HLAUH NEILO PASALTHA KHAWTINTHANGA Ziaktu. Seraph Pachuau 1- 101

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Pasaltha Dokulha
Posts: 16
Joined: June 5th, 2018, 7:41 am

HLAUH NEILO PASALTHA KHAWTINTHANGA Ziaktu. Seraph Pachuau 1- 101

Unread post by Pasaltha Dokulha » June 26th, 2018, 11:21 pm

TargetPreview.jpg
TargetPreview.jpg (6.99 KiB) Viewed 47307 times

Episode. 1


Tlanglam khaw ram chin phul hmun maia sazuk ki hreu tha tak mai lo chhuah hun dawhthei taka lo nghak rengtu pasaltha khawtinthanga mit chuan khawdang hawi sawn lo lekin chu sazuk ki hreu mawi leh lian tak mai, aki ah pawh sar azam an lo tih fo thin lam chu silaia tin vang chung chuan a tawlh phei hriau hriau a, sazuk pawh ahim leh him loh thlir in ahnar aphit dut dut maia, him nia hria in abula hnim rawn pet in a rawn phei ve zel a, chutih lai chuan abulah pasaltha veh rengtu a awm ani tih hre heklo le, pasaltha khawtinthanga silai chu an puak eng zuai mai a, sazuk chu azuang zawk mai a, athlanglam ah chuan a dawk thla zawk mai a, Thangtea chuan silai mu chu thun leh in, sa tlanna lama thi far chu a chhui thla ta a, a sa kah chu rin aiin alo la chak phian mai a, chutia a um thlak zel lai chuan silai vawihnih puak thawm ahre ta a, hmanhmawh em em a tlan thla in, an khaw thenawm pasaltha ralhrat leh tawrawt Liankima leh ahote pathum chuan a sakah hliam chu an lo kil thap a, chan tuma an lo rik laih laih lai chuan, thangtea pawh a rawn thleng thla vea, asakah hliam thi chianglo pasaltha liankiman a kap leh tur chiah chu, aw ngaihno beilo zet, thawp zawi fiah tak si hian, ka sa um lai anih kha a rawn ti nem dap mai a, chu aw lo chhuahna lam chu an hawi thap hlawm a,Liankima vek chuan iau sa kap ve thei silo va, mi sa kah sa chuh turin em ni i ramvah tia thamlo tak maiin alo chhang let ve a, Thangtea chuan hei sazuk hi ka kah hliam ani a, ka rawn um a, nagni hian kasa hliam che thei tawhlo chu in lo hliam ve thei chauh anih hi, chuvang chuan he sa hi kut thlak hmasa ber tu la ni a, ka sa anih kha tiin a rawn chhang veleh a, pasaltha liankima vek chuan helai hi kan khaw ram chhung ani a, i duh duh ilam in i duh duhdana awm rawn tum suh nauva, i nunna ihlut anih ngai chuan haw vang vang rawh alo ti hlur mai a, chutah zet chuan pasaltha Thangtea chuan tawngkam tha in a daih dawn lo tih hria in, ka sa kah ani a, ka sa tello chuan ka haw lovang, ka hawn lo anih chuan tuman an hawn lovang a ti chang ve ta khawl mai a, liankima hruai zinga rawlthar pakhat chuan an pasaltha liankima bulah chuan hepa kan sa min chuhpuitu hi kan dahtha mai dawn em ni a ti lar lar a, chu thu chuan pasaltha hlauh neilo nunnem leh zaidam thin akhei ani chek ang chu, chu rawlthar lam chu en pah chuan i theih chuan min dahthat han tum chhin ta che, tih pah chuan amelh ta khiau mai a, chu hlauh neilo mitmeng chuan rawlthar tha aman chiang ngei mai, asam sei hnuang mai kara mit dum fiah fai kak mai leh apian thiam zia khuanu duanluih ni awma mawi chu a tan chuan pute thlazar hnuai atag lo chuan cho chi ni mawlh hek lo le, an boruakin azirlo chho nen, liankima lah in anaute chhan lo ti na bawk, keihian ka ngam alawm, mipa leh mipa chu han sawifel law law ila, i chak zawk anih chuan he sa hi inei anga, i chaklo zawk anih chuan he sa hi kan nei ang tiin thu an tlip nghal a, thangtea chuan engmah sawi tawhlo chuan a silai chu dah thlak pahin a chem hriam tha em em mai, ahma lawka puka a chhar chem, thir pawh chhawk hmawk hmawk thei, tuiek ve thei lo, tah chawp ngailova hriam var reng chu an phawrh zal zal a, uluk taka liankima che vel chu thlirin alo ding teu mai a, liankima chuan khai aw in zo law law teh ang ti a rawn bawh nghalin, achem chu arawn vilik phei tle zawk zawk mai a, mahse khawtin thang tura khuanu duan bik, hmaah chuan enge anih kan la hria ang chu...
Liankima chem ral lu tam tak alo lak tawhna lo thlawk phei chu Thangtea chuan awmhmun pawh sawn map lo chuan a chem chhanah chuan an lo sat ngheng mai a, Liankima chem bung hmawk kara Thangtea chem rawn tlang thla chuan a dar uai hnuang chuan an lo sat nghek mai a, pasaltha ralhrat pawh vawikhat atawhnaah mihring chang zolovin, leicharah chuan a leng tap tap mai a, anau hruai pakhat in silai chuha lek kang a tum lai tak chuan rang taka ahnunga engtik lai pawha a pai reng a chemte chu thlawk dawk chhuak ve nghal pawt mai a, chu silai chuh tum tupa chalah chuan abur lut vaw mai a, a thluak bur ahawn meuh chuan a tlu ta ruah mai a, thangtea chu lo ding chhuak leh in, ala dam te pahnih chu melh pahin diklo taka mahni hmasial avanga ke pen ngam in la awm em tih pah chuan an kawk vah mai a, mahse an ni tan chuan han beih ngam ni heklo le, an khaw pasaltha khaw chhehvel zawng zawng in an hlauh rawn pawh vawikhat chiah atawk ve ani tih an hmuh kha an hlau em em a, chutah le a upa zawk chu ka pu ni e,kan thiam lo ani min ngaidam rawh tia ngaihdam an dil takah chuan ngaidam theilo tu nih chu aduh biklo va, ni e tha takin kan inbe dawn emaw tih laiin tiang khan min rawn ti ta si a,engpawh nisela hetiang ang hi in ching tawh tur anilo, anih loh chuan ka hmuh leh hun hunah cheu in lu ka la ang tia inthlah in an haw ta a, engtin awm zel ang maw ilo thlir ang.
Pasaltha Thangtea chaw eikham vaibel pak hlut hlut paha naktip maia an riahna tur ram chu thlek vang vang pahin sihpui an tih mai tuman an tlawhpawh ngailohna hmun chu angaihtuah rauh rauh mai a, chutia ding taka angaihtuah lai chuan a thianpa siammawia chuan adara ben thuk² pah chuan iva ngaihtuah muk awm ve an tih takah chuan a thianpa lam hawi vatin, nie thianpa saw sihpui luhchhuak tu saw an la awm lova, ka lo ngaihtuah ve mai mai male tiin zawlbuk pan chuan an inzui chhuak ta nghal a, zawlbuk an kai chuan lengi runsang kai tur pawh an lo chhuak ve tawh hlawm a, lenna tur tha hre ve ta lo chu val upa te titi ko tlangah dakin zan hun chu an tumtawi ta a, a tuka inbuatsaih na hun tha lo chhuak tur thlirin tawnmang ram mawia leng turin an ni thian dun pawh mut zai an rel ve ta a, zanlai ah chuan mak tak maiin pasaltha te neih thin hlauhawm lo thleng tur hre lawk in thangtea chu ahrh zawk mai a, enge a chhan tih ngaihtuaha a beng a chhit lai chuan zawlbuk bula maia thawm rirek chu hria in mit pawh khap hlek lo chuan a melh ta ngar mai a, a rin loh lutuk maia chutia thawm ahre ta chu a thianpa saimawia chu kaitho nghalin bawhbel lamah chuan thawm awm miah lo chuan an vir phei zawk mai a, an en chian chuan mi 5 lai mai an lo ni a, zawlbuk kal tlangin lal in lam pan nghala khaw chhung awp beh an lo tum hi alo ni a, mahse pasaltha khuanu voh bik hmaah dingin an tih loh tawp tur an ti tih an inhre lo ani, lal inlam pana an kal chu thangtea thian dun chuan inhnuai bel zelin an um chho ta a, hmanhmawh taka lehkhalh an tum ani bawka, an pit zar zar mai a, lalin hnuai an thlen chuan an mahni rawn pan tute pawh an lo lang ve chiah a, lalpa te inrin loh laia beih thut tum tute chuan a ruka hmu rengtu an awm tih hre hek lo le, lalin an rap kai dawn tih ah chuan an sir atang chuan khawilam khual nge in nih zan reia hetianga chet lak in rawn tum tia zawhna avanga phu zawk mai a, an zinga pasaltha chu nui huah huah chung chuan he thilah hian rawn inrawlh buai lola, ka thiltih tum min dan buai pawh tum duh suh tiin a rawn vo nghal a, abula mi chu an mitsir zeuh a, sialai chu lek kanga thangtea kah mai a tum lai chuan silai lek kang mek tu chu saimawia silai chuan a rawn deng vir zawk mai a, chutah thangtea chuan silaia tin reng chung chuan tumah che tawh suh u, in chet leh chuan ka kap nghal ang che u a tih takah chua tah che ngam awm tawh hek lole, silai ri hria a mipui leh tlangval lo tlankhawm te pawh lalin kawtah chuan an rawn kim nghal thap mai a, lalpa pawh buaina a awm ani tih hria in luhkapui ah chuan lo chuang chhuakin engvanga hetiang ti nge an nih a, engvanga hetiang buaina hi siam nge an nih tih chu aw nem dam thlap thu pe aw tak si hian an zawt a, an zinga pasaltha hrangtuala chuan phakr chhuahin nie lalpa hei kan ramchhuak kawng kan bova i khua hi lan lo lawi lut a, heti hi lan thleng ta alawm male tiin thiam tak maiin an thianpaw an thahsak dan te chu an sawi kual vel a, lalpa chuan thangtea silai lo la lek lawh va lam chu thlirin hemi te thusawi hi adik em tiin an en he haw a, engmah hrechiang lova khatia ti kha an nih avang khan engmah sawi ta lo chuan a silai chu lek thla nghalin, lalpa nie ral emaw kan lo ti palh alawm male tiin thupha an chawi nghal a, chutak chu pasaltha fingvervek hrangtuala chuan hmanruaa hman a tum hle a, lal in a in lama lut tura a tih chuan chho ve nghalin, thangtea te pawh in chungchang naktuk ah kan rel ang tia mipui chu haw darh tirin, pasaltha fingvervek hrangtuala te pawh lalina aluh veleh chuan lalpa chu ahrawka chema tin chung chuan kan rawn kal chhan dik tak chu ihre mai em tia nuihsawh pah chuan anau te ho pawh chuan lalnu leh lalfanu chu an hrawka chema tin in an lo phuar nghal mawlh² a, mipui an haw darh leh hman tawh si nen, enge in duh an ti vin tuarh mai a, hrangtuala chuan i ro khawnge idah an ti tawl mai a, mahse lalpa chuan hrilh a tum lo chiang hle mai, pasaltha thangtea te haw ta pawh angaih atha thei ngang lo, athianpa rem ti lo chung chu lalin lam panin a kal chho leh ta ngat a, a rin ang ngeiin lalin thawm chu inhnuai atang chuan a ngaithla kar mai a, chutia an indawp vel lai chuan khua pawh var tumin alo eng tan uau tawh a, pasaltha hrangtuala pawh a awka avin ta hle mai, tawngka mai chuan atawk zo dawn lo tih hria in, lalpa chu a hmaiah an beng thuai mai a, rum fahrana melhin khawnge i ro chu idah tih pah chuan an beng leh thuai maia, chutia an in dawp vel lai chuan pasaltha khawtinthanga chuan remchang ala zawng ve reng a, han luhchilh chi lah ala ni silo, khua alo var chiang ta, upa leh tlangau lo kal khawm te pawh chu an lo khawm hmiah hmiah tawh mai si a, chutiang ang boruak leh thawm lo awm takah chuan mipui pawh an lo pungkhawm leh hle tawh a, chutak chu Hrangtuala duhdan chu ala ni fo mai, mipui lo pungkhawm hmaah chuan lalpa chu anghawnga milu lak chema tin reng chung chuan mipui hmaah chuan a dinpui ta ran mai a, mipui ho pawh angaihna hrelo chuan an lo ka ho hlawm a, nizanah lalpa chu bumin a awm ani tih chu hrilh nawn ngai reng an awm lo, pasaltha Hrangtuala chuan in lalpa nunna hi in hlut anih chuan a ro awmna min hrilh tur aniang, amaherawh chu aruka chetlak emaw buaina insiam erawh chuan in lalpa nunna hi ka chhat nghal ang a tih zawh chiah chuan lalin kawmchar lam atang chuan tlangval hmelchhe tak mai bumro em em mai ah.el en reng reng pawha huai thlah ni awma hmelchhia chu rawn pen chhuak in lalpa kha i kut tenawm taka i vawnna ithlah vat lo anih chuan i men tawpna ani ang tih ri lo chhuahna lam chu an hawi thapa, mipui pawh an thum hak a, a chhan chu hmelchhe Thanga hi ahuaisen zia hria reng an la awm lo ani, mahse sa erawh akap thei tih chu tlang hriat ani thung, chu thawm lo chhuahna lam chu pasaltha Hrangtuala chuan hawi vatin, nag hmelchhephaka khan ka kawng dal zawnga chet lak itum anih zawngin in lalpa hi ka that nghal ang tia lo chhawn in, chempuia lalpa anawrna pawh anawr na ta sauh a, lalpa chu kuai thingrhi hnawk chung chuan khawnge i ro chu tia an mawr nat tak zelah chuan lalpa nghawng pawh a rawn thi ta ser ser mai reng a, lalpa chuan hrilh a tum lo hle tih amitmeng atang chuan ahriat hle mai a, chutia lalpa a thingthit tir takah chuan khawtinthanga tan pawh chemte vawm rem zet ani ta a, lalpa chuan tumah che lo tura alo tih tlat avang chuan pasaltha Hrangtuala chu a en kal mai a, Hrangtuala fing kherek reng renga che thin ta chu i ro awmna isawi duh siloh chuan tia lalpa chu tham tho nawlhin kal rawh le kan khua i thlen hunah chuan isawi tho ang tia nawr nawk nawk pah chuan lalin luhka ah chuan a nam chhuak ta dawr dawr mai a, chutia lalpa ber man tura an hruai tur chu lalfanu chu lo tlan pheiin keimah hi min la mai rawh u tia tap zawih zawih in a rawn ngen ta, mahse Hrangtuala chuan hmeichhia hawn tura lo kal kan nilo alo ti ram hmak a, chutia an buai nak nak lai chuan khawtinthanga chemte chu athlawh dawk chhuak ta pawt mai a, Hrangtuala chakdarah tak mai chuan abur lut ta vaw mai a, chu chemte chuan athluak bur a hawn meuh chuan che leh tur pawh awm lo chuan lei charah chuan a tlu ta hnawk mai a, chutia an pasaltha ber a thih takah chuan anau te pathum la dam te chu an inpe ta nge nge a,.....



