HLAUH NEILO PASALTHA KHAWTINTHANGA Ziaktu. Seraph Pachuau 1- 101

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

Re: HLAUH NEILO PASALTHA KHAWTINTHANGA Ziaktu. Seraph Pachuau 1- 82

Unread post by Ngaia » April 23rd, 2019, 6:33 pm

Episode 82
Samthang khua chu a ralmuang talo hle mai, pawn chhuak ngam mahse ramkal ngam an awm mang tlat tawhlo, a kal chhuak chhun te lah haw tur an awm lo zui ta zel. Mai bawk si nen, chumai bakah khualkai pasaltha an thlamuanpui ho lah pawi ral bei turin an thawk chhuak deuh vek mai si nen, a ruk tak chuan Samthang mipui ho chu an mangang ru khawp tan ta mai....
Tlang lo auin khaw mipui te ram chhuah khap anih thu leh lal muala kal khawm tur tih chu tlangaupa chuan a rawn aupui lauh lauh a, tukthuan eikham chuan an boruakin a zir bawk nen an kim hma thap thap kher mai, Thangtea chu leikapuia lo chuang chhuakin khaw mioui te u, hei kan boruak chu sawi nawn leh pawh ngailovin kan hre chiang em em a, he thil hi tu tih nge tih leh engvanga rawn ti ringawt nge kan la hrelo va, chuvang chuan vawin a tang hian tute nge tih hi kan chhui dawn a, he hnu chhui naa min pui tur hian mi pakhat hmeichhia emaw mipa emaw naupang emaw tupawh kan mamwwh dawn a, he khaw chhan nan tunge rawn ding chhuak thei awm le an tih chuan, tlangval ho chu an rawn ding chhuak suau mai a, chu thil zet chuan Samthang mipui thla ava ti muang teh lul em, mahse an vaiin an che chhuak theilo, mi pakhat chiah angai avangin, lal mual tlangval chu thlangin engtin nge rem an ruat tih erawh hre chak takin mahni inlamah an haw ta hlawm a....
Chumi ni chuan lal mual tlangval chu thing pu tur anga chhuah tirin lal Thangtea leh tlangval dang pakua in zuiin amah hmu phak tawk velin an zui ve zel a, lal mual tlangval pawh chuan thing te pawh la in a pu tur pawh ala zo mai a, eng engemaw ti khawtlaiin thil lo thleng tur beisei si, enge thleng dawn hre silo chuan lal mual tlangval chu an vaknzau deuh a, mahse chumi ni chu eng thawm dangmah awmloin leh thildang thleng lo chuan chumi ni chu lal mual tlangval chuan thingtuah chu ahawn teuh a, behliang mun hun vel ah chuan ahaw ve ta a....
Zan lamah rorel tha in, vawin lama lal mual tlangval bawk kha hmanrua ah hmang lehin, chul an hrut tir thung anga, tuikhur veng nula in azui bawk dawn ani, chutiang tur chuan ruahmanna siamin zan hun chu an hmang zo ve ta a,enge thleng zel dawn erawh hre silo, hre chak tak siin zawlbuk tlangval riak te pawh zan lai arkhuan thleng chuan an titi a, zan alo rei ve ta deuh bawk nen, val upa ten mu tawh ang ule an tih takah chuan a tuk lama thil thleng tur nghakin an mu ta siai siai hlawm a...
Hmuntha lalpa pawh alawm kher mai, Samthang khua alo ral hriat dan te, lal Thangtea leh afapa chungnun bik zia te pawh tlangkam a tangin alo hre ve tawh a, a tak ngei a a mi ngaihsan che vel ahmu thei chu alawm em em a, chumi piah ah amah rawn chhanchhuaktu ala ni zui bawk nen, alawmzia asawi bang thei lova, alo tlailam deuh bawk nen Hmuntha khua ah chuan an lalpa in alo chelh ve tumhrang nen zankhat na na na chu Hmuntha ah riahrun an rem dawn ani....
Pawi pasaltha Keivawran lusei tlangvalin an rawn pan a, anau thattu pawh a rawn tel tih ahriat chuan phuba lak chakna chuan a tur ut ut mai a, a thil chak ber a ti thei dawn nia inhria in a hlim zawk em em a, a inhrosa kuk kuk reng mai a, lo kal mawlh rawh se an duh chu ka lo pe mawlh ang, ka nau phuba pawh ka la mawlh ang, lusei val hneh mai mai chi kan nilo tih hi hre mawlh rawh se tiin abula thingtuai malte tiat zet chu an chhawk hmawk mai a...
Chutiang boruakin Samthang a bawh lai chuan Liansangi leh ahruaitu tlangval te pawh kawnglakah zan thum lai an riak ve ta reng mai, Liansangi hruaitute zinga mi pathlawi dangnal leh fiamthu thiam leh tawngkam thiam zetbchuan Liansangi chu abeisei tlat mai a, midang chuan pasaltha Keivawran ahriat chuan a tha lovang kan nunna tan pawh ahlauhawm an tih pawh chuan hetiang hmeichhe hmeltha zut hi alawm dam man awm le tiin zan thum an riah zan chuan abeisei ti hlawhtling turin Liansangi chu akut ah phuarin ahruai hrang ta daih mai a, chumi zan zankhua chuan nuam tawl nana hmangin Liansangi chu a tap zawih zawih reng mai a, a tuk an kal leh pawh kal pawh akal hleitheilo, ahma zana pathlawia chet velna avang chuan a thu leh hnawk thin a, amittui chu a tla banglo ni ani ringawt mai, ahmai leh mit te chu amittui tlak naah abui chur vek tawh mai a, a tuk leh zan ah phei chuan midang ho chuan chutianga an pathlawi in amah maia hmeichhe hmeltha a han bitum bik chu phal lovin chumi zan chuan an vai mai chuan Liansangi chu nuam tawl nan an hmang ta a....
Liansangi chu kal pawh akal hleitheilo tawh lo, ahmui te chu thi khar in abawh khir deuh un a, a tuk leh lam phei chu kal thei loin amu tawp a, chumi ni chu kalpui bik loin an hahchawl tlang ta adial a, muthilh chhuak viau mahse a rilru nat em avang chuan mu thei hek suh, a u Lianpuia chu angai em em a, ani chu awmse hetiang hi a tuar bik lo tur, anu leh apa angaihtuah a, a chung thil thleng hi hria sela tih angaihtuah ringawt pawhin a mittui avan tla hnem tehlul em, he hringnun ah hian vanduai bik riau a in ngaihna chuan a thinlungah hmun aluah in, nung ve tlak lo leh nun awmze awmloa nungin midangte tana harsatna thlentu mai nia inhriatna ten a thinlungah hmun aluah ni ah meuh chuan ka lo piang ve kher kher hi chu ava pawi em a ti vawng vawng mai ani, mahse ama thiamloh ani bik tlatlo, nakinah heng vanduaina te hi hlimna leh lawmna ah la changin hringnun bul tanin a chunga thiltisual tu leh amah lo dawitu pawh amah ngeiin ala that ngei ang le....
Lianpuia te pawh Hmuntha khua a tang chuan an zing chhuah a, Hmuntha tlangval thenkhat ten an zui ve bawk a, pawi ral ten an khaw awp te tlawh tur an la nei nual a, chuvang chuan hnihkhat deuh mahsela an kal chak thawkhat hle mai, chhunlaiah chuan Hmuntha ram ri an pel fel hman hial a, an kal tawhna china pawi ho chu che leh chuang tur awm lovin an dah tha hmiah hmiah zel a, tlanchhuak ta mi pahnih tih loh chu damin tumah an la chhuah lo bawk ani....
Khaw kar kawngah zankhat an riah leh hnu chuan Vaphai khaw ramri thlen nan pawh hun rei angai tawh hauh lo, Vaphai pawh pawi ral chet natna hmun pakhat niin pawi ral hoin an la chenchilh a, a chenchilh tite pawh mi za dawn lai mai an awm ni awmin an sawi a, chung ho nuai chimit vek tur chuan Vaphai ram chin chu an lut ta a, khua alo tlai lam tawh nen, hmun rem leh riahna tur remchang melh pahin an kal zel a, nakinah chuan riahna tur remchang tak mai hmuin chuti lai hmunah chuan riahbuk chhete sualin an che sang sang a...
Buk an sual zawh meuh chuan alo tlai lam dawrh tawh mai, zanriah tur zawnga vak chhuak te pawh an rawn in ak puar haw deuh vek a, chumi tlai zanriah an kil chu an puar hlawm ngei mai, an chaw eite a tlakfel hnu chuan Vaphai lam enthlatur in tunge kal ang tih chu an han rel a, Lianpuia te thian hi chuan keini kan kal ange ti mahse Saimawia chuan a remti tlat tawh lo, a chhan chu hemi te hi ahrechiang em em a, an tlawmngai em em a, chuvang chuan pawi lam an lo thahnem deuh bawk nen aphal tlat lova, midang panga tirin engkim hriatfiah tum tura chah in, tlangval pangate chu an liam zui ve nghal a......
Liansangi te pawh ni hnih chhung ngawt an chawlh tak avangin an la thleng tawi hle mai a, Liansangi pawh asil na zual chu a reh deuha, mahse a taksa chu na lo lai pawh a awm meuh lo ani ber mai, chuti chung chung chuan an hmalam hun nghah hlelh awm loh tak hmachhawn tur chuan ani thum tukah chuan an chhuak veleh ta a, pawi pasaltha nupui tur a tana an ui zia te chu an sawi bawrh bawrh a, chaw tha hmu talo na na na chu a cher ruam mai a, a hmai chum no nalh tak thin pawh a ki vun tawh a, chuti chung chuan ahmel erawh ala tha kher mai...
Samthang lam pawh an khua tibuai tute chu hriat ngei tumin a tuk zingah chuan lal mual tlangval leh tuikhur veng nula chu chul kal tur anga chhuahtir lehin tlangval pawh in awm bik nih duh tawh hlawm heklo le, an lalpa chu mi sawmthum tha chuan an zui a, khua a tang chuan tuibur hmuamda an kal tawh ang tih ah chuan lal mual tlangval leh tuikhur veng nula chu ding tura au tu avang chuan an ding chawt a, nula chu hlauin a ding khur zawih zawih mai a, an din veleh chuan tlan hauh suh ang che u, tiin kawng chhak lam a tang chuan mi sawm panga lai mai chu an rawn chhuak thla a....
Samthang lal leh tlangval te pawh chet inpeih atin an hnaih hriau hriau a, an thusawi te pawh an hre chiang viau tawh mai, lal vunglaia nau lal Zemawia khaw pasaltha Dengruma chuan khawnge in kal dawn a rawn ti a, lalmual tlangval chuan chul ah chawhmeh eng ilo la turin kal kan tum a, enge nita tiin an lalpa ringtawk tak chuan an ti a, pasaltha Dengruma chuan in tum ram chu in thleng zo dawn lo anih chu a rawn ti leh tawng mai a, Samthang tlangval ten chu thu an hre zet chu an kut an hum ruh ngat ngat hlawm a, mahse lalpa thu hmuloa chet chhuah chu thil tih chi ani silo, Thangtea chuan chet vat angai tih hria in, pasarih chu chhak lamah tir chho in, pasarih thlanglamah a tir thla nghal bawk a, ama hoin mi pasarih kawng hrulah an kal phei anga, mi sawmin an lehkhalh anga an hnunglam a tangin an rawn hup thung dawn ani....
Lal Vunglaia tlangvalten An lo channa hi hmun rem lai leh thingbul an rawtna zawl durh mai niin, feh kalte an chawlh ngei ngeina thin leh lui te tui thiang kak mai chumi kiang lawkah chuan a awm nghe nghe a, mahni ram chuung na nana chu an chiang bawk a, reilo te ah an mahni chanvo theuh ti tur chuan an inpeih at vek mai a, an inpeih hmaa eng boruak mah a thleng lo chu an vanneih zia chu khuareiah an la sawi chhuak fo ngei ang le....
Pasaltha Dengruma chuan a chem chu phawrh in vawin ah hian in lu leh taksa vel kha ka chan darh anga Samthang khaw kawtthler ah ka thehdarh dawn ani tiin a rawn pan hnai a, lal mual tlangval inringtawk tak pawh chutianga tu tih hriatloh mi sawmpanga hmanrua keng vek leh thah tuma rawn pan mektu an awm meuh chuan a tiril chu a ruk chuan akhur nasa kher mai, an lalpa te an rawn che mai silo lai kar te chu rei avan ti em, ahun tawn tawh a hun rei a tih ner ani hial ngei ang le, midang ho lahin silaiin an tin thap mai bawk si, ani tan chuan chet lak ve ngamna chi ni miau hek lo le....
An inhnaih chilh viau ta tih pawh chuan thawm dang chu thei reh takin ala reh vawng vawng mai, tuikhur veng nula hlau lutuk chuan zun a cheh hial a, ani lah alo hmelchhe lemlo bawk nen, an khawih chhiat te chu thih ai chuan alo hlau zawk em em a, mahse ahun taka che thin pasalth Thangtea ani tlat, Dengruman sah tuma a chem alek kan veleh aw nelawm lo tak mai thihna rim nam vang vang chuan che tawh suh i chem kha dah thla rawh, anih loh chuan ilu bur kha ka thlawh darh ang tih thawm a rawn chhuak ta, lal mual tlangval leh aphena nula te chu engtiang takin thlamuang ang imaw le....
