HLAUH NEILO PASALTHA KHAWTINTHANGA Ziaktu. Seraph Pachuau 1- 101

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

Re: HLAUH NEILO PASALTHA KHAWTINTHANGA Ziaktu. Seraph Pachuau 1- 76

Unread post by Ngaia » April 8th, 2019, 8:49 pm

Episode-76
Ngur khaw tlangval te chu an phuar hlawm veka, han tlan chhuak leh put ru reng reng an awm lova an man bang zawng chu an thi fai vek a, Samthang tlangval te pawh mi za chuang chu an thi ve tho mai, Ngur khaw tlangval te chu phuar chung chuan Samthang lamah an chhawm haw ta a.....
Kalchak vak thei heklo le, kalkawngah chuan zan khat riakin a tuka chawhnu her a lut tur chuan an kal tlauh tlauh a, silai pawh an man hnem kher mai, silai sawmruk vel zet an hawn tel a, khaw thlen hma chuan zankhat riakin a tuk chaw hnu her ah chuan Samthang khaw kawtchhuah chu an thleng ve leh ta der mai a.....
Kawtchhuah ah chuan thlifim te dawnga an hahdam hnu chuan Thangtea chuan hnehna hla do chu an han chham vang vang a, silai an kap thuai mai a, chuveleh silai keng zawng zawng chuan an silai chu an lawn un un mai a, khawchhung an pan ta a...
An thawm hria apiang a lian a tein kawtchhuah lam pan chuan an in chhuih thla khu rum rum mai a, an lawmpa te arkeziak ban tum reng rengin nula ho an buai a, an chhawl ahal ang tiin lawmpa leh lawmnu te pawh an lo in tulh bawrh bawrh a, naupang a thleng hmasa apiang mai chuan an mi mante chu kaiin lal mual lama thlun turin an kai chho nguah nguah mai a, reilo teah lal in pawh an thleng chho nghal a...
Thangtea chu leikapuiah a kal chhuak nghal a, mipui lam pawhin enge thil thleng hre chak tak chuan an lo thlir thap a, thu asawi ta a, hei vawin ah an pawi kan sawi miah loh leh, an pawi kam sawi na awm kan hriatloh Ngur khua leh a thurualpui khaw hnih te chuan min run tumin an lo kal a, mahse kan lo hre hma hlauh a, hei hi kan thleng ta anih hi an tih chuan mipui chu an phun mur mur mai a, Thangtea chuan mipui chu ngawi tura kuta zapin, an zinga pahnih kha chhuah ula, an khuaah han zualko sela, tute nge an run hi han hrilh rawh se, abak zawng kha Ngur khaw lal in a tlan duh chuan in nunna pawh kan zuah mahna, mi pakhat hi silai fung hnih zela in tlan angai bawk ang, anih loh chuan an chungah engpawh thleng se tuman an sawi thei lovang tiin inchhungah chuan a lut a....
Asawi chiang tawk viau bawk a, an mipui pawh an tin darh ta a, an mante zinga pahnih chu tlangval ho chuan an phuarna phelhsak in, an khuaa zualko tur chuan an chhuah ta a, Ngur khaw lal leh upa ho chu an buai ve viau ngei ang le, chutia indo leh inrun vel avanga an buai suau suau lai pawh chuan Lianpuia rilru ah erawh chuan Samak var ki pahnih nei mawlh mai chu a thi thei lova, an in do boaruak sarhu lai anih avangin apa bulah pawh engmah ala sawi duh hrih lova, aka erawh a ang zuaih zuaih fo ani....
Kar aliam leh meuh chuan Ngur kha lal leh upa te pawh Samthang khua ah lo kal in ngaihdam an rawn dil chiam mai a, thah an tum tak Samthang lal sut vuantu pawh ama thiamlohna awm lova a chhungte zawng zawng an thajsak avangin lei chawi tur a intiam kamna te neiin, an mi mante erawh tlanna tir silai an kawl tam loh avangin ngur khaw lal in banglaia silai in tar leh thirdengpa kawl leh upa te kawl tih loh chu Samthang lam hian an man sak fai vek ani...
Chutiang anih avang chuan an meih tawk silai fung sarih keng chuan ngaihdam an dil ta tawp mai a, Ngur khaw pasaltha ten dawt an hrilh avanga he buaina hi lo intan ani toh Ngur kkhaw lalpa in ahriat phei chuan a thin hi a rim em em mai a, tih theih dang awm tawh hek lo le, Samthang lal un ah chuan ngaihdam dilin a lalpuan hlipin athingthi rawp mai a, chutiang ang a tlawmna avang chuan an in ngaidam ta a, an silai rawn ken pawh laksak tawh lovin hetiang hi a thlen tawh loh nan tiin inremna tha tak siamin thian ah an insiam ta a.....
Chutia inrun boruak an zo fel ta chu Lianpuia chu mawnga hawlh ang zek zek hi ani tawh apa bulah pawh sawiin Thangtea pawn alo phal em em a, mahse fimkhur tura in chah mawlh mawlh in a tuk leh lam a Lusei lal ram leh pawi lalram in rina bawra Samak var ki pahnih nei damna pai an tih pel tur chuan an inbuatsaih mawlh mawlh a, chu zan thla eng hnuaiah chuan Sena te leihkapuiah tlangval sawmthum zet te nen nula pawh rim bik lovin atuk leh lama an kal dan tur relin phur takin an titi a, zan lai ar khuan hma deuha tinin a tuk ah lal in kawtah in nghakkhawm tura intiin an in mangtha ta hlawm a....
A tuk ah chuan lal in kawtah chuan ramsa zinga mak dangdai tak mai pel tur ho chu an rawn chhuak khawm tak tak a, an kim hnu ah chuan lalpa(Thangtea) chuan tluang taka kal tura chah in he sa hi samak tak mai anih angin khaw tam tak pasaltha te pawhin an veh ve ngei dawn a, he sa lakah leh midang lakah in va fimkhur dawn nia, tiin hlawhtling ngei tura chah in an inthlah liam ta a.....
Lianpuia chuan apa chem chu lek kangin a en vang vang a, engmaw tak a ti thei hian a ring tlat mai a, a hriatloh thil tam tak ala tihsak hian rinna anei tlat mai a, mahse enge thleng dawn ala hre zel ang chu...
Hmanhmawh lemlo tak chuan Lianpuia te ho chu an kal ta a, hmanhmawh loa kal mah nise zan tam an lo riak ve reng tawh mai zan ruk an riah na ah chuan inbeihna hmasa hmachhawn turin nghalbual ruamah chuan riahbuk an sual a...
Buk an zar zo hlawl khawsak rela an buai nak nak lai chuan tlai hmeh tur therhlo en kual tura kal ve zinga pakhat kal hrang chuan min pui ru tia a au ruai ruai a tang chuan tawhsual engemaw a tawk ani ngei ang le tiin an meng phawk hra mai hlawm mai a, Lianpuia leh Sena erawh thawm lo chhuahna lam ah chuan an tlan duk phei nghal a.....
Tlangval thenkhatte pawh chuan chutia Lianpuia leh val upa Sena an tlanphei takah chuan an hamhaih zui zel ta bik lova, vengthlang tlangval auna lam zel ah chuan tlan in an va in nagching ta nge nge a, chuta an thil hmuh chuan Lianpuia leh Sena leh Saimawia fapa Rengpuia thin a tirim kher mai le...
Sakei lian fe mai lo ding run leh bihruk pawh tum chuang lo a, an thianpa alo khel mawlh mawlh mai an hmuh chuan an insum zo ta hauh biklo, hmanhmawha tlan chhuak tih takah silai lo lek chhuak hman bik hek suh, chem tum nen chuan sakei chu an pan chhek chhek mai a, sakei lahin ka sa anih hi tuman min chhuh bik hauh lovang ti niawm fahran mai chuan a lo rum chhur chhur mai bawk a....
Sena chuan hetiang ang ilo ti ngam chu zilh hlak i ngai ani, lianpui nag dinglamah kal la, Rengpui nag vei lamah kal rawh i pawt darh vek teh ang tiin Sena sawi ang chuan an kal nghal a....
Sakei pawh in chutia an rawn hnaih chilh dawn tak ah chuan pakhat tal ka thih chilh ve ang cheu ti ni awm takin ahnaih ber Lianpuia chu zuan tum chuan a awp hniam suai suai mai a, Lianpuia chuan lo zuang rawh le, i thil tih man ka lo pe ang che, tiin alo phun ve sep. Sep a, an pan hnai zel bawk a....
Thawklehkhatah sakei chuan Lianpuia chu azuan thut mai a, a rang kher mai Sena leh Rengpuia phei chu an lo inring hman reng reng lo a, mahse mi bik Lianpuia ani tlat, apa khum tura khuanu malsawmna dawng bik ani miau alawm, sakei rawn zuangkang chu pan hnai thutin ahnuaiah chuan a tleng lut phei a, sakeiin a zuan pel ta maw tih awm velah ding nghal zawt in, sakei khel ah tak chuan chem phek zawng chuan an hem pawp mai a, sakei pawh ahram tuarh thei hial ani......
Chutia akhela rawn hlap tu chu leh hawi nghalin a awp hniam leh ta ruai ruai mai a, Rengpuia leh Sena pawh in Lianpuia chu an rawn thlawp nghal zat bawk a, sakei rawn zuang leh chiah chu Rengpuia dinglamah aper zawk a, Sena veilamah aper zawk bawk a, Lianpuia erawh angai te bawkin sakei hnuaiah a eu lut zawk mai a, chutia ahnuaia eu lut zawk chu salei chuan ham fuh ngei tumin a rawn ban ve zuau zuau a, mahse mihring nge nge chu thluak nei tih takah a tum rual chiah a, a le dinglam a bai danah chuan Lianpuia chuan alo khawng na hle mai tih alang reng mai....
A rawn leh hawi leh hma chuan Lianpuia chuan nangching leh nghalin apa chem ngei mai chuan azangah chuan an sat ngheng mai a, sakei chu a hram tuarh mai a, azang chu akak duaih mai a, a zang ruh asat chhum tel bawk nen han che leh thei zia zang ani tawh lo, Sena leh Rengpuia pawh an ka ho mai a, an che ve hman ngang lo chu ani ber e...
Sakei chu ala thi mai bik silo a, a rum a rum mai a, che thei tawh heklo le, Rengpuia chuan a bula lung lian tak mai chu achawi phei tawrh tawrh a, sakei lu ah chuan an deng pawp mai a, alung alian bawk a, salei lu chu a delh per hneh ngei mai, en pawh en zui lo chuan an thianpa chu bawihsawmin salei sehna hmunah chuan thuk lo tein lei an lai khuar a, an phum tha ta a, buk lamah an haw san leh ta a...
Chumi zan chu thudang aleng lo, Lianpuia chet dan leh an thianpa chungchang ngawt chu sawiin zan rei fe thleng chuan an titi a, a tuk lehlama kal leh tur leh hmabak ko lo tak mai an la neih avangin tawnmang lamah lawmnu te nena indi ngei turin laikhum thlehnem an bel ta a....
A tuklam tuk thuan an ei zawh hnu chuan an tum ram pan in an kal leh ta a, kalkawngah chuan eng engemaw chu an tawk ve reng mai a, chumi zingah chuan mihring an inchan leh tepna, zan riat an riah na zana thil thleng chu ani....
An riahbuk chhaka thawm awm leh that that thin chuan Lianpuia chu a ti harh zawk mai a, ahawi kual vel a, thawm angaihthlak chian chuan mi pakhat mai anilo tih ahrenghal a, tin mihring nge anih ramsa nge huai tih pawh ala chiang bik lo, chutiang anih avang chuan a pa Sena chu aka hup chungin ava kai tho a...
An han ngaithla dun vang vang a, inkaihthawh vek thaa an hriat avangin thawm dim thei ang ber chuan an in kaitho ta vek a, inring tak chuan thawm lo chhuahna lam chu an bengkhawn thap mai a, chhaklam hlir an ngaihtuah lai chuan thlang lam a tang pawh chuan thawm a rawn ri that that a....
Chhaklamah Sena hoin an ngaichang thap a, thlanglamah Lianpuia hoin an ngaichang thap bawk a, nakinah chuan buk pawh an rawn hnaih ta hle mai a, buk kawngkhar pawh an rawn bawr tuau tawh a, mi pariat vel lai an ni awm e, bawh huk mai chu an tum ut ut a, mahse eng hmanrua nge an ken an hriatloh avang chuan han bawh huk pawh an hreh deuh a....
Nakinah chuan lusei tawng nilo chuan an inbe ta su su a, buk chhung chu an rawn lut tliar tliar a, mahni hmazawn theuh ami chu uluk takin an thlek hlawm a, khawthima an awm rei tak avang chuan an riruang pawh an hnu chiang thei uarh tawh a,silai an kenglo tih pawh an hre ta a....
An rawn bawh hma chuan inringsa an ni bawk nen Sena chuan khaile an ti thut mai a, an bawh ta huk mai a, Lianpuia hmazawna mi pahnih chu tho leh tur awmlo chuan an thal nghal a, midang panga pawh Samthang val rual te chuan an thut bet fel tawh a, pakhat erawh chuan Samthang tlangval chu ahrawkah tinin buk pawnah a hnungtawlh zawng chuan a chhuah pui a.....
Chet han lak viau hleihtheih ani bik hih silo, anman beh te rawh chhuak tur chuan ramhuai tha tak meuh angai ve ngei ang le, Lianpuia leh Sena chuan an thianpa te chu an zui zel a, khua var sela tihdan a awm mai an ring a....
Hnungtawlh zawnga kal tih takah akal chak thei bik lo a, chumi piah ah, lianpuia leh senan an zui tlat avang chuan sahimna tur kawng avng hle ngei ang le, khua pawh var tumin a rawn eng uau mai a, chu hun chu Lianpuia beisei ani reng a, an inzui viau ta khua pawh a eng at ta, an han hmu chiang chu pawi tlangval tuai tir te mai sa tha ve lampang, inkhai thli deuh mai hi alo ni a....
Nakinah chuan hnun zawlah chuan dingin Lianpuia chuan kha kha thlah la i ngam anih chuan min hmachhawn ta che, an ti tuarh mai a, pawi pa chu ameng sen rum mai a, ami man pa chu kha tih paha sah a tum lai tak chuan silai a puak thuai a, pawi pa chal dar ah tak chuan akaw sun mai a, che zui leh tir reng reng a awm tawh lo, silai rikna lam an han en chuan rengpuia chuan silai chu alo la keng khu vut vut a, kha kha a chan tawk anih kha tiin buk lm chu apan leh ta daih a, Lianpuia leh Sena chu an in en a, an nui sak a, an thianpa chu an va pawh nghal a, anghawng chu alo thi ve sar sar a, inhliam na awm lovin buk lam chu an pan leh ta a.....
Buk pawnah chuan an mutui lai rawn beitute chu an lo phuar hlawm a, an lo mut far mai a, an zingah chuan lusei tawng pai deuh a thiam alo awm ve a, chuta an thil hriat chuan Samthang val rual te thin a ti rim zual kher mai...
Heti lai ram vela ramvak leh veivakte suamin an neih rohlu silai eng ilo vel chu an lo laksak thin chu lo niin, an khua an sawi te chu an awmna ram a tanga ni sawm chuang kal ah daih a awm a, chutiang anga heti laia mi lo suam chu eizawn nan ber an lo hmang alo ni a, mahse an ngamloh val tawnah duhloh rai ang maiin an tum ta vuau anih ber tak hi.....
Lianpuia chuan ka pa Sen engtin nge kan tih ang an tih chuan Sena chuan an tan damin awmzia a awm lo, midangte tibuai reng rengin an nun an hmang dawn tho, lusei tawng thiampa kha hruai ula, an tawm buk kan kal dawn nia, midang kha chu dahtha vek rawh u a tih chuan tlangval ho chuan buk thlang lamah chuan an kap hlum ta vek a, lusei tawng thiam ve erawh an tawmbuk leh an chet tlatna ah an kalpui thung dawn ani.....
Tuk thuan pawh an mimante buk lama bawl mai tura in tiin pawi tleirawl rual ho awm naah chuan an miman pa hruaiin an kal ta a, ahla vak lo bawk nen an thleng vat a, an buk an han luh chuan silai pawh alo tam hle mai a, thi leh dar te pawh alo a ruih mai a, luruh pawh an hmu nual a.....
An buk pawh an sa tha kher mai in pangngai ang mai cheibawlin an khawsa a, tui lah ahnianghnar bawk si, chutilai ah chuan tukthuan chu an in bawl ta a...
Tukthuan te an ei zawh hnu chuan pawi pa lusei tawng thiam a pawh chu vawikhat mah thilsual ti thei tawh lo turin an dah tha ve ta nge nge a, silai lo awmsa pawh an insem diat diat a, silai pawh an keng kim ta thap a, silai nei ngai lo tur te pawhin ka silai tih tur an lo nei ta a, thi leh dar pawh chu an insem ta vek a, hlawhtling inti tak chuan an tum ram pan chuan tukthuan an ei zawh chuan an kal leh ta a....
(Pasaltha lam chhiartute hian in click ngai lo riau mai a, click lamah harsatna in nei em ni aw? A hnuaia Advertisement milem khu click tawp tur a ni mai)