Link:
BBcode:
HTML:
Hide post links
Show post links

Pasaltha Dokulha
Posts: 16
Joined: June 5th, 2018, 7:41 am

Unread post by Pasaltha Dokulha » June 27th, 2018, 9:50 am

episode 2
HRANGTUALA naute ho tan ṭan han khawhna chi ni tawh hek lo le,chutiang ang em em a mihring cherang leh che zei la hmu ngai hek lo le, an in pe ta nge nge nge a, Saimawia chuan Hrangtuala nau te ho chu phuar hlawm vekin Lal in kawtzawl ah chuan a nam phei dawr dawr a, Lalpa hming hi kan la sawi lova lal sailoliana niin rorel thiam leh hausa tia mi te hriat ani a, chumi avang chuan Pasaltha Hrangtuala te pawhin a rosum ita rawn luhchilh kha an ni reng a, mahse an beisei erawh pasaltha hmelchhe Thanga vangin a tlawlh ta anih kha....
Lal in kaiten ah chuan Lalpa pawhlo a lo ding chhuak vah mai a, an mi man te lal in kawta an thlun zawh hnu chuan lalpa chuan thupe aw tak mai leh nem dam diai si, boruak zap dai em em chung si leh hmelma tana amupui tawn ang mai nisi a, nem thupe aw tak mai chuan engvanga hetianga buaina rawn siam nge an nih te an zawt a, Hrangtuala naute zinga pakhat chuan a rosum ita hetianga ti an nih thu leh rosum laksak vek tura lo kal an nih thu te lal sailoliana'n an hre chiah chu thinrim eltiang mahse hlaua tlawma inpe te bei duh khawpa lal chaklo leh mawl anilo tlat,engmah sawi zawm talo chuan inchhung lamah chuan alut ta daih a, upa min Dohranga chu lo chhuakin....,......vawin ah hian kan lal leh khua leh tui te hi in thisen in an tui hal a, mahse kan lalpa zahngaihna zarah tunah hian haw vang vang ula amaherawh chu in silai erawh in keng thei loanga, in khua in thlen hunah Tlanglam khaw hawi zawngin ke in pen leh tawh tur anilo ang, anih loh chuan kan hmuhna hmun apiangah in lu kan la nghal ang tia thu asawi zawh chuan an ni pawhin an chunga zah angaih avanga lawmthu te sawiin an khua Bualzawl pan chuan rang takin an haw ta a,mahse engtin nge an lal hnenah an sawi ang tih hriat ani lo, chu mai piah lamah an khaw thenawm mai a, Pasaltha Liankima naute khan dawt hmanga an lal lo hmin diamin lalpa leh akhawnbawl ho te pawh an lo thukhawm ve mek bawk a, Tlanglam khua hian eng boruak nge an tawn ang tih hriatthiam ahar ta hle mai.
Ni hnih aliam leh hnu chuan Thangtea te ṭhiandun pawh ahma aṭang daih tawha an lo tum ruk ramchhuak tura thu ti tluin a tuk leh maia chhuak turin leh chumi hma a an mamawh vel buaipui turin zawlbuk atangin mahni inlam ve ve panin an haw dun hnak hnak a, khaw ralmuang thin tih takah enge lo thleng dawn tih chu hriatthiam ahar ngawt ta ve ang, Thangtea pawh in ah a pa in thu tha tinreng hrilhin tih tur leh tihloh tur awmdan mawi te ramchhuahna a awmdan leh nunze mawi tihreng te an in hrilh a, chutia an titi mawlh mawlh lai chuan anu chuan chaw ei apeih thu rawn hrilhin an ei ta a, an chaw ei lai chuan siammawia pawh inpeih atin a rawn tawng lut bawrh bawrh a, thangtea pawh chaw te ei khamin a thianpa nen chuan an chhuak nghal ta nghal a...
Siammawia chuan bul rawn tanin thianpa hmanzan kan boruak chungchang kha ka lo ngaihtuah a, kan lalpa hian ngati nge i hming hi alam loh le ka lo ti mai mai a tiin bul an ṭan a, ani lahtak renga lal nunna chhantu kha ani ngei a, mahse vawikhat pawh lalpa hian lawmthu pawh a sawilo reng a, mi tam tak pawhin mak an ti viau nghe nghe in a rinawm, Thangtea chuan thianpa thangthat duh vanga thil ti ka nilova, fak hlawh duh avanga che ka ni hek lova, a tul na hmun apiangah leh min mamawhtute tana din hi englai pawhin ka tum fan ang tia chhangin, siammawia chu nui deuh suk a, a thianpa rilru that zia hrechiangtu ber ani alawm, mahse ahmel chhiat em avang hian la naupang viau e tilo chuan putar ni mai awma mawi hi a thung a, titi chunga kal chu kal pawh asawt aniang, an zen denna tur mual an lo pel daih mai a, an han let leh rih a, an tum hmun an thlen chuan thing te chu an han la zung zung a, chutia ti ti paha, an thil mamawh an siam mawlh mawlh lai chuan an thlang kawr ruamah chuan keipui chuan lei chu abeng dup dup mai a, chutiang boruak te alo nih takah chuan ngaihthalo tak chung chuan in lam an haw ta a...
AN inpeih thawkhat bawk a, zanriah kil zawh chuan zawlbuk kai tur chuan an liam ve nghal a, nula rim tur tlangval an chhuak zo vek tawh, Thangtea te thiandun erawh a tuk lama ramchhuah tum an nih avangin val upa te titi kotlangah dakin nula rim ai chuan mawng paw hruta tawlh chu an thlang ta zawk a, val upa Zinga titi thiam leh awihawm tawk chiaha thil sawi thiam tharum aia thluak ngah Tlanglam khaw ti nuia ti thlaphang thei khawpa tawngkam thiam kam liam changa an nuih dar dar lai chuan veng hmawr lam atang in sa atla e tih thawm rawn chhuak chu nutling tap tuarh tuarh thawm chuan azawm nghal a, zawlbuka awm te pawhin meichher dep kaiin sa tlakna lam pan chuan an tlanchhuak hlawm a, Thangtea chuan chhunlama sapui thawm kha hre chhuak zawkin, mak tihna lian tak mai anei nghal a, sapui liamthlakna lamah chuan val upa te zai ngai takin Thangtea te pawh an liam thla ve nghal a, zanlam mah nise mak tak maiin an sapui um chuan chhui ti nuam turin thisen a thlauh zeih zuih mai a, thui tawk fang an chhui hnu chuan mual pharh rem tha zet mai ah ahnu chu lut in, an chhui zui zel a, an inhnaih hle tawh tih chuan an meichher ken a zo ta mai, tlangval tlawmngai thenkhatten meichher an han siam leh zung zunga, kal an siam leh chiah tihah chuan an piah lungpui phenah chuan sapui chuan tanhmun khawhin a lo rum khum chhur chhur mai a, kah mai theih tura awm duh silo vin avei sek mai lehnghal a, an hnaih phei hriau hriau a, thawklehkhatah an sapui um chuan lei chu abeng thum dup dup a, thawm awm zui lovin thehhmeh ang hlauhin a reh zui ta daih mai a,angaihna hrelo takin an in en he haw hlawm a, sapui awmna an va thlen chuan venghmawr naupang chu nunna nei tawhlo tih hriat tak hian alo let bam mai a,sapui lah ahnu hmuh tur awm lovin a khuangcher bo hmiah mai bawk si nen thil mak tak zawng ava ni em, ran vulh khawih lova mihring a khawih mai leh ei pawh ei hauh lova hetianga sapui a rawn che mai hi amak reng ani..
Hlangte an siam zawh chuan in zawn haw in,lal leh upa te ho pawhin lo hmuakin chhiat tawkte inah an indah fel a, hman atang pawha an la tawn ngailoh an han tawng mai chu khawchhung titi ber ani kumkhua tawh ngei ang le, Thangtea erawh angaih atha ve thei hauh lo mai, buaina hmahruai niin a ring tlat mai a, eng buaina nge tih erawh hunin ala hril ang chu..
Thangtea nu chuan a fapa te ramchhuak tur chu boruak a ṭhatloh em avang chuan kal lo mai tur chuan ti tak na a, mipa in thu an sut zung zung ngailo tih ṭana ṭang tlat leh ramvah chak zek zek chu adang thei ta bik lo va, Thangtea te thiandun pawh boruak rit tak tlansan tur chuan Thangte rilrukna hmun,akum hmasa lama a chem chharna mual lam hrut turin an liam dun ta a, an tum ram pawh chawhnu her bawihah thlengin buk an zar zawh meuh chuan alo tlailam tawh hle mai a, Saimawia chuan thianpa nang sa la thei deuh ah tlai lam chawhmeh zawn pahin ram chinchang han thlithlai la keiin rawngbawl pahin buk ka lo nghak ange a tih takah chuan Thangtea pawh phur takin a chhuak zui ve nghal a, a chem chharna puk pawh a thleng der mai a, hmana akal tuma a awm ngai khan lo la awmin luahlumtu awm ang maiin alola fai hliau mai a, an en kual leh thuak thuak a, eng mah chu ahmuh belh ta lemloa, apiah mual maia sih awm kha va chian tur in akal leh nghal a, sa hnu pawh alo tam hle mai a, tlawhpawhloh tih takah sa lian pawh an tam hle tih an hnu atang chuan a hre thei mai a, nui ver ver chung chuan a tuk lama chan ah tiin buk lam pan tur in a insiam ta nghal a, thuilo te akal hman tih chuan sih tlan tum sakhi thawm pawh a hre nghal mai reng a, ahan thu khawmuang leh hret a, rei pawh a thut hma chuan sakhi patuai chu akap mai reng a, buk lam pan chuan apaw bahlat phei ta a, buk a thlen meuh chuan alo tlai ruih tawh mai,sakhi an han puah leh nen chaw an ei kham meuh chuan mut ahun titih deuh der mai reng a, buk kawta meipui an chheh chu vawm belh lehin an kal chau deuh bawk nen mut zai an rel ta a...
Siammawia chu amu tui ta hle tih pawh chuan Thangtea erawh amuhil ve thei tlatlo, ahma ni a an thil tawn boruak te chu ngaihtuah kual zelin ahriatloh lai chuan alo chhing ve sek a, amumangah chuan a khawchhunga thisen lo baw neih nuaih leh in kang hluah hluah kara mangang au thawm leh anu chu a duhloh chunga an hnuk lui lai te chu chiang tak mai chuan ahmu a, chhan tuma a tal uaih uaih chu siammawia chuan thianpa thianpa tiin a rawn sawiharh a, engeni mang thalo i mang emni tiin a zawt a, Thangtea chuan angaihthatlohna a bul tanin amumang mak tak chu ahrilh ta vek a, Siammawia pawh chuan ngaihthatloh rukna lian tak alo nei ve tho mai, mut pawh mu tawhlo chuan meipuite chhepa titi in khawvar an nghak ta a....
Khua avar meuh chuan sih chang turin an inpeih der tawh a, chaw te an ei zova sih chang tir chian an chhuak ta a, reilo teah an sih chan tur pawh an thleng der mai a, ţhangte te dawhin an thu ta vang vang a, rei mawi tawk an thut hnu pawh chuan engmah thawm riva hmuh tur leh hriat tur reng reng a awm ta hauh lo mai le, nilenga an thut hnu pawh chuan eng sa mah chuan chhuak tange an ti silo, an thiandun chuan mak an ti hle tawh mai a, chutia mak ti taka an in en hehaw lai chuan sih kam hmar tawp lam atang chuan thawm rawn chhuahna lam chu an thlek dun nghal thuai a, a rawn hnai telh telh a, an silai pawh kah mai theih tur chuan an lek kang dun va tawh a, mahse chu sa lo chhuak chuan Thangtea tawn ngailoh thil anih avang chuan mak a tiin kah miah pawh a ruat lova, sakhi ni mai awma mawi a var mam nalh em em hi a rawn chhuak a,Thangtea chu a rawn melh kal mai a, chutia an in en reng lai chuan amit chu lungngaihn nasa taK apai ani tih hai rual lohvin a rawn sen rum mai a, amittui chu atla kiang mai a, chutia an in en reng lai chuan alo chhuahna sir ah chuan aliam bo zui ve leh ta a, Thangtea chuan thianpa tuna mi kha ihmu ve em tiin an zawt a, Siammawia chuan alo hmu ve hlek lo mai a, mak a ti zual em em a, tunah khan sakhi var alo chhuah kha, a mitte kha lungngaihna thuk tak pai mitmeng ani a, enge maw tak zawng a thleng dawn ani chek ang, thianpa hawhteh buk lamah i phei phawt teh ang tiin buk lamah an phei ta rih a,bukah chuan an thil tawn te mak an tihzia an dun nak nak a, Thangtea ngaih reng atha thei tawh lo, haw mai chu tha zawka ahriat avangin a thianpa chu an rawn a, Siammawia ngaih pawh alo tha bik lo, haw mai tur chuan am insiam ta a, an thlen hlimin sakhi patuai kap hlauh lo phei sela chuan kut ruakin an haw ngei ang le, an khaw lan theihna ah chuan thu hahchawl kamchhia te tirehin mei te an han zu chawl a, rei tawk fang an thit hnu chuan thlan te a dai tawh bawk nen kal zai an rel leh a, an khaw kawtchhhuah ah paWh chuan chawl khawmuang lovin Thangtea te inah chuan an lut nghal a, a chhungte pawhin an lo lawm thiam khawp mai, an saKhi hawn an in sem fel hnu chuan Siammawia pawh in lamah haw phei ve in, khwchhung eraWh a reh ruai mai a, chaw ei lai chuan Thangtea pa chuan hei Thangte nimin lamah kan khaw thenawm Duhlian atangin an pasaltha Liankima leh tlangval pakhat tualthih chungchangah ah palai lo kal in kan lal te nen pawh an inhnu thiamlo nasa mai a, i ramchhuak haw veleh lalpa in hmu tur chein a duh che a, chaw eikhamah iva kal dawn nia a ti a...
episode 3.
Thangtea chaw eikham chu Lalpa hmu tura chhuakin khawi dang mah kal lo chuan Lal in lam chu apan ding nghal nal nal a, Lal in a thlen chuan lenluh te ahan dil a, tlangaupa in lo chhawn vatin, e lo lut rawh kan Lalpa pawhin alo nghak reng tawh che ania tiin an in hruai lut a, Upa ho pawh an lo kim thap tawh a, thutna turte an kawhhmuha a thutfel hnu chuan Lalpa chuan aw ahan thian kharh kharh a, hei Thangte ka nunna min chhan tawh a, i chugah hian lawmthu pawh ka la sawilo va, ahmasa in ihnenah leh ka Upa te hriatah hian ka lawm zia hi hrilh che ka duh ani an ti hmasa tete a, an ngawi leh det a, chumi piah ah hei nimin lamah Duhlian lam atangin palai hmel kan hmu hlawl mai a, an Pasaltha Liankima leh anau tlangval pakhat tual thih thua lo kal an ni a, Thangte chu a ngawi ngal mai a, Lalpa chuan sawi zawm lehin, an sa kahsa it avangin hnung lam atanga bei a, mi pahnih lai i thah hnuah i tlanchhiatsan leh a niin thu an rawn thlen a, mithi chhungte lam atangin lei chawi turin leh ngaihdam dil tura phut ini a, heng thil hi adik meuh em enge sawi tur i neih tiin Thangtea chu an melh deuh hrawk a, Thangtea chuan Lalpa thil diklo ka ti a, ka tisual anih chuan lei pawh ka chawi mai ang, hrem ka ngai anih pawhin ka tlan chhe ngai hauh lovang, mahse hei hi kan thu chu ani tiin a sa kah atanga sawi tanin Liankima te nen an boruak zawng zawng chu ahrilh fai ta vek mai a, Lalpa leh Upa ho in thudik an hriat rual rual chuan an thum hak mai a, chutah Upa min Chhingruala lo tawng veleh in Thangte chutiang aniha thudik i sawi anih chuan lei pawh i chawi lovang, ngaihdam idil angaihna pawh ka hre heklo tia Lalpa rawn titih enge angaihdan tih zawt pah chuan Lalpa chu ava melh a, Lalpa pawh chuan nie Thangte i thusawi hi a dik anih ngai chuan ngaihtha tak khan lo va haw la, a tul ta anih leh kan rawn ko leh dawn che nia tiin an ţin tir ta a....
Lal leh Upa ho pawh rorel nghal in palai lo kal leh phawt sela, heti maia kan khua leh tui ten dawt avanga lei an chawi hi kan rem ti tur ani lova, a ţul anih phawt chuan thudik ţan in kan ral raih mai ta lawng tih chu an thutlukna ani ta a....
Saimawia pawh Thangtea Lalinah a kal tih hria in Lalin kawtah chuan alo thu ran tawh a, Thangtea Lalin a tanga a chhuah veleh enge boruak tih lo zawt ve nghala, Thangtea chuan an chanchinte chu an sawi zawr zawr a, saimawia chuan uai ka lakah zep ilo va ngah ve, chutiang thil lian te chu engvanga ka laka zep thei nge inih le tiin an vui viau nanga, chutiang lam sawina hun anilo tih hria in, inlam ah a hruai phei leh phawt zawk a....
Chumi zan chu Thangtea te chhungkua pawh an buai map map hle mai, lenghawn ar akhuan hnu deuh ah chuan an thian dun chuan Zawlbuk lam lawi turin an kal phei ve ta a...zawlbuk an thlen chuan an lola meng thap hlawm a, Upa fapa Laiveta intivei zet mai thiante kuta rul kaw zen ching michhia leh hnuaihnung zawkte hmuhsit ching tawngkam varak tui thiam zet mai, a chem aia a tawngkam ahriam an tih zawk chuan Thangtea te lo lut chu kha kan Thang hmelchhiaa chu kan khua iti hming chhe hle mai a rawn ti lar lar a, Thangtea chuan chhan pawh chhang ta lemlo chuan angawihsan mai a, athianpa Saimawia zawk chu alo ter leh at tawh, Laivet thudik hre hmasa lo vin tawngkam cheh mai mai mai suh tiin alo khak a, chutak chu inti Upa fapa tan chuan veng hmawra awm ve satliah in a zilhna chuan a ti thinrim ngang mai le, rawn inperh tho at mai, athuihhruai te pawh an rawn tho rual ţhawt bawk a, Laiveta bawk chuan uai khalai uicho chuan thudik hreloin a thianpa alo ţan ve zawk em ni, uitang bauh nazawng kan bengkhawn kher lo ania tiin hnuaichhiah tak mai chuan an rawn ti veleh a, Val upa Zinga chuan boruak a dik dawnlo tih hria in a rawn khap dai ta zawk a, an mut fel hnu pawh chuan Upa fapa Laiveta chuan mei nei tak tak chuan a la tawngkhum reng mai a, Thangtea ngaihdan a pel tlat, a tho lawk a, Laiveta puan venah manin kut khingkhat a chawi chhoin zawlbuk bang dennan an hmang ta reuh mai a, Laiveta pawhin tawngtam ltk a pawi zia a hre chiang ngang mai le, a thuihhruai ho te pawh an rawn inpeih leh at mai, mahse val upa ho chu rawn in rawlhin Laiveta chu an zilh a, Thangtea pawh zilh ve bawkin, chu zan chu an hmang liam ve ta hram a.....Thangte hi engtiang chiaha chak leh cherang insual thiam nge aniha, engtiang chiah in nge an khua Tlanglam tan apawimawh tih chu an la hre thuai ang....
Duhlian lam pawh an beisei huna lei chawi tur leh ngaihdam dil tur an lo kal tak lohah chuan palai te intir lehin Tlanglam Lal inah chuan thinrim engphiarin an in kawk sawk sawk tawh mai a, chutia diklo zawkin dawt hmanga thiamchan tum a an rawn leh puh chu Lal sailoliana ngaihdan ni hek lo le, thu tha in a daih zo ta lo, atawpah chuan in ngam ngam ka ngam, thudik ţan ngamlo khawpa Lal dawihzep ka ni hleinem, tunah hian ka khua aţang hian chhuak vat rawh u, tunah la la hian, anih loh chuan in chungah engpawh thleng se in cho chhuah ani ang tih chu a thutawp ani ta mauh mai, chutah zet zawng Duhlian lam palai te pawh awm zui zel chi ani tawhlo tih hria in, thinrim tak chung chuan an haw ta a.....
Lo sul haw hun vela tlangval ramkal leh feh haw in nula ruang an rawn zawn haw chuan indo na dar akhawngri tih hai rual ani lo, Upa fanu Lianmawii khawkhat nula fel leh hmeltha tlang thang ve hat khawpa hmeltha ani a, chutiang ang han ti duh tur awm ang chu Duhlian khua palaia lo kal te bak an nilo tih hretu vek an nih vang ani,tlangval ho te chuan umzui han duh viau mahsela, an Lapa in rorelna felfai zawk nen nakinah ruahmanna tha tak nena khaw run a, hmeichhe chaklo chungah pawh hleilen duhtu te chunga phuba laka thungrulh ngei chu a tum tlat zaWk vang a, tlangvalte pawh um tirlo ani reng ani.
Thangtea leh Saimawia pawhin Duhlian ram an lut ve der tawh a, hmanhmawh taka kal an ni bawk a, umphak mai inbeisei tawh lo mahsela, a lu erawh hawn let an tum tlat thung a, khua alan theihna atanga khua an thlir chuan an ralmuang hle tih chu hai rual ani lo, rei vaklo an hahchawlh hnu chuan hmanhmawh em em tawh lovin khua an nghak thim ta a, akhawthleng te leh chankhan awm thei te leh luhchhuah theihna awm tur ang chite en kual thuak thuakin inhmuh lehna tura an tih hmun an thlen leh ve ve hnu chuan leng len ar akhuang al al tawh a, chu zan thim hnuaiah chuan hmeichhe awmnem zawk pawh dimdawina nei hauh lova nghaisa duhtute thil tih chu rulh let duh viau mahse ruahmanna tha an mamawh tih hria in benga an hriat tur mamawh te chu tharum hmang lova chetchhuah an tum ta zawk a, akhaw luhna bul sahlam ah chuan an khaw nula khawngaihthlakawm tak mai lu chu an lo khai a, haw lama lakah tiin an la thla a, an dahtha hrih a, khawchhung chu an pen lut ta a, akhaw thleng chu a rem em em hran lo nangin insak dan leh an in an rem dan erawh ruahmanna tha tak ani tih pawh an hre thei a, zawlbuk pawh a te chhe lemlo in zahnih nufa chu an nih ngei an ring thiam nghal mai a, zawlbuk pawh pel phei zel in, Lalin ni awma rin theih tur in lian tak mai pawh alo eng at mai a, kawmkar lam pan in inhnuai lam bel tawh zawkin inhnuaiah zel pheiin Lal in chu an thleng ta a, inhnuaiah Duhlian LaL leh upa te thu leh hla ngaithla a rei tawk fang an thut hnu chuan chhunlama an boruak tawn chu sawichhuakin, an hmeichhe thah chungchang te sawichhuakin that tha mai lova an pawngsual hrep dan chanchin te hlei hlei chuan inhnuaia an thawm ngaithla rengtu te thiandun chu a ti thinrim hle mai, Saimawia phei chu a insum leh thei tawhlo, Thangtean a vawnbeh tlat avangin an boruak chu a hun hmain a alh hluah lo chauh ani, atawp ah chuan an thu hriatduh ber chu an hre ta a, Duhlian Lal chapo tak chuan a upa te leh atlangvalte Tlanglam Lal in atanga hnawtchhuaktu chu nuamsa in i hun ihmang lovang ti bul bul chung chuan favang awllen thla det tirh ah, Tlanglam khaw run a, apui anawi, alian a te a tar azura thah chimih fai veka, khua pawh hal darh vek tur tih chu a thutlukna ani ta rup maile, Thangtea te thiandun pawh an hriatduh angte hre kim thawkhata in ngaiin an khaw nula hmeltha Lianmwii lu chu ak in an khaw lam pan chuan an haw ta vang vang a...
Tlanglam Lal inah chuan thinrimna mei thelh mih rual loh in mung mek chu khel in Lalpa leh upa min te pawh an lu ahai mam mam hle mai a, Thangtea te thiandun thu hawn erawh in beiseina thar siamin an rawn chet hma ngei a chet lak chu an tum thlu ta a, chumi zan la la chuan tlang lo auin tlangval ralkai thei chin zawng chu Lal in kawt zaWla kalkhawm tur tia au in, mipui pawh an kim hma ngei mai, chutah Lalpa chu lo ding chhuakin an boruak leh Duhlian lamin run an tum dan leh chumi hma ngeia va luhchhuah tur anih thu te a han sawi zawr zawr a, chumi hnuah ni thum inbuatsaihnan kan hmang anga, a ni lina ah kan va luhchhuah tur ani ang an tih meuh chuan tlangval thinrim Lal thu hmu hmasa lova chetchhuah ngamlo te chu an puak keh ta, an aurual ta thup thup mai a, Lalpa chuan kuta zapin mipui pawh a ţin tir ta hrih a...
Ni thum lai mai an inbuatsaih hnu chuan an inpeih thawkhat ta, ani lina tukah chuan Lal inkawt zawl ah chuan tlangval ralkai thei chin chu an kim leh thap tawh a, Lalpa leh akhawnbawl te pawh lo ding chhuakin vawina kan thiltih nachhan chu kan hre vek tawh a, vawin ah hian pawisawilo te leh hmeichhe awmnem zawkte pawh dimna neilo leh mahni hmasial avanga midangte dawta puha hlawkna tel tum tute, diklo taka nungte tukzal tur hian keini Tlanglam tlangval te hi khawi hmunah pawh nise kan ding zel ang an ti chiah chu an haw haw hluah hluah mai a, chumi hnu chuan va kal ta ula hnehna changin lo let leh ula, mahse tar chaklo leh hmeichhia, te tlawm avanga inpe te chugah reng reng kut in lek tur ani lovang tia thlah in, an tum ram Duhlian khua pan tur chuan tlangval phuba lak chak avanga thisena tuihal te chuan pheilai an vawr ta a....
Ramri ah chuan val upa riliana chuan fuihna thu te sawiin ral ramah mahni rilrua awm ang anga thil tih ringawt te atha ngailova, val upa zai ngai tur tea in hrilh nawn lehin, an thlansa te a daih deuh hnu chuan kal zai an rel leh ta a, an kal zel a Duhlian khua pawh alang ta uarh mai, ahmaa kalkhan leh luhkhan vel lo thlithlai vek tawh tu Thante te thiandun chu an pawimawh viau ta ve ang le, thinrim luat avanga khaw en laia luhchhuah mai duhtu pawl an awm ta nawk mai a, chutih lai chuan Thantea chuan in thlahrung takin val upa te hnenah thusawi a va dil a, adil ang chuan an lo phal sak a, tihian remruatna tha tak nei lova kan pawng beih ringawt chuan kan chan a chhe viau thei, tin en laia va luh chhuah chu thil awlai lo tak anih dawn avangin, hmanzana kan lo en kualna zarah pawl thum a inthen in, pawl khatin zawlbuk bei sela,pawl khatin Lal in lo bei thung sela, chumite pawl chu kawng pangngai ah lut phei sela, pawl dang pakhat chu chhim lam atangin rawn lut phei thung sela, chutiang anga kan hual beh chuan kan tuam kim thei ang, tiin rawtna a rawn siam ve thu a rawn sawi ta a, rawtna tha dang a awm tak loh ah chuan Thantea rawtna ang chuan pawl thumah in then in, zan lai pelh hreta khua lut tur chuan khaw lan theihna atang chuan khua an nghak thim ta a....
Zanlai ar pawh akhuang al al tawh a, Val upa Riliana hovin zawlbuk an luhchhuah anga, Thantea te hovin chhim lam aţangin an rawn suat phei ve thung anga, Saimawia te hovin Lalin an bei ve thung dawn ani, chutianga an insem darh hnu chuan mahni bitum lam theuh ah kal nghalin VaL upa Rimawia te pawh in zawlbuk an hual thap tawh a, Saimawia te ho pawhin Lalin an lo hual ve thap tawh bawk a, Zawlbuk bawhnel ah chuan an silai te chhawng fur tawhin Val upa chuan Duhlian tlangval te u thawh in hai e, Tlanglam val ten kan thawhkhalh cheu ania an tih hnu chuan silai chu apuak de nghal zawr zawr mai a, na tuar thawm ri in azui nghal a, rawn tlanchhuah tum te pawh an lo thal hmiah hmiah mai a, silai mu thunna hman awm tawh heklo, mahni hming chhalin chem a in khak ri ţek chhuai chhuai mai a, chutia silai arawn rik thut takah chuan Lalpa te pawh rawn harhin run an tawk ani tih a hrethiam nghal a, Val upa riliana ho te pawh an kam ve tawh hle mai, Saimawia te pawl awmna lamah theihtawpin an nawr chho ngar ngar a, tlema tlemah an che sual teuh hle a, mahse chhim lama kal pawl Thangtea te an rawn thleng hman hlauh, Thangtea te an rawn thleng chu Duhlian tlangval te chu an hek hiau hiau hle mai, an hualbet hneh ta kher mai, chutia an karcheh takah chuan Lal leh khawnbawl te chuan kut an phar ta a, Duhlian tlangval ho chu Lal inbul kawtzawl ah chuan an khalh khawm a, chutah Val upa riliana chu lo Lal luhka lama chhovin mipui hriattheih tur chuan, vawinah hian thudik hai chhuak tura rawn kal kan ni a, tin chumi piah ah an farnu rawngtaka a chunga chea thah anih dan leh anmahni zawkin Tlanglam run an tum dan nen chuan a sawi ta a, mipui an thawm huk mai a, chutih lai chuan Duhlian tlangval piantha thelh thawlh a hmel en reng reng pawha chak tih hriat tak mai chu rawn auchhuakin ka thianpa Liankima in thah hnuah hetiang hian dawta hekin hetiang hian in rawn che a, thudik chu ka hmaah hian angam fa chuan rawn sawi ula tiin a ding ta teu ma a....

