HLAUH NEILO PASALTHA KHAWTINTHANGA Ziaktu. Seraph Pachuau 1- 101

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

Re: HLAUH NEILO PASALTHA KHAWTINTHANGA Ziaktu. Seraph Pachuau 1- 93

Unread post by Ngaia » May 24th, 2019, 7:03 pm

EPISODE 94

Kar tam aliam ve der mai, Hliri pawh in Samthang khua chu abelin ahre chiang ngang tawh a, an samak sa dahna nen lam chuan ahre fai vek tawh a, tukkhat chu tukthuan an ei lai chuan Hliri chuan lal Thangtea hi (ka pa) tiin ako ve mai a, ka pa hei kar tam alo liam ve ta reng mai a, in kiangah chuan ka thla amuang in anuam ka ti in awm reng mai pawh a chakawm a mahse ka nu nen chauhva awm kan ni si a, ka thla pawh amuang tawh bawk nen kan khaw lamah te hian haw zai rel ve tawh mai ila ka ti a tiin inthlahrung tak chuan an sawi a, Lianpuia pek chuan aka alo ang zuau hman a, engmah chu a sawi duh ta lem lova, Thangtea chuan nie hei i kianga awm anuamin ka khua leh tui te rengin an ngaina si che a, min kalsan dawn tih pawh hi kan sawi ngam dawn em ni le an ti hmasa te te a, a sawi zawm leh a kan hnenah hian i duh phawt chuan i duh chen chen i awm thei tih kha theihnghilh lo la, in khua ah ilo haw ta anih pawhin eng tik hun ah pawh ilo kal in min rawn pan thei tih hrereng la, engtik lai pawhin kan lo beisei reng dawn che a, chuvang chuan inthlahrunna tur a awmlo ania alo ti thuai thuai a, Hliri chuan anih chuan ka pa rem itih chuan naktuk mai hian kan khaw lam chu pan mai ila ka ti deuh a, ka mumangah ka nu ka hmu fo mai a, ka ngaih lam lam te pawh athalo deuh tawh a, chin hriatlohin ka bo rei bawk si nen a tih chuan Thangtea chuan nie i tih tlat te chuan keini dan rual ini silova, mahse itih tlat chuan kan tlangvalten in khua thlengin an lo thlah dawn che nia a tih chuan Hliri chuan lawmthu te asawi mawlh mawlh a, a rilru chhungril erawh chuan he khua hi ka pa lalna hnuaia a awm hunah chuan tunge ka nih inla hre ngei ang mahse atlai tawh ang a ti niap niap a....
Lal in hi mi nazawng an leng ngai lova, mahse Samthang khua erawh an lalpa fel em avang chuan a tu amai pawh chuan nuam an tiin an lut chhuak zut reng a, lal fanu pawh an rim ngam ngailo kha anih laiin Samthang lal fanu erawh rimtu anei reng fo thin a, chutiang bawkin Hliri pawh in rimtu anei ve reng mai a, ahaw dawn tih hria a, amah thlah tu tlangval nih chak leh inrim tawpna tur ti chuan lal in dawh belh ah chuan an thu nghuk mai a, chumi zan chu an hlim dar dar kher mai, vengchhak pathlawi fiamthu thiam leh tlangval phanchang fiamthu thiam in an thutchilh meuh chuan Hliri pawh lemchang ani tih intheihnghilh thakin anui thler duaih duaih mai a, hemi zan tluka nuih hnem hi ka pian ahnu lamah ka la nei ngai love a ti chhuak hial reng ani, a tuka haw mai tur anih avang chuan an am tlang kher mai zanlai arkhuang in ahnawt haw hram hlawm a..
Thangtean zana alo sawi lawk ang chuan Lianpuia thianpa Ramliana leh tlangval dang pathum te chuan an chhingkhual lanu chu an khua thleng chuan an va thlah dawn ani, Lianpuia hian thlah a inbeisei nasa hle nachungin Thangtea chuan a remti tlat lova, mawlhtu a awm ani chek ang chu engmah erawh asawi duh lem lova, ahun hmain hmeichhe lakah i chesual ang tih chauhvin Lianpuia chu a chhang a, Lianpuia erawh alung a awilo nasa mai a, mahse apa thu hi vawikhatmah ala hnial ngai lova hnial pawh a tum lo, mahse hun remchangah an khua asawi Pangzawl khua va chuan chhuah a, va zawn chhuah chu a rilruk ran tho a...
A tuk zingah chuan Ramliana leh tlangval dang pathumte chuan Hliri chu an khaw thlenga chhawm turin samthang khua chu an chhuahsan ta a, pathlawi pariat laiin kawtchhuah thlengin an thlah ve nghe nghe ani, an kal liam chu Hliri zuna lo uai ru te chuan Samthang khua chu angui ruai alawm mawle tiin an liamna kawn chu an thkir zui vawng vawng hlawm a...
Hliri te haw zan chuan vengthlang in tawp atangin ahla miah lovang tih turah hian sakei hi a hahum kuk kuk a, mipui pawh an thla abarin tlangval ho pawh khaw tawp zel kual chhuak deuh thaw in an tlaivar zak a, mahse engem thleng lovin a reh ve leh mai a, mahse sakei ahnai tih hria in nula thingphur te pawh mahni maia kal chu ahlauhawm tih hria in an lawmpa te leh thianthate beisei takin an meng no sap hlawm a...
Hliri haw tuk zing tukthuan ei lai chuan Thangtea chuan Lianpuia kalve aphal loh chhan chu tihian a sawi ta a, kan mikhual nu haw dawn zan khan mang mak tak mai ka nei a, chhum dum chhah em em mai chem leh fei inthiat ther fur mai silai in ahual.thup mai karah hian lo kal hi ilo tum a, chu chhumdum chhah pui mai chhungah chuan thil eng tak ni awmtak awmnang hian chhum dum em em pawh chu alo chhun eng suar a, chu thil eng chu lak tuma kal hi ilo tum a, ka lo au vak che a, mahse i lo hre thei miah silova tiin amang chu a sawi ta a, ahaw zana an khaw bula sakei erawh ngaihthatlohna aneih lemloh avangin a sawi lang duh lova, asawi chhunzawm zel a, Hliri hi i hmelduh deuh nia ka hriat avangin leh lalfapa i nih avangin thlah pawh amawi viau mai, mahse i zui loh kha athat ka rin avangin ikal ka remti talo ani a, inchhir na tur a awm lo turah ngai ila, Ramliana te lo haw sela, an thu rawn hawn azirin nupui atan pawh kan va dil mai tur lah ni a, a tih chuan Lianpuia chu zakin alo sen tan tan a, apa nen hian sahrang leh mihrang tawn dun fo mahsela hetiang lam hi an la sawi ngai lova, a ruk tak chuan amah leh amah chu alo in hum ruh ngar ngar mai a, apa mang avang chuan akal lo pawh chu alawm ru zawmah zawk a, engkim inpawh takin an sawi phah ta zawk si a....
Lianpuia chuan mi bikten thil thleng tur laka invennan mang leh thildang dangah hriatna tha bik an nei tih chu ahailo, apa phei hi chu a ring em em a, chuvang chuan chumi ninpawh chuan ram kal lo chuan anau Liansangi thembu thalo chu a siamthat sak a, Rengpuia alo thleng phei ve bawk nen an pathum chuan thembu siamin an nileng ve zak mai a....
Ramliana te pawh ni sarih lai mai karkawnga an kal hnu ah, Tlanglianpui khaw kawtchhuah an thleng ve der mai a, Tlanglianpui chu ahming ang ngeiin alo lian kher mai, alo pe un mai a, in te chu angir khup mai bawk a, hetiang anga khaw lian hi alo awm ani maw an ti chhuak hial a, an kalzel a lal in an hnaih ta maw tih ah naupang thenkhat ten lalfanu alo haw e tih ri an hre chhunzawm a, Ramliana te chuan an nulai chu lal fanu maw lo ani avan sawilo em em an ti rilru neuh neuh a, an ngaisang zual em em a, chung naupang authawm ah chuan nula leh tlangval bakah lal beng alo thleng thuai a, lalpa lah aphur ber berah tangin a rawn tlan thleng hmasa ber nghe nghe a, thil ruahman sa vek anih avangin a fanu rawn thlah tute pawh alo lawm thiam ngei mai, Ramliana te erawh thil mak tak tawng ang mai hian a rukin engtia awm tur nge tiin an in zawt mawlh mawlh hlawm a....
Lal inah chuan an han lut a, lal in pawh aropuiin alian tha hem hawm khawp mai, samthang lal in ang ema lian nilo mahse ate chhe lo khawp mai, hah zu te an lo zuk a, an lo ti tha nasa mai a, an hate a dam ta deuhbtih ah chuan lalpa chuan afanu te nen engtia in tawng nge an nih chu an zawt a, Ramliana chuan Hliri an chhar dan leh an khuaa an zawn haw dan te, an lal ina a awm dan te leh an khua in an ngainat dan te leh amah afel thu te, lalfanu anih reng an hriatloh thu te a sawi siam siam a, lalfanu anihna anga a chunga tawngkam mawilo te an lo sawi palh anih chuan ngaihdam te an dil tel nghal luam bawk a...
lalpa lah mi mawl ni hek lo le, a fanu chunga an thatna avangte chuan lawmthu an sawi hmasa phawt a, ka fanu chunga in thatna hi rulh tur anih pawhin aleh sarihin ka rul ngei ang tiin an tuihnih leh bawk a, asawi zawm zel a, in lokalna a thui tham bawk nen, hahdam te in mamawh anga an thlenna tur te han siamsak ula tiin upa min fing zet mai, a chhe lam pawha ahnung dawl zar zar tu chu an melh zeuh a, anin hrethiam takin Ramliana chu enin nang chu kan pasaltha te inah thleng la a tih chuan Ramliana chuan a rilruin a tihchi dawn viau mai alo ti ru nuah nuah a, (Paliana hi upa min tuna an thlenna tur semtu te ina awm hrih hi ani a)midang ho pawh chu upa te inah chuan amal.te tein a sem kual hnu chuan tlangaupa chuan a thlah kual hlawm a....
Ramliana te an thlenna tura an kal liam hnu chuan an mikhualte chu engtianga tih nge tha ang tih chu an sawi zui nghal a, Hliri(ahming lem) chuan samthang khaw chanchin leh abeih awlsam dan te, akhaw thlengte nen lam ahriat ang ang te chu a sawi ve bawk a, Ramliana te thian li pawh Samthang runa nuai chimih vek an tum tho bawka dahthat law law mai chu tha an tih avang chuan zaninah tihdan kan ngaihtuah dawn nia an ti a, he khua hi damin an chhuahsan tur anilo tiin Ramliana te chungchang chu an rel hmin hmiah mai a, zan lamah chet lak ni se tiin Ramliana te chungchang chu an rel.fel der a, Hliri hming tak hi Sairengi ani a, ani pawh ahriat miah lohvin Lianpuia kha alo hmelduh hman hle mai tih alo inhre lo reng reng a, Lianpuia ngaihsakna leh thlazar hnuaia hun hman kha aruk tak chuan nuam kha a ti ve chiang alawm....
Ramliana te pawh zanriah eikham chuan lal inah lengin an titi a, an titi pawh akal in, an inpawh khawp mai, lal fanu lah athat ngaiin ala tha in an lakah ala fel em em mai a, lalpa lah chuan duhsak em em in lal zu tuitling changtha kum thum zu ngei mai kha a tulh tlauh tlauh mai bawk nen, lalpa mai nilo upa dangte leh Lal dangte pawh chuan an lalfanu laka an chet dan avanga an lawmzia entir nan Ramliana te thian ho chu an tulh sek mai a, an ni pawh an tha tawhin tawng pawh nuam an ti tlang ngang tawh mai, leng hawn ar khuan hma hma chuan biak tlak an awm mumal tawh hauh lo a, chu chu remchangah lain, lal tual zawlah tlangval hoin an zawn chhuak a, an ni che hleithei tawh hek lo le, an rilru erawh afim kur hlawm a, mahse han che thei reng an awm lo, an thil inah khan ram hnim chikhat engemawni hi an lo telh alo ni a, lei chara an hnuh lai te chuan Ramliana chuan Samthang angaihtuah vang vanga, han che thei tal ila tha tur a ti vawng vawng a, analpa leh a thianpa thla chu ako vawng vawng mai a, che thei hek lole, an hnuh ang ang chuan a awm tawp mai a, amittui hi atla zawih zawih mai a, a chhan leh avang awm an hre silo, a chhan leh vang awm miah lova an thil tawrh chu na a ti kher mai, an chaih hneh bawk nen rilru pawh a fim thei meuh tawh lo, a rilru chuan an lalpa chu auvin dikna pasaltha ka lalpa i tlangvalte thisen hi athlawnin luanral phal suh aw tiin mittui tla zawih zawih in Tlanglianpui val rual te hmaah chuan Pasaltha Ramliana leh a thiante pathum chuan mual an liam ta a.....
Tlangval ho chuan khawlaiah chuan se chaih a chaihin an pali chuan an chaih hlum thak a, an thih tawh hnu pawh chuan Paliana tlaktlum duh lutuk chuan hetiang hian Samthang khua chu ka suasam ang tiin an taksa chu amal te te chuan a chan darh leh vek a, lal Hrangkima lawmah atla pek a, atha atha tiin alo fuih phur vei bawk nen Paliana chu avei thauh thauh mai a, hemi tuk a tang hian ral rel tan zui nghalin Sairengi remruat dan ang chuan ruahmanna te chu siamin, tlangval ho chu an phur kher mai, chumi atang chuan tlangval ho chuan silai mu leh zen an deng tlut tlut mai a, Samthang awp ngei tum chuan an inbuatsaih sauh sauh a.....
Kar li lai alo ni leh der tawh mai, Ramliana te nula thlah lah an lo haw tih tur reng reng awm lo, Samthang khaw titi ber pawh Pasaltha Ramliana te nula thlah chuan trin zai an relsan theilo tiin fiamthu titak deuhin an sawi ta fo mai a, Lianpuia erawh amumang avang chuan angaih reng atha theilo, an nula in asawi khua Sialhawk khua kala Ramliana te chanchin va chian tura kal a duh thu hrilh tur chuan Rengpuia te in chu apan vang vang a.....
Rengpuia te in a thlen chuan Rengpuia asilai chu alo hru hluau hluau a, Lianpuia ahmuh veleh chuan ehe zing zingah te enge irawn tih ve teh mial thu rawh hei ka silai hi ka hmang khat ta deuh a, ka lo hrufai e ka tia alo ti bawrh bawrh a, Lianpuia chuan ka lo kalchhan chu engdang ni hran love, kan thianpa Ramliana te hi ka ngaih an ti tha tawh lo deuh a, nizan ka mang lamah ka hmu nasa mai bawk si a, sialhawk lamah chanchin kan va ngichang dawn emni ka ti deuha enge i ngaihdan, i theilo anih pawhin keimahin kal tho ka lo tuma a tih chuan Rengpuia chuan ani dawn teh tak e a, hei kar tam aliam der tawh mi pangngai tan haw lohna hun ani tawh hauh lo tak mai a, mahse mipa fa an nia eng em an tawk dawn em ni, nuam te pawh an la tirih ani mahna, engemaw mipa leh mipa i han ngaihsak khuk vut le, enge imumang chu chuti fakauva irilru kam tu chu han sawi reng reng teh a rawn ti ve bawk a.....
Rengpuia nu chuan in thianpa te chuan nuam an va ti hle amawni dawn le nge thildang zawk le alo ti ve bawk a, Lianpuia chuan nie nizan ka mang ah chuan mipakhat hi thi hnuang hian kawnglaiah alo let reng mai a, sava te hian an lo bawr khat tlat a, ka va kal hnaia sava te chu ka va hnawt kiang a, kan thianpa Ramliana alo ni reng mai a, kan ko thin a, min chhang reng reng lova amar kan dek a, mar phu tur pawh alo awm tawh hauh lova, ataksa kan khawih chuan alo vawtin alo khawng vek tawh hi alo ni a, ka au vak vak a ka harh ta daih a a tih chuan Rengpuia chuan nang berin tul itih te chuan kan kal anga ani mai alawm,engtikah nge kal ila i tih tiin an zawwt zui nghal zat a, Lianpuia chuan ka rilru hi ahmanhmawh riau mai a, tukthuan eikham hian chhuak nghal mai ila ka lo ti deuh a atih chuan Rengpuia chuan chuti nangberin i tih chuan tukthuan eikhamah kawtchhuah ah kan in nghak nga ani mai lawm alo tih takah chuan Lianpuia pawh in lamah ahaw zui ve nghal a.....
Tukthuan eikham ah chuan Lianpuia chuan apa chu thil awmdan hrilhin an kal na tur nen engkim ahrilh hnuah kawtchhuah lam pan chuan akal nghal vang vang a, kawtchhuah a thlen chuan a thianpa Rengpuia pawhq
alo thu vang tawh a, an kal tumna ala hla ve deuh bawk nen, Lianpuia pawh thu khawmuang tawh lo chuan hmanhmawh lutuk lo chuan an tum ram pan tur chuan pheikhai an vawr ta a....