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 12th, 2019, 8:10 pm

Episode-77
Silai keng vek an ni tawh bawk a, an thla amuang hlawm hle tawh mai a, zan thum an riah leh hnu chuan lusei lalram leh pawi lalram inrina chu an thleng ve der a, chu ram ri ah chuan lui lian deuh mai aluang a, hman a pawi ho nena an indo na luipui kal zel kha ani nghe nghe a....
Chu lui phai zawl ah chuan buk pawh a tam kher mai lang mai thei ah pawh chuan buk swm dawn lai mai an hmu nghe nghe a ani, chulai chu buk sak nan pawha rem lui tui hnai ni mahse enge maw thulh ah tiin hmun biru deuh zawk, enge maw thulh pawh awmse han tlan mai na tur leh bihrukna remchang an zawng deuh a, achhan chu he samak hian khaw hrang hrang pasaltha leh tlangval vehtu angah em avangin midang lak ah pawh inven tel atula an hriat vang ani....
An thleng hma angreng bawk a, mi panga rawngbawl tura indah in abak zawng chu hmun nga ah in then in chulai ram vel chu chian turin leh tlai chawhmeh tur therhlo eng ilo zawngin an vak chhuak hlawm a...
Chulai ram chu ram chang tih takah sa hnu pawh a tam nangiang mai le, mi tamtak hlawhchham na ah an kal ve ani a, enge an an dawn kan la hria ang chu...
Lianpuia te kalna ram lam a sahnu mak danglam tak mai an hmuh chu an sa zawn chu ani thei angem tiin an sawi khawm nak nak a, an thleng chauh a, beiseiawm thil an tawng nghal te chu an lawm a ti zual hle mai a, chu sahnu mak tak chu ala hma deuh bawk nen an chhui zui ta char char a, mahse ahnu bak erawh chu hmasawnna an hmu lem lo a...
Khua a thim chhuh thleng chuan an chhui zui a, mahse ahniak bak an hmuh tak loh ah chuan a tuk lama chhui zui ah tiin buk lam pan chuan an let leh ta hrih a, Rengpuia te lam chuan sakhi leh sazuk an lo kap a, buk lamah chuan an lo ri laih laih a, midang kal chhuak ho pawh an lo thleng kim thap tawh a, Lianpuia te an thlen ve meuh chuan zanriah pawh an lo peih fel tep tawh a....
Chin ngaichanga kal chhuak ten an thil tawn te an sawi khawm diat diat a, chung zinga beisei awm Sena te sahnu hmuh leh Lianpuia te sahnu hmuh chu a tuk lama chhui zui ah an ti a, zanriah pawh tlangval rawngbawl ten an lo peih tawh bawk nen sakhi chek nen puar el euh in an ei ta hlawm a....
Hetih lai vel hian Liansangi hmelthatna chuan khual a thang nasa em em a, ahria apiang kei ka ni inti chin te chuan rim tum in Samthang an pan thin a, ahmu tawh apiang mai chu a hmelthatna zun ah chuan an uai nghal zel a...
Chu khual thuthang lo hre ve lal Vunglaia fapa mi chapo leh sual hmel pa hrak mai, hmeichhe duh chi tak, hang lam, mahse ngeng ngalh mai, tawng zawk zawk lo chuan lo hre ve in an khua Aibawk a tang chuan Samthang lam kal tur chuan an lo inbuatsaih ve mek bawk a....
Lianpuia te pawh tukthuan chu hma takah eiin an beisei samak hnu ni ngeia an hriat chhui zui tur chuan an kalchhuak nghal a, Sena ho chuan mi sawm vel kalin ahma nia an sa hnu hmuhna lamah chuan an liam zui nghal a, Lianpuia pawh mi sawm vel hoin ahmania an kalna lamah chuan an liam zui ve ta nghal a....
An sahnu chhui chu a kal kual hneh hle mai a, kawng tum pawh nei lovin akual akual mai a, ni pawh avan lai zawl tawh ang tih chuan luite hi an pawh hlawl mai a, tuite in in an in phih harh a, an chaw fun te thet in an luite tui nen chuan an bar hawng hawng a, chaw an bar zawh chuan vaibelte an han pak leh te te a, chaw eite a tla fela an hriat hnu chuan sahnu chu chhui tur chuan an mal leh ta a....
An sahnu chhui chuan ramri akan tawn sek mai a, mahse an beiseina tisang em em tu pakhat chu he sa hian hmundang apan lem lo nia an hriat avang chuan an beisei pawh asang hle mai a, hla tak an chhui hnu chuan abawhna hnu te an va hmu a, chutah chuan bawk hahdamin alet leh tih chu ahniak a tangin an hmu thei a....
An in en ren rawn a, an zinga fiamthu duh ve deuh pakhat chuan hetiang tur tih hriata, alet leh lam hniak lo zawn zawk tur ania a tih chuan an nui dar dar a, engmaw kar laka fiamthu alo thawh thin te chuan tlangval a ti phur in an nui leh ham ham thin a...
Sena te pawh an sahnu chhui chuan abum ve tho mai, thui tawk an kal hnu chuan a hnu chhuiin an let leh dial a, nakinah chuan Lianpuia te nen chuan an in pawh hlawl mai a, kalna in ang miah silo kha an kual an kual hnuah an in pawh hlawl mai chu mak an ti tlang hle mai, he sa zet chu amak anih hi tiin tlai ni tlak dawn thleng chuan an chhui zui a...
Alo tlai lam deuh tawh bawk nen an buk lam. Pan chuan an haw leh ta rih a, chutiang ang chuan ni thum lai mai chu ahnu chu an chhui tawh a, mahse hmasawnna reng reng an nei lova, mak an tih thu chu an chhui chhuah ani mai hrih ani...
Chutianga engmah hmasawnna awm lova ni thum zet an vah hnu chuan tlangval thenkhat chuan a awm tak taklo aniang an ti rilru sup tawh a, mahse Lianpuia erawh ala phur tauh tauh khawp mai, sa hnu chu chhuiin ahnu chu an hrut kual leh thuak thuak a....
Kawrpui lehlam pawi ram lamah chuan chu samak rawn pel ve tur mi sawm dawn lai mai lo kal thar ho chuan buk an sual a, an ri ham ham mai a, Samthang tlangval buk nghakte chuan hei peltu an tam hmel. Viau mai a, tan kan lak deuh angai dawn anih hi a tiin bukah chuan an lo titi ve laih laih a...
Lianpuia te pawh khua a tlailam deuh tawh bawk nen a tuk lama chhui zui ah tiin buk lam an pan ta a, an haw lam chuan sakhi chal zet mai pathum lai kapin an hlim haw hle mai a, Sena te pawl lam pawh sanghal kapin an ni pawh a tuk lama chhui zuiah tiin buk an rawn pan ve mek a....
An han thleng khawm a, ral lehlama lo kal thar an awm thu an han hre thar bawk nen tan ana ru duh kher mai, an sa zawn ber lah, ahnu chauh mai an hmu ani si a, ahnu lah akal kual akal kual a, a tak hmuh tur reng reng a awm bawk silo, an rilru chu ahah tlang kher mai....
An sa hawn te chu an han puah sawk sawk a, zan riah hmeh tur a tan chuan an chhum hluah mai a, nilenga chhuak riltam an ni hlawm. Bawk nen an ei hnem tlang kher mai, a tuk lam chu ral lehlam pang kai chu an rel thlu ta a....
An hmaah enge thleng dawn hre hauh lo chuan chuan atuka an kaldan tur leh an ruahmanna te leh tha an tih te chu an sawikhawm a, zanlam te alo rei ta bawk nen, a tuk lama ataka che chhuak thei turin an mu hahdam ta hlawm a....
Lal Vunglaia fapa Kawnga tia an koh chuan Samthang khaw kawtchhuah chu rapin a thuihhruai te nen chuan thlifim an dawng heuh heuh a, an thlan te a daih tak deuh hnu chuan Samthang lalfanu chu engang chiah a hmeltha nge anih hmu tur chuan lal in chu an pan ta a....
Chutia lal in lam pana inti ropui taka lo kal chho bung bung te chu naupang ho leh ahmu apiang mai chuan an en ho mai a, chutia an rawn em a an rawn hnaih tuau tuau te chu lalfapa Kawnga lawmah a tla a, anui ver ver mai thin a, lal in pawh lut duh lawk lovin lal mual ah chuan an tawi khawmuang vel a....
Zing khua alo var chuan Lianpuia te pawh rawngbawl sawk sawk in an tihtir hmabak sa hnu chhui chu a hma aia ngawrh zawka an beih angai tih hria in, a hma lama in peih turin an che sang sang a, chumi zing chuan an piah mual zawl lang ut mai ah chuan thleng thar awm veleh in zingkarah buk an lo sual ve mek bawk a.....
In elna nasa tak mai chuti lai hmunah chuan a thleng der tawh a, he sa avang hian khua leh khua in hmelma pawh an lo awm tawh a, nunna chan pawh an lo awm nual tawh a, enge an hmabak chho zel dawn kan la hre zel ang chu....
Tukthuan an eikham hnu chuan buk nghak mi panga tih loh chu pawl panga ah inthen leh in kawrpui ral leh lam pawl thumin tuam a, a thenin a hmaa an chhui tawpna mual an hrut dawn ani....
Lianpuia ho leh Rengpuia ho leh val upa Rela hoin kawrpui ral lehlam chu an chuangkai ta a, chuti laiah chuan an i then darh ve leh a...
Lianpuia te chu an kal ril tawh hle tih ah chuan an thianpa pakhat chu a chesual hlauh mai a, a tlukna lamah a chem ken a in zut at duaih mai a, ram hnim damdawi eng engemaw an hriat ang ang an hnawih hnu chuan an puan pawt thlerin an tuam ta a, haw duhbik ta lo chu an thu det a, an chhui zui ve leh ta mai a....
Nakinah chuan an hmaah chuan ramsa ek mak tak mai an hnu a, an han bel chiang a, rim pawh alo nei reng reng lova, a rawng te chu cheimawi chawp ang mai niin amawi em em mai a, an bial laih laih a, nakinah chuan Lianpuia chuan thil hrechhuakin tlangval inhliam chu akut a la lawk a, an tuamna aphelh mawlh mawlh a, a hliamah chuan a tat nawk nawk a, a tuam tha leh mai a,midang ho chuan engati nge an lo tih chuan a that takin a ti mai a, a tuam zawh chuan changel hnah la in chawfuna funin a ak ta a....
Nakinah chuan a ek pawh an hmu ta zeuh zeuh mai a, an rilru pawh aphur tlang ta kher mai, chutia phur taka an kal lai chuan sih hmun zawl dup mai li zau em em mai hi an va pawh hlawl mai a, chu sih a tanga an samak zawn ngei mai, ki pahnih nei var vo mai lian em em si a chhuak tir chiah chu an va hmu hlauh mai bawk a....
Hmanhmawh tak chuan a kal liamna lamah chuan thawm dim tak chuan tlan ti tih kal titih thawm dim bawk siin an umzui nghal a, aliamna ala rei loh nen thawm riva reng reng an hre tlat lo, a liamna laiah chuan an han ding khawm a, alian an tih thu leh a rawngte leh aki awmdan te mawlh mai chu an sawi tliar tliar a....
Ni vanlaizawl awrh ala ni bawk nen a kalna lamah chuan an liam thla zui ve nghal a, a hnu chu chhuiin an kal ta ngar ngar a, chu samak chu akal chak kher mai, engin emaw apui anih an ring ber a......
Ahnu chu an chhuinzui zar zar a, amawngphe tak ngial pawh an hmu hman lo, khua alo tlailam deuh bawk nen, a tuk ah sih an hmuh chhuah thar chu ven an rel ta a, buk lam panin an kal ta a, kawng chanve dawn lai an kal tawh ang tih chuan pawi tlangval ho nen an in tawk thut mai a, an in melh ren rawn a, pawilam zinga an pasaltha chuan lusei tawng nal zet chuan kan sa beih hi a in an hmel hle mai a, heihi lo hre lawk ula, he ram hi kan ram ani a, heti lamah hian hmuh leh cheu ka duh tawhlo ania, ka sawi tawpna ni rawh se a rawn tih chu thinrim viau mahse chhag let lem lo mahsela an buk lam chu an pan ta a....
Buk an thlen chuan an lo kim thap tawh a, an thil tawn te an sawi khawm lat lat a, An dinhmun chu a khirh ta viau mai, an sa um ber khan sih a tlan tih an chiang tawh a, mahse kap tur erawh chuan thisen aluan angai dawn tih pawh an hre chiang kher mai, engtin nhe hma an lak ang tih ngaihtuah chuan an buai kher mai....

