lengve dang te tan han thut luih na chi zia zang ni tawh hek lo le.. Thanpari te chhungkua an in dawm kun tlawk tlawk lai chuan pakhat zela chhuak pheuh pheuh in an bo zo ta diak a, an hawn kawnga an titi tur chu zawh buai ngai lovin ava chiang si em... Khuangruala pawn a farnu chu kuah in Parte ka hlauh thawn ang ngei in maw.. Thanrum i thil tih man hi ila tel ve khawp ang lo ngai reng rawh tia ha chang thial rawp rawp chung chuan a chet sual hma a Thanruma te ang panga pawh nise a hlauh loh zia te ngaih tuah kir in Parte keimah vang ani e... I mualphona hian khual tual athan hma ngeiin he khua hi kan chhuahsan tur ani... Ka pa insiam rang rawh u.. Naktuk zing khawvar ah meuh chuan in zah luat vanga in lungngai hmel hmuh a hrehawm lutuk ange.. Eng lai maha min phatsan ngai lo tu ka thiante Pahnih han zawng vat tawh tiin Saikapa angaihna hrelo zeta in a lo tlan lut chiah chu a tir nghal thuai a...
... Khawfing chah hma hret chuan an rohlu neih ve ang ang te leh mutbu leh thuam te an ken theih tawk theuh ak bawr laih in Saikapa pawh a zawh tawk ak ve in an lu an phumna tura an lo rin zawn Parbung khua hlim taka tual an lo chaina thin ngei mai chu mittui nen an chhuahsan ta thliai thliai a.. An in lan theihna tawp atanga hawi let chunga apa Rum ri hak chuan Saikapa thisen chu mak tak maia fan kual rawih rawih in a chhip atanga a ke ler thleng mai chuan asa chhuak vek huan a hre hial a.. A kum atanga chhuta mawi lo khawp tawngkam chu arawn chhuak ta tlat.. Parbung khua hi ka rawn rap leh khawp ang.. Chutih hun ah chuan Saikapa hi tunge anih in hre tawh ngei ang... Engmah dang sawi zui tawh lovin a lo chhuan ruk em em a farnu neih chhun a U Thanpari chu kaiin hmalam pan chuan a pen tauh tauh a...



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 27th, 2018, 8:31 pm

Bung-2
Thanpari insut ru faih faih chunga zanriah chaw tur chhum mawlh mawlh chunga a kun kat kat lai chuan Khuangruala chuan Parte inthiam lo lutuk duh mah ta che an thil tih man hi an la tel ve khawp ang.. Keinin phuba la lo mah ila khuanu hian misual te thil tih that loh hi zawng an en liam mai mai bik hian ka ring lo, ka nu, Ka pa in ngaihtuah hah lutuk mah ta che u hei in fa te kan awm hi Saikapa pawh reilo te ah arawn tlangval thuai dawn alawm... Hmalam i thlir zawk ang u Partei pawh inti hrilh hai lutuk dawn e tih pah chuan a zak dawh tiang hmang chuan a bai kual zau zau a.. Saikapa erawh Mipa naupang mai tih tak ah ram hnuai chu nuam atiin an mahni thlah tu te Khuangruala thiante Pahnih buai taka an phisek lai pawh chu pui tange tih na chang hre lek lo chuan alo ri ve teng tung a..an hnung lawk a an hrehawmna chuan a umpha ve meuh lo chu ani e... Saikapa pa pawh rawn in thing harh in ani teh tak e... Khua atanga hnawh chhuah em kan nih loh hi...i nu lah ala valai tha bawk a, kei lah vanglai nun ka hmang tan mek ani a eng ah nge kan in dawm kun reng ang le... Zakunga thlah kan ni ngai e... Thanpar nang pawh in ngaih tuah hah tawh lo la, inzir nan hmang zawk ang che tih pah chuan a chem lek chhuak in zan lam thing tuah tur te chu Zuiliana te chu atan pui nghal mawlh mawlh a...
... Chutia mahni tul tul a an buai mawp mawp lai chuan Chawngkawr thinrim nasa taka Su hum hum thawm chu an in nghahna bul mai lui lam a tang chuan a rawn chhuak ta thut mai le... Mahni thut hmun thawhsan a din chhuah pah chuan Thanpari chuan Ka pa Saikapa awm miah lo ania hlauh thawn hmel tak chuan a pa lam pana tlan chu a rual nghal zat a... Saikapa han ek thawt ri chuan rawn zui nghal zat in, Zuiliana leh Lianpaua chu hman hmawh zet chuan Saikapa thawm neihna leh Rul thawm an hriatna lam ah chuan tlan dawk nghal zawk in.. Luikama Saikapa leh Chawngkawr in beihna hmun an thlen chuan mak tih luat vanga ding rual thawt in.. A kuta Chawngkawr patling banrek tia lawng tur awm Saikapa kuta lu per buia lo awm chu an rap lek lek hial a... Saikapa pawh a rul thah khai chumga rawn pen chhuak in U Zuilian a seh a na reuh lutuk mawle tih pah chuan a chawn puara Rul chukna hnu chu a hmuh tir thuai thuai a....
... Min chuk tihna chang hre hek lo... Min seh ve ngawta amah khan na ati zawk daih mawle a mei ah ka mana sawlai lung vuak nan sawn ka hmanga inti thei fe a tih pah chuan na tuar awm pawha lang lo chuan Zuiliana te kal pel in a chhung te lam pan chuan anui phei var var a... Zan mut hmun ah te chuan tumah ngaih tha a mu thei awm hek lo le... Saikapa mutui lai chu an in en chhawk sek hlawm a.. Mahse zan khua mai chuan engmah Saikapa taksa ah danglamna a awm tak lo ah chuan ngaih tha tak chuan an awm zui ve ta mai bawk a...
Parbung khaw lam ah pawh an thu thar lam ber kawl tu Thanpari te chhungkua ber an pem bo tak daih ah chuan han sawi zui chiam ngaihna hre hlawm hek lo le..lal beng pawh thleng ve bawk mahse tih theih dang nei tawh hek lo le angawih liam pui ta mai mai a... A buaina siamtu Thanruma te chhungkua lah chhungkaw hung tak leh a nei nung pawl tak an lo ni kher nen lalpa pawh chuan an ni chhungkaw pem tak avanga ka khua in a tlak chhiat na chhan tur a awm lo tur ah ngai ang tia thu ti tawp in khawnbawl upa te pawn a dik ani lalpa Hmeichhe buan chaklo nu leh pa an ni chu an zak ve fe dawn ani lo ti tliar tliar in an hmabak lam thil te thlir zui zel in an thawm pawh atha ham ham khawp mai...
... Thanruma chapo tak leh Nula ngai thei inti taka a leng vel chu lo ngei tawh leh run tawk pawh hlui khat daih zet chu an awm ve tho mai... A mah Thanruma lah chu a tawng nuam in Nula rimna ah pawh sum kar na nei lek lo hian Thanpari a theih dan te chu a sawi tak lung lung a, mahse Thanruma hian hriat telloh pakhat anei tlat Nula ngai thei inti tak leh bumna ten awm tak a hman chuan Nula kawl chhungkua te ah in ralrina dar a vuaksak tlat.. Thanruma hnaih lo tura fuih awl lovin Nula te pawn mawi hawih chuan be ve bawk mahse kawng an hawng zau duh lo mai ni lovin an nulat pui Thanpari khawngaihna leh lainatna chuan bu a khuar nasa tulh tulh thung a a nihna tak ah chuan ngam nise Thanruma chunga phuba lak chu an chak zek zek zawk hial mai...
Zawlsang khaw lal leh Upa te chuan an hmazawna pavalai tak leh a fapa Khuangruala tiang hawl chunga ding ran mai chu thlir thap in an fanu lak a thil thleng erawg thup tlat in an chhungkaw hmasawn zawkna anih beiseia Zawlsang khaw belh tuma an khua chhuahsan a pem an nih thu te chu Saikapa pa Pu Duhkima chuan sawi dap dap in an khua ah chuan awm tir phalsak ve tur chuan Zawlsang lal Ngurliana chu dil zui dap dap in an khaw tana hnawksak zawnga an khawsak ngai loh tur thu te sawi kai zel in thu tlukna erawh lal Ngurliana kut ah a awm ta... Pawn lama nghak lawk tura a hrilh ang chuan an Pafa chuan Tlangaupa chuan chhawm chhuak thuaiin rei pawh an thut hma chuan Tlangaupa chu rawn chhuak in lalpa in Pu Duhkima nupui fanau te ko tur leh khua ah chuan lal in awm a phalsak thu te lal in lama thu chiang zawk hre tur a lut leh tura hrilh pah chuan amah Tlangaupa chuan Saikapa ten a pa te an lo nghah na lam pan chuan a kal nghal nul nul a...
Khawnbawl Upa Vunga te in a in nghat in Saikapa te chhungkua pawh Zawlsang lal Ngurliana thatna chuan a hneh thlu ngang ni tur ani an lawmzia thu an sawi bang thei lo.. Tlangaupa in zanriah ei hun hma lawka an khaw pem thar chhungkaw tana insak sak angaih thu te leh a thei apiang te a tuk zing tuk thuan ei kham lama lal mual lam a thawk chhuak tur a a au thawm chu Pu Duhkima te chhungkaw tan chuan a tluka ri mawi a awm leh thei angem le... Saikapa erawh Khawnbawl Upa Vunga Fanu Nula fel leh zaidam tak mai chuan a kap kara thut tir in kil khat ah an lo in fiam nui hak hak a.. Saikapa chuan inti thei fe chuan kal kawnga Rul in a chukna te chu en tir in Upa Vunga fanu Lengkhumi chuan makti tak leh awih chiah silo chuan an zawt chiang vel a Saikapa tawngkam leh a la a lutuk chu lawm em em in inleng tlangval te an lo lawi lut tan tih lam pawh alo hre chang lo hial a... Saikapa lah Khumi kap kar atang chuan insawn tange ti duh bik hek suh.. Reilo te ah kawng kal chau ani bawk nen a muthlu zui ta lawp lawp a...