Chiveleh Dengruma leh anaute ho chuan thawm lo awmna cgu an hawi nghal thap a, anmahni rawn tibuaitu te chu silai chuan an tin let ve nghal thap a, Thangtea chuan ka sawi nawn leh ang, khami te kha tawlh hlatsan rawh in ralthuam te dah thla ula, in thiltih ah in inchhira ngaihdam te in dil chuan ka ngaidam mahna che u, anih loha chet luih in tum chuan tumah in dam. Chhuak lovang an ti a, Dengruma chuan a tlem zawk nia ngaiin nui chung chuan tunge ka nih in hrelo ani maw, pasaltha Dengruma mite tihkhai ka ni ngai e, ka thiltih tum ka thulh ngailo, chuvang chuan dam in la duh chuan haw leh zawk rawh u, anih loh chuan tumah damin in haw lovang, nangni mi tlemte te dan theih kan nilo tih hi lo hre rawh u a tih veleh chuan kawng chhak lam a tang chuan silai tin chung chuan in ngam chuan han che ta che u tih ri avang chuan an hawi rual thap a, chuveleh thlanglam a tang chuan in ngam ngam kan ngam e tiin silai tin chung chuan an rawn chhuak bawk a, chumi hnu chuan an hnunglam atang chuan a tawp thlengin kan ti ang chu an rawn ti veleh a, tlanchhiatna kawng akaw lova, an inpe anih ngawt loh chuan thih vek hmabak an ni tih chu an inhre chiang kher mai, mahse tlangval hawklak satliah mai mai ni hlawm hek lo le.....
Pasaltha Dengruma chuan hlau miahlo mahse an aia tam daih an nih avang chuan in pawmchilh chi anilontih ahrethiam nghal thuai a, Thangtea chu melhin mipa in awm ve ngai te anih chuan ka hmaah lo ding chhuak ta che u, amala ding chhuak ngam silo hian ahuho hian in lo huai viau ani ange an tih el a, tlangval thenkhatte kal chhuah mai tum chu Thangtea chuan ko dingin keimah ngei hian kan bei ange, thil diklo ti tute hi chu dim vak ka tum hleinem tiin a silai chu abula mi pein chem chu aphawrh ve ta nghal a, chem hum chung chuan Dengruma chu apan hnai zel a, Thangtea chuan in thil tih hi in hre chiang a, hetianga in chetna hi vawin ah hian ka ti tawp ang, tin a rawn tirtu khua pawh khawram an ti ngei ang tiin zaidam thinthawk chuan a sawi ngai loh chu asawi chhuak ta a, Dengruma chuan chungte chu itheih phawt a thu aniang chu ka hmaa ding damchhuak an la awmlo asin alo tihsan a, Thangtea chuan anih chuan i tan ang hmiang mipa leh mipa chu a tawp thleng rat in aw niang tiin a pan hnai leh zual a...
Dengruma chuan chem rawn vilik phei zuaih zuaih pah chuan ka vawikhat tawh pawh dawl lo tur hian ka kawng hi in dal lovang tiin a Thangtea nghawng chu chhawk hmawk tum chuan a rawn vai phei fua mai a, in mal beihin fimkhur angaihzia hre chiangtu Thangtea chuan a tih thin danin uluk takin alo melh khiau a, Dengruma chem rawn vai phei chu bumin alo kun hniam zauh a, chumi rual chuan Dengruma dul thuar ah chuan tlum thawih khawp chuan sah a tum a, mahse Dengruma chu mi namai ani bik tlat lo, alo tawlhhnung hman ve tlat, Dengruma chuan nuisangin i khawih fuh theih mi ni ila ihmaah ka ding ngam nag mawle tiin anui huah huah mai a, Thangtea erawh engmah sawi loin bing takin a thil tih lai ah chuan a rilru ape thung a....
Dengruma bawk chuan rawn vai hmasa leh in Thangtea dul zawnah chuan a rawn sat phei leh fua mai a, Thangtea chu tawlh hnung zeuh lo se chuan a ril pui leh rilphir chuan tualcharah awmhmun an khuar ngei ang le, Thangtea chu tawlhhnung zeuh mahse Dengruman Thangtea dul zawna achem vai thelh rawn la tleu chho leh in a beng a rawn tai thi ser hman tlat tho mai, thisen chhuah hming aput takah chuan Dengruma chuan angam lehzual kher mai, mahse Thangtea hi khuanu vohbik ani tih ahre lo ani, Dengruma chuan rawn pan hnai leh mahse Thangtean mimal inbeihnaa ahman thin Dengruma rawn pen phei pawk aia rang chuan ava hnaih chilh a, Dengruma chem rawn vai chhuak tur chu akutah alo man chat a, Dengruma paehin Thangtea chem vai chhuak chu alo man ve chat bawk a.....
An han in elh ngar ngar a, nakinah chuan atha ngahlo zawk leh thiamlo zawk chu chem thlauh in lei charah chuan hnang awl awlin a tlu thum ta dup mai a, chuveleh Thangtea chuan tho rawh mi tlu tawh hnu ka bei ngailove tiin Dengruma chem chu a le chuan Dengruma lamah chuan a thai phei sak a, chungte hlei hlei chuan Dengruma kei ka ni inti ve thin chu a tirim em em a, chuti mai a a hmelhriatloh in alo thal huang mai chu a thin a rim em em mai a, a tho zi talh talh a, a chem hum chung chuan a rawn pan hnai leh a, mahse ahma ang chu ani ta hauh lo, a tha pawh zawi lo mahse a tluk nat em avang chuan a ti khawr kher mai.....
Dengruman a rawn hnaih hle tawh tih ah chuan Thangtea insiamrem chu a tlu thelh mai a, Samthang tlangval. Zinga pakhat chuan lalpa fimkhur rawh a rawn ti chhuak tuarh mai a, chuveleh Dengruma chu ameng kawk a, ahmaa ding chu tudang nilovin anung chung ngeia man a tum Samthang lalpa pasaltha Thangtea ani reng tih ahriat chuan a chesual chu a thin hi a rim thar em em a, a tha neih zawng zawng samw khawm in a chem chuan va vai phei mahse mi pangngai aia che rang zawk Thangtea chu alo insiamrem hman leh than tawh tlat, Dengruma chem rawn vai phei chu bumin alo tawlh hnung zauh a, Dengruma chem vai tlang inrin leh hma si ah chuan duk chhuak zawkin veilama kal tur anga veilam pen chhuak in Dengruman veilama rilru a dah veleh rang mangkhengin dinglamah aper leh zauh a, Dengruma chu hawi pawh ahawi let hman manglo chu ani ber e, ahawilet hman lo pawh anilo, hawi let turin chakna reng anei tawhlo zawk ani, a taksa a tang chuan alu chu leiah chuan atla thla tawp a, ataksa pawh a tlu zawi hnuang mai a.....
Chuveleh lal Vunglaia pasaltha ho chuan an rinrawl pasaltha Dengruma a thih takah chuan dam chhuah an inring lo bawk nen Thangtea chu an rawn bawh huk mai a, mahse Samthang val rualte an awm mai mai biklo, Thangtea hmaah an rawn tlazep ve thuai a, dingchang zawk nih tumin an in sat ta siah siah mai le, nakinah chuan lal Vunglaia pasaltha te zinga pahnih hliam tuar te tih loh chu han che zui leh thei reng an awm tawh lo, chulai hmunah chuan thih sualin an tal aih aih hlawm a, Samthang tlangval pawh pali lai mai hliam tuar ve in pahnih an inchan ve bawk a, thutam sawi lo chuan Thangtea chuan hlang pasarih siam ula, tlangval pahnih kha inlamah zualko in han tlan nghal ula, adangin hlang i buaipui nghal ang u, val upa khan kan hmelma hliam te zinga pakhat kha lo dahtha se, pakhat khat kha a thih loh nan lo buaipui se a tih chuan an che nghal sang sang a, kar lovah hlang pawh an siam zo mai a, an hmelma te zinga dam la awm pahnih zinga pakhat zawk chu an tihlum a, pakhat zawk pawh tawng a harsat deuh avangin zawn haw a, an samak sa ei tir a, a dam chian hnua thu zawh fiah tuin an hawn ve dawn ani, tlangval ho chuan hlang pasrih chu an lo hrethiam lo nasa mai a, mahse an han hriatchian chuan an lalpa Thangtea angaihtuah kim thin hmanzia leh thluak that zia chu an hre nawn leh awn awn zel zawng anih hi.....
In lama zualko te pawh an lo thleng tawh bawk a, an hmelma lam ami pakhat nen, mithi pahnih nen, hliam pali nen hlang pasarih an zawn haw a, khua an luh chuan mithi in lam ah an kal hmasa a, a hliama te erawh lal inah an dam hma awm tur chuan lal inah an inzawn lut a,.......
A tuk zing a tang chuan an khaw chunga rilru thalo pu a, hmeichhia leh naupang thlenga dim hauh lova khawih duhtute chu tute chu tute nge ni a, tu khua nge tih hre chak chuan Samthang khaw mipui ho chu lal mual ah chuan an rawn pung khawma, thinrim lona ram pawh an awm lo, a tam zawk kal chhuak mahse a awm ang ang ten eng khua pawh nisela kan chimih thak tur ani an ti theuh hlawm a, lal Thangtea pawh a ka alo ang angin tu khua pawh nisela ngawihbo mai a tumlo chiang kher mai, a khua leh tuite tawrhna chu aleta rulh a, hetiang hi midangin an tih tawh lohna tura zilh hauna pek chu a tum khawp mai, hliam te chu an harh tawh em tiin a en deuh sek tawh mai a, an hmelma lam pa erawh a khaw tlangval hoin phuarin an hual thap a, fehrehsan anih meuh chuan hliam na tak ho pawh dam taka rawn tho chhuak hlawm in hlim takin an in lamah an in hruai haw hlawm a, an thil hriat chak ber mai an hmelma pa pawh dam vaka rawn tho chhuak in, chutia thi mai tur anga in ngai tawh na nei miah lova a tho chhuak chu a lawm em em a, chutih rual erawh chuan ahma hun erawh enge thleng dawn ahriatloh avang in leh an chet dan a rawva deuh hlek avangin na nei loin tho leh mahse abeisei erawh a sang viau lem chuang lo....
Thangtea chuan an hmelma pa chu thil an zawt vel a, a tir lam chuan a sawi tha duhlo kher mai, tlangval thenkhatte phei chuan an beng ve nghe nghe a, mahse Thangtean tha deuha i sawi phawt chuan damin i chhuak dawn nia a tih takah chuan an beiseiloh thil leh an duh loh thil chu asawi ta teuh mai le, a fanute inneiha an haw atanga afanu Liansangin tihduhdah a tawrh dan te, leh apasaltha boral avanga lal Vunglaia a thinrim dan te, leh tuna a rawn tirtu lalpa ber pawh lal Vunglaia anih thu leh afanu Liansangi pawh pawi pasaltha Keivawra pe turin a tlangvalten Keivawra hnenah an hruai mek tih te chu a sawi ta vek mai a, chu thu zet chuan mizaidam leh nunnem ngeng ava chhun chiang em, avaibel dawn chu aseh keh rawp mai a, mahse mimawl ni heklo le, awle alawmawm e, tunah hian han haw ta la, lal Vunglaia hnenah chuan i thil tih ang zela lawmman pe tur chein ka lo kal thuai dawn e han ti la, a khua pawh a ding rei tawh lovang tiin thu a chah ta rup mai a, hmelma pa chu an haw tir ta a.....
Thangtea chu a rilru ahah hle mai, lal Vunglaia laka phuba lak chu ahmanhmawhthlak loh zawk ah ngaiin, afanu chu khawnge an thlen tawh ang, tutu nge hruai ang, Keivawra hnen an thlen meuh angem, an thlen chuan karah fate avangin Keivawra pawhin alo hmangaih chhawm thei, mahse an thlen lohva, kawnglaka nawmchen nan emaw thiin emaw hrehawm takin a awm angem? ngaihtuah ava han tam tak em, lal Vunglaia chu a thiltih man amah ngeiin pek chu a tum nghet bur mai a, mahse afapa Lianpuia leh athiantha te pahnih Saimawia leh Sena an awm loh avangin han nghah hlek chu tha a ti a, afanu erawh tlangval chak tha mi sawmpanga in Keivawra te in kulhna Len tlang panin an hnu awm ang an chhui chho mawp mawp dawn ani, Keivawra awmna an thlen hma chuan an kal mawp mawp dawn ani....
Lianpuia te pawh Vaphai enthla tute nghak pawlah tangin inring tak chuan an awm ran a, lam kal te pawh zanlai pelh hawlh ah chuan buk an rawn thleng ve hlawl a, Vaphai lam awptu pawi ho pawh an thla amuan hmel in khuaah in kulh loin khaw bul ah an inkulh a, chutah chuan lal leh upa ho an kawl thung a, chuta tang chuan ro an rel thin a, pawi hruaitu ber chu pasaltha Sairenga an ti nghe nghe a, mahse thu lawmawm deuh mai chu lal leh upa te an dahna buk hi ahran deuhin an siam a, kan tan beih pawh a remchang hle ang, pawi lam hi sawmriat tha chu an ni e tih te chu an rawn hre vek mai a, Saimawia chuan awle engpawh nisela naktukah ro kan reltha dawn nia zanin chu imu phawt teh ang u tiin a tuk leh lama tihtur leh an hmabak ko lo tak chu reilo te tal theihnghilh tumin an mu ta siai siai hlawm a......
Liansangi te pawh ni hnih an kal leh hnu chuan sakei sual tawkin mi pahnih lai ahliam avangin loh theih lohin ramhnuaiah inenkawl ngaia an awm avangin riahbuk sualin engtia rei nge an awm dawn hrelo chuan buk chu an sual. Mawlh mawlh a, Liansangi erawh in zanlam hun chu ahuphurh em em thin thung a, adam emaw damlo emaw, a sil emaw sil lo emaw, apeih emaw peihlo emaw lam an ngaihtuah ve tawh lo, lal Vunglaia tlangval te chuan chawlh pawh chu an phur zawk mah emaw tih tur ani a, Liansangi erawh a cher bam tawh a, ahmui sen vam ham thin te a dum duk reih mai a, amitkhur te chu a thuk kuk tawh bawk a, thih daih mai te chu chak viau mahse dam chhan nei tlata inhriatna chuan a taksa chau tak chu a tichak nawn leh thin, hemi zan pawh hian lal Vunglaia tlangval thaza ten duhtawk an ngah hnu chuan zanlai alo pel rawk tawh a, a chau lutuk chu lehlam ahawi a, amittui chu aluang ngiai ngiai a, akhawhmuh te chu a thim ruai ruai a, engmah hrelo chuan a muhil ta bawrh bawrh a....

