HLAUH NEILO PASALTHA KHAWTINTHANGA Ziaktu. Seraph Pachuau 1- 101

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

Re: HLAUH NEILO PASALTHA KHAWTINTHANGA Ziaktu. Seraph Pachuau 1- 100

Unread post by Ngaia » June 12th, 2019, 7:31 pm

EPISODE 100

Kan ti kan tia episode 100 kan lo chuangkai ve ta der mai, chhiar tuten min hlutsak thin a, harsatna te buaina te kan han tawk veleh zauh thin a, hna lamah nen kan han buai ve nak nak a, dawh thei takin min lo nghak thin tih ka hriat hian ka lawm a, episode 100 lai in zarah alo tling ve ta reng mai hi ka lawm em em ani tih hi ka sawi lo theilo ani......
Liansangi'n pawhin Samlukhai a thleng ve ta, tlangval leh pathlawi te bengdar chhu hawngin an meng taw-ka vek mai a, tlangval insum thei deuh leh insum theilo deuh te thinlung angkhatin a hrut rual a, pathlawi te hmanthiam zahtheihlohna pawh azak thar vel a, patlingten an nupuite an hmu nalh lo zova, nula te meuh pawh in em em bika an ti a, naupang tak ngial pawhin sephung chaih a an hlimna chu mual let liamah an liam tir a, sial te pawh an huang chhung atangin hmu lo bik nih hlauvin ring herh lek lek in an dak a, vawk pa sutnghak te pawhin vawk la kianga an hlimna chu theihnghilh in Liansangi vawihbawm melhin an lo khur ve char char bawk a, chutiang khawpa hmeichhe hmeltha chu tang an sawi ang an lo ti thin a, atawng tawh ten an sawi tia kum thum chhung a than hnua a tak nge a lem tih pawh hriatloh lasi zawl chan chin te chu an hre chhuak rum rum a...
Lal in ah chuan an han in nghat a, lal in kawtah chuan nula toangval an thu hmur mai a, Liansangi tawng ve apianga thidang thin an fiamthu thiam pa chuan mipui a tihlim kher mai, nula te pawh Liansangi avanga an hnualna chu Lianpuian chawk harhin val zawng zinga sakruang mawi chuang mi u, i rem lom'ni ka tan, lo lawi rawh maw kan run sang para'n, tiin an lo misir ralh ralh hlawm a, lal inah rei tawk fe an thut hnuah leh khawnbawl upa ten vawi sarih theuh an chibai nawn hnu chuan apu te inah chuan an phei ta a....
Lianpuia pawh zan hnih riak ve in, a awm chuung zawng zawlbukah an buan a, mahse tumah hneh aneilo thung a, buaina leh harsatna engmah awm lovin a cham chhung zawng anau vangin tlangval zingah a tlatlum em em a, ahmelthat na leh pianthiamna avangin nula bulah a tlatlum thung a, nuam pawh a ti ngang mai, mahse cham ve reng tura kal anih loh avangin ani chu ahaw ta rih a....
Vungzaliana leh ahote pawh a tuk leh lama Tlanglianpui pan tur chuan an inbuatsaih mup mup mai a, mi sawmruk vel chauh mah nise pasaltha vek an nih avang chuan an tawrhhlelhawm veng vawng hle a, an thudawn danin zir miau hek lo le, Samthang lalpa leh a fapa chu an dah tha ngei ngei tur ani tih hi an thupui ani tawp mai a, ro leh thildang pawh an beisei lo, Samthang lal leh afapa tihhlum chu an damchhunga chawimawina ropui tak niah an ngai nghet tlat mai a, chuvang chuan phur takin Tlanglianpui chu an pan ta a.....
Ni tam kal anilo bawka Vungzaliana te chuan Tlanglianpui chu an thleng thuai a, lal Lianhrima pawh alo lawm hle mai, ri an han rel map map a, engtianga chet tur nge tih chu an han rel hmasa phawt a, Vungzaliana chuan han kal a an khua han kuhchilh a, an lalpa leh a fapa han cho mau chu a duh a, mahse lal Lianhrima chu lal fing ve tak anih avangin chutianga tih chu tgil awlsam tak anu a, mahse ahrehawm leh na thei ang bera an awm ka duh ani, in vaia kal pawh angailo, mi pali nga kal phawt ula, in oeih tawk in thah hunah in lo let anga, kan han rial deuh anga, pali nga vel kan che chhuak leh anga, chutiang hlir chuan kan kal phawt ang, hmeichhia pawh in hmuh ang ang in dahtha hmak hmak tur ani ang, naupang pawh, ran pawh ni raw sek sek tumah khi khaw chhuak thisen ringa dam reng reng an dam khawchhuak tur anilo, mahse hethil ah hian ka hming a ri tur anilo a tih chuan Vungzaliana ngaihdan chu anilo kher mai, pasaltha ramchhuak kan ni a, kan nih tur han ni mai ila a tih pawh chuan lal Lianhrima chuan aphal tlat lova a chhan chu Vungzaliana te hian an hneh dawn lo tih ahriatchian em vang ani.......