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 13th, 2019, 7:05 pm

Episode-78
An sawikhawm nak nak hnu chuan, an kal chhan ber ani bawk nen a tuk lama pawi ram lama sih chu chan tha an ti tlang a, chumi chang tur chuan Lianpuia ho in mi sawm bawr an kal anga, Sena ho in abak zawng buk nghak mi panga tih loh chu vawin lama an kalna hnu an chhui zui dawn ani.....
Zanriah ei dawn chuan chhun lama inhliam kha a rawn au chhuak tuarh mai a, enge enge an ti sap sap a, akut chu lek kangin adam vek a rawn ti chuuak phawng mai a, chutah zet chuan khual thuthang mai anilo tih hria in, an phur zual kher mai,zanriah kil pah chuan an sawi zui sap. Sap a...
Zanriah an kil zawh chuan a tuka an kal dan tur te chu an titi mam mam a, zan te alo rei chho ta bawk nen mut zai an rel ve ta a..
Zing tho hmasa te thawm ah chuan mut reng theih ni bik hek lo le, a ri chul mai a, a thenin silai an chuh a, a thenin chem an tlan hum hum mai a, Lianpuia leh sena pawh silai leh chem humin samak hmutu tlanna lamah chuan an tlan phei ve dawr dawr a.....
Pawi ram lam anilo hlauh chu an van vannei tak em, an vannei rei angem kan la hria ang chu, Lianpuia chuan samak tlan liam tur chu ahmu hman thuak a, chuveleh a mibik nihna chu hmangin an tlan thut mai a le, a pel phei zawt zawt mai a, samak liamna ah chuan aliam ve nghal a, a tlan chak phei bawk a samak tlan chak em em pawh kha ava hmu nghal mai a...
Chutia lusei val rual an thawm ta sup sup mai chu pawi ho chuan an rawn thlek he haw hlawm a, enge thleng chu an hre thuai ngei ang le, an thlang lama luipui samakin a daikai tur chu an hmu ve chiang kher mai, silai chuhin samak awmna lamah chuan an tlan thla ve nghal a....
Lianpui te pawhin an sa um lai tiin pawi ram lamah chuan an pakai phei ve nghal a, pawi tlangval te pawh an rawn tlan chak hlawm kher mai, mahse mibik Lianpui hmakhalh tur chuan an tuanin a tlin bik lo ani e, tlan pah chuan silai chu an kap thuai mai a, samak pawh a hram tuarh mai a, amu leh zen keng tawh bik hek lo le, hmanhmawh thil thua tlan chhuak ve mai kha an nih avangin silai mu vel lo kenna chang an lo hre bik silo....
Ahma ang chuan samak pawh a tuan a tha bik tawh lo, akhel a silai mu luhna avang chuan a tlan laklawh ve bawk nen abai deuh auh auh mai a, Lianpuia hnunga tlan Sena chuan an kap veleh thuai mai a, ani pawh in akap. Tlu mai bik lo, silai mu chu thun leh sawk sawk in an kap leh a, a tlan chau tawh bawk nen silai mu pathum lai mai apaipawn tawh bawk nen a bawk ta run mai a....
Lianpuia te chuan an thlen chilh nghal a, Sena chuan han sat hlum rawh le a tih tlat avang chuan chem chu lek kangin an sat siah mai a, chem naran ni hek lo le, anghawng pawh akal thla duai mai a, chumi rual deuh thaw chuan silai a ri khawk rum rum a, samak nghing lawih khawp chuan silai mu chuan a rawn deng a, lianpuia te pawh an darh hak a....
Pawi pasaltha chuan ka kutzala thi anih kha, ahnuk chhat tu ngei ka ni a, nagni ho kha chu lo i thiarfihlim rawh u, anih loh chuan tumah damin i chhuak lovang a rawn ti tanwg mai a, Lianpuia chuan apa Sena chu a en he haw a, a tirah chuan han thinrim mai nachang ahrelo hial ani.....
Sena chuan in sa nise chuan keini chuan kan khawih hauh lovang, alo ti ve a, Samthang tlangvalte pawh an rawn thleng tak tak a, boruak chu an rawn hrethiam nghal vek bawk a, pawi pasaltha leh ahote chu lo kal hnaiin he sa hi kan rama awm leh hnuk chhattu ka ni a, tumah khan tawh pawh tawk suh ang che u a rawn ti leh a....
Lianpuia ngaihdan apel ta deuh aniang, a ding nghal awt a, tunge hnukchhat tu chu ihre chiang khawp mai, i inrawlhlohna turah i ring irawlh thui palh ang tih ahlauhawm zawk mange, he ram hi in ram ani mahna le, he sa hi chu in sa ani lo, akaptu sa ani e alo ti let ve a...
Pawi ho chuan silai chu tin chungin an rawn kal hnai zel a, tumah che suh u, he sa hi ka hawn lo anih chuan tumahin in hawn lovang toh ka hrilh nawm leh a che u, anih loh chuan ka hmaah in din ngei angai ang a rawn ti phei lar lar a...
Lianpuia thina rim ve tawh bawk nen, dam ila duh anih chuan tikhan haw la ihim ani mai alo ti let ve ta siah mai a, pawi pasaltha chuan tunge ka nih ihre lo ani maw kan hrilh ang che, keihi pasaltha Zamlova ka ni ngai e, ral lu pawh sawm khai tawh khuang vawi hnih ka chawi tawh a, in mal beih ah ka hmaa ding zo tur ka la tawng lo ve tiin anui uarh uarh mai a...
Sena chu lo penchhuakin lo kal ta che i ngam ngam chu kan ngam vek alawm a rawn ti nem dap mai a, mahse Lianpuia chuan ka pa Sen fate kiangah chuan lo hahdam teh khai, i chet ve angai lovang tiin alo dang a, pawi pa lam chu hawi pahin engmaw isawi kha an ti nawn leh deuh kher a...
Pawi pasaltha Zamlova chuan an sawi nawn leh kher bawk a, sa naran nise chuan i pe mai ang u an ti tawh ngei ang, mahse sa naran ni heklo le, he sa avang hian khaw tam tak kal pelin, hah thi kulin, beiseina tam tak nen zan tam riak turin an lo kal ani a, chuti maia chhuhsak mai theih an ni angem kan la hria ang chu....
Lianpuia chu a ding teu mai a, uluk takin Zamlova rawn kalphei chu alo en reng a, Zamlova chuan nauva ka beih tawk in awm nange, i nun ihlut anih chuan i thiarfihlim la atha ang a tiin Lianpuia chu a rawn melh kur mai a, Lianpuia chuan i duh chuan silai pawh kha ihmang thei ang, i beih tawk ka nilo mai thei a, i beih dan tur erawh ka hre viau ania, fimkhur hle ang che an ti let ve a....
Lianpuia thusawi chuan Zamlova chu a tithinrim hle mai a, asilai ken pawh dah thla nghalin, nauva kut lawng pawhin nangni ang hmanraw keng panga pawh kan thuai sawm thei ang chu tiin Lianpuia chu an melh kawk a,Lianpuia chuan tawng tawnglo khan thwi nia ihroat apiang tih han tum ta che tiin a chem chu humin a ding kak teu mai a...
Zamlova chuan silai chu anaute pein achem chu aphawrh a, nauva vawiin bak khawvel eng ihmu tawh lovang, kha lo inring rawh tiin ava bawh phei nghal a, Lianpuia chuan uluk takin alo en khiau a, anghawng zawna a chem a rawn vai phei chu lo kun hniam zauh Zamlova dul zawnah chuan an vai phei ve nghal zawk mai a, Zamlova pawh alo tawlh ve zeuh a, a tu amah chu an la in tawk fuh lo va.....
Zakamlova phur lutuk chuan ava bawh leh nghal rawh mai a, mahse a mi beih hi tuge hre hek lo le, chem rawn vai thla chu, Lianpuia chuan achem hman chu ringtawk takin an lo vai let siah mai a, Zamlova chem chu abung hmawk mai a, a tum ram a teng zo ve talo, Lianpuia chem tlang thla erawh dangtu awm ve heklo le Zamlova dar ding lam ah chuan a tlum thla thawih mai a, a dar dinglam chu a uai hnuang mai a, a duh zawng leh duhloh zawng sawi tur pawhin aka a ang thei talo, mahni theihna hmanga mi kuta rul kaw zen tumtu chan chu ava rapthlak em....
Chutianga sat na leh chak chu pawi ho chuan la hmu ngai hek lo le, che chang lo chuan an ding thap mai a, anihna takah chuan an hotupa thiltihdan kha dik chu an tibiklo alawm, mahse amah pasaltha anih avangin an ti ngamlo mai kha ani zwk a, mahse an thiltih sual man chu an hmu dawn ngei e...
Lianpuia chuan tunge mahni sa nilo chuh ngam la awm che u, tunge ka hmaah ding ngam la awm che u, tiin pawi ho chu amelh tur nasa mai a, tumah chuan chhan zai reng an rello, Samthang tlangval zinga pakhat chuan sawi ta che u a rawn tih tuarh takah chuan an zinga upa ber chuan ngaihdam a rawn dil ta a, an pasaltha an hlauh avanga engmah an sawi ngamloh thute an sawi vek a, Sena chu lo i rawlh vatin tun tum chu kan ngaidam ang cheu, haw ula tun hnuah ti tawh ngai suh ang che u, in ti leh anih chuan khawihmunah pawh awm ula in lu kan la ang a tih chuan an lo bu tliar tliar a...
Lianpuia te pawh engmah thleng tawh lo tura ngaiin Lehlam hawisanin an samak kah chu an bial laih mai a, mahse chu samak itna avang chuan an inrin lohlai chuan pawi ho chuan an rawn bei leh thut mai a...
Mahse tlangval naran leh tlangval. Satliah ni hlawm hek lo le, Lianpuia ber chu rawn tumin pawi zinga a upa ber chuan a rawn vai fua mai a, mahse Senan alo hmu hman zauh, Lianpuia chu a tlawh lir tawp mai a, tlema tlemah Lianpuia chu pawi fa lubawk tawnah famkhua alawi tep ani...
Mi bikte vanneihna chuan a um zel zawng ani e, samthang tlangval pathum ngawt te pawh ka chhawn lohin chulai hmunah chuan an boral nghal a, mi pali te pawh hliam natak an tuar bawk a, chung thil an hmuh chuan Sena chu a thinrim kher mai, an han insiamtha a, tumah damin an chhuak tur anilo a ti tuarh mai a, chulai hmun ah chuan lusei val leh pawi val rual te chu hnehtu nih inchuhin an insam ta miah miah mai a, mahse khianu vohbik chu mihring te tihdanglam theih ani lo, pawi ho chu an that fai ta vek a, an thian boralta te pawh chulai ah chuan lei laikhuarin an phum a, an thian hliam nei te pawh buk lamah an zawn phei a, chumi hnu chuan buaina dang awm lovin an sa kah chu chanin bukah an inthiar phei ta a....
Samak sa chu an ur tlut tlut mai a, tukthuan pawh la eilo an nih avangin tukthuan ami tur pawh an siam hluah mai a, asa chu engtin nge a awm tih hrechak takin leh an hliam te tan pawha beiseina sangtak neiin a mung hluah mai a, ei rel an peih hnu chuan samak sa hmin tawh chu hliam te chu an han pe hmasa a, an ei zawh chuan mak tak maiin an mut a chhuak em em a, an muhil ta bawrh bawrh hlawm a....
A thawk dawn aniange tiin tlai tawh takah chuan tukthuan chu an kil ta a, a sa chu alo tui kher mai a, hetiang reng renga sa tui hi ka la ei ngailo ve an ti theuh a, chumi nia tukthuan an ei chu an ei hnem hlawm bawk aniang, chaw eikham a han che peih pawh an awm lova, a eikham hmasa apiang mai chu an mu tawp vek mai a, a sa a tui bakah chaw ei a tui em em mai a, ei tawk hrelo chuan an mu hlawm tawp mai a.....
An chaw eite a tlak fel tak hnu ah chuan a tho hmasa apiang mai chuan mak tiin khatiang em em khan chaw ka la eihnem ngailove an ti theuh a, he sa hi sa mak tak anih dawn hi tiin a hnukchhattu hming hi engtin tak thang ang maw an ti vawng vawng mai ani...
An tlangval pathuam hliam neite pawh an la mu bawrh bawrh mai a, Sena te ho erawh chuan samak sa an ur bang chu an ur leh tlut tlut mai a, chubak hna nei tawh heklo, mei pawh hmun nga ah chhepin an ur tlut tlut mai a, karlovah an ur zo mai nghe nghe a, tlai lam pawh samak sa siam lehin eitawk hre lo chuan an chaw ei kham chu an mu leh tawp hlawm a, an chaw eite a tlak fel chuan an sa kah chu a a phurh anawm zawk nan a aia rep turin zan lamah chuan an ur leh deuh a, an duhtawk an ur hnu chuan, an zinga hliam awm pathumte harh hun nghak chuan an harh veleh haw tura inbuatsaih lawkin an che sang sang a....
Samthang khaw chhung pawh lal Vunglaia fapa Kawnga hmel pa hrak mai leh a chet dan hmeichhe duh chi tak mai avang chuan Samthang nula ho chuan alakah beiseina an nei theuh mai a, mahse Vunglaia fapa Kawnga erawh mi chapo tih takah lal thisen kai lo chu ahnim hnai duh hauh lo a, ni nga zet Samthang a Liansangi an rim hnu ah chuan Liansangi pawhin a ruka vawin chu alo kal angem le, zanin hi alo van kal har em a ti rilru ve vawng vawng mai ani....
Lianpuia te thian zinga tlangval pathum te pawh nikhat leh zankhat an mut hnu chuan na meilo ang maiin an rawn tho thuau mai a, an pem leh hliamte alo dam tak vek avang chuan mak tibawk si lawm bawksi in an au chul mai a, ahliam velo te lah alawm lawm ah tangin an au rual thup thup mai a, nakinah indo leh inrun nikhua ah a tha hle dawn in an hria a, hneh theihloh an ni tawh mai dawna an in hriat avang pawhin an hlimin an lawm em em a, an zuang tawr tawr hlawm ani....