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 25th, 2019, 7:03 pm

EPISODE 95

Lianpuia te thiandun pawh hliri'n an khua nia asawi sialhawk pan chuan an kal vang vang a, karkawngah zan thum an riak ve ta reng mai, zanriah an ei kham fel deuh chiah tih chuan an piah deuh maiah chuan silai hi a puak ri dur mai a, hetilai velah hian ramchhuak an awm ve anih dawn chu tiin ngaihthatlohna pawh nei chuang lo chuan buk kawta meipui an chhem chu hnungpuakin an ti ti mawlh mawlh a, chutia an ti ti lai Chuan an buk lam pan tih hriat tak chuan thawm an hre ta a, an ni lahin sa an kap anga kan buk an rawn pan dawn aniang an lo tisam et mai a, an rawn hnai zel a, buk pawh an rawn hnaih hle tawh tih chuan Lianpuia mit that bikna chu an vanneih pui leh ta....
Lianpuia chuan thim zinga anmahni rawn pan tute chuan sa awzawng an rawn kenglo tih ahmu a, an mahni chu silai nen uluk takin an rawn veh tih chu chiang takin ahmu a, chuveleh Rengpuia chu kheuhin anmahni rawn pantute chu kawkin fimkhur angai tiin rangtakin buk lamah an phei nghal a, buka awm chu ahimlo tih hria in an hmanrua nen buk piah lam buk lan theihna ah chuan an biru ta daih a, an thu fel awrh tih ah chuan anmahni rawh veh tute pawh chuan buk chu an rawn thleng chawpchilh ve nghal a, meipui engah chuan mi pali lai an ni tih chu Rengpuia pawh chuan a hre thei a, buk vel chu an enkual ni awm tak ani, an zinga pakhat chu atawng lar lar a, khawnge maw an awm le, kan thawm hriain an lo tlanbo hman em mawni le, kan dawihzep ho chu tiin Lianpuia te buk ban pakhat chu an han sak chhum a, an buk chu an sawi chhe vek a, Lianpuia chu a awm mai mai thei talo an pawi an sawi pawh ni lo, an rawn suasam vak mai chu a thu mai mi thei ta biklo....
Lianpuia chuan nang an rawn luhthlakna lamah kal la, kei heta tang hian ka phei ange tiin fimkhur tak chuan an chan lamah chuan an kal nghal a, Ring lenglawng chuan tumah kha che tawh suh u, engvanga mi awm mai mai han suasam vak nge in nih tiin silai chhawng vah chuan akal phei a, an beisei ang lo taka chutianga beih an tawk ta mai chu an hawi ho mai a, an zinga pakhat chuan lo chhangin tute nge in nih in ngam anih chuan mal leh malin i inbei ila, in ngam lo anih chuan tunah khan tlan haw rang rawh u a rawn ti a....
Lianpuia chuan in ngam ngam kan ngam e, nangni ang chu ni ila in zavai khan in thi tawh ang, mahse nangni ang kan ni lo hlauh a, mahse mal leh mal a insual in duh chuan pakhat kha lo chhuak ula adang ho kha tawlh hnung vek rawh u an ti a, thinrim mahse pawng va bawh chi ngawt chu ani biklo,an lo kap mai duh dawna ahriat avang chuan an silai chu dah tur chuan an ti leh a, an zinga mal leh mala insual cho tu ber chuan dah rawh u,hetianga mi dawihzep chu eng an ni chuang lovange a tih takah chuan an silai chu an dah sap sap a, chuveleh Lianpuia chu a phei ta a, a chem chu ahum ran a, ka lo kal e i duh ang ngeiin chet han tum ta che an ti chang fal mai a, chupa chuan thamlo tak chuan nauva lo kal tak rawh kha awmdan ka lo zirtir ang che tiin apan ve nghal a...
Chem rawn vilik phei zar zar chung chuan a rawn au phei ruai ruai a, Lianpuia chuan chhun ang maiin hmu thei hek le, chupa chem rawn vai chu lo bumin anakah chuan a chem ken lohna lam chuan alo hnek bur mai a, chupa chu a thaw hawlh mai a, akun nghal ngaih ngaih mai a, Lianpuia chuan thinrim chuan e tang ta che mi che theilo ka bei ve ngailo ania an tih chuan a rawn inthingharh veleh a, mahse tlem chuan a ti khawr ve deuh, a chem chu rawn vai leh in Lianpuia lu chhawk hmawk tum chuan a rawn vai leh a, Lianpuia chuan ahnekna ngai bawkah chuan ahma aia na chuan alo hnek leh bur mai a, a tlu ta hnawk mai a, chuveleh a thiante chuan silai chuh in Lianpuia chu an tin nghal a, mahse chhak lam atangin silai a lo ri nghal thuai a, silai lek mek chu alet hlawm tawp a, ka pawh chhawn loh chuan a thi zui nghal a....
Rengpuia chuan tumah kha che tawh suh u, hual beh vek in ni tawh, in silai leh hmanraw neih ho kha thlang lamah thehthla rawh u a rawn tih chuan ramhnuaia arte thih ngawt ai chuan tiin an silai leh iptepui chu thlanglamah an thehthla a, Lianpuia beihpa pawh anakruh pahnih tliak avang chuan che thei leh chi ziazang ani lo, anak ahupa a thaw kawk kawk mai a, Lianpuia pawh la dam pahnihte bulah a tlanphei ve nghal a, Rengpuia pawh in a rawn pawh thla nghal ve bawk a, an pahnih chuan nghet thei ang berin an phuar nghal a, an oahnih chuan an piah maia thingse kung rinchhan chuan an phuar bet a....
Lianpuia beihpui pa chu Rengpuia chuan dim baksak lo chuan ava phih tho a, ani pawh nghet em em mai chuan an phuar nghal a, meipui bulah chuan an mut tir a, meipui pawh alo rem deuh duak hman a, thingte an han vawm belh a, mei engah chuan engvanga hetiang thilti nge an nih chu Rengpuia chuan an zawt a, mahse tumah chuan chhang tange an ti lem loa, Rengpuia chuan in tawngthei lo hlawm ani maw, tawngtheilo te chuan lei neih kher angai hleinem tiin an zinga pakhat chu ka chu chem chuan an kar kau sawk a, alei chu tan a tum ta mai a, chuveleh chupa chuan um ka sawi ang ka sawi ang, a tih takah chuan Rengpuia chuan a tirah te kha tha deuhin sawi mai ta che tih pah chuan an beng thuai a, chupa chuan tihian a sawi ta a.....
Ram hnuaiah hian thla tamfe chu an cheng tawh a, ramchhuak leh heti lai paltlang ho an hmuh apiang lo suamin an silai leh an neih rohlu an lo laksak thin a, chung silai te chu khua ah kalin thi leh dar ten an thleng leh thin thu chu a sawi ta vek mai a, chung thi leh dar hmang chuan hmeichhe tam tak an lo lei thin thu erawh a sawi tel lova, Rengpuia chuan khawilaiah nge in buk a awm an tih chuan saw tilai deuhah sawn ania a tih chuan Lianpuia chuan pakhat chu thinga an phuarna atang chuan va phelhin akut erawh aphelh veloa, Lianpuia chuan hruia kaiin kal rawh le in buk ah chuan va kal ang le an ti a, Rengpuia pawh chuan a zui ve nghal a...
An buk pawh alo hnai khawp mai a, an thleng thuai a, an bukah chuan hmeichhe pathum hi an lo awm a, an ke khing lehlam theuh ah hrui sei takin an lo phuar vek a....
Meipui te an hn chhep eng a, Lianpuia chuan chung hmeichhe ho chu engvanga heti laia awm ve nge an nih an zawt a, an ni chuan an phuarpa chu kawkin heng ho hian min bumin heti lai hnun ah hian min hruai a, zanin hi zan riat kan riahna ani tawh tihian heti lai vela lo kal te hi an suam a, an rote an laksak thin a, abak chu ka hre vek biklo tiin alo chhang a, Lianpuia vek chuan khawi khua nge in nih an tih chuan an kalna tur sialhawk khua an lo ni reng mai a, Lianpuia chuan awle anih chu tiin an phuarna te chu azai chat mawlh mawlh a, an zinga hmeichhe pakhat chuan mi pathum an chhuak a, an lo la haw lo a, an lo haw tep ang a tih chuan Rengpuia chuan chung mite chu khawnge an kal an tih chuan vawin tlai lam khan tute emaw an hmu ani awm e alo ti a....
Lianpuia chuan anih chuan kan buk lamah lan phei phawt dawn nia, nula pakhat erawh chu hetah in lo awm angai dawn a, adang pahnih erawh kan hruai phei ang che u, tiin Rengpuia chuan nula pakhat chu alo awmpuia, enge lianpuia hian atum ni ang aw ti rilru neuh neuh chung chuan bukah chuan nula nen chuan Lianpuia lo thlen leh nghak chuan an lo ti ti malh malh a, Lianpuia chuan an minan pa chu kaiin nula pahnih nen chuan an buk lamah chuan an inkai phei a, an buk a chhiat deuh vek avang in buk bulah chuan changel hnah phah in nula pahnih te chu a awm tir a, an mi man pa erawh nghet takin thing rinchhan chuan aphuar leh a, Rengpuia te awmna lam pan chuan a kal leh a, akal hma chuan nula te hnenah chuan hetah lo awm hrih ula, in buk lamah ka kal dawn a, in thiannu nen him takin kan rawn let leh ang, kan lo let hma chuan hetah hian in lo awm reng dawn nia tiin akalsan ta a....