Link:
BBcode:
HTML:
Hide post links
Show post links

Pasaltha Dokulha
Posts: 16
Joined: June 5th, 2018, 7:41 am

Unread post by Pasaltha Dokulha » June 28th, 2018, 8:51 am

Episode 4.
Ka thianpa Liankima a hnung lama thata asa kah sa pawh laksak duh khawpa mi tenawm lakah hian ka tlawm ngailo, kei Duhlian Pasaltha Rosanga hi angam fa chu ka hmaah hian lo kalin thudik chu rawn sawi rawh u, nge pawnfen feng tlak lek in lo ni zawk tia au tuarh tuarh lam chu an hawi thap mai a, an ngawih thap takah chuan rawn pawngpawrh zualin mipa pawh in awm nange, mi inringlo bei ngam tawk vel in lo ni maw? Pawnfen feng vek tlak lek zuk ni cheu a tiin a au tuarh tuarh mai a, Val upa Riliana chuan thudik ihriat duh chuan ka hrilh ang che tiin Lal tual zawl ah chuan a zuangthla nghal a, chem kha pe rawh u, thudik chu kan hrilhfiah ange tia apan phei lai chuan Saimawia bawk chu rawn tlazepin u rilian keiman kan zilh hlak ange a tawngtam emaI ngawih that zia kan zirtir ange a rawn ti a, mahse Thangtea chu Riliana hmaah tak rawn tlazep in u Rilian, thianpa Saimawi heng boruak hi ahrechiangtu ber leh hnarkaitu ka nia, keima chinfel ngei hi a ngai ani, bakah naupang zawkte kan awm laia, upa te in chet chhuah zawngin kan zahna a sei ltk palh ange tiin a ipte aţang chuan a chem puka a chhar ngei mai kha rawn phawrh in, ahma a Duhlian pasaltha ding chu apan phei a, Duhlian pasaltha chuan nang hian maw ka thianpa inringlo lai chu lo that ni, vawin niah hian nangpawh ka that nghal che anga, i chhung leh kua pawh ka zuah lovang a ti tun tun mai a, Thangtea chuan thil nihna sawi an tum ngial pawh chuan awmzia a awm lo chiang kher mai, dawt chu an thudik hriat tlat tawh vang ani, Duhlian pasaltha Rozanga bawk chuan dawt hmanga rawn insawifiah tum duh suh nau hmelchhia, vawiin niah hian thudik chu kan hre mawlh ang tia chem vilik pah chuan Thangtea chu a rawn pan phei a.....
Thutam sawina chi ani tawhlo, Thangtea pawh inring taka Duhlian pasaltha che vel chu lo en khiau in, a che pawh a rang hle mai a, Thangtea nghawng chhawk hmawk tuma a rawn vai phei chu Thangtea chu lo kun hniam zauh paha rang zeta lumsawn nghal in, Rosanga chuan iau i beihtham ve dawn hle mai nauva lo inring rawh tih pah a rawn bawh phei leh in Thangtea dul thler duai khawpa sah tum chuan a rawn vai tle leh zawr mai a, mahse Thangtea chu khuavel thang tura khuanu duan ani tlat, tlem tawlh let zauhin Duhlian pasaltha chem vai let leh hma kara va let leh hman khawpa ranga va hnaih chilh in, a thinhnunah tak chuan a chem fawng lam chuan an chhu ngheng mai a, thawk hrawk pah chuan lei charah chuan a let hawl hawl mai a, chutah rawn ding chhuak lehin in zo fel law law teh ang tia rawn tlan phei lehin a chem chu a rawn vai leh vak mai a, anghawng chhawk ngei ngei tawh tur a beiseina zawng zawng thamral tir tur chuan Thangtea chu a che ve ta, a chem thami chuan tha tawp chuan an lo chhang let phei ve a, Rosanga chem bung hmawk piaha, a banrek china kut bung atang chuan thisen chu a rawn chik tuarh tuarh a, lei charah chuan a thu hnawk mai a, ka hneh lo che ni e, nauva han zo fel law law ta che tiin Thangtea chu ahan melh ţawk ţawk a, mahse Thangtea chuan mi che thei tawhlo ka bei ngailo, i thianpa chungchang thudik ihriat hma chuan thah pawh ka that lovang che tia hawi let in akalsawn ta a, Tlanglam tlangvalte erawh lawma lo auin an lo zuang zawk zawk mai a, Thangtea chu Lal in luhka ah kal chhovin mipui au chu kuta zapin, vawin nia kan thubul bal min hriatpuitu tia kut zungchala a kawh na lam chu an thlir thap mai a, chupa chu Liankima te nen a an intihbuai ţuma awm ve pa kha ani, chupa hlau lutuk chu tlanchhiat mai a tum chu Duhlian tlangval zawk te chuan lo man in Lalin lamah an kai phei a, Thangtea chuan thudik chu sawi rawh le an ti chang khawl mai a,
Chupa chu angawi kar mai a, Saimawia thin ter tek a chhuak leh pek, a chem chuan anghawng chu an chuktuah nghal a, thih i duh loh chuan tunah thudik sawi rawh an tih chuan,thih em chu ahreh ve ani chek ang chu, awle awle ka sawi ang nie kan thiam loh ani, kan Lalpa hnenah thudiklo kan thlen avanga hetiang hi thleng kan ni tiin a tir a tangin thudik chu asawi ta vek mai a, Liankima thianpa leh Lal leh upa ten chutiang thu an hriat meuh chuan atlai zota, siamthat theih rual ani tawhlo, chutah Val upa Riliana lo ding chhuakin awle thudik chu kan hre ta a, keini chuan kan tihtur kan ti zo tawh a, hetiang anga dawt hmanga buaina thlen tute leh hnarkaitute erawh Duhlian LaL leh Upa te leh mipuite kutah kan hlan anga, tun hnuah chuan hetiang ang hian ro in rel tawh tur anilo, tin, Tlanglam lam hawiin in ralthuam in lek tawh tur ani lo, anih loh chuan in khua hi kan halral vek tawh ang, chubakah kan Upa min fanu Lianmawii tual thihna ah in Lalpa in mawh aphur anga, in Lalpa in ni thum ral hmain lei a chawi a rawn tlak angai bawk ang, a hnial emaw kan thu zawmlo in awm em an ti vin thak a, Lalpa pawhin nie a dik lo zawk kan nia, thudik hre hmasa lovin thil kan lo kal thuipui lutuk a, min hrethiama min ngaihdam hi kan ngai ani, in tih ang apiang chu kan ti ngei ngei ang a tih takah chuan, Riliana chuan Awle tunah hian keini chu kan haw anga, kan hnunglama min beizui emaw in tum anih chuan in chan tur chu a chhe viau ang tia kal mai a tum lai chuan, Lalpa chu lo kal in, khawngaihin thusawina hun min pe thei angem a rawn ti a, Rimawia chuan a theih thu in achhang a, Lalpa chu lo ding chhuakin hei kan thiltihsual azarah nunna tam tak kan chan a, in Lalpa hian thil tam tak ka tisual ani, tunah hian ka khua leh tuite hnenah hian in ngaihdamna sangber ka dil a, dawt hmanga kan Tlanglam lam te nena kan inkara hem thlaktute erawh an tihsual hremnan leh hetiang hi athlen tawh loh nan vawin ni ah la la hian an lu tan tur ani ang, tia lawmthu te a sawi zawh chuan an lei chawi tur pawh an rawn pek vat tur thu sawi nghalin in, an in ṭha then ta a....
Thangtea pawh Duhliana a chet dan avang chuan engang mi nge anih an hre ţan mek a, Lal nopui la dawm chiah lo mahsela, Lalpa pawhin alam ve ta fo mai a, a thianpa Saimawia nen pawh tun hma aia nasa a in kawp chawt in, an in zui chawt reng a, Duhlian khua atanga an haw atanga kar hnih zet aliam hnu chuan Tlanglam khua pawh favang awllen hmang turin leh alawmna pawh an Lalpa in a sial leh a vawk athawh anga, chumi hunah chuan awmni khamin nula leh tlangvalte in elna thianghlim neih tur ani dawn a, chumi hun atan chuan mitin mai chu an inbuatsaih mup mup mai a, a tu ate mai pawh chu an phurin an hlim tlang em em vek mai a, Thangtea te thiandun pawh an phaktawka nasa in an inbuatsaih ve nasa hle mai a, a nghakhlel pawl an ni ve ngei ang le...
Thangtea leh Saimawia pawh favang awllen awmni khama hman tur a intihsiakna turah tel ve ngei an tum avangin ram lamah silai kah leh inbuan te, rit chawi te an zir tluk tluk mai a, hma pawh an sawn phah khawp mai, chutianga ni tam an zir hnu chuan an nghahhlelh hun pawh a tuk leh maiah alo thleng dawn ta reng mai, chumi zana lengi run kai pawh titi dang aleng meuh lo ani ber e, Laiveta pawh tun tuma inelna chu a theihna lantira Thangtea laka phuba lak chu a chak ber lehba tum ber ani a, ahmaa zawlbuka kutkhingkhat maia a chawi te kha a ngaihtuah phei chuan a thin hi a rim em em mai a, phuba la lo chuan ngawihsan mai a tum awzawng lo mai a, phuba chu la thei tak maw kan la hria ang chu.....
Rilru ah thildang aleng mawlh lo ani ange, vengchhak in tawp ber a pi Keli te kel pawh anote alo lian hman viau tih he awllen an hman tur ni a lo thlen hian zu hre ve chauh a male, mitin mai chu Lal mual lam an pankhawm ţan tawh a, Thantea te pawh an tlai bik ang tih hlauin chaw pawh ei tha hman lo chuan an tlanchhuak ve ta a, Lalmual ah chuan mi an lo tam tawh khawp mai a, Lalpa leh a khawbawl Upa te pawh leihkapuiah an lo thu vang tawh a, chutah tlangaupa lo dingchhuakin he hun an hman chhan leh khaw mipuite kan inlungrual lehzual na tur atana hmang an nih zia te sawi hmasa in, Lalpa pawh chuan chuan fuihna thute a sawi zawh chuan Tlangaupa pawh lo ding chhuak leh in, kut chunglamah an phar a, mipui hlim chu an au dur dur mai a, an hlim lutuk kha Thuamkaki phei chu nimin thleng khan ala nui nia......
Chutah mipui chu ngawi tur chuan an zap a, awle vawin ah inelna thianghlim kan nei dawn a, tumah thinrim a infiamna mual luh tur ani lo, mawilo taka chet thawh tur anilo ang tia asawi zawh hnu chuan Vawiina kan infiamna hmasa ber tur chu silai kah ani ang, a tel tur chu Valupa Rimawia khan lo siamfel se tiin a sawi zawh chuan mipui pawh an au hluah hluah mai a, Thangtea te thiandun pawh tel turin inkahsiakna tur lam an pan ve a,
Episode 5.
Silai inkahsiaknaa tel tur chuan Thangtea te thiandun pawh silai kahna hmun tura an ruahman ah chuan an ding vang tawh a, Tlanglam khaw tlangval Lal nopui dawm ngei tum vek te chuan inelna thianghlim chu an tan ta a, vawikhat an kahna chuan kap fuh vekin, an kahfuh tar chu an sawn hla hret a, a tum hnihna ah pawh chuan an la kap fuh vek mai a, an han sawn hla leh hret a, mi tam zawk chuan an tum an thelh tlat mai, a kap fuh zingah Thangtea te thiandun pawh la tel ve in, vawi li an sawn hnu chuan a hla tawh hle mai a, an kahfuh tar pawh chu lian viau mahse alang te ta hle mai, mi pathum Thangtea leh Laiveta thuihhruai zinga an silai kapthiam neih zakapa leh an khaw tlangval tuaitir Raltawna te chauh chu awm tawhin, Saimawia pawh a vawi nga na chu a thleng zo talo, an han sawn hla leh a, Raltawna chuan an kap hmasa ber a, a lo kap thiam ve ngang mai ala naupan ang aiin ala kap then nalh nalh mai a, mipui mak ti leh hlim lutuk chu an au hluah hluah mai a, a dawt leh ah chuan Thangtea an ko ta a, ani pawh lo pen chhuakin kahfuh tur an tar chu siai vang vang in an sai ve dur mai a, a then veleh nalh nalh mai, mipui pawh an au leh dur dur mai a, a tawpberah Zakapa rawn penchhuak vein, an tin vang vang mai a, Laiveta chuan, meinei zet chuan nangaia hmelchhia leh veng tlabirh a mi, mi zawng zawng kawmthlang a awm pawhin an kahfuh theih chuan, nang Lal chial liak pha chin ngatte chuan han kap darh vek la ti nia tiin Thangtea melh pah chuan a nui huah huah mai a, Zakapa pawh chuan a kap then veleh nalh mai, Laiveta leh a thuihhruai te lawm ltk chu rawn tlan pheiin an rawn zuang tawr tawr mai a, a aia hla an chuan an sawn leh ta a, Thangtea pawh a ruk tak chuan a tang ve hle mai a, chutiang bawkin Saimawia pawh Laiveta tawngkam chuan a tithinrim hle tho mai, Kahfuh an sawn leh hnu phei chuan mit thalo tan phei chuan enge tih hriat aharsa tawh aniang khawi sawnge tiin kum upa lam chu an lo inrin siak ve laih laih a, Raltawna leh Zakapan an kah thelh ve ve avang chuan Thangtea lakah pawh chuan mipui chuan beiseina an nei sang lo hle mai a, Saimawia pawh thaw dep dep in akap thelh ve mai ang tih chu ahlau hle mai a, chutah Thangtea chu lo ding chhuakin an siai vang vang a, then nalh nalh khawp chuan an kap leh ta mai a, mipui chuan mak an ti ngei mai au mai nachang hria pawh an awmlo, a thianpa Saimawia erawh alawm lutuk chu tlan pheiin Thangtea chu ava bawh thlu tawp mai a, mipui pawh an lo au leh hluah hluah tawh a, Lalpa pawhin mak ti melha lo melhin ka rin phak bak ava ni em a ti vei sup a....
Tlangaupa lo ding chhuak lehin vawina kan intihsiakna hi naktuk tlai chai hmain lawmman kan sem ang, tunah chuan athawh hnih nan Hmeichhe inkawibah ani ang tia a sawi zo chiah chu Tlangval ho chu an haw haw dur dur mai a, vengtina nula hmeltha awmbawr han sawi vel leh mal no var nalh sets etc s tak tak lang palh pawh hmuh hmaih tum hauh loin an hnaih tuau tuau mai a, mahni lawmnu te leh thiante ţan pawh ana in, vengtin mai nula chhuanvawr ţhah mai han in pel suau suau chu Lalpa Sailoliana meuh pawhin vanglai angaihthu asawi chhuak hial ani.
Tuikhur veng nula chu thiamber niin Lal mual nula ho chu hmeltha ber ah an thlang thung a, chumi hnu chuan Zawlbuk thing mawi fawm rual ho inchai hmuhnawm tak te chu thlir zui lehin, Lal mual lam in chakber nihna an hauh ve thung a, chumi zawh hnu chuan Tlangaupa chu lo ding chhuak leh in awle tunah lung in chawi siak na kan nei veleh thung ang tiin an au leh lauh lauh a, mipui lam pawhin kut beng in an lo chhawn leh hluah hluah tawh a, lung panga chawi tur awmin a then chu pathumna thleng chawi thei an awm a, athen pahnihna thleng chawi thei an awm a, pathumna bak chawi zo thei an la awm lo, Saimawia leh Thangtea pawh pathumna chin chu an chawi zo ve hram hram a, an ni pahnih bakah an khaw buan chak Rochila leh Laiveta thuihhruai pahnih Hmahruaia leh Lianchhunga te pawh a chawi zo zingah an la awm ve a, lung palina an han chawi leh ţan a, Rochila leh Thangtea tih loh chuan an chawi zo ve talo va, lung panga na chawi leh tur chuan Rochila leh thangtea chu an in ep ta ran mai a, Rochila chuan upa zawk tiin huphurh lo tak chuan chawi hmasa tuah a ţang a, amah apalianin a chak bawk a, a ţanna lama a lei rah khawk te chu naupang chuanna tham dawn dawn chuan a rap khawk tawp tawp mai a, a kawng thleng vaw mai chuan a chawi kang ta mai a, mipui pawh an au leh hluah hluah tawh mai a, Saimawia leh Thangtea hi inkawm ngaih viau e tilo chuan Saimawia hian ala hre chianglo hle a, tun ţum pawh hi ahuphurhpuiin Thangtea chak zia la hre chiang heklo le, a kawng thleng chuan a chawi zo ve hian a ring ngam tlat lo a chutiang bawk chuan khaw mipui leh amah Thangtea nu leh pa leh chhungte , Lalpa leh upa te pawhin la hre hek suh, ahmelchhiat em avanga khawlai pawh leng tamlo ram lama tap chawt thin kha ani reng a, ram lama a inzirna erawh khawiah mah hian ala sawi chhuak lo mai nilovin, ala hmang chhuak lo hrim hrim bawk a, chutah ngawi rengin lung chu an bel chiang that that a, Laiveta leh ahote chuan er viau mahse an tluk miau loh avangin tih theih dang an nei tlem khawp mai, mahse tharum aia ţawngkam hmangthiam Laiveta ani tlat alawm, tharumah hneh lo mah ila tawngkamah chuan ka hneh awm emai ti chi kha ani ve a, Thangtea lung chawi tur pawh chu i chawizo ve chuang lovang inhnukdawk mai rawh tia lo au el in, a nau te ho nen chuan an nui huah huah mai a, mahse Thangtea chu phurna nasa tak leh tharum tak tak hman chakna a pe ta zawk a, lung chu vuan betin khai aw tih pah chuan a koki thleng chuan an chawi chho vawk mai a, chupawh duhtawk mai lo chuan rei fe mai chu a pu vu mai a, Lalpa leh akhawnbawl te pawh hmuhthianglo hmu ang maiin phawk fe hian an lo ding uaih thei hlawm nia, mipui lam pawh chuti tho, chuti taka miin tu khaw kha a an ngaih loh kha, chuti khawpa chak leh insualthiam, cherang ani tih an hriat meuh chuan ahmelchhiat avanga khual thang hat pawh a huaisenna in ala khum ngei ang le, a lung chawi a dah thla chiah chu Lalpa ber ber chu a au ringa ţangin ka khaw daingul tur ka pasaltha khawtinthang tur anih hi tiin kut abeng hluah hluah mai a, mipui pawh mak tihna nen hlim takin Lalpa an lo chhwn ve a....
Tlangaupa chu lo ding chhuak lehin vawin ni atan kan duhtawk rih anga, naktukah ahlimawm ber inbuan leh insual kan ti ang, tlaiah chai tur ani anga, kan awmni khamna tur sial leh vawk puah turin kan Val upa ten rem lo ruat sela, kan inbuanna tur leh insualna hmanrua tur erawh rawlthar ten naktukah lo buaipui sela atha ang, vawin atan chuan kan duhtawk rih ang tiin Lalpa chu thuzawi tur in ako va, Lalpa chuan fuihna thu te leh heng thil hi kan inpawh tlan lehzualna tur atana ruahman anih dan te sawi leh zawr zawr in mipui te chu a ţin tir ta a..
Lal inah chuan upa ho te pawh Thangtea chak dan kha mak an tihzia chu an chei laih laih a, upa pakhat chuan Duhlian khua an run ţuma a chet dan te chu sawi chhuakin, a ṭhianpa Saimawia pawh mi naran anih loh zia te sawiin chumi zan chu Pasaltha an khaw daingul tur chher chhuaka in ngaiin an lawm tlang hle mai a, Lalpa thla thum zu pawh bel sarih an ruah thak e an tia lawm.....
Zawlbuk lamah pawh Thangtea chu Val upa te chuan an fak ve mawlh mawlh mai a, Laiveta erawh kil khatah alo thu ngawi rengin enge maw a ruka la tih tho chu a la rilruk ta cheu mai a, Laiveta chauh nilo Rochila pawh abang biklo, ani khual thang ve hat khawpa inchai chak, chuti maia venghmawr tlangval ţantirin a hmingthanna te khum mai dawna ahriat avang in a rilru chuan naktuk ah chuan ka dim hauh lovang che ka hnen ata hi engmah min chhihsak lovang tia in hum ruh ţeuh chungin leh a tuka Lal chawimawina nopui dawn hun tur ngaihtuah chuan amah chauh lo pawh tlangval tinte chuan zan hun chu an hmang liam ta a.
A tuk zing alo nih chuan Lalpa se chal pawh naupang hoin se huang atanga chhuahin an lo chaih nasa tawh mai a, se chal chau ţan tawh thinrim bawk si chuan vawilehkhatah an phin thut mai a, an darh huk mai a, an tlan chhe zo ta vek mai a,amah hnaih ber tu asira tuikhur veng naupang chu phin darh vek tum chuan a dawk phei zawk mai a, tlangval thenkhat in tlansawn rawh tia an auh tuarh tuarhna pawh a hlauh em avang chuan bengkhawn thei tawhlo, a ding khur hlawk hlawk ringawt tawh mai si a, mahse sial chaih na a inring renga awm a tul zia leh fimkhur a tul zia Val upa leh apa in an hrilh ngun bawk a, alo inring hman hle reng a, Se chal thinrim ani bawk a, a che pawh ana in alim phei puat puat mai a, naupang bul thlen nan hlam hnih vel ala awm ang tih ah chuan Thangtea chu naupang hmaah chuan ava ding ta teu mai a, chungte mai mai chuan sechal thinrim kal lai tihdin a tumlo chiang hle mai, a, a lim phei puat puat mai a, Lalpa zing tho pawh a rawn a rawn au thawt nghe nghe a, chutia ahmaa lo ding nen lam a phin darh vek tum chuan rawn tlan phei mahsela amah aia che rang zawk hmaah chuan engmah anilo ani tih a inhriat meuh chuan alo tlan pel thui hman viau a, Thangtea chuan naupang chu pawmin alo tawlhsawn hman tlat, atlan pelh fel hnu chuan a tum thelh avanga a aia thinrimna piah ah thih tha nena rawn lim phei leh in ahma a alo thelh tawh avangin rawn phin darh chu a tum hle mai a, Thantea pawh anaupang pawm chu sawtah lo va tlan rawh tia dahthla in, sechal lam chu ahawi ta vang mai a, zing tho hmasa apiang mai an thawm hr ho chu an rawn pungkhawm tam leh hman hle tawh a, Se chal thinrimin phin tum a a rawn tlan phei chu aki ah alo man chat mai a, Thangtea pawh tlema tlemah a chesual thelh nghe nghe a, mahse a insiamrem hman leh hlauh, chutia a tum a thelh takah chuan sial pawh a ding dut mai a, chu hun lo chuh ve reng tu Thantea chuan chetsual a tum reng renglo, taksa rihna nen a tha chakna nen sial chu an keuh thlu dawp mai a, chuveleh tlangval ho chu haw haw chunga rawn tlan pheiin an talh ta a, Lalpa chuan inchai ti lovin sechal phehthluk lo ti zawk ila a tha tur ti rilru meuh neuh chung chuan inchhung chu aluhsan ta a...
Episode 6.
Thangtea pawh chaw ei lai chuan apa chuan thu tha hrilhin, amahah khawtlangin beiseina an neih thui tawh zia leh amah ah rinna an nghah thuk theih zia te a hrilh mawlh mawlh a,min mamawhtute tibei dawng zawnga nun te leh nun uluk lovva, mahni theihna hre rana mi chungtlak te hi chin loh tur ania tia an in zilh bawrh bawrh lai chuan in awm maw tia rawn au in sial laka a chhanchhuah tak naupang pa chu alo lut hlawl mai a, Thangtea chunga lawmthu sawi ba nia inhria a lo kal alo ni a, afapa kha chhan lo se chuan thih hial na tur khawp thil anih avangin an lawm ve em bawk ani, arpui tuilai a rawn ken chu pek a tum a, Thangtea pa chu lo tawng vatin ekhai pu Rum khatiang an ti ngailove, a awmna hmunah khan midang lo awm ve se chuan kan fapa tih ang khan an ti ve tho ngei ang, dan pangngai ani ngai e, tikhan va hawn let la, ngaihtha deuh khan va haw tawh, tiin alo chhang a, Pu Ruma chuan engtham mah pawh anih loh hi, tia dah lui in akal chhuahsan ta a.....
Saimawia chaw eikham pawh lo thleng veleh tawh in, Thangtea Chaw eikham nen chuan an chhuak dun veleh ta a, Lal mual lamah pawh mipui an lo tlim leh hmur tawh mai a, Thangtea te thiandun pawh thuthmun te remin, Tlangaupa pawh vawin an awmdan tur te sawiin alo ding leh al tawh a, chawhma her a infiamna hmuhnawm tak en a, chawhnu her a buh leh sa nen tlai lama chai tur ani dawn ani tia a puan zawh chuan mipui lam pawh an haw haw leh hluah hluah tawh a.
Tlangaupa bawk chuan tunah chuan infiamna kan ţan dawn hnai anga, kan Lalpa hian engemaw sawiduh aneih chuan tia Lalpa chu melhin, Lalpa pawh lu bu nghat chung chuan a rawn ding chhuak a, ka lhua leh tui duhtakte u vawin ah hian hlim takin hun kan hmang anga, vawin inchaina a chakber in chawimawina nopui an dawm anga, insualna a chak berin ka banglaia ka silai an hlawh thung ang a tih chuan mipui ho chu lawmin an au hluah hluah mai a, Tlangval infiamnaa tel tum te pawh a ti phurin chawimawina nopui leh Lal banglaia silai chu hlawh thei tu nih an tum theuh a...
Tlangaupa pawh lo ding chhuak leh tawh in, awle tunah chuan naupang ho khan in chaina tur chhunvum kha atha tawk em han en sela, a that tawk chuan inchai kan ţan ang a tih chuan naupang ho pawhin engkim athat vek thu an lo sawi tliar tliar a, Tlangaupa vek chuan anih chuan tunah inbuan kan ţan ang, abul ţan nan, Valupa Hmuliana leh valupa Khara an in buan ang, an tih chuan mipui chu an nui ta dar dar mai a, an ni Pahnih hi khawkhat fiamthu thiam, an awm ve tawhna ah chuan tumah an tum in an thinrim rei thei lo, an nui leh nge nge thin, Tlangaupa chuan khaile an ti chiah chu an han inveh vel leh ţanhmun an han siamrem vel te, an puanven han sawi chhing te leh an han in pawm kual vel te chuan mipui nuihbawm chu ahawlh keh ngang aniang, nimin thleng khan Lalmuala nu pakhat phei chu ala nui hnang an ti....
Val upate inchai zawh chuan Tlangval ho te chu an inbuan ţan ta a, ahmuhnawm aniang, mit tla dawn dawnin,mahni awmhmuna lo inhum ruh ţeuhin an lo thlir hlawm a, Rochila pawh a tumpuite pawh hnehsawh zet zeta hneh zelin ahawi larh larh mai a, Saimawia leh Thangtea te pawh an tumpuite hneh ve zelin, mi pali chiah an awm ta a, Rochila leh Saimawia an in chai annga, Thangtea leh tuikhur veng tlangval khawliana an inchai thung dawn a ni, Thangtea te chu inchai hmasa in Khawliana pawh alo chak ve khawp mai a, Tlangaupa in khaile an tih chiah chuan Thangtea chu akang awk awk mai a, chutiangbawkin khawliana pawh akang ve awk awk tho mai, reife hnuah chuan Khawthanga chu akang ta vaw mai a, mipui pawh an au leh hluah hluah mai a, thawh hnihna ah pawh chuan Khawliana chu a kang leh ta vaw mai, Khawliana chuan Thangtea chu chibai pahin ilo chak hle mai, ka hneh ngang lo che ni e a rawn ti a, Thangtea chuan mai mai a min hlahthlem vang ani tih ka hai hleinem alo ti let a, hlim deuha in chibai tha leh a thiana in siam nghalin thil tam tak an la tawng dun dawn chauh ani.
Saimawia leh Rochila te pawh buan tualah an lo in dawm dun ran tawh a, Tlangaupa pawh chuan khaile an ti chiah chu, an ţang bawka an favai chhun vum te chu a darh uaih uaih mai a, Rochilan awlsam tea a hneh mai an rin kha rin ai chuan Saimawia hi alo chakin a lo cherang hle mai a, chuti maia awlsam chuan Rochila pawh chuan a vawrh thei mai bik tlatlo, mahse Rochila chu mi buan ţhang tih takah a thiamthil nen chuan thawhkhatna chu a chakzawk ta hram a, Thawh hnihna ah chuan Saimawia a chak zawk a, Thawhthumna ah pawh phakar taka tlukpuiin Rochila chu a chak leh hram a, anihna takah chuan Rochila hian Thangtea hi ahuphurh em em mai a, a chhan chu a lung chawi te leh Duhlian khua a a chet dan te nen lama hre tu anih vang ani.
Inchai chak ber zawng tur te pawh rei rial lovin buan tual ah chuan an lo ding leh vang tawh a, Tlangaupa chuan heta chak zawk te hi Lal nopui dawm tur te an ni ang a tih zawh chuan mipui pawh an lo haw haw dur dur mai a, chutah Tlangaupa chuan khaile an ti chiah chu Rochila chuan thaa ahneha a rin loh avang chuan thiamthil hmanga sirtlukpui chu a tum ran a, Laiveta leh a thuihhruai te ho pawh Rochila chu lo au ţangin, Thangtea chu tawngkam mawilo tak tak leh hmusit tawngkam tak tak te chuan an lo tawngkhum bawk a, mahse chung thu mai mai chuan a tha a ti ţhum phalo, Rochila chuan sirtlukpui tum viau thin mahse khawtinthang tur chu chuti maia sirtlukpui theiha awm chu Thangtea chuan a tum reng renglo, Rochila han ţang leh vak, tha chawlh lai tak lo chuh rauh rauh tu tan chuan hun ţha tawp ani tlat, Rochila inthlahdah lai tak chuan an chawi kang vawk mai tehreng a, mipui pawh an au naza hluah hluah ngei mai, Saimawia phei chu a rawn pawite lam luh nasa mai a, Rochila chu thinrim ţeuh chung chuan iau kan nauva chu mi inringlo lai chuan i chak ve hle mai maw tia akawnga rawn vawn lehnghal chu rualin, avunpui chu an hrawm tel tawk nawk pah chuan naupang lo inring rawh, ka che ve dawn e an ti sap a, Thangtea thung chuan hrelo ang map chuan apuan tlang ah chuan dam tak chuan ava dawm a.
Tlangaupa chuan khaileeee an ti chiah chu an chhunvum te chu an darh chum chum mai a, an inbuan lai chuan buan tualah chuan naupang hovin favai an rawn dah belh hial a, chutia thiamthil zawngzawng nen pawha a tih thluk theih tak siloh ah chian engtin emaw tihnat hrim hrim kha a tum ber ta ringawt mai a, mahse a tina thei angemaw, Rochila chu a thinrim tih Thangtea chuan ahre chiang hle mai, chu chu a tum pawh ani reng bawk a, engtin emaw tihnat pawh ahnial dawn lo tih pawh ahria, chuvang chuan fimkhur taka chet thawh angai dawn tih pawh ahre chiang em em ani, chutah Rochila chuan Thangtea chu anawra nawrin nawrthluk chu a tum ta mai a, mahse englai maha inthlahdah ve ngailo hmaah chian chu a thiltih chu vanneihna dar khawngtu ani ta, mipui mak tih khawpa rang chuan a rawn nawr chiah chu amah Rochila tha nena ţangkawpin hnunglamah chuan an bin thuai mai a, an chhunvum pel rawk chuan an bin reuh mai a, mipui pawh an au hluah hlauh mai a, Lalpe leh upa te pawh in mak an ti hle aniang a ka ho mai alawm, Rochila chu alungawi theilo, Laiveta nena ţangkawpin nakin ah engtin emaw tak tih chu an rilruk ta reng tho a, chu thil chuan engang takin nge Tlanglam khua a tih chhiat kan la hria ang chu...
Inbuan zawh chuan Tlangaupa pawh lo ding chhuak lehin tunah chuan Insual kan ţan dawn anga, a teltur te apiangin sawlaia khawmhma chem saw in la dawn nia tia akawhna lamah chuan tel tum te ho chu an phei ta nghal hlawm a, insual vhu an ţan ta a, boruak pawh aţang in hlim nui thawm ri nen kut beng ri nen naupang hlim nuiri te nen a rik hian an ti hulh hulh mai a, Lal Sailoliana pawhin nuam a ti hle ani, hei aia nuam hian hun ahmang leh angem tih hre lawk bik hek lo le, mahse Pasaltha Thangtea avang hian khaw ropui, Lal ropui khawi khua pawhin an tlawn rawn, akhua pawh in sangkhat lai an la tlin dawn ani.
Atawpah chuan Thangtea leh a thianpa Saimawia chauh chu an chuang ta a, Tlangaupa pawh lo ding chhuak lehin awle vawina insualna/inralbeihna a chak zawk zawk hian Lal banglaia silai an hlawh dawn ani an ti leh chiah chu mipui lam pawh an haw haw leh durdur mai a, an han tan a, Thangtea chuan hneh deuh zawk mahsela a thianpa chu silai akian ta a, insual na te an zawh hnu chuan Lalpa pawh lo ding chhuak in vawiin nia an lawmman siam na chhan te leh thildang thu tlem asawi zawh chuan chawhnu her alo ni der tawh mai a, an infiamna lawmman pawh sem nghalin Lalpa chuan tunah hian Thangtea kha hetah lo chho se la, Saimawi pawh lo kal nghal sela tiin seki kual ruih mai chuan Lalpa zupui eng kuk mai chu rawn lek chhuakin Thangte chu pein, chawimawi iphu hle mai, vawin ni atang chuan Pasaltha Thangtea tia koh ini tawh ang, ikhua leh tui ten ilakah beiseina vawiin ni atanghian kan nghat tih hre reng ang che tiin no chu an pe a, Thangte chuan lo la in tlem an in zeuh a, ka lawm e Lalpa ka thawk tek tek chhung chuan ka khua leh tui te mirethei leh chumchhia te tan ka ding zel ang tiin lawmthu a sawi let ve a, mipui lam pawn kut an lo beng durdur mai a, Saimawia pawh silai pek pah chuan he silai hian a entir chu ral leh sa karah pawh i khua leh tuite tan belh tlak ni turin leh in nghahna tlak ni turin kan beiseina che ani tih lan tir nan he silai hi ka hlan a che tiin an hlan a, vawin ni atang hian Pasaltha Saimawia tiin an ko tawh ang che an ti a, Saimawia pawh chuan silai chu lo la in, Lalpa ka koa tla reng reng khua leh tui te tan anih chhung chuan ka tlan ngai lovanga, ka hlen chhuak ziah ang tia lawmthu te a sawi zawh chuan an kalsawn ta a, mipui lam chuan an rawn chibai nasa mai a, a then lah in an thlamuanpui thu te nen, chumi tlai chu an ni thiandun pian ahnu lama an ropui ve ber tum anih avangin an hlim hle mai a, heti khawp hian Thangtea hi khua ah hmingtha mahsela nula melhtu erawh avan ve hle mai a, felin, fakin, thlamuanpui viau mahsela tumah hian ngaihmelh enah pawh an en ngailo, amah ang ema hmelchhia hi piang leh thei hian an ringlo hial ani.
Tufa tepawhin chaw ei an lo peih tawh bawk nen, ruai chu kilin puar el euhin an ei ta hlawm a, chaw te an ei kham hnu chuan Lalmualah bawk chuan lo pungkhawmin alaiah tak chuan meipui lian pui an chhep a, chai chu an ţan ta a, valupa khara fiamthu duh tih takah bul rawn tanin an phar kual vel chuan boruak a siam hle mai a, vengchhak nuthlawi lianzami ngei mai kha va pawt chhuakin an han phar kual vel a, Lalpa leh upa te pawh an lo in phur deuh tawh nen chaina mual ah rawn chhukin ahan chai ta aleh,upa ho pawh tlangval thaleh ang mai an ni, chumi zan chu an chai tlaivar thak e an tia lawm.....
Awllen hun an hman na atang pawhin kar alo liam veleh ta der mai, Thangtea pawh Samthang khua ah thla khat vel thanga apute tlawh turin leh a tul ang ang pui turin anu leh paten an tir a, akal hma zan chuan chuan a thian pa Saimawia leh an thian chhar thar Khawliana nen an pathum chuan in zui in, azin lo haw veleh an sawi tumpang chal awmna Sabual ram te pawh zuk fan a chakawm thu an sawi nasa mai a, Saimawia phei chuan nui put put chungin kal lo mai la alo ti fiamthu hlut a, chutia an titi lai chuan leng hawn ar pawh a lo khuang thliai thliai a, an ni pawh tawnmang rama lengi chhai chung zel a zan hun tha hmang turin Zawlbuk lam pan chuan an kal ta a...
Thangtea pawh khaw kawtchhuah thleng chuan Saimawia leh Khawliana chuan an va thlah a, tluang deuhin va zin la, i tih tur te tha takin va ti la, ipute pawh dam takin iva hmu dawn nia tiin in ngai tak chung chian an in thlah liam ta a, apute khua thleng tur hian Khaw Thum ngawt mai paltlang angai a, ni Sarih kal ani a, lam ahla bawk nen, tlangval thalai tih takah akal chak hle mai a, chawhnu her ni suk chen vel ani tawh ang tih ah chuan, Darzo khaw ram chin ah a awm vang tawh a, a theih chin chin chu kal phawt a, thleng hman dawna a inhriatloh chuan a rem laia riahbuk sual tur chuan akal leh ta ngat ngat mai a.
Akal chak bawk a, feh haw tlai a umpha nual mai a, ahan umphak nu phei chuan alo hmuh khan a ţe tuarh mai a, zantlai lam tawha mihring hmelchhe lutuk han hmuh phut chu huai nge mihring pawh hriat siloh, alo hlau em em mai hi alo ni a, Thangtea chuan hlauhawm anih loh dan te leh Samthang khua kal tur anih thu te, ala hlattham deuh avanga Darzo khua zankhat rawn riah tum anih thu te alo sawi a, chutia a insawi takah chuan chunu hlauh pawh chu azia ve leh ta a, Darzo khaw kawtchhuah ah chuan feh haw tlai in nghak pawh an lola thu nual mai a, vaibel te zu pah chuan Thangtea pawh chu a thu chawl ve ren rawn a, abula Pa la valai tak chuan Vala khawilam khual nge inih, khawnge kal itum a rawn ti a, Thantea chuan akal tumna leh a thiltih tum te sawiin, Lal ten innghah an phal chuan Darzo khuaah zan khat lek riah a tum thu te chu asawi a, chutia an titi lai chuan chupa chuan thlenna tur te ihre awm silova, iduhleh kan inah ilo thleng dawn nia, amaherawh chu chawhmeh tui kan hlui thei lo ang che, kan ei ang apiang i ei ve duh chuan tiin an sawm a, mahse, Thangtea chuan thlenna tur aneih thu lo hrilhin,a chungah lawmthu te asawi zawh hnu chuan midang ho chu inlam panin an haw ta hlawm a, Thangtea pawh khua ah lutin venghmawra in hmasa bera eng lo chhuahna ah chuan kawngka kikin thlen an phal leh phalloh te an zawt a, in chhung atang chuan an phal thua an lo chhan hnu chuan ani pawh alut a.......enge atawn dawn tih pawh hre phak miah lo chuan hlim tak chuan chu inchhung chu alut a..

