HLAUH NEILO PASALTHA KHAWTINTHANGA Ziaktu. Seraph Pachuau 1- 101

[Ngaia]

Episode 64....
Chutia naupang chhe ena a en in a rawn cho mai leh a pen chhuak hmasaa a tang chu Saihleia chuan ala na in, a thin pawh a rim hle mai, khanglang che chuan ti chungin a chem chu phawrhin Lianpuia chu rawn panin anghawng rawn sah chhawk zawk a, chumi hnua a thil tum tih leh chu a tum dan ani a, mahse tunge abeih hi alo hrelo ani, anghawng zawna chem rawn thaw fua chuan pawi akhawih phalo chiang kher mai, Saihleia chem vai tlang karah Lianpuia chu ding mar zawk pah chuan veilam ah a tawlh hret a.....
Lianpuia chu a ke lam chauh a che lo, alu chauh a chelo, a chempui kenna ban te pawh a che rual nghal vek mai, hetiang ang mi hi an tam lo hle mai, Saihleia chem kenna kut chu, chem han lek thei zia zang ani tawh lo, akiu chinah chuan a uai der der mai a, chumai duhtawk lovin, Lianpuia chuan a ke veilam chu rang taka pen hma pawkin, ake dinglam chuan Saihleia kaihza ah tak chuan an tlawh leh ngheng mai a, Saihleia chu a thingthi hnawk mai a....
Saihleia thingthit rual chiah chuan a chem chuan Saihleia nghawng chu alo chuktuah leh hman ran tawh a, chu thil an han hmu zet chu leh, Saihleia nau te ho chu an thaw asa in lum tih vang ni hauh lovin thlanin abual nghal zawih zawih mai a, Liansangi man bettu pawhin a thlah rang kher mai le, Liansangi chuan a pasal kan ti tawh mai ang chu Nghakmawia an phuarna lam chu pan vatin, min lo tanpui teh u a tih takah chuan Samthang tlangval thenkhat chuan a phuarna zai chatin Lianpuia hnung lamah chuan an awm. Pui ta a....
Lianpuia chuan Saihleia nghawnga chem la tin reng chung chuan, hun tha khat dang ka pe leh h ang che, i nun isim a, hetiang anga mahni chakna hmang lova midang tanpui tura i insiamthat dawn chuan ka nun ang che an ti leh hram a, saihleia chuan nui chung chuan naupang i tih tur chu ti mai mai teh, mi inrin hma a mi bei duh mihring pasaltha ka hre love a ti ta zek mai a, Lianpuia chuan animaw tiin anghawng ah chuan an rin hrawih mai a, cheleh tur reng reng a awmlo a tlu zawi nghal hnawk a, chuveleh Lianpuia chuan anau te ho chu enin tunge la duh an ti vin thak a, mahse an hotupa ber pawh awlsam lutuk taka a kuk thluk theih avang chuan beih mi ah an ngailo tawp mai a, beih ahmekin an ralthuam te an dah thla sap sap a...
Lianpuia chuan engvanga hetianga che hi nge in nih an ti a, Saihlei naute chuan ram chhuak tura akal an nih thu leh, Samlukhai khua an nih thu te, hmeichhia kha a thing fawm lan hmua, kan pu khan hmeltha a tiin a it em vang in tikhan kan che ta mai alwm le, an tih chuan Samthang val rual te chuan chil hlum mai an tum ta mai a, Lianpuia chuan mi panga ten kan khua ah min zui hawng anga, mi pahnih in khua ah in haw ang, in thiltihsual man hi in phu tawk hremna chu in hmu ang, a rang lam in palai hmel kan lo beisei ang tiin anau awmna lamah chuan aphei ta a...
Nghakmawia pawh a sil ve erh mai, mahse patlaing tan engtham mah anilove, an mi mante pawh in Lianpuia chu an hlauh em avang chuan phuar pwh an phuar lo va, phuar ngaiah an ruat lem lova, phuar loh chuan an in chhawm haw ta a, Liansangi pawh theirah ageih bwk aniang, ahma ai mah chun alo no nalhin ahmel a eng no sen suah mai a, tlangval te chuan hmalam a tangin an ngaihzawn rawn a, hnungam atangin an hisap rawn fo thin reng ani....
Samthang khaw ram chin in nghahna tura an tih an thlen ve meuh chuan an pawl dang ho chu an lo awm kim thap a, Liansangi te an hmuh veleh chuan an ding suau mai a, an lawm avang chuan an au dur dur nghe nghe ani, Liansangin apa ahmuh chuan chhuak em ema tapin ava kuah chawih mai a, hun rei tak inhmulo an ni bawk a, bakah chhungkaw in ngeih leh in hmangaih tak an ni bawk nen, Liansangi tah chhuaknzual a reh chuan an khua Samthang lam pan chuan an haw ta a, Sena phawk a chhuak a ni chek ang chu Lianpuia chu ava hrilhru su su a, Lianpuia pawh alo phur ngang mai, mahse engmah an la sawi lova samthang kawt chhuah an thlen chuan an chawl lawk a, an kal leh hma chuan Lianpuia leh Sena chuan tlangval ho chu an hrikhru kual a, Thangtea chuan nnagni pahnih chu eng ti leh dawn cheu maw tiin alo nuih mai mai a, an kal leh chiah chu kut in suih kualin an haw haw luih luih mai a, an kut insuih khawmah chuan Liansangi chu a i rin hma chuan an dah chho a, lal in lam pan chuan an ri chho ta luih luih mai a....
Lal in an thlen pawh chuan Liansangi chu Sena chuan leia dahthlak aphal ta reng reng lo mai a, khua an fan kual pui leh te te a, Liansangi lah a zak lutuk chu a sen tawn tawn a, nakin ah chuan lal in ah bawk chuan an let leh ta a, lal in ah pawh kea kal lovin Sena chuan apawm chho ta zel a, tlangval ho lah an haw haw dur dur mai a, lalpa mu reng tawh pawh a tunu alo let tih ahriat chuan leikapuiah chuan alo thu chhuak ve a, tunah chuan thlamuangtakin ka kal thei ta a ti chhuak hial ani.....
Liansangi reitak abo hnuah alo let leh a, a thla hual angai ani tiin Lalpa chuan a tunu lo let chu se chal panga leh vawk panga in a thla alo hual a, chu ni chu hlim takin sial leh vawk sa nen hlim tak leh puar takin ruai an theh a, tlai ruai theh kham ah, chai leh nghal in, zan lai thleng chuan Liansangi thla hual chai chu neiin hlim takin chu ni chu an hmang ral a, hlim takin tunah hun hmang mahse hun hrehawm tawp hun thim chu Liansangi hian ala tawng dawn tih hre lek lo chuan chu ni chu hlim tak chuan ahmangral ve ta a....
Mualcheng lal Siamliana pawhin a fapa ahmu let leh chu alawm hle mai a, an haw hma chuan hetiang te an nih tawh chuan tiin, an inrem tawh bawk nen, inneih hun turte siamin, man leh mualte an sawirem nghal a, Samthang lalpa chuan ka dam rei tawh dawn lova, a rang lama tih hi ka duh ani a tih chuan lal Siamliana rilru tak pawh ania, tharumah h ehlo mahsela Liansangi chunga tuan chu a tum ruh em em ani, an hma kar mai ah chuan Nghakmawia leh Liansangi te inneihna pawh chu tih nghal an rel thlu ta nge nge a.....
Liansangi pawh pasal nei tur tih takah a huphurh thar em em mai a, anu pawhin ahuphurh puiin mi ina awm dan tur te an inhrilh nitin a, an inneih ni hma zawng chu apu chu a awm chawt bawk a, chutiang chuan in ngai tak chung leh inthlahlel tak chung chuan Liansangi chu an thlah liam ta a....
Liansangi mo tirh chuan lal Siamliana chuan a duat in a duhsak hle mai a, Liansangi pawhin tunhma in inhmelma thin mahse nuam tihlohna anei ngai meuh lova, lalnu/anu pawhin a duatin fa ang mai chuan a en bawk a, amah afelin alo hmeltha bawk nen, duhsaktu pawh anei ngah hma hle mai a, mahse hun alo inher chho zel a, sukte lal Siamliana lal inah samthang lal tunu alawi tih hre ve tu Samthang khaw chhiat vek duhtu Hrangchhuma pawh alo lawr ve leh sek tawh mai a, Hrangchhuma tawngkam a thiam si, lal Siamliana rilru nen a inhmu bawk si nen, an fapa Nghakmawia pawh an hmin thuai a,lalnu pawh an hmin tha hnap hnap khawp mai.....
Liansangi tan hun thim chu a in tan chho mek ani, zanah te hian Nghakmawia chu Liansangi bulah chuan amu duh tawh lo va, zing vartianah chuan lalnu chuan a mau inchhawp chuan Liansangi mutui lai chu kaihthawh that pawh nilo chuan va hawlh sawk pah chuan tho rawh, hetah hian nuam chen turin emni ilo kal, thatchhe lutuk mai tiin abula bal a dah chuan an vawm zui zawt a...
Liansangi chu rilru na tak, engmah sawi ngam silo hian a tho a, eirawngte ava bawl mawlh mawlh a, anu zing tho hian Liansangi meibula a awm chu a tai thlu lui fo mai a, a kut pawh a in bengkhalhna lamah a kang dun nen nuan mai a, a chaw hmeh siam apiang mai chu sawisel sakin lalpa chuan abel chawpin kawmthlangah apaih thla vawn vawn a, chungte chu chhar tira, chawhmeh pawh a hran an siam tir leh thin a, Liansangi chuan hrehawm a ti em em mai a....
Mahse engmah a sawi ngam silo, apa in i duha i nei anih chuan lo let emaw itum tur anilo, a tih ri te chu abengah hian a ri nawn tluk tluk a, Nghakmawia lah in an khaw piah khaw lal fanu ngaizawngin an khua ai pawhin a awm tam zawk hial ang tih tur in mualcheng khua chu a awm tlem em em a, Liansangi chu alo rai hman bawk si nen, luak chhuakin a rawn bawh chang te hian uak ngam lovin mittui tla teuh chung chuan a insum hram hram thin a, tum khat pawh a insum hmanlo auak chhuak palh hlauh mai a, lalnu chuan min zahlo khatianga i uak khum tur ka nilo tiin ahlap hrep mai a, aban veilam ruh ahlap auh sak nghe nghe a...
An khua te lakah hian an inthup thiamin, inleng leh mikhual ho hmuh lai chuan ahma ang bawk in an duat em em thin a, Liansangi chuan mikhual te hi nei reng se a ti rilru thin khawp a, mahse chutiang ang reng chuan a awm theih bik siloh, a naupai pawh thla khat a tling chho ve ek ek a, lalnu chuan upa te lovah chuan chawhmeh eng ila la turin a tir thin a, a chawhmeh hawn te chu ahelin an eitir fo thin a, amah pawh a cher ruam mai a, mahse ram lama kal chu nuam a ti zawk mah a, a chhan chu tiduhdahtu te awmlohna hmun leh duh tawka auak tuarh tuarh te chu ahlim veng veng thin a, a chang chuan tlan haw mai te a duh rum rum a, mahse ama tihsual anihna chen a awma ahriat tlat avang chuan ahaw mai ngam bik silo.....
Lianpuia leh Sena chuan anau chu a chanchin hriatlohna a rei tawh e tiin mualcheng kal tur chuan an inbuatsaih mek a, a nupui neilo ber Sena nen chuan an inkawp chawt a, Sena lah vun ngo lam tih takah alang upa lutuk lova, inkawm awm tawk tak in nih kha an ti fo reng ani....
Lianpuia leh Sena chu phur tak chuan mualcheng lam pan chuan hmanhmawh lutuk lem lovin an kal chhuak ta a, Mampuii chuan a fapa te chu kawtchhuah thlenga. thlahin, Liansangi chu engemawah ala mamawh takin tiin thihna nalh deuh mai leh puan nalh deuh mai hi aken tir a, tlauang takin in han kal anga Liansangi chu min lo biak mawlh mawlh dawn nia tia an inthlah hnu chuan an Lianpuia te chu an kal ta vang vang a, khaw karah zan tam an riah hnu chuan mualcheng khaw kawtchhuah ah chuan thlifim dawngin vaibel te an pak hlat hlat a.....
An thlan te adai ta maw tih ah mualcheng lal in pan tur chuan kal zai an rel leh ta a, lal in pawh akhaw luh chiah khan hai theih anilo, alangsar bawk ani, lal in an thlen chuan an lo be tha khawp mai a, Liansangi lah duat namen lo chuan an duat a, nau alo pai ve tawh bawk nen, amah a cher chhan te chu anaupai ahua an ti mai a, ngaihthat lohna em em neilo chuan lal inah chuan an thleng ve ta a, mahse Nghakmawia chu an la hmu miah lova azin emaw ni le an ti rilru a, Sena chuan azawt ta nge nge a, a pu te khuaah Liansangi nau thatna tur tiin a pu in a chah chho alawm mawle tiin, engkim an tih apiang mai chuan an farnu tan an tih vek avang chuan an lawm ve hle mai a....
Mahse naupangte ni mahsela mifing leh mibik Lianpuia ngaih erawh a tha fai vek thei tlat lo, akut akhuh tet tet te leh aban chu emgemaw a ana ti hmel chu ahmuh hmaih hauh lova, mahse an duat em avang chuan han zawh viau a tum bik lem lova, bakah tunah chuan mi fanu ani tawh a, eng engemaw chu an tawng ve turah angai mai a ni....
Lianpuia te pawh ni thum an cham hnu chuan an haw tur chuan an inbuatsaih a, an haw dawn chuan anu thil kente chu an han phawrh a, Liansangi pawh amittui a tla zawih zawih mai a, dam chuan remchan veleh kan lo zin leh thuai dawn nia tia in thlah in an chhuak ta a, an chhuak ta chu Liansangi chuan kawngka a tang chuan thlirin amittui tla chu adang seng ngang lo ani, tah chhuah hawm hawm chu a duh em em a, Lianpuia kawngka pel fel chiah chu a ding chat a, a hawi phei nak chuan anau chuan alo thlir reng a, amittui a tla nasa hle tih ahre thei mai a, akhawngaih hle mai a, amittui tla karah khan harsatna leh buaina thuk tak hmu hian a in hre tlat a, chu mitmeng chu tanpui mamawh mitmeng ni tlat hian ahria a...