(Pasaltha chhiartute in tlem viau a, comment pawh in pe khat, advertisement phei chu in click ngai lo niin ka hria, dah regu a phurawm loh tlat thin)



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 24th, 2019, 7:47 pm

Episode 83
Lal Vunglaia pasaltha dama haw leh ta chanchin chuan lal Vunglaia khua chu a al hneh kher mai, lal. Vunglaia khua mai nilo anaute khua pawh an buai map mai le, an pasaltha te an tir chhuak kha ani si a, pasaltha neitawh hek lole, khawdang pun mai loh chu tih theih an nei lo, pawi ho han pun dawn se an khua atanga ni sawm pasarih vel kal ani si a, kal pawh ni ta tehreng se Samthang khaw tlangval ten pawi ho in kulhna Len tlang an pan tih an hre ve tawh bawk si nen, heti ringawt chu atha love, kan thenawm khuate i pun mai teh ang u tiin lamkal an i tor chhuak nghal a, mahse Samthang dotu nih chu an lo duhlo zel mai a, aletleh an tuar ngamlo pawh ani tel anga, tu khaw lal mah chuan an tanpui thei ta silo, lal Vunglaia rilru chu ahah kher mai, a thiltih sual hre duh lo chuan to hran a rel leh ta rup mai le....
Lal vunglaia chuan Liansangi te hruaitu tlangval ho nghah phawt a, an boruak azirin Samthang tlangval tam zawk te kalbo hlan ani bawk nen, run hmasa zawka tan chu a tum ta a, chitianga ruahmanna a siam lai chuan abeisei a tlangval te hian khua an thleng zo kher angem, abeisei angin pawi pasaltha Keivawra hian a thil pek tum Liansangi hi ahmu kher angem, hmu pawh nise apui duh kher angem, enge thleng kan la hre zel ang chu....
Lianpuia te pawh zing ah an tho sang sang a, tukthuan tur pawh an siam zo rang khawp mai, tukthuan an ei kham chuan rorel in a thukhawm nghal a, chhun enah chiang leh zual zawka han chianin kal khan leh beih dan tur en turin Saimawia leh Sena leh Lianpuia bakah tlangval dang pahnih ahma zana kal te bawk an kal dawn a, Rengpuia leh Ramliana leh valupa hoin tlai hmeh tur an lo pel thung dawn ani.....
Vaphai khawchhungah chuan Sena leh Lianpuia kawngbo luhin an lut anga, Saimawia leh tlangval pahnih ten pawi inkulhna lam an hrut thung dawn ani, khaw chhungah chuan Sena te chu an lut chho a, alo reh thiap mai a, naupang pawn chhuak pawh an awm manglo ani, naupang chawtlang keng pahnih chu lal in awmna zawtin, an inlawhhmuh hnu chuan lal in chu an pan ding nghal vang vang a, lal in an luh chuan Vaphai awptu pawi pasaltha Sairenga leh anaute pali an lo awm a, ro alo rel zut zut mai bawk a, naktip ah hian lalfanu neih atum alo ni a, aneithei angem kan la hria ang chu...
Chutia mikhual pahnih rawn lut thut chu silai chuan an lo tin nghal thup mai a, Sena chuan e hlauhawm kan ni love, hei lan ramvak kawng kan bo nen kan chau deuh hlek a, akhaw hnai ber hi ipan ngawt mai teh ang an khawngaihna i dil chawt mai ang tiin kan rawn pan chawt mai ani e an tih chuan, pasaltha Sairenga chuan anau pakhat chu tirin upa inah ahruai tir ta daih a, chaw ei sela, an khaw thlenna daih buhfai ah tir ula in kal tir leh nghal dawn nia tiin upa inah chuan a tir thla a...
Upa inah chuan tlangval sa tha tul mai leh anau niawm tak nula ria chum bat mai leh an nu ni awm tak mai la valai tak ei tha tih hriatreng mai sem suah mai chu lo awmin an lo titi malh malh a, inchhung an luh chiah chuan thehhmeh ang thap chuan an reh hmiah mai a, enge thleng dawn tih melha rawn melhin an lo hawi thap a, Lianpuia te chuan an khawngaih kher mai, Sena erawh chuan chu nula ria chum bat mai, vun nung sarh mai hmela beidawnna leh hrehawmna thuk tak piah lamah a sakruang mal invuahdan leh awmbawr te leh a ahmaia khuavang nen lam chuan alo chik hman leh vek tawh thung a, pawi tlangval chuan hetah chaw an ei dawn a, an ei zawh ah buhfai an khaw thlenga an tla tur in ah haw tir dawn nia, mikhual neih kan lalpain a rem tilo, chaw eikhamah in haw tir nghal dawn nia tiin lal in lam chu apansan nghal a....
Nula chuan an chaw ei tur siamsak tumin a rawm ding chhuak a, Sena chuan nula chaw eisain kan lo kal a tih chuan mak tiin an hawihai nasa mai a, Pawipa in an thusawi ahre phak tawh lo tih ah chuan Samthang a tanga lokal an nih thu leh, Len tlanga inkulh pawi ho thianfai tura lo kal an nih thu leh, an khaw awp te pawh thianfai zel tura lo kal an nih thu leh amah chu Sena anih thu leh Lianpuia kawkin lal fapa Lianpuia anih thu a sawi chuan an hmel hlim pawh a hmuh theih nghal a, zawhna zawt mahse chhan hman anilo, hun a awmlo tih hria in, an hriat duh ang ang an zawt ta zawk a, remruatna neihpuiin zanin zanlaiah kan rawn kal dawn a, kan lo kal hunah lo inpeih vek ula, chutiang tur chuan in khaw tlangval te pawh ikutah awm sela tiin tlangval chu a en a, sawizawm leh in he thu hi nagmahni chauhin in hria a, a tlangthang tur anilo ang, hei kan rei ta mah mah kan tum aia hmain boruak a alh palh ange, zan lamah chuan lo inpeih ang che u tih pah chuan nula cgu an mitsir ralh a, an mit leh mit chu a in tawng fuh bawk aniang, Sena meuh pawh sawi tur vaiin titeh ikal thuai teh ang a ti bah nawk nawk a, Lianpuia chuan nuih tet tet pah chuan ngawi teh chaw kan la eiloh kha ti chug in a zui chhuak ve ta a...
Liansangi hruaitu tlangval zinga sakei seh pahnih chu an hliam tuar loin an thi ve ve a, Liansangi pawh hliam an buaipuiba ta langin chung ho lakah chuan a him angreng phian mai a, an thian thita te
Ruang chu lei laikhuarin an phum ta a, an kalna tur ala thui si a, Len tlang thleng turin ni sawm pali vel kal an la ngaih hmel, an kal thui tawlh tawlh a, lal Vunglaia tlangvalte chu an koham tawlh tawlh a, khaweng pawh an zah zo tawh meuh lo chu ani ber e, miten harsatna enge an tawh hre ve hauh lo a sawnu saw, saw pa saw a chuti khati lo tih ve mai hi a awl em em a, rukru tamtak te ruk chhan hre lova kan endan a dang thin te, leh misual tia kan hriatte sual chhan hrelova pawl anga hma kan lak phei hi chuan ka lo tim deuh thin....
Saimawia te pawh an kalna lam an enfel vek hnu chuan kalkhan leh remchang awm ang ang an chhinchhiah vek a, Lianpuia te erawh intohbuai leh engemaw awm thei anih avangin Saimawia te pawh lo chuan buk lam ah an tlang nghal a, Saimawia te pawh an duhtawka chianga chetlakna tur an enfel hnuah buk lam an pan ta a, kawng pengthuam an penna an thlen chuan, an tih thindan a chhawlthuaina hnah tlangsam panga tawnkhawm chu hmuin awle buk lam kan pan vang vang thei tawh e, kan thian khaw lama kalte pawh an haw tawh e, ikal thuai thuai teh ang u tiin buk lam pan chuan an kal zui nghal Vang vang a....
Lal Vunglaia buai phili leh thinrim inhrosa chu anelawm loh kher mai, a khua te pawhin a thil tih ruk dan chu an hre ta vek bawk nen, a letleh lam hlaua pem mai an duh theuh mai a, mahse lal Vunglaia chuan chung thil chu a thlen ahlauh avangin tlangval thenkhat lut chhuak tur lo enfel tur in a dah rup mai si a, lal Vunglaia chuan amaha tawrh a tum bau lo, akhaw mipuite nen ahuho chuan azia in a ring tlat ani mahna le, hetiang ang mihring hi vawiin thleng hian rem mai lovin min la chenchilh reng a, mahni tihsual pawm duhlo leh, mahi tihsual avanga midangte tawrh pawh pawi tih lohna rilru chhia, midangte sawi tel talh duh mihring an awm fo thin, he khawvel dan nilo dikna dan chunglam in a rel hunah chung chuan an lawmman an la hmu ang...
Saimawia ten buk an thlen thlak chhan an kal chanchinte leh zan an mut reh a an beihdan tur te leh an chhinchhiahna te leh lal leh upa te buk hrana an dah avanga an tan thil a awlsam tur thu te leh zanin zanlai arkhuan rualin kan chhuak thei dawn em tijn Sena te chu an en a, Sena chuan nie khawchhung tlangval te pawh kan hmin khat chuan ka hria, zanin ah pawh khawchhung tlangval ten min puih an hreh loh mai bakah lo inring vek turin thu kan indelhkilh tha viau e a tih chuan, Saimawia chuan anih chuan zanin ah chhuak thei turin inbuatsaih nghal ila, la hma deuh mahse zanriah buatsaih nghal nise, taksa lama nawmsamlohna nei kan awm anih pawhin sawi hreh lo ila, kan hmabak hi i han hlen vek law law teh ang a tih chuan tlangval ho chu an che nghal sang sang a...
A tlai tak tak hma chuan zanriah pawh an peih at hman a, inpeih hma atha an tih avang in zanriah pawh an ei zawm nghal a, an ei bang chu zanlai kal chhuah hmaa bar leh ah tiin an fun tha leh thlap a, pawi ho inkulhna pawh tlema hnaih deuh thaa an hriat avangin an pan hnai ta a, a awm tawk tawh ang tih ah chuan pawi ral lian tu dai tura kal lusei val rual mi sang chuangte chu zanlai nghak chuan an ngir khup mai a, val u ten ikal ang u an tih hun nghah pahin an hmalam hun tur an lo sep ve nasa hlawm mai a.....
Pawi pasaltha Sairengan lal fanu neih a tum avang chuan khua ah pawi tlangval a chanve vel chu an lo kal daih mai a, Sena te tan chuan ava lawmawm thuahhnih tak em, ram lamah chuan lalpa leh upa te chu phuar chugin bukah chuan an dah thung a, in lamah lal fanu ameihna tir buai in an lo buai ve mup mup mai a, chu hun tha chu chuhin pawi tlangval thenkhatten nula an lo pawt ve mek bawk a, chung zingah chuan Sena te thlenna upa fanu hmeltha pawh abang bik hauh lo mai le, mahse an beisei ang hian thil akal angem engmah chhut lo chuan nuam ti tak chuan zan hun chu an hmang ve mek a.....
Zanlai ar khuang ri pawh an ral hriat riai ruai thei a, Saimawia chuan chaw fun kha han thet ula, han bar zung zung ila, kan pawi mawng bal ho chu kan phin darh vek dawn nia a tih chuan chawfun chu thetin tui nen chuan an bar hawng hawng a, an duhtawk an bar zawh chuan pawi inkulhna lam pan chuan an chhuak ta a...
Duhthala en fel tawh leh beih dan tur ruahman sa a nih avangin chan insem in pawi ho buk chu an hual thap mai a, khawchhung tlangval erawh pawi hruaitu in lal fanu neih a tum avang in tumah kal chhuah alo phallo a, relhruk ngam ni heklo le, mahni inah theuh an lo in hum ruh teuh hlawm a, mahse khawchhung lamah an beisei thung dawn ani, Sena chuan a theih hram Chuan silai hmeh puah loh tur tiin chem tum nen chuan buk chu an luh chilh dawn a, buk pakua lai awmin lal leh upa te buk ah luta an phuar na vel zai chat turin mi pali an inruat a, buk dang ah pakhat zelah mi sawmhnih lut a pakhatmah zuah loh tur tiin an chan theuh chu an hual thap mai a, an han che tak tak ale mahni chan theuh ah chuan hnehsawh tak leh thawm dang engmah awm lo chuan an inkulhna chu reilo te ah an ti chhe vek a, pawi awm ho pawh an chimih thak a, lal leh upa te pawh an chhan chhuak a, ram lama inkulh pawi ho an thah zawh chuan khawchhung lam chu lalpa ho chuan an kal chho leh nghal a.....
Khua pawh an thleng thuai a, khua ala thim bawk nen, an la reh thiap mai a, mahse buaina pakhat an nei tlat, pawi ho chu khawnge an awm ang tu in berah nge tih chu an buaina ani tlat, Lianpuia chuan ka pa Saimawia ka pa Sena nen hian vawin chhuna kan kalna a tlangbal khan a hriat ka ring ani, ka pa Sena nen hian kan han en lawk anga, chet lak dan tur min kawh hmuh theih ngei la ring ani a tih chuan, Sena chuan ani teh tak e tiin phir ru tak chuan ihan kal teh ang tiin an kal chho nghal a.....
Upa in an thlen chuan zawimuanga kawngkhar nem tawlhin inchhung chu an lut a, an rin angin tumah an lo awm hauh lo mai, an nu ber erawh alo la meng a, thawm pawh ahre nameuh mai, mahse eng alo ti ngamlo mai alo ni a, alo khur deuh bauh bauh mai bawk a, Sena chuan ka pi hlauhawm kan ni love, vawina lo kalte kha kan nia, khawnge i fate an ti nghal tawng a, chunu chuan an sawi lawk angin an rawn che ta anih dawn hi tiin ahlauhna pawh tlem chuan reh mahse thihna rim hrethiam pha chin ni miau hek le, a thauah manin a tawng hleithei lova, an tawng thlamuana azia deuh hnu chuan a fapa chu vawin tlai khan pawi hoin an thah thu chu asawi ta a, a chhan pawh anau kha pawi hoin rawn hruaichhuah an tum a, chumi alo dan na lamah chuan pawi sual ho chuan an that ta ani tiin mittui tla zawih zawih chuan a sawi a, Sena te chu an chek tlak tlak a, ifanu chu khawi lamah nge an hruai, pawi ho chu khawiah nge an awmkhawm tih zawhna pawh engmah a chhang theilo, engmah ahrelo ani, beidawng tak chuan chhuak thla leh a, Lianpuia chuan chhuahpah chuan kapi lungngai suh an thiltih man hi an hmu mawlh ang tiin kawngka chu apen chhuak ve zui nghal a...
An tih nek nek chhungin thingchangvar ani chho der mai, vanneih na akal tluang dawn lo emaw tih laiin zawlbuk tlangval riak mu theilo chu an hmu hlawl. Mai a, chupa hnen a tang chuan thil tihdan tur an rel fel thei hram a, a chhan chu an mahni lam inchan loh dan an zawn hram hram angaih avangin an pawng beih ngam lo kha ani reng a, mahse tunah chuan an duhthalin an bei thei dawn ta.....
Lal inbula in ansak lian hem hawm engemaw nikhua a, khual tha thlenna tur atana an sak ah chuan mi sawmthum tha in an nula duh zawng pawt luiin an lo awmpui hlawm a, hmeichhe awm ve chuan an rilru a tibuai deuh tlat mai, engtia tih chi nge niang tiin an han sawikhawm leh rih a, zawlbuk tlangval riak te pawh an kai tho tawh hlawm bawk a, mahse an che sual veleh tlat, pawi ho zinga zing zun thiar chuan khaw var ek ek tawh a, mihring lo awm teuh chu hmuin a au ta chiam mai le, chuveleh silai nen an rawn chhuak ta sup sup mai a, a rem dan dan chuan an rawn kap ta thuai thuai mai le, han kah let ngam ni ve hek lole, nula tamtak an kawl tlat si a, Saimawia chuan lalpa leh upa ho hi hmun himah dah vat rawh u, tuman kah let loh tur hmeichhia an kawl ania, tunah rih chuan inthiarfihlim rih atha e, tiin an tlan darh ta hrih a....
Sena leh Ramliana chu veilamah kal nghal in Ramliana leh Lianpuia pawh dinglamah an kal nghal a, inhnuai bel zelin lal in chu pawh tum in an tlan zar zar a, silai pawh ala ri zeuh zeuh a, lal ina riak an pasaltha Sairenga pawh thinrim fe hian a tu chu nge maw i nih le mi mutui lai i rawn tihbuai le tiin bang awngah chuan pawn lam chu ava thlir a, engmah phei chu ava hmu lem lova....
Lal inbula pawiho awm khawm silai kap zo amu an thun mawlh mawlh lai chu an veilam a tangin Lianpuia leh Rengpuian va pawhin lehlam a tangin Sena ten an rawn bawh bawk a, chuti lai hmunah chuan ngam leh ngam cho leh cho chu silai mu thun hman tawh heklo, an in sat ta siah siah mai a, Lianpuia pawh a che na sat sat kher mai, tun hmaa ala toh ngailoh leh ala hman ngailoh ake te chu alo hmang thiam em em mai chu niin, tihdan thar a chhar chhuak ani ringawt, amah rawn hnaihtu asah phaknchina awm te chu a sah na lai apiang mai chu a ri leh deuh chawk thin a, a sah phak loh lah alo pet hman zel mai si nen, apet apiang mai te chu apet zawh veleh an inrin hman leh hmaa va hnaih chilh in, ava sat leh hman zel mai bawk a, amah ringawt pawh beih tham anih teh lul nen amah ang maia insual thiam mi pathuam in an thlawp tlat bawk si nen, pawi ho chu an hek hiau hiau kher mai, chutia Lianpuia te inbei hmu Samthang tlangval tlanchho te chuan an han bawj takah phei chuan che leh chuang tur an awm lo chiang kher mai, an pasaltha Sairenga erawh an chan a chhiat em avang chuan lal inah tan khawhin lal nu leh lal fanu chu hmatheh in an nghawngah chem in a tin vang mai a.....
Saimawia chuan lal in lam hawiin rawn inpela kan nun dawn che nia, anih loh chuan i dam zo chuang lovang, tha te tea kan tih lai che hian inpe mai rawh an ti a, pasaltha Sairenga lah inti pasaltha tak mai alo ni vei bawk nen inpek chu a tum bau lo a, lalnu chu ahmaiah hnek in chhuat ah chuan a tlu zawi hnawk mai a, lal fanu erawh aneih theih loh ai chuan tiin a tul anih chuan thihdun pawh pawi ti hauh loin, lal fanu nghawnga chem tin chungin leikapui lamah chuan a rawn chhuah pui a, lal fanu chu amittui a tling pam mai a, Sairenga chuan zam hauh lo chuan mi inring lo lai bei ngam tawk vela pasaltha nge in nih a, mal leh mala min bei ngam te in awm ve em a tih chuan tlangval ho chu an chhuak suau mai a, mahse a ruka thinrimnaa khat Lianpuia chu an khalh hman leh tlat lo....
Lianpuia hi tiang em em hian a thinrim hi an hmu khat khawp mai, alo chhuk pawh a nghak hman lo ani ber e, leikapuiah a zuangkai chho zawk a, leikapuiah chuan a ding teu mai a, leikapui a san teh lul nen engtin nge a per kai nawlh theih tiin Lianpuia che vel la hmuloa la hrevelo ho chuan ka hoin an lo thlir a, Sairenga chuan lal fanu chu hmathehin Lianpuia lamah chuan a nem phei dawrh mai Lianpuian lalfanu alo dawm velh Sairenga chuan chema sah tum in a rawn bawh phei nghal a, mahse Lianpuia khuanu vohbik ani tlat, Sairenga rawn tlan phei ahmuh rualin lal fanu kuah nghal vatin, a inher pui a, lal fanu chu a phena dah pah in, Sairenga rawn tlan phei chu a awmah chuan vir pah chuan a ke phah chuan a hnawl phei bur mai a, Sairenga palian em em pawh a thal huang mai ....
Lal fanu chu dim deuha thlahin Sairenga lamah chuan a phit phei nghal a, ani pawh mi pangngai chunglam tih takah alo inring leh hman leh ran tawh a, mahse a mi beih Lianpuia chu mi namai anilo tih chu ahre chiang kher mai, fimkhur a gai hle toh pawh hrilh nawn angai hauh lo...
Lianpuia rawn tlan phei chu na lua awm lova a dul thler duaiha lo sah chu a tum a, mahse enge thleng ta le, Lianpuia chak lutuka tlan phei chu a ding zawk a, Sairenga chem vai tlang inrin leh hma chuan chem phek zawng chuan Sairenga bekah chuan an hlap ngheng mai a, Sairenga pasaltha inti ve satliah tan din reng theih ani lo aluhai chu a tlu thlawrh mai a, che leh tur a awm tawhlo, alet ngut mai a, chuveleh vaphai tlangval ho chu leikapuiah tlan chhoin han tum rawn mai an tum a, Lianpuia chuan lo dangin tuna thih mai hi ala hma lutuk, tikhan phuar ula, aharh hunah in duh ang chu inti zawk dawn nia a tih takah chuan an thinrim. Bawk nen an lo chak sakhai a, an phuar mawlh mawlh a, leikapui sir ah chuan an mut a, vaphai tlangvalten an ohuar zawh chuan Lianpuia chu an zawn thut a, lal. Mual ah chuan an vawrh ta dawrh dawrh mai a...
Saimawia leh lalpa leh Sena leh upa ho leikapui atanga ban an phar takah chuan an tawp ta a, lalpa chuan thu tlem asawi zawh chuan hmuipuipu Sena chuan an lokal dan chanchin leh, Len tlang pan tum an nih thu te, pawi awp khua reng reng lak let vek an tum avanga Vaphai khua pawh lo lut an nih thu te a sawi chuan mipui ho chuan kut an beng dur dur mai a, chutah kut phar in tuna tlangval kan pawi mawngbal tuk thlutu kha kan lalpa leh akhua te hian in hriatloh kan duhlove, Samthang lal pasaltha Thangtea fapa Pasaltha Lianpuia ani e an tih chuan an ngaihsan azualin nula ho chuan an hmaa hliah tu awm apiang hel in chu lal fapa huaisen hmeltha chu hmuh tumin an ring an fan awk awk hlawm a, chutiang taka mipa hmeichhe duh kimna chu hmu lo bik nih hlauin an awmhmun sawnin an dak awrh awrh hlawm a, chung zingah chuan lalfanu pawh abang hauh lo, nichina amah akuahna te chu vuan in, thleng nawn leh se alo ti ru ve em em a ni.....
Lalpa chu lo ding veleh in hei vawinah kan harsatna min sutkiansaktu kan khualtha Samthang val rual te tan hian ka se pathum ka hlan ang, an tih chuan upa ho pawh ngawih mai an tum bik hauh lo, keipawhin ka vawk pa sut nghakin ka do e, an rawn tih ve tak tliar tliar ah chuan hnunglama sa barh ang mai niin chumi tukthuan hmeh ah chuan sial sa leh vawk sa tui tak mai nen puar el euhin tukthuan chu an kil ngei ang le....
Liansangi te pawh an kal ve leh beuh beuh a, ahmel en chuan zan tam riak apai tawh awm lo mange tih tir khawpin a cher riak mai a, eitha ei thin tih leh lal thisen kai tih reng ahriat tawh loh, pitar ang mai niin a thu dum em em bawk a, kawng an kalna ake te pawh chu a durh nasa in a durh keh te pawh pan in a tui tuam tuam hlawm a, an zinga tlangval pakhat chuan hei kan nulai chu rei a dam zo loang, hetah hian tihlum mai ila kan tan pawh hahthlawn na mai mai tur niin ka hria a tih chuan, an val u pathlawia chuan a dam chen chen kan kal ang chu, pasaltha Vawrkunga hnen ah thusawi tur pawh lalpa in min chah kha a tih takah chuan phur lo zet chuan an kal leh ta a.....