Link:
BBcode:
HTML:
Hide post links
Show post links

Pasaltha Dokulha
Posts: 16
Joined: June 5th, 2018, 7:41 am

Unread post by Pasaltha Dokulha » June 28th, 2018, 9:04 am

Episode 7...
Veng hmawr bera in aluh chuan Valupa te thusawi alo hriat thin Huai rimchhe tak mai rim chu hre nghalin, he in ah hian enge thleng ang aw tia angaihtuah reuh reuh lai chuan in neitupa chuan khawilam khual nge anih a, khawi thlen tum nge ani tih a rawn zawh takah chuan harh chhuak zawkin a kal tumna te leh an khua te leh a thiltih tumte hrilhin alo mikhual duh chu alawmzia te a hrilh ve mawlh mawlh a, tapchhak zawlah chuan thuthmun te rem in Thangtea chuan an khaw chanchinte zawtin an Lal in pawh kal ta lemlo chuan a thleninpa nen chuan inpawh tak chuan an ti ti a, a thleninpa chuan an Lalpa chu Lal fel tak ni mahse a chapo viau mai a, kan sawi phak chu ani miah lovang, mahse thil thenkhat hi chu mipangngai pawhin a awmlo tih khawp hian a che ve fo mai tiin sawi mawlh mawlh a, Thangtea pawh chuan anih chu tia lo chhangin thil dang dangte inzawtin leng hawn ar khuan thleng chuan an titi a, thil danglam vak thleng ta lo chu Thangtea pawh zinga chhuak leh mai tur anih avangin zawlbuk pawh lawi lem lovin a thleninah chuan riah ve mai chu a rilruk ta zawk a....
Thawm ri nuaih nuaih chuan Thangtea te pawh ti harh in kawtah an va chhuak chu a thleninte kawtah chuan tlangval ho chu ralthuam nen chuan an lo awm thup mai a, Val upa pakhat chuan hei nimin lamah he khua hi irawn luta kan Lalpa phalna pawh tellovin he khua ah hian i cham a, chuvang chuan kan Lalpa chuan a thu lova khua i chhuahsan aphal lova, chuvang chuan tha te tea awm turin ka duh che a rawn ti ta ringawt mai a, a thleninpa chuan nie nimin alo thleng tlai angreng sia, kalkawng akal chau ve bawk nen hetah riak mai rawh ka lo ti ta mai alawm male, min ngaidam rawh u keimah zawk hi tiin thupha a arawn chawi a, Valupa chuan in hriatthiam chungchang thu ah zawng Lalpa thu thu ani ang chu alo ti ram deuh hmak a.
Thangtea chuan chutiang anih chuan Lalpa chu ka han hmu ve poh aniang chu tiin a ipte pui banglaia a tar chu la in a ak a, kal nghal mai a tum a, mahse Valupa vek chuan a thleninpa pawh kal ve tura rawn ti in, an pahnih chuan Lal in pan chuan an kal ta a, tlangval hote pawh engemaw thuta chet angaih takin tih thuah inringtakin an lo awm thap bawk a, Lal in an thleng chu Lalin atang chuan engamah hma chuan rawn hnuk lut vat rawh u tih thawm a rawn awm ţhat mai a, Lal inah chuan lutin Lalpa chuan engvanga akhua rawn lut nge anih tih an zawt a, Thangtea chuan akal tumna te, a awmna khua te, a thiltih tum te chu hrilhin, nizan lama a chauh em avanga Lal in lo kal thei anih loh thu te, leh ahrilh lo chu pawi a tih thu te sawiin ngaihdam te adil nghal a, mahse Lal chapo tak mai chuan hetilai ah hian i duh duh in ilo kal anga, i duh fuh hi tiin i duh duh dana awm i rawn tum ringawt a, ka khaw enthlatu ini lovang tih tunge sawithei, chuvang chuan i kal chhuak thei lovang, ikal chhuak lui anih chuan ka tlangvalten an hmuhna hmun apianga that nghal tur chein i hnu an rawn chhui ang, i khaw sawi ah chuan lamkal kan tir anga an lo let hunah i chungthu kan rel tha ang, lo va haw leh ula, khawimah in chhiak tur anilo a ti ram hmak mai a.
Thangtea rilru chu abuai khawp mai, mahse a thiamloh pawh anihna chen a awm ve tho avang in,lamkal lo haw leh chu nghah tha a hriat avangin a tumloh deuha a cham leh angai dawn ani, chubakah cham pawh pawi a tihlohna chhan liantak pakhat a awm ve tlat, a thleninte in aluh tirha a rim hriat kha, enge tih leh engvanga heti laia rawn nam nge anih tih chu ahre chak tho bawk a, phur tak si phur lo ru tak chuan enge a tawn dawn pawh hre chuang silo chuan an khawa lamkal lo haw chu anghak dawn ani, a thilrim hriat pawh enge anih ala hrethuai ang, a thleninpa erawh chuan tuma hriatlohin kal mai rawh itifuh zawk ang kan Lalpa hi ka hrechiang ania a tih pawh chuan, Thangtea chuan kan tihsual ania kan tlawm ngam ve bawk tur alawm a ti ve tlat thung a.
Ni thum a awm hnu pawh chuan an Lalpa chuan lamkal alo la tir reng reng lo mai a, huai rim ahriat lah kha a reh hmiah mai bawk a, mak a ti angreng hle mai a, Thangtea chuan Lal in lama ha kal a, enge chinchang zawta kal chu a tum ta a, a thleninpa chuan han fimkhur hle ang che a tia, hman ah pawh hetiang hian tlangval khualzin pawh alu an lolak tawh thu te a hrilh mawlh mawlh mai a, Thangtea pawh chuan nie ka han fimkhur viau dawn nia tiin Lal in lam pan chuan akal nghal a, akal chhuak chiah chu a thlenin aluhtirh a a rim hriat bawk kha a rawn nam leh tlat mai a, chumi rim reh hnu deuh chian khawi atanga lo kal nge hriatloh tlangval panga lai mai chu ralthuam nen ahnunglamah chuan an rawn zui nghal a, engtik lai pawhin an lo enthla anih chu a ring nghet ta a, Lal in pawh thleng chho vatin Lalin ah chuan luh an dil a, Tlangaupa chuan lut tura lo chhawnin Thangtea pawh a lut ve nghal a, Lal leh khawnbawl thenkhat zing zurui chu an lo tawngtui tawh khawp mai a, Lalpa chuan enge iduh a, ka koh nilovin i duh hun hunah lo kal tawh duh hawla ka hmuh duh hunah che ka rawn ko ang che, kan thu chu ala ngai alo ti deuh hmak mai a, Thangtea chuan dam dap nelawm hauhsiloh chuan lamkal ka tir ang tisi lamkal i la tir bawk silo, engvanga hetianga ţul miah lova min dang khawtlai nge inih an ti ve khawl mai a, Lal chapo tih takah ka Lal inchhungah hian i duhdan anga nung tur i nilova, ka rorelna hi ikuta awm ani heklo, ka duh duh danin ro ka rel ang, i lu kha ka la lova lawm hle rawh alo ti zek mai a, Thangtea ngaihdan chu apel ta hle mai a, chutiang ang thu puitling pawh a angaihloh, Lalpa meuhin chuti khawp a alo chai mai te chu mak a ti lehling zawk khawp a, athiamlohna leh a tihsual te ngaihdam a dil khan ilo kal leh dawn anih chuan chiangtakin i chanchin te, khaw awptute ihrilh hre thin tawh dawn nia tia in hrilh hriata tha taka in thlah theih reng anih laiin, thu hote ah duhaia thui an kal dawn ta tlat mai....
Thangtea ngaihdan ani ta biklo, Lal inia ka zah khawp mai che mahse ka lu chu ila hauh lovang, i naute pawhin an la hauh lovang, ka kal chhuak anga, thih an hlau lo anih chuan i tlangvalte chu min rawn um tir dawn nia an ti let ve ta sak mai a, chuveleh Lalpa leh khawnbawlte chu lo ding rual thawtin, kuta kawkin izak nange, he khua ah hian i duhduh danin rawn awm i tum amaw, hre rawh vawin ah hian i lu khan ka sahlam amawi ngei ang an ti treng chhuai mai a, tlangval ho pawh lo tlankhawm nghalin Lalpa chuan kha hmelchhepa kha alu tan ula sahlamah va tar rawh u an ti tuarh mai a, Thangtea chu Lal in kawtah chuan a zuangthla nghal a, angam fa chu rawn kal rawh u, Lal rorel tlak loh neih avanga hetiang ang buaina neih fo hi in ning tawh lovem ni a tih chuan ahre phak ho chuan dik an ti ve em em tho mai, mahse an Lal ani tlat si a, athu an zawm angai bawk si nen adik ani tih pawh an sawi ngam lo mai ani, Lalpa bawk chuan kha mihringa kha alu la vat rawh u a rawn ti leh tuarh mai a, Lal thupek hnial ngam awm heklo le,Thangtea pawhin tawngka aiin chem leh tharum hman hun ani tih hria in a iptepuia a chem phek hlai tha hlep hlawp chu a phawrh ve ta vat a...
Darzo tlangval ho pawh an zuam ang chu anilo aniang tlangval lo hnai hmasa apiang chu tlu hmasa an nih tak zelah chuan han bawh mai ngam an awm tawh lo, Lalpa pawh chuan a beisei aia insual a thiam te, a cherang em em te chu hmu mahse Lal chapo tih takah, tlangval dangte chu ko tuarh tuarh in that nghal rawh u tiin a rawn au tuarh tuarh mai a, tlangval lo kal thar te pawh chuan an rawn bawh leh ţak ţak a, mahse ahnaih hmasa tu apiang an tlu zawih zawih mai si a, Lalpa chuan abanglaia silai chuh tuma Lal in chhunglama atlan lut chu Thangtea chuan alo hmuh hmaih hauh lomai a, Lalpa tlan luh rual deuh thaw chuan Lalin ah chuan inperh kai chhovin, Lalpa lo let leh chiah nena in tawkin a silai chu asah bun sak hmawk a, anghawngah tin nghalin itih thin dan anga tih hi iduh em, ilu hi ka tan anga sahlamah ka tar ve ang, enge irilru tiin nem fiah fai tak chuan an zawt a, Lalpa pawh chuan a thil lo tih tawhte hre chhuak uaih uaih mahse a tlai tawh ani, upa te ho pawh chuan dik an ti khawp mai., mahse an Lalpa ber rorelna an hnial ngam thin silo kha ani....
Chutah Lal leihkapui ah chuan Lalpa chu anghawnga chem la tin chung chuan a kal chhuah pui a, tihian thu asawi ta a, vawiin ah heti laia hetiang buaina rawn thlen tura lo kal ka nilova, zankhat lek riak tura lo kal ka ni a, mahse in Lalpa hian hmana alo tih than tawh mihring nunna pawh hlut lova, mahni Lalna muala lal hrawt in midang te harsatna alo siam fo tawh a, chutiang chiah chuan keipawh ka tumram kal theilovin ni li lai chu hetah awmze awmlovin min awm khawtlai tir tawh a, chuvang chuan vawin ni hi thleng kan ni tih thu an sawi dap dap a, khawlaia miruang leh hliam tuar te pawh awm miah lo tur anih laiin in Lalpa chapona chuan akhua leh tui te nunna ai pawhin a alal zia tihlan a duh zawk a, chuvanga keipawh hetianga che hi ka ni, tunah hian in Lalpa hi ka kut atanga min chhuh tum emaw fing vervek taka hnung lama min beih duh in awm em an ti dam diai a, upa dikna ngaina mi, mahse Lal leh upa ten an ngeih loh avanga a upa nihna an hlihsak Pu Dochhuma chu lo kal in vala isawi dik khawp mai, mahse thisen aluang tam ta khawngaihin kan Lal leh khawnbawlte pawh ngaidam la, Darzo khua pawh min ngaidam la, khual chhawn kan thiamloh em avangtea kan lo ngaihsak tawk lohna ah che min ngaidam dawn nia tiin an Lal te tan ngaihdam a rawn dil sak ta a, chu thil Lalpa in ahmuh chiah chuan a chunga rilru chhia aput nasat tehreng nen chuti khawpa amah hmangaihtu upa kha alo ti duhdah thin a, a rilru chu ana in Pu Dochhuma chu azah ngawih ngawih ani....
Chutah Lalpa chuan Thangtea chu thusawi arawn dil a, aphal hnu chuan, athil tihsual thin te, Upa Dochhuma pawh dikna a duh avanga diklo taka a upa nihna hlihsak anih dan te, ahma kuma tlangval khualzin alu an tan te leh a khaw enkawl danah insiamthat a tum thu te chu mittui parawl kuang chuan a rawn sawi a, Upa Dochhuma pawh ngaihdam te dil nghal in, mipui te pawh ngaihdam a dil a, an ngaidam theilo anih pawhin keichuan ka tihsual man chu ka hmu mai ang tiin tap zawih zawih chuan mipui hmaah chuan a thingthi ta rawp mai a,...
Lalpa ber insiamthat duhna thinlung tak tak nei nia ahriat avang chuan Thangtea pawh chu indah tha fel in, hei vawin ah ka tum ram pan turin ka kal dawn a, buaina dang emgmah min siam sak loh ka beisei an ti nem dap mai a, chutah upa Pakhat chuan nie vala min ngaidam rawh kan thiamloh vek ani, i chungah hian lawmthu sawi tur kan ngah hle mai, vawiin ah khawthar min rawn dinsak a, rilru thar nen bul tan thei turin min pui a, ilakah hian kan lawm em em zawk ani an tih takah chuan Lalpa pawh chuan nie min ngaidam dawn nia a rawn ti ve a, Thangtea pawh chuan a tirah a rawn hrilh hmasa lo chu ngaihdam te an indil tawn in an in ngaidam tawn a, Thangtea pawh an khua a cham rih turin an ti nagin, akalna tur lam ala hla si a, tia hnarin a tum lam kal chu a tum ta zaWk a.
Thangtea kutah khan mi pariat lai mai an lo thi hman a, mi pathum ngawtin hliampui an lo tuar bawk a, chu khua a achetdan atang chuan Thangtea chetdan chu engang mi nge an lo hre chho ţan a, amah Thangtea pawh Darzo khua a a chawl chu tifuh viaulo mahsela khawthar din ang maia ngai in arilru chu alawm ve viau tho mai, chutia ngaihtuahna in hmun hrang hrang hrutkuala akal lai chuan, Darzo khua a a rim hriat kha rawn awm lehin ahnar an len vang vang a, a reh leh mai avang chuan akal chhunzawm zel a, nakinah ah chuan midangte pawh an chawlhna hmun ni awm tak,luahlum tu awm tih hriatreng hi ahmu a, chu hmun fai hliau mai lai chu chawlh nana hman a tum ta a, an indah fel a, chu hmun chu mi nazawng chawlh ngailohna leh mi bikte chauhin an hmuh theih hmun alo ni a, he hmun ah hian ani Pasaltha Khawtinthanga pawh Khawtinthang tura a mah mibik nitura thlangtilute te a tawn tak ni....
Episode 8...
Chuti lai hmun fai hliau mai ah chuan chawlin a chawfunte eiin a inhnawh puar tete a, chumi hnu chuan vaibelte zuin thil tam tak ngaihtuaha a rilru kawm in, Darzo khua te chu angaihtuah ta zel a, Darzo khua pawh tunah chuan khaw nuam tak tia mite hriatlar lo ni chho in, mikhualten nuam an tiin tunhma anglo takin akhua pawh an pun phah hle a, Psaltha Thangtea hming pawh an khaw wm chhung chuan a dai tawh ngai dawn lo ani, chutianga angaihtuahna akawm lai chuan mut chhuak hian a rawn zem chiai chiai mai a, ahriatloh kar chuan tui tak chuan alo muhil bawrh bawrh mai a....
A Mumangah chuan hmun nuam deuh mai ah hian alo awm a, chutiang ang reng renga hmun nuam leh ropui chu awm thei hian a ringlo hial a, chutia mak ti tak a ahawi kual vel lai chuan, ahming ngeia kohna ri ahria a, chu aw chuan Thangte heti lamah rawh i mamawh pawh a awm e tih ri hi ahria a, ahawi phei nak chuan nula hmeltha em em mai hian alo hui lauh lauh a, chunu chu zuiin chuan pindan pakhatah hian a hruailut a, chutah chuan Pa pakhat tar tawh tak mai, en mai pawha akum atam tawh tih hriat tak mai hian lo nuihin ka fapa hetah lo kal rawh hlau suh, tia alo kohna lamah chuan pheiin chu putar vek chuan vawin ni hi hman atanga kan lo nghah ani alawm, an ti hmasa tete a,sawi zawm leh in lushei fate hi kan tan thian tha tak keimahni ang rilru pu mi in ni a, mahse thil thui tak erawh in thlir thiamlo fo va, chapona te Lalna te leh thuneihna te hmang khawlovin thisen tamtak aluang ral thin a, chutiang ang ti tawp tur chuan naghi thlan bik ini a, imit te pawh ihmanthiam hun alo la thleng ang, zan thim pawh chhun ang maiin ila hmu thei ang, puka chem i chhar pawh kha kan pek che ani a, mi chunga invaivungna tur atan anilova, thudik i tan na hmun apiangah kha chem khan apui thin ang che nga, khawtin ah ihming avangin remna leh muanna miin an hmu ang, nupui fanau pawh inei anga, ifate pawhin i hniakhnung an la rawn zui ang, nagmah aiin an la chungnung ang, khawthlang leh khawchhak chhim leh hmar an la awp ang, chu hun thleng tur chuan tunah hian i hmaah harsatna tam tak i tawk ang, mahse chhel takin awm zel ang che....tuna izin na ah pawh buaina leh harsatna tam tak itawk ang mahse finkhur takin i awm dawn nia, kal tawh rawh ikal na tur ala thui ani a tih chuan aharh hlawl mai a....
Aharh hnu chuan hrethiamlo tak chuan an ngaihtuah let a, amumang ang ni mahsela a tak ang chiaha hriatna anei tlat mai a, mahse ahawi kual vel a, engmah hmuh leh thil thleng awm a hmu bawk silo, makti tak chung chuan a mumang chu angaih tuah a, putar thilsawi te leh nula hmeltha tak mai, khatiang anga hmeltha kha ala hmulo tlat alawm, an awmna hmun te chu mak a ti tawlh tawlh mai a, mumang mak tak zawng anih dawn hi tia inthing harh in lam hla kal tur anih avangin kal leh tur chuan a rilru chu a siamfel ta zawk a...
Chawl lova kal ani bawk a Zawlsei ram chin pawh ahnaih ve ta khawp mai, khua ala tlai chhelo bawk nen akal zel a, karlovah Zawlsei ram chin pawh lutin akal tluan chuan a tuk zing chaw ei hun velah a thleng thei dawn a, mahse zankhua a kal ai chuan a theih tawk kal a, abak chu riahbuk sual tumin akal ta ţauh ţauh mai a, thui tak pawh akal hma chuan hmeichhe mangang au that thawm chu ahre tlat mai a, fimkhur taka thawm lo chhuahna lam chu pan nghalin, putar thusawi chu hre chhuak zawkin ka zinna engvanga buaina tawk tur nge anih ang tihte chu angaihtuah a, mahse chulam ngaihtuah ahunlo tih hria in, thawm lo chhuahna lam chu ding taka melh a pan hnai ta hruau hruau zawk a, thawm pawh a ring tawhin an thusawi zawng zawng la hre vek theilo mahsela, Nang Lalfanu hmeltha hi tunge hnar phal ang che tia an sawi te chu ahre thei a, reilo teah chuan anmahni pawh ahmu thei ta, mi pathum hian Hmeichhe pakhat chu lo hual in, an zinga hotupa ber chuan nui huah huah chung chuan vawin ni aţang hian ka ta ini tawh dawn, in khua pawh nakinah kan la halral vek dawn, chuvang chuan ka thu i awih chuan i chhungte chu an him mahna tiin anui huah huah mai a...
Thangtea chuan inrawlh nge tha anga inrawlh veloh tia ain ngaihtuah lai chuan hmeichhia chu mangang thlabar in a au ta tuarh tuarh mai a, chupa chuan sual luih alo tum hi alo ni a, chu thil zet zawng midik Pasaltha Thangtea ngaihdan ani talo, a tawmna a ta chu chhuakin silai tin kawh vah chung chuan kha nula kha thlah rawh a rawn ti chang fak mai a, chutia midang tawng an hre thut chu ahamhaih nen Thangtea hmel a lo chhe ve bawk nen, hmai ser nen nuan , sam tla hnuang mai bawk si, ahlau hman deuh nghe nghe a,a nau te pahnih pawh chutia thawm dangin an rawn pawlh takah chuan lo tlan phei ve vatin, an silai chuan an rawn tin ve nghal vat a, an hotupa ber chuan nang kha tunge inih a, keihi Lungrang Lal fapa Hmingliana ka nih hi, enge min rawn tihbuai a, tiin abula Pasaltha te pahnih thlazar hnuaiah chuan a tawng pawr hle mai a, Thangtea chuan Lungrang chu ahre ngang mai, Pasaltha Zabiaka amah pawha ral dang thei an tih thin leh Lal fapa nen inkawp chawt an tih chu a awm a, athachhang dawltu Thanzama pawhin ahlat ngailo tih pawh ahrechiang ngang mai, mahse midik lo te tukdawl tura khuanu vohbik ani tlat alawm.
Thangtea chuan Lal fapa nia inchhal te zinga hmeichhe chaklo zawkte, an chaklohna hre rana an duhlo chung tih luih ching awmchhun inih dawn chu, an ti let ve ngat mai a, chu thu kher chuan a Lalfapa thin chu a tirim chiang kher mai, abula Pasaltha te pahnih pawh anmahni rawn tibuaitu chu an lawm vak biklo, Paslatha Zabiaka chuan nau hmelchhepa i thil tih loh tawp tur tiin i ring i rawlh loh na turah i rawlh ani, inun i hlut anih chuan tunah khan isilai te dah la ka nun ang che anih loh chuan i ruang te chu ramsa chaw ani dawn tihna ani mai alawm tiin thamlo tak chuan a rawn tawng khum a, Thangtea hi a fin em em na chhan chu an vo a thu an sawi nasat pauh leh fimkhur angai tih ahria a, a thinrim ngai miah lo thung hi ani, ahun leh hmun hi ahre em em zel ani, Thangtea chuan thu tam sawilo chuan in Lalfapa hrechianga khap lo tu leh thudik pawh ţan ngam lo khawpa dawihzep tan chutiang ang chu thil tih mi ani love alo tih khum ve sak mai a...
Pasaltha te zingah pawh ahming mite hlauh rawn leh ngaihsan rawn chutiang taka ţawngkhumtu atawng chu Zabiaka ngaihdan ani ta hauh lo mai, anih chuan mipa inih chuan chem te ikeng ve ang chu maw, ahriam tawk ang chu maw, tiin a silai dahthla in a chem chu a rawn hum ta teu mai a, Thangtea chuan mipa i intih ve te chuan tia thudang sawi ta chuang lo chuan a chem chu a phawrh ve ta nghal a, Thangtea thu tawite sawi zauh chuan Zabiaka thinrim pawh a ti zual em em mai a, ahming lam pawh an hlauh thin kha hnehsawh taka tawnglhum ani chu a paidai theilo, angaihtuahna pawh a thinrim lutuk avangin a tawi zo vek tawh aniang, thawklehkhatah hmelchhepa thi rawh tih pah a rawn tlan phei a rual nghal a, a chem chu rawn vilik pheiin, a rawn bawh ta rawp mai a, Thangtea chuan chu hun chu a thleng dawn tih a lo ring rusa hrim hrim a, chuvang chuan inring tak chuan alo ding peu al mai a...
Zabiaka chuan a puma sah tum ang deuh chuan chunglamah a rawn hlawi chho thut mai a, Thangtea pawh a chesual teuh ngei mai, mahse a chetran na ahmang tangkai tlat, lo eu zawk pah chuan an tawlh hnung dawrh mai a, Zabiaka chuan iau i tlawm mai ami, i tawlh tak hawn hawn a tia rawn tih el in, a khi sung mai a, Zabiaka chua insual a thiamin a cherang hle tih pawh Thangtea chuan ahre chiang tawh khawp mai, chutah Zabiaka bawk chuan kha hmelchhepa ka rawngbawl turin lo inring rawh tiin a rawn vai tle phei leh zawr zawr mai a, Thangtea nghawng chhawk tum chuan a rawn vai phei fua mai a, thangtea chu lo awmsawn hman hram mahse Zabiaka alo rang ve hle mai, aban vai let leh lam chuan Thangtea ban veilam chu a tai kak ve hlak mai hman tlat, chutah Zabiaka rawn pawr thar lehin i insawi ang ini hauh lo mai, mahse vawiin ni ah hian la pawisawi hlauhawm zia ka hriattir dawn che tiin awlsam tea hneh mai a inring hle tawh a, Thangtea pawh fimkhur lehzual angai tih hria in, Zabiaka lo tlan phei lai chu Zabiaka lam pan chuan atlan phei ve thut mai, midangte mak tih khawp chuan a, a thlen dawn ah zabiaka thiamloh lama tlan kawi zawr pah in zabiaka dar chu uai hnuang chuan an sat pawp mai a, Zabiaka pawh a tlanlai tawpin a thing thi hnawk mai, Thangtea chuan Zabiaka lam hawi na chi ani tawhlo tih hria in, Thanzama leh Lalfap te awmna lamah chuan a tlan dawk phei nghal thuai a, Thanzama silai lek chhuak tur chiah chu asilai chu ava sah bunsak hmawk mai a....
Thanzama pawh silai hmang thei ta bik heklo, chutiang ema Zabiaka hnehsawhtu chu hlau viau mahsela, akaw tawpah tang miau hek, chutia an inveh pah chuan silai pakhat la tla ngat lamah chuan Thangtea chu aher kual phei zel a, silai bul a thlen chuan silai chu la thutin leiah chuan an vaw bung hmawk mai a, hetia a tih na chhan pawh hi an lal fapa khan silai a chuh mai ang tih ahlauh vang ani, mipa leh mipa chu pa takin le tih pah chuan Thanzama chu a melh khiau mai a, Thanzama pawh Pasaltha tih takah a duailo khawp mai, rei ngial an inbeih hnu chuan Thangtea lu chhawk hmawk tuma a rawn vai chu Thangtea chuan lo khak per in, a dul thler duai khawp chuan an hrut phei a, a ril uai pur chuan a thu ta hnawk mai a...
Chumi rual deuh thaw chuan an Lalfapa lamah tlan dawk phei nghal in, Lalfapa Hminglianan chem phawrh alo tum ve mek chu ava bawh thlu phei rawp mai a, an in chei thial thial mai a, nakinah chuan tha chak zawk na na na chuan hnungkhirhin an rawn in kai chhuak ta a, nula bul ah chuan Thangtea chuan a tlawh thu hnawk mai a, Nula chu thil awmzia an zawt chiang a, tihian a sawi ta a, keihi Samthang khaw Lalfanu Laldawngliani ka ni a, Lungrang atangin rimtu ka nei a, mahse amah rima lo kal te hi ka duh zawng an nih loh mai bakah hun ka la tih loh avanga lo hnarin, hetiang hian remchang zawngin ka thingphur min lo changin min ru chhuak ta a, a inhnit hlaw hlawp a, kalkawngah vawitam tihluih an tum thleng chuan asawi a, an duh anga a awm loh avanga kut an thlakna pawh a hmai velte chu a vung nasa hle mai reng a...
Thangtea chuan Hmingliana chu amit taka en in i thiltih avang hian duh chuan ka that thei che, mahse nangni anga rilru chhia ka nilo va, tunah hian haw vang vang la, Samthang lam hawia ke i pen leh emaw phuba lak i tum anih chuan keihi min cho chhuak ani tih hria ang che, i chem hi la la haw vang vang rawh, vawikhatmah hetiang ang hian tenawm takin tu chungah mah ti tawh suh ang che, i che leh anih chuan ka hmuhna hmun apiangah che ilu ka la ang tiin a hnungkhirhna chu la thla in, tunah kal vang vang rawh tiin a chhuah ta a, Lalfapa pawh thinrim viau mahsela dama ala chhuah vang chuan alawm via a, lawm viau e tilo chuan phuba lak erawh a tum hle mai a, hnunglam pawh hawi tawh lo chuan akal ta vang vang a...
Thangtea te pawh Hmingliana kal hnu chuan Lalfanu nen chuan an inchhawm chho bek bek a, Samthang lam pawh an Lalfanu bota chu akhawtlang buaiin an lo buai a, engtianga bo nge tih an hre bik silo khawmu chawi anih te an ring ringawt tawh a, a thingphurh puinu lah in thing a eh laiin a thlanga thingţang ka zuk hlawi ange tia akal bak chu engmah a chanchin sawi tur hre bik hek lo le, Lalnu phei chu chaw reng reng a ei theilo va, a ţap deuh reng mai a, Lalpa leh khawnbawlte pawhin tihngaihna an hre biklo khawp mai, tlangvalte lahin an thingphurhna lai mual chu an tuam chhuak nitin chung chuan thil thar reng reng hmuh tur a awm silo,a khua tute mai pawh chuan khawimu chawibo anih an ring vek mai a...
Lal fanu chu Thangtea lakah lawm viau mahse a hmelchhiat em avang chuan vawikhat pawh ala belo reng reng a, Thangtean abiak te chuan a rul tawk lek lekin alo chhang thin a, Lalfanu hi ahmai avun deuh avang hian ahmel tak hi ahriat lohva, ahmel that leh thatloh pawh Thangtea hian ahre biklo, kal zung zung thei ni heklo, thuilote kal nan pawh hun akal hman viau zel a, Zawlsei ram chhungah lut tawh mahsela khua chu ala hla bawk si a, Thangtea chuan ka lo paw mai dawn che em ni a tih te chuan Lalfanu chuan alo duhlo nasa mai a, ihmanhmawh leh lo han kal la ti nia, alo ti duh lek fang a, thui pawh an la kal hma chuan khua chu alo tlailam ta viau mai a, Thangtea chuan hmun remchangte melh pah in, riahbuk sualna tur tui hna thatna hmun deuh leh hmun rem deuh chu amelh pah reng a, chutia hmun rem melh ta na na na chu, lui kam deuh maiah hian hmun zawl tha zet mai hi alo awm a, tah chuan an in nghat ta a, Thangtea chuan riahbuk tur chu a sual nghal char char a, a zawh fel chuan khua pawh alo tlai lam ta hle mai, Thangtea chuan Lalfanu chu bukah hian ilo awm ngam angem, chawhmeh eng ilo ka han zawng ang chu tiin an bia a, Lalfanu chuan chhan pawh chhanglo chuan bukah chuan aluhsan ta daih a, Thangtea chu nui suk chung chuan silai puin a chhuak ta a, reilo te ah chuan vahrit pahnih lai mai kapin, bukah chuan hmeichhia amah chauhin a awm ani tih hria in hmanhmawh takin alet leh ta a....
Buk a thlen chuan Lalfanu chu an kova, mahse bukah chuan tumah an lo awm tawh hauh lo mai, rilru mangang tak chuan LalfaNu chu kovin akalna awm an en ngial a, nakinah chuan an buk kianga luite hnar lam atang chuan thawm arawn ri thla san san a ,chuveleh a tlan chho vat a, Lalfanu lek chu lo niin, alo inpaihthawl chu lo niin, ani lahin chutiang anga a inpaihthawl lai enthla a ngai hrimin, alo melh tur khui mai a, nui hui chung chuan buk lam chu a pan thla ta hnak hnak a......Lalfanu pawh lawmlo tih hriat takin a rawn zui ve ngauh ngauh a....
Buk an thlen chuan Thangtea chuan meite nunin, vahrit te chu apuah mawlh mawlh a, apuah zawh chuan an a siam leh nghal a, eirel apeih zawh hnu chuan meipui tur thing te la khawm leh nghal in, zan lama an mamawh tur ang chi te a dap khawm leh a, chumi zawh chuan chaw ei te siam in chaw te chu ouar takin an ei a, Lalfanu awM dan avang chuan Thangtea chu a inthlahrung em em mai a, alo piang hmel chhe bik lutuk te chu anu leh pa te a dem lek lek a, mahse tu thiamloh mah ani silo, chaw te an eikham hnu chuan, an inbe chak em em bik lo nen mut zai an rel ta a, Lalfanu chu bukah muttirin, ani buk pawnah amu thung a, chumi zan chu engmah thleng lemlo chuan tui tak chuan an mu ta a.....
A tuk khua alo vara Lalfanu a lo thawh ve meuh chuan eirel alo peih vek tawh a, Lalfanu lo thawh veleh chuan Lalfanu nizan imu tui em tiin alo be bawrh bawrh a, mahse Lalfanu chuan chhan enah pawh a en lo, lui lam pan chuan akal nghal ta daih a, Lal fanu alo let chuan chaw eite siamin puar tak chuan an ei ve leh ta tho a, chaw te an eikham chuan an kal tumna ala hla bawk nen, kal mai chu an tum a, Lalfanu chuan kawngkal vel leh ahmai pem nin nian te leh aban kak te pawh chu hil duak chuan ahria a, mak a ti hle mai a, mahse engmah a sawi chhuak duh bik lova, a chhan chu zana amut hnu khan Thangtea khan a pemah te khan hnimhnah damdawi kha alo hnawihsak alo ni a, ahma ni ai chuan kalkawng kal pawh tlem chuan an hmanhmawh thei ta deuh a, Zawlsei khua pawh chhun laiah an thleng mai reng a, ala hma deuh bawk nen akhua pawh lut lo chuan an kal tlang ta zawk a, thuife an kal leh hnu chuan kawrte tui awmna ah chuan vaibel te zuin an chawlhahdam a, reife an chawlh hnu chuan kal leh in, Lalfanu pawh a chau ve ta hle mai, akal pawh a dul hnak tawh mai a, Thangtea chuan ka lo paw dawn che em ni tiin inthlahrung tak chuan an be dek dek a, Lalfanu chuan angailo ti ringawt chuan alo chhang leh a, Thangtea pawh anui veleh suk a, abak tih theih awm heklo le, zawi muang chuan an inchhawm zel a, ni pawh alo hniam leh ruai tawh mai, riahbuk tur te zawng rilru leh tawh in, hmun rem deuh mai lai chu hmuin tah chuan buk pawh zar mai thaa ahriat avangin, la tlai chhe lutuk lo mahsela buk chu azar ta a,
An riahbuk sualna chu engram nge hre ve heklo le, huai ho awmna hmunpui alo ni a, hemi zan atang hian alawm khual thang hat khawpa Lalfanu hmeltha Laldawngliani chuan Pasaltha Thang hmelchhiaa chu a atchilh ţan a ni.....