Rengpuia te a zuk pawh chuan Rengpuia chuan enge ithil tum alo ti nghal var a, Lianpuia chuan zanin chu nula ah kan tan angai dawn insiam rawh a tih chuan Rengpuia chuan engmaw hmeichhia anga han insiam dawn chu tiin alo nui rah rah a, an sam zial te pawh pawt thla in hmeichhe sam ang thei ber tur chuan an siam mawlh mawlh a, an puan ven pawh awmah sawn chhovin hmeichhe ang thei ber chuan an han awm vel chhin chu tumah insum thei awm hek lo le, an nui ta tlawrh tlawrh mai a, mahse thawm han neih vak na chi anih tawh loh avang in nuih za tak chuan an insum ta hrih a, ani lah tak a, tlangval a pumpa pasaltha lehnghal an nula tha leh ani si a, an nulai chuan awmdan tur te alo hrilh ang chuan an han ti vel a, Rengpuia chuan nui chung chuan kan tling tlak ve theih mai dawn hi tiin an mi nghahte lo haw hun thlirin an bukah chuan an mu thap mai a.....
Leng hawn ar pawh ala khuang lovang tih velah chuan buk lam pan thawm pawh an hre ta ngei a, an rawn hnai zel a, an thawm ah chuan an hlim hmel kher mai, zanin an chet fuh dan vel chu an rawn sawi siam siam hlawm a, buk pawh kar lovah an rawn thleng ve ta der mai a, an zinga pakhat chuan hei kan thiante pawh an la haw lo anih dawn hi, tiin buk chhun chu a rawn lut nghal a, midangte pawh chuan an rawn lut ve nghal bawk a...
Bukah chuan an iptepui te chu an han dah a, meipui chhep eng tur chuan an inzui chhuak leh a, an titi mawlh mawlh a, meipui an han chheh en takah chuan an thil hawn velte chu an han en chiang vel a, an hlim dar dar kher mai, Samthang nula te pawh an sawi nawk nawk mai a, mahse enge an chungah thleng dawn an hre silo...
An chau ve hlawm bawk nen, i mu mai teh ang u kan thiante chu an rawn haw dawn lo ani ang tiin bukah chuan an rawn lut leh sap sap a, nula bul theuh ah mu leh tura in ngaiin an mu ta sap sap a, Lianpuia chuan abula rawn mu chu akea lo kherh nghal in alo kuah nghal a, che thei hauh lo tura akuah beh hnu chuan ahrawkah chuan a chem chuan an zai hrawk mai a, che zui tur awm lo chuan a let ngat a, Rengpuia pawh Lianpuia ang thovin alo kherh bet ve nghal a, an ri deuh khut khut bawk nen, pakhat lah chuan in va che hma dun ve tiin alo nuih mai a, mahse a rin angin thil akal lo tih ahriat chhuah meuh chuan khua atlai zota....
Lianpuian abana aphih thawhna avang chuan aban dawk chu a dawm vang vang a, ahmaa dingte pahnih chu a tiat lo nasa mai si a, chubakah a ban avang chuan han che thei chi ziazang ani lo, an zawhna te chu tha taka chhan mai loh chu tih theih reng aneilo, Lianpuia chuan nichin khan Samthang te kha in sawi in ka hria a, in ro ruk khawmte hmang hian Samthang nula thlem thluk in lo tum vel ani maw, zahpawh hi in zak na nge tiin aban na pawh sawilo chuan aphuar hmiah hmiah mai a, aphuar zo chu meipui bulah chuan a keuh thlu leh dawp mai a, Rengpui kan misual te leh kan nula te kha heti lamah ihruai thla mai ang hmiang ro kan rel tha dawn nia,heti lamah buk dingsa alo awm bawk nen anuam zawk ange a tih avang chuan an inkai thla leh ta a.....
Zan alo rei lam tawh bawk nen nula ho chu a bukah an muttir a, an ni thiandun erawh chu meipui bulah muin an miman te chu an veng pah a, zingkhua alo var chuan Lianpuia chuan han tihhlum ngawt kha ahreh ve bawk nen ala dam ho hnenah chuan in insiamthata in thiltih in sima nun dan pangngaia in awm tawh dawn anih chuan ka chhuah ang che u anga, mahse in sim dawn loh chuan vawiin hu in khaweng hmuh tawpna ani ang an tih chuan an ngawi thap hlawm a, anrilru tak chuan chhuah chu an duh mahse an thiltih lai erawh bansan tum reng an awm lo, an zinga pakhat chuan nie kan thiamloh ani tha taka nun hmana dik taka nun hnan kan duh tawh e a tih takah chuan chhuah mai chu tha in ahria a, an zinga pakhat chu an phuarna an zaichah sak a, midang a zaichah sak hma hma chuan chupa chuan silai chu a chuh ta mai a, mahse Rengpuia chu a lo awm mai mai bik hauh lo, silai alek kang hman awrh tih ah chuan a suahsual chhuahna thluak bur chu a darh uaih mai a, midang pawh han chhuah chi ani tawh lo, engpawh nise hei kan nula te khuaah hian i kal phawt teh ang, a tuartu nula te rorel turah idah mai teh ang tiin an miman la dam mi pathum te leh nula an lo bum pathumte chu hruaiin Sialhawk lam pan chuan an kal ta a,....
Sialhawk an thlen chuan mipui ho chuan an lo en duh khawp mai a, chutianga mi pathum lai phuar chung leh rawn in ak bawr tuai te, an khaw nula pathum bo nia an hriat an han hmu leh te, leh tlangval hmeltha em em mai Lianpuia leh a thianpa te chu mak thlir hian an lo thlir a, lal beng pawh a thleng thuai a, engmah chanchin hrelo an ni bawk a, eng boruak nge lo thleng tur chu a tu amai pawh chuan an hre chak hlawm em em a, an zui hul.hul mai a....
Lal in an thlen chuan lal in kawtah chuan an mimante chu an dah a,lal inah chuan luh an han dil a, lalpa pawh chuan lo phalin an lut ta a, upa ho pawh chuan mak anlo ti ve khawp mai, lalpa chuan tute nge an niha khawi khua nge an nih te an zawt a, Rengpuia chuan Samthang khua an nih thu leh lalfapa Lianpuia leh athianpa Rengpuia an nih thu te an sawi a, Samthang lalfapa Lianpuia chu an lo hre ngang mai an han inchibai tha leh a,an lo ngaihsan thin ang ngeiin an hmaah pawh thil ropui tak a tiang tih an ring nghal a, an boruak chu an hre chak lehzual ngei mai, lalpa bawk chuan anih enge heng thil te hi min hrilhfiah thei em an tih chuan Rengpuia chuan an chanchin chu a tir atangin kimchang tak chuan ahrilh ta a, lal leh upa te pawh an thinrim kher mai, upa pakhat chuan alo nih chu hmanni a thenawm khua te innei tur palai man leh mual kengte pawh an khuangcher bo hmiah an tih tak kha heng ho hi an lo nih lek dawn chu an ti a, mipui lo pungkhawm te pawhin chanchin an hre chak tawh ange tiin leikapuiah chuan lalpa leh upa te bakah Lianpuia te thian dun leh nula te pawh amchu an ding ve a, lalpa chuan an kianga awm Lianpuia chu kawkin ani hi Samthang lal fapa pasaltha Lianpuia ani a an tih chuan mipui chu an thawm hak a, an mimante pawh chu an meng awn awn hlawm a, an nula chhanchhuah te pawh chuan mak tiin an ngaihsan phah lehzual kher mai, asawi zawm zel a, a thianpa hi pasaltha Rengpuia ani thung a, ani pawh a hming chu kan hriat fo thin kha, an ni pahnih hian kan nula te chhan chhuakin hetilai hmun hi an rawn hruai thleng ani, an ni awmlo se chuan kan nula te hi kumkhuain kan hmu tawh ngai lovang an tihchuan mipui lam chuan kut an beng dur dur mai a...
Lalpa chuan mipui chu akuta zap in ngawi tur chuan an ti a, in hriat chak em em mai chanchin erawh chu kan khualthate lam hian sawi sela a chiang zawk ang a tih chuan Lianpuia chuan Rengpuia chu ava melh ralh a, Rengpuia lahin alu alo thing si a hreh tak chung chuan nula te nena an intawn dan te an buk an rawn beih dan te, an rawn haw dan chen chuan kimchang tak chuan a sawi a, mahse nula lema an tan erawh a sawi lang tel talo, mipui ho pawh chuan ngaihnawm ti tak chuan an lo ngai thla a, Lianpuia chuan heng misual ho hi in kutah awm sela in rorel sak turin hetilai hi kan rawn hruai thleng ani a tih chuan mipui lam chuan kut an beng dur dur mai a....
Lianpuia chuva rukin angaih atha tlat lo, an kal chhan ber Ramliana te an ni a, hetiang boruak anih tawh hnuah pawh Ramliana hmel reng reng reng hmuh tur a awm lo chu mak a ti ru hle a, mipui an tin hnu chuan Lianpuia chuan lalpa chu azawt ta tawp mai a, in khuaah hian hliri tih hmingpu an awm em an ti a, lalpa chuan aw awm e, hei kan upa min fanu hi ania enge nita alo ti var a, eng ni love tiin an khuaa an chhar dan chanchin leh lal ina a chen zui ve tak dan te, kar tam a liam hnua ahaw dan te a thianpa Ramliana ten an khaw thlenga an thlah dan te, ahming chu hliri a in tih dan te, tun thlenga a thian Ramliana te an lo la hawloh dan te chu an sawi chuan mak an ti kher mai, chutiang angin an nau hliri chu a awm miah silo, lalpa chuan tlangaupa chu kovin kan nau hliri kha zuk ko vat teh, ahmel te hmusela a chiang mai ang a tih chuan tlangaupa chu hliri ko tur chuan an tlan tir nghal a.....
Hliri leh tlangaupa pawh an lo thleng thuai a, mahse an zawn hliri chu alo ni awzawng lova, Lianpuia leh Rengpuia chu mak tiin an meng bial kawk kawk mai a, an zawn hliri anih tak loh ah chuan ani pawh an haw tir leh ta a, chutiang ang boruak an tawn takah chuan a rang lama haw thuai thain an hre ta a, a tuk leh lam mai chuan haw tur chuan an inbutsaih a, chumi zan erawh chu Lal inah an riak dawn ani....

