HLAUH NEILO PASALTHA KHAWTINTHANGA Ziaktu. Seraph Pachuau 1- 101

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

Re: HLAUH NEILO PASALTHA KHAWTINTHANGA Ziaktu. Seraph Pachuau 1- 88

Unread post by Ngaia » May 4th, 2019, 6:58 pm

EPISODE 88

Lianpuia chuan tlangval thi hnuang chu ava en a, a thinrimna meipui chu aalh chhuak hlup hlup mai a, chung sai ral ho chuan an thianpa che thei tawhlo chu ei inchuhin an lo insual kha ani reng a, chemtum humin sairal pathum hmaah chuan a ding teu mai a, khawvar arsi pawh a eng ut tawh mai, khua erawh a thim chhah tha kher mai, Lianpuia erawh zawngin ahmu fiah tulh tulh a.....
A thinrimna avanga bawhsual mai chu a tum biklo mai nilovin, chet sual chu a tum hauh lo, mahse a nghak thei ngang lo, a thi rimna meipui chuan che lo thei lovin a ur tlat, a chem chu vilik phei in sairal lo hnai ber inrin hman hma hauh chuan ahmui no ah tak ava sat buaih mai a, sairal lian pawh na tiin a tal tawp tawp mai a, a tawlhhnung zul zul mai a, an in melh ke kaw a, che chang lo chuan an ding ren rawn a, khua pawh a rawn var tan dawn dawn tawh, thingchangvar a rawn ni cho thuai mai, khua an hmuh that theih chinah chuan sairal pawh an thawm atha kher mai, mahse inhrosa teh mahse Lianpuia chuan ahlau hlek lova....
Sairal lianber chuan ka huai ber a hma kan hruai ange ti ni awm takin Lianpuia chu a rawn zuan thut mai a, mahse inring renga lo awm leh cherang, mibik chuan awl zate a lo bumin sairal in azuan khum tawh chu hawi let zawkin akhelah chuan chem zang lam chuan an khawng te tuarh mai a, chuveleh pakhat chuan a rawn bawh ve nghal a, mahse amitsira alo en ruk khiau kha ani miau a, sairal rawn zuang chu pan hnaiin sairal mak tih khawp chuan aphe chhuak zawk mai a, sairal tum han ding chhuak tur chu ding mai theilo chuan abawk nawk mai a, ake hma dinglam ke bawr chu alo hlawi thla daih mai alo ni a....
Lianpuia chu lum pheiin ahmaa ahmuia ava sah sak tawh, thiante zara beisei neia lo la hnufual lu chungzawnah chuan tha tawp chuan a chem chu an vai thla ngheng mai a, chu sairal chu lo i ring mahse Lianpuia hmaah chuan a rang tawklo tlat, tho leh tur awm lo chuan a thluak bur chu a kau huau mai a, a chem ken chuan ngam miau hek le, leiah chuan a tal. Chawr chawr mai a, cheleh tur chuan pian nawn te pawh angai ve ngei ang le...
Sairal lian ber chuan a thlang deuh a tang chuan a rawn ngur chhur chhur reng mai a, Lianpuia chuan i zo law law teh ang u tiin ake a sah sak kha ava pan hnai a, ani pawh che hleithei lo mahse thawm erawh anei lian hle tho mai, an thlang a tang chuan sairal lian berin alo chhawn bawk nen, a rik hian a ri hum hum mai a, che tha theilo na na chu a rem lai laiah chuan ava sat siah siah mai a, silai a ri khawk rum rum a, Lianpuia pawh aphu deuh zawk hial nghe nghe a, silai a ri zo deuh chiah a, sairal lian ber pawh Lianpuia hmaah a rawn tla thlawrh mai a, Lianpuia chuan silai rikna lam ahawi nghal a, a thianpa Rengpuian silai chhuanga silai kaw hmawr a tanga meikhu la rawn zam chhuak chiai chiai chunga a rawn tih vah chu ahan hmu nghal a, thil awmzia in zawh buai angailo, ka lawm e a ti sup a....
Thildang buaipui hman an nilo, an thianpa thi hnuanga awm chu an pan dun nghal a, Lianpuia chuan Ramliana enge a an alo ti thuai a, Rengpuia chuan a tha e ani chu hei kan thianpa hi enge a an le tiin an en kual nghal a, a dar chu sakei hamna avang chuan alo kak thla duai mai a, vanneihasiamin a dang hliam alo nei hauh lo mai a, thisen a chhuah tam avang chuan che thei chi zia zang alo anilo chauh alo ni a...
Hmun rem laiah an han in dah tetea, hnim hnah damdawi an hriat ang ang chu lain an han hnawih a, Lianpuia chuan apuan chu a pawt thler kawk a, chu chuan an tuam. Zui ta a,....
An tuam hnu chuan an kal chhoh na tur a rem lo nen Rengpuia chuan kan pua ange tiin kha nag henghi lo ke g rawh tiin h ial hman loh chuan silai chu Lianpuia chu ape nghal a, an thian pa chu a banah vuanin apaw ta nawlh mai a...
Ramliana pawh alo harh chhuak tawh a, sakeiin a benna a banruh diklo leh alumna lama amal te thler thla duai leh anaka salei pehna avang chuan chet erawh a che thei hauh lo mai a, hmun remah chuan an mut tir a, Lianpuia chuan apa in apai tir samak sa chu an barh hawng hawng a, an thlanga luite tui chu an tulh bawrh bawrh bawk a, reilo teah an muhil ta siai siai a, an harh hun nghakin Rengpuia leh Lianpuia leh Lianpui khaw tlangval te chu an thu ta ran a....
Ramhnuaia pawngpaw nghah zawng tiin Ramliana leh Lianpui khaw tlangval leh an sakhi kah chu buk lamah an paw haw ta a, bukah chuan an mut a, sawi tur an van tlang ngang mai, nileng chuan bukah inbe mang lemlo chuan hun an hmang a, zanriah ei kham pawh chuan mengrei lemlo chuan an an thiante an la harh chhuak lemlo nen mut zai an rel ta a...
A tukzing tuakthuan ei kham bawr vel chuan Ramliana te pahnih pawh na nei hauh lo chuan an rawn harh chhuak leh a, an rawn harh chhuah leh chuan chanchin hre chak tak chuan Rengpuia chuan alo zawt nghal thuai thuai a, Lianpui khaw tlangval nen chuan tukthuan chu an siam sak mawlh mawlh bawk a, sawi tur a tam bawk nen, chaw ei lai a titi hi thil mawilo ani tih pawh an ngaihtuah thei lo, Rengpuia lahin alo tur ve sek bawk si nen, an sawi ta a, khatia an kal chhuak kha, sakhi kha an va hmu mai a, mahse an ti tlan hlauh mai a, an chhui zui zel kha, sai ral hniak khan a rawn chhilh tlat mai a, mahse an thil tih tum chu thulh an tum reng reng lo, an chhui zui zel a, sairak hniak chu apen tak avang chuan ngaihngam takin an chhui ta zel a...
Nimina an hmuhna chhakah khan sakhi chu an kap ta ngei a, sakhi pawh han tlan leh tur awmlo chuan a thi nghal nghe nghe a, sakhi bul an thlen hma chuan chhak lam a tang chuan sakei a rawn hahum nghal chhur chhur a, an hawi hman awrh ani, Ramliana chu alet tawp a, alo pet fuhlo deuh hlek zawk a, Ramliana chu che thei ta heklo, akalsan ta a ala dam zawk lam chu panin an inhnuk thla ta hi alo ni a, mahse engtin nge sairal pathum thum an lo kal tih erawh hre zui tur an awmlo, sawi thei pawh an awm heklo, an vanduai ve anih kha tiin Ramliana ten an vanduaina tawh an sawi chu an ngaithla kiau a, an sawi zawh chuan an thaw halh hlawm a....
Ramliana chuan a thiante chu enin, in lakah hian bat tamtak kan nei ani, awmlo ula chuan mihring kan tling zo tawh awm silo a, in zarah dam takin kan thu chhuak ve leh thei hi kan lawm. Tak zet ani an tih chuan Lianpuia chuan e thianpa engmah tih kan nei hleinem, vanduaina te chu mihring te "nga thleng thei vek alawm, keini pawh hian engtik lai pawhin kan mamwwh reng cheu asin, ti khawp hian hah leh buai, hrehawm pawh pawisa loin ka kiangah in awm ringawt pawh hi ka tan hleihlei hian lawmthu sawisen loh ka ba zawk ani a rawn ti ve bawk a, inpawh tak chuan an titi a, vaibel te zuk zawh chuan an kalna tur lam hawi chuan an hmaah enge thleng dawn hre lo chuan tlangval rual chu Lianpui khaw lam pan chuan pheilai an khai ta a....
Chawl lova kal ta reng na na na chu Lianpui khua pawh an hnaih kuarh tawh a, an khaw luh hma zawnchhuah mual an tih mai ah chuan se la a thihna ala reilo ang tih awm hi an hmu a, an han en vel a, sa sehna hnu reng reng a awm lo a, mahse hnehsawh taka a ringruh elhtliah ani tih erawh a lu awmdan a tang chuan a hriat thung a, a zak an han khawih a, alola lum vang vang a, ahnar a tanga thi chuan pawh alo la khang lova, Lianpui khaw tlangval pakhat zawk chuan hei hi kan buaina chu anih hi, a titu hi kan hriatloh mai bakah sapui nge, ramhuai tih hi kan hre thei lova, khaw mipui te pawh kan ralkhel thin khawp mai tiin an thil hmuh a tang chuan an thil tawn thenkhatte a rawn sawi chhuak a,chu mi hnu chuan hlang te siamin se la chu an zawn haw ta a....
Kawt chhuah an chuang chhuak chu khaw chhung chu alo reh ruai mai a, a reh dan em em chu ngaih lam lam te pawh a ti thalo hial a, thlansa phulkaia kal an nih avang leh sial zawn an nih avang chuan thlandai dakin thlifim an dawng a, chumi hnu chuan engmah sawilo chuan lalin chu an pan chho ta a...
Khaw chhunga awm ho te chuan chutia an khaw tlang al pahnih leh khawdang tlangval pathum laiin sial an rawn zawn haw chu mak ti tak leh chinchang hre chak tak chuan an rawn thlek ha ha hlawm a, Lianpuia te chuan engmah sawi lovin lalin chu an pan ngar ngar a, lalin pawh alang uarh tawh tih chuan lal in leikapuia lalpa leh upa ho rawn chhuak tak tak pawh an hmu thei thuai a, lalpa chuan Lianpuia hmel ahmuh chuan alo rei ve deuh tawh nen tunge anih alo hre leh tawh mai lova, mahse an mi tirh te nena lo haw an nih avang chuan rin chu anei mai a, mahse tunge ani tih erawh a chiang ngam lova, Lianpuia te pawhin reilo teah lalin pawh an thleng chho ve nghal mai a, an sial hawm chanchin leh kawnga an hmuh thu te leh an khaw buaina chinfel sak tura lo kal te chu an khaw hming chawitu Lianpuia anih thu te an han hriat chuan an Lianpui khua chu an thla amuang huai huai mai a, sial pawh ei mi anilo tih an hriattawh avangin khaw daiah an paih ta a....
Lianpuia te pawh lianpui khuaah hian an mikhual lemlo bawk nen, inpawh takin an titi nghal bawrh bawrh a, an khaw dinthar tirh a an buai zia te leh an zara khaw inpawh leh khaw inlungrual an nih zia te leh, tun tuma an boruak thleng chuan lalpa leh upa te chuan Lianpuia te chu an lo hrilh mawlh mawlh a, lianpui khaw harsatna tawh kara thil mak em em mai chu an ran thi tawh te hi ei tlak ani lo hi thil mak tak ani, an hriat tirh lam khan sechal lian zet mai kha, a uihawm emai tiin an ei ngawt mai a, an khaw tlangval pahnih ngawt mai an boral a, mi engemaw zah an damlo a, chumi hnuah an khaw buanchak in ka fiah reng reng dawn tiin an thenawmte vawk thi chu a ei lui a, ani pawh rei dam lovin a boral zui ve leh nghal mai a, hei vang hian an khaw tibuaituten an sa khawih reng reng ei tawh loh tur tiin lalpa in thupek a chhuah ta ngawt mai ani....
Chutiang teh nuaih anih avang chuan rorel dan tur leh hmalak dan tur mai avang hle mai a, a chhan bulpui ber pawh he thil hi a che rang em em a, zan khatah a rual deuh thaw in veng thlang leh veng chhak vawk akhawih hman dan a tang hian ahriat theih a, an khaw ran chu a khawih fai deuh vek tawh a, se huang ami pawh chhuah lovin a chaw tur an putsak tawp nghe nghe ani....
An hahdam deuh hnu chuan Lianpuia te thian thum leh an khaw pasaltha chuan khaw chhehvel chu fangin hmalak dan tur an en ho a, veng hmawrah chuan zanlama chan chhin phawt nise tiin khaw kawtchhuah deuh maiah chuan chan khan siamin hnim hnah chuan an khuh luk mai a, chumi zan cgu chuti lai hmunah chuan boruak en nan an ran khawih thintu chu an chang dawn ani....
An khaw chhehvel an kalkualna ah chuan an ran rawn khawih thintu chetna hnu hnim pe hen hun te, thisen far leh zauh thin te leh, thing chawnpuar tiat tiat tlu au te chu an hmu a, he thil hi thil namai anilo tawp mai, Lianpuia chuan hetianga rawn che ngam hi engpawh nise kan tihlum ngei ngei tur ani a ti charh charh a....
A khua alian em em lo bawk nen tlai thim hmulah chuan lal in pawh an thleng leh mai a, lal pa bulah chuan lianpui pasaltha chuan an kal chanchin leh zanin a tana channa tur an siam thu te leh, chutilaia zanin chu boruak en nan a, hun hman an tum thu nen chuan an sawi zung zung a, lalpa chuan in lo thleng chauh si a, zanin te chu han awm hajdam ve phawt ula mawle ti mahse Lianpuia te an ni tlat, zanriah eikhamah an channa hmun tura kal ngei an tum thu leh hetiang thil. Titu hi kan zawng chhuak anga a thiltih man hremna pawh kan pe ngei ang an tih tlat avang chuan lalpa pawh chuan dan enah a en lemloa, a thla pawh amuang aniang lalpa hmel ngui ruai thin pawh tunah chuan hlim hmel alo pu ve leh ta....
Zanriah an ei kham chuan an khaw ran rawn khawih thintu chu enge anih chiah hriattheihdan a awm mial takin tiin an chan khan an siamna lam chu an thian thum chuan an pan ta a, chumi zan chuan thawm riva reng reng hriattur a awm lova, theireh tak hian a reh vawng vawng mai a, chumi zan chuan thawm engmah hrelo chuan an tlingtla ta a...
Samthang khua pawh an lalpa lo dam tha leh tawh bawk nen nunphung pangngai tak nen hun an hmang leh tawh a, Liansangi pawh ei tha tinreng eia hahdam taka an awm takah chuan a sa pawh inphut mawi leh tan in ahma ai mah chuan a tha ta zawk emawni chu tih tur chuan a heh te pawh a sen no leh cher tawh a, hmana Liansangi kha alo chhuak leh ta, Thangtea pawh ahma zawng aiin a hlim in afanu chu angaihtuah lehzual a, samthang mipui ho pawh thiante ruala lo zawh ve hman ngei tumin kawla ni chhuak chhiarin ram lamah an tap chawt hlawm a, an lawm te nen an ri dar dar thin a.
Hemi kum hi buh a tha kher mai a, hlam nga bialah tin sawm an thar deuh vek mai a, lo zawh pawh ahranga siam lovin ahuhova siam an tum nghe nghe a, hetih hunlai hi samthang khaw nawm hunlai leh an vanglai ani bawk nen, samthang khua nih chu an in chhuan phah thin reng ani.....
Lianpuia te pawh ni li lai an awmna ani ta, an thlen hlima an thil hmuh leh hriat bak thawm dang leh eng riva mah hriatbelh tur an nei lo, Lianpuia chuan heti ringawt chu a dik dawn lo tlat, chaw chah kan siam angai dawn anih hi tiin lalpa melh pah chuan i se huang ami sela khu lan hman mai loh chuan tih theih dang a awm hrihlo ani an tih chuan lalpa pawh chuan nie in duh duh khu in kai chhuak dawn nia, a tha in tih ang ang khan ti rawh u tia phal taka alo chhan takah chuan chumi zan chuan hlawhchham an tumlo chiang kher mai....
An thlen hlima sial thi an hmuhna hmun ah khan lalpa sial chu an thlung ran a, an ni thian thum bakah an khaw pasaltha pawh hemi zan hian alo tel ve nghe nghe a, leng len ar a khuang chiah chiah tih chuan sial chuan hlauh anei tih hriat takin a hram/bu vak vak mai a, khua a thim chhah tha bawk a, enge tih chu an rin thlir tawp a, Lianpuia erawh chuan apa rochun khuanu vohbik mit chuan chiang tak chuan enge anih chu ahmu chiang kher mai, a thil hmuh chu awih harsa pawh a ti kher mai, mahse a tak ngeiin ahmu chu ani si a....
Engtia tih chi nge tih pawh ahrethiam mai lo, mahse an hun tha chu bawhpelh a tum reng reng lo, a che rang an tih em avang chuan silaia kah chu a rilruk ta zawk a, silai chu an lek kang a, sial thisen dawt mek tu hmulphurh chhe zet mai, tin sei em em nei, aha pawh thisen dawt thin tihtakah a seiin a ngho te chu a chhuak vurh mai a, sial thisen a dawt mawlh mawlh lai chuan silai a puak eng zawk mau a, chulai boruak pawh a in thlak nghal thawk a, Lianpuia chuan meichher kha siam ru an ti tuarh a, a tlan phei nghal a, sial bul ava thlen chuan a thil kah chu alo awm tawh reng reng lo mai a, an hawi kual vel a, ramhnuai lam pana aliam thla tur hi ahmu zuk hmu zuaih a, chu veleh a chem phawrhin heti lamah tiin a um zui nghal a..