Link:
BBcode:
HTML:
Hide post links
Show post links

Pasaltha Dokulha
Posts: 16
Joined: June 5th, 2018, 7:41 am

Unread post by Pasaltha Dokulha » June 28th, 2018, 9:10 am

Episoede 9...
An riahbuk sualna chu engram nge hre ve heklo le, ahmun thu hla ah chuan a remin buk pawh sa sela, abul maiah zote tui thiang vawt fiah fai kak mai chu aluang ri her her mai bawk a, chu aia hmun rem chu thlan tur dang pawh avang hle reng ani, Thangtea chuan buk te chu an zar nghal zar zar a, karlovah a zar zo mai a, buk a zar zawh chuan Lalfanu hnenah chuan buk ah hian lo awm la, tlailam chawhmeh ka han thlek kual ange, tumbu eng ilo tal pawh tiin an luhthlak lohna mual lamah chuan silai puin a phei ta nghal a, sa hnu alo tam hle mai a, Sakei hniak te, leh sai hniak te pawh a awm nuk mai a, a thiante pahnih ahre chhuak vawng vawng mai a, fimkhur hle angai dawn anih hi hmeichhia ka kalpui bawk si a ti rilru neuh neuh a.
Rei vaklo hnuah chuan Thangtea pawh ipte ak puar luah chuan buk a thleng veleh hlawl mai a, Lalfanu erawh buk ah lo awmin alo zai rat rat a, Thangtea buk thlengin thawm an nei deuh chu angawi ta hmak a, lehlam ahawi leh ta ngar mai a, duhloh rai ang hlauh ani leh tawh, Thangtea chuan engah tehvak ngailo chuan a sakuh kah chu apuah mawlh mawlh mai a, rin ai takin alo thau em em mai lehnghal a, sakuh a puah zawh chuan rawngte bawl leh nghal in, rawng abawl zo pawh thut pawh thu chawl hman loin, zan lama muh tur thing ro chu a la khawm leh nghal char char a, duhtawk angah hnu chuan chaw ei te an siam a, sakuh sa nen chuan puar el euh in an ei leh a, Lalfanu nen chuan inbe lem lo chuan chaw eina te a tihfelfai zawh chuan meipui chu a chhep eng leh hluah mai a, Lalfabu erawh amu leh hmak tawh a,...
Thangtea chuan ahma zan pawha a tih dan ang bawkin hnimdamdawi chu asiam mawlh mawlh mai a, Lalfanu chu amuhil tawh ah ngaiin, Lalfanu hmai pem leh akut kak ah te chuan ava hnawih sak leh mawlh mawlh mai a, a hnawih zawh chuan, engmah tilo awm chuan a meipui chheh chu ava hnung puak leh ar ar mai a, Lalfanu chu alola muhil awzawng lo mai a, ahma zana a pem te alo hil duak na chhan pawh ahrethiam mai a, a rilru tak chuan alawm viau mai a, mahse ahmelchhe lulai em ani, Lalfanu chuan eng enge mawni ngaihtuah chuan amuhil thei mai biklo a, an khua te, anu leh pate, a thian thate angaihtuah phei chuan a mittui ahru ru leh zauh thin a, chutia muk taka a in ngaihtuah lai chuan buk chhakah chuan thawm na fe mai hi rawn chhuakin thli na taka thaw ang mai hian a rawn thaw ri fua fua mai a, an buk pawh alen darh maiang tih tur khawp chuan thawm pawh ana a, Thangtea pawh meipui bulah chuan alo ding kak leh vah tawh a, thli tleh thawm areh hnu chuan buk chung vel te chu lungthil ni awm tak hian a rawn deng leh ţak ţak mai a, thawklehlhatah patling nuithawm ri ruah ruah chuan a zui nghal a, Lalfanu hlau lutuk chu a tiril ah manin alo khur char char mai a, hawi pawh ahawi chhuak ngam tawh lo, Thangtea chuan zahngai zahngai tihbuai tum cheu a lokal kan nilo ve, hetah hian zankhat kan riak anga, naktuk khawvarah kan kal leh mai dawn alawm a lo ti vat a, chu aw bawk chuan ka ram chhung atang hian zaninah hian chhuak rawh u, thih in duhloh chuan a rawn ti ţeng leh chhuai mai, Lalfanu chu a ţe chel chul tawh mai a.
An meipui chheh en bak chin te chu a rawn thim nghal tup tup mai a, thli a thaw vuk vuk mai bawk a, ruah lah chu mal lian deuh deuhin a tla reng bawk si, khua avawt vin tek mai a, khawpui ri dum dum karah chuan patling na tuar rum ri leh nui uarh uarh ri chu a ring hle mai a, Lalfanu chu a mangang takzet mai, ahriat pawh ala hriatloh, tawn pawh a inbeisei loh, huai hlauhawm hmaah enge a tawh dawn hre hek lo le, Thangtea chuan awm mai mai a, en liam mai mai theih an nilova, tawngkam thaa sawifel mi ani heklo tih ahre chiang hle mai, ring leng lawng chuan hetianga min rawn tihbuai fo chu le, in ngam anih chuan min han hmachhawn ta che u, tiin a chem chu an hum nghet sauh mai a, chumi rual deuh thaw chuan mei en phak loh chin chu an phu dual mai a, thawk leh khatah an mei chu thli chuan a rawn chhem thi hmak a, mei a thih chiah chuan Thangtea chuan chu zanthim chhah mup mai chu chhun en lai ang maiin ahmu ta uarh mai a, huai ho pawh chu ahmu choang ta hlawm ngei mai, Putar thusawi zanah pawh chhun ang maiin i mit i hmang thei ang tia a sawi te chu ahre chhuak rum rum a, ka lawm e a ti sap a....
Chutia ahmuh fiah tak vek ah chuan buk lam ava hawi phei a, bukah chuan huai pahnih hi luh an lo tum mek a, chuveleh rang taka in khawh phei nghal zawrin, chung huai pahnih te chu an sat nghal chawrh chawrh mai a, rak namen lo hian an rak a, pakhat chuan a chem kha a chem kha a rawn ti lauh lauh a, eng chem nge ahman tih chu an hre chiang ta khawp mai, mahse huai Lalpa chuan a ram rawn chuhpuitute chu dim a tum bik hauh lo mai, that rawh u a rawn tih tuarh takah chuan bawh hmasa tu nih hreh chung chung chuan an rawn inhnawh tawt phei nasa mai a, Thangtea chu buk kawtah chuan a ding teu mai a, lo kal ta che u, in ngam ani lawmni atih zawh rual deuh thaw chuan aveilam sir atang chuan an rawn bawh huk mai a, mahse alo thleng hmasa sa apiang chuan chem kha tia auin an boral zel mai a, an Lalpa mangang chuan nula kha an ti tiarh mai a, chu veleh chuan buk lamah chuan huai pathum phei nghalin Lalfanu pawh a au nghalp thawt mai a, chuveleh Thangtea chu vir zawkin buk chhungah a tlan lut nghal a, Lalfanu lo man tute chu an vai kiang nghal duak duak mai a, Lalfanu chu kaiin buk pawnah chuan aveng ta deuh chawt mai a, chutih lai chuan huai Lalpa chuan an pahnih hian that rawh u a rawn ti leh tuarh mai a, an rawn bawh ta huk mai a, Chutah Thangtea chuan a theih ang ang chuan alo that hmiah hmiah mai a, huai ho chuan an tam hneh hle mai , Thangtea pawh ahah ve ta hle mai, mahse thawklehkhatah Thangtea chu chak thar vak ang hian a rawn awm a, ahmel te chu lo eng chhuakin, ahmel chu ni angin alo eng a, chuti lai tak chu ani Lalfanu hian a atchilh tak tlat ni, ahmaa hmelchhe em em nia ahriat kha, a huai beilai inher lai te leh an sat lai te a zuang kang lai te leh alum deuh tap tap te, an eu leh zawk thin kara akun leh zauh te chu mit tla dawn in khabe dawm meuhin alo thlek a, huai hlauhna pawh anei tawh lovin, a rilruah Pasaltha Thangtea che vel chu duhaisama chhilh zuiin duhthusam ramah alo lenpui delh delh mai a...
Huai Lalpa chuan an ngamloh chal chil an hnawm tih ahre chiang ta ngei mai, Thangtea puitu chu ahriatchian em avang chuan Thangtea te chu an kiansan ta a, huai hovin an kiansan rual chuan khaw thim mup te, boruak vawt vin tuk te leh ruah tla te pawh chu a reh nghal hmak a, Lalfanu chuan khawdang ahawi thei tawhlo, Thangtea lo phei te chu isawn ka lo pai tih melha lo melh in alo en tlawk tlawk mai a, abul a rawn thlen a Thangtean itha em a tih te chuan akha te chu a chih zo vek tawh, engdang mah sawilova han kuah vawng vawng mai chu a duh ber mai, thei leh theilo chuan ah aw aw ka tha e, nag zawk itha em a rawn ti chhuak thei hram a, Thangtea chuan keichu ka tha alawm tiin meipui thi tawh chu an chhawm nung tha leh a, buk vel pawh tifel nghal zung zungin, Lalfanu chu tawngthlamuanin, hlau tawh miah suh,zaninah chuan an lo kal tawh miah lovang tiin a tawng thlamuan a, Lalfanu hi Thangtea hian tawngthlamuan lo mahsela a thla hi amuang em em tawh ani tih hi Thangtean ala hre ve silo, engtikah tak hria ang imaw?.....
Chuzan chu a then tan pangpar par mai tura arawn kuhmun ang hian hringnun hmalam mawitaka par beiseina nen, thinlunga sawi chak si sawi hreh si thinlung tawt taka awm te pawh an awm mahna, hriat va ni suh le, zan te alo reilam ta bawk nen mut zai an rel ve ta a,boruak dangin a chim buai tawh lo bawk nen Thangtea chu amu tui hle mai a, a harh ve meuh chuan eirel chu Lalfanu chuan alo peih diam tawh mai hi alo ni a, Thangtea harh chu a inthiamlo hle mai a, chumi piah ah chutia Lalfanu in biak pawh abiak that duhloh tana rawng alo bawlsak chu mak a ti rilru hle mai a, mahse engmah phei chu a sawi talo va, hmun hla kal turte an la nih avangin chaw te an eikham chuan kal leh tura inbuatsaihin an in zui chhuak leh ta hnak hnak a....
Lungchhuan ram pawh ral atang chuan an hmu thei ta a, kawnglakah buaina eng mah awm talo leh Lalfanu pawh thahrui thara thuam tih takah a duk pur pur tawh mai a, an rin ai tak chuan an kal sawt hle mai a, behliang mun hun vel ah chuan chul te pawh an hmu chho ta pheuh pheuh mai a, Thangtea chuan um khua pawh ahla tawh love, zanin chu khuaah riak ila, karkawngah zan khat kan la riak dawn si a, buai thulh ah buhfai tlem tal kan dil loh chuan tiin khua a riah chu an rawt a, mahse Lalfanu chuan a lo duh ikhaw lo mai a, kan boruak hi kan sawi ngei ngei angai dawn sia, azah te pawh azahthlak ve alawm, bakah kal vat vat atha ka ti zawk tiin alo hnial a, mahse a duhloh chhan erawh thildang daih ani reng si, chutia hmeichhia zawk a chau zawk tura a rin leh tha chaklo zawk pawhin kal zel a duh nakah te chuan kan kal zel anga ni mai lawm tirilru neuh neuh in, ni a tha alawm a ti ve ta ngawt a....
Lungchhuan khua ah pawh chuan chawl ta lo chuan an tlang nghal vang vang a, Samthang ram ri tal thlen tum chuan an kal leh ngat ngat a, kawnglaka tui ina an chawlh bak chu an kal ngat ngat a, khua pawh a thim chhalh tawh tih ah chuan Samthang ram ri pawh an lut ve ta a, khua alo tlai lam tawh bawk nen hmun rem pawh angaihtuah hman tawhloh, a rem lai deuh nia ahriatah chuan buk chu a zar ta a, Lalfanu pawh awm awl mai tum tawh biklovin, abeiseia tan mit tlung taka awm tum fahran chuan eirawng alo bawl ve sauh sauh va, nimin lama Thangtea Sakuh kah sa chu an la nei nual bawk nen, chawhmeh zaWng buai lovin a awmsa chu siamin, chaw pawh puar el euhin an ei leh a...
Episode 10.
Chaw te puar el euha an ei hnu chuan, buk kawtah chuan meipuite an chhep leh hluah mai a, inkawm bawrh bawrh ta lemlo chu ngawirengin an peihchin tawk an thu anga, an peihloh tawpah an mu mai dawn anih hmel, Lalfanu pawh mu mai tawh bik lovin meipui chu a thuthnaih ve sawt sawt a, Thangtea chu ava melh leh zauh thin tih loh pheichu an inbe tamlo khawp mai, chutia mahni ngaihtuahna kawma an awm ve ve lai chuan an buk thlanglamah chuan thawm a rawn ri rek mai a, Lalfanu chu phu dawrhin Thangtea chu engtiklaiin nge alo kuah pawh hriatloh, Thangtea chuan buk thlang chu en vatin sazu ani tih azuk hmuh talah chuan, engmah anilove ahlauhawmloh a tih hnu a, a hlau zualpui areh hnu chuan Thangtea chu alo kuah bet tlat mai alo ni a, Lalfanu chu zak viau mahsela, reilote chhung ava kuah thei kha arilru tak chuan alawm zawk em em a, chutia lai tak, zak chung chung leh nuam ti bawk si a an in melh leh zauh thin karah chuan zan pawh alo rei ta viau mai, Thangtea chuan naktuk kal leh tur te kan ni sia, mut zai kan rel tawh dawn em ni an tih chuan, Lalfanu chuan keimahin ka mu ngam tawhlo, alo ti thawp deuh sat a, pian tirh ata hmeichhe mitmei chu sawiloh, nula pawh la rim ngailo, rim enah pawh a en loh, angaihsakloh na ai maha ahmel hmeichhe lem lo tak avang pawh ani mahna, zei pawh azeilo narawh e, ahma zana an boruak tawnin a zir ve bawk reng a, mahni mut kha ahlauhawm tawh em ani hmeichhe tan chuan......
Samthang khua pawhin an Lalfanu chu karkhat dawn lai mai an zawn hnu pawh chuan hmasawnna tur an nei thei lo mai nilovin, beisei pawh abo tawh hle mai a, Lalfanu ni lo se chuan bo zawn pawh a tawp tawh ngei ang, chuti khawpa beiseibo a an awmlai chuan, an khua ah sakei sual lo kal fovin, ran mai nilo, naupang tualchai pahnih ngawt mai a sehsak tawh a, chutiang boruak nen, Pawi ral lo kal thut thut chang a awm bawk si nen, Samthang khua chu akhaw nawtin an buai luai luai ani ber mai, mahnia ram kal ngam pawh an awm tawhlo, naupang tual chai ngam pawh awm tawh hek suh, nula thing phur pawh tlangval pathum in ho in hmun hla pawh kal lovin dai hnaiah an phur a, lo lam pawh kal dawn se ahuhova kal in ahuho zel a tih loh chuan chu sakei chu ahuangtau em em mai a, zanlaiah te hian khawlaiah a kal ngauh ngauh chu an hmu fo thin a, kar te kam ve bawk thin mahse, a per fuh hleithei lova, Lalpa leh upa ho pawh an mangang hle mai, an Pasaltha ten chang ve bawk mahse chan chhuah tik a awm thei silo, an Lalfanu bo nen, sakei rawn inlar nen, Pawi ral lo kal leh thut zel nen an khua chu a ralmuang lo hle mai a, mahse Pasaltha Thangtean Lalfanu chhawmin an vangkhua alawi dawn a, heng boruak muanawmlo te hi lak kiansak thei tak maw?
Thangtea te pawh zan lama boruak thalo tawng tawh lovin, varţianah chhuaKin kal kawngah an riltam hunah eirawngbawl mai turin hma takah chuan an chhuak a, ni a tlangsan hma chuan thui fe mai an kal hman reng a, fehrehsan hun awm velah chuan hmun rem tak mai hmuin, buk pawh zar tawh lemlo chuan an hai fai thuak thuak a, eirawngte bawlin, an thu hahdam vang vang a, puar taka chaw te an ei kham hnu chuan an kal leh ta a, tha thar an ni bawk a, an kal sawt hle mai a, feh haw hun velah chuan Samthang khaw kawtchhuah atang chuan feh haw hmasa ten chutia hmeichhia leh mipa lo kal chu tute nge an nih a, khawia kal tur nge maw an nih le tih thleka an lo thlek lai chuan, an lo hnai zel a, an lo hnaih tak zela an han hmuh chian chuan an Lalfanu ani tih chiang takin an hrethei ta a, Lalin lamah lamkal tir vatin, Lalpa leh Lalnu leh khawnbawlte pawh lo kal vatin, ahria apiang mai chuan khaw kawtchhuah lam pan chuan an tlan ta hum hum mai a, enge tih hreve lemlo te pawh mi an kal sup sup takah chuan mi kalna lamah chuan an lo kal ve zel bawk a, khaw kawt chhuah ah chuan an hmangaihtu leh hmangaihte chu an intawk khawm leh ta, rei tak bo tawh, thi ngaiha an ngaih tawh, tihngaihna an hriat tawhloh, dam taka an han inhmu leh chu an hlimna leh lawmna chuan van a tawmg hial ta ve ang....
Lalnu leh Lalfanu pawh inkuahin an la ţap hawm hawm mai a, Lalpa chuan engpawh nise heta thil tam sawi chi pawh anih loh hi, Lalin lamah iphei teh phawt ang an tih takah chuan Lalin lam pan chuan an kal ta a, Lalfanu lo haw leh thut dan leh enge a tawn tihte chu mi zawng zawng hriat chak ani a, chumi piah ah tlangval hmelchhe em em mai arawn hruai tel ve te hlei hlei chuan zawhna a ti tamin chhaN senloh zawhna chu an dawng mawlh mawlh mai a, Chibai pawh an dawng nasa hle mai, Lalin an thlen chuan Lalpa chuan hei Mampui(Lalnu leh Lalpa in an kohdan) enge awmzia i bo dan leh i thianpa te hi enge awmzia tiin a chanchin hre chak tak chuan an zawt a, khawnbawlte pawh chuan nie an lo ti tliar tliar a, Lalfanu chuan Lungrang Lalfapa ten an ruk dan leh kalkawnga a duhlo chung mawilo taka alaka an chet dan te leh kut anthlak dan te, zawlsei rama an chawlh laia,Pasaltha Thangtean a rawn puih dan te, Lungrang Pasaltha pahnih awlsam tea athah dan leh amah avanga vawin thleng thei anih thu te, dam taka an khua rawn lut leh thei anih thu te leh kawnglaka huai laka a chhan chhuah dan thleng chuan a sawi ta vek a,Lalpa chuan chuthu an hre zet chu Lalpa chu a thinrim hle mai a,heti khawpa buaina ka khuaa min rawn thlena min zahna nei miahlova, ka fanu ru chhuak a, hetianga min titu chu ka enliam mai mai bik lo tawp ang, engpawh nise chu thu chu nakina la rel ah ti ila, Thangtea lam chu en in, Thangtea maw i hming, i chungah hian lawmthu sawi tur kan ngah hle mai, ka fanu ilo ţanpui a, i zarah beisei bo tawh hnuah dam takin kan hmu leh a, engtin nge kan rulh theih ang che le an ti a, Thangtea chuan Lalpa phutneih vanga pui ka ni hleinem, ka tawn ang hi midang paWhin tawng sela an ti vek thoin ka ring, ilak atang hian engmah ka phut lova, hlim tak leh dam taka in inhmukhawm hi ka lawm em em zawk a ni alo ti ve a...
Lalpa chuan engti tura heti lam lam lo kal nge anih te an zawt a, apute tlawh chhuak tura lo kal a nih dan te, Apu chu Khawtinkaia anih thu te a sawi meuh chuan upa min lam chu hawiin, iau chu i tupa alo ni reng ani maw an tih chuan Khawtinkaia chu phawk fea rawn meng in, Sangluaia fapa maw inih a tiin an zawt he haw a, Thangtea chuan aw nie alo ti a, anih chu i lo lian tawh lutuka ka lo hrelo che alawm, min ngaidam teh i chhungte chu an dam tha maw, inu leh pa chu tluk loh rim an va nam thin em alo ti hlut a, Lalpa pawh mipuiin chanchin hre chakin pawnah an lo nghak thup mai si a, an Lalfanu lo haw leh chu tu te mai pawh an lawmin a chanchin chu hriat an chak em em theuh a, Lalpa chu kal chhuakin leihkapui ah chuan an ding a, akhawnbawlte pawh rawn ding chhuakin, an bulah chuan Pasaltha Thangtea pawh alo ding chhuak ve a, Lalpa chuan Lalfanu thil tawn te leh Pasaltha Thangtean a harsatna lak ata a chhanchhuah dan te leh in an thlen thleng chuan asawi ta a, Thangtea pawh an upa min Khawtinkaia tupa anih thu te thleng chuan a sawi ta a, mipui lam pawh lawmavangin kut an lo beng dur dur a, an lawmna piah ah chutiang anga an Lalfanu ti duhtute chungah chuan an thinrim theuh mai hlawm a, chumi piah ah, Thangtea chungah chuan an lawm em em vek hlawm mai bawk a, an Upa min tupa alo ni lehzel nen, lawmtu pawh angah hle mai, nula lam erawh ahmel chhiat em avang chuan mitmei hmuhtu leh an run lawitura duhtu mitmei erawh hman atanga alo tawn ţhan tih takah an awm pawh a ring bik chuanglo, awm pawh an awm lo reng a.....
Chutia Lalpan thupuan tur ang ang te a puan zawh chuan Lalfanu lo haw leh lawmna leh thla hual nan, naktukah ka sialin a thla kan hual anga, tumah ram chhuah loh tur ani ang an ti a, mipui pawh an phurin kut an beng ri dur dur mai a, chumi hnu chuan mipui te chu inlamah an in hw tir ta hlawm a, Upa min Khawtinkaia chuan hei Lalpa ka tupa hi awm hajdam te a duh takin inlamah kan zuk chhuk lawk ange an ti a, Lalpa pawh chuan nie zuk hahdam rawh se alo ti a, Thangtea te putu chu an chhuak ta a, apu te in an thlen chuan an indah fel a, api te nen chuan an han in chibai hlawm a, apu nen chuan titi in an khaw boruak vel te chu sawiin an titi hlut mai a, Apu thusawi pakhat Pawi ral an lo kal thut thut thina, an duh duh dana awmin, an pasaltha te kan ngam loh avangin sial te hi an rawn kai haw leh ngawt thin a, tih a sawi chuan a rilru aluah hneh hle mai a, Thangtea chuan ka pu lungngai reng reng suh heta ka awm laia an lo kal leh anih ngat chuan vawikhatmah lo kal ngam tawhlo turin kan lo siam anga ani mai alawm alo ti a.....
Laiveta leh Rochila rilru chhiatna chuan kianni nei hek lo le, Darzo lama a chet dan vel lah chu mitin mai chuan fakin an sawi reng mai bawk si nen huat namen lovin an haw em em ringawt tawh mai a, an duh ber Thangtea awmlo mahsela a chhungtea ţuan chu an tum ruh em em tho mai a, Thangtea pa hi pa tawngtamlo tih takah mi biangbiak pawh thian lemlo, mahse midik tia miten an hriat ani ve a, amah pasaltha tia sawi tur chu anilova, mahse ral ram leh sa hmaah a tlan ngailo thung, chutia a feh haw kawnglaia ţhihna nalh fahran mai lo awm ringawt chu mak a ti hle mai a, a thlauhtu awm ang te enin an kuk raih raih a, mahse chhawntu reng reng an awm tak siloh ah chuan ala a, nakinah a neitu an awm takleh pek leh mai ah ni rawh se tiin a ipteah chuan a khung tha ta a, Laiveta leh Rochila chu tifuh inti taK mai chuan hnim buk phen a ţang chuan an rawn nui chhuak var var a,Rochila chuan Veta engtin nge ni zel dawn an tih chuan ,Laiveta chuan lungngai suh abak chu ka kutah dah la, naktuk lama tih atan khek rawh tiin anui uarh uarh mai a, engtin nge an tih zel chu kan la hria ang chu......chutih lai mek chuan Lungrang lam pawh an Lalfapa boruak chuan khua a deng chhuak hneh em em mai a, Lalfanu in midang aia a thlan zawk avanga a ruk a rala an hnunglam a tanga bei tu Thangtea chu dahthat a, an khua pawh hal darh vek mai an tum a, tunah hian Samthang khua ah a la awm mek avangin Samthang lamah ahaw hun tur han thlithlai turin lamkal an intir ta nghal a....
Samthang khua pawh Lalfanu thla hual ni pah fawm a, alo haw leh lawmna ni chu mitin mai chuan nuam an ti tlang hle mai a,Thangtea pawh Lal nopui te dawmin an hlim dar dar hle mai a, an Lalfanu lo haw leh an lawm lutuk chu thla hual ni awmlo takin tunhmaa an tih thin dan anglo takin tlai lam ruai an kil zo nula leh tlangval ho chu in hawr khawmin an chai ta mai a, Lal leh khawnbawl te lo rui nuam ve deuh tawh bawk nen, nuam ti ber berah an ţang ta a,thalaiin chutiang an hmuh phei chuan an phur zual sauh mai a, Lalnu tiha mawilo khawpin Lalnu ber pawh lam rawn thaiin Lalpa nen an inbin zak zak mai a, mi an buk siau siau lai chuan Lalin leihkapui atang chuan Lalfanu chuan zawn bik nei hawia hawi kualin, sir kilkhata lo su ve hluau hluau lam ah chuan amit an beh tir thlawp mai a, Thangtea lahin min enbik ani tih hre heklo le, aboruak nuam a ti ve hrim hrim bawk nen, sir kil khatah alo bu kual ve nasa mai a, mi tan chuan belmang ang ni mahse tu emaw tan chuan ahmelah dar azam chiang alawm.
Chu zan chu an hlim lutuk a, an Lalpa chuan he ni lo thlen apiang hian kumtin awmni khama hman ziah tawh tur ani anga, he ni hi kan fanu lo haw leh hriatrengna ni pah fawm in, Hlimna kut tih ani tawh ang an tih chuan mipui lam pawh kut an beng dur dur mai a, chumi hnu atang chuan vawiin ni thleng hian he Hlimna kut hi an hmang ta reng ani...
Hlimna kut an hmanna sa rim vel chuan sahring ei ramsa ako nasa mai a, chinghnia, sihal, sanghar te leh sahel ei ho te chu a tuka feh kal ten an rawn khai haw nual hlawm mai a, ar bo thu pawh an sawi nual hlawm bawka, upa te chuan sakei ahnai dawn ani tih hrethiamin khawihmun pawh kal se fimkhur turin an inchah mawlh mawlh mai a, Thangtea te putu pawh chaw ei paha an khaw boruak vel chungchang titi an lo vawrh lai chuan Tlangaupa lo kalin mikhual an neih avanga Lalpa in akoh thu a rawn hrilh a, Thangtea pu pawh chuan kam te thuah bawrh bawrh in eng sawi lo chuan tlangaupa chu azui chhuak ta a..