Kalkawng an kal lai te chuan a rilru ahba thi thei tlat lo, angaihdan mai mai aniang tia thil dang angaihtuah pawh chuan a rilru ah thildang a awm thei tlat lo, chutia angaihtuahna kawma a awm lai chuan a dara apa Sena ben thawrna avang chuan aphu deuh zawk nghe nghe a, Sena chuan iva ngaihtuah muk awm ve biak pawh ihriat theihloh ni a tih takah chuan aw ani maw min bia tih reng reng ka lo hre hleinem, Liansangi kha ka lo ngaihtuah a tiin amitmeng leh amah ah ngaihthatlohna liantak mai ka thinlungah hian thi theilo a awm tlat maia tiin a rilru chu apa Sena chu a hrilh ta vek a, Sena pawh chian a sawibtakah chuan a rilrua awm te chu asawi ve ta a, eng em tilo turah ngai ila, mahse khuahkhirh beh tlat, mite hmuh a inthup tlat nihian ka hmu a, amah ah khan chhungkaw inpawhna leh amah ah khan nuam tihna ni lovin thununna avanga nui lui niin ka hria alo tih ve takah chuan in thleng phawt ila, tihdan kan zawng dawn nia tiin chawlhna rem chang ah chuan thu chawlin luite tui te chu an in khawlh khawlh a....
Lianpuia te an kal liam ta maw tih chuan lalnu chuan Liansangi chhipsamah kekin an hmuh laia tah vel kha angai em ni, engangin nge min ngaih ang tiin chhuatah chuan akel thlu tawp mai a, chhuata a tlu chu anakah chuan an chhuih zui leh zawt mai a, Liansangi pawh a thaw hawlh mai a, thawk aharsat hle mai a, chuti chung chuan lalnu thing tuah tur chu ek turin an ti zui leh nghal a, Liansangi chuan kal pawh kal ngil hleithei lo chuan rapa hrei chu lain kawt lam chu apan tawk tawk a, hrehawm hi a ti em em mai a, apasal lah mi khua ah bialnu neiin a cham reng mai si, alo haw ve chhun lahin biak pawh abe ngai lova, be lo mahse Nghakmawia a awm chuan an ti vaklo deuh a, be lo mahsela awm ve se hi a ti thei em em a, amittui hi a tla reng mai a ni....
Hun akal zel a, Liansangi pawh apuar ve luah ta mai, ei tha hmulo tih hriat takin adul puar tih loh chu ruh hlang hi ani ringawt, raipuar teuh chung chuan an tihdan angai reng a, raipuar teuh mah nise lal in chhuat ah chuan keh thluk leh tlawh thluk an bang chuang lova, naute pawh chu a chhiat ta nge nge a, nau a chhiat ni ah pawh tui chawi tirin thing an ehtir reng bawk a, thing ek chung chuan a thi hi abaw leh zawih zawih thin a, a thing ehna bulah te chuan thisen a thlauh zeih zuih mai a, chutia thisen aput h em tak em avang chuan nikhaw hrelovin atlu ta nge nge a....
Lal ina awm te ho chuan an lo hre mailova, an khaw tlangval fel tia an hriat khawhmawr bera mi, hmeithai fa a nih avanga mite hmuhsit dawng thin, mahse tlawmngaihna kawnga tuma tlukloh dikna ngaina tu em em nisi Thangbika chuan hmuin, lal inah chuan apawm chho ta a, chuti chung chuan a thi chu ala put char char mai a, lal in a han luh chuan lal pa chuan ehe Bika engati ta mge an tih chuan, khawlaia alo tlu ahmuh thu leh a thisen a chhuah reng thu leh chutia nikhaw hrelova tlu ta chu a rawn pawm chhoh tak mai thu an sawi chuan Lalpa chu lawm ahnek chuan thinrim tak chuan kan fanu hi kan ngaihsaklo I tihna em ni, nag hmeithai fapa khan engvamgin nge lal thisen kai irawn tawh ve, ani hi kan fanu ani a, a thih leh dam pawh kan thu, a awmdan apiang hi ka rorelna ani toh hria ang che alo ti hrep mai a, mahse chumi ni a tang chuan mite chuan Liansangi chunga an thiltih chu an hre tan ta a, tuukhur kawnga a thisen thlauh te, khatah pawh khan nula thenkhatten an khawngaiha a tui chawi pawh an chhawka, kal pawh akal hleithei lova, an inbulah tui pawh an kentir ve chauh kha ania, a thing ek tlu pawh hmu an tam khawp mai, mahse tuman ti ngam heklo le, tlangval Bikan a buaipui ta kha ani zawk a.....
Lianpuia pawh in an thlen hnu khan anu leh pa bulah a ngaihthatloh thu te a sawi a, anu leh pa chuan ngaihthatlohna tur a awmlove ti mahsela mi bik pasaltha Thangtea pawh in amumangah ahmuh ahmuh tak ah chuan ngaihthah chi ah angai ta bik lova, arang lama a fanu chanchin hrechiang turin mualchengah chuan an pafa chuan kal an tum ta a, Mampuii chu hrilh a duh chuang lova, Lianpuia nen chuan an sawi dun fo thin a, Thangtea chuan inu hriatlohin ramchhuak turin kar hnih vel cham turin kan kal dawn kan ti dawn nia, anih loh chuan hmeichhe ho chu tul lo vah an rilru ahah hma thin sia tiin a tuk tuk leh lama ramchhuak tur chuan an inbuatsaih ta a....
Liansangi pawh ahma ang kha ahmel ani talo, lusei piang tawh hmeichhia zinga hmeltha ber chu Mampuii ani a, afanu Liansangin akhum an ti thin kha ani ngai a, tunah chuan ruhkawl hlang ani deuh tawh mai akhua mipui te pawhin an khawngaih em em a, tha pawh anei meuh tawh lo, abiang te chu aki ruak mai a, chutiang anga tih duhdahna chu kum hnih zet zawt a tuar ta, a rilru chuan thih daih a chak thin a, pitar ang mai chuan a kal kho kho mai a, asam an kehna lah a tla kawlh veng vung mai bawk nen, khuih ngailoh tih takah atla velo lah abawrchhawr em em mai bawk si nen, chungte hlei hlei chu an tih duhdah tizualtu ani zel mai si, anu leh apa apu leh a ute angai thei em em a, a thih hma in ahmu leh angem ahre bik silo, a thih hma ngeia hmuh leh te hi a chak em em a, mahse a tan chuan vana rah ang ani si a....
Thangtea te pafa pawh zan tam tak riaka ramchhuah tum anga kalin, Mampuii chuan kawtchhuah thleng a va thlah a...karkawnga Zan nga an riah tuk chawhma herah chuan mualcheng khaw kawtchhuah ah chuan an ding vang mai a, chutia an chawlh lai chuan tu emaw ni hian hmanhmawh deuh hian a rawn kal pela, biak pawh an lo be lem lova, ngaihthatlohna pawh an nei lemlova, chupa chu tlangaupa lo niin lalpa ten Liansangi an tihduhdah zia hretu pakhat leh, Liansangi pawh lo tlawh thlu ve tawh tu ani nghe nghe a.....
Thangtea te pafa pawh kalzai rel lehin lal in an pan nghal a, lal in ah chuan luh an han dil a, lalin an luh chuan an lo ti tha hle mai a, an lo kal chhan chu zawh buai ngai lovin, an fanu Liansangi vang ani tih chu an hrethiam nghal vek a, hah zu te anlo zuk a, an ti ti luam hnu chuan Thangtea chuan hei Liansangi te kan hmu khat tawh sia enge an chanchin tiin kan rawn tlawh anih hi khawiah nge an awma an ti a, lalpa chuan an nupa in a pute an tlawh ve anih kha thla hnih vel lai cham turin an kal ta anih kha, in lo thlen hma nihnih liamta khan an kal a, in in mang lo chiah chiah ani an ti mem duai a, inhnuaia buhzem a Liansangi phuar hlawm reng leh a ka an hnawh sak tlat chu amittui a tla zawih zawih mai a, tal tur pawhin tha anei hek lo, a rilru chuan a pa leh a u chu ako mawlh mawlh mai a....

[Ngaia]

Episode 65....
Samlukhai val rual te pawh an pasaltha Saihleia thlavang hauh tumin lal in kawtah chuan an in hawrkhawm tuau tuau mai a, pasaltha Saihleia phuba kan duh tiin an au rual thup thup mai a, an lamkal te sawi dan in a thiamloh zawk ani ngei mai a, mahse tlangval thinrim erawh an dang zo kher angem le kan la hre zel ang chu....
Thangtea te pafa pawh lal ina thlen an tumloh avang chuan thlen in tur zawng tura chhuah chu an tum a, lalpa leh upa te ho chuan an ina thleng turin ti hlawm mahse venghmawr lam chu an beisei zawk a, chubakah puih na hun remchangte a awm takin tih thuah an an khaw luhtan dawna in hmasa ber lam chu an pan ta zawk a....
Venghmawr a in tawp ber ah chuan luh an han dil dak dak a, in chhung a tang chuan tlangval pakhat hian lo lut rawh u alo ti thuai a, Thangtea te pafa chu lutin thlen an han dil a, chupa chu eng sawi lo chuan amittui a tla ta zawih zawih mai a, anihna takah chuan miten fahrah leh hmeithaifate an hmuhsit thinzia leh, mite pawhin khawhmawr bera awm leh nghal te chu thlenna tlakah an ruat ngailova, mi pangngai anga en pawh an hlawh hek lo, chutiang engmah pawisa lova an in thlen rawn diltute chu a rilru chuan engang mizia tur nge an nih a hrethiam in, alawm bawk si nen alo insum thei hauh lo mai a, khuh kharh kharh pahin ka tihpalh ani, thil ka lo ngaihtuah nasa lutuk alawm mawle min ngaidam teh u, khawi a tanga lo kal nge in nih le, leini inah chuan hmeh tha pawh a awm dawn lo ania, kan ei ang ang kan in ang ang in in ve duh dawn phawt chuan lo kal rawh u mikhual kan hnar ngai love alo ti a, Thangtea chuan Samthang khua a tanga lo kal an nih thu leh Liansangi pa anih thute, abula tlangval chu kawkin Liansangi u anih thu te an hmingte an sawi chuan chu tlangval chu a lo ding chhuak nghal zawk mai a.....
Liansangi pa leh au leh naute chu tute nge an nih ahre chiang ngang mai, dikna pasaltha Thangtea ani tih pawh ahre nghal a, afapa pawh apa ai maha cherang leh insual thiam hmeltha tia an sawi ahre tawh bawk a, Thangtea te bula va kal hnaiin, ka pu nangni meuh kan inchhung in lo dai lut ve duh chu ka lawm hle mai, han thu phawt ula kan titi dawn nia, tiin rapchunga a zu um ve, bel te reuhte chu la thla in a rawn chhawp nghal a.....
He tlangval hi lal ina Liansangi pawm luttu leh lalpa in alo hauh tak hrep Thangbika kha ani a, a zu chhawp pawh alo chang tha viau mai a, Bika phei chu a tawng nuam ta kher mai, an titi mawlh mawlh lai chuan Bika chuan thudanga lai chuan in lokal takah chuan ka thil tawn tlema zawng hrilh ve cheu ka duh a, mahse nagmahni ah tawp sela ka duh ani, chutiang anih dawn chuan ka hrilh vek ang che u an ti a, Thangtea te chuan nie keimahniah a tawp vek ang a tih takah chuan Bika chuan a thil tawn Liansangi chanchin chu an sawi ta a, Lianpuia chu a thu mai mai thei tawhlo, sawi zel rawh a ti nghut nghut tawh mai a, apa bula kal nilo se chuan ahan phin darh tawh ngei ang le....
Liansangi an tihduhdah thin zia an han hria chu Thangtea pawh a chek tlawk tlawk mai a, tihian bika chu an zawt a, anih leh tunah hian Nghakmawia nen a pute khaw lamah thla hnih vel cham turin an kal em ni an ti a, Bika chu amengphawk nasa mai a, chutiang chuan an ti em ni, dawt bak va ni suh, Nghakmawia te chuan kan khaw piah lal fanu saw aluhkhung ani deuh chawt mai, alo haw ngailo, khawiah emaw an dah bo aniang tiin a rin dan chu asawi tlang ta hmiah mai a, an rilru abuai ta ngei mai, engtia hmalak chi nge hriatthiam ahar ta hle mai....
An thlen inpa thusawi lah thudik ani nge nilo chiangtaka hriatna awm bik hek suh, lal Siamliana te thusawi lah thudik ani nge nilo hriat ni bawk hek suh, han nawr viau dawn se thudik alo nih hlauh chuan an inkar chhiatna zakhua ani dawn bawk si nen, rilru pangkhing deuh chuan Thangtea pawh a awm a, engtia hmalak tur nge tiin a rilru chu a insual nasa hle mai, engpawh nise han leng chho leh phawt ila zan khatte han riak phawt ila thuthar kan hriatdan azir aniang chu tiin a rilru akawm melh melh a..... Alo tlai ve leh ruai tawh mai, behliang mun hun chho ani der tawh mai, Lianpuia chuan Bika hnenah chuan titeh tlai hmeh tur vahrit i zu enkual teh ang tiin an sawm a, Bika lah alo phur nangiang mai, apa bula a tih ngamloh leh sawi chhuah ngamloh chu bika bulah chuan bultan a duh vang hi alo ni a, Thangtea chuan awle zu kal ula lo haw har lo ula, keipawh lal inah ka lo han leng ange tiin an in then ta a....
Thangtea pawh lal inah a thu leh vang tawh a, an khua ve ve te leh liansangi chanchin te sawiin lal Siamliana pawhin afanu chu a fak luam a, engmah han rinhlelh tur ang erawh ahmu mai hrih lova, Liansangi erawh buh zem chhungah saruak deuhthawin phuar beha awm in aka hnawhsakin ala awm ve reng a, amittui a tlak nasat avang chuan amit pawh abui chur tawh mai a, Lianpuia te pawh an vanneih asiamin vahrit pahnih leh sakhi la an kap hlauh a, Nghakmawia bialnu neihna khuaa kal chu Lianpuia chuan a duh hle mai a, engkim ti chiang turin han kal a duh a, chu khuaah chuan Nghakmawia a awm chuan amah chu hruaithlaka thudik an hailan theih abeisei a, mahse han kal ngawt sela buaina dang an tawh ahlau ve tho bawk si nen, apu te khua tia an sawi pawh chu kal a tha a ti viau bawk a, khawi zawk nge kal hmasak tur niang tihte bika nen chuan an sawi dun ve masa mai a, mahse apa tello chuan engmah a ni dawn lo tih a inhriatchian em avang chuan an thiltum pawh chu thulhin tha thara apa nena inrawn hmasak zet chu tha zawka hria in an sa kah te nen chuan an haw ta a....