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 16th, 2019, 6:47 pm

Episode 79
Chutia an thiante dam taka an lo harh leh tak ah leh, chu samak sa chu sa mak tak ani tih leh engvanga taksa tana tha em em nge anih hre thiam lemlo chuan an sawi nasa ve mai a, chumi ni la la chuan haw tur chuan an inbuatsaih a, an thiante pali an hlawhtlinna hmu ve hman talo erawh rilru taka sunin chuti lai hmun chu ala dam ho chuan an chhuahsan ta a....
Lianpuia chuan he samak sa hi ala chhawr dawn hle mai a, he sa hi avohbiktu khuanu nena an inremna sa ui tan na ani tih pawh ahre lova, chutiang tur chuan an chem pek ngei kha angai a, chupawh thil ruahman lawk ang thlap in ahmang ta bawk a....
Thangtea hnena an lo tiam tawh angin fapa aneih tur thu te chu afapa chuan apa akhum vek tur thu te, leh lusei ram zawng zawng ala awp tur thu te leh hna tam tak hautak leh hlauhawm ala tawn tur thu te, mahse ahnenah an awm tlat tur thu te an hriattir tawh anih kha, khami tipuitling tura an inremna atan he samak hi an lo pe alo ni a, chu sa chu an ui em em leh a dang pakhat chauh awm tawh mahse Lianpuia kutah lusei ram zawng zawng a awm theihna tur a tana a bul tanna anih dawn avanga samak kha Lianpuia kuta hlan an lo ni a...
A hriat miah lohvin samak thisen in khawvela remna leh muanna a awm theih nan inremna alo siam reng mai ani tih ahriat chhuah hun ah chuan mitin in an lawmpui ngei ang....
Lal vunglaia fapa kawnga pawh lal inah chuan a pathlawi hruai titi thiam zet mai chuan titi a vawrh a, an nui leh ham ham thin a, Thangtea te nupa pawh chuan an fanu tan chuan mitha duhpui mahse a duhthlanna ah an dah hmiah a, tun tum ah pawh hian ahmaah buaina leh harsatna namenloin ahmuak leh mek a, mahse enge anih erawh kan la hre thuai turah ngai ang....
Lianpuia te ho pawh an phur bawk nen, thalai theh thawh toh takah an kal chak par par khawp mai, zan li an riah zan hian ani Lianpuia chunga thil mak a thlen ni...
Buk pawh an sual zo hma kher mai, buk sual zawh lam chuan ei an rel leh sang sang mai a, chupawh an zo hma kher mai, ala tlai chhelo bawk nen sakhi sachek pawh ei a chakawm alawm tiin zanriah ei hma chuan an chhuak hlawm a...
Tlai lamah an haw khawm chuan ramar, vahrit, sakhi tih vel an hawn hlawm a, an han puah sawk sawk a, an hlim dar dar hle mai a, sakhi chek te pawh siam nghal in, chumi tlai chu sakhi sa chek nen puar el euhin an ei leh ngei ang le, Zanriah an eikham chuan an titi laih laih a, zan tairek thleng chuan titi hlawm a, a tuk lama kal leh tur an nih avang chuan mut zai an rel ta hlawm a...
Zan lai ar khuan hun ani chho der tawh, buk sir lama tlangval pakhat chu a rawn au tuarh mai a, hlau em em hian a thaw hlawp hlawp mai a, biak pawh an be tawng zo lo, ka hlau ka hlau tih thu bak sawi thei hek lo, pawn lamah te an han veikual thuak thuak a, mahse engmah phei chu an hmu lemlo va, mahse chu tlangval chuan hmuh nei tih hriat tak hian buk chhak lam chu kawkin a khur zawih zawih mai a....
Lianpuia harh thu chhuak hlawl chu mak tak maiin khua chu ahmu eng uarh mai a, a pa ang mai chuan zan pawh fiah takin ahmu thei a, buk chhak lama ramhuai in an thianpa hlauhlawpa thu khur ngat ngat apan pawh chiang takin ahmu thei nghal a, heihi apa mit aia amit a chungnun na ani a, ala chawr tangkai dawn chauh ani...
Chutia an zinga mi hlau em em a awmpa hmaah tak chuan va dingin, nang ramhuai bawlhhlawh hetianga min tihbuai man hi ihmu ang tiin a ding teu mai a, ramhuaite chuan anmahni hmu thei tu alo la pian tur thu leh chupa chuan an thihna tur chem thiltithei akawl tur thu te an lo hre lawk tawh a,chupa ngei chu anih ringin an thinrim em em a, a aia nasa chuan an thianpa chu an han chhiatkhum a...
Chutah le Lianpuia chuan a chem chu an phawrh zal zal a, chu chem ngei chu chung ho ramhuai hlauh leh anmahni ti chimit tutur chu ani tih an hre nghal a, an Lalpa hrilh nghal tur chuan arang a rang chuan an thlawk chhuak ta nghal a...
Chutia an kalbo takah chuan tlangval hlau pawh a zia chho ve ta zel a, a rawn pangngai leh thuai a, mahse reiloteah amuhil nghal ta bawrh bawrh a, chutia an buaipui ber amuthilh takah chuan enge lo thleng leh dawn hrelo chuan mut zai an rel ve ta a...
An muhil tan ta maw tih ag chuan thing leh mau te chu tiche tu hmuh theih siloh hian a rawn insawi dual dual mai a, thing lianpui pui mai te chu tliak bung hmawk ang mai hian a ri tuarh tuarh mai a, a tlu ri ruah ruah mai a, thli thaw hauh silo in thli chhem ang mai chuan an che dual dual a, angaite bawkin tlangvala chu a te leh tuarh tuarh mai a, muthilh theih ni tawh heklo le an tho fai leh phiarh mai a.....
Chutiang boruakin a rawn den leh takah chuan Lianpuia pawh thinrim taka pawna chhuak nhhalin, an thianpa kawhna lam chu ava en nghal thuai a, huai ho chu an lo phu suau suau mai a, chutah zet chuan Lianpuia zaidamna in a tlin talo, huai ho awmna ah chuan a tlan phei nghal a, a sah fuh apiang mai chu an au ruah ruah a, an bo nghal zel a, a au lauh lauh bawk a, a thiante pawh tlangval awmpui mi tlemte tih loh chuan Lianpuia tihdan ang chuan an va tive nghal a...
Chutia an kam tak duai duai ah chuan huai ho pawh an mangang tan hle mai, Lianpuia chem hman chu an hre chiang kher mai, an tihsual lianber ani dawn tih pawh an hre chiang kher mai, mahse mihring an mahni aia thiltitheilo nia an hriat lakah chuan an lalpa chuan tlawm alo tum ikhaw lo mai a, mahse a ti sual ta ani....
Huai lalpa chuan tawlh hrut hrut chung chuan that fai vek rawh u a ti tun tun mai a, chutih lai vek chuan Samthang lal inah chuan Liansangi rimthlu thei awmchhun kawnga hruai upa leh Thangtea te chu khunkhan taka inbia in a u Lianpuia ramchhuak alo la haw bawk siloa, thla thar thla det hunah lo kal leh ula, chutah chuan man leh mual nen kan sawifel dawn nia tia inthlah felin chu zan chu an lo ri ve dur dur mai bawk a....
Liansangi hian eng harsatna nge a tawn leh dawn pawh hre lo chuan anchhia aphurh chu ala phur tluang zel a, chu anchhia hmachhawn tur chuan lal vunglaia khua alawi leh ngei hmel e, engtin awm zel ang maw, a hringnun chu mibik apa mirethei leh chhumchhia te pasaltha khawtinthanga itsikna avangin ala tuar zel dawn zawng anih hmel e...
Lianpuia te pawh an inbei nasa kher mai, mahse khuanu voh bik leh khuanu thlan bik chu hneh rual loh an ni tih chu alo lang leh ta, huai lalpa thi tur chalchang chuan kan hlauhber mai lo la piangtur hringfa te zing ami chu alo piang ta, tumahin an dang thei long'e tia au ruah ruah in a au zo chu chutilai ruama thawm pawh a reh nghal duk mai a, reilo te hnuah khua pawh avar zui ta nghal a, an chau ve tlang kher mai, an thianpa hlauhlawpa awm pawh arawn zia veleh ta deuh a, mahse engmah ala sawi lo, a ruk tak chuan Lianpuia chu angaisangin khuanu vohbik anihzia chu amitin ahmu chiangin huai ho meuh pawhin an hlauh zia ahmuh khan athla amuang em em a, lawmthu pawh ala sawi ngei ang, a tan a theihtawp a inhlanin an la inkawp chawt dawn ani, chupa hming chu Ramliana ani a, an pahnih hian mitamtak harsatna ata an la chhanchhuak dawn ani....
Chutia huai ho in an ngamloh an tawn takah leh huai lalpa a thih tak ah chuan an thlawk bo zo ta a, Lianpuia te pawh an chau ve ngang mai, an thua an thaw hle hle mai a, reilo teah khua pawh avar zui nghal bawk nen mut pawh mu ta lo chuan rawngbawl an tan zui nghal a,inbeihna hautak tak mai chu inhliam awmloa hnehna an chan avang chuan an lawm em em a, tlangval tlawmngai leh fel thu mai mai awm talo chu tukthuan pawh an peih thuai a, tukthuan an ei zawh chuan karkawngah zan tam riak tur an la nih avangin kalzai an rel leh ta a....