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 28th, 2019, 6:40 pm

EPISODE 96

Sialhawk lamah an duh an hmuh tak loh ah chuan Lianpuia te thiandun pawh an khaw lamah an haw vang vang a, kar kawngah buaina leh harsatna engmah tawklovin an khua Samthang pawh karkawnga zanli an riah hnuah chuan an thleng ve leh ta der mai, kalkawnga an kah sazuk chal zet mai chu an an zawn haw tel bawk a, Lianpuia chuan an va kalna chanchin Chu apa te ahrilh a, an ni pawh chuan mak an ti ve hle tho mai, engtia hmalak tur nge tih pawh hriatthim aharsa an ti tlang ve khawp mai.....
Tlanglianpui khua pawh inpeih thawkhat tawha an inhriat hnu chuan a tuk leh lam mai a, Samthang khua chimih vek tur chuan kal an tum ta a, chumi zan chuan ral relin lal in leh zawlbuk chu a rik hian a ri luih luih mai a, Sairengi erawh a ruk tak chuan a rilru anuam thei ta hlek lo mai a, amit thla ah Lianpuia hmel hmuin, a chhin leh ahmu bawk a, amumang lamah nen lam ahmu kur dup mai a, a ruk tak chuan a vei em em a, Sairengi hian mipa han kawm deuh hi ala nei ngailova, mipa hian a rilru an ti nghing zo mang lo ani, chutiang khawpa mipa hawilo chu ani a, mipa tamtak te ai pawhin a rintlak lawi si ani, ral rel tur an thukhawma an han sawikhawm te hian alo bing chuk chuk zel a, a chhan hrelo chuan a rilru alo hah ru em em mai thin a....
Thangtea zan mu chu aharh zawk mai a, an hmalamah thil thalo tak thleng dawn tlat hian ahria a, thisen rim chu ahre vang vang mai, angaihna hrelo tak chuan pawn ah va chhuak in akhua chu an thli thlai a, mahse engmah hmuh erawh anei lem lova, ngaihthat lohna em em nei lo chuan ahaw a amu veleh ta a, chutiang ang chuan zan nga lai mumangah ahmuh takah chuan ngaihthah chi ani talove tiin khawnbawl ho chu ahrilh ta nge nge a, an ni pawh chuan mak an tiin tihvak ngaihna erawh an hre lemlo a, enge thleng tur an hre silo va engtia chet lak tur nge tih pawh hriatthiam aharsa ve lah tak reng bawk a....
Ramliana te thian zaho chanchin erawh tunah hrih chuan han tih vak ngaihna an hriat tak loh ah chuan an thiah an ngai hmiah tawh a, Lianpuia leh Rengpuia erawh bei dawng duh lovin hun remchangah zawn chu an la ti tlu ta tho a...
Tlanglianpui khaw hruaitu Paliana chuan Sairengi chu enin kan thleng dawn tawh em, ka kut hi aza zek zek tawh ania a tih chuan Sairengi chuan kan hnaih tawh khawp mai, karkawnga zan khat kan riah leh chuan a tukah nuamsain Samthang chu kan thleng ang a tih chuan Paliana chuan um athat nasat chu ka hnam hi ka len chak tawh ani, tunge ka nih hi an hre dawn alawm a ti khur khur mai a....
Lianpuia chu engemaw mawlhtu a awm tlat amu thei tlat lo, a tho angaihthatlohna chu enge tih hriat beisei in khua afang kual a, an ral maia mei chher eng inzui duah duah chu ahmu nghal mai reng a, rangtakin chuti lam pan chuan atlan nghal a, azuang thla leh zawk zawk mai a, a tlanchak bawk a athleng hma kher mai, an thawm hriat phakna atang chuan an tawng chu angai thla a, Paliana chuan zaninah hian Samthang khua khi kan kutah a awm tawh dawn a, chutiang tur chuan in tichak thar ula, Samthang khi kan rorel na hnuaiah akun tawh ang, tumah zuah loh tur, lal thisen kai erawh anung chunga man thei apiang hnenah lawmman tha tawk kan pe ang a tih te chuan Lianpuia chu alo in hum ruh tlawk tlawk a, mahnia han beih chi ziazang ani silo, engemaw zah lo that mahse a that vek thei dawn silo a, akhua leh tui te muthilh hlan in an che dawn tho tho tih ahriat avang chuan haw phawt a,khawchhung inbuatsaih atha a tih avang chuan vat chu ath a ti a, Paliana thusawi zawh a rawn tawng leh chu ahriatfo tawh aw ani tlat mai, ahmel hmuh tum chuan a pan hnai hriau hriau a, Sairengi chuan Samthang khaw hmun hma leh beih dan tur te zawlbuk awmna te lalin awmna te alo sawi mek a, chuta athil hmuh chuan abarakhaih chiang kher mai, a ruka alo hmelduh em em Hliri ngei kha ani tlat, nula fel a vanduaina avanga inhria nia ahriat leh theihtawpa an lo chhawmdawl ve nia ahriat, a thianpa Ramliana ten an khaw thlenga an dah kha ani tlat, mahse a thu sawi dan erawh adang kher mai, Lianpuia chu abing mum mum mai a, a mak ti lutuk chu a awih lo hial a, mahse amit ngeiin ahmu miau si a, aharh zawk a a tlan haw ta vang vang a.
Chutiang bawkin Thangte zan muhil tui lai chu aharh hlawl mai a, ngaihthatlohna riau mai aneih avang chuan banglaia asilai tun chu lain chhuah pah chuan a iptepui chu a ak chhuak nghal a, rei tawk fang kawt chhuah ah thu in thawm a ngaithla ren rawn a, ram lam atang chuan amah pan zawng chuan thawm ahre ta a, chu thawm chu mihring tlan ni hian ahria a, inring tak chuan alo nghak hmiah mai a, chu thawm chu a hriat ang ngeiin mihring alo ani a, mahse a en chian chuan a fapa ani tlat mai, Lianpuia pawh chuan kawtchhuah a mi pakhat ding ahmuh chu apa ani tih ahre nghal ve bawk a, an han inhmu chu a chhan sawi vak angailo an khua a ralmuang lo ani tih tumah inhrilh nawn angailo, ahma pawh khan an pafa khan hetiang chiah hian an lo awm tawh bawk anih kha...
Lianpuia chuan ka pa zanin ka muhil theilo ka kal kual khan, ralkhata meieng inzui duah duah ka hmu a, ka ngaih thaloin ka zu chian ngei a, kan khaw run tum te an ni a, an zingah chuan kan mikhual nula pawh kha a awm ve nghe nghe a tih chuan Thangtea pawh chuan mak a tiin a thinrim kher mai, inlamah an phei nghal a, Lianpuia erawh Rengpuia leh apa Saimawia te kai tho turin akal nghal a, tlangaupa a kaitho nghal bawk a, a rem rem an in kaitho nghal char char a, zawlbuk lama riak tlangval.ho pawh lal mualah an kim thap tawh a...
Lalpa chuan hei zaninah run kan tawk dawn a, hun tam kan neilo, kan inbuatsaih nghal angai dawn a, tumah zawlbuk ah kan awm tur anilo, an rawn beih hmasak ber tur anih avangin lalmuala zawlbuk hi tlangval za velin veng sela, zawlbuk dang pawh tlangval za zelin in veng anga, in silai a thlawnin apuak tur ani lo....
Upa Saimawia leh tlangval za zet zawtin hmar lam khaw luhkhan ah in lo chang anga, Rengpuia leh tlangval za zet zawtin chhimlam khaw luhkhan ah in lo chang thung anga, Lianpuia leh tlangval za zet zawt te kawtchhuah in biru anga khua an rawn luh hunah hnung lam atangin in rawn hual ang, kan val upa Berema leh tlangval za ten hmun rem lai an rawn panna tur lal muala in awm apiang hnuaiah in biru thung ang anga, in ral palh ahlauh awm avangin a in ep lo zawngin in awm dawn nia, tlangval za vel khan mipui ho hi lal inah in hruaikhawm anga, inpawmchilh engemaw thu hla alo awm anih pawhin in rawn tel ve a thianglo, mipui ven him hi in kut ani tih in hre dawn nia chumi ho tur chuan val upa Liantawna ani ang, abak zawng tlangval la bangte ka hovin lalmual rawn lut apiang inhnuai atanga lo bei tute rawn chhuah apiang kan lo bei ang, abak chu kan awmdan azir zelin kan in siamrem dawn nia a tih chuan an mahni chan lamah theuh leh an tih tur ah theuh chuan an kal nghal sang sang a....
Paliana te pawh khua an rawn hnaih ta aniang, kut athlan dap tawh a, khua a thiang tha in van dumpawl a lang ruih mai a, arsi lah ape un mai bawk a, ngaih erawh atha ani, Samthang hnehtu nih tluka chakawm reng ahrelo, ahming than dan tur te chu angaihtuah neuh neuh a, engmah reng alo ngaihtuah lo, hriatloh karah Samthang kawtchhuah an lo thleng der mai, Sairengi chuan va ben thuk pah chuan chet ahun e alo ti sap takah chuan inthing harh in rem te chu an ruat zung zung a, mahse enge lo thleng dawn an la hria ang chu...
Lianpuia te pawl an rawn kal pelh lai chuan tlangval thenkhat an insum theilo tep chu ani e, an inkhap hram hram a, ahun hmain an ri rup tep chu ani ber e, Zawlbuk hmun laiah a awm avang in Paliana te pawh an inthen sang sang a, zawlbuk tualah Tlanglianpui val rualte chuan beiseina sangtak neiin an chenrang chu zawlbuk lam an hawi thap a, val upa ten Samthang val rual te u thawh in hai ania, Tlanglianpui val rualten kan thawh khalh che u ania tiin thing nawi leh lung thil chu zawlbukah an han theh lut uaih uaih a, chumi hnu chuan mihring an awm em tih lam ngaihtuah zawm tawh lo chuan an pawng kah ta vak mai a, chutiang bawk chuan zawlbuk dang beitute silai pawh a ri tliar tliar a, silai ri a reh fel deuh tih ah chuan, Samthang val rual ten thawh kan hai ngai love tiin zawlbuk vengtute chuan an han chhang let ve thung a, Tlanglianpui tlangval te chu an tlu zawih zawih mai a, silai puahna lam hawi chuan Tlanglianpui tlangvalte pawh chuan silai an hmet puak ve nghal bawk a,...
Bumin an awm tih Paliana chuan ahre thiam nghal a, zawlbuk an kah rawn lai khan na tuar thawm reng a hrelo tih alo inhrelo a, mahse khua a tlai zo ta, an tlangval te lah an tlu phuk phuk mai si nen, an han in au khawm tha leh a, lal in lam i pan thuai ang u tiin Paliana chu a au lang lang a, mahse lal mual an lut chiah silai a de nghal zawr zawr mai, lal in thleng pha hlawm tak maw?
Lal muala in tin a tang chuan silai a de zawk zawk mai a, Samthang lam lah na tuar au thawt thawt thawm hriat tur a awm, chutiang bawkin Tlanglianpui lam pawh bihrukna tur nei ve heklo le an thal pheng phung mai a...
Lianpuia te ho chuan lal mual an lut tih chuan an han nang ching chho a, chutia hnung lam a tanga an rawn bei ta mai chu an hrilh hai hle mai, Samthang lam tan pawh silai han lek na chi ani tawh lo, an tlangval te an awm ve tlat tawh, in ralpalh hlauhthawn thil thuah silai dahin mahni chem lek chhuakin Tlanglianpui tlangval te chu an bawh ta zawk a, Zawlbuk veng tute ho rawn tlan khawm in an rawn nang veleh chiah a, lalpa leh apawlten ahma lam atangin an rawn nawr bawk a, Tlanglianpui tlangvalten an tam hneh hrim hrim mai pawh a, nilo se chuan lal mual an lut tlang hauh lovang le...
Sairengi leh Paliana thachhang dawltu te pawh chhim lam atanga luh tum an ni a, Sairengin kal khan ahre bawk a, khawchhung a silai a rik reh hnu deuh ah chuan chhim lam atang chuan Sairengi ho chuan an rawn tleh phei ta hum hum mai a, mahse Saimawia leh ahoten an lo hmu khiau tawh a, hmun remchang an zawng mai mai chauh ani tawh a, hmun rem an lut chiah tih ah chuan Saimawia chuan Samthang val rual kan zam ngailo mihrang sahrang hmaah tia au chungin Tlanglianpui tlangval lam hawi chuan silai an hmet puak dur mai a, midang pawh chuan Tlanglianpui lam hawi chuan silai an hmetpuak ve nghal a...
Tlanglianpui lam chu an tlu phak phak mai a, an hek hiau hiau kher mai, silai mu thun hman ni tawh heklo le, chem tum lekchhuakin an khaw rawn runtute chu that chimit vek turin samthang val rual te chu an haw haw phei ta dur dur mai a....
Tlanglianpui lam silai a ri zui veleh thung, samthang lam pawh an tlu zawih zawih mai, an ni lam pawh silai mu thunna hman a awmlo, chak zawk nih tum in patling leh patling chu chemsen nen an in sat ta siah siah mai a, Sairengi erawh alo relhru hman hlauh a, an han in nuai tak tak mai chu thisen te chu a khawlaiah chuan abaw zeih zuih mai a, Thangtea hi fing in ralrel thiam viau lo selang chuan Tlanglianpui kutah samthang hi a awm tawh ngei ang....
Lianpuia thinrimna chu a sang hle mai a, Hliri thlah tura kal athianpa Ramliana chu an that nia a rinna chu a thil hmuh avang khan ani a, athil hmuh chuan anemnghet bawk in ahria a, a thianpa phuba lakna remchang tiin a tal pawh a tal nasa kher mai, avawikhat sah nawn ngai reng an awm lo, asahna lai apiang mai chu luangno sah ang mai chuan abung hmawk hmawk mai a, chutiang bawkin apa Thangtea pawh tunhma ahmanraw hmanthiam kut lehlamin chem tum ahum a,lehlamin uluk taka a siam mau bul changtha tak mai tliang hlarh suih sum vat chu hmang in avir kual zek zek mai a, Thangtea che vel chu midang ngaihsak lo leka lo thlir chakawm khawp chuan a che analhin a rang bawk a....
Paliana pawh a chetna mual chu aphai kawk kawk mai a, amah alianin a tuan a rang em em bawk a, insual a thiam in, a chak tel bawk tlat a, hei vang hian chapo pawh a chapo thin reng ani, ahmaa awm apiang mai chu alo thal hmiah hmiah mai a, a au ruan ruan mai bawk a, anuam hi a ti zawk amaw tih tur hi ani a, a chevel te chu ahmuhnawm nangiang ve tho mai....
Saimawia pawh a lal rorelna a tawmpui ve tak hnu a in lama awm ta chawt ani ve tawh nachungin tlangval tam tak te chuan an la khan lo hle mai, Tun hmaa an ral beih dan ang chiah khan Thangtea chu au tuarh chung chuan chunglamah a kut zungtang an phar chho leh vah mai a, Saimawia leh Lianpuia chuan an rawn thlawp nghal zat a, Rengpuia pawh abang biklo an pali chuan an han vir kual ta tak tak mai chu an hek hiau hiau kher mai.....
Paliana pawh an hnaih ta Saimawia chu aper nawlh mai a, Paliana lah alo khi vun mai a, Saimawia chuan anak chu a dawm vang vang mai a, chuveleh lalpa chuan arawn pan phei nghal a, mahse Rengpuia leh Lianpuia'n an lo khalh ve zat a, Lianpuia chuan Rengpui ihnung tih pah chuan Rengpuia chu tihtur dang a siam sak thuai a, Paliana nen chuan an inhmachhawn ta teu mai le....
Khua pawh in var a tum chho ve tan a, kawl a eng uarh tawh a, Lianpuia leh Paliana inhmachhawn an hmuh chuan a tu ve ve lam pawh sawi ngai miah lo chuan an kiang ta hlawm a, Samthang val rual te chu Lianpuia hnungah an rawn kal khawm tak tak a, chutiang bawkin Tlanglianpui lam pawh an pu Paliana hnungah an rawn in hawrkhawm ve bawk a....
Paliana chuan mipa leh mipa chu mal leh malin kan inbei ang, mahse heihi min tiam angai ang, in khua hian pasaltha in nei ve ngai te anih chuan chu ngei chuan min bei sela, a tlawm chuan kan kutah in khua hi a awm anga, ka tlawm erawh chuan kan zavai hian in kutah kan awm thung ang in rem ti em tiin chapo tak chuan a au lauh lauh mai a, lalpa chuan afapa chu a ringtawk hle tih lantir nan i duh ang nhei chuan ni rawh se,kan pawm thlap e a tih chuan Paliana chuan anih ahnu tiin Lianpuia chu amelh ta khui mai a....
Melh zam mai mai theih ani lo tih hre heklo le, Paliana chuan tunge ka nih hi i hre hman dawn silova, pasaltha Paliana mihrang sahrang hmaa zam ngailo, milu pawh sawm khai tawh ka nih hi ka hmaa ding damchhuak an awm ngailo, dam ila duh anih chuan tunah hian hun ka pe ang che, anih loh pawn i aiawh tur va koh ka phalsak ang che a ti tun tun mai a, Lianpuia chu angawi kar a, Paliana chu apan chher chher a....