Bika nu pawh tlai eirel hun velah alo thleng a, chutia an ina mipa palian tak mai leh pasaltha tih hriat em em mai ahmelhritsiloh inei alo nun khu vut vut ahmuh chuan luh pawh lut lawk ngam lo chuan a hel ahel a, nakinah chuan Thangtea zawkin ilo haw tawh ani maw in mikhualte kan nia tia alo koh takah chuan ngaihthatlohna em em pawh nei bik tawh lo chuan alut ve ta a, bika nu chu tar ve tawh lam anih bakah apasal kha ahmuh lai ngeia ralin an thahsak avanga hlauthawng hma em em mai alo ni a, Thangtea chuan lo be bawrh bawrh in an kal chhan leh amah te an insawi chuan bika nu chu a hlauhthawnna chu a reh nghal hmak mai a, pasaltha Thangtea ani tih ahriat chuan a thla hi amuang thar em em ta zawk a, inpawh tak chuan an titi ta zawk a, chutia an titi lai chuan bika te pawh luhka an rawn rap ri rak a, in an rawn lut chu sa eikhat tih takah an hlim em em mai a, an puah nghal sawk sawk a, zan riah hmeh tirin a chek te chu an siam ta nghal a....
Lal Siamliana chu chutia Liansangi pate a khuaa an awm ve reng avang chuan a ruk tak chuan ahlauthawng hle mai a, mahse lal mawl tak ani bik lo tlat ani, upa te nena an han sawikhawm chuan Liansangi chu thah mai tha an ti tlang a, that ila dahtha hrih ila, an haw hnu thla khat velah Liansangi chu nau chungah aboral kan ti dawn nia chuti lo chuan buaina namen lo chhuak thei ani tlat tiin Liansangi chu tih hlum chu an rel thlu ta a....
Bika nu pawh chuan an Thangtea lo kal chhan chu ahre tawh a, Liansangi chu lalpa te lalnu te, upa te thlenga an tih duhdah thin zia pawh ahretu ani ve bawk a, mahse afapain engkim a hrilh tawh avang chuan engtehvak a sawi ve lova, afapate sakhi sa hawn lal chhiah tur an dahhran chu bika nu chuan lain lal sa chhiah pe tur chuan a chhuak ta nghal a, bika nu chu akal zel a, lal in pawh alang thei ta, lalin hnuai a tanga Liansangi ruak deuh thaw phuar ni bawk si a, an rawn kai chhuak chu ahmu a, aka chu an tuam phui tlat tih ahmu thei bawkna, a thil hmuh chuan abarakhaihh hle mai a, a su nghal dup dup mai a, sa chhiah pawh pe ta lo chuan a rang a rangin lamah a tlan haw ta a.....
In aluh chuan sa chhiah nena a rawn let leh chu an lo en he haw a, ani lah engmah sawi mai thei heklo, Thangtea chuan enge i tawn tak, i thla a va phan hmel em em ve alo ti thuai a, bika nu chuan tunah tunah lal inah Liansangi ka hmu, an phuar, aka pawh an hnawh phui, inhnuai a tangin an kai chhuak, tunah kal vat ru, kal nghal ru a ti ta chul mai a, chutia a au chhuak chu thenawm hnaite pawh chuan an lo hre ve hlawm bawk a, an rawn lut khawm nual hman a, Thangtea te pafa leh bika chu rang takin lal inah an tlan chho nghal a.....
Lalpa chuan Liansangi chu thing mum tha zet maia lo tinin nangmah vanga khua leh khua kan buaihi ka rem ti ngai lovang, hman tangkaina pawh i awmlo, kan tan anchhia mai ini e, thi la kan tan leh i chhungte tan hlimna i thlen zawk ang tiin vuak ahan tum azak kau hawkin an phar chhuak a, chuveleh che tawh suh u he ina awm zawng zawngte chet in thawh anih chuan in thi vek ang tih ri chuan a thil tih tum chu a thulh tir chiang kher mai, abeiseiloh tawp thil ani, Thangtea hawna ala rei lova, alo leng leh anih pawhin zanriah eikhamah ani tawh dawn tih ahre chiang ve em em a, chuvanga he hun tha hi lo chuh kha ani ve reng a, mahse misualte vanneihna hi chuan rei a daih tak tak ngailo ani...
Lianpuia pawh apa azah viau nnagin a i sum thei tawh bik lo, anau lama tlan phei pahin lalpa chu a chem ken chuan abek ah an vaw ngheng mai a, lalpa pawh chhuatah alet hlawl mai a, anau chu an en thin a, akhawngaih kher mai, an phuarna te chu azai chah sak mawlh mawlh a, aka an hup na te pawh aphelhsak mawlh mawlh a, bika pawhin Thangtea sawi angin chu ina awm zawng zawng chu alo phuar ve mek a, lalpa pawh luhai nikhaw hreloin ala tlu bula, nghet tak chuan an phuar hmiah tho a, lal in kil khatah chuan an tlar hlawm a.....
Lianpuia chuan lal ina awm zawng zawng chu thah nghal vek mai a duh a, mahse apa vang chuan a che chhuak lo chauh ani, chutia an phuar zawh hnu chuan upa pakhat chuan Liansangi thiamloh anih dan chu atawn sawi zat zat a, chu erawh chu Lianpuia thinrim tizualtu ani tlat, chupa lama tlan phei in eng sawi set set lo chuan anghawng chu an fik nghal hmawk mai a, in thi vek dawn tho a, a thi hmasa ber ani ve mai a ti duh chauh a, tun tum chu apa in nun ti mahse ka kut a tangin tumah damin an chhuak lovang a ti rilru neuh neuh a.....
Thangtea chuan Bika chu tlangau tura tirin mipui zawng zawng ko khawma lal in kawta kal khawm tur chuan a tir chhuak a, bika pawh a kal chhuak ve nghal a, nakinah chuan lal in kawtah chuan mualcheng mipui chu an rawn tlim hmur mai a, leikapui ah chuan Thangtea chu ding chhuakin mipui hmaah chuan thu asawi ta a, hei zaninah in hmaah in beisei loh thil sawi angai ta hi hrehawm la ti khawp mai, chutih rual erawh chuan sawi loh theih ani silo ani tiin bul a tan a, Liansangi pa anih thu te, an sawi hmasa a, mipui chu an phun mur mur mai a, dikna pasaltha Thangtea a taka ka vawikhat hmuhna ti tawk an awm a, hetilaiah afate rawn tlawh satliah chu anilo tawp ang ti an awm bawk a, Thangtea chuan mipui phun mur mur chu akuta zapin, hei vawin ah afanu chu kai chhuak turin an ti a, Lianpuia chuan a rawn kai chhuak a, kan fanu Liansangi chu kawkin hetiang khawp hian an lo ti duhdah a, tunah pawh thah hial tumin ani hmeichhe awmnem zawk pawh dim hauh lovin a chungah an lo che a, vawin a tang hian in lal ani tawh lovang a, ka fanu duhdan angin am chungah rorel an ni ang, Nghakmawia pawh tunah hian hruai turin la fapa leh bika an kal dawn a, in lal hi lala in la duh anih chuan emaw thusawi duh emaw in awm chuan tunah hian thusawina hun ka hawn sak ang che u, an tih chuan putar pakhat hi lo kal pheiin nang hi pasaltha Thangtea inih ngat chuan ikuta kan vaia awm hi kan duh zawk e a rawn ti tawp mai a, chutah val upa khaw chanve aia tam ho thei chu lo kal hnai veleh in, i rorel apiang kan pawm e an tih chuan mipui chu an au ta dur dur mai a, anih chuan val upa chu melhin Nghakmawia chu ikutah awm sela, naktuk zing ni chhuah hma ngeiin heti lai hmun ah hian a awm tur ani an ti a, val upa chuan awle alo ti var a, Thangtea chuan sawi zawm lehin naktuk tukthuan eikhamah lal in kawtah mipui zawng zawng rorel turin in lo kal khawm leh vek dawn nia, in pawimawhna hrereng in tumah kal lo bik awm lovin in lo kal leh theuh dawn nia an tih chuan mipui chu an tin darh ta a.....
Lianpuia leh bika kl tir pawh val upa chuan ka tel vena chi ani e a rawn ti a, anihna talah chuan mualcheng lal diktak kha lal Siamliana hian thatin a awp zui ta kha ani a, akhaw mipuite hian an lwm teh chiamlo a, mahse an tha en mai mai a, hetiang thil a thlen takah chuan an sawi duh loh leh an tih duhloh an tih chak em em si chu ti turin an puakdarh ta hlawm ani ber e... Nghakmawia lah lalfapa anih avangin mite hmuhsit ching alo ni bawk nen an mil lohsa nak alaiin val upa chu tlangval thenkhatte chuan an zui ve bawk a, mahse lal Siamliana lam tangte pawh an awm ve nawk tho mai, an boruak chu ala rit dawn chauh ani.....
An khaw thenawm Bungtlang khaw lal inah chuan Nghakmawia chu alo titi thar thar a, lal ina luhdil thawm avang chuan a tawp hrih a, lut tura an tih hnuah lal ina rawn lutte avang chuan Nghakmawia cgu ameng bial kawk kawk mai a, chuti teh thuta an val upa te a hmuh chu abeisei loh vang ani, Lalpa chuan enge an duh tih leh khawi khua a tanga lo kal nge an nih an tih chuan mualcheng val upa chuan an khua te an sawi a, val upa anih thu leh an lal fapa hi engemaw thila rawn ko an nih thute an hrilh a, Lianpuia erawh engemaw a thlen loh nan lal inah chuan luh ve an remti hrihlova, bika nen chuan tlangval ho awmna zingah chuan an awm ve a, lalpa chuan mi pakhat hruai turin tlangval heti zat hi in lo kal chu anisia an ti a, val upa chuan nie kan lal fapa hian aphu alawm, alo tihsan mai a, a ruk tak chuan han keh chhuah nawk nawk mai chu a duh ber a, Nghakmawia pawh ahawisang leh vah tawh a, zanin ah tut tut angai em ni, naktukah hahdamin kan kal dawn nia, in zahawm viau nain a ti deuh ta tlat mai a....
Val upa chuan ahmanhmawhthlak thu leh zaninah ipa in lo haw rawh se a tih vang chea rawn ko che kan ni alawm a tih pawh chuan naktukah le a ti ta tlat mai a, lalpa pawh chuan a lo tuihnih ve bawk avang chuan an awki pawh asang sawt viau mai, chutia an rei tak deuh viau avang chuan Lianpuia thinin a tuar ta lo lal inah chuan a han lut chho ve a, chu thil Nghakmawian ahmuh chuan hlauhthawnna in akhat nghal a, Lianpuia chuan tunah insiam la, kan kal nghal angai a rawn ti ram deuh hmak a, Lianpuia chu an en thap mai a, Nghakmawia chuan Lianpuia chu tunge anih ahre chiang ngang mai, an thinrim dan atang chuan engkim an hre tawh anih ringin haw loh dan chu azawng ve ngar ngar a...
Nghakmawia chuan ka haw dawn chuanglo an ti leh hram a, Lianpuia chuan hnuh haw i duh leh duh loh ani mai a ti ram ta hmak mai a, chutah loh theih lohin lalpa alo tawng chhuak ta, Nghakmawia alo tan ve bawk nen, ka lal in chhung ah leh ka khua ah duh duh dana awm rawn tum suh vala, lo va haw ula naltulah kan tlangval ten an rawn thlah dawn ania a rawn ti ve ta a, Lianpuia chuan nie lalpa i zahawm khawp mai, mahse ka hruai haw angai min dal suh ang che an ti ve leh hmiah mai a, mualcheng val upa chu lo in rawlh in, nie lalpa zanina kan hruai haw hi apa duhdan anih avangin kan hruai phawt ange alo ti ve bawk a...
Lalpa in amah tan zawnga thu alo sawi zauh avang chuan Nghakmawia chuan beiseina thar neiin lalpa bulah chuan va thuin ka haw duh tawhlo, heng ho hi ka ringlo, ka pa tirh an nilovang, hetianga min ti turin leh zah lo taka min ti tur hian ka pa in a tir lovang a ti zat zat mai a, dan pangngai ah chuan anihna chen a awm ve tlat ani, chutah Lianpuia ngaihdan ani talo, Nghakmawia chu a chhipsamah thamin an phih tho dawrh mai a, ikal dawn nge dawn lo, an ti vin thak mai a, lalpa leh upa ho pawh an ding nghal thap a, upa pakhat chuan tlangaupa chu bekbawrhin an khaw tlangval ho ralthuam nen lo inring tir chuan alo ti ve mek bawk a....
Lalpa chuan Lianpuia chu kawkin ka khua, la lal inah hetiang hian i che ngam ani maw, damin i chhuak lovang an ti nghal tuarh mai a, lal in ah chuan thinrim au thawm a chhuak ta chuah chuah mai a, tlangval ho pawh ralthuam nen lal in kawtah chuan an ding thap a, mualcheng tlangval tlema zawng Lianpuia te zui tute chu an hual thap mai a, lalpa chuan man vek rawh u a ti zo hman tawk, Lianpuia chuan Lalpa chu asamah thamin a chem chuan an tin nghal zawt a, leikapui ah chhuah puiin tawp rawh u, vawin zan hian rawn tibuai tur cheuin kan rawn kallo he mihring Nghakmawia hi kan rawn lam mai chauh ani, in lalpa hi a dam inla duh anih chuan in ralthuam dahthla vek rawh u an ti thak mai a, tunah hian kan lo kalchhan leh kan hruai chhan in hre duh anih chuan in val upa te khan min zui thei ang, an ti a, chutia tlangval tuai tir mai te in a khaw pum mai avo zam titih der mai chu an khaw pasaltha chuan angaithei ta hlek lo mai a, nauva hetah hian rorel rawn tum reng reng suh, he khuaa ka awm ve chhung chuan duhduh dana rorel tuman an tum tur anilo a rawn ti ve ta nge nge a....
Lianpuia chuan tihbuai emaw insual emaw tura lo kal kan nilo ka tih tawh kha, mahse mindang lui an awm chuan ka duhloh thil ka tih angai anih pawhin in sel lo aniang chu an ti ve leh ngat mai a, chu thu zet chuan Bungtlang pasaltha chu a ti thinrim hle aniang, anih ahnu ka dam ve tawk tawk chhung chuan in kal dawn chuang lo tih lo hre rawh an ti chang ta khawl mai a, Lianpuia chuan chuti chu enge kan lakah i duh a, an ti a, Bungtlang pasaltha alo thinrim ve tawh laklawh nen ilu bak ka duhlo a ti ram hmak mai a, Lianpuia chuan engpawh tawk la i inchhir lovang maw an ti leh te te a, a chhan chu tha taka inthlah ala beisei cheu ani, chupa chuan i ngam anih chuan thidang vak sawi angailo, lo chhuk la ka hmaah hian lo ding ta che a ti vin ta tuarh mai a.