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Pasaltha Dokulha
Posts: 16
Joined: June 5th, 2018, 7:41 am

Unread post by Pasaltha Dokulha » June 29th, 2018, 4:45 pm

Episode 11...
Upa min Khawtinkaia'n Lalin ava thlen chuan Zamuang lam khual pahnih lo ni in, Lunglawn atanga an haw lam ah Samthang ram chin a miruang an hmuh thu leh, ala uih loh thu te, an khaw ram chin anih avanga zualko a lo kal an lo ni a, LaLpa chuan lawmthu te sawiin, tikhan lo awm hahdam ula, kan tlangvalte kha tlangaupa han ko khawm la, nagni ahmun hria ah, min hruai turin in tlawmngai leh hram aniang chu tia a ngenna pawh an pawm tih lantirnan an lo bu nghat a, tlangval ralkai thei chin chu an kim thawkhat ta maw tih ah, Lalpa chuan an khaw ram china miruang a awm thu leh chumi chian tura kal tur an nih thu te, leh fimkhur tura in chah lawm lawmin, kan khualthate hi kan zui anga, an ni in engkim min kawhhmuh dawn a, chuvang chuan an zai ngaiin in awm dawn nia a tih hnu chuan tlangval ho pawh miruang an hmuhna lamah chuan an kal ta zung zung mai a, Thangtea pawh ahnung lamah chuan val upa te thusawi hre phakin akal ve zel a.....
Zan lam te anih vang nge kal zung zung aharsa khawp mai a, Thangtea erawh chhun ang maiin a hmu thei thung a, kal pawh an kal sawt lo khawp mai a, leng hawn ar akhuang thliai thliai tih ah chuan miruang awmna lai nia an sawi mual chu an pen lut a, zualkova lokal te sawi ang ngei chuan Samthang khaw ramchin ah chuan a lo let bam mai a, an han en chiang a, thirdengpa makpa alo ni a, a taksa ah chuan sakei hamna leh sehna alo awm chuk mai a, sakei chuan ahnuk nasa hle ani tih ahriat hle mai a, a taksa pawh apawr fup thei hial a, valupa te chu an chek tlak tlak a, ro te rel chhunzawmin athenin hlang tur te siamin, mahni tihtur theuh tiin an che ta zung zung mai a, reilo teah hlang tur pawh siam zovin an zawn haw ta nghal a...
An hlimna boruak chu thawklehkhatah sakei sual avang chuan ţahna ah a rawn thlak zo ta vek mai a, Lal leh khawnbawlte chuan rorelin kar kam leh phawt mai ila a tha ang anih loh va han pawngtawng chan ringawt lah a chhuah hun hriat anisilo nen, tiin kar kam chu an rel thlu leh ta nge nge a, chumi zan la la chuan miruang zawn na lama kal velo tlangval thenkhatte chu valupa ten hovin kar an lo kam hlawm a, zanlai ar a khuanna pawh a rei veleh ta, ruang la tute pawh khua lo thleng tawhin, khaw mipui tu apawh mai chu an thinrim em em vek tawh mai a, an ran vulh a laksak chu sawiloh naupang pahnih leh puitling pakhat in nunna an chan ta a, an Lalpa phei chuan a tihlum theitu apiang hnenah silai leh sial pa dawp a tawktarh nghe nghe a, mahse he sakei hi a fing reuh nek mai, chumi zan ah chuan an lar kam ahria nge ni engmah boruak awm lo chuan an hmangral ta a, mahse Pasaltha Thangtea lakah hian enge anih kan la hria ang chu.....
A tuk khua alo var chuan mitin mai chuan an beng leh mit an chhi kar vek mai a, atu amai pawh chu engemaw ti hian an ţi dui hlawm mai a, ruang thlak zawh atanga tuibur hmuamda vel ah chuan an kar kam pawh apuak dur mai a, chutih rual deuhthaw chuan sakei huk tuarh thawm pawh a rawn ri tel ve nghal a, tlangval ho chu hrilhnawn ngailovin kar perna lamah chuan hmanrua nen an tlankhawm nghal a, Thangtea pawh thleng hmasa pawlah ţangin valupa te nghak in an lo thu thap a, valupa te an lo thlen chuan an han bel chianga akah chu akap fuh a, mahse a kawlh tawk vel lek ani dawn a, chuvang chuan fimkhur hle angai dawn a, kan vaiin umzui duh in thah duh mah ila, anawlpuia kal lovin mi sawmpanga velin ahnu kan chhui dawn anga, kan chanchin ngaichangin hetah hian akal velo hoin min lo nghak ang tiin mi sawmpanga vel chu an thlang ta a, chung zingah chuan Pasaltha Thangtea pawh a tel ve a, thisen a chhuak hnem bawka, ahnu chhui pawh anuamin, an kal sawt hle mai a, nakinah chuan luikawr chhengchhe deuh mai hi an va thleng a, chutah chuan ahnu chu an hlauh tlat mai a, kawr thlang lam leh chhak lam te zawhin ahnu awm ang chu an han chhui thin a, mahse an hmuzo tlat lo mai, thal lai anih avangin ake hniak alang silova, a thisen atanga chhui an nih avangin an bangbo hle mai a, nakin deuh ah chuan Thangtea chuan tiang ringawt chuan a dik dawn love tiin an kal tawhna lamah chuan a let leh a, a thisen far te chu chik leh zuala en zelin, sakei chuan kawr akan lo tih ahre thuai a, mahse khawiah nge apen erawh ala hre mai bik lo, thuilote aletleh hnu chuan kawngthlanglam kaw deuh chuan amit ala hle mai a, chuti laiah chuan an lut thla a, a rin ang ngeiin a thlang lawkah chuan thisen hi alo baw tun mai a, athiante chu an au lang lang a, a thiante chuan rawn pawh ve nghalin, chulamah chuan an chhui zui ta zel a, rin aiin akal thui thei phian mai a, kar chuan a fuh lutuk lo deuh nge ni, alian hrim hrim ni dawn ni, khua pawh a thim chhulh tawh mai, val upa chuan hei zan ani mai dawn a, intihpalh thil awm thei te ania, naktuk khaw en lamah kan chhui zui leh mai dawn nia an tih chuan, an zinga mi naute asehsak pa khan chhui zui zel chu a duh a, ahunlaia kan kirsan zawngin ahuangtau zual anga sin tiin chhui zel a duh thu arawn sawi a, midang pawh chuan nie an lo ti ve tliar tliar a, val upa chuan chutiang anih dawn chuan nang Thangte khual chan chang ah, lo va haw la, kan nau min lo nghak tute kha lo han haw hrih mai se, nangpawh ilo kal duh tawhlo mai dawn nia tiin mikhual anihna chu an han dim deuh a, Thangtea chuan nie in thu ka zah khawp mai, mahse keini thalai zawkte kan awm reng laia upa zawkte in chet reng te chuan in khuaah kan hawi ngam ve nang, nagmahni zawk kha inlamah lo han hahdam zawk tawh u, keichu ka chau ve love, hengte chu thalai te kan tam alawm, tia lo hnarin, an hnawn lui duh ta bik lova, an zinga naupang ber chu an tir haw ta a....
Meichher turte an siam sawk sawk a, thim tak tak hmaa thui tak chhui hman beiseiin an kal leh vat a, duh angin khua hmuh ahar ta, mei eng ringawt ah chuan, thui fe mai uluk taka an chhui zui hnu chuan kawrpui kama pukah chuan an chhui lut a, sakeiin naute asehsak pa thinrim lutuk khawhmulo chu pukah chuan an luhkhung ngawt mai a, puk chhung a rap chiah tih ah chuan sakei chu a rawn hahum ta chhur chhur mai a, an thawm atang chuan pakhat mai an ni awzawng lo mai, lamkal intirh tur emni ang aw tia an sawi lai chuan, naupang pa kha pukah alo lut tawh bawk si, Thangtea chuan amah chauha akal chuan a fuhlo va hria in ahnungah chuan va um zuiin zam hlek suh ikiangah ka rawn kal e tih pah chuan a lut ve ta nghal a, puk chhung chu mit pangngai tan chuan a thim em em mai a, naupang pa pawh chu tlema tlemah a chesual thelh mai a, Thangtea chuan abana va pawt ding chawtin, ding lawk teh ihma lawkah sawn an awm ania pahnih lai an ni leh nghal a, fimlhur taka kan chet loh chuan kan chesual ve thei ania tiin an hrilh zauh a, chupa chuan ahmu thei bik amawni le ti rauh rauh chung chuan nie alo ti tha ve mai a...
Chutia mi pahnih lai mai puka an luh takah chuan midang pawh chuan rawn zui ve nghalin an rawn au lauh lauh a, an thiante pawh an rawn thleng dawn tih chuan a hliam lo zawk chu a rawn tlan phei in arawn zuang thut mai a, Thangtea chuan a bula naupang pa chu anamthlu dawrh mai a, sakei lo zuang chu veilama lo hersawn hretin sakei nak thla ah chuan an tai hrawih mai a, chupawh akawlh tawk lek ani ta, Thangtea te azuankhum laklawh tawh si, Thangtea te leh an thian lo lut tharte inkar ah chuan sakei chu a rum chhur chhur mai a, mei engah chuan midang lo lut thar te pawh chuan an rawn hmu ve thei ta a, han kah ngamna chi ni tawh heklo le, an hma lamah mi pahnih an awm bawk si nen, in ralsai ahlauhawm tlat tawh si a, Thangtea chuan alo lut thar te chu lo va chhuak leh hrih rawh u ka rawn um chhuak ang, a ti lauh lauh a, sakei chutianga um chhuaK tih tawngkam an han hria chu mak an ti hle mai a, mahse luh phei zel chi ni tawh heklo le, karin ahliam zaWk kha chu a la thi chiah lo nangin a chau tawh hle thung a, chutia amah lo hliamtu an awm chu a thinrim nasa mai a, Thangtea lamah chuan raWn haWi let in, a bawk hniam leh suai suai a, sakei zuan hma chuan rang taK mai chuan sakei awmna lamah chuan a tlan phei thut a, sakei pawhin chutianga rawn ti thut chu a thiltum pawh a thulh tir chiang hle mai, Thangtea chuan a chem chu ah um nghet sauh va, chutia sakeiin a tum a thulh tih ahriat chuan a aia chaka tlan duk pheiin sakei bekah tak chuan a chem hriam lolam chuan ava khawng chawrh maia, a khaberuh tliak ri pawh a ri bawp thei nia, sakei chu lian viau mahse a khawngtu tha ana bawk aniang alet phei tawp tawp mai a, puk kotlang ah chuan thei leh theilo chuan a rawn ding leh a, a ka atangte chuan thisen a rawn baw chhuak nguai nguai mai a, Thangtea rawn kal phei leh chu aka hman theih tawh hekloh le, aha hriam tak te chuan awmzia awm tawh heklo le, ake chuan alo ban in ben thluk chu ala tum hle mai a, chutah Thangtea chuan a tih fo tawh angin sakei alam hawi zawnga lo ding ake hma rawn phar chhuak hnuaia sah tum anga han ti zuaih in, chu chu sakei chuan lo hai zaUh a, chu hun tha lai karawl tlemte ah chuan rang lutuka vai tle chhuak zawkin ake chunglamah vai chhuak thutin alu a tlum hmawk chuan an sat ngheng mai a, sakei pawh a awp rawp mai a,a leng at ata a thi ta a, Thangtea chuan pakhat ala awm a, tiin val upa silai chu hman ahan dil a, ihe lovin alo pe ve mai a, Thangtea chu puk chhungah lutin awlsam te chuan ava kaphlum ta mai a, a tira naupangte pa anamthluk pa pawh a insawh fuh deuh aniang, a tluk bak kha chu engmah alo hre zui lova, an kai harh chawp a, a tukhum a tuai vut vut mai a, mak a tih thu bak sawitur zu hre miah lova mawle....
Thil hriatloh pakhat an neih chu apui ber lo chhuahlai ani a,chumi lakah chuan an vanduai dawn nge an vannei dawN tih hi ani, mi sawmpanga vel an ni a, inlama zualko tur pawh intir buai tawhloin, a pahnih chuan zawn haw an rawt ta a, hlang vel te siam a, an buai lai chuan khua pawh var tumin alo eng uau ţan a, khua a rawn en fel meuh chuan kal an peih der mai a, mahse an han kal tur chu kawr kam chhaklam atang chuan keipui lian em em mai hian an zinga amah hnaih bertu chu a rawn zuan let tawp mai a, engvangin nge ka fate min thah sak ti niawm fahran in, arum hum hum mai a, chupa chu a darah hian a sehsak a, chutia khaw enlai paWha a raWn bei mai ngam chu mak an tiin an thinrim em em mai a, An thianpa ahnuhthlakna lamah chuan an zuangthla nghal hlawm a, athlang mai kawrpui leh kawrte infinna ruam zawl lai ah chuan a lo thutpui a, alo ching nasa hman hle mai a, an han au a, mahse a au chhuak thei tlat tawhlo, thisen a hlauh hnem tawh bwk nen, sakei peh ang ang chuan a awm mai mai tawh a, an zuk thlen thlak chuan silaia kah mai an han tum a, silaia kah rem chuan a awm duh der lo mai lehnghal nen, val upa chuan hetiang ang ema sakei lian hi ka dam chhungin ka vawikhat hmuhna ani e a ti ve thlawt ani.
Sakei chu alen em avang chuan han pawh mai ngam an awm ta tlat lo mai a, an zinga silai keng pakhat tlu chuan keipui awmna sir mai chu ava kap palh leh ta nghal a, an chhaih kawlh hi ani ringawt, val upa chuan hetiang chuan a dik dawn lo tiin ava kal hnaia an kap thawr mai a, akah chu akap fuh chiang mai, sakei pawh a ţe tuarh mai a, mahse adul nem ah alo kap fuh chu niin, thihpui tham ni heklo le, a thinrim inhrosa vel te chu khawpui ri dur dur ang mai ni hialin an hria a, engvangin nge min kah ti niawm fahran in akaptu chu rawn melh sai ta ngar mai le, silai mu thunna hman awm tawh heklo, midang tan silai han kah na chi ani tawhlo, an hmaah VaLupa a awm bawk si nen, inralsai palh a hlauhawm si, sakeilah chuan akaptu a rawn pan ding nghal nalh a.
Zuantumin a bawkhniam suai suai a, azuan hma chuan Thangtea chu Valupa hmaah tak chuan a va ding zat mai a, Thangtea chuan ramhnuai pasaltha i zahawm viau nangin buaina siam zawnga chet ithawh thinna erawh vawiin niah hian ka titawp ang, tiin a chem pawh hman tum lemlo chuan akut tum chu an hum ruh sauh a, sakei pawh amah cho tu ahmu chu ahma aia nasa chuan a rum hum huma, a rawn zuang dawk zawk mai a, chu chu Thangtea beisei leh rin pawh ani, mahse Thangtea chu a thinrim ve em avang chuan a tha zawng zawng hman a hun tih ahria a, kut lawng ngata thah chu a tum ber ani bawk nen, sakei lo zuang phei chiah chu ani pawh tawlh hma dawrh in sakei hnuai atang chuan a khel ah chuan an chhoh dawm siah mai a, sakei pwh ţe tuarh chungin a tla thum dup mai a, keipui chuan a tum a thelh tih ahriat veleh rawn inher lehnghal in, a rawn zuan leh nghal a, Thangtea chuan veilama lo awmsawn dawrh pah chuan a dar dinglam pang chu na fahran hian an lo chum leh ngheng mai a, sakei pawh chuan Thangtea ban dinglam chu a aham thi ve hman tho mai, chutiang taka mihringin ngam taka keipui abeilai chu la hmu hlawm heklo le, pui tange pawh ti lo chuan an lo thlir thap ringawt a, Thangtea chuan aban a thisen lo chhuak chu an thlek zauh a, nuisak chung chuan sakei lam chu ahawi leh a, sakei pawh Thangtea kut thlak ana bawk nen a tim ve dui mai a, mahse chu Keipui chu vawite khatmah la tlawm ngailo, amah aia huai an awm theia a hriatloh avangin leh alalna ram ah chuan eng ang mi pawh nisela tlawm a tum hrim hrim tawp mai ani, Thangtea chu rawn ngur chhur chhur in a awp hniam leh ta ruai ruai maile, rum chhur chhur chung chuan a rawn zuang leh vak mai a, Thangtea nghawnga seh chat tum ani bawk a, thihtha a rawn zuan ani bawk nen a rang kher mai, mahse chu sakei sual chuan angamloh a tawng dawn ta, chutia sakei rawn zuang phei hnuaiah chuan Thangtea chu a eu lut zawk maia, chumi pah chuan a mei ah chuan an man chat mai le, Thangtea chuan an pawt let thuai mai a, Keipui pawh ahuk tuarh mai, vawikhat chu lei char vuak nan chuan an hmang dawp mai a, keipui meuh pawh in khuanu voh bik chu an ngam lo ani e, mahse ameia aman na chu amei vun chu a in lip thla tlat mai, Thangtea pawh a chesual teuh hle mai, mahse Keipui lo chau ve tawh deuh nen, akeah va man hman leh hramin, tha tawp chuan lei char vuak nan ahmang nawn leh a, Keipui pawh abak che leh tur chuang a awm tawh lo, Thangtea pawh a chau ve hle mai, a thu hnawk mai, ran mai pawh nilo mihring pawh khawih hrehlo sakei huai chu Pasaltha Thangtea tawnah afam ta tiin Samthang khaw awmchhung zawng chu an sawi tawh ang, hetiang reng renga sakei lian hi khuavelah ala awm love an la ti fo ngei ang.....
Midang ho mak ti lutuk pawh han pawh mai nachang hria reng reng an awmlo, Valupa chu harh chhuak zawkin,Thangtea te awmna lamah chuan atlanphei nghal a, midang pawh chu an lo tlan phei ve hlawm a, Keipui chu an han bel chianga, sairal tia an sawi alu pawh arbawm tiat an tih ho ai khan alo la lian tlat mai a, hetiang ang reng renga salei lian hi ka la hmu ngailo an ti tliar tliar a, Valupa chuan Thangtea chu panhnaiin keipuiin ahamna chu an han enchianga avunpui chat thawt khawpin alo thler chu lo niin, hnimhnah damdawi te chu siamin Valupa chuan ahnawihsak mawlh mawlh pah chuan, anun chhantu ah ngaiin lawmthu a hrilh mawlh mawlh mai a, a thenin sakeiin aseh hmasak zawk chu an lo buaipui bawk a, an zinga pahnih chu in lamah zualko a tir in an tlanliam nghal a, chumi chhung chuan hlang pathum siam belh leh in an lo buai ve hle mai a.....
In lam atanga lo kal thawm pawh a hnai zel a, nakinah chuan an rawn thleng chawpchilh zui nghal a, alo thleng hmasa apiangin sakei lian lutuk mai lo let ngut chu mak an ti em em a, abulah sakei lian pangngai tho, vawk sum ruk te pawh seh kawh va thei tur pahnih lo let ngut bawk nen, an ka ho hlawm mai a, Thangtea te zinga kal ve pakhat chuan Thangtea nena an in beihdan leh puk ami a luhchhuah dan te chu nuam ti tak mai chuan alo hrilh hlawm siam siam a, Thangtea chu an rawn chibai nak nak hlawm a, huaisen an tiin a dinhmun chu an awt em em mai a,an ngaisang in an chung en nghal em em ringawt mai ani, tlangval pakhat phei chuan angaisang lutuk a, amah aia hmelchhia hian piang ila, amah anga huaisen leh cherang ka nih dawn phawt chuan khawvelah chu aia duhthlan tur ka hrelo a ti hial ani....
An inpeih hnu chuan Thangtea chu zawn an tum ta mai a, ani lpah chuan lo duh ikhaw lo mai a, kal theilo pawh ka nih loh hi, ka kal thei alawm tia a ţan tak tlat ah chuan an tilui ta bik lova, an kal chak bawk a, hlang pali lai siamin, sakei pathum leh an thianpa sakei in ahnuh thlak tak nen khan, an ri haw bung bung mai a, sakeiin ahliam pawh thisen ahlauh deuh e tih loh ah chuan a dar ruh a sehna kha alo tliak nual a, abak pem neuh neuh chu tihtham ani meuh lo, rin aiin alo na lutuk lo hlauh bawk nen, khaw kawt chhuah ah chuan Lal leh khawnbawlte leh mipui ho chuan an lo hmuak a, Lalpa pawh ahlim kher mai, chutianga an khua tibuai fotu sakei thah ani chu alawm kher mai.....
Lalfanu pawh Thangtea chu a rukin alo ngaihtuah em em mai a, nula te chuan tlangval lo haw te chu tuisik lo intirin an nui har har hlawm mai a, Lalfanu pawh in zak chung chung chuan Thangtea chu alo tulh ve bawrh bawrh a, midangte pawh chuan Thangtea chu an rawn chibaiin an rawn tulh ve bawrh bawrh a, chungte chu Lalfanu chuan alo thik em em mai a, engvanga hepa hi duh em em nge anih reng a hre theilo, a pawnlam mawina ah chuan chhuan tur anei hauh lo, mahse chhunglam erawh chu khawvel sum tinreng leh lunghlu ai pawha thlanawm ani zawk si a tin ni....
Lalpa chuan hma hruaiin Lalin lam chu an pan ta a, an au chho hulh hulh mai a, raldo hnehna nia an hlima an lawmna ai pawhin anep chuang hlei lawnge, Lalin kawtzawlah chuan sakei pathum ngawt mai chu an han dah a, hliamtuar erawh an inlamah an zawn haw ta a, sakei lian ber mai chu alu ringawt pawh tlangval pate deuh tan chuan ţan viau angai ve ta ve ang, a then chuan thinrim engphiarin, an fate tihlumtu tiin chil te chhakin, a thenin chem ten an rawn sat a, a thenin an han chhuih a, chutianga mipui thinrim an inhrikthlak zawh hnu chuan Lalpa chu lo ding chhuakin, Valupa chu an sa pelh dan chanchin limchang sawi tir chuan an kova, phurtak maia Lalpa sawmna lama kalin mipui lo ri mur mur chu an ngawih tir tete a.....tihian a sawi ta a....
An kal ţan tirh atanga sawiin ahnu an hlauh dan leh Pasaltha Thangtean a hmuhchhuah dante, zan thim hnuaiah pawh chhun ang maia a chet theih thu te, puka a chet dan zawng zawng te,puk chhungah sakei pahnih ngawt athah thu te, chumi hnua haw tura an insiam laia tuna kan hmuh sakei lianber lo chet thut dan leh, amahin sakei akah thu te, sakei chu a dul nemah alo kah avanga amah a rawn pan a, ahmaa Thangtea arawn tlakzeh dan leh an insual dan te chu a sawi dap dap a, tawngkam a thiam bawk a, Lalfanu chu inchhung kil khatah chuan amittui alo hru fap fap a, chutia Valupa in an chanchin asawi zawh chuan Lalpa chu lo tawng lehin, khawnge Pasaltha Thangtea chu hetah lo kal teh se, an tih chuan mipui chu an lo au dur dur mai a, a ban kak ve deuh nen inlamah alo va haw phei chu niin, Lalpa chuan ava kohtir a, hreh chung chung chuan Lalin lam pan chuan akal phei leh ta a, Lalpa chuan alo hmuh velpeh chuan e Thangte hetah lo chho teh an tih chuan Thangtea pawh akal chho ve mai a, Lalpa chuan hei vawiin ah nag awmlola chuan kan buaina hi engtia rei nge kan buaipui ang tih pawh hriat ani lova, mahse awlsam tein kan buaina leh kan harsatna min sutkian sak hi ilakah lawmthu sawi kan ba nasa em em a ni an tih chuan mipui lpam chuan kut an lo beng leh dur dur mai a...