Zan ruk lai karkawnga an riah leh hnu chuan behliang mun hun velah chuan Samthang khaw kawtchhuah ah chuan hlado chu an han chham vang vang a, silai an han lawn un un mai a, chuveleh apui apang in kawtchhuah lam chu an pan ta hum hum mai a, a thlang hmasa apiang te mak tih tur khawp sa lu chu kawngah chuan an dah ruau mai bawk a, a thleng hmasa apiang chu mak tiin an ka ho hlawm a, naupang ho pawhin zawn bik nih inchuhin an ri laih laih a, alu pawh alian narawh e,lal in an thlen chuan mipui pawh an lo tlim hmur tawh a, an sa hawn pawh mahni inah hawn lovin lal inah an dah ta vek a...
Chutia an pasaltha te ramchhuak ta chu an chanchin leh an thil tawn hre chak an lo tam bawk nen, lal Thangtea chuan a thianpa Sena chu an kal chanchin sawi tur chuan an ti a, Sena chuan thiam tak maiin an khua an chhuahsan a tanga kalkawnga an harsatna twh dan te, ahmuna an thil tawn zawng zawng leh an pawi ho nena an buaina te an haw kwnga huai ho nena an inbeih thu leh an lalpa an thahsak tak thute chu thiam tak mai leh tlawrh duah nalh fai fel tak mai chuan an sawi a thusawi zawh chuan mipui chuan kut an beng dur dur mai a.....
Sena kalsawn tum chu Thangtea chuan ko dingin leikapui ah chuan ahruai phei leh a, mipui hmaah chuan dingin vawiin nia kan sa hmuh hi kan khaw tan tangkaina tur tamtak ala awm a, he khaw chhanhim tutur pawh ala ni dawn a, chuvang chuan he salu hi a ropui thei ang berin kan ai anga, ni thum chhung salu lawmin khaw mipuiten hlim takin hun kan hmang ang an tih chuan an au dur dur mai a,a tuk a tang chuan salu lwm tur chuan an inbuatsaih nghal a, he hun hi chuunah inbuan leh insuknawr te, insual te leh inkawibah a veng leh veng in elna te a awm dawn bawk a, a tu ate mai pawh chu an phur em em vek a, an ri luih luih a, Samthang khaw hlim ber tum ani awm e....
Liansangi pawh ahmaah enge thleng dawn tih hrelo chuan ahlim ber ber ah a tang a, lal fanu tih a mawilo khawoin tlai chai te hlei hlei chu nuam a ti a, apu pawhin chutia a tunu lo hlim leh thei chu alawm em em zawk a, ani tawpni tlai chai lai chuan an khawnbawl upa sepui hur tlan chhuak chuan vengchhak tleirawl chu aphin thlu tawp mai a, man zui ngaihna awmlovin ram lamah alim liam zui nghal a....
Tleirawl chu an han em chiang a, a lo thaw bawrh bawrh mai a, bawlpu chuan enkawl nghal vat mahse anunna erawh a derthawng hle mai, inah pawh pawm lut lem lo chuan khawlaiah an inbawisawm tawp mai a, bawlpu pawh a beidawng kher mai, nakinah chuan tlangval sapel ve zing ami chuan e... ka pa Sen kan sa hawn kha a rawn ti chhuak a, Sena chuan ni dawn tak tiin lal inah chuan tlangval chu ahan lak tir nghal a, an han barh hawng hawng a, tui an tulh leh pawp a, ahnu reilo teah chu amihil ta bawrh bawrh mai a.....
Sena chuan awle hei angaihthat thlak e, tikhan tlangval te khan an inah va zawn phei ula, naktuk fehrehsan hun velah alo harh anga, a rawn dam vek mai ang, a tih takah chuan tlangval ho chuan an inah zawn chhovin an mut ta a....
Nula tlangval chai boruak pawh a tih khawloh deuh tak avangin ahun hmaa bangin chumi tlai chu an tin ta hlawm a.....
Zanriah eikham hun awm vela Sena inpaihthawl zo lo haw chuan an ina Lianpuia lo thu vung ahmuh chuan kha iva hma ve zanin chu khawilama len nge i tih a, a rawn ti lut bawrh bawrh a, lianpuia chuan zanin chu zui chak viau che mah ila ka zui thei dawn lo che a ang mange, hei ka pa in va ko rawh min ti a ka lo kal anih hi, bawlpu leh ipa Saimawia in rawn sawm nghal dawn nia min ti a a tih chuan Sena chuan anih chuan Lal berin keini alar min ko te anih chuan hnial chi ani hleinem tiin bawlpu leh Saimawia an sawm zawh chuan lal in lam pan chuan an kal ta a....
Chumi zan chuan an sa hawn chu zir chiangin a tukah ahnathawh dan an hre chiang dawn bawk nen an phur kher mai, asa a tam tham bawk nen pate khat thur pate sawm lai mai ah akhat vek a, chumi dahthat na tur pawh abikin lal in ah abawm tur siama atuka hnatlang neih nise an ti bawk a, mahse he sa mak tak avang hian Samthang hian run a tawk mawlh mawh dawn tih hre lo chuan an sa hawn chu an hlim pui em em a, he khuaa pem lut pawh an awm phah nual dawn ani....
A tu a temai pawh chuan a tuk chu thleng vat vat se an ti theuh mai a, tlangval then khat phei chu sepui hur in a vawrh palh te inah chuan an tlaivar hlawm nghe nghe a.....
Zing khawvar tirh a tangin tleirawlte in leh avel ah chuan mipui an zi hut hut mai a, Sena te thian ho ramchhuahnaa kal ho erawh chu gaihtha takin inah an awm thung a, tukthuan pawh an ei zawk hlawm ani ber e, tukthuan ei kham alo ni a, fehrehsan lai chuan mipui te mak tih tur khawp chuan a rawn thu chhuak hlawl mai a, a ril tam thu sawiin chaw an ei tir a, na a la neih leh neihloh te an han zawh chuan na aneih loh thu leh ahma aia a that zawk thu leh a chak zawk nia a inhriatthu asawi chuan khual akai rang kher mai, chu sa mak tak mai sa it chuan lal tam tak chuan ral rel an tan mup mup mai a...
Lal in lamah pawh sa rep dahna tur chu siamin lal ina lut chhuak te pawh in an hmuh mai mai theih loh nan lal in chhungah chuan a dahna an siam a, kangmei lakah pawh ahim viau tura an ngaih angin an siam a, rapchung ah erawh engemaw thulha lak mai theih tura awm a tha tiin tul thum chu an rep a, lianpuia pu pawh chu sa a ei a tang chuan a taksa pawh alo chak leh hle tawh ani.....
Chutih lai mek chuan selam sadawt Ramchuha chuan lal Vunglaia fapa kawngan samthang lal fanu Liansangi ahel a, an inbe rem tih ahriat meuh chuan thinrimna mitmeng nen zanlai ah a tihthin ang ngei in selam ram chhung a sihpui ruam chhunga rul puk an tih maiah chuan Liansangi sam keng chuan anchhe tinreng nen chhampual chitin reng nen hlam chen chena a chhampual hnu chuan Liansangi sam chu fun thain a puan ven kawngah chuan dahin verther taka nui hawk chungin Liansang ihma lam hun chu hlim takin hmang ang che a ti zui sap a...
Kar aliam ta der mai, Samthang boruak pawh ala nuamin apui anawi a tar azurin an hlim em em vek mai a, an hlimna ti zual turin lal Vunglaia fapa kawnga palai te leh Samthang lal te inremna thu chuan mitin mai chu ha hni dai dukin a nuih tir a, a tua te mai pawh chu an hlim veng veng mai a, an hlimna hian rei a daih angem tih erawh kan la hre zel ang chu....
Tleirawl thi mai tur damleh chhan pawh samak sa ani tih a tlangthan takah chuan chu sa thiltithei mak danglam tak mai beisei tute pawh an pung zel a, chutiang boruak karah chuan Vankal khua leh a thurualpui khaw pali lai mai te chuan chu samak sa beisei chuan ral an rel mup mup mai a, tun a tanga ni ngani thlade tan tirh rualin Samthang khua runa nuai chimih vek a, an sa pawh laksak vek a, an ro hlu zawng zawng pawh laksak vek tuma thawh chhuah chu an rel thlu ta rup mai le, an beisei erawh ahlawhtling angem kan la hria ang chu....
Lianpuia te kalsan tak pawi pasaltha khua te pawh thudik tawklo hria in, an naute sa kah it avangin an naute kaphlum ang in leh an sa kah sa samak pawh lusei tlangval rual ten tam hnehin an laksak angin an hre mauh mai le, pawi len hmasak tumin lusei khaw lal tamtak ten an tuar nasa em em a, nula hmeltha tak tak leh khawkhat nula fel leh khualkai nula te a tuar nasa pawl an ni a, tun tuma pawi len leh pawh hi phuba lakna anih deuh avangin pawi lam pawh an che rawva hlawm khawp mai le....
Lusei khaw engemaw zat ah pawi ho khaw tam tak intiam rual chuan thisen an luan dur dur mai tih thawm chuan Samthang pawh a deng thuai a, thudik ziktluak lo avanga chutianga pawi ho an rawn pawngpawrh mai chu samak pela chhuak te rilru ana in an mahni hmachhawn tur leh thudik hriattir tura kak ngei chu tha an ti hle mai a, chutiang ang chuan lal Thangtea pawh an hriattir tawh nghe nghe a, mahse lal fanu Liansangi te inneih a hnai bawk si nen, remchang hmasa berah rem kan ruat dawn nia tiin alo thlah a.....
Vankal khua leh a thurualpui khaw li te pawh ahun an lo ruat niah chuan Vankal khuaah kim thap in, chumi ni la la chuan mi sangkhat tha chuan Samthang khua tingmit vek tur chuan Vankal khua chu an chhuahsan ta mup mup mai a....