Mualcheng val upa ngaihdan ni tawh bik heklo le, keiman le ka cho che alawm a rawn ti ta nge nge a, chuveleh Lianpuia chu lal in a tanga lo zuang thla in val upa chu ahmakhalh nghal zat a, nilove naupang zWk kan awm laiin val upa te chu lo awm hahdam rawh u tiin Bungtlang pasaltha lam chu apan nghal a, Lianpuia chuan inchhir suh ang che an ti zauh a, chuveleh Bungtlang pasaltha lam chu panin a tlan phei nghal a, vei lama tlan tur angin dinglamah chuan an tlan kawi zawr mai a, chupa chem rawn vai chhuak chiah kiu ah chuan an chhawk nghal hmawk mai a, khawih zui ta lo chuan Lianpuia chuan min la dang dawn em an ti leh ngat a, chupa pawh chuan chuti teh thut leh rang chuan chutiang thil chu a tawn ring bik heklo le, ka tlawm e a ti chuai ta raih mai a, tlangval ho te pawh chuan tunge mawni le chuti ema cherang leh insual thiam chu an ti sap sap a, Lianpuia chuan tunge min dang duh in la awm em an ti lang lang a, tumah in an chhan tak loh ah chuan Nghakmawia kha rawn hruai ru zan a rei dawn kan haw vat angai a tih chuan Nghakmawia pawh an rawn hruai ta a...
An kal tan chiah tih chuan Nghakmawia bialnu chu alung a awi theilo, ka pa engtin nge tikhan ikal tir mai theih engtin nge an tih dawn pawh ihria em ni tia a tah takah lalpa chuan afanu a khawngaih ve tho si nen akhaw tlangval te chu a um tir leh ta nge nge a, Lianpuia chuan in cho chhuah ani bawka ka thiang e tiin Nghakmawia khel ah chuan atlan chhiat loh nan an khawng vak mai a, Nghakmawia chu aiah tuarh in a thu zawi ngawih ngawih mai a, bungtlang tlangval te pawh an rawn thleng chawpchilh ve nghal a, mualcheng val upa chuan ava mak e aw, in che tak tak teh ang, inring ru le an ti ve tuarh mai a.....

[Ngaia]

Episode 66....
Mualcheng tlangvalte chet ve hma chuan bungtlang tlangval lo thleng hmasa apiang mai chu Lianpuia chuan alo thal hmiah hmiah mai a, mi sawmhnih zenzawn an tluk hnu ah chuan rawn hnai ngam pawh an awm ta mang lova, chutianga cherang leh insual thiam chu an a hmu ngailo mai nilovin an hre ngailo hrim hrim ani, inring tak chuan a chema thisen kai far zawih zawih chung chuan lo kal ta che u, in duh ani lawm ni tiin anau Liansangi avanga rilru na nen bungtlang tlangval ho chu apan chho ta nger nger mai a, ahnungah mualcheng val rual te pawn an rawn thlawp zat bawk a, Bungtlang lalpa chuan man rawh u tumah an kal tur anilo ala rawn ti al al a, chuveleh Bungtlang tlangval ho pwhin an lalpa thu chu hnial an hreh si nen, an ngam loh val tawna famkhua lawi tur chuan an ke an pen leh ta hlawm a...
Lianpuia pawh a chau ve ta kher mai, bungtlang khua chu thisen hian aluang zeih zuih maiba, Lianpuia kalpui mualcheng tlangval te pawh an inchan nual tawh, nakinah chuan Bungtlang tlangval te chu an tawlh kir ta nge nge a, tuman beih chu an tum tawh bik lova, thu bulbal engmah hre silova heti zat nunna an inchan hi pawi an la ti dawn chauh ani, lalpa lah chu afanu chuan ka pa man tir rawh alo ti tuau reng bawk si nen, lalpa chuan that vek rawh u ala rawn ti lar lar a, chutah zet chuan Lianpuia chuan lalin lam pan chuan a dawk chhuak nghal zawk a, lal in leikapuiah a per kai chho zawk a, lalpa lah alo la au tui nasa mai chutiang anga rang chuan alo thlen ring hek suh, a au leh tur chu ahmui ah an hnekchilh rawp mai a, aha hmai abal nghal hawk mai a, lalpa pawh a tawlh rawk rawk mai a, pawisawilo nunna engzatge ifanu avang hian ila thap dawn nge i nunna ithap zawk dawn, tiin a thinrim bawk nen lal anihna pawh azah zo tawh lo, a chhipsamah kekin min la dang leh dawn em tih pah chuan bangthlang lam deng dawt chuan an phih ngheng mai a, bang pawh a ri tuarh mai a, upa ten ngaihdam an rawn dil tak sap sap ah chuan Lianpuia pawh in ngaidam theilo tu nih aiin ngaidamtu nih ahlu tih hria in an in ngaidam ta a, a tlai ta deuh bawk nen Lianpuia chuan hnung lam a tanga min bei leh anih chuan nagmah mgei hi ilu ka la ang a tih chuan lalfanu lam chu ava melh zawk a, lal fanu chuan hmeltha hi a ti em em mai a, mahse a ruk tak chuan ajaw em em bawk a, Lianpuia chuan Nghakmawia hi theihnghilh rawh nupui neilai anih hi tiin akal chhuak ta a....
Bungtlang tlangval ho chuan an en hrek hrek ngam chauh tawh a, Nghakmawia pawh an lo kai tho ve leh tawh a, Lianpuian akhela a khawnna chu ala bai auh auh a, bai auh auh chung chuan zinglam vartian ah chuan mualcheng khua chu an lut a, lal in an thlen chuan khawmbawl upa zawng zawng leh apa leh anu an lo phuar ahmuh chuan ameng phar awn awn mai a, eng sawi set set lo chuan amah pawh an phuar zui ve nghal a....
Liansangi pawh bawlpu in a enkawl nghal char char a, vaw hlum lo mahsela alo thi hman teuh tawh hle hi alo ni a, Lianpuia chu lal inah chuan avei tawn sek mai a, apa pawhin hauh a tum duh tawh bikloa, Liansangi an enkawl dan avang chuan an thinrimna chu engmah in a ti nem zo ngang lo ani....
Tukthuan eikham chuan lal mualah chuan mualcheng mipuite pawh an lo kal khawm leh tak tak tawh a, mipuite chu an tlim hnur mai a, Thangtea chuan val upa leh Thangbika chu ko chhoin, engpawh thleng se he khua hi in kutah a awm angai dawn anih pawh in in pawm angai ani, keimah lam hi chu thuhran nise Lianpuia hi kan dang hneh chuang in ka ring lova, a nau a hmuh hian ana ve em ani chuvang chuan vawin pawh ama tih dan dan ni se la, a tih apiang in pawm pawh ka beisei ani an tiba, val upa chuan nie a dik alawm, hetiang em em hi ani tih keini lam pawhin kan lo hre har a, kan hriat ve meuh chuan heti hi alo ni tawh si a apawi tak tak ani, engtin pawhn rorel ula keini chuan kan sel love, he khua rawn hneh chhuh a, kan duhavanga lal pawh ani bik hleinem alo ti var a.....
Leikapuiah chuan Thangtea chu a ding ang veng vawng a, mualcheng khaw mipui te u vawin ah hian inkhua tih buai kan duh lova, mahse kan fanu chunga hetiang anga che duhtute erawh vawin ah hian zuah kan tumlo a, chumi chungchangah chuan thu sawi duh in awm chuan tunah hian thusawina hun ka pe ang che u, mahse engmah in sawi loh chuan eng rorelna pawh in pawm ah ka ngai ang a tih chuan upa nupui te ho chu an fate nen an rawn chhuak tiam tiam a, mittui tla chungin ngaihdam an rawn dil tliar tliar a, Thangtea rilru chu a insual nasa hle mai, an fanu avanga mi tamtak mi te hmuhsit tur leh endawng tura han siam chu arilru anuam thei ngang lo, Lianpuia lah a thinrim sen tul mai bawk si.....
Nakinah chuan tun hmaa khawnbawl upa ni thin sukte lal Siamlianan apaih thlak tak chu lo ding chhuakin Thangtea chu a en vang vanga, lusei chi amang anih ngawt loh chuan tunge i nih hi thlah te thlah leh te thleng pawhin an hrereng tawh ang, ithiltih zozai te hi, mahse mihring vetho i ni a, nakinah i inchhir loh nan thu rawn duh che ka nei a, keipawh khawnbawl upa ni thin ka ni a, vawin niah hian mi thenkhatte hi chu an sual vang ani biklo ani tih erawh ihriatloh ka duh love, tu emaw sualna avangin lohtheihloh dinhmuna ding an awm ve tih ihrereng dawn nia tiin a kal ta daih a, chu thu chuan Thangtea chu ahneh kher mai, nie a dik ani engpawh nise Lianpui lo kal hnai teh bika leh valupa pawh lo kal hnai teh u, in ngaihdan theuh han sawi teh u an ti a, Lianpuia thinrimna chu engmah in a hneh theilo, anau hmel ahmuh apiangin ana thar ani si a, thah vek ka duh a ti hul hak mai a, bika leh val upa pawhin an rilru leh ngaihdan an sawi hnu chuan Thangtea chuan mipui hmaah chuan heihi vawina ka thutlukna ani an tina, lal Siamliana leh a upa te chu an thaw dep dep a, thlantui a far zawih zawih a, lal in kawt lamah lah upa te nupui leh an fate chu an tap rawih rawih mai bawkna, chuni zet chu rorel tu tan pawh avan luhai thlak teh lul em, thilsual titu ni mahse an tihsual avanga midangte harsatna a thlen dan tur chu nasa tak ani tih chu Thangtea chuan ahre vek bawk si nen....
Thangtea chuan sawi zawm lehin hetiang thil hi keini fate kher loah pawh lusei unau te ziangah a thlen nawn tawh loh nan leh he thu ah hian lal chhungkua te hi abul tumtu an nih angin an vai hian tih hlum tur an ni ang, upa ho erawh tiin Lianpuia chu ava melh a, Lianpuia chuan chhuat lam chu alo bih ngar a, vawin ni a tangin upa ni tawh lovin mi pangngai an ni tawh ang, hetiang anga an chet duhna avang hian an in ngaiah tumah an lut tawh tur ani lovang, khaw hmawrah an awm vek tur ani ang, pachhia leh hmeithai te leh hmeichhe chaklo zawkte diriama hmusittu chuan min hmusit ani, hetiang tih hmang te chu he leiah ka dam ve chhung chuan a awm tur ani lo an tih chuan mipui chu an au dur dur a, a rorel dan chu atha an tiin fing an ti hle mai a, Lianpuia erawh alawm akim theilo, an indang thei hram hram ani ber e....
Tlangval ho chuan lal chhungkua te chu khaw pawnah kai chhuakin an thiltih sual man hmu turin leh hetiang thil an tih tawh loh nan mi zawng zawng in hetiang thil tih hi a thalo tih an hriatreng nan tihhlum tir chuan an hruai chhuak a, Lianpuia pawh in alungawi nan amah ngeiin lal chuungkua te tihlum tur chuan tlangval ho zingah chuan akal ve a, amah ngeiin lal chhungkua a tihhlum tak vekah chuan a rilru pawh anuam huai a, rilru pangngai tak puin alo let veleh tawh a...
Khawnbawl upa ban taka pawh upa min ah awmin val upa chu lalah a thu ta a, thangbika pawh naupangte ni mahse dikna avang chuan anun pawh chan ngam mi hnuaihnungte dinhmun hrechiangtu ani bawk nen la naupang viau mahse upa ah chuan an dah ta a, Thangtea te pawh kar hnih an cham leh a, an cham chhungin mualcheng khua chuan hma asawnin inlungrualna kawngah te, inpawhna kawngah te, hmeithai te hlei hlei chuan nuam an tiin tun hmaa lal in lut chhuak ngamlo leh abul vel pawha kal ngamlo te pawh lal in chu nel takin an lut chhuakin a tu a te mai pawh chu an inpawh em em vekna, an in hmangaih em em vek tawh a, khawnuam tak ni tawhin an hlim vanglai tak ani awm e, khawnbawl upa te pawh an inchhir in ngaihdam an dil chamchi mai a, dik taka nun lo nawmzia an hriat chhuah phah bawk nen nunthar nen khaw thar nen, lal thar nen mualcheng chuan avanglai a chen tan dawn chauh ani......
Liansangi pawh lar hnih a vei leh meuh chuan tlemin a lo zia ta deuh bawk nen, samthang lama hawpui tha an ti tawh bawk nen an inbuatsaih ta mup mup mai a, mite chuan Thangtea te pafa haw tur chu an ui em em a, an khua chu awp mai se an ti hial a, Thangtea chu an ngaisang em em a, chumi piah ah thachhang dawltu fapa amah ang maia dikna ngaisang, insual thiam, cherang bawknsi hmeltha bawk si ala nei tel leh nghal mite chuan an pafa chuan an ngaisang em em a, mualcheng mipui te chuan an ngai em em a, an haw ta pawh an khaw tlangval zawng zawng deuhthaw chuan Samthang ah Liansangi thlah chuan kal fai vek anghe nghe ani....
Mualchenga Thangtea te chetdan chuan khual akai rangin lusei lalramah chuan dikna tantu lalte pawh lo chhuak zelin, Thangtea chu an rawn zawm ve zel a, chutih rual erawg chuan pasaltha Saihleia thihna avanga tlangval thinrim te chuan Samthang chu an thian lal dangte puna run tur chuan an lalpa chu an nawr zantin mai a, a duhloh chuan lal atana paih thlak ah an vau nasa ta mai a, Lalpa pawhin heti chuan a dik dawn love tiin a thenawm lalte puihna chu ava dil ta nge nge a..... A thenawm lalpa pawh samthang khua tun hmaa an thuhnuaia awm thin tuna an lo lian ta em em leh lusei lalram zawng zawnga hmingthang mek Thangtea chu an itsikin an hneh hlauh chuan mi zawng zawng chung en an ni dawn tih hria in, a lo aw ve bawk a, mahse enge an tawn dawn kan la hria ang chu....
Liansangi pawh chutia mahni ina duhthala awma rilru thlamuang taka an awm ta chu angeih hle mai a, kar lovah a tha chho zawt zawt mai a, mahse Samlukhai tlangvalte erawh ahmelthatna avanga an buaina chuan ziaawm lam apan thei meuh lo chu ani ber e, Samthang khua run tir chuan khaw thum ngawt mai thurualpuiin hal darh vek tura kal tum chuan Samlukhai ah an intawkkhawm mup mup mai a, a tuk tukleh maia kal tur chuan an inbuatsaih mup mup mai a...
Samthang lama Samlukhai val an kawl te pawh hrehawm lovin laitual an leng mai mai thei a, mahse engmah hrechianglo Samlukhai val rual Engemaw zahte thinrim avanga an tawn tur erawh a nep lo hle ngei ang le, Lianpuia leh Samthang val rualte thinrim hi an do zo kher angem le, kan la hria ang chu....