...Zingkhua alo var meuh chuan Thanpari pawh tap ah mei nun tuma buai khat khat in Saikapa erawh an thlen in nula kiang ah tui tak chuan ala mu hnar sak sak a... Thanpari thawm ah chuan Khumi pawh rang taka rawn tho chhuak vat in Laizawn nei ve talo fam chu nuam ti taka rawn ri nghal bawrh bawrh in Thanpari chu a Laizawn tak tak anga ngaiin zawitea titi siam siam in an han in kawm nel tak ah phei chuan an mizia alo in duh kher bawk nen midang rawn thawh chhuah ve hma chuan kawl a eng fel ta bawk a pawn lam ah Buh den tur nen in chhawp chhuak in an ri zui nghal tlat tlat a... An thawm ah Saikapa pawh rawn tho chhuak in U Khum nge min lo thawhsan daih a ka ril atam e arawn ti zui zat a, Thanpari chuan rang taka lo khap thuaiin Saia chaw ei a hun mai ang ngawi mai mai rawh... Lengkhumi chuan lo tawng chilh thuaiin Saia ngawi rawh aw tih leh in chhung lama tlan luh chu rual vat in Chawthing tlang lian tawk tak leh Chi tlang a rawn hum tel tlat...lal chi al liak pha khawp chhungkua Khawnbawl Upa min an nihna rawn lang in Saikapa tan pawh Chi arawn pe tel thei tlat.. Chi al nen ngata chaw thing an khel thei chu Saikapa chuan nuam atiin a keih thaih thaih a...
... Tuk thuan eikham a nih meuh chuan Saikapa te in sak pui tutur chu Nula leh Tlangval leh Nu leh Pa thenkhat te pawh tel in an beisei phak hauh loh khawpa tam an rawn chhuak khawm ta sup sup mai a Saikapa nu leh pa phei chu lawm luat avang zawk in an biang ah mittui aluang ngiai ngiai a, lal Ngurliana chuan hnatlang meuha a koh khawm na chhan te sawi fiah in a rang thei ang bera in pawh khawr pum sak tum tur leh tlawm ngaia thawk chhuak te chunga lawmthu te sawi zuiin lal khawngaihna avang chuan leh an in nghahna Khawnbawl Upa Vunga ngenna avang chuan Upa Vunga te in bul mai ah chuan in tur rel sak tur anih thu te an hmuh ang a an tlangval ber pawh hna hram thawk theilo anih dan te sawiin duhsak bik vang lam anih loh thu asawi te chuan khaw mipui te chu ahneh in Thikna thinlung reng pu hmel an awm hauh lo...
Zawlbuk lama Lengkhumi nuta Pali ten an khaw pemthar tur chhungkaw zingah chuan Nula hmeltha tak a awm thu an sawi avang chuan ani pakhat bawk aniang Tlangval rual te chuti khawpa an thawk chhuak tha tlat mai chu... Thanpari lah Mipa laka in thlahrung tak leh la kimki ru tak chunga an awm cheih cheih te chuan a tinu zual in Thaleng val rual te lung a dum ngei e.. Val Upa te remruatna hnuai ah zel chuan che chhuak nghal suau suau in Mipa a bik in Tlangval rual te chu ram lam ah an liam nghal sung sung a Chhun chawfak hun ah meuh chuan a relpui tur zawng chu an tung fel hman der tawh a...Lengi nuiri kar ah in fiam bawrh bawrh chunga thawk an ni bawk a an thawk sawt bawk aniang chhun chaw fak paha an thawh chin an thlir reng an thaw nuam tlang emai...
.. An in relna bul mai Mipa Naupang in fiam ho zing atang chuan thinrim inhnial thawm arawn chhuak ta tlat mai le... Tlangval thenkhat te chuan han hau deuh that that in an kiang mai dawn amaw tih lai chuan Mipa Naupang Saikapa te aia kum hnih bawr vel lai tur awm chuan a hma zawna Mipa Naupang cher ria thal mai chu melh ding ngar chung chuan engtin maw itih ka Thangkam kha nangma ngei hian ani minlo en khalh ka vel dawn khawp che tih pah chuan ben tum in a hnaih zual sauh a, chu Naupang te lah chuan mit khap map lova lo en in ka sawi tawh kha i thangkam ka en khalh lo che a ka en khalh ngai bawk lo ang che..i duh tawk in kut min thlak thei ang...
..Chu naupang chu pai nghal khat khat in a hnar atanga Thisen chhuak zaih zaih chu hre awm pawh chuan alang duh hauh lo thung... A hnar hnek sak tu.. Neihvura chuan a thuih hruai pathum te hnen ah chuan in duh tawk in zuk khawih rawh u in thang khawih tu pa khu tih pah chuan a naute chu a fuih pawrh nghal zat a, Neihvura nauten Lawmsanga beih rawn tum a an pen chhuak chiah chu an hmazawn ah chuan an sir lawka Sephung lo khal mawlh mawlh Pemthar naupang a ruka velh atana an lo hual lawk a hming tak ngial pawh an la hriat loh ngei mai chu an kar ah tak rawn tla zep chat in nuisang chung chuan Tu Sephung nei lian lian ti daih ang u.. Insual zawng atha lo ania intihrawn phei chu a dik lo leh zual in tawp lo anih chuan a tlem zawk lam ah hian ka tang e... A hmel lah chu a hma ang tho chuan ala nuisang reng mai si.. Neihvura chuan Naupang kalsawn teh tih pah chuan anau te chu nam sawn in Saikapa nui sang lai chu han hnek thal tawp tum chuan an vai pawp mai a.. Mahse englai in nge alo awmsawn hman hriat miah loh khawpa rang chuan Saikapa chu Neihvura lak ata chu alo kiang hman tlat.. Hun reilote mah nise.. Neihvura chuan Saikapa chu akhawih fuh hman tlat lo... Saikapa chuan nuisang chuan Chala chil hnawm hmasa sa tih pah chuan Neihvura chal ah chuan chil an hnawm zauh mai zawng alo thlir tute pawh chu an nui zo ta vek a... Val Upa in arawn thelh tak ah chuan ding khawm thap in thian ah an insiam zui ta thuai zawk a... Tuibur hmuam da awrh aliam hman awm e.. Mipa Naupang rual te chu a hma lawka insual buai an nih hriat hauh loh khawpa hlim chuan Sephung an insual tir laih laih a an hlim nui thawm chuan an kiang vel amite pawh ati nui var var hlawm a...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 27th, 2018, 8:32 pm

Bung-3
zawlsang khaw tangrual tia an chheh vel khuaten an lo fak thlawn lo khua tih tak ah Saikapa te in tur an han sa pawh chu an tanrual zia lo lang in in fiam nui thawm nen nithum ni chhun chawfak hun ah meuh chuan luah theih tura peih fel at tawh in an thawh rah te thlira an insak zawh tak kawt ah chuan ding thap chung chuan hmabak tlem te an la neih leh la thawm belh ngai lai te chu Val upa chuan kawk kual dan dan in hnatlanga thawk chhuak leh an insak puitu te tui lo sem mek Thanpari leh Khawnbawl Upa fanu Khualkaii te chu an fiam pah luam bawk a... Thanpari pawh tun ah chuan a tlangnel chho ve ta bawka a hma ni a induh tia an sawi na pawh a bo ta Tlangval hoten fiam teh ah nei tawh in zah luat vanga a biang an sen tai tek mai te, a sam mawng vaw hnap mai chawi tura a mawng Thlangra laih te chuan mit ala zar mai.. A pian nu zem mai leh belh chiana chum ru riau si te chuan Buhchangrum leh Sazuk tui hang tlan Val rual te thisen a ti lum ngang ni tur ai... Kuaivela meuh pawh hahni dai duk in a khi nileng thei tlat...
...In chung lama la khawmuang Pathlawi zang hang Lutvela chu Val Upa chuan ko lar lar in Vela kan in chung chih kha a phui tha ang chu maw an ti zauh a, Lutvela lah thil htethiam lo rual ni tawh hek lo le... Rang tak chuan Thanpari leh Khualkaii te chu ko thuaiin khawnge Thanpar intui um chu min han lak teh u kan in chung chih hi a hul reng em kan fiah ngat ange tih pah chuan an nui deuh hai a.. Tlangval leh Patling leg nutling lo awm ve te chuan Lutvela thil tum chu an man nghal maia, mahse Nulat la hmang thui lo ta fam Thanpari te thian dun chuan engmah hre thiam ve hek lo le.. Phur leh mawng zang vah a Lutvela lam pan in an Tui um ken lai chu pek tum in an han ban thuai a... Lutvela'n alo ban let mai loh avang chuan a ngaihna hrelo zeta an han hawi chho zet chu... Khualkaii chuan awiiii ka duh lo a dum lutuk tih leh tlan chhiat chu rual in midang hlim nui thawm nen Thanpari te thiandun zak lutuk lah chu an insik tawn tawn ringawt a... Lutvela lah an lek kual lui vel bawk nen Hmeichhe awm ho chu an rak tuar tuar thei hial a... Saikapa lah chuan apu tilte chu lian ve an lo ti lauh lauh bawk a an thawm ana in Thanpari pawn hun reilote chhung chu a hnung kar lawka a thil tawn chu a theih nghilh hman hial thei tlat...