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 6th, 2019, 7:58 pm

EPISODE 89

Rengpuia te chuan meichher siamsa a an dah chu an han siam mawlh mawlh a, an deh kai meuh chuan Lianpuia te thawm chu an hre phak tawh lo hle mai a, an tlanna nia an rin Lianpuian heti lamah tia a tlanna lamah chuan an rin tlan ve tawp mai a, Lianpuia chuan ahmaa chak taka tlan chu umin, i thlen theih chin chin ka thleng thei tiin khuanu vohbik Lianpuia chuan ala hman chhuah ngailoh leh ala hriat ngailoh, anihna ahmanchhuah thiamloh chu a hman chhuah thiam phah dawn ta...
Ahmaa tlan chu a chak bawk a, mual thum dawn lai chu a um hman der tawh tih pawh Lianpuia chuan chhut lo mahse la an inum ve hle tawh tih ahria, ahmalam kawng chhuka Lianpuia tlan chak lutuk chuan kawngtuma thingzung chu apal hlauh mai a, ani tluk hlau, a thil um a tlan chak si, abibo hman ang tih a hlauh em avang chuan a in chhuih pai thla khawt khawt chu an zuang pah zawk mai a, a tlan chak bawk a, sang takah chuan a kang chho a, a tla leh pawh chu akang ta nawlh nawlh mai a, ani pawhin mak a ti khawp mai, mahse kal chu a sawt nangiang mai le, a sawhin a sawt ani ber mai, rang tak tak chuan a sawt kual ta zet zet mai a, hmu pha reng mahse a umpha meuhlo kha ani a, mahse an sawh tak thauh thauh ah chuan a um pha ta vat a.....
A um pa chu sawhkhumin ahmaah tak chuan alo ding chat mai a, a thil um tlan chak lutuk chuan a rawn su pawp mai a, ani pawh inring penpawna lo awm mah nise a sutu tha anat em avang chuan a in bin phei tawp tawp mai a, a rawn sutu lah alum tawp tawp bawk a, Lianpuian a tuanranna hi hman hun ahre em em a...
A rawn sut rual chiah a a tluk pah khan a sutu ke kha a chem chuan alo tai kak zauh hman a, chuta te thawm chu Ramliana te pawhin an rawn ral hriat ruai ruai a, Lianpuia chu rang taka tho chhuak lehnghalin a rawn sutu lam chu ava pan nghal a, chuta a thil hmuh chuan ava barakhaih nasa tak em, a thil um ramsa ni awm tak mihring ni awm tak bawk, hmelchhe em em leh lianpui nia ahmuh kha ani si a, chu ramsa mihring thisen dawt chu mihringah alo chang mek hi alo ni a, a rak tuarh tuarh mai a, Lianpuia pawh chuan va khawih zui ta lemlo chuan a thlir reng ringawt a, a thawm chu nasa tak hi ani ringawt...
Lianpui khaw pasaltha chuan tlan hlawk hlawk pah chuan aw chu thawm chu kan hre thin alawm, vawi thum vawi li lai chu kan hre tawh, chutiang thawm kan hriat chuan se chal, sepui, se la, leh anaute an thi ziah a, vawk pawh pathum a thi tel thin tih thu te chu tlan pah chuan a sawi mawlh mawlh a, thutam sawina hun anilo, an hmaah enge thleng hriat anilo, chak tak chuan an tlan a, chak tak ti ila, meichher hnuaia kal an ni bawk nen chak puat puat chu ahrsat chang a awm leh thin tih loh ah chuan an hmanhmawh kher mai, an thianpa thlavang hauh mawlh mawlh in, kan lo kal ania thianpa lo zam reng reng suh an ti mawlh mawlh mai a...
Chu thawm chu anasa bawk aniang, khua a tang pawh chuan an lo hre pha ve bawk a, silai ouah rual chiah khan, lalpa chuan a tlangval ho a rawn tlanliam tir ve nghal bawk alo ni a, Lianpuia chuan a thil hmuh chu a thlir reng a, au tial ruai ruai chung chuan mihringah a inlet zo ta a, chu ramsa mihring thisen dawt hmang chuan han kal mai an tum a, mahse Lianpuian ake alo taina kha a chawnah tak mai niin alo kak duaih mai a, han kal thei chi zia zang anilo a thu ta hnawk mai a....
A thu rawn sawi chhuah hmasak ber chu chem kha khawi atanga i neih nge tih hi ani, Lianpuia chuan angaihna hrelo tak chuan alo en he haw a, a thil hmuh danglam tak avang chuan chet lak ngaihna hrelo leh chetlak pawh tum tawh chuang lo chuan chupa chu a en ngawih ngawih mai a, azawhna pawh chhan pawh a tum chuang lo, mahse Lianpuia chu i thing harh vatin, heng thil hi engvanga ti nge inih an ti let khauh mai a, chupa chuan thu sawp nuaih chung chuan a thawnthu a sei lutuk, ka phuba lakna anih hi alo ti sam et mai a...
Lianpuia chuan thil hriat chak tamtak anei, he thil thlen dan te leh a chhan te pawh ahre chak, zawh zui zel hman ani talo, a thiante an rawn thlenga, Lianpuia leh abula mihring lo thu nuaih an hmuh chuan an tumloh thil an hmu tih an mitmeng ah lang thei a, Lianpui khaw pasaltha chuan hei enge thilawmzia tia meichher a ava en chian chuan eheu nang, Lalpa phiarrutu khua a tanga hnawh chhuah kha ini maw enge hetah itih a an ti hehaw a, Lianpuia ne chuan aen tawn sek mai bawk a...
Lianpuia chuan thil ahre thiam uarh uarh mai, phuba tia asawi avang khan hun kal tawh boruak chu aman thiam uarh mai, mahse engtin nge hetiang anga ramsa anga awma, thisen te adawt tih erawh ahriat thiam phakbak a la hriat ngei tur thil pawimawh tak ala ni ngei ang le, Lianpui khaw pasaltha zawhna chu Lianpuia chuan chhangin heta sawifel chi pawh ani love, in lamah i hruai haw phawt teh ang u a tih takah chuan Lianpui pasaltha chuan an lal phiarrutu chu han hnungkhirh mai an tum a, Lianpuia chuan angai lovang tikhan a tawk hrih, ahun hma chuan tikhan awm rawh se a tih tlat avang chuan an inchhawm haw ta bauh bauh a....
Kal chak thei heklo le, ake lah akak duai mai bawk si nen, thuilote an la kal hman tih chuan lalpa tlangval rawn tirh te pawh in an rawn pawh mai reng a, an thil hmuh chuan lianpui khaw tlangvalte chu abarakhaih hlawm hle ni tur ani, an ka ho hlawm mai a, rin dan leh ngaihdan an sep ru sep sep hlawm a, kal chak thei heklo le, an khaw pasaltha chuan tlangval ho chu auin hlang han siam teh u, heti ringawt chuan kan thleng har dawn lutuk e, i zawn mai teh ang u a tih chuan an che sang sang a, kar lovah hlang pawh an peihfel mai a, hlangah chuan adah a, an zawn haw ta a...
Chumi zan boruak la hrevelo thawm hrepha si, au te thawm velin thaua aman nula leh nu naupang chenin mahni laikhum bel ngam hlawm heklo le, lal mualah chuan an thukhawm laih a, pa ho lah bang hek suh, lal tualah chuan meipui an chhep hluah mai a, an boruak chu rindan in lo seprawtui ve nasa mai a, anihna takah chuan he thil titu hi ramhuai emaw thla emaw anih an ring ber a, chuvang a hlau em em pawh an ni reng hlawm ani...
Lal leh khawnbawlte pawh mu thei bik hek suh an lo thlen hun nghakin an lo la thukhawm thap a, zanlai ar pawh an akhuang leh chiah chiah tawh a, boruak avawt deuh vur mai a, adawihzep lehzual. Te chuan ami deh dan dang riau an lo ti ve bawk a, meilum chu an an hnungpuak far a, ahnu rei vaklova kawtchhuah a meichher a rawn en tak ah chuan enge chanchin hre chakin an lo ding tai hlawm a....
An rawn hnai zel a, hlang an rawn zawn tih pawh an hmu thei tawh a, an rilru ah chuan Lianpuia te an che sual ta em ni tih chu an rindan ani a, an thil chan an khaw tibuai thintu lakah an tlawm ta mai em ni tih chu rilru ngaihtuah na ah a awm theuh hlawm a, an rawn hnai zel a, meipui en phak chin an rawn thlena hlang chunga thu an han hmuh chuan hmuh thianglo hmu ang mai chuan an ka ho mai a, an phun sep sep mai a, chancgin hre chak chuan an ring an fan an fan hlawm a...
Anihna takah chuan an zavai mai chuan enge thil awmzia chu an hre chak theuh mai, lal in kawtah chuan hlang chu an han nghat a, lal inah chuan an mi man pa chu an hruai chho ta a, lal in an lut chiab chu lal leh khawnbawlte pawh an thil hmuh avang chuan an meng tal. Tap tap hlawm a, lalpa chuan akhaw pasaltha chu melhin hei enge in awmzia hi an ti he haw a, ani lah chuan ka hre ve hman lo, hei pasaltha Lianpuia hian ahriat chian ka ring tiin Lianpuia chu an melh a...
Lalpa chuan anih chuan tiin lianpuia chu a rawn melh a, enge hei kan boruak hi tiin an zwt ve leh a, ani pawh chuan sawi tur alawi ahre bik hauh lo mai a, mahse an thil tawn ang ang chu ahrilh ta a, chutah lalpa chuan an miman pa chu melhin engvanga hetiang a ka khua rawn tibuai leh ngam nge inih, tun hma zawng in ka mi rin leh ka in nghahna ber in ni thin a, min phiarruin lalna chan beiseiin mi tam tak in ti khawlova, khaw in ngeihtak leh inlungrual thin tak pawh khaw hrehawm takah in chhuah tawh a, engvanga mi la rawn tibuai ngam nge inih le tiin banglaia chem chu phawia sah mai an tum a, Lianpuia chuan lalpa zahngai zahngai ahnen a tang hian thil tam tak hriat tur ka nei ani a tih takah chuan lalpa pawh Lianpuia vang chauhin a in bengdai hram hram a....
Lianpuia chuan an mi manpa hmaa zuk kun hniam in, i thil lo tih sual tawh lam ka zawt dawn lo che, khatianga i awm theihna thuruk kha ka hre duh ani an ti a, an mi man pa chuan ka vun hi lip vek mah ula ka sawi lovang, ka ruh hi vaw tliak vek mah ula ka hrilh dawn chuang lo che u, ka thih ni la la in phuba la turin ka mi leh sa te an rawn kal nghal anga, he khua hi a ding leh tawh ngai lovang tiin anui lui sak sak a....
Lianpuia chuan a chem chu phawrhin heta ka awm chhung chu he khua hi tu tihbuai mah ka phallo tih hria la, tumah ka hlau lova, an ngam anih chuan lo kal sela, nagmah ang hian kan lo man nghauh nghauh anga ani mai lawm an tih chuan a chem thiltih theihzia leh lianpuia chu mi namai anih lohzia te, khati khawpa ramhuai chakna hmanga a tlan chung pawha ala rawn lehkhalh thei te kha mak a ti em em mai a, a ruk tak chuan ahlau a, angaisang letling em em zawk hial ani...
Lianpuia vek chuan i sawi duhlo anih chuan alo la kal tur zing ami tal chuan asawi duh ang chu i thih ni la la in an lo kal ang maw an ti leh kher a, an mi man pa chuan aw an lo kal nghal ang a tih chuan a that chu tia lalpa melhin, lalpa i thu thu nise mahse naktuk zing tukthuan ei khamah lal mualah halhlum ni se tiin rawtna ka siam duh ani tiin akalsawn nghal a, lalpa chuan nangberin itih te chuan a tha alawm, tiin engpawh thle g se Lianpuia an bula a awm chuan an thla amuang em em mai ani, anmahni vanga he khuaa lala thu thei ani bawk nen, lianpuia pasaltha Thangtea fapa anih vang hrim hrim pawhin a thu chu tuman hnial an tum lova, a tuk zing tukthuan eikhamah alu tan a, hal tur tiin thu an ti tlu ta a...
Mipui chinchang hre chak tak tak te pawh an thu hriatduhte an hriat hnu chuan ngaihngam tak chuan mahni inlamah an haw ta hlawm a,tukthuan eikham veleh lal muala kal khawm leh tura in chah in an in mangtha ta hlawm a....
Smathang khua pawh an lal fapa leh a thiante kal chhuak lo haw veleh ahuhova lo zawh tura tiin chhungtin te an inpuahchah mup mup mai a, an phurin akhaw inlungrualna tizual tura an lalte rorel chuan samthang khaw mi leh sa nih chu a ti nuam veng veng mai a, hlim takin hun hmang mahse sukte pasaltha in tiamrual chu an hrang hle mai a, chung sukte pasaltha ho chu samthang khaw inlungrual leh hlim hmu theilo tu khawthlang khaw lal Zapauva chuan ruaiin samthang khua an tih chhiat vek theih chuan lawmman tam tham tak leh khawnbawla dah ah alo hmin diam mai a, heng Sukte rual ho hi mi pariat niin an hrawl in mi pangngai chunglam vek an ni nghe nghe a, hengho hian samthang chanchin leh a chhunga chengte chanchin hi an la hriat veloh vang ani mahna...
Lianpui khaw lal in kawtah chuan mipui pawh an tlim leh hmur tawh a, an thil hriat chak hre lo mahse Ann chunga hetiang ti duhtu chu dam reng tlak ah an ngailo theuh a, lalpa chu lo ding chhuakin mipui hmaah chuan vawiin ah Kan khaw tibuaia harsatna min siam thintu chu vawinah tihhlum tur ani anga, alu tan a, a taksa halral vek tur ani dawn a, chumi hmain sawi duh aneih chuan thu sawi se tiin engemaw tal hriat belh beiseina in thusawina hun chu lalpa chuan a pe a....
An mi manpa chu an en thap a, ahmalam hun chu huphurhna pawh nei awm pawhin a langlova, a tawng chhuak tawh dawn lo emaw an tih hnuah chuan a rawn khuh kharh kharh a, ka chunga in tih let aia tam inla tawrh dawn avangin vawiina ka chunga in thil tih hi lawm takin ka pawm a rawn ti tham tiak a, a thusawi chuan tlangval thenkhat thin a tirim kher mai, phatsantu leh phiarrutu kha tihlum vat rawh u tiin an au dual dual mai a, mipui lam a tanga nawrna anasat em avang chuan lalpa pawh in thu chu ape ta vat a, alu chu tlangval ho chuan an tan a, alu chu sahlam ah an tar a, a taksa erawh lalpa thupek angin an hal ral ta a....
An hal zawh hnu deuhah chuan an khaw chungzawn vel chu chhum dum chhah pui pui mai hian a hual tup tup mai a, chhum thlara ni zung rawn chhuak te chu thisen duk ang mai hian a sen duk nguk mai a, boruak lah chu avawt ver mai a, ngaihti thalo tur tawkin ruah mal lianpui pui chu a far fuap fuap mai bawk a, thli na tak thawk ang mai hian a ri vuk vuk mai a, ral khatah sihal a u ruah ruah mai bawk nen an ngaih chu atha chiah lo mahse ngaihtha taka ni hmangliam awmchhun Lianpuia erawh an thil tawn chuan a ti thinrimin hengho bu zawl hi ka tawn darh hma chuan ka haw lovang a ti chheu chheu mai a...
Kar alaiam leh dawn reng tawh mai, thawm dang engmah ala awm loh bakah enge thleng tur hriat loh nghaka awm reng chu thil ni thei ani berlo tih hria in, Lianpuia te pawh haw mai an tum a, an haw hnua engemaw alo thleng emaw, an rawn tibuai leh anih chuan a rang lama rawn hrilh vat tura an in tih hnu chuan an vangkhua haw tur chuan an inbuatsaih ta a, Lianpuia te haw tur chu an ngai hlawm hle mai a, nula thenkhatte phei chuan nirei cham rihla ngaihlai chhingkhual dy valmawi ti rilru neuh neuh chungin lo kal leh vat ru aw tiin an in vai liam a...
Samthang lam pawh lalfapa te lo haw nghak chauh an nih tawh avangin an awl thawng hlawm tawh hle a, Lianpuia te pawh kawnglakah engmah tawk lovin tluang takin an vangkhaw kawtchhuah ah ngei mai boruak thianghlim chu an han dawng vang vang a, uleh nau chhungleh khatte tual chaina hmun dam tak leh buaina awmlova an thleng chu an lawm hle mai a, an lawm na ti zual tu ber an nghalphusen lu hawn chu ani a, chu aia lian chu samthang khuaah hian ala luh loh avang in a ruk tak chuan an hlim veng veng mai ani....