Vungzaliana pawh alawm vaklo mahse lal thu anih avangin ahnial ta bik lova, Vungzaliana chuan avawikhat nan naktukah i tlangval te zinga pakhat in min hruai sela, ka naute paruk han kal hmasa sela atha ang, mi sawmhnih aia tlem lo in tih hlum hunah in rawn lo let dawn nia a ti nghal hmiah bawk a, an thleng hlim hlawl mah nise han chau hmel pu reng reng an awm lo a, khawnbawl te in ah chuan an insem darh a, an ri ham ham mai a, Zan khat an riah hnu chuan Tlanglianpui khua atang chuan sukte pasaltha Vungzaliana nau te I paruk leh lal Lianhrima tlangval pakhat te chuan samthang pan chuan zing takah an chhuak a....
Lianpuia pawh an khua athlen hnuah Rengpuian ramchhuak turin apa Sena alo hmin diam tawh bawk nen ramchhuak tur in an insawm chhuak ta nge nge a, Sena pawh a ramchhuah lohna a rei ta bawk nen, alung te chu aleng rum rum hial a, an tum ram pukpuiram lam pan chuan an kal ta zar zar a, kar kawngah zan khat an riah hnu chuan an tum ram pukpui ram ngaw dur khup mai chu an thleng a, he pukpui ramah hian tumpang awm in an sawi thar deuh a, chumi beiseia kal chu an ni a, an thleng hma angreng bawk nen buk an sual a, an awm chin tur ahriat loh avangin arinawm thei tur ang berin an sa a, buk an sual zawh chuan zanriah chawhmeh tur zawngin Lianpuia leh Rengpuia chu an chhuak a, Sena erawh bukah an awmhahdam tir thung a....
Ala hma bawk nen Lianpuia te thiandun pawh inthenin behliang mun hun velah hetah hian intawk leh ang aw tiin an inkalsan a, an han vak zau deuh a, sahnu pawh atamin a chiar veng vung mai a,sairal hniak pawh hmuh tur a awm veleh zeuh thin a, sahnu tam tak karah chuan sahnu lian deuh bik tak mai hi Lianpuia chuan a hmu a, tumpang hniak chu ani hauh lo mai tiin apa Sena hrilh hlan anghakhlel hle mai a, a thianpa nen an intawhlehna tur hmun a thleng tlai bik ang tih hlauin ani pawh alet ta sawk sawk a, alet lam ah chuan ahmuh chhun sakhi la chu kapin a ak haw a, a rin ang ngeiin Rengpuia pawh an in nghahna turah chuan ipte puar luahin alo thu tawh a.....
An sa hawn te puah pah chuan tlai lama an teikualna velte chu an sawi chuan Sena chu a ti phur kher mai nuam dawn lutuk alo ti var a, Lianpuia sahnu hmuh erawh ala hriat ngai bikloh thu in a chhang a, an rin aiin a ram alo thelh nuam daih mai lehnghal a, hlawhtlng taka haw pawh an inbeisei reng ani....
An sa hawn te chu an han chhum barh barh a, zanriah an peih chuan puar el euha eiin meipui an chhep hluah a, a tuk lama an chet tlatna tur ram thlirin hmalak dan tur te sawiin an titi a, rei pawh meng lovin vaibel vawi thum an sawh hnu chuan a tuk lamah an hah dawn sia tiin an mu ta daih a...
Vungzaliana naute pawh zan zan sarih ngawt karkawnga an kal hnuah Samthang khaw ram chin chu an dai lut a, khaw lan theihna hnaivai an han melh ngial a, akhaw lan theihna mual leh tlang reng reng a awm lova, alan theihna ber lah ahla viau mai si a, he khua chu khaw mak tak anih dawn hi an tih phah hial reng ani, Samthang khaw ramah hian inlambunna remchang hi atam in a rem hlawm em em a, a rem lai nia an hriat laiah chuan tuma hmuh loh turin an biru khiau a, heti lai vela lo kal ahmei apa in an lo dahtha hmiah hmiah dawn ani....
Lianpuia te pawh vanneihna piah ah an huaisenna leh tumruhna avangin an hlawhtling kher mai, bawmrang liantak tahin an zo tawk ang theuh chu sa an hawn a, an hawn kawngah te chuan rit phur e ti lo chuan an infiam kawng tluan a, karkawngah zan khat an riah zan chuan sakei thawm an hre nasa mai a, mahse engtin mah a rawn beih bik loh avang chuan an ni pawn an ti zui bik lova, mahse chu zan chu an mu miah lo thung a, atukah sakei chetna hnu velete chu an han en chuan an buk chhak ah chuan patling leng hal hal hian alo khuar kuk mai a, thlan khur ang mai hian alo khuar kuk mai a, an ngaih chu atha zat lo, ahma zanin a tuka mi tur tia rawngbawl anni bawk a, rawg pawh bawl tawh lo chuan an bar nawk nawk a,in lam pan chuan vartianah an chhuak ta a..
Liansangi pawh rim ngam chiah silova tun hmaa an tih ngailoh lal in kawt velah chuan zantin mai tlangval ho chuan meipui chhepin an ri dar dar thin a, an khaw boruak erawh a ti nuam phian a, an nula te erawh an meng thip thin kher mai, an khaw tlangval te titi lailum an luah zo tlat tawh lo, Liansangi chu haw vat vat se an ti theuh mai a, Liansangi chu lal fanu mah nise awm mai mai a tum ngai hauh lo, atheih ang tawkin thingte aphur ve thin a, a thing phur zuitu pawh tlangval leh pathlawi chhiar telin sawmhnih aia tam an ni fo mai a, Liansangi hi chu amak ani, putar chen hian chil lem khawlh pah hian an en dauh dauh zel mai a, patling ho pawh zawlbuk kai tawh ngailo pawhin chhuanlam ah zan lama Liansangi hmuh beisei in zawlbuk an kai thar leh hlawm a...