A tuk tukleh ah chuan Samlukhai val rualnte leh a thurualpui khaw hnihte chuan Samthang khua chu an pan mup mup mai a, tlangval zariat bawr chho hawlh an ni ngei ang le, Samthang lam erawh muangleia awmin a tua te mai pawh chuan Liansangi an ngaihsak em em vek mai a, an kan awllo va, Lianpuia pawh in a thutpui rawt mai a, Liansangi thil tawn avangin anu Mampuii pawh karkhat dawn chu chaw a ei thei tawh lova, apu pawh a tunu ahmangaih em em mai chutiang ang a tuar ahmuh chuan ama thiamloh niten ahre hial a, pawi hi a ti em em mai a, mahse Liansangi pawh ei tha te hmua duhsakna leh hmangaihna a dawn a chin chu a tha chak hle mai a, ruhkawl ang mai nintawh kha a taksa pawh amam chho ve leh tan tawhba, ngai awh tur erawh chuan hun tlem ala duh ve ngei ang le....
Samlukhai val rualte pawh karlawngah zan thum an riah hnu chuan Samthang ram chhung chu an rap ta a, tuibur hmuam da vel an kal leh hnu chuan Samthang khua pawh alang pe uarh tawh mai a, alan ang aiin akalkawng erawh ahla pherh erh reuh a, khua lan theihna nisi, silai ri an hriatphak lohna tir awm velah chuan inkhuarin, zanlai ar khuan veleh a, khua a luta Samthang khaw chhunga mihring awm reng reng leh in te pawh tiboral vek tura kal tur chuan chulai hmunah chuan an hmaah enge thleng dawn hrelo chuan an hma hun ko lo tak nghak chuan Samlukhai val rual te chu an thu khup mai a....

[Ngaia]

Episode 67....
Chumi zan chu lalmuala zawlbuk an siam that avangin zawlbuk dang pahnih ah an riak hlawm a, lal mual erawh tumah an riak lo va, hemi zan ber kher hi Thangtea te pafa pawh an mutui kher aniang chu, engmah thawng harh tu reng reng an nei lova, zan lai a r pawh akhuang al al tawh a, Liansangi pawh mutmu tuahlo thang tih takah amu tui thei em em mai a, Samthang khua chu a reh hian a reh tlawk tlawk mai a, chutih lai mek chuan Samlukhai leh a thurualpui khaw pahnih Lamchhip leh Thentlang khua te chuan Samthang khua chu ding leh ngai tawh lo tura chimih vek tum chuan Samthang khaw kawtchhuah chu an rawm chuang chhuak ve chiah a, zawlbuk lam pan nghalin a thenin lal in lam an pan bawk a, Samlukhai val rualte chuan an silai chu bawhbel ah chuan an chhawng far a, chutah Lamchhip pasaltha Rochuha chuan khaile Samthang val rual te u thawh in hai ania, Samlukhai khua leh a thurualpui ten kan thawh khalh cheu ania a tih zawh chiah chuan silai chu an hmet puak ta thuai thuai mai a.....
Na tuar te thawm awm chuah chuah tura an ngaih kha eng thawm mah a awm tlat lo, an beih ber hi zawlbuk sakthat tura an tih tlangval te an riahlohna, mihring tuma awmlohna niin Samlukhai ho chu an hawihai hle mai a, chutia silai a rik tak chuah chuah ah chuan zawlbuk dang pahnih a tlangvalte pawh harh nghal in, run an tawk tih hria in mahni khua na na na chu zan thimah pawh chiang hek le, lal muala Samlukhai leh a thurualpui val rual te chu an han kap let ta nghal thuai thuai mai a......
Chutia an beisei loh lam a tanga an rawn kah takah leh an thiante an tluk tak phuk phuk ah chuan an chi ai titih der mai a, hmelma lam silai kengte chuan an han chhanglet ve bawk a, zan thim anih bakah an awmna chiangtaka kap an ni lem lo bawk nen, kahfuh erawh an mei lem lova, khatia silai alo rik tak awn awn ah chuan lal in an zawm belhna lamah chuan Thangtea leh Lianpuia chuan an chhungte chu kal phei puiin lal in sei put mai tawpa chhuahna awmnah chuan chhuhpuiin engemaw thulha bihrukna an siamah chuan an dah te te a, hmun hima an dah zawh hnu chuan an pafa chuan an thiante an zawm ve ta a....
Lal in chu hel in Thangtea chuan hmahruaiin ani chuan chhun ang maiin hmu vek thei hek i, an kal zar zar a, lal inkawta Samlukhai val rual bitna laiah chuan an pafa chuan zuang lutin, an han vir kual tak tak mai ale, Samlukhai tlangval te chu an hek hiau hiau hle mai, Samthang tlangval ten Thangtea aw leh Lianpuia aw chu an hriat thang ani bawk a, chutia an au vel ah chuan aluhchilh tih hria in, Sena leh Saimawia ho chuan Samlukhai tlangvalte chu an pawmchilh ve ta nghal a, Samthang lal in kawt chu thisen rim hi anam thang vung vung tawh a....
Samthang lam pawh an inchan ve viau tawh ani, Samlukhai lam ten lalin luhchhuah tura an dahte lah in lal in chhungah engmah hmu heklo le, hrilh hai deuh chuan an rawn chhuak leh a, mihring tam zawk na na na chu Samthang tlangval te chuan hma an sawn hle mai a, a hual bet zawnga nawr zelin, a rem rem chu an insat siah siah mai a, lubung rap piala tlu thal huang huang tawk lah bolo, Lianpuia ngei mai chuan tumah zuah loh tur tiun a au leng leng mai a, an hmazawn ami chu vawikhat bak an tawk meuhlo, an tlu zwih zawih mai a, chutiang bawkin Saimawia leh Sena chetna pawh akaw duak duak tho mai, Samthang tlangval te hi pasaltha tia chhal nilo hlawm mahsela khawdang pasaltha nazawng ai pawha nep lo thah an niba, Thangtea hoa insual zir thin kha an ni tlat ani....
Samlukhai lam hruaitu Rochuha pawh a au leh that that thin a, mahse engkawngah mah an ngam ngang lo ani, an kal tirh a an phur tehlul nen a hmunah chuan engteh ual an nilo tawp mai, mahse an hotupa Rochuha chuan zam hlek suh u zam ngailo val rual ral leh sa laka tlawma tlan ngailo kan nih kha tia a rawn auhna chuan Samlukhai val rualte chu ti phur thar veleh in, Samthang val rual te chu an nawr kal veleh ta mai a, Samthang tlangval te pawh an tawlh dat dat hlawm a, chu chu Lianpuian ahmuh chuan chutilaia kal phei tur chuan ahma a awm apiang mai chu a kalpah ohei hmiah hmiah mai a, chulai an khaw tlangvalte tawlhna lai ava thlen chuan khaile Samthang val rualte pen khat pawh tawlh ngailo kan nih kha tiin hma an hruai ve leh ta ale, haw haw chung chuan an han nawr a, anawr tawm ta tawk reng a.....
Lal mual alian hril hrim a, Samlukhai val rualte chu mi zali vel zet chu an la dam a, Thangtea chuan kil li in aw an ti tuarh mai a, Lianpuia leh Sena leh Saimawia chu insemdarh nghal in, kil li a tang chuan Samthang valrualte chu an han mawr pui tak tak mai a, khua pawh a rawn var chho ek ek tawh, hmelma lamte chu tlanchhiat pawh tum se an hual bet hneh ta khawp mai, alo lawr hmasa piang mai chu a thi hmasa an ni mai dawn a, chutiang ang khawp chuan hualbet hneh a...
Rochuha pawh anaute tawm te tawk mai chu hmalam pan turin ala au lauh lauh a, Samthang lam lah hmahruaitu khualkai pasaltha thiau maiin kil li a tanga nawr an ni bawk a, hmahruaititen an zir bawk nen, hma an sawn chak zar zar hle mai a, Lianpuia te awmna lam phei chu an hek huam tawh a, Lianpuia chuan tumah zuah loh tur a ti deuh chhen mai a, a nau vanga a rilru ala dam felloh lai takin hetianga an pawi an sawi pawh ahriatloh an rawn run tawp mai chu tumah chhuah a tum bau lova.....
Khua pawh a eng ta at mai, thim thamah an hmu thei bik aw tih tur Samthang valrual te chu khawengah phei chuan an khan lo hle mai a, hmelma lam chuan mi za vel zen zawn chu an chan leh der tawh a, chutiang bawkin Samthang lam pawh mi sawmli vel an chan belh veleh tawh bawk a, khua a rawn emg chiah chu Lianpuia chu a thlun phelh ang zar zar ani lehzual ta, ahmaa awm te chuan aiah pawh an tihman lo chu ani ber e, a awmtawhna chu akam duak duak hi ani mai, a che rang si an khawih be hman thlawt lo ani, Samlukhai lam lah tlawm tum hek suh, tlawm ai chuan thih pawh an thlang amaw tih mai tur chuan an tang thei phian mai a, chutak chu Lianpuia duhdan ani a, tang reng sela, an vaia chimih thak chu a duh zawk a, an tlawm chuan apa rorel dan tur ahre chiang bawk ani.....
Mampui te nufa pawh an khur a reh thei lo, apasal leh afapa chu engtin tak awm ang maw tiin an tawmna atang chuan engmah hmu thei chuang lo chuan a ring alo fan alo fan a, mahse Lianpuia au ri leh tjat thin ahriat chuan ala dam tih hria in alo lawm ve em em a, Thangtea pawh tunhma ai mah khan a tuan te kha atha ta zawk amaw tih tur chuan ala vir kual zak zak mai a, chumi pah chuan Lianpuia ahim em tih a en leh zauh thin bawk a, nakinah chuan Samlukhai hruaitu Rochuha leh Thangtea chu an inhmatawn chat mai le, chuveleh Rochuha chuan tawp ru an ti tuarh a, an tawpnta thap a, nanghi emni kan Samlukhai pasaltha ahnunglama lo that tu chu an ti thawng mai a, chuveleh Lianpuia chuan keimah hi ka ni e, in pasaltha hmeichhia chauh ngam kha em ni isawi, hmeichhia leh aia chaklo zawkte chunga hleilen ching kha emni i rawn sawi tiin Rochuha chu a rawn pan hnai a.....
Rochuha chuan nang hian maw pasaltha Saihleia chu hnunglam a tanga lo that, vawin ah hian la thianpa phuba chu la turin ka lo kal ani, enge sawi duh inei em tiin a chem chu ahum nghet sauh sauh a, Lianpuia erawh angawi kar a, tawng teuhin awmzia aneilo tih hria in, thidik chu alalber tur ani tih hi thlahti te a tanga an din na ani tawp mai ani....
Rochuha bawk chuan engmah sawi tir ineih loh chuan thi turin inpeih rawh vawin bak khaweng ihmu tawh lovang tiin chem vilik chung chuan a rawn tlan phei nghal a, lalpa pawh engtik laiin nge alo chhuah chhoh hman ni, lal in leikapui a tang chuan ka tupa zam hlek suh i pu hian la en reng che ania a rawn ti lang lang a, Lianpuia pawh aphur leh ta khawp mai a, apu chu a insual lai ahmuh khat tawh avang chuan theihtawp chhuah chu a tum reng bawk a....
Rochuha rawn tlan phei kapkara tleng luh zawt pah chuan akaihza leh lam lehlam tha chu a chhat thawt a, rangtaka ding leh nghal atin, Rochuha rawn leh hawi tum, hawi pawh a rawn hawi tha hman meuhlo, Lianpuia chuan anghawng chu rang tak chuan a fik sak hmawk mai a, a thinrim bawk a aluin leiba thlen hma chuan alu chu hmun hniah ah a phel hman a, alu in lei a thlen meuh chuan Rochuha lu chu adarh nuaih mai a, a taksa erawh atlu zawi thlawrh mai a, chu thil zet chuan mita hmutute mak tih leh beisei phak loh tawp thil ani, an ka ho mai a, apu lah alo lawm em em a, ka tupa tiin alo au chul mai a....
Lianpuia chuan tunge la duh awm cheu, tunge lo la ding chhuak ngam an tih chuan ding chhuak ngam an awmlo chiang kher mai, an ngawi thap a, an tlawm tih lan tir nan an ralthuam an dahthla sap sap a.....
Chutia an tlawm takah chuan Lianpuia chu apa bul lamah pheiin apa bulah chuan ava ding ta a, Thangtea chuan ala dam zinga upa ve ber tur chu melh in, engvanga lo kal nge in nih an tih chuan Lamchhip val upa chuan Samlukhai lam unauten kan pasaltha hnunglam a tangin an lo that a, tiin kan hnenah an rawn zual kova, chutiang bawkin thentlang lam ah pawh zualko an tir bawkna, heti hi kan thleng ta anih hi a ti chuai raih a, Thangtea chuan ani maw tiin ahmaa Liansangi te an zawn laia lo khawihtumtu kha ani tih ahr thiam nghal mai a, anih chu tiin val upa chu in khaw tlangval ho han thliar teh leh, an tiba, an khaw tlangval pawh an lo tam vak tawhlo, mi sawmli bawr vel an lo la dam a, chumi hnu chuan Thentlang lam pawh apiah ah awm khawm ru an ti a, Thentlang lam pawh za chuang lai an lo la dam thung a, abak zawng chu Samlukhai tlangvalte niin an zinga naupang deuh chu koin in lo kal chhan ihria em an tiba, chupa lah tawngduh deuh mai, mi ang pangngailo chu ani lemlo, mahse thil zep leh i nei miah lo sawi phawng phwng ang chi kha alo ni ve kher nen an thil duh chu an hre ta a...
Chupa chuan aw hria e, kan pasaltha Saihleia kha Lalpa in a thiamlo zawk a tia, mahse a thiante leh a chhungte khan phuba lak an duha min lo sawma ka lo kal ve hi a ti ta vek mai a, sawpa saw ania tia kawkin Saihleia nau chu alawk ta va mai a, awle alawmawm hle mai vala, va kal leh tawh rawh le an ti a, chuveleh tlangval sawm vel chu tirin an mi hren mi panga te chu an rawn hruai ta a, Samlukhai leh a thurualpui te hmaah chuan thudik han hrilh teh u le an tih chuan an zinga pakhat chuan dawt sawina chi ani tawhlo tih hria in, thidik chu asawi ta vek a, ramchhuak tura an kal dan leh samthang lal tunu kha kan pasaltha khan hmeltha a tih em avangin a pasal kha phuar betin kan pasaltha khan khuaikhem a tum a, chutih lai vel chuan a u te lo thleng ve in kan pasaltha nen khan an inbei a, kan pasaltha kha a thi ta ani, nie ama thiamloh liau liau ani an tih chuan Thentlang tlangval te leh Lamchhip tlangval te chu an thinrim ta khawp mai a, mahni thiamloh ah thiam chan tuma hma an lak na rah avangin an khaw tlangval te an chan teuh chu ani si a, Samlukhai tlangval te chu khawih rwn mai an duh hial a, mahse Thangtea chuan alo khap vat a....