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 8th, 2019, 7:34 pm

EPISODE 90

Ala hma bawk nen naupang an pung chak kher mai, ahria apiang mai chu kawtchhuah lam pan chuan an tlan hul hul mai a, lalfapa te an lo thleng tia naupang au lauh lauh thawm chuan khua a fan chhuak rang kher mai, miten an chanchin an hriat chak mai piah lamah salu lian tawk mai an rawn hawn tih thawm chuan an hmuh chak a tizualin kawtchhuah pan lo thei lovah asiam hlawm ani chek ang chu, naupang mai pwh ni tawhlo, awllen lai alo ni chho bawk nen, lianpuia te hmuak tur chuan tlangval, pa, nu, naupang ho leh nula ho chuan kawtchhuah lam chu an pan sup sup mai a....
Kawtchhuah thleng hmasa apiang mai chuan ava lian em em an ti zel mai a, angho te chu analhin alian tha em em a, naupang zawn pawh phal lovin tlangval ho chuan lal in lamah chuan haw haw chung chuan an zawn chho ta luih luih mai a, chumai an duh tawk lo, an sa phurh te chu chhawkin lianpuia te chu lalin thleng chuan an zawn chho a, chumi tlai chu samthang khua chu an ri hut hut mai a, salu lawm tu lah an tam, zu bel rawn chawi lut lah an tam, lal in ah pawh chuan an leng ta lova, lal in kawt zawlah meipui chhep in chumi zan chu salu leh an zinna lama an hlawhtlin lawm nan duhsakna thilpek tinreng nen hlim takin hun an hmang a....
A tuk chu hahchawl ve sela, a tuk leh ah akhuaa lo zawhna kan nei dawn nia tiin akhuaa lo zawh nei tur chuan an inbuatsaih ta mup mup mai a, lo lamah kal ngai tawh lovin an thlo zo vek tawh bawk nen, inlamah khawchhungah in thawm ngai a awm em tihte leh damlo an awm em tihte leh tul dang dang tia hun hmang tur chuan an inbuatsaih mup mup mai a...
Hetia hmalam hun thlira an rik mup mup lai hian sukte pasaltha ho chuan muangmarin samthang an rawn pan ve mek bawk a, an hruaitupa sukte hnam zingah pawh lalte pawhin an tlawn rawn pa rumra leh lian tak a awm bawr vel pawh sakei in ahamna velte pawh a ser do mai a, inringtawk tak chuan kan hmalawkah hian kan nuamtawlna tur khua chu a awm a, an lalpa an sawi ve ziah Thangtea kha kan that anga, kei hi lal ah ka thu nghal ang, khawvel hi kan thuhnuaia a awm hma loh chu kan chawl mai mai tur ani lo, chuvqng chuan nangni pawn in tha in thlah tur ani lovang a tih chu an pawm hle tih hriat takin anaute ho chu an bu nghat nghat hlawm a, chawlh pawh chawl rei lovin an tumram samthang khua pan chuan an kal leh ta a...
Lianpui khua pawh thawm engmah hrelovin ni 2 lai chu hun an hmang ta reng mai, a reh hlen turah an ngai fel hmiah mai a, mahse an mi man pa sawi ang tak takin a ni hnihna zanah chuan thawm rapthlak tak tak chu an hre chho leh ta mai a, an khaw pasaltha ten fiah tumin hma han la mahsela azia reng reng anei theilo, chumi zan chuan Lianpui khua ah chuan ramhuai ho leh mihring indona dar an rawn vaw ri hi ani ringawt mai, Lianpui khaw mipui mu thei reng reng an awm lo, chumi zan Chu an tlai var zak hlawm a, veng hmawra se huanga sial te chu hnehsawh taka theh lawp lawp ang hian an per nawlh nawlh hlawm a, an pasaltha pawh a hah kher mai, mahse fiah mai theih anei bik silo, lalpa te pawh an mangang khawp mai, Lianpuia thusawi engpawh thleng se min rawn hrilh vat dawn nia a tih chu hreh in inthlahrung viau mahse an mahni lo han pun tur hre heklo le, a tuka samthang kal nghala Lianpuia te pun chu an rel thlu leh ta nge nge....
A tuk zingah chuan ahmaa kal te bawk kha ahrechiangtu te tiin an in tir chhuak leh rawih a, samthang lam pawh lo zawhna hmangin khawchhung ah an Lalpa hovin an lo che suau suau mai a, khaw i lungrual tih takah an khuaah hian in thalo a awm lo hrim hrim a, veng hmawrah hmeithai an awm velova, hmeithai leh chhumchhia deuh chu lal mualah an awm vek a, khaw hmawrah mi pangngai chin awmin khua an hual chhuak vek a...
Liansangi pawh ahlim veleh tawh in a abiang te pawh a tai sen leh hlar tawh a, hrehawmna avanga mittui tla thin te kha lawm avangin alo tla ve ta bawk nen, a mum leh tang tawh a, ahmalam zawnga hmu tuten ahmelthat em avanga an en nin theih loh leh, en tawh pawh en nawn fo ngai, akal pelh ten an hisap zui thin alo ni leh tan ta bawk nen, samthang khua tlangval te pawh amah a vang chuan chakna thar an mei leh ta emaw tih tur khawp chuan an danglam hial ani....
Saimawia leh sena pawh upa la ni chiah lo mahsela khawnbawl upa ang maia an en an ni a, Thangtea chuan upa a siam a tum pawha heti hian kan tan a tha zawk e an tih tlat avanga upa la nilo chauh an ni a, a chhan chu engemaw thulh ah upa nih chuan chhuahvah a remlo e an tih vang ani a, khawchhung lam pawh khawih tur a awm vak lo nen, tlai lam chu awllen boruak in a ur thlu ani ange, nula tlangval lungleng te chu lal mualah chuan kal khawm in, an zai ta beng beng mai a, an hlim bawk aniang, an zai hre phak apiang nula tlangval mai nilo tar kiring chenin lamtualah an su zek zek e an tia lawm....
Chumi ni a an sial sa siam ah chuan samak sa pawh an thlak teuh mai a, chumi tlai an chaw eikham te chu kum upa lam te pawh an in vawrh lo chauh ani, zan lamah pawh lal mualah chuan rappui sanga an zu neih that leh engemaw chang chauha an tem thin ngei mai chu an rawn chawi chhuak hlawm a, chumi zan chuan lal Thangtea pawh lalnu nen lamtual an mawi zak zak mai a, lalpa pawk a chhuak ani teh chek ang chu a tuk leh ami tur a tan ase chal pahnih leh avawkpa sut nghak a rawn theh chhuak leh tlat mai, upa ho lah duai lo, lalpa chu an rawn do sap sap bawk a, a tuk chu awmni khama hun hman chu lamtual a thle buk buk chung chuan an rel thlu leh ta rup mai le....
Nula tlangval lah an phur, lo lam hna an zo vek tawh a, buh seng ala hla deuh bawk nen awllen lai tiin an am hlawm hle mai a, chutia hlim taka hun an hman lai chuan sukte pasaltha rual ho pawhin an rawn hnaih ve hret hret zel a, samthang khaw ram chin an rawn dai der tawh a, an hotupa chuan zanah nilovin chhunah ngei kan luh chilh ang, angam fa chu ka hmaah lo ding rawh se, kei Hrangmana hi insual laiin ka awm mai mai ngailo tih leh tunge ka nih hi an hre mai ang, chuvang chuan an khaw hnaih teah riahbuk kan sual anga tukthuan ei khamah Samthang khua an sawi ve ziah chu khaw en laiin kan thet darh dawn nia a tih chuan an pu ber chu ring tawk tak chuan an chak tawh thu an lo sawi ve tliar tliar a....
Samthang pawh an ri hulh hulh leh tawh a, ahma zana an lalpa leh lalnu lamtual mawi boruak kal chho zel chuan zing kar a tangin lalin pawh an lut chhuak sek hlawm a, a tua mai pawh chu aka ah pawh zen ila min seh lovang tih tur vek chu an ni a, an hlim em em vek mai a, Lianpui khua pawh an buaina chinfelsak tura an beisei te Lianpuia te khua pawh an ral thlir vauh vauh tawh a, meikhu a dum chho mgun ngun mai chu an hmu a, engtak chu ni ang maw tiin, phur tak leh inthlahrung tak chuan a hmanhmawh thei ang ber chuan an kal ta a, kha meikhu kha in kang vel chu aniin alanglova, engemaw tak zawng anih ka ring ihmanhmawh deuh deuh teh ang tiin a tlanin an tlan dawr dawr mai a....
Kawng chauh ena tlan dawr dawr an ni bawk nen, thil dang ngaihtuah hek lo le, ding rawh u tia au tuarh thawm chuan a ti phu zawk nghe nghe a, an han ding det a, silai cheng kau ri in a rual nghal zat a, pasaltha Hrangmana chuan thih in duhloh chuan ding rawh u, khawiah nge in kal dawn, a lo ti khur khur mai a, Lianpui khaw tlangval te chuan Samthang khuaa kal tur an nih tih leh an khaw buaina te chu an sawi luam a, pasaltha Hrangmama chuan chu mahni khua pawh humhim zo lovin mi khua in ti buai dawn anih chu, chutiang ang mi dawihzep, pasaltha pawh in awm ve nange in khuaah chuan an ti el sak a, Lianpui khaw tlangval te chu an ngawi ran a, Hrangmama bawk chuan he khuaah hian chutiang anga huaisen chu an awm em ni reng reng chu chu tunge ka hmaah hian a ding ve ngam angem an ti leh a, Lianpui khaw tlangval pakhat zawk chuan ngam loh an neilo an hlau miahlovang che, samthang lalpa leh a fapa hi pasaltha ka hriat tawh ah chuan an chungnung lawr lak an tih chuan Hrangmama thin tertek in a tuar talo, chu tlangval inrinloh lai chuan biang dinglamah chuan an hnek pawp mai a, tlangvala pawh a inring lolai alo ni bawk nen, ahmektu tha a na bawk nen lu hai burin a thal Huang mai a.....