Lalpa chuan mipui chu ngawi turin ahan zap a, mipui an gawi ta thiap a, chutah Lalpa chuan vawin ah hian chawimawi tlak chu chawimawiin awm rawh se ti chungin Lalpa chuan zu eng kuk mai chu seki ah chuan a rawn chawi phei a, Thangtea chuan Lalpa keichu ni lul love hei kan Valupa te hi lei aia dawng tlak vek an ni alawm, an tih chuan Val upa chuan nahber in i dawm loh ten lo ti ve in, inthlahrung tak chung chuan chawimawina nopui chu adawm ve ta a, mipui pawh kut an lo beng leh durdur tawh a, Lalpa chuan akuta zap lehin, kha mai kha anilo, tiin abanglaia silai chu va la in, Thangtea chu hlan an tum a, mahse Thangtea chuan nilove Lalpa hei chu ka la theilo, i banglai Ah khan awm sela a inmawi zawk ang tia lo hnarin ala duh ta tlat lova, Lalpa chuan anih chuan mamawh ineih chuan i duh hun hunah min dil dawn nia aw tiin an in thlah ta a.....
Thangtea pa ţhi chhar avanga an boruak chhia pawhin kian lam apan thei hauh lo mai a, Sangluaia ţhi chhar chu a ruk ani tia an hekna chu Lalpa chuan alo awih mai si a, engtin nge an awm zel ang le, ilo thlir zel ang...
Episode 12...
Samthang khua tibuai thintu Sakei thah anih takah chuan mitin mai chun zalen takin mahni hna tul te thawkin an phe leh suau suau tawh a, mitin mai chu Thangtea lakah chuan an lawm em em vek mai a, an khaw buaina chinfelsaktu tiin chaw eia sawmtu pawh angah nangiang mai, Lalpa pawhin vawi tam a sawm tawh nghe nghe a, apute pawh upa min tih takah hna tul em em an nei hran lo bawk nen, a cham chhung chuan a ramvak fo mai a, sa therhlo engilo phei chu an hnianghnar em em mai a, Lalfanu nen pawh inkawm ve zauh zauh in, thingte pawh an phur dun fo a, Lalfanu hian duhin hmangaih viau mahsela a duh thu leh a hmangaih thu hi sawilovin ala thup ţang tang a, Thangtea erawh chuan Lalfanu hi Lalfanu ang bakin a en lo a, a chhan chu a tan chuan asang lutuk ani, chulo rengah thildang tamtak te avangin chutiang ang lam hawi chuan alo en ve ngai miah lo thung....
Tlanglam boruak pawh a ţang tha at at khawp tawh mai, Laiveta leh Rochila thil tum pawh a kalfuh in a tluang chho viau a, Pu Sangluaia ţhi chhar chu Laiveta chuan kan thi a ruk ani tia hekin, Lalpa chuan Sangluaia chu a ringhlel tlat mai a, Lalinah pawh an inhau in an in kawk sawk sawk fo mai a, Lalpa chuan Laiveta leh Rochila nen, Sangluaia(Thangtea pa) chu kovin Sangluai i thi chu khawiah maw i chhar, tiin awih loh hmel deuh chuan a zawt a, Sangluaia chuan a feh haw in kalkawngah a chhar thu a sawi a, Lalpa chuan Laiveta lam hawi pah chuan heihi in thi ani chiah em tiin an zawt a, aw ni e, kha ka pa pawh khan a hria ang tiin apa chu an melh zauh a, Lalpa chuan Upa min lam chu an hawi a, heihi in thi ani em an tih chuan Laiveta pa chuan aw nie engtin nge Sangluaia kutah engtin nge alo awm theih keichuan ka hre thiam lo, khawlaiah tuman an kengchhuak ngai bawk silo, tiin bangbo tak chuan a rawn sawi ve a, ani lah tak reng a, Laiveta pa hian engmah a fapa te thiltih hre ve hek lo le, chutah Lalpa chuan chuti anih chuan a chiang e, Sangluai ruk iruk manah hrem ipumpelh thei dawn hauh lo ania an ti a, Sangluaia chu a ter ve ta at mai a, ka ruk chu nise eng hremna paWh ka hmachhawn ngei ang, mahse ka thiltih ni miahlo leh ka ruk ni miah lova hremna erawh tuman min pe hauh lovang a ti ve ta khawl mai a, Lalpa chuan iau i duh duhdanin he Lalinah hian ka rorelna hnialin i awm ang maw ka duh chuan tunah hian ilu kha ka lak tir nghal thei tih hria ang che an ti a, Sangluaia lah a diknaah chuan anunna chan dawn mahse tang tlat mi ani si a, I duh chuan ka lu chu ila thei alawm, mahse ka dikloh na nilovah chuan tuman ka lu an la hauh lovang tia Lalin chhuahsan a tum lai chu Lalpa chuan that nghal rawh u Lal zahna pawh neilo rukruk hmang alo ti tuarh mai a, Rochila leh Laiveta chu tho nghalin, Sangluaia'n leikapui a pen chhuak tur chu Rochila chuan a zuan let thla tawp mai a, Lal tualzawlah chuan an in elh ta ngat ngat mai a, chutia an in elh lai chuan Laiveta chuan Sangluaia hnunglam atang chuan alu ah thing banpuam tha leng lawng hian a rawn hlap pawp mai a,Sangluaia pawhin a tha a thlah nghal zawt mai a, chumai chu duhtawk lovin, alu dup vek khawP chuan a hlap ta hrep mai a, Sangluaia pa zaidam leh nunnem, mi pawisawi ngailo, mite tanpui peih em em mai, chu Laiveta leh Rochila suahsualna avang chuan famkhua alawi ta, Thangtean ahriat hunah engtin tak ti ang maw.....
Thangtea chuan engmah la hre ve heklo le, ram lamah sakhi changin daihnai ahrut vel a, mak tak maiin khaw awmdan chu mak tihna riau leh amah ah ţham tu awm tlata hriatna aneia, mahse engah tehvak angai chuang lova, mahse angaih lam lam te chu atha lo angreng viau a, a thiante pahnih pawh an thinrim in an thianpa awmloh laia chutiang ang an tawng chu an rilru adam thei ngang lo, Laiveta leh Rochila thiltih vek anih an ring deuh vek a, a chhan chu Laiveta leh Rochila hian Thangtea hi an er em em mai ani tih hi an hriat deuh fur vang ani, Thangtea ko tur in leh apute hrilh tur chuan Saimawia leh Khawliana pawh Thangtea pa boral tukah chuan zingkarah chhuakin an kal vang vang a, lamte ahlat tham deuh avangin kal pawh an kal chak hle mai a, Thangtea nu pawh chutia an pa dawta puha an that zui chu a rilru ana in hrehawm a ti em em mai a, Thangtea lo haw sela apute khaw lama pem mai chu tha in ahria a....
Saimawia te pawh hmanhmawha kal an ni bawk a, Samthang ram chin ah chuan hahchawlh pahin an thu vang tawh a, reiloteah an thleng tawh mai dawn a, an thu ken chu hrilh hretu nih chu an hreh dun hle mai a, mahse loh theihlohna in anawr miau si a, hreh viau mahse an thianpa chuan ahriat tho tho dawn avangin tlang taka hrilh pawp chu thain an hre ta zawk a, rei tak pawh chawl lo chuan an kal leh nghal a, khua pawh alo lang iarh tawh a, reiloteah khaw kawtchhuah pawh an thleng mai reng a, chutia mikhual tlangval ralthuam famkim nena lo kal ta chu pawi ral an ni emaw ti tawk an lo awm a, an lo ralkhel hman viau a, an kawngkal te chu mite chuan an en duh hlawm khawp mai a, tite nge ni ang aw, enge an rawn tih dawn tih chu an lo inzawt ve nak nak hlawm a.....
Lalin an thlen chuan luh an han dil a, tlangaupa chuan khawi khua nge an nih te an zawt a, Tlanglam atanga lo kal an nih te an sawi zawh chuan Tlanglam khua chu Thangtea vang chuan an lo hre nasa maia, khual tha thlena lo thlengin lo lut rawh u lo lut rawh u, eng thli chhia in nge rawn chhem lut ve ta hlawl mai cheu a, tiin an Lalpa chuan an zawt a, Saimawia chuan aw then kharh kharh pah chuan nie hei thil sawi nuam tak phei zawng ani hauh lova, kan thianpa Thangtea lo zin ko tura lo kal kan nia an tih chuan, Thangtea pu chu phawk deuh hra a lo mengin, englam thu ah nge ni ta ngai a, lam ahlat nen apawimawh viau aniang maw tiin alo zawt veleh a, Saimawia vek chuan nie pawimaWh khawp mai zep thu cheng lose, tiin Thangtea te chhungkaw chanchin chu a hrilh ta vek mai a, Upa min Khawtinkaia chu tho nghal at in, ka makpa kha chutiang ang mi anilo, aphenah thil awm a awm em tiin an zawt a, Khawliana chuan Laiveta an upa fapa nena an boruak te, an khua in infiamna an buatsaih dan te leh an khawbuanchak ahneh dan te, chuta tanga rawn irh chhuak nia an ngaih thu te chu asawi a, amah that tu te pawh Laiveta leh Rochila ngei an nih thu an sawi phei vhuan Lal leh khawnbawlte pawh chuan thil awmzia an man thiam uarh uarh a, Thangtea pu chuan vaibel seh ri bap bap chung chuan ka nau i thihna hi athlawnin ka luanral tir hauh lovang, tiin Lalpa chu an melh zauh a, Lalpa chuan hetianga kan makpa chunga rilru chhia pute chu kan chunga rilru chhia pu an ni, kan ngawi liam mai mai lo vang, a tul anih leh an khua pawh kan mit thak anga ani mai a lo ti ve bawk a, mahse , Thangtea hi lo haw phawt sela ro kan rel tha dawn nia an ti ta a....Saimawia te pawh upa min khawtinkaia inlamah in nghat in an hah chawl hrih a,Lal fanu pawh chuan Thangtea te boruak chu apa te thusawi atanga lo hre ve in pawi a ti em em mai a, Thangtea chu akhawngaih em em mai a, arukin amittui te chu alo hru ru leh zauh thin a...
Thangtea ramvak pawh sakhi pachal rawn paw bahlatin in lam pan chuan a rawn kal phei nghauh nghauh mai a, in a rawn thlen chuan a tumloh deuhin a thiante pahnih an hmu thut chu mak a ti hle mai a, engvang nge tiin an zawt a, Saimawia chuan khawi i sa kah chu puah phawt ang, nakinah kan sawi dawn nia tiin Thangtea sakhi kah chu an thian thum chuaN an puah mawlh mawlh a, karlovah an zo mai a, an insilfai zawh hnu chuan sakhi sa chu ur pahin an thu bial laih a, muk fe hian Saimawia chuan apa chanchin chu a sawi ta a, a sawi zo chiah chu Thangtea mitmeng nelawm sarh chu a rawn inthlak nghal a, anih chuan ka pu lo haw sela engtin nge ro a rel dawn ni, zaninah hian haw nghal rum rum mai ka duh a, ka pa chunga chet thawhtute chu ka zuah hauh lovang le a ti charh charh a....
Tlai lamah chuan apu pawh Lalin lam atang chuan alo haw phei a, Thangtea chuan apu lo thlen veleh chuan ka pu kan boruak chu ihre tawh thoin ka ring a, enge i ngaihdan le, zanin lamah te hian haw mai thain ka hria a, an tih chuan apu chu nie hei Lalin lamah ka lo hre tawh a, hetianga in itsikna avanga kan nau chunga thihna thlenghi kei pawh ka ngawi mai mai bik dawn lova, kan Lalpa pawh ngawi bik in ka ring lova, chuvang chuan i rualin tlangval ho in an zui che anga, a tul anih chuan leido nei khua pawh kan ni mai ta lawng an tih chuan, Thangtea chuan ni rihlove ka pu tunah rih chuan keimah ka va haw phawt anga, abul ber pawh keimah ka ni a, chuvang chuan keimah hi ka va haw phawt anga, thil awmdan azirin nangni pawh in tel loh theihloh na hun ala awm zawk ang, chutih hunah chuan min kalsan lo turin ka ngen duh zaWk che ani an ti dap dap a, Pu Khawtinkaia chuan a tupa chu hetiang ang boruakah pawh rilru fim tak puin, fel takin thil a ti thlap thlap a, engkim angaihtuah kim hi a ti khawp a, a rukte chuan alo chhuang em em a, mi thenkhatte chu nise hetiang boruak ah chuan thil tih buan buan hi a awl hle dawn in ahria a, amah taK pawh chuan a tupa chu tluklo a in ti hle mai a, Pu Khawtinkaia chuan nie Thangte engpawh nisela zanina chhuah chuk chuk chu tha viau mahsela, azan tawh angreng sia naktuk zingah chhuak ta zawK mai ula, zaninah Lalpa ngaihdan te pawh ka lo la leh phawt anga, i ngaihdan te pawh kha ka lo sawipui leh phawt dawn nia tiin chaw eite an peih takah chuan an ei ta a...
Samthang Lal leh khawnbawlte hian Thangtea hi an ngaina em em a, mi inngaitlawm tak, dik em em si, tawng tam silo, huaisen bawk si, an khua tiraltitu lak ata chhanchhuak tu ni bawk si chu an khaw mi leh sa ang maiin an ngaiin an en a, a pu khawnbawl upa min ber alo ni lehzel nen, khaw mite pawhin an en hrang lo reng a, chuvang chuan Lalpa pawh hian a khuate anga ngaiin, akhuate chunga diklo taka thiltitu chu an phutawk hremna pek chu a tum em em a, mahse amah Thangtea zawkin amah haw phawta a boruak azirin, kal chhuah tha a tih zawk avangin leh an chhungkua avanga khua leh khua in hmelmak chu a duh bik loh vang ani...Lalpa chuan chutianga amah maia kal chu alo remti bik hauh lo mai a, chutianga amah mai kal tir chu ka remti hleinem, tlangval chak tha panga talin an zui tur ani, a tul anih leh an khua nuai chimit turin a pui anawiin kan thawk chhuak mai ta lawng, ani lawmni Pu Khawtinkai an ti a, ani pawh chuan ni mai e hetiang ang rel fel theilo Lal te chu Lal tlak pawh anih nek loh chu tiin an Lalpa finzia leh fel zia chu an khak tel zauh a,Lalpa lah alo lawm em em mai a, Lalpa chuan anih chuan Thangtea chu tlangval panga in zui sela, chuan hei ka silai hi keng tel bawk rawh se tiin Pu khawtinkaia chu Lalpa chuan Thangtea tan abanglaia silai chu ape tel a, ahma khan a laksak duh tawhlo kha ani a, mahse tunah chuan Lalpa silai ngei hian rorelna dik chu han pe rawh u a tihna ang deuh ani.
Thangtea te pawh vartianah thovin, an Lalpa silai pek pawh keng telin, a thianpa Khawlianan silai aneih veloh avangin pakhat chu ape ve a, a thianpa pawh alawm hle mai, haw tur chuan an insiam mawlh mawlh a, an thian thum chauh emaw an nih dawn tih nak alaiin kawtchhuah ah chuan tlangval pasarih ngawt mai chuan an lo nghak a, Lalpa khan panga a ti nangin pu Khawtinkaian pahnih alo ruat belh leh chu niin, Thangtea chuan apu chu va mitmeiin, hei enge awmzia an ti a, apu chuan Thangte heng ho hian an zui che anga, a tul hun apianga che tura Lalpa lo tirh anih kha a tih chuan Thangtea chu ner deuh sak chung chuan ka pu angai hleinem an ti tak na a, tlangval ho zwk chuan kal an lo tum ruh nasa mai si nen an inzui chhuak ta nge nge a....
Darzo lam pawhin Thangtea te chhungkaw chunga thil thleng chu lo hria in, an Lalpa chuan chutiang anih chuan an tan Tlanglam khua a awm reng pawh anuam dawn lova, hetilamah an duh phawt chuan an tan hmun a awm reng ani tih thu hrilh turin lamkal a tir hial ani, Thangtea te chu hmanhmawh tala kal chhuak an ni bawk a, zan lam pawh an kal ngat ngat a, nikhatah chhin khat vel bak an chhing lo tluk ani, chutiang anga hmanhmawha kal ta chu thlen pawh an thleng hma hle mai a, an chhuah atanga ni linaah chuan akhua alo tih ve thin Tlanglam khaw kawtchhuah ah chuan an ding vang tawh a, rei chawllovin an kal leh nghal a, Thangtea te in an thleng chu Thangtea nu in alo hmuh chuan alo tah hawm hawm mai a, a tap thawm hria thenawm khawvengte pawh an lo tlan khawm ţak ţak a, chutia Thangtean mikhual tlangval lian tha thelh thawlh pasarih lai mai a rawn hruai haw te chuan an khaw boruak chu a ti sosang in engemaw lo hlau tawk lah bo lo, a awm ve reng bawk ani, mahni pate thiltih diklo ni miah lovah thihna hial an tuar ta si ale, enge thleng zel dawn hriat ni hek suh....
Thangtea chu Laiveta te in lamah chuan kal chho nghalin, a thiante ho pawh chuan an rawn thlawp ve nghal zat a, Laiveta te in an thlen chuan pawn atang chuan Laivet lo chhuak teh tih thawm hriat chu tu aw nge ahrechiang ngang mai le, in mal beih ah chuan a hneh ngai dawn lo tih ahre chiang si, chhuak mai ngam bik heklo, Thangtea te lah ralthuam famkim nen an ding khup mai si, Thangtea vek chuan Laivet rawn chhuak ta che, i dik anih chuan i dikna te chu rawn sawi ta che, nge nia ka rawn luhkhung dawn che a ti chhek chhek tawh mai si, Laiveta chuan apa lalin kal chu alo haw har a ti tawh hle mai a, chutia khawnbawl ina thawm awm ta chu mipui pawh an rawn pung chak hle mai a, Rochila erawh chutiang thawm a hriat takah chuan alo relhru bo hman daih mai a,khawnge a awm tih chu nakinah kan la hria ang chu...
Laivet i dik anih chuan rawn chhuak rawh tihnat tum chea lo kal ka nilo, mahse dawt i sawi anih erawh chuan ka pa phuba chu ka la mawlh ang, rawn chhuak rawh an ti leh tuarh mai a, Laiveta chuan rawn chhuah a tum tak loh ah chuan Thangtea thin a rim ve ta aniang, an kawngkhar chu nem pawh nem tawlh lo chuan an phih thla thuai mai a, chutih lai chuan Lal leh khawnbawlte pawhin thawm hria in Laiveta te in chu an rawn thleng ve chiah a, Lalpa chuan nangkha ipa vanga khatiang thil ti inih chuan tawp nghal rawh a rawn ti tuarh mai a, Thangtea chuan abenglhawn lemlo, a tum chu a ti tlang dawn tih a thiltih ah chuan alang reng, chuveleh Laiveta pa chuan ka in chhung pawh zah lova hetianga rawn che hi that nghal rawh u an ti tuarh mai a, chu veleh Saimawia leh Khawliana bakah midang tlangval lian tha thelh thawlh pasarih lai mai chu Thangtea hmaah chuan an ding thap mai a, chuveleh Lalpa chuan that vek rawh u an ti leh tuarh mai a...
Mahse hmanraw keng an awm mai bik loh avang chuan an bawh mai bik ngam lova, athiante venna hnuaiah Thangtea chuan Laiveta chu a pan chhek chhek mai a, Laiveta chu akaw tawpa ţang tih takah chem alo hum ran a, Thangtea ahmuh veleh chuan a thinrimna chu puakkeh ve in a tumloh deuh thil chu asawi palh ta, nangpawh hi kan that nghal law law teh ang che, ipa chu zui ve nghal rawh, nang hi ka huatna che a rei tawh lutuk, i chhungkua hi ka that mang vek dawn an tih chuan pawn lama lo awm te leh Lalpa leh khawnbawlte pawh chuan thilawmzia man thiam nghalin, ro an rel sual ani tih chu an hre thuai a, mahse a tlai zo ta, Thangtea thinrimna chuan van a tawngta, chutiang ang em ema thinrim ala nei ngailo, Laiveta chu tet lai tang pawha infiam ve lutuk ngailo, insual phei chu ti ngailo ang tluk anih avangin zei pawh azeilo hle a, mahse Thangtea ahuat em avang in hetia ti ta mai hi ani, Laivet chu lo tlan pheiin, Thangtea nghawng rawn chhawk hmawk mai chu a tum a, mahse Thangtea chuan awlsam tea a bana lo manin, chhuatah chuan an keuhthlu dawp mai a, ahmaiah chuan na lua aWm lo chuan ahnek ri no chawk chawk mai a, Lal leh upa te chuan thelh in, Lal in lamah rorel turin an inkai phei a, Lalmual ah chuan Lalpa chuan Laivet ahma khan in thi a ruk iti si a, engvanga Thangtea bula khatiang sawi leh si nge inih an tih chuan a thil lo sawi pawh athinrim em avang chuan alo hre leh tawh lo va, mahse apawi zota, loh theih loh chuan a in puangta a, chuveleh Saimawia thin tertek a chhuak leh, tuma dan hman loha chak chuan Laiveta lamah chuan a tlan phei a, mipui pawh an lo e dual mai a, vaivut khu rum rum karah chuan Laiveta lubung rawn lum chhuak nawlh chuan enge ava tih chu ahril chiang viau ani...
Thangtea chuan khawnge Laiveta thurualpui Rochila chu aN ti tuarh mai a, engkhaw sawi set set lo chuan Rochila te inlam chu a pan leh ta chhek chhek mai a, Rochila te ina thlen chuan Rochila chu a awm tawh loh thu leh amah ahlauh avanga khua a chhuahsan tawh thu an lo sawi takah chuan inlam pan chuan an haw ta hrih a, Thangtea chuan anu chu hnem mawlh mawlhin, an thenawm tha te ho chuan Thangtea te thian ho chu an rawn chibai nak nak hlawm a, an thian khualval te chu Khawliana te in ah leh Saimawia te inah chuan an sem darh hlawm a.....
Zan lamah chuan an Lalpa chuan Thangtea pa chunga ro an rel sual avanga thupha chawi turin Thangtea chu ako va, mahse Thangtea chuan tuna thupha chawi hian awmzia a neilo, k pa nunna kan mei kir leh dawn pawh ni hleilo, engvangin nge a tir ah dik taka ro in rel loh tiin Lalin pawh akal duh ta lova, amawh love Lal khawnbawl fapa nih avanga pawngpaw tan ngawt kha tumahin an thiam thlawt lo ani, chuta tang chuan an khua pawh khaw nuam ni thin kha, khaw awm hrehawm alo ni zo ta....