Nichina Samlukhai tlangval kwh pa kha Thangtea chuan rawn hruai teh u an ti a, angeng hle mai a, kal pawh akal tha duh hauh lo mai a, an Lianpuia thinrim chu tlan pheiin abeng ah chuan na fahran maia herh in, ahnuhin ahnuk ta dwr dawr mai a, Lianpuia rilru hi tun hma ang kha ani ta hauh lo ani, anau thil tawn avang chuan engemaw hlekah hian a thin hi a rim nghal hlur zel tawh mai a, mahse thil reng reng diklo tak erawh chuan a ti ngai hauhlo thung, a dikna ah chuan pen khat pawh a tawlh ngai lo thung ani.....
Thangtea bul a thlen chuan anemg chu a aia na mah chuan an herh leh sauh a, akalsan ta a, Thangtea chuan Saihleia nau chu amitah a en kal mai a, tihian thu asawi ta a, diklo taka phuba lak ai chuan dik taka tawrh pawh ahlawkin ahlu zawk a, mahni diklohna avanga ti diklo velo midang te tawrh tir duhna thinlung tenawm tak neitute pawh tuar tlak ani a, thudik hrereng si a, thudik tan duhlo tu pawh dam tlak anilo, chutiang bawkin nagpawh thudik hre siin khawhran hran ilo pun kual a, vawiin hi ikhaw eng hmuh tawp na ani ang, midang erawh chu in haw leh vek thei ang, mahse in thiante ruang zawng zawng hi in thianfai tur ani ang, ahmaa kan man te pawh in haw thei ang mahse heng in thil tih avang hian tun kar ah ngei thupha sialin in chawi tur ani ang, anih loh chuan keimah ngei hi ka samlukhaiah ka lo kal ang a ti ta hmiah mai a...
Saihleia nau chu Samthang tlangval te chuan khaw pawnah hruaiin an kap hlum ta a, samlukhaiah khua ten chanchin an hriat chuan lalpa pawh arilru ahah hle mai a, a i thiam thei ngang lo ani, Samthang ah chuan thupha chawia amah ngei kal chu a tum nghe nghe a, ni li hnuah chuan samlukhai lalpa leh tlangval tha hnemtak leh se chal deuh mai pathum lai mai nen Samthang khua chu an lawi lut ta rup mai a, an lal meuh thupha chawi tura lo kal chu inremna pangngai tak siamin, tun hnuah chuan tu khua ve ve pawh an khawlam hawia ralthuam lek tawhlo tura intiam ve ve in thian tha tak ah an insiam ta nghal am...
Kum tam akal ta, lal Hrangchhuma pawh lua kel sam toin alalna tlangah chuan alo inhrosa kuk kuk mai a, akhua pawh an siamrem chho leh tawh bawk nen, Thangtea bik chu ahuat a tawp thei ngang lo ka thih hma ngeiin hepa hi a thi tur ani a ti tawp mai a, chutiang rilru aput chu alo la dah bo awzawng lo mai alo ni a, a tihdan tur thar tha deuh mai angaihtuah ngar ngar a, nakinah anau lala thu ve tho Parchhuma chu bia in, in khua in Thangtea puihna dil turin in kal anga, ala kal hunah ahnunglam a tangin in lo khawng thlu anga, ka hnenah in lo hruai dawn nia, a dahna tur lungpuk pawh lan siam vek tawh ani tiin ruahmanna dang chu siampuiin chutiang ang chuan a u te ho phuba chu lak a tum ta ani.....
Lianpuia pawh a chem chu a te a tiin a tawi a ti ta deuh aniang, thirchher tupa pumah nitin mai chuan hun ahmang tlek tlek mai a, a chem lah a duh tha in a duh sei si, chem pangngai aia alet deuh thawa sei ani a, a rih pawh a rit dawn khawp mai, Lianpuia chuan a lo ngaihtuah chiang ngai hauh lova, apa chem ahman khan a zang derh mai a, asah ana bik em em kha a hre thiam lova, tunah angaihtuah a, ahre ve chauh a, chem tha engang pawh a sat bung hmawk hmawk thei zel te, vawikhat mah a tah lai ala hmulo bawk nen, nakin ah ka la zawt ang tirilru neuh neuh chung chuan apa chu angaihsan azual em em a, afapa alo ni ve te chu alawm thar em em a, a thu pawh a awih em em reng bawk ani....
Duh ang thala chem a chher tir hnu chuan ram lamah a chem thar chu hmandan zir in ram hnuaiah chuan chuan akal nitin mai a, nitam a zir hnu chuan a chem thar chu ahmang thiam ngang mai a, alian bawk a, thing malpui tiat tiat te pawh chu a fik hmawk hmawk thei a, akut thlak ana bawk a, mi pangngai tan chuan hman pawh apeihawm loh a rit si, alian bawk si, rei an khai peih mang lova, mahse ani chuan tha ti thum miah loin a vir pui nileng zak zak thei a, chutianga a thiam tawh hnu viau pawh chuan ram lamah chuan ala inzir zak zak reng a,nikhat a inzir zo in a thleng chu mikhual hi an lo awm thap mai a, insilturin a akal tlang nghal a, enge an sawi phei chu a hre ve lova, lal Parchhuma khua Hnahlan a tanga lo kalte an lo ni a, Thangtea puihna dila lo kal an lo ni a....

[Ngaia]

Episode 68.....
Lianpuia insil zo pawh Sialhau khaw harsatna an sawi chu angai thla ve kar a, tun tum chu a rilruah tanpui an ngai tih hre mahse a rilru tak chuan ramvah mai mai chu a chak in, a rilru ah a awm tut tut mai a, ka kal dawn pawh tise apa chuan a dang dawn lova, ka kal dawn lo pawh tise ahnial dawn chuang hauh lova, an thusawi chu abeng chuan a dawh satliah ve tawp mai ni ber hian ahria, an harsatna ber pawh hre mumal lo chuan angai thla liam ve mai mai ani....
Sialhau khaw lamkal te pawh upa te in lamah insem kualin an haw hrih a, Thangtea te pawh alo tlai chho ve tawh bawk nen zanriah an buatsaoh ve nghal a, nakinah chuan Lianpuia chuan ka pa tun tum chu ikal dawn anih pawhin ka zui ve thei dawn lo che ania, ka pu sawi thin Tumpang chal awmna a tih ram saw ka fang chak riau mai a, enge i ngaihdan an ti a, Thangtea chuan i ramchhuah chak chuan va chhuak rawh, mahse nangmah chauh lovin tu emaw hruai tel la, salian beisei phei chuan mahni chauh chuan abuaithlak thin ania, a tul chuan keimahin ka han kal anga ani mai, buaina tur a awm hleinem va ramchhuak rawh alo tih chuan Lianpuia chu chaw ei kham nghalin, a kam a thuah phawrh phawrh a, anih ka pa ka thiante ka va sawm ange tiin a chhuak ta nghal daih a, Mampuii chuan hepa tak hi chu aw alo ti nang nnag a....
Zanriah te an eikham hnu chuan Sialhau lamkal te pawh an rawn thleng chho veleh tawh a, an harsatna ber lah an sawi ang chuan a awlsam hmel loh kher lehnghal a, enge anih an hriat loh thil hian Sialhau khua chu zanreiah hian a vel Thur Thur thin a, ahuhova an han en kual lahin engmah hmuh tur a awm thin silova, an khuaah chuan vawk leh sial an ngah thin nen thawk khat lai a tang khan an bo duak mai a, khawimaw laia pahnih khat i zui tih loh chu an hmu ngai ta miah lova, tiin thil dang dang an ran an zawnna lama an khaw tlangval tlawmngai boral dan te chu an sawi dap dap a....
Thangtea chuan engpawh nise kan pui thei dawn che u nge pui thei dawn lo che u ka hre lo va, naktuk zing tukthuan eikhamah hetah in lo kal khawm leh anga, chutah chuan thutlukna kan inhrilh dawn nia tiin an mikhualte pawh chu an haw ve ta a, Lianpuia chuan apa sena leh apasaimawia fapa alo va sawm chu niin an ni lah an lo phur pherh phian a, a tuk lama Tumpang ramchhuah tur a liam nghal chu an lo tum ve mek bawk a....
Chumi zan chu Liansangi chuan ka pa tun tun i kal chhuak tur chu ka ngaih atha thei tlat lo mai, keimah ah hian hrehawm tihna leh hlauh rukna lian tak mai ka nei a, Sialhau khualte hmel ka hmuh khan engemaw ti riau sawi thiam theih siloh hian hlauhna in min man a, kal lo mai la ka ti emai a rawn ti chhuak phawng mai a, Thangtea chuan hlauhthawnna tur a awm hleinem, engem kan ti nag miten min mamawh lai kara lo tlanchhiat chu mipa hna pawh ani hleinem, ka lo haw thuai dawn alawm a ti mai a,Mampuii pawh chuan inah i awm ve tan dawn chauh a, tun tum chu leipawn ka ngai riau che ania tiin an melh deuh ralh a, Mampuii hi zawng ahmelthatna hian chuaini reng anei ngai dawn lo anih hi, Thangtea pawh Mampuii zunah chuan a uai nawn awn awn mai zawng ani ber e....
A tuk zingah chuan Sialhau khualte lo len luh hma chuan alo insiam lawk diam a, tukthuan te an ei zui nghal a, Lianpuia lah phur namen lovin aphur a, Thangtea chuan Lianpuia te kalna lam tur chu huai awmna an tih thin ram anih avang chuan a huphurh pui em em a.......
Thangtea chuan hei Lianpuia in kalna lam tur hi huai liamkawn te pawh a awm nual mai nia sawi thin ani a, huai phuk leh bak puk tih te pawh a awm nual mai a, chuvang chuan ka chem saw ikeng dawn nia, huai sah nan chuan a rintlak ber ang, i chem ang hi chuan a that thei lova chuvang chuan ka chem saw i keng anga, ahman pawh i zir nghal dawn ania, enge a tih theih pawh hriat tumin zir la, ita tur tho ala ni a, fimkhur deuhin ihmang dawn nia tiin a chem chu ape a....
Lianpuia chuan apa chem chu chem naran anilova, a danglam bik tih chu ahre ru tawh a, mahse ahnuah ala khawih leh lova, ka zawt ang a tih ruk pawh an ramchhuah dawn avangin alo manghilh daih mai alo ni a, mahse zawh ngai lovin a takin enge a tih theih chu a hre thuai dawn ani, Lianpuia te pawh apa Sena hovin tumpang chal tuanna tlangah val lunglengan lawmna lam a thai dawn nge, an beiseiloh thil an tawk dawn kan la hre thuai ang...
Sialhau khualte pawh tukthuan ei kham chuan lal inah an rawn lut leh thliai thliai tawh a, Thangtea chanchin leh anmahni pui tura an ruala kal ve a tum thu an han hriat chuan an lawm Em em a, lawmthute an sawi mawlh mawlh a, Lianpuia te chu an thlah hmasa a, hemi ni hian upa duhloh thil tiin chhim leh hmar ah an inthen phawk a, Lianpuia te an kal liam hnu chuan Thangtea te pawh Sialhau lam pan tur chuan an phek chhuak ve nghal a....
Thangtea te pawh ni thum lai an kal hnu tlailam ah chuan Sialhau khaw kawtchhuah ah chuan an ding vang mai a, Sialhau hi avawikhat kalna ani a, rin aiin a khua te chu anuam reuh phian dawn mai tiin a khawthleng vel chu kal pah chuan a thlir thuak thuak a, naupang tual chai te pawh chu an awm neuh neuh mai a, an khua chu a ralmuan hmel hle mai a, ngaihthatlohna phei chu anei lem lova, an kal zel a lal inah chuan an lut ta a....
Lal Parchhuma chuan alo lawm thiam hle mai a, alo kal theih pawh a rin loh nen, kan khua min ti buaitu hi i chinfel theih chuan ka ro zawng zawng hi ihawn dawn ania, alo ti ham ham mai a, an thlen zan chu an khaw tibuaitu chu tunge ni ang engtia hmalak tur nge tih chu an sawikham lat lat a, a tuk lamah an tlangval thihna lam ah hnuhma chhuizuia beisei tur a awm nge awm lo vel te en chu an rawt thlu ta a.....
Lianuia te pawh an ramchhuak khat deuh bawk nen beiseina sangtak nei an ni bawk a, chumi piah ah apa chem nhei a kawl ran bawk avang chuan ahlim in han hman chhin chu a chak hle mai a, azankhatna chu eng em em tihna hman nei bik heklo le, ngaihzawng neilo thah an ni bawk a, apa Sena hmelduh ve deuh lah an buai pherh erh avang khan angaihsak zui ta miah lo kha ani a, tihian thinte fate ala kilkawi zak zak mai zwng anih tak hi maw, an kal chau ve deuh bawk nen, chumi zan chu hahchawlh nana hmangin a tuk lama tumpang chal hnu chhuia an hlawhtlin hma bei tur chuan azan hmasa ber chu an muhil ta siai siai hlawm a....
A tukah chuan Thangtea pawh mi pahnih khat bak angailove a tih pawhin lal Parchhuma chuan sawmhnih zenzawn azui tira, i duh dan ang anga itirh kual atan lo zui ve che rawh se, nagin hna ithawh laia lo awmawl bik nih chu anuam pawh an ti lovang tiin tlangval sawmhnih vel chu a zui tir lui a....
Thangtea lah engmah hre lawk bik hek suh, ahnunga kal Sialhau tlangvalten ral phiarin an phiar tih hre lo chuan uluk tak mai chuan tlangval thihna nia an sawi lai ah chuan engemaw hmuh beisei takin a thlek kual dan dan a, chutia akun lai tak chuan silai kawma alu an rawn chhut chawrh bak chu nikhua reng reng alo hre lova, aharh chhuah meuh chuan lal Hrangchhuma chuan alo melh kur mai a, Thangtea harh veleh chuan Hrangchhuma chuan min la hria ang chu maw, i thah tak Mangchhuma nau Hrangchhuma kha k la ni reng ania, tunah chuan ka kutah i awm ta mahse chuti maia ithih chu ka hal hauh lovang, ahrehawm thei ang berin mawle, i hun hmasa ah nuam i tawl nasa tawk tawh bawk alawm, midangte rilru natna pawh ihrethiam ve mahna tiin Thangtea hmaiah chuan an beng thuai mai a....