Hrangmana thinrim a reh mailo, chutiang anga ahmaa amah aia fak zawk mihring chu hmuh hlan anghak hlel hle mai, phuar hlawm rawh u, ka that lova an vannnei kher mai, pasaltha nilo ila chuan an lu ka la ngei ang le, phuar ula khati lai thingse kung ah khan tawn bet rawh u, an tawng hnem lulai lutuk an ka kha hnawh bawk ula, keini pawh ikal teh ang u, infiam tur kan la nih kha tiin an chaw ei bang chu a chhir darh uaih uaih mai a....
Ramhnuaia chaw eibang thehdarh emaw tihnawmnah hi upa in an duh ngailo kha ani a, mahse mi chapo kei ka ni in ti ve tawk tak, ahma ah engmah dal. Theitu awm lo turah a in ngai hmiah mai a, chem vilik pah chuan asira thing banrek tiat tiat te chu ka chem hi ahriam tawk em tiin a fik chho hmawk hmawk mai a, chung thil te chu anaute lawm leh chak tih ahlawh em em a, a nau ten ehe an han tih deuh te chu a ruk tak chuan alawm em em mai a, anui leh ver ver thin a, chutiang anga beiseina sangtak leh indahsang tak chung chuan Samthang kawtchhuah chu an chuang kai der mai a....
Akhua an han hmu chu alian hi an ti hle mai a, Hrangmana chuan anuam. Dawn e, ti rawh u thu teh ang u, vaibel i zu teh ang u, kan vaibel pak tawpna ber tur pawh ani mai thei a, kan hming kan chherna tur pawh ani mai theia, thlifim i dawng teh ang u a tih zawh chiah chuan an zinga pakhat chuan chu eng thawm nge he khua ah hian lawithat zan lawm. Tur an in hawrkhawm ani lomaw, an thawm chu hlim thawm ani chiah mai, an reh duk danah hian an tih chuan Hrangmana bawk chuan anuam hle dawn zel e, kei zawng vaibel zuk pawh a tui nek love ikal teh ang u tiin a tho a, akal ta daih a...
Anaute ho pawh chuan an zui ve mai a, kar loah lal mual pawh an thleng chho mai bawk a, Hrangmana mi chapo, mahni tawka chak inti ani bawka mipui bukna laiah lutin a su kaw chho sawt sawt mai a, amah apa te lemlo bawk a, a chak ve khat bawk nen, a kalna leh anaute kalna na na na chu a phen darh hneh hle mai, lal muala lalpa thu sawi lai pawh pawisa hauh lo chuan a rawn au ta vak mai a....
He khua ah hian pasaltha in lalpa chhan ngam in awm. Em an ti tawl mai a, chu thu chuan samthang valrual rilru thianghlim thin a ti thawk hle mai, an lo chhuak suau mai a, lalpa hmaah chuan an ding suau mai a, chu thil chu Hrangmana beisei phak hauhloh thil ani, mahse mahni inringtawk tih takah a rilru te te in anuam dawn e tiin an au zui leh a, anih tunge ka hmaah in lalpa chhan tur chuan lo kal dawn cheu, nge a fapa kha in rawn chhuah dawn, anih loh chuan in lalpa leh afapa lu kha lal in chungah ka khaiang an ti leh a, milu hi lal in chungah an khai ngailo tih chu an hre hneh hle a, chu thu indeusawhna leh in thamlohna aw chuan pasaltha te ngeng chhunin che lo theiloah a siam ta...
Nau zawkte pawh kian hman lo chuan saimawia leh sena an dawk chhuak zawk, mahse u te chet tir tumlo Lianpuia leh Rengpuia leh Ramliana an rawn dawk chhuak ve zawk bawk, tlangval ho thinrim lah an su dual dual bawk a, Hrangmana chuan mipa leh mipa chu mal leh malin mawle tiin nui sang chuan alo khi vur mai a...
Tumah an la kal chhuah hma si chuan tpangval tuaitir pakhat thinrim em em mai, an hlim lai rawn tibuai thut tu Hrangman te leh samthang pasaltha rual karah chuan a rawn tla zep tlat mai a, chem pawh leng lo chuan Hrangmana chu apan ta mai a, ani lahin naupang tuaitir chu alo hneh nasa mai si a, tlangval tuaitir chu a ek thawt a, alu leh a taksa chu a tla hrang nawlh mai a, chu thil chuan samthang val rual thin a ti rim zual hle mai, mahse an hmaah an pasaltha te an awm a, tlakkhalh erawh an tum lem lo va....
Hrangmana hi mi namai anilo tih leh ahuaisen hle tih chu a chezia a tang hian ahriat hle a, a inringtawk hle tih pawh ahriat theih bawk a, khatiang ang naupang chumchiap khan min tlawn suh u, min bei ngam in awmlo anih chuan in Lalpa leh a fapa chu rawn hruai rawh u, a ti lang Lang mai a, Lianpuia chuan ka pa nena kan hming alam avang hian ka kuta awm tur ani, ka pa sen ka pa sawimawi ka thiante u hei chu ka kut ah dah teh u, kan tlangval kha zui ve vat sela a tha zawk ang a tih tlat avang chuan lalfapa anih na laiah an hnial ta bik lova....
Ramliana hian Lianpuian chem akenglo tih ahriat veleh lalinah tlan lut nghalin a thianpa ipte a chem apa pasaltha Thangtea chem a rochun chu lain thianpa kha i chem tiin an vawr thla a, Ramliana chuan Lianpuia chem hi adanglam bik niin ala ring ngailo, mahse ahum chiah khan mak tihna riau anei tlat mai a, azang em em a, a thir lah a tle em em mai a, afawng lah ahnum tliang hlarh mai a, hnum nal viau awm tak vawn anghet charh mai te chu mak a ti em em a, chem dang ang ngawt chu anih dawn loh kha, nakinah ka la zawt khawp ang, tiin insualna lam chu ahawi ta zawk a....
Lianpuia chuan Ramliana chem rawn theh thlak chu chhar pah chuan chem hman pawh angai dawn amawni le an ti ve deuh kher a, chu kher chuan pasaltha Hrangmana thin a khei zak mai, thinrim engphiar chuan a pan ta rawk rawk mai a, chu thil chu Lianpuia thil tum ani hrim hrim a, tumpuite tih thinrim hmasak te te a, ngaihtuahna fim hmang theilo khawpa an chet hun an nghak fo thin...
Lianpuia chuan alo nghak ran a, a rawn hnai zel a, Hrangmana chuan a chem rawn vai phei zawk zawk pah chuan naua he ti laiah hian ihma ami ang bak khan i thi dawn tunge ka nih hi ihria ang tiin Lianpuia lu chu rawn sah chhawk zawk tum chuan a chem chu a rawn vai tle phei zawr mai a, Lianpuia chu alo tawlh hnung zauh a, khawih pawh ala tum lo, nidang chu nise a insualpuite chem vai kar lakah rang nalh takin alut leh zauh zauh tawh tur hi ania....
Lianpuia chu aper nelh nelh a, a che a ran em avang chuan Hrangmana te ang tuan fum tawh tan chuan han khawihfuh theih zia zang ani lo, Hrangmana lah a thinrim tulh tulh mai si, hetiang ang em em a mihring cherang hi ala hre ngailo hrim hrim , Lianpuia chuan a tlan kual tir char char mai a, hah pawh ahah ngang tawh mai, Lianpuia lah chuan Hrangmana chem rawn vai bum pah a, na lo te a va ben a ching leh nghal a, samthang val rual te pawh thinrim viau mahse an lalfapa chet dan chu an lawm em em mai a, a chang leh kut an beng leh dar dar thin a, a chet dan leh a awm eu kual vel leh a chhaih thiam lutuk chu Hrangmana a thinrim tulh tulh mai a, mipui lah an nui hluah hluah thung a...
Vengchhak tlangval nuih duh phei chu pum dawmin lei charah alo let tawp tawp a, Hrangmana naute ho pawhin angaihna reng reng an hrelo, a ruk tak chuan an zak ru veng veng tawh a, an pu chu han puihna chi anilo, mal leh malin tia pasaltha in a sawi avang chuan an che mai lova, mahse an zinga naupang ber chu alo che chhuak hman tlat, silai a ri thuai a, Lianpuia inher leh tur chuah chu alet hlawl mai a, mipui nui thawm a reh nghal thuap a, Hrangmana lah chuan pawu tih hmel loh tak chuan a chet hun ani tih ahre chiang kher mai....
Lianpuia lu chu lak ngei tum chuan a pan phei a, saimawi leh sena leh Lianpuia thiante an tlan dawk chhuak nghal, an ni aia hnaihtu zawk hrangmana chuan Lianpuia samah chuan a tham kang mek a, mipui an e dual a, hmeichhe ho phei chuan an en ngam tawhlo, an hmai hupin an lalfapa an chan tur chu an mittui tlain an lo inhnit faih faih hlawm a, Hrangmana chuan a thinrimna zawng zawng chu Lianpuia chungah chuan hrikthlak a tum chiang kher mai, saimawia te ho thleng hman hek lo le hrangmana chuan Lianpuia nghawng zawn ah chuan na mangkhengin a chem chu lek kang in an vai thla zawt mai a, thisen a per tuarh a, mipui an te tuarh a, lalnu pawhin ka fapa tiin a rawn au chhuak thawt bawk a, lal muala lu neilova let rengte pahnih chu an thlir vawng vawng a.....