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 30th, 2019, 7:18 pm

EPISODE 97

Lianpuia chuan tawng tam aiin chet lak thata kut thawh tam a tangkai tih hi ahre chiang hle a, chutiang anga mi chapo chuvhe khawvela a dahthat chak leh abeih chak ber an ni bawk nen, a thianpa Ramliana angaihtuah phei chuan a thin a rim em em mai a, ahmaa ding chu ka dahthat hunah phuba la ah ka in ngai ang tiin a inseh ruh teuh mai a....
Paliana chuan alo hui zauh zauh mai bawk a, Lianpuia chuan Paliana melh kal chung chuan apan zel a, an inhnaih hle tawh tih chuan Paliana chuan a rawn bawh ta thut mai a, Samthang toangval thenkhatte phei chu an lo e dual hman a, mahse Lianpuia ani tlat alawm, Palianan rang fahranin Lianpuia lu chhum hmawka sah rawh tum mahse Lianpuia chu tawlhsawn zeuh pah in alo kun zeuh a, a inher rem leh nghal a, Paliana pawh alo inher ve mek bawk a, Tlanglianpui tlangval thawm chu atha kher mai an haw haw dur dur mai a...
Paliana bawk chuan rawn bawh leh thutin a dul zawnah a rawn sat phei fua a, Lianpuia chu alo eu zawk a, Paliana chu alo rang ve kher mai, a dul zawna asah thelh kha a chem chu rawn la tleu chhovin Lianpuia kun deuh lai remchangah lain a khabe hlawi ngei tumnchuan a rawn vai chho ngheng mai a, Lianpuia pawh a tawlhsawn hman lo tep chu ani, asam chhawlleng erawh a tla nual mai...
Tlanglianpui tlangvalte an au leh dur dur mai a, Lianpuia erawh akhi sak a, an inher rem Paliana chet tum rawn pen chiah chu Lianpuia chu adawk chhuak zawk mai a, Paliana chem kenna lam ban ruh invuahna ah tak mai an hnek bur mai a, a chem pawhin asah hman tehlul nen, Paliana chu apai khawt khawt mai a, a dar chu ahmer nghal vang vang a, a rawn hawi chhuak chu Lianpuia chuan alo nuih sak a, Paliana thin a rim em em mai a, khawinge tih pah chuan a awmzia pawh nei lek lo chuan a rawn vai phei ta hmiah hmiah mai a, chutak chu Lianpuia chuan remchangah lain Paliana rawn vai leh chiah chem hnuaia eu luh phei zawk pah chuan a ahmaa a hnek na ngaiah chiah chuan an chhoh dawm leh siah mai a....
Paliana pawhin a vawikhat nan a chem a thlauh bal.mai a, Lianpuia chuan i chem kha chhar na hun ka pe ang che, mi inringlo lai ka bei ngailo alo ti sak a, chu thu chuan kei ka ni in ti ve chin tawh an chakna te lo chapo pui thin tu thinlung chu a deng zawk mai a, a chem pawh chhar ta lem lo chuan Lianpuia chu ava bawh rawp mai a, Lianpuia pawh a thal huang mai a, a tho leh thuai a, a chem chu apa te bulah a theh phei ve nghal a, hmawnraw keng chungin hmanraw neilo ka bei ngailo a rawn ti leh a, Paliana chu a thinrim nasa tial tial a, mu leh mal reng anei thei tawh lo, Lianpuia chu atha chakna hmanga han elh deuh mai tum chuan a rawn ban a, Lianpuia chuan a kutah lo manin akiu laiah tak akut lehlamin alo dawm chho siah mai a, a kiu chu a ri rup a, auai ta hnuang mai a, han chet leh chu tum viau mahse kiu tliak chung chuan chet aharsat ve ngang ani, athu ta hnawk mai a....
Lianpuia chu melhin ka hneh ngang lo che ni, in kutah kan nunna a awm e, a ti chuai raih a, samthang khaw tlangval lam an hawi a, anaute ho an en leh a, a thachhang dawltu ber chu a mitsir zeuh a, chumi thup nan chuan Paliana chu akun deuh lap mai a...
Chuveleh Paliana thachhang dawltu ber chuan tunah i bei ang an ti thut mai a, Samthang tlangval te awmna lam pan chuan an rawn tlan ta hum hum mai a, chu thil kher chu Thangtea ngaihdan ani lo tawp mai, au thawt pah chuan akut chung lamah phar chho leh vah in an kut chu an ti kual vel a, Tlanglianpui lam chuan hrethiam ve heklo le, samthang val rual chanve hmawk chuan Tlanglianpui ho chu hual ta khup khup mai a, Lianpuia pawh a chem atheh pheina a thleng hman tawk ani, Thangtea khan tumah an tlanchhuak tur anilo a tih avanga hual ta kha an ni a....
Thangtea thinrim han tal vel chu a rapthlak zawk hial ani, Lianpuia pawh a chem theh pheina athleng hman tawk ani, an rawn bawh huk mai si a, tlema tlemah a chesual ve tep ani, an boruakin azir bawk a, an che na hlawm kher mai, Paliana beiseina dawrawm tak ti hlawhtling tur in amah lah a che thei der silo, akiu ruh tliak vuanin alai lamah a tawlh lut hruau hruau a...
Thangtea chu an au leh tuarh a, Lianpuia leh Rengpuia leh Saimawia chuan an rawn thlawp nghal zat a, tun hmaa an chet thin dan ang ngei mai khan an han vai kual tak tak mai chu Tlanglianpui tlangval te ding zo reng an awm lo, an tlu phuk phuk mai a, khua oawh avar chiang ta hle mai, tukthuan ei hun ani chho der mai...
Lal ina mipui awm ho te pawh an rawn dak far hlawm a, mipui veng tura an dah tlangval za zet zawt te pawh in mipui an him tawh tih hria in an Lalpa thupek pawh an pawisa thei tawh lo, an thiante zankhuaa hah taka che te pui tur chuan lal in a tang chuan an tlan chhuak mawlh mawlh mai a....
Tha thar mi za zet zawwt in an rawn zawn leh takah chuan Tlanglianpui tlangval tha thum lam tawh chu an tlu zawt zawt mai a, Thangtea te pawh an la vir zak zak a, nakinah chuan an thi mang tak ngial dawna an inhriat avang chuan Tlanglianpui tlangval sawmsarih the thaw leh an hotu Paliana te chuan an hmanrua dahthla in kut an phar a an tlawm ta a, Lianpuia erawh a thianpa Ramliana angaihtuah in alung a awi thei ngang lo, mahse lal leh upa te rorel anghak hram hram a...
Thangtea chuan lal in kawtah rawn hruai phei rawh u tiin lal inlam chu apan san a, tlangval thenkhat thinrim la reh fello te chuan akak muang deuh te chu an lo khawng nual bawk a, mahse mi tlawm tawh hnu khawih hi an Lalpa duhdan anih loh avangin an insum hram hram vek ani...
Samthang khua chu thisen rim anam thang huam huam mai a, an han hawi vel a, in te leh zawlbuk te chu silaia kahna tih hriatreng chuan ather fer fur mai a, Samthang kawt zawl ah chuan thisen hi a in zam deh duah mai a, mi ruang lah an let rem rum mai a, lu bung te, kut bung te, ril chhuak Pura awm te, ke lehlam bung te dar uai hnuanga let ngual te chu thil hmuh nuam tak chu ani lo, mahse an hun tawnin zir miau hek lo le....
Lal in kawtah chuan Tlanglianpui tlangvalte chu an thu khup mai a, Samthang val rual ten a che che sih hlawkah ti ni awm takin ngun takin an veng bawk a, lalpa chuan tlangval pakhat kha han hruai rawh u a tih chuan Tlanglianpui tlangval pakhat chu lal inah chuan an nam chho dawr dawr a, lal leh upa te chuan thu an zawt fiah ta a, khawi khua nge an nih a, engvanga rawn run nge an nih tih chu an han zawt a, ani lah chuan zep miah lo chuan asawi ta vek mai a, an khua run duh vanga khaw sarih lai inzawmkham an nih zia te, an khaw lal fanu Sairengi(hliri) Samthang en thla tura an tirh dan te chu asawi ta vek a, chu thil an hria chu an thin a rim tlang kher mai...
Upa pakhat chuan anih leh Sairengi(hliri) rawn thlah tu tlangval te kha enge an chan chin ihria em alo ti khauh va, chu erawh a sawi hreh kher mai, mahse an dinhmunin zir mawlh hek lo le, Sairengi (hliri) rawn thlahtu tlangval Pali an sawisak dan leh Tlanglianpui tlangval ten se chaiha an chaih hlum dan te chu a sawi ta vek a, chu thil kher chuan samthang lal in boruak a ti sang kher mai le, an mimante chungchang rel tur chuan an thukhawm nghal a....
An thu pawh amum thei thei hauh lo, upa thenkhatin kan pasaltha te rawngtaka that tute hi damin an chhuak bik tur ani lo an ti ve tlat a, lal in boruak chu a trang tha kher mai, lalpa tan pawh khaikhawm aharsa ngei mai le, an thinrimna a sosang tlang bawk nen, an rilru ana in bum an lo tawk leh zel nen, run an tawhna chhan lah zampui lal thiamloh vang ani leh zel chuan an thin a tirim lehzual a, thu mum reng a awm theilo, a tawpah chuan Thangtea chu lo tawngin awle in rilru ana tih ka hria keipawh ka rilru ana, vawina kan mi man te hi tlawm tawh hnu mah nise tumah damin an chhuak lovang, mahse tunah ni lovin an lal te hmuh laiin ani tur ani, an lalte pawh hetah kan hruai vek tur ani, Samthang khua hi anazawng run chi anilo va, itsikna avanga run chi ani heklo,phuba laknduh vang mai pawh a run chi anilo tih hi midangten an hriat theih nan chu thil.chu kan ti ngei tur ani a tih chuan an rilrem zawng tak ani hlawm ani ngei ang, a tha tiin an lo bu sap sap hlawm a....