Apu chuan Liansangi chu akalna apiangah ahruai chawt a, lal inah a nileng ve thak thak thin a, Khawnbawlte leh lalte pawh in Liansangi a awm tawh chuan fiamthu nen ti ti in an nileng thak thak thin a, anuih zawnga abiang mam tak ti mawi tur tawka biangsum lo lang leh zeuh thin chu an chang thap ani ber mai, amal mum vawng nalh tak mai invuahna bawr dik lutuk te , amawng lah nise a chhing poh lah mai a, thau ni miah silo hian a chum bat mai a, cher ni chuang hauh silo hian a ria chum bat mai a, a awmbawr ti nalh tura ahnute kawh lah mai te chu upa ho pawh chuan an thlir ning thei biklo, a taksa pianhmang hrim hrim hi mipa duhloh zawng pakhat mah a awm lo, Liansangi hi an be tawng lui thin a, a chhan chu a aw hi amawi em em a, aw tham tak anga lang si, tliang nalh em em mai ani a, anui ri hre phak tlangval thinlung tuilo an awm lo an ti hial thin, mahse vawikhatmah hi a chapo ngailova, apa mizia an chhawm nghet em em a, midangte tan inpek ral raih duhna thinlung thianghlim tak leh nghet tak a nei a, heihian a taksa mawina leh hmelthatna piah a anuiri mai pawha tuiralte ti chau zualtu ani chiang alawm...
Lianpuia te pawh kawtchhuah an chuang chhuak veleh der mai, Lianpuia te hmu apiangin an phur chu chhawkin lal in thleng chuan an chhawk a, Thangtea chu alo lawm thian hle mai, an mahni phur theuh chu changin Sena leh Rengpuia pawh an haw ve a, Lianpuia chuan hah pawh sawilovin apa sawi ang chuan an khawchhunga hmeithai sa la ve theilo te chu a sem kual leh vek a, an ni phei chuan tul hnih tha an rep ve hram a.....
Vungzaliana hote pawh losul haw hun anih tawh avangin inring tak in an lo awm a, an tawmna zawna Lianpuia te kal tlang hun kha an chhun chaw fak lai alo ni hlauh a, an in tawng talo kha ani a, mahse an la intawng ngei ang le, tlai lamah chuan losul haw an rawn in dawt chho zut zut a, a awm fal apiang chu thawm nei hauh lo chuan an phil nghauh nghauh mai a, mi pali lai an phil tawh a.....
Samthang lam erawh engmah buaina thawm lang hek lo, an hlim em em mai a, ni hnih aliam leh hnu chuan lo atanga haw ve thlap si, in thleng lo an awm thu lal hnen a thleng ta zut mai a, an khaw chhung an han inzawt kual a, mi sawmpahnih lai mai lo atanga haw si in la thlenglo an lo awm a, Samthang khua pawh abuai ta nak mai, ahmaa an thil lo tawn tawhin zir miau hek lo le, tlangval thenkhatte chu feh kawng lamah an tlan liam nghal a, feh kawng tluan chuan kawng chhak leh lawng thlang chu an hrut thla a, lo tawp ber thleng chuan an hruat thla a, thlam awm zawng zawng an luh chhuah vek bawk a, mahse thisen far takngial pawh an hmuh loh avang chuan khaw lamah rorel tha turin an haw ta hlawm a...
Thangtea chu a rilru ahah ve kher mai ahmain hetiang chiah hian mi paruk an bo tawh a, tunah mi sawmpahnih an bo leh ta chu ania, tu tih nge tih an hrelo mai nilovin rin ngaihna reng reng an hrelo, mibo zawng tur te pawh fimkhur taka zawng tura in chah mawlh mawlh in, an khaw ram chhunga feh kawng hnaih lam zel chu an zawng hmasa anga, ahnuah an zawng zau zel dawn ani, Vungzaliana naute ho pawh Tlanglianpui lal inah an thu vang mai a, an chetdan an han sawi te chuan lal Lianhrima a ti lawm in akhi leh sak thin a, Vungzaliana pawh anaute thiltih chuan a ti lawm kher mai, a naute ho chu alo fak vel luam a, Vungzaliana te pawh han chet rup rup a rem loh avang chuan an khaw lamah haw leh phawt tur chuan an inbuatsaih a, kar hnih hnuah a let leh tura an inremsiam hnu chuan Vungzaliana leh ahote chu an khawlamah kal an tum a, mahse lal Lianhrima thuhriat avang chuan Vungzaliana naute pathum chuan an la cham chilh a,midang zawng chuan Tlanglianpui chu an chhuahsan hrih a....
Lal Lianhrima chuan lal dangte leh upa ho chu enkualin kan chunga a chhe ber pawh pawisa lo tute chunga zaidawh reng tur hi kan ni biklo, an tlangvalte saw an vaiin kan dah tha tur ani, hun erawh aduh rei deuh dawn a, mahse kan nghak anga, kan nghak chhuak bawk ang a tih chuan lal Lianhrima chuvan thlawp ani tih hriattir nan nie an lo ve hlawm a....