... Thenawm khawveng hnai ten bengvar chhuah liam liam in Pu Duhkima te chhungkua lawm bawksi lawmthu sawi ngaihna pawh hre silo chuan buh leh bal rawn pe tute chu mittui tla zawih zawih a lo chibai lawp lawp in an thatna chu an rulh sen loh tur thu chu an chah cham chi ani hrim a... An in nghahna a fuh avang leh lal mual meuha cheng pha an nihna chuan an din hmun ati nghet in mipui nawlpui thlir dan pawh adang zar mai... Hetia lalpa in lal mual a insak a renti tlat mai hian chhan lian tak anei tlat... Saikapa pa Pu Duhkima a hmuh tirh khan alo chik hle chu niin pa tawngtui tam lo tak ni mahse Pa ngaihtuahna fim tak hmang leh lal Thurawn pe thei tur khawpa finna nei niin a hmuh miau vaang ani pakhat a... A ni reng lah tak a Pu Duhkima hi a thlah tute ang in Pasaltha kawng zawh ve lo mahse a ralrel a sual ngai lovin thlawh hma lak chung chang ah leh thlai chi that duh bik na lai te hre zet mai leh ama kut kawih ngeia thang danglam tak tak siam chhuak thin Thahrui lam aia thluak hmang nasa kan tih ang chi hi ani reng a, chu a finna thuruk Zawlsang lalpa in alo hmu tlat mai pawh hi lalpa pawh a mawl bik lo tih a chiang tlat...
Parbung khaw lam pawh nun pang ngai te a kal zel in Thanruma in sawi thei kual vel pawh tun ngaihsak hek lo le, tin a ruka an khua pem santu pu Duhkima te chhungkua lah an ngaihsak zui lem hlei lova Thanruma chung ah lah a Nula ngaih a tih mualpho vanga zilhna lek atul an ti hek lo.. Naupang ho pawn an nitin in fiampui thin Saikapa awm talo pawh chu hre awm pawn an lang chuang lem lova... Mahse a rualpui Naupang ten Saikapa a awm ve ani tih lam reng an ngaihtuah duh loh lai chuan Hmeichhe naupang pakhat Saikap'n englai pawha a eitur a sem ve ngei ngei thin Vulmawii erawh Saikapa a thian neih ve chhun leh amah lainat tu awm chhun chu ngaih tuah rauh rauh chung chuan Saia kan in hmu leh angem le ti sep sep chung chuan an in chhete anu Hmeithai te chauh nen a an khawsak na lam pan chuan a in chhuih haw dat dat a... A thian Saikapa nen chuan intawng leh tak ang mawle...
Saikapa tuk thuan bar mawlh mawlh lai chuan pawn lam atanga au thawm chuan a rawn hawlh za zar mai.. A nu in bar zo phawt rawh tia pawh thut luih leh atumna lak ata tal pit in pawn lama amah rawn sawmtu te sawmna chuan a hneh thlu ngang mai... Eng ai ah nge a chak loh teh lul ang ni.. A hma zan lawka an lo rel lawk tawh ang in an khaw Phul tlang lam ah Zawlbuk thing keuh tur lak pah in Di leh Thang hmun an bawh eng dawn miau alawm... Chumai ni lovin Tukhur mual veng naupang te nen in beihna leh in run na ropui an la nei dawn zui bawk nen... A hma zan lama Neihvura nen Tuikhur mual veng Naupang ho buk sak na an lo en thla dim diam tawh tlat a lawm buk in luahsak hmasa thei zawk zawk te din channa tur ani miau mai tunge han thu khawmuang phal tawh ang le...
Kal pah chuan Neihvura chem hum chhuah hmang chuan Hrui duk chhat zung zung in Indona ropui nei tur leh an hmelma lam te phuar bet thei ngei tura in ngaiin Ral lu khai tura Ram mu chhuak nena danglamna reng a awm lo... A kum hmasa lam ah khan Tuikhur mual te lak ah hian an lo tlawm tawh avang in tlawm nawn leh an tum lo kher mai..
..Tuikhur mual lam pawh Saikapa te ang tho a rawn phek chhuak ve in an Pa ten an siam sak Khawhma chem nen an hotupa Lawnlera ho ngata rawn thawk chhuak an ni bawka lal mual lam chu sim rawih khawp a sawisak leh an buk pawh tih chhiat vek an tum nasa mai le... An buai rukna erawh lal mual ah chuan Pemthar naupang huaisen zet mai leh Sephung pawh nei chal deuh a awm tih thawm chuan an beng a thleng ve tlat.. Eng ang rual vel nge ni anga Lawnlera aiin a huai zawk in a chak zawk angem.. Lawnlera chuan a hneh angem.. A hneh loh erawh an ring chhin lo mai pawh ni lovin an rualpui te zing ah Lawnlera han el pha tur an awm hian an ring mawlh lo...
.... Phul tlang boruak in mung nasa zet chu chungleng sava leh lei lama eizawng te pawn an hre thiam ve ani ngei ang.. An thawm reng an chhuah loh dan ah.. Saikapa chuan Thingzara thawm nei hauh lova uai kual dan dan pah chuan an thlang lawk mual bul thut a Lawnlera leh a hote'n fimkhur taka an rawn veh chho dan dan chu zaizira Neihvura te chu hrilh zauh zauh chung chuan a hrui awrh lai chu phih awh theih tura valh nghal mawp mawp in an ruahman lawk ang thlap a an thian dangte Lawnlera te hel zawnga an buk suasam tuma thawk chhuak te pawh hnim kar ah chuan a hmu zauh zauh thei bawk a..
Neihvura chuan maktih hmel fe a Saikapa chu thlek vang vang in an hmelma lam te an rawn hnaih tawh viau laia a kiang lawn tura a hui tlat mai chu a mak reng lah tak a, Saikapa lah chuan a hui nasa mai si nen ummm a eng chu i hria ni maw tih pah chuan hman hmawh zet chuan Saikapa lawnna Hmawng kung ah chuan a ban chho ve nghal tawi tawi a... Saikapa ruahmanna tha tak mai a hriat tak ah chuan nui var var chung chuan a lawn lam ai maha hman hmawh chuan an thian dangte lo bihrukna lam pan chuan a kap zut thla puat puat a...
... Lawnlera te pawh an fimkhur ngang mai nidang ang lo taka chet rawn la in Phul mual chu hel lovin mual pharh zau lai ah chuan an lo chan ngam an ring lo nen bak ah Lawnlera han khing pha tur an awm a an hriat miau loh avang chuan an hmazawn mual chu an rawn vang tan chho hmiah hmiah ta mai le.. Ani reng lah tak a Lawnlera hi a taksa phu lo hian a kum lam ah a chal feng reuh a vang hian a mah a inrin tawk aia nasa mah chuan a naute hian an ring bawk nen tharum ah kher kher chuan Neihvura hi an hnung kum ah pawh khan alo ching chau tawh tlat ani...
...Lawnlera chuan ring leng lawnga anaute fuih pah chuan kha keimah Tuikhur veng Pasaltha Lawnlera kalo kal e... Neihvur i ngam anih chuan min lo hmachhawn ta che an ti vei kak kak a.. Neihvura pawh Saikapa ruahman ang chiaha che chhuak in Lawnler heta hi ka awm e... I vaupung hi zawng ana ve teh e tiraw hawi let teh i buk saw.. Lawnlera'n an buk kang hluah hluah a hmuh chuan thinrim arawl tawpa au chhuak chunga rawn dawk chho pur pur in Neihvura chuan inring tawk hmel tak lo nghak in chu chu Lawnlera huat tawk alo tling nasa maj si.. Fimkhurna hlauh vek khawpa rawn tlan pawp pawp in Neihvura kianga a thiante awm ve hauh lo pawh ngaih tih that loh phah nan hman na chang hre hek lo le... Hlam nga lo liam a awm tawh lo ang tih ah chuan Neihvura aw in Khaile an ti tuar mai zawng.. Chumi rual chiah chuan Lawnlera te tlan chak lai chuan Saikapa ruahmanna an rap per ta tlat.. Ram hruiduk a hmawr leh lam lungpuia an tawn beh tlat leh a hmawr leh lam an chelh rawn an pawh mar pau mai chu rawn pal in an thal ta phawk phawk mai le..
..Chulai hun tha lo chang lal mual mipa Naupang te chuan an rawn bawh chilh nghal miah miah bawka an ni Tuikhur veng lam lo tal buai lai tak lo ni bawk nen Saikapa pawhzit siam hmang chuan an rawn phih awk hman tlat... Lawnlera erawh a mah bawh tu chu leng per lawp in thinrim taka Neihvura lama tlan leh ngat in a hmel en mai pawn in fiamna rilru ai mah chuan an khaw runtu lu la tur hmel a pu hial tawh a, atir atanga a hneh tu zawk lo en dik tura ruat Tlangval pahnih te pawh an che chhuak hman tep chu ani e.. Mahse Lawnlera tlan lai chu te thawt in a nghawng chu a dawm nghal chat bawka mahse a nghawnga rawn phih awk tu chuan Thingzar tan chhan miau hek a phih nat pauh leh a nghawng a hrui chu a rek na ting mai si.. Tih ngaihna a awm talo a Khawmhma chem chu thlauh in a inpe ta nge nge a...lal mual naupang te lawm luat vanga zuang tawr tawr in Saikapa chu an zawn lawp lawp a... A tir atanga engkim lo hmutu Tlangval pahnih te pawh chuan Saikapa hrui hmang thiam lutuk leh a ruahmanna tha lutuk chu mak an tiin tluk lo zawk hial chuan in hria in eng ang tak in la rawn seilian ang che maw an ti ru sap sap a.. A pa thang siam lai vawi duai lo lo hmu tu Saikapa tan erawh hrui han valh kual vel chu thil thar ani hauh lo...