Thangtea nu chuan hetiang ipa chunga diklo taka rorel tute bula awm reng chu leizawNg ka thei ngang lo, ipu te khiaah kan pem mai dawn em ni tia anuin a rawn chuan Thangtea pawh chuan alo chak sakhai zawk bawk nen, apute khua a pem tur chuan an inbuatsaih ta a, Saimawia leh Khawliana erawh chuan an hreh em em mai a, mahse an boruak tawnin zir miau hek lo le...
Chutih lai mek chuan Lungrang lam pawh Thangtea an khua ahaw tih an hriat avang in Tlanglam khua chu runa chimih thak tum chuan an lo inbuatsaih nasa mai alo ni a, Lungrang Lalpa chuan a nau Lalna Ruantlang khua chu lo va pun bawkin Thangtea leh a awmna khua chu chimih thak an tum hma an lo la mek bawk a, engtin nge Thangtea hi an that em chu kan la hria ang chu......
Episode 13...
Thangtea nu chuan an lo seilenna leh ka khua tia asawina thin ah ngei mai chuan diklo taka apasal dawta puha thihna hial an chunga a thleng chu a tuar thiamlo hle mai a, Tlanglam chu ka khua lo ti thin mahse nitin rilru natna tur a hmu in ahre dawn si a, an lalpa phei chu a rorel dan avang chuan a rorelna hnuaia awmloh chu a duh ber tawh a, chuvang chuan apute khua Samthang khua a pem mai chu tha zawka an hriat avang chuan remchang hmasa bera pem tur chuan an in buatsaih ta a...karkhat aliam leh meuh chuan an inpeih thawkhat tawh bawk a, Lalpa pawh hrilh lem lo chuan kal mai tha an tih avang chuan an insiam sauh sauh a, thenawmtha tak tak leh Thangtea thiante pahnih te chauhin Thangtea te hi an pem dawn tih an hria a, Saimawia phei chu alungngai em em mai a, tet te atanga lo inzui chho an ni bawk a, engpawh ti dawn se an inzui chawt zel kha ania, chutiang bawkin Khawliana pawh a rilru tak chuan ahuphurh ve tho mai, la inzui reilo hle mahse an inpwh in an inkawm chinah ringawt pawh anun akhawih danglam nasat zia te a ngaihtuah a, fahrah mai mah nise enhrang miah lova kawm ve duh tute an ni a,chungte avang chuan ani pawh ruk in alo huphurh hle mai a....
An kal hma zan chuan an thian thum chuan inhmu khawm lehin, Thangtea te leikapui ah chuan thuin, tawng zai rel thei pawh an awm lo, ngawi rengin an rilru an kawm mawlh mawlh hlawm a, Saimawia chuan bul rawn tanin Thangte khawihmunah pawh awm ila, engpawh ti ila, kan inhrereng ang a, harsatlai leh mangan lai te, hlimni leh lawmni te pawh kan la tawng ngei ang, chutiang hun alo thlen hunah pawh chuan min han theihnghilh lola, i tan chuan khawihmun pawh kal ngai dawn se, engpawh tih ngai dawn mahse keini chu kan tlan chhe ngai dawn hauh lo ania, chutiang ang chuan keinipawhin engpawh tawk ila ikiangah kan lo tlulut thin dawn ania, khawhrana awm tih vang khan min lo chhawn tha duhlo kher lola aw tiin an fiam zauh pah a, Thangtea pawh kiai suk chung chuan nie ka la mamawh dawn chauh cheu a, in tellova nun hman pawh ka la inzir angai dawn viau a, mahse zir zawh tik ni ka nei thei ngai hian ka ringlo ani, in tello va khual chan changa, mahnia hringnun ka hmachhawn tawh tur hi engtianga hrehawm nge anih chu kan inkalsan hma hauh hian ka hre der tawh a, kan kal hunah phei chuan engtin nge ni ang le a rawn ti ve dap dap a, Khawliana pawh chuan nie engpawh nisela keini pawh kan lola pem ve thut mai thei asin an tih chuan Thangtea chuan lo kal ve daih ula tiin alo nui var var mai a.....tlangval ni tawhin miten Pasaltha tiin ko mahsela zanin zet zawng an naupang tha leh hi ani ringawt.....
Zan lama inkhung fel vek an ni bawk a, an phur tur theuh te phurin Saimawia leh Khawliana te pawhin thlah pah a Samthang thlenga zui ve chu an tum a, zing vartianah thenawmtha te nen mangtha dam takin ti chungin an in vai liam ta a, Samthang tlangval pasarih te nen an ni bawk a, an in keng kim thawkhat thei viau a, hmanhmawh lutuk lo chuan an kal chhuak ta a,nakinah chuan Thangtea chuan an khaw lan theihna atang chuan ka khua tia alo chhal thin chu a thlir a, a rilru chu ana thar vawng vawng mai a, Lalmuala bungkung lianpui hnuaia perhpawng an vihkhalh na lai hmun te chu angai tein alo la awm a, bung kungpawh a dinna ngaiah alo la ding a, tuikhur luia an chakai chhit apianga an chawlhna herhse kung pawh adin ngaiin alola ding reng a, naupang ho nitin infiama an tawlhna vengchhak tlangbawk fai thla hun mai te pawh chu alang iarh mai a, vengchhak a tangin a thlir thla zel a, apian na in lehlo, ka in tia alo sawi thin an hmu leh chiah chu tlangval pawh aval thei talo, amittui chu dan ruallohvin abiangah chuan a rawn luang thla ngiai ngiai a..mittui tling pam chung chuan apa an zalhna hmun khawhar lam chu hawiin ka Pa mangtha le a ti sap a....
Saimawia chuan Thangtea dara va ben pah chuan thianpa kal tawh ila, arawn tih chuan aharh zawk mai a, e thiante u min ngaidam teh u, ngaihtuah loh loh ka lo ngaihtuah alawm male tiin thupha te chu an chawi leh hnuhnawh a, kal tur chuan an in siam leh ta a, chutia Thangtea te chhungkua an kal chhuah hnu chuan khua ah chuan Thangtea te chhungkaw pem thu chu athang chhuak rang hle mai a, Lalpa beng pawh thlengin engmah hrilh lova an kal mai chu pawi a ti in a inthiam thei ngang lo, a thiltihsual ah amahin ngaihdam dilna hun pawh neilova hetianga an kal mai chu hriatthiam har a ti ve hle mai a, a khaw daingul leh chhuanvawr Thangtea chu a ui vawng vawng mai a, vawin ah aiin nakinah apawimawh zia ala hre chiang tulh tulh dawn chauh ani....vawikhat tihzual hi apawi em ani....chuvang chuan i zuan hmain i zuanna tur en rawh....
Thangtea te pawh khaw karah zan sarih zet an riah hnu ah Samthang khaw kawt chhuah ah chuan chawlin an thu far mai a, thlan te adaih hnu chuan kal zai te rel leh in, Lal in lam pan chuan an kal chho leh ta a, chutia bungrua nena rawn inphur bawr luk mai an han hmuh chuan khawilam atanga rawn pem tur nge aw an lo ti nak nak hlawm a, naupang ho lah chuan an lo zui luih luih mai bawk a, Lalin an thlen chuan luh an han dil a, tlangaupa chuan Thangtea an hmuh chuan e Thangte nangni in ni maw an tih chuan apu khawtinkaia chu lo chhuak nghalin, thil awmzia tur chu alo man thiam mai a, apu chuan lo lut rawh u lo lut rawh u tiin alo ko thuai a, an thutfel hnu chuan Boruak inhre lawk an ni bawk nen thil tam inzawt lo chuan apu Khawtinlaia te in lamah chuan an liam phei ta vat zawk a,Lalpa pawhin akhua ah Pasaltha akhaw daingul tur lo pem ta chu alo lawm em em a, Lalfanu chu apa ai mah chuan Thangtea te rawn pem chu alo lawm a, a ruk chuan alo khi leh vur vur thin a, chik taka amh en tu awm ngat se chuan henu chu at chang nei anih dawn hi an ti hial in ka ring, Lalpa chuan in tur pawh Lal mualah ngei niin, Lalin hlat lo teah in awm dawn nia a tih lai te chuan ahnuk hi alo ulh teuh mai a, chung induhsakna thil Thangtea nuin abeisei phakloh an hria chu alawm hle mai a, lawmthute an inhrilh zawh hnu chuan Pu Khawtinkaia te inlamah chuan an phei ta a, apute in lama an phur te an indah fel zawh hnu reilo te ah chuan Tlangau pawh lo au nghalin, pem thar an neih thu leh pemthar te in sak hnatlang pawh naktuk atanga tan tur anih thu te a rawn au lauh lauh a, Thangtea nu chuan a u khawtinkaia hnenah chuan lawmthu te sawiin, an Lalpa in alo dawnsawn dan pawh lawmawm a tih thu asawi mawlh mawlh a....
Thangtea te pawh an intharah chuan karkhat dawn an awm ve ta reng mai a, a thiante pahnih nen thawm ngai lai apiang te thawm tha in, in tha tak leh pangngai tak an nei ta reng mai a, in tha tak nei tawh mahsela a thiante erawh an awm ve reng thei silo, haw lam an hnaih tawh bawk nen Thangtea chu alung hi aleng em em mai a, an haw hun mawlh chu ahuphurh mai a, khuahmuna awm ho tawhlo na na na chu dam takin mangtha tawn leh hma zawng tih a tul si thin anih hi, Saimawia pawh an cham chhungin Lalfanu thiannu Rampari nena lo inhmelduh in suihtungturut nilovin suihtak ngatin rinawmna biahthu an lo in hlan ve a, lungleng fe fe chu an awm dawn anih hmel, an haw dawn zan chuan Lalfanu(mampuii tiin kan ziak zel tawh ang) nen Rampari nen, Rampari thiannu Samthang nula hmeltha an sawi apianga ahming an lam rik tel ve ziah mawipuii nen Rampari te inah inlawm khawmin chumi zan chu an thianpa Saimawia leh Rampari te tan hna an thawk a, chumi phenah Mampuii lahin Thangtea ahmuh theih phah bawk nen chumi zan chu an hlim em em rualin mi thenkhat tan chuan chu zan chu ral lo mai se an ti ngei ang le....tlaimah var ila kan inning chuang longe suihlung aleng sei thlawn e tih hla te kha hetih hun lai hian awm sela chuan an nawn awn awn ngei ang, chutia inkhamlo taka tudang ngailo tea suihlung an rual lai chuan leng hawn ar chuan thenna dar chu a rawn vaw ta rup mai a, Thangtea te thian ho pawh haw ve in, a tuka Saimawia te haw tur pawh thlah tura in tiam in, inthenna ni lo herchhuak tur chu huphurh tak chung chuan an inthlah ta a....
Saimawia te pawhin an khua an thlen atangin kar hnih alo liam leh tep tawh mai, Khawliana hnenah chuan remchang hmasa berah Thianpa kan va tlawh dawn nia tiin Rampari leh Mawipuii te chanchin zep chho zelin palai tirh vat a duh thu te chu a sawi luam a, mahse enge an tawh dawn hre lawk bik hek lo le, Lungrang tlangval leh Ruantlang tlangval mi zahnih rual vel zet chu Thangtea thah a, an khua Tlanglam khua pawh nuai chimit vek tura rawn thawk chhuakin an ri hulh hulh mai a, Thangtea that theitu apiang hnenah Lungrang Lalpa chuan a darbu alo tawktarh bawk nen Thangtea thah chu an tum ber ani vek mai a, Tlanglam khaw ram chin ah chuan Lungrang val upa te leh Ruantlang valupa chu rorelin an thu thap a, rei fe hnuah chuan Lungrang valupa chuan ring leng lawng hian kan tum khua chu lan hma lawkah khian a aWm a, kan chesual tur anilo, tunah hian kan kal anga, khaw dai hmun remchangah khua kan nghak thim anga, zanlai ar khuan veleh khua kan lut ang, zawlbuk kan hual nghal anga, inthendarh lovin ahuho zelin kan bei ang, khua kan luh hunah Ruantlang Pasaltha Vunglaian hma ahruaia anga, abak chu kan hun tawn azir zelin kan inhrilh dawn nia, tumah zuah loh tur, an vaiin chimih vek tur ani ang an tih chuan thawm dim ngaihna hmun la ni heklo le, an au hluah hluah mai a, val upa chuan ikal ang ule an tih chuan an kal chhuak ta thliai thliai a...
Lungrang val rual leh Ruantlang val rual te chuan Tlanglam khaw dai ah chuan khua nghak thimin zanlai arkhuan hun nghakin an thu nghuk tawh a, Tlanglam khua erawh enge an tawn dawn hre miah lo chuan a tu a pawh chu thlamuang em em vek mai a, Saimawia pawh Khawliana nu damlo nat zual avang chuan zawlbuk pawh riak lo chuan a thianpa Khawliana nen chuan Khawliana te inlamah anu damlo chu an vil rawt a, an damlo awmpui ber amuthilh takah chuan an ni thiandun pawh mutzai an rel ve ta a, tuibur hmuamda vel bak an la mu hman lovang tih ah chuan silai chu apuak ta thuai thuai mai a, veng hmawr atang chuan ral ral ral tia au chuan a chhunzawm nghal a, Tlanglam tlangval zawlbuka riak ho chan pawh a chau kher mai dam chhuak pawh an tlem kher mai, chutia mi inringlo lai bei ta chu ahneh pawh an hneh biai biai khawp mai, Saimawia leh Khawliana pawh silai rik veleh anu damlo chu kawmthlang lamah chuan an suan thla a, Khawliana chuan ka nu tikhan lo awm la, kan rawn let leh vat ang tiin tlan a rual ta nghal a, asilai leh chem chu lain, Saimawia pawhin silai leh chem alo va la ve bawk a, lungrang ho chuan tumah reng reng chu an dimlova, an hmuh hmasak apiang mai chu an thal tawp tawp mai a, Lalin an thlen hmaa dan angai ani tih hria in, Saimawia chuan inhnuai lam zelah kalin lehlamah Khawliana pawh inhnuai zel panin inhnuai atang chuan an hmuh theih ang apiang chu an sai thlu ve nghauh nghauh mai a, an rawn kah let ve lahin an an lo awmsawn leh hman daih zel a, indang an thlen veleh an kap leh thin a, chutiang hlira reife mai an chaih hnu chuan hmelma lam pawh an kam ve hman viau mai, mahse hmelma lam ten Lalin an thleng hmasa tlat mai, tihngaihna avang ta hle mai, Lalpa chu Lungrang valupa chuan anghawnga chemtuma tinin leihkapui ah chuan a rawn din chhuahpui a, khawnge i pasaltha Thang hmelchhia a chu idah an ti tuarh mai a, Lalpa chuan
he khua ah hian a awm tawhlo, mahse hetianga in chetna hi ahriat chuan in chan erawh a chhe viau chuan ka ring tih thu an hriat chuan Lalpa chu abekah chuan a hnek bur mai a, khawlamah i pasaltha dawihzep chu alo tlanbo hman a, mi inringlo lai chauh bei ngam pasaltha chu khawiah maw a kal an ti leh tun tun a, Lalpa chu angawi reng a, a rilru chuan Thangtea a lam mawlh mawlh mai a, an chhungkaw chunga ro alo rel dikloh te chu inchhir teh mahse a sawt silo....
Lungrang val upa chuan mipui la dam awm ang ang te chu khawm tur chuan an ti a, rin ai tak chuan an lo la tam a, zawlbuk riak tlangvalte erawh hmun thuma thena hmun hnih lai mai chu hmelma kutah an boral a, chutia mipui an lo punkhawm takah chuan valupa chuan aN Lalfapa dawt phuah chawp ngial ngan chu rawn sawi in...zanin ah hian pasaltha tia inchhal Khawtinthanga, hnunglama mi beih ching lu la tura lo kal kan ni a, pasaltha dawihzep lutuk alo tlanbo hman hlauh a, khawihmunah pawh awm se kan zawngchhuak anga alu kan la tho ang, in pasaltha Thangtea khan kan Lalfapa leh pasaltha pahnih te chu hnunglama beiin kan pasaltha pahnih chu an hnunglam a tangin a that a, chumi phuba chu la tura rawn thawk chhuak kan ni an tih chuan mipui te chu an phun mur mur mai a, athen chuan an awih lo hle a, a then erawh chuan alo va mak ve an ti bawk a, mahse thudik hretu Saimawia leh Khawliana an la awm, mahse an tan chet ala rem hrih lo tlat, Lungrang valupa vek chuan kan duh ber a awm tak loh ah chuan kan Lalpa thu angin in Lalpa lu hi kan hawn mai aniang chu tia Lalpa lu chu han chhawk hmawk mai a tum chu silai alo puak eng zawk maia, Lalpa sah tumtu Lungrang val upa chu leiah a tlu thlawrh a, biak tur a awm zui tawhlo, chu veleh Ruantlang pasaltha vunglaia chuan Lalpa chu a chem chuan a rawn chuktuah nghal a, tunge tiin an au tuarh tuarh mai a, i cho anih chuan khati lai atanga min bei lo khan Ruantlang Pasaltha Vunglaia hi min rawn hmachhawn ta che tiin a au ta tuarh tuarh mai a, Saimawia chu silai tin kawh vah chung chuan heta hi ral leh sa hma a tlan ngailoPasaltha Saimawia ka awm e, i ngam ngam ka cho e tiin avawikhat nan ahming a chham chhuak ve ta, ihma chiah a mi ang bawka dawt phuahchawp vanga heti laia i nun atawp mai tur chu i va pamhmai lua em an ti let ve sak mai a, Vunglaian chuti tak maia amah tawngkhumtu a tawng chu a thinrim hle mai a, nauva i ngam anih phawt chuan lo kal rawh, i chak zawk chuan keini pawhin lan bei zui lovang cheu, mahse i chaklo anih erawh chuan in Lalpa lu khian kan sahlam amawi ang an ti ram hmak a, Saimawia chuan i theihloh tur thil sawi lovin itheih turthil zawi dan ka lo hrilh ang che tiin silai chu a dahthla a, a chem chu phawrhin a hum ta ran mai a,..
Khawliana pawhin silai tin kawh vahin chet thawh tum an awm leh awmloh chu lo en in alo veng ran bawk a, Vunglaian chu thu an hre leh lek phei chu tenawm khawpin a thinrim tawh a, a thinrim lutuk engmah ngaihtuah tawh hek lo, Lalpa avawnna chu thlpahin Lal tual zawlah chuan a zuang thla nghal zat a, kha nauva lo inring rawh Vunglaia hmaah hian tumah damin an chhuak ngailo tia au chungin a rawn tlan phei a, a chem chu a rawn vilik phei fua fua mai a, Saimawia chuan a chet dan chu uluk taka lo thlirin alo chik reng a, a veikhawr tih thleng chuan alo chhut hman vek mai a, vunglaia chuan Saimawia chu a nghawnga rawn chhawk zaWk tum chuan a rawm vai tle zawr mai a, saimawia chu lo kun hniamin alo lumsawn thuai a, vunglaia chuan a tum a thelh tih ahriat ruala rawn inher nghalin, a rawn bawh chilh leh ta hmiah hmiah mai a, chem in khak ri rawp rawp karah chuan tisa sat fuh ri chuan a pawlh leh zauh thin a, khua pawh alo eng tan chho tawh bawk a nen, Saimawia te insualnaah chuan thisen pawh a baw nuaih tawh mai a, a tu ave ve pawh chu himdam an awm tawh lo, Saimawia zawk chu a rawn hlawm phei nawlh mai a, Vunglaia chuan tho ta che tihpaha rawn pan phei lehin, in zo fel law law teh ang tiin a nghawnga rawn chhawk zawk chu a tum a, mahse tlangval thalai tan chauhpui na tham hliam ala neilo tlat, Saimawia chuan Thangtea nena an lo zir thin tawh ang chuan lo kun hniam zauh in vunglaia pum ah chuan an hrut phei hrawih mai a, a ril te chu a uai hnuang mai a, insual thei chi zia zang ani tawh lo, vunglaia chuan nauva han zo fel law law ta che tiin thei leh theilo chuan alo melh tawk tawk a......
Saimawian vunglaia lu lak tuma akal phei lai chuan lungrang lampang chuan thawkleh khatah tunah tiin an rawn bawh ta huk mai a, Khawliana tan pawh silai hmehna hun tha awm bik tawh heklo chem nen chuan a tlan phei ta a, chutia hmelma lam ten fin phakar chhuah a an rawn bawh leh tak hukah chuan Tlanglam lam pawh lo inring ve hman tawh hek le, a dam awm chhun chhun te chu an han insam miah miah mai a, chem inkhak ri kara thi tur thaw ri hrawk hrawk te leh, ruh tliak ri rawp rawp thawm nen, engmah pawisak mei tawhlo, khawliana an che tak tak mai chu amah apalian in a chak si a, hmelma lam chu an kiam duh duak duak ngei mai, nakinah chuan sawmhnih tha awrh an dam tawh tih ah chuan hmelma lam ami chuan kantlawm e, kan tlawm e a rawn tih takah chuan hmelma lam a dam awmchhunte chu an phuar ta hlawm a, Saimawia pawh thisen ahlauh nasa ve bawk nen a chau hle mai a,mahse thudik sawi tula ahriat avangin Lal leihkapui ah chuan han chhovin, lungrang lalfapa in Samthang Lalfanu a dublo chunga an ruk chhuah thu leh kawng lakah pawh kut te an thlak a,mawilo taka hmeichhe chunga an che lai Thangtea khan ahmu a, hmeichhe awmnem zaWk leh tanpui ngai chu apui ta anih kha, in lalfapa kha hetiang mi ani tih hria se chuan ani pawh kha a lu ala ngeiin ka ring ani, in Lalfapa dawt sawi chu thudik emaw tiin vawiin niah hian in lo kal a, mi pakhat dawt sawi avangin mi heti zatin nunna an chan a, engmah thudik ngaihtuah hmasa lova dawt in rin avangin in lu lak vek hi ka duh hle mai a, mahse in nunna thu chu Kan Lalpa thu thu ani ang chu tiin a chau lutuk chu a thu hnawk mai a, Lalinah chuan zawn lutin engmah ahre zui talo va, bawlpu chuan alo buaipui vat a,a tha leh thuai ang thisen ahlauh hmem deuh vang anih hi a tih talah chuan Lalpa pawh lo ding chhuakin tuna ka pasaltha sawi ang khan thudik chu in hre tawh a, in nunna em chu kan la lovang, mahse in lalfapa chu a thiltih man erawh kan la pe thuai ang, thudik sawi turin tunah hian haw vang vang ula, Tlanglam hawiin in hmanrua reng reng in chawi tawh tur anilo, anih loh chuan kan hmuhna hmun apiangah cheu in lu kan la ang tia i tiamkam tirin an chhuah ta a....

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)