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 25th, 2019, 6:23 pm

Episode 84
Vaphai khua te chuan Samthang val rual te chu khualtha thlena thlengin tukthuan pawh sial sa nen puar el euhin an hrai a, nula ho mawlh chuan Lianpuia chu chaw bar thulh thak thakin an lo thlek leh vawng vawng thin a, Lianpuia te kilna hlui te chu fatu te leh a tuipui khai pawl nula ten an veng uluk tih hriat tak mai chuan an mauthei te chu belte phaitheilo an sawi ang mai chuan akhat pam reng a, sa lah a vum thur reng mai bawk a, a ei pawh an eihnem nangiang mai, dul hmul khat phuara eiin, tukthuan eikham chuan lal mual ah chuan vaibel te beng tha in hakara sati tang an kher mual mual hlawm a....
Tukthuan an ei kham chuan Vaphai chhuahsanin Len tlang lam pan chuan kal zai an rel leh a, Vaphai tlangval thahnem takin an zui ve leh bawk a, karkawngah zan hnih an riah leh chuan Len tlang pawh nuamsa in an thleng tawh ngei ang le...
Lal vunglaia pawh a tlangval tirh ten pawi pasaltha an han hmin anga, akhuah lo kalin an rawn puih abeisei na avang chuan Samthang run chak viau mahse abeisei chu nghah chhuah phawt mai thaa ahriat avangin a tlangval tirhte alo nghak a, a nghak chhuak angem kan la hre zel ang chu,.....
Liansangi chu aharh zawk a, amumang chu angaihtuah reuh reuh a, amumang mak tak avang chuan angaihtuahna pawh abuai kher mai, tunge anih pawh ahriat loh in chau in zam mai lola, kal zel rawh, in ti harh la, ihmaah vanneihna leh malsawmna in ahmuak mek che ani, amaherawh chu he malsawmna hi nangmah ngeiin i sual chhuah angai ani tia rawn hrilhtu putar chu amitthla ah a awm reng a, chu chuan chakna pawh a pe in thawh kan mai an tum a, rin ai chuan alo chak tawh lo hle mai, mahse putarin i chauh chang apiang in he tui hi i indawn nia tia a pek chu hre chhuak in abul vel chu an en kual a, putarin a pek bur, a chhunga tui awm chu ahmu a, i he lo chuan tlem an lem a, mak tak maiin a taksa chu alo chak ta em em mai a, a burte chu apuan ah chuan a paipawn tha sawk sawk a, midang an la mutui bawk nen tlanbo mai chu a duh rum rum a, mahse putarin heng ho hi ikalna kawng atan an la tangkai avangin i zui zel hrih dawn nia a tih chu hre chhuakin mut pawh mu tawh lo chuan an piah lungpui chungah chuan enge thleng dawn tih chu beisei abo tawh hnu chuan beiseina thar nen biangah mittui luang zawih zawihin vartian ah chuan kawl chu a thlir vang vanga....
Lianpuia te ho pawh zan hnih an kal leh meuh chuan Len tlang pawh alang ruih mai le, Pasaltha Saimawia chuan hetah hian chawl ila kan chhun luh dawn nge kan zan beih dawn kan rel dawn nia an tih chuan an thu ta hmur mai a, enge tha ber ang tia an han sawi khawm nak nak hnu chuan ala hma bawk nen chhun en ngei maia luh tha ti an tam zawk avangin chhun ah ngei an tum ram chu lutin pawi ral in kulh ho chu thiatin an mi hren ho pawh chhanchhuak vek turin pheilai an khai ngei dawn e......
An chwl hahdam vang vang a, fehrehsan awrh ani awm e, an kal chhan ber Len tlanga in kulh pawi ral ho phindarh tur chuan Samthang val rualte leh a thurualpui khaw engemw zat te chuan pheilai an khai ta, pawi ral inkulh na hmun an thlen hma chuan pawi ho chuan an rawn hmu hmasa tlat mai, mahse pawi pasaltha Keivawra chu mahni tawka i ring tawk tak tih takah, ahmuak tur mi pahnih a tir hlauh a, anau thattu la hrelo mahse chupa chu hriat phawta akut zala thah phawt a duh avanga lo beilo ani Chauh a ni....
Sena chu ading chawt a, Saimawia chuan enge ihmuh leh tak nnaghi tiin alo fiam hlut a, ahma lam chu an mitmei zeuh a, chutia an hmaa mi pahnih lo ding chu thang ani thei tih hria in, inring tur chuan an han inhrilh hlawm a, chutia an en reng lai chuan pawi tlangvel te chuan lo kal rawh u, ahun hma chuan in nunna in chan lo turah ngai rawh u, kan lo nghak reng tawh cheu alawm an rawn ti lar lar a, Lianpuia chuan chhak leh thlang chu uluk em em chuan a en kual nghal a, laiking che zeuh pawh hmuh hmaih a tum reng reng lo, mahse eng thawm dang mah an hriat tak loh ah chuan an zui ve ta ngawt a, tlang chhip an chuang chhuak chu alo zawl cham put mai a, pawi tlangval mi zasarih zet zawt an thianpa phuba lak chaka thisen a tuihal ho chu chem lawng nen an lo ngir khup mai le...
Samthang val rual te leh a thurualpui ho hi mi sangkhat bawr zet an ni ngei ang le, in tam hleih deuh mahse pawi lam ah hian khual kai pasaltha mi sawmhnih dawn in an ho a, pawi pasaltha Keivawra chuan lo kal rwh u vawinah hian in lo kal chhan kan hria a, nangni pawh heta kan inkulh chhan in hriat ka ring an tih chuan angaihna hrelo fe fe an awm nawk mai, inhrihfiah na hun a awmlo n la tawng hho zel ang chu, Keivawra bawk chuan ka unaupa thattu pawh ilo tel ve tih ka hria a, nangmah nghak in vawin thleng hian hetah ka lo wm tih hria ang che, mi inringlo leh an hnunglam a tang chauha bei ngam tawk vel chauh mah ni la, i thiltih man chu vawin ah hian ka titawp ngei ang a rawn ti chiah chu Lianpuia pawh a sa ve zak mai.....
Lianpuia chu rawn pen hmain heta hi i mi duh chu ka awm e, i nau tia isawi chu mi sakah sa beisei tlat tu kha aniang maw i sawi, kan hnunglam a tanga min sah tum pa kha aniang maw i sawi, tha takin min dil se chuan kan pek dwn tehlul nen, mahse hnunglam a tanga chet laa mi sakah sa chhuhsak a tum avangin keimah ngeiin ka that ta anih kha an ti ve sak mai a, chu thu zet zawng pasaltha Keivawra thinrimna a cho chhuak hneh kher mai le, pawi pasaltha ho zawng zawng pawhin an hlauh rawn Keivawra chu arum ngul ngul mai a, a thinrim phuba lak chak lutuk khur der der chung chuan nau chahai tunge ka nih kan hriattir ang che tiin a Lianpuia lam pana rawn tlan pheiin a chem chu a rawn vai tle phei zawk zawk mai a.....
Lianpuia chuan uluk fahran mai chuan a che vel chu alo thlir reng a, a che velah chuan tun hmaa inti pasaltha a tawn ho ang mai mai anilo tih chu a hrethiam nghal a, fimkhur pawh angai dawn hle tih ahrethiam nghal a, inring tak chuan alo ding kak hah mai a, Keivawra pawh a rawn thleng chawpchilh nghal a, Keivawra chem rawn vai tle zawk chu lo kun zauh lo se chuan a lu leh a taksa chu in zawm tur a awm tawh lo tawp ang, Keivawra pawh a chem vai zo chu a tawlhhnung dawrh pah chuan fimkhur rawh aw nau chahai a ti tuarh mai a, chutah rawn tawlh hma leh zawkin a chem chu a rawn vai leh zawk mai a, rangtak chuan a tawlh hnung leh nghal dawrh a, a rang ve bawk a, Lianpuia ban chu a thip zawk a, thisen a rawn hnam nghal tiam tiam a, Lianpuia chuan aban thip zawk chu a en a, thisen rawn chhuak a hmuh chuan anui sak a....
Keivawra chuan chutia thisen chhuak ahmuh chuan aphur thar surh surh kher mai, hnehsa ah angai hmin hmiah tawh a, Lianpuia lu chu chhawk hmawk tum chuan Keivawra chuan a chem chu a rawn vai phei leh fua fua mai a, Lianpuia chuan a tih thin dan bawkin Keivawra rawn tlan phei chu rang taka pan h ai ve thutin Keivawra chuan a rin loh deuh mai in Lianpuia ke phah chu a adul ah adawng nawlh a, a hnung tawlh zawng chuan a pai phei uan uan a, reilo te ah rawn insiam reh leh in, chutia abeisei loh deuh a, alo tawk chu a thinrm kher mai, ka nau thattu thi sawn rawh tiin a rawn pan hnai leh a, mahse ami beih hi Lianpuia ani tlat, chuti maia han chhawk hmawk mai theih anilo, Keivawra chem rawn vai chu lo tawlhhnung ve dawrh in, Keivawra chem vai tlang inrin leh hma chuan Keivawra chem kenna lam ban bul thler thla huai chuan an sat ve sawk mai a, Keivawra chu a thinrim tulh tulh a, aban te chu kak duaih mahse na ti hmel pawh apu hauh lo, a au lauh lauh a, Lianpuia chu a rawn pan hnai leh a, hliam nei chung pawhin pasaltha inti nazawng tana beih mi pawh ala ni tawp mai, ala vir zak zak mai a...
Lianpuia chuan theihtawp chhuah a hun tih hria in Keivawra rawn tlanphei inrin hman hma chuan ava pan hnai leh thuta, Keivawra pawhin chutiang em em a tuanrang chu ala hmulo aniang e, alo ka ho mai a, Keivawra chu a thim nghal mup a, alu sawh dawtna avanga luhai bur chuan atlukna ata chu a inbengkang taih taih a....
Chuthil hnutu pawi pasaltha te zinga Keivawra thachhang dawltu chuan an pasaltha chhuanvawr chu chhan angai tih hria in, khaile ibei ang ule a rawn ti thut mai a, chutah inmal beih ta lo chuan a ruh no no leh a tlawm zawk zawk inthat chimit vek tur chuan an hmazawn ami theuh chu an in sat ri sawk sawk mai a....
Chutia pawih hoin an rawn bawh tak huk ah chuan Saimawia pawh a au ve nghal tuarh a, Sena, Ramliana leh Rengpuia pawhin an rawn thlawp nghal zat bawk a, Lianpuia pawh mahni inven nan a tawlh hnung nghal dawrh a, pasaltha Thangtea pum chhuak tih taka Lianpuian Saimawia te bul a va thlen chuan an intelkhawm nghal chat a, mi panga intelkhawm an ni bawk a, pawi val rual ho chu an hek hiau hiau kher mai....
Chutiang bawkin Lusei tlang al pawh pawi tlangval kutah an tlu nghauh nghauh mai bawk a, Keivawra pawh a thachhang dawltu pasaltha pali laiin lo hualin an lo kai tho mek a, chu chu Lianpuia chuan ava hmu chu alim phei nghal zawk a, Ramliana leh Rengpuian an rawn thlawp nghal zat bawk a, Keivawra te bul an thlen chuan Keivawra hualtu pawi pasaltha te chu ek ti hman pawh an awmlo, Ramliana leh Rengpuian pakhat ve ve an lo dahtha a, Lianpuian pahnih alo tuk thlu hman bawk a....
Keivawra pawh in ahun tawp a thleng dawn tih hria in thei leh theilo chuan a chem chu alo la hum ve fan a,mahse a chem ken chuan eng teh ual mah hna athawhsak thei tawh lo, a chem rawn vai chhuah paha a au tuarh bak chu che leh tur a awm tawh lo, pawi pasaltha Keivawra chu khuanu voh bik Lianpuian a that ta....
Sena chuan tumah damin an chhuak tur anilo, a tih chiah chuan lusei val rual ho chu an au rual dual dual a, an hmazawn ami chu an sat siah siah mai a, pawi lam pasaltha leh hruaitu awm tawh hek lo le, nakinah chuan mi za bawr vel chu kut pharin an inpe ta nge nge a, Saimawia chu thinrim viau mahse pasaltha Thangtea an lalpa duhdan leh tih thindan angin an ngaidam ta a, pawi tlangval mi zasarih chuang an thi a, Saimawia te pawh mi zali dawn chu ral hmaah ram leh hnam chhan nan sakhming dai tawh ngai lo turin an thlah liam be bawk a, hliam te erawh Samthang damdawi ken avang chuan an dam leh vek thung a, Pawi ho silai pawh an khawm hnem khawp mai, silai hawn lo chu tlemte an ni awm e, Len tlangah zan hnih an riah hnu chuan Samthang lam haw tur chuan an zing chhuah a.....
Liansangi pawh a chau leh tawh khawp mai, a tluk tawp hma chu chawlh rawt ngam hek lo le, harsa ti tak chuan akal hram hram a, an hma lawka kawrte tui luang ri her her an hriat chuan Liansangi chu kal chak rawh tia hrawkin an nam kat dawr dawr mai a, lui te tui awmna an thlen chuan Liansangi chu kal thei chi ziazang anilo, a chau lutuk chu tui pawh a in thei lo, alet tawpa amuhil ta bawrh bawrh a, Lal vunglaia tlangvalte chuan riahbuk chu an sualpui ta nge nge a, Liansangi chu akhua asik hluah mai a, a chakna thuruk a thil pai erawh a tul tawpa hmanah tiin a la paipawn tha khiau a, a tukah chuan kalzai rel leh in an kal leh ta a, ni thum zet an kal leh chuan selam ram chu dai lut in hmun remchang an hmuh hmasak na ber ah chuan buk zarin an in nghat a....
Lianpuia te pawh hlawhtlinga haw an nih bakah tlangval. Tha chak an ni bawka an kal chak zar zar khawp mai, anmahni rawn fintu tlangval la dam ho te pawh mahni khuaah an haw hlawm tawh a, khua pawh tlawh tawh lemlo chuan an thang rei ve tawh bawk nen an kal zel a, selam ram pawh an lo lut ve leh ta hlawl mai..