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 14th, 2019, 8:20 pm

EPISODE 91

Saimawite chu rilru na tak chuan Lianpuia lam pan chuan an tlan zel a, mahse an thil hmuh chuan a barakhaih kher mai, Pasaltha Thangtea an lalpa ni bawk chuan engtik laiin nge anmahni ho chu alo tlan pelh tih reng reng a hrelo,midang pawh chuan an hrelo, mitkhap lar lek ani, an va hmuh leh chuan Hrangmana zawk chu lu neilo tih hriat tak chuan Lianpuia bulah chuan a tlu thlawrh a, Thangtea chuan Hrangmana lu chu lek kangin Hrangmana naute ho hmaah chuan theh phei pahin tumah damin in haw lovang, tiin apan phei ta chhek chhek mai a, chu thil inthlak thleng rang lutuk avang chuan angaihna hrelo chuan an hawi ka ho hlawm a, Lianpuia lu chu Hrangmanan ala daih tawh a an rin tehreng nen, amah zawk chu lu nei lo chuan lal mualah chuan alet tual mai chu ani si a, mipui hlim lutuk chu an au chel chul mai a, Lianpuia chem thlauh chu apa chuan chharin lehlam lehlama chem kengin a tlan phei nghal a, Hrangmana naute tan tih theih avang kher mai....
Thi tho tur tih an inhriat chian em avangin lo beihlet bak tih theih an neilo, mahse keipui chhaihkawlh chu nep tak ani, chem lek kang hmasa apiang a ek thawt a, thisen a chik nghal tuarh tuarh zel a, saimawia te pawh Lianpuia bul an thleng ve chiah a, a thenin Lianpuia an bawihsawm nghal a, an lalpa lamah mi then khat an tlan nghal bawk a, mahse midang thlen hma chuan Hrangmana naute ho chu a that fai deuh vek a, pakhat la dam erawh Thangtea chuan a chhipsam zialah manin lal inlamah ahnuk phei a....
Samthang khuaah hian Thangtea che tla lai hmu ngailo tam tak an awm tawh a, chutia an lalpa a che chhuak leh rang em em a, a vir kual te chu mipui ho chuan mak hi an tiin an lalpa chu an ngaisang lehzual em em a, ahmu thin tawh te pawh in an en ning chuang lo, lalin lam pana alo kal phei lalpa hmel hmu apiang mai chuan lalpa hmela thinrimna mitmeng sen rum Kara sar lo zam kalh te chu mak tiin an lo thlir a, mak ti hle mahsela an hlau hauh loa, chu hmel chuan mipui chu a thlamuan em em zawk ani, hetiang ang em em hian an lalpa hi a thinrim an la hmu ngailo a, biak pawh an be ngam lova, lal in lei ka pui banah chuan Hrangmana nau la dam chu aphuar mawlh mawlh a, aphuar zo a, a fapa lal ina an zawn lut chu a zui chho ve nghal a....
Lalpa lal ina a rawn lut chu kalna an lo kian sap sap a, lalpa lo luh veleh chuan Ramliana leh Rengpuia chuan hrilh ngai lovin an lalpa phuarbeh pa chu khawilam mi nge tih te dawp chhuak tur chuan lalin an chhuahsan ve nghal a....
Lianpuia pawh avannei kher mai, a ruh engmah khawih loin a banbul. Invuahna bawr ruh khawih silo in, zak hnuai lam mah ah hian silai mu chu alo lut a, bawlpu chuan awle anawlpui chuan i chhuahsan hrih ang lalfapa hian boruak tha amamawh e, tiin mipui lalin chhunga awm te chu an hnawt chhuak a, an samak sa chu an barh hawng hawng a, lalfapa ani bawk a, ahliam ah chuan sadawt chuan a damdawi neih that te chu hnawihin a tuam a, an mut ta zan mai a....
An boruak pawh asaisa zo ta nuaih mai a, rawlthar thita pawh tlangval hoin an lo senghawi mek bawk a, Ramliana te thiandun pawh lalinah an lut chhoin an khaw daiah tu emawni mi pahnih kan khaw lama lo kal tur an phuar thute an han hrilh a, lalpa pawh a thi rim zualpui alo reh tawh bawk nen, chuti chu Tlangval thenkhat hruai ula, zuk hruai haw rawh u khawilam mi nge an nih reng reng, kan miman pa pawh kha lalin chhungah hian rawn hruai lut rawh u, a tih chuan Ramliana te thiandun pawh chhuak leh nghalin an miman chu lal inah an hruai chho a, chumi hnu chuan an khaw dai lam pan chuan an kal leh nghal a....
Sukte tlangval ka atanga an thu hriat chuan samthang lal leh khawnbawlte a thinrim takzet ani, tlangval ten an hriat hunah engtin tak ngai ang i maw le? Mahse an la hre ngei dawn si a...
Ramliana te pawh an khaw daiah an thlen chuan an thil zuk hmuh chu mak an ti hle mai a, Lianpui khaw tlangval anmahni rawn ko tu te an ni tih Ramliana leh Rengpuia chuan an hrethiam mai a, engemaw tak an tawk anih an ring thiam nghal. Bawk a, thil tam tak inzawhna hman anilo an phuarna an han phelh chu an thu hnawk mai a, riltam nen tawhsual an tawk bawk nen kalkawng kal chau nen tawng pawh an tawng tha peih meuh lova, zawn an duhloh avangin an zawn haw lo chauh ani...
Tlangval khaw chhuahsan te leh an khaw tlangval ruang buaipuitute pawh lal mual an rawn thleng leh hlawm tawh a, Lianpui khaw tlangval na tuar leh tamchhawl te pawh lal in ri hut hut leh boruak ipik lutuk chu an zawhloh mai hlauhthawn thil. Thu ah, upa te inah an hahchawlh tir a, samthang boruak an han hre lehnghal phei chu an ipik in an chauh a ti zual ngei mai, mahse lalpa duhsakna changin samak sa chu an eitir hnu deuh ah chuan an muhil ta siai siai a....
Samthang val. Rual ten an khaw tibuai tura rawn tirtu leh lalpa leh a fapa that apiang upa mina hlan kai tur tia lo tirtu Zampui khaw lalpa Chhunthanga khua chu chumi ni la la a va luh chhuah chu an duh hle mai a, lal mualah chuan an au rual. Thup thup mai a, mahse an lalpa chuan rem ala ti rih tlat lova, a chhan chu mipa takin an rawn lut a, mipa takin kan lut ve tur ani, ka fapa dam sela hun leh ni kan ruat dawn nia tiin tlangval ho chu a hmin thei hram a....
Zampui khaw lal leh upa te ho chu lusei lalte zinga mi cgung en ni mai tawh tura in ngaiin an tawng chapo hle mai a, zu bel hnih lai an sawhkeh nghe nghe a, lal Chhunthanga chuan ka lalna tlang ka zauh hunah, ka fapa leh ka upa min leh upa dang pahnih ten hian hetilai hi in luah zui anga, kei leh upa paruk ten samthang kan luah zui anga, he khawvel hi lan kutah kan dah anga, lusei lal zawng zawngten ka hnenah chhiah an pe bawk tur ani anga, hausak leh ropuina chauh lo chuan min hmuak lo ve tiin an nui ham ham a, enge an chungah thleng dawn tih hria se chuan an tih hauh loh tur lakah kut an lek lo tur hi ania le.... Ka rilruah he thu hi alo lut, ropuina Lalpa kha chatuan Pa ani tih hria selang chuan an khengbet lo tur tih hi....
Zan lamah chuan samthang valrual te chuan lal in leh a chhehvel an mawi khup mai a, a tukah dam Takin an lalfapa te chu an rawn tho chhuak leh angem tih mawlh mai chu an rilru ah a awm a, chumi zan chuan tlangval zawlbuk lawilut pakhatmah an awm lova, lal in ah chuan an khat hmur mai a, lal ina lenglo pawh pawn lamah meipui chhepin an tlaivar zak hlawm a....
A tuk ni chhuak chu tuk dang ai mah in a eng no nalh emaw tih tur chuan a eng sen no phut mai a, tua mai pawh chuan nalh an tiin an dinhmun hriatpui turin ni pawh alo chhuak anih hi an ti hial a, tukthuan eia haw ta te pawh lo kal khawm lehin lal mualah chuan an thu leh thap tawh a, chungturni pawh vanlaizawlah ahnim ruai mai a, lal in a tanga lhuh kharh kharh thawm chu tunge tih hranpa angailo, an lalfapa ani tih chu a aw a tangin an hre hneh kher mai, ka tui in ahal a rawn tih chiah phei chuan nula ho chu an ding suau mai a, lawmlo fa awm heklo le, a tu a mai pawh chu an nui sang vek mai a, chaw te a ei bawrh nghal bawrh a, dam taka alo harh chhuak leh chu amah chang anilo mi zawng zawng an lawm a, ni dul ruai pawh a lo sa tang veleh at tawh bawk a, an rik nak nak lai chuan Lianpui khaw tlangvalte pawh an rawn harh ve a, chutia an hliam leh an taksa na te alo bo duak mai leh ahma ai maha an lo chak zawk ta chu mak an ti em em mai a, samthang khua an ngaihsan chu a tih zual. Phah em em bawk ani....
Lianpui khaw tlang al lo kal chhan tur chu Lianpuia chuan a ring thiam mai a, mahse han sawihona hun ala awm lo bawk nen, samthang val rualte lah Zampui khua va luhchilh chu an chak et et hlawm mai bawk a, lalpa chuan rem ala ti tlat lova, chhan tha tak zawng a awm ngei ang, an mi man pa pawh chaw pawh an pe tha ngiang mai, amah ngei nena Zampui khaw thlen chu a duhdan anih avangin tumah in tihnat loh tur a ti nghe nghe a...
Lianpui khaw tlangvalte an lo harh tawh tih lalpan ahriat chuan akoh tir vat a, an lo kal chhan te chu a zawt a, anni pawh an inthlahrung tawh khawp mai, mahse an hun tawnin zir miau hek lo le, Lianpuia te haw a tanga ni reilo teah ahmaa an khua a tanga an hnawhchhuah pa in a sawi ang ngei chuan mihring ni chiah silo ramsa ni chiah siloin a rawn tih buai leh tak dan te, an chetran em avanga an khalh hman loh thin zia te, an khaw tlangval paruk lai an thih tawh thute leh hetiang chuan an khua an mang mai an hlauh thawn thu te, heti lai rawn kal pawh aharsat thu te, an rawn kal hma ni a lamkal tura an tih tlangval pahnih khaw dai maia an boral dan te chuan samthang lalpa leh upa rilru ahneh hle mai, lalpa chuan engpawh nise in thlen inah lo va phei leh ula, engtia tih tur nge kan lo rel anga, ka fapa pawh ka lo rawn ve leh phawt dawn nia tiin an inthlah ta hrih a...
Samthang boruak chu tihtur hmachhawp leh tih ngei ngei ngai akak tuai mai a, enge tih hmasak ber tur tih pawh hriatthiam ahar kher mai, thangtea chu a khawnbawl upa ho nen chuan muk tak maiin an sawi khawm nak nak a, thumum tha nelh nawlh a awm. Hleithei meuhlo, mahse lalpa chuan engpawh nise Lianpuia hi be rawn hmasa ila, a thutlukna ah i dah ang u, Zampui khaw lam pawh a tul chuan ka hoin kan kal mai ta lawng a tih takah chuan nie mawle akal tura te thu thu a ni alawm an lo ti ve hlawm a.....
An ri nek nek a, zanriah pawh kil ahun hnai thuak mai, Lianpui khaw tlangval te chu a rukin an hmanhmawh em em a, han tihlan chi ni hek suh le, lalin lam pawh an titi muk kher mai, lalpa chuan hei i hmuh leh hriat angin kan khual thate hian an beisei hle mai che a, kan tlangval ho lah Zampui lam kal an rawt in an chak zek zek tawh mai bawk si a, enge irilru ni le an tih chuan Lianpuia chuan kapa i thu thu ani mai e, i tih ang ang leh tha itih ang apiang ka pawm vek e alo tih chuan, thangtea chuan chuti anih chuan min mamawh tute kalsan hi a remlo a, naktuk zing vartianah in chhuak dawn nia, chutiang tur chuan hruai tur te i neih chuan ilo zai dawn nia, Zampui lam chu rawn ngaihtuah lola, i kova tla chu engpawh nise i phak tawk chin chu hlen chhuah i tum tlat dawn nia a tih chuan Lianpuia chuan alu alo bu nghat nghat a.....
Liansangi han tha chhuak leh chu ahun lai na na na chu nula zingah a to fal nalh a, tlangval te duh rawn ani a, ngaizawnglo fa hi an awm awm love, naupang chenin an ngaina em em a,lalpa se chal huaibak zet mai se dang pawh ngaithei hauhlo, mihring pawh sik tuma um mai zel thin a awm a, pa pakhat ramkal tur pawh a rawn nawr let a khawchhungah an in um. Zar zar mai a, lal ina tlan luh ngei tumin chupa chu hlau hlawpin lal in a rawn pan a, Liansangi kawtlai lo awm lai tak ani a, insaseng ve hman heklo le, a um pa lah lal inah a tlan lut daih tawh, Liansangi awmna vel chu a khu rum rum a, lei khu vel a reh a, an thil hmuh chu ani tun thlenga an la sawi, kha se pachal huangtau zet mai pawh khan hmeltha chu alo hre ve anih dawn kha an tih phah hial ani, Liansangi bulah chuan alo bawk hle hle mai hi alo ni a, a rawn um pa lah in mak ti bawk, angaihtuah chhuah apiangin azak leh hnuhnawh hi a sen leh tawn tawn fo thin reng ani.....
Chutiang anga no nalh hmeltha chu rimtu leh duh dertu pawh angah khawp mai a, mahse a tihsual nasat tawh avang in pasal neih emaw a tum tawh lova, a pa ten an tilui anih ngawt loh chuan, hetia avanglai anuleh pa a u leh naute bula hman hi a thlang em em tawh zawk ani, Liansangi hi analh em em ani tih ahriat chian na chhan chu, pathlawi akal pelh tawh mipatna tholo an awmlo an ti hial thin, chutiang khawpa hmeichhe nalh, mipa duh kimna hmun chu ani a, Liansangi awm tawhna ah mipa an thu hle hle theilo ve tih khawpa itawm leh duhawm ani a, hnawihsen tel hauh lo pawh a, sen no chek te chu mipa tan thlir nin ahar lah tak reng a, Liansangin thing aphurh ve dawn ni chuan in awm tlangval leh naupang, leh pathlawi ho hian an zui fai vek thin nghe nghe ani,chutiang khawpa hmeltha duhawm chu ni mahse ahun kal tawh vangin mipa erawh a thinlung hawnsak a tum chhin tawhlo ani....
Lianpuia te pawh khawvar det deta chhuak an ni bawk a, ni sat hmain an thleng hla hman khawp mai, hetiang chuan ni tam ani dawn love, tah hian i chawl ila kan chaw fun te i thet teh ang u, riltama kawng kal. Zawng kal chak ahar ngai e tiin luite bulah chuan tukthuan ei tur chuan an chawfun chu an thet darh ta a....
Samthang val rual lung a awi thei ngang lo, lalpa leh upa te val upa ho te paqh chuan an dang zo ta bik lova, mahse ni khat thil thua in khat a tanga chhim leh hmar a inthen a thalove an tih avangin Lianpuia te kal tuk tuk leha Zampui pan tur chuan samthang val rual te chu an in buatsaih ta mup mup mai a, lal Thangtea pawh kal ve ngei a tum thu an hriat phei chuan tlangval ho chu azat hian an za cheng hlawm a, a chhqn chu an lalpa hi an hre chiang em em a, abul a ramkal te raldo te anawm zia an hre chiang a, la hre velo te hlei hlei in a bula ral rel chu an chak a, lalnu leh Liansangin dang viau mahsela mipa in ka kan ang anih chuan kan hlen ngei tur ani dawn lawmni, dam in ka lo haw leh anga hlim takin chhungkua kan inhmu khawm leh dawn alawm tiin anupui te chu alo h em ve mawlh mawlh a....
Ni thum ni chhun valai ah tak, ni pawh a tilui emaw tih tur khawp chuan a sa a, Lianpui khaw kawt chhuah chu Lianpuia te chuan an chuang chhuak hlawl mai a, thlifim an han dawng vang vang a, chhemdam thli nge nge an hah te pawh a chhem dam sawng sawng mai le, an hahte a dam deuh hnu chuan lal in lam pan chuan an kal leh ta a...
Lalpa pawh chuan alo lawm thiam hle mai a, ahmaa lo kal tawh an nih avang chuan an inhre tha tawh a, an lo be lumlam nghal bawrh bawrh a, an khaw chanchinte pawh a kip akawiin an lo hrilh leh a, ahmaa an kalpui thin an khaw pasaltha pawh a thi pawlah alo tang tih an han hriat phei chuan Lianpuia te chu an thinrim. Em em mai a, engtianga hma lak tur nge niang tiin angaihtuah neuh neuh a.....
An thlen zan chuan buaina namenlo an tawk nghal a, zanriah an eikham fel awrh ang tih ah chuan tleirawl a aw pawh tilpawr aw ve tawh chu man bet tu awm tih hriat tak hian ramhnuai lam pan chuan min chhan ru tiin a au thla vawn vawn mai a, chu aw chuan mibik Lianpuia thinrimna a cho chhuak chiang kher mai, lalin a tang chuan a duk chhuak nghal zawt mai a, a thiante pahnih pawh chuan an zui ve nghal a....
Thawm pawh an la hre viai viai a, Lianpuia chu ahma ang bawk chuan a zuang leh theuh theuh mai a, thawm awmna lam pan chuan a zuang tlan thla char char a, a tlan chak bawk a niang, au ri pawh a lian leh ta hle mai, apa angin zan mah nise khaw en lai ang mai in ahmu a, ahma lam mual lehlamah chuan chu rawlthar chu an dah ni ngeia rin theih tur hian thawm chu chulaiah chuan a tawp a, a thih hma ngeia chhan hman ngei tum chuan a aia chak chuan a tlan zuang zawk zawk mai a, rawlthar awmna pawh ava hmu thuai a, mahse amah chauh nilovin abulah chuan ahmaa an man ang mihring ang deuh ramsa ang deuh tin sei em em, hmulphurh chhe zet mai pahnih, an ha te chu thisen dawt thin tih talah asei em em bawk a, chutiang ang pahnih chuan chu tleirawl thisen chu dawt tum chuan an lo sawngbawl mek a.....