Lal Lianhrima chuan Samlukhai lamah Samthang lalfanu chuam hun ahmang mek tih ahriat na tlangval chu kovin tunah ala awm em tihte an zawt a, tlangval chuan aw la awm e, ka nu naute khua ani a, ka nu rawn tlawhin hmannia lo kal tlangval kha ania, khami khan a sawi a a tih chuan engMah sawi zui lo chuan awle nagchu lo va haw tawh phawt la, a tul leh kan rawn ko dawn che nia tiin an haw tir ta rih a, chu tlangval.chuan enge ni ang aw tiin an koh chhan chu angaihtuah a, mahse rindan chu anei Samthang nena an indo boruak kal chho zel anih a ring mai a....
Samthang lam pawh ni sarih an zawn hnu chuan engmah hmuh tur a awm tak loh ah chuan a nawlpui chuan mibo zawn an tawpsan a, laina hnaivai te leh a tlawmngai pawl te erawh mibo zawngin an la chhuak ve reng tho bawk a, an boruak tawn chuan Samthang a barakhaih in inring renga hun hman angai hle tih chu inhrilhhriat nawn angai awm love, mitin te chu lova an feh dawn pawhin amala kal lovin ahuho hlirin an kal hlawm a....
Lianpuia pawh a rilru pawt oeng tur thil dang dang ti mahse Sairengi zun chuan hrui angin a phuar tlat a, azan muhil.tui lai te hi aharh leh zawk thin a, lal Lianhrima te an hruai dawn tuma Sairengi mitmeng te chu a thinlungah a cham reng mai a, chutiang bawkin engmah sawi ngam silovin Sairengi pawh apa te thurel chuan a thin a ti phu leh dawt dawt thin a, doral Kara hmangaihna piang chu chhem nung turin kaldan thiam ahar hle ta ve ang le....
Mibo zawng pawh an reh tan ta, Tum khat chu Lianpuia leh Rengpuia chuan sangha ei a chakawm alawm tiin luikal an rawt a, hemi zan hian zawlbuk lamah val upa te titi ngaithla in pawn an chhuak lo zankhua a, tlangval zawlbuk kai thar pawh an awm nual a, inbuan pawh a hmuhnawm kher mai, chumi zan chuan thian thar chharin naupangte mai sa nghet tlet tlawt, ahming Khuma an tih chu a chetdan an enin thian atan an sawm ta ngawt a, an thianpa Ramliana aiawhtu tiin midangte hriatlohin Lianpuia leh Rengpuia chuan Ramkhuma tiin an ko fiam thin nghe nghe a, an kohfiamna chu mithenkhatin lo hria in, Ramkhuma tih chu apu hlen ta ngawt mai a...
A tukah chuan an thian chhar thar nen an pathum chuan lui kal tur chuan an an inzui chhuak a, an thianpa chhar thar hi zawlbuk kai thar mah nise apuitling hle mai a, chubakah lalfapa thian han nih hlut dan tur zia leh, asawm nih hlut dan tur chu suangtuah thiam phakbak ani, lal fapa bula awm anih avang chuan tlem chuan ala khawr deuh a, lalfapa azahna avang chuan a zawng zawng ala phawrh ngam lova, mahse Lianpuia zawk chuan an thian thar chu abe lumlam renga, lalfapa anih avangin a inluling ve ngailova, Ramkhuma pawhin a ruk tak chuan mak a ti letling zawk hial a...



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 30th, 2019, 6:55 pm

EPISODE 101

Lianpuia te pawh an vannei kan ti dawn nge, an lui kalna lai vel ah chuan tumah hi an lo kal ngai lova, man pawh an man hnem kher mai, Ramkhuma tui thiam zia an hriat phah a, thaichhawninu rui nena tui hnuaia an in um dan te leh a rawn man dan te chu Lianpuia chuan mak a ti hle mai a, tui chhungah khan ithaw thei em ni tiin alo zawt hial a, zan khat em pawh an riah hmaa an man chu a tan kher mai, mahse a rep anih dawn avangin a tam thei ang ber man tum chuan an ru te chu an su tlauh tlauh a, a tuk a haw tum an ni bawk nen, a chhak lam ah sangha an la hmuh nual avang chuan chhak lamah insuan chhovin an bei leh lauh lauh a, leng hawn ar khuan hun awm velnthleng chuan sangha an la dap a, an man hnem thawkhat tawh bawk nen an duh tawk ta rih a....
Lal Lianhrima pawhin Vungzaliana naute pathum a chelh te leh akhaw tlangval pakhat chu Samlukhai lamah tirin Liansangi chu engtiang ang pawh a rawn hawn tur chuan a tir chhuak a, engmah in a dal tur cheu ani lo vang, a tellovin in rawn haw tur anilo a ti bur mai a, Vungzaliana naute ho chu Samlukhai lam pan chuan an chhuak ta a, karkawngah zan hnih an riah hnu chuan Samlukhai pawh an thleng mai a, Tlanglianpui tlangval kalve chuan chhungte an lo nei tha hle mai a, nuamsa takin Samlukhai ah chuan Liansangi hawn dan tur chu an ngaihtuah a, mahse an beisei ang ngawt chuan thil akal thei dawn hauh lo mai, Liansangi chuan hun remchang anei thei hauh lo mai, a thingphur lah tlangval leh pathlawi sawmhnih rual rual in an zui si avangin an rilru abuai ve kher mai le, mahse ar talh dan chikhat chauh a awm hleinem tiin a haw hun tur hriat tum chuan an phe leh ta ngar ngar a...