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 26th, 2019, 6:31 pm

Saimawia chuan sawtilai saw kan kal lama kan chawlhna kha anih tawh hmel mange, ahmun a rem bawk a, khua pawh lut lovin sawtah sawn buk kan sual leh mai dawn nia a tih zawh hnu rei vakloah chuan an kal lama an buk zar pawh alo la awm tih an hmu thuai a, luah tlak erawh ani tawh lo, an han siam tha zung zung a, a then tlai lam hmeh tur zawngin an chhuak bawk a, tlangval tlawmngai awmkhawm tihtakah an zo vat mai reng a, tlai hmeh tur zawng ho pawh in an rawn khai haw thliah thliah a, chumi tlai chu ngaih ngam takin puar el euhin dul hmul khat phuarin an ei hlawm a....
Zanriah an kil zawh chuan tih tur awm heklo le, buk kawta meipui chu an hnungpuak far mai a, an ti ti laih laih a, nakinah chuan tlai lama chawhmeh zawng zinga mi pakhat chuan an piah lawk maia hmeichhe au that thawm ahriat thu leh mipa tawng pawh ahriatthu a rawn sawi chhuak a, midang ho chuan chu hmeichhe aw mai mai pawhi chuan ilung alen viau tawh ani maw tiin an lo fiam hlut a, an nui dar dar a, zan te alo tlai lam tawh bawk nen, lawmnu te run kai thei lo mahse tawnmang ram nuamah lawmnu te bula hun hmang tur chuan chham ang an zal ta hlawm a...
Lal Vunglaia tlangvalte pawh an lal fapa nupui chu an duh dan dan in an chinglet kual a, nula hmeltha em em mai ni thin kha, pitar ang mai ani tawh a, a cher em em a, a biang te chu aki ruam tawh a, a heh sen vam hlar thin te chu a dum duk ruih a, a pawrh tuam mai bawk a, ei tha a ei tih hriat taka asam dum tle siau thin pawh chirh leh lei nawi nen, hnim hnai eng engemaw akai luai a, apawr chhup mai a, Lal Vunglaia tlangvalte chuan pawi pasaltha te hnen a thlen zawh pawh an ring meuh tawh lova, chuvang chuan chumi zan pawh chuan thi tho tur tiin an zavai mai chuan mi pariat te chuan chakna hrikthlak nan an hmang leh ta a, chu zan zet zawng chet pawh a che peih ngang lo, an dah dan ang ang chuan a awm tawp a, tlangval ho chuan a thi ngei in an ring tawh vek hlawm a, ngaihsaktu nei loin lal in nuam taka mu thin kha ramhnuai buk zar hnuai pawh a chang zo ta lo, tlang al ho chuan bukah chuan an luhsan ta hlawm a....
Lianpuia te pawh Tukthuan an ei kham chuan an kalna tur ala thui avang chuan kal zai an rel leh ta a, an riahna mual an kal liam tep tawh tih ah chuan mipa tawng nawk nawk thawm an hre ta a, an tawng pawh an hre chiang viau mai, adam zo chuang lovang ithat mai ang u, pawi pasaltha te pawh an lawm lovang an tih ri te chu an hria a, enge ni ta ang pawi pasaltha tihlawm tum tu lusei zingah an lo awm ta em ni tiin fiah ngei tha in an hria a, an kal hnaih chua mi pariat lai maiin an hual tuau mai ke chu an hmu thei a, thil diklo awm a an hriat avangin fiah ngei chu an tum ta a, lal Vunglaia tlangvalte lah mahni buai buaia buai an nih avang in an mahni thlir rengtu an awm ani tih hre lovin thah mai chu an lo rel thlu ve mek bawk a...
An zinga pakhat chuan chem chu phawrin Liansangi lu chu han chhawk hmawk tum chuan zak kau meuhin chempui chu an lek a, avai chu avai thla ngei mai, mahse akut lawng chauh chu avei thla fua mai a, Lianpuia silai mu chuan chupa chem chu alo thlawh daih hi alo ni a, chutia silai lo ri ta chu an han hawi chhuak ale, an lo hual khup tawh mai a, anni pasaltha pawh ni hleilo tan chuan zam rum rumna khawp ani tlat, lal Vunglaia tlangval zinga upa ber chuan hlau ru tak chuan tute nge in nih a, eng vanga min rawn tibuai ngawt nge in nih an ti hram a, Saimawia chuan mahni mihringpui leh hmeichhe chaklo zawk pawh kutthlak duh khawp, tanpui ngaite tanpui ahnek a, diriam tu chu tupawh nisela kan hmelma an ni e a rawn tih chuan thudang sawi tur avang tawh kher mai le....
Lal vunglaia tlangval zinga phanchang ber chuan kan buaina ani a, kan lal in ti tura min tih ang in kan ti mai ani in oo in rawlh vena tur a awm love, lo inthiarfihlim ula athat zawk ka ring an ti leh hram a, Liansangi pawh alo che talh talh a, a chau ngang mai men pawh ameng peih ngang tawh lo, tute nge rawn kal pawh chu ahre hek lo, a rilru erawh ahlimin alo lawm ru em en a, Lianpuia chuan ava pan hnai a, Rengpuia te chuan an rawn thlawp ve nghal zat bawk a, Lal vunglaia tlangvalte chuan chutia ngampa taka an mahni rawn pan tu leh sawm veloh mikhual te chu awlsam taka in hneh tir an tum bik bau lo...
An ngam dawn lo tih chu an 8n hre chiang ngang mai mahse an dinhmunin zir mawlh hek lo le, an silai chu chuhin Lianpuia te chu an lo tin a, chu veleh Samthang val rual te chu e tuarhin an silai an lek kawh ve nghal thuai a, an boruak a tang ta hle mai, chenrang hmachhawn chu mahni luzuar an ni tih hria in, Saimawia chuan ring lenglawngin mipa pawh in awm nange mal leh mal ngatin mawle, tiin tlagval ho chu huiin an pan ta khup khup mai a, Lianpuia chuan a chem chu phawrh chhuakin angam fa chuan min rawn hmachhawn ta che u, tiin a ding teu mai a, Lal vunglaia tlangvalte zinga palian bera chuan tlawm aiah tiin ke a rawn pen chhuak ve a, cho leh cho Chu an inhmachhawn ta ran mai a, mahse khuanu voh bik bei tur chuan eng ruai ani lo ani, avawikhat tawhna ah chuan Lal Vunglaia tlangval chu lu neilo chuan leiah chuan ahlawm reng a....
Chu an thil hmuh avang chuan han cho ngam awm ta hek lo le, an zinga pakhat chuan silai chu arawn lek chhuak nghal a, Lianpuia chu han kah thal tawp tum chuan a dar ah silai anghat hman tawk ani, inbeihna hmuna englai maha inthlahdah ngailo Saimawia leh Sena silai apuak rual nghal zawt a, silai lek chhuak mektu lu ah leh a thinhnunah tak chuan Pasaltha te ngen mu chu a dawng rual thawt a, a tan dam rengna chi ani a thlanglamah chuan a tlu thlawrh a, chuthil zet chuan Lal Vunglaia tlangvalte a ti mangang in an khur zawih zawih hlawm tawh a, tih theih dang nei hek lo le, amalin tuman bei ngam tawh bawk silo chu an tlan darh ta huk a, mahni sahimna anih beiseiin an tlan darh ta a, chuveleh Pasaltha Sena chuan um zui ula man vek rawh u, loh theih loh anih loh chuan anung chungin in rawn hawn dawn nia a tih chuan lal vunglaia tlang al tlanchhe ta te chu Samthang val rual te chuan an um ta a...
Saimawia leh Sena leh tlangval dang sawm rual te chuan hmeichhia an sawisak chu an buaipui nghal a, an bawihsawm nghal a, ahmelah chuan a chau hle tih ahriat a, a cherin a dawldang em em a, ahmai te chu a pem neuh neuh a, chung pem a tanga thi lo chhuak thi khar te chu akhir en un a, tunge anih pawh hrelo chuan an theih ang ang chuan an han bawihsawm a, a puan sin ve lah chu a tet hrip hrep a, a zahmawh a khuh hram hram ani ber e, Sena chuan apuan chu la chhuak thuaiin a zuk tuam a, apuan sin lai chu puan thar chuan a thlak sak a chutia apuan an thlak sak takah chuan Liansangin alo paipawn ruk bur te reuhte, abeidawn tawpa in tura a paipawn chu a rawn tla chhuak hlawl mai a, chu thil chu han in na hun tak ngial pawh kha aneilo kha ani a, Sena chuan chu bur tereuhte chu lekin mak tih hmel tak chuan a en a, engea an rawn ti sap sap a, Sena chuan ahriatloh thuin alo chhanga, chuveleh Liansangi chuan thei leh theilo chuan sena ke chu a rawn ban tawk tawk a, Liansangi chuan akut lo phar chhuakin damdawi chu a rawn bana, sena chuan alo pe mai a, Liansangi chuan damdawi ei tur pawh chuan chakna aneilo alhur hlawk hlawk a, a chhin takngial pawh a phawi zolo, aban chu a dahthla hnawk a, chuveleh Saimawia chuan Sena tulh rawh alo ti vat a, sena chuan damdawi bur chu la vatin an an tulh ta a, aka a far luh rual chuan tui chu an tulh nghal a, ahnu reilo teh a rawn thu chhuak ta luau mai a....
Chuta hmeichhe rawn harh leh a tawngchhuak chuan an thinrimna a va chawk tho chiang tak em, Liansangi rawn thu chhuak chuan an hawi vel a, sena chu kuah thlawpin ka pa Sen tih leh tah chu a rual nghal a, a tap ta hawm hawm mai a, thlem pawh thlem l9 chuan a tap chu an thlir thap a, zawhna zawh tur an va ngah tlang tak em, tunge anih tih leh tu khua nge anih tih te, engvanga hetilai hmuna awm nge anih tih thah tumtute kha tute nge tih thleng chuan hre chak takin Liansangi tap chu an thlir thap a, nakinah chuan alungchhia a reh ta deuh aniang, Sena chuan tunge inih an ti khawi khua nge inih an tih chuan Liansangi chu ala in hnit hlawp hlawp a, ala sawi mai theilo, reivaklo hnuah chuan Liansangi anih thu leh lal vunglaia fapa nena an inneihnia a thil tawn atanga sawi tanin, lal vunglaian pawi pasaltha tana hruaitir anih thu leh kawng laka an tih duhdah dan leh thah mai an tum thu te, bur tereuhte chanchin te chu a sawi fai ta vek a..
Chu thu zet chuan Samthang val rualte rilru ava vit na em, an ding nghal suau a, mahse rorel hleihtheih ala nilo, an mi umte chanchin leh an tlangval te chanchin an hriat phawt angai, ni pawh alo vanlaizawl leh der tawh mai, tawng nawk nawk thawm te pawh an hre zui thuai a, kal hmasa te chuan hlang an rawn zawn a, ahnungah phuar chungin lal vunglaia tlangval la dam mi parukte chu an rawn chhawm bawk a, Saimawia te chuan cginchang hre chak tak chuan an lo thlir thap a, an rawn thlen chuan Lianpuia chuan an zinga tlangval pakhat an hliam thu leh ani pawh hliam na lutuk anih loh thu te mahse kea han kal thei ziazang anih loh avanga an rawn zawn haw thu te an vaia dama an rawn man thute chu an sawi zawr zawr a, an chet dan Lianpuian an sawi zawh chuan Saimawia chuan awle hetah hian han thingthit tir teh u, thu ka lo zawt ange an tih chuan an rawn kai nawk nawk a, thil hre tawh mahsela an tawngka ngei a tanga hriat ve a duh avangin leh Lianpuia ten an tute nge an nih an la hrelo tih ahriat avanga zawt ani pah a, anihna takah chuan han thuai nghal nawk nawk chu a chak ber a, mahse a insum hram hram ani....
Saimawia chuan khawiah nge kal in tum reng reng, tu khaw tlangvalte nge in nih an ti dam dap mai a, dam hle mahse chhungril thinrimna meipui alh hlep hlep chu an chhan dan azirin a puak ngei ang le, lal vunglaia tlangvalte chu an ngawi thap mai a, Sena chuan sawi ta che u an tih pah chuan an zinga pakhat chu an beng let tawp mai a, a thinrimna chu a thup tum viau mahse an thup seng ngang lo ani, chu veleh an zinga pakhat chuan an lalpa Vunglaia tirh avanga pawi pasaltha leh ahote inkulhna a kal tum an nih zia te leh an kalkawnga an nula hruai a chauh deuh avanga an khawtlai tak dan te, damloa awm reng zawng atan ahrehawm emai tiin dahthat kan lo tum mek lai in kan in nangching ta a, abak chu heti zawng hi ani mai an tih chuan ahmun thu tlangval sawm bawr vel chu an ter nghal at a, mahse Saimawia leh Sena chuan an lo dang thuai a, Saimawia chuan anih leh in nula hruai chu tunge ahming an ti leh a, chu thu zet chu chhan harsa an va ti tak em, Samthang lal Thangtea lusei lal zawng zawngte zah leh chung en fanu Liansangi kha ani miau a, chung an mahni huala man tute pawh chu lal Thangtea tlangval tlawmngai leh huaisen te an la ni cheu lehnghal vei bawk nen, chumai anilo, Liansangi nau Lianpuia, apa khumtu a la awm lehnghal bawk nen, an tan chuan khuk chem chema khuk ral daih an duh zawk ngei ang le....
Saimawia pawh adam hleithei tawh bik lo ani, vin thak chuan sawi ta che u an ti tuarh a, lal Vunglaia tlangval zinga pakhat chuan Liansangi a rawn ti chuai raih a, chuveleh Lianpuia leh engmah la hrevelo lal vunglaia tlangval tlanchhia umtute ho chu an mengphawk nasa mai a, mahni leh mahni chu zawhna an inzawt theuh a, engvanga helaia lal vunglaia fapa Kawnga nupui, Samthang lalfanu chu lo awm ve nge tih chu tlangval ho hriatchak ber ani a, an rawn hual nghal tuau tuau a, Lianpuia erawh a nau awmna lamah a tlan thuai a, Liansangi bul chu a thleng thuai a, a u Liansangi chu ava kuah thlawp a, an en thin a, a hmel chu aluangawi thei ngang lo, lal vunglaia chet duhdan zawngte nen lam chuan a thin chu a tawt hian a tawt mup mup mai a, a thisen kal vel te leh a lungphu te chuan phuba tiin an in thum rawn tlut tlut mai a ni....
Liansangi chungchang an han hria chu ngawi thei leh insum thei awm hek lole, Samthang val rual te chuan an khawih rawn ta mai a, nakin hun thlir Saimawia chuan an zinga pakhat chu lo pawt sawn hman lo seng chuan chupa pawh chu hmuh tlak awm loin a darh vek ngei ang le, Samthang tlangval thinrim chuan Saimawia lo hum tih loh chu an chan darh vek a, an val upa ber leh an Pasaltha chhuanvawrin ahum chu an khawih ngam bik lo, chuti ni suh se zawng a chan a chau viau ang le, Saimawia chuan awle hei pakhat erawh kan nun angai hrih dawn ani, a chhan chu nakinah kan la mamawh dawn, thuhretu a tan kan dam angai ani an tih chuan adik an ti tlang viau a, mahse an thinrimna erawh a reh mai lo, lal vunglaia khua an hal darh hunah ala reh mahna le.....
An mi man pa chu an hnungkhirh a, kal mai thei an ni biklo, an thianpa an hliamna avanga an zawn haw tak leh an lal fanu chu han kalpui mai a rem tlat lo, ahma zana an chawlhna lamah in enkawl leh phawt tur chuan an let leh ta a, ahma zana an lo riahna laiah chuan bukte sual tha in, ala hma bawk nen tlai chawhmeh tur therhlo zawng turin tlangval thenkhat an chhuak a, Liansangi pawh a thla amuang bawk aniang luite a a intihfai zawh chuan bukah chuan amu ta siai siai a...
A tuk zing tukthuan an eikhan chuan Saimawia chuan thu sawiin hei mi zahnih the thaw kan la ni a, kan vaia awm pawh angai love, hetah mi sawmthum vel kan hliam enkawl a, kan lal fanu enkawl turin an awm anga, abak zawng chu khaw lamah kan haw ang, hei an sawi ang hi a dik anih chuan lal vunglaia hian engtikah nge khua a rawn run ang hriat ani siloa, chuvang chuan tlawmngaia a then kan haw angai zawk dawn anih hi an tih chuan haw bik nih leh kalsantu bik nih chu an hreh tlang theuh mai a, mahse an hmalamah enge thleng dawn an hriat siloh avangin lungawi takin mi za leh sawmnga bawr vel chu Pasaltha Saimawia hovin Samthang pan chuan an haw ta a,an mi man pawh lal rorel sak tur leh ama ka ngei a tanga thu kimchang lalpa in hria se an tih avangin an hruai haw ve bawk a....
Liansangi te unau inhmuh dan chu alungchhiatthlak in an rilru ana tlang kher mai a, mahse he buaina phena Liansangi vanduaina tawp tur erawh khuanu ruat ani a tih loh theih loh, chumi zan pawh chuan thla a eng ruih mai a, tumah kal chhuak an awm lemlo bawk a, buk kawtah meipui chhemin an titi laih laih a, Liansangi pawh a a tha chak em em a, an thianpa hliam pawh la che hleithei lo mahse la, buk kawtah an chawi chhuak a, a titi ve char char a, chutia an titi lai chuan an chhak tlangah chuan meichher eng an hmu a, meichher pawh pakhat chauh ani nghe nghe a, ramvak emaw an nih dawn hi an ti mai a, anmahni rawn pan anih avang chuan engemaw thulh ah tiin an lo inring hlawm khiau a, nakinah chuan meichher eng an hmuh chu an chhak lawkah chuan abo ta hmiah mai a, an ngaih chu a tha chiah lo, Sena chuan tau meichher chhi an nih dawn kha tiin titi dang chu avawrh ta daih a, midang ho pawh chuan ngaihtuah chhunzawm tawh bik lo chuan an nui leh ham ham a,zan te alo tlai tawh bawk nen mutzai an rel ta a.....