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 18th, 2019, 6:49 pm

Episode 80
Vankal leh a thurualpui hruaitu pasaltha Ramkima chuan akut zungchala kawk vah chungin sawtilai hmunah sawn kan chawl anga, zan pawh kan riak nghal dawn nia, karkawngah zan hnih kan riah leh chuan a zan thumna ah chuan Samthang chu meivapah a chang tawh ang a, thih leh nat kan hlau tawh lovang a, Vankal khua hi alo lian zel anga, lusei khua zawng zawngten an la rawn bel ang, chutih hunah chuan nangni kan thurualpui kan thiante hi mite chung en in ni tawh ang a ti lar lar a.....
Chutih lai mek chuan Lal Vunglaia leh a tlangval rual, khaw zahve aia tam mah chuan Samthang khua chu an pan ve mek bawk a, an ni pawh zan hnih vel an riah leh chuan an thleng tawh mai dawn a, an phur kher mai, ala hma bawk nen an chawlhbuk ah chuan an haw lama lal fanu an zawnna tur tiin hlang reng deuh, thut theih sia ti kang sangin, nalh fahran mai hian an tah a,an phur na laileng, a then in hlumin Liansangi lem an lo siam thul, an nui leh tlawrh tlawrh thin a, an hlim kher mai....
Samthang fanu duat em em chu lal Vunglaia runah alawi dawn e tiin thlahna hun te pawh lo hmang ve mek a, ani ah a aia ropui a lawm an la tum bawk a, Lianpuia erawh engemaw ti takin a rilru anuam thei lova, zan hnih ngawt mai akhaw hriat ngailoh ah lo kalin akal akal a, puk ava pawh hlawl mai a, chu puk chu an bih chiang a, a nau Liansangi chu samthur bum mai hian ava hmu hlawl mai a, ava kal hnaia, abia a chhanna ahmu lova, han kaihchhuah mai a tum chu akhawihfuh thei reng reng lo mai a, chutia khawihtuma a chetna velah chuan ahrah leh thin a, anauin ka u min pui rawh, he khuaah hian ka hmelma ka kawng dal tlat tu a awm, min pui hram rawh a tih ri te chu a bengah chuan a cham reng a, eng thil nge ni ang aw tiin a in ngaihtuah nasa mai a, anau pasal neih hma ngeia apa chu hrilh thain ahria a, hun remchang amelh ta ran a....
Ni hnih a ral leh meuh chuan Samthang khua chu an ri nuaih nuaih mai a, zawlbukah pawh riak lovin, lal in an zawm belhnaah chuan khual val te chu an riak nghuk mai a, chutih lai mek chuan Vankal khua leh a thurualpui te pawh Samthang lan theihna ah chuan an thu thap tawh a...
An hruaitu pasaltha Ramkima chuan thu asawi lauh lauh a, Samthang hi khaw lian tak ani a, zawlbuk pawh pathum lai a awm a, zawlbuk zawng zawng leh lal in kan hual nghal vek anga, a rualin kan kap ang, mipa ral kai thei chin chu dam chhuak an awm tur anilo ang, in in hal anih pawhin lalin erawh hal rih loh tur ani ang, kan kal chhan samak sa kha hrereng ula, kan hmuh theihna tur chuan engpawh kan ti mai tur ani, he sa hi kan nei anih ngat chuan kan hma hun chu kan hriat kha tiin an kal chhan leh awmdan tur te chu an sawi leh zawr zawr a, zanlai arkhuana khua lut turin kan kal chhuak dawn nia a tih zawh chuan an chaw fun te thetin an ei ta a...
Samthang khaw val rual leh lal Vunglaia khaw val rualte pawh lal in kawta chhunvum ah chuan tu khua nge inbuan chak zawk tia in elin an au dur dur mai a, a tuk mai chu Liansangi an thlah ni tur anih tawh avangin an hun tha meih chu am taka hmangin chung nung zawk nih tum ranin an in keuh dawp dawp mai a....
Zan pawh arei ta hle tih chuan Samthang khua pawh thehhmeh ang thap an ni tawh a, chutih lai mek chuan Vankal khua leh a thurualpui te chuan Samthang khaw kawtchhuah an rawn dai lut ve mek bawk a,.....
Pasaltha Ramkima chuan a naute chu an semdarh sang sang a, zawlbuk pawh an hual thap tawh a, lalin pawh an hual thap tawh a, Ramkima chuan lal in kawt atang chuan Samthang val rual ten thawh in hai e, Vankal val ten kan thawh khalh cheu ani tiin silai chu van lam hawi chuan an kap dur mai a, chuveleh zawlbuk ah leh lal in ah chuan silai mu chu asur sung sung mai a, na tuar thawm a ri chuuak chuah chuah dawn emaw an tih laiin na tuar thawm reng reng an hre hauh lo maia.....
Vankal leh a thu rual pui te chuan kal tiin an ka ho mai a, chu veleh thim zing atang chuan lal Thangtea aw ngei mai chuan Samthang val rual ten thawh kan hai ngai love tiin silai chu an hmetpuak thuai mai a, chuveleh kil tiin atang chuan silai chu apuak eng zawk zawk mai a, Vankal lam te chuan an beisei loh deuh a chutiang thil an tawng chu an che buai kher mai....
Silai mu thunna hman awm tawh bik hek lo le, samthang val rual leh lal Vunglaia tlangval te chu inel ranin chu indona chu an hmachhawn ta, Vankal lam rilru buai tak leh angaihna hrelova an awm lai chuan an bawh phei thut a, an tlan ta hum hum a...
Vankal lam pawh tih theih awm tawh heklo le, anmahni rawn pantute chu uipui tui lian thlir ngawt an tum biklo chiang kher mai, silai mu thun hman bik tawh hek suh, silai dah thlain mahni chempui theuh humin an mahni rawn pan tu Samthang valrual te chu an lo nghak ran hlawm a....
Thangtea pwh lal anih hnuah hun rei tak chawl tawh mahse mibik anihna chuan a kiansan thei biklo, Vankal val rual bitna laiah chuan a zuang lut leh zawt a, Lianpuia, Saimawia leh Sena ten an rawn thlawp leh zat a, mi naran nilo nakina khaw tam tqk la chhan chhuak tutur Ramliana leh Saimawia fapa Rengpuia ten an rawn zawm vat bawk a, an ni bakah thangtea oun chhuak mahni tawka vawikhata mi pathum ka thal thei ang ti thah Samthang val rual Thangtea pum chhuak te chu an han che tak tak mai ale, Vankal tlangval te chu an kam duak duak mai a...
Lal Vunglaia tlangvalte pawh lal Vunglaian alo fuih phur nasat tawh avang chuan in elnaa ngaiin an lal Vunglaia pasaltha ralhrat Sangkhupa pawh Samthang tlangvalten an chung en theih nan chet a thawh nasa kher mai...
Vankal pasaltha Ramkima pawh a hmaa awm te chu an hek hiau hiau kher mai, mahse a tira an chetsual zar zovin tlangval pawh an in chan ve nual mai, mahse zam hmel reng reng apulo, aphur zawk emaw tihtur chuan anaute chu a au that that reng a, a au phur thiam kher mai, chau hmel pu pawh an awmlo, an haw haw dur dur mai a....
Ngam leh ngam cho leh cho te chu an insat chawrh chawrh mai a, Samthang lal mual chu thisen hmun hi ani ngawt mai, a thang hian a thang hum hum mai a, Lianpuia pawh ahuhova an awmkhawmna a tang chuan kalsawnin an hmelma lam hruaitu Vankal tlangvalte fuih tu pasaltha Ramkima ngei chu melh in a pan chhek chhek mai a le....
Chawimawi beiseina nen lal Vunglaia pasaltha Sangkhupa pawhin Vankal pasaltha chu mite hmuh a tukzaltu nih beiseiin alo pan ve mek bawk a, Lianpuia aiin a thleng hmasa reng bawk a, Sangkhupa kei ka ni inti ve chin sa leh ral hmaa zam ngailo palian leh sa tha em em mai mah nise Ramkima hmaah chuan alo te hle mai, mahse he i dona hi inelna ania kan khua leh ka hmalam hun a tan ani tiin hlau miah lochuan a cho ta chhek chhek mai a.....
Intivei tak chuan Sangkhupa chuan lo ngaithla ru le, hei Vankal pasaltha hmaah ka ding a, ka kutah a tlawm anih chuan engtin in tlawm ah in pawm angem am ti lar lar a....
Tlangval ho chu an insual lai chawlin Sangkhupa thusawi chu an ngaithla thap a, lal Vunglaia pawh lal in a tang chuan a pasaltha chuan a tilawm tih hriat takin alo khi vei suk a, Thangtea te thianho pawhin la ho chuan an en a, boruak inmung hrethiam pha chin te rilru ahah em em lai chuan hrethiam ve lemlo te erawh an nihlawh phian zawk mai.....
Ramkima chuan iau pasaltha Sangkhupa ni reng che in, heti lam lamah hmingthat hlawh na tur tha tawk a awm ani chek ang chu maw! a tih ri Thangtean a hriat chuan a fel dawn lo tawp mai mahse engpawh nise i nghak phawt teh ang a tih zawh rual chuan chem inkhak riin azui nghal a, an palian dun bawk a, tithang ve ve tih hriat tak maiin an in lehthal zak zak a, mahse Sangkhupa chu vanduai zawkah a tang ta hlauh mai le, a dar thler duai mai chuan an hmalam hun chu a ti khawlo zota, Liansangi boruak thleng chuan abat hnawk ta tup mai le.....
Sangkhupa chu a thu zawi hnawk a, a thaw bawrh bawrh mai a, chuveleh Ramkima chuan tunge beih tham la awm cheu, tunge ka hmaa dingngam la awm cheu, ral a tanga hriat ang ngawt chu in nilo anih dawn hi tiin elhsen tak mai chuan anui sak a....
Lianpuia chuan apa chu va melhin apa pawh chuan alu chu alo buk hnan zauh a, pasaltha Ramkima chu ava hnaih deuh a, Lianpuia chuan i tawng uang hma lu deuh lomaw, Samthang valte hi kan zam ve ngailo ania, ihmaah leh lek phei chuan a te ber thleng hian nag beih che hi kan chak em em zawk tih hria ang che tia chona aw lo chhuak chuan a nuilai a ti tawpin a chotu awmna lam chu amelh tur khui mai a....
An ri nek nek a, khua pawh avar tan der tawh mai, Ramkima chuan Lianpuia chu melhin nangpawh i beih tlak em dawn em ni, mahni khua pawh chhan ngamlo, khawdang pasaltha te chhan ngai khawp te zingah hian min bei ngam in awm ve tak tak ang maw an ti leh hram a, Saimawia thin tertek a chhuak leh tawh, tlan phei paha va sah nghal mai tum chuan an rawn duk chhuak a, mahse Lianpuia chuan ka pa Saimawia nag chu nilove ka awm chhung chuan tumah in chet ka phal reng reng hleinem tiin Ramkima chu melhin anih chuan i tih theih nia ihriat chu tih Han tum ta che tiin Ramkima chu apan chhek chhek mai a....
Ramkima chuan amah pantu chu lo nghak mai lo chuan alo pan let ve bawk a, an incho dun bawk a, an in pawmchilh nghal chu ani deuh der mai, Ramkima chuan choin ngam viau mahse la engah mah akhan ngang lo ani, Ramkima ban vai chhuak reng reng chuan Lianpuia chu a fuh ve thei tlat lo, chu chu thuhran a ban vai kara chema sat duh si lova chem phek zawnga hlap a tawk thin hlei hlei chuan a thin a tirim zual kher mai....
Sena leh Saimawia lawm ah a tla a, khua avar chiang tawh vei bawk nen, Lianpuian ahlap fuh veleh um an lo ti rual leh dual thin a, chu an um chu midangin lo um pui zelin, Samthang val val rual zawng zawngte chu an um ta hluah hluah mai a, khawkhat pasaltha ve meuh tan chuan ava zahthlak dawn ngai em, lal Vunglaia meuh pawh thinrim tunin alo awm a, a thinrim chhan erawh sawi mai tur erawh ahre lo lawi a....
Chutia Lianpuian a fiam velna lak a ta leh mi nuih tiza tura a tawng lo hman tawh te pawh ahre chhuak uaih uaih ve mahna le, Ramkima chu a tawlh hnung dawrh a, vau zam mai tumin kha keimah Pasaltha Ramkima ral lu sawm khai tawh, ka hmaah ding damchhuak an awm ngailo ti chungin a rawn bawh phei nghal thuai a, Lianpuia pawh a che sual teuh kher mai, mahse khuanu vohbik ani tlat, Ramkima chem rawn vai phei chu a tawlhhnung tur lung lo pawng chhuak chu ake hnunglam chuan a tauh a, a che buai thelh mahse rei anilo, Ramkiman chem avai tlang chuan inring taka awmin alo bum fel hman diam tho...
Ramkima tihngaihna hrelo chuan anaute ho chu bei tur chuan an au tuarh mai a, chuthil chuan pasaltha te dinna tlanga ding ve thei tawhlo turin leh thuzuk hmang leh dinna a dingngamlo pasaltha dik an awmlo tih tilang chiang turin Vankal val rual te rawn chet chhuah hma chuan Lianpuia chuan va hnaihchilh thutin Ramkima awmah tak chuan a sat pawp mai a, Ramkima indawm kun lai chu ihe lovin alu leh a taksa chu inzawm leh ngai tawh lo tur chuan a sat hrang nawlh mai le,chuveleh Ramkima lu chu kut lehlamin a chhar a, lehlamin a chem a hum a, Vankal tlangval lo hnai hmasa apiang mai chu a kuk thlu zawih zawih mai a....
Samthang khaw chhung chu a sen ngei nguai mai a, a thang huam thei tawh a, ruang hlawm tur lah an in bawh thuah em um mai a, nakinah chuan vankal ho chu mi zali vel an la dam awm e, an hneh loh em avang leh an hruaitu pasaltha lu lah an khai then nawlh nawlh mai avang chuan an tlawm ta nge nge a.....
Tlawm lo sela chuan dama chhuak an awm awm love, chutia an tlawm takah chuan an hmanrua laksak vekin lal in kawtah chuan an khalh khawm a, leikapui ah chuan lal Thangtea chu lo ding chhuakin engvanga rawn run mai nge an nih te an zawt a, vankal lama an val upa chuan an run chhan leh an beisei ber samak sa anih thu leh, chu sa beiseia Samthang khua run an nih thu a han sawi chuan Samthang tlangval ho thinrim chuan ala dam awm chhun ho sawmli vel lai chu an lo tihlum hman hial a, Thangtea chuan kut pharin mi tlawm tawh chungah kut an thlak ngai love, engpawh nisela, vankal khua tih loh zawng kha in haw anga, Vankal khua ah in rawn zualko nghal anga, a tlangvalte hi mi pakhat zel ah silai fung khat in a rawn tlan angai ang, a thil tih dikloh man ah se chal sawm a chawi bawk tur ani ang, ngaihdam a dil bawk tur aniang, chutiang a ti duhlo anih chuan tun a tanga ni sawm hnuah Samthang val rualten a thiltih man pe let turin kan rawn kal ang, tin a thurualpui khaw dangte pawh khan heihi lo hre rawh u, mite thik avang leh mi hlawhtlinna thik avanga an chhiatna tura hmalakna ah in khaw hming ka hriat leh chuan keimah ngei ka lo kal ang, mi hlawhtlinna in lawmpui theilo anih pawhin a tibuai emaw a a tichhe zawnga chet thawh hi in ti tawh tur anilo an ti dap dap a, an ni pawh chuan ngaihdam te dilin, a ngaihdamnaah lawmthute an sawi mawlh mawlh tun hnuah a thlen tawh loh tur thu sawiin, beisei hmu talo chu tum burin mi ruang an senghawi zawh vek hnu chuan Vankal khua tih loh chu an khuaah theuh chuan an haw ta hlawm a....
Lal Vunglaia rilru a dam theilo, a pasaltha a channa a mawhphurtu ah Samthang khua chu apuh hmiah mai a, chubakah Samthang khaw hmuh a a thangtlawm em avang chuan a rilru ana ngawih ngawih a, azak em em bawk a, mahse lal fing tak anih avang chuan engmah sawi lovin lal Thangtea fanu chunga tuan chu a tum rauh rauh a.....
Inrun boruak in ala chiah deuh avang chuan lal Vunglaia fapa leh Liansangi te in neih hun chu sawnin a tuk leh lama insuih a, a tlaia hawnpui nghal tur chuan an inrem ta a....
Indona hmuna hliam neite chu samak sa avang chuan an dam leh vek a, mahse dam zo ve talo pasaltha sangkhupa an uina thu te chuan inlaichinna zawm thar tirte karah buaina a siam ru der mai, lal vunglaia tlangval hliam te pawh dam leh vek mahse lawm akim tak tak theilo, chu erawh pawisawi velo Liansangin a tawrh ngei angai tih chu lal vunglaia ngaihdan ani tlat mai le......