Lianpuia te pawh zing takah chhuakin bawmrang pathum lian ve tawk takah sangha hlir mai akhat tlata phur in hmanhmawh hauh lo chuan an hawng ve ta a, kalkawngah te chuan an infiam bawrh bawrh a, Ramkhuma pawh ahma ngawt ai zawngin a tlangnel ta, fiamthu thiam tak mai alo ni bawk nen, an nui leh dar dar thin a, tlai ni tlak dawn suar ah chuan khua pawh an lut fel ve a, chutiang anga sangha tam chu khawtlanga vuak niloah chuan tuman an la man ngailo an ti hial a, chung ho pawh sa la ve theilo hmeithai an sem zo leh vek a, an mahni chuan vawithum ei vel an chang ve leh hram a, lalchhiah an rawn pek nen tlem chu a awm ve tih chauh lo chu hmeithai te an sem.zo vek ani.....
Tukthuan an ei lai chuan Thangtea chuan Lianpuia chu melhin hei in hah viau nachungin i thiante sawm la inau han hruai tawh mai ula athain ka hria, a cham rei tawh bawk a, han hruai phawt ula a duh leh ala zin leh thei tho a, keini pawn kan ngai ve tawh alawm, lo haw phawt sela atha ang a tih chuan Lianpuia chuan awle tiin a chaw eilai a thova, akam thuah phawrh phawrh pah chuan ka thiante inah chuan ka va kal ange tiin a chhuak zui nghal a....
Vungzaliana leh ahote pawh Tlanglianpui lam pan tur chuan an inbuatsaih leh mek a, an beisei dan angin lal Lianhrima chu kal lo mahsela Samthang khua hnehtu nih chu an rilru chuan an chak hlawm theuh avang chuan lal Lianhrima thu chu an zawm hrih a, tun tum ah hi chuan lal leh upa te beih tel ni tawh se tih chu an duhdan ani a, mahse lal Lianhrima khua thleng phawt ila an tih avang chuan hmanhmawh lutuk lo chuan Tlanglianpui chu an pan ta a....
Lianpuia te thianho pawh Liansangi lam tur chuan an inpeih at tawh a, kawtchhuah ah vaibel an han pet khu vang vang a, an duhtawk an ngah hnu chuan Samlukhai lam pan tur chuan an chhuak ve ta a, kalkawngah chuan Rengpuia phur chuan tun hmaa an po tih thin dan ang chuan Lianpuia Ramkhuma chu an keuh thal tawp mai a, Ramkhuma chuan lola hre ve heklo, a e tial ruai ruai mai a, chuveleh Lianpuia chuan Ramkhuma chu chhanin Rengpuia chu ava pawt leng dawrh a, an inbawhbet nghal a, Rengpuian Ramkhum min rawn pui rawh a tih takah chuan a harh zawk a, Lianpuia chu ava keuh thal ve leh nghal tawp a, chutiang anga an inbuan hrep hnu chuan thaw hlawp hlawp chung chuan an duh tawk a,an in en a anui thaw hlawm a, Ramkhuma chuan mai a ti kher mai, hetiang hian an lo infiam thin ani maw tiin Lianpuia chu angaihsan lehzual phah hle ani, khaw danga lalfapa te ahriat thin nen chuan adang a ti kher mai, a tan theihtawp chhuah turin a rilru chuan a lo in tiam ve mawlh mawlh a...
Samlukhai khaw kawtchhuah aha chuan vaibel an han zu te te a, thlansa zualkai a reh deuh hnu chuan hmanhmawh hauh lo chuan apu te in lam chu an pan ta a, zan lamah chuan Liansangi ahaw dawn tih chu khua ah chuan athang chhuak nghal a, tlangval tam tak te chuan an huphurh ngei mai, Liansangi zuna a ruka uai pawh anat tawh nak alaiin a haw mai tur chu muthmunah an khap sawk sawk mai a....
Liansangi haw tur chu Vungzaliana naute ho lawmah atla a, an haw ni tur an hriat chian hnu chuan an kalna tur lamah kal khalhin engtiang pawha Liansangi hawn tum chuan an lo inbuatsaih lawk vek a, tlangvalte leh pathlawi ten Liansangi zun phura ahaw hun huphurh taka hun an hman lai chuan nula lam erawh chuan haw vat vat se an ti em em thung a, Lianpuia lo kal ve erawh cham se an lo ti rilru ve thung a....
Liansangi haw ni tur a thlen meuh chuan patling pawh an inzep thei ta lo, kawtchhuah ah chuan lal leh upa te patling leh tlangval zawng zawngte chu an ngir khup mai a, a ruhno deuhte phei chuan mi hmuh lohvah an mittui an hru leh zauh thin a, hetiang taka akhaw nawt a nula an buaipui vawikhatna ani a, hetiang hi sawi tur avang hle ani, hetiang ang ema hmeichhe hmeltha hi khua vel mah ila an awm tawh hlei lawng'e an ti hial ani...