An mimante chu an ke lehlam lehlam ah kal thei sia phuar in Samthang khaw chhunga ruang chu an thenfai tir vek a, an then fai vek hnuah nghet takin an kut leh keah an phuar leh vek a, Samthang tlangval te chuan hmelma te thlauh hmanrua vel te chu an chhar khawm a, lal inah an rawn dahkhawm a, an han chhiar chuan silai pawh fung za dawn zet ani a, chem phei chu zariat dawn an chhar a, chung zingah chuan mi sawmsarih vel an dam khawchhuak hram a ni, Samthang lam pawh an in chan ve viau tho mai, mahse an ni erawh chu hmun rem a lo chang an nih avangin Tlanglianpui ang em chuan an tuar lo deuh tih mai ani....
Lal leh khawnbawlte chu leikapuiah ding chhuakin an rorel chu mipui te leh tlangval ho chu an han hrilh a, an thu chhuak an han hriat chuan tlangvalte chuan Tlanglianpui lal hruai tura kal chu an tum theuh mai a, lalpa chuan sawi zawm lehin hliri pawh tunah hian Tlanglianpui panin a tlan haw mek a, chumi um tur chuan tlangval sawm vel kal ula lal hruai tur erawh chu kan inruat leh dawn nia a tih chuan tlangval ho chuan kei ka kal ang kei ka kal ang tiin an kal ta sup sup a, mi za chuang lai mai chu an chhuak thawt mai a, chung zingah chuan Lianpuia leh Rengpuia pawh an tel ve a, lalpa pawh alawm ru hle zawk a, hetiang ang tlangval akhua leh tui a an awm hi alawm em em a, a sawi zawm leh a, anih chuan tuna mi zawng kha kal ula an lal te ho chu an duh emaw duh lo emaw in rawn hruai dawn nia a tih chuan Tlanglianpui pan chuan an liam ta suau a...
Sairengi pawh a tlan ngar ngar a, mahse hmeichhia tih takah khawthim chuan atham dan dang riauva hriatna anei mauh mai a, mahse hlau hman anilo, akal char char a tul tlat, an beisei ang a thlen tak lohah chuan an chanchin chu apa te hrilh hriat vat angai tih hriain a thim avar pawh a thlu theilo, ahlau emaw hlau lo emaw akal ngat ngat angai, mahse engmah eitur nei talo chu a chau kher tawh mai, engtin awm zel ang i maw le...
Lianpuia te pawh pawh tlangval chaktha tih takah an kal chak zar zar hle mai, khaw thim in a nan takah chuan buk pawh zar lemlo chuan hmun rem laiah an riak mai a, chutiang ang chuan zan li lai an riak ta der mai, ni sarih kal vel anih avangin an hmanhmawh ve deuh a, zingah pawh vartianah an chhuak zat zat zel a, zanli an riah tuka an han kal leh chuan thui pawh an la kal hman lo, kalkawng ah chuan hmeichhia tih hriat tak hi kawngah chuan alo tlu kawm ngal mai a, an han hnaih a, an han en chian nak chuan hmanni deuh lawka an khaw bula thi lova ruanga an chhar, Hliri ngei kha alo ni a, Lianpuia chu asa phat mai a, a thianpa Ramliana angaihtuah phei chuan ana vawng vawng a, chutih lai karah a pian tirh ata ahmeichhe melh hmasa ber ani thung si a, a rilru chu a insual but but mai ani....
Rengpuia chuan Lianpuia hi ahre chiang thawkhat bawk a, arilru tur pawh ahre chiang ngang mai, hliri te nena an thingphurh nia a awmdan zawng zawngte pawh ahai hauh lo, an khua abum dan te leh an thiante thihna pawh amah vangah angai hmiah kha ani a, adika dawk chuan amah tak pawh hi athinrimin han khawih mai oawh a chak rum rum zawk hial a mahse lal fapa a awma a kuta dah chu tha a tih avangin ke apen duhlo lui ve ngat a....
Lianpuia pawhin engmah a sawi tak loh ah chuan tlangval thenkhat te pawh chuan bawihsawm an chak lo kher mai, mahse hetia hmeichhe chaklo hetianga ram palai lenga han hmuh chu hmuh hrehawm ti an awm bawk a, an bawihsawm leh ta nge nge a, Samthang tlangval te pawh hian lalfapa nen an inzui ve dan te an hriat ve deuh reuh avangin a tina zawnga khawih erawh an tum lova, a harh hunah a hnen atangin thil tam tak hriat an inbeisei zawk avang chuan an bawihsawm ta a...
Tum loh lamah hun an hmang rei ta phian a, hliri chu tuiin an han deh chuan a rawn che tial tial a, ahnu deuh hlekah chuan a rawn meng a, abulah chuan tlangval an lo awm khup mai chu ameng phar awn awn mai a, hlau viau e tilo chuan a chauh riltam em avang chuan chet erawh a che thei hauh lova a rilru erawh aharh kar a, abing mum mum mai a, abul maiah chuan Rengpuia a thu tih ahriat phei chuan a maimichhing leh zawk a, angaihtuahna thinlung te chu zawhna chi hrang hrang lo lut in a inthumrawn tlut tlut mai a, a thih na ni tur a thleng tawh anih hi tiin amaimi chhing ngawt ngawt mai a...
Mahse ahming ngeia kotu aw avang chuan ameng leh hram a, an en chuan ahmaah chuan Lianpuia ngei chu alo ding run mai a, en pawh a en rei ngam lo, amittui chu a tla nghal zawih zawih a, ahma aia nasa zawk mah chuan a thin chu aphu dup dup mai a, dik tak chuan Lianpuia hian a thinlung aluah hneh hle tih chu a inhre reng, chutia hlauthawng taka a awm lai chuan thola chaw va ei rawh tih ri chu ahre leh a, chaw ei tura thawh chhuah ngam na chi zia zang ni heklo le, tho chhuak tur pawh in chakna aneilo, tlangval thenkhatte chuan an han kai tho a, an thut luih tir a, ei tura an tur an tur takah chuan a ei ta nge nge a, tui te an innbawrh bawrh tak hnu chuan a chauh zualpui chuva reh huai a, mahse chak tak erawh ala ni lo....
Chutia alo harh tak deuh ah chuan tlangval ho chu an tho suau a, Tlanglianpui lam pan chuan an kal ta daih hlawm a, mi pathum erawh Sairengi (hliri) bulah an awm thung a, Lianpuia pawh rilru mumal bik hek suh akal te chu akal pur pur mai a, mahse hrethiam takin an um dawr dawr a....
Karkawngah Zan hnih an riah leh hnu chuan Tlanglianpui pawh a lang pe uarh mai a, qn rin aiin akhua alo lian zek mai a, an kalzel a khaw kawtchhuah chu an rin aia hma chuan an thleng der a, an ral thlir ang aiin akawng alo tawi daih mai a, khawchhung an han lut chu naupang leh mipui ho chuan mak ti thlir hian an lo thlir thap mai a, ro pawh rel mumal lo chuan an lut thawr kha ani a, Lianpuia chu engmah sawi lo chuan akal hmawk hmawk mai a, min dangtu apiang ka hma zel ang a ti hmiah mai a, anmahni dang ngam leh dan tum an awm lo bawo nen lal in pawh an thleng thuai reng a, lal inah chuan eng sawi lo chuan kawngkhar inhawng sa chu an phih thla thuai mai a, lal inchhunga lal leh upa te ho lo awm pawh an lo ka ho mai a, chet han tum pawh an awm lo, Lianpuia chuan man vek rawh u an ti tuarh a, lal leh khawnbawl ho chuan enge nita hetianga min rawn tih tak mai tu khua leh tui nge in nih a, lal leh upa te zahna nei miah lova in rawm chet a an rawn tih chu Lianpuia chuan in tuhrah anih hi alo ti leh nghut a, phuar ula kal ang a ti leh tawp a, Rengpuia chuan ni theiin a hre ta lova, Lianpuia inher a kal hma chuan, nie hei Samthang valrualte kan ni a, in tlangval la dam awmchhun ten Samthang lal in kawtah an lo nghak reng tawh cheu a, oan rawn lam dawn che u ani an tih chuan Tlanglianpui lal leh khawnbawlte chu an meng phar awn awm mai a....
Thudang han sawi vak tur awm tawh heklo le, an inkai chhuak ta diah diah a, Rengpuia chuan Lianpuia hnenah chuan upa ho hi kan hruai tel ve dawn em ni an tih chuan Lianpuia chuan dawn love alo ti leh mai a, chuta tang chuan Rengpuia chuan Lianpuia rilru chu ahah takzet ani tih ahrethiam nghal a, lal in an pel fel tih chuan iding teh ang u, tutu nge khawnbawl upa ho kha an ti a, khangho kha chu in lo kal ve angai lovang, in lalte chauh hi kan duh an ni an tih chuan upa ho chu an haw ta diah diah a, engmah sawi chhunzawm tawh lo chuan an kal leh ta a...
Sairengi(hliri) te awmna pawh an thleng veleh tep tawh lal Lianhrima chu a ang khur khur reng a, Lianpuia ning lutuk chuan akhabe ah chuan an ben chilh chawrh mai a, ta tang chuan a tawng leh ta miah lo, Lianpuia rilru hahna ber pawh a hmeichhe hmelduh hmasa ber chu an hmelma ani a, mahse anat erawh aphal chuang lova, chu ahmelduh awmchhun chuan an khua bumin mi tam tak bakah a thianpa ber Ramliana leh a thiante thihna a mawhphurtu ani bawk a, midang chu nise hmeichhia pawh nise a chansawm tawh ngei ang, mahse chu thil chu a ti thei tlat silo, a dinhmun a thlira lal fapa anih avangin an khaw hmelma fanuchuam chu anei thei ngai dawn silo a rilru chu akal bing em em mai a, a hmasa berah kalin akal nghauh nghauh mai a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 4th, 2019, 7:29 pm