... Hnehna changtu lawm man thlakhat chhung ngawt Zawlbuk thing keuh ngailo in Tuikhur mual lam ten an keuh ai an keuh sak dawn tlat... Lawm luat vanga zuang tawr tawr in an hmazawn vailenhlo leh thang pik leh Di te chu in bawh en siak in chuni zet zawng Rak lu sawm khai hawng ai pawha lawmna nasa zawk nen khaw chhung lam pan chuan Tuikhur mual lam an tlawm e... Tih leh kan Chak e tih thawm nen hnap dawk zawk zawk khawpa zuang leh lam chung chuan chaw eitui zan ah minlo sawm rawh aw ti tliar tliar in mahni in theuh ah chuan pheikhai zang vah chuan an hawng darh sang sang a... Lawnlera leh a hote erawh thinrimna leh Pem thar mipa Naupang Saikapa huatna leh phuba lakna rem chang zawng chung chuan thla uai hnap leh pheikhai zang lo zet chuan tlawm thu hawn chung chuan an run an lawi hna hna hlawm a...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 27th, 2018, 8:32 pm

Bung-4
Zawlsang khua ah chuan Saikapa te chhungkua pawh an mikhual ta bik lo chumi lan chian em em na chu Thanpari rimtu Tlangval rualte thawm ah pawh gai rual ani lo... Saikapa te thian ho pawh nitin leh zantin maia in kawp khawm zel in Neihvura chu kum lama upa ber tih tak ah an thil tih na vel reng reng ah chuan a meizang hlap tu ber niin naupang rual in kawm khawm tih tak ah an nghal ru phian mai tih lanna chu Neihvura til pawr aw tih thum belh vel in vengthlang hmeithai Zingruali kawngka an kik fiam ngun dan ah leh an bum zin dan ah chuan alang reng mai. An lal rorel thiamna pawn khual kai zel in pem thar pawh an awm awl lova khawchhung enkawl na lam ah lah khawnbawl upa te an viak atha in Zawlbuk lam lah nise Val Upa kaih hruaina hnuai ah zel thuawih taka kal in lei do an nei lo bawk nen muan chikim in an muang ani ber mai a mahse chu an muanna chuan rei a daih meuh angem le...
... Saikapa te thian ho pawh an pa te theuh chempui hum chhuak ru tat tat in veng hmawr atanga bul tan chho zel in perhpawng an laih chhuahsa pawh an ak khawm hnem tawh in rawh rik sar sar hlan an nghak hlel kher mai... Neihvura leh Saikapa perhpawng kaw hai kun ngar ngar lai chuan an thian dangte pawn Saikapa te hnena zawhna lo pe ve sek in a lian em? I ban pha tawh em? Chutia nghak hlel taka an lo thlir thap lai chuan an chung Muk kung zar chu a ri ta suau mai le! A tlan zawng an tlan darh em lo nang a an hawi her ah chuan an thla amuang zan tawh lo tih a chiang kher mai...
Neihvura'n ka man e ka man e.. Neihvura au thawm a reh rual chiah chuan an chung Muk kung atang ngei chuan Vahluk lianpui mai chu rawn thlawk chhuak phurh in a thawm ana in a lian tham bawk a tlan ang u tih an ngai lo kher mai Neihvura ber chuan Ram mi ani ngei e tih leh tlan a rual ta mai a an perhpawng man sa an dah khawmna ipte ber pawh ngaihsak thei awm tawh hek lo le a him chin ni a an ngaih Zawlbuk tual an thlen chuan hah thaw hlawp hlawp chung chuan an han ding khawm laih laih a... An zing ah Saikapa reng reng alo awm ve lo tlat mai a ngaihna hrelo zet a in thlek kual he haw chung chuan Saikapa awm ve miah lo tih chu an tawngkam hmasa ber ani vek mai...
...Khatia a thiante an tlan tak huk rual chiah khan aperhpawng hai lai pawh man ve chiah in lawmpuitu erawh anei talo. Nui var var chung chuan Vahluk mai mai hlau a tlan chhe hnam kani love keiman ka nei vek anga ti nia tih pah chuan a thiante tlansan ipte chu chhar in Meichher tla darh nuai chu ban pah in a thiante tlanna lam hawi chuan hman hmawh map lo chuan a kal phei zui ve mai bawk a... Thui pawh ala kal hman lo tih ah chuan a mah tawk zawnga mipa Naupang rual lo phei tham tham chu hmu nghal in an meichher eng ah chuan Lawnlera leh a hote tih chu a hai lo chiang kher mai.
... Saikapa hmachhawn zawnga ding thap in Lawnlera chuan nanghi ini tiraw in rawn pem tirh a hruia min phih awk tu kha a awm a Lawnlera nem sak na avanga hnung tawlh dar chung chuan nuih sang pah in ni ang chu mawle i ang chawp chawp hmel pawh ka la mitthla thiam hial asin an ti zui ve ngat a. Lawnlera huat tawk a tling in thil hlui te hre chhuak uar uar in Saikapa khabe zawn ah chuan a kuttum chu a thlawk chhuak nghal fur mai a... Saikapa pawh a thal chiang kher mai.. Lawnlera leh a hoten nuihsawh taka an kawh vel lai chuan muangchanga nuisanga rawn ding chhuak in i hnek pawh ana tham ve khawp mai... I duh tawk tawh chuan ka kal mai ange tih pah a kalsan mai chu a tum nghal a... Mahse ami hmachhawn mek te hian Saikapa chu chuti maia kal tir an tum hauh lo.
..Lawnlera chuan Saikapa tukhuma ben thuai pah chuan kal ka phal hun ah chauh i kal ang Lawnlera pawisawi a pawizia i hriat hun ah chuan i khawsik vang in i tlun hlarh hlarh ang mawle chhantu lah nei hek lo che i U neih ve chhun lah Kebai leh nghal.. Lawnlera nui lai hnar ruh tliak rawp chuan an nui lai chu a chawlh tir chiang kher mai.. Ka U chungchang kher kha chu khati khan vawikat mah sawi tawh ngai suh.. Lawnlera hnar thi hnuang chunga rawn hawi chhuak Khabe kual ah chuan ri leh nghal siah in Saikapa nui hmel reng alang tawh lo.
Lawnlera lam pana a pen chhuak leh tur chiah chu a tukhum ri nghal chawrh in a rualpui thah mi panga in an han sual rawn tak tak mai zawng Saikapa chuan a theih tawp in sual let ve eng ang mahse pakhat akhawih chhung in Kuttum a dawng hnem hman theih em a vang chuan hreh zet chuan a bawk zawi ta hnawk a... Thawh chhuah leh hram tum a inbeng kang leh ar ar in a khabe kual a Lawnlera kephah in arawn den leh tak siah ah chuan athim mup a engmah hrelo chuan chulai ruam ah chuan athal ta der mai le..
.... Chutia Zawlbuk piah lawka hlau hlawp leh angaihna hrelo zet a Neihvura te ho an djn khawm thap lai chuan Khurhaia chuan Saikapa chu aw Huai ho khan an man hman ani ngei ngei ang... Vura tiru iva zawng ang u a aw chhuak atang pawh chuan a ngaihtuah hle tih hai rual anilo.. Mahse an in nghah na ber Neihvura lah a thau ah an thil tawn khan aman tlat mai si tih ngaihna awm tawh hek lo le. Zawlbuk lam an pan ta ngawt a Zawlbuk nghaka titi lo vawrh te hnena an thil tawn an sawi meuh chuan han ngawih liampui mai mai chu afel zanlo a hriatna neiin Tlangval pahnih Zawlbuk kai thar deuh te chu Val Upa chuan tir thuaiin Saikapa te perhpawng kaw haina lam ah chuan anni pawh an liam zui ta thuai a...
.... An tlangval tirh te an beisei ai maha an thang rei tak ah chuan Zawlbuk hmun nghak ho pawh an mawng a ngheh tawh loh dan ah an ngaih atha vak tawh lo tih hai rual anilo... Neihvura te ho mang ang lah chu an tap deuh pur hlawm tawh a. A khat tawka Tlangval pahnih te liamna lam en a an in dah chhawk chhen lai chuan nakin deuh ah chuan an awmna atanga hla fe mai ah chuan meichher rawn eng phei teng teng chu hmu in tumah che chang mai lo chuan an lo thlir thap a an rawn hnaih zel tak ah chuan Pakhat zawk chuan puak anei tlat mai le... Val Upa pawh hman hmawh taka tlan chhuak nghal in an mi tirhte tawk zawnga tlan thuaiin Saikapa engmah hre lo leh a hmai leh Taksa hmun hrang hrang hliam tuar nasa em em a hmel ngat phei chu hmuh tlak a lawi a awm tlat lo...