Thangtea chu anui sen sen a, engmah phei chu asawi lemlova, chung te hlei hlei chuan Hrangchhuma thin a tirim zual a, an beg leh thuai thin tak na a, na tih hmel pawhin alang lova anui leh sen sen thin a, nakinah chuan Hrangchhuma chuan ka hmu reng peihlove, a awmna tura kan buatsaih lungpukah khan va dah rawh u, a ruhro rawpral thlengin indah dawn nia tiin tlangval ho chu ava dah tir a, elhsen nan buhhum a vawm pahin kha kha ilo chhum dawn nia tiin an vawm uaih uaih mai a.. Lungpuk ah chuan an dah ta a, lung puka an dah dawn te chuan ala nui sen sen reng mai a, engmah phei chu asawi lem lova, tlangval ho pawh chuan mak an ti em em mai ani....
Lianpuia zan mu chu a thang harh hlawl mai a, engemawni mawlh tlat tu awm ang mai hian amah chu a tawt up up mai a, enge maw thil thleng tur a awm em ni aw tiin buk pawnah chuan va chhuakin an hwi vel a, engmah phei chu ahmu lem lova, ahnu deuh ah bukah lutin amu veleh mai a, mithilh reng reng a chhuak thei lo, Lianpuia chuan hmmm kan mu lo tawp anga ani mai lawm tiin chumi zan chu a tlaivar ta zak mai a.....
A tukah chuan tumpang chal tawh tak mai awmna ngaw dur khup mai lamah chuan an beiseina ti hlawhtling turin Lianpuia te chuan pheilai an khai ta a.....
Sa hnu chu alo tam ngang mai a, mahse sa nazawng beiseia kal an ni lo bawk nen, chung sahniak tam tak karah chuan tumpang chal hniak chu ani an zawn ni, azawna zawng na na na chuan ahniak pawh an hmu teuh mai reng bawk a, mahse hnu thar han beisei awm ang erawh an hmu mai lova, kutruak tawpa let leh aiah tiin sakhi la kapin buk bulah chuan an ur tlut tlut mai a.....
Zanriah pawh puar el euha an ei hnuah tihtur em em nei heklo, a tuka tumpang chal hnu chhui leh tur an nih avangin hahdam taka hun hmangin chham ang an zal ta a, an muhil tui viau tawh, Lianpuia chu aharh leh hlawl mai a, engemaw tun tum lan ram chhuak chu engemaw kan tawk dawn em mawni le, thawng harhtu ka neih ziah chu tiin angaihtuahna chu akawm melh melh mai a, zinglam ah chuan alo hil ve sekna, Sena te rawngbawl chuan ti hrahin rang tak i thlahrung tak si chuan apa Sena te chu ava pui ve sawt sawt a, thupha te chu a chawi mawlh mawlh mai a, mipa hlang tih takah an awlsam bawka tukthuan pawh an ei zo hma kher mai, an beisei tumpang hnu chhui chu anih avangin tukthuan an ei zawh chuan tumpang hnu chhui tur chuan an chhuak zui ta nghal a....
Ahma nia an kal lohna mual lamah kalin thuife an kal hnu chuan salian insual thawm chu an hre ta thut mai a, Saimawia fapa phei chu aphu dawrh mai a, chu thawm awmna lam chu zawi muanga pan pheiin an thawm pawh ana in an ri bawp bawp mai a, an kal hnai zel a, an hmaah chuan lungpui alo awm kual put mai a, ava en chian nak chuan sih lian fahran mai tuma la kal ngailohna leh la hmuh loh chu an va pawh hlawl mai a, he sih hi a awmdan hi amak hle mai a, lungpui lian pui puiin a hual vel vek a, kalkhan pahnih chiah awmin he tilai tlan tute hi an hrawl em em a, ramsa ruh pawh alo awm chuk mai a, he sih a luh tawh chuan duhna lai laia chhuah ngawt theih anih loh avang hian sa te nau phei chu an lut ngailova, kei ka ni inti chin an lut thin ani, ahualveltu lungpui a tang chuan an thlir a, akam vela sa lu ruh ro let bam mai te chu an telo hle mai a, tumpang lu ruhro te pawh hmuh tur a awm nawk reng ani...
An thawm hriat pawh chu sih chhungah ngei chuan ani tih an hre nghal mai a, an han hmu chiah chu an beisei tumpang chal ngei mai leh nghalphusen lian zet mai chu an lo in veh theuh theuh mai a, a thi pawh an thi nasa hle tawh mai a, tumpang chal na na na chu alian zawk viau tura an lo ngaih thin nen nghalphusen pawh alo telo kher mai, tumpang chu a tiat lo mahse alian kher mai, Lianpuia te chuan an vawikhat hmuhna ani bawk nen hmuhnawm ti tak chuan an en reng mai a.....
Nakinah chuan Sena chuan an chauh lai tak khuan an pahnih khuan kan kap dawn nia, Lianpui nagin tumpang kap la, Rengpui nagin nghalphusen ikap dawn nia, a tih chuan an silai te chu an darah chuan an han siam rem a, an han kap rual zawt mai a, an chau ve tawh bawk nen an tlu nghal tawp ve ve a, Sena chuan in silai mu thun leh ula kap nawn leh rawh u a tih chuan an han kap nawn leh dur mai a, insual chau an ni bawk nen an thi chiang hle mai ahmunah kalin hmun leh hmunah an han hmu chu an lo lian kher mai, hmana Thangtea tumpang kah leh a nghalphusen kah lian an tih khan a tiat awzawng lo mai a, Lianpuia leh Rengpuia hlim lutuk chu an khi deuh reng mai a, nghalphusen ngho chu an han teh a, tawng aiin alo sei daih mai a, chung an sa kah chu chhawl chhin in Rengpuia chu khuaah tlangval dangte pun tur chuan an tir haw ta a, Sena ten a theih dan danin an lo buaipui thung dawn ani.....
Thangtea pawh Hrangchhuma chuan deusawh tur chuan nitin deuh thaw chuan a tlawh thin a, lung puk lawng khar ah chuan thing lian pui pui hmangin chung thing kaw kar a tang chuan thing zum hian ahawlh fo mai a, tum khat phei chu a hnute hnuai ah hian a hawlh pilh hlawk mai a, chumai anilo, sairawkherha perh te a ching thin a, an dahna hmun a chepin chet theih ni heklo le, a dingngil thei bawk silo, thut hleihtheih bawk siloh a tan han chet theih ni ve heklo le, mahse engemaw tia an han tih pawh chuan anui sang zel mai a, nitin mai chuan Thangtea diriam tir chuan akal thin a, naupang ho pawh in an zui dul dul thin ani....
Samthang ah chuan salu lian aluh lohna alo rei ve ta hle mai, tum khat thil thu ah, salian leh ropui luin Samthang khua a den ni chuan ate ber a tanga alian ber thlengin an lawm em em mai a, karhnih zet a ral ta der mai, Mampuii mang a ang ta hle mai a, mahse mipa chhuak ngang anih avang chuan engmah a sawilang ngam lova, tuk khat chu an khuaah chuan Sialhau khuaa inneih hmang kal haw lam te chu savawmin alo um a, an buhfai zawng zawng an tlansan vek mai a, Samthang khua an rawn lut hlawl mai a....
Lal inah chuan thaw hlawp hlawp chung chuan an chanchin chu sawiin an khua a tanga hnaite anih avangin khaw mipui tan hlauhawm thei anih avang chuan tlangval te chu savawm hnu chu chhui zui tur chuan an intir chhuak nghal a, dai hnai maiah chuan silai vawi thum a ti thak thak a, ahnu deuh ah chuan savawm zawn chung chuan Samthang val rualte chu an rawn haw nghal mai bawk a, alen chu alo lian lem lo va, mahse te tak chu ani lo, chutiang anga mihring meuh lo khawih a tum chu thalo tiin an khaw bul mai anih avanga daihnai thing phur ilo tak ngial tan pawh ahlauhawm theih dawn avanga tlangval te pawh tir an ni reng a, chutia savawm ber an thah takah chuan an mikhualte pawh ngaihngam takin anmahni khawlama haw tum chuan an in buatsaih ta a, Mampuii rilru anuam theilo an mikhualte haw hma chuan hmeichhe sawia mawi lo pawh nise tiin an mikhualte chu an pa chanchin leh an hmuh leh hmuh loh te alo zawt tawp mai a, mikhualte chuan chutiang ang an hmuh loh thu leh pasaltha Thangtea te chu an hriat thu an hrilh a, Thangtea pu upa min pawh chu thu chuan tiharh in, kar hnih lai aliam tawh si a tiin a beng chu averh hle mai a, an mikhualte chu chik zawka kawm chu tha a ti ta riau mai a.....
Upa khawtinkaia chuan an mikhualte hnenah chuan an khua chu a ralmuang em tihte, an khuaah enge thil thleng tihte an zawt a, chutiang emgmah an hriat loh thu te an sawi phei chuan sawi lang chiah lo mahsela an ngaih chu a tha zan tawh lo va, an duh ang tawk zawhna an zawh hnu chuan tha tak chuan an kal tir leh ta a, an haw hnu chuan hmeichhia tih takah Mampuii leh Liansangi chu an tap deuh reng tawh mai a, lal in pawh ahrehawm tak zet ani, Lianpuia ram kal pawh rawn haw chuan an in boruak chu enge la hre ve heklo le, a rawn au lut hlut a, mahse anu leh anau mittui lo parawl deuh kiang ahmuh chuan mit zaizor chuan enge an ti a, Liansangi chuan apu te saw va zawt rawh alo ti deuh hlar a....
Khawmbawl ho lo thukhawm thap pawhin Lianpuia chu lo hmuin an rawn ko hmasa ta zawk a, akal phei chuan apu khawtinkaia hmel ah chuan engemaw helh nei hmel ni hian ahre tlat a, apu Lalpa chuan Lianpui hei ipa chanchin hi a reh vawng vawng mai a, vawin ah Sialhau khuaa inneihna hmanga kalte ka a tanga kan hriat danin ipa hmel reng reng an hmuh loh thu leh chutiang ang thawm thang vel leh an khaw buaina awm ang an sawi an hriatloh thu an rawn sawi tlat mai a, engtia tih chi nge ni dawn ni alo ti charh charh a....
Lianpuia chuan anute tah chhan pawh ahre thiam uaih uaih mai, chutianga in ngaih that loh te chuan keimah ngei k kal ang ni mai alawm tiin an chanchin chu apa Sena hrilh tur chuan chaw pawh ei lo chuan a chhuak nghal a, Sena pawh engmah tilo chuan alo awm lai tak alo ni a, apa chan chin leh an khual thusawi te chu ahrilh zuaih zuaih a, Sena pawh a rilru abuai hle mai a, engpawh nise a rang lama chanchin kan hriat vat angai anih chu, naktuk zinga chhuak thei turin lo inpeih ang che midang hrilh pawh angai hrih lovang, ipa Saimawia erawh ka lo han hrilh dawn nia a tih chuan Lianpuia pawh chu ngaihtha deuh chuan an in lamah ahaw phei veleh ta a.....

[Ngaia]

Episode-69
Lianpuia in a thlen veleh chuan apu chu apa Sena nen an inbiak dan leh apa Sena duhdan te chu a sawi siam siam a, apu chuan nie engpawh nise engemaw a thleng tihna nilovin enge thil thleng han chian tura kal in nih dawn avangin inthup thei ang bera kal in tum dawn nia, engemaw a tawklo anih phei chuan tlang hriata in han inlan mai chuan ipa tan pawh azahthlak dawn si a, engpawh thleng thei ani a, in fimkhur hle dawn ania titeh u zanriah ikil phawt teh ang u tiin zanriah chu an kil ta nghal a...
Chaw an eikham fel chuan alo thim chhulh tawh a, Lianpuia chaw ei kham pawh ka pa Sena te inah ka leng dawn ania, tiin a chhuak leh nghal a, Sena te in an thlen chuan rei mawi tawk tha an tih dan te leh midang pawh hruai dur dur lovin ipa Saimawia nen kan pathumin kan kal anga a tawk mai, bakah khaw mipuite kan ti phawklek ang tih pawh ahlauh awm alawm, enge chin hriat anilova, kan fimkhur hle angai dawn ani, titeh a tlai hmain ipa Saimawia te inah i han chho teh ang senan a tih chuan Saimawia te inah chuan an chho ta a,eng emgemaw an sawi hnu chuan leng hawn ar pawh alo khuang al al tawh a, chumi zan chu a tuk lama tihtur pawimawh tak an neih avangin mut hma pawh atha alawm tiin an in mangtha ta hlawm a....
Thangtea pawh kar hnih chuang chaw eilo ani bawka, a rila tam ve hle mai a, a tuiin te pawh ahal hle mai a, an buh hum theh luh chip tur pawhin tha alawi anei hauh tawh lova, mahse chuti maia Hrangchhuma kuta thih chu a tum reng reng lo, afapa mibik a awm alawm ahun takah alo thleng dawn tih hi a ring tlat azchumi piah ah a thiante pahnih an awm bawk a, a thih hi an remti dawn lo tih hi a ring nghet tlat a, chuvang chuan thi thei ala nilo, amah leh amah chu a infuih tang tang a, tuarchhel tak leh pasaltha tak nilo se chuan an diriamna pawh thihpui tham zet ani a, chung zinga a rilru tina tu ber chu afanu Liansangi chungchanga abultumtu leh engmah hre lova alo insawitheihna ifanu pawh hrehawm ti takin a thi tep tawh ang, in thlah te hi ka chimih vek dawn che u a tih te, Liansangi ti duhdah tura Nghakmawia pa alo hmin dan a sawi te chuan a rilru a tina in a rum vawng vawng mai ani....
Lianpuia te pawh hmanhmawha kal an ni bawka, an kal chak kher mai, kalkawng ah chuan engemaw i tawka i chungah tupawn kut an thlak anih chuan chumi chuan i tawrh let a tuar ang tiin a in sawh a in sawh mai a, Lianpuian hma ahruai bawk a, zan ah pawh an kal ngat ngat mai a, mi pangngai zan li kal kha zan thumna tlai lamaha an thleng der mai a, zan lama theln chu pawi an ti lo zawk bawk nen, lal in thleng hmasa lo chuan khaw tawn tirh a in hmasa berah chuan thlen an han dil a, inchhunga putar ve lam tawh chuan e lo thleng rawh u, hmeh tha phei chu kan nei hauh lovang, mahse kan ei ang ang kan in ang ang in in ve aniang chu, mikhual kan hnar ngai love alo ti a......