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 22nd, 2019, 6:09 pm

Episode 92

A thil hmuh chuan Lianpuia chu a ti thinur zual kher mai, au thawt pahin kha naupang kha khawih hlek suh u tih pah chuan apan phei nghal a, chutianga mihring an mahni aia chaklo leh an duh duh a an hneh a an tih kual mai mai theih in chutianga hlau miahlo a anmahni a rawn khap ngam leh a rawn tibuai ngam chu an thinrim kher mai, an riat nawk nawk a, an au khawk rum rum mai bawk a...
Naupang pawh ngaihsak zui chuang lo chuan anmahni rawn tibuitu chu an pan ta zawk a, Lianpuia chuan engtianga chak leh tha nei nge an nih tih ahriat chian em avang chuan fimkhur angai hle tih ahre chiang kher mai, mahse tlawm erawh a tum hauhlo, a tul anih chuan keimah pawh ka thi mai ang tih rilru pu ran, fimkhur em em si chuan alo nghak tau mai a....
Lianpui khaw lam pawh an buai na leh thawm riva chuan mitin mai chu a chiah hneh ngang mai, naupangte thisen dawtten an lak tak inah pawh Lianpuia te zui velo nuleh pa an khat hmar mai a, Lianpuia zuitu tlangval thenkhat te leh Rengpuia leh Ramliana te pawh khua thim tawh avangin an duh anga chak in an kal thei hauh lo mai a, Rengpuia phei chu a insawh a insawh tawh a, Lianpuia thlavang hauhin a tawng chhuak leh zauh thin bawk a...
Thisen dawtte pahnih leh Lianpuia pawh an inbei nasa nangiang mai, mihring tha mai chuan hneh bik hek suh le, a chau ve hle tawh mai a, thisen pawh ahlauh nual tawh bawk a, a chem lah a thlauh daih bawk si a, a rilru chu akal thui kher mai, mahse zam in tlawm erawh a tum lo chiang kher mai, thisen dawt pakhat lo kal hnai leh chu akut ding lam chuan alo hnek bur mai a, mahse na ti hmel reng reng a pulo, pakhat zawk in a rawn zuan ve leh bawk avang chuan chet lak aharsa kher mai, pakhat zawk chuan Lianpuia kea manin a vawrh nawlh mai a, Lianpuia chuan khiangkung va dengin khiang pil pawh a khawk hlawk nghe nghe a...
A taksa te chu na lo lai a awm bar tawh awm love, an hnehsawh si a, an han theh phar velte chu an nui leh uarh uarh thin a, zawhtein sazu a chhaih ang mi chuan an chhaih a, Lianpuia lei a tlak rual chiah a, a thil delh chuan tha thar pein chaksawt hian a inhre hial ani, thei leh theilo chuan an en chianga a chem thlauh ngei kha alo ni a, engtiangpawn rawn bei mahsela a chem chu thlauh leh ngai tawhlo tur chuan ahum nghet sauh sauh a, a tha tawp chuan a ding leh hram hram a....
Thisen dawt pakhat zawk chuan Lianpuia rawn dingchhuak leh chu enin kan that nghal law law teh ang che ti ni awm takin Lianpuia chu a rawn pan hnai a, mahse a cho sual ta, thisen dawt in a rawn man rual chuan thisen dawt banah chuan alo rin ve hrawih a, ahma ami ang bawk chuan a rum hluah hluah mai a, ramsa bawrchhawr lutuk kha mihringah alo inlet tuam tuam mai a, chumi pah chuan a thianpa chu koin tlan rawh tlan rawh, a chem ken hi kan thihna tur chem anih hi a ti tuarh tuarh mai a, thisen dawt pakhat zawk chuan thilawmzia hrethiam nghalin naupang pawh ngaihsak tawh lemlo chuan rang mangkhengin a pit bo nghal a....
Lianpuia chuan han um nghal duh mahse a thianpa akawl tho avang chuan ngaih atha deuh, thisendawt tlan liamna chu thlirin ka lak ah hian rei i biru lovang, ka zawng chhuak che anga, i tawmbuk thlengin ka haldarh vek anga, nangmah puitu zawng zawng pawh ka that mang vek ang tiin thisen dawt a sah pa mihringa lo inlet mek lam chu ahawi a, a hmalama beisei na siamtu leh kawng kawhhmuhtu anih dawn avang chuan a thaw hak a, aphuar zui nghal mawlh mawlh a....
Ngaih ngam taka thuin vaibel chu phawrhin a sawh chat chat a, Rengpuia te an rawn thlen meuh chuan avaibel pawh vawi thum lai alo beng hman a, Lianpui khaw tlangvalte chuan naupang him pial an hmuh chuan an lawm kher mai an bawihsawm nghal vat vat a, chumi piah ah an khua tibuai thintu pawh alo phuar fel diam bawk a, chutilaia Lianpui khaw tlangvalin mak an tih em em pakhat chu thisen dawt mihringa lo chang ta a chu ani, an khaw mi leh sa ni thin an lal phiarrutu chhungkaw zing ami ani, an khua atanga an hnawh chhuah kha a ni leh tlat chu ani, ahma a an man pawh chupa u tho chu ani bawk a, thil kal dan chu an ring thiam uarh uarh tawh a, mahse tuman engmah an sawilang lemlova....
Lianpui khaw tlangval thenkhatte chuan han khawih mai chu an chak hle hlawm a, an tin leh uaih uaih thin a, mahse Lianpuia chuan a khap tlat avang chuan an khawih ngam bik lova, Lianpui khaw valupa chuan Lianpuia chu enin enge i ruahmanna tiin an rawn a, Lianpuia chuan naupang hi ihoin tlangval te nen lo han hawpui ula a tih chuan val upa chuan kan miman hi a ti zuaih hman a,Lianpuia chuan sawi zawm leh in keini thian thum erawh hna zawhloh kan la nei a tiin an miman chu a en a, ani hian min hruai anga, an tawmpuk thleng min hruai anga, amah puitu huai ho pawh kan mang vek ang a tih chuan an ngaihsan azual in huaisen an ti kher mai, chu thu chu Lianpui khaw tlangval zinga anaupang lam tlangval ho hnung lam a ding chuan ka telvena chi anih chu keichu ka haw ve theilo, in rualin ka kal ang a rawn ti tawp mai a, midang ho erawh an ngawi thap a, Ramliana chuan lo chhang nghalin awle awle hetah lo kal rawh nangchu ilo kal ve dawn nia a tih chuan thudang sawi tawh lemlo chuan Lianpui khaw tlangval ho chu haw tur chuan an inbuatsaih ta a....
Ramliana chuan tlangval chhuak tir hruai a duhna chhan ber pawh Lianpui khua hian pasaltha tia chhal tur an nei hauh lo mai a, chuvang chuan hetiang boruak a, ka haw dawn lo ti ngam chu a enchhin chak vang alo ni a...
Lal Thangtea pawh lal thuam hlipin a iptepui a ak a, diar akhim a, a diar ah vakul chang a tawn ngauh bawk a, silai puin hmanhmawh hauh lovin hma ahruai zel a, Zampui khua hi ahlat lutuk loh avangin hmanhmawh chuk ngaiin ahre lemlova, bakah khaw thim hnua duh thala chet lak a rilruk vang ani a, an miman pa pawh tlangval ten an kai phar leh dawr dawr thin a, Saimawia chuan fiamthu titak deuh, zaingai tak in, khaih khaih khaih ahun hmain in ti khawlo zo ange alo ti fiamthu leh zauh thin bawk a, sukte pasaltha inti ve mahse Pasaltha Thangtea te pafa hmaah chuan engruai an lo ni lo ve.....
An kal dan a tanga chhutin Zampui pawh an hlat tawh lo khawp mai le, Zampui lal Chhunthanga te erawh engmah hre heklo le, a sukte pasaltha tirh ho lo let hun mawlh mai chu nghakin an lo seprawtui nasa mai a, Samthang lal fanu hmeltha pawh an chhamchhuk zing malh malh kher mai, khua vel mah ila ani aia tlawntlai tha leh chil ti put saw an awm lovang tiin khamkhawk saisu chu nepte ani tiin a itawm zia leh ahmelthat zia te chu chilthli tla lo chauhin an lo sep a, an sawi thui zel a lalnu hmelthatzia pawh sawi hmaih chi anih loh zia te thleng chuan an chham chhuak a, chung chu a thleng dawn lo tih leh amah ngei pawh tlanbo vang vang tur ani tih a inhriatlohna avang leh mahni hmasial tak a mi kuta rul kaw zen a tumna chuan a ma chung ngeiah a thilthalo tih duhna avang chuan thil thalo tak a thleng dawn tih hre map lo chuan kum khat zu chang tha khek khawk nopui khat tlat chu an tlak leh pap mai a....
Thangtea chuan awle hetah hian kan chawfun theuhte kha phawrh ila, kan inhnawhpuar anga, kan hma lawk khua khi kan kalna tur khua anih tawh avangin tlangvalte fimkhur lehzual ang che u tiin chawlh chu an rawt a, an chawfun te an han thet mam mam a, eikham hnuhnung nih hlauin an bar sawk sawk hlawm a, an eikham fel vaibel an han beng leh tliar tliar a, vaibel pak khuk luai pah in an hmanraw ken theuhte an han enfiah leh thuak thuak hlawm a, an hman tlang ta tih ah Zampui khua chimih tur chuan Samthang valrual te chuan an lalpa pasaltha Thangtea ho chuan pheilai an khai ta siau siau mai le....
Zampui khaw kawtchhuah an la chuangkai lo deuh ang tih ah chuan an han ding det a, tlangval ho chuan an lalpa chu enge a tum ni ang aw kan kal mawp mawp mai si a an ti neuh neuh tawh a, Saimawia ngei pawh in engtin nge hmalak a tum pawh ahrelo, mahse mawl tak erawh chuan a che lovang tih chu ahresa a, ngaihthat lohna erawh anei lemlo...
Kawtchhuah an chuangchhuak ta maw tih ah, thawm nei hauh lo chuan tlangvalte chu pakhat tetea tir chhuakin Zampui khaw chhunga in zawng zawng chu an tuam chhuak vek a, in pakhat kha tlangval pakhat zelin an enkawl in an lo veng anga, alo chhuak apiang an lo mai hmiah hmiah mai dawn ani, abak la awm zawngin Zawlbuk an pan nghal a...
In za nufa deuh chauh an nih avangin an tan thil harsa ani lemlo, an chesual fe te anih loh chuan, zawlbuk pawh an hual hneh kher mai,. Saimawia chu zawlbuk kawngkaa va dah pah chuan Zampui tlangvalten thawh in hai e, Samthang tlangvalten kan thawh khalh cheu ania, tiin lungthil chuan an vawm uaih uaih mai a, chuveleh Zampui zawlbuk riak an rawn harh sang sang a, aharh hmasa sa kha thi hmasa an ni mai, silai pawh apuak zing malh malh kher mai, mahni inluma riak, zawlbuk kai ve tawhlo patling la valai si run an tawk ani tih hria a mahni in atanga tlanchhuak te pawh mahni kaitren an pel fel hman awrh hlawm ani, an tlu thlawrh thlawrh mai hlawm a, zampui khua chu Samthang val rualte chuan chengrang chawiin an hawl kim ngei mai, an hual hneh em kher bawk nen tlangval damchhuak pahnih khat an awm ve tih loh chu zampui khaw tlangval chu an thi fai vek a, tar chaklo leh nunau leh hmeichhia bakah lalpa leh a chhungte an ni mai a, khawnbawl te pawh mahni inchhuahsan tum, mahni kawtzawl pawh pel lova mahni kawtzawlah ngei ngenmu tuar lovin an tlu ngat hlawm a, zampui lal Chhunthanga pawh thil awmzia hre lova run a tawh ringawt avanga bangbo tak leh thinrim tak chuan silai humin lal inah chuan a inhrosa kuk kuk a....
Lal in kawt zawl atanga rawn autu aw ngaihno beilo zet avang chuan loh theih lohin silai chu dahthla in lalin kawtah chuan a chhuk thla a, samthang tlangval thinrim chuan lo khawih mai chu an tum nghal a, mahse Thangtea leh Saimawia te chuan lo khapin ala hun love hetiang an tawn chhan te hi mipuiten hre ve phawt rawh se an tih avang chuan khawih chak hle mahse an insum hram hram a.....
Nu leh kum upa lam la dam awmchhun te chu an han auh khawm takah chuan lalin kawtah chuan an rawn kal khawm tak tak a, lal Thangtea chuan an lo kal chhan leh hetiang boruak duhawmlo an tawh nachhan chu a tir a tang chuan fel fiah fai tak mai chuan an sawi a, an lal Chhunthangan sukte valrual hmanga an pafa thah a tum dan leh Samthang khua awp a tum dan te chu Zampui khaw mipui dam la awm te hnenah chuan an han sawi chiah chu ala dam awmchhun chhun ho chuan an chek tlak tlak hlawm a, chutiang vanga fahrah, hmeithai lo ni ta te rilru na chuan an lal Chhunthanga chu an ngaidam thei mawlh lo ani, an rawn bial ta tuau tuau mai a, mahse Thangtea chu alo tawng vat a, tunah chuan ka kuta awm ani a, tuman in khawih a rem hrih lo ang a tih pawh chuan dinhmun chhe tawpa ding tura siamtu chu kut kuangkuah in an thlir liam thei ngang lo, Thangtea te chuan lo dang viau mahsela lal Chhunthanga chu nikhua hrelo lek chuan an bawr hman tho a, thil thui tak an nghaihtuah chuan Zampui mipuite chuan thil awm tak an ti nia an hriat ve avang chuan an dang buai duh ta lo a,chutiang boruak anih takah chuan an kuta pek a, an ni pawh an tih tur an zawh tawh bawk avang in an khawlama haw tur chuan an inbuatsaih ta a, Lal Thangtean Zampui a run chu hnungkhirhsa bei ang a ni e an ti fo thin, khatiang ang em ema awlsam taka in hnehna kha a thleng leh hian an ringlo hial ani.