... Val Upa Zingruala chuan Saikapa chu sawi nawk nawk in Saikap... Saikap.. A mar te an dek kual zung zung a a mar erawh a phu tha viau a, Zingruala chuan ti teh u an in lam i pan pui phawt teh ang u tih leh amah chuan hmahruai arual nghal zat a. Saikapa thianpa ber Lawmsang pawh rawn lang ve nawlh in a thianpa nikhaw hre lova an puak hnawp hnawp chu a kuta vuan in a zui ve hnak hnak a... Neihvura te lam hawi pah chuan in tlan chhiatsan vek amaw...a hnunga an titi chu Lawmsanga chuan hre pha in a nu nawmsam loh avanga chhuak tlai bik anih avang in engmah hre lova rawn tek chhuak kha ani reng a... Neihvura te chuan chhan ngaihna reng an hrelo.. Lawmsanga chuan hawisan pah in Hmeichhia ang chauh tiin a phun vei bal bal a.. A thianpa chu Huai sawisak ni lovin mihring kutthlak ngei anih a ring nghet nghal hmiah bawka, Lawnlera te ho a mitthla ah an lo lang nghal zut zut a...
Thanpari lungchhe vankaia atap zawih zawih chu an thawm hria a rang taka rawn tlan lut Lengkhumi chuan kuah vat in Saikapa hmel hmuh tlak awm mang lo khawpa lo thi seng sung mai leh vung phui tlat mai chu an en nghal vat a... A Naute duatlai lo in la pa ve tan mek Saikapa hmel a hmuh ve meuh chuan Lengkhumi chu hnem ngai zawk hial khawpa nasa chuan Saikapa engmah hre lova let reng chu bawh in awrawl tawp chuan a tap ta hawm hawm mai le. Lengkhumi nutapa Raltawna Thanpari run zantin luahlumtu leh Zantam Thanpari mitmei hmuh inbeisei awllo tu chuan anau chu rang taka kai tho vin Khumi a thih zawng ala thi em love... Thenawm khawveng i ti phawk lek zo anga sin tiin a hnem nghal mawlh mawlh a, an thil tawn chanchin te chu Neihvura chuan sawi zel in Huai sawisak anih ngei ring in an ngaih a tha mawlh tawh lo... Sadawt ko tura an in tirh mek lai chuan Saikapa chu rawn meng chhuak lep lep in Sadawt koh tuma an buai lai pawh chu chawl thap in Tui tia Saikapa phun sep sep chu Lawmsanga chuan rang taka man nghal in tuisik chu ava suah sak ta vat a, han tulh bawrh bawrh mai atum lai chuan Val Upa Zingruala chuan khaih khaih khawi keiman le i tulh tam lutuk chuan a thihpui thei ania tiin tlem te te chuan amah chuan a tulh ta nghal a...
... Sadawt koh mai an rel lai chuan Saikapa chu rawn meng leh lap lap in Sadawt koh a ngai love... Eng Huai mah in mjn ti buai lo..ka tlu sual palh mai ani e fel fai taka rawn tiin tui taka muhil ang mai chuan a chhing leh ta riai riai a ngaihtuahawm lutuk a an ngaih loh hnu pawh chuan Lengkhumi chuan keimah ka kal mai ang Bawlpu tal in enkawl rawhse tih leh tlan chhuah atum ta mai a rang taka dang in Tlangval pahnih chu Bawlpu ko tur chuan an chhuak zui ta vat a...
.. Bawlpu in ngun taka an en vel chuan ngaihtuahawm ani love mahse lum palhna satliah chu a ang lo khawp mai.. Mipa Naupang maktak ani e.. Heng a hliam tawrh zozai hi chu rum pui dar dar tham ani asin mawle kha damdawi te ka hnawih tawh a zing ah chuan a rawn tho dam mai ang kava tin tawh ange.. Eng emaw a awm leh anih chuan min rawn ko leh thuai dawn nia tiin a chhuahsan zui ta nghal a. Lawmsanga erawh eng ang a nasa pawn hawng turin thlem teh mahse biak loh ang hlauh maia ngawi ngal in Saikapa harh hun ah le kut thlak tute hi min hrilh hma chuan ka lungawi dawn lo.. Rawlthar kai ve lek lek tawh luhlul rual ani bawka a thianpa engmah hre lova mu chu hawnsan zai reng a rel lo...
A kuta rawn khawih tu khawihna avanga meng chhuak lap lap in Lawmsanga chuan Saikapa kut chu hmer let vat in Saikapa zaizir ang chuan a thianpa chu tung tho thuaiin tapa mei pawh alo mit lek lek tawh a... Midang ho pawh tui taka hnar sak sak in an thian dun chauh chuan thuruk an sawi ta sar sar a... Saikapa dam ve leh Lawnlera te chunga phuba lak an tumna chu a nasa kher mai an tum ang tak in khawsa thei ang mawle... Reilo te ah midang pawh rawn harh ve in Saikapa lo harh tha ta viau chuan ati lawm tlang hle mai...a nat dan te dil chhut tak chuan han zawt thin mahse kawng thlang lama lum palh anih thu bak a sawi duh der si lova ..Thanpari leh Lengkhumi phei chuan hau leh vau ti tih in an dawp nasa mai.. Mahse an beidawng chu ani e...
Phuba lak chak teh mahse Saikapa ber ala dam that miau loh avang chuan Lawmsanga nen chuan an inkawp deuh chawt a Neihvura te ho pawh rawn lang ve tham tham thin in Saikapa an tlan san avanga inthiam loh na nen an kimki viau mai a.. Chu chu Saikapa chuan lo man thiam thuaiin a mah zawk chuan an thiam loh anih loh dan te sawiin Neihvura te ho pawh ngampa leh ngaihtha tak chuan an in kawm ho leh bawrh bawrh tawh a. Nikhat chu intiam rual ang maia Tuk thuan eikham fehrehsan hun ah chuan Saikapa te in a kal khawm tak tak in chumi ni ah chuan Saikapa chunga rawng taka chet la tute chunga er let ve dan tur an zam ta ruih mai le... A hun thlen hma a ram lama insual leh inbeih zir tur a ruahmanna siam in chu ni zet zawng an phur ngang aniang Saikapa nu Artui dah that an chhum ruk zawh vek dan ah hai rual anilo...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 27th, 2018, 8:32 pm

Bung-5
kar hnih tha zet a liam leh meuh chuan Saikapa pawh hliam na leh hlauhawm tham nei talo chu a hma ang mai a dam tha in a thiante pawh apawl pha leh zat zat tawh a Naupang harhvang tak anih lanna chu mau hmun ah Chepa nung um in a nung chung in aman hman tlat chu ani... Lawnlera te ho kutthlak na hnu hma erawh belkang dam leh ala var deuh ri riai thunga... A mah Saikapa ber chuan Lawnlera te lam tawm im ta lutuk chu nuam lo atiin a khawngaih let lek lek zawk hial a mahse kut thlawn tawrh tlang mai erawh atum hauh lo..
Hun leh ni aliam zela an thian ho a an lo tum lawk leh ruahman lawk ang chiah chuan ram lam ah nun chan zir tura thawk chhuak in Saikapa te vau lui atanga Damdep ngaw chhunga lut pheiin an vai chuan Paruk lai an nih ve avang leh an chak leh nuam tih ber mai ram lama an han chetla vel chu hmuh an nuam in an mahni an phur bawk a an chetna vel chu ape veng vung mai a, mahni duh dan theuh a an vah hran hnu chuan chhun chaw fak hun ah mahni hmanraw duhzawng theuh la theuh a Bung kung hnuai ah chuan in hmuh khawm leh in tiam in mahni seh seh mual ah tiin an vak darh sang sang a...
.... Saikapa leh Lawmsanga erawh a hranga kal lova in zui zel in Raw hung awmna lam ah chuan an inzui lut ta thuai a, Saia kei chu Mau tiang dung chen vel hi ka hmang teh ang a hmawr zum tawn hian ka siam anga Chempui satliah chuan min tawk pha hauh lo ang tiin phur fe chuan a dung chen aia tawi deuh a mau lak chu a suih hauh hauh a... Saikapa chuan Lawmsanga chem hman zawh hun nghaka a thianpa kianga lo thu in alo bih hnai thawkhat aniang.. Lawmsanga mau thel mam chuan a hlawi tel lo chauh zel a, Thianpa lo thu hla ve deuh la mawle atih pawh chu hreawm pawh a lang lo chuan a hmanraw hman ve tur ngaihtuah leh melh kual reng reng chuan alo hawi vual vual a...
..Lawmsanga chem hman zawh ruala la ve chat in Raw bul chang tha Arsi ek kai that tawh chu a bul hrut ah tan in Tawng chen vela seia tan nghal mawlh mawlh in a hum nuam tawk vel tur a sui nghal mawlh mawlh in pakhat mai ni lovin Pahnih lai chu siam zui mawp mawp in Raw bul chang tha ani bawka Thingtuai satliah mai mai ai chuan arinawm fe tih en mai pawn alang reng mai...duh tawk a an hman rua an han siam fel chiah chuan nui var var in khai le tih leh an mahni chu inbeih an tan nghal chu ani der a... Tharum chhuah tak meuh meuh a inbei an ni bawk a, an hah tawng khawng an thut chawlh meuh chuan an hmanraw hmanga kut an in thlak tawnna te chu a sen tet tut hlawm a. Lawmsanga chuan Saia ti teh Sawlai Changel hmun ah sawn i va che leh teh ang Lawnlera te thian ho ah chan ila i phin darh tak tak teh ang tih pah chuan a mah chuan phur fe chuan Changel hung pakhat chu apan nghal chhat chhat a...