Samlukhai kawtchhuah a tang chuan Liansangi te liam hma zawng chu tumah chuan haw tange ti an awm lova, an thlir thap mai a, an liam hnu chuan an lalpa ho chuan mahni inlam an pan ta hlawm a, Liansangi pawhin Samlukhai chu nuam a ti ve hle mai, ka zin leh ang a ti chhuak hial a, Ramkhuma lah chuan nui put put chung chuan mi khua iti buai zin tawh lovang alo ti zauh va, an nui ta dar dar a....
Lianpuia chuan a ngaihthatlohna chu engmah a ti lang duh lova, Samlukhai kawtchhuah a thawklehkhata ngaihthatlohna aneih ang kha a rawn thleng leh a, mahse thawm riva leh han hmuh mai aneih loh avang chuan a sawi chhuak duh lem lova, ngaihthatlohna te chu dawihzep vang alawm a ti mai a, mahse an han kal leh a, tuibur hmuamda vel an kal leh tawh ang tih ah chuan kawrte alo awm a, an pel chiah tih chuan an hma lam a tang chuan silai a ri thuai a, Rengpuia chu a tlu nghal tawp a, Ramkhuma chu an chhak lama kawrte ah a zuang lut nghal a, Lianpuia pawh Liansangi kuahin thlang lamah aliam thlak pui nghal a...
Lianpuia chuan thinglianpui thlar duai mai phenah chuan Liansangi chu a dah a, ka lo let hma chu lo kalsawn lola, ka lo let vat dawn nia tiin Rengpuia awmna lam chu apan nghala, Liansangi chu hlauh luat avang chuan akhur der der mai a, au en pah chuan ka u dam takin lo kir leh ang che aw tiin amittui chu ahru mawlh mawlh a, hlau teh mahse tih theih aneih veloh avang chuan lo awm rawh an tih ang apianga a awm angai si a, a thu tawm chal a, Lianpuia pawhin Rengpuia tlukna chu a thleng chho thuai a, bawihsawm duh mahse han awmlan kha a rem rih tlat lo, an hawi kual vela Ramkhuma awmna pawh ahre mai bik lo, an hmalama kawng chhak lama che dat chu ahmu chiang kher mai, mihring chu an awm ngei tih ahria a, mahse amihring ber ala hmu theilo tlat, nakinah chuan kawngchhak lam atang chuan an rawn lang zauh zauh a, uluk takin alo tin vang mai a, hun remchang ahmuh chhun chu hlah a tum lo kher mai,silai apuak dur a, Liansangi man tumtu te zinga mi chu a rak thawt a, thawmnerawh a reh zui vang vang a....
Ramkhuma pawh kawrte ah bawkvak chhovin chhak lam atang chuan silai ri lo chhuahna lam chu a thlir voh voh a, nakinah chuan a chana chang na na na chu Ramkhuma silai apuak veleh thuai a, na tuar te thawm in azui nghal a, Ramkhuma chu silai akah zawh veleh lumsawn nghal lo se chuan ani pawh hmelma ngen mu chuan lei thuahriat hnuaia zal turin anawr liam ngei ang le, a awmna chu an rawn kap khu ve sat mai a....
Lehlam pawh an beisei ang in thilna thleng ta hauh lo, an pen chhuak ngam mai bik tawh lo, an awmna pawh an hriatchian tawh avangin an tan chuan abuaithlak ve nek mai, Lianpuia chuan thawm dim takin a veh phei tham tham a, an inhlat vak tawh lo, sakei thinrim hahum thawm ahriat avang chuan a ding chat a, an hmazawnah chuan na tuar te thawm a chhuak zuia, chhak lam panga mi hlau tlan chhiat tum mek chu Lianpuia chuan a va hmu a, chuti lau hmuna atanga tlan chuuak chu pakhat chauh ani tih pawh ava hmu thei a, chuvang chuan mi tam tak an awm lo amah chauh ani tawh tih ahrethiam mai a, chupa man tum chuan a dawk chhuak phei nghal zawt a, chupa tlan chhiat tum bul a thlen chuan a thlang lama sakeiin abeih pa chu a hmai thi hnuang hian alo tlu reng mai a, sakei erawh hmuh tur a awm zui lo, tlanchhiat tumpa chu ava nang ching thuai a, ding rawh anih loh chuan ka kap ang che tih ri avang chuan chupa chu khur dur dur chuan a ding chawt mai a....
A sakei hlau lutuk in silai alo tlanchhiatsan daih mai chu lo niin, chutih lai velnchuan Ramkhuma pawh a rawn thleng thla ve nghal bawk a, midang ho chu an en kual hlawm a, sakeiin a seh tih loh chu an lo thi vek tawh a, sakei seh erawh alo la vial ngal ngal a, ala dam awmchhun chuan mipa in awm nange mi i ringlo lai chauh emni in beih ngam tawk a rawn ti kher phei chu Ramkhuma ngaihdan ani hlek lo mai, Lianpuia kal hma chuan lo kal ta che i ngam phawt chuan nangni zawk anih kha mi inringlo Lai lo beia lo changtu zawk chu mipa inih chuan ka hmaah hian rawn ding ta che tiin Lianpuia hmaah chuan ava ding teu mai a...