A then chu an mutui tawh hle mai, athen an hnar bawrh bawrh a, tawngvai nawk nawk thawm te pawh akhat tawkin a awm leh zauh thin, thawm reh lai tak chuan phun bul bul thawm chu a hre rei ruai a, an inbeng kanga an ngaithla chianga, khuanu voh bik beng chu a tha narawh e, a thusawi zawng zawng hrelo mahsela, Liansangi hming niawm tak asawi te chu ahre fuai fuai a, chu thil chuan angaihtuahna a ti buaiin angaih a ti thalo tual tual mai a, a tho chhuak ta nge nge a, chu thawm hre ve Sena pawh a rawn tho thuai a, Sena hnungah Ramliana leh Rengpuian an rawn thlawp nghal thuai bawk a, an thawh chhan chu inhrilhnawn ngai lovin an hre chiang hlawm kher mai, engmah anilove tia mutsan tum reng an awmlo, Sena chuan heti hi anih chuan enge ihan chian teh ang u hmiang tiin hma ahruai nghal a, Lianpuia te chuan phur tak chuan an zui nghal a.....
An thawm hriat pawh an hnaih zel a, a ring tual tual a, nakinah chuan thawm chu puk a tanga lo chhuak ani tih rinthiam theih turin akhawk rawih rawih a, chuveleh an chhak puk chu Lianpuia chuan ahmaa alo hmuh tawh avang khan angaihtuah chhuak thuai a, ka pa Sen puk chu khiti lamah khian a awm an tih chuan puk awmna lam pan chuan an inzui chho ta a, an thleng thuai a, enge anih a, tunge anih a, engvanga an lal fanu hming chham tel nge anih an hriat bik loh avang chuan thawm chu an han ngaithla phawt a, selam sadawt pa thuchham chuan alo hretute thin engtin tak ti rim ang i maw le? Selam sadawt chuan Liansangi chu tun aia nasa hian vanduaina in tlakbuak sela, an chhungkua pawh tun hma aia nasa in buaina thlen rawh se, a uleh naute pawh vanduaina chuan phuar tlat sela, apa lalna pawh ral thuai sela, a chi pawh mang vek rawh Samthang khua khu boral rawh se tia chham in Liansangi sam chu arawh nge tuijn a theh leh that that thin a, chu thuchham chham thawm chuan pasaltha pawisawilo ngeng a chhun na in, sapui muhil akaitho chiang hle mai, Lianpuia chu dan hman anilo pukah chuan a in khawh lut zawk a, selam sadawt hmaah chuan ava ding teu mai a, selam sadawt chuan chutia zan reia mihring hmel ahmu thut chu aphu nasa kher mai, amah mai anilo tih an hriat phei chuan a rilru chu akalthui kher mai, a thu chham te kha an lo hria angem lo hre ta se engtin nge an tih ang, mei eng china awm Lianpuia leh Sena chu ahmelhriatloh an nih avangin selam khua leh tui te chu an nilo tih a hrethiam nghal a, mahse tu khua tenge an nih chu zawhna ani a, chhanna erawh ain pe theilo ani....
Sena chuan tuna i thuchham kha tu tihtir che nge an ti tawng mai a, selam sadawt chuan eng thu nge ka chham, vala buaina in nei em ni a rawn ti nem duai a, Sena chuan tuna anchhia phur tura i duhte khua leh tui te kan ni e, hei Lalfapa pawh a awm e an tih chuan sawi tur avang kher mai, Lianpuia chuan va panhnaiin selam sadawt pa hmaiah chuan an hnek chawrh mai a, thinrim hnek ani bawk a, a thal chiang kher mai, a thilo mai chauh ani, tho chhuak leh tur reng a awm lo, a thaw tek tek chauh ani, Sena chuan a tawk e, a thih ala hunlo, puk atang hian chhuak ila bukte thleng ila ro kan rel tha dawn nia an tih chuan Ramliana chuan zo tak maiin sadawt pa chu a pu nawlh tiru le tiin a kal ta daih mai a....
Midang ho pawh chuan eng sawi lo chuan an zui ve mai bawk a, buk an thlen chuan midang ho chu an lola mutui hle mai a, tih harh hreh tak chungin an riahbuk bul maia herhse thing lian zet mai ah chuan chhuak thei miah lo turin selam sadawt chu an phuar bet a, sena chuan engem kan ti lo turah ngai ila naktuk zing khawvar i nghak teh phawt ang a tih takah chuan val ute hnial chu tiin midang tih harh hlau takin mahni mutna lam ah theuh chuan an in thawlh leh zal zal a....
Zingah chuan tho hmasa te chu an phul hlut a, thil awmzia hre hlawm hek lo le, mahse Sena chuan thil awmzia alo sawi thuai a, asawi zel a heti hi kan nih tak si ah chuan selam khaw lamah pawh kan kal ngei angaih hmel ta si a, kan miman pa pawh hei a harh mai turah ngai ila, tuman kut thlak loh tur ani a, engvanga hethil hi ti nge anih pawh aharh hunah kan hre turah ngai ang tiin selam sadawt hla chham te chu an sawi nawn zawr zawr a, an thil tawn teh nuaih chu hrethiamlo fe fe an awm nawk mai, Lianpuia leh Sena erawh an farnu chunga thil thleng te apasal neih a fuhloh dan leh tihduhdah a tawrh nasat zia te, an chhungkua, khua thlenga an buai thin zia te, tunah pawh a thil tawrh zawng zawngte an ngaihtuah chuan hepa anchhia hi a chungah a tla anih ngei hi an lo ti rilru ve neuh neuh a, selam sadawt chu han thuai hlak chu an chak khawp Mai mahse han harh phawt se thu han zawhfiah an duh avang huan an insum hrih mai chauh ani...
Chung thil Liansangin an hria chu hmeichhia tih takah a thil lo tawn tawh zawng zawngte amitthla ah alo lang zut zut a, vanduai bik tur renga piang nia ain hriatna te, thih mai a duh rum rum chhan te, mi pakhat tana piang a mi pakhat tan chauha nung tur a intiam tu kha chu vanduaina leh an chhia avang chuan ara chuk tuilo khawp hmeichhia, hmeichhe buanchaklo, mi tenghneng alo nih phah ta bawk a, he hringnun hi a fair thlawt lo ani, midang chhiatna tura hma la ngar ngar duh, an chetchhiatna lo hlimpui thin mihring hi an awm ve reng ani,mahse an tluang ngai reng reng lo thung thin ani....
Tukthuan an ei lai vel chuan selam sadawt pawh lo harh tawh in ameng rulh rulh mai a, chutia alo harh tih an hriat chuan eng anga jethil hi ti nge anih hre chak an ni bawk a, an chaw eilai pawh ei chhunzawm thei an awmlo, an tho suau mai a, engvanga he thil hi ti nge anih chu an zawt ta a, mahse selam sadawt pa chu mi namai ani biklo thi tho tho tura in ngai ani bawk a, engmah sawi chu a tum lo chiang kher mai, tlangval thenkhatte phei chuan kut thlak an tum uaih uaih tawh a, Sena chuan awle i sawi duh dawn lo anih chuan taksa kha hlep ral vek rawh u an ti tuarh a, tlangval ho lah an lo phur nasa mai sia, chem tum nen an rawn tin tak uaih ah chuan ka sawi ang ka sawi ang a ti ta chul a, chutia sawi tura aka a an tak ah chuan an ngai thla ta thap a, Liansangi piana lawmpui tura an kal khan Liansangi pian lawmna pawh dar an pek thu te, khami tuma Liansangi sam alak dan te leh chu a sam hmang chuan anchhia a chungah a thlentir dan te leh ama thu maia ti anih loh zia te, he thil tihtirtu ber pawh lal mangchhuma nau fapa anih thu te, apa lal Thangtea an ngam loh avanga heng thil hi ti turin min ngen a, lawmman ah thi leh dar tam tak min pe nghe nghe ani an tih chuan an thaw halh hlawm a, tuman chaw ei chhunzawm thei tawh heklo le, an thianpa hliam leh Liansangi awmpui in mi sawm an awm a, abak zawng an boruak chingfel turin selam khawlam hawi chuan pheilai an khai ta a....
Khua ahla lo bawk a, ni vanlai zawl thlen hma chuan khawchhung an lut der mai a, chutia an sadawt ber mai phuar chunga an rawn kai lut leh ralthuam nena mi chuti zat rawn lut ta rup chu ral an hnai e tiin selam khua chu a phek buai ta nuaih nuaih mai a, hetih lai tak hi an khaw pasaltha ramchhuak in tumpang chal zet mai a rawn hawn a, chu chu an lalpa in lawmna ruai alo buatsaihsak hi alo ni a, chutia an khaw mi pawimawh phuar chunga an rawn kai lut chu engmah hre hek lo le, mahni hmanraw neih ang ang chhuahpuiin an sadawt phuar chunga rawn kai tute chu an rawn hual ta tuau mai a, chuveleh Sena chuan in pawisawi tur leh in mu leh in ar tura lo kal kan ni love tiin ban chu chunglamah aphar chhuak a, mahse Selam khaw pasaltha mahni tawka kei ka ni inti ve tawk tak, ngam zawng te lakah leh mahni bu zawla huai em em mai chuan chutiang ang ni sili engvanga kan sadawt kha rawn phuar hlawm nge in nih in pawi asawi em ni an ti let ve a, Sena chuan in Lalpa min hnuh tir rawh u thil chinfel tur a awm e an ti leh a, Selam pasaltha chuan kan lalpa in hnuh duh chuan min pal tlang phawt angai ngei ang a rawn ti let a....
Sena bawk chuan chutianga tih angai kher hleinem kan cho lo che, tia kal mai an tum chu i ngam chuan penkhat pen leh rawh tih ri avang chuan a ding chat mai a, Selam pasaltha chuan silaia tinin i nun i hlut anih ngai chuan pen tawh suh a rawn ti leh tuarh a, Sena vek chuan hetiang hi tih kan tum anilo, in Lalpa rorelna kan rawn hre duh mai ani, kan hun min khawhral sak lola min kal tir mai rawh u an ti leh hram hram a, mahse khatiang ralthuam nen khan tunge mahni lalte hmuhtir duh ang che u, fin kherek chhuah in chetlak in tum dan pawh kan hre hleinem a rawn ti ve leh a...
Chutah Sena chuan an thil tawn chu sawi mai angai dawn tih ahre nghal a, khuh kharh kharh pah chuan nie hei tiin selam sadawt chu akawk a, tunge anih pawh kan hre lo, mahse mahse kan riahbuk chhaka pukah zan laiah a tawng thawmin min ti harh a, a thil sawi chuan kan beng averh avangin kan han fiah a, kan lal fanu hming te kan lalpa te leh akhua te tan an chhe tinreng lo lawhin alo inthawi hi alo ani a, engvanga chutiang thil ti nge tih pawh ama sawi dan chuan kan lalpa phiarru thin tute lo tihtir niin, kan lalfanu sam hmangin inthawina alo hlan thin a tiin Liansangi sam inthawinana ahman thin chu a keng lang va va a, Chu chu kan thu bul bal chu ani e an tih chuan Sena thusawi hre phak ho chuan mak an ti em em a, mahse eng khua nge an la insawi loh avang chuan tu khuate nge an nih erawh an la hrelo a....
Selam sadawt chuan dawt anih chu an sawi ka ram kal in an ni ho kan khaw rawn luh tum ka hmu fuh a, ka tlan let leh min umphain hetiang hian min phuar nghal a, fin kherek chhuahin kan lalpa bul thlen an tum in hetiang hian min ti anih hi an tih chuan boruak a tang nghal at mai le, samthang tlangvalte lah mi tlemte an ni si a, an rawn hual ta tuau tuau mai, selam pasaltha chuan silai chu lek kawh leh in tumah damin in chhuak lovang an ti leh tuarh a, selam sadawt pa thil tum chu ava hlawhtling chiang tak em, a ruk chuan anui ver ver a....
Selam lam tan silai hmehpuah a rem lo hlauh chu Samthang tlangvalte tan vanneihna va ni teh lul em, in do tura kal an nih loh teh lul nen aw, silai hman rem ta heklo le, mahni chemtum phawrh in chak zawk nih tum chuan an in veh ta hlawm a, selam pasaltha chuan khai le khua leh tui chhan nan aw tiin chem tum nen chuan Sena te lamah a tlan phei a, chuveleh selam tlangvalte pawhin an rawn zui nghal a, selam pasaltha rawn tlan phei chu bang su ang mai hian atlu let thlawrh mai a, ahmaah chuan tlangval pian tha thlerh thlawrh phiar nalh fahran mai, hmeltha eltiang mitmeng paw ram mai chu alo ding tau mai a, ring taka auin chawl vek rawh u, mi pakhat thil tihsual mi tam takin an tawrh kher angai lo a tih chuan an chawl duak mai a, selam pasaltha rawn tho chhuak leh thinrim chuan that chimit vek rawh u a rawn tih leh takah chuan tihngaihna a awm talo....
Mahni hmazawn zawn chu an insat ta siah siah mai a, Lianpuia chuan selam pasaltha lam chu apan nghal thuaia, amah hnaihtu apiang mai chu alo vai thlu hmiah hmiah mai a, nakinah chuan selam pasaltha nen chuan an inhmachhawn ta a, Lianpuia chuan thudik hre hmasa lova thutih tluk pawizia ihriat hunah chuan a tlai tawh ang tiin ava bawh nghal a, ahmaa alo tlawhna ah selam pasaltha chuan anakah hliam a lo tuar deuh a, mahse na lutuk chu ani lemlo, Lianpuia rawn bawh ohei chu a chem chuan alo vai fua mai a, mahse khuanu vohbik chu chutiang anga awlsama sah fuh mai mai theih anilo, Lianpuia chu ading thut a, selam pasaltha chem vai tlang leh chiah chu a chem kenna lam chu an chhawk sak hmawk mai a, te rawng rawng riin a zui nghal a, chu veleh selam pasaltha chu a chem ken lohna lam chuan abekah a hnek nghal bur bawk, a tlu tur chu va dawm ding pahin anghawngah chuan chem chuan a chuktuah nghal zat a, chemin tin lo mahsela han che thei hmel pawh apu tawh lo....
Lianpuia chuan duh tawk rawh u an ti tuarh a, chu aw rawl zet chu zan thla mang laia an hriat nise chuan ramhuai an ti ngeiin a rinawm, an chawl ta thap a, an thil hmuh avang chuan an ngawi thap a, Lianpuia chuan hetianga rawn tih tum cheu a rawn kal kan nilo, kan duhloh thil min tihtir tawh suh u an ti leh tuarh a, an chet dan leh insual an thiam danah chuan reilo teah an ni khua ang lek chu awlsam tein an la thei dawn tih pawh reilo teah khan an hre chiang hman hle ani, an pasaltha ber pawh awlsam taka kaikual veltu thusawi chu zawm tumlo hmel pawh an awm lo, hei in pasaltha hi va bawihsawm rawh u keini pawhin kan tihtur kan ti ve ange tiin selam sadawt pa chu ava tham nawk a, lalinah chuan hnuk titih chuan an inkai phei ta a, tumah chuan dang tange pawh an ti lemlo an en liam tawp ani ber e,an khaw pasaltha leh hliam leh mithi tlema zawngte chu an buaipui nghal a.....
Lal inah chuan luh pawh dil lo chuan an pen lut nghal tawnga, lalpa lah lal fing tak alo ni ve bawk a, lalpa chuan e vala nge i duh alo ti var a, sena leh ramliana leh Rengpuia an rawn tlan lut ve nghal a, Lianpuia thinrim in thu asawi chuan engemaw a awm ahlauh avang chuan Sena chuan lalpa khua kan rawn luh danah tihsual kan neih chuan min ngaidam dawn nia an ti hmasa te te a, an lo kal chhan chu ahmaa a sawi ang chiah chuan an sadawt in an khua, an lalpa, an lalfanu te an chhia an dawn theih nana an lalfanu sam hmanga alo inthawi thin thu chu kim takin a sawi leh ta vek a, a thusawi zwh chuan Liansangi sam chu lal kutah chuan ahlan nghal a....
Chutah Lalpa chuan sadawt chu en in thudik chauh sawi ang che an ti a, sadawtpa beiseina meih an khaw tlangvalten an ngam loh em avang chuan dawt sawi kual tawh loin a tihtirtu nen lam chuan a sawi ta vek a, Liansangi piana an kan tum a naute sam a hawn thu te nen lam chuan a sawi fai ta vek mai a, an lapa chu a thi rim kher mai, sadawtpa chu enin ithiltih man hi ituar ngei ang, tiin aw nem deuh zawkin anih tu khua leh tui nge in nih an ti leh te te a, Sena chuan samthang khua pasaltha Lal nibawk Lal Thangtea khua leh tui kan ni e an tih chuan an ngaihsan em em pasaltha Thangtea khua leh tui an ni tih an hriat phei chuan an thin a rim zual ngei mai, samthang tlangvalte pawi hoin lusei khua an lak thu leh lusei khaw tam takin an tuar tih an hriat avanga pawi ral chimih turin an kal tih thawm an lo hriat tawh avangin chuti lam pawh tlema zawng an in zawt pah bawk a, sadawt rawn hruai luttu tlangval kha kan lalfapa Lianpuia anih kha an tih chuan lalpa cguan a pa akhuam an tih kha maw tiin an han in chibai tha leh hnuhnawh a.....
Sadawtpa thil lo tihsual avanga Liansangin a tawrh dan te an chhutin amah ngeiin ti tawp se tiin thu an ti tawp a, a chhungte pawh tih hlum vek tur tih chu lal thupek ani ta tawp mai a ni, ro te an rel zawh chuan lalpa chu leikapuiah lo chuang chhuakin ka khua leh tuite u ngun takin lo ngaithla teh u, kan khual thate kan lo dawnsawn dan ah ani pawh ngaihdam ka dil hmasa nise, kan rin loh leh beisei loh deuh mai thil kan tawng a tiin sadawtpa chanchin tlang pui leh a thil lo tih dan te, a thurualpui te pawh misual chhungkua an nih thu te a sawi zawh hnu chuan sadawtpa chhungkua te kha hetah lal in kawtah hian rawn hruai teh u an ti leh a, an rawn hruai hnu chuan tlangvalte khan hruai ula khaw pawnah va ti hlum ula, in lo let hunah khua ala tlai lo bawk a, a inthawina thin pukah ngei ramtang thei tawh phawt chu kan kal anga, he anchhia kal zel tur hi kan titawp dawn ani, tunah chuan kan mikhualte hi kan tan hmelma an nilova kan thian, Samthang lal Thangtea khua leh tuite an ni e an ti leh a, tin ka pasaltha salu lawmna pawh zanah ro kan rel tha anga, a tul chuan naktuk lamah kan chhunzawm dawn nia tia asawi zawh chuan tlangval ten sadawtpa tihloh a chhungte chu khaw daiah hruaiin an tihlum ta vek a, reilo teah an rawn let leh thuai a, sadawtpa inthawina thin lam pan tur chuan an inpuahchah ta a....