... Changel hung ngei mai chu rum el awl a melh in hmelma an khaw run tum tute hmachhawn mek tu Pasaltha ropui taka in ngai hmiah in te chhuak that that chung chuan Changel hmun chu an han suasam tak tak mai zawng phurna leh tha tho na nasa tak nena che anni bawka an chetna lai chu hai rual anilo.. Sanghal pui tling thau khawh chetna hnu a ang ber zawk a... Lawmsanga chuan Tumbu pahnih khai chunga Saikapa lam pan pah chuan hmelma lu pahnih chu ka la hram e tiin a nui zui sang a... Saikapa pawh chuan keipawh hei ka vannei hlauh mai Lawnlera leh a naute pathum lu chu hmuh tlak lova ka siam tak hi tiin Tumbu khai leng pathum a hma zawna lo sawm deuh nulh mai chu kawk in an thian dun chuan an nui var var a...
Chhun chawfak hun ah meuh chuan an ral thuam siam chawp theuh nen kal khawm leh thap in chaw fak hma chuan mal leh mal in an han in bei fiam nak nak a, an tha aza tlang in nuam an tihna nen hma pawh an sawn in Mipa naupang satliah ve mai tan chuan in mal thlur ah pawh an huphurh awm ta kher mai... Chhun chawfak lai chuan Lawnlera te chunga phuba lak dan tur ralrel an tan ta rup mai le.. An ruahman ang tak chuan an zinga naupang ber Zaupianga chu Zan lama Khaw lungdawh ah an lo nghah tur thu hrilh a cho chikima an cho thu nen lama hrilh tlang vek tura chah in thu an ti tlu ta an hmanraw neih ang ang te pawh Lungdawh ah lova thuhruk lawk vek an duh avang chuan thu muang tawh lovin khaw chhung lam pan in an hawng ta thuai a... Kawng kal vel pawh in an hmuh mai theih loh lai ah an hman rua te dah tha fel in engthawl tak anga lang si an thjnlunga thinurna meipui alh hlep hlep chung si chuan zanriah kil tur in mahni in lam theuh an pan ta sap sap a...
.... Saikap, Saia... Chu au thawm avang chuan a chawbar lai pawh lem tha hman mang lo khawpa hman hmawha tlan chhuah pah chuan ka lo kal ati puam tulh tulh a a hnung lama anu in lengrei lo tura a chah lawm lawm na chuan awmzia anei thui lo kher e... Ti chuan le Lawnlera te ho thlen khalh ngei tum chuan Lungdawh lam pan chuan an thawk chhuak tham tham a... An han in en vel a Pa hi an inti tlang tih hai rual anilo. Neihvura chuan kan in phek nuai anih chuan tiin kal pah chuan an tan ho dan tur anlo zir lawk te chu vawng tlat tura an thiante chu hrilh leh dap dap in an hmabak thil phurawm leh huphurh awm tak nisi chu an suangtuah theuh a an kut pawh a thlan tha dap dap hle reng a...
... Leng len hun alo nih meuh chuan Lungdawh mual ah chuan Inbeihna ropui thleng thei din hmuna ding in Lal mual Mipa Naupang leh Tuikhur mual mipa Naupang rual te chu in ep thap in Thingfak leh tiang nen an in hum ruh tlang kher mai.. Tuma hriat puina tel map lova in bei tura in cho ngat an ni bawka Thihna hial pawh a thleng thei tlat..
Lawnlera chuan a nau te ho chu lo fuih lawk ve vek in Neihvura chuan Mal leh Mala in beih ah min cho dawn hauh lova, Saikapa te hi a luhlul reuh phian avang in ka cho na min chhang ngeiin ka ring bawka ani ber ka tukzal chuan midang chu awlsam te in kan hneh hrim hrim mahse ka chetsual ve hlauh chuan rang tak in min rawn chhan vat dawn nia tia alo ruahman lawk tawh ang ngei chuan Saikap te hmachhawn zawnga rawn pen chhuak in, aw le zan in ah hian min chona chhang in kan lo kal e.. Mal leh Mal a mjn hmachhawn ngam in awm em in ngam anih chuan in ai awh tu tur rawn thlang ula chumi nen chuan kan inbei ang chuta hneh tu zawk zawk chuan hnehna kan chang tihna ani anga a dawih zawk niin he kan buaina hi kan ti tawp tawh tur ani ang...
... A thian dangten Neihvura lam an hawi thap lai leh an zinga hotu leh kum lama upa ber alo avang te chuan ani bawka Lawnlera chona chu chhang mai tura an ngaih lai chuan ahma kum lawka alo hneh tawh loh han hmachhawn leh chu a chak mawlh lo tih Neihvura hmel ah chuan a chhiar theih tlat. Lawnlera chu za fe maia rawn nui chhuak in in Pu Neihvura kha chu rawn theh chhuak duh suh u ka vel leh palh hlauh ange tia nui lui vak vak chung chuan Neihvura chu a thingfak hum lai chuan kawk in a pum an dawm vel ngaih ngaih a... A tawng a zawi viau nang a mahse thu neihna aw a in phu tlat.. Lawnlera nui lai chu tawp chawt in a chona chhangtu atana a duh loh ber mai a hma taka rawn pen chhuak Saikapa chu a melh tur nghal khui khui a...
...Saikapa tih zam tum tak chuan hman zan lawka tap chunga ngaihdam min dil ang khan ngaihdam min dil leh la ka ngaidam ang che tiin an vau pang pang a, mahse a thusawi dik loh zia leh Saikapa luhlul leh huaisen zia hre chiang tu chu amah ngei chu ani si. Saikapa hmel leh mitmeng chu rawn in thlak thut in chu zan thla eng hnuai ah chuan Pasaltha Huaisen thlah zia dik tak rawn lang chhuak in kha i hnar ruh ka hnek sakna che chuan i hmel ati sawi vek anih kha chu tawngkam kher kher chuan Lawnlera thin a khei ngang ngang kher mai... Thinrim ha chang thial rawp rawp chung leh riat nawk nawk chung chuan a lu chunga Thingfak lek chung chuan Saikapa chu chhuk thlak ngheng tum chuan arawn chhuk vuak nghal pawp a, mahse Saikapa tan lo bum tur in harsatna a awm lo tlat.. A Raw chang tha lo suih mam han mai chu rang taka vai chhuak ve nghal pawp in Lawnlera leia atum chiah chawnpuar chu ri nghal thlawrh in hun tha pek tum tawh hauh lo tih hriat tak chuan Saikapa kut pahnih chu a phe nghal zawt zawt a... Lawnlera lu atanga Thisen chhuak zawih zawih chunga hlawm reng chu tho tura thu a pek mek lai chuan Lawmsanga chu rawn dawk chhuak zawk in Saikapa a hnung lam atanga vuak tum tu chu rawn vai thal nghal tawp in tun ah chuan Saikapa hi amal tan tawh lo tih pah chuan Lawnlera hote lam pan chuan a tiang vilik chung chuan a tlan phei nghal pur pur a... An Hotupa ber tlu tawh miau hek Lawnlera nau te chu hlau bak lenga tlan chhia in Lawnlera leh Lawmsanga vuak thluk pa erawh che chang thei hek lo an tlukna hmun ah chuan lo vial ngawl ngawl in hreh zet chunga Lawnlera ngaihdam dilna chu pawm sak in an in bul thlenga thlah thlap in hnehtu huaisen chan chang in zuang kawi zar zar chung chuan Saikapa te ho pawh khawchhung lam an pan ta thuai a, chu zan atang chuan an thian dangte chuan Saikapa chu an hotu en nghal ta mai reng a an thianpa mah nise huaisen leh insual thiam an tiin an chung en lo thei ta lo...

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 27th, 2018, 8:32 pm

PASALTHA SAIKAPA 6
Thlasik boruak a in tan ta mek ani ange.. Zawlsang khaw mipui tam zawk chet phung ah pawh hai rual ani talo. Pasaltha Tukmawia pawh a hma ni lama alo inbuatsaih lawk tawh ang ngei chuan in lama tawm chawrh chawrh mai chu aning thlu ngang tawh bawka a intih palhna a ke rek la vung deuh al mahse ka tum nge ruh, Sa ruh ti ang maiin a Nupui Kapthawii kiang ah chuan Ram chhuah aduh thu leh chawfun te siam tur a hrilh zuiin a nupui leh a fanu Neihchhuni'n dam pawh ila dam chian loh kha atul lo emai tia an phun hlak hlak thawm chuan Pasaltha Ram kal tum a Ngaw dur khup mai hnuaia a hma ni atang tawha a suang tuahna ram a lo vak kual fe tawh tum han thulh tir chi zia zang anilo.
Kapthawii pawn a Pasal melh kal ralh ralh pah chuan Mami phun phun duh suh ipa thu tha hrilh tum zawng kan Vawkpa hnena thil sawi nen thu hmun reng alawm atum tawh chuan akal dawn thova chaw ei kha siam mai teh mite pawn na an neih chuan an awmpui ve mai ani ngai tih hlak hlak pah chuan an pa thinur hlau ru tak chuan a melh zak zak a... Pasaltha Tukmawia lah hi tawng tam chu dawtsawi a awl ti chi tawng zen zen lo tih tak ah nui vur vur chunga rawn pen lut in Neihchhuni chaw ei siam chu a kut ti mu kak the thaw in an bar hawng hawng a.. A lai zen kua in Bai tui in an len thla duak duak a, rei lo te ah kham thuaiin a duh aiin a tlai tawh tih hriat zeta hawi vut vut in ngawi reng chuan a bai chhuak saih saih a... Zawlsang khua Pasaltha rinkai ber leh Silai fung nga awm zinga Silai kawl pha ngat ani bawk a, a Silai pu ngauh chunga ram lam pana akal chu dam ta hawk te hian a in hre hial a alo hmu tu then khat leh Tar chak vak tawh lo deuh Ni lum aia lo hnung puak mek te pawn hlawh tling ngei tura duhsakna lo hlan zuiin ani ang an khua in an kawl vanneih thlak an tihzia te sawi zui nak nak in Fapa nei lova mual liam mai tur ang anih dan te sawi zuiin a fanu tal chuan apa ang a Pasaltha ala rawn hring chhuak mahna tia lo dawn thui pawl pawh an bang hauh lo...