Chuveleh Vungzaliana pasaltha la dam chuan eng sawi lo chuan a rawn bawh nghal rawp mai a, Ramkhuma mibik hnung zui tur bika khuanu duan ni awma mawi ani, avawikhat nan Ramkhuma che zia chu Lianpuia chuan ahre chiang ta, pasaltha dik tak ani a tih phah hial ani..
Ramkhuma chu alo tawlh zeuh a, an awmna a rem lutuk bik lo nen, chet ahar angreng hle mai a, fin tel angai khawp ang le, Ramkhuma chu hmelma pa chem hmatawng pawh a dawng thelh mai, a iptepui hrui a rawn chhat thawt a, Ramkhuma chuan iau beih tlak ve dawn fu mai tiin an leh hawi nghal zawk a, a beihpui pa pawh a lam alo hawi leh vang tawh a, hmelma pa chuan ngam taka tlawm tumin a rawn bawh leh nghal.mai a, mahse Ramkhuma pawh alo che rang ve kher chu niin, lo bum zeuh pah chuan hmelma pa dul chu an rin phei hrawih mai a, ril chhuak pur chung chuan a thingthi hnawk mai a, ala nau deuh hlek nen engmah ngaihtuah lo chuan alu chu an chhawk zui nghal mai a, sakei seh pawh an han en chianga, alo thi fel der tawh mai bawk a, khawilam mi nge tih chu an tan hriat theih rual ani talo, mahse hnehna erawh an chang thung ani....
Lianpuia chuan nangin Rengpuia hi lo bawihsawm rawh ka nau ka zuk lam ange a tih chuan anau a dahna lam chu apan nghal a, anau pawh alo la thu khur der der a, Lianpuia hmel ahmuh chuan alo tap deuh pur a, abul a thlen chuan alo kuah chawt a, Lianpuia chuan hoau tawh suh tunah chuan tumah dam an awm tawh lo a tih chuan ahlauh chu tlemin azia, mahse a tiril erawh ala khur hle tho a, kawng lamah an inhruai chho ta a...
Ramkhuma pawhin Rengpuia chu alo ko mawlh mawlh a, hnimhnah damdawi ahriat ang ang chu alo bel luk mai a, an bawihsawm mawlh mawlh lai chuan an lam hawi zawnga tlan thawm hi an hria a, inralring tak chuan silai tin chungin kawngah chuan an lo ding teu mai a, tlangval sawmnga dawn lai mai hi an ni a, Lianpuia chuan silai tin chung chuan tu te nge in nih a lo ti vin tuarh mai a, mahse an hlauh ang em chu an lo nilo, Samlukhai tlangvalte an lo ni a, e misual kan nilove in hmelma te kan ni love, Samlukhai val rualte kan ni e, silai ri kan lo hria a, vawikhat mai nilo, apuah tak deuh reng ah chuan kwn upa min ngaih atha thei lova kan rawn um cheu ani tawhsual in tawk anih ringin nangmahni pui tur cheua lo kal kan ni e an tih chuan Lianpuia te pawh chuan an silai an dah thla ve ta a....
Rengpuia zawnna tur hlang te an siam nghal sawk sawk a, an siam pah chuan thilmthlen dan chu Lianpuia te chuan an sawi pah bawk a, lo lambuntute pawh chu an han en chiang hlawm a, tute nge an nih chu an hre mai bik lova, sakei seh phei chu ahmel reng reng ahriat loh en pawh hrehawm khawp ani, chupa chu Tlanglianpui khaw tlangval kha ani a, sakei khan khawih viau lo se chuan Samlukhai toangval thenkhatte hi chuan an hre ngei awm.si a, mahse ahmel.reng reng hriat theih ani tlat lo, an ruang chu hmun khatah an vawmkhawm a, changel hnahin an khuh tha a, an kalsan ta a....
Hlang an siam zawh chuan Samthang lam pan chuan Samlukhai tlangvalte nen chuan Rengpuia chu an zawn haw ta a, he thil.hi tu tih nge ni anga, tu khua leh tui nge ni ang tih pawh hriat theih ani ta silo a, an bangbo tlang kher mai, chumi piah ah sakei kha khawi lam atanga lo kal nge ni ang tih zawhna pawh chu tuman an chhang theilo, he thil thleng hi thil mak tak ani e an ti ta ngawt mai ani....
Lianpuia chuan sakei lo lang ringawt mai kha mak a ti viau nang in ahmain sakei nen mai angreng taka in tawngin sakei khan apui anih kha, kha sakei ngei kha anih a ring nghal a, lehlam hawi chuan nui sak a, Samlukhai tlangvalte erawh midangte tanpui piah ah an thinlung lalnu Liansangi an la chhawm haw zui lehnghal, melh loh pawh tum se an melh lo theilo, an kumkhaw sawi a tlung ve chiang ngawt ta ve ang, damlo zawn an nih avang chuan kal pur pur thei hek lo le, muang chang chuan an kal a, Ramkhuma leh Samlukhai toangval pahnihte pawh zualko turin leh samak sa la turin an tlan char char a, zankhat an riah tukah tukthuan ei kham hun awm velah Samthang val rual te pawhin an rawn pawh ve a, sadawt chuan Rengpuia chu an en vel a, alo na hle mai a, a tuar chhel em a, ala kallo mai chauh anih hi tiin samaksa chu an barh hawng hawng a, tui an tulh leh zauh a, thi ang der chuan amu zawi ta hnuang mai a, Samlukhai ho chuan lanhmu ve ngai heklo, a thita mai emaw tiin an lo meng phar nasa mai a, sadawt chuan kan damdawi hi a thawk anih hia ti mai a, Samlukhai tlangvalte chungah lawmthu te sawi nghalin in hah tawh awm.sia min trinsan tawh rawh u, hei kan tlangvalte an awm tawh alawm an tih chuan Samlukhai tlangvalte chuan an lo duh ikhaw lo mai a,abuan pawh an inbuan nasa hman viau mai, nakinah chuan a tam zawk Samthang ni miau hek le, hlang chu Samthang kutah a awm ta a, mahse haw tumntumah reng an awm lo, hlang chang lo mahsela an khaw thlenga zui tur chuan an kal ve ta zel a, Liansangi zun chuan Samlukhai val rualte chu ahnuh hian ahnuk ani ber e.....