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 29th, 2019, 6:48 pm

EPISODE 86.

Sena chuan An rorelna te hrilh turin tlangval tlawmngai pahnih tirin sadawtpa inthawina puk bula lo nghak tur chuan a tir liam nghal a, Selam lalpa leh tlangval ralkai thei chin chu sadawtpa inthawina thin nia an sawi lamah chuan sadawtpa anchhia sut tur leh tibo turin selam chu an chhuahsan ta nguah nguah mai a, tlai thim hma deuh chuan puk pawh an thleng thla a, puk bulah chuan Liansangi leh tlangval thenkhatten an lo nghak a, Liansangi chu alung hi a chhe em em a, ahun hmasa lam a thlir chuan a duh rengvang anilo tih hre mahse vanduaina hlir mai khan a tlakbuak kha ani a, a rilru chu ana em em mai a, siamthat theih ni tawh lo mahsela, bul tan thatna hun anei erawh kumkhuaa lawmna ropui ani ngei mai le....
An han inhmukhawm chu an lalpa chuan an chibai nak nak a, chutah lalpa chuan thu sawiin hei la khua leh tui nia ka lalna tlanga dak pha, ka mirin em em mai leh ka thachhang dawltu berin hetiang thil tenawm tak leh midangte tana tawrhna nasa tak alo thlen hi pawi ka ti a, nangni hnenah kher ani lehnghal hi pawi la ti zual in Liansangi pawhin min ngaidam sela, a u Lianpuia pawhin min ngaidam se ka duh ani, vawin a tang chuan hetiang thil hi ka khua leh tuiah a awm tawh lovang tiin thupha an chawi hmasa tete a....
Liansangi chu enin he thil ti tawp tur hian nangmah ngei i chet angai a, puk chhunga a i thawina thinah sawn ama thisen ngei hian i anchhia i thleng angai dawn ani, chuvang chuan ka tlangvalten an pui che anga, in unau khan a thisen a thisen in la anga tiin mau thei fianpui anga siam ape a, hetah hian a thisen in dah anga puk chhungah in thehdarh dawn nia, abak chu ka tlangval ten an rawn ti ang a tih chuan sadawtpa chu selam tlangvalte chuan pukah chuan an hruailut nghal a....
Midang ho zawng chuan puk kawtah an lo nghak thap a, selam tlangval pasarih te leh Lianpuia te unau chu an lut a, selam tlangvalte chuan sah rem takin anghawng chu an vuanbet a, Liansangi chuan avanduaina leh anchhia tih tawp nan apa chem ngei mai chuan sadawt pa nghawng chu hreh tak chung chuan asat ta a, a thisen chu selam lalpa tih ang chuan mau theiah chuan an la a, puk chhung chu an unau chuan an theh ta a, chutia an theh zawh chuan Lianpuia te unau chuan an chhuahsan ta a, sadawt pa chu selam tlangvalte chuan an chandarh vek a, pukah chuan an thehdarh ta a....
An thiltih tur an zawh meuh chuan alo tlai lam hle tawh mai a, selam lalpa chuan ramhnuaia riak tawhloin nunbul tan that nan ka khua min lawipui rawh u, in vanneihna bul tan nan leh min hriatreng nan tia asawm tlat avang chuan selam khaw lamah chuan an insuan lut ta nge nge a, sepam lalpa chu afingin afel em em a, abula awm pawh nuam an ti tlang kher mai, fiamthu duh ber berah a tanga Liansangi phei chu kawng tluanin hahni daidukin a then reng mai a, ahun kal tawh angaihtuah let ngial pawhin chumi zan ang ema anuih hnem leh anun ahlim ala hre ngai lo hial ani....
Selam lamah lah an pasaltha salu lawmna ruai an siam laklawh kha an lo siam zo diam tawh a, an lalpa lo tum lawk ani bawk a, vawk pa sutnghak lian tak mai an lo talh belh bawk nen, zanriah pawh ouar el euha eiin chumi zan chu Lianpuia te unau leh Pasaltha Sena chu lalinah an riak a, sadawtpa thiltih avanga a lawmman thi leh darte pawh lalpa chuan Liansangi chan vek tur tiin Liansangi chu ape vek a, mahse Liansangi te unau chuan ilalna tlang alo than zel na tur leh i thil min tihsak hi rul zo thei dawn lo che mah ila, tlema zawng alo phuhruk theih takin tiin an hlan let leh ta zawk a,chumi zan chu selam lalpa pawh ahlim ve khawp mai, selam lal hian fanu pakhat anei a, chu pawh vanduaithlak takin aboral tawh a, chumi zan chu fanu leh fapa nei thar leh ta ang maiin ahlim em em mai a, zan rei tak thlengin an inkawm khawm a, zan alo rei tak hnuah chuan a tuk khaw engmawi tak leh malsawmna ni chhuak tur nghak in lungmuang takin chham ang an zal ta hlawm a...
A tuk zingah chuan Sena leh Lianpuia te chuan selam khaw pasaltha chu an va kan nghe nghe a, ani pawh a inchhir zia te pawi a tih thute alo sawi ve nasa mai a, mahse hun kal tawh kohkir theih ni heklo le, thil ni awm anga lang ni miah silo laka buai buai hi thil awm ve thei alo ni...
Tukthuan eikham chuan Samthang val rualte pawh an thianpa hliam la zia vaklo mahsela chak vakloin akal ve thei tawh a, muangchang pawha kal zel an duh zawk avang chuan in ngai tak leh inthlahlel tak chung chuan selam khaw kawtchhuah ah chuan an in vai liam ta a, lungngaihna chhumdum kara hlimna ni engmawi hmu tura chhel taka hringnun hmang tlat tu Liansangi chuan hlimna leh lawmna nen ahun ahmang ve thei dawn ta....
Kar kawngah zan tam an lo riak leh der tawh mai, samthang khua pawh ni reilo te hnuah an thleng ve tawh dawn, an damdawi samak sa saimawian alo ak haw daih chu an buai hrep phah a, mahse thil hi ahun tak ah zel khuanu hian ro alo rel ani ange, an hliam buaipui ngai ber pawh a kal chak thei ber berah a tang leh tawh a, an lalfanu ber chu ani tawh mai a, ani lah zawn tih vel duhlo bur mai ani bawk si nen, a phaktawk leh a tlintawka chak in an kal zel a, karkawngah engmah buaina an la tawk lemlo bawk nen kal chak viau lo mahsela an kalsawt hle mai a....
Lal vunglaia fapa kawnga pawhin an khaw thenawm a nula hmeltha a an sawi chu an khuaah abirh tlut tlut mai a, chutih lai mek chuan lal vunglaia chuan a thiante leh aunaute puitu hmel reng reng ahmuh zo tawh lo, a thiltih sual man chu amah ngeiin ala tel ngei dawn e, mahse chuti maia tawrh chu a tum bik hauh lo, a tlangval thenkhatte chu Samthang lama tirh a, ral a tanga an lalpa chu kap hlum tur chuan tirh nawn chu a tum leh a, chutiang tur chuan tlangval sawm thlang chhuakin a tir nawn leh ta ngat a.....
Saimawia leh lal Thangtea leh upa ho chu ro rel tur chuan an thu bial laih mai a, an mi manpa thusawi chuan an rilru a tina in, lal Vunglaia khua chu chimih vek mai an duh hlawm a, mahse eng em a thlenglo anih chuan Lianpuia te lo nghah phawt a, Liansangi pawh han hmuh phawt chu an rel ta hrih a....
Lianpuia te pawh kar kawngah zan hnih an riah leh hnu chuan Samthang khaw kawtchhuah pawh an chuang chhuak hlawl mai le, hmeichhia tih takah Liansangi chu a insum zo leh talo lungchhe em em chuan a tap ta hawm hawm mai a, lal in lamah chuan tlangval pahnih chu an thlen thu lo han hriattir turin an tir nghal a, Lianpuia leh Liansangi an lo haw tih ahria apiang te chu khaw kawtchhuah lam pan chuan an tlan ta hum hum mai a, Liansangi hming alo lang tel ve hi mipui tam takin an hrethiamlo hle a, a then chuan zin tur satliah ang maiin an lo ngai a, mahse Lianpuia te nena rawn haw ho an ni bawk si nen, chu zawhna chhanna chu an hmuh beisei in mi tam tak chu kawtchhuah lam pan an ni reng ani...
Lalnu pawh ahmanhmawh ber berah tangin kawtchhuah a thlen hma loh chuan a tlan ngar ngar a, Liansangi nena an han inhmu chu leh an tao ta rawih rawih mai a, khawngaihna lainatna hmangaihna lawmna avangin biangah mittui aluang a, an bula awm ve te pawh han insum thei reng an awm lo, enge abul bal hre ve lemlo te nen lam chuan bianga mittui luang chu an hru tliar tliar hlawm a, Thangtea te an rawn thleng ve tawh bawk nen Thangtea chuan tirawh ule khawlaia awm reng zawng a fellove Lal in lamah i chho phawt teh ang u a tih chuan lalin lam pan chuan an chho ta a...
Mi thenkhat lal tualah chuan chinchang hre chakin an la thu far a, chung a thufualte chu an chanchin te chu an han sawi zawr zawr a, chumi hnu chuan mipui awm ho thenkhatte pawh mahni inlamah thinrim teuhin an haw ta hlawm a, lal leh upa te ho pawhin an nghah ber Liansangi alo thlen takah chuan ro te an han rel a, an fanu an lo tih hrejawm man leh na taka an siam avangte, pawi ho tihlawm nana pek alo tum avang ten lal vunglaia chu ana thei ang ber hremna pek a, akhua pawh run chu an ti tlu a, mahse chu chauh chu Laianpuia thinrim reh nan ala tawklo, Lianpuia chu lo ding chhuak ve in, pute u zahawm viau mah ula, heihi ka sawi ve duh ani, akhua hi meivapa a chan loh chuan ka lung hi a awi mai mai lovang a rawn tih leh tak avang chuan lal leh upa te pawh an rilru abuai hle mai, mahse Lianpuia thinrimna hi a dik em em si avangin kan kal phawt anga a tul angin kan che dawn nia tiin Lianpuia thinrim pawh an hnem thei ta hram a, nilo se chuan azan la la in lal vunglaia khaw haldarh turin a chhuak ngei ang le....
Liansangi chanchin hria apiang mai chuan an khawngaihin an thin a rim em em vek mai a, phuba lak mawlh chu an chak a, an lal fanu tan chuan tupawh din an ngam vek mai ani, tukthuan ei ala hun lo deuh bawk nen Lianpuia te thian thum pawh inhmu khawmin lal vunglaia khua an run hunah a khua hal darh vek tur tih chu a tam thei ang ber tlangval ho hrilh darh tur tiin tukthuan ei turin an in then darh ta hlawm a....
Tukthuan eikham bawr lai vel chuan silai chu an khaw dai ah chuan a ri thuai mai a, silai a ri zo deuh chiah tih chuan leikapuia lal Thangtea vaibel pak hlat hlat chu a tlu tawp mai a, a darah chuan thisen a rawn chhuak nghal zur zur mai a, Laianpuia chuan apa tlu chu ahmuh veleh tlan chhuak nghalin, apa chu ava dawm nghal a, tlangaupa alo lut ve chiah bawk, enge nita tih hman anilo, Lianpuia chuan tlangau hnenah chuan va tlan la upa ho leh mipui han ko khawm thuai rawh, ka pa Saimawia leh ka pa Sena kha rawn hman hmawh rawh se tiin a tir chhuak nghal a.....
Lalin boruak chu a a rut kher mai mipui leh upa ho pawh an rawn pungkhawm nghal a, Sena leh Saimawia pawh an rawn tlan lut ve nghal a, an thil hmuh chuan a thawngin tu tih nge tih chu ar bo zawn tak meuh meuhin a zawng ani, Saimawia chu lalin a tanga tlan chhuak leh ghalin tlangval ho chu an ko khawm nghal a, senan a rawn zui nghal bawk a, tlangval ho chu hmun ngah ah then in anin a then a ho anga, a then Sen an aho anga, a then Ramlianan aho anga, a then Rengouian aho bawk anga, apkhat erawh chu an val upa in aho thung dawn ani, he thil rawn titu hi kan hriatchhuah hma chuan tumah kan let tur ani lovang, ni vamlai zawl anih hunah kan khaw ram chin vawkawk mual ah kan inhmukhawm dawn nia tiin kalna tur an in siamfel zawh chuan mahni inlamah theuh letin hmanraw neih ang ang nen an chhuak khawm leh thuai a, mahni chan lamah theuh chuan an kal ta hlawm a......
Chutih lai mek chuan Lianpui khua atangin mikhual pahnih samthang rawn pan mek te chuan kawtchhuah pawh an rawn hmu thei vuaih vuaih tawh a, chu mite Pahnih chu saimawia te kalna lam a rawn kal an ni bawk a, saimawia ten an va hmu chu an lal hliam tute anih ringin an man nghal a, kut pawh an thlak hman nual mai a, mahse an zinga Lianpui khua atanga lo kal pakhat chuan pasaltha Saimawia chu alo la hre ngang mai a, pu Saimawi keimahni Lianpui khua atanga lo kal kan ni e, in pawi sawi tura lo kal kan nilo a rawn tih takah chuan Saimawia chuan tlangval ho chu thlah teh u, engmaw tuna i sawi kha, Lianpui khua kan ni iti em ni, engti tura lokal nge in nih? An ti a, an ni chuan an khaw harsatna tawh thu leh an khaw hming chawitu Lianpuia rawn pun an tum thu an sawi chuan thildang vak sawilo chuan anih chuan dawt in sawi chuan kan tlangvalten an zui cheu anga, dawt in sawi tih an hriat rual rualin in thi nghal ang tiin tlangval paruk lai mai chu chumi te pahnih chu a zui haw tir a, an kal dawn tihah chuan e pu Saimawi nichina rawn tlan vakte kha in rawn um em ni an ti zauh a, chu thu chu Saimawia beng a verh ngang mai, aw engtin nge chungte chu i hmu ami tiin Saimawia chuan ava panhnai nghal a, Lianpui khaw tlang al pakhat zawk chuan aw hmu e mi sawm vel an ni a, chak takin an rawn tlan a, tlan rawh u min rawn hmuh hman chuan apawi dawn ania an rawn ti thla nawk nawk a, tiin an tlanna lam chu akawk va a......
Chu veleh Saimawia chu inher pahin misual Vunglaia bawk maw, i chet duhdan avang hian i chungah zah ngai thwi kan ni talo, awle alawmawm e, hetilaia kal hi lal vunglaia khua te chauh an ni a, chuvang chuan an mahni lo chu rin tur an awm lo, kan mikhualte kha engpawh nise lo han hruai haw ula, pahnih khan Sena te va ko ula, pahnih in Ramliana, Rempuia, leh kan val upa te ho va ko khawm ula, lal vunglaia khua pan nghal tur tih hi an kal hlat hmain va hrilh vat rawh u a tih chuan tlangval ho chu an tlan ta sang sang a......
Lianpui khua khualte pawh an han inhriatchian hnu chuan an boruakin a zirlo deuh bawk nen engmah han sawina hman a awm lova, lal Thangtea pawh samak sa eitirin an mut bam mai a, an khualte ka a tanga an thu hriat bawhzuiin Lianpuia pawh a tlan chhuak ve nghal a, Lianpui khaw tlangvalte pawh awm mai mai an tum biklo, an hmelte kan la hre mahna tiin ahruaitu samthang tlangval parukte nen chuan Lianpuia chhuak chu an um ve nghal a, Lianpuia chu atlan chak hle ni tur ani, ahnunga kal te pawhin amawng phe pawh hmu hman loin lal vunglaia khaw oan chua an tlan ve mawp mawp a, saimawia te ho pawh an lo inhmukhawm leh hlawm tawh a, Sena ho an rawn tlai deuh tih mai loh chu, Lianpuia alo thlen hnu deuh chuan sena te pawh an rawn thleng ve chawpchilha, Lianpuia zuitu samthang tlangval parukte leh Lianpui khual pahnihte pawh an rawn lang ve nghal zat a, an kim ta bawk nen, ikal thuai thuai ang u tiin an kal ta thuai thuai a, an hmanhmawh vawk aniang, an tlan dawr dawr a, tlailam ni tlak hma chuan lal vunglaia khua pawh lut mai thei tur chuan an inring thap tawh a....
Khaw in hlat lo te an nih avangin an hre chiang bawk a, thlithlaitu pawh intir hmasa lovin chhun luh mai chu pawi an ti lova, hmun thumah in then in lal mual ah Lianpuia leh athiante an rawn che thla anga, sena leh thiante hmar lam a tangin an rawn hma phei anga, saimawia leh a thianten kawng tum a tangin an lut chho in an kal pelh in apiang hal tur tih chu an thutlukna ani tawp mai ani, an chan theuh an insem zawh chuan khua chu an pan nghal a, lal vunglaia tlangval tlanlet leh te pawh lalinah an lo awm thap a, lal vunglaia chuan chu in kap fuh meuh amaw alo ti lar lar a, tlang al pakhat chuan aw fuh chiang e keima kah ngei ani a, ka chiang ani tunah te chuan an buai ngawt ang tiin chapo tak in a thusawi oah chuan a thiante chu an melh kual a, lalpa chu lawm tih hriat takin akhi suk reng mai a, mahse anui rei lo kher mai, vengthlang a tang chuan ral an hnai e tih ri lo chhuak chuan lal vunglaia nui lai chu a ti tawp chiang kher mai....
Lal vunglaia chu a buai chhe der mai tumah chhuah aphal tawh lo, himna a zawng a, abeisei tlemte chu a tlang al kal chhuak sawmte chu an ni a, mahse an venghim zo angem kan en ang chu, vengthlang lam a tanga au anasa tawlh tawlh a, silai pawh apuak ta zauh zauh mai, vengthlang lam an ngaihchan reng lai chuan hmar lam in chu a indawt chuan a rawn kang phei ta duai duai mai le, silai pawh a ri ta malh malh mai, lal mual mitha veng pawh Lianpuia te chetna avang chuan in te chu akang alh sen zuaih zuaih a, tlangval ten lo beilet mahse an beihdan in zir heklo hmunthum a tangin an beih bakah in an hal zel nen han beih tak tak hleihtheih an nih tlat loh avangin an tlandarh ta chum chum mai a, lal in pawh an hlat ta lo, lal ina tlangval awmte pawh chuan dan chi anilo tih hria in lal in a tang chuan an tlan chhe ve leh ta a....
Lal in an thlen chuan Lianpuia chu lalinah chuan a tlan lut chho nghal a, mahse tumah an lo awm tawhlo an hawikual vel a, thinrim teuh chuan pawnah a chhuak leh a, chuta a thil hmuh cguan ava ti lawm si em, lal vunglaia tlanchhiat tum rawn tlan let leh chu ava hmu a, lal mual tuam tu ahnukhawi ten an rawn hual phei hi alo ni a, lal in kawt mualah chuan a tlangval tirh mi sawm te nen chuan an ding thap mai a, samthang val rual te chuan an hual thap mai a, an au hulh hulh bawk a...
Lianpuia chu a thi rim bawk ani, lal vunglaia hmuh lai chuan lal in chu thil tih ngailoh ni mahse a hal ta hmiah mai a, tumah chuan khap pawh an tum lem lo, khap ngam pawh an awm hek lo, lal in kang duai duai chu hnungchhawnin lal vunglaia chu apan hnai a, thu tam tak sawi turin kan lokal lo, i thil tih ang rul let tur chea lo kal kan ni tiin lal vunglaia chu abanah manin an theh vawk mai a, heihi ka farnu ilo tihduhdah man tiin leia lal vunglaia tlu chu an chhir zawt a, chumi hnuah heihi ka farnu pawi tihlawmnana pek ilo tum man tiin anak nemah tak chuan an chhir leh zawt a, heihi ka farnu hrehawmna i thlen man tiin a darah chuan an chhir leh zawt mai a, ahnuah heihi ka pa i kah man tiin aluah an tlawh leh zawt a, lal vunglaia chu thusawi thei pawh anilo, thusawi na chi pawh ani heklo, aluhai leh anak a Lianpuia chhirna avangin a thaw hleitheilo a, chutah kan chhungkua leh khuate laka ihrehawmna pek zawng zawng hi ka lungawi na zana ka rulh let hma che chuan ka chawl lovang tiin ake ah chuan akhai lawk a, a theh leh vawk mai a....
Chutiang hlir a a chaih kual fe hnu chuan a lal vunglaia chuan nikhua deng reng ahre tawhlo tih hriat takin a thlep zawi nawn nawn a, nakinah chuan saimawia chuan a tawk tawh e a rawn tih takah chuan a nghawng chu a tan a, a ak tha ta a,tlangval sawm la dam an hual beh te pawh rei an damlo, lianpuii khaw tlangvalten an hmel an lo la hre si nen, an chan darh hneh kher mai, in hal loh pakhatmah a awm lova, lal in chenin an hal darh vek a, hetiang hi sawi tur avang em en a, lal in inhalsak em hi chu a thle g ngai meuh lo, lal inthah sak pawh an duh lo thin, inzahna an lantir hram hram thin, mahse hetiang a thlen na hmunah hi chuan thil tihsual nasa tak an lo nei fo thin, chutiang thil an tawn chuan an dem em em zawk thin....
Lal vunglaia lakah phuba la mahsela a fapa kawnga an hmuh veloh avang chuan lianpuia chu alung ala dam kim lo, mahse tun dinhmunah chuan khawnge a awm a, enge a dinhmun te an hre bawk lo nen, samthang lam pan chuan an haw ta hrih a, Lianpui khaw lama buaina lahin alo nghak reng bawk si nen, engtiang takin nge chet lak ala ngaih ang hre lo chuan lal vunglaia khaw ram chu hnungchhawnin samthang val rualte chuan mahni khaw lamah lawm nute nui hmel hmu turin lam ang an let leh ta a..