...Saikapa leh Lawmsanga pawh Awllen lai mah nise an taksa puitlin lam pan chho ve mek leh rilrua chak leh huaisen chak hunlai an ni chho mek bawk a Saikapa te lo lam ah riak in Saikapa pa fei Kibar thazet leh a thang danglam tak tak hmang chuan sa an la thei ve viau rauh a, Buhseng hun a liam rual a Zawlbuk kai tum mai an ni ve tawh bawk a chungte avang chu ani pakhat awm e ram lam ah inbuan leh insual te an thiam ang tawk tawk a zir ve in, Lawmsanga hian danglam deuhna aneih chu a zuan zang lutuk leh a zuangsang thei em em mai chu ani. Saikapa nen lah hian thlah tu lama in unauna nei hauh silo hian an pian hmang leh hmel nen lam hian an in ang riau leh nghal si nen an rilru duh zawng nen lam lo in ang bawk nen an thian dangte ai hi chuan an inkawp na deuh hlek zawng ani e...
Zingkar lam a an thang awk te puah mawlh mawlh pah chuan Lawmsanga chuan Saia Nizan chu ka mut hmun ah khan ka ngaih tuah a.. Nula te hi rim ve ta ila enge kan sawi ve ang le tih vel mai mai te kan khaw Nula leh Tleirawl hote kalo suangtuah kual rauh rauh a... Heti tiat hi ni tawh siin keini pahnih hian lawm tur atana hual lawk pawh kan nei lo chu nia tih pah chuan anui vei hak hak a... Saikapa chuan nui map lo chuan kei te chuan ka hual lawk vek tawh asin tiin Lawmsanga chu chhan pah chuan leh lam hawiin a khisuk tih Lawmsanga Sava hmul pawt kun ngar ngar chuan hre hek lo. Engtin a Saia tunge Pasaltha Tukmawia fanu Neihchhuni ami, hman ni khan kan feh kal tur kha Nauban par a chah che ani lawmni nang hi min lo thlim amaw tih pah chuan Saikapa chu a tlawh lir nghal tawl a...Saikapa lah chu nui duh hauh lova thut chhuah leh pah chuan thil zawng zawng hrilh kher che angai ami.. Thil hi i hre tam mah mah an ti zui leh kher zawng Lawmsanga che chhuak nghal phat in Thlam chu nghing nghal lawih lawih in Thlam kawt zawl zau lai nun chan an zir dun fo na mual ah ngei chuan tek chhuak dun nawlh in an ri leh nghal chawrh chawrh tawh a a lang sar lai a kut in thlak thin nise zawng an hmel hian hmuh tlak a lawi anei hauh lo ang an kut thlak nat mai piah lam ah indimna tel hauh lova an inzirna chuan an taksa a siam tha in an tuar pawh a chhel thawkhat aniang an taksa vual tet tut mai te chu eng ah mah an ngailo amaw tih mai tur chuan an Sava puah lai pawh ngaihsak lek lo chuan an in tum chawrh chawrh a...
... Khatia Pasaltha Tukmawia kal chhuak ta pawh kha lam hla kal theilo tih in hria in an khaw zau lam pan a liam bek bek in Lo hla ber dawttu a thlen dawn hnaih chuan mihring kut inthlak thawm ri chuan Pasaltha kal lai a dintir chawt mai le,rang tak a thu pil nghal zawt in tu Lo nge, Awllen lai nisi in hmeithai chhungkua hlo thlo zo tlai deuh an awm emni le...Zawlsang khaw mualphona ani dawn asin tun ah lah ka thawm hriat atang reng in Ral kut tuar mek an awm ta mai em ni le.. Hawi kual vat vat in... Ummm Zathluaii te lo ani ngat mai a fapa kha Tlangval tantir kha chu ani tawh ngei maia a theih tawk alo chhuah ve ani ngei ang... A ke na pawh hre chang tawh lo lek khawpa hman hmawh leh thawm dim chuan Thawm awmna nia a hriat lam chu Silai tin kawh vah chung chuan a hnaih nghal hriau hriau a... A thil hmuh avanga ding chawt in makti leh hmuhnawm ti zet chuan a hma lawka an khaw Rawlthar pahnih in huatna tel hauh lova nun chan an lo zir chu hmuhnawm ti zet chuan a thlir ta deuh deuh a.. Nuihsak pah chuan zirtirtu tha neilo chung pawha hetiang khawp in nih chuan engtin tak la rawn seilian ang che u mawle...nangni ang hi lawm kalo zawn thin tih pah chuan Saikapa te thiandun hah thaw hlawp hlawp chunga an in khawih fuhna lai vel in ensak tawn mek lam chu pan in a aw a thian nghal kharh kharh a..
... Pasaltha Tukmawia hmel an rinloh leh beisei loh lutuk maia an han hmu phut chu an ralthuam neih ve te chu rang taka dah thla nghal in Saikapa hmel ah chuan hlauh thawnna rawn lang nghal in a lo ralkhat ngaihzawn ruk ve em em Pasaltha Tukmawia fanu Neihchhuni fiamthu nana an lo hmang kha arawn hre pha angem le... Lawmsanga lah chuan zawi thawp sat chuan khi le i Puzawn tur ala ti zui...Lawmsanga nghawk zauh pah chuan ka fiamthu anih kha sawi chhuak vaih teh...thil dang sawina hman ani tawh lo.. Pasaltha Tukmawia chuan rawn fin nghal zat in, Kha Kan Pasaltha te thiandun lah ni reng che u a... Khaw chhung lam ah in chawl hah dam veng veng ang chu tih nak laiin he lam ah daih ka han hmuh che u le.. Tuk thuan te in ei ve tawh em tih pah chuan Lawmsanga sawmna ang chuan Thlam ah chuan a thu lut ve nghal vat a...
... Saikapa leh Lawmsanga'n an thiam tawka an zu bilh ve chu Pasaltha Tukvela chu pe vat in Pasaltha Tukvela chuan an thawk khat pap a... Za taka rawn nui chhuak in Nauteu zirtur inla ngah deuh ani maw, kha in infiamna lama in taksa vual tet tut te kha ana lo ami... Hmuh in nuam hle mai.. Eng mah nilo mah ila.. Zirtirna han pek che u leh kaih hruai che u hi ka mawhphurhna niin ka hria. Fapa lah ka nei hek lo mahse in thutlukna nise, Pasaltha Tukmawia'n chu thu asawi zo hman awrh tih ah chuan a hma a Tlangval tuaitir pahnih te chu rawn ding rual thawt in engtin maw itih Pa mawi an hmela phurna nasa tak rawn chhuak chu hmuh hmaih rual anilo.
... An Sava awhsa te chu puah sawk sawk in an rep zung zunga tuk thuan ei lam alang tawh lo. Pasaltha Tukmawia kianga che chhuak tur chuan an in peih fel tawh kher mai... Khuanu malsawmna adawn Pasaltha nihna in a ken tel thiam thil tam tak te zirtir chhawn tlak Fapa thar nei ta ah riak in ngaiin an Naupan lai atang tawh a an luhlul em leh an harh van eng vanga alo chhin chhiah ruk pahnih an khaw tan pawh mi hnawksak thei ni hial a angaih an han Rawlthar chhuaka an zia thlak ta daih te pahnih a hnung lawka kal a an lawm lutuk zuang leh zawk zawk thin te chu a mitsira en in a nui ve suk suk a. Pa Mawi tiin min ko thei ang tun ah chuan Pasaltha en mai ni lovin in pa ang chiah a min en ka duh ani... Hei in hriat ang hian kan khua ah hian Pasaltha tia chhal ngam leh lal rorelna tawmpui pha chu chhiar tham alawi kan awm lo tih lah in hria. Run tawk thut ta ila kan chan chhiat turzia hi ka suangtuah ngam lo zawk hial thin. Tun a ka zirtir tur che u hi in damchhung atana in nun sawi danglam tu tur ani tiin Pasaltha nundan tur diktak te chu ahma zawna Tlangval tuaitir te te pahnih an hnathawh nasat leh an nun chan zirna avanga Taksa phiar fat mai te chu uluk taka hrilh dap dap in midangten Thlamuang taka an nun theih nan leh an thiamna leh chakna te chu in vaivung nana hmang lo tur te a thu tiam tir in chumi nileng deuh thaw chuan Sa chan dan leh hnu chhui dan te.. Thawm chhuah hauh lova hnah thel tam tak kar ah pawh kal dan te zirtir in an thil zir ah an rilru an pe dun bawk aniang kal anzirna lama an kezungpui thi zawih zawih pawh an hre chang lo hial a zan lam erawh an ke kham leh an taksa rawl lutuk te avang chuan Thlam chhuat ah chuan an zangphar der a...