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 20th, 2019, 6:53 pm

Episode 81
Liansangi pawh a tukah lal Vunglaia khuaah a lawi lut rup tawh dawn, mahse Lianpuia erawh avawithum nan amangah chuan anau chuan apuihna dilin alo ban tawk tawk a, a rilru akal thui tawh kher mai, zan lai asawi thei tawh lo, zawlbuk a tanga chhuakin inah a haw a, apa chu kaithoin, midang hriat loh thei ang berin leikapui lamah chuan amanglama a thil hmuh thin leh angaihthat tawh loh thu chu apa chu a hrilh ta vek mai a, Thangtea pawhin ngaihthah mai mai chi anilo tih ahre chiang kher mai....
Chik leh zualin an zawt a, amanga ahnuh dan te leh khawi lai vel nge tihte chu an zawt chik deuh a, ahmun hma chu asawi mai thei a, anau nena an in tawn dan pawh asawi mai thei a, mahse khawilai hmun nge tih erawh ahre thei bik tlat lo, Thangtea Chu angawi vang vanga engpawh nise imu phawt teh ang, nagpawh zawlbukah let tawh lo mai rawh, ipu pawhin alam alam leh tawh che kha tiin invhhung lamah chuan an lut zui ta nghal a....
Thangtea chu afapa mumang chuan a angaihtuahna zawng zawng aluah khat vek mai, angaihtuah zui neuh neuh a, afapa hi a hre chiang em em a, ngaihzawng pakhat pawh aneih hma atanga putarin ahnena a lo sawilawk tawh leh, engang mizia nge alo nih dawn a, enganga hmingthang nge anih dawn a, amah aia chungnung hle tura an sawi te pawh ahre chiang em em a, chuvang chuan amumang hi mumang satliah zawng ani dawnlo tih a ring sa nghal a.....
Tun tuma run an tawh ah pawh mibik pafa te zarah an him hram kha ani a, Thangtea zan mu tui lai aharh hlawl mai kha ngaihthatloh ut utna neiin zawlbukah a ruka kal tum ani a, kawnglakah afapa nen an in tawka, an pafa in an chian vek hnua lo inralring thei kha an ni reng a, chuvang chuan amah ang maia hriatna meitha leh mibik ani tih chu ahre chiang hle a mahse engtin nge hma an lak ang tih erawh an dai chinah zel an la fiah ang chu.....
Angaihtuah zel a, afanu hi heti em ema avanduai bik mai hi engemaw tak a awm anih a ring ta thlap bawk a, mahse chupawh engvang nge tih erawh ahre mai biklo, chutia angaihtuahna akawm melh melh lai chuan mutchhuakin arawn zem. Chiai chiai a, a muhil ta siai siai a.....
Zingkar a tangin tufa te an phe buai char char a, tlaia lal Vunglaia te an haw dawn avangin inpeih hma angai tih hria in, mawngvawm ba ang mai chuan an che sawk sawk hlawm a, mipui mit ti tlai zual turin lal in kawtah chuan Liansangi zawn hawna tur pawh nalh fahran mai leh tha taka an tahsa chu an hung ran bawk a.....
Rilrua damkim zan lo chuan chumi ni chu an hmang liam ve hram a, behliang mun hun velah chuan lal Vunglaia leh akhaw tlangval ho te chu Liansangi zawn chung chuan hlim tak anga langin Samthang khua chua an chhuahsan ta nguah nguah mai a...
Liansangin Samthang khua a chhuahsan meuh chuan khawchhung pawh a reh ruih mai, lalfanu mah nise tu chungah pawh a rilru put a in ang bek hi a tu a te mai pawh hian an ngaiin an nel em em vek a, lal muala hmeithai fanu phei chuan zui ve a tum hial a, mahse an in dang thei hram hram ani ber e, ni thum lai chaw a ei theilo hial ani....
Chuti khawp chuan a khuaten nel mahse vanduaina erawh in ala bawm chek chek a, lal Vunglaia chuan apasaltha thihna ah Samthang a puh thlu hmiah mai a, an khaw ram chin an thlen a tang phei chuan Liansangi chu zawn pawh a phal tawh lo , monu ang pawha en lovin sal ang maiin a vin khur khur reng mai a, Liansangi chuan chutia apasala pa i thlak thut chu a rilru ahrehawm in a tisual leh dawna inhriatna lian tak mai nen chuan lal Vunglaia khua chu a lawi lut ve ta a...
Alo hmuak tute zawng zawng leh lawmpui tute, leh lalfanu hmeltha Liansangi hmu chaka lo kal te pawh lal Vunglaia chuan haw tir leh vekin, engmah awmlo ang mai chuan boruak chu a reh thiap mai a, lal Vunglaia leh afapa Kawnga pawh an inhmuthiamlo thelh nghe nghe a, luhlul viau e tilo chuan apa hi ahlau em em thung a, ni reilo te hnuah chuan kawnga pawh ahmin fel hmiah mai a,Liansangi chan chu ava chhe leh ta em....
Pawi len tum hnihna kal vung lai tak alo ni bawk nen, pawi ho chu len tlangah an in kulh a, khaw riat an awp tawh tih chuan khual a kai chak kher mai, lusei lal thenkhatte pawh inhmukhawmin Len tlang pan te chu a tha mai lawmni, ahma pawhin ka tudai thei alawm mawle, tiin duhthu sam pahin khaw inhnaih te te te chu an intlawh awl lova, Samthang pawhin khawdang atanga tlawhtu anei malh malh mai a, Thangtea rilru pawh abuai map mai kher mai, samak sa chu thain tui viau mahsela, aphenah duhloh thil tamtak an tawng ta si a, he hringnun hi hriatthiam harsa tak zawng ani phawt e, malsawmna chauh beisei hi thil awl tak ani reng ani....
Lal Vunglaia tlawm la lutuk, a pasaltha h eh loh awlsamtaka lo chhaih kual veltu a fa mo u ngei mai Lianpuia chu ahuat hian ahaw hlur mai a, Thangtea te thlah hrim hrim chu ahaw tuk mai a, Liansangi pawh kar thum lai a mo ve ta reng mai, ni khat chu lal Vunglaia chuan a upa te nen ral relin muk takin an thukhawm a, an famo Liansangi awm mahse engah mah ngai lovin an rel mawp mawp a, an thurel te chu Liansangi chuan ngaihthlak hrehawm ava ti tehreng em, mahse tih theih anei silo, heti em ema vanduaia a awm te chu hrehawm a tiin alung a awi thei mawlh lo, an hmuh loh lamah chuan amittui tla te chu ahruhul seng mawlh lo ani ber e....
Lal Vunglaia chuan a unaute puna Samthang khaw runa Thangtea leh Lianpuia chu anung chunga man a, rethei taka an thih hma zawng sawisak chu a chak tlat mai le, chutiang tur chuan a unaute hnen lamah chuan lamkal a tir ta nghal a, Samthang nena an inzawmna te pawh chu engah mah ngai lovin, chungnun duhna leh lalna leh thuneihna duh avangin chung inzawmna te pawh chuan awmzia anei mawlh lo ani, hman lai nun ah pawh heng chapona, thuneihna leh lalna hausakna ten hmun aluah a, nunphung pang ngai ang nilo a thil ti duh an awm anih si chuan tunlai ah phei chuan kan inthupna hi hmuhtlang theih ni ta sela chuan kristian te zingah krista zuitu tha kan awm awm love...
Len tlang lamah chuan lusei khua an hneh na ami nula hmeltha te chu hlimhlawp bawl nana hruai khawm niin, tlangval thenkhatte pawh puak phur tura hruaikhawm an ni hlawm bawk a, tihduhdahna tinreng an tawk a, nula thenkhat an thu hnialte chu an thih phah bawk a, he pawi pawi len hnihna tuma an hruaitu ber leh meizang hlaptu chu lal nilovin, samak changa kal ve pawi pasaltha thita unaupa pasaltha tawrawt Keivawra ani a, ani rorelna hnuaiah phuba la in lusei khaw hrang hrang an hnehchhuh mek ani....
Pawi ral lian chu hlamchhiah a enliam mai mai theih ni bik hek suh khaw li lai mai chu an hal tawh a, chutiang ang tak maia an rawn huangtau leh an rawn che ngam leh chu lal zaidam Thangtea thinrimna pawh an cho chhuak chiang kher mai, khawdang pawh pun lemlo chuan pawi ral ho inkulhna Len tlang pan tur leh an hneh khua a pawi ral la awm te thianfai tura kal tur chuan Samthang val rual te inring tur chuan tlang a au lauh lauh mai a....
He hun remchanga lo lak tum lal Vunglaia erawh nui ver ver chung chuan a naute pahnih khaw awp a an pasaltha khual kai ho chu a khawm a, chung pasaltha ho chuan an ni pahnih bei turin kan vaia kal pawh angai love tiin, mi sawm panga bawr vel kal hmasa phawtin lal Thangtea leh afapa chu anung chunga man theih dan zawng turin an kal dawn ani...
Samthang val rual te chu lal mual ah chuan an ngir khup mai a, lal Thangtea chuan thlahna thu leh an kalna a, hlawhtling ngei tura chahin he boruak in tanna chhan ber hi kan samak a tanga in tan anihna chen a awm avangin ngawi mai mai thei kan nilo a, an phutawk hmu ngei turin leh he boruak hi a tawp hmak theih nan keini Samthang val rual te hian kan kut leh ke kan theihna kan lantir dawn ani, chutiang tur chuan kan rilru leh ngaihtuahna pawh kan hmang anga, lehpek awm tawh lo turin pawi ral chu in han chimih vek dawn nia, ral lu khai hnem ber chawimawina pek ani anga, ka se chalin ka lawmsak bawk ang a tih zawh chuan an au dur dur mai a, upa ten thu an sawi zawh chuan Len tlang lam pan tur chuan Samthang khua chu an chhuahsan ta a...
An mahni maia kal tum mah nise an kal pel khua ten an kalna tur an hriat veleh an zui ve nghal zel a, pawi ral ten an khaw awp Rabung khawdai an thlen phei chuan an tam tawh hle mai a, khualkai pasaltha Saimawia leh Sena ten kaihhruaina hnuaia kal an ni bawk a, chumi te phena an kut leh ke ber Lianpuia ala awm cheu, Lianpuia kaihza vengtu Rengpuia leh Ramliana te pawh sawi hmaih theih an nilo, chu mai ala nilo, Samthang val rual ho chu Thangtean duhthala insual a zirtir an ni hlawm bawk nen, an phur in an an chet dan chu thungrulh ngei an tum ruh hlawm kher mai....
Rabung khaw dai ah chuan an chawl hmasa zet a, enthlatu intir hmasa in an lo let leh an lo nghak thap a, enthlatu lo let lehte chuan pawi ho pawh an tam vakloh thu leh mi sawmthum tha awrh vel bak an nih an rin loh thu an rawn thlen phei chuan tlangbal thenkhat te phei chu val upa te thu ngaichang lo se chuan an duk chhuak tawh ngei ang le....
An han sawikhawm a, an awmna lai hmun te leh a khaw thlengte kal khan leh an hmawnraw neih te an han sawikhawm a, luhchilh tawp mai chu an rel thlu rup mai a, chu thu chuan tlangval ho a ti phur kher mai, an lal chawimawina dawng tu nih tum theuh an ni bawk a, an phur kher mai, an tum ang chuan Rabung khua chu an lut ta a, khaw tawn tirh a tangin silai a ri nghal pang mai, mahse a ri thlawn love pawi tlangval pahnih chuan khawvel eng an hmu leh thei tawh ngai dawn lo tih tichiang turin an lu leh taksa chu inzawm tawh lo chuan a hrang nawlh a....
Silai ri chuan indo dar vua in ral an hnai tih inhrilh mawn ngai lovin pawi ral te pawh zawlbukah an inring tak chuan an lo awm thap hlawm a, zawlbuk bang kar atang chuan silai chu an hawlh lawr fur a, lal mual lam ngawt thlir a an hun an hman laiin leh an rinloh lam an thlek lohna lam a tang chuan thawm a rawn ri hluai a, Samthang val rualte chuan chovin hlaulo teh mahsela Samthang khua rawn fin vetu pawi ralin a lawmnu an lo khawih chhiat sak avanga thinrim chuan a daibaw tlat, zawlbuk kawngka ah zunglutin aw rawl a chhuah hmasa ta tlat mai, chuveleh pawiral chu hawilet nghal thapin silai an hmet puak rual nghal thap a, chupa chuan silai mu pakua lai a dawng a, a tlu riai riai a, ka pawh chhawn lohin a thi zui nghal a....
Pawi lam pawh an tihsual an hre nghal, a ruala mi pakhat an han kap vak chu an chetsualna hmahruai ani ta, silai mu thunna hman a awm. Tawh lo, Lianpuia leh a thiante an zuanglut ve nghal, a hnai hnai chu an sat siah siah tawh mai si, silai hman theih ni ta bik lo chu chempui phawrhin ha aiah ha tiin an rawn bawh ve a, mahse tute nge an nih an hrechiang lo ani, Lianpuian hma ahruai tlat alawm, pawi lam lah pasaltha pangngai awm hek suh alo hnai hmasa apiang mai chu ek thawt chungin an let hlawm tawl zel mai si a, nakinah chuan pawi tlang al sawmpahnihte chuan an nunna an hlut em avang chuan an inpe ta nge nge a, lal mual lamah an in khalh chho ta a....
Rabung khua an luh tan tirh a, silai ri khan pawi tlang al pahnihte chu Len tlang lamah ali nawr liam hman tlat, mahse Saimawia duhdan ani zawk tlat, kan kal dawn tih hi hria sela lo inring thap sela kan tan chet anuam zawk ange a tisam et a, an miman te chu Rabung Lalpa kutah hlanin an nula kawl pawh zawlbuk atangin mi pa ruk lai saruakin an hmuchhuak a, chungte avang chuan an damchhuah chu a rinawm chiah loh ani....
Rabung Lalpa chuan lawmthute sawiin akhaw tlangval ho pawh in an zui ve tur thu leh an haw leh lama Rabung tlawh haw leh ngei tura in chah in Rabung khua chu an Samthang val rual te chuan an chhuahsan leh ta nguah nguah mai a....