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 30th, 2019, 6:05 pm

Episode 87

Samthang khua in lal vunglaia khua ahal darh vek tih chuan khual a thang rang kher mai le, khaw thenkhatten chinchang leh engmah hre lovin lal vunglaia chu an lo vui pui bawk a, thenkhat an chanchin hria te chuan a awm bawk ani an ti ve bawk a, samthang khaw hming thang zel leh lal Thangtea hming thang zel lo thik tawk leh tihtawp dan a ruka zawng reng renga hun hmang tam tak a awm a, a then lahin pathian cheia cheiin an tlawn em em thung a, tun tum silaia kah anih thuah pawh khawhran lal pariat zetin an rawn tlawh nghal a, mithen khat erawhin an hlauh tlawn thung a, chutiang ang boruak karah leh mize in anglo karah chuan dikna chu vawng nung rengin lusei lalte, lusei khaw hrang hrangte inkarah inremna a awm theih nan te nasa takin hma ala zel a, ahming pawh a pu phuah ang ngeiin khawtin chu a thang chhuak ta mai reng a, chutiang khawpa lusei rama hmingtha leh an chung en, an hlauh em em mah nise chhan nei lovin leh awmze awmloin kut alek ngai lova, mi a nun a sim a, a insiamthat theih tluka hlu a awm lo a ti thin, a thinrim an hre ngai lova, insualna mualah pawh thinrimin a che bawrh bawrh ngai lova, insualna muala a din ve pawhin a tan ni loun midangte tan a ding zawk thin ani....
Hmeithai rethei pachhiate tan lal Thangtea hi ahlu in an ngainat phah em em a, dikna pasaltha hmeithai pachhiate pa tih pawh hi a in awm hliah hliah reng ani, tlawmngaihna kawngah hmahruaitu leh sulsutu ah a tang thei zel a, ahnung zui duhtu reng reng misual pawh midikah a chhuah thin a, ahnung zuitawh tu midiklo an awm ngailo ani, chutiang ang khawpa hmingtha mite chung en mah nise a fapa Lianpuia hian chung zawng zawng chu a rawn la khum dawn a, a hming lam ringawt pawh khaw tam tak inhumhimna ala ni dawn ani....
Samthang val rual ho pawh in lal vunglaia khaw chhuahsanin samthang kawtchhuah an thleng leh tep tawh a, hlawhtling khata in ngaia haw an ni bawk an hlim tlang hle a, tlangval thalai tih takah kawtchhuah pawh an thleng mai a, kawtchhuah ah chuan an han thu thlandai vang vang a, hlado chham pawh duh viau mahse lalpa hliamtuara awm anih avangin ngawi rengin khua pawh an lut ta zawk a, mahni inlam pawh lut hmasa lovin an lalpa chanchin ngaichangin lal in bulah chuan an thu nghuk mai a, lalpa pawh an samak sa eitir avang khan nikhua hrelovin alo la muhil bam a, a tuk zing lamah chuan alo harh hman an beisei a, Lianpui khaw tlangval te pawh an boruakin a zirlo nen engmah han sawina hun an la neiloa, chutiang bawkin Liansangi lo haw leh pawh engmah han uksakna hun ala awm lova, buaina hlir in atlakbuak avangin chu buaina reh hun chu dawhthei tak leh nghakhlel takin an thlir thap a ni.....
Samthang khua chu a reh hian a reh thap mai a, khawdang lal leh upa te pawh in an rawn tlawh awl lova, tlangval ralkai thei chin chu chaw eilai bak chu lal in kawtah chinchang ngaichangin an thu hmur reng a, chumi zan pawh chu zawlbuka ruak pakhatmah an awm lova, lal inkawtah an thu tlaivar thak hlawm ani, tukthuan eihun bawrah chuan Lal Thangtea na nei miahloa a rawn tho chhuak leh chu lawm avangin tap lo nu an awmlo hial ani, a dam tha tawh tih lantir nan leikapuiah a rawn pen chhuak a, lawm avangin an au rite chuan lei anghawr der der hial a, tlangval ho an lawm lutuk chu lal inah tlan chhoin lal thangtea chu lal in kawtah an zawn thla a, an sep ta dawrh dawrh dawrh mai a, chumi ni chu chhan nei loin akhaw mipui chuan awmni an kham ta ringawt nghe nghe ani...
Lal thangtea chu tlangval ho chuan akhua chu an fan chhuahpui vek a, lal in an thlen leh hnu pawh chuan lal in thleng an zawn a lal inah zah takin an nghat a, chumi hnu chuan Thangtea chu leikapuiah lo ding chhuakin ka khaw mipui te u dam reng ula, khuanu malsawmna dawng turin duhsakna ka hlan che u a, hei in zarah dam takin ka lo awm leh ta a, naktuk ah ka fanu harsatna ata chhanchhuah in a awm bakah, pawi ral kan hmetmit in, lal vunglaia pawh aphutawk hremna kan pe tawh bawk a, keipawh hei ka lo dam tha tawh bawk nen naktuk ah hian awmni khamin lawmna hun kan hmang anga, tufa tur te kha valupa kutah awm se, ka se huang ami ka se chal pahnih khu in lo kai chhuak mai ang, anu rai theilo pakhat khu in kai tel dawn nia, an tih chuan mipui lam chu lawmin kut bengin an au dur dur mai a, chuveleh upa dang ho lo ding chhuak ve in, vawkpa sutnghak leh se chal ten an rawn do tak tak a, an thawm pawh a tha ngei mai...
Upa mai nilo mipui lam a tangin lalpa chu an rawn do bawk a, he tiang hi thil thleng zen zen lo ani a, mipui lam a tangin vawk leh sial in an rawn do hlawm bawk a, chumi ni pawh chu tumah kal chhuak lovin lalpa ho chuan khua an fang a, in tlabal leh tanpui ngai an awm em tihte an en kual a, in siamthat ngai em em ni lemlo hmeithai an nih avanga nakina siam tho tur anih avanga siam that sak in thum lai an nei nghe nghe a, sial talh tur a tam bawk nen chumi ni chuan a then talh mai an rel thlu a, chumi ni chuan engemaw zah chu an talh a, samthang khua chu arik hian an ri mep mep mai ani....
Zanriah an ei zawh hnu pawh chuan tumah chu lal in a tanga kal hla lovin lal in bulah meipui an chhep a, chumi zan chu zan lai arkhuanin ahnawt haw hram hlawm a, a tuk leh lama inbuanna a tel tum vek an ni bawk a, an phur em em hlawm a, nghakhlel takin a tukzing nghaki chu zan chu tui takin zanmu an chhing ta hlawm a...
Lianpui khaw khual te pawh engvak mah la sawi thei bik heklo le, zingah chuan lalpa chuan akhual thate chu kovin an lo kal chhan te an in zawt thei ta hram a, Lianpui khua ten an harsatna an han sawi chuan a rilru a khawih khawp mai a, an ran te chu eina hnu awm silo hian an thi tawp tawp zel a, sapui nge mihring tih pawh an hre thei lova, nitin mai hian sial pali vel chu thi anga chhiar ani a, vawk thi lah chhar tur a awm reng bawk si nen, han chang ve bawk thin mahse eng han chan chhuah an nei thei siloa, an mangang chuan an khaw hming putu pasaltha Thangtea fapa Lianpuia i pun mai ang tiin tlawm leh zah pawh dawn lovin an rawn kal tawp hi alo ni a, Thangtea chuan awle engpawh nise vawin hi han zo sela Lianpuia pawh ka lo be rawn anga, a remtih chuan naktukah a rualin in kal dawn nia a tih chuan lawm takin an thlenin an pansan ta a...
Lianpuia zing leng pawh alo haw ve mek a, an mikhualte nen leikapuiah an in tawl ve chiah a, Thangtea chuan Lianpui lo kal hnai teh kha kan Lianpui khua te chuan harsatna tawkin kan hnen an rawn tlulut ani a, i han kal poh aniang chu enge tum lawk thil engemaw tih tur te i nei em an tih chuan Lianpuia chuan nei lemlove, a tul phawt chuan kan kal dawn nia, ka thiante pahnih ka lo be rawn anga, an ni pawh an phur khawp ang a tih chuan Thangtea chuan anih chuan naktukah chhuak turin lo inbuatsaih la itgiante pawh ilo hrilh mai dawn nia a tih lai mek chuan mampuii chuan chaw ei an peih tawh thu leh ei tura a rawn auh tak avang chuan an titi lai tawoin chaw ei tur chuan an kal ta a...
Tuk thuan eikham chuan lal muala lo kal hmasa ten buantual siamin an lo chhung pawng thur tawh a, an rawn thlen belh zel a, a khaw nawt in apui apang alian a te chuan lal in kawtah an tlim hmur mai a, lalpa leh upa ho pawh leikapuiah an thu thap tawh a, tlangaupa lo ding chhuakin awle hei vawin ah Samthang khaw inlungrual zia kan lantir leh dawn a, infiamna pawh kan mei ang, thinrimah emaw lungawiloh ah tuman lak loh tur ani ang an tih chuan kut beng in an au dur dur mai a, sawi zawm zelin inbuan kan tan hmain kan lalpa in thusawi tur anei em kan ngaithla phawt dawn nia a tih chuan lalpa chu lo ding chhuak ve nghal a...
Liansangi thla hualna anih zia te, vanduai reng reng a hun ahman thin dan te, ahre chiang tu te vek in ni a, chuvang chuan vawin ni a tangin nunbul ahmang ve thei tawh dawn a, chumi lawmna ni pah fawmin hnehna kan chhanna lawmna ani pah fawm bawk a, tlangaupa sawi ang khan kan inlungrualna tihlan na ani tel bawk tih pawh kan hre tel dawn nia, inbuanna a tel te tan lawmman tha tawk tak siam ani bawk anga, a chak berin ka se huang ami a duhber akai haw anga ka banglaia ka silai hi ka hlan bawk ang an tih chuan chakber nih chakna leh phurna avang chuan tlangval thenkhatte chuan an bula mite an lo nghawk ve sek bawk a, thu tam sawi lovin infiamna thianghlim leh ennawm en tur chuan an in buatsaih ta a...
Samthang khaw tlangval Pasaltha Thangtea pum chhuak tih takah inbuan thiamlo reng reng an awm lova, an hmuhnawm in an hlimpui ngei mai, chung zinga chhinchhiah bik pawh an nei nual a, samthang khaw kulhpui la ni thei tur pawh an awm nawk mai....
Chawhnu her ah chuan chakber nih inchuh turte chu buanzawlah chuan an ding dun ran a, chumite chu tudang ni lovin, Rengpuia leh lal muala hmeithai fapa Hrangvunga te an ni a, Hrangvunga bik hi zawlbuk kai thar ani a, mi zakzum em em mai ani a, amah apaluan lo nang in sa nghet tlet tlawt ani thung a, a chakzia tuman an la hriatloh avangin mite pawhin mak ti thlirin an thlir thap mai a, hneh pawh an inhnehtawk nangiang mai, upa zawk na na na chu Rengpuia chuan chakber nihna chu a chang ta a....
An chaw ei te chu lal mual mai bakah zawlbuk kawt zawl ah zawng zawng nen hlui siam in, an ri mup mup mai a, chumi zan pawh chu tumah haw darh loin zanlai arkhuan thleng chuan an chai mup mup mai a, chumi zan a tanga inlawm chhunzawm ta pawh sawi tur an awm nawk mai a, thil mak tak pakhat chu Thangtea lalna khua ah hian sawn pai an awm ngai lova, thil ru leh tlangval hawklak sual hi an awm ngailo hrim hrim bawk a, he khua a awmte hi an in ngeihin an hlim em em a, an lalpa a dik em avang in akhaw mipuite pawn dikna an duhin an chawisang em em a, mi diklo te tan hmun a awmlo ani tawp mai, chuvang chuan anuamin an inngeiha an hlim em em thin ani, kan zoram nen chuan a in thlau ngawt mai tirawh u...
A tuk zingah chuan Lianpui khaw tlangval leh Lianpuia te thian thum chu Lianpui khaw buaina chinfel sak tur chuan zing hma takah chhuakin en laia a thui thei ang ber kal tur chuan an chhuak vang vang a, samthang lam pawh buaina em em a awm tawhlo bawk nen mahni hna tul thawkin an phu leh suau suau tawh a, mahse itsiktu tamtak la awmte erawh chet mai inpeihin an awm hlawm a, samthang khaw thang chak leh thang duang lutuk thik tu lal thenkhatte chuan run duh hle mahse an ngam dawn loh avangin a ruka samthang khaw beih dan an ngaihtuah ve mek bawk a....
Lianpuia te pawh an kal chak bawk a, tlai ni tlak dawn suarah chuan rei kal ani tawh dawn lo tawp tih an hre mai a, mahse a tuk lama kal leh an tih tluk avang chuan riahbuk tur chu tlai khawhnu ah an sual tha leh a, Lianpui khaw tlangvalten an khaw hming chawitu bula hun an han hmang thei chu an hlimin an in chhuang ru hle mai a, a chak tur zia te, ahmelthat bik zia te, engkim mai chu an ngaisang em em mai a, abula awm chuan a thinrimna te hi a awm hliah hkiah zel a, abulah chuan hmeichhia chauh nilo mipa pawh an nem em em zelin nuam an ti a, an ngai em em zel mai ani...
Buk pawh kar loah an zar zo mai a, alo tlai lam tawh nen rawng an han bawl leh a, chawhmeh tur awm ta silo, Ramliana leh Lianpui khaw tlangval pakhat chuan zanriah hmeh tur tiin an tlai chhuah a, an kal liam tur chu Rengpuia chuan zawn ngaiin awm suh u aw an ti fiam thu zauh a, Ramliana chuan nui sun sun pag chuan min zawn hma chu kan lo haw lovang an ti let ve a, hlim deuh chuan an in thlah ta a...
Rengpuian a tawng chhiat ani tehreng ang chu, leng hawn ar a khuan pawh chuan thawm an la rawn nei hauh lo mai a, chaw ei lovin an lo la nghak thap a, titi dang vawrh tum sateh mah sela, an rulru chhungril luahtu te chu Ramliana te an nih tlat avangin an va rawn haw har e an ti leh thin a, mahse Lianpuia chuan apa thusawi ahriatreng thin mipa ramchhuak an ni a, ngaihtuah awm an ni lovang, an lo haw mai ang, kan tawh tur ang hi pumpelh theih ani ngai love a tih chu ahrereng a, mahse ani pawh angaih a tha chiah bik lo...
Leng hawn hun ani tawh ngei ang, Rengpuia chuan engpawh nise engpawh thleng thei zanriah i ei twh phawt ang u, a tih chuan hnial tum an awm lo, chaw ei thei erawh an awm lo, ngaihthat nan chaw an khawrh ani ve ringawt e, an chaw eikham chu Lianpuia chuan heti ringawt chu a dik love ka va en kual ange a tig chuan, Rengpuia leh Lianpui tlangval chuan nie iva en ang u tia an rawn thlawp nghal avang chuan engmah sawi tawh lemlo chuan hmalam thlir chuan an thiante ruang tal tia beisei nei takin an pen chhuak ta a....
Lianpuia chu zan a thim pauh leh ahmu fiah ting mai ani a, a thiante meichher ken tirin hma hruai a, an hnu pawh ahrehrang kher mai, kawng zawh pang ngai zawh ang par par in, ramhnuai pilril leh kham bakbahaiah chuan akal miah miah mai a, Rengpuia te pawh chuan ihe lovin an zui ve mai a, rei tawk fang an kal hnu chuan thisen an hmu ta a, Lianpuia chuan an khawih a, ummm hei chu sa thisen anih hi, tiin a thlang lawka thisen awm chu an en chiang leh a, hei chu kan thianpa thisen ngei anih hi, tiin an hnu chu an chhui nghal a, rei an kal lo, sakei insual thawm ri buan buan leh hahum ri rum rum chu an hre zui nghal a, an ngaih atha tawh lo, Lianpuia chuan tah hian lo awm ula ka rawn kuk veleh in lo tlan dawn nia tia, tihtakzeta asawi vang chuan an lo nghak ta ran a....
Rengpuia te akalsan chiah tih chuan Rampuia chu thi hnuangin a zuk hmua, Lianpuia chu an faifuk raih a, Rengpuia te pahnih chu an rawn tlan thla nghal a, Ramliana thih suala awm chu hmun remah an zawn sawn nghal a, a awmna lah chu a remloin an buai zek lehnghal a, mahse tum ta ngang chuan an la chhuak ta a, hnun remah an mut a, Rengpuia te chuan an lo bawihsawm a, Lianpuia erawh an thianpa chu ala dam nge thi tih hre tur pawha chian a tha tih hria in, a la dam anih phei chuan chhan hman ngei beiseiin sakei hahum ri hum hum lam chu apan thla ta chhek chhek a...
A thil hmuh chu mak a ti kher mai, sai ral pathum ngawt mai chu an lo in ngur chhur chhur mai a, an bulah chuan sakhi alo let bam a, an piah ah chuan Lianpui khaw tlangval chu lung pawm tia lawih mai chu alo ngheng a, a taksa chu a che thei tawhlo, mahse ala khap fuk fuk tih erawh zuk hmu thei a, enge a chhan leh he thil hi engtia thleng nge tih chu hre chak viau mahse nakinah ala hre ngei ang...
Sairal awmna lam pan chuan apa chem chu inring taka humin apan thla ta a, an chhak a tang chuan ring leng lawng hian duh tawk rawh u an ti tuarh mai a, chu aw hre pha Rengpuia te hlei hlei chuan mak an tiin an vawikhat hriatna ani a, chung sairal pathum lian em em te chu hlauh nei ang hian an mei khupin an tawlh hnung ta zul zul a, ani pawh a thleng thla ve nghal thaw thang mai, a ri thla buan buan a, sairal ho chuan an lo thlir thap a, an hlauh kha awrawl rapthlak ni mahse an thil hmuh chu Lianpuia chauh ani si chu sairal ho chu an lung a awi chiah lo ani ange, ahmaa in haua in sual si kha Lianpuia hmachhawn tur chuan an tangrual thap ta mai a....
Lianpuia pawhin chu thil chu ahmuh hmaih hauh lo, mahse in mal beih an ti dawn lo tih chu ahre tlang nghal a, fimkhur angai hle ang tih pawh ahria a, avawng nghal khiau a, a che che sih hlawkah an ti ngei ang le, apa khan vawikhatah sakei pathum a that tawh a, mahse sairal anga lian chu an nilo, a ruala bei an ni lemlo bawk a, tun tum chu a rualin an bei dawn anih hmel a, khuanu voh bik leh voh chhan hi a hlen chhuak zo angem le....

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)