EPISODE 98

Lianpuia te unau hringnun hi anuam in a awlsam lo hle mai a, hrehawm tam tak tuarin midangte tan malsawmna an ni thin a, anau lah harsatna namen lo a tawh phawt hnuah hlimna a chhar chhuak a, Lianpuia pawh harsatna tam tak rilru nat ngawih ngawihna te apal tlang hnuah lusei fate tan malsawmna duhawm tak ala par chhuah pui dawn ani, nuamsa taka awm thei nisi hrehawm tam tak pal tlang tura ruat an ni miau a, Sairengi(hliri) pawh nakinah lalnu ropui ala ni lovng tih sawi mai aharsa khawp mai, mahse enge an karah thleng dawn hriat anilo, harsatna tam tak tuar a midangte tana malsawmna ni tura an hringnun kawng zawh chu engang nge kan la hria ang chu...
Sairengi te bul an thlen chuan sairengi pawh alo harh pangngai tawh a, apa an hmuh chuan amittui atla zawih zawih mai a, man an nih avngin han chet vak a rem silo, Rengpuia chuan Sairengi chu engtin nge an tih dawn tiin Lianpuia chu an rawn a, ngaihtuahna chuan ahawl tawi kher mai, han hruai haw ve dawn se a chan tur ahre chiang si a, han hnutchhiah dawn se hmeichhia ani bawk si, rilru a tihah ve kher mai, mahse nungdama a awm theihna tur anih chuan tiin ani chu hmeichhia ani bawk a, i hruai ve lo mai ang, tikhan ei tur ken tir ula haw tir ula keini erawh chu kan kal thuai thuai angai a tih chuan Sairengi chu an haw tir ta hrih a.....
Samthang lam pawh boruakin ala chiah hneh bawk nen an mimante lah lal in kawtah an thu nghuk mai bawk a, naupang ho chuan infiam nan tak hmangin lung invawmfuh siak nan te an lo hmang thul, an chan a chauh em avang chuan engmah sawi ngam hek lo le, thi tur tih an in hre chiang tawh bawk si nen, beisei abo kher mai....
Lianpuia te pawh zan tam an riah hnu chuan Samthang khaw kawtchhuah an thleng veleh der a, lal fapa te an lo thleng tih a rik rual chuan naupang ho chu an lo tlankhawm dur dur a, mipui pawh an rawn lang ve nghal bawk a, mipui ho chuan heng ho hi maw kan khaw rawn runtute chu that nghal rawh u tih melha melhin an lo en thap mai a, lal inah pawh an thleng ve thuai a, lal inah chuan an Tlanglianpui lal ho chu an dintir thap mai a, an run chhan te chu an han zawt tha leh a, mahse an sawi tha duh tlat lo va, Thangtea chuan lal in nia ka zah lutuk che u, heng thil in tih hma khan uluk deuhin ngaihtuah ula hetiang hi athleng lo tur anih laiin lalna leh thuneihna duh vang in hetiang ang hi a thleng ta si a, mahse siamthat theih ani tawh lo, in thil tih man hi vawiin ah hian in hmu tih in inhre dawn nia, leikapui ah sawn va phuar ula, hetiang ang hi an tih tawh loh nan leh an insiamthat theih nan leh an thiltih thalo te aavanga an chunga thilnthleng hi hrereng rawh se a tih chuan leikapui lamah an in nawr phei ta a.....
Chumi ni chuan a chawhnu lam tawh nen engmah ti lo chuan an thiltih tur chungchang rorelin an thukhawm a, an tlangval inpe ta te chungchang chu an rel a, an lalpa lo sawi tawh angin an mimante ho chu an lalte hmuh lai in tihhlum vek tur tih chu an pawmtlang fel ta a, ahunah naktuk zing tukthuan eikhamah an khaw chuan thlang kham bul ah mipui tel lovin an lalte hmuh laia tihhlum tur an ti ta a....
Sairengi pawh hmeichhia mah nise mi tuarchhel em em, amah hi asual hauh lova, mahse apa tirhna avangin thil thalo a ti tih pawh apha lo, amah hrim hrim hi chu mi taima leh rilru tha deuh mai hmeichhia nisi huaisen em em mai ani a, lal fanu mah nise silai te pawh akap fova, a chem.sah te hi ana in tlangval tam tak in an tluk lo hial a, chutiang ang chu ni mahse a thiltihsual zar erawh azo ve hlak ani, karkawngte pawh chu inzir nan ahmang zel a, thil thar tam tak a chhar chhuak a, apa hmelma te chu ahmelma ni ve mahse athinlung lalpa chenna ahmun anih tak avang chuan a inchhir viau a, mahse asawt hrihlo khawp mai...
Zing khua alo vara, tukthuan te an han ei zawh chuan tlangval ho chuan an mimante chu an khaw chuan hnuai kham lamah chuan lal thupek ang chuan an hruai ta a, an lalte pawh chu an hruai tel bawk a, mahni thihna tur pan an ni bawk a, tlangval tuaitir deuh te chu an ngik deuh faih faih hlawm a, Thangtea thiltum diktak hi tumah hian an hre lova, anihna takah chuan he thil hi a sual vang leh a nunrawn vang anilo va, Tlanglianpui lalte inchhirna leh an ngaihdam dilna ahriat duh vang leh, he thilnavang hian Samthang chu aoawng apuia miin an run loh nana ti ani a, tlangval thenkhatte mittui tla pawh ahmu a, a khawngaih lo anilo mahse he thil hi a tih ngai in ahre ve tlat ani..
Khaw hnuai khamah chuan an tlangval man te chu sawm an han din tir phawt a, Tlanglianpui lal te chuan en hrehawm an ti kher mai, tlangval te chuan an chenreng te chu kap mai thei tur chuan an inring thap a, tlangval thenkhatte phei chu an tap chhuak hawm hawm mai a, rirlu bo deuh tan phei chuan ka ngaidam mai ang che u tih mai awl tur tak ani, tlangval thenkhat inchhir lutuk tap rawng rawng thawm kara inchhir taka lal Lianhrima leh lal dangte ngaihdam dilna aw lo chhuak avang chuan Samthang tlangval te pawh chuan an lalpa thupek nghakin an lo thkir thap a...
Lal Lianhrima chu Thangtea ahmaah chuan ava bawkkhup thlawp mai a, kan thiamloh ani e, kha zat min thah sak tawh a, dama la awm ho hi chu an nunna min zuahsak hram rawh, an ni aiah sawn i duh leh keihi min tihlum mai rawh tiin Thangtea hmaah chuan akhawngaihna ava ngen ta lawm lawm mai a, Thangtea beisei chu a thleng dik ta chat mai, anihna takah chuan toawm tawh hnu hi akhawih ngai tawh lova, enganga misual pawh nise mi tlawm tawh hnu hi a khawih nawn ngailova, mahse tun tuma a thutlukna siam erawh akhua te pawh in mak an ti a, mahse a thil tum zawk tak chu he thil hi alo ni zawk si a, heng thil te hi khaw mipuiin an hriat hunah engtiang takin nge an lalpa hi alo fin a, alo fel tih hi an hriatloh zia an inhre chhuak deuh deuh dawn ani.
Tlanglianpui lalte ho chu an bawk far mai a, Samthang upa ho chuan an lalpa thu chu an nghak thap a, Thangtea chuan a khawnbawl te chu en kualin tihian thu asawi ta a, misual te pawh hian hun tha pek an mamawh fo thin a, mi fel tam tak aiin mahni diklohna hria a, insiamtha te hi an hman tlak zawk fo thin, chuvang chuan kan thil tih lai hi ahlawhtlinna ka hmu tawh e, mihring nunna hi ahlu a, nunna oawh kan chan hnem tawh tawk e, in inchhirna leh in ngaihdam dilna te chu kei chuan ka pawmpui che u a, mahse ka khawnbawlte hian engangin nge an ngaih ang tih erawh ka hre lo, an thu thu ani e a tih chuan engkhat chu athawl deuh, mahse upa ho chuan lo remti ve talo se engtin nge ni ta ang?
Upa ho pawh chuan an lalpa rilru chu an hmuthiam nghal a, khatia an chungchang thua tihhlum vek tur tih asawi te pawh khan upa ho chuan mak an lo ti ru em em tawh kha ani a, Saimawia phei chuan mak a ti leh zual a, an lalpa ber in chutiang thu achheh chhuah takah chuan, inchhira sima insiamthatna hian rah tha a chhuah thin a, chutiang ang thleng thei tura ngaidam theitu tluka hlu a awm love tiin tumah tihlum tawh lovin, an phuarna pawh an phelhsak nghal vek a, lal in lam an pan leh ta a, Tlanglianpui tlangval thenkhat lawm lutuk insum zolo la inhnit faih faih te pawh hlauh avanga mittui luang kha lawm avangin an mittui aluang ta zawk a...
Inremna sa ui te tan in inrem taka awm tawh tura intiamin Tlanglianpui lalte leh tlangvalte pawh chu hlim takin an vangkhaw lam pan chuan Samthang chu an chhuahsan ta a, Tlanglianpui leh Samthang inrun hi a thang nasa em em a, lal Thangtea fin an chelh lo va, afapa Lianpuia chakna leh huaisenna an ngam lo an ti hial a, an ni pafa an dam chhung chuan Samthang hi khawnuam ani reng ngei ang le....
Lal Lianhrima te thlah ho hi lemchan thiam tak mai an ni a, an lemchan thiamna vangin an khaw tlangval sawmsarih chuang zet te nungdamin an awm theih phah a, Paliana pawh a ruk chuan a zak ve kher mai, a hun tawna hrehawm ala toh ber tum leh a tlawm ber tum ani ngei ang, mahse tih theih anei bik lo, lal Lianhrima te lakah pawh chuan a inthlahrung kher mai, han sawichhuah mai pawh anawm chuan loh avangin ngawih lamah a ramtang ta zawk a, a ruk chuan a in sik a in sik ve ngei ang.....
Lal Lianhrima tlawm la lutuk leh, Samthang lal hmaa khatianga a awm kha a rilru ana in a tlawm kher mai, an tlangval pathum te chu an haw ni a tanga ni thumna a chet la tur chuan ramhnuaiah a cham tir leh ta tlat mai, tlangval te tan chuan an lal anih avangin han hnial ngamna chi ni hek lo le, phur lo tak chuan Samthang khua leh tui tupawh an hmuh apiang dahtha tur chuan ramhnuaiah zan hnih an riak ta a...
A ni thumna tukah Tlanglianpui tlangval pathumte chuan hmun rem lai leh remchang nia an hriat hmun chu belin Samthang mi leh sa ram kal changin an thu far mai a, nakinah chuan hmeichhia leh mipa hi an rawn inzui thla hnak hnak a, an zawn an thlen chuan Tlanglianpui tlangval te chu zuang chhuakin an sat nghal hmiah hmiah mai a, an pahnih chuan che leh tur awm lo khawp chuan an khawih nasa a, an lu lain an ak tha hmak a, hnim pik lamah an ruang chu an theh phei a.....
An la duh tawk mai lo, an lalpa in a fuih thiam si a, tlawm taka an awm thu te leh, khatianga an chunga an tih dan kha inthamlohna ani a, engahmah min ngailo tih ahriat reng chuvang chuan an ni pawh an hlim reng lovang, mipa in ni a, mila takin awm ang che u tiin a tlawmngaihpuina a sawi te chu dik an ti viau lawi a, chuvang chuan pahnih pawh duh tawk mai lo chuan ramkal tur mi paruk lai tihlumin an ni pawh an khua Tlanglianpui panin an haw ve ta a.....
Kar aliam veleh ta reng mai Samthang khua pawh muangleia awmin indona vela zawlbuk chhia te in chhia te pawh an in thawm tha leh vek tawh bawk nen mahni hna tul thawkin hun an hmang suau suau a, Tlanglianpui tlangval hnufual ten an thah hmasak ber te nupa te in chu a in do rei tawh tih chu an thenawmte chuan ngaihthatlohna em em pawh nei lemlo chuan anni ram riak hi an va rawn haw har ve mawle an ti leh mai thin a, mahse ramriak rawn haw te lah chuan an ni nupa ram an riah loh thu an lo sawi ve bawk si a, chutih lai chuan an ram riak hmuh tir awm silo, khaw lama hmuh tur awm bawk silo mi pali lai mai an awm thu chuan khua a fan chuuak nghal vek a, lal beng pawh a thleng tawh nghe nghe a.....
Tlanglianpui pawh an beisei pha lo mahse remchang melh reng rengin phuba lak chu an la tum fan a, Sairengi pawh rilru hrehawm em em a hun hmangin apa chu ngaidam ve tawh mai tur chuan an ti thin tak na in, apa erawh chuan chutiang thil chu athleng lovang a ti bur mai si a, engtin nge a tih ang aw a ti vawng vawng thin a, ani hmeichhia lehnghal tan chuan thil tih theih a tam lo kher mai, mahse apa anih angin a tul tulah apuiin a duat em en tho a, apa pawhin hmeichhia mah nise mipa tam tak aia a rin ani ve tlat ani...
Pasaltha Sena pawh azin na khuaah damlohna in atlakbuak avangin a cher ruam mai a, thi mai tawh tura an ngaih kha ani a, a zinna a achhungte pawhin an khaw chungchang phei chu an hrilh duh lo va, mahse tunah chuan tlemin alo changkang ve deuh tawh nen, an khua samthang lama hawn mai pawh tha a ti ve tawh a, an khua a thlen theih chuan samak sa avangin dam thuai thei tho turah a in ngai a, mahse a chhungte chuan haw an la remti lova, i dam that deuh hunah an tih tlat avang chuan ahnial duh ta bik lo va....
Samthang khaw chhung chu an mibo te avang chuan an buai nuaih nuaih mai a, azawn hna pawh tan nghal in, ni thum lai an zawng tawh a, lo lamah an hnuhma lah ahluiin han chhui zui ngaihna reng a awmsilo, mitam tak phei chuan khawimu in a chawi ani ange an ti hial a, mizo te dana ni sarih an zawn hnu pawh chuan an rim a ra pawh hriata hmuh tur an awm.tak loh ah chuan mipui nawlpui te chuan an tinsan ta hrih a....
Sena pawh tlemin alo chak chho ve ta bawk a, an khua Samthang lam haw tur pawhin azuam ta zak mai, hun rei tak a zinna lama damlova a awm hnuah mahni khua ngei, thianthate kiangah, lal rorelna kil ve leh thei tura a awm chu aphur em em a, hma takah chhuak in a tum ran pan tur chuan hlim takin Zawlnuam khua chu a chhuahsan ta a....
Paliana pawh an khaw lamah haw veleh in lal Lianhrima thu chah angin a in ti dam te te anga, a thian sukte pasaltha ho kawi khawmin Samthang khaw laka phuba lak chu ala tum reng a, akiu pawh enkawl lohvin alo dam hman thelh a, an khaw sadawtin rem takin alo siamthat sak leh hlauh zawk a, chuti nilo se chuan a kut veilam chuan rit a chawi thei tawh hauh lovang le....
Hetih hun lai hian sukte pasaltha ho chu an tawrawt em em mai a, a ruk arala mi beih an chingin hmeichhe chaklo zawkte pawngsual mai mai an ching em em a, ahlawma in tel khawmin mi sawm ruk dawn lai an ni a, lak tam takin thi leh dar hmanga thlemin an hmelma te bei turin an ruai fo thin a, chung sukte zinga an khaipa ber chu Vungzaliana ani a, pa lian lemlo mahse fing em em mai, che rang em em mai la naupang tak hi ani bawk a, a hmel en mai chuan hela chu mi namai anilo ang tih tur khawp ani ve reng reng a, hengho hi Paliana chuan a ruk chuan abeisei deuh a....
Sena pawh Samthang kawtchhuah ah thuin thlifim a dawng heuh heuh a, phur tak chuan lal in lam pan chuan a kal ta a, an nufa chauhva awm an nih tawh nak alaiin anuin aboralsan takah chuan amal em em a, a thiante lah pakhat lal ani a, pakhat lah khawnbawl upa anih bawk avangin an tunhma hun te kha angai vawng vawng thin a, chuvanga khawhrana a chuungte bula va zin harh kha ani reng a, lalin an luh chuan Thangtea leh Saimawia chu an meng phar awn awn mai a, chanchinte an inhriatlohna alo rei ta bawk nen eng izin chanchin chu tiin an han zawt a, Sena chuan a zinna khua Zawlnuam khaw nawmzia te ram an neih that ziate a sawi siam siam a, a damloh dan a sawi erawh Thangtea ngaihtuahna avit ril deuh a, mahse engmah phei chu a sawi chhuak lova, hlim taka an inhmuhkhawm leh avang chuan Thangtea chuan vawin tlai chu heti lamah thianpa Saimawia pawh rawn tel phei sela, upa dang ho te pawh in rawn tel anga, thianpa Sena thla hualna neih pahin hun kan hmang dawn nia a tih chuan an lo phur hlawm khawp mai a, an duhtawk an titi zawh hnu chuan Sena pawh an in lamah aphei ve ta a, tlai lam pawh lal inah Pasaltha Sena thla hualna neiin puar el euhin hun an hmanga, a awmloh hlana thil thleng te an hriat chuan a thin hi a rim em em a, mahse a tel lo pawhin Samthang hi a chak tawk tih hi ahrechiang tu ber ani ang chu, Sena lo haw chu Lianpuia te thiandun chuan an lo lawm em em a, ramchhuak tura sawm an lo tum nghal nghe nghe a....
Samthang mibo zawng tute an kiam zel a, ni sawm chuang aliam hnu chuan an chhungte tak tak lo phei chu an reh ta a, boruak tharlam a awm lem lo bawk nen Samthang chu a ralmuang in an hna ngai theuhte an thawk leh hlawm tawh a...
Ni tam aliam hnu chuan feh ho hian thil rimchhe deuh mai hi an hre thin a, heti lai ramah hian sa tlaw a awm aniang a an ti mai thin a, mahse satlaw rim niin a then chuan an hrelo a, toangval.thenkhatte chuan a rimchhe emai ipaih hla ang tiin thil rimchhia an hriatna mual chu an han en kual a, an tum loh deuhin ruang paruk, lubung vek mai hi an hmuchhuak a, rang takin lalpa an hrilh nghal a, an han en chiang a, an khaw mibo te ni ngeiin an hria a, a chhan chu an khaw mibo zat chiah an lo ni bawk nen, lal leh upa te pawh rorel nghalin an khua a ralmuang loa, chuungkaw tin ramkal tur pawh fimkhur taka kal tur tih leh nula thingphur tur te pawh tlangval in hruai zel tur tih chu an tlangaupa chuan a au lauh lauh a, an ruang chhar te pawh khawchuan hnuai khamah a rim hriat phakloh turah an paih ta a..