Samthang khua pawh toai lamah chuan an lut veleh der mai a, Samthang mipui chuan an lo hmuak thap mai a, an khaw pasaltha mi kut tuar chu an tawrhpui Zia lan tir nan an lo ngui nghiai mai a, mahse an damdawi eitir a thawk tih an hriat erawh chuan an boaruak uap lutuk pawh azia ta deuh a, Samlukhai val rualte pawh haw mai bik talo chuan lal in kawt velah chuan an thu thap mai a, Rengpuia pawh lalin inah aharh chhuah leh hun nghakin an mut tir zan a...
Kawnglaka an thil tawn te chu mipui hmaah chuan Lianpuia chuan a sawi dap.dap a, anmahni lo lambuntu te chu khawi lam minge an nih an hriatloh thu leh engvanga lo lambun ngawt nge an nih an hriatloh thu te, sakei in a rawn puih dan te chu chipchiar takin a sawi a, a sawi zawh chuan an thum hak a, mak an ti ve hlawm kher mai, Samlukhai val rualte ei tur pawh tlangbal rual.ho chuan an siam mup mup a, kar lovah an siam zo mai a, leng len hun velah chuan zanriah chu puar tak chuan an ei hlawm a, nula tlangval.erawh Rengpuia harhchhuah hun nghakin lalin lamah an thu thup mai a, Liansangi pawh mahni inlum thleng ani bawk a, anu leh apa bulah hi chuan a thla hi amuang em em mai a, han hlauhna chhete pawh a nei tawh lova, hlim takin Samlukhai val rualte pawh akawm ve leh tawh a....
Chumi zan vek chuan Tlanglianpui ah thung chuan Liansangi chu Vungzaliana nupui anih hunah chuan piang tawh zingahmeichhe hmeltha ber pasal anih tur thu te chu lal Lianhrima chuan a sawi nasa mai a, chumi lawm nan anaute pawh naktuk lamah Samthang lama tir tur chuan an dek zauh bawk a, Vungzaliana pawh chutiang hmeichhe hmeltha te chu tunge hnar phal ang le tiin anaute panga leh lal Lianhrima tlangval pahnih ten naktukah Samthang an pan anga, a theih theih in dah tha dawn nia tiin chumi zan chu an intulh hnem deuh ani ang, lal inah chuan an let pheng phung mai a...
A tuk chawhnu her ah chuan Rengpuia pawh a rawn thu chhuak hlawl mai a, mipui an lo awmkhawm mur mur mai te chu amak a ti lehling zawk hial a, a dara an rawn kah a, na zawk bak kha chu engmah ahre zuilo kha ani a, a rawn tawngchhuah hmasa ber chu khami te kha tute nge tih ani a, Lianpuia chuan alo hrilhfiah vat a, a chek tlak tlak a, hetiang ang dinhmuna a ding te chu a thin a rimin a zak hnuhnawh kher mai, mahse a kovah a tla miau si a, tih theih dang nei heklo le, chutia alo harhchhuah leh takah chuan an han inchibai nak nak hlawm a, mipui nawlpui chu an tin ta hlawm a....
Samlukhai lam tlangvalte haw turte pawh Liansangi te thianho leh Lianpuia te thian ho chuan kawtchhuah thleng chuan an thlah a, Liansangi chuan a rem veleh ka lo zin leh dawn nia tia in thlahin an in vai liam a, ni pawh akal ve zel a, Samthang khua pawh awm pangngaiin an awm chho leh tan mek a....
Hetih hun lai vel hian khawchhak lamah pawi ho chuan lusei ramah khua rawn dinin an rawn pem nasa mai a, an pasaltha Thawnga chu hmachhuanin mizo lusei khua te chu an do an do thin a, Samthang lam pawhin chutiang thawm chu an lo hre ve nel nual a,.....
Vungzaliana naute ho pawh ahmaa an bihrukna ngaiah bawk chuan losul haw leh kal changin an thu leh thap tawh a, an bihrukna hi a rem em em a, kawng ahnai em em bawk a, kawng kalte tan hmuh mai theih an ni lo bawk a, hei vang hian hetilai bawk hi rawn pan an ni reng a, tun tum phei hi chu nasa taka chet tuma rawn kal an ni a, a rawn kal ho pawh hi pawisak neilo thah an ni nghe nghe a ni...

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)