Chutih lai mek chuan lal Vunglaia pasaltha rual te ho pawh in Samthang ram an rawn kan lut ve mek a, khua lut hrih lova ram kal phil phawt an rilruk a, a rem rem naupang pitar putar tlangval chenin an hmuh hmasak apiang mai dahthat hmiah hmiah tur tih chu an thupui ani tawp mai a, chu thil avang chuan Thangtea leh Lianpuia pawh an tur chhuah theih an beisei a, lal Vunglaia pawh remhria inti tak chungin in lamah a theih patawpin Liansangi chu alo tiduhdah hle mai a, tlan hawsan tum thin mahsela, an veng reng bawk si a, apasal kawnga pawhin kut thak hnawih nan tak hmangin a tiduhdah kher mai, a taksa te chu a duk cher chur mai a, lal Vunglaia khua ah chuan Liansangi chu an sawi chhe hneh in tute mai pawh chuan an en hrek hrek vek mai a, kawnga akal te hi naupang te hian a puan pawhthlak inchuhin an zim luih luih fo thin a, a rilru hi ana thei em em a, a thiltihsual pawi a ti in anu leh pa thla chu ngaihdam a dil mawlh mawlh fo mai a, ahmain alo vanduai tawh nen, a fimkhur tawh tehlul nen, a rilru ana em em reng mai a, tih theih mei siloin a rilru hah leh mangang tak chuan nun bul chu ahmng leh mek a, chhanchhuaktu beisei mahse abeisei a te lakah a i thlahrung em em tawh mai si, engtin tak hun hmang zel ang i maw.....
Samthang val rual kal velo te pawh an buai map mai le, vengchhak pa chul kal chuan haw zai a rel thei lo, zanriah ei hun tawh ah pawh alola haw lo, anupui leh afate ngaih thalo chuan tlawm leh zah pawh dawn zoloin, an thenawmte an hrilh tawp a, lal beng a thleng ta nge nge a, azan la la chuan an chul lama en tur chuan tlangval awm ang ang leh pa valai te chu an liam fai ta vek a, lo pawh an thleng thuai a, thlam rawp tawh lam, namthlak pawh a rawp tawh tih hriat reng, mihring delhna ni awm tak chuan bal thla huai mai a, an han en chiang a, thlam thlang maiah chuan alo hlawm reng a, an tlan thla nghal sap sap a, an han en chiang vela namthlak lama akal hi a chesual ngei anih dawn hi tiin hlang te an siam. Sawk sawk a, an zawn haw ta a....
Lal Vunglaia pasaltha te chu kawng chhak lawkah thu in Samthang val rual hlang zawn chunga haw nguah nguah chu an thlir thap a, an hotupa thil rel dan chu fing an tiin an ngaidang kher mai, mahse hetiang ang reng chuan an beisei hi an ko chhuak thei angem tih chu an buaina ani a, chuvang chuan rawva deuh zawka chet te pawh a tul dawn ni ten an hria a, mahse engtin nge an chet leh ang tih erawh an hotupa kuta awm ani a, engkim felfai taki a ngaihtuah ang tih hi an rig em em vek ani....
Lianpuia te pawh selam ram chin an lut ve chiah a, Len tlang thleng turin ni li lai karkawngah hun an hman ala ngaih hmel a, selam ram an luh chuan a ram awmdan chu Lianpuia chuan a hriat chian hrep tawh hnu leh alo tal hrep tawhna ang tihna riau anei tlat mai a, mahse engmah chu asawi lem lo, Saimawia chuan sawti heti lai ah kawrte tui thatna laiah hian kan chawl anga riahbuk kan sual nghal mai dawn nia, khua hian thim a tum hnai tawh tlat mai an tih chuan tlangval honchu an che sang sang a, Lianpuia pawh lalfapa mah nise che lo bik nih hlauvin a che sawk sawk a, chaw hmeh eng ilo zawng tur zingah kal ve in, an kalna chin chu a tal hrepna ang hi a ti em em zel a, mak pawh a ti kher mai, chumi tlai chuan sakhi leh sa ther hlo pawh an kap nual mai, an haw lam pawh an hlim dar dar kher mai....
Ral do tura kal mah nise hlim takin hun an hmang a, chutianga hlim taka hmalam hun pawh ngaihtuah lek loa an hlim lai chuan Samthang lamah erawh chuan an ruang chhar hnua khaw dai maia tuikhur veng nu ruang sah darh vek an hmuh chuan boruak a tiritin ral an hnai tih chu phat rual ani talo, tlangval awm ang ang te chu inring ranin an awm reng tawp mai ani, chutianga ralmuang lo taka hun an hman lai mek chuan Samthang lal fanu Liansangi chunga lal Vunglaia thinrimna zual zel chuan, ka hmu peihlo che tiin, pawi pasaltha Keivawra tlawn nan pe turin thu alo titlu rup mai a, atlang al sawm lai mai chuan Liansangi chu hruaiin Len tlang an panpui a....
Pawi pasaltha Keivawra nupui tur a tana apek na chhan pawh Samthang ahneh theihna tur atana tanpuitu atan a duh vang ani a, Liansangi lah lusei hmeichhia piangtawh azawnga hmeichhe hmeltha ber tia khual thang, pawi ram lam thlenga lusei nula ah Liansangi ahmeltha ber tia an hriat alo ni bawk nen, lal Vunglaia pawh aphur surh sur kher mai, pawi pasaltha Keivawra tan tiin thil pek dang pawh aken tir nual a, mahse enge an tawn dawn erawh kan la hre zel ang chu....
Zingah chuan hma takah thoin Lianpuia te ho pawh, Selam ram chu chhun pelh hman hram tumin zing karah an kawh chhuak a, selam ramchhung chu alo zau ve nek mai a, chawhma an kal hnu chuan, kawrte an va pawh hlawl mai a, chuti laiah chuan ahmun a rem bawk nen chaw eilova kal chhuak an ni bawk a, chaw fak tur chuan an inbuatsaih ta a, chuti lai an chawlhna hmun chu Lianpuian puk ahmuhna bula kawrte kal thla kha ang a ti kher mai, mahse amumang mai mai vanga, han vah chiam erawh an kal chhan nen a inremlo deuha hria in, a en kual lemlo va, anihna takah chuan khua an hlat tawh lo hle a, tin selam sadawt Ramchuhan Liansangi sam a suasamna hmun puk pawh an thlang lawkah a awm reng a, mahse chumi zawng tura kal an nih siloh avangin an hahdam deuh hnu chuan an kal leh ta a....
Hmuntha an thleng dawn tih ah chuan khawchhung ah chuan silai puak ri thuai thuai chu an hria a, an ni an lo hnih thum deuh nen an vaia kal hrih lovin khaw lan theihna a tang chuan Lianpuia te thian ho, Rengpuia leh Ramliana chu tirin eng thil nge thleng chian tur chuan an tir chhuak a, Hmuntha khua hi khaw inlungrual tak an ni a, in za sawmnga vel an ni ve awm e...
Kawtchhuah chuan an han ding vang vang a, engemaw thulh ah chhiat that pawh tawk thei tiin kawng ah pawh kal loin an rik luih luihna hmun chu inhnuai bel chung zelin an pan hnai hriau hriau a, nakinah chuan an rin ang ngeiin pawi tlangval sawmhnih dawn hian lal muala tlang al an lo khalh khawm chu an hmu a, an thil hmuh chuan an thinrimna a chawkchhuak chiang kher mai, lal in pawh an hmu chiang thei ta, leikapuia lal thuama inthuam chu anghawnga chempuia tin ani tih pawh chiang takin an hmu nghal a, a tu amah chu an chanchin hrilh tura kir duh awm heklo le.....
Lianpuia chuan anih chuan Rengpui nang kan vei lamah sawn tan hmun lo va rem la fimkhur ang che, Ramlian nag kan dinglamah sawn tan hmun lova rem la, silai in lah zawh veleh in awmhmun in sawn nghal anga, hmun dang a tangin in kap leh thin dawn nia, chu erawh chu lalpa tintu ka kah thluk veleh in kap nghal dawn nia, ka silai kah rik veleh che turin in ruahman ula, hmun rem lai apiang in chhinchhiah phei dawn nia tia in chahin, an i then darh ta a....
Pawi tlangvalte chuan Hmuntha tlangval an khawm te chu lal mualah chuan an thut tir a, a ding ho zawng chu pawi tlangval an ni a, chu chuan Lianpuia te chet a ti awlsam phah dawn hle ani, Rengpuia leh Ramliana te pawh an inpeih tawh ang tih awmah chuan Lianpuia chuan chempuia lalpa tintu chu a chaldarah tak mai chuan an verh siah mai a, che leh tur a awmlo chiang kher mai, chu veleh a sir lehlam leh lam a tang chuan silai a rawn ri ve nghal zat a, an pathum chuan an awmna sawn vatin hmun rem lai a tang chuan an han kap leh thuai thuai hlawm a, vawi thum lai an awmna an sawn hnu chuan silai vawithum theuh an kap hman a, an tum an thelh lo chiang hlawm bawk nen, sawm tha awrh an dam tawh a, Hmuntha tlang al ho chuan chutia puitu an mei tih an hriat veleh pawi ho chu an bawh nghal Huk mai a, chem keng zawk tih takah kut lawng chuan han bawh vak ngaihna awm heklo, an hual tuau ringawt a......
Chutia silai ri ta mawlh mawlh mai chu Saimawia leh Sena ngaih atha lo, eng sawilo chuan Hmuntha khawchhung lam pan chuan an duk chho nghal a, tlangval dang te pawhin an lal fapa nunna chhan nan tiin Saimawia te hnungah chuan an tlan ve nghal a....
Lianpuia te thian thum pawh lal mual ah chuan an tlan phei ve nghal a, an awmna an va thlen chuan an lo kian sap sap a, silai apuah hnem tehreng nen mi pathum chauh lo kal chu mak an ti kher mai, an hmel an han hmuh phei chuan mak an ti leh zual ngei mai, pasaltha hmel reng reng an pu loba, Lianpuia phei chu ano nguak mai a, ahmel tha em em a, naupang thangduang ang lekin an lo ngai hial a, mahse a tawng chhuak chuan a ti phu chiang kher mai, heti laiah hian rorel tur diktakin ro an rel anga, he khaw roreltu thu zawm duhlo tu chu he khuaah hian a awm kan rem ti lo a rawn tia, pawi tlang al zinga upa ve deuh chuan a hmel enin alo zuam ve hle ni tur ani, chubakah an hual beh vek avangin talchhuahna a awm takin tiin nang kha tunge inih engvangin nge ilo inrawlh ve, i ngam anih chuan hnunglam a tang nilovin ka hmaah hian rawn ding ta che tia a rawn chona aw avanga a chet dan chuan ahmutute ngaihdan a sawhsawn tir chiang kher mai....
Engmah sawilo chuan Lianpuia chu apen chhuak chhat chhat a, i ngam ngam ka ngam e tii a ding kak teu mai a, pawi tlangval chuan sah sawm vek tum chuan tlan pahin a rawn pan nghal a, inring renga lo en kar ani bawk a, pawi tlangval rawn tlan phei aia chak a tlanin apan thut a, a tlan pel fua nia an hriat leh an hmuh kha, pawi pa a din meuh chuan alu chu zawi muang in leiah chuan a tla thla tawp a, a dar lah na taka sah tih hriat takin a rawn kau nghal tiam tiam bawk a, chumai la nilo, ahnunglam ah chuan alo tai thler hman fe mai alo ni bawk a, mit ngeia hmutute chuan mak an ti in hetiang anga che rang hi la hriat theih chinah an la awm lo, pasaltha Thangtea aia chungnung an piang tawh lovang an tih thin pawh tiang ang em chu ani lo vange an ti hial ani....
Chutia a tlan pel mai nia an hriat lai kara chuti tak maia alo hliam nasa hman chu mak tii an ka ho mai a, pawi tlangval lam te pawh chu thil zet chuan a thawng hle mai, mahse thi tho tura in ngai an nih avang chuan pakhat tal thih chilh tum chuan Lianpuia chu an rawn bawh thut mai a, chuveleh Rengpuia leh Ramliana chu an rawn dawk chhuak nghal a, Saimawia te ho pawh lal mual an rawn lut ve chiah a, mahse Lianpuia hmaah chuan eng sa mah, eng mihring mah an ding hman lo ani ber e, reilo teah an tlu zo deuh vek mai a, a thiante rawn kal hmaa alo vir zawk khan pathum alo hliam hman bawk a, a thiante pahnih nen an han tangrual ngat phei chu, Hmuntha val rualte chuan ka ho in an lo thlir a, mak tiin Lianpuia chu an ngaisang em em a ni....
Saimawia ten rawn tlan phei chu ral emaw tiin an lo in ep deuh hman a, Lianpuia ten an hmelma an tuk thlu kim hawi chhuak in apa Saimawia te an hmuh chuan an lo au vat a, an boruak pawh buaina awm tawh loin tgil engkim an sawi fel thei ta a....
Lalinah chuan Sena leh Saimawia chu lut chho nghalin an kal chha leh hetilai an rawn thlen dan te, he khua an rawn kal chhan te an sawi a, Hmuntha lalpa in Samthang khua an nih thute an hriat chuan a thla amuang em em a, tuna anmahni rawn chhantu te pawh lalfapa anih thu an han hriat phei chuan an ngaisang lehzual. Em em a, apa a chhun an tiin apa ai mahin a che rang an ti a, nula ho phei chu anzunah an lo uai deuh vek mai nghal a, amak love ahmu tawh apiang hmeichhe pangngai ngaizawng lo an awm an ti thin....
Samthang lam pawh ral do mai thei an nih avangin a awm ang angte an hah in an meng rim kher mai, tuikhur veng nu boral hnuah naupang sava veh pawh a taksa bung hrang hrang te chu thingah an khai a, an chet dan avang chuan Thangtea pawh a thi rim kher mai, ama hova hetiang titu hi hmuhchhuah ngei tumin ro an rel map map a, tun hma atanga harsatna neiten an harsatna sutkiansak tura an lo beisei thin Thangtea tak tak chu alo lang leh thuai dawn e....

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)