Lianpui khaw tlangval te pawh Lianpuia naupang chhanchhuah chu zawnin Lianpuia duhdan ang chuan an khawlamah an haw ta dam dam a, Lianpuia te thianthum leh Lianpui tlangval tan tir te nen an pali chuan engtia hmalak tur nge tih chu an sawikhawm nak nak a, zan thil te ani bawk nen Lianpuia an ngaihtuah ve nen, ahmel en reng rengin a chau tih an hriat ve vek avang chuan a tuk lama an mi manpa nena an tawm buk lam pan chu an ti tlu ta a,Lianpuia chuan azan la la a kal nghal duh mahse a thianten an tih tlat avang chuan lungthlu lo zet chuan chumi zan chu chuti lai hmun rem laia riak tur chuan a inbuatsaih ve ta a....
Zingkhua alo var chuan Lianpuia pawh a chau zualpui reh in alo chak leh vak tawh a, an mi man thisen dawt mihringa lo changta pawh an phuar nghet bawk aniang, chet pawh a che lo, akhap fek fek thei chauh a, Lianpuia chuan buhfai tuman an rawn ken a ringlo bawk nen hun a rei loh zawk nan kal zqi irel mai ila, hma ko lo tak kan la neoh avangin kan kal hma pawh angai zawk ang an tih chuan Lianpui khaw tlangval tuai tir chu an rin ang ani dawn hauh lo mai, Lianpui khaw tlangval tuai tir chuan chin hriat ani siloa tiin ka rawn ak teuh alawm tiin a iptepui ami chu aphawrh sawk sawk a, an riahna piah deuh maia luite chu apan nghal a, Lianpuia te thianho chu an in en a an ka ho hlawm mai a, a thiltih tur an hre chiang bawk a an zui ve ta nghal a, an rilru te te chuan he nau hinchu he khaw tan hian ala chhawrnahawm dawn khawp e an ti rilru sap sap a.....
Lianpui khaw tlangval tuaitir zarah tukthuan chu puar el euhin an ei tlang a, tukthuan an ei kham chuan Lianpui khua tibuai thin tu thisen dawt tlanbo ta leh alo puitu huai ho chingphil tur in khuanu vohbik Lianpuia leh a thiante chuan an miman pa chhawm chungin an tum ram pan turin pheilai an khai ta a...
An miman pa lah akal tha duh vakloa, eng engemaw asawi kawi leh zauh thin a, thuife an kal hnu chuan Rempuia chuan nangmahni pui thintute awmna chu kan thleng dawn tawh em tiun an zawt a, an miman pa chuan dawn lo alo ti nghut a, khawih chak viau mahse, an mamawh engkim leh kalna tur zawng zawng hretu anih avang chuan khawih chi ala ni hrih silo a, Ramliana phei chuan tum hnih zet chu a tin uaih uaih hman hial a, mahse a insum leh hman hlauh a, a chet dan angeiawm lah tak reng bawk a, tlai lam ni tlak dawn suar ah Lianpuia thin tuar lo chuan vawikhat chu an beng thuai a, an kalna tur an zawh lahin an la thlen loh thu chauh a sawi zel a, Ramliana phei chuan a tellovin i zawng tawh mai ang u a ti rep rep tawh mai a, mahse he hun tha hi Lianpuia chuan bawhpelh a tum lo bur mai a, chuvang chuan a insum hram hram ani...
Khu a tlai ta hle mai a, hmun remchang zawngin riahbuk pawh sual lemlo chuan bekte ang deuhin an zar a, chutilai hmun ah chuan zan riak tur chuan an inbuatsaih ta a, zanriah te an han ei leh hnu chuan zan pawh alo tlai hman viau mai a, bekte an zarna piah deuh thingkungah chuan an miman pa pawh an phuar a, Rempuia chuan engtia tih nge tha ang aw hei kan kal thui ta hle mai a, engmah lah chu asawi tha duh hauh lo lenghal a, hetiang ngawt chu a dik dawn lo, dam turah a indah lo hrim hrim dawn a, chuvang chuan kan beisei ber awmna min hrilh silova a thih hma chu ahla thei ang bera min hruai hi a tum niin ka hria chuvang chuan engtia tih chi nge niang tiin a rilrua thilawm chu ahan sawi chhuak a, Linpui khaw tlangval tuaitir pawh khuh kharh kharh pah in, ka sawi ve phak nilo mahse, in zahawm viu a majse thil pakhat ka sawi ve duh a rawn tih chuan e sawi rawh sawi rawh an lo ti sap sap a, vawina a awmdan ka hmuh danah chuan min hruai thlen ka lo ring lo daih tawh a, manse ka rindan mai anih avangin ka sawilang ngam lova tiin Rempuia chu a rawn tuihnih ve bawk a, Ramliana phei chuan ka talh chak tawh ania ati sam et a, Lianpuia chuan nie a ti hman chauh tih chuan sakei hahum ri chu an riahna bul mai tak takah chuan an hria a, a thang nghur mai a, sakei an hahum zo chu mihring na tuar au riin a zui nghal a....
Rang takin an tlan chhuak nghal a, an mi phuar pa an va en chu alo awm tawh hauh lo mai a, thisen lah chu abaw nuaih mai a, Lianpuia chu a thinrim kher mai, engkim hretu ber ani si a, a thiltum a hlawhchham tura suangtuah phei chuan chu sakei chu va sahhlum nyhal law law mai chu a duh a, an thlir kual vel a, an kal tawh na lama sakeiin an mimanpa apu chu chiang takin ava hmu a, Ramliana chuan hmmm tikhan a tawk ani mai alo ti sam et a, mahse Lianpuia ngaihdan ani velo a thil hmuhna lam pan chuan tlan nghalin, a beisei ahlawhtlin theih nan an miman pa chu nungdam ngeia a siam angai tih hria in chak mangkheng chuan a tlan dawk chhuak ta zawk mai a....
Chutia Lianpuia berin a um takah chuan thuthluanga lo en mai mai thei awm heklo, Lianpuia um chuan an tlan chhuak ve leh ta nghal a, Lianpuia chu a tlanchak tehlul nen chu sakei chu a um pha thei hauh lo mai a, ahma zelah hian a tlan a, thisen pawh hmuh theih tur tawkin leh chhui ti nuam tur tawkin a thlauh phei zel bawk a, zan pawh a rei ta, mahse Lianpuia chuan ahmalam a thlirin tlawmsan mai a tum hauh lo, theihpatawp chuan ala um ngar ngar a, an in um zankhua zak a, zing khua ala var chiahlo deuh tih ah chuan sakei chuan amihring man chu alo hnut chhiah a, sakei lah chu alo kal bo daih mai a, Lianpuia chuan ava pawh vat reng a, alo thaw trawt trawt mai a, rei adam tawh dawn lo tih chu hai rual anilo, midang an lo la thlenglo bawk nen, amah chuan a theih ang ang chuan abawihsawm a, chutia abawihsawm lai chuan Lianpuia chuan an chhak lamah chuan thil ri rek ahria a, ahawi chho nghal vat a, a sakei um ngei mai khan Lungpui chunga dingin alo en kuau mai a, Lianpuia chu a thinrim thar lehzual ngei mai, a chem humin a ding nghal vat a, mahse sakei chuan amit akhap suk a, a in her a, atlan ta daih mai a, Lianpuia chuan han tihngaihna vak hre heklo le, sakei tlan liamna lam chu a thlir ngawih ngawih mai a, a thin erawh a rim kher mai, tihngaihna a awm tak loh ah chuan an mimanpa lam chu hawiin a theih ang ang chuan a thisen chhuakte chu tih tawp a tum a....
A thian te pawhin kar lovah an rawn pawh ve mai bawk a, meichher nen an la rawn de va va a, Lianpuia chu an pui nghal sawk sawk a, mahse rei erawh adam ta lo, Lianpuia chu a thinrim kher mai, tih ngaihna dang awm heklo le, an ngawi thap hlawm a, reife an ngawih hnu chuan Rempuia chuan kan heti ta rau rau anih chuan tiin ram chin an thlir a, e khu kan thlang lawk akhu kawrte pawh a awm e, khutah khuan tuite in in i zuk in phih harh phawt teh ang u, chhawl te pawh ahal tawh alawm mawle a tih takah chuan nie tiin luite awmna lam chu an pan ta a.
Chu luitui chu alo thiang tui ngang mai a, hah pawh adam sawng sawng hian an inhre hial a, Lianpui khaw tlangval tuaitir chuan tukthuan hmehah tiin chakai khawrh tur chuan luite mawnglam pan chuan azai kal thla rat rat a, rei pawh a thang hman awm lo mange tih ah chuan chakai hrawl pui pui mai leh tumbu ak teuh chung chuan Lianpui khaw tlangval tuaitir chu hmanhmawh tak hian a rawn tlan haw titih a, Ramliana chuan alo fiam hlut a, tlangvala chuan englo ania, chakai khawrha ka kal tawpna piah maiah khuan bung lian zet mai ahnuai puk ni awm tak mihring leng zet tur hi ka hmu a chuvang chuan ania ka rawn hmanhmawh deuh ni a tih chuan Lianpuia beng averh ngang aniang a thuthmun a tang chuan a rawn inperh tho nghal var a....
Lianpuia chuan engmaw tuna ithil sawi kha han sawi nawn leh teh a tih chuan tlangvala chuan chiang fiah fel fai kakin an sawi nawn leh a, Lianpuia chuan aw chu ngei chu anih dawn chu mahse engpawh thleng thei ani a, tukthuan i ei phawt ila kan nauva thil hmuh chu chian turin kan kal dawn nia a tih chuan an chakai man te leh tumbu te chu chhum tur chuan an siam mawlh mawlh a....
Tukthuan an ei kham chuan tlangvala thil hmuh chian tura kalntur chuan an insiam ta a, a hla lo bawka an thleng thuai a, an han bel chianga ahnum tha kher mai, akalkawng leh puk luhna bawr velte chu nitina zawh ni ngeia rin theih tur chuan a bel tlun mai a, a chhung velte chu an han luta, a rim chhia in a thang nghur mai a, an uak leh that that thin a, hetiang ang ema rimchhia hi ka la tawnglo tiin Rengpuia phei chu a tawng chhuak hial a, an rin aiin puk chhung chu alo zau in alo thuk kher mai, an luhchhuah hneh viau mai, engmah an hmuh tak loah chuan engmah a awmlo anih hi tiin an chhuak leh tliar tliar a...
Puk pawn a tanga eng lo lut pawh alang re re thei tawh tih ah chuan pukah chuan mi lo lut tih hriat tak hian eng chu a thim zauh mai a, thla an hmu thei thuai bawk a, inring taka awm angai tih hrilh nawn ngai an awm lo, an hmanraw neih theuh chu inralring takin an chelh theuh a, thimthamah chuan a rawn phei zel a, midangte chuan an hmu ve lo a, mahse Lianpuia chuan chiangtakin tung tih chu ahmu in ahre chiang kher mai, ahmaa alaka tlanbo ta, thisen dawt unau zinga tlan chhe ta kha ani tih ahre nghal a, naupang hi a rawn pawm bawk a....
Chu thisen dawt chuan enge thleng dawn hre hauh lo chuan anaupang man chu pawmin amah tichak tute lawm nana pek turin eng dang ngaihtuah lo chuan naupang pawm chuan a rawn pen lut thlup thlup a, Lianpuia te chu a rawn hnaih viau tawh tih chuan a ding dut a, a au ta chiam chiam mai a, chuveleh puk chhung chu a rik hian a ri ta mur mur mai a, ahma aia boruak thang leh rimchhia chuan Lianpuia te chu a rawn tuam tup tup mai a, Ramliana chu a awmna a tang chuan paih ang thlawrh mai hian puk chhuatah chuan a tlu thlawrh mai a, chuveleh sawi nawn ngai loin chuti lai hmun ah chuan dingchang zawk nih hlut zia hre turin mihring leh huai inkarah indona nasa tak a thleng dawn tih chu hrilh nawn an ngailo.
Puk chhung chu a ri nuaih nuaih mai a, rum ri, tap ri, nui ri, thinrim inhrosa ri nen, chem inkhak ri nen chuan a ri chhuai chhuai mai a, Lianpuia chuan anaute auh pahin Ramliana kha hlat loh tur, insi deuhthaw a awm vek tur, heng ho hian an cho loh tur an cho ani, ihan phin darh vek teh ang u a tih chuan, an tawlh rem nghal thuai a....
Ramliana pawh alo tho chhuak veleh tuih tuih a, adar erawh ana hle mai a, a ding fel hman awrh tih ah chuan ramhuai ho chuan an rawn chim nghal huk a, a rem dan dan chuan anvai ani ber mai, Lianpuia te thianho chuban let leh hual thin a, hliam pawh an tuar nual tawh a, chutih rualnchuan huai ho pawh an lem biklo, an kam ve kher mai, Lianpuia chem mawlh chu an melh leh zawk zawk thin a, Lianpuia han bawr vak ngam pawh an awm mang lova, nakinah chuann huai lalpa chu chuan anaute ho a chan zo takngial dawna ahriat avang chuan chher chhuai hian a rawn au a, huai ho chu hrilh nawn ngailo chuan an tawp thap a, puk chhungril lam zawk ah chuan an dum lut zut zut mai a....
Huai lalpa chuan ka lalna ram ah buaina in rawn siam a, tumah damin in chhuak lovang, mahse tunah hian he puk hi in chhuahsan anih chuan damin in haw vek ang a rawn ti treng chhuai mai a, chu thu zet chuan Lianpuia thin akhei kher mai, alo chhang thuai a, huai hmaah val kan zam ngailo i duh duh danin rawn che rawh i ngam ngam kan ngam e an ti let ve leh sak mai a, huai lapa chuan anih ahnu tiin amah chuan hma rawn hruaiin abulah chuan thisen dawt tlan chheta pawh kha a rawn tel ve a,....