Pasaltha Tukmawia in lam pan pawh a tum ber sa tenau tak ngial pawh hawn lo mahse a pheikhai a zang in Saikapa te thiandun chu a mitthla ah cham veng veng in a tuk lama Silai kah leh Inbuan dan te zirtir leh ngei tum chunga pen vawk vawk in a ke na a dam lai reng reng pawh ahre hauh lo hial a... Kawt chhuaha ding chawl vang vang in a tui thawl ah in nachang hrelo lek a alo phur thar ta viau chu a mah leh a amah chu a in nuih suk suk a... A iptepui chu zen in Tui thawl chu an dap rak rak a..makti leh angaihna hrelo zeta Vahrit pachal chu phawrh chhuak in Naua te u le.. A bak thil dang sawilo mahse Saikapa te mizia leh an thil tih chuan a pawi asawi lo tih alang reng mai...
... Pheikhai zang zeta inchhunga a pen lut leh a ke bai ta miah lo chu Neihchhuni te nufa chuan makti leh a ngaihna hrelo zeta lo thlek ha ha in a hmel lo hlim ta riau mai te chuan an ngaih ati thalo lek lek hial zawk a.. Zanriah ei lai te chuan lo haw leh vung vung thin in a khi leh suk thin ni ngei tur ani Pi Kapthawii ngaihdan ani ta bau lo a eng chu i zuk tawng ni maw Patling lawm lova in nuih tak vur vur tih pah chuan bai chu a suak tau vei nghang nghang a... Pu Mawia lah chuan chhang ta nge ati lem hlei lova.... Neihchhun naktuk lam pawh ram kal leh ka ngai tlat maia in lam ah inu ilo pui mai aniang chu khawnge U Rumliana ka zuk tlawh zawk teh ang tih leh chhuah chu arual nghal daih a.
... Pasaltha Pahnih Sum hmun lama muk taka titi chu tutan mah pawh mai mai chi an nilo.. Pasaltha Tukmawia chuan U Rumlian kan mizawn ruk thin kha hmuta in ka in ngai tiin Saikapa te thian dun nun chan zirlai a phawk dan atanga an nileng hun hman dan te hrilh zui sap sap in Pasaltha Khual kai meuh in nikhat thil thu ah pawh hmachhawn huphurh awm tak khawpa an inzir thiam hman chung chang asawi chuan Pasaltha Rumliana a kum lam in a delh nat tak deuh avanga ram lama aia in lama tawm tam ta zawk mah pawh chu phurna nasa tak pe in Neihchhuni pa i sawi kan naute chu an mahni ka mal mak thei chiah lo nang a ti tawh nithar han chuang kai ila i phek chhuak dun teh ngat ang.. Zampui ngaw lam pawn minlo ngai tawh hial in ania ka rin ni tiin a tuk lama Tuk thuan hma taka eia Saikapa ten an lo nghah na lo lam pan tur chuan ruahmanna lianpui an siam dun ta nghal a...
... Lawmsanga tui taka amuhil sak sak chu thlirin Thianpa i chau hle ani maw i buzawl rawn luah tum tu thawm pawn a kaih harh zawh hauh loh che chu le tih pah chuan a hma daih atang tawh a thawm a lo hriat lawk Sapui thawm leh rim nazet chuan a rawn luhkhung mai hlau in Lawmsanga chu a ka hup sak in a sawi ta ne ne a... Lawmsanga pawh rang taka rawn harh in a thianpa inring em em maia Chempui hum chunga lo thu chhuak vang tawh chu melh zawk in hlauhawm a hnai tih hrilh hran angai tawh hauh lo..
... Sapui in thlam luhka arawn rah rual chiah chuan in melh tawn zawk chung chuan ring em em maia te chhuak phut in Thlam luhka lam ah chuan an dawk chhuak dun nghal zawk a. A beisei loh lutuk a a mi beih tumte an chet thut na chuan chu Sapui la patuai tak chu a ti phu ve ngang mai le.. Aw rawl chhuah thawt khawpa Thlam kawta tla huk dawt in a mah nuihzat tu Tlangval pahnih te chu a rum khum vei ngal ngal a... Thianpa meichher kha han dep kai teh kan Ramhnuai pasal tha hian a puk ahai ani ange tiin Saikapa chu a chempui nen chuan leia tum thlak rual ve nghal zat in... E khai Pasaltha nang nen buaina kan nei em ni le.. Tha te te khan mjn kiansan mai teh tih nat che kan duh hauh lo ania... Lawmsanga rawn zuang chhuak ve in Sapui kal liam tur chu thlir vung vung in Sapui be thei thianpa ka neih chu le tih pah chuan anui hur hur a...
Pasaltha Rumliana chuan a ramhrui ken chuan Saikapa te thian dun in chai lai chu lo hem ri thlawrh thlawrh in a nui sawi bai bai a... Neihchhuni pa kan nau te hian an ngai pawimawh duh lo... Tangkawng Vun an pu bik a mawni le tiin Saikapa te thian dun tuar chhel lutuk chu mak ati thlu ngang tih hriat zet chuan anui vawih thlarh thlarh a... Chhun chaw fak lai chuan Saikapa te thian dun pawn an chak ber leh an sawi chhuah ngam si loh Silai kah an zir tur thu an han hre meuh zawng an chaw bar lai reng an ngaihsak tawh lo. Pasaltha Tukmawia te pahnih chuan hui thu leh vat in Phur hlutna hian mihring min chetsual tir thin. Chi ai na lak ah in veng tur leh an thluak dah fim tur te a hrilh zui mawlh mawlh in Saikapa te thiandun pawh an buk nghat nghat dan ah chuan an Pasaltha te thu fah chu an pawm tih en mai pawn a chiang kher mai...
Zawlsang khaw mipui thenkhat pawn an khaw daingul pahnih an Pasaltha te ram lama phur zeta nithum tlawng mai an liam tak zuk zuk ah chuan eng emaw sa chan pawimawh tak an nei aniang lo ti pawl leh thenkhat in Ral a hnai aniang ti pawl pawh an bang bik lo... An ni tawp ber ni ah chuan Pasaltha Rumliana kiangah Lawmsanga chu kal in Pasaltha Tukmawia kiang ah Saikapa kal thung in ngaw chhungril lama lut zel in Saikapa te thian dun chuan an thil zir chu ataka hmang chhuak tan tur in pheilai an khai ta...
A zakdawh ah tak sawn i tum dawn nia.. Sa ti tak anih avang in i vawikhat ngen mu chhuak khan a lung a pawh rawk tur ani tia adar beng thak thak tu apa ang maia a ngainat tawh Pasaltha Tukmawia lam chu hawiin khiksak pah chuan a hma zawn a Sakhi chal zet mai hnim pet mawlh mawlh chu thawm nei hauh lova veh hnai dan dan in Saikapa silai zen khu a reh fel meuh chuan Sakhi chal hnuk chat tur tal aih aih chu thlek in Pasaltha Mawia lam hawi chuan anui var var a... Pasaltha Tukmawia pawh lungawi tih hriat taka Saikapa silai mu sawh leh chu en dik in i sa lak hmasak ber ah Sakhi i thal tlat mai... Sa tam tak i hma ah an la rawn chhuak anga i mamawh chin chiah i thlang fel dawn nia tih pah chuan Sakhi chu zawn theih tura siam chu atum nghal a... Ka Pa Mawi khawi keiman le tih leh Put nawlh chu rual in Pasaltha Tukmawia chuan en zui vang vang in Saibung pawh i pu zo mai ang kati ti chung chuan kaihza tha pawh khur eih lova awih tlana Sakhi chal pu chunga Saikapa kal chho thauh thauh chu nui var var chung chuan a zui ta thuai a...
.... An in nghah khawmna hmun tura an tuat an thlen hnu leh tuibur hmuam da awm vel an thut vang vang hnu chuan Saikapa chuan Ka pa Mawi an rawn lang ve dawn tawh angem le... Chumi rual deuh thaw chuan an thlang lawk ruam atang chuan Silai rawn puak thuaiin Savawm thinrim in hrosa thawm chuan arawn chhilh nghal zat bawk a... Hman hmawh angai tih in hrilh an ngai hauh lo hman hmawh zeta thawm lo chhuahna lam pana duk thla pur pur in... Thalai thaza tha leh tuanzawng Pasaltha Kapmawia chuan a pha ngang lo chu ani e... A hma zawna duk thla pur pur leh a hma zawn tawn kaw pawp pawp leh Thing tu luang vel zuan khum zawk zawk tu Saikapa che vel chuan a lung a dum kher mai...
...Ka pa Rum lo kiang rawh In fiam hlak a chak ani ange kan in fiampui ange tih pah chuan Lawmsanga chu Savawm lama tlan thut in A hma a lung lo awm rin chhan chuan in perh kang vak in Savawm hawi buai lai tak khabe ah chuan a pet sak zui siah a... A pet tu tha tha viau mahse Chu Vawmpui tan chuan buaina tham ani tlat lo... Rang zet zet a bum kual zawr zawr in Lawmsanga nuamti hmel chu hmuh nawm tak ani.. Mahse, a chesual palh ta tlat.. Lung rap hrual in Savawm hma ah tak chuan a thal ta zawt mai le... Pasaltha Rumliana pawn chet a hun tih hria in rang taka Silai lek kawh nghal in Savawm chal dam ah tak chuan han sai dawp chu tum in a silai a hmet per tep... Savawm huk tuar leh a thlang thing deng dawta hlawm nawk khawp a rawn su tu Saikapa chu en in a nui suk a.. Hmuhnawm thlir tur chuan a vaibel a siam nghal mawlh mawlh a....

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)