Chupa chuan khawilama kal tur nge in nih a, khawi khua a tanga rawn kal nge in nih le, kha in palian hlawm. Khep khup si a, hmelma tan chuan hlauhawm tham alawm in nih le thu rawh u alo ti zung zung a, engemaw thu hla ah an khua chu zep hrih tha an tih avang chuan an khua nilo chu an sawi a, kal tumna em em an neih hran loh thu leh awllen lai chuhin khaw tam tak tlawh kan duh a, zanin ah he khua hi kan rawn chuangkai anih hi an tih chuan, an thleninpa chuan tih awm tak te pawh chu in va hre ve aw, leini te chuan kan lo hre chhuak ve reng reng hleinwm tiin nel tak chuan an in kawm bawrh bawrh a...
An in nel viau ta maw tih ah chuan Saimawia chuan an khaw chanchin te leh an lo kal chhan leh an lo kal chak chhan pakhat chu hei hi ania tiin an khua in buaina an tawh dan nia an hriatte chu sawiin chutiang thil chu in khua hian in tawng ngai reng reng em an ti a, an thleninpa chuan chutiang ang reng reng kan tawn awm ka la hrelo, khual thuthang leh arpan chuk apun duh an tia lawm, hei kum thum vel zen zawn chu ralmuang takin kan awm tawh a, chutiang ang buaina chu kan tawh ka hrelo, in hresual emaw khawdang emaw an nih ka ring zawk mah mange a rawn tih takah chuan thil kal hmang chu an hre thaim ta rei ruai a....
Sena chuan in lalpa hi Parchhuma ani em kha an ti veleh a, an thleninpa chuan aw nie tiin alo chhang a, fate anei em an ti leh a, an thleninpa chuan a fanu hian lal fapa neiin tlang hrang an chang tawh a, afapa erawh a u chiah Hrangchhuma lalna khua ah a awm deuh chawt ani mai kan lalpa ve hi, a khuate pawh angaihsak lo, lal tur dang hi an awm. Thlawt silova le an tih chuan Sena leh Saimawia chuan thil kal dan tur chu an hrethiam nghal ruak mai a....
Hrangchhuma thluak vawrh vir anih chu an ring ta ber a, chutah Lianpuia insum zo tawh heklo le, anih pasaltha Thangtea kha i hria em an ti tawng mai a, ani chuan aw hria e, enge nita tiin an thil zawh danah chuan engemaw fello awm deuh tlatin ahriat avang chuan an in chhan dan pawh ahma ang ngawt chu ani tawh lo, Saimawia chuan a ahun hmain an boruak chu a alh chhuak ang tih ahlauh avang chuan thudik hrilh mai chu tha a ahriat avang chuan lhuh kharh kharh chung chuan nie ka pu min hrethiam la, kan thil tur hi ngun takin lo ngai thla la, thu la zawt che anga thidik tak chaih min hrilh ang che an ti a, a tawngkam chu anem ang a zuam chi ani tawh miah lo, a tawngkam chhuak te chuan thihna rim anam vang vang tawh a, kan lo kal chhan dik tak chu pasalth Thangtea kha nachina kan sawi in khaw buaina avangin apuihna dilin inkhaw upa leh tlangval. Thenkhat an lo kal a, tun thleng hian ala rawn haw loh avangin kan rawn ngaichang ani an ti tawl mai a, an thleninpa chu ameng tal tap tap mai a, ka ho chuan pasaltha tuma hneh theihloh nia kan hriat leh fing nia kan hriat te pawh, midaik nia kan hriatte pawh thudik tluantlinglo leh khawngaihthlalakna hmang hian an thinlung hneh alo awlsam dawn hle anih hi a ti meuh neuh a, mahse engmah chu alo hre ve hauh lo mai a....
Saimawia vek chuan kan lo kal chham diktak chu ihre tawh a, keihi Saimawia ka ni a an tih chuan alo hre nasa mai a, ani hi Sena ani a an tih pawh chuan a hre kher mai, ani hi pasaltha Thangtea fapa Lianpuia anih hi an tih chuan Lianpuia apa khumtu an tih kha maw in hming chu kan hre kher asin, ka hmu cheu chu ka lawm hle mai alo ti thuai a, Saimawia bawk chuan engkim kan hrilh ta che a, min puih theih chuan kan lawm dawn hle mai, kan nihna pawh min puanzar sak loh kan duh bawk ania an tih chuan an thlenin pa chuan tehreng mai lungngai reng reng suh u engmah ka ka a tanghian a chhuak lovang a tih takah chuan an thaw huaia, chetlak dan tur leh hmasawnna kawngkhat chu ani hrim hrim mai.....
Engkim chu an hre vekntawh tho nachungin engtia hmalak nge tha ang khawnge Thangtea chu an dah ang, han luhchilh tawp mai nge tha ang tih chu an han sawi tlang a, an thleninpa chuan tihian ti ang kan khaw nula hmeltha Sawikhumi te in saw tlangval ho lenkhawmnna hmun ani a, mi chapo tak tak leh mahni thiltih that leh an insawitheihna hnun ani a, zaninah ka va hruai cheu anga, chuta tang chuan engemaw hriat kan tum anga, chumi azir chuan hmalak zel dan tur a awm maiang an tih chuan ro dang nei heklo le, chumi zan chu Sawikhumi te ina leng tur chuan an chhuak dawn ani...
Zanriah te an an eikham hnu chuan hah pawh sawilo chuan Sawikhumi te ina leng tur chuan an chhuak a, an thleninpa chuan an inah luhpuiin ahaw san ta a, Sawikhumi te in ah chuan an thleninpa sawi ang chuan tlangval ho chu an lo thu hmur mai a, chutia khual tlangval an rawn luh takah chuan an awki te leh an thil sawi duh pawh an thleninpa sawi ang chiah chuan a danglam nghal a, upa fapa tih angreng mahni theihna mual mual chu midang fak ngailo chuan an mahni leh an mahni chu an infak nasa mai a, Lianpuia chuan chutiang mizia chu a ter thei hauh lo mai, mahse an kal chhan ber chu chungho ka a tanga engemaw hriat chu anih avang chuan a insum hram hram ani...
Sawikhumi chuan Lianpuia chu amelh leh deuh vung vung thin a, an khaw tlangval te na na na chuan an lo keipui sa hauh ve hle mai a, Sawikhumi an biak ve te chuan thudang mikhual tw nuam tihlohna tur chuan an tawng fak fak mai a, mahse Sawikhumi thinlung leh mitte chuan hmel hmanlai ve tak tak leh tawng umpha silo thaw pawr ve huarh, engmah ni tak tak mang silo, hmanna awm mumal hauh lo te ai chuan hmeltha na na chu hmuh an lo nuam ani ange, ahmalam sir deuha tlangval hmelthatna parzu chu alo dawt mek a, suangtuahna lipui ah chengin hmangaihna lawnga chuangin hmangaihna tiang in an lo in kar nasa mai a, chutia khual val te a en tak ngar ngar ah chuan an zinga pakhat chuan a lo ning deuh ani ange, khawnge tuma ngamloh leh tumahin tihbuai ena an en ngamloh amah chauh pawha khaw khat tlangval hen pasaltha Thangtea bawhbettu leh awlsam taka ka thahrui hmanga dawl zawra zawr tir theitu hian kan nula vaihlo beng amamwh tlat mai a rawn ti al al a...
Chu thu chuan an beisei chu ape chiang kher mai, Lianpuia chuan alo melh kal mai a, kum sang sawm abei hnuah pawh nise Lianpuia lakah chuan a inthup thwi hauh lovang le,chutia engangin nge hma kan lak ang tia an rilru an kawm melh melh lai chuan pawn lamah chuan tlangval an rawn ri tak tak a, pawn lam a tang chuan inchhunga mikhual te kha ban pharin rawn chhuak rawh u, chet lak in tum anih chuan zanin hi in dam tawpna ani ang tih ri chuan Sawikhumi inleng tawng duh ve tak tak te chu angawih tir thuap mai a, an duh aia hma in an thil hriat duh pawh an hre ngei dawn e... Sawikhumi inleng te chuan Lianpuia te pathum chu an en hrek hrek hlawm a....
Chutiang ang chu a thlen an rin loh nen, rinloh lamah buaina an han tawk phawt mai a, an rin em em an thleninpa chuan lal beng alo han thlen chu niin, ani lahin tlangval tirin tumah zuah loh tur alo ti hmiah mai bawk si chu lo niin, ngaihtuahna abuai map map hle mai....
Engemaw thleng thei ani a chuvang chuan chem. Tal ikeng theuh ang u an lo ti chu an tifuh kher mai, mahni ipte theuh chu zenin chem chu pawt dawk zawk in, sena leh Saimawia chuan an bula tlangval awm chu rang tak chuan an nghawng leh chem chu an chuktuah nghal a, Lianpuia pawhin Sawikhumi nghawng leh chem chu alo chuktuah ve ran bawk a.....
Tlangval ho pawh an ding nghal suau mai, chuveleh Lianpuia chuan tumah che hlek suh u, dam inla duh chuan a tih tuarh avang chuan chet pawhbche ngam awmlo chuan an ding ngawinkar hlawm a, Lianpuia bawk chuan sawti lai kilah sawn awm khawm rawh u, tumah kha chet tum suh ang che u an ti leh a, amah rawn kalh pelh tum tu chu a rawn che thut mai a, a rawn bawh rawp mai a, mahse Lianpuia ani tlat, a awmah alo tlawh dawt mai emaw an tih kha chhuata a tluk rual chuan a dar a tang chuan thiba rawn chhuak zur zur mai a, chet thawh suh u ka tih tawh hnua chet thawh man anih kha an ti zui a.....
Pawn lam a tang lahin an rawn au ve chhen bawk a, silai pawh van lam hawiin vawi hnih lai tih thaih nan an kap a, mahse chung thawm te chuan a ti hlau pha hauh lo, an man a te theuh chu chema tin reng chung chuan pawnah chuan an chhuahpui a, Sena chuan hnung dawlin hnunglam pawh hawi tawh lem lo chuan a rawn chhuak ve a, pawna awm zinga tlangval pakhat chuan kan tlangval te kha thlah rawh u, anih loh chuan ka kap ang che u a rawn ti a, engtin mah chhang lo chuan pawn lama awm ho chu an pan zel a, remchang chu an zawng reng a, nakinah chuan inchhunglam a tang chuan an rawn bawh ta huk mai a, chu hun chu alawm an lo nghah a, an lo beisei em em.....
Chutia inchhunglam in an rawn bawh takah chuan silai hmang thei ta bik heklo le, Sena leh Saimawia chuan an mi manbehte chu che leh tir awmlo chuan an hrawkah chuan an zai hrawih a, Sawikhumi erawh Lianpuia chuan piah deuh takah a theh phei vawk mai a, inchhunglamain an rawn bawh takah chuan pawna awm ho ten silai an lo dah thla hman tawh lai lar chuhin ahma tiam chuan an sam hmiah hmiah mai a, khawlian em em an nilo bawk nen, tlangval pawh an tlu hnem ta kher mai, anmahni man rawn tumtu te chu an tlu zo deuh vek tawh, silai pawh Lianpuia chuan ahmuh apiang chu a sat bung hmawk hmawk mai a, an thinrim tawh bawk nen, apa chanchin an hriat theihna anih phawt chuan engpawh an huam a, an cho bawk ani, Sialhau tlangval te chu an tlu zo thaw thang ani ta mai, nakinah chuan Lianpuia te chu han bawh ngam pawh an awm tawh loh avang chuan ala dam awm chhun chhun te chu an ding thup mai a.....
Lianpuia chuan nachina tlangval apa chanchin sawitu chu kawk va in lo kal teh an ti tuarh mai a, chupa chuan hreh hmel deuh chuan a rawn pan hnai a, abual a rawn thlen veleh chuan Lianpuia chuan abeksamah alo tham aiah tuarh mai a, nachina ithil sawi kha sawi chhunzawm rawh le, tuma beih ngamloh Pasaltha Thangtea chanchin kha, engtin nge han sawi teh le, an ti nem dap mai a, angeiawm zawk ngawt ta ve ang, chupa hlau lutuk chuan awle alwe ka sawi ang, abul chu kan lalpa u Hrangchhuma niin, aniin hmanruaah keini hi min hmang a, dawtin kan bum chhuak a, ahnunglam a tangin kan vaw thlu a a tih chuan Lianpuia chuan asam chu a aia na chuan an tham tawk mai a, asam pawh a thamna lai chu akawlh rul thei a, a aiah tuarh mai a, Lianpuia chuan aiah hman inilo sawi zel rawh alo ti vin tuarh a, chuan nikhaw hrelova a awmlaiin lal Hrangchhuma khuaah kan zawn phei a ti tuau mai a....
Lianpuia chuan awle lal in lamah i chho ang u, tih pah chuan chupa chu a samah chuan akai phar dawr dawr mai a, lal in an thlen chuan lal in kawngkhar chu an phih leng vawk mai a, lal in kawtlaia tlangval pahnih chu an theh khum sawk mai bawk a, lal in an lut chiah chu lalpa reng reng alo awm tawhlo, Lianpuia chuan khawnge in lalpa an ti vin thak mai a, upa ho chuan a u Hrangchhuma khaw lam panin a kal ta anih kha an lo ti a, anih tunge he thil hi hriatpuilo an ti a, an ngawi kar mai a, a thinrim bawk aniang, ahmazawna upa lo hnai ber chu ahmaiah an pet thal tawp mai a, Saimawia te pawhin dan an tum lo, hetianga dawt a inbum chhuaka hnung lam a tanga an lo khawih bawk nen an thin arim zawk em em a ni, Lianpuia chuan chu chu aduh tawk mailo khawnge kan khuaa lo kal kha an ti a, ani pawh lalpa bulah akal ve an lo tina, apet thluk bula mi chu a thinrim em avang chuan an tlawh thlu leh siah mai a, upa ho chu lalin a tang chuan a chhuah tir vek a, a thinrim bawk nen lal in chu ahal ta hluah hluah mai a, ka lo let leh ang tiin apa lo vaw thlu tu chu aring chu a thuai bung hmawk mai a, che zui tur a awm tawhlo......
Hmanhmawh angai tih hria in, lal parchhuma ten a u Hrangchhuma khua an thlen hmaa nagching ngei tur chuan an dawk chhuak nghal a, an tlan chak bawk a, an nag ching ta nge nge a, khua pawh alang iarh tawh, mut hun lam anih tawh avng chuan eng pawh a tlem pharh tawh a, khaw lan theihna laiah chuan nang chingin upa pahnih in an lo zui ve a, an khua Samthang a rawn kal a dawt rawn sawitupa ber phei chu Lianpuia chuan ahmuh veleh a lu ala nghal a, lal Parchhuma leh ua pakhat pawh akhwih pawh an khawih nual a, Sena chuan heti hi chuan kan hruai ve thei lovng,min tibuai mai mai dawn tlat chuvang chuan an lu la ila a fuh zawk ang a tih chu an pawm tlang nawk a, Lalpa leh upa chu alu an la a, an ak tha a, Hrangchhuma khua chu an pan leh ta a....