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 5th, 2019, 8:04 pm

EPISODE 99

Samthang khua pawh ralmuang taka an awm enaw tih laiin a ralmuang ta hauh lo mai, tu tih nge tih chu han rin ngaihna reng reng an hrelo va, an hnu han chhui dawn se, a lo rei deuh tawh bawk nen, hnu mumal chhui tur reng reng a awm lo va, chutianga hnu mumal chhui tur a awm.tak lohah chuan fimkhur taka hun hmang theuh turin an in chah mawlh mawlh a, ralvenbuk siamin khaw hmawr hual chhuak in hmun sawm panga laiah siamin a chhawkin tlangval in an inven chhawk thin a......
Palian pawh a dam ve deuh tawh a, khawthlang lam pasaltha intel khawm Vungzaliana leh ahote chu be tura kal a tum a, Vungzaliana leh apawlte hi khawhrana inkulh lovin khawkhat lal hnuaiah an awmkhawm ve a, anmahni rawnbeisei tute hi an lo buan nek zel a, a thente phei chu ramtui leilo hialin an lo chhuah a, hei vang hian anmahni beiseia kal tur chuan mi chak leh inbuan thiam ve tak nih angai an ti thin ani....
Hun akal a, Samthang pawh boruak muanawmloh thawm a awm talo bawk a, tlangval ralvengten an ti thlamuang bawk nen nula te pawh tlangval tellovin thing an phur veleh tawh a, lo lam pawh an kal leh suau suau tawh a, hetih lai vel hian savawm lian tek mai ake hniak pawh a sawi uar deuh chuan tawng chen ani e an ti thin, khaw tam takin an buaipui em em a, mihring seh a ching tlat mai a, khaw tam tak chu akhuaah a luhchilh hmiah zel a, silai te pawn kap ve thin mahse a lian tham ve bawk a, asahuat a kah fuhloh vang te pawh ani bawk ang, an kap hlum thei mai bik lova, silai hi chu ahre kher mai, silai a rik tawh chuan a rang thei ang berin a insaseng ve vat thin a, ahnu te pawh an chhui ve bawk thin a, mahse han dahtha thei an la awm lova, khaw tan tak chu a ti ral ti mek ani, chu savawm ngei chuan Samthang khaw ram ri arawn lut ve mek a.....
Thil mak tak mai chu Liansangi te thianho thingphur in he savawm hi an hmu a, mahse chu savawm chuan Liansangi chu a en voh voh mai a, i va han hmeltha tak em ti melh hian amelh ngawih ngawih mai a, chumi tum chuan pawi engmah athleng lova, chutia a en zawh chuan akalsawn leh mai a, Liansangi leh athiante chu hlauhlawpin an tlan haw a, khua an thlen chuan chutia hlauhlawpa lalfanu te rawn tlan haw ta chu ahmu apiang in engatinge an lo ti zel a, an han sawi chuan khaw tamtak tibuai thin tu an sawi savawm sual chuan kan khaw ram a rawn thleng ve tawh anih chu fimkhur angai dawn hle mai an lo ti hlawm a....
Tlangval tam takte chuan chutiang ang savawm sual te chu zim ila i that ang u an ti a, mi thenkhat chuan akaptu nih in beiseiin an silai an hru hnum hlarh a, chutiang bawkin Lianpuia te thiandun pawh ramchhuah an lo tum lai tak ani a, mahse hmun hla tak ah kal ngai lovin an khaw ramchhungah an ramchhuak dawn ta zawk anih hmel, he savawm hi an sawi lian em em a, a tihlum thei hi awm ngat sela chuan khaw tam tak tan malsawmna ani dawn tih hi an hre theuh a, chuvang chuan beisei nei takin chu sa chu pelh an tum hlawm a....
Savawm an hmuhna hi khua atangin ahla miah lova, nula thing phurh ngam na tawk vel ah ani a, chuvang chuan mitin chu fimkhur tur chuan an inchah mawlh mawlh a, Liansangi ten an hmuh hnu ni thum tukah chuan lo a feh tur tlangval pahnih leh nula pali te zinga tlangval pakhat chu savawm chuan manin hmuh tlak loh khawpin a sawisa a, tlangval pakhat zawkin a thianpa chhan a tumna lamah ani pawh ahliam nual mai, hmeichhe ho chu au tuarh tuarh in tlan haw ula lalpa han hrilh thuai rawh u a tih takah chuan hmeichhe ho pawh an em phurhlai tlansanin khaw lam pan chuan an tlan vang vang a...
Liansangi ten an hmuh ni atang khan tlangval.thenkh
atten pel mahse an hmu bik mai lova, he thil hi an thleng ta ani a, hmeichhe ho khaw lama tlan haw ta ten khua an thlen meuh chuan an tlangval la dam a thianpa chhan tuma pawh biak tlak a ni ta lo, a ril te chu a chhuak per pur mai a, apawh hian apawt darh huau mai a, hmeichhe ho chu lalinah an tlan lut nghal a, an thil tawn chanchin an han hriattir chuan Thangtea chuan awle nangni ho chu inlamah lo va haw ula, lo va hahdam rawh u, tlangaupa tlangval te kha han ko khawm rawh a rang lamin a tih chuan tlangaupa pawh rang takin a tlan chhuak nghal a....
Tlangval inlama awm ho chu an kim thawkhat viau mai, an boruak leh thilthlengte chu an sawi zawr zawr a, tunah hian chutilai hmun chu pan nghal ula savawm pawh chu in rawn hawn nghal dawn nia tiin a toangvalte chu ringtawktak chuan a thlah liam a, Sena chuan tlangval hi chu a zui ve a, Lianpuia leh Rengpuia lah an lo lawm sateh a, savawm nena an intawhchilhna lai an zuk thlen chuan thisen hi alo baw nuaih mai a, mihring rilte pawh bung rem rumin an hmu a, pakhat zawk phei chu alu chu hmuh tlak loh khawpin a seh chhia a, amah savawm erawh hmuh tur awzawng alo awm tawh lova, tlangval ho chu an thinrim kher mai, ala kal hla miah lovang tiin an insemdarh nghal a, savawmin a seh hlum takte pawh mi sawmhnih velin an hawn puia, abak zawng chuan savawm pelin an insemdarh a, Lianpuia leh Rengpuia pawh Sena bulah kalin fimkhur takin an kal zel a, chutia fimkhur taka an kal lai chuan an piah mual ah chuan na tuarthawm leh savawm inhrosa thawm a rawn ri chhuak thut mai a, Rengpuia phei chu aphu zawk nghe nghe a, Sena chuan ihi le kan thiante nen an intawhchilh anih dawn chu tiru itlan thuai ang u tiin thawm awmna lam pan chuan an tlan nghal a....
An va thlen chuan mi pathum lai an lo tlu tawh a, an sawi ang ngeiin chu savawm chu alo lian kher mai, a din phei chuan ahmui khawih tur chuan patling pawh azuan a zuan angai hial ta ve ang, savawm in akhawih zinga pakhat chu chet pawh a che tawhlo, chu thil chuan Lianpuia chu a ti thinrim khawp mai, Sena chuan tuman bawh tawh hrih suh u, tiin silai chu a darah a nghat nghal sawk sawk a, savawm lah amah beitute chu ahlau lo nasa mai si a, kalsawn pawh tum chuang lo chuan a inhrosa nasa mai a, Sena chuan an kap thawr mai a, savawm pawh angek nasa mai, mahse silai mu khat chauh chu atan anep nasa mai, akap tu chu melh in a rawn pan ta mai a, chuveleh Lianpuia leh Rengpuia chu Sena hmaah dingin silai lo keng ve heklo le, chem tum nen chuan savawm chu an lo hmachhawn ran a....
Savawm lah in ka kalna kawng daltu ka dim ngailo ti niawm fahran in ahmaa alo khawih tawh tlangval che theilo chu a rawn nawr phei buan buan mai bawk a, Lianpuia chuan Rengpui nag avei lamah kei ading lamah aw, tiin savawm inhrosa vel chu an va bawh a, savawm pawh alen ang aiin alo rang daih mai a, Rengpuia chu aper nalh mai a, a dar dinglan erawh asattu sahna tha anat em avang leh a chem ahriam em vang chuan akak thLa ve duai mai a, mahse chungte chu savawm tan chuan engtham ni heklo le, a thinrim tawk vel ani, midang ho pawh silai ri hria leh thawm hria te an lo tlankhawm nak nak hlawm a, an hual ta thup mai a, leh lam lehlamah an hualntawh avangin silai hman a rem chang tawh tlat lo, chem tum nen an ding thap mai a, Rengpuia pawh atho zi talh talh mai, adar sattu Lianpuia chu melhin apan leh ta thung thung mai a, Lianpuia bul a thlen dawn tepah chuan a tawh phak loh tawk tur velah a zuang phei zawk a, zuang zawk pag chuan a dar veilam chu asat leh ngheng mai a, tlangval dangte pawh mau fei hmang ten an rawn khawh hlawm a, a taksa ah chuan mau fei te chu abur fur tawh mai a, amah alian hrim hrim a, a tuar pawh a fei kher mai, a tal kual na velah tlangval pakhat chu aham fuh leh hlauh pek a, a awm ruh alang tuar thei a, Lianpuia chuan tiru le i zim zel ang mahse fimkhur takin aw, tiin abula mai fei tla chu chharin a luah chuan an khawh veleh pawp mai a, chutah savawm chu a tlan thut mai a, tlangval ho pawh an darh hak mai a, thlang lamah chuan a tlan thla daih mai a, Lianpuia chuan eng sawi lo chuan savawm tlanna lamah chuan rang mangkheng chuan a tlanthla zui ve nghal a....
Tlangval dangte pawh chuan Lianpuia chu an um thla ve hlawm a, mi thenkhatte erawh hliam buaipuiin an kal zui ve talo a, mi pali lai khan hliam an tuar ani a, Lianpuia pawh a tlan chak thla ngei mai, savawm pawh ahmu thuai a, aum pha vat a, a rem lai lai ah chuan a sat ngheng ngheng mai a, savawm pawh tlan hleithei tawh bik hek lo abawk ta run mai a, ahnu deuh ah tlangval ho pawhin an rawn umpha ve thuai a, an han bawr laih laih hnu chuan an tihlum thei ta hram a, an han enchiang vela lian hi an han ti khawp a, hetiang ang reng renga savawm lian hi ka la hre ngailo an ti nak nak hlawm a, phur tak chuan azawn haw na tur vel an siam a, an siam zawh chuan savawm zawn chungin an ri chho ta luih luih mai a....
Vungzaliana leh apawlte pawh Paliana nen inkawm an titi tui viau mai a, Paliana lahin Vungzaliana chu ahiat thiam em em mai lehnghal a, Thangtea te pafa chanchin chu sawiin mi chapo an ni a tiha tanin an pafa hian tuma hneh theih loh kan ni tih hi an sawi duhdan ani a, kan hmaah tumah dingzo an awm lo,pasaltha hming pu ve naran mai mai beih chi kan nilo te hi an tifo thin a, nang hi an la hre ve lo che ani phawt anga an tih chuan Vungzaliana chu aling hlar mai a, chutiang ang mi chapo te chu dam reng tlak pawh an nih loh tawp chu, chumi khua itih chu eng khua nge kha an ti a, Paliana chuan Samthang khua ania, lalpa leh afapa mawle alo ti var a, Vungzaliana chuan an lalna avangin tuman an bei tha ngamlo anih zawkndawn chu, chutiang mi chu lawm ka mi huat ber te, hei kan laklawh riau mai a, ni tam ani lovang, Samthang chu kan han luh chhuak ngei tur ani ang a tih chuan Paliana chuan tifuh inti takin Vungzaliana chu nie nangni ang pasaltha te avang hian muangleiin kan awm theih phah thin tehi ka van lawm tak em, heng thu te hi kan lal te pawh in an hre chak ngawt ta ve ang, engpawh nise in lo kal hunah Tlanglianpui khuaah in rawn in nghat dawn nia, kan lalte pawhin an hmu chak tawh ngawt ang che a tih chuan Vungzaliana chu abu nghat a, tanpui ngaite tanpui hi nuam ka tih zawng ani a, ka hmaa ding ngam ka chhuah ngailo engkim ka rawn chingfel thuai ang a tih chuan beidawnna ruama thu mek Paliana thinlung chu beiseina mei chher chuan deh kaisak ni in ahlim kher mai, an boruak leh titi akal tha bawk nen, Palian chuan nuam a ti kher mai, mahse buan mual a an binna erawh akiu chu tlemin na a tih belh hlak thung a....
Samthang lam pawh an savawm thah tak chu alian an tih em avang in tha takin avun an lip a, a chhungah eng engemaw an hnawh puar a, lal in kawtah chuan an hung ruau mai a, savawm boruak pawh a thang chak hle mai a, khaw dang dangte pawh in alen em avangin an rawn en hlawm hial a, khaw tam takte buaina chu Samthang val rualte avang chuan tih kianin alo awm ta a, akhaw tihbuai ho upa te chu an rawn lang kim deuh vek a, savawm aih nan tiin khaw hnih chuan sial an rawn kai nghe nghe ani....
Boruak a ralmuang leh ta deuh bawk nen Liansangi pawh apu ten zin turin an rawn chah reng mai avang chuan apa chuan han zin ve ta poh che, an ngai thlu ngang che aniang, i uten an han thlah dawn che nia, ani pawh an hmu khat ve tho bawk a, ilo haw dawnah a rawn lam leh dawn che nia tia apa phalna ahmu chu alawm kher mai, a chhan chu han zin khawthawn ve te hi anuam ve a, chulo rengah han teichhuah hi a chak riau mai a, apa in aphal tawh bawk nen atuk leh lawk ah apu te khua Samlukhai khua a kal tur chuan a insiam rawk rawk a...
Samlukhai khua hi in za nufa vel an ni a, khaw inlungrual tak an ni a, an lalpa hi lal fing tak ni lemlo mahse rilru tha em em mai ani a, akhua te pawh hian an ngaina em em a, mikhual pawh in nuam an ti hle thin nia sawi ani a, Liansangi pu hi khawnbawl upa min ani a, engkim ah a thutlukna an nghak ani deuh chawt mai a, lalpa pawhin ami rin leh rawn ber ani reng ani, Liansangi te thlen hma hma chuan Samthang lalfanu hmeltha alo zin dawn tih thawm chu a ri daih tawh a, ahmel la hmu velo tam tak an awm, an sawi anga hmeltha anih chuan lo thleng sela ka vawikhat tal chu ka rim ve ang an ti hlawm a, ahmu tawh te phei chuan zantin khel lovin an lo ti ve bawk a, an nula te lam erawh in Liansangi lo thlen hma hma a tlangval hovin titipui bera an nei te chu an lo thikin Liansangi chu lo kal lose an ti ru neuh neuh hlawm a, a then te erawh chuan kei aia athatna tur a awmlo, lo kal chiah sela an lo ti ve bawk a, Samlukhai khua ah hian nula leh tlangval inkarah a thlen hma hauhin buaina a chawkchhuak der mai a, an upa te pawhin Liansangi chu a ruk tak chuan an hmu chak theuh mai ani....

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)