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 23rd, 2019, 7:00 pm

EPISODE 93

Huai lalpa chuan Lianpuia chu tunge anih a, eng hmanrua nge akawl tih hi ahre lo ani, khuanu vohbik niin lusei khua zawng zawng awp tutur ani tih ahrelo ani, huai ho chuan an rawn bawh leh a, Lianpuia te pawh chuan theihtawpin an lo chhanglet ve bawk a, an tlangvala pawh ahah hle tawh nangin chau hmel reng ala pulo a, aphur zawk emaw tih tur chuan a au leh that that thin a....
Huai lam pawh an hek hiau hiau kher mai, Ramliana erawh huai lalpa in adara lunga avawmna avang chuan puk chhungah chuan alet tawp mai a, thisen te chu aluang zuih tawh mai a, huai lam pawh in an rin ang em chuan chet an la thei biklova, chutiang bawk chuan Lianpuia te thian ho pawh an ni ve tho mai, thisen dawt tlanchhe ta pawh Rengpuia nen in dawm in an in nawr dawt dawt mai a, mihring tha mai chuan hneh ngaihna awm hek lo le, Rengpuia pawh puk bang a denna avanga alu atanga thisen lo chhuak nguai nguai pawh hup hman lo lek chuan thisen dawtpa chuan a rawn tham leh nghal zawt a.....
An tlangval hruai pawh ala tuai deuh nen a tlu leh hawn hawn thin a, Lianpuia pawh a chau ve tawh kher mai, mahse a thiltum tihpuitlin a tum em avang chuan chu chuan ala chelh hram hram in a ti chak ani ber tawh a, huai lalpa chuan tumah damin in chhuak lovang tiin Lianpuia chu a rawn pan chhek chhek mai a, chutih lai tak chuan ahmaa an miman sehtu sakei ngei mai kha puk ah chuan lo kalin puk kotlang ah chuan a rawn hahum thum dum dum mai a, chuthil chu mak tak maiin huai ho chuan an hlau kher mai, huai zawng zawng chu tumah reng che thei an awm lo, aikaih ang hian an awm a an awmna theuh ah chuan an khur chur chur hlawm mai a, chu thil chu Lianpuia chuan ahmuh veleh a tha neih sawmkhawmin huai ho chu an phin tak tak mai a, an lalpa ho chuan pakhat mah dam chhuak an awm lova, thisen dawt erawh abanah chema tai zauh ani bawk a, na nei hauh lovin an man thei thung a....
Boruak rit leh uap lutuk a reh hnua puk pawna an an han chhuah chuan sakei kha alo awm tawh reng reng lo mai a, mak ti angreng tak chung chuan an zinga ana ber Ramliana chu an kaihkuah a, hmun rem lam chu an pan ta a....
Nileng deuhthawa inbei an ni bawk a, an chau tlang kher mai, an miman pa erawh chhuak thei hauh lo turin nghet takin an phuar a, an samak sa pai chu an han thet a, an han ei hlawm a, an mu ta siai siai hlawm a.....
A tuk zing fehrehsan velah chuan an harh leh hlawm a, an harh a an thilsawi hmasa ber chu an thil.tawn mak thu ani, sakei kha khawia mi nge ni ang tih pawh hriatloh an miman a rawn seh dan te leh puk chhak maia a mi seh a dah dan te, chuta tanga huai ho puk an zawn chhuah dan te chu an sawi khawm a, sakei in a tibuai amaw tia an hriat kha apuih duh vanga khatianga rawn ti ani tih chu an rindan leh an hmuh dan ani a, chumi tichiang tura puka a rawn tanpui dan te hlei hlei chu amak an ti tawp thei lo a....
Nie he sakei hi sakei pangngai ni lovin khuanu sakei vulh bik Lianpuia pui tura mihring rama a rawn dah ani a, mahse anazawng erawh chuan a inlar ngai lo thung ani.....
Lianpuia te pawh an taksa na ten akiansan takah chuan Lianpui khaw lam pan vat tha an tih avangin an miman pa chhawm chung chuan Lianpui khua pan chuan an haw ta a...
Zampui khaw lal Chhunthanga unaute chu an unaupa thihna avang chuan damni reng an neilo, Samthang khua chu run ngam chiah silo hian lal Thangtea thla chu an tawng an tawng mai a, chutiang ringawt ah lung a dam zo chuan loh avang chuan an unau ho chu an intawkkhawm ta rup mai a....
Khawthlang lam insualthiam chah chhuah ni se, alawmman a tan samthang lalpa leh afapa a dahthat phawt chuan aduh ang leh angen ang ang pek ni mai se tiin khawthlang lam khua lal Lianhrima pasaltha Paliana chu chah chhuah rel thlu in, lam kal turte upa pahnih in thi leh dar tlem azawng kengin ho bawk sela atha ang, naktip nakthai ah hian kal nghal mai nise a sarhu laia thil tih hi atha ngai e tiin an tin ta a...
Lianpuia te pawh behliang mun hun velah an khaw tibuai thintu leh an tlangval leh naupang te huai hnena inthawi nana lo pe a, ti thlabar thin tu chu phuar chungin an kai lut a, Lianpuia te rawn haw chuan Lianpui khua chu adeng chhuak rang kher mai, a pa chhuakin Lianpuia te hmuak tur chuan an tlanliam fai deuh vek a, lalpa leh khawnbawlte pawh alawm ber berah tangin Lianpuia te bul thleng hmasa pawl ah an tang a, tlangval an rawn thleng tak tak a, an hlawhtling tih an hriata an hmuh chuan Lianpuia te thian li chu lal in thleng chuan an duhlo chung chuan an zawn chho a.....
Mipui hmaah chuan an chet dan chu chipchiar takin an han sawi zar zar a, an huai beihnaa sakei a inrawlh dan te, sakeiin apuih dan te leh an miman hmanga huai awmna ahruai dan an sawi te chuan mipui beng leh mit afah in thawk pawh an lo thaw tha ngam mang lova, an hlawhtlin dan an sawi zawh chuan mipui lam chuan kut bengin an lo lawm a, an au khawk rawih rawih mai a, hetiang ang taka hlimna leh lawmna hi Lianpui khua hian an dam chhungin an tawng leh tawh ngai lovang, Lianpuia te hian pui lo se chuan lalpa in akhua atanga hnawhchhuah unaute hian phuba la in Lianpui khua hi an chimih vek ngei ang le, mahse Lianpuia te zarah tunah chuan an him leh ta....
Hemi ni atang hian Lianpuia chu ahming athang zual em em a, huai luhchhuak a, sakei thunun thei ang in an sawi hial ani, Lianpuia te pawh ni hnih an cham leh hnu chuan an khua samthang lama let tur chuan an insiam a , ui tak chungin lal pa leh khawnbawl, nula tlangval naupang chenin khaw kawtchhuah thlengin an thlah a, lo zin leh vat tura in ngen mawlh mawlh chungin an in thlah liam a, lalpa thilpek erawh an hnar fithla thei hram a, an khaw tlangval.tuaitir erawh Lianpuia ten ani hian chang rawh se an tih avang in abang laiah silai a tung ve thei ta thung a...
Samthang lam boruak that vanglai tak mai in, samthang lalfapa hmingthanna in an deng zui leh nghal phei chu Samthang khua nih hlut zia an hre chhuak deuh deuh zel in an inchhuang larh zel ani, zin nikhua pawh a samthang khua nih chu miten an chungen nghal em em ringawt mai a, Samthang khaw tlangval te chu huaisen leh tlawmngai ni turah an dah nghal tawp mai ani, chutiang khawpa mi chung en leh zah leh hlauh rawn ni mahse, lal Thangtea chu vawikhatmah a in luling ve ngai lova, hmeithai leh chhumchhia zawkte a ngaihsak abang chuang heklo, hengte avang hian tupawh hian an ngaina in an zah em em reng ani....
Hetih lai hian Khawthlang lamah khaw sarih infin tur thawm chuan Samthang lal leh mipui beng pawh averh hle a, heng khaw inzawmkhawm tum te hi lal Thangtea ten an run tak Zampui khaw lal Chhunthanga unaute rawt chhuah niin Samthang khua aia khaw lian din tum chuan hma an lo la nasa mai hi alo ni a....
Lal lianhrima khua chu khawthlang lam khuaah chuan alo lian nek mai a, an khaw pachak leh insualthiam Paliana erawh ramchhuaka abo hlan anih avangin lamkal hote chuan an nghak rih a, Zampui khaw lal boralta Chhunthanga unaute hi an neu lo hlawm hle mai a, lal an ni vek a, mahse Khawlian tak erawh an ni lo nangin khaw te tak erawh an nilo hlawm a, unau Pali niin khaw inhnaih te tea awmin lalna an chang hlawm a, a upa ber lal Hrangkima hi ameizang hlap tu ber ani a, akhaw lian ber leh khaw hmun rem ber ani bawk a, Samthang atang chuan zan sarih riak vela kal ngai ani thung a.......
Lianhrima khaw insualthiam Paliana pawh nihnih hnuah khua a rawn lut ve a, an beisei ai mahin alo palian a, a ruk tak chuan an lawm kher mai, zanriah ei khamah lal Lianhrima hovin an kal chhan leh amah beiseia kal an nih dan te an han sawi a, lal in anih avangin lalpa hriat veloha atana an ken thilpek te chu pek an duh avangin an inlamah len an beisei ta zawk a, chumi zan chuan hlim takin an inkawm khawm a,lalpa ber in a thu thu ani mai e a tih takah chuan a tuk lamah thutlukna mumal zawk beiseiin chumi zan chu an in mangtha hrih a....
A tuk ah chuan Lal Hrangkima mi tirhte chuan Lianhrima khaw pasaltha Paliana in ah chuan thil awmzia leh chinchang ngaihtuah pahin leh a tana an thil kente pe turin an va leng a, Paliana pawhin alo chiau au tha khawp mai a, an ti ti an ti ti hnu chuan khawsarih inzawmkhawm chungchangte sawi chhuakin a duh phawt chuan khawnbawl upa a a thut nghal tur thu te hrilhin an thil ken thi leh dar te chu an han pe a, Paliana tan chuan han hnar chu thil harsa tak ani ngei ang, Paliana chuan in mi sawmna leh duhsakderna chu ka tan chuan ahlu hle mai, kan phuloh ani a, engpawh nise zanin chu kan awm hahdam veleh phawt anga naktuk zing vartianah kan chhuak dawn nia tia alo chhan takah chuan Hrangkima mi tirh upa pahnih te chuan an thlenna lam an pansan ta a.
Samthang khua pawh enge an hmalamah thleng dawn hre lo chuan nula leh tlangval ho chu mangkhawh paha thlai chi thlakin lo lamah an riak fai deuh vek a, khuanu malsawmna an dawng nasa a, buh leh thlai an ngah thei em em mai a, khaw hran atangte hian an rawn dil fo thin reng ani...
Tlai khat chu ramriak haw thenkhatin nula hliam tuar hi an khaw ram chin ah chuan an hmu a, amah lah chu thawmhnaw reng reng aha lo lehnghal a, an rawn zawn haw a, lalinah chuan an han nghat a, an han en chian chuan ahliam nasa viau mai lehnghal a, thisen leh thi kharin abawh luk mai a, Liansangi chuan alo buaipui vat vat a, sadawt leh bawlpu te pawh ko nghal in an theih tawp in an enkawl nghal a, a dar a ahliam chu alo zau hle mai a, an han tihfai sak zawh hnu chuan samak sa chu an barh hawng hawng a, amuhil zui ta mai a....
Hrangkima pawh anaute bulah alo inhrosa kuk kuk a, he ka thil tih hi a thlawn tur ani lo, ka fanu ngei hetiang ti tura ka hman na chhan pawh hi hlawhchham ka tumloh vang ani, Paliana pawh hei ihriat angin khaw inzawmkhawm hi nghak law law ila, chutah chuan nangpawh hlawhtlinna i channi ah upa ini nghal dawn tih hrereng la. Theihtawp i chhuah dawn nia a tih chuan Paliana pawh alo bu nghat a....
A tuk chhun lai velah chuan lal Hrangkima fanu chu alemchan bul tan turin samthang lal inah chuan dam takin a rawn harh chhuak a, a rawn harh tih an hriat chuan lal leh khawnbawl ho te chuan chanchin an lo zawt sap sap a, ani chuan tihian an thil tawn chu a sawi ta a, a thiannu nen an thing phurh naah tlangval tu tih hriatloh panga lai mai hi lo kalin min phuar sawk sawk a, kan ka an hnawh a, min pu ta lawng lawng mai a, khawi lamah nge kan kal pawh kan hre ve tawh lo a tih chuan amittui chu a tling pam mai a, a ngaithlatu ho pawh an insehruh ve teuh hlawm bawk a, hmun zawl zau deuh mai pakhat hi kan thleng a tah chuan ka thiannu nen chuan an tisa chakna hrikthlak nan min hman an tum ta a, min phuar na an phelh a, kan puan bih pawh min pawh thlaksak vek bawk a, saruakin ka thiannu nen chuan min khawih rawn ta mai a, a ngawi det a, insum tih hriat tak hian a insut hraih a, ka thiannu chu a tlu hmasa ah tangin abawhbet zui ta a, kei erawh chu an duh anga min tih ai chuan thih ka thlang zawk tiin ka tlan chhe ta a, min rawn uma an hriam ken ang ang chuan min khawih ta zawt zawt hlawm a, nikhua reng reng ka hre chhunzawm lo, ka chungah eng thil nge thleng pawh ka hre chhunzawm lo tih pah chuan a insut leh hraih a, Liansangi pawh chuan alo thinrimpui hle mai, ahun hmasa te a ngaihtuah letin ahrehawm dan tur chu ahriatthiampui ber awm e, asawi zawm zel a, ka han harh hnu chuan khawilam nge pan tur pawh hrelo chuan ka pawng vah ta tawp a, kawng ka chhuak hlawl mai a, ka chau tawngkhawng lutuk nen nikhua ka hre lo zui kha ani a, abak zawng chu inhmuh ang kha ani e an tih chuan lal Thangtea leh upa ho pawh an thinrim kher mai, tlangval ko khawm nghalin an chetna vel nia a sawi lai te chiangtaka en a, an hnu chhui tur chuan tlangval ho chu an tirchhuak nghal a....
Ni hnih thum lak an han vahkual vel hnu pawh chuan engmah hnuhma a sawi ang kha an hmuh tak loh ah chuan tikhan i duh chen chen awm la, ihaw duh hun hunah kan tlangvalten an va thlah dawn che nia, hetah chuan thlamungtakin i awm dawn nia an tih te chuan alawm luatah a lung te a chhe hial a, a insawi angin hliri tiin an ko mai hlawm a, khawthar kai tur ho pawh Khaw sarih lai inzawmkhawm tum chu alo hautak zek mai a, mahse kar aliam meuh chuan lal Hrangkima khua ah khaw sarih te chu an ri mup mup mai a, Samthang khum tuma inzawmkhawm an ni bawk a, tan pawh an tang hle a....
Hun alo kal zel a, lal fanu ei tha ei thang tih takah hliri chu rawn mawi chho veleh tan a, ahmel te chu alo tha kher mai a, amah lah hi chum deuh biang mai, avun lah anem tih ahriat em em a, alang no sen suah mai a, tunlai mi chu nise akhal kan ti ngei ang....anuih zawnga aha var rual thah mai lang thinte chu tlangval ho hian an lo en leh dauh dauh thin a, ahmel chu atha ani, Liansangi erawh ala tluklo deuh ani ang, tlangval leh pathlawi ho awmkhawm zingah duh thlang tala tunge ithlan ang tih zawhna chhanna chu Liansangi tih ala ni fo mai a....
Lianpuia hmeichhe melh ngai reng renglo kha chhingkhual lanu in a chen chilh meuh chuan ahringnun chu her danglama awmin hriatloh karin Hliri zun chu alo phur reng mai a, Hliri lah in tum nei ranin that an chhuah tak tak mai bawk si nen, vengchhak putar chenin a felzia leh abula awm nawm zia chu an hrilhfak a, mahse engang mizia nge nia eng ang mi nge anih chu an la hre thuai ngei ang le....
Ani telin Hliri chu mitin mai chuan an ngaina zual sauh sauh a, lar tam aliam hma chuan a felna leh hmelthatna chuan Samthang khua mai nilo khual athang nghal der mai, hetih chhung hian khaw sarih inzawmkhawm pawh an lo inpeih deuh thawthang tawh bawk a, Lal Hrangkima chuan ka fanu alo let veleh chet kan la nghal ang, Palian i kutah kan hmalam hun kan nghat a, i hmalam hun pawh a awm tih hriain hnehna i chan ngei kan beisei ani an tih chuan Paliana chuvalo bu nghat a, lal Hrangkima leh khawdang lal te pawh chuan nie an lo ti ve tliar tliar hlawm a....
Lianpuia leh Hliri pawh awm ho na na na chu an innel sawtin an inzui deuh chawt mai a, anau Liansangi nena an thingphur pawh Lianpuia te thianho chuan an vil deuh chawt thin a, hetiang em a nula fel hi an piang leh hian an ringlo hial ani....
Hliri lahin Samthang akal chhan ang ngeiin namen lova that chhuah in, khua fangin damlo kan leh tanpui ngai atanpui nitin vei rawl nen, hmeithai thenkhatte lahin ka fanu a ilo pianglo hi avan pawi an lo ti vawng vawng bawk a, lal Thangtea meuh pawhin henu zet chuan ka mit a tlung mange a ti chhuak hial ani, mahse thatna phena khakna leh huatna so bawrh bawrh erawh tuman an khap in an tihbosak thei silo, engtin awm zel ang imaw....
Lal hrangkima leh a thurualpui te pawh in khaw lian tak mai an din chu ani der mai a, chapo takin akhaw hmingah pawh Tlanglianpui an phuah nghe nghe a, lal pasrih laiin an thut a, akhaipa ber chu lal Hrangkima niin, a tum ber pawh Samthang khaw tih chhiat vek anih avangin a rilru pawh ahlim kher mai, an thutkhawm apiang Mai chuan Samthang run hun chu a ti deuh reng mai a, lu a kai deuh tawh phei chuan Samthang chanchin lonchu sawi tur reng a hre lo hial ani, a fanu lo haw hun nghakin kawtchhuah akal fo reng ani.....

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)